ginxaxqow
Chhiumui Daigiw huan'ik
Huad qag ee quixvyy
U Jit xee u jnii ee jaboxlangg u jit amr in'ui jingxliw pongwsex kunr be kir. Dng' cur nirr ee langg qapp sinlyy-aw longxx kunr qaxx dng' lyhbinn ee sii. Dudzenqanx u langg longr mngg hoah qongxx "Kuix mngg! Kuix mngg!"
"Si si'angw?" Jaboxlangg mng.
"Guaw si huad qag ee quixvyy,"
Jitt xee luxjuxlangg sniu qongxx banrid si cuwvnix lecc huachiux suiaur dauwnsnaqang dyrr qra kuix mngg. Jit xee jaboxlangg zip .laii. Ix ciuw nirr tec jit duir pongwsex luahaw. Zircniaw ix ee tauhiac u jit qix qag naxx cincniu huad .cud .laii qangrkuanw. Ix diam diam aw jre uaw huexloo vnix. Kaisiw byy ingg lecc jingxliw pongwsex. Hionghiongg, ix dua sniax huah qongxx: "Hiaxee jabow lehh? Nacc e cenn hiacc quw iauxx bue laii?"
Jitt sii qycc u derr zi vaiw longr mngg sniax. Qapp jinwjingg qangrkuanw huah qongxx "Kuix mngg! Khuix mngg!"
Hitt xee taiwtair qamxqag rair kir kuix mngg. Sut .jit .xe, jit xee nng qix qag ee guixvyy sui zip .lai, ciuw tec jit liap pongwsesoar lianw-aw.
"Niu jit xee soxchai hro :goaw." ix qongw. "goaw si siangx-qad quixvyy", zen-au i dyrr khaisiw pangxsex cingcniu sihnah hiacc qinw.
Qycc qangrkuanw u quixvyy laii huah mngg. quixvyy jit xee jit xee zip .laii. Itdit qaur 12 xee uii dirr huexloo vni jre .lehh. Derr id xee zip .laii :ee u jit qix gag. Juewau jit xee zip .laii :ee u 12 qix gag.
Qidiongx jit xee quixvyy ing Éire-giw qra ix qongw, "Kiw .laii, qra gunw jyr qenngrqyx."
Hitt xee taiwtair beh cue uex-aw kir qoxjniw srinn juiw, tingr hyw ciaux jailiau laii jyr qenngrqyx, mrqycc ix cue byy vnuar kax uex-aw.
Inx dyrr duiww ix qongw, "Tec jit xee traix-aw kir srinn juiw."
Ix dyrr tec hex traix-aw qniaa kir qoxjniw. Mrqycc juiw duiww traix-aw lrauu .lyc .kir. Ix byy huatdo jyr qenngrqyx. Ix dyrr jre diamr qoxjniw hiax kaur.
Zen'au vnix-aw u snia'imx qongw, "Tec angtoo qapp cnitii qra inx lam jywhuew. Qycc buah dirr traix-aw dingw, anxnix kacc hyw srinn."
Ix dyrr jiauwjyr. Iong traix-aw srinn juiw laii jyr qenngrqyx, qycc u snia'imx qongw:
"Liw dngw .kir, kia diamr cur nirr ee vakvingg qag, dua sniax kaur snax vaiw qongw, 'Luxinghiongg ee Fenian snuax ar, juanvo siyx .kiw .laii, siyx quer tnidingw ar."
Ix dyrr jiauwjyr.
Hitt sii dng' cur nirr ee quixvyy tniax diyc hex huachiux, dyr duer lecc tiah puar cuir dua sniax aiqiyr. Inx hiongqongg ngr jingg qycc hiux cniur aiquax, suanx kir inx juxiaur ee dua jaukud Slievenamon. Jitt sii hitt xee snia'imx bingrling hitt xee taiwtair zip kir cur lai junxvi duiwkongr hex quixvyy, banrid inx narr qycc dngw .laii.
Dairsingx, narr beh qaixduu jiuwgiw, diyhair kia diamr hording puah ginxaw ee sew-kax-juiw. Derr zi, diyhair qra jinwjingg jyr ee qenngrqyx qapp inx cur lai lecc kunr ee langg ee hueh lam jywhuew, liab jyr jit der jit der kngr dirr inx ee cuir, anxnix inx dyrr e jingsinn. Ix qycc tec hex jinwjingg venjid ee vor sriab dirr jit kax sniux-aw, jidvnuar diamr lairdew, jidvnuar diamr guarkauw, qycc ing quawsow qra sryw :lehh; juewau, uirdiycc byy air hro quixvyy zip .laii, ix qycc qra mngg ing dua kox hnuaicaa duxdiauu qowding :lehh; erdangr jyr :ee ix longxx jyrr ar, jitmaw ix dnaax erdangr danw nia nia.
Quer byy zuarr quw, hiaxee quixvyy qycc dngw .laii ar, cnebin liaugee naxx liahqongg naxx huah vywsiuu.
"Kuix mngg! Kuix mngg!" inx qrix qrix qiyr huah; "Sexkajuiw, kuix mngg!"
Sexkajuiw qongw, "Guaw berdangr, guaw ho'ngg ia dirr tokax, rair lrauu laikir hyqangw."
Inx hiongr mngg aiqiyr qongxx, "Cakox, ciu-aw qapp hnuaicaa, kuix mngg! Kuix mngg!"
"Guaw berdangr," mngg qra inr qongxx, "in'ui hnuaicaa duw dirr viacloo dingw, guaw byy huatdo jiclat laii kui mngg."
"Qenngrqyx, gunw lam hueh jyr ee qenngrqyx, qra gunw kuix mngg!" quixvyy qycc aiqiyr qongxx.
"Guaw byy huatdo," qenngrqyx qra inr qongxx, "guaw jursinx lann vyw ar, guaw hro ginxaxqniaw qamm dirr cuir nirr."
Suar .lyc quixvyy dyrr qinw vuex jnriu tnix, qycc duarsniax aix, suanx dngw kir Slievenamon, qycc jiuwcamr qiongrbeh qra inx hai .siw ee Qoxjniw Mosinn. Hitt xee taiwtair qapp inx cur longxx hyxser hyxser; hitt amr u jit niaw quixvyy puex ee sii lag .lyc .laii ee hongmuax marr ho'ngg diaur .kiw .laii jyr qiwliam; inx qajok qra hitt niaw hongmuax jit de tngg quer jit de, tngg qaur go-pah nii au.
The Horned Women by Joseph Jacobs
Huadpuad ee Caihongsaix
Dirr Saddell sniaa, uixdai ee Macdonald sniajuw cniar jit xee qywsingr huadpuad ee caihongsaix ter ix jyr jit sxux qoxjaxsig ee snaaxkor. Hitt sxux Skotland-sig ee qakhueaw si jit sxux qacaw qapp cid-hunx-aw-kor ee qacaxkor, u ing lewsuchuex jngta, hahsux qycc suwsi, tangx cing lecc sanwvo qapp tiauwbuw. Acc Macdonald sniajuw qycc qra caihongsaix qongw ix narr amwsii dirr hitt qingx pahngx qycc u mngcsngh ee qauwdngg jyr hitt sxux snxax, ix erdangr did diyc dangrsniuw.
Qiwzenn sniajuw qnaw anxnix siysungiaa, ix ma byy hiacc qanxdanx ho'ngg hecqniax .diyc, in'ui ix m si qniax o'am uir mngcsngh ee langg, ix anwsngr beh ngiaa. Hitt amr ix dyrr vniawmia vreh, vreh qaur lii sniaa u vnuar ingliw hng, tniax qongxx u cutquiw ee qauwdngg. Ix diamw lahjig qycc cue jit der bongrjiyc laii jre, qra jiamjnaiw tyr hyxser, pemia jyr hitt sxux qacaxkor; kaciuw jiap lutlud, naxx lecc sniu ix erdangr did diyc sniaw kuanw ee siarlew.
Vunxjniaa jyr qaxx jin' suawciuw, byy dniudii hionghiongg tokax kixjunr hro ix cuah jit diyy; ix siwkolenwdngw ngiaw .jit .xe, knuar diyc qauwdngg ee tokajngx qingrqux jit senx duarbongx ee langtauu, qycc dann sniax ciangr: "Liw qamx byy knuar diyc guaw jitt liap duarbongx tauu , si m?"
"Guaw u knuar .diyc, mrqycc guaw lecc tni snxax-aw!" huadpuad ee caihongsaix rinr qongxx; qewsiok quisimx jyr hitt sxux snxax.
Mrdniaa hitt liap tauu duiww tokajngx puu .cud .laii, lenn amrqunw marr duer lecc cud .laii. Sui' duarsewsniax huah qongxx: "Liw u knuar diyc guaw ee duarbongx amrqunw .byy?"
"Guaw u knuar .diyc, mrqycc guaw lecc byingg!" caihongsaix byy ir byy ir qra rinr.
Hitt sii hex qingqah qapp hingkamw longxx tongw .cud .laii, qycjaiww duarbuw sniax qongw: "Liw u knuar diyc guaw ee dua hingkamw .byy?"
Caihongsaix rinr qongxx: "Liw byy knuar guaw lecc byingg hioh?"
Hitt senx qycc qewsiok tongw .cud .laii, itdit qaur jit siangx ciuxqud dirlecc caihongsaix ee binrtaujingg hnair laii hnair kir, qycc qongw: "Liw u knuar diyc guaw ee dua ciuxqud .byy?"
Caihongsaix naxx tni snxax naxx rinr qongxx: "Guaw u knuar .diyc, mrqycc quaw ditbeh be hur ar!"
Buew :aw qycc dauc dauc aw giaa cud jit qix katuiw, duiww tokajngx dac .cud .kir, mng qongxx: "Liw u knuar diyc guaw ee duartuiw .byy?"
Caihongsaix naxx rinr: "Si, si, guaw u knuar .diyc ar." naxx qra hitt sxux snxax siubuew. Itdit qaur lingrgua jit qix katuiw marr puu cud ee sii, caihongsaix duxhyw qra snxax jyr hyxser. Ix qra lahjig vunn huax, duiww bongrjiyc tiaur .kiw .laii, sui' qra snxax-aw giab lehh, dyrr jongg cud qauwdngg. Hitt dangsii, hitt siangx kax marr duer caihongsaix ee kacngx au dac cud qauwdngg.
Inx jauw naxx vuex, viw cuaclauu kacc qinw, jauw duiww kekamr jongg .lyc .kir. Suizenn hitt jiah iauquair qra ix ziangw, qiyr ix mair qycc jongg, mrqycc caihongsaix longxx byy hongwkir, ix qra snxax-aw giab diauu diauu, marr byy in'ui ho'ngg hecqniax dyrr laii nngxkax. Itdit jongg qaur sniavyw. Caihongsaix jongg zip kir sniavyw mngg lai, qra mngg qnuaix .kiw .laii, iauquair marr sui' ziog qauwui. Iauquair jiokk sniurkir dyrr longr mngg, longr qaxx mngg longxx u go qix ciuxhy-inr. Qaur dnaxx longxx erdangr knuar qaxx jin' cingcyw. Dongzenn caihongsaix u tec diyc dangrsniuw ar. Mrqycc sniajuw jionglaii marr byy huatqag hitt niaw qacaxkor u siyxkuaw kacc dngg.
The Sprightly Tailor by Joseph Jacobs
Cenlixqngx ee Canhngg
Dirr lehh siuquah ee hyw zidjiw—qongw kacc kaksit .quaw dyrr si Singwbyw Zit, tong'langg jaix jit nii lai siongrr janw ee jeczit—Tom Fitzpatrick siwquer syy, en' zidtauu u ciy .diyc ee livax-aw sanwvo; hionghiongg ix tniax diyc livax-aw lai u jit jiongw vihviac sniax. "Quaiwqii :ar, jitt sijun nacc u kyxlingg tniax diyc iaxjiauw ee qiyr sniax?" Tom dyrr taux taux aw nir kabuew kir knuar mai aw si sniaxmih sniax, knuar ix iyh driyc iacc m driyc. Mrqycc hex sniax diam .kir, qajair Tom hyw bagsig knuar duiww ciu-aw hiax kir, dirr ciurlii-aw-kax u jit xee qavix sig ee jiuxoo, lairdew erdangr drew cavutdyx u jit qalunn vnuar ee jiuw; vnix-aw u jit xee piw piw aw senx ee laurhuexaw, taukag-dingw dir jit dingw canveby-aw, qycc haa jit diauu puee jyr ee doruii-aw, tuax jit liauu caa jyr ee ixliau-aw, qycc kia dirr ixliau-dingw, ing hriax-aw ui' jiuxoo kad jit kad muaw muaw kngr diamr ixliauu-vnix, qycc dirr jiuxoo erkax jre .lyc .laii, kaisiw byy ingg kngr jit der pue'ee ee kaaurjanx. Tom knuar diyc anxnex dyrr sehsec liam "Omidohut, qongw lauxsit ue, guaw dniarr tniax langg qongw diyc iaumoo Lepracauns, mrqycc guaw longxx byy lecc sinwdauw, dnaxx jniasit dyrr u jit xee dirr jiax. Jaw jaix hyw hyw aw jycsit, guaw dyrr si singqongx ee javolangg ar. Langg' qongw javoginxaw dniardiyc rair qimx qimx siongr Lepracauns, byy, inx e jauw byy .kir...."
Tom qycc jinr jit vo knuar kacc jinx lehh, naxx niaux-aw lecc liac niauxciw qangrkuanw qimx qimx siongr. Uaw jiokk qin ee sii Tom qongw: "Ngwbang Sinn vyxvir :liw."
Hex laurhuexaw tauu dnax dnax qongw: "Dysia :liw."
"Liw nacc e hiyckunwzit jycsid?" Tom mng.
Laurhuexaw rinr qongxx, "Qapp liw byy dirdai!"
"Acc liw qamxx erdangr hyxsimx qra gunw qongw liw jiuxoo lairdew u sniaw?" Tom qycc mng.
Laurhuexaw qongw, "Byy bunrdee, hitt lairdew si siongrr hyw ee biwluh lah."
"Biwluh! Omidohut lehh, liw anxnaw tec .diyc :ee?" Tom mng.
"Guaw anxnaw tec .diyc :ee? Guaw jyr :ee lar. Liw iyh guaw ing sniaw jyr :ee?"
"Dag'ee longxx marr jaix, m si bec-aw, byy, qycc u sniaw?"
"Liw iyh m driyc lah. Guaw ing snuagulingx jyr :ee."
"Ing snuagulingx jyr :ee?!" Tom hionghiongg kiw air ciyr; "Liw dongwjuer guaw si snax huer ginxaw hioh?"
"Suijai liw anxnaw qongw, mrqycc guaw qongw :ee si sidjairue. Liw u tniax quer Danes ee qowsu .byy?"
"Byy, hex lecc qongw snaiw?" Tom mng.
"Hex lecc qongw kacc jaw inx duar jiax ee sii, qar guanw anxnaw ing snuagulingx jyr bec-aw-jiuw. Jex si gunw qajok joxtuann ee viwhngx."
"Qamxx erdangr hro guaw damx .jit .cuir?" Tom mng.
"Siauwlenqex, liw tniax guaw qongw, liw qra u junxjad ee langg mng jex hamwqow ee bunrdee, vutzuu kir qor linw daux ee joxsanw. Henrcuxsii liw longrhuir siqanx dirr jiax, dyrr u gubyw decc tunxdac liw ee bec-aw qapp huanbec.
Tom hionghiongg tniax ix anne qongw dyrr sniu kiw ixjaw ee qadi; qniax qangrkuanw ee dairjir qycc laii huatsingx, ix dyrr qra Lepracaun jangw .lehh, liac dirr ciuxtauu. Hiongqongg ee sijun suacc ciax dyw jiuxoo, bec-aw-jiuw ia qaxx qui' :xee, diwqaur ix jit cuir dy' byy damx .diyc, m jaix hex bec-aw-jiuw sniaw jubi. Zenau ix qycc ciangr qongxx ix narr byy qra jnii tec .cud .laii dyrr beh qra taii. Hex laurhuexaw hro Tom hiacc hiongcann qapp siaog qniax .diyc, dyrr qongw, "Guaw cua liw qniaa quer nng der aw cann, dyrr vyr liw jit angr ngqimx."
Tom qra Lepracaun liac diaudiauu dirr ciuw nirr, inx qingquer ciurlii-aw, qniaa quer juixqaux-aw qapp lamr-aw-de ee sii, Tom vutsamwsii dyrr qra laurhuexaw ngiaw .jit .xe, qniax ix suanx .kir. Buew:a inx laii qaur muaw siwqer longxx si cenlixqngx ee dua canhngg, Lepracaun dyrr qiw jit jangg dua jangg ee cenlixqngx qongw, "Dirr jit jangg cenlixqngx ee ciu-aw-kax ow .lyc .kir, liw dyrr e did diyc jit angr muaw muaw ee ngqimx."
Tom hiongqongg be qir did jah tociah, ix quatding beh jauw dngw kir tec .jit .qix; ix qra buehaxduar tauw .lyc .laii, kox vak dirr cenlixqngx dingw jyr qiwhy, jiacc be be qir .did.
Zenau Tom dyrr duiww Lepracaun qongw, "Liw rair jiuwjua be qra buehaxduar tauw .lyc .laii." Acc Lepracaun dyrr sui' jiuwjua ix be kir qra vrong.
Buew:a Lepracaun jnia' u lexmau qongw, "Guaw sniu liw ixqingx byy su'iaur guaw ar?"
"Si," Tom qongw, "liw narr beh jauw, liw erdangr lirkuix :ar, jiokhog liw itcer sunrsi."
"Jaiwhue lar, Tom Fitzpatrick," Lepracaun qongw, "Jiokhog liw ow .diyc ee ngqimx duiww liw u vangjan."
Tom dyrr h.-hnuahiw-h. jauw .dngw .kir tec jit qix tociah, qycc s.-sinkow-k. jongg kir cenlixqngx ee canhngg. Mrqycc dng' ix qaur hiax ee sii, ix knuar qycc knuar, dyrr si byy knuar diyc ix jinwjingg vak angg buehaxduar ee cenlixqngx. Ix byy huatdo qrut ciauquer 40 ingbyw kuah ee canhngg, jixhyw laii hongwkir. Buew:a kacc lingxjing liauxau, Tom qra tociah kuer diamr qingqactauu dyrr dngw .kir larr. Qenww narr sniu diyc Lepracaun hai ix qex liauw qangx, dyrr qui' vakdow huew.
The Field of Boliauns by Joseph Jacobs