ciauuati2

ciauuat simlingg derdo -1

Bunchhai huan'ik

Dahuertauu

Guaw ixqingx lak-jap ar. jitt xee sowzi duiww byy qangg ee langg, u byy qang ee iwgi. guaw ee qenrkongx m si dirr siongrr hyw ee jongrtair, qycc qamxqag uac liauw snax siwlangg hiacc quw , lak-jap huer viauxsi guaw qaix kaisiw jingxdunr guaw ee surbu. Qycc laii ee zidjiw naxjunxx ingwqaix dnaxdiap (cexbuew) sniwmia-diongx iauxx bue uansingg ee hangbok, guaw iauxx u kuiwlat anne jyr, siaw jitt vunw ceh dyrr si jitt xee bogdik.

Siaw "simlingg derdoo (THE ROAD LESS TRAVELED)" sii, si kuiwlat dng' ong ee sir-jap huer. Naxcniu juixdy jit kuix, juiw dyrr qongr qongr lrauu ; jit kauxkuir siaw liauw qauw vunw, byy vauquad jitt vunw. Dagg vaiw e u langg mng guaw, duiww mow vunw ceh guaw u sniaw digding ee qitai, naxx cniurr guaw simx-diongx tongsiongg u sniaw qyuanw ee cikliok. Sursit si guaw siaw jiaxee ceh byy sniaw qewcig, si muixx jit vunw longxx qra guaw qongw "siaw guaw", beh siongser biyue jitt xee jin' lann, jongxsi guaw siongsinr MUSE (bunge luxsinn) kaksit junjai, tniax ix ee jixhuix, jighingg ix ee jiwir.

Jitmaw marr si anne, mrqycc su'iaur kacc hogjap ee qaixsueh. "simlingg duiwue (FURTHER ALONG THE ROAD LESS TRAVELED)" si ui' enxqangxqyw vensingg ee, aurlaii u jit herlet iuxsniax ceh. Jitt vunw cecmiaa "ciauuat simlingg derdoo (THE ROAD LESS TRAVELED AND BEYOUND)", tniax kiw laii, naxx si "simlingg derdoo derr snax jip". Guaw damsimx e jyrsingg gordy. Sursit-siong, guaw ee MUSE vutjunw gauw itjair dionghok siaw qang jit vunw ceh, m quanw anne jyr dirr sionggiap-siong si zuarr jingx ee pacsngr.

Muixx jit vunw ceh longxx siongdongx byy qang, qycc m si hiacc uanjuann byy siangg. Nihuer jiamrr je, guaw bingliauw inx longxx si ixx jurqiw dig'iuw ee hongsid, kiwdoo sniu beh cuxliw jit tyr siy' qang qycc hogjap amwcangr juxdee, guaw huathen jurr u qiwjaii (qiwig) ixlaii, dyrr itdit uirr jiaxee juxdee qunxliongr. Sir-jap huer sii, "simlingg derdoo" naxcniu si sinx diamxdiamw ee sanxbut. Jitmaw guaw huathen, simrjiww dirr cingcunx-qrii jingg, dyrr kaisiw uirr siaw ceh jyr junxvi. Kyxlingg guaw si cutsir beh laii cuxliw jiaxee juxdee, iacc si bue cutsir dyrr decc cuxliw, guaw m jaix.

Soxx jaix ee si , dirr "simlingg derdoo" cutvanw ee zi-jap dxangx jingg, dyrr kaisiw qangjog ar. 1957 nidew qaur 1958 nicex, zi-jap-id huer, siaw liauw jit pnix dairhak qyniqib lunrbunn, debak vutjiw aw kuacbin " jiaujyx, henrdai kyhak qapp zinrbatlun ee bunrdee". Zinrbatlun si dethak ee jit hunjix, tamwtyw ee si : lanw jnuaxngiu jaix lanw soxx zinruii jaix ee? lanw jnuaxngiu liauxqaiw zimrhyy surbut? Zinrbatlun ee kunwqingw si dethagqax itdit berdangr singqongx huedab jitt xee bunrdee. Jerje jap-qauw sewqiw ee dethagqax zinruii dap'anr si dirr kyhak-diongx, lanw ersaih tauwquer kyhak honghuad kaksit liauxqaiw surbut. Dirr lunrbunn nirr, guaw jixcud kyxlingg henrdai kyhak siongrr diongriaur ee huathen si kyhak ee qighan, jiyh diyc "qaxsuw" "dyrr anne" "mrqycc", kyhak byy viw sinhak kacc u jinsit ee kakding, mrqycc byy kakding duar laii vutanx jiaujyx. Jex sidjai ho'ngg qniax, siongrr quann ee simdir si liauxqaiw jurqiw itbuu-soxdix. Jex si W.H.AUDEN (1907-1973) soxx qongw "jex si jit xee jiaujyx ee sidai" --- dirr jiax, lixsingr ee sidai dyrr cniurr sinwgiongw ee sidai qangrkuanw ho'ngg kunwziauw.

Dairhak lunrbunn qandna' u bunrdee, byy teqiong zimrhyy dap'anr, dirr guaw ee muixx jit vunw ceh, itjair dirr siy' qang ee bunrdee-diongx dngxsec, hueimx vutduan. Qidiongx jit xee juxdee, duisunn dap'anr ee quewdingg, gunw qoxle huatdenw siongrr kuikuah ee sukyw kyxlingsingr. "simlingg derdoo" siongrr buew ee qetlun si "byy iongunw rue kox-aw hanrjer jurqiw ee kyhak ziakamr lanw ee siriaw, marr vutqaix hro qimx ngiawngiar ee jingsinn lingxhik, siacziok lanw puepnuar/ huaigii ee linglik.

Itdanr gauw qra hitt pnix dairhak lunrbunn vangr be qir did (iacc si qongxx guaw zinruii anne), dyrr kaisiw binrduir jinsit ee sing'uac : ihagngi, hun'inx, qniaxzii, simliw dirlaiuu hunwlen, qundui ham' jingwhuw qiquanx hogbu, buexciuw suzinn kaigiap. Kaisiw jin' sewzi dirr amwiwsig nirr huedab jurqiw ee bunrdee, zi-jap dxangx au, luixjig qauwgiac ee dap'anr, hingsingg liauw "simlingg derdoo" derr id vunw ceh. Qycc qewsiok luixjig, uansingg liauw jurzin jin' byy qang ee duwjog, iwgua cutvanw quixarr vunw ceh.

Jit vunw jit vunw longxx huisiongg byy qang. M quanw si uirr singlenn :ee/ zidongg siaw ee, jiaudiamw si dirr qywzinn iacc si siarhue-siong, qowsu si hiqor ee iacc m si, erdangr knuawjyr "simlingg derdoo" juxiaur quanliam ee ensiok, drat qaur kacc hng qycc quann, simganw kuikuah cimuanw. uirr beh ciauuat jurqiw ee derr id vunw ceh, zi-jap dxangx laii, guaw qongkaix huatviauw ee bunjiux, suzinn ee qiwlok, soxu jiongxjiongw sniu e diyc ee lorqingr longxx quiqed dirr jitt vunw ceh ,hyrjyr "ciauuat simlingg derdoo".

U langg dongwjyr si guaw soxu duwjog ee dik'iaur(iauwdiamw), iacc si qaiwlun, jiaxee zirqanw si byy jingwkag ee. Cuansiaw ee quewdingg, guaw diyhh dingxjinx qingxsuanw. qongxx " jonghap" kacc sikdongx, mrqycc iauxx byy liac diyc "ciauuadsingr". Siujingw iauxx byy qraur jiaujngg hangrbak ee dongsii, marr beh kaihuad sinx lingxhik. Dirr jitt hongbin, duarhuatqnuax JUSTICE OLIVER WENDELL HOLMES.JR.(1841-1935) qongw ee jit dnxua ue duiww guaw siongrr u kexsi : uanjuann byy quawlu hogjap sewsiok ee dansunn, mrqycc beh uirr lingrgua jit vingg ee dansunn kiwsag sniwmia." Ix cimdimm ee jingqamw inxdy guaw qra jitt vunw ceh quiue jyr snax vorhun :

Derr id pnix "dexkongr lyxcyw ee sukyw", kenxjig guansiw /vindnua ee hohamr sukyw hongsid, inx ee vnerguann cangwbih dirr jerje qywzinn / siarhue siongrr cimx ee amwqingx nirr.

Derr zi pnix "cuxliw sewqandai ee hogjabsingr", zuqyw lanw beh hyw hyw aw uac, diyhh suisii suanw qycjaiww suanw ee hogjap quatding.

Derr snax pnix "hogjap sewsiok ee lingrgua jit vingg", guaw biysiaw dng' lanw simx-qramx-jxingg-guan hingg liauw soxu diwsingr / qamxjingg ee sewqandai au, beh drat qaur ee qingxqair.

"Lingrgua jit vingg" ho'ngg sniu diyc tendongg, gauw iauxx byy duardnaw qaur qaxsed lanw ersaih dirr jairsnix ee sii dyrr drat qaur tendongg, soxx qaxsed ee si, lanw kaksit ersaih ham' sinn dadsingg kacc cinqin ee quanhe. Dirr hogjap sewsiok ee lingrgua hitt vingg, u jit jiongw dansunn ee junjai, dirr hiax, langg ee kiamsun, juewau ee jiongqed, itcer longxx jixhiongr siongrder.

Singdiongw lordingg ee pnua venjip dahuertauu

Derr id vaiw duw diyc S.Peck si 1995 nii zuac .langg. jinwjingg siaw .quer jit dniux puex qamxsia ix soxx siaw ee ceh "jauxcue jiyhtauu (IN SEARCH OF STONES)", qongw jitt vunw ceh duiww guaw sniwmia cimdimm ee ingxhiongw. Marr tak quer ix kacc jaw siaw ee nng vunw ceh "simlingg derdoo" ham' "siaog simlixhak (PEOPLE OF THE LIE)", m quanw si lixsingr iacc si simlingg-siong, jitt nng vunw ceh ixqingw jniajyr guaw jurqiw dirr qywzinn singdiongw ee pnua.

Snax lexvair au, siux diyc PECK isux ee huepuex, qongw ix duxx decc cue jit xee sinx venjip, mng guaw si m si sniu beh kuidenw jitt hongbin ee kyxlingsingr. Jriap lyc jitt xee qangjog, guaw si iang qycc qniax. Gunw qongw quer quiw vair denrue, qniwbin, quiw vaiw dngg qycc cimzip ee huerdamm au, kaisiw jywhuew qangjog. Suar lyc laii ee jap qywguec si jin' u tiaujenr :ee, erdangr camqax jitt vunw ceh ee jewjy si jin' hnuahiw ee qinggiam.

Jitt vunw ceh ee tagjiaw, iycsniu marr si sigsai PECK isux jaxqii ee duwjog, suibongw jex m si tak jitt vunw ceh vit'iaur ee diauqnia. Guaw iuguann diyhh dirr jiax qra jaxjingg ee duwjog, iokliok qongw inx juxiaur ee kywdee.

"simlingg derdoo (1978 hanwbunvanw)" si PECK isux derr id vunw ceh, kuikuah liauw sinx lingxhik, cniurr hur-viaudee "quanhe air, tuantongw qewdat qapp simlingg singdiongw ee sinx simlixhak", si PECK isux simliw dirliauu ee quewdingg, qiwlok dypiah singdiongw iacc si jauxcue singsik ee simliw huanrjiaw ee jingdaur quewdingg. "simlingg derdoo" si huac quer simlixhak/ jongqaur ee qiyy, jin' sriu huangingg, ingxhiongw cimuanw. PECK isux qongw ix cavutdyx byy kuhunx simliw/ simlingg, anne ee simtair, drat qaur simliw singsik ee quewdingg , simlingg duer lecc singdiongw, dauwdin kanciuw jywhuew qniaa.

ITALY vanxvunw, "simlingg derdoo" virr huanjyr VOLO DI BENE, iwsur si "hyw ee dyrlo", ITALY tuantongw u soxui "hyw ee dyrlo" ham' "baiw ee dyrlo" ee hunvet. Byy iwgua, PECK isux siaw liauw hyw ee dyrlo au, qycc laii dyrr si jit vunw quanhe baiw lo ee ceh "siaog simlixhak (1983 hanwbunvanw)", cimzip tamwtyw zinsingr siaog ee qinvunw. Siaog ee langg e ham' jinliw didjiab duiwkongr, sionghai langg', m guan binrduir jurqiw ee sitvai/ kiamwsid, ix iong cuwbirsingr ee hongsid ,sirhuan liauw siaog ee langg anxjuanw dypiah jurgnow singdiongw ee qanlann jikzim. Qycc jit vaiw inxiong simliw dirliauu ee sidle, cingcyw diauliw biyue zidsiongg sing'uac-diongx ee siaa, jerjiongw binriongg, teqiong dirliauu zinlui siaog ee kyxlingsingr.

Suar lyc laii si " zuhyy huevyr (WHAT CAN I MAKE? DIMENSIONS OF THE CHRISTIAN EXPERIENCE, 1985)?" si ham' MARILYN VON WALDNER/ PATRICIA KAY snax langg habjog, qnaa u VON WALDNER ee simlingg imgak ham' KRY ee cacdoo, jitt vunw ceh si henr hro "siongrder ee ingiau". Si PECK isux jinwzip qidokqaur simlingg luxdingg ee simlairue, quanhe jaucue siongrder, ixqibb sinwgiongw ee sinvir. Suibongw sngr si ix siongrr suaniongg qauwgi ee jit vunw ceh, mrqycc byy vaitig byy dong'ir qidokqaur ee langg. Aurlaii diongsinx cutvanw, qaixmiaa "lortauu siy' sangr (GIFTS FOR THE JOURNEY : TREASURES OF THE CHRISTIAM LIFE, 1995)" byy imgak CD, cacdoo, u WALDNER ee sinx quax log'imduar.

1984 nii , PECK ham' ix ee kancniuw LILY, lingrgua qauw xee dongliauu, congwvan tuantew qoxbuw bunqaur qiqimhue (FOUNDATION FOR COMMUNITY ENCOURAGEMENT), jit xee huiinglirsingr ee jojid, tuiqongw tuantew ee qinggiam, ciokjinr zinlui dirr qywzinn, siyw tuantew ixqibb qokqax ee hyhaii quanhe. Dirr jitt xee jojid qongjog ee texgiam, PECK isux siaw liauw "byy qangg ee qoxsniax (THE DIFFERENT DRUM, 1987), tiaujenr togjiaw caixcuw lingrgua jit diauu jurgnow iwsig ee lo, tauwquer tuantew ee congwjyrsingr qinggiam, laii drat qaur sinx ee "lenjiab".

PECK isux qycc lyc laii siaw ee jit vunw ceh, si simlixhak ee gignaiw siyxsuad " txangx-vnix ee bincngg (A BED BY THE WINDOW, 1990)", hur miaa hyrjyr "jit vunw sinvir ham' qiuwsiok ee siyxsuad". Viauxbin-siong si quanhe singr, air ham' sixbongg ee qowsu, vuerqingw si jit qingx liau'iongxngi, jex m na si jit xee gignaiw qowsu ; qycc si jerdingg janbin tamwtyw sinvir ee vunxjid.

"iuxsen ee seh (FRIENDLY SNOWFLAKE, 1992)", si jit vunw hiqor ee siyxsuad, PECK isux ee qniaw CHRISTOPHER jewjy cacdoo, qongw jit xee siauwlenn jabow ginxaw jinwzip simlingg lingxhik ee qowsu. Juxdee he dirr sing'uac, air, sinwgiongw ham' qadingg-siong.

" jinsingg qiongrsig --- qycc uac ee sniwmia (A WORLD WAITING TO BE BORN --- CIVILITY REDISSCOVERED,1993 hamwbunvanw)" tamwtyw lexgii dirr qywzinn quanhe ham' siarhue-siong ee qaksig. PECK isux tiaujenr lanw kir venzin huilexgii jyrsingg ee bunhuar hiyrqyw, ix qongw jerje pywhai dyrdig ee mosid qapp hinguii, jiaxee hinguii naxjunxx kig dirr zinlui ee quanhe-diongx, qaixvenr e duar laii qywzinn ham' siarhue ee vinghyy.

" simlingg duiwue, 1993 hanwbunvanw", jinr jit vo suecbingg "simlingg derdoo" tamwtyw ee juxdee ham' quanliam, si qinqur PECK isux ee enxqangxqyw venjip jingxliw ee.

"jauxcue jiyhtauu (IN THE SEARCH OF STONES,1995)" juxdee ionghap ligsuw, luxhingg ham' jurduan. Hur-viaudee si "jit crur sinwgiongw, lixsingr ham' virr huathen ee singwde", quanhe dirr Ingqog snax lexvair ee luxiuu, aurlaii jniajyr jit vaiw simlingg ee tamwhiamw, sniwmia quewdingg ee hogjabsingr.

"tendongg huanqanx (IN HEAVEN AS ON EARTH, 1996)", si hiqor ee siyxsuad, qidiongx ee qaksig dirr laiser huathen inx diyhh binrduir qaixquad jingser ee sniwmia ciongdut, kandnii.

" si'angg laii herciuw? (DENIAL OF THE SOUL,SPIRITUAL AND MEDICAL PERSPECTIVES ON EUTHANASIA AND MORTALITY 1997)", si snesiw tamsyw luxdingg, go-jap-go xee juvix huanrjue ee limcngg anwle.

Jongxtew knuar laii, PECK isux ee duwjog denxhen ix vutduan denxdua ee iwsig, byy tinghiyh ee susiongw iongxkir. Muixx jit vunw ceh, muixx jit xee langg longxx erdangr cue diyc soxx su'iaur ee vangjan, hro lanw huatdenw cud jurqiw ee simlingg sing'uac. Guaw qamxqag jitt vunw ceh erdangr teqiong sinx ee lingxgno, qewsiok inxcua lanw ee luxiuu. Dyrr cniurr PECK ham' ix ee muixx jit vunw ceh, longxx u jurqiw ee linghunn.

FRANNIE LEFLORE

DERR ID PNIX HUANXKONGR LYXCYW EE SUKYW

Derr id jniux SUKYW

Dirr IRLAND, Diongdangx, SOMALIA, SRILANK qapp sewqair byy sxor jenwjingx hunziauw ee derkux, penqenr, jongqaur pywhai, tamsimx ham' qniahniaa soxx enxvenr ee voglik, cniuxduat vah-bxan langg ee sniwmia. Dirr Bixqog, jewdorhuar ee jingxjok kisi soxx jyrsingg ee sionghai kyxlingg kacc amwbit, mrqycc duiww siarhue qetqor ee pywhai ciauquer jingxjok kisi jerje. Hyxgiac langg duiwkongr sanwciah :ee, olangg duiwkongr vehlangg, huanw-duirtaix duiwkongr iongxho :ee, irsingwluann duiwkongr dongsingr :ee --- jex juann si qra moxjiongw iwsig hingtair giaa quann quann, iacc si jiangw diyc sinwgiongw ee qii ji' ha, soxx jinwhingg ee siarhuerhuar, jingwdirhuar, qingjewhuar ee ciongdut. Binrduir hunlec, huixbet ee qetqyw, jiaxee iwsig hingtair, sinwgiongw si m si jinjniar kuriuw lixsingr? Iacc jixsi jit quaw hablixhuar huilixsingr hinguii? Sursit-siong, lanw dangsii jiacc erdangr tingg lyc laii hyw hyw sniu .jit .xe, lanw ee sinwgiongw si sniaw? Qywzinn iacc si jingxqyy siarhue, dng' lanw binrduir juxiaur landee sii, si cinwcaiw hohamr sniu .jit .xe --- simrjiww uanjuann benw sniu. Jex si lanw siarhue ee landee, ui'id ee bunrdee.

Qinrnii laii, quancad siarhue ee kiamwsid ixqibb simlingg / dyrdig qewdat binghenw dimlunn, susiongw jniajyr huisiongg diongriaur ee kywdee. Dnaxx jitt xee kywdee qyckacc vikced --- kyxlingg viw zimrhyy su kacc qib --- susiongw si lanw dirr jitt xee jiamrr hogjap ee sewqair, iong laii kyxlu, quatding qapp hingdong ee qangqu. narr qongw lanw byy uansen ee susiongw, juewau jin' kyxlingg e qaqi taii qaqi.

Guaw ee muixx jit vunw ceh, dirr siongrdingx/ sidjid-siong, longxx si duiww hohamr sukyw ee huanxkongr. Dirr "simlingg derdoo" nirr, soxx qiongdiau ee si "sniwmia si qanlann ee". dirr "simlingg duiwue" diongx, gauw qex jit xee "sniwmia si hogjap ee". dirr jitt vunw ceh ersaih jinr jit vo qongw, "byy qanxdanx ee dap'anr". Suibongw guaw siongsinr jauxcue dap'anr ee lorqingr si tauwquer uanjingw qycc uansen ee sukyw, jex marr m si viauxbin hiacc dansunn.

Sukyw si kunwlann ee, si hogjap ee ; viw itcer qyckacc diongriaur ee, sukyw si jit jiongw quewdingg, narr ticqilo u quixziah, u honghiongr, siqanx, sna' lensuar ee vorsor iacc si qaidnua, siongrbuew inxdy cud qetqyw. Jit xee langg narr beh u sibquanr "cimuanw ee sukyw", ongxongw diyh'air singx iong jerje kuiwlat, qingquer tongwkow ee quewdingg, jiacc drat e diyc uansen ee sukyw linglik. In'ui dirr jitt xee quewdingg, quixziah, honghiongr sisiongg m si hiacc cingcyw ; vorsor / qaidnua marr m si didsnuar jinwhingg, m si caixiong qangkuanw ee sunrsi. U ee si sec ngikox-aw, ham' qitnax :ee dingtac. M si muixx jit xee langg longxx duiqiuu siy' qang ee qetqyw. Lanw narr beh u uansen ee sukyw, hunsig diongriaur kywdee, qaixquad sniwmia-diongx ee landee sii, diyh'air qingxcniw hongjiw cinwcaiw sniu .jit .xe ee hongsid.

Suibongw muixx jit xee langg byy qang, jit jiongw ciangjai qnir diyc ee cywgo si, dysowlangg siongsinr inx didqag jaix zuhyy sukyw, ham' langg' qaungua iwqenr. Sursit neh? dysowlangg jitt nng jiongw longxx jyr byy hyw, guan'inx si sniu' jurqnow buanxjiog, jiacc hro sukyw linglik naxx caang'aw, gne viangwviangr byy hxuad huanxsingw, iacc si jimwdimm dirr jurgnow ee juixdii lai, byy kyxlingg kaix siqanx/ jingsinn jyr. Qinvunw byy liauxqaiw jurqiw uirsniaxmic anne sniu, uirjnuaxngiu anne jyr quatding, itdanr sriu diyc jitgii, jin' iong'i huathen, inx duiww jinsit ee sukyw/ qaungua sniurhuad ee liauxqaiw jin' jiyw, jiokk qinw dyrr siurkir, luexjir.

Dirr guaw jyr jit xee enxqangxjiaw ee sinhun, u nng vaiw teqiong jit qrii jit zit, quanhe sukyw ee genxtyxhue. Muixx vaiw ee genxtyxhue, jit kaisiw guaw jixcud, dysowlangg jurzin jaix beh anxjnuaw sukyw. Qetsog ee sii, jinwhingg iwqenr huevyr sii, u langg e juadbang qongw :"jitt xee juxdee sidjai taiww dua." Kaksit, sukyw m si jit vaiw jurhue dyrr erdangr uanjuann siauhuar ee kywdee, ix ersaih huatdenw cud jit dua vunw ee duwjog. Byy iwgua, jerje langg dexjer s.-sikig-k. qamwsi qycc siujingr sukyw ee qankow loxlik. Qangkuanw, dirr genxtyxhue qetsog sii, dysor camqajiaw duiww sukyw soxx kansiap diyc ee kuacbin tingdo qamxqag dua dua dua, m si qniahniaa dyrr si diyhqniax qaxx bavir .kir . Benw qongw, jitt jiongw genxtyxhue m si guaw siongrr sriu langg huangingg ee hangrbak. Zuqyw zinruii sukyw soxx su'iaur ee kuiwlat naxjunxx jin' huiwkir, qau surlo, mrqycc kiamhuat sukyw, soxx duar laii ee si qyckacc je ee mahuann ham' ciongdut, m na ingxhiongw qywzinn, marr kangai lanw soxx singjunn ee siarhue.

HAMLET sisiongg virr inxiong ee miaqur " junjai iacc si byy junjai?" si sniwmia-diongx siongrr buexqiok junjai juxgirsid ee gibun. Lingrgua jit xee gibun erdangr didjiab dag diyc junjai ee hudsimx, guaw hongw SHAKESPEARE mng : "sukyw iacc si m sukyw?" jex si dexkongr lyxcyw susiongw ee siongrbuew gibun. Bogjingg zinlui enxhuar ee qaidnua, jitt xee gibun duiwvan (siangdongx) "junjai iacc si byy junjai?"

Simliw isux ee qinggiam, ixqibb itvnuax ee quancad, guaw jamxzenn sigsai kiamhuat uansen sukyw ee jiongxjiongw cywgo. Qidiongx ji' id si qinvunw byy air sukyw ; lingrgua jit xee cyxgo si qinqur viauxbin(puec bin?) cenxsniu ee lyjib(LOGIC), singqenr ham' dah viauhy, iyccig lunrduan ; iauxx u jit xee bunrdee si, siongsinr sukyw / qaungua iwqenr byy su'iaur iong kuiwlat, simrjiww zinruii si longrhuir siqanx, jex suacc hro lanw binrduir jerje siarhue landee, byy linglik qaixquad ee sii, dyrr e texgiam diyc jit jiongw byy sniax ee hunwno.

LEONARD HODGSON (1889-1969) anne siaw, "lanw e huanrcyr, m si lanw sinwzim lixsingr, si dirr lanw ee juerog-diongx, lanw ee lixsingr si jiacc byy uanbiw. Voxqiur ee honghuad m si kir yc lingrgua jit jiongw diwsig laii tewngua lixsingr, si qauwiok lixsingr hro jniajyr jinsit." Suibongw jitt dnxua bunzi u damrvyc gordy, HODGSON si go-jap dxangx jingg siaw ee, ix ee ue ham' lanw jitmaw soxx binrlimm ee kunwqingw jin' u quanlenn. Guaw e iong "sukyw" laii tewdai "lixsingr". Ix siaw ee "juerog", guaw siongsinr si lanw soxx kuriuw ee "guanjue" --- vindnua, qniahniaa, qiaugno, jiaxee hanrjer lanw, hro lanw berdangr uansingg zinlui ee aurkuir (amwhoglat). "qauwiok lanw ee lixsingr jniajyr jinsit", HODGSON qenwgi lanw ingxqaix iongunw jinsit ee jurgnow jin soxu ee lat, drat qaur siongrr quann ee kyxlingsingr. M si qongw lanw vutqaix sinwzim nauw, si lanw iong nauw byy qraur je. Lanw ee vindnua, qniahniaa qapp qiaugno ee juerog, hro lanw byy cionghun huathuix nauw ee qonglingg. Muixx jit xee sniwmia ee zimbu ji' id, ingxqaix qauwiok jurqiw jniajyr uanjingw ee langg.

NAUW QONGLINGG

Tniax kiw laii naxjunxx si lixsow-dongzenn, lanw u jit xee jin' dua ee nauw si beh sukyw iong ee. zinlui ham' qitnax dongrbut ee kuvet ji' id, si lanw ee nauw/texdang ee vixle dua quer jerje (duliauw haixangx, haixdix, inx ee nauw/texdang ee vixle viw zinlui kacc dua, jerje dongrbut kuanli vyxhorjiaw iong jin simlik vyxho jit nng jiongw dongrbut; inx siongsinr haixangx, haixdix dirr mow hongbin kyxlingg

viw langg kacc kiauw.)

M quanw zinlui iacc si qitnax cirlinglui dongrbut, nauw si snax vorhun josingg : duarnauw, siyxnauw, ennauw. Muixx jit vorhun dy' si kiwquanx qauhiongw gagtuann -diongx danzim digsuu ee qonglingg, hyhaii uicii muixx jit xee jingwsiongg langg ee sniwmia.

Ennauw ee uirdir dirr zinlui jikjuix (liongqud) siongrr dingxquann, hiax u jit der endngg ee jojid, hyrjyr encuew (MEDULLA OBLONGATA). Jitt xee vorui si sinqingx sewvaux ee jurhap, hyrjyr sinqingx diongcux. Dirr ennauw nirr, jiaxee sinqingx diongcux ee qonglingg si qamwsi sinliw-siong ee suqiuu, vixzuu kongwjer hokib, simjong, kunwbinn, uirkauw, ixqibb jiongxjiongw qivunw qonglingg.

Siyxnauw ee kuhik kacc hogjap. Ix ee sinqingx diongcux juxquanw simjniaa ee sanxsingx, nauw sinqingx hagqax ixqingx biyue cud jiaxee sinqingx diongcux ee uirdir. Inx erdangr dirr ciuxsuddaii-dingw, qra jin' iur ee denrqikjiamx jingr zip jit xee jiapsiu qiogvo bajuir ee vnerlangg nauw nirr, zenau jriab tongx cingx hunx ji' id VOLT ee den, anne dyrr e sidjer congwjy cud digding ee simjniaa huanxingr, kyxviw

qongxx hunwno, sinsongw, simrjiww sitjir.

Duarnauw juxiaur si ui' nauxpejid soxx qowsingg, ix kansiap diyc kacc guansiw ee uahdang, piwzu, didqag, unrdong. Zinlui ham' qitnax dongrbut siongrr dua ee kuvet, si duarnauw ee duarser, digvet si frontal lobes(nauxjinghiyc) ee vorhun. Zinlui jinwhuar ee quewdingg juxiaur si frontal lobe singdiongw. Jiaxee frontal lobe quanhe diyc muixx jit xee langg jyr pnuawduan ee linglik, cuxliw sinwsid ee quewdingg ---

sukyw --- juxiaur huatsingx dirr jiax.

Lanw hagsip ee linglik juxiaur si ilai sukyw, sukyw ee linglik juxiaur laii jurr hagsip. Soxiw zinlui ham' dongrbut lingrgau jit xee diongriaur ee kuhun si hagsip linglik. Zinlui cniurr dongrbut qangkuanw iongxiuw didqag vunxlingg, mrqycc jiaxee vunxlingg byy itding jurdong kongwjer lanw ee hinguii. Lanw langg Iongxiuw juriuu

iwjir, frontal lobe hro lanw cutsir dyrr jah laii ee juriuu iwjir, sur lanw jidsiwlangg hagsip byy tinghiyh.

Qapp qitnax cirlinglui dongrbut vixqaur kiw laii, zinlui iuwngex-qrii ee ilai sngr vutjiw dngg. Lanw soxx kiamwhuad ee vunxlingg, su'iaur siqanx yc, jiacc erdangr jurlip ; hagsip hro lanw ee iwsig singdiongw, susiongw doglip, jiangxag singjunn su'iaur ee diwsig.

Ginxaw-qrii uaxkyr hiaxee ngiuxci ee langg, inx sokjy lanw ee susiongw ham' hagsip ee lueriongg. Dngg siqanx ee iuaw, byhingg-diongx huatdenw cud qowding ee mosid, gnerhuar simrjiww kiamr tongtaur dngxsec ee sukyxlik. Zuqyw sewhanr u singlenlangg jo lanw yc uanjingw ee sukyw, si u jerje hyxcur ee. narr qongxx duarlangg ee susiongw si dygii, niuxkiog iacc si qedngg-jiauxdo, lanw yc diyc jiaxee, suacc sriu sionghai. Mrqycc marr byy su'iaur anne dyrr qaxsed lanw cunx siw jit

diauu lo narnia. Danw lanw duarhanr, byy su'iaur ilai langg', lanw dyrr qaix siujingr jurqiw ee sniurhuad iacc si hingdong.

Qenrkongx ee(ilairsingr, iacc si byyqenrkongx e uaxkyr u jin' dua ee hunvet. Dirr "simlingg derdoo", guaw qongw jit xee sinliw qenrkongx ee singlenlangg, ilai si vnertair ee, si moxjiongw simliw vnerjingr /kiamwdiamw ee viauxhen. Jex su'iaur ham' vingsii soxui ee ilairsingr suqiuu / simjniaa kuvet. Muixx jit xee langg longxx u ilairsingr ee suqiuu /simjniaa, kyxlingg cuir e qongw byy su'iaur, simlai longxx u sniu beh ho'ngg air, sniu beh benw cud kuiwlat dyrr did diyc ju'iongw, sniu beh u qyckacc qiongdua ee lat laii jiauwqor lanw. Duiww dysowlangg jiaxee ee iogbang iacc si qamxqag be ingxhiongw lanw sniwmia; jiaxee m si lanw singjunn ee juxiaur kywdee. Dng' jiaxee jinjniar kongwjer lanw ee sing'uac, ingxhiongw singjunn ee pinxjid sii, dyrr sngr si simlixvne, tongsiongg hyrjyr "virdong ilairsingr zinqeh sitdiauu (PASSIVE DEPENDENT PERSONALITY DISORDER)". Anne ee uaw langg' qivunw-siong si susiongw ee sitdiauu, qongw qyckacc siongser, dyrr si qirjuat uirr jurqiw sukyw.

Qirjuat sukyw soxx sanxsingx ee sitdiauu vnerjingr hogjap qycc jerngiu, jiaxee vnerjong ham' lanw nauw ee quanhe marr qangkuanw hogjap. Zi-jap dxangx laii, ihak genxqiur tamwtyw nauw qokk vorui ee jokiong, u did diyc dudpuawsingr ee liauxqaiw. Dag'ee longxx jaix, duarnauw hunx jniar vingg/ dyr vingg, diongqanx u bacnngg (CORPUS CALLOSUM) jiaplenn. Jitmaw siongsinr, dyr vingg hurjig enxik tuiliw, jniar vingg hurjig quilap. Jitt xee mosid m si juadduir ee, mrqycc ersaih jixcud iokliok ee jongrtair.

U quaw ngiuhinn ee huanrjiaw jiapsiu tec driau nauw jniar vingg/dyr vingg lenjiab ee dirliauu, qidiongx u quiw xee vnerjiaw vne dyrr hyw .kir ar. zenau, jiaxee "nauw hunquah" ee vnerlangg, qra inx jit luiw bagjiux ziax kiw laii, hro knuar jit daii denrzedkir, sinwsid qandna' erdangr tuann qaur dyr vingg, e anne qongw "mr, jex si jit xee ap-aw, u denrsnuar, ensnuar, ersaih iong den qax zet tihh." e qycc qewsiok iong lanw sniu be qaur qniax langg ee jingwkakdo biysueh byy qang ee vorhun, qongw qaxx lywlyr dngg, mrqycc dyrr si byy huatdo qongw cud jitt xee mic ee miacingx. Siangduir ee, narr qandna' qra sinwsid teqiong hro ix ee jniar vingg nauw, ix e qongw cud hitt hxang mic ee miahy, qyckacc je ee qaixsueh dyrr byy ar, lenn iongrdoo marr qongw be cud.

"nauw hunquah" genxqiur henxsi, dyr vingg nauw juxkongr hunsig, u linglik qra jingxqyy kuhunx jyr vorhun ; jniar vingg nauw juxkongr didqag, u linglik qra vorhun jurhap jyr jingxtew. Lanw, zinlui, u linglik yc jitt nng jiongw juxiaur ee sukyw hongsid : kurtew ham' tiusiongr ee. kurtew ee sukyw si cuxliw surbut ee budjid jongrtair, tiusiongr ee sukyw si cuxliw surbut jingxtew ham' qaiwliam.

Nauw hunquah genxqiur ee qetqyw marr jicii lingrgua jit jiongw lixlun : singwvet ee caqu, ciauquer siarhue jewiok jerje. Luxsingr ee sukyw kacc uaxqin jniar vingg nauw, lamsingr vixqaur kacc iong dyr vingg nauw. Jex si uirsniaxmic dirr singwair longrban-siong, javox duiww vorhun qamxqag cuwbi, cniurr hinguii, kax, tuiw, singwkiwquanx ; luxsingr duiww jingxtew kacc u hingwcur, jex kyxlingg vutjiw si bacqamw ee ciwqig, zircniaw vauquad amwdngr diamw jxig. liongxsingr jenwjingx, luxsingr tongsiongg jin' lann lixqaiw lamsingr jnuaxngiu hiacc gong, qandna' juwir qurtew ee singtew vorhun, javox marr jin' yh lixqaiw jabow uirsniaw beh uirr kiwhunx longrhuir siqanx, didjiap van "jniawsu" qamxx m si jin' hyw neh!.

Guaw siongsinr, nauw hunquah genxqiur si zinlui dirr zinrbatlun siongrr qniax langg ee jinwdenw, henxsi lanw jiwjiyw u nng jiongw liauxqaiw surbut ee hongsid, zuqyw lanw dongsii suxiong jniar vingg nauw/ dyr vingg nauw, nng jiongw sukyw hongsid, e kacc tongtaur liauxqaiw surbut. Jex dyrr si uirsniaxmic guaw jin' iongxho qangbuw qangtew (ANDROGYNOUS) ee sukyw hongsid. Qangbuw qangtew m si bysingr ee, si byy srid lamsingr ee qongqiongg, marr u luxsingr ee unziuu, viauxhen cud liongxsingr ee digdingx, Qangkuanw, sukyw marr su'iaur erdangr dongsii suxiong nauw ee nng vingg, laii ionghap kurtew ham' tiusiongr ee henrsit.

Dirr guaw lingrgua jit vunw ceh "iuxsen ee seh (THE FRIENDLY SNOWFLAKE)", juxiaur zinbut JANE dyrr siongrdingx qangbuw qangtew. Ix suxiong jiaxee siangdingg ee sukyw linglik kyxlu sniwmia-diongx jit pnir iuxsen seh ee sinvir iwgi. siongduir ee, ix ee hniadi DANIEL si viaujunw ee dyr vingg nauw zinbut, jipbee dirr hunsig ham' kurtew ee sursit, duiww sinvir byy cuwbi, jex hro ix xee ganxqongx itdit dirr ec qycc qin ee kongqanx.

Guaw bad tniax qongxx, qoxjaw ee SUMERIAN, u jit tyr sukyw qivunw quijig, vutjiw luirsu nauw hunquah ee lixlun. Inx duiww zimrhyy diongriaur ee quatding (tongsiongg si m si beh kir pah BABYLON langg), inx e jinjniar sniu nng vaiw jiacc quatding. Narr qongxx derr id vaiw ee quatding si limx jiuw sii jyr ee, qongw "lanw kir pah BABYLON hiaxee langg", dyrr air danw cingcniw au jaiww kyxlu jit vaiw, "hitt xee quatding naxjunxx byy qaiww kiauw". Huanw dngw laii, narr si dirr cingcniw ee jongrtair-ha, inx qamxqag kir qongqig BABYLON u jenwliok-siong ee dyrliw, marr e jiamrsii anwha, qongw "lanw singx limx quaw jiuw", maxsex maxsex sii inx kyxlingg e dadsingg qetlun, "byy vit'iaur siy' taii, qnir diyc quiw, lanw air hiaxee langg."

SUMERIAN suibongw kiamwkuad henrdai kyqix, inx ee hongsid si jingwkag ee. dirr jitmaw jitt xee sidai, duhuix ciuxsut jyrsingg ee nauw siongx iacc si gamm … dringw vnerjingr, lanw byy lixiuu byy jyr habliw ee sukyw. Lanw iongxiuw bixbiau ee frontal lobe hro lanw iong, tongsiongg lanw vingrr byy hyw hyw liriong, qyckacc benw qongw huatdenw qaur siongrr quann ee qighan. Nauw ee congwsiongx m si niuxkiog sukyw, iacc si byy sukyw ee ui'id guan'inx, sursit-siong, jixvutqyr si qidiongx siongrr ser ee guan'inx. Dirr jiongww inguann-diongx, siarhue suxiong jerje imhiamw ee ciuxhuad laii joxdongr lanw suxiong frontal lobe, qra pubin, lyxcyw ee sukyw hongsid tuiqongw, hro jniajyr jingwsiongg ee singjunn qonglingg.

PUBIN EE CENXSNIU

Cinwcaiw sniu ovec jyr, dirr lanw ee siarhue si jiacc ciongqongg, dirr mow quaw zinkauw qaijann-diongx, dongwjyr jingwsiongg qycc tuantongw ee diwhui. Juewqin ee le, ui' NORTH CAROLINA ee nng xee jingwkeh soxx huatviauw ee genlun knuar cud. Jiugirguann HENRY ALDRIDGE qonw quer jitt dnxua byy taukag ee ue : virr qiongqanx ee jabow be ursinx, si virr qongqig sii, "texjiab be tongx, qonglingg byy hxuad jingwsiongg", naxjunxx anne dyrr ersaih qiamxkinx voghingg ee giamdiongrsingr. camgirguann JESSE HELMS jingcuw qiamxkinx lenvangx duiww AIDS genxqiur qinghuir voxjo, ix qongw ix knuar be cud u sniaw lixiuu teqiong qinghuir, jitt xee vne si hiaxee dongsingwluann "diauqangx/ kyxog/tyxiar ee hinguii" soxx jyrsingg ee. sursit-siong, duliauw singr hinguii ee tuanziamw gua --- dongsingr/ irsingr --- AIDS marr e tauwquer suhueh tuanziamw, iacc si duar vnerguann ee buxtew tuanziamw hro taizii, iho zinguann byy sewzi virr huanrjiaw suxiong quer ee jiamtauu cak diyc suacc tuanziamw diyc. HELMS ee juxdniux m na si qisi, marr si jin' lyxcyw ee sniurhuad.

Jerje siarhue qiqor byy hxuad qauwdy /sirhuan uansen ee sukyw hongsid, hro cinwcaiw hyw ee sukyw mosid jin' liuhingg. Tongsiongg dirr siongrr u ingxhiongxlat ee siarhue qiqor nirr huathen jitt jiongw sitvai, vauquah qadingg, qauwhue, dairjiongr tuanvyr muitew. Jiaxee qiqor vutjiw u ingxhiongxlat, duiww sniwmia ee iwgi/ qewdat, inx soxx tuandat cywgo sinwsid juadduir bersaih byy diwdang. Inx si bunhuar lingxdyrjiaw, moxjiongw sukyw /sing'uac hongsid dongwjyr jinliw laii suaniongg, jiaxee qiqor kuriuw ligliong buxlang/ caujrongr langg. Inx sisiongg suaniongg vnuar jinliw --- u sii si diauqangx qongw ee vehcat, amwho dirr lanw zinrjyr "jingwsiongg" ee bunhuar quanliam-ha. Jitt jiongw "jingwsiongg" ee bunhuar viaujunw, lanw tongsiongg qaxsed zuqyw dag'ee longxx anne sukyw/ anne hingdong, itding si jingwsiongg/ jingwkag ee.

Jitt jiongw bunhuar viaujunw, m na quatding liauw soxui hyw ee/ erdangr jiapsiu ee sing'uac, marr qautding liauw soxui baiw ee/ byy sikdongx ee sing'uac. Dongzenn jniawbin ee viaujunw erdangr ciokjinr lanw zinjer-siong ee dyrdig /lexgii. Jiaxee jniawbin ee viaujunw m si bunrdee, lanw diyhh huanxsniu ee, si hiaxee jyrsingg bunhuar hunwluan ee viaujunw, lanw qongw ee huwbin bunhuar viaujunw, inx sisiongg vaujong qaxx jin' hyw knuar, tniax kiw laii jin' sun hni. Mrqycc liw narr cimzip viauxbin ji' ha, liw e huathen si huwbin ee, in'ui inx joxqai langg ee singdiongw. Inx si kia dirr vnuar jinliw, jinjniar vehcat, dirr simliw/ simlingg kongwjer lanw, qiuqimr lanw.

"siaog simlixhak (PEOPLE OF THE LIE)" jitt vunw ceh, guaw jixcud, vehcat jyrsingg hunwluan. Siarhue qiqor zuqyw suaniongg vehcat, vitzenn e jysiu qik dua ee joxgai, inx tongsiongg dyrr qongw vnuar jinliw laii kongwjer zinsimx. Jex si jit jiongw qyckacc iuxquaiw ee hongsid, vnuar jinliw tongsiongg cniurr jinjniar ee, qisit m si, dendyww jyrsingg qyckacc dua ee hunwluan. Ingqog sizinn ALFRED, LORD TENNYSON (1809-1892) soxx qongw "kuriuw jidvnuar jinliw ee vehcat si siongrr oamr ee uergiw."

Jerje siarhue qiqor soxx suaniongg siongrr dua vehcat --- dirr mow quaw hongbin puewhap zinlui vunxsingr ham' vindnua ee juerog --- qongw langg dirr sewqanx dyrr air duiqiuu kuaiwlok. Sionggiap qiqor, tuanvyr muitew ham' qauwhue ee vehcat, qra lanw qongw, kipenr lanw : lanw sing'uac dirr jiax dyrr si beh kuailok, buanxjiog, susongw. Uirr qimjnii lirig, budjid juewqyx guanjig, qongxqyr ee vehcat longxx qiongdiau, narr si byy kuaiwlok, byy suwsi, byy buanxjiog, itding si jiac m driyc jaixdngr ee bec, sraiw m driyc vaijuw ee ciax, iacc si lanw ham' siongrder ee quanhe m driyc. Jiacc siaog! Sursit si, lanw sniwmia siongrr hyw ee sii, sisiongg huatsingx dirr lanw siongrr byy songxkuair, qamxqag byy kuaiwlok iacc si byy buanxjiog ee sii. Hex si lanw hunwdaur qapp jauxcue ee sijun.

Dirr jiacc puehbin cenxsniu ee qongxsueh-ha, lanw hnuaw hnuaw aw bongx diyc sik'ingr siarhue soxx su'iaur ee diauqnia. Siarhue qiqor byy qoxbuw lanw jitgii, hunsig, qyckacc benw qongw duiwkongr budjid juxgi-diongx soxx amwmuaa ee vehcat. Zuqyw lanw sniu beh virr langg' knuawjyr jingwsiongg, diyh'air duer diyc inx ee juixlauu. Anne lanw qamxx m si virr inx soxx vig neh?! dysowlangg iauxx si suanw simx-qramx-jxingg-guan duer decc qongw vehcat. Lanw lanxsix, jyr inglangg ee tensingr, hro lanw ham' dairjiongr muitew kia siy' auw, byy hiamm caur juixqaux caur.

Dongzenn, muixx jit xee langg byy qang, jerje langg jyr quatding sii --- simrjiww diongriaur quatcig --- longxx qandna' qinqur jiyw jiyw ee jusinr, siarhue qra inx qongw sniaw si jingwsiongg ee. binrduir quatding sii, dysowlangg byy guanrir iong simx cimzip sniu siongser, inx bongx laaw qiamx sew kor, qamguan siongsinr singqenr, iycsniu. uirr piacbenw qamxqag byy qang, inx jniajyr dairjiongr muitew vehcat ee dairgenn, anne inx jiacc siongsinr jurqiw byy sux cuwvnix qecviah. Inx e kir brew qongxqyr qongw hex si siongrr qenrkongx uahlat ee bec, byy jitgii jitt jiongw qongxhuad ee jinsidsingr. Inx ee qewdat juxiaur qenwlip dirr ciahuax ee qiauciax, ham' qitnax byy jiaudiau hurdamx ee hihuax byy sid'iong ee iongrpinw, dyrr sngr jiaxee mic e hro inx hamrzip qingjer ee kunwqingw, iacc si dngg/dew qrii ee jewbu.

Jerje langg duer diyc hurbin ee viaujunw, qaxsuw luersimx u jit xee sniax qar inx qongw, dairjir huisiongg kyxgii. Ersaih anne qongw, jerje guanvunw si ngii hxingg ee langg, suacc kiwdoo vig jurqiw kingx zip kir siwqag ee bunhuar kangqeh-lai. Inx byy guanrir tiaujenr viaujunw, narr si jniajyr byy jingwsiongg ee irlui, byy sriu langg huanginng,qyckacc jiahlat. Inx ee sing'uac ham' hiyrhuew qed siy' uaw.

SALI, luxsingr, zi-jap-go huer, u unxding ee surgiap, dnuasinx, ix binrduir qiongdua siarhue aplik-ha, quatding qer xe huee siy' bad ee javolangg. Dirr siarhue ee huaigii ganxqongx, ixqibb "lau qovyy" ee puepingg-ha, ix byy jimjiog sniu quer dyrr uixkud jurqiw. Jernii au, kyxlingg e bingvik, ingwqaix sunrjiongg jurqiw duiww hun'inx ee didqag.

BILL go-jap-go huer, dirr qongsix dua caiguann sii virr srii taulo, cniurr ix anne ee lamsingr, kyxlingg e cimx cimx hiyrhuew jaxnii hongwkir duiqiuu ix siongrr air ee horliw qangjog, kiokk qra kiwgiap lamsingr ee hingsiong dongwjyr jingwsiongg ee viaujunw. Lanw siarhue ee lamsingr singsiu qik dua ee aplik, diyhh ixx siuzip laii jingwbingg lamsingr kiwpig. BILL ee sitvai, si ix m qnaw duiqiuu ham' langg' byy qang ee simtair.

Muitew ciongbuanw quanhe zinsingr gne viangwviangr ee quanliam. go-jap huer ee luxsingr, narr byy hxuad hongwkir jurqiw "ingxuanw ee snax-jap huer" ee ngiaxsiong, ix e dirr cinwcaiw sniu nirr qamxqag tongwkow, byy hxuad suncue diyc nilau quewdingg ee iugnaw ham' diwhui. Kyxlingg lanw erdangr kinsangx qongw jex si "ix" ee bunrdee, mrqycc lanw diyhh singzin, m si qandna' jitt xee jaboxlangg jiacc u ee bunrdee. Lanw ee qongxqyr bunhuar soxx tuandat ee hurbin viaujunw, didjiab/ qanwjiab viauxsi, luxsingr juxiaur si bacqamw ee cittymic, nihuer ee jingqax, sitkir qewdat, u qewdat ee javox si e tanr jnii ee. singwvet qisi soxx amwcangr ee cenxsniu, hro jerje lamsingr qra qadingg ixgua ee surgiap knuawjyr viw bow liaurliw qabu qyckacc diongriaur jerje, anne jiacc erdangr qaqiongg inx ee jurqnow hingsiong. M quanw jiaxee cywgno ee qaxsed jyrsingg sing'uac-siong ee aplik, dysor lxamm/luw, qamguan qewsiok anne ee sukyw hongsid, puewhap hurbin viaujunw, m guan siujingr jitt xee qaxsed.

Dirr jitt xee jinghongw-ha, lanw dyrr cniurr virr liac ee zinjid. Jidbin lanw binrlimm sewsiok ee aplik, lingrgua jidbin, lanw u juriuu iwjir, lanw erdangr ciauuat cosiok ee kuntew sukyw. Lanw erdangr doglip sukyw diongriaur ee kywdee, m si hro siarhue cocenw ee qauwgi kandnii. Kaksit, lanw diyh'air sniu cingcyw lanw dauwdew si qaix siongsinr sniaw, vutqaix siongsinr sniaw, su'iaur iong jerje kuiwlat, sniu jimjiog. Lanw narr hongwkir jurjuw ee kuanli, dongzenn e qamxqag gigniaw, byy suwsi. Zuqyw qinqur soxui "jingwsiongg" iacc si liuhingg ee hohamr qongsid jyr quatding, luersimx/ guarjai ee hunwluan si vitzenn ee qetqyw.

LIUHINGG QAMXX ITDING HAC SIDAI?

Liuhingg, duiww bunhuar ee qionglet ingxhiongw, tongsiongg hro susiongw lyxcyw qycc sewsiok. Jex si jit xee jipbee dirr liuhingg ee bunhuar, m quanw qinaxzit ee liuhingg si cing sniaxmic snxax, tniax sniaw imgak, iacc si qencii sniaxngiu ee jingwdi iwsig hingtair. Quewdo qiongdiau liuhingg, e hro langg m qnaw doglip sukyw, hro dairjiongr ee sukyw puewhap qiongrdongg ee quandiamw ham' jerje langg ixqingx jin' quanwsir ee qu inwsiong. Anne ee sukyw hongsid ersaih qongxx uaxqin huilixsingr, simrjiww siauw ee tingdo, cniurr Bixqog duiww VIETNAM ee jywhuad.

Lanw u girbu binrduir jurqiw cinwcaiw sniu .jit .xe mosid, siongser qiamxgiam "jingwsiongg" dairviauw sniaw ; dyrr si qongw, lanw u girbu suxiong puepnuawsingr ee sukyw. Kyxviw qongxx, Bixqog henwhuad, u jiongqin jit sewqiw ar, henwhuad byy qra lole knuawjyr uanjingw ee jit xee langg, qongxx si go hunx ji' snax ee langg. Qivunw-siong jex si jit xee siauxqongg ee. vutqaix u go hunx ji' id qywzinn ee hunhuad, jit xee langg dyrr si jit xee langg. Suibongw hitt sii kyxlingg u hac liuhingg, sngr si dongsii dirr jingwdi-siong, siarhue-siong ee jit xee iuxhau ee tywhiap. Jitt jiongw byy jingwsiongg ee sukyw junjai quixarr jap dxangx, byy sriu diyc zinrjinx ee jitgii.

Puepnuawsingr sukyw, vingrr byy viauxsi muixx jit xee langg diyhh jniajyr uac zirdenw. Vixzuu qongxx, m si muixx jit xee langg longxx diyhh jaix soxui DRED SCOTT pnuawquad (Bixqog olangg lole, bad hiongr Bixqog juewqyx huatngi jingcuw juriuu, mrqycc juewqyx huatngi zinruii olangg lole m si Bixqog qongbinn, qirjuat siurliw). Mrqycc lanw u girbu genxqiur, hagsip, sukyw diongriaur kywdee. Puepnuawsingr sukyw siongrr diongriaur ee, si quatding sniaw si vit'iaur sniu hro jimjiog, diyhh yc ee, qycc sniaw si byy vit'iaur ee. lanw diyhh singzin jurqiw diwsig e u kiamwkuad vutjiog, m si hro qikkuir, qniahniaa ham' vindnua iuxinw lanw vnuaenw juandix-juanlingg ee qaksig.

JYR QIWHY

Qaxsed jurqiw busow-vutdix, iuqii si duiww lanw soxx m bad ee surbut, dingxii si hro jurqiw jniajyr ci'gaii. Suiven hohamr lyc qetlun ee si mow quaw langg ee sing'uac mosid. U quaw langg qaxsed inx ee sukyw hongsid --- m quanw si quanhe luxsingr dnaxtaix ee kuanli, haghau-lai ee jongqaur qidyw --- longxx vitzenn "ingxuanw si driyc ee", duiww huanxbin ee zimrhyy jingwqur longxx u knuar naxx byy knuar.diyc. Dng' jinghongw su'iaur inx uiho jurqiw hiqew ee jingwgirqamw ham' jurjunx sii, inx jurgnow hingsiong dyrr e cangwbih dirr jurzin longxx driyc ee sixvanw inwsiong ha. Inx byy hxuad, marr byy guanrir kyxlu qitnax ee kyxlingsingr. anne jiacc lyxcyw dyrr hongwkir jurqiw ee susiongw, qongxx inx siw .kir ar, qamxx u sniaw byy qang?

Sisiongg knuar e diyc , lanw qinqur jurqiw ixqibb tnazinn ee jit quaw qoxvanw qu inwsiong soxx qenwlip ee qaxsed, si siongrr u pywhairlat ee, jitt xee inwsiong tongsiongg si hohamr ee susiongw, anne ee qaxsed soxx dah cud ee hunlui, lyc ee pnuawduan jin' iong'i gordy langg. Guaw siaw ee siyxsuad "tendongg huanrqanx (IN HEAVEN AS ON EARTH)" nirr ee juxlangg jit kaisiw dyrr qaxsed tendongg byy sniaw sinvir, itcer longxx si unhyy cingcyw ee, jit diauu jit diauu hunbingg. Anne ee qawsed, danw ix kir qaur tendongg, huathen tendongg cniurr huanrqanx, ciongbuanw liauw naxx behunn din ee uankiaux, qniasimx, m si dansunn ee lixsiongw qog, suacc hro ix huisiongg diyhqniax,

Jerje langg qinqur viautauu duiww vadd langg ha pnuawduan : qra juriuu pair (LIBBERAL) qongxx si qamguan jurqiw dinx hueh, lamrjingg ee hyw simdngg, vyxsiuw pair (CONSERVSTIVE) si qaqi sniu qaqi driyc ee lau qoxvanw.

Duiww zinrdongg tuantew ee qywtew, jingxjok ee viauhy sisiongg ciongbuanw gordy ee qaxsed ; Iutaiwlangg ee jingwdi qenwqaiw, qinqur iutaiwqaur ee hunhuad, byy jingwkag virr qongxjyr jniawtongw pair, vyxsiuw pair, qaixqig pair ; diongqow zirciuw ciax ee tuisiauguann jongxsi virr knuawjyr qanquiw, kiamr dyrdig ee, pywhai jerje causiuw jniawdit ee tuisiauguann miasniax. zimrhyy jurcingx si qidokdoo ee langg, longxx itding si qivunw qauwgirpair, zimrhyy jurcingx si agnostik (AGNOSTIC, juxdniux langg byy hxuad liauxqaiw ciauquer qamxqag qinggiam ji' gua ee su) ee langg, vitzenn singwlingg byy singsik.

Kyxlingg u quaw qoxvanw inwsiong si u damrvyc qinqur, mrqycc tongsiongg sniu' qanxliok, dirr vixqaur/ pnuawduan sii byy hxuad jiangxag bibiau ee cavet iacc si luirsu diamw. Dng' qniaa hiongr qigtauu sii, qaxsed ee qicow kyxlingg e venwsingg pywhai ee qinguann.

Dirr guaw siaw ee siyxsuad bosad / gignaiw ee " txangx-vnix ee bincngg (A BED BY THE WINDOW, 1990)", si jit xee siauwlenn jingtamr qingxcad ee sixvanw inwsiongrsid sukyw. PEIRI jingtamwguann dirr sukyw/pnuawduan-siong huan jerje cywgo, hro ix cavutdyx beh qra buqox :ee liac kiw laii. Ix derr id ee qawsed hro ix qra diaurjax huanruii sog siyw qaur jit xui luxsingr horsu srinx-siong, qanxdanx ee lixiuu si horsu ham' virhairjiaw u cinbih quanhe. Derr zi ee qawsed si siongsinr jitt xee luxjuw byy kyxlingg air diyc virhairjiaw, in'ui virhairjiaw si jit xee qycngiu :ee, m quanw sursit-siong, horsu huisiongg quansimx virhairjiaw. Zircniaw jitt xee horsu diycvanx ee sii, u kacc je laurlangg quewsinx kir, PEIRI dyrr qawsed horsu si jit xee satzinqongg, jiyh juvix hai siw vnerlangg.

PEIRI soxx siongsinr ee qaxsed-diongx, siongrr hongcir marr si siongrr bongbok ee. ix siongsinr druar dirr iongxlyxngi ee langg longxx si byy hxuad sukyw ee laurvnerlangg, qetqyw sitkir bibiau ee snuawsyh, lauwqaux henxzenn ee hunziah, marr hiyxding diaurjax quewdingg-diongx, ham' qitnax ee langg jiapciog sii ee diongriaur qinggiam.

PEIRI duiww iongxlyxngi vnerlangg ee sixvanw inwsiong si guaw jurqiw ee qinggiam. Iongxlyxngi ee vnerlangg si guaw derr id ee qangjog, jid'err kaisiw guaw qruar diyc osig bagqiar, qaxsed inx jixsi uac siwlangg ee vunwsywdniuu. Jit zit jit zit quer, jiamrr huathen iongxlyxngi si jit xee dyngiu qycc u cimdo ee kuanqingw, ciongbuanw cuwbi, ciywkuex, air ixqibb zinlui itcer ee hinguii mosid. Cniurr guaw ee derr id ciuw qinggiam, PEIRI juewau yc erhiauw knuawtangr viauxbin, dauc dauc tiw kuix bagjiux, knuar dngw laii jurqiw ee hohamr sniurhuad, si cuarinw ix qniaa zip siw lorhang ee hniongciuw.

Dng' lanw uanjuann ilai qaxsed, dah viautauu, sixvanw ee qu inwsiong decc knuar sewqandai si unw siw ee. gauw siaw quer iuxquanx singwlingg ee bunn, dyrr qaxsed guaw byy zinsingr-siong ee ziogdiamw, si jit jiongw lyxcyw ee qetlun. Jit xee langg qongxx ix si qidokdoo, dyrr qamxqag viw langg' kacc quann bin, marr si sniu' cinwcaiw ee qaxsed. Digvet dirr jongqaur-diongx, jerje langg quanwsir iong viauhy, jipquad laii jingwbingg jurqiw ee kensingg, zinrding jurqiw soxx sriok ee qauwpair itding si liauxqaiw siongrder ui'id ee lo, jex si m driyc ee, siongrder jit diamw aw dyrr byy quanw viauhy… dringw hiaxee u :ee /byy :ee, Ix qandna' jairir sidjid.

Qra langg dah qiwhy, jongw e u cangwmuaa ee bunrdee. Kyxviw qongxx, siacqiamw /vakduat langg ee cimdo. Ixx guaw ee knuawhuad, guarviauw suiw ee langg viw qycngiu :ee kacc zinjuu, kiauw, jex jixsi qaxsed, m si sursit. Jerje genxqiur jingwbingg, lanw air u kip'inxlat ee langg sisiongg qra liongsen ee digjid jurdong qax dirr jiaxee langg ee srinx-siong.

Lanw ui' qra langg dah viauhy soxx did diyc jerje sixvanw inwsiong, hro sniwmia tingkax dirr pubin cenxsniu ee jancur. Lanw vindnua jitgii jurqiw ee qetlun. Mrqycc narr qongxx anne, dah qiwhy si uanjuann byy vit'iaur, qangkuanw si sniu' cinwcaiw ar. kyhagqax diyhh qra surbut hunlui, jiacc erdangr sidgiam lixlun, inwjingr qetqyw ; qauwsux diyhh bingvik, m si muixx jit xee ginxaw longxx erdangr jniajyr uixdai ee jokqax ; verbuw rair erdangr kuvet qniaxzii ee qywsingr / hingwcur, jiacc erdangr hueingr qywvet ee digding suqiuu, viauhy u ix ee loriong. Qenwsetsingr ee viauhy jo lanw dirr snex /siw bak jit sud jyr cud diongriaur quatding. Piwzuu, snax qnxix vnuawmee duw diyc jit xee giac cingr ee cnehunrlangg, derr id ee huanxingr dyrr si "qinw jauw", liw qamxx u gong gong qongw "mr, hro guaw hunsig .jit .xe, jiacc qycc qongw!"

Zidsiongg sing'uac su'iaur viautauu laii hunven surbut. U sii, lanw beh duiww zinsu u qyckacc je liauxqaiw/ qinggiam jingg, diyh'air jyr cud jiamrsii ee quatding. Mrqycc, dysor jongrhongw, si lanw uirr cywgo ee lixiuu dah qiwhy. Dng' lanw suxiong viauciamx laii jyr qaxsed, byy qongjingr ee qisi tnazinn --- iacc si uirr langg' tuatkuix --- dyrr si decc qax / qiamw zinsu ee digjid, kiamwkuad vit'iaur ee liauxqaiw laii jicii lanw ee qetlun. U sii , hiyrqyw m na hai diyc langg', marr e hai jurqiw.

HUILIXSINGR SUKYW

Narr qongxx lanw singsit binrduir jurqiw, dysowlangg diyh'air singzin, lanw e u huanrjuersingr ee sukyw, jex si lingrgua jit jiongw hunwluan sukyw ee hingsid. huanrjuersingr sukyw ee genxqiur lixlun, duarvorhun si ixx huanrlangg jyr duiwsiong, jex byy hogjap, si cinwcaiw/ viauxbinrhuar, iauxx u quaw langg quanwsir qra jurqiw dongwjyr siurhairjiaw. Jitt ngiu ee langg be uirr jurqiw ee suanxdik hurjig. lingrgua u quaw langg byy siqanx quanliam, qandna' qor ganxjenn ee hiangxlok, byy birlaii, byy kyxlu jurqiw hinguii ee hiyrqyw. Mrqycc qnax lai ee huanrlangg ham' lanw , qandna' si jit diauu jin' byy cingcyw ee qaiwsnuar. Huanrjuersingr sukyw ee genxqiur nirr byy knuar diyc ciangjai knuar e diyc ee huilixsingr sukyw --- jitt xee hongsid cua cud hunwluan quatding.

Huilixsingr huanrjuersingr sukyw huisiongg ciongqongg, digvet binghenw dirr byy huanrjue ee zinkauw nirr. Hex si iongxiuxkuann ee simtair, qongxx si jiamwiuw ee iogbang. Jitt xee simtair inxhamm diyc qiaugno, huisiongg jiapqin henxhen ee jurluann, jiamwiuxiok qaur qigkamw ee langg, erdangr byy qor itcer cimhuan tnazinn ee kuanli, jaisanw. Narrr qongxx inx ee sukyw si laii jurr "jurvix jingqed", jitt jiongw langg suacc e qamxqag jin' bynai, qongw inx si virhairjiaw, kongwgi/ uanwceh inx ee qihue viw langg' kacc jiyw, inx ee jingxjok byy langg' tniar, sanwciah qingjewlat ziok, qadingg vuerqingw baiw. Duiww qaixsen sniwmia soxx su'iaur ee loxlik m jaix / byy knuar .diyc. U quaw langg suanw taux langg' ee mic, kipenr, cimjiamr, inx siongsinr sewqair kueckiamr inx. Inx ee bagjiux lai knuar byy jurqiw ee sukyw/ sing'uac hongsid bylingg.

Duiww mow quaw langg , jitt jiongw jiamwiuw si laii jurr "jurdai jingqed". Siongsinr ix jiamwdua, u iusenx kuanli, ix ee jingxjok, qingjer, qadingg vuerqingw viw langg quann jit kxamw, cniurr ix anne ee langg, ingwqaix hiangxiuw itcer, dyrr sngr ui' vadd langg ee ciuw-lai duat .diyc. Ix ingwqaix did diyc siongrr hyw ee qauwiok, siongrr hyw ee jitgiap qihue, binrduir qitnax duiqiuu qangkuanw diauqnia ee langg kiokk qamxqag langg cionghuan ix. Duiqiuu bixhyw sniwmia m si bunrdee, jitt jiongw sukyw hongsid ee bunrdee si ixx qisi/ vaksiah/ apvig ee hiyxding simtair.

Dongzenn, jex itcer longxx si hohamr ee sukyw. Soxui congbingg /singqongx /sriu quer qydingw qauwiok/ jiangxquanw dua hxingg kiwgiap ee langg, iacc si byy tak ceh / qankow drew cutsinx ee juerhuan / simliw jiongwgai ee langg, siwqer suisii longxx knuar e diyc. Zinsingr qiongrdongg digdingx si byy hxuad uansen ee sukyw.

DYPIAH SI HUNRLUAN SUKYW EE TAUJAM

Quiw nii jingg, guaw u jit xee huanrjiaw, si berdangr uansen sukyw ee hyw le. Dirr ix ee sniurhuad nirr, siongrr juxiaur ee digdingx, siongrr binghenw ee kuatdiamw si dexjer zimrhyy ee qaixvenr. Lanw sing'uac dirr jit xee dyvenr ee sewqair, zuqyw qra sewqair sniu jyr si byy kyxlingg qaixvenr, iacc si qirjuat qaixvenr, jex m si huanwsiongw dyrr si jurgnow kipenr. Jitt xee huanrjiaw druar dirr li guaw vanrqongsig iokk zi-jap hunjingx lordingg ee hiongcuanx. Muixx lexvair laii nng vaiw, taubuew sir dxangx, kaix liauw jidsiwlangg ee liabjig. Jitt jiongw siqanx /qimjnii ee daujux naxjunxx siongrdingx singdiongw/ qaixvenr ee iwguan, mrqycc guaw huathen m si.

Duxx kaisiw sii, guaw hro ix jit dniux derdoo, qra qongw, u jit diauu qin lo erdangr laii qaur jiax, jetsingw siqanx/ iuu jnii. Lak qywguec au, u jit zit ix sehsec liam qongw sraiw ciax laii jinxsow sniu' liauw siqanx.

"JOHN, liw ersaih liac didlo qniaa ar." guaw qongw.

Sitlew, derdoo prangw .kir ar. ix huedab. Guaw sui' qycc hro ix jit dniux.

Qycc lak qywguec au, ix qycc decc liam "kaix hiacc je siqanx".

Liw byy qniaa qin lo?

Byy ar, jitmaw qnuaa .langg, guaw byy air qniaa qed vingx ee snualo.

Mng ix si m si derdoo qycc byy .kir ar, qycjaiww hro jit dniux. Quer jit dxangx au, dyrr si kaisiw dirliauu ee nng dxangx au, ix jaiww qongw kiw lo sniu' hng.

JOHN, liw nacc byy air cir qniaa qin lo?

Or! Guaw bad qniaa.quer, singw byy zuarr je siqanx.

Guaw kia kiw laii, qongw "JOHN, lanw jywhuew kir jyr jit vaiw sidgiam". Guaw byy sniu beh hunsig ix ee hinguii.

Hro ix suanw beh qiwlok, iacc si sraiw ciax. Qongw ix beh jyr qiwlok. Gunw jnriu ciax, qniaa ix vingsii ee lo, zenau liac dit lo sraiw dngw laii vanrqongsig. Qniaa qin lo iokk qiamw go hunjingx. Guaw qongw, "JOHN, guaw beh qra liw jixcud jit hxang su, liw dagg vaiw laii jiax, laihuee qex liauw jap-gua hunjingx. Jitt nng nii laii, liw qex qniaa iokk nng cingx hunjingx, dyrr si snax zit ee siqanx. Liw longrhuir snax zit ee sniwmia. M na anne, liw qex sraiw jit bxan nng cingx

ingliw ee lo. Liw iauxx decc qongw vehcat, laii vyxho liw ee sinqingjid."

Qycc jit nii au, dyrr si qingguer jongxqiong snax dxangx ee dirliauu, JOHN jiacc qongw "mr! guaw sniu, guaw zinruii, guaw sniwmia-diongx juxiaur ee bunrdee si dypiah zimrhyy qaixvenr." Jex dyrr si uirsniaxmic ix m qniaa qin lo. Narr qniaa qin lo, viauxsi iong byy qang quanwsir ee hongsid laii sukyw ham' hingdong. Jiapsiu dirliauu marr si anne. JOHN iong "guaw sniu" "guaw zinruii", cingcyw viauwsi ix iauxx decc diuduu singzin qaixvenr ee vit'iaur. Jingsinn qnualingg vnerjingr ee lat huisiongg qiongdua. Jex m si jit xee singqongx ee anwle, itdit qaur dirliauu ee juewau jit kig, iuguann dypiah qaixvenr, hro jurqiw

sitvai. Cniurr JOHN, jerje langg dypiah qaixvenr ham' qirjuat singdiongw. Inx m guanrir binrduir dingsinx sokjy susiongw ee zimrbu, kir qaixvenr hiaxee inx knuawjyr jinliw ee qaxsed ham' huanwsiongw.

Guaw jiapsiu jingsinn ihak ee hunwlen sii, jingsinn hunlec (SCHIZOPHRENIA) virr dongwjyr susiongw sitdiauu. Ui' hitt sii kiw, guaw kaisiw siongsinr soxu ee jingsinn sitdiauu longxx si susiongw sitdiauu. jingsinn vnerjingr huisiongg giamdiong ee langg, cniurr jingsinn hunlec, jin' binghenw si susiongw hunwluan ee siurhairjiaw, ham' henrsit qirlii hiacc iauuanw, byy hxuad jiphingg zidsiongg uahdang. Dirr lanw ee siarqaux ham' qangjog kuanqingw nirr, longxx duw e diyc jurluanqongg (NARCISSIS), qiongjewsingr zinqeh (OBSESSIVE-COMPULSIVE) ham' virdong ilairsing (PASSIVE-DEPENDENT) ee langg. Viauxbin-siong inx knuar kiw laii, jin' "jingwsiongg",

sursit-siong, inx ee simliw jongrhongw kyxlingg jin' ziok, sukyw marr si hunwluan ee. jurluanqongg byy linglik qiamqor qitnax ee langg ; qiongjewsingr zinqeh :ee byy huatdo kyxlu dairqiok ; virdong ilairsingr :ee m jaix beh uirr jurqiw setsiongw.

Jitt quiw nii laii, guaw soxx jiapciog quer ee muixx jit xee simliw dirliauu anwle, longxx u moxjiongw tingdo quixquair joklong ee hunwluan sukyw. Duardysor jiapsiu dirliauu ee langg m si jingsinn qnualingjingr (NEUROSIS ), dyrr si zinqeh sitdiauu (CHARACTER DISORDER). Qaur dnaxx m bad knuar quer simliw isux ee dairjiongr zinkauw nirr, jiaxee jongrhongw marr si qangkuanw ciangjai knuar.diyc, sngr si hunwluan sukyw ee sanxbut. Qivunw-siong inx si duiww jikzim ee huanwsiongw, huanxngiar cud binrduir sewqair ham' sing'uac bunrdee ee ciongdut sukyw hongsid. Jingsinn qnualingjingr ee langg, huanwsiongw diyc ix rair uirr soxu ee langg ham' soxu ee dairjir hurjig, qetqyw sisiongg singdamx sniu' je ee jikzim. Dng' inx ham' vadd langg ciongdut sii, inx e jurdong qaxsed si jurqiw ee cywgo. Zinqeh sitdiauu ee langg kiokk huanwsiongw ix byy vit'iaur duiww jurqiw /qitnax zimrhyy langg hurjig, inx be

damdngx qauwgiac ee jikzim. Narr ham' vadd langg ciongdut, jurdong qaxsed si vadd langg m driyc.

Hro guaw dirr jiax jixcud, lanw soxu ee langg longxx junjai moxjiongw huanwsiongw. Simliw hagqax qongxx si qenrkongx ee huanwsiongw, jo lanw dro quer sniwmia-diongx ee quewdo qaidnua, hro lanw hibang. Piwzuu, longrban aiwjingg ee huanwsiongw, byy ix, lanw be qethunx. Ngiuxci qniaxzii ee kuaiwlok ngiaa quer tongwkow, jex marr si qenrkongx ee huanwsiongw, byy jex, lanw be sniu beh snix ginxaw. Danw qniaw benw iong ziyrju-aw, jiauwqor dyrr qex jin' qanxdanx ar, lanw anne sniu ; ginxaw narr kir tagceh, dyrr qex kacc kinsangx .quaw ; danw inx u qawjiaur, zenau, inx tak dairhak, qethunx, …., zuxx laii zuxx hyxser, jitmaw guaw ee huanwsiongw si, danw ginxaw sir-jap huer sii, guaw qyckacc kinsangx. Anne ee huanwsiongw, hro lanw itdit hiongr jingg, singdiongw.

Huanwsiongw m si uanjuann m hyw, duhuix lanw qra ix dne dirr ciuxsimx-diongx byy be vangr, ciauquer ix soxx duar laii ee qonglingg. Dng' lanw ee huanwsiongw itdit joxgai singdiongw sii, bunrdee dyrr huatsingx ar. jap-lak huer ee siauwluw dimbee dirr jiac hyw cing hyw ee quanwsir nirr, bixle ee guarviauw, ingxuanw hiamm byy qraur sanw.., hiamw beh qra jurqiw gy siw , knuar diyc jiac mic dyrr tyxiar. Kyxlingg ix qaur zi-jap huer sii, e tuatli jitt jiongw qnualingjingr ee jongrhongw, duiww jurqiw kacc u sinwsimx. Duiww byy air unrdong ee siauwlenlangg, kyxlingg e huathen jurqiw ee diwlik quann quer texiok, zuqyw jaix dinsiyh jurqiw ee jaidir, dyrr vixqaur kacc erdangr kikhok binrduir unrdong suanxciuw soxx sanxsingx ee jurvix jingqed. Byy su'iaur qra siyxkuaw ee jingsinn qnualingjingr / zinqeh sitdiauu knuawjyr itsingx ee jiongwgai. Mrqycc narr m kir binrduir, dngquw jiapsuar ee jingsinn qnualingjingr / zinqeh sitdiauu, e hro lanw be dinxdang tihh, suacc jniajyr dua liap jiyhtauu, joxdng lanw singdiongw ee lo.

C.JUNG qongw "jingsinn qnualingjingr si jinsit tongwkow ee tewdairpinw". Dairtew ee kow kyxlingg e viw soxx beh piacbenw ee jinjniar tongwkow qyckacc qankow, diyhvne venwsingg siongrr dua ee bunrdee. Dirr "simlingg derdoo" soxx siaw ee " jerje langg e cir beh dypiah tongwkow, byy air binrduir bunrdee, qetqyw kixjy liauw jit dingg qycc jit jann, d.-dingtac-t. ee jingsinn qnuanlingjingr. U langg iongxqamw binrduir, dirr simliw isux ee hiabjo-ha, texgiam jinsit ee tongwkow vnuaa quer jitt jxy koxlan snuatauu. M quanw zimrhyy jinghongw, dng' lanw dypiah binrduir bunrdee soxx sanxsingx ee kow,

lanw marr sitkir bunrdee inxcua cud ee singdiongw qihue. Dngg qrii ee simliw vnerjingr-ha, sionghunn iuguann dirr hiax, huawjyr kunwqingw, uii dirr liw ee siwvnix, jit enn jit enn jiamrr qra liw sog ann, byy qihue singdiongw ee jingsinn dyrr qiux.kir, byy .kir.

IONG SIMX KNUAWTAUR SEWQANDAI

Suibongw lanw sisiongg tauwquer hohamr ee sniurhuad sionghai jurqiw, u sii, sukyw sniu' jimjiog dendyww sriu langg' sionghai. Narr qongxx lanw sniu sniu' je, hro langg' byy hnuahiw, hex si inx ee bunrdee, m si lanw ee bunrdee. Liw iong liw ee taukag, vitzenn e ter langg' jewjy bunrdee, in'ui hiaxee langg sniu beh vaksiah/ kongwjer liw, iacc si hro liw vyxcii ilai/ qniahniaa. Inx amwcangr ee dongrqix kyxlingg si byy air hro liw liauxqaiw uanjingw/ doglip ee sukyw soxx kuriuw ee qywzinn llinglik.

U langg iong jin simqix beh hro lanw siongsinr vywjuaw-siong soxx tak.diyc ee itcer, ixqibb jingwhuw soxx qongw ee itcer. Zuqyw lanw byy uirr jurqiw sniu siongser, dyrr jin' iong'i jniajyr langg kongwjer/ kipenr ee duiwsiong. Uirr beh hro lanw qewsiok ilai siarhue, siarhue byy air lanw sniu sniu' je. Guaw qaqi ee verbuw ciangjai qra guaw qongw " SCOOT, liw sniu sniu' je ar." u zuarr je verbuw duiww qniaxzii qongw "liw sniu sniu' je ar" jex si zuarr lrow ee ue. zinlui u nauw, qamxx m si uirr beh sniu? Mrqycc lanw ee bunhuar byy diwdang lixdir ham' uansen ee sukyw, dendyww dongwjyr byy qang lui :ee, simrjiww zinrding qongxx si guihiamw :ee. duiww jit xee sniu beh jiangxag kongwjer ee langg, cniurr verbuw/ qowjuw/ jingwhuw, doplip sukyw kaksit si dua uihiap.

Guaw ee siaxjog, ciangjai knuar.diyc ee huanxingr m si guaw u sniaw sinx congwjy, si guaw siaw jerje langg itdit decc tamwsyh ee su. Inx huathen jurqiw m si qodnuax ee, m si hongqongg ee, dirr jit xee huanxduir sukyw, vnedit ee bunhuar nirr, si hro langg hnuahiw, qamxqag anuir ee. kaksit, rair u iongxkir jiacc erdangr ham' langg' byy qangg. Zuqyw lanw suanw doglip sukyw, diyh'air junxvi singsiu dnaxqig, jiapsiu langg' qongw ee quaiwqii, pruex lanw iawsen sewsiok. Lanw kyxlingg e virr dongwjyr texjer guaruii ee langg, dairviauw byy jingwsiongg / huanxsiongg, zuqyw lanw u iongxkir duiqiuu singdiongw, dyrr rair iong simlik hro sniurhuad zuxx laii zuxx uanjingw.

Kyxlingg diyhh iong jidsiwlangg ee siqanx, jerje langg jiacc erdangr jiapsiu inx iongxiuw doglip sukyw ee juriuu, jitt diauu juriuu ee lo u jerje siarhue ee besinr joxgai ee langg, qidiongx ji' id si beh lanw siongsinr, itdanr singlenn, lanw dyrr byy hxuad qaixvenr. Sursit-siong, lanw jidsiwlangg longxx erdangr qaixvenr/ singdiongw, dyrr sngr qaixvenr jin' jiyw jin' jiyw, jex si jit jiongw suanxdik. Binrlimm dionglenn guiqix sii, lanw ee susiongw dyrr e caixiong sinx ee, doglip ee honghiongr. Duiww mow quaw langg, jixu binrlimm sixbongg sii, doglip sukyw jiacc e huatsingx ; jin' viaix ee, iauxx u quaw langg ithiongr dyrr be doglip sukyw.

QNIAA QUER VUTANX EE QUEWDO QRII

U jit qxur ue qongw qaxx jin' hyw, "liw sniu sniaw, dyrr jyr sniaw" ; liw liauw siongrr je siqanx sniu ee, dyrr si liw byy guanrir kir jyr ee. qivunw-siong, tauwquer lanw iong simx sniu quer ee, m quanw si byy iwguan tamwsyh ee hyw dairjir, pnaiw su, ixqibb hyw/baiw diongqanx :ee itcer, ngiaw ngiaw e henxcud vunxsiongr. Dng' lanw lyxcyw sniu .jit .xe dyrr quer ee surbut, soxx qitai jit xee cinwcaiw ee dap'anr, si jin' binghenw ee huedab, m si ox dyrr si vec ee qetqyw, m quanw binrduir ee si zuarr hogjap ee jinghongw. Lanw diyhh singzin, henrsit

jerje jongrhongw, cniurr beh/ m ham' jitt xee langg qethunx? suanw sniaw jitgiap? dangsii brew cur? Longxx qamm u vruac ee singhun. Lanw diyh'air yc singjunn dirr byy kakding ee diongqanx kux.

Cniurr gauw dirr "simlingg derdoo" soxx qongw ee, duiww byy kakding ee

iongzimw si jitgii qaxsed singqenr ee diongriaur diauqnia. Dirr "txangx-vnix ee bincngg (A BED BY THE WINDOW, 1990)", hitt xee qingwcad juxqag hiongqongg bongxdongw iong sixvanw inwsiong ee sukyw lyc ee pnuawduan, juxiaur si ix byy guanrir zimxsiu byy kakding ee danxtai. Mrqycc lanw ingxuanw byy hxuad kakding si m si kyxlu liauw soxu ee janbin, cimx sniu quer ongxongw e hro lanw jin' lann lyc pnuawduan, jongw si kyxlingg u lauwqaux sniaw, lanw diyhh guanrir singdamx byy kakding ee kow, binrduir byy kakding, lanw iuguann erdangr hingdong, sikhap ee siqix jywcud quatding. Lanw ee susiongw/ qamxqag nng hongbin horsiang vixping .jit .xe, siongrr diongriaur ee si lanw rair singzin lanw m si busow-vutdix ee. jex m si qandna' jursingw, marr viauxsi lanw rair texgiam jitgii, guaw siongsinr jitgii si diwhui ee kaisiw.

Dirr guaw jyr simliw isux sii, guaw huathen jerje langg jip'ir qencii inx sewhanr ee sinwgiongw, naxjunxx byy jit xee sinwgiongw jyr anjuann bxang, inx dyrr byy hxuad cniurr duarlangg-ngiu (duarlangngiu) jyr dairjir. Jixu dng' inx ee bxang kir qaux puar kir, jitgii/ byy kakding jiacc e puu cud, duiwkongr guiqix ee quewdingg-diongx, gignaiw/ byy kakding dyrr jniajyr kyxcuw ee iudiamw.

Jiaxee langg tongsingg qingguer jit ~ nng dxangx ee simliw dirliauu au, e viw duxx laii ee sii kacc sitjir. Gauw qra hyrjyr dirliausingr ee siaudimm. Dirr jitt xee qaidnua, huanrjiaw e bingvik inx ee qu sukyw hongsid byy ingwhau ar, qu :ee si gong :ee, by loriong :ee, mrqycc sinx susiongw hongsid u damrvyc morhiamw / kunwlann. Berdangr huetauu, qniaa be cud kir, dirr jitt xee " diongqanx", langg e sitjir. Jitt sii, inx e mng "mr! uirsniaw beh hiongr jingg? Uirsnaiw jiacc huiwkir? Uirsianw rair morhiamw qaixvenr singwgiongw? Uirsniaw m quikir hongwkir jurqiw, jursad hyw lar? uac lecc u sniaw loriong? U sniaw iwgi?

Jiaxee bunrdee, ingxuanw byy qanxdanx ee dap'anr. Ihak/ simlixhak ee qauwkysux nirr marr byy dap'anr, jiaxee bunrdee qivunw-siong si quanhe junjai/ simlingg ee bunrdee. Si tamwtyw sniwmia ee iwgi. suibongw jitt xee qaidnua jin' pnaiw cuxliw. Guaw qongxx si dirliausingr ee siaudimm, dyrr si jitt jiongw simlingg-siong ee qunxqaw, juewau e uirr jiaxee huanrjiaw dirr dngg qrii dirliauu nirr cuarinw inx duarhanr.

"simlingg singdiongw" dahuertauu nirr, guaw qongw byy hunx simlingg/ simliw, nng xee ee singdiongw byy sniaw hunvet. Langg berdangr qra sukyw --- lixdir ham' simliw --- simlingg hunlii. Dng' guaw jiapsiu hunwlen sii, siarhue jin' liuhingg, si pixsniur lixdir-siong ee liauxgno, naxjunxx lixdir si byy qewdat ee, qongxx diongriaur ee kyxlu si simjniaa ee liauxgno. Jex si hohamr :ee. guaw dong'ir juewau diyh'air u simjniaa-siong ee liauxgno, dysor anwle henxsi diyhh singx u lixdir ee gno, simjniaa ee gno jiacc did e diyc.

Lanw ixx OEDIPUS jingqed jyr le. Jit xee byy qaixqaud OEDIPUS jingqed

ee singlenlangg, duhuix ix singx dirr lixdir-siong liauxqaiw jex si sniaw, narr byy, ix byy kyxlingg uanjuann hyw li.

Beh jniajyr qenrkongx ee duarlangg, dairsingx diyhh qaixquad OEDIPUS ee kunwqingw, hongwkir duiww verbuw ee singr iogbang. Narr si javox ee, e qra vaxvah knuawjyr duiww maxmah u kip'inxlik ee qingrjinx duiwsiong, jabow ee dyrr e qra vaxvah knuawjyr uirr singr iacc si jing'air ee duiwsiong, maxmah si qingrjingx duiwsiong. Jitt sii ginxaw e derr id vaiw texgaim diyc sitjir, inx berdangr anne jiamwiuw verbuw, inx virr vig diyhh quacli, duiww ginxaw laii qongw si huisiongg diongriaur :ee. dirr guaw ee qinggiam-diongx, berdangr sik'ingr qaixquad OEDIPUS jingqed ee langg, aurlaii e u huisiongg qiglet, simrjiww byy hxuad dongr ee kunwlann laii quacli zimrhyy surbut, in'ui inx m bad uansingg derr id vaiw ee quacli. Huisiongg diongriaur :ee, inx diyh'air jiapsiu jitt xee sursit, inx berdangr dadsingg "jiamwiuw verbuw" ee huanwsiongw.

Jit xee ui' FLORIDA vnuax qaur CONNECTICUT laii cue guaw ee luxsingr

vnerlangg, duxhyw suecbingg jitt xee dyrliw. Ix si "simlingg derdoo" ee cecbee, marr u jnii anne suaw laii druar jiax. Surau hunsig guaw vutqaix qoxle ix vnuax laii jiacc hng ee soxjai knuar vne, ix jongw si erdangr dirr dongde cue diyc isux. Jex si guaw dirr jitt xee anwle huan ee cywgo ji' id, aurlaii ix ee dirliauu byy uanjuann. Quewdingg-diongx jygu jerje kunwlann, gunw duiww ix simliw qattauu ee tamwsyh, siongrr cimx ee jit vaiw si, u jit zit ix derr id vaiw tniaqnir jurqiw cingcyw viauxdat ix laii knuar vne amwcangr ee dongrqix. Hit zit, gunw qniwbin au, ix jre dirr ix ee ciax lai, kyr dirr qawsuxvnuaa dingw decc hauw. "Or, kyxlingg danw guaw kikhog liauw guaw ee OEDIPUS jingqed au" ix qaqi qra qaqi qongw " PECK isux dyrr e crua guaw". Guaw jniajyr ix sniwmia diongx ee vaxvah qaksig, tewdai ix ingxuanw byy hxuad jiamwiuw ee vaxvah. Byy zuarr quw au, ix duiww guaw qongw "kyxlingg liw si driyc ee, guaw si u OEDIPUS jingqed." Narr si guaw byy singx dirr lixdir-siong duiww ix qaixsueh OEDIPUS jingqed, guanw dyrr byy vanrhuad u jitt jiongw jinwdenw.

Lingrgua jit xee anwle, qycc si duiww quacli surbut u kunwlann ee lamsingr, jaxjingg bad dirliauu quer, byy singqongx. Laii cue guaw ee sii, duxx sriu kow. Ix uanr ee si, u snax xee jabow vingiuw, ix ham' dag'ee longxx u cinbit quanhe, hro dairjir qyckacc hogjap ee si, ix kaisiw virr derr sir xee kip'inw. "PECK isux, liw byy liauxqaiw guaw ee tongwkow u zuarr qniax .langg, liw qamxx jaix, gauw rair dongsii kir camqax snax xee byy qang langg ee qamxunjad ee amwdngr, jex si zuarr lann neh!"

"hex kaksit hro liw ee sing'uac u damrvyc hogjap, qamxx m si? " Hitt sii guaw ixqingx byy dirliauu huanrjiaw, qandna' teqiong sunmng camsiongg. Guaw iauxx byy cingcyw jitt xee langg, dyrr qiyr ix qycc laii jit vaiw, kaisiw huaigii ix byy vanrhuad hongwkir jabow vingiuw, jyr be cud quatding ee guan'inx, kyxlingg ix byy qaixquad ix ee OEDIPUS jingqed. Danw derr zi vaiw laii ee sii, guaw beh ix dramm ix ee maxmah.

Ix qongw cud laii ee maxmah, si suiw qaxx qniax .langg, qongw qycjaiww qongw, qongw be suah. Ix dirr jit qingx zinjer quanhe qowbun qongsix qangjog, vingsii juxcii iuxquanx simlixhak ee qangjokqingx, suibongw ix simlixhak vuerqingw jabhunx honghur, kiokk byy huatdo caqag jurqiw ee kunwqingw. Guaw mng "HARRY, liw qamxx jaix sniaw si OEDIPUS jingqed ?"

Hex si ham' moxmic langg u quanhe ee, si m si?

Jitt xee langg dirr lixdir-siong ingwqaix jaix sniaw si OEDIPUS jingqed ee, henxzenn ix jiapsiu hunwlen si byy juwir(guaw sniu ix si amwiwsig diauqangx ee, DGZ juwqaiw). Dongzenn, jin' binghenw ee lixiuu, si jitt xee kywdee dag diyc ix jurqiw ee jingsinn qnualingjingr. Jitmaw jywcud jinxduan, guaw dyrr siaurqair ix kir knuar qitnax ee simliw isux, aurlaii tniax qongxx ix ee dirliauu byy singqongx. Ix m guan qaixvenr.

Cuxliw vir-gigqongg (MASOCHIST) ee anwle sii, marr u luirsu ee bunrdee. Virr-gigqongg ee qettauu si sniu beh vicamw ee iokbang, narr beh air hyw jiaujngg, diyhh yc kuaiwlok, inx qivunw ee dongrqix si byy air kuaiwlok. Dirr dirliauu-diongx, jitt jiongw vne si singx setding jurgnow sitvai, vnerlangg liac diyc mic kiuw ann ann, m kingw vangr, byy vanrhuad marr berdangr hongwkir, dyrr sngr jiaxee mic hro inx byy kuaiwlok. Naxjunxx inx u luerjai ee sitvai dongrqix, quacli dairviauw qaixvenr. Cniurr hitt xee m guanrir hongwkir dongsii u sir xee jabow ee javolangg, byy guanrir jywcud erdangr dirlauu ee qaixvenr. Jex si jerje langg uirr hunwluan sukyw soxx hu ee dairqer.

TNIAX LIW EE SIMJNIAA, SNIU LANW EE DAIRJIR

Lanw duiww qoxvanw inwsiong/ huanwsiongw soxx jipbee ee ilai, hro lanw sisiongg ham' langg' qauliuu be hyxser, jyrsingg gorhue, ciongdut. Tad kaqiuu ee bingcnix O.J.SIMPSON taisiw bow ee suhuad pnuawquad ee nng qigtauu jingxjok huanxingr dyrr si jingwbingg. Byy jitgii jurqiw duiww jingxjok ee qoxvanw inwsiong, m quanw si vehlangg iacc si olangg, dyrr e hro lanw byy huatdo tniax diyc vadd langg soxx qongw ee ue, qra tongtaur qauliuu ee qivunw diauqnia dongwjyr byy junjai. Zuqyw byy hyw hyw tniax duiwhongx qongw, dyrr byy huatdo u jinjniar ee qautongx, byy uansen ee sukyw, dyrr byy hxuad hyw hyw tniax, beh qycc qongw sniaw?

Jit xee qanggiap simliw hagqax u jit vaiw qra guaw qongw, haghau ee kywdingg hunrliong ham' hagsingx cud siarhue soxx suxiong ee tingdo duxx dywhuanw. Guaw byy siongsinr haghau qar :ee ham' birlaii beh suxiong :ee, uanjuann qangliong si jit qnia hyw su, mrqycc guaw siongsinr lanw qaix qauwdy hagsingx qyckacc je quanhe uansen sukyw linglik ham' juansimx tniax langg qongxue ee quewdingg.

Jerje qonglip/sulip haghau, cavutdyx byy qar jingwkag ee qautongx honghuad. Jit xee singqongx ee kiwgiap juxquanw jiwjiyw rair u sir hunx ji' snax ee siqanx sukyw/tniax langg' qongxue, qycc u jit siyw vorhun ee siqanx qongwue hro langg' tniax, rair qycc u jiyw vorhun ee siqanx siaw vywqyr ji' lui ee mic. Tuantongw qauwiok-diongx, lanw soxx did diyc quanhe jiaxee qivunw qikiauw ee hunwlen, duxx hyw ham' singqongx juxquanw soxx su'iaur ee qivunw linglik dywvingw. Sursit-siong, jiaxee qivunw qikiauw ham' lanw sing'uac muixx jit janbin longxx u jin' cimx ee kanlenn.

Jerje langg zinruii juwsinn tniax langg' qongxue si virdong ee huanxingr, qisit, duxhyw dywvingw, si juwiwlat ee juxdong lenrsib, marr jin' qanlann ee kangkuer. Dysowlangg byy liauxqaiw jitt xee dyrliw, iacc si byy guanrir liauw simsinn, inx byy vanrhuad jingwkag jimjiog tniax langg' qongxue. Lanw narr uanjingw tniax cingcyw duiwhongx ee simsniax, danw beh qautongx kokdenw jurqiw ee ingxhiongxlik sii, dyrr qex jit hun lat laii duiwkongr vindnua ee piacsingr ham' qniahniaa ee joxgai, jex si jin' byy qanxdanx jyr qaur ee.

Jimjiog tniax su'iaur hro duiwhongx juanzenn ee juwiwlik, jex marr si air ee viauxhen, diongrdiamw si u qiwlut ee quanjiaur, jiamrsii hongwkir jurqiw qoxvanw inwsiong / libdniuu/ iogbang, jiacc erdangr cimzip texgiam duiwhongx ee sewqair, ter ix jywcud iuxli ee cuxliw. Jitt jiongw viauxdadjiaw ham' tniax langg qongw :ee ee qethap, sursit-siong si sianghongx jurgnow ee endngg ham' kokdua, jongw si e sanxsingx sinx diwsig. Viauxdadjiaw qamxsiu diyc duiwhongx ee quanjiaur/ uanjuann jiaplap, cuiwziok ee qamxqag jiamrr vyc .kir,

guanrir qongw cud simlai ue. dng' jitt jiongw jinghingg huatsingx sii, sianghongx e zuxx laii zuxx horsiong liauxqaiw, jinsit ee qautongx jiacc erdangr kaisiw jinwhingg, aiwir e dauc duac vu cud laii. quanjiaur ee qiwlut/ juanzenn ee juanjur su'iaur jiacc dua ee jingsinn, jixu air jiacc jyr e qaur. Guaw duiww air ee dingrgi si, guanrir hisingx jurqiw singjuann tnazinn, drat qaur qiongrdongg ee singdiongw.

Duarvorhun ee sijun, lanw kiamwkuad jitt jiongw jingsinn. Dyrr sngr dirr jitgiap/siarqaux-siong, kyxlingg liw qamxqag u decc jimjiog tniax, qisit lanw tongsiongg jixsi suanxdigsingr ee tniax.simlai ixqingx u libdniuu, jidbin tniax, jidbin sniu, sniu beh anxjuanw laii qetsog iacc si juanxii uerdee, tangx did diyc hibang ee qetqyw.

Dysowlangg duiww qongxue hro langg tniax viw tniax langg qongw cuwbi

jerje, byy guanrir tniax jurqiw byy sniu beh tniax ee dairjir.

Byy m driyc, ngar hni tniax ee linglik e duer diyc lenrsip dauc dauc jinwvo, mrqycc juadduir m si kinsangx ee quewdingg. Itdit qaur guaw jyr jitgiap simliw isux ee buew qrii, guaw iauxx sisiongg su'iaur cniaw huanrjiaw qycc qongw jit vaiw, si guaw hunsimx .kir, tniax byy qaur cingcyw. Cimxx tauu quiw vaiw anne jyr sii, e damsimx inx huaigii guaw dauwdew u decc tniax byy, qniax inx duiww guaw huanxqamw, mrqycc duxx dywhuanw, gauw huathen inx naxjunxx didqag liauxqaiw, jimjiog tniax ee qikiauw ji' id, dyrr si erdangr huatqag hunsimx ee si'kig.

Guaw singzin guaw hunsimx, sursit-siong hiongr inx jingwbingg liauw dysor siqanx longxx juansimx decc tniax.

Guaw huathen dng' vnerlangg jaix u langg jinjniar decc zinrjinx tniax inx qongxue sii, jitt hxang su vunwsinx dyrr u iliauu hauringr. Dirr guaw jinxsow ee vnerlangg nirr, dairiok sir hunx ji' id ee vnerlangg, m quanw si duarlangg iacc si ginxaw, dirr jiapsiu dirliauu ee tauu quiw qywguec, zimrhyy vnerguann iacc u iwgi ee jinxduan longxx iauxx bue cuthen jingg, dyrr u siongdong tingdo simrjiww hiwqiogsingr ee jinwdenw. Jitt jiongw henrsiong u quiw xee guan'inx, guaw siongsinr, juxiaur si venrlangg qamxqag inx did diyc jinjniar juwsinn tniax ee quanjiaur, jex kyxlingg si inx quixarr nii laii ee derr id vaiw, duiww u quaw langg, simrjiww si itsingx-diongx ee derr id vaiw.

JURIUU, JIKZIM

Cingcyw bingliauw ee sukyw ham' hunwluan ee sukyw si tnix cax de ee dairjir, simliw dirliauu u jit diauu byy singbunn ee quiqiw : tenha byy soxui baiw susiongw iacc si baiw simjniaa. Dirr mow quaw jinghongw nirr, si u loring ee quiqiw ; dirr qitnax jinghongw-diongx, jiaxee ee quiqiw iuqycc virr knuawjyr cinwcaiw qongw ee.

Lanw qandna' erdangr duiww hinguii jywcud dyrdiksingr ee pnuawduan. Zuqyw u langg sniu beh pah liw, danw ix jinjniar giac jit pax dingx ui' liw ee tauu hamw .lyc, jex jiacc si pnaiw su. Qandna' dirr taukag drew sniu byy sngr sniaw, jex si sniu :ee ham' "qongkaix" hinguii ji' qranx ee dua cavet ; ixx hingdong laii sidhen sniurhud. Dirr susiongw iauxx bue hingdong jingg, cavutdyx byy kyxlingg pingpnuar jit xee langg ee susiongw.

Anne, lanw binrlimm jit xee quanhe juriuu / susiongw ee maudunw. Lanw u juriuu sukyw itcer surbut, uirr beh did diyc simliw qenrjuann, lanw rair u juriuu jyr qaur jurgnow sidhen. M si anne, dyrr viauxsi lanw ersaih juriuu sidhen juerog ee jurgnow, saixsingr auxhnuaii, iacc si byy qor hiyrqyw jongsu pywhairsingr uahdang. Sukyw/ simjniaa ee juriuu marr pnuarduer kongwjer susiongw, kongwjer simjniaa ee jikzim. U quaw langg, vauquad quewkir ee guaw, diyhh unxjunw jurqiw yc erhaiw hauw, u quaw iong'i sriu sionghai ee langg, diyh'air yc mair hauw hiacc je. Lanw rair u sukyw ham' simjniaa ee juriuu, jex m si viauxsi lanw qaix dua sniax qongw cud muixx jit xee liamrtauu iacc su lamriong simjniaa.

Hyvingg congwdyrjiaw, qiamx singtair vyxiok/ binkuanw binkuann lingxdyrjiaw PETER SEEGER (1919- ) ciangjai e cniur jit siuw huanw-FASCISM ee Dikqog quax DIE GEDANKEN SIND FREI, didjiap huanx jyr "susiongw si juriuu ee". uirr beh sukyw/ qamxqag, zinlui diyhh si juriuu ee ; mrqycc juriuu si u diauqnia ee, kiamwkuad qiwlut ee juriuu e hro langg duar laii mahuann. Kaksit, erdangr juriuu sukyw si jit jiongw hogjap ee maudunw, uansen ee sukyw su'iaur u hanrjer juriuu ee quiqiw, m si soxu ee susiongw longxx si hyw ee. baiw susiongw e cua cud baiw hinguii. Dyrr cniurr lanw soxx knuar diyc siarhue-diongx ee hohamr susiongw, lanw huisiongg su'iaur vyxcii qingxqag, u jerje jingwqur henxsi, jerje okjid/ qigtauu ee susiongw virr qaixsueh jyr hyw susiong, jixsi in'ui jiongwzinn dongwjyr lixsow-dongzenn.

Guaw sniu diyc CAT STEVENS ee quax "CAN'T KEEP IT IN", siongrr buew ee quasuu si "qongw cud liw ee qencii, qencii liw ee susiongw, sukyw itcer." Guaw air tniax jitt siuw quax, mrqycc dng' ix cniur "sukyw itcer" sii, guaw qamxqag u damrvyc huaigii. Iongunw juriuu sukyw itcer, jex si jit xee qniax langg ee kyxlingsingr, mrqycc guaw siongsinr, lanw diyhh hro langg jitt jiongw juriuu. Dongsii, lanw rair singzin, jex byy viauxsi soxu ee langg longxx e uansen sukyw. U susiongw juriuu au, lanw su'iaur vyxcii qingxqag, in'ui kyxlingg dongsii e jyr jingwkag/ cywgo ee quatding. Pnua diyc susiongw ee juriuu, lanw marr su'iaur yc iongzimw byy kakding ee juriuu.

Guaw jicii jit xui vingiuw tecud ee qenwgi, ix sniu beh ixx siongrdingx ee hongsid laii viauxdat jiaxee quanliam. ix zinruii lanw qaix dirr Bixqog se'hnua kia jit jxy jikzim luxsinn, tangx ham' danghnua juriuu luxsinn cruw diyc vnehingg. Kaksit, lanw erdangr hunquah juriuu ham' jikzim. Lanw u sukyw ee juriuu, lanw diyh'air uirr jurqiw ee sukyw hu kiw jikzim, knuar lanw si m si unriong susiongw ee lat laii huathuix sniwmia ee aurkuir(amwcangwlat).

LAU VORDNIA

Siongsinr dysowlangg zinrding jurzenn dyrr e jaix beh anxjuanw dingxjinx sniu, jitt jiongw qaxsed qivunw-siong dyrr si siongsinr sukyw byy su'iaur kaix siqanx liauw jingsinn. Lanw jin' hyw zirun sing'uac dirr jit xee u haurlut ee siarhue-diongx, kir ci-aw brew mic ee dongsii, qaixquad jiac vng ee bunrdee, jex hro lanw qitai dairjir ee qetqyw cniurr kuaiwcanx /soksiddiamr ee hogbu qangkuanw qinw. Lanw sriu jex ee qoxle, suxiong siqanx jin' u haurlut, mrqycc lanw jin' jiyw erdangr jin' u haurlut sukyw. Binrduir jinsit sing'uac bunrdee sii, lanw siongxsiong jurqiw erdangr kinsangx kuaiwsog cuxliw, dyrr cniurr denrsi-dingw snax-jap hunjingx ee ciywkuex hiwcud qangkuanw.

Qetqyw jerje langg duiww cimsniu byy cuwbi. Sohud jinjniar sukyw soxx su'iaur ee jingsinn simlik, suacc hro lanw narr duw diyc sniwmia-diongx jiongxjiongw kunwqingw sii, byy huatdo iuxhau cuxliw, taukag byy dinxdang kacc qongw marr si dirr hiax decc seh ngikox-aw narnia. Zuqyw lanw junxvi beh qaqi sraiw ciax kir dngdoo luxhingg, itding e qra derdoo jah dirr sinkuvnix iacc si singx quatding lorsnuar, mrqycc dirr sniwmia ee luxiuu lorsiong, lanw jin' jiyw e tingg lyc laii sniu .jit .xe, dauwdew si ui' dycc jit xee honghiongr, beh kir dyhh? Uirsniaxmic beh kir hiax, iacc si cik'ue beh anxjnuaw kir?

Dirr jitt jiongw byy singx qewue ee lyxcyw taiwdo-ha, sniwmia-diongx byy qang janbin ee bunrdee sisiongg srid juxir, itdit qaur juewau cuthen qik dua ee guiqix. Kyxlingg lanw lauwqaux jerje erdangr jo lanw singdiongw ee sinx quanliam, dansunn in'ui byy huhap lanw irsed ee qaiwliam qetqor. Kaix jerje siqanx jixsi virdong huanxingr, naxjunxx lanw si qikiwlangg, virr setqer kir cuxliw siongrr byy su'iaur siqanx ham' juwiwlik ee dairjir, kiokk m cab zimrhyy su'iaur simsu ee surbut, qandna' puee puee aw bongx diyc viauxbin. Lanw diyhh texzim uansen ee sukyw si liauw-sii-huir-sinn ee quewdingg, berdangr qitai sui' dyrr u qetqyw. Kavo jiamrsii diyh'air ban lyc laii, kaix siqanx cimsux /

bing'ngiu, simrjiww qidyw. Jex si drat qaur kacc u iwgi, qyckacc u haurlut ee ui'id loringr.

Guaw bad qongw .quer, guaw si jah diyc cimsniu laii cutsir :ee. Jex viauxsi guaw e diauqang vuah siqanx jyr sukyw/ qidyw ee diarjir, cniurr sew cuiwkiw hiacc jurzenn. Dagg zit ee siqanviauw-dingw, jongxqiong nng diamw vnuar jxingx, vunx snax dnxua, muixx dnxua sir-jap-go hunjingx, jiaxee siqanx, kacc byy jap hunx ji' id iong laii duiww siongrder qongxue (dysowlangg soxui ee qidyw), lingrgua jap hunx ji' id tniax siongrder ee sniax (bing'ngiu). Cunx ee siqanx si iong laii siongser jimjiog ee kyxlu, dairjir jingg-au kyxlingg ee kinx / dang vaii .jit .xe, jiauww diongriauwsingr ee sunrsi jit hxang jit hxang laii, zenau jyr quatding. Guaw iong "qidyw siqanx", byy air qongxx sukyw siqanx, si byy air ho'ngg qiauxcaw. Anne m si byy lauxsit, jerje hongbin sukyw huisiongg jiapqin qidyw.

Quanhe qidyw, siongrr qac'ir ee jit xee dingrgi --- simrjiww byy qongw diyc sinn --- si MATTHEW FOX soxx biyue ee "duiww sinvir sniwmia tetdew qaixqiksingr ee hueingr (A RADICAL RESPONSE TO THE MYSTERIES OF

LIFE)". Qidyw /sukyw suisii pnuarduer, dirr guaw zedjingg jurdong ee hue'ingr jingg, su'iaur jikqik ee kyxlu, uansen ee sukyw dyrr si jitt jiongw ee uahdang.

Gauw rair singx qra soxui ee "tetdew qaixqiksingr (RADICAL )" ee iwgi qongw cingcyw. Jitt xee zirguann laii jurr LATIN giw RADIX, iwsur si "qinx". Tetdew qaixqiksingr si uew cud surbut ee qinvunw, cimsux ee duiqiur si ziog tangr quer hudsimx ee tauwbinghuar, byy sriu zimrhyy viauxbin ee qanziauw. Siongrr jiapqin "tetdew qaixqiksingr" ee zri si "qinvunxdik (FUNDAMENTAL)", qinvunw :ee si jiokk diongriaur :ee. jin' qiquair, "qikjinr hunrjuw" si decc qongw jit quaw jyxpair, krenx jawdann ee byy-jinwhuw juxgirjiaw, "qivunw qauwgirpair" si hingiongg iurpair ee qigduanx hunrjuw. Guaw suxiong "qikjinr hunrjuw" "qivunw qauwgirpair" sii, ham' qowding laurqoxvanw inwsiong uanjuann byy quanhe, guaw ee iwsur si , zimrhyy langg jixiaur iong simsinn, dyrr si jikqig jinwvo :ee, ui' jitt xee susiongw jyr cuthuatdiamw soxx inxcua cud ee hingdong, si qikjinr :ee ; jiaxee hingdong si tamwtyw / qaixquad sniwmia-diongx siongrr diongriaur ee bunrdee. Qidyw marr si anne, soxx qidyw :ee, erdangr jniajyr hingdong jiacc si u iwgi :ee, narr byy hingdong, si byy loriong ee.

Qikjinr susiongw ee langg si doglip ee susiongxjiaw. Inx jaix bersaih qandna' kyr jurqiw ee lat, m si qniaa qigtauu :ee, m si vaitig vadd langg ee diwsig. Suibongw jurqiw sniu hro siongser si jin' diongriaur, mrqycc berdangr cniurr vuanrgik ee ginxaw hitt ngiu, qirjuat soxu ee tuantongw diwhui ham' siarhue qewdat, anne si byy vit'iaur ee longrhuir kuiwlat / siqanx. Lanw rair hagsip hyw ee lingxdyrjiaw/ laursux, tauwquer jiaxee sukyw uansen ee langg, cue diyc hyw ee / u loriong ee sirhuan, liauxqaiw haurlut / ciongsit sing'uac ee iwgi.

Guaw u jerje byy qang ee jurgnow hingsiong, qidiongx ji' id si qangxqiur haurlut. Jyr jit xee simliw isux, qycc beh siaxjog, guaw teciongr kacc u haurlut ee sing'uac --- byy itding rair ingxuanw kuaiwlok/ susongw, diyh'air dirr zimrhyy jinghongw-ha, jinrliong hagsip, ui' sniwmia did diyc siongrr dua ee siusingg.

Dng' guaw iuguann siwqer enxqangw sii, sisiongg e hon'gg mng .diyc, jnuaxngiu erdangr jyr hiacc je --- enxqangw, siaxjog, tuantew hyhaii congwdyrjiaw, qycc si vaxvah, jyr langg angsair ee sinhun, marr si tamsimx ee tagjiaw. Guaw ee huedab si, dagg zit jiwjiyw nng diamxjingx sniaw longxx byy jyr --- dyrr si qongw, jitt dnxua siqanx iong laii sukyw, qidyw, qui'ue dairjir ee dang-kinx-qib-ban dirr jitt xee siqanx lai uansingg, hro guaw venr qaxx jin' u haurlut.

Dng' liw zinrbad qangxqiur haurlut, liw e yc kacc dew ee siqanx-lai uansingg qyckacc je ee dairjir. Susiongw u haurlut, erdangr kuhunx dairjir ee jingg-au sunrsi, anne jiacc erdangr binrduir sniwmia-diongx ee qanlann, m si qra dongwjyr qapp liw byy dirdai. Haurlut dongzenn vauquah qiwlut. U qiwlut si iwbi diyc byy tamx jidsii ee hiangxsiu, guanrir kyxlu diyc vadd jiongw ee kyxlingsingr. Siangduir ee, cinwcaiw sniu hro liw jyr liauw byy qiwlut, ciongdong ee pywhairsingr huanxingr, be kir kyxlu kacc kiauw/ u qenwsetsingr ee suanxdik.

U haurlut byy viauxsi rair jniajyr kongwjewqongg, itding diyhh qewue muixx jit hunjingx/ muixx jit biyxjingx, jitt jiongw ee sniurhuad si kyxciyr ee. haurlut m na si qewue, marr si junxvi. Dng' qinxqib jongrhongw siamw be quer sii, lanw u cunqiusingr kir cuxliw siongrr qinxqib ee su'iaur, in'ui lanw simliw ithiongr u junxvi hyxser. Haurlut dyrr si kir quanjiaur hiaxee rair singx cuxliw :ee, benw zid'au venwjyr kacc dua ee bunrdee, mair duar laii byy vit'iaur ee sionghai.

Lyxcyw ee taiwdo dyrr si byy haurlut, ter vindnua cue lo. Uirr dypiah qaixquad bunrdee ee qiwlut soxx su'iaur ee loxlik /qankow, dirr sukyw-siong soxx caixcuw byy jingwdongx ee qinrlo, qetqyw hro dairjir jit diamw aw dyrr byy jinwdenw. Hohamr ee sukyw jyrsingg ee bongrsiongw, qaixquad ee honghuad si kangx :ee, suacc hro kunwqingw vauuii, vak dirr guande byy dinxdang, gne kir. jex si qanxliok ee lyxcyw ham' iuxhau dansunn ee cavet, taunauw qanxdanx ee dap'anr si cai dirr guann soxjai, u haurlut ee sukyw hro dairjir dansunhuar, kakding jingau sunrsi, jiauww vo jit jann jit jann qaixquad. Lanw beh air jniawdit ee susiongw ham' hingdong, jex si huisiongg diongriaur ee kuvet.

GINGJIAB CIONGDUT, JNIAWDIT SIY' SUII

Guaw zinruii hiaxee siongsinr u kinsangx dap'anr ee langg --- qamxqag jit jiongw dyrliw erdangr ingwiong dirr banrbut-siong --- si decc teciongr hohamr ee susiongw ham' lixdir-siong ee qisi. Guaw je nii ee luxhingg qinggiam, kir quer jerje soxjai, huathen jitt jiongw kinsi si jin' suwsiongg, m si lergua :ee. Zuqyw lanw qaxsed u jit diauu dyrliw erdangr sik'iong banrbut, jurzenn dyrr e kir jauxcue, dongsii vaitig kyxlingg ham' jitt xee dyrliw maudunw ciongdng ee qitnax dyrliw, sursit-siong, lanw soxx beh air ee kyxlingg si soxui maudunw ciongdng ee dyrliw. Guaw knuar quer jerje sriu .quer qydingw qauwiok kiokk

teqiong / suncue lyxcyw qanxliok ee dap'anr laii qaixsueh hogjap ee henrsiong, ui' vogdong, dongsingwluann, dnaxtaix qaur sanwciah, vnertniar, siaog, jenwjingx…, sidjai hro guaw qniax jit diyy. Guaw siongsinr u iongxkir sing'uac, m si duiqiuu dan'id ee qaixdab, anne viw ilai hohamr qanxdanx ee dap'anr quer zidjiw, qenrkongx jerje.

Dirr "cue jihytauu (IN THE SEARCH OF STONES,1995)" nirr, biysiaw guaw ham' jit xee u jnii ee qoxpiyr kanqauu-aw ee duiwue. Ix si vehlangg. Gunw qongw diyc L.A. qingxcad pah RODNEY KING ee anwqnia, suanpnuar byy jue soxx inxhuad ee vogdong, jitt xee sriu quer qydingw qauwiok, kiauw qycc singqongx ee qoxpiyr kanqauu-aw iong kingxding ee gixkir qongw, vogdong ee lixiuu si "qadingg quanliam ee songwsid". Ix jitt xee qetlun si ui' soxx knuar diyc vogdong ee langg cavutdyx si siauwlenn olangg. "zuqyw inx longxx qethunx u qniaxzii, diyh'air qangjog cniaqex, dyrr byy siqanx vogdong." Ix anne qaixsueh.

Guaw krir qaxx naxx huew decc dyc. gauw qra qongw, dirr lole jewdo-ha u nng-vah-gua dxangx, lanw byy iong'unw olangg qethunx iongxqex, suacc hro inx byy qadingg quanliam. lanw hro inx quiw xee bunhuar ham' ligsuw-siong ee lixiuu, itvnuax laii qongw, uirsniaxmic olangg luxsingr viw lamsingr jiapsiu kacc hyw ee qauwiok, qyckacc iong'i cue diyc kangkuer? Guaw tecniw ix, hitt sii Qajiux sngr si qingjer dywtewlux siongrr giamdiong ee derkux. Gauw qongw diyc Bixqog jingwhuw qewdat quanliam ee songwsid. Dramm diyc qisi ee aplik ham' juadbang ee simliw. "qadingg quanliam ee songwsid kyxlingg si jitt dniuu vogdong ee guan'inx ji' id. " "mrqycc jixsi jerje guan'inx ji' id , vogdong si qyckacc je hogjap guan'inx jyrsingg ee." Si guaw ee qetlun.

Guaw sniu beh qra qongw "ziog qaur qindew" ee taiwdo, siongsinr zimrhyy diongriaur ee surbut longxx u jerje dingg ee guan'inx, si iauqiuu qokk janbin ee jingxhap au, did diyc dairvorhun ee uerbin. Jex si liauxqaiw jerje kywdee ee vit'iaur diauqnia. Uanjingw ee sukyw si ixx dyenn jancur ee hongsid laii qakcad surbut, si jniawdit sukyw ee hudsimx, jniawdit (INTEGRITY) laii jurr zirqinx INTEGER, viauxsi jingxtew, uanjuann. Beh susiongw / hingdong jniawdit, diyh'air jingxhap hogjap sewqair ee dyenn janbin qapp surliw, ham' hohamr qanxliok uanjuann byy qang ee.

Simliw hagqax qra "jingxhap (INTEGRATE)" ee dywvingw cingjyr "qeckuix

(COMPARTMENTALIZE)", si qra u quanhe ee surbut, he dirr lanw taukag

lai jit qeh jit qeh ee qecqingx nirr, hro inx horsiong be u ciongdut, be jyrsingg aplik/ tongwkow, mocad/ qinxdniux.

Dirr "byy qangg ee qoxsniax (THE DIFFERENT DRUM, 1987)" ham' "cuejiyhtauu" jitt nng vunw ceh nirr, guaw soxx inxsueh (inxsuad) ee jit xee le si, jit xee lamsingr dirr lexvair jaiw kir qauwhue, jin' kansingg siongsinr jurqiw air siongrder, air banrbut, vaiwid siongrvanx sii, qongsix qiyr ix qra u dok ee vunwsyr dyr dirr dongde jit diauu siyw kelauu nirr, kiokk be jitgii. Dongzenn jex si in'ui ix qra ix ee jongqaur he dirr jit qeh, qangjog he dirr lingrgua jit qeh, lanw soxui ee lexvaiwzit qidokdoo. Jex si jit xee suwsi ee singjunn hongsid, kiokk byy jniawdit.

Susiongw/ hingdong jniawdit, su'iaur law uanjuann texzin diyc horsiong maudunw ciongdut ee susiongw/ iauqiuu. Lanw su'iaur mng jurqiw jitt xee diongriaur ee bunrdee : qamxx u srid qakcad ? lanw diyhh ciauuat vingsii ee lyxcyw huanwsiongw/ qaxsed, kir uew cud virr sohut ee surbut.

Dirr guaw jiapsiu simliw dirliauu hunwlen ee jaw qrii, laursux bad qar gunw, vnerlangg byy qongw :ee tongsiongg viw soxx qongw cud :ee qyckacc diongriaur. Jex si ziog qaur qinguann, cue cud srid qakcad surbut siongrr hyw ee inxcua. Piwzuu, dirr quiw vaiw simliw dirliauu ee jinxduan-diongx, qenrkongx :ee e ixx jingxhap ee hongsid dramm diyc inx henrjai, quewkir qycc birlaii. Narr si jit xee vnerlangg qandna' qongw henrjai/ birlaii, quewkir longxx byy qongw .diyc, liw erdangr kakding jiwjiyw u jit xee byy jingxhap, byy qaixquad ee donglenn kywdee rair sniu vanrhuad uew cud, jiacc kyxlingg uanjuann hyw li ; zuqyw u sewhanr sii ee huesiongw, birlaii ee pacsngr, isux dyrr rair jaix itding ganxjingg duw diyc kunwlann ; narr si byy tec kiw birlaii, erdangr iyh si duiww birlaii byy sinwsimx/ byy huaipy zimrhyy hibang.

Zuqyw liw hibang u jniawdit ee sukyw, guanrir zimxsiu qidiongx ee qankow, liw dyrr vitzenn duw diyc maudunw (PARADOX). Maudunw ee HELLENE zirqinx PARA, iwsur si "jidvingg, ciauuat, vnix :a", zirbuew DOXA ee iwsur si "iwqenr". Maudunw si ham' zidsiongg sinwgiongw dywvingw ee lunrdiamw, naxx siy' dahtud, jin' lann siongsinr, lirqingx ee lunrdiamw, sursit jin' kyxlingg jinjniar dyrr si anne. Zuqyw jit xee quanliam u maudunxsingr, viauxsi jitt xee quanliam kuriuw jniawdit ee iwsur, qamm u sursit ee jinsiongr. Huanxdngw qongw, jit diamw aw dy' byy maudunxsingr, liw dyrr rair huaigii jitt xee quanliam qokk janbin si m si u jingxhap diyc, kylingg jerje bin si lauwqaux .kir.

Ixx bexbingw ee qywzinn juxgi dyrdikquanx jyr le. Jerje langg e hro jitt jiongw huanwsiongw suechok, guan'inx si inx byy huatdo/ m guanrir jniawdit sukyw (jyr jniawdit ee sukyw). Dirr henrsit-siong, lanw berdangr qandna' kyr

jurqiw/ iacc si qandna' uirr jurqiw singjunn. Zuqyw lanw ee susiongw u qraur jniawdit, diyh'air sui' singzin, guaw ee sniwmia m na kyr toxde, horjiuw, zidtauu… ee ju'iongw, iauxx vauquah jycsitlangg, cutvanxsiongx qapp cecdiamr… ; ixqibb guaw ee qniaxzii, kanciuw, ving'iuw, laursux --- kaksit, jingxqyy qadingg, siarhue ham' uxdiu ee qetqor. Guaw m si doglip ee qywtew. Guaw su'iaur uaxkyr langg', zircniaw dairvorhun ee sijun, qinvunw byy kuanli "jin' bingw" jyr dairjir.

Zuqyw jingxqyy uerbin byy zimrhyy henrsit ee penwdnua srid qakcad .kir, zuqyw soxu ee jancur longxx did diyc jingxhap, liw dyrr kyxlingg jygu diyc siy' dahtud ee qaxqunw. Dng' liw ziog tangr quer hudsimx sii, cavutdyx soxu ee jinliw longxx si ciongdng ee. kyxviw qongxx, guaw si qywtew, marr m si qywtew, jex si jit xee siy' ciongx ee jinliw. Jauxcue jinliw diyh'air erdangr jingxhap knuar naxx hunli, siy' huanw ee surbut, susit-siong, inx qycc qaudnii jywhuew. Henrsit vunxsinx si snahuan ee, jerje quanhe sniwmia ee surbut viauxbin naxjunxx jin' dansunn, qisit jin' cimyr, byy itding hogjap. Jex si iuxsow-cavet ee, dyrr cniurr hamwqow/ dansunn ee jingcax qangkuanw binghenw. Sursit si jingxtew kuriuw uixdai ee dansunn.

"Simlingg derdoo" ciongbuanw liauw ciangvongw. Guaw siaw "sniwmia si qankow ee, binrdui qaixquad bunrdee ee quewdingg si kow ee." narr byy jinr jit vo suecbingg, biyy cud ee si "sniwmia qankow, zenau lanw sixbongg" ee quanliam. jex si taiww lyxcyw qycc hikangx ar, hiyxding liauw soxu ee suiw, senrliongg, smlingg singdiongw ee qihue, diamrjing ee ziu'nngw, ham' soxu qitnax bixhyw ee sniwmia digjid. Kaksit, henrsit ee sinvir ham' maudunw, uirr sniwmia duar laii kow, itdanr tongx quer kow, ciauuat qanlann, duer laii ee si byy han ee kuaiwlok!

Siongrr liauxqaiw maudunw, si dirr taukag lai jiangxag nng jiongw ciongdut ee quanliam be liac qongg. Jyr jit xee simliw isux, guaw m si suiven suxiong "liac qongg" jitt xee zri. Dng' jit xee langg dongwjyr lixsow-dongzenn ee ui'id jinliw kiokk sriu diyc jitgii sii, jin' kyxlingg e liac qongg. Beh erdangr dirr nauw-haiw nirr ham' nng jiongw sionghuanw ee quanliam sngw, be jurdong hiyxding, byy vaitig zimrhyy jit xee, jex sngr si simlingg digqix viauxenw. Lanw sisiongg u

qionglet ee ciongdong sniu beh hiyxding zimrhyy pnaiw jiapsiu ee surbut --- piwzuu siaog/senrliongg qiongrjunn dirr lanw ee sewqair --- liauxqaiw duiwciongx maudunw ee linglik si vit'iaur ee, iuqii si decc kuhunx bongrsiongw, vnuar jinliw/ vehcat ee quewdingg.

Cavutdyx lanw soxu ee langg longxx u sukyw maudunw ee linglik. Mrqycc

lanw sohud iacc si suxiong jitt hxang linglik ee tingdo kiokk caduarbew. Jex m si IQ soxx quatding, si lanw lenrsip ee cimdo. Siy' dahtud ee sukyw linglik byy iong dyrr tewhuar. Lanw uadtauu qycc kaisiw suxiong, maudunw ee linglik dyrr e jingjinr.

Benw huaigii, siarhue su'iaur jinwhingg mow quaw qaixvenr, laii qoxle uanjingw ee sukyw. Dongsii, muixx jit xee langg rair uirr jurqiw ee susiongw hurjig, gniajih jit hxang tiaujenr. Siongrr buew, zuqyw lanw erdangr qauwdy jiujuann sukyw, lanw dyrr u huatdo dri qywzinn/ siarhue dairvorhun vnerdingx. Duiziog qaur qindew, sukyw uanjingw ee hyxcur si daddid lanw vniawmia ee, anne jyr ngiaa quer m jyr jerje. Jex si ciongbuanw hibang ee surgiap. Quw quw ixjingg guaw bad tniax langg' qongw "itdanr simdir kaisiw kokdenw, dyrr ingxuanw be huedngw vunxlaii ee hanrjer."

Derr zi jniux IWSIG CAQAG

Uanjingw sukyw ee diongrdiamw, si hro dairjir venr qaxx kacc u iwgi, huanxdngw qongw, iwsig si qaixquad bunrdee jingg rair singx qaixquad ee diauqnia. Sniaw si iwsig? Uirsniaw iwsig si diongrdiamw?

Iwsig dyrr cniurr jerje qitnax surbut --- cniurr air, qidyw, bixle, tuantew…,--- longxx sniu' dua/ hogjap qapp quewdo sinvir, byy hxuad jyr dan'id ee dingrgi. Dirr "simlingg derdoo", guaw dramm air, iong "air ee sinvir" jyr qetbuew. Jex si jiongqin vah-gua iac ixx juanqax ee kauxkir damlun air liauw au, tec cud jit quaw iuxquanx air ee sinvir kywdee, si guaw qinvunw byy hxuad qaixsueh ee.

Dirr "cue jiyhtauu" nirr, guaw qongw gersut jin' lann dingrgi. Ix ee digdingx ji' id si huilixsingr, zinlui qitnax congwjog longxx u jin' binghenw ee lixiuu, inx si vit'iaur ee, u loriong ee, kuriuw binghenw ee qonglingg. Jin' jiyw langg e kir tamwsyh jit qix ciamw-aw, tngsii, dyx, iacc si voxtauu, jit dongr cur, vanrqongsig ee iwgi, mrqycc narr dirr ciamw-aw/ dyx ee vner kig quaw huezi, dirr qenwdiogbut ee viacbin jyr jit quaw jongsig, liw dyrr e jinwzip byy qaiww u lixsingr, byy iong'i qaiwding ee gersut lingxhik. M quanw lanw si m si dirr jurqiw ee srinx-siong huawjongx, iacc si rue dirr uervor-dingw, kig jiyhtauu, siaw six, siaw imgak kxig, lanw dy' si decc jinwhingg jit quaw huisiongg digvet, sriok zinlui juan'iuw ee hinguii, si kuriuw iwsig : m na si cniurr huawjongx qangkuanw ee jurgnow iwsig, zircniaw si iwsig diyc qitnax surbut, dirr lanw ji' gua ee bixle.

Iwsig byy dan'id ee dingrgi, jex byy ho'ngg qamxqag iwgua. Dairvorhun lanw qandna' u huatdo qaiwding hiaxee viw lanw kacc ser ee surbut. Guaw siongsinr soxu hiaxee sniu' quer dua ee, byy hxuad iong dan'id, qanxliok dingrgi ee surbut, vauquah iwsig, juewau longxx ham' siongrder u quanhe. Jex dyrr si uirsniaxmic hueqauwdoo qimwjiw zimrhyy siongrder ee hingsiong : siongrder si berdangr qaiwding ee, zimrhyy hingsiong qandna' dairviauw jingxtew-diongx ser ser ee jit vorhun, anne dyrr sngr si setdok oor.

IWSIG EE SINVIR

RENE DESCARTES (1596-1650) ee miaqur : "guaw sukyw, soxiw guaw junjai." Guaw qra iwsig iong dirr jitt qxur nirr, venwjniaa "guaw ee iwsig sukyw, soxiw guaw junjai." Qamxx qongxx byy iwsig ee surbut dyrr byy junjai? Juadduir m si. Dyrr sngr lanw qaxsed txangx-gua ee ciu-aw byy iwsig, guaw jin' hiangxsiu ciurbok ee junjai, qycc erdangr caqag diyc inx si hunli dirr guaw srinx ji' gua ee qywtew. Inx viauxhen binghenw ee sniwmia henrsiong, byy su'iaur zinlui ee qancab, kongkir, horjuiw, zidtauu qngx vutduan ju'iongw inx, hiyc-aw duer diyc quiwjed, venwngua sikdi. Kaksit. Lanw m jaix dauwdew ciu-aw, huecauw, jiyhtauu si m si u iwsig. Siongsinr inx byy zimrhyy iwsig, jex jixsi lanw qaxsed ee, inx kyxlingg ixx byy qang ee hongsid laii qamxqag, jixiaur guaw erdangr tak diyc jit jiah lok-aw, jit luiw huex, iacc is jit jiah haixdix ee simsux, mrqycc guaw byy huatdo.

Jitt jiongw iwsig ee quanliam/ jurgnow caqag, si byy dansunn. lanw tongsiongg qra iwsig dongwjyr kuvet zinlui, qitnax singbut ee digdingx, lingrgua jit hongbin, jingxqyy sewqair ciongbuanw iwsig --- uac lingwlingr ee, vutduan singdiongw, qaixvenr byy hiyh. Dongsii lanw marr kunwham dirr amwiwsig-diongx, duiww zinlui laii qongw, jex si jamxzenn binghenw knuar diyc ee --- dirr henrsit-diongx u quaw langg erdangr cimdimm sukyw, u quaw langg sniu :ee jin' jiyw, u quaw langg uanjuann byy susiongw.

"simlingg derdoo" nirr, guaw qongw lanw iongxiuw u iwsig ee simlingg ham' amwiwsig ee simlingg. Iwsig ee simlingg jywcud quatding, qra quatding huawjyr hingdong ; amwiwsig ee simlingg amwjunn dirr viauxbin ji' ha, cuxliw jerje lanw byy qamxqag .diyc, kiokk je qycc cimx ee diwsig. Ix viw lanw jaix qyckacc je --- jiax ee "lanw" si qongw iwsig simlingg. Lanw jnuaxngiu jaix sniaw si cangwbih :ee ? snaiw si amwiwsig? jex si dua sinvir. Lanw duiww iwsig huatdenw ee quewdingg, dairliok jaix quaw narnia.

QYCC KNUAR JIT VAIW LANW EE NAUXJINGHIYC (frontal lob)

Derr id jniux, guaw qongw kuhunx zinlui ham' qitnax singbut ee digdingx, si lanw vutjiw aw kiamr didqag. Qandna' u jit diamw aw didqag, lanw virr vig rair yc, m si cutsir dyrr jaix jerje su, diyh'air hagsip zuhyy cuxliw dairjir, ingwhur sing'uac-diongx ee bunrdee.

Dirr lanw iuxhan ee didqag nirr, siongrr juxiaur ee vorhun hyrjyr huanxsia dongrjog, piwzuu, lanw duiww tniar ee huanxingr. Qra liw ee ciuw hionghiongg he dirr zet loo-dingw, simrjiww dirr liw qamxqag tniar jingg, dyrr sui' e qra ciuw qiux dngw laii. jex si in'ui lanw ee liongqud u juxdong huanxsia sinqingx (RELFEX ARCS). Tniar ee sinwsid e tiaur quer sinqingx ciamuii, didjiab laii qaur kongwjer dongrjog ee buexliux, byy su'iaur nauw ee qaiwzip. Zuqyw quewtauu tniar, nauw jin' qinw dyrr iwsig diyc, lanw ee simliw, sinliw longxx e texgiam diyc tniar.

Iwsig dirr nauw nirr byy digding ee uirdir. Qaur dnaxx ee genxqiur, vixqaur kacc jibdiongx dirr lanw ee nauxjinghiyc. Nauxjinghiyc ee nauxliuu e dairsingx jyrsingg iwsig ham' qingxqag ee sueter, qangr qe qaixquad hogjap bunrdee ee linglik.

Je nii jingg, nauw sinqingx hagqax duiww sinqingx hunlec ee huanrjiaw jyr nauxjinghiyc cetquah ciuxsut (PREFRONTAL LOBOTOMIES). Jiaxee vnerhuan sriu jipbesingr bongrsiongw ee kow. Jitt hxang ciuxsut jin' qanxdanx, jixiaur qra jingg-nauxjinghiyc (nauw siongrr jinwhuar ee vorhun) ham' cunx ee vorhun ee lenjiab cetdng. Ngua jit qxur ue qongw, isux qra nauw siongrr jinwhuar iacc si siongrr kuriuw zinsingr ee jit vorhun qaixduu qonglingg. Inx anne jyr m si jankog byjingg. Dirr guaw isux sinhun sii, guaw knuar quer quixarr xee vnerlangg jiapsiu nauxjinghiyc cetquah ciuxsut, inx qra guaw qongw, jex si inx jidsiwlangg duw diyc siongrr hyw ee dairjir, jitt hxang ciuxsut qaixduu inx quixarr nii laii ee tongwkow, mrqycc inx ee dairqer si sitkir jit vorhun ee zinsingr ; jiaxee ee huanrjiaw songwsid iuwzi ee pnuawduan linglik. Ciuxsut qaixduu inx ee kow, lauu lyc laii si kacc iuxhan ee jurgnow iwsig, ixqibb kacc ec ee simjniaa huanxingr.

ONGWSEWQIW DERR SNAX JNIUX

Zinluirhak ham' sinqingx qaixpywhak ee genxqiur qionglet henxsi, soxu ee jinwhuar longxx hiongr nauxjinghiyc ee huatdenw, iarr dyrr si iwsig ee huatdenw. "singwqingx" ham' sinuerhak marr u jerje quanhe zinlui iwsig jinwhuar ee qawsi. "congwsewqiw" derr snax jniux sngr si zinsingr siongrr hogjap, dyenn janbin ee sinue, teqiong juxiaur ee snuawsyh. Anne siaw, siongrder qimwjiw ADAM /EVA jiac diwsig-ciu eesenrokqyw, sriu diyc pnaiw tensair ee iuxsniaa, inx nnglangg kuthok, huanrcyr au, inx siamxpiah siongrder, mng inx guan'inxsii, qongxx si byy cing snxax. " si'angg qongw linw byy cing snxax?"siongrder mng, cutpuar inx jyr ee pnaiw su.

Jiac liauw senrokqyw au, tauu jit xee hiyrqyw si, ADAM/ EVA kaisiwjaix qenwsiaur iacc si kiamsun, inx jitmaw u jurgnow iwsig ar. qakcaa diyc jurqiw si ciacsinx ee. ui' jitt diamw lanw erdangr tuilun, simlai ee iukow, jaix qenwsiaur ee simjniaa si iwsig ee viauxhen, suibongw jitt nng jiongw simjniaa longxx e venwjniaa vnertair, mrqycc dirr hanrdo lai, si zinsingr ee qivunw digjid, duiww langg ee simliw huatdenw ham' qonglingg u vit'iaur. "congwsewqiw" derr snax jniux si quanhe jinwhuar ee sinue, digvet si iuxquanx zinlui ee iwsig jinwhuar.Sinue si jinliw ee jit jiongw huawsinx. Dirr ADAM huehngg ee sinue-diongx soxx viauxdat ee jerje jinliw ji' id, qenwsiaur si langg qamxjingg jingwsiongg ee viauxdat.

Guaw u qihue jiapciog jerje jin' gauu iong taukag, cimdimm sukyw ee iusiur zinbut, iauxx byy qnir quer zimrhyy jit xee erdangr qongxx si byy qniax qenwsiaur ee. inx qidiongx u quiw xee jurzin si be pnaixser :ee, mrqycc gunw tyxlun quer au, inx dy' bingvik jurqiw qisit siviwsur :ee. guaw u qnir quer jiyw jiyw quiw xee uanjuann by qamxqag pnaixser :ee, longxx si jysiu giamdiong simliw congwsiongx :ee, jerjiyw songwsid jit quaw zinsingr.

Zinlui u jurgnow iwsig au, caqag diyc jurqiw si hunlii ee qywtew. Lanw sitkir ham' dairjurzenn banrbut hab'id ee qamxqag, jitt jiongw prangw byy .kir si ixx virr qnuaw cud tendongg jyr siongrdingx. Cniurr ADEN/EVA huatdenw liauw kacc qydingw ee jurgnow iwsig, zinlui marr bingvik liauw hingdong itding u hiyrqyw ee dyrliw, lanw ingxuanw diyhh damhu suanxdik soxx duar laii ee jikzim. Soxu ee zinlui longxx qewsingg liauw jitt jiongw kunwkingw, virr qiongvig danr zip singsik/ hurjig ee suaboo nirr.

Lanw iwsig ee jinwhuar viw e iukow, jaix qenwsiaur qyckqcc dng'uanw ee ingxhiongw. Dirr jitt sii, iwsig diyc lanw u juriuu iwjir. Guaw siongsinr siongrder ixx Ix jurqiw ee hingsiong congwjy langg, qongw :ee si jitt xee dyrliw. Tauwquer jinwhuar ee quewdingg Ix hro lanwjuriuu iwjir. Dng' lanw uanjuann ixx huanxsia dongrjog iacc si didqag hingdong sii, si byy juriuu iwjir ee. guaw qiongdiau "juriuu" jitt xee zri. Jit xee langg ho'ngg iong cingr duw lehh, si byy juriuu ee.siongrder iacc si jinwhuar hro lanw juriuu laii suanw lanw ee susiongw/ hingdong.

"congwsewqiw" derr snax jniux suatbingg liauw lanw su'iaur qewsiok jinwhuar qaur kacc uixdai ee iwsig jongrtair. Zinlui ee jinwhuar si hiongr jingg ee henrsiong, lanw si u iwsig ee singbut, m quanw lanw jnuaxngiu pacvniar, juadduir bedangr qycc dywdngw kir budix-busiaa eejongrtair. ADAM hngg ee tensair giac diyc huexqiamr qor mngg, ingxuanw vutjunw lanw qycc dngw .kir. jerje hongbin lanw ee iwsig si jiokhok, marr si jxiur. Duer diyc iwsig laii ee, si qakcad senrog.

SXEN QAPP OG

"congwsewqiw" tauu snax jniux soxx qongw ee dyrr si sxen/ og ee qin'guann. Dirr jit kaisiw, congwjy vunwsinx si sxen ee ciongdong.Siongrder dairsingx congwjy tnix, qamxqag tnix si sxen :ee ; zenau congwjy liauw toxde, haixngiuu, cauxbok, dongrbut ham' zinlui, Ix marr qamxqag jiaxee congwjyrmic si sxen :ee. siy' huanw :ee, og ciongdong ee hinguii si pywhai, m si congwjy. Suanw sxen / og, congwjy /pywhai, si jurqiw ee quatding. Siongrbuew lanw diyhh hu kiw jitt hxang jikzim, jiapsiu hiyrqyw.

Itdanr siongrder (iacc si jinwhuar) hro lanw juriuu iwjir au, Ix sui' vangr cud zinlui siaog ee amwlat. Zuqyw byy suanxdik, dyrr byy siaog. Langg iongxiuw juriuu iwjir, dyrr u lat suanw senrliongg/ siaog. Langg suanw siaog ee juriuu byy viw suanw sxen :ee kacc jiyw.

Guaw jit diamw aw dyrr byy qamxqag iwgua, suar lyc laii ee qowsu si og ee lerjingr : "congwsewqiw" derr sir jniux, Qaixunw bosad Avig. Qaixunw soxx jyr ee, qamxx qongxx m si juriuu iwjir ee viauxhen? Dng' siongrder mng Qaixunw, Avig dirr dyhh? Qaixunw iong jit xee bunrdee huadab siongrder "guaw qamxx si guaw hniadi ee siuxhorjiaw?" jin' binghenw knuar cud jex si jiyh lixiuu decc dysiamw ee ue, marr dairviaw jit jiongw hong'uirsingr ee sukyw. Qaixunw taii liauw Avig, suanxdik byy air qycc sniu. Jex huisiongg cenxsniu, cavutdyx si huanxsia dongrjog ee sniurhuad ziriw. U juriuu iwjir, dyrr ersaih suanw sukyw, cimzip siongser sniu jimjiok, iacc si byy air sukyw, byy air iong simx kyxlu.

Uirsniaxmic u langg suanw byy beh cimsniu ; uirsniaxmic u langg qandna' air suanw hohamr :ee, cenxvyc :ee, huanxsia :ee sukyw? Dap'anr iuguann si lanw ham' qitnax singbut siy' qang, quanwsir dypiah tongwkow, byy quanw lanw iongxiuw iwsig. Cimdimm ee kyxlu tongsiongg e kacc qankow. Lanw jniawdit sukyw sii, diyh'air damhu soxu inqyw qaudnii ee aplik. Jniawdit ingxuanw si qanlann ee, iwsig byy huatdo piacbenw tongwkow.

Beh jinr jit vo tamwtyw siaog jingg, hro guaw qycc qiongdiau jit crur, lanw m si qandna' rair texgiam byy tongwkow ee sing'uac, m si ingxuanw sunrsi, kuaiwlok ham' ciongbuanw. Sursit-siong, tongwkow ee qamxqag jongxsi pnuarduer dirr qaixquad bunrdee ee quewdingg-diongx, iwsig jingjinr ee quewdingg dyrr cniurr sniwmia, qivunw -siong si qankow :ee, jerje lirig marr duer lecc laii, siongrr dua ee si qyckacc u haurlut, hro lanw duiww byy qang ee jongrhongw ham' zidsiongg sing'uac ee kunwqingw e u qyckacc je ee duiwcig tangx suanw, qyckacc erdangr qingxcad diyc langg' sngxlang ee cuttauu, kacc be kir ho'ng cauciongr, kacc be jyr cud uihuanw jurqiw ee dairjir. Lanw kacc erdangr quatding jurqiw ee susiongw/ sinwgiongw, be ham zip dairjiongr tuanvyr iacc si qadingg qang vuer byy hyw ee kongwjer ciuxdnua.

Vuthing ee si, tongwkow si iwsig vutkyw piacbenw ee hur jokiong, lanw e caqag diyc jurqiw ham' vadd langg ee su'iaur, hurdamx, viaix ; lanw kacc e diwqag diyc sniwmia ee iuxhan, nilau ee quewdingg dirr sintew muixx jit xee sewvaux vutduan jinwhingg. Lanw iwsig diyc jurqiw ee juerog, kaimwsid, dongsii marr qamxsiu diyc siarhue ee juerog, kiamwsid.

Suanxdik iong simx siongser sniu dairjir, dyrr si suanw jiapsiu pnuarduer iwsig laii ee kow. Jitt hxang quat'ir si jiacc diongriaur, "simlingg derdoo" derr id jniux, juanbunn tamwtyw bunrdee zuhyy jyrsingg tongwkow, ixqibb dypiah tongwkow ee lanw zuhyy dypiah bunrdee, byy air singdamx tongwkow., "simlingg duiwue" ee derr id jniux si "langg, iwsig qapp tongwkow" jex si qang jit xee dyrliw.

Narr byy kyxlu diyc iwsig byy singdiongw, sukyw byy qaur jniawdit soxxrair hu cud ee dairqer, kyxlingg e zinrding jiaxee tongwkow iwsig si byy qewdat. Sewqair-siong jerje siaog, byy vit'iaur ee qywzinn tongwkow, zinjer quanhe ee sionghai, siarhue ee hunwluan, longxx si iwsig /susiongw-siong ee sitvai soxx jyrsingg ee.

SIAOG, JUERZINN

Siaog/ siauxqongg, vnerjingr/ juerog ji' qranx u jerje kuhunx. Guaw dirr "siaog simlixhak" anne siaw : jingwkag hyrmiaa ee surbut erdangr hro lanw kongwjer surbut ee ligliong. Guaw siongsinr siaog ersaih dingrgi jyr moxjiongw digding ee simliw vnerjingr, cniurr qitnax simliw vne, lanw qaix duiww siaog caixcuw qangkuanw ee kyhak genxqiur diaurjax. Mrqycc siaog jongxsi siaog. AUSCHWITZ (Dikqog dosad Iutaiwlangg ee jibdiongngiaa), MY LAI ( 1968 Bixqunx dirr VIETNAM ee dua dosad), JONESTOWN (1978 Bixqog jongqauwqongg jibtew jursad ee soxjai), OKLAHOMA CITY (1995 lenvangx duarlauu vogjawanr) longxx si jingwbingg. Siaog m si sniaw guansiw jongqaur simlingg kiwdoo qaixsueh birdix henrsiong soxx siongxsiong cud laii ee sanxbut, siaog marr m na si jit jiongw vne ziriw.

Dnaxx sewqair qiogser, zuqyw beh jyr qaur jniawdit sukyw, dyrr berdangr byy diwdang henrsit-diongx ee siaog. Bixqog u jit jiongw poxpenwsingr hiyxzin, jerje langg byy air qiongdiau siaog, iacc si byy guanrir knuar cingcyw jinsiongr, vorhun guan'inx si jiaxee langg byy sniu beh virr dongwjyr hongsinn, iacc si giamsiok naxx siudyrlangg. jerje zinlui ee okhingg virr vywjuaw hingiongg jyr vnertair (SICK). Jyr jit xee simliw isux, guaw siongsinr jitt xee zri kacc sik'iong dirr hiaxee u iyc tangx dri, huanrjiaw marr sniu beh rix ee jinghongw. Suibongw siaog si ixx "vne" ee quanliam laii unrjog, cavet dirr u "vne" ee langg soxx binrduir ee si luerjai dogsor, narr byy cue langg laii dauwsnaqangx, jurqiw dyrr e qamxqag tongwkow ; siaog ee langg duxhyw dywvingw, inx be sriu kow. Inx qra dogsor huatsiap dirr vadd langg srinx-siong, langg' rair ter ix sriu jue, ix siwjiuuii ee langg diyhh sriu ix ee kanlenn. Sniu knuar mai lehh, hiaxee jipbee dirr qiaugo kiauwtauu, jurzin qaqi byy kyxlingg m driyc ee langg, inx soxx jyrsingg ee okjid ingxhiongw.

Siaog si jiacc u pywhairsingr, si siongrr qigtauu ee vnerjingr. Mrqycc sukyw-siong ee sitdiauu, byy viauxsi qywzinn benw duiww jurqiw ee hingdong hurjig. Lanw erdangr suanw beh hyw hyw sniu, iacc si qandna' u huanxsia dongrjog. Siaog ingwqaix virr knuawjyr jit jiongw simliw vne, byy viauxsi huan diyc :ee, benw jre qnax. Guaw jin' dong'ir huatlut ee jywhuad, inx "jin' jiyw" iong kixsiauw ee lixiuu tuad jue. Sursit-siong, dng' lanw erdangr suanw, lanw dyrr rair hurjig.

Dirr "siaog simlixhak" nirr, guaw dua dnaw qaxsed u quaw langg si siaog ee. inx si sniaxmic langg neh? lanw diyhh kuhunx siaog :ee ham' u jue ee vingsionglangg. Guaw si simliw isux sinhun sii, u jit dnxua siqanx dirr qnax nirr dirliauu juerhuan. Jerje langg zinruii siaog si sriok hiaxee virr qnuaix :ee, mrqycc guaw dirr qnalyy nirr jin' jiyw duw diyc jinjniar siaog ee langg. Inx henxzenn longxx si u pywhairsingr, qycc ciangjai e huan .diyc, myqycc si hitt jiongw duxhyw duw .diyc ee qihue, inw inx huan ee singwjid, suibongw dairdysor byy jiapsiu jurqiw okhingg ee hiyrqyw, duiww jurqiw soxx jyr ee u jit jiongw tanxzenn ee digjid, jin' qinw dyrr singzin soxx jyr ee. Ho'ngg liac, si "singsit ee juerhuan". Inx e qongw, jinjniar ee siaog si dirr qnaqak gua. Dongzenn, jitt jiongw si uirr jurqiw tuad jue ee qongxhuad. Guaw marr siongsinr qongw liauw byy qaiww m driyc.

Kaksit, dairdysor huan diyc siaokjue ee langg, knuar kiw laii cniurr vingsiongg langg. Inx druar dirr hurqin --- byy lun derkux, byy hunx sanr/ hyxgiac, byy quanw qauwiok tingdo, dysor m si lanw tuantongw qoxvanw inwsiong ee "juerhuan". Inx sisiongg si "kax-dac-sit-de", siarhue quanhe jin' janw, viauxbin-siong ee genhingg u texben/ bad lexsor, kyxlingg si siarkux jin' uahhniaw ee lingxdy zinbut, qauwhue juxzit haghau ee laursux, qingxcad, ginhangqax, hagsingx, verbuw…

"siaog simlixhak" soxx biyue ee BOB ham' ix ee verbuw dyrr si jit xee jin' u lat ee le, suecbingg soxui jingwsionglangg dirr zidsiongg sing'uac-diongx huan lyc ee siaog. Dirr BOB ee a'hniax giac jit qix 0.22 kauxqingr ee jiauxcingr vrong siw qaqi, jap-go huer ee BOB huesiongw ham' a'hniax ee qokk jiongw siyw ciongdut, kaisiw hiyrhuew ham' a'hniax uanqex, siy' pah. Dirr moxjiongw janbin, a'hniax ee sixbongg BOB qamxqag ix rair hu jikzim, ix qaqi simxpuar jurqiw si siaog :ee. jex byy ho'ngg e qniax. Narr qongxx lanw cinqin ee langg jursad , singx byy jiapsiu jitt xee siausid, qycc laii e qniax, liauw au neh? qaxsed lanw si jingwsionglangg, u jingwsionglangg ee liongsimx, lanw derr id ee huanxingr e huaigii jurqiw si m si u m driyc.

Narr si BOB sing'uac dirr jit xee qenrkongx ee qadingg, lyqangx qaiqib, laurjai ee verbuw qaix ham' ix damlun a'hniax ee sixbongg, hro ix jaix a'hniax vitzenn si moxjiongw simliw bunrdee, m si ix ee cywgo. Mrqycc ix ee verbuw byy anne jyr. Kiamwhuad verbuw ee anuir, BOB venr qaxx huisiongg siaudimm, ix ee singjig lak qaxx uaiqycihcuac, haghau qenwgi kir knuar simliw isux, verbuw byy anne jyr.

Ix ee verbuw jyr ee, si dirr singwdanwjed hitt zit, suibongw BOB byy viauxsi hibang did diyc anne ee mic, inx kiokk sangr jit qix cingr --- si a'hniax jursad ee hitt qix cingr --- jyr lexmic. Jex soxx tuandat cud ee sinwsid sidjai ho'ngg qalunxsunw. Sniu diyc BOB ee cinwsimx, qycc byy qraur singsik liauxqaiw verbuw jitt hxang "lexmic" vuerau ee dongrqix, ix soxx jriab diyc ee qamxqag si " jiauww liw a'hniax ee hongsid jyr, liw si qaix siw :ee." dng' ix ee verbuw virr mng diyc jitt xee hinguii soxx qamm .diyc ee amwir sii, inx ee dap'anr dyrr si siongrr viaujunw siaog ee hiyxzin ham' jurgnow kipenr, "hex si gunw erdangr hro ix siongrr hyw ee mic". "Gunw si lyqangx qaiqib, byy cniurr liw anne jiacc bad dairjir, kiauw, qycc sriu quer qauwiok ee diwsig hunjuw, liw berdangr qitai gunw u huatdo qowlu hiacc je." Inx anne qaixsueh.

Dongzenn, hinguii okjid ee langg byy itding si siaog :ee, narr byy, lanw longxx ersaih virr dongwjyr siaog :ee , in'ui lanw longxx jyr quer okjid ee dairjir. Mrqycc guaw siongsinr zuqyw qandna' qra juerog iacc si siaog knuawjyr tingdo-siong ee bunrdee, e si jit xee dua cywgo. Juerog siongrr kuacbin ee dingrgi si "bogviaux gorsid", viauxsi muixx jit crur lanw berdangr sria diyc angsimx, dyrr sngr juerog. Juerog si berdangr vyxcii uanbiw, lanw vunxlaii dyrr byy kyxlingg itdit si uanbiw ee, lanw longxx si moxjiongw tingdo ee juerzinn. Dng' lanw qaix huathuix siongrr hyw sii, kiokk quanwsir sitvai, muixx jit crur ee sitvai, duiww lanw qaqi, iacc si vadd langg laii qongw, dyrrsi huan diyc moxjiongw jue.

Dongzenn, jue u dua/ u ser. Kipenr hyxgiahlangg naxjunxx byy cniurr penr sanwhionglangg hiacc ho'ngg iamwhin, jongxsi, kipenr dyrr si baiw :ee. dirr huatlut-siong, kipenr jerje jiongxlui : jawpenr jit qingx qongsix, vyr soxditsuer byy lauxsit, qra kanciuw qongw si qavanx, qisit si kir cue hunxbi :ee, qra angx qongw liw byy siqanx kir tec angx ee snxax, sidjer-siong liw ham' langg' qongw jit diamxjingx ee denrue, qongw hiaxee gorsiwsnax :ee. jiaxee hinguii u quaw daddid guanliong --- digvet si mow quaw jinghongw ha --- sursit iuguann junjai, juann si vehcat/ vuervuan.

Sitjer-siong, lanw quanwsir huanxvue jurqiw/ tnazinn. Siongrr camw ee si, u quaw langg qongzenn bu'tiw anne jyr, simrjiww byy hxuad jurgnow kongwjer. Knuar kiw laii kacc qyquir ee langg amwdiongx jyr, iauxx jurzin byy jyr. M quanw liw si u iwsig/ byy iwsig longxx byy iauwqinw, huanxhiaux si huatsingx ar. zuqyw liw zinruii jurqiw u qraur qinxsin, ingxuanw byy jyr quer, anne mng liw jurqiw, dirr zimrhyy jongrhongw-ha, qamxx u penr qaqi? Dyrr e bingvik liw ee jue. Zuqyw liw byy bingvik, anne liw duiww jurqiw byy singsit, jex vunxsinx marr si jue.

Lanw muixx jit xee langg longxx si moxjiongw tingdo ee juerzinn. Jinjniar siaog ee langg si byy hxuad ixx inx ee juerog iacc si hinguii ee byy sikdongx laii qaiwding. Inx ee juerog vunxsinx iauxx byy qauwgiac qra inx quilui dirr siaog, si inx qra juerog cangwbih kiw laii, iacc si qencii, jitt jiongw qencii hro inx jniajyr siaog, dyrr cniurr BOB ee verbuw, dirr jitt jiongw qencii ee vuerau, si inx uirr dypiah binrduir jurqiw ee juerog.

ONGIAW

C.G.JUNG qra zinlui siaog ee qinguann anne biyue "qirjuat binrduir jurqiw ee ongiaw", soxui ee "ongiaw" si simlingg-diongx lanw byy guanrir singzim :ee ; itdit byy hro qaqi/ vadd langg jaix, cangwbih dirr iwsig ee dertanw ha.

Lanw narr hro jurqiw ee juerog, cywvai, kuecsid vig qaur piacqag sii, dysowlangg jiacc e singzin jurqiw ee ongiaw. JUNG iong "qirjuat", si qongw kacc qiklet ee hingdong. Hiaxee huac quer juerog/ siaog qaiwsnuar ee langg, siongrr binghenw ee digdingx si qirjuat zimrhyy juerokqamw. Inx m si byy liongsimx (iwsig), si qirjuat singdamx liongsimx ee jetbuaa. Ngua jit qxur ue qongw, m si juerog vunxsinx, si qirjuat singzin juerog, jiacc hro siaog singlip.

Sursit-siong, siaog ee langg longxx jin' kiauw, erdangr iwsig diyc duarvorhun ee surbut, kiokk huisiongg byy guanrir singzin jurqiw ee ongiaw. Guaw soxx jaix quanhe siaog siongrr qanxdew ee dingrgi si "acvar ee budix (MILITANT IGNORANCE)", qyckacc kakding qongw, siaog m si itvnuax ee budix, si binrduir ongiaw ee hnuaivar budix. Siaog ee langg qirjuat singdamx luersimx ee iukow, iacc si qongxx inx iong'unw ongiaw jinwzip iwsig? Inx e iong qik dua ee lat, auxbann sniu beh huixbet juerog ee jingwqur, iacc si duisad zimrhyy sniu beh qra iacpuar ee langg, dirr jitt xee pywhai quewdingg inx jniajyr juerog.

Juerokqamw sisiongg virr knuawjyr "kiamwdiamw", sursit dirr jerje hongbin, guaw zinrding si "sniuxsur", qywzinn ee juerokqamw, hro lanw jinsit caqag jurqiw ee kuecsit, jaix lanw si lamxnua, budix, jursux, quanwsir huanxvue jyrbudjiaw, jurqiw ee donglui, simrjiww vuanrvue jurqiw, jitt ee caqag hro lanw jin' byy songxkuair. Maudunw :ee si, byy zukuair ee qywzinn sitvai, bylingg, kiokk si zinlui soxx iongxiuw siongrr vyxquir ee sniuxsur. Suibongw byy songw, sikdongx ee juerokqamw hro lanw ee jue be sitkir kongwjer, si lanw siongrr u hau ee hong'ui, duiwkongr jurqiw siaog ee kinghiongr.

Beh jniajyr kacc u iwsig (liongsimx) ee jerje lixiuu ji' id, si uirr piacbenw jniajyr siaog. Kacc hyw zirun ee, siaog qandna' dairviauw zinlui siyw ser jit vorhun. Jerje tingdo kacc kinx ee simliw vne naxx dua juiw siwqer rimx, hex m si siaog, marr huanxngiar cud lanw binrduir ongiaw ee dexjer. FREUD /ix ee jaboxqniaw ANNA jin' u lat sirhuan liauw zinlui iwsig cimdimm ee erkajann sisiongg u "siaog" ee surbut amwhok .diyc. Tuantongw FREUD hagpair simlixhak qauwdy lanw, dyrsor ee simliw sitdiauu qinguann laii jurr amwbit ee simjniaa --- hunwno, byy singzin ee singwiok…dringw. Simliw vne virr dysor susiongxqax uervunx dirr amwiwsig ee huanruii, naxjunxx amwiwsig si jingsinn vnerlixhak ee qicow, vnerjingr dyrr cniurr draii dirr tokax ee og xmoo jauw cud laii jautad derbin-siong ee simlingg. Guaw ee quandiamw duxhyw dywvingw.

"simlingg derdoo" soxx qongw ee, guaw siongsinr soxu simliw-siong ee sitdiauu, qivunw longxx si iwsig ee sitdiauu. Inx m si laii jurr amwiwsig, si kixguann dirr jit xee u iwsig ee simlingg qirjuat sukyw, byy guanrir binrduir digding ee kywdee, zimxsiu digding ee simjniaa/ koxbuaa. Jiaxee kywdee, simjniaa iacc si iogbang e kngr dirr amwiwsig nirr, si in'ui dysiamw koxlan ee iwsig simlingg qiongg qra inx sag zip kir cangr dirr hiax.

Dongzenn, erdangr dirr zidsiongg sing'uac uahdong ee langg, byy langg e byy qenrkongx qaur byy iwsig ee dervo, marr byy jit xee e qenrkongx qaxx iongxiuw siongrr uanjingw ee iwsig. Iwsig tingdo jerje renn, sngr be uann, juann knuar qywzinn ee pacvniar laii dring, mrqycc jit renn jit renn ji' qranx qycc jin' lann hunvet, dyrr si viaujunw simliw cikgiam laii hunx simliw qenrkongx tingdo, marr jin' pnaiw quatding jinsit ee iwsig jongrtair. Lanw ersaih ui' qywzinn ee hinguii laii iyh, siongrr hyw ee hongsid, kyxlingg si quancad jitt xee langg vingsii sukyw hongsid ee itdiwsingr. Kyxviw qongxx, kinghiongr lyxcyw sniu ee langg, iwsig tingdo viw jit xee jniawdit sukyw ee langg kacc qe.

Sukyw/ iwsig dyrr cniurr anne hogjap lenqaux jywhuew, sanxsingx vinghingg/ vingdingw ee quanhe. Iwsig si soxu sukyw ee guantauu, sukyw si soxu iwsig ee qicow. Itdanr sukyw jysiu pywhai, iwsig-siong marr itding e qangkuanw sitgo. Zinlui itcer hinguii --- hyw :ee, baiw :ee, byy quansimx :ee --- longxx qinqur sukyw/ iwsig ee camqax iacc si kueckiamr ee tingdo quatding.

Ciangjai u langg mng guaw, "PECK isux, zuqyw lanw longxx u moxjiongw tingdo ee jingsinn qnualingjingr, byy langg iongxiuw uanjingw ee iwsig, anne beh anxjnuaw jiacc jaix dangsii su'iaur dirliauu?"

Dng' liw virr "vak" ee sii, liw narr u decc singdiongw dyrr byy su'iaur dirliauu, narr si byy singdiongw, guande sec be cud kir, henxzenn si byy haurlut ee jongrtair, e dirr byy vit'iaur ee sii, kiokk songwsit kuiwlat." Duiqiuu iwsig ee jingjinr qycc u lingrgua jit xee lixiuu, iwsig si simliw/simlingg singdiongw ee qicow, qingquer iwsig ee singdiongw, lanw jiacc u qyckacc dua ee linglik.

IWSIG CUA CUD EE SIDLIK

Suibongw lanw erdangr hunven uicii uac lyc kir soxx su'iaur ee juangiap jailingg, tenhur, iacc si qaixquad bunrdee ee qikiauw, mrqycc ingwhur zidsiongg sing'uac ee jinsit linglik qyckacc hogjap. Dirr iwsig ee huatdenw-siong, jniawqangw sing'uac sidlik ee vit'iauwsingr ciauquer qivunw singjunn qikiauw/ jojid diauliw/ hyw ee qiwdir… dringw diwsig ee luixjig jerje, si diwhui ee singdiongw, qywzinn sidjid ligliong ee sanxsingx /kokdua, su'iaur pacvniar dadsingg simliw/ sinliw-siong ee singsik.

Jerje langg benw knuar liaurliw ceh dyrr jin' gauu juxjiac, byy ciuxceh erhiauw siuliw ciax, u byy langg viw e quer ee qiwdir, ingwhur qinxqib jongrhongw jin' u vanrhuad. Vutqyr dirr sukyw-siong byy huatdo / m guanrir caixiong kacc kuacbin ee quandiamw, dyrr byy linglik ixx congwjyrsingr ee hongsid cuxliw byy qang ee jinghongw, narr duw diyc byy huhap soxx iycsniu mosid ee jinghongw sii, dyrr gang .kir, juwdnia sitvai. Jit xee erdangr kinsangx qra ciax siuliw hyw ee langg, binrduir kacc hogjap ee jinghongw --- quanxqar qniaxzii, ham' kanciuw qaungua iwqenr --- kyxlingg uanjuann byy lat.

Sursit-siong, jit xee langg dyrr sngr dirr mow quaw hongbin jin' u linglik, qitnax hongbin si byy itding u linglik ee. guaw siaw ee ceh "txangx-vnix ee bincngg (A BED BY THE WINDOW, 1990)" juxqag ji' id HEATHER, si jit xee sriu quer hyw hunwlen, qutlat, zinrjinx sukyw ee horsu, linglik hyw, duiww langg jiudyr, si jingxqyy liau'iongxngi siongrr sriu huangingg ee qangjog zinguann. Mrqycc susing'uac kiokk uanjuann si lingrgau jit huesu, byy iongrsimx suanw javox vingiuw, ciangjai huathen jurqiw hamrzip virr buxziok, simrjiww virr gigtai ee jongrhongw. Jex si ix duiww lamsingr pnuawduan cywgo soxx jyrsingg :ee. Qangjog-siong si jit xee cutsig ee horsu, sing'uac-siong kiokk hai liuxliuw. HEATHER si simliw hagqax ganxdiongx siongrr binghenw ee le, ix dongsii u "byy ciongdut ee jurgnow kuhik" ham' "qionglet ciongdut ee jurgnow kuhik", qangjog hongbin ee iwsig c.-cingcyw-c., mrqycc simliw ee ciongdut, hro qitnax hongbin ee iwsig huisiongg hohamr hunwluan.

Jerje langg duiww jitt jiongw tnix cax de byy vnevang ee iwsig jongrtair jin' gignaiw. Inx ersaih yc HEATHER, kir jyr simliw dirliauu laii qetsog jitt jiongw jetbuaa. U langg jin' qinw dyrr e u ingwhau cud laii, inx jaix jurqiw m si hiacc siauxqongg, mrqycc juxiaur diwhui ee singdiongw si ban sysyy, huathen simliw dirliauu m si banrlingg sendanx, simlingg singdiongw ee koxcow byy hiacc qanxdanx siaubyy.

Jyr jit xee simliw dirliauu isux, guaw quanwsir qra vnerlangg qongw, "simliw dirliauu ham' kuaiwlok byy quanhe, si lat ee jingqax. Qniaa uann dirliauu ee juanvo quewdingg, berdangr vyxjingr liw e kacc kuaiwlok; erdangr vyxjingr :ee si, liw e kacc u linglik. Sewqanx dng' kiamr u linglik ee langg, liw narr kacc u damrvyc linglik, siongrder iacc si sniwmia dyrr e hro liw qyckacc dua ee jikzim. Qetsog liaudingg likuix jinxsow au, kyxlingg e damsimx qyckacc dua ee bunrdee, mrqycc liw narr jaix decc damsimx ee si qyckacc dua :ee, m si jilii qewqaur :ee, anne dyrr erdangr duar laii moxjiongw kuaiwlok ham' vingjing."

U langg bad mng quer FREUD, simliw dirlauu ee bogdig si sniaw? "hro amwiwsig jniajyr iwsig." Ix anne qongw. Jex si lanw itdit decc tamwtyw ee, lanw beh jo langg qyckacc u iwsig, hro inx ee sukyw qyckacc cingcyw bingliauu, sing'uac qyckacc u haurlut.

Lingrgua jit jiongw tamwtyw iwsig singdiongw ee hongsid si jurgnow huatdenw.

Dirr "jinrjingg qiongrsig --- qycc uac ee sniwmia (A WORLD WAITING TO BE BORN --- CIVILITY REDISSCOVERED)", guaw qongw jurgnow jiangxag muixx jit xee langg ee zinqeh, jurgnow huatdenw --- jiangxquanw singsighuar --- hunx snax xee qaidnua.

Derr id qaidnua, donglenn coqii, si jit xee uanjuann byy jurgnow iwsig. Dirr jitt xee qaidnua ee jurgnow uanjuann dirr simjniaa jancur; kueckiamr jurgnow iwsig, ingzii jiacc e tenjinx-busiaa, kuaiwlok sii si buanw buanw ee kuaiwlok, huisiongg jurzenn be qexsenx; byy hnuahiw ee sii, si vah bin vah ee byy hnuahiw, u sii qinvunw byy huatdo qra anuir ; siurkir hunwno sii, cavutdyx si singqingjid ee liac qongg.

Qauw qywguec au, damrvyc jurgnowiwsig cuthen, jurgnow caqag ee linglik jiamrr jingqax. Qaur cingcunx-qrii sii, e qinglik jit crur hiwqiogsingr ee jinwdenw. Siauwlenlangg derr id vaiw iongxiuw jit xee "quancatsingr ee jurgnow (OBSERVING EGO)". Dng' decc qinggiam simjniaa sii, quancad jurqiw ee kuaiwlok, viaix, hunwno. Jex viauxsi jurgnow byy qycc qioghan dirr simjniaa ee jancur. Vorhun ee jurgnow --- quancatsingr jurgnow --- tuatli liauw simjniaa, ui' simjniaa ee dingxbin quanjiaur. Jex sitkir liauw damrvyc ee jurhuatsingr (SPONTANEITY).

Cingcunx-qrii ee quancatsingr jurgnow virr byy uanjuann huatdenw singsik, sisiongg viauxhen cud ciongdong hinguii, u sii e jin' guihiamw. Qitnax ee sijun, inx naxjunxx qandna' si jit dxuix qexsenx pubin liuhingg bunhuar ee joxhap, denw inx quaiwqik ee taumohingg/ cingrcah, buhuad-butenx (byy-hxuad-byy-tnix) ee hinguii cir qokk jiongw byy qang ee jitgiap, ham' qang vuer :ee iacc si verbuw vixping jnex quann. Sursit, jiaxee guarviauw pongwcingr ee sinsinx zinlui, suwsiongg u tongwkow ee qenwsiauwqamw, singsiu jerje tunx be lyc ee kutziok, venxqe /dnaxqig jurqiw.

Dirr jitt xee simliw qaidnua, jurgnow iwsig ee huatdenw-diongx, tongwkow ciangjai qinsuii, jerje langg dongr be diauu, qamguan hongwkir, tingjiw huatden. Jinwzip singlenn qaidnua, narr byy qewsiok huatdenw quancatsingr jurgnow, jurgnow caqag linglik sriu hanrjer (kacc beh qamxqag tongwkow), iwsig marr jiamrr qiusog, dng' dysowlangg longxx ansinx dirr jit xee hanrjer simrjiww sog qaxx ser ser ee iwsig kox-aw lai, byy hxuad caqag jurqiw ee qamxqag, kiamwdiamw. qywzinn singdiongw ee luxdingg tingkax , amwlat bih diauu diauu, huathuix be cud laii, jinjniar ee simlingg ligliong likuix ar.

Jiyw sxor hyw zirun :ee, u sinvir ee sniuxsur, qewsiok jitt dnxua luxhingg, huatdenw inx ee quancatsingr jurgnow, byy iong'unw vindnua. Simliw hunsikpair ee simliw dirliauu jiacc u hau, lixiuu ji' id si, erdangr hunwlen quancatsingr jurgnow. Vnerlangg dyw dirr dngg iw-aw dingw, m na si dramm jurqiw, dongsii marr quancad jurqiw soxx dramm :ee, quancad jurqiw soxx qamxqag diyc :ee.

Quancatsingr jurgnow ee hunwlen huisiongg diongriaur, dng' ix u qraur iongxqnia sii, qywtew ersaih jinwzip xe jit xee qaidnua, huatdenw soxui ee criaux-jurgnow (TRANSCENDENT EGO), ix erdangr hro lanw caqag diyc qyckacc kuikuah ee jurgnow kongqanx, u diwhui ee quatding dangsii/ dirr dyhh/ uirhyy, beh viauxdat lanw ee vunxjid, kacc liauwqaiw lanw ee sukyw/ qamxqag ee lingxhik sii, dyrr jaix beh jingxhap/ jiapsiu lanw ee jingxtew, be qamxqag kiamwdiamw uihiap lanw jurqiw --- hyw / baiw siujib jywhuew, kuandai vauiongg, huatdenw cud ham' lanw ee kuatdiamw qiongrjunn ee linglik, vingjing binrduir jinsit ee guaw, simrjiww erdangr kausew jurqiw. Singzin jurqiw ee kiamwdiamw, jiacc jaix unriong kueckiamr qra vingw jniar quer laii, iacc si jiapsiu lanw berdangr qaixvenr ee kiamwdiamw.

Jixiaur u qauwgiac ee quancatsingr jurgnow junjai, dyrr vitzenn e songwsid moxjiongw tingdo ee jurhuatsingr. Criaux-jurgnow ee huatdenw si qinqir quancatsingr jurgnow ee qicow, jit xee iwsig tongtauw ee langg jaix sim'ir bersaih suivenr tihh, siongduir ee, ix u simliw-siong ee cunqiusingr, u iwsig quatding dangsii rair jurhuad, hysii diyhh qinxsin.

U jit zit ervox, sniu beh duiww jit xee vnerlangg qaixsueh criaux-jurgnow ee quanliam, ix laii cue guaw, si in'ui viauxdat hunwno u kunwlann. Jernii jingg, ix dirr jit qingx dairhak damzim qyqib hingjingr zinguann, duw diyc hagsingx unrdong. "har!" ix hionghiongg huah jit sniax, "guaw jitmaw jaix liw ee iwsur ar!" ix huesiongw diyc unrdong siongrr zet sii, qu hagdniuw sijid likuix, sinx hagdniuw sui' vow zip laii :

Gunw kuihue kuix byy tingg, jit xee hue jriab quer jit xee, tyxlun huisiongg zet, sinx laii ee hagdniuw byy sniax, longxx si decc tniax ziriw, u sii e jin' vingjing viauxsi, haghau ee jingwcig kyxlingg si sniaxmic, mrqycc ix byy kakding, ix iauxx decc sik'ingr-diongx. Gunw puewhok ix ee lingxjing, guaw kaisiw huaigii ix si m si sniu' virdong, simrjiww bylingg. Juewau gunw dirr tauwtnix qiogdniuu u jit crur dua hxingg ee huergi, soxu haurlai zinguann longxx ersaih camqax, soxx tyxlun ee girdee huisiongg diongriaur. Jit xee siauwlenn qauwsiu jnriu daii qongw dangx qongx saix, haghau jingxqyy hingjingr hertongw jixsi bavir bylingg ee dogcaii dix(FASCISM). Danw ix qongw suah, sinx hagdniuw kia kiw laii, qniaa kiw kir daii-dingw, iong ix quanwsir vingjing jairgnow kauxkir qongw "guaw ham' qokk xui ixqingx jywhuew snax lexvair ar, linw iauxx byy qihue kuanr quer sinx hagdniuw kiw singwde, qinaxzit linw u qihue ar." Zenau qra hitt xee gong hauwdaix vud lyc daii. Jitt xee qniawtauu suxx lang' inwsiong cimkig. Jex kyxlingg dyrr si liw qongw :ee, criaux-jurgnow huathuix jokiong.

Suibongw kacc quann ee iwsig, vutduan jurgnow simxcaa e srid quaw juriuu, ixqingx quanwsir anne ee langg huathen sing'uac dendyww venr qaxx kacc qaixhongr jurjai. Jex si in'ui kacc quann ee iwsig vixqaur kuriuw jurgnow kongwjer ee linglik, marr ersaih qongw simliw-siong kacc u qywzinn ligliong.

Criaux-jurgnow dingxii jit xee gagtuann ee jixhuix, cniurr hitt xee dairhak hagdniuw, iongxiuw criaux-jurgnow ee langg huisiongg cingcyw jurqiw ee simjniaa jongrtair, erdangr sidjer huathuix, kyxlingg e qamxqag damrvyc viaix, mrqycc ix erdangr jurgnow kongwjer, qra qaqi qongw " jitmaw m si simsngx visiongx ee violin cniaw diamjing .jit .xe ; si kuaiwlok ee siqanx, lavah vunn .lyc .kir, qra liw ee cingcaiw vunx hro dag'ee. ix qywzinn ee lat/ linglik, byy ap, benw rah, byy hiyxding visiongx, jixhuix bue qra violin jingpuar qang. Jixsi qra visiongx jiamrr kngr jidvnix, jiyh jurgnow dirr simjniaa/ lixdir-siong ee kongwjer, ix erdangr duiww jurqiw qongw " lavah, guaw air .liw, mrqycc jitmaw m si kuaiwlok sii, guaw beh driaur hunwno cud dniuu, longr qow or!"

Henrsit ee kyxliongg, jaiww jit crur rair e qir did, soxu ee undenw/ sniuxsur longxx si amwbih ee jxiur, iwsig pnuarduer diyc qywzinn ligliong. Cniurr guaw dirr "simlingg derdoo" soxx siaw :ee" jit xee langg si m si uixdai, siongrr hyw ee honghuad, si knuar ix zimxsiu tongwkow ee linglik." KENTUCKY dairhak ihagngi simlixhak qauwsiu ARNOLD LUDWIG (1933-) siaw ee "uixdai ee dairqer (THE PRICE OF GREATNESS)", cionghunx qiongdiau jitt xee quanliam. ix si qinqir jap dxangx ee genxqiur, diaujax liauw zi-jap sewqiw jit-cingx-kxongr-sir xee u miaa zinbut ee sing'uac, vauquah gersudqax, jokqax, huatbingjiaw… dringw qitnax u congwjyrsingr ee zinbut. LUDWIG tamwtyw tenjaii / simliw qenrkongx ji' qranx ee quanhe, viauxsi jiaxee uixdai tenjaii longxx u vangwdiau qiwiuw quanliam ee kinghiongr, huanxkongr qu kuanuix, huisiongg erdangr zimxsiu qodnuax/ simliw vut'anx, kyxlingg venwjniaa simliw sitdiauu, cniurr siaudimm/ jiaujy/ limx hiongg jiuw. Narr qongxx jiaxee bunrdee byy qaiww giamdiong, dendyww erdangr jingqax qywzinn congwjy linglik, kuitog sinx linghik, tecud qikjinr ee qaixdab, ciongwdy juann sinx ee su'diauu.

Tenhur jaijingg/ qydingw iwsig soxx duar laii ee lingrgua tongwkow, diyh'air jiapsiu jurqiw ee iuuat, cniurr guaw dirr "jinrjingg qiongrsig" qongw ee, jinjniar quann langg jit qib :ee, jongw e qirjuat jurqiw ee tenhur, m quanrir singdamx qywzinn iacc si qongjiongr ee kuanlat, inx damsimx jurqiw e jniajyr uikuann. Inx tongsiongg byy quanrir qra qaqi sniurjyr viw langg' "kacc hyw" "kacc iuuat", inx qywzinn simlingg ligliong huisiongg kiamsun.

Jit xee miaa qiyr JANE ee luxsingr si jin' hyw ee le. Ix si jit xee kiauw qycc suiw ee siauwlenn hagsingx. Sionghagngi zi nii, duar diyc qionglet ee jusimx laii cue guaw, ix qamxqag soxx iokhue ee duiwsiong huisiongg byy cuwbi, ix ee laursux naxjunxx jin' hamwpuc, ix ee dongyc (luxsingr jairlai) hro ix qamxqag vakdngg ec, byy siongxsiongrlik. jit diamw aw dyrr m jaix bunrdee cud dirr dyhh, ix u qraur kiauw, jaix anne dagg hxang su byy nairsimx itding u sniaw m driyc ngiu.

Qingquer quiw vaiw jinxliauu, kacc qongw dyrr si qang bunrdee au, ix juadbang qongw "gauw qamxqag dirr jiax qandna' decc tauxkuir narnia, guaw byy air si byy vne kauwcanx ee langg."

"Anne liw rair yc jiapsiu liw ee iuuat." Guaw huedab.

"guaw ee sniaw? Liw ee ue si sniaw iwsur?" JANE u damrvyc qniahniaa. "guaw byy iuuat."

"liw soxu ee uanr ---iacc si qongxx gniauc gniauc liam --- kyxlingg longxx si qinqir jingwkag ee pingduan. Liw iokhue duiwsiong kyxlingg jniawqangw byy viw liw kacc kiauw, liw ee laursux byy liw ee kiamsun. Liw ee dongyc byy liw jiacc dyngiu simsig, ngua jit qxur ue qongw, liw soxu ee kunwziauw longxx si liw qamxqag --- iacc si liw jinjniar si – viw dysowlangg iuuat."

"mrqycc guaw byy qamxqag viw langg' iuuat." " jex si bunrdee ee soxjai, guaw vutqaix qamxqag iuuat, muixx jit xee langg si vingdingw ee."

Guaw bagbaii kia quann qongxx "qamxx si? Zuqyw liw narr siongsinr soxu ee langg longxx cniurr liw hiacc kiauw, anne dng' inx viauxhen byy hiacc kiauw ee sii, liw dyrr e ho'ngg gik .diyc, kiw puiwbin, siurkir, liw duiww inx e qamxqag sitbong."

Suar lyc laii ee quiw xee lexvair, duiww JANE si jin' qankow ee kyxgiam, suibongw ix m jingquan jaix jex si jingwkag ee honghiongr. Jyr jit xee vinghuann :ee qanxdanx jerje. Ix rair jiapsiu jurqiw ee iuuat, qycc bersaih hongsinn tihh, bersaih jurzin qaqi jiacc si driyc ee. narr qongxx ix jinjniar viw langg' kacc quann, qamxx qongxx juwdnia rair qodok jidsiwlangg? Narr si vutvinghuann, qycc si jniajaii-cutqiyh, iuqycc si uirsniaxmic? Jnuaxngiu suanw diyc ix? Jex si sniuxsur iacc si jxiur? Dongzenn, guaw byy hxuad huedab jiaxee bunrdee. Hro ix qamxqag ansimx ee si, singzim jiaxee longxx si jin' jinsit qycc diongriaur ee bunrdee. Ix dauc dauc jiapsiu jurqiw ee vutvinghuann, liauxqaiw jex si sniuxsur, marr si jxiur ; si jiokhog, marr si hurdamx.

Pnuarduer diyc qydingw iwsig/ qywzinn ligliong ee lingrgua jit hxang tongwkow hurdamx si ciauuat liauw tuantongw bunhuar ee qodok. Dirr ligsuw-siong, quixarr bxan-ig xee langg marr jixu quiw xee --- vixzuu SOCRATES , JESUS --- erdangr ciauuat dongsii ee qoxvanw bunhuar, hohamr susiongw. Jitmaw dairjiongr tuanvyr/ simliw dirliauu / siongrder sinunx ee ingxhiongw, guaw qoxqer dirr Bixqog u cingx-bxan ee singlenlangg kia dirr siongrr jinwvo ee snuar-dingw, jiaxee langg ee uanjingw sukyw u linglik tiaujenr sewsiok ee huilixsingr sukyw. Uirr beh singdiongw, inx jitgii bongbok ee aiwqog diongsingg / bunhuar soxx setha ee hanrjer. Inx byy qycc siongsinr ui' vywjuaw jabjir-dingw soxx tak diyc ee dairjir, inx jauxcue jinsiongr, tiaujenr siarhue /muitew soxx tuisag ee "jingwsiongg" huanwsiong. Inx tecud iongxkir, byy air virr jiuuii ee hohamr susiongw ki'penr. Inx dingsinx dingrgi "qadingg", m si qandna' huicenn ee cinjniaa, qycc vauquah iuxjir, jiaxee langg hunhiongw siy' qang ee sniwmia taiwdo, duiqiuu singdiongw jyr bogviaux.

Dirr duiqiuu kacc quann ee iwsig quewdingg-diongx, jerje langg texgiam diyc juriuu qaixhongr ee qamxqag, jniajyr qyckacc jinsit ee jurqiw. Inx ee diqag laii jurr ingxuanw ee sniwmia, iwsig ee jinwhuar dyrr si simlingg singdiongw. Inx marr hrur cud liauw dairqer, qniaa jit diauu jigbok ee luxiuu. Cimdimm ee susiongxqax suwsiongg e virr lyxcyw ee dairjiongr gorqaiw; jerje qydingw iwsig ee langg byy kinkyw jiapsiu siarhue soxx liuhingg "bongg bongg aw quer" ee simtair, inx jin' pnaiw puewhap diauliuu, vadd langg marr jin' lann liauxqaiw inx, yh ham' inx qaungua iwqenr. Inx diyh'air hrur cud ee dairqer si, jiwjiyw e ham' vorhun qadingg singguann u quaw qurlii, qeh hng .kir, lau vingiuw/ bunhuar sewsiok duanwdng quanhe.

Jiaxee diwhui /simlingg qniaa taujingg :ee, laii jurr qokk jiongw ee vuerqingw. Kyxlingg sanxciah/ u jnii langg, byy qang jingxjok, singwvet, iacc si qauwiok tingdo. Qydingw iwsig su'iaur qiongdua ee luerjai ligliong jiacc erdangr jiangxag, jerje kuriuw amwlinglik :ee ciauuat jiongwzinn, henwcud jailingg, kiokk marr e suanw knuar naxx kinsangx anjuann ee laurlo, tingkax lyc laii cuxdai singdiongw.

Kyxviw qongxx, dirr VIETNAM jenwjingx sii, guaw dirr liogqunx damzim simliw isux, bad pingqamr quer jit quaw olangg survingx, suibongw inx u qauwgiac ee diwlik huedab hogjap ee bunrdee, inx e suanw qew gong. Qidiongx marr u langg qamguan vyxlauu qoxvanw inwsiong ; u quaw langg sniu beh dypiah duer diyc linglik laii ee jikzim. Qangkuanw ee lixiuu, jerje langg qeqiamw e joxgai diyc iwsig huatdenw, inx qamxqag anne ee zidjiw kacc qanxdanx. Dyrr sngr inx e suaniongg iwsig singdiongw ee diongriauwsingr, jyr :ee/ qongw :ee byy itdir.

Sursit-siong, qydingw iwsig sisiongg virr dongwjyr naxcniu diyc diyc hongsiaa lehh, e tuanziamw, zuqyw dirr kuanqingw-diongx quewdo tuanvor, simrjiww e jyrsingg sixbongg. Cniurr derr id jniux soxx qongw ee, cimsux ee langg e ho'ngg jixjig "sniu sniu' je ar." qydingw iwsig soxx binrduir ee jongxsi huaigii / qniax, naxjunxx cimdimm uanjingw ee sukyw si jiamxzenn byy hyw ee dogpinw, e hro langg jin' qinw dyrr jnriu piah , simrjiww quewliong sixbongg.

IWSIG DIYC LANW EE SIXBONGG

Iauxx u jit jiongw ui' iwsig soxx duar laii ee qankow si jiacc qiglet /diongriaur, daddid qycc jinr jit vo tyxlun --- duiww sixbongg ee iwsig. Qaxsed zinlui viw qitnax dongrbut kacc u iwsig, zinlui si ui'id jaix jurqiw itding e siw ee singbut. Jex m na si zinlui ee digjid, marr si zinlui ee kunwqingw, jitt jiongw iwsig digvet tongwkow.

Qetqyw dysowlangg byy guanrir binrduir jurqiw sixbongg ee bunrdee, qamguan uanjuann mair sniu. Jnuaxngiu byy air kacc jaw binrduir, suisii binrduir? Dirr langg hiyxding sixbongg, qoxbuw cingcunx bunhuar, lanw iong jerje siqanx uirr dypiah binrduir siongrr siyw ser ee sixbongg tecniw. ERNEST BECKER dirr ix ee duwjog "hiyxding sixbongg (THE DENIAL OF DEATH)" soxx jixcud ee, jitt jiongw taiwdo marr e ixx jiongxjiongw ngiaw ngiaw ee hongsid inxdy lanw qniaa hiongr siaog (cniurr liac ngiuu-aw qniaw jyr tewsixquiw jewvair, uahlangg jewsu … dringw gisid, hibang sixsinn pnuar lanw byy jue.)

Langg m jingguan binrduir sixbongg ee dongsii, marr m qamguan binrduir nilau. Dirr "cue jiyhtauu" anne siaw "huangingg nilau m si jurzenn ee jywhuad, nilau si jiamrr virr vakduat ee quewdingg." Dirr guaw jyr isux ee siongrr buew qrii, u sir xee jongrhongw huisiongg luisu ee luxsingr anwle, inx iokk lak ~ cid jap huer, uanr :ee si duiww lau qamxqag cinwsimx. Inx longxx jin' hyxgiac, iacc si qer u jnii angx, qniaxzii qokk u singjiu, sriok sewsiok dingxjann :ee. Inx ee sniwmia naxjunxx qinqir dauc dauc hyw ee qiogvunw decc jinwhingg.

Dnaxx inx jiamrr lau .kir, su'iaur jortniax hni, qew cuiwkiw, tuixqoxtauu/qaixvnix quanjad ee laurhuar, diyhh ciuxsut/ ngua zinqangx :ee, jex m si inx soxx hibang ee, hro inx qamxqag hunwno/ cinwsimx. Guaw sniu beh cud qitnax vanrhuad jo inx, qandna' kiwdoo suechok inx siongsinr, nilau m si byy iwgi ee qaidnua, knuar jurqiw jiamrr dabuew .. qodaa.. lenx lyc .. byy sniax byy sueh siaubyy… nilau si sniwmia jit dnxua simlingg quewdingg ee junxvi qrii, jex m si qanxdanx ee dairjir. "zinsingx qiogvunw m si linw siaw ee, sniwmia vutjiw si linw jurqiw ee viauxenw narnia." Guaw anne qra inx qongw. Qidiongx nng xee byy zuarr quw dyrr byy qycc laii jinxsow ar, qamguan qewsiok ywlyc marr m guan binrduir sursit.

Qidiongx u jit xee obasangw si jin' kansingg ee qidokdoo, nng luiw bagjiux longxx dair sirmoc tuatli vnerjingr. Knuar mic ee linglik cunx vah hunx ji' jap, ix duiww jurqiw ee jygu jin' hunwno, digvet hin hitt xee qanxkyx isux, iong siongrr jinwvo ee laser (luisia) ciuxsut sitvai. Dirr gunw huerdamm diongx jin' qinw dyrr puu cud ee juxdee, "guaw hin diyhh kyr langg' hucah jiacc u huatdo likuix jeriw, qniaa cud qauwhue, lyc gamw air langg' huu." "tyxiar virr vak dirr cur-lai, guaw jaix jerje langg quanrir cua guaw cud mngg, gauw berdangr itdit iauqiuu vingiuw sraiw ciax jair guaw cud kir."

"Quewkir doglip jurjuw itding hro liw jin' iang, liw si jit xee singqongx ee luxsingr, guaw sniu liw su'iaur qamxqag hiaxee qiaugo, mrqycc jitmaw ee luxdingg si ui' jiax qniaa hiongr tendongg, hingliw zuxx kinx zuxx hyw si qniaa hng lo ee guanjig. Guaw m jaix liw jah jiacc je qiaugo, si m si erdangr singqongx qaur tendongg. Liw qra bagjiux ee vne knuawjyr jxiur, qisit liw marr ersaih qra knuawjyr jiokhog, si beh jo liw qra hiaxee byy su'iaur ee qiaugo hurdamx vangr lyc laii, liw jitmaw duliauw bagjiux byy qaiww hyw ixgua, qitnax dairliok si qenrkongx ee, liw iokk u jap-gua nii erdangr hyw hyw quer zidjiw, beh jah jxiur iacc si jiokhog ee simjingg, rair liw laii quatding." Guaw anne qra qongw.

Jit xee langg si m si beh hro qaqi qaixvenr, yc qra jxiur knuawjyr jiokhog, naxjunxx rair qra nilau dongwjyr jit xee junxvi qrii. Cuann sniaw? Jin' binghenw, cuanvan jit xee laiser. Dirr guaw siaw ee siyxsuad "tendongg huanrqanx (IN HEAVEN AS ON EARTH, 1996)" nirr ee jit xee juxdee si soxui ee "lenrqnax" (PURGATORY, beh jinwzip tendongg jingg diyhh singx sexcingx jue ee soxjai), guaw qra biyue jyr jit xee huisiongg gnaxkir setvi jiujuann ee jingsinn ingi, u siongrr henrdai ee qisut drat qaur byy tongwkow ee hagsip. Guaw zinruii jitt xee qongxhuad huisiongg sikdongx. Guaw marr jin' cingcyw viauxsi, lanw dirr lenrqnax soxx tingliuu siqanx ee dngg-dew, si didjiab ham' lanw dypiah binrduir sniwmia-diongx ee diongriaur kywdee soxx jyr ee loxlik iuxquanx, zuxx siamxpiah dirr jiax ee siqanx zuxx dngg, vauquah lanw ee ongiaw / nilau/ duiww sixbongg ee junxvi. m quanw laiser iacc si dirr huanrqanx, lanw diyh'air cuann decc danw suisii jinwhingg sexjue ee qangjog, narr byy, dyrr e ingxuanw hamrzip lenrqnax, ham' siongrder hunlii. Lanw uirsniaxmic byy beh jyr?

U langg erdangr viw langg' kacc u iongxkir binrduir, jingg qongw ee hitt xui obasangw jin' qinw dyrr kaisiw binrduir ix ee jetbuaa, sir nii ee siaudimm, dirr derr snax vaiw jinxliauu sii kaisiw qiamxkinx. Dysor jinghongw byy jiacc qanxdanx tetdew qaixvenr. Binrduir lau/ sixbongg ee quewdingg-diongx, u quaw langg simrjiww jursad, inx soxx setsiongw ee nilau sixbongg quewdingg si kutziok ee, ywlyc ee, jerje langg berdangr zimxsiu jitt jiongw vakduat ee quewdingg.

Duiww guaw, iacc si u quaw langg laii qongw, qenrkongx/ sintew uahtiauwsingr ee cniuxduat byy cniurr simliw ee vakduat hiacc tongwkow. Songwsid soxx jongvair ee inghiongg/ laursux, simrjiww cuwbi, e hro lanw qamxqag kanghix. Duadjauw huanwsiongw kyxlingg si hyw dairjir, marr kyxlingg e siursiongx, piwzuu, lauu lyc jerje byy sinwzim, quawqud ee simjniaa. Guaw byy kakding guaw si m si e cniurr jitt xee cavutdyx cnemee ee obasangw hiacc iugnaw binrduir nilau, kiokk kakding narr qongxx byy siongrder ee vuepnua, guaw juadduir byy hxuad ingwhur. Jex m na si siongsinr laiser jiacc u jinjniar ee quisiok, iacc siongsingr nilau si cuanvan laiser ee quewdingg. Guaw su'iaur kacc qywzinn ee vangjan, vauquah kanciuw LILY ham' siongrder, gauw ersaih qra inx qongw vakduat quewdingg ee jiongxjiongw buxlang/ jautad. Marr su'iaur siongrder ixx Ix ee digvet hongsid, u sii naxjunxx tauwquer singwlingg / tnisair hro guaw dap'anr. Guaw soxx liauxqaiw ee, jiamrr laurhuar ee quewdingg dairqongx-busux. M na si bactew ee tewhuar, si juanbinrsingr ee tewhuar. Siongrder beh air :ee si lanw ee juanvo.

Mairhiongr qenrkongx/ iliauu ee dyrlo si singzin sixbongg. dirr jitt xee kywdee guaw soxx tak quer siongrr hyw ee ceh , si JOSEPH SHARP siaw ee "LIVING OUR DYING", ix ee qenwqaiw ham' guaw qang, siongsinr sixbongg m si vakduat, si u iwgi ee sniuxsur. M quanw lanw si siauwlenn/ nilau, sixbongg ee iwsig erdangr inxcua lanw qniaa hiongr jauxcue iwgi ee lo. Lanw kyxlingg e dirr qniahniaa ji' ha cinwcaiw liac jit hxang zirciuw sinwgiongw, dypiah sukyw sixbongg. Jitt jiongw jongqaur kyxlingg jiamrsii hro lanw qamxqag anjuann, cniurr cosiok ee qu snxax, u gxiac junw .quer ziriw. Jit xee jinjniar singsik ee jongqaur, si ixx sixbongg ee sinvir kixtauu, dirr sixbongg binrjingg duisunn qywzinn ee iwgi. liw byy hxuad hro langg' ter liw jyr. U langg qongw "siongrder byy qniaxsunx", liw berdangr tauwquer verbuw laii ham' siongrder qenwlip quanhe. Liw diyhh cue jyr jit xee "siongrder ee qniaw" ee iwgi, dirr snisiw/ qycc uac ee sunkuann ham' siongrder qenwlip didjiab ee quanhe.

Dirr jitt xee quewdingg-diongx, lanw rair singx singzin qaixvenr ee vit'iaur, diyhh sisiongg diaujingw jurqiw ee susiongw ham' hinguii --- iuqii si dng' lanw qamxqag siongrr susongw sii. Qaixvenr ciangjai qamxqag cniurr sixbongg. Dirr "simlingg derdoo" nirr, guaw inxsut nng-cingx nii jingg ROMA dethagqax SENECA ee ue "lanw jidsiwlangg diyhh qewsiok vutduan hagsip sniwmia, suxx langg' qniahniaa ee lingrgua jit jiongw dairjir, lanw marr vitsu'iaur dirr sniwmia-diongx hagsip sixbongg." Jex vauhamm liauw hagsip duiww sixbongg ee qniax, zuhyy dirr sijun lailimm sii u iwsig hongwkir duiww sniwmia ee jipquad, siongrbuew qra jurqiw qaux hro siongrder.

SIONGRDER SRAIW CIAX

Guaw tecud jerje jingqax iwsig ee lixiuu, lanw ersaih tecud qyckacc qikjinr ee bunrdee. Zuqyw qidiongx jit hxang lixiuu si jauxcue iwgi, anne lanw beh cue sniaw iwgi neh? lanw su'iaur iwsig uaw sxen piah og, jex si uirsniaw? Uirsniaw beh uaw sxen? Lanw iwsig zuxx jingjinr, qamxsiu ee lat zuxx dua, jex si uirr liauw sniaw? Dyrr sngr zinlui ee jinwhuar si hiongr iwsig ee honghiongr, lanw si beh kir dyhh?

Byy zimrhyy surbut erdangr qaixkuix soxu ee sinvir. Guaw siongsinr jiwjiyw vorhun ee dap'anr ersaih dirr LATIN cue .diyc. LATIN ee iwsig si CON-SCIRE, viauxsi " ixx … laii jaix". Jiacc quaiwqii ee iwsur ! ixx sniaxmic jaix? Guaw ee dap'anr si, ixx siongrder laii jaix. Guaw qongw .quer, simliw kunwziauw si laii jurr iwsig, m si amwiwsig ; hiaxee "gelan" ee mic e bih dirr amwiwsig lai, si lanw ee iwsig qirjuat binrduir :ee. Lanw narr ersaih binrduir jiaxee byy songxkuair ee surbut, anne lanw ee amwiwsig dyrr e si ciongbuanw himhiw ee loghngg, lanw jiyh diyc jex laii ham' siongrder lenjiab. Ngua jit qxur ue qongw, guaw siongsinr siongrder tauwquer lanw ee amwiwsig laii henxsi jursinx, jixiaur lanw guanrir tanxzenn binrduir amwiwsig, uew cud ix ee diwhui.

Dirr ceh "luxdingg ee janrjo" nirr, siuluw MARYLIN jit siuw "diwhui ee quax", kixtauu anne cniur "diwhui dyrr si singwlingg", ix ee iwsur si " cniurr guaw soxx qongw :ee, jixiaur mng bunrdee, itding did diyc qaixdab, sunqiuu itding e cue diyc, longr mngg itding u langg laii kuix mngg. Cniurr guaw soxx qongw :ee, siongrder jiong' Ix ee singwlingg sniuxsur hro lanw, inxcua lanw dyrlo, siongrder hro lanw jniajyr Ix siwsia ee qngx (zidciux)." Siongrder qra Ix ee simlingg hro lanw, lanw ee iwsig vutduan jingjinr qaur juewau, lanw iong siongrder ee simlingg sukyw. Iwsig ee huatdenw, dyrr si iwsig vunxsinx tanxzenn binrduir amwiwsig ee quewdingg, beh ham' siongrder ee simlingg ionghap jniajyr ittew. Dng' lanw caqag diyc sinx ee jinliw, si lanw iwsig zinrcud jinliw ee jinsit ; dingsinx zinrdix liauw amwiwsig soxx itdit jaix ee sursit. liauxqaiw siongrder ham' lanw hunhiongw diwhui.

Dirr "simlingg derdoo" nirr, guaw qongw siongrder ixx qokk jiongw byy qang hongsid duiww lanw qongxue, guaw marr teqiong quiw xee le. Dirr "luxdingg ee janrjo" nirr, Ix tauwquer "diamjing ser ser sniax", quanhe jit xee beh uaw sir-jap huer ee luxsingr, suibongw ix simlingg luxhingg ixqingx qniaa jin' hng, iuguann diyhh binrduir ix ee qniahniaa/ sinwgiongw ee kiamwhuat.

Ix si guaw ee hyw vingiuw, qongw ix quiw zit jingg ee jit xee jaixkiw, dng' ix kia dirr qniar jingg buah enjix sii, jit xee ser ser sniax dirr ix ee taukag lai itdit qongw "cud kir jauw jit lenr", tauu iyy iyy lehh, sniu beh qra jitt xee sniax hnair driau. M na hnair be driau, qyckacc dua sniax. "jiacc hamwqow" ix qra qaqi qongw, "jaiw-aw guaw byy be unrdong, rair kir siongrvanx, beh jauw diyhh danw zidtauu beh lyc snuax ee sii." Ix huedab hitt xee sniax.

"Mair quanw hiacc je, jitmaw kir jauw .jit .xe" jitt ee sniax si jiacc qencii .diyc. Sniu .jit .xe, acc byy, ban jit diamxjingx kir qongsix byy qaiww dua ee quanhe. Ngua cing vowee, sun hitt xee sniax kir hurqin qonghngg jauw jit lxiw vnuar au, qycc kaisiw qamxqag jin' qoxquair ; jauw ee sii byy qamxqag si decc hiangxsiu, simrjiww m jaix uirsniaw jitt sijun rair unrdong. Hitt xee sniax qycc cud laii ar, "qra bagjiux kreh kiw laii", sniax qra bingrling.

"kixsiauw, jauw sii bersaih kreh bagjiux." Ix qra rinr .dngw .kir. juewau marr si qnuaix qnuaix tniax ue, jauw quiw vo au, qniax qniax taux knuar .jit .xe, eer! Qycc byy jauw uaix kir, iauxx qycc dirr jauxdy snuawlai. Tnix jiauwsiongg tuh quann quann. Sniax qycc qongw "qra bagjiux kreh kiw laii", juewau erdangr jauw zi-jap-gua vo, byy likuix jauxdyrsnuar, byy vuahdyw. Sniax qycc qra qongw, "qinaxzit u qraur ar, liw ersaih dngw .kir ar."

Guaw ee vingiuw qongw uann, bagkox qamm juixqng. " sniu knuar mai lehh, jitt xui uxdiu ee jyrbudjuw guanrir vruee guaw unrdong." Jin' kuaiwlok ee binriongg.

Cniurr jitt xee le, singwlingg sisiongg dirr lanw siongrr sniu be qaur ee sii, duiww lanw qongxue. Mrqycc itding rair lanw ee linghunn singx junxvi hyxser. Suisii beh ham' Ix jiapsnuar. Jex byy hro dairjir venr qaxx kacc iong'i iacc si qanxdanx. "simlingg derdoo" qongw quer, siongrder erdangr tauwquer bang henrsinx, bang si amwiwsig ee lexmic. Kyxlingg u quaw langg byy hibang liauxqaiw bang ee iwgi, byy air puawqaiw qidiongx ee kexsi.

Gauw bad jyr quer jit xee bang, aurlaii jiacc jaix hex si jit xee dua kexsi. Hitt sii guaw duxx kaisiw yc iuxquanx siongrder ee jin'gi sii. "simlingg derdoo" duxx cue hyw cutvanxsiongx, qamxqag rair kir dro jit xee qxaw, byy sniu beh kir haixvnix, suanw jit qingx siudyrngi druar nng lexvair, si guaw derr id vaiw ee virjing(RETREAT), guaw jaix jex si uanjuann byy qang ee qinggiam.

Jitt crur virjing, cimx sniu jerje kywdee, qidiongx ji' id, banrid "simlingg derdoo" jniajyr liuhingg ceh, guaw rair anxjnuaw ingwhur. Si hongwkir cingjing, denxkuix sunhuee enxqangw? Iacc si cniurr "CATCHER IN THE RYE" ee jokjiaw j.D.SALINGER likuix sniaci druar dirr ciurnaa lai, ngua jit qix byy ho'ngg jaix ee sinx denrue? Guaw m jaix beh anxjnuaw jyr? Siongrder, liw beh guaw anxjnuaw vran? Jex naxjunxx jin' dua ee dairjir, hibang dirr virjing sii, erdangr did diyc siongrder sinsingr ee kexsi. Jitt xee bang jit knuar jin' amwdimr, hro guaw jit xee quanhe sniwmia juann sinx quandiamw, "simlingg duiwue" nirr, guaw qongw cud guaw ee qinggiam.

Guaw si dersnajiaw , knuar jit xee diongsanw qaiqib ee qadingg, nng daii ciax, jit xee jap-cid huer ee javoqniaw, tak qydiongx, si vandairviauw, kaqiuu duirdniuw, harkyr au e kir jyr snuawqangx, snijyr endauu, vidgiap denxlew sii, beh dairviauw cutgiabsingx kiw kir daii-dingw diwsuu, u jit xee suiw qycc viwsur ee jabow ving'iuw, u qawjiaur, sraiw ciax qisut be baiw, knuar kiw laii vutjiww u jikzim kuanw. Si diongxvuer jin' himsen ee hyw qniaw. Vaxvah dyrr si vutjunw ix sraiw ciax cud mng, qencii sangr ix kir pacqiuu, iokhue…, zimrhyy ix beh kir ee soxjai, qyckacc quewhun ee si, vaxvah quiding ix soxx tanr ee jnii, muixx jit vah kox rair qaux go kox, qongxx si vaxvah sraiw ciax ee qangjux. Ix dyrr erhiauw sraiw ciax, jnuaxngiu rari hrur huiwiong?

Ui' bang-diongx jingsinn, guaw huisiongg hunwno, jitt xee jiacc dogcaii ee vaxvah ! guaw m jaix beh anxjnuaw qraiw jitt xee bang. Naxjunxx jit diamw aw dy' byy dyrliw. Snax zit au, guaw qra siaw lyc laii, dng' guaw tak bunqyw sii, huathen si anne siaw "Father", mng guaw jurqiw, qamxx qongxx bang-diongx ee Father si tnive? Hitt xee jap-cid huer ee javox ginxaw qamxx si guaw? bingliauu ar, guaw did diyc jit xee kexsi. Siongrder qra guaw qongw, "eer! SCOTT, liw hurjig hrur jnii, ciax guaw laii sraiw."

Cuwbi ee si, guaw jongxsi qra siongrder sniurjyr jit xee singwde unsunn ee hyw langg, bang nirr ee Ix si jit xee juanjer ee vogqunx, jiwjiyw guaw ee qamxqag si anne, hro guaw hunwno, gersinn. Jex m si guaw soxx hibong :ee, gauw sniu beh air ee, si siongrder hro guaw jit quaw qenwgi, cniurr ludsux, huerqewsux hitt ngiu, guaw ersaih juriuu quatding/ qirjuat. Gauw dongsii byy air jit xee "dua" kexsi, digvet siongrder qongw "sraiw ciax hro guaw laii". jernii au, guaw iuguann pacvniar dadsingg jitt xee kexsi, qra jurqiw qaux hro siongrder, huangingg Ix jiapquanw guaw iauxx qycc cnihun ee sniwmia handylu.

Derr snax jniux HAGSIP , SINGDIONGW

Narr qongxx lanw sniwmia byy itding duiquii kuaiwlok/ buanxjiog/ susongw, anne lanw singjunn dirr sewqanx si uirr sniaw? Sniwmia ee iwgi iuqycc si sniaw?

Guaw siongsinr lanw uac lehh si uirr hagsip, uirr jinwhuar, beh jinwvo. Hapsip hiongr jingg qniaa, m si dywtewlux. Guaw tiaujenr qokk xui ee siongxsiongrlat, lanw laii cue jit xee viw "zinsingx" kacc lixsiongw ee hagsip kuanqingw. Sniwmia ciongbuanw liauw venwcenx/ byy kakding/ qanlann ee kywdingg. Dirr kacc cnecinr hibii sii, sniwmia dyrr cniurr moxjiongw singwlingg zip kir hunwlenrngiaa. BENJAMIN FRANKLIN bad anne qongw, "duar laii tongwkow :ee marr duar laii qawsi." Hagsip si susiongw /iwsig horsiong kandnii ee hogjap quewdingg, si cniurr susiongw/ iwsig hiacc byy qanxdanx, byy didjiab, ciongbuanw sinvir.

Guaw juxiaur ee sinhun si kyhagqax, sidjingr juxgirjiaw, siongsinr tonghiongr diwsig siongrr hyw ee dyrlo si tauwquer qinggiam. Ngua jit qxur ue qongw, qinggiam si siongrr hyw ee hagsip hongsid, mrqycc m si ui'id ee hongsid. Kyhagqax e jinwhingg sidgiam/ kongwjer qinggiam laii did diyc sinx diwsig, cue cud sewqair ee jinsiongr.

Qangkuanw, guaw si jit xee duiqiuu simlingg ee langg, zinrbad siongrder, m na si sinwgiongw, marr qinqir jingwqir, si guaw duiww sin'unx ee texqiam. Dirr "simlingg derdoo" "cue jiyhtauu" nirr, biyue liauw guaw dirr jitt hongbin ee jerje qinggiam. Jinrliong iong tongxqewhak lun jingwqir ee hongsid tyxlun sin'unx. Beh qenwlip kyhak-siong ee jingwqir, siongrr u hau ee honghuad si suxiong soxui tongxqer ee "byy-qilut", dyrr si qongxx jit hxang su dirr sowhak-siong kyxlingsingr zuxx qe, "byy-qiludsingr" dyrr zuxx quann, erdangr ansimx duanwding jitt hxang su m si gnoxzenn huatsingx ee, jaix jitt hxang su kuriuw diongrdua ee iwgi, suibongw byy itding erdangr qaixsueh.

Jex dyrr si uirsniaxmic gauw tongsiongg e qra sin'unx qaixsueh jyr "jit jiongw jin' byy kyxlingg huatsingx, kuriuw jniawbin qetqyw ee surqnia mosid". Marr si uirsniaxmic guaw zinruii dirr jitt jiongw surqnia mosid-diongx, lanw erdangr knuar diyc siongrder ee ciuxbunn. Cniurr JUNG iokk veh-jap-snax huer, dirr sniwmia jiapqin buexliux sii, bad jiapsiu logngiaw caixhongw, hongxmngrjiaw mng JUNG, "liw qamxx siongsinr siongrder?" Guaw narr byy qir m driyc, ix ciuw tec huncuex, naxx suh hrunx, naxx sniu, anne qongw "siongsinr siongrder? Dng' lanw zinruii moxjiongw surbut si jinjniar, mrqycc byy sidjai jingwqir sii, jiacc iong 'siongsinr' jitt xee zri. M si, m si, guaw byy siongsinr siongrder, guaw jaix siongrder kaksit junjai."

LINGHUNN DUARHANR

Guaw qaxsed jitt xee sewqair si zinlui hagsip ee lixsiongw kuanqingw, jex viauxsi siongrder kyxlingg digvet uirr jitt xee bogdig congwjy jitt xee sewqair, anne, lanw sui' binrlimm linghunn ee quanliam. dirr "siaog simlixhak" nirr, guaw inxsueh W.B.YEATS (1865-1939) ee ue, ix qra sewqair qongxx si "duanwlen linghunn ee snuaqog", jex viauxsi lanw dirr jiax si beh hagsip/ junxvi. jitt xee sinwgiongw si qidokqaur ham' qitnax siongsinr lunhuee jongqaur siy' qang ee qongxhuad. Lanw singjunn dirr jitt xee sewqanx si uirr siauduu "giabjer", hagsip vit'iaur ee kywdingg, jiacc erdangr tuatli sewqair ee lunhuee.

Lanw ee sniwmia luxiuu si vutduan ee hagsip, siongrbuew ee bogviaux naxjunxx si linghunn ee uanbiw. Uanbiw ee iwsur m si qongw zinlui ersaih drat qaur uanbiw, iacc si lanw soxx iauqiuu sursu uanbiw, jixsi qongw lanw dirr sewqanx-diongx erdangr hagsip/ qaixvenr/ singdiongw.

Guaw byy hxuad jingwbingg linghunn ee junjai, cniurr guaw byy hxuad duiww qionggnerpair bysinlunrjiaw jingwbingg siongrder junjai. Guaw ersaih teqiong jerje amwsi, suecbingg Ix ee junjai, dirr guaw jaxjingg ee duwjog nirr longxx itdit anne jyr. Jex m si viauxsi soxu ee langg longxx cniurr C.G.JUNG, W.B.YEATS qangkuanw erdangr jiapsiu jitt jiongw jingwqir. Guaw siongrr sinx ee jit vunw ceh "linghunn ee hiyxding, (DENIAL OF THE SUOL)" tamwtyw anlogsiw ee bunrdee, e iong "hiyxding" jitt xee zri, si guaw qamxqag jerje langg, m na duiww linghunn si m si junjai uanjuann itbuu-soxdix, qycc qionglet vaited.

Sniaw si linghunn? Jaiww jit crur lanw duw diyc ciauquer jurqiw jerje ee surbut, byy hxuad sik'iong zimrhyy dan'id, qanxliok ee dingrgi, kyxlingg jin' byy uanbiw, jiwjiyw erdangr jo lanw jinr jit vo tamwtyw hagsip ee ywvir, guaw anne siongsinr.

Guaw anne dingrgi linghunn: "siongrder soxx congwjy, ju'iongw ee zinlui jingsinn, e singdiongw/ ingxuanw ee sniwmia/ dog'id-buzi." Jiaxee suu muixx jit xee longxx jin' diongriaur. Sewqair/ langg longxx si siongrder congwjy ee, sewqair si zinlui siongrr lixsiongw ee hagsip kuanqingw, anne langg si virr congwjy laii hagsip ee. "siongrder ee ju'iongw" m na ui' siurin au congwjy liauw langg, qycc tauwquer sin'unx, qewsiok jiauwqor lanw jidsiwlangg. Ix u snaiw lixiuu anne jyr? Qamxx qongxx Ix hibang ui' lanw srinx-siong did diyc sniaw? Ix beh air snaw? Gauw zinruii Ix rair lanw hagsip --- dairvorhun ee sin'unx naxx cniurr si uirr jitt xee bogdig.

Hagsip ee bogdig jixhiongr "erdangr huatdenw". lanw "guanrir" hagsip, jiacc u huatdenw , narr qongxx hibang hagsip, kiokk byy-huatdenw, u sniaw iwgi ? m quanw jingxjok, iacc si qywtew, zinlui si jinwhuar ee singbut, bactew ee singbut, sintew jongxsi e tingjiw huatdenw, siongrr buew vitzenn huixbet. Simlingg ee huatdenw erdangr itdit qewsiok qaur sixbongg ee sii (guaw zinruii iauxx erdangr qewsiok qaur sixbongg au jin' quw jin' quw). Simlingg ee huatdenw, guaw qongxx si "singdiongw", singdiongw / hagsip si siy' tex siy' kyr, horsiong qaudnii, vutduan cringr quann ee quanhe.

Guaw itjair qiongdiau, lanw erdangr suanw si m si beh singdiongw, si m si beh hagsip. Vunw sewqiw siongrr uixdai ee jit xui simliw hagqax ABRAHAM MASLOW qongxx si "jurgnow sidhen (SELF-ACTUALIZATION)", soxx biyue ee si zinlui singdiongw / jinwhuar qaur kacc quann ee simlingg, qyckacc quann ee jurjuw/ qywzinn ligliong. MASLOW zinruii zinlui itdanr ingwhur quer qivunw ee singjunn su'iaur au, dyrr jinwsingx qaur qyckacc quann ee iwsig jancur ar.

Gauw zinrding MASLOW jerje hongbin ee qongwhenr, mrqycc "jurgnow sidhen" u damrvyc iwqenr. Guaw byy siongsinr lanw erdangr jurgnow henrsidhuar, cniurr berdangr congwjy jurqiw; byy hxuad congwjy jurgiw, cniurr byy hxuad congwjy jit luiw huex. Erdangr jyr :ee qandna' jiauwqor siongrder soxx congwjy cud ee huehngg. Jex viauxsi lanw suibongw byy hxuad congwjy linghunn, kiokk ersaih ju'iongw linghunn, marr ersaih suanw hutliok ix. Dirr singdiongw ee quewdingg-diongx, lanw erdangr ham' siongrder jniajyr qiongrdongg ee congwjyrjiaw, narr si dexjer qirjuat singdiongw, si lanw hongwkir ham' siongrder qiongrdongg congwjy ee qihue.

Guaw siongsinr MASLOW soxui ee jurgnow henrsidhuar, ingwqaix si qra sniwmia dongwjyr snalensuar hagsip/ suanxdik ee qihue, dysor sihau beh air singdiongw. Dirr siongrder ee inxcua-ha, qiongrdongg congwjy (qiongrdongg sidhen) si qankow :ee, besaih hiyckunr ee huatdenw, vutduan singdiongw quewdingg. Hapsip/ singdiongw ee suanxdik si singlenn au jiacc binrduir :ee. donglenn qaidnua dairvorhun ee hagsip si "virdong" :ee, ngua jit qxur ue qongw, si jurzenn huatsingx :ee.

VIRDONG EE GINXAXQNIAW

Kyhagqax byy jin' liauxqaiw lanw si anxjnuaw hagsip ee, cniurr inx byy liauxqaiw susiongw/ iwsig. Gauw dirr dairhak tak simlixhak sii, diyhh singx tak "hagsip lixlun" jitt xee kywdingg --- jin' diongriaur, duiww guaw huisiongg kunwlann ee qongkyr. Hitt sii dysor hagsip lixlun si quanhe jewding ioksog ee quewdingg, si IVAN PAVLOV (1849-1936) iong qxauw jyr sidgiam huatdenw cud laii ee, naxjunxx lanw ee hagsip juxiaur tauwquer jiongxsniuw/ cuxhuat, naxx niauxciw qniaa beqiongx sidgiam denrqig (huat)/ jiahmic (sniuw) ee quewdingg.

Jitt xee lixlun qycc jinr jit vo qaxsed, zi'dongg hagsip gixgenn marr si tauwquer jitt jiongw "hinguii juxgi" ee jewiog quewdingg. Susiongxqax ARTHUR KOESTLER (1905-1983) dirr ix ee ceh "qikir qxuiw (THE GHOST IN THE MACHINE)" nirr, uanjuann sakdyw hinguii hagpair duiww gixgenn hagsip ee lixlun, tecud jap-gua xee iuxquanx gixgenn hagsip ee bunrdee, si hinguii hagpair byy hxuad huedab :ee. KOESTLER vunxlangg byy qaixsueh iuwzii anxjnuaw hagsip gixgenn, mrqycc ix jingwbingg lanw duiww jitt xee kywdee cavutdyx itbuu-soxdix. Qaur dnaxx ginxaxqniaw zuhyy yc erhiauw qongxue, iuguann si dua sinvir.

Lanw jaix :ee, jit xee sursit si langg hagsip linglik byy itding rair kyr cuir-bak-pni gnoxquanx qonglingg. Kyxviw qongxx, cauwhni cnemee ee HELEN KELLER (1880-1968), m na erhiauw gixgenn, qycc u jin' qniax langg ee diwhui. Lingrgua lanw jaix vakduat ginxaxqniaw qamxquanx, e giamdiong ingxhiongw hagsip. 1920 nidai dirr Dikqog qozingi duarhanr ee ginxaw, kiamwkueh u iwgi ee jiapciog/ qunxsngw, hro lanw liauxqaiw qenwlip digding ee qamxquanx quanhe (puebah horsiong iuxsen ee jiapciog ho'ngg qamxqag diyc langg ee unjingg), jiacc erdangr dirr bactew-siong jingwsiongg huatiok, drat qaur simliw-siong ee singdiongw. Lingrgua, iuwzii ee huatdenw-diongx u jin' diongriaur ee quanqenr qaidnua, narr si vakduat/ hutliok inx ee suqiuu, dyrr e joxgai singdiongw. Jex si uirjnuaxngiu hagjingg qauwiok virr diwdang. Vutduan teqiong ciwqig, huatdenw iuwzii ee siarhue / simliw linglik si qauwiok ee jit vorhun.

Gixgenn hongbin, zi'dongg qaidnua ee hagsip dairvorhun naxjunxx si virdong :ee. ginxaxqniaw hagsip gixgenn jingg, inx dyrr kaisiw hagsip simliw hagqax soxui ee jurgnow qaiwhan (EGO BOUNDARIES). Lanw jaix duxx cutsir qaur qauw qywguec dua ee ingzii, berhiauw hunvet ix ee ciuw, maxmah ee ciuw, ix ee ciuxjnaiw m si vaxvah :ee. jitt jiongw hagsip naxjunxx si berdangr suanw ee, gauw qra hyrjyr virdong :ee.

Ingzii yc erhiauw hunven sii, iauxx qycc rair jerje hagsip. Sidjer-siong, jitt jiongw jurgnow qaiwhan ee hagsip dyrr si iwsig ee huatdenw. Qauw qywguec ee ingzii srinx-siong, lanw erdangr knuar diyc jurgnow iwsig ee diaurtauu. Dirr jex jinwjingg, narr qongxx cnehunrlangg qniaa zip kir vangqingx, iuwngex qandna' erhiauw dirr ix ee iynaa-lai vingjing tamwsyh ix ee jurgnow qaiwhan, cniurr sniaxmic dai longxx byy huatsingx lehh. qauw qywguec au, narr si cnehun :ee zip kir ix ee vangqingx, ngex-aw e qikdong qaxx hauw, si simliw hagqax soxui duiww cnehunrlangg ee jiausimx. Ngix-aw jaix jurqiw si hunlii ee qywtew, huisiongg ziok qycc bujo, iong'i sriu sionghai. Ui' jitt diamw cuiwziok ee qniahniaa, ersaih pnuawduan ngix-aw ixqingx kuriuw siongrr qivunw ee jurgnow iwsig, pnuarduer laii :ee si, duiww henrsit ee diwqag, erdangr qamxqag, hunvet jurqiw/ tnazinn ee byy qang.

Virdong hagsip gixgenn / qamxqag jurgnow qaiwhan naxjunxx be sriu diyc kow, jex byy viauxsi soxu virdong hagsip longxx be qankow. Kyxlingg dirr jit xee zi'dongg sniwmia-diongx, byy viw "nng huer gong vawvar"qyckacc tongwkow ee qaidnua lor. Nng huer ginxaw ixqingx sigsai jurgnow qaiwhan, byy cingcyw :ee si, lat ee dua-ser. Ix e zinruii jex si jit xee siongrr bixhyw ee sewqair, iongxiuw byy han ee lat, cniurr siyw vogqunx jixhuix ix ee verbuw /hniajew/ inx daux ee qxauw, jiaxee longxx si ix suzinn ongqog ee cittymic. Anne dairjir dyrr beh huatsingx lor, jitmaw ix siwqer qniaa, luan danr mihqnia, qra ceh ui' qxer-aw dingw giuw lyc laii, verbuw kaisiw qongxue "bersaih, liw be did anne, BABY, liw marr berdangr anne jyr."

Sursit-siong, benw jap-zi qywguec ee siqanx, ginxaw simliw-siong ui' sir liap cnxix ee siongrjiongr venxqe jyr zirdingw vingx. Bogquair ix qamxqag sitjir, qau singwde. M quanw "hnuaivar ee nng huer" zuarr tongwkow, jex si jit xee huisiongg diongriaur ee hagsip qaidnua. Snax huer sii, narr byy hro qenwsiaur/ siurziok pacdyw, dyrr e huac cud diongriaur derr id vo, likuix "ingzii jurluann", kaisiw qenwlip ERICH FROMM soxui ee "siarhuerhuar" qicow. FROMM dingrgi jyr "hagsip hnuahiw diyh'air jyr ee dairjir."

Dysor ginxaxqniaw ee hagsip iuguann si virdang :ee, uahdang kyxlingg ciangjai laii jurr guarlaii ee aplik, cniurr qadingg jokgiap, kyxcir, singjig, cur-lai ee qidai. Dirr guaw ee ceh "iuxsen ee seh", veh huer ee luxinghiongg JANE si jit xee le. Ix singdiongw dirr qenrkongx ee qadingg, dywvingg/ jniawvingg ee nauw vingqunx huatdenw, vnix:a ee langg knuar ix hagsip linglik jin' qiongg, byy qaiww su'iaur kaix jingsinn, benw diauqangx qaixsueh, jixsi jiauwsun jurzenn, sukyw qinw qaxx naxx vuex lehh.

Jit xee uanjingw ee qadingg, qniaxzii juxiaur hagsip duiwsiong dongzenn si verbuw, ginxaw jin' jurzenn dyrr zinruii verbuw jyr dairjir ee hongsid si lixsow-dongzenn :ee. Jurlut ee jongrhongw qyckacc si anne. Verbuw jurlut ee hinguii, qniaxzii jurzenn /byy iwsig ee, u jurlut ee, duer lecc jyr. Siongduir ee, hinguii kiamwkueh jurlut ee verbuw, ginxaw e zinrding verbuw soxx jyr :ee, si jingwkag ee hongsid, huatdenw cud ee dongzenn dyrr byy jurlut linglik, jit quaw verbuw anne iauqiuu "tniax guaw ee ue, mair yc guaw ee hinguii", jitt jiongw jinghongw digvet binghenw byy jurlut. Suibongw zi'dongg siqii hagsip si virdong :ee, kiokk qik diongriaur. Zuqyw u qraur hyw zirun, jitt xee qaidnua marr si hagsip simjniaa/ lixsingr diwhui ee kaisiw.

Jerje langg jiamrr virr suechok siongsinr, diwlingg qandna' erdangr ui' sowhak hongsid laii cikliongg. Duiww hunsig diwlingg (ANALYTICAL INTELLIGENCE) kyxlingg si anne, qitnax hongbin ee diwlingg dyrr e virr hutliok, iuqii si tiusiongr insor ee diwlingg, piwzuu, jurgnow iwsig/ ixx simx viw simx ee donglixsimx/ siarhue iwsig. Dngquw ixlaii cikliongg diwlingg IQ cikgiam, jitmaw kaisiw sriu diyc jitgii. Suibongw IQ jin' u loriong, marr u kiamwdiamw, qidiongx ji' id si qamm u bunhuar qisi, hro jerje hagsingx dirr jingwsid hagsut cikgiam sriu diyc gorpnuar/ gordyw.

U jit jiongw sinx genxqiur, jixcud simjniaa ee EQ (EMOTION QUOTIENT, langg duiww simjniaa jiangxag linglik) marr qangkuanw erdangr junxkag huanxngiar langg ee diwlingg, guaw u zinrdongg. EQ ee qikiauw si hogjap qycc dyenn :ee. genxqiur-diongx soxx inxsut ee jit xee le si berdangr tamx ganxjingg ee lirig/ hyxcur. Dirr "simlingg derdoo" bad biysueh tongwkow/ kuaiwlok jingg-au sunrsi ee anvaii, qra kow ee dairjir singx cuxliw, hnuahiw jyr ee vaii aurpiah, anne ee kuaiwlok qex vxue.

"sidai jiukanx (TIME)", bad duiww jitt hxang genxqiur jyr jin' dua ee vywdy. Byy iwgua, dongsii marr huathen EQ ee jit xee digsingr, si simjniaa qikiauw su'iaur ilai jurgnow caqag. Simliw hagqax dramm diyc "criaux-simjniaa (METAMOOD)", ee diongriaur, jex si jit jiongw erdangr ixx dersnajiaw quancad jurqiw simjniaa ee linglik --- m quanw si hunwno/qenwsiaur/viaix --- zenau caixcuw hingdong. Jex si lanw jingg jniux soxx qongw diyc ee quancatsingr criaux-jurgnow. Itdanr diwqag .diyc, dyrr vixqaur kacc erdangr sikdongx jiangxag simjniaa. Jitt jiongw linglik hro lanw iongxiuw qyckacc je jurgnow kongwjer ee linglik.

Dirr jit xee qiongdiau iong dywvingg nauw (lixdir) ngiaa quer jniawvingg (didqag) ee bunhuar, simjniaa diwlingg EQ ee huatdenw suacc u dua joxgai. Bogquair lanw dirr zi'dongg qaidnua dyrr texgiam diyc bavir ee simjniaa, yc erhiauw apjer, simrjiww uanjuann qnuaix kiw laii. duiww simjniaa qamxqag byy jurjai ee singlenlangg, ongxongw e puepingg ginxaw ee simjniaa, iacc si jikvi inx "mair u jitt jiongw qamxqag", qetqyw jyrsingg apjer.

Byy hxuad ingwhur cywvairqamw/ hunven aplik ee guan'inx, hro jerje zi'dongg qniaa hiongr pywhairsingr ee lo --- imxsit sitdiauu / kihu ziogjiaw/ qitnax huanw siarhue hinguii --- inx kiamwkueh singlenlangg inxdy inx kongwjer simjniaa. Guaw siongsinr laursux/ verbuw qaix qauwdy zi'dongg jiapsiu jurqiw ee simjniaa (m si viauxsi ginxaw ersaih sniu sniaw jyr sniaw jairr inx luan jyr).

Suibongw ginxaw qaidnua ee virdong hagsip, dirr simjniaa /diwsingr-siong longxx huisiongg diongriaur, singlenn au ee juxdong hagsip jiacc kuriuw siongrr diongriaur :ee (junw qongxx e huatsingx). U quaw simliw hagqax zinruii itdanr qaur liauw cingcun-qrii, "sionghai ixqingx jyrsingg", m quanw hyw baiw, zinqeh dingrhingg ar, suibongw jinghongw suwsiongg anne, m si juadduir ee. jixiaur u quatsimx, dirr zinsingx aurbin sir hunx ji' snax ee siqanx, ersaih jyr qaur siongrr dua ee qaixvenr/ singdiongw, cniurr JONATHAN SWIFT soxx qongw ee : "zinsingx ee buexqii si iong laii dirliauu jaxqii ziamxhuan diyc soxu ee gugong /penqenr/ cywgo ee sniurhuad." Singlenn ee juxdong hagsip m na kyxlingg, marr huisiongg daddid duiqiuu.

IWJIWLAT

Dirr mow quaw hongbin, lanw cingcyw liauxqaiw singlenlangg zuhyy juxdong/ kik'ir suanxdik hagsip. Lanw soxx byy liauxqaiw ee si uirsniaxmic? Lanw binrduir zinlui iwjir siongrr dua ee sinvir.

Guaw bad qongw .quer, mow quaw langg (piwzuu: gunw daux ee langg) naxjunxx cutsir dyrr jah laii qenqiongg ee iwjir, mow quaw langg ee iwjir vixqaur kacc ziok. Jitt xee bunrdee jurlaii byy qingquer kyhak genxqiur. Lanw m jaix iwjir si m si u qiongg-ziok ji' hunx, si m si laii jurr uituann? Iacc si jerjiyw qingquer hagsip singdiongw laii :ee? sinvir ee iwjiwlat, dairviauw simliw genxqiur-siong ee jit xee byy kuihngx ee kuhik.

Dirr zimrhyy jinghongw, guaw siongsinr qenqiongg ee iwjir si jit xee langg soxx erdangr did diyc siongrr hyw ee nng hxang ji' id (lingrgua jit hxang si qamxunx ee simx, aurbin lanw jin' qinw dyrr e qongw .diyc.) guaw siongsinr qenqiongg ee iwjir byy itding vyxjingr singqongx --- u sii duxhyw dywvingw, cniurr HITLER --- mrqycc luanxziok :ee cavutdyx juwdnia sitvai. Qenqiongg ee iwjir iarr si sinvir ee singdiongw iwjir. Vixzuu, iwjir qenqiongg ee langg dirr simliw dirliauu sisiongg did diyc kacc hyw ee ingwhau, m quanw donglenn vuerqingw zuhyy, m quanw qihue zuarr jiyw ; siongduir ee, kiamwkueh iwjir ee langg kyxlingg iongxiuw qitnax ee jusanw --- uixdai ee quanliam/ jailingg --- ongxongw itsu-busingg. Guaw itjair jixcud zimrhyy unsur longxx si amwcangr ee jxiur, qenqiongg iwjir ee kiamwdiamw si singwde baiw, jixu iwjir qiongg ee langg jiacc e qra GOLF qiuqnuaiw auw kiaux, qruar dirr ciu-aw dingw, siurkir hitt xee ser liap vec qiuu byy jiauww ix ee iwsur vuex. Jitt jiongw langg ongxongw rair he jerje siqanx yc kongwjer jurqiw ee hunwno.

Dirr "simlingg duiwue" nirr, qongw diyc guaw ciangjai qra vnerlangg qaixsueh, luanxziok ee iwjir cniurr aurviacdniaa cri ee ser jiah luu, byy qaiww je ee kunwziauw, qigqex hranw hranw aw jiac liw jingr ee huex ziiw, mrqycc duiww liw byy vangjan, lyhbuew liw kyxlingg jin' hiyrhuew jidsiwlangg sniu :ee jit dua dxuix, jyr :ee byy vnuar hxang. Iwjiwlat qiongg :ee, naxx cniurr cri jit qrunn bew, quann dua qycc u lat, narr byy aclyhsingr, qui' qrunn e ciongx zip kir linw daux, lenn cur dyrr dac vnee kir.kir. narr si sikdongx ee sunhok/ hunwlen, hro bexqarqniux(bexqiangx), liw erdangr unriong inx, ter liw isnuax-dyxhaiw. Iwjir ee sunhok jin' diongriaur. uirsniaxmic rair lyhsingr neh? liw berdangr qandna' uirr sunn iwjir, diyh'air uirr qyckacc quann ee lat.

GERALD MAY siaw ee "iwjir qapp jingsinn (WILL AND SPIRIT)" derr id jniux si "songxdit qapp saixsingr", saixsingr si byy sunhok ee zinlui iwjir, songxdit dairviauw zinlui qenqiongg iwjir, guanrir qniaa vadd langg qniaa be dinxdang ee lo, junsun kacc quann ligliong ee diauwhuanr. Songxdit/ kacc quann ligliong ji' qranx ee quanhe, guaw dirr "simlingg derdoo" qongw diyc :ee, singdiongw ee iwjir qivunw-siong si air --- qamguan uirr jurqiw /tnazinn ee simlingg singdiongw laii hisingx jurqiw singjuann tnazinn, jinjniar u aiwsimx jiacc e singdiongw, guaw anne jyr dingrgi. Air ee linglik si ui' juair ee verbuw soxx ju'iongw, mrqycc verbuw ee ju'iongw berdangr qaixsueh uirsniaxmic soxu ee langg longxx u air ee linglik. Guaw siongsinr zinlui air ee linglik, marr si singdiongw ee iwjir, m na dirr zi'dongg sii verbuw ee ju'iongw, marr si itsingx-diongx ui' sin'unx, siongrder ee air soxx ju'iongw ee.

Lanw binrlimm jit xee bunrdee, uirsniaxmic jixu jiyxsowlangg qewsiok viauxhen cud singdiongw ee iwjir, dysor :ee m na dexjer singdiongw, marr dexjer pnuarduer hagsip laii ee jikzim? Suibongw jin' sinvir, suanxdik singlenn au ee juxdong hagsip / singdiongw ee iwjir, si jit xee langg sniwmia-diongx siongrr diongriaur ee quatding. Jex qycc si dangsii diyhh jyr :ee neh? jaiww jit crur, kyhak byy genxqiur jitt xee kywdee (ingwqaix u jiacc driyc). Guaw zinruii byy jingwqir henxsi zi'dongg qaidnua dyrr jyr lyc quatding, narr kacc jaw, si cingcunx-qrii sii. Guaw bad jriab quer jap-go ~ lak huer siauwlenn qiar laii ee puex, cingcyw henxsi inx ixqingx jyr quatding ar.

Guanw jaboxqniaw dirr dairhak sii jyr suanxdik ar, juxsiux sunn-kyhak/ sowhak, m quanw inx qamxqag jiaxee kybak jin' gnerdauw. Knuar inx qiywkow-lentenx, mng inx uirhyy byy air qingw zinbunn kyhak, jiaxee si inx siongrr gauu :ee. inx anne huee " Dadi, iong'i ee kybak u sniaw iwsur?" inx dirr mow quaw hongbin ee hagsip iwjir viw guaw hitt sii qiongg je lor!

Suibongw jniajyr hagsibjiaw ee quatding kyxlingg jaw dirr cingcunx-qrii dyrr quatding, byy viauxsi itding diyh'air dirr hitt sii huatsingx. Guaw jaix u quaw langg lyc mow xee diongriaur quatding, kyxlingg si snax ~ sir jap, go ~ lak jap ee sii, simrjiww siw jingg jit ~ nng qywguec. Guaw marr byy zinruii jex si jit xee dan'id ee quatding, u quaw langg jyr liauw quatding, cinwcaiw u naxx byy jyr lehh, jiongbuew itsingx longxx byy juxdong hagsip. U langg uac quer vnuar-siwlangg jyr liauw quatding, jniajyr zedjingg ee hagsibjiaw. U sii e dirr huanxsingw jurqiw sniwmia quewdingg sii huatsingx, cniurr dionglenn guiqix sii. Jiurr guaw soxx jaix, jitt jiongw quatding, dysor diyhh dionghok jinwhingg, quatding zuxx laii zuxx qenqiongg. Jex si guaw jurqiw ee qinggiam. Be qir did derr id vaiw jyr juxdong hagsibjiaw si dirsii, e qir did guaw itjair qaqiongg jitt xee quatding.

Guaw qywzinn ee jywhuad si ui' qinggiam-diongx hagsip, tauwquer qaqi sniwmia qimggiam ee cimsniu. Guaw qra 'iong simsinn' biyue jyr 'tiux cud quewkir qinggiam siongrr jinghuaa ee jit diamw diamw aw'. Sniwmia ee qinggiam m si jerjiyw bunrdee, beh anxjuanw unriong kacc diongriaur. Lanw jaix u quaw langg uansingg jerje surgiap, naxjunxx luixjig be jiyw qinggiam, knuar kiw laii kiokk jin' iuwdir hodoo. Jixsi siwqer siujip byy qang ee qinggiam, kiokk m kingw ui' jiaxee qinggiam-diongx hagsip iuxquanx jurqiw/sewqair ee diwsig, suacc hro jiaxee qinggiam jit diamw aw dyrr byy qewdat. Jin' diongriaur :ee, lanw m na caqag guarjai ee qinggiam, marr rair cingcyw luerjai :ee, jiacc erdangr jingjinr simlingg singdiongw. Hagsip ee iwjir dairvorhun rair hiongr luerjai quanjiaur. Dethagqax SOREN KIERKEGAARD junxkag ee jixcud "jit xee langg kyxlingg e dadsingg uixdai ee surgiap, liauxqaiw cimyr ee diwsig, mrqycc duiww jurqiw kiokk itbuu-soxdix. Sitvai/ tongwkow erdangr inxdy jit xee langg huanxsingw luersimx, diwdang/ caqag / huanxsingw, dirr luersimx sna' lensuar ee unrjog, kaisiw liauw jinjniar ee hagsip."

sniwmia hongrhenr hro hagsip/ singdiongw ee iwjir, dyrr si puewhap siongrder jixir ee irjir, jex byy viauxsi jitt xee langg caqag jitt xee sursit, iacc si qra qaqi dongwjyr "knuar be did ee banrbut sunrsi (dedsu) hyhaii itdir". Kyxlingg ix jurzin si bysinlunrjiaw. Jerje byy qra siongrder dongwjyr kacc quann ligliong ee langg, marr e guanrir qra jurqiw henr hro inx zinruii viw jurqiw qyckacc uixdai ee surbut --- kyxlingg si air/ qongbingg/ jinliw ee quanliam. Dongzenn, soxu jiaxee digjid qaur juewau longxx ham' siongrder iuxquanx. Guaw ee knuawhuad si, jiaxee langg quxdngg hongrhenr jurqiw ee iwjir hagsip/ singdiongw, siongrbuew cavutdyx siamw be quer longxx qniaa zip kir siongrder ee ciuxsimx, inx ee linghunn dyrr e ham' ju'iongw inx ee jyrbudjiaw qenwlip quanhe.

BYY JURLUANN EE JINGAIR

Lanw tniax .quer jurgnow diongsimx jin' dang ee langg qongw, sewqair narr byy inx dyrr byy hxuad qewsiok junjai. Kyxlingg qitnax ee langg byy jiacc jurluann. Duiww lanw muixx jit xee langg laii qongw, siongrr kunwlann yc :ee, qycc si siongrr diongriaur :ee, si singzin sewqair m si qandna' kox dirr lanw zimrhyy jit xee langg ee sinvnix dngxseh ziiw.

Jaxjingg qra jurluann dongwjyr susiongw ee sitdiauu. "cue jiyhtauu" nirr, guaw qongw gauw ham' kanciuw LILY ee denrue hyrbew si vyxbit, ixqibb jiongxjiongw anjuann honghuad, laii vyxho gunw vaituad siarhue-diongx jurluann :ee ee qanziauw. Jap-gua nii jingg, gunw iauxx byy anne jyr, ciangjai tauwjaw nng diamw hro denrue caxcniw, kar laii si cnehunrlangg, qongw sniu beh ham' guaw tyxlun ceh nirr jit quaw siyw bunrdee. "jitmaw si tauwjaw nng diamw neh!" guaw kongwgi, "guaw dirr Qajiux si jap-id diamw, qycc qongw, kar denrue kacc siok!" hitt xee langg anne qaixsueh.

Jurluann :ee be ter langg' sniu, byy huatdo /m guanrir kyxlu diyc vadd langg. Guaw siongsinr muixx jit xee langg longxx si tensingx ee jurluanjaiw. qenrkongx :ee ee singdiongw tuatli jurluann, jixu singx tequann iwsig, yc erhiauw uirr tnazinn setsiongw, jiacc e u singdiongw. Singdiongw/ hagsip sna' duewcua, yc zuxx je, iwsig zuxx tequann.

Guaw qongw .quer, "nng huer gong vawvar" si ginxaxqniaw tuatli jurluann ee derr id vo. Lanw m jaix uirsniaxmic u langg e sitvai, tuad be kuix jurluann. Guaw qionglet huaigii jitt jiongw sitvai si dirr hnuaivar ee nng huer, jitt dnxua cuiwziok, ciongbuanw qenwsiaur/ siurziok ee sniwmia qaidnua. Verbuw dirr jit dnxua siqanx rair jinrliong duiww zi'dongg unziuu, m si soxu ee verbuw jyr e qaur. Nng huer ginxaw m bad qycc naxx bad ee singdiongw qaidnua, uirr beh hro ginxaw sunrjiongg, verbuw e vutdix-vutqag tixziok jurqiw ee qniaxzii, ciauquer vit'iar ee tingdo. Quewdo ee buxlang si jurluann ee qinguann.

Qinglik quewdo ee qenwsiaur/ tixciyr, ginxaxqniaw, juadbang liac diauu jurgnow diongsimx ee sewqaiwquanx, inx jin' kyxlingg byy anne dyrr uac be lyc .kir, dirr ciongbuanw dnaxqig ee qaidnua, jurluann si ui'id teqiong anjuanqamw :ee, inx si hiacc cuiwziok, kaisiw qra singjunn ham' jurluann ee sewqaiwquanx qab jywhuew.

Narr qongw dac cud "hnuaivar ee nng huer", likuix ingzii jaxqii jurluann ee derr id vo, byy viauxsi jex si ui'id ee jit vo, iacc si juewau ee jit vo. Cingcunx-qrii sisiongg knuar diyc bongxdongw ciongdong ee jurluann, viwzuu, ciax sraiw lecc jauw, byy quanw cur-lai u langg beh iong ciax. Marr u langg dirr cingcunx siauwlenn sii dyrr huac cud derr zi dua vo. "Jin jxingg qiongrsig" suecbingg jit xee dngxjuanxdiamw ee le, si guaw jurqiw cingcunx-qrii ee qinggiam.

Jap-go huer hitt nii, u jit jaiw dirr haghau lai, go-jap bxew gua jit xee qang qingx ee dongyc qniaa hiongr guaw jiax laii, duxbin au, gunw qongw iokk go hunjingx jiacc qycc qokk qniaa byy qang honghiongr ee lo. Qniaa quer jit dnxua lo au, qamxsia siongrder sin'unx, guaw lingxsiu diyc jit xee kexsi, hionghiongg caqag .diyc, ui' guaw knuar diyc dongyc qaur juewau hunciuw ee jap hunjingx, guaw itdit dimm dirr jurgnow nirr. Beh duxbin ee nng hunjingx jingg, qui' taukag sniu ee si beh qongw sniaw kiauw ue hro ix puewhok guaw, gunw qongxue ee go hunjingx lai, tniax ix qongxue, jixsi uirr beh iong kacc kiauw ee ue jriab lyc kir ; knuar ix ee bin, jixsi beh knuar ix duiww guaw ee ue u sniaw huanxingr. dirr gunw hunciuw ee nng ~ snax hunjing lai, soxx sniu ee si u sniaw kacc kiauw ee ue byy qongw diyc.

Guaw jit diamw aw dyrr byy quanw ix, byy juwir diyc ix si kuaiwlok ? iacc si visiongx? si m si qongw quaw ix air tniax :ee, hro ix simjingg kacc be hiacc dang? Guaw soxx quansimx ee si ix erdangr hro guaw ee diwhui puu quann, huanwngiar guaw ee hongsinn. Siongrder ee sin'unx m na hro guaw jaix guaw si zuarr jurgnow diongsimx, jurgonw dimbee, marr hro guaw jaix zuqyw qewsiok huatdenw jitt jiongw iwsig, vutkyw piacbenw e jniajyr jit jiongw kanghix/ qodok ee langg, jap-go huer hitt nii, guaw hiongr jurluann suanjenr.

Hitt xee jixsi kaisiw, jurluann jin' kutqiongg, ix crunx cud kir jap-snax tnix gua, kiokk hnuaw hnuaw bu bu. Lanw diyhh jit zit quer jit zit, ...quer guec, qycc quer liauw nii, dauc dauc qra jamw dng, jit lo jerje hamrjnew, cniurr uirr jurqiw ee kiamsun jin' iangx ; iwsig singdiongw au, kacc be jurluann, kacc quansimx langg'. Uat tauu knuar quewkir, hiyrhuew byy qraur quansimx jiamrr nilau ee verbuw, danw jurqiw binrlimm laurhuar ee quewdingg sii, kacc liauxqaiw verbuw soxx qingquer ee tongwkow, jitmaw guaw duiww inx ee qamxjingg ciauquer ixjaw.

Hagsip vaituad jurluann, janqingx si guaw sniwmia-diongx siongrr dua ee kywdee, jaiww jit crur huesiongw quewkir, hun'inx si guaw siongrr uixdai ee laursux. Dirr "jin jxingg qiongrsig" nirr, guaw anne qongw, duxx qethunx sii, jurluann ee jokquair, nng nii au, guaw jiacc bingvik LILY m si guaw ee huwsiogpinw. Hun'inx quanhe ee siy' jnewcuir hro guaw tiw kuix bagjiux knuar cingcyw qaqi ee bunrdee. Duxx kaisiw sii, dng' guaw su'iaur ix sii, ix byy dilehh; sniu beh qaqi jit xee langg sii, ix jauw laii caw, jiaxee hro guaw jin' siurkir. ban ban jiacc liauxqaiw, jex si guaw jurqiw simliw quaiwqii ee qaxsed jyrsingg ee; guaw qaxsed LILY suisii rair dirr guaw ee sinvnix, hueingr guaw ee su'iaur, guaw narr byy su'iaur, ix dyrr rair siausid byy ngiaxziah ; qyckacc quewhun ee si, guaw qaxsed ix qaix jaix guaw air ix dirsii laii, sniaw sii air ix likuix. Aurlaii iokk jap dxangx ee siqanx, jiacc tetdew siaudiau jitt jiongw siauxqongg ee jingwtauu.

Jex jixsi kaisiw, guaw ham' LILY ee hun'inx erdangr uac lyc laii, qivunw-siong gunw si textiab :ee. guaw ee kyxlu jin' guansiw, quanhe diyc jurqiw ee hingsiong. Sniu beh jyr hyw langg, dyrr rair kyxlu jiujuann, u miaa ee juqur : rair vadd langg jnuaxngiu duiwtai liw, liw dyrr rair jnuaxngiu duiwtai langg', gunw loxlik hibang virr duiwtai ee hongsid duiwtai duiwhongx. Jex byy qaiww u hau, sursit-siong, gunw cniurr dysor ee angbow siy' qang, qethunx sii longxx u damrvyc jurluann. Gunw horsiong jin' hyxlew, byy diwhui, jongxsi junjai jurluann ee qaxsed : narr ham' gunw byy qang :ee, dyrr si u bunrdee.

Juewau gunw hagsip .diyc, juqur jixsi jit xee kaisiw, beh singdiongw, diyh'air venrzin/ jundiong duiwhongx "cavet", jex jiacc si hun'inx ee qyqib kywdingg, "rair vadd langg anxjnuaw duiwtai liw, liw dihy'air jnuaxngiu duiwtai langg', naxjunxx liw si duiwhongx dogid-buzi ee cuxqingw-diongx." Jex si byy iong'i hagsip ee. lak-jap dxangx quewkir ar, LILY ham' guaw iuguann decc hagsip jitt xee dyrliw, ciangjai cniurr duxx yc :ee. gunw jaix horsiong ee cavet, congwjy liauw hun'inx ee jubi/ diwhui. LILY ham' guaw byy qang, gunw jywhuew sii --- cirngiuw qniaxzii, anvaii kaisiaux, qewue qawqii... dringw --- qetqyw longxx viw jit xee langg jyr :ee kacc hyxser. Vaixtuad jurluann, iong'unw habjog ee quewdingg sanxsingx, hro nng xee langg jywhuew qongwhenr diwhui /kuiwlat.

JURLUANN M SI JINAIR

Lanw binrduir jit xee maudunw : vaixtuad jurluann/ vakdiau jurgnow diongsimx/ quewdo ee diongriauwqamw, si sniwmia-diongx ee zimrbu, dongsii diyhh hagsip zinrdix jurqiw ee qewdat.

Kiamsun si jinsit zinrdix jurqiw ee vunxlaii binrbok, zinrdix jurqiw ee hyw/ baiw, si huisiongg diongriaur :ee. u quaw langg kyxlingg e gorqaiw, sniu qongxx lanw qaix qiongdiau jurqiw ee kiamwdiamw, ab qe simrjiww uanjuann mair quanw jurqiw ee iudiamw, qetqyw viauxhen cud hiqew ee zinqeh, suacc berdangr jiapsiu vadd langg singkunw jinsimx ee kingxding/ ylyw.

Qycc jinr jit vo, lanw diyhh kuvet jurair (guaw qamxqag si hyw dai)/ jurjunx (gauw qamxqag jin' u bunrdee). Dirr "simlingg duiwue" soxx siaw :ee, jitt nng xee ciangjai virr hamx-camx-qamx (siy' lam), in'ui kiamwkueh qauwgiac ee zri-suu laii viauxdat jiaxee henrsiong. Guaw hibang congwjy sinx zri, qaixquad jitt xee bunrdee. Bogjingg qandna' iong qu :ee laii suecbingg.

Kyxviw qongxx, lanw ee hinguii u sii byy qaiww hyw, m singzin si m driyc ee. byy did diyc cywgo :ee qauwhunr, qra qaixjniar / sitkir qihue hagsip jingwkag :ee. Juxiaur guan'inx cud dirr jurjunx, tauu giac quann quann, damr be lyc .laii. Zuqyw lanw huaipy jurair, ingwqaix si jinsimx singzin jurqiw ee cywgo, vit'iaur sii kenxjig jurqiw, dongsii liauxqaiw sitvai be duanwdng guaw qywzinn ee qewdadsingr jiacc si jingwkag ee jywhuad. Sitvai ee qinggiam, hro jurqiw bingvik qywzinn m si uanbiw, anne ee qinggiam duiww qywzinn ee singdiongw jin' diongriaur, bingven jurqiw ee vutjiog/ kiamwdiamw jiacc si jurair.

Qencii ingxuanw qamxqag jurqiw jin' hyw (qencii jurluann/ jurjunx) ham' qencii qra jurqiw knuawjyr diongriaur/ u qewdat ee (qenrkongx ee jurair) si cax duarbew :ee. liauxqaiw / hunvet sirhuix si qenrkongx simliw derr id iauwqnia. Beh jniajyr qenrkongx langg diyh'air huwcud dairqer, u sii qra jurjunx kngr jit vnix, byy su'iaur itdit qamxqag qaqi jin' hyw. Dyrr sngr byy su'iaur uicii jurjunx, marr qaix tniawsiyh jurqiw, diwdang qaqi junjai ee qewdat.

Iokk zi-jap dxangx jingg, guaw jinxliauu .quer jit xee jap-cid huer ee siauwlenn huanrjiaw, ix ui' jap-sir huer kaisiw jurqiw quer sing'uac, guaw mng ix " JACK, liw siongrr dua ee bunrdee si liw byy air qaqi, byy diwdang qaqi." Hitt mee, guaw ui' gunw daux CONNECTICUT sraiw ciax kir NEW YORK,hongx dua ho qongg, lenn ngsig vundyrsnuar dyrr knuar byy, langg jin' tiamw, qui' xee jingsinn rair quanwjur dirr lorbin, jixiaur jid'err srid qakcad, dairjir dyrr dua diauu ar. qauw-jap lxiw lo, enlo jit vxenr qycc jit vxenr qra qaqi qongw "jitt daii qimqux ciax jair diyc siongrr vyxvuer / quiwdiong ee mic, itding diyh'air anjuann sraiw qaur xui."

Snax zit au, dngw laii qaur cur, qnir diyc JACK, hiacc duxhyw, hitt mee, ix kiokk ciongx cud lorbin, qajair diyhsiongx byy giamdiong, ix sraiw :ee byy guaw ee hng, langg byy guaw hiacc tiamw. Guaw byy siongsinr ix u sniu beh jursad ee kinghiongr --- byy qaur jurair :ee, u jursad ee amwsiongw --- ix byy hxuad suechok jurqiw ciax lai u jit xee siongrr vyxquir ee sniwmia.

Lingrgua jit xee le, quanhe jit xee luxsingr, "simlingg derdoo" duxx cutvanw, qongw ix beh ui' NEWJERSY laii qaur CONNECTICUT cue guaw knuar vne. ix dirr qauwhue duarhanr, angx si qauwhue qangjokjiaw, jidsiwlangg itdit dirr qidog qauwhue kox-aw lai. Derr id nii, dagg lexvair laii jit cua, jit diamw aw dyrr byy jinwdenw. U zit jit, jit kuix cuir dyrr qongw " laii jiax ee lo nirr, hionghiongg bingliauu siongrr diongriaur :ee si guaw jurqiw linghunn ee singdiongw." Guaw jin' kailongw duarciyr, ix ee simmngg pah kuix ar, marr ciyr ix nacc jiacc liking. Laii knuar vne, si jin' qac'ir guaw ee ceh, qamguan dagg lexvair sraiw ciax lak diamxjingx laii jinxsow, guanrir jidsiwlangg henr hro qauwhue, guaw itdit zinruii ix jaw dyrr jaix "linghunn singdiongw" jitt huesu, jnuaxngiu jitmaw jiacc e jaix. Guaw huaigii jerje langg kyxlingg m jaix jitt xee dyrliw. Itdanr liauxqaiw, ix ee singdiongw dyrr.vuex .kiw .laii.

Knuawdang jurqiw kacc erdangr siongsinr jurqiw soxx jyr itcer loxlik ee qewdat. Quatding jiapsiu simliw dirliauu, si lingwkuix sokvak qniaa hiongr singdiongw. Jibdiongx jingsinn juwir sraiw ciax anjuann, ui' jiaxee su dy' ersaih jaix si m si u diwdang jurqiw. "simlingg derdoo" soxx siaw :ee, quatding jurair ee juxiaur insor, guantauu laii jurr si m si sriu verbuw juwdiong/ jinsimx air liw/ knuawdang liw ee junjai. Jiaxee insor quatding zit au duiww jurqiw ee knuawhuad, dirr nikinx tenjinx ee sii qenwlip qewdadqamw si jit qnia jin' diongriaur ee qongkyr.

Guaw bad duiww jin' kiamwkueh jurgnow qewdadqamw ee singlenlangg qamxqag viquanx, jitt jiongw langg beh huatdenw cud qenrkongx ee qewdadquanx cavutdyx byy kyxlingg. Jitmaw guaw jaix jiwjiyw u nng jiongw honghuad, ersaih hro jerje dirr zi'dongg siqii byy qihue qenwlip :ee, dingsinx kixjy jurgnow qewdadquanx. Jit xee si dngqii simliw dirliauu, quewdingg-diongx simliw isux suwsiongg e jniajyr verbuw ee tewsinx, vutduan viauxdat duiww vnerhuan ee diongrsi, did diyc dirliauu ee haurqyw. Qingquer dngqii dirliauu singqongx ee huanrjiaw, siongrr je ee huanxingr si "PECK isux, liw hro guaw qamxqag guaw viww ixjaw ee jurqiw diongriaur je lor."

Iauxx u lingrgua ee honghuad : u sii siongrder naxjunxx e didjiab cab lanw, hro lanw sniwmia qewdat ee kexsi. Suibongw ciongbuanw qamxqig / kiamsun, jitt jiongw qinggiam marr e hro siurhuirjiaw qamxqag gignaiw /qingwuir, je nii au iuguann jitqii "uirsniaxmic siongrder suanw guaw?" inx iauxx m jaix jurqiw u snaw juqeh jiapsiu jiacc dua ee ingiau unqongx. Sin'unx kaksit si jit jiongw dua iydang (jinwham), jit xee dngquw venwqe jurqiw ee langg, hionghiongg did diyc sinsingr ee kexsi, liauxqaiw jurqiw ee diongriauwsingr.

Guaw soxx siaw ee ceh nirr, byy qongw cud Jitt jiognw ee limcngg sidle, u quaw vnerlangg/ vingiuw bad texgiam quer jurgnow qewdadqamw ee qik dua qaixvenr. U jit xui dirr virr gigtai kuanqingw-diongx ee luxsingr, quat'ir diwdang jurqiw, likuix ix ee jingpnua. Guaw siaw ee siyxsuad " txangx-vnix ee bincngg", ngiuxlyxngix hitt xui lak-jap huer ee luxsingr hingjingr zinguann SIMONTON lingxsiu diyc siongrder ee kexsi, "tendongg huanrqanx" ee TISH dirr lenrqnax nirr marr u qangkuanw ee qinggiam. Jitt nng xee qowsu longxx si guaw venjy ee, inx si huanxngiar guaw ee vingiuw soxx qongw ee jinsit qinggiam.

BINRDUIR SIXBONGG

Zinlui cutsir jah laii ee jurluann si jit jiongw vutjiw hogjap ee henrsiong, vorhun :ee si uac lyc kir vunxlingg vit'iaur :ee, naxx si byy jamrjad ee jurluann si simliw vnerjingr ee jingdiau. Qenrkongx ee simliw huatdenw si jiamrr singdiongw, tuatli jurluann. Berdangr vaktuad quewdo jurluann ee simliw, jin' je ciangjai knuar e diyc, qik u pywhairlat.

Qongw diyc jurjunsimx siursngw, simliw isux qra hyrjyr jurluansingr sionghai, kyxviw qongxx, vingiuw ciyr liw gong, haurdui byy suanw dyic liw, sincingw dairhak zibyc byy liw ee hxun, siongrvanx tauqex pruex .liw/ virr srii taulo, virr juxluw vaited…, lanw sisiongg singsiu luirsu jiaxee jurluann sionghai. Zuqyw byy air uanwtnix, byy lua langg', diyh'air singdiongw. Binrduir sixbongg, bactew tewhuar qniaa hiongr sixbongg ee quewdingg, si hro simlingg singdiongw siongrr u lat ee ciwqig ji' id. sixbongg uihiap lanw ee jurluann/ qiautauu, si jurluann sionghai siongrr dua ee jinwhamrlat.

Soxiw jin' jurzenn, lanw duiww sixbongg ee qniahniaa, simrjiww zimrhyy ham' sixbongg kanlenn diyc jit sud aw quanhe :ee dyrr jin' diyhqniax. U nng jiongw honghuad ingwhur jitt jiongw qniahniaa. Vingsiongg honghuad dyrr si mair kir sniu, hanrjer jurqiw ee diqag ; kiauw :ee si binrduir sixbongg. Langg narr erdangr paukir jurluann, marr e u linglik binrduir sixbongg ee qniahniaa, u huatdo anne jyr ee langg, sixbongg dyrr jniajyr siongrr dua ee jorlat, vangjan simliw/ simlingg singdiongw, jitt xee dyrliw jin' qanxdanx, inx anne sniu : jaxban longxx rair siw, uirjnuaxngiu qewsiok uaxlua qu jurgnow neh? dyrr u kuiwlat jit lo qniaa hiongr byguaw ee sinx luxiuu.

Jex m si qanxdanx ee lordingg, daddid laii cittyy jit cua. Dng' lanw hiongr jingg dac jit vo siauduu jurluann/ jurgnow diongsimx/ jurgnow diongriauwqamw, dyrr e huathen m na m qniax sixbongg, marr duiww sniwmia byy qniahniaa , jex si hagsip air ee qicow. Byy qycc qamxqag su'iaur suisii vyxho jurqiw, ganxqongx juanxhiongr kacc kuacbin, quanjiaur vadd langg, kaisiw texgiam jurlaii byy ee kuaiwlok, jiamrr be qir did jurqiw ee junjai, huee dngw kir sniu diyc siongrder, dirr sniwmia siongrr buexliux ee jit kuir sxix aw, marr qamxsiu diyc siongrder ee junjai.

Uixdai ee jongqauwqax itjair qra lanw qongw, tuatli jurluann si tongx hiongr sniwmia iwgi ee dyrlo. Inx ee qivunw sinwsid si hagsip sixbongg. Vudqaur /Inwdorqaur ixx jurgnow ciauuat laii suecbingg jitt xee dyrliw. Inx anne qongw " jurgnow quanliam si huanwqag". JESUS ee qongxhuad kacc cinqin langg "huanrnarr jingxqiur jurqiw sniwmia (jiahpiah jurluann :ee) ee langg, vitding e sitkir sniwmia ; huanrnarr uirr guaw hongwkir sniwmia ee langg itding cue diyc sniwmia."

"Lun sixbongg (ON DEATH AND DYING)" jitt vunw qingdenw ee jokjiaw ELISABETH KUBLERROSS si derr id xui qnaw mng decbecc qniaa qaur sixbongg qinggiam ee kyhagqax. Ix huathen sixbongg ee quewdingg u go jiongw simjniaa qaidnua, jiauww jitt xee sunrsi : hiyxzin / hunwno / tyxqer- huanqer / ywlyc / siongrbuew jiapsiu.

Derr id qaidnua "hiyxzin", lanw kyxlingg e qongw "huawgiamrsig qra guaw ee qiamxjax lam diyc vadd langg :ee, jex byy kyxlingg si guaw :ee, be huatsingx dirr guanw srinx-siong." Benw zuarr quw, juanxjyr hunwno, siurkiw isux, siurkir horsu, vutbuanw vnerngi, kantuax cinjniaa vingiuw, uanr siongrder byy jiauwqor/ byy qongvnee…, anne qycc byy hau, kaisiw tyxqer-huanqer. "kyxlingg guaw dngw kir qauwhue qidyw, gamm dyrr e byy .kir." iacc si "duiww qniaw kacc hyw damrvyc .aw, iyjixvne e hyw liauxliauw." Jex qycc byy hau, byy hibang ar, jinjniar beh siw ar, jitt sii, ix vutjiw cinwsimx.

Zuqyw qencii lyc .kir, jiphingg isux soxui ee cinwsimx zimrbu, dyrr erdangr puu cud tauu, jinwzip derr go qaidnua – "jiapsiu". Jitt sii simlingg ciongbuanw vingjing/ anhun, simrjiww u qongbingg, jiapsiu sixbongg ee langg luersimx juriuw qngx, naxjunxx inx ixqingx sixbongg, simlingg qycc uac .kiw .laii. jex si jinjniar ee bixle, jin' jiyw knuar e did. Dysowlangg sixbongg sii byy qaur jitt xee qaidnua, iuguann tingg dirr hiyxzin / hunwno, iacc si tyxqer-huanqer / ywlyc. Ywlyc ee zimrbu si jiacc tongwkow qanlann, dysowlangg qamguan trer dyw kir hiyxzin/ hunwno /tyxqer-huanqer.

Jiaxee qaidnua byy itding huhap KUBLIERROSS soxx biyue ee, mrqycc sik'iong sixbongg inxkiw ee simjniaa huanxingr, marr sik'iong dirr sniwmia-diongx soxu ham' hongwkir qu :ee, hagsip sinx ee surbut u quanhe.

VANGR KANGX

Guaw bad qongw ham' jaboxqniaw huatsingx ee jit hxang su, texgiam diyc vangwsag qu quanwsir hro singdiongw ee vit'iauwsingr. U jit amr guaw quatding qex damrvyc siqanx ham' jaboxqniaw qenwlip kacc cinqin ee quanhe, hitt sii ix jap-sir huer, quixarr lexvair jingg, itdit caw beh ham' guaw i sengiuqii. guaw jit kuix cuir, ix hnuahiw qaxx sui' dap'ingr. Gunw kaisiw sngw, nng xee vutjiww u vnex. Qecdngxzit ix rair siongrkyr, qaur qauw diamw ix itding diyhh kir kunr, jaiw aw lak diamw rair kixcngg . Iauqiuu guaw kacc qingw lehh, guaw jaix ix kunwbinn ee quanwsir u jin' giamqeh ee qiwlut, mrqycc marr qamxqag ix su'iaur vangr kinsangx .quaw, anne huee "benw anne, liw ersaih kacc amr jit sud aw jiacc kir kunr, m hyw vnuawdoo luanrhuiw, guaw jitmaw dng' cuwbi neh!"

Quer liauw jap-go hunjingx, ix binghenw vutanx. "vaiwtog, dadi, kacc qinw lehh." ix kunxqiuu guaw.

"bersaih, qaix siw, qniaqii si jin' giamsiog ee dairjir, beh qniaa e hyw, dyrr bersaih qib tihh, liw narr byy beh hyw hyw qniaa, dyrr mair i ar!" ix iutauu-qatbin qycc quer jap hunjingx, hionghiongg dua sniax hauw cud laii, qongxx ix zin sux byy air i jitt jiongw gong qxii, naxx kaur jauw duiww laudingw kir.

Guaw derr id xee huanxingr si "hiyxzin", byy sniaw liauxvutkiw ee, jaboxqniaw simjniaa dair sniu' dang, ham' guaw byy quanhe. Mrqycc hiyxzin byy loriong, sursit-siong, jitt xee amwmee ham' guaw kixtauu anwsngr ee uanjuann byy qang. Jex hro guaw "hunwno", guaw siurkir jaboxqniaw gne viangwviangr qywsingr, m jaix beh venwtongx, m kingw hisingx jit diamw aw kunwbinn ham' guaw vue'iongw qamxjingg. Longxx si ix m driyc. Guaw jaix hunwno marr byy hau, guaw qaqi ee kunwbinn sibquanr marr jin' giamm, ingwqaix kir laudingw qra qongw, "cinair :ee, jin' sitlew, cniaw guanliong guaw auxpiah, qamxx hyw?" jex jixsi jit xee "cosiok" ee dyrkiamx, jin' cingcyw guaw decc "tyxqer-huanqer", kaisiw dauc dauc bingvik, ing'amr jinjniar hro guaw bruw pnaiw kir ar. duxx kaisiw guaw qamxx m si beh hro ix kuaiwlok? Qauw-jap hunjingx quer, ix krir qaxx dua sniax hauw, jit qxur ue dyrr qongw be cud laii. dauwdew si dyhh m dryic? Guaw qamxqag "sitjir"

Suibongw jin' m qamguan, qajair guaw binrduir sitjir sursit, jitt xee amwmee hro guaw bruw lrow .kir, guaw sniu beh ngiaa qxii ee jurgnow pacvai cinjingg quanhe, jitt sii jinjniar qamxqag ywlyc. Jnuaxngiu e jiacc lirqingx? jenwngiaa ee iogbang itding rair hongwkir?! Jidsiwlangg guaw itdit sux be kiw, beh ngiaa ee taiwdo did diyc jerje miasniax, hongwkir naxjunxx si byy kyxlingg :ee. Qniaqii nacc e byy qewqaur su'ngiaa? Jyr dairjir ee simjniaa ithiongr zinrjinx/ juanlik jinwqongx. Mrqycc guaw diyh'air qaixvenr, guaw narr qycc ham' qniaxzii jnex su'ngiaa, byy beh siujniar guaw ee hinguii mosid, inx itding e jiamrr ham' guaw souanw, byy vit'iaur ee bagsaiw /uanwhin iauxx e huatsingx.

Guaw ixqingx hongwkir vorhun cittyy sii, su'ngiaa ee iogbang, siyw siyw ee sitjir siaubyy ar, singqongx vaxvah ee simtair cuxdai iuhir jenwdniuu ee singwli. ginxaw sii, beh ngiaa duiww guaw jin' u vangjan ; jitmaw guaw si vaxvah ee sinhun, ngiaa ee iwdoo kiokk jniajyr joxgai, qra su'ngiaa vangr hro vuex byy .kir, qingwzenn jit diamw aw suliam dyrr byy.

Singsik qenrkongx ee simliw kuriuw cunqiusingr, lanw rair cir inx horsiong ciongdut ee suqiuu/ bogviaux/ jikzim/ girbu soxx vyxcii ee vnevang, jitt jiongw vinghingg ee qiwlut si quacdng qu sibquanr, kyxlu sinx ee kyxlingsingr. Qencii vyxliuu qu quanwsir siamw quer quacli ee tniar, kiokk jyrsingg qidiongx soxx sanxsingx simjniaa ee kow. Dngrlii si zinsingx siongrr tongwkow ee qinggiam, quacsiah vorhun ee jurgnow, hongwkir zinqeh ee digsingr, dngquw ixlaii ee hinguii mosid, sigsai ee iwsig hingtair simrjiww jingxqyy sing'uac hingtair, jitt jiongw jetbuaa sidjai jin' lann singsiu. Mrqycc sniwmia ee luxiuu si cingx lxiw lordingg, qniaa hiongr siongrr quann ee singsik, drat qaur siongrr dua ee simlingg singdiongw. vangwdiau/ hongwkir/ quacdng si vit'iaur ee. lanw siongrr dua ee qniahniaa si tetdew ee kanghix, kangbyy --- sniaw longxx m si --- soxx sanxsingx ee qniax. Qaixvenr/ hingsingg sinx :ee siongrjingx qursid ee sixbongg, dongsii congwjy liauw kongqanx, iong'unw sinx hongsid ee cutsir.

Gauw anxjnuaw qongw dyrr byy hxuad qiongdiau binrduir sixbongg go qaidnua, hongwkir qu junjai, gniajih sinx hagsip ee diongriauwsingr. M na qywzinn ciangjai qinglik jitt go qaidnua, tuantew simjiww jingxqyy qokqax longxx rair binrduir :ee. kyxviw qongxx, Bixqog dirr Uadjenr ee viauxhen, 1963~64 nii jiamrr u jingwqur henxhenr, Bixqog jingwcig byy loriong, hitt sii Bixqog jongxtongw ee huanxingr si sniaw? Hiyxzin, qongw byy bunrdee, qycc jaiww sangr quiw dui digjiongw vordui zip kir, quiw vah bxan Bixqimx dyrr ersaih ar, qaur liauw 1966~67 nii, jingwqur qewsiok henxsi jingwcig u giamdiong bunrdee, Bixqog jingwhuw qycc si sniaw huanxingr? hunwno, kaisiw vywdy sixbongg zinsor ee sinbunn/ iauxx u MAY LAII cuanx dua doxsad/ kokhingg jetbuaa. Bixqunx qra Uadlamm hongjar qaxx cniurr beh kiw tingciadniuu lehh. 1969~70 nii, jerje jingwqur henxsi Bixqog Uadlamm jingwcig si dua sitvai, Bixqog jingwhuw ee huanxingr si "tyxqer-huanqer", suanxdigsingr ee hongjar jiax, tingjenr hiax, sniu qongxx anne erdangr kanx Vakuat qniaa hiongr dampnuar, qetqyw marr si sitvai.

Hitt sii pair kir Uadlamm ee Bixqog vxingx dair diyc siaudimm vnerjingr, jingwhuw kiokk hro dairvorhun langg siongsinr inx si tyxqer-huanqer --- hydamm --- ee hongsid qetsog jenwjingx, qisit si Bixqog virr pacvai. Bixqog qunhongx cua liauw iokk go-jap bxan survingx langwliauu lauwpauw. Ixx qokqax libdniuu laii qongw, dongsii jit dniuu ee viqiok, byy jyr siaudimm ee zimrbu, Bixqog langg cavutdyx byy yc diyc zimrhyy qauwhun. Qinrnii laii, surqnia zi-jap-go dxangx au, naxjunxx u quaw jingwqur henxsi jingwhuw jingwhingg vorhun ee siaudimm zimrbu, dirr qokjer-siong viauxhen jit sud aw zindy jingsinn.

Lanw diyhh sisiongg cingduu qu :ee, jiacc erdangr yc sinx :ee. qywzinn/ tuantew marr si anne ee hagsip quewdingg. "byy qang ee qoxsniax", gauw biyue cud jitt dnxua "vangr kangx" ee quewdingg, si qenwlip tuantew qiongrsig ji' id. Qingquer vangr kangx ee tuantew, knuar kiw laii cniurr qiongbecc siw .kir ee singbut, huisiongg tongwkow, jiongbuew harding quatsimx hagsip --- quacli quewsii/ joxgai/ byy hau ee sibquanr.

Dng' qywzinn/ tuantew sriu kow sii, ciangjai e qamxqag kow ingxuanw dilehh, jongxsi e u qihue qycc uac. Dirr sixbongg /qaixvenr ji' qranx, qycc uac ee qicow si hibang, siaudimm au si jiapsiu. U jit vaiw enxqangw sii, tniajiongr mng "dngqii ee hun'inx quanhe si m si qangkuanw e qinglik jiaxee ee quewdingg?" dongzenn marr si. Angbow/ jingpnua nng langg ji' qranx ee cavet kaisiw puu cud laii sii, horsiong ee huanxingr dairsingx si hiyxzin jiaxee ee cavet, hiyxzin zedluann ixqingx quewkir, narr byy qycc hiyxzin sii, e duiww jitt xee cavet qamxqag hunwno siurkir, narr qongxx qycc byy hau, duiwhongx byy qaixvenr, suar lyc laii dyrr tyxqer-huanqer --- "liw narr qaiw, guaw dyrr ee venr hyw." Iuguann byy loriong sii, siaudimm cuthen. Hun'inx quanhe iong ciuw dyrr dne e puar.

Qaur jitt xee qaidnua, qiongg tner lehh --- su'iaur jerje nii ee siqanx, guaw ham' LILY ee hun'inx, jitt xee qaidnua uicii zi-jap dxangx, jiacc yc erhiauw jiapsiu duiwhongx, gunw drat qaur viw longrbanrair qyckacc uixdai ee quanhe, simrjiww jiapqin sinsingr ingqngx. Jerje langg siongsinr naxjunxx qinglik jiaxee qaiduan ee hun'inx, vitzenn u bunrdee, siongsinr dy' si longxx byy mocad. Sursit-siong, jex si lanw diyh'air kikhok ee bongrsiongw. Guaw sniu diyc jit xui luxsingr vingiuw bad anne qongw " SCOTT, guaw jin' qac'ir 'cue jiyhtauu' jitt vunw ceh, ix ee lueriongg jin' visiongx." guaw byy kakding 'visiongx' si sniaw iwsur, guaw sniu ix e qamxqag visiongx, si ix siongsinr hun'inx byy ingwqaix qinglik ceh nirr soxx siaw ee hiaxee kunwqingw. Guaw zinruii "cue jiyhtauu" si jit vunw quanhe singwli ee ceh. Guaw ham' LILY soxx qingquer itcer ee pyjed --- bongrsiongw siw .kir, sinwzim jiaplap ee qycc uac --- gunw drat qaur qyckacc quann jancur ee liauxqaiw, si gunw jurlaii sniu be qaur ee.

Sixbongg ji' au ee qycc uac, duxx kaisiw ee qycc uac, cniurr sixbongg hiacc tongwkow. Lanw derr id jniux qongw diyc ee "dirliausingr siaudimm", jerje huanrjiaw qinglilk qu hongsid byy loriong, qenwlip sinx hongsid naxjunxx jin' qanlann/ huisiongg ee borhiamw, byy tewlo, byy guanrir qniaa hiongr jingg. "txangx-vnix ee bincngg" soxx biyue ee si jitt jiongw borhiamw, HEATHER dirr dirliauu quewdingg, dua dnaw quatding, hongwkir ham' lamsingr byy hyw ee mosid, ciwiong sinx hongsid. Jitt nng jiongw quewdingg byy hxuad hunquah, danwdiau qu :ee, ciwiong sinx :ee ee quewdo qrii qangkuanw hro langg qniahniaa.

Soxu ee tamwhiamw longxx tongx hiongr byy kakding, hagsip si jit dniuu tamwhiamw, lanw itding diyh'air cir damx qidiongx ee jubi, narr qongxx honghiongr/ lorqingr longxx jaix, jit lo sniaw beh cuthen marr jaix, jex m si tamwhiamw. Byy kakding ee qniax si muixx jit xee langg longxx u e, ui' jitt xee diongqanx hagsip diyc sinx ee, hro lanw did diyc sniu be qaur ee diongriaur iwgi, jiacc si kiauw ee jywhuad.

DAGG HXANG LONGXX RAIR YC, SIW VAII DERR ID HXANG

Jiapsiu simliw dirliauu si sniwmia-diongx uixdai ee tamwhiamw ji' id. U jit xee lanw qra hyrjyr TAMMY ee luxsingr, zi-jap-gua huer sii dair u qionglet siaudimm, simrjiww uihiap diyc sniwmia, laii guaw jiax sunqiuu vangjan, vne ee qinguann si jin' denxhingg ee uanbiw juxgi bongrsiongw jxingr. Dirr ix jiacc siauwlenn ee sniwmia quewdingg, vutdix-vutqag huatdenw cud byy hac sidjer ee viaujunw, hamwdua vadd langg duiww ix ee qitai.

Uanbiw juxgi ee jingxjiw tongsiongg jin' jaw dyrr jingr dirr simqnuadew, sionghai qik dua. Cniurr jerje qangkuanw vnerjingr ee anwle, TAMMY ee maxmah dair jin' dang ee siaudimm jxingr/ jiuxqongg/ u tew byy hxunn, laurve ciangjai byy dilehh. Jurr sewhanr TAMMY dyrr virr vig hurdamx duarlangg ee jikzim, siyxdi/ siyxmuai rair ix jiauwqor, jex viauxsi ix byy zuarr je jurqiw ee sing'uac, did be diyc sniwmia ee iongxhun. Hunwluan ee qadingg, haghau jniajyr TAMMY viauxhen ee soxjai, marr qandna' dirr haghau lai, jiacc erdangr did diyc zi'dongg soxx su'iaur ee ju'iongw. Gauu tagceh, si cur nirr ui'id u tak dairhak :ee.

Suibongw TAMMY byy qongw bingg, zinruii uanbiw ee iwsur si ix erdangr "sursu hro langg buanxir", cur nirr ee langg qitai ix suisii longxx rair ho'ngg buanxir, buanxjiog inx dag'ee langg ee su'iaur, jex si aplik qik dua ee sing'uac viaujunw. Dirr ix xee simqnuadew jin' cingcyw, jex si byy kyxlingg dadsingg :ee, uirr beh uicii jitt xee qew hingsiong, ix huathen singzin qaqi linglik ee qioghan/vutjiog, sidjai kunwlann. Simlai /guarjai siangvingg aplik siy' giab, jyrsingg sintew sitdiauu, marr singsiu sxor niil laii luixjig qiongdua ee jiaujyx. Jursad si ix bad kyxlu ee honghuad, qajair byy hingdong.

Qingquer dngqii dirliauu, TAMMY jaix ywlyc ee juxinx si iwdoo beh dadsingg sniu' quann ee viaujunw, kiamwkueh duiww jurqiw jinjniar ee zinrdongg. Suibongw viauxbin-siong naxjunxx u jursinr/ doglip, jitt xee jurgnow hingsiong si puewhap tnazinn duiww ix ee qitai.

Dirliauu coqii, TAMMY qongw ee juxdee --- ix qamxqag jurqiw si siurhairjiaw, uanr langg' hro ix ee aplik/ kueckiamr ix. jitt lui ee uerdee itdit qongw Jit~nng qywguec, jiacc kaisiw kyxlu virhairjiaw soxx vnuerenw ee qaksig. Hiwqiogsingr ee juanxvenr, bingliauw jurqiw si u suanxdigkuann ee, dongsii singzin jurqiw linglik ee qioghan, suibongw cur lai ee langg zinrding ix dagg hxang diyh'air u huatdo qaixquad, ix tak siongrr quann, TAMMY tingjiw qongw "inx", kaisiw qongw "guaw " ee qamxqag, qamxsiu diyc jurlaii m bad u ee qywzinn ligliong. U jit vaiw, qongw diyc ixjaw ee javox vingiuw, singzin hitt xee si siauxtamx ee cittyy qniaw, zircniaw dairvorhun guan'inx si ix guanrir itdit huwcud, jiapsiu ho'ngg pnix. Binrduir jiaxee sursit si jin' qanlann ee, TAMMY kyr iwjir jyr qaur ar.

TAMMY qewsiok qingxqag .diyc, donglenn soxx suxiong ee mosid, dirr cur lai ixx jit xee jingxqiuwjiaw, inghiongg (ledsu), singlenn au iuguann jiauww jitt xee jurgnow hingsiong, hnuahiw hisingx, ho'ngg jiac qraur qraur, si qiuwcnix, itcer jiauww langg' ee iauqiuu, javox vingiuw hnuahiw dyrr hyw, iong jitt jiongw honghuad buanxjiog byy sidjai ee jurgnow qiaugno, jiaxee hro ix jin' diyhqniax. Huwcud ee dairqer si jiacc dua!

Huesiongw quewkir, TAMMY erdangr singzin ix virdong jongwdai jurqiw ee kunwqingw, hunwno cur lai ee langg/ ixjaw lamvingiuw liriong ix. Kacc hogjap :ee, u sii ix qamxqag iukow, cur nirr ee sanwciah, inx qauwiok tingdo hiacc qe, javox vingiuw marr byy ix ee linglik, jiaxee ham' ix ee kunwqingw siy' vixping, guaw qamxx u inx ee giamdiong?

TAMMY ee dirliauu dauc duac jinwvo, quatding dingsinx dingrgi duiww jurqiw habliw ee qitai. "guaw bingvik jyr byy hyw/ m driyc, e hro guaw kacc u zinsingr, m si qenwsiauwdai, siurziok ee, liauxqaiw byy uanbiw, m si viauxsi guaw itbuu-kyxcuw. Jex m si jit dyx ced jyr vnuar :ee, ox-vec diongqanx jerje tingdo jancur cavet, dyrr si jyr m driyc, iuguann rair diwdang jurqiw ee iudiamw/ kiamwdiamw / soxu ee itcer." Qongw liauw, ix ee bin duar diyc ciywiongg.

Dyrr sngr ix soxx zinrdix quanhe jurqiw ee "pnaiw su" e hro langg' cinwsimx, marr erdangr duar laii tesingx, bingvik jurqiw jinjniar ee lat si dirr dirliauu quewding-diongx huathen ee "hyw su". Ix jiamrr vangwsangx duiww uanbiw ee jipid, kinsangx puepnuar jurqiw. U jit vaiw dirliauu sii, guaw beh ix qra qaqi siongxsiong jyr jit xee sewhanr ginxaw, ix kaur cud laii, jurgnow zinrdongg sanxsingx ar. Jex si jit xee jingrhuar ee qinggiam. Yc erhiauw ylyw jurqiw qniaa quer jiacc qanlann ee donglenn, liauxqaiw rair huatdenw sriok jurqiw ee sing'uac.

Qyckacc dua ee tudpuar si, ix jaix uanbiw juxgi si byy qenrkongx ee iauqiuu, hro ix byy huatdo singzin su'iaur qamxjingg-siong ee jicii. "kyxlingg m si cur nirr ee langg /vingiuw byy guanrir jo guaw. kyxlingg si guaw byy iong'unw inx anne jyr, guaw knuar kiw laii byy jit hxang u su'iaur :ee." ix anne qongw. Rair yc samvutgorsii tyw langg vangjo, jiyh qihue lenrsip, kikhok byy air jiapsiu langg' vangjan ee quanwsir/ joxgai. U jit zit ix huisiongg hnuahiw qra guaw qongw, u langg dngbin ylyw ix kiauw qycc suiw, ix jin' iugnaw huedab "dysia .liw", byy cniurr ixjaw qib beh cue lixliuu huanxvog langg' ee ylyw.

TAMMY duxx laii sii, qamxqag jurqiw byy qitnax ee suanxdik --- "langg tiamw simx bangg". Jitmaw ix jaix dirliauu hro ix jin' dua ee lat, simrjiww simlingg qui' xee longxx ngua sinx :ee ar. "dng' gauw zinrdix diyc jurqiw ee qioghan, dyrr byy qycc qitai jurqiw erdangr buanxjiog qokk hongbin ee iauqiuu. Jitmaw guaw kacc erdangr dirr diongriaur ee dairjir jin lat, hro qitnax ee langg vundamx inx qaix dnax ee jikzim, byy qycc qamxqag qui' xee sewqair dirr guaw ee qingqah-dingw." Huesiongw ixjaw, guaw qamxqag dagg hxang diyhh qaqi laii ee jywhuad sidjai taiww kongkamw. Jitmaw kaisiw yc kia dirr aurbin, byy su'iaur cinsinx jiauwqor muixx jit hxang su/ dag'ee langg, jinjniar si qaixtuad.

ERNST KURTZ ham' KATHERINE KETEHAM habsiaw ee "byy qriuu uanbiw ee simlingg (THE SPIRITUALITY OF IMPERFECTION)" cingcyw biysiaw cniurr TAMMY jitt lui ee langg, ui' uanbiw juxgi-diongx hogguann ee quewdingg. Itdanr binrduir jurqiw ee qioghan/ qywzinn linglik ee hanrjer ee jinsiongr au, simlingg-siong e qyckacc qingxqag, ui' qenwsiaur/ siurziok-diongx did diyc cingbingg/ jinsit.

U sii jin' pnaiw hunvet dauwdew si iongxkir iacc si juadbang (ham zip kamwkax au vniawmia ee lat) cuisag jit xee langg qniaa hiongr simliw dirliauu morhiamw ee lo. Guaw sniu diyc jap-snax sewqiw hueqaur sinvir juxgirjiaw JALAL AD-DIN AR-RUMI (guaw zinruii ix si derr zi xui zinlui uixdai ee dyrsu, derr id si JESUS) qongw ee ue "sniwmia ee jinwhuar huanxngiar su'iaur, soxiw jingqax liw ee su'iaur." Guaw siongsinr singzin su'iaur si jit jiongw iongxkir. Dng' su'iaur (iacc si juadbang) jniajyr jit jiongw lat sii, iuguann rair u iongxkir jiacc erdangr jiapsiu simliw dirliauu, si jinjniar huac zip birdix ee jit vo. Vnerlangg qra jurqiw henxlo hro simliw isux, m jaix e u sniaxmic ngiu ee tiaujenr, kaihongr tiaujenr, m jaix e yc diyc sniaw? Erdangr iycsniu :ee si, huathen jurqiw ee "pnaiw su". Dirr guaw jinxliauu ee qinggiam-diongx, huanrjiaw jinjniar e jaix jit quaw sniu be qaur ee "pnaiw su", dongsii marr jongw e huathen jit quaw "hyw su".

Langg si zuarr m bad iongxkir, byy liauxqaiw iongxkir ee tingdo hro guaw diyhqniax. Dysowlangg sniu qongxx iongxkir si m qniax, jex m driyc; m qniax si nauw moxjiongw ee vnervenr. Iongxkir si m quanw qniax/ tongwkow, guanjai mairhiongr jingg. Liw narr erdangr anne, dyrr e huathen kikhok qniahniaa m na hro liw kacc qenqiongg, marr qniaa hiongr singsik ee jit dua vo.

Siaw "simlingg derdoo" sii, itdit byy suecbingg singsik ee dingrgi, ceh nirr biyue cud jerje singsik ee langg. Byy singsik siongrr dua ee digdingx si, inx jongxsi jre dirr hiax uanr sniwmia byy buanxjiog inx ee su'iaur. Siongduir :ee, jiyw sxor singsik ee langg e dongwjyr si jurqiw ee jikzim --- simrjiww si qihue --- laii dadsing sniwmia ee su'iaur. Kaksit, lanw bingvik itcer huatsingx dirr lanw srinx-siong ee muixx jit hxang su, longxx si uirr beh qauwdy lanw, hro lanw iong uanjuann byy qang ee quandiamw knuawtai jitt jua sniwmia ee luxiuu.

Binrduir sniwmia siongrbuew ee tiaujenr, su'iaur singsik/ dig'iuw ee quandiamw. Lanw qandna' jaix jitt jiongw tiaujenr viw simliw dirliauu qyckacc ho'ngg qniax : sixbongg. M quanw lanw ee sinwgiongw si sniaw, lanw byy hxuad kakzin, dng' sixbongg ee tiaujenr qetsog, lanw si dirr dyhh? Jex si zuarr dua ee birdix!!

Sixbongg qowsingg sniwmia siongrr uixdai ee borhiamw, jex byy iwgua, sixbongg si lanw juewau/ marr si siongrr dua ee hagsip qihue. Dirr guaw isux ee sing'uac-diongx, huathen dirliauu decbecc qniaa qaur sixbongg ee langg, inx did diyc ee buanxjiokqamw siongrr dua. Jex tniax kiw laii u damrvyc maudunw, jiaxee binrduir sixbongg ee langg, kyxlingg caqag inx ee siqanx byy je ar, guaw iong "kyxlingg", in'ui jitt jiongw caqag si suanxdigsingr :ee. Suanw hiyxzin binrduir sixbongg ee langg, marr hiyxding duiww sixbongg ee hagsip. Mrqycc narr jiapsiu jurqiw decbecc siw --- cunx ee siqanx byy je --- kyxlingg e huac cud hro langg diyhqniax ee dua dua vo. Lanw tniax quer decbecc dngrkuir ee langg, inx ee tanxvec/ zip qxaur, marr u qiglet ee camwhuew/ guanliong/ hyqaiw. Lanw tniax diyc jiaxee si jinjniar ee qowsu.

Jitt xee kywdee si jiacc diongriaur, xe jit jniux "qywzinn sniwmia ee quatdik" beh qewsiok tyxlun. Singx qanxdanx qongw, hagsip si sniwmia sing'uac ee diongsimx/ vyxho cniuu, qandna' suanw hagsip ee langg, jiacc e suanw hyw hyw qniaa hiongr sixbongg, --- in'ui jex si hyw hyw sing'uac ee qivunw diauqnia.

UANJINGW EE LANGG

Dirr lanw ee hagsip-diongx, u snax xee juxiaur insor : taiwdo/ piacsingr / qewdadquanx. Suibongw horsiong kanlenn, erdangr hunkuix tyxlun, muixx jit hxang longxx si dandok/ daddid yc ee hangbok.

Taiwdo si jit xee langg hagsip did .diyc ee kiwjid, ixqibb duiww dairjir ee itvnuax knuawhuad. Bysinlunrjiaw duiww jongqaur ee "taiwdo" e ingxhiongw ix duiww surbut ee diqag. Jit xee cenxsniu jongqaur sinwgiongw ee jiuxqongjiaw, duiww qexmiaa qaixjiuw hiabhue (AA) kyxlingg viauxsi hiyxding ee taiwdo, in'ui hiabhue u jit diauu quanliam "hongwkir jurqiw ligliong", duiww ix si setdok :ee.

Taiwdo --- dycc jit jiongw tingdo si hagsip laii ee? sniaw tingdo qycc si tensingx ee? jex jin' lann pnuawding, lanw u lixiuu siongsinr taiwdo dairvorhun si kuanqingw ju'iongw ee. Soxui "taiwdo bunrdee" ciangjai si sukyw byy uansen/ qamxqag vaitig hiyxding soxx jyrsingg ee. jniawbin jikqik ee taiwdo, marr e u hyw ee hagsip. Vixzuu, zuqyw liw jongxsi qamxqag diyh'air hongui/ vyxho jurqiw, qniahniaa ee simjniaa itdit be sriaux, liw dyrr e byy hxuad tanxzenn hagsip mow xee kywdee iacc si qinggiam. Hagsip rair erdangr iwsig diyc jurqiw ee taiwdo, jitgii taiwdo ee derui. Dongzenn, lanw byy hxuad s.-sikig-k. jitgii, cniurr huanrjiaw cue siqanx jiapsiu dirliauu, lanw marr rair cue cud siqanx, qiamxtyw sukyw jurqiw ee taiwdo, dirr anjuann ee kiwhunx dua dnaw jinwhingg jitgii.

Piacsingr si zinqeh ee sinliw vorhun, junjai dirr qiinx nirr. Ginxaw sewhanr sii, ham' inx jywhuew siongrr quw ee verbuw erdangr jin' jingwkag pingqow mow xee ginxaw duiww dairjir huanxingr ee kyxlingg taiwdo, jex si piacsingr qiinx ee quanhe. Narr si qongw diyc piah si dirr dycc jit xee nihuer qenwlip kiw laii hro berdangr qaixvenr, iacc si cutsir dyrr jah laii ee, iuguann u jin' dua tyxlun kongqanx.

Qewdadquanx si lanw qamxqag diongriaur ee digjid, zinrding diongriaur ee qewdat, dyrr e ingxhiongw soxx jyr ee quatding, ixqibb dirr sniwmia-diongx soxx erdangr caqag diyc ee suanxdik. Lanw byy hxuad yc diyc itcer diwsig, vutduan binrduir suanxdik, qinqir qamxqag siongrr u qewdat ee digjid laii jyr quatding. Muixx jit xee langg diyhh suanw beh yc sniaw --- dongzenn jex si ixqingx quatding beh hagsip. Hueqaur ee IDRIES SHAH qongw "qandna' yc si byy qraur :ee, singx quatding beh yc sniaw? M yc sniaw? Dangsii beh yc? Dirsii m yc? Beh ham' si'angw yc? M ham' si'angw yc? "

Jitt xee dyrliw m na sik'iong juanbunn hagsut hagsip, marr sik'iong dirr sniwmia ee qinggiam, suanw lanw kaix siqanx/ he jingsinn ee duiwsiong. SHAH soxx qongw :ee si iusenx sunrsi, dirr guaw qidyw siqanx nirr, dairvorhun longxx si decc vaii jingau sunrsi, ixx qewdadquanx jyr viaujun, jniawdit kia huisiongg quann ee derui. Ui' "simlingg derdoo", erdangr knuawcud lingrgua nng xee juxiaur qewdat, si duiww jinliw / henrsit ee quanjur, ixqibb jiapsiu sikdongx ee jikzim. Jiphingg jikzim ee hagsip kywdee-siong, siongrr diongriaur si duer laii ee tongwkow.

Jinliw ee juanjur si guaw jyr jit xee kyhagqax ee jikzim, soxui kyhak hongsid jixvutqyr si jit herlet ee quiding/ vorsor, si zinlui qingquer quiw sewqiw huatdenw cud laii ee, iong laii kikhok jurgnow kipenr ee zinsingr kinghiongr. Unriong jit tyr honghuad, si uirr duiqiuu jinliw --- moxjiongw ciauuat lixdir / simjniaa susongw ee surbut. Kyhak si jit jiongw hogjiongg qyckacc quann ligliong ee uahdang (dongzenn u quaw kyhagqax ee jurgnow e joxgai jinliw ee duiqiuu). Guaw siongsinr siongrder si qyckacc quann ligliong ee siongrdingx --- qongbingg/ air / jinliw --- soxu duiww jiaxee qewdat ee duiqiuu longxx si singsinr ee. suibongw kyhak byy hxuad huedab soxu ee bunrdee, dirr sikdongx ee jinghongw ha, kyhak si huisiongg sinsingr ee uahdong.

HUNTER LEWIS ee ceh "quanhe qewdadquanx ee jit xee bunrdee (A QUESTION OF VALUES)", seucbingg lanw duiww jerje byy qang ee qewdadquanx. Muixx jit xee langg qinqir byy qang ee qewdadquanx jywcud ee quatding, qaixsuad sewqair. Ix qra jiaxee qewdadquanx hunx jyr qinggiam/ kyhak/ lixsingr/ kuanuix/ didqag. LEWIS byy kakding lanw si sniaw sijun suanw qaqi ee qewdadquanx; kyxlingg hex qinvunw m si suanxdik, si moxjiongw tensingx :ee. narr qongxx si suanxdik, hex naxjunxx si amwiwsig iacc si virdong-ha jyr cud :ee, dyrr si zi'dongg qrii. M quanw zuhyy, lanw singlenn au iuguann iongxiuw ligliong, erdangr dingsinx caiquad jurqiw ee qewdadquanx/ iusenx sunrsi.

Jyr jit xee qinggiam juxgirjiaw, guaw qiongdiau qinggiam ee qewdat, qra qinggiam dongwjyr tonghiongr diwsig/ liauxqaiw ee siongrr hyw lorqingr. LEWIS jinr jit vo dramm diyc "jonghap qewdat hertongw (HYBRID VALUE SYSTEMS)", duiww guaw laii qongw, jex si ceh nirr ee qutcuew. Narr qongxx langg erdangr caqag diyc jurqiw ee juxiaur qewdadquanx, lanw dyrr erdangr dirr singlenn qaidnua kik'ir vueiongw qitnax ee qewdadquanx. Vixzuu, guaw sewhanr sii, "singwqingx ee kuanuix" m si jin' diongriaur :ee, qaur dnaxx guaw iuguann byy zinruii "singwqingx" ee kuanuix si uanbiw :ee, mrqycc guaw hnuahiw genxqiur/ hagsip singwqingx, vit'iaur sii inxiong guaw soxx did diyc ee qawsi. Singlenn au, guaw diauqang yc LILY didqag ee tenhur, jex si guaw siauwlenn sii m bad cir quer :ee. Guaw tuisag dongsii suxiong dywvingg/ jniawvingg nauw --- anne ee sukyw dyrr vutjiw jit jiongw hongsid --- guaw marr qoxbuw suxiong dyngiu qewdadquanx, jin lat huatdenw hogjap ee jonghap qewdad hertongw.

Anne lanw dngw laii jingxtexsingr ee kywdee. Singlenlangg ersaih jiyh u iwsig ee suanxdik drat qaur jingxtexsingr (ginxaw berhiauw :ee), lamsingr kacc kinghiongr sikhap hagsip diwsig/ sidjer ee qisut, luxsingr qamxqag kacc sikhap qaujewsingr ee qikiauw. Dng' lanw cingcyw jurqiw ee juandiongw si dirr mow hongbin, sniaw dairjir si kacc vutjiog sii, dyrr e dypiah kacc huiwkir :ee, sohud luerjai kacc e hro qaqi byy jurjai ee vorhun, hex si cnehunx :ee, u uihiap :ee. jerje lamsingr siamxpiah jurqiw luxsingr ee hitt bin, jerje luxsingr piacbenw huatdenw jurqiw lamsingr ee jidbin.

Dirr jingxtexsingr ee hagsip, lanw diyhh jiapsiu ximx-iongg qangrtew, snapy lamsingr/ luxsingr ee digjid. Lanw ee suxmia si jniajyr uanjingw ee langg. Qenrkongx/ uanjingw/ sinsingr jitt quiw xee zri longxx si qangrkuanw ee zirqinx. Muixx jit xee langg ee simliw/ simlingg-siong ee zimrbu, iuqii sii au vnuawsiwlangg, diyh'air qra aurkuir huathuix qaur siongrr dua ee kongqanx, drat qaur siongrr hyw ee qingxqair. Duiqiuu uanjingw, si huathuix amwcangr ee jailingg, qingquer hagsip huatdenw cud laii, su'iaur ciangjai lenrsip / singsik ee kiamsun, vow jiog kiamwdiamw.

Guaw qongw .quer yc bangrqiuu ee qinggiam. Cingsiauwlenn sii, bangrqiuu pah liauw be baiw, huatqiuu hyw, suibongw dywciuw pah kacc ziok, mrqycc jniawciuw pah jin' u lat, guaw huatdenw cud jit jiongw pachuad, vow dywciuw pah ee vutjiog, suanw kia dirr qiudniuu ee dywvingg, jinrliong iong jniawciuw jriab, jitt jiongw hongsid ersaih pah vai vah hunx ji' qauw-jap-go ee duiwciuw. Ui'id ee bunrdee si cunx ee vah hunx ji' go, duiwciuw e huathen guaw ee ziogdiamw, qongqig gauw ee dywciuw pah, qra guaw driaur qaur siongrr dywvingg, pah cud jniawciuw pah be diyc ee jniawciuw qiuu, hro guaw qamguan zin sux. Snax-jap-zi huer hitt nii, guaw jiacc bingvik zuqyw beh huathuix bangrqiuu ee amwlat --- drat qaur siongrr hyw jongtair --- diyh'air len dywciuw, hex si jin' pnaixknuawbin ee qinggiam, guaw rair kir jyr duiww guaw jin' byy jurzenn ee dairjir ; langg kia dirr qiudniuu ee jniawvingg, jinrliong iong dywciuw jriab muixx jit liap qiuu. Hitt dnxua siqanx guaw itdit sux viw guaw kacc cax ee duiwciuw, laii knuar guaw pah bangrqiuu ee langg, e knuar diyc guaw qra qiuu pah qaxx nng xee qiudniuu hiacc hng, qiuu vuex quer uicniuu, iacc si qruar dirr bxang-dingw. Snax qywquec ee siqanx, guaw len liauw be baiw, erdangr pah uanjingw ee bangrqiuu ar, jniajyr siarkux siongrr hyw ee suanxciuw. Jitt sii, guaw kaisiw yc GOLF, jex si jniawqangw jylan ee qinggiam.

Duiww guaw laii qongw, yc GOLF hro guaw qamxqag jin' cywvai, duhuix qra dongwjyr hagsip ee qihue, guaw sidjai byy hxuad hiangxsiu jitt hxang unrdong. Sursit-siong, guaw knuar diyc jerje jurqiw ee kiamwdiamw, kyxviw qongxx, quewdo iauqiuu uanbiw, cywvai sii duiww jurqiw cionghin. Tauwquer hagsip GOLF, ban ban qniaa cud uanbiw juxgi, binrduir jurqiw jerje byy uanbiw. Guaw qamxqag beh jniajyr uanjingw ee langg, byy viw qaixsen jurqiw ee ziogdiamw kacc qenrkongx/ qyckacc diongriaur ee dairjir.

PNAIW NGIU EE QAWSI

Lanw ham' qitnax langg ee quanhe --- yc langg' ee hyw ngiu --- sngr si sniwmia ee undenw sniuxsur. Hyw sirhuan erdangr jo lanw byy su'iaur itcer ui' tauu kaisiw. Zuqyw lanw vunxsinx si hyw tniajiongr/ quancatjiaw, dyrr erdangr piacbenw jit quaw zinsingx lo-siong kyxlingg cuthen ee hamrjnew. Muixx jit xee langg rair u diwhui suanw hagsip ee duiwsiong. Iuwzii m quanw si hyxbaiw, si knuar jurqiw ee verbuw jyr mohongw ee denxhuan. Singlenn au, u qihue suanw, lanw m na ersaih suanxdik hyw ee mosid, marr ersaih unriong hurbin hinguii, jyr lanw ee qawsi.

Guaw ee hagsip-diongx, u jin' duarvorhun si laii jurr jaxqii jitgiap duw .diyc ee hurbin qauwhunr. Guaw qongw ix si vniwquiw isux (DR.BUMBLES). ix si guaw ee dingxsix, langg be baiw, mrqycc simliw ee didqag cavutdyx longxx si cywgo ee. hitt sii guaw duxx jiapsiu hunwlen, dirr vnerngi sidsip ee tausingx quiw qywguec huisiongg gignaiw, aurlaii jiacc jaix ciangjai si vniwquiw isux m driyc. Itdanr guaw bingvik jitt xee dyrliw, ix dyrr jniajyr huisiongg u loriong ee hurbin qauwjaii --- guaw ui' ix ee srinx-siong jaix sniaw su vut'ingwqaix jyr.

Itvnuax guaw e qra guaw ee pnuawduan ham' vniwquiw isux :ee vixqaur, dyrr jaix qaix anxjnuaw jyr.

Narr qongxx gauw qra qongw "mmr, jitt xee langg virr jinxduan jingsinn hunlec, knuar kiw laii si u sxingg jingsinn hunlec, mrqycc ix ee hinguii byy sngr si jingsinn hunlec …"

vniwquiw isux qongw, "or! Juadduir byy cyr, jit xee denxhingg ee jingsinn hunlec vnerle."

Guaw dyrr jaix qaix huaigii jitt xee jinxduan.

Narr guaw mng qongxx "jitt xee vnerlangg byy sxingg jingsinn hunlec, mrqycc guaw huaigii, in'ui ix ee hingdong..."

vniwquiw isux kiokk huedab "or, byy bunrdee, ix m si jingsinn hunlec."

Guaw jaix diyhh huaigii ix si jingsinn hunlec.

Beh ui' qitnax langg ee srinx-siong hagsip, rair u qraur bingw caqag diyc siyw ser ee venwhuar, hro qaqi erdangr hunvenr hyw/ baiw. Jerje langg byy anne hunx, jex jixvutqyr si baiw van, inx qamxqag diyhh junjiaur verbuw iacc si qitnax okjid singlenn ee hinguii, dyrr iong'i sanxsingx jingsinn qnualingjingr. Vixzuu, guaw ui' jerje lau vnerlangg srinx-siong yc .diyc, hro guaw jaix guaw byy hibang sniaxmic dairjir mair huatsingx dirr guaw srinx-siong. Duiww guaw laii qongw, tenha siongrr viaix ee henrsiong ji' id, nilau iauxx beh cniurr siauwlenn hitt kuanw kongwjer itcer, mrqycc ixqingx u simx byy lat ar. Anne ee laurlangg duiww nilau/ sixbongg tongsiongg longxx byy junxvi. inx qra qaqi vak siw ar, u quaw laurlangg sniu beh uiho inx cur lai ee cingkir, qetqyw byy loriong, siwqer luan caucaux zuu qawqar.

Jin' maudunw ee, jiaxee byy guanrir hongwkir kongwjer ee laurlangg, juewau dirr uihuanw inx iwguan ee jinghongw ha, virr guaw sangr zip kir ngiuxlyxngi. Jex si jit hxang huisiongg tongwkow ee dairjir. Zuqyw jiaxee langg guanrir vangr kinsangx, hro cur lai qitnax ee langg ter inx jyr dairjir, qamxx m si ersaih vinganx hiongxsiu buanxlenn? Inx qirjuat hagsip zuhyy hongwkir kongwjewkuann, jiacc hro sing'uac jrap loloo, qovutjiongx ham' inx cur lai ee langg habjog, qra inx andah dirr u juanlangg jiauwqor ee qiqor, m quanw inx air iacc byy air.

Jiaxee kyxlenn ee linghunn si hurbin ee mohuan, guaw cavutdyx dagg zit qidyw, dng' sniwmia jiapkin jiongbuew sii, guaw erdangr iuxsow junxvi, vangwdiau jit quaw diyhh vangwdiau ee kuanli. Guaw ixqingx kaisiw yc anne jyr. Qandna' huanlyw jitt jiongw hagsip byy hxuad qewsiok lyc kir.

TUANTEW JINWVO BYY TINGG KAX

Uicii qewsiok hagsip marr huisiongg diongriaur, m na duiww qywzinn, duiww tuantew marr siyqang. Guaw qongw .quer tuantew hagsip-diongx ee "vangr kangx" qaiduan / jingxqyy tuantew dirr "hongwkir" qaidnua soxx qinglik ee sixbongg texqiam, jex si guaw cinbak knuar quer ee jerje henrsiong. Quewkir jap-zi dxangx, guaw ee qangjog sing'uac siongrr dua ee mohiamw --- ixqibb hagsip --- si dirr "tuantew qoxbuw bunqaur qiqimhue (FOUNDATION FOR COMMUNITY ENCOURAGEMENT)" ee kangkuer. Qiqimhue ee zimrbu si qauwdy jin jxingg qiongrdongtew ee guanjig, iarr dyrr si tuantew ji' qranx qenrkongx qautongx ee honghuad.

Tuantew narr u qraur qenrkongx, soxu singguann si dirr iuxhau hagsip ee kuanqingw- diongx, yc erhaiuw liauxqaiw jurqiw /tnazinn. Tuantew vunxsinx marr erdangr hagsip, suibongw diyhh he jerje jingsinn, vauquad hongwkir qu quanwsir ee quewdingg. Mrqycc tuantew huatdenw cud jurqiw ee iwsig, si viw zimrhyy dan'id singguann ee iwsig kacc u diwhui/ qyckacc kuacbin. Jitt jiongw tuantew jyr quatcig sii huisiongg u haurlut.

Qenrkongx ee tuantew digvet gauu cuxliw qik hogjap ee kywdee, "tuantew qoxbuw bunqaur qiqimhue" jiamrr sriu diyc sionggiap qiqor/ qitnax hingjingr jojid ee huangingg, inx yc diyc qenwlip jojid limsii ee qiongrdongg quatcig tuantew. Jit hongbin gunw jin' u vunxdingw. Jitmaw gunw diyh'air loxlik yc ee si, jo jiaxee jojid qiqor dirr qiqimhue tetli au, iuguann uicii jurqiw ee jin jxingg qiongrdongtew, jniajyr gunw soxui ee siy' lensuar jin jxingg qiongrdongtew. Anne qenrkongx ee tuantew qonglingg /quatcig unrjog u quilut qewsiok lyc kir.

Gunw qiqimhue ee qangjog ham' MASSACHUSETTS INSTITUTE of TECHNOLOGY,(MIT) ee PETER SENGO soxx qenwlip ee jojid hagsip diongsimx si qang hauringr ee. SENGO siaw ee ceh "derr go hxang siulen (THE FIFTH DISCIPLINE)" nirr, congwlip liauw "hagsip jojid" jitt xee bingsuu, dyrr si gunw qiqimhue soxui ee siy' lensuar jin jxingg qiongrdongtew. Jit xee hagsip jojid itding si jit xee tuantew, jit xee qewsiok ee jin jxingg tuantew vitzenn si jit xee hagsip jojid, quanqenr dirr vutduan ee hagsip. Narr qongxx jojid binrlimm guiqix sii, beh jo inx jiamrsii hagsip si jin' iong'i ee, beh qar inx jiau'unn qewsiok qniaa .lyc .kir kacc lann. gunw siongsinr, zuqyw erdangr hro tuantew jojid qra hagsip knuawjyr qywzinn/ tuantew singdiongw ee hyw qihue, benw dagg dxangx siongrkyr ee hurdamx, inx dyrr erdangr duiww hagsip sanxsingx uanjuann byy qang ee sinx knuawhuad. Gunw duiww jitt jiongw qauwdy u quaw qaiwliam, qandna' si qaiwliam ee jancur ziiw, jitt xee linghik iuguann u kaihuad ee kongqanx.

Guaw siongsinr tuantew ee qenrkongx viw qywtew :ee diongriaur. qywtew diyh'air lensuar hagsip jiacc erdangr singjunn, jojid /qiqor marr si anne. Bunbingg ee singjunn, jin' kyxlingg diyh'air knuar jojid si m s erdangr jinwhuar jniajyr lensiogsingr ee jin jxingg tuantew, vutduan hagsip ee jojid.

huedngw tauu iac