THE POWER OF MYTH -3
Bunchhai huan'ik
LNAW EE CUTSIR JIXSIRR KUNR/ CNEW JIQANX
B: sizinn W.WORDSWORTH (1770-1850) anne siaw:
“lanw ee cutsir jixsirr kunr/ cnew jiqanx;
lanw ee snewmiarcnix/ linghunn, ham' lanw jywhuew kixcngg,
kiokk dirr vadd ee soxjai lag lyc kir,
dirr hng hng ee dyc'ui?”
liw qamxx u dong'ir ix soxx qongw :ee?
J: guaw dong'ir or! Be uanjuann be qir .did :ee --- lanw sinqingx hertongw si u qiwdii ee, e jiauww digding ee kuanqingw/ iuxqix jojid ee iauqiuu, laii sokjy zinlui sinqingx hertongw ee jojid.
B: lanw ee linghunn sriu diyc qoxlyw sinue sniaxngiu ee jniawbin ingxhiongw?
J: qoxlyw sinue si iong laii vinghingg srinx-simx. Simx e luanrjauw qycc bongrsiongw jit quaw sintew byy su'iaur ee mic, sinue/ gisid dy' si jiong' simx liac .dngw .laii, ham' sinkux vyxcii itdir, dongsii marr diauhyy lanw ee sing'uac qapp dairjurzenn.
B: anne qongw laii, jiaxee qoxquair qowsu si uac dirr lanw simlai?
J: kaksit si anne. Dnaxx zinlui huatdenw ee qokk qaidnua ham' qoxjaw si qang ee. Sewhanr sii liw ee singdiongw kuanqingw iauqiuu liw rair u qiwlut/ hogjiongg, marr e u ilairsingr, duarhanr singsik au, dy' vitsu'iaur ciauuat jiaxee. Byy qycc iuaw langg' sing'uac/ liw ee snewmia qicow si jurgnow hurjig ee juxtew. Zuqyw byy hxuad huac quer jitt xee mngding, dyrr e did diyc sinqingvne ee vnerqinx. Duarhanr liauw u jurqiw sing'uac sewqair au, e jinr jit vo binrlimm qra quewkir pacsnuar, ham' quewkir tuatli quanhe ee guiqix.
B: juewau si binrduir sixbongg ee guiqix?
J: byy cyr! Siongrr jiongqik guiqix si binrduir sixbongg. Sinue rair erdangr damhu jitt nng jann bogviaux, dairsingx si inxcua siauwlenlangg jinwzip jurqiw luersimx sewqair, hex dyrr si binsiok qaiwliam ee qonglingg, zenau tuatli jurqiw ee quewkir. Binsiok qaiwliam si qra qicow qaiwliam ee guarkag qongwkuix, hro qicow qaiwliam inxdy, qniaa zip luersimx sewqair.
B: sinue hro lanw jaix, vadd langg zuhyy tongquer inx singdiongw ee lo, guaw marr erdangr qniaa quer guaw jurqiw ee ligdingg.
J: si ar. Sinue marr uirr lanw jixcud zinsingx dyrlo ee bixbiau. Dirr guaw jinwzip zinsingx juewau quiw nii sii, qyckacc qamxsiu diyc jitt diamw. Liw jaix ee --- sinue hiabjo guaw dro quer buanxsuer.
B: si dycc jiongw sinue? Qamxx ersaih qongw jit xee k.-kaksit-s. vanjan liw ee le.
J: ixx Inwdo tuantongw jyr le, dirr liw ui' jit xee zinsingx qaidnua, huac quer lingrgua jit xee zinsingx qaidnua sii, sidjer hiabjo liw qaixvenr jingxqyy cing snxax hongsid, simrjiww qaixvenr liw ee miaa. Dirr guaw tewhiux byy qycc qar ceh au, guaw jaix diyh'air congwjy lingrgua jit jiongw sing'uac hongsid, qaixvenr duiww sing'uac ee sukyw mosid, guaw jaix beh anne jyr si in'ui liauxqaiw jurqiw qaix likuix singjiu ee lingxhik, jinwzip hiangxsiu/ lingxgo ee lingxhik, qycc uanjuann vangwsangx jurqiw, texhue qibiau ee soxjai.
B: qycc laii si tonghiongr oamr duarmngg ee dyrlo.
LANW QNIAX ONGXHIONGR SIXBONGG
J: hex juanzenn m si bunrdee. Jit xee langg dionglenn siqii ee sintew jongrhongw, ixqingx qniaa qaur snuax buexliux jiamrr lyc qia ar. Jitt sii zinsingx bunrdee m si zinrdongg jiamrr lamxsinx ee sinkux, qaix iwsig diyc jurqiw sintew, jixvutqyr si jit xee qangqu ziiw. Jex si guaw ui' sinue hagsip diyc ee, guaw si sniaw? Ingwqaix si jit xee huad qngx ee denrhuexqiu'aw? Iacc si qngx vunxsinx, denrju'aw jixsirr guaw ee qangqu ziiw?
U huer ixau ee simliw bunrdee ji' id si qniax sixbongg. Langg qniax ongxhiongr sixbongg ee hitt snir mngg. Mrqyxx jitt xee sinkux, jixsirr iwsig jongrtair ee qesix , zuqyw erdangr zinrdongg jurqiw ee iwsig jongrtair, dyrr erdangr knuar diyc jitt ku sinkux cniurr jit daii qu ciax, jit hxang jit hxang jiamrr qu .kir, dairsingx si dongr-too-vanw (dongwtovanw) lag .kir, qycc laii si luntaix, jit hxang jriab jit hxang, mrqyxx jiaxee dy' si anwsngr e diyc ee, dauc ~ aw qui' xee sinkux tingg .lyc .laii. Sintew ee iwsig jongrtair qa'siong simliw :ee, liw ee sinkux dyrr byy qycc qewsiok lauu dirr jitt xee sewqair ar.
B: anne qongw laii, sinue ham' nihuer ee jingqax iuxquanx. Danrsi, jerje sinue qowsu dramm :ee, dy' si bixmau cingcunx siauwlenlangg.
J: HELLENE sinue si jitt xee juxdee byy cyr. Itvnualangg qongw diyc sinue tongsiongg si jriw HELLENE sinue/ Singwqingx sinue. Jitt nng jiongw bunhuar kinghiongr qra sinue sowjaii zinsingwhuar, u jin' qionglet langg ee sikcaiw, iuqii HELLENE sinue, digvet cingcyw henwcud zinsingr/ ylyw bixle cingcunx.
Jitt nng jiongw sinue marr zinrdongg nihuer jingqax ee iudiamw. U diwhui ee laurlangg marr e dirr HELLENE sinue sewqair cuthen, singwzinn marr si jit xee sriu jundiong ee qaksig.
B: qitnax ee bunhuar neh?
J: kacc byy hiacc qiongdiau bixle cingcunx.
B: liw qongw .quer, sixbongg jitt xee iwsiong si sinue ee kixtauu, liw jriw :ee si sniaw?
J: sinue sukyw siongrr jaw jingwqir si ham' bong iuxquanx.
B: jiaxee sinue dairsingx tecud langg knaur diyc cutsir, qycc laii knuar byy ar, inx huaigii hex si sniaw?
J: sinue ee huatdenw vitding si anne. Jixiaur siongxsiong jurqiw siw au e anxjnuaw, jitt xee qinggiam dyrr hyw ar. Bong jiong' zinlui buxkir/ vuejongwjiaw draii jyr dxuix, kakvyw snewmia ensiok. Jex dongsii marr viauxsi, dirr liw jinwjingg, jiax u jit xee langg janqingx si unzet/ uac lingr lingr :ee, suibongw ix jitmaw lingw ~~ dyw lehh, simrjiww kaisiw nua ar. U jit xee mic, quewkir dirr jiax, jitmaw byy dilehh ar, kir dyhh neh?
B: liw zinruii zinlui sniaw sii kaisiw hiauxgo sixbongg jitt hxang su?
J: u zinlui dyrr u sixbongg, langg e siw .kir. Dongrbut cinbak knuar inx ee pnua siw .kir ee qinggiam, jiurr genxqiur soxx jaix, dongrbut vingrr byy jinr jit vo sukyw jitt xee bunrdee. Zinlui marr itdit qaur Qurjiyhkir Sidai NEANDERTHAI jiacc kaisiw giamsiog binrduir sixbongg, in'ui buxkir/ dongrbut jywhuew vuejongr, dirr hitt sii ham' jongwlew dongsii huatsingx.
B: vuejongr ee mic dairviauw sniaw?
J: guaw m jaix.
B: iyh knuar mai lehh!
IUXHINGG SNEWMIA JI' GUA
J: guaw jinrliong byy air iyh, zinlui ixqingx ow cud dairliong iuxquanx sixbongg jitt xee juxdee ee juliau, qandna' teqiongx qaur mow jit xee tingdo ee camkyw qewdat dyrr byy ar. Duhuix tec diyc siaw .lyc .laii ee juliau, narr byy, si byy hxuad jaix jnuaxngiu jit huesu. Lanw did diyc :ee, jixsirr jit quaw uiliuu ee hunjiah, ersaih jurqiw qazip juliau laii tuisngr, anne jyr jin' huihiamw. Kakding :ee si, baijongr jitt xee hing'uii vauhamm quiw xee qaiwlialm : dairsingx, dirr iuxhingg snewmia ji' gua iauxx u jit xee byhingg ee snewmia, derr zi, iuxhingg jitt xee janbin vuerau, iauxx u jit xee byhingg junjai ee janbin, qycc si iuxhingg janbin ee qitiau. Guaw qnaw qongw, hex si soxu sinue ee qivunw juxdee, marr si jit xee byhingg janbin tner iuxhingg janbin.
B: lanw m jaix :ee, jicijiaw ixqingx jaix ar.
J: si anne. Jitt xee byhingg qitiau ee qaiwliam, ham' jit xee langg sing'uac ee siarhue u quanlenn. Jitt xee siarhue dirr liw junjai jingg, ixqingx junjai, dirr liw siw au, marr e qewsiok junjai, liw si qidiongx ee jit hunjuw, vorlok sinue si jiong' qywzinn/ luirsu ee jogqunn lenjiab jywhuew ee sinue, kakding qywzinn si iuxqitew ee jit xee kiwquanx. Siarhue vunxsinx marr si lingrgua jit xee kacc dua iuxqitew-lai ee siyw kiwquanx, jitt xee kacc dua iuxqitew jojid si jit xee vorlok uahdang ee kongqanx qapp sewqair. Soxu gisid juxiaur juxdee dy' si dirr lenqed qywzinn ham' jit xee kacc dua hingtair qetqor, lenqed qywzinn/ jurqiw iuxhingg ee sinkux kacc jiyw .quaw.
DONGRBUT/ ZINLUI JIQANX QETBINGG
Zinlui kyr satsingx singjunn, duer laii :ee si, juerokqamw. Baijongr jit xee langg, soxx unxhamm ee iwsur si : guaw ee ving'iuw ixqingx siw ar, uac dirr lingrgua jit xee sewqair; guaw taii driau ee dongrbut marr itding singjunn dirr lingrgua jit xee sewqair. Jaxqii ee paclac binjok itdit u dongrbut sinsingr ee qongxhuad, hagsudsingr miasuu si “dongrbut taubak”, jyr dongrbut ee siuxlingw, sangr jit qrunn dongrbut hro paclac :ee sad siw.
Liw jaix, siongrr qivunw ee paclac sinue si iuxquanx dongrbut/ zinlui sewqair jiqanx ee qetbingg, guanrir huwcud inx snewmia ee qivunw qaxsed, quriuw ciaubudjid ee sidtew, tauwquer moxjiongw qycc uac gisid au, dngw kir toxde/ buxcinx hiax. Jitt jiongw qycc uac gisid/ dairviauw jitt xee binjok siongrr juxiaur jiahmic iuxquanx. Bixjiux dua vnengiuu ee INDIANS, inx siongrr juxiaur ee dongrbut si juixguu/ Bixqog saivag haixhnua, soxu diongrdua jetkingr, ham' angquehii singtair idang iuxquanx/ Lamhuix guarviauw jonggiamm lewdauw ee Lamhuix dua ling'iongg si siongrr juxiaur ee dongrbut.
B: siongrr juxiaur dongrbut ee iwsur si ---
J: ... si jiahmic (sidbut) qiongrqipjiaw.
B: anne qongw laii, jaxqii paclac siarhue, zinlui/ dongrbut jiqanx junjai jit jiongw bidced quanhe, iauqiuu qidiongx jit vingg diyh'air virr lingrgua jit vingg tunjiac.
J: Jex si snewmia ee vunxjid. Zinlui si paclahjiaw, si jiac bah ee dongrbut. Dirr sinue-diongx, jiac bah :ee/ virr voxsad :ee hunvet vnuaenw nng xee jin' diongriaur ee qaksig. Inx dairviauw snewmia nng xee janbin, jit xee si jikqik/ liac/ jinghok/ congwjy :ee, lingrgua jit bin si sriok budjid xe jann :ee.
B: si snewmia vunxsinx. Liac/ virr liac ee quanhe-siong, e u jnuaxngiu ee venwhuar?
SATSINGX M SI SATLIOK ZIIW
J: ui' Lamhuix BUSHMEN ee itsingx, ixqibb Bixqog guanjurbinn/ juixguu ee quanhe, erdangr jaix, jex si jit jiongw horsiong jongvair jundiong ee quanhe.
BUSHMEN ee langg jidsiwlangg sing'uac dirr suaboo, si huisiongg qanlann ee sing'uac, dirr jitt jiongw kuanqingw beh paclac si jin' lann :ee, suaboo cavutdyx byy ciu-aw hro inx jyr u qraur lat ee qxiongx-jnxir. Inx iong jin' ser ee qxiongx, jnxir qandna' erdangr sria cud iokk snax-jap bxew narnia, jitt jiongw jnxir cngtauwlat jin' ziok, qigqex sria puar dongrbut ee puebin, mrqyxx inx u jit jiongw jin' dok ee iyc, buah dirr jnxir-tauu, virr sria .diyc ee bixle dongrbut cniurr Lamhuix duarling'iongg, e dirr jit-zit-vnuar ixlai diongwdok sixbongg. Virr dok siw ee dongrbut siw au, paclac :ee diyh'air tauwquer jit jiongw “sinvir ee cam'uw gisid (PARTICIPATION MYSTIQUE)”, laii uansingg mow quaw rair jyr/ bersaih jyr ee qimwqi.
Ngua jit qxur qongw, si paclac :ee siongrdingx qazip dongrbut jywhuew siw kir, in'ui siw .kir ee dongrbut ixqingx venwsingg jiahmic, inx ee siw si paclac :ee duar laii ee. Gisid-diongx vauhamm jit jiongw dongwjyr ittew ee zinrdongqamw, si sinue ee zinrdongg. Satsingx m na qandna' si satliok, si jit jiongw gisid ee hing'uii, cniurr jiac ee gisid siy' qang, dirr jiahvng jingg qiqiuu undenw. Jit xee gisid ee hing'uii, si hro liw zinrbad jurqiw ee ilairsingr, dirr jiax liw si ilai juxdong henwcud snewmia teqiongx jiahmic hro liw ee dongrbut. “Paclac” si jit xee gisid.
B: gisid viauxhen cud jingsinn janbin ee jinsit.
J: viauxhen cud ham' dairjurzenn itdir ee hing'uii, m na si qywzinn ee ciongdong.
U langg qra guaw qongw, BUSHMEN qongxsueh dongrbut ee qowsu sii, e hongw byy qang dongrbut ee cuiwhingg/ sniax. Inx jaix iuxquanx jiaxee dongrbut ee siongser diwsig, ham' inx u jin' iuxsen hyhaii ee quanhe.
Qycc laii inx e taii driau jit quaw dongrbut laii jiac. U quaw qing'ingg bogdniuu :ee, e dirr bogdniuu soxx ciriongw dongrbut jigua, digvet cri jit jiah gubuw jyr cittymic. Inx juadduir m jiac jitt jiah gubuw ee bah, jiac ving'iuw ee bah si janzimw ee hing'uii. Mrqyxx guanjurbinn itdit si jiac ving'iuw ee bah, diyh'air u moxjiongw simliw voxsiongw hing'uii, sinue dirr jiax teqiongx hiabjo.
B: anxjnuaw jyr neh?
J: jaxqii ee sinue hiabjo langg dirr jingsinn-siong benw u juerokqamw/ qniahniaa ee qamxqag, hex si sing'uac vit'iaur hing'uii,.
B: jiaxee uixdai ee qowsu qewsiok ixx jitt jiongw hongsid/ hitt jiongw hongsid, qongw diyc snewmia ee dongrlik --- paclac :ee/ virr liac ee dongrbut/ ving'iuw ee dongrbut/ siongrder suxjiaw ee dongrbut.
J: driyc! Itvnuax qongw, virr liac laii jiac ee dongrbut jniajyr singwlingg suxjiaw ee dongrbut.
B: zinlui jniajyr taii driau suxjiaw ee lahzinn.
J: taii driau sinn ee lahzinn.
B: jex qamxx e duar laii juerog?
J: Sinue beh siaubet :ee, si juerokqamw, taii driau dongrbut m si qywzinn hing'uii, si uansingg dairjurzenn ee qangjog.
B: sinue si beh siauduu zinlui luersimx vut'anx.
J: byy cyr!
B: danrsirr jit xee langg binrduir satsingx sii, itding e u dexjer qamxqag, m si jinjniar beh taii siw hnor?
J: dongrbut si laurve. Liw jaix FREUD hagsuad ee qongxhuad, javox derr id xee duiwdik si ix ee laurve. Ginxaw simliw-siong muixx jit xee kyxlingg si digzinn ee, dy' ham' vaxvah jitt xee hingsiong u quanlenn.
B: liw zinruii dongrbut venwsingg ixx vaxvah hingsiong cuthen ee sinn?
J: byy cyr! Duiwtai dongrbut ee jongqaur taiwdo si jit jiongw jongqingr jundiong ee taiwdo, jinr jit vo, ingwqaix junsunn dongrbut duar laii ee kexsi. Jinjniar rair anne, dongrbut uirr zinlui duar laii henwlew --- huncauw/ sinvir ee huncuex/ qitnax jerje mic.
B: liw zinruii taii driau sidjer-siong si sinn ee dongrbut, iacc si siongrder suxjiaw ee dongrbut, duar hro jaxqii zinlui kunwziauw?
J: juadduir si --- jiacc u gisid.
B: dycc jit lui ee gisid?
J: andah/ qamxsia dongrbut. Vixzu, himm virr taii siw au, u jit xee gisid , cri hitt jiah himm jit der ix jurqiw ee bah, qycc laii e u lingrgua jit xee siyw siyw ee gisid, qra himpuee he dirr jit xee qxer-dingw, knuar kiw laii naxjunxx himm kia lehh, pangg jurqiw ee bah henr hro zinlui jyr amwdngr, dongsii u jit vew huew dairviauw luxsinn. Qycc laii snuax-sinn, dyrr si hitt jiah himm, ham' huew ee luxsinn jiqanx, u jit dnxua duiwue.
B: inx qongw sniaw?
J: byy langg jaix, marr byy langg e tniax .diyc, jixsirr jinwhingg jit siyw dnxua siarqausingr duiwue.
B: zuqyw byy andah druar dirr dongrhet ee himm, dongrbut dyrr be qycc cuthen, guansiw sidai paclac :ee dyrr e gy siw, inx lingxgno diyc u jit jiongw inx ilai sing'uac ee lat, viw zinlui jurqiw qyckacc dua ee dairjurzenn ligliong.
J: dongrbut taubak ee lat hro dongrbut guanrir jurdong cam'uw jitt xee iuhir. Liw dirr juann sewqair byy qang ee paclac binjok srinx-siong, e huathen inx ham' juxiaur jiahmic ee dongrbut quanhe dy' si huisiongg cinbit, inx marr jin' qamxqig hro inx jiac ee dongrbut. Dirr lanw jre lyc laii jiahvng jingg, lanw qamxsia siongrder sur hro lanw jiahmic, paclac binjok qamxsia dongrbut.
B: jiyh hyxlew duiwtai dongrbut ee gisid laii andah dongrbut, hyxcincniu dirr cirdniuu-lai osex taii dix :ee.
J: guaw byy zinruii si siubew. Jex si qamxsia jit xee ving'iuw, ix guanrir dirr jit hxang horsiong iuxli quanhe ham' liw habjog. Zuqyw liw byy qamxsia ix, jitt xee budjingw e byy hnuahiw.
DAIRJURZENN EE DEDSU
Duiliac dongrbut marr jiauww digding ee gisid. Paclac :ee cuthuad liahvow dongrbut jingg, e singx qaur snuax-dingw rue jit jiah beh liac :ee dosiong/ rue doo hitt penr snuajiamx, rair tauwjaw derr id dy zidqngx jiyr e diyc ee soxjai. Dng' taiwiongg vreh kiw laii sii, lahho ham' pnuarduer ee siyw dui, jaw dyrr danw dirr hiax, junxvi qixhingg gisid. Zidqngx jiyr diyc hitt vxag dongrbut ee uersiong sii, paclac :ee marr sria cud jit qix jnxir, cngx taur zidtauu, cah dirr dongrbut uersiong-dingw, jitt sii vnix:a ee jit xee luxzinn, ciuw giac quann dua sniax huachiux, suar .laii lahho dyrr cuthuad ar, ix jinjniar sria dirr dongrbut srinx-siong ee hitt xui, duxx si uersiong hitt vorui. Derr zi zit zidtauu jaiwdo sringx quann sii, lahho marr dongsii buah driau dongrbut ee uersiong. Jex qui' xee hingdong si laijurr dairjurzenn dedsu ee miagi, m si lahho ee iwdoo.
Lingrgua u jit dnxua laijurr uanjuann byy qang siarhue ee qowsu. Jex si iuxquanx Zidvunw buxsu, buxsu ee jikzim si hiongr mosad ix juxlangg ee hiongciuw vywsiuu, liac diyc hiongciuw, anwsngr beh iong buxsurdyx taii siw jitt xee hiongciuw, jitt sii virr vig qaur viacvnix, hiongr hiongciuw pruir jit cuir tamm, jiong' buxsurdyx cah dngw dykag-lai likuix.
B: uirsniaxmic?
J: in'ui buxsu virr vig qaxx liahqongg ar, jitt sii, si hunwno taii langg, dyrr jniajyr qywzinn hing'uii, dongcox kir cue hiongciuw sii, vingrr m si uirr qywzinn vywhok.
B: liw zinruii jitt jiongw huiqywzinn hing'uii ee taiwdo, dirr dua cauxvox lahho ee jingsinn jiamwiuw hunrliong?
J: dongzenn, juadduir :ee. Taii driau mow jit xee langg qycc qra jiac driau, qamxx m si dyrdig bunrdee? Liw rair jaix, lahho duiww dongrbut ee knuawhuad ham' lanw :ee byy qang. Lanw zinruii dongrbut si qe lanw jit qxib, inx zinrding dongrbut jiwjiyw ham' langg si vingdingw :ee, u sii, si quann langg jit qxib.
Dongrbut iongxiuw zinlui soxx byy ee dairjurzenlat. Vixzu, dangqix ciangjai e u jit jiah ix jin' cinqin ee dongrbut, dyrr si qongw, mow quaw dongrbut si tner diauu dangqix ee ligliong/ si dyrsux.
B: zuqyw zinlui e kir siongxsiong, qycc knuar diyc quanhe dongrbut vutvinghuann ee digsingr, ui' qidiongx congwjy cud ciauhuann :ee, anne langg dyrr viw dongrbut kacc jiamr iuser?
J: guaw zinruii lahho iauqiuu :ee si vingdingw, m si quann jit dringw. Zinlui hiongr dongrbut sunqiuu diongqyr, dongsii dongrbut jniajyr zinlui sing'uac ee denxhuan. Dirr jitt jiongw jinghingg-ha, dongrbut si quann zinlui :ee. Vixzu, Okax (BLACKFOOT) vorlok iuxquanx juixguu-buw guansiw tuanqii, gisid-diongx juixguu si hro zinlui mic :ee, Oka vorlok herguan iauqiuu ham' dongrbut u habjog quanhe.
B: hex si sniaxngiu quanhe?
JUIXGUU EE QOWSU
J: jitt xee qowsu kixtauu dirr zuhyy uirr jit xee je langg vorlok jauxcue jiahmic jitt xee bunrdee. Uirr dngg ~ ee dangtnix cruw diyc bah ee honghuad ji' id, inxdy jit qrunn juixguu qniaa hiongr itpenr jiyhtauu snuaviah, juixguu jongg lyc kamwkax, INDIANS jin' qanxdanx taii siw juixguu. Jex si dag'ee sigsai juixguu ee bedbongg.
Jin' quw ixjingg Okax vorlok ee qowsu, inx itdit byy hxuad hro juixguu qniaa lyc snuakamwkax , juixguu qniaa hiongr giamjiyc, qaur kamwkax jingg dyrr juanxhiongr, m kingw qniaa lyc kir. Knuar kiw laii, qinnii dangtnix inx byy qraur bah ar.
Vorlok mow jit kauxjaur ee jaboxqniaw, u jit zit tauwjaw kir qnrua juiw, junxvi hro cur-lai ee langg iong, duxhyw giac tauu knuar hiongr jiyhviah, dingxbin jerje juixguu, qra inx qongw, “zuqyw linw guanrir qniaa lyc kamwkax, guaw dyrr qer hro linw qidiongx jit xee.”
Hro jitt xee jaboxginxaw jin' iwgua, juixguu kaisiw jongg .lyc .kir cimx knix. Qyckacc hro ix qniax jit diyy :ee, si jit jiah lau juixguu dangqix hiongr ix qniaa .quer .laii, “ hyw ar, jaboxginxaw, lanw likuix jiax hnor!”
”m, guaw byy air.”
“oor! Liw itding rair.” lau juixguu qongw “liw ixqingw singlok ar, gunw juixguu dirr jitt hxang bexbe, junsiuw gunw soxx dap'ingr :ee, liw knuar gunw ee hiongcinx, inx longxx siw ar. Lanw jywhuew laii likuix ar!” crunx ciuw kanx hitt xee jaboxginxaw.(guaw m jaix juixguu anxjnuaw kanciuw.)
Jaboxginxaw cur-lai ee langg kixcngg au, siwjiuuii cue byy langg, dauwdew dirr dyhh neh? Vaxvah siwqer knuar --- liw jaix INDIANS u huatdo ui' kahy(?) knuar cud dongrtair ee vunxlingw --- qongw “ix ham' jit jiah juixguu taux jauw ar, guaw beh kir qra cue dngw laii.”
Cing qniaa lo ee vnedew ree, jah qxiongx/ jnxir, qniaa quer vnengiuu/ qamxqag jin' tiamw, siongrr hyw jre lyc laii hiyhkunr .jit .xe, jiacc huatqag ixqingx qniaa jin' dngg ee jit dnxua lo ar/ dongsii sniu xe jit vo beh anxjuanw caixcuw hingdong. Jitt sii, jit jiah ciokjiauw vuex laii, jex si siongrr kiauw/ kuriuw birdix linglik ee jiauw.
B: U mosut ee digjid.
J: byy cyr! INDIAN mng “ jiacc suiw ee jiauw, gunw jaboxqniaw si m si duer jit jiah juixguu jauw ar? Liw qamxx u knuar .diyc? Qamxx guanrir vangbangg guaw siwqer cue knuar mai lehh, knuar erdangr dirr dua cauxngiuu cue .diyc hnor?
Ciokjiauw qongw “byy cyr! Guaw knuar diyc jit xee qoxjuix ee jaboxginxaw ham' jit jiah dua juixguu dauwdin, dirr taujingg byy zuarr hng ee xui.”
”anne, liw qamxx ersaih kir qra qongw, inx vaxvah dirr jiax, dirr juixguu qunxsngw ee damjuixde danw ix?”
Ciokjiauw vuex kir cue hitt xee jaboxginxaw, ix ham' jit qrunn juixguu jywhuew, hiaxee juixguu decc kunr, jaboxginxaw decc jyr venjid ee qangjog. Jiauw vuex quer kir, qra qongw “linw vaxvah dirr hitt pxenr damjuixde danw liw.”
“ar! Jiax jin' kiongxvor, jin' huihiamw, jiaxee juixguu e taii siw gunw, liw kir qiyr vaxvah danw guaw, guaw e cue siqanx kir ham' vaxvah huerbin.”
Dirr ix vuerau juixguu-angx duxhyw jingsinn, qra tauu-dingw ee guqag vuec jit qix kiw laii, qongw “ liw kir hitt xee damjuixde tec jit quaw juiw hro guaw limx.”
Tec diyc guqag, qinw qniaa quer kir, knuar diyc vaxvah dirr hiax, vaxvah jit ciuw liac ann jaboxginxaw ciuxqoxtauu qongw “ duer guaw laii!”
“bersaih, bersaih tihh, jiax jin' huihiamw, qui' qrunn juixguu dy' e duer guaw ziog laii, guaw rair sniu vanrhuad, jitmaw singx hro guaw dngw kir.”
Ix tec jit quaw juiw, dngw kir qaur juixguu hiax, “mr, guaw pnri diyc jit xee INDIAN ee hueh cyx bi.” juixguu qongw. --- liw jaix, dyrr si jitt lui ee dairjir.
Jaboxginxaw qongw “byy, byy jitt jiongw dairjir.”
“byy cyr! Jinjniar u!” juixguu dua sniax huah jit sniax, soxu ee juixguu dy' jingsinn ar, suar laii inx jywhuew tiauwbuw, jin' ban ee juixguu-buw, tiaur ee sii, juixguu ee buexliux kiaur quann ~, qycc laii, inx tiaur qaur hitt xee lamwde, qra hitt xee kyxlenn ee vaxvah dac siw, itdit dac qaur sitew uanjuann knuar byy hunziah uijiw, virr lrap qaxx cruir ~ ~, knaur byy jit sud aw cuiwpnir, jaboxginxaw itdit hauw, juixguu-angx qongw, liw decc hauw oor.”
”dongzenn ar, ix si guaw ee vaxvah ar.”
”qiwzenn anne, gunw beh anxjnuaw vran? Dirr kamwkax hiaxee dy' si gunw ee qniaxzii, inx kanciuw/ inx ee verbuw --- liw jiacc siw jit xee laurve dyrr hauw qaxx jitt jiongw ngiu.” mrqyxx ix si jit xee jin' juvix ee juixguu, qongw “hyw ar! Liw narr erdangr hro liw ee vaxvah uac quer laii, guaw dyrr vangr liw jauw.”
Jaboxginxaw hiongr hitt jiah ciokjauw qongw “vairtog liw kacc minua .quaw dirr hurqin jinrliong cue cud jit diamw aw vaxvah ee puar qiqud.” Jiauw-aw jin' tniax ue, siongrbuew jah jit siyw pnir lingqud cuiwpnir, jaboxginxaw qongw “anne dyrr u qaur ar!” ix jiong' quttauu he dirr tokax, iong ix ee motanw kamr .kiw .laii, cniur jit siuw hro sixjiaw qyc'uac ee quax, si jit der u uixdai ligliong/ cniurr mohuad ee quax, suar lyc laii motanw xe dyw jit xee javox :ee, ix knuar jit ganw, “byy bunrdee, hex si vaxvah!” mrqyxx iauxx byy kuir, qewsiok cniur quiw jad, javox kia .kiw .laii .ar. Juixguu jin' diyhqniax, qongw “jin' hyw, liw uirhyy byy beh qra gunw sixkir ee juiwguu qiur uac? Gunw qar liw tiaur juixguu-buw, jionglaii linw beh taii siw gunw ee langg, liw dyrr tiaur juixguu-buw, cniur jitt siuw quax, gunw juanvo dy' e uac kiw laii ar.” jex dyrr si qivunw qaiwliam, tauwquer gisid drat qaur ciauuat busiongg ee janbin. Snewmia laijurr jitt xee janbin, qycc dngw kir qaur laii ee soxjai.
B: jit-vah nii jingg, vehlangg laii qaur Vakbixjiux, dosad juixguu jitt jiongw sinsingr dongrbut, hitt sii ee dairjir si jnuaxngiu huatsingx ee?
J: hex si uihuanw singwlew ee hing'uii. Jap-qauw sewqiw jaxqii, GEORGE CATLIN (1796-1872, Bixqog binjoghagqax/ gersudqax) rue jerje Bixqog sevo dua cauxvox, jerje juixguu jingwbingg CATLIN sidai kaksit u cingx-vah Bixjiux juixguu dirr jitt der dua vnengiuu, qycc laii ee vnuawsewqiw, sevo kaitokjiaw jah laii ee dngg cingr, dosad driau jingxqyy juixgujok, vrak gupuee bre, sitew jairr inx nua, jex si setdok/ hinggik tenliw ee hing'uii.
B: inx ee hing'uii qra zinlui duiww juixguu ee cinghox jyr “liw” ---
J: --- ui' “liw” qaiwjyr jriw dongrbut ee “ix”.
B: INDIANS cinghox juixguu sii, si “liw” --- knuar juixguu si jongqingr ee duiwsiong.
J: INDIANS duiww soxu snewmia dy' ixx “liw” cinghox --- vauquad ciu/ jiyhtauu/ muixx jit hxang mic. Liw erdangr iong “liw” qiyr zimrhyy mic, itdanr anne jyr, liw dyrr erdangr qamxqag jurqiw simliw jongrtair ee venwhuar, knuar diyc “liw” ee jurgnow, ham' knuar diyc dongrbut ee “ix” ee jurgnow si byy qang :ee. Jit xee qokqax ham' lingrgue jit xee qokqax siy' taii sii, muitew soxx huan ee cywgno si qiyr duiwdik qokqax ee langg si dongrbut ee “ix”.
DIWHUE/ DIWSIG QAPP DONGRBUT DONGJAI
B: jitt jiongw jinghongw, qamxx m si qangrkuanw huatsingx dirr hun'inx? Marr huatsingx dirr ginxaw srinx-siong?
J: u sii, jiong' “liw” juanxngua jyr jriw dongrbut ee “ix”, dyrr byy hxuad bingvik jex si sniaxmic'ngiu ee quanhe. INDIANS ham' dongrbut jiqanx si vnee jre kia, Bixqoklangg zinrding dongrbut si qe jit dringw ee snewmia hingtair, Singwqingx qra lanw qongw, zinlui si juxlangg. Guaw qongw .quer, duiww paclac binjok, dongrbut dirr jerje hongbin si viw zinlui iusiur, jit xui PAWNEE (Bixqog KANSAS/ NEBRASKA ee INDIANS ) qongw “dirr soxu surbut ee kaisiw, diwhui/ diwsig si ham' dongrbut dongjai. TIRAWA jitt xui tensinn, vingrr byy didjiab ham' zinlui qaudamm, ix pair digding ee dongrbut lyc laii/ taur quer sir qix kax ee dongrbut jiong' jurqiw henwsinx dirr zinlui ee binrjingg, zinlui qaix hiongr dongrbut/ tnicnex/ taiwiongg/ guehniuu hagsip.”
B: anne qongw .laii, ui' jitt dnxua paclac binjok sidai kaixsiw, zinlui qamxsiu diyc sinue siongxsiongrlat ee uilik, marr si surbut ywvir ee dua texgiam.
J: byy cyr! Hex rig cud uixdai gersut congwjy, sinue siongxsiong denxhen cud ee hingsid, hro lanw knuar qaxx c.-cingcyw-c.
B: bagjiux knaur ee si guansiw gersut jokpinw, simdiongx sniu :ee m si gersut vunxsinx, si rue jiaxee doo/ congwjyr jiaxee gersut ee lamluw. Jitt jiongw jinghongw qamxx bad huatsingx dirr liw srinx-siong? Guaw jurqiw bad iycsniu .quer, inx dauwdew si si'angg?
J: jex dyrr si qniaa zip qoxdai dongrhet sii, iydang liw sim'ngiw ee dongrlik, inx congwjy jiaxee hingsiong sii, luersimx decc sniu sniaw? Inx jnuaxngiu vee .zip .kir jitt lairdew? Inx zuhyy knuar diyc mic? Inx ui'id ee qngguann jixsirr jit qix siamxsih iydang ee siyw huexvew.
Quanhe suiw jitt xee bunrdee, --- suiw si kik'ir diausingg? iacc si moxjiongw mic, jurzenn viauxhen cud bixle linghunn? Hiax suiw ee jiauw-aw caxnau sniax si junsimx jyr ee? Ui' dycc jiongw iwgi diauqowir? Qamxx si viauxdat jiauw vunxsinx ziiw? Si jiaw-aw suiw linghunn ee viauxhen? Dirr guaw knuar jiaxee gersut jokpinw sii, ciangjai dyrr e sniu diyc jiaxee bunrdee. Soxui gersudqax ee dongrqix, viauxhen qaur sniaw tingdo, lanw e qongw hex si “bixhak”? Qaur sniaw tingdo, lanw e qongw hex si “u iwhamm :ee”? Qycc si qaur sniaw tingdo, dongrhet gersut jixsirr inx hagsip viauwdat ee duiwsiong?
Jit jiah didux qnrex jin' bixle ee bxang, jitt xee suiw si laijurr didux ee tensingr, hex si jit jiongw vunxlingg ee suiw? Zinlui sing'uac-diongx ee suiw, jerjiyw si iuxquanx zinlui snewmia vunxsinx ee suiw? Qidiongx u zuarr je suiw ee singhun si u iwsig ee? u qewue? Jex si jit xee jin' dua ee bunrdee.
B: liw duiww derr id crur knaur diyc jiaxee dongrhet viac'ue ee inwsiong, iauxx e qir did sniaw?
J: Byy sniu beh likuix hiax. Qniaa zip jit qingx dua ~ ~ ee vangqingx, viacbin rue buanw ~~ caixsig dongrbut, naxx jit qingx dua qauwdngg, hitt lairdew amr mimox ee tingdo si byy hxuad siongxsiong :ee, guanw jah denrhuew, dyriuu u quiw vaiw qra dingx qnuaix driau, guaw m bad qycc u qihue tingkax dirr viw hex kacc amr bongbongx ee vangqingx. Beh anxjnuaw laii hing'iongg? Hitt jiongw jinghongw cniurr ham' guarqair uanjuann dngrjuat, m jaix srinx jairr hycur? Dangx-saix-lamm-vag zimrhyy honghiongr dyrr si itpenr oamr, byy zimrhyy qngngiaw, dirr hitt pxenr m bad qnir quer zidqngx ee oamr-diongx, denrhuew jaiww dxo packuix sii, dirr ganxjingg :ee dyrr si jiaxee caixsig ee dongrbut. Inx cniurr snewmia ee catliau rue dirr sxix-aw dingxbin ee Zidvunw UKIYO-E, qidiongx jit jiah guqangw zi-jap ingcyh dngg, iyx duxhyw rue dirr jiyhviah pog .kiw .laii ee xui. INDIANS rue doo sii, si jiong' jingxtew jionghongw kyxlu jairlai ee.
B: liw qra hex hyrjy “dongrhet biyrdngg”.
J: byy cyr!
B: uirsniaxmic?
J: biyrdngg si simlingg uahdang ee kongqanx/ sewqair. Dng' liw qniaa zip jit qingx qauwdngg sii, liw si jinwzip jit xee ciongbuanw jingsinn ngiaxsiong ee sewqair/ si jingsinn sing'uac ee huatguande --- cniurr qauwhue ee vunxvo (MOTHER CHURCH). Siwjiuuii sox u guarquanx hingtair decc viauxsi jingsinn qewdat ee iwgi.
Dirr jit qingx qauwdngg-lai, diausiong si kuriuw sinn-langg qang hxingg ee guarmau. Siongrder/ Iasox/ singwdoo dy' si itvnualangg ee guarhingg. Dirr INDIANS ee dongrhet, soxu hingsiong ixx dongrbut guarhingg cuthen, danrsi si qang jit hxang dairjir. Guarjai hingsiong si cuwiaur :ee, soxx tuandat ee sinwsid jiacc diongriaur.
B: jiaxee laijurr dongrhet ee sinwsid neh? Inx qamxx diongriaur?
J: dongrhet viac'ue tuann cud ee sinwsid, viauxhen dew ~ zinsingx siongduir ingxuanw ligliong ee quanhe/ diyh'air dirr hitt xee digding derdiamw jiacc qinglik e diyc.
B: hiaxee dongrhet guanlaii si sniaw iongrdoo?
J: hagjiaw iycsniu jiaxee dongrhet ham' javoginxaw qazip paclac hingdong ee zibhue gisid iuxquanx, javox m na rair yc zuhyy paclac/ marr diyh'air jaix zuhyy jundiong dongrbut/ qaix uansingg sniaw gisid/ zuhyy dirr sing'uac-diongx byy qycc ginxaxsingr/ viauxhen cud singlenn lamjuw ee hing'uii. Liw rair liauxqaiw, jiaxee paclac si huisiong huihiamw :ee. Jiaxee dongrhet si javoginxaw singlenlew ee singwden/ javoginxaw byy qycc si maxmah ee qniaw/ jniajyr vaxvah ee qniaxzii.
B: zuqyw guaw sewhanr sii kir camqax qidiongx jit xee zibhue ee gisid, guaw rair qinglik sniaw?
JAVOGINXAW BYY QYCC DNGW KIR MAXMAH HIAX
J: Byy langg jaix INDIANS dirr dongrhet lai jyr liauw sniaw? Qandna' jaix Ywjiux guanjurbinn ee jinghongw. Dng' sewhanr javoginxaw dua qaur u damrvyc pnaiw quanxqar ee nihuer sii, dyrr e u quiw xee javolangg cue jit xee hyw zidjiw laii qaur javoginxaw ee daux/ inx juansinx ciah tecteh, iong jurqiw ee hueh liamm quaw vehjiauw nngxmox dirr srinx-siong/ ciuw buxlang BULL-ROARER (jit jiongw jongqaur gisid iongrpinw, vak syh/ dngxsec sii e u qiywsniax), dairviauw jinglingg ee sniax/ inx si ixx sinlingg ee sinhun laii ee.
Javoginxaw e hiongrr maxmah cue amngaa/ maxmah marr e qew vyxho ginxaw. Mrqyxx jiaxee javolangg didjiab dyrr qra cua jauw, cuxau, maxmah byy u loriong ar. Javoginxaw bersaih dngw laii maxmah jiax, ix jinwzip zinsingx lingrgua jit qaidnua/ virr cua qaur lamzinn ee singwde/ dirr hiax rair qinglik sna' lensuar tongwkow ee qinggiam, quah vaupuee/ singlenlew (SUBINCISION)/ limx langhueh ... dringw. Haidongg sidai jiac maxmah ee lingx, jitmaw rair limx javolangg ee hueh. Inx juanw jyr javox ar. Dirr jex itcer jinwhingg-diongx, knuar diyc laijurr uixdai sinue siongser jinghingg ee jewding/ did diyc vorlok sinue ee jixinw. Singlenlew qetsog au, javoginxaw virr cua dngw laii jngsia, jionglaii beh qer inx ee jaboxginxaw marr ixqingx suanxding ar, javoginxaw si ixx javolangg ee sinhun dngw laii jngtauu.
Ixqingx likuix haidongg sidai/ henwcud guanlaii ee sinkux. Jiphingg quer quaclew/ singlenlew, soxx iongxiuw ee sinkux si javolangg :ee, jinwhingg quer anne jit dniuu ee “viauxenw” au, jin' byy kyxlingg qycc liux dngw kir haidongg ar.
B: byy qycc dngw kir maxmah hiax ar.
J: byy kyxlingg ar, dirr henrdai sing'uac-diongx, ixqingx byy jitt lui dairjir ar. Dendyww si u langg qaur sir-jap-go huer qycc rair hogjiongg vaxvah, suacc hro ix rair kir cue simliw isux ,dairter ix uansingg duarhanr singlenlangg ee qangjog.
B: ersaih kir knuar denrngiaw.
VANGPAIR EE CUTHEN --- JIXHYW CONGWJY JURQIW EE GISID
J:dirr hanrdai siarhue, beh cue jit xee jaiww dxo henxhen sinue ee mic, dyrr si denrngiaw lor! Jixsirr jewjy denrngiaw ee quewdingg, byy qazip guansiw vorlok gisid sukyw quewdingg.
B: denrngiaw si byy jitt jiongw sukyw quewdingg. In'ui dairvorhun singlenlew gisid dy' siausid ar, ngiawjiyr dirr ginbo-dingw ee si jit xee siongxsiong siarhue, suibongw byy uanbiw, marr teqiongx qongw qowsu ee qonglingg?
J: jex si byy cyr! Siaw denrngiaw qowsu ee langg, vingrr byy iwsig diyc inx ee siarhue jikzim, jex si henrdairlangg ee vuthing. Jiaxee qowsu congwjy snewmia marr huixbet snewmia. Danrsi denrngiaw qra itcer qanxhuar, jixsirr uirr tanr jnii. Jit xee sinjid zinguann jiphingg jit hxang gisid soxx duawiuw ee jikzimrqamw, ixqingxx byy junjai dirr jitmaw ee sewqair, jex si dongdai bunrdee.
B: dnaxx ixqingx byy zimrhyy jitt lui ee gisid?
J: guaw sniu byy ar, siauwlenlangg jixu kir congwjy inx jurqiw ee gisid, jiacc cuthen vangpair, hiaxee dy' si jit jiongw jurgnow setqer ee singlenlew.
B: Anne qongw .laii, sinue didjiab ham' denxlew/ vorlok gisid sanxsingx kanlenn, kiamr sinue dairviauw gisid marr siausid.
J: Gisid si sinue ee sidjer viauxhen. Camqax jit dniuu gisid, dyrr cniurr cam'uw jit xee sinue.
B: Dnaxx sinue siausid, duiww siarhue-diongx ee siauwlenn javox dairviauw sniaw?
J: Qensinwlew (CONFIRMATION) si jiaxee gisid ee henrdairvanw. Jyr jit xee Tenjuxqauwdoo, jit xee javoginxaw erdangr suanw jurqiw ee qauwmiaa (CONFIRMED NAME), dyrr si virr qensinr ee miahy. Dirr gisid jinwhingg quewdingg-diongx, benw hongrhenr jurqiw, cuiwkiw marr be virr pah dng, qitnax gisid longxx cuxsiaux ar. Qucc u ee si, juxqaur e qra liw ciyr .jit .xe, bongx .jit .xe liw ee cuiwpew, gisid dyrr qetsog ar. Qoxdai gisid ixqingx qanxhuar cunx anne narnia, dirr liw srinx-siong, byy zimrhyy dairjir e huatsingx. Iutaiwvanw ee qensinwlew hyrjyr BAR MITZVAH (javoginxaw jap-zi huer ee singlenlew). Si m si jinjniar cioksingg jit xee langg simliw ee juanxhuar, guaw iyh, rair knuar qywzinn jinghongw. Qoxdai uanjuann byy bunrdee ee, hitt sii, jit xee javoginxaw qniaa zip qauwdngg jaiww cud laii sii, dyrr si jit xee lamzinn ar, ix marr jinjniar qingquer jit quaw quewdingg.
B: luxsingr ee vorhun neh? Dongrhet biyrdngg rue ee dairvorhun si lamsingr, hex qamxx si moxjiongw lamsingr viwbit qetsia?
J: m si viwbit qetsia. Si jit xee javoginxaw diyh'air texgiam ee quewdingg, huatsingx dirr luxsingr srinx-siong ee jinghongw byy hxuad kaksit jaix, erdangr teqiongx jusinr ee jingwqir sniu' jiyw. Dnaxx juxiaur bunhuar-diongx, luxsingr derr id vaiw guehsinr laii sii, dyrr jniajyr luxzinn, jex si dairjurzenn dirr luxsingr srinx-siong jok'iong, incuw inx ixqingx qingquer juanxhingg. Sniaw si inx ee singlenlew? Jixiaur siongrdingsingr dirr jit qingx siyw cur jre quiw zit, dyrr bingvik jurqiw venwsingg luxzinn ar.
B: zuhyy jinwhingg?
J: jre dirr hiax, dyrr ixqingx si luxzinn ar, mrqyxx sniaw si luxzinn? Luxzinn si snewmia vunxsinx viauxhen hingsid. Snewmia ixqingx cimzip inx tew-lai, luxzinn si snewmia ee juanngiu --- luxzinn jiong' snewmia cua laii jitt xee sewqair, vueiok snewmia, ham' dairde luxsinn ee lat si qang ee, duiww jurqiw jitt diamw linglik, rair iuxsow texzin. Javox byy jit lui ee sintew venwhuar, diyh'air virr vig juanxvenr jyr jit xee javolangg, jurguan hogsai mow xee viw ix kacc dua ee surbut.
B: jiurr guaw soxx jaix, jex si sinue siongxsiongrlat kaisiw huathuix jok'iong ee derdiamw.
J: byy cyr!
B: hitt xee siqii ee diongrdua juxdee si sniaw? Qamxx si sixbongg?
J: sixbongg ee ywvir si qidiongx ji' id/ erdangr qaixdab vorhun iuxquanx snewmia ywvir ee bunrdee. Snewmia/ sixbongg si qang jit xee sinvir juxdee ee nng xee byy qang janbin. Lingrgua jit xee tyxlun ee juxdee, si sixbongg jitt xee bxi ham' dongrbut sewqair ee quanhe. Dongrbut sewqair si sixbongg qyc'uac ee sewqair.
Qycc laii si cruw diyc jiahmic ee dongrqix. Luxsingr/ guarjai dairjurzenn ee quanhe dyrr junjai dirr jitt xee dongrqix-lai. Suar laii lanw beh kyxlu ginxaw zuhyy juanxhuar duarlangg ee bunrdee/ si zinlui gisid sing'uac ee qivunw quanhuaii. Henrdai siarhue junjai jitt xee bunrdee/ ginxaw jixsirr viauxhen laijurr dairjurzenn ee tenjinx busiaa ciongdong, rair kaix dua kuiwlat jiacc erdangr jiong' jin' pnaiw ioksog ee ginxaw venwsingg siarhue jit hunrjuw. Siarhue byy hxuad zimxsiu zimrhyy byy junsiuw quijig ee langg/ byy jicii inx/ qycc e huiw driau inx.
B: in'ui inx uihiap jingxqyy siarhue ee qenrkongx?
J: jex, dongzenn lor! Inx cniurr e jiong' sinkux pywhai ee gamm. Jiaxee vorlok jogqunn itdit sing'uac dirr singjunn ee vnix ~ ~.
B: duliauw singjunn dirr guaruii ji' gua, inx marr kaisiw tamwcue qivunw bunrdee.
J: byy cyr! Danrsi inx binrduir sixbongg ee taiwdo ham' lanw juanzenn byy qang. Inx si jin' zinrjinx knuawtai ciauuat ee sewqair.
B: qoxdai vorlok gisid lingrgua jit xee diongriaur qonglingg, si ciokjinr qywzinn jniajyr vorlok ee jit hunrjuw/ siarkux ee singguann/ siarhue ee jit vorhun. Mrqyxx sehongx bunbingg ee ligsuw, jiong' qywzinn jurr siarhue hunlii ee jinghongw itdit decc kokdua, “guaw” derr id, qywzinn iusenx.
J: guaw byy zinruii jitt diamw itdit si sehongx bunbingg ee digsig, jitt jiongw hunlii vutjixsirr hunlii jit xee singbut ee qywtew. Itdit qaur juewqin, sehongx bunbingg ithiongr jurr qitnax bunhuar inxjinr jingsinn janbin ee sowjaii. Zuqyw u qihue knuar quewkir Bixqog jongxtongw jiurjid denxlew ee sinbunn ngiaxpnir, liw erdangr knuar diyc Bixqog jongxtongw si dir jit dingw quann ~ ee lexby, itdit qaur WILSON jongxtongw sidai, iuguann dir hitt dingw quann by. Bixqog jongxtongw vingsii byy dir quann lexby, narr ixx jongxtongw sinhun cuthen sii, ix ee dnaxvan rair juwir puewhap jitt xee qaksig gisid janbin ee insor. Jitmaw Bixqog jongxtongw e dirr pah liauw GOLF au, jiacc ban ~ aw qniaa .zip .laii, hro juann cuwqingx ee langg danw ix jit langg, jre lyc laii qycc qandna' e ham' liw dramm, qaix vutqaix suxiong guanjuxdnuaa ... dringw byliauu ee uerdee. Jex si ham' jaxjingg uanjuann byy qang ee hongqeh.
Gisid itdit decc qanxhuar. Dirr ROME Tenjuxqauwhue, simrjiww guanlaii laijurr gisid gixgenn ee MASS jitt xee zri, dy' virr qaiwjyr ham' jairde qycc u quanhe ee zirganw. Ladinggiw MASS jitt xee zri ee iwsur, si jiong' liw danr cud qadingg sing'uac. Singwdnuaa ingwqaix juanxsec quer laii, lanw si knuar diyc sinhu ee kajiah, lanw jiacc erdangr duer ix viauxdat jurqiw. Mrqyxx jitmaw ee singwdnuaa si sec dngw laii binrduir lanw, hro singwdnuaa knuar kiw laii cniurr JUILA CHILD (Bixqog u miaa juxjiac juanqax) decc sirhuan zuhyy juxjiac, jin' qadinghuar/ cinqin kyxair.
B: jiaxee sinhu qycc e dnuaa GUITAR?
J: inx dnuaa GUITAR, be qir did gisid qonglingg si rair qra jurqiw danr cud kir, m si vauuii dirr sing'uac ee soxjai.
B: hunlew ee gisid marr si jiong' jurqiw danr cud kir hro lingrgua jit xee langg.
J: kaksit si anne. Kyxsiyh :ee, si quewkir bad tuansangr luerjai henrsit ee gisid, jitmaw cunx kangkag hingsid. Jitt jiongw jinghingg huatsingx dirr siarhue gisid, marr huatsingx dirr qywzinn ee qethunx gisid.
B: guaw jitmaw erdangr bingvik uirsniaxmic duiww jerje langg laii qongw, jongqaur dirr mow jancur ixqingx byy loriong ar.
LANW TAIWW JE GISID SIAUSID AR!
J: Qonw diyc gisid, rair erdangr itdit liutuann lyc kir. Lanw u taiww je sing'uac gisid siausid ar. Genxqiur jiaxee guansiw/ qivunw ee bunhuar si qik cuwbi :ee. Liw e jaix inx zuhyy jiong' binsiok qowsu/ sinue, suisii duer diyc byy qang kuanqingw laii diaujingw. Qongw jit xee le, guanlaii ixx cauxbok juxiaur ee binjok, likuix guanlaii sing'uac kuanqingw qaur dua vnengiuu, guanlaii ee sinue dyrr byy sik'iong ar. Cniurr Bixjiux dua cauxvox ixx kiaa bew/ paclac hongsid ee INDIANS, quewkir si laijurr MISSISSIPPI/ Inx druar dirr hyhnua vnix ee siyw dinr/ ixx longgiap jyr qicow ee cuansia. Aurlaii in'ui ham' SPANISH qaungua bexpid (bexjiah), hro inx erdangr hiongr gua, qaur dua cauxvox tamwhiamw, qycc kir liac juixquu, DAKOTA/ PAWNEE/ KIOWA ee INDIANS, guansiw sidbut sinue dirr jitt xee siqiii juanxhingg jyr juixguu bunhuar. Qitnax jit quaw INDIANS ee sinue, dy' erdangr duiziog cud jaxqii iuxquanx cauxbok jyr qiqud ee sinue hunziah.
B: liw si qongw kuanqingw sokjy sinue.
J: liw rair jaix, langg si e duiww kuanqingw iuxsow huanxingr ee. Mrqyxx jitmaw sehongx tuantongw byy anne ar. Ui' seguann jingg jit-cingx nii kaisiw, jitt jiongw tuantongw laijurr vadd xui, cuxau dyrr byy qycc siauhuar kipsiux dongdai bunhuar digjid, kyxlingg cuthen sinx surbut/ duiww uxdiu ee sinx quandiamw.
Sinue rair virr vyxliuu lyc laii/ erdangr qra sinue liujunn ee langg, diyh'air si moxjiongw gersudqax/ inx ee qonglingg si jiong' jitt xee kuanqingw qapp sewqair ixx sinue hongsid viauxdat cud laii.
B: liw ee iwsur si qongw, gersudqax si jewjy dongdai sinue ee langg.
J: qoxdai jewjy sinue ee langg, dnaxx siongdongx gersudqax.
B: gersudqax dirr viah-dingw uerdoo, inx enxcud gisid.
J: byy cyr! Dirr Dikqog u jit xee qoxlyw longrban ee qaiwliam, binsiok siquax (DAS VOLK DICHTET). Iwsur si tuantongw bunhuar ee qaiwliam/ sipenx laijurr binqanx. Sidjer m si, si jit jiongw jing'ingx qiamgiam/ qiwlok jit qrunn u digvet tenhuwjiaw ee qinggiam/ jiaxee langg tniax diyc uxdiu ee quax/ iong dairjiongr gixgenn qongxue/ dairjiongr ee huanxingr marr erdangr virr inx jiapsiu/ hingsingg binsiok tuantongw guancox dongrlat, juadduir si laijurr dingxjann, m si erjann.
B: dirr liw soxx qongw diyc jaxqii qicow bunhuar, dycc quaw langg siongdongx lanw jitmaw ee sizinn?
J: hiaxee dangqix/ ang'ii ar, jiaxee langg dirr inx donglenn huac zip cingsiauwlenn jaxqii, qinglik diyc byy der viw ee simlingg qinggiam, hro inx juanxhiongr luerjai simlingg sewqair. Jex si jit jiongw jingsinn-siong ee tudpuar, jingxqyy amwiwsig juanvo packuix, dangqix/ ang'ii suacc jit tauu jraix lyc kir. Jitt lui qinggiam ee qiwjair, SIBERIA/ Bixqog/ TIERRA DEL FUEGO (dirr ARGENTINA) longxx u.
B: simlingg hixqongg marr si qidiongx ji' id.
J: si lar!
B: BUSHMEN ee zibsinn-bruw (TRANCE DANCE) dyrr si jit xee le.
LUXZINN SI SNEWMIA VUNXSINX, LAMZINN SI SNEWMIA EE LYVOK
J: u jit xee jin' qibiau ee le, BUSHMEN druar dirr suabok, zidjiw huisiongg qanlann, sing'uac aplik jin' dua, lxamm-luw jin' u quihuan virr vunkuix. Jixu tiauwbuw sii jiacc e jywhuew, inx ee hongsid si anne: jabow uii jyr jit lenr jre lehh/ iacc si jre jyr jit dxuix, pah jurqiw ee duartuiw/ liamrquax, javox ixx jabow jyr diongsimx uii jyr ngiko'aw, dac diyc jabow pah cud ee jetjaur, uii dirr inx guaruii tiauwbuw. Jabow iong quasniax/ duartuiw jyr pikvanw, kongwjer muixx jit xee vorsor ee imgak/ tiauwbuw ee javox.
B: luxsingr kongwjer tiauwbuw ee iwgi si sniaw?
J: luxzinn si snewmia vunxsinx, javox si snewmia ee lole, hex si qivunw qaiwliam. Sec koko'aw ee quewdingg jinwhingg qui' mee, qidiongx jit xee javox e hionghiongg hrun .dyw, jex si lanw soxui sinlingg hursinx ee qinggiam/ virr hing'iongg jit dy qngx/ luii/ sicnar, tudzenn tuann quer tuixtauqud, itdit qaur liongqud, jinwzip nauw-lai.
B: jex si liw dirr duwjog <Dongrbut Snewmiarlat ji' Dy > soxx biysiaw ee.
J: “dng' langg cniuwquax sii, guaw tiauwbuw. Guaw jinwzip dairjurzenn, qniaa zip jit xee soxjai, si dag'ee limx juiw ee xui. Guaw qniaa jin' dngg ee jit dnxua lo, jin' hng ee jit dnxua lo” jitt sii, ix ixqingx jinwzip ar. Ixsiong si jitt jiongw qinggiam ee biysut.
“dng' guaw vu cud laii sii, guaw ixqingx decc vee ar, en' snuar vee, jiaxee snuar jairr lamhongx, guaw vee quer jit diauu snuar, zenau likuix, qycjaiww vee quer jit diauu, zenau likuix, jaiww vee quer jit diauu ... juewau laii qaur sinn ee soxjai, jurqiw venr qaxx jin' ser, qycc venr qaxx kacc ser, laii qaur sinn ee soxjai venr qaxx jit diamw aw dy' byy dangrliong ar. Dirr hiax jyr qaix jyr ee dairjir, zenau dngw laii qaur jiongww langg ee soxjai, jiong' bin cangr .kiw .laii, knuar be diyc zimrhyy mic. Liw cud laii, jaiww cud laii, juewau jaiww dxo jinwzip liw jurqiw ee sintew, soxu dirr liw aurbin ee langg dy' danw liw --- inx qniax liw. Liw jinwzip, jinwzip dairjurzenn-diongx. Zenau dngw laii, jinwzip liw ee sinkux ... liw qongw, hi hi hi! hex si liw huee qaur jurqiw sintew ee sniax. Qycc laii liw cniuwquax. NTUM dairsux dirr hurqin.”
NTUM si ciaujurzenn ee lat.
“inx tec laii vehhunw qycc hiu hiu hiu, duiww liw ee bin vunn. Inx huu liw ee tauu, duiww liw bin ee nng vingg vunn. Anne, liw jiacc e uac .kiw .laii. Ving'iuw, zuqyw inx byy duiww liw anne, liw e siw ... liw duxx siw .quer, jinjniar siw .kir, ving'iuw, jitt xee NTUM si guaw jyr ee, si guaw bruw ee.”
Tnix ar! Jitt xee langg qinglik liauw lingrgua jit xee lingxhik ee iwsig jongrtair. Jitt jiongw qinggiam hyxciucniu vuex quer tnix!
B: Jniajyr dangqix ar.
J: BUSHMEN ee bunhuar byy dangqix, ix zibsinn ar! Venwsingg zibsinn buxjiaw, soxu ee langg dy' u qinggiam jitt xee hixqongg jongrtair ee amwlik.
B: lanw bunhuar byy luirsu anne ee qinggiam. Guaw si sniu diyc Bixqog lamhongx bunhuar ee jaiwsingx qinggiam.
J: itding u. jex si jit jiongw ui' derqiuu juanxhuar qaur sinue iwsiong/ sinn/ dairjurzenn ligliong hudsimx ee sidjer qinggiam. Guaw duiww Qidokqaur jaiwsingx qinggiam byy cingcyw. Guaw sniu diongsewqiw bangrsiongxqax ee qinggiam si ham' jex luirsu. Hiaxee langg cinbak knuar diyc siongrder, qycc dngw laii tuansuad soxx qinglik quewdingg ee qowsu.
B: qinggiam diyc buhan hixlok ee qamxqag, qamxx m si?
J: tniax qongxx jongxsi jitt jiongw qamxsiu.
B: liw qamx bad cinbak knuar quer jitt jiongw gisid? Knuar quer jitt lui dairjir huatsingx? Liw qamxx jaix jitt jiongw qik hixlok ee qinggiam? Qamxx bad texgiam .quer?
J: guaw byy qinglik .quer. Guaw siy' bad ee ving'iuw ciangjai kir HAITI, cinsinx camqax dongde tiauwdangg gisid, jinjniar e virr hursinx, qycc e tiauwbuw, jitt jiongw bruw e ciwqig sanxsingx hixqongg qamxqag. U jit jiongw qyxlyw ee qongxhuad, jenwjingx-diongx ee langg, e venr qaxx siauxluan, marr qongw diyc beh siy' taii jingg jit amr, survingx ee qamxsiu. Jokjenr ee survingx marr si dirr jit jiongw damluanrsiauw ee jongrtair --- denqongg.
B: jex si langg erdangr qinggiam diyc amwiwsig ui'id honghuad?
J: m si, qitnax hongsid hro jurlaii byy jitt jiongw qamxqag ee langg, sanxsingx tudpuawqamw, “vongg” jit sniax, dyrr anne huatsingx ar.
B: jitt jiongw simliw qinggiam, gonggiac/ hixqongg qinggiam ee langg, jiong' e jniajyr digvet qonglingg qinggiam ee qaixsuecjiaw.
J: si tuandat sinue sing'uac ee dinquir uisanw, byy cyr, liw ersaih anne qongw.
B: si sniawc lat qra ix cua zip hitt jiongw qinggiam?
BLACK ELK EE QINGGIAM
J: jiurr guaw soxx jaix, BLACK ELK ee qinggiam, kyxlingg si huedab jitt xee bunrdee siongrr hyw ee dab.
BLACK ELK si SIOUX (Vakbixjiux INDIANS, draur dirr Bixqog sevo) jit xee qauw huer javox ginxaw, SIOUX si Bixjiux dua vnengiuu jit xee uixdai binjok. Jitt hxang su huatsingx dirr Bixqog kiaa bew vxingx/ SIOUX jingwsid ciongtut jingg. Javoginxaw puawvne ar, si simliw ee vne, jit xee denxhingg dangqix ee qowsu, jitt xee javoginxaw kaisiw cuah, qycc laii dyrr byy qycc dinxdang ar. Cur-lai ee langg jin' diyhqib, cniaw jit xui dangqix laii/ ix jurqiw sewhanr sii marr qinglik quer anne. Dangqix vnuaenw ee qaksig si simliw isux, beh jiong' javoginxaw ui' jitt jiongw hunrluan ee jingsinn jongrtair giuw cud laii/ mrqyxx jitt vaiw, vingrr byy qra ginxaw ui' sinn ee ciuw-lai tiutuad cud laii. Dendyww jo ginxaw ham' sinn qamxingr. Ui' simliw hunsig ee qakdo laii knuar, jex si byy qang ee bunrdee. Guaw e qir did NIETZSCHE qongw “qnuaw qxuiw sii, dongsii marr qra siongrr hyw ee mic danr driau.” BLACK ELK jiapciog diyc sinn --- lanw jiamrsii cingho si moxjiongw ligliong --- virr vyxliuu lyc laii. Inx horsiong ihe diauu quanhe, byy virr cetdng. U jitt jiongw qinggiam ee langg, dy' jniajyr inx dongvaux ee jingsinn dyrsux/ hiabjorjiaw.
Huatsingx dirr BLACK ELK srinx-siong ee qinggiam si, ix knuar diyc decbecc huatsingx dirr inx jogzinn kyxpnar surqor. Ix qra irsenx knuar .diyc ee qingxsiong hyrjyr binjok ee “kox (THE HOOP)”. Inx binjok ee “kox” dirr jerje kox ee dionghngx. Jex dauwdew dairviauw sniaw iwgi? Dnaxx lanw iuguann byy uanjuann bingvik. Ix knuar diyc soxu ee kox horsiong hiabjo. Soxu ee binjok vailet jyr jit xee jin' dua ee duirgnow. Kacc diongriaur :ee si, dirr jitt xee iwsiong-diongx, ix qinglik jit xee ciongbuanw jurqiw bunhuar siongrdingx ee lingxhik, qycc siauhuar kipsiux jiaxee iwgi/ ix qongw jit qxur uixdai ee ue, duiww guaw laii qongw jex si liauxqaiw sinue/ siongrdingsingr huhy ee quanqenr. BLACK ELK qongw “guaw knuar diyc guaw jurqiw dirr sewqair ee diong'iongsnuamec, jit xee juann sewqair siongrr quann ee soxjai. Guaw erdangr knuar diyc jitt sewqair ee qingxsiong, in'ui guaw si ixx sinsingr ee sewqair ganxqongx laii knuawtai ix.” jitt xee sinsingr ee diong'iongsnuamec si HARNEY PEAK, SOUTH DAKOTA, suar laii qycc qongw, “jitt xee diong'iongsnuamec busow-vutjai.”
SINUE QINGGIAM
Jitt qxur ue henxsi ix jinjniar liauxqaiw sinue, qycc kuhunx cud dongde duiww HARNEY PEAK ee gnoxsiong jongvair, qra HARNEY PEAK knuawjyr sewqair diongsimx unxbih iwgi. Sewqair diongsimx si derqiuu ee hudsimx/ diong'iongdiamw/ si itcer dngxsec ee ak. Sewqair diongsimx si dongrjing jibdiongx ee diamw, drang si siqanx, jing si ingxuanw, iwsig diyc liw snewmia-diongx ee penwkig, qisit si ingxuanw ee jit xee penwduan, qinggiam junjai dirr jit bak nih quw ee ingxuanw jidbin, si sinue qinggiam.
Sewqair ee diong'iongsnuamec si dirr JERUSALEM? ROMA? BENARES? LHASA? MEXICO ci?
J: jex k.-kaksit-s. si ix beh qongw :ee.
B: ix qongw siongrder si byy sriu venqair hanrjer?
J: dethagqax dinghok qaixsueh duiww siongrder ee dingrgi, inx zinruii siongrder si jit xee erdangr virr lixqaiw ee lingxhik, si simx, m si qamxquanx soxx bad ee lingxhik, arr si cuwcur si diongsimx, qycc byy venqair. Jitt xee diongsimx duxx si BILL liw jitmaw jre ee soxjai, lingrgua jit xee diongsimx si guaw jre ee soxjai, lanw nng xee dy' si jitt xee uxdiu ywvir ee henrsiong. Jex si jit xee jin' hyw ee sinue lixqaiw/ hro liw jaix jurqiw si si'angw/ si sniaw qamxsiu.
B: si jit jiongw amwviw/ jit jiongw jinsit ee iwsiong lor.
J: byy cyr! Zuqyw liw byy hxuad liauxqaiw dirr liw binrjingg jitt xee langg srinx-siong marr u jit xee diongsimx, liw jixu jit jiongw cocenw ee qywzinn juxgi. Jex si sinue hongsid soxx qinggiam .diyc ee qywzinn. Liw dyrr si hitt jxy diong'iongsnuamec/ hitt jxy busow-vutjai ee diong'iongsnuamec.