Josua

1 Jehovah ee lovok Moses siw liauxau, Jehovah huanhur Nun ee qniaw Josua, dyrr si qinsuii Moses :ee, qongw,

2 "Guaw ee lovok Moses siw lar. Dnaxx liw diyhh kiw .laii, qapp jiongww vecsnir quer jitt xee Jordan, kir Guaw soxx sniuxsur Islaellangg ee de.

3 Qniwnarr linw ee kajniuw soxx dac ee de, Guaw longxx sniuxsur linw, jiauww Guaw duiww Moses soxx qongw :ee;

4 Dui' kongwiaw qaur duarhyy, dyrr si Viklat Hyy, Hitlangg ee juann de, qycc qaur duarhaiw, ngr zit lyc ee soxjai, longxx beh juer linw ee qingxqair.

5 Liw jit siwlangg dikkag byy jit langg e kia diauu dirr liw ee binrjingg. Guaw jnaixngiu qapp Moses dilehh, iarr beh anxnix qapp liw dilehh. Guaw dikkag byy lirkuix liw, iarr byy vangwsag liw.

6 Liw diyhh iongxqamw jongwdnaw, in'ui liw beh hro jitt xee vecsnir did diyc hitt xee de juer giap, dyrr si Guaw duiww inx ee ledjow soxx jiuwjua beh hro inx :ee.

7 Dogdok liw diyhh iongxqamw dua dua jongwdnaw, jipsiuw Guaw ee lovok Moses soxx bingrling liw itcer ee ludhuad laii qniaa; m tangx lirkuix laii penx jyw penx iu, hro liw bylun dyclyc kir, longxx did diyc hingtongx.

8 Jitt xee ludhuad ee ceh m tangx lirkuix liw ee cuir, dikkag diyhh mizit sniu ix, hro liw jipsiuw laii qniaa jitt xee ceh-lai soxx qiwjair itcer ee ue; anxnix dyrr e hro liw ee lo vnitnaw, liw iarr did diyc dua hingtongx.

9 Guaw qamxx byy bingrling liw mah? Liw diyhh iongxqamw jongwdnaw, byc did qniax, iarr byc did lunw; in'ui liw bylun dyclyc kir, Jehovah, liw ee Siongrder qapp liw dilehh."

10 Dui' anxnix Josua bingrling vecsnir ee qnuadniuw qongxx,

11 "Linw diyhh venww qniaa ngiaa-diongx, bingrling vecsnir, qongw, 'Linw diyhh virvan jiahmic, in'ui snax zit lai, linw beh quer jitt xee Jordan, zip kir did diyc Jehovah, linw ee Siongrder soxx beh hro linw did .diyc ee de.'"

12 Josua huanhur Rleubenlangg, Gadlangg, qapp Manasseh vnuar jipair, qongw,

13 "Linw diyhh qir did Jehovah ee lovok, Moses soxx bingrling linw ee ue, qongw, 'Jehovah, linw ee Siongrder ixqing’ hro linw ving'anx, iarr beh jiong' jitt xee de sniuxsur linw.'

14 Linw ee bow, linw ee ginxaw, linw ee jingsnix, longxx diyhh druar dirr Jordan jitt vingg, Moses soxx hro linw ee de. Dogdok linw diongqanx itcer dua kuiwlat ee iongxsu, longxx diyhh duar qunkir, dirr linw hniadi ee taujingg quer .kir, vangjan inx;

15 Qaur Jehovah hro linw ee hniadi did diyc ving'anx, cincniu linw jidngiu, qaur inx iarr did diyc Jehovah, linw ee Siongrder soxx sniuxsur inx ee de, hitt sii linw jiacc tangx dyr kir linw soxx did .diyc ee de, singjiab ix laii juer giap, dyrr si Jehovah ee lovok, Moses dirr Jordan jitt vingg, ngr zit cud ee soxjai, soxx hro linw :ee."

16 Inx rinr Josua qongxx, "Qniww liw soxx bingrling guanw :ee, guanw beh qniaa; liw soxx crex guanw :ee, guanw longxx beh kir.

17 Guanw jingg dirr itcer ee su jnaixngiu tniatanr Moses, dnaxx iarr beh anxnix tniatanr liw. Dogdok guan Jehovah, liw ee Siongrder qapp liw dilehh, cincniu Ix jingg qapp Moses dilehh jidngiu.

18 Bylun simxmih langg uivue liw ee bingrling, m tniax liw ee ue, jiauww liw itcer soxx bingrling :ee, dyrr beh hro ix siw; dogdok liw diyhh iongxqamw jongwdnaw."

2 Nun ee qniaw Josua dui' Sitim amwjni crex nng langg juer jingtamr, huanhur inx qongxx, "Linw kir knuar hitt xee de, qapp Jeliqo." Inx dyrr kir, qaur jit xee ciongqix Rlahab ee cur, dyrr hiyh dirr hiax.

2 U langg vyr Jeliqo Ongg qongxx, "Knuar ar, ing'amr u Islaellangg laii jiax taux knuar jitt xee de."

3 Jeliqo Ongg crex langg kir Rlahab hiax, qongw, "Hiaxee laii liw jiax, zip liw ee cur ee langg, liw diyhh cua inx cud .laii; in'ui inx laii, si beh taux knuar jitt xee juann de."

4 Hurzinlangg jiong' hitt nng langg kngwbat, dyrr rinr qongxx, "Jinjniar u langg laii guaw jiax. Danrsi inx dui' dyclyc laii, guaw m jaix.

5 Zit amr, beh qnuaix sniamngg ee sii, hiaxee langg cud .kir. Inx kir dyclyc guaw m jaix. Linw qinw qinw kir zib, dyrr e zib .diyc."

6 (Jongwsirr hurzinlangg ixqing’ cua inx jnriu cur-dingw, jiong' soxx vaii dirr cur-dingw ee muaqyw laii kamr inx.)

7 Hiaxee langg dyrr anww Jordan hitt diauu lo zib ix, qaur lortauu; zib inx ee langg jid'err cud .kir, sniamngg dyrr qnuaix.

8 Nng langg iauxx bue kir kunr, hurzinlangg dyrr jnriu cur-dingw qaur inx hiax, duiww inx qongw,

9 "Guaw jaix Jehovah ixqing’ jiong' jitt xee de sniuxsur linw, qycc in'ui linw ee enqor, jitt soxjai itcer kiarkiw ee vecsnir, dirr linw ee binrjingg longxx sitdnaw.

10 In'ui guanw u tniax qnir linw cud Egipt ee sii, Jehovah jnaixngiu dirr linw ee taujingg hro Angg Haiw ee juiw dax .kir; qycc linw jnaixngiu kuanxtai Jordan hitt vingg nng xee Amoli Ongg, Sihon qapp Og, dyrr si linw soxx huixbet :ee.

11 Guanw jid'err tniax qnir jiaxee su, dyrr sitdnaw, in'ui linw ee enqor, dagg xee sinn vuthuwtew; in'ui Jehovah, linw ee Siongrder, dirr tnidingw dere juer Siongrder.

12 Dnaxx guaw ixqing’ hyw kuanxtai linw, cniaw linw qiw Jehovah duiww guaw jiuwjua, beh hyw kuanxtai guaw laurve ee qrex, suar hro guaw jit xee sidjai ee qiwhy;

13 Beh qiuwuac guaw ee laurve, laurbuw, guaw ee hniadi, jixbe, qapp itcer sriok inx soxx u :ee, jinxqiur guanw ee sniwmia benw siw."

14 Nng langg rinr ix qongxx, "Liw narr byy laursiap guanw jitt xee su, guanw qamguan ing guanw ee sniwmia ter linw, qaur Jehovah jiong' jitt xee de sniuxsur guanw ee sii, guanw beh ing ju'air singsit kuanxtai liw."

15 Dui' anxnix, ix ing syh dui' txangx-aw qra inx dui .lyc .kir; in'ui ix ee cur kiw dirr sniacniuu, ix iarr kiarkiw dirr cniuu-dingw.

16 Ix duiww inx qongw, "Linw diyhh jnriu kir snuax nirr, qniax duizib ee langg duw diyc linw. Diyhh dirr hiax bih snax zit, tingwhau duizib ee langg dyr .laii, zen'au jiacc tangx qniaa linw ee lo."

17 Nng langg duiww ix qongw, "Liw qiyr guanw soxx jiuwjua :ee, guanw dikkag byy uirdiyhh hitt xee laii huanrjue.

18 Guanw narr qaur jitt soxjai ee sii, liw diyhh jiong' jitt diauu ju'angg ee syh vak dirr dui guanw lyc kir ee txangx-aw nirr; iarr diyhh jurjip liw ee laurve, laurbuw, hniadi, qapp liw ee laurve juann qrex longxx diamr liw ee cur-lai.

19 Qniwnarr cud liw ee qrex ee mngg kir quelo :ee, ix ee siw si jurcuw :ee, byy guanw ee jue; qniwnarr qapp liw dirr cur-lai :ee, narr u langg herciuw hai ix, dyrr ix ee siw si guanw ee jue.

20 Danrsi liw narr laursiap guanw jitt xee su, dyrr liw soxx qiyr guanw jiuwjua :ee, qapp guanw byy qansiap."

21 Ix qongw, "Tangx jiauww linw ee ue laii qniaa." Dui' anxnix ix crex inx kir, inx dyrr kir. Ix ing ju'angg ee syh vak dirr txangx-aw.

22 Nng langg kir qaur snuax nirr, diamr hiax snax zit, tingwhau duizib ee langg dyr .kir. Duizib ee langg en' lo cue inx, iarr cue byy diyc.

23 Nng langg dyrr lyc snuac dyr .laii, quer hyy qaur Nun ee qniaw Josua hiax, duiww ix qongw kiw inx soxx duw .diyc itcer ee su.

24 Qycc duiww Josua qongw, "Jehovah qyxzenn ing hitt xee juann de qaux dirr lanw ee ciuw; hitt soxjai itcer kiarkiw ee vecsnir, dirr lanw ee binrjingg longxx sitdnaw."

3 Tnix qngx, Josua tauwjaw kiw .laii, qapp Islael jingwlangg longxx lirkuix Sitim, laii qaur Jordan. Iauxx bue quer .kir, dyrr hiyh dirr hiax, tingwhau quer hyy.

2 Quer snax zit, qnuadniuw venww qniaa ngiaa-diongx,

3 Bingrling vecsnir qongxx, "Linw knuar qnir Jehovah, linw ee Siongrder ee iokqui, qycc knuar qnir jewsix Levilangg qrngx ix ee sii, diyhh lirkuix linw ee soxjai, laii duer dirr inx ee aurbin.

4 Danrsi linw qapp iokqui sna' li, iokliok diyhh nriuu nng-cing dxng ee hng, m tangx vikqin ix, hro linw jaix soxx diyhh qniaa ee lo; in'ui linw vingsii m bad qniaa jitt diauu lo."

5 Josua duiww vecsnir qongw, "Linw diyhh qaqi singwqed, in'ui binaxzit Jehovah beh dirr linw diongqanx qniaa qrii su."

6 Josua qycc huanhur jewsix qongxx, "Linw qrngx iokqui kiw .laii, dirr vecsnir ee taujingg qniaa." Inx dyrr qrngx iokqui kiw .laii, qniaa dirr vecsnir ee taujingg.

7 Jehovah duiww Josua qongw, "Dui' qinaxzit kiw, Guaw beh hro liw dirr Islael jingwlangg ee bagjiux jingg juer dua, hro inx jaix Guaw qapp liw dilehh, cincniu jingg qapp Moses dilehh jidngiu.

8 Liw diyhh huanhur qrngx iokqui ee jewsix qongxx, 'Linw qaur Jordan juiw-vnix ee sii, diyhh tingg kax dirr Jordan.'"

9 Josua duiww Islaellangg qongw, "Linw qinrjingg laii, tniax Jehovah, linw ee Siongrder ee ue."

10 Josua qycc qongw, "Dui' anxnix, linw tangx jaix uac ee Siongrder dirr linw diongqanx, beh dirr linw ee taujingg qnuaxdiok Kanaanlangg, Hitlangg, Hivilangg, Pelizlangg, Girgaslangg, Amolilangg, qapp Jebuslangg.

11 Knuar ar, voxtnie ee Juxjnaiw ee iokqui beh dirr linw ee taujingg quer .kir, zip Jordan.

12 Linw dnaxx diyhh dui' Islael ee jipair diongx qingw jap-zi langg, muixx jipair jit xee langg.

13 Qaur qrngx poxtnie ee Jruw, Jehovah ee iokqui ee jewsix, inx ee kax kia dirr Jordan Hyy ee juiw, Jordan Hyy ee juiw, dui' dingxbin lrauu .lyc .laii .ee e qui' dxuix."

14 Vecsnir lirkuix vowvnii, beh quer Jordan ee sii, jewsix dyrr qrngx iokqui dirr vecsnir ee taujingg.

15 Dirr siusingg ee sii, Jordan ee juiw siongsiongg vnuaa quer ix ee hnua. Qrngx iokqui :ee qaur Jordan, qrngx iokqui ee jewsix, kax jid'err unr diyc juiw,

16 Hitt xee dui' dingxbin lrauu .lyc .laii ee juiw, dyrr kia kiw laii qui' dxuix, sna' li jin' hng, dirr Zaletan vnitauu ee Adam Sniaa; hitt xee lrauu zip Iamm Haiw, hiaxee juiw juanzenn jeddng. Vecsnir dyrr dirr Jeliqo ee duiwbin quer .kir.

17 Qrngx Jehovah iokqui ee jewsix dirr Jordan ee dax de kia lehh; Islael jingwlangg longxx dui' dax de quer .kir, didqaur vecsnir itjin quer Jordan.

4 Vecsnir ixqing’ itjin quer Jordan. Jehovah dyrr huanhur Josua qongxx,

2 "Diyhh dui' vecsnir diongx qingw jap-zi langg, muixx jipair jit langg;

3 Bingrling inx qongxx, 'Linw dui' hiax, dui' Jordan Hyy-diongx, jewsix ee kax kia ee soxjai, cruw jap-zi der jiyc, duar ix qapp linw quer .kir, he dirr linw qimmii beh hiyh ee soxjai.'"

4 Josua dyrr jiauww ix dui' Islaellangg diongx soxx virvan ee hitt jap-zi langg, muixx jipair jit langg, longxx qiyr inx laii.

5 Josua dyrr qra inx qongw, "Linw quer kir dirr Jehovah, linw ee Siongrder iokqui ee taujingg, qaur Jordan Hyy-diongx, jiauww Islaellangg ee jipair ee siauwgiac, dagg langg cruw jit der jiyhtauu giaa dirr qingtauu nirr,

6 Tangx ing jitt xee dirr linw diongqanx juer jingwqir. Zid'au linw ee qniaxsunx mng linw qongxx, 'Jiaxee jiyhtauu, duiwdirr linw simxmih iwsur?'

7 Linw dyrr duiww inx qongw, 'Si in'ui jingg Jordan ee juiw, dirr Jehovah ee iokqui jingg jeddng.' Iokqui quer Jordan ee sii, Jordan ee juiw jeddng, jiaxee jiyc beh juer Islaellangg ingxuanw ee qiwliam."

8 Islaellangg jiauww Josua soxx bingrling :ee laii qniaa; jiauww Islaellangg ee jipair ee siauwgiac, dui' Jordan Hyy-diongx cruw jap-zi der jiyc, longxx jiauww Jehovah duiww Josua soxx qongw :ee. Inx dyrr suar duar inx quer .kir, qaur inx hiyckunr ee soxjai, dyrr he dirr hiax.

9 Josua lingrgua ing jap-zi der jiyc, kia dirr Jordan Hyy-diongx, dirr qrngx iokqui ee jewsix kax kia lehh ee soxjai; qaur qinaxzit hiaxee jiyc iauxquxx dirr hiax.

10 Qrngx iokqui ee jewsix kia dirr Jordan Hyy-diongx, tingwhau Jehovah bingrling Josua duiww vecsnir qongw ee su juer bingvik, si jiauww Moses soxx bingrling Josua itcer ee ue, vecsnir dyrr qinw qinw quer .kir.

11 Jiongww vecsnir itjin quer .kir, Jehovah ee iokqui qapp jewsix dyrr dirr vecsnir ee binrjingg quer .kir.

12 Rleubenlangg, Gadlangg, Manasseh vnuar jipair ee langg, longxx jiauww Moses soxx duiww inx qongw :ee, duar qunkir dirr Islaellangg ee taujingg quer .kir.

13 Iokliok u sir-bxan langg, longxx virvan qaujenr, dirr Jehovah ee binrjingg quer .kir, qaur Jeliqo ee vni'ngiuu, venrven beh qaujenr.

14 Dng' hitt zit Jehovah hro Josua dirr Islael jingwlangg ee bagjiux jingg juer dua; dirr ix itsingx ee zit, vecsnir qingwuir ix, cincniu jaxjingg qingwuir Moses jidngiu.

15 Jehovah huanhur Josua qongxx,

16 "Liw bingrling qrngx huatqui ee jewsix, dui' Jordan Hyy jnriu .laii."

17 Josua dyrr bingrling jewsix qongxx, "Linw dui' Jordan Hyy jnriu .laii."

18 Qrngx Jehovah iokqui ee jewsix dui' Jordan Hyy jnriu .laii; jewsix ee kajniuw duxduxx huac jnriu dax de ee sii, Jordan Hyy ee juiw dyrr lrauu qaur guan'ui, jiauwqu diongwmuaw siangvingg ee hnua.

19 Jniax-guec cejap, vecsnir dui' Jordan Hyy jnriu .laii, dyrr anx ngiaa dirr Gilgal, dirr Jeliqo dangsir ee venqair.

20 Inx dui' Jordan Hyy soxx cruw hitt jap-zi der jiyc, Josua dyrr qra kia dirr Gilgal;

21 Dyrr duiww Islaellangg qongw, "Zid'au linw ee qniaxsunx mng inx ee laurve qongxx,

22 'Jiaxee jiyc simxmih iwsur?' Hitt sii dyrr diyhh vyr linw ee qniaxsunx jaix, qongw, 'Islaellangg bad qniaa dax de, quer jitt xee Jordan Hyy.

23 In'ui Jehovah, linw ee Siongrder dirr linw ee taujingg hro Jordan ee juiw dax .kir, tingwhau linw quer .laii, cincniu Jehovah, linw ee Siongrder jingg dirr Angg Haiw soxx juer jidngiu, dyrr si hro ix dirr lanw ee taujingg dax .kir, tingwhau lanw quer .laii;

24 Beh hro derjniu banrvecsnir longxx jaix Jehovah ee ciuw u dua linglik; iarr beh hro linw ingxuanw qingwuir Jehovah, linw ee Siongrder.'"

5 Jordan Hyy saisir ee Amolilangg jiaxee ongg, qapp uaw haiw ee Kanaanlangg jiaxee ongg, tniax qnir Jehovah dirr Islaellangg ee binrjingg hro Jordan ee juiw dax .kir, tingwhau lanw quer .kir; inx ee simx in'ui Islaellangg ee enqor dyrr sitdnaw, sinn vuthurtew.

2 Hitt sii Jehovah duiww Josua qongw, "Liw diyhh congr huexjiyhdyx, derr zi vaiw qra Islaellangg qniaa qatlew."

3 Josua dyrr congr huejiyhdyx, dirr Druu-kir-puee Snuax hiax, qra Islaellangg qniaa qatlew.

4 Josua qra inx qniaa qatlew ee enqor, si in'ui dui' Egipt cud .laii ee jiongww vecsnir, qniww e qaujenr ee davodingx, cud Egipt ixau dirr lo nirr siw dirr kongwiaw.

5 In'ui cud .laii ee jiongww vesnir longxx sriu qatlew; dogdok cud Egipt ixau dirr kongwiaw ee lo nirr soxx snix ee jiongww vecsnir, longxx byy sriu qatlew.

6 Islaellangg dirr kongwiaw qniaa sir-jap nii, qaur jiongww vecsnir, dyrr si cud Egipt ee jenwsu, itjin siaubet; in'ui inx byy tniatnar Jehovah ee ue, Jehovah bad duiww inx jiuwjua, m hro inx knuar qnir Jehovah duiww inx ledjow soxx jiuwjua beh sniuxsur lanw ee de, dyrr si lrauu linx qapp bit ee de.

7 Inx ee qniaxsunx, dyrr si Ix soxx hingx kiw laii suawjiab inx :ee, longxx byy sriu qatlew, in'ui inx dirr lo nirr byy qra inx qniaa qatlew, Josua jiacc qra inx qniaa.

8 Vecsnir longxx sriu qatlew bingvik, dyrr diamr dirr ngiaa-lai qaqi ee soxjai, tingwhau hyw.

9 Jehovah duiww Josua qongw, "Guaw qinaxzit jiong' Egipt ee lingziok isuaw lirkuix linw." Dui' anxnix hitt soxjai miaa qiyr Gilgal, didqaur qinaxzit.

10 Hitt sii Islaellangg jrad ngiaa dirr Gilgal. Hitt guec jap-sir ehngx, dirr Jeliqo ee vni'ngiuu siuw Vnuaquewjeh.

11 Vnuaquewjeh ee qeh zit inx dyrr jiac hitt soxjai soxx cud :ee, duxduxx hitt zit jiac byy-qnar-vniaw qapp hangx ee gnoxqog.

12 Inx jiac hitt soxjai soxx cud :ee, qeh zit manna dyrr tinghiyh; Islaellangg iarr byy qycc u manna. Hitt nii inx dyrr jiac Kanaan-de ee toxsanw.

13 Josua uaw qin Jeliqo ee sii giahbak knuar, knuar qnir u jit langg ciuw vuic dyx, kia dirr ix ee duiwbin. Josua qinruaw ix, mng ix qongxx, "Liw si uirr guanw :ee, iacc si uirr guanw ee duiwdik ar?"

14 Ix rinr qongxx, "Byy, guaw laii si juer Jehovah ee qundniuw." Josua dyrr pag dirr de nirr vair ix, qongw, "Guaw ee Jruw bingrling lovok simxmih?"

15 Jehovah ee qundniuw duiww Josua qongw, "Trngr liw kax nirr ee ree, in'ui liw soxx kia ee soxjai si sxingr :ee." Josua dyrr jiauww anxnix qniaa.

6 (Jeliqo ee sniamngg, in'ui Islaellangg ee enqor, dyrr qnuaix diauu diauu, byy langg cud, iarr byy langg zip.)

2 Jehovah qra Josua qongw, "Knuar ar, Guaw u jiong' Jeliqo qapp ix ee ongg, qapp ix dua lat ee iongxsu, longxx qaux dirr liw ee ciuw.

3 Linw itcer ee jenwsu diyhh uisec jitt xee sniaa jit vaiw; lak zit longxx diyhh anxnix qniaa;

4 Cid xee jewsix diyhh giac cid qix ngiuqag ee hyrdangg qniaa dirr iokqui ee taujingg, qaur derr cid zit linw diyhh sec sniaa cid vaiw, jewsix iarr diyhh vunn hyrdangg.

5 Inx vunn qag ee sniax tuax dngg, linw tniax qnir hyrdangg ee sniax, jiongww vecsnir diyhh dua sniax huah, sniacniuu dyrr beh dyw vnii vnii, dagg langg longxx diyhh diddit jinwjingg .kir."

6 Nun ee qniaw Josua qiyr jewsix laii, qra inx qongw, "Linw diyhh qrngx iokqui, jewsix cid langg giac cid qix ngiuqag ee hyrdangg dirr Jehovah ee qxui-jingg."

7 Qycc qra vecsnir qongw, "Linw diyhh jinwjingg kir sec sniaa, duar qunkir :ee diyhh qniaa dirr Jehovah ee qxui-jingg."

8 Josua duiww vecsnir qongw suah, cid xee jewsix giac cid qix ngiuqag ee hyrdangg, qniaa dirr Jehovah ee binrjingg, vunn hyrdangg. Jehovah ee iokqui duer dirr inx ee aurbin.

9 Duar qunkir :ee qniaa dirr vunn hyrdangg ee jewsix ee taujingg, au dui duer iokqui qniaa. Jewsix naxx qniaa naxx vunn hyrdangg.

10 Josua bingrling vecsnir qongxx, "Linw m tangx huah, m tangx hro langg tniax qnir linw ee sniax, lenrr jit qxur iarr m tangx cud cuir, tingwhau guaw huanhur linw huah ee zit, hitt sii jiac tangx huah."

11 Dui' anxnix, ix hro Jehovah ee iokqui uii sniaa, sec jit vaiw; inx dyrr dyr laii ngiavnuaa, hiyh dirr ngiaa-lai.

12 Tnix qngx, Josua jaw jaw kiw .laii. Jewsix iarr qrngx Jehovah ee iokqui.

13 Giac cid qix ngiuqag ee hyrdangg ee cid xee jewsix, dirr Jehovah ee qxui-jingg diddit qniaa, vunn hyrdangg; duar qunkir :ee dirr inx ee taujingg qniaa; au dui duer Jehovah ee iokqui qniaa. Jewsix naxx qniaa naxx vunn hyrdangg.

14 Derr zi zit inx sec sniaa jit vaiw, dyrr dyr laii ngiavnuaa. Lak zit longxx si anxnix qniaa.

15 Derr cid zit pacpuxqngx ee sii, inx jaw jaw kiw .laii, jiauww anxnix sec sniaa cid vaiw; jixu jitt zit sec sniaa cid vaiw.

16 Qaur derr cid vaiw, jewsix vunn hyrdangg ee sii, Josua qra vecsnir qongw, "Diyhh huah ar, in'ui Jehovah ing sniaa qaux hro linw lar.

17 Jitt xee sniaa qapp qidiongx itcer soxu :ee, longxx diyhh hunvet qruix hro Jehovah; jixu ciongqix Rlahab, ixqip itcer qapp ix dirr cur-lai :ee, tangx uac lehh; in'ui ix u kngwbat lanw soxx crex ee suwjiaw.

18 Linw dirr ingqaix bet ee mic diyhh qaqi qinxsin, qniax linw tec ingqaix bet ee mic, drir qaur qaqi iarr juer ingqaix bet :ee; qycc lenlui Islael juann ngiaa iarr juer ingqaix bet :ee, laii hai diyc inx.

19 Jixu qimx, ginn, qapp dangg, tih ee kiwqu, longxx diyhh hunvet qruix hro Jehovah, siux zip Jehovah ee huxkor."

20 Vecsnir dyrr huah, jewsix iarr vunn hyrdangg. Vecsnir tniax qnir hyrdangg ee sniax, dyrr dua sniax huah, sniacniuu dyrr dyw qaur vnii vnii, vecsnir dyrr jinwjingg zip sniaa, dagg langg diddit kir; dui' anxnix cruw hitt xee sniaa.

21 Qycc jiong' sniaa-lai soxu :ee, bylun lamluw lyxiur, guu, ngiuu, qapp luu, longxx ing dyx itjin bet ix.

22 Josua qra jingtamr hitt xee de hitt nng langg qongw, "Linw zip kir hitt xee ciongqix ee cur, jiauww linw duiww ix soxx jiuwjua :ee, cua hitt xee hurzinlangg qapp itcer sriok dirr ix :ee longxx dui' hiax cud .laii."

23 Hiaxee juer jingtamr ee siauwlenlangg dyrr zip .kir, cua Rlahab qapp ix ee laurve, laurbuw, hniadi, ixqip itcer sriok dirr ix :ee cud .laii, iarr cua ix ee cincig cud .laii, hro inx druar dirr Islael ee ngiaa-gua.

24 Inx dyrr ing huew siyx hitt xee sniaa qapp qidiongx itcer soxu :ee; dogdok qimx, ginn, qapp dangg, tih ee kiwqu, longxx he dirr Jehovah cur-lai ee huxkor.

25 Josua dyrr vyxjuann ciongqix Rlahab, qapp ix laurve ee qequanr, qapp itcer sriok dirr ix :ee ee uahmia; in'ui ix u kngwbat Josua soxx crex taux knuar Jeliqo ee suwjiaw. Ix dyrr diamr dirr Islael diongx, qaur qinaxzit.

26 Dngsii Josua duiww jingwlangg jiuwjua qongxx, "Qniwnarr kiw laii kixjy jitt xee Jeliqo Sniaa :ee, diyhh dirr Jehovah ee binrjingg siurr jiuwjow. Ix he derqix ee sii, beh siw dua-qniaw, he mngg ee sii beh siw suacbuew-qniaw."

27 Jehovah qapp Josua snaqab dilehh, ix ee miasniax muaw muaw dirr hitt soxjai.

7 Danrsi Islaellangg dirr ingqaix henr ee mic u huanrjue. Judah ee jipair diongx, Zelah ee jingsunx, Zabdi ee sunx, Karmi ee qniaw, Aqan tec ingqaix henr ee mic; Jehovah dyrr siurkir Islaellangg.

2 Josua dui' Jeliqo crex langg kir Betel dangsir, uaw qin Bethaven ee Ai Sniaa, huanhur inx qongxx, "Linw jnriu kir taux knuar hitt xee de."

3 Inx dyrr jnriu kir taux knuar Ai Sniaa. Inx dyr laii qaur Josua hiax, qra ix qongw, "Mrbenw hro jiongww vecsnir jnriu .kir; dairiog nng~snax-cingx langg jnriu kir pah Ai Sniaa dyrr hyw; mrbenw lydong jiongww vecsnir kir qaur hiax, in'ui hiax ee langg jiyw jiyw."

4 Dui' anxnix vecsnir diongx iokliok snax-cingx langg jnriu kir hiax; qingxzenn dirr Ai Sniaa ee langg ee binrjingg dyjauw.

5 Ai Sniaa ee langg taii siw inx iokliok snax-jap-lak langg. Inx dui' sniamngg jingg duiqnuaw inx, qaur Sebalim, dirr inx lyhqe ee soxjai pah siw inx; jiongww vecsnir dyrr sitdnaw, luanxziog cincniu juiw.

6 Josua dyrr tiah lic snxax. Ix qapp Islael ee dniuxlyw, dirr Jehovah ee qxui-jingg, pag dirr tokax, qaur ehngx, iarr ing din'aix samw dirr taukag.

7 Josua qongw, "Aixar, Jruw Jehovah ar, Liw sniaw su cua jiaxee vecsnir quer jitt xee Jordan, jiong' guanw qaux dirr Amolilangg ee ciuw, hro guanw bedbyy ar? Kyxsiyh guanw byy liac diamr dirr Jordan hitt vingg juer qraur gxiac.

8 Jruw ar, Islaellangg ixqing’ dirr duiwdik ee binrjingg uat dngw srinx jauw, guaw iauxx u simxmih tangx qongw ar?

9 In'ui Kanaanlangg qapp jitt soxjai itcer kiarkiw ee vecsnir tniax .qnir, dyrr beh uikunr guanw, dubet guanw ee miaa dirr derjniu. Hitt sii, Liw uirdiyhh Liw ee duarmiaa beh jnaixngiu ar?"

10 Jehovah qra Josua qongw, "Kiw .laii, liw sniaw su anxnix pag dirr de nirr ar?

11 Islaellangg huanrjue, uivue Guaw soxx bingrling inx ee iog, cruw ingqaix henr ee mic, iarr tautec, iarr qniaa kuixjar, kngr dirr inx ee qekir diongx.

12 In'ui anxnix, Islaellangg dirr duiwdik ee binrjingg kia be diauu; inx dirr duiwdik ee binrjingg uat dngw srinx jauw, si in'ui inx jniaa juer siurr jiuwjow. Linw narr byy jiong' ingqaix henr ee mic, dui' linw diongqanx druu .kir, Guaw dyrr byy qycc qapp linw snaqab dilehh.

13 Liw kiw .laii, hro vecsnir cingkir, qra inx qongw, 'Linw diyhh qaqi cingkir virvan binaxzit; in'ui Jehovah, Islael ee Siongrder anxnix qongw: Islael ar, linw iauxx bue qaux cud hitt xee mic, dyrr dirr duiwdik ee binrjingg linw beh kia be diauu.'

14 Binaxjaxkiw linw diyhh jiauww linw ee jipair qinrjingg laii; Jehovah soxx cruw ee jipair, diyhh jiauww jongjok qinrjingg laii; Jehovah soxx cruw ee jongjok, diyhh jiauww qequanr qinrjingg laii; Jehovah soxx cruw ee qequanr, diyhh jiauww zindingx, jit xee jit xee qinrjingg laii.

15 Siurr cruw .diyc ee langg, u ingqaix henr ee mic dirr ix hiax, ix qapp ix soxu :ee, diyhh siurr huew siyx; in'ui ix u vue Jehovah ee iog, qycc in'ui ix dirr Islael diongx u qniaa gong gong ee su."

16 Tnix qngx, Josua jaw jaw kiw .laii, hro Islaellangg jiauww jipair qinrjingg laii; cruw .diyc .ee si Judah ee jipair;

17 Hro Judah ee jongjok qinrjingg laii, dyrr cruw diyc Zelah ee jongjok; hro Zelah ee jongjok ee zindingx jit xee jit xee qinrjingg laii, dyrr cruw diyc Zabdi;

18 Hro ix ee qrex jiauww zindingx jit xee jit xee qinrjingg laii, dyrr cruw diyc Judah ee jipair ee langg, Zelah ee jingsunx, Zabdi ee sunx, Karmi ee qniaw Aqan.

19 Josua duiww Aqan qongw, "Guaw ee qniaw, guaw krngr liw diyhh qruix ingqngx Jehovah, Islael ee Siongrder, dirr Ix ee binrjingg zin jue, jiong' liw soxx juer ee su qra guaw qongw, m tangx duiww guaw unxmuaa."

20 Aqan rinr Josua qongxx, "Guaw sidjai dikjue Jehovah, Islael ee Siongrder; guaw soxx juer ee su si anxnix, anxnix.

21 Guaw dirr soxx cniuw ee jaibut diongx knuar qnir jit niaw Babylon ee suiw snxax, ginn nng-vah sekel, qimx jit dnia, dang go-jap sekel, guaw tamx jiaxee mic, dyrr tec ix, dnaxx draii dirr guaw ee vowvnii lai ee tokax xe, ginn dirr ix ee erdew."

22 Josua dyrr crex langg kir, inx dyrr kir, qaur ix ee vowvnii. Knuar ar, hitt xee mic qyxzenn kngr dirr ix ee vowvnii lai, ginn dirr erdew.

23 Inx dyrr dui' vowvnii lai tec .cud .laii, duar qaur Josua qapp Islael jingwlangg hiax, he dirr Jehovah ee binrjingg.

24 Josua qapp Islael jingwlangg, jiong' Zelah ee jingsunx Aqan, qapp hitt xee ginn, hitt qnia snxax, hitt dnia qimx, qapp ix ee qniaw, jaboxqniaw, guu, luu, ngiuu, vowvnii, ixqip ix itcer soxu :ee, longxx duar qaur Akor ee snuaqog.

25 Josua qongw, "Liw sniaw su hai guanw? Qinaxzit Jehovah iarr beh hai liw." Dui' anxnix, Islael jingwlangg ing jiyhtauu dimr siw ix, ing huew siyx inx, ing jiyhtauu dimr inx.

26 Jingwlangg dirr ix ee dingxbin tiap jit dua dxuix ee jiyc, qaur dirr qinaxzit. Dui' anxnix Jehovah siuhuee Ix ee dua siurkir. Soxiw hitt soxjai miaa qiyr Akor ee Snuaqog, qaur qinaxzit.

8 Jehovah duiww Josua qongw, "Byc did qniax, iarr byc did lunw. Liw kiw laii cua longxjongw ee jenwsu jnriu kir Ai Sniaa, Guaw ixqing’ jiong' Ai Sniaa ee ongg, qapp ix ee vecsnir, ix ee sniaa, ix ee de, longxx qaux dirr liw ee ciuw.

2 Liw kuanxtai Ai Sniaa, qapp ix ee ongg, diyhh cincniu jingg kuanxtai Jeliqo qapp ix ee ongg jidngiu. Danrsi soxx cniuw ee jaibut, qapp jingsnix, liw diyhh ing vxingx baihok dirr sniaa-au."

3 Dui' anxnix Josua qapp itcer ee jenwsu longxx kiw .laii, beh jnriu kir Ai Sniaa; Josua qingw snax-bxan xee dua lat ee iongxsu, mii .sii crex inx kir,

4 Huanhur inx qongxx, "Linw diyhh baihok vxingx qrongx sniaa, dyrr si dirr sniaa-au, m tangx lirkuix sniaa sniu' hng, longxx diyhh virvan ven.

5 Guaw qapp guaw soxx cua ee jiongww vecsnir beh qinruaw sniaa. Inx cincniu tauu vaiw cud laii qongqig guanw, hitt sii guanw dyrr beh dirr inx ee binrjingg dyjauw.

6 Inx beh cud laii duizib guanw, qaur guanw inxiuw inx lirkuix sniaa; in'ui inx beh qongw, 'Jiaxee langg cincniu tauu vaiw dirr guanw ee binrjingg dyjauw.' Soxiw guanw beh dirr inx ee binrjingg dyjauw;

7 Hitt sii linw dyrr diyhh dui' baihok ee soxjai kiw .laii, cruw hitt xee sniaa; in'ui Jehovah, linw ee Siongrder beh jiong' ix qaux dirr linw ee ciuw.

8 Linw ixqing’ cruw sniaa, dyrr diyhh ing huew siyx sniaa, diyhh jiauww Jehovah ee ue qniaa. Knuar ar, jex si guaw soxx bingrling linw :ee."

9 Josua crex inx, inx dyrr kir baihok ee soxjai, diamr dirr Betel qapp Ai Sniaa ee diongqanx, dyrr si Ai Sniaa ee saisir; hitt mii Josua hiyh dirr vecsnir ee diongqanx.

10 Tnix qngx Josua jaw jaw kiw .laii, diamxsngr vecsnir; ix qapp Islael ee dniuxlyw dirr vecsnir ee taujingg jnriu kir Ai Sniaa.

11 Jiongww vecsnir, dyrr si qapp ix dilehh ee jenwsu, longxx jnriu kir qinruaw sniaa ee taujingg, dirr Ai ee vakvingg jrad ngiaa; dirr ix qapp Ai ee diongqanx u jit xee snuaqog.

12 Ix iokliok u qingw go-cingx langg, hro inx baihok dirr Betel qapp Ai Sniaa ee diongqanx, dyrr si dirr sniaa ee saisir.

13 Dui' anxnix andir vecsnir, dyrr si sniaa vaksir ee juann qunx, qapp sniaa saisir baihok ee vxingx. Jitt mii, Josua zip snuaqog diongx.

14 Ai Sniaa ee ongg knuar .qnir, sniaa-lai hiaxee langg qnuaxqinw tauwjaw kiw .laii, jiauww soxx dniardiyc ee sii, cud kir qaur Jordan Snuaqog ee taujingg, beh qapp Islaellangg qaujenr, ongg qapp jiongww vecsnir longxx kir; danrsi inx m jaix dirr sniaa-au u vxingx baihok, beh qongqig inx.

15 Josua qapp Islael ee jingwlangg dirr inx ee taujingg qew taii sux, dui' kongwiaw ee lo dyjauw.

16 Sniaa-lai ee jiongww vecsnir longxx jurjip, duizib inx; inx duizib Josua, dyrr siurr inxiuw lirkuix inx ee sniaa.

17 Ai Sniaa, qapp Betel Sniaa, byy jit langg byy cud kir duizib Islaellangg; sniamngg vangr kuix kuix, dag'ee kir duizib Islaellangg.

18 Jehovah duiww Josua qongw, "Liw crunx cud ciuw nirr soxx giac ee cniux laii qiw Ai Sniaa; in'ui Guaw beh jiong' ix qaux dirr liw ee ciuw." Josua dyrr crunx cud ciuw nirr soxx giac ee cniux laii qiw hitt xee sniaa.

19 Ix jid'err crunx ciuw, baihok ee vxingx dyrr dui' ix ee soxjai qinw qinw kiw .laii, jauw zip sniaa cruw ix, qinw qinw vangr huew siyx sniaa.

20 Ai Sniaa ee langg uat tauu jid'err knuar; byy pacsngr, sniaa-lai huexenx cringr jnriu tnix. Inx dyrr jauw jiax jauw hiax, longxx byy lo; hiaxee jauw kir kongwiaw ee vecsnir dyrr huantauu laii qongqig duizib inx.

21 Josua qapp Islael ee jingwlangg knuar qnir baihok ee vxingx ixqing’ cruw sniaa, sniaa-lai huexenx cringr jnriu quann, dyrr uat dngw srinx taii siw Ai Sniaa ee langg;

22 Baihok ee vxingx iarr cud laii qongqig inx. Inx siurr uikunr dirr Islaellangg ee diongqanx, jing'au longxx si Islaellangg. Dui' anxnix inx taii siw inx, byy jit xee lauu lehh, iarr byy jit xee jauw .kir.

23 Inx dyrr uac liac Ai Sniaa ee ongg, rah ix qaur Josua hiax.

24 Islaellangg itjin taii siw kiarkiw dirr Ai ee vecsnir, dirr cann nirr, dirr kongwiaw zib .diyc ee soxjai, inx longxx dyw dirr dyx-xe, qaur bedbyy. Islael jingwlangg dyrr dywdngw laii Ai Sniaa, ing dyx taii sniaa-diongx ee langg.

25 Dng' hitt zit taii siw ee lamluw, qiong jit-bxan nng-cingx, dyrr si Ai Sniaa ee vecsnir.

26 Josua byy qiux ix crunx cud cniux ee ciuw, didqaur itjin bet Ai Sniaa ee vecsnir.

27 Dogdok jingsnix, qapp soxx cniuw sniaa-lai ee jaibut, Islaellangg longxx cruw juer qaqi ee, jiauww Jehovah soxx bingrling Josua ee ue.

28 Josua siyx Ai Sniaa, hro ix ingxingw juer toduix, honghuer qaur qinaxzit;

29 Qycc qra Ai Sniaa ee ongg diaur dirr ciu nirr. Qaur honghunx zit lyc ee sii, Josua cud bingrling, langg dyrr dui' ciu nirr siux sinsix lyc .laii, hed dirr sniamngkauw; dirr hitt dingxbin tiap jit dua dxuix ee jiyhtauu, qaur qinaxzit iauxx dilehh.

30 Hitt sii Josua dirr Ebal Snuax, uirr Jehovah, Islael ee Siongrder, kiw jit jxy dnxuaa;

31 Si ing jurzenn ee jiyc, hitt dingxbin byy drang diyc tickir :ee, laii kiw ix, jiauww Jehovah ee lovok, Moses soxx bingrling Islaellangg ee ue, jiauww Moses ludhuad ee ceh-lai soxx qir :ee. Inx dirr jitt xee dnxuaa-dingw henr siyjer hro Jehovah, iarr henr siarunjer.

32 Josua dirr hiax qra Moses ee ludhuad causiaw dirr jiyc-dingw, dyrr si ix dirr Islaellangg ee binrjingg soxx siaw :ee.

33 Islael jingwlangg, qapp inx ee dniuxlyw, qnuadniuw, ixqip simxpnuawqnuax, longxx kia dirr iokqui ee siangvingg, dirr qrngx Jehovah iokqui ee jewsix Levilangg ee binrjingg, bylun si vunxderlangg, si qiawkax :ee; jidvnuar dirr Gelizim Snuax ee taujingg, jidvnuar dirr Ebal Snuax ee taujingg qra vecsnir jiokhog, jiauww Jehovah ee lovok Moses jingg soxx bingrling :ee.

34 Zen'au Josua tak ludhuad longxjongw ee ue, jiokhog :ee, jiuwjow :ee, jiauww longxjongw qir dirr ludhuad :ee.

35 Moses soxx bingrling itcer ee ue, Josua dirr Islael ee juann hue, qapp hurzinlangg, ginxaw, qapp inx diongqanx ongxlaii cutguarlangg ee binrjingg, byy jit qxur byy tak.

9 Jordan hitt vingg, higsi dirr snuade, higsi dirr vni'ngiuu, higsi dirr duarhaiw Lebanon sna' duir ee vnix:a, Hitlangg, Amolilangg, Kanaanlangg, Pelizlangg, Hivilangg, Jebuslangg, jiaxee ongg jid'err tniax qnir jex,

2 Dyrr longxx jurjip, dangsimx hab'ir, beh qapp Josua qapp Islaellangg qaujenr.

3 Danrsi Gibeon kiarkiw ee vecsnir tniax qnir Josua duiww Jeliqo qapp Ai Sniaa soxx qniaa ee su,

4 Dyrr sed kuixqer, qew juer suwjiaw, ing qu ee de, qapp puawlic qycc vow ee qu jiuxde, hro luu qra dxyy;

5 Kax nirr cing quer vow ee qu ree, sinkux cing qu snxax, inx soxx virvan ee vniaw, longxx si dax qycc cauwpuw.

6 Inx qaur Gilgal ngiaa-diongx qnir Josua, duiww ix qapp Islaellangg qongw, "Guanw si dui' jin' hng ee soxjai laii :ee; dnaxx qriuu liw qapp guanw lip iog."

7 Islaellangg duiww jiaxee Hivilangg qongw, "Qiamxcaiw linw si kiarkiw dirr guanw diongqanx :ee, beh jnaixngiu qapp linw lip iog ar?"

8 Inx duiww Josua qongw, "Guanw si liw ee lovok." Josua mng inx qongxx, "Linw si simxmih langg, si dui' dyclyc laii :ee?"

9 Inx duiww ix qongw, "Liw ee lovok dui' qik hng ee soxjai laii, uirdiyhh Jehovah, liw ee Siongrder ee miaa; in'ui guanw ixqing’ tniax qnir Ix ee miasniax, qapp Ix dirr Egipt itcer soxx qniaa :ee;

10 Ixqip Ix dirr Jordan hitt vingg duiww Amoli nng xee ongg, dyrr si Hesbon Ongg Sihon, qapp dirr Astalot ee Basan Ongg Og, itcer soxx qniaa ee su.

11 Guanw ee diongxlyw qapp guanw hiax kiarkiw ee vecsnir dyrr qra guanw qongw, 'Linw ciuw diyhh duar lo nirr ing ee jiahmic, kir gniajih inx, duiww inx qongw: Guanw si liw ee lovok, dnaxx qriuu liw qapp guanw lip iok.'

12 Guanw cud laii beh laii linw jiax ee zit, dui' cur-lai duar cud jiaxee vniaw juer lo-diongx ee loring, hitt sii iauxx siyx siyx. Knuar ar, dnaxx ixqing’ longxx dax qycc cauwpuw lar;

13 Jiaxee jiuxlongg guanw drew jiuw ee sii, iauxx si sinx :ee, knuar ar, dnaxx ixqing’ puawlic; guanw jiaxee snxax qapp ree iarr longxx cing qu, in'ui lo jin' hng."

14 Islaellangg dyrr dui' inx ee jiahmic tec damrvyc, iarr byy cingxmng Jehovah.

15 Josua dyrr qapp inx qangxhyy, qapp inx lip iog, iong'unw inx uac; huerjiongr ee siuxlingw iarr duiww inx jiuwjua.

16 Qapp inx lip iog liauxau, quer snax zit, jiacc tniax qnir inx druar qin qin, diamr dirr inx diongqanx.

17 Islael kixsinx, derr snax zit qaur inx ee sniaa; hiaxee sniaa dyrr si Gibeon Qefilah, Beelot, Kiliat Jealim.

18 In'ui huerjiongr ee siuxlingw ixqing’ qiw Jehovah, Islael ee Siongrder duiww inx jiuwjua, soxiw Islaellangg byy pah inx; juann huerjiongr dyrr ai'uanr hiaxee siuxlingw.

19 Jiongww siuxlingw duiww juann hue qongw, "Guanw ixqing’ qiw Jehovah, Islael ee Siongrder duiww inx jiuwjua, dnaxx lanw m tangx kap diyc inx.

20 Lanw diyhh anxnix kuanxtai inx, iong'unw inx uac lehh, qniax lanw e uirdiyhh soxx duiww inx jiuwjua :ee, siurkir qaur dirr lanw."

21 Siuxlingw qycc duiww inx qongw, "Diyhh iong'unw inx uac." Dui' anxnix inx dyrr qra huerjiongr juer puar caa cnriu juiw ee langg, jiauww siuxlingw soxx qra inx qongw ee ue.

22 Josua qiyr inx laii, qra inx qongw, "Sniaw su penr guanw qongxx, 'Guanw lirkuix linw jin' hng' ar?' Qisit linw si diamr dirr guanw diongqanx.

23 Dnaxx linw si siurr jiuwjow :ee, linw diongqanx juer lojaii :ee ingxx byy dng, qra guaw ee Siongrder ee dnxen juer puar caa cnriu juiw :ee."

24 Inx rinr Josua qongxx, "In'ui u langg kaksit vyr liw ee lovok qongxx, Jehovah, liw ee Siongrder bad bingrling Ix ee lovok Moses, jiong' jitt xee juann de sniuxsur linw, iarr dirr linw ee taujingg jaubet jitt xee soxjai itcer kiarkiw ee vecsnir; soxiw guanw in'ui linw ee enqor, qniax byy mia, jiacc juer jitt xee dairjir.

25 Dnaxx guanw dirr liw e ciuxtauu; liw knuar juer hyw, knuar juer jingwdit :ee, dyrr jiauww anxnix qniaa laii kuanxtai guanw."

26 Josua dyrr anxnix kuanxtai inx, qiur inx tuatli Islaellangg ee ciuw; soxiw inx dyrr byy taii inx.

27 Dng' hitt zit Josua hro inx qra huerjiongr qapp Jehovah ee dnxuaa, juer puar caa qapp cnriu juiw ee langg, dirr Ix soxx beh qingw ee soxjai, qaur qinaxzit.

10 Jelusalem Ongg Adonizedek tniax qnir Josua cruw Ai Sniaa, itjin bet ix, kuanxtai Ai Sniaa qapp ix ee ongg, cincniu jingg kuanxtai Jeliqo qapp ix ee ongg jidngiu; qycc tniax qnir Gibeon kiarkiw ee vecsnir qapp Islaellangg lip hyiog, kairkiw dirr inx diongqanx; dyrr jin' qniax;

2 In'ui Gibeon si dua sniaa, cincniu jit xee qniasniaa, viw Ai Sniaa kacc dua; qycc sniaa-lai ee langg longxx si iongxsu.

3 Dui' anxnix Jelusalem Ongg Adonizedek crex langg kir qnir Heblon Ongg Hoham, Jarmut Ongg Pilam, Laqis Ongg Jafia, qapp Eglon Ongg Debir, qongw,

4 "Cniaw linw jnriu laii guaw jiax, vangjan guaw; lanw tangx laii kir pah Gibeon, in'ui ix qapp Josua qapp Islael lip hyiog."

5 Dui' anxnix Amolilangg go xee ongg, dyrr si Jelusalem Ongg, Heblon Ongg, Jarmut Ongg, Laqis Ongg, qapp Eglon Ongg, dairqex jurjip, qapp inx ee qundui jnriu .kir, jrad ngiaa dirr Gibeon ee duiwbin, beh qongqig ix.

6 Gibeonlangg dyrr crex langg kir Gilgal ee ngiaa qnir Josua, qongw, "Liw m tangx qiux ciuw m knuar liw ee lovok. Qriuu liw qinw qinw laii jiax jinxqiur guanw, vangjan guanw; in'ui kiarkiw snuade Amolilangg hiaxee ongg, longxx jurjip laii qongqig guanw."

7 Dui' anxnix Josua, qapp ix itcer ee jenwsu, ixqip itcer dua lat ee iongxsu, longxx dui' Gilgal jnriu .kir.

8 Jehovah qra Josua qongw, "Byc did qniax inx, in'ui Guaw ixqing’ jiong' inx qaux dirr liw ee ciuw. Inx byy jit langg e kia diauu dirr liw ee binrjingg."

9 Josua hutzenn qaur inx hiax, in'ui ix dui' Gilgal tong' mii jnriu .kir.

10 Jehovah hro inx dirr Islaellangg ee binrjingg hunluan, dyrr dirr Gibeon taii siw inx jin' je; duizib inx dirr jnriu Bet Holon ee lo, pah inx qaur Azekah qapp Makkedah.

11 Inx dirr Islaellangg ee binrjingg dyjauw; dirr Bet Holon lyc .kir ee sii, Jehovah dui' tnix lyc dua pauc dirr inx ee sinjniu, qaur Azekah, hro inx siw; hiaxee hro pauc pah .siw .ee, viw Islaellangg ing dyx taii .siw ee kacc je.

12 Dng' Jehovah jiong' Amolilangg qaux dirr Islaellangg ee zit, Josua dyrr qra Jehovah qongw, iarr dirr Islaellangg ee binrjingg qongw:

Zidtauu ar, liw diyhh tingg dirr Gibeon ee dingxbin,

Guec ar, liw diyhh tingg dirr Aijalon ee snuaqog.

13 Zidtauu dyrr tingg lehh, guec dyrr hiyh lehh,

Tingwhau vecsnir vywsiuu dirr inx ee duiwdik.

Jitt xee su qamxx m si siaw dirr Jasar ee ceh mah? Zidtauu tingg dirr tnix ee diong'ngx, byy qinw qinw lyc .kir, iokliok u jit zit ee quw.

14 Ixjingg ixau byy u cincniu hitt jit zit, did diyc Jehovah tniax langg ee sniax; si in'ui Jehovah ter Islaellangg qaujenr.

15 Josua qapp Islael jingwlangg dyr laii Gilgal ee ngiaa-lai.

16 Hitt go xee ongg dyjauw, bih dirr Makkedah ee dong-lai.

17 U langg kir qra Josua qongw, "Hitt go xee ongg ixqing’ cue .diyc lar, longxx bih dirr Makkedah ee dong-lai."

18 Josua qongw, "Suaw dua der jiyc qaur dong-kauw, pair langg diamr hiax qowsiuw inx;

19 Danrsi linw m tangx tingkax, diyhh duizib linw ee duiwdik, pah inx ee au dui, m tangx iong'unw inx zip inx ee sniaa; in'ui Jehovah, linw ee Siongrder ixqing’ jiong' inx qaux dirr linw ee ciuw."

20 Josua qapp Islael dua dua taii siw inx, qaur itjin jaubet jiacc suah; qidiongx cunx ee langg longxx zip qenqor ee sniaa.

21 Jiongww vecsnir dyrr anzenn dyr laii Makkedah ee ngiaa, qaur Josua hiax; byy jit langg qnaw cud sniax qongqig Islaellangg.

22 Josua qongw, "Kuix dong-kauw, liac hitt go xee ongg cud dong, laii guaw jiax."

23 Inx dyrr anxnix qniaa, liac hitt go xee ongg, dyrr si Jelusalem Ongg, Heblon Ongg, Jarmut Ongg, Laqis Ongg, qapp Eglon Ongg, dui' dong-lai cud .laii, duar qaur ix hiax.

24 Liac hiaxee ongg cud laii qaur Josua hiax ee sii, Josua dyrr qiyr Islael jingwlangg laii, duiww hiaxee qapp ix snaqab kir ee qundniuw qongw, "Linw qinrjingg laii, jiong' kax dac dirr jiaxee ongg ee amrqunw." Inx dyrr qinrjingg laii, ing kax dac dirr inx ee amrqunw.

25 Josua duiww inx qongw, "Linw byc did qniax, iarr byc did lunw, diyhh iongxqamw jongwdnaw; in'ui linw soxx beh qongqig itcer ee duiwdik, Jehovah beh anxnix kuanxtai inx."

26 Au .laii Josua pah siw inx, diaur inx dirr go jangg ciu; inx virr diaur dirr ciu nirr qaur ehngx.

27 Zit lyc ee sii, Josua cud lring, dyrr dui' ciu nirr siux sinsix lyc .laii, hed dirr inx soxx bih ee dong, jiong' quixnarr der dua jiyc he dirr dong-kauw, qaur dnaxx iauxx dilehh.

28 Hitt zit Josua cruw Makkedah, ing dyx taii siw inx qapp inx ee ongg; hitt lairbin ee langg itjin jaubet, byy lauu jit xee; ix kuanxtai Makkedah ee ongg, cincniu jingg kuanxtai Jeliqo ee ongg jidngiu.

29 Josua qapp Islael jingwlangg dui' Makkedah hiax kir qaur Libnah, qongqig Libnah.

30 Jehovah jiong' ix qapp ix ee ongg qaux dirr Islaellangg ee ciuw; ix ing dyx taii siw ix, qapp hitt lairbin ee jingwlangg, byy lauu jit xee; ix kuanxtai ix ee ongg, cincniu jingg kuanxtai Jeliqo ee ongg jidngiu.

31 Josua qapp Islael jingwlangg dui' Libnah hiax kir qaur Laqis, jrad ngiaa dirr ix ee duiwbin, laii qongqig ix.

32 Jehovah jiong' Laqis qaux dirr Islaellangg ee ciuw; qeh zit dyrr cruw ix, ing dyx taii siw ix, qapp hitt lairbin ee jingwlangg; si jiauww ix duiww Libnah itcer soxx qniaa :ee.

33 Hitt sii Gezer ee ongg Holam laii beh vangjan Laqis; Josua dyrr pah siw ix, qapp ix ee vecsnir; longxx byy qra ix lauu jit xee.

34 Josua qapp Islael jingwlangg dui' Laqis kir qaur Eglon, dirr ix ee duiwbin jrad ngiaa, qongqig ix.

35 Hitt zit dyrr cruw ix, ing dyx pah ix; dirr hitt zit itjin jaubet hitt lairbin ee jingwlangg; si jiauww ix duiww Laqis itcer soxx qniaa :ee.

36 Josua qapp Islael jingwlangg dui' Eglon jnriu kir qaur Heblon, qongqig ix;

37 Dyrr cruw ix, ing dyx pah ix, qapp ix ee ongg, ixqip ix soxx sriok ee sniaa; taii siw hitt lairbin ee vecsnir, longxx byy lauu jit xee; si jiauww ix duiww Eglon itcer soxx qniaa :ee, itjin jaubet ix, qapp hitt lairbin ee jiongww vecsnir.

38 Josua qapp Islael jingwlangg dyr laii qaur Debir, qongqig ix;

39 Dyrr cruw ix, qapp ix ee ongg, ixqip sriok ix ee sniaa, ing dyx pah ix; itjin bet hitt lairbin ee jingwlangg, byy lauu jit xee, jiauww ix jingg kuanxtai Heblon :ee, dnaxx iarr kuanxtai Debir qapp ix ee ongg; iarr jiauww ix jingg kuanxtai Libnah qapp ix ee ongg jidngiu.

40 Anxnix Josua pah juann de, dyrr si snuade, lamhngx ee de, vni'ngiuu, snuapniaa, qapp inx longxjongw ee ongg, byy lauu jit xee; qniww u cuanxkuir :ee itjin jaubet, jiauww Jehovah, Islael ee Siongrder soxx bingrling :ee.

41 Dui' Kades Barnea qaur Gaza, qycc Gosen juann de, ixqip Gibeon, longxx hro Josua pah.

42 Hiaxee ongg qapp inx ee de, Josua juer jit sii cruw inx; in'ui Jehovah, Islael ee Siongrder ter Islael qaujenr.

43 Josua qapp Islael ee jingwlangg dyrr dyr laii qaur Gilgal ee ngiavnuaa.

11 Hazor Ongg Jabin tniax qnir jitt xee dairjir, dyrr crex langg kir qnir Madon Ongg Jobab, qapp Simlon ee ongg, Acsaf ee ongg;

2 Iarr qaur vakhngx, snuade, qapp Galilee lamsir ee Jordan Snuaqog, vni'ngiuu, qapp saisir Dor ee snuatauu, jiaxee ongg.

3 Qycc kir qnir dangsir qapp saisir ee Kanaanlangg, qapp Amolilangg, Hitlangg, Pelizlangg, qapp Jebuslangg, kiarkiw dirr snuade :ee, ixqip Hermon Snuax-kax Mizpah-de ee Hivilangg.

4 Inx qapp inx ee jiongww qundui longxx cud .laii, langgiac jin' je, cincniu haixvnix ee suax; bew qapp ciax iarr jin' je.

5 Jiaxee ongg longxx jurjip, laii qaur Melom ee juiw-vnix anx ngiaa, beh qapp Islael qaujenr.

6 Jehovah qra Josua qongw, "Mrbenw uirdiyhh inx laii qniax, in'ui binaxzit cavutdyx jitt sii, Guaw ing taii siw ee jingwlangg qaux dirr Islael ee binrjingg; liw diyhh quah dng inx ee bextuiw ee duarqinx, ing huew siyx inx ee ciax."

7 Josua qapp longxjongw ee jenwsu, hutzenn qaur Melom ee juiw-vnix; duw diyc inx dyrr pah inx.

8 Jehovah jiong' inx qaux dirr Islaellangg ee ciuw, inx dyrr pah inx, duizib inx qaur dua Sidon, iarr qaur Mislepot Maim, didqaur dangsir Mizpah ee vni'ngiuu, taii siw inx, byy lauu jit xee.

9 Josua dyrr jiauww Jehovah soxx bingrling :ee kuanxtai inx; bew, inx dyrr quah dng inx ee tuiw ee duarqinx, ciax, inx dyrr ing huew qra siyx.

10 Hitt sii Josua uat dngw laii cruw Hazor, ing dyx taii ix ee ongg; in'ui Hazor vingsii juer jiaxee qog ee tauu.

11 Islaellangg ing dyx taii siw hitt lairbin ee jingwlangg, itjin bet inx; qniww u cuanxkuir :ee byy lauu jit xee; qycc ing huew siyx Hazor.

12 Josua cruw hiaxee ongg longxjongw ee sniaa, ixqip inx ee ongg, ing dyx taii siw inx, itjin bet inx, jiauww Jehovah ee lovok Moses soxx bingrling :ee.

13 Hiaxee kiw dirr lun-aw dingw ee sniaa, druu Hazor ixgua, Islaellangg byy siyx ix; jixu Hazor hro Josua siyx .kir.

14 Dirr hiaxee sniaa soxx cniuw ee mic, qapp jingsnix, Islaellangg longxx cruw juer qaqi ee; dogdok langg, longxx ing dyx taii siw qaur bedbyy; qniww u cuanxkuir :ee byy lauu jit xee.

15 Jehovah bingrling Ix ee lovok Moses :ee, Moses jiauww anxnix bingrling Josua, Josua anxnix qniaa; qniww Jehovah soxx bingrling Moses :ee, Josua byy jit hxang byy qniaa.

16 Anxnix Josua cruw hitt xee juann de, dyrr si snuade, lamhngx juann de, Gosen juann de, qapp vni'ngiuu, Jordan Snuaqog, Islael ee snuade, qapp ix ee vni'ngiuu;

17 Dui' jnriu kir Seir ee Haplac Snuax, qaur Hermon Snuax-kax, Lebanon ee snuaqog ee Baalgad; iarr liac hitt soxjai hiaxee ongg, pah hro inx siw.

18 Josua qapp jiaxee ongg qaujenr jin' quw.

19 Druu kir Gibeon ee Hivilangg ixgua, byy jit xee sniaa qapp Islaellangg qangxhyy; inx longxx dui' qaujenr laii cruw ix.

20 In'ui Jehovah hro inx ee simx gni, dixdik Islael, laii qapp inx qaujenr, hro inx itjin siurr bet, byy did diyc linbinw, drir qaur itjin bedbyy, jiauww Jehovah soxx bingrling Moses :ee.

21 Hitt sii Josua qaur, dyrr dui' snuade, Heblon, Debir, Anab, Judah ee snuade, Islael ee snuade, jenxduu Anakim-jok ee langg; Josua itjin bet inx, qapp inx hiaxee sniaa.

22 Dirr Islaellangg ee de longxx byy lauu jit xee Anakim-jok ee langg; dogdok dirr Gaza, Gat, qapp Asdod u cunx damrvyc.

23 Anxnix Josua jiauww Jehovah soxx bingrling Moses itcer ee ue, cruw hitt xee juann de. Josua jiong' de vunx hro Islael juer giap, jiauww inx ee jipair, inx ee jongjok; dui' anxnix hitt xee de taiwvingg byy qaujenr.

12 Dirr Jordan hitt vingg ngr zit cud ee soxjai, dui' Arnon ee snuaqog qaur Hermon Snuax, qapp dangsir Jordan Snuaqog ee juann de, Islaellangg pah hiaxee ongg, cruw inx ee de, qir dirr erdew.

2 Amolilangg ee ongg, dyrr si kiarkiw dirr Hesbon ee Sihon, ix soxx quanw ee de, si dui' Arnon Snuaqog vnix ee Aloer, qapp snuaqog diongx ee sniaa, ixqip Gilead ee jidvnuar, didqaur Ammonlangg ee qingxqair, dyrr si Jabbok Hyy.

3 Qycc Jordan Snuaqog dangsir qaur Galilee Haiw, dyrr si Iamm Haiw, tangr qaur Bet Jesimot ee lo, ixqip lamhngx, didqaur Pisgah ee snuax-kax;

4 Qycc u Basan Ongg Og ee qingxqair, ix si Rlefaimlangg soxx cunx :ee, diamr dirr Astalot qapp Edlei.

5 Ix soxx quanw ee de, si Hermon Snuax, Salekah, Basan juann de, qaur Gesurlangg qapp Maakahlangg ee qingxqair, ixqip Gilead ee jidvnuar, didqaur Hesbon Ongg Sihon ee qingxqair.

6 Inx si Jehovah ee lovok Moses qapp Islaellangg soxx pah :ee; Jehovah ee lovok Moses jiong' inx ee de hro Rleubenlangg, Gadlangg, qapp Manasseh vnuar jipair ee langg juer giap.

7 Dirr Jordan ee saivingg, dui' Lebanon snuaqog ee Baalgad, qaur jnriu kir Seir ee Halak Snuax, Josua qapp Islaellangg pah inx ee de. Josua dyrr jiong' de vunx hro Islaelqog qokkjipair, jiauww inx ee jongjok juer giap;

8 Dyrr si dirr snuade, dirr vni'ngiuu, dirr Jordan Snuaqog, dirr snuax-kax, dirr kongwiaw, dirr lamhngx ee de, si Hitlangg, Amolilangg, Kanaanlangg, Pelizlangg, Hivilangg, Jebuslangg druar ee soxjai. Jiaxee ongg qir dirr erdew;

9 Jit xee si Jeliqo Ongg; jit xee si uaw qin Betel, Ai Sniaa ee ongg;

10 Jit xee si Jelusalem Ongg; jit xee si Heblon ongg;

11 Jit xee si Jarmut Ongg; jit xee si Laqis Ongg;

12 Jit xee si Eglon Ongg; jit xee si Gezer Ongg;

13 Jit xee si Debir Ongg; jit xee si Geder Ongg;

14 Jit xee si Hormah Ongg; jit xee si Alad Ongg;

15 Jit xee si Libnah Ongg; jit xee si Adullam Ongg;

16 Jit xee si Makkedah Ongg; jit xee si Betel Ongg;

17 Jit xee si Tappuah Ongg; jit xee si Hefer Ongg;

18 Jit xee si Afek Ongg; jit xee si Lasalon Ongg;

19 Jit xee si Madon Ongg; jit xee si Azor Ongg;

20 Jit xee si Simlon Melon Ongg; jit xee si Acsaf Ongg;

21 Jit xee si Taanac Ongg; jit xee si Megiddo Ongg;

22 Jit xee si Kedes Ongg; jit xee si uaw qin Karmel ee Jokneam Ongg;

23 Jit xee si dirr snuatauu ee Dor Ongg;

24 Jit xee si Galilee ee Goiim Ongg; jit xee si Tizah Ongg; qewqiong snax-jap-id xee ongg.

13 Josua huewsiu je, nilau, Jehovah duiww ix qongw, "Liw huewsiu je, nilau, ingqaix cruw ee de, iauxx u cunx jin' je;

2 Soxx cunx ee de, dyrr si Filistlangg qapp Gesurlangg ee juann de;

3 Dui' Egipt taujingg ee Sihor, ngr vag qaur Eklon ee qingxqair, jex dyrr sngr juer Kanaanlangg ee de. Filistlangg go xee siuxlingw, dyrr si Gazalangg, Asdodlangg, Askelonlangg, Gatlangg, Eklonlangg;

4 Qycc u Kanaanlangg ee juann de, Sidonlangg ee Mealah, qaur Afek, didqaur Amolilangg ee qauqair;

5 Qycc u Geballangg ee de, qapp ngr zit cud qa'nngg ee Lebanon, dui' Hermon Snuax-kax ee Baalgad, qaur Hamat ee lorkauw;

6 Kiarkiw snuade longxjongw ee vecsnir, dui' Lebanon qaur Mislepot Maim, Sidon ee jingwlangg, Guaw beh dirr Islaellangg ee binrjingg qnuaw inx cud .kir; liw tangx jiauww Guaw soxx bingrling liw :ee, vunx hiaxee de hro Islaellangg juer giap.

7 Dnaxx liw diyhh jiong' jitt xee de vunx hro qauw jipair qapp Manasseh vnuar jipair juer giap.

8 Rleuben, Gad, nng jipair, qapp Manasseh iauxx vnuar jipair, snaqab did diyc Moses soxx sniuxsur ee giap, dirr Jordan dangsir hitt vingg, dyrr si jiauww Jehovah ee lovok Moses soxx hro inx :ee.

9 Si dui' Arnon Snuaqog vnix ee Aloer, qapp snuaqog diongx ee sniaa, ixqip Medeba ee juann vni'ngiuu, didqaur Dibon;

10 Qapp diamr dirr Hesbon juer ongg, Amolilangg ee Ongg Sihon jiaxee sniaa, qaur Ammonlangg ee qauqair;

11 Qycc u Gilead-de, Gesurlangg, Maakahlangg ee derqair, qapp qa'nngg ee Hermon Snuax, qa'nngg ee Basan, qaur Salekah;

12 Qycc Basan Ongg Og ee juann qog, ix dirr Astalot qapp Edlei juer ongg. Ix si Rlefaim-jok soxx cunx :ee; in'ui jiaxee longxx si Moses soxx pah :ee, soxx qnuaw :ee.

13 Danrsi Islaellangg byy qnuaw Gesurlangg, Maakahlangg; qaur qinaxzit, Gesur qapp Maakah iuguann diamr dirr Islaellangg ee diongqanx.

14 Dogdok byy vunx giap hro Levi ee jipair; Jehovah, Islael ee Siongrder ee siyjer ee jewmic juer inx ee giap, jiauww Ix soxx duiww ix qongw :ee.

15 Moses vunx hro Rleuben jipair :ee, jiauww inx ee jongjok.

16 Inx ee qingxqair si Arnon Snuaqog vnix ee Aloer, qapp snuaqog diongx ee sniaa, uaw qin Medeba ee juann vni'ngiuu,

17 Hesbon qapp ix vni'ngiuu hiaxee sniaa, Dibon, Bamot Baal, Bet Baalmeon;

18 Jahaz, Kedemot, Mefaat;

19 Kiliataim, Sibmah, qapp snuaqog diongx ee snuax Zelet-sahar;

20 Betpeor, Pisgah ee snuapniaa, Bet Jesimot;

21 Qycc vni'ngiuu hiaxee sniaa, dirr Hesbon juer ongg ee Amolilangg ee ongg Sihon ee juann qog. Moses pah ix qapp Midian hiaxee siuxlingw, dyrr si Evi, Rlekem, Zur, Hur, Rleba; jiaxee longxx si diamr dirr hitt soxjai juer siuxlingw, sriok dirr Sihon :ee.

22 Islaellangg taii hiaxee langg ee sii, iarr ing dyx taii Beor ee qniaw, sudsu Balaam.

23 Rleubenlangg ee qingxqair, ix ee giap dirr Jordan qapp hyy-vnix ee de. Jex si Rleubenlangg ee giap, jiauww inx ee jongjok, jiaxee sniaa, jiaxee hniusia.

24 Moses vunx hro Gatlangg, jiauww Gad ee jipair ee jongjok.

25 Inx ee qingxqair si Jazer qapp Gilead itcer ee sniaa, qapp Ammonlangg jidvnuar ee de, qaur Rlabbah taujingg ee Aloer.

26 Dui' Hesbon qaur Rlamat Mizpeh, qapp Betonim, qycc dui' Mahanaim, qaur Debir ee qingxqair;

27 Qapp snuaqog diongx ee Bet Halam, Betnimlah, Sukkot, Zafon, dyrr si Hesbon Ongg Sihonqog lai soxx cunx ee de, ixqip Jordan Hyy qapp hyy-vnix ee de, didqaur Galilee Haiw ee qigtauu, dirr Jordan hitt vingg ee dangsir.

28 Jex si Gatlangg jiauww ix ee jongjok soxx did diyc juer giap jiaxee sniaa, qapp hniusia.

29 Moses vunx hro Manasseh vnuar jipair :ee, si jiauww Manassehlangg vnuar jipair ee jongjok.

30 Inx ee qingxqair si dui' Mahanaim kiw, vauhamm Basan juann de, dyrr si Basan Ongg Og ee juann qog, qapp dirr Basan Jair itcer ee sniaa, qiong lak-jap xee sniaa;

31 Gilead ee jidvnuar, qapp Astalot, Edlei, si sriok Basan Ongg Og ee qog ee sniaa, si hro Manasseh ee qniaw, Maqir, dyrr si Maqir ee qniaxsunx ee jidvnuar, jiauww ix ee jongjok.

32 Dingxbin si Moses dirr Jordan hitt vingg dangsir, Jeliqo duiwbin Moab ee vni'ngiuu, soxx vunx ee giap.

33 Dogdok Levi jipair, Moses byy vunx giap hro inx; Jehovah, Islael ee Siongrder si juer inx ee sanxgiap, jiauww Ix soxx qra inx qongw :ee.

14 Islaellangg dirr Kanaan-de soxx did .diyc ee giap, dyrr si jewsix Eleazar, qapp Nun ee qniaw Josua, qapp Islael dagg jipair ee jogdniuw, soxx vunx hro inx :ee, longxx qir dirr erdew.

2 Si jiauww Jehovah tog Moses soxx bingrling :ee, liamx kaux vunx hro qauw jipair qycc vnuar jipair.

3 In'ui Moses dirr Jordan Hyy hitt vingg, ixqing’ vunx giap hro nng xee jipair qycc vnuar jipair; dogdok dirr inx diongqanx byy vunx giap hro Levilangg.

4 In'ui Josef ee qniaxsunx si nng jipair, dyrr si Manasseh qapp Eflaim; danrsi byy ing de vunx hro Levilangg juer giap; jixu hro inx sniaa tangx kiarkiw, qapp sniaa ee qau'iaw, tangx juer jingsnix qapp jaibut ee loring.

5 Islaellangg jiauww Jehovah soxx bingrling Moses :ee kir qniaa, laii vunx hitt xee de.

6 Hitt sii Judahlangg dirr Gilgal qnir Josua; u Keniz-jok, Jefunneh ee qniaw Kaleb qra ix qongw, "Jaw dirr Kades Barnea, Jehovah duiww Siongrder ee lovok Moses soxx qongw, quanhe liw guaw ee dairjir :ee, liw longxx jaix.

7 Jehovah ee lovok Moses dui' Kades Barnea crex guaw taux knuar jitt xee de, hitt sii guaw duxaxx sir-jap huer; guaw jin guaw ee simx huehog ix.

8 Danrsi qapp guaw jnriu kir hiaxee hniadi hro vecsnir simx sitjir; dogdok guaw juansimx duer Jehovah, guaw ee Siongrder.

9 Dngzit Moses jiuwjua qongxx, 'Liw ee kax soxx dac ee de, dniardiyc beh qruix liw qapp liw ee qniaxsunx, ingxuanw juer giap; in'ui liw juansimx qinduer Jehovah, guaw ee Siongrder.'

10 Knuar ar, Jehovah jiauww Ix soxx qongw :ee, hro guaw uac lehh ixqing’ sir-jap-go nii, dyrr si dui' Islaellangg qniaa dirr kongwiaw, Jehovah qra Moses qongw jex ue ee sii. Knuar ar, henrjai guaw veh-jap-go huer lar.

11 Guaw iauxquxx iongxqnia, cincniu Moses crex guaw kir hitt zit jidngiu, bylun si jingjenr, si cutzip, guaw ee kuiwlat hitt sii jnaixngiu, henrjai guaw ee kuiwlat iarr si anxnix.

12 Qriuu liw ing Jehovah hitt zit soxx qongw ee snuade hro guaw; in'ui hitt zit liw iarr u tniax .qnir. Hiax u Anakim-jok ee langg, ix ee sniaa kuacdua qenqor. Narr Jehovah qapp guaw dilehh, guaw dyrr beh qnuaw inx cud, jiauww Jehovah soxx qongw :ee."

13 Josua dyrr qra ix jiokhog, ing Heblon hro Jefunneh ee qniaw Kaleb juer giap.

14 Soxiw Heblon juer Keniz-jok Jefunneh ee qniaw Kaleb ee sanxgiap, didqaur qinaxzit; in'ui ix juansimx qinduer Jehovah, Islael ee Siongrder.

15 Heblon jingg qiyr Qiliat Arba; jitt xee Arbalangg si Anakim-jok diongx derr ix dua :ee. Dui' anxnix qog-lai taiwvingg, byy qycc qaujenr.

15 Judah ee jipair jiauww jongjok liamx kaux soxx did .diyc ee de, si dirr qik lamsir, qaur Edom ee qauqair, ngr lamm didqaur Zin ee kongwiaw.

2 Inx lamsir ee qaiwsnuar, si dui' Iamm Haiw ee qigtauu, dyrr si ngr lamm ee haixuanx;

3 Tangr qaur Aklabbim snuapniaa ee lamsir, lenn qaur Zin, jnriu qaur Kades Barnea ee lamsir, qycc quer Hezlon, jnriu qaur Addar, sec qaur Karka;

4 Lenn qaur Azmon, tangr qaur Egipt ee siyw hyy, jitt xee qaiwsnuar qaur haiw uijiw; jex dyrr si linw lamsir ee qaiwjiw.

5 Dangsir ee qaiwsnuar, dyrr si Iamm Haiw, qaur Jordan Hyy-kauw. Vaksir ee qaiwsnuar, si dui' Jordan Hyy-kauw ee haixuanx kiw;

6 Jnriu qaur Bet Hoglah, quer Jordan Snuaqog ee vaksir, jnriu qaur Rleuben ee qniaw Bohan ee jiyhvnuaa;

7 Hitt xee qaiwsnuar qycc dui' Akor ee snuaqog jnriu qaur Debir, dui' vaksir jnriu .kir, ngr Adummim ee snuapniaa duiwbin ee Gilgal, dirr hyy ee lamvingg :ee. Hitt xee qaiwsnuar qaur Ensemes ee juiw, qaur Enlogel uijiw.

8 Jitt xee qaiwsnuar qingquer Hinnom ee snuaqog, dyrr qaur Jebus Snuaa-qnii ee lamsir, (Jebus dyrr si Jelusalem). Hitt xee qaiwsnuar qycc jnriu qaur Hinnom Snuaqog saisir ee snuax-dingw, dyrr si Rlefaim Snuaqog vaksir ee qigtauu.

9 Hitt xee qaiwsnuar qycc dui' snuax-dingw qaur Neftoah ee juixjnuaa, tangr qaur Eflon Snuax hiaxee sniaa. Hitt xee qaiwsnuar qycc qaur Baalah (Baalah dyrr si Kiliat Jealim).

10 Hitt xee qaiwsnuar qycc dui' Baalah ngr saisir beh qaur Seir Snuax, quer qaur Jealim Snuax-vnix ee vakvingg (Jealim dyrr si Qesalon), qycc lyc kir qaur Bet Semes, qingquer Timnah.

11 Hitt xee qaiwsnuar qycc tangr qaur Eklon vnix:a ee vaksir, hitt xee qaiwsnuar suar qaur Sikkelon, qingquer qaur Baalah Snuax, qycc tangr qaur Jamnia. Jitt xee qaiwsnuar qaur haiw uijiw.

12 Saisir ee qaiwsnuar qaur duarhaiw, qapp ix ee haiw-qnii. Jex si Judahlangg, jiauww inx ee jongjok, siwuii ee qauqair.

13 Jiauww Jehovah bingrling Josua :ee, ix dyrr dirr Judah ee jok-diongx, jiong' jit hxun hro Jefunneh ee qniaw Kaleb juer giap, dyrr si Qiliat Arba, iarr qiyr juer Heblon; Arba si Anakim-jok ee jow.

14 Kaleb dui' hiax qnuaw cud Anak snax xee qniaw, dyrr si Sesai, Ahiman, Talmai, longxx si Anak ee qniaw.

15 Qycc dui' hiax jnriu kir qrongx Debir kiarkiw ee vecsnir. Jitt xee Debir jingg miaa qiyr Kiliat Sefer.

16 Kaleb qongw, "Narr u langg pah Kiliat Sefer laii cruw ix, guaw beh jiong' guaw ee jaboxqniaw Acsah hro ix juer bow."

17 Kaleb ee hniadi Kenaz ee qniaw Otniel cruw ix; ix dyrr jiong' ix ee jaboxqniaw Acsah hro ix juer bow.

18 Acsah quewmngg ee sii, krngr diongrhux duiww inx laurve tyw jit kux cann. Acsah dui' luu lyc .laii; Kaleb mng qongxx, "Liw beh simxmih ar?"

19 Ix qongw, "Qriuu liw suwhog guaw; liw ixqing’ andir guaw dirr lamhngx ee de, qriuu liw hro guaw juixjnuaa." Ix dyrr ing dingw ee juixjnuaa, xe ee juixjnuaa hro ix.

20 Erdew si Judahlangg ee jipair soxx did .diyc ee giap, jiauww ix ee jongjok.

21 Judahlangg ee jipair lamsir qigtauu ee sniaa, qapp Edom qauqair sna' qin :ee, dyrr si Kabzeel, Eder, Jagur,

22 Kinah, Dimonah, Adadah,

23 Keses, Hazor, Itnan,

24 Zip, Telem, Bealot,

25 Hazor Hadattah, Keliot Hezlon (dyrr si Hazor),

26 Amam, Sema, Moladah,

27 Hazar Gaddah, Hesmon, Betpelet,

28 Hazar Sual, Beerseba, Biziotiah,

29 Baalah, Iim, Ezem,

30 Eltolad, Qesil, Hormah,

31 Ziklag, Madmannah, Sanasannah,

32 Lebaot, Silhim, Ain, qapp Rlimmon; qiong zi-jap-qauw jxy sniaa, qapp inx ee hniusia.

33 Dirr vni'ngiuu u Estaol, Zolah, Asnah,

34 Zanoah, Engannim, Tappuah, Enam,

35 Jarmut, Adullam, Sokoh, Azekah,

36 Saalaim, Aditaim, Gedelah, qapp Gedelotaim, qiong jap-sir jxy sniaa, qapp ix ee hniusia.

37 Qycc u Zenan, Hadasah, Migdalgad,

38 Dilean, Mizpah, Jokteel,

39 Laqis, Bozkat, Eglon,

40 Kabbon, Lahmam, Qitlis,

41 Gedelot, Betdagon, Naamah, qapp Makkedah, qiong jap-lak jxy sniaa, qapp ix ee hniusia.

42 Qycc u Libnah, Eter, Asan,

43 Iftah, Asnah, Nezib,

44 Keliah, Aczip, qapp Malesah, qiong qauw jxy sniaa, qapp ix ee hniusia.

45 Qycc u Eklon qapp ix ee queci, ix ee hniusia;

46 Dui' Eklon qaur haiw, itcer uaw qin Asdod :ee, qapp ix ee hniusia.

47 Asdod qapp ix ee queci, ix ee hniusia; Gaza, qapp ix ee queci, ix ee hniusia; qaur Egipt siyw hyy, qapp duarhaiw, ixqip ix ee haiw-qnii.

48 Dirr snuade u Samir, Jattir, Sokoh,

49 Dannah, Kiliat Sefer (dyrr si Debir),

50 Anab, Estemoa, Anim,

51 Gosen, Holon, qapp Giloh, qiong jap-id jxy sniaa, qapp ix ee hniusia.

52 Qycc u Alab, Dumah, Esan,

53 Janim, Bet Tappuah, Afekah,

54 Humtah, Qiliat Arba (dyrr si Heblon), qapp Zior, qiong qauw jxy sniaa, qapp ix e hniusia.

55 Qycc u Maon, Karmel, Zif, Juttah,

56 Jezleel, Jokdeam, Zanoah,

57 Kain, Gibeah, qapp Timnah, qiong jap jxy sniaa, qapp ix ee hniusia.

58 Qycc u Halhul, Betzur, Gedor,

59 Maalat, Betanot, qapp Eltekon, qiong lak xee sniaa, qapp ix ee hniusia.

60 Qycc u Kiliat Baal (dyrr si Kiliat Jealim), qapp Rlabbah, qiong nng jxy sniaa, qapp ix ee hniusia.

61 Dirr kongwiaw u Bet Alabah, Middin, Sekakah,

62 Nibsan, Iamm Sniaa, Engedi, qiong lak jxy sniaa; qapp ix ee hniusia.

63 Lun qaur diamr dirr Jelusalem ee Jebuslangg, Judahlangg be e qnuaw inx cud .kir; Jebus dirr Jelusalem qapp Judahlangg snaqab kiarkiw didqaur qinaxzit.

16 Josef ee qniaxsunx liamx kaux soxx did .diyc ee de, si dui' uaw qin Jeliqo ee Jordan Hyy kiw, dirr Jeliqo juixjnuaa ee dangvingg, dui' Jeliqo jnriu .kir, tangr quer snuade ee kongwiaw, qaur Betel;

2 Qycc dui' Betel qaur Luz, lenn qaur Arqilangg ee qingxqair, qaur Atalot Addar;

3 Qycc ngr saix lyc kir qaur Jaflletlangg ee qingxqair, qaur erbin ee Bet Holon ee qingxqair, didqaur Gezer, tangr qaur haiw uijiw.

4 Josef ee qniaw Manasseh Eflaim dyrr did diyc jex juer inx ee giap.

5 Eflaim qniaxsunx ee qingxqair, jiauww inx ee jongjok soxx did .diyc .ee, qir dirr erbin. Inx ee giap dangsir ee qaiwsnuar si Atalot Addar didqaur dingxbin ee Bet Holon.

6 Hitt xee qaiwsnuar ngr saix tangr qaur vakvingg ee Miditellanean Haiw, hitt xee qaiwsnuar ngr dangx sec qaur Taanat Siloh, qycc lenn qaur Janoah ee dangvingg.

7 Dui' Janoah lyc kir qaur Atalot, qycc qaur Naalah, taur qaur Jeliqo, tangr qaur Jordan uijiw.

8 Hitt xee qaiwsnuar dui' Tappuah ngr saix, qaur Kanah Hyy, tangr qaur haiw uijiw. Jex dyrr si Eflaimlangg ee jipair, jiauww inx ee jongjok, soxx did .diyc ee giap.

9 Lingrgua dirr Manasseh qniaxsunx ee giap diongx, u hunvet ee sniaa; hiaxee sniaa, qapp ix ee hniusia, longxx vunx hro Eflaimlangg.

10 Inx byy qnuaw cud diamr dirr Gezer ee Kanaanlangg; danrsi Kanaanlangg diamr dirr Eflaimlangg ee diongqanx, juer koxqangx ee lovok, qaur qinaxzit.

17 Jex si Manasseh ee jipair liamx kaux soxx did .diyc ee giap; in'ui ix si Josef ee dua-qniaw. Lun qaur Maqir, si Manasseh ee dua-qniaw, Gilead ee laurve, in'ui ix si iongxsu, dyrr did diyc Gilead qapp Basan.

2 Manasseh qi'uu ee qniaxsunx, jiauww inx ee jongjok, liamx kaux vunx de; dyrr si Abiezer ee qniaxsunx, Helek ee qniaxsunx, Asliel ee qniaxsunx, Seqem ee qniaxsunx, Hefer ee qniaxsunx, qapp Semida ee qniaxsunx; jiaxee jiauww inx ee jongjok, longxx si Josef ee qniaw Manasseh ee davodingx.

3 Manasseh ee guansunx, Maqir ee jingsunx, Gilead ee sunx, Hefer ee qniaw Zelofehad byy qniaw, jixu jaboxqniaw; ix ee jaboxqniaw miaa qiyr Mahlah, Noah, Hoglah, Milkah, qapp Tirzah.

4 Inx laii qaur jewsix Eleazar qapp Nun ee qniaw Josua, qapp jiongww siuwlingw ee binrjingg, qongw, "Jehovah bad bingrling Moses, dirr guanw hniadi diongx vunx giap hro guanw." Dyrr jiauww Jehovah soxx bingrling :ee, dirr inx laurve ee hniadi diongx, vunx giap hro inx.

5 Dirr Jordan hitt vingg, Gilead qapp Basan-de ixgua, Manasseh qycc liamx kaux did diyc jap hxun ee de.

6 In'ui Manasseh hiaxee jaboxsunx, dirr Manasseh ee qniaxsunx diongx, did diyc giap. Gilead-de si sriok Manasseh qi'uu ee qniaxsunx.

7 Manasseh ee derqair, dui' Aser kiw, qaur Seqem ee taujingg ee Micmetat, hitt xee qaiwsnuar ngr jniawciuxvingg, qaur Entappuah kiarkiw ee vecsnir hiax.

8 Tappuah ee de qruix Manasseh; dogdok Manasseh ee qauqair ee Tappuah qruix Eflaim ee qniaxsunx.

9 Ix ee qaiwsnuar lyc kir qaur Kanah Hyy; dirr hyy ee lamvingg, dirr Manasseh hiaxee sniaa ee diongqanx, jiaxee sniaa si sriok Eflaim; Manasseh ee derqair si dirr hyy ee vaksir, tangr qaur haiw uijiw.

10 Lamm sriok Eflaim, vag sriok Manasseh, ing haiw juer ix ee qaiwsnuar; vakvingg qaur Aser, dangvingg qaur Issaqar.

11 Manasseh dirr Issaqar qapp Aser ee qingxlai, u Bet San qapp ix ee hniusia, Ibleam qapp ix ee hniusia, Dor kiarkiw ee vecsnir qapp ix ee hniusia; qycc u snax xee snuade soxjai, dyrr si Endor qapp ix ee hniusia, Taanac kiarkiw ee vecsnir qapp ix ee hniusia, Megiddo kiarkiw ee vecsnir qapp ix ee hniusia.

12 Danrsi Manasseh ee qniaxsunx be e qnuaw cud hiaxee sniaa ee vecsnir; Kanaanlangg quat'ir beh diamr dirr hitt xee de;

13 Qaur Islaellangg qiongsing ee sii, dyrr hro Kanaanlangg juer koxqangx, byy itjin qnuaw inx cud.

14 Josef ee qniaxsunx duiww Josua qongw, "Jehovah vingsii suwhog guanw, guanw dyrr jniaa juer dua jok. Liw sniaw su qandna' ing jit kaux ee hunrgiac hro guanw juer giap ar?"

15 Josua duiww inx qongw, "Linw narr qyxzenn jniaa juer dua jok, Eflaim-de duiwdirr linw si kacc ehser, dyrr liw tangx jnriu kir ciurnaa, dirr Pelizlangg, Rlefaimlangg ee de, dirr hiax uirr qaqi laii kaikunw."

16 Josef ee qniaxsunx qongw, "Hitt xee de byy qraur gxiac iong'unw guanw; qycc diamr dirr vni'ngiuu ee Kanaanlangg, dyrr si diamr dirr Bet San qapp ix ee hniusia, qapp diamr Jezleel vni'ngiuu ee langg, longxx u ticciax."

17 Josua duiww Josef ee qrex, dyrr si Eflaim qapp Manasseh ee langg qongw, "Linw si dua jok qycc qiongsing; m na jit kaux ee hunrgiac, snuade iarr beh qruix linw;

18 Suizenn si ciurnaa, linw iarr tangx cyr ix; ix ee qigtauu iarr beh sriok linw. Kanaanlangg suizenn u ticciax, qycc qiongsing, linw iarr e qnuaw inx cud .kir."

18 Islaellangg ee juann hue longxx jurjip dirr Siloh, dah huerbo dirr hiax; in'ui hitt derhngx ixqing’ hro inx kacc ngiaa.

2 Islaellangg diongx, iauxx u cid jipair bue did diyc inx ee giap.

3 Josua duiww Islaellangg qongw, "Jehovah, linw ledjow ee Siongrder soxx sniuxsur linw ee de, linw encenn m kir cruw ix, beh qaur dirsii ar?

4 Linw dagg jipair diyhh qingw snax langg, guaw beh crex inx kir." Inx dyrr kixsinx venww qniaa hitt xee de, jiauww inx ee hunrgiac rue doo, dyrr dyr laii guaw jiax.

5 Inx diyhh jiong' de vunx juer cid hxun; Judah iuguann dirr lamhngx, diamr dirr ix ee qingxlai. Josef ee qrex iuguann dirr vakhngx diamr dirr ix ee qingxlai.

6 Linw diyhh jiong' de vunx juer cid hxun, rue doo tec laii guaw jiax; guaw dyrr beh dirr Jehovah, lanw Siongrder ee binrjingg, qra linw liamx kaux.

7 Dogdok Levilangg dirr linw diongqanx byy hxun, in'ui Jehovah jewsix ee jithun dyrr si inx ee giap. Gad, Rleuben, qapp Manasseh vnuar jipair, ixqing’ dirr Jordan hitt vingg dangsir did diyc de juer giap, dyrr si Jehovah ee lovok Moses soxx hro inx :ee."

8 Hiaxee langg kixsinx kir. Josua bingrling hiaxee kir beh rue derdoo ee langg, qongw, "Linw kir venww qniaa hitt xee de, rue doo dywdngw laii guaw jiax; guaw beh dirr Siloh jiax, Jehovah ee binrjingg, qra linw liamx kaux."

9 Inx dyrr kir, venww qniaa hitt xee de, jiauww inx ee sniaa rue juer cid hxun, qir dirr ceh nirr, dywdngw qaur Siloh ee ngiaa-diongx qnir Josua.

10 Josua dyrr dirr Siloh, Jehovah ee binrjingg, qra inx liamx kaux. Josua dirr hiax vunx de hro Islaellangg, jiauww inx ee jongjok.

11 Qra Benjamin ee jipair liamx kaux, jiauww inx ee jongjok soxx did .diyc ee de; hitt xee qaiwsnuar si dirr Judah ee qniaxsunx, Josef ee qniaxsunx ee diongqanx.

12 Inx vakvingg ee qaiwsnuar, si dui' Jordan Hyy kiw; ix ee qaiwsnuar jnriu kir qaur Jeliqo vnix:a ee vaksir, qycc jnriu .kir, vnuaa quer snuax, ngr saisir kir, diddit qaur Bethaven ee kongwiaw.

13 Hitt xee qaiwsnuar dui' hiax kir qaur Luz, qaur Luz lamsir ee vnix:a (Luz dyrr si Betel). Ix ee qaiwsnuar qycc lyc kir qaur Atalot Addar, uaw qin erbin ee Bet Holon lamvingg ee snuax.

14 Ix ee qaiwsnuar dui' saisir uad lyc lamm, dui' Bet Holon taujingg lamsir ee snuax, didqaur Judahlangg ee sniaa Kiliat Baal, (dyrr si Kiliat Jealim); jex si inx saisir ee qaiwsnuar.

15 Lamvingg si dui' Kiliat Jealim ee qigtauu kiw; ix ee qaiwsnuar dui' saisir cud, qaur Neftoah ee juixjnuaa.

16 Ix ee qaiwsnuar qycc lyc kir qaur Hinnom Snuaqog, qaur Jebus ee lamvingg, qycc lyc kir qaur Enlogel.

17 Qycc dui' vaksir cud .kir, qaur Ensemes, cud kir qaur Adummim Snuapniaa duiwbin ee Gelilot, qycc lyc kir qaur Rleuben ee qniaw Bohan ee jiyhvnuaa.

18 Qycc kir Jordan Snuaqog duiwbin vaksir ee vnix:a, lyc kir qaur Jordan Snuaqog.

19 Ix ee qaiwsnuar qaur Bet Hoglah vaksir ee vnix:a; jitt xee qaiwsnuar diddit qaur Iamm Haiw vakvingg ee haixuanx, dyrr si Jordan lamsir ee hyy-kauw; jex si ix lamvingg ee qairwsnuar.

20 Dangvingg ee qaiwsnuar qaur Jordan Hyy. Jex si Benjaminlangg ee giap, jiauww inx ee jongjok, inx siwuii ee qauqair.

21 Benjamin jipair jiauww inx ee jongjok soxx did .diyc ee sniaa, dyrr si Jeliqo, Bet Hoglah, Emek Keziz,

22 Bet Alabah, Zemalaim, Betel,

23 Avim, Palah, Oflah,

24 Qefalammoni, Ofni, qapp Geba, qiong jap-zi jxy sniaa, qapp ix ee hniusia.

25 Qycc u Gibeon, Rlamah, Beelot,

26 Mizpah, Qefilah, Mozah,

27 Rlekem, Irpeel, Talalah,

28 Zela, Haelef, Jebus, dyrr si Jelusalem, Gibeah, qapp Kiliat Jealim, qiong jap-sir jxy sniaa, qapp ix ee hniusia. Jex si Benjaminlangg soxx did .diyc ee giap, jiauww inx ee jongjok.

19 Derr zi vaiw liamx kaux si uirdiyhh Seben, dyrr si uirdiyhh Simeonlangg ee jipair; jiauww inx ee jongjok. Inx ee giap si dirr Judahlangg ee giap ee diongqanx.

2 Inx soxx did .diyc ee sanxgiap, dyrr si Beerseba, Seba, Mladah,

3 Hazar Sual, Balah, Ezem,

4 Eltolad, Bethul, Hormah,

5 Ziklag, Bet Markabot, Hazar Susah,

6 Bet Lebaot, qapp Saluhen, qiong jap-snax jxy sniaa, qapp ix ee hniusia.

7 Ain, Rlimmon, Eter, qapp Asan, qiong sir jxy sniaa, qapp ix ee hniusia;

8 Qapp jiaxee sniaa siwuii itcer ee hniusia, didqaur Baalat Beer lamsir ee Rlamah. Jex si Simeonlangg ee jipair soxx did .diyc ee giap, jiauww inx ee jongjok.

9 Simeonlangg ee giap si dui' Judahlangg ee giap-diongx did .diyc .ee; Judahlangg ee hunrgiap sniu' je, soxiw Simeonlangg dirr inx ee giap-diongx did diyc giap.

10 Derr snax vaiw liamx kaux si uirdiyhh Zebulunlangg, jiauww inx ee jongjok.

11 Inx ee giap ee derqair si qaur Salid; inx ee qaiwsnuar ee saisir jnriu kir qaur Maleal, taur kaur Dabbeset, qycc taur qaur Jokneam taujingg ee kex;

12 Qycc dui' Salid uad duiww dangsir, ngr zit cud ee soxjai, qaur Qislot Tabor ee qauqair; qycc tangr qaur Dabelat, jnriu qaur Jafia.

13 Dui' hiax ngr dangx kir qaur Gat Hefer, qycc qaur Etkazin, qycc cud kir Rlimmon, tangr qaur Neah;

14 Hitt xee qaiwsnuar dui' vakhngx sec qaur Hannaton, tangr qaur Iftahel ee snuaqog jriw;

15 Iauxx u Kattat, Nahalal, Simlon, Idalah, qapp Betlehem, qiong jap-zi jxy sniaa, qapp inx ee hniusia.

16 Jiaxee sniaa, qapp inx ee hniusia, dyrr si Zebulunlangg soxx did .diyc ee giap, jiauww inx ee jongjok.

17 Derr sir vaiw liamx kaux uirdiyhh Issaqar, dyrr si uirdiyhh Issaqarlangg, jiauww inx ee jongjok.

18 Inx ee derqair u Jezleel, Qesullot, Sunem,

19 Hafalaim, Sion, Anahalat,

20 Rlabbit, Kision, Ebez,

21 Rlemet, Engannim, Enhaddah, qapp Betpazez;

22 Hitt xee qauqair qaur Tabor, Sahazumah, qapp Bet Semses; inx ee qaiwsnuar ee qigtauu si dirr Jordan, qiong jap-lak jxy sniaa, qapp inx ee hniusia.

23 Jiaxee sniaa, qapp inx ee hniusia, dyrr si Issaqarlangg ee jipair soxx did .diyc ee giap, jiauww inx ee jongjok.

24 Derr go vaiw liamx kaux si uirdiyhh Aserlangg ee jipair, jiauww inx ee jongjok.

25 Inx ee derqair si Helkat, Hali, Beten, Acsaf,

26 Allam Melec, Amad, qapp Misal, ngr saisir qaur Karmel, qycc qaur Sihor Libnat;

27 Uad ngr zit cud ee soxjai, qaur Betdagon, tangr qaur Zebulun, uad vaksir qaur Iftahel Snuaqog, qaur Betemek, qapp Neiel, iarr tangr qaur Kabul ee dyr vingg.

28 Qycc qaur Ebon, Rlehob, Hammon, qapp Kanah, didqaur Sidon ee dua sniaa.

29 Hitt xee qaiwsnuar uad qaur Rlamah, qapp qenqor ee sniaa Tyle; hitt xee qaiwsnuar qycc sec qaur Hosah; ix ee qigtauu qaur dirr haiw, qin Aczib itdair ee derhngx;

30 Qycc u Ummah, Afek, qapp Rlehob, qiong zi-jap-zi jxy sniaa, qapp inx ee hniusia.

31 Jiaxee sniaa, qapp inx ee hniusia, dyrr si Aserlangg ee jipair soxx did .diyc ee giap, jiauww inx ee jongjok.

32 Derr lak vaiw liamx kaux uirdiyhh Naftalilangg, dyrr si Naftali ee langg, jiauww inx ee jongjok.

33 Inx ee qaiwsnuar si dui' Helef, dui' Zaanannim ee siongrciu, dui' Adaminkeb, qapp Jamnia, didqaur Lakkum, tangr qaur Jordan Hyy;

34 Hitt xee qaiwsnuar uad ngr saisir, qaur Aznot Tabor; dui' hiax cud kir qaur Hukkok, lamvingg qaur Zebulun, saivingg qaur Aser; qycc ngr zit cud ee soxjai, taur qaur Jordan Hyy hiax, qaur Judah.

35 Qenqor ee sniaa dyrr si Ziddim, Zer, Hammat, Rlakkat, Qinnelet,

36 Adamah, Rlamah, Hazor,

37 Kedes, Edlei, Enhazor,

38 Yilon, Migdalel, Holem, Betanat, qapp Bet Semses, qiong jap-qauw jxy sniaa, qapp inx ee hniusia.

39 Jiaxee sniaa qapp inx ee hniusia dyrr si Naftalilangg ee jipair soxx did .diyc ee giap, jiauww inx ee jongjok.

40 Derr cid vaiw liamx kaux uirdiyhh Dan ee qniaxsunx ee jipair, jiauww inx ee jongjok.

41 Inx ee giap ee derqair si Zolah, Estaol, Irsemes,

42 Saalbim, Aijalon, Itlah,

43 Elon, Timnah, Eklon,

44 Eltekeh, Gibbeton, Baalat,

45 Jehud, Benebelak, Gatlimmon,

46 Mejarkon, qapp Rlakkon, qapp Joppa duiwbin ee derqair.

47 Dan ee qniaxsunx e derqair vnuaa quer inx ee vunxgiap; in'ui Dan ee qniaxsunx jnriu kir qongqig Lais laii cruw ix, ing dyx taii sniaa-lai ee langg, did diyc hitt xee sniaa; ing inx joxqongx Dan ee miaa qiyr Lais juer Dan.

48 Jiaxee sniaa, qapp inx ee hniusia, dyrr si Dan ee qniaxsunx ee jipair soxx did .diyc ee giap, jiauww inx ee jongjok.

49 Inx jiauww derqair vunx de juer giap ixqing’ uann, Islaellangg dyrr dirr inx diongqanx jiong' de hro Nun ee qniaw Josua juer giap.

50 Jiauww Jehovah ee bingrling, jiong' ix soxx qriuu ee sniaa hro ix, dyrr si Eflaim ee snuade ee Timnat Selah; ix dyrr kiw hitt xee sniaa diamr dirr hitt diongqanx.

51 Jiaxee dyrr si jewsix Eleazar, qapp Nun ee qniaw Josua, ixqip Islaellangg jipair diongx ee jogdniuw, dirr Siloh, dirr huerbo mngkauw, Jehovah ee binrjingg, liamx kaux soxx vunx ee giap. Anxnix inx vunx uann hitt xee de.

20 Jehovah huanhur Josua qongxx,

2 "Liw huanhur Islaellangg, qongw, linw diyhh jiauww Guaw tog Moses soxx qra linw qongw :ee, uirr qaqi setlip dysiamw ee sniaa;

3 Hro hitt xee byiwdiongx cywgo taii langg :ee, tangx jauw qaur hiax; hiaxee sniaa tangx juer linw siamxvi vyr zinbing ee langg ee soxjai.

4 Ix beh jauw qaur jiaxee sniaa ee jit xee, kia dirr sniamngkauw, jiong' ix ee surjingg qongw hro hitt xee sniaa ee dniuxlyw tniax; inx dyrr siux ix zip sniaa, hro ix jit soxjai, hro ix diamr dirr inx diongqanx.

5 Vyr znibing :ee narr duizib ix, inx m tangx ing taii langg :ee qaux dirr ix ee ciuw; in'ui ix cywgo taii siw ix ee cuwvnix, vingsor byy uanwhun ix.

6 Ix beh druar dirr hitt xee sniaa, tingwhau kia dirr huerjiongr ee binrjingg siurr simxpnuar, tingwhau hitt sii ee jewsidniuw ixqing’ siw, taii langg :ee jiacc tangx dyr kir qaur vunxsniaa, vunxqex, dyrr si ix soxx dui' hiax jauw .cud .laii hitt xee sniaa."

7 Inx dyrr dniardiyc sed dirr Naftali snuade, dirr Galilee ee Kedes, qapp dirr Eflaim snuade ee Seqem, ixqip dirr Judah snuade ee Qiliat Arba, dyrr si Heblon.

8 Qycc dirr Jordan hitt vingg, qin Jeliqo dangsir, setlip sriok Rleuben jipair, dirr kongwiaw, dirr vni'ngiuu ee Bezer; qapp sriok Gad ee jipair, Gilead ee Rlamot; ixqip sriok Manasseh ee jipair, Basan ee Golan.

9 Jiaxee si uirdiyhh Islael jingwlangg, qapp qiawkax dirr diongqanx soxx sed ee sniaa, hro cywgo taii langg :ee longxx tangx jauw qaur hiax, byy siw dirr vyr zinbing ee langg ee ciuw, tingwhau ix kia dirr huerjiongr ee binrjingg.

21 Hitt sii Levilangg jiaxee jogdniuw jiurqin jewsix Eleazar, qapp Nun ee qniaw Josua, ixqip Islaellangg ee jipair jiaxee jogdniuw,

2 Dirr Kanaan-de ee Siloh qra inx qongw, "Jingg Jehovah tog Moses hro guanw u sniaa tangx kiarkiw, u qau'iaw tangx juer cri jingsnix ee loring."

3 Islaellangg dyrr jiauww Jehovah soxx bingrling :ee, dui' qaqi ee giap-diongx, jiong' erbin soxx qir jiaxee sniaa, qapp inx ee qau'iaw, hro Levilangg.

4 Uirr Kohat jiaxee jok liamx kaux; Levilangg diongx jewsix Aalon ee qniaxsunx, dui' Judah ee jipair, Simeon ee jipair, Benjamin ee jipair, liamx diyc jap-snax jxy sniaa.

5 Kohat qi'uu ee qniaxsunx, dui' Eflaim ee jipair ee jongjok, dui' Dan ee jipair, dui' Manasseh vnuar jipair, liamx diyc jap jxy sniaa.

6 Gerson ee qniaxsunx, dui' Issaqar ee jipair ee jongjok, dui' Aser ee jipair, dui' Naftali ee jipair, dui' diamr dirr Basan ee Manasseh vnuar jipair, liamx diyc jap-snax jxy sniaa.

7 Melali ee qniaxsunx, jiauww inx ee jongjok, dui' Rleuben ee jipair, dui' Gad ee jipair, dui' Zebulun ee jipair, did diyc jap-zi jxy sniaa.

8 Islaellangg jiauww Jehovah tog Moses soxx bingrling :ee, jiong' jiaxee sniaa, qapp inx ee qau'iaw, liamx kaux vunx hro Levilangg.

9 Qycc dui' Judah qniaxsunx ee jipair, Seben qniaxsunx ee jipair, qra erbin qir miaa hiaxee sniaa hro inx;

10 Dyrr si hro Levi ee qniaxsunx diongx, Kohat ee jongjok diongx, Aalon ee qniaxsunx; hro inx dairsingx liamx kaux;

11 Ing Judah snuade ee Qiliat Arba, (dyrr si Heblon,) qapp ix siwuii ee qau'iaw, hro inx; Arba si Anakim-jok ee jow.

12 Dogdok hitt xee sniaa ee cann, qapp ix ee hniusia, inx hro Jefunneh ee qniaw Kaleb juer giap.

13 Qycc ing Heblon, qapp ix ee qau'iaw, dyrr si taii siw langg dysiamw ee sniaa; ixqip Libnah qapp ix ee qau'iaw, hro jewsix Aalon ee qniaxsunx;

14 Qycc hro inx Jattir, qapp ix ee qau'iaw, Estemoa, qapp ix ee qau'iaw;

15 Holon qapp ix ee qau'iaw, Debir qapp ix ee qau'iaw;

16 Ain, qapp ix ee qau'iaw, Juttah qapp ix ee qau'iaw, Bet Semes qapp ix ee qau'iaw; qiong qauw jxy sniaa, longxx si dui' jitt nng jipair hro inx.

17 Qycc dui' Benjamin ee jipair, hro inx Gibeon qapp ix ee qau'iaw, Geba qapp ix ee qau'iaw;

18 Anatot qapp ix ee qau'iaw, Almon qapp ix ee qau'iaw, qiong sir jxy sniaa;

19 Aalon ee qniaxsunx juer jewsix :ee soxx did .diyc ee sniaa qiong jap-snax jxy sniaa, qapp ix ee qau'iaw.

20 Levilangg Kohat ee qniaxsunx ee jongjok, dyrr si Kohat qi'uu ee qniaxsunx, liamx kaux soxx did .diyc ee sniaa si dui' Eflaim ee jipair diongx vunx .cud .ee.

21 Qycc ing Eflaim ee snuade ee Seqem, dyrr si taii siw langg :ee dysiamw ee sniaa, qapp inx ee qau'iaw, ixqip Gezer qapp ix ee qau'iaw;

22 Kibzaim qapp ix ee qau'iaw, Bet Holon qapp ix ee qau'iaw hro inx; qiong sir jxy sniaa.

23 Qycc dui' Dan ee jipair diongx, hro inx Eltekeh qapp ix ee qau'iaw, Gibbeton qapp ix ee qau'iaw;

24 Aijalon qapp ix ee qau'iaw, Gadlimbunn qapp ix ee qau'iaw; qiong sir jxy sniaa.

25 Qycc dui' Manasseh vnuar jipair diongx hro inx Taanac qapp ix ee qau'iaw, ixqip Gatlimmon qapp ix ee qau'iaw; qiong nng jxy sniaa.

26 Kohat ee qniaxsunx qi'uu e jongjok, soxx did .diyc ee sniaa, qiong jap jxy, qapp inx ee qau'iaw.

27 Qycc dui' Manasseh vnuar jipair ee giap-diongx, jiong' Basan ee Golan, dyrr si taii langg :ee dysiamw ee sniaa, qapp ix ee qau'iaw, ixqip Beestelah qapp ix ee qau'iaw, qiong nng jxy sniaa, hro Levi ee jongjok, Gerson ee qniaxsunx.

28 Qycc dui' Issaqar ee jipair ee giap-diongx, ing Kision qapp ix ee qau'iaw, Dabelat qapp ix ee qau'iaw;

29 Jarmut qapp ix ee qau'iaw, Engannim qapp ix ee qau'iaw, qiong sir jxy sniaa hro inx.

30 Qycc dui' Aser ee jipair ee giap-diongx, ing Misal qapp ix ee qau'aiw, Abdon qapp ix ee qau'iaw;

31 Helkat qapp ix ee qau'iaw, Rlehob qapp ix ee qau'iaw, qiong sir jxy sniaa, hro inx.

32 Qycc dui' Naftali ee jipair ee giap-diongx, ing Galilee ee Kedes, dyrr si taii langg :ee dysiamw ee sniaa, qapp ix ee qau'iaw, ixqip Hammot Dor qapp ix ee qau'iaw, Kartan qapp ix ee qau'iaw, qiong jap-snax jxy sniaa hro inx.

33 Gersonlangg ee sniaa jiauww ix ee jongjok, qiong jap-snax jxy sniaa qapp ix ee qau'iaw.

34 Dui' Zebulun ee jipair ee giap-diongx, jiong' Jokneam qapp ix ee qau'iaw, Kartah qapp ix ee qau'iaw;

35 Dimnah qapp ix ee qau'iaw, Nahalal qapp ix ee qau'iaw, qiong sir jxy sniaa, hro qi'uu ee Levilangg, dyrr si Melali qniaxsunx ee jongjok.

36 Qycc dui' Rleuben ee jipair ee giap-diongx, ing Bezer qapp ix ee qau'iaw, Jahaz qapp ix ee qau'iaw;

37 Kedemot qapp ix ee qau'iaw, Mefaat qapp ix ee qau'iaw, qiong sir jxy sniaa, hro inx.

38 Qycc dui' Gad ee jipair ee giap-diongx, jiong' Gilead ee Rlamot, dyrr si taii siw langg :ee dyjauw ee sniaa, qapp ix ee qau'iaw, ixqip Mahanaim qapp ix ee qau'iaw;

39 Hesbon qapp ix ee qau'iaw, Jazer qapp ix ee qau'iaw, qiong sir jxy sniaa, hro inx.

40 Levilangg qi'uu ee jongjok, dyrr si Melali ee qniaxsunx, jiauww inx ee jongjok, liamx kaux soxx did .diyc jiaxee sniaa qiong jap-zi jxy sniaa.

41 Levilangg dirr Islael ee giap-diongx soxx did .diyc ee sniaa, qiong sir-jap-veh jxy sniaa, qapp inx ee qau'iaw.

42 Jiaxee sniaa siwuii longxx u ix ee qau'iaw, dagg xee longxx si anxnix.

43 Anxnix Jehovah jiong' Ix jingg jiuwjua beh hro inx ledjow ee juann de hro Islaellangg; inx dyrr did diyc juer giap, diamr dirr hiax kiarkiw.

44 Jehovah jiauww Ix duiww inx ee ledjow itcer soxx jiuwjua :ee, hro inx siwuii ving'anx. Inx ee duiwdik, byy jit langg e kia diauu dirr inx ee binrjingg. Jehovah jiong' inx ee duiwdik longxx qaux dirr inx ee ciuw.

45 Qniww Jehovah duiww Islael-qrex soxx qongw ee hyw ue, byy jit qxur logkongx, longxx u ingwgiam.

22 Hitt sii Josua qiyr Rleubenlangg, Gadlanggg, qapp Manasseh vnuar jipair ee langg laii,

2 Duiww inx qongw, "Jehovah ee lovok soxx bingrling linw :ee, linw longxx junsiuw; guaw soxx bingrling linw :ee, linw iarr longxx tniatanr.

3 Linw jiacc je zit, longxx byy lirkuix linw ee hniadi, didqaur qinaxzit, linw iarr u siuw Jehovah, linw ee Siongrder soxx bingrling linw diyhh siuw :ee.

4 Dnaxx Jehovah, linw ee Siongrder jiauww Ix soxx ingwunw :ee, hro linw hniadi did diyc ving'anx. Dnaxx linw tangx dywdngw kir linw ee vowvnii, qaur Jehovah ee lovok Moses dirr Jordan hitt vingg soxx sur hro linw juer giap ee de.

5 Danrsi linw cetced diyhh qinxsin, juntanr Jehovah ee lovok Moses soxx bingrling linw ee qaiwbing, ludhuad, tniar Jehovah, linw ee Siongrder, qniaa Ix itcer ee dyrlo, siuw Ix ee qaiwbing, qetlenn dirr Ix, jinrsimx jinrsingr hogsai Ix."

6 Dui' anxnix, Josua qra inx jiokhog, crex inx kir; inx dyrr dyr kir inx ee vowvnii.

7 Manasseh vnuar jipair, Moses ixqing’ dirr Basan vunx giap hro inx. Iauxx vnuar jipair, Josua dirr Jordan hitt vingg saisir, dirr inx hniadi diongx vunx giap hro inx. Josua crex inx dyr kir vowvnii ee sii, qra inx jiokhog; huanhur inx qongxx,

8 "Linw diyhh duar jerje jaibut, jerje jingsnix, qapp ginn, qimx, dangg, tih, qapp jerje ihok, dyr kiw linw ee vowvnii; jiong' linw soxx cniuw duiwdik ee jaibut, qapp linw ee hniadi snaqab vunx."

9 Dui' anxnix Rleubenlangg, Gadlangg, Manasseh vnuar jipair ee langg, dui' Kanaan-de ee Siloh kixsinx, lirkuix Islaellangg, beh dyr kir inx did .diyc .ee Gilead-de; dyrr si jiauww Jehovah tog Moses soxx bingrling :ee, did diyc juer giap ee de.

10 Rleubenlangg, Gadlangg, qapp Manasseh vnuar jipair, qaur Jordan Hyy-vnix itdair ee Kanaan-de, dyrr dirr qin Jordan hiax, kiw jit jxy dnxuaa; hitt xee dnxuaa knuar .kiw .laii jin' dua.

11 Islaellangg tniax qnir qongxx, "Knuar ar, Rleubenlangg, Gadlangg, qapp Manasseh vnuar jipair u kiw jit jxy dnxuaa dirr Kanaan-de ee taujingg, Jordan ee vnix:a, Islaellangg quer .kir ee soxjai."

12 Islaellangg tniax .qnir, Islaellangg juann hue longxx jurjip dirr Siloh, beh jnriu kir qapp inx qaujenr.

13 Islaellangg crex jewsix Eleazar ee qniaw Finehas kir Gilead-de qnir Rleubenlangg, Gadlangg, Manasseh vnuar jipair;

14 Qycc crex jap xee siuxlingw qapp ix kir, dyrr si Islael dagg jipair dagg jok jit xee siuxlingw, dagg langg dirr Islael ee qundui diongx juer jogdniuw.

15 Inx qaur Gilead-de, qnir Rleubenlangg, Gadlangg, qapp Manasseh vnuar jipair, duiww inx qongw,

16 "Jehovah juann hue ee jingwlangg anxnix qongw, linw qanhuan Islael ee Siongrder, qinaxzit uat dngw byy duer Jehovah, uirr qaqi kiw jit jxy dnxuaa, drir qaur qinaxzit vuergik Jehovah, huan diyc jex si simxmih jue ar?

17 Jaw duiwdirr Beor ee jue, lanw iauxx liac juer siyxkuaw mah? Suizenn un'ik qaur Jehovah ee huerjiongr, qaur qinaxzit lanw iauxx bue cingkir; linw qinaxzit qingxzenn uat dngw byy duer Jehovah ar!

18 Linw qinaxzit vuergik Jehovah, binaxzit Ix beh siurkir Islael ee juann hue.

19 Linw soxx did diyc juer giap ee de, narr byy cingkir, dyrr tangx quer laii Jehovah ee de ee giap, dyrr si Jehovah huerbo soxx diamr ee soxjai, dirr guanw diongqanx did diyc giap. Danrsi m tangx vuergik Jehovah, iarr m tangx vuergik guanw, m tangx dirr Jehovah, lanw ee Siongrder ee dnxuaa ixgua, uirr qaqi qycc kiw dnxuaa.

20 Jingg Zelah ee jingsunx Aqan, qamxx byy dirr hitt ee ingqaix henr ee mic huanrjue, dyrr u siurkir limqaur dirr Islael ee juann hue mah? Hitt xee langg dirr ix soxx huan ee jue, m na ix qaqi jit langg siw."

21 Dui' anxnix Rleubenlangg, Gadlangg, Manasseh vnuar jipair rinr Islael qundui ee taulangg qongxx,

22 "Juanlingg ee Siongrder Jehovah, juanlingg ee Siongrder Jehovah, Ix jaix, Islael iarr beh jaix, guanw narr u vuergik ee iwsur, iacc si qanhuan Jehovah, (qinaxzit byy qiur guanw),

23 Uirr qaqi kiw dnxuaa, beh uat dngw byy duer Jehovah, iacc si beh henr siyjer, sowjer, siarunjer, dirr hitt dingxbin, Jehovah beh quiqiu ix.

24 Guanw juer jitt xee dairjir si uirdiyhh dihongg jiacc qowir juer; si qniax aurzit linw ee qniaxsunx duiww guanw ee qniaxsunx qongw, 'Linw qapp Jehovah, Islael ee Siongrder u simxmih quanhe ar?

25 Rleubenlangg, Gadlangg ar, Jehovah sed jitt xee Jordan, dirr linw qapp guanw ee diongqanx juer qaiwhan. Dnaxx linw dirr Jehovah byy hxun.' Anxnix, dyrr linw ee qniaxsunx e hro guanw ee qniaxsunx byy qycc qingwuir Jehovah.

26 Soxiw guanw snaqab qongw, 'Dnaxx lanw diyhh uirr qaqi kiw jit jxy dnxuaa, m si uirdiyhh siyjer, iarr m si uirdiyhh vadd hy ee jrer;

27 Si uirdiyhh linw guanw ee diongqanx, ixqip linw qapp guanw au dai ee diongqanx juer jingwqir; hro guanw tangx dirr Jehovah ee binrjingg ing guanw ee siyjer, siarunjer, qapp vadd hy jrer, laii hogsai Ix, benw did linw ee qniaxsunx aurzit duiww guanw ee qniaxsunx qongw, guanw byy hxun dirr Jehovah.'

28 Soxiw guanw qongw, vadd zit inx narr duiww guanw, iacc si guanw ee au dai anxnix qongw, guanw tangx rinr qongxx, 'Linw tangx knuar Jehovah ee dnxuaa ee kuanxsid, dyrr si guanw ee ledjow jingg soxx kiw :ee; m si uirdiyhh siyjer qapp vadd hy ee jrer, si uirdiyhh beh juer linw guanw diongqanx ee jingwqir.'

29 Guanw dirr Jehovah lanw Siongrder huerbo jingg ixgua, lingrgua qycc kiw jit jxy dnxuaa, uirdiyhh siyjer, sowjer, qapp vadd hy ee jrer, laii vuergik Jehovah, qinaxzit uat dngw byy duer Jehovah, guanw quatduanr byy jitt hy iwsur."

30 Jewsix Finehas qapp hue-diongx hiaxee siuxlingw, ixqip qapp ix snaqab laii Islael diongx ee qundui ee taulangg, dyrr si qapp ix snaqab laii :ee, tniax qnir Rleubenlangg, Gadlangg, Manassehlangg, soxx qongw ee ue, dyrr longxx liac juer hyw.

31 Jewsix Eleazar ee qniaw Finehas duiww Rleubenlangg, Gadlangg, Manassehlangg qongw, "Qinaxzit guanw jaix Jehovah dirr lanw ee diongqanx; in'ui linw byy huan diyc jitt xee jue laii dikjue Jehovah. Dnaxx linw u qiur Islaellangg tuatli Jehovah ee ciuw."

32 Jewsix Eleazar ee qniaw Finehas, qapp hiaxee siuxlingw, lirvet Rleubenlangg, Gadlangg, dui' Gilead-de dyr kir Kanaan-de, qaur Islaellangg hiax, huehog inx.

33 Islaellangg liac jitt xee su juer hyw; dui' anxnix Islaellangg ylyw Siongrder, byy qycc tee kiw beh jnriu kiw qapp Rleubenlangg Gadlangg qaujenr, laii huixhuai inx soxx kiarkiw ee de.

34 Rleubenlangg Gadlangg qiyr hitt xee dnxuaa miaa juer Jingwqir; in'ui qongw, "Jitt xee dnxuaa dirr lanw diongqanx jingwbingg Jehovah si Siongrder."

23 Jehovah ixqing’ hro Islaellangg anjing, byy qapp siwuii itcer ee duiwdik qaujenr, ixqing’ ligquer jerje zit, Josua iarr huewsiu je, nilau.

2 Josua dyrr qiyr Islael jingwlangg, inx ee dniuxlyw, qapp inx ee jogdniuw, inx ee simxpnuawqnuax, inx ee qnuadniuw, longxjongw laii, duiww inx qongw, "Guaw ixqing’ huewsiu je, nilau.

3 Jehovah, linw ee Siongrder, in'ui linw ee enqor, duiww hiaxee qog soxx qniaa itcer ee su, linw u knuar .qnir; in'ui ter linw qaujenr :ee si Jehovah, linw ee Siongrder.

4 Soxx cunx jiaxee qog, ixqip guaw soxx jenxduu hiaxee qog, dui' Jordan qaur duarhaiw, ngr zit lyc ee soxjai, guaw ixqing’ vunx hro linw dagg jipair juer giap.

5 Jehovah, linw ee Siongrder beh dui' linw ee binrjingg qnuaxdiok inx, iarr beh dui' linw ee taujingg qikdiok inx; linw dyrr beh did diyc inx ee de juer giap, jiauww Jehovah, linw ee Siongrder soxx duiww linw qongw :ee.

6 Soxiw linw diyhh dua dua jongwdnaw, jipsiuw laii qniaa Moses ludhuad ee ceh itcer soxx qiwjair :ee, m tangx lirkuix ix laii penx jyw penx iu;

7 Dirr linw diongqanx soxx cud hiaxee qog, linw m tangx qapp inx camcab, m tangx tee kiw inx hiaxee siongrder ee miaa, m tangx hro langg qiw inx laii jiuwjua, iarr m tangx hogsai ix, m tangx quirvair ix.

8 Diyhh jiauww linw qaur qinaxzit soxx qniaa :ee, qetlenn Jehovah, linw ee Siongrder.

9 In'ui Jehovah ixqing’ ing dua qycc qiongg ee qog dui' linw ee binrjingg qnuaw cud; qaur qinaxzit byy jit langg e kia diauu dirr linw ee binrjingg.

10 Linw jit langg beh qnuaxdiok jit-cingx langg, in'ui ter linw qaujenr :ee, si Jehovah, linw ee Siongrder, jiauww Ix soxx duiww linw qongw :ee.

11 Linw diyhh dua dua qaqi qinxsin, tniar Jehovah, linw ee Siongrder.

12 Linw narr liyc aw dywter, qapp jrunn dirr linw diongqanx soxx cunx hiaxee vecsnir qetlenn, qapp inx qetcinx, snaqab ongxlaii,

13 Linw diyhh kaksit jaix, Jehovah, linw ee Siongrder dikkag byy beh qycc jiong' hiaxee vecsnir dui' linw ee binrjingg qnuaw cud. Inx beh jniaa juer linw ee lybang uahdauh, jniaa juer pah linw sinkux ee cuee, bagjiux lai ee cxir, didqaur linw duiwdirr Jehovah, linw ee Siongrder soxx sniuxsur linw jitt xee hyw ee de bedbyy.

14 Knuar ar, guaw qinaxzit beh qniaa sewqanlangg soxx diyhh qniaa ee lo. Linw jidsimx jid'ir jaix Jehovah, linw ee Siongrder soxx ingwunw suwhog linw ee ue, byy jit qxur logkongx, longxx ingwgiam dirr linw ee sinjniu, qidiongx byy logkongx jit hxang.

15 Jehovah, linw ee Siongrder soxx ingwunw limqaur linw :ee, Jehovah iarr beh jiauww anxnix hro dagg ngiu ee jaieh qaur dirr linw, didqaur Ix bedbyy linw dirr Jehovah, linw ee Siongrder soxx sniuxsur linw jitt xee hyw ee de.

16 Linw narr uivue Jehovah, linw ee Siongrder soxx bingrling linw ee iog, kir hogsai vadd xee siongrder, quirvair ix, Jehovah ee siurkir beh duiww linw huad cud, linw beh qinw qinw bedbyy dirr Ix soxx sniuxsur linw hyw ee de."

24 Josua jurjip Islael jiongww jipair qaur dirr Seqem, driaur Islael ee dniuxlyw, qapp inx ee jogdniuw, simxpnuawqnuax, ixqip qnuadniuw laii;

2 Inx dyrr kia dirr Siongrder ee binrjingg. Josua qra jiongww vecsnir qongw, "Jehovah, Islael ee Siongrder anxnix qongw, 'Jairr jaw linw ee ledjow, dyrr si Ablaham ee laurve, Nahor ee laurve, Telah, diamr dirr dua hyy hitt vingg, hogsai vadd xee siongrder.

3 Guaw cruw linw ee jow Ablaham dui' dua hyy hitt vingg cua ix venww qniaa Kanaan juann de; qycc hro ix ee qniaxsunx jerje, ing Issac sniuxsur ix;

4 Qycc ing Jakob qapp Esau sniuxsur Issac, jiong' Seir Snuax sniuxsur Esau juer giap; au .laii Jakob qapp ix ee qniaxsunx lyc kir Egipt.

5 Guaw crex Moses qapp Aalon, Guaw iarr qangr jaieh dirr Egipt, jiauww Guaw dirr hitt diongqanx soxx qniaa :ee; zen'au cua linw cud .laii.

6 Guaw cua linw ee ledjow cud Egipt, linw dyrr qaur haiw-qnii, Egiptlangg cua inx ee ciax qapp bexvingx duizib linw ee ledjow qaur Angg Haiw;

7 Inx qiuqiyr Jehovah, Ix dyrr ing oamr he dirr linw qapp Egiptlangg ee diongqanx, qycc hro haiw laii imbat inx. Guaw dirr Egipt soxx qniaa ee su linw cinbak knuar .qnir; linw diamr dirr kongwiaw jerje zit.

8 Guaw cua linw qaur kiarkiw dirr Jordan hitt vingg, Amolilangg ee de; inx qapp linw qaujenr. Guaw jiong' inx qaux dirr linw ee ciuw; linw dyrr did diyc inx ee de. Guaw jaubet inx dirr linw ee binrjingg.

9 Hitt sii Moab Ongg Zeppor ee qniaw Balak kiw laii qapp Islael qaujenr; crex langg kir qiyr Beor ee qniaw Balaam laii jiuwjow linw.

10 Guaw m tniax Balaam ee ue; soxiw ix lenlenn qra linw jiokhog. Anxnix, Guaw dyrr qiur linw tuatli ix ee ciuw.

11 Linw quer Jordan, qaur Jeliqo. Jeliqolangg, Amolilangg, Pelizlangg, Kanaanlangg, Hitlangg, Girgaslangg, Hivilangg, Jebuslangg, longxx qapp linw qaujenr. Guaw jiong' inx qaux dirr linw ee ciuw.

12 Guaw crex dua jiah pxangx vuex dirr linw ee taujingg, jiong' Amolilangg nng xee ongg, dui' linw ee binrjingg qnuaw .cud .kir; m si ing linw ee dyx, iarr m si ing linw ee qringx.

13 Guaw sniuxsur linw ee toxde, m si linw soxx diyhbuaa did .laii .ee, iarr sniuxsur linw sniaa, m si linw soxx kixjy :ee, linw dyrr diamr dirr hitt diongqanx; qycc linw did diyc jiac ee quexjiw, m si linw soxx jaijingr ee pudyhngg, qnanaxhngg.'

14 Dnaxx linw diyhh qingwuir Jehovah, singsimx sid'ir hogsai Ix, jiong' linw ledjow dirr dua hyy hitt vingg qapp dirr Egipt soxx hogsai ee siongrder druu .kir, laii hogsai Jehovah.

15 Narr si linw liac hogsai Jehovah juer m hyw, qinaxzit linw diyhh qingw linw soxx beh hogsai :ee; knuar si linw ledjow dirr dua hyy hitt vingg soxx hogsai hiaxee siongrder, iacc si linw soxx kiarkiw inx ee de, Amolilangg, hiaxee siongrder ar. Lun qaur guaw qapp guaw ee qrex, guanw quatduanr beh hogsai Jehovah."

16 Vecsnir rinr qongxx, "Guanw quatduanr byy iwsur beh kiwsag Jehovah, kir hogsai vadd xee siongrder.

17 In'ui Jehovah, guanw ee Siongrder bad cua guanw qapp guanw ee ledjow dui' Egipt-de, juer lojaii ee qrex cud .laii, dirr guanw ee bagjiux jingg qniaa hiaxee dua ee sinziah, dirr guanw soxx qniaa itcer ee lo, soxx qingquer ee dagg qog, longxx u vyxho guanw.

18 Jehovah iarr dirr guanw ee binrjingg qnuaw cud longxjongw ee vecsnir, qnuaw cud kiarkiw jitt xee soxjai ee Amolilangg; soxiw guanw iarr beh hogsai Jehovah, in'ui Ix si guanw ee Siongrder."

19 Josua duiww vecsnir qongw, "Linw be e hogsai Jehovah, in'ui Ix si sxingr ee Siongrder, quatduanr byy iong'unw ing vadd xee siongrder pitpuer Ix, byy beh siawbenw linw ee quewsid, linw ee juerog.

20 Linw narr lirkuix Jehovah kir hogsai guarvangx ee Siongrder, Jehovah dirr qangr hokkir hro linw liauxau, beh uat dngw laii qangr jaieh hro linw, bedbyy linw."

21 Vecsnir rinr Josua qongxx, "Byy lar; guanw dniardiyc beh hogsai Jehovah."

22 Josua duiww vecsnir qongw, "Linw qingw Jehovah, beh hogsai Ix, linw qaqi juer linw ee qanjingr." Inx rinr qongxx, "Hyw, guanw juer qanjingr."

23 Josua qongw, "Linw dnaxx diyhh druu kir linw diongqanx soxu guarvangx ee siongrder, hro linw juansimx qui'ngr Jehovah, Islael ee Siongrder."

24 Vecsnir rinr Josua qongxx, "Guanw beh hogsai Jehovah, guanw ee Siongrder, tniatanr Ix ee ue."

25 Hitt zit Josua dyrr qapp vecsnir lip iog, dirr Seqem qra inx setlip ludle huatdo.

26 Josua jiong' jiaxee ue longxx siaw dirr Siongrder ludhuad ee ceh, qycc jiong' jit der dua jiyhtauu kia dirr hiax, dirr siongrciu kax, Jehovah sxingr sow ee vnix:a.

27 Josua duiww jiongww vecsnir qongw, "Knuar ar, jitt xee jiyhtauu beh juer lanw ee qanjingr; in'ui ix u tniax qnir Jehovah soxx huanhur lanw itcer ee ue, soxiw beh duiww linw juer qanjingr, qniax linw e vuergik linw ee Siongrder."

28 Josua dyrr crex vecsnir kir; dagg langg dyrr dyr kir ix soxx did .diyc ee de.

29 Jiaxee su ixau, Jehovah ee lovok, Nun ee qniaw Josua, jit-vah id-jap huer dyrr siw.

30 Inx dyrr baijongr ix dirr ix ee giap ee qaiwlai, dyrr si dirr Eflaim ee snuade ee Timnat, dirr Gaas Snuax ee vaksir.

31 Josua dilehh ee zit, qapp Josua siw liauxau, hiaxee jaix Jehovah uirr Islaellangg soxx qniaa jiaxee su ee dniuxlyw iauxx dilehh ee sii, Islaellangg hogsai Jehovah.

32 Islaellangg dui' Egipt soxx duar .laii, Josef ee quttauu, inx qra baijongr dirr Seqem, dyrr si Jakob jaxjingg ing jit-vah ginn dui' Seqem ee laurve Hamor hiaxee qniaw soxx brew ee de; dyrr juer Josef qniaxsunx ee giap.

33 Aalon ee qniaw Eleazar iarr siw; inx dyrr qra baijongr dirr ix ee qniaw Finehas soxx did .diyc ee snualunn-aw, dyrr si dirr Eflaim ee snuade.

huedngw tauu iac