(huathue in'iuu)
Guaw tniax .diyc .ee si anne:
Hitt sii Vuddyy dirr Shravasti Qog ee Jeta qapp Anathapindika Hngg kiarkiw. Jit-cingx nng-vah go-jap xee dua Bikiu (Bhiksu) qapp ix dauwdin. Hitt jun, Sewjunx cing dngpaur, tec cenw vxuah zip Shravasti dua sniaa kithuar. Dirr jitt xee sniaa-lai u kid diyc jiahsit, ix dyrr dywdngw qaur jursow. Jiac vng vaw, ix qra dngpaur qapp cenw vxuah siukngr hyxser, kax sew cingkir, jerui ciausuaw dniardiyc dyrr jre .lyc .laii.
(Subhuti mng bunrdee)
Jitt sii, dniuxlyw Subhuti dirr jiongwlangg-diongx an' jerui kiw .laii, jniawvingg qingqah teh teh, jniawvingg qatauux kap de, habjiongw qiongqingr duiww Vuddyy qongw, "Hanxiuw, Sewjunx Zulaii, liw jinrsim viwimr quawliam jiongww posad, jinrsimx qangxqaur dinglingg jiongww posad. Sewjunx, senrlamm sinwluw narr u huatsimx anuttara samyaksambodhi, qaidongx cisiuw sniaw? Cisiuw sniaw laii hanghok ix ee simx?"
Vuddyy qongw, "Jin' hyw, jin' hyw, Subhuti! Naxx liw soxx qongw, 'Zulaii jinrsim viwimr quawliam jiongww posad, jinrsimx qangxqaur dinglingg jiongww posad.' Liw dnaxx jimjiog tniax, guaw laii qra liw kaiqaiw. Senrlamm sinwluw narr u huatsimx anuttara samyaksambodhi, qaidongx anne cisiuw, cisiuw jex laii hanghok ix ee simx."
"Qaizenn. Sewjunx, guaw hnuahiw beh tniax."
(Dairsing jingwtongw hunwqaur)
Vuddyy qra Subhuti qongw, "Jiongww Posad Mahasattva qaidong anne hanghok inx ee simx, 'Soxu itcer jiongwsingx ji’ lui, bylun puar kag cutsir, an' juxqiongx cutsir, damsib cutsir, venwkuanw cutsir; u guarkuanw, byy guarkuanw; u simsux, byy simsux, simsux u naxx byy, byy naxx u :ee, guaw longxx beh ter inx dubet giabjer, qra inx dorhuar, hro inx jinwzip byy cundiongg Nirvana ee qingxqair. Cincniu anne dubet giabjer, dorhuar byy hanrliong, bubanrsor, byy dexjiw ee jiongwsingw, kingsit byy vnuar xee jiongwsingx bet giabjer, did dorhuar.' Si anxjnuaw qongw? Subhuti, junxnarr posad u qaqi, vadd langg, jiongwsingx, qapp siurguann ee siongwtew, ix dyrr m si posad."
(bixbiau dyrhing byy cisiuw zimrhyy mic)
"Qycjaiww qongw, Subhuti, posad knuawtai jniawhuad, vowsix qaidongx byy cisiuw zimrhyy mic. Kiarr byy cisiuw guarkuanw laii vowsix, iarr byy cisiuw imsniax, pangbi, kiwbi, bongkap, iacc jniawhuad laii vowsix. Subhuti, posad qaidongx anne vowsix: ix byy cisiuw siongwtew. Anxjnuaw qongw? Narr junw posad byy cisiuw siongwtew laii vowsix, ix ee hokkir qapp dikhing byy huatdo iwsniu qapp cuiliong."
"Subhuti, liw anxjnuaw sniu? Danghngx hikongx tangx iwsniu qapp cuiliong bor?"
"Byy huatdo, Sewjunx!"
"Subhuti, lamm, sex, vag siwhngx iacc dingxe hikongx tangx iwsniu qapp cuiliong bor?"
"Byy huatdo, Sewjunx!"
"Subhuti, posad vowsix byy cisiuw zimrhyy mic, hokkir qapp dikhing iarr qangrkuanw byy huatdo iwsniu qapp cuiliong. Subhuti, posad qaidongx jiauww soxx hunwqaur :ee laii cisiuw."
(knuar jinx ee surliw)
"Subhuti, liw ee iwsur sniaw kuanw? Tangx knuar qnir diyc Zulaii ee siongwtew bor?"
"Byy huatdo, Sewjunx! Byy huatdo knuar qnir diyc Zulaii ee siongwtew. Sniaxmih enqor? Zulaii soxx qongw ee siongwtew m si siongwtew."
Vuddyy qra Subhuti qongw, "Soxu siongwtew longxx si kangx kangx byngiaw :ee. Narr knuar e jinx jiongww siongwtew m si siongwtew, dyrr tangx knuar qnir diyc Zulaii."
(sit sinr hanxiuw)
Subhuti duiww Vuddyy qongw, "Sewjunx, itvnudig jiongwsingx tniax qnir diyc jiaxee gengiw jniuqur, e jinjniar kir sinwkyr .be?
Vuddyy qra Subhuti qongw, "M hyw anne qongw. Zulaii jipbet liauxau go-vah nii, u cisiuw qaiwlut siulen hokhun :ee, inx duiww jiaxee jniuqur u sinwsimx, u sinwkyr. Qaidongx jaix jiaxee jingr senrqinx :ee m na jit xee vut, nng xee vut, snax xee, sir xee, go xee vut nardnia, ixx u bubansor cingban vut jingr liauw jiongww senrqinx. Tniax qnir diyc jiaxee jniuqur, simrjiww jit xee liamrtauu nia dyrr sunzenn sinwkyr :ee, Subhuti, Zulaii jaix taur taur, knuar jinx jinx, jiaxee jiongwsingx tangx did diyc byy hanrliong ee hokkir qapp dikhing. Sniaxmih in'iuu? In'ui jiaxee jiongwsingx be qycjaiww u guaw, langg, jiongwsingx, iacc siurguann ee siongwtew. Be u Jniawhuad ee siongwtew, iarr be u m si Jniawhuad ee siongwtew. Sniaxmih in'iuu? Jiaxee jiongwsingx narr iwsniu beh qiucuw siongwtew, dyrr e jipsiuw dirr guaw, langg, jiongwsingx, iacc siurguann. Narr beh qiucuw Jniawhuad ee siongwtew, iarr e jipsiuw dirr guaw, langg, jiongwsingx, qapp siurguann. Sniaxmih in'iuu? Narr qiucuw m si Jniawhuad ee siongwtew, qangrkuanw marr e jipsiuw dirr guaw, langg, jiongwsingx, iacc siurguann. Soxiw qongxx, m hyw beh qiucuw Jniawhuad, iarr m hyw beh qiucuw m si Jniawhuad :ee. Jiauww jitt xee dyrgi, Zulaii dniardnia qongw, 'Linw jiaxx bikiu(bhikshu), diyhh jaix guaw qangxsuad ee Jniawhuad kyxviw si dikvaii-aw. Jniawhuad dy' qaidongx kiwsag, hongwqiamx m si Jniawhuad :ee qyckacc diyhh vangr.'"
(Byy soxx did, berdangr qongw :ee)
"Subhuti, liw ee iwsur sniaw kuaw? Zulaii u drat qaur anuttara samyaksambodhi bor? Zulaii u qangxqingx suathuad bor?"
Subhuti rinr qongxx, "Jiurr guaw soxx liauxqaiw :ee, Vuddyy si qongxx, byy u jit xee kakding ee hxuad qiyr juer anuttara samyaksambodhi, iarr byy zimrhyy kakding ee hxuad si Zulaii tangx qongw :ee. Sniaxmih enqor? Zulaii soxx qongw ee Jniawhuad, longxx berdangr qiucuw, berdangr qangxsuad, berdangr qongw si hxuad, marr berdangr qongw m si hxuad. Si anxjnuaw e anne? Itcer hendig singwzinn longxx ixx buuii Jniawhuad ee liauxgno iuxsow jingcax."
(jiauww Jniawhuad laii jyrjniaa)
"Subhuti, liw ee iwsur sniaw kuanw? Narr junw u langg iong ciongmuaw snax-cingx daircenx sewqair ee cid jiongw vyxbut laii vowsix, jitt xee langg soxx did .diyc ee hokkir qapp dikhing e je iacc jiyw?"
Subhuti qongw, "E jiokk je, Sewjunx! Sniaxmih enqor? In'ui jiax ee hokkir qapp dikhing vingrr m si hokkir qapp dikhing ee vunxjid, mrjiacc Zulaii qongw hokkir qapp dikhing jin' je."
"Nguarjunw qongxx, u langg cisiuw jitt vxo qingx, simrjiww uirr tnazinn qangxsuad sir qxur jimgensix, ix ee hokkir e kacc ngiaa quer taujingg hitt xee. Sniaxmih enqor? Subhuti, itcer jiongww vut qapp anuttara samyaksambodhi Jniawhuad qewqer an' jitt vxo qingx laii kansingg :ee. Subhuti, hy qiyr Vudhuad :ee m si Vudhuad."
(siongwtew byy siongwtew)
"Subhuti, liw ee iwsur sniaw kuanw? Shrotaapana qamxx erdangr qaqi sniu qongxx, 'Guaw u did diyc Shrotaapana qongqyw ar'?"
Subhuti qongw, "Berdangr, Sewjunx! Sniaxmih enqor? Shrotaapana iwsur si 'zip kelauu.' Mrqycc, ix dyc'ui dy' byy zip .kir. Ix byy jinwzip guarhingg, imsniax, pangbi, kiwbi, bongkap, iacc hxuad lairdew, mrjiacc qiyr ix juer Shrotaapana."
"Subhuti, liw ee iwsur sniaw kuanw? Sakrdagamin qamxx erdangr qaqi sniu qongxx, 'Guaw u did diyc Sakrdagamin qongqyw ar'?"
Subhuti qongw, "Berdangr, Sewjunx! Sniaxmih qenqor? Sakrdagamin iwsur si 'jit ongxhuee', kingsit ix byy ongxhuee, mrjiacc qiyr ix juer Sakrdagamin."
"Subhuti, liw ee iwsur sniaw kuanw? Anagamin qamxx erdangr qaqi sniu qongxx, 'Guaw u did diyc Anagamin qongqyw ar'?"
Subhuti qongw, "Berdangr, Sewjunx! Sniaxmih enqor? Anagamin iwsur si 'byy huedngw,' kingsit ix byy laii, mrjiacc qiyr ix juer Anagamin."
“Subhuti, liw ee iwsur sniaw kuanw? Arhat qamxx erdangr qaqi sniu qongxx, 'Guaw u drat qaur Arhat ee dyrhing ar'?"
Subhuti qongw, "Berdangr, Sewjunx! Sniaxmih enqor? Byy jit xee hxuad qiyr juer 'Arhat.' Sewjunx! Narr Arhat qaqi sniu qongxx, 'Guaw u drat qaur Arhat ee dyrhing,' ix si hursiok dirr qaqi, langg, jiongwsingx, qapp siurguann :ee. Sewjunx, Vuddyy u qongw guaw u drat qaur byy siy' jner Samadhi, si jingwlangg lairdew jueww derr id :ee, qycc si tauu jit xee qra iokbong siar liauxli ee Arhat. Guaw be anne sniu, 'Guaw si qra iokbong siar liauxli ee Arhat.' Guaw narr sniu qongxx, 'Guaw u drat qaur Arhat ee dyrhing ar.' Sewjunx dyrr be qongw Subhuti si hnuahiw siuhing Aranya :ee. Subhuti kingsit byy soxx siuhing, mrjiacc qiyr ix juer Subhuti, si hnuahi siuhing Aranya :ee."
(jonggiamm cingjing toxde)
Vuddyy qra Subhuti qongw, "Liw ee iwsur sniaw kuanw? Zulaii ingxsii dirr Diamw Dingx Vut hiax u did diyc Jniawhuad bor?"
"Sewjunx, Zulaii dirr Diamw Dingx Vut hiax byy did diyc Jniawhuad."
"Subhuti, liw ee iwsur sniaw kuanw? Posad u jonggaimm Vut ee toxde bor?"
"Byy, Sewjunx! Sniaxmih enqor? U jonggiamm Vut ee toxde :ee dyrr m si jonggiamm, mrjiacc qiyr ix juer jonggiamm."
"Soxiw qongxx Subhuti, jiongww posad mahasattvas qaidongx cincniu anne laii snix cud sunzenn simliam, byy ingwqaix cisiuw dirr guarhingg laii snix cud simliam, byy ingwqaix cisiuw dirr imsniax, pangbi, kiwbi, bongqab, iacc hxuad laii snix cud simliam. Qaidongx byy soxx cisiuw jiacc laii snix cud simliam. Subhuti, junxnarr u langg sinkux bersux snuax diongx ji' ongg ee Sumeru Snuax, liw ee iwsur sniaw kuanw, ix ee sinkux u dua bor?"
Subhuti qongw, "Jiokk dua, Sewjunx! Sniaxmih enqor? Vuddyy qongw m si sinkux, si qra ix qiyr juer dua sinkux."
(bu'uii hokkir siongrr ngiaa)
"Subhuti, narr u cincniu Ganges Hyy lairdew ee suax hiacc je ee hyy, liw ee iwsur sniaw kuanw, jiongww Ganges Hyy ee suax u je bor?"
Subhuti qongw, "Jiokk je, Jiwjunx! Dna' jiongww Ganges Hyy dy' je qaxx sngr be liauw, byc qongxx si lairdew ee suax."
"Subhuti, guaw sidjai qra liw qongw. Narr u senrlamm iacc sinwluw qorr cid jiongw vyxbut ciongmuaw naxx Ganges Hyy lairdew ee suax hiacc je ee snax-cingx daircenx sewqair laii vowsix, ix did .diyc ee hokjir je bor?"
Subhuti qongw, "Jiokk je, Sewjunx!"
Vuddyy qra Subhuti qongw, "Narr senrlamm iacc sinwluw u cisiuw jitt vxo qingx, simrjiww dna' qongw sir qxur jimgensix hro langg' tniax, hokkir qapp dikhing kacc ngiaa quer taujingg soxx qongw hiaxee hokkir qapp dikhing."
(jundiong jniawqaur)
"Qycjaiww qongw, Subhuti, dirr cinwcaiw soxjai qangxsuad jitt vxo qingx, simrjiww dna' sir qxur jimgensix, qaidongx jai'ngiaw jitt xui, itcer sewqanx ee tnisinn, langg, qapp asura longxx ingwdongx qra qiongqib, naxx cincniu decc qiongqib Vut, tah, iacc biy. Hongxqiamw narr u langg tangx jinrqaix cisiuw qapp liamrtak qingbunn :ee qyckacc diyhh qra qiongqib. Subhuti, liw qaidongx jaix jitt kuanw langg singjiu jiww quann derr id hanxiuw ee hxuad. U qingdew ee soxjai dyrr u Vut, diyhh vixlun singdoo duiww ix ee jundiong jidvnuangiu."
(cisiuw naxx cincniu hxuad ee hxuad)
Hitt sii, Subhuti duiww Vuddyy qongw, "Sewjunx, jitt vxo qingx qaidongx qiyr sniaxmih miaa? Guanw rair anxjnuaw hongrhingg qapp cisiuw jitt vxo qingx?"
Vuddyy qra Subhuti qongw, "Jitt vxo qingx ee miaa hy juer 'Varja Prajna Paramita'. Liw qaidongx iong jitt xee miazi laii hongrhingg qapp cisiuw. Si anxjnuaw lehh? Subhuti, Vuddyy qongw Prajna Paramita, kingsit vingrr m si Prajna Paramita, si miaa qiyr juer Prajna Paramita narnia. Subhuti, liw ee iwsur sniaw kuanw? Zulaii u qongw quer sniaxmih hxuad bor?"
Subhuti duiww Vuddyy qongw, "Zulaii m bad qongw quer sniaxmih hxuad."
"Subhuti, liw ee iwsur sniaw kuanw? Snax-cingx daircenx sewqaix soxu ee din'aix u je bor?"
Subhuti qongw, "Jiokk je, Sewjunx!"
"Subhuti, hiaxee din'aix, Zulaii qongw vingrr m si din’aix, si miaa qiyr juer din'aix narnia. Zulaii qongw sewqair, kingsit vingrr m si sewqair, si miaa qiyr juer sewqair narnia. Subhuti, liw ee iwsur sniaw kuanw? Erdangr ixx snax-jap-zi jiongw siongwtew laii knuar Zulaii bor?"
"Berdangr, Sewjunx! Anxjnuaw qongw? Zulaii qongw :ee snax-jap-zi jiongw siongwtew, kingsit vingrr m si siongwtew, si miaa qiyr juer siongwtew narnia."
"Subhuti, narr u senrlamm iacc sinwluw qorr sinkux vowsix cincniu Ganges Hyy ee suax ee sowgiac hiacc je vaiw; lingrgua u langg cisiuw jitt vxo qingx, simrjiww dna' cisiuw sir qxur jimgensix laii qongw hro langg tniax, jitt xee langg ee hokkir iauxx kacc je."
(li sxiong jipbet)
Hitt jun, Subhuti tniax Vuddyy qangxsuad jitt vxo qingx, cimx cimx qamxgno qidiongx iauwjiw, camwhuew lrauu bagsaiw duiww Vuddyy qongw, "Hanxiuw, Sewjunx! Vuddyy qangxsuad jiacnirr cim'yr ee qingdenw. Guaw an' ixjaw did .diyc ee huirganw m bad tniax qnir quer cincniu jitt kuanw ee qingx. Sewjunx, narr qycc u langg tniax diyc jitt vxo qingx, cingjing ix ee sinwliam, did diyc sit sxiong, tangx jaix jitt xee langg singjiu derr id hanxiuw ee qongdig. Si sit sxiong :ee dyrr m si sxiong, mrjiacc Zulaii qongw miaa qiyr juer sit sxiong. Sewjunx! Guaw dnaxx tniax diyc jitt vxo qingdenw, liauxqaiw diyc beh sinwsiuw byy kunwlann. Go-vah nii ixau, jiongwsingx-diongx narr u tniax diyc jitt vxo qingx laii liauxgno sinwsiuw :ee, jitt xee si derr id hanxiuw. Anxjnuaw qongw? Jitt xee langg byy guaw, langg, jiongwsingx, iacc siurguann ee siongwtew. Sniaxmih enqor? Guaw ee siongwtew vingrr m si siongwtew, langg, jiongwsingx, iacc siurguann ee siongwtew vingrr m si siongwtew. Anxjnuaw qongw, tuatli itcer jiongww siongwtew, miaa dyrr qiyr juer jiongww vut."
Vuddyy qra Subhuti qongw, "Byy cyr, byy cyr. Narr qycc u langg tniax diyc jitt vxo qingx, byy qniahniaa, diyhqniax, byy sriu hecqniax, tangx jaix jitt xee langg jin' hanxiuw. Anxjnuaw qongw? Subhuti, Zulaii qongw :ee derr id paramita vingrr m si derr id paramita, si miaa qiyr juer derr id paramita. Subhuti! Tunlunw paramita, Zulaii qongw vingrr m si tunlunw paramita. Anxjnuaw qongw? Subhuti, cincniu guaw jingg sxer hro Kalingga Ongg jehdng guaw ee sinkux. Guaw dirr hitt jun byy guaw, langg, jiongwsingx, iacc siurguann ee siongwtew. Anxjnuaw qongw? Dirr ingxjun guaw ee sinkux ho'ngg jit jad jit jad jehdng, narr junw u guaw, langg, jiongwsingx, iacc siurguann ee siongwtew, guaw qaidongx e uanwhun. Subhuti, qycc sniu diyc quewkir go-vah sxer juer tunlunw senzinn, dirr quewkir sxer, byy guaw, langg, jiongwsingx, iacc siurguann ee siongwtew. Mrjiacc qongxx Subhuti! Posad ingwdongx tuatli itcer siongwtew, huatsimx anuttara samyaksambodhi, byy ingwdongx jib diauu dirr guarkuanw laii snix simliam, byy ingwdongx jib diauu dirr imsniax, pangbi, kiwbi, bongkap, iacc hxuad laii snix simliam. Ingwdongx snix byy jipsiuw ee simx. Narr simx u jipsiuw, dyrr m si jipsiuw. Mrjiacc Vuddyy qongw, 'Posad ee simliam byy ingwdongx jib diauu dirr guarkuanw ee vowsix.'
Subhuti! Posad uirdiyhh beh lirig itcer jiongwsingx, qaidongx anne vowsix. Zulaii qongw, 'Itcer jiongww siongwtew vingrr m si siongwtew.' Qycc qongw, 'Itcer jiongwsingx, vingrr m si jiongwsingx.' Subhuti, Zulaii qongw jinx ue, qongw sit ue, qongw u lriw :ee, be kipenr, be lamrsamw qongw. Subhuti, Zulaii did .diyc ee Jniawhuad byy sidtew iarr byy hukongx.
Subhuti! Junxnarr posad simx jib dirr hxuad laii vowsix, dyrr naxx cincniu langg zip amr vangg, sniaxmih dy' knuar byy; narr posad ee simx byy jib diauu dirr hxuad laii vowsix, dyrr naxx cincniu langg u bagjiux, zidtauu qngx ngiarngia, tangx knuar qnir qokk jiongw ee mihqnia. Subhuti! Aurzit aw narr u senrlamm iacc sinwluw cisiuw jitt vxo qingx laii siongrtok, Zulaii ixx Vut ee diwhui tangx jai'ngiaw iarr knuar qnir jitt xee langg erdid singjiu bubanrsor qapp byy dexjiw ee qongdig."
(cisiuw qingdenw ee qongdig)
"Subhuti, narr u senrlamm iacc sinwluw, jaixkiw-sii juer srinx-vowsix cincniu Ganges Hyy ee suax hiacc je, diongdaur-sii juer srinx-vowsix iarr cincniu Ganges Hyy ee suax hiacc je, bec'amr aw sii iarr juer srinx-vowsix cincniu Ganges Hyy ee suax hiacc je, cincniu anne qingquer bubanrsor vaccingx banrig qiab(kalpa) hiacc quw juer srinx-vowsix. Narr qycc u langg tniax diyc jitt vxo qingx, sinwsiuw byy uivue, ix ee hokkir viw taujingg qongw :ee(juer srinx-vowsix :ee) iaxx kacc dua. Byc qongxx si causiaw, ciciuw, siongrtog, qapp ter langg kaiqaiw, hex hokkir qyckacc dua."
"Subhuti, iauwjiw si jitt vxo qingx u byy huatdo iwsniu, byy huatdo cuiliong, qapp byy dexjiw ee qongdig. Zulaii uirr huatsimx siulen Dairsingx :ee qangxsuad, uirr huatsimx siulen jueww siongrsing :ee qangxsuad. Narr u langg erdangr cisiuw siongrtog, jit siwqer qangxsuad hro langg' tniax, Zulaii jaixngiaw iarr knuar qnir jitt xee langg itjin singjiu byy huatdo cuiliong, byy huatdo cinwdang, byy dexjiw, qapp byy huatdo iwsniu ee qongdig. Cincniu jitt hy langg tangx damsingg Zulaii ee anuttara samyaksambodhi. Anxjnuaw qongw? Subhuti, qac'ir siyw hxuad :ee, jipsiuw guaw ji' qenr, langg ji' qenr, jiongwsingx ji' qenr, iacc siurguann ji' qenr. Jitt xee langg byy huatdo tniax, cisiuw, siongrtog, iacc si uirr langg qangxsuad jitt vxo qingx.
Subhuti, bylun dirr dyc'ui, narr u jitt vxo qingx ee soxjai, itcer sewqanx ee tnisinn, langg, qapp asura longxx ingwdongx qiongqib. Qaidongx jaingiaw jitt xui dyrr si Vudtah, longxx ingwdongx qiongqingr, qnialew sehkolinx, iong qorr jerje pangx huex laii ia dirr hitt dah."
(erdid cingkir giabjer)
"Iauxqycc u, Subhuti, narr u senrlamm iacc sinwluw ciusiuw siongrtog jitt vxo qingx suacc ho'ngg knuawkinx, jitt xee langg uirdiyhh quewkir sxer ee giabjer qaidongx duirlyc og dy, jitt sxer langg' qra knuawkinx, quewkir sxer ee giabjer tangx dubet, tangx did diyc anuttara samyaksambodhi.
Subhuti, guaw e qir did ingxsii bubanrsor asamkhyeya qiab(kalpa), dirr Dipankara Vut jinwjingg, bad duw quer veh-vah sir-cingx banrig ee naiuta vut, guaw itjin qra inx qiongsib ingwsingg, byy qaxx jit xee m si anne. Narr qycc u langg dirr lorbuew buadser erdangr cisiuw qapp siongrtog jitt vxo qingx, ix soxx did .diyc ee qongdig qapp guaw soxx qiongqib jerje vut ee qongdig sna' vixping, guaw ee iaxx byy ix ee vah hxun jit, cenban ig hxun jit, simrjiww qongxx byy huatdo diamw sowbok iacc juer piwlun.
Subhuti, guaw itjin siongrser qangxsuad, u senrlamm iacc sinwluw dirr lorbuew buadser cisiuw siongrtog jitt vxo qingx did diyc qongdig, qiamxcaiw u langg tniax guaw ee qangxsuad, suacc simsux siauxluan, giaugii m sinr. Subhuti, qaidongx jai'ngiaw jitt vxo qingx ee qauwgi byy huatdo iwsniu, qongqyw iarr si byy huatdo iwsniu."
(kingsit byy guaw)
Hitt sii, Subhuti qra Vuddyy qongw, "Sewjunx, narr senrlamm iacc sinwluw huatsimx anuttara samyaksambodhi, ix ingwdongx cisiuw sniaw? Iong sniaw laii hanghok ix ee simx?"
Vuddyy qra Subhuti qongw, "Senrlamm iacc sinwluw huatsimx anuttara samyaksambodhi :ee, qaidongx snix cud anne ee simliam: 'Guaw ingwdongx beddo itcer jiongwsingx. U beddo itcer jiongwsingx ar, kingsit byy qaxx jit xee jiongwsingx siurr beddo.' Anxjnuaw qongw? Narr posad u guaw, langg, jiongwsingx, iacc siurguann ee siongwtew, dyrr m si posad. Sniaxmih enqor? Subhuti, kingsit vingrr byy jit xee hxuad tangx huatsimx anuttara samyaksambodhi.
Subhuti, liw ee iwsur sniaw kuanw? Zulaii dirr Diamw Dingx Vut hiax qamxx u did diyc zimrhyy anuttara samyaksambodhi ee hxuad?"
"Byy, Sewjunx! Jiauww guaw soxx liauxqaiw quanhe Vuddyy soxx qongw ee qauwgi, Vuddyy dirr Diamw Dingx Vut hiax vingrr byy did diyc zimrhyy anuttara samyaksambodhi ee hxuad."
Vuddyy qongw, "Byy cyr, byy cyr! Subhuti, Zulaii kaksit byy did diyc zimrhyy anuttara samyaksambodhi ee hxuad. Subhuti, narr junw u did diyc anuttara samyaksambodhi ee hxuad, Diamw dingx vut dyrr be qra guaw camr qongxx, 'Liw dirr laiser beh jniaa juer Vuddyy, miaa hy juer Sakiamuni(Shakyamuni).' Kaksit byy did diyc zimrhyy anuttara samyaksambodhi ee hxuad, mrjiacc Diamw Dingx Vut u decc qra guaw camr, ix anne qongw, 'Liw dirr laiser e jniaa juer Vuddyy, miaa hy juer Sakiamuni.' Anxjnuaw qongw, Zulaii, iwsur si jiongww hxuad ee jinliw.
Narr u langg qongw, 'Zulaii u did diyc anuttara samyaksambodhi ee hxuad', Subhuti, kingsit Vuddyy byy did diyc zimrhyy anuttara samyaksambodhi ee hxuad. Subhuti, Zulaii did .diyc ee anuttara samyaksambodhi, luerdiongx byy sidtew iarr byy hukongx. Mrjiacc Zulaii qongw, 'Itcer hxuad longxx si vudhuad.' Subhuti, soxx qongw :ee itcer hxuad dyrr m si itcer hxuad, mrjiacc miaa qiyr juer itcer hxuad. Subhuti, piwlun u jit xee langg quann hanr dua :ee."
Subhuti qongw, "Sewjunx, Zulaii qongw langg quann hanr dua vingrr m si duarsenx, si miaa qiyr juer duarsenx."
"Subhuti, posad iarr si anne. Ix narr anne qongw, 'Guaw qaidongx beddo bubanrsor jiongwsingx', ix dyrr m si qiyr juer posad. Anxjnuaw qongw? Subhuti, byy u jit xee hxuad miaa qiyr juer posad. Mrjiacc Vuddyy qongw, 'Itcer hxuad byy guaw, langg, jiongwsingx, iacc siurguann.' Subhuti, narr posad anne qongw, 'Guaw qaidongx hro Vut ee dertow u jonggiamm', ix ee miaa dyrr m si posad. Anxjnuaw qongw? Zulaii qongw hro Vut ee dertow u jonggiamm, dyrr m si jonggiamm, si miaa qiyr juer jonggiamm narnia. Subhuti, narr posad liauxted bugnow ee hxuad, Zulaii qongw ix ee miaa dyrr jinjniar si posad."
(jit qapp jidtew)
"Subhuti, liw ee iwsur sniaw kuanw? Zulaii u ziogganw bor?"
"U, Sewjunx! Zulaii u ziogganw."
"Subhuti, liw ee iwsur sniaw kuanw? Zulaii u tenganw bor?"
"U, Sewjunx! Zulaii u tenganw."
"Subhuti, liw ee iwsur sniaw kuanw? Zulaii u huirganw bor?"
"U, Sewjunx! Zulaii u huirganw."
"Subhuti, liw ee iwsur sniaw kuanw? Zulaii u huatganw bor?"
"U, Sewjunx! Zulaii u huatganw."
"Subhuti, liw ee iwsur sniaw kuanw? Zulaii u vudganw bor?"
"U, Sewjunx! Zulaii u vudganw."
"Subhuti, liw ee iwsur sniaw kuanw? Ganges Hyy lairdew ee soxu suax, Vuddyy qongw si m si suax?"
"Si, Sewjunx! Zulaii qongw si suax."
"Subhuti, liw ee iwsur sniaw kuanw? Narr junw Ganges Hyy lairdew u zuarr je suax, dyrr u zuarr je diauu Ganges Hyy. Soxu Ganges Hyy lairdew ee suax u zuarr je, Vut ee sewqair iarr u hiacc je. Jitt xee sowliong u je bor?"
"Jiokk je, Sewjunx!"
Vuddyy qra Subhuti qongw, "Longxjongw qoktow lairdew soxu jiongwsingx u quixnarr jiongw simliam, Zulaii longxx jaix. Sniaxmih enqor? Zulaii qongw qokk jiongw simliam longxx m si simliam, si miaa qiyr juer simliam. Anxjnuaw qongw? Subhuti, quewkir ee simliam berdangr hogguann, henrjai ee simlai berdangr cisiuw, birlaii ee simliam berdangr iwsniu".
(huatqair tonghuar)
"Subhuti, liw ee iwsur sniaw kuanw? Narr u langg iong ciongbuanw snax-cingx daircenx sewqair ee cid hxang vyxbut laii vowsix, jitt xee langg uirdiyhh jitt xee inenn did .diyc ee hokkir u je bor?"
"U, Sewjunx! Jitt xee langg uirdiyhh jitt xee inenn did .diyc ee hokkir jiokk je."
"Subhuti, narr hokkir u sidtew, Zulaii be qongw ix did diyc jiokk je hokkir; byy enqor did .diyc ee hokkir, Zulaii e qongw ix did diyc jiokk je hokkir."
(qra siksinx qapp siongwtew vangr li)
"Subhuti, liw ee iwsur sniaw kuanw? Qamxx erdangr jiyh diyc qanngg siksinx laii knuar qnir Vuddyy?"
"Berdangr, Sewjunx! Byy ingwdongx jiyh diyc siksinx laii knuar Zulaii. Sniaxmih enqor? Zulaii qongw qanngg siksinx dyrr m si qanngg siksinx, si miaa qiyr juer qanngg siksinx narnia."
"Subhuti, liw ee iwsur sniaw kuanw? Qamxx erdangr jiyh diyc qanngg siongwtew laii knuar qnir Zulaii?"
"Berdangr, Sewjunx! Byy ingwdongx jiyh diyc qanngg siongwtew laii qnir Zulaii. Sniaxmih enqor? Zulaii qongw siongwtew qanngg vingrr m si qanngg, si miaa qiyr juer qanngg siongwtew narnia."
(qongw :ee m si soxx qongw :ee)
"Subhuti, liw m tangx qongw Zulaii u cincniu anne ee sniurhuad, sniu qongxx, 'Guaw u qangxsuad Hxuad.' M tangx anne sniu. Sniaxmih enqor? Narr langg' qongw, 'Zulaii u qangxsuad Hxuad', jex si decc vongwhuiw Vut, uirdiyhh byy jaidiau liauxqaiw guaw soxx qongw laii kixdir. Subhuti, qangxsuad Hxuad :ee, byy Hxuad tangx qangxsuad, si miaa qiyr juer qangxsuad Hxuad narnia."
Hitt sii, u diwhuirqinx ee Subhuti duiww Vuddyy qongw, "Sewjunx, narr u jiongwsingx dirr birlaii sxer tniax diyc jitt xee Hxuad, inx e sinr iacc be?"
Vuddyy qongw, "Subhuti, inx m si jiongwsingx, mrqycc marr si jiongwsingx. Anxjnuaw qongw? Subhuti, jiongwsingx dyrr si qokk jiongw langg. Zulaii qongw m si jiongwsingx, si miaa qiyr juer jiongwsingx narnia."
(byy hxuad tangx did)
Subhuti duiww Vuddyy qongw, "Sewjunx, qamxx urngiaw qongxx Vuddyy byy soxx did jiacc tangx did anuttara samyaksambodhi?"
"Byy cyr, byy cyr! Subhuti, guaw dirr anuttara samyaksambodhi jit sud aw hxuad dy' byy did .diyc, mrjiacc miaa qiyr juer anuttara samyaksambodhi."
(simx cringx kansingg senrhing)
"Qycjaiww qongw, Subhuti, jitt xee hxuad si vingdingw :ee, byy u dycc jit xee kacc quann iacc kacc qe, mrjiacc miaa qiyr juer anuttara samyaksambodhi. Iong qorr byy guaw, langg, jiongwsingx, iacc siurguann laii senlen itcer senrhuad, dyrr tangx did anuttara samyaksambodhi. Subhuti, soxx qongw ee senrhuad, Zulaii qongw m si senrhuad, si miaa qiyr juer senrhuad narnia."
(hokkir qapp diwhui byy der viw)
"Subhuti, junxnarr cid hxang vyxbut kiyh uaw dirr snax-cingx daircenx sewqair lairdew soxu ee Sumeru Snuax, u langg iong jiaxee vyxbut laii vowsix. Qycc junxnarr u langg cisiuw iacc qangxsuad Prajna Paramita qingbunn, simrjiww dna' sir qxur jimgensix, taujingg hitt xee hokkir kacc byy qraur ix ee vah hxun jit, vaccingx banrig hxun jit, simrjiww qongxx byy huatdo diamw sowbok qapp juer piwlun."
(dorhuar)
"Subhuti, liw ee iwsur sniaw kuanw? Linw m tangx qongw Zulaii u anne ee sniurhuad, qongxx, 'Guaw qaidongx dorhuar jiongwsingx.' Subhuti, m tangx anne sniu. Sniaxmih enqor? Sidjai si byy qaxx jit xee jiongwsingx Zulaii u dorhaur. Narr junw Zulaii u dorhuar zimrhyy jit xee jiongwsingx, Zulaii dyrr u guaw, langg, jiongwsingx, qapp siurguann ee iwsig. Subhuti, Zulaii soxx qongw ee 'guaw' vingrr m si guaw. Huanhux siogjuw liahjunw u jit xee 'guaw'. Subhuti, huanhux siogjuw (narr byy jipsiu dirr 'guaw'), Zulaii qongw inx m si huanhux siogjuw, si miaa qiyr juer huanhux siogjuw narnia."
(huatsinx byy siongwtew)
"Subhuti, liw ee iwsur sniaw kuanw? Qamxx erdangr ixx snax-jap-zi siongwtew laii knuar Zulaii?"
Subhuti qongw, "Erdagnr, erdangr. Tangx ixx snax-jap-zi siongwtew laii knuar Zulaii."
Vuddyy qongw, "Subhuti, narr ixx snax-jap-zi siongwtew laii knuar Zulaii, Dngw Lenw Singwongg m dyrr si Zulaii?”
Subhuti duiww Vuddyy qongw, "Sewjunx, jiauww guaw soxx liauxqaiw Vuddyy qangxsuad ee qauwgi, byy ingwdongx ixx snax-jap-zi siongwtew laii knuar Zulaii."
Hitt sii, Sewjunx qongw jimgensix:
"Narr ixx siksinx qnir guaw,
ixx imsniax qriuu guaw,
jitt xee langg qniaa siaog ee lo
berdangr qnir diyc Zulaii"
(byy dng byy bet)
"Subhuti, liw narr u sniu qongxx, 'Zulaii byy u qanng siongwtew jiacc jingwgno anuttara samyaksambodhi.' Subhuti, liw m tangx anne sniu, sniu qongxx, 'Zulaii byy u qanngg siongwtew jiacc jingwgno anuttara samyaksambodhi.'
Subhuti, liw narr anne sniu qongxx, 'Huatsimx anuttara samyaksambodhi :ee qongw soxu ee hxuad beddng.' M tangx anne sniu. Sniaxmih enqor? Huatsimx anuttara samyaksambodhi, dirr hxuad jitt hxang be qongw beddng."
(byy soxx did, byy soxx tamx)
"Subhuti, narr posad iong cid jiongw vyxbut laii vowsix, hiaxee vyxbut je qaxx tangx tiam muaw cincniu Ganges Hyy lairdew ee suax hiacc je ee sewqair. Narr lingrgua u langg jaibad itcer hxuad byy guaw, si tunlunw laii did .diyc, jitt xee posad soxx did .diyc ee qongdig kacc ngiaa quer taujingg hitt xee posad. Sniaxmih enqor? Subhuti, in'ui jiongww posad byy sriu hokdig."
Subhuti duiww Vuddyy qongw, "Sewjunx, uirhyy posad byy sriu hokdig?"
"Subhuti, soxx juer ee hokdig, posad byy ingwqaix amtamx, mrjiaccc qongw byy sriu hokdig."
(qniavangr diamrjaii)
"Subhuti, narr u langg qongw, 'Zulaii u laii iarr u kir, u jre lehh iarr u dyw lehh', jitt xee langg byy liauxqaiw guaw soxx qongw ee qauwgi. Sniaxmih enqor? Zulaii byy an' dyc'ui laii, iarr dyc'ui longxx byy kir, mrjiacc miaa qiyr juer Zulaii."
(tongxhap ee siongwtew)
"Subhuti, narr u senrlamm iacc sinwluw qra snax-cingx daircenx sewqair gingw hro cruir cruir vniwjniaa ing'iax. Liw ee iwsur sniaw kuanw? Jiaxee ing'iax u je bor?"
"Jiokk je, Sewjunx! Sniaxmih enqor? Narr hiaxee ing'iax kaksit junjai, Vuddyy dyrr be qongw hiaxee ing'iax jiokk je. Anxjnuaw qongw? Vuddyy qongw ing'iax je, dyrr m si ing'iax, si miaa qiyr juer ing'iax narnia. Sewjunx, Zulaii soxx qongw snax-cingx daircenx sewqair dyrr m si sewqair, si miaa qiyr juer sewqair narnia. Sniaxmih enqor? Narr sewqair kaksit u, dyrr si jit xee tongxhap ee siongwtew. Zulaii qongw jit xee tongxhap ee siongwtew, dyrr m si jit xee tongxhap ee siongwtew, si miaa qiyr juer jit xee tongxhap ee siongwtew narnia."
"Subhuti, jit xee tongxhap ee siongwtew byy huatdo qangxsuad, mrqycc huanhux siogjuw amtamx jiaxee siongwtew."
(jaibad qapp qenwqaiw byy huatsnix)
"Subhuti, narr u langg qongw, 'Vuddyy u qongw guaw qnir, langg qnir, jiongwsingx qnir, siurguann qnir.' Subhuti, liw ee iwsur sniaw kuanw? Jitt xee langg u liauxqaiw guaw qangxsuad ee qauwgi bor?"
“Sewjunx, jitt xee langg byy liauxqaiw Zulaii soxx qangxsuad ee qauwgi. Sniaxmih enqor? Sewjunx qongw guaw qnir, langg qnir, jiongwsingx qnir, siurguann qnir, dyrr m si guaw qnir, langg qnir, jiongwsingx qnir, siurguann qnir, si miaa qiyr juer guaw qnir, langg qnir, jiongwsingx qnir, siurguann qnir."
“