huecauw muaw snuapniaa
SNUASIONGG
snuaviah dingxtauu snix qoxsiongg
langg ix zidzit hiongr taiwiongg
suewguat duiww ix byy loriong
sngseh duiww ix jnia' vingsiongg
bongbu qapp ix kacc qangrsimx
dniardnia ngiuw juiw hro ix limx
cinghongx duiww ix u tniawtangr
jurqow pnua ix qaur dongqimx
SNUAVOVIT'AW
snuavovit'aw gauu snix xmngg
hueluiw qiysig simngiw ngg
zuahtnix narr qaur kuix be dng
narr byy qra banw kuix jnia' quw
snuax-dingw siwqer longxjongw u
ix viw panghuex byy kacc sux
LAGGUEHSEH
hngg-vnix jit pxenr lagguehseh
dagg jangg snix qaxx angg gegee
e knuar be jiac simx jin' creh
sngx diyc cuiwnua siangx qangw suee
SENPOG
senpog kuix huex pangx qycc vec
sewqanx jriw air niuu jit xee
dagg zit dy' duiww ix hiax quer
m qnaw qapp ix laii qongw ue
QOXCIU
snuax-diongx byy langg u qoxciu
guehniuu jiyr lyc jiokk unziuu
danghongx cuex laii tiamx iuciuu
cingx nii qoxciu hiyh ociux
ociux qapp guaw jin' cincniu
gnoxoo suwhaiw lecc piauliu
m jaix hycur si guaw siu
sniu diyc uanwtanr simx iux iux
GIOGLANHUEX
gioglann kuix huex ngg gimwgimr
banw dngw cur nirr qingr sinbingg
quiw luiw kngr dirr angqecdingw
jit qingx duartniax pangx cingwcingr
DANGTYY
hongx cuex tyqix iyy
byy huex iarr byy hiyc
beh jaix si jnuaxngiu
cuntnix duw d diyc
DANGDEE
danghongx cuex laii dig piau'ii
dehngg duw dirr diknaa vnix
hongcuex dikhiyc iabiap sih
ngg ngg dikhiyc duiww decnix
hionghiongg jit jun lingxhongx kiw
dikhiyc cue lyc dejangg vnix
hngg-lai jit pxenr lau deqix
diam diam decc kunr iauxx beh cniw
DANGCIU
hanhongx bibii cuex
qoxbok jriw cunx ex
huehiyc lag lyc de
dagbinn kacc hyxser
cuntnix qycc vuh gee
sii qaur jiacc kuix huex
bidpangx laii jywhuew
jingxjiw sui' hongx vuex
LAU TYJANGG
gunw cur lau tyy u jit jangg
ix kuix ee huex suiw qycc angg
jniax-guec kuix huex go-guec banw
jit vaiw banw diyc quixarr langw
si gunw aqongx laii soxx vangr
ingqytyy-aw cunx jitt jangg
ser liap tec laii tangx sniriamm
dua liap qingr vut qiamx sangr langg
DIKSUNW
diksunw putoo jiamrjiam dua
beh jiac sunw-aw liongrjaw quah
siauwlenn aqyx diyhh qinw crua
u langg vow snxax benw cing puar
HAMSIAUR (ID)
hamsiaur kuix huex ding siangx sxunn
niu'aw snix suiw angg cuiwdunn
jit zit byy knuar be jiahkunr
knuar liw jit bin srid liauw hrunn
HAMSIAUR (ZI)
hamsiaur pangbi cniurr qinjiyx
narr qaur quer daur pni e diyc
iah'aw bidpangx vuex laii hiyh
vuex laii vuex kir ciu-dingw iyy
hueluiw vec sig hiyc cnix cnix
ginxaw ciu-kax hauw beh dnic
pni diyc pangx pangx vreh be kiw
dyw diamr tokax hauw qycc tii
IUDANGG
iudangg kuix huex jinjniar suiw
snax-sir-guec-aw huex dng' kuix
hongx cuex hueluiw lag .lyc .kir
cincniu lyc seh xmii xmii xmii
iudangg qed jiw muaw muaw si
dua hongx cue laii dongrdong hnir
jiauxjiah vuex laii jiac ciurjiw
siamm-aw ciu-dingw liam quasix
SNIUSI'AXHUEX
jitt jangg ciurmiaa si sniusix
hueluiw ngg ngg huad pangbi
qui' jangg kuix qaxx bat bat si
snuax-dingw banw dee dyrr tangx pni
lamhongx cuex laii pangx cingwcingr
hro langg pni diyc simx jnia' cringx
siangx ciuw banw dee u jingsinn
jit zit qex banw quixnarr qxinx
CIUHYY
ciutnix hydii knuar huex kuix
jit pxenr hyhngg hiyc cnix cnix
hyqix suanx duiww juixbin kir
hyhiyc dingxbin hiyc canngix
hyhuax kuix qaxx angg qiwqir
dagg luiw kuix qaxx xmii xmii xmii
dagg hiyc diongsimx u lorjuiw
liap liap qimjux ngii ngii ngii
hydii vnix :a si liuxqix
hongx cuex liuxqix piaux piaux rii
diaur dirr kongdiongx dongrdong hnir
jurqow hydii puer liuxqix
ANGG HUEX
huex kuix vnuar viah sig angg angg
hro langg knuar diyc simx kinsangx
m tangx ciuw gniaux sniux beh banw
vuac lyc si e huah qiuwlangg
ANGKI
angki snix jyr angg qiwqir
dagg jangg snix qaxx bat bat si
ginxaw ciu-kax kaur beh dnic
jit ciuw bagsaiw jit ciuw pni
QUIWHUEX
quiwhuex snix jyr hiyc qngw qngw
hueluiw iur iur simngiw ngg
vutsii banw dirr dre-aw kngr
bangxdar lairbin pangx qaur qngx
TYY-AW
lau qud sinx qix snix qau qau
dagg ex snix qaxx tauu qaux qaux
iyy laii iyy kir jiokk siau'iauu
cincniu jinjux vaii dinrtauu
iarr be lag lyc tokadaux
jiauxjiah vutsii laii jiac daur
dagg liap tyy-aw cue taur taur
knuar diyc cuiwnua kogkok lrauu
TYY-AW LIXAW
jiac tyy-aw vuii
jiac lixaw sanw
jiac ciurmm kunr samvanw
lixaw jyr jiuw angg angg angg
ciurmm jyr jiuw pangx pangx pangx
TYHUEX
jnriu snuax beh kir knuar tyjiw
tyhuex tyhiyc jauw kir bih
jriw knuar jit pxenr ox tyqix
sui' hongx iyy laii qycc iyy kir
tyjiw air kunr ciudangsii
cuntnix narr qaur ix dyrr cniw
huehiyc sui' hongx piaux piaux rii
jiauxjiah jangg-dingw liam quasix
tyjangg hueluiw dongrdong hnir
hunw :ee angg :ee vuex vnuawtnix
bidpangx jiac bit ciyr bibix
iah'aw vuex laii denw buxqix