bunchhai

simlingg derdoo

Bunchhai huan'ik

DAC UERTAUU

Jitt vunw ceh ee quanliam juxiaur laii jurr guaw dirr zidsiongg simliw dirliauu mngjinw qangjog-diongx, qamxsiu vnerlangg inx uirr dypiah iacc si jingcuw kacc quann jancur ee singsik soxx jyr ee hunwdaur. Ceh nirr jin' je si sidjer ee vnerle. Simliw dirliauu siongrr diong vyxbit, jiaxee anwle ee langg/ digjingx longxx qingquer qaixngua, dirr byy uaicuac guaw qapp vnerlangg jiqanx ee jinsiongr jendee-ha, vyxjiong qywzinn ee iapsiapsingr.

Ceh nirr biyy cud ee vnerjingg longxx jin' qanxsingw, vorhun niuxkiog kyxlingg lanbenw. Simliw dirliauu jin' jiyw jit xe dyrr hyw ar, guaw vutditvud jibdiongx diongrdiamw, kyxlingg e zinruii dirliauu quewdingg naxx hiwcud qycc bingkag. hiwqighuar si jinjniar :ee, siongrr buew jinsiongr cingcyw puu cud. Mrqycc m hyw be qir .did, guaw uirr tequann cuwbirsingr, dairdysor dirliauu-diongx berdangr piacbenw dngqii kunwziauw qapp ywlyc longxx byy siaw.

Marr jin' pnaixser, ceh nirr qongw diyc siongrder sii, itjairr iong tuantongw lamsingr ee hingsiong, anne jyr uanjuann si qanxdanx bingliauw, m si quw nii ee singwvet quanliam.

Jyr jit xee simliw isingx, guaw zinruii jit kaisiw diyhh qaix suecbingg jitt vunw ceh nng xee qinvunw qaxsed. Derr id si guaw byy qra simlingg/ jingsinn kuhunx, dat qaur jinsinn singdiongw/ simliw singdiongw ee quewdingg si qangg :ee.

Derr zi ee qaxsed si jitt xee quewdingg si hogjap/ qanlann itsingx ee qangjog. Uirr hro simlingg singdiongw teqiongx qurtew u loriong laii decc jinwhingg ee simliw dirliauu, juadduir m si qinw qycc qanxdanx ee quewdingg. Guaw byy sriok zinrhyy hagpair; guaw byy dansunn iongxho SIGMUND FREUD (1856-1936), C.G.JUNG (1875-1961), ADLER ALFRED (1870-1937), hinguii simlixhak, iacc si hingtair simlixhak. Guaw byy siongsinr iong jit xee qanxdanx ee dap'anr erdangr qaixquad soxu ee bunrdee. marr siongsinr dexqii ee simliw dirliauu kyxlingg u vangjan, vutqaix byy diwdang, mrqycc soxx teqiongx ee lat si cenxsniu ee.

Simlingg singdiongw ee lordingg dngg lyxlyw. Guaw beh hiongr hiaxee hro guaw pnua inx qniaa quer jitt jua lo ee vnerlangg diwsia. In'ui inx mairhiongr singsik ee lordingg marr si guaw qywzinn ee singdiongw, gunw qiongrdongg yc .diyc ee itcer, longxx henr dirr jitt vunw ceh nirr, guaw marr beh hiongr je xui laursux, donghangg iuxjir suecsia, digvet qamxsia guaw ee kanciuw LILY. Ix pnuarenw diyc kanciuw, verbuw, simliw dirliaujiaw, simrjiww qapp guaw jingsinn diwsig hab'id ee qaksig, ix ee diwhui jo guaw jerje.

DERR ID VXO

QIWLUT

Sing'uac jinjniar ee kunwlann si : binrduir bunrdee

Sunqiuu qaixquad ee dyrlo, si jit dnxua huisiongg tongwkow ee quewdingg.

Qiwlut si qaixquad zinsingx landee siongrr juxiaur ee qangqu,

Jikqik binrduir tongwkow, dyrr erdangr vaxag qinsuii bunrdee laii singdiongw ee qihue.

BIN DUIR BIN

Zinsingx kunwlann d.-dingtac-t.

Jex si jit xee uixdai ee jinliw. Itdanr lanw jinjniar sniu tongx jitt xee dyrliw, lanw jiacc erdangr ciauuad. Jinjniar liauxqaiw qycc jiapsiu jitt xee sursit, kunwlann dyrr be kee dirr simlai, luersimx dyrr be hiacc vut'anx, zinsingx dyrr byy hiacc je koxeh.

Dairvorhun ee langg byy bingvig zinsingx vunxlaii dyrr si qanlann kunwkow muaw siwqer ee sursit. Inx m si uanwtnix-hinrlangg , dyrr si uanwsinx-cecmia, naxjunxx sniwmia si kinsangx songxkuair qycc sunrli ee. Inx qencii jurqiw ee qanlann ciauquer langg' jerje; anne qongw, qiquair ee kunwlann qangwlimm guaw/ gunw daux/ gunw jitt xee siarhue qaijanr/ gunw qokqax/ gunw binjok longxx diyc .diyc, pen' pen' vadd langg longxx hiacc hyw zirun, dysiamw .quer, benw siurkow.

Guaw huisiongg liauxqaiw jitt jiongw jinghingg, in'ui guaw ixjaw marr si jitt jiongw langg.

Zinsingx si sna' lensuar ee landee. Liw beh qaixquad? Iacc si t.-tikaur-k. jidsiwlangg? Liw qamxx u siu beh qra vaiqaiw ee honghuad tuann hro aurdai?

Qaixquad zinsingx ee landee siongrr juxiaur ee qangqu si qiwlut. Mow hongbin ee qiwlut qandna' erdangr qaixquad jidvorhun ee bunrdee; uanjingw ee qiwlut jiacc erdangr qaixquad juanvo ee bunrdee.

Sing'uac jinjniar kunwlann si : binrduir bunrdee, sunqiuu qiaxquad ee vanrhuad si jit dnxua huisiongg tongwkow ee quewdingg. Qokk sid/ngiu ee bunrdee hro lanw cinwsimx/ viaix/ tongwsimx/ jigbok/ qenwsiaur/ auwnauw/ hunwno/ qniahniaa/ jiausimx, simrjiww juadbang. Jiaxee longxx suxx langg u jin' byy songxkuair ee qamxqag, ursii viw bactew ee tniar qyckacc lann singdamx. Qokk jiongw ciongdut jyrsingg ee tongwkow si jiacnirr qionglet, hro lanw kaisiw zinrjinx knuawtai bunrdee. Marr in'ui zinsingx jongw si bunrdee byy dng, lanw jiacc qamxqag sing'uac kow lam dnix, ursii kow viw dnix kacc je.

Sniwmia ee jinliw dyrr si binrduir qapp qaiwquad bunrdee ee quewdingg. Bunrdee e kexhuad lanw ee diwhui, qoxle lanw ee iongxkir. Haghau diauqangx setqer bunrdee, hro ginxaw laii qaixdab, juriuw ix ee dyrliw. Lanw ee simlingg decc sunqiuu qaixquad bunrdee sii, bongcue singdiongw ee lo, bunrdee si m si qaixquad jniajyr singqongx/ sitvai ee hunqaiwsnuar. Bixqog kaiqijow BENJAMIN FRANKLIN qongw qaxx jin' hyw : "jixu tongwkow jiacc e lauu .lyc qawsi". Kiauw :ee yc erhiauw dng' bunrdee laii ee sii, m qniax /byy dypiah, dendyww gingjenr, tiacvec gniajih duer bunrdee snex .cud .laii ee tongwkow, jniajyr singdiongw ee kuiwlat.

Jerje langg kiamwhat binrduir bunrdee ee diwhui, cavutdyx soxu ee langg q.-qeqiamw-q. u damrvyc qniax tongwkow, siamxpiah bunrdee ee kinghongr. U langg jriuw qurquanx/ byy beh iongrsimx/ tuax siqanx, hibang bunrdee jurdong siausit; u langg dner m jaix/ dongwjyr byy junjai; qycc u langg air ba'iyc/ dogpinw bavir jurqiw, qra bunrdee ee tongwkow qiar dirr qiwdii jigua.

Jauxpiah bunrdee/ tongwkow ee simqix si itcer simliw vnerguann. juaddysowlangg ee simliw longxx berdangr qongw si vacbinrvah qenrkongx ee. u langg piah bunrdee ee ciuxdnua huisiongg uaicuac/ penjib, cangwbih dirr diau'iwqor ingjy ee huanwsiongw sewqair, ham' henrsit uanjuann tuatjed. Simliw dairsux CARL JUNG jin' duiwdiamw qongw cud : " sinqingx qnualingjingr si jingwdongx siurkow ee dairtewpinw."

Zuxx siamxpiah zuxx tongwkow, sinqingx qnualingjingr vunxsinx jniajyr siongrr dua ee bunrdee. Jerje langg uirr jinr jit vo dysiamw sinx bunrdee qapp tongwkow, jixhyw jit renn jit renn ee sinqingx qnualingjingr ee kag itdit kiw, qra qaqi dar diauu diauu, be dinxdang tihh. Marr u langg iongxqamw binrduir qaqi ee simliw jiongwgai, quat'ir tauwquer simliw dirliauu ee vangjo, hagsip singsiu jingwdongx ee tongwkow.

Dypiah bunrdee soxx sanxsingx tongwkow ee dongsii, iarr sitdiau bunrdee duar laii singdiongw ee qihue. Dngqii simlixvne e hro langg tingjiw singdiongw, zuqyw byy dirliauu, simlingg e suevai damoh .kir.

Simlingg qenrjuann huatdenw ui'id ee honghuad si texzin siurkow ee qewdat, binrduir bunrdee, iongxqamw singdamx siy' duewlaii ee kow. Qiwlut si qaixquad zinsingx landee siongrr juxiaur ee qangqu --- siurkow ee qangqu, jo lanw dirr cuxliw bunrdee ee quewding-diongx qending-vut'ii, did diyc singdiongw/ hagsip ee hyxcur.

Qiwlut si jit tyr binrduir tongwkow ee jikqik guanjig, vunjyr sir iauwdiamw: zimw .jit .xe/ simdamx jikzim/ jinsiongr/ vyxcii vnehingg. jap huer ginxaw longxx erhiauw sidjenr Jiaxee qanxdanx guanjig, mrqycc dyrr si lingxsiur marr e be qir .did, suacc hro qaqi hai siw.

M si jiaxee guanjig m hyw, si jairr liw beh iong iacc si byy air iong. Inx longxx si binrduir tongwkow jo liw ee qangqu, juanlat dypiah ee langg, iong be diyc. Lanw singx jit hxang jit hxang siongser hunsig, jiacc laii tyxlun jitt sir hxang vuerau ee dongrlat ---air.

AIR JIAC :EE SINGX JIAC?

Byy zuarr quw jingg, u jit xee 30 huer ee jaibu qangjokjiaw laii cue guaw, hibang erdangr qiuxjingr ix qangjog tuasuax ee pnaiw sibquanr. Derr id qywguec, gunw qiamxtyw ix duiww tauqex ee quanqamw, dingxsix / verbuw kuanuix ee sniurhuad; qangjog/ singjiu ee knuawhuad; huninx/ singwvet zinrdongg/ angsair qapp ix jiqanx ee qingwjingx simtair ee ingxhiongw. Qui' tyr ee simliw hunsig quewdingg, naxjunxx uanjuann berdangr dag diyc bunrdee ee qattauu.

U jit zit, gunw longr zip kir jit xee jin' binghenw kiokk Itdit sitqakcad ee lingxhik.

Liw qamxx u air jiac qenngrqyx? Guaw mng.

Gauw jin' air.

Liw kacc air jiac qenngrqyx, iauxx si dingxbin ee tngsngx? Guaw qewsiok mng.

Oo! Dongzenn si tngsngx lor! Ix huisiongg hnuahiw dab.

Liw si anxjnuaw jiac jit der qenngrqyx ?

Qamxx rair qycc mng! Ithiongr longxx singx qra tngsngx jiac uann, jiacc jiac cunx :ee.

Ui' jiax kaisiw, diongsinx qiamxtyw ix cuxliw qangjog ee taiwdo. Sniu e qaur :ee, ix itding derr id diamxjingx qra qanxdanx qac'ir :ee jyr uann, cunx ee siqanx jiacc dauc dauc aw tuax hiax ee byy air jyr :ee. qenwgi ix qiongvig jurqiw singx cuxliw driau hro ix byy songxkuair ee sittauu, cunx :ee dyrr kinsangx lor. Ix si jaibu quanxliw cutsinx ee, guaw qaixsueh hro tniax, narr qongxx jit zit 7 diamxjingx ee qangjog siqanx, singx hro derr id diamxjingx iubun, aurlaii songxkuair ee 6 diamxjingx, henxzenn viw derr id diamxjingx ee songxsinn, cunx ee 6 diamxjingx auwnauw qex jin' e hryy. Ix uanjuann dong'ir guaw ee knuawhuad. Jitt xee qenqiongg ee luxsingr, jin' qinw dyrr kikhok tuasuax ee quanwsir.

KOXQUEX EE QAMX

Diongsinx anvaii sing'uac-diongx, kuaiwlok ham' tongwkow ee sunrsu, singx binrduir tongwkow, qra bunrdee qaixquad, surau hiangxsiu .diyc ee kuaiwlok e kacc dua. Jex marr si ui'id jingwkag ee sing'uac hongsid.

Ginxaw go huer kiw, dyrr erdangr kaisiw qar inx jitt jiongw anvaii hongsid. Kyxviw qongxx, lunliuu-sngw, singx sngw :ee benw ho'ngg cuix, siongrr buew jit xee e texhue diyc danw langg ee vut'anx. Lak huer :ee ixqingx erdangr yc jiac qenngrqyx sii, berdangr singx jiac tngsngx, air jiac :ee lauu dirr buew aw jiacc jiac, jubi qyckacc hyw. Qadingg jokgiap si lenrsib ginxaw kow :ee lux dairsingx, air :ee he aurbin siongrr hyw ee qauwjaii. Buanw jap-zi huer :ee, ingwqaix ixqingx mrbenw verbuw qongw, dyrr jaix singx jyr qongkyr jiacc knuar denrsi. Jap-go~ lak huer ixau, anne ee viauxhen si dingrquix ar.

Mrqycc, qauwiok qangjokjiaw longxx u qinggiam, cingcunqii ee cingsiauwlenn jerje si byy hap lanw qongw ee dingrquix ee. be jiyw jap-go ~lak ee duarhanr ginxaw qinvunw byy "danw .jit .xe jiacc hiangxsiu" ee quanliam, jiaxee dairvorhun jniajyr bunrdee hagsingx. Qiamxcaiw inx ee diwlingg byy sux langg', m kingw zinrjinx singjig si sux langg jit dua jad. Inx jyr sniaw juann vin' ciongdong, sniu .diyc dyrr byy air siongrkyr, siy' pah, suh dok, ham' qingxhong jauw siy' bih si suwsiongg :ee. singx hiangxsiu huwjnii ab au, qongw si inx ee qoxle ue.

Qaur jitt sii jiacc laii cue simliw dirliauu, ongxongw si kacc ban ar. Vin' ciongdong hingdong ee cingsiauwlenn byy air langg qansiab, setsuw dirliauu zinguann jin' cinced qongjniar ee taiwdo hro inx jiapsiu, jiaxee ginxaw marr jin' lann jikqik laii cam'uw dirliauu quewdingg. Dypiah si inx ee quanwsir, qokk jiongw ee loxlik jiongquix sitvai laii liauxqed. Siongrr buew tewhak, qewsiok sitvai ee sing'uac mosid : ham zip vuthing ee hun'inx, jysiu iwgua surqor, lunlyc jingsinn vnerngi iacc si qnax nirr.

Jex si uirsniaxmic? Uirjnuaxngiu dairvorhun langg longxx erdangr iongxsingg danw .jit .xe jiacc hiangxsiu u junxjad ee linglik, kiokk marr u lingrgua jidvorhun :ee sitvai? Dap'anr qaur dnaxx byy dingrlun, iaxx kiamr kyhak jingwqur. Qiinx ee ingxhiongw byy binghenw, qokk jiongw venwsor marr berdangr iong kyhak honghuad cionghunx kongwjer, mrqycc juadduardysor ee kyxlingsingr jixhiongr qadingg qauwiok ee diongriaur.

VERBUW VAN QNIAXZII-NGIU

Kiamwkueh qiwlut ee ginxaw byy itding qaqaur byy giamm. Sursit-siong, inx jin' je longxx sisiongg dirr cur nirr sriu diyc giamdiong ee texhuat, samvutgorsii u siyw ~ quewsid, dyrr e jysiu verbuw cutkax kixciuw, senr cuiwpuew, ho'ngg qongr…dringw. Byy qiwlut jyr kywsnuax ee quanqar, byy zimrhyy iwgi.

Jex juxiaur si verbuw vunxsinx marr byy qiwlut jyr qniaxzii ee van. Jitt jiongw verbuw ciangjai anne qongw " jiauww guaw ee ue jyr, mair yc guaw ee ngiu", inx dirr ginxaw binrjingg limx hiongjiuw/ pah langg ; uanjuann byy jurjer/jungiamm/ lixsingr; inx vindnau / vuersinr; qra qaqi ee sing'uac congr qaxx luan caucaux, kiokk qiongvig ginxaw qenwlip didsu ee sing'uac. Narr qongxx laurve vutsamsii pah bow, anne qniaw pah merme sii, maxmah jikjue qniaw, u snaiw iwgi? Iauqiuu qniaw kongwjer jingsuu iuqycc u sniaw loriong? Qniaxzii kiamwkueh vixqaur ee duiwsiong, inx simbak-diongx verbuw dyrr si sinn, qra verbuw cuxliw dairjir ee ciuxhuad knuawjyr lixsoxdongzenn. Verbuw u giamqeh ee jurlut/ jurjer/ jurjunx, sing'uac qaxx diaudiauu-iuxliw, qniaxzii siongsinr jex si sing'uac qaix u ee viaujunw; narr si byy bogviaux quer zidziw, jyr su byy guanjig hnuahiw dyrr hyw, ginxaw knuar dirr ganxlai, marr si jiauww anne.

IONG SIMX AIR

Mrqycc aiwsimx viw qaksig bohuan kacc diongriaur, setsuw siongrr luan ee qadingg, marr kyxlingg u jinair ee junjai, qycc vue'iongw cud bad jurlut ee ginxaw. Dendyww cniurr isingx, ludsux, jusenrjiaw… u juandiongw/ surgiap jingjuanx ee verbuw, kangx u giamqinw sing'uac ee guarviaw, sidjid kiamr aiwsimx, inx qauwiongw .cud .laii ee ginxaw, byy itding viw sanwciah puawcuir qadingg cutsinx :ee, qyckacc byy qra qiwlut kngr dirr ganxlai.

Aiwsimx si siongrr diongriaur ee guansor. Lanw air jitt hxang mic, dyrr e kingxding ix ee qewdat, hnuahiw uirr ix kaix siqanx, liauw simsinn. Quancad jit xee derr id vaiw u sinx-odobaiw siauwlenn :ee, knuar ix iong zuarr je siqanx sew ciax/ pah lac, himsiongw ix, qra jingxliw; qycc knuar jit xee u nihuer ee langg, jnuaxngiu jiauwqor ix ee huehngg : ag juiw, lyc vuii, siujenw, dutangg, jiapqix, suaxjai…,dingxjinx sewzi jinrsimx jinrlik.

Air qaqi ee qniaw marr anne. Lanw himsiongw inx, suisuii jiauwqor /vuepnua inx. Hyw ee qiwlut su'iaur siqanx vue'iongw. Narr qongxx byy beh hro qniaxzii siqanx, dyrr byy kyxlingg siongser quancad, berdangr texhue inx iong qik bibiau ee hongsid viauxdat inx su'iaur langg' jo ee sinwhy. Simrjiww inx henxzenn rair qaqiongg qiwlut hunwlen sii, suacc qyckacc quwjai inx bruw, byy diwdang inx jinjniar ee su'iaur. Narr qaur vutditvud caixcuw hingdong sii, sisiongg si qui' vxag uanwkir, qinvunw m guan cimzip liauxqaiw bunrdee, qandna' iong jankog ee jikhuat cutkuir.

Narr si kingw uirr qniaw kaix siqanx ee verbuw, bunrdee huatsingx jingg, inx dyrr u hxuad duiwjingr lyc iyc, ylyw/ qoxle iacc si jikvi, kiauxbiau qiujingr ginxaw huatdenw ee honghiongr, hro bunrdee siaubyy .kir. inx e juwir diyc ginxaw jiac qenngrqyx, jyr qongkyr, qongw vehcat iacc si huepiah bunrdee ee hongsid, inx jin' sewzi tniax ginxaw qongxue, qaix kinsangx/ vangwling /sog ann, siyw ~ ee qingxqyr/ qawsi, jimx .jit .xe/ lamw .jit.xe, kinx kinx dar .jit .xe qingqah, qra itcer kyxlingg kokdua ee cacyr, singx qiujingr .quer .laii .

Lanw ersaih qongw, ciongbuanw air ee qadingg dirr qauwiok pinxjid hongbin, juadduir quann quer kiamwkueh air ee qadingg. U aiwsimx ee qadniuw kaix siqanx quancad ginxaw, pnuawduan qniaw suqiuu ee dongsii, sisiongg binrduir tongwkow ee quatdik, zicniaw s.-sitjai-j. vruee qniaw jywhuew siurkow. Ginxaw byy kyxlingg duiww jitt jiongw su m jaix. Inx huisiongg cingcyw, verbuw simqamx-jingguan vruee inx, byy itding sui' dyrr e viauxsi jin' qamxqig, mrqycc ui' jiax yc erhiauw siurkow ee iwgi / jinliw. Inx e qra qaqi qongw, "zuqyw verbuw guanrir vruee guaw siurkow, siurkow itding m si pnaiw dai, guaw marr qaix singdamx qaqi ee tongwkow jiacc driyc." Jex si jurlut ee kixdiamw.

Verbuw dauzip zuarr je ee siqanx, zuarr hyw ee pinxjid hro qniawzii, inx e bingvik jurqiw sriu verbuw diongrsi ee tingdo. Uree qinvunw byy air juxluw ee verbuw, uirr beh amkamr jitt xee sitvai, e itjair cuir qongw gunw si zuarnirr air linw, zuarnirr diwdang linw. Kiokk m guan dauzip jinsimx qapp kuiwlat. Ginxaw si be dngqii virr muapenr ee. viauxbin-siong, inx kyxlingg e qexsenx siongsinr verbuw ee air, mrqycc amwiwsig nirr, inx uanjuann liauxqaiw verbuw qongw :ee ham' hinguii byy itdir soxx dairviauw :ee si sniaw.

LIW SI VYXVUER

Jinjniar did diyc verbuw tniawtangr ee ginxaw, setsuw u jit ~ nng vaiw sraiw singwde uanwceh byy sriu diongrsi, amwiwsig kiokk jin' bingvik jaix, sursit m si anne. Jurqag u langg dinsiyh ee ginxaw, jurzenn dyrr e dinsiyh jurqiw, jitt jiongw zinrdix viw qimx-aw qyckacc quiwdiong.

"Guaw si jit xee u qewdat ee langg", jitt jiongw jurdix si qenrjuann simliw ee iauwsor, marr si jurlut ee qicow. Jex didjiab laii jurr verbuw ee air. Anne ee jursinr si ui' ginxaxjaix vue'iongw kiw ee, singlenn au jiacc sniu beh qenwsed, rair cud siangx vxue lat ar. Jurr serhanr jimr dirr aiwsimx buanxbuanw ee ginxaw, qaxsuw singlenn au duw diyc qokk jiongw qanlann, qenqiongg ee jursinr, e jniajyr iongxkir, be kir hro ab siw kir.

Vyxsiyh jurgnow si jiacnirr diongriaur, dng' jit xee langg kingxding jurgnow qewdat sii, dyrr e caixcuw itcer vit'iaur ee andah vanrhuad jiauwqor jurqiw, qra qaqi qor hyxser si jurlut ee jinjniar iwgi.

Taujingg lanw qongw .quer hitt xee singx jiac tngsngx ee le, zuqyw lanw vyxsiyh jurqiw, marr e vyxsiyh siqanx, cionghunx liriong siqanx. Tuaenn qangjog jinwdo, bunrdee cud dirr ix byy dinsiyh siqanx, narr qongw e vyxvuer siqanx ee langg, jnuaxngiu iong'unw qra jidduarvnuar ee siqanx hro qaqi byy kuaiwlok qycc byy singsanxlat, henxzenn si dypiah hinguii. Donglenn sii, ix ee cinsnix verbuw m si byy linglik jiauwqor ix, haghau narr si qawqii, qamguan kaix jnii sangr ix kir qiwiongw verbuw hiax.

Jitt xee su jyrsingg ee vnerbuew. Verbuw byy diongrsi ix, byy guanrir jiauwqor ix, hro ix qamxqag byy daddid iongxsingg jurlut ee quanwsir.ix is jin' kiauw, e jyr dairjir, jurgnow vingqer jin' qe; ix byy knuawdang qaqi ee siqanx, rair ui' siongrr qivunw ee jurlut yc kiw. Jit xee langg itdanr liauxqaiw jurqiw siqanx ee qewdat, dyrr e diongsinx jingxdunr siqanviyw, jyr siongrr hyw ee unriong.

Hyxzirun ee ginxaw dirr donglenn erdangr hiangxiuw verbuw genhingg itdir, air ee jiauwqor, singlenn au m na qenwlip kiw qenqiongg ee jurgnow qewdadqamw, marr u anjuanqamw. Soxu ee ginxaw longxx u cionghunx ee lixiuu qniax ho'ngg vangwsag. Lak qywguec dua ee ngix :a kaisiw catdix jurqiw si doglip ee qywtew, ham' verbuw si hunli :ee. jitt jiongw zinrdix sui' hro ngix :a huathen, qaqi si jiacnirr bylat, diyhh ilai verbuw jiacc erdangr singjunn tihh; hro verbuw hniwsag dyrr si suanqyr sixbongg.

Qyckacc dangxhniaw ee verbuw, duiww ginxaw qniax virr vangwsag ee qniahniaa simliw longxx u jin' bingw ee didqag. Inx ee suisii tecud vyxjingr qongxx "vavax qapp mamax ingxuanw be qra liw danwdiau", " vavax qapp mamax ingxuanw be qra liw vangr be qir .did ". Narr qongw jiaxee kauxtauu vyxjingr u hingdong puewhap, qaur liauw cingcunqii, ginxaw ee qniax e duer siqanx byy .kir, inx siongsinr jitt xee sewqair si jit xee anjuann ee soxjai, suisii did diyc vyxho. Luersimx ciongbuanw anjuanqamw ee ginxaw, be u qnuaw qinw qinw ee vit'iaur. Ix jaix suqiuu suisii u qihue hro ix did diyc buanxjiog, dirr siongrr hac ix ee sikdongx siqix dyrr e lunn diyc ix.

Jerje langg byy itding u jitt jiongw ee unrkir. U langg jurr sewhanr dyrr kap diyc sixbongg, ho'ngg danwdiau, byy langg cab inx. Uree ginxaw setsuw byy jysiu jitt lui ee vuthing, marr kyxlingg did be diyc verbuw hac sii air ee vyxjingr. U quaw verbuw uirdiyhh quanxqar hongven singxsu, qingwzenn iong hecqniax ee ciuxdnua. Inx jin' janzimw qra ginxaw qongw, " byy jiauww guaw ee iwsur jyr, guaw dyrr byy air liw ar, liw qaqi sniurknuar mai lehh, liw e lyc did sniaw hardniuu." Verbuw iong kongwjer, juanjer tewdai aiwsimx, hro ginxaw duiww birlaii u ciaucud sursit ee cneqniax, guiqix qamxqag itdit qaur singlenn au. Inx qamguan tamriong ganxjingg ee kuaiwlok. Dirr inx ee bagjiux jingg, birlaii taiww bongbiauw, kyr vutju, singlok viw jitmaw suiw quixarr vxue, byy itding e sidhen, u sniaw iong.

Soxiw, beh vue'iongw ginxaw mair hiacc qnuaxqinw, zimw .jit .xe ee dingrlat, diyhh teqiongx inx hagsip jurlut ee bohuan. Jitt hxun "jaihur" siongrr hyw laii jurr verbuw jing'au itdir, jinsimx aiwho ee taiwdo, jex si verbuw sangr hro qniaxzii siongrr hyw ee lexmic.

TENHA BYY LANSU

Gauw qaur 37 huer jiacc yc erhiauw siuliw mihqnia. Dirr jex jinwjingg, bylun juixqongw, denrhuew, qinqur suecbingsux jngpuer ginxawmic iacc si qaqu johap, guaw longxx berhiauw. Guaw tak uann ihagngi, qethunx, dirr simliw iliauu qapp hingjingr quanxliw hongbin benxqiongw sngr u damrvyc singjiu, mrqycc vrong diyc qihaii :ee, guaw uanjuann dauhangg.

37 huer hitt nii, jit xee lexvaiwzit, guaw sanwvo qniaa quer qecviah, knuar diyc jit xee cuwvnix :ee decc siuliw jenxcauxqix. Jin' himsen qongw, "liw jin' gauu, guaw jurlaii dyrr berhiauw siuliw zimrhyy mic." Ix sui' rinr qongxx, "hex si liw byy sniu beh liauw siqanx kir cir." Guaw qewsiok sanwvo, jit qxur qanxdanx ee ue, iwgi vutjiw cimx, cua dindang guaw ee simjingg, simlai suacc naxx dedang lehh.

Guaw mng qaqi, "ix qongw :ee qamxx si sursit?" aurlaii byy zuarr quw, dyrr u qihue qiujingr jitt xee gibun. Jit xee vingiuw ee ciax, ciuxdongr kac .diyc. Ix jaix giviauxvanw erkax u jit xee kaiquanx, mrqycc m jaix kaiquanx ee uirdir, marr m jiax snijyr sniaw hxingg. Guaw singx hro qaqi simjingg kinsangx .quaw; jiacc kaisiw sewzi quancad. Suibongw knuar m bad bagjiux jingg jit dua dxuix ee denrsnuar/ qxongw/ qnuaiw-aw u sniaw jokiong, ban ban aw cue cud ham' dongr-aw iuxquanx :ee si dycc quiw xee, liauxqaiw unrjog ee sunrsi, siongrr buew cue cud hitt xee hro ciuxdongr be dinxdang ee siyw siyw kaiquanx. Qycc cir knuar mai lehh, huathen jixiaur iong jingtauu-aw tuh jit xe, bunrdee dyrr qaixquad ar. Itliuu ee qisux byy itding viw guaw jyr kacc suixkuir!

Guaw jiac jitt dxoo ham' qihaii byy quanhe, byy juangiap diwsig, marr byy siqanx cuxliw qihaii bunrdee, dairvorhun ee jinghingg iauxx si vaiwtog siuliw qanglangg. Dnaxx guaw jaix, anne jyr si guaw ee suanxdik, m si guaw cutsir dyrr kueckiamr cuxliw qihaii ee jailingg. Marr siongsinr, duhuix diwlingg jongwgai, zimrhyy langg jixiaur kingw iong siqanx, byy hitt jiongw berdangr qaixquad :ee.

Jitt diamw huisiongg diongriaur, jin' je sihau, ongxongw si dongsurjiaw byy dauzip jiokgiac ee siqanx, jiacc byy hxuad qra diwsig/ siarqaux/ simliw qokk hongbin ee bunrdee siaubyy .kir. Zuqyw guaw dirr qihaii hongbin m si u quaw texhue, guw itding jixsi qra tauu crunx kir giviauxvanw erkax, ovec giuw quiw xee denrsnuar, byy sniaw qetqyw, siangciuw tenxkuix, cinwcaiw qongw jit sniax, "guaw byy vanrhuad lar!" jerje langg cuxliw zidsiongg sing'uac duw .diyc ee bunrdee, qamxx m si anne ee taiwdo?

Taujingg lanw qongw .diyc hitt xee jaibu :ee, qisit si jit xee ciongbuanw aiwsimx, vutjiw jinrlat ee maxmah, dyrr si byy hxuad quanw ix hitt nng xee qniaw. Ginxaw dirr simjingg iacc si quanqar hongbin cud bunrdee sii, ix jin' qinw dyrr u qingxqag .diyc, tongsiongg jixu nng xee duiwcig: jiauww simtauu hniaw .quer ee derr id liamrtauu, diaujingw henrhongw --- vig ginxaw jaixdngr jiac kacc je lehh, iacc si qiongvig inx tejaw kir kunr, byy quanw anne jyr, duiww qaixquad bunrdee si m si u vangjan; derr zi, jin' sitjir laii cue guaw, qongw" guaw jit diamw aw dyrr byy hxuad, m jaix beh anxjnuaw kacc hyw?"

Jitt xui luxsu jin' kiauw, cuxliw qangjog landee ee linglik jin' qiongg, longxx be sag laii trex kir. vrong diyc suzinn bunrdee, viauxhen uanjuann sitsiongg. Qisit bunrdee ee qattauu si siqanx. Suzinn bunrdee jongw si hro ix qamxqag jin' cniqongg, qandna' sniu beh kacc qinw tuatsinx, m guan qex kaix quaw siqanx sik'ingr jitt jiongw byy songxkuair ee qamxqag, an' tauu huntiah kiw. Qaixquad bunrdee hro langg u buanxjiokqamw, cinwcaiw bruw jit xe siamxpiah jauw kiokk erdangr qra jicjiab bunrdee ee siqanx sog dew. Qetqyw ix qaixquad honghuad ingxuanw byy jiamduir bunrdee hudsimx, ix ee qa'dingg dngqii huex qyqyy.

Vrong diyc bunrdee dyrr hibang sui' qaixquad, si siongrr guansiw, siongrr u pywhairsingr ee huanxingr. Jitt jiongw taiwdo qapp hibang bunrdee jurdong siausid ee simtair, si qangg boo-aw.

Bunrdee si byy kyxlingg jurdong siausid ee. jex si vuthing ee sursit : bunrdee narr m qaixquad, dyrr e ingxuanw junjai, ingxuanw joxgai simlingg singdiongw.

Dypiah tongwkow, byy knuar diyc tongwkow ee taiwdo, longxx si m kingw hongwkir qnuaw qinw qinw, byy air zimw .jit .xe. Lanw jaix binrduir bunrdee vitzenn si jit dniuu tongwkow ee qinggiam. Tranr jaw binrduir bunrdee, dairviauw hongwkir bagjingg ee kinsangx ingsinx, jiwjiyw guanrir kacc qe tingdo ee tongwkow nguarter kacc dua ee kow. Anne jyr ee singjiu si jionglaii hiangxsiu jinjniar ee songxkuair/ buanxjiog.

U jit xee bad cua vxingx siy' jenr .quer ee jiongqunx qra guaw qongw, " vorduir nirr siongrr dua ee bunrdee dirr zimrhyy jojid qangkuanw junjai, hex dyrr si duardysor ee juxquanw narr duw diyc bunrdee, qandna' erhiauw gong gong jre dirr vanrqongsig sersinn, sniaxmic dyrr m jyr. Naxjunxx sec qraur quw, bunrdee jurdong e siausid. Jitt xee jiongqunx qongw :ee m si iwjir ziok ee poxtonglangg, si jit din linglik qingquer kyxgiam, qycc sriu quer giamqeh qiwlut hunwlen ee qunqnuax.

Jyr langg' verbuw ee jitjig, ongxongw naxx kiwgiap juxquanw decc jixhuix jit qingx qongsix lehh, pnai dangrzim :ee, kyxsiyh jerje verbuw vunxsinx byy anne ee simliw junxvi, inx cniurr jingg qongw diyc qundiongx juxquanw qangkuanw, jre/ danw quixarr qywguec, simrjiww quixarr nii, jiacc kaisiw sniu beh sidjer liauxqaiw juxluw ee bunrdee, qaixsen cinjuw quanhe.

U jit xui qadniuw, uirr ixqingx lensiok go dxangx ee bunrdee cingxqaur zidongg simlixhagqax. Ix qongw, " vunxlaii sniu qongxx kacc duarhanr .jit .xe, jurzenn dyrr e hyw ar." Dongzenn, qauwiongw ginxaw si jin' hogjap :ee, verbuw ongxongw jin' pnaiw quatdik, marr u quaw bunrdee kaksit "duarhanr dyrr e hyw ee", mrqycc dirr ginxaw singdiongw quewdingg, lanw crunx ciuw qra inx dauwsnaqangx, sethuad jinr jit vo liauxqaiw inx ee kunwlann, juadduir iuxli-byhai. Duarhanr qycc byy hxuad qaixquad ee bunrdee si jerje; ham' soxu qitnax bunrdee qangg, tuax zuxx quw zuxx okhuar, qaur sii jiacc sniu beh qaixquad, si qyckacc kunwlann/ tongwkow narnia.

QRNGX KIW LAII

Zyqyw lanw byy be jurqiw qaixquad zinsingx landee, bunrdee dyrr ingxuanw byy vanrhuad qaixquad.

Jitt qxur ue u damrvyc cauwsngx ar, mrqycc iauxx jerje langg naxjunxx m bad jitt xee dyrliw. Lanw diyhh singx qrngx kiw laii qaixquad bunrdee jitt xee dnar, jiacc erdangr qaixquad bunrdee. Qandna' qongw "jex m si guaw ee bunrdee", jit diamw aw dyrr byy vangjan. Qidai vadd langg ter lanw qaixquad, bunrdee jurqiw be siausid. Ui'id ee honghuad si kia cud laii qongw, "jex si 'guaw ee ' bunrdee, guaw laii qaixquad driau".

Jin' je langg, sidjai si taiww je langg, uirdiyhh siamxpiah bunrdee soxx duar .laii ee tongwkow, qra qaqi anne qongw: "jitt xee bunrdee si vadd langg ziaw :ee, si langg' hai guaw .ee, ham' guaw byy dirdai. Iacc si: ciauquer guaw kongwjer ee siarhue insor, vadd langg iacc si siarhue rair hurjig. Jex m si guaw jit xee langg ee bunrdee."

Dypiah jikzim ee simtair m na suxx langg uiham, u sii qycc jin' hyw ciyr. Juwhongg dirr Okinawa ee jit xee Bixqunx, ciangjai limx siyjiuw quewliong, hro ingg nirr jyrsingg jin' giamdiong ee kunwziauw. Qunhongx qra qaux hro gauw jyr qiamxjax, marr hibang erdangr qeqiamw hro ix u vangjan.

Ix hiyxzin limx jiuw quewdo, byy beh singzin air limx jiuxjingsingr ee imxliau si ix qywzinn ee bunrdee, qongw, "Dirr Okinawa ee amwmii, qandna' erdangr limx jiuw, byy vadd hxang tangx jyr."

"Liw qamxx air knuar ceh?" guaw mng.

"Oh, dongzenn, guaw jin' air knuar ceh."

"Anne, amwsii liw nacc m knuar quaw ceh?"

"Dirr qun'ngiaa beh knuar ceh sniu' caw."

"Kir dosuquanw a."

"Hex sniu' hng."

"Dosuquanw qamxx u viw liw kir limx jiuw hitt xui kacc hng?"

"A, guaw singzin m si hiacc air knuar ceh, hex m si guaw ee cuwbi."

"Liw air diywhii bor?" guaw jriab lyc kir mng.

"Dongzenn, guaw air diywhii."

"Uirsiamxmiw liw m kir diywhii, suacc kir limx jiuw?"

"Guaw qui' zit longxx air jycsid."

"Ersaiw amwsii kir a. Amwsii qamxx berdangr diyr?"

"Amwsii byy der diyr a."

"Bingbingg dyrr u. Guaw jaix jin' je xui neh, guaw qiyr inx ham' liw lenlok, qamxx hyw?"

"Qongw sidjai, guaw be air diywhii ar."

Gauw quatding beh qra dairjir mng hro cingcyw.

"Tniax liw qongw qaur jitmaw, dirr Okinawa, duliauw limx jiuw ixgua, iauxx qycc u vadd hxang dairjir tangx jyr, mrqycc, liw siongrr air .ee, dyrr si limx jiuw."

"Guaw sniu si anne."

Jitt vaiw sngr si kacc kunxding ee kauxkir.

"Jitmaw, liw rair binrduir jit xee jinsit ee bunrdee, limx jiuw jyrsingg jin' dua ee mahuann, si m si?"

"Jitt xee qxuiw jiacc beh druar ee dyxsu, druar dirr jiax ee langg longxx hro congr qra rair limx jiuw." Jin' hunwngor ee huedab.

Gunw cir jin' quw, mrqycc jitt xui suqnuax dyrr si m kingw qra limx hiongjiuw dongwjyr jit xee erdangr kyr iwjir, guarqair qycc hro ix jit diamw aw jorlat dyrr erdangr qaixquad ee bunrdee. Juewau, guaw jixhyw qra ix ee sulingrqnuax qongw, jin' sitlew, guaw byy lat jo ix. Ix qewsiok limx jiuw byy junxjad, jixu virr tetjid, likuix qunzinn sing'uac.

JINGSINN QNUALINGJINGR QAPP ZINQEH SITDIAUU

Laii cue simliw isingx sunqiuu vangjo :ee, m si sinqinx qnualingjingr, dyrr si zinqeh sitdiauu ee bunrdee. Qanxdanx qongw, jitt nng jiongw jongrhongw longxx si jikzimrqamw cud bunrdee, henr .cud .laii ee vnerjingr duxhyw dendywvingw, sinqingx qnualingjingr si qiongg qra jikzim deh dirr qaqi ee sinkudingw. Dagg vaiw narr si qapp guarqair huatsingx ciongtut, dyrr itding zinrding qaqi m driyc; zinqeh sitdiauu :ee duw diyc dairjir longxx m kingw hurjig, zinrding itding si vadd langg m driyc, jingg dnxua hitt xee suqnuadniuw dyrr si siongrr hyw ee le.

Guaw dirr Okinawa hogbu sii , jit xee qunzinn ee qasiok, qui' zit qamxqag jigbok qodnuax, anne qra guaw qongw, "Guaw dagg zit kir qunquanr kulogvo, hibang erdangr qaux diyc sinx vingiuw, mrqycc, guaw narr dirr hiax, dyrr si be jurjai , jre be diauu. Guaw sniu itding si guaw qyc'ngiu, langg' jiacc byy beh cab guaw, inx tyxiar guaw. Guaw sniu' viwsur, diyhh yc kacc guarhiongr lehh. Guaw jin' be liauxqaiw, uirsiamxmiw guaw jiacnirr byy ho'ngg huangingg."

Jitt xee uanjuann qra dairjir quaiwjue qaqi, vuthing ee luxsingr, dirliauu quewdingg huathen ix IQ viw itvnualangg kacc quann, iaxsimx marr viw poxtonglangg kacc dua, jex si ix qapp qitax qunqnuax ee taiwtair, surqnuax angx be hac siongrr juxiaur ee guaninx. Ix liauxqaiw "jigbok ee qamxqag" m si ix qaqi ee kiamwdiamw au, quatding lirenn, dngw kir dairhak tak ceh. Jitmaw ix dirr jit qingx jabjiwsia jyr venjip, marr ham' jit xee cutvanxsiongx qethunx ar.

Sinqingx qnualingjingr ee langg, qongxue ciangjai "guaw ingwqaix" "guaw vut'ingqaix", henxsi zinrhyy su inx longxx byy suanxdigquann, itcer rair jiauww guarlaii ligliong ee caukongr. Siongsinr kunwlann longxx rair qaqi hurjig, singzin bunrdee cud dirr jurqiw. Dirliauu .kiw .laii viw zinqeh sitdiauu :ee qex jin' qanxdanx. Zinqeh sitdiauu :ee kiokk gamrgong qencii : ingwqaix diaujingw ee si guarqair, qirjuat zimrhyy jurgnow huanxsingw.

Henrsit sing'uac-diongx, jerje langg jitt nng jiongw simliw vnerjingr qiamqor u, tongsiongg longxx jin' kinx, simlihak qra hy jyr CHARACTER NEUROTICS. Inx e qra mow hongbin ee dairjir, vut'ingwqaix hurjig .ee, lamw dirr qaqi ee singkux-dingw, muaxvag ee juerokqamw, u sii, bingbingg rair qaqi dnax .ee, suacc sag hro vadd langg, siw dy' m zinrsiaur. Jex dirliauu byy lann, singx dirliauu inx byy vit'iaur hurjig hitt vorhun, qenwlip diyc sinwsimx, jiacc laii cuxliw inx m guan singdamx ee bunrdee, qaixduu zinqeh sitdiauu ee joxgai.

Cavutdyx soxu ee langg longxx u jitt nng jiongw vnerjingr ee kinghiongr. Jixiaur jurdong jurhuad cam'uw simliw dirliauu, duiww dag'ee langg longxx u vangjan. Zinsingx vunxlaii dyrr dyvenwhuar, pingqox ingwqaix iacc si mrbenw hurjig, ingxuanw si junjai ee lanxdee. Uirdiyhh liongsimx erdangr dirr siongrr sikdongx ee sii, jyr siongrr hyw ee suanxdik, dongsurjiaw rair suisii jurgnow huanxsingw. Jitt xee quewdingg si siongdongx tongwkow .ee, jiac hyw air kinkyw si langg ee vunxsingr.

Derr mow jiongw iwgi-siong laii qognw, soxu ee ginxaw longxx u zinqeh sitdiauu henrsiong, inx longxx e jurqag ee kir dypiah jikhuat, m kingw uirr ciongdut hurjig. Hniadi-jixbe uanqex siy' pah, diongxvuer duiqiur sii, horsiong tuisiar quewcyr. Qangkuanw, marr cavutdyx soxu ee haidongg longxx u sinqingx qnualingjingr, inx qra ciauquer lixqaiw :ee dongwjyr jurqiw ee quewsid. Did be diyc verbuw hnuahiw ee ginxaw qandna' e zinruii qaqi byy qraur qoxjuix, kiokk be sniurjyr verbuw kiamwhang air langg ee linglik; Cingcunqii ee ginxaw narr qaux byy iwsingr vingiuw, iacc si unrdong hongbin viauxhen covun, marr e siongsinr qaqi ee kiamwdiamw. Lanw longxx su'iaur luixjig je nii ee qinggiam / simdir singdiongw, jiacc erdangr knuar cingcyw lanw kia dirr jitt xee sewqair ee uirdir/derui, qycc an' jiax kaksit vingding lanw duiww sewqair/ duiww jurqiw qaix hu ee jikzim.

Juxluw singdiongw ee quewdingg, verbuw kyxiw teqiongx jerje hongbin ee jorlat, mrqycc puewhap qniaxzii ee su'iuar si jin' byy qanxdanx ee dngqii qangjog, verbuw rair suisii vyxcii binxqamw, rair qycc dauzip vutjiw je ee siqanx.

U quaw verbuw jin' kyxlingg jywcud honggai aurdai mairhiongr singsik ee hinguii,suibongw lanw berdangr qongw inx lingxcinr kiamr zindig, marr m si diauqangx m diwdang qniaxzii,. Kinx ee sinqingx qnualingjingr huanrjiaw, inx u jin' dua ee kyxlingsingr jniajyr itliuu ee qadniuw zinsuanw, narr qongxx inx dirr guarbin qangjog byy cniuw beh singdnax quewliong byy vut'iaur ee jikzim, hro qaqi dngw laii qaur cur lai ixqingx byy jingsinn dnax kiw jyr verbuw ee dnar. Mrqycc zinqeh sitdiauu :ee, vacbinrvah si byy hac jyr verbuw ee, inx duiwdai ginxaw ee taiwdo lirqingx qaur liw sniu be qaur, jurqiw kiokk vutdix-vutqag.

Simliw ihagqair qongzin, sinqingx qnualingjingr huanrjiaw e qra qaqi bruw qaxx jin' camw, narr si zinqeh sitdiauu :ee, siongrr suex :ee si inx ee qniaxzii. Inx m guan singdnax verbuw ee jikzim, sniu-kangx-sniu-pang qra qniaw sag hro vadd langg jiauwqor, zidsiongg sing'uac marr qangkuanw. Banrid qniaxzii ee pinxhing/ haggiap u bunrdee, jitt jiongw verbuw itding lixiuu ciongjiog kiwser qycc qiongg, qra cywgno juanvo sag hro qauwiog jewdo iacc si langg' qar cua pnair .ki.

Zinqeh sitdiauu ee verbuw qingsiongg jikvi qniaw :

" gauw qiongrbecc hro linw vig qaxx kixsiaur ar! "

" narr m si linw, guaw jiacc be qethunx lehh!"

"narr m si rair cri linw, guaw vunxlaii erdangr tak uann dairhak, congwjy surgiap ee."

Inx m na si qniaxzii dypiah jikzim ee bongiu, qycc qanwjiab qra qongw : linw diyhh uirr guaw sitvai ee hun'inx/ guaw ee simliw qenrkongx/ guaw cicamw-logpig ee sing'uac hurjig. Ginxaw byy kir liauxqaiw jitt jiognw iauqiuu si zuarnirr byy habliw, ongxongw liaurkiyr jinsit :ee, jiapsiu jikzim. Dyrr anne, birlaii jitt xee ginxaw si sinqingx qnualingjingr ee huanrjiaw. Verbuw si zinqeh sitdiauu ee qniaxzii, cavutdyx longxx u zinqeh sitdiauu/ sinqingx qnualingjingr ee bunrdee, hyrhuan aurdai.

Zinqeh sitdiauu :ee m na byy sikhap jyr verbuw, inx ee huninx, qauiuw, singliw ongxlaii qokk honghin marr e u jerje bunrdee. Bunrdee itding diyhh kia cud laii qaixquad jiacc e siaubyy, jiauww zinqeh sitdiaujiaw ee jywlangg, jikzim longxx sag hro langg', ix ee angx (bow)/ qniawzii(qniaxzii)/ verbuw/ tauqex…, quijue hro haghau/ jingwhuw/ jingxjok kinsi/ singwvet kisi, siarhue/ jewdo/ huwbin ingxhiongw…dringw, bunrdee dyrr anne itdit ensiok tihh.

Inx qra jikzim sag cud sii, kyxlingg qamxqag songxkuair, mrqycc sing'uac landee byy qaixquad, simdir tingjiw singdiongw, hro inx jniajyr siarhue hurdamx. Lak-jap nidai tuann jit qxur ue : liw na m si qaixquad hong'anr ee jidvorhun, dyrr si bunrdee ee jidvorhun.

JYR JUXLANGG

Qingquer jingsinkyx isingx jinxduan, narr si zinqeh sitdiauu ee huanrjiaw, tongsiongg dypiah jikzim ee henrsiong ixqingx qik giamdiong ar. Mrqycc muixx jit xee langg samvutgorsii e u jikzim ee aplik sniu beh "dyy" ee liamrtauu. Guaw qaqi 30 huer hitt nii duw diyc MRC BADGELY isingx, jiacc kikhok damrvyc zinqeh sitdiauu ee kinghiongr.

Hitt sii, guaw dirr BADGEL juxzim ee jingsinkyx mngjinw damzim jurngi isingx, dongsii jiapsiu hunwlen. Gauw ham' qitnax jurngi ee isingx lunliuu knuar jingsinkyx mngjinw sinx vnerlangg. kyxlingg si guaw duiww vnerlangg ham' jurqiw ee qauwiok longxx viw langg' kacc dauzip, qangjog siqanx digvet dngg. Vadd langg jit lexvair knuar vnerlangg jit vaiw, guaw kiokk diyhh knuar 2~3 vaiw. Guaw dyrr rair qimx qimx knuar langg' evox 4 diamw vuar harvanx, guaw ham' vnerlangg ee iokjinw rair vaii qaur amwsii 8~9 diamw. Jitt jiongw hro guaw ee simjingg huisiongg baiw, dng' guaw vutbuanw ee simjniaa jit zit jit zit tequann, simliw/singtew zuxx laii zuxx tiamw, qaqi jaix byy sethuad qaixsen bersaih tihh.

Guaw kir cue BADGELY isingx, qra jinghongw qongw hro ix tniax. Guaw hibang ix erdangr quiw lexvair junw guaw benw jriab sinx vnerlangg, hro guaw u cionghunx ee siqanx qra qu qywanr cuxliw driau. BRADGELY isingx jin' iongrsimx qycc u nairsingr tniax guaw qongw, jit vaiw dyrr byy capcuir. Danw guaw qongw uann, ix diam .jit .xe quw, jin' dongjingg qongw, "or! Guaw knuar cud liw kaksit u mahuann."

Gauw knuar ix jiacnirr texliong, simjingg sui' kinsangx .kiw.laii, ciyr ciyr qongw, dysia liw, liw zinruii guaw qaix jnuaxngiu vran?

Ix huedab : guaw ixqingx qra liw qongw ar, SCOTT, liw u dua mahuann.

Jitt jiongw gutauu- bexbin ee dap'anr, hro guaw u quaw byy hnuahiw. Qycc mng, byy m driyc, guaw jaix guaw ziaw diyc su, jiacc laii cue liw, cniaw mng guaw rair anxjuanw vran?

SCOTT liw henxzenn byy hyw hyw tniax guaw qongxue. Guaw zinrjinx tniax .quer liw ee ue, dong'ir liw ee knuawhuad, liw ee dairjir s.-sidjai-j. jin' dua diauu.

Liw qnir diyc qxuiw, guaw jaix guaw u mahuann, iauxx bue laii jiax guaw dyrr jaix ar, bunrdee si guaw rair anxjnuaw vran? Guaw jin' ciongvong qongw.

SCOTT, liw hyw hyw tniax guaw qongw, guaw qandna' beh qycc qra liw qongw jit vxenr, liw tniax hro hyw, liw u mahuann, qongw qyckacc bingg lehh, liw ee mahuann si siqanx bunrdee. Hex si liw ee siqanx, m si guaw ee siqanx ham' guaw byy dirdai, marr m si guaw ee dairjir. Liw cuwliw liw ee siqanx byy qraur hyxser. Liw SCOTT, jit xee langg, dirr cuxliw siqanx-siong duw diyc kunwlann. Guaw beh qongw :ee qaur jiax.

Guaw qui' vxag huew, hionghiongg uad dyxdngw, dua vo huac cud kir BRADGELY ee vanrqongsig. Guaw ee hunwno quw quw be sriaux, jiokjiog hin ix 3 qywguec. Guaw siongsinr ix u giamdiong ee zinqeh sitdiauu, narr byy, jnuaxngiu e duiww guaw tee cud ee bunrdee jit diamw aw simx dy byy dinxdang diyc? Guaw si hiacnirr sewzi vaiwtok ix jo guaw jit diamw aw lat, cniaw ix teqiongx jit xee siyw siyw ee qenwgi. Jitt xee auwqiyh, jiacnirr ser ee jikzim dyrr m kingw dnax, qongw sniaw juxzim!

TXANG-GUA HUNCAIW

Snax qywguec au, guaw hionghiongg sniu tongx ar. Guaw cingcyw BRADGELY byy m driyc. Zinqeh sitdiauu :ee si guaw, m si ix. Guaw qaix duiww zuhyy unriong jurqiw ee siqanx hurjig, qandna' guaw qaqi erdangr quatding dairjir ee jingau sunrsi. Narr qongxx guaw beh dauzip qangjog viw langg' kacc je siqanx, hex si guaw ee quatdik, hiyrqyw marr si qaix guaw qaqi hurjig. Knuar dongsu viw guaw jaw 2~3 diamxjingx harvan si tongwkow :ee, dngw qaur cur kanciuw uanr guaw byy qor qex, marr si qankow :ee, jiaxee longxx si guaw suanxdik ee jidvorhun qetqyw. Narr qongxx guaw byy sniu beh sriu jiaxee kow, ngua jit xee hongsid, siqanx dingsinx anvaii. Guaw ee qangjog hurdamx digvet dimdang, m si miarun jankog ee vaiviw (lang, value), iacc si juxquanw vig langg', jex si guaw suanw ee sing'uac hongsid, guaw qaqi anvaii :ee.

Sniu tongx au, suibongw guaw sing'uac hingtair byy qaixvenr, taiwdo venr ar. Byy qycc hin langg ar, viw guaw kacc jaw harvan :ee , inx suanw ham' guaw :ee byy qangg, uirdiyhh inx beh air ee sing'uac hongsid laii hin inx, jit diamw aw dyrr byy dyrliw. Guaw marr ersaih ham' inx itboo-itngiu ee sing'uac. Hin inx, qisit si decc hin guaw jurqiw ham' langg' byy qangkuanw ee suanxdik. Guaw duiww qaqi suanw :ee, qycc vutjiw qiaugno, amwdiongx taux hnuahiw neh!

Duiww jurqiw ee hinguii hurjig lann ee diamw, si hinguii ee hiyrqyw cua .laii ee kow. Guaw iauqiuu BADGELY isingx hurjig ter guaw anvaii siqanx, dyrr si kiwdoo dypiah qangjog siqanx tuadngg duer .laii ee tongwkow, mrqycc jex si guaw suanxdik hongrhenr hro huanrjiaw ham' juangiap hunwlen, si berdangr piacbenw ee hiyrqyw ar. Kir cue BADGELY, naxx decc iauqiuu ix rair kongwjer guaw, jiongxquanw guaw ee juriuu. Guaw naxx si anne qra qongw, "cniaw liw jyr guaw ee juxlangg quanxqar guaw."

Dagg vaiw lanw narr kiwdoo dysiamw uirr jurqiw hurjig sii, longxx e sniu qokk jiongw hongsid qra jikzim sag hro qywzinn/ jojid. Narr si anne, dyrr si qra quanli qaux hro langg' soxx qongw :ee miarun/ siarhue/ jingwhuw/ dogcaijiaw/ tauqex. ERICH FROMM(1900-1980) tyxlun NAZI juxgi ham' uikuann juxgi ee juanlun bingrdee jyr " dypiah juriuu (ESCAPE FROM FREEDOM)" u siongrr cingcyw ee suecbingg. Uirr beh dypiah jikzim duer .laii ee tongwkow, sngr be liauw ee jerje langg longxx decc dypiah juriuu.

Guaw jit xee jin' kiauw mrqycc sing'uac qaxx jin' byy hyxser ee vingiuw, qingsiongg u jit quaw naxx jin' u lixkir qongw be suah ee puepingg bai'uanr: siarhue vnertair, jingxjok kisi, byy zinsingr ee qanggiap jojid, qingxcad qansiap ix / ix ee vingiuw lauu dngg taumox … dringw. Gauw jaiwsnax qra qongw, liw ixqingx m si ginxaw ar. Ginxaw duw diyc dairjir rair uaxkyr verbuw, itcer rair verbuw jyr quatding, vrong diyc buxduanr ee verbuw, jixu tniaue, byy suanw ee kuanli. Mrqycc liw si ka'ciuw hyxser, taukag cingcniw ee dua langg, byy sriu zimrhyy hanrjer, erdangr jurqiw suanw air :ee. mrqycc juriuu m si qongxx byy tongwkow. Lanw ongxongw qandna' erdangr " suanw kacc kinsangx quaw :ee, jiwjiyw suanxdik kxuann dirr lanw ee ciuw nirr.

Guaw dong'ir sewqair junjai vikhai ee lat, mrqycc lanw jiangxab zuhyy binrduir jiaxee lat ee suanxdik kxuann. Ix suanw druar dirr jit xee vaitig javox lauu dngg taumox ee vyxsiuw jngkax, kiokk qencii lauu taujangx, ix erdangr vnuax kir kacc kaihongr ee sniaci, iacc si qra taumox qax driau, simrjiww erdangr cud laii suanw qingxdniuw ee jitbu. Quair :ee si, ix hiacc kiauw, uanjuann byy sniu diyc qaqi iongxiuw jiaxee suanxdigkuann; uanwceh qaqi kiamr jingwdi ingxhiangxlat, m kingw sethuad qaqiongg qywzinn ingxhiangw linglik. Qongxx si zed'air juriuu, dng' ix decc me hiaxee apvig ix ee lat sii, qisit longxx si decc hongwkir vunxsinx ee juriukuann. Guaw hibang u jit zit, ix be in'ui zinsingx u jerje ciongbuanw tongwkow ee quatdik, suacc laii iamwhin zinsingx.

JINSIONGR --- SIMLINGG DERDOO EE QENWLIP

S.-sidjai-j. ee jinsiongr si qenwlip qiwlut, qaixquad bunrdee tongwkow ee derr snax jiongw qangqu. Viauxbin knuar .laii jin' qanxdanx: jinsiongr huhap sursit, hiqew m si. Lanw qra sewqair ee jinsiongr knuar zuxx cingcyw, cuxliw qokk jiongw bunrdee dyrr e zuxx sunrsu.

Muixx jit xee langg dui' dagg hxang henrsit, iu' byqang ee qakdo cetzip, jrid cud jit dniux jurqiw ee simlingg derdoo. vruee lanw qniaa quer zinsingx ee cxunx-hxa-cxiux-dxangx. Mrqycc jerje langg vingrr byy cuwbi liauxqaiw henrsit, u langg dirr cingcunqii ixau dyrr hongwkir jitt hongbin ee loxlik. Inx ee derdoo ser qycc hamhoo, duiww sewqair ee liauxqaiw, ec bicbih qycc cywgno jit dxuix. Iauxx u jerje langg dionglenn au dryy byy qycc qaixjinr jurqiw ee derdoo, inx sniu qongxx derdoo ixqingx uanbiw byy der viw ar, qaqi ee sewqaiwquanx jit diamw aw dyrr byy kicqag, simrjiww sinsingr bersaih cimhuan. Inx duiww sinx jusinr byy qycc u cuwbi ar.

Rue jitt dniux anne ee derdoo, siongrr dua ee kunwlann si rair u suisii jyr siujingr ee simliw. Gua kuanqingw ee venwhuar, vinghyqii laii qycc kir, bunhuar ui' ong qaur suebii. Lanw quancad jitt xee sewqair ee libdniuu rair juanxngua qyckacc qinw lehh, jiacc e sik'ingr. Lanw dui' uaxkyr .langg ee ginxaw qaur ho'ngg i'uaw ee duarlangg, cingcunx, qethunx, cri qniaw, puawvne, nilau…, kuiwlat dauc ~ aw siaubyy .kir, simjingg duer lecc qaixvenr. Siarhue dagg zit cuthen sinx jusinr, luixjig cud diongrdua ee siujingr qangdingg. Mrqycc siujingr ee quewdingg ongxongw si jin' tongwkow, m jyr qycc e jniajyr venrjingr ee qinguann.

Jit xee langg qingquer dngg siqanx ee loxlik, jiacc uansingg jitt vxag u sewqaiwquanx ee derdoo, naxjunxx jin' hyw iong ee doo. Dng' sinx jusinr amwsi quewkir ee quanliam byy qycc si jingwkag, su'iaur dua jingxsiux sii, lanw ongxongw kik'ir byy air kir juwir : qongw sinx jusinr si cywgno ee, luan bruw ee, simrjiww ok'ir vaixvuah. Lanw kiwdoo ciaujong jiuuii ee sewqair, hro puewhap lanw ee doo. Uirr piacbenw siujingr, jin lat huixbet sinx henrsit. Liauw viw siudingr sinx quanliam qyckacc je ee siqanx jingsinn, vyxue quewsii ee quanliam, jin' si viaix.

QUEWSII EE SIMLINGG

Qencii quewsii ee quanliam m vangr, byy qor henrsit ee quewdingg-diongx, ongxongw sanxsingx simliw vnerjingr. Muixx jit xee simlixhagqax duiww qamxjingg juanxii (TRANSFERENCE) ee dingrgi byy qangg, guaw anne dring : jit tyr donglenn sidai huatdenw singqongx, zicniaw dirr donglenn sidai jin' hah'iong ee quanliam qapp huanxingr, virr juanxii qaur singlenlangg ee sewqair nirr, kiokk byy qycc hah'iong ar.

Qamxjingg juanxii ee quewdingg kyxlingg jin' vutkyxsugi, hiyrqyw qik pywhairsingr. Jit xee anwle, 30 gua huer ee vnerlangg, jyr jit xee vnerjingr ee dirliauu, virr suanqyr byy hau. Ix si jit xee qik kiauw kiokk sitjir ee denrnauw qisudguann, kanciuw cua nng xee qniaw likuix ix, si jitt xee lixiuu laii guaw jiax. Bow byy .kir, byy hiacc iauwqinw, hitt nng xee ix tniawtangr ee qniaw byy .kir, hro ix huisiongg simx tniar. Inx bow vangwdiaux qongxx, ix narr byy jiapsiu simliw dirliauu, ingxuanw be dngw .laii. uirr beh jnex qniaw dngw .laii, ix quatding laii dirliauu. Inx bow juxiaur vutbuanw ix qingsiongg byy lixiuu ee uanwdor, kiokk duiww bow lingxcinr byjingg, m guan iongrsimx qautongx. Qycc vutduan ngua kangkuer hro bow :ee jin' pnaiw zimxsiu.

Ui' cingcunqii kiw, ix ee sing'uac dyrr jin' byy unxding, suwsiongg qapp qingxcad siyw ciongtud, bad jiuxjuir/ qowir ziaw sirhuix/ lrong lenliuw/ honghai qongbu…dringw juermiaa zip qnax. Ix dairhak tak denrqix, diongdoo tingyc, lixiuu si : "laursux longxx si qew qunjuw, ham' qingxcad siangkuanw longxx m si hyxmic." Vin' ix ee jingqongx ham' congwjyrlat, dirr denrnauxqair cue qangjog qanxdanx kinsangx, mrqycc ix jurlaii m bad dirr zimrhyy jit qingx qongsix druar ciauquer dxangx vnuar, beh singdingw qyckacc bybang. M si ho'ngg kaiduu, dyrr si ham' juxquanw uanqex srii taulo.

"Liw berdangr siongsinr zimrhyy langg" si ix ee cuiwkauxue. Qaqi qongw donglenn jin' "jingwsiongg", verbuw marr "sngr be baiw", dramm ue sii, je vaiw qongw .diyc verbuw hro ix sitbong ee ongxsu. Inx bad dap'ingr snizit beh sangr ix jit daii kadahciax, aurlaii kiokk be qir .kir, sangr ix vadd jiongw mic; lingrgua jit vaiw simrjiww uanjuann be qir ix ee snizit, mrqycc ix byy qamxqag u sniaw giamdiong, " inx sidjai taiww byingg lehh". Dap'ingr vaiwlak ham' ix jywhuew , marr byingg laii cuxsiau. Quixarr vaiw simrjiww be qir did qaur iokding ee soxjai jriab ix, "inx u jerje simsu", ix anne qongw.

SIMLINGG SINX SNXAX

Jitt xee langg ee bunrdee cud dirr ix sewhanr verbuw ee byy quansimx, itjair jysiu sitbang ee dnaxqig, huathen verbuw si berdangr siongsinr ee. liauxqaiw jitt diamw au, zidzii kaisiw kacc hyw quer. Ix byy qycc duiww verbuw py zimrhyy qidai, qra inx ee singlok dongwjyr hnirkanghongx cuex .quer narnia. Byy qycc sinwzim verbuw, jerje vaiw ee sitbang, tongwkow ee tingdo suacc naxx qijig lehh, qiamw kinx .kir.

Jitt jiongw diaujingw hongsid vnerbuew jin' dang. Verbuw si ginxaw juanvo ee sewqair, ix byy qihue knuar diyc qitnax viauxhen kacc hyw ee verbuw ee hingboo, suacc hro zinrjyr verbuw ee jywhuad si ui'id ee hongsid. Suacbuew m si qandna' "verbuw berdangr sinwzim" narnia, duiww ix ee qetlun si "byy langg erdangr sinwzim tihh"--- jniajyr ix zinsingx ee derdoo, inxcua ix qniaa quer cingcunx siauwlenn, qniaa zip byy liauxsii ee dionglenn.

Ix u jerje vaiw siudingr simlingg derdoo ee qihue, longxx jiangxab byy hyxser. Dairsingx ix diyhh yc erhiauw : sewqair-siong u quaw langg si daddid sinwzim :ee, rair singx langrhiamw sinwzim inx. Anne jiacc erdangr penx li ix vunxlaii ee doo, qycc laii, anne ee zinrbad erdangr qaixvenr duiww verbuw ee knuawhuad. Ix rair singzin verbuw byy air ix, ix ee verbuw qinvunw byy qibqeh, donglenn quer ee zidjiw si byy jingwsiongg :ee, jiaxee byy gigno si jin' tongwkow :ee. siongrr buew, "byy sinwzim langg" si qinqur sidjer qinggiam jyr diaujingw, anne ee diaujingw qiamw kinx ix be jiyw ee tongwkow, haurqyw jin' hyw, soxiw qra hongwkir, dinglaii .quer. Jit xee quewdingg henxzenn si jin' kunwlann ee.

Jitmaw, ix qandna' u nng xee qniaw erdangr jniajyr ix vyxcii cinbit quanhe ee langg. Ix erdangr kongwjer qniaw, qniaw iauxx byy linglik kongwjer ix; juann sewqair ix jixu jitt nng xee qniaw erdangr hro ix sinwzim.

Qamxjingg juanxii henrsiong ee simliw dirliauu, erdangr kunawjyr jit qnia siudingr derdoo ee qangdingg. Vnerlangg laii dirliauu, juxiaur si qu derdoo ixqingx byy loriong, mrqycc inx iauxx moh qaxx diauu ~ ~, dexkongr itcer ee qaixvenr, u sii ix ee dexkongr quewdo qiongg, dirliauu jit diamw aw dyrr byy hau, jitt xee vnerlangg dyrr si anne.

Jit kaisiw, ix iauqiuu dagg lexvaiwlak laii, 3 vaiw au, qongw ix cue diyc jit hxun vaiwlak ee qangjog, berdangr qewsiok. Guaw qenwgi vaiwsir amr laii, laii 2 vaiw liauw, qongw qangdniuu diyhh qavanx berdangr laii. Guaw dingg diaujingw quer siqanviyw, cniaw ix qaiw dirr ix qongw kacc be qavanx ee vaiwid mee laii, 2 vaiw au, qycc qongw vaiwid amr kaisiw qavanx ar.

Guaw mng ix, si m si jinjniar ee jinghongw, hro ix byy hxuad jiapsuar laii dirliauu. Ix singzin, qisit qongsix byy iauqiuu ix itding rair qavanx, mrqycc ix qencii jurqiw su'iaur giahgua ee siuzip, zicniaw qongjog viw dirliauu kacc diongriaur. Zuqyw vaiwid mee uringg, e dirr vaiwid ervox iokk sir diawm singx kar denrue tongdix. Gauw qra qongw, guaw byy kyxlingg qra dagg lexvaiwid amr ciauu cud laii danw ix, guaw u gauw ee qewue. Ix qongw guaw sniu' giamkyx, byy qraur quansimx ix, guaw qra qaqi ee siqanx knuar viw ix kacc dang, soxiw guaw m si daddid ix sinwlai ee langg. Gunw ee dirliauu quanhe dyrr qaur jiax qetsog, guaw jniajyr ix qu derdoo-dingw jit xee zinsingx sinx vxix.

Qamxjingg juanxii ee bunrdee m na junjai dirr simliw isingx ham' vnerlangg jiqanx. Verbuw qapp juxlu, angbow, lyjux sianghongx, vingiuw, qokk jiongw tuantew qapp qokqax jiqanx, longxx e u bunrdee. Qamxjingg juanxii dirr qokjer quanhe vnuarenw huisiongg cuwbi ee qaksig. Qokqax guansiuw qangkuanw si langg, inx donglenn qinggiam sokjy inx jidvorhun ee zinqeh. HITLER ADOLF u jit hxun sniaxkuanw ee simlingg derdoo? VIETNAM lamvag jenwjingx an' kaisiw qaur qetsog, qingquer Bixqog snax zim jongxtongw, inx qokk u sniaxmic ee simlingg derdoo? Snax-jap nidai Bixqog qingjer dua pnaiw, duiww inx hitt sii ee langg jyrsingg sniaw ingxhiongw? 50-60 nidai singdiongw ee jit dai, inx ee simlingg qycc henw cud sniaxmic jinghingg? 70 nidai ee huanxjenr hongdiauu ham' jiaxee simlingg derdoo si m si u bidced ee quanhe? Simlingg derdoo narr jyr sikdo ee diaujingw, si m si erdangr siaubyy jerje ciongtud? Lanw beh anxjuanw qyckacc qinw siudingr jurqiw ee simlingg derdoo?

Dypiah henrsit inxkiw ee tniar si langg ee vunxlingg, lanw jixu kyr jurlut kikhok jitt ngiu ee kow. Lanw diyhh haurlyy jinsiongr, qra ix knuar qaxx viw songxkuair kacc diongriaur, simrjiww sunqiuu jinliw sii, hnuahiw ginghiongr soxu ee hnuaiqic. Simliw qenrkongx dyrr si jit jiongw ingxuanw byy tingg, byy qewqaur itcer dairqer, uirr jinliw hongrhenr ee quewdingg.

*********************************************

SNIWMIA QAMXX SI QANLANN :EE

Lanw qongw sniwmia si qanlann :ee, si in'ui binrduir bunrdee qapp qaixquad bunrdee ee quewdingg si jiokk tongwkow :ee.

"Sniwmia si qanxlann :ee" jex si jit xee uixdai ee jinliw. Ix ee uixdai si in'ui lanw narr knuar cingcyw jitt xee jinliw, dyrr edangr ciau'uat ix. Jinjniar liauxqaiw qycc jiapsiu sniwmia dyrr si jiacnirr aw qanlann, sniwmia ee qanlann jitt xee sursit dyrr byy diongriaur ar.

SNIWMIA EE IWGI DIRR LECC QAIXQUAD BUNRDEE

Binduir bunrdee qapp qaixquad bunrdee ee quewdingg diongx, sniwmia did diyc iwgi. Jex jniaa jyr singqongx iacc si sitvai ee hunqaiwsnuar. Bunrdee e qighuad cud lanw ee iongxkir qapp diwhui; bunrdee vig lanw congwjy cud iongxkir ham' diwhui. Dyrr si u bunrdee, lanw ee simlingg qapp jingsinn did diyc singdiongw. U diwhui ee langg, yc erhiauw m qniax bunrdee, huangingg bunrdee, simrjiww jinjniar huangingg bunrdee soxx duar .laii ee tongwkow.

JIKZIM

Dirr lanw beh qaixquad bunrdee jinwjingg, rair singx jiapsiu jitt xee bunrdee ee jikzim, "jex si 'guaw ee ' bunrdee, guaw dyrr si rair qra qaixquad driau".

Jitt qxur ue byy sniaxmih digvet, mrqycc, jidhingg .kiw .lai, qycc naxjunw lii lanw jin' iauuanw, hro lanw jin' yh liauxqaiw ee kuanw.

Bunrdee be qaqi jauw byy .kir, m si "hibang u langg ter guaw qaixquad." Iarr m si qongw "jex m si 'guaw ee' bunrdee." Itcer dyrr siaubyy .kir.

Jin' je langg, sidjai si taiww je langg, uirdiyhh siamxpiah bunrdee soxx duar .laii ee tongwkow, anne qongw: jitt xee bunrdee si vadd langg ziaw kiw .ee, si langg' hai guaw .ee, ham' guaw byy dirdai. Iacc si: ciauquer guaw kongwjer ee huanruii, guaw byy huatdo rix. Higjiaw si : guaw dyrr si jin' be songw…

Qamguan kaix siqanx huir simsux kir cue alixvutdat e lixiuu, bogdig qandna' jit diauu, dyrr si byy beh dnax jikzim. Jex si jin' kyxlenn, vi'aix, u sii qycc jin' hyw ciyr, vutkyxsugi.

SIMLIW HUXDY ANWLE

JIKZIM --- ZINQEH SITDIAUU EE ANWLE

Juwhongg dirr Okinawa ee jit xee Bixqunx, ciangjai limx siyjiuw quewliong, hro ingg nirr jyrsingg jin' giamdiong ee kunwziauw. Qunhongx qra qaux hro jingsinn isingx jyr qiamxjax, marr hibang isingx erdangr qeqiamw hro ix u vangjan.

Ix hiyxzin limx jiuw quewdo, byy beh singzin air limx jiuxjingsingr ee imxliau si ix qywzinn ee bunrdee, qongw, "Dirr Okinawa ee amwmii, qandna' erdangr limx jiuw, byy vadd hxang tangx jyr."

"Liw qamxx air knuar ceh?" Isingx mng.

"Oh, dongzenn, guaw jin' air knuar ceh."

"Anne, amwsii liw nacc m kir knuar quaw ceh?"

"Dirr qun'ngiaa beh knuar ceh sniu' caw."

"Kir dosuquanw a."

"Hex sniu' hng."

"Dosuquanw qamxx u viw liw kir limx jiuw hitt xui kacc hng?"

"A, guaw qisit m si hiacc air knuar ceh, hex m si guaw ee cuwbi."

"Liw air diywhii bor?" Isingx jiab lyc kir mng.

"Dongzenn, guaw air diywhii."

"Uirsiamxmiw liw m kir diywhii, kir limx jiuw?"

"Guaw qui' zit longxx air jycsid."

"Ersaiw amwsii kir a. Amwsii qamxx berdangr diyr?"

"Amwsii byy der diyr a."

"Bingbingg dyrr u. Guaw jai'ngiaw jin' je xui neh, quaw qiyr inx ham' liw lenlok, qamxx hyw?"

"Qongw sidjai, guaw be air diywhii ar."

Isingx quatding beh qra dairjir mng hro cingcyw.

"Tniax liw qongw qaur jitmaw, dirr Okinawa, duliauw limx jiuw ixgua, iauxx qycc u vadd hxang dairjir tangx jyr, mrqycc, liw siongrr air .ee, dyrr si limx jiuw."

"Guaw sniu si anne."

Jitt vaiw sngr si kacc kunxding ee kauxkir.

"Jitmaw, liw rair binrduir jit xee jinsit ee bunrdee, limx jiuw jyrsingg jin' dua ee mahuann, si m si?"

"Jitt xee qxuiw jiacc e druar ee dyxsu, dag'ee langg longxx hro congr qra rair limx jiuw." Jin' hunwngor ee huedab.

Isingx qycc qewsiok cir jit dnxua siqanx, jitt xee qunzinn dyrr si m qra "limx jiuw" knuar jyr ix qywzinn ee bunrdee.

Dirr rair jyr cud suanxdik ee sii, si beh jurgnow qaixquad, iacc si iauqiuu vadd langg dauwsnaqang? Jongxsi, ix dyrr m-din.-m-dang, qandna' itdit limx be suah. Isingx jixhyw qra ix ee dniuxqnuax qongw, "Jin' uiham, guaw byy huatdo vangjan ix, jitt xee simliw huxdy rair qet'anr .ar." Ix marr ho'ngg cniaw dngw kir jiac qaqi.

Lingrgua jitt xee qangkuanw si jikzimrqamw cud bunrdee, henr .cud .laii ee vnerjingr duxhyw dendywvingw, si qiongg qra jikzim deh dirr qaqi ee sinkudingw. Dagg vaiw narr si qapp guarqair huatsingx ciongtut, dyrr itding zinrding qaqi m driyc.

Qangrkuanw dirr Okinawa , jit xee qunzinn ee qasiok, qui' zit qamxqag qaqi jit xee langg, jin' qodnuax, anne qra guaw qongw, "Guaw dagg zit kir qunquanr kulogvo, hibang erdangr qaux diyc sinx vingiuw, mrqycc, guaw narr dirr hiax, dyrr si be jurjai , jre be diauu. Guaw sniu itding si guaw qyc'ngiu, langg' jiacc byy beh cab guaw, inx tyxiar guaw. Guaw sniu' viwsur, ingqaix rair yc kacc guarhiongr lehh. Guaw jin' be liauxqaiw, uirsiamxmiw guaw jiacnirr aw byy suxx langg huangingg."

Jitt xee uanjuann qra dairjir quaiwjue qaqi, vuthing ee hurzinlangg, dirr dirliauu ee quewdingg, huathen ix si jitt xee IQ viw itvnualangg kacc quann, iaxsimx marr viw poxtonglangg kacc dua, jex si ix qapp qitax qunqnuax ee taiwtair, surqnuax angx be hac ssiongrr juxiaur ee guaninx. Ix liauxqaiw 'jigbok ee qamxqag' m si ix qaqi ee bunrdee, dyrr quatding lirenn, dngw kir dairhak tak ceh. Jitmaw ix dirr jit qingx jabjiwsia jyr venjip, marr ham' jit xee cutvanxsiongx qethunx ar.

Jitt jiongw vnerjingr ee langg, siongsinr kunwlann longxx rair qaqi hurjig, qongxue ciangjai "guaw ingwqaix" higjiaw "guaw vut'ingqaix", henxsi zinrhyy su inx longxx byy suanxdigquann, itcer rair jiauww guarlaii ligliong ee caukongr. Dirliauu .kiw .laii viw zinqeh sitkongwjingr .ee qex jin' qanxdanx.

Henrsit singuac nirr, jin' je langg jitt nng jiongw simliw vnerjingr qiamqor u, tongsiongg longxx jin' kinx, simliw hak qra hy jyr CHARACTER NEUROTICS. Inx e qra mow hongbin ee dairjir, vut'ingqaix hurjig .ee, lamw dirr qaqi ee singkux nirr, muaxvag ee juerokqamw, u sii, bingbingg rair qaqi dnax .ee, suacc sag hro vadd langg, siw dy' m zinrsiaur. Jex dirliauu byy lann, singx dirliauu inx byy vit'iaur hurjig hitt vorhun, qenwlip diyc sinwsimx, jiacc laii cuxliw inx m guan singdamx ee bunrdee, qaixduu zinqeh sitdiauu ee joxgai.

Cavutdyx soxu ee langg longxx u jitt nng jiongw vnerjingr ee kinghiongr. Jixiaur jurdong jurhuad cam'uw simliw dirliauu, duiww dag'ee langg longxx u vangjan. Zinsingx vunxlaii dyrr dyvenwhuar, pingqox ingwqaix iacc si mrbenw hurjig, ingxuanw si cunjai ee lanxdee. Uirdiyhh liongsimx erdangr dirr siongrr sikdongx ee sii, jyr siongrr hyw ee suanxdik, dongsurjiaw rair suisii jurgnow huanxsingw. Jitt xee quewdingg si siongdongx tongwkow .ee, jiac hyw air kinkyw si langg ee vunxsingr.

JINSIONGR --- SIMLINGG DERDOO EE QENWLIP

Lanw qra sewqair ee jinsiongr knuar zuxx cingcyw, cuxliw qokk jiongw bunrdee dyrr e zuxx sunrsu. Muixx jit xee langg dui' dagg hxang henrsit, iu' byqang ee qakdo cetzip, jrid cud jit dniux jurqiw ee simlingg derdoo. Ix vruee lanw qniaa quer zinsingx ee cxunx-hxa-cxiux-dxangx.

Rue jitt dniux doo, siongrr dua ee kunwlann si rair u suisii jyr siujingr ee simliw. Gua quanqingw ee venwhuar-- vinghyqii laii qycc kir, bunhuar ui' ong qaur suebii. Lanw quancad jitt xee sewqair ee libdniuu rair juanxngua qyckacc qinw lehh, jiacc e sit'ingr.

Lanw dui' uaxkyr .langg ee ginxaw qaur ho'ngg i'uaw ee duarlangg, cingcunx, qethunx, cri qniaw, puawvne, nilau---, kuiwlat dauc ~ aw siaubyy .kir, simjingg duer lecc qaixvenr. Siarhue dagg zit cuthen sinx jusinr, luixjig cud diongrdua ee siujingr qangdingg. Mrqycc siujingr ee quewdingg ongxongw si jin' tongwkow, m jyr qycc e jniajyr venrjingr ee qinguann.

Quewsii ee simlingg derdoo naxx cniurr cauwsngx vng, beh qra qaqi danr driau, qamxx e si qanxdanx ne?

************************************************

TIAUJENR JURGNOW VUNXSINGR

Sniaxmih si uirr jinliw hongrhenr? Lanw ee zinsingx beh jiapsiu tiaujenr?! Derr id iauwqnia, tetdew jidhingg jurgnow huanxsingw. Tauwquer langg, su … ee jiapciok, zinrbad siarhue, quancad guarqair ee venwhuar.

Yc simlixhak :ee qra lanw qongw, narr byy singx zinrbad jurqiw luersimx ee ciongdut qapp qamxjingg juanxngua, dyrr byy kyxlingg liauxqaiw vnerlangg. Jin' uiham, m si soxu ee simlixhunsig qangjokjiaw longxx u singx jyr jitt hxang. Ui' sewsiok ee viaujunw knuar, inx kyxlingg jin' u jailingg, mrqycc inx ee diwhui, rair qycc jinr jit vo qiamxgiam.

Guaw bad tniax quer verbuw qra cingcunqii ee qniaw anne qongw, liw sniu sniu' je a. Jitt qxur ue jin' qiquair. Langg qapp dongrbut byy kangg, dyrr si lanw ee nauw(simx) erdangr sukyw, qycc u huanxsingw ee linglik. Jurgnow huanxsingw luerjai sewqair, jurzenn dyrr e kansiab diyc ciongdut, maudunw, deh dirr simqnuatauu siongrr tniar ee quewkir…,dongzenn jin' je langg dyrr e dypiah. Jex si langg ee vunxsingr. Pinglun guarqair, qongw .langg dyrr kinsangx lor.

Qaixvenr, hagsip si langg ee derr zi digdingx. Jiapsiu simliw dirliauu :ee, si jin' iongxqamw ee hinguii, in'ui inx gniajiab tiaujenr. Jitt ee quewdingg nirr, m na rair uanjuann kaihongr jurqiw, binrduir qongw be cud, m qnaw qongw, byy air sniu…ee soxx u ee qiwig, siongrr buew rair qycc kaijnii. Jin' je simliw hunsig qangjokjiaw longxx byy anne sniu. Qisit, inx qyckacc su'iaur dirliauu. Kir knuar simliw isingx :ee, jit kaisiw byy iwsig diyc jitt diamw, inx beh air :ee, si anuir. Narr hro inx huatqag .diyc, dyrr e beh siamw. Lairhanglangg longxx qongw, isingx air ban ban aw inxdy vnerlangg, u sii ham' vnerlangg jiapciog nii gua, jinjniar ee liaudingg iauxx bue kaisiw.

QONGW JINX UE EE IUHIR

Simliw dirliau nirr, ciangjai ing ee "juriuu lensiongw", si qoxle vnerlangg singsit ee ciuxdnua. Virr iauqiuu 'qongw cud simlai siongrr dairsingx sniu .diyc .ee, narr si dongsii u nng~snax hxang, dyrr qongw cud siongrr byy air qongw .ee hitt qnia. Suibongw qongw qanxdanx, jyr kunwlann, mrqyc jitt xee honghuad haurqyw jin' hyw. Marr e duw diyc hongvirsimx dang :ee, go-sir-snax qongw jit dxuix, diauqangx piackuix siongrr diongriaur .ee. jitt jiongw langg naxjunw decc kuix qiwjiaxhue lehh, longrhuir siqanx, jingsinn. Tongsiongg u kipenr jurqiw ee kinghiongr.

Qamguan jiapsiu tiaujenr ee qywzinn iacc si jojid, ui' henrsit soxx rue .cud ee derdoo, rair suisii binrduir qongjiongr simxjax. Incuw, juanzenn hongrhenr hro jinliw ee singuac, derr snax diamw, rair l.-lauxsit-s. Tauwquer vutduan huanxsingw, kakzin soxx ing ee zirganw, viauxdat hongsid, rair jinrliong huanxingr soxx zirbad ee henrsit.

Anne ee singsit, jerjiyw jongw e duar laii tongwkow qapp qitnax hiyrqyw. Itvnualangg qongw vehcat dyrr si beh dypiah. Hongdong juanqiuu ee WATER GATE, NIXON jongxtongw qongw vehcat ee dongrqix, ham' sir huer ginxaw longwpuar vylee m qnaw singzin, qangkuanw iuwdir. Binrduir jingwdongx ee tiaujenr, qongw cud byy lauxsit ee ue, dyrr si huepiah jingwdongx ee siurkow, simvne itding sui' duer qaur.

Qongw vehcat, byy hanrdnia duiww vadd langg, marr e duiww qaqi. Diaujingw jurqiw ee liongdix qapp henrsit quanliam, marr si jit jiongw tiaujenr, tongwkow byy qiamw, berdangr siamxpiah. Kipenr jurqiw ee vehcadue, je qaxx qongw be liauw, ciangjai tniax diyc marr siongrr u pywhairlat :ee dyrr si "gunw jin' tniar qniaw" ham' "verbuw jin' air gunw". Jex kyxlingg si sursit, mrqycc narr m si, dairdysor ee langg m kingw singzin. Simliw dirliauu dyrr si jit dniuu qongw jinx ue ee iuhir, gunw siongrr diongriaur ee qangjog dyrr si rair inxdy vnerlangg binrduir vehcat.

Simliw bunrdee ee vnerqinx, longxx si jurkix-kizinn ee vehcadue qaudnii .cud .lai ee didubang. Qongw zuxx je, bxang-aw dyrr zuxx bat. Jixu kyr juadduir singsit ee kiwhunx jiacc u kyxlingg siaubet. Simliw juanqax vitsu'iaur singx qapp vnerlangg qenwlip singkunw, kaihongr ee quanhe. Narr si m bad tniar .quer, vin' sniaxmic iauqiuu vnerlangg singdamx binrduir henrsit ee tongwkow? Qangrkuanw ee texgiam jiacc u huatdo inxcua vadd langg qniaa .quer .laii.

Vehcat hunx nng jiongw: vehsig/senrir :ee qapp osig/ok'ir :ee. Ox :ee si bingjaix m si/ m driyc, kiokk qongw si/qongw driyc. Vec :ee, vunxsinx kyxlingg si sursit, mrqycc diauqangx vyxliuu dairvorhun jinsiongr, m qongw .cud .laii. lanw qongw hex si vehsig :ee, m si qongw hex byy sngr vehcadue iacc si daddid guanliong.

Jingwhuw tauwquer qiamxjax jewdo, hro zinbinn byy huatdo did diyc diongriaur ee jusinr, jex byy viw qongw vehcat ee jingwhuw kacc binjuw. Vnerlangg juadduir byy be texkiw ing jnii tauwjix qaxx jin' lirhai ee dairjir, jex duiww dirliauu jyrsingg ee joxgai ham' osig ee vehcadue qangkuanw giamdiong.

Apjer jinsiongr hro langg' ee qamxqag naxjunw kacc kinx jue, suacc jniajyr siongrr vingsiongg ee hongsid, zicniaw qyckacc byy iong'i ho'ngg diwqag .diyc, soxx duar .laii ee uihai ciauquer osig vehcadue je je.

Lanw tongsiongg e tniax .diyc, "mair sionghai langg' ee qamxjingg lar! " Siarhue itvnuax zinrkyw vehsig si :ee. Jitt jiongw zinrdix si cenw qaxx ho'ngg hnaiwtauu !! Verbuw qar qniaw qongw 'jex dyrr si air'. Vingsii singkunw tniawtangr ee angxbow, binrduir juxluw kiokk byy ing qangrkuanw kaihongr ee taiwdo: m qnaw qongw inx kipdok, m singzin inx uanqex, byy air qongw inx tyxiar vawkir ee verbuw, byy beh qongw isingx jinxduan simliw sitdiauu henrsiong, jyr dauqix ee singliw, simrjiww byy guanrir qongw ginhangg junkuanw u zuarr je.

Vyxliuu jinsiongr ee hinguii, qongw si "vyxho qniaxzii, virbenw byy vitiaur iusimx". Qisit, jex siux byy sniaw haurqyw. Ginxaw iaxx si e jai'ngiaw verbuw jaamr jenr .quer, a'qongx a'maw langenn byy hyw, maxmah sinqingjid, vaxvah bexbe qoxpiyr liauxjnii. Jinrjniar ee qetlun m si vyxho, si vakduat, vakduat ginxaw duiww qimjnii, vnerjingr, dogpinw, liongxsingr, huninx, verbuw… qokk hongbin iuxquanx ee diwsig. Inx byy qihue jiapciok diyc kaihongr qapp singsit ee qaksig bohuan. Inx yc .diyc .ee si pacpuar .kir ee singsit, byy uanjingw ee kaihongr qapp iuxhan ee iongxkir.

Verbuw ing jitt jiongw hongsid vyxho ginxaw, ursii inx jinjniar si air qniaxzii, jixvutqyr inx ee quanliam cywgno. Mrqycc dairvorhun ee verbuw si jiyh 'vyxho' ee miagi, sursit si piacbenw ginxaw hiongr inx tecud tiaurjenr, uiho jurqiw duiww juxluw ee kongwjewlat. Verbuw ee hinguii naxcniu anne decc qongw: linw qra guaw tniax hyxser, linw qiwzenn si ginxaw, dyrr jyr jit xee quaix ginxaw, sniu linw qaix sniu ee dairjir, duarlangg ee su, dyrr hro vavax mamax causimx, jex duiww lanw sianghongx longxx u hyxcur, gunw jursinr qenqiongg, linw iarr u anjuanqamw. Mair mng hiax .ee u .ee byy .ee, dag'ee kacc hyw quewzit.

SUANXDIGSINGR VYXLIUU JINSIONGR

Dng' duiqiuu singsit ham' sunqiuu vyxho huatsingx maudunw ee sii, jinjniar ee ciongdut itding ee voghuad. Kyxviw qongxx, suibongw huninx jin' uanbuanw ee angbow, ursii marr e kyxlu lienn. Dongzenn, narr si jniawqangw u giamdiong ee guiqix, duarlangg m qongw, ginxaw marr e qamxsiu diyc knuar be diyc ee uihiap. Zuqyw qandna' jingg jit amr uanqex, qecdngxzit dyrr duiww ginxaw qongw 'vaxvah maxmah jaamr kyxlu hunkuix, mrqycc gunw be anne jyr'. Jex dyrr hro qniaw byy vitiaur ee hurdamx.

Lingrgua jit xee le: simliw isingx dirr dirliauu coqii, m hyw qib beh huatviauw quancad qetlun, vnerlangg kyxlingg simliw iauxx bue junxvi hyxser. Guaw sidsip derr id nii, u jit xee vnerlangg, bang diong jin' binghenw henwcud duiww dongsingwluann ee qinxdniux. Uirdiyhh beh denw jurqiw ee juangiap, marr sniu qongxx hro dirliauu kacc qinw iuxhau, dyrr anne suecbingg, "Liw ee bang viauxsi liw jin' quawlu dongsingwluann ee kinghiongr". Sui' dyrr hro guaw qamxsiu .diyc ix ee dimdang, cuxau, 3 vaiw byy laii. Guaw qex kaix jiokk je siqanx, unrkir qycc byy baiw, jiacc suechok ix qewsiok dirliauu.

Ix e iusimx jitt xee bunrdee, m si viauxsi ixqing' junxvi hyxser beh dirr iwsig janbin laii tyxlun. Guaw didjiab qongw .cud soxx quancad .diyc :ee, duiww ix iuxhai-byli, jin' u kyxlingg hro ix uanjuann srid kir dirliauu ee iongxkir.

Suanxdigsingr vyxliuu qywzinn iwqenr ee jywhuad, duiww iwdoo beh pah zip kir jingwdi iacc si kiwgiap higsimx ee langg marr jin' diongriaur. Narr si duiww dairjir byy hunx kinx-dang, dagg hxang longxx didjiab qongw ee langg, jin' iongi hro dingxsix zinrjyr ciongvong, paiw hogjiongg :ee. Quanxliw qaijann marr e qra dongwjyr uihiap jojid :ee. Narr si beh jniajyr jojid nirr u loring :ee, kixtauu vitsu'iaur q.-qeqiamw-q. si 'jojitlangg'(organization person), huatviauw qywzinn iwqenr rair u jetjer, zicniaw samvutgorsii rair viauxdat duiww jojid ee zinrdongg.

U jiacc je jongrhongw vitsu'iaur kyxlu, qywzinn ee iwqenr, qamxsiongw, quanliam, simrjiww diwsig, longxx rair u quaw kongwjer. Mrqycc narr beh dongsii qiamqor diyc jinliw, u sniaw quijig rair junsiuw?

Derr id mair qongw qexue.

Derr zi, itding rair qir hro diauu, byy qongw cud juanvnuaa ee jinsiongr, dyrr si vehcat, muixx jit xee vyxliuu vorhun jinsiongr ee quatding, longxx si diongriaur ee dyrdig quatdik.

Derr snax, bersaiw si qyxzinn ee iogbang, uirdiyhh kuanlik, jingcuw vadd langg ee hnuahiw, dypiah siuding simlingg derdoo ee tiaujenr..., laii vyxliuu vorhun jinsiongr.

Derr sir, si duiwhongx ee su'iaur jiacc vyxliuu.

Derr go, vinqox vadd langg ee su'iaur si jiokk hogjap ee jikzim, jixu 'air, u tniawtangr' jiacc u huatdo jyr siongrr u diwhui ee quatding.

Derr lak, vinqox vadd langg su'iaur ee viaujunw, ix si m si erdangr unriong lanw soxx teqiong ee jinsiongr, laii did diyc simlingg ee singdiongw?!

Derr cid, suxiong jit hxang viaujunw ee sii, ingwqaix qingsiongg qiamxtyw, duiwhongx jiapsiu jinsiongr ee linglik, si m si hro lanw qrow liauw sniu' qe .kir?

Knuar .kiw.laii, jex naxcniu jit hxang ingxuanw byy kyxingg jyr e uanbiw, iarr ingxuanw jyr be uann ee qanlann qangjog. Mrqycc sinwiongw jinsiongr ee zinsingx, did .diyc .ee, e viw huwcud :ee, ciauquer je je. Simtair kaihongr ee langg, suisii siujingr simlingg derdoo, singdiongw byy tingg. Viw hongvir ee langg qyckacc gauu qenwlip qapp uicii cinbit quanhe. inx byy su'iaur amkamr, juriuu jurjai, k.-kinsangx-s. quer zidjiw, mrbenw jitt xee vehcat rmuaa hitt xee, jiax rmuaa hiax…ee kunwziauw. Vyxcii singsit jurlut soxx ing ee jingsinn, kuiwlat, viw itdit uac dirr qycc bih qycc cangr ee im'ngiaw nirr :ee, jiyw jiokk je. Iongxqamw binrduir jinliw, u iongxkir singdamx singuac :ee, simx viw haiw kacc kuah, viw tnix qyckacc quann, byy qniahniaa, byy langg erdangr uihiap inx.

VYXCII VNEHINGG(VNEVANG)

'Jurlut' sidjai si hogjap ee qangjok, m na rair u iongxkir, iaxqycc su'iaur e cunqiux, pnuawduanrlik. Duiqiuu juanzenn singsit ee dongsii, marr rair dirr sikdongx sihau vyxliuu jinsiongr; ui' jurqiw hu kiw jikzim ee dongsii, marr rair u huatdo qirjuat vut'ingqaix singdamx ee jikzim. Beh air haurlut hyw, jojid qenrjuann ee sing'uac, rair u ganxqongx knuar birlaii, tunlunw zimxsiu jiamrsii ee uixkud; rair singuac huanxsingw, kacc vitsu'iaur ui' muixx jit kxig ee junjai, caixcuw jikqik hingdong. Ngua jit qxur ue qongw, qiwlut vunxsinx su'iaur ioksog, lanw qra jitt jiongw ioksog hyrjyr vnehingg(vnevang).

Qokk hongbin longxx byy sniu' ann iacc si sniu' ling, vnee ann aw vnee ann, viauxsi horsiong lauu jit sud aw ee kongqanx erdangr tiuter tihh. Vnevang dyrr si jit jiongw ee qiwlut. Lanw qongw siurkir, guarqair cinhuan lanw ee singliw, simliw, iacc si suxx lang' sitbong ee sii, dyrr e siurkir. Huanxqig si singjunn hongsid ji' id, langg naxx be siurkir dyrr ingxuanw ho'ngg qiab(?), itdit qaur virr siaubet uixjiw. Siurkir si decc qongw 'beh uac .lyc .kir'. Mrqycc ongxongw lanw huatqenr, vadd langg cinhuan :ee m si qowir, higjiaw jiongxjiongw ee kyxlu, didjiab qapp lanw ciongdut duiww lanw qyckacc vutli. Jitt sii, duarnauw kacc qyjancur ee pnuawduanrlat dyrr vitsu'iaur ioksog jingsuu sinqingx qongw kacc dinwjing lehh, m hyw hiacc ciaucig. Beh air dirr jitt xee hogjap siarhue nirr singqongx, m na rair e siurkir, iarr rair u siurkir m viauxdat .cud .laii ee linglik.

Kacc lirhai :ee, rair erhiauw ing byqangg hongsid viauxdat siurkir ee jingsu. Ursii uanxjuanw nngxser, ursii didjiab sidqongw, ursii lingxjing, ursii luiqongx sicnar qex jin' u hau. Zinrbad siurkir ee dniuhap, viauxdat hap siqix, qenwlip jit tyr hogjap e cunqiux ee hertongw si vit'iaur ee. Ui' jiax dyrr e liauxqaiw, itvnuax singlenlangg, simrjiww danw qaur dionglenn quer, jiacc yc erhiauw :ee, dyrr byy qiquair , jidsiwlangg byy huatdo jiangxap :ee, qyckacc je.

Qokk jiongw ciongdut ee su'iaur, bogviaux, jikzim nirr, horsiong cruw diyc bimiau ee vnivang, jiacc si singsik qenrkongx ee simliw, jex su'iaur vutduan ee diausig. Juewqyx guanjig si "hongwkir".

Guaw ingxuanw e qir .did, qauw huer hitt nii ee zuac .langg, duxx yc erhiauw kadahciax, jin' hnuahiw kiaa. Gunw daux vnix:a jit pxenr qiarpyde, lyhqia ee dngxuad jin' hiongg. U jit zit tauwjaw, guaw ui' dingxquann ciongx .lyc .laii, qiongbeh vuex jnriu tnix, hex si m qramx hongwkir ee hiongxsiu. Jit xe vutkyxsugi ee jikhuat sui' duer .laii, qui' xee langg hnair .cud .kir, siak .lyc dirr ciu-kax vnii ee cauxvox nirr, sionghunn-luixluiw, hueh dih be suah. Hitt daii sinx kadahciax qruar dirr ciu-dingw, jingg lenw jringx qaxx m jniaa ngiu. Guaw sitkir pnihingg ar! Byy beh hongwkir hiongxsiu ee dairqer.

HONGWKIR EE TETHAK

Vinghingg si qiwlut ee guanjig ji' id, in'ui hongwkir soxx iongxiuw :ee, itding e u m qramx, byy guanrir… ee simtair. Guaw byy air hongwkir vuex jnriu tnix ee sokdorqamw, qetqyw singkux diyhsiongx, sinx kadahciax longr pnaiw .kir. Zinsingx uadlik tauwquer lingrgua jit jiongw hongsid did diyc qauwhunr. Muixx jit xee langg, dirr zinsingx byqangg kamxjam, rair erhiauw hongwkir janqingx soxx iongxiuw ee jidvorhun. Narr suanxdik byy air hongwkir, dyrr ingxuanw lauu dirr guande be-dinx.-be-dang, dyc'ui longxx benw .kir.

Qongw .laii liw kylingg m qnaw siongsinr, qingwzenn dairvorhun ee langg si suanw qniaa jitt diauu lo ne! Liw narr zinruii inx ee hinguii jin' qiquair, hex si liw byy liauxqaiw hongwkir u zuarnirr aw tongwkow! Mair sraiw kuair ciax, lunw .jit .xe dyrr quer, jex sngwsi cuwiaur :ee, narr nguarqongw si rair hongwkir zinqeh ee digding, hongwkir dngquw sibquanr ee hinguii bosig, iwsig hingtair iacc si qywsingr hongqeh, dyrr jin' duardiauu lor! Lanw beh dirr zinsingx ee lordoo itdit hiongwjenn qniaa, jaxban longxx e kir duw diyc jiaxee diongriaur quanqenr ee quatdik.

Jaboxqniaw jap-sur huer sii, u jit amr, guaw pahsngr beh vruee ix qniaqii. Quixarr lexvair jingg, ix dyrr sniu beh air ar. Cimxx tauu, gunw nng xee ix laii guaw kir, qycc u vnex, qaur qauw diamw , dyrr qiyr guaw kacc qinw lehh, ix liammix rair kir kunr ar, qecdngxzit rair siongrkyr, guaw jaix jex si Ix jurlaii dyrr iongxsingg ee sibquanr. Mrqycc guaw zinruii ix rair quaw hisingx, dyrr rinr qongx, "Qib sniaw? Kacc amr damrvyc aw, u sniaw quanhe? Jaw jaix dyrr mair i, sngw qaxx dng' hnuahiw ne!"

Jap-go hunx au, ix zuxx laii zuxx jre be diauu, "Dadi, vaiwtog lar, kacc qinw lehh!"

"Bersaiw, qniaqii si giamsog :ee, berdangr qib tihh. Liw narr byy beh hyw hyw aw qniaa, jurtauu mair i dyrr byy dairjir."

Ix iutauu-qatbin qycc quer jap hunjingx, hionghiongg hauw qaxx jin' dua sniax, qongw ix qamguan zin sux, jongg duiww laudingw kir.

Guaw sui' sniu diyc qauw huer hitt jun, penwtew-linsiongx dyw dirr cauxvox nirr ee hingjong. Vunxir si vruee ix sngw, qauw-jap hunx quer, ix suacc kaur be diam, lenrr ue dy' qongw be cud. Si dyhh m driyc? Dapanr jin' binghenw, mrqycc guaw qirjuat binrduir, simtauu liac be dnia, qniaa laii sec kir 2 diamxjingx, jiacc quatding singzin 'guaw beh ngiaa ee iogbang ap .quer vruee ix ee vunxir. Hitt mii hro guaw bruw qaxx huevalirniaux kir. Guaw be qir did lyc qia qiamxsog ee qauwhunr.

SIAUDIMM SI JIT JIONGW SINWHY

Simliw qenrkongx ee langg vitsu'iaur singdiongw. hongwkir quewkir ee jurgnow si simlingg singdiongw berdangr kiamwkuad ee jidvorhun. Soxiw qongw, hongwkir diwsuw diyc simjingg siaudimm si siongdongx jingwsiongg qycc qenrkongx ee henrsiong. Joxgai hongwkir, hro jinwhingg qniaa be dinxdang, aplik ham' utjud byy did diyc tauxvangr qapp huawqaiw, simjingg itdit cee .lyc .kir, jiacc si byy jingwsiongg, byy qenrkongx.

E kir cue simliw isingx juxiaur ee guaninx si simjingg siaudimm. Ngua jit qxur ue qongw, si ixqingx kaisiw hongwkir iarr si singdiongw ee quewdingg. In'ui jinwhingg nirr cuthen kunwlann, diwsuw inx su'iaur langg dauwsnaqang. Isingx ee jikzim si vangjan inx uansingg jitt dnxua singdiongw ee quewdingg.

Mrqycc vnerlangg vunxsinx ongxongw byy liauxqaiw qaqi ee jongrhongw, suacc jiokk qidai "dywdngw kir ixjaw", m jaix "ixjaw" ixqingx byy junjai lor. Qisit, jinsiongr cangr dirr iwsig eriwsig, iwsig janbin iauxx bue huatqag .diyc, eriwsig ixqingx denxkuix hongwkir arr si singdiongw ee jinwdo. Vnerlangg ciangjai e qongw, guaw m jaix jnuaxngiu jiacc siaudimm? Higjiaw quijue hro vutsiongquanx ee insor, in'ui dirr inx ee iwsig bin iauxx m guanrir singzim. Quewkir ee jurgnow ham' ixjaw ee ngiu longxx quewsii ar. Inx byy huathen siaudimm si jit jiongw sinwhy, dairviauw uirdiyc duiqiuu singqongx qapp sik'ingr, vitsu'iaur diongwdua ee qaixvenr.

Lanw ingwqaix jin' sigsai 'dionglenn guiqix' jitt qxur ue, zinsingx qokk qaidnua ee juanxngua, quewdorqii jin' iong'i sik'ingr vutliongg, si in'ui lanw rair hongwkir quewkir ee quanwsir, hinguii hongsid, sukyw bosig…, zinrbad bersaiw vyxliuu, singsimx gniajiab tiaujenr, jiacc u qihue honghur simlingg, hiongxsiu diongsingx/qycc uac.

Mairhiongr singsik zinsingx, e kir duw .diyc .ee, vitsu'iaur hongwkir ee singuac kuanqingw, iogbang, qapp tairdo, jiauww huatsingx siqanx ee sunrsu vailet:

Ingziqii, byy su'iaur ingwhur guarkuanqingw ee zimrhyy iauqiuu.

Vutkyxsugi juanhong'ui ee huanwqag.

Juanbinrsingr jiamwiuw verbuw ee iogbang(vauhamm singr).

Donglenqii ee ilai.

Verbuw qra niuxkiog kir ee hingsiong.

Cingcunqii jurqag iongxiuw buhan ee huatdenxlik.

Byy sokvag ee juriuu-jurjai.

Cinglenn ee lingbinw qapp uahlik.

Cingcunx liongxsingr ee kip'inxlik.

Ingxsingx ee cywqag

Duiww juxluw ee kuanuix.

Qokk jiongw jiamrsii ee kuanlat.

Sintew qenrkongx, doglip jurjuw.

Suacbuew, jurgnow ham' sniwmia vunxsinx.

Juewau jit diamw, "hongwkir jurgnow qapp qaqi ee sniwmia", si jin' jankog .ee. Zinsingx naxx si jit xee berdangr zimxsiu ee ciywue. Sehongx bunhuar qra jurgnow hongrtai jyr jiwqyx-buhan, vutkyw cimhuan :ee, digvet qra sixbongg knuar jyr jin' dua ee buxziok, byy dixjer vutkyw. Mrqycc sursit si, zinlui jixu hongwkir jurgnow ixau, jiacc erdangr texgiam, lingxsiu diyc zinsingx siongrr dua ee hixlok. Sniwmia ee iwgi junjai dirr sixbongg nirr, jitt xee "viwbit" si soxu jongqaur ee hudsimx.

VOWDE ZINSINGX

Hongwkir jurgnow si dauc dauc aw, jiamrjinr ee quewdingg, duar laii hro lanw sniu be qaur ee tongwkow qapp jetbuaa. Singlenlangg ee hagsip quewdingg nirr u jit jiongw qik diongriaur ee qikiauw, guaw qra hyrjyr "ham'iongg (BRACKETING)", si ciokjinr simlingg singdiongw berdangr byy ee qangku. Ham'iongg, qivunxsiong dyrr si dirr kingxding jurgnow, vyxcii unxding qapp hongwkir jurgnow (jurgnow jiamrsii kngr jit vnix, uirr sinx juliauniu cud kongqanx ) cuw diyc je qycc sinx ee diwsig. Ngua jit qxur ue qongw, langg narr si jit qix cinr-aw, qu :ee jyr cinwtuii, sinx diwsig si beh cinr :ee. Sinhagqax SAM KEEN dirr "TO A DANCING GOD" ee ceh nirr, qra jitt xee qiwlut jyr jin' hyw ee qaixsueh:

Guaw rair ciau'uat qu :ee itcer,qapp ixx jurgnow diongsimx jyr cuthuatdiamw ee quanliam. Siauduu iacc si vow jiog qywzinn qing'giam soxx sanxsingx ee penqenr ixau, jiacc e cuthen jinjniar singsik ee zinrdix. Beh dadqaur jitt xee qingwqair, nng xee vorsor: kiwduw sigsai :ee, duiqiuu sinsenw :ee. Narr jicjiab diyc cnehun ee langg, su, budpinw, ongxongw hro quewkir qing'giam, ganxjenn su'iaur, birlaii qidai, quatding lanw air knuar :ee. Uidiyc cionghunx himsiongw muixx jit vaiw sinx jiapciog :ee doglibsingr, guaw vitsu'iaur hamiongg ixjaw ee singqenr qapp jingsu siongdongx dngg ee siqanx, hro cnehun sinqii ee surbut erdangr jinwzip taukakdew. Vutquanw si ham'iongg, mivow iacc si siauduu, longxx rair iauqiuu qaqi viauxhenr singsik ee jurgnow zinrdix qapp singsit ee iongxkir. Narr byy anne ee qiwlut, miuxx jidsii ee henrjai qandna' decc liu(dionghok) quewkir ee qing'giam. Uidiyc erdangr texhue soxu langg, su, but , jinjniar ee sinsenw,digvet, hro inx dirr guaw ee simqnuadew dingwqinx, rair qra jurgnow pacsnuar.

Ham'iongg suecbingg hongwkir ham' junsiuw qiwlut ee juxiaur qetqyw: did diyc :ee ingxuanw viw hongwkir :ee qyckacc je. Jurlut si kokciongx jurgnow ee quewdingg. Hongwkir ee tongwkow naxx sixbongg lehh, mrqycc qu :ee siw .kir, sinx :ee jiacc e cutsir. Snex qapp siw vunxjniaa dyrr si qeh jit diauu snuar nia, si ittew ee nng bin. Qenwlip kacc sinx qyckacc hyw ee quanliam qapp lixlun, dairviauw qu :ee rair siw .kir. Sizinn T.S.ELIOT dirr sibunn "JOURNEY OF THE MAGI (snax pogsu ee luxiuu) " siongrr buew dnxua, biausiaw snax xui diwhuirjiaw qazip Qidokqaur, hongwkir quewkir sewqaiwquanx ee tongwkow:

Itcer huatsingx dirr jiokk quw ixjingg, guaw e qir .did.

Guaw uanjuann byy hiyrhuew, mrqycc qra jitt diamw qir .lyc .laii,

Jidlo gunw ho'ngg cua, si uirdiyc snix iacc si uirdiyc siw?

Byy m driyc,si snix, gunw u jingwqur, jit sud aw dyrr byy huaigii.

Gunw qnir quer snix qapp sixbongg, itdit zinruii inx byqangg;

Jitt dniuu ee snix, duiww gunw si qanlann qycc tongwkow, cniurr sixbongg, gunw ee sixbongg,

Gunw dngw laii qaqi ee soxjai, jurqiw ee ongqog,

Mrqycc dirr jiax, byy qycc qamxqag ingsinx, suibongw itcer iuguann si jaxjingg ee ngiu.

Guarvanglangg qra inx ee sinn liac qaxx diauu ~ ~.

Guanw hnuahiw qycc siw jit vaiw.

Suibongw qimser bacsinx sixbongg si m si jinjniar e inxcua lanw jinwzip lunhuee qycc uac ee sinx sniwmia, iuguann si byqaiw ee bee, mrqycc zinsingx kaksit si snix siw snalensuar sunhuann ee quewdingg. Nng-cingx nii jingg, Lymaw tethagqax SENECA qongw, "zinsingx hagsip singuac byy tingg, qyckacc qiquair ee, hagsip sixbongg byy suah." Henxzenn, langg uac zuxx quw, diongsingx/qycc uac ee qing'giam zuxx je, siongduir siwbongg dyrr quer liauw quer. Dyrr si qongw, qinglik qyckacc je ee kuaiwlok qapp tongwkow.

Jidsiwlangg qamxx u kyxlingg piacbenw jingsu siong ee tongwkow? Ing kacc nngxser ee qongxhuad: simlingg qamxx u kyxlingg qra singjunn ee koxcow qangr lyc qaur siongrr qe ee honghiongr huatdenw? Dap'anr 'si' marr' m si'.

Singx qongw 'si':

Lanw narr uanjuann 'jiapsiu' tongwkow, ersaiw qongw, tongwkow byy junjai; dongsii, qiwlut tauwquer itdit lenrsip, qing'giam zuxx je, qywzinn simlingg singsik ee tingdo zuxx qauwgiac, dyrr cniurr ginxaw qamxqag tnix-dua-de-dua ee landee, duarlangg nng xe ciuw dyrr qaixquad, tongwkow qangkuanw. Iauxx u jit xee liwiuu: simlingg singsik ee langg longxx u honghur ee air simx, air zuxx je, kuaiwlok zuxx je.

Dap'anr "m si" ne?

Jitt xee siarhue, vikced su'iaur u linglik ee langg, siglen ee qiwlut qapp buanxbuanw ee aiwsimx hro simlingg singsik ee langg jniajyr siongrr sikhap ee zinsuanw. Inx ee guarviauw kyxlingg jin' vinhuann, luersimx iongxiuw byhan ee ligliong, diam diam aw, simrjiww vitbit huathuix inx ee lat. Mrqycc lat beh huad .cud .lai jinwjingg, itding e kansiab diyc quatding; dirr juanvnuaa kyxliong jyr caiquad, viw qandna' liauxqaiw jidvuar :ee, kunwlann je je. Nng xee jiongqunx, qokk pair jit-bxan miaa ee vxingx kir jenwdniuu, jit xui qra jitt jit-bxan langg dongwjyr jenwliok qangqu ee jidvorhun, lingrgua hitt xee, ix e kyxlu .diyc muixx jit xee survingx longxx si doglip ee sniwmia, jitt xee qadingg ee jidhunrjuw. Binrduir snisiw, si'angw kacc iong'i jyr quatding?

U langg e qongw, simdir singsik ee langg qapp jiongqunx paiwvingx, nacc u kanlenn? Damzim kiwgiap jiongxcaii, isingx, laursux,verbuw, longxx e duw diyc rair jyr ingxhiongw vadd langg itsingx quatdik ee qihue. Siongrhyw ee quatcikjiaw rair guanrir uirr quatcig singdamx juewdua ee tongwkow, zircniaw byy sngw qaqi quatcig ee linglik. "Jit xee langg uixdai, jairr ix siurkow ee singdamlik, uixdai si hnuahiw .ee." jitt qxur ue u siy' dahtud? Sursit , byy maudunw.

Hudqauwdoo air:ee si poteciu-kax did dy ee hixlok, kacc e be qir .did, Huddyy duw.quer ee koxlan bosowvaiw.

Qauwdngg nirr, Iasox ho'ngg dingr dirr sibzirqer ee koxtangr, qidokdoo kacc e be qir did qiuwsiok ee qamguan.

Kow ham' hiw, jixvutqyr si ittew ee nng bin niarnia.

Qycc dionghok jit vaiw, vnivang qapp hongwkir ee vunxjid: liw rair singx iongxiuw, jiacc erdangr hongwkir. Iauxx bue did.diyc, dyrr byy mic tangx hongwkir, bue ngiaa jinwjingg si beh anxjnuaw hongwkir singwli?! Singx kaklip jurgnow jiacc erdangr hongwkir jurgnow. Jitt xee dyrliw jin' binghenw, guaw jai'ngiaw jin' je langg in'ui kiamwkuad sidjenr ee iwguan, jiacc byy huatdo singdiongw. Inx jursinr jyr e qaur, kiokk m kingw ui' tauu kaisiw, m jiapsiu jit vo jit vo sun sun aw jyr ee tongwkow, inx zinruii lii zinqunn hng ~ ~, iacc si yc jit jiongw qangge…, vin' viauxbinrhuar ee mohongw, pax qinrlo dyrr erdangr ciau'uat jinwzip singr ee qingwqair, kiokk itdit byy huathen, je nii laii, qaqi iuguann tingliuu dirr iuwdir ee qaidnua.

Higjiaw u langg e mng, singbut horsiong huevyr, bing'ngiu,YOGA, simlixhunsig, jiaxee marr si qiwlut ee jidvorhun? Guaw zinruii inx jixu huxdy ee jok'iong, jinjniar ee qiwlut hunwlen iauxx si guaw soxx siaurqair sir xee diongrdiamw: zimw jit xe, singdam jikzim, hongwhenr jinliw, vyxcii vnivang. Jixiaur singsimx sidjenr byy tingg, zimrhyy langg longxx erdangr tesingx simlingg ee jancur.

"AIR" ngiuxci lanw, hro simlingg singdiongw

Laiju luersimx jurhuatsingr singkunw iwguan ee hingdong.

su'iaur loxlik, marr rair iongxkir jyr kywsnuax.

M na diyhh itdit hongrhenr, qyckacc rair unriong diwhui.

AIR EE DINGRGI

Kingxding qiwlut si zinlui simlingg jinwhuar ee qangqu. suah .lyc .laii dramm "qiwlut ee dongrlik –air."

Air, qik sinvir. Air zuarr cimx? Qycc u zuarr kuah? Qamxx erdangr nriuu? Iacc si rue cud qaiwsnuar? guxgenn/bunzi cionghunx viauxdat ? Naxjunw byy kyxlingg genxqiur ,jin' yh did liauxqaiw.

Mrqycc guaw kakzin air ee qewdat, itding rair qra jitt pnix bunn siaw .lyc .laii, qyckacc cingcyw, vutquanw air u zuarr dua ee qewdat, guaw si byy huatdo qaixsueh uanbiw :ee.

Qaur jitmaw, iauxx bue u jit xee hro lanw jinjniar uanjuann buanxir ee dingrgi, ui' jitt diamw, duxx hyw jingwbingg air ee sinviwsingr. Air u : jingsinbin, budjid,ciuxjiog…, muixx jit xee langg ee hunlui byy qaiww qangg. Guaw anne lyc dingrgi : "qywzinn ham' tnazinn, uirdiyc hro simlingg singdiongw, laii kokciongx jurgnow iwguan ee ing'iongxhun."

U quiw diamw rair suecbingg.

'simlingg singdiongw" jitt xee zirganw, ho'ngg u jongqaur ee lensiongw. Kyhak iongxhorjiaw ongxongw duiww u jongqaur bi ee dingrgi byy zinrdongg. Guaw si ui' simliw dirliauu limcngg qing'giam (vauhamm jurgnow huanxsingw) did .diyc .ee, m si tauwquer jongqaur sukyw. Air dirr simliw dirliauu nirr jiamr jin' diongriaur ee uirdir. Lixiuu si vnerlangg suwsiongg byy liauxqaiw air ee vunxjid.

Amwle:

Jit xee qywsingr qiux qiux ee siauwlenn :ee, qra guaw qongw," gunw maxmah air guaw jin' cimx, simrjiww qaur qysnax, iauuxx m kingw hro guaw jre haurciax, guaw rair qra vaiwtog, jiacc dac'ingr. Guaw siongsinr ix qniax guaw cud iwgua, jiacc dagg zit sangr guaw kir haghau. Ix taiww sinkow ar, ix sidjai jin' air guaw." Dirliauu ix qiux qiux qywsingr ee quewdingg, siongrr juxiaur :ee, si rair hro ix bingvik, inx maxmah ee dongrqix jin' u kyxlingg ham' air byy quanhe. "Air" iacc si "byy air" siongrr dua ee kuvet, si dongsurjiaw iwsig ham' amwiwsig ee bogviaux si m si siyhuhap.

Daddid juwir:ee, air si "huwcud" qapp "did diyc" sunkuann ee quewdingg. Kokciongx jurgnow marr si jit jiongw singdiongw. Vangjan vadd langg singdiongw, jurgnow dongsii did diyc ju'iongw, qiaa hiongr singsig. Lanw inxcua langg' jinr jit vo, jinwvo dongsii limqaur lanw sinsiong.

Air hunx nng jiongw, "air qaqi" ham' "air vadd langg". Lanw duiqiuu zinlui simlingg singdiongw sii, muiixx jit xee langg, longxx kyxiw did diyc lirig. Byy air qaqi ee langg, byy huatdo air vadd langg, byy qiwlut ee verbuw, qar be cud junsiuw qiwlut ee qniaxzii. Zimrhyy jit liap simlingg be in'ui ciokjinr vadd langg simlingg huatdenw, saucc tewvo .kir. jiauwqor vadd langg hongrhingg qiwlut, byy kyxlingg ham' lanw ee jurlut duiwciongx. Jixu hyxhyw vue'iongw jurqiw ee ligliong, jiacc erdangr jniajyr vadd langg ee aursnuax. Dirr tamwtyw air qapp virr air ee quewdingg, lanw e huathen, jurair ham' air langg, vutdan qiongrdongg jongwdai, siongrr buew, sianghongx ee qaiwsnuar dauc dauc aw huar byy .kir.

Qycc qongw, kokciongx jurgnow, si loxlik ciau'uat jurgnow ee qighan, hiongr soxx air ee langg jingwbingg air diyhh kyr viauxhen .cud .laii. air m si dnuax hongbin ee hiongxsiu ziiw. Air su'iaur byy dng ee loxlik.

Juewau jit diamw, "iwguan" si hibang digvet qiongdiau "air" diyhh ciau'uat itvnuax iogbong. Iogbang kyxlingg e u hingdong, iwguan si qionglet qaxx huatdenw cud hingdong ee iogbong. Inx ee cavet si "guaw sniu beh kir iuingw" ham' "guaw beh kir iuingw" ee hunvet. Muixx jit xee langg qeqiamw longxx e u beh air langg ee qiawbang, jin' je langg jyr be qaur. Bunrdee dingqad(qattauu) si "sniu" air m si "kir" air. Air si hingdong, si iwguan ee hingdong. Bylun lanw zuarr nirr aw sniu beh air langg', narr byy sidjer kir jyr, dyrr ham' suanxdik byy air qangkuanw, guanlaii hyw ee dongrqix longxx benw qongw ar. Siongduir :ee, lanw narr sidjer uirr ciokjinr jursinx qapp tnazinn ee singdiongw qongwhenr ligliong, marr diyhh si jurdong-jurhuad ee quatdik; air ee quatdik.

Air ee sinvir jyrsingg jin' je gorhue, hro langg' duiww air ee vunxjid byy liauxqaiw. Suibongw lanw ee bogdig m si decc qaixdab air ee sinvir, hibang erdangr siauduu jidquaw gorqaiw, hro kee diauu dirr byy songxkuair qing'giam ee langg, did diyc qaixtuad. Au jit dnxua guaw beh duiww "air m si sniaxmic", tyxlun air ee vunxjid.

AIWJINGG BXANG

Qapp air iuxquanx ee cywgo quanliam, siongrr urlat marr siongrr qaiww ho'ngg jiapsiu :ee si qra " aiwjingbang "

dongwjyr air, jiwjiyw si air ee viauxhen. Lag zip dirr bxang-aw drew ee langg, lriw soxx dongzenn e zinruii "guaw air ix, ix air guaw". jex cuthen nng xee bunrdee:

Siuxsenx, kanlenn diyc qapp liongxsingr jiqan xee iogbong. Lanw vutquanw zuarnirr aw air qniaxzii, byy kyxlingg ham' inx luanair; suibongw dairvorhun ee langg u cinbit ee dongsingr vingiuw, marr be lriur zip kir jingbang nirr (dongsingwluann druu gua). Lanw ongxongw si iwsig iacc si amwiwsig ee singr dongqix dui zip jingbang.

Derr zi, zip kir dirr bxang-aw ee qing'giam, vah-bin-vah byy dngquw :ee, jaxban rair vee.cud .laii. m si qongw lanw byy air hitt xee langg ar. zet pokpog ee qamxjingg jongw e jiamrr lingw, Bidguat u qetsog sii, longrban hueluiw lenx.kir, siaubyy .kir.

Beh liauxqaiw dui lyc jingaiwbang ee langg, berdangr piacbenw ee qetqiok si sniaw? Rair singx duiww simlixhak "qywtew qaiwhan" jyr quaw suecbingg. Itvnualangg zinruii, ingzii duxx snix cud quiw qywguec .laii, iauxx berhiauw hunvet jurqiw ham' guarqair. Qaqi kaciuw dinxdang, qiywsi juann sewqair duer lecc drang. Vakdow iaux, dagg xee longxx ham' ix qangkuanw. Maxmah cniur ngi'axquax, zinrjyr qaqi ee sniax. E dinxdang, be dinxdang :ee, liw, guaw, qywtew, sewqair …, sinsingzii berhiauw kuvet.

Qing'giam jingqax, jiamrr huatqenr qaqi ee sewqair ham' qitnax vorhun byy qangg. Vakdow iaux, maxmah byy itding e sui' laii, beh sngw, maxmah kyxlingg byy cuwbi, ix ee iwguan qapp maxmah ee hinguii uanjuann byy qangg. "guaw"ee iwsig kaisiw huatdenw. itvnuax siongsinr, maxmah ham' ngix:a ee quanhe si vue'iongw jurgnow iwsig ee iynaa. Quancad diyc, sewhanr maxamh byy .kir, iacc si maxmah jyrsiu pywhai, qanziauw, jurgnow iwsig ee huatdenw dyrr e cuthen jiongwgai.

Ingzii cutsir derr id nii, yc erhiauw hunven qaqi ham' guarjai sewqair, liauxqaiw jurqiw ee sinjaii duarser ham' texlik hanrjer, jex dyrr si lanw soxx zinrbad ee "qywtew qaiwhan".

Qaur cincunqii, simrjiww singlenn ixau, zuxx laii zuxx hiongr simliw hongbin huatdenw. Vixzuu qongxx, 2~3 huer zinrcingx qaqi ee linglik iuxhan, dirr jex jinwjingg, bingjaix maxmah byy itding e jiauww ix ee iwsur, iauxx e qra jurqiw ee guanrbang ham' maxmah ee hingdong lam jywhuew, soxiw nng huer ginxaw ongxongw si cur nirr ee vawongg, jit sud aw byy sun ix ee ir, dyrr huad dua pikir.

3 huer sii, taiwdo binghenw nngxhuar, in'ui ix ixqingx erdangr jiapsiu qaqi sidjai byy sniaxmic kuanlik ee sursit. Mrqycc, iauxx u huanwsiongw, tongsiongg rair quixarr nii, je je cywvai, jiacc e byy .kir. SUPERMAN, SIAUR HUEX SIAA ee qowsu, siongrr sriu jitt xee lenlingjann ee huangingg, vuetnix jngwde iauxx si inx ee bang.

Laii qaur cincunx siauwlenqii, SUPERMAN berdangr buanxjiog ar, ziogtew qapp linglik iuxhan jyrsingg ee hanrjewqamw zuxx laii zuxx qiongg, soxu ee qywtew rair dirr "siartuann" nirr, kyr habjog uicii singjunn. Muixx jit xee qywtew dirr tuantew nirr longxx byy sniaw digsusingr, qywzinn zinrdix qapp qioghan, virr vig ham' qitnax ee qywtew u qurlii.

Uac dirr qywtew qaiwhan nirr ee qojiauw si jin' jigbok:ee. simlixhak qongw, sinqingx sueziok huanrjiaw si donglenn byy zukuair higjiaw virr sionghai ee qing'giam, zinruii guarjai sewqair ciongbuanw guihiamw, dig'ir, hunwluan kacc kiamwhat. Jitt jiongw langg ee zinrdix, qywtew qaiwhan si vyxho, jigbok hro inx anjuanqamw. Mrqycc dairvorhun ee langg qamxqag qojiauw si berdangr zimxsiu:ee, jiokk air dyy cud jitt xee langw-aw, qidai ham' guarqair qethap. Dui lyc luanaiwbang ee qing'giam hro langg' "jiamrsii" tuatli jigbok.

LIVAX GUA

Dirr aiwjingg bxang-aw drew, si ciongx cud kir qywtew livax gua, naxx duarjuiw ee jingair ciongx hiongr simx soxx air ee langg, m na jigbok hiongg ~ siaubyy .kir, byy huatdo hingiongg :ee, hnuahiw qaxx e liahqongg. Ar! Simair :ee, guaw be qycc jigbok ar!

Lingrgua jitt bin qongw, dirr bxang-aw nirr, si jit jiongw tewhuar, ham' sim'air :ee dauwdin, naxjunw dngw kir dongnii ee qiwig, itcer maxmah hro liw kyr, byy huanlyw, juriuu jurjai ee zidjiw. Aiwzinn-aw dirr sinkuvnix, dagg hxang kunwlann longxx tingwhyw kikhok, air ee ligliong jinghok itcer, jendoo itpenr qongbingg. Jiaxee qamxqag qapp henrsit tuatjed ee tingdo, ham' 2 huer dua ee ginxaw jurzin tongxdi juann sewqair qangkuanw.

Jaxban, henrsit paccuir aiwjingbang; jaxban, zidsiongg sing'uac ee landee qycjair cuthen. Jitt xee beh, lingrgua hitt xee m:

Beh qra jnii qiar dirr ginhangg , m hyw, brew sexsnaqix kacc sid'iong.

Beh knuar denrngiaw , byy air, beh druar cur nirr kacc hyw.

guaw ee kangkuer…, sitlew guaw ee surgiap bunrdee...

Juewau, sianghongx jin' tongwkow huathen, jurqiw vingrr byy jinjniar air duiwhongx, nng langg m si ittew, horsiong qewsiok iongxiuw juanzenn byy qangg ee iogbong, qamxqag, penqenr, simrjir siqanx ee jiangxag, ingxuanw anne. Qokk langg qycc dywdngw laii qaqi ee livax lai, nng xee byy qangkuanw ee doglip qywtew. Jitt sii, narr byy beh hunciuw, dyrr rair kaisiw hagsip henrsit diongx jinjniar ee siong'air.

"Jinjniar", si guaw zinruii dui zip jingbang hitt jiongw siong'air ee qamxqag, jixvutqyr si huanwqag, aiwzinn-aw rair dawn qaur tuatlii jingbang, jiacc erdangr jinjniar siong'air, jinair ee qicow m si luanair ee qamxqag. Jinair huatsingx ee sii, u kyxlingg uanjuann byy luanair ee qamxqag, air ee hinguii arr byy su'iaur luanair ee qamxqag jyr kywsnuax.

BELUANN? JINAIR?

Dui zip jingbang sngwsi jiamrsii ee beluann, m si jinair.

Bylun zuarnirr zedlet qidai, aiwjingg byy itding limqaur, marr suwsiongg dirr byy dniudii ee sii, hro langg byy huatdo qirjuat. Jex m si iwguan iacc si u iwsig ee quatdik. Lanw, jin' u kyxlingg air diyc jit xee uanjuann byy suwpuer :ee, simrjir qinvunw dyrr byy qac'ir :ee, hro zedjingg tuax lecc gong gong sec, soxu byy kyxlingg :ee, naxjunxx jniajyr jinx :ee. Siongduir ee,lanw marr jin' kyxlingg , bylun zuhyy dyrr si byy vanrhuad ham' jit xee qokk hongbin longxx jin' daddid lanw air :ee, jinr zip luanaiwbang .

Mrqycc, jex vingrr byy dairviauw uanjuann berdangr ing qiwlut ioksog beluann ee qing'giam. Simlixisingx sisiongg qapp vnerlangg lag .zip .kir, vnerlangg arr byy diwqag .diyc, dyrr qra qamxjingg qiawtog hro isingx. Isingx rair zinrbad jurqiw ee sinhun qapp duiww vnerlangg ee jikzim, loxlik jiongxag jurqiw ee livax uiho uanjingw. Vnerlangg juadduir m si longrban aiwjingg ee duiwsiong. Anne ee qiwlut rair qingquer qigdua ee jingjenr qapp tongwkow, qiwlut ham' iwjiwlat kongwjer qing'giam, kiokk berdangr congwjy qing'giam. Dng qigjingg huatsingx,isingx rair suanxdik hueingr hongsid, byy kyxlingg u qing'giam qar inx.

Kokciongx jurgnow si rair eng lat qra huanruii qax dua,hro vauiongdo qyckacc kuacbin. Luanair qandna' e hro qywtew vorhun ee qaiwhan jiamrsii dukuix .kir, byy cud kuiwlat, qywtew qaiwhan berdangr hiongr gua kokciongx, qigjingg Itdanr quer .kir, huanrqag qetsog, kuix.kir ee livax qycc uii dngw laii, qywtew huanruii byy kuacdua. Jinair ee jurgnow qighan kokchiongx ixau, tongsiongg be qycc soksiyw, si ingxqiuxsingr :ee, beluann m si, qandan' uanwtanr jitt dniuu bang, bang jitt dniuu .

Beluann ui'it bogdig si siauduu jigbok, qethunx erdangr hro ensiok qyckacc quxdngg quaw, danrsi juadduir ham' simlingg singdiongw byy quanhe. Sursidsiong, dirr zedluann ee quewdingg nirr, lanw ee simtair itdit liac dirr quann ~ ee uirdir, byy qamxqag kueckiamw, duiww henrjong jin' buanxjiog. Simqingr vingjing, horsiong knuar duiwhongx uanbiw jabjngg, narr u kiamwdiamw, ar, hex byy diongriaur lar. Simrjiww, hex dyrr si kipinxlat ar. Juanzenn byy zinruii simlingg su'iaur singdiongw ee vitiauwsingr.

Beluann ee huatsingx, ham' "singr" u digsuu ee kanlenn, guaw iyh, kyxlingg si sriu DNA jipuer ee singbudsingr iuxquanx. Si in'ui luerjai suqiuu(singlixbin) iauxx si guarjai singr ciwqig ee huanxingr. Jokiong si jingrqax snetnuar ee qihue, ciokjinr budjiongw singjunn. U kyxlingg si DNA ham' lanw ee lixdir qunw sngxciyr, hro lanw hnuahiw lag zip kir hun'inx ee hamrjnew nirr. Narr kiamwkueh jitt jiongw qigjingg, e hro ixqingx qethunx ee angbow, vutquanw si sing'uac liauw hyw iacc si baiw , henrsidbin ee jankog, jaw dyrr hro inx jauw narr vuex lehh.

AIWJINGG OVEC UE

Luanair ee qing'giam erdangr iuxhau uicii huninx quanhe, si huanwqag ee siuxhorsinn. Jitt jiongw huanwqag laiju longrban aiwjingg ginxaw qowsu, jiongquibew, qongjuw ongjuw qethunx, ingxuanw kuaiwlok hingrhog quer zidjiw. Qycc e qra lanw qongw, muixx jit xee siauwlenn endauu-aw sangr longxx e u jitt xee suiw qoniuu qapp ix pitpuer, inx ee cutsir, si uirdiyc u jit zit ee sionghongg, itqenr-jiongjingg.

Qiwzenn lanw si tnix juwdnia :ee, dyrr e tngqam- biddnix, bixbuanw byy der viw. Banrvuthing m si anne, mocad sanxsingx, qigjingg siauter, itding si giamdiong ee cywgno, uivue tni'ir. hai ar! Kir liauw ~ ar, draur m driyc ar! itcer longxx banw vuthuee, tongwkow jidsiwlangg. Qamxx beh laii lirenn?

Sin'ue siongrr uixdai :ee, ongxongw si huhap uxdiu jinliw, mrqycc aiwjingg sin'ue, kiokk si kyxpnar ee vehcat.

A taiwtair in'ui juerokqamw, dagg hxang dy' sun angx ir, ix anne qongw, qethunx hitt sii, qew qongw air ix, qamxqag hai diyc ix, byy kuanli uanwtanr, itcer si guaw kiamr ix ee.

B sinsnex qongw, jin' hiyrhuew dongcox byy qapp C siyxjiaw qethunx, gunw ingwqaix e jin' uanbiw jiacc driyc. hitt sii guaw air ix byy qraur cimx, sniu qongxx ix m si guaw beh cue ee langg.

Qethunx nng dxangx ee D taiwtair bogbingqi'miau venr qaxx jin' siaudimm, ix laii cue guaw ee sii qongw, guaw m jaix u sniaw bunrdee? guaw sniaxmic dyrr byy kiamr, qycc u jit xee bixbuanw ee huninx. Quiw gywguec au, singzin inx ee qigjingg ixqingx byy .kir ar, m si ix ee m driyc.

B sinsnex qethunx buanw 2 nii au, dagg zit honghunx sii,dyrr e giamdiong ee taukag tniar, m siongsinr simliw bunrdee inxkiw:ee, "guaw ee qadingg sing'uac jit diamw aw dyrr byy bunrdee, gunw naxcniu sinhunx ne! Itcer longxx huhap guaw ee lixsiongw." Jit nii au, singzin" ix jin' gauu qra guaw caw, qanda' beh air jnii, naxx jniciw lehh, jnii jnii qiyr , vutquanw guaw tanr zuarr je." Itdanr ix u iongxkir huanxkongr inx bow kaijnii ee sibquanr, tautniar benw iyc-aw dyrr hyw ar.

F angbow horsiongx tanxvik singkunw, inx ixqingx qniaa quer iwluann-jingbee , itdit hiongr gua sunqiuu "jinair". Vuervuan, qandna' e qra sionghongx ee sing'uac la qaxx luan caucaux, u srid byy diongg. Guanlaii tuatlii jingbang, jiacc si qniaa zip jinjniar hun'inx sing'uac ee kaisiw, jinair ee hueluiw dirr jiax qed mm. Suanvor bidguadqii qetsog, byy qycc u longrban jinghuaii ee angbow, iuguann itsimx-it'ir duiqiuu aiwjingg sin'ue, gne beh qra henrsit kamr zip aiwjingg ee bosig, hibang kyr iwjiwlik huanwhuee byy .kir ee longrban, si bycaiw qangx,qex liauw sinn nia.

Jiaxee uansiuu angbow longxx qencii tongxid dinrsnuar. Inx camqax huninx tuantew dirliauu sii, jin' air jre dauwdin, horsiongx ter duiwhongx huatgenn, venrho. Ing qangrkuanw ee kauxkir, taiwdo binrduir tuantew nirr qitnax ee singguann. Inx sniu qongxx anne erdangr jingwbingg inx ee huninx kacc qenrjuann, kacc u hibang qaixsen.

Tongsiongg gunw vutdikvud liongrjaw qra dairvorhun camqax dirliauu ee angbow qongw, inx horsiong vitsu'iaur qenwlip jit sud aw simliw qurlii, m hyw qniaa sniu' qin, kyr sniu uaw, jiacc erdangr jikqik uirr inx ee bunrdee cue cutkauw. U sii, simrjiww rair qra inx vunkuix, qimwjiw inx dirliauu ee quewdingg diongx jre jywhuew; inx horsiong dairgenn, vuexhue ee sibquanr rair joxjiw. Zuqyw jiaxee angbow jiapsiu anne ee anvaii, qewsiok dirliauu, inx juewau longxx yc erhiauw jinjniar qra duiwhongx dongrjyr doglip ee qywzinn; jiaplap jitt xee sursit, dirr qenrjuann ee qicow mairhiongr singsik ee huninx.

ENDNGG JURGNOW QAIWHAN

Dui zip jingbang suibongw si jit jiongw huanwqag nia, mrqycc erdangr penr quer duardyrsor langg, si in'ui qapp jinair huisiongg luirsu.

Jinair si kokciong jurgnow ee qing'giam, ham' qywtew qaiwhan u jin' bidced ee quanhe. Lanw qra air byhan crunx hiongr hitt xee duiwsiong, ju'iongw ix, jo ix jongwdai. Dirr jex jinwjingg, lanw rair singx kip'inw lanw ixgua ee jit xee duiwsiong. Marr rair jitt xee duiwsiong u zedlet ee iwguan, qamguan dauu .zip .laii lanw ee sing'uac koaw lai. Simlixhagqax qra "qionglet iwguan ham' dauu .zip" hyrjyr "juwsinn", jitt sii lanw "juansinn quanwjur" dirr air ee sinsiong.

Dng' lanw quanwzip dirr jitt xee jursinx ixgua ee duiwsiong sii, simlixsiong ixqingx qra duiwsiong vau'iongg dirr lanw lairdew. Kyxviw qongxx, jit xee air uange ee langg, ui' jitt hxang cuwbi diongx, did diyc jin' dua ee buanxjiog qapp kuaiwlok, ix "air" uange, huehngg duiww ix ee iwgi diongrdua, ix ee jingsinn quanwjur dirr huehngg nirr. Uirdiyhh jiauwqor huehngg, lexvair tauwjaw kixcngg, dirr hngg nirr sangtoo,byy air cutgua luxiuu, simrjiww qra bow kngr jit vnix. Ix juansinn quanwjur dirr uange ee quewdingg, yc erhiauw je je—liauxqaiw toziangw, vuiliau, sniqinx, jiapqix. Huehngg lai muixx jit qix huecauw ee digsingr, huehngg ee derhingg, iudiamw, kuatham … dagg hxang longxx c.-cingcyw-c., duiww huehngg ee liauxqaiw, m na ionghap, jniajyr ix ee zinqeh, qing'giam qapp diwhui ee jidvorhun, air ham' quanwjur qyckacc jinr jit vo kokciongx ix ee qywtew qaiwhan.

Niquw guehcimx ee air juansinn quanwzip, kokdua lanw ee qaiwhan, si jit jiongw qapp guarqair qethap ee jiamrjinr quewdingg. Jurgnow ee livax dauc dauc aw suaw.cud .kir, qaiwhan venr kacc byy binghenw, lanw singdiongw ar. Kokciongx zuxx dua zuxx quw, air zuxx cimx, jurgnow qapp guarqair ee kuvet zuxx vyc , lanw zuxx zinrdongg sewqair. Ciongx puah "dui zip jingbang" ee bxang-aw, soxx duar .laii ee hixlok, zuxx je qihue cuthen. Jex si j.-jinjniar-j. i.-ingxuanw-u. qapp guarqair ionghap. Laiju luersimx siongrr cimdimm "sinvir qethap" , viw qigjingg kacc unhyy, byy hiwqiok ee ciwqig, mrqycc unrding ham' quxdngg dingwqinx dirr simqnuadew, inxcua .cud ee buanxjiog, denxhen dirr unziuu, tniawtangr ee quanhuaii, ngiaa quer qigjingg je je.

Itvnuax langg jaix, singr ham' air kyxlingg dongsii huatsingx, u sii, kiokk si uanjuann byy quanhe. Singwair (juruir jairlai) si jurgnow qaiwhan ee livax, hionghiongg dirr hitt xee jin' dew ee siqandiamw dyw .kir, jiacc e u langg ham' qiluw huatsingx quanhe ee hitt sii, hiongqongg huah cud "guaw air liw", quer .kir liauxau, livax sui' uii dngw .laii, jin' u kylingg jit sud aw ee qamxjingg dy' byy, lenrr qac'ir marr li qaxx hng ~ ~. Qydiauu ee hionghiw byy itding rair u pnua, hex si dirr jurgnow ee livax lai, jiamrsii qra qaqi be qir .did, besid dirr kongkir diongx, sinhunn cud tew. Dirr quiw biyxjingx lai, qapp uxdiu hab'id.

Guaw qra sanxsingx jinair hitt jiongw dngg siqanx qapp uxdiu hab'id ee qamxqag hyrjyr "sinvir qethap", sinvir juxgi siongsinr uxdiu si juanzenn ittew, lanw quanliam nirr ee gua-taiwkongx, taiwkongx, guehniuu, derqiuu, cur, ciu-aw, jiauw, lanw jurqiw…, knuar e diyc, bongx e diyc :ee, longxx si cywqag iacc si huanw'ngiaw. Inwdorqaur, hudqaur qongw si "huanwhuar(maya)", inx longxx u qangrkuanw ee zinrdix, jixu hongwkir jurgnow qaiwhan, jiacc erdangr texzin jinjniar ee jinsit. Huninx ee jinsit qycc si sniaw? Si huninx junjai ee jongrtai, jiax si sianglangg ee huehngg, ing simx liauxqaiw, singkunw denxhen hingdong, tauwquer siqanx ee kyxgiam, horsiong simlingg did diyc qauliuu ham' ing'iongw, jiacc u lat kokdua jurgnow livax ee qaiwhan, congwjy cud uxdiu dog'id-byzi ee liw qapp guaw. Jex si jinair ee ligliong, qniaa quer beluann ee huanwqag, gniaa hiongr huninx ee jinsit. Guaw qra jitt xee quewdingg ee qamxqag hyrjyr "sinvir ee qethap". Narr qongw jit xee langg qamxqag qaqi si uxdiu diongx doglip ee qywtew, dyrr byy kyxlingg liauxqaiw uxdiu ee hyhaii. Inx zinruii jurgnow qaiwhan iauxx be huatdenw ee ingjii, viw singlenlangg qyckacc bad jinsit. Qycc u langg qongw, tewhuar dngw kir ngix-aw, jiacc erdangr lixqaiw jinsit ee tongxitqamw. Jitt jiongw qongxhuad, duiww iauxx be junxvi dnax singlenn dnar ee cingsiauwlenn, u jin' dua ee kip'inxlat. Inx kyxlingg e anne sniu, guaw mrbenw ingwhur je je iauqiuu, mrbenw duarhanr, hnuaidit dyrr erdangr ciau'uat, jinwzip singwzinn qingwqair. Jitt jiongw liamrtauu, m na berdangr hro inx jniajyr sniawded, dendyww e jyrsingg jingsinhunlet.

Qajair duardyrsor sinviwjuxgirjiaw bingvik, lanw rair singx iongxiuw iacc si uansingg, jiacc u juqeh hongwkir. Iaxx be vueiongw jurgnow qaiwhan ee ingjii, kyxlingg viw inx verbuw qyckacc qinruaw jinsit, mrqycc narr byy verbyw ee jiauwqor dyrr berdangr singjunn .lyc .kir, iarr berhiauw viauxdat diwhui. Itding rair qingquer singlenn qaidnua, jiacc u kyxlingg jniajyr singwzinn. Suibongw jiyh qydiauu iacc si be'iyc, marr erdangr hro lanw damx diyc cutsinn ee qingwqair, juadduir m si cutsinn vunxsinx. Guaw beh qiongdiau ee si, cutsinn, kexhuad, simlingg singdiongw…, jixu qingquer qenzimw ee jinair, jiacc e did diyc singjiu.

Dui zip jingbang ham' singwair m na u kyxlingg ter jinair kiw jit xee tauu, iarr hro lanw ciwdamx diyc sinhunn jinair ee jubi, si u lat ee iuwinx. Inx ee vunxsinx m si air, kiokk si air ee sinvir jin' diongriaur ee qutqer ji' id.

ILAI JINGQAD

Derr zi jiongw duiww air ee gorqaiw, si qra ilai dongwjyr air. Simlixisiong cavutdyx dagg zit longxx e duw .diyc ee bunrdee. Kiwdoo jursad, ing jursad uihiap, qamxjingg sit'ir, jingsu jin' siaudimm ee langg, jitt jiongw gorqaiw siongrr binghenw. Inx anne qongw, "guaw byy air uac a, guaw byy angx (bow, javox/jabow vingiuw), qycc uac qamxx u sniaw iwgi? Guaw sidjai taiww air inx lehh." Guaw vutdikvud qra inx qongw, liw duxaw qongw :ee, m si air, si qiawsnex. Zuqyw liw rair kyr langg' singjunn, liw dyrr si qiawsingx dirr hitt xee langg ee sinsiong. Linw ee qamxjingg byy juriuu, linw ee dauwdin si su'iaur, m si air. Air si juriuu ee quatdik. Siongair :ee, byy itding rair jywhuew sing'uac, jixvutqyr inx suanxdik jywhuew ziiw.

Dng' jit xee langg byy did diyc lingrgua jit xee langg juanrsimx ee jiauwqor, dyrr qamxqag jurqiw byy uanjingw, berdangr jingwsiongg sing'uac sii, ilai dyrr singanr ar. Qenrkongx ee singlenlangg, narr si u ilai simliw, si vnertair:ee. Mrqycc lanw rair qra ilai qapp "qiawbang u ilai" hunkuix. Muixx jit xee langg longxx e u ilai ee suqiuu ham' qiawbang, dag'ee langg longx su'iaur vadd langg ee quanhuaii, hibang u viw lanw qyckacc qiongg :ee, jiauwqor lanw; bylun zuarnirr aw coiongw, zuarr je jikzimrqamw, iacc si siw ah-aw gne cuiwvex, qongw byy su'iaur i'uaw langg', simlai qeqiamw e sniu qongxx qa'ngg uaw.jit .xe, cir jit xe jubi marr be baiw.

Vutquanw dycc jit enn lenlingg jann :ee, muixx jit xee langg longxx hibang sniwmia diongx u ho'ngg buanxir ee verbuw hingsiong, dairvorhun ee langg be hro jitt jiongw qamxqag kanjer lanw ee sing'uac. Itdanr jitt hongbin ee su'iaur kongwjer sing'uac pinxjid, m si dansunn ee qiawbang, dyrr cuthen ilai ee bunrdee. Simlixhagqax qra jitt jiongw inxkiw ee simliw sitdiauu hyrjyr "siauqigsingr zinqeh sitdiauu". Jex si soxu simliw sitdiauu siongrr suwsiongg qnir diyc :ee.

Siauqik ilai ee langg, qui' zit byingg cue vadd langg air inx, jex ixqingx hro inx byy jingsinn kir air vadd langg. Cniurr vakdow iaux ee langg , qandna' erhiauw qra vadd langg tyw mic jiac, qaqi lenrr jit diamw aw dy' byy. inx ee simliw si jit xee byy drew cimx knex, ingxuanw drew be dni, ingxuanw byy buanxjiokqamw, ingxuanw qamxqag "qiamw jidvorhun". Inx byy huatdo zimxsiu jigbok. Qyckacc byy jurgnow zinrdix, jixu kyr ham' vadd langg ee quanhe qaiwding jurgnow.

SIAUQIK ILAI ZINQEH

"siauqik" ilai jitt xee vnerjingr, juxiaur si huanrjiaw qandna' quansimx vadd langg erdangr uirr inx jyr sniaw, kiokk be kyxlu qaqi rair jyr sniaw. U jit vaiw, guaw juxcii go xee siauqik huanrjiaw ee dirliauu tuantew, air inx qongw, go nii ixau duiww sing'uac jongrhongw ee qidai bogviaux. Cavutdyx longxx viauxsi, hibang erdangr qapp jit xee jinjniar quansimx inx ee langg qethunx. Byy langg tekiw tiaujenr ee qangjog, congjy gersudpinw, uirr siarhue hogbu, sethuad air langg', iongxiok qniaxzii. Inx ee bang nirr byy "loxlik"; qandna' sniu beh ho'ngg jiauwqor. Guaw qra inx qongw, narr sniu beh ho'ngg air si bogviaux, si byy kyxlingg singqongx :ee. beh vadd langg air liw, jixu jit xee honghuad, dyrr si jyr jit xee daddit virr air ee langg. Zuqyw liw zinsingx siongrr dua ee bogviaux jixsi siauqig ee ho'ngg air, liw byy kyxlingg si jit xee daddit air ee langg.

Jex m si qongw, siauqik ilai ee langg jurlaii byy uirr vadd langg jyr zinrhyy su, inx ee dongrqix si qra lingrgua jit xee langg liac diauu ~, ui' jiax cruw diyc qaqi soxx su'iaur ee jiauwqor; narr qongw ham' jex byy quanhe, beh inx jyr dairjir dyrr jin' lann lor. Jingg dnxua guaw qongw.diyc ee hitt xee dirliauu tuantew ee singguann dy' zinruii, brew cur, likuix verbuw sing'uac, cue taulo, si'diau byy buanxir ee kangkuer, iacc si dauu zip jurqiw cuwbi :ee, longxx si jin' qanlann :ee.

Angbow hunqangx si jurzenn :ee . Tongsiongg bow hurjig juxvng, jingxliw qabu, bexmic qapp jiauwqor qniaw; angx rair cutgua tanr jnii, quanxsiaur, jingxliw guardniaa, siuliw mngg... Qenrjuann ee angbow ursii rair hosiongx ngua jit xe qaksig. Angx samvutgorsii juw dxngr vng, vruee qniaw, sauxder, hro bow hnuahiw jit .xe. Bow marr ersaiw qiamjid, angx snezit ee sii, ter ix jyr quaw ix rair jyr ee qa'dingsu. Qaksig qau'ngua, hro sing'uac kacc huadpuad, zinsingx qyckacc cniurr iuhir. Vutdix-vutqag qiamxsiyw ilai, hunwlen banrid jit xee byy .kir ee sikingwdo.

Siauqik uaw langg' :ee, qra sitkir duiwhongx, dongrjyr siongrr kiongxvor :ee, inx qinvunw dyrr byy vanrhuad uirr jitt jiongw dairjir jyr junxvi, simrjiww berdangr iongzimw zinrhyy qangwqe kyr langg' tingdo,hro duiwhongx qyckacc je juriuu ee hongsid. Inx ee huninx, qaksig kuhunx jin' giamqeh, dagg hxang su ixx qaqiongg hosiongx ilai jyr bogdig, huninx cniurr hamrjniw.

Inx kauw kauw sniax sniax qongw ee "air", jixvutqyr si "uaxkyr" ziiw, juriuu qapp doglip cavutdyx byy junjai. Simrjiww u langg qethunx au, uanjuann hongwkir ixjaw yc :ee. Berhiauw saixciax ee bow, si jitt jiongw henrsiong ji'id. U kylingg qinvunw byy yc.quer, marr u kylingg uirr jit xee jin' ser ee iwgua surqor. Narr qongw druar dirr qaugua ee qa'dingg, jitt xee qniahniaa dyrr ingxuanw qra angx vak dirr bow ee sinvnix, byy angx, bow dyhh dy' benw kir. Bexmic si angx rair jyr :ee, si suqix. Jitt jiongw bosig tongsiongg erdangr buanxjiog sianghongx ee ilai, jin' byy kyxlingg qra dongwjyr vnertair, qaixsen dyrr benw qongw ar.

Guaw bad qra jit xee vutjiw u taukak ee ginghangqax qenwgi, inx bow 46 huer sii, hiongg ~ qniasimx m qnaw saixciax, kyxlingg u daddit tamwtyw ee simliw insor. Ix rinr qongxx, "be lar, isingx qongw jex jixsi qinglenqii inxkiw ee, byy vanrhuad." Jitt xee bow jaix, angx jit harvanx dyrr rair sui' jriab ginxaw ham' ix, byy siqanx luanrbuw. Angx marr jaix, byy ix, bow .ee cunwvo lanhingg, byy qihue huanw ix, horsiong u jin' dua ee anjuanqamw

Suibongw siauqik ilai ee huninx erdangr quw qycc u vyxjiongr, m si qenrjuann ee, marr byy itding u jinair. Juriuu narr si anjuanqamw ee dairqer, huninx quanhe dendyww pywhai qokk singquann singdiongw qihue. Guaw itjair qra guaw ee vnerlangg angbow qongw, jixu nng xee qenqiongg qycc doglip ee qywzinn, jiacc erdangr qenwlip bixbuanw hingrhog ee qadingg.

AIR .LANGG LANGG' AIR

Siauqik ilai ee guan'inx si kiamr langg' air. Jitt jiongw langg ee donglenqii, verbuw tongsiongg byy hro inx qauwgiac ee quanair, diwsuw inx luersimx sanxsingx jin' dua ee kanghix. Singdiongxqii qinglik ee kiamwkuad iacc si byy uanjingw, ui' simqnuax drew qamxsiu diyc "guaw iongxiuw ee iauxx byy qraur". Jitt jiongw langg m na zinruii siarhue qiamsiab, be anwsngr tihh, huaigii jurqiw byy jniurqeh ho'ngg air. Vikced duiqiuu "air", jixiaur kakvyw iongxiuw vutdik-ciuxdnua, caukongr/kanjer itcer quanhe, siongrr hyw erdangr lrak dirr ciuxdexsimx. Nacc jaix, huixdiau soxu air ee kyxlingsingr?!

Air qapp jurlut si siangsniqniaw, byy air qniaxzii ee verbuw si kiamwkuad jurlut, inx ee ginxaw ongxongw byy qihue hagsip. Siauqik ilairjiaw narr uaxkyr langg' ee kinghiongr quewdo, si zinqeh sitdiauu ee vnerjingr, inx qandna' rair jurqiw ee buanxjiog, singsit byy diongriaur, qiongrbecc pywlet ee qamxjingg, m kingw vangr, dnec siw si inx ee vunxlingw. Qyckacc lrow:ee si, zinrding jikzim si vadd langg, inx byy m driyc, simrjiww rair qniaxzii hurjig hro inx kuaiwlok hingrhog. sitbong,utjud, sitjir…, longxx si langg' hai ee, jex suxx inx hunwhin qiksimx!!

Nilau bin ziauu, si Tniqongveh :a byy tniawtangr!!

Guaw jit xee dongsu ciangjai qongw, uaw langg' vutzuu kyr dogpinw kacc sidjai. Jixiaur huewguann byy bunrdee, dogpinw itding e hro liw kuaiwlok, hro liw ingxuanw be sitbong. langg ne? m si anne oo! Qa'ngg tyw kuaiwlok, kyxlingg e tyw diyc sitjir. Sidjewsiong, jin' je siauqik ilairjiaw longxx e genr jiuw , genr dok. Inx u jit jiongw "diaupiah ee zinqeh", inx narr mokii, qra langg kib diauu lehh, tec inx beh air :ee, ingxuanw be buanxjiog. Narr ho'ngg qirjuat, dyrr juanw hiongr jiuw, dogpinw…, hex si dairing :ee .

Uaw langg', ho'ngg qamxqag qionglet ee cinqin lingrgua jit xee langg, knuar .kiw .laii naxcniurr si air, qisit, hex si tnix cax de or. ilai si ensiok laijur verbuw kiamwkuad air ee linglik, qewsingg verbuw ee sitvai. Qandna' beh air langg ee mic, byy beh huwcud, simdir itdit tingliuu dirr ingziqii, be duarhanr. Jyrsingg ee hanrjer ham' sokvak, nihsiw juriuu, jit sud aw dyrr byy qenwsetsingr, jixu pywhai langg horsiong ee quanhe, siongrbuew, huixbet soxu kangai.diyc ee langg.

AIR? SU'IAUR?

Air uiid ee bogviaux si simlingg singdiongw higjiaw si juann zinlui ee jinwvo.

Lanw qingsiongg e tniax .diyc, ix air kuanlik, ix air uange, ix air jnii, ix air pah GOLF… jit xee langg zuqyw dagg lexvair qangjog cid~veh-jap diamxjingx, itsimx jingcuw kacc je ee qimjnii qapp kuanlik, dongzenn u kyxlingg dirr jitt hongbin did diyc ciau'cud itvnuax juixjunw ee singjiu, mrqycc jnijaii ee luixjig ham' jurgnow qaiwhan ee kokciongx si byy qangg :ee. lanw iauxx si erdangr puepingg jit xee vehciuw-kixqex ee kiwgiap duartauqex si jit xee ganxqongx naxx jit liap dau-aw ee kitjiahquiw. M quanw ix zuarnirr aw zed'air jnii qapp kuanlik, byy langg e zinruii ix u aiwsimx, duiww jitt jiongw langg laii qongw, jaihur qapp kuanser si jiongqik bogviaux, m si duiqiuu simlingg singdiongw ee ciuxdnua.

Qra jingsinn kngr dirr jyr cuwbi :ee, si jurgnow ju'iongw ee uahdong. Air jurqiw (marr si ju'iongw qaqi, hro simlingg jongwdai) ee dongsii, marr su'iaur teqiongx hro qaqi jin' je ham' simlingg byy quanhe ee iongxhunx. Lanw rair singx jiauwqor qaqi ee sintew, anvaii jiac qapp druar:ee, m na sunqiuu simlingg huatdenw, marr su'iaur hiyckunr, langrsangx, unrdong qapp hunsnuar juwiwlik, dyrr si singwzinn marr rair kunr. Vue'iongw cuwbi ersaiw dongwjyr air qaqi ee hongsid. Narr qongxx cuwbi vunxsinx erdangr cuxdai kokciongx jurgnow ee bogviaux, soxx duar laii ee haurkyw dyrr jin' byy qangg lor.

Ursii, cuwbi sriu langg huangingg ee guan'inx, si ix cuxdai jurgnow huatdenw. Lanw huathen jidquaw urhuer:ee, qra pah GOLF dongwjyr tewhiux au ee zinsingx bogviaux. Inx siongsinr unrdong ee jinwvo, kyxiw tuihuanx inx jywlangg hongbin ixqing' uanjuann byy jinwvo ee sursit. Zuqyw inx narr kacc air qaqi jit sud aw, dyrr be anne penr jurqiw.

Lanw berdangr qongw, kuanlik ham' qimjnii uanjuann byy kyxlingg ixx air jyr cuthuatdiamw. U langg cab jingwdi, si uirdiyhh zinlui hingrhog. U langg vniawmia tanr jnii, si beh hro qniaxzii tak dairhak, iacc si hro qaqi u kacc je ee siqanx ham' juriuu, dauu zip hagsip qapp sukyw, dat quar simlingg ciongjiog singdiongw. Jiaxee langg air :ee, m si jnii qapp kuanlik, inx air :ee si langg.

"Air"ee iwgi, ing sniu' kuacbin kir, suacc gai diyc lanw liauxqaiw air ee jinder. Jixiaur itvnualangg qewsiok sibquanr ing air laii hingiongg qaqi qapp soxx dinsiyh ee su/mic ee quanhe, byy beh qangxqiur quanhe ee pinxjid, kuvet gong/kiauw, sxen/og, quir/jen, dyrr itdit e jin' be cingcyw.

Air ee duiwsiong itding si langg, jixu langg ee simlingg jiacc u singdiongw ee linglik.

Kyxviw qongxx, cri jit jiah qxauw, hro jiac, qra sew sinkux, qra py, ham' ix sngw, puawvne sii, qinw cua kir hro siuwix knuar, banrid jauw byy .kir, iacc si siw .kir, quiqex longxx jin' siongsimx, naxx si qadingg ee jidhunrjuw. Kaksit, duiww qodnuax jigbok ee langg, jitt jiah "qxauw", dyrr si ix sing'uac ee bogviaux, zuqyw jex narr byy sngr air, qycc si sniaw ne?

Vutqyr, langg horsiong ee quanhe, ham' dongrbut byy qangg. Vitqingr lanw berdangr ham' inx qaudamm, m jaix ix decc sniu sniaw. lanw ongxongw qra jurqiw ee susiongw qapp qamxqag dausia dirr inx sinsiong, qra inx dongwjyr diqiw :ee, sursit jin' kyxlingg m si anne. Qycc laii, inx narr si tnia'ue, lanw e tingxsing inx, narr si m tniax ue , dendyww qra liw ger jit .xe, liw qamx e dner diam diam hro ker? Liw qamxx be pacsngr qra danwdiau, iacc si sangr hro langg'? beh qaixsen inx ee simdir, qigqex sangr kir dongrbut hunwlenrsow. Lanw cri qxauw, niaux ... ee cuthuatdiamw si beh inx ingxuanw vuepnua lanw, uaxkyr lanw, inx jiacc u tangx jiah. Mrqycc lanw iong'unw langg iongxiuw doglip ee iwjir, jinair siongrdua ee digsig si hibang duiwhongx huatdenw ix qaqi jurjuw ee zingeh.

Jin' je langg byy linglik air qitnax ee langg, inx qandna' erhiauw air niaux, qxauw…

Ixjaw berjiyw Bixqunx crua Dikqog, Itali, Zidvunw ee "jenwjingx sinniuu", tniax .kiw .laii ingwqaix si longrban ee huninx, nacc jaix sinniuu yc erhiauw Inggiw au, jit duir jit duir itdit hunkuix. Lamluw sianghongx m bad u jinjniar gixgenn ee qauliuu. Angx berdangr qra qaqi ee sniurhuad, qamxqag, iogbang dausia dirr bow sinsiong, byy qycc zinrding bow qapp inx qangsimx, jitt sii, jiacc huatqag bow u jurqiw ee quanliam ham' qenwqaiw, zinsingx bogviaux uanjuann byy qangg. U langg ui' jitt sii kiw, vue'iongw qamxjingg, mqycc duiww dysowlangg laii qongw, kiokk si rair qetsog ar.

Juxdniux qaixhongr ee hurluw, qionglet huanxduir lamsingr ing luirsu qoxjuix ee dongrbudmiaa cinghox duiwhongx, in'ui jin' u kyxlingg dyrr si qra dongwjyr siyxdongrbut. Simtaiwsiong uanjuann byy jundiong inx jinjniar ee jailingg qapp doglip ee zinqeh.

TINGXSING

Vutquanw zuarr je huer, dirr verbuw ee binrjingg dyrr si ginxaw.

Jin' je maxmah qanda' erhiauw qra qniaw knuawjyr bue duarhanr ee ngi'aw, narr si dirr qniaw 2 huer jinwjingg, si siongrr viaujunw ee maxmah, inx jin' gauu jiauwqor nge'aw, dagg hxang dyrr kuanw qra jiauu diyc. U jit qangx, hionghiongg qui'ee vingw .quer .laii, itdanr ginxaw u qaqi ee iwjir, kaisiw m tniax ue, ham' vadd langg kacc cinqin, kir cue ix qaqi ee sewqair, maxmah ee air "quaiw" jit sniax, tingg .lyc .laii, byy air qycc kngr simsinn dirr ix ee sinkudingw ar, simrjiww tyxiar ix. Narr si qaur jitt jiongw jongrhongw, tongsiongg maxmah e sniu beh air lingrgua jit xee nge'aw, iacc si erdangr hro ix tingxsing ee siyxdongrbut, ix ee air, ui' tauu qycc kaixiw sunkuann. Narr m si anne, ix qamguan jiauwqor vadd langg ee ngi'aw. Lanw knuar e cud, byy maxmah tniawsiyh ee duarhanr ginxaw si be kuaiwlok ee:ee, juansinn quanwjur dirr vadd langg ngi'aw ee maxmah kiokk jit sud aw dyrr byy diwqag .diyc. jitt xee henrsiong si qniaw singlenn au, siaudimm iacc si siauqik i'uaw zinqeh ee juxiaur guan'inx.

Diuww ngi'aw, siyxdongrbut, qandna' e tniax ue angx/bow, si buxsingr/ hursingr ee vunxlingg. Jex ham' "bxang-aw drew ee air" luirsu. Byy vit'iaur loxlik, m si qingquer iwjir quatdik ee hinguii. Duiww simlingg singdiongw jit diamw aw dyrr byy vangjan, m si jinair. Suibongw tauwquer jitt jiongw qamxjingg marr erdangr qenwlip cinbit ee zinjer quanhe, jyr jinair ee qicow, mrqycc beh iongxiuw qenjuann/honghur congwjyrlat ee huninx, iongxiok qenrkongx/simdir singsik ee qniaxzii, dadsingg juann zinlui ee jinwvo, su'iaur qyckacc je qitnax ee mihqnia.

Ixjaw hitt xee m qinw hro ginxaw jre haurciax kir haghau ee maxmah, qencii qaqi saixciax sangr, dongzenn m si ju'iongw ee hongsid, m na byy hyw, qycc honghai simlingg singdiongw. Qitnax, kyxviw qongxx, gne qiyr sniu' duarkox ee qniaw qycc jiac mic; brew jit dxuix ginxaw mic hro qniaw sngw; kuanw jit dxuix snxax beh hro cing; sniu jin itcer vanrhuad buanxjiog qniaw ee zinrhyy iauqiuu, longxx si quewdo .kir ar. Air m si qanda' hro langg'; rair habliw ee huwcud, rair habliw ee byy beh huwcud; habliw ee ylyw ham' habliw ee puepingg. Habliw ee jingjib, duiwlip, qoxle, dokciog, anuir, ngua jit qxur ue qongw, si lingxdy honghuad. Habliw ee pnuawduanr, rair qingquer sukyw ,ursii qycc e byy qaiww songxkuair ee quatding, m si kyr didqag narnia.

AIR QAXX AIX !?

Dirr byy habliw ee hro langg', iacc si pywhairsingr ee ju'iongw hongsid ee vuerau, dongrqix/lixiuu vah vah jiongw, qiongrdongg ee qivunw digdingx si : buanxjiog jurqiw, juanzenn byy qra duiwhongx simlingg jinjniar ee su'iaur kngr dirr simqnuadew.

Jit xee bogsux laii cue guaw ee sii, bow u banrsingr siaudimjingr, nng xee qniaw ui' dairhak tewyc, dngw laii dirr cur nirr, dng' lecc jiapsiu simliw dirliauu. qui' qehuew longxx u "vne", ix cimxtauu ham' guaw qongw ee sii, vingrr byy zinruii jex ham' ix u quanhe. Ix anne qongw, guaw jin juanlik jiauwqor inx, ter inx qaixquad bunrdee. Muixx jit sii longxx uirr inx causimx.

Ix kaksit uirr bow, uirr qniaw caulyy je je, suibongw ix marr qamxqag inx rair hagsip jurlip ar. Mrqycc brew sinx ciax, cud vyxhiamxhuir, longxx ix ee dai. Huisiongg tyxiar kir cirlai, narr tniax OPERA dyrr ee ducqux, mrqycc dagg lexvair dyrr rair cua bow knuar hir/ tniax quax. Ix ee hurdamx jin' dang, kuanw jiax qor hiax, inx ithiongr dyrr si qra cingqed dongwjyr si vaxvah rair jyr :ee.

Dagg zit jyr jiacc je, liw qamxx be tiamw? Guaw mng ix.

Guaw byy vadd ee suanxdik ar, air inx jiacnirr aw cimx, berdangr byy cab inx, jixiaur inx u suqiuu, guaw itding sethuad hro inx buanxjiog. Guaw kyxlingg byy kiauw, jiwjiyw u qauwgiac ee air ham' quanhuaii.

Kacc cuwbi :ee, ix ee vaxvah si jit xee u damrvyc aw miasniax ee hagjiaw, air limx jiuw, hingr hunxbi :ee, siwqer kir, byy quanw cur nirr :ee sixuac. Bogsux dauc dauc aw qakgno, jurr sewhanr dyrr jiuwjua beh jyr jit xee qapp inx vaxvah uanjuann byy qangg ee langg, jit xee e qowqex, quanhuaii aiwsimx ee qadniuw. Jitmaw ix marr huatqag uirdiyhh uicii jitt xee hingsiong huwcud jin' dua ee dairqer, itcer ee hinguii, lenrr jyr bogsux marr si jitt xee insor. Qui' cuwqingx ee langg, iuwdi bulingg, longxx si ix sing baiw .kir .ee. jitt diamw suacc hro ix berdangr lixqaiw. Bow si ix tniawair ee "niaubi", qapp nng xee "vyxvuer SIAUR QUAIX QUAIX". Ix jin' kunwziauw qongw, dyrr sngr qongxx guaw si huanxduir vaxvah ee jywhuad, anne qycc si anwjnuaw ne? jex byy viauxsi guaw ingwqaix cniurr vaxvah qangkuanw jankog byy jxingg, byy beh hurjig ar!

Qisit, ix ingwqaix hagsip liauxqaiw, air si jin' hogjap ee uahdang, m na su'iaur iongrsimx, marr rair iong taukag. Itsimx itir beh ham' inx vaxvah byy qangg ee iwliam ha, kiokk uanjuann hongwkir air ee cniurlingsingr. Ix vitsu'iaur cingcyw, ursii m huwcud si viw hro langg' m driyc sii kacc sikhap. Vueiongw bow/qniaw doglip ee linglik, viw itdit jiauwqor inx, su'iaur qyckacc je ee aiwsimx. Rair zinrbad, viauxsi su'iaur, hunwno, vutbuanw qapp qidai, duiww simliw qenrkongx ee diongriauwsingr byy sux jurgnow hisingx, jyr guu jyr bew. Air m si byy diauqnia ee jiapsiu, ciongdut, lirig hamm jairlai.

Ix kaisiw qaixvenr, byy beh duer dirr qniaw ee kajiac'au siux dangx siux saix; inx narr byy beh draur kaciuw, marr e qongkaix siurkir; byy air qycc ter inx lap vyxhiamxhuir, inx rair qaqi hurdamx; hro bow jurqiw kir tniax quax knuar hir. Byy air qycc vah hxang sun inx, u qriuu u ingr, ix beh jyr "paiw langg". Qajair, ix jaxjingg hinguii ee dongrqix suibongw si buanxjiog jurgnow, vingrr byy sitkir air ee linglik, jex si ix qaixvenr ee dongrlik. Duxx kaisiw ee sii, bow/qniaw viauxsi vutbuanw. Byy zuarr quw, jit xee qniaw dngw kir tagceh, lingrgua jit xee kir jiahtaulo, vnuax .cud .kir suewcur druar. Bow marr huathen doglip ee hyxcur, ing qaqi ee hongsid singdiongw. Bogsux ee kangkuer haurlut qex jin' hyw, singuac kacc suwsi.

GIGTAI , VIRR GIGTAI

Jitt xui bogsux qra air gordy .kir ar , jin' jiapqin "virr gigtai" ee vnerjingr. Giktai /virr gigtai tongsiongg duar diyc "singr" lensiongw, huanrjiaw dirr hro langg tongwkow iacc si qaqi sriu tongwkow ee sii, e sanxsingx tiongwtauu, dirr jingsinn vnerlixhak hranw did u anwle, kacc jiap knuar .diyc .ee si siarhuerhingg :ee, vnerjingg marr jin' giamdiong. Huanrjiaw ee hariwsig, hibang dirr ham' singr iuxquanx ee zinjewquanhe, sionghai duiwhongx iacc si virr duiwhongx sionghai.

Kacc je ee jinghingg si anne, jit xee jabow hro inx angx vangwsag, qik sitjir siaudimm sii, kir cue simliw isingx. Ix ee kaur byy tingg, qongw be suah inx angx anxjnuaw lingdi ix: byy quansimx ix, guarkauw u jit dua qnrua ee jabow, qra caiwjnii sux liauw liauw, hnuahiw jiacc dngw laii, limx qaxx juir bangg ~, qycc qra pah qaxx jingw uaix uaix, jiongquibuew dirr CHRISTMAS jingg jit amr qra gunw qui' qehuew aw vangr vangr lehh, jyww ix kir! Liw knuar, ix qycc digvet qingw CHRISTMAS.

Duxx cutgiap ee isingx tongsiongg duiww jitt tyr qowsu viauxsi dongjingg, mrqycc narr jinr jit vo liauxqaiw sidjer jinghingg, knuawhuad dyrr e uanjuann qaixvenr. Dairsingx, isingx e huathen, jitt xee gigtai mosig ixqingx 20 gua dxangx ar, inx lirenn 2 vaiw, qethunx 2 viaw, sngr be liauw ee c.-caxnau-n. hunhunx-habhap byy sowvaiw. Qingquer jit~nng qywguec ee loxlik, vangjan ix erdangr kia .kiw .laii. U jit zit tauwjaw, vnerlangg muanxbin cunhongx qniaa zip laii vanrqongseg qra liw qongw, "gunw angx dngw .laii ar, jaamr ix kar denrue laii qongxx beh qnir guaw, qetqyw ix si laii qriuu guaw hro ix dngw.laii, qongw beh qaixquer-jursinx, knuar ix venr jit xee ngiu a, guaw dyrr hro ix dngw.laii." Isingx jixcud, jitt xee henrsiong inx ixqingx tyxlun .quer ar, itcer vutqyr dionghok quewkir ee cywgno ziiw. Ix m si jiacc qongw, qamxqag jit xee langg quer zidjiw jin' hyw? Vnerlangg anne rinr, guaw air ix ar, liw jongw berdangr hiyxzin air ar! Isingx narr iauqiuu jinr jit vo tyxlun "air" ee vunxjid, dirliauu ongxongw dyrr tingg .kir.

Jex si anxjuanw ne? Isingx kacc sniu dy' sniu byy, jinrliong huesiongw/qiamxtyw dirliauu quewdingg ee muixx jit xee sewjad, sniu hitt xee vnerlangg decc qongw ix sownii laii jysiu ee koxcow, naxjunxx knuar .diyc/qamxqag .diyc qongw be cud ee tiongwtauu. Hionghiongg, isingx simtauu u qiquair ee liamrtauu: si m si jitt xee luxjuw zimxsiu angx ee gigtai, uanjuann si hnuahiw qamguan? Ix diauqangx kir huwsiw ee! jex iuqycc si sniamic dongrqix? Ix hnuahiw virr koxdok? Si m si ix itdit decc cue dyrdig iuuadsingr? Ganxjenn ee hinguii henr .cud .laii .ee: ix ui' jitt xee tongwkow ee cuxqingr nirr, inx angx ee qe jutair kingxding ix ee dyrdig quann jit kxamw, " qriuu" hro ix u vywhok ee hixlok, "siuliuu" ee qetqyw, qewsiok virr gigtai. Jiax ee si ix jidsiwlangg beh air :ee?! ix marr si dirr jitt xee sunkuann nirr, jauxcue jurgnow ee ju'iongw 20 dxangx. Qamxx qongxx ix ee ing'iongxhunx si qigtai/virr qigtai ee sunkuann?

Tongsiongg jitt jiongw hurluw, donglenqii dyrr jysiu kutziok, inx qra virr vikhai jurzin dyrdig viw langg' kacc quann, kacc erdangr did diyc a'Q simtair ee hogsiuu. Siongduir, inx su'iaur qyckacc je ee kutziok ham' gigtai jyr ingiongxhunx. Siarhue/guarqair senrir duiwtai lanw ee sii, vywhok/hogsiuu ee simliw berdangr singlip; beh hro vywhok jniajyr singuac bogviaux, vitsu'iaur itjair qaqiongg virr vikhai ee qamxqag, hro hogsiuu simtair qewsiok. Virr gigtai :ee qra zimxsiu giktai zinrjyr air ee viauxhen, qisit jixsi inx sunqiuu vywhok tiongwtauu ee vit'iaur diauqnia, inx ee qinvunw dongrqix si hun, m si air.

Sriu gigtai :ee ee bunrdee cua cud lingrgua qapp air iuxquanx ee cyxgno quanliam, qra hisingx dongwjyr air. Qinqur jitt xee cyxgno, qycc qra zimxsiu gigtai dongwjyr jurgnow hisingx, cywzin hex si air, kiokk uanjuann qra hin sag jitt vnix, knuar hun byy junjai.

Hitt xee uirr bow/qniaw hisingx ee bogsux, itdit qongw uirr langg' hyw, juanzenn byy diwqag ix ee hinguii, jinjniar ee bogdig si uirr jurqiw ee hingsiong. Dng' lanw qongw "uirdiyhh langg' hyw" ee sii, longxx si decc siamxpiah jurgnow jikzim. Lanw jyr zinrhyy su, si qaqi ee quatdik, jitt xee suanxdik, si siongrr erdangr buanxjiog lanw :ee. Byy lun ter langg' jyr sniaw, longxx si vaxjiog qaqi ee suqiuu.

Lanw jinsimx air langg, in'ui si lanw beh kir air. Qethunx iongxci qniaxzii, si lanw beh u qniaw; lanw air qniaw, in'ui lanw beh jniajyr ciongbuanw aiwsimx ee verbuw. AIR kaksit erdangr qaixvenr langg, hex si jurgnow kokciongx, m si hisingx. Jinair e hro lanw qyckacc ciongsit. Dirr mow jiongw iwgi qongw, air si jin' jursux ee, in'ui beh :ee si jurgnow kokciongx. Jursux juadduir m si pnuawduanr jinair ee viaujunw. Ui'id ee viaujunw: jinair ingxuanw duiqiuu simlingg singdiongw, uirr juann zinlui ee jinwvo.

AIR SI HINGDONG

Air si hingdong, m si qamxqag.

Jin' je langg anne qongw, "qinsuii air ee qamxqag qniaa", jyr ee dairjir kiokk byy air ee singhunx, simrjiww pywhai air. Jit xee jinjniar u aiwsimx ee langg, binrduir byy qac'ir iacc si tyxiar ee langg, iaxx si ciongbuanw aiwsimx qapp vyxcii qenwsetsingr ee taiwdo.

Qongw "air ee qamxqag" si in'ui juann jingsinn quanwjur--juwsinn ee quanhe. Juwsinn si guarjai duiwsiong jiamrr duiww lanw diongriaur ee quewdingg. Tauwquer juwsinn qra jingsinn dauzip "air ee duiwsiong", qra ix knuar jyr lanw ee jidvorhun. Air virr gorqaiw jyr qamxqag, si qra juwsinn dongwjyr air.

Air ham' juwsinn u jin' je luisu ee jinghingg, lanbenw e tauwlam.kir, mrqycc marr si u cingcyw ee kuvet.

Dairsingx, juwsinn ee duiwsiong byy itding si u sniwmia :ee, marr byy itding si u simlingg :ee. Qra jingsinn he dirr qoxci, juvyw, cuthuatdiamw qamxx si air?

Qycc laii, narr si duiww mow jit xee langg juwsinn, byy itding si quansimx ix ee simlingg huatdenw. Ilairjiaw dendyww si qniax duiwhongx singdiongw, cniurr hitt xee saixciax sangr qniaw kir haghau ee maxmah, henxzenn ix si juansinn longxx dirr qniaw sinsiong, huisiongg diongrsi qniaw, kiokk byy knuar dang qniaw ee simlingg singdionw.

Derr snax, quanjur ee qiongdo tongsiongg ham' diwhui, hongrhenr byy dirdai. BAR nirr jiacc siy' duxtauu ee cinglenn lamluw, inx ee juansinn dauzip, si dirr singr ee buanxjiog.

Siongrbuew jit diamw, juansinn suisii dyvenwhuar. Jit dnxua BAR nirr ee lorjuiw imenn, jin' qinw dyrr hunn quer juiw byy hrunn.

HONGRHENR

Jinair si dauzip jingsinn, unriong diwhui, hongrhenr cud .kir.

Quanhuaii jit xee langg ee simlingg singdiongw, dyrr e liauxqaiw byy dauzip ee guihiamxsingr, zircniaw jixu dauzip jiacc si viauxdat quanhuaii siongrr urhau ee honghuad. Vnerlangg rair singx ham' isingx qenwlip "dirliauu dongbingg" ee quanhe, jiacc e kyxlingg dadqaur zinqeh ee singdiongw. Vnerlangg dirr morhiamw qaixvenr jinwjingg, rair cionghunx sinwzim isingx, sanxsingx qauwgiac ee ligliong ham' anjuanqamw. Isingx uirdiyhh beh qenwlip jitt jiongw dongbingg quanhe, rair singx dauzip quxdngg ee siqanx qapp byy dng ee quanhuaii, jex dyrr rair kyr hongrhenr ee jingsinn. Ngua jit qxur ue qongw, m quanw qac'ir iacc si byy hnuahiw, suisii rair u cuwbi qycc zinrjinx tniax vnerlangg qongxue. Jex ham' huninx jin' luirsu. Qenwsetsingr ee huninx, sianghongx qingsiongg rair qra qaqi qac'ir /tyxiar :ee kngr jit vnix, quansimx duiwhongx, qaixjinr horsiong ee quanhe. Qandna' anne, jiacc u kyxlingg dirr liongxsingr iwair ee bxang-aw jxingg quer .kir au, lunn diyc jinair huatdenw ee qihue.

Ixqingx qenwlip unxding/qenwsetsingr quanhe ee langg, dongzenn iauxx si e horsiong sanxsingx jingsinn quanwjur ee henrsiong, mrqycc jinair vitzenn ciau'uat juwsinn ee quanhuaii. Narr si u juwsinn iacc si air ee qamxqag, dongzenn kacc cinced dacsimx, vutqyr m si itding berdangr kiamwkueh :ee. dirr jiax beh qiongdiau ee si "iwguan". Guaw qra air lyc ee dingrgi si: uirdiyhh juiongw qywzinn ham' vadd langg ee simlingg singdiongw, kokciongx jurgnow ee iwguan. Jinair si jiwguan :ee, m si jingsurhuar. jinsimx air langg si jurjuw ee quatding, bylun si m si u air ee qamxqag, longxx beh dauzip hongrhenr. U air ee qamxqag siongrr hyw, narr si byy ne? air ee iwguan qapp hongrhenr ee singlok iuguann urhau.

Ciongbuanw aiwsimx ee langg juadduir bersaiw qandna' kyr air ee qamxqag. Guaw kyxlingg e duw diyc jit xee jin' hro guaw snackuir :ee, guaw jin' sniu beh air ix, mrqycc guaw narr anne jyr, dyrr e qra gunw ee huninx huixdiau. Jixu qra qaqi qongw "jin' sniu ne, kyxsiyh bersaiw ne". Qangkuanw, guaw marr kyxlingg qirjuat jit xee vnerjingg jin' u huatdenxsingr ee sinx vnerlangg, in'ui guaw ixqingx dap'ingr lingrgua jit xee vnerjingg byy hiacc daddid guaw jinxduan quancad :ee. Guaw byy siqanx jiauwqor sinx :ee. Air ee qamxqag byy hanrjer, guaw erdangr huwcud ee air iuxhan, vitsu'iaur suanxdik air ee duiwsiong. Jinair m si vaii-snuax-dyw-haiw ciongx quer laii, sniaxmic longxx m quanw ee qamxqag, si qingquer simrdiong kyxlu, juansimx dauzip ee quatding.

Ciangjai u langg qra jinair qapp air ee qamxqag lam jywhuew, suacc jyrsingg qokk ngiu ee penr qaqi. Qra su'iaur quansimx ee bow/qniaw danr dirr cur nirr byy beh qor, cud kir guarkauw limx hiongjiuw ee javorlangg, kyxlingg e jin' tongwkow qra BAR ee langg qongw, guaw sidjai jin' air gunw cur ee langg. Qingsiongg jankog, byy quanw qniaxzii ee langg, marr u kyxlingg jurzin si siongrr u tniawsimx ee verbuw. Jitt jiongw qowir ee taiwdo, junjai ee guan'inx si: dirr qamxqag nirr cue air ee jingwqur jin' iong'ir, air ee hingdong jin' yh lauu jingwqur.

Jinair ciauquer.jit .xe .aw dyrr byy .kir ee qamxqag, ciau'uat juwsinn je je, si ui' simqnuadew qamguan ee hingdong, ersaiw qongw, air jixu kyr hingdong jingwbingg. Air qapp m si air, naxcniu sxen qapp og, si kecquanx ee viaujunw, m si dansunn ee juxquanx quatding.

HUWCUD QUANHUAII

Air si sniaw?

Air su'iaur loxlik. Kokciongx jurgnow ham' qex qniaa jit vo iacc si jit lxiw lo qangkuanw, si uihuanw langg vindnua ee vunxsingr, iacc si qniahniaa sanxsingx ee vaitig simliw. Tuatlii vindnua hyrjyr loxlik. Binrduir qniahniaa byy siamxpiah, jex si iongxkir. Soxiw qongw, air si loxlik higjiaw iongxkir ee jit jiongw hongsid. Air ju'iongw lanw uirr qaqi/vadd langg ee simlingg singdiongw soxx jyr ee loxlik, soxx viauxhen .cud ee iongxkir.

Lanw marr erdangr uirr air ixgua ee qitnax bogviaux loxlik qapp huathuix iongxkir. Ngua jit qxur ue qongw, soxu ee loxlik ham' iongxkir byy itding si air, mrqycc air itding rair u loxlik/iongxkir ee singhunx. Narr byy jitt nng hxang iauwsor, dyrr byy kyxlingg si air, juaddiur byy lergua.

Air ee loxlik dyrr si quanhuaii. Lanw air jit xee langg ee sii, itding e quansimx ix, sewzi jiauwqor ix, jo ix singdiongw. Beh anne jyr, dyrr rair qra soxx u e singqenr/penqenr kngr jit vnix, juxdong diaujingw simliw jongrtair. Quanhuaii si simx ee iwguan, si rair dudiau lairsimx vindnua ee hingdong. Urmiaa ee simlixhagqax ROLLO MAY bad qongw .quer: "ing soxu henrdai simliw hunsig qangqu, laii hunsig "langg ee iwguan", siongrr qinvunw ee qicow si quanhuaii iacc si kiwdoo. Jiphingg iwguan soxx su'iaur ee loxlik, dyrr si sidjer huwcud quanhuaii; sidjen iwguan siongrr diongriaur :ee si rair vyxcii simdir cingbingg; dyrr si qongw vyxcii quanhuaii ee jiaudiamw."

Viauxhen quanhuaii siongrr poxtongx marr songrr diongriaur ee hongsid si juansimx tniax ix qongxue. Lanw kaix jin' je siqanx tniax vadd langg qongxue, mrqycc dairvorhun longxx si longwhuir:ee, in'ui dysowlangg m jaix beh anxjnuaw tniax langg qongxue. Janqingx u jit xee kiwgiap simlixhagqax qra guaw qongw, haghau qar hagdongg qokk kybok kaix ee siqanx, ham' ginxaw duarhanr cud siarhue unring jiaxee diwsig ee qihue duxhyw dywvingw. Kyxviw qongxx, jit xee kiwgiap juxquanw dagg zit rair u jit diamxjingx knuar subin :ee, nng diamxjingx dam'ue, veh diamxjingx tniax langg qongxue. Dirr haghau lai, juadduir je ee siqanx si qar ginxaw knuar, qar inx qongxue ee siqanx jin' jiyw, simrjiww qinvunw dyrr byy qar inx beh anxjnuaw hyxhyw tniax langg qongxue.

Guaw byy zinruii haghau ingwqaix anwjiaur singlenn au suxiong qihue ee vixle laii anvaii kywdingg, mrqycc siongsinr qar ginxaw tniax langg qongxue ee qikiauw si kiauw ee suanxdik--- kyxlingg berdangr hro tniax langg qongxue venr kacc qanxdanx, jiwsiyw erdangr hro ginxaw bingliauu hyxhyw tniax langg qongxue si jin' byy iong'ir :ee. Tniax langg qongw si quanhuaii ee viauxhen, rair jin juanlik. Dairvorhun ee langg byy hyxhyw tniax langg qongxue, si inx byy liauxqaiw jitt diamw, iacc si inx byy guanrir loxlik.

Byy zuarr quw ixjingg, guaw kir tniax jit xee dimiaa zinsu tyxlun jongqaur ham' simlixhak quanhe ee enxqangw. Guaw duiww jitt xee debok jin' u cuwbi, qeqiamw iarr genxqiur.quer, sui' dyrr tniax cud jitt xui si zinrbad jin' cimx :ee. ui' ix teqiongx qokk jiongw sidle qamxqag .diyc, ix kaksit jin' loxlik beh qra jin' je tiusiongr ee quanliam tuandat hro tniajiongr. Guaw digvet iongrsimx tniax, juwsinn decc tniax. Ix qongw diamxvnuar jxingx, suibongw enxqangw tniax u kuix lingxkir, guaw marr si qui' singkux dang qnua, m na anne narnia, amrqunw-aw gne viangviangx, taukag iarr e tiutniar. Guaw qaqi qoxqer, kipsiux :ee siongrqex byy qaur jidvnuar.

Guaw camqax enxqangw qetsok au ee dehue, dirr huerdniuu lai, buanxbuanw duiqiuu bunhuar ee zinsu nirr srunn .quer, tniax inx qongw inx ee iwqenr, dysowlangg qamxqag sitbong. Inx si tniax langg qongxx ix jin' u miasniax, kiokk tniax byy sniaw, m si inx soxx qidai iusiur ee enxqangxjiaw. Jit xee luxsu qongw, ix sniaxmic dyrr byy qongw! Vxni:a ee langg dimwtauu dong'ir.

Dogg guaw tniax u jitt xee liauxvutkiw ee zinbut, soxx qongw ee dairvorhun lueriongg. Juxiaur ee guan'in si guaw guanrir loxlik tniax, qamguan anne jyr, u nng xee lixiuu, derr id, guaw jai'ngiaw ix ee uixdai, siongsinr ix ee ue jin' u qewdat. Derr zi, guaw duiww ix ee debok u hingwcur, singsimx hibang ix ee ue erdangr jingqax guaw ee diwsig, ciokjinr guaw simlingg ee singdiongw. Guaw juwsinn tniax ix ee ue dyrr si air ee hingdong. Guaw air ix, si guaw zinruii ix si daddid quanhuaii ee langg, guaw air qaqi si guaw guanrir uirr jurqiw ee singdiongw huwcud loxlik. Ix qar guaw yc, ix huwcud guaw jiapsiu, guaw air ee dongrqix si guanw vunxsinx ee lirig, ix narr erdangr ui' tniajiongr nirr catqag .diyc guaw ee juanjur, quanhuaii qapp air, ix dyrr e zinruii jex si jit jiongw qewdat.

JIMJIOG TNIAX GINXAW QONGXUE

Tniax ginxaw qongxue, lanw soxx beh vnuarenw ee qaksig m si jiapsiujiaw, si qidai lanw erdangr hro inx u vangjan :ee. lanw rair anxjnuaw tniax ginxaw qongxue ? byy qangg lenlingg :ee, iong byy qangg ee hongsid. Kyxviw qongxx, siyxhak itnii-aw, inx jixiaur u qihue, qongw be suah.

Verbuw e qanxdanx bingliauu qiyr inx mair qongxue. Liw kyxlingg m qnaw siongsinr, uree ginxaw si byy qongxue ee kuanli ne! "ginxaw byy qimwqi" si byy sikiong dirr jitt jiongw qadingg ee.

Derr zi jiongw, quwjai inx kir qongw, duarlangg qinvunw byy beh tniax. Ginxaw si qaqi qongw hro qaqi tniax nia, byy, dyrr si ham' kongkir decc qongw, ham' duarlangg uanjuann byy hordong quanhe.

Derr snax, qew decc tniax, simx dng' byingg jurqiw ee su, samvutgorsii " hngr a" " hnar a" junw .quer .kir.

Derr sir jiongw, si suanxdigsingr ee tniax, verbuw narr qamxqag kacc iauwqinw:ee, liyc aw tniax.jit .xe, iong siongrr jiyw ee kuiwlat qingw quaw inx jurzin diongriaur :ee. bunrdee si dysywlangg suanw ee linglik m si hiacnirr aw hyw, hyw :ee laudiau .kir, baiw :ee kiyh .kiw .laii ee vixle jin' quann.

Siongrbew jit jiongw, dongzenn si iongrsimx tniax qniaw qongxue, jimjiok kir liauxqaiw ix qongw ee muixx jit qxur, muixx jit zri.

Derr go jiongw ee hongsid, verbuw rair huwcud ee jingsinn viww qitnax zinrhyy jit jiongw qex jin' je. togjiaw kyxlingg e gnorqaiw guaw ee iwgenr si siongrbew jitt xee hongsid, sursit m si; dairsingx, 5~6 huer ginxaw ee ue, je qaxx naxx niaux-aw xmngg, verbuw narr longxx beh tniax, dyrr byy siqanx jyr vadd hxang su lor. Qycc laii, jimjiog tniax su'iaur jin' je kuiwlat, verbuw e tiamw .siw. Inx qongw :ee, tongsiongg jin' byliauu, qui' zit tniax e jin' bybi. Siongrhyw ee vanrhuad si jitt go jiongw lam lehh iong.

SUANXDIGSINGR JIAPSIUX

Ursii qiyr ginxaw mair qongxue si u vit'iaur :ee, digvet si inx qongw be suah, kaksit e hro langg berdangr juansimx jyr rair jyr :ee, ursii inx diauqangx beh laii naurqaxcaw ee. 6 huer ginxaw qingsiongg si beh qongxue narnia, byy itding air langg tniax, inx qaqi qongw qaqi tniax marr jin' kuaiwlok. Mrqycc ursii, hibang beh qa'ngg cinqin, su'iaur verbuw tiux quaw siqanx tniax inx qongxue, inx jitt sii su'iaur :ee, si cinbidqamw, m si qau'ngua iwqenr, qandna' tniax dyrr e hro inx buanxjiog ar. Sursidsiong, qniaw erdangr liauxqaiw ham' verbuw horsiong ee iuhir quijig. Inx qandna' qidai jin' jiyxvorhun erdangr inxkiw verbuw ee juwir qapp huanxingr. Jyr langg' verbuw kacc hogjap ee kangkuer ji' id, dyrr si dirr tniax ham' m tniax, cruw diyc lixsiongw ee uirdir, zuxx uaxqin qniaw air :ee, zuxx u dacsimx ee qamqag :ee. Ginxaw byy qangg lenlingg siqii, su'iaur ee qidai duer lecc qaixvenr, qivunw guanjig byy venr : verbuw ee quanhuaii, tniawtongrtniawtangr ee aiwsimx.

U jit xee 30 huer, jailingg jin' hyw ee juangiap zinsu, kiamwkuad jursinr inxkiw ee jiausimx, cue guaw dirliauu. Ix e .qir .did, ham' ix qangkuanw juangiap ee verbuw, jurlaii dy' byy guanrir tnix ix qongxue, narr u benxqiongw tniax .quaw, dy' hiamm dangx hiamm saix, qongw ix longxx qongw hiaxee go sir snax :ee, suecsueh liam nia. Hro ix siongrr tongwkow :ee, si dirr 22 huer. Ix jiurr jit xee jin' dua jing'gi ee debok, siaw jit pnix jin' dngg ee lunrbunn, jyr dairhak vitgiap singjig. Ho'ngg ylyw ee hyw miasniax, jin' huhap verbuw ee qidai. Ix dyrr qra jitt pnix bunn ee COPY lauu dirr cur nirr, itjair amwsi verbuw u ingg rair kir knuar, qetqyw inx lenrr henx .jit .xe dy' byy. Dirliauu qetanr sii, ix anne qongw," guaw qnaw qongw, jixiaur guaw didjiab iauqiuu, itding rair knuar guaw siaw ee lunrbunn, inx dyrr e jiauwjyr; guaw quikir qra inx qongw, linw tak guaw ee lunrbunn, qamxx hyw? Guaw beh air linw liauxqaiw guaw, himsiongw guaw ee susiongw." Anne qongw, qamxx m si guaw decc aiqiuu inx! 22 huer ar, rair qycc iauqiuu inx quansimx guaw, guaw jyr be qaur. Narr qongw aiqiuu jiacc u, hex byy qewdat.

Jimjiog tniax, juansimx juan'ir quanhuaii jit xee langg, dy' si air ee viauxhen. Iongrsimx jimjiog tniax, si jit jiongw ham'iongg, jiamrsii qra qywzinn ee singqenr ham' iogbang kngr jit vnix, jin juanlik texhue qongxuerjiaw ee luersimx sewqair ham' qamxsiu. Tniax :ee ham' qongw :ee qethap, sursidsiong dyrr si jurgnow kokciongx, vitzenn erdangr did .diyc sinx diwsig. Juwsinn tniax ee sii, tniax langg' qongxue :ee, juan'ir jiaplap duiwhongx, qonxue :ee marr e u huanxingr, simhingx dyrr e pah kacc kuix, qyckacc singkunw tanxvec, qra siongrr viwbit ee jidbin kaihongr hro tniax ee langg, sianghongx horsiong liauxqaiw, siy' tniawtangr, denxkuix air ee sianglangg bruw. Jex si rair iong jin' je jingsinn ee quewdingg, jixu air jyr kywsnuax, uirr duiqiuu qiongrdongg singdiongw, kokciongx jurgnow iwguan, jiacc erdangr dadsingg bogviaux.

JUANSIMX TNIAX SI AIR EE VIAUXHEN

Iongrsimx juwsinn tniax hitt xee langg qongxue si air ee viauxhen, huninx dyrr si jitt jiongw hingdong siongrr hyw ee viauxenw dniusow, kyxsiyh jin' je angbow m iongrsimx hyxhyw tniax duiwhongx qongxue. Simliw isingx hiabjo jiapsiu huninx dirliauu ee angbow , juxiaur ee qangjog ongxongw si qar inx horsiong tniax duiwhongx qongxue. Mrqycc jitt hxang kangkuer su'iaur huwcud kacc je ee jingsinn, rair junsiuw kacc giamqeh ee qiwlut, ciaucud inx ee iwguan, sitvai :ee jin' je.

Qenwgi inx horsiong qaudamm rair singx iog siqanx, inx qamxqag nacc e hiacnirr aw vutkyxsugi. Anne jyr sniu' jingwqingx, taiww byy longrban ar, marr jin' byy jurzenn. Inx jit sud aw dyrr byy liauxqaiw beh jinjniar jyr hyw jimjiog tniax ee kangkuer, dy' rair digvet vuaccud siqanx, anvaii sikhap ee diauqnia. Narr qongxx jit xee decc saixciax, juxvng, iacc si aiwkunr, dam'ue jin' iong'i sriu diyc qiauxcaw dng .kir, iacc si cinwcaiw qetsog. Jin' byy qanxdanx duw diyc singqongx uansingg :ee, gunw dy' e tniax diyc qidiongx jit xee jin' hnuahiw qongw, lanw qethunx 29 nii ar, qaur dnaxx jiacc bad liw. Gunw dyrr e kakding jitt xee huninx kaisiw cuthen singdiongw ee qihue.

Suibongw jimjiog tniax langg' qongxue ee linglik erdangr kyr lenrsip qaixsen, jongw .si rair loxlik :ee. Iusiur simliw isingx ee iauwqnia kyxlingg marr u jitt hxang. Guaw u huathen jurqiw dirr dirliauu quewdingg nirr e hunsimx, byy hyxhyw tniax vnerlangg qongxue. Simrjiww uanjuann m jaix ix decc qongw sniaw, jixhyw qa'ngg hue sitle, cniaw qycc qongw jit vxenr, guaw jidsii sitsinn byy zinrjinx tniax.

Cuwbi :ee si vnerlangg tongsiongg byy uanwgenn. Naxjunw inx vin' didqag liauxqaiw guaw erdangr huathen qaqi tniax lauwqaux .kir, viauxsi qitnax ee siqanx iongrsimx tniax, singzin hunsimx, naxcniu decc qra inx vyxjingr: linw qongw ee ue, dairvorhun u tniax .zip .kir. Jitt jiongw ho'ngg tniax .zip .kir ee qamxqag vunxsinx dyrr u haurqyw, byy hunx duarlangg, ginxaw, iokk sir hunx ji' id ee anwle, dirr cimxtauu quiw qywguec lai, iauxbue duiww jinjniar ee vnerjingr lyc iyc, vnerlangg ee bunrdee e qamxqag kacc kinx .kir. Guaw zinruii, jitt xee henrsiong juxiaur si vnerlangg je nii laii jiacc u langg zinrjinx tniax inx qongxue, marr jin' u kyxlingg si itsingx derr id vaiw ee qinggiam.

Suibongw "u langg' tniax" si quanhuaii juxiaur ee hongsid, qitnax ee hongsid dirr air ee quanhe nirr marr jin' diongriaur, duiww zi'dongg qyckacc si. ham' ginxaw jywhuew sngw: 2~3 huer ee iuwzii, ham' inx pah pok-aw, dyrr ciyr hairhai ar; 6 huer ginxaw, venr mosut, diywhii, amqogqex; 12 huer :ee, pah PINPONG, qongxqow, vruee inx jyr qongkyr…, knuar denrngiaw, kir qaugua qniaa qniaatiaur tiaur lehh, luxhingg, knuar iaxqiuu…dingxdingw. Ursii dansunn uirdiyhh ginxaw: dirr suapode qor 4 huer ginxaw, iacc si jiapsangr kir haghau. Zinrhyy quanhuaii ee hingsid u jit xee qiongrdongdiamw — iongrsimx tniax marr qangkuanw-- qra siqanx kaix dirr ginxaw sinsiong. Quanhuaii si linw beh dauwdin :ee siqanx, jingsinn he zuxx je, pinxjid dyrr zuxx quann.

Narr si unriong u qraur hyxser, ham' qniaxzii jywhuew ee siqanx, erdangr hro verbuw sngr be uann ee qihue quancad/liauxqaiw ginxaw. Inx zuhyy binrduir sitvai, anxjnuaw jyr qongkyr, hagsip ee jingsinn, qac'ir sniaw, byy air sniaxmic, iongxqamw/qniahniaa qycc si sniaxmic jongrhongw, u aiwsimx ee verbuw, jiaxee longxx si itding rair jaix :ee.

Jywhuew uahdang ee siqanx, si verbuw qar qniaw singuac qikiauw, hunwlen qiwlut ee hyw qihue, quancad qapp qauwiok marr si cittyy dirliauu ee qivunw guanjig, haurqyw jin' janw. Qinggiam je ee zi'dongg simlixjuanqax jin' gauu liriong ham' ginxaw sngw ee sii, jyr jinxduan qapp dirliauu.

SITLYC EE HONGHIAMW

Kokciongx jurgnow, si hro jurgnow zip kir jit xee juann sinx/cnehun ee lingxhik nirr, jit xee ham' ixjaw byy qangg ee jurgnow. Lanw jyr byy sigsai ee dairjir, kuanqingw si cnesox :ee, hongsid rair venwngua, binrduir soxu sinx :ee, simlai vut'anx/qniax/dachniah. Narr si jinsimx beh qaixvenr, jitt xee henrsiong itding u, iongxkir si byy hro qniahniaa hniacter kir, byy siamxpiah duer qniahniaa laii ee kunwqingw, soxx caixiong ee hingdong, mairhiongr birdix ee birlaii.

Narr qongxx liw u jyr lexvair ee sibquanr, kyxlingg e juwir jit xui luxsu, dagg lexvaiwzit e dirr jurhue gisid kaisiw jingg go hunjingx junxsii qaur, jre dirr qauwdngg aurbin vnix :a ee xui. Lexvair jit qetsog, ix byy sniax byy sueh jin' qinw suaw qaur mngg-vnix, iauxx be hur bogsux qniaa laii mngkauw ham' muixx jit xee pah jiyhox atciuw, ix dyrr jauw qaxx byy ngiaxjiah .kir .ar. liw narr u qraur vunxsu, cue qihue jiapqin, cniaw ix jurhue au jywhuew limx qavix, ix e jin' qinxdniux qra liw suecsia, bagsinn siamw duiww vnix:a, qongw ix iauxx u diongriaur ee iokhue, sui' suanx byy .kir. liw narr duer ix ee buexliux, sniu beh knuar dauwdew u sniaxkuanw ee iokhue, liw e huathen ix didjiab duarvo huac dngw kir cur, tongsiongg si KADEN dah diauu diauu ee sewqingx qonggu, jit zip mngg sui' sryw .kiw .laii, rair qaur xe lexvair jiacc qycc dirr qauwdngg cuthen.

Jinr jit vo quancad, kyxlingg liw e huathen ix dirr jit qingx dua qongsix luirsu paczi :ee qijann kangkuer,uanjuann jiapsiu jixling, jit diamw aw dy' be jyr dingdnaa, ingxuanw be huatviauw jurqiw ee sniurhuad, jiac diongdauwvng marr be likuix jerui, byy ving'iuw, qniaa lo dngw kir cur, vnuawlo e uad kir brew quaw jiahmic, zid'iong :ee.., beh qycc knuar diyc ix, rair qaur qecdngw qangx siongrvanx ee sii.

Vaiwlak ervox, ix kyxlingg jit xee langg kir knuar denrngiaw, u denrsi, byy denrue, cavutdyx byy puesinr. Narr u qihue ham' ix qongxue, ix knuar .kiw .laii vutjiw aw jigbok, ix e qongw ix air anne. Qamxx u cri qxauw/niaux qapp liw jywpnua? Liw mng. Ix e rinr qongxx, jaxjingg u jit jiah jin' qoxjuix ee qxauw, veh nii jingg quewsinx.kir, byy zimrhyy mic erdangr cuxdai ar.

Jitt xui luxsu si si'angg? Lanw byy der cue cud ix simlai vitbit, qanxdna' jaix ix jin itcer loxlik piacbenw morhiamw. Dirr jit xee quewdingg nirr, ix ee jurgnow m na byy qihue kokciongx, dendyww zuxx qiux zuxx ser, sog qaur qiongrbecc byy kuir. Ix m qnaw qra jingsinn quanwjur dirr zimrhyy surbut.

SNIWMIA EE VUNXJID DECC "VENR"

Guaw qongw .quer, jingsinn quanwjur m si air, mrqycc si air ee kixtaudiamw. Sunxsid ee honghiamw qapp qirjuat si duer 'he jingsinn lyc kir" laii :ee. sethuad uaxqin jit xee langg, dyrr si u "ix e likuix liw" ee honghiamw, hro liw qycc dywdngw kir jaxjingg jit xee langg qodnuax ee cuxqingw.

Air zimrhyy u sniwmia :ee, vutquanw si langg, dongrbut, huex/cauw, longxx e u sixbongg. Sinwzim zimrhyy langg, u kyxlingg hro liw siursiongx; uaxkyr zimrhyy langg, kyxlingg e hro liw sitbong. he jinsinn lyc.kir ee dairqer si tongwkow :ee. Narr qongxx quatsimx m morhiamw, byy air siurkow, diyh'air ui' sing'uac nirr tatdiau jin' je mic: juxluw, huninx, liongxsingr, iaxsimx, ving'iuxjingg, soxu gnoxcaiw, u iwgi ee sing'uac. hiongwgua huatdenw, duliauw tongwkow, marr u did .diyc ee kuaiwlok. Uanjingw ee zinsingx suibongw ciongbuanw tongwkow, liw narr byy air, ui'id erdangr hro liw suanw :ee, qandna' mair sing'uac.

Sniwmia ee vunxjid dyrr si qaixvenr, vutduan ee singdiongw ham' suetuer. Beh air sing'uac/singdongw, iarr si suanxdik qaixvenr qapp sixbongg ee kyxlingg. Tauu dnxua qongw ee hitt xee luxsu, hiacnirr aw qodnuax, sing'uahbin hiacc ec ee guan'inx, jin' kyxlingg si lensuar sixbongg ee qinggiam, quatsimx byy air qycc jiapciog hitt jiongw tongwkow, jiurr anne laii hongwkir sing'uac, dypiah singdiongw qirjuat qaixvenr, quer diyc u tew byy hxunn ee zidjiw, itcer ee tiaujenr dongwjyr byy junjai.

Dypiah habhuad siurkow ee dongrqix, si soxu simlixvne ee guantauu. Dongzenn, duardysor simliw vnerlangg (dag'ee q.-qeqiamw-q. longxx u damrvyc aw sinqingjid kinghiongr, marr vauhamm jairlai), sniu beh cingcnew didjiab binrduir sixbongg, longxx u kunwlann. Ho'ngg sniu be qaur :ee, simliw dirliauu bunhenr marr jiacc duxx kaisiw genxtyw jitt xee henrsiong ee diongriauwsingr. Narr qongxx lanw erdangr jiapsiu sixbongg si lanw ingxuanw ee ving'iuw, dirr zinsingx lordoo nirr ham' lanw dauwdin qniaa, si ham' lanw qetbingg :ee, e qamxqag jit sud aw qniax, kiokk iaxx itdit teqiongx lanw diwhui ee kuanwkngr. Dirr sixbongg ee jixinw ha, lanw jiacc e qakcad zinsingx ham' air ee siqanx si hiacnirr aw iuxhan, ingwqaix hyxhyw jiangxag. Zuqyw lanw m guan binrduir sixbongg ee junjai, dyrr berdangr did diyc kexsi, sing'uac ham' air marr e venr qaxx byy byy-cing.-byy-cyw. Dysiamw banrsu banrbut ingxuanw decc qaixvenr ee vunxjid, dypiah sixbongg, gnoxcaiw zinsingx dyrr byy sig ar.

Zinsingx si morhiamw ee sing'uac, dauzip zuxx je ee air, guihiamw dyrr zuxx dua. Lanw itsingx ee honghiamw u cingx vaiw, bxan vaiw, cingban viaw.., siongrr duardiauu ee si singdiongw.

Singdiongw si qniaa cud donglenn, mairhiongr singlenn. sursidsiong, si iong hionglat hiongr jingg tiaur .cud .kir , m si qandna' huac jit vo narnia. Jin' je langg jidsiwlangg longxx byy jinjniar tiaur .quer .kir; jiaxee langg snex jyr singlenlangg ee mo'ngiu, simrjiww surgiap singqongx, mrqycc duardysor :ee qaur siw, simliw siong iuguann iauxx si ginxaw, m bad tuatlii verbuw ee ingxhiongw, simliw itdit byy doglip.

DOGLIP EE IONGXKIR

Hyw zirun, guaw jap-go huer quer iauxx bue jap-lak huer sii, dyrr tiaur jit dua vo. hitt sii texhue .diyc singdiongw ee vunxjid, kansiab hiacc dua ee honghiamw, lauu liauw jin' cimx ee inwsiong, qaur dnaxx suxx guaw lanbong. Suibongw jex si guaw jurqag ee quatding, mrqycc dongsii m jaix anne hyrjyr singdiongw, qandna' jaix tiaur zip kir jit xee birdix ee sewqair.

Jap-snax huer, ham' a'hniax tak qangg qingx jiokk u miaa ee diongyc PHILLIPS DXETER ACADEMY, gunw druar soksiar. hex si qongzin bingcnex haghau, ui' jiax cutgiap :ee, jap :ee u qauw :ee tingwhyw zip kir Diongcundinn itliuu dairhak, ixau beh jniajyr siarhue lingxdy qaijann, si lriw soxx dongzenn ee, singqongx dua mngg si kuix hro jitt jiongw haglik vuewqingw :ee.

Guaw si jiacc hyw un, cutsir dirr verbuw hyxgiac ee qadingg nirr, inx hu e kiw "jnii brew .diyc siongrr hyw ee qauwiok", birlaii suiw dangdangx, anjuanqamw muaxmuaw. Bunrdee si ui' zip yc kaisiw, guaw dyrr ham' haghau be duiwdangg. Qaur jitmaw guaw iauxx byy liauxqaiw jnuaxngiu u jitt jiongw qamxqag? Laursux, dongyc, kywdingg, haglai qenwdiok, siarqaux sing'uac simjiww jingxqyy kuanqingw, naxcniu longxx byy hac guaw, byy huatdo sikingr. Itdit loxlik qaixjingr inx zinruii ee kuatdiamw, puewhap langg' ixqing' setqer ee birlaii nadoo, byy qitnax vanrhuad.

Nng dxangx quer, zuxx laii zuxx qamxqag sing'uac byy bi, byy iwgi, simsinn marr zuxx bun. Buew dxangx, guaw qandna' kunr, sniaxmic dairjir longxx byy air jyr, kunr hro simjingg siongrr vingjing. Jitmaw huesiongw kiw laii, guaw zinruii, dirr kunwbinn nirr amwiwsig ixqing' uirr birlaii beh tiaur .kiw .laii hitt jit dua vo jyr junxvi ar. Hitt nii ee cunqar dngw kir cur nirr, guaw dyrr suanvor "byy sniu beh dngw kir haghau ar." Vaxvah qongw, liw berdangr hongwkir oox, jex si jnii brew ee siongrr hyw ee qauwiok qihue. Qamxx qongxx liw byy bingvik vehvec hongwkir si sniaxmic ?

Guaw jaix hex si siongrr hyw ee haghau, mrqycc guaw byy air dngw .kir. Guaw dab.

Liw nacc byy sniu vanrhuad sikingr? Qycc jit vaiw? Qamxx m hyw? Verbuw jywhuew mng.

Guaw m jaix, guaw byy bingvik uirjnuaxngiu hiacnirr tyxiar. Sidjai zimxsiu be diauu ar. Guaw jin' cinwsimx huedab.

Qiwzenn anne, liw pacsngr anxjnuaxvan? Liw naxjunw byy qra qaqi ee birlaii dongwjyr jidhuesu, liw u sniaw qewue?

Guaw m jaix, guaw qandna' jaix byy air qycc dngw .kir .ar. Guaw vutjiw aw sitjir.

Verbuw inx jin' diyhqniax, cua guaw kir cue simliw isingx. Isingx qenwgi guaw druar ngi jit qywguec, qongw guaw jin' siaudimm, qycc hro guaw jit zit ee siqanx kyxlu qaix anxjnuaw jyr.

Hitt mee, guaw derr id vaiw sniu beh jursad. Qiwzenn isingx qongw guaw hiacc sitjir, druar jingsinn vnerngi jin' habliw. a'hniax tak qaxx hiacc hyxser, jnuaxngiu guaw berdangr? Guaw jaix sikingr byy hyw, longxx si guaw m driyc, qamxqag qaqi IQ qe, gong, m dat jit sxenw jnii, qyckacc camw :ee, si guaw zinruii guaw kixsiauw. Vaxvah qongw qaxx jin' driyc, vehvec hongwkir jiacc hyw qauwiok qihue ee langg itding si siauw :ee.

Dngw kir EXETER, dy' dngw kir anjuann/ jingwdongx/ virr siarhue zinrkyw/ kurvi qenwsetsingr ee itcer. Mrqycc ui' simqnuadew siongrr cimx tuann laii :ee, qongw hex m si guaw ee lo. Jendoo b.-bongbiauw-b./byy kakding/ byy anjuann/ byy langg' ylyw/ be anwsngw tihh. Suanw qniaa jitt diauu lo :ee, narr m si sindir sitsiongg ee, qamxx u langg beh siongsinr? Guaw sidjai jin' qniax.

Dirr jitt xee siongrr samwdam ee sii, duiww amwiwsig nirr puu cud jit qnrua zri, hex m si guaw ee sniax: zinsingx ui'id jniawqangw ee anjuanqamw, si laii jurr cionghunx hiangxsiu zinsingx nirr ee byy anjuann. Naxx sinn ee qywsi. Guaw ee hinguii qapp siarhue qongzin ee viaujunw byy hac, guaw naxx siauw :ee, mrqycc quatsimx beh jyr qaqi. Sniu qaur jiax, guaw jin' ansimx kir kunr. Derr zi zit, kir cue simliw isingx, qongw guaw ee quat'ir, beh druar ngi, byy air dngw kir EXETER. Tiaur zip birdix ee sewqair, guaw cinciuw jiangxag jurqiw ee miarun.

Singdiongw ee quewdingg tongsiongg jinwhingg jin' ban. Be jiyw vaiw si siyw vo tiaur, kyxviw qongxx, 8 huer ginxaw derr id vaiw kiaa kadahciax kir jngkax qamxaxdiamr brew mic, 16~7 huer derr id vaiw iokhue. Zuqyw liw narr byy zinruii jiaxee si honghiamw, liw itding be .qir .did hitt sii qinxdniux, jiausimx. Jit xee qenrkongx ee ginxaw, duxx kaisiw qax zip singlenn uahdang sii, hnuahiw qaxx simqnuax pog pog tiaur, marr itding u dunwdnex qniadniuu pihpic cuah ee simliw, hibang trer dngw kir anjuann ee dniusow, qewsiok jyr jit xee u langg' tangx uaxkyr ee sewhanr ginxaw.

SNIWMIA LAT

Qangkuanw, singlenlangg marr u "air qycc qniax" ee maudunw. huewsor zuxx je, zuxx byy guanrir vaixtuad ixqing' sigsai qapp sibquanr ee surbut. Guaw itdit cir iong byy qangg ee honghuad jyr dairjir, dyrr anne, itdit jicjiab .diyc hro qaqi jongwdai ee qihue. Guaw iaxx decc singdiongw, hiamm byy qraur qinw. Qokk jiongw siyw vo tiaur, ursii marr e ho'ngg sniu be qaur, tiaur .quer jiacc huathen si dua vo ee hiongtiaur. Likuix EXETER, henxsi hongwkir qauwiongw kuanqingw soxx knuar dang qui' tyr sing'uac bosid ham' qewdadquanx. jin' je langg itsingx byy jyr jiacc dua qaixvenr :ee, ongxongw marr jiurr anne, byy jniawqangw singdiongw. Inx ee guarviauw cniurr singlenlangg, simliw siong iaxx ilai verbuw, qewsingg dingw jit dai ee qewdat viaujunw, jyr su rair verbuw puejunw, jurlaii dyrr m qnaw jinjniar juxjnaiw jurqiw ee miarun, suibongw verbuw quewsinx .kir, jyr ee dairjir iarr si jiauww verbuw ee iwjir.

Itvnuax qongw dua quiboo ee hiongtiaur, dairvorhun si dirr cingcunqii, mrqycc zimrhyy lenlingg longxx kyxlingg huatsingx. Jit xui 35 huer, 3 xee qniaw ee maxmah, dongr be diauu quxnii laii angx ee dogvar, jurgnow diongsimx tongxjer ha, jiamrr tongwkow ee aplik, qakgno hro ix uaxkyr ee angx qapp huninx, sidjer siong ixqing' vakduat ix itcer sing'uac ee cuwbi. Uirdiyhh qaixvenr huninx soxu ee loxlik longxx sithau. Ix tecud siongrr dua ee iongxkir, byy quanw angx ee jixjig ham' cuwvnix ee puepingg, cancann lienn, uirr birlaii morhiamw, jidsiwlangg derr id vaiw jyr qaqi, qycc u 3 xee qniaw dauwdin ne!

Lingrgua, jit xui 52 huer ee kiwgiabqax, simjongrvne huatjog au, jin' cinwsimx. Hueqor jnemiaa-qiuli ee quewkir, qamxqag itcer longxx byy iwgi. Qingquer dngg siqanx ee jurgnow huanxsingw, guanlaii ix si jiokk quawir hitt xee juanrjer qycc air puepingg ee maxmah, uirdiyhh beh dadquar maxmah zimrkyw singqongx ee viaujunw, ix vniawmia jyr. Simtauu liac dnia, maxmah ee simir/ ithiongr jiahcing jin' huwju ee bow/qniaw huanxduir, longxx danr jit vnix, kir jngkax kuix jit xee juanbunn jingxsiux qoxdongw qaqu ee ser qingx dxiamr. Dirr zimrhyy lenlingg, cniurr anne doglip jurjuw ee qaixvenr e jin' tongwkow, su'iaur langg' byy ee iongxkir, jex siongsiongg si jiapsiu simliw dirliauu ee qetqyw. M si qongw simliw dirliauu erdangr qangwqe honghiamw, si simliw dirliauu erdangr teqiongx jicii ee ligliong, qig cud iongxkir.

Dauzip duiqiuu doglip ee morhiamw si jurair ee sidjenr, uirr beh kokciongx jurgnow, duigiuu jurgnow singdiongw ee iwguan, morhiamw ee iongxkir iaxx su'iaur qyckacc kuacbin ee qicow. Guaw jyr le laii qongw, verbuw jurr sewhanr hro guaw ee qamxqag, guaw siongsinr byy lun guaw anxjnuanw venr, be venr baiw kir. inx hro guaw jaix, liw si gunw tniawair :ee, liw jyr liw qaqi dyrr u qraur ar, jixiaur si liw, vutquanw liw jyr sniaw, gunw qangkuanw air liw. Verbuw ee tniawair jyrsingg ee anjuanqamw huanxinr dirr guaw ee jurair nirr, narr byy inx, guaw itding m qnaw suanxdik birdix ee jendoo; byy inx ee air, guaw e qamguan qra qywsingr draii byy .kir, jiauww inx anvaii ee bosid sing'uac.

Dng' jit xee langg erdangr tiaur zip kir birdix ee sewqair, huathuix ix qywzinn dog'iuw ee jailingg, iongxiuw uanjingw ee jurgnow qapp simliw ee doglip sii, jiacc erdangr juriuu mairjinr simlingg singdiongw qyckacc quann ee janbin, juriuu denxsi ix juewqyx qingxqair ee air. Jit xee langg kixqex-libgiap, narr si uirr buanxjiog vadd langg, iacc si jingxqyy siarhue ee qidai, dauu zip ee iwgi si siongrr qe :ee. juewqyx hingsid ee air vitding si juanzenn juriuu ee quatdik, m si jiauww lau quiqiw narnia.

DNE QNIAX SIW, VANGR QNIAX VUEX

Byy hunx jancur quann/ qe/ cimx/ cenw, dauzip longxx si jinair ee jiyhqix. Dauzip cimx berdangr vyxjingr qamxjingg quanhe ee huatdenw itding singqongx, jiwjiyw u jin' dua ee vangjan. Cimxx kaisiw cenw cenw aw, zuxx quw dauzip zuxx cimx, narr byy, qamxjingg quanhe e jiamrr jniajyr qamxjingg bunrdee, suacc snruar .kir, iacc si itdit jin' ziok/cer.

Iong guaw jyr le, qaur qniaa zip kir qethunx lexdngg, itdit jin' dinwjing, suar lyc kir jit vo jit vo hiongr jingg qniaa, suacc qinxdniux qaxx qui' singkux itdit cuah, uanjuann be .qir .did hunlew ee quewdingg cam' aurlaii huatsingx ee zimrhyy su. Hunlew au ee dauzip si angbow rair qra bxang-aw jxingg ee beluann juanxngua jyr jinair ee ligliong. Qangkuanw, cnia'ngiuw qniaxzii ee dauzip, hro gunw qniaa quer tuann hniuhuew ee singbut vunxlingg singsik, jniajyr jinjniar ee verbuw.

Dirr jinair jyr qicow ee qamxjingg quanhe, longxx u dauzip ee singhun. Jinsingg quanhuaii lingrgua jit xee langg ee simlingg singdiongw, dyrr e iwsig diyc iacc si didqag jaix, qandna' uicii quxdngg ee quanhe, jiacc erdangr singdiongw byy tingg. Ginxaw narr suisii damsimx e ho'ngg vangwsag iacc si birlaii bongbiauw lanliau, simliw ingxuanw byy kyxlingg hiongr singsik huatdenw. Angbow ji' qranx binrduir ilai/doglip, cauciongr/kuthok, juriuu/diongjingx…sii, narr berdangr kaksinr ciongdut be pywhai qivunw quanhe, dyrr jin' lann iong qenrjuann ee vanrhuad sunqiuu qaixquad.

Simliw sitdiauu si hro dauzip cud bunrdee ee juxiaur vnerinx. Zinqeh sitdiauu :ee ee dauzip longxx jin' cenw. Jinghongw narr si giamdiong, marr kyxlingg uanjuann byy huatdo dauzip. Jex byy itding si inx qniax dauzip duer laii ee honghiamw, si inx kyxlingg uanjuann m bad dauzip si sniaxmih mic. singdiongw ee donglenn, verbuw dyrr byy dauzip dirr inx ee sinsiong, itdit qaur duarhanr, dy' byy dauzip ee qinggiam. Duazip jitt ee surhang ciauquer inx lixqaiw ee huanruii.

Lingrgua jidbin, sinqingjid huanrjiaw tongsiongg erdangr liauxqaiw dauzip ee iwgi, mrqycc ongxongw qniahniaa hro inx sitkir hingdongrlik. Inx ee donglenn sidai, verbuw ee quanhuaii, vangjan inx qenwlip sianghongx dauzip quanhe. Mrqycc aurlaii jitt hxun cinjingg in'ui sixbongg, vangwsag iacc si qitnax guan'inx tingjiw .kir, hro ginxaw ee dauzip did be diyc huevyr, suacc venwjyr tongwkow ee okbang. Inx jurzenn dyrr qniax sinx ee dauzip, anne ee sionghunn jixu danw zid'au qenwlip hro inx buanxir ee dauzip quanhe jiacc e hehok.

Qongw .kiw .laii, "dauzip" si simliw dirliauu jin' diongriaur ee jiyhqix. Ursii guaw narr sniu diyc qycc beh jriab jit xee dngqii sinx vnerlangg ee dang dnar, dyrr jin' diyhqniax. Simliw isingx jongsu covo dirliauu kangkuer, ham' sinx vnerlangg qenwlip hyw quanhe sii, rair jinjniar ciongbuanw aiwsimx, cniurr verbuw jiauwqor qniaxzii, juansimx itir dauzip, duiww vnerlangg byy venr quanhuaii. Dirr dngqii dirliauu quewdingg nirr, suisii rair sriu diyc kyxgiam.

VUTANX EE LINGHUNN

27 huer ee Sux si jit xee lingxdam qinxsin ee luxsingr, qingquer jit dnxua jin' dew ee huninx au, laii guaw jiax. Jing'angx Mark dongr be diauu ix ee lingxqamw, likuix ix. Sux qongw, guaw jaix jurqiw lingxdam, vunxlaii sniu qongxx Mark erdangr hro guaw unluanw. Jex m si Mark ee bunrdee, guaw cam' zimrhyy langg jywhuew longxx byy hiangxsiu singr ee jubi. Qongw sit :ee, guaw marr byy sniu beh ui' singr did diyc cuwbi. Ursii zinruii rair qaixsen jitt xee bunrdee, guaw marr qidai u jit zit erdangr cniurr jingwsiongg langg qangkuanw iongxiuw jukuair ee huninx sing'uac ---jingwsiongg langg cavutdyx longxx erdangr hiangxsiu singr. Lingrgua, guaw kiokk qamxqag dnaxx guaw marr u qraur hyw ar, Mark itdit qongw rair vangr kacc lingrsangx lehh/ knuar kacc kuix lehh, qisit, setsuw guaw jyr e qaur, marr byy itding guanrir ne!

Dirliauu jinwhingg qaur derr snax guehzit sii, guaw qra Sux jixcud, dagg vaiw laii, dyrr iauxx bue jre lehh, jiwjiyw qra guaw qongw 2 vaiw loxlat, derr id vaiw dirr haurjinxsig qniwbin sii, derr 2 vaiw si ix qniaa .zip .laii vangrqongsig. Lew qau, u sniaw m hyw? Ix anne mng.

Byy m hyw, jixvutqyr byy vit'iaur. Liw ee viauxhen cniurr byy vaxag sriu langg huangingg ee langkeh. Guaw qongw.

Guaw vunxlaii dyrr si langkeh ar, jex si liw ee jinxsow!

Byy m driyc, mrqycc liw ixqingx hrur jnii ar, jitt dnxua siqanx, jitt xee kongqanx longxx si liw ee, liw u kuanli, liw m si langkeh, jitt qingx vangrqongsig, jitt qingx jinxsow, iauxx u, lanw jywhuew ee siqanx lai, longxx si liw ee, liw kaix jnii qra inx longxx brew ar, uirsniaw liw ee mic rair qra guaw suecsia?

Guaw byy siongsinr liw jinjniar e anne sniu! Sux jin' qniagii.

Liw itding zinruii guaw sui' suisii e qra liw qnuaxjauw lor, liw sniu qongxx kyxlingg u jit zit guaw e duiww liw qongw, Sux, liw ee vnerle sidjai u qraur byliauu, liw mair qycc laii ar, hibang liw itcer longxx sunrsu. Guaw sui' rinr.

Jex dyrr si guaw ee qamxqag, jurlaii guaw byy zinruii jurqiw u snaw kuanli, qyckacc by qa'ngg tyw kuanli. Liw ee iwsur si qongw liw berdangr qnuaw guaw jauw?

Oox, dongzenn erdangr, mrqycc guaw be anne jyr, byy sniu beh anne jyr, jex si uihuanw I'dig :ee. tniax guaw qongw, Sux, guaw jiapsiu cniurr liw anne dngqii vnerlangg sii, dyrr ixqingx duiww liw cam' liw ee vnerjingg jyr liauw singlok, jixiaur liw u su'iaur, guaw itdit e ham' liw habjog, byy lun 5 dxangx 10 nii, itdit qaur liw ee bunrdee qaixquad iacc si liw quatding tuewcud, quatdingrkuann uanjuann dirr liw ciuw nirr. Duhuix guaw sixbongg, narr byy, liw su'iaur guaw hogbu, juadduir be qirjuat liw.

Sux ee bunrdee byy lann liauxqaiw, dirliauu cimxx kaisiw, Mark dyrr qra guaw qongw, Sux ee maxmah rair hu siongrr dua ee jikzim, ix si itliuu ee kiwgiap / itliuu jongxqingliw zinjaii, m si hyw maxmah. Sux dyrr si uac dirr e hro maxmah kaiduu ee imngiaw ha, jingg qaur dnaxx,cur nirr dyrr byy anjuanqamw, maxmah duiww inx cniurr qowguann, Sux jixu jiauww dring hyw ee qidai dat qaur qokk hxang singsanw viaujunw, dirr cur nirr ee derui jiacc u vyxjiongr. Qiwzenn jurr sewhanr dirr cur nirr dyrr byy anjuanqamw, ham' guaw dauwdin, nacc u kyxlingg kinsangx?

Verbuw berdangr dauzip cinjuw quanhe soxx jyrsingg dngqii ee sionghai, qandna' kyr quiw qxur kauxtauu anuir ue si byy kyxlingg buah hyw sionghunn ee. dirliauu jinwhingg nii gua au, guaw ciangjai ham' Sux tyxlun diyc ix m bad dirr guaw binrjingg kaur ee henrsiong---jex si ix berdangr lingrsangx ee jit hxang jingwqur. U jit zit, ix duxx decc qongw ix ingxuanw teqyx qingxqag, honghuan vadd langg duar.laii ee jigbok ham' tongwkow, guaw caqag jixiaur qycc qex jit sud aw qoxle, ix dyrr e sui' hauw .cud .laii. guaw jyr liauw jit hxang gunw dirliauu quanhe vutjiw aw huanxsiongg ee dairjir, guaw cunciuw kinx kinx aw bongx ix ee taumox, kinser aw qongw, Sux jin' kyxlenn, Sux jin' kyxlenn. Guaw byy singqongx. Ix hionghiongg jre qaxx tringg ~ ~, bagjiux dax dax qongw, guaw jyr be qaur, guaw bersaiw kinsangx tihh.

Xe huee dirliauu sii, Sux zip laii vanrqongsig, byy jiauww quanwle dyw dirr dng'iw, ix vnuawje duiww guaw qongw, jitt vaiw lunn qaur liw qongw a.

Jex si snaw iwsur? Guaw mng.

Liw dyrr rair qra guaw qongw, guaw ee bunrdee cud dirr dyhh?

Guaw iauxx si byy liauxqaiw liw ee iwsur? Guaw quawgii mng.

Jex si lanw jueww au jit vaiw, liw rair duiww guaw ee vnerjingr jyr jit xee jongxqed, qycc rair qra guaw qongw, uirsniaxmic liw berdangr qycc qra guaw jyr dirliauu.

Guaw qinvunw byy bingvik liw ee ue.

Jitt vaiw ngua ix sax byy jangw. Ix qongw, dingw huee liw m si air guaw hauw? Liw itdit beh air guaw hauw hro liw knuar. Jingg vaiw liw jin vanrhuad jo guaw, guaw dyrr si hauw be cud .laii, liw itding byy air qycc qra guaw jyr dirliauu ar. Guaw jyr be qaur liw air guaw jyr :ee, qinaxzit ingwqaix si lanw siongrbuew jit jad ar.

Liw sniu qongxx guaw e hongwkir liw, si m si, Sux ?

Si ar, zimrhyy langg longxx e anne jyr.

M driyc, Sux, m si zimrhyy langg. Liw ee maxmah kyxlingg e, guaw m si linw maxmah, m si dag'ee longxx qapp linw maxmah qangkuanw. Liw m si guaw ee qowguann, liw laii jiax m si uirdiyhh jyr guaw beh liw jyr :ee. liw laii, si uirr liw jurqiw beh jyr ee su, zircniaw si liw qaqi suanw siqanx . Guaw kyxlingg e cuix .liw , mrqycc guaw byy kuanli qiongvig liw, liw air laii zuarr quw dyrr laii zuarr quw, longxx jairr liw :ee.

LING LING ? LINGW LINGW?

Ginxaw sii byy did diyc verbuw quanair tniawtangr :ee, singlenn au ongxongw e u "qiongjer vangwsag duiwhongx" ee jingwtauu, Inx ee iong jin' je byy gangg ee hingsid henr .cud .laii. Sux ee lingxqamw dyrr si hingsid ji' id. Suibongw Sux byy iwsig .diyc, ix ee lingxdam si hiongr lamsingr suanqyr : guaw jiacc be qra qaqi qaux hro linw, guaw jaix jaxban linw e qra guaw vangwsag. Jiurr Sux laii qongw, ix bersaiw he jingsinn dirr singr iacc si qitnax hongbin.., si quewkir ee qinggiam qra ix qongw, liw ee huwcud si did be diyc huevyr :ee, berdangr cniu ixjaw anne jyr.

Sux ham' jit xee langg zuxx cinqin, "guaw beh singx vangwsag liw" ee aplik zuxx dua. Dacdah jit nii taur, dagg lexvair 2 vaiw, Sux qongw ix byy huatdo hurdamx dagg lexvair Bixqimx 80 kox ee dirliauu huir, jurr lienn au, ciuxtauu itdit jin' ann, jiacqycc laii qandna' erdangr jit lexvair laii jit vaiw. An' henrsidbin kyxlu, jitt xee lixiuu jin' hyxciyr; guaw jaix Sux qewsingg jit vid go bxan ee ciuxbexjnii, qycc u jit hxun qowding ee qangjog, cutsir dirr jit xee hyxgiac ee qajok, qingjer qinvunw byy bunrdee.

Jingwsiongg jinghongw ha, guaw e qapp ix jingven, jixcud ix viw dairvorhun ee huanrjiaw qyckacc u linglik hurdamx jinxliauhuir, ix henxzenn kiwdoo iong jnii jyr jiawkauw, dypiah qapp guaw jiapqin. Guaw marr jaix, qewsingg uisanw duiww Sux ee iwgi m na jnii ziiw, jnii si be vuerhuanw ix ee, ingxuanw si ix :ee, si ix dirr jit xee juann byy dauzibqamw ee sewqair nirr siongrr dua ee vyxjiongr. Suibongw qar ix quawlii jidvorhun uisanw hrur guaw ee huiwiong, si hap jingliw :ee, guaw damsimx ix iauxx bue jyr hyw simliw junxvi, guaw narr qencii, kyxling ix dyrr jauw qaxx byy ngiaxjiah ar.

Qiwzenn ix qongw, dagg lexvair qandna' beh ciauu cud 50 kox, anwsngr laii jit vaiw, guaw dyrr anne qra qongw, "guaw guanrir qra huiwiong qangr lyc laii 25 kox jit vaiw, liw iauxx si erdangr laii 2 vaiw". Ix iong hitt jiongw kiongxhongg /huaigii qycc si hionghiw ee viauxjingg, qra guaw grinn, qongw, liw si jingwqingx qongw :ee? guaw damr tauu. Diamrjing jit sii aw quw, Sux bagsaiw qamm bagqnii qongw, "gunw daux huwju, hiax ee singlixlangg longxx qra guaw siux kacc quann ee qewsiaur, liw kiokk beh jetkaur hro guaw, quewkir byy langg anne duiwtai guaw".

Suar .lyc .laii ee jit nii lai, Sux itdit ham dirr si m si gunw beh qiongwdongg dauzip quanhe qewsiok huatdenw ee qunxqaw nirr, quixarr vaiw cir beh tewcud, dagg vaiw dyrr hro guaw lensuar 1~2 lexvair itdit qra kar denrue cam' puesinr ee kuanxkngr, jiacc dngw .laii.

Dirliauu decbecc(qiongrbecc) buanw 2 dxangx sii, gunw jin' byy qanxdanx erdangr kacc didjiab binrduir bunrdee. Guaw jaix Sux e siaw six, qra tyw beh knuar, ix singx qirjuat, aurlaii dap'ingr, kiokk lensuar quixarr lexvair qongw "be qir.did". guaw jixcud, liw m hro guaw knuar liw siaw ee six, ham' liw byy air hro Mark iacc si qitnax ee javox jiapqin liw, qisit si qangg jit huee su. Ix uirjnuaxngiu e qamxqag hro guaw knuar ix ee six si juanzenn ee dauzip? Ham' langg' hunhiangw singr singuac si luirsu juanzenn dauzip? Narr qongw guaw duiww ix ee six byy huanxinr, si m si dairviauw guaw vaitig ix? Si m si e ix siaw :ee byy qraur hyw suacc hro gunw ee vingiuw jxingg byy .kir? byy itding hunhiangw ix ee six, dendyww e hro gunw ee quanhe qyckacc hyw? Ix jnuaxngiu e qniax jitt jiongw quanhe ee qaixvenr?

Sux qaur derr 3 nii jiacc jiapsiu iongxiuw guaw ee dauzip singlok jitt hxang sursit, kaisiw "lingrsangx", ix morhiamw hro guaw knuar ix siaw ee six. E ham' guaw qunxsngxciyr /gong ~ aw ciyr/ ciyr qaxx jin' dua sniax. Gunw quewkir gne viangwviangr, jin' jingwsig ee quanhe, kaisiw juanxngua jyr cinced jurzenn qycc zukuair. Ix qongw, guaw jurlaii m jaix qapp langg' kinsangx aw jywhuew si jnuaxngiu, jex si guaw iuxsingx ixlaii derr it vaiw qamxqag u anjuanqamw.

Ix kyr ham' guaw jywhuew vue'iongw ee anjuanqamw, dauc dauc aw u linglik huatdenw qitnax zinjer quanhe. Jitmaw jaix singr m si dauzip ee singlok, si jurgnow ee viauxhen/ iuhir/ ciaucue/ hagsip/ kuaiwlok ee tingxsing, marr jaix narr ix duw diyc sitvai/siursiongx, guaw ee cniurr jit xee hyw maxmah qangkuanw, zinrjinx tniax ix qongw .cud .laii, ingxuanw ham' ix ee cinx maxmah byy qangg. Ix tingwhyw vangr singr naxx hongcuex juriuu-jurjai vuex .kiw .laii, lingxqamw byy .kir .ar, derr sir nii tingjiw dirliauu sii, si jit xee huadpuad/kaihongr/zedjingg ee luxsingr, cionghun kingxding zinjer quanhe.

SIMLINGG GOOGLE

"Dauu lyc jingsinn" ee dirliauu honghiamw, singx u "quatding" beh jyr :ee, jiacc laii si jurgnow tiaujenr qapp siurjingr ee honghiamw. Dirr derr id jnuix tyxlun qiwlut / jinliw sii, siongser suecbingg qaixvenr jit xee langg ee henrsidquanx/sewqaiwquanx ham' qamxjingg juanxngua ee kunwlann. Uirr itdit beh kokciongx jurgnow, kaihuad zinjer qauongw sinx ee janbin, qra air dongwjyr sing'uac ee hudsimx, qaixvenr si berdangr piacbenw ee.

Qniaa quer simlingg singdiongw ee quewdingg nirr, sisiongg e cuthen vit'iaur caixcuw qapp sewqaiwquanx dongsii diaujingw hingdong ee qihue. Jitt xee ham' quewkir uanjuann byy qangg ee hinguii, kyxlingg dairviauw jin' dua ee qywzinn morhiamw.

Kyxviw qongxx : Jit xee byy qaiww u dnaw qycc si dongsingwluann siauwlenn, derr id vaiw juxdong iaucniaw jaxbow ginxaw; jurlaii dyrr byy sinwzim zimrhyy langg :ee, derr id vaiw dyw dirr simliw hunsikjiaw ee vnercngg dingw; I'uaxsimx jin' dang ee qadingg juxhu duiww juanrjer ee angsair qongw, ixqing' cue diyc kangkuer beh kir qangjog ar, liw byy dong'ir marr byy iauwqinw, guaw beh quer qaqi ee sing'uac; 55 huer ee quaix qniaw qra maxmah qongw, cniaw liw mair qycc ing hitt xee iuwdir kyxciyr ngix :a sii qiyr guaw ee miaa ar; kikvok byy jxingg, qew qiongg ee jaxvox, derr id vaiw qongkaix dirr jingwlangg jingg lrauu bagsaiw; iacc si cniurr Sux hiacnirr kinsangx dirr guaw ee vangrqongsig hauw.

Jiaxee hingdong, longxx e duar laii viw vxingx siy' taii qyckacc ho'ngg damsimx diyhqniax ee qywzinn honghiamw. Vxingx-aw u cingr duw dirr aurbin, beh dyy byy der dyy. Duiqiuu singdiongw ee langg, kiokk erdangr jin' qanxdanx dngw kir quewkir, huehok sigsai qycc qowhan ee sing'uac hongsid.

Hueqor guaw jurqiw muixx jit xee singqongx ee anwle, longxx erdangr knuar cud qywanr nirr, guaw binrduir quatdik ee dngxjuanw diamw. Dirr quanqenr si'kig, dirliaujiaw singdamx tongwkow ee iwguan, si dirliauu ee qinvunw iauwsor, dng' vnerlangg texhue diyc jitt diamw, jitt ee hingdong dyrr e u haurqyw. Vnerlangg tauwquer jitt xee zinrdix, jaix guaw qamguan uirr ix siurkow, guaw ee singdamx did diyc jurgnow kokciongx, gunw 2 langg jywhuew drat qaur singdongw ham' qaixvenr.

Hyw qadniuw, hyw isingx ee qaksig huisiongg luirsu. Tniax qniaw qongxue, marr kansiap hamiongg ham' kokciongx, uirr qniaw qenrjuann ee suqiuu, lanw rair qaixvenr jurqiw. Simqamx-jingguan singdamx anne ee tongwkow ham' qaixvenr, lanw jiacc erdangr jniajyr qniaxzii jinjniar su'iaur ee verbuw, marr in'ui ginxaw vutduan ee singdiongw qaixvenr, lanw vitsu'iaur ham' inx jywhuew qaixvenr.

Jin' je verbuw dirr juxluw qaur cingcunqii ixjingg longxx sikingr jin' hyw, suar .lyc .laii dyrr cuthen bunrdee, jex si verbuw inx byy qycc jyr sikdongx ee qaixvenr, diaujingw simtair. U langg qra verbuw uirr qniaxzii soxx sriu ee kow ham' qaixvenr, knuawjyr jurgnow hisingx, sursit m si anne, siongrbuew verbuw did .diyc .ee, kyxlingg viw juxluw qyckacc je. Verbuw hiongr qniawzii hagsip, dyrr mrbenw huanlyw qapp sidai tuatjed. Jex si duiqiuu u iwgi ee buanxlenn siongrr hyw e qihue, kyxsiyh jin' je langg vehvec vangr quer jitt xee qihue.

CIONGDUT BYY CIONGVONG

Siongrbuew jit hxang, marr kyxlingg si siongrr giamdiong air ee honghiamw, si dngbin puepingg, didjiab qra duiwhongx qongw, liw m driyc ar, rair cniu guaw jiacc driyc, liw ingwqaix qaiw .quer .laii. Puepingg langg jin' iong'i, jyr langg' ee verbuw, angx, bow, cavutdyx dag'ee langg longxx qra puepingg langg' dongwjyr naxx decc jiac snax dxngr lehh, ongxongw si jidsii ciongvong, qamm diyc hunwno qapp vutbuanw, m na be kexhuad langg', dendyww qyckacc hunwluan.

Jinjniar u aiwsimx ee langg, si jin' byy qanxdanx puepingg langg' .ee, ham' langg' kiw ciongdut ee, ix jaix narr si anne, u kyxlingg jyrsingg ngorban ee inwsiong. Ham' soxx air ee langg ciongdut, naxx decc qongw, guaw ee dyrdig/diwsig quann liw jit qxib. Mrqycc jinsimx siongair :ee, itding e singzin duiwhongx si ham' qaqi byy qangg ee doglip qywtew. Dirr anne ee zindix ha, be suiven duiww simair :ee qongw, guaw driyc, liw m driyc, guaw viw liw kacc cingcyw anxjnuaw jyr duiww liw kacc hyw. Jongw .si henrsit sing'uac, ursii quanhuaii ee vongquanjiaw kaksit e viw dongrsurzinn knuar kacc cingcyw, dirr digsuu jongrhongw ha, jitt xee langg marr u kyxlingg u qyckacc quann ee dydig iacc si diwsig pnuawduanrlik, jitt sii, ix u girbu jixcud bunrdee ee qattauu. Liongxlann ee kunwqingr, rair jundiong soxx air :ee sing'uac doglip, iuxqycc rair sikdongx si'kig teqiongx air ee inxcua.

Jixu m qniax mahuann, suisii jurgnow hunsig, jiacc erdangr jo lanw tuatlii jitt jiongw kunwqingr, giamqeh qiamxtyw jurqiw ee " diwhui" si m si jinx ee u qewdat, qapp qaqi ee dongrqix. "guaw qamxx urngiaw knuar kacc cingcyw, iacc si qandna' hamhoo ee qaxsed? Guaw qamxx u jin' liauxqaiw guaw air :ee? u kyxlingg ix ee suanxdik si driyc :ee, si m si guaw jurqiw zinrbad iuxhan, jiacc e qamxqag ix suanw :ee byy qraur kiauw? Zinrding soxx air :ee su'iaur guaw ee inxdy, si m si guaw ee jursux-jurli?" narr si jinjniar iong air jyr cuthuatdiamw ee langg, ingwqaix sisiongg mng qaqi jiaxee bunrdee. Jurgnow huanxsingw ee vunxjid si kiamvix. Jap-sir sewqiw Inggok jit xee byy lauu miaa ee huesniu anne qongw, kiamvix si jinjniar ee jurdix ji' bingg, huannarr zinrcingx jurqiw ee langg, viauxhen .cud .laii ee itding huisiongg ee kiamhix.

Puepingg langg' ee hongsid, caixcuw duiwlip libdniuu u nng jiongw, jit jiongw si vin' didqag, siongsinr qaqi itding jingwkag byy gro, verbuw, angx/bow laursux, iacc si itvnualangg, zidsiongg sing'uac nirr, longxx caixiong jitt xee hongsid, qetqyw ongxongw diwsuw uanwhun, m si singdiongw. Iauxx qycc sanxsingx jin' je byy hac vunxir ee huwjokiong. lingrgua, si qingquer dingjinx ee jursingw, zinruii qaqi jin' kyxlingg si driyc ee. jitt xee su'iaur jinjniar ee jurgnow kokciongx, kacc jiyw duw .diyc, mrqycc singqongx qihue dua, guaw ee qinggiam qra guaw qongw, juadduir be sanxsingx pywhairsingr ee hiyrqyw.

QEW :EE BYY LIAU

Jin' je langg uirr mow quaw guan'inx, qra puepingg ee ciongdong gne ab .lyc .laii, itcer qaur jiax uijiw, inx bih dirr kiamvix ee imngiaw lai, m qnaw hingdong.

Guaw u jit xee jiongsinx dair siaudimm sinqingjid ee vnerlangg, vaxvah jyr bogsux, si siongrr hyw ee le. Vnerlangg ee maxmah singwde jin' baiw, sywsimx- huexqongg naxx vogqunx, pah angx hro jaxboxqniaw knuar, pah byy hingg ee. bogsux qycc krngr qongxx rair junsiuw Iasox ee qawsi, qra lingrgua jit vingg cuiwpuew sangr ho'ngg pah, vyxcii sunrjiongg kensingg ee taiwdo.

Guaw ee vnerlangg cimxx laii sii, duiww vaxvah kiamsunr qapp ciongbuanw aiwsimx ee viauxhen, huisiongg ee puewhok. Byy zuarr quw, ix dyrr qakgno.diyc, guanrlaii vaxvah si nngxjniaw, vaxvah ee siauqik naxx maxmah ee hnuaivar, hro ix did be diyc jingwsiongg verbuw ee qauwiongw. Vaxvah m bad uirdiyhh vyxho jaxboxqniaw huwcud zimrhyy loxlik, ix m guan qapp og sewlik duiwkongr. Suacc hro qniaxzii qra maxmah ee ciaujiongr, qew kiamsunr ee vaxvah dongwjyr bohuan.

Dirr rair kia .cud .laii, iong puepingg juiongw simlingg singdiongw ee sii byy hingdong, qapp byy qingquer jursingw ee puepingg kenxjig, qangkuanw si vakduat air. Jinsimx aiwho juxluw ee verbuw, rair suisii qinxsin, juxdong jixcud qniaxzii ee cywgno, marr suisii inxjunw ginxaw qongw cud verbuw ee m driyc. Angx bow ji' qranx, narr beh jiycjo huninx quanhe inxdy duiwhongx simlingg singdiongw, duiwlip dniubin marr berdangr byy, angx bow horsiong jniajyr siongrr hyw ee puepingjiaw, jiacc si singqongx ee huninx. Iuxjingg marr si anne. Tuantongw quanliam zinruii vingiuw byy ingwqaix u ciongdut, horsiong ylyw janwsniax jiacc uicii e quw. Jitt jiongw quanhe sidjai jin' cenxvyc, byy daddid jyr vingiuw. Qajair siarhue duiww iuxgi ee quanliam kaisiw venr kacc cimzip. Air jyr cuthuatdiamw ee puepingg, jiacc si singqongx, u iwgi ee zinjer quanhe siongrr diongriaur ee jidvorhun.

Duiwlip puepingg iarr si lingxdy /kuanlik ee viauxhen hongsid. Kuanlik ee viauxhen si kiwdoo qaixvenr langg/su ee huatdenw quewdingg. Duiww vadd langg duiwlip/ puepingg, bogdig si hibang qaixvenr jitt xee langg ee sing'uac, henxzenn iarr u qyckacc hyw ee honghuad cioksingg qaixvenr. Tecud qenwgi, liriong vixlun, sniuw/ huat, jitgii, qimwjiw/ puejunw, congwjy mow jiongw qinggiam dringw, jiaxee girdee dyrr jin' u qauwgiac siaw lingrgua jit vunw ceh. Siongrr diongriaur ee si huwcud air ee jitt vingg, dauzip qaixvenr rair u loxlik. Jixu dauzip jurgnow, jiacc erdangr iuxhau drat qaur juiongw duiwhongx simlingg singdiongw ee bogviaux.

Ciongbuanw aiwsimx ee verbuw rair singx qiamxtyw jurqiw / qewdadquanx, jiacc erdangr quatding sniaw si duiww juxluw siongrr hyw :ee. Qycc laii rair siongser kyxlu ginxaw ee qywsingr ham' linglik, dauwdew iong sniaw hongsid ingxhiongw, si siongrr qinw u jokiong :ee. narr qongw si duiwhongx berdangr jiapsiu :ee, suacc qapp ix duiwlip, qinvunw si liauw siqanx, qycc e jyrsingg huanxhaurqyw. Beh langg' tniax .zip .kir, dyrr rair iong langg' tniax bad :ee, iauqiuu marr rair duiwhongx vran e qaur ee huanruii lai. Uirr air, ingwqaix kokciongx jurqiw, qunqur soxx air :ee ee linglik diaujingw qau'ngua iwqenr ee hongsid ham' diauqnia.

Hingsuw air ee kuanlik su'iaur he jin' je kuiwlat, iarr kansiap be jiyw ee honghiamw. Bunrdee si air zuxx cimx, dyrr e zuxx kiamvix, decc jyr jit hxun qangjog sii, cangr dirr jitt lairbin ee ngorban dyrr zuxx m qnaw henwsinx. Vin' sniaw guaw ingxhiongw jit xee surqnia ee huatdenw? Guaw u sniaw kuanlik quatding, duiww qniaw/ bow/ qokqax, iacc si juann zinlui iuxli :ee si jiaxee? M si hiaxee? Qycc si sniaw hro guaw qencii guaw ee lixqaiw si jingwkag byy gro? U sniaw iongxkir qra qaqi ee iwguan qiongg dar dirr vadd langg ee sinsiong? Guaw jnuaxngiu qnaw vanrenw siongrder? Jiaxee longxx si honghiamw.

Dairvorhun ee verbuw, laursux ham' lingxsiur jyr quatding sii, vingrr byy kyxlu libdniuu ee bunrdee. Hingsuw kuanlik sii, byy kurvi air soxx iauqiuu uanjingw jurdix ji' bingg jyr aursnuax, byy tutcee si banrhing, sidjer siong jin' guihiamw. Jinjniar iong air jyr cuthuatdiamw ee langg, e juanlik sunqiuu jiaujngg ee diwhui, inx jaix vanrenw juandix-juanlingg ee giamdiongrsingr. Inx marr jaix, druu liauw diwhui, byy qitnax ee suanxdik.

Air vig lanw liauxqaiw vanrenw juanlingjiaw, kyxlingg ee itcer hiyrqyw, jitt jiongw zinrdix hro u aiwsimx ee langg berdangr byy qinxsin tihh, jin juanlik uanbiw dadsingg siongrder ee iwguan. Anne trua cud jit xee maudunw ee qetlun: jixu duiww air ee kiamvix nirr sanxsing iongxkir.

JINAIR EE CUNWCIYH

Qiwlut ee ligliong ui' air laii, air si iwguan. An' jiax tuilun, jurlut si air ee hingdong, zimrhyy jinsimx huwcud air:ee, hinguii qniadac longxx e jurlut, simrjiww soxu jinsingg air ee quanhe singlip, si qiwlut decc unrjog. Jinjniar air jit xee langg, hing'uii itding e u jamrjad, cioksingg duiwhongx simlingg singdiongw, drat qaur juewqyx qingwqair.

Guaw bad dirliauu quer jit duir siauwlenn, kiauxkir qycc u gersut kiwjid ee angbow, sir nii lai ee hun'inx sing'uac, cavutdyx dagg zit ruanx be tingg, simrjiww siag qaqu, siy' pah, horsiong jauxsux, vutsii caw beh hunkuix druar. Kaisiw dirliauu byy zuarr quw, inx jin' jingwkag huathen, dirliauu qaixsen inx ee jurlut, hro inx ee quanhe hiongr jniawbin huatdenw. Mrqycc inx qongw, liw vakduat gunw ee zedjingg, liw ee aiwjingg / huninquan nirr byy zedjingg singjunn ee kongqanx, sui' dyrr byy qewsiok ar. Snax nii au, tniax qongxx inx u cue .quer quixarr ee simliw isingx, hunwluan ee jongrhongw itdit byy qaixsen, qokk langg ee sing'uac qapp ixjaw siy' qangg. Anne ee sing'uac kyxlingg gorhuex-jabsig, naxx iuwdongg decc uerdoo lehh, jairr inx ee hnuahiw qac'ir qra sikdi cad dirr juaw dingw, ursii marr si jin' kip'inw langg', kiokk siu' danx .kir, ngua jyr REMBRANDT(1606-1669) ee sikjuiw, qngx/ ngiaw /amr dingdingg-tahtac, kongwjer qaxx hiacnirr duxhyw ee jokpinw, m na u sikcaiw, qycc u digsuu ee luerhamm. Zedjingg si qik cimkig ee qamxjingg. Longxx byy junxjad ee qamxjingg juadduir be viw u qiwlut :ee kacc cimx. Qoxjaxlangg qongw, cenw lrauu caw langg' hni. Qycc qongw, cimx txamm byy pyx. Jit xee cionghunx jiangxag jurqiw qamxjingg ee langg, juadduir berdangr qongw ix si byy zedjingg :ee.

QAMXJINGG LOJAII

Jit xee langg byy ingwqaix si qamxjingg ee lole, marr berdangr qra qamxjingg ab qaxx byy junjai ee kongqanx. Guaw sisiongg qra vnerlangg qongw, qamxjingg si langg ee lojaii, jurlut dyrr si cri lojaii ee gersut. Qamxjingg si uahlat ee guanjnuaa, jo lanw drat sxingg sing'uac ee qokk jiongw suqiuu. Inx ter lanw qangjog, lanw rair jundiong inx. Cri lole :ee ciangjai huan nng xee cywgo, duw hyw si tongxlingxsut ee qigtauu.

Derr id jiongw si, duiww lole uanjuann byy ioksog, byy bingkag ee jixsi, byy viauxbingg sa'ngw si tauqex, jid'err quw, lojaii naxx decc lojaii lehh, inx dyrr byy air jyr kangkuer ar, simrjiww jauw kir juxlangg druar ee cur lai , suijai inx bruw, juxlangg jiacc huathen ix qaqi jiacc si lojaii, cniu dingw dnxua hitt duir angbow sing'uac dirr hunluan nirr, inx si qamxjingg ee lojaii.

Ham' jit jiongw sna' duiwviw ee cywgo lingxdy hongsid, si juerokqamw cimx /dang ee sinqingjid huanrjiaw. Lolerjuw qik damsimx ix ee lole(qamxjingg) jyrhuanw, jixiaur u jit sud aw diaurtauu ee qamxqag, vutquanw snax cid zi-jap-it singx pah jit dxngr covaw, iacc si qyckacc giamle ee cuxhuat, suacc hro lole venr qaxx siauqig, singsanxliong qangr qe, higjiaw suisii hrau siqix huanxvenr. Jongw u jit zit, lolerjuw e huathen okbang sxingg jinx, lole qongjiamr ix ee cur. Jex si jit quaw jingsinvne qapp duardysor sinqingjid ee kixinx.

Cuxliw qamxjingg su'iaur siongdongx hogjap ee vnevang(vinghingg) qikiauw, vutduan jyr pnuawduanr qapp diaujingw. Lolerjuw rair jundiong lole (qamxjingg) , hro inx u hyw mic jiac, u soxjai tangx druar, iliauu jiauwqor, duiww inx ee sniax rair u huanxinr, qoxle inx, quansimx inx ee qenrkongx, dongsii rair qra inx jojid .kiw .laii, setding qaiwhan, ha bingrling, jixhuix inx, qauwdy inx, cingcyw hro inx jaix sa'ngw si tauqex. Anne jiacc si qenrjuann ee qiwlut.

Air ee qamxqag dyrr si rair iong jit jiongw hongsid ioksog ee qamxjingg. Taujingg qongw .quer, jex m si jinair, si juwzip jingsinn iuxquanx ee qamxqag, erdangr sanxsingx congwjy ee uahlat, daddid diwdiong ham' vueiongw. Mrqycc narr jairr ix cxir giagiaa, m na m si jinair, dyww jyrsingg hunwluan singsanxlik byy .kir. Jinair kanlenn diyc jurgnow kokciongx, rair dairliong ee kiwhed, langg ee jinglik byy kyxlingg anne air muixx jit xee langg. Lanw huanrser duiww juann zinlui huaipy air ee qamxqag, jitt xee qamxqag u qraur lat cua cud jiokgiac ee kiwhed, duiww jiyxsor digding ee duiwsiong viauxhen jinair, lanw u huatdo huwcud jinair ee linglik dyrr si anne narnia. Zuqyw gne beh ciauuat jinglik ee qighan, tamring linglik ixgua :ee, air ee kiwdoo dyrr e venwjid jniajyr ki'muaa, simrjiww sionghai vunxlaii sniu beh vangjan ee langg.

Narr qongxx lanw jin' hyw zirun hro jin' je langg air .diyc, lanw rair ui' hitt qui'ee nirr suanw jinjniar air :ee laii jiauwqor. Jex si tuii qongr tih ee suandik, simrjinww jin' qankow. Rair kyxlu ee insor jin' je, siongrr juxiaur :ee, jiapsiu ee duiwsiong erdangr did diyc simlingg singdiongw. Qokk langg u byy qangg ee jaijingg, jongw .si jin' je langg qra simx cangr dirr jenwqah nirr, zimrhyy juiongw inx simlingg ee loxlik juwdnia rair sitvai. Air jit xee byy huatdo an' liw ee air did diyc simlingg singdiongw :ee, cniu dirr hngde ia jiw, si jinglik ee longwhuir. Jinair qik dniquir, u jaidiau jinsimx air langg' :ee, dy' jaix qaix iong jurlut ciokjinr air ee singsanxlik.

LONGRBAN , DANW .JIT .XE NE!

Sna' duiwviw jin' je langg erdangr dongsii air jit xee ixsiong ee langg, dongsii ihe sxor xee ixx jinair cudhuad ee quanhuaii. Jitt hxang su u damrvyc aw bunrdee. Longrban ee air u jit xee besid, mow quaw langg zinruii inx snix .laii dyrr si tniqongveh jaw dyrr anvaii :ee, qapp zimrhyy qitnax ee langg by suwpuer. Aiwjingg quanhe (iuqii si singr quanhe) uanjuann byy iong'unw derr snax jiaw. Jitt xee sniurhuad, qiamxcaiw erdangr ciokjinr zinjer quanhe ee unxding ham' liaulu, hro dairvorhun :ee ixx jinair jyr qicow quanhe, qioghan dirr tauduir/qniawzii lai. Sursit jit xee langg narr jurzin jyr qaur jitt ee tingdo, zinsingx singjiu dyrr u itvnuax juixjunw ar. Vutduan duiww qadingg ixgua sunqiuu air ee quanhe si jin' viaix :ee. jinair siongrr diongriaur ee jit hxang girbu si duiww jurqiw ee angx/bow ham' juxluw hurjig.

U quaw langg dirr qadingg nirr singqongx qenwlip jinair ee quanhe au, iauxx u cionghunx air ee linglik, duiww jitt jiongw langg laii qongw, id duiww id m na hiqew, qycc si byy vit'iaur ee hanrjer, hro inx byy qihue dirr qadingg ixgua hongrhenr ee qihue. Kikhok jitt xee jewhan m si byy kyxling, diauqnia si su'iaur qiongdua ee jurlut jiacc u huatdo dirr kokciongx jurgnow ee quewdingg nirr, be qra jurgnow ciongx vyc kir. Siaw THE NEW MORALITY jitt vunw ceh ee Sinhagqax JOSEPH FLETCHER u jit vaiw qapp guaw ee ving'iuw dramm .diyc jitt xee bunrdee qongw, juriuu ee air si lixsiongw, kyxsiyh jin' jiyw langg erdangr drat qaur. Ix ee iwsur si qongw, u ciongjiog ee jurlut, dongsii dirr qadingg lai/gua uicii jinair qicow ee qenwsetsingr quanhe si jin' yh jyr qaur :ee. Juriuu/ jurlut sna' hucii draur kansingg: byy jinair ee qiwlut, juriuu dyrr m jniangiu, dyww duar laii huixbet.

U langg qamxqag guaw sniu' qiongdiau qiwlut, guaw juxdniux ee sing'uac hongsid taiww giamqeh. Vutduan ee Jurlut! Jursingw! Girbu, jikzim Bersaiw byy! naxx Cringx qauwdoo! Bylun zuhyy, jingair ham' qiwlut si duiqiuu zinsingx hixlok ui'id ee lorqingr. Dirr qitnax ee dyrlo dingw qiamxcaiw cue e diyc jiamrsii ee huanlok, jin' qinw dyrr e venr qaxx ho'ngg sax byy.

Jinair nirr, jurgnow e vutduan kokciongx, singdiongw byy hiyh, air zuxx cimx zuxx quxdngg, jurgnow dyrr zuxx dua. Jinair e vutduan qra jurgnow ngua sinx :ee, zuxx ju'iongw duiwhongx ee simlingg sindiongw, jurqiw ee simlingg marr zuxx did diyc ju'iongw qapp singdiongw. Muixx jit xee langg longxx si jursu qywtew, uirr vadd langg jyr ee itcer, qisit dyrr si uirr qaqi. Langg dirr air nirr singdiongw, hixlok duer lecc singdiongw, zuxx laii zuxx jincet, zuxx laii zuxx qiuxuanw. Jyr jit xee kuaiwlok ee langg, LOVE IS EVERYWHERE jitt der quax anne qongw: Guaw jaix zinqanx siwqer u air, cniaw liw hongwsimx jniajyr liw qaqi, guaw siongsinr zinsingx uanbiw, lanw jywhuew qazip jitt dniuu iuhir.

Ju'iongw vadd langg simlingg singdiongw ee hingdong vunxsinx dyrr u ju'iongw jurqiw ee haurqyw, mrqycc jinair ee digdingx si langg' guaw ji' qranx ee kuhunx guanjai. Huwcud jinair ee langg ingxuanw e qra soxx air :ee zinrjyr uanjuann doglip ee qywtew, jundiong qapp qoxle duiwhongx ee doglip. Jin' je langg jyr be qaur, suacc sanxsingx simlixvne ham' qokk jiongw vunxlaii byy vit'iaur ee qankow .

VYXLIUU KANGPANG JIACC U KONGQANGX

Byy diwdiong langg' ee doglibsingr siongrr qigtauu ee le si beluann jurqiw –jurluann. Binghenw jurluann :ee, byy huatdo lixqaiw inx ee juxluw, tauduir qapp ving'iuw …u jurqiw ee jingsu. Guaw ham' jit xee jingsinn hunlet :ee verbuw huerdamm sii, derr id vaiw liauxqaiw jurluann si snix jyr sniaxkuanw. Lanw qiyr ix Sosam, dongsii 31 huer, an' 18 huer kiw, bad je vaiw kiwdoo jursad, cuxau 13 nii qniaa .quer qokk vnerngi qapp jingsinn liauiongxngi. Qajiar duw .diyc ee isingx jin' sewji jiauwqor, vnerjingg u kixkuir. Guaw jiapciuw hitt quiw qywguec, ix dauc duac aw yc erhiauw siongsinr langg', marr hunx e cingcuw dycc quaw langg dad diyc sinwlai, jiapsiu jurqiw si jingsinn hunlet ee sursit, vue'iongw binrduir vnerjingr ee qiwlut, jundiong qaqi, jiauwqor qaqi, byy beh uaxkyr langg'. Sosam jinwvo jin' qinw, guaw zinruii quer jit jam aw dyrr ersaiw cutngi, doglip sing'uac.

Dirr jitt sii, ham' ix ee verbuw qniwbin, 50 gua huer, qy'ngaw / huwzu ee angbow, guaw jin' hnuahiw qra inx suecbingg Sosam ee kixvong, logquanx knuawhuad ee guan'inx, suacc hro maxmah dua hauw. Kicox guaw sniu qongxx hex si kuaiwlok ee bagsaiw, mrqycc ix ee viaujingg henxzenn jin' visiongx, guaw jiacc qycc mng: jin' sitlew, guaw byy bingvik, qongw :ee, si hyw siausid, jnuaxngiu liw hauw ne?

Sniu diyc Sosam sriu ee kow, guaw dyrr lrauu bagsaiw. Maxmah anne rinr.

Guaw snahuanx-gnoxhog qra inx qaixsueh, Sosam kaksit sriu jin' je kow, ix marr yc jin' je, decbecc tuatlii koxhaiw ar, jiauww guaw ee pnuawduan, birlaii ix be ving langg' kacc sriu kow. Sursidsiong, ix qapp jingsinn hunlet duiwkongr nirr yc .diyc ee diwhui, erdangr hro ix ixau qiamw sriu jin' je kow. Maxmah iauxx si diam diam aw kauwceh.

Guaw qycc qongw, quer .kir 13 nii , liw itding ham' Sosam ee simliw isingx dramm .quer jin' je vaiw, siongsinr jitt vaiw si siongrr hyw jongrhongw :ee, liw m qramx ix sriu kow, jitmaw ingwqaix ter ix hnuahiw ar.

Maxmah bagsaiw lenr .lyc .laii, qongw, guaw qandna' sniu diyc Sosam ee zidjiw quer qaxx hiacc sinkow.

Sosam byy zimrhyy su tangx hro liw hnuahiw ?

Kyxlenn ee Sosam, jidsiwlangg decc sniurkow. Maxmah iuguann aisiongx.

JURLUANN

Guaw hionghiongg dngw jit xe tauu, jitt xee maxmah si ter jurqiw dih bagsaiw, m si uirr Sosam, ix uirr qaqi sriu ee kow decc siongsimx. Gunw decc qongw ee juxdee si Sosam, m si maxmah, ix jixhyw jiyh Sosam ee miaa, siautauw jurqiw. Vunxlaii m jaix maxmah jnuaxngiu anne jyr, sniu tongx dyrr jin' cingcow, maxmah qinvunw dyrr byy huatdo kuhunx qaqi iacc si Sosam. Maxmah zinruii ix qamqag :ee, Sosam longxx e qamxqag .diyc, Sosam jniajyr maxmah viauxdat ee qangqu. Ix m si qowir :ee, marr byy ok'ir, jingsursiong, ix jit sud aw dyrr byy qamxqag Sosam qapp ix byy qangg, Sosam dyrr si ix. Maxmah be qra Sosam (zimrhyy langg) dongwjyr iongxiuw doglip sniwmia ee qywtew. Dirr disingr jancur, ix jaix langg' ham' ix si byy qangg, mrqycc dirr qyckacc qivunw ee janbin, ix qinvunw byy qamxqag u vadd langg ee junjai. Ix ee simqnuadew, juann sewqair si ix, ix jitt xee langg dyrr si juann sewqair.

Aurlaii, guaw an' qinggiam nirr huathen, jingsinn hunledjingr huanrjiaw ee maxmah, ongxongw si giamdiong ee jurluann. M si qongw qniaw jingsinn hunlet, maxmah itding si jurluann, iacc si qongxx maxmah jurluann, ginxaw itding e jingsinn hunlet. Jingsinn hunledjingr vunxsingx dyrr jin' hogjap, uituann/kuanqingw longxx u quanhe. Mrqycc lanw sniu e qaur :ee, maxmah jurluann duar hro Sosam dongnii zuarnirr cnegii, hunwluan. Narr erdangr cinsinx quancad jurluann ee maxmah ham' juxluw jywhuew ee jinghingg, e kacc qanxdanx qaixpuar jitt xee bee.

Kyxviw qongxx, u jit zit evox, maxmah duxhyw jurgnow uanwtanr, kyxlenn qaqi ee sii, Sosam jin' hnuahiw denw ix ee bixsut singjig A hro maxmah knuar, maxmah kyxlingg e qongw, Sosam, qinw kir kunr tiongdaur, siongrkyr m hyw bruw qaxx jiacc tiamw, jitmaw ee qauwiok jewdo sidjai luan caucaux, qinvunw dyrr byy decc qor ginxaw. Qycc lingrgua jit zit, maxmah dng' hnuahiw ee sii, Sosam dirr haurciax dingw hro quixarr xee javox ginxaw kihu, dngw laii cur nirr naxx qongw naxx hauw, maxmah kiokk qongw, JOHN haurciax sraiw qaxx jin' hyxser, duiww linw jiaxee ginxaw c.-caxnau-n. jiokk u nairsingr ee, CHRISTMAS ee sii, liw ingwqaix sangr ix jit xee lexmic.

Jurluann :ee knuar vadd langg byy junjai, inx qra langg' dongwjyr jurgnow ee jidvohun, be ter langg sniu, byy huatdo texhue vadd langg qamxqag ee linglik. Narr si jyr verbow, duiww juxluw ee jingsu ongxongw berdangr u sikdongx ee huanxingr, byy huatdo zinrdix/kingxding qniaw ee qamxqag. Qniaw dirr jitt xee kuanqingw singlenn ixau, zinrdix , jiapsiu/cuxliw jurqiw ee qamxqag huatsingx giamdiong kunwlann, hex dyrr byy qiquair ar.

Dairdysor ee verbuw, kiamxcaiw m si cniu Sosam ee maxmah hiacc jurluann, q.-qeqiamw-q. knuawkinx juxluw ee digiuxsingr, si benxvutliauw :ee. Verbuw e qongw, u hitt jiongw vaa dyrr u hitt jiongw qniaw, qycc qongw, liw ham' linw a'jig jit xee ngiu. Tniax .kiw .laii ginxaw qandna' si uituann qi'inx ee hogjewpinw ziiw, nacc e m jaix 2 xee langg qi'inx ee sinx johap, itding e jyr cud qapp verbuw iacc si zimrhyy joxsenx uanjuann byy qangg ee sinx sniwmia? Air unrdong ee vaxvah vig air knuar ceh ee qniaw kir tad kaqiuu. Qui' zit air knuar ceh ee vaxvah qiongg qiyr hitt xee jre be diauu ee qniaw rair tagceh. Anne qex hro xe jit dai byy vit'iaur eejuerqyr qapp bebongg narnia.

Jit xee jiongqunx huzinn duiww 17 huer ee jaboxqniaw qaucquah qiyr, Sali ar, liw jid'err dngw laii, dyrr qnuaix dirr vangqingx siaw hiaxee u :ee byy :ee ee six. Isingx ar, ix si u qraur vnertair :ee, m kingw kir PARTY, guaw huanlyw ix u vne ne! ham' Sali dramm .quer, guaw zinruii ix si jit xee huadpuad, jin' e ho'ngg tniawsiyh ee ginxaw, singjig hyw, lang'enn hyw, uanjuann byy bunrdee, dendyww si ix ee verbuw rair vangr kacc kinsangx lehh, m hyw gne beh Sali ham' inx qangg. Inx narr si beh air isingx qongw Sali ee doglip/u qywsingr si vnertair :ee, cniaw inx kir cue vadd langg lor.

DOGLIP EE QYWTEW

Cincunqii ee ginxaw uanwtanr inx sriu ee quanxqar m si jniawqangw ee quanhuaii, si qniax vairhai dyic verbuw ee miasniax. Quiw nii jingg jit xee siaulenn :ee qongw, gunw verbuw qui' zit quanw guaw ee taujangx, qongw be cud dngg taumngg u sniaw m hyw, jixvutqyr byy air langg knuar inx ee qniaw lauu dngg taujangx, inx qinvunw byy juwdiong guaw, qandna' qniax langg duiww inx baiw inwsiong. Siaulenn ginxaw jitt jiongw uanwgenn ongxongw si jinx :ee. verbuw berdangr texhue qniawzii doglip ee zinqeh, knuar qniaw si inx jurgnow ee jidvorhun, ham' inx cing quir somrsom ee snxax, siujenw jingxjee ee cauxvox, crid qaxx qimx sicsih ee ciax…, longxx si dairviauw inx ee siarhue derui. Sizinn KHALIL GIBRANK (1883-1931) damlun verbuw qar qniaw ee six, duiww verbuw jurluann jingqad ee poxpenr junjai, u jin' cimzip ee puepingg ham' qenwqaiw, hingsitsiong qamxqag kacc unhyy, iuguann qamxsiu .diyc jurluann ee pywhairlik:

Liw ee qniaxzii m si liw :ee,

inx si zedjingg sniwmia ee qniaxzii

inx qnadna' qingiuu liw laii cutsir narnia.

dirr liw vnix :a, kiokk byy sriok liw :ee,

liw hro inx air, m si liw ee susiongw,

inx u jurqiw ee susiongw.

Amho inx ee sinkux, m si inx ee linghunn,

Inx ee linghun druar dirr liw bang be diyc ee bin'axjair.

Liw rair hiongr inx yc, m si qar inx cniu liw.

Sniwmia be tewau, marr byy liulenn jahngx.

Liw si qringx, juxluw si liw sria cud uac lingxlingw ee jnxir.

Siarjnir :ee knuar duiww hng ~ ~ ee jniwvar, IX e hro liw lat giuw qaxx kuix ~ ~ , hro jnxir sria qaxx qinw qycc hng.

Siarjnir ee langg ar, hnuahiw jyr liw ee qangjog or!

IX air jnxir e vuex .kiw .laii, marr air qringx jai ~ ~.

Itvnualangg naxjunxx jin' yh cionghunx jiapsiu qaqi sinvnix langg ee doglip, jex m na duiww inx verbuw zimrbu, iacc vauhamm huninx lai soxu cinbit quanhe, longxx jyrsingg kunwziauw. Byy zuarr quw ixjingg, guaw dirr jit dniuu huninx tuantew dirliauu nirr, tniax diyc jit xee singguann qongw, bow ee "bogdig ham' qonglingg" si jingxliw qabu, juxvng hro ix jiac. Jitt jiongw qongzenn lamsingr sabunn juxgi hro guaw jin' diyhqniax. Guaw sniu qongxx hro qitnax singguann huatviauw inx qokk langg ee knuawhuad, qiamxcaiw erdangr hro ix texhue diyc cyxgno ee quanliam.

Hro guaw qyckacc iwgua :ee, qingwzenn u lingrgua 6 xee, lamluw longxx u, cavutdyx siy' qangg ee dingrgi, ixx jurqiw jyr diongsimx qaiwding angx /bow ee junjai qewdat, uanjuann byy kyxlu duiwhongx si doglip qywtew, u huninx iauxx u jurqiw ee miarun. Bogquair linw ee huninx cud bunrdee, linw rair singx zinrcingx jurqiw doglip ee miarun, qycc rair zinrjinx duisunn, narr byy, bunrdee e qewsiok junjai. Guaw jin' suncuir dyrr qongw .cud .laii. tuantew nirr m na u langg qamxqag guaw sniu' giamqeh, qycc jin' be liauxqaiw. Inx jitgii guaw ee quandiamw, LILI ee bogdig qapp qonglingg si jin ix ee linglik singdiongw, uirr ix jurqiw qapp ingqngx siongrder, m si uirr guaw qywzinn lirig. Inx byy huatdo sui' lixqaiw jitt jiongw qaiwliam.

Dirr cinbit quanhe nirr vyxcii doglip ee bunrdee, jurr qxow itdit kunwziauw zinlui. jingwdi buxdaii dingw did diyc ee juwdiong ciauquer huninx quanhe nirr je je. Kyxviw qongxx, vachunvah qiongrsanw juxgi ee tethagquanx, ham' dingw dnxua qongw ee huninquanx si luirsu :ee, ngua jit qxur ue qongw, qywzinn junjai ee bogdig qapp qonglingg dna' uirr qadingg/tuantew iacc si siarhue hogbu. Qywzinn rair uirr tuantew hisingx, jit xee langg ee miarun byy daddid tec cud laii qongw. Siongduir :ee, juvunw juxgi qiongdiau qywzinn, setsuw rair hisingx qadingg/ tuantew/ siarhue, si dongzenn :ee. qozii/ jiuxqnuaw :ee byy vng tangx jiac marr berdangr gai .diyc qywzinn lirig, kiwgiabqax jiauwsiongg hiangxsiu jnimiaa-duadli ee singqyw. Zimrhyy sukyw dingxjinx ee langg longxx jin' qanxdanx knuar .cud, jitt nng jiongw qigtauu ee ciuxdnua longxx byy huatdo qaixquad zinjer quanhe ee doglip bunrdee.

SIANGLANGG JIMXTAUU VREH QUANSNUAX

Qywzinn ee qenrkongx qapp siarhue ee qenrjuann si kir/ kuir siy' tangr :ee. huninx cniurr vecsnuax ee qingrau ngiade, beh singqongx itding rair qenwlip iuliongg ee janrau ngiade, anvaii hyxser viwhorsow qapp voxqib, ho'ngg hiyckunr ham' voxciongx ingiongw, junxvi vreh au jit liap snuax ee kuiwlat. Cutqiyh ee vecsnuajiaw jaix diuvi siqanx byy jiyw .quer sidjer vecsnuax :ee, inx ee singjunn rair knuar horuau ngiade si m si u qraur jai, nriuu u qraur vaxjiog.

Tuantongw lamsingr poxpenr binrlimm huninx ee bunrdee, si cud dirr qethunx au qandna' jaix vecsnuax, byy quanw aurngiaa (huninx). Inx sniu qongxx ngiade ingxuanw suwsi danw ix dngw laii, byy su'iaur ix ee iho. Jitt jiongw " juvunw juxgi sid" ee jokhongx jaxban e sitvai, ix dngw .laii ee sii, au ngiade ixqingx pahngx, bow m si duer langg jauw, kyxlingg jingsinn sitsiongg, iacc si qitnax hongsid suanqyr hongwkir jiauwqor ngiade ee qangjog. Qangkuanw, tuantongw luxsingr binrduir :ee, si hitt jiongw jid'err qethunx dyrr qamxqag zinsingx bogdig drat qaur. Ix qra aurngiaa dongwjyr snuabuexliux, uanjuann byy lixqaiw angx dirr huninx ji' gua ee singjiu qapp qinggiam, qycc e qra jiaxee knuawjyr decc ham' ix cniuw angx, ciongbuanw digir/ hunwno. Vutduan iauqiuu angx rair qra jingsinn dauzip dirr qadingg lai. jex ham' "qiongrsanw juxgi sid" ee qaixquad honganr qangkuanw, hro huninx quanhe venr qaxx be cuanxkuir, vagkax-sokciuw. Angx narr si byy huatdo zimxsiu, sniu beh tuatjauw ee hongsid je je.

Hurluw qaixhongr unrdong jixcud jit diauu siongrr lixsiongw ee huninx dyrlo: qenwlip hunqangx-habjog ee jewdo, su'iaur sna' hongrhenr ham' quanhuaii, dauzip siqanx qapp jingsinn, junjai ee qivunw bogviaux si ju'iongw qokk singguann, mairhiongr siongrr quann ee snuabuexliux. Byy hunx lamluw sianghongx longxx rair jiauwqor ngiade, longxx rair duiqiuu jinwvo.

Bixqog jaxqii luxsizinn ANNE BRADSTREET (1612-1672) dramm .diyc inx angx ee jit qxur ue, hro siaulenn sii ee guaw jin' qamxdong: nng tew hap id, byy langg ngiaa quer gunw. Singlenn au, jiamrr liauxqaiw, sianghongx ee doglip jiacc e honghur huninx sing'uac. Qniax qodnuax qethunx, si be u uixdai ee huninx. jinjniar ee air m na jundiong horsiong ee doglip, byy qniax hunlii iacc si sitlyc ee honghiamw, kik'ir vue'iongw doglip digjid. Kyr singqongx ee huninx higjiaw siarhue teqiongx ju'iongw, jiacc u kuiwlat singjiu diongrdua ee zinsingx lordingg. Jinair ee "hisingx" uirr duiwhongx singdiongw soxx jyr ee itcer, duar laii jurgnow qangkuanw simrjiww kacc dua ee singdiongw. Doglip vreh jnriu snuabuexliux ee qywzinn hingdong, huevyr juiongw ix ee huninx/ siarhue cua cud ee singdiongw, horsiong ee cutlat, tesingx qaur sinx ee jancur. Huninx/ siarhue ee singdiongw si jiacnirr bidced qaujid jywhue, mrqycc singdiongw quewdingg ee qodnuax/ jigbok si benxvutliauw ee.

KHALIL GIBRANK (1883-1931) siaw ee "sendix (THE PROPHET)" dramm huninx , qongw cud jigbok ee diwhui:

Linw ee qethap rair vyxliuu kangpang,

Hro hongx dirr linw diongqanx tiauwbuw,

Siy' tniawtangr m hyw giaqee,

Hro air jniajyr linw nng hnua linghunn ee haixngiuu

Sianglangg ee aux-aw tinn hro dni, m hyw jywhuew limx jit aux

Hunhiongw linw ee pxangw, m hyw jiac qangg diauu.

Jywhuew cniuwquax tiauwbuw, iong'unw u qolangg sii,

sir henn kimm ee imgak, qokk henn junr cud inx jurqiw ee sniax

Qaux cud liw ee simx, m si ho'ngg vyxquanw

simx kngr dirr sniwmia nirr

Kia dauwdin, m hyw sniu' uaw,

Biyrtiau hunkuix kia

Cinglingciu / cingveh horsiong byy dirr ngxkax singdiongw

AIR EE LIAUDINGG

Guaw ixqingx be qir.did, 15 nii jingg zip laii simliw iliauu jitt xee hanggiap ee dongrqix si sniaw. Dongzenn guaw si sniu beh "vangjan" langg'. Qitnax iliauu lingxhik jo langg ee dingsu, ingwiong jit quaw guaw byy zinrdongg, iacc si qamxqag sniu' qihaisid ee qisut. Ham' langg qongxue viw jiax bongx hiax bongx kacc u iwsur, simlingg ee venwhuar viw bactew/vnerdok ee venwhuar kacc cuwbi. M jaix simliw isingx si anjnuaw jo langg, huanwsiongw inx e iong mosut, liamrjiur.., qibiaudik qaixkuix vnerlangg ee simqed. Guaw sniu beh jyr jitt jiongw venr mohuat :ee, kiokk sniu be qaur jitt xee qangjog ham' vnerlangg ee simlingg singdiongw iuxquanx, qyckacc byy sniu .diyc si ham' guaw jurqiw ee simlingg singdiongw u hiacc dua quanhe.

Sidsip ee jingg 10 qywguec, hurjig jiauwqor vnerhongw giamdiong duawngi :ee, inx beh air ee si iyhbut, denrliauu qapp horliw knuawqor, guaw yc erhiauw iong tuantongw gixgenn andah qapp hordong qi'kiauw, qingquer jitt xee qaidnua, kaisiw knuar derr id xee mngjinw dngqii simliw huanrjiaw. Lanw qiyr ix MASIA.

MASIA dagg lexvair laii 3 vaiw. Hex si jit dniuu qankow ee hunwdaur. Ix m kingw qongw zimrhyy guaw iauqiuu :ee, m kingw jiauww guaw ee hongsid dramm, u sii jit qxur ue dyrr m qongw. Gunw ee qewdadquanx lamm cax vag, qingquer jenwdaur, ix q.- qeqiamw-q. jyr quaw diaujingw, guaw marr qaixvenr quaw. Vutquanw guaw qra ceh nirr hiaxee qikiauw tak zuarnirr sik, longxx byy huatdo hro MASIA u zimrhyy jinwdenw. Jurr kaisiw laii ixau, ovec ham' langg' qauongw, cimxtauu quixarr qywguec, vutduan qra guanw qongw ix qokk jiongw lokqyr-sokqyr ee "pnaiw hinguii". Nii gua quer, qongxue diongx hionghiongg mng guaw, "liw zinruii guaw byy iyc rix hno?"

Guaw qikiauxdik qra tuah siqanx ,mng qongxx: liw naxjunw sniu beh jaix guaw duiww liw ee knuawhuad.

Si ar, guaw duxx u jitt xee iwsur. Ix rinr.

Guaw rair anxjnuaw vran? Dycc jiongw sinqii ee gixgenn, qikiauw, taiwdo erdangr jan guaw? Guaw ersaiw mng, Liw uirsniaw sniu beh jaix? Iacc si liw sniu guaw duiww liw u sniaw knuawhuad? Higjiaw MASIA, gauw anxjnuaw knuar liw, jit diamw aw dyrr byy kangai, diongriaur ee si liw jnuaxngiu knuar qaqi. Guaw qionglet qamxqag jiaxee longxx si jiyckauw ziiw, MASIA jit nii laii, dagg lexvair 3 vaiw ee qiwlok, ix ingwqaix did diyc guaw singsit ee dap'anr.

Jitt hxang su byy jenle tangx camkyw. Byy jit xee laursux bad qar gunw anxjnuaw dngbin jin' jinsit qongw cud duiww jit xee langg ee knuawhuad. Guaw sriu ee qauwiok byy qenwgi anne ee hordong hongsid, hro guaw jin' u lixliuu zinruii anne si byy ho'ngg janwsingg ee hongsid, zimrhyy kyxkyr ee simliw isingx vutqaix ham zip jitt jiongw kunwqingw. Guaw qaix anxjnuaw jyr? Gauw ee simx pihpok tiaur, suanw jit diauu huisiongg guihiamw ee duiwcig. Guaw qongw, "MASIA, liw laii nii gua, lanw ee quanhe byy sngr vingsun, dairvorhun ee siqanx longxx decc duiwkongr, jiaxee ongxongw hro guaw qamxqag byliauu, qinxdniux/ hunwno. Suibongw si anne, liw iauxx si huisiongg ee loxlik, zimxsiu qokk jiongw vutven, jit vaiw qycc jit viaw.., jit lexvair.., jit qywguec qycc jit gywguec… dngw laii cue guaw, zuqyw liw m si jit xee quatsimx duiqiuu singdiongw, qaixsen jurqiw ee langg, itding jyr be qaur. Guaw juadduir be qra liw jiacnirr loxlik qriuu siongrjinr ee langg, qongw si byy iyc tangx rix. Guaw ee dap'anr "m si" , sursit guaw jamxzenn junqingr liw."

HIWQIOK ZINSINGX

MASIA jin' qinw dyrr ui' 10 gua xee aiwzinn nirr suanw jit xee, denxkuix u iwgi ee qauongw, inx qethunx, sing'uac jin' uanbuanw. Ix be qycc gorhuex-jabsig ovec cue langg'. Ix kaisiw dramm jurqiw ee iudiamw, byy iwgi ee kongwjingx byy .kir .ar, dirliauu ee qangjog tongtaur jukuair, jinwvo naxx decc vuex lehh. Guaw qniaa jit vo hiamxqii, sniu be qaur jniajyr viauxdat guaw duiww ix jniawbin quanqamw ee lorqingr, byy sionghai ix. Jitt vo m na u jin' hyw ee dirliauu haurqyw, marr si jingxqyy liaudingg ee dngxuatdiamw.

Jex dairviauw sniaw? Si m si singqongx ee simliw dirliaujiaw longxx rair tanxvec qra vnerlangg qongw quanqamw? Dongzenn m si. Dairsingx, dirliaujiaw dirr liaudingg nirr, an' tauu qaur buew rair jniasit duiwtai vnerlangg. Guaw vuerhok/ qac'ir MASIA uanjuann si jinsimx. Qycc laii, guaw duiww ix ee vuerhok/qac'ir, duiww MASIA u iwgi, jex si gunw siy' bad u jit dnxua siqanx, dirliauu marr vutjiw cimzip. Jitt xee dngxuatdiamw ham' guaw ee vuerhok/qac'ir byy didai, qapp gunw horsiong quanhe ee singwjid iuxquanx.

Dirliauu lingrgua jit xee vnerlangg hyrjyr HELEN ee sii, marr cuthen luirsu hiwqiok ee juanxnguardiamw. HELEN dagg lexvair laii nng vaiw, 9 qywguec ee dirliauu, jit sud aw dyrr byy jinwdenw, guaw duiww ix byy hyxqamw. Qingquer jiacc dngg ee siqanx, iuguann m bad jitt xee langg, sax byy dyhh cud bunrdee? Kaix quixarr mee ee siqanx genxqiur ix ee vnerle, did byy zimrhyy snuawsyh. Ui'id cingcyw ee si HELEN byy sinwzim guaw. Ix jin' jiuwcamr guaw byy quansimx ix, qandna' beh tanr ix ee jnii. U jit zit, dirliauu nirr anne qongw, "PECK isingx, liw berdangr siongxsiong guaw zuarnirr sitjir, liw jit sud aw dyrr byy quansimx guaw, byy qra guaw ee qamxqag dongrjyr jit huee su, qiyr guaw anxjnuaw ham' liw qongw e tongx?"

HELEN, lanw 2 xee naxjunw longxx jin' cinwsimx, guaw m jaix liw tniax liauw u sniaw qamxsiongw, liw si guaw jyr jitt dxoo 10 dangx laii siongrr hro guaw auwnauw ee qywanr. Guaw m bad ham' zimrhyy langg jicjiab jiacnirr quw iauxx qycc byy jinwdenw. Kyxlingg liw qamxqag guaw m si sikdongx ee zinsuanw, guaw m jaix. Guaw byy guanrir vnuawlo tingg lyc laii, liw kaksit hro guaw gi'gniaw, sidjai sniu be tongx lanw ee habjog cud liauw snaiw bunrdee?

HELEN ee bin puu cud jit xee kuaiwlok ee bunxciyr qongw," liw iauxx si quansimx guaw or?"

Sniaxmic? Guaw mng.

Liw narr byy quansimx guaw, dyrr be qamxqag siaudimm ar. Ix naxjunw qamxqag jex si jin' binghenw cingcyw ar.

Xe huee binrdamm sii, HELEN kaisiw qra quewkir byy air qongw, vehcat/amkamr :ee. l.-lauxsit-s. qongw .cud .laii. mrbenw jit lexvair, guaw dyrr liauxqaiw ix ee bunrdee, jyr cud jinxduan, qui'ue dirliauu jinwhingg ee honghiongr.

Qangkuanw, guaw ee huanxingr duiww HELEN u iwgi, uanjuann si guaw ham' ix ee quanhe qapp gunw qiongrdongg hunwdaur ee qiongdo. Jitmaw lanw erdangr quilap cud simliw dirliauu iuxhau ee qivunw iauwsor, m si " byy diauqnia ee qoxle", iacc si zimrhyy ee liamrjiur, qi'kiauw/ jutair, si langg ham' langg jiqanx ee dauzip qapp hunwdaur. Dirliaujiaw rair guanrir uirr vnerlangg ee singdiongw, endngg jurgnow, qniaa byy tewlo ee hiamxqii, huwcud jinjniar ee quanhuaii, qapp vnerlangg/ jurgnow jingdaur. Jongxqongw jit qxur, singqongx cimzip u iwgi ee simliw dirliauu nirr, air si qivunw iauwsor.

ISUX EE AIWSIMX

Dirr sehongx simliw juangiap ee ceh, dairdysor byy juwdiong air ee debak, sidjai jin' qiquair, Inwdorqaur ee dairsux suwsiongg(sisiongg) byy diuduu jixcud, air si inx ligliong ee guanjnuaa. Sehongx qandna' u quaw hunsig simliw dirliauu singqongx/sitvai guan'inx ee bunjniux, benxqiongw sngr qongxx tekiw air ee bunrdee, ongxongw qongw jin' cenw, singqongx ee dirliauu rair "cinced" "juwsinn texgiam" dringw digjid. Qivunw siong, lanw naxjunxx qamxqag air jitt xee debak ho'ngg gairgiyc, u quixarr xee quan'inx. Qidiong ji' id, si lanw bunhuar sisiongg qra jinair /longrban hunrluan.kir, qycc laii, si lanw penair lixsingr/qurtew, siongrr hyw erdangr cikliongg ee "kyhak i'iyc", simlixhak iarr si "kyhak i'iyc" ji' id. Siongduir air si tiusiong/ pnaiw cikliong/ciaucud lixsingr, uanjuann berdangr iong kyhak hunsig ee.

Simliw hunsig nirr, dirliaujiaw ingwqaix vyxcii ciauzenn libdniuu ee tuantongw quanliam, iarr jyrsingg virbenw dramm air ee guan'inx ji' id. Jitt diamw SIGMUNC FREUD(1856-1939) ee duisuijiaw viw FREUD vunxlangg qyckacc qiongdiau. Qinqur jitt hxang tuantongw, vnerlangg duiww isingx ee air longxx quilui jyr "qamxjingg juanxii", isingx duiww vnerlangg air ee qamxqag itlut qongxjyr "huanw-juanxii (countertransference)", 2 jiongw jinghingg longxx qongw byy jingwsiongg, qandna' jyrsingg bunrdee, berdangr qaixquad bunrdee, rair juanlik virbenw.

Jitt jiongw quandiamw jin' hyxciyr. jit xee vnerlangg, ix hogjiongg simliw dirliauu qiwlut, habjog, hagsip, an' dirliauu nirr hro juwqiw singdiongw, isingx duiww jitt jiongw vnerlangg huaipy aiwsimx, jit sud aw dyrr byy m driyc. Qaqiongsid simliw dirliauu dirr jin' je hongbin longxx knuawjyr cinjingg dirliauu ee quewdingg. Simliw dirliaujiaw air vnerlangg naxcniu jinrjid ee verbuw air qaqi ee juxluw lehh.

Dairdysor ee anwle, ginxaw dirr singdiongw qapp huatiok quewdingg nirr, kiamwkueh verbuw ee air, iacc si did diyc ee air u kuatsid inxkiw simlixvne. Dyrr anne, dirr simliw dirliauu quewdingg, dirliaujiaw henxzenn rair teqiongx vnerlangg jidvorhun virr vakduat ee air, jiacc e rix hyw vne. Narr qongxx simliw dirliaujiaw berdangr jinsimx air vnerlangg, dyrr byy kyxlingg sanxsingx jinjniar ee haurqyw. Bylun simliw isingx sriu quer zuarr hyw ee hunwlen, narr berdangr duiww vnerlangg ee air kokciongx jurgnow, dirliauu ee qetqyw vitzenn byy sniaxmic tangx qongw :ee.

AIR QAPP IOK

Air ham' singr u bidced ee quanhe, lanw duiww simliw isingx qapp vnerlangg ee singr quanhe puepuee aw tyxlun jit .xe. jitt xee debak bogjingg marr sriu muitew quanced. Simliw dirliauu u quanhe diyc air / cinbit ee vunxjid, vnerlangg ham' isingx sanxsingx qionglet ee singr kipinxlik si lann virbenw ee, jinr jit vo huatsingx ee kyxlingsingr jin' dua. Guaw zinruii donghangg :ee dua sniax me hiaxee ham' vnerlangg u singr quanhe ee simliw isingx, inx vunxsingx qiamxcaiw duiww jitt hongbin ee aplik u zuarnirr dua qinvunw byy jinjniar ee liauxqaiw. Qongw qyckacc cimx .jit .xe, narr qongw guaw qingquer qinxsin ee genpuar qapp kyxlu, huathen guaw vnerlangg ee simlingg singdiongw, rair kyr guaw ham' ix huatsingx singr quanhe jiacc sag e dindong, guaw jit sud aw dyrr byy diuduu, e suanw jitt diauu lo.

Mrqycc, guaw 15 dxangx ee jipgiap qinggiam, iauxx byy cuthen jitt jiongw anwle, zircniaw marr jin' kunwlann siongxsiong e u jitt jiongw jinghongw cuthen. Hyw ee isingx qivunw siong vnuarenw ee si hyw verbuw ee qaksig, hyw verbuw byy kyxlingg qapp qaqi ee qniaw huatsingx singr quanhe, lixiuu jin' binghenw. Verbuw ee jitjig si beh hro qniaw u loriong, m si liriong ginxaw buanxjiog qywzinn ee suiok. Hyw ee simliw dirliaujiaw rair hro qaqi duiww vnerlangg u loriong, m si duiww vnerlangg sinsiong buanxjiog jurqiw ee su'iaur. Verbuw qoxle ginxaw sunqiuu doglip, simliw dirliaujiaw marr ingwdongx anne. Dirliaujiaw narr qongxx uanjuann m si uirr buanxjiog suiok, simrjiww qongxx si uirdiyc qoxle vnerlangg doglip, jiacc qapp vnerlangg huatsingx singr quanhe, sidjai jin' pnaiw ho'ngg siongsinr.

Jin' je vnerlangg, iuqii si hiaxee u singr iuxquaiw kinghiongr :ee, longxx qra qapp verbuw ee quanhe juanxngua jyr singr uahdang, henxzenn joxgai inx ee juriuu qapp singdiongw. Henriuw ee lixlun ham' byy je ee jingwqur longxx qionglet jixcud, dirliaujiaw qapp jitt lui vnerlangg ee singr quanhe, qandna' e qaqiongg vnerlangg byy singsik ee ilairsimx. Dyrr si qongw, dirliaujiaw qapp vnerlangg "dramm luanair" narnia, iauxx be jinjniar huatdenw qaur bactew qaidnua , duiww vnerlangg si iuxhai-byli. Lanw qongw .quer, luanair sii jurgnow qaiwhan vangdyw, qywzinn jingwsiongg ee doglibqamw qiamw jiyw .kir.

Qapp vnerlangg luanair ee dirliaujiaw duiww vnerlangg ee su'iaur byy kyxlingg vyxcii kicquanx, marr byy huatdo kuhunx jurqiw iacc si vnerlangg ee su'iaur. Dyrr si air qaqi ee vnerlangg, dirliaujiaw jiacc byy iong'unw qaqi ham' vnerlangg luanair. Jinair iauqiuu jundiong virr air :ee doglip zinqeh, huaipy jinair ee dirliaujiaw singzin, vnerlangg ee zinsingx ligdingg ingwqaix ham' dirliaujiaw uercingx qaiwsnuar, jiapsiu jitt xee sursit. Dirr mow quaw dirliaujiaw knuar.laii, jex dairviauw inx ham' vnerlangg dirr dirliauu siqanx gua, uanjuann bersaiw jiapciog. Guaw jundiong inx ee libdniuu, mrqycc byy qamxqag rair jiacc giamgeh.

Suibongw guaw u jit vaiw qapp quewkir ee vnerlangg jiapciog, duiww ix sanxsingx vutliongg ee qinggiam, guaw marr bad ham' sxor xui quewkir ee vnerlangg siarqaux ongxlaii, qetqyw inx ham' guaw longxx qamxqag be baiw. Guaw marr jin' hyxun uirr quiw xee aw cinbit ee vingiuw jyr simliw hunsig singqongx ee qiwlok. Guaw zinruii dirr dirliauu siqanx gua ham' vnerlangg laiongw, qiamxcaiw qongxx dirliauu ixqingx singqongx , marr rair jin' qinxsin. Dirlaujiaw rair cimzip huanxsingw, anne jyr si m si buanxjiog qywzinn, byy qor vnerlangg lirhai ee hiamgii.

Guaw qiwzenn qnaw byy quanw tuantongw simliw dirliauu lixlun ee qimwqi, qra simliw dirliauu qaiwding jyr jit jiongw jinair ee lordingg, dendyww qongw, jinair si m si u simliw dirliauu ee haurqyw? Narr qongw, lanw jinsimx air jurqiw ee tauduir, verbuw, juxluw, vingiuw, uirr juiongw inx simlingg ee singdiongw, kokciongx jurgnow, si m si erdangr knuawjyr duiww inx jinwhingg simliw dirliauu? Guaw ee dap'anr: dongzenn si. Guaw narr huathen guaw ee bow, qniaxzii, verbuw, iacc si vingiuw ham zip huanwbet, jurkix, bydix …dringw ee kunwqingw, itding byy qe'ue, kokciongx jurgnow, jinrliong qaixsen inx ee jongrhongw, cniurr duiww huwjnii hro guaw ee vnerlangg qangkuanw iongrsimx.

Guaw m bad kiwdoo qra juangiap ham' sxux sing'uac, naxx ced siquex lehh jit dyx puawjyr nng vingg. Qamxx qongxx cur niir ee langg /vingiuw byy qapp guaw pah hab'iog, byy hur iliauu huiwiong, guaw dyrr rair vyxliuu juangiap hunwlen, diwsig ham' aiwsimx, m kingw qra inx dirliauu ? dongzenn m si anne, guaw narr byy vaxag muixx jit xee qihue, unriong guaw erhiauw ee muixx jit jiongw qikiauw, duiww guaw soxx air ee langg, juanlik teqiongx itcer ee vangjan, hro inx ee simlingg singdiongw, qamxx erdangr qongw si jit xee hyw vingiuw, hyw vaxvah, hyw angsair, hyw qniaxzii? Dongsii, guaw marr liaursiongw e qaur, inx qangkuanw uirr guaw jyr itcer.

Suibongw u sii ginxaw ee pinglun sniu' toxdit, tecud ee dionggenn byy qraur singsik, kiamr jiujir, iuguann hro guaw byy jiyw diamxcnew. Gunw bow hro guaw ee kexsi byy viw guaw hro ix :ee kacc jiyw. Vingiuw narr berdangr jinsit qongxcud inx duiww guaw byy qangg iwqenr/knuawhuad, laii viauxdat aiwsimx ee quanhuaii, guaw dyrr berdangr qra inx dongwjyr jinjniar ee vingiuw. Byy jiaxee langg ee vangjo, guaw itding byy singdiongw. Jinair qenwlip kiw laii soxu ee quanhe, longxx si horsiong jinwhingg simliw dirliauu ee quanhe.

SINVIR EE AIR

Air si sinvir :ee, qycc itdit ho'ngg byy juwdiong. Dnaxx lanw tecud ee bunrdee longxx u dap'anr, mrqycc iauxx u qitnax jin' je m si hiacc qanxdanx qaixdab :ee.

Kyxviw qongxx, jurlut qenwlip dirr air ee qicow dingw, si byy gibun :ee, air si ui' dyhh laii ? iauxx qycc byy dap'anr, dongsii, marr beh mng, jnuaxngiu kiamwhuat air? Lanw ixqingx jixcud simlixvne ee juxinx si kiamr air, air si simliw dirliauu ee iauwsor. Narr qongxx si anne, uirhyy u langg singdiongw dirr byy air ee kuanqingw, binrduir byqiongjin virr hutsi qapp voglik ee langg, iuguann ciauuat jurqiw ee donglenn, byy su'iaur simliw dirliauu teqiongx air ee jorlat, kiokk jniajyr qenrkongx singsig, simrjiww uanbiw byy kiamwdiamw ee langg? U ee langg ne? knuar .kiw .laii vnerjingg byy sniaw giamdiong, dirr siongrr u aiwsimx, jin' jingx ee isingx jiauwqor ha, duiww simliw dirliauu juann byy huanxingr? Jitt xee bunrdee, guaw e dirr criaux jurzenn qijig nirr tyxlun. Guaw ee loxlik berdangr hro zimrhyy langg (guaw jairlai) buanxir, qandna' hibang jerjiyw qeqiamw u damrvyc aw kexhuad jokiong.

Guaw qongw .quer, jinair ee duiwsiong itding si langg, jixu langg ee simlingg jiacc u singdiongw ee linglik. Itliuu diaukig saihu ee jokpinw beh anxjnuaw qaixsueh? Diongsewqir siongrr iubiw singwbuw diausiong, dirrDELPHI sraiw jenwciax hitt xee cnedanggsiong ? jiaxee byy sniwmia ee jokpinw, qamxx qongxx m si congwjywjiaw simair :ee? inx ee suiw qamxx m si laii jurr congwjywjiaw duiww inx ee air? Qycc u, dairjurzenn ee suiw –lanw qongw dairjurjenn si CREATION, m si byy dyrliw ee. suiw ham' hixlok, ongxongw cuacud qiquair qycc maudunw ee aiciuu/ qiongrbecc qaur ee ciongdong? Quiw jam aw jetjaur suanlut, suxx langg qamxdong? Guaw 6 huer qniaw jyr liauw au'gnoo ciuxsut dngw laii cur nirr derr id mee, knuar guaw jin' tiamw dyw dirr dervanw dingw hiyckunr, ix jauw .quer .laii, duii guaw ee kajiacpniax, hro guaw bagjiux dramm !

Henxzenn, air iauxx u je jiongw lann liauxqaiw ee janbin, longxx byy tyxlun. Guaw byy zinruii jiaxee bunrdee erdangr iong siarhue singbudhak qaixdab. Poxtongx simlixhak iuxquanx jurgnow qaiwhan ee diwsig, teqiongx ee vangjo marr iuxhan. Siongrr liauxqaiw jitt jiongw :ee, ingwqaix si lyhsimx jongqaur sinvir ee langg. Uirr sunqiuu jiaxee gibun, jriab .lyc .laii beh juanxhiongr jongqaur ee lingxhik.

Ui' jongqaur quiw xee janbin jyr juxdee, jin' iuxhan ee hongsid, tyxlun jongqaur qapp singdiongw quewdingg ee quanhe, siongrbuew, juwdiong dirr inqongx undenw henrsiong, ham' jitt diamw quewdingg vnuaenw ee qaksig. Cenvah nii laii, undenw ee quanliam, dirr jongqaur nirr jin' poxpenr. Mrqycc vauhamm simlixhak jairlai ee kyhagqair, longxx jin' cnehun. Vutquanw anxjnuaw, guaw zinruii beh tetdew liauxqaiw zinlui singdiongw ee quewdingg, rair singx liauxqaiw undenw henrsiong. Hibang aurbin ee vorhun, duiww simlixhak ham' jongquar soxx binrlimm qiongrdongg bunrdee u qongwhenr.

DERR SNAX VXO

SIMLINGG JONGQAUR

Lanw ee jongqaur sinwgiongw si "duiww zinsingx ee liauxqaiw" ,

Muixx jit xee langg longxx u jit xee jongqaur,

Siongrr u uahlat, siongrr hap lanw :ee,

Rair lenr .quer henrsidbin ee huew,

tongquer lanw cinsinx jitgii,

jiacc jinsit sriok lanw :ee.

TEXQIAM DUA SEWQAIR

Qiwlut, aiwsimx ham' zinsinx qinggiam ee jingdiongw, zinlui duiww jitt xee sewqair qapp jursinx kiarkiw ee uirdir jywhuew liauxqaiw duarhanr. Tniqongveh hro lanw :ee, byy qangg kuanqingw ee iongxsingg, qokk langg zinsinx texgiam ee kuacbin iacc si cimdo, si tnix cax de.

Duiww zinsinx ee liauxqaiw dyrr si lanw ee sinwgiongw. Muixx jit xee langg qeqiamw u singuac texgiam, kuah/ec byy qangg ee sewqaiwquanx, jex si lanw muixx jit xee langg ee jongqaur. Qiamxcaiw jin' jiyw langg anne sniu, mrqycc jex si diongriaur ee sursit: muixx jit xee langg longxx u ix jurqiw ee jongqaur.

Ongxongw jongqaur hro lanw dingrgi sniu' ec .kir, zinruii itding rair sinr mow jit xee sinn, qazip sinwdoo jibtuann, qixhingg mow jiongw jongqaur gisig. Byy kir qauwhue, byy siongsinr criaux jurzenn ee langg, dyrr qongw ix "byy sinr qxuar :ee", guaw bad tniax quer hagjiaw anne qongw, "vut qxaur m si jinjniar ee qxaur." " UNITARIAN -- ui'id sinn qauwpair ee sinwgiongw nirr byy jongqaur ee singhun" iacc si "sinvir juxgi si jit jiongw tethak, m si jongqaur".

Lanw quanwsir qra jongqaur qanxdanhuar, dan'ithuar. Nng xee uanjuann byy qangg :ee, jnuaxngiu longxx qongw jurqiw si qidokdoo? Jit xee bysinlun :ee, qycc uirjnuaxngiu viw jit xee qowding kir jyr misa ee tenjuw qauwdoo, kacc erdangr junsiuw qidokqaur ee dyrdig quihuan? Jiaxee bruw qaxx guaw bu saksag.

Guaw cua sinx zip ee simliw isingx sii, sisiongg huathen inx duiww vnerlangg ee sewqaiwquanx byy qinsimx ee taiwdo. Vuerau guan'inx je je, qivunxsiong inx zinruii, narr qongw vnerlangg byy sinr sinn iacc si be camqax qauwhue jurzin byy sinr qxaur, jitt xee su dyrr byy daddid qycc tamwtyw. Sursidsiong, muixx jit xee langg duiww sewqair ee vunxjid longxx u jit tyr digding ee quanliam qapp sinwliam, mrqycc byy itding qongw .cud .laii.

Vnerlangg si m si zinruii sewqair si itpenr hunrdun, byy iwgi ee, hnuahiw dyrr hyw kacc sidjai?

Jitt xee sewqair si langg jiac langg, qiongjiaw rair jankog?

Sewqair ciongbuanw senrir, air snaiw crunx ciuw dyrr u, mrbenw uirr zinrhyy kunwqingw huanlyw?

Iacc si sewqair vunxlaii dyrr kiamr inx?

Sewqair juriuw jit tyw giamqeh ee huatlut, jit sud aw huan .diyc dyrr e jyrsiu giamle ee dingqair?

Itvnualangg ee sewqaiwquanx u jin' dua byy qangg, simliw dirlaiuu quewdingg nirr, isingx jaxban e qapp vnerlangg ee sewqaiwquanx sna' duxtauu, vutzuu jit kaisiw dyrr he simsinn. Vnerlangg ee bunrdee qapp inx ee sewqaiwquanx u jin' bidcet ee quanhe, dirliaujiaw vitzenn e kansiap jit xee quanliam ee qiuxjingr. Guaw itding e qra sinx ee isingx qongw, dyrr si vnerlangg qongw byy sinr qxaur, marr rair liauxqaiw cingcyw ix si sniaw jongqaur.

Tongsiongg, jit xee langg ee jongqaur iacc si sewqaiwquanx jixu jidvorhun puu dirr iwsig janbin, vnerlangg dairdysor m bad catqag jurqiw duiww sewqair jinjniar ee knuawhuad. U sii inx jurzin sinr mow jiongw jongqaur, sursit inx siongsinr :ee kiokk si juanzenn byy qangg ee lingrgua jit tyr.

Saitauhuix si jit xee qanggiap qangdingsux, surgiap singqongx, 50 gua huer vorvinn venr qra jin' sitjir. Ix ee qangjog sunrli, qongzin viaujunw angsair, mohuan hurcinx, mrqycc ix dyrr si qamxqag jurqiw byy qewdat ee pnaiw langg. Ix qongw, guaw siw sewqair e qaixsen jin' je. Ix si jinsimx qongw :ee, u 2 vaiw kiwdoo jursad. Bylun anxjnuanw koxkngr, longx byy huatdo pacpuar ix pixsniur jurqiw ee cywqag. Sitbinn, jabjyy vut'anx si siaudimm ee vnerjingr, Huix:a qycc qamxqag aukangx trad .diyc, jiac mic tunx be lyc auu, qandna' erdangr jiac liujid :ee, mrqycc jiyr denrqongx qapp qitnax ee qiamxgiam, jingwsit ix ee sintew byy bunrdee.

Huix :a duiww jurqiw jongqaur jit qxur dyrr byy uanwgenn, ix qongw "guaw si bysinlun, kyhagqax, qandna' siongsinr knuar e diyc :ee, bongx u :ee. narr siongsinr sinn air sewzinn, kyxlingg duiww guaw kacc hyw, kyxsiyh jurr sewhanr tniax u qraur je ee hausiauue, guaw be qycc hro penr ar." Ix anne qongw. Ix ee donglenn druar dirr vyxsiuw ee Bixqog diongsevo, vaxvah si qidokqaur qivunxqauwgirpair ee bogsux, maxmah si kensingg ee qauwdoo, Huix :a jit u qihue dyrr ham' qadingg jongqaur tuatli quanhe.

AMWIWSIG SI JUXLANGG

Jiapsiu dirliauu quiw qywguec au, Huix :a qongw kiw jit xee jin' dew ee bang, "guaw dngw kir donglenn dirr BINNISUDA ee qu cur, cniurr ginxaw hiac duarhanr, kiokk jaix jurqiw jitmaw ee nihuer. Jit amr, jit xee javox qniaa .zip cur lai, beh quah dng muixx jit xee langg ee na'auqngw. Jurlaii dyrr m bad knuar quer jitt xee langg, mrqycc jin' qiquair, guaw bad ix, ix si guaw qydiongx ioghue .quer ee jabow ginxaw ee vaxvah, bang qaur jiax, guaw jin' qniax, suacc jingsinn .kiw .laii, gauw jaix ix sniu beh quah gunw ee auu.

Guaw rair Huix :a qra bang nirr jitt xee javox ix soxx jaix ee itcer, qongw hro guaw tniax. Ix qongw, qisit byy sniaw tangx qongw ee, guaw qinvunw dyrr m bad ix, u quiw vaiw sangr ix ee jaboxqniaw dngw.kir, iacc si jriab ix kir tuanker, byy sngr jinjniar ee iokhue. Ix qongw qaur jex, qinxdniux ciyr .jit .xe, qycc qongw, bang nirr qamxqag byy qnir quer ix, henrsit sing'uac nirr, bad hng hng knuar ix quixarr vaiw. Ix si gunw jngx ciajam ee jamrdniuw, hitt sii zuac .langg zidtauu beh lyc snuax ee sii, guaw e kir hiax knuar huexciax jinwjam, u sii e duw diyc.

Guaw simtauu jit hniah, sewhanr zuactnix evox sii marr bad dirr huexciaxjam huwqin luarlua syy, knuar huexciax c.-cutzip-z.. Ciajam naurzet cuwbi, jamrdniuw si itcer hingdong ee dyrenw. Ix jaix l.-laikir-k. soxu ee ciavangx, tingg dirr jitt jam ee si dycc quiw vxangx, qycc dycc quiw vxangx ee hiongg ~ ~ sraiw .quer .kir. Ix kongwjer itcer vundy qapp sinwhy, siux /huad iuqnia, hitt qingx ser ser ee huatvywsig, iong guwn byy lixqaiw ee bidbew, tauwquer naxx mosut ee qenwvnuaa, ham' sewqair lenlok.

Guaw qongw, Huix :a liw qongw liw si bysinlunrjiaw, guaw siongsinr, mrqycc guaw kaisiw huaigii, liw iauxx u jidvorhun siongsinr siongder—jit xee qnialangg, e quah langg narauu ee siongrder.

Guaw ee giaugii byy m driyc, Huix :a jiamrr zinrcingx ix simlai u jiongw ququair qycc kiapser ee sinwgiongw; ix qaxsed sewqair virr jit qrow siaog ee ligliong cuarcaux, m na sniu beh quah langg ee quix, qycc qip beh cuwhuad langg soxx huan ee hinguii. Soxx qongw :ee "huan", si siauwlenn lamluw sna' giyc …dringw. Jin' henxbingg Huix :a ee vnerjingr si jurgnow dnaxjingw, quah qaqi ee aukangx, ix naxjunxx hibang jiyh jiaxee jingdiau, dypiah ix simlai siongrder jinjniar ee cuxhunx.

PACPUAR LONG'AXQINGX

Jitt ttyr siasinn/ siaog sewqair quanliam si ui' dyhh laii?

itvnualangg ee jongqaur qycc si anxjnuaw huatdenw .cud .laii?

jit xee langg ee sewqaiwquanx zuhyy quatding?

Jiaxee bunrdee jin' hogjap, jitt vunw ceh byy huatdo hamquad(hamiuw). Soxx u e jongqaur, si juann laii jurr inx ee bunhuar, jit sud aw dyrr byy gibun. Aujiulangg ee siongrder si vec bin :ee, Huijiux ne? kacc kyxlingg si olangg. Dirr Inwdo singdiongw ee Inwdorlangg tongsiongg e jniajyr Inwdo qauwdoo, viquanx ee sewqaiwquanx; Bixqog INDIANA ee langg, sinwgiongw Qidokqaur, inx duiww jitt xee sewqair ee knuawhuad viw Inwdo quawdoo logquanx je je. Lanw vixqauwdig kacc qanxdanx jiaplap siwkouii-aw langg ee sinwgiongw, dirr lanw susiongw jniahingg e quewdingg nirr, marr ongxongw qra langg' qongw :ee dongwjyr jinliw.

Bunhuar siongrr qinvunw ee iauwsor, qisit si qadingg. Verbuw si bunhuar ee lingxsiur, ingxhiongw lanw siongrr cimx ee m si inx qongw ee ue, si inx sidjer ee hinguii—inx ee jywhuew dauwdin, duiwdai lanw hniadi-jixmue, qapp zuhyy duiwdai lanw.

Ngua jit qxur ue qongw, singdiongw ee quewdingg, lanw dirr qadingg jitt xee siyw uxdiu diongx qinggiam ee itcer, quatding lanw duiww sewqair vunxjid ee knuawhuad. Verbuw hing'uii congwjy jit xee dogdik ee sewqair, lanw ee sewqair dyrr si kixjy dirr jitt xee qicow dingw.

Huix :a qongw, guaw dong'ir, guaw kaksit siongsinr u jit xee e quah langg auqngw ee siongrder, jitt xee liamrtauu iuqycc si an' dyhh laii? jurr sewhanr verbuw qar gunw "Sinn air sewzinn", gunw air siongrder, air Iasox, itcer longxx si air.

Liw ee donglenn kuaiwlok hno? Guaw mng.

Ix qangr .jit .xe qongw, qunxsngxciyr?! guaw uac qaxx jin' qangkow, dagg zit dyrr ho'ngg pah, pueduar/vanw-aw/ sauwsevner longxx ersaiw pah langg'. Jyr sniaw pah sniaw, dagg hxang verbuw longxx byy qac'ir, inx qongw, muixx zit pah, m na vryw sintew qenrkongx, qycc ciokjinr dyrdig hamiongw.

Inx e kiwdoo beh dne liw ee naauu? Iauxx si quah liw ee aukangx?

Byy, mrqycc guaw siongsinr narr m si guaw itdit jin' sewji qinxsin, m jaix dycc jit qangx inx si jyr e cud ee. Huix :a hionghiongg diamrjing jit xe aw, ywlyc gingdang ee binriongg ban ~ aw qongw cud, or, guaw damrvyc aw liauxqaiw lar.

Jitt vunxceh derr id jiongx qongw .quer, dirr ginxaw ee simlai, verbuw naxx sinn, verbuw cuxliw dairjir ee hongsid si uxdiu vutvenr ee huatjig. Qniaw duiww sinsingr ee liauxqaiw ongxongw tongquer verbuw ee zinsingr. Ciongbuanw aiwsimx, kuandai huaipy ee verbuw, hro ginxaw siongsinr siongrder marr siy' qangg; singlenn au, iuguann siongsinr si ngiuxiok langg singdiongw ee hyw soxjai. Giamkog byjingg, sursu-hangrhang iong vywhok jyr ciuxdnua ee verbuw, hro qniaxzii singlenn au, siongsinr si jit xee jankog, kiwhunr vywsniuu ee sinn; byy did diyc verbuw jiauwqor :ee, dongzenn e qra sewqair knuawjyr jit xee kuathat quanhuaii ee soxjai.

Lanw ee jongqauwquanx qapp sewqaiwquanx, qiwzenn juxiaur si ui' donglenn qinggiam laii :ee, jex qowsingg jongqaur qapp henrsit, iarr dyrr si siyw uxdiu qapp dua uxdiu ee duiwlip. Huix :a simlai ee sewqair guiqix diongdiongg, ix narr byy jin' qinxsin junjiaur donglenn qadingg siyw uxdiu ee huatjig, auqngw e hro langg' quah dng .kir; ix ingxuanw sing'uac dirr nng xee janvok ee singlenn langg tongxdi nirr. M si soxu ee singlenn langg iacc si verbuw longxx hiacc janvok byjingg; sewqair dua uxdiu u qokk sid qokk ngiu ee bunhuar, siarhue, langg ham' ve/buw.

Lanw rair siuding qapp kokciongx jurqiw duiww henrsit ee liauxqaiw byy dng, qazip sinx diwsig, tuiqongw zinrdix hanrdo, jiacc erdangr qenwjip ham' henrsit sna' huwhap ee jongqaur qapp sewqaiwquanx. Hui :a zinruii ix ee qadingg si jin' jingwkak, beh iong dirr singlenn sewqair sii, kiokk huisiongg ee byy uanjingw, duiww ix jit sud aw dyrr byy vangjan. Jex si juanxii henrsiong, jin' je singlenn langg ee jongqaur longxx si juanxii ee sanxpinw.

Lanw duadysor longxx byy huatdo ciauuat bunhuar, verbuw, donglenn qinggiam ee ingxhiongw, qunqur sniu' ec ee camkyw qetqor decc cuxliw dairjir, zinlui sewqair suacc hro kantuax jyr ciongbuanw maudunw, qisit byy vit'iaur anne. Zidsiongg siy' duw ee muixx jit xee langg, longxx qokk u jit tyr uanjuann byy qangg ee henrsit quandiamw, inx qunqur quewkir ee qinggiam, zinrding jurqiw ee quandiamw si driyc :ee. qyckacc camw:ee, jin' jiyw langg kyxlu diyc jurqiw ee qinggiam berdangr zinrding jyr tongle, simrjiww duiww jurqiw ee sewqaiwquanx byy juanvnuaa ee zinrbad.

Qokjer quanhe ee simlixhagqax BRYANT WEDGE(1921-1987) , bad jyr quer Bixqog/ Solenn dampnuar ee genxqiur. Ix huathen Bixqog qapp Solenn langg duiww zinsingr, siarhue ham' sewqair ee qivunw qaxsed, junjai jin' qnialangg ee dua cavet. Jiaxee byy qangg, si ciaujiongr sianghongx dampnuar hinguii ee jongqniawzinn, nng vingg ee langg kiokk bydix-byqag. Bixqog langg qamxqag Solenlangg ee genhingg byy lriw, junsimx okdok, Solenlangg duiww Bixqog aw marr u luirsu ee huanxqamw.

Lanw longxx naxx cniu girgenn hiaxee cnimii :ee decc bongx cnxiu, byy langg jaix jitt jiah cnxiu uanjingw bongiu. Muixx jit xee langg qandna' qencii qywzinn ee siyw uxdiu qaiwliam, qapp langg' uanqex siy' jnrix, qra duii odau dongwjyr singwjenr.

KOKCIONGX

Simlingg singdiongw si jit dnxua ui' siyw uxdiu itdit hunwdua jinwzip dua uxdiu ee lordingg. Jitt vunw ceh diwdiong coqii qaidnua ee tyxlun, si zinrbad ee lordingg, m si uirr sinwsimx. Beh liongwkuix quewkir qinggiam hingsingg ee hanrjer, lanw rair hagsip. Jiau'unn ee siauhuar qapp kipsiux sinx jusinr, kokciongx sinx diwsig ee lingxhik qapp siriaw.

Kokciongx diwsig ee quewdingg si jitt vunw ceh ee diongriaur juxdee. Derr zi vxo AIR dingrgi jyr jurgnow kokciongx, qiongdiau air ee honghiamw ji' id si morhiamw lriauu .lyc birdix sinx qinggiam. Derr id vxo tyxlun qiwlut, qiongdiau hagsip sinx surbut rair hongwkir qu jurgnow, suanqyr quewqii byy hap iong ee diwsig sithau, siw qrii qaur ar. Uirr vue'iongw kacc kuacbin ee siriaw, rair vangwsag iacc si siaubet quewkir kacc ec ee quanliam. Vyxcii guanlaii :ee, qewsiok suxiong siyw uxdiu ee qu derdoo, quewkir dinsiyh ee quanliam byy sunxsiongx, ingwhur henrhongw kyxlingg iauxx si hyxser. Mrqycc anne ham' simlingg singdiongw ee lo si dywtewlux ee. Cimxtauu, lanw ingwqaix duiww quewkir siongsinr :ee itlut jungii, juxdong tamwqiuu u uihiabsingr, byy sigsai ee surbut, qowir tiaurjenr langg' qar lanw ee jinliw. Jniasniar-singhenn ee lo baijongg dirr huaigii ee ciwaxvox nirr.

Lanw qandna' ixx kyhak jyr kixtauu, byy qitnax lo. Jit kaisiw iong kyhak ee jongqaur cuxdai verbuw ee jongqaur. Lanw itding rair kongwgi verbuw ee jongqaur, jixiaur lanw cionghunx unriong qinggiam qapp ligsuw inxcua je je ee qawsi, lanw ee sewqaiwquanx itding viw inx kacc kuikuah. Jongqaur byy kyxlingg qewsingg. Siongrr u lat qycc sikhap lanw ee jongqaur, rair ui' henrsit ganwjuiw .quer, qingquer cinsinx jitgii texgiam, jiacc jinjniar si lanw :ee.

Lanw rair iong'iuw jurqiw ee jongqaur, jiacc erdangr qenwsed qenrjuann ee simliw, duiqiuu simlingg ee singdiongw. Ilai verbuw ee jongqaur si byy kyxlingg singqongx ee. "kyhak ee jongqaur" iuqycc si sniaw? Kyhak si vutjiw aw hogjap ee sewqaiwquanx, qongxx si jit jiongw jongqaur, rair qurvi quiw xee diongriaur sinwdiauu:

Uxdiu si jinsit :ee, erdangr quancad;

Zinlui duiww uxdiu ee quancad qik u qewdat;

Uxdiu junsunn quiw xee dingrlut, erdangr ircig;

Zinlui iong'i sriu penqenr qapp besinr gordy, quancad ham' qaixsueh quancad qetqyw sii e huan cywgo; soxiw rair giamsiuw kyhak honghuad ee qiwlut. Jitt jiongw qiwlut ee qutcuew si qinggiam, byy qingquer cinsinx texgiam, berdangr qra "sniu :ee" zinrjyr si jaix :ee; lingrgua jit bin, kyhak honghuad ee qiwlut si laii jurr qinggiam, lanw iuguann berdangr sinwzim dansunn ee qinggiam; qandna' tauwquer dionghok sidgiam ee qinggiam jiacc daddid sinwzim; qyckacc jinr jit vo, rair zimrhyy langg dirr qangg jongrhongw jyr cud qangkuanw qetqyw, jitt xee qinggiam jiacc u junxsngr tihh.

Jinsit/ quancad/ diwsig/ byy sinwzim/ qinggiam/ qiwlut …dringw, itjair cuthen ee zirganw, digvet daddid juwir. Kyhak si huaigii ee jongqaur. Uirr beh tiutuah dongnii qinggiam bunhuar qauwdiauu ee siyw uxdiu, verbuw qar :ee naxx driyc, sursit si m driyc ee siyw uxdiu, lanw rair huaigii soxu sniu qongxx ixqingx yc erhiauw ee itcer. Jixu jitt jiongw kyhak ee taiwdo, qra lanw qywzinn ee siyw uxdiu qinggiam juanxngua jyr dua uxdiu :ee. Lanw rair an' beh jniajyr kyhagqax dac cud derr id vo.

JITGII EE IONGXKIR

Jin' je ixqingx tongquer jitt xee qaidnua ee vnerlangg qra guaw qongw, "guaw byy sinr qxaur, guaw byy kir qauwdngg, guaw byy siongsinr qauwhue iacc si verbuw ee ue, guaw byy gunw verbuw ee kensingg, guaw qnaxx si jitt xee byy lingsingr ee langg." Guaw narr huemng inx, sniaxmic si byy lingsingr :ee? Inx si qniagii ee viauxjingg. Suar.lyc guaw e qongw, qisit liw si sinr qxaur :ee, liw ee jongqaur kuah qycc cimx, liw siongsinr jinliw, siongsinr qaqi e singdiongw cam' jinwvo. Jongqaur ee ligliong hro liw guanrir singsiu vaixtuad quewongw ee qinggiam, binrduir sinx tiaurjenr ee tongwkow. Liw langrhiamw jiapsiu dirliauu, jyr ee itcer longxx si uirr liw ee jongqaur. Guaw byy zinruii liw viw linw verbuw kiamwkuad lingsingr. Dendyww liw viw inx qyckacc u lingsingr, liw ee lingsingr kia viw inx kacc quann ee janbin, in'ui liw u jitgii ee iongxkir.

Kyhak ee jongqauwquanx si jit jiongw jinwvo ham' tesingx, viw qitnax je je sewqaiwquanx kacc cutqiyh, siongrr hyw ee jingwqur ix si qokjewsingr :ee. Ix qowsingg jit xee sewqaiwsingr ee kyhak siarkunn, viw qidog qauwhue qyckacc tuanqed, byy sux qitnax zimrhyy qokjer siartuann. Qokk qog kyhagqax horsiong qauliuu ee linglik ciauquer itvnualangg je je. Dirr mow jiongw janbin, inx ixqingx ciauuat jursinx bunhuar ee siyw uxdiu, jniajyr u diwhui, kacc bingdat :ee ar.

Ui' singsik ee huaigii cuthuad, sinwgiongw siongrder m si zuarnirr aw liauxvutkiw ee dairjir. Lanw knuar cud qauwdiauu juxgi, sanxsingx jenwjingx, jongqaur caipnuar ham' vikhai. Lanw knuar diyc qew :ee sxen, jiyh sinwgiongw ee mia'gi, dir pok'air ee binrdar, jansad donglui, lirtauu jnex jingg, qankiauw jingduat, hingqingr jankog, kimsiur vutzuu. Qokk jiongw sniu be qaur ee gisid/ gnoxsiong, siwqer luan tnuar: je kax je ciuw ee luxsinn, qyqyx jairr siong ee lamsinn, cniurr-sinn, kangbyy ji' sinn, qokk sinden, qasinn, snax xui ittew, jiongww sinn hab'id. Lanw bagjiux qimqimx knuar inx ee bydix, besinr, ham' sixsingr. Sinwgiongw ee qiwlok byy jit sud aw iwgi. Hro langg vutditvut sniu, zinlui narr byy sinwsinn kyxlingg erdangr uac kacc hyw; sinn m si laiser ee singlok, kiokk si qimser ee dog'iyc. Dyrr si qongw sinn si zinlui simlingg ee huanwsiong, marr byy sniaw byy hapliw, simrjiww erdangr duardnaw duanwgenn, sinwgiongw si jit jiongw vutjiw jiabknuar .diyc ee zinlui simliw vnertair, rair sethuad qiuwdi.

Dirr jiax cuthen jit xee bunrdee: sinwgiongw si m si jit jiongw vne? Iacc si juanxii henrsiong---lanw verbuw qra siyw uxdiu ee quanliam cyxgno ee dausia qaur dua uxdiu jyrsingg ee? ngua jit jiongw qongxhuad: sinwgiongw si m si jit jiongw guansiw iacc si iuwdi ee cenxsniu, dirr lanw decc sunqiuu kacc quann janbin ee diwsig qapp singsik sii, dyrr rair qra vangwsag? Ui' kyhak ee libdniuu qaixdab jiaxee gibun, lanw rair tec cud sidjer ee limcngg tongxqer sowzi: jit xee langg tongquer simliw dirliauu quewdingg mairhiongr singdiongw sii, jongqaur sinwgiongw e huatsingx sniaxngiu ee juanxvenr?

KESIR EE QOWSU

Kesir is guaw knuar .quer siongrr byy dnaw ee luxsingr, derr id vaiw ham' ix qniwbin sii, guaw an' guarkauw dac zip laii vanrqongsig, ix jre dirr viacvnix ee dervanw, cuir narr decc liamrqingx gnauh byy tingg. Jit knuar guaw kia dirr mngkauw, bagjiux tenw qaxx dua dua luiw, jin' lunxneh ee viauxjingg. Cuir hnihnix hnaix, singkux qiux jyr jit uann, kajiah uaxdah dirr viacbin, naxjunw erdangr nngr zip kir viah nirr siongrr hyw. Guaw qongw, Kesir ar, guaw si simliw isingx, guaw be sionghai liw. Cue jit liauu iw-aw jre li ix kacc hng ee xui, danw ix. Ix qycc qiux dirr viacqag jit tingg aw quw, dauc dauc aw vangr kacc kinsangx lyc .laii, suacc dua sniax hauw .cud .laii. Kaur jit kunr aw, tingg .lyc .laii, qycc kaisiw liamrqingx ee kuanw. Guaw mng qongxx si sniaw dai? Ix hamhoo aw rinr, "guaw beh siw .kir .ar". Liamrqingx ee jetjaur byy dng .quer, ix byy sniu beh ham' guaw qongxue, itdit liam, muixx go hunjingx, ix jin' tiamw ee hxingg hiyh .jit. xe, aicanx quiw snaix, qycc qewsiok liam. Bylun mng ix sniaw, itlut liriong liamrqingx ee langwpang hueingr," guaw beh siw ar". Naxcniu liam byy tingg, mair hiyh byy kunr, dyrr erdangr joxjiw sixbongg ee kuanw.

Inx angx si jit xee siauwlenn qingxcad, hyrjyr Kar, ix qra guaw qongw quaw qivunw juliau. Kesir 20 huer sii, inx qethunx, cimxx 2 nii, huninx byy bunrdee, marr byy simliw vnerjingr, dairjir huatsingx qaxx jin' iwgua. "Hitt zit jaxkiw, itcer uanjuann jingwsiongg, iauxx sraiw ciax sangr guaw cutkinn. 2 diamxjingx au, a'jiw kar denrue laii, qongw kir knuar Kesir sii, ixqingx venwjniaa jitt xee ngiu." Inx sangr Kesir kir vnerngi. Juewqin Kesir ee genhingg vingrr byy ququair, vutqyr qin 4 qywguec laii, naxx jin' qniax kir qongqiong soxjai, Kar jixhyw ter ix kir cirdniuu caixbew, Kesir jre dirr ciax lai danw, ix naxjunw jin' qniax qodnuax jit langg. ciangjai qidyw—mrqycc, jex si siybad ixlaii , ix itdit si anne. Inx si jin' kensingg ee sinwqaur qadingg, maxmah dagg lexvair jiwjiyw kir jyr MISA 2 vaiw. Qiquair ee si jurr qethunx au, Kesir m bad jyr quer MISA. Jin' jiap qidyw, Kar qamxqag byy iauwqinw. Kesir ee sintew? Or, jin' qenrkongx, ix m bad druar ngi. Quiw nii jingg, u jit vaiw dirr langg' ee hunlew nirr hunrdyw. Virin hno? Ix jiac virunriyc. Or, Jit qywguac jingg qra guaw qongw ix byy air qycc jiac ar, vywjuaw siaw qongxx jiac virunriyc guihiamw iacc si snaixmic bunjniux. Guaw byy juwir.

Guaw kuix jin' je dinwjingrjex, hro Kesir ehngx sii kacc hyw kunr, suar .lyc .laii 2 qangx, ix ee hinguii byy qaixvenr; liamrqingx byy dng, qandna' zinrding jurqiw jin' qinw dyrr e siw .kir, sniaxmic longxx m kingw qongw, qniahniaa simx qyckacc qiongg. Derr sir zit, guaw iong juwsia :ee, qra qongw, Kesir, jitt xee, e hro liw sniu beh kunr, mrqycc liw be jinjniar kunr.kir, liw marr be siw, iyc-aw e hro liw e qamxqag jin' kinsangx, e ham' guaw qongxue, liw be qycc liamrqingx. Guaw beh liw qra guaw qongw, laii ngi nirr hitt zit jaiw, huatsingx sniaw dairjir.

Sniaw dairjir dyrr byy huatsingx. Kesir duiwcuir rinr.

Liw sangr linw angx kir siongrvanx?

Si ar, guaw qra ciax sraiw.dngw .laii, dyrr jaix guaw beh siw ar.

Liw qapp jaxjingg qangkuanw, jaixaw sangr angx cutkinn, dyrr dngw kir cur nirr?

Kesir qycc kaisiw liamrqingx.

Kesir, mair qycc liam ar. Guaw bingrling ix. Liw dirr jiax juadduir anjuann. Vangwsangx .lyc .laii, hitt zit jaiw sraiw ciax dngw cur sii, huatsingx quaw dairjir. Liw itding rair qra guaw qongw.

Guaw qniaa jit diauu byy qangg ee lo.

Uirsniaw?

Guaw ui' BILL inx daux hitt diauu lo quer.

Si'angw si BILL?

Kesir qycc kaisiw liamrqingx.

BILL si liw ee lamivingiuw?

Si, guaw qethunx jingg :ee.

Liw ciangjai sniu BILL hno?

Kesir aicanx qongw, or, siongrder ar, guaw beh siw.kir ar.

Hitt zit liw qnir diyc BILL?

Byy.

Mrqycc liw sniu beh qnir ix?

Guaw beh siw .kir ar.

Liw zinruii liw sniu beh qnir BILL, siongrder e cuwhuat liw?

Si. Kesir qycc kaisiw liam.

Jyww ix liam jiog jiog 10 hunjingx, guaw jingxliw jurqiw ee knuawhuad.

Buew aw guanw anne qra qongw, Kesir, liw zinruii beh siw ar, si in'ui liw jurzin liauxqaiw siongrder ee sim'ir. Liw duiww siongrder ee zinrbad longxx si langg qra liw qongw :ee, mrqycc jiaxee dairvorhun si m dyric :ee. guaw marr m si jin' liauxqaiw siongrder, qiamxcaiw guaw jaix :ee, viw liw kacc je, marr viw hiaxee qra liw qongw :ee kacc je. Kyxviw qongxx, guaw dagg zit knuar jin' je cniurr liw qangkuanw py diyc vuerpuan hucex iwliam ee javox/ jabow, qidiongx jin' je langg marr u jyr, mrqycc inx longxx byy sriu siongrder ee dnaxjingw. Guaw e jaix, si inx longxx e qycc dngw laii cue guaw knuar vne, inx marr ixqingx venr qaxx kacc kuaiwlok. Liw marr e kacc cingsongw, in'ui lanw beh habjok, liw e huathen liw m si pnaiw langg, liw e liauxqaiw jurqiw qapp siongrder ee jinsiongr. Jitmaw liw hyw ~ kunr .jit .xe, danw cniw .quer .laii sii, liw dyrr be qniax liammix beh siw ar. Bin'axjaiw laii ee sii, liw erdangr ham' guaw qongxue. Lanw beh dramm siongrder ham' liw jurqiw.

Jaiw aw, Kesir ee jongrhongw u damrvyc aw qaixsen. Ix iuguann jin' qniahniaa, duiww be jin' qinw dyrr siw .kir, iauxx vnuawsinr-vnauwgii, jiwjiyw byy hiacnirr kakding ar, jit diamw jit diamw towlo jurqiw ee qowsu. Qysnax sii, ix qapp Kar huatsingx quanhe, Kar dyrr beh ham' ix qethunx, Kesir marr dacingr. 2 lexvair au, kir camqax jit xee vingiuw ee hunlew sii, Kesir dudzenn hiauxgo qaqi byy sniu beh qethunx, dyrr hundyw .kir. Surau, duiww jurqiw si m si u air Kar suacc liac be dnia, qamxqag qiwzenn huan diyc qethunx jingg singr quanhe ee juerog, dyrr rair iong huninx jitt jiongw quanhe qra habhuad, narr byy, ix ee jue qyckacc dua. Mrqycc, byy kakding u air Kar jinwjingg, byy air u ginxaw. Ix kaisiw jiac be snix ee iyh'uann, Jex qycc si Tenjuxqaur byy iong'unw ee jit hxang jue. Ix berdangr jiapsiu singzin jiaxee jue, qethunx au jiacc m kir jyr MISA ar. Ix qac'ir ham' Kar jywhuew, kiokk ui' qethunx hitt zit kaisiw, Kar duiww Kesir dyrr byy cuwbi ar. Mrqycc Kar iuguann si jit dniux lixsiongw ee dngqii vngrpiyr, brew lexmic hro Kesir, tiawsiyh ix, byy air ix cutgua jyr sxid, qamguan qaqi qex qavanx. Kesir rair itdit qra aiqiuu, Kar jiacc be ham' ix qniavangg, jit lexvair 2 vaiw ee singwair si Kesir byqiok sing'uac ui'id ee qap'iyc. Lirenn? Hex qyckacc benw qongw, hex si lingrgua jit jiongw vutkyxsugi ee juerog.

SINGR HUANWSIONGW

Kesir kaisiw itdit sanxsingx ham' langg sutongx ee huanwsiongw, jiyh qidyw qnuaxjauw jiaxee jabliam. Cimxtauu muixx jit diamxjingx qidyw 5 hunjingx. Suacc kir hro Kar huatqag .diyc, qra tixciyr, Kesir dyrr qaiw zit sii Kar byy dilehh sii qidyw. Uirr beh vow amwsii berdangr qidyw, zit sii ee siqanx rair renn dngg, kacc je vaiw, sokdo rair kacc qinw lehh. Anne quatding vnuar diamxjingx jit vaiw, liam qinw jit vxue ee sokdo, mrqycc singr huanwsiongw m na byy sriaux, dendyww qyckacc je, je qaxx pah be snruar. Jit cud mng dyrr siongr javox :ee, knuar qaxx gang .kir, jex zuxx camw. Kesir kaisiw qniax ham' Kar cud mng, kir qongqiong soxjai, Kar dirr vnix :a, ix marr qniax kir knuar diyc vadd xee javox. Kesir kyxlu qycc kir qauwhue, ix qniax kir qauwhue, byy kir cue sinhu camwhuew, iuguann u jue. Ix berdangr anne jyr. Qycc jingqax qidyw ee siqanx, sokdo. Ix huatbingg jit tyr hertongw, liam mow quiw xee imjed dairter qui' pnix :ee, ix qra jitt tyr huatdenw qaxx jin' uanjingw, 5 hunjingx liam jit cingx vaiw ee qidyw suu.

Jit kaisiw, ix byingg qenwlip liamrqingx hertongw sii, ham' langg sutongx ee singr huanwsiongw naxx u qiamxjiyw, qenwlip hyw au, itcer qycc huehok guanjong. Ix kaisiw qewue hingdong, sniu beh kar denrue hro BILL, sniu evox sii kir BAR. Jin' qniax jinjniar e jyr cud jitt jiongw dairjir, dyrr m qycc jiac be snix ee iyhuann, sniu beh jiyh e u sinx ee qniasimx joxjiw jurqiw jyr cud cuthunn ee hinguii. Jingiok zuxx laii zuxx qiongg, jit zit evox ix juruir, suacc qra qaqi hecqniax.diyc, jex kyxlingg si siongrr dua ee juerog, qui' singkux itdit ciongx lingw juiw, air qaqi u junxjad, jin' byy qanxdanx danw qaur Kar dngw.laii, qecdngxzit, jahngx ee liogngiaxduar longxx qycc sec dngw.laii ar.

Siongrbuew aw hitt jaiw, ix hongwkir ar. Sangr Kar kir qongsix au, didjiab ciax sraiw qaur BILL daux mngkauw, tingg lyc laii danw, sniaw dyrr byy huatsingx, naxjunw byy langg dilehh. Ix lyc ciax, uaxkyr dirr ciax vnix, kia cud hit jiongw beh qa'ngg hiwlang ee hxingg. Dirr simlai diam diam aw qidyw, "vaiwtog lehh, hro guaw knuar diyc BILL, hro ix juwir diyc guaw." "u langg knuar diyc guaw dyrr hyw, sa'ngw longxx hyw. Guaw byy javolangg bersaih tihh. Oa, siongrder ar, guaw si vxiauw :ee, guaw si BABYLON auwciongx, siongrder ar, qra guaw taisiw lar. Guanw beh siw ar." Tiaur zip kir ciax lai, sraiw qaxx naxx decc vuex lehh, dngw qaur cur, cue jit der dypnir sniu beh quah ciuxjad. Mrqycc ix jyr be qaur. Siongrder jyr e qaur. Siongrder u linglik. Siongrder e hro ix qaix did diyc ee dinghuat. Siongrder e liauxqed itcer, liauxqaiw ix. Kesir kaisiw byy mee byy zit ee danxtai. "Or, siongrder guaw jin' qniax, huisiongg huisiongg e qniax, qriuu liw qinw cud ciuw, sidjai u qraur qniax." Liamrqingx, danxtai…,jex dyrr si Kar ee jexjew huathen sii ee ngiu.

Qingquer quixarr qywguac ee loxlik, guaw jiacc jaix jitt dnxua. Qangjog ee diongrdiamw longxx kox dirr juerog quanliam dngxsec. Kesir ui' dyhh tniax qongxx juruir si jue? Sa'ngw qra qongw hex si juerog? Hitt xee langg jnuaxngiu qycc jaix hex u jue? Juruir uirhyy si juerog? Byy jiuxjed uirsniaw si og? Juerog ee iauwsor si snaiw? …jitt lui ee gibun.

JITGII QAPP KUANUIX

Simliw dirliauu si siongrr kipinw guaw, daddid guaw juansimx dauzip ee hanggiap. Mrqycc isingx ham' puawvne ee simlingg qauliuu, rair u hertongw qra vnerlangg jidsewlangg qokk jiongw quanliam ee sewjed, jit hxang jit hxang tiaujenr sii, jitt hun qangjog marr e venr qaxx jin' buliauu bybi. Kyxviw qongxx, Kesir rair itdit qaur u huatdo jitgii ix ee juerokqamw ham' mow quaw hinguii dongwjyr siaog quanliam sii, jiacc kaisiw towlo huanwsiongw cam' juruir ee iuxsniaa. Dirr u jitgii taiwdo jingg, rair duiww qui' xee Tenjuxqauwhue ee kuanuix ham' diwhui jitgii (jiwjiyw si Kesir jaix ee vorhun). Qapp qauwhue duiwlip si byy qanxdanx :ee, jyr e qraur, uanjuann si guaw ee jicii, Kesir jiamrr siongsinr guaw jinjniar ham' ix kia dauwdin, uirr ix setsiongw, be gordy ix qniaa uailo. Gunw ban ~ aw qenwlip .kiw .laii ee "dirliauu bingiuw" quanhe, si soxu singqongx simliw dirliauu berdangr kiamwkuad ee iauwsor.

Gunw ee habjog quanhe juxiaur tauwquer mngjinw, qra Kesir jur SODIUM AMYTAL lui ee cuibiniyc au jit lexvair, cud ngi. 4 qywguac qaqiongg dirliauu, ix jiacc erdangr tiacvec qongw diyc jurqiw duiww jue ee quanliam, "qauwhue qar guaw :ee hitt tyr longxx berdangr siongsinr tihh", dirliauu jinwdenw qaur sinx qaidnua, gunw tecud bunrdee, jex si anxjnuaw huatsingx ee? uirsniaw duiww qauwhue qar :ee, longxx byy huaigii, qui' xee tunx .lyc? Kesir byy jit sud aw doglip sukyw ee linglik? Kesir anne qongw, "maxmah qongw guaw bersaiw huaigii qauwhue ee itcer". Jiacc jinwzip kir tamwtyw Kesir ham' verbuw ee quanhe. Kesir ham' vaxvah byy qamxjingg, vaxvah qui' zit qangjog, dngw laii cur, m si limx biwluh, dyrr si jre dirr iw-aw dokqux, vaiwgo mee, vaxvah ersaiw kir guarkauw limx jiuw. Cur nirr ee itcer longxx si maxmah decc jiangxquanw, vutjunw langg' qapp ix cangwciux. Maxmah jin' jusiongg, mrqycc itcer longxx rair tniax ix :ee. "bersaih anne jyr, cinair :ee, hyw jabow ginxaw m jyr jitt jiongw dairjir," " liw be cing hitt jiongw ree, hyw qadingg ee ginxaw byy cing hitt jiongw ree :ee." " liw beh kir, iacc si m kir jyr MISA byy diongriaur, cinair :ee, siongrder air lanw jyr MISA." Kesir jiamrr liauxqaiw, Tenjuxqauwhue ee kuanlik vuewau, si maxmah ciauciongr ee dua kuanlik, kinsniax-sewsueh ee bagau , muakamr diyc maxmah duiww juxluw ee dogcaii tongxdi.

Simliw dirliauu ee quewdingg lanbenw u joxgai. Kesir cud ngi 6 qywguec au, u jit zit lexvaiwjaiw, Kar kar denrue qongw, Kesir qycc qra qaqi dyww sryw dirr huxloxqingx decc liamrqingx . dirr guaw diamxduh ha, Kar suechok Kesir dngw laii ngi nirr, guaw dirr hiax qapp inx snahue. Kesir qycc cniurr derr id vaiw knuar diyc hitt hxingg, lunqux dirr vniqag. Kar uanjuann byy bingvik sniaw dairjir hro Kesir huatjy. Guaw qra Kesir cua zip kir vnervangg, bingrling qongw, bersaih liamrqingx, qra guaw qongw si jnuaxngiu.

Guaw jyr be qaur.

Liw jyr e qaur, Kesir.

Ix naxx cuanw naxx liam, liamrqingx ee langwpang diongx qongw, liw narr qycc hro guaw hitt jiongw qongw jin'ue ee iyc-aw , kyxlingg guaw dyrr jyr e qaur.

Bersaih, Kesir, jitt vaiw liw u qraur ligliong, liw rair kyr qaqi.

Ix a.- aicanx-c. knuar guaw .jit .xe, qycc liam. An' ix ee bagsinn qamxqag .diyc, ix si decc ham' guaw siurkir, simrjiww hin guaw.

Liw siurkir guaw. Guaw qongw.

Ix iyy tauu, qewsiok liamrqingx.

Kesir, guaw sniu e diyc jap quiw xee liw siurkir guaw ee lixiuu, liw m qongw, guaw byy huatdo jaix si dycc jit diauu. Liw erdangr qra guaw qongw, guaw jit sud aw dyrr be qenwquair liw.

Guaw beh siw air. Ix hnihnix hauw.

Be, liw be lar, Kesir, liw be in'ui siurkir guaw siw.kir. Guaw be sathai liw. Liw erdangr siurkir guaw.

Ix iuguann biccuir qongw, guaw ee zidjiw byy quw ar, guaw ee zidjiw byy zuarr quw ar.

Jitt jiongw qongxhuad tniax laii jin' qiquair, guaw naxciurr erdangr lensiongw diyc sniaw, jit sii kiokk sniu byy. jixhyw qycc qongw, Kesir, guaw air liw, guaw be uirdiyhh liw hin guaw dyrr cuxhuat liw.

Ix qangkuanw decc hauw, qongw, guaw hin :ee, m si liw.

Hionghiongg guaw sniu tongx ar, liw ee zidjiw byy quxdngg ar, dirr derbinrsiong byy quxdngg? Kesir, liw si qongw singwqingx derr go qaiwdiauu: ingwqaix hauwqingr verbuw, hro liw ee zidjiw dirr derbinsiong dngquw? Vuthaur verbuw dyrr e siw. Jex si liw ee simsu, driyc m driyc?

Kesir ser sniax qongw, "guaw hin ix". Derr zi sniax jiokk dua sniax qongw, guaw hin ix, guaw hin maxmah. Ix jurlaii byy be hro guaw… byy be hro guaw …byy be hro guaw jyr guaw jurqiw. Ix beh rair guaw cniurr ix qangkuanw. Vig guaw…vig guaw, ix byy be hro guaw jit diamw aw qihue.

Sursidsiong, Kesir ee dirliauu jiacc duxx kixvo nia, jendoo iauxx si kunwlann diongdiongg. Ix rair kikhok jin' je sewjad, jiacc erdangr jniajyr qaqi. Zinrcingx maxmah duiww ix ee kongwjer au, ix rair kixjy jurqiw ee qewdadquanx, qaqi quatding, jex e hro ix huisiongg qniax. Maxmah jyr quatding, dendyww qamxqag kacc anjuann, caixlap maxmah ham' qauwhue ee qewdat qaiwliam, itcer kacc qanxdanx lor. Jauxcue jurqiw ee sing'uac hongsid su'iaur dauzip kuiwlat. Aurlaii Kesir qongw, "liw jaix, guaw byy sniu beh dngw kir quewkir, kiokk u sii iauxx e huailiam hitt sii sing'uac jinghingg. Jiwjiyw dirr mow quaw hongbin, hitt jiongw zidjiw kacc iong'i."

Jiamrr u huatdo jurlip ee Kesir, tecud iongxkir ham' Kar tyxlun inx singr ee bunrdee. Kar ingwsingg qaixsen, kiokk byy dongrjing. Kesir duiww ix siqax aplik, Kar kaisiw cuthen jiaujyx jingwtauu. Kar cue guaw dramm, guaw qoxle ix cue lingrgua jit xee simliw isingx, jiacc kaisiw binrduir draii dirr simdew dongsingwluann kinghiongr. Viauxbin ix ham' Kesir qethunx, apjer jitt xee bunrdee, Kesir u jin' kipinw javoxlangg ee viaujunw luxsingr sinjaii, Kar qra dongwjyr itding air did .diyc ee "jiongxpinw", jex erdangr cionghun jingwbingg Kar ee lamsingr kiwkair. Kar byy jinx simx air quer Kesir. Liauxqaiw jitt xee sursit au, inx vingsun vran liauw lirenn.

SIMLINGG EE SOKVAK

Kesir kir jit qingx dua sing'idiamr bre snxax, ham' guaw tyxlun, dirr qangjog sii rair jyr doglip siyw quatding ee qihue je je, tuah quer tongwkow ee qinglik, hunwlen qaxx qending qycc jursinr. Qapp jin' je javolangg iokhue, beh cue jit xee qethunx ee duiwsiongr ngiuxci qniaxzii, kangkuer marr jyr qaxx jin' simsig zukuair. Dirliauu qetsog sii, ixqingx sringx jyr caixqangw :ee.Juewqin tniax qongxx ngua kir jit qingx qyckacc dua qingx ee qongsix. Jitmaw ix si jit xee kuaiwlok ee 27 huer o'niaux, byy kir qauwhue, byy singzin jurqiw si Tenjuxqauwdoo. Iauxx byy kakding si m si sinr siongrder, jin' tanxvec qra guaw qongw, jitmaw jitt xee bunrdee byy diongriaur.

Guaw digvet siongser qongw Kesir ee qowsu, in'ui jitt xee si jongqaur kuanqingw qapp simliw jingwtauu quanhe denxhingg anwle. Siarhue siong u vacban ee Kesir. U sii guaw ee qunxsngxciyr qongw, gunw simliw isingx juann kyr qauwhue sniuw gunw jit nguaw vng--- m na si Tenjuxqaur, Dniuxlyxhue, jimwsinwhue, lordikhue…, zimrhyy qauwhue longxx siy' qangg.

Dongzenn qauwhue m si jyrsingg Kesir sinqingx qnualingg vnerjingr ui'id ee guaninx. Qauwhue jixvutqyr si Kesir maxmah qenwlip byy habliw kuanuix ee qangqu ziiw. Maxmah ee dogcaii qapp vaxvah longxx m cab, jiacc si Kesir siongrr qinvunw ee vnerguann, ix ee vnerle marr jin' denxhingg. Qauwhue berdangr tuisag jikzim, siuluw ithiongr dyrr byy qoxle Kesir lixsingr ee jitgii jongqaur qauwdiauu, byy qar ix doglip sukyw. Qauwhue jit sud aw dyrr byy kyxliong qauwdiauu kyxlingg virr gordy, goriong, giamle quewtauu… ee bunrdee. Kesir ee bunrdee suibongw juansimx-juan'ir siongsinr siongrder, jap qaiwling cam' jue ee quanliam, mrqycc ix qewsingg ee jongqaur, sewqaiwquanx, uanjuan byy huhap su'iaur. Ix berdangr tecud jitgii qapp tiaujenr, marr berhiauw sukyw. Qauwhue uanjuann byy jo ix qenwlip jit jiongw kacc hac ix qywzinn ee guancongr jongqauwquanx, qamguan hro sinwdoo jiapsiok dingw jit dai ee jongqaur. Jex marr si henrdai siarhue ee henrsiong.

Kesir ee anwle jin' poxpenr, suacc hro jin' je simliw isingx knuar jongqaur jyr digzinn. Simrjiww zinruii jongqaur vunxsinx dyrr si jit jiongw sinqingx qnualingg vnerjingr—jit tyr sokvak zinlui simlingg, dnec siw simlingg singdiongw vunxlingg ee hxuix lixsingr quanliam. Qangxqiur lixsingr qapp kyhak ee SIGMUND FREUD (1856-1939), naxjunw marr caixcuw jitt jiongw libdniuu. Simliw isingx jurzin si henrdai kyhak ee dauwsu, qapp qoxlyw ee jongqaur besinr, byy habliw ee uikuann qauwdiauu sna' bog, si jin' cuwbi ee luirviw. Sursit, simliw isingx kaksit rair kaix dairliong ee siqanx qapp jingsinn, vangjan vnerlangg vaixtuat quewsii qycc u pywhairsingr ee jongqaur quanliam, dingsinx kixjy simlingg juriuu.

MARY EE UTJINGR

MARY si gauw jaxnii jit xee dngqii dirliauu ee vnerlang, 20 gua huer, qaqingw huwzu, si itvnuasingr ee utjingr laii :ee, byy kuaiwlok, singdiongw ee kuanqingw byy sniaw tangx baiuanr :ee. Guarviauw knuar .kiw .laii henxzenn byy cingsongw ee hxingg. Jin' u jnii, dairhak cutgiap, jngvan qaxx naxcniu songwhiongx / qau vne ee liulongr jabow. Dirliauu derr id nii, kacc cing dyrr si byy hahsux ox sig, kongw sig, niauxciw-aw sig, cimdee sig, tec jit xee amr sig qycc lacsab ee dua kax pangvor dre-aw. Inx daux qo' ix jit xee ginxaw, verbuw longxx sriu quer qydingw qauwiok, surgiap singqongx, dirr dairhak qar ceh. Inx qeqiamw u siarhue juxgi kinghiongr, zinruii jongqaur si "byy jnii langg ee a'penr". MARY 10 gua huer sii, bad ham' vingiuw kir qauwdngg, inx dyrr qra gex.

Kaisiw jiapsiu dirliauu sii, MARY uanjuann dong'ir verbuw ee quandiamw, ix jin' qiaugno qongw, guaw si bysinlunrjiaw---siongsinr zinlui narr erdangr vaklud u sinn junjai ee huanwngiaw, itding e sing'uac qyckacc hyw. Cuwbi ee si, MARY bang diongx ciongbuanw jongqaur ee viauxdingx. Vixzuu, jiauw-aw vuex zip cur lai, cuir qa .diyc iong qoxlyw bunzi siaw ee sinvir zirjuaxqngw. Jitt hongbin guaw byy iong amwiwsig laii jitgii. 2 nii ee dirliauu qiqanx, itdit byy tyxlun zimrhyy jongqaur bunrdee. Juxiaur dramm .diyc ee si ix ham' verbuw ee quanhe; jitt 2 xee derr id congbingg qycc u lixsingr ee langg, teqiongx itcer ee qingjer, qamxjingg vyxcii lixdir qapp dingxjinx ee siy' li. Inx m na qamxjingg souanw, qycc jin' dauzip vunxsinx ee surgiap, byy sniaw siqanx/ jingsinn vuepnua ix, MARY jniajyr simliw qozii, langg qongw ee "kyxlenn ee hyxgiac langg jaboxqniaw". Ix m guan binrduir jitt xee sursit, dagg vaiw guaw narr jixcud ix ee verbuw byy knuawdang ix, iacc si ix cing qaxx naxx qozii sii, ix dyrr e siurkir, qencii si duer liuhingg, guaw byy kxuann puepingg.

MARY ee dirliauu jinwhingg jin' ban, qaixvenr kiokk hionghiongg jauw laii. ingwqaix anne qongw, si gunw dauc duac aw qenwlip cinbidqamw, jitt jiongw qamxjingg qapp ix verbuw ee quanhe, jniajyr qionglet sna' duiwviw. Jinwzip derr 2 nii u jit zit jaiw, MARY qnrua jit kax sinx puevaux laii dirliausig, jitt xee puevaux viw ix jaxjingg ee dre-aw kacc ser snax hun ji'id, sikcaiw iamrle. Qycc laii dagg qywguec longxx e brew jit niaw qngsig ee sinx snxax--- qamaxngg, hunxnaa, nxng sig, cenxlik…cniurr jit luiw huex decc kuix.

Buew aw derr 2 vaiw, huesiongw jurqiw jinghongw ee qaixsen, anne qongw, liw jaix, jex jin' qiquair, guaw m na simqingw qaixvenr, guarviauw marr uanjuann qaixngiu, guaw iuguann druar qangg soxjai, jyr ee dairjir marr cavutdyx, duiww sewqair ee qamxqag kiokk venr ar, venr qaxx huisiongg ee byy qangg. Guaw qamxqag unluanw, anjuann, ciongbuanw aiwsimx, jin' cingwingw. Guaw e qir did qra liw qongw .quer, guaw si bysinlunrjiaw, jitmaw byy kakding ne! sursit, guaw byy zinruii guaw si bysinlun, hnuahiw ee sii, guaw e qra qaqi qongw, siy' sux siongrder junjai, byy siongrder ee soxjai be jiacnirr hyw. Jin' qiquair, jitt jiongw qamxqag guaw berhiauw viauxdat. Qandna' qamxqag jurqiw si jit vxag dua nadoo dingw huisiongg sidjer ee jidvorhun, suibongw qui' xee dobin guaw jaix :ee byy je, kiokk jaix ix jinjniar junjai, ix si hyw :ee, guaw si qidiongx ee jidvorhun.

Qingquer dirliauu, Kesir duiww sinn uanjuann sinwhok venwjyr byy qycc diwdang. MARY ui' liahgua ee quanliam qaur kingxding sinn ee junjai. Qangkuanw ee dirliauu dingsu, qangg jit xee isingx, qetqyw knuar.laii byy qangg, mrqycc longxx si singqongx :ee. jiaxee, lanw be anxjnuaw qaixsueh? Beh huntiah jinwjingg, lanw qycc laii knuar jit xee anwle.

A'DIG EE SING'UAC

A'dig laii ee sii 30 huer, quewkir 7 dxangx qo' langg druar dirr ciurnaa lai bogjy ee ser qingx cur. Vingiuw byy je, byy digvet cinqin :ee. snax nii laii m bad ham' jabow iokhue .quer, samvutgorsii jyr quaw qanxdanx ee bakqangx, dairvorhun ee siqanx decc diyr hii, knuar ceh, juw vng, sew cair, brew quaw siok ee qangqu…dringw, qigqex si sniu knuar beh anxjuanw jyr, qaix m qaix brew, byy qaiww diongriaur ee quatding. Qisit, ix u jit dua vid uisanw, qinvunw dyrr byy kiamr jnii. Langg kiauw, derr it vaiw laii, dyrr singzin simliw vangvnuaa ar.

Guaw jaix, qaix congwjy zinsingx, kacc u qenwsetsingr, kacc u iwgi lehh, mrqycc sing'uac ee siyw su dyrr berhiauw jyr quatding ar, qycc u sniaw tangx hyw qongw ne? guaw ingwqaix kir tak genxqiuwsow, yc jit hxang juangiap, jyr surgiap…, zimrhyy jit hxang guaw longxx byy air. Marr kyxlu quer qar ceh, hagsut qenxqiur, qokjer quanhe, ngirkyx, longgiap, singtair---byy jit hxang kipinw guaw. Gauw cir jyr 1~2 zit-aw, bunrdee dyrr cuthen ar, muixx jit xee lingxhik, naxjunw longxx u byy huatdo kikhok ee landee. Sing'uac vunxsinx marr si anne.

A'dig qongw, 18 huer zip dairhak jinwjingg, itcer longxx byy bunrdee. Ix si jit xee vinghuann ee ginxaw, qading huwzu, 2 xee a'hniax; verbuw qamxjingg byy hyw, duiww qniaw ee jiauwqor jin' dingxjinx; dirr sulip qiawsog haghau tak, singjig iusiur. Aurlaii – jex qnaxx si quanqenr—ix zedjingg air diyc jit xee jabow ginxaw, duiwhongx dirr zip dairhak jingg jit lexvair qirjuat ix. Hro ix jin' ywlyc, id nii qui' dxangx longxx decc limx jiuw, singjig sngw be baiw. Qycc laii, luanair .quer quixarr vaiw, longxx byy he jingsinn, dongzenn byy singqongx. Singjig kaisiw tewvo, m jaix vywqyr qaix siaw sniaw, snax nii sii, hyw vingiuw Hank hro ciax longr siw .kir. Ix u dro .quer. simrjiww qaiw jiuw.

Diuduu ee bunrdee zuxx laii suacc zuxx okhuar, byy huatdo quatding vitgiap lunrbunn qaix siaw sniaw debak. Haghunx jiauu sriux uann, suer cur dirr haurgua. Jixiaur qycc qaux jit pnix dew dew ee lunrbunn, dyrr tec diyc hagui ar, itvnualangg jit qywguec e uansingg, ix si jiokjiog 1 dxangx. Cuxau, sniaw dyrr byy jyr. 7 nii jingg vnuax zip kir cimsnuax nalai druar.

A'dig zinruii ix ee bunrdee qapp singr iuquanx. Ix ee kunwlann qamxx m si ui' sitluann kaisiw? Ix tak quer SIGMUND FREUD muixx jit vunw(viw guaw tak .quer qyckacc je). Dirliauu ee jingg 6 qywguec, gunw tamwtyw ix donglenn ee singr huatdenw, byy qetlun, hitt sii ix qywsingr u quaw cuwbi :ee kaisiw henw cud laii. qidiongx ix ee zedsingg jin' kiamwkuad. Kyxviw qongxx, ix vunxlaii qitai bin'axjair hyw tnix cud zidtauu, danw bin'axjair qaur sii, ix e cringr jit xe qingqah, k.-kinsangx-s. qongw, byy sniaw byy qangg, hnuaidit zidziw jongw si rair quer. U jit vaiw, ix diyr diyc vuii qycc dua buew ee hii, "guaw jit xee langg jiac be uann, byy vingiuw draur jiac, qycc danr dngw kir oo lai.

Duer jitt jiongw byy zedsingg laii ee, si duiww zimrhyy su ham' but viauxsi kinsi, knuar be kiw, dirr ix ee sniu huad, juann sewqair byy hongqeh, byy daddid cir jubi, sursu-hangrhang longxx u kiamwdiamw. Guaw jiamrr kaisi huaigii ix si m si iong nxng nirr qingw qudtuau ee simtair qapp soxu kyxlingg ingxhiongw ix simjniaa :ee vyxcii siy' li. A'dig qycc jiokk siuw viwbit, jex marr hro dirliauu jinwdenw qaxx jiokk ban :ee. gauw rair duiww ix ee cuir nirr "tyr qycc tyw " cud soxu ee diongriaur juliau.

A'dig jyr quer jit xee bang: guaw dirr jit qingx qauwsig, u jit qnia mic – m jaix sniaxmic—ixqingx dyrr siux zip dirr sniux-aw nirr, hrongx.kiw .laii, byy air hro langg' jaix hex si sniaw. Guaw qra sniux-aw congr dirr kangsimx ee ciurkox nirr, iong jin' iur ee losix qra ciurpuee qowding dirr sniux-aw guarbin. Jre dirr qauwsig sii, suacc hionghiongg sniu diyc losix naxjunw byy sryw ann, jit kaisiw guaw jin' qinxdniux, vuex dngw .kir, qinw qra syw hro hyw, jiacc qamxqag ansimx, ersaih dngw kir siongrkyr ar. Cam' jin' je qitnax ee langg qangg, bang nirr ee qauwsig, siongrkyr duiww a'dig longxx si jingsinn dirliauu ee viauxjingx. Henxzenn, ix byy air guaw cue cud ix sinqingx qnualingg vnerjingr ee qattauu.

VITSUNN

6 qywguec au, A'dig ee jenwqah jiacc cuthen derr id ee siyw vitsunn. Laii jinxsow jingg jit amr, ix kir vingiuw hiax cittyy, ix jin' vutbuanw qongw, jaamr taiww byliauu lehh, qiyr guaw tniax ix brew ee sinx cniuwpnir, si denrngiaw JONATHAN LIVINGSTON ee guansniaduar NEIL DIAMOND cniur :ee. jin' huann, guaw m bad uirjnuaxngiu sriu quer qauwiok ee langg e zinruii jitt jiongw dasyr :ee si hyw tniax? Qycc qongw si imgak?

Ix ee huanxingr taiww qiongg lehh, inw guaw didqag juwir.diyc, qongw, JONATHAN LIVINGSTON si jit vunw jongqaur ee ceh, puer ee imgak marr u jongqauwbi hno?

Liw narr qra dongwjyr imgak, kyxlingg ersaih qongw u jongqauwbi or!

Kyxlingg liw byy qac'ir jongqaur ee qamxqag, m si imgak vunxsinx?

Kyxlingg si, guaw si vutjiw aw tyxiar hitt jiongw jongqaur :ee.

Hitt jiongw jongqaur, si dycc jit jiongw?

Qexsenx-qexdag, lamrjingg. Ix iong jin' gersiauu (ginrsinn) ee viauxjingg ham' kauximx qongw cud jiaxee zirganw.

Lingrqua iauxx u sniaxngiu ee jongqaur?

A'dig u quaw kunwjiauw, damrvyc aw jauluan qongw, guaw sniu byy sniaw lar, jongqaur ithiongr duiww guaw byy kipinxlat.

Itdit longxx si or?

Ix kuatham ciyr .jit .xe, m si, guaw cingcunqii taukag byy cingcniw, sinr qxaur jin' cingsimx kensingg. Qysnax dirr qiawsog haghau, si haurlai siyw qauwdngg ee jibsu.

Aurlaii jnuaxngiu?

Sniaxmic aurlaii?

Liw ee jongqaur sinwgiongw jnuaxngiu qaixvenr?

Dairkair si guaw duarhanr ar, byy su'iaur ar.

Liw si anxjnuaw singdiongw ee?

Liw si sniaw iwsu? A'dig jin' byy hnuahiw qongw, langg si jnuaxngiu singdiongw? Jin' jurzenn ar, dyrr si anne ar.

Liw sniaxmic sijun huathen jurqiw ixqingx singdiongw qaxx byy su'iaur jongqaur?

Guaw m jaix, qra liw qongw, dairhak dyrr m bad kir qauwhue ar.

Uanjuann byy?

Jit vaiw dy' byy.

Liw qysnax jyr haghau qauwdngg ee jibsu, zuac .langg sitluann jit vaiw, liw dyrr byy kir jyr lexvair? Jitt jiongw qaixvenr jin' qiglet. Liw knuar, jex ham' jabow ginxaw ee qirjuat u quanhe hno?

Jitt xee uerdee byy iwsu. Guaw jin' je vingiuw longxx u siy' qangg ee qinggiam. Hnuaidit hitt xee sidai, sinr qxaur jin' liuhingg. Kyxlingg jabow vingiuw ham' jex iuxquanx, higjiaw byy quanhe, guaw nacc e jaix? Qandna' jaix aurlaii duiww jongqaur uanjuann byy cuwbi ar.

Qycc laii dudpuawsingr ee huatdenw qnaxx si jit qywguec au, gunw decc tyxlun duiww sniaw longxx byy hingwtauu ee bunrdee. Ix singzin, guaw juewau jit qnia u zedsimx ee su, dairiog 10 nii jingg, dairhak snax nii ee hagqii beh qetsog jingg ee vywqyr siaw henrdai ingbunn six, siaw qaxx jin iongrsimx.

Liw ee debak si sniaw?

Hex jin' quw ixjingg ar, be qir did ar.

Ovec qongw, liw sniu .jit .xe, itding qir e kiw .laii.

Si siaw GERARD MANLEY HIPKINS(1844-89) lar! Ix si derr id xee jinjniar henrdairsix ee sizinn. Hyxcincniurr dramm diyc bixle ee huediamw (PIED BEAUTY) jitt siuw six.

Guaw zip kir cecvangg tec guaw dairhak sidai ee Inggiw six kywvunw, bixle ee huediamw(PIED BEAUTYsix 1918) derr 819 iac, guaw anne liam:

Uirr canwlan ee banrbut ylyw siongrder---

Je sig ee tnix hunn cincniurr huevanx ee lingguu

Muequir hueqir diamw dirr decc siuu ee hii

Tnuawhuew nii ee ladjiw vivix vogvok; Jiauw decc vuex

Snua'yx, hiycqingde, sinx lee ee cann, jit renn jit dingg ee qingxdir;

Qokk hangg qokk giap, byy qangg ee cingrcah, qangqu, lingqnia.

Itcer sna' duiwviw, guancongr,viriong, qiquair :ee,

Venwhuar je je ee banrbut qau'iongg sna' puer(si'ngw jaix anxjnuaw jyr?)

Qinw diongx u ban, dnix qamx u sngx, bongbu nirr u bingkir.

IX congwjy ee bixle ciauquer venwhuar je je

Ylyw IX

Guaw vutjiw aw qamxdong qongw, jex si jit siuw ciongbuanw zedsingg ee six.

Si ar.

Jitt siuw marr si jongqauwsingr jin' qiongg ee six.

Driyc.

Liw dirr ciuquir hagqii qetsog sii siaw jitt hxun vywqyr, anne si jniax-guec lor?

Si ar.

Narr qongw guaw byy qir m driyc, liw ee vingiuw Hank si qangg nii ee zi-guec quewsinx ee.

Si.

Kiwhunx jin' qinxdniux, guaw m jaix xe jit vo qaix anxjnuaw vran? Qandna' vin' didqag qewsiok duix .lyc .kir. Anne qongw .laii, liw 17 huer hro derr id xee jinjniar ee jabow vingiuw qirjuat, liw hongwkir jongqaur sinwgiongw, 3 nii au, siongrr hyw ee vingiuw vuthing sixbongg, liw suacc laii hongwkir soxu duiww dairjir ee zedsingg.

M si guaw hongwkir, si guaw jitt hongbin ee qamxqag ho'ngg sucdax kir. A'dig ziangw .cud .laii, m bad knuar ix jiacc qikdong .quer.

Siongrder qirjuat liw, liw iarr qirjuat siongrder?

U sniaw m driyc? Jitt xee sewqair u qraur aur, itdit si jin' aur. Ix rinr dngw laii.

Guaw sniu qongxx liw ee donglenn jin' tiongwlok.

Jiacc byy lehh, qangkuanw aur.

Guanlaii si anne, diamrjing ee guarviauw, A'dig ee donglenn sing'uac itdit si jitt xee huecjuiw cabcap dih ee jenwdniuu. Ix 2 xee a'hniax itdit jin' okdok ki'ab ix. Verbuw juansimx surgiap, qycc horsiong uanwceh, byy ingg quanw ginxaw ee bunrdee, iarr m bad beh vyxho ix. Bih dirr jngkax qaqi jit xee langg samwvo si A'dig siongrr dua ee anuir. Ix li langg' hng hng, qo' langg druar ee hinguii bosid dirr 10 huer jinwjingg dyrr draii lyc ar. Qiawsog haghau qiamxcaiw marr u dua kiax ser, qiongg lingdii ziok ee hinguii, kiokk ixqingx hro ix sangx jit kauw kuir ar. A'dig dramm diyc jiaxee ongxsu, duiww sewqair ee uanwhin itdit qongw byy tingg. Cuxau ee quixarr qywguec, hueqor hiaxee byy cingsongw ee donglenn, Hank ee siw, qapp qitnax sngr be uann ee sixbongg, qirjuat, sitlyc. Ix ee itsingx cniurr jit xee ciongbuanw sixbongg, koxtanr, guihiamw qapp voghingg ee dua vun.

SIW NIRR EE SNIWMIARHUNN

Qingquer 15 qywguec ee dirliauu, cuthen jit xee juanxnguardiamw. A'dig jah jit vunw siyw po-aw, ix qongw, liw ciangjai qongw guaw sniu' amwkamr qaqi, sursit marr si anne. Jaamr guaw dirr jit quaw qu mic nirr cue diyc jitt vunw guaw dairhak 2 nii ee ciuxjicpo, guaw iauxx bue dingg tak, jiauww guanmau qaux liw, kyxlingg liw u cuwbi knuar 10 nii jingg guaw si sniaxngiu.

Iong 2 amr ee siqanx tak uann jitt vunw zidqir, jingwbingg ix dongsii air qo' langg laikir, hnuahiw qodok ixgua, byy sinx juliau, inw guaw juwir :ee, si hitt nii jniax-guec jit xee lexvaiwzit, jit xee langg kir vecsnuax, hongseh ee joxdongr, qaur vnuar mee jiacc dngw laii qaur sioksiar ee qiwjair. Ix anne siaw, ving'anx dngw .laii, hro guaw qonghiw ee qamxqag, naxcniurr qu nii zuac .langg hitt vaiw ui' sixbongg nirr dyy snex qangkuanw. Aurhuee qniwbin sii, guaw dyrr mng hex si jnuaxngiu ee dairjir.

Qra liw qongw .quer ar. Ix qongw.

Dagg vaiw ix narr si anne qongw, longxx si kiwdoo muakamr, guaw ixqingx knuawtaur jitt diamw, qewsiok mng.

Liw e qir did guaw id nii beh sringx quer 2 nii ee hiyczuac, kir FLORIDA jyr snuawqangx hno? U jit dniuu dua hongtaix, liw jaix guaw ithiongr jin' cuwbi vorhongx duarho, guaw tranr hongingw siongrr dua ee sii, qniaa qaur votauu. Jit jun dua ingw ciongx .laii, qaw guaw lyc haiw, sui' qycc jit xee ingw sangr guaw huee hnua. Jiacnirr aw qanxdanx, jit xe aw quw nia.

Liw dirr hongingw siongrr dua ee sii jauw kir votauu? Hro guaw jin' pnaiw siongsinr.

Guaw qongw guaw air vorhongho, guaw jin' air texhue hitt jiongw dairjurzenn ee qikqongg hunwno.

Jex gauw erdangr liauxqaiw, guaw marr air hongho, mrqycc guaw be hro qaqi hiacc guihiamw.

A'dig iong kuixir ee kauxkir qongw, hyw lar, liw jaix guaw u jursad ee kinghiongr. Guaw qaqi hunsig .quer, hitt nii zuac .langg guaw jin' sniu beh jursad. Qongw sit :ee, guaw be qir did si m si u py diyc jursad ee iwdoo qniaa duiww votauu kir, guaw jixsi jinjniar byy jairir sniwmia.

Liw hro ciongx zip kir haiw nirr?

Si ar, guaw byy jin' kakding huatsingx sniaw dairjir. Ingw jin' dua, sniaw longxx knuar byy, qandna' qamxqag laii jit xee digvet dua ee ingw, duxx qra guaw qngw jauw, qui' singkux praur dirr juiw nirr, uanjuann byy jurqiur ee linglik. Sniu qongxx itding siw ee, jin' qniax. Quer jit xe quw, qui' xee langg qycc ho'ngg sangr dngw laii hnua vnix, longr diyc votauu ee angmngtoo tiau, qunxliongr vee jnriu hnua, kax/ciuw jywhuew vee dngw laii, singkux quixarr xui longr qra ocnix ginghueh, byy qitnax ee siongx.

Liw u sniaw qamxsiongw?

Liw si sniaxmic iwsur? Qamxsiongw? A'dig iong huanxkongr ee kauxkir qongw.

Byy sniaw iwsur, siw qycc uac, u sniaw qamxsiongw?

Oor, guaw sniu unrkir be baiw lar.

Unrkir? Liw zinruii ingw qra liw qycc qaw dngw laii hnua vnix, jixsi kaxhap?

Si ar, dyrr si anne.

U langg e qongw si qijig.

Si guaw qniaun.

Dyrr sngr liw qniaun hyw lar. A'dig, liw duw diyc soxu vuthing :ee, longxx quair siongrder, liw uanr jitt xee sewqair aur. Dng' liw duw diyc naxx qijig ee hyxsu sii, kiokk zinruii si liw hyxun. Liw duiww jex anwjnuaw qaixsueh?

VUH GEE

A'dig liauxqaiw jurqiw ee siangdingg viaujunw au, jiamrr kaisiw kacc juwir siwkouii huatsingx ee diamxdimaw dicdih, m na knuar oamwbin, iarr zinrdix qongbingbin ee junjai. Qycjaiww huesiongw Hank… dringw qitnax ee sixbongg, pingsimw zinsingx lingrgua jit bin; singzin zinsingx tongwkow si berdangr jauxsiamw ee, sniwmia guanlaii ciongbuanw maudunw ee huevanx qapp vehdiy. Gunw dauwdin ee jinghingg iarr duer diyc ix quanliam ee kuikuah, venr kacc iuxsen/ cinced /zukuair. Ix qycjaiww u cuwbi ham' langg' iokhue, duiww guarqair ee itcer marr jiamrr u zedsingg. Ix ee jongqaur sinwgiongw dingjair vuh gee, muixx jit xee snix / siw, congwjy/ huixbet ee ywbiau. Tniax jongqaur imqak, knuar sinhak ee ceh, simrjiww brew jit vunw JONATHAN LIVINGSTON SEAGULL.

2 dxangx ee dirliauu, u jit zit jaiw, A'dig suanvor ix "cutgiap" ar.

Guaw qewue sincingw tak simliw genxqiuwsow. Liw kyxlingg e qongw, guaw kiwdoo bohongw liw, guaw u siongser sniu quer, m si anne.

Qycc qongw lyc kir, guaw qoxle ix.

Gauw qamxqag ingwqaix jyr quaw jinjniar daddid jyr ee su. Zuqyw beh dngw kir tak ceh, dyrr tak jit kyx jinjniar diongriaur ee kywdingg. Juewau quatding, zinlui simlingg huisiongg diongriaur, simliw dirliauu marr jin' diongriaur.

Zinlui simlingg/ simliw dirliauu si siongrr diongriaur oor?

Or, guaw sniu, siongrr diongriaur ee si siongrder.

Anne, liw nacc m kir genxqiur siongrder?

Jex si sniaw iwsur?

Siongrder siongrr diongriaur, liw uirsniaxmic m kir genxqiur siongrder?

Sitlew, guaw tniax byy liw decc qongw sniaw?

Hex si liw m quanrir bad.

Guaw jinjniar m bad, langg jnuaxngiu kyxlingg genxqiur siongrder?

U simlixkyx, marr u kyhe genxqiur siongrder ar.

Liw si qongw sinhagngi?

Si.

Liw si qongw, jyr bogsux.

Si.

A'dig qniax jit diyy, liac guaw qimqimx siongr, qongxue qycc e pahqad, hex bersaih!

Uirjuanxngiu?

Simliw isingx qapp bogsux iarr byy sniaw byy qangg, guaw si qongw, bogsux vnuaenw simliw dirliauu qaksig, simliw dirliauu ham' tuandy jin' luirsu. A'dig nngw nngw aw qongw.

Ar liw nacc m kir tuandy?

A'dig qenwsiaur dngw siurkir, liw jnuaxngiu beh vig guaw? Surgiap si guaw qywzinn ee suanxdik, guaw beh jyr sniaw si guaw ee juriuu. Simliw isingx bersaih diamxduh vnerlangg anxjnuaw jyr, liw byy kxuann ter guaw quatding. Guaw beh qaqi jyr quatdik.

Liw tniax hro hyw, guaw byy ter liw jyr quatding; sunzenn si ter liw hunsig, ter liw hunsig lingrgua jit xee kyxlingsingr, liw kiokk mow jiongw guan'inx m kingw qra jitt xee kyxlingsingr ledzip, jyr kyxlu. Liw qaqi qongw beh jyr siongrr diongriaur :ee, zinruii siongrder si siongrr diongriaur ee, dng' guaw iauqiuu liw kyxlu qra "uirr siongrder" dongwjyr surgiap sii, liw iuxqycc uanjuann vaitig(vaited). Liw qongw liw jyr be qaur. Byy bunrdee. Dyrr sngr liw jyr be qaur, liauxqaiw liw uirhyy jyr be qaur, kiokk si guaw ee jitjig huanruii lai, liw uirjnuaxngiu byy be kyxlu jitt xee kyxlingsingr?

A'dig u kuir byy lat qongw, guaw dyrr si bersaih jyr bogsux.

Uirsniaw?

In'ui…in'ui bogsux si ter siongrder jyr dairjir, jex si jiongww langg soxx jaix ee, anne guaw dyrr rair qongkaix guaw siongsinr siongrder, guaw vitsu'iaur qongzenn viauxhen guaw jin' kensingg, jex guaw jyr be qaur.

Si or, liw itding rair taux taux aw sinr, si m si? Liw ersaih qnuaix dirr vangqingx lai kensingg, dairjiongw jingg liw jyr be qaur, driyc m driyc?

A'dig tow duarkuir qongw, liw byy liauxqaiw guaw ee jinghingg. Dagg vaiw guaw narr qongw cud duiww sniaw jin' zedsimx, a'hniax dy' tixciyr guaw.

Anne qongw, liw jitmaw iauxx si 10 huer lor, liw iauxx si ham' liw a'hniax druar dauwdin sing'uac hno?

A'dig kaur qra jin' siongsimx, naxx hauw naxx qongw, "m na anne, verbuw marr iong qangkuanw ee hongsid huat guaw. Narr jyr m driyc dairjir, dyrr qra guaw siongrr qac'ir ee mic tec jauw. Lanw sniu knuar lehh, A'dig siongrr air sniaw? Oox, xe lexvair beh kir a'qox daux, ix e jin' hnuahiw, anne lanw dyrr vutjunw ix kir. Dyrr anne quatding, iauxx u ix ee qingjnir, ix siongrr air sngw ee ginxaxmic, lanw dyrr qra siux .kiw .laii, mair hro sngw." Jin' qanxdanx ee jit xee vorsor, inx qra guaw soxx qac'ir :ee longxx cniuw jauw, guaw air :ee, jaxban longxx e hro inx tec liauxliauw.

Qaur jitmaw, jiacc dag diyc A'dig ee qinvunw vnerguann. Vin' ix jurqiw ee iwjir, itjairr tecniw qaqi, ixqingx m si 10 huer ginxaw , byy sriu verbuw quanxjer, a'hniax apvig, jiamrr u viauxdat zedjingg ee linglik, denxhen duiww sniwmia / siongrder ee zed'air. Quatding kir sinhagngi. Beh kir tak ceh ee jingg quiw lexvair, qaux hro guaw jit dniux dingw guehzit jinxliauhuir ee jipiyr, digvet inw guaw juwir ee, THEODORE ee ciammiaa, m si A'dig. Jex si anxjnuaw ne?

A'dig qongw, sewhanr sii, a'qox qra guaw qongw, THODORE eeiwsur si "air siongrder ee langg", guaw ingwqaix qongingg. Guaw jinjniar qamxqag jin' qongingg, dyrr kir qra a'hniax qongw, qetqyw inx itdit qra guaw ciyr, iauxx qycc qongw guaw naxx jabow ginxaw. Guaw dyrr m qnaw qycc iong jitt xee miaa. Quiw lexvair jingg, guaw hionghiongg huathen jitt xee miaa byy hro guaw qamxqag gairgiyc, quatding iong guaw ee juanmiaa. Guaw vunxlaii dyrr si jit xee air siongrder ee langg, qamxx m si ?

NGIXAW QAPP SEW SINKUX JUIW

Lanw taujingg soxx qongw ee le, longxx si beh huedab jit xee bunrdee: sinwgiongw siongrder si m si jyrsingg jit jiongw simliw vnertair? Beh anxjnuaw kikhok donglenn qauwiok, sing'uac kuanqingw nirr ee tuantongw / besinr ee kanjer, dyrr itding rair mng jitt xee bunrdee. Mrqycc ui' jiaxee le laii knuar, dap'anr vutjiww jit xee.

U sii si kingxding :ee. Kesir duiww qauwhue /maxmah qiongquanr hro ix ee sinwgiongw qui' xee jiapsiu, binghenw joxgai ix ee singdiongw, doghai ix ee simlingg. Jixu duiww sinwgiongw tec cud jitgii, hongwkir singwgiongw, jiacc e kuidenw cud kacc kuah, buanxjiog, u singsanxlik ee sing'uac, anne, Kesir jiacc cue diyc singdiongw ee juriuu.

U sii dap'anr kiokk si hoxding ee. MARY ee singdiongw hro ix tuatli donglenn ec /siyw uxdiu, jinwzip jit xee kacc dua kacc unluanw ee sewqair, dongsii sinwgiongw dirr ix ee simlai diam diam aw jurzenn snitnuar. A'dig ee simlingg qycc uac, kacc qaixhongr, ham' ix cue dngw laii sinwgiongw qyckacc berdangr hunquah ee quanhe.

Zuhyy binrduir jitt xee naxx driyc iuxqycc si m driyc ee dap'anr? Sunmng jinsiongr si kyxhagqax ee tenjid, inx marr longxx si poxtongx ee langg, hibang cue diyc jit xee qanxdanx bingliauu ee qaixdab, jex suacc hro inx decc tamwtyw jongqaur singwgiongw sii, jin' iong'i lag zip kir 2 jiongw hamrjnew, jit jiongw si sniaxmic dyrr vutquanw, itlut vaigua, qra ngixaw/sew singkux juiw jywhuew danr driau. Lingrgua si jurqiw uercud huanruii, m kingw singzin qaqi sigsai ixgua :ee, iauxx u jin' je daddid liauxqaiw ee surbut.

Siongrder jinsiongr ee sinkux vnix, henxzenn u dairliong lacsab ee sew singkux juiw: singwjenr, jongqaur simxpnuar, dongrbut hisingx, uac langg henr jrer, besinr, buxlong langg, qauwdiauu juxgi, bydix, qexsen, qandan' qaqi driyc, qowjib, jankog, ceh siyx driau, huexsiyx angii, tingjiw qauwkuann, qniahniaa, qiongvig hogjiongg, vnertair ee juerokqamw, liahqongg…sngr be uann. Duiqiur .kiw .laii, jiaxee itcer si siongrder duiwvutju zinlui, iacc si zinlui duiwvutkiw siongrder? Sinwgiongw jniajyr huixbedsingr qauwdiauu juxgi ee jingwqur je je. Anne, bunrdee cud jairr langg siongsinr siongrder, iacc si langg iong'i penhiongr qauwdiauu juxgi? Jicjiab quer giamxgne bysinlunrjiaw ee langg longxx jaix, jitt jiongw langg qencii byy sinr sinn, dogduanr-doghingg ee tingdo, byy viw zedqongg ee jongqaur sinwdoo hyw zuarr je. Lanw qaix siauduu :ee, si sinwgiongw vunxsinx? Iacc si qauwdiauu juxgi?

KYHAK SINGWJENWSU

Siongrr iong'i qra ngixaw qapp sew singkux juiw jywhuew puah .cud .laii .ee, ongxongw si kyhagqax, jex si in'ui guaw taujingg qongw.quer, kyxhak marr si jit jiongw jongqaur. Duxx jiapsiu kyhak sexlew ee langg, penjib(qikqud) ee taiwdo qapp Qidokqaur ee Sibzirqunx iacc si ALLAH ee singwjenwsu byy sniaw cavet. Dng' inx ee qadingg, bunhuar vuewqingw guanvunw muaw siwqer si sinwgiongw jyrsingg ee bydix, besinr, qowjib qapp qexhyxsimx sii, penjib kyxlingg qyckacc jiahlat. Dirr longr qaxx cruir qeqee guansiw sinwgiongw ee dongrqix vuewau, m na u diwsig ee insor, marr camjap simjingg ee singhun. Kyhagqax narr erdangr zinrcingx, kyhak qapp jongqaur qangkuanw e ham zip qauwdiauu juxgi ee kyxlingsingr, dyrr sngr singsik ar.

Guaw bad jin' qenquad qiongdiau, langg' qar lanw ee surbut, qapp bunhuar iakding-siogsingg ee itcer, caixcuw kyhak ee huaigii taiwdo, si duiqiuu simlingg singdiongw berdangr kiamr ee iauwsor. Kyhak vunxsinx, u sii lanbenw jniajyr bunhuar ee too-angaw, caa-langg, lanw longxx rair jungii. Lanw erdangr singsik qaur tuatli jongqaur, marr u kyxlingg singsik qaur jiapsiu jit jiongw jongqaur sinwgiongw. Ciongbuanw cnegii ee bysinlun iacc si vutkyxdix ee lunrdiau, byy itding si kacc quann jancur ee sewqaiwquanx. Dendyww lanw u lixiuu siongsinr, itcer biurgo hamwqow sinn ee quanliam vuewau, u jit xee jinjniar ee sinn junjai. Urmiaa ee sinhagqax PAUL TILLICH(1886-1965) qongw ee "sinn siong ji' sinn(GOD BEYONG GOD)" dyrr si jitt xee iwsur. Marr u qidokdoo hnuahiw qaxx longr qow tiaur bruw suanvyr, siongrder siw ar,siongrder banrsuer, jex si qangkuanw ee dyrliw. naxjunww simlingg singdiongw ee lo, si singx qniaa cud besinr, jinwzip vutkyxdix, jiacqycc tuatli vutkyxdix, jinjniar zinrbad sinn. Qauw-vah nii jingg ee diwhuirjiaw SUFI ABA SAID IBN ABI-L-KHAIR dyrr si qniaa anne ee jit diauu lo, ix qongw,

Itdit qaur hagngi qapp qauwdngg ee jiamx tah pag lyc laii

Lanw ee singr qangx jiacc sngr uansingg

Itdit qaur sinwsimx jniajyr qirjuat, qirjuat jniajyr sinwsimx,

Byy anne, dyrr byy jinjniar ee hueqauwdoo

LIAC CUD QINGUANN

Vutquanw simlingg singdiongw ee lo si m si vitzenn ee ui' bysinlun hiongr jingwkag ee sinwgiongw huatdenw, cniurr MARY , A'dig inx ee simdir singsik, caixcuw huaigii libdniuu ee langg, kaksit naxjunxx hiongr sinwgiongw ee honghiongr singdiongw. Qyckacc daddid juwir ee, inx vueiongw .cud .laii ee sinwgiongw qapp Kesir vaixtuad ee hitt jiongw uanjuann byy qangg. M na jongqaur hunx je je jiongw, sinwgiongw ee jancur iarr hunx je je jiongw. U quaw jongqaur kyxlingg duiww mow quaw langg iuxhai, u :ee kiokk si u lxi.

Jitt jiongw zinrbad duiww simliw dirliauu qangjog ee kyxhagqax qyckacc diongriaur. Inx didjiap cuxliw singdiongw ee bunrdee, dui' jit xee langg jongqaur texhe si m si qenrkongx ee pnuawduanr si inx ee jitjig. Simliw dirliaujiaw dyrr si byy sriok FREUD ee hertongw, jiwjiyw rair si huaigipair ee, inx kinghiongr qra zedqongg ee sinwgiongw itqair knuar jyr vnertair. U sii jitt jiongw taiwdo u quaw penqenr. Byy zuarr quw jingg, guaw duw diyc jit xee dairhak sir nii hagsingx, quixarr nii jingg bad kyxlu cutqex. Jit nii jingg ix kaisiw jiapsiu simliw dirliauu, dnaxx iauxx decc jinwhingg. Ix qongw, "mrqycc guaw itdit m qnaw qra isingx qongw guaw ee sinwgiongw ham' sniu beh cutqex. Guaw zinruii ix berdangr liauxqaiw." Guaw duiww jitt xee siauwlenn langg ee liauxqaiw, iauxx byy huatdo vingqow ix cutqex ee iwguan si m si u sinqingx qnualingjingr ee kinghiongr. Guaw jin' sniu beh qra jitt xee siauwlenn :ee qongw, liw ingwqaix qra isingx qongw, itcer tanxvec, dirliauu jiacc e u hau. Hyhongw jitt xee dairjir qycc si jiacnirr diongriaur. Liw qaix sinwzin isingx e caixcuw kecquanx ee taiwdo. Mrqycc guaw byy qongw. Quaw sidjai m qnaw kingxding ix ee isingx si m si kecquanx, si m si jinjniar u liauxqaiw.

Qra jongqaur quewhun qanxhuar ee simliw isingx, u sii e hro vnerlangg ham zip vutli ee cuxqingw. Bylun inx itjair kingxding soxu jongqaur longxx iuxli, iacc si qra jongqaur itlut vaited qongxx si diwvne ee digzinn, longxx e u bunrdee. Qangkuanw, zuqyw lanw narr bih dirr kecquanx binrdar ee aurbin, duiww vnerlangg jongqaur bunrdee siamxpiah m dramm, marr qaixquad vutliauw bunrdee. Guaw erdangr liauxqaiw, caixcuw vnehingg kecquanx ee lipdniuu m si qanxdanx :ee, mrqycc hibang soxu simliw dirliaujiaw decc jiapciog sinwgiongw bunrdee sii, longxx erdangr iong kacc singsik byy huepiah ee taiwdo.

UI' VONGRKANGX KNUAR?

Simliw isingx u huathen, vnerlangg dirr knuar mihqnia ee qamxqak cuthen jit jiongw jin' qiquair ee vnerjingg: jiaxee vnerlangg qandna' knuar e diyc jniar taujingg jit pxenr huisiongg ec bicbih ee huanruii, dingw / xe / jniar ciuw/ dyr vingg juanvo longxx knuar be diyc. Inx berdangr dongsii knuar diyc vaii jywhuew ee 2 qnia mic, itding rair qra tauu kix quer laii, jiacc knuar e diyc lingrgua jit qnia. Jex dyrr cniurr tauxquer vongrkangx iacc si jit qix qxongw knuar qangkuanw, knuar diyc ee si ser ngi'koxaw nirr ee mihqnia, giam be cud zimrhyy singliw siong ee sirlik vnerjingr, m jaix inx si sniaw guan'inx, m guan kir juwir didsi huanruii ixgua ee mic.

Kyhagqax e qra sew singkux juiw nirr ee ngixaw jywhuew puah driau, jit xee diongriaur ee guan'inx si inx qinvunw byy knuar diyc hitt xee ngixaw. Je je kyhagqax qinvunw m zinrjinx knuawdai siongrder junjai ee jingwqur. Inx diyc diyc ui' qxongw knuar mic ee vnerjingr, jursed simliw jongwgai, m kingw duiww lingsingr lingxhik he jit sud aw jingsinn.

Ui' qxongw siamx knuar ee guan'inx je je, dirr jiax guaw sniu beh dramm 2 xee ui' kyhak tuantongw vunxjid sanxsingx ee guan'inx.

Derr id si honghuathak ee bunrdee, kyhak ithiongr qencii qinggiam, jingwkag ee quancad, erdangr jingwbingg qycc qiongdiau cikliongg. Cikliongg dyrr si dirr mow jiongw tingdo ee texgiam, dirr itding ee huanruii lai, jyr jingbit ee quancad, ngua jit xee langg iarr erdangr diongrhok siy' qangg ee sidgiam. Cikliongg ee unriong hro kyhak dirr liauxqaiw budjid uxdiu u jiokk dua ee jinwvo, cikliongg honghuad ee singqongx marr jniajyr kyhak ee gnoxsiong, suacc hro je je kyhagqax duiww berdangr cikliongg ee itcer, m si huaigii dyrr si uanjuann vaitig ee taiwdo.

Lingrgua jit jiongw qiquair kiokk qik poxpenr ee qaxsed, zinruii byy qanxdanx genqiur ee itcer byy daddid genqiur, juewqin u quaw kyhak siong sinx ee huatdenw, ixqingx kaisiw hiongr jitt jiongw qaxsed tiaujenr. Qidiongx ji' id dyrr si dagg zit u genqiur sinx honghuad cuthen, jiycjo Denrjuw hamwqniar, hunqongx gikir, denrnauw …dringw gnertew, cam' tongxqer qikiauw dringw nngxtew, lanw jitmaw erdangr cikliongg quiw jap nii jingg byy huatdo cuxliw ee hogjap henrsiong. Kyhak ee siriaw marr duer lecc hunwdua. Jiauww jitt jiongw huatdenw, kyxlingg mrbenw zuarr quw dyrr erdangr qongw, zimrhyy surbut longxx be jauxsiamw tihh, jixiaur lanw quatsimx genxqiur, dyrr itding e cue diyc honghuad.

Iauxx u jit jiongw jo lanw virbenw rue koaw kongx jurqiw ee sinx huatdenw, dyrr si kyhak huathen "ursii si, ursii kiokk m si" ee jinsiongr. Vah dxangx jingg, kyhagqax zinruii "si qycc m si" si jit jiongw cywgo. Mrqycc qngx hak, denrjuw hak, (QUANTUM THEORY ) liongrjuw hak, siongduiwlun ee sinx lunrsut, budlixhagqax ixqingx huathen, dirr mow jiongw jancur, henrsit ciongbuanw si qycc m si. J.ROBERT OPPENHEIMER (1904-1967) anne siaw:

Lanw duiww hionghiongg knuar laii jin' qanxdanx ee bunrdee, ongxongw byy qra qaixdab, iacc si qaixsueh cniurr jit tyr qig gorkangx ee qauwgi, byy beh didjiap suecbingg.

Lanw narr mng, denrjuw ee uirdir si m si vyxcii itding? Dap'anr vitzenn "m si" ,

qycc mng, denrjuw ee uirdir si m si duer siqanx qaixvenr? "m si"

denrjuw si m si diam /tingg lehh? "m si"

denrjuw si m si decc unrdong? "m si"

Vut(Buddha) virr mng, langg siw au ee jongwtair, marr iong jitt jiong hongsid huedab. Mrqycc 17~8 sewqir ee kyhak tuantongw, jitt jiongw ee huedab jin' jiyw.

Cingx-vah nii laii, sinviwjuxgirjiaw itdit iong jitt jiongw si qycc m si ham' lanw qongxue. Lanw si m si ui' jiax erdangr cue diyc kyhak qapp jongqaur qauqair ee xui? Lanw qongw, langg dongsii si iuxhan/ingxuanw junjai :ee, iacc si qngx si jit jiongw pyx, dongsii qycc si jit liap jit liap joxsingg ee. (lanw suxiong qangkuanw ee guxgenn suecbingg ee.) Duiww jongqaur ee besinr ham' kyhak ee huaigilun kaitog cud simlingg singdiongw ee lo, siongrbuew kyxlingg dyrr e cua lanw cue diyc jinjniar ee jongqaur henrsit.

Jongqaur, kyhak hab'id ee denxbong, ersaih qongw si henrdai disingr sing'uac siongrr diongriaur, marr u ho'ngg jin' tiongr ee jit bin. Itcer vutqyr duxx kixvo, jongqaur/ kyhak dairqair iauxx qencii guanlaii ec / keh ee camkyw qewqor, hro penwbin dongwjyr juanvo ee simtair amwkamr. "qijig" hro dysor ee kyhagqax knuawjyr qimwqi. Quewkir sir-vah nii laii, kyhak kuipuar je je " jurzenn huatjig", kyxviw qongxx, "2 xee budtew ji'qanx ee kipinxlik qapp texjig sxingg jniawviw, qapp qurlii ee vinghongx sxingg huanxviw." "lingliong vutbet" dringw. Kyhagqax dongsii marr iong jiaxee jurzenn huatjig sokjo qapp cikliongg quanliam qangg ee sinx gnoxsiong. Qetqyw si, narr berdangr iong ixqingx jaix ee jurzenn huatjig qaixsueh :ee, kyhagqair dyrr e zinruii m si jinsit :ee. jiurr honghuatlun qongw, kyhak kinghiongr zinrding, byy qanxdanx genxqiur :ee, byy daddid genxqiur. Jiurr jurzenn huatjig qongw, kyhak kinghiongr zinrding, byy qanxdanx liauxqaiw :ee longxx byy junjai.

QIJIG BUANW SIWGER

Qauwhue ee taiwdo dendyww kacc kaihongr. Jongqaur jojid qra berdangr jiyh jurzenn huatjig lixqaiw ee itcer, dongwjyr qijig, qijig kaksit junjai. Duliauw kingxding qijig ee junjai, qauwhue kiamwhat genxqiur qijig ee hingwcur. Inx zinruii, qijig byy su'iaur iong kyhak honghuad genxqiur, singzin si siongrder ee jok'uii dyrr u qraur ar. Kensingg ee jongqaur sinwdoo byy hibang kyhak dinxdang diyc inx ee sinwgiongw, qaxnaxx kyhak ee dode marr byy guanrir jongqaur iydang inx ee kyhak.

Qijig dirvne ee linglik, Tenjuxqauwhue itdit iong jyr pingpnuar singwdoo ee viaujunw, jerje Qidokqaur ee sinx qauwpair iarr caixhingg qangg viaujunw. Mrqycc m bad u qauwhue duiww isingx qongw, huangingg liw qazip ham' gunw jywhuew genxqiur jitt xee vutkyxsugi ee henrsiong. Marr byy isingx qongw, lanw si m si hiablik genxqiur jiaxee duiww lanw juangiap lingxhik kyxlingg qik u vangjan ee surqnia? Dendyww, i'iyhqair m singzin qijig dirvne, inx qenquad zinrding langg qinvunw byy vne, jixsi siongxsiong jurqiw u vne, iacc si jongqaur zedqongg ee sinqingx qinxdniux, byy dyrr qongw jinxduan cywgo. Vutqyr, qajair u quaw giamsog ee kyhagqax ham' isingx, sunqiuu jongqaur jinliw ee langg, ixqingx kaisiw genxqiur ganjingr vnerlangg hut .jit .xe dyrr uanjuann hyw, qapp qitnax binghenw ee simlingg liauvne anwle.

15 nii jingg gauw duxx ui' ihagngi cutgiap sii, marr uanjuann hoxding qijig. Dnaxx guaw kiokk siongsinr siwqer u qijig. U 2 xee insor jyrsingg guaw taiwdo ee juanxvenr. Jit xee si guaw simliw isingx sing'uac qinggiam qokk ngiu ee vnerle; inx vunxsinx jin' vinghuann, mrqycc kacc cimx sniu .jit .xe , vnerjingg ee jinwvo duliauw qijig gua, cue byy kacc hyw ee qaixsueh. Jiaxee qinggiam hro guaw kaisiw huaigii quewkir hoxding qijig ee taiwdo. Itdanr u huaigii, duiww qijig dyrr qaixcaiw kacc kaihongr ee taiwdo. Kaihongr si jyrsingg guaw juanxvenr ee derr 2 insor. Guaw kaisiw ui' qijig ee qakdo knuar zidsiongg sing'uac; knuar zuxx je, did diyc ee dyrr zuxx je. Guaw hibang tak jitt vunw ceh derr sir vxo ee togjiaw longxx qurvi liauxqaiw qijig ee linglik.

Itvnualangg zinrbad qijig ee camkyw qewqor longxx sniu' hiwqighuar. Lanw iauqiuu ciurnaa byy-dair.-byy-jir qaqi dyc huew, haixjuiw vunkuix, tnidingw tuann laii qongxue-sniax.

Qisit, lanw ingwqaix ui' zidsiongg sing'uac sunqiuu qijig ee jingwqur, dongsii vyxcii kyhak ee taiwdo. Xe vxo, guaw beh siaurqair simliw iliauu nirr duw .diyc ee vinghuann surqnia, zuhyy cioksingg guaw texgiam siongrder undiamw.

Kyhak qapp jongqaur ee hunqair, vunxlaii dyrr sna' lamrcamx. Tyxlun criaux qamxqag dringw qijig henrsiong sii, lanw rair vyxcii lixdir. Juewqin guaw camqax jit dniuu sinwsimx dirvne ee tyxlunrhue, cinbak knuar jit din sriu quer iuliongg qauwiok ee huatgenjiaw, qixle jerje byy qingquer kakzin ee jingwqur, jingwbingg inx jurqiw iacc si vadd langg u dirvne linglik, inx jurzin tec cud ee jingwqur habhyy kyhak, sursit m si. Narr qongxx criaux linglik dirliaujiaw qra ciuw he dirr vnerlangg huatiam ee quanjad dingw, derr 2 zit huatiam dyrr hyw ar, jex byy dairviauw dirliaujiaw dri hyw :ee. Quanjad huatiam vunxlaii dyrr e jurdong hyw kir, dri/ byy dri longxx qangg. 2 hxang su dongsii huatsingx byy dairviauw inx u xinx/ qryw quanhe.

Simlingg dirvne ee lingxhik sidjai taiww hamhoo aiwmai, lanw rair iong qenrkongx ee huaigii taiwdo cuxliw, virbenw gordy qaqi iacc si vadd langg. Vingsiongg knuar e diyc ee ciuxhuad, jit sud aw dyrr byy huaigii, iarr m qongkaix suantuann simlingg haurlik. Jitt jiongw langg si jit liap niauxcixaw saiw hairsiw qui' knax vng. Simlingg henrsiong ee lingxhik kipinw jerje byy bingcad ee qunjiongr, suacc hro kacc sidjer ee quancatjiaw ongxongw jin' qinw dyrr ha qetlun, zinruii simlingg henrsiong vunxsinx si hiqew :ee. sursit m si anne. Jerje langg kiwdoo uirr kunwlann ee bunrdee cacue qanxdanx ee dap'anr, jidtauzet qra dairjiongr kyhak qapp jongqaur "sangr jyr dxuix". Jitt jiongw qethap ongxongw sitvai, lanw berdangr anne dyrr zinruii vutkyxlingg. Lanw byy iongunw jurgnow jewhan ee kyhagquanx ziakamr lanw ee siriaw, marr vut'ingwqaix hro jingsinn lingxhik cinghuix ee bixle, ngaa diyc lanw puepnuar qapp huaigii ee linglik.

DERR SIR VXO

SIN'UNX---CXIAUX JURZENN EE QIJIG

Vut byy qycjaiww suncue ngwbang sii, sui' hiauxgno,

Ix hro "gno" qniaa zip simqnuadew

Suibongw lanw berdangr vin' iwjir did diyc unqngx

Mrqycc lanw ersaih qra jurgnow cuann jyr vuitoo,

id pxenr hnuagingg IX dingr qinx ee soxjai.

GENRQONGX SI QIJIG

Qidokqaur u jit siuw six "qibiau ee sin'unx (AMAZING GRACE)", dng' lanw iong "qibiau" hingiongg zinrhyy surbut sii, dairviauw ix byy jiauww lanw sigsai ee jurzenn huatjig huatdenw, cuthen iwgua ee qetqyw. Sin'unx ciauquer tuantongw kyhak qapp jurzenn huatjig lixqaiw ee huanruii, ingxuanw ho'ngg knuawjyr qibiau iacc si qijig.

Jiongsu simliw dirliauu ee quewdingg nirr, u quaw henrsiong itdit hro guaw cam' jerje qitnax simliw juanqax jin' be lixqaiw sniaw dyrliw. Qidiongx ji'id si vnerlangg ee simliw hro langg sniu beh qaur ee zun. Qing'iuu simliw hunsig, ixqingx cue cud vnerlangg sinqingx qnuanlingjingr ee kixinx qapp huatdenw qingquer, jingwkag ee tingdo ciauquer qitnax ihak hagkyx jerje. Lanw erdangr craa cud jit xee langg dair diyc mow jiongw sinqingx qnuanlingjinr, si dangsii/ sniaw guan'inx/ dycc jiongw hongsid laii sanxsingx, marr erdangr jaix dirsii/ snaiw hongsid dirliauu hyw .kir. Lanw craa cud hro langg diwvne :ee si anxjnuaxngiu siy' lensuar simliw congwsiongx. Narr si jingwsiongg jinghongw ha, hiacnirr qionglet ee dnaxqig, ingwqaix jyrsingg qyckacc giamdiong ee sinqingx qnuanlingjingr jiacc driyc.

Jit xee 35 huer, surgiap iuxsingg ee singlixlangg, jin' kinx ee sinqingx qnuanlingjingr laii cue guaw. Ix si susingjuw, dirr CHICAGO ee vinbingkux duarhanr. Siongrr jaw si exqauw qycc cauwhni ee maxmah decc cri. 5 huer sii jiux-jingwhuw zinruii inx maxmah ee jinghingg, byy huatdo cniaa qniaw, liogsiok qaux hro 3 xee qadingg siu'iongw. Ix jyrsiu jiongxjiongw ee kinsi, did be diyc jit sud aw cinjingg. 15 huer, sentensingr nauw huecliuu huecqngw pywlet, singkux vorhun kuee .kir. 16 huer likuix buexciuw jit xee ngiuxverbuw qadingg, kaisiw doglip sing'uac. 17 huer byy-inx.-byy-dnuax qra langg pah jniaa dangrsiongx zip qnax. Dirr qnalyy nirr vingrr byy jiapsiu zinrhyy simliw dirliauu.

6 gywguec cud qnax, qycc qra siaurqair kir jit qingx poxtongx ee qongsix jyr cngkor qanglangg. Zinrhyy simliw isingx iacc si siarqangx zin'guann longxx e urqyr, ix ee jentoo id pxenr amwdam. 3 nii au, ix ho'ngg sringx jyr hitt qingx qongsix iuxsuw ixlaii siongrr jiyw huer ee vorbunn juxquanw, 5 nii au, ix ham' lingrgua jit xee luxjuxquanw qethunx, likuix qongsix, qaqi congwgiap, jniajyr jit xee hyxgiac langg. Ix laii cue guaw ee sii, m na si jit xee hyw vaxvah, iarr si jit xee cutqiyh ee gersudjiaw. Jiaxee itcer si hysii / sniaw guan'in / dycc jiongw hongsid huatsingx? Guaw byy hxuad iong itvnuax ee xinx/qryw quanliam qaixsueh. Gunw erdangr jywhuew duicad ix kinkinx ee singqingx qnuanlingjingr ee huadsingx xinx/ qryw, mrqycc juanzenn byy hxuad pnuawding ix ee singqongx si laijurr dycc jiongw ligliong.

Guaw qongw jit xee anwle, si dongsurjiaw jaxnii ee simliw congwsiongx qanxdanx suncue, aurlaii ee singjiu qycc jiokk binghenw :ee. dairdysor ee jinghingg, donglenn ee sionghunn longxx kacc aiwmai vutbingg(suibongw siurhai/cuicann byy kacc ser), aurlaii ee singqongx iarr kacc poxtongx. Vnerlangg simliw tongsiongg longxx viw jurqiw verbuw kacc qenrkongx. Lanw jin' cingcyw uirsniaxmic u langg diyc diyc simlixvne. M jaix ee si uirjnuaxngiu u langg singsiu camxceh ee zunrsingr jiacnirr dua.

Lanw jaix u langg e jursad, mrqycc uirsniaw dirr itvnuax ee inqyw ha, u langg byy kir jursad, kiokk si jit xee qraiw be kuix ee bee. Lanw qandna' erdangr qongw, u mow jiongw ligliong, u jit tyr lanw byy liauxqaiw ee qijer, amwdiongx caujongr dairdysowlangg, vyxho inx anjuann dro quer lanquanx, byy sanxsingx simliw bunrdee.

Qycc qongw jit xee le, narr mng isingx, nauxmoh'iam si anxjnuanw inxkiw ee, ix itding sui' huee qongxx, dongzenn si nauxmoh'iam siangqiukunw lor! Mrqycc u jit xee bunrdee junjai. Qinnii qnuaa .langg, guaw druar ee jngtauu, ui' muixx jit xee qibinn na'auu tec cud sewkunw jyr uahtew vue'iongw, dyrr u huathen muixx jap langg u qauw xee , u jitt jiongw sewkunw, mrqycc jngx nirr ixqingx je nii byy cuthen nauxmoh'iam ar, qinnii marr kyxlingg byy. jex si jnuaxngiu ne? nauxmoh'iam vingrr byy poxpenr, dirvne ee sewkunw kiokk ciangjai huathen. Isingx qongw si dexkongwlat, bunrdee m si anne dyrr qaixquad. In'ui qinnii qnuaa .langg kyxlingg nauxmoh'iam laii siw ee langg nirr, u langg sintew hong'ue qilingg u bunrdee, mrqycc dairdysor :ee kiokk si sintew guanvunw jin' qenrkongx :ee, dexkongwlat jit diamw aw dyrr byy bunrdee ar. Dirr mow jiongw jancur, lanw dongzenn ersaih jin' u vaxag qongw inx si nauxmoh'iam siw ee, henxzenn sniu' cenxqongw ar. Kacc cimx jit renn tamwtyw, lanw virr byy liauxqaiw inx siw ee guan'inx, qandna' jaix tangx vyxho lanw ee ligliong, dexkongwlat hionghiongg dirr inx ee sinsiong sitkir haurgiam.

Dexkongwlat ee quanliam, juxiaur sik'iong tuanziamxvne, marr erdangr ingwiong dirr soxu ee singlixvne, jixsi lanw iauxx byy hxuad qaixsueh duiww huix-tuanziamw :ee anxjnuaw jokiong. Kuiwiongsingr qeddng'iam jyr le, u langg kyxlingg diyc quer jit vaiw, jidsiwlangg dyrr be qycc kiw vne, u langg itdit hro duer diauu lehh, itjair huatven. Marr u langg kyxlingg jit vaiw vnerjingg jin' qinw okhuar, suacc quewsinx .kir. Qangkuanw ee vne, uanjuann byy qangg ee qetqyw. Si sniaw guan'inx? Lanw qandna' erdangr qongw, mow quaw langg kyxlingg zinqeh mosid u bunrdee, duiww jit xee vne ee dexkongwlat viw itvnualangg cax jin' je ixgua, lanw m jaix beh anxjnuaw qaixsueh. Bunrdee si anxjnuaw huatsingx? Lanw m jaix. Zuxx laii zuxx je juanqax dong'ir, soxu ee vnerjingr quizip sinsimjingr ee huanruii—simliw singx cud bunrdee, sintew ee hong'ue hertongw jiacc sithau. Jinjniar qibiau :ee, m si hong'ue hertongw sithau, si erdangr unrjog hiacnirr hyw. Jiauww lriw qongw, zinlui uahuac hro sewkunw tunw siw, hro gamm sewvaux siyx siw, vuiiuu, ginhueh trad diauu lehh, hro sngjuiw huxsih kir, ingwqaix longxx si jin' suwsiongg ee dairjir. Puawvne, sixbongg byy hiqii. Hiqii :ee si lanw byy ciangjai puawvne, siw diyc iarr byy qinw.

OSIG JAB'ID-GUEC

Iwgua henx cud ee bunrdee qyckacc cuwbi. Jerje isingx ham' duardysor simliw juanqax, longxx jiapciog .quer digvet iong'i huatsingx iwgua surqor ee langg. Guaw inwsiong siongrr cimx :ee si jit xee 14 huer ee javox ginxaw, guaw hurjig simxcad ix si m si huhap siauwlenn druar ngi ee juqeh bunrdee.

Ix veh-huer hitt nii ee Jab'id-guec, maxmah quewsinx.kir;

Qauw-huer ee Jab'id-guec ix ui' lautuix vuac lyc laii, ciuxqoxtauu ee qud dng .kir;

Jab-huer hitt nii Jab'id-guec, kiaa kadahciax huatsingx ciahy, tauqud hamsaux .kir, qycc u giamdiong ee nauxjinxdong;

Jab'id-huer ee Jab'id-guec, duiww tnitangx siag lyc laii, kacngdauw ee qud dng .kir;

Jab'zi- huer ee Jab'id-guec, ui' cuvanw siag lyc laii, ciuxuanxqud hamsaux;

Jab'snax-huer ee jab'id-guec, kir hro ciax longr diyc, qutvnuaa hamsaux;

Byy langg huaigii jitt xee ginxaw si m si jinjniar u iwgua kinghiongr iacc is qidiongx u enqor. Jitt xee ginxaw byy diauqangx hro qaqi siursiongx ee kiwdoo, ix marr byy iwsig diyc maxmah siw .kir, hro ix u zuarr siongsimx, ix kinx kinx aw qongw, guaw ixqingx uanjuann be qir did maxmah ar. Guaw siongsinr beh liauxqaiw jiaxee iwgua ee guan'inx, rair qra dexkongwlat ee quanliam ui' puawvne endngg qaur iwgua surqor, singzin langg m na u huatsingx iwgua ee kinghiongr, marr duiww iwgua u dexkongwlat. Langg ee itsingx m na ursii e digvet iong'i duw diyc iwgua surqor; dirr zinsingx ee qitnax qaidnua, duardysor marr u dexkongr iwgua ee linglik.

Guaw qauw-huer hitt nii ee qnuaa .langg, u jit zit, honghunx pnai diyc cecvaux dngw laii cur ee lo nirr, dirr jit diauu jxig seh ee lo qut .dyw, jit daii sraiw jin' qinw ee ciax duxx beh longr diyc guaw ee taukag sii, qinxqib dongwciax, guaw ee kax ham' singkux longxx dirr ciasinx ee erkax ar, ui' ciadew vee .cud .laii, jit qix taumo dyrr byy siongx diyc, jin' hiongqongg jauw .dngw .kir. Jitt xee iwgua vunxsingx kyxlingg byy sniaw liauxvutkiw, iacc si guaw qnia'un. Narr ham' qitnax ee le jywhuew kyxlu :

zuarr je vaiw guaw qniaa lo, kiax kadahciax iacc si sraiw ciax sii, cax jit diamw aw dyrr kir longr diyc;

zuarr je vaiw, amr sii sraiw ciax, hiamxhiamw aw dyrr kir longr diyc qnialorlangg, iacc si kiax kadahciax :ee,

iauxx qycc u zuarr je vaiw guaw hionghiongg dongr ciax, cax siyxkuaw dyrr kir longr diyc lingrgua jit daii;

qitnax :ee, hiamw siag duiww txangx-gua kir, cuseh sii, cax jit diamw aw dyrr kir longr diyc ciu-aw,

simrjiww pah GOLF sii, hiamw longr diyc qaqi.

Jiaxee si anxjnuaw? Guaw ee zinsinx digvet ciwqig? Togjiaw narr tranr jit xee qihue, hueqor jurqiw ee itsingx, siongsinr duardysor e huathen liw qaqi ee sing'uac nirr, marr u jin' je juiw-rimx-am ee luirsu qinggiam; cax jit sud aw huatsingx iwgua ee sowliong si sidjer huatsingx ee quixarr vxue. Qycc jinr jit vo, guaw siongsinr liw marr huathen qywzinn ee qiusingx mosid iacc si iwgua dexkongwlat, m si u iwsig quatdik sanxsingx ee qetqyw. Qamxx qongxx duardysowlangg ee sing'uac vunxlaii dyrr "ciongbuanw ciwqig"? iacc si lanw jinjniar rair qamxqig "sinn ee undenw"?

Kyxlingg u quaw langg zinruii jitt jiongw dairjir byy ciwqig, vutqyr si qiusingx vunxlingg decc huathuix jokiong. Ue qongw dngw laii, uirr jit jiongw henrsiong hy jit xee miaa, dyrr sngr qaixsueh cingcyw hno? Qra qongw si vunxlingg dyrr e hro venwjyr vinghuann byy hiqii? Lanw duiww vunxlingg ee qijer qaur dnaxx iauxx si longxx byy liauxqaiw. Iwgua vunxsinx qra lanw qongw, lanw erdangr singjunn qaur jitmaw, si jit qnia viw vunxlingg kacc qibiau ee su, simrjiww qongw si qijig.

AMWIWSIG SI LANW M BAD EE AIWZINN

Muixx jit xee laii guaw jiax ee sinx vnerlangg, guaw longxx e singx rue jit xee dua ngikox-aw, dirr kox-aw lai qycc rue jit xee ser ee siwqakkingx. qongw hitt xee siwqag :ee, si liw ee iwsig, kox-aw lai qitnax vorhun longxx si liw ee amwiwsig, jiamr 95 % ixsiong. Zuqyw liw jinjniar iongrsimx liauxqaiw jurqiw, liw dyrr kyxiw huathen jitt xee qaur dnaxx liw iauxx itbuu-soxdix ee jurgnow, luerhamm honghur, ciauquer itcer siongxsiong ji'gua.

Bang si simlingg jitt pxenr viwbit lingxhik kaksit junjai ee siongrr hyw jingwqur. U jit xee siarhue derui vutjiw quann ee urmiaa langg, quw nii ee utjingr laii cue guaw, ix qamxqag byy uahlik, kiokk cue byy guan'inx. Inx verbuw suibongw sanwciah qycc byy siarhue derui, mrqycc vaxvah hitt vingg u jin' putauu ee joxsenx. Vutqyr guaw ee vnerlangg byy qra jitt hxang su hro guaw jaix. Quixarr qywguec au jiacc u qihue dramm diyc ix ee iaxsimx, ix qongw diyc jit xee bang : gunw druar jit qingx qong'uw, lairdew he jin' je jin' dua qnia ee qaqu, dua qaxx jin' vig langg. Guaw viw jitmaw kacc jiyw huer. Vaxvah qiyr guaw sraiw pangjunn kir haixuanx lingrgua hitt vingg, hiax u jit jiah junn qra tuax dngw laii, vaxvah m jaix sniaw guan'inx qra junn danr dirr hitt vingg ee jit xee dxyw nirr. Guaw duiww jitt xee bang jin' zedsimx,

mng qongxx liw jnuaxngiu jiacc erdangr cue diyc hitt jiah junn?

Vaxvah cua guaw kir jit jxy dua qxui jingg, jitt xee qxui siongrr jiyw u jap-zi ingciyh dngg, ix ee quann duw diyc cuwbuexdingw, jiokjiog u zi~snax-jap xee dua qaxx jin' qnialangg ee quirtuah. Ix qra guaw qongw, ui' jitt xee qxui itdit qniaa .lyc .kir, dyrr e knuar diyc hitt jiah junn.

Jitt xee bang, jit knuar jin' pnaiw lixqaiw, jiauww quanwle iauqiuu ix ui' dua qxui lensiongw jit quaw mic.

Ix sui' rinr qongxx, m jaix uirsniaxmiw---iacc si hitt xee apviklat--- guaw dairsingx sniu.diyc ee si qnuacaa.

Hiaxee quirtuah lehh? Guaw mng.

Ix hionghiongg lingxciyr .jit .xe, qongw, byy itding si guaw sniu beh qra gunw joxsenx longxx taii siw ar.

Jex hro guaw sniu diyc lingquttah, muixx jit xee quirtuah longxx erdangr kngr jit xee sixlangg. Jitt xee bang ee ham'ir jin' cingcyw, siauwlenn sii ix jinsit bad hibang duer diyc inx urmiaa joxsenx, duiqiuu miasniax, mrqycc ix marr qamxqag jysiu apvig, simliw siong hibang taii siw soxu ee joxsenx, did diyc juriuu.

Bad qraiw quer bang ee langg dy' e zinruii jitt xee bang si jin' viaujunw ee le. Jit xee langg sniu beh qaixquad bunrdee, amwiwsig dyrr e jewjy jit cud hxir, suecbingg bunrdee ee singinx, jitt xee xinx si ix quewkir byy liauxqaiw ee, hiongwjingx ee qikiauw, byy sux itliuu hiwcud. Gunw qui' xee dirliauu quewdingg ui' jitt dniuu bang ee kexsi, u jin' diongrdua ee tudpuar. Ix ee amwiwsig jin' binghenw ee kiwdoo jo ix did diyc sikdongx ee dirliauu, iong qyciaux ee qikiauw uansingg jitt hxang zimrbu.

Dirr lanw cingcniw ee sii, amwiwsig iuguann jin' iaptiab tuandat sinwsid hro lanw, caixiong ee hongsid u quaw byy qangg. Lanw tongsiongg e qongw si "jabliam". Lanw duiww jiaxee lansanx penwjad ee sniursu, dyrr naxx bang lehh byy jairir. Dyrr si anne, simliw isingx itjairr iauqiuu vnerlangg qra derr id puu cud simtauu ee iwliam qongw cud laii, m quanw jit knuar si zuarr nirr aw byy sidjer/ byy diongriaur.

AIWZINN-AW QONGXUE HRO LIW TNIAX

Guaw u jit xee siauwlenn luxsingr vnerlangg, ix ui' cingcunqii kiw, dyrr sisiongg e gongg, qamxqag qaqi suisii kia be jaix e vuawdyw, kiokk cue be cud guan'inx. Hinn ee qamxqag vig ix nng qix kax rair cekuix vyxcii diongrsimx ving'unw, qniaa lo suacc gne viangwviangr. Ix si jit xee kiauxkir, u langenn :ee, guaw uanjuann byy bingvik ix jnuaxngiu e u jitt jiongw bunrdee, quw nii ee simliw dirliauu iuguann cue be cud vnerguann. Ix laii guaw jiax byy zuarr quw, u jit zit, gunw naxx qongw narr ciyr, guaw taukag itdit puu cud "caangaw, caang…" jiaxee zri.

Guaw jin' juwsinn decc tniax ix qongxue, sui' dyrr qra jiaxee zri danr.cud .kir. Quer jit diamw aw quw, jiaxee zri qycc puu .cud .laii, siaw dirr guaw ee bagjiupuee dingw, guaw cutlat nih quixarr vaiw, beh qra jingsinn jibdiongx, jiaxee zirhunn be snruar, qnuaw be jauw. Guaw qra qaqi qongw, danw .jit .xe, narr si jiaxee zri qencii rair u guaw ee juwir, kyxlingg jinjniar beh qra guaw qongw diongriaur ee sinwsid, guaw kaisiw sniu : caangaw ! jex u sniaw iwsur? Ham' guaw ee vnerlangg u quanhe? Ix u singg caangaw? Ix jin' qoxjuix, naxx olinxqiyw lehh, ix air cing hniaxsig ee snxax; or, driyc lar, ix qnialo ee hingg kaksit cniurr caangaw, oor! Ix si caangaw, byy m driyc!

Guaw sui' knuar cud ix ee vnerinx , ix si jit xee dongrjog gnercaa ee caangaw, ix sniu beh huatpuad qoxjuix, kyxsiyh dinxdang dyrr qniax vuawdyw, vuawdyw dirr byhingg ee syh ham' qnuaw-aw ee caukongr. Qokk hongbin ee jingwqur liogsiok henr.cud .laii: kongwjewlat qiongg ee maxmah si tiux aursnuar ee langg, "jit amr" dyrr erdangr hunwlen ginxaw erhiauw duarsiyxven, qamxqag jin' qiaugno; jitt xee jabow ginxaw itdit si air buanxjiog vadd langg pubin ee qidai, jingxjee, cingkir, siuw quiqiw, qongxue u qauwiongw ; ix byy jurgnow ee dongrqix, byy huatdo qaqi quatding dairjir.

AMWIWSIG EE DIWHUI

Jitt xee jiacnirr u qewdat ee quancad, cniurr jit xee byy sriu huangingg / jongg .zip .laii :ee, hionghiongg cuthen dirr guaw ee iwsig nirr. Guaw byy iaucniaw ix, marr byy sniu beh jiaplap ix, simrjiww samhuanx-liongxcur sniu beh qra vuackuix. Cavutdyx soxu juanw zip iwsig janbin ee amwigsig jusinr, longxx duar diyc jitt jiongw byy sriu huangingg ee digsingr, qycc e hro iwsig vaitig, FREUD ham' ix jaxnii ee mngdoo qra amwiwsig knuawjyr zinsingr itcer guansuw, huanxsiarhue ham' siaog sinhunn cangwbih ee soxjai. Inx zinruii iwsig be diyc :ee, si "pnaixmic". Qangkuanw ee dyrliw, simlixvne baihok dirr amwiwsig nirr, marr si draii dirr simqnuadew ee okmoo. Qiuxjingr jitt xee quanliam ee jikzim aurlaii C.G.JUNG(1875-1961) dnax kiw laii, ix congwjy " amwiwsig ee diwhui" jitt xee bingsuu. Gauw qywzinn ee qinggiam jingwsit JUNG ee knuawhuad. Simliw vnerjingr m si amwiwsig jyrsingg, erdangr qongxx si jit jiongw iwsig henrsiong, iacc si iwsig/ amwiwsig ee quanhe cud liauw bunrdee.

Ixx ac'ig jyr le qongw, FREUD huathen jerje vnerlangg amwiwsig nirr u inx byy jurqag ee singwiok ham' hin, jiaxee iwliam si vnerinx, dyrr anne tuilun qongxx amwiwsig si simlixvne ee "kixinx". Lanw beh singx mng, uirjnuawngiu anne ee iogbang ham' qamxqag e zip kir dirr amwiwsig nirr? jnuaxngiu sriu diyc ac'ig? Dap'anr si amwiwsig byy air inx. Bunrdee huatsingx dirr qirjuat ham' vaitig jiqanx. Zinlui ee singwiok ham' hin m si bunrdee. Iwsig simlingg byy guanrir binrduir jiaxee qamxqag, byy beh singsiu inx duar laii ee tongwkow, qamguan jurkix-kizinn ee jywhuad, jiacc si jinjniar bunrdee ee qinguann.

Amwiwsig qapp lanw qongxue (suibongw lanw byy itding beh tniax) ee derr snax jiongw hongsid, si tauwquer lanw ee hinguii. Guaw qongw ee si, sui' cuir qongw m driyc ue. Si sitcuir (FREUDIAN SLIPS), ham' qitnax hinguii ee "cywgno". FREUD dirr ix ee "zidsiongg sing'uac ee simliw vnerjingr(PSYCHOPATHOLOGY OF EVERYDAY LIFE)" ee ceh nirr, qra jitt jiongw henrsiong zinrding si amwiwsig ee jok'uii. Ix qongxx si "simliw vnerjingr" jitt jiong zirganw, qycc henr cud ix hoxding amwiwsig ee taiwdo. Ix knuar amwiwsig si jit xee kiwdoo ham lanw vutgi ee moquiw, m si jit xee loxlik beh hro lanw singsit ee senrsimx senluw.

Vnerlangg dirr simliw dirliauu qongw sitcuir, duiww dirlaiuu ee quewdingg itding u vangjan. Vnerlangg ee iwsig decc dexkongr jitt jiongw dirliauu, hibang erdangr amkamr inx jurgnow ee jinsiongr, mair hro isingx jaix, dongsii marr qirjuat zinrbad jurqiw. Amwiwsig kiokk kia ham' dirliaujiaw qangg vingg, duiqiuu kaihongr, tanxvec, singsit, jin itcer ee ligliong "qongw cud jinjniar huatsingx ee qingquer".

HNUAHIW HAM' JINSIONGR SIONGHUE

U jit xee uanbiw juxgi ee jabow vnerlangg, m singzin ix e siurkir, iarr be qongkaix viauxlo hunwno ee simjniaa. Dagg vaiw dyrr e ban quiw hunjingx qaur, guaw qongw, kyxlingg si duiww guaw ham' dirliauu hongsid ee vutbuanw. Ix qenquad hoxzin, qycc qaixsueh unaxqaur si sing'uac limsii siyw iwgua, duiww gunw ee habjok huisiongg buanxir.

Jit vaiw binrdamm ee qecdngxamr, ix jingxliw siauwdnuax, kuix jit dniux ciuxhingg hrur guaw ee huiwiong, guaw siux .diyc :ee byy ix ee ciammiaa. Danw qaur qycc binrdamm sii, qra qongw jit xee su, sun cuir qycc qongw, "liw byy hyxhyw kuix jipiyr hrur jnii hro guaw, si liw ham' guaw siurkir."

ix qongw," jin' hyw ciyr, guaw jitt siwlangg iauxx byy be qir .did dirr jipiyr dingw ciammiaa quer."

Qra jipiyr tec hro knuar. ithiongr binrdamm sii ix longxx viauxhen qaxx jin' hyw, jitt vaiw suacc hnihnix kaur qongw, guaw cud liauw sniaw bunrdee? Guaw qiongrbecc vrangx .kir ar, qamxqag guaw venwjniaa nng xee langg. Guaw singzin ix kaksit u hunlet ee kinghiongr, jex si ix derr id vaiw jin' tongwkow ee singzin, jiwjiyw jidvorhun ee jurqiw kyxlingg u hun/ siurkir. jex si gunw dirliauu derr id vo jinwdenw.

Jit xee javox vnerlangg, zinruii besaih duiww qadingg zimrhyy singguann u siurkir ee simjingg. Hitt sii ix ee cinx jexjew laii knuar ix, ix qra guaw qongw diyc a'jew ee dairjir-- jit xee jin' u lang'enn ee jexjew, aurlaii, qongw diyc hitt mee ix beh kuix PARTY, beh cniaw gecviah ee angbow, qycc u "gunw bow ee jexjew". Guaw sui' jixcud, "liw duxx qra cinx jexjew qongw si bow ee jexjew."

Ix byy jairir rinr, liw si m si zinruii jex si FREUD sid ee qongw lauwqaux kir.

Liw amwiwsig nirr hibang m si liw ee cinx a'jiw, siongrr hyw si linw bow ee a'jiw, qisit liw jin' hin linw a'jiw. Guaw anne huee ix.

Guaw byy hun ix, mrqycc ix ue jin' qau, ingamr qycc rair tniax ix jit xee langg huatviaw enxqangw, ursii ix kaksit hro guaw jin' gairgiyc.

Qycc laii, guanw ee dirliauu u sinx ee tudpuar.

M si soxu jitt lui :ee ham' ap'ig ee dig'ir iacc si "m hyw" qamxqag u quanhe, inx cutpuar ee si jinsiongr, itcer ham' lanw vunxlaii qidai byy habhyy ee jinsiongr. Hro guaw siongrr qamxdong ee jit vaiw, huatsingx dirr jit xe siauwlenn jabow vnerlangg dirr id vaiw laii guaw jiax ee sii. Guaw jaix inx ee verbuw duiwdai langg' jin' lingw, quanxqar ix jin' giamm, qycc jiokk hanxdid viauxhen cud jinjniar ee cinjingg/ quanhuaii. Ix hro guaw ee dirr id inwsiong si ciauquer jerje ix nihuer rair u ee singsik/ jursinr / kaihongr/ doglip, zinjingg sewsu bad jin' je. Ix qaqi qongw, laii cue guaw si "jitmaw simjingg u damrvyc aw luan, duxx hyw u siqanx, guaw sniu simliw dirliauu kyxling e jingqax guaw ee diwsig, duiww guaw e jin' u vangjan."

Mng ix uirjnuaxngiu simx luan, jiacc jaix ix u srinx go qywguec, dairhak hiuhak.

Ix byy anwsngr qethunx, qandan' jin' hamhoo decc qewue ginxaw cutsir au sangr langg' cri, jiacc qycc kir Aujiux tagceh .

mng ix u qra ginxaw ee laurve qongw u srinx ee dairjir bor?.

U ar, guaw siaw jit dniux jin' qanxdanx ee puex, hro ix jaix jitt xee ginxaw sanxsingx lanw ee qauongw. Ix qongw.

Ix jinjniar ee iwsur si jitt dnxua qauongw sanxsingx jitt xee ginxaw. Ix ee ue, henxcud singsik binrdar ee vuewau, si jit xee vikced su'iaur cinjingg ee sewhanr jabow ginxaw, beh air maxmah tniawtangr, suacc hro jurqiw jniajyr jit xee maxmah. Guaw byy dngbin jixcud ix sitgenn ee iwgi, hitt sii ix iauxx bue junxvix hyxser, marr byy jiokgiac ee anjuanqamw binrduir qaqi ilai ee suqiuu. Jitt vaiw ix ue qongw dingdnaa, iuguann duiww dirliauu u vangjan. Ui' jex guaw quanced diyc qisit ix iauxx si jit xee qniahniaa ee ginxaw, su'iaur dngqii ee aiwho ham' jiauwqor.

Jitt snax xee byy diaudii tauwlo cud jinsiongr ee langg, inx jinjniar beh rmuaa ee duiwsiong m si guaw, si inx qaqi. Derr zi xee jurzin duiww cur nirr ee langg jit sud aw dyrr byy vutbuanw; siongrr buew jitt xee, marr jinjniar jursinr u huatdo ingwhur itcer ee linglik. Qingiuu jit tyr hogjap insor ee unrjog, lanw iwsig nirr ee jurgnow, q.-qeqiamw-q. qapp jinjniar ee jurgnow u quaw byy qangg. Lanw ee linglik qapp lanw zinrdix ee linglik lanbenw u caqu. Amwiwsig kiokk ter lanw knuar qaxx c.-cingcyw-c.. simlingg singdiongw siongrr diongriaur, juadduir berdangr kiamr ee jit vo huatdenw, dyrr si hro iwsig nirr ee jurgnow zuxx laii zuxx jiapqin sursit. Qingquer jerje siqanx ee simliw dirliauu iacc si qitnax hongsid, iong jin' qinw ee sokdo uansingg jitt qnia su'iaur qui' siwlangg loxlik ee qangjog sii, dongsurjiaw e qamxqag naxcniurr "qycc uac kiw laii". vnerlangg duiww iwsig ee venwhuar jin' hnuahiw qongw, m si quewkir ee guaw ar, guaw jniajyr jit xee sinx ee, byy qangg ee langg .

SIMX TUANN SIMX

Lanw kyxlingg erdangr ui' sinqii nauw ee unrjog quewdingg nirr, cue cud jit xee iuxquanx amwiwsig kexsi ee habliw qaixsueh, lanw ersaih iyh soxui ee "simx tuann simx", si ham' amwiwsig u kanlenn, kiokk byy huatdo suecbingg. MONTAGUE ULLMAN (1916-2008) qapp STANELY KRIPPNER nng xui isingx, dirr jit herlet jin' iuwlo ee setqer sidgiam, singqongx jingwsit jit xee cingcniw ee langg, erdangr qra mow jiongw hingsiong "tuansangr" hro qeh quixarr qingx quer ee lingrgua jit xee kunr qaxx jiokk cimbinn langg ee bang nirr. Jitt jiongw tuansangr henrsiong, m na junjai dirr sidgiamrsig, nng xee horsiong siybad ee langg, jyr luirsu ee bang si byy qiquair :ee. jnuaxngiu jyrsingg jitt jiongw henrsiong, lanw uanjuann byy liauxqaiw.

M quanw lanw u liauxqaiw bor, sursit e huatsingx, marr ersaih iong kyxhak ee honghuad jingwsit. Guaw qaqi u jit amr bang diyc jit qnrua cid xee hingsiong. Aurlaii, jit xee kunr dirr gunw daux ee vingiuw qra guaw qongw, nng zit jingg ee hitt amr, ix marr bang diyc ham' guaw qangkuanw cid xee hingsiong ee bang, cuthen ee sunrsi longxx qangg. Lanw m jaix uirjnuaxngiu e huatsingx jitt jiongw su. Bang diongx ham' lanw quewkir ee qinggiam byy quanhe, byy hxuad jyr habliw ee qaixsueh. Mrqycc lanw jaix, jex si jit qnia diongriaur ee duarsu, guaw ee simlingg erdangr ui' vah-bxan ee hingsiong nirr suanw quiw xee johap jyr jit xee bang, guaw ham' jitt xee vingiuw qingw diyc qangkuanw cid xee hingsiong ee qihue si jin' jiyw jin' jiyw ee kyxlingsingr. Jitt hxang su sidjai jin' vutkyxsugi, lanw kaksinr m si jit xee iwgua ee kaxhap.

QANGG VO GUANLIW

Byy hxuad iong lanw jaix ee jurzenlut qaixsueh,vutkyxsugi ee dairjir, ixx vutkyxsugi ee vinlut cuthen, lanw qongw si "qangg vo guanliw(PRINCIPLE OF SYNCHRONICITY)". Vingiuw ham' guaw longxx qamxqag jin' vutkyxsugi, m jaix uirsniaw gunw e jyr luirsu ee bang, qyckacc digvet ee, si bong diyc ee siqanx jin' uaxqin. Naxjunw siqanx si jitt qnia vutkyxsugi ee diongriaur, simrjiww quatdingrsingr ee insor.

Lanw ursii tniax langg' qongw, jit xee hyxzirun :ee, duiww longr qaxx nua qeqee ee ciahy nirr uanjuann byy siursiongx uac lyc laii. narr qongxx qikir e qamxqag diyc rair longr jniaa sniaw hxingg laii vyxho langg, iacc si langg didqag diyc rair qiux jyr sniaxkuanw jiacc erdangr hap venwhingg ee ciax. Qangg vo guanliw byy hxuad qaixsueh surqnia huatsingx ee guan'inx iacc si quewdingg; jixsi suecbingg vutkyxsugi ee qangg vo guanliw huatsingx ee vixlut, viw dansunn ircig ee kyxlingsingr qilut kacc quann, byqaiw ee qijig. Jitt xee guanliw qandna' erdangr suecbingg , qijig naxjunxx si huisiongg vinghuann ee su puewhap digsuu ee siqix, siqanx derdiamw denxhen uanbiw ee qethap.

Tongxqewhak jin' byy kyxlingg huatsingx :ee, ersaih knuawjyr qangg vo guanliw ee sidle, criaux jurzenn ee henrsiong ursii iuxli, ursii marr u kyxlingg e hai lanw. Sewqansu u huatdo siongxsiong ee iwgua, marr u byy hxuad siongxsiong ee huix iwgua. Suibongw genxqiur honghuad iauxx jin' byy jiujuann, lanw iuguann u vit'iaur jiamduir jitt xee bunrdee cimzip genxqiur. Jitmaw guaw qandna' erdangr tec cud jit xee kakding kiokk "byy kyhak" ee inwsiong, dyrr si tongxqewhak byy kyxlingg huatsingx ee vinlut, duar laii ee hyxcur ciauquer pywhairlat jerje. Hyw :ee byy hanrdnia qiuwlangg, kacc je si qaixsen lanw ee sing'uac, ciokjinr simlingg singdiongw. C.G.JUNG(1875-1961) dirr "lun qangg vo henrsiong(ON SYNCHRONICIRY)" nirr dramm .diyc "sniar qu'aw bang" , si jit xee auwbiau ee le :

Guaw ee le ham' jit xui siauwlenn luxsingr iuxquanx, bylun gunw sianghongx anxjnuaw loxlik, naxjunxx byy huatdo dag diyc ix ee luersimx. Bunrdee cud dirr ix bad jin' je, jin quann ee qauwiok vuerqingw jniajyr ix ee lixsiongw buxkir, hangrhang su dyrr iong jingbit ee DESCARTES(1596-1650) sid lixlun qapp byy kiamwdiamw ee "qixhyy sid" ee henrsidquanx hunsig. Quixarr vaiw guaw sniu beh dirr ix hitt tyr habliw juxgi nirr camx jit sud aw zinsingr ee liauxqaiw, ai! Dyrr si byy pang! Guaw jixhyw simlai qidai zimrhyy iwgua/ byy habliw huatsingx laii pacpuar ix iong disingr hongsyw jurgnow ee livax.

Qyxzenn, u jit zit, guaw binrduir ix jre lehh, aurbin u txangx. Juwsinn decc tniax ix qongw byy tingg ee jurgnow venrqaiw, qongw ix jaamr bang diyc u langg sangr ix jit xee qimx ee qux-aw—jit qnia huisiongg dinquir ee juvyw. Ix iauxx bue qongw uann, guaw dyrr tniax diyc u mic longr vylee, uadtauu jit knuar, si jit jiah duarbong jiah ee qu'aw sniu beh vuex zip laii kacc amr ee vangqingx lai. Jitt xee henrsiong byy vingsiongg, guaw sui' pah kuix txangx-aw, dirr qu'aw beh vuex zip laii ee sii, crunx ciuw kir qra liac kiw laii. hex si jit jiah qapp ticqacqux jin' siangg ee qimqux, qimlik ee guarkag, naxx ngqimx jyr :ee, guaw qra qimqux tec hro ix qongw, jex si liw ee sniar qimqux. Jitt xee surqnia hro ix habliw juxgi ee binrdar vrangx .kir, pacpuar ix ee dexkongr simliw, cuxau, itdit mairhiongr suxx langg buanxir ee dirliauu qangjog.

Dirr jiax dramm diyc iuxli ee criaux jurzenn surqnia, longxx si "byy qidai kiokk duw diyc ee siusingg(SERENDIPITY)". Jiauww WEBSTER zirdenw ee dingrgi, guan'gi "iwgua huathen u qewdat iacc si hro langg qac'ir surbut ee tenhun jailingg". Jitt xee dingrgi daddid lanw juwir :ee, si "byy qidai kiokk duw .diyc" virr knuawjyr jit jiongw tenhun jailingg, ngua jit qxur ue qongw, si u langg erdangr, u langg berdangr, u langg hyxun, u langg byy jit jiongw hokkir.

Dirr jitt vorhun guaw beh qongw :ee, " iwgua huathen u qewdat iacc si suxx langg hixair ee surbut" soxx denxhen dirr lanw bagjiux jingg ee sin'unx, qisit si langg ~ u hxun ee, jixvutqyr u langg jaix tangx vaxag, u langg kiokk vehvec hro qihue lrauu byy .kir. JUNG qra txangx-aw kuix .kuix, hro qimqux zip .laii, qycc liac hro vnerlangg knuar, si ix jiangxag qihue. U langg m jaix sin'unx ee junjai, m bad iwgua cuthen ee qewdadsingr, berdangr "huathen" inx. Muixx jit xee langg longxx u qihue, kyxsiyh ongxongw m jaix hex si undenw, qra jiaxee su knuawjyr vingsiongg byy sniaw digvet, quwjai inx ui' lanw sinkuvnix liur byy kir.

SIN'UNX EE LAT

Qaur dnaxx, guaw dramm .quer ee qokk jiongw henrsiong u quiw xee digdingx :

1. U ju'iongw, jicii, vyxho, ciokjinr qapp zinlui sing'uac , simlingg singdiongw ee jokiong.

2. Inx ee jokiong m si uanjuann berdangr qinqur kyhak sukyw ee jurzenn guanliw qaixsueh (criaux jurzenn henrsiong), dyrr si qandna' erdangr jyr byy uanjingw ee qaixsuch sinliw dexkongwlat, bang….

3. Dirr zinlui sewqair qingsiongg :ee, jiauwle :ee huatsingx, m na poxpenr, vunxjid si busoxvutjai :ee.

4. Qiamxcaiw sriu zinlui iwsig ingxhiongw, mrqycc guantauu kiokk ciaucud iwsig gua, iarr byy sriu iwsig ee quatcig quewdingg hanrjer.

Suibongw itvnuax zinruii jitt lui surqnia longxx si doglip qywanr, mrqycc guaw siongsinr inx ee poxpenwsingr jingwbingg : u jit jiongw qiongdua ee ligliong ciaucud zinlui iwsig gua :ee, vangvow zinlui simlingg ee singdiongw. Jaw dirr benxiglik, jyr bang qaidnua, amwiwsig …dringw kyhak quanliam hingsingg jinwjingg ee sowvacnii, simrjiww sowcingnii, jongqaur sinwdoo dyrr kaksinr jitt qrow ligliong ee junjai, hyrjyr sinn ee undiamw, ciuwquax liamrsix ylyw inx.

Lanw rair zuhyy binrduir jitt qrow lat? Lanw bongx be diyc ix, byy hxuad cikliongg, ix kaksit junjai, ix si jinsit :ee. lanw qamxx erdangr vin' jurqiw ee singqenr, qongw ix si byy huhap tuantongw ee jurzenlut kyhagquanx, dyrr dongwjyr byy junjai? Anne jyr naxjunxx jin' guihiamw. Guaw siongsinr, narr qongxx ui' quanliam qewqor qra tatdiau sin'unx henrsiong, lanw ingxuanw byy kyxlingg uanjuann liauxqaiw uxdiu iacc si langg dirr uxdiu nirr ee derui.

Mrqycc lanw simrjiww m jaix jitt qrow lat dirr dyhh? Lanw qandna' erdangr qongw ix byy dirr lanw ee iwsig nirr. Jyr bang henrsiong henxsi, sin'unx junjai dirr langg ee amwiwsig nirr. Qangg vo guanliw qapp byy qidai sna' duxtauu ee henrsiong, henxsi jitt jiongw lat marr junjai dirr ciaucud qywzinn simsu ee huanruii gua. M si qandna' kyhagqax, dyrr si qokk jongpair kensingg ee senrlamm-sinwluw, suibongw inx zinrding sin'unx si sinn ee duarair, qangkuanw byy hxuad kakding sinn dirr dyhh. Sinhak u nng pair duiwlip ee lixlun qaixsueh : jit pair si EMANANCE, siongsinr sin'unx si jit xee guarlaii ee sinn qangwlimm, laii qaur langg ee sinsiong, lingrgua jit pair juxdniux luerjai :ee(IMMANECEC), siongsinr sin'unx si ui' muixx jit xee langg luersimx ee sinn huanrhuad cud laii :ee.

HRO SUKYW VUEX .KIW .LAII

Qisit soxu ee bunrdee, soxu ee maudunw, longxx si laijur lanw itsimx beh kakding surbut sidtew ee iogbang. Langg u jit jiongw gne beh qra soxu ee surbut quilap jyr qywvet sidtew ee kionghiongr, zinruii sewqair si junn, ree qapp qitnax bongx u ee mic qowsingg ee. lanw beh qra soxu ee henrsiong hunlui, zinrding inx si sniaw sidtew, jiacc qamxqag liauxqaiw inx. Jit qnia mic, m si vec :ee, dyrr si osig ee, berdangr naxx osig, qycc u lam diyc vehsig. Junn/ ree/ guaw / liw, dagg hxang longxx rair si sidtew. Guaw ee sidtew si guaw jurgnow zinrdix, liw ee sidtew si liw jurgnow zinrdix, naxx qra lanw ee jurgnow zinrdix lam jywhuew, liw/ guaw byy huatdo hunven, liw gauw longxx qamxqag byy songxkuair. Inwdorqaur qapp vut qxaur ee susiongxqax siongsinr langg ee qywtew jixsi huanwngiaw. Henrdai genxqiur siongduiwlun, pyliabjiw henrsiong, denrjuhak ee budliw hagqax, marr juwiw .diyc lanw ee sidtew quanliam ee hanrjer, sukyxlat be tangtauw, mrqycc lanw iauxx jin' pnaiw tiauwli jitt xee qaiwhan, sidtew ee sukyw kinghiongr vig lanw vutduan kir duiqiuu surbut dingrui, dyrr si lanw ixqingx huathen jitt jiongw kinghiongr qanziauw law duiww sinn ham' sin'unx ee liauxqaiw, iuguann jin' lann qra jitt xee jewhan vuackuix.

Gauw qaqi singx jyr sidgiam, byy air qra langg dongwjyr jit xee jinjniar ee sidtew, mrqycc disingr ee hanrjer kiokk hro guaw byy qinqur sidtew quanliam laii sukyw ham' siaxjog vutkyw, gauw qra qywzinn ee qiongqair knuawjyr jit jiongw siamwtauwlat qig qiongg ee bangrsex, iacc si qe livax, m si viacdow, dyrr si qongxx, qitnax ee sidtew erdangr vnuax quer laii, lrauu quer laii, naxx cniu iwsig erdangr siamr zip laii amwiwsig, amwiwsig marr erdangr dor quer guarjair ee "simlingg", lairgua horsiong qausiamr, sidtew byy qycc junjai. Jap-sir sewqir ee siuluw JULIAN qongw qaxx jin' hyw : cniu sinkux cing snxax, puehux vaux bah, bah vaux qud, bah vaux simjong… dringw, lanw ee simlingg ham' bactew marr vauiongg dirr siongrder ee senrsimx nirr. Byy qangg :ee si, henrser ee itcer e ruix .kir, siaubyy .kir, siongrder ee tniar, ingxuanw uanjingw byy kicqag.

Bylun lanw anxjnuaw vensiaw "qijig" ee laiguann, zinsingr singdiongw ee dyrlo, u jit qrow ciaucud lanw iwsig soxx kongwjer ee ligliong decc sag. Guaw siongsinr lanw naxx si ixx jit xee qijig jyr cuthuatdiamw kyxlu, kyxlingg dyrr qyckacc liauxqaiw jitt qrow lat ee vunxjid : soxu sniwmia ee singdiongw quewdingg, hyrjyr "jinwhuar".

JINWHUAR

Suibongw jitt vunw ceh qaur dnaxx iauxx byy qra jinwhuar dongwjyr jit xee quanliam tyxlun, mrqycc lanw ui' tauu qaur buew decc qongw :ee, longxx si ham' jinwhuar iuxquanx. simlingg singdiongw si qywzinn ee jinwhuar. Bactew e duer sniwmia jiuqii qaixvenr, byy qycc jinwhuar, byy sinx ee sinliw mosid. Nihuer je .laii, texlat sueter si berdangr piacbenw :ee. Qywzinn itsingx nirr, simlingg kiokk erdangr u diongrdua ee jinwhuar, e sanxsingx sinx ee mosid, simlingg linglik dagg zit decc jingqax itdit qaur siw uijiw, simlingg singdiongw ingxuanw byy jewhan. lanw itdit decc qongw simlingg jinwhuar, singbut jinwhuar ee quewdingg qapp simlingg luirsu, erdangr dongwjyr jit xee jo lanw jinr jit vo liauxqaiw simlingg singdiongw quewdingg qapp sin'unx iwgi ee hingboo.

Singbut jinwhuar quewdingg siongrr daddid lanw juwir :ee, si jit xee qijig. Ixx lanw duiww uxdiu ee liauxqaiw, jinwhuar qinvunw dyrr byy kyxlingg huatsingx, jitt xee henrsiong byy junjai jiacc driyc. Ixx zedlighak derr zi dingrlut jyr le, zedlingg e jurzenn ui' kacc u quilut :ee lrauu hiongr kacc byy quilut ee jongrtair, ui' qydo hunhuar :ee lrauu hiongr qedo hunhuar ee jongrtair. Ngua jit qxur ue qongw, uxdiu si dirr jiamrr vangqaiw ee quewdingg nirr. Tongsiongg lanw qongw juiw lrauu hiongr kacc qe ee xui kir laii suecbingg, rair iong pangwpuh, juixjac, langqangx juixtangw qnrua juiw…dringw hongsid laii juanrlenwdngw jitt xee quewdingg, hro huedngw qaur guanlaii ee jongrtair, hro juiw dngw laii quann xui. Jitt xee lxingg rair ui' vadd xui laii, uirr icii mow soxjai ee lxingg, rair ui' vadd xui tec diyc voxciongx. Qinqur zedlighak derr zi dingrlut, qingquer sxor jap ig qycc sxor vag ig nii , uxdiu e uanjuann vxangx .kir, qangr qaur siongrr qerdiamw, byy hingjong byy qetqor, uanjuann be hunhuar ee "jit uann" sixjing. Jitt jiongw uanjuann by jojid, be hunhuar ee jongrtair hyrjyr ENTROPY.

Lxingg jurzenn e ui' quann xui lrauu hiongr qe soxjai, jinwzip ENTROPY ee jongrtair, hyrjyr ENTROPY ee lat. Lanw jitmaw erdangr knuawcud jinwhuar quewdingg ham' ENTROPY ee lat duxx hyw siy' duxsiaux. Jinwhuar si ui' qe :ee hiongr quann huatdenw, venwjniaa kacc hogjap, kacc hunhuar, kacc u jojid. Quewlirsingr vnerdok si jit jiongw qig qanxdanx ee iuxqitew, viw hunjuw kacc hogjap jit sud aw nania. Sewkunw kacc hogjap, hunhuar kacc jingbit, u sewvaux-kag, byy qangg ee hunjuw qetqor ham' sindinn-dairsia. Topuw(iuix) qyckacc jinwhuar, u sewvaux-hut, iuwmox, qivunw siauhuar hertongw. Haixmii m na u jerje sewvaux, byy qangg singwjid ee sewvaux, horsiong qycc u ilai ee quanhe. Tangtua ham' hii lui u sinqingx hertongw, hogjap ee unrdong hongsid, simrjiww u siarhue jojid. Jiauww anne huatdenw .lyc .kir, jinwhuar ee tuijanr mairhiongr hogjabhuar, qydo hunhuar qapp jojid, qaur zinlui dyrr u vutjiww dua ee nauw, huisiongg hogjap ee hinguii mosid, kia dirr soxx jaix jinwhuar ee dingw janr. Guaw qongxx jinwhuar quewdingg si qijig, si jiamrr jinr ee qaqiongg jojid ham' hunhuar, uanjuann uihuanw jurzenlut. Dirr jingwsiongg huatdenw ha, siaw jitt vunw ceh, tak jitt vunw ceh ee langg qinvunw byy kyxlingg junjai.

Jinwhuar ee quewdingg erdangr rue jit jxy qimzirtah, siongrr hogjap, sowliong siongrr jiyw ee iuxqitew – zinlui—dirr siongrr dingxquann, sowliong siongrr je, siongrr byy hogjap ee iuxqitew – quewlirsingr vnerdok --- siongrr qe renn.

Siongrr dingxquann si huanw ENTROPY ee lat. Guaw dirr qimzirtah lai rue jitt xee jniwtauu viauxsi hiongr dingxquann jinwhur ee lat, qingquer sxor vacban dai, vutduan ee qikter "jurzenlut" did diyc singqongx, ix vunxsinx dyrr si jit diauu danw beh qaiwding ee jurzenlut.

Zinlui simlingg jinwhuar marr si jit xee qimzirtah hxingg, siongrr xe enn si birkaihuad :ee, siongrr jiamx ee dingxquann si qenrjuann simlingg. Ui' birkaihuad qaur qenrjuann simlingg si zinsingr ee lat, itdit rair ham' ENTROPY ee lat sna' duiwkongr.

Gauw qycjaiww jit crur qiongdiau, simlingg singdiongw si jit jiongw su'iaur dauzip dairliong loxlik, qycc huisiongg qanlann ee quewdingg, rair ham' jurzenlat duiwkongr, huanxkongr vyxcii guanjong, jipquat qu derdoo, qu honghuad, suanxdik qanxdanx hyw qniaa ee jurzenn kinghiongr. Dirr huanxkongr jurzenn ee quewdingg nirr, ENTROPY ee lat qangkuanw hah'iong dirr simlingg jancur. Mrqycc marr ham' singbut jinwhuar qangg, jitt jiongw lat naxx qijig virr kikhok ar. Lanw iuguann singdiongw, jit lo jygu jiacc je ee joxlik, lanw iauxx si jniajyr kacc hyw ee langg. Suibongw m si muixx jit xee longxx jyr e qaur, jyr diyc marr jin' sinkow, mrqycc jerje ee langg iuguann erdangr qaixsen jurqiw ham' bunhuar. U jit qxow qongw be cud miaa ee lat sag lanw qingw qanlann ee lo qniaa, hro lanw ciauuad lorqomuaii ee kuanqingw.

AIR NIAXCUA JINWHUAR

Simlingg jinwhuar quewdingg ee qimzirtah sik'iong qywzinn. Muixx jit xee langg longxx u singdiongw ee iogbang, longxx rair kyr jurqiw ee lat kikhok joxlat, dadsingg bogviaux. Jitt xee qimzirtah marr hah'iong zinlui juantew. Jit xee langg ee jinwhuar daiwdong siarhue jinwvo. Donglenn lanw sriu bunhuar juiongw, singlenn au, lanw huevyr siarhue. Singqongx dorquer singdiongw lordingg ee langg m na jurqiw hiangxsiu singdiongw, marr qra singqyw henr hro juann sewqair. Qywzinn ee jinwhuar dnax diyc juann zinlui ee dang dnar. Zinlui dyrr si anne decc jinwhuar ee.

Zinlui simlingg itdit huatdenw zuxx laii zuxx jniawbin jitt xee quanliam, duiww jinwvo sitbong :ee, knuar .laii naxx byy hap sursit. Siwqer m si Jenwjingx, dyrr si tam'ux, uwziamw.., dringw hurbin jinghingg , jnuaxngiu lanw iauxx erdangr jiacc lixsingr zinruii zinlui decc jinwvo? Jex duxx si guaw beh qongw :ee, lanw e qamxqag byy hibang, in'ui lanw jurgnow qidai viw dingw jit vuer kacc quann. Dnaxx lanw zinruii kyxhun, berdangr tunlunw ee hinguii, ixjaw iauxx virr knuawjyr lixsoxdongzenn :ee. verbuw jiauwqor juxluw ee simlingg singdiongw si lanw jitt vunw ceh ee diongrdiamw, si henrdai siarhue ee liuhingg, be ho'ngg dongwjyr si irduanx-siagenn, mrqycc quiw vah nii jingg, qinvunw byy langg quansimx jitt hxang su. Qiamxcaiw guaw qamxqag henrdai verbuw ee juixjunw iauxx byy quann, guaw marr u cionghun ee lixiuu siongsinr, viw quixarr dai ixjingg, si qybingg je ar lor! Juewqin u jit pnix tyxlun jiauwqor ginxaw ee bunjniux, kixtauu anne qongw:

ROMA huatlut hro laurve juadduir kuanlat kongwjer qniaxzii, erdangr qra inx bre driau, marr erdangr hro inx siw. Jitt jiongw juadduir kuanuix ee quanliam aurlaii tuanzip Ingqog huatlut, itdit guanhongx-vutdong jiauww iong qaur jap-sir sewqir. Diongx sewqir ee ginxaw sing'uac uanjuann byy cniurr lanw henrdai sniu ee hiacc hyw. Ginxaw cid huer rair sangr kir jyr sirdongg iacc si sai'aw, hagsip si cuwiaur :ee, inx juxiaur si kir jyr saihu ee lojaii. Ginxaw ham' lovok ee tairgu longxx qangg, simrjiww ginxaw / lojaii ee zirqanw si lam iong ee. itdit qaur jap-lak sewqir, ginxaw jiacc sriu diongrsi, siarhue singzin inx dng' decc qinggiam digsuu ee singdiongw quewdingg, daddid aiwho.

Jitt qrow tuisag qywzinn ham' qui' xee budjiongw kikhok vindnua ham' qitnax jurzenn joxlat, mairhiongr jinwvo ee ligliong, qiuwqingr si sniaw? Lanw ixqingx ter ix hyrmiaa "air". Air virr qaiwding jyr " uirr juiongw jurgnow iacc si qitnax ee simlingg singdiongw, kokciongx jurgnow ee iwguan". Lanw singdiongw si lanw ee loxlik, lanw loxlik si lanw air jurqiw. Tauwquer air, lanw tesingx jurqiw. Duiww vadd langg ee air, lanw jo inx. Jurgnow kokciongx ee air si jinwhuar ee hinguii. Ix si vutduan siysuar laii ee jinwhuar. Sniwmia sewqair busox-vutjai ee jinwhuar ligliong, viauxhen dirr zinlui dyrr si zinsingr ee air. Zinsingr ee air dyrr si jitt qrow byy quanw ENTROPY jurzenn joxlik ee sinqii lat.

SNIAR? SIAA?

Qongw diyc simlingg ee singdiongw, lanw byy siamxpiah rair dramm .diyc qangg jit hxang su ee dywvingg : joxgai simlingg singdiongw ee jongwgai. Ui'id jit xee, dyrr si "vindnua". Lanw jixiaur kikhok vindnua, soxu qitnax jongwgai longxx duer lehh huar byy .kir. narr si vindnua qinsuii, qitnax diauqnia qyckacc jiaujee marr byy kyxlingg singqongx. Vindnua iarr si jitt vunw ceh ee juxdee ji'id. Tyxlun qiwlut sii, kiwdoo dypiah vit'iaur ee tongwkow iacc si suanxdik kinkyw :ee, bongxx dro. Tyxlun air sii, lanw marr qongw .diyc hiqew ee air si byy guanrir kokciongx jurgnow. Vindnua si air ee huanxbin. Simlingg singdiongw kyr loxlik, jitt diamw lanw qongw quer jerje vxenr ar, jitmaw lanw beh cimzip tamwtyw vindnua ee vunxjid, liauxqaiw "vindnua" si muixx jit xee langg sing'uac nirr jit qrow huwbin ee lat.

Je nii laii, guaw itdit zinruii Qidokqaur guanjuer ee quanliam byy iwgi, simrjiww huanxqamw. Guaw byy qamxqag singr / jue u sniaw quanhe, qitnax ee cuwbi marr qangg buqox. Guaw qingsiongg tingxsing jurqiw hiongxsiu pongpair ee jit dxngr, surau suibongw u damrvyc siauhuar vutliongg, guaw byy qamxqag u jue ar. Guaw jaix sewqanx juerog muaw siwqer : kipenr, penqenr, jetbuaa, hinggik. Mrqycc guaw knuar be cud ngix-aw tensingx u sniaw jue, byy siongsinr lanw joxsenx jiac liauw senrokciu ee qexjiw, ham' ngix-aw iarr rair virr jxiur. Guaw jiamrr juwir .diyc, vindnua si busow-vutjai ee. dirr jo vnerlangg singdiongw ee hunwdaur nirr, guaw huathen dagg vaiw siongrr dua ee digzinn si vindnua. Marr huathen jurqiw ee sinsiong u luirsu jitt jiongw m guan sinx susiongw, jikzim iacc si singsik..dringw lingxhik kokciongx jurgnow ee simliw. Guaw ham' juann zinlui ee qiongrdongdiamw, dyrr si vindnua. U jitt diamw, suacc hionghiongg hro juaa cam' linwgo ee qowsu venwjniaa u iwgi.

SIONGRDER QAPP JUAA EE JINGVEN

Siongrr diongriaur ee bunrdee, singwqingx qowsu byy qongw .cud.laii. qowsu qra lanw qongw, siongrder "honghunx dirr loghngg sanwvo" ee quanwsir. IX ham' zinlui qauliuu quanxdy si uanjuann kaihongr :ee. narr qongxx jinjniar si anne, ADEN qapp IVA uirsniaw juaa qoxlew inx jiac linwgo sii, inx erdangr qra siongrder qongw, "guaw jin' hnowhenn liw uirjnunxngiu byy air hro gunw jiac senrokciu ee quexjiw? Gunw qac'ir jitt xee soxjai, marr byy hibang liw zinruii gunw m jaix qamxqig, mrqycc gunw sidjai berdangr lixqaiw liw ee quiding. Cniaw liw qaixsueh .jit .xe?" inx dongzenn byy anne jyr. Inx bongxdongw huan diyc siongrder ee huatlut, byy liauxqaiw libhuad ee vunxir, iarr byy beh didjiab tec cud bunrdee, jitgii IX ee kuanuix, iacc si iong singlenlangg ee lixsingr libdniuu qapp IX qautongx. Inx tniasinr juaa ee ue, mrqycc hingdong jingg, inx kiokk berdangr tniax siongrder jitt vingg ee qongxhuad.

Uirsniaw berdangr? uirsniaw iuxsniaa ham' hingdong jiqanx byy trer kavo ee vorsor?

Kiamr jitt xee vorsor dyrr qowsingg jue ee vunxjid. Jitt xee kiamwhat dyrr si venrlun.

ADEN /IVA vunxlaii ersaih dirr siongrder qapp juaa jiqanx kiw jit dniuu venrlun, inx byy jyr, suacc ingxuanw m jaix siongrder ee libdniuu. Siongrder qapp juaa ee venrlun viauxdingx zinlui simlingg sxen/ og ee jingven. Lanw quivi jurqiw luersimx jinwhingg sxen/ og lunrven ee vorsor, jiacc sanxsingx jerje qowsingg guanjue ee sniaog hinguii. Dirr jimjiog mow jiongw hinguii si m si u qaur bingdir sii, zinlui ongxongw berdangr catliw siongrder ee libdniuu. Inx byy tniax simlai siongrder qongxue --- juann zinlui cutsir dyrr u ee jingwgi dirr lanw ee simqnuadew. Jitt xee sitvai rair quijue jurqiw ee vindnua. Jinwhingg jitt jiongw luerjai ee venrlun su'iaur loxlik, siqanx, jingsinn. Zuqyw lanw narr giamsiog zinrjinx tniax lanw "simlai ee siongrder", tongsiongg e suanxdik kacc kunwlann ee hitt diauu lo ee qoxle, qniaa jitt diauu lo rair kaix kacc je lat. Jinwhingg anne ee venrlun si hro jurqiw binrlimm tongwkow qapp qunxqaw. Lanw muixx jit xee langg vutsii dy' hro jitt xee koxcow hnaxheh, sethuad dypiah. Cniurr ADEN / IVA, qitnax ee joxsenx, lanw, longxx jin' vindnua.

Lanw kaksit u jit jiongw guanjue junjai, hex si lanw ee vindnua. Vindnua junjai dirr muixx jit xee langg ee sinsiong --- ngix-aw, ginxaw, cingsiauwlenn, singsik ee singlenlangg, diongxjiaw, kiauw :ee, gong :ee, janjiongr :ee, qenrkongx :ee. uree langg kyxlingg kacc byy hiacc vindnua, soxu ee langg q.-qeqiamw-q. longxx vindnua. Bylun kuiwlat zuarr je, iaxsimx zuarr dua, diwhui zuarr quann, jixiaur jurgnow huanxsingw, lanw longxx e huathen jurqiw vindnua ee jit bin – lanw luersimx ENTROPY ee lat, simlingg jinwhuar ee quewdingg, ENTROPY tuax lanw dywtewlux.

Togjiaw kyxlingg e qongw hro jurqiw tniax, qongw "guaw jit diamw aw dyrr byy vindnua ar, dagg lexvair qangjog lak-jap diamxjingx, amwmee qavanx, vaiwlak byy hiyckunr. Qiamxcaiw ixqingx jin' tiamw ar, iauxx si vruee bow cud mngg, cua ginxaw kir dongrbudhngg, jyr qasu, jit dua dxuix jabbu. Sing'uac nirr, qaxnaxx cunx jit hxang su, byingg! Byingg!...". guaw jin' dongjingg jitt xee langg, mrqycc guaw iuguann beh jixcud, jixiaur iong simx cue, itding iauxqycc cue e diyc vindnua. Vindnua ham' qangjog ee siqanx dngg/dew, jin jikzim byy quanhe. Vindnua henxcud ee juxiaur hongsid si qniahniaa. Lanw erdangr inxiong ADEN /IVA ee sinue suecbingg, u langg qongw ADEN /IVA byy kir mng siongrder jewding huatlut ee guan'inx, m si vindnua, si qniax, qniax binrduir knuar .diyc dyrr e ho'ngg qniax ee siongrder, qniax siongrder dua siurkir. m si soxu ee qniax si vindnua, dairvorhun qniahniaa ee simjniaa kaksit si vindnua. Lanw dairdysowlangg qniax qaixvenr henrjong, qniax itdanr morhiamw hiongr jingg, e sitkir henrsii soxx iongxiuw ee itcer.

VINDNUA SI DOGIYC

Simliw isingx siongrr bingvik jitt diamw. Vnerlangg qiamxcaiw si uirr beh qaixven jiacc laii cue gunw :ee, qisit duiww qaixvenr si qniax qra qiongrbeh siw, qyckacc qniax qaixvenr rair he siqanx. Jitt xee qniax, iacc si vindnua, juat duardysor iokk qauw snxiaa ee vnerlangg dirr simliw dirliauu iuxhau jingg, jaw ~ trer cud dirliauu. dyjauw hinguii dairkair huatsingx dirr dirliauu cimxx kaisiw quiw vaiw iacc si quiw qywguec ee sii.

Simlingg singdiongw ee coqii, qywzinn duiww jurqiw ee vindnua ongxongw itbuu-soxdix, suibongw inx kyxlingg e duer langg qongw, "guaw dongzenn ham' langg' qangg, lanbenw ursii e vindnua." Jurgnow nirr ee vindnua cniurr moquiw hiacc qankiauw, m na jin' gauu qexsenx, kipenr, iauxx qycc e iong qokk jiongw ciuxdnua qra qaqi ee vindnua hab'lixhuar. Jurgnow kacc singsik ee vorhun, byy itding u linglik kinsangx tiacpuar jinsiongr iacc si ham' vindnua duiwkongr. Jit xee langg binrlimm dirr mow xee lingxhik cruw diyc sinx diwsig ee iauqiuu sii,

e qongw " ixqingx jin' je langg genxqiur quer ar, inx cue byy dap'anr."

Iacc si "guaw bad jit xee genxqiur jitt hongbin ee langg, ix si jiuxquiw, aurlaii jursad ar."

Iacc si qongw, " liw sniu beh qra guaw venwjniaa ham' liw qangg ? simliw isingx vutqaix anne jyr."

Luirsu anne ee huedab, longxx si vnerlangg / hagsingx uirr beh amkamr jurqiw vindnua ee jiawkauw, beh kipenr ee duiwsiong, qongw si isingx / laursux, jinjniar si beh kipenr jurqiw. Zinrcingx vindnua ee jinsiongr, singzin ix junjai dirr qaqi ee simlai, si qaixquad jitt xee bunrdee ee kixdiamw.

Simliw singdiongw zuxx singsik ee langg, duiww vindnua zuxx jurqag. Zuxx byy vindnua ee langg, zuxx liauxqaiw jurqiw ee vindnua. Dirr liw/ guaw qywzinn duiqiuu singsik ee hunwdaur nirr, guaw zuxx laii zuxx qingxqag diyc sinx kexsi naxx diauqangx beh ui' guaw ee sinvnix liur jauw kir. Ursii, jin' u qenwsetsingr ee sinx sukyw, guaw huathen jurqiw ee kavo byy tniaue ban .lyc .laii. guaw huaigii dairdysor ee sijun, jiaxee u qewdat ee sniurhuad jinjniar dirr bydix-byqag nirr lausid, hro lanw dirr susiongw ee tonglo nirr m jaix beh qniaa duiww dyhh kir. Guaw jixiaur catqag diyc jurqiw ban .kir, dyrr qiongvig kuaiwvo hiongr jingg qniaa, itdit hiongr vunxlaii kiwdoo siamxpiah ee honghiongr. Qapp vindnua duiwkongr ee jenwjingx ingxuanw be tingg.

Qiwzenn guaw zinruii vindnua si guanjue, tauwquer jurgnow simlixvne henwlo ee vindnua, simrjiww kyxlingg si moquiw ee huawsinx, dirr jiax lanw erdangr duiww siaog ee vunxjid qycjaiww suecbingg, hro qui' xee uerbin qyckacc cingcyw. Siaog ee diongriauwsingr kyxlingg si soxu sinhak bunrdee nirr ee derr id xui. Cniurr qitnax "jongqaur" bunrdee qangg, simliw hagqair druu liauw jiyw vorhun lergua, itqair byy singzin siaog ee junjai. Qisit, simlixhak duiww jitt hongbin ee qongwhenr be jiyw. Guaw hibang zid'au u qihue dirr vadd xee diwjog nirr siongser tyxlun jitt xee debak, dirr jiax guaw singx qanxdanx tecud guaw qywzinn duiww siaog vunxjid ee sir xee qetlun.

SIAOG SIR VUNXJID

Dairsingx, guaw siongsinr siaog si jinjniar junjai ee. ix m si guansiw jongqaur uirr qaixsueh mow quaw vutkyxdix henrsiong kangsniu luan iyh :ee. jinjniar u jit qrunn langg/ langg josingg ee qiqor siuhin itcer ee liongsen, jin itcer kyxlingg huixbet liongsen. Inx jitt jiongw hinguii m si u iwsig ee siaa, si bongbok, vutdix jurqiw ee siaa. Qongw kacc jingwkag quaw, inx si virbenw jaix. Jongqaur bunhak duiww moquiw anne biausiaw, inx didqag gesiauu bingkir, dypiah qngx, kiwdoo siaubet qongbingg. Inx e pywhai langg luersimx ee qngx, vutquanw si jurqiw ee juxluw iacc si inx kongwjer ha ee zimrhyy langg.

Siaog ee langg hin qngbingg, qngx hro inx knuar cringx jurqiw. Inx byy air sxen, sxen henx cud inx ee og. inx byy air, air hro inx ee vindnua knuar qaxx hen hen hen. Inx beh qra qongbingg, sxen, qapp air cuix hro siw, jiacc mrbenw binrduir qakcniw ee tongwkow. Anne guaw did diyc derr zi ee qetlun, siaog dyrr si hnuaihingg-vawdy, busow-vutuii ee vindnua. Air si vindnua ee dywbin. Itvnuax tingdo ee vindnua si siauqig songwsid air ee linglik, qandna' siyxkuaw drang jex jingxtauu-aw dyrr erdangr kokciongx jurgnow, marr rair ho'ngg vig jiacc beh hingdong. Qiamxcaiw inx byy air, marr byy siaog. Jinjniar siaog :ee, juxdong dypiah kokciongx jurgnow ee iauqiuu, inx uirr vyxho jurqiw ee vindnua, vyxcii puawvne ee jurgonw uanjingw, kacc baiw ee ciuxdnua marr qnaw jyr, m na byy ju'iongw langg', iauxx e sionghai beh anne jyr ee langg. Narr qongxx puawvne ee jurgnow binrduir qenrkongx simlingg ee uihiap, inx e jin itcer kyxlingsingr pywhai jiaxee qenrkongx :ee. soxiw lanw beh qra siaog dingrgi jyr unriong itcer ingxhiongw lat, piacbenw uirr ju'iongw langg' ee simlingg singdiongw, kokciongx jurgnow ee hinguii. Itvnuax ee vindnua si byy air .langg, siaog si qra air dongwjyr sixuanx, ham' air duiwdik.

Derr snax qetlun si : jixjiyw dirr jitmaw zinlui jinwhuar qaidnua, siaog si berdangr piacbenw ee. huanw jinwhuar ENTROPY ee lat, qapp zinlui iongxiuw juriuu iwjir ee kyxlu, vitzenn u langg erdangr kongwjer vindnua, marr u langg uanjuann byy huatdo. ENTROPY qapp air ee jinwhuar si nng qrow duiwlip ee lat, u langg cruw diyc vinghingg, u langg kiokk qokk jiamr iuser, jex si jingwsiongg ee qetqyw. Kia dirr siongdui nng qik xui ee langg, marr itding si jniar/ siaa horsiong duiwlip ee sixduiwtauu.

Siongrr buew ee qetlun : suibongw ENTROPY si jit qxow hiongdua ee lat, si zinsingr qik og ee viauxhen, marr si jit qxow uanjuann berdangr jurjip zinqunn ee lat. Guaw bad cinbak knuar siaog juxdong qongqig, janzimw sathai sxor jap xee zidongg ee simlingg. Mrqycc siaog dirr zinlui jinwhuar ee dua qetqor ha kiokk berdangr byy vorlo ix ee kiamwdiamw. Ix sionghai jit xee simlingg sii, dyrr e u qitnax simlingg did diyc qaixtuad. Siaog bydix-byqag nirr huatcud qingxqyr, hro langg' likuix ix sed ee hamrjniw hng hng. Dairdysowlangg longxx didqag diyc siaog ee lamrsamw luanrbuw, itdanr caqag ix ee junjai, dendyw sanxsingx jingrhuar jurgnoaw ee iwguan. Siaog qra Iasox sangr jnriu sibzirqer, kiokk hro lanw erdangr hng hng knuar .diyc. Lanw cinsinx qax zip duiwkongr siaog ee jenwjingx, dyrr si duiqiuu singdiongw ee hongsid.

IWSIG / AMWIWSIG, LANGG / SINN JINGJENR

Lanw itdit iong catqag(AWARE), zinrdix(AWARENESS)…dringw jerje qangg gi zri. Siaog ee langg qirjuat zinrdix jurqiw ee jinx binrcniux. Simlingg singsik ee langg longxx catqag diyc jurqiw ee vindnua, itvnax langg ongxongw duiww jurqiw ee jongqaur, sewqaiwquanx vutdix-vutqag, dirr singdiongw ee quewdingg nirr, inx diyhh zinrcingx jurqiw ee singqenr, penqenr. Lanw tauwquer ham'iongg qapp air ee quanhuaii, jiamrr liauxqaiw simair :ee ham' jitt xee sewqair. Qiwlut siongrr juxiaur ee vorhun si zinrcingx lanw ee jikzim ham' quatdik ee linglik. Jitt vorhun ee simlingg, lanw qra hyrjyr iwsig, simlingg ee singdiongw qaiwdingrjyr iwsig ee singdiong, iwsig ee jinwhuar.

Iwsig (CONSCIOUS) jitt xee zri guanlaii si LATIN, iwsur si " qiongrdongg ee zinrbad qapp liauxqaiw", "qiongrdongg" ee duiwhongx si sniaw? Guaw zinruii si amwiwsig. Amwiwsig jaix :ee, ingxuanw je quer iwsig, marr ciauquer virr jewhan dirr iwsig lai ee lanw jerje. Lanw zinrbad jit hxang jinliw, jixvutqyr diongsinx sigsai amwiwsig jaw jaix :ee ziiw. Lanw anne qaixsueh, iwsig diyc dyrr si jitt hxang su qapp amwiwsig u qiongrdongg ee zinrbad, liauxqaiw. Iwsig ee huatdenw si lanw ee iwsig kaisiw zinrdongg amwiwsig ixqingx jaix ee itcer; iwsig jiamrr ham' amwiwsig dongvo. Jitt xee quanliam duiww simliw isingx byy cnehun, inx si qra simliw dirliauu knuawjyr "hro amwiwsig puu cud, henr dirr iwsig jancur" ee quewdingg, iarr dyrr si kokdua iwsig huanruii, hro iwsig/amwiwsig ee quanxkux kacc uaxqin.

Lanw qycc laii beh mng :ee si, uirjnuaxngiu amwiwsig jaix hiacc je iwsig iauxx bue yc ee mic? Jitt xee bunrdee lanw qandna' erdangr qaxsed tihh, byy hac kyhak ee dap'anr, kacc buanxir :ee si, lanw qaxding u jit xee ham' lanw siongrr cinbit ee sinn, ix si lanw ee jidvorhun. Cue sin'unx siongrr qin ee soxjai dyrr si dirr lanw ee simlai. Liw narr snah beh rair diwhui, rair ui' liw ee luersimx qriuu. Ngua jit qxur ue qongw, sinn / langg ee kuvet, jixjiyw u jidvorhun si amwiwsig / iwsig ee qaiwding. Qyckacc qanxdanx qongw, amwiwsig si sinn, lanw ee simqnuadew u sinn. Lang ithiongr dyrr si sinn ee jidvorhun, sinn itdit qapp lanw jywhuew dongjai, m na jitmaw, ingxuanw anne.

Jex nacc u kyxlingg? Zuqyw togjiaw zinruii qra amwiwsig dongwjyr sinn si gik diyc sinn, liw qamxx byy sniu diyc Qidokquar itdit siongsinr singwlingg druar dirr sinwdoo ee simlai, jitt xee qongxhuad vunxjid qamxx m si ham' guaw qaixsueh :ee qangg ? guaw qamxqag jo lanw liauxqaiw sinn/ langg ee quanhe ee honghuad, si qra amwiwsig sniurjyr jit xee jiokk dua, draii dirr tokax ee ciurqinx hertongw, iwsig si derbin ee ser jangg sidbut, kipsiux amwiwsig teqiongx ee ingiongw. Jitt xee qongxhuad laijurr C.G.JUNG :

Guaw itdit qamxqag sniwmia cniurr jit jangg kyr qinx qiongingr ingiongw ee sidbut.

Jinjniar ee sniwmia si cangr dirr qinx nirr lanw knuar be diyc, derbin ee vorhun qandna' erdangr uac quer jit xee zuac .langg, dyrr qodax .kir, jiacnirr dew! Sniu diyc sniwmia qapp bunbingg byy tingg ee hingx/ trer, lanw qamxqag itcer longxx si hikangx :ee. guaw marr itdit qamxqag diyc, ingxuanw bysii tingg laujuiw ee venwngua, u sniawmic uac dirr hiax? Lanw knuar diyc huex kuix huex sria, ciurqinx ingxuanw dirr hiax.

JUNG byy didjiab qongw siongrder junjai dirr amwiwsig, ix ee qongxhuad henxzenn jixhiongr jitt xee honghiongr. Ix qra amwiwsig hunjyr kacc pubin ee "qywzinn amwiwsig" ham' sriok juann zinlui kacc cimdimm ee " jibtew amwiwsig". Guaw qra jibtew amwiwsig knuawjyr siongrder. Iwsig si qywzinn, qywzinn amwiwsig si qywzinn ham' jibtew amwiwsig ee qaiwbin, si qywzinn iwjir ham' siongrder iwjir ee jenwdniuu. Qunxqaw/ ziauxluan/ naurdong ee huatsingx, suacc berdangr piacbenw tihh.

IWJIR---iwsig/ amwiwsig jigua

Guaw siongsinr iwsig si jingsinn vnerlixhak tamwtyw ee diongrsimx, soxu simliw vnerjingr longxx laijurr iwsig u bunrdee. Iwsig vnevuih(dixkongr) amwiwsig ee diwhui, hro lanw puawvne, marr ersaih qongxx, iwsig ixqingx u vne, jiacc e dirr lanw kiwdoo beh dirliauu amwiwsig sii, iwsig qapp amwiwsig ciongdut. Jongw qongw jit qxur, simliw vnerjingr ee kixinx si qywzinn ee iwsig vuerli "siongrder" ee iwjir, vuerlii qywzinn jurqiw ee amwiwsig.

Guaw bad qongw .quer, simlingg singdiongw siongrr buew ee bogviaux si langg/sinn hab'id, qywzinn qapp siongrder u qiongrdongg ee zinrbad qapp liauxqaiw. Qiwzenn amwiwsig dyrr si siongrder, lanw erdangr jinr jit vo qra simlingg singdiongw ee bogviaux qaiwdingrjyr hro iwsig dadqaur sinn ee qingwqair, hro qui' xee langg uanjuann jniajyr sinn. Anne si m si dairviauw iwsig/ amwiwsig ee ionghap, qandna' cunx amwiwsig? M si. Dnaxx lanw binrlimm huisiongg diongriaur ee vundy celo, jidbin singjiur sinn, jidbin vyxliuu iwsig. Narr qongxx ui' amwiwsig singwlingg ee ciurqinx vuh cud sinx iwsig ee gee, iarr jniajyr sinn, sinn dyrr e u sinx sniwmia hingsid. Jex si qywzinn sniwmia ee iwgi.

Iwjir jiongxquanw sniwmia ee itcer hingdong, hurjig jyr quatding, qycc qra sidhenr. Zuqyw qandna' u amwiwsig narnia, dyrr cniurr sinsingzii, qiamxcaiw qapp sinn hab'id, kiokk byy caixcuw zimrhyy hingdong, hro juann sewqair catqag sinn ee junjai. Inwdorqaur, vut qxaur ee sinvir susiongw u jit jiongw tuewhuar ee digjid, qra byy jurgnow jewhan ee ingzii qaidnua vixjyr NIRVANA(vut qaixtuad ee qingwqair), jinwzip NIRVANA cniurr dirr sniqniaxde-aw lai. Lanw beh tecud ee sinhak sukyw duxx dywhuanw. Lanw bogviaux m si beh siaubet jurgnow. Lanw si juriuu hingdong linglik ee singlenlangg, erdangr jyr ingxhiongw sewqair ee quatdik, jitt jiongw singsik ee juriuu iwjir erdangr cam' sinn zinrdongg, sinn qingiuu lanw ee iwsig, cuxdid qionglat, did diyc sinx sniwmia hingsid. Lanw beh jniajyr IX ee sidqow, IX ee dairlixzinn, dongsii lanw erdangr u iwsig ee quatdik, jiauww IX ee iwguan ingxhiongw sewqair, lanw ee sing'uac iarr beh jniajyr jit jiongw sin'unx, ter IX hogbu ziqunn, dirr quewkir byy air ee soxjai congwjy air, hro soxu ee langg ham' lanw u qangg ee zinrdix, sakdong zinlui jinwhuar hro vutdnua tesingx.

SIMLINGG EE KUIWLAT

Dairvorhun ee langg dirr sing'uac nirr jyr dairvorhun ee quatding sii, longxx m jaix jurqiw decc jyr sniaw. Inx caixcuw hingdong sii, byy liauxqaiw jurqiw ee dongrqix, iarr byy knuar cingcyw jurqiw ee quatdik e jyrsingg sniaw venwhuar. Lanw qirjuat jit xee kecho sii, jinjniar liauxqaiw jurqiw jyr sniaw? Lanw pah ginxaw, jinwsingx vorha, anwnai langg ee sii, lanw qamxx u jiokgiac ee jurdix jibingg? Dirr jingwdirkoaw nirr quw ee langg longxx jaix, senrir ee hingdong qetqyw ongxongw duxx dendywvingw, dongrqix qe ee langg tuidong jit xee cimxx knuar junsimx vutliongg ee qewue, buew aw kyxlingg vutjiw aw u qenwsetsingr. Qauwiok juxluw ursii marr u luirsu ee jinghingg. Uirr byy jingwdongx ee lixiuu jyr hyw su si m si viw uirr jingwdongx ee lixiuu jyr baiw su kacc hyw? Lanw siongrr u vaxag ee sii tongsiongg si sniaw longxx m jaix ee sii, jurqag siongrr kiauw ee sii, iarr si duiww qui' xee jinghongw byy liauxqaiw ee sii.

Lanw narr piauliuu dirr bongbongg bydix duarhaiw nirr, qaix zuhyy vran? Kongbyy juxgirjiaw e qongw, " sniaw dyrr mair jyr". Inx zinruii lanw qaix qewsiok piaux, hnuaidit haixngiuu jiacnirr kuah, byy huatdo rue haixdoo, qniaa be cud bongbu, cue byy jit xee u iwgi ee honghiongr. Mrqycc qitnax iongxiuw jiokgiac jurqag, jaix jurqiw ixqingx qniaa byy lo ee langg, dyrr e iongxqamw singlok jurqiw qenwlip kacc hyw ee jurqag, vaixtuad bydix. Inx si driyc :ee, marr si u kyxlingg :ee. jitt jiongw kacc hyw ee jurqag m si kyr lingqngx siamxsih .jit .xe dyrr e uansingg , si rair jit diamw jit dih ban ban aw cuthen, luixjig, muixx jit xee diamxdih longxx rair nairsimx loxlik ee genxqiur, quancad, qycc rair u cimkig ee jursingw. Inx si jin' qowkiamx ee hagsingx. Simlingg singdiongw si itsingx berdangr tingg ee hagsip.

Lanw narr duisuii jit diauu lo u qraur quw, u qraur iongrsimx, d.-diamxdih-d. ee diwsig dyrr e ban ban aw draur jywhuew, dauc dauc aw qui' xee uerbin ee iwgi dyrr henr cud. Lanw e duw diyc bydexhang, sitbang, byloriong ee quanliam. Mrqycc lanw e zuxx laii zuxx liauxqaiw lanw junjai ee loriong, iwgi, lanw decc jyr sniaw. Lawn iongxiuw jinjniar ee lat.

Simlingg ligliong ee qinggiam qivunw-siong huisiongg suxx langg songxsinn. Jex si jit jiongw zuxx siklen zuxx kiauxbiau ee cingsongw. Liw naxx si jinjniar ee juanqax, jin' jaix jurqiw decc jyr sniaw, byy viw jex qyckacc suxx langg buanxjiog ee. simlingg singdiongw siongrr je ee langg, si jit xee sing'uac juanqax. Ix e qamxqag diyc ten'ir, tauwdew liauxqaiw qui' xee jongrhongw ee singwjid ham' jurqiw itcer jok'uii ee jing'inx hiyrqyw, hro langg qamxqag naxx siongrder siy' qangg juandix juanlingg. Lanw iwsig ee jurgnow singqongx qapp sinn ee singwlingg qethap jyr ittew, lanw ham' sinn u qiongrdongg ee zinrbad, liauxqaiw.

Simlingg singdiongw qaur jiacnirr liauxvutkiw ee zinrdix qaidnua, itlut viauxhen cud ciongbuanw hixlok ee kiamser. Inx jaix jurqiw byy vinghuann ee diwhui laijurr amwiwsig. Inx jaix qaqi ee qinx dirr dyhh, marr jaix diwsig si ui' jitt xee jnuatauu ee qinguann itdit bu cud laii, itcer ee loxlik si beh kaihongr iwsig ham' qinlex tongtaur, marr qycc jaix jitt xee qinx byy sriok inx qywzinn, m si jit xee langg ee amwiwsig, si juann zinlui, juantew singbut :ee, siongrder :ee.

Narr mng diwsig, ligliong ui' dyhh laii? Jinjniar iongxiuw jitt nng jiongw vyw ee langg itding huedab, " jex m si guaw ee lat, jinjniar ee lat by sriok guaw :ee, guaw jixvutqyr si jit xee tongdy narnia, guaw ee lat ser ser ee. inx ee kiamsunr nirr ciongbuanw hixlok. Iongxiuw qapp siongrder (amwiwsig) qautongx linglik ee langg, jurgnow iwsig dua dua ee soksiyw, inx ui'id ee liamrtauu si " singjiu LIW ee iwguan, guaw beh jyr LIW ee qangqu, guaw :ee byy diongriaur." Hongwkir jurgnow duar laii jit jiongw vingjing ee dua hixlok, qapp luanair luirsu. Qakgno diyc jurqiw qapp siongrder bidcet ee quanhe au, soxu kanghix jigbok longxx siaubyy .kir. Jex hyrjyr " lingqaux (COMMUNION) ".

QODOK EE DIWHUI

Texzin simlingg ligliong suibongw suxx langg songxsinn, mrqycc marr e hro langg qniax, in'ui jit xee langg jaix zuxx je, zuxx pnaiw caixcuw hingdong. Bylun lanw jnuaxngiu hingdong, qinglik bunbingg ee quewdingg jin' u kyxlingg dyrr anne qaixver honghiongr. Quatding beh ylyw iacc si cuxhuat jit xee ginxaw, qetqyw kyxlingg sanxsingx qik dua ee ingxhiongw. Iuxhan ee qinqir, dairiog qandna' erdangr vin' jurzenn jipuer, hingdong qex jin' iong'i, dng' lanw rair kipsiux, jonghap zuxx laii zuxx je ee camkyw juliau sii, quatding marr venr qaxx zuxx hogjap. Lanw jaix zuxx je, dyrr zuxx kyxlingg ircig e sanxsingx sniaw hiyrqyw. Ircig muixx jit hxang d.-duarser-s. ee dairjir, longxx rair dnax zimrhyy qetqyw ee jikzim, jinghingg hogjap ee tingdo kyxlingg suacc hro lanw berdangr hingdong.

Mow jit hongbin, byy hingdong si siongrr hyw ee hingdong, lingrgua jit xee jongrhongw -ha, byy hingdong kiokk jyrsingg jin' dua ee sngxdng qapp jaieh. Simlingg ligliong m na si caqag ziiw, dirr zinrdix huanruii zuxx kokdua ee dongsii, rair qurvi jyr quatding ee linglik, busow-vutdix dendyww e hro quatding kacc kunwlann, m si cniurr itvnuax sniu :ee, kacc qanxdanx. Zuxx jiapqin sinn, zuxx dongjingg Ix, hunhiongw siongrder diwsig ee dongsii, marr rair hundnax Ix ee tongwkow.

Duer ligliong laii ,qycc u jit xee bunrdee: qodok. Dirr mow jiongw qakdo knuar, iongxiuw simlingg ligliong qapp jingwdi lat jin' luirsu. Simlingg huatdenw jiapqin siongrr quanui ee langg, narr cniurr jiangxkuann ee langg, bersaih tuisiar jikzim, jiywkauw quewsid, byy langg erdangr qar inx anxjnuaw vran, simrjiww byy duiwvan ee langg tniax ix trow simkuir, kyxlingg u langg erdangr tecud qenwgi, quatdingrkuann iauxx si liw, itcer longxx rair liw hurjig. Lingrgua jit xee qakdo knuar, simlingg ligliong duar .laii ee qodnuax ciauquer jingwdi kuanlik :ee. Jongxtongw, qokongg jingwqair dongkuanjiaw ee sinvnix jongw u jit qrunn vingiuw iacc si p.-potnaw-t. simdir sna' qangg ee langg. simlingg linglik quann qraur busow-vutdix ee langg, sing'uahkoaw nirr kiokk cue byy langg qongw simlai ue.

Singwqingx sir hokimx nirr u jit xee daddid juwir ee juxdee, Qidog qingsiongg e jin' siaudimm, si byy langg jinjniar liauxqaiw ix. Bylun ix loxlik zuarr je, zuhyy kokciongx jurgnow, ix iauxx si byy huatdo qra mngdoo ee simlingg tesingx qaur ham' ix sna' qangg ee jancur. Siongrr kiauw :ee e duisuii ix, mrqycc ziog be diyc ix, ix ee air berdangr benw ix jit xee langg qniaa siongrr taujingg, qodnuax byy pnua ee jigbok. Soxu simlingg singdiongw ee dyrlo-siong qniaa siongrr hng ee langg, longxx rair damx diyc jit jiongw qodok jubi.

LIAC SIMVNE

Qongw diyc simliw qenrkongx qapp simliw vnerjingr sii, guaw huatviauw quer jit quaw juanzenn byy siongquanx ee puepingg: "sinqingx quanlingjinr si habhuad siurkow ee dairiongrpinw", "simliw kongqen si byy qewqaur dairqer uirr jinsit hongrhenr", " dng' qywzinn penli siongrder—ham' ix ee amwiwsig iwguan jauxjingx sii, dyrr e sanxsingx simliw vnerjingr". Dnaxx lanw jinr jit vo tamwtyw simliw vnerjingr ee bunrdee, qra jiaxee lansanx lunrdiamw jingxliw jyr jit xee uanjingg ee hertongw.

Sing'uac dirr henrsit sewqair nirr, uirr beh sing'uac kacc hyw .quaw, lanw diyhh jinrliong liauxqaiw sewqair jinsiongr. Mrqycc jex m si qongw .jit .xe dyrr sui' jyr qaur :ee, ursii jitt xee sewqair ee jinsiongr, lanw ham' ix ee quanhe, dirr jerje hongbin longxx hro lanw tongwkow. Qingquer loxlik, siurkow, lanw jiacc erdangr liauxqaiw dairjir, muixx jit xee langg q.-qeqiamw-q. e beh dypiah jitt jiongw byy songxkuair ee qinglik. Lanw e duiww mow quaw kyxhin ee su dongwjyr byy junjai, m cab tongwkow ee henrsit, si hong'ue jurqiw ee iwsig, mair hro henrsit cimhuan .diyc. Simliw hagqax qra jiaxee ciuxdnua hyrjyr "hong'ue qijer(DEFENSE MECHANISM)". Langg iong jitt jiongw qijer qimwhan jurqiw ee zinrdix. Zyqyw si vindnua, qniax tongwkow ee simliw, jin itcer ee lat vyxue jurqiw ee zinrdix, suacc hro qaqi soxx liauxqaiw ee sewqair ham' henrsit tuatjed, hinguii marr byy hac sidjer.

Jitt jiongw henrsiong huatdenw qaur mow jiongw tingdo, vnix :a ee langg knuawcud "tuatli henrsit", suibongw jurqiw zinruii jin' jingwsiongg, inx zinrding ixqingx diyc diyc simlixvne ar. Dirr okhuar jingwjingg, qisit amwiwsig ixqingx huathen sikingwdo jit zit viw jit zit kacc baiw, e tecud qokk jiongw ee qingxqyr : okbang, jiaujyx, cinwsimx(ywlyc)…dringw liogsiok cuthen. Lanw ee iwsig hoxding henrsit, busow-vutdix ee amwiwsig m na kuanwpuar, iong jiaxee vnerjingr qig .lanw, tecniw lanw u bunrdee. Erdangr anne qongw, simlixvne byy sriu huangingg ee vnerjingr si sin'unx ee henxsi, si " lanw iwsig gua, juiongw simlingg singdiongw ee hiongg lat" ee jokuii.

Jaxjingg dramm .quer jerje anwle, qiamxcaiw si iong laii suecbingg qitnax guanliw, mrqycc dairvorhun marr ersaih qaixsueh jitt diamw. Dirr jiax, guaw beh qycc qongw jit xee le, digvet tiacbingg "vnerjingr" , tecniw lanw zinsingx dylo vnuaenw qaksig ee cywgno.

22 huer ee BATTY si jit xee bixle jingqongx ee luxjuw, ix qniax qenwsiaur, hro langg lensiongw diyc jaboxginxaw. Ix si jausimx laii cue guaw. Inx daux si Tenjuxqaur lyqangx qadingg, verbuw kiam hro ix tak dairhak. Tak derr id nii, singjig be baiw, kiokk quatding tingyc ham' cuwvnix jit xee javox qethunx. Inx angx si siuliw ciax ee qisux, ix vunxlangg kir ciauci jyr diamwguann. Cuxau 2 nii, quer liauw sngr sunrli. Jausimx ee bunrdee hionghiongg cuthen, qongw si uanjuann byy jingdiau, ui'id ee qiongrdongdiamw si ix qaqi jit xee langg dirr guarbin, byy angx vruee ee sii. Kyxlingg huatsingx dirr ix decc brew mic sii, qniaa dirr lo nirr, iacc si dirr ciauci qangjog sii. Jitt jiongw simliw ee qniahniaa qiongg qaxx hro ix e sui' qra ciuxtauu ee qangjog danr lehh, qnuaw dngw kir inx daux, iacc si inx angx ee siulixdniuu. Qandna' ix ham' inx angx jywhuew dirr cur nirr ee sii jiacc ee byy .kir, jitt diamw hro ix sidiau taulo.

Itvnuax ee isingx hro ix jiac ansin'iyc, m na byy hro ix kacc kinsangx, simrjiww byy zimrhyy hauriong, ix jiacc cue laii guaw jiax. Ix kaur qongw, m jaix cud sniaw dai, vunxlaii itcer longxx jin' uanbuanw, angx duiww guaw jin' hyw, gunw marr horsiong tniawtangr, guaw marr air guaw ee qangjog. M jaix si anxjnuaw, kyxlingg guaw beh kixsiauw ar, liw itding rair qiur guaw, jo guaw dngw kir jaxjingg hitt jiongw ngiu. Gunw kaisiw dirliauu au, sniu e diyc :ee, itcer m si ix qongw ee hiacnirr "bixhyw".

Guaw jiamrr huathen, vutquanw inx angx duiww ix zuarnirr hyw, angx u quaw siyw dongrjog ix si jin' paiw iongzimw ee, hiamm ix jywlangg colow, cuwbi jin' jiyw, ui'id ee gulok si knuar denrsi. Jitt xee javolangg hro ix u qraur huann :ee, dirr ciauci siujnii marr jin' iawsen. Qycc laii, gunw jiacc kaisiw tyxlun uirjnuawngiu tingyc, kir quer jiacnirr byliauu ee sing'uac? Ix singzin, "dirr haghau zuxx lai zuxx vut'anx, vingiuw jiac dogpinw, lamluw luanrlaii, guaw qamxqag hex si m driyc ee. inx kiokk qongw u bunrdee :ee si guaw, m na hiaxee javox, ham' jabow :ee marr qongw si guaw m driyc, sniu' dansunn tenjinx. Guaw huatqag simrjiww qaqi marr huaigii jurqiw, huaigii qauwhue, huaigii verbuw inx ee qewdadquanx. Kyxlingg si guaw qniax." Dirliauu quewdingg, BATTY binrduir jaxjingg dypiah ee dairjir, quatding dngw kir haghau tak ceh. Banrhing :ee, inx angx marr guanrir vruee ix jywhuew duarhanr, ix marr beh kir tak quaw ceh. Inx ee sing'uac jin' qinw dyrr qex kacc kuacbin, BATTY ee simvne marr jurzenn byy .kir ar.

HNUAHIW GNIAJIH UNDENW

Lanw erdangr ui' quiw xee byy qangg ee qakdo laii knuar jitt xee jiacnirr denxhingg ee vnerle, BATTY ee jausimx henxzenn si duiww dua kongqanx ee qniahniaa (AGORAPHOBIA), jiurr ix laii qongw, ix qniax juriuu. Jit cud mngg, byy angx jyr vinjac, u cionghun juriuu siwqer qniaa, ham' langg qauongw sii, vnerjingr dyrr cuthen. Qniax juriuu si ix simlixvne ee vunxjid, viauxhen dirr quarjair ee si ix jausimx henrsiong. Mrqycc guaw zinruii ui' lingrgua qakdo quancad ix ee vnerjingg qyckacc u loriong. BATTY qniax juriuu jaw dyrr junjai dirr simqnuadew. Si jitt xee guan'inx, hro ix dairhak tingyc, hanrjer jurqiw ee singdiongw, vnerjingr cuthen ee snax nii jingg ixqingx u vne ar, vutqyr BATTY duiww jurqiw ee vnertair, sionghai jurqiw ee hinguii gangrgang. Itdit qaur vnerjingr puu .cud .laii, jiacc zinrdix qaqi u vne, vig ix qiujingr quewkir ee cywgno, dngw laii singdiongw ee jingwdoo.

Guaw siongsinr dairdysor ee simliw vnerjingr longxx sikiong jitt xee mosid. Vne junjai dirr vnerjingr cuthen jingg. Vnerjingr vunxsinx m si vne, si dirliauu ee sinwhy. Ix byy sriu huangingg, hro ix qyckacc u juqeh knuawjyr sinn ee undenw—sinn ee lexmic. Ix laijurr amwiwsig ee qingxqyr, qiywcniw lanw denxkuix jurgnow qiamxtyw, qaixjingr uaicuac.

Narr cniurr itvnuax ee sin'unx qangg, dairdysowlangg e qirjuat jitt hxang undenw, m kingw jiauww sinwhy ee jixsi jyr. Iong qokk jiongw hongsid dypiah jikzim. Hoxzin vnerjingr, diauqangx knuar ix byy junjai, qongw "muixx xee langg longxx samvutgorsii ee sitqakcad". Qaxsuw singzin u vne, marr e jin' kiauxbiau tuisag hro langg': cinjniaa lingxdam, vingiuw hiqew, dua kiwgiap tamjaii, siarhue vnertair simrjiww miarun…dringw. Qandna' jiyxsor langg kingw jniawbin knuawdai jurqiw ee vnerjingr, jiacc e jaix jingwtauu si qaqi linghunn sitsiongg ee henrsiong, inx e jiapsiu amwiwsig ee jixsi, ui' jitt hxang undenw nirr did diyc hyxcur. Binrduir jurqiw ee kiamwhuat, singdamx dirliauu jurgnow quewdingg-diongx ee tongwkow, did diyc :ee marr si qik dua ee vywsiongw.

SIW UAC JIT SNUAR QEH

Dirr jiax beh qongw ee sin'unx qapp simlixvne quanhe siongrr hyw ee lerjingr, si HELLENE sinue nirr ORESTES qapp vywsiuu luxsinn THE FURIES ee qowsu. ORESTES si ATREUS ee sunx-aw, ATREUS iaxsimx jin' dua, kiwdoo jingwbingg jurqiw viw jiongww sinn qyckacc uixdai, jiongww sinn giamhuat ix, jxiur ix soxu ee qniaxsunx. Jitt xee jxiur hro ORESTES ee maxmah CLYTEMNESTRA taisiw qaqi ee angsair, ORESTES ee vaxvah AGAMENMON. Anne jitt xee jxiur dyrr laii qaur ORESTES. Jiauww HELLENE ee lunliw huatjig, qniaxzii rair uirr ve vywsiuu, mrqycc taii laurbuw qangkuanw huatliw vutiongg. ORESTES kia dirr liongxlann ee cuxqingr, huisiongg ee tongwkow, siongrr buew, iauxx si taii siw qaqi ee maxmah. Jiongww sinn pair cud vywsiuu luxsinn huawjyr Snax xee langtauu jiauxsinx ee quaiwbut, zit /mee vauuii ix, kiongxhat ix, lrew ix, qandna' ORESTES tniax e diyc, knuar e diyc, byy langg' erdangr jaix.

ORESTES hro vywsiuu luxsinn suisii duer qaxx diauu ~ ~, ziog qaxx jauw byy lo, jixhyw siwqer kir liulong, cue vanrhuad voxqiur. Qingquer je nii ee jigbok, huanxsingw, jurgnow jikvi, ix cingxqiuu jiongww sinn cuxsiaux duiww ATREUS qajok ee jiuwjow, ix qongw ix siongsinr, ixqingx uirr sad buw ee jue huwcud jiokgiac ee dairqer, vywsiuu luxsinn mrbenw qycc ziog ix. Jiongww sinn qixhingg jit dniuu simxpnuar. APPOLO ter ORESTES venrho, qongw, "itcer longxx si guaw anvaii, si guaw hro ORESTES hamrzip sad buw ee kunwqingr." Jitt sii, ORESTES tiaur cud laii huanxvog, "si guaw, ORESTES taisiw laurbuw, m si APPOLO!" jiongww sinn qniax jit diyy. In'ui ATREUS qajok qaur jitt sii, iauxx m bad u langg beh uirr jurqiw ee hinguii hurjig :ee, inx longxx qra soxu ee m driyc sag hro jiongww sinn. Jiongww sinn quatding jitt sii siawbenw ORESTES, m na cuxsiaux duiww inx qajok ee jxiur, iauxx qycc qra vywsiuu luxsinn venwjniaa zinjuu luxsinn(EUMENIDES), snax xee ciongbuanw aiwsimx ee lingjingx suisii uirr ORESTES tecud dionggenn, hro ix ee hyxun jiapsuar byy dng.

Jitt xee sinue ee iwgi huisiongg cingcyw, zinjuu luxsinn ee vunxgi iarr u "sin'unx tuandadjiaw" ee iwsur. Jixu ORESTES jiacc knuar e diyc ee vywsiuu luxsinn huanwngiaw, dairviauw ix ee vnerjingr, marr si simlixvne huanrjiaw qywzinn ee dergak. Vywsiuu luxsinn venwjyr zinjuu luxsinn, dyrr si simliw vnerjingr jniajyr hyxun, qapp lanw taujingg dramm :ee uanjuann sna' huhap. Jitt hxang qaixvenr juxiaur si ORESTES guanrir uirr jurqiw ee simliw vnerjingr hurjig. Dirr ix sethuad vaixtuad vywsiuu luxsinn dakdnii sii, vingrr byy zinruii soxx sriu ee dnaxjingw byy qongjingr, iarr byy ixx siarhue iacc si qitnax sniaw kuanw ee hisingpinw. Vywsiuu luxsinn qangwlimm dirr ATREUS qajok ee jxiur si berdangr piacbenw ee qetqyw, marr hiongwjingx simliw vnerjingr si jitt xee qajok luervo bunrdee, verbuw, a'qongx a'maw ee jue, juxluw singdamx. Mrqycc ORESTES byy quaiwjue qaqi ee qajok, suibongw ix narr anne qongw, byy langg e qongw ix m driyc. Ix marr byy quair jiongww sinn iacc si "miarun", dendyww guanrir dnax itcer jikzim, jinrlat voxjiog. Jitt xee quewdingg rair jin' quxdngg—dairdysor simliw dirliauu ongxongw marr anne. Qetqyw ix ee vne hyw qaxx li ~ ~, dongcox duar laii tongwkow ee surbut iarr jniajyr diwhui ee suxjiaw.

HENRDAI SINUE

Jerje qinggiam ee simliw isingx longxx bad cinbak knuar quer jitt xee sinue dirr henrdai siarhue qycc vnuarenw .quer, marr knuar diyc vywsiuu luxsinn dirr dirliauu singqongx ee vnerlangg simlai jniajyr zinjuu luxsinn. Jitt jiongw qaixvenr si jin' byy qanxdanx :ee. dairdysor vnerlangg itdanr huathen simliw dirliauu iauqiuu inx rair qra jurqiw ee vne rix hyw hurjig sii, bylun cimtauu ee dauwjir zuarr quann, longxx e qiuter. Inx qamguan qewsiok dair vne, qra m driyc :ee sag hro jiongww sinn.

Suar.lyc.laii rair qar qencii hurjig ee jiyxsowlangg, jurqiw dnax jikzim si dirliauu jidvorhun ee quanliam. Jitt jiongw hunwlen si huisiongg tongwkow ee quewdingg, dirliaujiaw rair jiauww vo laii, vutdnua vig vnerlangg binrduir kiwdoo dypiah ee su ham' jikzim. Vnerlangg ongxongw naxx m tniaue ee ginxaw, kaur qycc nau, byy beh hurjig, qingquer quixarr qywguec, simrjiww quixarr nii jiacc kuthok. jin' jiyw qihue duw diyc jit kaisiw dyrr guanrir siurkiw ee vnerlangg, qiamxcaiw jitt jiongw ee dirliauu kyxlingg iauxx si rair jit ~ nng nii, mrqycc e kacc sunrli, vnerlangg/ isingx longxx e kacc kinsangx. Nng jiongw jinghingg-ha, vywsiuu :ee erdangr juanxvenwjyr zinjuu luxsinn, Venwhuar ee kunwlann/ qanxdanx, siqanx ee dngg/ dew si siongrr dua ee cavet .

Singqongx dat qaur vit'iaur ee qaixvenr, vaixtuad donglenn iacc si joxtuann jiuwjow ee langg, e huathen jurqiw jinwzip jit xee juansinx ee sewqair. Quewkir ee bunrdee jniajyr qihue, kyxhun ee jongwgai suacc si qidai ee tiaujenr, jaxjingg hongwkir ee sniurhuad venwjniaa iuwli ee kexsi, ixjaw m qnaw u ee qamxqag venwsingg uahlat ham' inxcua ee jnuaguann. Quewkir si hurdamx, dnaxx si siongrtenx ee undenw--- simrjiww duxx rix hyw ee jitt dniuu vne marr si sin'unx. Inx dirr dirliauu qetsog sii anne qongw, qisit siaudimm ham' jausimx duiww guaw si siongrr hyw :ee. suibongw inx byy jongqaur sinwgiongw, dairdysor :ee marr qamxqag itcer naxx sinn ee vangjan jiacc dri hyw ee.

QAMXX BEH HAM' JURQIW JYWDUIR?

ORESTES byy knuar simliw isingx, ix qra qaqi dri hyw. Qaxsuw HELLENE u itliuu ee simliw isingx, ix marr si rair qaqi dri qaqi, simliw dirliauu jixvutqyr si qangqu, jit jiongw qiwlut ziiw. Beh iong jitt jiongw qangqu? Suxiong qaur sniaw tingdo? Uirr sniaw bogviaux iong? Longxx si vnerlangg quatding. U langg e kikhok itcer--- byy jnii, quewkir jiapsiu dirliauu byy songxkuair ee qinggiam, cinjniaa huanxduir, vnerngi hogbu taiwdo byy hyw…dringw, jinrlat cuxdid dirliauu ham' dirliauu duar .laii ee hyw. Marr u langg byy quer sniu, dyrr qirjuat langg' siangciuw sangr .laii ee dirliauu qihue, iacc si benxqiongw dap'inr, isingx ee aiwsimx, loxlik, linglik longxx byy knuar dirr ganxlai, qamguan jyr gongrduardai, sniaxmic dyrr byy beh kipsiux. Muixx jit xee singqongx ee qywanr decbeh qetsog sii, guaw vutdix-vutqag e u si guaw qra vne rix hyw ee qamxqag, qisit guaw jaix gauw qandna' si hiabjo :ee.

Qiwzenn bylun si m si jiywjo simliw dirliauu, vnerlangg iauxx si rair qaqi dirliauu jurqiw, uirjnuaxngiu singqongx :ee hiacnirr jiyw, sitvai :ee kiokk hiacc je? Vutquanw simlingg singdiongw naxx snualo hiacc kamxked, duiww soxu ee langg kaihongr, uirsniaw qniaa jitt diauu lo ee langg iauxx qycc si jiacnirr jiyw?

Qidok uirr qaixdab jitt xee bunrdee jiacc qongw, "virr diaur :ee je, suanw .diyc ee langg jiyw". Suanw .diyc :ee uirsniaxmiw jiyw? Inx ham' qitnax dysowlangg iuxqycc u sniaw kuvet? Dairvorhun simliw isingx qinqir vnerjingg giamdiong ee tingdo laii huedab, vne kacc dang, kacc byy iong'i dri hyw. Simrjiww simlixjingr ee kinx/ dang ham' donglenn sitkir verbuw aiwho ee tingdo, sitkir jiauwqor ee siqanx jaw/ban u didjiab ee quanhe. Qongw qyckacc bingg lehh, vnerhuan narr si virr zinruii si cutsir ee tauu qauw qywguec dyrr did be diyc verbuw jiauwho :ee, erdangr iong sxor jiongw dirliauhuad hro vne kacc kinx .quaw, cavutdyx be hyw jiaujngg. Zinqeh sitdiauu :ee qongzin si ingzii sii sriu diyc uanjuann jiauwqor, mrqycc qauw qywguec au qraur nng huer jiqanx, byy did diyc sikdongx ee viwho, inx suibongw viw jingsinn vnerhuan kacc kinx, iauxx si virr zinruii vutjiww giamdiong, byy hyw dri uanjuann. Sinqingx qnualingg :ee, virr zinruii iuwzii sii si did diyc jin' hyw jiauwqor :ee, nng huer au, tongsiongg si go~lak kaisiw, byy sriu diyc duiwdang. Itvnuax zinruii si siongrr kinx, siongrr qanxdanx rix hyw ee.

Guaw siongsinr jitt tyr hunlui vutjiww jiapqin sursit, qinqir jitt xee qenwlip ee simliw lixlun, dirr jerje hongbin duiww dirliauu longxx jin' u loriong, berdangr suiven ho'ngg pruex tihh. Mrqycc byy henkuix jinsiongr ee juanngiu--- lauwqaux donglenn aurqii, cingcunqii verbuw jiauwqor ee diongriaur. Lanw u cionghun ee lixiuu siongsinr, dirr jitt nng ee qaidnua kuechat verbuw ee quanair, qangkuanw e jyrsingg simlixvne; narr si u did diyc cionghun jiauwqor, simrjiww jaxnii byy ve, byy buw ee congwsiongx, erdangr dirr jitt ee siqii vow .quer .laii. Qycc laii beh qongw :ee, jitt tyr hunluirhuad u tongxqewhak ee qinqir, sinqingx qnualingjingr viw zinqeh sitdiauu kacc hyw rix, zinqeh sitdiauu viw jinsinvne qanxdanx, mrqycc byy huad qrow qywzinn ee singdiongw quewdingg. Kyxvixqongxx, guaw simliw hunsig siongrr singqongx ee anwle si jit xee jingsinvne jin' giamdiong ee javox, dirliauu qauw qywguec uanjuann hyw liuliux. Lingrgua jit xee jin' binghenw qandna' u sinqingx qnualingjingr ee jabow, snax dxangx jinwvo jit sud aw.

IWGUAN

"Singdiongw iwguan" si vnerlangg vunxsinx ho'ngg sax byy ee singhun, si dirliauu singqongx/ sitvai quatdingrsingr insor, kiokk berdangr let zip hunluirhuad kyxlu. Vnerhongw zuarr giamdiong, kyr qionglet ee "singdiongw iwguan", tnix/de hro langg sraiw e qniaa, narr byy iwguan, kinx vne suacc diyc dang siongx, vo vo lann. Marr jin' kuatham, dongdai simliw iliauu lixlun duiww jitt xee insor ee liauxqaiw iuguann si lingg.

Qiamxcaiw guaw singzin singdiongw iwguan qik diongriaur, marr byy hoxzin jitt xee quanliam iauxx muax jit renn bongx byy ee sinvir bangrsex. Guaw jaix singdiongw iwguan ee vunxjid qapp air sna' qangg. Air si uirr simlingg singdiongw kokciongx jurgnow ee iwguan. Qinqir jitt hxang dingrgi, jinjniar iongxiuw aiwsimx :ee marr e vutduan singdiongw. Gauw bad jixcud verbuw ee air erdangr juiongw/ vueiongw air ee linglik, marr bad qiongdiau qandna' verbuw ee air berdangr hro soxu ee langg longxx qurvi jitt jiongw linglik. Uirjnuaxngiu u langg duiww siongrr hyw, siongrr u aiwsimx ee dirliaujiaw juann byy huanxingr? Uirsniaw u langg byy su'iaur jiycjo simliw dirliauu dyrr ciauuad byy air ee donglenn, jniajyr ciongbuanw aiwsimx ee langg? Guaw byy huatdo tecud hro dag'ee longxx buanxir ee dap'anr, sin'unx / undenw si guaw siongsinr ee.

Zuxx laii zuxx hro guaw siongsinr, itvnuax langg air ee linglik ham' singdiongw iwguan m na kyr donglenn sii verbuw cinjingg ee juiongw, marr kyr inx itsingx texhue diyc ee sin'unx --- sinn ee air juiongw inx. Jex si jit qrow iwsig gua ee hiongg lat, tauwquer amwiwsig, verbuw jigua uirr inx huwcud aiwsimx, qycc u lanw soxx byy liauxqaiw ee hongsid unrjog. Sin'unx ee qangwlimm, jiacc hro langg ciauuad donglenn did be diyc verbuw aiwsimx jiauwqor ee sionghunn, singjiu buanxbuanw aiwsimx ee langg, dirr zinlui jinwhuar juixjunw-siong ciauquer jurqiw ee verbuw jerje. Mrqycc uirsniaxmic qandna' siyxvorhun ee langg cue diyc anne ee simlingg singdiongw ham' jinwhuar? Guaw siongsinr muixx jit xee langg longxx u undenw, vundamx qongvnee ee jit hxun, ui'id ee kyxlingg si dysowlangg quatding qirjuat sin'unx ee dingdiaur, qra crunx cud beh jo lanw ee ciuw vuexkuix.

Uirsniaxmic hiacnirr jiyw ee langg sunrjiongg dingdiaur? Qycc uirjnuaxngiu hiacc je langg beh dng lortauu? Lanw qongw .quer, sin'unx teqiong amwiwsig dexkongr vne ee lat, jiacc je langg nacc qycc jywhuew qra qenrkongx liahgua? Guan'inx si vindnua, muixx jit xee langg ENTROPY ee guanjue, jit xee ingxuanw ee jiuwjow. Qaxnaxx sin'unx inxcua lanw mairhiongr jinwhuar ee kamxaw itdit vreh quann .kir, si lat ee jnuaguann. ENTROPY si denrdyr ee honghiongr, qandna' sniu beh kinsangx ee henrjong, simrjiww dui lyc qaur jit sud aw lat longxx benw, erdangr singjunn dyrr hyw ee siongrr qerjann.

Simliw juanqax ham' jerje guarhangg :ee longxx jin' jaix, duxx singx qaur derui kacc quann, kuanjig kacc dang jitui ee langg, iong'i sanxsingx simliw bunrdee. Qunhongx ee simliw isingx duiww "jinwsingx sinqingx qnualingjingr (PROMOTION NEUROSIS)" ee bunrdee digvet sigsai. Inx huathen dairvorhun qunzinn qenquad dexkongr jinwsingx, jiacc hro jitt xee vnerjingr dirr qundiongx huatsingx ee qihue byy tequann. Jerje qunzinn qamguan itsingx si qerqib surqnuax, byy air jyr surqnuadniuu, iauxx u jin' je jailingg jniurqiyh ee qerqib surqnuax dyrr si byy air jniajyr qunqnuax, inx itjair qirjuat qunqnuax hunwlen, suibongw ui' diwlingg qapp unxdingrsingr kyxlu, inx ixqingx qurvi cionghunx singqeh.

DUA LANGG SRINX, GINXAW SIMX

Simlingg singdiongw ee jinghingg qapp jitgiap zinsingx luirsu, sin'unx ee dingdiaur marr erdangr knuawjyr si jit jiongw jinwsingx, virr driaur kir damzim jikzim qapp kuanlat kokdua ee jitui. Zinrbad sin'unx, cinsinx texzin diyc IX busow-vutjai, jaix jurqiw ham' sinn zuarnirr jiapqin, dyrr e duiww luersimx sanxsingx jit jiongw byy- vixjiw ee cingiux jingrbiw, si jin' jiyw langg erdangr u :ee. lingrgua jidbin, duer diamrjing laii ee, hro langg zinrdix .diyc jikzim ee diongrdua, qapp sinn jiapqin, diyhh damzim ligliong qapp air ee dairlixzinn, dairter sinn jiphingg zimrbu; sin'unx driaur lanw ui' simlingg ee donglenn jinwzip singlenn, jniajyr juann zinlui ee verbuw. Sizinn THOMAS STEARNS ELIOT (1888-1965) dirr qiogvunw MUNDER IN THE CATHEDRAL uirr juxqaur THOMAS BECKET siaw ee Iadanr(singwdanr) qangxdy, huisingg uaxir suecbingg jitt qnia su:

Cniaw sukyw .jit .xe "vinganx" ee iwgi. Tnisair cniur cud vinganx qnuax, derbin kiokk jenwhuew byy dng, ingxuanw dirr jenwjingx ee qniahniaa nirr, linw qamxqag qiquair hno? Linw qamxqag tnisair hud m driyc .kir? iacc si jitt xee singlok suxx langg sitbang? simrjiww si penwqiok?

Jitmaw lanw huesiongw lanw ee jruw si anxjnuaw qongw diyc vinganx ee. ix qra mngdoo qongw, "guaw lauu hro linw guaw ee vinganx, guaw sur hro linw guaw ee vinganx". IX qongw ee vinganx si m si ham' lanw sniu :ee qangg? ENGLAND qapp ix ee qecviah qog hyvingg qiongrjunn, langg lydong byingg itding u siusingg, iongxiuw songxsinn cingkir ee cuwtec, u hyw jiuw kuanxdai vingiuw, cniuwquax hro ginxaw tniax? IX ee mngdoo byy jitt jiongw su, inx dngdoo qniaa lo, berdangr hiyckunr, vuasnuax-quewhaiw, sriu jin kokhingg jetbuaa, qycc lyc qnax, sitbang, juewau tongwkow uirr jinliw hisingx. Anne IX ee iwsur si sniaw? Lanw qycc huesiongw .jit .xe. IX qongw .quer, " guaw beh hro linw :ee, m si sewsiok hro linw :ee" ngua jit qxur ue qongw, IX hro mngdoo IX ee vinganx, m si sewsiok ee vinganx.

Incuw, qinsuii sin'unx ving'anx laii ee jikzim, girbu si huisiongg dang ee dnar. Jerje u qraur juqeh ee surqnuax byy sniu beh ngua cing qunqnuax jewhog m si byy dyrliw ee. Jiapsiu simliw dirliauu ee vnerlangg duiww jinjniar qenrjuann simlingg laii ee lat byy cuwbi, dyrr byy sniaw qiquair ar. Bad u jit xee siauwlenn luxsingr, giamdiong siaudimm laii guaw jiax dirliauu jit dxangx, ix jiamrr liauxqaiw ix ee cinjniaa simliw u bunrdee. U jit zit, ix jin' bingdir, lingxjing, kinsangx cuxliw qajok lai jit xee bunrdee, hro ix jin' ciwqig. Anne qongw, "simsinn jin' songw, hibang guaw ciangjai u jitt jiongw qamxqag".

Guaw qra qongw jex si u kyxlingg ee. ix ee hnuahiw juxiaur si derr id vaiw dirr cur nirr caixcuw u lat ee libdniuu, ixqingx knuawpuar inx kiwdoo iong qokk jiongw uankiaux ciuxdnua joxdongr jingwsiongg ee qautongx, caukongr ix, buanxjiog inx byy hap sidjer ee iauqiuu, jitmaw ix erdangr jiangxag juanqiok, m tniax inx diyh qalew. Guaw qra qongw, zuqyw ix qra qaqi ee zinrdix kokdua ingriong dirr qitnax ee jinghongw, dyrr e qamxqag zuxx laii zuxx "jiangxag" itcer, sisiongg erdangr jiacnirr kuaiwlok. Ix grinn .jit .xe, qycc laii suacc u qniahniaa ee binrsig, qongw "anne guaw diyhh vutduan sukyw lor! ". Guaw dongir ix rair iongrsimx qewqaur, jiacc erdangr icii, huatdenw jurqiw ee lat, vaixtuad jyrsingg samwdam ee byladqamw. Ix siurkir dua sniax qongw, "guaw jiacc byy air kaix hiacc je siqanx vniwquiw, sngw hiaxee urkangx-bysunw :ee! guaw laii jiax, m si beh qra sing'uac bruw qaxx kacc hogjap! Guaw qandna' beh vangr kinsangx, k.-kuaiwlok-l. quer zidziw. Qamxx qongw liw hibang guaw jniajyr siongrder iacc si sniawmiw ? " byy zuarr quw, jit xee aurkuir vaxjiog ee luxsingr, qra dirliauu tingdiau, ix hro simliw kongqen ee huwqnia qniax .diyc ar, ix qamguan be hyw!!

AIR KXUANN, KUANLAT EE AIR

Guarhangg langg tniax .kiw .laii kyxlingg qamxqag qiquair, myqycc simliw dirliaujiaw longxx jin' sigsai, itvnuax langg ongxongw qniax simliw qenrkongx ee sursit. Simliw dirliauu ee juxiaur zimrbu m si hro vnerlangg damx diyc simliw qenrkongx ee jubi, si qingiuu anuir, jaiwsnax vyxjingr qapp qenquad ee taiwdo, hrongg inx texhue diyc qenrkongx au jaiww dyjauw. Jitt jiongw qniahniaa mow hongbin jamxzenn habliw qycc qenrkongx --- damsimx jit xee langg itdanr iongxiuw kuanlat dyrr e long kxuann. Saint Augustine(354-430) anne siaw: "aiwsimx qapp kinjyr siy' suii dyrr be criaux quihuan(DILIGE ET QUOD VIS FAC)". Jiapsiu simliw dirliauu jinwdenw qaur siongdongx tingdo ee langg, virr qiongxdua byjingg sewqair kanjer ee qamxqag dyrr be qycc jokquair, u jit zit inx e jingcnew qaqi iongxiuw jurgnow iwjir ee lat, juriuu ee qamxqag si jin' qniax langg ee lat, inx e sniu: guaw erdangr jiauww guaw ee hnuahiw jyr zimrhyy su, iauxx u sniaw lat hongjiw guaw huanrcyr qapp huanrjue, jyr zimrhyy byy-dyrdig :ee neh? Kinbenw qapp aiwsimx qamxx u qraur lat hro guaw jurgnow jewhan?

Qisit, qandna' u jitt jiongw sniurhuad ixqingx jingwbingg ix vutjiww qamxqah (kinn) ham' u aiwsimx. Jex erdangr jetjer langg juriog, byy lamrsamw, lanw berdangr byy jitt jiongw liamrtauu. Mrqycc lingrgua jit bin, bersaih hro juriuu iwjir quewdo huatdenw, suacc m qnaw tniax sin'unx dingdiaur. U langg kyxlingg diyhh qunxliongr jerje nii jiacc kikhok qniax, tanxzenn binrduir jurqiw ee sinsingr. Narr qongxx qniahniaa qapp jurqag si ho'ngg byy-qewdat ee qamxqag qiongg qaur itjaiww dypiah kuanlat ee jikzim, dyrr e diwsuw sinqingx qnualingjingr, qowsingg simliw dirliauu ee diongsimx bunrdee.

Mrqycc duiww dysowlangg laii qongw, qniax jurqiw lang kxuann, tongsingg m si dexkongr sin'unx ee juxiaur lixiuu, hro inx damsimx :ee m si "juriuu lat" , si "kinjyr". Jerje langg cniurr ginxaw, himsen singlenlangg ee juriuu ham' kuanlat, kiokk byy-iwguan singdnax jikzim ham' jurlut. Lanw qamxqag verbuw , siarhue, unrmia vig lanw, marr hibang u kacc quann ee kuanui hro lanw tuisag jikzim. Narr kia dirr byy langg tangx tex ee derui, suxx langg qniahniaa, byy sinn ham' lanw dongjai, sidjai qniax qo' langg siuw dirr jiacc quann ee xui. Jerje langg kiamwhat singsiu qodnuax ee linglik, qamguan hongwkir hnua kxuann ee qihue. Inx beh vinganx, kiokk byy air duer ligliong laii ee qodnuax; beh air singlenlangg ee jursinr, kiokk m kingw duarhanr.

Hiongxingr sin'unx si jiacc kunwlann, "virr driaur ee langg je, suanw .diyc ee langg jiyw" jitt xee sursit dyrr byy lann lixqaiw. Uirjnuaxngiu hiacc je langg u cue diyc siongrr hyw ee isingx, kiokk dirr simliw dirliauu-diongx byy did diyc hyxcur, uirsniaxmiw zinlui susiongg duiwkongr sin'unx, longxx m si bunrdee, lanw liauxqaiw dirr ENTROPY ee jokiong-ha, jitt jiongw hinguii jinjniar jingwsiongg. Lanw qaix mng ee si : uirjnuaxngiu u langg kikhok kunwlann, sunrjiongg sin'unx ee jingdiaur? Jiaxee langg ham' dysowlangg u sniaw byy qangg? Guaw byy huatdo huedab.

Jitt jiongw langg u kyxlingg laii jurr u jnii, qauwiok hyw ee kuanqingw, marr u ciackangx besinr ee vuerqingw; kyxlingg sewhanr dirr ciongbuanw verbuw ee aiwsimx vyxho erdew singdiongw, marr u kyxlingg jurlaii dy' m jaix quanhuaii ee jubi; kyxlingg simliw u damrvyc sikingr vutliongg, marr u kyxlingg giamdiong ee jingsinn vnertair laii dirliauu :ee; u lau :ee, u siauwlenn :ee; inx kyxlingg hiauxgno sin'unx ee junjai, jin' iong'i dyrr qinsuii, marr u kyxlingg juanlat dixkongr, jiacc vutditvud jit vo jit vo niu cud laii.

Je nii ee qinggiam hro guaw suanw vnerlangg ee vaxag dendyww zuxx laii zuxx ser, guaw duiww hiaxee in'ui guaw ee bydix qirjuat ee vnerlangg jin' pyrkiam. Jaxnii simliw dirliauu ee quewdingg, guaw uanjuann byy hxuad ircik dycc jit xee duiww dirliauu ee huanxingr? Dycc jit xee ee huanxingr qycc e hro ix qewsiok singdiongw naxx qijig lehh itdit dat qaur sin'unx ee qingxqair. Qidok bad duiww NICODEMUS dramm diyc sin'unx, "liw tniax diyc hongx-sniax, m jaix hongx ui' dyhh laii, beh ui' dyhh kir, ui' singwlingg snix :ee marr si anne. Lanw m jaix IX xe jit xee beh qra sniwmia hro si'angg." Lanw knuar sin'unx marr si anne, duliauw singzin ix sinvir ee vunxjid, byy qitnax suanxdik.

LINGJIAB(GNIAJIH) LINGSINGR SING'UAC

Guaw dirr jitt vunw ceh soxx biausiaw ee simlingg singdiongw, hyxcincniurr si jiaww vo qniaa, an' sunsu jiamrr jinr ee quewdingg. Guaw kyxlingg hro togjiaw jit jiongw inwsiong, naxjunxx simlingg singdiongw si decc tak poksurvanx ee kywdingg, jixiaur qaux haghuir, zinrjinx yc, siongrr buew itding e singqongx tec diyc hag'ui. Guaw qra Qidog "virr driaur :ee je, suanw .diyc ee langg jiyw" jitt qxur ue qaixsueh jyr dysowlangg m guan binrduir kunwlann, jixu jiyxsowlangg suandik tniamia sin'unx. Guaw qinqur anne ee qongxhuad tuilun, si m si erdangr hiangxiuw sin'unx ee viwho uanjuann an' lanw jurqiw quatding. Jex si guaw jaix ee jinsiongr.

Guaw marr jaix, jex m si juanvo ee jinsiongr. Lanw berdangr juxdong duicue sin'unx, si sin'unx qangwlimm lanw ee singsiong. Sin'unx bylun anxjnuaw qriuu, byy itding qriuu e diyc, byy qriuu sii ix kiokk hionghiongg cuthen. Lanw erdangr singsimx qidai quer lingsingr ee sing'uac, siwjiuuii kyxlingg ciongbuanw lentac(dingtac) ee jongwgai; marr u kyxlingg duiww lingsingr sing'uac jit diamw aw dyrr byy cuwbi, kiokk jriab diyc ix ee jingdiaur.

Dirr mow jit xee jancur knuar, duisuii sin'unx dingdiaur si lanw ee quatdik, mrqycc lingrgua jit bin knuar, qingxsuanw lanw :ee qisit iauxx si siongrder. Venrnarr drat qaur sin'unx ee qingwqair, virr sur "tenqog sinsingzii" vutkyxsugi ee tairgu, byy zinruii si kyr jurqiw ee lat jingcuw .diyc ee. inx kyxlingg jin' sidjai qamxqag diyc vunxsingr nirr ee sxen, vingrr byy qra vunxsingr ee sxen qruix dirr jurqiw ee iwguan, dendyww inx qamxqag jitt hxun sxen si ui' viw inx qyckacc jingqongx, lingkiauw ee ciuw congwjy ee. zuxx jiapqin sin'unx ee langg, zuxx erdangr diwdiong jitt hxun siongrtenx sinvir ee sniuxsur.

Lanw jnuaxngiu erdangr tauxkuix jitt xee maudunw? Lanw qamxx tauw e kuix? Lanw kacc hyw ee qongxhuad :

Suibongw berdangr vin iwjir drat qaur, mrqycc iwjir erdangr hro lanw dirr ix sinqii ee qangwlimm sii kaihongr jurgnow, qra jurgnow cuann jyr vuitoo, jit pxenr hnuagingg IX dingr qinx ee soxjai, jyr jit xee cionghunx jurlut, ciongbuanw aiwsimx ee langg. Guaw huisiongg siongsinr, bingliauu u sin'unx ee junjai, duiww suandik simlingg singdiongw jitt xee qanlann lordoo ee langg u dua vangjan. Jitt jiongw zinrdix jixjiyw erdangr jo inx: hro inx qyckacc kakding honghiongr, qra inx qoxle.

Guaw qiwzenn suandik sin'unx, iarr virr sin'unx suanw .diyc, jitt jiongw siy' dahtut (maudunw) ee vunxjid dyrr si prongr .diyc ee siusingg --- dingrgi si "iwgua huathen u qewdat iacc si suxx langg hixair, tnix sur ee jailingg". Vut byy qycjaiww suncue ngwbang sii, sui' hiauxgno, Ix hro "gno" qniaa zip simqnuadew. Lingrgua jit bin, si'angg qnaw qongw Vut ee kaigno m si ix jiwjiyw iong jap-lak dxangx ee siqanx tamwqiuu qapp junxvi? Ix decc cue, qycc naxx byy cue lehh. Vywsiuu luxsinn juanxvenr jniajyr zinjuu ee huawsinx, si ORESTES loxlik jingcuw sinn ee siawjue, kiokk byy qidai sinn ter ix anvaii siwqer tongtaur ee dua lo, qangkuanw qingquer sunqiuu ham' byy sunqiuu maudunw johap, iwgua did diyc sin'unx ee viwho.

BANG EE QEWDAT

Simliw vnerlangg iong bang jyr dirliauu qangqu ee hongsid, dyrr si jitt jiongw henrsiong ee lerjingr. Uree vnerlangg jaix bang nirr u inx landee ee qaixdab, dyrr e qra muixx jit xee sewjed siangser qir .lyc .laii, tec laii dirliauu sii tyxlun. Mrqycc uree bang qisit byy vangjan, simrjiww gai .diyc. Jitt xee bunrdee cud dirr dirliauu ee siqanx byy qraur dngg, qycc laii si jiacc je bang ee jailiau, hro jinjniar u loriong ee hunsig qangjog byy hxuad jinwhingg, hyhongr bang nirr ee iwgi kyxlingg juann longxx amwir. Jitt jiongw vnerlangg rair yc m hyw dirr bang nirr suncue, rair hro bang juxdong laii, hro amwiwsig jyr jruw, suanxdik sangr zip iwsig ee bang. Mrqycc jin' paiw qar inx hongwkir juxkongwkuann, ui' luersimx caixcuw virdong ee taiwdo. Inx byy liauxqaiw mair diauqangx kir ziog bang, bang ee jailiau sui' qiamw .lyc.laii, pinxjid tequann. Vnerlangg ee bang --- amwiwsig byy cniaw qaqi laii ee lexmic --- dyrr e uanjuann jiauww lanw ee qidai, jo inx mairhiongr qenrkongx.

Marr u hitt jiongw vnerlangg jit sud aw dyrr byy liauxqaiw bang ee qewdat, qra soxu ee bang dongwjyr vunwsyr, vaiduu dirr iwsig gua. Duiww jitt jiongw :ee, rair qar inx qir, qra draii diyc ee vyw ueh cud laii. bang laii ee sii, knuar cringx ix ee qewdat, hyxhyw liriong, marr rair yc mair qowir iacc si quewdo qidai, hro jinjniar tnix sur ee lexmiw qangwlimm.

Sin'unx dyrr is anne. Bang si hongsid ji'id ziiw. Qitnax henxhenr ee hongsid marr qangkuanw ciongbuanw maudunw : hionghiongg laii :ee, byy gigo siy' duw :ee, singx toktauu :ee…dringw. Air marr si anne, muixx jit xee langg longxx hibang ho'ngg air .diyc, lanw rair singx vueiongw u aiwsimx, erdangr jurlut, juiongw jurqiw / vadd langg, huwcud byy sniu huesiux, anne dyrr e jniajyr jit xee daddid langg' air :ee, cuann hyw air ee vuitoo. Lanw byy juxdong kir cue air, air dyrr juxdong laii cue lanw, sewqanx air / sinn air langg' longxx siy' qangg. Narr qongxx itbi qidai langg laii air, e venwjniaa quewdo iuaw, qiongjiamr, byy jinsimx air langg', vadd langg qycc jnuaxngiu air liw?

SINGDIONGW EE LO

Jo ixqingx qniaa siong simlingg singdiongw lo :ee, hagsip tniax IX laii cue lanw ee linglik, si guaw siaw jitt vunw ceh ee bogviaux ji'id. Lanw erdangr qongw, vrong .diyc tnix sur :ee siusingg m si tensingx ee jailingg, si rair yc ee vunxlingw, u linglik zinrdix / unriong laii jurr iwsig gua ee sin'unx. Iongxiuw jitt jiongw jaidiau, lanw dyrr e huathen u jit qix knuar be diyc ee ciuw, tamr be qaur drew ee diwhui, inxcua lanw qniaa hiongr simlingg singdiongw. Inx pnuawduanr junw qycc jingx, ngiaa quer lanw jurqiw ee iwsig jerje; dirr inx ee inxdy-ha, lanw ee lordingg qex jiokk qinw qaur.

Vut, Qidog, Loxjuw qycc u qitnax qoxjaw gaulangg, bad iong byy qangg ee hongsid viauxdat jitt jiongw quanliam. Jitt vunw ceh si guaw ui' jurqiw zi-jap sewqir sing'uac nirr, texzin .diyc :ee, ham' inx ee qawsi siysiangg ee jinliw jiacc siaw .lyc .laii. liw narr sniu beh duiww henrdai ee juwqaiw jyr kacc cimx ee tamwtyw, dyrr rair huetauu dingg tak qoxlyw ee qingdenw, ui' qidiongx suncue kacc uixdai ee diwsig, mrqycc m hyw qidai sniu' je ee sewjed. Jerje langg virdong, ilai, qniax iacc si vindnua ee simliw, hibang knuar cringx muixx jit cunr lorbin, iauqiuu vyxjingr muixx jit vo anjuann, byy jyr vehqangx. Jex si byy kyxlingg :ee. simlingg singdiongw si iauqiuu liw ee sukyw ham' hingdong siangx hongbin longxx iongxqamw, jikqik qycc doglip.

Bylun sendix ee qawsi zuarnirr u diwhui, sin'unx ee amwjo zuarnirr u lat .jongw .si liw iauxx si diyhh cinju qniaa. Byy laursux erdangr cua liw quer, byy qiwding ee hongdingsid, gisig jixsi hagsip ee qangqu, m si hagbun. Jiac jurzenn jiahmic, jaixdngr jingg liam go venr banrhog MARIA, bin hiongr dangx, hiongr saix qidyw, dag' lexvair kir qauwhue…, longxx berdangr cua liw qniaa qaur bogdig. Simlingg luxhingjiaw qandna' kyr jurqiw suanxdik, qinglik qywvet sing'uac ee loxlik, jiausim, vutduan sunqiuu zinrdongg ee quewdingg.

Setsuw jiaxee su u jinjniar ee liauxqaiw au, simlingg singdiongw ee lo iuguann hibii, qanlann, susiongg hro lanw cinwsimx. Henrdai kyhak ee huatdenw, dirr mow quaw hongbin kyxlingg jin' u loriong, mow vorhun kiokk m si anne. Lanw siongsinr uxdiu qihaii guanliw, m siongsinr qijig. Kyhak qra lanw qongw, zinlui druar :ee si qongxdai uxdiu nirr ser ser liap be huatqngx ee qiuu ziiw.

Guarjai ee uxdiu dua qaxx hro lanw be hiauw vran, kyhak qycc qra lanw qongw, luerjai ligliong jiangxquanw lanw soxu itcer uahdong, nauw-sewvaux ee huawhak hunjuw ham' amwiwsig ee ciongdut, qiongvig lanw sanxsingx jin' ququair ee qamxqag, jyr cud jurqiw byy bingvig ee hinguii…, si iwjir berdangr kongwjer :ee. kyhak jusinr cuxdai zinlui sinue, buxlang lanw hro byy iwgi ee junjai qyckacc tongwkow. Luerjai sriu byy liauxaiw ee huawhak, simliw jokiong ee vikqnuaw, p.-pudimm-d. dirr biauxbongg ee uxdiu, qywzinn/ jogqunn ee singjunn u sniaw iwgi?

Mrqycc kyhak marr jo lanw huathen sin'unx henrsiong ee jinsiongr. Guaw hibang erdangr qra guaw soxx liauxqaiw :ee tuann .cud .kir. Bingliauu sin'unx ee jinsiongr, lanw ee junjai jniajyr u iwgi, uac .lyc.kir ee diongriauwsingr. Duliauw lanw jurqiw /jurgnow iwsig gua, u jit qrow knuar byy, bongx byy qiongdua ee lat juiongw lanw singdiongw, jo lanw jinwhuar, jitt xee sursit, jiokjiog qra lanw ee jurviqamw sag qra hng ~ ~. itdanr lanw catqag jitt qrow lat junjai, juxsimdnia zinrbad .diyc, zinlui ee simlingg singdiongw duiww mow jiongw qyckacc uixdai ee mic, huisiongg diongriaur. Lanw qra jitt jiongw mic hyrjyr sinn. Sin'unx ee junjai m na jingwbingg sinn ee junjai, qyckacc byy jinggi, sinn ee jixir si juanlat hro muixx jit xee langg simlingg singdiongw. Sinue jniajyr sursit. Lanw dirr sinn ee bagjiux jingg sing'uac, lanw uac dirr ix knuar e diyc ee huanruii lai, si ix quanhuaii ee jiaudiamw. Byy itding lanw soxx jaix ee uxdiu jixvutqyr si teqiongx lanw jinr zip sinn ee qog ee jit der kadahjiyc narnia. Lanw byy bisid dirr uxdiu nirr, dendyww sin'unx jingwbingg lanw zinlui si uxdiu ee diongsimx. Siqanx, kongqanx uirr lanw junjai, hro lanw beh ciauuad ee sii u qangqu.

Dagg vaiw guaw ee vnerlangg qamxqag jurqiw ee junjai byy qewdat, duiww gunw ee loxlik byy jinwdenw decc ywlyc ee sii, guaw ursii e qra inx qongw, " zinlui dng' decc tiaur quer jinwhuar ee jit dua vo, jitt vo si m si tiaur e quer si liw qywzinn ee jigzim." Dongzenn, guaw marr u jigzim. Jitt xee uxdiu, jitt der kadahjiyc si uirr lanw sed ee. lanw rair cinsinx tiaur .quer, jit vo qycc jit vo. Sin'unx ee hucii, hro lanw be vuahdyw, sin'unx qra lanw qongw, lanw si sriu huangingg :ee. anne, lanw qamxx qycc u snaiw iauqiuu?

JINGCUW LIW EE SIMLINGG ANGLI

Jitt vunw ceh cutvanw au, guaw jriab diyc jerje togjiaw siaw .laii ee puex. Jiaxee puex longxx jin' liauxvutkiw, m na dagg dniux jaijingg buanxbuanw, bunzi sunrliuu, qycc u vaxjiog ee aiwsimx. Duliauw ylyw, qycc sangr guaw giahgua ee lexmic: inx soxx inxiong qitnax jokqax ee siqur, sing'uac texgiam, qywzinn qngqniar ee diwhui, cinsinx qinglik ee qowsu… Jiaxee honghur guaw ee sing'uac, hro guaw lixqaiw dagg soxjai longxx u langg diamrdiam dirr hibii simlingg singdiongw ee lo nirr, qniaa qaxx vutjiww hng ar, horsiong qethap qaujid cud jit dua pxenr ee qinmec, ix ee kuacbin ciauquer guaw ee siongxsiong jerje. Inx qamxsia guaw qiamxkinx inx lordingg ee jigbok; qangkuanw ee lixliuu gauw marr dysia inx.

U quiw xee togjiaw mng diyc guaw duiww simliw dirliauu ee sinwsimx. Guaw bad qongw .quer, simliw dirliauu ee pinxjid hyw /baiw longxx u. guaw siongsinr jin' je ham' linglik be baiw ee simliw dirliaujiaw habjog byy haurkyw ee huanrjiaw, sitvai dirr inx vunxsinx berdangr puewhap dirliauu qangjog ee giamqeh iauqiuu. Kiokk be qir did qongw, iokk 5% ee simliw bunrdee si byy hxuad dirliauu ee, simrjiww vnerjingg in'ui cimkig jursingw suacc qyckacc okhuar.

Zimrhyy siangser knuar qycc cimzip liauxqaiw jitt vunw ceh ee langg, byy sniaw kyxlingg dirr jitt 5% lai. Bylun zuhyy, jit xee u qauwqeh ee isingx u jikzim qingw cud jiaxee byy hap jiapsiu simliw hunsig ee jiyxsor vnerlangg, qaiw iong qitnax duiww inx kacc hyw ee vanrhuad.

Si'angg si u qauwqeh? Simliw dirliauu si jit hxang daujux, m na kaix jnii, qycc rair dauzip siqanx, jingsinn. Si qoxpiyr qingqixzinn soxx qongw ee qyhonghiamw daujux. Siongsinr jurqiw ee qamxqag qapp didqag. Tongsiongg ham' dirliaujiaw dramm .quer jit vaiw, liw ingwqaix jaix u hap iacc si byy hap. Narr qamxqag byy hap, hrur cringx jit vaiw huiwiong dyrr qetsog driau. Jitt jiongw qamxqag tongsiongg jin' tiusiong, erdangr ui' jit quaw qurtew ee siyw snuawsyh tauwlo cud. Gauw qaqi bad dirr 1966 nii jiapsiu dirliauu, dongsii guaw duiww Bixqog qaiwzip VIETNAM jenwjingx ee dyrdig bunrdee vutjiww huaigii. Guaw ee simliw isingx dirr haurjinxsig he ee ceh RAMPARTS, NEWYORK REVIEW OF BOOKS…caixcuw huanxjenr lorsnuar ee juriupair jabjir, qnir diyc vunxlangg jingg dyrr u hyxqamw ar.

Mrqycc liw ee dirliaujiaw si m si erdangr huwcud jinjniar ee quanhuaii, viw ix ee jingwdi qenwsig, nihue, singwvet diongriaur jerje. Jitt diamw liw qangkuanw jin' qinw dyrr e catqag .cud .laii. Dirliaujiaw byy ingwqaix sniu' qib tecud qokk jiongw logquanx ee vyxjingr, iacc si jit xe dyrr jraix zip, byy sniu /byy tamwsyh. Jinjniar iongrsimx ee dirliaujiaw, taiwdo qaix qinxsin/ giamqeh /u quaw vyxliuu, liw iauxx si erdangr vin' didqag jaix, cangr dirr vyxliuu erbin si cinced iacc si cinwbin.

Dirliaujiaw itding longxx rair singx ham' liw dramm .quer, jiacc quatding be iacc m jriab jitt ee vnerlangg, liw rair tranr jitt xee qihue kyw liw ee isingx. Liw dua dnaw qra cinxqaur quanhe luxkuann unrdong, dongsingwluann, jongqaur…ee knuawhuad. Liw u kxuann did diyc singsit, tanxvec qycc giamsiog ee huedab. Qitnax ee bunrdee, kyxviw qongxx dirliauu zuarr quw? Puehujinw si m si simliw insor? Narr qongxx m jaix, liw erdangr siongsinr hex si jinue. Sriu quer hyw qauwiok, surgiap singqongx ee qokk juangiap zinsu, zuqyw iauxx kingw tanxvec singzin jurqiw iuxsow-vutdix, tongsiongg si siongrr u juangiap hunwlen, marr daddid sinwzim ee langg.

Simliw dirliaujiaw ee linglik ham' ix ee jingwsux cavutdy byy quanhe. Aiwsimx, iongxkir, diwhui jingwsux-dingw longxx byy siaw. "simliw hiabhue digkyw habqeh" si jitt dxoo siongrr quann ee juqeh jingwbingg, dairviauw ix sriu .quer giamqeh ee hunwlen, jiwjiyw hro liw siongsinr ix m si jauw qanghoo :ee. Juangiap simliw isingx byy itding viw simlixhagqax, siarhue qangjokjiaw iacc si bogsux kacc qybingg, simrjiww sux inx. Sursit-siong, guaw bad nng xee itliuu ee simliw dirliaujiaw si dairhak byy cutgiap :ee.

Kauxtuann horsiong siyvyr si jauxcue dirliaujiaw ee hyw honghuad. Narr u kyxkyr ee vingiuw duiww dycc jit xui isingx ee hogbu buanxir, nacc m jiapsiu inx ee kaninw? Narr si vnerjingg giamdiong qycc u sinliw bunrdee ee langg, cue jniawvaii simliw isingx,---sriu quer ihak juangiap hunwlen, siuhuir siongrr quir, mrqycc e ui' qokk hongbin quancad liw ee jongrhongw. Dramm liauw jit diamxjingx, hro isingx u qihue liauxqaiw liw ee bunrdee au, kyxiw iauqiuu siaurqair kir huiwiong kacc siok, m si hagngi cutsinx ee dirliaujiaw hiax. Siongrr iusiur ee simliw isingx longxx jin' guanrir qra liw qongw, siarkux dycc quiw xee huix-kyvanx dirliaujiaw linglik siongrr qiongg. Narr qongxx jitt xee isingx ham' liw e hap, marr guanrir siux liw, marr ersaih lauu .lyc .laii.

Qongw jiaxee, byy itding si togjiaw soxx hibang ee hiacc siongser. Siongrr diongriaur :ee, si simliw dirliauu diyhh singx qenwlip qionglet qycc bidced ee cinbit qamxjingg, itding rair cinsinx qingxsuanw jit xee liw siongsinr ee langg inxdy liw, hap A :ee, byy itding sikhap B. muixx jit xee dirliaujiaw, muixx jit xee vnerlangg longxx si dogid-byzi :ee, jixu kyr jurqiw dog'iuw ee didqag pnuawduanr. Dongzenn u honghiamw, guaw hibang liw hyw zirun cue diyc jo liw :ee. dongsii, jiapsiu simliw dirliauu su'iaur jiokk dua ee iongxkir, guaw marr jin' puewhok liw ee quatding.

SIMLINGG LUXHINGG

Dirr henrsit sing'uac lai, tamwqiur sinvir m na si simliw vyxqenr ee bogviaux, marr si simlingg luxhingg ee bogdikde. Soxui simlingg ee luxhingg, dit qongw dyrr si jit dniuu zinsingx "jinjniar" iwgi ee duisunn. Un narr hyw, lanw duisunn :ee, si "jinjniar" ee siongrder.

Jongqaur u hro langg gignaiw :ee, si muixx jit xee langg qongw cud inx sinwqaur ee lixiuu longxx byy siangg, u langg uirr beh jiapciog sinvir, marr u langg uirr beh dypiah sinvir.

Guaw byy anwsngr qongw cud hiaxee jiyh jongqaur dypiah sinvir langg ee cywgo. In'ui dyrr si u langg dirr simliw ham' simlingg huatdenw quewdingg, (cniurr qazip qaixjiuw hiabhue ee jiuxquiw, duxx quatsimx beh quer dyrdik sing'uac ee juerhuan.), su'iaur jit jiongw ovec hunbingg, qauwdiausid ee sinwgiongw ham' guanjig, jyr sing'uac ee jixviaux. Simlingg uanjuann singsik ee langg be liac qauwdiauu m vangr, inx si tamwhiamw :ee, kacc singg kyhagjiaw, sewqair-siong marr byy uanjuann ee sinwgiongw jitt huesu. Henrsit dyrr cniurr siongrder, lanw jixu sethuad jiapqin ix.

Lanw loxlik liauxqaiw henrsit, naxcniurr jit xee kiwdoo beh liauxqaiw amr bat bat ee ciuxviyw qihaii lairvo qetqor ee langg. Knuar .diyc ee si viyxbin jixjiamx suaw dinxdong, tniax diyc didax-sniax, mrqycc byy jaidiau qra viyxkag packuix. Narr si u qxaur kiauw, kyxlingg u huatdo tuiue cud jit dniux ix quancad diyc soxu henrsiong ee qihaidoo, mrqycc ix ingxuanw byy hxuad kaksit jaix, ix sniu ee dobin si m si ui'id ee qaixsueh, marr byy kyxlingg tec ix ee qowsiongw qapp jinjniar ee qihaii qowsingg vixqaur, simrjiww m jaix jitt jiongw vixqaur u sniaw iwgi.

Dingw jitt dnxua ue si A.EINSTEIN (1879-1955) siaw :ee, jerje langg qongw, ix bad ee mic si sewqair siongrr je :ee, ix ee miaa ham' tenjaii qang iwsur. Ix anne siaw, "lanw erdangr quancad, vensiaw lixlun, mrqycc ingxuanw m jaix henrsit ee jinsiongr, lanw qandna' erdangr jiapqin."

Simlingg ee luxhingg si jit dniuu duisunn jinliw ee ligdingg, ham' kyhak duiqiuu jinsiongr qang. Uanjuann singsik ee langg si jinliw ee duisunjiaw, ham' kyhagqax siangkuanw, simrjiww qyckacc dauzip. U langg uirr dypiah sinvir qniaa zip jongqaur, marr u langg uirr dypiah sinvir dauzip kyhak ee genxqiur.

Lanw bad tniax .quer u kyhagqax jidsiwlangg juanbunn genxqiur sngx /qnix iacc is hunxjiauw liaphorsnuar jojid lai ee mow jiongw singhun, inx duiww uxdiu ee hingwcur dyrr si jiacc je. Inx uirr jurqiw ced cud jit xee siyw lingxhik, jiurr jit xee debak tak ee bunjiux viw si'angg dy' ciauquer jerje, dirr jitt hongbin ee diwsig inx si kia dirr siongrr quann hitt liap snuax ee langg, jex hro inx qamxqag jin' anjuann. Jinjniar duisunn jinsiongr ee langg, byy kyxlingg cue jit xee anjuann ee ser kongqanx, bih dirr lairbin. Ix diyhh dua dnaw longr zip kir birdix qapp sinvir.

TNIX BEH QNGX JINGG

Kaigiap sii, ursii vnerlangg e u jit jiongw huanxingr, jitt xee byy kansiap diyc jingsinvne, si jit xee poxpenr ee junjairjuxgirsid gibun, inx qongw "oox! Peck isingx, guaw jin' giluan."

Jin' hyw ar! gauw ee anne ingr.

Liw si sniaw iwsur? Anne si jin' baiw neh! inx qycc mng.

M si , m si, jex dairviauw liw ee hokkir qaur ar!

Mair qra gunw qunxsngxciyr lar? Guaw simjniaa jin' baiw. Jex jnuaxngiu si hokkir?

Guaw e qongw, JESUS siongrr u miaa ee hitt pnix qangxdy, derr id qxur si " simlingg luanxziok ee langg u hog ar!" "simlingg luanxziok" u je jiongw qaixsueh. Dirr disingr ee jancur, siongrr hyw ee qaixsueh dyrr si "giluan". Giluan ee langg u hog ar, in'ui giluan si duisunn cingcniw ee derr id vo, dirr duisunn quewdingg-diongx, liw e did diyc jerje diwsig.

Kyxviw qongxx, jap-go sewqiw ee langg, m si 1492 nii ee mow jit zit ee amwmee, huaipy diyc derqiuu si vnevingg ee quanliam kir kunr, qecdngxqangx kiw cngg, dyrr siongsinr derqiuu si ngii :ee. inx beh cue diyc jinjniar qaixdab jinwjingg, qingquer jin' dngg siqii ee giluan ham' tamwsyh. Qu quanliam sixbongg, ngua sinx :ee, kacc hyw ee quanliam virr cuxdai, longxx su'iaur qingquer jitt xee giluan ee qaidnua.

Qniaa dirr jitt xee qaidnua kaksit hro langg jin' byy songxkuair, ursii qycc e jin' tongwkow. M quanw anxjnuaw, jex si jit jiongw hokkir, suibongw lanw e qamxqag simlingg luanziok, lanw si decc cue kacc sinx, kacc hyw ee cutlo. Lanw ee simlingg duiww sinx surbut kaihongr, lanw siwqer sunknuar, lanw decc singdiongw. JESUS qongw "giluan ee langg u hog ar!" dairtew qongw .laii, soxu ee og longxx si duiww jurqiw soxx jyr :ee jiamr qauw snxiaa jairunw :ee. jurqag giluan ee langg be jyr og, simlingg luanxziok ee langg be jyr og.

Dirr "simlingg derdoo" lai, guaw qongw tonghiongr sinsingr ee lo, si duiww muixx jit qnia su tee cud jitgii. Sunqiuu, liw dyrr erdangr cue diyc qauwgiac ee jinsiongr cuiwpuer-aw, knuar e diyc dua uerbin ee jit jad-aw, jaix ix jinjniar huisiongg ee bixle.

Narr qongxx lanw itsingx longxx draii dirr sinvir-diongx, cniurr diwsig ee ingzii dirr oamr-diongx dangx-dyw-saix-uaix, anne jnuaxngiu kyxlingg singjun .lyc .laii? jiurr guaw soxx jaix ee, jixu nng jiongw hongsid huedab jitt xee bunrdee. Jit jiongw si gne qongw A.EINSTEIN ham' PECK longxx m driyc ar, lanw jaix :ee viw inx hitt nng langg je quer jerje. Lingrgua jit jiongw si sniu qongxx lanw kaksit sriu diyc moxjiognw tingdo ee vyxho, jitt jiongw vyxho si anxjnuaw unrjog ee? guaw m jaix, gauw qandna' jaix, jex kaksit si tni'ir.

TNIQUNX

Guaw vanrqongsig vaii cid senx byy qangg ee vnuar-lortew tnisair. Inx hro guaw sukyw jitt jiongw vyxho, sin'unx ee unrjog, siongrder naxjunxx erdangr qra lanw muixx jit qix taumngg longxx venx hyrbew quijyr dongxanr. Guaw qandna' erdangr siongxsiong IX erkaxciuw si jit dui tnisair dua qunx, suisii tingwhau IX ee jixhuix.

Guaw siongsinr uree tnisair jinjniar ixx langhingg cuthen. PHYLLIS THEROUS u jit vunw qxur qxur longxx jin' bixhyw ee lingsiux snuawbunjip "siyw iardingx : amwmee verbuw qongw ee cngg-vnix qowsu (NIGHTLIGHTS : BED-TIME STORIES FOR PARENTS IN THE DARK)". Qidiongx jit pnix dramm .diyc, u jit vaiw, ix camqax qongjid zinguann kyxcir, lairdew u sir~ go xee debak jin' henxzenn si uirr beh cir susiongw si m si kacc qigtauu iacc si penjib cud ee. ix qandna' e qir did jit dree, "liw zinruii liw jurqiw si m si siongrder ee digpaiwguann?"

Ix huesiongw qongw, hitt sii ix qamxqag qui' sinkux baa .kir, sniu qongxx soxu qongburguann ee hokli, longxx quatding dirr jitt dree si m si dab liauw u qraur hyw. Ix quatding qinxsin viw iongxkir kacc unw, suanw "qongw qexue", siaw "m si".

Guaw jinjniar siongsinr lanw vnix:a u quaw digpaiwguann, dng' lanw dirr oamr qycc sinvir-diongx bongsyh sii teqiongx vyxho. Banrsingwjed sii, guaw digvet air anne sniu, jex si Qidokqaur soxu ee kingwdenw-diongx, siongrr sinvir ee jit jiongw. Jitt xee jed, hro guaw siongrr kyxlingg sniu diyc jit dnxua byy lauu miaa, liutuann quxhng ee jap-cid sewqiw SCOLAND qidyxbunn :

Guan jruw qiur guanw tuatlii jiahsi'moo ham' quixquair,

Dngg kax ee siuwiaux, soxu amwmee luanrjongg ee mic.

Hro guaw qra ngua siaw jyr huanxngiaw zi-jap sewqiw ee henrjong :

Lanw "byy liauxqaiw ee simjniaa" ham' "virr gorhue ee dig'ir" si jiahsi'moo

Lanw "m kingw hongwkir quewsii ee quanliam" ixqip

"jurzin iongxiuw diwhui ham' linglik ee huanwqag" si quixquair,

Lanw ee "budix, penqenr, hongsinn" si dngkax ee siuwiaux,

Iauxx u sinvir ee amwmee hiaxee lanw iuxhan ee sirlik knuar be diyc,

Simrjiww m jaix qaix iacc si byy ingwqaix qniax ee mic,

Guan jruw qaixqiur lanw --- liw, guaw ham' dirr ingziqii qunxqaw ee juann zinlui.

huedngw tauu iac