Ligdairjir II

1 David ee qniaw Solomon qok'ui qenqor, Jehovah, ix ee Siongrder qapp ix dilehh, hro ix vutjiw dua hing'ong.

2 Solomon duiww Islael jingwlangg, dyrr si cenjongw, vexjongw, simxpnuawsix, ixqip tong' Islael ee siuxlingw qapp jogdniuw qongw,

3 Rair huerjiongr longxx qapp ix kir qaur Gibeon ee snuataudnuaa, dirr hiax u Siongrder ee huerbo, dyrr si Jehovah ee lovok Moses dirr kongwiaw soxx jy :ee.

4 Dogdok Siongrder ee qxui, David ixqing' dui' Kiliat Jealim duar ix jnriu kir qaur David ter ix virvan ee soxjai; in'ui ix bad ter ix dah vowvnii dirr Jelusalem.

5 Qycc Hur ee sunx, Uli ee qniaw, Bezalel soxx jy ee dangdnuaa iarr dirr hiax, dirr Jehovah huerbo jingg; Solomon qapp huerjiongr jiurqin ix.

6 Solomon jnriu qaur Jehovah binrjingg ee dangdnuaa, dyrr si dirr huerbo hiax, henr siyjer jit-cingx dirr hitt dingxbin.

7 Hitt mii Siongrder duiww Solomon cuthen, qra ix qongw, "Liw rair Guaw snixusur liw simxmih, liw tangx qriuu lar."

8 Solomon duiww Siongrder qongw, "Liw bad duiww guaw ee laurve David dua six ju'air, qycc hro guaw suawjiab ix juer ongg.

9 Jehovah Siongrder ar, dnaxx qriuu Liw qniaa Liw soxx ingwunw guaw ee laruve David ee ue. Liw setlip guaw juer jitt xee vecsnir ee ongg, inx cincniu derjniu ee tosuax jidngiu.

10 Qriuu Liw snixusur guaw diwhui cangmiaa, hro guaw tangx cutzip dirr jitt xee vecsnir ee binrjingg; in'ui jirjui e simxpnuar Liw hiacc dua qog ee vecsnir ar?"

11 Siongrder duiww Solomon qongw, "Liw ixqing' u jitt hy simx, byy qriuu huewjaii, hyxgiac, junquir, qapp liw ee duiwdik ee sniwmia, iarr byy qriuu qaqi dngg huewsiu; dogdok uirr qaqi qriuu diwhui cangmiaa, hro liw tangx simxpnuar Guaw ee vecsnir, dyrr si Guaw setlip liw juer inx ee ongg :ee.

12 Guaw m na sniuxsur liw diwhui cangmiaa, iarr beh sniuxsur liw huewjaii, hyxgiac, junquir; dirr liw ixjingg ee led'ongg longxx byy u anxnix, dirr liw ixau iarr byy beh u anxnix :ee."

13 Dui' anxnix Solomon dui' Gibeon snuataudnuaa huerbo jingg dyr laii Jelusalem, juer ongg quanxliw Islael.

14 Solomon jurjip jenwciax bexvingx; u jenwciax jit-cingx sir-vah dniux, bexvingx jit-bxan nng-cingx miaa; andir dirr dunw ciax ee sniaa, iarr qapp ongg dirr Jelusalem.

15 Ongg dirr Jelusalem hro qimginn cincniu jiyhtauu, hro vikhniuciu cincniu vni'ngiuu ee sngjaiciu, in'ui jin' je.

16 Solomon soxu ee bew si dui' Egipt laii :ee; dyrr si ongg ee singlixlangg jit din jit din jiauww qewjnii brew .laii :ee.

17 Inx dui' Egipt brew .laii ee ciax, muixx dniux dat ginn lak-vah sekel; bew, muixx pid jit-vah go-jap; Hitlangg jiaxee ongg qapp Sylia jiaxee ongg longxx dui' inx qingciuw jiauww anxnix duar .cud .laii.

2 Solomon dniardiyc iwsur beh uirr Jehovah ee miaa kiw denrdngg, iarr uirr qaqi ee qog kiw hongqiongx.

2 Solomon dyrr qingw tiauhux jit-bxan, jnriu snuax pah jiyc :ee veh-bxan, dokqangx :ee snax-cingx lak-vah.

3 Solomon crex langg kir qnir Tyle Ongg Hilam, qongw, "Liw bad un vikhniucaa hro guaw ee laurve David kiw cur laii kiarkiw, qriuu liw iarr jiauww anxnix kuanxtai guaw.

4 Knuar ar, guaw beh uirdiyhh Jehovah, guaw ee Siongrder ee miaa kiw dxen, hunvet juer sxingr siyx pangliau ee hniux, siongsiongg qiongqib vailet ee vniaw, dagg jaxamr, Anhiyczit, guec ee ceid, qapp Jehovah, guanw ee Siongrder, soxx dniardiyc ee jecqii, henr siyjer. Jex si Islaellangg ingxuanw ee le.

5 Guaw soxx beh kiw ee dxen jin' dua, in'ui guanw ee Siongrder jin' dua, ngiaa quer longxjongw ee siongrder.

6 Tnix qapp tnidingw ee tnix siongrcniaw byy qraur gxiac tangx hro Ix kiarkiw, jirjui e uirdiyhh Ix kiw dxen ar? Guaw si simxmih, suacc tangx qra Ix kiw dxen mah? Vutqyr dirr Ix ee binrjingg siyx hniux nardnia.

7 Dnaxx qriuu liw crex jit langg qaur guaw jiax, dyrr si gauu juer qimx, ginn, dangg, tih, qapp jxiw sig, ju'angg sig, lamsig ee liau :ee, iarr jingqongx dirr dagg hxang diaukig ee qangx, tangx qapp hiaxee qapp guaw dirr Judah Jelusalem gauu ee saihu snaqab juewqangx, dyrr si guaw ee laurve David soxx virvan :ee.

8 Qycc qriuu liw dui' Lebanon un vikhniuciu, siongciu, dnuahniuciu, qaur guaw jiax; in'ui guaw jaix liw ee lovok gauu cyr Lebanon ee ciu. Guaw ee lovok beh qapp liw ee lovok snaqab juer;

9 Anxnix tangx qra guaw virvan jerje caliau; in'ui guaw soxx beh kiw ee dxen si dua qycc qibiau.

10 Liw ee lovok cyr ciu, knuar ar, guaw beh hro inx hyw ee siyxbec nng-bxan kor, duarbec nng-bxan kor, jiuw nng-bxan bat, iuu nng-bxan bat."

11 Tyle Ongg Hilam huee puex rinr Solomon qongxx, "In'ui Jehovah tniar Ix ee vecsnir, dyrr setlip liw juer inx ee ongg."

12 Hilamm qycc qongw, "Congwjy tnide ee Jehovah, Islael ee Siongrder, si ingqaix ylyw :ee. Ix sniuxsur David Ongg jit xee diwhui ee qniaw, hro ix u cangmiaa gauu qewboo, tangx uirdiyhh Jehovah kiw dxen, qycc uirr ix ee qog kiw hongqiongx.

13 Dnaxx guaw crex jit xee jingqongx cangmiaa ee langg kir, si guaw ee laurve Hulam soxx ing :ee.

14 Ix si Dan ee jipair jit xee hurzinlangg ee qniaw, ix ee laurve si Tylelangg. Ix gauu juer qimx, ginn, dangg, tih, jiyc, caa, qapp jxiw sig, lamsig, iuwduervor, ju'angg sig, iarr e hiauxdid dagg dringw hy ee diaukig, iarr e sniu cud dagg dringw hy ee qangx. Hro ix qapp liw gauu ee saihu, ixqip liw ee laurve, guaw ee jruw David, gauu ee saihu snaqab juer.

15 Dnaxx guaw ee jruw soxx qongw ee siyxbec, duarbec, iuu, jiuw, guan un laii hro jiaxee lovok.

16 Guanw beh jiauww liw soxx kiamwing :ee dui' Lebanon cyr ciu, qaw qui' vaii puu dirr haiw nirr un qaur Joppa; liw dyrr tangx un qaur Jelusalem."

17 Solomon sngr kiarkiw dirr Islael-de ee cutguarlangg, jiauww ix ee laurve David soxx sngr :ee, qewqiong u jap-go-bxan snax-cingx lak-vah miaa.

18 Ix hro cid-bxan langg juer tiauhux, veh-bxan langg dirr snuax nirr pah jiyc, snax-cingx lak-vah langg qamdog inx juewqangx.

3 Solomon dangrqangx kiw Jehovah ee dxen dirr Jelusalem, Moliah ee snuax, dyrr si Jehovah duiww ix ee laurve David cuthen ee soxjai. David bad dniardiyc hitt xee de dirr Jebuslangg Alaunah ee gorqakdniuu.

2 Solomon jerui derr sir nii ee Zi-guec cezi, dangrqangx laii kiw.

3 Solomon soxx he ee derqix, beh kiw Siongrder ee dxen :ee, qir dirr erdew: Dngg lak-jap dxng, kuah zi-jap dxng, longxx si jiauww qoxjaw ee cunwciyh.

4 Taujingg ee lrongg dngg zi-jap dxng, qapp dxen ee kuah vnivnii; quann jit-vah zi-jap dxng, lairbin anx hyw qimx.

5 Dua qingx dxen ee viah ing siongciu ee caa kamr ix, ing hyw qimx anx ix; dingxbin kig jyxciu qapp lren-aw.

6 Ing vyxjiyc snriux hitt qingx dxen, hro ix jin' suiw; soxx ing ee qimx longxx si Parvaim ee qimx.

7 Qycc ing qimx anx dxen, qapp tongniuu, hording, cniuviah, mngsnir; viah-dingw kig qilorvingx.

8 Qycc kiw Jiww Sxingr Sow; dngg zi-jap dxng, qapp dxen ee kuah vnivnii, ix ee kuah iarr si zi-jap dxng; ing hyw qimx anx, qewqiong lak-vah talent.

9 Dingr ee qimdingx dang go-jap sekel. Lauqyh longxx anx qimx.

10 Jiww Sxingr Sow ee lairbin, jiauww juer sxingr ee hxuad, congr nng xee qilorvingx, ing qimx anx ix.

11 Hiaxee qilorvingx ee sxit, qiong dngg zi-jap dxng, jitt xee qilorvingx jit qix sxit dngg go dxng, crunx qaur dxen jitt vingg ee viah, hitt qix sxit iarr si go dxng, crunx qaur hitt xee qilorvingx ee sxit;

12 Hitt xee qilorvingx jit qix sxit iarr si go dxng, crunx qaur dxen hitt vingg ee viah; hitt qix sxit iarr si go dxng, qapp jitt xee qilorvingx ee sxit sna' jriab.

13 Hiaxee qilorvingx tiw kuix sxit, qiong zi-jap dxng, inx ee kax decc kia, bin ngr lairbin.

14 Qycc ing lamsig, jxiw sig, ju'angg sig ee liau, qapp iuwduervor, juer dniur; siur qilorvingx dirr ix ee dingxbin.

15 Dirr dxen-jingg congr nng qix tiau, quann snax-jap-go dxng, muixx qix tiau ee tiaurdauw, quann go dxng.

16 Qycc juer lxen-aw anx dirr tiaurdauw; qycc juer siahliuu jit-vah liap, anx dirr lxen-aw dingw.

17 Hiaxee tiau cai dirr dxen-jingg, jit qix dirr jniar vingg, jit qix dirr dyr vingg; jniar vingg :ee hy miaa qiyr Jaqin, dyr vingg :ee hy miaa qiyr Boaz.

4 Ix qycc congr jit jxy dangdnuaa, dngg zi-jap dxng, kuah zi-jap dxng, quann jap dxng.

2 Qycc jur jit xe danghaiw, kuanxsid si ngii :ee, quann go dxng; dui' jitt vingg qaur hitt vingg jap dxng, ngikuann snax-jap dxng.

3 Ix ee erbin u vxuu-aw ee kuanw uii ix, muixx dxng jap liap, laii uii hitt xee danghaiw; vxuu-aw u nng jua, jur danghaiw ee sii suar jur ix.

4 Danghaiw kuar dirr jap-zi jiah dangguu ee dingxbin, snax jiah ngr vag, snax jiah ngr saix, snax jiah ngr lamm, snax jiah ngr dangx; danghaiw he dirr guu ee dingxbin, guu-buew ngr lairbin.

5 Danghaiw qau jit vajniuw ee kuah; ix ee qnii cincniu vxuex ee qnii, cincniu vikhabhuex, tangx drew snax-cingx bat.

6 Qycc congr jap xee punn, he go xee dirr jniar vingg, go xee dirr dyr vingg, tangx dirr hiax sew; henr siyjer soxx ing ee mic, sew dirr hitt lairbin; dogdok danghaiw si hro jewsix tangx sew.

7 Qycc jiauww inx ee texsig jy jap xee qimx ee dingdaii, he dirr dxen-lai, go xee dirr jniar vingg, go xee dirr dyr vingg;

8 Qycc congr jap der dyh he dirr dxen-lai, go der dirr jniar vingg, go der dirr dyr vingg; qycc congr jit-vah der qimx ee nguaw.

9 Qycc kixjy jewsix ee ngi, qapp dua ngi, ixqip ngirmngg; ing dangg anx hiaxee mngg.

10 Ing danghaiw anx dirr dxen ee jniar vingg, dangsir ngr lamm.

11 Hulam qycc congr vnuaa, tuc'aw, nguaw.

12 Anxnix Hulam uirr Solomon Ongg dirr Siongrder ee dxen soxx juer ee qangx longxx uann; dyrr si nng qix tiau, qapp hiaxee vnuaa, qapp tiau-dingw nng xee tiaurdauw ee vnuaa ee bxang.

13 Qycc u siahliuu sir-vah liap, anx dirr nng xee bxang; muixx xee bxang u siahliuu nng jua, kamr dirr tiau-dingw nng xee diaurdauw ee vnuaa;

14 Qycc congr hiaxee jxy, qapp jxy-dingw ee punn;

15 Danghaiw jit xee, qapp ix ee erbin ee guu jap-zi jiah.

16 Ix ee laurve Hulam ing qngliang ee dangg, uirr Solomon Ongg uirr Jehovah ee dxen, juer vnuaa, tuc'aw, baccex, qapp dagg ngiu ee kiwqu.

17 Ongg dirr Jordan vningiuu, Zukkot qapp Zeledah ee diongqanx, dirr liamm too ee de juwjniaa :ee.

18 Anxnix Solomon juer hiaxee itcer ee kiwqu jin' je; dangg ee kindang be did diyc jaix.

19 Solomon iarr congr Siongrder dxen-lai itcer ee kiwqu, qapp qimx ee dnxuaa, qapp vailet vniaw hiaxee dyh;

20 Qapp hyw qimx ee dingdaii, qapp ix ee dingx, tangx jiauww le diamw dirr au dxen ee taujingg.

21 Ix ee huex, ix ee dingx, qapp knii, longxx si qimx :ee, qycc si jioksniaa ee qimx;

22 Qycc ing hyw qimx juer jenxdyx, vnuaa, tngsii, hyw dniaw. Lun qaur cur ee mnglo, ix ee lairbin Jiww Sxingr Sow ee mngg, qapp cur ee mngg, dyrr si dxen ee mngg, longxx si qimx :ee.

5 Dui' anxnix Solomon uirdiyhh Jehovah ee dxen soxx juer ee qangx longxx uann. Solomon jiong' ix ee laurve David soxx henr hiaxee mic duar .zip .kir; ix ee ginn, ix ee qimx, ix hiaxee kiwqu, he dirr Siongrder dxen-lai ee huxkor.

2 Hitt sii Solomon jurjip Islael ee dniuxlyw, qokk jipair ee siuxlingw, qapp Islaellangg hiaxee jogdniuw, qaur Jelusalem; beh jiong' Jehovah ee iokqui, dui' David sniaa, dyrr si Zion, un .jnriu .laii.

3 Islael jingwlangg dyrr dirr Cid-guec ee jecqii, longxx jurjip qaur ongg hiax.

4 Islael jiaxee dniuxlyw qaur der, hiaxee Levilangg qrngx iokqui.

5 Inx dyrr qrngx iokqui, qapp huerbo, qapp Vowvnii lai itcer sxingr ee kiwqu, jnriu .laii; jewsix Levilangg longxx qra qrngx .jnriu .laii.

6 Solomon Ongg qapp jurjip qaur ix hiax ee Islael ee juann hue, dirr iokqui jingg henr ngiuu, guu, juer jewsu, je qaur be sngr .did, iarr sngr be liauw.

7 Jewsix qrngx Jehovah ee iokqui qaur ix ee soxjai, zip hitt qingx cur ee au dxen, qaur Jiww Sxingr Sow, he dirr qilorvingx ee sxit-xe.

8 In'ui qilorvingx tiw kuix inx ee sxit, dirr qxui ee soxjai ee dingxbin; qilorvingx dirr hitt dingxbin ziakamr qxui qapp ix ee qngr;

9 Hiaxee qngr jin' dngg, ix ee qngr-buew dui' iokqui, dirr au dxen jingg :ee tangx knuar .qnir, dirr guarbin dyrr be knuar .qnir; qaur qinaxzit iauxx dirr hiax.

10 Qxui-lai jixu nng der jiyhvix, dyrr si Islaellangg cud Egipt-de, Jehovah qapp inx lip iog ee sii, Moses dirr Holeb Snuax soxx he :ee; jex ixgua byy vadd hxang mic.

11 Hiaxee jewsix cud sxingr sow, in'ui soxx dirr hiax ee jewsix longxx ixqing' qaqi cingkir, byy jiauww inx ee vanlet.

12 Levilangg diongx jiongww cniuwquax :ee, dyrr si Asaf, Heman, Jedutun, qapp inx hiaxee qniaw, hiaxee hniadi longxx cing iuwduersnax, kia dirr dnxuaa ee dagsir, tec navuac qapp srig qapp kimm; qycc u jewsix vah-zi langg qapp inx dirr hiax vunn sauwqag.

13 Hiaxee vunn sauwqag :ee, hiaxee cniuwquax :ee, jidjee drangg sniax, ylyw qamxsia Jehovah; ing ix ee sauwqag, navuac, gagkir, dua sniax ylyw Jehovah qongxx: In'ui Ix si hyw, Ix ee juhui ingxingw dilehh. Hitt sii hitt xee dxen, dyrr si Jehovah ee dxen, u hunn ciongmuaw,

14 Drir qaur jewsix uirdiyhh hunn ee enqor, be e kia lecc hogsai; in'ui Jehovah ee ingqngx ciongmuaw Siongrder ee dxen.

6 Hitt sii Solomon qongw, "Jehovah bad qongw, Ix beh diamr dirr o.-oamr-a. ee diongqanx.

2 Jongwsirr guaw ixqing' kiw jit qingx dxen hro Liw kiarkiw, juer Liw ingxuanw druar ee soxjai."

3 Ongg uat dngw ix ee bin, jiokhog Islael ee huerjiong, Islael huerjiongr longxx kia .kiw .laii.

4 Ix qongw, "Jehovah, Islael ee Siongrder ingqaix ylyw :ee; in'ui Ix cincuir duiww guaw ee ve David soxx ingwunw :ee, cinciuw ingwgiam ix, qongw,

5 'Dui' Guaw cua Guaw ee vecsnir cud Egipt-de ixlaii, guaw m bad dirr Islael jiongww jipair diongx qingw jit xee sniaa laii kiw dxen hro Guaw ee miaa diamr dirr hiax; iarr m bad qingw langg juer Guaw ee vecsnir Islael ee zinqunx;

6 Dogdok qingw Jelusalem hro Guaw ee miaa diamr dirr hiax, qycc qingw David dirliw Guaw ee vecsnir Islael.'

7 Guaw ee ve David simlai u iwsur, beh uirr Jehovah, Islael ee Siongrder ee miaa kiw dxen.

8 Danrsi Jehovah duiww guaw ee ve David qongw, 'Liw ee simx u iwsur beh uirr Guaw ee miaa kiw dxen, liw jitt xee iwsur jin' hyw;

9 Dogdok liw m tangx kiw dxen, liw soxx cinsnix ee qniaw beh uirr Guaw ee miaa kiw dxen.'

10 Dnaxx Jehovah ingwgiam Ix soxx qongw ee ue. Guaw jiauww Jehovah ee ue kiw laii suawjiab guaw ee ve David, jre Islael ee qok'ui; qycc uirr Jehovah, Islael Siongrder ee miaa kiw dxen.

11 Guaw andir iokqui dirr hiax; qxui-lai u Jehovah ee iog, dyrr si Ix qapp Islaellangg soxx lip ee iog."

12 Ongg dng' Islael huerjiongr ee binrjingg, kia dirr Jehovah ee dnxuaa-jingg, giac kiw ciuw;

13 (In'ui Solomon bad jy jit xee dangdaii, dngg go dxng, kuah go dxng, quann snax dxng, he dirr ngi-diongx; dyrr kia dirr daii-dingw dng' Islael huerjiongr ee binrjingg qrui .lyc .kir, giac kiw ciuw ngr tnix,) qongw,

14 "Jehovah, Islael ee Siongrder ar, dirr tnix nirr, dirr de nirr, byy u siongrder cincniu Liw, siuw iog qniaa ju'air dirr Liw hiaxee lovok, dyrr si jinrsimx qniaa dirr Liw ee binrjingg :ee.

15 Liw duiww Liw ee lovok, guaw ee ve David, soxx ingwunw :ee, Liw u siuw ix; Liw cincuir qongw :ee, cinciuw ingwgiam ix, jiauww qinaxzit ee kuanw.

16 Jehovah, Islael ee Siongrder ar, Liw soxx ingwunw Liw ee lovok, guaw ee ve David, qongw, 'Liw ee qniaxsunx narr qinxsin inx ee soxx juer, qniaa Guaw ee ludhuad, cincniu liw qniaa dirr Guaw ee binrjingg, dyrr sriok dirr liw :ee beh dirr Guaw ee binrjingg jre Islael ee qok'ui ingxx byy dng'; dnaxx qriuu Liw ingwgiam ix.

17 Jehovah, Islael ee Siongrder ar, Liw duiww Liw ee lovok David soxx qongw :ee, qriuu Liw hro ix jniaa juer sidsu.

18 Siongrder qamxx jinjniar beh qapp sewqanlangg kiarkiw derjniu mah? Knuar ar, tnix qapp jiaxee tnix ee tnix, siongrcniaw byy qraur gxiac hro Liw kiarkiw, hyhongr guaw soxx kiw jitt qingx dxen ar?

19 Jehovah, guaw ee Siongrder ar, guan Liw ngar lyc siauwliam Liw ee lovok ee qidyw kunxqiuu, laii tniax Liw ee lovok soxx qidyw dirr Liw ee binrjingg ee qiuqiyr qidyw;

20 Guan Liw zidmii knuawqor jitt xee dxen, dyrr si Liw soxx qongw kiw beh andir Liw ee miaa dirr hiax ee soxjai, laii tniax Liw ee lovok soxx beh ngr jitt soxjai qidyw ee qidyw.

21 Liw ee lovok qapp Liw ee vecsnir Islael ngr jitt soxjai qidyw ee sii, guan Liw tniax inx ee qiqiuu, guan Liw dui' tnix, Liw kiarkiw ee soxjai, laii tniax inx; Liw tniax .qnir ee sii dyrr siawbenw.

22 Langg narr dikjue ix ee cuwvnix, iarr u langg ing jitt xee jiuwjua qiyr ix jiuwjua, ix narr laii jitt qingx dxen, dirr Liw ee dnxuaa-jingg jiuwjua,

23 Qriuu Liw dui' tnix tniax laii vanrliw ix, simxpnuar Liw jiaxee lovok, dring pnaiw langg ee jue, jiauww ix soxx qniaa :ee, vywingr dirr ix ee taukag; dring girlangg juer gi, jiauww ix ee gi laii hro ix.

24 Setsuw Liw ee vecsnir Islael, in'ui dikjue Liw, jiacc taii sux dirr duiwdik ee binrjingg, inx narr qui'ngr Liw, zin Liw ee miaa, qycc dirr jitt qingx dxen qidyw kunxqiuu Liw,

25 Qriuu Liw dui' tnix tniax inx, laii siawbenw Liw ee vecsnir Islael ee jue, hro inx dyr laii Liw soxx sniuxsur inx, qapp inx ledjow ee de.

26 Setsuw inx dikjue Liw, drir qaur tnix qnuaibat byy lyc ho; Liw hinghuat inx ee sii, inx narr ngr jitt soxjai qidyw, zin Liw ee miaa, lirkuix inx ee jue,

27 Qriuu Liw dirr tnix nirr tniax inx, siawbenw Liw ee lovok qapp Liw ee vecsnir Islael ee jue, dirr Liw qawsi inx soxx diyhh qniaa ee hyw lo ee sii, qycc lyc ho dirr Liw ee de, dyrr si Liw sniuxsur Liw ee vecsnir juer giap :ee.

28 Jitt xee de narr u qihngx, un'ik, qodaa, hiuxnua, cauxmeh, jenxtangg, iacc si inx hiaxee duiwdik, dirr inx hiaxee sniaa ee de, uikunr inx, bylun u simxmih jaieh, simxmih puawvni;

29 Higsi jit langg, higsi Liw ee vecsnir Islael ee jingwlangg, dag'ee jaix qaqi simlai ee jaieh iubun, ngr jitt qingx dxen giac kiw ciuw, bylun jnaixngiu kunxqiuu, jnaixngiu qidyw;

30 Guan Liw dui' tnix nirr, Liw soxx kiarkiw ee soxjai, laii tniax ix, laii siawbenw ix, Liw jaix inx ee simx, jiauww inx dagg langg ee qniajuer laii kuanxtai inx, (in'ui sewqanlangg ee simx jixu Liw jaix nardnia);

31 Hro inx dirr Liw sniuxsur guanw ledjow ee de, jit siwlangg qingwuir Liw, qniaa Liw ee dyrlo.

32 Lun qaur guarvanglangg, m si sriok Liw ee vecsnir Islael :ee, uirdiyhh Liw ee duarmiaa, dua quanlingg ee ciuw, crunx cud ee ciuxqud, dui' hng hng ee soxjai laii, inx narr laii ngr jitt qingx dxen qidyw;

33 Guan Liw dui' tnix, Liw kiarkiw ee soxjai, laii tniax inx, jiauww guarvanglangg itcer soxx duiww Liw qriuu :ee laii qniaa; hro tnie banrvecsnir longxx bad Liw ee miaa, qingwuir Liw, cincniu Liw ee vecsnir Islael jidngiu; qycc hro inx jaix guaw soxx kiw jitt qingx dxen, si ing Liw ee miaa laii cxingx :ee.

34 Liw ee vecsnir narr cud kir Liw soxx crex inx kir ee lo, qapp duiwdik qaujenr, ngr Liw soxx qingw jitt xee sniaa, qapp guaw uirdiyhh Liw ee miaa soxx kiw ee dxen, laii qidyw Liw;

35 Guan Liw dui' tnix laii tniax inx ee qidyw kunxqiuu, laii vyxho inx ee gi.

36 Liw ee vecsnir narr dikjue Liw, (in'ui byy u byy huanrjue ee langg,) Liw siurkir inx, jiong' inx qaux hro duiwdik, drir qaur inx liac inx qaur higsi hng higsi qin ee de;

37 Inx narr dirr soxx liac .kir ee de, simlai dywdngw sniu laii huanxhuew, qycc dirr liac inx ee langg ee de, kunxqiuu Liw qongxx, 'Guanw u jue, guanw u vuergik, guanw u juer pnaiw';

38 Inx narr dirr siurr liac .kir ee de, dyrr si duiwdik liac inx kir ee de, jinrsimx jinrsingr quihok Liw, qycc ngr vunxde, dyrr si Liw sniuxsur inx ledjow ee de, qapp Liw soxx qingw ee sniaa, ixqip guaw uirdiyhh Liw ee miaa soxx kiw ee dxen, laii qidyw Liw;

39 Guan Liw dui' tnix, Liw soxx kiarkiw ee soxjai, tniax inx ee qidyw kunxqiuu, laii vyxho in ee gi, qycc siawbenw Liw ee vecsnir dikjue Liw :ee.

40 Guaw ee Siongrder ar, dnaxx guaw qriuu Liw bagjiux knuar, hnirkangx tniax, dirr jitt soxjai soxx henr ee qidyw.

41 Jehovah Siongrder ar, qriuu Liw kiw .laii, Liw qapp Liw linglik ee qxui, zip Liw anhiyh ee soxjai. Jehovah Siongrder ar, guan Liw ee jewsix cing qiuwunx, guan Liw hiaxee sxingr ee vecsnir did diyc hokkir laii hnuahiw.

42 Jehovah Siongrder ar, qriuu Liw byc did qirjuat Liw siurr buah iuu :ee; diyhh qiwliam Liw six hro Liw ee lovok David ee ju'air."

7 Solomon qidyw bingvik, dyrr u huew dui' tnix lyc .laii, itjin siyx siyjer qapp vadd hy ee jrer; Jehovah ee ingqngx ciongmuaw dxen.

2 In'ui Jehovah ee ingqngx ciongmuaw Jehovah ee dxen, soxiw jewsix be e zip Jehovah ee dxen.

3 Hitt xee huew qangr lyc, qycc Jehovah ee ingqngx dirr dxen nirr ee sii, Islael jingwlangg knuar .qnir, dyrr dirr pox jiyc ee soxjai, pag lyc de qingwvair, qamxsia Jehovah, qongw, "In'ui Ix si hyw, Ix ee juhui ingxingw dilehh."

4 Ongg qapp jiongww vecsnir dirr Jehovah ee binrjingg henwjer.

5 Solomon ongg ing guu nng-bxan nng-cingx jiah, ngiuu jap-zi-bxan jiah, henwjer; anxnix, ongg qapp jiongww vecsnir uirdiyhh Siongrder ee dxen qniaa henr dxen ee le.

6 Jewsix jiauww ix ee jithun decc kia; Levilangg iarr tec Jehovah ee gagkir, dyrr si jingg David ing Levilangg ylyw ee sii, David Ongg diaudii jy laii qamxsia Jehovah :ee, (in'ui Ix ee juhui ingxingw dilehh.) Jewsix dirr inx ee binrjingg vunn sauwqag, Islaellangg longxx kia lehh.

7 Solomon iarr hunvet Jehovah dxen-jingg ngi-diongx juer sxingr; dirr hiax henr siyjer qapp siarunjer ee iuu; in'ui Solomon soxx bad jy ee dangdnuaa byy qraur gxiac iong'unw hiaxee siyjer, sowjer, qapp iulaa.

8 Hitt sii Solomon siuw jecqii cid zit. Islael jingwlangg dui' Hamat ee lorkauw qaur Egipt ee kex longxx laii qapp ix siuw, jniaa juer dua ee hue.

9 Qaur derr veh zit inx sed giamsiokhue; in'ui inx siuw henr dnxuaa ee lew cid zit, qycc siuw jeh cid zit.

10 Cid-guec zi-jap-snax, ongg crex vecsnir dyr kir inx ee vowvnii, dag'ee hnuahiw, simx kuaiwlok; si in'ui Jehovah soxx six cud hro David, Solomon, qapp Ix ee vecsnir Islael ee unhui.

11 Dui' anxnix Solomon kiw Jehovah ee dxen qapp ongqiongx uanqangx; dirr Jehovah ee dxen qapp ongqiongx, qniww Solomon simlai soxx rair juer :ee, longxx juer qaur singqongx.

12 Mii .sii Jehovah cuthen dirr Solomon, qra ix qongw, "Guaw ixqing' tniax liw ee qidyw, iarr qingw jitt soxjai juer henwjer Guaw ee dxen.

13 Guaw narr qnuaibat tnix, drir qaur byy lyc ho, iacc si bingrling cauxmeh jiac ix ee toxsanw, iacc si hro un'ik liuhingg dirr Guaw ee vecsnir diongx;

14 Guaw ee vecsnir ing Guaw ee miaa laii cxingx :ee, narr qaqi kiamvix, qidyw, qriuu qnir Guaw ee bin, uat dngw lirkuix inx ee pnaiw lo, Guaw beh dui' tnix tniax inx, siawbenw inx ee jue, idi inx ee de.

15 Guaw beh bagjiux knuar, hnirkangx tniax, dirr jitt soxjai soxx henr ee qidyw.

16 In'ui Guaw dnaxx ixqing' qingw jitt qingx dxen, hunvet ix juer sxingr, hro Guaw ee miaa ingxuanw dirr hiax; Guaw ee bagjiux, Guaw ee simx iarr beh quxdngg dirr hiax.

17 Lun qaur liw narr qniaa dirr Guaw ee binrjingg, cincniu liw ee laurve David soxx qniaa :ee, juntanr Guaw itcer soxx bingrling liw :ee, jipsiuw Guaw ee ludle, Guaw ee huatdo,

18 Guaw dyrr beh qenqor liw ee qok'ui, cincniu Guaw qapp liw ee laurve David soxx lip ee iog, qongw, 'Liw ee horer beh quanxliw Islael, ingxx byy dng.'

19 Linw narr uat dngw laii kiwsag Guaw ee ludle qapp Guaw ee qaiwbing, dyrr si Guaw he dirr linw ee binrjingg :ee, kir hogsai vadd xee siongrder laii qingwvair ix; Guaw dyrr beh dui' Guaw sniuxsur inx ee de vuic inx ee qinx;

20 Qycc Guaw uirr qaqi ee miaa soxx hunvet juer sxingr jitt qingx dxen, iarr beh dui' Guaw ee binrjingg kiwsag ix, hro ix dirr banrqog diongx juer uervnir siurr qicir;

21 Jitt qingx dxen suizenn jin' quann, jionglaii qingquer ee langg beh gonggniac, qongw, 'Jehovah sniaw su anxnix kuanxtai jitt xee de, jitt qingx dxen ar?'

22 Dyrr beh rinr qongxx, 'Si in'ui inx kiwsag Jehovah inx ledjow ee Siongrder, dyrr si cua inx cud Egipt-de :ee, kir qetlenn vadd xee siongrder, hogsai, qingwvair inx, soxiw Jehovah hro jex itcer ee jaieh limqaur inx.'"

8 Qaur derr zi-jap nii-buew, dyrr si Solomon kiw Jehovah ee dxen qapp ongqiongx uanqangx ee sii,

2 Solomon qycc kiw Hilam soxx hro Solomon hiaxee sniaa, hro Islaellangg druar dirr hiax.

3 Solomon kir qaur Hamat qapp Zobah, qongcuw ix.

4 Ix qycc dirr kongwiaw kiw Tadmor, qapp dirr Hamat soxx kiw hiaxee huxkor ee sniaa;

5 Qycc kiw dingw Bet Holon, xe Bet Holon, si hiamxiaur ee sniaa, u cniuu, u mngg, u qxongg;

6 Qycc kiw Baalat qapp Solomon soxu huxkor ee sniaa, qapp he ciax ee sniaa, qapp bexvingx ee sniaa, qapp Solomon dirr Jelusalem, dirr Lebanon, qapp dirr ix soxx dirliw ee juann de, uirr qaqi ee kuaiwlok soxx rair kiw :ee, longxx kiw ix.

7 Lun qaur soxx cunx ee vecsnir, Hitlangg, Amolilangg, Pelezlangg, Hivilangg, Jebuslangg, m si sriok dirr Islael :ee,

8 Dyrr si dirr jitt derhngx inx soxx cunx ee horer, Islaellangg byy itjin bet :ee, Solomon pair inx juer koxqangx qaur qinaxzit.

9 Islaellangg Solomon byy hro inx juer lovok, juer ix ee qangx, si juer ix ee jenwsu, qundniuw ee siuxlingw, ciadniuw, bexvingdniuw.

10 Solomon Ongg ee dua qnruax quanxliw vecsnir :ee, nng-vah go-jap langg.

11 Solomon duar Falaoh ee jaboxqniaw dui' David ee sniaa jnriu qaur ix soxx qra ix kiw ee cur; in'ui qongw, "Guaw ee bow m tangx kiarkiw dirr Islael Ongg David ee cur; in'ui Jehovah ee qxui soxx qaur ee soxjai longxx si sxingr de."

12 Solomon dirr Jehovah ee dnxuaa, dyrr si dirr lingxlongg ee taujingg soxx kiw :ee, henr siyjer hro Jehovah,

13 Jiauww Moses soxx bingrling, dirr Anhiyczit, guec ee ceid, jit nii snax vaiw soxx dniardiyc ee jeh, dyrr si Duqnawjeh, Citcitjeh, Dacliau'axjeh, jiauww dagg zit soxx ingqaix henr :ee laii henr.

14 Qycc jiauww ix ee laurve David ee le, dniardiyc jewsix ee vanlet laii juer ix ee qangx; qycc dniardiyc Levilangg jin inx ee jithun, hro inx ylyw, qycc dirr jewsix ee binrjingg hogsai, jiauww dagg zit soxx ingqaix juer :ee; qycc setlip qor mngg :ee, jiauww inx ee vanlet, dirr dagg xee mngg; jex si Siongrder ee lovok David soxx bingrling :ee.

15 Ongg soxx bingrling hiaxee jewsix qapp Levilangg, bylun quanw huxkor, iacc si vadd hxang su, inx longxx byy uiqec.

16 Solomon kiw Jehovah ee dxen, dui' he derqix qaur singqongx ee zit, qangliau longxx dairsingx virvan. Anxnix Jehovah ee dxen longxx kiw hyw.

17 Hitt sii Solomon kir Edom-de, qaur dirr haiw-qnii ee Eziongeber qapp Elat.

18 Hilam tog ix ee lovok, crex junjiah qapp jaingiaw haixlo ee lovok, qaur ix hiax. Inx qapp Solomon ee lovok qaur Ofir; dui' hiax did diyc qimx sir-vah go-jap talent, un qaur Solomon Ongg hiax.

9 Seba ee luxongg tniax qnir Solomon ee miasniax, dyrr qaur Jelusalem, beh ing yh did quexbingg ee su cir Solomon. Duer ix ee langg jin' je, u logdyy jair hniuliau qapp ngqimx jin' je, iarr u vyxjiyc. Ix qnir Solomon ee sii, dyrr jiong' simlai itcer soxx jrunn :ee qra ix qongw.

2 Solomon jiauww ix soxx mng :ee longxx rinr ix, byy jit hxang Solomon be hiauxdid tangx qra ix qongw.

3 Seba Luxongg knuar qnir Solomon ee diwhui, qapp ix soxx kiw ee cur,

4 Dyh-dingw ee jiahmic, zinsinn vailet decc jre, lovok qinsuii hogsai, ixqip inx ee ihok qapp ix ee jiuxjingr, ixqip inx ee ihok, qycc knuar qnir ix jnriu Jehovah dxen ee qia-aw, dyrr hxunn vuthurtew.

5 Ix duiww ongg qongw, "Guaw dirr vunxqog tniax qnir liw ee dairjir, qapp liw ee diwhui, longxx si jinsit.

6 Jongwsirr guaw m sinr inx ee ue, qaur guaw laii cinbak knuar. Knuar ar, liw ee diwhui ee dua, langg soxx qra guaw qongw :ee iauxx byy jidvnuar. Liw ngiaa quer guaw soxx tniax .qnir ee miasniax.

7 Hokkir ar, liw ee langg, hokkir ar, liw ee lovok, siongsiongg kia dirr liw ee binrjingg tniax liw ee diwhui.

8 Jehovah, liw ee Siongrder si ingqaix ylyw :ee. Ix hnuahiw liw, hro Liw jre Ix ee xui, tangx uirdiyhh Jehovah, liw ee Siongrder juer ongg; in'ui liw ee Siongrder tniar Islael, rair ingxuanw qenqor ix, soxiw setlip liw juer inx ee ongg, hro liw vingxqongx qniagi."

9 Luxongg ing jit-vah zi-jap talent ee qimx, qapp jerje hniuliau, qapp vyxjiyc, sangr ongg; m bad u hniuliau cincniu Seba Luxongg sangr Solomon ongg :ee.

10 Hilam ee lovok, qapp Solomon ee lovok, dui' Ofir duar qimx laii, qycc duar dnuahniucaa qapp vyxjiyc laii.

11 Ongg ing dnuahniucaa uirr Jehovah ee dxen qapp ongqiongx juer lanqanx; qycc uirr cniuwquax ee langg juer kimm qapp srig. Dirr Judah-de jingg m bad knuar qnir cincniu jitt hy.

12 Solomon Ongg, dirr Seba Luxongg soxx duar laii sangr ongg :ee ixgua, qycc jiauww ix itcer soxx rair, soxx qriuu :ee, longxx hro ix. Dui' anxnix luxongg qapp ix ee zinsinn dywdngw kir ix ee vunxqog.

13 Solomon dagg nii soxx did .diyc ee qimx qiong lak-vah lak-jap-lak talent;

14 Ixgua iauxx u singlixlangg qapp kecsiongx soxx duar .laii .ee. Qycc Alabia led'ongg, ixqip qog-lai ee siuxlingw, longxx duar qimginn laii hro Solomon.

15 Solomon Ongg ing quer pah ee qimx juer duarvaii nng-vah bin, muixx bin duarvaii ee qimx lak-vah sekel;

16 Qycc ing quer pah ee qimx juer vinvaii snax-vah bin, muixx bin ing qimx snax-vah sekel; ongg qra ix he dirr Lebanon ciurnaa ee cur.

17 Ongg qycc ing cniurgee juer jit xee dua vyxjy, ing hyw qimx anx ix.

18 Vyxjy u lak janr ee qia-aw, qycc u qimx ee kadah'iw, qapp vyxjy sna' lenn; siangvingg u kywciuw, kywciuw vnix u nng jiah sraix kia lehh.

19 Qycc u jap-zi jiah sraix, kia dirr lak janr qia-aw ee jitt vingg qapp hitt vingg; vadd qog longxx byy jewjy cincniu anxnix.

20 Solomon Ongg itcer limx ee kiwqu longxx si qimx :ee; Lebanon ciurnaa ee cur itcer ee kiwqu iarr si hyw qimx :ee. Solomon ee niqanx, langg knuar ginn juer byy mic.

21 Ongg ee junjiah qapp Hilam ee lovok snaqab kir Tarsis; jiaxee Tarsis ee junn jair qimx, ginn, cniurgee, qauu, kongxciog, snax nii dyr laii jit vaiw.

22 Solomon Ongg ee hyxgiac qapp diwhui ngiaa quer tnie led'ongg.

23 Tnie led'ongg longxx laii rair qnir Solomon ee bin, tniax ix ee diwhui, dyrr si Siongrder sniuxsur dirr ix ee simx :ee.

24 Inx dag'ee duar jinwqongr ee mic; dyrr si ginkir, qimkir, ihok, qunkir, hniuliau, bew, qapp lyy, dagg nii u dniardiyc ee le.

25 Solomon uirdiyhh bew qapp ciax, u bexdiauu sir-cingx, qycc u bexvingx jit-bxan nng-cingx andir inx dirr hiaxee dunw ciax ee sniaa, iarr qapp ongg dirr Jelusalem.

26 Solomon quanxhad led'ongg, dui' Duarhyy qaur Filist-de, qaur Egipt ee qauqair.

27 Ongg dirr Jelusalem hro ginn juer cincniu jiyhtauu, hro vikhniucniu cincniu vni'ngiuu ee sngjaiciu, in'ui jin' je.

28 U langg duar bew dui' Egipt, dui' dagg soxjai, laii hro Solomon.

29 Solomon qi'uu ee su, dui' tauu qaur buew, qamxx byy qir dirr sendix Natan ee ceh, qapp Silohlangg Ahijah sendix ee ceh, qapp senqenr Iddo bigsi ee ceh, lun Nabat ee qniaw Jeloboam :ee mah?

30 Solomon dirr Jelusalem juer Islael juann qog ee ongg, qiong sir-jap nii.

31 Solomon qapp ix ee ledjow drangg kunr, baijongr dirr ix ee laurve David ee sniaa. Ix ee qniaw Rlehoboam suawjiab ix juer ongg.

10 Rlehoboam kir Seqem, in'ui Islael jingwlangg qaur Seqem, beh setlip ix juer ongg.

2 Nebat ee qniaw Jeloboam siamxvi Solomon Ongg ee bin, jauw kir Egipt, diamr dirr hiax; Jeloboam tniax qnir jitt xee su, dyrr dui' Egipt dyr .laii.

3 Inx crex langg kir qiyr ix laii. Jeloboam dyrr qapp Islael ee jingwlangg laii qnir Rlehoboam, qra ix qongw,

4 "Liw ee laurve hro guanw vue qankow ee dnax; liw ee laurve soxx he dirr guanw ee koxqangx qapp dang ee dnax, qriuu liw qiamxkinx, guanw dyrr hogsai liw."

5 Rlehoboam qra inx qongw, "Snax zit au qycc laii qnir guaw." Vecsnir dyrr kir.

6 Rlehoboam ee laurve Solomon uac lehh ee sii, u qinsuii dirr ix ee binrjingg ee laurlangg, Rlehoboam Ongg qapp inx girlun qongxx, "Linw u simxmih qewcig, hro guaw tangx huehog jitt xee vecsnir?"

7 Inx qra ix qongw, "Liw narr hyw kuanxtai jitt xee vecsnir, hro inx hnuahiw, ing hyw ue laii rinr inx, inx dyrr ingxuanw juer liw ee lovok."

8 Danrsi ix qirjuat laurlangg soxx hro ix ee qewcig, kir qapp hiaxee kia dirr ix ee binrjingg qapp ix vni'unn ee siauwlenlangg camsiongg; qra inx qongw,

9 "Jitt xee vecsnir u duiww guaw qongw, 'Liw ee laurve he dirr guanw ee dnax, qriuu liw hro guanw kacc kinx.' Dnaxx linw u simxmih qewcig, hro lanw tangx huehog inx?"

10 Hiaxee qapp ix vni'unn ee siauwlenlangg qongw, "Jitt xee vecsnir duiww liw qongw, 'Liw ee laurve hro guanw vue dang ee dnax, qriuu liw qra guanw qiamxkinx'; liw diyhh anxnix rinr inx qongxx, 'Guaw ee buew jnaiw kacc dua guaw ee laurve ee iyx.

11 Guaw ee laurve hro linw vue dang dnax, guaw beh qetnix linw ee dnax; guaw ee laurve ing vnxix qingxqair linw, guaw beh ing get'axtangg qingwqair linw.'"

12 Derr snax zit Jeloboam qapp jiongww vecsnir qaur Rlehoboam hiax, jiauww ongg soxx bingrling :ee qongxx, "Derr snax zit qycc laii guaw jiax."

13 Ongg ing pnaiw siausaur rinr vecsnir; Rlehoboam Ongg vangwsag laurlangg ee qewcig,

14 Jiauww siauwlenlangg ee qewcig duiww inx qongw, "Guaw ee ve hro linw vue dang ee dnax, guaw beh qetnix linw ee dnax; guaw ee ve ing vnxix qingxqair linw, guaw beh ing get'axtangg qingxqair linw."

15 Ongg byy tniatanr vecsnir, in'ui jitt xee dairjir si cud dirr Siongrder, hro Jehovah ingwgiam Ix tog Silohlangg Ahijah duiww Nebat ee qniaw Jeloboam soxx qongw ee ue.

16 Islael jiongww vecsnir knuar qnir ongg byy tniatanr inx, vecsnir dyrr duiww ongg qongw, "Guanw dirr David u simxmih hunrgiac ar? Guanw qapp Jesse ee qniaw byy qansiap. Islael ar, dagg langg dyr kir linw ee vowvnii; David ar, diyhh qor liw qaqi ee cur." Dui' anxnix Islael ee jingwlangg dyr kir inx ee vowvnii.

17 Danrsi kiarkiw dirr Judah jiaxee sniaa ee Islaellangg, Rlehoboam iuguann juer inx ee ongg.

18 Rlehoboam Ongg crex quanliw juer koxqangx ee langg Adonilam kir; Islaellangg dyrr ing jiyhtauu dimr siw ix. Rlehoboam Ongg dyrr qnuaxqinw jnriu ciax, beh jauw kir Jelusalem.

19 Dui' anxnix Islael huanxvuan David-qrex, qaur qinaxzit.

11 Rlehoboam qaur Jelusalem ee sii, dyrr jurjip Judah qapp Benjamin ee qrex, qiong jap-veh-bxan langg, longxx si quer qingw ee jenwsu, beh qapp Islael qaujenr, hro qok'ui qycc qruix dirr Rlehoboam.

2 Jehovah ee ue limqaur Siongrder ee lovok Semaiah, qongw,

3 "Liw kir qra Solomon ee qniaw Judah Ongg Rlehoboam, qapp kiarkiw Judah qapp Benjamin ee jiongww Islaellangg qongw, Jehovah anxnix qongw,

4 'Linw byc did jnriu .kir, byc did qapp linw ee hniadi qaujenr; dagg langg dyr kir ix ee qrex; in'ui jitt xee dairjir cud dirr Guaw.'" Inx tniax Jehovah ee ue, dyrr dyr .kir, byy kir qongqig Jeloboam.

5 Rlehoboam diamr dirr Jelusalem; dirr Judah-de kiw quixnarr xee sniaa juer uersow.

6 Dyrr si kiw Betlehem, Etam, Tekoa,

7 Betzur, Soko, Adullam,

8 Gat, Malesah, Zif,

9 Adolaim, Laqis, Azekah,

10 Zolah, Aijalon, Heblon; jiaxee longxx dirr Judah qapp Benjamin juer qenqor ee sniaa.

11 Rlehoboam qycc qenqor hiaxee uersow, dirr inx diongqanx sed vxingx ee taulangg; qycc jikju bixniuu, qapp iuu, qapp jiuw;

12 Qycc dirr dagg xee sniaa virvan vinvaii qapp cniux, hro ix qigqii qenqor. Judah Benjamin longxx sriok dirr ix.

13 Islael juann de ee jewsix qapp Levilangg longxx dui' siwqingw laii qruix Rlehoboam.

14 Levilangg lirkuix inx ee qau'iaw qapp sanxgiap, laii qaur Judah qapp Jelusalem; si in'ui Jeloboam qapp ix ee qniaw qirjuat inx, m jrunw inx qniaa jewsix ee jithun, hogsai Jehovah.

15 Jeloboam uirr snuataudnuaa, uirr quixquair, uirr ix soxx jur ee guu-aw, qaqi setlip jewsix.

16 Islael jiongww jipair diongx, qniwnarr dniardiyc iwsur beh cue Jehovah, Islael ee Siongrder :ee, dyrr duer inx qaur Jelusalem, beh henwjer hro Jehovah, inx ledjow ee Siongrder.

17 Anxnix qenqor Judahqog ligquer snax nii, hro Solomon ee qniaw Rlehoboam qiongsing; in'ui inx snax nii quw qniaa David, Solomon ee lo.

18 Rlehoboam crua Mahalat juer bow, ix si David ee jaboxsunx, Jelimot ee jaboxqniaw; iuqycc ix ee laurbuw si Jesse ee jaboxsunx, Eliab ee jaboxqniaw Abihail.

19 Ix qra ix snix quixnarr xee qniaw, dyrr si Jeus, Semaiah, Zaham.

20 Crua ix liauxau qycc crua Absalom ee jeboxqniaw Maakah, ix qra ix snix Abijah, Attai, Ziza, Selomit.

21 Rlehoboam crua jap-veh xee bow, lak-jap xee vinhuix, snix zi-jap-veh xee qniaw, lak-jap xee jaboxqniaw. Ix tniar Absalom ee jaboxqniaw Maakah, ngiaa quer longxjongw hiaxee bow qapp vinhuix.

22 Rlehoboam setlip Maakah ee qniaw Abijah juer tauu, dirr hniadi diongx juer siuxlingw; in'ui sniu beh setlip ix suawjiab juer ongg.

23 Rlehoboam jiauww diwhui laii qniaa, hunsnuar jiongww qniaw dirr Judah qapp Benjamin ee juann de, qaur dagg xee qenqor ee sniaa; qycc hro inx jerje bixniuu, qycc qra inx cue jerje bow.

12 Rlehoboam ee qog qenqor, ix qiongsing ee sii, dyrr kiwsag Jehovah ee ludhuad, Islael iarr longxx duer ix.

2 Rlehoboam Ongg go nii, Egipt Ongg Sisak jnriu laii qongqig Jelusalem; in'ui inx dikjue Jehovah.

3 Sisak u jenwciax jit-cingx nng-vah dniux, bexvingx lak-bxan; qycc duer ix dui' Egipt cud .laii ee langg, dyrr si Lybyanlangg, Suklangg, Kuslangg, je qaur be sngr .did.

4 Ix qongcuw Judah qenqor ee sniaa, dyrr laii qaur Jelusalem.

5 Hitt sii Judah ee siuxlingw uirdiyhh Sisak ee enqor, jurjip dirr Jelusalem, sendix Semaiah laii qnir Rlehoboam qapp hiaxee siuxlingw, qra inx qongw, "Jehovah anxnix qongw, 'Linw kiwsag Guaw, soxiw Guaw kiwsag linw dirr Sisak ee ciuw.'"

6 Dui' anxnix Islael hiaxee siuxlingw qapp ongg qaqi kiamvix, qongw, "Jehovah si qonggi."

7 Jehovah knuar qnir inx kiamvix, Jehovah ee ue dyrr limqaur Semaiah, qongw, "Inx qiwzenn qaqi kiamvix, Guaw byy beh jaubet inx, beh hro inx liyc aw did diyc jinxqiur, Guaw byy beh ing Sisak ee ciuw vniar lyc Guaw ee siurkir dirr Jelusalem.

8 Danrsi inx beh juer Sisak ee lovok, hro inx jaix hogsai Guaw, qapp hogsai ledqog u simxmih hunvet."

9 Dui' anxnix Egipt Ongg Sisak jnriu laii qongqig Jelusalem cniuw Jehovah ee dxen ee vyxmic, qapp ongqiongx ee vyxmic, longxx druar .kir; qycc cniuw Solomon soxx juer qimx ee vinvaii.

10 Rlehoboam Ongg juer dangg ee vinvaii laii ter inx, qaux hro siuw ongqiongmngg ee siruerdniuw qowsiuw.

11 Ongg dagg vaiw zip Jehovah ee dxen, sirue dyrr duar jiaxee vinvaii; au .laii dyrr duar dywdngw laii he dirr sirue ee cur.

12 Ongg qaqi kiamvix ee sii, Jehovah ee siurkir siux dywdngw, byy itjin bet ix; qycc dirr Judah ee diongqanx iarr u hyw ee dairjir.

13 Rlehoboam Ongg qaqi qiongsing, dirr Jelusalem juer ongg. Rlehoboam jerui ee sii sir-jap-id huer, dirr Jelusalem, dyrr si Jehovah dui' Islael jiongww jipair diongx soxx qingw andir Ix ee miaa ee sniaa, juer ongg jap-cid nii. Ix ee laurbuw miaa qiyr Naamah, si Ammonlangg.

14 Rlehoboam qniaa pnaiw; in'ui ix byy dniardiyc iwsur cue Jehovah.

15 Rlehoboam soxx qniaa ee su, dui' tauu qaur buew, qamxx byy qir dirr sendix Semaiah qapp senqenr Iddo ee ceh lun jogpow :ee mah? Rlehoboam qapp Jeloboam siongsiongg qaujenr.

16 Rlehoboam qapp ix ee ledjow drangg kunr, baijongr dirr David Sniaa. Ix ee qniaw Abijah suawjiab ix juer ongg.

13 Jeloboam Ongg jap-veh nii, Abijah jerui juer Judah Ongg.

2 Dirr Jelusalem juer ongg snax nii quw. Ix ee laurbuw miaa qiyr Mikaiah, si Gibeahlangg Uliel ee jaboxqniaw.

3 Abijah qapp Jeloboam qaujenr. Abijah ing jit din quer qingw ee vxingx sir-jap-bxan, laii duiww ix vaidin.

4 Abijah kia dirr Eflaim ee snuade ee Zemalaim Snuax, qongw, "Jeloboam qapp Islael jingwlangg ar, diyhh tniax guaw.

5 Jehovah, Islael ee Siongrder jiong' Islaelqog ingxuanw hro David, dyrr si setlip iamm ee iog, sniuxsur ix qapp ix ee qniaxsunx, linw qamxx m diyhh jaix mah?

6 Danrsi David ee qniaw Solomon ee zinsinn, Nebat ee qniaw Jeloboam, kiw laii vuervuan ix ee juxlangg.

7 U hiaxee byy herlyc ee huixlui jurjip duer ix, qaqi qiongbingw, laii qongqig Solomon ee qniaw Rlehoboam; hitt sii Rlehoboam iauxx siauwlenn nngxjniaw, be e dixdngx inx.

8 Dnaxx linw u iwsur beh dixdik David ee qniaxsunx soxx dirliw Jehovah ee qog. Linw ee langgiac jin' je, qycc u qimx ee guu-aw qapp linw dilehh, dyrr si Jeloboam soxx qra linw jy juer siongrder :ee.

9 Linw qamxx m si qnuaxdiok Jehovah ee jewsix, dyrr si Aalon ee qniaxsunx, qapp Levilangg, jiauww guarqoklangg ee quile qaqi setlip jewsix mah? Simrjiww bylun simxmih langg kanx jit jiah guqangw-aw, qapp cid jiah mingiuqangw, laii hunvet qaqi, dyrr tangx juer byy ngiaxjiah ee siongrder ee jewsix?

10 Lun qaur guanw, Jehovah si guanw ee Siongrder, guanw byy kiwsag Ix; guanw u jewsix hogsai Jehovah, dyrr si Aalon ee qniaxsunx; qycc u Levilangg dag'ee jin ix ee jithun.

11 Dagg jaxkiw dagg ehngx henr siyjer siyx hniux hro Jehovah; qycc u vailet ee vniaw dirr singwqed ee dyh; iarr u qimdingdaii, qapp dingjnuaw, dagg ehngx tangx diamw ix; in'ui guanw siuw Jehovah, guanw ee Siongrder ee bingrling; dogdok linw kiwsag Ix.

12 Knuar ar, Siongrder qapp guanw dilehh, juer guanw ee tauu, Ix ee jewsix iarr qapp guanw dilehh, tec hiangxliang ee hyrtauu, dua sniax vunn laii qongqig linw. Islaellangg ar, m tangx qapp Jehovah, linw ledjow ee Siongrder qaujenr; in'ui linw be e hingtongx."

13 Jeloboam baihok vxingx dirr inx ee aurbin. Dui' anxnix Islaellangg dirr Judah ee taujingg, baihok ee vxingx dirr inx ee aurbin.

14 Judahlangg uat tauu knuar, knuar jing'au longxx u duiwdik ee vxingx; dyrr qiuqiyr Jehovah, jewsix iarr vunn hyrtauu.

15 Judahlangg dyrr auqiyr. Judahlangg auqiyr ee sii, Siongrder dyrr pah ngiaa Jeloboam qapp Islael jingwlangg, dirr Abijah qapp Judahlangg ee binrjingg.

16 Islaellangg dirr Judahlangg ee binrjingg dyjauw; Siongrder qra inx qaux dirr Judahlangg ee ciuw.

17 Abijah qapp ix ee vecsnir dua dua taii siw inx; Islaellangg dyw lehh laii siw :ee, u go-jap-bxan quer qingw ee langg.

18 Hitt sii Islaellangg dyrr hanghok, Judahlangg did diyc kacc ngiaa, in'ui uaxkyr Jehovah, inx ledjow ee Siongrder ee enqor.

19 Abijah duizib Jeloboam, cruw ix quixnarr xee sniaa; dyrr si Betel qapp ix ee hniusia; Jesanah qapp ix ee hniusia, Eflon qapp ix ee hniusia.

20 Dng' Abijah uac lehh ee zit, Jeloboam be e qycc qiongsing; Jehovah pah ix, ix dyrr siw.

21 Abijah jiamrjiam qiongsing, cuarbow jap-sir xee, snix qniaw zi-jap-zi xee, jaboxqniaw jap-lak xee.

22 Abijah qi'uu ee su, qapp ix ee genhing, longxx qir dirr sendix Iddo ee juwqaiw.

14 Abijah qapp ix ee ledjow drangg kunr, baijongr dirr David Sniaa. Ix ee qniaw Asa suawjiab ix juer ongg. Dng' Asa ee zit, hitt xee derhngx taiwvingg jap nii quw.

2 Asa qniaa Jehovah, ix ee Siongrder knuar juer hyw, knuar juer jingwdit ee su;

3 In'ui ix druu kir guarvangx ee siongrder ee dnxuaa, qapp snuataudnuaa, huiw hiaxee tiaursiong, cyr hiaxee Aselah,

4 Qycc bingrling Judahlangg cue Jehovah, inx ledjow ee Siongrder, juntanr Ix ee ludhuad qaiwbing;

5 Qycc dirr Judah dagg xee sniaa druu kir hiaxee snuataudnuaa, qapp zidsiong; qycc did diyc taiwvingg dirr ix ee binrjingg.

6 Ix dirr Judah kiw quixnarr jxy hiamxiaur ee sniaa, in'ui ix ee derhngx ving'anx, dirr hitt quiw nii longxx byy qaujenr, in'ui Jehovah hro ix ving'anx.

7 Ix duiww Judahlangg qongw, "Lanw diyhh laii kiw jiaxee sniaa, siwuii kiw cniuu, qapp snialauu, qapp mngg, qapp mngqongg. De iauxx dirr lanw ee binrjingg; in'ui lanw u qriuu Jehovah, lanw ee Siongrder; lanw ixqing' qriuu Ix, Ix dirr siwuii sniuxsur lanw ving'anx." Inx dyrr kixjy laii did diyc hingtongx.

8 Asa u qunvingx, dui' Judah cud :ee, snax-jap-bxan, giaa vinvaii qapp cniux; dui' Benjamin cud :ee, zi-jap-veh-bxan, giaa vinvaii kuix qringx. Jiaxee longxx si dua lat ee iongxsu.

9 U Kus Ongg Zelah cua qundui jit-vah-bxan, jenwciax snax-vah dniux, laii qongqig ix, laii qaur Malesah.

10 Asa dyrr cud kir dixdik ix; dirr Malesah huwqin ee Zefatah Snuaqog dag'ee vaidin.

11 Asa qiuqiyr Jehovah, ix ee Siongrder, qongw, "Jehovah ar, dirr qiongg, luanxziok :ee ee diongqanx, Liw ixgua byy vangjan :ee. Jehovah, guanw ee Siongrder ar, qriuu Liw vangjan guanw; in'ui guanw uaxkyr Liw; qycc tog Liw ee miaa kir dixdik jiaxee jingwlangg. Jehovah ar, Liw si guanw ee Siongrder, m tangx hro langg kacc ngiaa Liw.

12 Jehovah dyrr pah ngiaa Kuslangg dirr Asa qapp Judahlangg ee binrjingg; Kuslangg dyrr dyjauw.

13 Asa qapp duer ix ee langg duizib inx, qaur dirr Gelar; Kuslangg siw jin ' je, be e qycc dirr Ix ee qundui ee binrjingg vairhuai. Judahlangg cniuw jerje jaibut kir.

14 Inx qycc pah Gelar siwuii hiaxee sniaa; in'ui Jehovah hro inx jin' qniax; inx iarr cniuw inx longxjongw ee sniaa, in'ui sniaa-lai u jerje mic tangx cniuw.

15 Qycc pah hiaxee jingsnix ee diauu, kanx jin' je ngiuu qapp logdyy kir Jelusalem.

15 Siongrder ee Sinn limqaur Oded kir gniajih Asa, qra ix qongw, "Asa qapp Judah Benjamin ee jingwlangg ar, diyhh tniax guaw ee ue.

2 Linw qapp Jehovah dilehh, Ix iarr qapp linw dilehh. Linw narr cue Ix, Ix beh hro linw cue .diyc; linw narr kiwsag Ix, Ix iarr beh kiwsag linw.

3 Islaellangg quw quw byy jinx ee Siongrder, byy qawsi inx ee jewsix, iarr byy ludhuad,

4 Jongwsirr inx dirr huanrlan ee sii qui'ngr Jehovah, Islael ee Siongrder, laii cue Ix, Ix dyrr hro ix cue .diyc.

5 Hitt sii cutzip ee langg be did diyc ving'anx; ledqog kiarkiw ee vecsnir longxx duw diyc dua ziauxluan;

6 Qog qongqig qog, sniaa qongqig sniaa, longxx sna' huixhuai; in'ui Siongrder ing dagg ngiu huanrlan ziauxluan inx.

7 Dnaxx linw diyhh iongxqnia, ciuw m tangx nngw .lyc .kir; in'ui linw ee soxx juer beh did diyc vywsniuw."

8 Asa ixqing' tniax qnir jiaxee ue, qapp sendix Oded ee camwgiw, dyrr jongwdnaw; dirr Judah Benjamin juann de, qapp ix soxx cruw Eflaim ee snuade hiaxee sniaa, druu kir longxjongw kyxngor ee mic; qycc dirr Jehovah lingxlongg jingg, sinx kiw Jehovah ee dnxuaa.

9 Qycc jurjip Judah Benjamin ee jingwlangg, qapp Eflaim, Manasseh, Simeon cutgua dirr inx diongqanx ee langg; in'ui dui' Islael cud laii qruix Asa :ee jin' je; si uirdiyhh inx knuar qnir Jehovah, ix ee Siongrder qapp ix dilehh.

10 Asa Ongg jap-go nii Snax-guec, inx longxx jurjip dirr Jelusalem.

11 Hitt zit inx dirr soxx duar .laii hiaxee cniuw ee mic ee diongqanx, ing guu cid-vah jiah, ngiuu cid-cingx jiah, henr hro Jehovah.

12 Inx dyrr lip iog, beh jinrsimx jinrsingr cue Jehovah, inx ledjow ee Siongrder;

13 Qniwnarr byy cue Jehovah, Islael ee Siongrder :ee, bylun duarser, lamluw, diyhh hro ix siw.

14 Inx dyrr ing dua sniax, ing hnuahiw laii huah, ing hyrtauu ing sauwqag laii duiww Jehovah jiuwjua.

15 Judah jingwlangg uirdiyhh soxx jxiur ee jxua hnuahiw, in'ui inx jinrsimx jiuwjua, qycc jinrir cue Jehovah, Jehovah iarr hro inx cue .diyc, dyrr dirr inx siwqingw sniuxsur inx ving'anx.

16 Asa Ongg huiwduu ix ee maw, Maakah, taiwho ee xui; in'ui ix uirr Aselah bad jrngx kyxngor ee sxiong. Asa cyr ix ee sxiong, duii ix qaur cruir cruir, dirr Kidlon Kex-vnix qra siyx.

17 Dogdok hiaxee snuataudnuaa iauxx bue dui' Islael diongx druu .kir; Asa ee simx jit siwlangg juan'id.

18 Asa jiong' ix ee laurve soxx hunvet juer sxingr, qapp ix vunxsinx soxx hunvet juer sxingr ee qimx, ginn, qapp kiwqu, longxx duar zip Siongrder ee dxen.

19 Dui' jitt sii qaur Asa snax-jap-go nii, byy qycc u qaujenr ee su.

16 Asa Ongg snax-jap-lak nii, Islael Ongg Baasa jnriu laii qongqig Judah, kiw Rlamah, beh joxdongr langg cutzip dirr Judah Ongg Asa hiax.

2 Asa dyrr dui' Jehovah ee dxen qapp ongqiongx ee huxkor, tec cud qimx, ginn, sangr hro kiarkiw dirr Damaskus ee Sylia Ongg Benhadad, qongw,

3 "Guaw qapp liw u iog, cincniu jingg guaw ee laurve qapp liw ee laurve jidngiu. Dnaxx guaw ing qimx, ginn sangr liw; cniaw liw kir huewbyy liw qapp Islael Ongg Baasa soxx lip ee iog, hro ix lirkuix guaw."

4 Benhadad tniatanr Asa Ongg ee ue, crex ix hiaxee qundniuw kir qongqig Islael ee sniaa; inx dyrr qrongx puar Ijon, Dan, Abel Bet Maakah, ixqip Naftali itcer huxkor ee sniaa.

5 Baasa tniax .qnir dyrr tingqangx, byy qycc kiw Rlamah.

6 Dui' anxnix Asa Ongg cua Judah jingwlangg; inx dyrr vnuasuaw Baasa soxx ing laii kiw Rlamah ee jiyhtauu qapp caa, ing ix laii kiw Geba qapp Mizpah.

7 Hitt sii senqenr Hanani laii qnir Judah Ongg Asa, qra ix qongw, "In'ui liw uaxkyr Sylia Ongg, byy uaxkyr Jehovah, liw ee Siongrder, soxiw Sylia Ongg ee qunvingx tuatli liw ee ciuw.

8 Kuslangg qapp Libialangg qamxx m si dua ee qundui, u jerje jenwciax qapp bexvingx mah? Dogdok in'ui liw uaxkyr Jehovah, Ix dyrr jiong' inx qaux dirr liw ee ciuw.

9 In'ui Jehovah ee bagjiux dirr juann de knuar laii knuar qnir; qniwnarr juansimx ngr Ix :ee, Ix beh henxbingg Ix ee dua kuiwlat laii vangjan ix. Dirr jitt xee dairjir, liw soxx qniaa si gong; in'ui anxnix, ixau liw beh u qaujenr ee su."

10 Asa dyrr siurkir senqenr, qra ix qnuaix dirr qnax nirr; in'ui ix uirdiyhh jitt qnia su dua siurkir. Hitt sii Asa iarr pnaiw kuanxtai vecsnir diongx quixnarr langg.

11 Asad soxx qniaa ee su, dui' tauu qaur buew, longxx qir dirr Judah qapp Islael jiaxee ongg ee qiwlok.

12 Asa Ongg snax-jap-qauw nii, ix ee kax u puawvni, vni jin' siongdiong. Puawvni ee sii byy qriuu Jehovah, dogdok kir qriuu isingx.

13 Asa juer ongg sir-jap-id nii dyrr siw, qapp ix ee ledjow snaqab kunr;

14 Baijongr dirr ix qaqi ee bong, dyrr si ix dirr David ee sniaa uirr qaqi soxx cak :ee, he dirr bincngg nirr. Ix ee bincngg u pangx hniux muaw muaw, dyrr si jiauww diauhyy hniux ee hxuad soxx congr :ee. Vecsnir uirdiyhh ix qniaa jerje siyx ee lexsor.

17 Asa ee qniaw Jehosafat suawjiab ix juer ongg, qaqi qiongsing, dixdik Islael.

2 Andir qunvingx dirr Judah hiaxee qenqor ee sniaa, qycc sed hongsiuw ee vxingx dirr Judah-de, qapp ix ee laurve Asa soxx cruw Eflaim hiaxee sniaa.

3 Jehovah qapp Jehosafat dilehh, in'ui ix qniaa ix ee jow David kixtauu qniaa ee lo, byy cue hiaxee Baal;

4 Dogdok cue ix ee laurve ee Siongrder, qniaa Ix ee qaiwbing, byy jiauww Islaellangg ee soxx qniaa.

5 Soxiw Jehovah qenqor ix ee qok'ui, Judah jingwlangg henr lexmic hro Jehosafat. Ix dyrr u jerje huewjaii qapp ingqngx.

6 Ix hunwjir qniaa Jehovah ee dyrlo; qycc dui' Judah druu kir hiaxee snuataudnuaa, qapp hiaxee Aselah.

7 Ix juer ongg derr snax nii dyrr crex ix ee zinsinn Benhail, Obadiah, Zeqaliah, Netanel, Mikaiah, kir Judah dagg xee sniaa qawsi vecsnir.

8 Qapp inx kir :ee u Levilangg Semaiah, Netaniah, Zebadiah, Asahel, Semilamot, Jehonatan, Adonijah, Tobijah, Tobadonijah; qycc u jewsix Elisama, Jeholam, iarr qapp inx kir.

9 Inx dirr Judah qawsi, u duar Jehovah ludhuad ee ceh, venww qniaa Judah dagg xee sniaa, qawsi vecsnir.

10 Jehovah hro Judah siwuii dagg vangqog jin' qniax, m qnaw qapp Jehosafat qaujenr.

11 Filistlangg uree sangr lexmic jinwqongr ginn hro Jehosafat; Alablangg iarr duar qui' qrunn jingsnix hro ix, dyrr si mingiuqangw cid-cingx cid-vah jiah, snuangiuqangw cid-cingx cid-vah jiah.

12 Jehosafat jiamrjiam qiongdua qaur qik, dirr Judah kiw ngiaje qapp huxkor ee sniaa.

13 Ix dirr Judah jiaxee sniaa u jerje jongjok; qycc dirr Jelusalem u jenwsu, dyrr si dua quanlingg ee iongxsu.

14 Inx ee siauwgiac, jiauww jongjok qir dirr erbin. Judah-jok ee cenjongw; Adnah juer tongxlingw, cua dua quanlingg ee iongxsu snax-jap-bxan;

15 Qycc lyc .laii si tongxlingw Jehohanan, cua zi-jap-veh-bxan iongxsu;

16 Qycc lyc .laii si Ziqli ee qniaw Amasiah, ix qamguan henr qaqi hro Jehovah, cua dua quanlingg ee iongxsu zi-jap-bxan.

17 Benjamin-jok u dua quanlingg ee iongxsu Eliada, cua giac qingjnir qapp qnrua vinvaii :ee zi-jap-bxan; qycc lyc .laii si Jehozabad cua virvan qaujenr ee jap-veh-bxan.

18 Jiaxee longxx si suhau ongg :ee, lingrgua u ongg soxx andir dirr Judah dagg xee qenqor ee sniaa :ee.

18 Jehosafat u jerje huewjaii qapp ingqngx, dyrr qapp Ahab qetcinx.

2 Quer quixnarr nii ix lyc kir Samalia qnir Ahab. Ahab uirdiyhh ix qapp duer ix ee vecsnir, taii jerje guu, ngiuu, krngr ix qapp ix snaqab kir Gilead ee Rlamot.

3 Islael Ongg Ahab qra Judah Ongg Jehosafat qongw, "Liw beh qapp guaw kir Gilead ee Rlamot iacc m?" Inx qongw, "Guaw cincniu liw, guaw ee vecsnir cincniu liw ee vecsnir, guanw beh qapp liw kir qaujenr."

4 Jehosafat qra Islael Ongg qongw, "Cniaw liw dairsingx mng Jehovah ee iwsur."

5 Islael Ongg dyrr jurjip sendix sir-vah langg, mng inx qongxx, "Guanw diyhh jnriu kir Gilead ee Rlamot laii qaujenr, iacc si diyhh suah ar?" Inx rinr qongxx, "Tangx jnriu .kir; in'ui Siongrder beh ing inx qaux dirr ongg ee ciuw."

6 Jehosafat qongw, "Dirr jiax qamxx byy iauxx u Jehovah ee sendix hro lanw tangx dui' ix laii mng mah?"

7 Islael Ongg qra Jehosafat qongw, "Iauxx u jit langg lanw tangx dui' ix laii mng Jehovah; danrsi guaw uanwhun ix, in'ui ix soxx camwgiw guaw :ee, byy jit hxang hyw, jixu siongsiongg qongw jaieh nardnia. Jitt langg si Imlah ee qniaw Mikaiah." Jehosafat qongw, "Cniaw ongg byc did anxnix qongw."

8 Islael Ongg dyrr driaur jit xee qnua'uann laii, qongw, "Liw kir qiyr Imlah ee qniaw Mikaiah qinw qinw laii."

9 Islael Ongg qapp Judah Ongg Jehosafat dagg xee jre ix ee jyrui, cing lexhok, jre dirr Samalia sniamngkauw kuah ee soxjai, jiongww sendix dagg xee dirr inx ee binrjingg camwgiw.

10 Qenaanah ee qniaw Zedekiah juer ticqag, qongw, "Jehovah anxnix qongw, 'Liw beh ing jiaxee dag Sylialangg, qaur inx bedbyy.'"

11 Jiongww sendix longxx anxnix camwgiw qongxx, "Tangx jnriu kir Gilead ee Rlamot, beh diksingr; in'ui Jehovah beh jiong' ix qaux dirr ongg ee ciuw."

12 Hitt xee kir qiyr Mikaiah ee suwjiaw qra ix qongw, "Knuar ar, jiongww sendix longxx qongw jidngiu ee ue, duiww ongg qongw hyw su, qriuu liw soxx qongw :ee qapp inx snadangg, vnivnii qongw hyw ue."

13 Mikaiah qongw, "Guaw qiw ingxuanw ee Jehovah jiuwjua laii qongw, guaw ee Siongrder qongw simxmih, guaw beh qongw ix."

14 Mikaiah qaur ongg ee binrjingg, ongg mng ix qongxx, "Mikaiah ar, guanw diyhh jnriu kir Gilead ee Rlamot laii qaujenr, iacc si diyhh suah ar?" Ix rinr qongxx, "Tangx jnriu .kir, beh diksingr; in'ui inx beh siurr qauhur dirr linw ee ciuw."

15 Ongg duiww ix qongw, "Guaw diyhh quiw vaiw qiyr liw jiuwjua, liw tog Jehovah ee miaa, jixu diyhh ing jinsit qra guaw qongw."

16 Mikaiah qongw, "Guaw knuar qnir Islael jiongww vecsnir siwsnuar dirr snuax nirr, cincniu byy bogjiaw ee ngiuu jidvnuax. Jehovah anxnix qongw, 'Jiaxee byy juxlangg, inx dag'ee tangx ving'anx dyr kir inx ee qrex.'"

17 Islael Ongg qra Jehosafat qongw, "Guaw qamxx byy qra liw qongw, jitt langg soxx beh camwgiw guaw :ee, byy qongw hyw ue, jixsu jaieh nardnia?"

18 Mikaiah qongw, "Soxiw linw diyhh tniax Jehovah ee ue. Guaw knuar qnir Jehovah jre dirr vyxjy, tnidingw ee banrqunx kia dirr Ix ee jyrui.

19 Jehovah qongw, 'Jirjui beh inxiuw Islael Ongg Ahab, hro ix jnriu kir Gilead ee Rlamot, siw dirr hiax ar?' Jitt xee qongw anxnix, hitt xee qongw anxnix.

20 Au .laii u jit xee sinn cud .laii, kia dirr Jehovah ee binrjingg, qongw, 'Guaw beh inxiuw ix.' Jehovah mng ix qongxx, "Liw beh ing simxmih huatdo?'

21 Ix qongw, 'Guaw beh cud kir juer vehcat ee sinn, dirr ix jiongww sendix ee cuir.' Jehovah qongw, 'Liw beh inxiuw ix, iarr beh jniaa ix; cud kir laii juer anxnix.'

22 Dnaxx Jehovah ing vehcat ee sinn zip dirr liw jiaxee sendix ee cuir. Jehovah lun qaur liw u qongw jaieh."

23 Qenaanah ee qniaw Zedekiah jinwjingg, senr Mikaiah ee cuiwpew, qongw, "Jehovah ee sinn dui' dyclyc jit diauu lo lirkuix guaw laii qapp liw qongw ar?"

24 Mikaiah qongw, "Knuar ar, liw zip lairvangg qaqi bih .kiw .laii, hitt zit dyrr beh knuar .qnir."

25 Islael Ongg qongw, "Diyhh duar Mikaiah kir qaux sniasiuw Ammon, qapp ongg ee qniaw Joas, qongw,

26 'Ongg anxnix qongw: Qra jitt langg qnuaix dirr qnax nirr, ing qankow ee vniaw, qankow ee juiw hro ix jiac, tingwhau guaw ving'anx dyr .laii.'"

27 Mikaiah qongw, "Liw narr jinjniar ving'anx dyr .laii, dyrr si Jehovah byy tog guaw qongw." Qycc qongw, "Jiaxee vecsnir ar, linw longxx diyhh tniax."

28 Islael Ongg qapp Judah Ongg Jehosafat jnriu kir Gilead ee Rlamot.

29 Islael Ongg qra Jehosafat qongw, "Guaw beh qaixjongx jniurdin, liw tangx cing onghok." Islael Ongg dyrr qaixjongx, inx dyrr jniurdin.

30 Sylia Ongg u huanhur ix ee jenwciax ee qnuadniuw, qongw, "Bylun duarser m tangx qapp inx qaujenr, jixu qapp Islael Ongg qaujenr."

31 Jenwciax ee qnuadniuw knuar qnir Jehosafat, dyrr qongw, "Jex si Islael Ongg", dyrr uat quer kir beh qapp ix qaujenr. Jehosafat dyrr hauxqiur, Jehovah dyrr vangjan ix; Siongrder iarr qamxdong inx lirkuix ix.

32 Jenwciax ee qnuadniuw knuar qnir m si Islael Ongg dyrr uat dngw byy duix ix.

33 U jit langg gnoxzenn kuix qringx, sria zip Islael Ongg jenwqah ee qapjua; ongg qra qnuaw ciax :ee qongw, "Liw uat dngw ciuw, duar guaw cutdin; in'ui guaw diyc dang siongx lar."

34 Hitt zit qaujenr ee sewbin naxx bingxlet; Islael Ongg benxqiongw kia dirr ciax nirr, dixdngx Sylia. Qaur ehngx, cavutdyx zit lyc ee sii, dyrr siw.

19 Judah Ongg Jehosafat ving'anx dyr kir Jelusalem qaur ix ee cur.

2 Senqenr Hanani ee qniaw Jehu cud laii gniajih Jehosafat Ongg, qra ix qongw, "Liw vangjan pnaiw langg, tniax uanwhun Jehovah ee langg, habgii mah? In'ui anxnix, Jehovah ee siurkir limqaur liw.

3 Danrsi liw iauxx u hyw su dilehh; in'ui liw dui' jitt xee derhngx druu kir Aselah, qyc dniardiyc liw ee simx cue Siongrder."

4 Jehosafat diamr dirr Jelusalem; au .laii qycc cud kir sunsi vecsnir ee diongqanx, dui' Beerseba qaur Eflaim ee snuade, cua vecsnir qui'ngr Jehovah, inx ledjow ee Siongrder.

5 Qycc setlip simxpnuawqnuax dirr qingxlai, dirr Judah qenqor ee sniaa; dagg xee sniaa longxx anxnix.

6 Ix qra hiaxee simxpnuawqnuax qongw, "Qinxsin linw ee soxx juer; in'ui linw simxpnaur m si uirdiyhh langg, si uirdiyhh Jehovah; linw simxpnuar ee sii, Ix qapp linw dilehh.

7 Dnaxx linw diyhh qnia'uir Jehovah, qinxsin juer dairjir, in'ui Jehovah, lanw ee Siongrder byy u vutgi, byy pentanw, byy siurr vowlo."

8 Jehosafat dui' Levilangg, qapp jewsix, qapp Islael jogdniuw diongx, setlip langg, dirr Jelusalem uirr Jehovah pnuawduanr dairjir, qapp sna' qryr. Inx dyrr dyr kir Jelusalem.

9 Ix qycc bingrling inx qongxx, "Linw diyhh qnia'uir Jehovah, jinrdiongx singsit simx laii qniaa jitt xee dairjir.

10 Qniwnarr linw ee hniadi diamr dirr inx hiaxee sniaa :ee, narr u uanqex ee su, laii jiurqin linw, bylun simxmih dairjir, higsi uirdiyhh lrauu huih, iacc si dirr ludhuad qapp qaiwbing, iacc si ludle qapp hautdo ee diongqanx, linw diyhh qingxqair inx, m tangx dikjue Jehovah, drir qaur siurkir limqaur linw, qapp linw ee hniadi; linw anxnix juer, dyrr byy jue.

11 Knuar ar, qniwnarr sriok Jehovah ee su, u jewsitauu Amaliah quanxliw linw; qniwnarr sriok ongg ee su, u Judah ee jogdniuw Ismael ee qniaw Zebadiah quanxliw linw. Dirr linw ee binrjingg u Levilangg juer qnuadniuw; linw diyhh hyxdnaw juer dairjir, guan Jehovah qapp hyw langg dilehh."

20 Jitt diap liauxau, Moablangg qapp Ammonlangg, qycc u Meunlangg, snaqab laii, beh qapp Jehosafat qaujenr.

2 U langg laii vyr Jehosafat qongxx, "Dui' haixgua dui' Sylia hiax u dua qundui laii qongqig liw. Dnaxx inx dirr Hazazon Tamar (dyrr si Engedi)."

3 Jehosafat dyrr qniax, dniardiyc iwsur kunxqiuu Jehovah; dirr Judah juann de suanvor qimwjiac.

4 Dui' anxnix Judahlangg jurhue, qriuu Jehovah vangjan; Judah dagg xee sniaa longxx u langg cud laii cue Jehovah.

5 Jehosafat dyrr dirr Judah qapp Jelusalem ee hue-diongx, kia dirr Jehovah-dxen ee sinx ngi ee taujingg, qongw,

6 "Jehovah, guanw ee ledjow ee Siongrder ar, Liw qamxx m si dirr tnix nirr ee Siongrder mah? Liw qamxx m si ledvangx banrqog ee juxjnaiw mah? Dirr Liw ee ciuw u quanlingg u kuiwlat, byy jit xee e dixdik liw.

7 Guanw ee Siongrder ar, Liw qamxx m si bad dirr Liw ee vecsnir Islaellangg ee binrjingg qnuaxdiok jitt xee derhngx kiarkiw ee vecsnir, jiong' ix sniuxsur Liw ee ving'iuw Ablaham ee horer qaur ingxuanw mah?

8 Inx dyrr diamr jitt xee derhngx, qycc in'ui Liw ee miaa, dirr jiax qra Liw kiw jit qingx sxingr sow, qongw,

9 Setsuw u jaieh limqaur guanw, higsi dyqiamr, kenxjig, higsi un'ik, qihngx, dng' huanrlan ee sii, guanw beh kia dirr jitt qingx ee taujingg, dirr Liw ee binrjingg kunxqiuu Liw; in'ui Liw ee miaa si diamr dirr jitt qingx dxen, Liw beh tniax laii jinxqiur.

10 Jingg Islaellangg cud Egipt-de ee sii, Liw m jrunw inx cimhuan Ammonlangg, Moablangg, qapp Zeir Snuax ee langg; dyrr lirkuix inx, byy bet inx.

11 Knuar ar, inx dnaxx jnaixngiu vywingr guanw, laii qnuaxdiok guanw cud Liw ee giap, dyrr si Liw sniuxsur guanw, hro guanw singjiab :ee.

12 Guanw ee Siongrder ar, Liw byy beh jikhuat inx mah? In'ui guanw byy lat tangx dixdngx jitt xee laii qongqig guanw ee dua qundui, guanw iarr m jaix diyhh jnaixngiu qniaa, guanw ee bagjiux juanx juanx ngr Liw."

13 Judah jingwlangg, qapp inx ee sewhanr ginxaw, inx ee bow, inx ee qniaxzii, longxx kia dirr Jehovah ee binrjingg.

14 Hitt sii Jehovah ee Sinn dirr qonghue diongx limqaur Jahaziel; ix si Levilangg Asaf ee horer, Mattaniah ee guansunx, Jeiel ee jingsunx, Benaiah ee sunx, Zeqaliah ee qniaw.

15 Ix qongw, "Judah jingwlangg, dirr Jelusalem kiarkiw ee vecsnir, qapp Jehosafat Ongg liw, longxx diyhh tniax. Jehovah qongw, byc did in'ui jitt xee dua qundui laii qniax, laii lunw; in'ui jitt xee qaujenr m si jairdirr linw, si jairdirr Siongrder.

16 Binaxzit linw diyhh lyc kir jrih din; inx dui' Ziz snuapniaa jnriu .laii, linw beh dirr Jelusalem kongwiaw taujingg ee snuaqog kauw duw diyc inx.

17 Jitt vaiw linw mrbenw qaujenr. Judah qapp Jelusalem ar, linw diyhh vaidin kia lehh, knuar Jehovah jinxqiur linw; mrbenw qniax, mrbenw lunw, binaxzit diyhh cud kir inx hiax; in'ui Jehovah qapp linw dilehh."

18 Jehosafat dyrr ngar tauu pag dirr de nirr; Judah jingwlangg, qapp Jelusalem kiarkiw ee vecsnir, iarr pag dirr Jehovah ee binrjingg, qingwvair Jehovah.

19 Kohat-jok qapp Kolah-jok ee Levilangg, longxx kia .kiw .laii, ing qik dua ee sniax ylyw Jehovah, Islael ee Siongrder.

20 Qeh zit inx jaw jaw kiw .laii, cud kir Tekoa ee kongwiaw. Cud .kir ee sii, Jehosafat kia decc qongw, "Judahlangg, qapp Jelusalem kiarkiw ee vecsnir ar, diyhh tniax guaw. Linw sinr Jehovah, linw ee Siongrder, dyrr beh kia jai; sinr Ix ee sendix, dyrr beh hingtongx."

21 Ix ixqing' qapp vecsnir girlun, dyrr setlip cniuwquax ylyw Jehovah :ee, hro inx cing sxingr qycc suiw ee snxax, qniaa dirr qundui ee taujingg ylyw Jehovah, qongw, "Diyhh qamxsia Jehovah; in'ui ix ee ju'air ingxuanw dilehh."

22 Inx duxaxx cniuwquax ylyw ee sii, Jehovah dyrr pair baihok ee vxingx qongqig hiaxee laii qongqig Judah ee Ammon, Moab, qapp Seir Snuax ee langg; inx dyrr siurr pah.

23 In'ui Ammon qapp Moablangg kiw laii qongqig diamr dirr Seir Snuax ee langg, itjin taii laii bet inx; itjin bet diamr dirr Seir ee langg liauxau, inx dag'ee hunx vingg sna' jaubet.

24 Judahlangg qaur kongwiaw siuxbang ee lxauu, knuar qnir hiaxee dua qundui. Knuar ar, sinsix dyw dirr de nirr, byy jit xee jauw li.

25 Jehosafat qapp ix ee vecsnir laii cniuw inx ee jaibut, dirr inx diongqanx cue diyc jerje jaibut, ihok, vyxvuer; inx vrag juer qaqi ee, je qaur duar be kir. In'ui jin' je, inx cniuw mic qaur snax zit.

26 Derr sir zit inx jurjip dirr Belakah ee snuaqog. In'ui dirr hiax ylyw Jehovah, soxiw hitt soxjai miaa qiyr Belakah Snuaqog, qaur dirr qinaxzit.

27 Inx dyrr dyr .kir, dyrr si Judah qapp Jelusalem ee langg, Jehosafat dirr inx ee taujingg, dairqex hnuahiw dyr kir Jelusalem; in'ui Jehovah hro inx taii ngiaa duiwdik, laii hnuahiw kuaiwlok.

28 Inx dnuaa kimm, dnuaa srig, vunn hyrtauu, laii Jelusalem, qaur Jehovah ee dxen.

29 Ledvangx jiaxee qog tniax qnir Jehovah taii ngiaa Islael ee duiwdik, dyrr qniax Siongrder.

30 Anxnix Jehosafat ee qog taiwvingg; in'ui ix ee Siongrder sniuxsur ix siwuii ving'anx.

31 Jehosafat juer Judah Ongg; jerui ee sii snax-jap-go huer; dirr Jelusalem juer ongg ligquer zi-jap-go nii. Ix ee laurbuw miaa qiyr Azubah, dyrr si Silhi ee jaboxqniaw.

32 Jehosafat qniaa ix ee laurve Asa ee lo, byy pen'uaix, qniaa Jehovah soxx knuar juer hyw ee su.

33 Jongwsirr snuataudnuaa iauxx bue huewbyy, qycc vecsnir iarr bue u dniardiyc sim'ir qui'ngr inx ledjow ee Siongrder.

34 Jehosafat qi'uu ee su, dui' tauu qaur buew, longxx qir dirr Hanani ee qniaw Jehu ee ceh, hitt xee ceh iarr let dirr Islael led'ongg ee ceh.

35 Hitt sii liauxau, Judah Ongg Jehosafat qapp Islael Ongg Ahazia qetqaux. Ahaziah qniaa pnaiw qaur qik.

36 Nng xee ongg snaqab jy junn beh kir Tarsis; dyrr dirr Eziongeber jy junn.

37 Hitt sii Malesahlangg, Dodavahu ee qniaw Eliezer, ing camwgiw qongqig Jehosafat qongxx, "In'ui liw qetqaux Ahaziah, Jehovah pywhuai liw ee soxx juer." Dui' anxnix junn dyrr puar, be e kir Tarsis.

21 Jehosafat qapp ix ee ledjow drangg kunr, qapp ix ee ledjow jongr dirr David ee sniaa. Ix ee qniaw Jeholam suawjiab ix juer ongg.

2 Jeholam u quixnarr xee siyxdi, dyrr si Jehosafat ee qniaw, Azaliah, Jehiel, Zeqaliah, Azaliahu, Miqael, Sefatiah; jiaxee longxx si Islael Ongg Jehosafat ee qniaw.

3 Inx laurve ing jerje budgiap hro inx, dyrr si qimginn vyxvuer qapp Judah-de qenqor ee sniaa hro inx; danrsi ing qok'ui hro Jeholam, in'ui ix si dua-qniaw.

4 Jeholam kiw laii jre ix ee laurve ee xui, qaqi qiongsing, dyrr ing dyx taii siw ix ee jiongww siyxdi, qapp Islael quixnarr xee siuxlingw.

5 Jeholam jerui ee sii snax-jap-zi huer; dirr Jelusalem juer ongg qiong veh nii.

6 Ix qniaa Islael jiaxee ongg ee lo, qapp Ahab ee qrex byy qycngiu; in'ui ix crua Ahab ee jaboxqniaw juer bow, qniaa Jehovah soxx knuar juer pnaiw ee su.

7 Jehovah in'ui qaqi qapp David soxx lip ee iog, m qramx bet David ee qrex, jiauww Ix soxx ingwunw :ee, ingxuanw sniuxsur jit pax dingx hro ix qapp ix ee qniaxsunx.

8 Dng' Jeholam ee niqanx, Edom vuervuan Judah, tuatli ix ee ciuxtauu, qaqi setlip ongg.

9 Jeholam dyrr cua ix hiaxee qundniuw, qapp longxjongw ee jenwciax quer .kir, tauwmii kiw .laii, pah uikunr ix ee Edomlangg, qapp hiaxee ciadniuw.

10 Anxnix Edomlangg vuervuan Judah, tuatli ix ee ciuxtauu, qaur qinaxzit. Siangg hitt sii Libnahlangg iarr vuervuan, tuatli ix ee ciuxtauu; in'ui Jeholam kiwsag Jehovah, ix ee ledjow ee Siongrder.

11 Ix qycc dirr Judah ee snuax kiw snuataudnuaa, hro Jelusalem kiarkiw ee vecsnir qniaa sia'imm; qycc iuxhik Judahlangg.

12 Sendix Elijah siaw puex qiar hro Jeholam, qongw, "Jehovah, liw ee jow David ee Siongrder anxnix qongw, 'In'ui liw byy qniaa liw ee ve Jehosafat ee lo, qapp Judah Ongg Asa ee lo,

13 Dyrr si qniaa Islael jiaxee ongg ee lo, qycc hro Judah qapp Jelusalem kiarkiw ee vecsnir qniaa sia'imm, cincniu Ahab ee qrex qniaa sia'imm jidngiu; qycc taii liw ee laurve ee qrex viw liw kacc hyw hiaxee siyxdi;

14 Soxiw Jehovah beh qangr dua jaieh pah liw ee vecsnir, qapp liw ee qniaxzii, liw ee bow, ixqip liw itcer soxu :ee.

15 Liw ee dngdo beh huan diyc dang vni, dagg zit naxx dang, drir qaur liw ee drngg-aw tut .cud .kir.'"

16 Jehovah qikdong Filistlangg, qapp uaw qin Kus ee Alablangg ee simx, laii qongqig Jeholam.

17 Inx jnriu laii qongqig Judah, cimzip qingxlai, cniuxliac ongqiong lai soxx duw .diyc ee jaibut, qapp ix hiaxee qniaw, hiaxee bow; druu ix ee suacbuew qniaw Ahaziah ixgua, byy qra ix lauu jit xee qniaw.

18 Jiaxee dairjir ixau, Jehovah pah ix, hro ix ee drngg drir diyc be rix did ee vni.

19 Anxnix quw quw, nng nii au, ix ee drngg uirdiyhh vni tut .cud .laii, in'ui jitt xee vnix dang dyrr siw. Ix ee vecsnir byy qra ix qniaa siyx ee lexsor, cincniu jingg qra ix ee ledjow soxx siyx :ee jidngiu.

20 Jeholam jerui ee sii snax-jap-zi huer, dirr Jelusalem juer ongg qiong veh nii. Ix lirkuix sewqanx byy langg id diyc ix; langg baijongr ix dirr David ee sniaa, dogdok byy dirr led'ongg ee bong.

22 Dirr Jelusalem kiarkiw ee vecsnir setlip Jeholam ee suacbuew qniaw Ahaziah suawjiab ix juer ongg; in'ui duer Alablangg qaur ngiaa ee qundui, u taii siw ix hiaxee dua-qniaw. Anxnix Judah Ongg Jeholam ee qniaw Ahaziah juer ongg.

2 Ahaziah jerui ee sii sir-jap-zi huer; dirr Jelusalem juer ongg jit nii. Ix ee laurbuw miaa qiyr Ataliah, si Omli ee jaboxsunx.

3 Ix iarr qniaa Ahab ee qrex ee lo; in'ui ix ee laurbuw jixhuix ix qniaa pnaiw.

4 Ix qniaa Jehovah soxx knuar juer pnaiw ee su, cincniu Ahab ee qrex jidngiu. In'ui ix ee laurve siw liauxau, u Ahab-qrex ee langg laii qra ix jixhuix, drir qaur vairhuai.

5 Ix tniatanr inx ee qewboo; qapp Islael Ongg Ahab ee qniaw Jeholam snaqab kir Gilead ee Rlamot, qapp Sylia Ongg Hazael qaujenr.

6 Sylialangg pacsiongx Jeholam; ix dyr kir Jezleel beh idi ix ee siongx, dyrr si ix dirr Rlamot qapp Sylia Ongg Hazael qaujenr ee sii soxx sriu .diyc .ee. Judah Ongg Jeholam ee qniaw, Azaliah, lyc kir Jezleel, beh bai Ahab ee qniaw Jeholam; in'ui ix u puawvni.

7 Ahaziah laii knuar Jeholam dyrr duw diyc hamrhai, jex si cud dirr Siongrder ee iwsur; in'ui ix laii, dyrr qapp Jeholam cud .kir, duw diyc Nimsi ee sunx Jehu, dyrr si Jehovah soxx buah iuu, hro ix jenxduu Ahab ee qrex :ee.

8 Jehu vran Ahab-qrex ee jue ee sii, duw diyc Judah hiaxee siuxlingw qapp Ahaziah ee hniadi ee qniaw decc hogsai Ahaziah :ee; ix dyrr taii siw inx.

9 Ahaziah bih dirr Samalia, Jehu cue ix, langg liac ix, duar ix qaur Jehu hiax, taii siw ix, langg baijongr ix; in'ui inx qongw, ix si hitt xee juansimx cue Jehovah ee Jehosafat ee qniaw. Anxnix Ahaziah ee qrex byy lauu jit xee u quanlik tangx vyxsiuw qok'ui :ee.

10 Ahaziah ee laurbuw Ataliah knuar qnir ix ee qniaw ixqing' siw, dyrr kiw laii itjin jaubet Judah ee ongcinx.

11 Ongg ee jaboxqniaw Jehoseba jiong' Ahaziah ee qniaw Joas, dui' hiaxee siurr taii ee ongqniaw diongx taux py .cud .laii, jiong' ix qapp ix ee lingbuw kngr dirr kunwvangg nirr. Jehoseba si Jeholam Ongg ee jaboxqniaw, Ahaziah ee jixbe, jewsix Jehoiada ee bow; ix dui' Ataliah hiax qra kamwbat ix, hro ix byy taii siw ix.

12 Au .laii qapp inx snaqab kngr dirr Siongrder ee dxen ligquer lak nii quw. Ataliah quanxliw hitt xee derhngx.

23 Derr cid nii Jehoiada qaqi qiongsing; driaur vexjongw Jeloham ee qniaw Azaliah, Jeloham ee qniaw Ismael, Obed ee qniaw Azaliah, Adaiah ee qniaw Maaseiah, Ziqli ee qniaw Elisafat, hiaxee laii qapp ix lip iog.

2 Inx venww qniaa Judah, dui' Judah hiaxee sniaa jurjip Levilangg, qapp Islael ee jogdniuw, longxx qaur Jelusalem.

3 Juann hue dirr Siongrder ee dxen qapp ongg lip iog. Ix duiww inx qongw, "Knuar ar, ongg ee qniaw beh juer ongg, jiauww Jehovah lun qaur David ee qniaxsunx soxx qongw :ee.

4 Dnaxx linw diyhh anxnix qniaa; linw jiaxee jewsix qapp Levilangg, snax hxun jit dirr Anhiyczit zip .laii .ee, diyhh juer qor mngg :ee;

5 Snax hxun jit diyhh dirr qongqiongx, snax hxun jit diyhh dirr derqix ee mngg; vecsnir longxx diyhh dirr Jehovah dxen-lai ee ngi.

6 Dogdok jewsix, qapp decc hogsai ee Levilangg ixgua, vadd langg m tangx zip Jehovah ee dxen; jiaxee langg tangx zip .kir, in'ui inx si sxingr. Jongwsirr jiongww vecsnir diyhh uirdiyhh Jehovah laii qowsiuw.

7 Levilangg dag'ee ciuw diyhh giac qunkir, siwuii vyxho ongg; qniwnarr jurjuanx zip dxen :ee diyhh hro ix siw; ongg cutzip ee sii, linw diyhh qinsuii ix."

8 Levilangg, qapp Judah jingwlangg, jiauww jewsix Jehoiada itcer soxx bingrling :ee kir qniaa; dagg langg duar inx lunn diyc Anhiyczit zip .laii ee langg, qapp lunn diyc Anhiyczit cud .kir ee langg; in'ui jewsix Jehoiada m jrunw inx snuawvanx.

9 Jewsix Jehoiada dyrr jiong' Siongrder dxen-lai soxx kngr David Ongg ee cniux, vinvaii, duarvaii, qaux hro hiaxee vexjongw.

10 Qycc pair jiongww vecsnir, ciuw dag'ee giac qesix, dirr dnxuaa qapp dxen hiax, dui' dxen ee jnair vingg qaur dxen ee dyr vingg, kia dirr ongg ee siwuii.

11 Inx dyrr cua ongg ee qniaw cud .laii, qra ix dir benxliuu, jiong' ludhuad ee ceh hro ix. Jehoiada qapp ix hiaxee qniaw ing iuu buah ix, setlip ix juer ongg; jingwlangg qongw, "Guan ongg banrsuer."

12 Ataliah tniax qnir vecsnir jauw .laii, ylyw ongg ee sniax, dyrr qaur vecsnir hiax, zip Jehovah ee dxen;

13 Knuar qnir ongg kia dirr denrmngg ee tiau-vnix, hiaxee qundniuw qapp vunn hyrtauu :ee kia dirr ongg ee jyxiu; vecsnir hnuahiw vunn hyrtauu; qycc u cniuwquax :ee, ing dagg ngiu ee gagkir, cua jingwlangg ylyw. Ataliah dyrr tiah lic ix ee snxax, huah qongxx, "Huanxvuan lar, huanxvuan lar."

14 Jewsix Jehoiada cua quanxhad qundui ee vexjongw, duiww inx qongw, "Vanlet ee diongqanx duer ix :ee, diyhh ing dyx taii siw ix"; in'ui jewsix qongw, "M tangx dirr Jehovah ee dxen taii ix."

15 Ix siamw kuix siangvingg, hro ix kir; ix qniaa qaur ongqiongx Bew Mngg, dyrr dirr hiax taii siw ix.

16 Jehoiada dirr vunxsinx, qapp vecsnir qapp ongg ee diongqanx lip iog, longxx beh juer Jehovah ee vecsnir.

17 Dui' anxnix jiongww vecsnir qaur Baal ee biy, tiachuiw ix, paccuir ix hiaxee dnxuaa qapp gnoxsiong, qycc dirr dnxuaa-jingg pah siw Baal ee jewsix Mattan.

18 Jehoiada qycc jiauww David jaxzit soxx dniardiyc :ee, setlip jewsix Levilangg damdngx Jehovah dxen ee jithun. Jingg David pair jitt xee vanlet dirr Jehovah ee dxen, hro inx hnuahiw cniuwquax, henr Jehovah ee siyjer, dyrr si jiauww soxx qiwjair dirr Moses ee ludhuad :ee.

19 Ix iarr sed qor mngg :ee dirr Jehovah ee dxen hiaxee mngg; byy lun sniaw dai, byy cingkir :ee berdid zip .kir.

20 Qycc duar vexjongw qapp quiwjok, qapp vecsnir ee siuxlingw, qapp qog-lai ee jiongww vecnsir, dui' Jehovah ee dxen cua ongg lyc .laii; dui' dingw ee mngg jinwzip ongqiongx, hro ongg jre qok'ui.

21 Qog-lai jiongww vecsnir longxx hnuahiw, tong' sniaa anjing, in'ui inx ing dyx taii siw Ataliah.

24 Joas jerui ee sii, cid huer, dirr Jelusalem juer ongg likquer sir-jap nii. Ix ee laurbuw miaa qiyr Zibiah, si Beersebalangg.

2 Jewsix Jehoiada dilehh ee zit, Joas qniaa Jehovah soxx knuar juer hyw ee su.

3 Jehoiada qra ix crua nng xee bow, ix snix qniaw jaboxqniaw.

4 Au .laii Joas u iwsur beh siuliw Jehovah ee dxen,

5 Dyrr diauwjip jewsix qapp Levilangg, qra inx qongw, "Linw diyhh kir Judah hiaxee sniaa, duiww Islael jingwlangg kiyh ginn, tangx dagg nii siuliw linw ee Siongrder ee dxen. Linw diyhh qnuaxqinw vanrliw jitt xee su." Danrsi Levilangg byy qnuaxqinw.

6 Ongg driaur jewsitauu Jehoiada laii, qra ix qongw, "Liw sniaw su byy vig Levilangg dui' Judah qapp Jelusalem duar ginn lai, dyrr si jiauww Jehovah ee lovok Moses, qapp Islael ee huerjiongr, soxx dniardiyc diyhh henr juer qanjingr ee vowvnii ee loring :ee?"

7 In'ui hitt xee pnaiw hurzinlangg Ataliah ee jiongww qniaw bad tiachuiw Siongrder ee dxen; qycc ing Jehovah dxen-lai hunvet juer sxingr ee mic henr hro hiaxee Baal.

8 Dui' anxnix ongg cud bingrling, inx dyrr juer jit xee qxui, he dirr Jehovah dxen ee mngg-gua.

9 Qycc suanvor Judah qapp Jelusalem ee vecsnir, diyhh jiauww Siongrder ee lovok Moses dirr kongwiaw bingrling Islaellangg soxx dniardiyc diyhh henr ee ginn, duar laii hro Jehovah.

10 Jiongww siuxlingw qapp jiongww vecsnir longxx hnuahiw duar laii hed dirr qxui nirr, qaur uanmuaw.

11 Levilangg duar hitt xee qxui zip ngg xee vanrqongsig, inx knuar qnir ginn jin' je, ongg ee suqir qapp jewsitauu ee uixuann dyrr laii, vniar kangx hitt xee qxui, au .laii qra qxui qycc he dirr guan'ui; zidzit anxnix juer, kiyh ginn jin' je.

12 Ongg qapp Jehoiada ing ginn hro juer Jehovah dxen-lai vanrsu ee langg; inx dyrr cniar jiyhcniu, bagcniu, siujingw Jehovah ee dxen, qycc cniar ticqangx, dangcniu, laii siuliw Jehovah ee dxen.

13 Juewqangx ee langg juer inx ee qangx, hitt xee qangx dyrr bingvik, siuliw Siongrder ee dxen jiauww qu ee kuanw; qycc hro ix jin' qenqor.

14 Ixqing' uanqangx, inx dyrr duar soxx cunx ee ginn, qaur ongg qapp Jehoiada ee binrjingg, ing ix laii jy kiwqu, juer Jehovah dxen ee loring, dyrr si hogsai ee kiwqu, laii henr siyjer; qycc jy tngsii, qapp qimx, ginn ee kiwqu. Dng' Jehovah uac lehh ee zit, langg siongsiongg henr siyjer dirr Jehovah ee dxen.

15 Jehoiada jiamrjiam lau, zidjiw muaxjiog, dyrr siw; siw ee sii, jit-vah snax-jap huer.

16 Langg qra ix jongr dirr David Sniaa qapp led'ongg ee diongqanx; in'ui ix dirr Islael diongx ngr Siongrder qapp Ix ee dxen qniaa hyw.

17 Jehoiada siw liauw, Judah jiongww siuxlingw laii diauvair ongg; ongg tniatanr inx.

18 Inx vangwsag Jehovah inx ledjow ee Siongrder ee dxen, kir hogsai hiaxee Aselah, qapp gnoxsiong; in'ui inx jitt xee jue, dyrr u siurkir limqaur Judah qapp Jelusalem.

19 Ix crex sendix qaur inx hiax, beh inxcua inx qui'ngr Jehovah; sendix duiww inx juer qanjingr, danrsi inx m tniax.

20 Hitt sii Siongrder ee Sinn limqaur jewsix Jehoiada ee qniaw Zaqaliah; ix dyrr kia dirr vecsnir ee dingxbin, duiww inx qongw, "Siongrder anxnix qongw, 'Linw sniaw su huan diyc Jehovah ee qaiwling, drir qaur be did diyc hingtongx ar? In'ui linw kiwsag Jehovah, Jehovah iarr kiwsag linw.'"

21 Inx dyrr qetdongw laii hai ix, jiauww ongg ee bingrling, dirr Jehovah dxen ee ngi-lai, ing jiyhtauu dimr siw ix.

22 Anxnix Joas Ongg byy siauwliam Zeqaliah ee laurve Jehoiada soxx qra ix juer :ee, suacc laii hai siw ix ee qniaw. Zeqaliah siw ee sii, qongw, "Guan Jehovah qamwcad sin'uanx."

23 Nii-buew, Sylia ee qunvingx jnriu laii qongqig Joas, laii qaur Judah qapp Jelusalem, dui' vecsnir diongx bet vecsnir hiaxee siuxlingw, ing soxx cniuw ee mic un qaur Damaskus Ongg hiax.

24 Sylia ee qunvingx cua jit siyw dui ee langg laii, Jehovah ing dua dui ee langg qaux dirr inx ee ciuw, si in'ui inx vangwsag Jehovah inx ledjow ee Siongrder, jiacc ing anxnix laii jikhuat Joas.

25 Duiwdik lirkuix ix, vangwsag ix; dirr ix diyc dang vni ee sii, ix ee lovok uirdiyhh jewsix Jehoiada hiaxee qniaw ee huih qetdongw laii qongqig ix, dirr ix ee bincngg taii ix, ix dyrr siw. Langg qra baijongr dirr David ee sniaa, dogdok byy qra ix jongr dirr led'ongg ee bong.

26 Qetdongw laii hai ix :ee si Ammon ee hurzinlangg Simeat ee qniaw Zabad, qapp Moab ee hurzinlangg Simeat ee qniaw Johozabad.

27 Lun qaur ix hiaxee qniaw, qapp ix soxx sriu ee qingxqair, qapp ix siuliw Siongrder ee dxen ee su, longxx qir dirr led'ongg qiwlok ee juwqaiw. Ix ee qniaw Amaziah suawjiab ix juer ongg.

25 Amaziah jerui ee sii, zi-jap-go huer, dirr Jelusalem juer ongg, qiong zi-jap-qauw nii. Ix ee laurbuw miaa qiyr Jehoaddin, si Jelusalemlangg.

2 Amaziah qniaa Jehovah soxx knuar juer hyw ee su, danrsi simx byy juna'id.

3 Ix ee qokquann ixqing' qenqor, dyrr taii siw jingg ciwkig ix ee laurve Judah Ongg hiaxee zinsinn;

4 Jongwsirr byy taii siw inx ee qniaw, si jiauww Moses ludhuad ee ceh soxx qiwjair, Jehovah bingrling qongxx, "M tangx in'ui qniaw laii taii siw laurve, iarr m tangx in'ui ve laii taii siw qniaw, dagg langg diyhh in'ui vunxsinx ee jue laii siw."

5 Amaziah jurjip Judahlangg, jiauww Judah qapp Benjamin ee jongjok, setlip cenjongw vexjongw laii cua inx; qycc sngr langgiac, dui' zi-jap huer ixsiong, did diyc quer qingw ee vxingx, e giac cniux, qnrua dinvaii, jniurdin :ee, qiong snax-jap-bxan.

6 Qycc ing ginn jit-vah talent, dui' Islael jiybo dua linglik ee iongxsu jap-bxan langg.

7 U Siongrder ee lovok laii qnir ix, qongw, "Ongg ar, byc did hro Islael ee qunvingx qapp liw kir; in'ui Jehovah byy qapp Islaellangg, dyrr si Eflaim ee horer, dilehh.

8 Linw narr itding beh kir, dyrr diyhh hunwiongw jingjenr; Siongrder beh hro liw vai dirr duiwdik ee binrjingg, in'ui Siongrder u qxuann e vangjan langg, iarr e ciax dyw langg."

9 Amaziah mng Siongrder ee lovok qongxx, "Guaw ixqing' ing ginn jit-vah talent hro Islael ee qundui, hiaxee beh jnaixngiu ar?" Siongrder ee lovok rinr qongxx, "Jehovah e ing viw jiaxee kacc je hro liw."

10 Dui' anxnix Amaziah hunvet dui' Eflaim laii ee qunvingx, hro inx dyr kir inx daux; soxiw inx jin' siurkir Judahlangg, krir putpud dyr kir inx daux.

11 Amaziah qaqi hunwiongw, cua ix ee vecsnir cud kir qaur Iamm ee snuaqog, taii siw Seirlangg jit-bxan.

12 Judahlangg qycc uac liac jit-bxan langg, duar qaur snuakamw dingw, dui' snuakamw dingw qra inx ciax .lyc .kir, drir qaur inx longxx cruir cruir.

13 Amaziah soxx crex dyr kir hiaxee qundui, m jrunw inx qapp ix kir qaujenr :ee, inx qongqig Judah hiaxee sniaa, dui' Samalia qaur Bet Holon, taii siw snax-cingx langg, cniuw jerje mic.

14 Amaziah taii Edomlangg dyr .laii, dyrr duar Seir-jok ee siongrder, lip ix juer qaqi ee siongrder, quirvair dirr ix ee binrjingg, siyx hniux hro ix.

15 In'ui anxnix, Jehovah dua siurkir Amaziah, dyrr crex jit xee sendix kir qnir ix, qongw, "Hiaxee vecsnir ee siongrder be e qiur inx ee vecsnir tuatli liw ee ciuw, liw sniaw su qriuu inx ar?"

16 Ix qapp ix qongw ee sii, ongg qra ix qongw, "Guanw qamxx setlip liw juer ongg ee bosu ar? Liw diam diam, sniaw su tyw pah ar?" Sendix dyrr diam diam, qycc qongw, "Guaw jaix Siongrder dniardiyc iwsur beh bet liw, in'ui liw jitt xee, m tniax guaw ee kuanwqair."

17 Hitt sii Judah Ongg Amaziah qapp langg camsiongg, crex suwjiaw kir qnir Jehu ee sunx, Jehoahaz ee qniaw, Islael Ongg Joas, qongw, "Laii ar, lanw nng langg sna' qniwbin dirr jenwdniuu."

18 Islael Ongg Joas crex suwjiaw kir qnir Judah Ongg Amaziah, qongw, "Lebanon ee cauxcir crex suwjiaw kir qnir Lebanon ee vikhniuciu, qongw, 'Qra liw ee jaboxqniaw hro guaw ee qniaw juer bow.' Au .laii Lebanon u jit jiah iaxsiur qingquer, tunxdac hitt xee cauxcir.

19 Dnaxx liw qongw, liw ixqing' pah ngiaa Edom, liw ee simx dyrr qiaux, drir qaur liw kuakauw; liw dirr qrex-lai anzenn kiarkiw dyrr hyw, sniaw su kixsu ziaw jaieh, hro liw vunxsinx qapp Judahqog snaqab dyxhuai ar?"

20 Danrsi Amaziah m kingw tniax, in'ui jitt xee su si cud dirr Siongrder, beh jiong' inx qaux dirr duiwdik ee ciuw; in'ui inx cue Edom hiaxee siongrder.

21 Dui' anxnix, Islael Ongg Joas jnriu .laii, dirr Judah ee Bet Semes qapp Judah Ongg Amaziah sna' qniwbin dirr jenwdniuu.

22 Judah taii sux dirr Islael ee binrjingg, dagg langg jauw dyr kir inx ee vowvnii.

23 Islael Ongg Joas, dirr Bet Semes liac diyc Jehoas ee sunx, Joas ee qniaw, Judah Ongg Amaziah, duar ix qaur Jelusalem; qycc tiachuiw Jelusalem ee sniacniuu, dui' Eflaim Mngg qaur Qag Mngg, qiong sir-vah dxng.

24 Cruw Siongrder dxen-lai Obed Edom soxx qowsiuw ee qimx, ginn, kiwqu, qapp ongqiongx ee jaivyw, qycc liac langg juer junxdngr, dyrr dyr kir Samalia.

25 Islael Ongg Jehoas ee qniaw Joas siw liauxau, Judah Ongg Joas ee qniaw Amaziah iauxx uac jap-go nii.

26 Amaziah qi'uu ee su, dui' tauu qaur buew, qamxx byy longxx qir dirr Judah qapp Islael jiaxee ongg ee qiwlok mah?

27 Dui' Amaziah penli byy duer Jehovah liauxau, dirr Jelusalem u langg qetdongw beh hai ix, ix dyrr jauw qaur Laqis; inx crex langg zib ix qaur Laqis, dirr hiax taii siw ix.

28 Langg dyrr ing bew jair ix dyr .laii, qapp ix ee ledjow baijongr dirr Judah ee sniaa.

26 Judah jiongww vecsnir setlip Uziah suawjiab ix ee laurve Amaziah juer ongg; hitt sii ix jap-lak huer.

2 Amaziah Ongg qapp ix ee ledjow drangg kunr liauxau, Uziah kiw Elat, hro ix iuguann qruix Judah quanxhad.

3 Ix jerui ee sii, jap-lak huer, dirr Jelusalem juer ongg qiong go-jap-zi nii. Ix ee laurbuw miaa qiyr Jekoliah, si Jelusalemlangg.

4 Uziah qniaa Jehovah soxx knuar juer hyw ee su, jiauww ix ee laurve Amaziah itcer soxx qniaa :ee.

5 Dng' tongdat Siongrder kexsi ee Zeqaliah dilehh ee zit, Uziah dniardiyc iwsur beh cue Siongrder; ix cue Jehovah ee sii, Siongrder dyrr hro ix hingtongx.

6 Ix cud kir qongqig Filistlangg, tiachuiw Gat ee sniacniuu, qapp Asdod ee sniacniuu; dirr Filistlangg ee diongqanx, dirr Asdod qingxlai, kiw quixnarr xee sniaa.

7 Siongrder vangjan ix qongqig Filistlangg, qapp diamr dirr Gurbaal ee Alablangg, ixqip Meunlangg.

8 Ammonlangg jinwqongr Uziah; ix ee miasniax tuann qaur Egipt ee qauqair, in'ui ix jinrjai qiongsing.

9 Uziah dirr Jelusalem ee Qag Mngg qapp Suaqog Mngg, qapp sniacniuu juanxuanx ee soxjai, kiw snialauu, qycc jin' qenqor.

10 Qycc kiw jiuxqnilauu dirr kongwiaw, qycc kuix jerje jnew dirr qe ee de qapp vningiuu; in'ui ix u jingsnix jin' je; qycc dirr snuade qapp hyw ee cann, ix u jycsitlangg, qapp liaurliw pudyhngg :ee; in'ui ix hnuahiw jingwjyh ee su.

11 Uziah qycc u jenwsu jit dui, jiauww suqir Jeiel qapp siuxlingw Maaseiah soxx diamxsngr :ee, dirr ongg ee qundniuw ee jit xee, Hananiah ee ciuw-xe, hunx dui cud kir qaujenr.

12 Jogdniuw dyrr si dua linglik ee iongxsu, ix ee jongxgiac qiong nng-cingx lak-vah langg.

13 Dirr inx ee ciuw-xe u quer len ee qunkir, qiong snax-jap-bxan cid-cingx go-vah langg; longxx si dua linglik, gauu jingjenr vangjan ongg qongqig duiwdik :ee.

14 Uziah uirdiyhh inx, dyrr si ix ee juann qunx, virvan dinvaii, cniux, taukuex, jenwqah qapp qringx, ixqip tangx hnir ee jiyc.

15 Qycc dirr Jelusalem juer qikir, si qikiauw ee saihu soxx huatbingg :ee, anx dirr snialauu qapp sniadyxjiw, laii sria jnxir huad cud dua der jiyc. Uziah ee miasniax tuann qaur hng hng, in'ui ix did diyc huisiongg ee vangjan, drir qaur jin' qiongsing.

16 Ix ixqing' qiongsing, simx dyrr qiaugno, drir qaur huxvai, qanhuan Jehovah, ix ee Siongrder; in'ui ix zip Jehovah ee dxen, beh dirr hniudnuaa siyx hniux.

17 Jewsix Azaliah cua Jehovah iongxqamw ee jewsix veh-jap langg duer ix zip .kir;

18 Inx dyrr joxdongr Uziah Ongg, qra ix qongw, "Uziah ar, siyx hniux hro Jehovah m si liw ee dairjir, si jewsix Aalon ee qniaxsunx ee su, inx siurr setlip laii siyx hniux :ee; liw diyhh cud sxingr dxen, in'ui liw ixqing' huanrjue; liw qniaa jitt xee su, Jehovah Siongrder byy beh hro liw did diyc ingqngx."

19 Uziah dyrr siurkir, ciuw tec hniuloo beh siyx hniux; ix siurkir jewsix ee sii, dirr Jehovah dxen-lai hniudnuaa vnix hiaxee jewsix ee binrjingg, ix ee tauhiac hutzenn kiw taixqyx.

20 Jewsix Azaliah qapp jiongww jewsix knuar qnir ix tauhiac kiw taixqyx, dyrr qnuaw ix cud dxen, ix qaqi iarr qinw qinw cud .kir, in'ui Jehovah pah ix.

21 Uziah Ongg kiw taixqyx qaur ix siw ee zit. In'ui ix taixqyx, dyrr dirr lingrgua cur kiarkiw, qapp Jehovah ee dxen juaddng; ix ee qniaw Jotam quanxliw ongqex, dirliw qokbinn.

22 Uziah qi'uu ee su, dui' tauu qaur buew, Amoz ee qniaw sendix Isaiah u qir ix.

23 Uziah qapp ix ee ledjow drangg kunr; in'ui ix si taixqyx :ee, langg baijongr ix dirr sriok led'ongg ee bongrde, qapp ix ee ledjow juewduix. Ix ee qniaw Jotam suawjiab ix juer ongg.

27 Jotam jerui ee sii, zi-jap-go huer, dirr Jelusalem juer ongg ligquer jap-lak nii. Ix ee laurbuw miaa qiyr Jelusah, si Zadok ee jaboxqniaw.

2 Jotam qniaa Jehovah soxx knuar juer hyw ee su, jiauww ix ee laurve Uziah itcer soxx qniaa :ee, dogdok byy zip Jehovah ee dxen. Danrsi vecsnir soxx qniaa iuguann huxvai.

3 Jotam kiw Jehovah dxen ee dingw mngg; qycc dirr Ofel ee sniaa-dingw kiw jerje.

4 Qycc dirr Judah ee snuade kiw sniaa, dirr ciurnaa lai kiw ngiaje, qapp bangrqylauu.

5 Ix qapp Ammonlangg ee ongg qaujenr, kacc ngiaa inx. Dng' hitt nii Ammonlangg jinwqongr ginn jit-vah talent, siyxbec jit-bxan kor, duarbec jit-bxan kor; derr zi nii, derr snax nii, Ammonlangg iarr si anxnix jinwqongr.

6 Jotam jiamrjiam qiongsing; in'ui ix dirr Jehovah, ix ee Siongrder ee binrjingg qinxsin qniaa jingwdit ee lo.

7 Jotam qi'uu ee su, qapp itcer ee qaujenr, longxx qir dirr Islael qapp Judah led'ongg ee qiwlok.

8 Ix jerui ee sii, zi-jap-go huer, dirr Jelusalem juer ongg ligquer jap-lak nii.

9 Jotam qapp ix ee ledjow drangg kunr, baijongr dirr David Sniaa. Ix ee qniaw Ahaz suawjiab ix juer ongg.

28 Ahaz jerui ee sii, zi-jap huer, dirr Jelusalem juer ongg jap-lak nii. Byy cincniu ix ee jow David qniaa Jehovah soxx knuar juer hyw ee su,

2 Dyrr si qniaa Islael jiaxee ongg ee lo, qycc juwjy hiaxee Baal ee sxiong;

3 Qycc siyx hniux dirr Hinnom ee snuaqog, qra ix ee qniaxzii siyx dirr huew nirr, tranr guarvangx soxx qniaa kyxnogr ee su, dyrr si Jehovah soxx qnuaxdiok :ee;

4 Qycc dirr snuataudnuaa, dirr snuax ee dingxbin, dirr dagg jangg cniucuir ee ciu-kax, henwjer siyx hniux.

5 Soxiw Jehovah, ix ee Siongrder qra ix qaux dirr Sylia Ongg ee ciuw, inx dyrr pah ix, liac ix ee vecsnir jin' je, duar qaur Damaskus. Qycc qra ix qaux dirr Islael Ongg ee ciuw, ix taii siw inx jin' je.

6 Rlemaliah ee qniaw Pekah juer jit zit dirr Judah taii siw jap-zi-bxan langg, longxx si iongxsu; in'ui inx lirkuix Jehovah, inx ledjow ee Siongrder.

7 U jit xee Eflaim diongx ee iongxsu, miaa qiyr Ziqli, taii ongg ee qniaw Maaseiah, qapp quanxliw ongqiongx ee Azlikam, qapp jnaixsiongr Elkanah.

8 Islaellangg liac inx ee hniadi, lenrr hurzinlangg, qniaw, jaboxqniaw, qiong zi-jap-bxan; qycc cniuw jerje jaibut, duar inx soxx cniuw :ee kir Samalia.

9 Dirr hiax u Jehovah ee sendix, miaa qiyr Oded, cud kir jrih hiaxee laii Samalia ee qundui, qra inx qongw, "In'ui Jehovah, linw ledjow ee Siongrder siurkir Judah, soxiw jiong' inx qaux dirr linw ee ciuw, linw qingxzenn siurkir duw tnix, taii inx jin' je.

10 Dnaxx linw u iwsur, apjer Judahlangg qapp Jelusalemlangg juer linw ee lovok, luxvi; danrsi linw vunxsinx qamxx byy dikjue Jehovah, linw ee Siongrder mah?

11 Dnaxx linw diyhh tniax guaw qongw, linw soxx liac .laii hiaxee linw ee hniadi diyhh vangr inx dyr .kir, in'ui Jehovah ee dua siurkir limqaur linw."

12 Dui' anxnix Eflaim ee siuxlingw quixnarr langg, dyrr si Jehohanan ee qniaw Azaliah, Mesillemot ee qniaw Beleqiah, Sallum ee qniaw Jehizkiah, Hadlai ee qniaw Amasa, kiw laii joxjiw hiaxee dui' jenwdin dyr .laii .ee, qra inx qongw,

13 "Linw m tangx duar soxx liac ee langg zip laii jiax; in'ui linw soxx juxir :ee si beh hro guanw dikjue Jehovah, qetnix guanw ee juerquar, guanw ee quewsid, in'ui guanw ee quewsid jin' dua, ixqing' u dua siurkir limqaur Islael lar."

14 Dui' anxnix giac qesix ee langg, jiong' inx soxx liac ee langg, soxx cniuw ee mic, vangr dirr hiaxee siuxlingw qapp huerjiongr ee binrjingg.

15 Dingxbin hiaxee qir miaa ee langg dyrr kiw .laii, hro siurr liac ee langg laii, qidiongx u tngwteh :ee, dyrr dui' soxx cniuw .laii ee mic-diongx, tec snxax hro inx cing, qycc ing ree hro inx; qycc hro inx limjiac, ing iuu buah inx; qidiongx luanxziok :ee, dyrr hro inx kiaa luu, sangr qaur jyxciu ee sniaa, Jeliqo, inx ee hniadi hiax; au .laii dyrr dyr kir Samalia.

16 Hitt sii Ahaz Ongg crex suwjiaw kir qnir Assylia hiaxee ongg, qriuu inx vangjan;

17 In'ui Edomlangg qycc laii pah Judah, liac vecsnir kir.

18 Filistlangg iarr laii cimhuan qe ee vningiuu, qapp Judah lamvingg hiaxee sniaa, cruw Bet Semes, Aijalon, Gedelot, Soko qapp ix ee hniusia, Timnah qapp ix ee hniusia; Gimzo qapp ix ee hniusia, dyrr diamr dirr hiax.

19 In'ui Jehovah uirdiyhh Islael Ongg Ahaz ee enqor, hro Judah vibii; si in'ui Ahaz dirr Judah hongwsur, dua dikjue Jehovah.

20 Assylia Ongg Tiglat Pileser jnriu .laii, byy uanrjo ix, huanxdngw kunxvig ix.

21 Ahaz dui' Jehovah ee dxen, qapp ongqiongx, qapp siuxlingw ee qrex, tec cud jaivyw hro Assylia Ongg; jongwsirr longxx byy lirig ix.

22 Jitt xee Ahaz Ongg dirr qinxqib ee sii, ithuad dikjue Jehovah.

23 In'ui ix jewsu Damaskus ee siongrder, dyrr si pah ix :ee, qongw, "In'ui Sylia Ongg ee siongrder vangjan inx, guaw iarr jewsu ix, hro ix vangjan guaw." Danrsi hiaxee siongrder hro ix qapp Islael jingwlangg longxx dyxhuai.

24 Ahaz jurjip Siongrder ee dxen ee kiwqu, pacpuar Siongrder ee dxen-lai ee kiwqu; qycc hongsyw Jehovah ee dxen ee mngg; dirr Jelusalem dagg xee uatqag kiw dnxuaa.

25 Qycc dirr Judah dagg xee sniaa kiw snuataudnuaa, siyx hniux hro vadd xee siongrder, qikdong Jehovah, ix ee ledjow ee Siongrder ee siurkir.

26 Ahaz qi'uu ee su, qapp ix ee qniajuer, dui' tauu qaur buew, longxx qir dirr Judah qapp Islael jiaxee ongg ee qiwlok.

27 Ahaz qapp ix ee ledjow drangg kunr, baijongr dirr Jelusalem Sniaa, byy hro ix zip dirr Islael jiaxee ongg ee bong. Ix ee qniaw Hezekiah suawjiab ix juer ongg.

29 Hezekiah jerui ee sii, zi-jap-go huer, dirr Jelusalem juer ongg qiong zi-jap-qauw nii. Ix ee laurbuw miaa qiyr Abijah, si Zeqaiah ee jaboxqniaw.

2 Ix qniaa Jehovah soxx knuar juer hyw ee su, jiauww ix ee jow David itcer soxx qniaa :ee.

3 Dirr guannii Jniax-guec, kuix Jehovah ee dxen ee mngg, siuliw ix.

4 Ix driaur hiaxee jewsix qapp Levilangg laii, jurjip dirr dangsir kuah ee soxjai, qra inx qongw,

5 "Levilangg ar, diyhh tniax guaw qongw; dnaxx linw diyhh cingkir qaqi, iarr diyhh cingkir Jehovah, linw ee ledjow ee Siongrder ee dxen, dui' sxingr sow vniar cud hiaxee uwuer.

6 In'ui lanw ee ledjow u huanrjue, qniaa Jehovah, lanw ee Siongrder soxx knuar juer pnaiw ee su, lirkuix Ix, uat dngw ix ee bin, vue Jehovah kiarkiw ee soxjai.

7 Inx qycc qnuaisyw lingxlongg ee mngg, pah srid dinghuew, byy dirr sxingr sow siyx hniux, henr siyjer hro Jehovah, Islael ee Siongrder.

8 Soxiw Jehovah siurkir limqaur Judah qapp Jelusalem, hro inx piauliuu, hro langg gonggniac, tixciyr, cincniu linw cinbak soxx knuar .qnir .ee.

9 In'ui anxnix guanw ee verqongx siurr dyx taii, guanw ee qniaw, jaboxqniaw, qapp guanw ee bow, iarr hro langg liac .kir.

10 Dnaxx guaw ee simx beh qapp Jehovah, Islael ee Siongrder lip iog, hro Ix ee dua siurkir uat dngw lirkuix lanw.

11 Guaw jiaxee qniaw ar, dnaxx m tangx vinrdnua, in'ui Jehovah qingw linw kia dirr Ix ee binrjingg hogsai Ix, damdngx jitzim siyx hniux hro Ix."

12 Dui' anxnix, Levilangg Kohat, Azaliah ee qniaw Joel, Melali-jok Abdi ee qniaw Kis, Jehallelel ee qniaw Azaliah, Gerson-jok Zimnah ee qniaw Joah, Joah ee qniaw Eden;

13 Elizafan ee jok Simli qapp Jeuel, Asaf-jok Zeqaliah, qapp Mattaniah;

14 Hemam-jok Jehuel qapp Simei, Jedutun-jok Semaiah qapp Uziel, longxx kiw .laii;

15 Jurjip inx ee hniadi, cingkir qaqi, jiauww ongg tranr Jehovah ee ue soxx bingrling :ee, zip kir Jehovah ee dxen.

16 Jewsix zip Jehovah ee dxen ee lairbin beh sew cringx ix, jiong' Jehovah ee dxen-lai soxu ee uwuer duar cud kir qaur Jehovah ee dxen ee ngi. Levilangg jrih ix, duar kir guarbin qaur Kidlon Kex.

17 Dui' Jniax-guec ceid kixciuw qniaa cingkir ee su, hitt guec ee ceveh jiacc qaur Jehovah ee lingxlongg, veh zit quw cingkir Jehovah ee dxen, qaur Jniax-guec jap-lak dyrr bingvik.

18 Dui' anxnix inx zip kir qnir Hezekiah Ongg, qongw, "Guanw ixqing' jiong' Jehovah ee qui' qingx dxen, qapp siyjer ee dnxuaa, ixqip ix ee kiwqu, vailet vniaw ee dyh, qapp ix ee kiwqu, longxx sew cringx.

19 Qycc Ahaz Ongg jerui huanrjue ee sii soxx kiwsag ee kiwqu, guanw longxx virvan, qycc cingkir ix. Knuar ar, dnaxx longxx dirr Jehovah ee dnxuaa-jingg."

20 Hezekiah Ongg tauwjaw kiw .laii, jurjip sniaa-lai ee siuxlingw, longxx jnriu Jehovah ee dxen.

21 Inx kanx cid jiah guqangw, cid jiah ngiuqangw, cid jiah mingiuu-aw, cid jiah snuangiuqangw, beh uirr qog, uirr sxingr sow, uirr Judah, henr juer siogjue ee jrer. Ongg bingrling Aalon ee qniaxsunx hiaxee jewsix, dirr Jehovah ee dnxuaa henr jiaxee.

22 Inx dyrr taii guqangw, jewsix jrih hitt xee huih, hiur dirr dnxuaa nirr; iarr taii ngiuqangw, ing huih hiur dirr dnxuaa nirr; qycc taii mingiuu-aw, iarr ing huih hiur dirr dnxuaa nirr;

23 Ing hiaxee juer siogjuerjer ee snuangiuqangw, kanx qaur ongg qapp huerjiongr ee binrjingg, inx dyrr hnua ciuw dirr hitt dingxbin.

24 Jewsix taii ix, ing inx ee huih juer siogjue ee jrer dirr dnxuaa nirr, uirr Islael jingwlangg siogjue; in'ui ongg bingrling diyhh ing siyjer, qapp siogjuerjer uirr Islael jingwlangg laii henr.

25 Ongg qycc pair Levilangg dirr Jehovah ee dxen tec vuat, srig, kimm, jiauww David, qapp ongg ee senqenr Gad, qapp sendix Natan, soxx bingrling :ee; in'ui Jehovah u tokdiong Ix hiaxee sendix bingrling inx anxnix.

26 Levilangg tec David ee gagkir, jewsix giac hyrtauu, snaqab decc kia.

27 Hezekiah bingrling henr siyjer dirr dnxuaa nirr, siyjer jid'err henr, dyrr cniur ylyw Jehovah ee quax, ing hyrtauu, qycc ing Islael Ongg David ee gagkir laii hro ix.

28 Huerjiongr longxx qingwvair, cniuwquax :ee cniur ix, vunn hyrtauu :ee vunn ix; anxnix qaur siyjer henr bingvik.

29 Henr bingvik, ongg qapp itcer snaqab dilehh ee langg, longxx ngar tauu qingwvair.

30 Hezekiah Ongg qapp hiaxee siuxlingw, qycc bingrling Levilangg ing David qapp senqenr Asaf ee six ylyw Jehovah; inx dyrr hnuahiw, gimm six ylyw, ngar tauu qingwvair.

31 Hezekiah dyrr rinr qongxx, "Linw ixqing' qaqi hunvet qruix hro Jehovah, diyhh qinrjingg laii, duar jewmic qapp siarunjer qaur Jehovah ee dxen." Huerjiongr dyrr duar jewmic qapp siarunjer laii; qniwnarr qamsimx log'ir :ee iarr duar siyjer laii.

32 Huerjiongr soxx henr siyjer ee giac, qewqiong guqangw cid-jap jiah, ngiuqangw jit-vah jiah, mingiuu-aw nng-vah jiah, jiaxee longxx si juer siyjer henr hro Jehovah :ee.

33 Qycc u hunvet juer sxingr ee mic, guqangw lak-vah jiah, mingiuu snax-cingx jiah.

34 Jongwsirr jewsix sniu' jiyw, be e itjin vrag hiaxee siyjer jingsnix ee puee, soxiw inx ee hniadi Levilangg vangjan inx qaur hitt xee dairjir bingvik, qycc tingwhau hiaxee jewsix qaqi cingkir; in'ui Levilangg singsimx qaqi cingkir, ngiaa quer jewsix.

35 Siyjer qapp siarunjer ee iuu, qapp dagg hy siyjer soxx puer ee quanwden jin' je. Anxnix, Jehovah ee dxen-lai ee su jiauww cuwsu vailet.

36 Hezekiah qapp jiongww vecsnir hnuahiw, Siongrder ter vecsnir soxx virvan :ee, jitt xee su hutzenn jniaa.

30 Hezekiah crex langg qaur Islael qapp Judah venww de, qycc siaw puex hro Eflaim qapp Manasseh, rair inx qaur Jelusalem, Jehovah ee dxen, siuw Vnuaquewjeh hogsai Jehovah, Islael ee Siongrder.

2 In'ui ongg qapp ix ee siuxlingw, qapp dirr Jelusalem ee huerjiongr, ixqing' snaqab girlun, beh dirr Zi-guec siuw Vnuaquewjeh.

3 Hitt sii inx be e siuw, in'ui qaqi cingkir ee jewsix iauxx byy qraur gxiac, vecsnir iarr byy jurjip dirr Jelusalem.

4 Ongg qapp huerjiongr longxx knuar jitt xee daijir juer hyw.

5 Dyrr dniardiyc bingrling, dirr Islael juann de suanvor, dui' Beerseba qaur Dan, hro inx longxx laii, dirr Jelusalem siuw Vnuaquewjeh hogsai Jehovah, Islael ee Siongrder; in'ui vecsnir vingsor byy jerje langg jiauww soxx siaw ee quile laii siuw ix.

6 Jauw bunsux :ee duar ongg qapp ix hiaxee siuxlingw ee puex, venww qniaa Islael qapp Judah-de, jiauww ongg ee bingrling, qongw, "Islaellangg ar, linw diyhh qycc qui'ngr Ablaham, Isaac, qapp Islael ee Siongrder Jehovah, Ix dyrr beh qui'ngr linw, dyrr si tautli Assylia hiaxee ongg ee ciuw soxx cunx ee vecsnir.

7 Linw m tangx cincniu linw ee ledjow, qapp linw ee hniadi, inx qanhuan Jehovah, inx ee ledjow ee Siongrder, drir qaur Ix hro inx duw diyc bedbyy, cincniu linw soxx knuar .qnir .ee.

8 Dnaxx m tangx cincniu linw ee ledjow laii gni amrqunw; diyhh henr qaqi hro Jehovah, zip Ix ee sxingr sow, dyrr si Ix ingxuanw hunvet juer sxingr :ee; qycc diyhh hogsai Jehovah, linw ee Siongrder, tangx hro Ix ee dua siurkir uat dngw lirkuix linw.

9 In'ui linw narr qui'ngr Jehovah, dyrr linw ee hniadi qapp linw ee qniaxzii beh dirr liac inx ee langg ee binrjingg did diyc linbinw, tangx qycc dyr laii jitt soxjai; in'ui Jehovah, linw ee Siongrder si juvix linbinw; linw narr qui'ngr Ix, Ix dikkag byy uat Ix ee bin m knuar linw."

10 Jauw bunsux :ee jit sniaa quer jit sniaa, venww qniaa Eflaim, Manasseh, qaur Zebulun; danrsi hiaxee langg tixciyr inx, qicir inx.

11 Aser, Manasseh, Zebulun ee diongqanx, iarr u langg qaqi kiamvix, laii qaur Jelusalem.

12 Siongrder iarr qamxdong Judahlangg, hro inx jidsimx jiauww Jehovah ee ue soxx cud ee bingrling.

13 Zi-guec, u jerje langg jurjip dirr Jelusalem, jniaa juer jin' dua ee hue, beh siuw Duqnawjeh.

14 Inx kiw .laii, itjin druu kir Jelusalem soxu ee dnxuaa, qapp siyx hniux ee dnxuaa, hed dirr Kidlon Kex.

15 Zi-guec jap-sir taii Vnuaquewjeh ee ngiuu-aw, jewsix qapp Levilangg qaqi qenwsiaur, cingkir qaqi, duar siyjer qaur Jehovah ee dxen.

16 Jiauww Siongrder ee lovok Moses ee ludhuad, jiauww le dagg langg kia ix ee xui. Jewsix jiong' inx dui' Levilangg ee ciuw jrih huih laii hiur ix.

17 Hue-diongx u jerje langg byy cingkir qaqi, soxiw tog Levilangg ter itcer byy cingkir ee langg taii Vnuaquewjeh ee ngiuu-aw, hro inx dirr Jehovah ee binrjingg jniaa juer cingkir.

18 In'ui Eflaim, Manasseh, Issaqar, Zebulun, u jerje langg byy cingkir qaqi dyrr jiac Vnuaquewjih, jex byy hap soxx qiwjair ee le.

19 Hezekiah ter inx qidyw, qongw, "Qniwnarr u quatduanr ee simx cue Siongrder, dyrr si Jehovah, inx ledjow ee Siongrder, suizenn byy jiauww sxingr sow cingkir ee le qaqi cingkir, qriuu jiww hyw ee Jehovah iarr siawbenw inx."

20 Jehovah tniax Hezekiah qidyw, dyrr rix hyw vecsnir.

21 Druar dirr Jelusalem ee Islaellangg dua dua hnuahiw, siuw Duqnawjeh cid zit quw; Levilangg qapp jewsix zidzit ylyw Jehovah, ing hiangxliang ee gagkir ylyw Jehovah.

22 Hezekiah an'uir itcer gauu hogsai Jehovah ee Levilangg. Dui' anxnix jingwlangg jiac jec'enn cid zit, henr siarunjer, qycc zin jue dirr Jehovah, inx ledjow ee Siongrder ee binrjingg.

23 Juann hue girlun beh qycc siuw jeh cid zit. Dui' anxnix hnuahiw qycc siuw cid zit.

24 In'ui Judah Ongg Hezekiah sangr huerjiongr guqangw jit-cingx jiah, juer jewmic. Jiongww siuxlingw iarr sangr huerjiongr guqangw jit-cingx jiah, ngiuu jit-bxan jiah. Qycc jerje jewsix qaqi cingkir.

25 Judah ee huerjiongr qapp jewsix Levilangg, qapp hiaxee dui' Islael laii ee huerjiongr, ixqip hiaxee dui' Islael-de laii ee cutguarlangg, qapp kiarkiw dirr Judah ee cutguarlangg, longxx hnuahiw kuaiwlok.

26 Dui' anxnix, dirr Jelusalem dua hnuahiw, in'ui dui' Islael Ongg, David ee qniaw Solomon ee sii, dirr Jelusalem m bad u anxnix.

27 Hitt sii jewsix Levilangg kiw .laii, qra vecsnir jiokhog; inx ee sniax did diyc tniax .qnir, inx ee qidyw taur qaur Ix kiarkiw ee sxingr sow, qaur dirr tnix nirr.

31 Jiaxee dairjir longxx bingvik, dirr hiax ee Islael jingwlangg cud .kir, qaur Judah hiaxee sniaa, paccuir tiaursiong, cyr dng hiaxee Aselah; qycc dirr Judah, Benjamin, Eflaim, Manasseh venww de, tiachuiw snuataudnuaa qapp jewdnuaa, qaur itjin bet ix. Dui' anxnix, Islael jingwlangg dag'ee dyr kir inx ee giap, qaur inx ee vunxsniaa.

2 Hezekiah setlip jewsix Levilangg ee vanlet, jiauww inx ee vanlet, qokk jiauww inx ee jithun, jewsix qapp Levilangg henr siyjer, siarunjer, qycc dirr Jehovah hiaxee ngiaa ee mngg-lai hogsai, qamxsia, ylyw.

3 Qycc dui' ix ee sanxgiap diongx dniardiyc ongg ee hunrgiac juer siyjer, dyrr si jaxamr ee siyjer, qapp hiaxee Anhiyczit, guec ee ceid, qapp jecqii ee siyjer; longxx si jiauww Jehovah ludhuad soxx qiwjair :ee.

4 Qycc huanhur diamr dirr Jelusalem ee vecsnir qiongqib jewsix qapp Levilangg ingqaix did .diyc ee hunrgiac, hro inx juanbu Jehovah ee ludhuad.

5 Bingrling jid'err cud, Islaellangg dyrr duar jerje kixtauu sik ee gnoxqog, jiuw, iuu, bit, qapp cann nirr soxx cud :ee; qycc ing dagg hxang mic ee jap hxun jit duar jin' je laii.

6 Diamr Judah jiaxee sniaa ee Islaellangg qapp Judahlangg, iarr kanx guu, ngiuu ee jap hxun jit laii; qycc duar hunvet juer sxingr qruix hro Jehovah, inx ee Siongrder ee mic jap hxun jit, tiap jit dxuix jit dxuix.

7 Dui' Snax-guec kiw jikju hiaxee dxuix, qaur Cid-guec jiacc bingvik.

8 Hezekiah qapp hiaxee siuxlingw laii knuar hiaxee dxuix, dyrr ylyw Jehovah, jiokhog Ix ee vecsnir Islael.

9 Hezekiah duiww jewsix qapp Levilangg camng hiaxee dxuix.

10 Sriok Zadok ee qrex, jewsitauu Azaliah, rinr qongxx, "Dui' vecsnir duar qiongqib ee mic qaur Jehovah ee dxen ixlaii, guanw jiac qauwgiac, qycc cunx jin' je."

11 Hezekiah huanhur dirr Jehovah ee dxen-lai virvan cikcngx; inx dyrr virvan ix.

12 Inx singsit simx jiong' lexmic qapp soxx tiux ee jap hxun jit, qapp hunvet juer sxingr ee mic, longxx vnuax .zip .laii. Levilangg Konaniah vanrliw jitt xee su; ix ee siyxdi Simei juer vangvan.

13 Jehiel, Azaziah, Nahat, Asahel, Jelimot, Jozabad, Eliel, Ismaqiah, Mahat, qapp Benaiah, longxx si uixuann, dirr Konaniah qapp ix ee siyxdi Simei ee ciuw-xe; si Hezekiah Ongg qapp quanxliw Siongrder ee dxen ee Azaliah soxx pair :ee.

14 Qor dangx mngg ee Levilangg Imnah ee qniaw Kole, jiangxquanw qamsimx henr hro Siongrder ee mic, hunhuad henr hro Jehovah ee lexmic, qapp hiaxee jiww sxingr ee mic.

15 Juer ix ee zirciuw :ee, u Eden, Miniamin, Jesua, Semaiah, Amaliah, qapp Seqaniah, dirr jewsix jiaxee sniaa, jiauww vanlet ing sidsimx hunhuad hro inx ee hniadi, bylun duarser longxx hro inx.

16 Jex dyrr si dirr hiaxee qir zip jogpow snax huer ixsiong ee davodingx ixgua, dyrr si qniwnarr zip Jehovah ee dxen :ee, jiauww dagg zit ee hxun soxx ingqaix :ee, uirdiyhh inx jiauww vanlet jin ix ee jithun laii hogsai.

17 Qycc jewsix jiauww inx ee sewhe qir dirr jogpow, ixqip Levilangg dui' zi-jap huer ixsiong, jiauww inx ee vanlet jin inx ee jitbu.

18 Qycc qiwjair dirr jogpow diongx :ee, inx ee sewhanr :ee, inx ee bow, inx ee qniaw, inx ee jaboxqniaw, dirr juann hue diongx :ee; in'ui inx jin jithun qaqi cingkir jniaa sxingr.

19 Iarr uirdiyhh Aalon ee qniaxsunx, dyrr si diamr dirr inx ee sniaa-gua ee cande ee jewsix, dirr dagg xee sniaa u qir miaa ee langg, laii hunhuad inx ingqaix did .diyc ee hunrgiac, hro jewsix ee davodingx, ixqip qniwnarr qir dirr jogpow ee Levilangg.

20 Hezekiah dirr Judah venww de anxnix vanrliw, qniaa senrliongg jingwdit, jinrdiongx dirr Jehovah, ix ee Siongrder ee binrjingg.

21 Qniwnarr ix kixciuw soxx juer :ee, dirr vanrliw Siongrder dxen ee su, dirr ludhuad, dirr qaiwbing, laii cue ix ee Siongrder, longxx juansimx juer ix, laii hingtongx.

32 Jiaxee dairjir, ix sidsimx qniaa ix ixau, Assylia Ongg Sennaqelib jnriu .laii, laii cimzip Judah, jrad ngiaa uikunr jiaxee qenqor ee sniaa, sniu beh cruw juer qaqi ee.

2 Hezekiah knuar qnir Sennaqelib ixqing' laii, dniardiyc iwsur beh qongqig Jelusalem,

3 Dyrr qapp ix hiaxee siuxlingw ixqip iongxsu camsiongg, beh trad bat sniaa-gua ee juixguann; inx dyrr vangjan ix.

4 Dui' anxnix jerje vecsnir jurjip, trad bat itcer ee juixguann, qapp lrauu quer hitt soxjai ee kex, qongw, "Assylia hiaxee ongg laii, sniaw su hro ix did diyc jerje juiw ar?"

5 Hezekiah qiongg ix ee simjir, kiw hitt xee dyxhuai ee sniacniuu, quann qaur jniuxqnilauu, qycc kiw jit jua cniuu dirr sniaa-gua, qycc qenqor David Sniaa, qycc jewjy jerje jenwkir, qapp vinvaii;

6 Setlip qundniuw quanxliw vecsnir, jurjip inx qaur ix hiax, dirr sniamngg kuankuah ee soxjai, ing ue anxnix qongw,

7 "Qiongg linw ee simx, jrongr jir, byc did in'ui Assylia Ongg qapp duer ix ee dua qundui laii lunw, laii qniax; in'ui qapp lanw dilehh :ee, viw qapp inx dilehh :ee kacc dua;

8 Qapp ix dilehh :ee si ziogtew ee ciuw, qapp lanw dilehh :ee si Jehovah, lanw ee Siongrder, Ix beh vangjan lanw, ter lanw qaujenr." Vecsnir dyrr anzenn kyr Judah Ongg Hezekiah ee ue.

9 Au .laii Assylia Ongg Sennaqelib, qapp ix ee juann qunx, qongqig Laqis ee sii, dyrr crex ix ee lovok qaur Jelusalem qnir Judah Ongg Hezekiah qapp itcer dirr Jelusalem ee Judahlangg, qongw,

10 "Assylia Ongg Sennaqelib anxnix qongw, 'Linw uaxkyr simxmih, jiacc diamr dirr Jelusalem siurr uikunr ar?

11 Hezekiah qongw: Jehovah, lanw ee Siongrder beh qiur lanw tuatli Assylia Ongg ee ciuw. Jex qamxx m si inxiuw linw, hro linw iaux, cuiwdax laii siw mah?

12 Jitt xee Hezekiah qamxx m si huewbyy Jehovah ee snuataudnuaa, qapp Ix hiaxee dnxuaa, bingrling Judah qapp Jelusalem ee langg qongw: Linw diyhh dirr jitt xee dnxuaa-jingg qingwvair, siyx hniux dirr hitt dingxbin?

13 Guaw qapp guaw ee ledjow duiww ledqog ee vecsnir soxx qniaa :ee, linw qamxx m jaix mah? Ledvangx ee siongrder, hitt sii qamxx e qiur qaqi ee qog tuatli guaw ee ciuw mah?

14 Guaw ee ledjow soxx bedbyy hiaxee qog, inx hiaxee siongrder ee diongqanx jirjui e qiur ix ee qog tuatli guaw ee ciuw, dyrr linw ee Siongrder qamxx e qiur linw tuatli guaw ee ciuw mah?

15 Soxiw byc did hro Hezekiah anxnix penr linw, inxiuw linw, iarr byc did sinr ix; in'ui byy jit vangqog ee siongrder e qiur ix ee vecsnir tuatli guaw ee ciuw, tuatli guaw ee ledjow ee ciuw; hyhongr linw ee Siongrder, qamxx e qiur linw tuatli guaw ee ciuw?'"

16 Sennaqelib ee zinsinn iauxqycc qongw huixvongr Jehovah Siongrder qapp Ix ee lovok Hezekiah ee ue.

17 Qycc siaw puex vongwdok Jehovah, Islael ee Siongrder, qicir Ix qongxx, "Ledvangx ee vecsnir ee siongrder qiwzenn be e qiur ix ee vecnsir tuatli guaw ee ciuw."

18 Ix hiaxee zinsinn ing Judah ee kniukauw, dua sniax qiyr hiaxee dirr sniacniuu dingw ee Jelusalemlangg, beh hro inx qniax, ziauxluan inx, tangx cruw hitt xee sniaa.

19 Inx qangxlun Jelusalem ee Siongrder, cincniu qangxlun sewjniu hiaxee vecsnir ee siongrder, langg ee ciuw soxx jy :ee jidngiu.

20 Hezekiah Ongg qapp Amoz ee qniaw sendix Isaiah, in'ui anxnix qidyw, ngr tniax qiuqiyr.

21 Jehovah dyrr crex jit xee suwjiaw zip Assylia Ongg ee ngiaa-diongx, itjin bet hiaxee dua linglik ee iongxsu, ixqip hiaxee siuxlingw qundniuw. Assylia Ongg muaxbin qenwsiaur dyr kir vunxqog; zip ix ee siongrder ee biy-lai, ix cinsnix ee qniaw dirr hiax ing dyx taii siw ix.

22 Anxnix Jehovah qiur Hezekiah qapp Jelusalem kiarkiw ee vecsnir tuatli Assylia Ongg Sennaqelib ee ciuw, iarr tuatli itcer duiwdik ee ciuw, qycc hro inx siwuii ving'anx.

23 U jerje langg duar lexmic qaur Jelusalem, henr hro Jehovah, qycc jiong' vyxmic sangr Judah Ongg Hezekiah. Jitt diap liauxau, Hezekiah hro ledvangx knuar ix juer jundua.

24 Hitt sii Hezekiah puawvni decbeh siw, dyrr qidyw Jehovah. Jehovah qra ix qongw, qycc hro ix jit xee diaurtauu.

25 Hezekiah byy jiauww ix soxx did .diyc ee undenw laii vywdab; in'ui ix simlai qiaugno, soxiw u siurkir qaur dirr ix qapp Judah qapp Jelusalem.

26 Hezekiah qapp Jelusalem kiarkiw ee vecsnir, in'ui qaqi kiamvix, drir qaur Jehovah ee siurkir dirr Hezekiah dilehh ee zit byy qaur dirr inx.

27 Hezekiah u jerje huewjaii qapp dua ingqngx, uirr qaqi kiw huxkor, siukngr qimginn, vyxjiyc, hniuliau, vinvaii, qapp dagg ngiu ee vyxkir;

28 Qycc uirdiyhh soxx cud ee gnoxqog, jiuw qapp iuu, kiw kowvangg; qycc uirdiyhh dagg ngiu ee jingsnix dah cauxvnii, kiw ngiuu-diauu.

29 Qycc uirr qaqi kiw sniaa, qycc u jerje guu-qrunn, ngiuu-qrunn, in'ui Siongrder sniuxsur ix jaisanw jin' je.

30 Jitt xee Hezekiah iarr trad bat Gihon dingxbin ee juixjnuaa, inw juiw hro ix lyc .laii, lrauu qaur David Sniaa ee saivingg. Hezekiah qniww soxx qniaa :ee byy m hingtongx.

31 Babylon hiaxee siuxlingw crex suwjiaw laii ix hiax, beh mng qog-lai soxu ee qrii su; dirr jitt xee su Siongrder lirkuix ix, beh ciwgiam ix, tangx jaix ix simlai itjin soxx u :ee.

32 Hezekiah qi'uu ee su, qapp ix hyw ee soxx qniaa, longxx qir dirr Amoz ee qniaw sendix Isaiah bigsi ee ceh, qapp Judah, Islael jiaxee ongg ee qiwlok.

33 Hezekiah qapp ix ee ledjow drangg kunr, baijongr dirr David ee qniaxsunx hunbong kacc quann ee soxjai. Ix siw ee sii, Judahlangg qapp dirr Jelusalem kiarkiw ee vecsnir longxx junqingr ix. Ix ee qniaw Manasseh suawjiab ix juer ongg.

33 Manasseh jerui ee sii, jap-zi huer, dirr Jelusalem juer ongg qiong go-jap-go nii.

2 Ix qniaa Jehovah knuar juer pnaiw ee su, yc guarvanglangg soxx qniaa kyxngor ee su, dyrr si Jehovah dirr Islael ee binrjingg soxx qnuaw .cud .ee.

3 In'ui ix ee laurve Hezekiah soxx huixhuai ee snuataudnuaa, ix u qycc kiw ix, qycc uirr hiaxee Baal kiw dnxuaa, juer Aselah; qycc qingwvair tnidingw ee banrsiong laii hogsai ix.

4 Dirr Jehovah ee dxen-lai kiw quixnarr xee dnxuaa. Jehovah bad qiw jitt xee dxen, qongw, "Guaw ee miaa beh ingxuanw dirr Jelusalem."

5 Ix dirr Jehovah ee dxen nng xee ngi-lai, uirdiyhh tnidingw ee banrsiong kiw dnxuaa.

6 Qycc dirr Hinnom ee snuaqog, hro ix ee qnaxzii qingquer huew, qycc knuar diaurtauu, ing huatsut, juer kiyr, ing tiauwdangg :ee, cniaw saiqongx, qniaa jerje Jehovah soxx knuar juer pnaiw ee su, qig Ix siurkir.

7 Qycc dirr Siongrder ee dxen-lai, cai ix soxx jy diaukig ee sxiong; jitt qingx dxen si Siongrder bad duiww David qapp ix ee qniaw Solomon soww qiw laii qongw, "Jitt qingx dxen qapp Jelusalem dyrr si Guaw dirr Islael jiongww jipair diongx soxx qingw :ee, Guaw beh andir Guaw ee miaa dirr hiax qaur ingxuanw.

8 Islaellangg narr jipsiuw laii qniaa Guaw itcer soxx bingrling inx :ee, dyrr si Guaw tog Moses soxx tuann itcer ee huatdo, ludle, lexgii, Guaw dyrr byy qycc isuaw inx ee kax lirkuix Guaw soxx dniardiyc hro linw ledjow ee de."

9 Manasseh behik Judah qapp dirr Jelusalem kiarkiw ee vecsnir, drir qaur inx qniaa pnaiw viw Jehovah dirr Islaellangg ee binrjingg soxx bet ee ledqog qyckacc siongdiong.

10 Jehovah huanhur Manasseh qapp ix ee vecsnir, danrsi inx byy beh tniax.

11 Soxiw Jehovah hro Assylia Ongg ee qundniuw laii qongqig inx, ing qaux qaux diyc Manasseh, ing danglen vak ix, duar qaur Babylon.

12 Ix dirr huanrlan ee sii, dyrr kunxqiuu Jehovah, ix ee Siongrder, qycc dirr ix ee ledjow ee Siongrder ee binrjingg qigqii kiamvix.

13 Ix qiuqiyr Ix, Siongrder jrunw ix soxx qriuu, tniax ix qidyw, hro ix dyr laii Jelusalem, iuguann jre ix ee qok'ui; Manasseh jiacc jaix Jehovah si Siongrder.

14 Jitt diap liauxau, Manasseh kiw cniuu dirr David ee sniaa-gua, dirr Gihon ee saivingg, dirr snuaqog lai, qaur Hii Mngg ee mngkauw, uisec Ofel, cniuu kiw jin' quann, qycc setlip qundniuw dirr Judah hiaxee qenqor ee sniaa-lai.

15 Qycc dui' Jehovah ee dxen druu kir hiaxee guarvangx ee siongrder qapp gnoxsiong; qycc qra dirr Jehovah dxen ee snuax, qapp Jelusalem soxx kiw hiaxee dnxuaa, longxx hed dirr sniaa-gua.

16 Qycc kiw Jehovah ee jewdnuaa, dirr dnxuaa-dingw henr siarunjer, qamxsiarjer, bingrling Judahlangg hogsai Jehovah, Islael ee Siongrdr.

17 Vecsnir iuguann dirr snuataudnuaa henwjer, dogdok henr hro Jehovah, inx ee Siongrder nardnia.

18 Manasseh qi'uu ee su, qapp ix qidyw Siongrder ee ue, qapp senqenr hrong Jehovah, Islael ee Siongrder ee miaa duiww ix qongw hiaxee ue, longxx qir dirr Islael jiaxee ongg ee qiwlok.

19 Ix ee qidyw, qapp Siongrder jnaixngiu unxjunw ix, ix bue kiamvix ixjingg ee juerquar, quewsid, qapp kiw snuataudnuaa, setlip hiaxee Aselah qapp diaukig gnoxsiong hiaxee soxjai, longxx qir dirr suxqir.

20 Manasseh qapp ix ee ledjow drangg kunr; baijongr dirr qaqi ee qiongx-lai; ix ee qniaw Amon suawjiab ix juer ongg.

21 Amon jerui ee sii, zi-jap-zi huer, dirr Jelusalem juer ongg ligquer nng nii.

22 Ix qniaa Jehovah soxx knuar juer pnaiw ee su, yc ix ee laurve Manasseh soxx juer :ee. Amon jewsu ix ee laurve Manasseh soxx jy hiaxee diaukig ee gnoxsiong laii hogsai ix.

23 Ix byy qaqi kiamvix dirr Jehovah ee binrjingg, cincniu ix ee laurve Manasseh qaqi kiamvix; jitt xee Amon naxx quw naxx huanrjue.

24 Ix ee zinsinn vuervuan ix, dirr ongqiongx lai taii siw ix.

25 Qokbinn taii siw hiaxee vuervuan Amon Ongg ee langg; qokbinn dyrr setlip ix ee qniaw Josiah suawjiab ix juer ongg.

34 Josiah jerui ee sii, veh huer, dirr Jelusalem juer ongg qiong snax-jap-id nii.

2 Ix qniaa Jehovah soxx knuar juer hyw ee su, qniaa ix ee jow David itcer ee lo, byy penx jyxiu.

3 Ix juer ongg derr veh nii, iauxquxx siauwlenn, kixtauu cue ix ee jow David ee Siongrder; qaur jap-id nii kiwtauu cingkir Judah qapp Jelusalem, druu kir snuataudnuaa, qapp hiaxee Aselah, diaukig ee sxiong qapp juwjy ee sxiong.

4 Inx huixhuai hiaxee Baal ee dnxuaa, cyr dng dnxuaa-dingw quann quann ee zidsiong, qycc paccuir hiaxee Aselah qapp diaukig ee sxiong, qapp jur ee gnoxsiong, qra ix duii juer hunw, ia dirr bad jewsu ix :ee ee bong;

5 Jiong' inx ee jewsix ee quttauu siyx dirr inx ee dnxuaa-dingw, cingkir Judah qapp Jelusalem.

6 Dirr Manasseh, Eflaim, Simeon, qaur dirr Naftali hiaxee sniaa, qapp siwuii puawhuai ee soxjai, longxx iarr anxnix qniaa.

7 Qycc tiachuiw jewdnuaa, paccuir Aselah qapp diaukig ee sxiong jniaa juer hunw, cyr dng Islael venww de soxu ee zidsiong, dyrr dyr kir Jelusalem.

8 Josiah Ongg jap-veh nii, cingkir de cingkir dxen ixau, dyrr crex Azaliah ee qniaw Safan, sniasiuw Maaseiah, suxqnuax Joahaz ee qniaw Joah, kir siuliw Jehovah, ix ee Siongrder ee dxen.

9 Inx dyrr kir qnir jewsitauu Hilkiah, jiong' soxu henr dirr Siongrder ee dxen ee ginn qaux ix; jitt xee ginn si qor mngg ee Levilangg, dui' Manasseh, Eflaim, qapp itcer Islael cunx ee langg, ixqip Judah, Benjamin jingwlangg, qapp dirr Jelusalem kiarkiw ee vecsnir hiax siux .laii .ee.

10 Inx jiong' hitt xee ginn qaux hro quanxliw Jehovah ee dxen ee juewqanglangg ee ciuw, tangx qra dxen siuliw hyxser.

11 Dyrr si qaux hro bagcniu, kixjy :ee, hro inx brew quer pah ee jiyc, qapp lenlok ee caliau, siuliw Judah Ongg soxx huixhuai hiaxee cur.

12 Hiaxee langg jinrdiongx juewqangx; dokqangx :ee si Levilangg Melali ee qniaxsunx Jahat, Obadiah; dokcuix :ee si Kohat ee qniaxsunx Zeqaliah, Mesullam; qycc u jokgak ee Levilangg.

13 Inx iarr quanxliw hiaxee decc dnax ee langg, dokcuix itcer juewqangx :ee, bylun juer simxmih qangx; Levilangg uree juer suqir, juer iuxsix, juer quanw mngg :ee.

14 Inx jiong' soxu henr dirr Jehovah ee dxen ee ginn duar .cud .kir ee sii, jewsix Hilkiah gnoxzenn did diyc Moses soxx tuann, Jehovah ludhuad ee ceh.

15 Hilkiah rinr suqir Safan qongxx, "Guaw dirr Jehovah ee dxen-lai gnoxzenn did diyc ludhuad ee ceh." Hilkiah dyrr jiong' ceh qaux hro Safan.

16 Safan dyrr duar ceh kir ongg hiax, qycc huehog ongg qongxx, "Qniwnarr liw soxx tokdiong liw ee lovok :ee, inx decc juer ix.

17 Soxx did diyc dirr Jehovah ee dxen ee ginn longxx vniar .cud .laii, qaux hro dokqangx :ee, qapp juewqanglangg ee ciuw."

18 Suqir Safan qycc duiww ongg qongw, "Jewsix Hilkiah u tec jit vunw ceh hro guaw." Safan dirr ongg ee binrjingg diactak ix.

19 Ongg tniax qnir ludhuad ee ue, dyrr tiah lic ix ee snxax.

20 Ongg huanhur Hilkiah qapp Safan ee qniaw Ahikam, Mikaiah ee qniaw Abdon, suqir Safan, qapp ongg ee qinrsinn Asaiah, qongw,

21 "Linw kir uirr guaw, uirr Islael qapp Judah soxx lauu ee vecsnir, jiong' soxx kiyh .diyc jitt vunw ceh ee ue mng Jehovah; in'ui Jehovah ee siurkir dua dua vniar lyc dirr lanw, si uirdiyhh lanw ee ledjow byy siuw Jehovah ee ue, byy jiauww jitt vunw ceh itcer soxx qiwjair :ee kir qniaa."

22 Dui' anxnix, Hilkiah qapp ongg soxx tog ee langg, longxx kir qnir luxsendix Huldah; ix si Harhas ee sunx, Tikvah ee qniaw, quanxliw lexhok hitt xee Sallum ee bow. Ix diamr dirr Jelusalem derr zi kux. Inx jiong' jitt xee iwsur qra ix qongw.

23 Ix rinr inx qongxx, "Jehovah, Islael ee Siongrder anxnix qongw,

24 'Linw kir huehok hitt xee crex linw laii qnir Guaw ee langg qongxx, Jehovah anxnix qongw: Knuar ar, Guaw beh qangr jaieh dirr jitt soxjai, ixqip dirr jiax kiarkiw ee vecsnir, dyrr si inx tak diyc dirr Judah Ongg binrjingg ee ceh soxx qiwjair hiaxee jiuwjow.

25 In'ui inx kiwsag Guaw, siyx hniux dirr vadd xee siongrder jingg, ing inx ee ciuw soxx juer :ee qig Guaw ee siurkir; soxiw Guaw ee dua siurkir vniar lyc dirr jitt soxjai, byy suah.

26 Crex linw laii mng Jehovah ee Judah Ongg, linw diyhh anxnix qra ix qongw, Jehovah, Islael ee Siongrder anxnix qongw:

27 Lun qaur liw soxx tniax .qnir ee ue, liw ee simx dyrr nngw, qaqi kiamvix dirr Siongrder ee binrjingg, in'ui liw tniax qnir Ix soxx qongw qongqig jitt soxjai qapp dirr jiax kiarkiw ee vecsnir ee ue, hitt sii liw dirr Guaw ee binrjingg qaqi kiamvix, qycc tiah lic liw ee snxax, dirr Guaw ee binrjingg tikaur, Guaw ixqing' tniax qnir liw; jex si Jehovah qongw :ee.

28 Guaw beh hro liw qruix liw ee ledjow, liw beh ving'anx quibong; Guaw soxx beh qangr lyc dirr jitt soxjai qapp dirr jiax kiarkiw ee vecsnir itcer ee jaieh, liw ee bagjiux dikkag be knuar .qnir.'" Inx dyrr dywdngw kir huehok ongg.

29 Ongg dyrr crex langg jurjip Judah qapp Jelusalem ee jiongww dniuxlyw.

30 Ongg dyrr jnriu kir Jehovah ee dxen; Judah jingwlangg qapp kiarkiw Jelusalem ee vecsnir, qapp jewsix Levilangg, qapp jiongww vecsnir, bylun duarser, longxx qapp ix kir. Ongg dyrr jiong' Jehovah dxen-lai gnoxzenn did diyc iog ee ceh, itcer ee ue tak hro inx tniax.

31 Ongg kia dirr ix ee xui, dirr Jehovah ee binrjingg lip iog, beh jinrsimx jinrsingr sunrtanr Jehovah, siuw Ix ee qaiwbing, qapp qanjingr ee ue, qapp ludle, laii jniaa jitt vunw ceh soxx qir lip iog ee ue.

32 Ix hro Jelusalem qapp Benjamin soxu ee vecsnir longxx singzin jitt xee iog; dui' anxnix Jelusalem kiarkiw ee vecsnir jiauww Siongrder ee iog laii qniaa, dyrr si inx ee ledjow ee Siongrder.

33 Josiah jiong' sriok Islaellangg hiaxee de, itcer kyxngor :ee longxx druu .kir, qycc hro soxu dirr Islael ee langg hogsai Jehovah, inx ee Siongrder. Dng' Josiah dilehh ee zit, vecsnir tranr Jehovah, inx ee ledjow ee Siongrder, longxx byy lirkuix.

35 Josiah dirr Jelusalem siuw Vnuaquewjeh hogsai Jehovah. Jniax-guec jap-sir, vecsnir taii Vnuaquewjeh ee ngiuu-aw.

2 Ongg pair jiaxee jewsix drngx inx ee jit'ui, qycc benxle inx juer Jehovah ee dxen ee qangx.

3 Qycc duiww hiaxee qruix dirr Jehovah juer sxingr, qawsi Islaellangg ee Levilangg qongw, "Linw diyhh jiong' sxingr ee iokqui he dirr Islael Ongg, David ee qniaw Solomon soxx kiw ee dxen-lai, mrbenw linw ing qingtauu qrngx. Dnaxx linw diyhh hogsai Jehovah, linw ee Siongrder, qapp Ix ee vecsnir Islael.

4 Linw diyhh qaqi virvan, jiauww linw ee jongjok, linw ee vanlet soxx qir :ee, qapp ix ee qniaw Solomon soxx qir :ee.

5 Kia dirr sxingr ee soxjai, jiauww linw ee hniadi, dyrr si jitt xee vecsnir jongjok ee vangtauu, diyhh u Levilangg jongjok ee jit jow laii hogsai ix.

6 Diyhh taii Vnuaquewjeh ee ngiuqyx, qaqi cingkir; uirdiyhh linw ee hniadi virvan hyxser, tangx jiauww Jehovah tog Moses soxx qongw :ee laii qniaa.

7 Josiah dui' qui' qrunn ee diongqanx, mingiuu-aw qapp snua'ngiuu-aw qiong snax-bxan jiah, qapp guqangw snax-cingx jiah, hro longxjongw snaqab dilehh ee vecsnir juer Vnuaquewjeh ee mic. Jiaxee si dui' ongg ee sanxgiap cruw :ee.

8 Ix hiaxee siuxlingw iarr hnuahiw hro vecsnir qapp jewsix qapp Levilangg. Hiaxee quanxliw Siongrder ee dxen ee Hilkiah, Zeqaliah, Jehiel, ing ngiuu-aw nng-cingx lak-vah jiah, guu snax-vah jiah, hro jewsix juer Vnuaquewjeh ee jrer.

9 Levilangg hiaxee taubak Konaniah, qapp ix ee hniadi Semaiah, Netanel, qapp Hasabiah, Jeiel, Jozabad, ing ngiuu-aw go-cingx jiah, guu go-vah jiah, hro Levilangg juer Vnuaquewjeh ee jewmic.

10 Anxnix hogsai ee dairjir longxx virvan ven. Jewsix kia dirr ix ee xui, Levilangg kia dirr inx ee vanlet, jiauww ongg soxx bingrling :ee.

11 Inx taii Vnuaquewjeh ee ngiuu-aw, jewsix dui' inx ee ciuw jrih huih laii hiur. Levilangg vrag hiaxee puee,

12 Iarr jiong' siyjer isuaw, tangx jiauww vecsnir jongjok ee vangtauu vunx hro inx, tangx henr hro Jehovah, jiauww Moses ee ceh soxx qir :ee; cuxdir hiaxee guu iarr si anxnix.

13 Inx jiauww dniardiyc ee le, ing huew vig Vnuaquewjeh ee ngiuu-aw; hiaxee jewmic ing dniaw, ing uex, ing vxuah laii juw ix; qinw qinw duar kir hro jiongww vecsnir.

14 Zen'au uirr qaqi qapp jewsix virvan, in'ui jewsix Aalon ee qniaxsunx juanbu henr siyjer qapp iuu, qaur ehngx. Soxiw Levilangg uirr qaqi, iarr uirr jewsix Aalon ee qniaxsunx virvan ix.

15 Cniuwquax :ee Asaf ee qniaxsunx, kia dirr inx ee xui, jiauww David, Asaf, Heman, qapp ongg ee senqenr Jedutun soxx bingrling; qor mngg ee langg qowsiuw dagg xee mngg. Inx mrbenw lirkuix inx ee qangx, in'ui inx ee hniadi Levilangg ter inx virvan.

16 Dng' hitt zit hogsai Jehovah ee dairjir longxx virvan, iarr siuw Vnuaquewjeh, iarr henr siyjer dirr Jehovah ee dnxuaa, jiauww Josiah Ongg soxx bingrling.

17 Hitt sii snaqab dirr hiax ee Islaellangg siuw Vnuaquewjeh, iarr siuw Duqnawjeh, ligquer cid zit.

18 Dui' sendix Samuel ee zit ixau, dirr Islael diongx byy u cincniu jitt diap soxx siuw ee Vnuaquewjeh; qycc Islael led'ongg iarr longxx byy siuw Vnuaquewjeh cincniu Josiah, jewsix, Levilangg ixqip snaqab dilehh ee Judahlangg, Islaellangg, qapp dirr Jelusalem kiarkiw ee vecsnir soxx siuw :ee.

19 Dirr Josiah juer ongg jap-veh nii ee sii, dyrr siuw jitt xee Vnuaquewjeh.

20 Jiaxee dairjir ixau, Josiah ixqing' siujingw dxen bingvik, u Egipt Ongg Neko jnriu .laii, beh pah Viklat Hyy-vnix ee Karqemis. Josiah cud kir dixdngx ix.

21 Ix crex suwjiaw laii qnir Josiah, qongw, "Judah Ongg ar, guaw qapp liw simxmih qansiap? Guaw qinaxzit laii m si beh qongqig liw, si beh qongqig qapp guaw qaujenr ee qrex; qycc Siongrder huanhur guaw diyhh qnuaxqinw, liw byc did cab Siongrder ee su, benw did Ix jaubet liw; in'ui Siongrder qapp guaw dilehh."

22 Josiah m kingw uat dngw lirkuix ix, qaixjongx beh qapp ix qaujenr, m tniax Siongrder tog Neko soxx qongw cud ee ue, dyrr laii qaur Megiddo ee snuaqog qaujenr.

23 Sria jnxir ee langg sria diyc Josiah Ongg; ongg duiww ix ee zinsinn qongw, "Duar guaw cud .kir, in'ui guaw sriu dang siongx lar."

24 Ix ee zinsinn huu ix cud hitt dniux ciax, qra ix he dirr ix derr zi dniux ciax, jair ix qaur Jelusalem; ix dyrr siw, inx qra ix baijongr dirr ix ee ledjow hiaxee bong. Judah qapp Jelusalem longxx uirdiyhh Josiah vi'aix.

25 Jelimiah uirr Josiah aisiongx. Hiaxee cniuwquax ee lamluw dirr inx ee aisuu longxx u qongw kiw Josiah, qaur dirr qinaxzit; qycc dirr Islael diongx, ing jiaxee juer dniardiyc ee le. Knuar ar, hiaxee longxx qir dirr aisuu diongx.

26 Josiah qi'uu ee su, qapp ix jiauww Jehovah ludhuad soxx qir laii qniaa ee hyw su,

27 Qapp ix dui' tauu qaur buew soxx qniaa ee su, longxx qir dirr Islael qapp Judah led'ongg ee qiwlok.

36 Qokbinn qra Josiah ee qniaw Joahaz setlip juer ongg, dirr Jelusalem suawjiab ix ee laurve.

2 Joahaz jerui ee sii zi-jap-snax huer, dirr Jelusalem juer ongg ligquer snax guehzit.

3 Egipt Ongg dirr Jelusalem hruer ix, qycc huat hitt qog jinwqongr ginn jit-vah talent, qimx jit talent.

4 Egipt Ongg setlip ix ee hniax Eliakim juer Judah qapp Jelusalem ee ongg, ngua ix ee miaa qiyr Jehoiakim; Neko duar ix ee siyxdi Joahaz qaur Egipt.

5 Jehoiakim jerui ee sii zi-jap-go huer, dirr Jelusalem juer ongg qiong jap-id nii; qniaa Jehovah, ix ee Siongrder soxx knuar juer pnaiw ee su.

6 Babylon Ongg Nebuqadnezar jnriu laii qongqig ix, beh duar ix qaur Babylon.

7 Nebuqadnezar qycc jiong' Jehovah dxen-lai ee kiwqu duar qaur Babylon, he dirr Babylon ix ee biy-lai.

8 Jehoiakim qi'uu ee su, qapp ix soxx qniaa kyxngor ee su, qapp ix ee vutqingr, longxx qir dirr Islael qapp Judah led'ongg ee qiwlok. Ix ee qniaw Jehoiaqin suawjiab ix juer ongg.

9 Jehoiaqin jerui ee sii veh huer, dirr Jelusalem juer ongg snax guehzit lenn jap zit; qniaa Jehovah soxx knuar juer pnaiw ee su.

10 Quer nii Nebuqadnezar crex langg duar ix qapp Jehovah dxen-lai hiaxee vyxvuer ee kiwqu qaur Babylon; dyrr setlip ix ee jig Zedekiah juer Judah qapp Jelusalem ee ongg.

11 Zedekiah jerui ee sii zi-jap-id huer, dirr Jelusalem juer ongg qiong jap-id nii.

12 Ix qniaa Jehovah, ix ee Siongrder soxx knuar juer pnaiw ee su; sendix Jelemiah ing Jehovah soxx huanhur :ee tuann hro ix, ix iuguann byy qaqi kiamvix.

13 Nebuqadnezar Ongg bad qiyr ix qiw Siongrder laii jiuwjua; danrsi ix vuervuan, gni ix ee amrqunw, qowjib ix ee simx, m quisun Jehovah, Islael ee Siongrder.

14 Qycc hiaxee jewsix ee taubak qapp vecsnir iarr huan dua jue, yc guarvangx itcer kyxngor ee su, pah lasamm Jehovah dirr Jelusalem hunvet juer sxingr ee dxen.

15 Jehovah, inx ee ledjow ee Siongrder tog Ix hiaxee suwjiaw, crex inx kir vecsnir hiax, si tauwjaw kiw laii crex ix; in'ui Ix linbinw Ix ee vecsnir qapp Ix kiarkiw ee soxjai.

16 Danrsi inx tixciyr Siongrder ee suwjiaw, biauxsi Ix ee ue, qicir Ix ee sendix, didqaur Jehovah dua siurkir Ix ee vecsnir, byy huatdo tangx idi.

17 Soxiw Siongrder cua Qaldealangg ee ongg laii qongqig inx, dirr inx sxingr sow ee cur ing dyx taii siw inx ee siauwlenlangg, byy linbinw inx siauwlenn ee davodingx, iacc si jairsikluw, lau qapp vec taumngg :ee; Siongrder jiong' inx longxx qaux dirr ix ee ciuw.

18 Ix qycc jiong' Siongrder ee dxen duarser ee kiwqu, qapp Jehovah dxen-lai ee jaivyw, ixqip ongg qapp hiaxee siuxlingw ee jaivyw, longxx duar qaur Babylon.

19 Inx siyx Siongrder ee cur, tiachuiw Jelusalem ee sniacniuu, ing huew siyx hiaxee qiongden, huixhuai hiaxee vyxvuer ee kiwqu.

20 Qniwnarr tautli dyqiamr :ee, ix duar inx qaur Babylon; inx juer ix qapp ix ee qniaxsunx ee lovok, qaur Persiaqog hingx kiw.

21 Jex si ingwgiam Jehovah tog Jelemiah soxx qongw ee ue, qongw, "Tingwhau toxde hiongxsiu ix ee anhiyh; in'u ix pahngx ee sii siuw anhiyh, qaur mauw cid-jap nii."

22 Dng' Persia Ongg Kylus guannii, in'ui beh ingwgiam Jehovah tog Jelemiah soxx qongw ee ue, Jehovah dyrr qikdong Persia Ongg Kylus ee simx, hro ix suanvor dirr tong' qog, qycc siaw ix, qongw,

23 "Persia Ongg Kylus anxnix qongw: Tnidingw ee Siongrder Jehovah jiong' tnie ee banrqog sniuxsur guaw; qycc bingrling guaw dirr Judah ee Jelusalem qra Ix kiw dxen. Linw diongqanx qniwnarr juer Ix ee vecsnir :ee, tangx jnriu .kir, guan Jehovah, ix ee Siongrder qapp ix dielhh."

huedngw tauu iac