nau dongrvongg quax
Sinniuu duiww lanw jin' hyxlew
hyw ir siangx ciuw cniaw dnidee
jitt kuanw sinniuu jiauww qoxle
diwimr diongrhux daqeqnuax
Sir qxur jinrliong qra ix qongw
beh jriab dnidee siangx ciuw pangg
jriog linw jit duir lringg qapp hxong
huatlyc tangx beh kir dongrvongg
Guadlyw cuivaii jaw u sngr
cniaw kxeh dnidee jnuax vingtngg
snax zit jywkeh siangx langg dngw
dingjaii hoksiu quxdngg-d.
Beh knuar sinniuu jiyx ving'iuw
qewjngx juanx si dxuanr qapp diuu
hucex qamxjingg qycc singjiu
jitt kuanw sinniuu jin' juriuu
Langkeh jre hro dnia
u tniax aux-aw-sniax
dag'ee benw dachniah
u jiac mrbenw qniax
Sinniuu qniaa cud vangg
hyw mic qycjaiww pangg
kaksit u sing'ir
beh cniaw lanw jingwlangg
Siinniuu cud vangqingx
dag'ee benw qingrjingx
sinlongg qniaa juewjingg
hro langg cniaw dairsingx
Langkeh qinw jre qui' vaii
hmgvyy decc qra siaurqair
sinniuu decc vyr ix jaix
dui' hitt vingg cniaw .quer .laii
Sinniuu urngiaw lrik(?)
kaciuw vec naxx gik
bin suiw qaxnaxx kig
snxax cing hunxangsig
Dag'ee itdit danw
iauxx bue diyc qaur lanw
dairiog mic siy' sangr
hangrhang dy' jin' pangx
Sewliabjiw jin' vec bah
vylebuec quanqiadac
lanw knuar naxx byy qacpah
dng' ix bin tingwhyw caw
Paiwtauu vran u ted
duiww langg jnia' cinced
qimmii sinx qenwsed
m tangx sniu' vutqed
Langkeh benw sniu' cingr
narr air qingr dairsingx
sir qxur dendyww vingw
e hro sinniuu jingx
E be ho'ngg knuar qnir qnir
samvat'ue lamrsamw dnir
sir qxur byy kacc juwir
laii jiax diyhh hro langg jringx
Led'ui jiongww ving'iuw
narr air laii limx jiuw
m tangx tyw huacqiur
knuar si'angw kacc qiciuw
Knuar liw sir qsxur yc zuarr je
diyhh tranr qim'ia ee qihue
narr si berhiauw jriab cuiwbuew
jnir qapp hro liw be qongxue
Sir qxur narr si qongw u tongx
sinniuu janr liw dua uihongx
knuar si sniaw langg berhiauw qongw
siyx dee diyhh limx snax nguaxqongx
Siyx dee pangg laii qaur binrjingg
sinniuu benw decc sniu' inghing
narr beh liong liw qongw dairsingx
diyc guaw beh qongw danw kactingg
Jiac sinniudee puer bacvniaw
langg suiw cingrcah qycc siqniaa
jit qex hyw mia jin' duanjniar
huatdat qimginn muaw duartniax
Hyw ir jiac quer jin' je mngc
iarr u diamxsimx suwqyxtngx
jitt kuanw sinniuu u jniursngr
hucex hyhyw hoksiu dngg
Diamxsimx jiac quer tyw jiac hrunx
siangx hiw siurhunx qui' qix tunx
jriog linw lamqex dua hokhun
sinniuu zip mngg ninii cxunx
Sinniuu paiwtauu jin' gauu qig
cing vylebuec jiacc u lrik(?)
sinniuu jurjaw guaw u sik
jin' henn(gauu?) samjiongg e suwdig
Qimzit linw hyw ir
jiac qaxx ciyr bibix
jiac vaw qinw laii kir
m tangx qyqyx dnii
Sinniuu ciuxtauu gauu
druar gunw cuwvnidaux
dagg hxang jyr e qaur
vyr guaw pangg jitt aux
Jitt aux guaw u hax
jyr jit cuir limx dax
mihqnia iuqycc kaw
tauu txex snix lanrpax
Zibmnghiw jinjniar hyw
lenrr qeqnuax dy' ylyw
jyww linw jiac benw qniax byy
sinniii qycc laii cittyy
Jiac dnidee ee langkeh
deaux huadlyc qra deh
si jit nii snix jit xee
dag'ee quiqiw tagceh
Dnidee jiac liauxau
ginviyr jyr jiauxtauu
sinniuu knuar e qaur
dag'ee venr jin' gauu
Anxnisnix byy qikaw
ginpiyr jyr huex linw cah
huejiauw jiacc u qacpah
gunw dag'ee jiacc jin' vaw
Gunw u urvi cuann jit vaux
beh qra sinniuu deh deaux
jriog linw qnua'uann longxx jyr taur
uree qokgua jyr guarqaux
Beh laii deaux jnii u cuann
sinniuu miasniax jin' liutuann
sinlongg erqair diyhh qingwsuanw
itding dongwsuanw singxgiruann
Jiac suah qinw qaixsanr
qokk langg tangx qycc tanr
jitt kuanw u sunrvan
hucex vnii dairduan
Sinlongg sinniuu kia jai jai
qewjngx tac qaxx qui' vangg-lai
juanx si sinsig liuhingpair
Zidvunw se'ngiuu brew .quer .laii
Knuar jinx dagg kuanw dy' urngiaw
Daisingw iauxx bue decc siqniaa
kacc jaw langg dy' decc hanxsniax
knuar diyc henrpinw jiacc e qniax
Sinniuu zip mngg kacc keckir
sinlongg duiww langg qycc cuwbi
jit qex tuan'ngii hyw zidjiw
qeqnuax siurguann jiac vah-zi
Sinniuu ciyr bibix
huwqalangg luxzii
vec bah sewliabjiw
dagg hxang hyw birsi
Qniaxzii quiqiw angbow hyw
beh qpp sinniuu liw lysyx
m si guaw air jyr camkyw
qamxx diyhh hro langg cud cuir tyw
Sinniuu jin' dansunn
hyw mic tec laii hxun
hongsiux jiac diyc unw
jriog linw cud hyw sunx
Sinlongg sinniuu langg zinjuu
mihqnia juanx sinx m si qu
huadlyc tangx qycc kiw duarcur
liammix beh crua sunsimvu
Dag'ee longxx u hxun jiauu qaur
langg suiw lenrr mic suacc suiw taur
hro linw qeqnuax jiacc kacc lau
hoklogsiu jaunn longxx cuttauu
Sinniuu suiw dag'ee air
cue byy langg tangx siaurqair
iarr diyhh hingrhog qelai
jiacc did diyc hyw qniaxsair
Siongdongx mngho decc siongduir
vinlangg lann did tangx huwquir
angx sxingx bow dnuar qycc jin' suiw
knuar diyc jin' gauu jyr sanxkuir
Knuar langg angbow hiacnirr hyw
kyxviw jit duir siyw vyxvyw
jitt kuanw qadingg hyw cittyy
dyc'ui hro lanw cue dy' byy
Sinniuu knuar diyc jin' kongxkair
sinlongg subunn qycc dairjaii
angvaux dirr gunw dre-aw-lai
liw ciyr jit sniax gunw knuar mai
Narr qaxx u liw jitt hy ngiu
dua dua urvi qra liw sniuw
knuar beh qoxkir iacc henrqimx
jriog linw hucex ingxx qangg simx
Suiw langg iuqycc jin' dairduan
henrdai lamluw longxx vnii quann
giac vid bunjniux u jiursuanw
pair liw dairsair guarqau'uann
Habhunx zidjiw qycc jin' suiw
qionghy liongw sner qed jywduix
tangx kir urvi jyr sanxkuir
tnix qngx siy' vaii qniaa siy' suii
Liongw sner laii habhunx
jniginn ninii cunx
qeqnuax gauu pacsngr
siangx ciuw py siangx sunx
Sinlongg sinniuu siongdongx
langjaii hagbun lingtongx
vadd langg marr u decc qongw
liammix jyr lairguarqongx
Sinniuu jin' siyw dnaw
byy sniu kuair snix qnaw(qniaw)
u hac qeqnuax tniar
dyrr kuair jyr a'niaa
Duiww lanw jin' hnuahiw
jaix langg ee cuwbi
lanw dihh hro qinw kir
langg beh jyr vaxhir
Qim'ia jiuw jiac jin' je
huadlyc qinw cing pueee
lanw narr dngw kir hyxser
tangx hro jyr ticqongqex
Vixqaur qimsnuax kiyh diyc qrut
jre quw sinlongg e utjud
dag'ee lirkuix dngw lanw cur
hro inx kir vnuax mibuexcud
Sinlongg sinniuu jiahsinn dang
dag'ee liongrjaw qinw langwpang
punn hyw duw diyc huex qycc pangx
tanwjaw ho'ngg kir pueqaulang(vnir qauu lang?)
Jiac vaw diyhh qinw qniaa
langg inx beh su'ngiaa
kangkuer qutlat vniar
liammix jyr a'niaa
Sinniuu dairduan qycc kongxkair
sinlongg subunn langg dairjaii
hyw ue gunw qongw qui' junn jai
ue sueh hniu'enx jit qix laii
Laii tamr sinniuu ixx uanjuann
snix qniaw snix sunx diongr jiongrguann
hro linw huatjaii dairdai tuann
qniaxsunx e'ee(qywqyr) siong qimluann
Jiac sinniudee jin' hnuahiw
jriog linw huatjaii jyrhuawsi
jiac dee dongrvongg qaur jiax jriw
hro linw ginxaw hyw iyci
Quwdau be baiw byy jurkuax
lueriongg gunw juann ngua sinx suu
byy hiamm narr si beh qycc suah
qycc venx uersaiw benw sniu' tuax
Jiac dee dongrvongg qaur jitt jam
lirvet sinniuu qapp sinlangg
sir qxur soxue gunw jin qongw
qinw dngw tangx hro inx dongrvongg
Jit vunw sir kox byy qongxqer
kacc hngx tingwhyw iong siaw puex
sir jip jap-lak kox jiacc u bre
iupiyr qiar laii jyr dairter
Diklimm venx quax qiamx jurinr
suar vyr cniuxjiw huathingzinn
Diong'iongx Hiwngi siy' duiwbin
jiax quer jiauvaii knuar hro jinx