DIRR SNEWMIA-DIONGX
Snewmia ee ingqngx si jyr liw jurqiw.
Ixx iuhir ee simjniaa jyr snewmia-diong rair jyr ee dairjir.
Snewmia vunxsinx byy iwgi, ix ee iwgi si liw hro ix ee.
Snewmia ee iwgi si qruix liw soxx dingrgi ee.
Uac lehh vunxsinx dyrr si iwgi.
Jenwsu kingxding snewmia ee hongsid si “kingxding” itcer.
Hnuahiw cam'uw zinqanx itcer koxlan.
Lanw byy hxuad liauxqed jitt xee koxlan ee sewqair,
mrqycc ersaih suanxdik hnuahiw uac.
Lanw damlun zuhyy qaixquad sewqair ee bunrdee sii,
si qxauw vui huexciax ziiw.
Sewqair si uanbiw :ee. Ix luan, vunxlaii dyrr luan caucaux.
Lanw m si beh qaixvenr ix.
Lanw ee jikzim si jinrjingg quer lanw ee sing'uac.
Lanw itding rair hongwkir vunxlaii ee qewue,
binrduir soxx danxtai liw ee sing'uac.
Sinx :ee beh laii jinwjingg, qu kag rair singx trngr driau.
Zuqyy qu mic itdit dinr diauu lehh, dyrr qra lanw kac lehh,
itdanr jip'id zimrhyy hingsid,
dyrr hamrzip huxnua/ auwcaur-diongx.
Snewmia narr qodax .kir, hex dyrr si dergak.
Air cangr mic :ee,
luersimx sniu beh air/ beh iongxiuw,
itding rair druu driau.
Narr qowjib qu hingsid, sinx hingsiong jinr be laii.
Nngrkag byy singx kawpuar, nacc jenx e cud nngrvniaw.
Congwjy jingg rair singx huiw driau qu :ee.
Uanbiw ixgua, byy sniaxmic tangx singjiu ee.
Soxu quewdingg longxx e jyrsingg pywhai.
Dairde rair singx virr pywhai, jiacc cua e cud sinx snewmia.
Jingxjiw byy singx siw, dyrr be u sidbut.
Pxangw laijurr siw .kir ee beh'axjiw.
Snewmia ilai snewmia uac.
Lanw ee snewmia qenwlip dirr tnazinn ee hing'uii.
Zuqyw liw zinruii snewmia daddid dinsiyh, liw dyrr erdangr jiapsiu ix.
Sing'uac jinjniar ee bogdig si texgiam snewmia, qiamm-dnix- kow-siab longxx dirr qidiongx.
Lanw sik'ingr jitt xee sewqair, sewqair dyrr buanxjiog lanw.
Dirr snewmia siongrr kuriuw tiaujenwsingr ee sikig, diyh'air vaxag qihue qrut zip siongrr cimx ee luerjai, qionglik ow cud amwlat.
Hiyxding tairdo duiwtai snewmia-diongx ee koxlan/ jankog, dyrr si hiyxding snewmia.
Dirr lanw byy kingxding snewmia jingg, longxx m si jinjniar decc uac.
Ixx qaizenn ee tairdo binrduir zimrhyy su si qabuu/ piwsniur snewmia.
Qingwuir ee simx si hiongr jingg qniaa ee lat.
Dng' liw qniaa dirr jurqiw ee zinsingx dyrlo sii, ursii e duw diyc jiauxsaiw duxx lag dirr liw ee srinx-siong, m hyw siurr qanziauw.
Dongwjyr ciywkuex knuawtai liw ee cuxqingw, jiong' e teqiongx liw jingsinn ee kongqanx, qunxsngxciyr ee quandiamw e qiur liauw liw.
Qewsiok vutduan ee ingxuanw si jitt soxjai/ jitt kig.
Sinsingr uac dirr liw luersimx.
Ixx liw luersimx ee ngii uac.
Liw jinjniar ee jikzim si lirkuix siarqunn jauxcue cud luersimx jinsit ee hixlok.
Siarhue qra quihuan qiongqax dirr qywtew srinx-siong, dyrr si ham' qywzinn duiwdik.
Kiongxliongg srinx-siong muixx jit pnir lrann siaw diyc “liw ingwqaix”.
Taii siw hitt jiah “liw ingwqaix” ee kiongxliongg.
Hro “liw ingwqaix” siw au, liw jiacc e jinjniar huedngw kir “ginxaw”.
Lirkuix qu sniurhuad, pacpuar qu kingkag, juanxzip junsunn liw luersimx jinsingg hixlok, kaisiw liw ee inghiongg-lo.
Cniurr juaa trngr quer kag.
Duisuii liw luesimx jinsit ee hixlok, qniasiong inghiongg-sid sing'uac, si qywzinn morhiamw quewdingg.
Morhiamw ee diauwhuanr, m si hongx-vingg-lrong-jing :ee.
Narr dairsingx dyrr jaix qetbuew si sniaw, hex byy sniaw tangx hnuahiw ee.
Qirjuat simlingg diauwhuanr, cniurr juixkangx virr trad ee sixjuiw, dnia .kir.
Huanrnarr jniawbin qinggiam be diyc ee surbut, dyrr e ui' hurbin did diyc qinggiam.
Liw qniaa zip ociurnaa siongrr amr hitt xee soxjai, hiax byy langg bad qniaa .quer.
U lo ee soxjai si vadd langg qniaa .quer ee lo,
m si liw ee lo.
Liw narr jiauww vadd langg ee lo qniaa, liw byy kyxlingg texzin diyc jurqiw ee amwlat.
Inghiongg-lo ee vyxquir si ow cud simlingg byy qang ee jancur, kaihongr/ jaiww kaihongr/ qycjaiww kaihongr..., itdit qaur henx kuix jursingr ee ywvir, m quanw si Vudsingr iacc si Qidog.
Jex jiacc si inghiongg-lo, itcer ee quanqenr decc cue cud liw simdiongx hitt xee siongrr diamrjing ee luerjai, dirr hiax, itcer sewsiok singlok enx-siaux-hunn-snruar.
Jixu qniaa dirr cim'enx-diongx, jiacc e dingsinx huathen snewmia ee vyxvuer.
Vuahdyw ee soxjai, hiax cangr diyc liw ee vyxvuer.
Liw m qnaw qniaa .zip .kir ee hitt xee dong, dendyww si liw soxx beh jauxcue ee guantauu.
Jitt xee het suxx langg qniahniaa, kiokk jiacc si liw snewmia diongsimx.
Liw cue diyc vyxvuer, ix suacc qra liw tuax dyw .kir.
Dirr hixlok lingsingr sing'uac ee dongsii, bersaih knuar kinx sewsiok surbut.
Zinsingx jiongbuew bogdig si juvix.
Dng' liw ciauuat qokk ngiu ee duiwlip, dyrr drat qaur juvix qingxqair.
Lanw ee bogviaux si jiong' lingsingr ee vyxvuer, jah dngw laii jitt xee sewqair, qycc qra jitt nng xee sewqair lenjiab .kiw .laii.
Binghenw qecli jitt nng xee sewqair, hex jixsirr cuwiaur :ee.
Ciongbuanw duiwlip sewqair jigua, junjai jit jiongw muixx jit xee luerjai knuar be diyc, mrqyxx qamxsiu e diyc ee hyhaii qapp zinrdongg.
Dnaxx derqiuu iuguann si zinlui ui'id sikhap ee “jibtew siongrdingx”.
Liw rair ixx buhan ee hixlok dngw laii qaur jitt xee sewqair, qycc rngiuu zip jurqiw hixlok-diongx.
Huedngw laii jitt xee sewqair, si qamxsiu diyc busow-vutjai ee qngngiaw.
SRI RAMAKRISHNA qongw, “benw jauxcue diwhui ee kexhuad, duhuix liw cniurr taumox dyc huew hitt ngiu qib beh cue jit kud juiw tiaur .lyc .kir.”
Zuqyw liw sniu beh iongxiuw juanvo, sinbingg e hro liw, mrqyxx liw rair singx junxvi hyxser.
Liw ee bogviaux si beh cniurr sinbingg hitt ngiu ee vingjing, qycc jin juann lingliong sag dinxdang sing'uac, cniurr DIONYSUS kiaa dirr var-dingw, kiokk be hro var liah jyr cuiwpnir.
Jit xui siauwlenn Bixqog INDIANS qixhingg singlenlew sii anne qenwgi :
dirr zinsingx lo-siong, liw e knuar diyc jit xee dua kud, tiaur quer kir, hex byy liw siongxsiong :ee hiacc kuah, benw qniax !