langg simx vutdijiog
Langg Simx Vutdijiog Quax
(siong)
Jitt kuanw quax-aw jin’ hihanw
juanx qongw juewlangg jairr sewqanx
langg u jin’ gau u hamban
siokggiw soxx qongxx uizinn lann
Siarhue jinligw dy’ cenw cenw
quiw nii diongqanx diyrr venwcenx
erdid qaixog laii jiongsen
jit zit byy su siyw sinsenx
Qongw qaxx dongqimx ee sewqair
jiauww uirr sit(jiac) brongg zinn(langg) uirr jaii
sniu jinx juewlangg diyhh haixhaiw
siw jiongg hykir sxingx(snix) hylaii
Lanw laii cutsir byy vnuar hxang
dngw kir siangx ciuw iurr kangx kangx
druar jitt sewqanx naxx binbang
siw liauw qangsanx niu vadd langg
Uree cutsir u qehuew
hniadi byy liong kiw uanqex
sniu jinx juewlangg naxx langkeh
dngw kir qangsanx vadd langg ee
Juewlangg m tangx sniu supnix
druar jitt xewqanx byy quiw nii
langg narr beh siw bak jit nih
banrsu be qapp langg’ siy’ jnix
Simqnuax jit langg sniu jit kuanw
haiw si siongrr cimx tnix siongrr quann
huwquir qankow benw ai’uanr
boghuix jex si jingg sxer ruanx
Sewjingg si guaw knuar siongrr taur
qanhiongg ee langg be tauwlauu
krngr linw ving’iuw jniw qang lau
cunx jnii si mia langg benw gauu
Sewqanx huwho tattad dni
qamxx si gauu langg decc cunx jnii
mia pnaiw knuar liw zuarr gauu vnir
gauu langg dirdecc trad viacvnix
Bue laii cutsir mia singx jur
uree toxqongx qrngx qiyhux
qnaxx e hyxgiac jnii hiacc u
guaa langg decc qra juer qunsux
Banrvnuax si langg ee miarun
m si langg gauu jnii diyrr cunx
hamban m suacc benw jiahkunr
marr u cunx diyc ikban gunn
Cenw cenw jingliw laii puepingg
qankow huwquir mia snisingg
mia pnaiw knuar liw zuarr gauu vingw
dniardiyc jiongsimx vutciausingx
Sewjingg si guaw knuar siongrr hen
krngr linw laurvuer qapp siauwlenn
knuar langg’ huwquir benw himsen
langg qongw hun mia byc uanr tenx
Tenha ee langg sxor ig bxan
niaw vinn cutsir jairr sewqanx
iarr u cutsir diyrr benw tanr
uree dro zit dy’ uilann
Sewqanx ee langg byy der viw
hun lanw dongcox lyc too sii
pnaiw mia qankow buaa qaxx siw
huwquir crex qanw qapp sraiw zii
Dongqimx sewqanx qongw be jin
huwquir iu’ mia vut’iuu zinn (vutiuzinn)
u langg krngr guaw guaw krngr linw
lanw laii cutsir u niaw vinn
Jitt kuanw qadingg co’ decc vnir
angbow vnivnii vnuawtaucnix
inx bow m tanr bow diyc vni
siyxkuaw dairjir caw qui’ mii
Krngr langg duarbow diyhh juer hyw
m tangx sewii pah cittyy
juerog erzit ingxx u vyr
snix vni diyc dok drir hilyy
Mia-diongx veczi u kindang
vuex tnix quar qag bycaiw qangx
uree hamban byy vnuar hxang
qonghiyy-jiongwsiongr iarr si langg
M si jaijingg ix u pa
jex si mia-diongx u jingcax
narr u kaihuar benw langg’ qar
vnivnii siangx ciuw nng qix kax
Vnivnii siangx kax nng qix ciuw
huwquir nng zri lann did qriuu
qankow ee langg kacc dngsiu
jingg sxer juer laii qimser siux
Mia-diongx hyw baiw benw siy’ jnir
lanw jiacc qankow langg’ u jnii
qriuu narr ving’anx byy puawvni
langg qongw huwquir iujai tnix
Hyw baiw marr diyhh bongxx singniaw
diyhh hun Giam’ongg byy qongvingg
qankow huwquir samvutdingw
uree qux druar iuxingr qingx
Juwsingx Niuniuu juw hyw hyw
giaa dyx laii quah dy’ be byy
buerjingg jur jiac singx jur gy
iujai tnide kir huadlyc
Boghuix iarr si veczirmia
qaixkngr sewzinn dag’ee tniax
u langg cutsir huwquiwqniaw
jiac lau jiacc lyc kitjic ngiaa
Jidvnuar iarr si mia dingdair
inghuaa huwquir tnix cuivaii
m sinr jimjiog sniu knuar mai
diyhh jiax qaur lau jiacc e jaix
Uree siauwlenn jiac be lau
hui’uii juer pnaiw juer quewtauu
qamxx byy qehuew naxx dangrdauw
beh liauw cincniu vangr juir lrauu
Byy jiac qaur lau m jai’ngiaw
krngr linw ving’iuw di qang hniax
qankow huwquir jurhun mia
how siw lauu pue langg lauu miaa
Juwsingx vyjiaw byy qongvnii
dairsingx jur siw jiacc jur snix
langg ee buexliux knuar m qnir
ngii langg e vniw vniw e ngii
Guu diyrr kuair kanx langg yh liau
byy hog tanwjnii qux be diauu
u tangx jiahcing hyw liauw liauw
vacvnuax uirdiyhh vakdow iaux
M tangx beh jiac m dinxdang
gro liauw cingcunx jit siwlangg
byy qniaw byy zii tangx ngwbang
sinkow vnirtniar huah qiuwlangg
Langg byy cingx zit ee iongxjongr
langg qongw huex byy zidzidhongg
qutlat qnaxx e ho’ngg ciyr gong
beh jiac m tanr siw lorvong
Juewlangg dikkag diyhh vingxvnir
kinn tanr bylun siyxkuaw jnii
banrid sintew narr puawvni
jiacc benw qux langg’ katuiw-vnix
Krngr langg’ simqnuax diyhh tettyr
langg byy quiw nii tangx vunpyx
u tangx jiah’iong longxjongw hyw
giam’ongg juwdnia sit lann dyy
Sewjingg si guaw knuar siongrr kuah
u tangx jiahcing benw tuabuaa
huwquir qankow qaur siw suah
qriuu narr hyw siw benw hro tuax
Jit xee u jnii m qramx ing
u langg bue tanr ing dairsingx
kiam hro vadd langg qanwqongqingw
hro ix u jnii jin’ vutbingg
U jnii m iong jin’ bycaiw
byy langg qnaw iong siongrr duardaix
qiam jiac lunw qnuaa kyxlenn dai
vangr hro qniaxsunx knuiwuac kaix
Uree qamxx byy jin’ huwho
hyxgiac qehuew ikban jox
cutmngg snakor bat bat vow
cutsir sewqanx juer jniloo
Sewqanx jniginn si hyw vyw
benw qniax bagde ho’ngg knuar byy
u jnii sraiw qxuir e ex bry
m tangx brew langg pah cittyy
Jairr langg simqnuax decc irsngr
u jnii ee langg kacc hansuanx
kivinn-diongrhur vacvah kuanw
diyhh lauu miasniax langg liutuann
Iarr u kivinn qapp diongrhur
sewqanx byy jnii diyrr kacc sux
gimxsiongx tiamxhuax langlangg u
she-diongx sangr tnuar sewqanx buu(byy)
Vinn jairr lorvnix byy langg zin
hur jairr cimsnuax u uanxcinx
verqniaw dy’ si jnii iauwqinw
byy jnii bagde langg’ knuawkinx
Cenw cenw lixiuu laii qra lun
verqniaw uirr jnii marr kinghunx
beh siw diyhh lauu puawvni-vunw
benw kngr sniu’ jex hro qniaxsunx
Led’ui u ingg tniax guaw qongw
bersux kngwsenx tniax qui’ dxangx
verbuw unjingg si jin’ dang
ix laii snix lanw lanw snix langg
Verbuw snix qniaw sxer tuann sxer
sewjingg knuar taur byy quiw xee
u qniaa langg’ qongw u aurser
jiacc benw lyc langg’ cuiwdunpuee
Byy qniaw dy’ iarr benw koxtangr
bagjiux u knuar zuarr je langg
snix diyc hyw qniaw jiacc u brang
pnaiw qniaw je xee dyww diaulann
Langg’ qongw hyw qniaw mrbenw je
pnaiw qniaw je xee tyw lenhuee
qaqi taulo byy air juer
iaux laii vaw kir decc sehqex
Narr qacc hyw qniaw benw je xee
pnaiw qniaw bann guu siy’ etex
boghuix iarr si siy’ kiamwjer
tuax siw verbuw buaa lau puee
Verbuw cri qniaw byy lun vng
brang beh cincniu taumngg dngg
bygii pnaiw qniaw naxx vu nxng
joxqex sed dirr qnagagmngg
Dag’ee simqnuax naxx binglongw
kuix simx amr hing sen’ m tangx
jingwhuw liac .diyc jue jin’ dang
diyhh kir qnagak juer huanrlangg
Juewlangg simqnuax diyhh jingwdy
qanhiongg nng zri m tangx yc
narr si siauwlenn u juer cyr
qaiw og jiongg sxen su diyrr byy
Simqnuax narr si u liauxqaiw
tauu tniax qaur buew linw diyrr jaix
sewqanx jniginn langlangg air
u qongw u dy jiacc did jaii
Jairr langg simqnuax ee jiwkir
snuax si kyxqaiw singr lann rii
uree qrax-lai ciah qaxx siw
vutgi jnijaii byy air dic
Jit langg jit kuanw ee hingsiong
sewqanx ee langg u qandiongx
duiww inx verbuw dyww byy liong
hro ix e hyw tnix vutjiongg
Uree itsingx jin dionggi
hur zii(¿) byy uanr vinn byy kix
qamguan dro kow quer zidjiw
qankow ingxx u cuttautnix
Juewlangg qanjar byy loring
jitt sxer cniuw langg’ au sxer hingg
senrog qaur tauu u vywingr
hng jairr cxenx lxiw qin bagjingg
Dyrdig nng zri ruii qinvunw
verbuw byjingg juat gnoxlunn
aurzit lau .laii narr sit’un
air beh jiac vng qankow tunx
E juer hniadi zuxx ciuxjiog
diyhh sniu verbuw ee iongxiog
juewlangg diyhh jiauww verbuw iog
zid’au jiacc u hyw qetqiok
Krngr linw ving’iuw diyhh juer hyw
sewqanx jiamrsii laii cittyy
sikig narr qaur liammix dyw
qangsanx boxqniaw vnuar hxang byy
Dairsingx krngr linw lau hniadi
narr u snax qniaw qang go zii
serhanr ingdongx diyhh qawsi
diongxdua singzinn iujai ix
Uree sirduar sniu byy qaur
qniaxzii luanrlaii qongw qniaw gauu
cri dua jiacc hro qniaw vuthaur
iongxiok qonglyy vangr juiw lrauu
Qniaxzii m tangx sniu’ iwair
sewhanr hro ix luan luan laii
vadd zit diongxsingg jiacc jaix hai
hro ix vuthaur hab’ingqaix
(diongx)
E did hyw qniaw si dikhing
bag ve bad buw jurzensingx
sniu’ quer sokvak byy loring
jingg sxer qet’uanx qimser hingg
Langg narr sitvai byy taunauw
simqnuax sniu qaxx luan caucaux
krngr langg’ dy’ iarr benw qewqaur
boghuix miarun juer duiwtauu
Banrhang dy’ si qor sinwiong
simqnuax m tangx sniu’ qanhiongg
jinwhingx ee sii mrbenw tiongr
qunjuw sitvai vingqasiongg
Qunjuw vingqax e sitvai
benw qongw led’ui linw iarr jaix
uree tangx kaix joxqongsaiw
qongxue pnirkangx suanx cud laii
Decc kaix joxqongx qehuew-drew
m si vehciuw laii kixqex
ing’ue iarr qnaw qongw ciauquer
amrqunw m qniaw hro qxuiw cxex
Vingsor dijiog tingwhyw knuar
siuxqiw anhun kacc u vnuaa
juewlangg narr si byy vindnua
itsingx jongw benw sriu iauqnuaa
Juewlangg iongxjongr derr id hyw
gnoxjong-lioghuw rair diahyy
sinkux u vni kiaur kiaur dyw
sniu beh hiangxhog jiac be lyc
Quax si ho’ngg liam sxer tuann sxer
u langg air qniaw draur je xee
langg qongw je qniaw gy siw ve
narr snix hyw qniaw mrbenw qex
Pnaiw qniaw snix je tyw pnia mia
vangr saiw lyc hxak marr kacc ngiaa
guaw venx jex kuax narr byngiaw
m sinr linw jiacc jiimjiog tniax
Snix diyc vuthaur benw siurkir
gnoaxgik guann(?) snix gnoaxgik ix
juewlangg lanw diyhh u hauwgi
ruanx ruanx siongvyr jiacc jaiqix
Juewlangg iuxhaur ruii qunvunw
m tangx verbuw longxx byy hunx
vuthaur siarhue langg girlun
juer hyw diyrr cud hyw qniaxsunx
Krngr langg juer hyw qapp juer pnaiw
byy sueh tetdew linw m jaix
siujix qetsngr byy jiwjair
jionglaii sitvai dui’ dyhh laii
Guaw knuar henrsii ee jaiqair
canx ? jiyh jnii laii decc kaix
sewsiong juewlangg dairlixkair
siw kir snix laii marr m jaix
Banrhang sewsu dy’ cenw cenw
huanrhuad jiacc jaix langg decc henn
qnuaxqinw qaiw og laii jiongg sxen
itser cingcunx byy quiw lenn
Juanx krngr sewzinn juer hyw su
venx quax jingsinn tec qanghux
diyhh iong qnxix cimx jiacc sniu u
juann si siy’ krngr byy hisuu
Itsingx dyrsig narr m siuw
sii qaur huatlut lann did qriuu
linw knuar u langg jaii jxuw siu
siuxqiw anhun benw iuciuu
Juewlangg narr beh siuw vunxhun
qankow benw quw jnii diyrr cunx
m tangx huanlyw be jiahkunr
jiamrr siuw ingxx u dua tanr gunn
juewlangg jingsinn rair huathen
lanw laii sewqanx byy quiw lenn
knuar diyc jaiqair jiacc dua venr
cue byy qihue dua ongxzenn
Miardew dingdair dagg hxang u
marr u juewqangx qang kanx guu
zinsingx narr qaxx m bad su
sewqanx zinrding diyhh kacc sux
Bagjiux vreh qimx knuar hro taur
hyw pnaiw zinbut byc luan qaux
kunwkow ter langg juer hro qaur
u jnii bongxx juer jiacc si gauu
Henrsii ee langg jin’ kaihuar
kinn tanr kiam ing byy ciahuax
huatenx jiuxde qxiauw byy vruac
itsingx cing’ingg benw tuabuaa
Jit langg jit jiongw ee guaninx
beh laii cutsir singx niaw vinn
viw langg hyw mia qongw be jin
jingtai sewqanx knuar huandinn
Gauu langg qongxue snax~go qxur
juewlangg diyhh yc kacc zinjuu
sewqanx zinbut dagg hxang u
jo langg singqongx ingxx si buu(byy)
Siarhue si guaw knuar siongrr je
beh krngr lau hniax siauwlenqex
su bue juer uann sniu hyxser
u langg hyqaiw byy bunrdee
Dag’ee vingsii knuar qnir qnir
jriab diyc be gann singx beh jnii
ix laii byy beh qongw tniliw
byy jnii itding qyqyx dnii
Sewsiong langg qongw qrangw cenban
u bin iarr qnaw druar sewqanx
kyr ix kiongxhad diyrr benw tanr
ursii snax dxngr dy’ uilann
Lanw narr qapp langg’ byy vixjiw
miardew duar laii vut’un sii
huwquir langg decc hyw birsi
jurtanr jin’ yh cuttautnix
Sitjir langg diyrr m kaikauw
qiksimx huanlyw lanw be gauu
zidguat cuivig langg kuair lau
jit mia liammix diyrr quewtauu
Guaw beh krngr linw ue vutjin
tnide juxcaii vut’iuzinn
u langg krngr guaw guaw krngr linw
langg narr hongliuu venrr si vinn
Vikser inenn qang cngg kunr
kyxviw quer qangx qang jit junn
ve ngiuw buw iok siarhue lun
cincniu yhdngg qingr sujunx
Knuar langg’ hyxgiac qiamx huwho
kangsux bangrsiongw :ee quewdyx
cnimii benw kanx qniaa u lo
jiongquw iuguann u quiboo
Sioggiw langg lau simx be lau
vutqyr hongliuu tamx quewtauu
cittyy diyh’air zin e taur
jiacc be hro langg aurdauxcaux
Verbuw snix lanw nng kaciuw
inghuaa huwquir lann did qriuu
tniqongx byy hxuad tangx qriuu siu
siursor qaijiongx jiksii siux
Guaw qongw ee ue narr m sinr
cniaw linw kir mng dua henzinn
dua ser surjingg narr guan zimw
lanw jiacc hro langg ee sinwsimx
Vnivnii si langg lann hunx dringw
iarr u qnuasiongx iarr vutsingg
si lanw qaqi byy loring
qonghiyy-jiongwsiongr cud zinjingg
Liw lanw sewqanx naxx langkeh
u su diyhh qaiw benw uanqex
iaw tor qetvair juer hniade
jiacc be jnibut qongqex ee
Henrsii apenr jiamx mohuix
gauu langg ziamw .diyc jin’ kikkuix
jingwhuw giamling m tniacuir
tec diyc qud snruar cuir kuix kuix
Mohuix apenr siongrr lirhai
si lanw giac dyx qadi taii
erhiauw siukax diyhh tanr jaiw
jiacc benw itsingx gro jionglaii
Bingjaix sixlo beh pnaiw mia
huatlut jiacc giamm m jaix qniax
huanxhuew nng zri m sinwsniar
jiongqiuw e lyc kitjiac ngiaa
Sewsiong jiuxsig langg hibong
jit langg jit kuanw vutsiongdongg
qoxjaw dy’ u langg decc qongw
qangsanx uirr jiuw si Lauu Dongg(?)
Guanjaw jit langg qongw jit kuanw
inghiongg lann quer bixzinquanx
marr si uansiuu jiacc qet’uanr
huatsingx sionghai banrdyduanx(?)
Jaisig si junxnaxx lrai dyx
sii qaur huanxbin jxingg dy’ byy
sianghongx lamluw rair tettyr
sewqanx jiyh lanw laii tittyy
U langg jnii tanr be zip ciuw
dairsingx sniu beh danr hetdiux
buerjingrr tittyy singx genxqiur
huan diyc huatlut lann did siux
Huwqax iarr u jin’ janzimw
duiww diyc vinlangg knuar jin’ kinx
siyxdi soxx qongw narr m sinr
byy simx cah liuw liuw sxingg imr
Huwho qapp langg hxun quanqe
sxen si cingsingg og si huex
cxunx qaur narr u qangr sngseh
jriw knuar cingsiongg vutqenr huex
Jit kuanw jniloo m qnaw ing
iarr u bue tanr iong dairsingx
kiam hro vadd langg qanwqongqingw
hro ix u jnii jin’ vutbingg
Derr id qimjnii diyhh vyxsiyh
jnii u benw langg knuar byy diyc
sniu’ quer tyxjer hro langg’ ciyr
qaur buew be vaw cing be siyx
Qiglok inqyw lann did qenr
beh knuar qin qin jairr ganxjenn
dirdecc vywingr kuair heathen
ix decc hyxgiac byy quiw lenn
U jnii berhiauw tangx irsuanr
gong langg ho’ngg ciyr ix hansuanx
juewlangg narr qaxx m si kuanw
vangr je caur miaa ho’ngg liutuann
Lanw laii sewqanx byy zuarr quw
itsingx m tangx sniu’ bongxhux
krngr lanw hauwsun cenban qxur
vuthaur langg’ qongw dix qxauw guu
Venx quax krngr linw jingww ving’iuw
laii juer verqniaw si uansiuu
cri qniaw hyw baiw benw kingqiur
itdanr busiongg banrsurhiux
Krngr linw verbuw diyhh iuxhaur
imvingg doxiuw m tangx qaux
u tanr diyhh qinw crua qeau
danw sangr verbuw jnriu snuatauu
Juewlangg qniaxzii diyhh hauwsun
vywdap verbuw iongxiok xunx
narr u tanwjnii diyhh jatjunw
crua bow snix qniaw tangx tuann sunx
Derr di verbuw diyhh hongrqingr
jap guec huaitaix ee unjingg
tanr je tanr jiyw kacc kiam ing
langg qongw qrax hryy banrsu sxingg
U jnii beh ing diyhh kuix juiw
m si hibah jiac e vuii
byy-huan.-byy-lyw jueww huwquir
ving’anx quer zit simtauu kuix
Uirdiyhh jiahcing decc jauxdong
tranr langg’ hihuax qik vuttongx
hnirkangx bagjiux diyhh vyxdiong
sitjiog dag’ee ciyr lanw songg
Hniadi dag’ee diyhh tettyr
sewqanx jiyh lanw laii cittyy
u tangx jiah’ing banrhang hyw
giam’ongg juwdnia sit lann dyy
Beh yc ciahuax yc be jin
cittyy air diyhh ing jniginn
erhiauw kinkiam siongrr iauwqinw
luan kaix luan ing gro jiongsinx
Jiac cng qigqex snax nguaxqongx
kunr si lak ciyh ee suwhongx
ciahuax uirr beh air hyw bong
juann qig au puee tangx tonghongx
Hyxgiac jinjux qapp suanrjiyc
sanwhiongx qu cngg puar mijiyh
hyw pnaiw dy’ si jiamrsii hiyh
langg qruix setenx iong be diyc
Singqongx kyxviw bew decc jauw
sitvai cincniu qux lunx tauu
narr u hiauxliw sniu hro qaur
m tangx sniu’ pauw vuac lyc qxaux
U jnii taukag kix qui’ srer
knuar langg bagjiux qig qui’ xee
lamw hxingx kiaux kax qongw ing’ue
jitt kuanw knuar diyc tong’ langg gee
Qyjaii lenrr ue byy air qongw
siyw hur juewsu qik pongwhongx
su su bag lriw m si gong
sniaser jurhy Coxvawongg
Knuar tnix li snuax byy zuarr hng
jnriu snuax kir knuar quann kacc qngx
e vuex be vuex lann anwsngr
gong gong danw beh kuix tnimngg
Jinrjingg bagsaiw lann did qimr
qutlat lrauu qnua venwsingg qimx
junsiuw siqanx laii diwimr
jiacc e hro langg hnuahixsimx
(xe)
Jex quax qaixkngr langg juer hyw
m si senwdong linw uaiqyx
lairdiongx qxur qxur byy cacyr
liam liauw qycc e did zinhyy
Led’ui brew kir liam knuar mai
quwdau hyw baiw jiacc e jaix
venx quax vunxlangg byy vaklai
qok’ui ving’iuw liam e laii
Liamrquax qaixqngr jingww ving’iuw
juanx qongw sursit hyw lixiuu
qaiw og jiongg sxen tiamx hoksiu
aurlaii qniaxsunx hyw buexliux
Lang gee jiwkir quann duw tnix
simqnuax dijiog u siqii
snax dxngr e vaiw byy hnuahiw
itsingx ngwbang dua tanwjnii
Tyxhaiw erhiauw qin juiw-vnix
sinr vut nacc m kia biy-qnii
narr u hyw kangx jueww ix kir
byy .jiarr jiacc beh laii tec jnii
Qauxbah huu kiw byy huu dyw
qehuew kaix liauw langg knuar byy
qamxjingg bunrdee byc knuar cyr
m tangx sniu beh juer duarqyx
Ving’iuw narr si air beh qaux
sinsuiw tanr jiyw lann cuttauu
zinjingg sewsu vruee qaxx qaur
dniax jaur diyhh kir qiar langg’ daux
U jnii m si tnidingw senx
zim linw soxx qig be jurzenn
hyxgiac sewtauu m tangx denw
u-lex.-u-mau langg qongw henn
Hyxgiac qapp langg hunx quanqe
qehuew naxx liauw ngua langg gee
dnadeh coding dagg hxang be
qaur sii qnialo tauu lee lee
Pongwhongx sniu beh dir quann by
dow-lai byy qyx air langg’ vyx
jrux narr byy takk jiacc be hyw
qaur sii beh siaw vnuar zri byy
Hyw langg jicjiab iong simsinn
pnaiw langg qauvuee iong jiuw limx
qongw diyc jiuxsig siongrr sinwzim
jailan bagde langg’ knuawkinx
Pongwhongx byy drew jinjniar hai
byy jnii iarr qnaw qutlat kaix
vutsii jabow qapp jiuxcair
juaxver beh dui’ dyc’ui laii
Lyc snuax vixqaur jnriu snuax lann
tanr siyw m tangx hiamm lansanx
qingxkir jin’ baiw diyhh bongxx tanr
jiacc be hurjer bre cuwcann
Sniu beh qimjngx kiw dua cur
iong dairlixjiyc laii juer duu
jitt kuanw kaihuad byy langg u
sewqair cue byy qiksaixqux
Hyxgiac iong jnii dua kangx sraiw
jabow knuar liw gongrduardaix
vnuawmii inenn qui’ vangg-lai
snakor cauwhenr dy’ m jaix
Niuu-aw binrjuiw langg knuar dic
cincniu qauxhia decc tamx dnix
vadd zit cingcunx narr srid kir
lau bin kacc suiw m dadjnii
Hyxgiac qongw laii hyw vutjin
sanwciah dy’ iarr u jniginn
jiac’iong jerjiyw lann did sinr
simqnuax dijiog hyw anbinn
M tangx jursniu langg petsangr
sinqer dniur quann guan qewangx
cingcunx quer liauw dnawtauu dang
tyhuex kuix .quer sig be angg
Huex kuix narr sria knuar be kiw
zinsingx ingxx e sit’un sii
m si ingxqiuw lanw hokkir
qaur drew sitvai jiacc jaiqix
Cox kax ciah ciuw e juer six
siaw zri qycc suiw pah bygii
vingsor hro langg knuar be kiw
sii qaur un laii diyrr dadjnii
Vunxsu zuxx hyw diyhh zuxx kiam
kyr lanw jaijingg huan langg hiamm
jraii quann vakdauw cuir zuxx diam
cuanwcuanr vutjai cuiwjic jiamx
Kacngx siy’ ping kacc iongw tih
ciuw viw dangtiau kacc dua qix
kacc daix narr u jit hxang lriw
og langg lann did giaa gni qii
Lanw diyhh laii qra sniu kacc qaur
m tangx uihuix juer quewtauu
qamxx byy qehuew naxx dangrdauw
cur siyx cantec vangr juiw lrauu
Langg qongw qax vinn cud hauwjuw
jitt kuanw ee langg u zinjuu
jinghun narr ing jnii juewjuw
ciah langg ingxuanw diyhh juadsuu
Juer qniaa byy hiamm verbuw jen
juer qxauw diyhh qor jruw mngkenx(¿)
jitt kuanw dyrliw dy’ cenw cenw
m tangx vehcat beh qexsenx
Laurve juewqangx decc qankow
qnaw duiww langg qongw dngqangloo
sewqanx byy qniaw mrbenw kow
jitt kuanw qniaxzii benw sniu’ qoo
Itsingx juewlangg diyhh haixhaiw
m tangx be tanr sniu beh kaix
kax byy dauwdew m jaix hai
jniginn jongw be qadi laii
Jniginn kacc je ing e liauw
m tangx hro langg ciyr suesiauu
juewlangg diyhh yc hyw jaidiau
itsingx vaklai benw qniax iaux
Jinrsimx ter langg decc jauxjongg
dairjir congr hyw suacc byy qxongx
vadd langg kacc jingx lanw kacc gong
juer hro tnix knuar marr buhongg
Juewlangg qanjar byy loring
qimser cniuw langg aurser hingg
senrog qaur tauu u vywingr
hng jairr cenliw qin bagjingg
Huatlut sniu’ bad e venr jnix
qexkangx lirenn cniuw langg jnii
qaur sii qehuew duer bow kir
kacc camw exqauw jiac ngnii
Sun hongx srair junn langlangg e
duhongx jniwjuiw junn laii trex
hyw-baiw narr si u knuar .quer
diyrr e jai’ngiaw vng be vex
Joxqongx tanwjnii qniaxsunx kaix
qehuew quer ciuw jin’ luanrlaii
m jaix jnii tanr qankow dai
lamrsamw kaiing vut’ingqaix
Q.-qauxquair-q. byy loring
d.-diaudit-d. simx kacc cringx
qokk langg taunauw diyhh anjing
q.-qankiauw-k. luan sinqingx
knuar langg’ hyxgiac qanr qapp qiau
knuar diyc sanwciah diyrr gesiauu
itsingx qauxquair qongw be liauw
huatlut jewcaii lann vywsiaux
Erdid quer zit hyw birsi
ing’ue qex qongw byy liauw sii
juer tnix dy’ be dringr langg ir
juewlangg lann did juer qaur ngii
Kiuu kiuu kiam kiam didddit kir
d.-dangwsngx-s. nii duw nii
qaur sii qaqi jid’err siw
qniaxsunx kaiing iujai ix
Iaugenn luan qongw m tangx tniax
ingg langg qongxue pah vnua snxiaa
qingbiy vudqongx narr u sniar
liac kir quah jic diyrr e qniax
kihu kitjiac si m tangx
qongw ix siongwiaa dua devangg
qnir lang gjuiw qra puah tangtangx
cauxqix iarr e qnix dyw langg
Langg diyrr m tangx sniu’ bongxdongw
jiycjnii kir kaix siar joxjongx
qaur sii ciuxsiok jid’err congr
cantec cuwtec dua vutdongg
Krngr lanw dag’ee diyhh yc hyw
hongliuu vuahqiauw m tangx yc
jnii liauw qaur buew jaix tangx cyr
huanxhuew ixqingx sniwmia byy
Quax si qaur jiax beh tingjiw
lamsimx dijiog hyw quasix
u langg cacyr qinw siux li
qaur buew jiac lau lann did dii
Guaw ee ee quax byy vadd hxang
juewlangg vuthaur sen’ m tangx
verbuw uirr lanw dnawtauu dang
diyhh qingr verbuw jiauww kixqangx
Junqingr verbuw diyhh eqir
snix lanw iarr si ix cniadii
kanciuw iarr diyhh ix qenwdir
jiac lau m tangx buw m dic
Juer buw riyx qniaw kow taur taur
brang qniaw diongxdua e cuttauu
siangcinx narr lau diyhh iuxhaur
dapsia verbuw jiacc si gauu
Cingvig snisingg hiyc jiamx jiamx
haixjuiw limx knuar dag cuir iamm
qingxkir baiw baiw diyhh kinkiam
m si vutjaii kaix duargenn
M tangx kivinn beh diongrhur
u langg sanw qxuiw m zinrsux
qongw ix jaiser dagg hxang u
diyhh sniu tewo jiacc zinjuu
Vinn jairr lorvnix byy langg zin
be qir jingg jo ix cimx rinx
beh jaix qimzit jnii iauwqinw
bongrunx vuergi dua vutzinn
U jxingg u gi muaw tnie
u xunx vyr xunx byy quiw xee
guaw krngr quiw qxur krngr au sxer
jitt jiongw ee langg tair qauvuee
Camkyw vinhun laii qra lun
verqniaw dy’ e jnii kinhunx
qiongongr diyhh lauu puawvnirvunw
m tangx juann sniu kyr qniaxsunx
jex quax juann si krngr ving’iuw
cinsnix verbuw lann did qriuu
m tangx hro langg qongw iauxsiu
iuxhaur dniardiyc hyw buexliux
Jex quax dag’ee narr binglangw
verbuw vuthaur sen’ m tangx
gik qniaw pnuawhingg jue jin’ dang
qaur sii jiacc jaix hyw-pnaiw langg
Qehuew sniu’ je lann did sngr
vangqingx ginpiyr juer bincngg
hii hii bah bah puer snax dxngr
jiac qaxx be lyc hro cauwsngx
Sidjai tnide vow diongho
q.-qankiauw-. simx kacc cox
qxuiw liac sen’ jauw dy’ byy lo
hex si kongxkair langg jiyhox
Sriu hongx sriu ho virr seh dangr
qaur sii huex kuix jurzenn pangx
ganxjingg hihuax benw ngwbang
qankow cutsinx e jniaa langg
juer hyw langlangg e dongjingg
kacc hyw jaikor dair siangdingg
q.-qankiauw-k. byy loring
mrbenw cutmngg diyhh hrojingx
Langg si qiongqingr lanw u jnii
narr byy vunxsu be tiauwtnix
uihongx vadd zit suii jnii kir
jnii liauw byy ue diam jnijnix
Byy-huan.-byy-lyw jin’ cingsimx
ingg ingg hyw six tec laii gimm
ursii liamrquax jiuw laii limx
h.-hnuahiw-h. qaur qnxix cimx
Jiac hyw jiac baiw benw iuciuu
siuxqiw anhun jin’ juriuu
joxqongx jaisanw iarr diyhh siuw
vutgii jnijaii m tangx qriuu
Krngr linw siauwlenn diyhh hauwgi
aurlaii e did hyw qniaxzii
id mngg snax haur cud hauwjuw
banrqow liutuann jur siongrsux
Bingrbyw dongcox decc qar qniaw
ligsuw qoxdenw qongw linw tniax
verbuw vunxsinx juer siwjniar
qar qniaw cuttauu hyw miasniax
Zinjicox lai u decc qongw
Enwsnuax hur qniaw u girhongx
jrux si ligdai tec laii congr
venx quax m qnaw qongw pongwhongx
Langsimx dijiog si quamiaa
lairiongg juann si krngr linw tniax
hyw pnaiw si lanw veczirmia
byy huan byy huat jiacc tangx qniaa
Dijiog zinsimx juann snax vunw
byy miaa puepingg tangx u hunx
venx quax hro liwn juer viaujunw
jiauww quax laii qniaa siongrr dansunn