cionghunx huathuix ee amwiwsig -11
Jung (Bunchhai huan'ik)
DERR JAP-ID JNIUX LUN SIW AU EE SING'UAC
duiww dysowlangg laii qongw,
ingxuanw snewmia ee bunrdee vutjiw vikced/ didjiab qycc byy hxuad mair quanw,
inx diyh'air vniawmia tecud moxjiongw qenwqaiw.
Mrqyxx anxjnuaw jyr neh?
Quanhe laiser/ siw au sing'uac, guaw soxx biyue :ee, uanjuann si hue'ig, si guaw qamxsiu .quer ee hingsiong qapp itdit hro guaw vut'anx ee susiongw. Jiaxee huesiongw ixx moxjiongw hongsid jniajyr guaw duwjog ee qicow; in'ui guaw ee duwjog qivunw-siong si cir huedab “qimser” ham' “laiser” horsiong jok'iong ee bunrdee, mrqyxx, qaur dnaxx guaw iauxx byy bingkag siaw cud siw au ee sing'uac; narr beh siaw, guaw diyh'air cue diyc jiongxjiongw qenwqaiw ee qinqir, pen' pen' guaw byy vanrhuad anne jyr. Iauxx si sunrqii jurzenn! Erbin si guaw ee qenwqaiw.
Itdit qaur jitmaw, guaw marr qandna' erdangr qongw “sinue qowsu”. Kyxlingg langg jixu dirr jiapqin sixbongg sii, jiacc erdangr byy sriu ioksog, dramm jitt xee uerdee. Jex m si qongw guaw hibang lanw u siw au ee sing'uac. Sursit-siong, guaw qamguan byy py jitt jiongw quanliam. Vutqyr, guaw rair sniabingg, uirr huhap sursit, dyrr si guaw byy anne hibang/ dirr jitt hongbin marr byy zimrhyy jok'uii, mrqyxx jitt lui susiongw kiokk dirr luersimx lenr ~ qyy. Guaw berdangr duanrgenn jiaxee quandiamw jinx-qew, mrqyxx kakding sidjai junjai, zuqyw guaw byy in'ui moxjiongw penqenr qra apjer lyc kir, dyrr viauxdat e cud laii. Penqenr ciangjai e sngxhai/ luwsiongx juanvo jingsinn sing'uac henrsiong/ duiww jingsinn sing'uac bad jin' jiyw, narr u cutjingr ee diwsig marr byy hxuad siujingr. Puepnuar lixsingwjuxqi qapp jerje sinue qaiwliam, henxzenn longxx buah driau siw au ee quanliam. E huatsingx jitt jiongw jinghongw, si jerje langg cavutdyx qra jurqiw dingxii jurqiw ee iwsig, siongxsiong inx jnuaxngiu lixqaiw jurqiw, jurqiw dyrr si jnuaxngiu ee langg. Mrqyxx venrnarr duiww simlixhak u damrvyc liauxqaiw ee langg, dy' e jaix, jitt jiongw diwsig si zuarr iuxhan. Lixsingwjuxgi/ qauwdiaujuxgi si lanw jitt xee sidai ee tongvne, bongrsiongw erdangr tecud soxu ee dap'anr. Mryqxx lanw henrjunn iuxhan diwsig ixqingx vaiduu jitt jiongw kyxlingsingr, iauxx u jerje lingxhik danxtai kaihuad. Lanw duiww siqanx/kongqanx quanliam qandna' u jit sud aw haurlik, iauxx u jin' qongxdua kongqanx danw lanw kaidenw. Si jitt xee guan'inx, guaw huisiongg iwsinn qansiap diyc jingsinn ee digvet sinue, sewzi quancad guaw soxx duw .diyc ee surqnia, bylun si m si huhap guaw soxx qaxsed ee lixlun.
Uiham ee si, iuxquanx langg ee sinue iuguann ciangjai sriu vaitig, berdangr qycc congwjyr gurgenn, langg incuw sitkir jerje; dramm vutkyxsugi ee surbut, diongriaur qycc iuxli, dyrr cniurr jre dirr viacloo-vnix, qa huncuex, qongw jit xee inw sinhunn juwbak ee qxuiw qowsu.
Quanhe siw au sing'uac ee sinue, qowsu jinjniar ham'ir/ qowsu vuerau si sniaw, lanw jurzenn m jaix. Lanw berdangr qongxcud, jiaxee qowsu duliauw si sinn/ langg ee dausia, iauxx qycc u sniaw qewdat. Lanw rair jin' cingcyw, ciaucud lanw lixqaiw huanruii ji' gua ee surbut, si byy kyxlingg kir kakzin ee.
Lanw byy hxuad siongxsiong, juanzenn byy qang ee huatlut soxx uicii lingrgua hitt xee sewqair, in'ui lanw sing'uac dirr jit xee digvet ee sewqair/ jitt xee sewqair hingsingg lanw ee susiongw hongsid/ kakding lanw qivunw jingsinn diauqnia. Lanw giamqeh sriu sentenx qetqor ee hanrjer, lanw ee junjai ham' suuii, qra lanw sokvak dirr lanw ee sewqair. Dongzenn, sinue zinbut iauqiuu “ciauuat jex itcer”, caixiong huhap kyhak guanjig ee langg si byy iong'unw jex itcer ee. Narr beh ixx lixdir lun, guaw ee sinue lunrsut longxx si vren byy lo ee. Jiurr qamxjingg qongw, jex si jit jiongw u dirliauu ingwhau/ u qewdat ee uahdang; sinue hro junjai huad cud snia'imx, hro lanw vyxiuw benw sniu marr byy vit'iaur siauduu ee ciongjiog lixiuu.
Linghak ee quandiamw si, sixjiaw ixx quixhunn/ tnabut henxsi cud jurqiw, laii tuandat dairkair jixu inx jurqiw jiacc lixqaiw ee su, jex si duiww siw au sing'uac vutjiw u qewdat ee kyhak jingwbingg. Mrqyxx dyrr si jingwqir cionghunx, bunrdee iuguann junjai: quixhunn iacc si sniax, qamxx erdangr dairviauw sixjiaw? Si m si qandna' jingsinn ee dausia? Jiaxee mic biysut ee surbut si m si kaksit laijurr sixjiaw? Iacc si laijurr amwiwsig ee diwsig?
Jiamrcniaw mair quanw jiaxee hiyxding kaksidsingr ee lixsingr venrlun, lanw vutqaix be qir .did, duiww dairdysowlangg laii qongw, siw au, sing'uac iauxx e buhan ensiok, kuriuw diongrdua iwgi, langg e kacc bingdir sing'uac, qamxqag kacc hyw, simde tanxzenn; langg e u sxor vah nii byy hxuad ciksngr ee siqanx, hro jurqiw jipuer. Anne, duer liuhingg jitt jiongw siauxqongg ee duiqiuu qycc u sniaw iwgi?
Dongzenn, jitt jiongw tuiliw byy sik'iong muixx jit xee langg. U langg byy duiqiuu ingxuanw, jit sniu diyc jre dirr jit uann hunn-dingw dnuaa kiarkimm, dnuaa jit- bxan nii, taukakpuee dyrr baa! Marr u jit quaw langg sing'uac kamxkyw iacc si duiww jurqiw ee junjai vutjiw iawsen, itsimx sniu suacqiok. Mrqyxx jiurr dairdysowlangg laii qongw, ingxuanw sniwmia ee bunrdee vutjiw vikced/ didjiab, berdangr byy sniu, lanw diyh'air noxlik tecud moxjiongw qenwqaiw. Mrqycc beh anxjnuaw tecud?
AMWIWSIG EE JURJIUU HUATDENW
Guaw qaxsed ee si, lanw kyxiw ilai amwiwsig, vixzuu bang ee kexsi. Lanw tongsiongg e danwdiau jiaxee kexsi, siongsinr bunrdee byy hxuad did diyc dap'anr. Jiamduir jitt jiongw erdangr lixqaiw ee huaigijuxgi, guaw qenwgi: zuqyw si berdangr lixqaiw ee dairjir, qra ix quilap qaur diwlingg-siong, hongwkir byy iauwqinw, kyxviw qongxx, guaw m jaix uxdiu si qinqir sniaw guan'inx hingsingg, ingxuanw marr m jaix, guaw diyh'air qra jitt xee bunrdee vangr driau, in'ui jex si jit xee kyhak qapp diwlik bunrdee/ iuxquanx jitt xee bunrdee ee qenwqaiw, dirr bang-diongx/ iacc si sinue tuantongw virr qongw .diyc, guaw dyrr qaix juwir. Suncue jiaxee kexsi, guaw qaix u jit xee qaiwliam: bingjaix ingxuanw byy hxuad jingwbingg ee qaxsed marr byy iauwqinw.
Jit xee langg qaix u linglik qongw, ixqingx jin juanlik laii hing'iongg laiser ee qaiwliam/ iacc si congwjy moxjiongw hingsiong, suibongw vutditvud singzin sitvai, byy cir jiacc si sngxsid. Jitt xee bunrdee e virr tecud, in'ui si zinlui qoxlyw ee uisanw/ jit jiongw sinvir snewmia ee guanhingg/ kunxqiuu qax dirr lanw qywzinn sing'uac, drat qaur uanjingw. Lixsingr hiongr lanw tecud ee qaiwhan sniu' ec, hanrjer sniu' je, qandna' unxjunw lanw jiapsiu ixqingx jaix :ee, sing'uac dirr ixqingx jai'ngiaw ee kingkag-lai, cniurr lanw jaix snewmia erdangr ensiok zuarr quw. Sursit-siong, jit zit viw jit zit, lanw kacc je sing'uac dirr iwsig huanruii ji' gua, suibongw m bad amwiwsig/ amwiwsig iuguann dirr lanw luersimx sing'uac huatdenw. Puepnuar lixsingr ee jipuewlat zuxx qiongg, jingsinn sing'uac zuxx sanr; lanw erdangr iwsig .diyc ee amwiwsig zuxx je, sinue zuxx je, lanw dyrr erdangr hro sing'uac venr kacc uanjingw. Pingqer sniu' quann ee lixsingr ham' jingwdi ee juadduir kuanlik u qiongrdongg ee soxjai, dirr ix ee tongxdi-ha, qywzinn zuxx sanr.
Amwiwsig hiongr lanw viauxdat, iacc si teqiongx hingsiong ee kexsi laii jo lanw; marr u qitnax hongsid, viwzuu hiongr lanw tuandat vin' logic byy hxuad jaix ee surbut, siongxsiong henrsit ee dongvo henrsiong/ irqamw/ bang. Guaw e qir .did zi crur dairjenr qiqanx, guaw ui' Bolingen dngw kir cur sii, u jit vaiw, jah jit vunw ceh, mrqyxx tak be lyc, in'ui huexciax cuthuad sii, guaw knuawqnir u langg lag zip juiw rimx .siw, hitt xee ngiaxsiong itdit vuew be kuix, jex si guaw jywvingx sii jit vaiw surqor ee qiwig. Dirr lo-siong, guaw jingxqyy simsux virr jiamr buanw/ qamxqag vutkyxsugi, simlai sniu “cud liauw sniaw su? Dauwdew huatsingx liauw snaiw dairjir?”
Dirr Erienbach lyc ciax qniaa .dngw .kir, jitt ee hue'ig iuguann kunwziauw .guaw. Zi-jaboxqniaw ee ginxaw duxx dirr huehngg(jenwluan, inx qui' qex ui' Paris dngw laii Swiss, ham' gunw druar jywhuew)/ inx bun ~ kia dirr hiax. Guaw mng ”sniaw dairjir?” ginxaw qongw, Adrien lag zip votauu. Hiax juiw jin' cimx, ix qycc byy sniaw e siujuiw, cavutdyx beh rimx siw, aurlaii a'hniax qra qiur .kiw .laii. Cud dairjir sii, duxhyw huexciax hitt dnxua qiwig jongg .zip guaw simlai. Amwiwsig hro guaw kexsi, uirsniaxmic m si qitnax sursit surhang neh?
Kanciuw aurtaucur u langg quewsinx jingg, guaw marr u quer luirsu ee texgiam: bangrqnir kanciuw ee bincngg si jit xee jiyhviah ee cimknex --- jit jxy bong, duar diyc moxjiongw qoxdai hongqeh/ suar lyc laii guaw tniax .diyc jit sniax cimdimm ee toxkuir, naxjunxx si langg decbecc quewkuir/ jit xee jin' singg kanciuw ee langg, ui' knex-lai jre .kiw .laii, piaupuu .kiw .laii/ cing jit niaw jid u qiquair osig hyrtauu ee dngsnax.
Guaw qniax cnew, qiyr cnew kanciuw, knuar siqanx, si vnuawmee snax diamw. Bang jin' qiquair, guaw sui' sniu .diyc, kyxlingg u langg quewsinx. Jaiw-aw Cid diamw, tuann laii dongg :ee jit xee a'jew dirr snax diamw siw .kir.
Qycc laii, siongrr ciangjai duw diyc :ee, si irqyr, m si kakzin.
U jit vaiw jyr bang, bang qnir guaw duxx camqax jit xee huehngg jurhue, knuar diyc gunw jexjew, guaw jin' diyhqniax, in'ui ix quiw nii jingg dyrr quewsinx ar. Jit xui ixqingx siw .kir ee ving'iuw marr laii, qitnax ee langg longxx jairser. Sui' huathen jit xui guaw sigsai ee luxsu vruee dirr guaw srinx-vnix. Simrjiww dirr bang-diongx guaw dyrr jywcud qetlun: jitt xui luxsu qycc uac byy quw ar. “ix ixqingx u inwqir ar.” guaw sniu.
Dirr bang-diongx, guaw jin' cingcyw ix si si'angw/ druar dirr Basel. Mrqycc cnew au, anxjnuaw sniu dyrr sniu byy ix si si'angw, suibongw qui' xee bang si hiacc cingcyw naxx dirr ganxjingg. Dirr Basel juanvo sigsai bin, guaw jit xee jit xee sniu .quer, byy langg cniurr ix!
Quiw lexvair au, did diyc jit xee siausid, qongw guaw jit xee ving'iuw cud dairjir. Guaw sui' lensiongw .diyc, dirr bang-diongx cuthen :ee, dyrr si ix/ kiokk itdit byy hxuad kakzin ee hitt xee langg. Guaw e qir .did jerje sewjed, ix quewsinx jingg jit dxangx, itdit si guaw ee vnerlangg/ guaw noxlik duicue, dyrr qandna' ix ee hingngiaw byy cuthen (jiurr lriw ix rair cuthen jiacc driyc).
Zuqyw si'angw u jitt lui qinggiam, iycsniu ix si vutjiw jundiong amwiwsig ee amwlat/ luerhamm. U jit diamw, lanw diyh'air sewzi qinxsin: jitt jiongw sinwsid kyxlingg kuriuw juxquanx iwhamm, ham' henrsit byy huhap/ iacc si sionghuanw. Ue qongw dngw .laii, guaw qinqir amwiwsig ee kexsi soxx hingsingg ee quandiamw qik u ingwhau. Dongzenn, guaw m si sniu beh siaw jit vunw quanhe amwiwsig ee kexsirlok/ si beh singzin, guaw ixqingx iongxiuw jit jiongw qoxbuw guaw cimzip liauxqaiw jitt xee lingxhik ee “sinue”. Sinue si kyhak siongrr jaw ee hingsid. Dramm siw au jiaxee dairjir, guaw soxx qongw :ee, si luerjai kexsi, marr qandna' e qra liw qongw jitt xee juxdee iuxquanx ee bang ham' sinue.
Dongzenn, u langg jit kaisiw dyrr huanxvog, qongw snewmia dirr siw au ensiok ee sinue qapp bang, vutqyr si lanw tensingr qowiuw ee voxsiongw huanwqag, snewmia qiqiuu ingxuanw. Uirr beh huedab jitt xee, ui'id erdagnr jiar iong ee le si sinue vunxsinx.
U jerje ngiaxziah viauxbingg, jiwjiyw vorhun jingsinn si byy sriu kongqanx/ siqanx huatjig soxx jipuer. J.B.Rhine (1895-1980) u miaa sidgiam, teqiongx kyhak jingwbingg. Duliauw iuxquanx jurhuatsingr irqyr/ huikongqanx diqag ... dringw le ji' gua (jitt hongbin guaw ixqingx tecud guaw vunxsinx ee le), jiaxee sidgiam jingwbingg, jingsinn sisiongg dirr inqyw quanhe ee si'kongx dingrlut ji' gua huathuix jok'iong. Jex suecbingg, lanw ee si'kongx/ inqyw quanhe quanliam si byy uanjingw ee. Sewqair uanjingw dosiong qycc su'iaur voxciongx; qandna' jitt xee vanrhuad, henrsiong ee uanjingxsingr jiacc erdangr did diyc itdir ee qaixsueh. Dnaxx lixsingwjuxgi iuguann qencii, linghak ee qinggiam m si jinjnair junjai; inx ee sewqaiwquanx si m si singlip, marr quatding dirr jitt xee bunrdee-siong. Zuqyw jitt lui henrsiong cuthen, lixsingwjuxgi ee uxdiu dosiong dyrr byy qewdat, in'ui byy uanjingw. Henrsiong sewqair vuerau ixx qitnax qewdat jyr viaujunw ee henrsit kyxlingsingr/ venwjniaa berdangr huevi ee bunrdee/ lanw diyh'air binrduir anne ee sursit/ sewqair qapp siqanx, kongqanx, inqyw quanhe/ longxx ham' jitt xee sewqair vuerau, iacc si jitt sewqair ji' ha ee lingrgua jit jiongw surbut sunrsi iuxquanx; dirr jitt jiongw sunrsi-diongx, bylun si “jiax, hiax”, iacc si “ixjingg, ixau” longxx byy diongriaur. Guaw itdit cimsinr, jiwjiyw lanw jingsinn ee jit vorhun digdingx, si ixx kongqanx, siqanx ee siongduiwsingr; jex qycc ham' duiww iwsig qirlii vixle ee jingqax, drat qaur huisiqansingr, huikongqansingr ee juadduir qingxqair.
M na guaw jurqiw, samvutgorsii iauxx u vadd langg ee bang, marr e cioksingg/ siuding/ kingxding guaw duiww siw au sing'uac quandiamw. Guaw digvet diwdang jit xee hagsingx --- jit xui lak-jap huer ee luxsu, dirr quewsinx jingg nng qywguec jyr jit xee bang. Ix jinwzip imqanx, dirr hiax siongrkyr, jerje ixqingx quewsinx ee luxsingr ving'iuw longxx jre dirr jingvaii caa-iw. Siongrkyr sii u jit jiongw qitai ee kiwhunx. Ix bagjiux ui' siwjiuuii jauw jit jua, cue byy laursux, henxzenn ix jurqiw dyrr si laursux, in'ui langg siw au diyh'air sui' qongw jurqiw ee sing'uac qinggiam. Ixqingx quewsinx :ee duiww duxx siw :ee sing'uac qinglik jin' u cuwbi, naxjunxx zinqanx sing'uac, kongqanx, siqanx-diongx ee uahdang, qinggiam kuriuw quatding iwgi.
Bylun zuhyy, jitt xee bang biyue liauw sewqanx cavutdyx cue byy, siongrr digvet ee tniajiongr, ui' lanw ee suuii hongsid laii knuar, jiaxee langg jin' u cuwbi :ee, si jit damw aw dyrr byy digvet ee zinsingx juewau simliw qetqyw: jex boghuix si ui' jiax did diyc kyxlingg qetlun. Zuqyw jitt jiongw “tniajiongr” junjai dirr jit jiongw siangduir huisiqanx ji' diongx (dirr jiax, “qetsog” “surqnia” “huatdenw” longxx jniajyr kyxgii ee qaiwliam), anne inx siongrr u cuwbi ee kyxlingg si inx jurqiw sing'uac diauqnia soxx kiamr ee mic.
Jyr jitt xee bang sii, jitt xui luxsu huisiongg qniax siw, jinrlik piacbenw sniu siw ee dairjir. Mrqyxx, iuqii duiww jiamrr lau ee langg, sixbongg qycc si moxjiongw diongriaur ee jiaudiamw. Jex si bingkag bugii :ee, diyh'air huedab. Incuw, rair u jit xee quanhe sixbongg ee sinue, lixsingr denxhen ee siw, si itding rair qniaa zip ox mimox ee bong; sinue erdangr setqer cud qitnax hingsiong --- iuxli sixlangg honghur ee sing'uac do'qingw. Zuqyw ix siongsinr jiaxee sinue, anne ix dyrr cniurr hiaxee byy siongsinr ee langg qang, u kyxlingg si jingwkag/ iacc si cywgno ee. Mrqycc dng' ix qniaa hiongr hikangx, siongsinr guanhingg ee langg dyrr en' diyc snewmia ee quixdy hiongr jingg qniaa, itdit qaur sixbongg. Dongzenn, jitt nng jiongw longxx byy hxuad kaklip, erdangr kingxding :ee si, jit jiongw langg duiwkongr vunxlingg sing'uac, lingrgua jit jiongw junsunn vunxlingg.
Amwiwsig ee hingsiong marr si m jaix :ee, uirr did diyc diwsig, su'iaur langg, iacc si ham' iwsig jiapciog. Guaw kaisiw genxqiur amwiwsig sii, huathen jurqiw ham' Salome/ Elijah ee hingsiong sanxsingx quanlenn. Byy zuarr quw, jiaxee hingsiong siauter, nng nii au qycc cuthen. Hro guaw qniaqii ee si, jiaxee hingsiong uanjuann byy venwhuar, gendamm dongrjog iuguann, dirr jitt qiqanx naxjunxx byy zimrhyy dairjir huatsingx. Sidjer-siong, dirr guaw ee sing'uac-diongx huatsingx liauw byy langg qnaw siongsinr ee dairjir. Incuw, guaw diyh'air ui' tauu kaisiw, qra inx qongw huatsingx .quer ee itcer, qycc qaixsueh. Duiww jitt xee jinghongw, dongsii marr qamxqag jin' qiquair, aurlaii jiacc bingvik: dirr jit dnxua qiqanx, jitt nng xee hingsiong jimwdimm dirr amwiwsig, qycc bih .kiw .laii, iacc si qongw inx si dirr huisiqanx jongrtair-diongx. Inx sitkir liauw ham' jurgnow/ jurgnow venwngua kuanqingw ee lenjiab, duiww iwsig sewqair soxx huatsingx ee itcer itbuu-soxdix.
ZUQYW SIW AU U IWSIG JUNJAI
Guaw jin' jaw dyrr jaix, guaw diyh'air qar amwiwsig hingsiong, iacc si byy iong'i hunven cingcyw ee “ixqingx quewsinx ee linghunn”. Derr id vaiw qamxsiu diyc jitt diamw, si 1911 nii ham' jit xui ving'iuw kiaa ticbew cngx quer Italy vakvo ee lo-diongx. Dngw .laii ee sii, ui' Pavia kiaa qaur Arona, dirr Maggiore Oo quewmee. Gunw vunxlaii pacsngr en' oo vorlenw, qniaa quer Tessin diddat Faido, qycc ui' jiax jre huexciax qaur Zurich. Mrqyxx dirr Arona, guaw jyr liauw jit xee bang, qra gunw ee qewue juanvo pacluan.
Bangrqnir guaw camqax sewqiw bingzinn linghunn jibhue; hex qamxsiu ham' 1944 nii guaw dirr ojiyc biyrsi ee huanwsiong luirsu, dam'ue si iong Ladinggiw. Jit xui dir qew/ dngg/ kiuu taumngg ee sinsu, mng guaw jit xee jin' lann ee bunrdee, jingsinn au guaw ixqingx qir be cringx. Guaw tniax u ix qongw ee ue, mrqyxx Ladinggiw byy qraur sik, qongw be cud, qamxqag jin' qenwsiaur, simjniaa jin' baiw, anne jingsinn ar.
Cnew .kiw .laii, guaw sui' sniu .diyc guaw dngdecc siaw ee “amwiwsig simlixhak”, qycc sniu diyc hitt xee byy huedab ee bunrdee, qamxqag jurvix, sui' jre huexciax dngw qaur cur, ngar tauu qangjog. Guaw bersaih qewsiok kiaa kadahciax sngw hiaxee byzi :ee, longrhuir siqanx, rair zinrjinx cue cud dap'anr.
Quixarr dxangx au, jiacc lixqaiw guaw ee bang/ huanxingr. Hitt xui dir qew taumox ee langg si joxsenx / iacc si sixjiaw ee linghunn, tecud bunrdee, mrqycc byy did diyc dab! si sniu' jaw tecud, guaw iauxx byy drat qaur hitt xee juixjunw, qandna' hnuaw ~ qamxqag .diyc, zuqyw guaw noxlik siaw ceh, dyrr e u linglik huedab. Guaw linghunn ee senzinn hiongr guaw qongxcud bunrdee, si hibang did diyc inx dirr sewqanx m jaix ee itcer, in'ui dap'anr dirr ixau quixarr sewqiw jiacc e jaix. Zuqyw bunrdee/ dap'anr ingxuanw si henrsingg ee, suisii tec e diyc, guaw marr byy su'iaur vniawmia! dirr dyhh jit xee sewqiw dab jiacc suisii jin' iong'i tec .diyc? Qaksit, jurzenqair ee diwsig naxjunxx si buhan :ee, mrqyxx jixu dirr siqix singsik sii, iwsig jiacc erdangr lixqaiw. Jitt xee quewdingg kyxiw siongxsiong jyr qywzinn jingsinn, jit xee langg kyxlingg je nii laii, duiww mow qnia su iokliok jaix .qauw, kiokk rair dirr mow jit xee digvet sikig jiacc e uanjuann vaxag .diyc.
Aurlaii, guaw siaw “hro sixjiaw cid vaiw vowdyrsuu” sii, sixjiaw qycc qra guaw tecud jin' kunwlann ee gibun. Inx qaqi qongw “ui' Jerusalem dngw .laii, byy cue diyc beh air :ee.” jitt diamw dirr hitt sii hro guaw vutjiw diyhqniax, qinqir tuantongw quandiamw, sixjiaw soxx jaix :ee jerje. Lanw longxx u anne ee qaiwliam, zinruii sixjiaw diwsig ngiaa quer uahlangg jerje/ in'ui Qidog qauwhak qar lanw, dirr imqanx lanw jiong' rair “bin duiww bin snaqnir”. Henxzenn, sixjiaw ee linghunn “jaix” :ee, qandna' si sixbongg jingg ee mic/ qitnax itqair m jaix/ inx jiacc jinrliong qiauxcaw lanw ee sing'uac/ qitai hiangxsiu langg ee diwsig. Guaw ciangjai qamxqag, inx kia dirr lanw ee vuerau, danxtai tniax diyc lanw hro inx ee huedab/ lanw duiww miarun ee dab. Guaw qamxqag inx ilai uahlangg did diyc dab, dyrr si uaxkyr hiaxee viw inx uac kacc quw/ dng' singjunn dirr venwhuar sewqair ee langg, si juandix iacc si juann iwsig/ jiaxee byy sriu inx jipuer/ kyxiw hro inx quanwjur uahlangg ee jingsinn, juwzip jit xee sinkux jyr qniawtog ee linghunn. Incuw, uahlangg jitt diamw ee simliw, jiwjiyw viw sixlangg :ee kacc ngiabin/ u linglik did diyc cingcyw, kuriuw quatding iwgi ee zinrdix . Guaw zinruii, snax-cuwguann sewqair dirr siqanx, kongqanx-siong, dyrr cniurr jit xee duiwdingw hiabdiau ee jyrviaux (Coordinates), henrser si vnebin dit-hnuaii jyrviaux, kyxlingg marr cuthen dirr byy siqanx/ byy kongqanx jongrtair-diongx, cniurr jit xee kuwiuw dybin guansiw hingsiong/ iacc si cniurr uii dirr guanhingg zinrdix snuawluan ee hunn. Zuqyw byy kyr lensuar lueriongg jyr snuawsyh laii hunven, dyrr berdangr byy jyrviaux hertongw. guaw knuar, dirr snuawluan juandix jongrhongw-ha, iacc si dirr byy juxquanx ee iwsig jongrtair-ha, byy si'kongx hunqair, jitt jiongw uahdang si vutkyxsugi ee. Zinrdix, cniurr snetnuar, vauhamm duiwlip: jitt vingg/ hitt bin, binrdingw/ erkax, jingg/ au ee duiwlip.
Zuqyw siw au u iwsig junjai, anne guaw zinruii jitt jiongw junjai dyrr e dirr zinlui soxx drat qaur ee iwsig-siong ensiok, iwsig dirr zimrhyy sidai longxx kuriuw venwngua ee kongqanx. Jerje langg jitt siwlangg, itdit qaur siw, iauxx ziog byy diyc jurqiw amwlik; kacc diongriaur :ee si, qitnalangg dirr itsingx-diongx noxlik tequann amwlik qaur iwsig jancur ee diwsig, inx duer byy diyc din, simrjiww sux tiamw ~. Incuw inx suibongw quewsinx ar, iuguann decc jauxcue uac ee sii, byy did .diyc ee hitt vorhun iwsig.
Guaw si taur quer quancad sixjiaw ee bang did cud jitt xee qetlun ee.
U jit vaiw, guaw bangrqnir kir hongxbun jit xee nng lexvair jingg siw .kir ee ving'iuw. Jitt xui ving'iuw qandna' jiapsiu juxliuu ee sewqaiwquanx/ jipquad qu susiongw, byy air huanxsingw. Dirr bangrqingw-diongx, ix ee cur dirr luirsu Basel hurqin ee Tullinger siyw snualunn, jit jxy qoxlyw sniavyw, jiuuii si qauwdngg/ quiw jxy siyw cur joxsingg ee qongxdniuu (hro guaw sniu kiw _____ sniavyw taujingg ee qongxdniuu). Hitt jun duxx si ciutnix buexluix ar, ciurhiyc jiamrr venr qimngg, jingxqyy qingxsig dirr ziu'nngw zidtauqngx-ha qamxqag jin' jonggiamm. Guaw ee ving'iuw ham' inx jabowqniaw qang jre jit der dyh-vnix, jaboxqniaw bad dirr Zurich yc simlixhak; guaw jaix, ix dngdecc ham' inx vaxvah tyxlun simlixhak. ving'iuw tniax qaxx jin' cuwbi, ciuw suiven et .jit .xe, qra guaw viauxsi iwsur, naxjunxx qra jit xee sigsai langg qongw “cniaw m hyw qiauxcaw” jitt xee ciuxser marr si jit jiongw siysii.
Jitt xee bang ixx moxjiongw guaw bylat lixqaiw ee hongsid qra guaw qongw, ix virr iauqiuu jiapsiu ix ee jingsinn junjai ee henrsit, jex si ix itsingx byy jyr qraur :ee.
Duiww linghunn dirr siw au ee enxhuar, guaw iauxx u lingrgua jit vaiw texgiam, hex si dirr kanciuw quewsinx iokk jit dxangx au, u jit amr, guaw hutzenn jingsinn; e qir .did ham' ix dirr Huatqog lamvo ee Provence, gunw nng langg jywhuew dah ~ uaw jit zit, dongsii ix dngdecc genxqiur singwvuex (sxingr-vxuex). Jitt xee sewjed dirr guaw knuar laii vutjiw u iwgi, in'ui ix quewsinx ee sii iauxx bue uansingg jitt xee genxqiur. Juxquanx qaixsueh --- guaw ee Anima byy qetsog ix qaix jyr ee dairjir --- si byy iwgi ee; guaw jin' cingcyw, jitt hongbin guaw iauxx bue qaur jit kamxjam. Mrqyxx kanciuw siw au qewsiok qangjog, hro ix ee sinlingg jinr jit vo huatdenw ee qenwqaiw, duiww guaw iwgi diongrdua, qamxqag hnuahiw an'uir.
Dongzenn, jitt lui quandiamw si byy junxkag ee, iong'i jyrsingg qexsiong, cniurr dausia qaur jit xee vnebin ee hingtew; iacc si sionghuanw, ixx jit xee libtew hingjong, qinqir setqer jyr sir-cuwguann ee hingboo, inx longxx suxiong snax-cuwguann sewqair ee sudgiw laii hiongr lanw denxhen vunxsinx. Sowhak byy siyh dairqer congwjy qandna' vin' qinggiam si byy hxuad lixqaiw qokk jiongw quanhe ee kurtew viauxdat hongsid; duiww hunwlen jerje ee siongxsiongrlik laii qongw, tauwquer logic guanliw, ixx qinggiam juliau --- bang ee qenwjingr jyr qicow, qenwlip qauqamm hogjap, hunven kunwlann ee surbut hingsiong, marr si jin' iauwqinw ee, soxx iong ee honghuad, dyrr si guaw qongw ee “vit'iaur lunrsut”. Jitt xee hongwdua guanjig (amplification) laii qaixsueh bang hro jaiww henrcud, marr ersaih iong qanxdanx jingxsor ee lunrsut laii denxhen.
Derr id xee sowzi: “jit” si dnuax sxor ixgua, si qywtew/ id-cuwguann/ huizirguansingr/ juantew/ qywsingr, jiaxee m si “sxor”, si dethak qaiwliam/ siongrder ee guanhingg qapp siogsingr --- dan'id tew (Monad). Zinlui diwhui qaix jywcud jiaxee lunrsut; mrqyxx diwhui sriu diyc ittew (Oneness) qapp iwhamm qaiwliam ee quiding/ hanrjer; ngua jit qxur, jiaxee lunrsut m si buxduanr ee/ sriu ittew singwjid ee jewiog/ si vit'iaur ee. Lixlun-siong laii qongw, qangrkuanw ee logic tuiliw iong dirr sxor ee qitnax qaiwliam, mrqyxx sidjer-siong, quewdingg jin' qinw dyrr qetsog, in'ui hogjap jinghongw jin' qinw jingqax, sowliong sniu' je, jiangxag byy iong'i.
Cuxau, muixx jit xee dan'ui dy' e inxcud sinx ee siujingr, vixzuu, sowzi sir ee digsingr si sir-crur hongdingsid, u qaixdab, go-crur hongdingsid dyrr byy ar. Incuw, sowzi sir ee vit'iaur lunrsut si: jit xee kixtauu, marr si jingg jit qaisor ee qetbuew. Muixx jingqax jit xee dan'uirsor, e cuthen jit xee/ iacc si kacc je ee sowhak siogsingr, lunrsut jiamrr jingqax hogjabsingr, berdangr hertongw qangxsueh.
Jurzensor ee byhan sunrsi ham' dnuax xee singbut ee byhan sowbak si siy' duiwingr ee. Jitt xee herlet qangrkuanw ui' qywtew josingg, simrjiww jingg jap xee ee siogsingr marr dairviauw (zuqyw erdangr dairviauw), ui' dnuax xee hunli cud laii tiusiong uxdiu kiwguann jinwhuawquanx. Sxor ee siogsingr dongsii marr si budjid ee digsingr, incuw, mow quaw hongdingsid ersaih tuilun butjid hing'uii.
Guaw zinruii, by qang ee sowhak lunrsut (singwjid byy qang ee lunrsut), qangrkuanw jixcud ciaucud vunxsinx dyrr byy hxuad viauxhen ee henrsit jinghongw, vixzii, siongxsiong ee sanxbut/ poxpenr erdangr virr jiapsiu/ cniurr guanhingg juxdee kuidenw cud je jiongw digsingr. Sowhak hongdingsid ee mow quaw insor, lanw byy hxuad suecbingg inx dairviauw sniaw budjid sidtew; qangrkuanw, lanw kixcox marr m jaix mow quaw sinue jixhiongr sniaw jingsinn henrsit. Zedkir byy quijig unrdong ee hongdingsid dirr jin' quw ixau, siangquanx jingkir ee bunrdee jiacc did diyc jingkag ee genxqiur. Jin' quw ixlaii, lanw marr viauxhen moxjiongw amwiwsig (Subliminal) quewdingg ee sinue dejaii, jiaxee quewdingg itdit qaur juewqin jiacc u jurqiw ee miazi.
HRO BONGHUNN CUE LINGRGUE JIT VNUAR
Bylun dirr dyc'ui did diyc siongrr dua hanrdo ee diqag, guaw zinruii, longxx si sixjiaw kyxlingg did diyc siongrr quann hanrdo ee diwsig. Zinqanx sing'uac kuriuw jiacc diongrdua iwgi, langg dirr sixbongg sii soxx “jah jauw” ee surbut jiacc diongriaur, guan'inx dirr jiax. Jixu dirr jiax, dirr duiwlibbut huatsingx ciongtut ee zinqanx sing'uac-diongx, iwsig jongxtew juixvingg jiacc erdangr tequann. Knuar .laii, jex si zinlui ciaux budjid ee zimrbu, zuqyw byy “sinue qaixsueh”, lanw dyrr berdangr uansingg jitt xee zimrbu. Sinue si amwiwsig/ iwsig zinrdix ji' qranx berdangr kiamr ee qiyy. Amwiwsig jaix ee surbut ngiaa quer iwsig jerje; mrqyxx jex si jit jiongw digvet/ ingxuanw ee diwsig, byy kansiap diyc jitt sii/ jitt soxjai, berdangr iong diwhui ee gixgenn viauxdat. Jixu hro siangquanx ee lunrsut jurqiw hongwdua, cniurr dingw dnua soxx dramm ee sowzi ee le/ jiacc erdangr jinwzip lanw lixqaiw huanruii; jixu jitt sii, lanw jiacc qakcad diyc sinx qaiwliam. Jitt xee quewdingg itjair cuthen dirr muixx jit xee singqongx hunsig ee bang-diongx, vutjiw u suechoglik. Quanhe bang ee lunrsut, mair singx u hagsueh ee dingrqenr --- jitt diamw jin' diongriaur/ guan'inx marr dirr jiax. Itdanr lanw huatqag moxjiongw “ byy simsig ee qaixsueh”, dyrr e jaix, lanw ee honghuad ixqingx venwjyr qauwdiauu, kangx ~ byy mic ar.
Suibongw byy honghuad jingwsit linghunn dirr siw au qycc qewsiok junjai, mrqyxx qokk jiongw qinglik e hro lanw sukyw. Guaw dongwjyr kexsi, byy air jiong' gno .diyc ee iwgi qiongqax hro inx.
U jit amr, guaw kunr be kir, itdit sniu diyc jit xui tudzenn quewsinx ee ving'iuw/ jingg jit zit jiacc vran .quer qywvedsid; guaw vutjiw diwdang. Hionghiongg, qamxqag ix dirr vangqingx-lai/ dyrr kia dirr guaw ee cngtauu/ iaucniaw guaw jywhuew cud kir. Guaw byy qamxqag si bonghunn/ kacc cniurr ix luerjai ee sirqag hingsiong/ guaw duiww jurqiw qaixsueh qongw si huanwsiong. Tanxvec qongw, hitt dongsii guaw mng jurqiw “guaw u sniaw jingwqir qongw hex si huanwsiong neh? Qaxding hex m si huanwsiong, qaxsed ving'iuw kaksit dirr jiax, guaw kiokk duanwgenn jixsirr huanwsiong, qamxx m si jin' okjid?” qangrkuanw guaw berdangr jingwbingg si bonghunn. Suar laii guaw sniu “siwqer cue byy jingwqir! Duliauw qra qaixsueh jyr bonghunn, guaw tecud gignaiw, duiww ix byy itding si baiw :ee; zircniaw si uirr sidgiam hro ix henrsidqamw.” guaw duxx sniu qaur jiax, ix ixqingx qniaa qaur mngkauw, jiyho guaw duer ix jywhuew qniaa. Guaw qamxx dyrr anne ham' ix jywhuew cud .kir? Guaw m si anne sniu/ diyh'air jaiww crur dionghok jurqiw ee lunrdiamw/ jiacc e dirr siongxsiong-diongx duer ix kir.
Ix cua guaw qniaa cud vangqingx, jinwzip huehngg, jnriu liauw qonglo, juewau qaur inx daux (sidjer-siong, inx daux li gunw daux u quixarr vah bxew). Guaw jinr liauw mngg/ ix inw guaw zip kir ix ee cecvangg/ Ix dac kiw kir jit der ixtauu-dingw/ qiw hro guaw knuar cecqer-dingw derr zi jann angsig cectyr go vunw ceh ee derr zi vunw. Jitt sii, huanwsiong dng .kir. Guaw vunxlaii byy sigsai ix ee jongsux/ m jaix ix u sniaw ceh. Sidjer-siong, guaw qinvunw byy hxuad ui' erbin knuar cringx derr zi renn ceh ee viaudee.
Jitt xee texgiam duiww guaw huisiongg digvet/ qecdngxjaiw, guaw kir vaiwhongw ix ee taiwtair/ qamxx ersaih kir ix ee cecvangg cue mic. Cecqer erbin kaksit u guaw huanwsiong-diongx knuar diyc hitt xee ixtauu/ byy qniaa uaxqin, dyrr knuar diyc hitt go vunw angg hongtyr ee ceh/ dac kiw kir qoxixaw/ jit knuar viaudee, si Zola (1840-1902) siyxsuad ee huan'igvunw/ derr zi qngw viaudee si “sixjiaw ee uisanw (The Legacy of The Dead)”. Lueriongg guaw byy cuwbi, viaudee ham' guaw ee qinggiam cuanwlenn jiacc u iwgi.
Guaw dirr maxmah quewsinx jingg jyr ee bang, duiww guaw qangrkuanw iwgi diongrdua/ si guaw qiawkax dirr Tessin sii, quewongw ee. Siausid laii qaxx jin' iwgua, hro guaw diyhqniax. Jingg jit amr, jyr jit xee kyxpnar ee bang:
Dirr jit jxy ram ~ amwsamr ee ciurnaa-lai, guansiw dua ciu jiqanx siwqer he qihingg-quaiwjong ee dua jiyhtauu, itpenr uanxqow hnuai'og ee qingxsig. Tudzenn, guaw tniax diyc jit jun jiamlai hauxqiyr, hiangxliang qaxx juann uxdiu/ hro guaw qicqih cuah, suar .laii, qerciurnaa hitt vingg huatcud hu-la-hu-la sniax, jit jiah ciaudua hxingg ee iaxlongg, cuir kuix qaxx dua ~~ cuanwjauw .quer/ jit knuar jitt jiah iaxsiur, tudzenn bingvik, si hong'iaw paclac :ee ee bingrling, beh liac mow langg ee linghunn/ guaw diyhqniax qaxx hueh qiongbecc qendangr .kir, hionghiongg jingsinn.
Qecdngxjaiw jriab diyc maxmah quewsinx ee siausid.
Ixjingg, byy jit dniuu bang hro guaw jiacc diyhqniax. Viauxsiong laii knuar, bang naxjunxx viauxbingg qxuiw laii liac langg. Mrqyxx, junxkag qongw, jitt dniuu bang si hngvox paclac :ee (Wild Hunisman)/ iacc si ligby :ee (Wearer of The Green Hat) dirr hitt zit amwmee cua ix ee iaxlongg qrunn cud gua paclac --- hex si id-guec cneqongg lamhongx quiwjed. Si Wotan, dyrr si Germanic joxsenx ee sinn, qra maxmah cua kir ix joxsenx hiax; siauqik qongw, si dngw kir “iaxbann ee huansia” ; jikqik qongw si dngw kir urhog langg ee diongqanx. Qidokqaur tuanqauwsu bad qra Wotan venwjyr moquiw; Wotan vunxsinx si jit xee diongriaur ee sinn, cniurr Roma langg soxx lixqaiw/ si jit xee Mercury iacc si Hermes/ si jurzenn sinlingg, ixx singwvuex tuansuad ee irgenqax, huawsinx qycc uac/ jniajyr lenrqimsux jauxcue ee viwhngx. Anne, jitt xee bang ee ham'ir si, maxmah ee linghunn virr sangr zip ciauuat qidokqaur dyrdig lingxhik ji' gua/ kir qaur jurtew qyckacc qongxkuah ee tende kir/ virr sangr kir jurzenn qapp sinlingg ee jingxtew-diongx. Dirr jiax, itcer ciongdut/ maudunw longxx huawqaiw driau ar.
Guaw jre iarvan huexciax, sui' jongg dngw kir/ jit lo jabhunx visiongx/ mrqyxx luersimx vingrr byy viaix/ guan'inx jin' qiquair; jingxqyy luxdingg guaw vutduan tniax diyc buxkig/ ciyr sniax/ huanlok naurcaw, naxjunxx decc jinwhingg hunlew. Jex ham' bangrqingw lauu hro guaw dua qniahniaa inwsiong hingsingg qionglet duiwviw. Dirr huanlok ee buxkig/ hnuahiw ee ciyr sniax-diongx, guaw byy kyxlingg juanzenn dimm dirr visiongx-diongx. Jit vaiw qycc jit vaiw, dirr viaix cavutdyx decbecc rimx kamr sii, sui' qycc huatqag jurqiw sriu huanlogkig qamxziamw. Jidvnuar qamxqag unluanw huanhiw/ lingrgua jidvnuar qniahniaa viaix; dirr jitt nng jiongw duiwlip ee simjniaa-diongx piaupuu byy dnia.
Zuqyw lanw qaxsed, sixbangg jit bak nih sii, si jurgnow quandiamw viauxhen, xe jit bak nih si jingsinn quandiamw ee viauxhen, dyrr erdangr qaixsueh jitt xee qiquair hensiong. Dirr jingg jit xee jinghongw-ha, cniurr jit xee xeh, marr si lanw itvnualangg ciangjai u ee inwsiong, hiongog/ bujingg ee sewlik, naxjunxx beh dne langg ee snewmia.
Sursit-siong marr si anne, sixbongg kaksit si kyxpnar/ jankog :ee, benw qaixsueh dyrr jaix :ee. M na ui' bactew venwhuar knuar diyc sixbongg ee jankog, jingsinn-siong marr si anne. Jit xee langg ui' lanw diongqanx virr kiuw jauw, lauu lyc cnelingw ee diamrjing/ zimrhyy quanhe longxx byy hxuad qiqiuu/ soxu qiyniuu dirr pah jit xee juann dng .kir. Jiauww lriw dirr honghuaa nihuer sii, qaix hiangxiuw dngg huewsiu suacc auxjic/ huanhux-siogjuw dendyww uac qaur lau ~~/ henrsit ee jankog, lanw byy kxuann siamxbih/ busiongg ee sursit qinggiam hro lanw tongwkow, incuw did .diyc ee qetlun: siongrder byy juvix/ jingwgi byy junjai/ senrir byy der cue.
Mrqyxx, ui' lingrgua jit xee quandiamw knuar, sixbongg si huanlok :ee. Ui' ingxuanw ee qakdo laii knuar, jex si jit xee hunlew, jit jiongw sinvir habtew/ prangw .kir jidvnuar ee linghunn, dyrr beh qycc kiyh uanjingw ar. Dirr Hellene jiyhquanx-dingw, ixx tiauwbuw ee siauwluw laii viauxhen huanlok; dirr Etruscan ee bong-dingw, si enwhue. Kensingg ee bidqaur dniuxlyw Simon Ben Jochai beh quewsinx sii, ix ee ving'iuw qongw, ix dngdecc kingwjiog jurqiw ee hunlew. Qaur dnaxx, jerje derkux, banrlingjed hitt zit kir bong iaxcanx ee quanwsir; ui' jiax laii knuar, sixbongg kaksit si jit jiongw kingwdenw.
SINUE JAIWSINGX QAPP GIAP
1922 nii qauw-guec, maxmah quewsinx jingg quiw qywguec, guaw jyr jit xee bang, irqyr ix jiong' beh quewsinx. Bang-diongx vaxvah lauu hro guaw cimkig ee inwsiong. Jurr 1896 nii ix quewsinx au, guaw m bad bang quer vaxvah.
Jitt sii vaxvah cuthen dirr bang-diongx, naxjunxx ui' hng ~ soxjai lixhingg dyr .laii/ knuar .kiw .laii siauwlenn jerje/ u vaxvah ee kuan'uix bo'ngiu/ gunw jywhuew qniaa zip guaw ee cecvangg/ guaw simjingg huisiongg hnuahiw/ sniu beh jaix jitt dnxua jiacc dngg ee siqanx, ix decc jyr sniaw/ hnuahiw danxtai beh qra kanciuw cam' ginxaw siaurqair hro ix, cua ix knuar guaw ee cur, qra qongw guaw jiaxee zidjiw ee qingxgu/ singjig, ixqibb juewqin beh cutvanw ee duwjog “simliw luirhingg”. Mrqyxx jin' qinw knuar cud siqix m driyc, vaxvah henxzenn simlai u dairjir, naxjunxx beh qra guaw tyw sniaw lehh, sui' qra guaw ee sniurhuad dongr .kiw .laii. Quer .jit .xe quw, ix qongw, guaw si jit xee simliw hagqax, sniu beh tniax guaw duiww hun'inx simliw ee qenwqaiw. Guaw junxvi liauw jit dua pnix qangxqyw, juanlun hun'inx hogjap insor, jitt sii, guaw jingsinn.
Byy kakding lixqaiw jitt xee bang, jurlaii dyrr byy sniu .diyc, jitt xee bang kyxlingg si irqyr maxmah virr diamw inwqir. Itdit qaur 1923 nii id-guec, maxmah tudzenn quewsinx sii, guaw jiacc bingvik.
Verbuw inx ee hun'inx byy hyxser, ciangjai sna' jner/ duii odau/ duiww nairsingr ee bualen; sianghongx longxx huan quer jerje angbow e huan ee cywgo. Guaw ee bang si maxmah beh quewsinx ee diaurtauu, vaxvah quewongw zi-jap-lak dxangx dngw laii, sniu beh jiurr hun'inx bunrdee cingxqaur simliw hagqax, in'ui byy zuarr quw au, ix rair qycc dingsinx kiyh huee jitt jann quanhe. Henxzenn, ix dirr byy siqanx jongrtair, lixqaixlik byy tesingx, dihy'air cingxqar uahlangg/ uac ee langg hiongxiuw sidai venwhuar duar laii ee hyxcur, duiww surbut e u sinx qenwqaiw.
Jitt xee bang ee sinwsid dyrr si anne. Guaw zuqyw tamwqiur juxquanx iwgi, qaix lixqaiw kacc je; mrqyxx uirsniaxmic guaw duxhyw dirr maxmah beh quewsinx jingg bang diyc ix ee siw, kiokk byy singx knuar diyc ix ee siw neh? Jitt xee bang henxzenn ham' vaxvah iuxquanx, duiww vaxvah ee dongjingg, nihuer zuxx je zuxx quann.
Amwiwsig si siqanx/ kongqanx siongduiwsingr ee qetqyw, viw diyc u iwsig ee simliw --- jixu duiww qokk jiongw qamxquanx iuxhau ee zinrdix, kuriuw kacc hyw ee sinwsid laiguann, lanw siw au sing'uac ee sinue iuguann kyr bang iuxhan ee kexhuad, ixqibb luirsu jurhuatsingr laijurr amwiwsig henxsi. Guaw ixqingx qongw .quer, lanw berdangr qra diwsig ee qewdat quisiok dirr jiaxee huanwqingw, jingwbingg qyckacc benxqongw. Mrqyxx jiaxee qewdat qapp jingwbingg erdangr dongwjyr hongwdua ee qinqir, teqiongx lanw tamwsyh diwhui sii, berdangr kiamr ee sowjaii. Zuqyw cetdng sinue sewqair siongxsiong ee inxcua, simliw jniajyr qauwdiauu gnerhuar. Lingrgua jit bin, ham' sinue jitt lui muiqair jiapciog sniu' je, duiww iwjir ziok/ caigii dang ee simliw marr e u huihiamw, in'ui inx e qra hohamr ee amwsi dongwjyr kaksit ee diwsig, qra qanxdanx ee huanwqingw knuawjyr sursit.
Jit xee liutuann jin' kuah ee sinue qongw, laiser si ui' linghunn juanxser ee quanliam/hingsiong hingsingg :ee. Qoxlyw ee Inwdo, si jit zee diwhui bunhuar qydo hogjap ee qokqax, zinruii linghunn juanxser ee quandiamw si lixsow-dongxzenn, cniurr Aujiulangg qongw siongrder congwjy sewqair/ linghunn dyrsux junjai ee quanliam. U qauwiongw ee Inwdorlangg jaix Aujiulangg byy janwdongg jiaxee quanliam, mrqyxx byy zinruii lanw driyc. Danghongx ee linghunlun zinruii, snex/ siw ee lunhuee si jit xee bujin ee ensiok quewdingg, cniurr jit xee byy bogviaux ee cialenw, ingxuanw hiongrr jingg lenw byy tingg. Langg uac lecc/ did diyc diwsig/ siw .kir/ qycc uac; jixu Vuddyy jiacc u bogdig ee quanliam --- jenwngiaa zinqanx ee junjai.
Sehongx sinue ee suqiuu, rair vauhamm jit jiongw u kaisiw qapp qetbuew ee uxdiu kixguanlun, berdangr jiapsiu jingrtair/ doglip/ qinglik ingxuanw sunkuann quanliam; dirr jitt hongbin, danghonglangg duxhyw uanjuann dywvingw. Henxzenn, sewqanlangg duiww sewqair ee singwjid byy itdir, cniurr henrdai tenbunn hagqax marr byy tongxid ee quandiamw. Duiww sehonglangg laii qongw, berdangr zimxsiu jingrtair uxdiu si byy iwgi jitt xee quanliam, inx itding rair setding jyr u iwgi :ee. Rair tnivow sewqair ee iwgi, hro uanjingw. Danghonglangg dyrr byy su'iaur qaxsed, jurqiw dyrr texhen liauw jitt jann iwgi/ iauqiuu jurqiw sidhen iwgi, qra sewqair/ junjai ui' jursinx siauduu (Vut).
Guaw sniu, jitt nng xee longxx driyc. Sehonglangg guarhiongr, dausia cud iwgi, zinruii iwsig junjai dirr kectew-diongx; danghonglangg lairhiongr, zinruii iwgi dirr jursinx-diongx, dirr guarqair qycc dirr jursinx.
Jaiwsingx qapp giap (Karma) ee quanliam hunx be kuix, quanqenr dirr langg ee giap si m si qywzinn :ee. Zuqyw si qywzinn :ee, jit xee langg laii dautaix sii, ixqingx juwdnia ee miarun dyrr viauxhen cud jingg quiw sxer ee singjig, junjai zinqeh ee enxsiogsingr. Zuqyw m si anne, dautaix hing'uii si jit jiongw kecquanx ee giap, si virr vau'iongg :ee, m si zimrhyy zinqeh ee ensiok.
Vuddyy ee mngdoo bad mng nng vaiw, langg ee giap si m si uirr qywzinn? Vut longxx siamxkuix byy dab, byy jaiwir jitt xee bunrdee; ix qongw, bingvik langg duiww junjai ee hihuandiongx qaiwtuad marr byy sniaw vangjan/ zinruii kacc u lxi ee si sukyw zinsingx: cutsir/ snewmia/ nilau/ sixbongg/ kowlan ee guan'inx qapp qetqyw.
Guaw ee giap si m si guaw quewkir quiw sxer ee qetqyw? Si m si uirr guaw joxsenx ee singjiu? Inx ee uisanw si m si e dirr guaw srinx-siong henr .cud .laii? Guaw qamxx si joxsenx snewmia ee qethabtew? Gauw si m si texhen jiaxee snewmia? Quewkir ee guaw si m si ixx digvet zinqeh sing'uac .quer? Guaw dirr hitt sxer si m si iuxsow jinwvo, jitmaw jiacc erdangr sunqiuu qaixquad vanrhuad? Guaw m jaix. Vut lauu lyc bunrdee byy dab, guaw zinruii ix jurqiw marr m jaix dab.
Guaw erdangr siongxsiong, kyxlingg guaw dirr quiw sewqiw jingg uac .quer, duw diyc guaw byy qaixqaud ee bunrdee; diyh'air qycc dautaix juanxser, in'ui guaw byy uansingg ixjingg ee zimrbu/ siw sii, guaw ee soxjyr-soxuii e duer guaw kir (guaw si anne sniu), guaw jiong' jah jauw guaw jyr .quer ee itcer, zircniaw vyxjingr juewau be siangciuw kangx ~. knuar .laii, Vut kyxlu .quer jitt diamw, in'ui ix qingxqair sinwdoo mair uirr byy lxi ee jingven longrhuir siqanx.
Guaw junjai ee iwgi dyrr si sing'uac hiongr guaw tecud ee bunrdee; iacc si guaw jurqiw hiongr sewqair tecud bunrdee, guaw rair u dab, byy, dihy'air uaxkyr vadd langg ee dap'anr. Jex si jit xee ciauqywzinn ee snewmia, guaw qandna' vniawmia kikhok kunwlann/ uansingg qangjog. Kyxlingg jex si jit xee bad kip'inw guaw joxsenx ee bunrdee, mrqyxx inx byy huedab. Guaw inwsiong jin' cimx, “Frust” ee qetbuew byy dap'anr, kyxlingg guan'inx dirr jiax!? Qangrkuanw, Nietzsche marr byy qaixquad ee bunrdee : qidokdoo duiww sing'uac-diongx ee jiuxsinn jingsinn qamxx u qamxqag gignaiw? Iacc si jex si guaw Germanic/ Frank uahtiaur ee joxsenx --- Wotan-Hermes tecud ee gilann iycbee?
HRO QIWIG DIRR LINGHUNN BINRJINGG DENXHEN
Guaw qamxsiu diyc joxsenx sing'uac ee cohingg, iacc si ixongw mow langg sing'uac-diongx soxx did .diyc ee giap (Karma), kyxlingg qangrkuanw si jit jiongw huizinn guanhingg, dnaxx qinxvig duiziog muixx jit xee langg, iuqii si guaw, vixzuu, sinn ee snax xui ittew dirr jerje sewqiw ee huatdenw, ixqibb ham' luxsingr huatjig ee jiapciog; iacc si jiamduir Genositcism iuguann byy bingkag huedab og ee kixguann; ngua jit qxur, bunrdee cud dirr qidokqaur siongrder hingsiong byy uanjingw.
Guaw marr kyxlu diyc jit jiongw kyxlingg: jiyr mow langg singjiu, sewqair bru cud jit xee bunrdee, ix diyh'air teqiongx moxjiongw dab. Vixzuu, guaw tecud bunrdee/ qaixdab hongsid kyxlingg berdangr ho'ngg buanxir, qiwzenn anne, mow jit xee kuriuw guaw giap ee langg (iacc si guaw jurqiw) rair qycc cutsir, tecud kacc uanjingw ee dab/ marr kyxlingg sewqair byy su'iaur anne ee dab, guaw benw qycc jaiwsingx, anne hiangxiuw quixarr vah dxangx ee anlingg, itdit quar u jit zit, qycc su'iaur jit xee langg u cuwbi jiaxee bunrdee/ kyxlingg iuxhau dingsinx uansingg jitt xee zimrbu. Guaw siongxsiong, e qingquer jit dnxua hiusig siqii, itdit qaur guaw dirr itsingx-diongx soxx uansingg ee qangjog dingsinx kaisiw.
Langg ee jaiwsingx/ linghunn juanxser bunrdee, duiww guaw qisit si bu ~ ee, iong “juriuu/ kaihongr simliw”, jimjiog tniax liauw iuxquanx Inwdorqaur jaiwsingx qauwgi, siongser quancad jurqiw singjunn sewqair, si m si dirr dyhh cue diyc jaiwsingx ee kyxsinr huhy, guaw hibang dirr sehongx cue diyc iuxquanx jaiwsingx sinwgiongw henrsiong, m si lueriongg. Guaw diyh'air knuar diyc jaiwsingx henxsi dirr qinggiam-siong jiacc erdangr jiapsiu. Quiw nii jingg, jitt hongbin guaw jin' sewzi quancad, dy' byy huathen zimrhyy u suechoglat ee jinghongw. Mrqycc juewqin, guaw dirr jurqiw srinx-siong quancad diyc jit herlet ee bang, jiaxee bang naxjunxx dirr jit xee ixqingx quewsinx sigsai langg srinx-siong biyue cud juanxser ee quewdingg. Qitnalangg hiax, guaw byy jywquer jitt lui bangrqingw, byy vixqaur ee qinqir. Jitt jiongw quanliam si juxquanx/ dan'id ee, guaw qandna' sniu beh tecud ix ee junjai, byy jyr cimzip tamwtyw. Beh singzin :ee si, jitt vaiw qinggiam au, suibongw iauxx berdangr tecud kakding ee qenwqaiw, kiokk erdangr ixx byy qang ganxqongx knuawtai juanxser bunrdee.
Zuqyw lanw qaxding snewmia “dirr hiax” qewsiok junjai, anne duliauw jingsinn ixgua, berdangr setsiongw qitnax hingsid ee junjai, in'ui jingsinn snewmia byy su'iaur kongqanx qapp siqanx/ iuqii si quanjur ee luerjai hingsiong, sinue teqiongx liauw iuxquanx laiser sing'uac ee juanvo qinggiam jailiau hro lanw sukyw tihh, guaw qra hitt jiongw sing'uac siongxsiong jyr hingsiong sewqair ee jit jiongw ensiok, incuw jingsinn kyxlingg si laiser/ sixjiaw soxjai ee junjai.
Ui' simlixhak quandiamw laii knuar, laiser naxjunxx si laurlenn jingsinn sing'uac ee logic ensiok. Duer diyc nihuer jingqax, quancad/ sukyw/ luerjai hingsiong dirr sing'uac-diongx ee ingxhiongxlat zuxx laii zuxx dua.”linw ee laurlangg e jyr bang” (suwdoo 2:17/ iokznii 2:28), dongzenn jex viauxsi laurlenlangg ee jingsinn byy venr sixbaiw/ gnerhuar .kir, “qibiau iyhhngx laii liauw sniu' ban, siqanx tuax .kir, ixqingx quewjingr .ar.” qaur liauw nilau, langg kaisiw hro qiwig denxhen dirr linghunn ee bagjiux jingg, dirr dimsux/ quewkir ee luerjai, guarjai hingsiong-diongx, venrzin jurqiw. Jex cniurr duiww laiser junjai ee junxvi qangjog, Plato zinruii dethak si uirr sixbongg laii junxvi ee dyrliw qang.
Luerjai hingsiong hro guaw benw dimbee dirr qywzinn hueqor-diongx. Jerje urhuer :ee sniu' jimr dirr ongxsu-diongx, suacc jewhan dirr huesiongw-lai. Zuqyw jex si jit jiongw dausia, erdangr juanxhuar jniajyr hingsiong, hueqor u kyxlingg si uirr tiaur kacc hng, singx trer jit vo. Guaw zinrjinx knuar diyc hitt diauu cngx quer guaw snewmia jinwzip sewqair/ qycc likuix sewqair ee snuawsyh.
Itvnuax laii qongw, langg duiww laiser ee qaiwliam dairdysor si jurqiw qamguan ee sniurhuad/ penqenr josingg, laiser virr biyue jyr jit xee tiongwlok ee soxjai, jex guaw byy qaiww zinrdongg, guaw byy zinruii siw au e virr inxcua qaur ho'ngg songxsinn/ huex kuix buanw siwqer ee cauxvox/ zuqyww laiser itcer hyhaii simsig, anne dirr lanw qapp sriu jiokhog ee linghunn jiqanx qaix e u moxjiongw iuxhyw ee qauliuu, dautaix juanxser jingg ee jongrtair marr e hiongr lanw huanxngiar senrir /bixle; mrqycc dirr sixjiaw/ uahlangg jiqanx, uirjnuaxngiu jixu byy hxuad ciauuat ee jiongwgai neh? Jiwjiyw u jidvnuar quanhe ham' sixjiaw siy' duw ee vywqyr longxx si ham' oamr bonghunn snaqnir kyxpnar qinglik; sixjiaw qokdo vinglingw/ piacsiah, cinlangg aidong be virr qamxdong, ixqingx si quanwle.
Qycc qongw guaw simlai jurzenn ee sniurhuad: qamxqag sewqair si id-cuwguann :ee, duiwdingw guanjig dirr laiser uanjuann siaubyy, hiax marr junjai jurzenn, hingboo marr si siongrder ee jurzenn. Lanw siw au jinwzip ee sewqair jongwquanx qycc kyxpnar, cniurr siongrder/ lanw soxx jaix ee jurzenqair qangrngiu. Guaw berdangr setsiongw tongwkow e juanzenn siausid; 1944 nii hitt vaiw huanwsiong-diongx ee qinglik --- qaixduu bactew hurdamx, siamx diyc ham'ir --- hro guaw jin' an'uir, dyrr si anne, qidiongx marr u oamr/ siaubyy .kir ee zinjingg unluanw. Huesiongw guaw duw .diyc ee ojiyc! Jiyhtauu si osig ee, siongrr ding ee hueqongjiyc --- jex iwhamm si sniaw? Dirr congwser ee toxde-siong zuqyw juanzenn uanbiw :ee, byy guansiw kiamwsid, uirsniaw qycc su'iaur congwjy/ qiawbang/ qitai iauxx bue uansingg ee surbut neh? Uirsniaw jiongww sinn jit diamw aw dyrr byy quanhuaii langg/ congwser buhan ee snesiw lunhuee? Lunjinx Vuddyy qra ix ee “kangx” ham' junjai ee kow duiwlip .kiw .laii, qidokdoo hibang qinw ~ jiongqed henrser.
Dirr guaw knuar .laii, laiser marr kyxlingg mow quaw jewhan, mrqycc sixjiaw qandna' erdangr jiamrr huatqag qaixtuad ee qaiwhan. Dirr “guarqair” mow jit xee soxjai, vitding u jit xee quatding insor, jit jiongw jewiog sewqair ee vitzensingr, suncue siw au jongrtair ee qetsog. Jitt jiongw congwjyrsingr ee quatding insor, guaw qamxqag jairr sniaxngiu ee linghunn jiong' rair qycc kir dautaix. Guaw siongxsiong, mow quaw linghunn kyxlingg qamxqag snax-cuwguann junjai jongrtair viw ingxuanw :ee kacc hingrhog; pingduan ee viaujunw, kyxlingg ixx ui' zinqanx jah laii zuarr je ee uanjingw/ iacc si jah laii zuarr jiyw ee huiuanjingw.
Snax-cuwguann sing'uac dirr linghunn drat qaur moxjiongw lixqaiw tingdo sihau, jin' kyxlingg byy qycc u sniaw iwgi; in'ui qyckacc cionghunx ee lixqaiw ixqingx huixbet liauw dingsinx henrhingg ee iogbang, linghunn dongzenn byy su'iaur qycc dngw .laii. Dirr jitt sii, linghunn ui' snax-cuwguann sewqair siausid, drat qaur vudqauwdoo soxx qongw ee liabpuann qingxqair. Zuqyw su'iaur, linghunn jaiwcur lag zip iogbang-diongx, qycc dausingx, simrjiww in'ui jaix su'iaur uansingg mow su anne jyr.
Jiurr guaw laii qongw, jyrsingg guaw juanxser, itding si duiqiuu lixqaiw ee qionglet iogbang, jex si guaw singwqeh siongrr qiongdua ee insor/ jitt jiongw be dijiog ee iogbang, knuar .laii ixqingx congwjy jit jiongw iwsig, sniu beh jaix junjai diyc sniaw? Sniaw su e huatsingx? Qycc ui' birdix surbut ee hiziok kexsi-diongx qra qokk jiongw sinue qaiwliam ionghap jywhuew.
Lanw kiamr kurtew jingwqir, jixcud zimrhyy surbut jiong' e ingxuanw vyxjunn, qigqex qongw jingsinn mow vorhun dirr bactew siw au qewsiok junjai; iuguann m jaix, qewsiok junjai ee surbut si m si iwsig diyc ix jursinx. Zuqyw lanw qamxqag diyh'air jiurr jitt xee bunrdee hingsingg moxjiongw qenwqaiw, kyxlingg ersaih genxqiur jingsinn qaixtew ee henrsiong. Tongsiongg, venrnarr hunlet, viauxhen cud laii ee, dyrr e jniajyr zinqeh hingsid, jingqad marr naxjunxx duiww vunxsinx iuxsow iwsig. Incuw, jingsingg vnerjiaw soxx tniax .diyc ee sniax si zinqechuar :ee. Jin' quw ixjingg, guaw poksu lunrbunn tamwtyw .quer zinqechuar jingqad henrsiong. Zuqyw guanrir, lanw ersaih qra jiaxee jingqad inxjyr iwsig ensiok ee qenwjingr. Qangrkuanw, nauw sriu dang siongx/ jingsinn vangvnuaa jongrtair-ha cimjann qexsiw jinghongw-diongx, did diyc suxx langg qniahniaa ee quancad qetqyw, marr huhap jitt xee qaxsed. Dirr jitt nng jiongw jinghongw-ha, kyxling inx ee iwsig uanjuann songwsid duiww guarjai sewqair jiongxjiongw qamxsiu/ uahtiaur bang ee qinggiam, in'ui dirr jitt jiongw sikig, duarnauw puejann --- dyrr si iwsig diongcux byy jok'iong, soxiw jiaxee henrsiong byy virr qaixsueh cud laii/ jiwjiyw kyxlingg si iwsig linglik juxquanx qowjib qirjuat sinx :ee (dongsii vyxliuu qu :ee), simrjiww binghenw henxsi cangwbih dirr amwiwsig-diongx.
Ingxuanw ee langg --- jurtew, ham' sewqanlangg (dirr siqanx/ kongqanx lai :ee) quanhe si jin' gnerdauw ee bunrdee, guaw iong nng xee bang laii suecbingg.
SI IUXHAN MARR SI INGXUANW
1958 nii jap-guec, guaw bang qnir guaw ui' jurqiw jurtec knuar diyc nng xee huatcud qimsiok qngngiaw cniurr qniawpnir hitt ngiu ee ngii-vnuaa, qngvnuaa dirr cuwdingw dingxquann rue cud jit xee uanqongx-hxingg snuawdiauu, zenau dimm zip oo-lai, si nng xee huidiap/ zenau, lingrgua jit xee budtew didjiab vuex duiww guaw jiax laii, jit xee ngii ee pongwbinrqniar, cniurr diauwqniar hitt ngiu, li guaw sir ~ go-vah bxew, tingg jit xe quw, jiacc vuex jauw/ sui' qycc lingrgua jit xee ui' kongdiongx qinxsog vuex .laii, jit xee u qimsiok crunx dngg cud kir ee pongwqniar, inxhiongr jit xee sniux-aw --- huanwdingx, li lak ~ cid-jap bxew, tingg dirr kongdiongx, qngx sria hiongr guaw.
Guaw cneqniax jingsinn. Bangrqingw iauxx bue byy .kir sii, guaw dyrr sniu .diyc, “lanw itdit zinruii huidiap si lanw ee dausiarbut; jitmaw kiokk jingwbingg lanw si inx ee dausiarbut. Guaw si jitt xee huanxdingx sria cud laii ee Carl Jung. Mrqycc si sniaw decc caujog jitt daii kiwku neh?”
Dirr jex jinwjingg, guaw bad bangrqnir jurtew/ jurgnow bunrdee.
Kacc jaw ee hitt xee bang-diongx, guaw duxx qniaa dirr snuax-lai siyw lo, zidtauu qngjiyr, siwbin jin' kuikuah, guaw qaur lo-vnix jit qingx siyw qauwdngg. Mngg vnuar kuix, guaw qniaa .zip .kir. Qiquair ee si, jewdnuaa-dingw byy singwbuxsiongr, marr byy sibzirqer, qandna' vaii jin' hihanw ee huex. Jewdnuaa jingg ee dervanw, guaw knuar diyc jit xee Yoga sinwdoo tiabkuann jre dirr guaw duiwbin, dngdecc cimsux. Guaw siongser knuar ix, binrmau qingwzenn ham' guaw itboo-itngiu.
Guaw dua qniax jingsinn, “a'ix, ix qamxx m si setqer gauw ee hitt xee langg? Ix jyr liauw jit xee bang, guaw dyrr si ix ee bang.” guaw jaix, danw ix cnew kiw laii, guaw dyrr byy junjai ar.
Si 1944 nii vne au jyr liauw jitt xee bang. Jex si jit xee vixzu: guaw ee jurtew dngdecc dimsux, setqer diyc guaw zinqanx hingtew; ngua jit qxur, ix iongxiuw langg ee hingjong, hro erdangr jinwzip snax-cuwguann ee junjai, cniurr jit xee langg cing cangwjuixsnax bih zip haixdew. Dng' kiwsag laiser ee junjai sii, jurtew duar diyc jongqaur ee jutair, cniurr bang-diongx hitt xee qauwdngg. Dirr zinqanx hingtew, kyxiw qinglik snax-cuwguann sewqair jiongxjiongw qinggiam, tauwquer kacc dua ee iwsig tingdo, ix qycc hiongr texhen huac cud jit vo.
Hitt xui Yoga sinwdoo ee hingtew jerjiyw jaiww henrcud guaw jairsnex amwiwsig uanjingxsingr, qycc u uanxdongx derkux, cniurr bang-diongx ciangjai qnir diyc hitt ngiu/ siongrdingx jit jiongw cnesox/ ham' Aujiulangg sionghuanw ee jingsinn jongrtair. Cniurr huanwdingx, hitt xui Yoga sinwdoo dimsux “dausia” liauw guaw ee qinggiam henrsit. Lanw itvnuax longxx si huanxhiongr knuawtai jitt xee inqyw quanhe: dirr amwiwsig ee sanxbut-diongx, guaw huathen Mandala ee siongrdingx --- dairviauw uanjingw ee ngii ham' suwhonghingg; zimrhyy sihau, lanw sniu beh viauxhen uanjingw dy' e suxiong jitt jiongw hingtew. Lanw ee qinqix si jurgnow iwsig/ jibdiongx dirr jurgnow jiaudiamw ee qngsnuar huanruii/ ui' jiax knuawtai ohnuaw ee aiwmai sewqair/ ingxuanw marr m jaix lanw knuar .diyc ee imngiaw hingtew, si dyhh jiongw tingdo-siong uirr lanw ee iwsig jyrsingg? iacc si kuriuw inx jurqiw ee henrsit? Cenxvag ee quancatjiaw qandna' buanxjiog derr id jiongw (iwsig) qaxsed. Mrqyxx kacc jimjiog ee genxqiur viauxdat liauw, amwiwsig ee hingsiong m si ui' iwsig sanxsingx ee/ si kuriuw jurqiw ee henrsit qapp jurhuatsingr, lanw kiokk dongwjyr cuwiaur henrsiong.
Jitt xee bang ee bogdig si dendyr iwsig/ amwiwsig jiqanx ee quanhe, qra amwiwsig jaiww henwjyr qinggiam zinqeh ee jewjyrjiaw. Jitt jiongw dendyr iwhamm si, dirr “lingrhongbin” ee qenwqaiw-diongx, lanw ee amwiwsig junjai jiacc si jinsit ee, iwsig sewqair si jit jiongw cywqag/ uirr juanbunn bogdig setqer ee viauxbin henrsit, cniurr bang, jixiaur srinx jairr qidiongx, dyrr si jit jiongw henrsit. Jitt xee lunrdiamw huisiongg jiapqin danghongx ee hikangx bongrsiongw (Maya) quanliam.
Incuw, amwiwsig ee uanjingxsingr dirr guaw knuar, si soxu singbut, jingsinn surqnia jinjniar jingsinn dyrsux. Jex si jit xee guanliw, qunxjun dirr uanjingw sidhen ee guanliw, jiurr langg laii qongw iwbi .diyc, did diyc uanjingw ee iwsig, si siongrr kuacbin iwgi-siong ee bunhuar, diqag jurqiw si jitt xee quewdingg ee diongsimx/ vunxjid. Danghonglangg zinrding jurtew ee sinsingr iwgi si byy gibun :ee, qinqir qoxdai qidokqaur ee quandiamw, qakdix jurqiw si tonghiongr zinrbad siongrder ee lo.
Duiww langg laii qongw, quanqenr dirr: langg si m si ham' buhan ee surbut u quanhe? Jex si quanhe snewmia ee diongrdua bunrdee. Jixu jaix jinjniar diongrdua surbut si m si buhan, jiacc erdangr piacbenw qra cuwbi jibdiongx dirr vehjyrqangx ee uahdang, iacc si byy jinjniar iwgi ee bogviaux-siong. Lanw iauqiuu sewqair singzin lanw ee jailingg/ lanw ee suiw, si qywzinn jaihur. Langg zuxx qiongdiau hiqew ee jaili, duiww vunxjid ee mic dyrr zuxx dun/ ix ee sing'uac marr zuxx berdangr suxx langg buanxjiog/ in'ui qandna' iuxhan ee bogdig, qamxqag sriu hanrjer, ziaxcud himsen/ jitdor. Zuqyw lanw lixqaiw/ qamxqag .diyc, lanw dirr jitt siwlangg ixqingx ham' buhan u moxjiongw kanlenn, iogbang/ taiwdo dyrr e huatsingx venwhuar. Lanw e diwdang mow mic, si lanw kuriuw ee vunxjid; zuqyw be anne, snewmia dyrr virr longrhuir. Dirr lanw/ qitnalangg ee quanhe-siong, siongrr dairsingx ee bunrdee marr si moxjiongw buhanrsingr si m si viauxhen dirr jitt jann quanhe-diongx.
Mrqyxx, jixu dng' lanw ham' qighan lenqed sii, jiacc e u qamxqag buhan. Langg siongrr dua jewhan dyrr si “jurtew”, viauxhen dirr “ guaw qandna' si anne!” ee qinggiam-diongx. Jixu iwsig diyc lanw ec bih bih kox dirr jurtew-diongx, jiacc e sanxsingx jailingg/ amwiwsig ee buhanrsingr lenhe. U liauw jitt jann zinrbad, lanw e qamxsiu diyc jurqiw dongsii si iuxhan/ marr si ingxuanw :ee, si jex qycc si hex. Zinrbad jurqiw dirr qywzinn ee jo'habtew --- jiongbuew si iuxhan :ee --- dirr dogdik dangdiongx, jitt sii jitt kig jiacc u linglik iwsig diyc buhan!
Dirr jit xee juanjur kokdua singjunn kongqanx, byy siyh zimrhyy dairqer jingqax lixsingr diwsig ee sidai, iauqiuu langg iwsig diyc jurqiw ee dogdik/ jewhanrsingr si siongrr quann ee tiaujenr. Dogdik/ jewhan si qangrkuanw iwgi, zuqyw byy jitt nng xee, dyrr byy kyxlingg qamxsiu diyc buhan, dongzenn marr byy kyxlingg drat qaur iwsig, qandna' e cniurr bongrsiongw hitt ngiu ee zinrdongg --- juiwbee dirr jurqiw si dysowpair ee hingsid, snackuir iongxiuw jingwdi kuanlik.
Lanw ee sidai qra juanvo juwiwlik juanxii qaur jitt der jitt kig, jyrsingg langg/ sewqair ee moquixhuar. Dogcaijiaw cuthen/ inx duar laii juanvo jaieh ... dringw henrsiong, longxx si laijurr ciauqib diwsig hunrjuw cenwsniu ganxqongx, vakduat langg ee ciauuadqamw, cniurr inx qangrkuanw , langg venwjniaa amwiwsig ee hisingpinw; mrqyxx langg ee zimrbu duxhyw sionghuanw --- rair iwsig diyc ui' amwiwsig rig .cud .laii ee lueriongg. Langg vutqaix qandna' qencii dirr amwiwsig nirr, marr vutqaix qandna' zinrdongg ix ee junjai ee amwiwsig insor, kiokk huepiah ix ee miarun, zinlui ui'id ee bogdig si, dirr itvnuax junjai ee oamr-diongx diamw cud huexqngx. Lanw simrjiww erdangr qaxsed, cniurr amwiwsig duiww lanw ee ingxhiongw, lanw iwsig ee jingdiongw marr e ingxhiongw amwiwsig.