LAMM DAIUANN
QAUWHUE SXUW
Duwjiaw
Guann Lamvo Daiuann Qidog Dniuxlyw Qauwhue Dairhue Ligsuw Vxo
1953 nii Ngiuu Suriongw Veh'uerzi guandur
SURGENN
Siongsiongg bad tniax langg decc mng qongxx, "Tacc e byy langg beh siaw jitt vunw Lamvo Daiuann Qidog Dniuxlyw Qauwhue ee ligsuw?" Henxbingg u jin' je langg decc himbo jitt kuanw ceh ee cutsir.
Hueqor Lamvo Qauwhue setqaur ixqingx jiongqin jit sewqiw. Uirdiyhh beh vyxcii suxliau, digvet dirr qauwpair huanrlan ee jitt xee sidai, qyckacc qamxqag u vit'iaur giac vid laii siaw jit vunw u hertongw ee ligsuw. Jit bin tangx jyr ligsuw ee bunhenr, tangx kacc bingvik lanw ee qauwhue ee iulaii qapp hertongw, qycc jit hongbin hro lanw liauxqaiw qoxjaw singwdoo setqaur ee qankow, qapp inx dansunn, qenqor ee sinwgiongw ee sing'uac, tangx jyr lanw qinaxzit ee qawsi qapp benxle.
Jin' qajair, dui' Dairhue Ligsuw Vxo singlip liauxau, vordniuw Ngiuu Suriongw Bogsux dyrr ing qangx diaujax itcer ee juliau, giac vid jiauww sunrsu vailet jitt vunw ligsuw.
Ngiuu Bogsux dirr lanw ee Sinhag'ngi jyr Qauwhue Ligsuw ee qauwsiu quw quw, vutdan si ligsuw hongbin ee quan'uix, iurqycc damzim Lamvo Dairhue qapp Daiuann Dairhue ee girdniuw quixnarr zim, sngr si lanw qauwqair ee guanlyw, iarr si qauwhue jingwdi jueww u qinggiam ee senvuer. Soxiw ix soxx jipvid ee jitt vunw ligsuw si jueww derr id kyr did ju, iarr jueww derr id tangx cuijenr :ee.
Siongsinr dairqex narr tak ee sii, e qamxqag suxsit ee jingwkag, hunx dnxua qanxbingg, bunvid jin' cingsiur, iongrgiw jin' gnaxkir. Vutdan tangx jyr itvnuax sinwdoo ee camkyw, iarr tangx jyr jitt vorhun juanqax ee jixjiamx.
Qingwqinw cuijenr qapp kingwjiog jitt vunw ceh ee jendoo qong'uanw.
1953 nii Jap-guec cecid Lamvo Dairhue Jongxqanwsu: Ngg Buxdongx
UERTAUU
Dairhue Ligsuw Vxo singlip (A.D. 1952) ixau dyrr kuihue hunpuer qangjog. U langg diyhh siaw Qyhiongg jurdi ee qingquer, u langg diyhh siaw qokk Dionghue ee tuandy qapp qenwsed. Qycc uree dui' Qauwhue Qongvyr, uree dui' Dairdionghue qiwlok diaujax suxliau. Tog Qyx Qimsingx siaw Siauwliam Singwdoo, tog Ngiuu Suriongw siaw Lamvo Qauwhue Ligsuw.
Vutjaii siurr tog laii virvan LAMM DAIUANN QAUWHUE SXUW; jitt vrangx e tangx cutvanw, si dui' Siongrder ee linbinw qapp tniawtangr. Siaw jitt vunw ee bogdig, si rair langg jai'ngiaw lanw lamvo Dniuxlyw Qauwhue ee ligsuw. Qyx Qimsingx Bogsux soxx siaw ee Siauwliam Singwdoo, ngwbang langg' tak liauw e siurr qamxqig, laii yc inx ee bo'ngiu.
Derr jap-zi qair Lamvo Dairhue u qycc pair Ngiuu Suriongw, Niuu Siuwdig, Qyx Qimsingx, Liau Did, Ngiuu Jiaugi, Dann Qimzenn, Limm Qinxsin qapp Goo Tensur jyr ligsuw voruann. Ngwbang zid'au inx e siaw qokk Dionghue ixqip vadd hongbin kacc siongser ee ligsuw.
1953. 10. 12
Ngiuu Suriongw