DERR 31 JNIUX
PINGDUAR HAK
Pingduar hak m si dui’ ceh laii yc. Kanwho diyhh qaqi dangrciuw laii cir knuar, sisiongg lenrsip, jiacc e hiauw .did. Dirr jitt jniux-lai beh ing doo qapp quiw qxur ue laii jixbingg simxmic huatdo, tangx vak pingduar.
Pingduar ee qoxdnua, kacc iauwqinw :ee si.
1. Pingduar-tauu ee buew.
2. Pingduar-buew ee buexliu.
3. Pingduar lairbin vingg.
4. Pingduar guarbin vingg (derr 304 doo).
Beh hunved ciuw jingbin qapp aurbin, ixqip lairbin, guarbin, diyhh knuar derr 305, 306 doo.
Vingsiongg juer pingduar ee mic si sengiuvor (calion), nivor (flannel), misex (gauze).
Vingsiongg decc ing ee pingduar si qngxduar; qiyr juer qngxduar in’ui ing pingduawvor jit diauu tenw kuix qngw jniaa juer cincniu ngii ngii dxangg ee kuanxsid.
Decbeh ing ee vor, diyhh dairsingx tiah kuix iex ee jitvnix; aurlaii air ing zuarr dngg, zuarr kuah, jiacc tiah .kiw .laii. Tiah kuix ee snuawtauu, m tangx lauu lehh, diyhh congr hro jejnaw. Narr be tangx tiah kuix, diyhh ing qadyx laii qrax.
Qngxduar ee cunwciyh: Lun qaur qngxduar ee cunwciyh, m na jit hxang, ursii ing 18 ciyh, acc si 36 ciyh dngg; hitt xee kuah jiurr si jit cunr jiww lak cunr. Narr dnii ginxaw :ee, hitt xee dngg, kuah, qog jidvnuar jiurr qauwgiac.
DNII DUARLANGG QNGDUAR EE CUNWCIYH
Dingxbin :ee si dairkair vingqinx sngr jiauww Zidvunw cunwciy.
Qngxhuad: Hitt xee vor tiah kuix liauw, qngxhuad u nng kuanw, jiong’ ciuw qngw, acc si ing qikir laii qngw (derr 307 doo). Derr 308 doo u viauxbingg qycc jit kuanw ee qngxhuad. Qngw qngxsnuar ee sii, diyhh qngw vnii vnii qycc ann; snuawtauu m tangx lauu lehh, diyhh druu .kir. Qngw liauw diyhh ing vinxjiamx vinw auu, acc si ing jit diauu ee jit vnix laii vak hro ix be tnuaa .kuix.
Pingduar ee jok’iong, derr id iauwqinw :ee, si hro vausiongliau qapp huwbok be suaw xui, e diamr dirr soxx air singkux nirr ee soxjai; qycc jit hxang si ing aplik laii deh hro ix ann, cincniu idi cud huih.
Pingduar hak ee quiqiw:
1. Pingduar diyhh congr hro ix diauu.
2. Ing pingduar laii dnii, diyhh tranr jitt xee sewbin: dui’ erbin kax acc si ciuw dnii qaur dingxbin ee duartuiw, acc si qingtauu; dui’ lairbin qaur guarbin, qingquer suwjix ee taujingg bin.
3. Pingduar ee dniulat (張力, tension, jiurr si ling qapp ann) diyhh vnivni.
4. Decc dnii ee sii, pingduar juer jit xe diyhh qanda’ tnuaa 2 cunr nardnia, naxx dnii naxx tnuaa.
5. Decc dnii ee sii, diyhh kia dirr vnirlangg ee binrtaujingg.
6. Beh kiw dnii ee sii, pingduar ee lairbin vingg diyhh ngr jnriu dingxbin (derr 309 doo).
7. Dnii pingduar ee sii, narr jiapsuar laii dnii, hitt xee derr zi linr, diyhh kamr dingxbin jingg linr 3 hxun ee 2 hxun, diyhh lauu 3 hxun ee jit hxun (derr 310 doo).
8. Dagg linr ee vnix:a diyhh longxx vnihingg, iarr hitt xee diursuirhingg, diyhh diddit suaw kacc uaw dirr suwjix ee guarbin vingg.
9. Narr dnii suwjix diyhh dnii qaur buexliux, cincniu dnii ciuw, narr byy dnii jngxtau’aw, qiamxcaiw ciuw e jingw. Narr hro ix huad jingw, hitt xee jingw e hro hitt diauu pingduar naxx ann, naxx ann naxx jingw, naxx jingw jiurr naxx ann, u sna’ qansiap dilehh. Hitt diap pingduar narr byy vangr kacc ling, hitt qix ciuw e vnir cnilamsig, naxx ox, lorbuew e siw .kir. Soxiw vak juanvo jiurr hyw. Jongw .si jngxtau’aw buex liux, narr byy siursiong, m tangx amx lehh. Jitt xee si in’ui narr knuar jngxtau’aw buexliux ee undo, qapp sig, e jaix pingduar e sniu’ ann caa be.
10. Dnii liauw, pingduar diyhh congr hro diauu, ing vinxjiamx qed, acc si jiong’ pingduar-tauu tiah kuix laii qad hro diauu.
11. Pingduar decc tauw ee sii, tauw .kiw .laii ee pingduar, diyhh lak dirr ciuw nirr, m tangx sniu’ dngg hro ix duirlyc (derr 311 doo).
Pah qad u nng hxang ee hxuad; jit hxang si qiyr juer hongqad (方結, reef knot, square knot), qycc jit hxang si sibzirqad (十字結, granny knot). Jitt hy sibzirqad, Ingguw qiyr juer qongmaxqad, iwsur si laurlangg berhiauw juer, soxiw qiyr anxnix; jitt hyw kuair kuair tauw, kanwho m tangx ing (derr 312, 313 doo).
Pah hongqad ee huatdo, diyhh jiauww erbin: Jiong’ pingduar siangx ciuw qokk tec jit tauu; jiong’ siangx ciuw duar-tauu tac dirr jniar ciuw dua ee dingxbin, suar uanw dirr erbin, jiacc huanxciuw; jiacc qycc jiong’ jniar ciuw ee duar-tauu, tac dirr dyr ciuw duar-tauu ee dingxbin, jiacc uanw zip juer jit xee qad, diyhh hro ix ann, (derr 314, 315 doo). Jitt xee hongqad viw sibzirqad kacc e diauu, kanwho beh tauw iuguann si byy yh .did.
Dnii pingduar vauhamm u snax kuanw:
1. Lehingg dnihuad (螺形纏法, Spiral bandage): Jitt xee huatdo, si ing pingduar dnii jit linr, qycc dnii jit linr cincniu dirr derr 316 doo.
2. Suirhingg dnihuad (穗形纏法, Spica bandage): Qiyr juer jitt xee miaa, in’ui dnii liauw, ix ee kuanxsid si siyxkuaw cincniu diursuix-hxingg. Decc dnii ee huatdo, si cincniu Seqog 8 .zri ee hingjong. Narr dnii quanjad, sisiongg ing jitt xee huatdo.
3. Lehingg huanxdnihuad (螺形反纏法, Spiral reversed bandage): Ing jitt xee huatdo, jiurr si vausiongliau kacc je, acc si kax ciuw unn unn aw kacc dau, cincniu decc dnii dui’ kax qingquer kadow, diyhh ing jitt xee lehingg huanxdnihuad. Seqog 8 .zri ee dingxbin vnuar qapp erbin vnuar si vnivnii, jongw .si suirhingg dnihuad ee 8 .zri dingxbin hitt vnuar viw erbin :ee, si kacc dua ee.
Lehingg huanxdnihuad si jiauww qir dirr erdew: Jiong’ byy decc dnii ee ciuw ee duartaubuw, cic dirr ixqingx dnirr ee pingduar, lorbuew hitt linr, pingduar diyhh qycc tnuaa 2 cunr, diyhh vangr kacc ling (derr 317 doo). Tec pingduar ee ciuw diyhh siyxkuaw qiac qnuaii, vingw quer uaw singkux jitt bin (derr 318, 319 doo) jiacqycc dnii. Diyhh anxnix jiauww lehingg huanxdnihuad jiapsuar dnii qaur ciuw acc si kax dnii bingvik.
Pingduar dnii jngxtau’aw ee hxuad. (Bandage of finger):
Tec jit kunn cid hunx kuah, 3 ciyh dngg ee pingduar, kiw dnii dirr ziau’nguaw-quanjad ee jingbin, pingduar-buew diyhh liong 6 cunr dngg, hro ix duirlyc (derr 320 doo); [qycc jit xee hxuad jiurr si jiauww dingxbin, qycc qex dnii jit linr, hro pingduar kacc jai, jongw .si jitt linr m tangx ann (derr 321 doo)]. Pingduar diyhh tnuaa quer guarbin vingg, dnii dui’ ciuxvnuaa, qaur hitt qix beh dnii ee jngxtau’aw ee tauu jad (derr 320 doo), jiacc dnii jit linr qaur jngxqah ee vnuawguat (derr 322 doo). Dirr jitt soxjai, jiauww lehingg dnihuad dnii jit linr, jngxqah m tangx kamr bat. Dui’ jiax jiapsuar dnii qaur jngxtau’aw ee tauu jad; decc dnii ee sii pingduar diyhh kamr jingg linr 3 hxun ee 2 hxun, iarr lauu 3 hxun ee jit hxun (derr 323 doo). Dnii qaur jngxtau’aw ee tauu jad, pingduar diyhh dnii quer ciuxvnuaa qaur ciycqud-buew ee soxjai, quer ziaunguaw-quanjad ee lairbin vingg (derr 324 doo) qycc jiauww lehingg ee hxuad, dnii jit linr, jiacc jiong’ liong decc hitt 6 cunr laii sna’ qad dirr ziau’nguaw-quanjad ee aurbin vingg (derr 325 doo).
Setsuw beh dnii 2, 3 qix jngxtau’aw, diyhh singx dnii dirr uaw buew jnaiw ee jngxtau’aw (derr 326 doo).
Pingduar dnii kamr jngxtau’aw-buew ee hxuad (Bandage to cover top of finger):
Tec jit kunn cid hunx kuah 4 1/2 ciyh dngg ee pingduar kiw dnii dirr ziau’nguaw quanjad ee jingbin, pingduar-buew diyhh liong 6 cunr dngg, hro ix duirlyc (derr 327 doo). Pingduar diyhh tnuaa quer guarbin vingg dui’ ciuxvnuaa qaur hitt qix beh dnii ee jngxtau’aw, qaur diongx jad qapp tauu jad diong’ngax ee quanjad hitt bak (derr 327 doo); pingduar diyhh dui’ jiax kamr buexliux, qycc dywdngw kamr jngxtau’aw ee jingbin (derr 328 doo). Dirr jiax diyhh gnec hro ix diauu, jiong’ pingduar sreh zip nng qix jngxtau’aw ee diong’ngx hitt bin, iuguann gnec hro ix diauu (derr 329 doo), dui’ jiax qycc kamr qaur buexliux (derr 330 doo); jiacqycc kamr hitt vingg qaur guan’ui (derr 331 doo); jiacc dnii jit linr, laii hro soxx gnec lehh ee soxjai e diauu (derr 332 doo); dnaxx pingduar diyhh qycc dnii jit linr, qaur jngxtau’aw-buew, dirr jiax qycc dnii jit linr, laii vaux jingg soxx kamr :ee, jiacc jiapsuar jiauww lehingg dnihuad dnii qaur jngxtau’aw ee tauu jad, dagg linr diyhh kamr jingg linr 3 hxun ee 2 hxun. Narr qaur jiax diyhh congr cincniu derr 324, 325 doo ixqingx qongw .kiw .ee pah jit xee qad hro ix diauu (derr 333 doo).
Pingduar lerhingg huanxdnii jngxtau’aw ee hxuad (Reversed spiral bandage of finger):
Narr vausiongliau kacc je, ing jitt xee huatdo kacc hyw. Pingduar dnii kiw cincniu derr 320, 322 doo ixqingx qongw kiw :ee, dirr jngxqah ee vnuawguat diyhh jiauww lehingg ee hxuad dnii jit linr, jngxqah m tangx kamr bat. Dui’ jiax diyhh jiauww lehingg huanxdnihuad dnii kiw jit qix ciuw tec pingduar, hitt qix duartaubuw cic dirr ixqingx dnii ee pingduar, lorbuew hitt linr (derr 334 doo), pingduar diyhh qycc tnuaa 3 cunr, diyhh vangr kacc ling, tec pingduar vingw quer uaw liw vunxsinx ee singkux jitt bin (derr 335 doo), dui’ jiax jiauww lehingg dnihuad jiapsuar dnii qaur jngxtau’aw ee tauu jad. Dirr jiax jiauww lehingg dnihuad dnii jit linr. Narr qaur jiax diyhh congr hro ix diauu, cincniu derr 324, 325 doo ixqingx qongw kiw :ee, derr 336 doo si jitt xee huatdo ixqingx bingvik ee kuanxsid (jngxtau’aw buexliux byy kamr bat).
Pingduar suirhingg dnii duartaubuw ee hxuad (Spica bandage of thumb):
Narr beh kamr duartaubuw ee bah, diyhh ing jitt xee huatdo. Tec jit kunn cid hunx kuah, 7 1/2 ciyh dngg ee pingduar, kiw dnii dirr ziau’nguaw-quanjad ee jingbin, pingduar-buew diyhh liong 6 cunr dngg, juer dnii liauw beh beh qad diauu ee loring (derr 337 doo). [U langg jiauww dingbin, qycc qex dnii jit linr dirr ziau’nguaw-quanjad, hro pingduar e diauu.] Pingduar diyhh tnuaa quer guarbin quer duartaubuw (derr 338 doo) qaur li jngxqah vnuar cunr ee hng, dirr hiax jiauww lehingg dnii jit linr (derr 338 doo 3); tec pingduar quer duartaubuw ee aurbin, qaur ziau’nguaw-quanjad (derr 339 doo 4), jiacc quer ziau’nguax quanjad ee lairbin vingg, quer jingbin vingg, qycc dnii jit linr quer duartaubuw (derr 340 doo 5). Diyhh jiauww anxnix Seqog 8 .zri hxingg qaur duartaubuw longxx kamr, dagg linr diyhh kamr jingg linr 3 hxun ee 2 hxun. Derr 341 doo si jitt hy pingduar hxuad ixqingx bingvik. Diyhh congr hro ix diauu, cincniu derr 324, 325 doo ixqingx qongw kiw .ee.
Pingduar dnii ciuw ee hxuad (Bandage of hand):
Tec jit kunn nng cunr kuah, jit dxng dngg ee pingduar, kiw dnii dirr ziau’nguaw-quanjad ee jingbin. Tec dui’ ziau’nguaw-quanjad ee guarbinrvnix qingquer ciuxvnuaa, qaur buew jnaiw jngxqah ee vnuawguat; dui’ hiax dnii quer jngxtau’aw jingbinq aur qixjnaiw ee guarbin vingg, ciuxjniuw nirr diyhh he damrvyc mihuex; pingduar jiapsuar dnii quer jngxtau’aw ee aurbin qaur buew jnaiw (derr 342 doo 2). Diyhh qycc dnii jit linr quer ciuxjniuw qaur qixjnaiw ee guarbin, jitt linr diyhh kamr jingg linr 3 hxun ee 2 hxun, diyhh cunx 3 hxun ee jit hxun byy kamr. Dnaxx jiong’ pingduar dnii quer ciuxvnuaa, qaur ziau’nguaw-quanjad ee lairbin vingg (derr 343 doo 3); dui’ jiax quer ziaunguaw-quanjad ee jingbin, qaur duartaubuw ee diong’ngx; dui’ hiax quer ciuxvnuaa qaur buew jnaiw (derr 344 doo 4); jitt xee si tauu jit xee Seqog 8 .zri hingjong. Diyhh jiauww jitt xee 8 .zri hingjong jiapsuar dnii nng~snax linr, qaur ciuw ixqingx kamr bingvik. Dnii ee sii diyhh sewzi hro hiaxee diursui-hxingg duxduxx dirr ciuxvnuaa ee diong’ngx. Lorbuew diyhh jiauww lehingg ee dnihuad, jiong’ jit linr dnii ziau’nguaw quanjad, jiacc ing anzenn vinxjiamx qra ix qed hro diauu (derr 345 doo).
Pingduar dnii jingpog ee hxuad (Bandage of the forearm):
Pingduar dnii jingpog ee sii, si kacc hyw diyhh singx jiauww Seqog 8 .zri hxingg dnii nng linr. Tec jit kunn 2 cunr kuah, 12 ciyh dngg ee pingduar, kiw dnii dirr ziau’nguaw-quanjad ee jingbin. Tec jnriu dui’ ziau’nguaw-quanjad ee guarbinrvnix, qingquer ciuxvnuaa, qaur buew jnaiw ee tauu jad (derr 346 doo 1); dui’ jiax dnii quer ciuxjniuw (dairsingx ing damrvyc mihuex he dirr ciuxjniuw nirr); tec pingduar dui’ qixjnaiw ee tauu jad dnii quer ciuxvnuaa, qaur ziau’nguaw-quanjad ee lairbin vingg (derr 346 doo 2); jitt xee 8 .zri hxingg diyhh dnii qycc jit linr, jitt linr diyhh kamr jingg linr 3 hxun ee 2 hxun (derr 347 doo 3, 4), jiacc jiauww lehingg dnihuad dnii jit linr quer ziau’nguaw-quanjad (derr 347 doo 5). Dui’ jiax diyhh jiauww lehingg dnihuad, dnii nng~snax linr, dagg linr diyhh kamr jingg linr 3 hxun ee 2 hxun. Ciuxdow narr kacc dua, diyhh jiauww lehingg huanxdnihuad laii dnii (derr 348 doo 8). Jitt xee huatdo dirr 437 bin u siongser qongw. Diyhh anxnix jiapsuar laii dnii qaur beh qaur diuxquanjad (elbow), jiacc jiauww lehingg dnihuad dnii jit linr, jiurr ing anzenn vinxjiam qra ix qed. Jingpog ee diursui-hxingg diyhh qapp ciuw ee diursui-hxingg, dit dit jit jua (derr 349, 350 doo).
Pingduar dnii diuxquanjad ee huatdo (Bandage of elbow):
Diuxquanjad diyhh qiux .kiw .laii, jiacc tec jit kunn nng cunr kuah, 12 ciyh dngg ee pingduar, kiw dnii dirr diuxquanjad ee lairbin vingg (derr 351 doo). Jiauww lehingg dnihuad dnii nng linr, quer diuxquanjad ee aurbin, duxduxx quer hitt der decc pog .cud .laii qud; derr zi linr si duxduxx dirr tau jit linr ee dingxbin (derr 352 doo). Dui’ jiax jiong’ pingduar dnii kacc qnuaii dirr diuxquanjad, qycc jiauww lehingg dnihuad dnii jit linr, jitt linr diyhh kamr jingg nng linr 3 hxun ee jit hxun (derr 353 doo 3); aurlaii dnii jit linr kacc qe diuxquanjad, jitt linr iuguann kamr derr 1, derr 2 linr ee 3 hxun ee jit hxun (derr 354 doo 4). Narr anxnix dnii hitt nng linr, derr 1, derr 2 diong’ngx hitt 3 hxun ee jit hxun byy kamr (derr 354 doo 1—2). Jiacc jiong’ pingduar dnii jnriu qnuaii jit linr (derr 355 doo 5), diyhh kamr jingg linr (derr 355 doo 3) 3 hxun ee 2 hxun, cunx 3 hxun ee jit hxun byy kamr; jiacc dnii jit linr dirr diuxquanjad-xe, iarr jit linr (derr 355 doo 6) diyhh kamr jingg linr (derr 355 doo 4), 3 hxun ee 2 hxun. Diyhh jiauww jitt xee Seqog 8 .zri hxingg jiapsuar dnii diuxquanjad, qaur longxx kamr bingvik. Lorbuew jiauww lehingg dnii jit linr dirr dingxbin, jiacc ing anzenn vinxjiamx qra ix qed (derr 356 doo).
Pingduar dnii siongrpog ee huatdo (Bandage of upper arm):
Tec jit kunn nng cunr acc si 2 1/2 cunr kuah ee pingduar, kiw dnii dirr ciuw nirr ee lairbin vingg, dirr diuxquanjad ee dingxbin (derr 357 doo). Jiauww lehingg dnihuad dnii jit linr, jiapsuar qycc jit linr, jitt linr diyhh kamr jingg linr 3 hxun ee 2 hxun, cunx 3 hxun ee jit hxun byy kamr. Ciuw narr kacc dua diyhh jiauww lehingg huanxdniuhuad (knuar 437 bin derr 317, 318 doo). Dnaxx bingvik diyhh jiauww lehingg dnihuad dnii jit linr, jiacc ing anzenn vinxjiamx qra ix vinw diauu (derr 358 doo).
Pingduar dniid iursui-hxingg dirr qingtauu ee dnihuad (Spica bandage of shoulder):
Tec jit kunn snax cunr kuah, 2 dxng 3 ciyh dngg ee pingduar. Diyhh jiauww lehingg dnihuad dnirr jit linr quer ciuw, jitt linr diyhh viw dirr siongrpog ee diong’ngx nng cunr kacc qnuaii (derr 359 doo). Jiong’ pingduar dnii jnriu uaw qingtauu (derr 360 doo 2), quer vnirlangg ee qajiac’au, quer hitt vingg qyc’erkangx (siangx vingg qyc’erkangx nirr, diyhh he damrvyc mihuex hro pingduar kac be hai diyc vnirlangg); dui’ hitt vingg qyc’erkangx dnii quer hxingx-jingg, qycc quer ciuw ee taujingg, dirr jiax juer tauu jit xee suirhingg dirr ciuw ee guarbin vingg (derr 361 doo 3). Dui’ jiax pingduar diyhh dnii quer tauu jit qix ciuw, dui’ guarbin quer aurbin, qycc quer qyc’erkangx lairbin, jiacc dnii jnriu qaur qingtauu, (derr 362 doo 4). Diyhh jiauww 8 .zri hxingg jiapsuar laii dnii, qaur qingtauu longxx kamr bingvik. Hiaxee linr diyhh kamr dingxbin jingg linr 3 hxun ee 2 hxun, diyhh lauu 3 hxun ee jit hxun. Derr 363 doo si dui’ taujingg laii knuar :ee.
Pingduar dnii syxqud Wood .sri ee hxuad (Wood’s bandage for the clavicle):
Hitt qix ciuw diyhh qiux .kiw .laii hnua dirr hxingx-jingg, ciuw ee jngxtau’aw diyhh uaw dirr byy siursiongx hitt vingg ee qingtauu. Diyhh jiong’ dua der ee mihuex, he siursiongx jitt vingg ee qyc’erkangx nirr, iarr ing kacc ser der he dirr hitt vingg qyc’erkangx nirr, qapp ciuxjniuw-xe. Tec jit kunn snax cunr kuah, 4 dxng dngg ee pingduar, dnii siongrpog siursiongx hitt vingg ee diuxquanjad-dingw, jiauww lehingg dnihuad dnii nng linr (derr 364 doo). Dui’ jiax diyhh dnii quer vnirlangg ee qajiac’au quer vakdow ee taujingg, quer jingpog, duxduxx dirr diuxquanjad-dingw; hitt aurbin decc pog .cud .laii ee qud m tangx kamr (derr 365 doo 3—4). Diyhh anxnix dnii qycc jit linr, duxduxx dirr jingg linr ee dingxbin, diyhh qra ix kamr bat bat (derr 365 doo 3—4). Dui’ jiax diyhh qycc dnii quer qajiac’au, quer vnirlangg hitt vingg ee qyc’erkangx (derr 366 doo 5) jiapsuar dnii quer qingtauu-dingw (derr 366 doo 5), jiacc lyc kir quer qajiac’au (derr 367 doo 6), qaur siursiongx hitt vingg diuxquanjad ee erbin (hitt xee ciuxaurdnix m tangx kamr); qycc dnii jnriu qnuaii qaur siursiongx hitt vingg qingtauu-dingw (derr 368 doo 7). Dui’ jiax dnii quer qajiac’au, dirr qajiac’au ee diong’ngx, u sibzi-hxingg (derr 369 doo 8); jiapsuar dnii quer vakdow taujingg, quer jingpog qaur siursiongx hitt vingg; jitt diap diyhh kamr jingg linr 3 hxun ee 2 hxun (derr 370 doo 9). Diyhh anxnisnix jiapsuar laii dnii quer qajiac’au, qyc’erkangx, quer byy siursiongx ee qingtauu-dingw, lyc kir quer qajiac’au, diuxquanjad-xe, dnii quer jingpog, jnriu siursiongx jitt vingg ee qingtauu-dingw, lyc kir quer qajiac’au, jiacc qycc dnii quer vakdow, acc si hxingx-jingg. Diyhh anxnix jiapsuar dnii go~lak vaiw. Diyhh ing anzenn vinxjiamx qra ix vinw dirr hxingx-jingg (derr 371, 372 doo).
Pingduar dnii jit liap lingvongg ee hxuad (Bandage for the breast):
Jiong’ jit kunn snax cunr kuah, 24 ciyh dngg ee pingduar, kiw dnii dirr sox behh dnii ee lingvongg-xe, dnii dui’ jitt liap qaur hitt liap byy vni ee lingvongg (derr 373 doo, beh dnii jniawvingg ee lingvongg). Jiacc jiauww lehingg dnihuad dnii nng linr, uii singkux duxduxx dirr lingvongg-xe, iarr dirr siang soxjai (derr 374 doo 1—2); jitt nng linr si beh hro pingduar jai jai be suaw xui. Derr snax linr jiong’ pingduar dnii quer lingvongg-xe, jiacc dniiquer hitt vingg ee qingtauu (derr 374 doo 3). Dui’ jiax lyc kir quer qajiac’au qaur lingvongg, iarr jiapsuar jiauww lehingg dnihuad dnii jit linr quer singkux, jitt diap jitt linr diyhh kamr derr 1—2 linr 3 hxun ee 2 hxun (derr 375 doo 4). Jiacqycc dnii jit linr dirr lingvongg-xe dnii jnriu qingtauu-dingw (derr 376 doo 5), jitt linr diyhh kamr derr 3 linr 3 hxun ee 3 hxun, pingduar narr uaw qingtauu-dingw, jitt linr be benw did diyhh kamr jingg linr kacc je (derr 376 doo). Qycc jiapsuar dnii quer qajiac’au, qaur lingvongg-xe, jiacc jit linr uii singkux (derr 378 doo 66). Diyhh anxnix jiapsuar dnii qaur bingvik. Dirr hxingx-jingg ing anzenn vinxjiamx vinw hro ix diauu, cincniu derr 378 doo.
Pingduar dnii nng liap lingvongg ee hxuad:
Diyhh tec jit kunn 3 cunr kuah, 4 dxng 8 ciyh dngg ee pingduar, cincniu dingxbin dnii nng linr dirr lingvongg-xe. Jiacc tranr jitt xee sewbin: dywvingg lingvongg-xe dnii jnriu jniawvingg qingtauu-dingw, lyc kir qaur dywvingg lingvongg-xe, jiacc jit~vnuar linr dnii singkux lingvongg-xe, quer qajiac’au, dnii jnriu dywvingg qingtauu-dingw, lyc kir quer hxingx-jingg, jniawvingg lingvongg-xe, jiapsuar quer qajiac’au qaur dywvingg lingvongg-xe, jiacc dnii jnriu jniawvingg qingtauu-dingw. Anxnix jiapsuar laii dnii qaur bingvik. Ing anzenn vinxjiamx vinw hro diauu, cincniu dingxbin ixqingx qongw (derr 379 doo).
Pingduar dnii diursui-hxingg dirr amrqunw ee dnihuad (Spica bandage for the neck):
Amrqunx narr siursiongx, acc si ciuxsut dirr amrqunw ee soxjai, ing jitt xee dnihuad, hro vausiongliau be suaw xui. Tec jit kunn 2 cunr kuah, 2 dxng dngg ee pingduar, kiw dnii dirr qingtauu-dingw (derr 380 doo 1). Quer qyc’erkangx, dnii quer amrqunw jit~nng linr (derr 380 doo 2, 3, 4). Jiacc dnii quer amrqunw (derr 380 doo 5), hargok-xe byy siursiongx hitt vingg hni-aw-au, quer taukag-dingw, lyc laii siursiongx jitt vingg hni-aw ee jingbin (6); jiacqycc jit vaiw dirr hargok-xe, byy siursiongx hitt vingg hni-aw ee jingbin, quer taukag-ding (8), lyc kir siursiongx jitt vingg ee hni-aw ee aurbin, acc si hni-aw-dingw. Jiacqycc jit aiw dirr hargok-xe, dnii taukag qaur aurkog, jiacc dnii tauhiac jiurr ing vinxjiamx qra ix vinw diauu. Congr jitt xee liauw, diyhh ing sir~go qix anzenn vinxjiamx qra ix vinw hro ix be suaw xui (derr 380 doo 9, 10).
Taukag ee dnihuad (Bandage for the head):
Derr id kuair ee huatdo si hnuaihingg dnirr dui’ aurkog quer tauhiac. Narr anxnix dnii qniax liauw e suaw xui, soxiw diyhh qycc dnii jit~nng linr dirr hargok-xe, quer taukag-dingw. Dairsingx jiong’ anzenn vinxjiamx vinw hitt xee hnuaihingg hitt linr hro kacc jai (derr 381 doo 1 .zri ee hy si jriw vinxjiamw). Dnii quer hargok-xe ee sii, qovutjiongx diyhh ing lehingg huanxdnihuad jiauww knuar derr 381 doo.
Nng kunn dywhuanw dnii taukag ee huatdo (Capeline bandage for the head):
Diyhh tec jit kunr 2 cunr kuah, 3 dxng dngg ee pingduar, siangx tauu buew juer simx laii qngw uaw diong’ngx (derr 382 doo). Acc si ing nng diauu, qokk diauu 18 ciyh dngg, jiong’ pingduar vanghap, acc si vinw hap juer jit diauu (derr 383 doo). Ing jitt xee dnihuad, si beh hro vausiongliau beh suaw xui, acc si beh idi taukakpuee siursiongx ee vni. Jiong’ siangx ciuw tec hitt diauu pingduar siangx diauu ee duawtauu, jiauww hitt diauu duar siangrr diong’ngx ee soxjai, he dirr tauhiac nirr (derr 384 doo, derr 395 doo 1). Siangx ciuw siang sii tec duar dnii dirr aurkog, dirr jiax siangx duar e puac siangx cxex (derr 385 doo); dui’ jitt xee erbin hitt diauu duar sisiongg qngw dui’ taukag-dingw, iarr hitt diauu dingxbin duar sisiongg dnii taukag hnuaihingg ee soxjai; dairqex sna’ jiapsuar, ing erbin ee duar (derr 386 doo 2), dui’ taukag ee aurkog, cew hitt diuu hnuaihingg :ee, dnii cud hiaxee ee taujingg (386 doo 2). Ing dirr dingxbin hnuaihingg ee duar, hnuaii dnii cud dirr hiac nirr, qycc decc ann tac dirr dnii cud hiac jingg ee duar ee dingxbin (derr 387 doo 3); qycc jiong’ erbin ee duar, dui’ vnirlangg jniawvingg, kamr quer aurkog; jitt linr diyhh kamr jingg linr 3 hxun ee jit hxun (derr 388 doo 4). Hitt diauu dingxbin hnuaihingg ee duar, iuguann hnuaii dnii zip aurkog, dirr jitt soxjai qycc dingtac (derr 395 doo 5), dirr jing’au duar-jingg, hro ix jat jat; qycc jong’ dirr erbin ee duar, dui’ dywvingr kamr cud hiac-jingg (derr 389 doo 6, derr 395 doo 6), jitt linr diyhh kamr quer nng linr snax hxun ee jit hxun; derr 2 linr diong’ngax snax hxun ee jit hxun, dirr taukag-dingw byy kamr. Anxnix jiong’ siangx tauu jing’au qapp hnuaihingg ee duar jiapsuar dnii kamr bat longxjongw ee taukakpuee, knuar (derr 390, 391, 392, 393, 394, 395 doo). Beh congr hro ix diauu, hitt diauu erbin jing’au ee duar, diyhh dnii suah dirr taujingg hiac-vnix (derr 393 doo 22) jiacc hitt diauu dingxbin hnuaihingg ee daur, qycc dnii nng linr, jiacc ing vinxjiamx vinw diauu (derr 394 doo, 395 doo 23, 24).
Siwdiaubuew pingduar dnii taukag ee hxuad:
Tec jit diauu duar 3 ciyh dngg, 6 cunr kuah, ing qadyx laii qrax .kuix, anxnix jiurr jiong’ duar-tauu, qapp duar-buew qokk u hunx juer nng diauu, jongw .si diong’ngx jam 6 cunr dngg byy qrax taur (knuar derr 396 doo). Dnihuad diyhh knuar derr 397, 398, 399, 400 doo.
Pingduar dnii jit luiw bagjiux ee hxuad:
Dairsingx jiong’ 2 cunr kuah, 8 jiww 10 ciyh dngg ee pingduar he dirr jniawvingg ee vinwvnix (narr dyr luiw diyhh duiwhuanw), dnii quer dywvingg sec jit linr, qokk dirr siangx vingg hni-aw ee dingxbin; jiapsuar dnii quer aurkog, quer jniawvingg hni-aw-xe, qycc quer cuiwpuew, amx dirr jniawvingg ee bagjiux; jiapsuar dnii quer pnirniuu, qaur dywvingg ee hni-aw-dingw. Narr air qycc jit linr, iuguann dnii jnriu qokk nng vingg ee hni-aw-dingw, jiacc qycc dnii lyc jniawvingg ee hni-aw-xe. Jiauww dingxbin soxx qongw, amx dirr bagjiux, jiacqycc dnii jit linr jnriu jniawvingg ee hni-aw-dingw, jiacc ing vinxjiamx vinw diauu dirr dywvingg ee vinwvni. Dnii dirr tauhiac nirr dagg linr diyhh kamr jingg linr duxhyw bat. Hitt linr decc dnii quer bagjiux, iuguann dagg linr diyhh duxduxx kamr bat jingg linr. Narr u vausiongliau, dagg linr beh amx bagjiux diyhh kmr jingg linr 3 hxun ee 2 hxun (derr 401 doo).
Pingduar dnii siangx luiw bgjiux ee hxuad:
Dairsingx jiong’ 2 cunr kuah, lak ciyh dngg ee pingduar, he dirr jniawvingg ee vinwvni. Hitt diauu pingduar jiacc dnii lyc kamr dywvingg ee bagjiux, quer dywvingg hni-aw-xe, qycc quer amrqunw-au, qycc quer jniawvingg hni-aw-xe, qaur jniawvingg cuiwpuew, amx jniaxvingg ee bagjiux; jiacc dnii jnriu dywvingg ee vinwvnix, quer hni-aw-dingw, qingquer aurkog, deh diyc kixtauu dnii ee duar; quer jniawvingg vinwvni, qycc dnii lyc kamr dirr dywvingg ee bagjiux. Jiapsuar dnii jiauww cincniu dingxbin soxx qongw ee sewbin, dnii quixnarr linr, iarr dagg linr soxx deh ee unn, diyhh kamr 3 hxun ee 2 hxun. Iarr diursui-hxingg diyhh duxduxx dirr pnirniuu ee dingxbin; dirr hiac-dingw qycc jiapsuar dnii 2 linr, jiacc jiong’ vinxjiamx vinw diauu dirr dywvingg ee vinwvnix (derr 402 doo).
Pingduar dnii hargok ee hxuad (Bandage for lower jaw):
Tec pingduar 15 ciyh dngg, 2 cunr kuah. Dairsingx jiong’ pingduar ee buexliux, dirr dywvingg ee hni-aw-au, dnii amrqunw-au, aurkog-xe, qaur jniawvingg ee hni-aw-au, dnii jnriu taukag-dingw, qaur dywvingg ee vinwvnix, dnii quer dywvingg cuiwpuew hni-aw ee jingbin, qaur hargok-xe, qycc dnii jnriu jniawvingg ee cuiwpuew; si jniawvingg hni-aw ee jingbin; qycc dnii jnriu taukag-dingw, dnii lyc qaur dywvingg hni-aw-au, dirr jiax deh diyc kiw dnii pingduar ee buexliux; anxnix si tauu jit xee 8 .zri hxingg jit linr. Derr zi linr jiapsuar dnii quer amrqunw-au, jniawvingg hni-aw-xe, kamr bat cuiwerdauw, qaur amrqunw-au; jex si derr zi linr bingvik. Diyhh anxnix jiapsuar dnii quixnarr linr qaur cingcyw. Beh suah ee sii, duar diyhh duxduxx dirr taukag-dingw, jiacc ing vinxjiamx vinw diauu. Narr beh hro ix kacc diauu, diyhh ing anzenn vinxjiamx vinw diauu dirr siangx vingg hni-aw-dingw huncex ee soxjai. Qycc jit qix dirr amrqunw-au; amrqunw-au ee vinxjiamx narr sniu’ diamx, tangx ing snuar tni quer laii diyr diauu (derr 403 doo).
Pingduar dnii kax ee hxuad (Bandage for the leg):
Tec jit kunn nng cunr vnuar kuah, 12 ciyh dngg ee pingduar, kiw dnii jiokquanjad (ankle) ee lairbin vingg, quer kax ee jingbin qaur kabuexjnaiw ee kaqah (derr 404 doo); dui’ jiax dnii quer kajniuw qaur kax duartaubuw, jiauww lehingg dnihuad dnii jit linr, quer kavnuaa (derr 405 doo 2). Qycc jit vaiw dnii quer kajniuw, jitt linr diyhh kamr jingg linr 3 hxun ee 2 hxun, quer kaduartaubuw, quer kavnuaa qaur jiokquanjad ee guarbin vingg (derr 406 doo 3). Dnii quer jiokquanjad ee aurbin, qaur lairbin vingg, dui’ jiax qycc jit vaiw quer kavnuaa qaur kabuexjnaiw, anxnix jiurr si Seqog 8 .zri hxingg (derr 407 doo). Diyhh jiapsuar dnii qaur bingvik, jiacc congr hro ix diauu, cincniu dirr derr 408 doo.
Pingduar dnii kaaurdnix ee hxuad (Bandage for the heel):
Tec jit kunn nng cunr vnuar kuah, 12 ciyh dngg ee pingduar, kiw dnii dirr kaaurdnix ee lairbin vingg (derr 409 doo). Jiauww lehingg dnihuad dnii nng linr quer kaaurdnix (410 doo 1—2); jiacc dnii jit linr kacc qe kaaurdnix, jitt linr diyhh kamr jingg 2 lin3 3 hxun ee jit hxun (derr 410 doo 3). Dui’ jiax jiong’ pingduar dnii kacc qnuaii dirr kaaurdnix, jiauww lehingg dnihuad dnii jit linr, jitt linr diyhh kamr jingg 1—2 linr 3 hxun ee jit hxun (derr 411 doo 4). Dui’ jiax dnii jit linr kacc qe kaaurdnix, jitt linr diyhh kamr jingg linr (3) 3 hxun ee 2 hxun (derr 412 doo). Diyhh anxnix jiapsuar dnii qaur bingvik. Congr hro ix diauu, lorbuew diyhh jiauww lehingg dnihuad dnii nng linr, jiacc ing anzenn vinxjiamx qra ix vinw (derr 413 doo).
Pingduar dnii jiokquanjad ee hxuad (Bandage for the ankle):
Tec jit kunn nng cunr kuah, 8 jiww 10 ciyh dngg ee pingduar, jiauww lehingg dnihuad dnii nng linr, dui’ jiokquanjad quer (derr 414 doo 1—2); zen’au dui’ jiokquanjad ee lairbin vingg dnii quer kavnuaa, qaur kax ee guarbin vingg (derr 414 doo 3); jiacc quer kajniuw qaur kax ee lairbin vingg, jiacqycc quer kavnuaa, qaur jiokquanjad ee guarbin vingg (derr 414 doo 4); anxnix jiurr ixqingx jniaa jit xee 8 .zri hxingg. Dnaxx diyhh jiauww 8 .zri hxingg, dnii nng~snax linr, qaur jiokquanjad kamr bingvik, jiacc jiauww lehingg dnihuad, dnii jit~nng linr quer kax, dirr jiokquanjad ee dingxbin damrvyc (derr 415 doo). Narr air kacc iongw, tauu jit xee 8 .zri hxingg juer liauw, tangx qycc dnii jit xee 8 .zri hxingg, duxduxx dirr jingg linr ee dingxbin, qra ix kamr bat, jiacc jiapsuar jiauww dingxbin soxx qongw, dnii qaur bingvik.
Pingduar dnii kax ee hxuad (Bandage for the leg):
Dnii kax ee sii, kacc hyw diyhh singx dnii nng~snax linr quer kax qapp jiokquanjad. Diyhh quer kax dirr ixliauu-dingw, hro ix kacc lirven. Tec jit kunn 2 1/2 cunr kuah, 18 ciyh dngg ee pingduar, kiw dnii dirr jiokquanjad ee lairbin vingg. Dnii quer kavnuaa, qaur kax ee guarbinrvnix (derr 416 doo 1), quer kajniuw qaur kax ee lairbin vingg; dnii quer kavnuaa qaur jiokquanjad ee guarbin vingg; jiacc dui’ jiokquanjad e aurbin qaur lairbin vingg (derr 416 doo 2). Qycc jit vaiw dnii jit xee 8 .zri hxingg, jitt linr diyhh kamr jingg linr 3 hxun ee 2 hxun (derr 416 doo 3—4), jiacc jiauww lehingg dnihuad, dui’ jiokquanjad dnii jit linr (derr 416 doo 5). Kax narr kacc dua, diyhh jiauww lehingg huanxdnihuad (derr 437 bin u qongw kiw), (derr 417 doo 6); jiapsuar laii dni jnriu qaur kax kamr bat, jiacc jiauww lehingg dnihuad dnii jit linr, jiurr ing anzenn vinxjiamx vinw hro ix diauu (derr 418 doo).
Pingduar dnii cikquanjad ee hxuad (Bandage for the knee):
Cikquanjad diyhh qiu .kiw .laii, jiacc tec jit kunn 2 1/2 cunr kuah, jit dxng jiww dxng vnuar dngg ee pingduar, kiw dnii cimquanjad ee lairbin vingg (derr 419 doo), jiauww lehingg dnihuad, dnii nng linr quer cikqaiwqud, jitt nng linr diyhh sna’ tac (derr 420 doo 1—2). Dui’ jiax jiong’ pingduar dnii kacc qnuaii dirr cikquanjad, dnii jit linr, jitt linr diyhh kamr jingg nng linr, 3 hxun jit hxun (derr 420 doo 3). Jiacc dnii jit linr kacc qe cikquanjad, jitt linr iuguann kamr derr 1—2 linr, 3 hxun ee jit hxun (derr 421 doo 4). Narr anxnix dnii hitt nng linr, derr 1—2 diong’ngx hitt 3 hxun ee jit hxun byy kamr, jitt xee si dirr cikqaiwqud ee jingbin (derr 421 doo 1—2). Jiong’ duar dnii jnriu qnuaii jit linr (derr 422 doo 5), jitt linr diyhh kamr jingg linr (derr 422 doo 3) ee 3 hxun ee 2 hxun, cunx 3 hxun ee jit hxun byy kamr; jiacc dnii jit linr dirr cikquanjad-xe, iarr jitt linr (derr 422 doo 6) diyhh kamr jingg linr (dirr 422 doo 4) ee 3 hxun ee 2 hxun. Diyhh jiauww jitt xee Seqog 8 .zri hxingg, jiapsuar dnii cikquanjad, qaur longxx kamr bingvik. Lorbuew jiauww lehingg dnii jit linr dirr dingxbin, jiacc ing anzenn vinxjiamx qra ix vinw diauu (derr 422 doo).
Pingduar dnii duartuiw ee hxuad (Bandage for the thigh):
Diyhh ing jit kunr 3 cunr kuah 24 ciyh dngg ee pingduar. Jitt xee huatdo si duxduxx jiauww dnii siongrpog ee dnihuad siysiang (derr 357-358 doo).
Pingduar dnii virkurquanjad ee hxuad (Bandage for the hip):
Diyhh tec kot limr 3 cunr kuah, 24 ciyh dngg ee pingduar, jiauww lehingg dnii jit linr quer duartuiw, jitt linr diyhh viw duartuixqud ee diong’ngx nng cunr kacc qnuaii (derr 423 doo). Diyhh jiauww lehingg huanxdnihuad dnii snax~sir linr quer duartuiw, jiacc jiong’ pingduar quer duartuiw dnii jnriu quer virkurquanjad, quer vnirlangg ee kajiac’au (derr 424 doo 4), dui’ hiax dnii quer vakdow qaur duartuiw ee guarbin vingg (derr 425 doo 5); anxnix dnii jiurr juer 8 .zri hxingg. Diyhh jiapsuar dnii qaur dnii bingvik, jiacc dirr vnirlangg vakdow-jingg, congr hro ix diauu (derr 426 doo).
Pingduar dnii diursui-hxingg dirr qaixvnix ee dnihuad (Spica bandage for the groin):
Tec jit kunn 3 cunr kuah, 25 ciyh dngg ee pingduar, kiw dnii dirr duartuiw ee lairbin vingg, kacc uaw dirr qaixvnix (derr 427 doo). Dui’ jiax dnii quer vnirlangg qutvnuaa, quer qajiac’au, quer vakdow qaur duartuiw ee guarbin vingg (derr 428 doo), jiacc dnii quer duartuiw ee aurbin vingg qaur lairbin vingg, anxnix jiurr si ixqingx juer 8 .zri hxingg. Diyhh jiauww anxnix 8 .zri hxingg jiapsuar dnii qaur qaixvnix longxx kamr bingvik. Ing anzenn vinxjiamx dirr vnirlangg vakdow-jingg, qra ix vinw hro diauu (derr 429 doo).
Pingduar dnii diursui-hxingg dirr liongxvingg qaixvnix ee dnihuad (Spica bandage for both groins):
Tec jit kunn 3 cunr kuah, 48 ciyh dngg ee pingduar, kiw dnii cincniu ixqingx qongw (derr 427, 428 doo). Narr kiw dnii dirr jniawvingg, diyhh dnii quer qajiac’au, jiacc quer vakdow ee jingbin, lyc kir qaur dywvingg duartuiw ee lairbin vingg (derr 430 doo 4); dui’ duartuiw ee lairbin vingg, quer aurbin qaur guarbin, jiacc qycc dnii jnriu quer duartuiw ee jingbin, qer vakdow ee jingbin (derr 431 doo 5). Dui’ jiax quer ix ee qajiac’au, quer vakdow ee jingbin, lyc kir qaur jniawvingg duartuiw kiw dnii ee soxjai. Diyhh anxnix jiapsuar dnii, singx kamr jitt vingg, aurlaii kamr hitt vingg, qaur liongxvingg qaixvnix kamr bingvik. Diyhh ing anzenn vinxjiamx qra ix vinw hro diauu dirr vnirlangg vakdow ee jingbin. Decc dnii ee sii dagg linr diyhh kamr jingg linr 3 hxun ee 2 hxun (derr 433 doo).
T .zri pingduar ee jok’iong si beh dnii dirr qongbunb, huerimx, qapp guarimvo ee vorui. Tec jit diauu duar 4 cunr kuah, 3 ciyh dngg, cux tanxhnuaii (jitt diauu beh juer haa vakdow ee loring). Qycc jit diauu 5 cunr kuah, 3 ciyh cngg cux tanxdit, laii vrangg dirr hitt diauu tanxhnuaii ee diong’ngx (derr 434 doo). Jitt diauu ursii tiah kuix juer nng diauu (derr 434a doo).
Dnii ee sii jiaxee tanxdit :ee quer guarimvo duartuiw-diongx, vak dirr hitt diauu tanxhnuaii ee haduar.
Je tauu duar (Many-tailed bandage):
Tec jit diauu duar 6 cunr kuah, 3 ciyh dngg, cunx tanxdit dirr dyh-dingw. Qycc tec 6 diauu duar 4 cune kuah, 4 1/2 ciyh dngg. Jiaxee 6 diauu iyhh vnii vnii vaii tanxhnuaii dirr tauu jit diauu ee dingxbin, deh cuir jidvnuar sna’ tac. Jiaxee tanxdit tanxhnuaii, diyhh ing jiamsnuax vrangg liongxvingg, diong’ngx qapp dingxbin, erbin. Hitt diauu tanxdit decc tongw .cud .laii .ee, diyhh tiah kuix juer nng diauu (derr 435 doo). Iauxx bue dnii ee sii, diyhh jiong’ jiaxee tanxhnuaii ee duar, qngw jniaa jit qngw, liongxvingg longxx qngw duxduxx qaur diong’ngx hitt diauu tanxdit ee duar. Anxnix qiyr vadd langg jiong’ vnirlangg huu hro lirpuu, he pingduar dirr qajiac’au ee diong’ngx jiacc hro vnirlangg dyw lehh. Jiaxee tanxhnuaii ee duar jiurr tauw hro vnii. Dnii vakdow ee sii cudjai isingx dnii dui’ dingxbin, acc si dui’ erbin kiw. Jongw .si iauxx bue dnii ee sii, iauwqinw diyhh knuar hiaxee tanxhnuaii duar sna’ tac ee sewbin si jnaixngiu, in’ui dnii quer vakdow jiaxee diyhh vnii vnii sna’ tac. Narr si dui’ dingxbin dnii, diyhh jit langg jit vingg. Hitt xee dirr jniawvingg, jiong’ dingxbin hitt tauu jit diauu dnii quer bincngg, sreh zip dywvingg vakdow-au, ix ee ciuw hnua lehh ee sii, jitt xee dirr dywvingg :ee, jiong’ ix ee tauu jit diauu dnii quer bincngg, iuguann sreh zip jniawvingg vakdow-au, jiacc sunrsuar dnii qaur bingvik. Decc quer bincngg ee sii, m tangx dit dit, diyhh liyc aw ciaa ciaa ngr lyc vakdow-buew; iarr jniawvingg dywvingg sna’ ker ee soxjai, diyhh dirr quer qingtauu-dingw, ursii quer huerimx ee duartuiw-diongx, vinw diauu dirr tanxhnuaii hitt xee dingxbin, acc si erbin. Anxnix vinw diauu, pingduar kacc be lag lyhqe, iarr kacc be suaw xui jnriu .kir (derr 409 bin).
Jitt xee je tauu duar ursii ing laii dnii dirr kax, acc si ciuw, cincniu byy air hitt xui dinxdang ee sii, si hyw ing.
Dngrduanx pingduar dnihuad (To bandage a stump):
Jitt xee pingduar hxuad ee jok’ing, si beh dnii vausiongliau, qycc jit hxang si beh ing aplik, dnii uaw hiaxee cetdngrpenr (amputation flaps), iarr beh vaux qinbah hro ix vau’uii qud cetdng ee soxjai. Diyhh kiw dnii dirr li dngrduanx-buew kacc qnuaii damrvyc; dirr jiax, jiauww lehingg dnihuad, dnii nng~snax linr damrvyc ann, iarr unn unn aw uaw dngrduanx-buew, jniawciuw tec pingduar dirr dngrduanx-xe, dywciuw gnec ixqingx dnii ee pingduar hro ix diauu. Diyhh jiong’ pingduar dnii quer dngrduanx ee cetdngrbin, qaur dngrduanx ee dingxbin (derr 436 doo 1); dirr jiax ing duartaubuw gnec hro ix diauu. Qycc dnii lyhqe, dirr hitt linr ee vnix:a damrvyc, gnec hro ix diauu (derr 436 doo 2), zen’au dnii jnriu dirr 1 linr, kacc dirr hitt vingg vnix:a (derr 436 doo 3). Diyhh anxnix dnii qaur dngrduanx cetdngrbin longxx kamr bat, jiacc jiauww lehingg dnihuad dnii nng~snax linr, hro hiaxee e diauu (derr 437 doo). Narr si hartuixqud diyhh ing nng~snax diauu pingduar. Lorbuew ing :eee, dnii quer cikquanjad, duartuiw erduanx ee soxjai, anxnix pingduar kacc be lag lyhqe.
Diauwduar (Sling):
Jitt hy ee diauwduar si ing snaqakduar juewjniaa :ee. Ix ee jok’iong ee diongqanx, jit hxang si in’ui ciuw acc si jingpog u siongx; acc si tniar, tangx per hro ix qnuaii.
Snaqakduar (Triangular bandage):
Snaqakhingg ee qowjy diyhh knuar derr 438 doo. Jiong’ snaqakduar he dirr vnirlangg ee hxingx-jingg nirr. Ing dingxdiamw (頂點, apex) he dirr siursiongx hitt vingg diuxquanjad-xe. Snaqakduar ee dingxdiamw qapp diuxquanjad ee dingxdiamw he sna’ uaw siangx xui. Jiacc jiong’ dixqag (底角, base angle) jit tauu juer dingxbin, jit tauu juer erbin. Dingxbin ee dixqag diyhh quer byy siursiongx ee qingtauu-dingw; qycc liong 4 jiww 6 cunr, dui lyc dirr syxqud-jingg, knuar derr 439 doo. Jiacc jiong’ siursiongx ee ciuw qiux uaw hxingx-jingg, ciuw diyhh viw diuxquanjad kacc qnuaii damrvyc (1 jiww 2 cunr). Zen’au jiong’ erbin hitt diauu dixqag tec kiw laii kamr siursiongx ee ciuw, jiacc jiong’ siangx tauu ee dixqag, laii sna’ qad lehh dirr syxqud-xe ee soxjai. Lorbuew jiong’ dingxdiamw, diyh hro dit, jiacc kamr diuxquanjad qapp siongrpog ee erduanx (derr 440 doo); jiacc jiong’ anzenn vinxjiamx vinw diauu cincnu derr 441 doo.
Snaqakduar per diuxquanjad:
Jiong’ dixqag jit tauu he dirr siursiongx jitt vingg ee qingtauu-dingw, dingxdiamw ngr dirr byy siursiongx hitt vingg; jiacc jiong’ siursiongx ee ciuw qiux .kiw .laii, hnua dirr byy siongx ee qingtauu-dingw (derr 442 doo). Jiong’ erdew hitt tauu ee dixqag tec jnriu qnuaii, per diuxquanjad qaur byy siursiongx hitt vingg ee qingtauu-dingw, siangx tauu ee dixqag jiacc sna’ qad diauu dirr amrqunw-au (derr 443 doo); zen’au jiong’ dingxdiamw diyh dit, puac kamr dirr siursiongx ee jingpog, quer siursiongx jitt vingg ee qingtauu-dingw, jiacc ing anzenn vinxjiamx vinw diauu dirr jitt vingg siursiongx ee qingtauu-dingw ee duar nirr (derr 444 doo).
Jiong’ kacc ec ee snaqakduar juer diauwduar:
Dairsingx jiong’ snaqakduar ee dingxdiamw auw zip dirr qisnuar (基線, base line) ee diong’ngx, jiacqycc auw jit vxenr (derr 445 doo). Auw hyxser liauxau, jiong’ jit tauu ee dixqag puah jnriu byy siursiongx hitt vingg ee qingtauu-dingw; erbin hitt tauu ee dixqag dui lyc singkux ee jingbin; jiong’ siursiongx ee ciuw qiux .kiw .laii, ngaw dirr hxingx-jingg, ciuw-buew diyhh viw diuxquanjad kacc qnuaii nng cunr; erbin ee dixqag tec jnriu qnuaii kamr siursiongx ee ciuw. Jit tauu dixqag jiacc puac quer siursiongx jitt vingg ee qingtauu-dingw, lorbuew pah qad hro diauu (derr 446 doo).
Suwjix, quanjad, liamhap cruir qyvor hxuad (Strapping a limb or joint):
Liamhap cuiwqyvor diyhh jit cunr kuah, cavutdyx 2 ciyh dngg. Ursii ing ung. hydrargyri qoo dirr juixnivor laii dnii quanjad, jitt xee huatdo si sna’ drangg.
Jiokquanjad: Jitt xee huatdo diyhh dnii dui’ uaw kajngxtau’aw qaur jiokquanjad kacc qnuaii nng cunr. Dnii kiw dirr kajniuw quer kavnuaa qaur kaaurdnix ee soxjai. Diyhh anxnix dnii qaur bingvik, dagg linr diyhh kamr jingg linr 3 hxun ee jit hxun. Jitt xee bingvik diyhh qycc ing quixnarr diauu duar, dnii quer Achilles .sri qen (hitt diauu dua diauu qen jriab diauu dirr kaaurdnix), dui’ aurbin qaur jingbin, jiaxee diyhh kamr jiokquanjad kacc qnuaii nng cunr. Kaaurdni mrbenw kamr bat. Decc dnii ee sii diyhh longxx vnii. Ursii diyhh ing qadyx qrax vor ee vnix:a hro ix e vnii (derr 447 doo).
Cikquanjad:
Jitt xee quanjad si kacc dua, soxiw vor diyhh qauwgiac dngg, tangx dnii quer taujingg bin (derr 447 doo). Dnii ee huatdo qapp dingxbin siysiang.
Jiyhqyx pingduar (Plaster of Paris bandage):
Jiyhqyx pingduar ee jok’iong, si juer huwbok, hro u vni ee soxjai e diamrjai, cincniu beh idi qutjic, quanjad tuatku, acc si u vni ee quanjad, jikjuiqud qethut jxingr.
Virvan pingduar ee huatdo:
1. Ing qasavor (gauze) dngg 21 ciyh, kuah nng cunr vnuar, sangx sangx qngw jniaa qui’ kunn.
2. Jiong’ jit niaw puerdnax, acc si sinbunjuaw, cux dirr dyh-dingw.
3. Jiong’ jiyhqyx vniar dirr juaw nirr, jiacc jiong’ jit diauu duar dirr jiyhqyx ee dingxbin tenw kuix, iokliok nng ciyh dngg. Ing jiyhqyhunw samw dirr duar-dingw, jiacc ing ciuw vutjiw dax :ee, syx hitt xee hunw hro jiauu zip dirr duar ee kangkiah.
4. Qycc samw damrvyc dirr duar-dingw. Syx hyxser jiacc sangx sangx qngw jniaa qui’ kunn, anxnix suisii tenw kuix, suisii samw qycc syx qaur congr jiauu liauw.
5. Ing iujuaw vaux ix, dagg diauu diyhh lingrgua vaux, benw did sriu damsib, jiacc siux dirr hitt hy kongkir be tangx zip ee aenn kec’aw, acc si vylequanr-lai, tingwhau beh ing.
Jiyhqyx pingduar suxiongx hxuad:
Diyhh urvi:
1. Jewjy hyw ee jiyhqyx pingduar.
2. Jit quanr jiyhqyx.
3. Nng xee dua punn.
4. Jit qix dua qix sii(?).
5. Siyx juiw; narr ing siyx juiw, jiyhqyx e kacc kuair qending.
6. Glycerinum, juer liauw beh sew ciuw ee loring.
7. Nii(?) juer ee pingduar, mihuee.
8. Qu ee sinbunjuaw tangx kamr vyxho bincngg qapp dervanw.
Qirsut: Suxiong ee dairsingx, hitt qix kax, ciuw, diyhh ing satbunn siyx juiw sew cingkir, crid dax, jiacc ing iyhhunw cincniu
Hunxjniux
Zinci oxidum
Borax
} … … … … … … qokk hxang vnii je
Laii syx, jiacc ing nivor juer ee pingduar; dnii beh vak ee soxjai. Narr byy jitt hy nivor, ing qui’ pnaiw nihuex laii vaux suwjix iarr hyw.
Dnii kax ee sii, diyhh snax langg laii vangjan; tauu jit xee vyxho kadow qapp kax; derr zi xee vyxho duartuiw, hro diamrjai; derr snax xee vangjan isingx.
Jiong’ jewjy hyw ee jiyhqyx pingduar, jimr dirr juiw nirr, (derr juiw nirr diyhh camx damrvyc iamm, juiw 1,000.0 c.c., iamm 15.0 grms., jiurr kacc kuair ding), tingwhau juixbin ee puec jiauu snruar, jiacc tec kiw laii dnii. He dirr juiw nirr diyhh kia dit, m tangx tanxhnuaii, iarr juiw diyhh qauwgiac tangx rimx bat pingduar.
Pingduar tec .kiw .laii, jun hro ix liyc aw dax, jiacc dnii jiauww lehingg dnihuad. Dnii liauw ing jiyhqyx qiauw juiw cincniu qoo, buah dirr duar-dingw, jiacc qycc dnii jit diauu, qycc ing jiyhqyx buah dirr hitt dingxbin. Tingwhau liyc aw ding, jiacc ing ciuw buah hro qut qut.
Diyhh hro kax diamrjai, iarr jiyhqyx decc qending ee sii, m tangx hro ix dinxdang. Iauxx bue sniu’ ding ee dairsingx, diyhh ing dyx qrax jit jua dit dit, narr beh tec .kiw .laii ee sii, hro ix e kacc kuair vangr li. Beh vyxho vnirlangg, diyhh dairsingx ing nng pnri aenn, jit vingg jit pnir, he dirr nivor qapp jiyhqyduar ee diong’ngx. Tingwhau dnii hyxser, iauxx bue sniu’ ding ee sii, ing jit qix dyx dirr aenn ee diong’ngx, qra ix qrax kuix. Jitt pnir aenn narr jit cunr kuah jiurr hyw. Iauxx beu qrax ee dairsingx, ing icyh qapp vid qaiwhunn dirr aenn-diongx, decc qrax ee sii, diyhh duxduxx dirr hrunn nirr, benw qniax e gai diyc vnirlangg. Decc qrax jiycqyduar u quixnarr hxang ee dua qix qadyx qapp qur-aw, knuar derr 448, 449, 450 doo.
Jiyhqyx huwbok lanwkangx ee hxuad: Soxx dnii ee soxjai, narr u siongcuir, hitt sii diyhh dirr jitt soxjai, kuix jit xee kangx, cincniu txangx-aw, tangx laii knuar siongcuir, acc si ngua vausiongliau (derr 451 doo). Ngua liauw diyhh ing pingduar qra vak. Urii dnii hyxser, m jaix hitt xee siongcuir, duxduxx dirr dyc’uix. Soxiw diyhh jiauww jitt xee huatdo laii juer. Jiong’ jit qix uerdojiamx (drawing pin), jiamx-buew tongw cud, he dirr tauu jit linr ee diongqanx, duxduxx dirr siongcuir ee diong’ngx. Dnii liauw hitt qix jiamx-buew jurzenn tongw cud, liamvnix knuar .diyc, tangx juer hy laii kuix kangx.
Narr si diyhh kuix kangx kacc dua xee, kacc hyw diyhh jiong’ pingduar dnii juer siangx jam, iarr beh hro ix jai, diyhh ing snax qix ticqix, cngx zip dirr jiyhqyx pingduar-lai, ing pingduar dnii, jurzenn e qenqor. Jitt hyy ticqix diyhh kiaux cincniu qringx ee kuanw, tangx qauwgiac u soxjai, e ngua did vausiongliau (derr 451 doo).
Narr u tongw cud ee qud, diyhh ing mihuex ju lecc juer dxiam. Dnii jitt hyw ee pingduar, jngxtau’aw-buew, m tangx amx lehh, tangx dui’ jiax knuar huicsunkuann jnaixngiu. Narr u dngw cnilamsig, lingw, acc si jingw, pingduar si sniu’ ann, diyhh liamvnix tongdix isingx, tangx qra ix qrax kuix.
Sayre .sri jiycqyquar (石膏褂, Sayer’s plaster jacket):
Cing jiyhqyquar ee hxuad: Jitt hy jiyhqyquar, si beh idi jiktiau u uaix, beh hro ix dit dit, acc si jikjuiqud u vni. Beh cing ee sii, iauwqinw diyhh ing kan’inw hxuad, hro juiqud liyc aw sna’ li, hro u vni ee soxjai be siy’ buaa. Diyhh ing jit hur snakadux (tripod), dingxbin diaur qalag, jiong’ syh-aw cngx .quer .kir, dui lyc laii vak diauu jit qix hnuaii caa (derr 452 doo). Dui’ hnuaii caa nirr diyhh vak sir diauu diauwduar, diong’ngx nng diauu, si beh diaur puee juer ee amrqunxniaw, laii duw hargok taujingg-xe, qapp aurkog-xe; guarbin hitt nng diauu, si beh diaur dirr qyc’erkangx-xe. Narr congr hyxser, jiacc siyxkuaw qra ix lui jnriu qnuaii, hro vnirlangg ee kajngxtau’aw-buew, liyc aw dab diyc tokax; diyhh snax xee langg draur vangjan. Dairsingx cing jit niaw nii juer ee qac’aw juer lairsniax, tongw cud ee qud, diyhh ing mihuex ju lehh juer dxiam; narr si luxhuanrjiaw, diyhh ing mihuex, vaux bat lingvongg; iarr ing jit diauu binrqinx auw hyxser, ju dirr ui ee taujingg, qiyr juer jiahvngrdiam, jiyhqyx ding ee sii, jitt xee tangx tec .kiw .laii; si hro ix jiac vng vaw ee sii, vakdow be diur ann. Pingduar narr ing juer duarlangg ee, diyhh 6 cunr kuah, narr ginxaw 3 cunr jiurr qauwgiac. Ix ee dngg diyhh 15 ciyh jiww 20 ciyh. Diyhh dui’ qutvnuaa ee jingsiongrqig kiw dnii, unn unn aw dnii jnriu dingxbin, qaur qyc’erkangx. Taujingg dui’ diong’ngx, diyhh ing jit pnir aenn, jiauww dingxbin soxx qongw laii zip dirr lairbin, tangx juer qrax kuix ee loring. Iauxx bue qending ee dairsingx, diyhh ing dyx qra kuix, hitt pnir aenn jiacc tec .kiw .laii. Qrax kuix liauw, tangx ing nngw puee juer ee qac’aw laii vak diauu, acc si ing pingduar vak.
Narr air jiong’ kan’inx hxuad, hro ix siongsiongg kan’inw, diyhh ing jit xee kiwqu, dir dirr taukag, cincniu derr 453 doo; aurviah cngx jit vanw ee ticvanw, dui’ taukag tangr lyc jiyhqyx huwbok-lai, hro ix dniardnia jai. Tauingg ee qxer, u duw diauu dirr hargok-xe.