Jrap Agama Qingx (Zi)
33.
Guaw tniax .diyc .ee si anne. Susii, Vut dirr Sāvatthī Qog Jeta Ciurnaa lairdew ee Anāthapiṇḍika Hngg kiarkiw. Hitt xee sijun, Sewjunx qra jiongww bikiu qongw:
"Siksinx m si guaw. Narr siksinx si guaw, siksinx dyrr byy ingwdongx e puawvni qapp siurkow, iarr byy ingwdongx e air beh siksinx anne qapp mair anne. Siksinx m si guaw ee enqor, siksinx jiacc e puawvni qapp siurkow, mrjiacc iarr e air beh siksinx anne qapp mair anne. Qamxsiu, batsniu, hingdong, qapp iwsig iarr si jitt kuanw.
"Bikiu! Linw anxjnuaw sniu? Siksinx si suwsiongg dilehh iacc busiongg?"
Bikiu qra Vut qongw, "Si busiongg, Sewjunx!"
"Bikiu! Narr busiongg, si m si kow(dukkha)?"
Bikiu qra Vut qongw, "Si kow, Sewjunx!"
"Narr siksinx si busiongg, si kow, si e venwngua ee hxuad, je qenwbunn sxingr ee derjuw e dirr hitt lairdew knuar siksinx si gauw, m si guaw, ixqip inx horsiongx junjai bor?"
Bikiu qra Vut qongw, "Be, Sewjunx!"
"Qamxsiu, batsniu, hingdong, qapp iwsig iarr si jitt kuanw. Mrjiacc qongxx, bikiu! Soxu siksinx, bylun dirr quewkir, dirr birlaii, dirr henrjai, lairbin :ee, guarkauw :ee, cox :ee, iur :ee, hyw :ee, baiw :ee, hng :ee, iacc qin :ee, hex itcer longxx be u guaw, be u m si guaw, be u inx horsiongx junjai. Diyhh anne laii quancad. Qamxsiu, batsniu, hingdong, qapp iwsig iarr si jitt kuanw.
"Bikiu! Je qenwbunn sxingr ee derjuiw u jniasit quancad diyc jitt go xee imsinx m si guaw, m si guaw soxx u. Jniasit quancad liauxau, duiww sewqanx soxu dyrr byy soxx kiuxlak. Byy kiuxlak dyrr byy soxx jipsiuw. Byy soxx jipsiuw jurzenn e qakgno diyc liappuann(Nirvana): 'Guaw ee snesiw lunhuee ixx bedjin, cingjing ee hing'uii ixx qenwlip, soxx qaix juer :ee ixx juer, qaqi jin' jaix jit'aursinx be qycc siursingx laii junjai.'"
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
34.
Guaw tniax .diyc .ee si anne. Susii, Vut diamr dirr Vārāṇasī Qog Senzinn Kiarkiw(Ṛṣipatana) ee Lok-aw Hngg. Hitt xee sijun, Sewjunx qra go xui bikiu qongw, "Siksinx m si guaw. Narr siksinx si guaw, siksinx dyrr byy ingwdongx e puawvni qapp siurkow, iarr byy ingwdongx e air beh siksinx anne qapp mair anne. Siksinx m si guaw ee enqor, siksinx jiacc e puawvni qapp siurkow, mrjiacc iarr e air beh siksinx anne qapp mair anne. Qamxsiu, batsniu, hingdong, qapp iwsig iarr si jitt kuanw.
"Bikiu! Linw anxjnuaw sniu? Siksinx si suwsiongg dilehh iacc busiongg?"
Bikiu qra Vut qongw, "Si busiongg, Sewjunx!"
"Bikiu! Narr busiongg, si m si kow(dukkha)?"
Bikiu qra Vut qongw, "Si kow, Sewjunx!"
"Bikiu! Narr siksinx si busiongg, si kow, si e venwngua ee hxuad, je qenwbunn sxingr ee derjuw e dirr hitt lairdew knuar siksinx si gauw, m si guaw, ixqip inx horsiongx junjai bor?"
Bikiu qra Vut qongw, "Be, Sewjunx!"
"Qamxsiu, batsniu, hingdong, qapp iwsig iarr si jitt kuanw. Mrjiacc qongxx, bikiu! Soxu siksinx, bylun dirr quewkir, dirr birlaii, dirr henrjai, lairbin :ee, guarkauw :ee, cox :ee, iur :ee, hyw :ee, baiw :ee, hng :ee, iacc qin :ee, hex itcer longxx m si guaw, m si guaw soxx u. Diyhh anne laii quancad. Qamxsiu, batsniu, hingdong, qapp iwsig iarr si jitt kuanw.
"Bikiu! Je qenwbunn sxingr ee derjuiw u knuar qnir diyc jitt go xee imsinx m si guaw, m si guaw soxx u. Jiauww anne quancad, duiww sewqanx soxu dyrr byy soxx kiuxlak. Byy kiuxlak dyrr byy soxx jipsiuw. Byy soxx jipsiuw jurzenn e qakgno diyc liappuann(Nirvana): 'Guaw ee snesiw lunhuee ixx bedjin, cingjing ee hing'uii ixx qenwlip, soxx qaix juer :ee ixx juer, qaqi jin' jaix jit'aursinx be qycc siursingx laii junjai.'"
Vut qangxsuad jitt dnxua qingx liauxau, go xui bikiu be qycc u huanlyw(lrau), simx did diyc qaixtuad. Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
35.
Guaw tniax .diyc .ee si anne. Susii, Vut diamr dirr Ceti Qog Dik'axhngg Singwsow. Hitt xee sijun, u snax xui jingwsu cutqex iaxx byy jin' quw, miaa qiyr juer Junjiaw Aniruddha, Junjiaw Nanda, qapp Junjiaw Kumbhīra.
Hitt xee sijun, Sewjunx jaix inx smdiongx soxx sniu :ee, dyrr qra inx suatqaur, qongxx, "Bikiu! Jitt xee simx, jitt xee ir, qapp jitt xee iwsig, qaidongx anne sniu, byc ingwdongx sniu vadd kuanw, diyhh qapp jitt xee iogbong ixqip jitt xee siksinx duanrjuat, srinx uijingr longxx u juer qaxx qaur qycc u dikdnia. Bikiu! Jitt xee siksinx, qamxx si suwsiongg dilehh, be venwngia, qapp jniasit diamr lehh?"
Bikiu qra Vut qongw, "M si, Sewjunx!"
Vut qra bikiu qongw, "Jin' hyw! Jin' hyw! Siksinx si busiongg, si e venwngua ee hxuad, e iawsen, e li iok, e bedjin, qaur qaxx jibbet. Jiauww jitt kuanw, siksinx an' guanvunw ixlaii, itcer si busiongg, si kow, si e venwngua ee hxuad. U anne jaiqiyh liauxau, knikib hitt xee siksinx laii snix jerje huanlyw(lrauu) ee vairhai, iamrzet ee iukow qapp koxnauw longxx e itjin bedjuat. Bedjuat liauw, dyrr byy soxx jipsiuw. Byy soxx jipsiuw, siogzirho, dyrr tangx anlok diamr lehh. Anlok diamr lehh, siogzirho, dyrr tangx did diyc liappuann(Nirvana). Qamxsiu, batsniu, hingdong, qapp iwsig iarr si anne."
Vut qangxsuad jitt dnxua qingx liauxau, snax xui jingwsu be qycc u huanlyw(lrau), simx did diyc qaixtuad. Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
36.
Guaw tniax .diyc .ee si anne. Susii, Vut diamr dirr Madhurā Qog Aciravatī Hyy-vnix ee Iamxsnuar Ambaciu Ciurhngg. Hitt xee sijun, Sewjunx qra jiongww bikiu qongw:
"Diyhh dirr qaqi ee soxjai ansinx, diyhh uaxkyr qaqi. Diyhh dirr Hxuad ee soxjai ansinx, diyhh uaxkyr Hxuad. Byy dirr vadd xui ansinx, byy uaxkyr vadd hxang. Bikiu! Qaidongx jniasit quancad, dirr qaqi ee soxjai uaxkyr qaqi, dirr Hxuad ee soxjai uaxkyr Hxuad. Byy dirr vadd xui ansinx, byy uaxkyr vadd hxang. Anxjnuaw e snix cud iuciuu, visiongx, tongwkow, qapp huanlyw lehh? Anxjnuaw e u jiaxee? Uirr sniaxmih enqor? Anxjnuaw e virr inx vak diauu lehh? Anxjnuaw qaqi kir quancad iauxx bue snix .cud .laii ee iuciuu, visiongx, tongwkow, qapp huanlyw? Ixx snix .cud .laii ee iuciuu, visiongx, tongwkow, qapp huanlyw, inx anxjnuaw e singdiongw qapp jingqax?"
Jiongww bikiu qra Vut qongw, "Sewjunx u Hxuad ee qinx, Hxuad ee ganw, u Hxuad juer uaxkyr. Ngwbang liw uirr guanw qangxsuad. Jiongww bikiu tniax liauw, qaidongx jiauww soxx qangxsuad :ee kir siuhing."
Vut qra bikiu qongw, "Jimjiog tniax, tniax liauw hyw hyw aw sniu. Guaw uirr linw suecbingg qaizenn. Bikiu! U siksinx, jiacc kir knikib siksinx, qycc virr siksinx vak diauu lehh. Diyhh jurqiw quancad iauxx bue snix .cud .laii ee iuciuu, visiongx, tongwkow, qapp huanwly longxx anne laii sanxsingx. Snix .cud .laii liauxau qycc e diddit jingqax qapp denxdua. Qamxsiu, batsniu, hingdong, qapp iwsig iarr si anne.
"Bikiu! Qamxx u siksinx si suwsiongg dilehh, be venwngua, jniasit diamr lehh?"
Rinr qongxx, "Byy, Sewjunx!"
Vut qra bikiu qongw, "Jin' hyw! Jin' hyw! Siksinx si busiongg. Qnaxx u senrlamjuw jaiqiyh siksinx si busiongg, si kow, si e venwngua, e li iog, e duiww iogbong jinrbet, e jigjing, qaur qaxx jibbet. Jaiqiyh qongxx an' guanvunw ixlaii, itcer siksinx longxx si busiongg, si kow, si e venwngua ee hxuad liauxau, narr knikib siksinx laii snix cud iuciuu, visiongx, tongwkow, qapp huanlyw :ee diyhh qra duanrjuat. Duanrjuat liauw dyrr byy soxx jipsiuw. Byy soxx jipsiuw soxiw tangx an'unw qapp anlok diamr lehh. An'unw qapp anlok diamr lehh liauw, dyrr qiyr juer liappuann(Nirvana). Qamxsiu, batsniu, hingdong, qapp iwsig iarr si anne."
Vut qangxsuad jitt dnxua qingx liauxau, jap-lak xee bikiu byy qycc u huanlyw(lrau), simx did diyc qaixtuad. Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
37.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"Guaw byy qapp sewqanx siy' jner, si sewqanx qapp guaw siy' jner. Si anxjnuaw e anne? Bikiu! Narr jaix Hxuad ee gixgenn :ee dyrr be qapp sewqanx siy' jner. Sewqanx u diwhui :ee qongw u, guaw iarr qongw u. Anxjnuaw qongxx sewqanx u diwhui :ee qongw u, guaw iarr qongw u? Bikiu! Siksinx si busiongg, si kow, si e venwngua ee hxuad, sewqanx u diwhui :ee qongw urngiaw, guaw iarr qongw urngiaw. Jiauww jitt kuanw, qamxsiu, batsniu, hingdong, qapp iwsig si busiongg, si kow, si e venwngua ee hxuad, sewqanx u diwhui :ee qongw urngiaw, guaw iarr qongw urngiaw. Sewqanx u diwhui :ee qongw byy, guaw iarr qongw byy. Qongxx siksinx si suwsiongg dilehh, be venwngua, qycc jniasit diamr lehh :ee, sewqanx u diwhui :ee qongw byngiaw, guaw iarr qongw byngiaw. Qongxx qamxsiu, batsniu, hingdong, qapp iwsig si suwsiongg dilehh, be venwngua, qycc jniasit diamr lehh :ee, sewqanx u diwhui :ee qongw byngiaw, guaw iarr qongw byngiaw. Jex dyrr qiyr juer sewqanx u diwhui :ee qongw byy, guaw iarr qongw byy. Bikiu! Sewqanx u sewqanhuad, guaw qaqi u jinrjaix qapp liauxgno laii uirr langg' hunved enxsuad qapp henxsi. Sewqanx cnimii knuar be bingg :ee berdangr jaiqiyh qycc knuar be diyc, hex m si guaw ee juerqyr.
"Jiongww bikiu! Sniaxmih si sewqanx ee sewqanhuad, guaw qaqi u jinrjaix qapp liauxgno laii uirr langg' hunved enxsuad qapp henxsi, cnimii knuar be bingg :ee suacc berdangr jaiqiyh qycc knuar be diyc? Bikiu! Hex dyrr si siksinx si busiongg, si kow, si e venwngua ee hxuad, jex qiyr juer sewqanx ee sewqanhuad. Jiauww jiitt kuanw, qamxsiu, batsniu, hingdong, qapp iwsig si busiongg, si kow, si sewqanx ee sewqanhuad. Bikiu! Jitt xee sewqanx ee sewqanhuad, guaw qaqi u jinrjaix qapp liauxgno laii uirr langg' hunved enxsuad qapp henxsi. Cnimii knuar be bingg :ee berdangr jaiqiyh qycc knuar be diyc. Hiaxee cnimii knuar be bingg :ee berdangr jaiqiyh qycc knaur be diyc, guaw duiww inx u sniaxmih huatdo?"
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
38.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"Sewqanlangg juer vijen, harjyh, jiongxjiongw ee taulo laii qriuu uahmia, laii did diyc dua vur, jex sewqanlangg longxx jaix. Sewqanlangg soxx jaix :ee, guaw iarr anne qongw. Sniaxmih in'iuu lehh? M tangx hro guaw qapp sewqanlangg byy qangg.
"Jiongww bikiu! Piwlun qongxx u jit jiongw kiwqu, u jit xee soxjai qra qiyr juer___, uree qra qiyr juer vxuah, uree qra qiyr juer___, uree qra qiyr juer ___, uree qra qiyr juer ___, uree qra qiyr juer ___, uree qra qiyr juer___. Jiaww inx soxx jaix :ee, guaw iarr anne qongw. Sniaxmih in'iuu lehh? M tangx hro guaw qapp sewqanlangg byy qangg. Jiauww jitt kuanw, bikiu! U sewqanhuad, guaw qaqi u jinrjai qapp liauxgno laii uirr langg’ hunved enxsuad qapp henxsi, jiauww inx soxx jaix soxx qnir :ee laii qangxsuad, sewqanx cnimii knuar be bingg :ee berdangr jaiqiyh qycc knuar be diyc. Sewqanx cnimii knuar be bingg :ee berdangr jaiqiyh qycc knaur be diyc, guaw duiww inx u sniaxmih huatdo?
"Bikiu! Sniaxmih si sewqanx ee sewqanhuad, guaw qaqi u jinrjaix qapp liauxgno, simrjiww qaur byy jaiqiyh byy qnir .diyc? Hex dyrr si siksinx si busiongg, si kow, si e venwngua ee hxuad, jex dyrr si sewqanx ee sewqanhuad. Qamxsiu, batsniu, hingdong, qapp iwsig si busiongg, si kow, jex si sewqanx ee sewqanhuad. Bikiu! Jex qiyr juer sewqanx ee sewqanhuad, guaw qaqi u jinrjaix qapp liauxgno, cnimii knuar be bingg :ee suacc berdangr jaiqiyh qycc knuar be diyc, guaw duiww inx u sniaxmih huatdo?"
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
39.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"U go jiongw jingxjiw. Dycc go jiongw lehh? Dyrr si qinx juer jingxjiw, qix juer jingxjiw, bak juer jingxjiw, qaqi lag .lyc juer jingxjiw, qycc u quexjiw juer jingxjiw. Jitt go jiongw jingxjiw be dng, be pnaiw, be aur, be siurr hongx cuex, sinx sik qycc qensit. U too byy juiw, hiaxee jingxjiw dyrr be singdiongw be jingqax. Narr hiaxee jingxjiw sinx sik, qensit, be dng, be pnaiw, be siurr hongx cuex, u juiw suacc byy too, hiaxee jingxjiw iarr be singdiongw be jingqax. Narr hiaxee jingxjiw sinx sik, qensit, be dng, be pnaiw, be aur, be siurr hongx cuex, u too u juiw, hiaxee jingxjiw dyrr e singdiongw e jingqax.
"Bikiu! Hitt go jiongw jingxjiw tangx piwlun juer jipsiuw sir jiongw imsinx qapp iwsig. Too kyxviw si sir xee imsinx soxx druar ee soxjai. Juiw kyxviw si sir xee imsinx tam'air soxx beh knikib ee soxjai. Si dycc sir xee? Dirr siksinx lairdew, iwsig knikib siksinx diamr lehh, u tam'air zunrdik dyrr e laii singdiongw qapp jingqax. Dirr qamxsiu, batsniu, hingdong lairdew, iwsig knikib qamxsiu, batsniu, hingdong diamr lehh, u tam'air zurdik dyrr e laii singdiongw qapp jingqax. Bikiu! Iwsig dirr hitt lairdew ursii laii, ursii kir, ursii diamr lehh, ursii byy .kir, ursii e singdiongw qapp jingqax.
"Bikiu! Narr lirkuix siksinx, qamxsiu, batsniu, qapp hingdong, qongxx iwsig ursii laii, ursii kir, ursii diamr lehh, ursii e snix .cud .laii, hex si qongw qongw lehh narnia. Qycc qra mng suacc rinr m jaix, dogdok jingqax cigaii narnia. Quibuew byy jitt xee qingxqair ee enqor.
"Siksinx lirkuix tamx ee derqair. Lirkuix tamx liauxau, duiww jipsiuw siksinx soxx vak diauu ee iwliam dyrr e dng .kir. Duiww jipsiuw siksinx soxx vak diauu ee iwliam dng .kir liauxau, soxx knikib :ee dyrr dng .kir. Soxx knikib :ee dng .kir liauxau, iwsig dyrr byy der druar, dyrr be qycc singdiongw qapp jingqax. Qamxsiu, batsniu, qapp hingdong lirkuix tamx ee derqair. Lirkuix tamx liauxau, duiww jipsiuw hingdong soxx bongkab ee iwliam dyrr e dng .kir. Duiww jipsiuw hingdong soxx bongkab ee iwliam dng .kir liauxau, soxx knikib :ee dyrr e dng .kir. Soxx knikib :ee dng .kir liauxau, hitt xee iwsig dyrr byy der druar, dyrr be qycc singdiongw qapp jingqax. Byy qycc singdiongw ee enqor, dyrr byy qycc juer giabhing. Byy juer giabhing liauw diamr lehh. Diamr lehh dyrr dijiog. Dijiog liauw dyrr qaixtuad.
"Qaixtuad liauw, dirr sewqanx soxu dy' byy soxx cruw, byy soxx jipsiuw. Byy soxx cruw, byy soxx jipsiuw liauw, qaqi qakgno diyc liappuann(Nirvana), 'Guaw ee snesiw lunhuee ixx bedjin, cingjing ee hing'uii ixx qenwlip, soxx qaix juer :ee ixx juer, qaqi jin' jaix jit'aursinx be qycc siursingx laii junjai.' Guaw qongw jitt xee iwsig m na be kir qaur dangx, saix, lamm, vag, suwii, dingw, iacc xe, sniaxmih soxjai longxx be kir. Ix qandna' qnir diyc Hxuad(Dharma), beh zip liappuann, jibbet, cingliangg, cingjing, qapp jinsit."
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
40.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"Jipsiuw :ee be qaixtuad, byy jipsiuw :ee jiacc e qaixtuad. Anxjnuaw qongxx jipsiuw :ee be qaixtuad? Bikiu! Dyrr si u knikib sir xee qinbuw ee iwsig. Si dycc sir jiongw? Jipsiuw siksinx ee iwsig, jipsiuw qamxsiu, batsniu, qapp hingdong ee iwsig, simrjiww qaur qaxx byy hitt hy qingxqair ee enqor, jex dyrr qiyr juer jipsiuw, soxiw be qaixtuad. Anxjnuaw qongxx byy jipsiuw jiacc e qaixtuad? Siksinx lirkuix tamx, qamxsiu, batsiu, hingdong, qapp iwsig lirkuix tamx, simrjiww qaur qaxx cingjing qapp jinsit, jex dyrr si byy jipsiuw dyrr did diyc qaixtuad."
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
41.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"U go jiongw imsinx – siksinx ee imsinx, qamxsiu, batsniu, hingdong, qapp iwsig ee imsinx. Guaw duiww jitt go jiongw imsinx, u sidsit jaix inx ee go jiongw jinsiongr – duiww siksinx u sidsit jaix jinsiongr, duiww siksinx ee hingkiw, duiww siksinx ee hingwbi, duiww siksinx ee hyrhuan, qapp duiww siksinx ee siar li longxx u sidsit jaix jinsiongr. Jiauww jitt kuanw, duiww qamxsiu, batsniu, hingdong, qapp iwsig iarr u sidsit jaix jinsiongr. Duiww iwsig ee hingkiw, duiww iwsig ee hingwbi, duiww iwsig ee hyrhuan, qapp duiww iwsig ee siar li longxx u sidsit jaix jinsiongr.
"Sniaxmih qiyr juer duiww siksinx u sidsit jaix jinsiongr? Soxu ee siksinx, itcer sir dua (guansor), qapp sir dua (guansor) soxx juewjniaa :ee dyrr qiyr juer siksinx. Duiww jitt hy kuanw siksinx u sidsit jaix jinsiongr. Sniaxmih qiyr juer duiww siksinx ee hingkiw u sidsit jaix jinsiongr? Duiww siksinx ee hixair, jex qiyr juer siksinx ee hingkiw. Duiww jitt hy kuanw siksinx ee hingkiw u sidsit jaix jinsiongr. Sniaxmih qiyr juer duiww siksinx ee hingwbi u sidsit jaix jinsiongr? Qongxx siksinx ee inenn laii snix cud hixlok, jex qiyr juer siksinx ee hingwbi. Duiww jitt hy kuanw siksinx ee hingwbi u sidsit jaix jinsiongr. Sniaxmih qiyr juer duiww siksinx ee hyrhuan u sidsit jaix jinsiongr? Narr siksinx si busiongg, si kow, si e venwngua ee hxuad, jex qiyr juer siksinx ee hyrhuan. Duiww jitt hy kuanw siksinx ee hyrhuan u sidsit jaix jinsiongr. Sniaxmih qiyr juer duiww siksinx ee siar li u sidsit jaix jinsiongr? Narr erdangr diauhok duiww siksinx ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer duiww siksinx ee siar li. Duiww jitt hy kuanw siksinx ee siar li u sidsit jaix jinsiongr.
"Sniaxmih qiyr juer duiww qamxsiu u sidsit jaix jinsiongr? U lak xee e qamxsiu ee siksinx – bagjiux kir jicjiab e snix cud qamxsiu; hni, pni, jic, srinx, qapp ir kir jicjiab e snix cud qamxsiu, jex qiyr juer qamxsiu. Duiww jitt hy kuanw qamxsiu u sidsit jaix jinsiongr. Sniaxmih qiyr juer duiww qamxsiu ee hingkiw u sidsit jaix jinsiongr? Jicjiab ee hingkiw dyrr si qamxsiu ee hingkiw. Duiww jitt hy kuanw qamxsiu ee hingkiw u sidsit jaix jinsiongr. Sniaxmih qiyr juer duiww qamxsiu ee hingwbi u sidsit jaix jinsiongr. Knikib lak jiongw qamxsiu laii snix cud hixlak, jex qiyr juer qamxsiu ee hingwbi. Duiww jitt hy kuanw qamxsiu ee hingwbi u sidsit jaix jinsiongr. Sniaxmih qiyr juer duiww qamxsiu ee hyrhuan u sidsit jaix jinsiongr? Narr qamxsiu si busiongg, si kow, si e venwngua ee hxuad, jex qiyr juer qamxsiu ee hyrhuan. Duiww jitt hy kuanw qamxsiu ee hyrhuan u sidsit jaix jinsiongr. Sniaxmih qiyr juer duiww qamxsiu ee siar li u sidsit jaix jinsiongr? Erdangr diauhok duiww qamxsiu ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer qamxsiu ee siar li. Duiww jitt hy kuanw qamxsiu ee siar li u sidsit jaix jinsiongr.
"Sniaxmih qiyr juer duiww batsniu u sidsit jaix jinsiongr? Qongxx u lak xee e batsniu ee siksinx. Dycc lak xee? Qongxx bagjiux kir jicjiab e snix cud batsniu; hni, pni, jic, srinx, qapp ir kir jicjiab e snix cud batsniu, jex qiyr juer batsniu. Duiww jitt hy kuanw batsniu u sidjit jaix jinsiongr. Sniaxmih qiyr juer duiww batsniu ee hingkiw u sidsit jaix jinsiongr? Qongxx jicjiab ee hingkiw dyrr si batsniu ee hingkiw. Duiww jitt hy kuanw batsniu ee hingkiw u sidsit jaix jinsiongr. Sniaxmih qiyr juer duiww batsniu ee hingwbi u sidsit jaix jinsiongr? Batsniu ee inenn laii snix cud hixlok, jex qiyr juer batsniu ee hingwbi. Duiww batsniu ee hingwbi u sidsit jaix jinsiongr. Sniaxmih qiyr juer duiww batsniu ee hyrhuan u sidsit jaix jinsiongr? Qongxx batsniu si busiongg, si kow, si e venwngua ee hxuad, jex qiyr juer batsniu ee hyrhuan. Duiww jitt hy kuanw batsniu ee hyrhuan u sidsit jaix jinsiongr. Sniaxmih qiyr juer duiww batsniu ee siar li u sidsit jaix jinsiongr? Narr erdangr diauhok duiww batsniu ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer batsniu ee siar li. Duiww jitt hy kuanw batsniu ee siar li u sidsit jaix jinsiongr.
"Sniamxih qiyr juer duiww hingdong u sidsit jaix jinsiongr? Qongxx u lak xee e sulu ee siksinx – bagjiux kir jicjiab e snix cud sulu; hni, pni, jic, srinx, qapp ir kir jicjiab e snix cud sulu, jex qiyr juer hingdong. Duiww jitt hy kuanw hingdong u sidsit jaix jinsiongr. Sniaxmih qiyr juer duiww hingdong ee hingkiw u sidsit jaix jinsiongr? Jicjiab ee hingkiw dyrr si hingdong ee hingkiw. Duiww jitt hy kuanw hingdong ee hingkiw u sidsit jaix jinsiongr. Sniaxmih qiyr juer duiww hingdong ee hingwbi u sidsit jaix jinsiongr? Qongxx hingdong ee inenn laii snix cud hixlok, jex qiyr juer hingdong ee hingwbi. Duiww jitt hy kuanw hingdong ee hingwbi u sidsit jaix jinsiongr. Sniaxmih qiyr juer duiww hingdong ee hyrhuan u sidsit jaix jinsiongr? Narr hingdong si busiongg, si kow, si e venwngua ee hxuad, jex qiyr juer hingdong ee hyrhuan. Duiww jitt hy kuanw hingdong ee hyrhuan u sidsit jaix jinsiongr. Sniaxmih qiyr juer duiww hingdong ee siar li u sidsit jaix jinsiongr? Narr erdangr diauhok duiww hingdong ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer hingdong ee siar li. Duiww jitt hy kuanw hingdong ee siar li u sidsit jaix jinsiongr.
"Sniaxmih qiyr juer duiww iwsig u sidsit jaix jinsiongr? Qongxx u lak xee u iwsig ee siksinx – bak u iwsig, hni, pni, jic, srinx, qapp ir iarr longxx u iwsig, jex qiyr juer u iwsig ee siksinx. Duiww jitt hy kuanw u iwsig ee siksinx u sidsit jaix jinsiongr. Sniaxmih qiyr juer duiww iwsig ee hingkiw u sidsit jaix jinsiongr? Qongxx bingsiksinx ee hingkiw dyrr si bingiwsig ee hingkiw. Duiww jitt hy kuanw iwsig ee hingkiw u sidsit jaix jinsiongr. Sniaxmih qiyr juer duiww iwsig ee hingwbi u sidsit jaix jinsiongr? Iwsig ee inenn laii snix cud hixlok, jex qiyr juer iwsig ee hingwbi. Duiww jitt hy kuanw iwsig ee hingwbi u sidsit jaix jinsiongr. Sniaxmih qiyr juer duiww iwsig ee hyrhuan u sidsit jaix jinsiongr? Narr iwsig si busiongg, si kow, si e venwngua ee hxuad, jex qiyr juer iwsig ee hyrhuan. Duiww jitt hy kuanw iwsig ee hyrhuan u sidsit jaix jinsiongr. Sniaxmih qiyr juer duiww iwsig ee siar li u sidsit jaix jinsiongr? Qongxx erdangr diauhok duiww iwsig ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer iwsig ee siar li. Duiww iwsig ee siar li u sidsit jaix jinsiongr.
"Bikiu! Qnaxx u sabunn iacc brahmin duiww siksinx u anne jinrjaix, anne kir knuar. Anne jinrjaix qapp anne kir knuar, lirkuix iogbong ee honghiongr, jex qiyr juer jniar honghiongr. Narr qniaa duiww jniar honghiongr :ee, guaw qongw ix u zip .kir. Qamxsiu, batsniu, hingdong, qapp iwsig iarr si jitt hy kuanw. Narr u sabunn iacc brahmin duiww siksinx u sidsit jaix jinsiongr, sidsit kir knuar, duiww siksinx snix cud iawsen, li iok, jiongww lrau(huanlyw) be kiw, simx dyrr e did diyc qaixtuad. Narr simx did diyc qaixtuad :ee, dyrr si sun'id. U sun'id :ee, cingjing ee hing'uii dyrr e qenwlip. Cingjing ee hing'uii u qenwlip :ee, dyrr e qapp qitax lirkuix laii did jurjai, jex qiyr juer kow ee venqair. Qamxsiu, batsniu, hingdong, qapp iwsig iarr si jitt hy kuanw."
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
42.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"U cid xui lirven qapp snax jiongw quancad ee huatmngg. Jiaxee hxuad qniaa qaxx taur tangx did diyc lrau(huanlyw) bedjin. Did diyc byy lrau, simx dyrr qaixtuad, iong diwhui did qaixtuad, henrvo qaqi jinrjaix, srinx uijingr jiokgiac diamr lehh, 'Guaw ee snesiw lunhuee ixx bedjin, cingjing ee hing'uii ixx qenwlip, soxx qaix juer :ee ixx juer, qaqi jin' jaix jit'aursinx be qycc siursingx laii junjai.'
"Sniaxmih si bikiu ee cid xui lirven? Bikiu! Duiww siksinx, siksinx ee hingkiw, siksinx ee bedjuat, siksinx bedjuat ee honghuad, siksinx ee hingwbi, siksinx ee hyrhuan, qapp siksinx ee siar li longxx u sidsit jaix jinsiongr. Jiauww jitt kuanw, duiww qamxsiu, batsniu, hingdong, iwsig, qapp duiww iwsig ee hingkiw, iwsig ee bedjuat, iwsig bedjuat ee honghuad, iwsig ee hingwbi, iwsig ee hyrhuan, ixqip iwsig ee siar li longxx u sidsit jaix jinsiongr.
"Sniaxmih qiyr juer duiww siksinx u sidsit jaix jinsiongr? Itcer sir dua (guansor) qapp sir dua soxx juewjniaa :ee dyrr qiyr juer siksinx. Duiww jitt hy kuanw siksinx u sidsit jaix jinsiongr. Sniaxmih qiyr juer duiww siksinx ee hingkiw u sidsit jaix jinsiongr? Hixair dyrr si siksinx ee hingkiw, duiww jitt hy kuanw siksinx ee hingkiw u sidsit jaix jinsiongr. Sniaxmih qiyr juer duiww siksinx ee bedjuat u sidsit jaix jinsiongr? Hixair bedjuat dyrr si siksinx ee bedjuat, duiww jitt hy kuanw siksinx ee bedjuat u sidsit jaix jinsiongr. Sniaxmih qiyr juer duiww siksinx bedjuat ee honghuad u sidsit jaix jinsiongr? Qongxx u Veh Singwdy – jniar qnir, jniar iwhiongr, jniar giw, jniar giap, jniar mia, jniar hongven(jingjinr), jniar liam, qapp jniar dnia, jex qiyr juer siksinx bedjuat ee honghuad, duiww jitt hy kuanw siksinx bedjuat ee honghuad u sidsit jaix jinsiongr.
Sniaxmih qiyr juer duiww siksinx ee hingwbi u sidsit jaix jinsiongr? Qongxx siksinx ee inenn e snix cud hixlok, jex qiyr juer siksinx ee hingwbi, duiww jitt hy kuanw siksinx ee hingwbi u sidsit jaix jinsiiongr. Sniaxmih qiyr juer duiww siksinx ee hyrhuan u sidsit jaix jinsiongr? Narr siksinx si busiongg, si kow, si e venwngua ee hxuad, jex qiyr juer siksinx ee hyrhuan, duiww jitt hy kuanw siksinx ee hyrhuan u sidsit jaix jinsiongr. Sniaxmih qiyr juer duiww siksinx ee siar li u sidsit jaix jinsiongr? Qongxx erdangr diauhok duiww siksinx ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer siksinx ee siar li, duiww jitt hy kuanw siksinx ee siar li u sidsit jaix jinsiongr.
"Sniaxmih qiyr juer duiww qamxsiu u sidsit jaix jinsiongr? Qongxx u lak jiongw qamxsiu – bagjiux kir jicjiab laii snix cud qamxsiu, hni, pni, jic, srinx, qapp ir kir jicjiab laii snix cud qamxsiu, jex qiyr juer qamxsiu, duiww jitt hy kuanw qamxsiu u sidsit jaix jinsiongr. Sniaxmih qiyr juer duiww qamxsiu ee hingkiw u sidsit jaix jinsiongr? Jicjib ee hingkiw dyrr si qamxsiu ee hingkiw, duiww jitt hy kuanw qamxsiu ee hingkiw u sidsit jaix jinsiongr. Sniaxmih qiyr juer duiww qamxsiu ee bedjuat u sidsit jaix jinsiongr? Jicjiab bedjuat dyrr si qamxsiu bedjuat, duiww jitt hy kuanw qamxsiu ee bedjuat u sidsit jaix jinsiongr. Sniaxmih qiyr juer duiww qamxsiu bedjuat ee honghuad u sidsit jaix jinsiongr? Qongxx Veh Singwdy – jniar qnir qaur qaxx jniar dnia, jex qiyr juer qamxsiu bedjuat ee honghuad, duiww jit hy kuanw qamxsiu bedjuat ee honghuad u sidsit jaix jinsiongr. Sniaxmih qiyr juer duiww qamxsiu ee hingwbi u sidsit jaix jinsiongr? Qamxsiu ee inenn e snix cud hixlok, jex qiyr juer qamxsiu ee hingwbi, duiww jitt hy kuanw qamxsiu ee hingwbi u sidsit jaix jinsiongr. Sniaxmih qiyr juer duiww qamxsiu ee hyrhuan u sidsit jaix jinsiongr? Narr qamxsiu si busiongg, si kow, si e venwngua ee hxuad, jex qiyr juer qamxsiu ee hyrhuan, duiww jitt hy kuanw qamxsiu ee hyrhuan u sidsit jaix jinsiongr. Sniaxmih qiyr juer duiww qamxsiu ee siar li u sidsit jaix jinsiongr? Narr erdangr diauhok duiww qamxsiu ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer qamxsiu ee siar li, duiww jitt hy kuanw qamxsiu ee siar li u sidsit jaix jinsiongr.
"Sniaxmih qiyr juer duiww batsniu u sidsit jaix jinsiongr? Qongxx u lak jiongw batsniu – bagjiux kir jicjiab laii snix cud batsniu, hni, pni, jic, srinx, qapp ir kir jicjiab laii snix cud batsniu, jex qiyr juer batsniu, duiww jitt hy kuanw batsniu u sidsit jaix jinsiongr. Sniaxmih qiyr juer duiww batsniu ee hingkiw u sidsit jaix jinsiongr? Jicjiab ee hingkiw dyrr si batsniu ee hingkiw, duiww jitt hy kuanw batsniu ee hingkiw u sidsit jaix jinsiongr. Sniaxmih qiyr juer duiww batsniu ee bedjuat u sidsit jaix jinsiongr? Jicjiab ee bedjuat dyrr si batsniu ee bedjuat, duiww jitt hy kuanw batsniu ee bedjuat u sidsit jaix jinsiongr. Sniaxmih qiyr juer duiww batsniu bedjuat ee honghuad u sidsit jaix jinsiongr? Qongxx u Veh Singwdy – jniar qnir qaur qaxx jniar dnia, jex qiyr juer batsniu bedjuat ee honghuad, duiww jitt hy kuanw batsniu bedjuat ee honghuad u sidsit jaix jinsiongr. Sniaxmih qiyr juer duiww batsniu ee hingwbi u sidsit jaix jinsiongr? Batsniu ee inenn e snix cud hixlok, jex qiyr juer batsniu ee hingwbi, duiww jitt hy kuanw batsniu ee hingwbi u sidsit jaix jinsiongr. Sniaxmih qiyr juer duiww batsniu ee hyrhuan u sidsit jaix jinsiongr? Narr batsniu si busiongg, si kow, si e venwngua ee hxuad, jex qiyr juer batsniu ee hyrhuan, duiww jitt hy kuanw batsniu ee hyrhuan u sidsit jaix jinsiongr. Sniaxmih qiyr juer duiww batsniu ee siar li u sidsit jaix jinsiongr? Narr erdangr diauhok duiww batsniu ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer batsniu ee siar li, duiww jitt hy kuanw batsniu ee siar li u sidsit jaix jinsiongr.
"Sniaxmih qiyr juer duiww hingdong u sidsit jaix jinsiongr? Qongxx u lak xee e sulu ee siksinx – bagjiux kir jicjiab laii snix cud sulu, hni, pni, jic, srinx, qapp ir kir jicjiab laii snix cud sulu, jex qiyr juer hingdong, duiww jitt hy kuanw hingdong u sidsit jaix jinsiongr. Sniaxmih qiyr juer duiww hingdong ee hingkiw u sidsit jaix jinsiongr? Jicjiab ee hingkiw dyrr si hingdong ee hingkiw, duiww jitt hy kuanw hingdong ee hingkiw u sidsit jaix jinsiongr. Sniaxmih qiyr juer duiww hingdong ee bedjuat u sidsit jaix jinsiongr? Jicjiab ee bedjuat dyrr si hingdong ee betjuat, duiww jitt hy kuanw hingdong ee bedjuat u sidsit jaix jinsiongr. Sniaxmih qiyr juer duiww hingdong bedjuat ee honghuad u sidsit jaix jinsiongr? Qongxx u Veh Singwdy – jniar qnir qaur qaxx jniar dnia, jex qiyr juer hingdong bedjuat ee honghuad, duiww jitt hy kuanw hingdong bedjuat ee honghuad u sidsit jaix jinsiongr. Sniaxmih qiyr juer duiww hingdong ee hingwbi u sidsit jaix jinsiongr? Hingdong ee inenn e snix cud hixlok, jex qiyr juer hingdong ee hingwbi, duiww jitt hy kuanw hingdong ee hingwbi u sidsit jaix jinsiongr. Sniaxmih qiyr juer duiww hingdong ee hyrhuan u sidsit jaix jinsiongr? Narr hingdong si busiongg, si kow, si e venwngua ee hxuad, jex qiyr juer hingdong ee hyrhuan, duiww jitt hy kuanw hingdong ee hyrhuan u sidsit jaix jinsiongr. Sniaxmih qiyr juer duiww hingdong ee siar li u sidsit jaix jinsiongr? Narr erdangr diauhok duiww hingdong ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer hingdong ee siar li, duiww jitt hy kuanw hingdong ee siar li u sidsit jaix jinsiongr.
"Sniaxmih qiyr juer duiww iwsig u sidsit jaix jinsiongr? Qongxx u lak xee u iwsig ee siksinx – bak u iwsig, hni, pni, jic, srinx, qapp ir iarr longxx u iwsig, jex qiyr juer u iwsig ee siksinx. Duiww jitt hy kuanw u iwsig ee siksinx u sidsit jaix jinsiongr. Sniaxmih qiyr juer duiww iwsig ee hingkiw u sidsit jaix jinsiongr? Siksinx ee hingkiw dyrr si iwsig ee hingkiw, duiww jitt hy kuanw iwsig ee hingkiw u sidsit jaix jinsiongr. Sniaxmih qiyr juer duiww iwsig ee bedjuat u sidsit jaix jinsiongr? Siksinx ee bedjuat dyrr si iwsig ee bedjuat, duiww jitt hy kuanw iwsig ee bedjuat u sidsit jaix jinsiongr. Sniaxmih qiyr juer duiww iwsig bedjuat ee honghuad u sidsit jaix jinsiongr? Qongxx u Veh Singwdy – jniar qnir qaur qaxx jniar dnia, jex qiyr juer iwsig bedjuat ee honghuad, duiww jitt hy kuanw iwsig bedjuat ee honghuad u sidsit jaix jinsiongr. Sniaxmih qiyr juer duiww iwsig ee hingwbi u sidsit jaix jinsiongr? Iwsig ee inenn e snix cud hixlok, jex qiyr juer iwsig ee hingwbi, duiww jitt hy kuanw iwsig ee hingwbi u sidsit jaix jinsiongr. Sniaxmih qiyr juer duiww iwsig ee hyrhuan u sidsit jaix jinsiongr? Narr iwsig si busiongg, si kow, si e venwngua ee hxuad, jex qiyr juer iwsig ee hyrhuan, duiww jitt hy kuanw iwsig ee hyrhuan u sidsit jaix jinsiongr. Sniaxmih qiyr juer duiww iwsig ee siar li u sidsit jaix jinsiongr? Narr erdangr diauhok duiww iwsig ee iogbong qapp tamliam, duanrjuat iogbong qapp tamliam, ciautuad iogbong qapp tamliam, jex qiyr juer duiww iwsig ee siar li u sidsit jaix jinsiongr. Bikiu, jex dyrr qiyr juer cid xui lirven.
"Sniaxmih qiyr juer snax jiongw quancad ee huatmngg? Bikiu! Narr dirr cing'iux ee soxjai, ciu-kax, iacc kangwde quancad, (go) imsinx, (jap-veh) derqair, (lak) zibkauw, jniar hongven(jingjinr) laii sulu hitt xee ywgi, jex qiyr juer bikiu snax jiongw quancad ee huatmngg. Jex dyrr qiyr juer bikiu ee cid xui lirven qapp snax jiongw quancad ee huatmngg. Jiaxee hxuad qniaa qaxx taur tangx did diyc lrau(huanlyw) bedjin. Did diyc byy lrau, simx dyrr qaixtuad, iong diwhui did qaixtuad, henrvo qaqi jinrjaix, srinx uijingr jiokgiac diamr lehh, 'Guaw ee snesiw lunhuee ixx bedjin, cingjing ee hing'uii ixx qenwlip, soxx qaix juer :ee ixx juer, qaqi jin' jaix jit'aursinx be qycc siursingx laii junjai.'"
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
43.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw, "Qiucuw soxiw snix jipsiuw. Byy qiucuw dyrr be u jipsiuw. Jimjiog tniax, hyw hyw aw sniu. Guaw uirr linw suecbingg qaizenn."
Bikiu qra Vut qongw, "Kaksit diyhh anne, siurqaur."
Vut qra bikiu qongw, "Sniaxmih qiyr juer qiucuw soxiw snix jipsiuw? Cigaii byy qenwbunn ee huanhux dirr siksinx qnir diyc guaw, m si guaw, iacc inx horsiongx junjai, knuar siksinx si gauw iacc guaw soxx u laii qiucuw. Qiucuw liauxau, hitt xee siksinx narr venwngua, narr u qyc'ngiu, simx iarr duer lecc sec. Simx duer lecc sec liauxau, qycc snix cud qiucuw ee jipsiuw, simx diddit virr knii diauu lehh. Simx virr knii diauu lehh ee enqor, dyrr snix cud kiongxvor, jiongwgai, simx luan, juann uirdiyhh jipsiuw qiucuw ee enqor. Cigaii byy qenwbunn ee huanhux dirr qamxsiu, batsniu, hingdong, qapp iwsig qnir diyc guaw, m si guaw, iacc inx horsiongx junjai, knuar iwsig si guaw iacc guaw soxx u laii qiucuw. Qiucuw liauxau, hitt xee iwsig narr venwngua, narr u qyc'ngiu, hitt xee simx dyrr duer lecc sec. Simx duer lecc sec ee enqor, dyrr snix cud qiucuw ee jipsiuw, simx diddit virr knii diauu lehh. Virr knii diauu lehh liauxau, dyrr snix cud kiongxvor, jiongwgai, simx laun, juann uirdiyhh jipsiuw qiucuw ee enqor. Jex dyrr qiyr juer qiucuw ee jipsiuw.
"Sniaxmih qiyr juer byy qiucuw dyrr be u jipsiuw? Je qenwbunn sxingr ee derjuw dirr siksinx byy qnir diyc guaw, m si guaw, iacc inx horsiongx junjai, dirr siksinx byy qnir diyc guaw iacc guaw soxx u laii qiucuw. Byy qnir diyc guaw iacc guaw soxx u laii qiucuw, liauxau, hitt xee siksinx narr venwngua, narr u qyc'ngiu, simx dyrr be duer decc sec. Simx byy duer lecc sec ee enqor, dyrr be snix cud qiucuw ee jipsiuw laii qra simx knii diauu lehh. Byy diddit virr knii diauu lehh ee enqor, dyrr be snix cud kiongxvor, jiongwgai, simx luan, juann uirdiyhh byy jipsiuw qiucuw ee enqor. Jiauww jitt kuanw, byy dirr qamxsiu, batsniu, hinghong, qapp iwsig qnir diyc guaw, m si guaw, iacc inx horsiongx junjai, byy qnir diyc guaw iacc guaw soxx u laii qiucuw, hitt xee iwsig narr venwngua, narr u qyc'ngiu, simx dyrr be duer lecc sec. Simx byy duer lecc sec ee enqor, simx dyrr be diddit virr knii diauu lehh. Simx byy diddit virr knii diauu lehh ee enqor, simx dyrr be u kiongxvor, jiongwgai, simx luan, juann uirdiyhh byy jipsiuw qiucuw ee enqor. Jex dyrr qiyr juer byy jipsiuw qiucuw. Dingw:a dyrr qiyr juer jipsiuw qiucuw qapp byy jipsiuw qiucuw."
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
44.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"U huatsingx dyrr u knikib. Byy huatsingx diyrr byy knikib. Jimjiog tniax, hyw hyw aw sniu. Guaw uirr linw suecbingg qaizenn.
"Sniaxmih qiyr juer u hutsingx dyrr u knikib? Cigaii byy qenwbunn ee huanhux duiww siksinx ee hingkiw, siksinx ee bedjuat, siksinx ee hingwbi, siksinx ee hyrhuan, qapp siksinx ee siar li byy sidsit jaix jinsiongr ee eqnor, duiww siksinx u iwair, u janwtanr, u jipsiuw, knuar siksinx si guaw, si guaw soxx u. Qiucuw liauxau, hitt xee siksinx narr venr, narr u qycngiu, simx dyrr duer lecc venwngua. Simx duer lecc venr ee enqor, simx dyrr diddit virr knii diauu lehh. Simx diddit virr knii diauu lehh ee enqor, dyrr snix cud kiongxvor, jiongwgai, quawliam, uirdiyhh huatsingx laii kinkib ee enqor. Qamxsiu, batsniu, hingdong, qapp iwsig iarr si jitt hy kuanw. Jex qiyr juer u huatsingx u knikib.
"Sniaxmih qiyr juer byy huatsingx byy knikib? Je qenwbunn sxingr ee derjuw duiww siksinx ee hingkiw, siksinx ee bedjuat, siksinx ee hingwbi, siksinx ee hyrhuan, qapp siksinx ee siar li u sidsit jaix jinsiongr. U sidsit jaix jinsiongr ee enqor, be hixair, be janwtanr, be jipsiuw, be knii diauu dirr guaw, guaw soxx u laii qiucuw. Byy qiucuw ee enqor, hitt xee siksinx narr venr, narr u qyc’ngiu, simx be duer lecc venwngua. SImx byy duer lecc venwngua ee enqor, simx be knikib, simx be diddit virr knii diauu lehh. Simx byy diddit virr knii diauu lehh ee enqor, simx be snix kiongxvor, jiongwgai, qapp quawliam, uirdiyhh byy huatsingx dyrr byy knikib ee enqor. Qamxsiu, batsniu, hingdong, qapp iwsig iarr si jitt hy kuanw. Jex qiyr juer byy huatsingx byy knikib."
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.
45.
Guaw tniax .diyc .ee si anne. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:
"U go xee imsinx. Dycc go xee? Siksinx ee imsinx, qamxsiu, batsniu, hingdong, qapp iwsig ee imsinx. Narr jiongww sabunn iacc brahmin u qnir diyc guaw jurqiw :ee, itcer longxx dirr jitt go xee imsinx lairdew qnir diyc guaw jurqiw. Jiongww sabunn iacc brahmin qnir siksinx si guaw, siksinx m si guaw, guaw dirr siksinx lairdew, siksinx dirr guaw lairdew, qnir qamxsiu, batsniu, hingdong, qapp iwsig si guaw, iwsig m si guaw, guaw dirr iwsig lairdew, iwsig dirr guaw lairdew, cigaii byy qenwbunn ee huanhux byy bingdir ee enqor, qnir siksinx si gauw, m si guaw, iacc inx horsiongx junjai, qongw guaw si jinsit :ee m qramx vangr li. Uirdiyhh m qramx ee enqor, jerje qinkir jingtiamx diongxdai. Jerje qinkir diongxdai liauxau e jingtqax jerje jicjiab. Lak jiongw jicjib ee zibkauw soxx jicjiab ee enqor, cigaii byy qenwbunn ee huanhux kiw qankow qapp kuaiwlok ee qamxqag, an' jicjiab zibkauw kaisiw. Si dycc lak jiongw? Qongxx ganw jicjiab ee zibkauw, hni, pni, jic, srinx, qapp ir jicjiab ee zibkauw.
"Jiauww jitt kuanw, bikiu! U ir ee derqair, hxuad ee derqair, bubingg ee derqair. Cigaii byy qenwbunn ee huanhux byy bingdir kir jicjiab ee enqor, hingkiw u qamxqag, byy qamxqag, u naxx byy ee qamxqag, guaw kacc ngiaa ee qamxqag, guaw qapp langg' vingdingw ee qamxqag, guaw kacc vibii ee qamxqag, guaw soxx jaix qapp guaw soxx qnir ee qamxqag. Jitt kuanw jaix qapp jtit kuanw qnir ee qamxqag longxx si an' lak xee jicjiab zip .kir ee enqor. Je qenwbunn sxingr ee derjuw dirr jitt lak jiongw jicjiab ee zibkauw qra bubingg siar li laii snix cud bingdir, byy snix cud u qamxqag, byy qamxqag, u naxx byy ee qamxqag, kacc ngiaa ee qamxqag, qapp langg' vingdingw ee qamxqag, kacc vibii ee qamxqag, guaw soxx jaix qapp guaw soxx qnir ee qamxqag. U jitt kuanw jaix qapp jitt kuanw qnir liauxau, jinwjingg soxx hingkiw byy bingdir ee jicjiab e bet .kir, suar .lyc, u bingdir ee jicjiab ee qamxqag dyrr e hingkiw."
Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anne laii siuhing.