derr zxic-lak jniux

DERR 26 JNIUX

HUEXSIONGX

Guaninx: Ursii si hro damm zet soxx siongx, cincniu tngx ee lui, acc si juixjingkir, qunxjuiw; uree hro dax ee zet soxx siongx.

Huexsiongx u hunx juer lak dxo, si knuar sursiongx ee soxjai, cimx acc enw; jongw .si qanda’ liac jitt xee cimx-cenw laii hunved, si byy qauwgiac. Hitt xee siongcuir narr ser, ec ec qycc cimx, qiamxcaiw be drir qaur siongx diyc sniwmia, mrquxx narr diyhsiong ee soxjai vutjiw kuah, suibongxx si cenw e hro langg ee nauw hutzenqanx suelamw, laii sitlyc sniwmia. Jixu siyx diyc iauwqinw ee huicqngw, acc si sinqingx, kiokk m si anxnix qongw.

Huexsiongx ee hunved si jiauww qir dirr erdew:

Derr id dxo qaur derr snax dxo e dnaxdiap qaur juann hyw. Narr siongx diyc jinpuee acc si qinbah, siongcuir hyw liauw be jurzenn, e snix kii, iarr qinbah e qiux .kir. Narr si kacc acc si ciuw, kacc siongg si be crunx dit.

Langg duw diyc huexsiongx diyhh qingquer jit, nng, acc si snax jam.

Derr id jam, jiurr si jinxdong (震盪 shock). Jitt xee jiurr si langg sinqingx hertongw dui’ siursiongx ee guaninx kacc suelamw, kacc byy lat, ursii narr siongdiong, drir qaur sitlyc sniwmia.

(a) Narr siongcuir si kuah, (b) ginxaw, (c) siongx diyc vakdoxpuee, acc si hingkamw ee soxjai, nauw e kacc kuair sriu jinxdong ee lirhai, iarr ursii jiurr e drir qaur siongx diyc sniwmia. Narr si sintew ee snax hxun jit, hiacc kuah diyc huexsiongx, jiurr kacc siongg be uac.

Derr zi jam, jiurr si huexsiongx ee iamrjingr. Jitt xee si jit~nng lexvair ee diongqanx. Dirr jitt xee siqanx duw diyc sixbah lag .kiw .laii, iarr ursii uirdngg kiw iam; jitt xee si dui’ dogkir zip dirr huih nirr.

Derr snax jam, si dui’ sixbah lag .kiw .laii, qaur dnaxdiap hyw.

Jingwjong, jiauww dingxbin soxx qongw, qycc jin’ tniar, byy siongx .diyc ee soxjai lingw, mehpog qinw, qycc byy lat. Narr si tauu jit~nng zit byy siw, aurlaii mehpog kacc iongw, texunx kacc qnuaii, narr si ginxaw, ursii e auxtor qycc u qingluann. Ursii lamrsamw qongxue (jiambong). Hiwjong, acc si kiwqngw ursii e huat’iam, qycc u jabzirjixdngg ursii huat’iam acc si snix uiwiongg. Diyhh knuar ix ee vunr si jnaixngiu, qniax liauw dairven-lai u huih. Narr anxnix, hitt xee sig jiurr vnir ox.

Dirliauu: Tauu jit hxang, diyhh idi hitt xee nauxlat hutzenn suelamw; derr zi, jiurr diyhh vyxho siongx .diyc ee soxjai, mrbenw hro kongkir ciongx zip. Siongcuir narr hner .kuix, sriu diyc kongkir, jiurr vutjiw tniar. Diyhh dyw dirr bincngg.

Vnirlangg narr qnuaa .diyc, diyhh congr hro siyx. Diyhh jiong’ hangx siyx ee tanxaw vaux hro siyx, acc si ing siyjuixquanr he sinvnix. Jitt xee siyjuixquanr diyhh sewzi, ing vor acc si vor juer ee deaw laii vaux bat, hro ix be tngr diyc vnirlangg. Iarr diyhh virvan mic hro jiac, cincniu siyx ee gulingx qapp pudyjuiw 15.0 c.c. Narr jin’ tniar, isingx beh congr apenr hro jiac, acc si ing morphia juwsiarhuad.

Snaaxkor trngr .kiw .laii ee sii diyhh vutjiw siyxsimx, m tangx hro dua dinxdang. Narr kacc lirven diyhh ing qadyx laii qrax ix ee snaaxkor, iarr diyhh unn unn aw trngr .kiw .laii. Narr si sewhanr ginxaw, ursii he dirr igtangw-lai ee siyx juiw, dirr hiax trngr snxax si kacc be tniar. Jitt xee juiw ee undo m tangx quer 95 dxo F. (35.5∘C.). Dirr jitt xee juiw ee undo qycc 1,000.0 c.c., diyhh camx acidum boricum 3 grms.

Diyhh dairsingx virvan soxx beh ing ee iyc, mihuex qapp pingduar. Jitt xee si jueww iauwqinw, in’ui narr byy dairsingx virvan, e qetnix ix ee qankow.

Kacc siongg soxx ing ee iyhqyx si:

Carron oil:

Linimentum calcis:

Iarr u quixnarr hxang ee iyc, cincniu acidum picricum, sodii bicarbonas, ichthyol, longxx hyw ing.

Narr si derr zi dxo ee huexsiong, diyhh ing quer sac cingkir ee qadyx, qrax kuix hitt xee pa ee vnix:a, jiacc ing quer mihuex laii suh hitt xee lrauu .cud .laii ee juiw. Qycc jiong’ jit der juixnivor, acc si simxmic nngw nngw ee vor, unr carron oil acc si linimentum calcis, unr hro jiauu damm, jiacc qycc siyxkuaw jun, laii dah lehh. Jitt xee ee dingxbin diyhh ing mihuex amx lehh, narr u iujuaw laii vaux si kacc hyw; zen’au jiacc ing pingduar qra ix vak diauu lehh.

Narr si siongx qaur kacc cimx ee bah, u pnaiw .kir ee bah lag .kiw .laii, diyhh ing jimr iyhjuiw kacc quw ee huatdo, kacc u lirig. Hitt diap soxx ing ee iyc jiurr si lotio acidi borici, acc si lysol ee iyhjuiw. Jimr liauw iuguann diyhh jiauww dingxbin ee huatdo laii vaux lehh.

Siongcuir kacc hyw ee sijun, tangx ing unguentum acidi borici acc si ung. Zinci oxidi laii qoo. Hitt diap diyhh iyhqyx buah dirr juixnivor ee dingxbin, laii qra ix qoo. Siucuir ee sii, narr iauxx u trow bacgee, diyhh ing argenti nitras acc si cupri sulphas qra diamw; jitt hy longxx diyhh isingx juwir.

Narr si kax ciuw u huexsiongx, diyhh ing huwbok laii vak hro hyxser, benw did vniwjniaa venwhingg (變形, deformity).

Narr siongcuir dua xee, ursii diyhh ing puee laii jiapvow ee ciuxsut.

Huew siongx .diyc ee sii, narr byy vadd mic dilehh, ing mirhunw laii qoo iarr e ing .did, mrquxx ing hunw qniax liauw dax .kir liauxau liamm dirr hitt puee nirr, sew liauw yh did lag .kiw .laii, soxiw ing iuqyx kacc hyw.

Narr si sriu diyc juixjingkir laii siongx diyc kiwqngw, jitt xee si guihiamw ee jxingr. Guarbin diyhh ing vingx laii he amrqunw ee soxjai; ursii isingx diyhh juer kiwqngw cetkuisut.

Narr si uirdiyhh sngx ee lui, laii diyhsiongx :ee, diyhh ing qnisingx ee iyc laii idi, cincniu sodii bicarbonas, liquor calcis hitt hy iyc. Ing qenngrvec iarr si hyw. Aurlaii diyhh jiauww huexsiongx ee huatdo laii idi. Narr si uirdiyhh qnix ee lui laii diyhsiongx :ee, diyhh liamvnix ing sngsingr ee iyc, cincniu acidum aceticum dilutum laii qoo.

Ngua vausiongliau ee sii, jiurr si jin’ tniar, soxiw diyhh siyxsimx sewzi; diyhh nng xee kanwho draur vangjan. Diyhh unn unn aw ngua. Narr si siongcuir kuah, mrbenw juer jit xe ngua, piwlun laii qongw, narr nng qix kax siongx .diyc, jaxkiw laii ngua jit qix, ervox ngua vadd qix. Narr e ing .did diyhh ngua vausiongliau jit zit nnv vaiw, mrquxx narr dua tniar, jit vaiw jiurr qauwgiac. Ngua liauw, diyhh congr qiongsimjex hro jiac (jiauww isingx ee bingrling), gulingx acc si qypidee. Siongcuir narr byy dua qnialangg, jiauww isingx ee bingrling, vausiongliau, nng~snax zit ngua jit vaiw jiurr qauwgiac.

huedngw tauu iac