inghiongglo_7
inghiongg lo -7
Bunchhai huan'ik
HNA QUER MNGDING
Beh jnuaxngiu jaiww tuanqar jit vxenr ... zinlui quiw cingx nii ixlaii gugong ee nngwjngr, suibongw ixqingx quixarr cingx vaiw jingwkag ee tuansiu, yc .diyc :ee qingwzenn si cywgo ee mic?
Jex si inghiongg siongrr qanlann ee zimrbu. Beh anxjnuaw qra lingrgua jit xee sewqair byy hxuad iong gixgenn viauxdat ee qenwqaiw huansiaw jyr henrsit sewqair ee gixgenn? ... ... jerje vaiw ee sitvai duxhyw jingwbingg hna quer jitt xee kingxding snewmia ee mngding u zuarr lann!
-------- Campbell, <Cingbin Inghiongg>
1970 ~1980 nidai, jerje dairhak/ kaihuad zinlui amwlat ee qauwiok qiqor snajnex iaucniaw CAMPBELL jyr enxqangw. Jerje u singjiu ee gersudqax/ hagjiaw dy' qongkaix viauxdat inx duiww CAMPBELL jokpinw ee junqingr. 1984 nii uirr kingwjiog CAMPBELL veh-jap huer snezit, NEW YORK/ Qurqimsnuax hunvet qixhingg jit dniuu “Inghiongg Lo” juxdee ee genxtyxhue, diausokqax I.NOGUCHI/ buxdyrqax M.GRAHAM/ jokqax R.ADAMS/ sizinn R.BLY/ zinluirhagqax B.MYERHOFF ham' M.GIMBUTAS, qycc qitnax jerje langg longxx jnriu daii qamxsia CAMPBELL hro inx bingvik sinue dirr inx sing'uac/ qangjog ee diongriauwsingr. Vutqyr, CAMPBELL bunhuar ingxhiongxlat drat qaur siongrr liur :ee, si dirr denrngiaxqair.
“Byy jit vunw ceh e ngiaa quer CAMPBELL <Cingbin Inhiongg> duiww dongdai denrngiaw kiw liauw hiacc dua ee jok'iong.” denrngiaw pinglunrjiaw M.VENTURA anne qongw. Cniurr S.SPIELBERG/ G.MILLER/ G.LUCAS ... dringw jewpniwzinn, dy' viauxsi jurqiw ee denrngiaw sriu CAMPBELL sinue hunsig ee kuipuar. 1985 nii zi-guec, CAMPBELL did diyc NATIONAL ARTS CLUB ee bunhak bing'i jxiongw, LUCAS/ ADAMS/ jokqax N. WILLARD/ simlixhagqax J.HILLMAN longxx cuthen dirr vanjiongw denxlew-siong. Qecdngw nii, GRATEFUL DEAD gagtuann ee iaucniaw, veh-jap-zi huer ee CAMPBELL camqax jitt sxer derr id crur ciangciangg qunw (ROCK AND ROLL) enxjauwhue. 1986 nii jiapsiu qixjiaw juanhongw sii qongw “sniu diyc guaw ee jokpinw erdangr ingxhiongw cniurr LUCAS/ GRATEFUL DEAD ... dringw ee langg, guaw qamxqag jin' dua ee qong'ingg.”
LINGHUNN EE JERUI DIRR GUARJAI/ LUERJAI SEWQAIR EE HUERHAP SOXJAI
Campbell : qin'axzit jitt xee dniuhap [jriw bunhak bing'i jxiongw vanjiongw denxlew], guaw sniu si guaw zinsingx diongriaur sikig. Kaisiw siaw <Cingbin Inghiongg> sii, ixqingx u iwsig .diyc jurqiw huathen liauw jit qauw jin' diongriaur ee mic, siaxjog ee jinwdo jin' ban, iokk go~ lak dxangx ciuxqyw jiacc covo uansingg. Hitt dnxua siqanx itdit dirr S. LAWRANCE qar vixqauwsinuerhak, juewau siaw cud ee lueriongg ham' guaw qauwhak u hunx be kuix ee quanlenn.
EURIPIDES qongw .quer “jitt xee sinue m si guaw ee, si ui' maxmah hiax laii :ee.” guaw sniu guaw marr ersaih qongw : jitt xee sinue m si guaw ee, si guaw ui' hagsingx hiax did .diyc :ee. Inx longxx si luxsingr, duiww si'angg siaw jitt xee sinue/ dirr dycc jit xee nidai siaw :ee, jitt lui bunrdee longxx byy cuwbi, sniu beh jaix :ee, si qidiongx vanhamm liauw sniaw iwgi/ duiww inx jionglaii ee ginxaw e u sniaw jok'iong.
Eramr jin' inghing tniax jerje jiacc iusiur ee gersudqax qongxue, guaw ixqingx qamxqag jin' qongcaiw ar, hyhongw qycc qra guaw ee miaa ham' inx ee jokpinw lenn jywhuew, hro guaw hnuahiw qaxx qiongbecc vuex kiw laii, jinjniar hro guaw huisiongg ~ songxkuair! Siaw ceh sii, soxx qitai :ee dyrr si erdangr teqiongx langg' jit qix packuix MUSES lingxhik --- sinue sewqair --- ee sryw.
Jitt xee sikig hro guaw digvet huanhiw :ee, bunhak jxiongw si juanqog gersudqax kurlogvo vansangr :ee, m si dycc jit xee kyhak hiabhue/ gersut tuantew. Jex viauxsi guaw qyckacc virr kingxding ee hongwhenr si bunhak hongbin, m si hagsut :ee, guaw zinruii jex si qyckacc quann ee kingxding ... ...
Qiwjiaw A.WATTS bad mng .quer guaw “ JOE, liw jyr dycc jit lui ee bingngiu?”
Guaw dab “ diong zirqur.”
NOVALIS siaw cud jit xee bixle ee zirqur “ linghunn ee jerui dirr guarjai/ luerjai sewqair huerhap ee soxjai.” guarjai :ee si liw ui' hagsut did .diyc :ee, luerjai sewqair si liw ee hue'ingr. Sinue si jitt nng xee snahue sii sanxsingx ee. Guarjai sewqair duer siqanx venwcenx, luerjai sewqair si juann zinlui qiongrtongx :ee. Sinue si jit xee hamsor, liw dirr lairbin erdangr texzin liw jurqiw ee luerjai snewmia, marr si ligsuw ee venwhingg. Beh jnuaxngiu jiacc e hro guarjai/ luerjai sewqair huerjee, dnaxx dongzenn si gersudqax ee zimrbu. Guaw ee jokpinw erdangr ingxhiongw jongsu gersut qangjog ee langg, si guaw jitt sii qamxqag huisiongg ~ giaugno ee guan'inx ...
-----------------------------------------
Qokk xui luxsu/ sensnix:
Eramr lanw jywhuew dirr jiax, uirr beh ylyw J.CAMPBELL ee singjiu. Guaw soxx qongw “ylyw ix ee singjiu” m si “ ylyw ix”, in'ui si tauwquer ix ee jokpinw henxhen cud ix ee cutdiyh, jiaxee duwjog viauxhen cud cimqau qycc kuackngr ee hagsut qindew, ciongbuanw suechoglat / suxx langg susongw ee siongxsiong, itsingx soxx genxqiur :ee, hongwhenr hro lanw ee bunhuar, cimhuar lanw ee linghunn. Jitt xee dua lexbut, marr qewsiok dirr juanqog qokk de did diyc ingqngx : cecdiamr/ qauwsig/ denrngiaxngi/ jingsinn isux jinxsow, isingquanw, dirr jokqax/ bangrsiongxqax ee siongxsiong-lai. Jitt xee sewqiw byy jit xee langg, vauquad FREUD/ THOMAS MANN/ LEVIS-STRAUSS jairlai, e cniurr CAMPBELL jitt ngiu, ui' sewqair/ ingxuanw zinbut qaksig horsiong ee cimuanw iwgi, cua lanw dngw laii qaur zidsiongg iwsig-diongx. Byy ix, lanw berhiauw qongw (CAMPBELL qongw .quer ee ue) “qewsiok vnuaenw 'Bixluw qapp Iaxsiur ee Longrbanrsuw', inx kia dirr sir-jap-zi qrex/ derr go duardy ee sibzirlo-kauw, danxtai angdingx juanxjyr cnedingx.” sinue dirr lanw ee sing'uac-diongx.
JAMES HILLMAN, NATIONAL ARTS CLUB. 1985.
Ui' ix ee huathen, inxkiw sna' lensuar ee dyr huanxjiyr, didjiab dnuaa qaur siyxsuad congwjy/ jingsinn dirliauu/ zinluirhak/ sinuerhak/ denrngiaw jewjy qapp qitnax jerje congwjyrsingr uahdang. Druu jiax ixgua, qycc si jit xee iauxsiu janw ee langg .. ... jin' yc siongxsiong SHAKESPEARE e byy tak quer J.CAMPBELL!
RICHARD ADAMS, NATIONAL ARTS CLUB. 1985
----------------------------------------------
Lingrgua hro guaw qangrkuanw qinggiam si erdangr ham' jit xui gersudqax (guaw tiauwbuw ee kanciuw JEAN) qethunx, cinbak knuar ix qra sinue ee sowjaii jin' suwsi juanxhuar jyr buxdy, jaiww juanxjyr jin' cutsig ee hiwqiok --- THE COACH WITH THE SIX INSIDES, ixx <FINNEGANS WAKE> jyr qicow, 1962 nii derr id vaiw enxcud, suar laii snax~ sir dxangx dirr ITALY/ PARIS ... dringw soxjai viauxenw, gunw dy' u huisiongg lanbongg ee qinggiam. Aurlaii ix qycc congwjy qitnax ee hiwqiok. Guaw dy' si kia li jit dnxua qirli cam'uw ix ee congwjy, si jiyw sxor knuar jiaxee hiwcud huatdenw jniaa hxingg ee langg, suibongw samvutgorsii jiacc tecud iwqenr, luirsu “ ue qongw liauw sniu' qinw, hro guaw tniax be cingcyw.”, jex jiwjiyw hro guaw hun'iuu sinue sewqair ee dongsii, qycc ham' gersut congwjy uahdang lenqed.
Ing'amr jitt xee singrhue guaw si zuarr nirr qamxqik lehh! Hro guaw jaix, suibongw m si hagsudpair ee sinue genxqiur, kiokk si jit diauu driyc ee lo, narr byy, be u jiacc je langg laii viauxsi sriu .quer guaw ee ingxhiongw. Tniax diyc jiaxee jiacc cutsig ee zinsu itdit qongw diyc guaw ee miazi, luersimx u zuarr dua ee qamxdong! jitt sii si guaw zinsingx kia dirr siongrr quann hitt liap snuax buexliux ee sikig.
JIXIAUR SIKDONGX HONGSID KNUAWTAI, DY' E TONGHIONGR JIONGWW SINN HIAX KIR
Cockrell : Sehongx gersudqax ithiongr jyr :ee, si qaixsuad Qidokqaur quandiamw/ qenwlip ligliong, digvet si Bungerhoghingx ee gersudqax qyckacc si anne. Liw zinruii dongdai gersudqax qamxx u linglik dingsinx qaixsueh lanw jitmaw liuhingg ee siongrdingx?
Campbell : Huatsingx dirr Bungerhoghingx ee dairjir vutjiw hyxsngw. COSIMO DE MEDICI did diyc CORPUS HEMETICUM ee ciuxqyw, jitt lairbin vauhamm jit jxox qoxdenw sidai buexqii ee bunhenr, qidiongx qaixsueh jerje soxx suxiong siongrdingx texhe ee iwgi. Jitt xee siqii ham' Qidokqaur congwsed siqii uanjuann itdir, si qongguann derr id ~ zi sewqiw.
Ciuxqyw qingquer M. FICINO tong'ik au, sui' dyrr ho'ngg bingliauw Qidokqaur siongrdingx hertongw ham' qoxdenw buexqii ee sinue soxx beh qongw :ee uanjuann qangrkuanw. Jitt diamw jniajyr Bungerhoghingx gersudqax ee uahjuiw. BOTTICELLI/ MICHELANGELO ee jokpinw dy' sriu jin' dua ingxhiongw, marr hro Qidokqaur sinue iwsiong sinx ee uahlat. In'ui Bungerhoghingx ee gersudqax liauxqaiw jiaxee iwsiong qamm diyc lingsingr iwgi, m si amwviw ligsuw sursit. Dyrr si qongw, inx soxx jixzin :ee, m si mow quaw bad huatsingx .quer/ iacc si jiong' beh huatsingx :ee, erdangr hro lanw ui' jue-diongx qaixtuad cud laii ee surqnia. Sursit-siong, sidjer huatsingx ee surqnia qycc vin' sniaw erdangr hro lanw qaixtuad jue neh? Ixx Iasox dingr zibzirqer jyr le, teqiongx :ee jixsirr jit xee bo'ngiu, hro lanw qra jurqiw qaixhongr cud laii, inx si uanjuann byy qang ee nng huesu. Jex jniajyr Bungerhoghingx ee lingqamw uahjuiw.
Dongdai gersudqax soxx binrduir ee tiaujenr, si jnuaxngiu dirr dongdai sing'uac diauqnia ee hanrjer-ha, cue cud hiongr ciauuadjiaw tauwbingg ee lorqingr. Gersudqax ee qonglingg si qra lanw soxx druar ee jitt xee sewqair hingsid/ lanw cam'uw qidiongx ee hingdong, juanxhuar jyr jit jiongw hiongr ciauuadjiaw tauwbinghuar ee gixgenn.
Cockrell : JOYCE qongw “zimrhyy surbut jixiaur liw ixx sikdongx ee hongsid knuawtai, dy' e si tonghiongr jiongww sinn ee jit diauu lo.” in'ui anne, liw knuar CEZANNE rue ee linxgo, be sniu beh jiac, hitt liap linxgo iongxiuw JOYCE soxx qongw ee “bixhak ee kingxding qapp zinrdongg (AESTHETIC ARREST)”.
Campbell : Byy cyr! Si anne. Liw inxiong ee jitt qxur, dirr <ULYSSES>, siaw hursanxkyx isux hitt jniux.
Cockrell : Zuqyw liw u qihue hiongr juann sewqair ee gersudqax qongxue, inxcua inx jnuaxngiu knuawtai sinue sowjaii, liw e qongw sniaw?
Campbell : Guaw e qongw [ciyr] : kir brew jit vunw <Cingbin Inghiongg>! Qycc e qongw, mair qra surbut dongwjyr inx jurqiw vunxsinx knuawtai, rair qra knuawjyr jit xee ywvir ee denxhen. Surbut ee ywvir dyrr si liw jursinx ee ywvir.
U langg duiww guaw qongw, qisid jixiaur lanw qra jit qnia but knuawjyr si “THOU” m si “it” , jitt xee sewqair dirr lanw bagjiux jingg dyrr venr qaxx dua byy qang.
Brown : Quewkir gunw jiaxee bad liw ee langg, siongrr air dramm :ee si liw ham' G.LUCAS siybad au, kanzip langg qapp qikir jingdaur ee kywdee.
Campbell : guaw siongrr hnuahiw ee jit hxang su, si knuar diyc guaw ee ceh duar ho'ngg hyxcur. Ixx buxdy lingxhik, ingxhiongw .quer M. GRAHAM/ JEAN, qycc u M.CUNNINGHAM jaxqii congwjy. Sinue ee dejaii si MUSES ee jnuaguann.
Guaw ee ceh vingrr byy qar langg qaix jnuaxngiu congwjy, jixsirr jixcud linw ersaih dirr hiax cue diyc lingqamw jnuaguann. Liw narr ixx gersudqax ee simlingg cimzip sinue, dyrr e qra jit quaw mic ui' lairbin giuw cud laii. U sii jit quaw cnehunrlangg tudzenn laii cue guaw, qamxsia guaw hro inx ee vangjan. U jit zit R.ADAMS jah ix saiw ee <WATERSHIP DOWN> laii gunw daux, qamxsia guaw ee <Cingbin Inghiongg> hro ix ee kexsi. Zenau, G. LUCAS <STAR WARS> hionghiongg laii cic gunw daux ee denrlingg.
Dirr jex jinwjingg, guaw ixqingx jerje nii byy knuar denrngiaw ar, m si guaw byy air knuar, mrqyxx ciuxdew u tak be uann ee ceh, jurzenn dyrr byy siqanx jyr qitnax qac'ir jyr ee dairjir. Denrngiaw likuix guaw ee sing'uac jin' dngg jit dnxua siqanx. Byy knuar denrngiaw qycc u jit xee lixiuu. Dirr Aujiux tagceh sii, denrngiaw huatsingx jin' qnialangg ee dua juanxvenr. Kir Aujiux jinwjingg, dirr Bixqog qandna' si ovec bysniax :ee. Vutqyr, danw guaw dngw laii au, ixqingx si iuxsniax denrngiaw lor. Jurlaii byy qamxqag iuxsniax denrngiaw si cuwbi ee gersut hingsid, guaw qamxqag taiww henrsit ee jurzenjuxgi lor, anne e hro gersut siw .kir. Guaw zinruii, jitt diamw marr si Bixqog gersut binrduir ee jit xee dua bunrdee. Bixqog gersudqax dy' m bad unqamm iwhamm, congwjy cud laii :ee juann si jurzenjuxgi hitt ngiu.
-----------------------------------
Iokk jap dxangx ee siqanx, guaw dy' qewue siaw zidongg denrngiaw ee qiogvunw. Sniu beh siaw jit xee henrdai ginxaw qxow. Siwjiuuii ee ving'iuw dy' qongw “ liw decc congr sniaw? Liw qamxx kixsiauw ar? Liw qaix jyr quaw kacc diongriauwsingr ee dairjir/ u sidai iwgi :ee/ ham' giamsiok gersut iuxquanx ee dairjir/ jyr liw vunxlaii decc jyr :ee.” Guaw vunlaii decc siaw iuxquanx Uadjenr ee qiogvunw, aurlaii hongwkir, ixqingx jyr ee vorhun sangr hro dyrenw ving'iuw FRANCIS COPPOLA.
Dongsii vingrr m jaix jurqiw ee bogdig si sniaw, kaisiw qangjog/ genxqiur, iong driau jit dxangx ee siqanx, siaw jerje cyxqyw, zenau, gnoxzenn qihue tak diyc <Cingbin Inghiongg>. Jit sii derr id vaiw jiaudiamw jip uaw .laii, naxx tak naxx duiww jurqiw qongw, jex si guaw beh air :ee. Jinwjingg knuar quer jerje jingsinkyx isux (longxx si FREUD-pair) ee ceh, marr tak quer jerje hunsig DONALD DUCK ham' UNCLE SCROOGE, ixqibb lanw sidai qitnax sinuersid jokpinw. Mrqyxx <Cingbin Inghiongg > kiokk si derr id vunw hro guaw kaisiw qra jiaudiamw jibdiong ee ceh (jurlaii dy' vin' didqag naxx bongx naxx qniaa, sax byy jangw), huathen jerje ham' guaw sniurhuad siytangr, bee zip sinue quewdingg ee hunsig, qinw qycc kir brew CAMPBELL qitnax ee ceh, vauquad <THE FLIGHT OF THE WILD GANDER> <THE MASKS OF GOD> ... dringw, naxx tak naxx siaw qiogvunw.
<STAR WARS> siaw quixarr nii, cniurr guaw jaxjingg qongw .quer, naxx siaw naxx sec linlongx, itdit cue guaw jinjnair sniu beh siaw ee qowsu. Qokk jiongw vanxvunw ee cyxqyw, jongxqiong quixarr vah iac, cecvangg jit siwqer dy' u. vutqyr, tak .quer go-vah iac ee <Cingbin Inghiongg> au, huathen guaw beh air ee qowsu dyrr dirr lairbin. Guaw ee jiongbuexdiamw dirr hiax/ jiaudiamw dirr hiax/ guaw beh qniaa ee lo, jaw dyrr ter guaw povaii hyxser lor. Jinjniar cniurr CAMPBELL soxx qongw :ee, itcer jaw dyrr dirr hiax, zircniaw ixqingx u quixarr cingx nii lor. Guaw qra jurqiw qongw “jex si guaw beh air :ee”. Tak .quer JOE qyckacc je qitnax ee ceh ixau, guaw bingvik qiogvunw qaix anxjnuaw siaw, marr iwsig diyc JOE hro guaw ee vangjan u zuarr dua. Suibongw jixsirr quiw vunw ceh, kiokk si ix jitsiwlangg ee genxqiur qyy cud laii ee, marr jixu anne jiacc erdangr hro guaw qandna' iong quiw qywguec siqanx tak .quer, dyrr jibdiongx soxu jingsinn hiongr jingg qniaa. Hex naxx ter guaw vran ee jit dniuu huisiongg diongriaur ee dua enwhue, zuqyw byy ham' JOE sna' duw, jin' u kyxlingg qaur dnaxx guaw iauxx decc uirr <STAR WARS> ee qiogvunw koxjenr.
Guaw sniu, duiww mow quaw jokqax, liw ersaih qongw inx ee jokpinw viw inx vunxlangg kacc diongriaur, JOE ee duwjog byy huaigii si jin' uixdai, guaw kiokk zinruii byy viw ix vunxlangg kacc uixdai. Ix si jin' liauxvutkiw ee langg, ix si guaw ee YODA (STAR WARS, LUKE ee saihu).
----- GEORGE LUCAS, NATIONAL ARTS CLUB. 1985
Guaw m bad kir juwi diyc denrngiaw, dng' G. LUCAS laii cue guaw jinwjingg, qinvunw m jaix u <STAR WARS> jitt herlet . Ix kiokk laii qra guaw qongw, guaw ee jokpinw duiww ix si zuarr diongrdua lehh! Iaucniaw guaw ham' JEAN kir ix Qurqimsnuax qaugua ee cur druar quiw zit, knuar ix soxx pah cud ee denrngiaw.
Qetqyw, jit zit lai jit kauxkuir knuar liauw snax vxo, jaixsii knuar <STAR WARS>, ervox knuar <EMPIRE STRIKE BACK>, honghunx knuar<RETURN OF THE JEDI>. Knuar uann au, qandna' dua dua ee ... ... qigdong.
Guaw cue diyc jit xee jinjniar bad unxqamm amwviw ee langg, guaw knuar diyc ee juxdee dy' si guaw ceh-lai soxx qongw :ee, inx virr juanxjyr henrdai ee bunrdee: langg qapp qikir ee quanhe. Qikir qamxx si zinlui ee lypok? Qamxx e huanxdngw laii jniajyr zinlui ee juxlangg/ vogqunx? Jiax soxui ee “qikir”, qycc vauquad dogcaijuxgi, m quanw si FASCISM, iacc si qiongrsanxjuxgi. Lingrgua, marr vauquad lanw knuar e diyc qokqax ee jit quaw mic, cniurr qaijann jewdo ... dringw.
Qikir duar hro lanw ee lat qacc si sinqii, zuqyw narr huanw quer laii kongwjer lanw, liw beh anxjnuaw vran? Jex si GOETHE <FAUST> beh cuxliw ee bunrdee, derr zi vxo juewau nng bo juanbunn qongw jitt xee juxdee. FAUST cutbe linghunn ee kewiog si ham' MEPHISTOPHELES ciamx ee, byy quanw liw snackuir sniaw, MEPHISTOPHELES jongxsi u vanrhuad buanxjiog liw, drat qaur liw muixx jit xee guanrbang, dingxii si qikir ee jewjyrjiaw, ix erdangr singsanw jawdann, mrqycc qamxx erdangr hro liw zinlui jingsinn qniawbang qapp su'iaur? Berdangr!
Liw ee su'iaur/ qitai qandna' kyr liw jurqiw kir buanxjiog, qikir byy kyxlingg hro liw/ qar liw qaix jnuaxngiu jyr ee hitt xee jingwhuw marr be hro liw/ simrjiww sinjid zinguan marr byy hxuad hro liw. Qandna' erdangr ui' lanw ee luerjai did .diyc. Zuqyw liw byy jyr jitt xee pacsngr, byy hiongr liw jursinx ee ingxuanw tamwqii, kiokk hiongr siqanx lingxhik iauqiuu, moquiw e qra liw uahliac, liw dyrr e srinx jai dergak.
Guaw zinruii jex si G.LUCAS dirr <STAR WARS> henxhen :ee. Guaw qik qingwpuer ix ee congwjy. Jitt xee siauwlenlangg packuix dua siriaw, jaix jnuaxngiu duisuii/ congwjy jit jiongw juansinx dog'iuw ee mic. Guaw zinruii ix dirr <STAR WARS> qra bunrdee cuxliw qaxx huisiongg ~ hyw.
BIXQOG EE GERSUT SI SNUAWBUNN-SIDCousineau : sinue/ bang/ denrngiaw jiqanx naxjunxx u jit quaw qiongrtongx guansor: mohuad ee juanxhuar/ naxx bang ee siqanx/ inghiongg ee luxdingg/ jauxcue dongrcatlik... dringw. Liw qamxx byy zinruii hiaxee dirr HOLLYWOOD hyrjyr “bang qangdniuu” ee jewjyrzinn si henrdai sinue congwjyrjiaw?
Campbell : Zuqyw inx guanrir, si u linglik congwjy sinue ee. Sursit naxjunxx m si anne, jixsirr beh hro langg jyr jit~nng diamxjingx ee bang, qycc qra qiyr cnew. Lanw Bixqog gersudqair si jit xee jurzenjuxgi-sid, congwjy cud laii :ee juansi vec ~ ~ ee snuawbunn, qandna' duiww voglik/ lamluw ee singr jitt nng hxang u hingwtauu, itcer kixinx/qetbuew dy' si jitt nng hxang.
Cousineau : in'ui liw jokpinw ee quanhe, digvet si <Cingbin Inghiongg>, jitmaw ee jokqax (vauquad siaw qiogvunw :ee) naxjunxx u qniaa hiongr qoxdenw qetqor ee vanrser, sniu beh qra sinue/ ginxaw qxow jiyh iong dirr inx jokpinw-lai. Liw zinruii jitt jiongw jauxhiongr qamxx u kyxlingg e hro itdit si gulogsingr ee denrngiaw, hiongr sinue ee honghiongr suaw?
Campbell : Soxu ee muitew, denrngiaw siongrr jiamr ngiabin, liw sniu beh jyr sniaw longxx erdangr. Ui'id su'iaur ee, rair cue cud sniaw si daddid jyr.
Danrsi, tongsiok denrngiaw cua zip laii ee qimjnii sidjai taiww dua/ jin' snriaa langg/ yh kikhok, si Bixqog gersudqax siongrr dua ee lanquanx, digvet si siaw siyxsuad :ee. Je nii jingg, guaw iauxx qycc si hagsingx sii, duiww hitt sidai siyxsuad --- 1920 nidai --- huisiongg u cuwbi. Muixx jit xee dua jokqax, cniurr DREISER/ S.LEWIS/ HEMINGWAY, inx jaxqii jokpinw dy' si u decc tamwqiuu mow mic. Zuqyw erdangr ui' jitt xee honghiongr itdit vniar lyc kir, jokpinw zuxx laii e zuxx jingcaiw.
Bunrdee si, itdanr miasniax .kiw .laii, jnii lenw .zip .laii, jokpinw dyrr venr ngiu. xe jit vxo jokpinw jixvutqyr si dingw vxo ee hogjewpinw ziiw, cuxau, dyrr si qang jitt ngiu.
Kyr jurqiw ee kuiwlat/ texhue kir huathen, jitmaw qycc e u si'angw guanrir anne jyr?
Jex su'iaur jin' dua quatsimx, anne jyr si decc jyr sidgiam/ si congwjy, rair cua cud ixjingg m bad u ee hingsid.
Guaw jurqiw siaxjog sii dyrr texgiam quer jitt diamw. Iong zirqur sii kyxlingg u nng xee suanxdik, knuar si beh jiauww ixjaw iong .quer :ee; iacc si jinrlik sniu cud ham' liw jitt sii jitt kig ee sukyw u barqab :ee, jex rair u vutjiw dngg ee siqanx jiacc e did .diyc jingwkag ee zirganw. Qyckacc camw :ee, si qra qyw qiar hro cutvanxsia au, inx ee venjib e qra iongrsimx qewqaur jiacc did diyc ee sinx zri/ suu taii driau.
Soxiw, jex si jit hxang huisiongg su'iaur iongxkir, lanw jitmaw rair u jitt jiongw kiwpig ee gersudqax. Guaw zinruii G.LUCAS si qidiongx ji' id, ix packuix jit xee siriaw, jin' jaix jnuaxngiu ziog .zip .kir. Ix ee singqyw, juanzenn si guancongr :ee.
Cousineau : Liw bad qongw .quer, Zidvunw erdangr ngiaa quer sehongx, si inx bingvik “hingsid” ee diongriauwsingr. Guaw qamxqag tak liw ee ceh siongrr songxkuair si did diyc zinrbad ee qigdong, naxjunxx jo langg knuar cud tongsiok bunhuar ee singwsiong --- m quanw si ciauzinn/ M.JACKSON, iacc si STAR WARS ee DARTH VADER --- inx si ui' dycc jit xee guanhingg laii ee. Qamxx si liw siaxjog sii, dyrr u jitt xee pacsngr? Liw hro hiaxee qu qowsu qyc'uac kiw laii, si uirr beh hro gunw ee sing'uac u sinx snewmia?
Campbell : M si, guaw jixsirr sniu beh teqiongx jit quaw qoxlyw ee qowsu vauhamm diyc sniaw guanhingg ee sinwsid, soxx jyr ee itcer, jixsirr uirr diamxcud dirr lanw tuantongw-lai, jinjniar MUSES lingxhik dirr dyhh/ gersudqax qaix jnuaxngiu kir jiangxag. Guaw dirr buxdyrqax/ diausokqax/ uerqax ee jokpinw-diongx knuar quer anne ee dairjir. Inx be didjiab viauxhen jit xee ixqingx u ee guanhingg, e iong inx sing'uac qinggiam kir inwjingr/ texgiam jit xee guanhingg, zenau, be qir did, jaiww iong jit jiongw sinx gixgenn juanhuar cud laii. E qir did sir-jap ~ go-jap nidai, knuar quer nng ~ snax xee gersudqax ee jokpinw, jiauww guanhingg qycjaiww jit crur henxhen. Gersut vutqaix si anne, rair qra guanhingg juanxzip jitt sii ee sing'uac-diongx, texhen jitmaw ee hingdong/ luerjai texgiam ee snewmia.
Cousineau : Tniax liw anne qongw, si m si qongw jiaxee guanhingg si kuriuw jit jiongw jin' qinw diamw dyc ee lat? Kyxviw qongxx <THE WONDERFUL WIZARD OF OZ> ee ang'ii vuex quer tnix hitt bo, jiacc e cniurr hro den den diyc ee huanxingr. Jex iwbi diyc, gersudqax duiww inx soxx suxiong ee guanhingg, si u jikzim ee.
Campbell : jitt diamw juadduir byy gibun. Jiaxee mic ee lat si jin' cimuanw ee. Zuxx liauxqaiw, lat e zuxx cimx, si tangr qaur lanw singbudsingr ee qindew, diddat lanw snewmia guantauu ee lingliong.
Cousineau : Guaw jin' hnowhenn liw si m si u juwir .diyc, liw ee duwjog dirr zinbunn gersut lingxhik ee ingxhiongxlat si dauc ~ aw jiauww sunrsu jiamrr dor cud kir, dairsingx si liw ee hagsingx, qycc laii si gersudqax, zenau si jingxqyy siarhue?
Campbell : huatsingx dirr guaw duwjog ee su si inx ingxhiongw liauw jerje langg, qidiongx ji' id si gersudqax. Guaw knuar be cud uirsniaxmic qingwzenn marr e ingxhiongw diyc vyxhiamw giabburguann, iacc si luirsu jittt lui ee langg, danrsi vingrr m si byy kyxlingg, in'ui guaw siaw :ee jit qauw luerhamm, lenrr guaw jurqiw marr m jaix. Vutqyr, ham' guaw duwjog siongrr didjiab siongquanx ee langg, dongzenn si gersudqax, sinue si MUSES ee guanhiongx. Dng' liw jinjniar cimzip jitt xee lingxhik sii, MUSES e iong liw ee gixgenn ham' liw qongxue --- m si guaw ee gixgenn, si liw jurqiw ee ue. Cniurr guaw jaxjingg qongw .quer, sinue duiww gersudqax kiw jitt jiongw jok'ing, si guaw cinbak knuar .quer .ee.
Cousineau : Jiauww liw je nii quancad, soxu sinue si m si u quaw ingxhiongxlat si digvet binghenw?
Campbell : Diongrdiamw si liw qamxx u jinwzip jitt xee hro langg vutkyxsugi ee lingxhik. Hex si jit xee qimx siaksiag ee lingxhik. Guaw erdangr qenwgi qniaa .zip .kir/ hiangxsiu ix. Byy anne, qamxsiu be diyc ix ee lat. Narr qongw jit xee langg, ui'id knuar :ee si vywjuaw, dagg lexvair ee <Sinbunn Jiukanx (NEWSWEEK)>, si be qamxsiu diyc sinue ee lat. Liw rair kir tak/ iacc si cue jit xee muitew hro liw erdangr ham' sinue vyxcii jiapciog. Quw .laii, dyrr e huathen jit quaw sinue e duiww liw qongxue, jex iwbi .diyc, jiaxee si erdangr hro liw qigdong ee sinue. Zuqyw sinue be hro liw ee simx dinxdang, hex dyrr byy sriok liw :ee.
Guaw jiacc e qongw, diongrdiamw si liw qamxx u jinwzip jitt xee qngx ngiarngia ee lingxhik? Hex si jit xee jin' dua jin' dua ee lingxhik, zuqyw liw duliauw Inggiw ixgua, qycc tak nng ~ snax jiongw guargiw ee sinue, liw ee siriaw e qyckacc kuackngr, hex jinjniar si jit xee qimqngx siamxsih ee lingxhik.
SIKDONGX/ BYY SIKDONGX EE GERSUT
Bly : e qir .did dirr Qurqimsnuax jit xee bixhak huergi-siong, tniax diyc JOE ee ue, hro guaw qniax jit diyy. Dairsingx ix inxiong JOYCE dirr <Cinglenn Gersudqax ee Uersiong> , gersut hunx nng jiongw, jit jiongw si sikdongx ee gersut; lingrgua jit jiongw si byy sikdongx :ee, digdingx si knuar liauw e sanxsingx snackuir sniaw/ iacc si tyxiar sianw ee huanxingr.
Suar lyc laii qongw, zuqyw denrsi qongxqyr ee bixluw qongw “brew jitt daii vingsniux! ”, liw duiww jurqiw qongw “guaw sniu beh brew neh!”, anne jitt xee qongxqyr si duar diyc saixlong, sriok byy sikdongx gersut. In'ui ix sniu beh air liw/ qitai liw/ sniu jin vanrhuad beh hro liw duiww soxx tuisiaux ee mic sanxsingx iogbang. Qangrkuanw jingwdirsingr ee gersut, suibongw si dyrdig qawsi, iuguann e hro liw simx dinxdang/ hro liw sanxsingx gesiauu jingwkeh ee simjniaa.
Qycc qongw, quewkir quiw vah dxangx ixlaii ee siyxsuatqax, juann dy' si dyrdig qawsi langg' ee sikjingg gersut jokjiaw. Guaw si tniajiongr ui'id pah pog'aw :ee! JOE bin duar ciywiongg knuar guaw. Qitnax tniajiongr poxpenr dua diyhqniax.
Cockrell : ix qra guaw qongw, siongrr buew tak ee siyxsuad <FINNEGANS WAKE> ixau, dyrr byy qycc knuar siyxsuad ar.
Bly : Sikdongx ee gersut u jit xee naxx cialenxsimx/ jit diauu diam ~ ee snuawsyh, kanx liw qniaa qaur ix ee diongsimx, dng' liw tak uann/ knuar liauw, dyrr e kia dirr jurqiw ee diongsimx; byy sikdongx :ee, hro liw cue byy diongsimx, e hiongr qitai/ iacc si ginrsinn ee zimrhyy jit vingg suaw dinxdang.
Siongrr cuwbi :ee, JOE qongw suah guaw pah pog'aw viauxsi janwdongg, u jit xee luxsingr kia kiw laii qongw “Eramr BLY sensnix uirr huanxduir suxiong higlingg, beh dirr hurluw diongsimx gimm six.
Cockrell : Soxiw qongw, liw drat qaur jingwdi bogdig.
Bly : Si ar, jerje guaw dirr Uadjenr sii siaw ee jokpinw dy' si byy sikdongx gersut ...
Cockrell : Danrsi u sii congwjy byy sikdongx gersut u ix ee loriong.
Bly : Mrqyxx jenwjingx siqii byy sikdongx ee gersut, guaw zinruii si sikhap ee, jurlaii byy langg qra jitt nng jiongw kuhunx cud laii, CAMPBELL duiww guaw siongrr dua ee vangjan si, hro guaw jaix inx si byy qang :ee, jitt diamw huisiongg diongriaur, hex si iu' sizinn sewdai sna' tuann ee quanlaim, siongrr jaw laijurr T. AQUINAX, aurlaii JOYCE jiapsuar, kiokk byy tuann laii gunw jitt dai. Ui' JOE hiax did diyc jitt diamw, guaw liauxqaiw duiww siauwlenn sizinn si zuarr diongriaur lehh!
Junxvi beh qra JOSEPH tuann hro guaw jitt xee sinwsid, juanxdat hro jit quaw siauwlenlangg.
Cockrell : jnuaxngiu drat qaur bixhak vnevang ee jongrtair?
Bly : Byy cyr! Byy cyr! Jex si sikdongx/ byy sikdongx gersut ee cavet. Inx m si juanzenn qangrngiu. Jingwdirsingr gersut u kyxlingg dirr moxjiongw tingdo-siong si byy sikdongx :ee. Liw ersaih jundiong jingwdirsingr gersut, kiokk berdangr m jaix zuhyy hunvet. Jitt nng lui jogpinw guaw dy' siaw .quer, ixjingg m jaix inx jingcax dirr dyhh. JOESPH soxx qaixsueh sinue jiaxee qonglingg jinjniar diongriaur, ix jinjniar sinqii, cniurr qoxdai diwhui laurlangg, qra bunbingg ee juewqyx quanliam jah dirr srinx-siong, qycc suisii tuanvor cud laii.
Cockrell : congbingg ee diongxjiaw si diwhui ee huawsinx, ix dyrr si guanhingg, hex si ix ee guanhingg.
Bly : Driyc!
--------------------------------------
Congwjyrsingr viauxhen si qniaa cud duarlo, jauxcue siarhue qaur dnaxx iauxx bue cue cud ee mic.
--------- Campbell ---------
Cockrell : Ix si siuxhorsinn.
Bly : Mow tingdo-siong, ELIOT/ E.POUND (1885-1972) vingrr m si jinjniar junqingr bunhuar ee, suibongw POUND virr hyrjyr bunhuar uixdai inghiongg.
Cockrell : E qir .did POUND qongw .quer, AQUINAX duiww gersut dingrgi, vauhamm jiaujngg/ hyhaii/ qngngiaw siamxsih jitt quiw xee iauwsor.
Bly : byy cyr! T. AQUINAX jaxqii dyrr u jitt jiongw dongrcad, suxx langg lann siongsinr.
Cockrell : uanjingw/ hyhaii/ qngngiaw, u jitt jiongw qingxqair ee zimrhyy jokpinw dy' si gersut.
LI-HXINGG-KIR-TEW EE QINGGIAM
Bly : JOSEPH, gersut ee gisid si sniaw? Dyrr si qongw, six ee gisid si sniaw? Guaw ixqingx je nii byy siaw juriusix, jitt diamw zuxx laii zuxx byy vaxag.
Campbell : Sunn hagsut quandiamw laii knuar, gisid si jit xee hingdong, e hro langg jin' jurzenn jniajyr jit jiongw kacc dua ligliong ee dairlixjiaw, kuthok dirr viw qywzinn snewmia hingsid kacc dua ee lat. Ixx dongrbut jyr le, inx juxiaur dirr cue pnua/ nng jiah qangx :ee duiwdik sii.
Bly : Sniaw si viw qywtew kacc dua ee lat?
Campbell : Qinqir budjiongw ciongdong unrjog ee lat, itdanr juwzip hingdong dyrr erdangr qongw si gisithuar ar. Si'angw huatbingg jiauw e tiauwbuw? M si mow jit xee qywtew huatbingg :ee, si tudzenn cuthen dirr budjiongw quanhe-diongx.
Gersut hingsid erdangr qra langg ui' qywzinn iogbang/ iwsiong hertongw-diongx qaixhongr cud laii, hro lenjiab qaur vadd jiongw surbut .kir, jniajyr jitt xee mic dog'id-buzi ee dairgenzinn.
Bly : jiauww liw ee qongxhuad, zuqyw bingvik gisid ee iwgi, dyrr be u camwhuexsix jitt jiongw mic. In'ui camwhuexsix ...
Campbell : Qinvunw vutqaix u camwhuexsi jitt lui! Duliauw hiaxee sinhu hibang liw hongrhenr ixgua, sniaw su'iaur jitt jiongw mic?
Bly : Guaw sniu beh cingxqaur liw lingrgua jit xee bunrdee: uirsniaxmic langg e hiacc diwdiong six neh? Tak PASTERNAK/ MAKATOVA ee siquax sii, guaw huathen Solenn sizinn duiww hingsid ee tuantongw jin' misnii. Mair qongw inx ee siquax qinvunw byy dag diyc liw soxx qongw hitt jiongw viw qywzinn kacc dua ee lat, simrjiww si byliau :ee.
Lingrgua liw qamxx byy zinruii sniaci e viw jit xee kacc jurzenn ee kuanqingw qyckacc erdangr ju'iongw zinlui/ sizinn luerjai moxjiongw ee lat?
Campbell : mr, guaw qamxqag NEW YORK si jit xee jin' sikhap sukyw congwjy ee soxjai, vutqyr, guaw qamxqag lanw ciangjai e qra sniaci knuawjyr “IT”, m si “THOU”. Anne, sniaci ham' liw si duiwciangr quanhe. Guaw jiacc ui' NEW YORK laii, cniurr jitt xee BIG SUR haixhnua ee soxjai, erdangr qiywcnew guaw jingxqyy iwsig ee juanxngua/ hro iwsig jngr qyckacc cimx .lyc .kir, jitt diamw, lenrr sinkux marr qamxsiu e diyc. Driyc! Jiax jiacc si guaw ee sewqair/ guaw itdit jin' huailiam jitt xee qamxqag/ dairjurzenn hro guaw jit jiongw lihingg-kiwtew, vuex .kiw .laii ee qinggiam/ si sinue siongxsiong ee ladtauu. Dirr sniaci, langg ee sukyw e penhiongr lixsingr/ lunlixhak ...
Bly : Liw si m si zinruii dirr sniaci soxx jiapciog .diyc ee singbut sniu' jiyw, lann qenwlip kacc kuacbin ee “guaw-liw quanhe”? qamxx si jitt xee iwsur?
Campbell : sniaci ee “guaw-liw quanhe” qandna' junjai dirr langg qapp langg jiqanx.
Bly : mr.
Campbell : sniaci ee kuanqingw si qihyy-hxingg/ s.-siwjniar-j., knuar be diyc uanuad/ jongw .si zinjy :ee. Dirr jiax (BIG SUR), langg ham' jurzenn qyckacc si qang jit xee iwsig vunxguann ee denxhen, jex si sniaci soxx qamxsiu be diyc ee.
Bly : Guaw soxx sriu ee siquax qauwiok, qar guaw :ee dy' si jnuaxngiu cuxliw zinlui jiqanx ee “guaw-liw quanhe”, narr knuar duiww uanxqow HOMER ee siquax, dyrr e huathen, duiww jurzenn viauxhen cud qnialangg ee qingwuir cniurr duiww snuax ...
Campbell : qycc qingwuir putyjiuxsig ee cimhaiw/ naxx muiquir hueluiw ee baburqngx.
Bly : Liw jaix guaw laijurr MINNESOTA, ham' sidbut kuriuw “guaw-THOU quanhe”. Anne guaw qaix jnuaxngiu jyr?
Campbell : guaw m jaix, dirr Zidvunw/ Ajiux danghaixhnua, liw erdangr cue diyc qangrkuanw ee kuanqingw. Liw qamxx jaix Diongqoklangg zinruii gersut li be kuix snuax/ juiw? Juiw si vunxguann, tnide cokuix sii, itcer dy' si juiw, jit xee qycc jit xee sinue dy' si anne qongw. Zenau, snewmia cuthen, jaiww hunhuar jniajyr byy qang singbut hingsid.
Je nii jingg, guaw ham' ED RICKETTS ui' CARMEL, CALIFORNIA itdit qaur SITKA, ALASKA, en' haixhnuarsnuar jit lo siujib vaxlauu/ juixter jiqanx ee singbut viauvunw. Dirr jitt jiongw soxjai, e hro liw cimcimx qamxsiu .diyc, duarhaiw si snewmia ee guantauu, snewmia ee cngbuw.
Bly : Dng' liw knuar diyc jex itcer sii, iong sinue uergiw qongw, liw knuar diyc sniaw?
Campbell : Guaw sui' knuar .diyc haixangx jurjai iusec dirr duarhaiw hitt xee sidai ee sewqair. Haiw cniurr amwiwsig ee cimjann, itcer ui' hiax rig .laii, snuax ingxuanw cai dirr hiax, si anjuann ee vyxjingr, ciu siongrdingx bixle snewmia.
GOETHE dramm diyc jinwhuar ee guanliw sii, zinruii u nng diauu lorsnuar, jit diauu si sidbut, ciu jyr dairviauw; jit diauu si dongrbut, huatdenw siongrr quann qingxqair si zinlui. Qycc jixcud, dirr jitt nng hxang erdangr cue diyc jurzenn ee qyquir/ ywvir ee lat, si kiongxvor/ belangg ee jonghap.
Bly : Lanw qamxx ersaih dngw kir guanlaii ee juxdee? Guaw duiww liw hiax did diyc jerje iuxquanx six ee qawsi. Guaw soxx jiapsiu siquax qauwiok ithiongr qiongdiau, sniax/ jetjaur/ mow quaw hingsid si zuarr diongriaur lehh! Kiokk m bad sinue/ qowsursingr zuarr vit'iaur.
Dng' lanw hueqor qoxdai siquax, kiokk huathen, inx jongxsi jit xee qowsu, qycc cua lanw drat qaur ciauuat sewqair ee hitt vingg .kir.
Campbell : sinue beh jyr :ee, cniurr DURKHEIM soxx qongw, si hro lanw zinlui/ dongsii hro sewqair hiongr “ciauuadjiaw” packuix, sinue henxsi cud, lanw si jauxjongg dirr ywvir-diongx, m quanw zinlui/ jurzenn sewqair dy' si qang jit xee ywvir ee denxhen. Inx si hunx be kuix ee.
Bly : Sinue si jnuaxngiu jyr qaur jitt diamw?
Campbell : tauwquer teqiongx ciaucud qywtew ixgua ee sinwsid. Danrsi jitmaw ee sinhak dywvingw : qra siongrder sidjairhuar, suacc virr hiphongx, jniajyr jongwgai. Vutqyr, dng' sinuerhuar sii --- iong GOETHE ee ue laii qongw “itcer busiongg dy' jixsirr hi'ngiaw” --- ix dyrr e packuix, venwjniaa kanlenn diyc jit xee duiww jiongqik/ ywvir ee ciauuadjiaw, si dirr lanw luerjai/ banrsu-banrbut jidiongx.
Bly : Soxiw qongw, Iahyhuaa dirr mow quaw hongbin e joxgai lanw texgiam diyc jitt diamw?
Campbell : juadduir si anne. Ix hro lanw lag zip juxlanng-lypok quanhe, hro lanw qui' taukag dy' si jue/ camwhuew ee quanliam.
Bly : Jex si m si qongw, zuqyw qingwvair Iahyhuaa jit dnxua siqanx au, sinue iwsig dyrr e uaxqaiw?
Campbell : jaw dyrr vxangx .byy .kir ar. In'ui dirr Iutaiwqaur/ Qidokqaur ee tuantongw, sinue si byy iwhamm :ee. Itcer dy' si ligsuw/ sursit. Jitt xee enqor, lanw e sniu beh souanw dairjurzenn, zircniaw lanw itcer gisid, dy' si uirr beh ham' siarhue qyckacc bardah laii sed :ee. Jitt nng xee jongqaur tuantongw ee qigduarvorhun, dy' si beh qra lanw inxcua hiongr siarhue, lanw si dirr Qidog-lai, m si dirr jurzenn-lai.
Zuqyw liw kir tak <Dyrdikqingx>, dyrr knuar diyc byy qang ee mic--- kexsi/ duiww ywvir ee kexsi, vauhamm nng xee binrhiongr, jit xee si kiongxvor (TREMENDUM), jit xee si belangg :ee (FASCINANS). Gersut ee qonglingg si beh jyr qaur JOYCE soxx qongw :ee: jniajyr zidciux ee qngngiaw (EPIPHANIES OF A RADIANCE).
Bly : Guaw si jit xee Sinqaur qauwdoo, Sinqaur duiww kiongxvor si quah qaxx li ~ ~. gunw byy he zimrhyy singwbuw singwsiong. U jit vaiw kir Qajiux jit jxy qauwdngg, huathen siwjiuuii qingwzenn lenrr jit jangg ciu dyrr byy, jex jinjniar quaiwqii. In'ui lanw tak ee <Singwqingx>, ciangjai e qongw diyc sidbut sinsingr ee iwgi.
Campbell : U jit vaiw guaw kir Zidvunw ISE camqax jongqaur genxqiur huergi, derdiamw si jit xee sinsia, lairbin u jit quaw tenhongg qajok sinbingkamx, qycc u tenjiyr luxsinn (Zidvunw taiwiongg luxsinn) sinsiong jitt lui ee mic, huisiongg suiw, jex itcer juann virr kox dirr ram ~ ~ ciurjangg ee kuanqingw, hro lanw cam'uw dirr jingxqyy jurzenn sewqair-diongx.
Qniaa dirr guaw vnix :a jit xee SWITZERLAND hagjiaw, vutjiw lyr. Dng' guaw cir texgiam ham' siwjiuuii kuanqingw hab'id ee qamxsiu sii, kiokk tniax diyc ix qongw “jiax jin' camw, guaw si sinqauwdoo, berhiauw himsiongw jiaxee mic.”
Dirr lanw bunhuar jongqaur tuantongw, jurzenn si duirlyc :ee/ pnaixmic. Jurzenn rair sriu puepnuar, lanw ziuruii jurqiw qaix kia dirr sxen jitt vingg, kir duiwkongr og. Zuqyw liw mng uixsniaxmic jit xee sxen ee siongrder e congwjyr jiacc baiw ee sewqair? Did .diyc ee dab e si ”jex sngr sniaw bunrdee!”
Bly : Guaw qamxx ersaih vue jit siuw GOTEHE ee six hro liw tniax?
Campbell : Cniaw liw liam, guaw jin' sniu beh tniax.
Bly : U jit crur GOETHE dirr snuadingw siaw jitt siuw six :
Dirr soxu snuatauu siongrr quann ee soxjai, itpenr diamrjing.
Dirr ciurjangg ee siongrr dingxquann, lenrr jit sxix aw cuanxkuiwsniax dy' tniax byy.
Jiauxjiah dirr ciurbuexdingw diam ~ ~, jixu danxtai,
Benw zuarr quw, liw marr venr qaxx diamrjing aw diamrjing.
Erdangr qamxsiu .diyc, ix qra jurzenn soxx vauhamm ee hitt vingg sewqair cua zip laii six nirr.
Campbell : GOETHE tuandat cud sinvir ittew.
Bly : Ix si vin' sniaw hiauxgno diyc jitt jiongw qinggiam?
Campbell : Siongrr diongriaur :ee, ix si Dikqoklangg, inx ee sing'uac ham' dairjurzenn jin' ba. JUNG si jin' e qra sinvir ittexqamw viauxhen :ee, jurr sewhanr dirr ham' dairjurzenn hunx be kuix ee kuanqingw-diongx duarhanr. Dikqog sewqair jurlaii byy ham' qoxlyw sinue sidai uanjuann cetdng .quer, sniaci marr m bad si Dikqog ee juxliuu. Guaw dirr PARIS tacceh sii marr qamxsiu diyc jitt jiongw kongkir. PARIS ~ ~ jinjniar qibiau ee sniaci.
Bly : JOSEPH, liw kyxlingg m jaix liw ee jixqaur duiww Bixqog sizinn u zuarr diongriaur! Ui' liw hiax, erdangr did diyc sewdai luixjig laii ee vyxkuir uisanw. ELIOT/ POUND dairvorhun dy' u tuann lyc laii hro lanw, kiokk lauwqaux nng hxang su.
Derr id si sikdongx/ byy sikdongx gersut ee hunvet. Ui' T.AQUINAS kixtauu, liw si qewsingg JOYCE ji'au qra gunw qongw :ee, guaw jinjniar qamxqig.
Campbell : Benw keckir, ROBERT.
Bly : Derr zi hxang si, sinue qapp qowsursingr dirr six ee lat. Liw si ui'id qra diamw .cud .laii :ee. ELIOT ee <hngvox> suibongw marr vauhamm sinue, sniu' cruir .kir, zircniaw dy' si siongrdingx ee qangqu, mow jit xee iwgi-ha, ix si byy jundiong ix suxiong dirr <hngvox> hitt xee qowsu. Qangrkuanw, POUND marr byy juncunn <CANTOS> ee qowsu, jitt diamw ui' ix kik'ir qra qowsu cetquah siwsnuar erdangr huanxngiar cud.
Liw si ui'id qra jitt xee qoxdai quandiamw --- jit xee sinue jit xee qowsu si jit qnia sinsingwbut --- tuansingg lyc laii ee langg. Hex si gersut ee jurzenn vorhun, vutqaix qra cetdng jyr pnir/ siongrdinghuar/ lixsingwhuar.
Guaw jinjniar ui' simqnuadew qamxsimx liw jitt sxer ee genxqiur soxx duar laii ee dongrcad.
Campbell : hnuahiw tniac diyc liw soxx qongw ee, ROBERT, cniurr liw anne ee sizinn qongw cud jitt jiongw ue, iwgi qyckacc dua.
Bly : Quewkir snax ~ sir nii laii ham' liw ee qauongw hro guaw bingliauw jitt nng diamw, dua ~ qaixvenr guaw six ee binrmau.
Campbell : jit kaisiw, guaw dyrr zinruii sinue qaix si sizinn/ gersudqax ee jailiau. Gunw kanx :ee si tiauwbuw :ee, ui' sinue did diyc jerje niucauw. Suibongw guaw jaix sinue jinjniar erdangr vangjan gersudqax, tniax liw cincuir qongw, iuguann qamxqag jin' janw. Guaw rair dysia liw.