nehemiah
1 Hakaliah ee qniaw Nehemiah ee qiwlok.
2 Dng' zi-jap nii, Kisleu Guec, guaw dirr Susa ee ongqiongx. Hitt sii guaw ee hniadi jit langg, miaa qiyr Hanani, qapp quixnarr xee Judahlangg laii. Guaw duiww inx mng qaur hiaxee dytuad ee Judahlangg, dyrr si siurr liac ee diongqanx soxx cunx :ee, qapp Jelusalem ee surjingg.
3 Inx qra guaw qongw, "Hiaxee siurr liac .dyr .laii soxx cunx ee langg, dirr singw-lai duw diyc dua huanrlan, siurr lingziok, qycc Jelusalem ee sniacniuu tiachuiw, sniamngg hro huew siyliyx .kir."
4 Guaw tniax qnir jiaxee ue dyrr jre lehh, tikaur vi'aix quixnarr zit; qimwjiac qidyw dirr tnidingw ee Siongrder ee binrjingg, qongw,
5 "Tnidingw ee Siongrder Jehovah, jiww dua tangx qnia'uir ee Siongrder ar, siuw iog qniaa zin'air dirr tniar Ix, juntanr Ix ee qaiwbing :ee,
6 Guaw dnaxx qriuu Liw, guan Liw hnirkangx tniax, bagjiux knuar, tniax Liw ee lovok jitt diap jitt mii uirr Liw ee lovok Islaellangg laii qidyw dirr Liw ee binrjingg ee qidyw, zin Islaellangg ee jue, dyrr si guanw soxx dikjue Liw :ee, guaw qapp guaw ee laurve ee qrex longxx u jue.
7 Guanw duiww Liw soxx qniaa :ee jinrjai huxvai, byy junsiuw Liw tog Liw ee lovok Moses soxx bingrling ee qaiwbing, ludle, huatdo.
8 Qriuu Liw qir did Liw soxx bingrling Liw ee lovok Moses ee ue, qongw, 'Linw narr huanrjue, Guaw dyrr beh siwsnuar linw dirr ledqog diongx;
9 Linw narr qruix dirr Guaw, siuw Guaw ee qaiwbing laii qniaa, dyrr linw siurr qnuaxdiok ee langg, suizenn dirr tnivnix, Guaw iarr beh dui' hiax jurjip inx, cua inx qaur Guaw soxx qingw beh andir Guaw ee miaa ee soxjai.'
10 Dnaxx jiaxee longxx si Liw ee lovok, Liw ee vecsnir, dyrr si Liw ing Liw ee dua kuiwlat, qapp dua quanlingg ee ciuw, soxx qiuwsiok :ee.
11 Jruw ar, qriuu Liw ngar hnirkangx tniax Liw ee lovok ee qidyw, qapp hiaxee iwair hnuahiw qingwuir Liw ee miaa hiaxee lovok ee qidyw; qycc qriuu Liw hro Liw ee lovok qinaxzit hingtongx, dirr jitt langg ee binrjingg did diyc undenw." Hitt sii guaw juer ongg ee jiuxjingr.
2 Artajerjes Ongg zi-jap nii, Nisan Guec, u jiuw dirr ongg ee binrjingg, guaw dyrr jinr jiuw hro ongg. Guaw vingsor dirr ongg ee binrjingg m bad u iubun ee binrsig.
2 Ongg qra guaw qongw, "Liw byy puawvni, jnaixngiu bin dair iu'iongg ar? Jex byy vadd hxang, si liw simlai u iubun." Guaw dui' anxnix jin' qniax.
3 Guaw qra ongg qongw, "Guan ongg banrsuer; guaw ee ledjow hunbong ee soxjai hitt xee sniaa pahngx, sniamngg longxx hro huew siyx .kir, guaw taixtyw byy dair iu'iongg mah?"
4 Ongg mng guaw qongxx, "Liw rair qriuu simxmih?" Dui' anxnix guaw qidyw tnidingw ee Siongrder.
5 Guaw duiww ongg qongw, "Ongg narr hnuahiw, liw ee lovok narr did diyc undenw dirr liw ee binrjingg, dyrr qriuu liw crex guaw kir Judah, qaur guaw ee ledjow hunbong hitt xee sniaa, guaw tangx qycc kiw ix."
6 Hitt sii ongho qapp ongg snaqab jre, ongg qra guaw qongw, "Liw beh qniaa ee lorjam diyhh zuarr quw? Simxmih sii beh dyr .laii?" Ongg hnuahiw crex guaw kir, guaw dyrr qapp ix dniardiyc jit xee qihan.
7 Guaw qycc qra ongg qongw, "Ongg narr hnuahiw, cniaw ing jiauwsux hro guaw duar kir qaux Hyy-gua hiaxee jongxdog, jrunw guaw qingquer qaur Judah;
8 Qycc ing jiauwsux jit dniux, qiar hro quanxliw ongg ee ciurnaa ee qnruax Asaf, qiyr ix hro guaw caliau, tangx juer denrvnix ngiavnuaa ee mngg, qapp sniacniuu, qapp guaw soxx beh druar ee cur ee loring." Ongg dyrr jrunw guaw soxx qriuu :ee, in'ui guaw ee Siongrder six xunx ee ciuw vangjan guaw.
9 Ongg pair quixnarr xee vingtauu, qapp bexvingx qapp guaw kir. Guaw qaur Hyy-gua hiaxee jongxdog hiax, jiong' ongg ee jiauwsux qaux hro inx.
10 Holonlangg Sanballat, qapp juer lojaii ee Ammonlangg Tobiah, tniax qnir u langg laii beh uirr Islaellangg doboo lirig, dyrr jin' vecvag.
11 Guaw qaur Jelusalem, diamr hiax snax zit.
12 Guaw tauwmii kiw .laii, u quixnarr langg qapp guaw snaqab. Jongwsirr guaw ee Siongrder qamxdong guaw ee simx soxx beh uirr Jelusalem juer :ee, guaw vingrr byy qra langg qongw; druu guaw kiaa ee jingsnix ixgua, iarr byy vadd jiah jingsnix qapp guaw kir.
13 Guaw tauwmii dui' snuaqokmngg cud .kir, qaur lingjniw ee taujingg, iarr qaur Vunwsyr Mngg, quancad Jelusalem ee sniacniuu, knuar qnir sniacniuu tiachuiw, sniamngg hro huew siyx .kir.
14 Guaw qycc jinwjingg kir qaur juixjnuaa ee mngg, qapp ongg ee dii; jongwsirr dirr hiax byy jit xui aw tangx hro guaw soxx kiaa ee jingsnix quer .kir.
15 Dui' anxnix, guaw tauwmii en' kex jnriu .kir, quancad sniacniuu, qycc uat dngw srinx, dui' snuaqog ee mngg zip .kir, jiacc dyr .laii.
16 Hiaxee qnuadniuw m jaix guaw kir dyclyc, juer simxmih su; guaw iauxx bue u qra Judah ee vecsnir, jewsix, quiwjok, qnuadniuw, qapp qi'uu juewqangx ee langg qongw.
17 Au .laii guaw qra inx qongw, "Lanw soxx duw .diyc ee huanrlan, Jelusalem jnaixngiu pahngx, sniamngg hro huew siyx, linw longxx knuar .qnir. Laii ar, lanw qycc kiw Jelusalem ee sniacniuu, benw did lanw qycc siurr lingziok."
18 Guaw qra inx qongw guaw ee Siongrder ciuw jnaixngiu vangjan guaw, qapp ongg duiww guaw qongw simxmih ue; inx qongw, "Lanw kiw laii kixjy." Dui' anxnix inx hunwiongw juer jitt xee hyw ee qangx.
19 Holonlangg Sabballat qapp juer lovok ee Ammonlangg Tobiah, qapp Alablangg Gesem tniax .qnir, dyrr tixciyr guanw, knuawkinx guanw, qongw, "Linw soxx juer si simxmih? Beh vuervuan ongg mah?"
20 Guaw rinr inx qongxx, "Tnidingw ee Siongrder, Ix beh hro guanw hingx kiw; guanw juer Ix ee lovok :ee beh kiw laii kixjy; linw dirr Jelusalem byy hxun, byy qxuann, byy miazi."
3 Hitt sii jewsitauu Eliasib, qapp ix ee hniadi hiaxee jewsix, kiw laii kixjy Ngiuu Mngg, hunvet ix juer sxingr, anx hitt xee mngsnir, dyrr si qaur Vah ee jiuxqnilauu, iarr qaur Hananel ee jiuxqnilauu, hunvet juer sxingr.
2 Jiapsuar ix :ee, si Jeliqolangg kixjy; jiapsuaw ix :ee, si Imli ee qniaw Zackur.
3 Hassenaah hiaxee qniaw kixjy Hii Mngg; he ix ee ngii, anx ix ee mngsnir, qapp ix ee sryw, ix ee qxongg.
4 Jiapsuar ix :ee, si Hakkoz e sunx, Uliah ee qniaw, Melemot. Jiapsuar ix :ee, si Mesezabel ee sunx, Beleqiah ee qniaw, Mesullam.
5 Jiapsuar ix :ee, si Baana ee qniaw Zadok. Jiapsuar ix :ee, si Tekoalangg; danrsi inx ee quiwjok byy damdngx inx ee jruw ee qangx.
6 Paseah ee qniaw Joiada, qapp Besodeiah ee qniaw Mesullam, siuliw qu mngg, he ix ee ngii, anx ix ee mngsnir, qapp ix ee sryw, ix ee qxongg.
7 Jiapsuar ix :ee, si Gibeonlangg Melatiah, Melonotlangg Jadon, qapp Gibeonlangg, qapp sriok Hyy-gua ee jongxdog soxx quanw :ee Mizpahlangg.
8 Jiapsuar ix :ee, si qimcniu Harhaiah ee qniaw Uziel. Jiapsuar ix :ee, si juer hniuliau ee Hananiah; jiaxee langg qenqor Jelusalem, qaur kuah ee cniuu.
9 Jiapsuar ix :ee, si quanxliw Jelusalem ee jidvnuar :ee, Hur ee qniaw Rlefaiah.
10 Jiapsuar ix :ee, si Halumaf ee qniaw Jedaiah, dirr qaqi ee cur duiwbin laii siuliw. Jiapsuar ix :ee, si Hasabneiah ee qniaw Hattus.
11 Halim ee qniaw Malqijah, qapp Pahat Moab ee qniaw Hassub, siuliw jit dnxua, ixqip huexloo ee lxauu.
12 Jiapsuar ix :ee, si quanxliw Jelusalem hitt jidvnuar :ee. Hallohes ee qniaw Sallum, qapp ix hiaxee jaboxqaniw.
13 Dirr Hanun qapp Zanoah kiarkiw ee vecsnir siuliw snuaqog ee mngg, kixjy ix, anx ix ee mngsnir, qapp ix ee sryw, ix ee qxongg, ixqip sniacniuu jit-cingx dxng, qaur Vunwsyr Mngg.
14 Quanxliw Bet Hacqelem-de ee Rleqab ee qniaw Malqijah siuliw Vunwsyr Mngg; kixjy ix, anx ix ee mngsnir, qapp ix ee sryw, ix ee qxongg.
15 Quanxliw Mizpah-de :ee, Kolhozeh ee qniaw Sallum, siuliw juixjnuaa ee mngg, kixjy ix, kamr ix, anx ix ee mngsnir, qapp ix ee sryw, ix ee qxongg, ixqip uaw qin onghngg ee Selah Dii ee cniuu, qaur hitt xee dui' David Sniaa lyc .laii ee qia-aw.
16 Jiapsuar ix :ee si quanxliw Betzur-de ee jidvnuar, Azbuk ee qniaw Nehemiah, qaur David hunbong ee duiwbin, qycc qaur kuix hyw ee dii, ixqip iongxsu ee cur.
17 Jiapsuar ix :ee si Levilangg, Bani ee qniaw Rlehum. Jiapsuar ix :ee si quanxliw Keilah-de ee jidvnuar. Hasabiah uirr ix soxx dirliw ee de laii siuliw.
18 Jiapsuar ix :ee dyrr si inx ee hniadi, quanxliw Keliah-de hitt jidvnuar, Henadad ee qniaw Bavai.
19 Jiapsuar ix :ee si quanxliw Mizpah :ee, Jesua ee qniaw Ezer, ix laii siuliw jit dnxua, dyrr si dirr jnriu kir qunjongqik ee duiwbin uatqag ee soxjai.
20 Jiapsuar ix :ee si Zabbai ee qniaw Baluc, jin lat siuliw jit dnxua, dui' uatqag qaur jewsitauu Eliasib ee cur ee mngg.
21 Jiapsuar ix :ee si Hakkoz ee sunx Uliah ee qniaw Melemot, ix siuliw jit dnxua, dui' Eliasib ee cur ee mngg, qaur Eliasib ee cur ee jinrtauu.
22 Jiapsuar ix :ee si diamr dirr vningiuu ee langg hiaxee jewsix.
23 Jiapsuar ix :ee si Benjamin qapp Hassub, dirr ix ee cur ee duiwbin siuliw. Jiapsuar ix :ee si Ananiah ee sunx Maaseiah ee qniaw Aaliah, dirr ix ee cur ee hurqin siuliw.
24 Jiapsuar ix :ee si Henadad ee qniaw Binnui, ix siuliw jit dnxua, dui' Azaliah ee cur, qaur uatqag, qycc qaur sniaqag.
25 Uzai ee qniaw Palal dirr uatqag ee duiwbin, qapp ongg quann ee cur pongr .cud .laii ee jiuxqnilauu, uaw qin horue ee ngiu hitt jit dnxua. Jiapsuar ix :ee si Palos ee qniaw Pedaiah.
26 (Dirr dxen-lai juer ceing :ee diamr dirr Ofel, qaur ngr dangx Juiw Mngg ee duiwbin, qapp pongr .cud .laii ee jiuxqnilauu.)
27 Jiapsuar ix :ee si Tekoalangg, ix qycc siuliw jit dnxua, dirr hitt xee pongr .cud .laii ee dua lxauu duiwbin, qaur Ofel ee cniuu.
28 Dirr Bew ee mngg ee dingxbin, hiaxee jewsix dag'ee dirr ix ee cur ee duiwbin siuliw.
29 Jiapsuar ix :ee si Immer ee qniaw Zadok, dirr qaqi ee cur ee duiwbin siuliw. Jiapsuar ix :ee si qowsiuw dangx mngg Sekaniah ee qniaw Semaiah.
30 Jiapsuar ix :ee si Selemiah ee qniaw Hananiah, qapp Zalaf ee derr lak xee qniaw Hanun, qycc siuliw jit dnxua. Jiapsuar ix :ee, si Beleqiah ee qniaw Mesullam, dirr ix ee vangqingx ee duiwbin laii siuliw.
31 Jiapsuar ix :ee si qimqangx Malqijah, ix siuliw qaur dirr dxen-lai juer ceing :ee qapp singlixlangg ee cur, dirr Mifkad Mngg ee duiwbin, qaur sniaqag ee lxauu.
32 Qimqangx qapp singlixlangg siuliw, dui' sniaqag ee lxauu qaur Ngiuu Mngg.
4 Sanballat tnix qnir guanw kiw sniacniuu, dyrr dua siurkir, dua tongwhun tixciyr Judahlangg.
2 Dirr ix ee hniadi qapp Samalia ee qunvingx ee binrjingg qongw, "Jiaxee luanxziok ee Judahlangg decc juer simxmih, beh sethuad hro qaqi qenqor mah? Beh henwjer mah? Beh jit zit singqongx mah? Beh dui' toduix diongx tec cud quer huew siyx ee jiyhtauu laii qycc kiw mah?"
3 Ammonlangg Tobiah kia dirr ix ee sinvnix qongw, "Inx soxx kiw :ee, narr u jit jiah holii jnriu .kir, dyrr beh dac dyw inx ee jiyhcniuu.
4 Guanw ee Siongrder ar, qriuu Liw tniax, in'ui guanw hro langg knuawkinx, qriuu Liw hro inx ee huixvongr qruix dirr inx ee taukag, hro inx dirr siurr liac ee de duw diyc cniuxqiab;
5 Byc did ziakamr inx ee juerquar, byc did hro inx ee juerog dui' Liw ee binrjingg catsiaux; in'ui inx dirr kixjy ee langg ee binrjingg qikdong Liw ee siurkir.
6 Anxnix, guanw kiw sniacniuu, sniacniuu dyrr longxx lenlok, quann qaur jidvnuar, in'ui vecsnir u simx decc juewqangx."
7 Sanballat, Tobiah, Alabialangg, Ammonlangg, Asdodlangg, tniax qnir siuliw Jelusalem sniacniuu ee qangx decc jinwhingg, voxtad puawkiah ee soxjai duxaxx decc voxtad, dyrr jin' siurkir;
8 Dairqex snaqab qewboo beh laii qongqig Jelusalem, hro hitt lairbin ziauxluan.
9 Jongwsirr guanw qidyw lanw ee Siongrder, qycc in'ui inx ee enqor, dyrr pair langg siuxbang, zidmii dihogg.
10 Judahlangg qongw, "Haurpniaper iauxquxx je, decc dnax ee langg ixqing' byy lat, soxiw lanw be e kiw sniacniuu."
11 Lanw ee duiwdik qycc bad qongw, "Tanr inx m jaix, byy knuar .qnir, lanw zip inx diongqanx, taii siw inx, hro inx ee juewqangx longxx suah."
12 Hiaxee uaw qin duiwdik kiarkiw ee Judahlangg, jap vaiw dui' dagg soxjai laii qnir guanw, qongw, "Linw dikkag diyhh dyr laii guanw jiax."
13 Soxiw guaw qiyr vecsnir qokk jiauww inx ee jongjok, giac dyx, giac cniux, giac qringx :ee, kia dirr sniacniuu au, qe ee soxjai, kangx ee soxjai.
14 Guaw quancad liauw, dyrr kiw laii qra quiwjok, qnuadniuw, qapp qi'uu ee vecsnir qongw, "Byc did qniax inx, diyhh qir did Jruw si dua qycc tangx qniax :ee; diyhh uirdiyhh linw ee hniadi, linw ee qniaw, linw ee jaboxqniaw, linw ee bow, linw ee cuwtec laii qaujenr."
15 Duiwdik tniax qnir guanw ixqing' jaix, qycc Siongrder iarr pywhuai inx ee qewik, guanw dyrr longxx dywdngw laii qaur sniacniuu hiax, dagg langg juer inx ee qangx.
16 Dui' hitt diap liauxau, guaw ee lovok jidvnuar juewqangx, jidvnuar giac cniux, qnrua dinvaii, giac qringx, cing kueqah; qnuadniuw longxx kia dirr Judah jingwlangg ee aurbin.
17 Kiw sniacniuu :ee, dnax lehh :ee, qokk dnax inx ee dnar, jit ciuw juewqangx, jit ciuw giac qunkir.
18 Kixjy :ee, dag'ee vue dyx jiauww anxnix kixjy, vunn sauwqag :ee dirr guaw ee sinvnix.
19 Guaw qra jiaxee quiwjok, qnuadniuw, qapp qi'uu ee vecsnir qongw, "Jitt xee qangx kuacdua, lanw dirr sniacniuu dingw vunx kuix, sna' li vutjiw hng;
20 Linw bylun dirr dyclyc tniax qnir sauwqag ee sniax, dyrr diyhh jurjip laii qaur guanw hiax; lanw ee Siongrder beh ter lanw qaujenr."
21 Guanw anxnix juewqangx, inx ee jidvnuar giac cniux, dui' tnix puxqngx qaur cnxix cuthen ee sii.
22 Hitt sii guaw qycc qra vecsnir qongw, "Dagg langg qapp ix ee lovok diyhh hiycmii dirr Jelusalem ee lairbin, tangx mii .sii vyxho guanw, zit .sii juewqangx."
23 Anxnix guaw qapp guaw ee hniadi, guaw ee lovok, qapp duer guaw ee horuervingx, byy jit xee trngr snxax, cud kir cnriu juiw :ee iarr dag'ee giac qesix.
5 Vecsnir qapp inx ee bow dua sniax hauw, hiamm inx ee hniadi Judahlangg.
2 U langg qongw, "Guanw qapp qniaw jaboxqniaw langgiac je; diyhh kir did diyc gnoxqog tangx jiac laii did diyc uac."
3 Uree qongw, "Uirdiyhh qihngx, guanw ing guanw ee canhngg, pudyhngg, cuwtec, drenw langg did diyc gnoxqog."
4 Uree qongw, "Guanw ixqing' ing cann qapp pudyhngg, jiyh ginn lap ongg ee suer.
5 Guanw ee ziogtew qapp guanw ee hniadi ee ziogtew jidngiu, guanw ee qniaxzii qapp inx ee qniaxzii jidngiu; dnaxx guanw ing guanw ee qniaw jaboxqniaw juer langg ee lovok luxvi, guanw ee jaboxqniaw uree ixqing' juer luxvi, guanw iarr byy hxuad .did; in'ui guanw ee canhngg pudyhngg ixqing' qruix vadd langg."
6 Guaw tniax qnir inx ee auqiyr, qapp inx ee ue, dyrr jin' siurkir.
7 Guaw simlai sniu, dyrr dua jikvi hiaxee quiwjok qapp qnuadniuw, qra inx qongw, "Linw dagg langg duiww hniadi tec lirsig." Dui' anxnix guaw jiyjip duarhue laii dux inx.
8 Guaw qra inx qongw, "Guanw liong guanw ee lat, laii siok lanw ee hniadi Judahlangg, dyrr si ixqing' bre hro ngirvanglangg :ee, linw qingxzenn beh bre linw ee hniadi mah?" Inx jing jing byy ue tangx rinr.
9 Guaw qycc qongw, "Linw soxx juer :ee m hyw; in'ui lanw ee duiwdik, dyrr si ngirvanglangg ee huixvongr, linw qamxx m diyhh qingwuir lanw ee Siongrder laii qniaa mah?
10 Guaw qapp guaw ee hniadi, guaw ee lovok, iarr ing jniginn gnoxqog jiyh hro vecsnir; dnaxx guaw krngr linw, lanw dairqex diyhh benw lirsig.
11 Danxx guaw krngr linw qinaxzit jiong' inx ee cann, pudyhngg, qnanaxhngg, cuwtec, qapp linw soxx duiww inx tiux ee jniginn, gnoxqog, jiuw, iuu, muixx vah hxun ee jit hxun longxx diyhh higg ix."
12 Inx qongw, "Guanw beh hingg, byy qycc duiww inx tyw, beh jiauww liw ee ue qniaa." Guaw dyrr qiyr jewsix laii, qiyr inx jiuwjua, diyhh jiauww jitt xee ue qniaa.
13 Guaw iarr vnua kuix guaw ee snaaxper, qongw, "Qniwnarr byy jniaa jitt xee ue :ee, guan Siongrder jiauww anxnix vnua kuix ix lirkuix ix ee qrex qapp ix ee jitgiap; dyrr si guan ix jiauww anxnix vnua qaur kangx kangx." Huerjiongr longxx qongw, "Amen", qycc ylyw Jehovah. Vecsnir dyrr jiauww jitt xee ue qniaa.
14 Dui' guaw siurr setlip dirr Judah-de juer inx ee jongxdog, dyrr si dui' Artajerjes Ongg zi-jap nii qaur snax-jap-zi nii, qiong jap-zi nii ee quw, guaw qapp guaw ee hniadi longxx byy jiac jongxdog ee hongrlok.
15 Guaw ixjingg qurzim ee jongxdog hro vecsnir hurdamx jin' dang; tec vecsnir ee gnoxqog, qapp jiuw, qapp ginn sir-jap sekel; lenrr inx ee lovok iarr hatjer vecsnir; dogdok guaw in'ui qingwuir Siongrder, byy anxnix qniaa.
16 Qycc guaw juanbu kiw sniacniuu, vingrr byy brew cande; guaw ee lovok iarr longxx jurjip dirr hiax juewqangx.
17 Druu kir hiaxee dui' siwuii ee guarvangx diongx laii cue guanw ee langg ixgua, u Judahlangg qapp qnuadniuw, jit-vah go-jap langg, dirr guaw ee dyh snaqab jiac.
18 Dagg zit virvan jit jiah guqangw, lak jiah vuii ee mingiuu; qycc virvan quixnarr jiah qxex; muiw jap zit jit vaiw, virvan jerje dagg ngiu ee jiuw; suizenn anxnix, guaw iarr byy tec jongxdog ee hongrlok; in'ui vecsnir hog'ik jin' dang.
19 Guaw ee Siongrder ar, qriuu Liw qiwliam guaw uirdiyhh jitt xee vecsnir soxx qniaa itcer ee su, laii suwhog guaw.
6 Sanballat, Tobiah, Alabialangg Gesem, qapp guanw qi'uu ee duiwdik, tniax qnir guaw sniacniuu ixqing' kiw hyw, qidiongx byy lauu jit kiah; (hitt sii guaw kiokk bue u anx mngsnir.) Sanvallat qapp Gesem dyrr crex langg laii qnir guaw, qongw, "Cniaw liw laii, lanw dirr Ono ee vningiuu jitt xee hniusia sionghue." Inx sniu beh hai guaw.
3 Guaw dyrr crex sujiaw kir qnir inx, qongw, "Guaw dnaxx decc vanrliw dua ee qangx, be e lyc .kir, taixtyw e lirkuix ix lyc kir qnir linw, hro jitt xee qangx tingjiw ar?"
4 Inx anxnix sir vaiw crex langg laii qnir guaw, guaw longxx anxnix rinr inx.
5 Sanballat derr go vaiw dyrr crex ix ee lovok laii qnir guaw, ciuw tec lorhongx ee puex; puex-lai siaw qongxx,
6 "Guarvangx diongx u hongsniax, Gesem iarr qongw, liw qapp Judahlangg decc bohuanw, soxiw liw kiw sniacniuu, liw beh juer inx ee ongg, jiauww jiaxee ue.
7 Liw qycc pair sendix dirr Jelusalem, suantuann liw ee dairjir, qongw, 'Dirr Judah u ongg.' Dnaxx beh jiauww jiaxee ue jraur ongg; soxiw cniaw liw laii, lanw snaqab girlun."
8 Guaw dyrr crex langg kir qnir ix, qongw, "Liw soxx qongw jitt xee su, itkair byngiaw, si liw ee simx liapjy :ee."
9 In'ui inx longxx rair hro guanw qniax, iwsur qongxx, inx ee ciuw beh sngnngw, drir qaur qangx juer byy jniaa. Siongrder ar, qriuu Liw qenqor guaw ee ciuw.
10 Au .laii guaw qaur Mehetabel ee sunx, Delaiah ee qniaw, Semaiah ee cur; hitt sii ix qnuaix lehh byy cud .laii; ix qongw, "Lanw diyhh dirr Siongrder ee cur sionghue, dirr dxen nirr qnuaix denrmngg; in'ui inx beh laii taii liw, dyrr si dirr mii .sii beh laii taii liw."
11 Guaw qongw, "Cincniu guaw jitt hy langg, qamxx tangx jauw mah? Cincniu guaw jitt hy langg, qamxx tangx zip dxen laii vyxjuann sniwmia mah? Guaw m zip .kir."
12 Guaw knuar cud, jaix Siongrder byy crex ix, si ix qaqi qongw jitt xee sendi'ue laii qongqig guaw; si Tobiah qapp Sanballat vowlo ix.
13 Vowlo ee enqor, si beh hro guaw qniax, hro guaw anxnix qniaa laii huanrjue, inx tangx vywiongg pnaiw ue, laii huixvongr guaw.
14 Guaw ee Siongrder ar, Tobiah, Sanballat, luxsendix Nodiah, qapp qi'uu hiaxee sendix, longxx si beh hro guaw qniax :ee; qriuu Liw jiauww inx ee soxx qniaa laii qir did inx.
15 Elul Guec zi-jap-go, sniacniuu ixqing' kiw hyw, qiong go-jap-zi zit.
16 Guanw itcer ee duiwdik tniax .qnir, siwuii ee guarvanglangg longxx qniax, qaqi knuar si sitvai; in'ui knuar qnir jitt xee qangx juewjniaa, si cud dirr lanw ee Siongrder.
17 Dng' hiaxee zit Judah ee quiwjok dauc dauc qiar puex hro Tobiah, Tobiah iarr ing puex hro inx.
18 In'ui dirr Judah u jerje langg qapp ix qetbingg, in'ui ix si Alah ee qniaw, Sekaniah ee qniaxsair; qycc ix ee qniaw Jehohanan crua Beleqiah ee qniaw Mesullam ee jaboxqniaw juer bow.
19 Inx siongsiongg dirr guaw ee binrjingg qongw kiw ix ee hyw soxx qniaa, iarr jiong' guaw ee ue tuann hro ix. Tobiah qycc siongsiongg qiar puex hro guaw, beh hro guaw qniax.
7 Sniacniuu kiw hyw, guaw ixqing' anx mngg, qor mngg :ee, cniuwquax :ee, qapp Levilangg longxx pair dniardiyc;
2 Guaw dyrr pair guaw ee hniadi, qapp quanw ongqiongx ee Hananiah, quanxliw Jelusalem; in'ui ix diongsinr, qycc qingwuir Siongrder ngiaa quer vadd langg.
3 Guaw huanhur inx qongxx, tingwhau zidtauu quann ee sii, jiacc kuix Jelusalem ee sniamngg; langg kia decc qor ee sii, inx diyhh qnuaix mngg, liw diyhh cnuar ix, iarr diyhh pair dirr Jelusalem kiarkiw ee vecsnir qowsiuw, dag'ee jiauww inx ee vanlet dirr inx ee cur duiwbin ee soxjai.
4 Sniaa si kuacdua, jongwsirr qidiongx vecsnir jiyw, cur iauxx bue kiw.
5 Guaw ee Siongrder qamxdong guaw ee simx, jiyjip quiwjok, qnuadniuw, qapp vecsnir, jiauww inx ee sewhe laii sngr ix. Guaw cue diyc tauu jit vaiw jnriu .laii ee langg ee jogpow, hitt lairbin u qiwjair;
6 Jingg Babylon Ongg Nebuqadnezar liac qaur Babylon :ee, Judah Singw vecsnir diongx u langg dui' siurr liac ee soxjai dyr laii Jelusalem qapp Judah, dagg langg dyr kir ix ee sniaa;
7 Dyrr si qapp Zelubbabel, Jesua, Nehemiah, Azaliah, Rlaamiah, Nahamani, Mordekai, Bilsan, Mispelet, Bigvai, Nehum, ixqip Baanah snaqab dyr .laii .ee.
8 Islael ee vecsnir ee langgiac qir dirr erdew. Palos ee horer, nng-cingx jit-vah cid-jap-zi langg.
9 Sefatiah ee horer, snax-vah cid-jap-zi langg.
10 Alah ee horer, lak-vah go-jap-zi langg.
11 Pahat Moab ee horer, nng-cingx veh-vah jap-veh langg.
12 Elam ee horer, jit-cingx nng-vah go-jap-sir langg.
13 Zattu ee horer, veh-vah sir-jap-go langg.
14 Zackai ee horer, cid-vah lak-jap langg.
15 Binnui ee horer, lak-vah sir-jap-veh langg.
16 Bebai ee horer, lak-vah zi-jap-veh langg.
17 Azgad ee horer, nng-cingx snax-vah zi-jap-zi langg.
18 Adonikam ee horer, lak-vah lak-jap-cid langg.
19 Bigvai ee horer, nng-cingx lenn lak-jap-cid langg.
20 Adin ee horer, lak-vah go-jap-go langg.
21 Ater ee horer, sriok Hezekiah :ee, qauw-jap-veh langg.
22 Hasum ee horer, snax-vah zi-jap-veh alngg.
23 Bezai ee horer, snax-vah zi-sir langg.
24 Halif ee horer, jit-vah jap-zi langg.
25 Gibeonlangg, qauw-jap-go xee.
26 Betlehemlangg qapp Netofahlangg, qiong jit-vah veh-jap-veh langg.
27 Anatotlangg, jit-vah zi-jap-veh xee.
28 Bet Azmavetlangg, sir-jap-zi xee.
29 Kiliat Jealimlangg, Qefilahlangg, Beelotlangg, qiong cid-vah sir-jap-snax xee.
30 Rlamahlangg qapp Gebalangg, qiong lak-vah zi-jap-id xee.
31 Micmaslangg, jit-vah zi-jap-zi xee.
32 Betellangg qapp Ai ee langg, qiong jit-vah zi-jap-snax xee.
33 Vadd xee Nebo ee langg, go-jap-zi xee.
34 Vadd xee Elam ee horer, jit-cingx nng-vah go-jap-sir langg.
35 Halim ee horer, snax-vah zi-jap xee.
36 Jeliqolangg, snax-vah sir-jap-go xee.
37 Lodlangg, Hadidlangg, qapp Onolangg, qiong cid-vah zi-jap-id xee.
38 Senaahlangg, snax-cingx qauw-vah snax-jap xee.
39 Jewsix: Jesua ee qrex, Jedaiah ee horer, qauw-vah cid-jap-snax langg.
40 Immer ee horer, jit-cingx lenn go-jap-zi langg.
41 Pashur ee horer, jit-cingx nng-vah sir-jap-cid langg.
42 Halim ee horer, jit-cingx lenn jap-cid langg.
43 Levilangg: Hodaviah ee horer, sriok Jesua qapp Kadmiel ee horer, cid-jap-sir langg.
44 Cniuwquax :ee, Asaf ee horer, jit-vah sir-jap-veh langg.
45 Qor mngg :ee: Sallum ee horer, Ater ee horer, Talmon ee horer, Akkub ee horer, Hatita ee horer, Sobai ee horer, qiong jit-vah snax-jap-veh langg.
46 Dirr dxen-lai juer ceing :ee: Ziha ee horer, Hasufa ee horer, Tabbaot ee horer,
47 Kelos ee horer, Sia ee horer, Padon ee horer,
48 Lebana ee horer, Hagaba ee horer, Salmai ee horer,
49 Hanan ee horer, Giddel ee horer, Gahar ee horer,
50 Rleaiah ee horer, Rlezin ee horer, Nekoda ee horer,
51 Gazam ee horer, Uza ee horer, Paseah ee horer,
52 Besai ee horer, Meunim ee horer, Nefusesim ee horer,
53 Bakbuk ee horer, Hakufa ee horer, Harhur ee horer,
54 Bazlit ee horer, Mehida ee horer, Harsa ee horer,
55 Barkos ee horer, Sisela ee horer, Temah ee horer,
56 Neziah ee horer, Hatifa ee horer.
57 Solomon ee lovok ee horer: Sotai ee horer, Sofelet ee horer, Pelida ee horer,
58 Jaalah ee horer, Darkon ee horer, Giddel ee horer,
59 Sefatiah ee horer, Hattil ee horer, Poqelet Hazebaim ee horer, Amon ee horer.
60 Dirr dxen-lai juer ceing :ee qapp Solomon ee lovok ee horer, qiong snax-vah qauw-jap-zi langg.
61 Dui' Tel Melah, Tel Harsa, Qelub, Addon, Immer jnriu .laii .ee, be e jingwbingg inx ee jongjok sewhe jinjniar si Islaellangg iacc m si.
62 Inx si Delaiah ee horer, Tobiah ee horer, Nekoda ee horer, qiong lak-vah sir-jap-zi langg.
63 Jewsix diongx, u Hobaiah ee horer, Hakkoz ee horer, Barzillai ee horer, Barzillai crua Gileadlangg Barzillai ee jaboxqniaw juer bow, soxiw ing inx ee miaa laii cxingx ix.
64 Jiaxee qrex dirr inx ee jogpow diongx cue inx ee sewhe, iarr cue byy, soxiw sngr juer byy cingkir, m jrunw inx drngx jewsix ee jithun.
65 Jongxdog qra inx qongw, m tangx jiac jiww sxingr ee mic, tingwhau u Ulim qapp Tummim ee jewsix kiw .laii.
66 Huerjiongr qiong u sir-bxan nng-cingx snax-vah lak-jap langg;
67 Ixgua iauxx u inx ee lovok luxvi, cid-cingx snax-vah snax-jap-cid langg, lamluw cniuwquax :ee, u nng-vah sir-jap-go langg;
68 Inx ee bew, cid-vah snax-jap-lak jiah; inx ee lyy, nng-vah sir-jap-go jiah;
69 Logdyy, sir-vah snax-jap-go jiah; luu, lak-cingx cid-vah zi-jap jiah.
70 U jogdniuw quixnarr langg uirdiyhh qangdniaa laii henr. Jongxdog henr dirr kowvangg ee qimx jit-cingx dalic, nguaw go-jap der, jewsix ee lehok go-vah sanx-jap niaw.
71 Qycc u jogdniuw henr zip qangdniaa ee huxkor, qimx nng-bxan dalic, ginn nng-cingx nng-vah mina.
72 Qi'uu ee vecsnir soxx henr ee qimx nng-bxan dalic, ginn nng-cingx mina, jewsix ee lexhok lak-jap-cid niaw.
73 Dui' anxnix, jewsix, Levilangg, qor mngg :ee, cniuwqnuax :ee, vecsnir diongx jit vorhun ee langg, dirr dxen-lai juer ceing :ee, qapp Islael jingwlangg dag'ee kiarkiw dirr inx ee sniaa.
8 Qaur derr cid guec, Islaellangg ixqing' kiarkiw dirr inx hiaxee sniaa. Hitt sii vecsnir cincniu jit langg longxx jurjip dirr Juiw Mngg jingg kuankuah ee soxjai, cniaw qinghagsu Ezla duar Moses ludhuad ee ceh laii, dyrr si Jehovah soxx bad bingrling Islael :ee.
2 Cid-guec ceid, jewsix Ezla duar ludhuad qaur qonghue jingg, higsi lxamm higsi luw, ixqip qniwnarr tniax liauw e hiauxdid :ee ee binrjingg.
3 Dirr Juiw Mngg jingg kuankuah ee soxjai, dui' tnix qngx qaur ziddaur, dirr jiongww lamluw qapp tniax hiaxee ue e bingvik :ee ee binrjingg tak ix, vecsnir ngar hnirkangx tniax ludhuad ee ceh.
4 Qinghagsu Ezla kia dirr inx uirdiyhh jitt xee su soxx virvan ee cadaii dingw; dirr ix ee sinvnix u Mattitiah, Sema, Anaiah, Uliah, Hilkiah, qapp Maaseiah, kia dirr ix ee jniar vingg; Pedaiah, Misael, Malqijah, Hasum, Hasbaddanah, Zeqaliah, qapp Mesullam, kia dirr ix ee dyr vingg.
5 Ezla kia dirr jiongww vecsnir ee dingxbin, dirr jiongww vecsnir ee bagjiux jingg henx kuix jitt vunw ceh. Ix jid'err henx .kuix, jiongww vecsnir dyrr longxx kiw laii kia.
6 Ezla ylyw Jehovah, jiww dua ee Siongrder; jiongww vecsnir longxx giac kiw ciuw, rinr qongxx, "Amen, Amen", dyrr ngar tauu, bin ngr de, qingwvair Jehovah.
7 Jesua, Bani, Selebiah, Jamin, Akkub, Sabbetai, Hodiah, Maaseiah, Qelita, Azaliah, Jozabad, Hanan, Pelaiah, qapp Levilangg, hro vecsnir bingvik ludhuad; vecsnir longxx kia dirr ix ee soxjai.
8 Inx tak Siongrder ludhuad ee ceh qaur bingvik, qycc kuitiah hitt xee iwsur, hro vecsnir bingvik soxx tak :ee.
9 Jongxdog Nehemiah, qapp juer jewsix ee qinghagsu Ezla, qapp qawsi vecsnir ee Levilangg, duiww jiongww vecsnir qongw, "Qinaxzit si Jehovah, linw ee Siongrder ee sxingr zit; m tangx vi'aix tikaur." In'ui jiongww vecsnir tniax qnir ludhuad ee ue longxx tikaur.
10 Ix qycc qra inx qongw, "Kir ar, linw kir jiac vuii ee mic, limx dnix ee bi. Byy virvan mic ee langg, diyhh vunx hro ix, in'ui qinaxzit si lanw ee Jruw ee sxingr zit. Linw m tangx iubun, in'ui dui' Jehovah did .diyc ee hnuahiw si linw ee linglik."
11 Dui' anxnix Levilangg an'uir jiongww vecsnir qongxx, "Diyhh jing jing, in'ui qinaxzit si sxingr zit; m tangx iubun."
12 Jiongww vecsnir dyrr kir limjiac, iarr vunx mic hro langg, dua hnuahiw; in'ui inx bingvik soxx tuann hro inx ee ue.
13 Qeh zit jiongww vecsnir ee jogdniuw, jewsix qapp Levilangg, longxx jurjip qaur qinghagsu Ezla hiax, beh diwir tniax ludhuad ee ue.
14 Inx knuar diyc ludhuad diongx u qiwjair Jehovah tog Moses bingrling Islaellangg qongxx, diyhh dirr Cid-guec ee jecqii diamr dirr cauxliauu;
15 Qycc diyhh dirr dagg xee sniaa qapp Jelusalem suantuann vywqyr qongxx, "Linw diyhh cud kir snuax nirr, cruw qnanaxciurqix, iaw qnanaxciurqix, qongliamciurqix, jyxciurqix, ram ciu ee ciurqix, laii dah cauxliauu, jiauww soxx qiwjair :ee."
16 Vecsnir dyrr cud .kir, duar ciurqix laii, dagg langg dirr qaqi ee cur-dingw, dirr ngi-lai, dirr Siongrdewden ee ngi-lai, dirr Juiw Mngg kuankuah ee soxjai, dirr Eflaim Mngg kuankuah ee soxjai, dah cauxliauu.
17 Hiaxee siurr liac .kir qycc dyr .laii ee huerjiongr dyrr dah cauxliauu, jre dirr cauxliauu nirr; in'ui dui' Nun ee qniaw Jesua ee sii qaur jitt zit, Islaellangg m bad anxnix qniaa. Dui' anxnix, inx dua dua hnuahiw.
18 Dui' tauu jit zit, qaur lorbuew zit, Ezla dagg zit tak Siongrder ee ludhuad. Jingwlangg siuw jeh cid zit, qaur derr veh zit u giamsiokhue, jiauww dniardiyc ee le.
9 Jitt guec ee zi-sir, Islaellangg jurjip qimwjiac, cing muasnax, samw huexhux.
2 Islael ee horer dyrr qapp itcer ee guarvanglangg qeh kuix, kia decc zin qaqi ee juerog, qapp inx ledjow ee juerquar.
3 Inx kia dirr inx ee soxjai, ing hitt zit ee siqanx sir hxun jit, tak Jehovah, inx ee Siongrder ludhuad ee ceh; qycc ing siqanx ee sir hxun jit zinrjue, qingwvair Jehovah, inx ee Siongrder.
4 Jesua, Bani, Kadmiel, Sebaniah, Bunni, Selebiah, Bani, Qenani, kia dirr Levilangg ee daii-dingw, dua sniax qiuqiyr Jehovah, inx ee Siongrder.
5 Levilangg Jesua, Kadmiel, Bani, Hasabneiah, Selebiah, Hodiah, Sebaniah, Petahiah, qongw, "Linw diyhh kia kiw laii ylyw Jehovah, linw ee Siongrder, dui' ingxuanw qaur ingxuanw. Jehovah ar, Liw ingqngx ee miaa si ingqaix ylyw :ee, vnuaa quer itcer ee cinghox ylyw.
6 Liw, dogdok Liw, si Jehovah; Liw congwjy tnix, qapp jiaxee tnix ee tnix, qapp tnidingw ee banrqunx, de qapp derjniu ee banrmic, haiw qapp haiw-diongx ee banrmic; jex itcer longxx si Liw soxx vyxjunn :ee; tenqunx iarr qingwvair Liw.
7 Jehovah ar, Liw si Siongrder, bad qingxsuanw Ablam, cua ix cud Qaldea ee Ur, sniuxsur ix miaa qiyr Ablaham.
8 Liw knuar ix ee simx jinrdiongx dirr Liw ee binrjingg, dyrr qapp ix lip iog, ingxuanw jiong' Kanaanlangg, Hitlangg, Amolilangg, Pelizlangg, Jebuslangg, Girgaslangg ee de hro ix ee horer, qycc u ingwgiam Liw ee ue; in'ui Liw si qonggi :ee.
9 Liw bad knuar qnir guanw ee ledjow dirr Egipt soxx sriu ee kunwkow, tniax inx dirr Ang Haiw-vnix ee aiqiuu,
10 Dyrr qniaa sinziah qrii su, jikhuat Falaoh qapp ix ee jiongww zinsinn, ixqip ix qog-lai ee jiongww vecsnir; in'ui Liw jaix inx qiaugno kuanxtai guanw ee ledjow, Liw dyrr uirr qaqi did diyc miasniax, cincniu qinaxzit jidngiu.
11 Liw dirr inx ee binrjingg vunx kuix haiw, hro inx dui' haiw-diongx qniaa dax de quer .kir; duizib inx :ee, Liw hed inx dirr cimx haiw, cincniu hed jiyhtauu dirr dua juiw diongx.
12 Iuqycc zit .sii Liw ing huntiau cua inx, mii .sii Liw ing huextiau jiywqngx inx soxx qniaa ee lo.
13 Liw iarr qangwlimm dirr Sinai Snuax, dui' tnix nirr qapp inx qongxue, sniuxsur inx jingwdit ee huatdo, jinsit ee huatdo, hyw ee ludle qapp qaiwbing;
14 Qycc hro inx jaix Liw anhiyh ee sxingr zit, iarr tog Liw ee lovok Moses ing qaiwbing, ludle, huatdo, bingrling inx.
15 Inx iaux, Liw dyrr dui' tnix sniuxsur bixniuu; inx cuiwdax, Liw dyrr dui' jiyhvnuaa cud juiw, qycc bingrling inx kir singjiab Liw soxx jiuwjua beh hro inx ee de.
16 Danrsi inx qapp guanw ee ledjow qniaa dairjir qiaugno, gni inx ee amrqunw, byy tniatanr Liw ee qaiwbing, m kingw sunrtanr,
17 Iarr byy qiwliam Liw dirr inx diongqanx soxx qniaa ee qrii su, qingwzenn gni inx ee amrqunw, dirr vuergik diongx qaqi setlip siuxlingw, beh uad dyr kir inx juer lojaii ee de. Danrsi Liw si hnuahiw siawbenw langg, u undenw, linbinw, byy kuair kuair siurkir, u muaw muaw ju'air ee Siongrder; iarr byy vangwsag inx.
18 Inx suizenn jur jit jiah guu-aw, qycc qongw, 'Jex si liw ee siongrder, bad cua liw cud Egipt :ee', anxnix dua dua qikdong siurkir,
19 Liw iauxquxx dua six linbinw, byy vangwsag inx dirr kongwiaw; zit .sii, huntiau byy lirkuix inx, cua inx qnialo; mii .sii, huextiau, iarr byy lirkuix inx, jiywqngx inx qapp inx soxx diyhh qniaa ee lo.
20 Liw iarr sniuxsur Liw hyw ee sinn laii qawsi inx. Liw ee manna iuguann hro inx jiac byy suah. Inx cuiwdax, sniuxsur inx juiw.
21 Dirr kongwiaw sir-jap nii liw ngiuxci inx, inx dyrr byy kiamwkueh jit hxang, inx ee snxax byy puar, inx ee kax byy pongwpa.
22 Liw jiong' ledvangx qapp hiaxee vecsnir hro inx, hunpair inx dirr dagg qaktauu, inx dyrr did diyc Sihon ee de, Hesbon Ongg ee de, qapp Basan Ongg Og ee de.
23 Liw qetnix inx ee qniaxsunx cincniu tnicnix ee je, cua inx qaur hitt xee de, dyrr si Liw qra inx ee ledjow qongw, inx beh zip kir singjiab :ee.
24 Anxnix, inx ee qniaxsunx zip kir singjiab hitt xee de, Liw dirr inx ee binrjingg jewab hitt soxjai kiarkiw ee vecsnir, dyrr si Kanaanlangg, jiong' inx qapp inx ee qun'ongg, qapp hitt soxjai ee vecsnir, longxx qaux dirr inx ee ciuw, hro inx cutjai iwsur laii kuanxtai inx.
25 Inx cruw qenqor ee sniaa, vuii ee toxde, did diyc ciongmuaw dagg ngiu hyw mic ee cuwtec, kuix ven ven ee juixjniw, pudyhngg, qnanaxhngg, quexjixciu jerje. Inx did diyc jiahvaw, sintew vuii; in'ui Liw ee dua xunx, simlai kuaiwlok.
26 Danrsi inx m sunrtanr, qingxzenn vuergik Liw, jiong' Liw ee ludhuad hed dirr qajiah au; Liw ee sendix kuanwqair inx, beh hro inx qui'ngr Liw, inx dyrr taii siw inx; dua dua qikdong siurkir.
27 Soxiw Liw qra inx qaux dirr duiwdik ee ciuw, hro inx sriu koxcow. Inx duw diyc koxlan ee sii aiqiuu Liw, Liw dyrr dui' tnix ngar lyc tniax, jiauww Liw ee dua linbinw, hro inx u jinxqiur ee langg, qriuu inx tuatli duiwdik ee ciuw.
28 Inx did diyc ving'anx liauxau, qycc dirr Liw ee binrjingg qniaa pnaiw; soxiw Liw vangwsag inx dirr duiwdik ee ciuw, hro duiwdik quanxhad inx; inx uat dywdngw aiqiuu Liw ee sii, Liw iuguann dui' tnix ngar lyc tniax, dauc dauc jiauww Liw ee linbinw jinxqiur inx;
29 Qycc kuanwqair inx, rair beh inxcua inx qui'ngr Liw ee ludhuad. Inx qniaa dairjir qiaugno, m tniatanr Liw ee qaiwbing, qanhuan Liw hiaxee huatdo, (langg narr qniaa ix, beh dui' ix did diyc uac :ee,) uat dngw qingtauu, gni amrqunw, m kingw tniatanr.
30 Liw jerje nii kuan'iongg inx, qycc ing Liw ee sinn tog Liw hiaxee sendix laii duiww inx juer qanjingr, inx iuguann m tniatanr; soxiw Liw jiong' inx qaux dirr ledqog ee vecsnir ee ciuw.
31 Liw dui' Liw ee dua linbinw, byy itjin bet inx, iarr byy vangwsag inx; in'ui Liw si u undenw, u linbinw ee Siongrder.
32 Dnaxx guanw ee Siongrder ar, Liw si jiww dua, u quanlingg, tangx qnia'uir, siuw iog, ju'air ee Siongrder. Guanw ee qun'ongg, siuxlingw, jewsix, sendix, ledjow qapp Liw ee jiongww vecsnir, dui' Assylia led'ongg ee sii qaur qinaxzit soxx duw .diyc itcer ee koxlan, qriuu Liw byc did liac juer siyxkuaw.
33 Qniwnarr guanw soxx duw .diyc .ee, Liw si qonggi; in'ui Liw soxx qniaa :ee si jinsit, guanw soxx qniaa :ee si pnaiw.
34 Guanw ee qun'ongg, siuxlingw, jewsix, ledjow, longxx byy junsiuw Liw ee ludhuad, m tniatanr Liw ee qaiwbing, qapp Liw ee qanjingr, dyrr si Liw duiww inx soxx qanjingr ee ue.
35 Inx dirr inx ee vunxqog, dirr Liw sninxsur inx dua hokkir, qapp Liw dirr inx ee binrjingg soxx sniuxsur kuacdua vuisuiw ee de, byy hogsai Liw, iarr byy uat dngw lirkuix inx ee pnaiw ee soxx qniaa.
36 Guanw qinaxzit juer lovok; Liw soxx sniuxsur guanw ledjow ee de, tangx jiac ix ee quexjiw, ixqip hyw ee mic. Knuar ar, guanw dirr jitt xee de juer lovok.
37 Jitt xee de cud jerje mic, qruix dirr led'ongg, dyrr si Liw in'ui guanw ee jue, Liw soxx setlip laii quanxhad guanw :ee, inx cutjai iwsur quanxhad guanw ee sinkux qapp guanw ee jingsnix; guanw duw diyc dua huanrlan."
38 In'ui jex itcer ee su, guanw lip kaksit ee iog; siaw bingg ix. Guanw ee siuxlingw, Levilangg, qapp jewsix, longxx kamr inr.
10 Kamr rinr :ee, si Hakaliah ee qniaw jongxdog Nehemiah, qapp Zedekiah.
2 Selaiah, Azaliah, Jelemiah,
3 Pasur, Amaliah, Malqijah,
4 Hattus, Sebaniah, Malluc,
5 Halim, Melemot, Obadiah,
6 Daniel, Ginneton, Baluc,
7 Mesullam, Abijah, Mijamin,
8 Maaziah, Bilgai, Semaiah, dingxbin jiaxee si jewsix.
9 Qycc u Levilangg, dyrr si Azaniah ee qniaw Jesua, Henadad ee qniaw Binnui, Kadmiel;
10 Iauxx u inx ee hniadi Sebaniah, Hodiah, Kelita. Pelaiah, Hanan,
11 Mika, Rlehob, Hasabiah,
12 Zackur, Selebiah, Sebaniah,
13 Hodiah, Bani, Beninu.
14 Qycc u vecsnir ee taulangg; dyrr si Palos, Pahat Moab, Elam, Zattu, Bani,
15 Bunni, Azgad, Bebao,
16 Adonijah, Bigvai, Adin,
17 Ater, Hezekiah, Azur,
18 Hodiah, Hasum, Bezai,
19 Halif, Anatot, Nebai,
20 Magpias, Mesullam, Hezir,
21 Mesezabel, Zadok, Jaddua,
22 Pelatiah, Hanan, Anaiah,
23 Hosea, Hananiah, Hassub,
24 Hallohes, Pilha, Sobek,
25 Rlehum, Hasabnah, Maaseiah,
26 Ahiah, Hanan, Anan,
27 Malluc, Halim, Baanah.
28 Qi'uu ee vecsnir, jewsix, Levilangg, qor mngg :ee, cniuwquax :ee, dirr dxen-lai juer ceing :ee, ixqip itcer qapp ledvangx ee vecsnir qeh kuix laii quihok Siongrder ee ludhuad :ee, qapp inx ee bow, inx ee qniaw, inx ee jaboxqniaw, qniww e hiauxdid e bingvik :ee,
29 Longxx qetlenn inx ee hniadi inx ee quiwjok, jiuwjow jiuwjua beh juntanr Siongrder ee ludhuad, dyrr si Siongrder ee lovok Moses soxx tuansiu :ee, jipsiuw juntanr Jehovah, lanw ee Jruw itcer ee qaiwbing huatdo, ludle;
30 Iarr byy beh jiong' guanw ee jaboxqniaw puer hro jitt soxjai ee vecsnir, iarr byy beh uirr guanw ee qniaw crua inx ee jaboxqniaw.
31 Jitt soxjai ee vecsnir, narr dirr Anhiyczit duar huewmic iacc si gnoxqog laii bre, guanw dirr Anhiyczit iacc si sxingr zit, guanw byy beh qra inx brew; qaur derr cid nii byy beh jingwjyh; qniwnarr kiamr guanw :ee byy beh qra ix tyw.
32 Guanw qycc uirr qaqi dniardiyc le, dagg nii dagg langg diyhh lap sekel ee snax hxun jit, juer guanw ee Siongrdewden ee loring;
33 Dyrr si uirdiyhh vailet ee vniaw, qapp siongsiongg henr ee sowjer, qapp siongsiongg henr ee siyjer, qapp Anhiyczit, guec ee ceid, qapp jecqii soxx henr :ee, qapp sxingr ee mic, ixqip siogjue ee jrer, dyrr si uirr Islaellangg siogjue :ee, ixqip guanw ee Siongrder dxen-lai itcer ee loring.
34 Guanw jiaxee jewsix, Levilangg, qapp vecsnir liamx kaux, jiauww guanw ee jongjok, dirr dagg nii dniardiyc ee sii, duar henwjer ee caa qaur guanw Siongrder ee dxen, siyx dirr Jehovah, guanw ee Siongrder ee dnxuaa, jiauww ludhuad soxx qiwjair :ee;
35 Qycc dagg nii jiong' guanw derjniu kixtauu sik ee toxsanw, qapp dagg hy ciu kixtauu sik ee quexjiw, duar qaur Jehovah ee dxen;
36 Qycc jiauww ludhuad soxx qiwjair, jiong' guanw ee qniaw qapp jingsnix kixtauu snix :ee, ixqip guu-qrunn ngiuu-qrunn kixtauu snix :ee, duar qaur guanw ee Siongrder ee dxen, qaur guanw ee Siongrder ee dxen-lai decc hogsai ee jewsix;
37 Iarr jiong' guanw kixtauu cud ee behhunw, ixqip guanw ee quxjer ee lexmic, qapp dagg ngiu ciu ee quexjiw, sinx jiuw, qapp iuu, duar hro jewsix, siuzip dirr guanw ee Siongrder ee dxen ee kowvangg; jiong' guanw derjniu soxx siusingg :ee, jap hxun jit hro Levilangg, in'ui Levilangg dirr guanw itcer cud toxsanw ee sniaa, did diyc jap hxun jit.
38 Levilangg cruw jap hxun jit ee sii, Aalon ee qniaxsunx diongx ee jewsix diyhh u jit xee qapp Levilangg dilehh; Levilangg iarr diyhh jiong' jap hxun jit xee jap hxun jit duar qaur guanw ee Siongrder ee dxen, qaur vangqingx, siuzip huxkor.
39 In'ui Islaellangg qapp Levilangg, diyhh ing inx quxjer ee gnoxqog, sinx jiuw, qapp iuu, duar qaur siukngr sxingr sow ee kiwqu ee vangqingx, dyrr si damdngx jitt xee jewsix, qor mngg :ee, cniuwquax :ee, soxx diamr ee vangqingx; anxnix guanw dyrr byy beh vangwsag guanw ee Siongrder ee dxen.
11 Vecsnir hiaxee siuxlingw diamr dirr Jelusalem; qi'uu ee vecsnir liamx kaux, muixx jap langg diongx hro jit langg laii diamr dirr sxingr sniaa Jelusalem,
2 Hitt qauw xee qamguan laii diamr dirr Jelusalem :ee, vecsnir longxx qra inx jiokhog.
3 Islaellangg, jewsix, Levilangg, dirr dxen-lai juer ceing :ee, qapp Solomon ee lovok ee horer, longxx diamr dirr Judah hiaxee sniaa, dag'ee diamr dirr inx ee giap, inx ee sniaa. Vunxsingw ee taulangg, diamr dirr Jelusalem :ee, qir dirr erbin.
4 Judah ee qniaxsunx, qapp Benjamin ee qniaxsunx, uree diamr dirr Jelusalem. Sriok Judah ee qniaxsunx, Pelez ee horer, Uziah ee qniaw Ataiah, Uziah si Zeqaliah ee qniaw, Zeqaliah si Amaliah ee qniaw, Amaliah si Sefatiah ee qniaw, Sefatiah si Mahalalel ee qniaw.
5 Qycc u Baluc ee qniaw Maaseiah, Baluc si Kolhozeh ee qniaw, Kolhozeh si Hazaiah ee qniaw, Hazaiah si Adaiah ee qniaw, Adaiah si Joialib ee qniaw, Joialib si Zeqaliah ee qniaw, Zeqaliah si Selahlangg ee qniaw.
6 Pelez ee qniaxsunx diamr dirr Jelusalem :ee, qiong u sir-vah lak-jap-veh xee iongxsu.
7 Sriok Benjamin qniaxsunx :ee, u Mesullam ee qniaw Sallu. Mesullam si Joed ee qniaw, Joed si Pedaiah ee qniaw, Pedaiah si Kolaiah ee qniaw, Kolaiah si Maaseiah ee qniaw, Maaseiah si Itiel ee qniaw, Itiel si Jesaiah ee qniaw.
8 Ix ee duewau u Gabbai, Sallai, qiong qauw-vah zi-jap-veh langg.
9 Ziqli ee qniaw Joel si inx ee qnuadniuw; Hassenuah ee qniaw Judah juer hitt xee sniaa ee huwqnuax.
10 Sriok jewsix :ee u Joialib ee qniaw Jedaiah, Jaqin;
11 Iauxx u quanxliw Siongrder ee dxen ee Selaiah. Selaiah si Hilkiah ee qniaw, Hilkiah si Mesullam ee qniaw, Mesullam si Zadok ee qniaw, Zadok si Melaiot ee qniaw, Melaiot si Ahitub ee qniaw;
12 Iauxx u inx ee hniadi dirr dxen-lai damdngx jithun :ee, qiong veh-vah zi-jap-zi langg. Qycc u Jeloham ee qniaw Adaiah. Jeloham si Pelaliah ee qniaw, Pelaliah si Amzi ee qniaw, Amzi si Zeqaliah ee qniaw, Zeqaliah si Pasur ee qniaw, Pasur si Malqijah ee qniaw;
13 Iauxx u ix ee hniadi juer jogdiuw :ee, nng-vah sir-jap-zi langg. Qycc u Azalel ee qniaw Amassai. Azalel si Ahzai ee qniaw, Ahzai si Mesillemot ee qniaw;
14 Iauxx u inx ee hniadi dua quanlingg ee iongxsu, qiong jit-vah zi-jap-veh langg. Haggedolim ee qniaw Zabdiel si inx ee qnuadniuw.
15 Levilangg diongx, u Hassub ee qniaw Semaiah, Hassub si Azlikam ee qniaw, Azlikim si Hasabiah ee qniaw, Hasabiah si Bunni ee qniaw.
16 Qycc u Levilangg ee taulangg Sabbetai qapp Jozabad, quanxliw Siongrdewden ee guarsu.
17 Dirr qidyw qamxsia cuartauu si Mika ee qniaw Mattaniah. Mika si Zabdi ee qniaw, Zabdi si Asaf ee qniaw. Qycc u Mattaniah ee hniadi; qycc u Bukbukiah dirr ix ee hnixdi diongx juer derr zi :ee; iauxx u Sammua ee qniaw Abda, Abda si Galal ee qniaw, Galal si Jedutun ee qniaw.
18 Dirr sxingr sniaa diongx ee Levilangg, qiong nng-vah veh-jap-sir langg.
19 Qor mngg :ee Akkub, qapp Talmon, qapp inx ee hniadi decc siuw mngg :ee, qiong jit-vah cid-jap-zi langg.
20 Qi'uu ee Islaellangg, jewsix, Levilangg, diamr dirr Judah dagg xee sniaa, dagg langg dirr inx ee giap ee de.
21 Dirr dxen-lai juer ceing :ee, inx diamr dirr Ofel; Ziha qapp Gispa juer inx ee tauu.
22 Mika ee guansunx, Mattaniah ee jingsunx, Hasabiah ee sunx, Bani ee qniaw Uzi, dirr Jelusalem quanw Levilangg, ix si cniuwquax :ee Asaf ee qniaxsunx, quanxliw Siongrdewden ee surbu.
23 In'ui ongg uirdiyhh inx laii cud bingrling, dagg zit u dniardiyc ee hunrgiac qiongqib hiaxee cniuwquax ee langg.
24 Judah ee qniaw, Zelah ee qniaxsunx, Mesezabel ee qniaw Petahiah, dirr ongg ee vorha vanrliw Judah vecsnir itcer ee su.
25 Lun qaur hiaxee hniusia qapp inx ee cande, u Judahlangg diamr dirr Kiliat Arba qapp ix ee hniusia, Dibon qapp ix ee hniusia, Jekabzeel qapp ix ee hniusia;
26 qycc dirr Jesua, Moladah, Betpelet,
27 Hazarsual, Beerseba qapp ix ee hniusia;
28 Qycc dirr Ziklag, Mekonah qapp ix ee hniusia;
29 Qycc dirr Enlimmon, Zolah, Jarmut,
30 Zanoah, Adullam qapp inx ee hniusia, Laqis qapp ix ee cande, Azekah qapp ix ee hniusia. Inx soxx diamr ee derhngx, si dui' Beerseba qaur Hinnom ee snuaqog,
31 Benjaminlangg dui' Geba kiw, diamr dirr Micmas, Ai, Betel, qapp ix ee hniusia;
32 Anatot, Nob, Ananiah,
33 Hazor, Rlamah, Gittaim,
34 Hadid, Zeboim, Neballat,
35 Lod, Ono, qangcniu ee snuaqog.
36 Levilangg ee diongqanx, u quixnarr vanx diamr dirr Judah :ee, dnaxx qruix dirr Benjamin.
12 Qapp Sealtiel ee qniaw Zelubbabel qapp Jesua drangg jnriu .laii ee jewsix, qapp Levilangg qir dirr erdew. Selaiah, Jelemiah, Ezla,
2 Amaliah, Malluc, Hattus,
3 Sekaniah, Rlehum, Melemot,
4 Iddo, Ginnetoi, Abijah,
5 Mijamin, Maadiah, Bilgah,
6 Semaiah, Joialib, Jedaiah,
7 Sallu, Amok, Hilkiah, Jedaiah. Jiaxee langg dirr Jesua ee sii juer jewsix qapp inx hniadi ee tauu.
8 Levilangg Jesua, Binnui, Kadmiel, Selebiah, Judah, Mattaniah. Jitt xee Mattaniah qapp ix ee hniadi quanxliw ylyw, qamxsia ee su.
9 Inx ee hniadi Bakbukiah qapp Unno, jiauww inx ee vanlet, qapp inx sna' duir.
10 Jesua snix Joiakim, Joiakim snix Eliasib,
11 Eliasib snix Joiada, Joiada sniax Jonatan, Jonatan snix Jaddua.
12 Dirr Joiakim ee sii, jewsix juer jogdniuw :ee, Selaiah-jok u Melaiah; Jelemiah-jok u Hananiah;
13 Ezla-jok u Mesullam; Amaliah-jok u Jehohanan;
14 Malluqi-jok u Jonatan; Sebaniah-jok u Josef;
15 Halim-jok u Adna; Melaiot-jok u Helkai;
16 Iddo-jok u Zeqaliah; Ginneton-jok u Mesullam;
17 Abijah-jok u Ziqli; Miniamin-jok, Moadiah-jok u Piltai;
18 Bilgah-jok u Sammua; Semaiah-jok u Jehonatan;
19 Joialib-jok u Mattenai; Jedaiah-jok u Uzi;
20 Sallai-jok u Kallai; Amok-jok u Eber;
21 Hilkiah-jok u Hasabiah; Jedaiah-jok u Netanel.
22 Lun qaur Levilangg, dng' Eliasib, Joiada, Jonatan, Jaddua ee sii, inx ee jogdniuw longxx u qir miaa, jewsix iarr si anxnix, didqaur Persia Ongg Dalius ee sii.
23 Levilangg juer jogdniuw :ee, qir dirr ligdai ee ceh, qaur Eliasib ee qniaw Jonatan ee sii.
24 Levilangg jogdniuw Hasabiah, Selebiah, Kadmiel ee qniaw Jesua, qapp inx ee hniadi sna' duir, jit vanx jit vanx sna' ngr decc ylyw, qamxsia, jiauww Siongrder ee lovok David soxx bingrling :ee.
25 Mattaniah, Bakbukiah, Obadiah, Mesullam, Talmon, Akkub, si qor mngg :ee, dyrr si qowsiuw sniamngg ee kowvangg.
26 Jiaxee longxx si dirr Jehozadak ee sunx Jesua ee qniaw Joiakim ee sii, qapp jongxdog Nehemiah qapp jewsix qinghagsu Ezla ee sii.
27 Dng' Jelusalem hongrhenr sniacniuu ee sii, inx kir Levilangg soxx diamr ee soxjai cue inx, beh duar inx qaur Jelusalem, beh ing hnuahiw, qamxsia, cniuwquax, kauvuac, dnuaa srig, dnuaa kimm, qniaa hongrhenr ee lew.
28 Cniuwquax :ee dui' Jelusalem siwuii ee vningiuu, qapp dui' Netofah ee hniusia laii jurjip;
29 Qycc dui' Betgilgal, iarr dui' Geba qapp Azmavet ee cann laii; in'ui cniuwquax :ee dirr Jelusalem siwuii uirr qaqi qenwlip hniusia.
30 Jewsix Levilangg cingkir qaqi iarr cingkir vecsnir, ixqip sniamngg sniacniuu.
31 Guaw cua Judah hiaxee siuxlingw jnriu sniacniuu dingw, vunx ylyw, qamxsia :ee juer nng dua dui; jit dui dirr sniaa-dingw dui' jniar vingg ngr Vunwsyr Mngg kir;
32 Duer dirr inx ee aurbin :ee u Hosaiah, qapp Judah siuxlingw ee jidvnuar;
33 Qycc u Azliah, Ezla, Mesullam,
34 Judah, Benjamin, Semaiah, Jelemiah;
35 Qycc u jewsix ee qniaw quixnarr langg giac hyrtauu :ee. Jonatan ee qniaw Zeqaliah, Jonatan si Semaiah ee qniaw, Semaiah si Mattaniah ee qniaw, Mattaniah si Mikaiah ee qniaw, Mikaiah si Zackur ee qniaw, Zackur si Asaf ee qniaw;
36 Qapp ix ee hniadi Semaiah, Azalel, Milalai, Gilalai, Maai, Netanel, Judah, Hanani, longxx tec Siongrder ee lovok David ee gagkir; qinghagsu Ezla juer inx ee taujingg.
37 Inx dirr Juixjnuaa Mngg ee duiwbin, dui' David Sniaa ee qiaaxjanr jnriu .kir, dyrr si jnriu sniacniuu ee soxjai, si David ongqiongx ee soxjai, si David ongqiongx ee dingxbin, ngr dangx kir qaur Juiw Mngg.
38 Derr zi dui ylyw, qamxsia ee langg beh qniaa kir qapp hitt jit dui sna' duw .diyc, guaw qapp vecsnir ee jidvnuar qinduer inx, dirr sniacniuu dingw qingquer huexloo ee lxauu, qaur kuankuah e sniacniuu,
39 Qycc quer Eflaim Mngg, Qu Mngg, Hii Mngg, Hananel Lxauu, Vah Lxauu, qaur Ngiuu Mngg, dyrr tingkax kia dirr horer ee mngg.
40 Dui' anxnix jitt nng dui ylyw, qamxsia ee langg kia dirr Siongrder ee dxen, lenrr guaw qapp qnuadniuw ee jidvnuar iarr dirr haix kia;
41 Iauxx u jewsix Eliakim, Maaseiah, Miniamin, Mikaiah, Elioenai, Zeqaliah, Hananiah, longxx giac hyrtauu;
42 Qycc u Maaseiah, Semaiah, Eleazar, Uzi, Jehohanan, Malqijah, Elam, qapp Ezer. Cniuwquax :ee qapp inx ee taulangg Jezlahiah longxx dua sniax cniur.
43 Hitt zit jingwlangg henr dua jewsu qycc hnuahiw; in'ui Siongrder hro inx dua hnuahiw kuaiwlok; hurzinlangg qapp ginxaw iarr longxx hnuahiw, drir qaur Jelusalem hnuahiw ee sniax tniax qaur hng hng.
44 Dng' hitt zit, dyrr pair langg quanxliw kowvangg, uirdiyhh huewjaii, quxjer ee mic, kixtauu sik :ee, qapp soxx cruw ee jap hxun jit, dui' dagg xee sniaa ee canbow, jiauww ludhuad soxx dniardiyc siux laii qiongqib jewsix qapp Levilangg ee hunrgiac, longxx kngr dirr hitt lairbin. Judahlangg in'ui jewsix qapp Levilangg damdngx jithun dyrr hnuahiw.
45 Inx siuw inx ee Siongrder soxx qaudair :ee, iarr anxnix juer, jiauww David qapp ix ee qniaw Solomon ee bingrling.
46 In'ui jaw dirr David qapp Asaf ee zit u gagqongx quanxliw cniuwquax :ee, ixqip ylyw, qamxsia Siongrder ee siquax.
47 Dng' Zelubbabel ee zit, qapp Nehemiah ee zit, Islael jingwlangg jiong' dagg zit ingqaix ee hunrgiac, qiongqib cniuwquax :ee, qor mngg :ee, iarr hunvet mic juer sxingr laii qiongqib Levilangg; Levilangg iarr hunvet mic juer sxingr laii qiongqib Aalon ee qniaxsunx.
13 Hitt zit langg tak Moses ee ceh hro vecsnir tniax, duw diyc ceh-lai u qir qongxx, "Amonlangg qapp Moablangg ingxuanw berdid tangx zip Siongrder ee hue;
2 In'ui inx byy ing jiahmic qapp juiw, laii gniajih Islaellangg, huanxdngw cniar Balaam laii jiuwjow inx; guanw ee Siongrder hro hitt xee jiwujow venr juer jiokhog."
3 Inx tniax qnir ludhuad liauxau, dyrr dui' Islael diongx vunx kuix hiaxee jap jok ee langg.
4 Jitt xee dairjir ixjingg, quanxliw guanw ee Siongrder dxen-lai ee vangqingx ee jewsix Eliasib qapp Tobiah qetbingg,
5 Dyrr uirdiyhh ix virvan jit qingx dua qingx vangg. Jingg dirr hitt qingx si siukngr sowjer, zuxhniux, kiwqu, qapp jiauww le qiongqib Levilangg, cniuwquax :ee, qor mngg :ee, gnoxqog, sinx jiuw, qapp iuu ee jap hxun jit, qapp qruix hro jewsix quxjer ee mic.
6 Dng' hitt sii guaw byy dirr Jelusalem; in'ui Babylon Ongg Artajerjes snax-jap-zi nii, guaw uat kir ongg hiax; quer quixnarr zit guaw duiww ongg qywqer.
7 Guaw qaur Jelusalem dyrr jaix Eliasib uirr Tobiah soxx qniaa ee pnaiw dai, dirr Siongrdewden ee ngi-lai, uirr ix virvan jit qingx vangg.
8 Guaw dyrr jin' vecvag, jiong' Tobiah itcer ee qakir, longxx dui' vangg-lai hed .cud .kir.
9 Guaw cud bingrling, langg dyrr cingkir hiaxee vangqingx; zen'au guaw jiong' Siongrder dxen-lai ee kiwqu, qapp sowjer, zuxhniux, qycc vnuax .zip .laii.
10 Guaw iarr jaix Levilangg soxx ingqaix did .diyc ee hunrgiac byy hro inx, drir qaur damdngx jithun ee Levilangg qapp cniuwquax :ee, dag'ee dyr kir inx ee canhngg.
11 Guaw dyrr cud lat jikvi hiaxee qnuadniuw, qra inx qongw, "Siongrder ee dxen sniaw su vangr honghuer ar?" Guaw dyrr jurjip Levilangg, hogdyr inx ee guanzim.
12 Dui' anxnix Judah ee jingwlangg jiong' gnoxqog, sinx jiuw, qapp iuu ee jap hxun jit, duar zip kowvangg.
13 Guaw setlip jewsix Selemiah, qinghagsu Zadok, qapp Levilangg Pedaiah juer kowvangg ee qnruax, quanxliw kowvangg. Huwqnuax si Hanan, Hanan si Zackur ee qniaw, Zackur si Mattaniah ee qniaw. Guaw knuar jitt quiw langg si jinrdiongx :ee; inx ee jithun si hunhuad mic hro inx ee hniadi.
14 Guaw ee Siongrder ar, qriuu Liw in'ui jitt xee su diyhh qiwliam guaw, byc did catsiaux guaw uirdiyhh Siongrder ee dxen, qapp qidiongx hiaxee denxlew, soxx qniaa ee hyw su.
15 Dng' hiaxee zit, guaw dirr Judah knuar qnir langg dirr Anhiyczit dac jiuxkud, vnuax diurkunw, qycc hro luu jair; qycc ing jiuw, pudyy, buhuaqyw, qapp dagg ngiu ee dnar, dirr Anhiyczit dnax zip Jelusalem. Guaw dyrr dirr inx bre jiac mic hitt zit jikvi inx.
16 Qycc u Tylelangg diamr dirr hitt diongqanx, duar hii qapp dagg ngiu ee huewmic, dirr Anhiyczit bre hro Judahlangg, dirr Jelusalem.
17 Guaw dyrr cud lat jikvi Judah hiaxee quiwjok, qra inx qongw, "Linw qniaa jitt hy pnaiw qanhuan Anhiyczit si sniaw su ar?
18 Jingg linw ee ledjow anxnix qniaa, lanw ee Siongrder qamxx byy jiong' jitt xee itcer ee jaieh limqaur lanw qapp jitt xee sniaa mah? Dnaxx linw iauxquxx huan diyc Anhiyczit, hro siurkir limqaur Islael ithuad siongdiong."
19 Dirr Anhiyczit jingg, honghunx ee sii, guaw dyrr bingrling langg qnuaix Jelusalem ee sniamngg, qycc bingrling Anhiyczit bue quer m tangx kuix. Guaw pair guaw quixnarr xee lovok quanxliw sniamngg, benw did u langg dirr Anhiyczit dnax simxmih dnar zip .laii.
20 Dui' anxnix singlixlangg, qapp huanwbe dagg hxang huewmic :ee, jit~nng vaiw hiycmii dirr Jelusalem ee sniaa-gua.
21 Guaw dyrr jikvi inx qongxx, "Linw sniaw su hiycmii dirr sniamngkauw ar? Narr qycc anxnix, guaw beh herciuw liac linw." Dui' jitt diap ixau, inx dirr Anhiyczit byy qycc laii.
22 Guaw bingrling Levilangg cingkir qaqi, laii qowsiuw sniamngg, hro Anhiyczit juer sxingr. Guaw ee Siongrder ar, qriuu Liw in'ui jitt xee su laii qiwliam guaw, jiauww Liw ee dua juvix laii tniawsiyh guaw.
23 Dng' hiaxee zit guaw iarr knuar qnir Judahlangg crua Asdod, Ammon, Moab ee jaboxqniaw juer bow.
24 Inx ee qniaxzii qongxue, jidvnuar qongw Asdod ee ue, berhiauw qongw Judah ee ue, soxx qongw :ee dyrr si jiauww dagg jok ee kniux.
25 Guaw dyrr dua dua jikvi inx, me inx, pah inx quixnarr langg, cuah inx ee taumngg, qiyr inx qiw Siongrder laii jiuwjua, qongw, "Linw m tangx qra qaqi ee jaboxqniaw qer hro inx ee qniaw, iarr m tangx uirr linw ee qniaw, linw vunxsinx, crua inx ee jaboxqniaw.
26 Islael Ongg Solomon qamxx m si dirr jitt hy su huanrjue mah? Dirr jerje qog ee diongqanx byy jit xee ongg cincniu ix, qycc did diyc ix ee Siongrder tniar ix, Siongrder setlip ix juer Islael juann qog ee ongg; danrsi guarvangx ee jaboxqniaw siongrcniaw hro ix huanrjue.
27 Anxnix guanw qamxx tangx yc linw qniaa jitt hy dua pnaiw, crua guarvangx ee luxjuw, qanhuan lanw ee Siongrder mah?"
28 Jewsitauu Eliasib ee sunx, Joiada ee qniaw, u jit xee si Holonlangg Sanballat ee qniaxsair; guaw dyrr qnuaw ix lirkuix guaw.
29 Guaw ee Siongrder ar, qriuu Liw qir did inx; in'ui inx pah lasamm jewsix ee jithun, vue jewsix Levilangg ee iog.
30 Anxnix guaw qra inx druu kir itcer guarvanglangg ee kuanw, qycc setlip jewsix qapp Levilangg ee vanx, qokk jin inx ee jithun;
31 Liaurliw dniardiyc qrii, siyjer ee caa, ixqip kixtauu sik ee toxsanw. Guaw ee Siongrder ar, qriuu Liw qiwliam guaw, sniuxsur guaw hokkir.