TAUSU
Virvan jitt vunw ceh ee bogdig si beh juer snax dringw ee langg ee loring: tauu jit dinghy si u vni ee langg, ngwbang inx ee qankow e kacc kinx; derr zi dringw si Daiuanlangg qapp dirr vadd xui erhiauw tak Ermngg kniux ee langg, ngwbang inx duiww soxx tak :ee e kacc gauu kanwho vnirlangg, iarr qaqi e kacc mrbenw duw diyc puawvni; derr snax dringw si guarqog suanqauwsux.
U kiyh doo quixnarr vah xee, in’ui pacsngr langg narr qanda’ tak ceh, iwsur qiamxcaiw be bingg, jongw .si narr u doo tangx knuar, hitt xee qenwsig e dui’ bagjiux zip, jid’err knuar jiurr jaix iwsur. Jongw .si kacc iauwqinw :e, diyhh jimjiog knuar doo ee suatbingg qapp ceh duiwjiaur, qaur iwsur longxx liauxqaiw, jiacc kacc u lirig. Narr byy anxnix lenrsip qaur sik, qanda’ knuar hiaxee doo si bycaiw qangx. Juer jiaxee doo kaihuir vutjiw je, qidiongx u hyw ving’iuw quixnarr langg vutjiw janwsingg laii qiawhur. In’ui anxnix jitt diap siaw quiw qxur suar qra inx sueh dysia. Iarr u qangxqiur zi-jap gua vunw Ingguw ceh, knuar u simxmic su, duxduxx hap lanw ee loring. Inx ee miaa u qir dirr Ingguw tausu.
Dirr jiax beh siyxkuaw tee kiw jit~nng hxang, ngwbang led’ui hnuahiw tniax, jiurr si soxx decc ing ee ue, ursii veh’ue, ursii zirganw. Derr id huiwkir si jitt xee su, in’ui sriok dirr ihak, iacc si kanwhorhak ee ue, lanw veh’ue iauxx bue u; qovutjiongx diyhh duiww Zidvunw ceh, iacc si Cina Ceh huan’ik kiw laii. Jiaxee ue u qapp quixnarr xui ee sensnix camsiongg. Kacc siongg soxx ing ee genguw, si duiww Onda Sangr ee zirdenw, jongw .si uree si duiww vadd xui ee. Ursii si jin’ yh did quatding diyhh ing dyc’ui jit zri. Pixzinn bingbingg jaix u cywgo dilehh, jongw .si ngwbang led’ui narr knuar u soxjai, simxmic zir kacc hap ing, huiwsinn tongdix.
Lun ing len’uic ee lixkir, ursii jit qxur ue u ing jin’ je len’uic, iwsur si beh hro tak ee langg kacc bingg. Piwlun “siongrdairjingrmec,” jitt xee miaa si jriw jit diauu digvet huicqngw, soxiw longxx len’uic, e hro langg jaix jitt xee si qaixpywhak ee jit hxang mic. Qongw “kipqakdirliauhuat,” iuguann si jriw jit kuanw digvet ee huatdo. U langg qongw narr u jitt hxang iwsur, kiokk tak e kacc kuair bingvik.
Ceh-buew u vaii jit xee guxlui, ing Lymaxzi, Hanwzi, Ingguw, duiwjiaur. Ngwbang e hro tak-ceh ee langg kacc kuair jaix boxmic ue si duiww simxmic zri ing.
Draur vangjan juer jitt xee qangx si quixnarr xee ving’iuw, Daiuanlangg. Jiaxee jiurr si Danns qxunx Enlingg, decc juer ee kixtauu, ix qra guaw draur vangjan; Limms qxunx Dingdongr si Daiuann Ihaghau cutgiap ee isux; decc virvan derr id pnix ee sii, dirr quixnarr xui ix u draur jimjiog, iarr u srunn quixnarr jap jniux, laii jimgo quixnarr vaiw. Queh qxunx Maxsex u quer srunn jit vorhun; Jiyc sri Sunwingx, jiurr si Der Isingniuu ee sensnix, u bad srunn qui’ vunw. Iarr samvutgorsii u duiww vadd xui ee sensnix lingxqaur. Lorbuew laii vangjan guaw si Dann qxunx Duarlyy; ix iarr u laii Hnuaivinx, inr-ceh ee sii juer jin’ dua loring. Lanw diyhh qra inx sueh dysia.
DER ZINSIU.
Daiuann, Dailamm, Sinlauu vnirngi.
Derr 1917 nii Qauw-guec derr zi-jap zit.