Lu Juxbingg huanik
Huandingx ee jit qingx tehngi, juxlangg hy jyr Cingsanx Juxsen.
Jniax-guec cezi jaixkiw vair sinn qriuu hog suah, dirr jauwkax, qanxvi Aqiog dngdecc qra jit quaw nguaw qapp vnuaa-aw siux hro hyser.
Jitt xee suiw suiw ee qanxvi Aqiog, q.-qniaqueh-q. decc jyr kangkuer. Ix si jiokk qniax liyc aw srid qakcad, qosngx ee juxlangg e dua snaix me, dua sniax lrew, qycc m jaix beh anxjnuaw qra ix koxdok.
Jitt sii Aqiog decc siusip dnaxdiap juxlangg soxx dinjongg vyxsiyh an’ Lamqniax quer .laii ee qxow vnuaa-aw. Hiaxee vnuaa-aw longxjongw u jap der. Aqiog qra sew hyw ee vnuaa-aw jit der jit der crid dax, hyw lew aw kngr zip kir vnix:a ee sniux-aw lairdew.
Jitt sii jit jiah vuii tngwtngr ee niaux-aw, m jaix an’ dycc jit dah jauw .laii, dairsuwqix tiaur jnriu dyh-dingw, qra jit buew hangx qaxx sox sox jiac byy uann ee hii-aw qa lehh dyrr jauw.
Aqiog sniu diyc jitt qekauw, jilii qiamx dangwsngx, lenrr caiwbuew nguaxjann hro niaux qa .kir marr e lrew vnuar qangx, dyrr beh kir duiqnuaw hitt jiah niaux-aw. Jid'err cneqongg byy jimjiok, ciuw nirr ee vnuaa-aw suacc lag lyc tokax, puar qaxx cruir qoqoo. Aqiog jit sii suacc gang .kir, suar .lyc .laii, binrsig venr qaxx cnex sunxsunw, qui’ singkux kurku junx. Ix knuar diyc hitt der vnuaa-aw berdangr venr huee guanhingg, qiongg beh hauw .cud .laii.
“Aqiog, liw nacc e jiacc nirr byy dniudii, ziaw cud jitt kuanw ee hyrduanx laii?”
Jauwkax lingrgua jit xee qanxvi qongw ue,
“Dnaxx liw beh anxjnuaw jiacc hyw?”
Ix knuar diyc Aqiog kurku junx kyxlenn ee mongiu, kuiwkauw dyrr venr kacc unsunn qongw,
“Qycc kacc vyxvuer, qigqex marr si jit der vnuaa-aw, byy qaxx hiacc giamdiong, liw benw huanlyw quer tauu lar.”
Jiacc qongw uann, tauqeniuu dyrr tniax diyc sniax qniaa laii jauwkax. Ix knuar diyc Aqiog bin-jingg puar qaxx cruir qoqoo ee vnuaa-aw, hionghiongg qra Aqiog ee taumngg lrak leh, dua sniax lrew,
“Hyw dua dnaw ee jenrzinn, liw iarr qnaw qra lauriaa dinjongg ee vnuaa-aw siag puar .kir, liw nacc e siag puar vnuaa-aw? Liw si anxjnuaw siag puar?”
Hurzinlangg lrew u .jit .kunr .ar, Aqiog longxx m qnaw cud sniax, qanda' qui’ singkux kurku junx. Jailan iauxx bue suah, Aqiog hro hurzinlangg tuax lecc qniaa, ox simwsimr q.-qngqut-q. ee taumngg venr qaxx snruar pongxpongw, binrsig cnex sunxsunw. Laii qaur Juxsen ee vangqingx,
“Lauriaa, dairjir jin’ hai, jitt xee caur jenrzinn qra liw ee vnuaa-aw longr puar .kir ar. “
“Siaxmic?” Juxsen an’ dyqer dingw vuec jit qix dyx cud .laii, qycc kngr dywdngw .kir.
“Bongrjongr qxuiw, tuax cud kir jamw driau.”
Hurzinlangg sniu qongxx sinjniax nii tauu cur-lai qnir hueh pnaiw qetdiau, dyrr qongw,
“Sinjniax nii tauu mair qnir hueh kacc hyw.”
Ix sniu qongxx Juxsen e qra rinr, “anxnex dyrr quer jap-go jiacc cuxliw.”
Nacc jaix Juxsen langg kia .kiw .laii, jit ciuw tec jit qix siyw dyx, lingrgua jit qix ciuw qra Aqiog ee jniar ciuw ciuxuanw liac lehh, tuax qaur gimjnii-kax, qra Aqiog ee ciuxjiangw cic dirr tokax, an’ diongx jnaiw dyrr qra ced .lyc .laii. Aqiog tniar .jit .xe langg suacc siw siw hrun hrun .kir.
Juxsen jitt sii simjingg tiongr .kiw .laii, qongw,
“Qra jitt xee jaxbow ginxaw vrow tuax kir qnuaix .kiw .laii.”
Jit xee siauwlenn qadingx qra Aqiog sintew kinx kinx aw py .kiw .laii, qniaa qaur jauwkax vnix:a jit qingx kangx vangg kngr lehh. Qang renn ee qanxvi qanda' erdangr dirr hng hng ee soxjai iong diyc dongjingg ee ganxqongx qimx qimx knuar, jit sud aw dyrr byy huatdo.
Danw qaur Aqiog ho’ngg kngr hyxser liauw, jingww langg jiacc uaw laii qra knuawqor. U qra vaux kangcuir :ee, u tec juiw hro limx :ee, u tec mihqnia hro jiac :ee, u jre ix vnix:a qra andah :ee, jingww langg duiww jitt xee kyxlenn ee jabow ginxaw si jiokk m qramx:ee. Aqiog juiw byy limx, mihqnia byy jiac, langg gong gong naxx hxunn byy diauu tew qang kuanw, diam diam jre dirr viacqag.
Quer quixlyhh qangx, Aqiog ee langg m jaix dyhh kir, Juxsen dua sniurkir, ix liaurqiyr Aqiog itding si dyjauw, dyrr bingrling ix ee vorha siwqer jauxcue liac langg.
Juxsen hitt sii si qnuahuw hrongg huew hrongg cat ee voxkuaiwtauu, u quaw quanlik, marr u jit quaw langg tangx cekenw. Jingww langg cue quixlyhh qangx longxx cue byy Aqiog ee hingjongx. Jitt sii u jit xee qadingx dirr qoxjnew vnix ee cauvox lairdew kiyh diyc Aqiog sowcing ee cauxee, dyrr tec laii qaux inx juxlangg. Juxsen jin’ hnuahiw, inui mrbenw qaqi satsingx taii siw langg.
Ix dyrr vywqyr qnuatniax qongxx Aqiog si puawvne laii siw, qnuahuw marr byy qycc duiqiur, kyxlenn ee jitt xee jabow ginxaw jurr anxnex dirr zinsewqanx laii siausid .kir.
Quixlyh qywguec longxx byy hongx byy iyy. Hitt nii ee Go-guec, hurzinlangg snex jit xee javox ngex:a, cutsir ee sii, hurzinlangg knuar diyc ngex:a ee jniar ciuw byy diongx jnaiw, ix hionghiongg kir sniu diyc Aqiog ee dairjir, jit sii juann singkux ee hueh cringr duiww taukag .kiw .laii, langg suacc hrun .kir.
Jurr hitt qangx kiw, muixx qaur amr sii, guehlairvangg cur-dingw ee ngee-aw qapp qoxjnew vnix, longxx e tniax diyc jabow ginxaw ee sniaimx, “Jit der, nng der, snax der,sir der,…” si decc sngr siaxmic? “…go der, lak der, cid der, veh der, qauw der.” Sngr qaxx qauw dyrr dongwdiam, qycc laii dyrr hauw cud sniax. Ho’ngg tniax diyc jin’ qankow, iurqycc jin’ kiongxvor. Suar .lyr, qoxjnew lairdew dyrr u jit pax cnesig huexdiamw sih .jit .xe, sih .jit .xe, qycc laii, jit xee taumngg dngg dngg snruar snruar, singkux sanw sanw ee jabow ginxaw hingngiaw puu .kiw .laii. Dagg amr longxx si anxnex. Hurzinlangg dairsingx dongr be diauu puawvne, cur-lai qadingx qapp qanxvi jit xee jit xee longxx qniax qaxx taulo srii lehh lirkuix .kir.
Juxsen marr qiyr langg kir qokk de snuax-dingw biyrsi camvair, tyw jin’ je ving’anx huu dngw laii dah. Marr cniaw jin’ je huatsux huesniu laii cur nirr jyr huad siuqnaix, quair su marr si itdit huatsingx.
Qnuahuw inui Juxsen byy huatdo cuxliw hyw qaqi cur-lai ee dairjir, dyrr qaixduu ix ee jitbu, budsiux ix ee jaisanw. Cingsanx jitt xee qajok cuxau dyrr lyhvyc .kir. Tehngi kngr dirr hiax pahngx, dyw .kir, huad cauw, liauxau venr jyr jit pxenr dua cauxvox.
Aqiog ee uanhunn qingquer Tuantongx Sirngi ee Liauxgu Siongrzinn qra ciaudo, jiacc did diyc qaixtuad.
guanjokjiaw: Kotarou Tanaka 田中貢太郎