Binsor Qir

1 Islaellangg cud Egipt-de ixau, derr zi nii ee Zi-guec ceid, Jehovah dirr Sinai ee kongwiaw, dirr huerbo diongx huanhur Moses qongxx,

2 "Linw diyhh jiong' Islael juann hue ee jongxsor, jiauww inx ee qekauw jongjok, jiauww langmiaa ee siauwgiac, sngr inx davox ee zindingx.

3 Qniwnarr Islael diongx, dui' zi-jap huer ixsiong, e cud kir qaujenr :ee, liw qapp Aalon diyhh jiauww inx ee qundui laii diamxsngr ix.

4 Muixx jipair diongx, diyhh u jit langg, juer inx ee jogdniuw laii vangjan linw.

5 Qapp linw kia juewduix ee langg, inx ee miazi qir dirr erdew. Sriok Rleuben :ee, u Sedeur ee qniaw Elizur.

6 Sriok Simeon :ee, u Zulisaddai ee qniaw Selumiel.

7 Sriok Judah :ee, u Amminadab ee qniaw, Nahson.

8 Sriok Issaqar :ee, u Zuar ee qniaw, Netanel.

9 Sriok Zebulun :ee, u Helon ee qniaw, Eliab.

10 Josef ee qniaxsunx sriok Eflaim :ee, u Ammihud ee qniaw, Elisama; sriok Manasseh :ee, u Pedahzur ee qniaw, Gamaliel.

11 Sriok Benjamin :ee, u Gideoni ee qniaw, Abidan.

12 Sriok Dan :ee, u Ammisaddai ee qniaw, Ahiezer.

13 Sriok Aser :ee, u Oclan ee qniaw, Pagiel.

14 Sriok Gad :ee, u Deuel ee qniaw, Eliasaf.

15 Sriok Naftali :ee, u Enan ee qniaw, Ahila. Jiaxee longxx si dui' hue-diongx qingxsuanw :ee, dagg xee juer inx vunxjipair ee siuxlingw.

16 Jiaxee longxx si Islael qundui diongx ee tongxlingw.

17 Moses qapp Aalon dyrr cua hiaxee siurr qiwmiaa ee langg; dirr Zi-guec ceid, diauwjip huerjiongr;

18 Inx dyrr jiauww inx ee zindingx, dui' zi-jap huer ixsiong, jiauww inx ee miagiac, jiauww inx ee qekauw jongjok, vailet inx ee sewhe.

19 Jehovah anxnix bingrling Moses, ix dyrr dirr Sinai ee kongwiaw diamwsngr inx.

20 Islael ee dua-qniaw, Rleuben qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, jiauww inx ee zindingx, dui' zi-jap huer ixsiong ee davox :ee, e cud kir qaujenr :ee;

21 Sriok Rleuben ee jipair qewsngr, sir-bxan lak-cingx go-vah miaa.

22 Simeon qniaxsunx ee sewhe, jiauww inx ee qekauw, inx ee jongjok, qewsngr :ee, jiauww langmiaa ee siauwgiac, jiauww inx ee zindingx, dui' zi-jap huer ixsiong ee davox :ee, e cud kir qaujenr :ee;

23 Sriok Simeon ee jipair qewsngr :ee, go-bxan qauw-cingx snax-vah miaa.

24 Gad qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

25 Sriok Gad ee jipair, qewsngr :ee, sir-bxan go-cingx lak-vah go-jap miaa.

26 Judah qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee,

27 Sriok Judah ee jipair, qewsngr :ee, cid-bxan sir-cingx lak-vah miaa.

28 Issaqar qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

29 Sriok Issaqar ee jipair, qewsngr :ee, go-bxan sir-cingx sir-vah miaa.

30 Zebulun qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

31 Sriok Zebulun ee jipair, qewsngr :ee, go-bxan cid-cingx sir-vah miaa.

32 Josef ee qniaxsunx, sriok Eflaim qniaxsunx ee sewhe, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

33 Sriok Eflaim ee jipair, qewsngr :ee, sir-bxan lenn go-vah miaa.

34 Manasseh qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

35 Sriok Manasseh ee jipair, qewsngr :ee, snax-bxan nng-cing nng-vah miaa.

36 Benjamin qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

37 Sriok Benjamin ee jipair, qewsngr :ee, snax-bxan go-cingx sir-vah miaa.

38 Dan, qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

39 Sriok Dan ee jipair, qewsngr :ee, lak-bxan nng-cing cid-vah miaa.

40 Aser qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

41 Sriok Aser ee jipair, qewsngr :ee, sir-bxan jit-cingx go-vah miaa.

42 Naftali qniaxsunx ee sewhe, jiauww inx ee qekauw, inx ee jongjok, jiauww langmiaa ee siauwgiac, dui' zi-jap huer ixsiong, e cud kir qaujenr :ee;

43 Sriok Naftali ee jipair, qewsngr :ee, go-bxan snax-cingx sir-vah miaa.

44 Jiaxee longxx si qewsngr :ee, si Moses, Aalon qapp Islael jap-zi xee siuxlingw soxx sngr :ee; inx dagg xee dairviauw inx ee jongjok.

45 Anxnix Islaellangg qewsngr :ee, jiauww inx ee jongjok, dui' zi-jap huer ixsiong, qniwnarr Islael diongx e cud kir qaujenr ee langg;

46 Dyrr si itcer qewsngr :ee qiong lak-jap-bxan lenn snax-cingx go-vah go-jap miaa.

47 Dogdok Levilangg jiauww joxqongx ee jipair, byy sngr jairlai.

48 In'ui Jehovah bad huanhur Moses qongxx,

49 "Dogdok Levi jipair liw m tangx diamxsngr, iarr m tangx dirr Islael diongx sngr inx ee jongxgiac.

50 Dogdok diyhh pair Levilangg quanxliw jingwqir ee huerbo, qapp qidiongx itcer ee kiwqu, qapp itcer sriok dirr hitt lairbin :ee; inx diyhh qrngx huerbo qapp qidiongx itcer ee kiwqu, iarr diyhh suhau huerbo, dirr ix ee siwuii anx ngiaa.

51 Huerbo beh kixsinx ee sii, diyhh Levilangg tiac ix; huerbo beh dah ee sii, diyhh Levilangg kia ix; ixgua ee langg qinruaw ix, dikkag diyhh sriu siw.

52 Islaellangg dah vowvnii, qokk jiauww inx ee qundui, qokk qruix inx ee vunxngiaa, qokk qruix inx ee duarqii.

53 Dogdok Levilangg diyhh dirr jingwqir ee huerbo siwuii anx ngiaa, benw did dua siurkir limqaur dirr Islael ee huerjiongr; Levilangg iarr diyhh siuw jingwqir ee huerbo ee jiksingg."

54 Islaellangg dyrr anxnix qniaa; qniwnarr Jehovah soxx bingrling Moses :ee, inx dyrr jiauww anxnix qniaa.

2 Jehovah huanhur Moses qapp Aalon qongxx,

2 "Islaellangg diyhh dagg xee dah ix ee vowvnii, dirr qaqi ee duarqii xe, dirr vunxjok ee qihy hiax, uii uii ngr huerbo jrad ngiaa.

3 Dirr dangsir ngr zit cud ee soxjai, jiauww inx ee qundui jrad ngiaa :ee, si diyhh Judah-ngiaa ee duarqii; u Amminadab ee qniaw Nahson juer Judahlangg ee siuxlingw.

4 Ix ee qundui, dyrr si qewsngr :ee, qiong u cid-bxan sir-cingx lak-vah miaa.

5 Uaw qin ix jrad ngiaa :ee si diyhh Issaqar ee jipair, u Zuar ee qniaw Netanel juer Issaqarlangg ee siuxlingw;

6 Ix ee qundui, dyrr si qewsngr :ee, qiong u go-bxan sir-cingx sir-vah miaa.

7 Qycc u Zebulun ee jipair; Helon ee qniaw Eliab juer Zebulunlangg ee siuxlingw;

8 Ix ee qundui, dyrr si qewsngr :ee, qiong u go-bxan cid-cingx sir-vah miaa.

9 Sriok Judah-ngiaa, jiauww ix ee qundui longxjongw qewsngr :ee, qiong u jap-veh-bxan lak-cingx sir-vah miaa; inx diyhh juewtauu kixsinx.

10 Dirr lamvingg, jiauww inx ee qundui, si Rleuben-ngiaa ee duarqii, u Sedeur ee qniaw Elizur juer Rleubenlangg ee siuxlingw;

11 Ix ee qundui, dyrr si qewsngr :ee, qiong u sir-bxan lak-cingx go-vah miaa.

12 Uaw qin ix jrad ngiaa :ee si Simeon ee jipair; Zulisaddai ee qniaw Selumiel juer Simeonlangg ee siuxlingw;

13 Ix ee qundui, dyrr si qewsngr :ee, qiong u go-bxan qauw-cingx snax-vah miaa.

14 Qycc u Gad ee jipair; Deuel ee qniaw Eliasaf juer Gadlangg ee siuxlingw;

15 Ix ee qundui, dyrr si qewsngr :ee, qiong u sir-bxan go-cingx lak-vah go-jap miaa.

16 Sriok Rleuben-ngiaa, jiauww ix ee qundui, longxjongw qewsngr :ee, qiong u jap-go-bxan jit-cingx sir-vah go-jap miaa; inx diyhh juer derr zi dui kixsinx.

17 Zen'au huerbo diyhh kixsinx, u Levilangg ee ngiaa dirr jiaxee ngiaa ee diongqanx, inx anxnix jrad ngiaa, diyhh jiauww anxnix kixsinx, qokk jiauww ix ee duarqii.

18 Dirr saivingg, jiauww inx ee qundui, si Eflaim-ngiaa ee duarqii; Ammihud ee qniaw Elisama juer Eflaimlangg ee siuxlingw;

19 Ix ee qundui, dyrr si qewsngr :ee, qiong u sir-bxan lenn go-vah miaa.

20 Uaw qin ix :ee, si Manasseh ee jipair; Pedahzur ee qniaw Gamaliel juer Manassehlangg ee siuxlingw;

21 Ix ee qundui, dyrr si qewsngr :ee, qiong u snax-bxan nng-cingx nng-vah miaa.

22 Qycc u Benjamin ee jipair; Gideoni ee qniaw Abidan juer Benjaminlangg ee siuxlingw;

23 Ix ee qundui, dyrr si qewsngr :ee, qiong u snax-bxan go-cingx sir-vah miaa.

24 Sriok Eflaim-ngiaa, jiauww ix ee qundui, longxjongw qewsngr :ee, qiong u jap-bxan lenn veh-cingx jit-vah miaa; inx diyhh juer derr snax dui kixsinx.

25 Dirr vakvingg jiauww inx ee qundui, si Dan ee ngiaa ee duarqii; Ammisaddai ee qniaw Ahiezer juer Dan ee langg ee siuxlingw;

26 Ix ee qundui, dyrr si qewsngr :ee, qiong u lak-bxan nng-cingx cid-vah miaa.

27 Uaw qin ix jrad ngiaa :ee si Aser ee jipair; Oclan ee qniaw Pagiel juer Aserlangg ee siuxlingw;

28 Ix ee qundui, dyrr si qewsngr :ee, qiong u sir-bxan jit-cingx go-vah miaa.

29 Qycc u Naftali ee jipair, Enan ee qniaw Ahila juer Naftalilangg ee siuxlingw;

30 Ix ee qundui, dyrr si qewsngr :ee, qiong u go-bxan snax-cingx sir-vah miaa.

31 Sriok Dan ee ngiaa, longxjongw qewsngr :ee, qiong u jap-go-bxan cid-cingx lak-vah miaa; diyhh qruix inx ee duarqii, juer lorbuew dui kixsinx."

32 Jiaxee si Islaellangg, jiauww inx ee jongjok qewsngr :ee, jiauww inx ee qundui, dirr jiaxee ngiaa-diongx, longxjongw qewsngr :ee, qiong u lak-jap-bxan lenn snax-cingx go-vah go-jap miaa.

33 Dogdok Levilangg byy sngr dirr Islaellangg ee lairbin; jex si jiauww Jehovah soxx bingrling Moses :ee, Islaellangg u anxnix qniaa.

34 Dagg langg jiauww inx ee qekauw, inx ee jongjok, qruix inx ee duarqii, anxnix jrad ngiaa, anxnix kixsinx; longxx si jiauww Jehovah soxx bingrling Moses :ee laii qniaa.

3 Jehovah dirr Sinai Snuax, duiww Moses qongw ee sii, Aalon qapp Moses ee sewhe cincniu erdew.

2 Aalon ee qniaw ee miaa si jiaxee; dua-qniaw miaa qiyr Nadab, qycc u Abihu, Eleazar, Itamar.

3 Jex si Aalon ee qniaw ee miaa, longxx si siurr buah iuu juer jewsix :ee; bad qra inx qniaa setlip ee lew, laii damdngx jewsix ee jithun.

4 Nadab qapp Abihu dirr Sinai ee kongwiaw, dirr Jehovah ee binrjingg, henr vadd hy huew ee sii, dyrr siw dirr Jehovah ee binrjingg; inx iarr byy qniaxzii. Eleazar qapp Itamar dirr inx laurve Aalon ee binrjingg, damdngx jewsix ee jithun.

5 Jehovah huanhur Moses qongxx,

6 "Liw hro Levi ee jipair qinrjingg laii, kia dirr jewsix Aalon ee binrjingg, tangx hogsai ix.

7 Inx diyhh siuw soxx huanhur Aalon :ee, iarr diyhh dirr huerbo jingg siuw soxx huanhur huerjiongr :ee, laii vanrliw huerbo ee su.

8 Inx diyhh qowsiuw huerbo itcer ee kiwqu; iarr diyhh siuw soxx huanhur Islaellangg :ee, laii vanrliw huerbo ee su.

9 Liw diyhh jiong' Levilangg hro Aalon qapp ix hiaxee qniaw, inx si dui' Islaellangg ee diongqanx qingw cud laii uanjuann hro ix :ee.

10 Liw diyhh hunpair Aalon qapp ix hiaxee qniaw; inx iarr diyhh siuw inx jewsix ee jitzim. Qinruaw .laii ee guarlangg, dikkag hro ix siw."

11 Jehovah huanhur Moses qongxx,

12 "Knuar ar, Guaw vunxsinx dui' Islaellangg ee diongqanx cruw Levilangg, ter Islaellangg itcer tauu txex ee dua-qniaw; Levilangg beh juer Guaw ee.

13 In'ui itcer ee dua-qniaw longxx si Guaw ee. Guaw dirr Egipt-de pah siw itcer ee dua-qniaw hitt zit, dyrr jiong' Islael diongx itcer ee dua-qniaw, langg qapp jingsnix, longxx hunvet inx juer sxingr, qruix dirr Guaw; inx beh juer Guaw ee. Guaw si Jehovah."

14 Jehovah dirr Sinai ee kongwiaw huanhur Moses qongxx,

15 "Liw diyhh jiauww Levilangg ee jongjok, qekauw, diamxsngr inx; qniwnarr muaxguec ixsiong ee davoginxaw, liw longxx diyhh diamxsngr."

16 Moses dyrr jiauww Jehovah ee ue laii diamxsngr inx, jiauww ix soxx sriu ee bingrling.

17 Levi jiaxee qniaw ee miaa, dyrr si Gerson, Kohat, Melali.

18 Gerson ee qniaw, jiauww inx ee qrex, si Libni, Simei.

19 Kohat ee qniaw, jiauww inx ee qrex, si Amlam, Izhar, Heblon, Uziel.

20 Melali ee qniaw, jiauww inx ee qrex, si Mahli, Musi. Jiaxee jiauww inx ee jongjok si Levilangg ee qekauw.

21 Sriok Gerson :ee, u Libni-jok ee qrex, Simei-jok ee qrex; jiaxee si Gerson-jok ee qrex.

22 Inx qewsngr :ee, dui' muaxguac ixsiong, jiauww inx hiaxee davoginxaw siauwgiac, inx soxx qewsngr ee langg, qiong u cid-cingx go-vah miaa.

23 Gerson-jok hiaxee qekauw, diyhh jrad ngiaa dirr huerbo au ee saisir.

24 Lael ee qniaw Eliasaf juer Gersonlangg jongjok ee siuxlingw.

25 Gerson ee qniaxsunx, dirr huerbo diongx soxx diyhh qowsiuw :ee, dyrr si huerbo, qapp vowvnii, qapp ix ee quar, qapp huerbo ee mnglii;

26 Ngi ee vowuii, qapp ngi ee mnglii, (ngi dyrr si uii huerbo qapp dnxuaa :ee), qapp itcer soxx ing ee syh.

27 Sriok Kohat :ee, u Amlam-jok ee qrex, Izhar-jok ee qrex, Heblon-jok ee qrex, Uziel-jok ee qrex; jiaxee si Kohat-jok ee qrex.

28 Jiauww davodingx ee siauwgiac, dui' muaxguec ixsiong, siuw sxingr sow ee jiksingg :ee, qiong u veh-cingx lak-vah miaa.

29 Kohat qniaxsunx hiaxee qrex diyhh jrad ngiaa dirr huerbo vnix ee lamsir.

30 Uziel ee qniaw Elizafan juer Kohat jongjok qekauw ee siuxlingw.

31 Inx soxx diyhh siuw :ee si iokqui, dyh, dingdaii, hiaxee dnxuaa, qapp sxingr sow lai inx soxx ing ee kiwqu, ixqip mnglii, qapp itcer juer loring ee mic.

32 Jewsix Aalon ee qniaw Eleazar juer Levilangg jiaxee siuxlingw ee siuxlingw, diyhh qamcad hiaxee qowsiuw sxingr sow ee langg.

33 Sriok Melali :ee, u Mahli-jok ee qrex, Musi-jok ee qrex, jiaxee si Melali hiaxee qekauw.

34 Inx qewsngr :ee, jiauww inx davodingx ee siauwgiac, dui' muaxguec ixsiong :ee, qiong u lak-cingx nng-vah miaa.

35 Abihail ee qniaw Zuliel juer Melali jongjok jiaxee qrex ee siuxlingw; inx diyhh jrad ngiaa dirr huerbo vnix ee vaksir.

36 Melali ee qniaxsunx dniardiyc ee jithun si siuw huerbo ee vxanw, ix ee qxongg, ix ee tiau, ix ee jxy, qapp itcer ee kiwqu, itcer juer loring ee mic;

37 Ngi siwuii ee tiau, ix ee jxy, ix soxx dingr ee dingx qapp syh.

38 Dirr huerbo jingg ee dangsir, dyrr si dirr vowvnii jingg ngr zit cud ee soxjai, jrad ngiaa :ee si Moses, Aalon, qapp ix hiaxee qniaw; inx siuw sxingr sow ee jiksingg, dyrr si ter Islael qniaxsunx ee jiksingg; vadd langg narr qinruaw dikkag diyhh hro ix siw.

39 Qniwnarr qewsngr ee Levilangg, dyrr si Moses qapp Aalon jiauww Jehovah ee bingrling soxx sngr :ee, jiauww inx ee qrex, dui' muaxguec ixsiong ee davodingx, qiong u nng-bxan nng-cingx miaa.

40 Jehovah qra Moses qongw, "Liw diyhh dirr Islaellangg ee diongqanx diamxsngr dui' muaxguec ixsiong qniwnarr tauu txex ee davodingx, qir inx ee miagiac.

41 Guaw si Jehovah, liw diyhh qra Guaw cruw Levilangg, ter Islaellangg soxu ee taujniu qniaw; iarr cruw Levilangg ee jingsnix, ter Islaellangg soxu taujuiw snix ee jingsnix."

42 Moses dyrr jiauww Jehovah soxx bingrling :ee, sngr Islaellangg itcer ee taujniu qniaw.

43 Jiauww langmiaa ee siauwgiac, dui' muaxguec ixsiong, qniwnarr taujniu snix ee davodingx, qewsngr :ee, qiong u nng-bxan nng-cingx nng-vah cid-jap-snax miaa.

44 Jehovah huanhur Moses qongxx,

45 "Liw diyhh cruw Levilangg ter Islaellangg soxu taujniu snix :ee, iarr cruw Levilangg ee jingsnix ter Islael ee jingsnix; dyrr Levilangg beh sriok Guaw, Guaw si Jehovah.

46 Islaellangg diongx taujniu ee davodingx, viw Levilangg kacc je nng-vah cid-jap-snax xee, liw beh qra ix siok .cud .laii;

47 Dyrr diyhh jiauww zindingx, jiauww sxingr sow ee sekel, dagg langg cruw go sekel, (jit sekel si zi-jap gelah).

48 Hiaxee cutgiac ee langg soxx sioghuee ee ginn, qaudair Aalon qapp ix ee qniaw."

49 Moses dyrr dui' hiaxee siurr Levilangg soxx siok, cutgiac ee langg, tec sioghuee ee ginn.

50 Dui' Islaellangg taujniu snix :ee, soxx tec ee ginn, jiauww sxingr sow ee sekel, u jit-cingx snax-vah lak-jap-go sekel.

51 Moses jiauww Jehovah ee ue, jiong' jiaxee sioghuee ee ginn, qaudair Aalon qapp ix ee qniaw, duxduxx cincniu Jehovah soxx bingrling Moses :ee.

4 Jehovah huanhur Moses qapp Aalon qongxx,

2 "Liw diyhh dui' Levilangg ee diongqanx sngr Kohat qniaxsunx ee jongxgiac, jiauww inx ee qekauw, jongjok.

3 Dui' snax-jap huer ixsiong, qaur go-jap huer, qniwnarr zip laii dngjid dirr huerbo lai juewqangx :ee, longxx diyhh qra sngr.

4 Kohat ee qniaxsunx dirr huerbo soxx juer ee qangx, dyrr si liaurliw jiww sxingr ee mic, qir dirr erdew.

5 Ngiavnuaa kixsinx ee sii, Aalon qapp ix ee qniaw diyhh zip kir trngr ziajac ee dniuwlii, ing ix laii ziakamr huatqui.

6 Qycc ing haixqauxpuee kamr dirr dingxbin, qycc kamr juanjuanx nraa sig ee vor; zen'au jiacc cing ix ee qngr.

7 Qycc ing nraa sig ee vor crux dirr vailet vniaw ee dyh; jiong' jiaxee vnuaa, dic, nguaw, quanwden ee vxuex, vaii dirr hitt dingxbin; dirr hiax iarr diyhh u siongsiongg vaised ee vniaw.

8 Dirr hitt dingxbin qycc diyhh dar ju'angg sig ee vor, qycc ing haixqauxpuee juer quar laii kamr, jiacc cngx ix ee qngr.

9 Inx diyhh tec nraa sig ee vor laii kamr jiywqngx ee dingdaii, qapp ix ee jnuaw, ix ee jenw, ix ee vnuaa, qapp itcer juer ix ee loring drew iuu ee kiwqu.

10 Qycc diyhh jiong' dingdaii, qapp ix itcer ee kiwqu, vaux dirr haixqauxpuee ee quar-lai, he dirr caqer dingw.

11 Dirr qimdnuaa dingw, inx diyhh crux nraa sig ee vor, ing haixqauxpuee juer quar laii kamr, jiacc cngx ix ee qngr.

12 Qycc diyhh tec soxx ing laii hogsai ee kiwqu, dyrr si dirr sxingr sow ing laii hogsai :ee, vaux dirr nraa sig ee vor, ing haixqauxpuee juer quar laii kamr, he dirr caqer dingw.

13 Inx diyhh siux dnxuaa-dingw ee huexhux, ing jxiw sig ee vor crux dirr hitt dingxbin.

14 Qycc diyhh ing inx juewqangx soxx ing itcer ee kiwqu, vaii dirr dingxbin; dyrr si huexdniaw, baccex, tuc'aw, vnuaa, itcer sriok dirr dnxuaa ee kiwqu, qycc ing haixqauxpuee juer quar laii dar ix, jiacc cngx ix ee qngr.

15 Ngiavnuaa beh kixsinx ee sii, Aalon qapp ix ee qniaw jiong' sxingr sow, qapp sxingr sow itcer ee kiwqu kamr bingvik, zen'au Kohat ee qniaxsunx diyhh laii qrngx. Dogdok m tangx bongx sxingr ee mic, benw did inx siw; huerbo lai jiaxee mihqnia si Kohat ee qniaxsunx soxx diyhh qrngx :ee.

16 Jewsix Aalon ee qniaw Eleazar soxx diyhh qowsiuw :ee, si diamw dingx ee iuu, qapp hniuliau, qapp siongsiongg henr ee sowjer, qapp buah ee iuu; iarr diyhh qowsiuw juann huerbo qapp hitt diongqanx soxu :ee, qapp sxingr sow, qapp sxingr sow soxu ee kiwqu."

17 Jehovah huanhur Moses qapp Aalon qongxx,

18 "Linw m tangx jiong' Kohatlangg qejok ee jipair dui' Levilangg ee diongqanx jenxduu .kir;

19 Inx uaw qin jiww sxingr ee mic ee sii, linw diyhh qra inx anxnix sethuad, hro inx e uac, benw did siw. Aalon qapp ix ee qniaw diyhh zip .kir, pair inx dagg langg soxx diyhh juer, soxx diyhh qrngx :ee.

20 Dogdok inx diap aw quw iarr m tangx zip kir knuar sxingr sow, benw did inx sixbyy."

21 Jehovah huanhur Moses qongxx,

22 "Liw diyhh sngr Gerson qniaxsunx ee jongxgiac, jiauww inx ee jongjok, qekauw;

23 Dui' snax-jap huer ixsiong qaur go-jap huer, qniwnarr zip laii dngjid dirr huerbo lai juewqangx :ee, longxx diyhh qra sngr.

24 Gersonlangg jiaxee qrex ee qangdniaa, soxx diyhh vanrliw, soxx diyhh qrngx :ee, dyrr si jiaxee.

25 Inx diyhh qrngx huerbo hiaxee dniuwvag, ixqip huerbo, qapp ix ee quar, qapp dirr hitt dingxbin haixqauxpuee juer :ee ee quar, qapp huerbo ee mnglii;

26 Ngi ee vowuii, qapp ngirmngg ee mnglii, (ngi dyrr si uii huerbo qapp dnxuaa :ee), syh-aw, qapp soxx ing ee kiwqu, bylun juer simxmih loring :ee, inx longxx diyhh liaurliw.

27 Gerson ee qniaxsunx dirr inx itcer soxx qrngx ee mic, soxx vran ee su, longxx diyhh jiauww Aalon qapp ix ee qniaxsunx soxx bingrling :ee laii vran, inx soxx ingqaix qrngx :ee, linw diyhh pair inx qowsiuw.

28 Jex si Gerson qniaxsunx jiaxee qrex, dirr huerbo lai soxx juer ee qangx, inx soxx qowsiuw :ee, diyhh dirr jewsix Aalon ee qniaw Itamar ee ciuxe.

29 Lun qaur Melali ee qniaxsunx, liw diyhh jiauww inx ee qekauw, jongjok, qra inx diamxsngr.

30 Dui' snax-jap huer ixsiong, qaur go-jap huer, qniwnarr zip laii dngjid dirr huerbo lai juewqangx :ee, longxx diyhh qra sngr.

31 Inx soxx damdngx ee jiksingg, jiauww huerbo jiaxee qangdniaa, dyrr si Huerbo ee vxanw, qapp ix ee qxongg, ix ee tiau, ix ee jxy;

32 Ngi siwuii ee tiau, qapp ix ee jxy, soxx dingr ee dingx, qapp syh-aw, qapp itcer soxx ing ee kiwqu. Inx damdngx soxx qrngx ee kiwqu, linw diyhh jiauww miaa qiw dniardiyc.

33 Jex si Melali qniaxsunx jiaxee qrex ee qangx, dyrr si inx dirr huerbo lai soxx juer ee qangx, longxx dirr jewsix Aalon ee qniaw Itamar ee ciuxe."

34 Moses, Aalon, qapp huerjiongr jiaxee siuxlingw, jiong' Kohat ee qniaxsunx jiauww inx ee jongjok, qekauw,

35 Dui' snax-jap huer ixsiong qaur go-jap huer, qniwnarr zip laii dngjid dirr huerbo lai juewqangx :ee, longxx qra qewsngr.

36 Jiauww inx ee qekauw qewsngr :ee, qiong u nng-cingx cid-vah go-jap miaa.

37 Jex si Kohat-jok jiaxee qrex qewsngr :ee, si qniwnarr dirr huerbo lai juewqangx :ee, dyrr si Moses qapp Aalon, jiauww Jehovah tog Moses soxx bingrling, diamxsngr :ee.

38 Gerson ee qniaxsunx qewsngr :ee, jiauww inx ee qekauw, jongjok,

39 Dui' snax-jap huer ixsiong qaur go-jap huer, qniwnarr zip laii dngjid dirr huerbo lai juewqangx :ee;

40 Qidiongx qewsngr :ee, jiauww inx ee qekauw, jongjok, qiong u nng-cingx lak-vah snax-jap miaa.

41 Jex si Gerson qniaxsunx jiaxee qrex qewsngr :ee; qniwnarr dirr huerbo lai juewqangx :ee, dyrr si Moses qapp Aalon jiauww Jehovah soxx bingrling laii diamxsngr :ee.

42 Melali qniaxsunx jiaxee qrex, qewsngr :ee, jiauww inx ee qekauw, inx ee jongjok,

43 Dui' snax-jap huer ixsiong qaur go-jap huer, qniwnarr zip laii dngjid dirr huerbo lai juewqangx :ee;

44 Qidiongx qewsngr :ee, jiauww inx ee qekauw, qiong u snax-cingx nng-vah miaa.

45 Jex si Melali qniaxsunx jiaxee qrex qewsngr :ee; dyrr si Moses Aalon jiauww Jehovah tog Moses soxx bingrling diamxsngr :ee.

46 Qniwnarr qewsngr ee Levilangg, dyrr si Moses, Aalon, qapp Islael jiaxee siuxlingw, jiauww inx ee qekauw, inx ee jongjok, soxx diamxsngr :ee,

47 Dui' snax-jap huer ixsiong qaur go-jap huer, qniwnarr zip laii dngjid dirr huerbo lai juer qrngx mic ee qangx :ee;

48 Qidiongx qewsngr :ee qiong u veh-cingx go-vah veh-jap miaa.

49 Inx hro Moses diamxsngr, jiauww Jehovah soxx bingrling :ee, dagg langg jiauww ix soxx vran ee su, jiauww ix soxx qrngx ee mic. Inx anxnix hro ix diamxsngr, si jiauww Jehovah soxx bingrling Moses :ee.

5 Jehovah huanhur Moses qongxx,

2 "Liw diyhh bingrling Islaellangg, hro itcer huan diyc taixqyx :ee, huan diyc harsiaujingr :ee, qapp in'ui sixsix byy cingkir :ee, longxx cud kir ngiaa-gua.

3 Bylun lamluw, linw longxx diyhh hro inx cud .kir, dyrr si cud kir qaur ngiaa-gua, benw did pah lasamm inx ee ngiavnuaa, in'ui Guaw kiarkiw dirr inx ee diongqanx."

4 Islaellangg jiauww anxnix qniaa, hro inx cud kir ngiaa-gua; Jehovah anxnix huanhur Moses, Islaellangg dyrr anxnix qniaa.

5 Jehovah huanhur Moses qongxx,

6 "Liw diyhh qra Islaellangg qongw, bylun lamluw, narr qniaa langg' soxx qniaa ee jue, drir qaur qanhuan Jehovah, hitt langg dyrr u jue.

7 Inx diyhh zin inx soxx huan ee jue, jiauww siauwgiac vuee ix, lingrgua qex go hxun ee jit hxun, qruix hro ix soxx kikkuix ee langg.

8 Danrsi hitt langg narr byy cinlangg tangx niaxsiu in'ui jue soxx vuee :ee, dyrr hitt xee in'ui jue soxx vuee :ee, diyhh hingg hro Jehovah, laii qruix jewsix. Lun hitt jiah siogjue ee ngiuqangw, dyrr si ing laii qra ix siogjue :ee, si sngr jairgua.

9 Islaellangg itcer ee sxingr mic diongx, soxx hrong hro jewsix ee quxjer, longxx diyhh qruix hro jewsix.

10 Qniwnarr langg soxx hunvet juer sxingr ee mic, diyhh qruix hro jewsix; langg ing simxmih hro jewsix :ee, longxx diyhh qruix dirr ix."

11 Jehovah huanhur Moses qongxx,

12 "Liw diyhh huanhur Islaellangg, duiww ix qongw, langg ee bow narr qniajuer dikjue ix ee diongrhux,

13 U langg qapp ix qnia'imm, surjingg viwbit, ix ee diongrhux m jaix, iarr byy lorcud. Danrsi ix siurr pah lasamm, iarr byy langg juer qanjingr,

14 Iarr byy liac diyc ix, ix ee diongrhux snix kiw giaugii ee simx, giaugii ix ee bow; iacc si ix ee diongrhux snix kiw giaugii ee simx, giaugii ix ee bow, ix ee bow vingrr byy siurr pah lasamm,

15 Hitt xee langg diyhh cua ix ee bow qaur jewsix hiax, iarr uirdiyhh ix duar duarbec ee mirhunw efah, jap hxun jit juer ix ee lexmic, m tangx tinn iuu, iarr m tangx camx zuxhniux, in'ui jex si giaugii ee sowjer, si qir .did ee sowjer, hro langg e qir did jue.

16 Jewsix diyhh hro hitt xee hurzinlangg qinruaw .laii, hro ix kia dirr Jehovah ee binrjingg.

17 Jewsix diyhh ing sxingr ee juiw drew dirr huii ee kiwqu lai, qycc dui' huerbo ee tokax tec jit diamw aw tohunw, he dirr juiw-diongx.

18 Jewsix diyhh hro hitt xee hurzinlangg kia dirr Jehovah ee binrjingg, pacsnuar hurzinlangg ee taumngg, jiong' qir .did ee sowjer, dyrr si giaugii ee sowjer, he dirr ix ee ciuw-diongx; jewsix ee ciuw diyhh tec drir qaur jiuwjow ee kow juiw.

19 Jewsix diyhh qiyr hurzinlangg jiuwjua, duiww ix qongw, 'Narr byy langg qapp liw qnia'imm, liw ixqing’ sriu diongrhux ee ioksog, byy qniaa cyr drir qaur pah lasamm, liw dyrr qapp jitt xee jiuwjow ee kow juiw byy qansiap.

20 Danrsi liw ixqing’ sriu diongrhux ee ioksog, narr u qniaa cyr siurr pah lasamm, dirr liw ee diongrhux ixgua u langg qapp liw qnia'imm',

21 Jehovah beh hro liw ee duartuiw nua, vakdow diongr; guan Jehovah hro liw dirr liw ee vecsnir diongx jniaa juer jiuwjow, jniaa juer jiuwjua ee uervnir.

22 Qycc jitt xee drir qaur jiuwjow ee juiw beh zip liw ee drngg-aw lai, hro liw ee vakdow diongr, duartuiw nua.' Hurzinlangg diyhh rinr qongxx, 'Amen, Amen.'

23 Jewsix diyhh siaw jiaxee jiuwjow ee ue dirr ceh nirr, ing hiaxee zri buah zip dirr kow juiw nirr.

24 Qycc hro hurzinlangg limx jitt xee jiuwjow ee kow juiw, drir qaur jiuwjow ee juiw zip ix ee lairbin jniaa juer kow.

25 Jewsix diyhh dui' hurzinlangg ee ciuw tec giaugii ee sowjer, iyy hitt xee sowjer dirr Jehovah ee binrjingg, duar qaur dnxuaa-jingg.

26 Jewsix diyhh dui' soxwjer diongx tec cud jit vew juer qiwliam, siyx dirr dnxuaa-dingw, zen'au hro hurzinlangg limx jitt xee juiw.

27 Ixqing’ hro hurzinlangg limx hitt xee juiw, ix narr siurr bag lasamm dikjue ix ee diongrhux, jitt xee drir qaur jiuwjow ee juiw beh zip ix ee lairbin, jniaa juer kow; ix ee vakdow dyrr beh qoxdiongr, duartuiw dyrr beh nua, hitt xee hurzinlangg dyrr beh dirr ix ee vecsnir diongx jniaa juer jiuwjow ee uervnir.

28 Narr hurzinlangg byy siurr pah lasamm, sidjai si cingkir, dyrr benw sriu jaieh, qycc beh huanin.

29 Bow ixqing’ sriu diongrhux ee ioksog, narr u qniaa cyr bag diyc lasamm, jex dyrr si giaugii ee le.

30 Iacc si langg snix cud giaugii ee simx, laii giaugii ix ee bow, dyrr diyhh hro ix ee bow kia dirr Jehovah ee binrjingg, jewsix dyrr diyhh qra ix jin jitt xee le laii qniaa.

31 Anxnix davolangg dyrr byy jue, hurzinlangg diyhh damdngx qaqi ee jue."

6 Jehovah huanhur Moses qongxx,

2 "Liw diyhh huanhur Islaellangg, qra inx qongw, bylun lamluw he digvet ee guan, dyrr si Nazirlangg ee guan, qaqi hunvet qruix hro Jehovah,

3 Ix dyrr diyhh lirkuix jiuw qapp qau jiuw, iarr m tangx limx simxmih jiuw ee cor, qapp qau jiuw ee cor, m tangx limx simxmih pudyy ee jiab, iarr m tangx jiac cnrex ee pudyy, qapp dax ee pudyy.

4 Dirr itcer qaqi hunvet ee zit, qniwnarr pudyciu soxx cud :ee, dui' hut qaur puee, longxx m tangx jiac.

5 Dirr ix he guan qaqi hunvet hiaxee zit, m tangx hro tiwtaudyx qaur ix ee taukag; qaur ix qaqi hunvet qruix hro Jehovah ee zit muaw, ix diyhh juer sxingr, cutjai ix ee taumngg huad dngg.

6 Dirr ix qaqi hunvet qruix Jehovah hiaxee zit, m tangx uaw qin sinsix.

7 Ix ee laurve, iacc si laurbuw, iacc si hniadi, iacc si jixbe siw ee sii, ix m tangx uirdiyhh inx hro qaqi byy cingkir; in'ui ix qaqi hunvet qruix Siongrder ee vinqir si dirr ix ee taukag.

8 Dirr ix qaqi hunvet hiaxee zit, ix si qruix dirr Jehovah juer sxingr.

9 Narr dirr ix ee sinvnix hutzenn u langg siw, drir qaur bag diyc ix qaqi hunvet ee taukag, dyrr ix diyhh dirr qaqi cingkir ee zit tiwtauu, dyrr si dirr derr cid zit tir ix.

10 Derr veh zit ix diyhh ing nng jiah qajuix, iacc si nng jiah jnixaxqniaw, duar qaur huerbo mngkauw, qaudair jewsix.

11 Jewsix diyhh henr jit jiah juer siogjuerjer, qra ix siogjue, in'ui ix dui' sinsix laii u jue; qycc diyhh dirr hitt zit hro ix ee taukag juer sxingr.

12 Ix diyhh qycc ing ix hunvet ee zit, hunvet laii qruix Jehovah, qycc diyhh kanx jit jiah bue muaw nii ee ngiuqangw-aw, juer vow quewsid ee jrer; danrsi ixjingg ee zit byy sngwsiaur, in'ui ix ee qaqi hunvet ixqing’ siurr bag lasamm.

13 Nazirlangg qaqi hunvet ee zit ixqing’ muaw, hitt xee le dyrr si anxnix. Langg' diyhh cua ix qaur huerbo ee mngkauw.

14 Ix diyhh jiong' ix ee lexmic henr hro Jehovah, dyrr si jit jiah byy hacuu, bue muaw nii ee mi'ngiuqangw-aw juer siyjer; jit jiah byy hacuu, bue muaw nii ee mi'ngiubuw-aw juer siogjuerjer; qapp jit jiah byy hacuu ee mi'ngiuqangw juer siarunjer;

15 Qycc jit kingx ee byy-qnar-vniaw, dyrr si diauhyy iuu qapp iur mirhunw juer ee vniaw, ixqip ix ee sowjer, qapp quanwden ee jrer.

16 Jewsix diyhh tec jiaxee qaur Jehovah ee binrjingg, laii henr hitt langg ee siogjuerjer, qapp siyjer.

17 Ix iarr diyhh jiong' hitt jiah ngiuqangw, qapp hitt kingx byy-qnar-vniaw, henr hro Jehovah juer siarunx ee jrer; jewsix iarr diyhh suar henr ix ee sowjer qapp quanwden.

18 Nazirlangg diyhh dirr huerbo mngkauw tir qaqi hunvet ee tauu, jiong' qaqi hunvet ee taumngg, he dirr siaurunjer ee erbin ee huew-dingw.

19 Nazirlangg tir ix qaqi ee taumngg liauxau, jewsix dyrr diyhh cruw ixqing’ juw ee ngiuqangw jit qix jingg tuiw, qycc dui' kingx-aw lai tec jit xee byy-qnar-vniaw, longxx he dirr ix ee ciuw.

20 Jewsix diyhh tec jiaxee juer iyjer, iyy dirr Jehovah ee binrjingg; jex qapp soxx iyy ee hxingx, soxx quxkiw ee tuiw, longxx juer sxingr mic, qruix hro jewsix, zen'au Nazirlangg tangx limx jiuw.

21 He guan ee Nazirlangg uirdiyhh ix hunvet qaqi soxx henr ee lexmic, qapp ix ixgua soxx e did .diyc .ee, henr hro Jehovah, dyrr si jitt xee le. Ix anxnix he guan dyrr diyhh jiauww hunvet qaqi ee le laii qniaa."

22 Jehovah huanhur Moses qongxx,

23 "Liw diyhh huanrhur Aalon qapp ix ee qniaw qongxx, 'Linw diyhh anxnix qra Islaellangg jiokhog, duiww inx qongw:

24 Guan Jehovah suwhog liw, vyxho liw;

25 Guan Jehovah hro Ix ee bin ee qngx jiyr liw, six xunx hro liw;

26 Guan Jehovah hnuahiw ee bin knuar liw, sniuxsur liw ving'anx.'

27 Anxnix beh ing Guaw ee miaa he dirr Islaellangg ee dingxbin; Guaw iarr beh suwhog inx."

7 Moses kiw huerbo bingvik, dyrr ing iuu buah ix, hunvet ix juer sxingr; qycc jiong' qidiongx ee kiwqu qapp dnxuaa, qapp ix ee kiwqu, longxx buah ix, hunvet ix juer sxingr.

2 Hitt zit Islaelt jiongww siuxlingw, dyrr si inx dagg jok ee jogdniuw, longxx laii hongrhenr. Inx dyrr si dagg jipair ee siuxlingw, quanxliw hiaxee qewsngr ee langg.

3 Inx ing inx ee lexmic sangr qaur Jehovah ee binrjingg, dyrr si lak dniux u ziakamr ee ciax, qapp jap-zi jiah guqangw; muixx nng xee siuxlingw jit dniux ciax, dagg xee siuxlingw jit jiah guu; inx jiong' jiaxee longxx duar qaur huerbo jingg.

4 Jehovah huanhur Moses qongxx,

5 "Liw diyhh dui' inx siux .laii, tangx juer huerbo ee loring; jiong' hiaxee hro Levilangg, qokk jiauww inx soxx juer ee qangx."

6 Dui' anxnix Moses dyrr siux ciax qapp guu, qaux hro Levilangg.

7 Jiong' nng dniux ciax, sir jiah guu, qaux Gerson ee qniaxsunx, jiauww inx soxx juer ee qangx.

8 Qycc jiong' sir dniux ciax, veh jiah guu, qaux hro Melali ee qniaxsunx, jiauww inx soxx juer ee qangx; inx longxx hro jewsix Aalon ee qniaw Itamar quanxhad.

9 Danrsi ciax qapp guu byy qaux hro Kohat ee qniaxsunx, in'ui sxingr sow ee qangx sriok dirr inx, inx ing qingtauu qrngx ix.

10 Ing iuu buah dnxuaa ee zit, siuxlingw longxx laii, qniaa henr dnxuaa ee lew; dagg xee siuxlingw dyrr dirr dnxuaa-jingg henr inx ee lexmic.

11 Jehovah qra Moses qongw, "Jiaxee siuxlingw henr lexmic, dagg xee diyhh dirr ix ee zit laii henr, laii qniaa henr dnxuaa ee lew."

12 Tauu jit zit henr lexmic :ee, si sriok Judah ee jipair Amminadab ee qniaw Nahson.

13 Ix ee lexmic si jit xee ginvnuaa, dang jit-vah snax-jap sekel; jit xee gin'nguaw, dang cid-jap sekel, longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

14 Jit xee qim'aux, dang jap sekel, drew hniux muaw muaw;

15 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

16 Jit jiah snua'ngiuqangw juer siogjuerjer;

17 Nng jiah guqangw, go jiah bue muaw nii ee ngiu'qangw-aw, juer siarunjer; jiaxee si Amminadab ee qniaw Nahson ee lexmic.

18 Derr zi zit Issaqar ee siuxlingw, Zuar ee qniaw Netanel, laii henr.

19 Ix soxx henr ee lexmic, dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel, jitt nng xee drew muaw diauhyy iuu ee iur mirhunw, juer sowjer;

20 Jit xee qim'aux, dang jap sekel, drew hniux muaw muaw;

21 Jit jiah guqangw-aw, jit jiah mi'ngiuqangw, jit jiah bue muaw nii ee ngiu'qangw-aw, juer siyjer;

22 Jit jiah snua'ngiuqangw, juer siogjuerjer;

23 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Zuar ee qniaw Netanel ee lexmic.

24 Derr snax zit si Zebulun qniaxsunx ee siuxlingw, Helon ee qniaw Eliab.

25 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew mua diauhyy iuu ee iur mirhunw juer sowjer;

26 Jit xee qim'aux, dang jap sekel, drew hniux muaw muaw;

27 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

28 Jit jiah snua'ngiuqangw, juer siogjuerjer;

29 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw juer siarunjer; jiaxee si Helon ee qniaw Eliab ee lexmic.

30 Derr sir zit si Rleuben qniaxsunx ee siuxlingw, Sedeur ee qniaw Elizur.

31 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

32 Jit xee qim'aux, dang jap sekel, drew hniux muaw muaw;

33 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

34 Jit jiah snua'ngiuqangw, juer siogjuerje;

35 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Sedeur ee qniaw Elizur ee lexmic.

36 Derr go zit si Simeon qniaxsunx ee siuxlingw, Zulisaddai ee qniaw Selumiel.

37 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

38 Jit xee qim'aux, dang jap sekel, drew hniux muaw muaw;

39 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

40 Jit jiah snua'ngiuqangw juer siogjuerjer;

41 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Zulisaddai ee qniaw Selumiel ee lexmic.

42 Derr lak zit si Gad qniaxsunx ee siuxlingw, Deuel ee qniaw Eliasaf.

43 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

44 Jit xee qim'aux, dang jap sekel, drew hniux muaw muaw;

45 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

46 Jit jiah snua'ngiuqangw juer siogjuerjer;

47 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Deuel ee qniaw Eliasaf ee lexmic.

48 Derr cid zit si Eflaim qniaxsunx ee siuxlingw, Ammihud ee qniaw Elisama.

49 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

50 Jit xee qim'aux, dang jap sekel, drew hniux muaw muaw;

51 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

52 Jit jiah snua'ngiuqangw juer siogjuerjer;

53 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Ammihud ee qniaw Elisama ee lexmic.

54 Derr veh zit si Manasseh qniaxsunx ee siuxlingw, Pedahzur ee qniaw Gamaliel.

55 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

56 Jit xee qim'aux, dang jap sekel, drew hniux muaw muaw;

57 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

58 Jit jiah snua'ngiuqangw juer siogjuerjer;

59 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Pedahzur ee qniaw Gamaliel ee lexmic.

60 Derr qauw zit si Benjamin qniaxsunx ee siuxlingw, Gideoni ee qniaw Abidan.

61 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

62 Jit xee qim'aux, dang jap sekel, drew hniux muaw muaw;

63 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

64 Jit jiah snua'ngiuqangw juer siogjuerjer;

65 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Gideoni ee qniaw Abidan ee lexmic.

66 Derr jap si Dan ee qniaxsunx ee siuxlingw, Ammisaddai ee qniaw Ahiezer.

67 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

68 Jit xee qim'aux, dang jap sekel, drew hniux muaw muaw;

69 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

70 Jit jiah snua'ngiuqangw juer siogjuerjer;

71 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Ammisaddai ee qniaw Ahiezer ee lexmic.

72 Derr jap-id zit si Aser qniaxsunx ee siuxlingw, Oclan ee qniaw Pagiel.

73 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

74 Jit xee qim'aux, dang jap sekel, drew hniux muaw muaw;

75 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

76 Jit jiah snua'ngiuqangw juer siogjuerjer;

77 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Oclan ee qniaw Pagiel ee lexmic.

78 Derr jap-zi zit si Naftali qniaxsunx ee siuxlingw, Enan ee qniaw Ahila.

79 Ix ee lexmic dyrr si jit xee ginvnuaa, dang jit-vah snax-jap sekel, jit xee ginvnuaa, dang cid-jap sekel; longxx si jiauww sxingr sow ee sekel, jitt nng xee drew muaw diauhyy iuu ee iur mirhunw, juer sowjer;

80 Jit xee qim'aux, dang jap sekel, drew hniux muaw muaw;

81 Jit jiah guqangw-aw, jit jiah mi'ngiuqangw, jit jiah bue muaw nii ee ngiuqangw-aw, juer siyjer;

82 Jit jiah snua'ngiuqangw juer siogjuerjer;

83 Nng jiah guqangw, go jiah mi'ngiuqangw, go jiah snua'ngiuqangw, go jiah bue muaw nii ee ngiuqangw-aw, juer siarunjer; jiaxee si Enan ee qniaw Ahila ee lexmic.

84 Ing iuu buah dnxuaa ee zit, Islael jiaxee siuxlingw, ix diyhh qniaa henr dnxuaa ee lew soxx henr :ee, dyrr si ginvnuaa jap-zi xee, gin'nguaw jap-zi xee, qim'aux jap-zi xee;

85 Dagg xee ginvnuaa dang jit-vah snax-jap sekel, dagg xee nguaw dang cid-jap sekel; itcer kiwqu ee ginn, jiauww sxingr sow ee sekel, qiong u nng-cingx sir-vah sekel.

86 Jap-zi xee qim'aux drew hniu muaw muaw, jiauww sxingr sow ee sekel, dagg xee aux dang jap sekel; jiaxee aux ee qimx, dang qiong jit-vah zi-jap sekel.

87 Juer siyjer ee jingsnix, qiong guqangw jap-zi jiah, ngiuqangw jap-zi jiah, bue muaw nii ee ngiuqangw-aw jap-zi jiah, qapp drangg henr ee sowjer juer siogjuerjer ee snuangiuqangw jap-zi jiah;

88 Juer siarunjer ee jingsnix, qiong guqangw zi-jap-sir jiah, mi'ngiuqangw lak-jap jiah, snua'ngiuqangw lak-jap jiah; bue muaw nii ee ngiuqangw-aw lak-jap jiah; jiaxee dyrr si ing iuu buah dnxuaa liauxau, uirdiyhh qniaa henr dnxuaa ee lew soxx henr :ee.

89 Moses zip huerbo, beh qapp Jehovah qongxue ee sii, tniax qnir huatqui six xunx sow ee dingxbin, nng xee qilorvingx ee diongqanx, u qapp ix qongxue ee sniax, dyrr si Jehovah qapp ix decc qongw.

8 Jehovah huanhur Moses qongxx,

2 "Liw huanhur Aalon, qra ix qongw, 'Liw diamw dingx ee sii, cid jnuaw dingx longxx diyhh jiywqngx dingdaii jingg.'"

3 Aalon jiauww anxnix qniaa, diamw dingx jiywqngx dirr dingdaii jingg, si jiauww Jehovah bingrling Moses :ee.

4 Jitt xee dingdaii ee juewhuad, ing qimx laii pah :ee, lenrr ix ee jxy qapp ix ee huex longxx si pah :ee. Moses jewjy dingdaii, si jiauww Jehovah soxx jixsi ee kuanxsid.

5 Jehovah huanhur Moses qongxx,

6 "Liw diyhh duiww Islaellangg ee diongqanx qingw cud Levilangg, hro inx cingkir.

7 Hro inx cingkir diyhh anxnix qniaa. Ing druu kir jue ee juiw hiur dirr inx sinkux; qycc qiyr inx ing tiwtaudyx, tir tong' sinkux, sew ihok, cingkir vunxsinx.

8 Kacc au, inx diyhh cruw jit jiah guqangw-aw, qapp ix ee sowjer, dyrr si diauhyy iuu ee iur mirhunw; liw diyhh lingrgua juer siogjuerjer.

9 Liw diyhh cua Levilangg qaur huerbo jingg, jurjip Islael-jok ee juann hue.

10 Qycc cua Levilangg qaur Jehovah ee binrjingg; Islaellangg diyhh hnuarciuw dirr Levilangg ee dingxbin.

11 Aalon diyhh henr Levilangg dirr Jehovah ee binrjingg, juer Islaellangg ee iyjer, hro inx tangx juer hogsai Jehovah ee qangx.

12 Levilangg diyhh hnuarciuw dirr hiaxee guqangw-aw ee taukag dingw. Liw diyhh henr jit jiah juer siogjuerjer, qycc henr jit jiah juer siyjer, hro Jehovah, qra Levilangg siogjue.

13 Liw diyhh hro Levilangg kia dirr Aalon qapp ix ee qniaw ee binrjingg, henr inx juer iyjer hro Jehovah.

14 Anxnix, liw diyhh dui' Islaellangg hunvet Levilangg, dyrr Levilangg beh qruix dirr Guaw.

15 Jitt diap liauxau, Levilangg diyhh zip kir juer huerbo ee qangx; liw diyhh hro inx cingkir, henr inx juer iyjer.

16 In'ui inx si dui' Islael diongx uanjuann qruix Guaw :ee; Guaw qingw inx sriok dirr Guaw, laii ter itcer tauu txex :ee, dyrr si Islaellangg ee taujniu :ee.

17 In'ui Islael diongx itcer taujniu snix :ee, higsi langg, higsi jingsnix, longxx si Guaw ee. Guaw dirr Egipt-de pah siw itcer taujniu snix :ee hitt zit, ixqing’ hunvet inx juer sxingr, qruix dirr Guaw.

18 Guaw qingw Levilangg, ter Islaellangg itcer taujniu snix :ee.

19 Guaw dui' Islaellangg diongx, qingw Levilangg, sniuxsur Aalon qapp ix ee qniaxsunx, tangx ter Islaellangg juer huerbo ee ce'ing, qycc uirr Islaellangg siogjue, benw did Islaellangg uaw qin sxingr sow ee sii, u jaieh qaur Islaellangg ee diongqanx."

20 Moses, Aalon qapp Islaellangg juann hue, dyrr duiww Levilangg anxnix qniaa; qniwnarr Jehovah lun kiw Levilangg soxx bingrling Moses :ee, Islaellangg dyrr duiww inx anxnix qniaa.

21 Dui' anxnix Levilangg cingkir qaqi, druu kir jue, sew inx ee ihok. Aalon jiong' inx henr juer iyjer dirr Jehovah ee binrjingg. Aalon qycc uirr inx siogjue laii cingkir inx.

22 Zen'au Levilangg zip .kir, dirr Aalon qapp ix ee qniaw ee binrjingg; dirr huerbo diongx juer inx ee qangx. Jehovah lun Levilangg laii bingrling Moses :ee, Islaellangg dyrr anxnix duiww inx qniaa.

23 Jehovah huanhur Moses qongxx,

24 "Lun Levilangg si anxnix. Dui' zi-jap-go huer ixsiong, inx diyhh laii huerbo juer ce'ing.

25 Qaur go-jap huer dyrr tingqangx, byy qycc juer ce'ing;

26 Dogdok diyhh dirr huerbo, qapp inx ee hniadi snaqab suhau, siuw soxx qaudair :ee, byy qycc juewqangx; lun qaur soxx qaudair Levilangg :ee, liw diyhh duiww inx anxnix qniaa."

9 Cud Egipt derr zi nii Jniax-guec, Jehovah dirr Sinai ee kongwiaw, bingrling Moses qongxx,

2 "Islaellangg ingqaix dirr dniardiyc ee zidqii siuw Vnuaquewjeh.

3 Dirr vunxguec jap-sir honghunx ee sii, linw diyhh dirr soxx dniardiyc ee zit siuw ix, jiauww ix itcer ee ludle, itcer ee huatdo laii siuw ix."

4 Dui' anxnix Moses huanhur Islaellangg siuw Vnuaquewjeh.

5 Jniax-guec jap-sir honghunx ee sii, inx dyrr dirr Sinai ee kongwiaw, siuw Vnuaquewjeh; qniwnarr Jehovah soxx bingrling Moses :ee, Islaellangg longxx jiauww anxnix qniaa.

6 U quixnarr langg hro langg' ee sinsix bag lasamm, be e dirr hitt zit siuw Vnuaquewjeh; dng' hitt zit, inx qaur Moses qapp Aalon ee binrjingg.

7 Hiaxee langg qra inx qongw, "Guanw in'ui hro langg' ee sinsix bag lasamm, sniaw su joxdongr guanw be tangx dirr Islael diongx, dirr soxx dniardiyc ee zidqii henr lexmic hro Jehovah ar?"

8 Moses qra inx qongw, "Linw kia lecc tingwhau, guaw beh tniax Jehovah jnaixngiu huanhur linw."

9 Jehovah huanhur Moses qongxx,

10 "Liw diyhh huanhur Islaellangg qongxx: Linw, iacc si linw ee horer ee diongqanx, narr u langg hro sinsix bag lasamm, iacc si hng hng dirr lo nirr, iuguann diyhh siuw Jehovah ee Vnuaquewjeh.

11 Inx diyhh dirr Zi-guec jap-sir honghunx ee sii laii siuw ix, camx byy-qnar-vniaw qapp koxcair laii jiac.

12 M tangx lauu jit diamw aw qaur qeh jaxkiw, ngiuu-aw ee qud jit qix iarr m tangx pacjic; inx diyhh jiauww Vnuaquewjeh jiaxee ludle laii siuw ix.

13 Langg narr cingkir, iarr m si dirr lo-diongx, narr qaqi tesii m siuw Vnuaquewjeh, diyhh dui' ix ee vecsnir diongx jenxduu hitt xee langg, in'ui ix dirr soxx dniardiyc ee zit byy henr lexmic hro Jehovah, hitt langg diyhh damdngx ix ee jue.

14 Narr u guarlangg qiawkax dirr linw diongqanx, rair siuw Jehovah ee Vnuaquewjeh, ix diyhh jiauww Vnuaquewjeh ee ludle qapp huatdo laii qniaa; cutguarlangg qapp vunxderlangg diyhh qangg jit xee ludle laii qniaa."

15 Kiw huerbo hitt zit, u hunn ziax ix ee huerbo, dyrr si jingwqir ee vowvnii; dui' ehngx qaur jaxkiw, u cincniu huew ee kuanxsid kamr dirr huerbo.

16 Siongsiongg u hunn ziax ix, mii .sii cincniu huew ee kuanxsid.

17 Hunn dui' vowvnii siux jnriu kir, Islaellangg dyrr kixsinx; hunn tingg ee soxjai, Islaellangg dyrr jrad ngiaa dirr hiax.

18 Islaellangg jiauww Jehovah ee bingrling kixsinx, iarr jiauww Jehovah ee bingrling anx ngiaa; hunn tingg dirr huerbo dingw ee sii, inx iuguann anx ngiaa dirr hiax.

19 Hunn dirr huerbo dingw tingg jerje zit, Islaellangg dyrr siuw Jehovah soxx qaudair :ee, byy kixsinx.

20 Ursii hunn dirr huerbo dingw quixnarr zit, inx jiauww Jehovah ee bingrling iuguann anx ngiaa dirr hiax, iarr jiauww Jehovah ee bingrling kixsinx.

21 Ursii hunn ziax lehh dui' ehngx qaur jaxkiw, jaxkiw-sii hunn siux jnriu kir, inx dyrr kixsinx; bylun zit .sii mii .sii hunn siux jnriu .kir, inx dyrr kixsinx.

22 Hunn tingg dirr huerbo, bylun si nng zit, si jit guehzit, si jit nii, Islaellangg iuguann anx ngiaa dirr hiax, byy kixsinx; hunn siux jnriu kir, inx dyrr kixsinx.

23 Inx tranr Jehovah ee bingrling anx ngiaa, iarr tranr Jehovah ee bingrling kixsinx. Inx siuw Jehovah soxx qaudair :ee, longxx jiauww Jehovah tog Moses soxx bingrling :ee.

10 Jehovah huanhur Moses qongxx,

2 "Liw diyhh ing ginn pah nng qix hyrtauu, ing pah ee hxuad laii juer, hro liw ing laii jurjip huerjiongr, iarr hro dagg ngiaa kixsinx.

3 Vunn ee sii, juann hue jingwlangg diyhh qaur liw hiax, jurjip dirr huerbo mngkauw.

4 Narr qandna' vunn jit qix, jiongww siuxlingw, dyrr si Islael ee jogdniuw, diyhh jurjip qaur liw hiax.

5 Vunn dua sniax ee sii, dangvingg soxx anx ee ngiaa longxx diyhh kixsinx.

6 Derr zi vaiw vunn dua sniax ee sii, lamvingg soxx anx ee ngiaa diyhh kixsinx; inx beh kixsinx, dikkag vunn dua sniax.

7 Narr beh jurjip huerjiongr, linw diyhh vunn hyrtauu, danrsi m tangx vunn dua sniax.

8 Aalon ee qniaxsunx juer jewsix :ee, diyhh vunn hiaxee hyrtauu; jex beh juer linw dairdai ingxuanw ee le.

9 Linw dirr vunxde qapp ki'ab linw ee duiwdik qaujenr, dyrr diyhh ing hyrtauu vunn dua sniax, dyrr dirr Jehovah, linw ee Siongrder ee binrjingg did diyc qiwliam, iarr beh did diyc qiur, tuatli linw ee duiwdik.

10 Iarr dirr linw kuaiwlok ee zit, qapp jecqii, qapp guec ee ceid, si dirr linw henr siyjer qapp siarunjer ee sii, iarr diyhh vunn hyrtauu; jex longxx beh dirr linw ee Siongrder ee binrjingg juer qiwliam. Guaw si Jehovah, linw ee Siongrder."

11 Derr zi nii ee Zi-guec zi-jap, hunn dui' jingwqir ee huerbo siux jnriu kir.

12 Islaellangg dyrr jiauww inx ee lorjam kixsinx, lirkuix Sinai ee kongwiaw; hunn tingg dirr Balaam ee kongwiaw.

13 Jex si inx jiauww Jehovah tog Moses soxx bingrling :ee, tauu jit vaiw kixsinx.

14 Jiauww inx ee qundui juewtauu kixsinx :ee, si Judah-jok ee ngiaa ee duarqii; qundui ee tongxlingw si Amminadab ee qniaw Nahson.

15 Issaqar ee jipair ee qundui ee tongxlingw si Zuar ee qniaw Netanel.

16 Zebulun ee jipair ee qundui ee tongxlingw si Helon ee qniaw Eliab.

17 Huerbo dyrr tiah .kiw .laii; qrngx huerbo :ee, Gerson ee qniaxsunx qapp Melali ee qniaxsunx kixsinx qniaa.

18 Jiauww ix ee qundui, Rleuben-ngiaa ee duarqii kixsinx; ix ee qundui ee tongxlinw si Sedeur ee qniaw Elizur.

19 Simeon ee jipair ee qundui ee tongxlingw si Zulisaddai ee qniaw Selumiel.

20 Gad jipair qundui ee tongxlingw si Deuel ee qniaw Eliasaf.

21 Kohatlangg qrngx sxingr mic :ee kixsinx qniaa; inx bue qaur ee dairsingx, hiaxee langg ixqing’ qra huerbo dah hyw.

22 Jiauww ix ee qundui, Eflaim-ngiaa ee duarqii kixsinx; ix ee qundui ee tongxlingw si Ammihud ee qniaw Elisama.

23 Manasseh ee jipair ee qundui ee tongxlingw si Pedahzur ee qniaw Gamaliel.

24 Benjamin ee jipair ee qundui ee tonglingw si Gideoni ee qniaw Abidan.

25 Juer jiaxee ngiaa ee lorbuew dui :ee, si Dan ee ngiaa ee duarqii, jiauww ix ee qundui kixsinx; ix ee qundui ee tongxlingw si Ammisaddai ee qniaw Ahiezer.

26 Aser ee jipair ee qundui ee tongxlingw si Oclan ee qniaw Pagiel.

27 Naftali ee jipair ee qundui ee tongxlingw si Enan ee qniaw Ahila.

28 Islaellangg jiauww ix ee qundui kixsinx, ix ee duirgnow dyrr si anxnix.

29 Moses duiww ix ee guarjig Midianlangg Jetlo ee qniaw Hobab qongw, "Ix sniuxsur guanw ee de, cniaw liw qapp guanw laii .kir, guanw beh hyw kuanxtai liw; in'ui Jehovah ixqing’ ingwunw sur hokkir hro Islaellangg."

30 Ix rinr qongxx, "Guaw m kir, guaw beh dyr kir guaw ee vunxde vunxjok hiax."

31 Moses qongw, "Qriuu liw m tangx lirkuix guanw, in'ui liw jaix guanw dirr kongwiaw diyhh jnaixngiu jrad ngiaa; liw tangx juer guanw ee bagjiux.

32 Liw narr beh qapp guanw kir, qniwnarr Jehovah soxx hro guanw ee hokkir, guanw iarr dikkag anxnix hro liw."

33 Inx lirkuix Jehovah ee snuax, kixsinx qniaa snax zit ee lorjam. Jehovah ee iokqui dirr taujingg qniaa snax zit ee lorjam, qra inx cue anhiyh ee soxjai.

34 Inx ted ngiaa kixsinx, zit .sii Jehovah ee hunn dirr inx ee dingxbin.

35 Iokqui kixsinx ee sii, Moses dyrr qongw, "Jehovah ar, qriuu Liw kiw .laii; guan Liw ee duiwdik siwsnuar; guan uanwhun Liw ee langg dirr Liw ee binrjingg dyjauw."

36 Iokqui tingg ee sii, ix dyrr qongw, "Jehovah ar, qriuu liw dyr laii qaur Islael cingcingx banrban langg ee diongqanx."

11 Jiongww vecsnir gnauhgnauc liam, inx ee pnaiw ue qaur Jehovah ee hnirkangx. Jehovah tniax .qnir dyrr dua siurkir. Jehovah ee huew dyc dirr inx diongqanx, siyx dirr ngiaa ee vniqag.

2 Vecsnir duiww Moses aiqiuu, Moses aiqiuu Jehovah; hitt ee huew dyrr srid.

3 Hitt soxjai dyrr qiyr juer Tabelah, in'ui Jehovah ee huew siyx dirr inx diongqanx.

4 Inx diongqanx jabsiklangg dua hingkiw tam'iok ee simx; Islaellangg qycc tikaur qongxx, "Jirjui hro guanw bah tangx jiac ar?

5 Guanw qir did dirr Egipt ee sii, jiac hii benw jnii, iarr qir did u ngquex, siquex, quxcair, cangx-aw, suanr-aw.

6 Dnaxx guanw ee jinglik qodaa, byy vnuar hxang mic; duliauw manna ixgua, dirr guanw ee bagjiux jingg byy vadd hxang mic."

7 Jitt xee manna cincniu uansuizinn, kuanxsid cincniu jinjux ee kuanw.

8 Vecsnir siwqer qniaa decc kiyh, uree ing bry bry ix, uree ing ku jringx ix, dirr dniaw nirr vig juer vniaw; jubi cincniu diauhyy iuu ee jiahmic.

9 Mii .sii lorjuiw lyc dirr ngiaa-diongx, manna iarr duer ix lyc.

10 Moses tniax qnir vecsnir ee dagg qrex dagg langg dirr qaqi ee vowvnii mngkauw decc tikaur. Jehovah dua siurkir, Moses iarr byy hnuahiw.

11 Moses duiww Jehovah qongw, "Liw sniaw su pnaiw kuanxtai Liw ee lovok. Guaw jnaixngiu byy dirr Liw ee binrjingg did diyc undenw. Liw qingwzenn ing jiaxee vecsnir ee dnar he dirr guaw ee sinjniu?

12 Jiaxee vecsnir qamxx si guaw huaiin :ee? Qamxx si guaw snix :ee mah, Liw qingwzenn duiww guaw qongw, 'Py inx dirr hxingx-jingg, cincniu ngiuxci ginxaw ee laurve py jiac lingx ee ngex-aw, qaur dirr Guaw jiuwjua sniuxsur inx ee joxqongx ee de?'

13 Guaw beh dui' daclyc did diyc bah hro jiaxee vecsnir? In'ui inx longxx duiww guaw tikaur qongxx, 'Liw diyhh ing bah hro guanw, hro guanw tangx jiac.'

14 Jiaxee vecsnir ee dnar sniu' dang, guaw qaqi damdngx be kiw.

15 Liw narr anxnix kuanxtai guaw, guaw narr dirr Liw ee binrjingg did diyc undenw, qriuu Liw jiksii qra guaw taii siw, benw hro guaw knuar qnir vunxsinx ee koxjingg."

16 Jehovah duiww Moses qongw, "Liw diyhh jurjip Islael ee dniuxlyw cid-jap langg laii Guaw jiax, dyrr si liw soxx jaix juer vecsnir ee dniuxlyw qapp qnuadniuw :ee, cua inx qaur huerbo, hro inx qapp liw kia dirr hiax.

17 Guaw beh qangwlimm dirr hiax qapp liw qongxue, iarr beh jiong' qangr lyc dirr liw dingxbin ee sinn, iarr qangr lyc dirr inx; inx dyrr qapp liw snaqab damdngx vecsnir ee dnar, benw did liw qaqi damdngx.

18 Iarr diyhh qra vecsnir qongw, 'Linw diyhh hro qaqi juer sxingr, virvan binaxzit tangx jiac bah, in'ui linw ee tikaur hro Jehovah tniax .qnir, qongw: jirjui hro guanw jiac bah? Guanw dirr Egipt jin' hyw; soxiw Jehovah beh hro linw bah, hro linw tangx jiac.

19 Linw m si jiac jit zit, nng zit, go zit, jap zit, zi-jap zit;

20 Beh jiac qaur jit guehzit muaw, qaur bah dui' linw ee pnirkangx cud .laii, hro linw iamwngor. Linw kiwsag diamr dirr linw diongqanx ee Jehovah, dirr Ix ee binrjingg tikaur qongxx: Guanw sniaw su cud Egipt ar?'"

21 Moses qongw, "Jiaxee qapp guaw diamr ee vecsnir, vorqniaa ee duarlangg u lak-jap-bxan, iarr Liw qongw, 'Guaw beh hro inx jiac bah, hro inx tangx jiac qaur jit guehzit muaw.'

22 Qamxx beh uirr inx taii ngiuu-qrunn, guu-qrunn, hro inx jiac qauwgiac? Iacc si uirdiyhh inx jurjip haiw-lai soxu ee hii, hro inx jiac qraur gxiac mah?"

23 Jehovah duiww Moses qongw, "Jehovah ee ciuw qamxx si dew mah? Dnaxx liw beh knuar Guaw ee ue, duiww liw ingwgiam iacc byy."

24 Moses cud kir jiong' Jehovah ee ue qra vecsnir qongw, iarr jiyjip vecsnir ee dniuxlyw cid-jap langg, hro inx kia dirr vowvnii ee siwuii.

25 Jehovah dirr hunn-diongx qangwlimm, duiww Moses qongxue, jiong' qangr lyc dirr ix dingxbin ee sinn, iarr qangr lyc dirr cid-jap xee dniuxlyw. Sinn limqaur inx ee sii, inx dyrr qongw sendix ee ue, ixau dyrr byy qycc qongw.

26 U nng langg iuguann dirr ngiaa-lai, jit xee miaa qiyr Eldad, jit xee miaa qiyr Medad, inx iarr qir miaa jairlai, danrsi byy qaur vowvnii hiax. Sinn limqaur inx, inx dyrr dirr ngiaa-lai qongw sendix ee ue.

27 U jit xee siauwlenlangg jauw laii qra Moses qongw, "Eldad qapp Medad dirr ngiaa-lai qongw sendix ee ue."

28 Qinsuii Moses :ee, Nun ee qniaw Josua, dyrr si siurr qingw ee jit langg, qongw, "Cniaw guaw ee jruw Moses qimwjiw inx."

29 Moses duiww ix qongw, "Liw ter guaw dowki mah? Guan Jehovah ee vecsnir longxx juer sendix, Jehovah ing Ix ee sinn qangr lyc dirr inx ee dingxbin."

30 Moses qapp Islael ee dniuxlyw dyrr dyr kir ngiaa-lai.

31 U hongx dui' Jehovah cud, jiong' encunx dui' haiw nirr cuex .laii, dui lyc dirr ngiaa-vnix, jitt vingg iokliok jit zit ee lorjam, hitt vingg iokliok jit zit ee lorjam, dirr ngiaa ee siwuii venwvenr si, li de iokliok u nng dxng.

32 Vecsnir kiw .laii, tong' zit tong' mii, qapp qeh zit ee tong' zit, liac encunx; qik jiyw :ee iarr liac jap homer; uirr vunxsinx vailet dirr ngiaa ee siwuii.

33 Bah dirr inx ee cuiwkiw, iauxx jiac be liauw, Jehovah dyrr duiww vecsnir huad siurkir. Jehovah qangr dua jaieh laii pah vecsnir.

34 Hitt xee soxjai hy miaa qiyr Kiblot Hattaavah, in'ui dirr hiax baijongr tam'iok ee vecsnir.

35 Vecsnir dui Kiblot Hattaavah qniaa qaur Hazelot; dyrr diamr dirr Hazelot.

12 Miliam qapp Aalon hiamm Moses, uirdiyhh ix soxx crua Kusit ee jaboxqniaw juer bow.

2 Inx qongw, "Jehovah qamxx dnuadnuax qapp Moses qongxue? Qamxx iarr byy qapp guanw qongxue mah?" Jitt xee ue Jehovah tniax .qnir.

3 Hitt xee Moses juewlangg qikqii unziuu, ngiaa quer sewjniu ee jingwlangg.

4 Jehovah hutzenn duiww Moses, Aalon, qapp Miliam qongw, "Linw snax langg cud laii qaur huerbo jiax." Inx snax langg dyrr cud .laii.

5 Jehovah dirr huntiau diongx qangwlimm, kia dirr vowvnii mngkauw, driaur Aalon qapp Miliam; inx nng langg dyrr cud .laii.

6 Ix qongw, "Diyhh tniax Guaw ee ue. Linw diongqanx narr u sendix, Guaw Jehovah beh ing ngirsiong qapp inx qongxue.

7 Guaw ee lovok Moses m si anxnix; ix jinrdiongx dirr Guaw ee juann qrex.

8 Guaw beh bin duiww bin qapp ix qongxue, dyrr si bingg bingg qongw, byy ing caigiw; qycc ix beh knuar qnir Jehovah ee hing'iongg. Linw hiamm Guaw ee lovok Moses. Sniaw su byy qniax ar?"

9 Jehovah siurkir inx, dyrr kir.

10 Hunn dui' vowvnii dingw suaw .kuix; knuar ar, Miliam taixqyx cincniu seh. Aalon knuar Miliam, knuar ar, ix si taixqyx.

11 Aalon duiww Moses qongw, "Guaw ee jruw ar, qriuu liw byc did in'ui guanw ee gugong huanrjue, jiong' jitt xee jue qruix dirr guanw.

12 Qriuu liw m tangx hro ix cincniu ixqing’ siw, jiacc dui' laurbuw ee txex cud .laii, bah ixqing’ nua jidvnuar."

13 Moses dyrr aiqiuu Jehovah qongxx, "Siongrder ar, qriuu Liw rix hyw ix."

14 Jehovah duiww Moses qongw, "Setsuw ix ee laurve pruir nxua dirr ix ee bin, ix qamxx byy qenwsiaur cid zit mah? Dnaxx diyhh qra ix qnuaix dirr ngiaa-gua cid zit, zen'au jiacc tangx cua ix zip .laii."

15 Dui' anxnix qnuaix Miliam dirr ngiaa-gua cid zit; vecsnir by kixsinx, tingwhau Miliam qycc zip .laii.

16 Au .laii vecsnir dui' Hazelot kixsinx, dirr Balaam ee kongwiaw anx ngiaa.

13 Jehovah huanhur Moses qongxx,

2 "Liw diyhh crex langg kir taux knuar Guaw soxx sur hro Islaellangg ee Kanaan-de, diyhh dui' inx joxqongx dagg jipair diongx crex jit langg, longxx si dirr inx diongqanx juer siuxlingw :ee."

3 Moses dyrr jiauww Jehovah ee bingrling, dui' Balaam ee kongwiaw crex inx kir, inx longxx si Islaellangg ee jogdniuw.

4 Inx ee miaa qir dirr erdew. Sriok Rleuben ee jipair, Zakur ee qniaw Sammua;

5 Sriok Simeon ee jipair, Holi ee qniaw Safat;

6 Sriok Judah ee jipair, Jefunneh ee qniaw Kaleb;

7 Sriok Issaqar ee jipair, Josef ee qniaw Igal;

8 Sriok Eflaim ee jipair, Nun ee qniaw Hosea;

9 Sriok Benjamin ee jipair, Rlafu ee qniaw Palti;

10 Sriok Zebulun ee jipair, Sodi ee qniaw Gaddiel;

11 Josef ee qniaxsunx, sriok Manasseh ee jipair, Susi ee qniaw Gaddi;

12 Sriok Dan ee jipair, Gemalli ee qniaw Ammiel;

13 Sriok Aser ee jipair, Miqael ee qniaw Setur;

14 Sriok Naftali ee jipair, Vopsi ee qniaw Nahbi;

15 Sriok Gad ee jipair, Maqi ee qniaw Geuel.

16 Jiaxee dyrr si Moses soxx crex kir taux knuar hitt xee de ee langg ee miaa. Moses dyrr cxingx Nun ee qniaw Hosea juer Josua.

17 Moses crex inx kir taux knuar Kanaan-de, duiww inx qongw, "Linw dui' jitt xee lamhngx jnriu .kir, suar vreh jnriu inx ee snuax, knuar hitt xee de jnaixngiu;

18 Qidiongx soxx kia ee vecsnir si qiongg iacc si ziok, si jiyw iacc si je; soxx kiarkiw ee de si simxmih kuanw, si hyw iacc si pnaiw;

19 Soxx kia ee soxjai simxmih kuanw, si ngiavnuaa iacc si qenqor ee sniaa;

20 Qycc knuar hitt xee dertow jnaixngiu, si vuii iacc si sanw; hitt diongqanx u ciurbak iacc byy. Linw diyhh hyxdnaw, jiong' hitt soxjai ee quexjiw duar quaw aw laii." Hitt sii duxaxx si pudyy kixtauu sik ee sii.

21 Inx dyrr kir taux knuar hitt xee de, dui' Zin ee kongwiaw qaur Rlehob, qaur zip Hamat ee lorkauw.

22 Inx dui' lamhngx jnriu .kir, qaur Heblon; dirr hiax u Anak-jok Ahiman, Sesai, Talmai. (Heblon Sniaa kixjy viw Egipt ee Zoan Sniaa kacc jaw cid nii.)

23 Inx qaur Eskol ee snuaqog, dui' hiax cyr pudyciu jit qix, dingxbin u jit pax pudyy. Nng langg ing qngr-aw qrngx ix; qycc duar quaw aw siahliuu, qapp buhuaqyw laii.

24 In'ui Islaellangg dui' hiax cyr jit pax pudyy, hitt soxjai jiacc hy juer Eskol Snuaqog.

25 Inx taux knuar hitt xee de sir-jap zit quw jiacc dyr .laii.

26 Qaur Balaam ee kongwiaw ee Kades, qnir Moses, Aalon, qapp Islael ee huerjiongr, huehok inx qapp juann hue; qycc ing hitt soxjai ee quexjiw hro inx knuar.

27 Qycc qra ix qongw, "Guanw qaur liw soxx crex guanw kir ee de, qyxzenn si lrauu linx qapp bit ee de; jex dyrr si hitt xee de ee quexjiw.

28 Danrsi hitt soxjai ee vecsnir iongxjongr, sniaa iarr qenqor kuacdua; guanw dirr hiax iarr knuar qnir Anak-jok.

29 Amaliklangg diamr dirr lamhngx; Hitlangg, Jebuslangg, qapp Amolilang diamr dirr snuade; Kanaanlangg diamr dirr haiw-vnix, qapp Jordan Hyy-vnix."

30 Kaleb dirr Moses ee binrjingg an'uir vecsnir, qongw, "Lanw diyhh libkig jnriu kir laii did diyc hitt soxjai; lanw u qraur gxiac ee lat e kacc ngiaa inx."

31 Dogdok hiaxee qapp ix jnriu .kir ee langg qongw, "Lanw be e jnriu kir qongqig hiaxee vecsnir; in'ui inx viw lanw kacc iongxjongr."

32 Inx hiaxee langg, lun soxx taux knuar ee de, duiww Islaellangg vyr pnaiw siausid, qongw, "Guanw soxx qingquer taux knuar ee de, si tunjiac hiaxee kiarkiw ee vecsnir ee de; guanw dirr hiax soxx knuar .qnir ee vecsnir longxx jin' dua hanr.

33 Guanw dirr hiax knuar qnir Anaklangg, dyrr si dua hanr langg, inx si dua hanr langg ee horer; jiauww guanw knuar qaqi cincniu cauxmeh, jiauww inx knuar guanw iarr si anxnix."

14 Huerjiongr dyrr cud sniax, dua auqiyr; hitt mii vecsnir longxx tikaur.

2 Islaellangg ai'uanr Moses qapp Aalon; huerjiongr duiww inx qongw, "Kacc m dat did guanw siw dirr Egipt-de iacc jitt xee kongwiaw!

3 Jehovah sniaw su cua guanw qaur jitt soxjai, hro guanw dyw dirr dyx-xe ar? Guanw ee bow qapp qniaw beh siurr liac; guanw dyr kir Egipt qamxx byy kacc hyw mah?"

4 Inx snaqab qongw, "Lanw diyhh lip jit xee siuxlingw, dyr kir Egipt."

5 Moses qapp Aalon dyrr pag lyc dirr Islael juann hue jingwlangg ee binrjingg.

6 Taux knuar de ee langg ee diongqanx, Nun ee qniaw Josua, qapp Jefunneh ee qniaw Kaleb, tiah lic inx ee snxax,

7 Duiww Islael juann hue qongw, "Guanw soxx qingquer taux knuar ee de, si qik hyw ee de.

8 Jehovah narr hnuahiw lanw, dyrr beh cua lanw qaur hitt xee de, jiong' de sniuxsur lanw; hitt xee de si lrauu linx qapp bit ee de.

9 Danrsi linw m tangx vuervuan Jehovah, iarr byc did qniax hitt soxjai ee vecsnir, in'ui inx si juer lanw ee jiahmic; qycc diwimr inx :ee ixqing’ lirkuix inx; qycc u Jehovah qapp lanw dilehh; mrbenw qniax inx."

10 Danrsi juann hue qongw, "Ing jiyhtauu dimr siw inx." Jehovah ee ingqngx dirr huerbo ngr Islaellangg cuthen.

11 Jehovah duiww Moses qongw, "Jitt xee vecsnir knuawkinx Guaw beh qaur dirsii ar? Guaw dirr inx diongqanx qniaa jex itcer ee sinziah, inx iauxquxx m sinr Guaw, beh qaur dirsii?

12 Guaw beh ing un'ik laii pah inx, hro inx be did diyc singjiab giap; hro liw jniaa juer dua qog, viw inx kacc qiongg."

13 Moses duiww Jehovah qongw, "Anxnix, Egiptlangg beh tniax .qnir; in'ui Liw ing Liw ee quanlingg, cua jiaxee vecsnir dui' inx diongqanx jnriu .laii.

14 Inx beh ing jiaxee su qra jitt soxjai kiarkiw ee langg qongw. Inx ixqing’ tniax qnir Liw dirr jiaxee vecsnir ee diongqanx; in'ui Jehovah Liw dngbin hro langg knuar .qnir, qycc Liw ee hunn tingg dirr inx ee dingxbin. Liw zit .sii dirr huntiau diongx, mii .sii dirr huextiau diongx, dirr inx ee binrjingg qniaa.

15 Dnaxx Liw narr taii siw jiaxee vecsnir, hiaxee tniax qnir Liw ee miasniax ee ledqog beh girlun qongxx,

16 'In'ui Jehovah be e cua jiaxee vecsnir zip Ix duiww inx jiuwjua ingwunw ee de, soxiw dirr kongwiaw taii siw inx.'

17 Dnaxx qriuu Jruw henxcud dua quanlingg, jiauww Liw soxx bad qongw :ee, qongw,

18 'Jehovah byy kuair siurkir, qycc u hongsing ee ju'air, siawbenw juerquar quewsid, quatduanr byy liac u jue :ee juer byy jue, dikkag quiqiu ix ee jue, dui' ve qaur qniaw, qaur snax~sir dai.'

19 Qriuu Liw jiauww Liw ee dua ju'air siawbenw jitt xee vecsnir ee jue, cincniu Liw dui' Egipt qaur dnaxx, siongsiongg siawbenw inx jidngiu."

20 Jehovah qongw, "Guaw jiauww liw ee ue u siawbenw inx.

21 Danrsi Guaw qiw Guaw ee uahmia laii qongw, venww de beh ciongmuaw Jehovah ee ingqngx.

22 In'ui jiaxee langg u knuar qnir Guaw ee ingqngx, ixqip Guaw soxx qniaa dirr Egipt qapp kongwiaw ee sinziah, iauxquxx cir Guaw jap vaiw, m tniatanr Guaw ee ue;

23 Inx quatduanr be did diyc knuar qnir Guaw duiww inx ee ledjow soxx jiuwjua ingwunw ee de; huanrnarr knuawkinx Guaw :ee longx be did diyc knuar .qnir.

24 Dogdok Guaw ee lovok Kaleb, in'ui ix lingrgua u jit xee simjir, uanjuann duer Guaw, Guaw beh cua ix zip ix soxx qniaa qaur ee de, ix ee horer iarr beh did diyc hitt xee de juer giap.

25 Amaliklangg qapp Kanaanlangg diamr dirr snuaqog diongx; binaxzit linw diyhh uat dywdngw, dui' Angg Haiw ee lo kir kongwiaw."

26 Jehovah huanhur Moses qapp Aalon qongxx,

27 "Jiaxee pnaiw ee huerjiongr duiww Guaw huad cud uanwgenn, Guaw tunlunw inx beh qaur dirsii ar? Islaellangg ai'uanr Guaw ee uanwgenn, Guaw longxx tniax .qnir lar.

28 Diyhh qra inx qongw, Jehovah qongw, 'Guaw qiw Guaw ee uahmia laii qongw, linw hro Guaw tniax .qnir ee ue, Guaw beh jiauww anxnix kuanxtai linw.

29 Linw ee sinsix beh dyw dirr jitt xee kongwiaw, qniwnarr linw diongqanx qewsngr ee langg, jiauww ix ee siauwgiac, dui' zi-jap huer ixsiong, duiww Guaw cud uanwgenn :ee,

30 Dikkag be did diyc zip Guaw jiuwjua ingwunw linw kiarkiw ee de; dogdok Jefunneh ee qniaw Kaleb, qapp Nun ee qniaw Josua, beh zip .kir.

31 Danrsi linw ee ginxaw, dyrr si linw soxx qongw beh siurr liac :ee, Guaw beh cua inx zip .kir, inx dyrr jaix linw soxx kiwsag hitt xee de.

32 Lun qaur linw, linw ee sinsix beh dyw dirr jitt xee kongwiaw.

33 Linw ee qniaxzii beh dirr kongwiaw piauliuu sir-jap nii, damdngx linw imhing ee jue, didqaur linw ee sinsix dirr kongwiaw siaubet.

34 Jiauww linw taux knuar hitt xee de ee zidjiw, qiong sir-jap zit, jit zit diw jit nii, linw diyhh damgdngx juer sir-jap nii; linw dyrr jaix Guaw kiwsag linw.

35 Guaw Jehovah ixqing’ qongw, Guaw beh anxnix kuanxtai jex itcer jurjip decc duiwdik Guaw ee pnaiw huerjiongr; inx beh dirr jitt xee kongwiaw siaubet, siw dirr jiax.'"

36 Moses soxx crex taux knuar hitt xee de, dywdngw laii vyr hitt soxjai ee pnaiw siausid, drir qaur juann hue ai'uanr ix.

37 Hiaxee vyr hitt soxjai pnaiw siausid ee langg, longxx duw diyc un'ik, siw dirr Jehovah ee binrjingg.

38 Taux knuar hitt soxjai ee langg ee diongqanx, jixu Nun ee qniaw Josua, qapp Jefunneh ee qniaw Kaleb, iauxquxx uac lehh.

39 Moses jiong' jiaxee ue qra Islael ee jingwlangg qongw, vecsnir dyrr jin' iubun.

40 Inx jaw jaw kiw laii jnriu kiw snuax-dingw, qongw, "Knuar ar, guanw dirr jiax, beh jnriu kir Jehovah soxx ingwunw ee de, in'ui guanw u huanrjue."

41 Moses qongw, "Linw sniaw su uivue Jehovah ee bingrling ar? Jitt xee su be e hingtongx.

42 Byc did jnriu .kir, in'ui Jehovah byy dirr linw diongqanx, qniax linw e hro duiwdik pacvai.

43 In'ui Amaliklangg qapp Kanaanlangg longxx dirr hiax, dirr linw ee taujingg, linw beh dyw dirr dyx-xe; in'ui linw uat tauu byy duer Jehovah; soxiw Jehovah byy beh qapp linw dilehh."

44 Inx jurjuanx jnriu snuax-dingw; danrsi Jehovah ee iokqui qapp Moses byy cud ngiaa.

45 Dui' anxnix, Amaliklangg qapp Kanaanlangg kiarkiw dirr snuax nirr :ee, longxx lyc laii qongqig inx, pacvai inx, qaur dirr Hormah.

15 Jehovah huanhur Moses qongxx,

2 "Liw diyhh huanhur Islaellangg, qra inx qongw, linw narr qaur Guaw soxx sniuxsur linw kiarkiw ee de,

3 Narr rair dui' guu-qrunn iacc ngiuu-qrunn henr hro Jehovah juer huexjer, dyrr si siyjer, iacc si vadd hy ee jrer, beh siarguan, iacc si juer hnuahiw henr ee jrer, iacc si qaur dniardiyc ee jecqii, juer pangx pangx henr hro Jehovah;

4 Hitt xee henr lexmic :ee, dagg jiah ngiuu-aw diyhh puer iur ee mirhunw efah jap hxun jit, qapp iuu jit hin sir hxun jit, diauhyy juer sowjer;

5 Jiuw iarr diyhh jit hin sir hxun jit, laii juer quanwden; bylun siyjer, iacc si vadd mic jrer, longxx diyhh anxnix laii henr hro Jehovah.

6 Uirdiyhh mi'ngiuqangw, liw diyhh virvan iur ee mirhunw efah jap hxun nng, qapp iuu jit hin snax hxun jit, diauhyy juer sowjer;

7 Qycc ing jiuw jit hin snax hxun jit juer quanwdenrjer, juer pangx pangx laii henr hro Jehovah.

8 Liw narr virvan guqangw-aw juer siyjer, iacc si vadd hy ee jrer, laii siarguan, iacc si juer siarunjer, laii henr hro Jehovah,

9 Dyrr si ing iur ee mirhunw efah jap hxun snax, qapp iuu vnuar hin, diauhyy juer sowjer, qapp guqangw-aw snaqab henr;

10 Qycc ing jiuw vnuar hin juer quanwden ee jrer, henr hro Jehovah juer pangx pangx ee huexjer.

11 Higsi uirdiyhh jit jiah guqangw, iacc si jit jiah mi'ngiuqangw, iacc si jit jiah mi'ngiuu-aw, iacc si snua'ngiuu-aw, longxx diyhh anxnix juer.

12 Jiauww linw soxx virvan ee siauwgiac, jiauww dagg jiah ee giahsiaur, longxx diyhh anxnix juer.

13 Qniwnarr vunxderlangg, jiong' pangx pangx ee huexjer henr hro Jehovah, longxx diyhh anxnix juer jiaxee dairjir.

14 Narr u guarbinrlangg cutgua dirr linw diongqanx, iacc si dagg sewdai u langg kiarkiw dirr linw diongqanx, beh henr huexjer, pangx pangx dirr Jehovah jingg, linw anxnix qniaa, inx iarr diyhh anxnix qniaa.

15 Lun huerjiongr, linw qapp kiarkiw dirr linw diongqanx ee cutguarlangg, longxx qangg jit ngiu ee le, juer linw dagg sewdai ingxuanw ee le, dirr Jehovah ee binrjingg; linw anxnix, cutguarlangg iarr diyhh anxnix.

16 Linw qapp guarbinrlangg cutgua dirr linw diongqanx :ee, diyhh qangg jit ngiu ee le, jit ngiu ee huatdo."

17 Jehovah huanhur Moses qongxx,

18 "Liw diyhh huanhur Islaellangg, qra inx qongw, linw qaur Guaw soxx cua linw zip .kir hitt xee de, jiac hitt soxjai ee bixniuu,

19 Dyrr diyhh henr quxjer hro Jehovah.

20 Linw diyhh ing kixtauu sik ee behhunw congr vniaw, henr juer quxjer; linw quxkiw, cincniu quxkiw gorqakdniuu ee gnoxqog jidngiu.

21 Linw dagg sewdai diyhh ing linw kixtauu sik ee behhunw, juer quxjer, henr hro Jehovah.

22 Linw u cywgo ee sii, byy siuw Jehovah soxx huanhur Moses jiaxee itcer ee bingrling,

23 Dyrr si Jehovah tog Moses itcer soxx bingrling linw :ee, dui' Jehovah bingrling linw ee zit, qaur dirr linw ee dagg sewdai,

24 Narr u qniaa cywgo, huerjiongr iarr m jaix, au .laii huerjiongr diyhh henr jit jiah guqangw-aw juer siyjer, iarr jiauww huatdo ing ix ee sowjer, qapp qaunwden ee jrer, snaqab juer pangx pangx, henr hro Jehovah; qycc diyhh henr jit jiah snua'ngiuqangw juer siogjue ee jrer.

25 Jewsix diyhh uirr Islaellangg ee huerjiongr siogjue, inx dyrr did diyc siawbenw; in'ui jex si cywgo, inx iarr in'ui inx ee cywgo, duar inx ee lexmic, dyrr si henr hro Jehovah ee huexjer, qapp siogjuerjer, longxx duar qaur Jehovah ee binrjingg;

26 Islaellangg ee huerjiongr, qapp qiawkax dirr inx diongqanx ee guarlangg, dyrr beh did diyc siawbenw; in'ui jitt xee jue si vecsnir cywgo huan :ee.

27 Narr u jit langg cywgo huanrjue, ix dyrr diyhh henr bue muaw nii ee snua'ngiubuw juer siogjuerjer.

28 Hitt xee qniaa cywgo ee langg dirr ix cywgo huanrjue ee sii, jewsix diyhh dirr Jehovah ee binrjingg, qra ix siogjue; qra ix siogjue, ix dyrr beh did diyc siawbenw.

29 Islael diongx ee vunxderlangg, qapp qiawkax dirr inx diongqanx ee cutguarlangg, narr cywgo qniaa simxmih su, diyhh qangg jitt xee le.

30 Danrsi hitt xee jurjuanx qniaa dairjir :ee, bylun si vunxderlangg, iacc si qiawkax :ee, ix setdok Jehovah, diyhh dui' ix ee vecsnir diongx jenxduu .kir.

31 In'ui biauxsi Jehovah ee ue, vuergik Ix ee bingrling :ee, hitt langg diyhh itjin jenxduu; ix ee juerquar beh qruix dirr ix."

32 Islaellangg dirr kongwiaw ee sii, duw diyc jit langg dirr Anhiyczit kiyh caa.

33 Hiaxee duw diyc hitt xee kiyh caa ee langg, duar ix qaur Moses, Aalon, qapp huerjiongr hiax.

34 Inx dyrr qra ix qnuaiqimr, in'ui iauxx bue jixbingg diyhh jnaixngiu vran ix.

35 Jehovah duiww Moses qongw, "Hitt langg dikkag diyhh hro ix siw, huerjiongr diyhh dirr ngiaa-gua ing jiyhtauu dimr ix."

36 Huerjiongr cua hitt langg cud ngiaa-gua, ing jiyhtauu dimr ix qaur siw; si jiauww Jehovah soxx bingrling Moses :ee.

37 Jehovah huanhur Moses qongxx,

38 "Liw diyhh huanhur Islaellangg, qra inx qongw, hro inx dairdai dirr sna'axqnii juer ciux, qycc dirr erdew vnix ee ciux-dingw, diyr jit diauu nraa sig ee iur duar.

39 Beh qra linw juer ciux, hro linw knuar .qnir, tangx qir did Jehovah ee bingrling laii qniaa ix, benw did linw hongwciongr qaqi ee sim'ir, qaqi ee bagjiux, laii qniaa imhing, cincniu linw vingsor soxx qniaa :ee jidngiu;

40 Hro linw qir did laii qniaa Guaw itcer ee bingrling, jniaa juer sxingr qruix linw ee Siongrder.

41 Guaw si Jehovah, linw ee Siongrder, cua linw cud Egipt-de, beh juer linw ee Siongrder. Guaw si Jehovah, linw ee Siongrder."

16 Levi ee jingsunx, Kohat ee sunx, Izhar eee qniaw Kolah, qapp Rleuben e qniaxsunx diongx Eliab ee qniaw Datan, Abilam,

2 Qapp Pelet ee qniaw On qed jit dongw, qapp Islael diongx ee langg, dyrr si hue-diongx ee siuxlingw nng-vah go-jap langg, si u bingbong siurr qingxdiaur hur hue ee langg, snaqab kiw laii dirr Moses ee binrjingg.

3 Inx jurjip qongqig Moses qapp Aalon qongxx, "Linw ciamwquann, juann hue dagg langg longxx si sxingr, Jehovah iarr dirr inx diongqanx; linw sniaw su jurqyx vnuaa quer Jehovah ee huerjiongr ar?"

4 Moses tniax qnir jitt xee ue dyrr pag dirr de nirr,

5 Duiww Kolah qapp ix ee juann dongw ee langg qongw, "Qaur binaxjaxkiw, Jehovah beh jixsi simxmih langg si sriok Ix :ee, simxmih langg si sxingr, dyrr beh hro hitt langg cinqin Ix. Ix soxx qingxsuanw ee langg beh hro inx cinqin Ix.

6 Linw diyhh anxnix qniaa. Kolah qapp ix ee dongw, diyhh tec hniuloo;

7 Binaxzit dirr Jehovah ee binrjingg, ing huew drew dirr hitt lairbin, he hniux dirr hitt dingxbin. Jehovah soxx qingw ee langg, ix beh juer sxingr; linw Levi ee qniaxsunx ciamwquann lar."

8 Moses qycc duiww Kolah qongw, "Levi ee qniaxsunx ar, linw diyhh tniax.

9 Islael ee Siongrder, dui' Islael ee hue-diongx hunvet linw, hro linw cinqin Ix, vran Jehovah huerbo ee su, iarr kia dirr huerjiongr ee binrjingg laii juer inx ee ce'ing.

10 Ix qycc hro liw, qapp liw longxjongw ee hniadi Levi ee qniaxsunx snaqab cinqin Ix, linw liac jex juer siyxkuaw mah? Linw iauxquxx iauqiuu jewsix ee jit'ui mah?

11 Soxiw liw qapp liw ee dongw jurjip, si decc qongqig Jehovah; Aalon si simxmih, linw qingwzenn ai'uanr ix ar?"

12 Moses crex langg kir qiyr Eliab ee qniaw Datan qapp Abilam; inx qongw,

13 "Guanw m jnriu .kir. Liw cua guanw dui' siongsiongg lrauu linx qapp bit ee de jnriu .laii, beh dirr kongwiaw taii siw guanw, jex qamxx si siyxkuaw, liw iauxquxx laii quanxhad guanw mah?

14 Qycc liw byngiaw cua guanw qaur lrauu linx qapp bit ee de, iarr byy ing canhngg, qapp pudyhngg hro guanw juer giap; jongw byy liw beh iah jiaxee langg ee bagjiux mah? Guanw byy beh jnriu .kir."

15 Moses siurkir qaur qik, duiww Jehovah qongw, "Qriuu Liw byc did qamwlap inx soxx henr :ee. Guaw vingrr byy kanx inx jit jiah luu, iarr byy hai inx jit langg."

16 Moses duiww Kolah qongw, "Liw qapp liw ee dongw hiaxee langg, qapp Aalon, binaxzit longxx diyhh laii kia dirr Jehovah ee binrjingg.

17 Linw dagg langg duar ix ee hniuloo, qiong nng-vah go-jap xee, he hniux dirr hitt dingxbin, dagg langg duar ix ee hniuloo qaur Jehovah ee binrjingg; liw qapp Aalon iarr qokk duar qaqi ee hniuloo."

18 Dui' anxnix inx dagg langg tec ix ee hniuloo, drew huew dirr hitt lairbin, he hniux dirr hitt dingxbin, qapp Moses, Aalon kia dirr huerbo mngkauw.

19 Kolah jiyjib huerjiongr qaur huerbo mngkauw, qongqig inx; Jehovah ee ingqngx henxhen dirr huerjiongr jingg.

20 Jehovah huanhur Moses qapp Aalon qongxx,

21 "Linw diyhh lirkuix jitt xee hue-diongx, Guaw tangx dirr jit bak nih quw ee diongqanx jaubet inx."

22 Inx dyrr pag dirr de nirr, qongw, "Siongrder ar, sniuxsur uahmia hro qniwnarr u ziogtew :ee ee Siongrder ar, jit langg huanrjue, Liw dyrr beh siurkir juann hue mah?"

23 Jehovah huanrhur Moses qongxx,

24 "Liw diyhh huanhur huerjiongr, duiww inx qongw, linw diyhh lirkuix Kolah, Datan, Abilam vowvnii ee siwuii."

25 Moses kiw laii kir Datan, Abilam hiax, Islael ee dniuxlyw iarr duer ix kir.

26 Ix huanhur huerjiongr qongxx, "Linw diyhh lirkuix jiaxee pnaiw langg ee vowvnii, inx ee mihqnia longxx m tangx bongx, qniax linw iarr siurr bet dirr inx ee jue-diongx."

27 Inx dyrr lirkuix Kolah, Datan, qapp Abilam ee vowvnii ee siwuii. Datan, Abilam qapp inx ee bow, inx ee qniaw, inx ee sewqniaw, longxx cud laii kia dirr inx qaqi ee vowvnii mngkauw.

28 Moses qongw, "Jehovah crex Guaw qniaa jex itcer ee su, linw dui' anxnix tangx jaix, in'ui guaw m si jurjuanx laii qniaa.

29 Setsuw jiaxee langg siw cincniu vingsionglangg siw, inx sox duw .diyc cincniu vingsionglangg soxx duw .diyc, dyrr Jehovah byy crex guaw.

30 Setsuw Jehovah juer jit hxang sinx ee su, hro de kuix cuir, jiong' inx qapp itcer sriok inx :ee longxx tunx .lyc .kir, hro inx uac uac dui lyc imqanx, linw dyrr jaix jiaxee langg si biauxsi Jehovah."

31 Jiaxee ue ix duxaxx qongw suah, inx erbin ee de dyrr lic .kuix.

32 De dyrr kuix cuir, jiong' inx qapp inx ee qequanr, ixqip itcer sriok Kolah ee zindingx, jaibut, longxx tunx .lyc .kir.

33 Hiaxee langg qapp itcer sriok inx :ee, longxx uac uac lyc imqanx; de dyrr qycc hap uaw dirr inx ee dingxbin, inx dyrr dui' hue-diongx bedbyy.

34 Dirr inx siwuii ee Islaellangg, tniax qnir inx auqiyr, dyrr longxx dyjauw, qongw, "Qniax de iarr qra lanw tunx .lyc .kir."

35 Qycc u huew dui' Jehovah hiax cud, tunbet hiaxee henr hniux ee nng-vah go-jap langg.

36 Jehovah huanhur Moses qongxx,

37 "Liw diyhh huanhur jewsix Aalon ee qniaw Eleazar, dui' huew-diongx kiyh hiaxee hniuloo kiw .laii, pacsnuar dirr hiax ee huew; in'ui hiaxee hniuloo ixqing’ si sxingr.

38 Ing hiaxee huanrjue hai qaqi ee sniwmia ee langg ee hniuloo, duii juer qui' pnir, laii anx jewdnuaa; in'ui inx henr dirr Jehovah ee binrjingg, soxiw si sxingr :ee, tangx hro Islaellangg juer qamwqair."

39 Jewsix Eleazar dyrr tec hiaxee langg soxx henr ee dangloo, duii juer qui' pnir, laii anx jewdnuaa, hro Islaellangg juer qamwqair;

40 Hro guarbinrlangg, m si sriok Aalon ee horer :ee, be tangx uaw qin Jehovah laii siyx hniux, benw did inx cincniu Kolah qapp ix ee dongw; jex si jiauww Jehovah tog Moses soxx bingrling :ee.

41 Qeh zit Islaellangg juann hue longxx ai'uanr Moses qapp Aalon, qongw, "Linw hai siw Jehovah ee vecsnir."

42 Huerjiongr jurjip qongqig Moses qapp Aalon ee sii, ngr huerbo knuar, knuar ar, u hunn kamr ix, Jehovah ee ingqngx henxhen.

43 Moses qapp Aalon dyrr qaur huerbo jingg.

44 Jehovah huanhur Moses qongxx,

45 "Linw diyhh lirkuix jitt xee hue-diongx, hro Guaw tangx dirr jit bak nih quw ee diongqanx bedbyy inx." Inx nng langg dyrr pag dirr de nirr.

46 Moses duiww Aalon qongw, "Tec hitt xee hniuloo, ing dnxuaa-dingw ee huew drew dirr hitt diongqanx, he hniux dirr hitt dingxbin, qinw qinw duar qaur huerjiongr hiax, qra inx siogjue; in'ui u dua siurkir dui' Jehovah cud, un'ik ixqing’ huatjyh."

47 Aalon jiauww Moses soxx qongw :ee tec .laii, jauw qaur hue-diongx; knuar ar, un'ik ixqing’ huad dirr vecsnir diongx, ix dyrr he hniux, qra vecsnir siogjue.

48 Ix kia dirr uahlangg sixlangg ee diongqanx, un'ik dyrr suah.

49 Druu kir in'ui Kolah ee dairjir siw :ee ixgua, duw diyc un'ik siw :ee, qiong u jit-bxan sir-cingx cid-vah langg.

50 Aalon dyr laii qaur Moses hiax, qaur huerbormngg, un'ik jiacc suah.

17 Jehovah huanhur Moses qongxx,

2 "Liw qra Islaellangg qongw, inx giac qnuaiw-aw, dagg jipair jit qix, dyrr si dui' hiaxee jipair ee siuxlingw, qiong giac jap qix; liw siaw dagg langg ee miaa dirr ix ee qnuaiw-aw.

3 Dirr Levi hitt qix qnuaiw-aw diyhh siaw Aalon ee miaa; in'ui dagg jipair ee taulangg longxx u jit qix qnuaiw-aw.

4 Liw diyhh jiong' hiaxee he dirr huerbo lai huatqui ee taujingg, dyrr si Guaw qapp linw sionghue ee soxjai.

5 Guaw soxx qingw hitt langg, ix ee qnuaiw-aw beh vuh gee; anxnix Guaw beh hro Islaellangg ai'uanr ee ue, dyrr si inx soxx ai'uanr linw ee ue, longxx suah, byy qycc hro Guaw tniax .qnir."

6 Moses dyrr qra Islaellangg qongw. Inx ee siuxlingw dyrr ing qnuaiw-aw qaux hro ix, jiauww inx ee jipair, jit xee siuxlingw jit qix, jit xee siuxlingw jit qix, qiong jap-zi qix qnuaiw-aw; Aalon ee qnuaiw-aw iarr dirr hiaxee qnuaiw-aw ee diongqanx.

7 Moses dyrr jiong' hiaxee qnuaiw-aw he dirr huatqui ee vowvnii lai, dirr Jehovah ee binrjingg.

8 Qeh dngw zit Moses zip kir huatqui ee vowvnii; knuar ar, sriok Levi ee qrex, Aalon qnuaiw-aw, ixqing’ vuh gee snix huemm, kuix huex, qed jniaa hingrzinn.

9 Moses dui' Jehovah ee binrjingg giac hiaxee qnuaiw-aw cud .laii, qaur Islael ee jingwlangg hiax. Inx knuar .qnir, dagg langg giac inx ee qnuaiw-aw.

10 Jehovah duiww Moses qongw, "Qra Aalon ee qnuaiw-aw iuguann he dirr huatqui jingg lauu lehh, juer jiaxee vuergik ee langg ee qamwqair; anxnix liw dyrr hro inx dui' Guaw ai'uanr ee ue suah, benw did inx sixbyy."

11 Moses anxnix qniaa, si jiauww Jehovah soxx bingrling :ee laii qniaa.

12 Islaellangg duiww Moses qongw, "Knuar ar, guanw siw lar, guanw bedbyy lar, longxx bedbyy lar.

13 Qniwnarr uaw qin, dyrr si uaw qin Jehovah ee huerbo :ee, longxx siw; guanw beh longxjongw siw mah?"

18 Jehovah duiww Aalon qongw, "Liw qapp liw jiaxee qniaw, qapp liw ee vunxjok, diyhh snaqab damdngx sxingr sow ee jue; liw qapp liw jiaxee qniaw iarr diyhh damdngx linw jewsijid ee jue.

2 Liw diyhh cua liw ee hniadi, Levi ee jipair qapp liw ee joxqongx ee jipair jinwjingg laii, hro inx qapp liw lenhap laii suhau liw; narr si liw qapp liw ee qniaw, linw longxx diyhh dirr huatqui ee huerbo jingg.

3 Inx diyhh juer liw ee ce'ing, iarr diyhh juer vowvnii ee ce'ing; dogdok m tangx qin sxingr sow ee kiwqu qapp dnxuaa, benw did inx qapp linw longxx siw.

4 Inx diyhh qapp liw lenhap, iarr diyhh juer huerbo ee ce'ing, liaurliw vowvnii longxjongw ee qangx; dogdok guarbinrlangg m tangx uaw qin linw.

5 Linw diyhh juer sxingr sow ee ce'ing, qapp dnxuaa ee ce'ing, benw did siurkir qycc qaur dirr Islaellangg.

6 Guaw bad dui' Islaellangg ee diongqanx qingw linw ee hniadi Levilangg laii sniuxsur linw, qapp qruix Jehovah, laii liaurliw huerbo ee qangx.

7 Soxiw liw qapp liw ee qniaw diyhh snaqab siuw jewsix ee jithun, liaurliw dnxuaa qapp dniuwlii lai itcer ee qangx, linw diyhh anxnix hogbu. Guaw ixqing’ sniuxsur liw jewsix ee jitzim ee qangx, cincniu sangr mic; qniwnarr guarbinrlangg qinruaw :ee, dikkag hro ix siw."

8 Jehovah qycc qra Aalon qongw, "Knuar ar! Guaw ixqing’ ing henr hro Guaw ee quxjer, dyrr si Islaellangg hunvet juer sxingr ee mic, qaux hro liw laii siuw ix; in'ui liw siurr buah iuu, jiaxee mic qruix liw qapp liw ee qniaxsunx, juer ingxuanw ee hunrgiac.

9 Byy qingquer huew, jiww sxingr ee mic ee diongqanx, sriok dirr liw :ee si jiaxee; qniwnarr inx ee lexmic, inx ee sowjer, inx ee siogjuerjer, inx ee vow quewsid ee jrer, inx soxx henr hro Guaw :ee, longxx juer jiww sxingr, qruix hro liw qapp liw ee qniaxsunx.

10 Liw diyhh knuar jiaxee juer jiww sxingr laii jiac ix; qniwnarr davodingx longxx tangx jiac; liw diyhh liac jitt xee mic juer sxingr.

11 Jiaxee iarr si liw ee, lexmic ee quxjer, ixqip Islaellangg soxx henr ee iyjer, Guaw longxx sniuxsur liw, qapp liw ee qniaw, jaboxqniaw, juer ingxuanw ee hunrgiac; qniwnarr dirr liw qrex-diongx cingkir ee langg longxx tangx jiac.

12 Siongrr hyw ee iuu, siongrr hyw ee jiuw, siongrr hyw ee gnoxqog, dyrr si inx kixtauu sik henr hro Jehovah :ee, Guaw longxx sniuxsur liw.

13 Inx ee de kixtauu sik ee mic, soxx henr hro Jehovah :ee, longxx qruix hro liw; liw qrex-lai cingkir ee langg longxx tangx jiac.

14 Islael diongx qniwnarr siurr hunvet henwjin :ee, longxx diyhh qruix hro liw.

15 Qniwnarr ziogtew taujniu snix :ee, bylun langg iacc si jingsnix, inx soxx henr hro Jehovah :ee, longxx qruix dirr liw; dogdok langg taujniu snix :ee liw diyhh sriok ix; byy cingkir ee jingsnix taujniu snix :ee, liw iarr diyhh sriok ix.

16 Dirr muaxguec ixgua soxx diyhh siok :ee, diyhh jiauww liw soxx qrow ee qrer, jiauww sxingr sow ee sekel, ing ginn go sekel sioghuee ix; jit sekel si zi-jap gelah.

17 Dogdok taujniu snix ee guu, taujniu snix ee mi'ngiuu, taujniu snix ee snua'ngiuu, liw m tangx siok; jex si sxingr, diyhh hiur ix ee huih dirr dnxuaa nirr, diyhh siyx ix ee iuu juer huexjer, juer pangx pangx henr hro Jehovah.

18 Hiaxee bah qruix dirr liw, cincniu soxx iyy ee hxingx qapp jniar tuiw qruix dirr liw jidngiu.

19 Qniwnarr sxingr mic ee quxjer, si Islaellangg henr hro Jehovah :ee, Guaw longxx sniuxsur liw, qapp liw ee qniaw, jaboxqniaw, juer ingxuanw did .diyc ee hunrgiac; jex si hro liw qapp liw ee horer, dirr Jehovah ee binrjingg, juer ingxuanw be hruer ee iog."

20 Jehovah duiww Aalon qongw, "Liw dirr inx ee derhngx m tangx u sanxgiap, dirr inx ee diongqanx iarr m tangx u hunrgiac; dirr Islaellangg diongx Guaw dyrr si liw ee hunrgiac, si liw ee sanxgiap.

21 Knuar ar, dirr Islael diongx soxx tiux ee jap hxun jit, Guaw ixqing’ sniuxsur Levi ee qniaxsunx juer giap; in'ui inx soxx juer ee qangx si huerbo ee qangx, soxiw sniuxsur inx, laii vywdab inx ee diyhbuaa.

22 Dui' dnaxx ixau, Islaelalngg m tangx uaw qin huerbo, benw did inx damdngx jue laii siw.

23 Dogdok Levilangg diyhh juer huerbo ee qangx, damdngx inx ee jue. Jex beh juer linw dagg sewdai ingxuanw ee le; inx dirr Islaellangg ee diongqanx m tangx u sanxgiap.

24 In'ui Islaellangg soxx tiux ee jap hxun jit, soxx henr hro Jehovah juer quxjer :ee, Guaw ixqing’ sniuxsur Levilangg juer giap; soxiw Guaw duiww inx qongw, inx dirr Islaellangg ee diongqanx m tangx u sanxgiap."

25 Jehovah huanhur Moses qongxx,

26 "Liw diyhh huanhur Levilangg, qra inx qongw, linw dui' Islaellangg ee diongqanx tiux jap hxun jit, dyrr si Guaw hro linw juer giap :ee; hitt sii linw diyhh dui' hitt xee jap hxun jit ee diongqanx qycc tiux jap hxun jit, juer quxjer, henr hro Jehovah.

27 Liw ee quxjer beh qra linw sngr juer gorqakdniuu ee bec, qapp dirr pudykud muaw .cud .laii ee jiuw.

28 Anxnix, linw dui' Islael diongx soxx did .diyc ee jap hxun jit, diyhh dui' hitt xee henr quxjer hro Jehovah; linw diyhh dui' hitt xee, ing Jehovah ee quxjer hro jewsix Aalon.

29 Linw soxx did .diyc itcer ee lexmic, diyhh dui' hitt diongqanx, jiong' derr id hyw :ee, dyrr si hunvet juer sxingr ee hunrgiac, henr hiaxee quxjer hro Jehovah.

30 Soxiw liw diyhh duiww inx qongw, linw ixqing’ dui' hitt diongqanx quxkiw hitt xee jiww hyw :ee, jex dyrr si qra Levilangg sngr juer gorqakdniuu ee gnoxqog, iarr cincniu jiuxkud ee jiuw.

31 Linw qapp linw ee qequanr, dagg soxjai tangx jiac ix; jex si linw ee qangjnii, si vywdab linw dirr huerbo lai soxx juer ee qangx.

32 Linw ixqing’ dui' hitt diongqanx quxkiw hitt xee jiww hyw :ee, dyrr byy in'ui anxnix laii huanrjue; linw m tangx pah lasamm Islaellangg ee sxingr mic, benw did linw sixbyy."

19 Jehovah huanhur Moses qapp Aalon qongxx,

2 "Jehovah soxx bingrling ludhuad ee diaule si anxnix qongw: Liw diyhh huanhur Islaellangg, ing jit jiah sunjuann byy hacuu, m bad qruar dnax, ciacsig ee gubuw, kanx qaur liw jiax.

3 Liw diyhh jiong' ix qaux hro jewsix Eleazar, tangx duar cud ngiaa-gua; langg dyrr taii guu dirr ix ee binrjingg.

4 Jewsix Eleazar diyhh ing jngxtauu-aw tec ix ee huih damrvyc, ngr huerbo jingg hiur huih cid vaiw.

5 Diyhh u jit langg dirr jewsix ee bagjiux jingg, siyx buw ee guu-aw, dyrr si siyx ix ee puee, ix ee bah, ix ee huih, ix ee vunr.

6 Jewsix diyhh jiong' vikhniucaa, giucikcauw, ju'angg sig ee xmii, longxx hed dirr siyx guu ee huew-diongx.

7 Jewsix diyhh sew ix ee snxax, ing juiw sew sinkux, zen'au zip ngiaa; jewsix beh byy cingkir qaur ehngx.

8 Siyx guu-aw ee langg diyhh ing juiw sew ix ee snxax, ing juiw sew sinkux, beh byy cingkir qaur ehngx.

9 Diyhh u jit xee cingkir ee langg siusip gubuw ee hux, he dirr ngiaa-gua cingkir ee soxjai, lauu lecc juer Islael huerjiongr druu kir lasamm ee juiw; jex iarr si druu kir jue.

10 Siusip gubuw ee hux ee langg diyhh sew ix ee snxax, qycc ix beh byy cingkir qaur ehngx; jex beh hro Islaellangg qapp qiawkax dirr inx diongqanx ee guarlangg juer ingxuanw ee le.

11 Bongx diyc langg ee sinsix :ee, dyrr beh cid zit quw byy cingkir.

12 Hitt langg qaur derr snax zit, diyhh ing hitt xee juiw cingkir vunxsinx, qaur derr cid zit jiacc cingkir; ix narr dirr derr snax zit byy cingkir vunxsinx, qaur derr cid zit dyrr byy cingkir.

13 Qniwnarr bongx diyc langg ee sinsix, byy cingkir qaqi :ee, dyrr pah lasamm Jehovah ee huerbo, jitt xee langg diyhh dui' Islael diongx jenxduu; in'ui druu kir lasamm ee juiw byy hiur dirr ix ee sinkux, ix dyrr byy cingkir, ix ee byy cingkir iauxquxx dirr ix.

14 Langg siw dirr vowvnii lai, hitt ee diaule si anxnix. Qniwnarr zip hitt xee vowvnii, qapp itcer dirr vowvnii lai :ee, longxx diyhh byy cingkir cid zit quw.

15 Qniwnarr henx kuix ee kiwqu, dyrr si quar byy kamr bat :ee, iarr si byy cingkir.

16 Bylun simxmih langg dirr can'iaw bongx diyc hro dyx taii .siw .ee, iacc si sinsix, iacc si langg ee quttauu, iacc si hunbong, dyrr cid zit quw byy cingkir.

17 Diyhh uirdiyhh jitt xee byy cingkir ee langg tec damrvyc soxx siyx :ee druu kir jue ee huexhux, he dirr kiwqu lai, dyr uahjuiw dirr hitt dingxbin.

18 Diyhh u jit xee cingkir ee langg tec giucikcauw unr dirr jitt xee juiw, jiong' juiw hiur dirr vowvnii, qapp longxjongw ee kiwqu, ixqip hitt lairbin ee langg; qycc hiur bongx diyc quttauu :ee, iacc si bongx diyc siurr taii :ee, iacc si bongx diyc sixsix :ee, iacc si bongx diyc hunbong :ee.

19 Derr snax zit qapp derr cid zit, cingkir :ee diyhh qra hitt xee byy cingkir :ee hiur juiw, qaur derr cid zit tangx hro ix cingkir. Hitt langg diyhh sew snxax, ing juiw sew sinkux; qaur ehngx jiacc cingkir.

20 Hitt xee byy cingkir ee langg iarr byy cingkir qaqi :ee, diyhh dui' hue-diongx jenxduu ix; in'ui ix pah lasamm Jehovah ee sxingr sow; druu kir lasamm ee juiw byy hiur dirr ix ee sinkux, ix si byy cingkir ee langg.

21 Jex beh qra inx juer ingxuanw ee le; qycc hitt xee qra langg' hiur druu kir lasamm ee juiw, hitt langg diyhh sew ix ee snxax; qniwnarr bongx hitt xee druu kir lasamm ee juiw :ee, dikkag byy cingkir qaur ehngx.

22 Qniwnarr byy cingkir ee langg soxx bongx .diyc .ee, dyrr byy cingkir; bongx diyc ix :ee, dikkag byy cingkir qaur ehngx."

20 Jniax-guec qranx, Islaellangg juann hue laii qaur Zin ee kongwiaw, vecsnir dyrr diamr dirr Kades. Miliam siw dirr hiax, dyrr baijongr dirr hiax.

2 Huerjiongr byy juiw tangx limx; inx dyrr jurjip qongqig Moses qapp Aalon.

3 Vecsnir dyrr qapp Moses qewqaur qongxx, "Jingg guanw ee hniadi siw dirr Jehovah ee binrjingg, guanw m dat diyc hitt sii suar siw.

4 Linw sniaw su cua Jehovah ee huerjiongr qaur jitt xee kongwiaw, hro guanw qapp guanw ee jingsnix siw dirr jiax ar?

5 Linw sniaw su hro guanw cud Egipt, cua guanw qaur jitt xee pnaiw soxjai ar? Byy soxjai tangx ia jxingw, iarr byy buhuaqyw, byy pudyy, byy siahliuu, qycc byy juiw tangx limx."

6 Moses qapp Aalon lirkuix huerjiongr qaur huerbo mngkauw, pag dirr de nirr; Jehovah ee ingqngx duiww inx henxhen.

7 Jehovah huanhur Moses qongxx,

8 "Liw diyhh giac qnuaiw-aw, liw qapp liw ee hniax Aalon jiyjip huerjiongr; dirr inx ee bagjiux jingg linw bingrling jiyhvnuaa cud juiw, liw uirdiyhh vecsnir hro juiw dui' jiyhvnuaa cud, hro huerjiongr qapp inx ee jingsnix limx."

9 Moses tranr bingrling, dirr Jehovah ee binrjingg giac qnuaiw-aw.

10 Moses qapp Aalon jiyjip huerjiongr qaur jiyhvnuaa jingg, Moses duiww inx qongw, "Linw jiaxee vuergik ee langg diyhh tniax ar, guanw diyhh hro juiw dui' jitt xee jiyhvnuaa lrauu cud laii hro linw mah?"

11 Moses giac kiw ciuw, ing qnuaiw-aw pah jiyhvnuaa nng xe, dyrr u jerje juiw lrauu .cud, huerjiongr qapp inx ee jingsnix longxx limx.

12 Jehovah dyrr duiww Moses qapp Aalon qongw, "In'ui linw m sinr Guaw, byy dirr Islaellangg ee bagjiux jingg junqingr Guaw juer sxingr, soxiw linw be did diyc tangx cua jiaxee huerjiongr zip Guaw soxx sur hro inx ee de."

13 Jiaxee juiw miaa qiyr Melibah ee juiw; si in'ui Islaellangg qapp Jehovah qewqaur; Jehovah dyrr duiww inx henxbingg qaqi juer sxingr.

14 Moses dui' Kades crex suwjiaw kir qnir Edom Ongg, qongw, "Liw ee hniadi Islael anxnix qongw, 'Liw jaix guanw soxx duw .diyc itcer ee qankow.

15 Guanw ee ledjow lyc kir Egipt, guanw duar dirr Egipt quw quw. Egiptlangg pnaiw kuanxtai guanw qapp guanw ee ledjow.

16 Guanw aiqiuu Jehovah ee sii, Ix tniax guanw ee sniax, cekenw suwjiaw cua guanw cud Egipt. Dnaxx guanw dirr liw qik vnitauu ee sniaa Kades.

17 Qriuu liw iong'unw guanw qingquer liw ee de, guanw byy beh dui' canhngg qapp pudyhngg qingquer, iarr byy limx jiaxee jnew ee juiw; dogdok qniaa dua lo, byy penx jyw, penx iu, diddit qingquer liw ee derqair.'"

18 Edom Ongg qongw, "Liw m tangx dui' guaw jiax qingquer, benw did guaw giac dyx cud laii dixdik liw."

19 Islaellangg qra ix qongw, "Guanw beh dui' dua lo qniaa .kir; setsuw guanw qapp jingsnix limx liw ee juiw, guanw beh hingg liw qewjnii, jrunw guaw vorqniaa quer .kir, byy cab vadd hxang."

20 Ix qongw, "Liw m tangx qingquer." Edom Ongg dyrr cua jerje langg cud .laii, ing qong'gni ee ciuw dixdik ix.

21 Anxnix Edom m jrunw Islaellangg dui' ix ee derqair qingquer. Islael dyrr uat dngw lirkuix ix.

22 Inx dui' Kades kixsinx, Islael ee juann hue qaur Hor Snuax.

23 Jehovah dirr uaw qin Edom vniqair ee Hor Snuax, huanhur Moses qapp Aalon qongxx,

24 "Aalon beh dyxjow, in'ui ix berdid tangx zip Guaw sniuxsur Islaellangg ee de, in'ui dirr Melibah ee juiw, linw uiqec Guaw ee bingrling.

25 Liw duar Aalon qapp ix ee qniaw Eleazar jnriu Hor Snuax, trngr Aalon ee snxax,

26 Qra ix ee qniaw Eleazar cing; Aalon beh siw dirr hiax, dyr .kir."

27 Moses jiauww Jehovah soxx bingrling :ee qniaa; inx snax langg dng' huerjiongr ee bagjiux jingg jnriu Hor Snuax.

28 Moses trngr Aalon ee snxax qra ix ee qniaw Eleazar cing; Aalon dirr hiax siw dirr snuax-dingw; Moses qapp Eleazar lyc snuax.

29 Huerjiongr knuar qnir Aalon ixqing’ siw, dyrr uirr Aalon tikaur snax-jab zit; Islael juann qrex iarr longxx anxnix.

21 Kiarkiw dirr lamhngx ee Kanaanlangg, Alad Ongg, tniax qnir Islaellangg dui' Atalim laii, dyrr qapp Islaellangg qaujenr, liac inx quixnarr langg.

2 Islaellangg duiww Jehovah huatguan, qongw, "Liw narr jinjniar jiong' jitt xee vecsnir qaux guanw ee ciuw, guanw dyrr itjin jaubet inx ee sniaa."

3 Jehovah tniax Islaellangg ee sniax, jiong' Kanaanlangg qaudair inx; inx dyrr itjin bet inx, qapp inx ee sniaa; hitt soxjai ee miaa dyrr qiyr Hormah.

4 Inx dui' Hor Snuax kixsinx, dui' Angg Haiw ee lo kir, beh sec Edom ee de. Vecsnir uirdiyhh soxx qniaa ee lo, simx vutjiw luexjir,

5 Dyrr hiamm Siongrder qapp Moses, qongw, "Linw sniaw su cua guanw cud Egipt, hro guanw siw dirr jitt xee kongwiaw ar? In'ui byy vniaw, byy juiw, guanw ee simx iamwjen jitt xee cingdam ee jiahmic."

6 Jehovah dyrr crex huexjuaa zip vecsnir ee diongqanx, qa vecsnir, Islaellangg siw jerje.

7 Vecsnir qaur Moses hiax, qongw, "Guanw u huanrjue, in'ui guanw u qriuu Jehovah hro jiaxee juaa lirkuix guanw." Moses dyrr ter vecsnir qriuu.

8 Jehovah duiww Moses qongw, "Liw juer jit buew huexjuaa, qruar dirr qiqnuax dingw; qniwnarr hro ix qa .diyc .ee, jid'err knuar, dyrr e uac."

9 Moses dyrr juer jit buew dangjuaa, qruar dirr qiqnuax dingw; qniwnarr hro juaa qa .diyc .ee, jid'err knuar jitt xee dangjuaa, dyrr uac.

10 Islaellangg kixsinx, jrad ngiaa dirr Obot.

11 Qycc dui' Obot kixsinx, jrad ngiaa dirr Ije-abalim, dyrr si ngr zit cud ee soxjai, qapp Moses snaduir ee kongwiaw.

12 Dui' hiax kixsinx, jrad ngiaa dirr Zeled ee snuaqog.

13 Dui' hiax kixsinx, jrad ngiaa dirr Arnon ee hitt vingg, dyrr si dirr kongwiaw, dui' Amoli ee derqair cud .laii; in'ui Arnon si dirr Moab qapp Amoli ee diongqanx.

14 Soxiw Jehovah qaujenr ee ceh u qongw:

Sufah ee Uaheb,

Qapp Arnon hiaxee snuaqog,

15 Ixqip jiaxee snuaqog ee juixjnuaa,

Dyrr si ngr Ar kiarkiw ee soxjai,

Uaw qin Moab ee qingxqair.

16 Inx dui' hiax qaur Beer, dyrr si Jehovah bad duiww Moses soxx qongw kiw ee jnew, qongw, "Liw jurjip vecsnir, Guaw beh ing juiw hro inx."

17 Hitt sii Islaellangg cniuwquax qongxx:

Jnew ar, cringr .cud .laii; linw diyhh duiww ix cniuwquax;

18 Jitt xee jnew si qruix siuxlingw,

Vecsnir junquir ee langg,

Ing quanvingr, ing inx ee qnuaiw-aw qrut :ee.

Inx dui' kongwiaw kir Mattanah;

19 Dui' Mattanah qaur Nahaliel, dui' Nahaliel qaur Bamot.

20 Dui' Bamot qaur Moab-de ee snuaqog, qaur hitt xee knuar qe lyc .kir, e knuar qnir kongwiaw ee Pisgah ee snuajiamx.

21 Islaellangg crex suwjiaw kir qnir Amolilangg ee ongg Sihon, qongw,

22 "Qriuu liw iong'unw guaw dui' liw ee de qingquer. Guanw byy penx dirr canhngg, qapp pudyhngg; guanw iarr byy beh limx jnew nirr ee juiw; dogdok qniaa dua lo, diddit qingquer liw ee derqair."

23 Sihon m jrunw Islaellangg qingquer ix ee qingxqair; Sihon dyrr jurjip ix ee jiongww vecsnir, cud laii qaur kongwiaw, beh dixdik Islaellangg, qaur Jahaz, qapp Islaellangg qaujenr.

24 Islaellangg ing dyx taii ix, jiamr ix ee de, dui' Arnon qaur Jabbok, diddit qaur Ammonlangg hiax; in'ui Ammonlangg ee derqair jin' qenqor.

25 Islaellangg cruw ix itcer ee sniaa, Islaellangg iarr kiarkiw dirr Amoli ee sniaa, dirr Hesbon, qapp ix itcer ee sniaa.

26 Jitt xee Hesbon si Amoli Ongg Sihon ee sniaa; ix bad qapp Moab jingg ee ongg qaujenr, dui' ix ee ciuw cniuw juann de, didqaur Arnon.

27 Soxiw juer six ee langg liam qongxx:

Linw diyhh laii Hesbon,

Guan Sihon ee sniaa did diyc kixjy, qycc qenqor;

28 In'ui u huew dui' Hesbon cud,

U huexiam dui' Sihon ee sniaa huad,

Siyhuiw Moab ee Ar,

Qapp Arnon quann ee soxjai ee jruw.

29 Moab ar, liw u jaieh!

Qemos ee vecsnir ar, linw bedbyy lar!

Hro ix ee davodingx juer dyjauw :ee,

Jaboxqniaw juer siurr liac :ee,

Qaux hro Amoli ee ongg Sihon.

30 Guanw sria inx; Hesbon qaur Dibon itjin huixbet,

Guanw hro de pahngx, didqaur Nofah,

Dyrr si qaur Medeba.

31 Anxnix, Islaellangg dyrr kiarkiw dirr Amolilangg ee de.

32 Moses crex langg kir taux knuar Jazer, dyrr cruw inx hiaxee hniusia, qnuaw cud kiarkiw hiax ee Amolilangg.

33 Islaellangg uad duiww Basan ee lo kir; Basan ee ongg Og, qapp ix ee jiongww vecsnir, longxx cud laii dixdik inx, dirr Edlei qapp inx qaujenr.

34 Jehovah duiww Moses qongw, "Mrbenw qniax inx, in'ui Guaw ixqing’ jiong' ix qapp ix ee jiongww vecsnir, ix ee de, longxx qaux dirr liw ee ciuw; liw diyhh kuanxtai ix, cincniu liw bad kuanxtai diamr dirr Hesbon ee Amoli ee ongg Sihon jidngiu."

35 Inx dyrr pah ix, qapp ix hiaxee qniaw, ixqip ix ee jiongww vecsnir, byy qra ix lauu jit xee; qycc did diyc ix ee de.

22 Islaellangg kixsinx, jrad ngiaa dirr Moab ee vni'ngiuu, dirr Jordan Hyy-gua, Jeliqo ee duiwbin.

2 Zippor ee qniaw Balak knuar qnir Islaellangg duiww Amolilangg soxx qniaa itcer ee su.

3 Moab jin' qniax hitt xee vecsnir, in'ui inx jin' je; Moab in'ui Islael vecsnir, simx dyrr diyhqib.

4 Moab qra Midian ee dniuxlyw qongw, "Dnaxx jitt qrunn ee langg beh itjin jiac lanw siwuii soxu :ee, cincniu guu jiac cann nirr ee cauw jidvnuax." Hitt sii Zippor ee qniaw Balak juer Moab ee ongg.

5 Ix crex suwjiaw kir Viklat Hyy-vnix ee Petor, qaur Beor ee qniaw Balaam ee vunxsoxjai qiyr ix laii, qongw, "Knuar ar, u jit xee vecsnir dui' Egipt cud .laii; knuar ar, inx ziax muaw derbin, iarr kiarkiw dirr guaw ee duiwbin.

6 Dnaxx cniaw liw laii, qra guaw jiuwjow jitt xee vecsnir, in'ui inx viw guaw kacc qiongg. Qiamxcaiw guaw e laii pah kacc ngiaa inx, qnuaw inx cud jitt xee soxjai; in'ui guaw jaix liw soxx jiokhog :ee, dyrr did diyc hokkir, liw soxx jiuwjow :ee, dyrr siurr jiuwjow."

7 Moab ee dniuxlyw qapp Midian ee dniuxlyw dyrr kixsinx, ciuw duar vokquar ee lew, kir qaur Balaam hiax, jiong' Balak ee ue qra ix qongw.

8 Ix duiww inx qongw, "Qimmii linw hiyh jiax; jiauww Jehovah soxx huanhur guaw :ee, guaw beh huehog linw." Moab ee siuxlingw dyrr hiyh dirr Balaam hiax.

9 Siongrder limqaur Balaam, mng ix qongxx, "Qapp liw duar hiaxee langg si jirjui?"

10 Balaam rinr Siongrder qongxx, "Si Moab ee ongg Zippor ee qniaw crex langg qaur guaw jiax, qongw,

11 'Knuar ar, u vecsnir dui' Egipt laii, ziax muaw derbin.' Cniaw liw laii qra guaw jiuwjow inx, qiamxcaiw guaw e taii ngiaa inx, qnuaw inx cud .kir."

12 Siongrder duiww Balaam qongw, "Liw m tangx qapp inx kir, iarr m tangx jiuwjow jitt xee vecsnir, in'ui inx si did diyc hokkir :ee."

13 Balaam cingjaw kiw .laii, duiww Balak ee siuxlingw qongw, "Liw dyr kir linw ee soxjai, in'ui Jehovah m jrunw guaw qapp linw kir."

14 Moab ee siuxlingw dyrr kiw .laii, dyr kir Balak hiax, qongw, "Balaam m kingw qapp guanw laii."

15 Balak qycc crex siuxlingw, viw jingg kacc je, kacc junquir :ee.

16 Inx qaur Balaam hiax, duiww ix qongw, "Zippor ee qniaw Balak anxnix qongw, 'Qriuu liw m tangx hro simxmih dairjir joxdongr liw byy laii guaw jiax.

17 In'ui guaw beh hro liw did diyc qik dua ee junquir; qniwnarr liw duiww guaw qongw simxmih, guaw beh jiauww anxnix qniaa; soxiw cniaw liw laii, qra guaw jiuwjow jitt xee vecsnir.'"

18 Balaam duiww Balak jiaxee zinsinn qongw, "Balak dyrr narr ing muaw cur ee qimginn hro guaw, guaw iarr m qnaw vnuaa quer guaw ee Siongrder ee bingrling, laii qeqiamw qniaa.

19 Cniaw linw qimmii qycc hiyh jiax, tingwhau guaw jaix Jehovah qycc qra guaw qongw simxmih."

20 Hitt mii Siongrder limqaur Balaam hiax, qongw, "Jiaxee langg narr laii qiyr liw, liw dyrr kiw laii qapp ix kir; danrsi Guaw soxx beh qra liw qongw :ee, liw diyhh juntanr."

21 Balaam jaxkiw kiw .laii, virvan luu, qapp Moab ee siuxlingw snaqab kir.

22 Siongrder, in'ui ix kir, dyrr siurkir. Jehovah ee suwjiaw kia dirr lo nirr laii dixdik ix. Ix kiaa luu, nng xee lovok qunduer ix.

23 Luu knuar qnir Jehovah ee suwjiaw kia dirr lo nirr, ciuw nirr vuih dyx, luu dyrr dui' lo nirr siamw zip hngg; Balaam dyrr pah luu beh hro ix qruix guanlo.

24 Jehovah ee suwjiaw dyrr kia dirr pudyhngg ee ec lo, jitt vingg u cniuu, hitt vingg iarr u cniuu.

25 Luu knuar qnir Jehovah ee suwjiaw, dyrr siamxuaw hitt xee cniuu, qra Balaam ee kax keh dirr cniuu nirr; Balaam dyrr qycc pah ix.

26 Jehovah ee suwjiaw qycc jinwjingg kir, kia dirr ec ec ee soxjai, siangvingg byy lo tangx uad.

27 Luu knuar qnir Jehovah ee suwjiaw, dyrr pag dirr Balaam ee erdew, Balaam huad siurkir, ing qnuaiw-aw pah luu.

28 Jehovah kuix luu ee cuir, luu duiww Balaam qongw, "Guaw duiww liw juer simxmih, liw qingwzenn pah guaw jitt snax vaiw ar?"

29 Balaam duiww luu qongw, "In'ui liw hiwlang guaw. Guaw hun ciuw nirr byy dyx; narr u, dyrr qra liw taii siw."

30 Luu duiww Balaam qongw, "Guaw qamxx m si liw ee luu, liw itsingx soxx kiaa :ee mah? Guaw vingsor bad duiww liw anxnix qniaa mah?"

31 Balaam qongw, "Byy." Hitt sii Jehovah kuix Balaam ee bagjiux, ix dyrr knuar qnir Jehovah ee suwjiauw kia dirr lo nirr, ciuw vuic dyx; Balaam dyrr ngar tauu pag dirr de nirr.

32 Jehovah ee suwjiaw duiww ix qongw, "Liw sniaw su jitt snax vaiw pah liw ee luu ar? Knuar ar, guaw cud laii dixdik liw, in'ui liw dirr guaw ee binrjingg soxx qniaa :ee, si vuergik.

33 Luu knuar qnir guaw, dyrr siamxvi guaw jitt snax vaiw; setsuw luu byy siamxvi guaw, guaw ixqing’ taii siw liw, hro luu uac lecc."

34 Balaam duiww Jehovah ee suwjiaw qongw, "Guaw u huanrjue lar, guaw m jaix liw kia dirr lo nirr joxdongr guaw. Liw narr byy hnuahiw guaw kir, guaw dyrr dywdngw .kir."

35 Jehovah ee suwjiaw duiww Balaam qongw, "Liw qapp jiaxee langg kir. Danrsi liw jixu tangx qongw guaw soxx beh duiww liw qongw :ee." Balaam dyrr qapp Balak ee siuxlingw snaqab kir.

36 Balak tniax qnir Balaam laii, dyrr kir Moab Sniaa gniajih ix; jitt xee sniaa si dirr vniqair ee qigtauu, dirr Arnon ee vnitauu.

37 Balak duiww Balaam qongw, "Guaw qamxx m si cetced crex langg qaur liw hiax kir qiyr liw mah? Liw sniaw su byy laii guaw jiax ar? Guaw qamxx byy jinjniar e hro liw junquir mah?"

38 Balaam rinr Balak qongxx, "Guaw dnaxx laii qaur liw jiax, guaw qamxx u qxuann e qongw simxmih ar? Siongrder ing simxmih ue qaudair guaw, guaw dyrr qongw ix."

39 Balaam qapp Balak snaqab qniaa, laii qaur Qiliat-huzot.

40 Balak taii guu, ngiuu henwjer, dyrr sangr hro Balaam ixqip qapp ix dilehh ee siuxlingw.

41 Qaur qeh jaxkiw, Balak cua Balaam qaur Bamot Baal; Balaam dui' hiax knuar Islael vecsnir qigtauu ee soxjai.

23 Balaam duiww Balak qongw, "Liw dirr jiax qra guaw kiw cid jxy dnxuaa, qra guaw virvan cid jiah guqangw, cid jiah ngiuqangw."

2 Balak jiauww Balaam ee ue laii qniaa. Balak qapp Balaam dirr dagg jxy ee dnxuaa, henr jit jiah guqangw, jit jiah ngiuqangw.

3 Balaam duiww Balak qongw, "Liw kia dirr liw siyjer ee vnitauu, cniaw guaw jinwjingg .kir. Qiamxcaiw Jehovah laii duw diyc guaw; Ix jixsi guaw simxmih, guaw beh qra liw qongw." Balaam dyrr jnriu kir byy cauxbak ee snuax.

4 Siongrder duw diyc Balaam, Balaam duiww Ix qongw, "Guaw ixqing’ virvan cid jxy dnxuaa, dirr dagg jxy dnxuaa henr jit jiah guqangw, jit jiah ngiuqangw."

5 Jehovah ing ue qaudair Balaam, qycc qra ix qongw, "Liw dyr kir Balak hiax, diyhh anxnix qra ix qongw."

6 Ix dyrr dyr kir Balak hiax; knuar qnir ix qapp Moab ee siuxlingw, longxx kia dirr ix siyjer ee vnix:a.

7 Balaam dyrr tee kiw ix ee quax, qongw:

Balak cua guaw dui' Alam laii,

Moab Ongg cua guaw cud dangvingg ee snuax, qongw:

Laii ar, jiuwme Islael.

8 Siongrder byy jiuwjow :ee, guaw tacc e jiuwjow?

Jehovah byy jiuwme :ee, guaw tacc e jiuwme?

9 In'ui guaw dui' jiaxee snuagiamm knuar ix,

Qycc dui' snuax buexliux quanknuar,

Knuar ar, jitt xee vecsnir beh qaqi kiarkiw,

Byy let dirr jiaxee qog ee diongqanx.

10 Jirjui e sngr Islael ee tosuax?

Jirjui e sngr Islael ee sir hxun jit?

Guaw guan cincniu girlangg ee siw laii siw,

Iarr cincniu ix ee qetqiok laii qetqiok.

11 Balak duiww Balaam qongw, "Liw duiww guaw juer :ee si simxmih ar? Guaw qiyr liw laii jiuwjow guaw ee duiwdik; liw longxx si qra inx jiokhog."

12 Ix rinr qongxx, "Jehovah soxx qaudair guaw ee ue, guaw qamxx m diyhh qinxsin laii qongw mah?"

13 Balak duiww ix qongw, "Qriuu liw qapp guaw kir vadd xui, dirr hiax tangx knuar qnir inx. Liw jixu e knuar qnir inx ee jit qaktauu, be e longxjongw knuar .qnir; dirr hiax diyhh qra guaw jiuwjow inx."

14 Dui' hitt diap cua ix qaur Zofim ee snua'iaw, jnriu Pisgah ee snuatauu, kiw cid jxy dnxuaa, dagg jxy dnxuaa henr jit jiah guqangw, jit jiah ngiuqangw.

15 Balaam duiww Balak qongw, "Liw duar jiax, kia dirr liw siyjer ee vnix:a, tingwhau guaw kir hiax qnir Jehovah."

16 Jehovah duw diyc Balaam, ing ue qaudair ix, qycc qongw, "Liw dyr kir Balak hiax, diyhh anxnix qongw."

17 Ix dyrr dyr kir Balak hiax, knuar qnir ix kia dirr siyjer ee vnix:a, Moab ee siuxlingw iarr qapp ix dirr hiax. Balak mng ix qongxx, "Jehovah qongw simxmih ue ar?"

18 Balaam dyrr tee kiw ix ee quax, qongw:

Balak ar, kiw laii tniax;

Zippor ee qniaw, liw ngar hnirkangx laii tniax guaw.

19 Siongrder m si cincniu langg, e qongw vehcat,

Iarr m si langg ee qniaw, e tewhuew.

Ix ixqing’ qongw, qamxx byy qniaa mah?

20 Knuar ar, guaw hongrbing jiokhog,

Ix soxx ingwunw ee hokkir, guaw be qra ix vingw dywdngw.

21 Ix byy knuar qnir Jakob u quewsid,

Dirr Islael byy knuar qnir u qan'og,

Jehovah, ix ee Siongrder qapp ix dilehh;

Dirr inx diongqanx u ylyw ongg ee sniax.

22 Siongrder cua inx cud Egipt;

Inx cincniu u iaw guu ee lat.

23 Jakob diongx quatduanr byy huatsut,

Islael diongx iarr byy jiamvog;

Qaur sii lun kiw Jakob qapp Islael beh qongw,

Siongrder qniaa hiacnirr dua ee su!

24 Knuar ar, jitt xee vecsnir kiw laii cincniu buw ee sraix.

Tingxsinx cincniu qangx ee sraix;

Iauxx bue jiac soxx lrak .diyc ee mic,

Iauxx bue limx siurr qa .siw .ee ee huih,

Quatduanr byy dyw lehh.

25 Balak duiww Balaam qongw, "Liw longxx m tangx jiuwjow inx, iarr m tangx qra inx jiokhog."

26 Balaam rinr Balak qongxx, "Guaw qamxx byy qra liw qongw, qniwnarr Jehovah soxx qongw :ee, guaw beh juntanr mah?"

27 Balak duiww Balaam qongw, "Laii ar, guaw cua liw kir vadd soxjai, qiamxcaiw Siongrder hnuahiw liw dirr hiax qra guaw jiuwjow inx."

28 Balak dyrr cua Balaam qaur hitt xee knuar qe lyc .kir, e knuar qnir kongwiaw ee Peor ee snuajiamx.

29 Balaam duiww Balak qongw, "Liw dirr jiax qra guaw kiw cid jxy dnxuaa, qycc dirr jiax qra guaw virvan cid jiah guqangw, cid jiah ngiuqangw."

30 Balak dyrr jiauww Balaam ee ue qniaa, dirr dagg jxy dnxuaa henr jit jiah guqangw, jit jiah ngiuqangw.

24 Balaam knuar qnir Jehovah hnuahiw suwhog hro Islael, dyrr byy cincniu ingxvaiw kir cue huatsut, si bin ngr kongwiaw.

2 Balaam giahbak, knuar qnir Islaellangg jiauww jipair kiarkiw. Siongrder ee sinn dyrr limqaur ix.

3 Ix dyrr tee kiw ix ee quax, qongw:

Beor ee qniaw Balaam qongw,

Bagjiux hap lehh ee langg qongw;

4 Tniax qnir Siongrder ee ue,

Knuar qnir Juanlingg :ee ee ngirsiong,

Bagjiux tiw kuix dyw lehh ee langg qongw;

5 Jakob ar, liw ee vowvnii jnaixngiu hiacc suiw!

Islael ar, liw ee dniuwvangg jnaixngiu hiacc hyw knuar!

6 Cincniu snalensuar ee snuaqog,

Cincniu hyy-vnix ee hngg,

Cincniu Jehovah soxx jxaix ee dimhniuciu,

Cincniu juiw-vnix ee vikhniuciu.

7 Juiw beh dui' ix ee tangw lrauu .cud,

Jingxjiw beh ia dirr jerje juiw ee soxjai,

Ix ee ongg beh vnuaa quer Agag,

Ix ee qog beh hingx kiw.

8 Siongrder cua ix cud Egipt,

Ix cincniu u iaw guu ee lat;

Ix beh tunjiac duiwdik ee qog,

Atjic inx ee quttauu;

Ing jnxir sria inx, qaur tangr .quer.

9 Ix tnir kax, qycc dyw lehh cincniu qangx ee sraix,

Iarr cincniu buw ee sraix;

Jirjui qnaw ziaw diyc ix?

Qniwnarr jiokhog liw :ee, guan ix siurr jiokhog,

Qniwnarr jiuwjow liw :ee, guan ix siurr jiuwjow.

10 Balak dua siurkir Balaam, dyrr dah ciuw; Balak qycc qra Balaam qongw, "Guaw qiyr liw laii jiuwjow guaw ee duiwdik, liw qingwzenn juanjuanx jiokhog inx, qaur jitt snax vaiw.

11 Dnaxx liw jauw kir vunxsoxjai, guaw vunw sniu beh hro liw did diyc dua junquir, danrsi Jehovah joxdongr, hro liw byy did diyc junquir."

12 Balaam duiww Balak qongw, "Guaw qamxx byy duiww liw soxx crex qaur guaw hiax ee suwjiaw qongw,

13 Balak dyrr narr jiong' ix muaw cur ee qimginn hro guaw, guaw iarr berdid vnuaa quer Jehovah ee bingrling, vin' qaqi ee simx laii juer hyw juer pnaiw. Jehovah soxx qongw :ee, guaw dyrr qongw ix.

14 Knuar ar, dnaxx guaw beh dyr kir vunxjok. Liw laii, guaw qra liw qongw, jiaxee vecsnir zid'au beh jnaixngiu kuanxtai liw ee vecsnir."

15 Ix dyrr tee kiw ix ee quax, qongw:

Beor ee qniaw Balaam qongw,

Bagjiux hap lehh ee langg qongw;

16 Tniax qnir Siongrder ee ue,

Did diyc jaix Jiww Quann :ee ee jaibad,

Knuar qnir Juanlingg :ee ee ngirsiong,

Bagjiux tiw kuix, dyw lehh ee langg qongw;

17 Guaw knuar ix, danrsi m si henrsii,

Guaw quanknuar ix, danrsi m si qin qin.

U jit liap cnxix beh dui' Jakob cud,

U jit xee quanvingr, beh dui' Islael hingx kiw,

Beh pacpuar Moab ee vniqag,

Huixhuai ziauxluan ee langg.

18 Edom beh juer giap,

Set iarr beh juer giap, hro ix ee duiwdik,

Islael beh qniaa dairjir iongxqamw.

19 U jit xui jiangxquann :ee beh dui' Jakob cud.

Ix beh jaubet sniaa-diongx soxx lauu :ee.

20 Ix qycc knuar qnir Amalek, dyrr tee kiw ix ee quax, qongw,

Amalek vunw juer jiaxee qog ee tauu,

Danrsi ix ee qetqiok beh ingxingw bedbyy.

21 Ix qycc knuar Kenlangg, dyrr tee kiw ix ee quax, qongw,

Liw kiarkiw ee soxjai si qenqor,

Liw jyh siu dirr snuagiamm.

22 Danrsi Ken beh drir qaur suebii,

Didqaur hro Assylia liac liw kir.

23 Ix qycc tee kiw quax, qongw,

Ai'ar, Siongrder qniaa jitt xee su ee sii,

Jirjui e did diyc uac?

24 Beh u junn dui' Qiple hiax laii,

Koxcow Assylia, koxcow Eber;

Ix iarr beh ingxingw bedbyy.

25 Balaam dyrr kiw .laii, dyr kir ix vunxsoxjai; Balak iarr qniaa ix ee lo.

25 Islaellangg diamr dirr Sitim, vecsnir dyrr qapp Moab ee jaboxginxaw qniaa imluan.

2 Inx henwjer inx ee siongrder, cniaw vecsnir laii hur, vecsnir jiac inx ee jewmic, suar quirvair inx ee siongrder.

3 Islaellangg qapp Baal Peor lenhap; Jehovah dyrr duiww Islaellangg huad siurkir.

4 Jehovah duiww Moses qongw, "Jiong' vecsnir longxjongw ee jogdniuw, dngtauu vehzit diaur siw dirr Jehovah ee binrjingg, hro Jehovah ee dua siurkir tangx dui' Islael siaubyy."

5 Moses dyrr duiww Islael ee simxpnuawqnuax qongw, "Qniwnarr sriok linw ee langg, u qapp Baal Peor lenhap :ee, linw diyhh taii siw ix."

6 Moses qapp Islael huerjiongr duxaxx dirr huerbo mngkauw decc kaur ee sii, hutzenn u Islael diongx jit langg, dng' inx bagjiux jingg duar jit xee Midian ee hurzinlangg qaur ix ee hniadi hiax.

7 Jewsix Aalon ee sunx, Eleazar ee qniaw, Finehas knuar .qnir, dyrr dui' hue-diongx kiw .laii, ciuw nirr giac cniux;

8 Duer Islaellangg zip ding'aw lai, cak siw nng langg, dyrr si cak taur Islaellangg qapp hitt xee hurzinlangg ee vakdow. Anxnix, dirr Islaellangg ee diongqanx un'ik dyrr suah.

9 Hitt sii duw diyc un'ik siw :ee, u nng-bxan sir-cingx langg.

10 Jehovah huanhur Moses qongxx,

11 "Jewsix Aalon ee sunx, Eleazar ee qniaw, Finehas hro Guaw soxx huad ee siurkir siaubyy dirr Islaellangg, in'ui ix dirr inx diongqanx, ing Guaw ee dowki juer dowki, hro Guaw dirr dowki diongx byy bedbyy inx.

12 Soxiw liw diyhh qongw, 'Knuar ar, Guaw ing Guaw ving'anx ee iog sniuxsur ix;

13 Beh juer ix qapp ix ee horer ingxuanw juer jewsix ee jithun ee iog, in'ui ix uirdiyhh ix ee Siongrder u dowki ee simx, qycc uirdiyhh Islaellangg siogjue.'"

14 Hitt xee siurr taii ee Islaellangg, dyrr si qapp Midian ee hurzinlangg snaqab siurr cak .siw .ee, miaa qiyr Zimli, si Salu ee qniaw, si Simeon ee jipair diongx jit jok ee siuxlingw.

15 Hitt xee siurr cak siw, Midian ee hurzinlangg miaa qiyr Kozbi, si Zur ee jaboxqniaw; jitt xee Zur si Midian ee vecsnir jit jok ee taulangg.

16 Jehovah huanhur Moses qongxx,

17 "Liw diyhh kunxvig Midianlangg, qycc pah inx;

18 In'ui inx ing kuixked ee qewboo kunxvig linw, dirr Peor ee su, qapp inx ee jixbe, Midian siuxlingw ee jaboxqniaw, Kozbi ee su, ing kuixked ee qewboo inxiuw linw; jitt xee Kozbi, dng' un'ik liuhingg ee zit, in'ui Peor ee su ixqing’ siurr cak siw."

26 Un'ik liauxau, Jehovah huanhur Moses qapp jewsix Aalon ee qniaw Eleazar qongxx,

2 "Linw diyhh jiong' Islael juann hue ee jingwlangg, jiauww inx ee jongjok, qniwnarr Islael diongx, dui' zi-jap huer ixsiong, e cud kir qaujenr :ee, diyhh sngr inx ee jongxgiac."

3 Moses qapp jewsix Eleazar, dirr Moab ee vni'ngiuu, Jordan Hyy-vnix, Jeliqo snaduir ee soxjai, duiww inx qongw,

4 "Dui' zi-jap huer ixsiong sngr ix, jiauww Jehovah huanhur Moses ixqip cud Egipt-de ee Islaellangg."

5 Islael ee dua-qniaw si Rleuben; Rleuben jiaxee qniaw, u sriok Hanoc, Pallu,

6 Hezlon, qapp Karmi :ee.

7 Jiaxee dyrr si Rleuben ee dagg jok. Qidiongx siurr sngr :ee, qiong sir-bxan snax-cingx cid-vah snax-jap miaa.

8 Pallu ee qniaw si Eliab;

9 Eliab jiaxee qniaw si Nemuel, Datan, qapp Abilam; jitt xee Datan qapp Abilam, dyrr si dui' hue-diongx siurr qingw :ee, Kolah ee dongw qongqig Jehovah ee sii, inx iarr qapp inx qongqig Moses qapp Aalon.

10 Hitt sii de kuix cuir tunx inx, qapp Kolah; inx hitt dongw longxx siw; iarr u huew siyx siw nng-vah go-jap langg, ing inx juer qamwqair.

11 Danrsi Kolah jiaxee qniaw byy siw.

12 Simeon jiaxee qniaw jiauww qejok; u sriok Nemuel, Jamin, Jaqin,

13 Zelah, qapp Saul :ee.

14 Jiaxee si Simeon ee dagg jok, qiong nng-bxan nng-cingx nng-vah miaa.

15 Gad jiaxee qniaw, jiauww qejok; u sriok Zefon, Haggi, Suni,

16 Ozni, Eli,

17 Alod, qapp Aleli :ee. Jiaxee si Gad qniaxsunx ee dagg jok;

18 Inx soxx qewsngr :ee, qiong sir-bxan lenn go-vah miaa.

19-22 Judah ee qniaw, Er qapp Onan siw dirr Kanaan-de. Judah qi'uu jiaxee qniaw, jiauww inx ee qejok; u sriok Selah, Pelez, Zelah, Hezlon, qapp Hamul :ee. Jiaxee si Judah ee dagg jok; inx qewsngr :ee, qiong cid-bxan lak-cingx go-vah miaa.

23 Issaqar ee qniaxsunx, jiauww inx ee jongjok; u sriok Tola, Puah,

24 Jasub, qapp Simlon. Jiaxee si Issaqar ee dagg jok;

25 Inx qewsngr :ee, qiong lak-bxan sir-cingx snax-vah miaa.

26 Zebulun ee qniaxsunx, jiauww inx ee jongjok; u sriok Seled, Elon, qapp Jahleel :ee. Jiaxee si Zebulun ee dagg jok;

27 Inx qewsngr :ee, qiong lak-bxan lenn go-vah miaa.

28 Josef ee qniaxsunx, jiauww inx ee jongjok, u Manasseh qapp Eflaim.

29 Manasseh ee qniaxsunx; u sriok Maqir :ee; Maqir snix Gilead, u sriok Gilead :ee.

30 Jiaxee si Gilead ee qniaxsunx; u sriok Iezer, Helek,

31 Asliel, Seqem,

32 Semida, qapp Hefer :ee.

33 Hefer ee qniaw Zelofehad byy qniaw, jixu jaboxqniaw; Zelofehad ee jaboxqniaw ee miaa dyrr si Mahlah, Noah, Hoglah, Milkah, qapp Tilzah. Jiaxee si Manasseh ee dagg jok;

34 Inx qewsngr :ee, qiong go-bxan nng-cingx cid-vah miaa.

35 Jiaxee si Eflaim ee qniaxsunx, jiauww inx ee jongjok; u sriok Sutelah, Beqer, qapp Tahan :ee.

36 Sutelah ee qniaxsunx si sriok Elan :ee. Jiaxee si Eflaim qniaxsunx ee dagg jok;

37 Inx qewsngr :ee qiong snax-bxan nng-cingx go-vah miaa. Jiauww inx ee jongjok, jiaxee si Josef ee qniaxsunx.

38 Benjamin ee qniaxsunx, jiauww inx ee jongjok; u sriok Bela, Asbel, Ahilam,

39 Sefufam, qapp Hufam :ee.

40 Bela ee qniaxsunx, si Ard qapp Naaman; sriok Ard :ee si Ard-jok; sriok Naamma :ee, si Naamma-jok. Jiauww inx ee jongjok, jiaxee si Benjamin ee qniaxsunx;

41 Inx qewsngr :ee, qiong sir-bxan go-cingx lak-vah miaa.

42 Jiaxee si Dan ee qniaxsunx, jiauww inx ee jongjok; u Suham :ee Suham-jok. Jiauww inx ee jongjok, jiaxee si Dan ee dagg jok.

43 Inx qewsngr :ee, Suham soxu ee dagg jok, qiong u lak-bxan sir-cingx sir-vah miaa.

44 Aser ee qniaxsunx jiauww inx ee jongjok; u sriok Imnah, Isvi, qapp Beliah :ee.

45 Beliah ee qniaxsunx, sriok Heber :ee, si Heber-jak; sriok Malqiel :ee, si Malqiel-jok.

46 Aser ee jaboxqniaw miaa qiyr Selah. Jiaxee si Aser qniaxsunx ee dagg jok;

47 Inx qewsngr :ee, qiong go-bxan snxa-cingx sir-vah miaa.

48 Naftali ee qniaxsunx, jiauww inx ee jongjok;

49 U sriok Jahzeel, Guni, Jezer, qapp Sillem :ee. Jiauww inx ee jongjok, jiaxee si Naftali ee dagg jok;

50 Inx qewsngr :ee, qiong sir-bxan go-cingx sir-vah miaa.

51 Jiaxee longxx si Islael ee qniaxsunx, inx qewsngr :ee, qiong u lak-jap-bxan lenn jit-cingx cid-vah snax-jap miaa.

52 Jehovah huanhur Moses qongxx,

53 "Hitt xee de diyhh vunx hro jiaxee langg juer sanxgiap, jiauww inx ee miagiac.

54 Langg je :ee, diyhh vunx hro inx kacc je giap, langg jiyw :ee, diyhh vunx hro inx kacc jiyw; diyhh jiauww ix qewsngr ee langgiac, ing giap vunx hro dagg langg.

55 Danrsi hitt xee de diyhh liamx kaux laii vunx ix, dagg langg jiauww ix joxjongx jiaxee jipair ee miaa, laii singjiab jiaxee giap.

56 Diyhh jiauww soxx liamx ee kaux, knuar langgiac je, langgiac jiyw, ing sanxgiap vunx hro inx."

57 Jiaxee dyrr si Levilangg jiauww inx ee jongjok qewsngr :ee; u sriok Gerson, Kohat, qapp Melali :ee.

58 Jiaxee si Levi ee dagg jok; u Libni-jok, Heblon-jok, Mahli-jok, Musi-jok, qapp Kolah-jok. Kohat snix Amlam.

59 Amlam ee bow miaa qiyr Joqebed, si Levi ee jaboxqniaw; ix ee laurbuw dirr Egipt dui' Levi snix :ee; ix dui' Amlam snix Aalon, Moses, qapp inx ee duarjiw Miliam.

60 Dui' Aalon snix Nadab, Abihu, Eleazar, qapp Itamar.

61 Nadab qapp Abihu dirr Jehovah ee binrjingg henr vadd hy huew ee sii, dyrr siw.

62 Inx diongqanx jit guehzit ixgua, qewsngr ee davodingx, qiong nng-bxan snax-cingx; in'ui inx dirr Islaelalngg diongx byy sngr jairlai, in'ui dirr Islaellangg diongx byy ing sanxgiap hro inx.

63 Jiaxee dyrr si hro Moses qapp jewsix Eleazar soxx sngr .quer .ee; inx dirr Moab vni'ngiuu, qapp Jeliqo snaduir ee Jordan Hyy-vnix, diamxsngr Islaellangg.

64 Jingg Moses qapp jewsix Aalon dirr Sinai ee kongwiaw sngr Islaellangg, hitt sii soxx sngr :ee, dnaxx byy jit xee dilehh.

65 In'ui Jehovah lun qaur inx, bad qongw, "Inx dikkag diyhh siw dirr kongwiaw." Soxiw druu Jefunneh ee qniaw Kaleb, qapp Nun ee qniaw Josua ixgua, hiaxee langg byy lauu jit langg dilehh.

27 Sriok Josef ee qniaw Manasseh ee jok, u Manasseh ee guansunx, Macqir ee jingsunx, Gilead ee sunx, Hefer ee qniaw, Zelofehad ee jaboxqniaw, miaa qiyr Mahlah, Noah, Hoglah, Milkah, qapp Tirlah;

2 Inx jinwjingg laii, kia dirr huerbo mngkauw, dirr Moses qapp jewsix Aalon, Eleazar, ixqip jiongww siuxlingw, qapp huerjiongr ee binrjingg, qongw,

3 "Guanw laurve siw dirr kongwiaw, ix m si dirr Kolah ee dongw-lai, qangg dongw jurjip kongwiaw qongqig Jehovah; si dirr qaqi ee jue-diongx siw; ix iarr byy qniaw.

4 Sniaw su in'ui guanw laurve byy qniaw, dyrr jiong' ix ee miaa dui' ix ee jok-diongx druu .kir .ar? Cniaw dirr guanw laurve ee hniadi diongx vunx giap hro guanw."

5 Moses dyrr jiong' inx ee anwqnia vailet dirr Jehovah ee binrjingg.

6 Jehovah huanhur Moses qongxx,

7 "Zelofehad ee jaboxqniaw soxx qongw :ee u jingliw; liw dikkag diyhh dirr inx laurve ee hniadi diongx, vunx de hro inx juer giap, diyhh jiong' inx laurve ee sanxgiap qruix hro inx.

8 Liw iarr diyhh huanhur Islaellangg qongxx, langg narr siw, byy qniaw, dyrr diyhh jiong' ix ee sanxgiap qruix hro ix ee jaboxqniaw.

9 Ix narr byy jaboxqniaw, dyrr diyhh jiong' ix ee giap hro ix ee hniadi.

10 Ix narr byy hniadi, dyrr diyhh jiong' ix ee giap hro ix ee laurve ee hniadi.

11 Ix ee laurve narr byy hniadi, dyrr diyhh jiong' ix ee giap hro ix ee jok-diongx jiwcinx :ee, ix dyrr did diyc juer giap. Jex beh juer Islaellangg duan dniardiyc ee le, si jiauww Jehovah soxx huanhur Moses :ee."

12 Jehovah duiww Moses qongw, "Liw jnriu jitt xee Abalim ee snuax, knuar Guaw sniuxsur Islaellangg ee de.

13 Knuar liauxau liw iarr beh dywjow, cincniu liw ee hniax Aalon dyr .kir jidngiu.

14 In'ui linw dirr Zin ee kongwiaw, dngdongx huerjiongr qewqaur ee sii, uivue Guaw ee ue, byy dirr cringr cud juiw ee soxjai, huerjiongr ee binrjingg, jrunx Guaw juer sxingr." (Jitt xee juiw dyrr si dirr Zin ee kongwiaw, Kades ee Melibah ee juiw.)

15 Moses duiww Jehovah qongw, "Sniuxsur uahmia hro qniwnarr u ziogtew :ee ee Siongrder Jehovah ar,

16 Guan Liw setlip jit langg laii dirliw huerjiongr,

17 Tangx dirr inx ee binrjingg cud .kir, iarr dirr inx ee binrjingg zip .laii, tangx cua inx cud .kir, iarr cua inx zip .laii, benw did Jehovah ee huerjiongr cincniu byy bogjiaw ee ngiuu-qrunn jidvnuax."

18 Jehovah duiww Moses qongw, "Nun ee qniaw Josua, ix ee simlai u sxingr sinn, liw cua ix laii, hnuarciuw dirr ix ee dingxbin,

19 Hro ix kia dirr jewsix Eleazar qapp juann hue ee binrjingg, ing jitzim bingrling ix.

20 Qycc dui' liw ee ingqngx vunx hro ix, hro Islael ee juann hue longxx tniatanr ix.

21 Ix diyhh kia dirr jewsix Eleazar ee binrjingg, Eleazar diyhh jiauww Olingg ee pnuawduanr, dirr Jehovah ee binrjingg, ter ix qiumng; ix qapp Islael juann hue ee jingwlangg longxx diyhh jiauww ix ee bingrling laii cud, jiauww ix ee bingrling laii zip."

22 Moses dyrr jiauww Jehovah soxx bingrling ix :ee laii qniaa. Ix cua Josua laii, hro ix kia dirr jewsix Eleazar qapp juann hue ee binrjingg,

23 Hnuarciuw dirr ix ee dingxbin, ing bingrling qautog ix; si jiauww Jehovah tog Moses soxx qongw ee ue.

28 Jehovah huanhur Moses qongxx,

2 "Liw diyhh bingrling Islaellangg qongxx, Guaw ee lexmic, dyrr si henr hro Guaw juer pangx pangx jiaxee huexjer ee jiahmic, linw diyhh jiauww zidqii qinxsin henr hro Guaw.

3 Qycc diyhh qra inx qongw, linw henr hro Jehovah ee huexjer, dyrr si byy hacuu bue muaw nii ee ngiuqangw-aw, diyhh dagg zit nng jiah, juer quxdngg henr ee siyjer.

4 Jaxkiw-sii diyhh henr ngiuu-aw jit jiah, honghunx ee sii diyhh henr ngiuu-aw jit jiah.

5 Qycc diyhh henr iur mirhunw efah jap hxun jit, qapp diauhyy keh hyw ee iuu jit hin sir hxun jit juer sowjer.

6 Jex si dirr Sinai Snuax soxx dniardiyc juer siongsiongg henr ee siyxjer, dyrr si henr hro Jehovah juer pangx pangx ee huexjer.

7 Uirdiyhh jitt jit jiah ngiuu-aw, diyhh suar henr quanwden ee jiuw, jit hin sir hxun ee jit hxun; dirr sxingr sow diongx, liw diyhh jiong' qau ee jiuw henr hro Jehovah juer quanwden.

8 Ehngx-sii, diyhh henr derr zi jiah ngiuu-aw, cincniu jaxkiw-sii ee sowjer, iarr cincniu ix ee quanwden, henr ix hro Jehovah juer pangx pangx ee huexjer.

9 Qycc dirr Anhiyczit diyhh henr nng jiah byy hacuu bue muaw nii ee ngiuqangw-aw, iarr ing diauhyy iuu ee iur mihunw efah jap hxun ee nng hxun, juer sowjer, qapp ix ee quanwden.

10 Jex si dagg xee Anhiyczit ee siyjer, hitt xee siongsiongg henr ee siyjer, qapp ix ee quanwden ixgua :ee.

11 Dagg guec ee ceid, linw diyhh henr siyjer hro Jehovah, dyrr si guqangw-aw nng jiah, mi'ngiuqangw jit jiah, byy hacuu bue muaw nii ee ngiuqangw-aw cid jiah.

12 Dagg jiah guqangw-aw, diyhh ing diauhyy iuu ee iur mirhunw efah jap hxun ee snax hxun, juer sowjer; uirr hitt jiah ngiuqangw, iarr diyhh ing diauhyy iuu ee iur mirhunw efah jap hxun ee nng hxun, juer sowjer.

13 Uirdiyhh dagg jiah ngiuu-aw jap hxun ee jit hxun, juer sowjer, qapp pangx pangx ee siyjer; si henr hro Jehovah ee huexjer.

14 Ix ee quanwden diyhh ing jiuw, uirdiyhh jit jiah guqangw-aw ing vnuar hin, uirdiyhh jit jiah ngiuqangw ing jit hin ee snax hxun jit, uirdiyhh jit jiah ngiuu-aw dyrr ing jit hin ee sir hxun jit; jex si dagg guec ee siyjer, jit nii ee diongqanx, dagg guec diyhh anxnix.

15 Qycc diyhh ing jit jiah snua'ngiuqangw juer siogjuerjer, henr hro Jehovah; diyhh dirr siongsiongg henr ee siyjer, qapp ix ee quanwden ixgua laii henr ix.

16 Jniax-guec jap-sir si Jehovah ee Vnuaquewjeh.

17 Jitt guec jap-go si jec'enn; diyhh jiac byy-qnar-vniaw cid zit quw.

18 Dirr ix ee tauu jit zit diyhh u sxingr hue, longxx m tangx juer lydong ee qangx.

19 Liw diyhh henr huexjer juer siyjer hro Jehovah, dyrr si guqangw-aw nng jiah, mi'ngiuqangw jit jiah, bue muaw nii ee ngiuqangw-aw cid jiah; linw longxx diyhh ing byy hacuu :ee.

20 Inx ee sowjer, ing diauhyy iuu ee iur mirhunw, uirdiyhh jit jiah guqangw henr jap hxun snax, uirdiyhh jit jiah ngiuqangw henr jap hxun nng.

21 Uirdiyhh hitt cid jiah ngiuu-aw, dagg jiah diyhh henr jap hxun jit.

22 Qycc henr jit jiah snua'ngiuqangw juer siogjuerjer, qra linw siogjue.

23 Linw henr jiaxee, diyhh dirr jaxkiw-sii ee siyjer, dyrr si siongsiongg henr ee siyjer ixgua :ee.

24 Lenlenn cid zit quw, dagg zit jiauww jitt xee le, ing pangx pangx ee huexjer ee jiahmic, henr hro Jehovah; diyhh dirr siongsiongg henr ee siyjer, qapp ix ee quanwden ixgua laii henr.

25 Derr cid zit linw diyhh u sxingr hue, longxx m tangx juer simxmih lydong ee qangx.

26 Cid xee cid zit jeh, kixtauu sik ee toxsanw, linw henr sinx ee sowjer hro Jehovah ee zit, diyhh u sxingr hue, longxx m tangx juer lodong ee qangx.

27 Linw diyhh henr pangx pangx ee siyjer hro Jehovah, dyrr si guqangw-aw nng jiah, mi'niuqanw-aw cid jiah, bue muaw nii ee ngiu'qangw-aw cid jiah.

28 Inx ee sowjer, ing diauhyy iuu ee iur mirhunw, uirdiyhh jit jiah guqangw henr jap hxun snax, uirdiyhh jit jiah ngiuqangw henr jap hxun nng.

29 Uirdiyhh hitt cid jiah ngiuu-aw, dagg jiah henr jap hxun jit.

30 Qycc henr jit jiah snua'ngiuqangw qra linw siogjue.

31 Linw diyhh henr jiaxee, qapp ix ee quanwden, dirr siongsiongg henr ee siyjer qapp ix ee sowjer ixgua, linw longxx diyhh ing byy hacuu :ee.

29 Cid-guec ceid linw diyhh u sxingr hue, longxx m tangx juer lydong ee qangx; jex si linw vunn sauwqag ee zit.

2 Linw diyhh henr pangx pangx ee siyjer hro Jehovah, dyrr si guqangw-aw jit jiah, mi'ngiuqangw jit jiah, bue muaw nii ee guqangw-aw cid jiah, longxx diyhh byy hacuu :ee.

3 Inx ee sowjer, ing diauhyy iuu ee iur mirhunw, uirdiyhh jit jiah guqangw henr efah jap hxun snax, uirdiyhh jit jiah ngiuqangw henr jap hxun nng.

4 Uirdiyhh hitt cid jiah ngiuu-aw, dagg jiah diyhh henr jap hxun jit.

5 Qycc henr jit jiah snua'ngiuqangw juer siogjuerjer, qra linw siogjue.

6 Jiaxee si dagg guec ceid ee siyjer, qapp ix ee sowjer, ixqip siongsiongg henr ee siyjer, qapp inx ee sowjer, ixqip ix ee quanwden, qokk jiauww ix ee le ixgua, longxx juer pangx pangx ee huexjer henr hro Jehovah.

7 Cid-guec cejap, linw diyhh u sxingr hue, diyhh kikkow qaqi ee simx, longxx m tangx juer qangx.

8 Linw diyhh henr pangx pangx ee siyjer hro Jehovah, dyrr si guqangw-aw jit jiah, mi'ngiuqangw jit jiah, bue muaw nii ee ngiuqangw-aw cid jiah, longxx diyhh byy hacuu :ee.

9 Inx ee sowjer ing diauhyy iuu ee iur mirhunw, uirdiyhh jit jiah guqangw henr jap hxun snax, uirdiyhh jit jiah ngiuqangw henr jap hxun nng;

10 Uirdiyhh hitt cid jiah ngiuu-aw, dagg jiah diyhh henr jap hxun jit.

11 Qycc henr jit jiah snua'ngiuqangw juer siogjuerjer. Jiaxee si dirr siogjuerjer, qapp siongsiongg henr ee siyjer, qapp inx ee sowjer, ixqip inx ee quanwden ixgua :ee.

12 Cid-guec jap-go, linw diyhh u sxingr hue, longxx m tangx juer lydong ee qangx; diyhh cid zit quw siuw jeh hogsai Jehovah.

13 Linw diyhh henr siyjer juer pangx pangx ee huexjer hro Jehovah, dyrr si ser jiah ee guqangw-aw jap-snax jiah, mi'ngiuqangw nng jiah, bue muaw nii ee ngiuu-aw jap-sir jiah, longxx diyhh byy hacuu :ee.

14 Inx ee sowjer ing diauhyy iuu ee iur mirhunw, uirdiyhh jitt jap-snax jiah guqangw, dagg jiah guqangw henr jap hxun snax, uirdiyhh nng jiah mi'ngiuqangw, dagg jiah mi'ngiuqangw henr jap hxun nng,

15 Uirdiyhh hitt jap-sir jiah ngiuu-aw, dagg jiah ngiuu-aw henr jap hxun jit.

16 Iarr henr jit jiah snua'ngiuqangw juer siogjuerjer. Jiaxee si dirr siongsiongg henr ee siyjer, qapp ix ee sowjer, qapp ix ee quanwden ixgua :ee.

17 Derr zi zit diyhh henr ser jiah guqangw-aw jap-zi jiah, mi'ngiuqangw nng jiah, bue muaw nii ee ngiuu-aw jap-sir jiah, longxx diyhh byy hacuu :ee;

18 Iarr uirdiyhh guqangw, ngiuqangw, qapp ngiuu-aw, suar henr ix ee sowjer, ix ee quanwden, longxx jiauww inx ee siauwgiac, jiauww hitt xee le;

19 Iarr henr jit jiah snua'ngiuqangw juer siogjuerjer; jex si dirr siongsiongg henr ee siyjer, qapp ix ee sowjer, qapp ix ee quanwden ixgua :ee.

20 Derr snax zit diyhh henr guqangw-aw jap-id jiah, mi'ngiuqangw nng jiah, bue muaw nii ee ngiuu-aw jap-sir jiah, longxx diyhh byy hacuu :ee;

21 Iarr uirdiyhh guqangw, ngiuqangw, qapp ngiuu-aw, suar henr ix ee sowjer, ix ee quanwden, longxx jiauww inx ee siauwgiac, jiauww hitt xee le;

22 Iarr henr jit jiah snua'ngiuqangw juer siogjuerjer. Jiaxee si dirr siongsiongg henr ee siyjer, qapp ix ee sowjer, qapp ix ee quanwden ixgua :ee.

23 Derr sir zit diyhh henr guqangw-aw jap jiah, mi'ngiuqangw nng jiah, bue muaw nii ee ngiuu-aw jap-sir jiah, longxx diyhh byy hacuu :ee;

24 Iarr uirdiyhh guqangw, ngiuqangw, qapp ngiuu-aw suar henr ix ee sowjer, ix ee quanwden, longxx jiauww inx ee siauwgiac, jiauww hitt xee le;

25 Iarr henr jit jiah snua'ngiuqangw juer siogjuerjer. Jiaxee si dirr siongsiongg henr ee siyjer, qapp ix ee sowjer, qapp ix ee quanwden ixgua :ee.

26 Derr go zit diyhh henr guqangw-aw qauw jiah, mi'ngiuqangw nng jiah, bue muaw nii ee ngiuu-aw jap-sir jiah, longxx diyhh byy hacuu :ee;

27 Iarr uirdiyhh guqangw; ngiuqangw, qapp ngiuu-aw, suar henr ix ee sowjer, ix ee quanwden, longxx jiauww inx ee siauwgiac, jiauww hitt xee le;

28 Iarr henr jit jiah snua'ngiuqangw juer siogjuerjer. Jiaxee si dirr siongsiongg henr ee siyjer, qapp ix ee sowjer, qapp ix ee quanwden ixgua :ee.

29 Derr lak zit diyhh henr guqangw-aw veh jiah, mi'ngiuqangw nng jiah, bue muaw nii ee ngiuu-aw jap-sir jiah, longxx diyhh byy hacuu :ee;

30 Iarr uirdiyhh guqangw, ngiuqangw qapp ngiuu-aw, suar henr ix ee sowjer, ix ee quanwden, longxx jiauww inx ee siauwgiac, jiauww hitt xee le;

31 Iarr henr jit jiah snua'ngiuqangw juer siogjuerjer. Jiaxee si dirr siongsiongg henr ee siyjer, qapp ix ee sowjer, qapp ix ee quanwden ixgua :ee.

32 Derr cid zit diyhh henr guqangw-aw cid jiah, mi'ngiuqangw nng jiah, bue muaw nii ee ngiuu-aw jap-sir jiah, longxx diyhh byy hacuu :ee;

33 Iarr uirdiyhh guqangw, ngiuqangw, qapp ngiuu-aw, suar henr ix ee sowjer, ix ee quanwden, longxx jiauww inx ee siauwgiac, jiauww hitt xee le;

34 Iarr henr jit jiah snua'ngiuqangw juer siogjuerjer. Jiaxee si dirr siongsiongg henr ee siyjer qapp ix ee sowjer qapp ix ee quanwden ixgua :ee.

35 Derr veh zit linw diyhh u giamsiokhue, longxx m tangx juer lydong ee qangx.

36 Linw diyhh henr siyjer juer pangx pangx ee huexjer hro Jehovah, dyrr si guqangw jit jiah, mi'ngiuqangw jit jiah, bue muaw nii ee ngiuu-aw cid jiah, byy hacuu :ee;

37 Iarr uirdiyhh guqangw, ngiuqangw, qapp ngiuu-aw, suar henr ix ee sowjer, ix ee quanwden, longxx jiauww inx ee siauwgiac, jiauww hitt xee le;

38 Iarr henr jit jiah qangx ee snua'ngiuu juer siogjuerjer. Jiaxee si dirr siongsiongg henr e siyjer qapp ix ee sowjer, qapp ix ee quanwden ixgua :ee.

39 Dirr linw jiaxee jecqii, diyhh ing jiaxee henr hro Jehovah, longxx dirr soxx he ee guan, qapp qamsimx soxx henr :ee ixgua, juer linw ee siyjer, sowjer, quanwden, qapp ving'anjer."

40 Jehovah soxx bingrling Moses :ee, Moses dyrr jiauww anxnix longxx qra Islaellangg qongw.

30 Moses huanhur Islael dagg jipair ee taulangg, qra inx qongw, "Jehovah soxx bingrling :ee si anxnix.

2 Langg narr duiww Jehovah he guan, iacc si jiuwjua, ing jit xee iog qaqi ioksog, dyrr m tangx tunjiac ix ee ue, diyhh jiauww ix ee cuir soxx qongw .cud .ee, itjin qniaa ix.

3 Jaboxginxaw siauwlenn iauxx dirr laurve ee qrex ee sii, narr duiww Jehovah he guan, ing iog laii qaqi ioksog,

4 Ix ee laurve tniax qnir ix soxx he ee guan, qapp ioksok qaqi ee iog, ix ee laurve narr jing jing byy cab ix, ix soxx he jiaxee guan dikkag singlip, ix soxx qaqi ioksog ee iog, iarr dikkag singlip.

5 Danrsi laurve tniax .qnir, byy unxjunw ix, ix soxx he jiaxee guan qapp qaqi ioksog hiaxee iog, longxx byy singlip; Jehovah iarr beh siawbenw ix, in'ui ix ee laurve byy unxjunw.

6 Ix cutqer ee sii, narr ixqing’ u he guan, iacc si ix ee cuir suiven qongw cud ioksog qaqi ee ue dirr ix ee sinjniu;

7 Ix ee diongrhux narr tniax .qnir, iarr dirr tniax .qnir ee zit jing jing byy cab ix, dyrr ix soxx he jiaxee guan, dikkag singlip; ix qaqi ioksog ee iog, iarr dikkag singlip.

8 Danrsi ix ee diongrhux tniax .qnir ee zit, byy unxjunw ix, dyrr huewbyy ix soxx he ee guan, qapp ix ee cuir suiven qongw cud ioksog qaqi ee ue, Jehovah iarr beh siawbenw ix.

9 Jiuxqnuaw hurzinlangg, iacc si siurr lii cud ee hurzinlangg soxx he ee guan, qapp ix qaqi ioksog ee ue, longxx beh singlip dirr ix ee sinjniu.

10 Hurzinlangg narr dirr diongrhux ee cur he guan, iacc si jiuwjua, ing iog laii ioksog qaqi,

11 Diongrhux tniax .qnir, jing jing byy cab ix, iarr byy m unxjunw, ix soxx he jiaxee guan longxx beh singlip, ix ioksog qaqi ee iog iarr beh singlip.

12 Danrsi diongrhux tniax .qnir ee zit, narr qra ix huewbyy, qniwnarr ix ee cuir soxx cud :ee, higsi soxx he ee guan, iacc si qaqi iog :ee, dyrr longg be singlip; in'ui ix ee diongrhux ixqing’ huewbyy ix; Jehovah iarr beh siawbenw ix.

13 Qniwnarr soxx he ee guan, qapp ioksog ee jiuwjua, laii kikkow qaqi, ix ee diongrhux iarr tangx huewbyy ix.

14 Danrsi ix ee diongrhux zidzit jing jing, byy cab ix, dyrr singlip ix soxx he hiaxee guan, qapp ioksog ix ee ue, in'ui ix ee diongrhux tniax .qnir ee zit jing jing byy cab ix, ix dyrr singlip ix.

15 Danrsi diongrhux tniax .qnir liauxau huewbyy ix, dyrr ix diyhh damdngx hurzinlangg ee jue."

16 Jiaxee si Jehovah soxx bingrling Moses :ee, lun kiw diongrhux duiwdirr hurzinlangg, laurve duiwdirr siauwlenn ee jaboxqniaw druar dirr qrex-lai ee quile.

31 Jehovah huanhur Moses qongxx,

2 "Liw diyhh qongqig Midianlangg, ter Islaellangg vywsiuu; au .laii liw beh dywjow."

3 Moses huanhur vecsnir qongxx, "Diyhh dui' linw diongqanx virvan langg duar qesix cud kir qongqig Midian, tangx dirr Midianlangg ee siujniu uirr Jehovah vywsiuu.

4 Diyhh dui' Islael jiongww jipair ee diongqanx, dagg jipair diyhh crex jit-cingx langg kir qaujenr.

5 Diyhh dui' Islael jiaxee jok-diongx, dagg jipair cud jit-cingx langg, qiong jit-bxan nng-cingx langg, duar qesix virvan qaujenr."

6 Moses dyrr crex muixx jipair jit-cingx langg, kir qaujenr; inx qapp jewsix Eleazar ee qniaw Finehas kir qaujenr; Finehas ciuw tec sxingr sow ee kiwqu, qapp vunn dua sniax ee hyrtauu.

7 Inx jiauww Jehovah soxx bingrling Moses :ee, qapp Midianlangg qaujenr; itjin taii siw inx ee davodingx.

8 Dirr soxx taii siw ee langg ee diongqanx, iarr taii siw Midian jiaxee ongg, dyrr si Evi, Rlekem, Zur, Hur, qapp Rleba, Midian go xee ongg. Qycc ing dyx taii siw Beor ee qniaw Balaam.

9 Islaellangg liac Midian ee hurzinlangg, qapp inx ee ginxaw, iarr jiong' inx itcer ee jingsnix, itcer ee ngiuu-qrunn, qapp itcer ee jaibut longx cniuw .laii, juer cniuxmic.

10 Qycc ing huew siyx inx soxx kiarkiw ee de, hiaxee sniaa, qapp inx soxu ee ngiavnuaa,

11 Jiong' itcer soxx cniuw :ee, soxx liac :ee, langg qapp jingsnix, longxx duar .laii.

12 Jiong' soxx liac ee langg, ixqip soxx cniuw soxx tec ee mic, longxx duar qaur Moab ee vni'ngiuu, dirr Jordan Hyy-vnix, qapp Jeliqo snaduir ee ngiavnuaa, qaux hro Moses, qapp jewsix Eleazar, qapp Islael ee huerjiongr.

13 Moses qapp jewsix Eleazar qapp huerjiongr longxjongw ee siuxlingw, cud kir ngiaa-gua gniajih inx.

14 Moses siurkir hiaxee dui' qaujenr dyr .laii ee qundniuw, cenjongw, vecjongw.

15 Moses duiww inx qongw, "Linw lauu jiaxee hurluw iauxx uac lehh mah?

16 Knuar ar, inx tranr Balaam ee qewboo, hro Islaellangg dirr Peor ee su dikjue Jehovah, drir qaur Jehovah ee huerjiongr duw diyc un'ik.

17 Dnaxx diyhh taii siw ser qniaw diongx longjongw ee davoginxaw, iarr taii siw hiaxee ixqing’ qapp davolangg dangvangg ee hurzinlangg.

18 Danrsi hiaxee bue qapp davolangg dangvangg ee jaboxginxaw, linw tangx uirr qaqi lauu inx ee uahmia.

19 Linw diyhh jrad ngiaa dirr ngiaa-gua cid zit quw; qniwnarr taii langg :ee, qniwnarr bongx diyc siurr taii :ee, diyhh dirr derr snax zit, derr cid zit cingkir qaqi, iarr diyhh cingkir linw soxx liac .laii ee langg.

20 Lun qaur soxu ee ihok, iacc si puee juer :ee, iacc si snua'ngiumngg jit xee, iacc si caa juer ee mic, longxx diyhh cingkir ix."

21 Jewsix Eleazar duiww qaujenr dyr .laii ee qundui qongw, "Jehovah soxx bingrling Moses ludhuad ee diaule dyrr si anxnix;

22 Qimx, ginn, dangg, tih, sxiah, xenn,

23 Qniwnarr e dongr did huew ee mic, linw diyhh hro ix qingquer huew, dyrr jniaa juer cingkir; danrsi diyhh qycc ing druu kir uwuer ee juiw cingkir ix; qniwnarr be dongr did huew ee mic, linw diyhh hro ix qingquer juiw.

24 Derr cid zit diyhh sew linw ee snxax, linw dyrr cingkir, jiacc tangx zip ngiaa."

25 Jehovah huanhur Moses qongxx,

26 "Liw qapp jewsix Eleazar, qapp huerjiongr jiaxee jogdniuw, diyhh sngr soxx cniuxliac :ee, bylun langg qapp jingsnix ee siauwgiac.

27 Soxx cniuw .laii .ee diyhh vunx juer nng hxun, jit hxun hro cud kir qaujenr ee jingvingx, jit hxun hro juann hue ee jingwlangg.

28 Diyhh dui' cutjenr ee vingdingx tiux mic laii jinwqongr Jehovah; qniwnarr langg, guu, luu, ngiuu-qrunn, muixx go-vah tiux jit.

29 Dui' inx hitt vnuar xee diongqanx, diyhh tiux cud ix laii hro jewsix Eleazar, juer quxjer hro Jehovah.

30 Dui' Islaellangg hitt jidvnuar ee diongqanx, dyrr si dui' langg, guu, luu, ngiuu-qrunn, longxjongw ee jingsnix, muixx go-jap tiux jit, qaux hro qowsiuw Jehovah huerbo ee jiksingg ee Levilangg."

31 Moses dyrr qapp jewsix Eleazar, jiauww Jehovah soxx bingrling Moses :ee laii qniaa.

32 Soxx cniuw ee mic, dyrr si vingdingx soxx cniuw ing cunx :ee, ngiuu, lak-jap-cid-bxan go-cingx jiah;

33 Guu, cid-bxan nng-cingx jiah;

34 Luu, lak-bxan jit-cingx jiah;

35 Langg, snax-bxan nng-cingx, dyrr si m bad qapp davodingx dangvangg ee jaboxginxaw.

36 Cud kir qaujenr ee langg ee hunrgiac, dyrr si inx soxx did .diyc ee hitt vnuar, qiong u ngiuu, snax-jap-snax-bxan cid-cingx go-vah jiah.

37 Dui' inx diongqanx tiux laii jinwqongr Jehovah ee ngiuu u lak-vah cid-jap-go jiah.

38 Guu, snax-bxan lak-cingx jiah; dui' inx diongqanx tiux laii jinwqongr Jehovah :ee, cid-jap-zi jiah.

39 Luu, snax-bxan lenn go-vah jiah; dui' hitt diongqanx tiux laii jinwqongr Jehovah :ee, si lak-jap-id jiah.

40 Langg jit-bxan lak-cingx; dui' hitt diongqanx tiux laii jinwqongr Jehovah :ee, si snax-jap-zi xee.

41 Moses jiong' jinwqongr ee mic, dyrr si qruix hro Jehovah ee quxjer, qaux hro jewsix Eleazar; si jiauww Jehovah soxx bingrling Moses :ee.

42 Islaellangg soxx did .diyc hitt jidvnuar, dyrr si Moses dui' qaujenr ee langg vunx laii hro inx :ee,

43 (Huerjiongr hitt jidvnuar u ngiuu snax-jap-snax-bxan cid-cingx go-vah jiah;

44 Guu, snax-bxan lak-cingx jiah;

45 Luu, snax-bxan lenn go-vah jiah;

46 Langg, jit-bxan lak-cingx xee),

47 Dui' Islaellangg ee jidvnuar, bylun si langg, si jingsnix, Moses muixx go-jap tiux jit, qaux hro qowsiuw Jehovah huerbo ee jiksingg ee Levilangg; si jiauww Jehovah soxx bingrling Moses :ee.

48 Quanxliw qundui jiaxee qnruax, dyrr si cenjongw vecjongw, longxx laii jiurqin Moses, duiww Moses qongw,

49 "Lovok soxx quanw ee vxingx, ixqing’ diamxsngr jongxgiac, guanw diongqanx byy qiamxjiyw jit langg.

50 Dnaxx guanw jiong' dagg langg soxx did .diyc ee qimkir, len'aw, ciuxkuann, pah inxaw ee ciuxjiw, hnirqaux, qruar amrqunw ee julen-aw, longxx duar laii juer lexmic henr hro Jehovah, tangx dirr Jehovah ee binrjingg, uirdiyhh guanw vunxsinx siogjue."

51 Moses qapp jewsix Eleazar, dyrr siux inx ee qimx, dyrr si dagg ngiu pah hyw ee ciuxsig.

52 Cenjongw vecjongw soxx henr hro Jehovah ee qimx, qiong u jit-bxan lak-cingx cid-vah go-jap sekel.

53 In'ui dagg xee vingdingx longxx u uirdiyhh qaqi cniuw jaibut.

54 Moses qapp jewsix Eleazar siux cenjongw vecjongw ee qimx, dyrr duar zip huerbo, dirr Jehovah ee binrjingg juer Islaellangg ee qiwliam.

32 Rleuben ee qniaxsunx, qapp Gad ee qniaxsunx, inx ee jingsnix qigqii je. Inx knuar qnir Jazer ee de, qapp Gilead e de, si tangx cri jingsnix ee soxjai.

2 Gad ee qniaxsunx dyrr laii qnir Moses, qapp jewsix Eleazar, ixqip huerjiongr ee siuxlingw, qra inx qongw,

3 "Atalot, Dibon, Jazer, Nimlah, Hesbon, Elealeh, Sibmah, Nebo, qapp Beon,

4 Dyrr si Jehovah dirr Islael huerjiongr ee binrjingg soxx qongcuw ee de, si tangx cri jingsnix ee de; liw ee lovok iarr u jingsnix."

5 Qycc qongw, "Guanw narr did diyc undenw dirr liw ee binrjingg, qriuu liw ing jitt xee de hro liw ee lovok juer giap, byc did cua guanw quer Jordan Hyy."

6 Moses duiww Gad ee qniaxsunx qapp Rleuben ee qniaxsunx qongw, "Jongw byy linw ee hniadi kir jingjenr, linw jre dirr jiax mah?

7 Linw sniaw su hro Islaellangg luexjir, byy rair quer kir zip Jehovah soxx sniuxsur inx hitt xee de ar?

8 Guaw jingg dui' Kades Barnea crex linw ee laurve kir taux knuar hitt xee de, inx iarr si anxnix qniaa.

9 In'ui inx jnriu kir Eskol ee snuaqog, kir knuar hitt xee de ee sii, u hro Islaellangg luexjir, m rair zip Jehovah soxx sniuxsur inx ee de.

10 Dngzit Jehovah ee siurkir huad .cud, dyrr jiuwjua qongxx,

11 'Qniwanrr dui' Egipt jnriu laii, zi-jap huer ixsiong ee langg, quatduanr be did diyc knuar qnir Guaw duiww Ablaham, Isaac, Jakob, jiuwjua ingwunw ee de; in'ui inx byy juansimx qinduer Guaw.

12 Dogdok Keniz-jok, Jefunneh ee qniaw Kaleb, qapp Nun ee qniaw Josua, tangx knuar .qnir, in'ui inx juansimx duer Jehovah.'

13 Jehovah duiww Islaellangg huad siurkir, hro inx dirr kongwiaw piauliuu sir-jap nii, tingwhau hitt dai qniaa pnaiw dirr Jehovah binrjingg ee langg longxx siaubet.

14 Knuar ar, linw kiw laii suawjiab linw ee laurve, qetnix juerzinn ee siauwgiac, hro Jehovah ithuad siurkir Islael.

15 Linw narr uat dywdngw byy duer Ix, Ix beh qycc vangwsag inx dirr kongwiaw, linw dyrr si bedbyy jiaxee jiongww vecsnir."

16 Inx uaw qin Moses, qongw, "Guanw beh dirr jiax uirr guanw ee jingsnix congr diauu, uirr guanw ee ginxaw kiw sniaa;

17 Danrsi guanw vunxsinx beh duar qunkir, qniaa dirr Islaellangg ee taujingg, tingwhau guanw cua inx qaur inx ee derhngx; dogdok guanw ee ginxaw, in'ui jitt xee de kiarkiw ee vecsnir ee enqor, beh diamr dirr qenqor ee sniaa-lai.

18 Guanw m dyr kir guanw cur, tingwhau Islaellangg dagg xee did diyc ix ee giap.

19 Guanw byy beh qapp inx dirr Jordan Hyy hitt vingg qycc kir ee de did diyc giap; in'ui guanw ee giap si jairdirr Jordan Hyy dangsir jitt vingg."

20 Moses duiww inx qongw, "Linw narr beh anxnix qniaa, dyrr dirr Jehovah ee binrjingg duar qunkir cud kir qaujenr.

21 Linw soxu duar qunkir ee langg, narr dirr Jehovah ee binrjingg quer Jordan Hyy, tingwhau Ix dui' Ix ee binrjingg qnuaw cud Ix ee duiwdik,

22 Hitt xee de ixqing’ hro Jehovah kacc ngiaa, zen'au linw tangx dyr .laii. Anxnix, dirr Jehovah qapp Islael ee binrjingg, linw dyrr byy jue, jitt xee de beh dirr Jehovah ee binrjingg hro linw juer giap.

23 Setsuw linw byy anxnix qniaa, dyrr si dikjue Jehovah, diyhh jaix linw ee jue beh duizib linw.

24 Dnaxx diyhh qra linw ee ginxaw kiw sniaa, qra linw ee ngiuu-qrunn congr diauu, jiauww linw ee cuir soxx qongw :ee kir qniaa."

25 Gad ee qniaxsunx qapp Rleuben ee qniaxsunx duiww Moses qongw, "Liw ee lovok beh jiauww guaw ee jruw soxx huanhur kir qniaa.

26 Guanw ee ginxaw, guanw ee bow, guanw ee ngiuu-qrunn, guanw ee jingsnix, longxx beh lauu dirr Gilead jiaxee sniaa.

27 Danrsi liw ee lovok, qniwnarr duar qunkir :ee, longxx beh jiauww guaw ee jruw soxx qongw ee ue, dirr Jehovah ee binrjingg quer kir qaujenr."

28 Moses dyrr uirdiyhh inx huanhur jewsix Eleazar, qapp Nun ee qniaw Josua, qapp Islael jiongww jipair ee jogdniuw.

29 Moses duiww inx qongw, "Gad ee qniaxsunx qapp Rleuben ee qniaxsunx, narr qapp linw quer Jordan Hyy, dagg langg giac qesix dirr Jehovah ee binrjingg kir qaujenr, hitt xee de hro linw kacc ngiaa, linw dyrr diyhh ing Gilead-de hro inx juer giap.

30 Setsuw inx m duar qunkir qapp linw quer .kir, inx dyrr dirr Kanaan-de dui' linw diongqanx did diyc giap."

31 Gad ee qniaxsunx qapp Rleuben ee qniaxsunx rinr qongxx, "Jehovah duiww guanw soxx qongw :ee, Ix ee lovok dyrr anxnix qniaa.

32 Guanw beh duar qunkir, dirr Jehovah ee binrjingg quer kir zip Kanaan-de; dogdok Jordan Hyy-gua, guanw soxx did diyc juer giap ee de, iuguann qruix guanw."

33 Moses dyrr ing Amoli Ongg Sihon ee qog, qapp Basan Ongg Og ee qog, hitt xee de qapp ix qingxlai jiaxee sniaa, dyrr si siwjiu'uii jiaxee sniaa, longxx hro Gad ee qniaxsunx, qapp Rleuben ee qniaxsunx, ixqip Josef ee qniaw Manasseh ee vnuar jipair.

34 Gad ee qniaxsunx kiw Dibon, Atalot, Aloer,

35 Atlot Sofan, Jazer, Jogbehah,

36 Bet Nimlah, qapp Bet Halan, longxx si qenqor ee sniaa; inx qycc kiw ngiuu-diauu.

37 Rleuben ee qniaxsunx kiw Hesbon, Elealeh, Kiliataim,

38 Nebo, Baal Meon, (ixqing’ ngua miaa .quer .ar) qycc kiw Sibmah; inx soxx kiw jiaxee sniaa u hy sinx ee miaa.

39 Manasseh ee qniaw Maqir, ix ee qniaxsunx kir Gilead, jiamr hitt xee de, qnuaw cud hitt soxjai ee Amolilangg.

40 Moses jiong' Gilead hro Manasseh ee qniaw Maqir; ix dyrr kia dirr hiax.

41 Manasseh ee qniaw Jair kir jiamr hiaxee hniusia, dyrr cxingx ix juer Havot Jair.

42 Nobah kir jiamr Kenat, qapp Kenat jiaxee hniusia; dyrr jiauww qaqi ee miaa cxingx ix juer Nobah.

33 Islaellangg jiauww qundui, dirr Moses qapp Aalon ee ciuw-xe, cud Egipt-de soxx qniaa ee lorjam, qir dirr erbin.

2 Moses jiauww Jehovah ee bingrling qiwjair inx kixsinx qniaa ee lorjam; inx kixsinx qniaa ee lorjam dyrr si anxnix.

3 Jniax-guec qranx, dirr Jniax-guec jap-go, dyrr si Vnuaquewjeh ee derr zi zit, Islaellangg dui' Rlameses kixsinx, dirr Egipt jingwlangg ee bagjiux jingg, kyr dua quanlingg ee ciuw cud .kir.

4 Hitt sii Egiptlangg decc baijongr inx longxjongw ee dua-qniaw, dyrr si Jehovah dirr inx diongqanx soxx pah .siw .ee; Jehovah iarr kenwjig inx hiaxee siongrder.

5 Islaellangg dui' Rlameses kixsinx, jrad ngiaa dirr Sukkot.

6 Dui' Sukkot kixsinx, jrad ngiaa dirr qin kongwiaw ee Etam.

7 Dui' Etam kixsinx, uat dngw qaur Pi Hahilot, dyrr si dirr Baal Zefon ee duiwbin, dyrr jrad ngiaa dirr Migdol ee taujingg.

8 Dui' Pi Hahilot duiwbin kixsinx, qingquer haiw-diongx qaur kongwiaw; qycc dirr Sur ee kongwiaw qniaa snax zit ee lorjam, dyrr jrad ngiaa dirr Mahlah.

9 Inx dui' Mahlah kixsinx, laii qaur Elim. Elim u jap-zi diauu juixjnuaa, cid-jap jangg jyxciu; dyrr dirr hiax jrad ngiaa.

10 Dui' Elim kixsinx, jrad ngiaa dirr Angg Haiw-qnii.

11 Dui' Angg Haiw-qnii kixsinx, jrad ngiaa dirr Sin ee kongwiaw.

12 Dui' Sin ee kongwiaw kixsinx, jrad ngiaa dirr Dofkah.

13 Dui' Dofkah kixsinx, jrad ngiaa dirr Alus.

14 Dui' Alus kixinx, jrad ngiaa dirr Rlefidim; dirr hiax byy juiw tangx hro vecsnir limx.

15 Dui' Rlefidim kixsinx, jrad ngiaa dirr Sinai ee kongwiaw.

16 Dui' Sinai ee kongwiaw kixsinx, jrad ngiaa dirr Kiblot Hattaavah.

17 Dui' Kiblot Hattaavah kixsinx, jrad ngiaa dirr Hazelot.

18 Dui' Hazelot kixsinx, jrad ngiaa dirr Rlitmah.

19 Dui' Rlitmah kixsinx, jrad ngiaa dirr Rlimmon Pelez.

20 Dui' Rlimmon Pelez kixsinx, jrad ngiaa dirr Libnah.

21 Dui' Libnah kixsinx, jrad ngiaa dirr Rlissah.

22 Dui' Rlissah kixsinx, jrad ngiaa dirr Kehelatah.

23 Dui' Kehelatah kixsinx, jrad ngiaa dirr Sefer Snuax.

24 Dui' Sefer Snuax kixsinx, jrad ngiaa dirr Haladah.

25 Dui' Haladah kixinx, jrad ngiaa dirr Makelot.

26 Dui' Makelot kixsinx, jrad ngiaa dirr Tahat.

27 Dui' Tahat kixsinx, jrad ngiaa dirr Telah.

28 Dui' Telah kixsinx, jrad ngiaa dirr Mitkah.

29 Dui' Mitkah kixsinx, jrad ngiaa dirr Hasmonah.

30 Dui' Hasmonah kixsinx, jrad ngiaa dirr Moselot.

31 Dui' Moselot kixsinx, jrad ngiaa dirr Bene Jaakan.

32 Dui' Bene Jaakan kixsinx, jrad ngiaa dirr Hor Haggidgad.

33 Dui' Hor Haggidgad kixsinx, jrad ngiaa dirr Jotbatah.

34 Dui' Jotbatah kixsinx, jrad ngiaa dirr Ablonah.

35 Dui' Ablonah kixsinx, jrad ngiaa dirr Eziongeber.

36 Dui' Ezionggeber kixsinx, jrad ngiaa dirr Zin ee kongwiaw, dyrr si Kades.

37 Dui' Kades kixsinx, jrad ngiaa dirr Hor Snuax, Edom-de ee vniqair.

38 Islaellangg cud Egipt-de ee sir-jap nii ee Go-guec ceid, jewsix Aalon juntanr Jehovah ee bingrling, jnriu Hor Snuax, dyrr siw dirr hiax.

39 Aalon siw dirr Hor Snuax ee sii, jit-vah zi-jap-snax huer.

40 Kiarkiw dirr Kanaan-de lamhngx ee Kanaanlangg Alad Ongg tniax qnir Islaellangg laii lar.

41 Islaellangg dui' Hor Snuax kixsinx, jrad ngiaa dirr Zalmonah.

42 Dui' Zalmonah kixsinx, jrad ngiaa dirr Punon.

43 Dui' Punon kixsinx, jrad ngiaa dirr Obot.

44 Dui' Obot kixsinx, jrad ngiaa dirr Ije Abalim, Moab ee vniqair.

45 Dui' Ije kixsinx, jrad ngiaa dirr Dibon Gad.

46 Dui' Dibon Gad kixsinx, jrad ngiaa dirr Almon Diblataim.

47 Dui' Almon Diblataim kixsinx, jrad ngiaa dirr Nebo duiwbin ee Abalim Snuax.

48 Dui' Abalim Snuax kixsinx, jrad ngiaa dirr Moab ee vni'ngiuu, Jordan Hyy-vnix, Jeliqo duiwbin.

49 Inx jrad ngiaa dirr Jordan ee hyy-vnix, dui' Bet Jesimot qaur Akacia, dirr Moab vni'ngiuu.

50 Jehovah dirr Moab vni'ngiuu, Jordan Hyy-vnix, Jeliqo duiwbin, huanhur Moses qongxx,

51 "Liw diyhh huanhur Islaellangg, qra inx qongw linw quer Jordan Hyy zip Kanaan-de ee sii,

52 Dyrr diyhh dui' linw binrjingg qnuaw cud hiax soxu kiarkiw ee vecsnir, huixbet inx itcer pah jniaa ee jiyhsiong, qycc huixbet inx itcer ngiujur ee gnoxsiong, qycc tiachuiw inx itcer ee snuataudnuaa.

53 Linw diyhh jiamr hitt soxjai, iarr diyhh kiarkiw dirr hiax, in'ui Guaw jiong' hitt soxjai sniuxsur linw juer giap.

54 Linw diyhh jiauww dagg qrex liamx kaux singjiab hitt xee de; langg je :ee, diyhh vunx sanxgiap kacc je hro inx, langg jiyw :ee, diyhh vunx sanxgiap kacc jiyw hro inx; knuar liamx diyc simxmih soxjai, hitt soxjai dyrr qruix ix; jiauww linw joxqongx ee jipair, linw diyhh singjiab ix.

55 Setsuw linw byy qnuaw cud hitt soxjai kiarkiw ee vecsnir, dyrr linw soxx iong'unw ix diamr lehh ee vecsnir, inx beh juer linw bagjiux diongx ee cxir, hiap-xe ee cauxcir; inx iarr beh dirr linw soxx kiarkiw ee de kunxvig linw.

56 Qycc Guaw beh kuanxtai linw, cincniu Guaw bad sniu beh kuanxtai inx :ee."

34 Jehovah huanhur Moses qongxx,

2 "Liw diyhh bingrling Islaellangg, qra inx qongw, linw qaur Kanaan-de ee sii, dyrr si qruix hro linw juer giap ee Kanaan, jiauww ix siwqingw ee de:

3 Linw ee lamhngx diyhh dui' Zin ee kongwiaw en' Edom ee vniqair, linw ee lamqair diyhh dui' Iamm Haiw dangsir ee qigtauu.

4 Linw ee qaiwsnuar diyhh qaur Aklabbim ee snuapniaa ee lamsir, suar qaur Zin, diddit tangr qaur Kades Barnea ee lamvingg; qycc tangr qaur Hazar Addar, suar qaur Azmon.

5 Jitt xee qingxqair diyhh dui' Azmon uad qaur Egipt ee kex, tangr qaur haiw uijiw.

6 Saivingg diyhh ing duarhaiw juer qaiwsnuar; jex dyrr si linw saisir ee qingxqair.

7 Linw vaksir ee qaiwsnuar diyhh dui' duarhaiw, uic qaur Hor Snuax.

8 Dui Hor Snuax uic qaur Hamat ee lorkauw, tangr qaur Zedad.

9 Qycc tangr qaur Ziflon, didqaur Hazar Enan uijiw, jex beh juer linw vaksir ee qingxqair.

10 Linw diyhh dui' Hazar Enan, uic qaur Sefam juer linw dangsir ee qingxqair.

11 Jitt xee qaiwsnuar diyhh dui' Sefam lyc kir qaur Ain dangsir ee Rlibla, qycc lyc kir qaur Galilee Oo ee dangsir.

12 Jitt xee qaiwsnuar diyhh lyc kir qaur Jordan Hyy, tangr qaur Iamm Haiw uijiw; jitt siwuii ee ixlai beh juer linw ee de."

13 Moses bingrling Islaellangg qongxx, "Jex si jiauww linw soxx liamx kaux juer decbeh suawjiab giap ee de, Jehovah soxx bingrling hro qauw xee jipair qycc vnuar jipair :ee.

14 In'ui Rleuben qniaxsunx ee jipair jiauww inx ee jongjok, qycc Gad qniaxsunx ee jipair jiauww inx ee jongjok, ixqing’ did diyc sanxgiap; Manasseh vnuar jipair iarr did .diyc;

15 Jitt nng jipair, qycc vnuar jipair, ixqing’ dirr Jordan gua, Jeliqo ee dangsir, ngr zit cud ee soxjai did diyc giap."

16 Jehovah qycc huanhur Moses qongxx,

17 "Beh qra linw vunx de juer giap ee langg ee miazi dyrr si jewsix Eleazar, qapp Nun ee qniaw Josua.

18 Linw diyhh dui' dagg jipair qingw jit xee siuxlingw, vunx hitt xee de juer giap.

19 Jiaxee langg ee miaa qir dirr erdew: Judah ee jipair, u Jefunneh ee qniaw Kaleb.

20 Simeon qniaxsunx ee jipair, u Ammihud ee qniaw Selumiel.

21 Benjamin ee jipair, u Qislon ee qniaw Elidad.

22 Dan ee qniaxsunx ee jipair, u siuxlingw, Jogli ee qniaw Bukki.

23 Josef ee qniaxsunx, Manasseh qniaxsunx ee jipair, u siuxlingw, Efod ee qniaw Hanniel.

24 Eflaim qniaxsunx ee jipair, u siuxlingw, Siftan ee qniaw Kemuel.

25 Zebulun qniaxsunx ee jipair, u siuxlingw Parnac ee qniaw Elizafan.

26 Issaqar qniaxsunx ee jipair, u siuxlingw, Azan ee qniaw Paltiel.

27 Aser qniaxsunx ee jipair, u siuxlingw, Selomi ee qniaw Ahihud.

28 Naftati qniaxsunx ee jipair, u siuxlingw, Ammihud ee qniaw Pedahel."

29 Jiaxee langg dyrr si Kanaan-de jiong' sanxgiap vunx hro Islaellangg :ee.

35 Jehovah dirr Moab ee vni'ngiuu, Jordan Hyy-vnix, Jeliqo duiwbin, huanhur Moses qongxx,

2 "Liw bingrling Islaellangg, diyhh dui' inx soxx did .diyc ee giap, ing sniaa hro Levilangg kiarkiw; iarr diyhh ing sniaa siwuii ee qau'iaw hro Levilangg.

3 Sniaa beh hro inx kiarkiw; qau'iaw beh juer inx ee guu, ngiuu, jaibut, qapp dagg ngiu jingsnix ee loring.

4 Linw soxx hro Levilangg sniaa-gua ee qau'iaw, dui' sniaa-kax siwuii nriuu cud jit-cingx dxng.

5 Liw dirr sniaa-gua nriuu ix, dangsir nng-cingx dxng, lamsir nng-cingx dxng, saisir nng-cing dxng, vaksir nng-cingx dxng, sniaa dirr diong'ngx; jex si beh hro inx juer sniaa ee qau'iaw.

6 Linw soxx hro Levilangg hiaxee sniaa, qidiongx diyhh u lak xee dysiamw ee sniaa; linw diyhh setlip ix, hro taii siw langg :ee tangx dyjauw kir hiax; jiaxee ixgua, diyhh qycc hro inx sir-jap-zi xee sniaa.

7 Linw diyhh hro Levilangg ee sniaa, qiong sir-jap-veh; sniaa qapp qau'iaw, longxx diyhh hro inx.

8 Lun qaur linw dui' Islaellangg ee sanxgiap diongx, soxx hro Levilangg ee sniaa, dui' giap je :ee, cruw kacc je sniaa, dui' giap jiyw :ee, cruw jiyw; qokk jiauww soxx singjiab ee giap vuah cud sniaa hro Levilangg."

9 Jehovah huanhur Moses qongxx,

10 "Liw diyhh huanhur Islaellangg, qra inx qongw, linw qeur Jordan Hyy, zip Kanaan-de,

11 Dyrr diyhh vuah cud quiw xee sniaa, hro linw juer dysiamw ee sniaa, hro cywgo taii siw langg ee hiongsiuw tangx dyjauw kir hiax.

12 Jiaxee sniaa tangx hro linw siamxvi hitt xee vywsiuu ee langg, hro hiongsiuw byy drir qaur siw; tingwhau ix kia dirr huerjiongr ee binrjingg siurr simxpnuar.

13 Linw soxx vuah .cud .laii ee sniaa, diyhh juer linw lak xee dysiamw ee sniaa.

14 Dirr Jordan Hyy-gua diyhh vuah cud snax xee sniaa, dirr Kanaan-de iarr diyhh vuah cud snax xee sniaa, juer dysiamw ee sniaa.

15 Jitt lak xee sniaa diyhh hro Islaellangg, qapp inx diongqanx ee cutguarlangg, qapp qiawkax :ee, juer dysiamw ee loring; hro cywgo taii langg :ee tangx jauw kir hiax.

16 Setsuw langg ing tickir pah langg, drir qaur siw, ix dyrr si hionghuan, hionghuan dikkag diyhh hro ix siw.

17 Ix ee ciuw narr ing e hro langg siw ee jiyc dimr langg, drir qaur langg siw, ix dyrr si hionghuan, hionghuan dikkag diyhh siw.

18 Ix ee ciuw narr ing e hro langg siw ee caa pah langg, drir qaur langg siw, ix dyrr si hionghuan, hionghuan dikkag diyhh siw.

19 Vyr zinbing :ee, vunxsinx diyhh taii siw hitt xee hionghuan; jid'err duw diyc ix dyrr diyhh taii ix.

20 Langg narr uanwhun hitt langg laii qra ix ciax dyw, iacc si bih decc ing mic dimr ix, drir qaur siw;

21 Qiamxcaiw in'ui hiabhun ing ciuw pah langg drir qaur siw, dyrr hitt xee pah langg :ee dikkag diyhh siw, in'ui ix jinjniar si hionghuan; vyr zinbing :ee duw diyc hionghuan, dyrr taii siw ix.

22 Setsuw langg byy hiabhun, hutzenn ciax ix, iacc si byy bih lehh, ing mic dimr ix;

23 Iacc si byy knuar .qnir ee sii, ing e pah siw langg ee jiyhtauu dimr diyc ix, laii drir qaur siw, qapp ix vunw byy uansiuu, iarr byy iwsur beh hai ix,

24 Huerjiongr dyrr diyhh jiauww hiaxee huatdo, dirr pah siw langg :ee qapp vyr zinbing :ee ee diongqanx simxpnaur ix.

25 Huerjiongr diyhh qiur hitt xee cywgo taii langg :ee tuali vyr zinbing :ee ee ciuw; huerjiongr iarr diyhh hro ix dywdngw ix soxx jauw zip dysiamw ee sniaa, ix diyhh diamr dirr hitt lairbin, tingwhau qaur buah sxingr iuu ee jewsitauu siw.

26 Danrsi cywgo taii siw langg :ee, bylun jnaixngiu, narr cud kir ix soxx jauw zip dysiamw ee sniaa ee qingxgua,

27 Vyr zinbing :ee narr dirr dysiamw ee sniaa ee qingxgua duw diyc ix, laii taii siw hitt xee hionghuan, vyr zinbing :ee dyrr byy taii siw langg ee jue.

28 In'ui ix ingqaix diyhh diamr ix dysiamw ee sniaa, tingwhau jewsitauu siw; jewsitauu siw liauxau, cywgo taii langg :ee jiacc tangx dyr kir sanxgiap ee de.

29 Jex dirr linw itcer kiarkiw ee soxjai beh juer linw dagg sewdai ee huatlut.

30 Qniwnarr taii siw langg hitt xee hionghuan, diyhh jiauww quixnarr xee qanjingr ee langg ee ue laii hro ix siw.

31 Taii siw langg huan diyc sixjue :ee, linw m tangx siux sioghuee sniwmia ee qewjnii; dikkag diyhh hro ix siw.

32 Hitt xee jauw qaur dysiamw ee sniaa ee langg, linw m tangx qra ix tec sioghuee ee qrer, hro ix dirr jewsix bue siw ee dairsingx, qycc laii diamr vunxde.

33 Anxnix, linw dyrr byy pah lasamm linw soxx kiarkiw ee de; in'ui huih si pah lasamm de :ee; narr u huih lrauu dirr de nirr, setsuw m si lrauu hitt xee taii langg :ee ee huih, hitt xee de dyrr be did diyc cingkir.

34 Linw m tangx pah lasamm linw soxx diamr ee de, dyrr si Guaw diamr dirr hitt diongqanx ee de; in'ui Guaw Jehovah diamr dirr Islaellangg ee diongqanx."

36 Sriok Josef ee qniaxsunx jiaxee qrex, Manasseh ee sunx, Maqir ee qniaw Gilead ee qniaxsunx hiaxee jogdniuw laii qaur Moses qapp Islaellangg jiaxee jogdniuw, jiaxee siuxlingw ee binrjingg, qongw,

2 "Jehovah bad bingrling guaw ee jruw liamx kaux vunx de hro Islaellangg juer giap, guaw ee jruw iarr sriu diyc Jehovah ee bingrling, jiong' guanw ee hniadi Zelofehad ee sanxgiap vunx hro ix jiaxee jaboxqniaw.

3 Inx narr qer Islael vadd jipair ee langg, inx ee sanxgiap dyrr dui' guanw joxqongx soxx lauu ee sanxgiap vuah .quer .kir, qetnix dirr inx soxx beh sriok ee jipair ee sanxgiap; anxnix, dyrr dui' guanw liamx kaux soxx did .diyc ee giap vuah .quer .kir.

4 Qaur Islaellangg ee hilenn, inx ee sanxgiap dyrr qetnix dirr inx soxx beh sriok ee jipair ee sanxgiap; anxnix, inx ee sanxgiap dyrr si dui' guanw joxqongx jipair ee sanxgiap vuah .quer .kir."

5 Moses jiauww Jehovah ee ue, bingrling Islaellangg qongxx, "Josef qniaxsunx ee jipair soxx qongw :ee si driyc.

6 Lun qaur Zelofehad jiaxee jaboxqniaw, Jehovah anxnix bingrling, qongw, inx tangx qer inx qac'ir ee langg, dogdok diyhh qer hro inx laurve dangjongx jipair ee langg.

7 Anxnix, Islaellangg ee sanxgiap dyrr byy dui' jitt jipair qruix qaur hitt jipair; in'ui Islaellangg diyhh dagg xee jipsiuw inx joxqongx jipair ee sanxgiap.

8 Qniwnarr dirr Islael jipair diongx did diyc sanxgiap ee jaboxqniaw, diyhh juer ix ee laurve dangjongx jipair ee langg ee bow, tangx hro Islaellangg ee jipair dagg xee jipsiuw inx ee joxqongx ee sanxgiap.

9 Anxnix, inx ee sanxgiap dyrr byy dui' jitt jipair qruix qaur hitt jipair; in'ui Islaellangg ee jipair, beh dagg xee jipsiuw inx ee sanxgiap."

10 Jehovah anxnix huanhur Moses. Zelofehad ee jaboxqniaw dyrr anxnix qniaa.

11 In'ui Zelofehad ee jaboxqniaw, Mahlah, Tirzah, Hoglah, Milkah, qapp Noah, longxx qer inx ee jikveh ee qniaw.

12 Inx qer dirr Josef ee qniaw, Manasseh qniaxsunx hiaxee qrex; dyrr inx ee sanxgiap iuguann lauu dirr inx laurve ee qrex ee jipair.

13 Jiaxee si Jehovah dirr Moab ee vni'ngiuu, Jordan Hyy-vnix, Jeliqo duiwbin, tog Moses soxx huanhur Islaellangg ee bingrling, huatdo.

huedngw tauu iac