Mikah
1 Jehovah ee ue limqaur Molesetlangg Mikah, dyrr si dirr Judah Ongg Jotam, Ahaz, Hezekiah ee sii, soxx knuar qnir lun qaur Samalia qapp Jelusalem ee su.
2 Jiaxee vecsnir ar, linw longxx diyhh tniax; de qapp qidiongx soxu :ee, iarr diyhh ngar hnirkangx; Jruw Jehovah, dyrr si dui' Ix ee sxingr dxen cud .laii ee Jruw, beh qanjingr linw ee m driyc.
3 Knuar ar, Jehovah dui' Ix ee soxjai cud .laii, Ix beh qangwlimm dac dirr de quann ee soxjai.
4 Jiongww snuax dirr Ix ee erbin siau'ngiuu; jiongww snuaqog lirkuix, cincniu lac uaw qin huew, cincniu juiw lrauu lyc snuapniaa.
5 Jex longxx si in'ui Jakob ee juerquar, Islael-qrex ee juerog; Jakob ee juerquar si simxmih? Qamxx m si Samalia mah? Judah ee snuataudnuaa si simxmih? Qamxx m si Jelusalem mah?
6 Soxiw Guaw beh hro Samalia venr juer cann nirr ee toduix, qycc juer jingr pudyy ee soxjai; iarr beh jiong' ix ee jiyhtauu vniar lyc snuaqog diongx, laii lorcud ix ee derqix.
7 Ix itcer diaukig ee gnoxsiong beh siurr paccuir, ix soxx did diyc langg sangr ee jaibut, beh hro huew siyx .kir, soxu ee vut, Guaw beh hro ix honghuer; in'ui ix ing ciongqix ee qangjnii laii jikju, au .laii beh qruix dirr ciongqix juer qangjnii.
8 In'ui anxnix, Guaw beh dua sniax tikaur, ciacsinx lortew laii qniaa; qycc beh auqiyr cincniu snuaqauw, aisiongx cincniu dyjiauw.
9 In'ui ix ee siongx be rix .did; jitt xee su ixqing’ qin Judah ee soxjai, qaur Guaw ee vecsnir ee sniamngg, dyrr si Jelusalem.
10 Byc did vywqyr dirr Gat, longxx byc did tikaur; guaw dirr Bet Leaflah qy dirr din'aix ee diongqanx.
11 Dirr Safir kiarkiw ee vecsnir ar, linw diyhh tngwteh qenwsiaur quer .kir; Zaanan kiarkiw ee vecsnir byy cud .laii; Betezellangg tikaur, hro inx byy soxjai tangx hiyckax.
12 Malot kiarkiw ee vecsnir koxsimx himbo hokkir, in'ui jaieh dui' Jehovah hiax qaur Jelusalem ee sniamngg.
13 Laqis kiarkiw ee vecsnir ar, diyhh ing ciax tyr gauu jauw ee bew; ix juer Zion ee vecsnir huanrjue ee kixtauu; Islael ee juerquar, dirr liw hiax huathen.
14 Soxiw liw diyhh ing lexmic qra Moleset Gat songwhingg; Aczib jiaxee qrex, beh ing kuixqer kuanxtai Islael jiaxee ongg.
15 Malesah kiarkiw ee vecsnir ar, guaw beh hro singsiu liw ee giap :ee qaur liw hiax; Islael ee ingqngx beh qaur Adullam.
16 Liw diyhh uirr liw soxx hnuahiw ee qniaw, tir liw ee taumngg, hro ix qngx kyrky, byy cunx vnuar qix, cincniu cauwtauu ee ingjiauw; in'ui inx longxx siurr liac lirkuix liw.
2 Dirr bincngg doboo juerquar, jyrjog qan'og :ee, qaur tnix qngx, in'ui ciuw u lat, dyrr kir qniaa ix, jitt hy langg u jaieh ar.
2 Inx tamx langg ee canhngg, dyrr cniuw ix; tamx langg ee cuwtec, dyrr jiamr ix, inx apjer langg qapp ix ee qrex, dyrr si langg qapp ix ee sanxgiap.
3 Soxiw Jehovah anxnix qongw: Knuar ar, Guaw doboo qangr jaieh dirr jitt xee jok, linw be e hro ix tuatli linw ee amrqunw; linw iarr be e taukag giac quann quann laii qniaa, in'ui jitt xee siser jin' pnaiw.
4 Qaur hitt zit langg, beh ing sioggiw puepingg linw, qycc beh ing aicamw ee aiqyx laii aisiongx qongxx: Guanw longxx suevai; ix venwngua guaw ee vecsnir ee hunrgiac; ix isuaw ix lirkuix guaw qaur jnaixngiu ar! Ix jiong' guanw ee cande vunx hro vuergik ee langg.
5 Soxiw dirr Jehovah ee duarhue diongx, liw dikkag byy langg tangx liamx kaux kanx jinsnuar.
6 Inx suantuann qongxx: Linw m tangx suantuann; inx byy beh suantuann jiaxee su; lingziok byy beh suah.
7 Linw did diyc cxingx juer Jakob ee qrex :ee ar, Jehovah ee Sinn qamxx si ehdec mah? Jiaxee su qamxx si Ix soxx juer mah? Guaw ee ue qamxx byy lirig qniaa jingwdit ee langg mah?
8 Jongwsirr qinrzit Guaw ee vecsnir kiw laii cincniu duiwdik; duiww hiaxee anzenn qingquer, m air qaujenr ee langg, cniuw ix ee guarsnax qapp lairsnax.
9 Guaw ee vecsnir ee hurzinlangg, linw qnuaw inx cud inx anlok ee qrex, qycc jiong' Guaw ee ingqngx, dui' inx ee sewqniaw ingxuanw cniuw .kir.
10 Kiw .laii ar, kir ar, jiax m si linw anhiyh ee soxjai; in'ui de ixqing’ hro uwuer soxx vairhuai, ix ee vairhuai si siongdiong.
11 Narr u langg qongw hongdongg qapp vehcad'ue, qongw: Guaw beh duiww linw suantuann vyc jiuw qapp qau jiuw, dyrr jitt langg beh juer jiaxee vecsnir ee sendix.
12 Jakob ar, Guaw dikkag beh jurjip linw; Guaw dikkag beh jiyjip Islael cunx ee langg; Guaw beh andir inx dirr jit soxjai, cincniu *Pysulac ee ngiuu, qycc cincniu cauxdniuu diongx ee ngiuu-qrunn, in'ui langgiac je, beh dua dua suanhuax.
13 Qongr puar :ee dirr inx ee taujingg jnriu .kir; inx qongr puar diddit qingquer qaur sniamngg; qycc dui' hiax cud .laii; inx ee ongg juer tauu qniaa, Jehovah cua inx kir.
3 Guaw qongw: Jakob jiaxee siuxlingw, Islael-qrex jiaxee qnuadniuw ar, linw diyhh tniax; linw qamxx m diyhh jai'ngiaw qongvingg mah?
2 Linw uanwhun hyw, air pnaiw; vrag langg ee puee, dui' inx ee qud tig bah.
3 Iarr jiac Guaw ee vecsnir snix ee bah, vrag inx ee puee, ad jric inx ee quttauu, ced qui' der, cincniu beh lyc uex, qycc cincniu dniaw-lai ee bah.
4 Hitt sii inx beh qiuqiyr Jehovah, danrsi Ix byy beh rinr inx; hitt sii Ix beh jiauww inx soxx qniaa ee pnaiw dai, duiww inx ngx bin.
5 Jehovah lun qaur hiaxee hro vecsnir qniaa cywlo ee sendix anxnix qongw: Inx ee cuiwkiw narr u mic tangx vro, dyrr qiyr qongxx: Ving'anx ar; langg narr byy ing mic trad inx ee cuir, inx dyrr virvan qaujenr qongqig ix.
6 Soxiw linw beh duw diyc amwmii, drir qaur be knuar qnir ngirsiong; qycc beh duw diyc oamr, drir qaur beh jiamvog; hiaxee sendix beh duw diyc cincniu zit lyc, iarr duw diyc zit .sii venr oamr.
7 Hitt sii senqenr :ee qenwsiaur, jiamvog :ee lauwkuir; longxx beh ngx inx ee cuiwdunn; in'ui Siongrder byy tniax inx.
8 Narr si guaw, guaw dui' Jehovah ee Sinn u kuiwlat, u qongvingg, u jailingg muaw muaw, tangx duiww Jakob qongw bingg ix ee quewsid, duiww Islael qiw cud ix ee juerog.
9 Jakob ee siuxlingw, Islael-qrex ee qnuadniuw, uanwhun qongvingg, ongxkud jingwdit :ee ar, linw diyhh tniax.
10 Inx ing huih qenwlip Zion, ing juerog kixjy Jelusalem.
11 Inx ee siuxlingw uirdiyhh vowlo laii simxpnuar, inx ee jewsix uirdiyhh qangjnii laii qawsi, inx ee sendix uirdiyhh ginn laii jiamvog; inx iauxquxx uaxkyr Jehovah, qongw: Jehovah qamxx byy dirr lanw diongqanx mah? Jaieh byy limqaur lanw.
12 Soxiw in'ui linw ee enqor, Zion beh hro langg lee, cincniu canhngg, Jelusalem beh venr juer toduix, jitt xee dxen ee snuax beh cincniu ciurnaa quann ee soxjai.
4 Qaur hiaxee zit liauxau, Jehovah dxen ee snuax beh qenwlip dirr jiaxee snuax ee dingxbin, vnuaa quer longxjongw ee snuaniaw; banrqog ee vecsnir longxx beh laii qruix ix.
2 U jerje qog beh kir, qongw: Laii ar, lanw jnriu Jehovah ee snuax, qaur Jakob ee Siongrder ee dxen; Ix beh ing Ix ee dyrlo qawsi lanw, lanw iarr beh qniaa Ix ee lo; in'ui ludhuad beh dui' Zion cud, Jehovah ee ue beh dui' Jelusalem tuanvor.
3 Ix beh dirr jerje qog ee vecsnir diongx qniaa simxpnaur, uirdiyhh jerje hng hng qiongbingw ee qog laii qaixquad; inx beh jiong' inx ee dyx pah juer letauu, jiong' inx ee cniux pah juer liam'aw; jitt qog byy giac dyx qongqig hitt qog, inx iarr byy qycc hagsip qaujenr.
4 Langlangg longxx beh jre dirr ix qaqi ee pudyciu kax, qapp qaqi ee buhuaqyw ciurkax, byy langg hro ix qniax; in'ui jex si banrqunx ee Jehovah cincuir qongw :ee.
5 Banrvecsnir dag'ee hrong ix ee siongrder ee miaa laii qniaa; jongwsirr guanw beh hrong guanw ee Siongrder Jehovah ee miaa laii qniaa, didqaur ingxuanw.
6 Jehovah qongw: Qaur hitt zit, Guaw beh jurjip vnaixkax :ee, jiyjip siurr qnuaw .cud .ee, qapp Guaw soxx bad hro ix siurkow :ee.
7 Guaw beh hro vnaixkax :ee juer soxx cunx ee vecsnir, hro siurr qnuaw qaur hng hng :ee juer qiongg ee qog; Jehovah beh dirr Zion Snuax juer ongg dirliw inx, dui' dnaxx qaur ingxuanw.
8 Lun qaur liw juer qui' qrunn ngiuu ee snuax ar, qokquann beh qruix dirr liw, qycc jaxsii ee qokquann, Jelusalem Sniaa ee qok'ui longxx beh qruix dirr liw.
9 Dnaxx liw sniaw su dua sniax tikaur ar? Tongwkow knii diyc liw, cincniu beh snix qniaw ee hurzinlangg, si in'ui linw diongqanx byy ongg mah? Linw ee bosu sixbyy mah?
10 Zion ee jaboxqniaw ar, liw diyhh tangwtniar qankow, cincniu snix qniaw ee hurzinlangg, in'ui liw beh cud sniax kiarkiw dirr cann nirr, beh qaur Babylon, dirr hiax sioghuee liw, tuatli liw ee duiwdik ee ciuw.
11 Dnaxx jerje qog ee vecsnir jurjip qongqig liw, qongw: Guanw Zion siurr bag lasamm, hro guanw cinbak knuar .qnir.
12 Jongwsirr inx m jaix Jehovah ee iwsur, iarr byy bingvik Ix ee qewik; Ix jurjip inx, cincniu diurvew jurjip dirr gorqakdniuu.
13 Zion ee jaboxqniaw ar, kiw .laii, dac gnoxqog; Guaw beh hro liw ee qag jniaa juer tih, hro liw ee dxee jniaa juer dangg; liw beh paccuir jerje qog ee vecsnir, jiong' inx soxx cniuw ee mic henr hro Jehovah, jiong' inx ee jnijaii henr hro poxtnie ee Jruw.
5 Zion jniaa dui ee vecsnir ar, dnaxx liw jurjip juer qundui; ix uii uii qongqig lanw; inx ing qnuaiw-aw pah Islael simxpnuawsix ee cuiwpew.
2 Betlehem Eflatah ar, liw dirr Judah jiaxee hniusia diongx juer biser :ee, beh u jit xee dui' liw hiax cud .laii, dirr Islael diongqanx qra Guaw juer jiangxquann :ee; ix ee qinguann dui' qoxjaw, dui' derr id kixtauu dyrr u.
3 Soxiw ix beh jiong' inx qaux hro duiwdik, qaur singsanw ee hurzinlangg snix qniaw; hitt sii ix soxx cunx ee hniadi beh dyr laii qruix Islael.
4 Ix beh kia lehh, uaxkyr Jehovah ee quanlingg, qapp ix ee Siongrder Jehovah uigiamm ee miaa, laii cri ix ee ngiuu-qrunn; inx beh anzenn kiarkiw; ix beh juer dua, qaur de ee qigtauu.
5 Jitt xee langg beh juer lanw ee ving'anx; Assylialangg zip lanw ee derqair tunxdac lanw ee qiongden ee sii, lanw beh hingx kiw cid xee bogjiaw, veh xee siuxlingw qongqig ix.
6 Inx beh ing dyqiamr huixhuai Assylia-de, qapp lingliok ee de, dirr ix cutzip ee soxjai; Assylia zip lanw ee de, tunxdac lanw ee derqair ee sii, ix beh qiur lanw tuatli.
7 Jakob cunx ee langg beh dirr jerje qog ee vecsnir diongx cincniu dui' Jehovah qangr lyc ee lorjuiw, qycc cincniu zunrdik cauw ee ho, mrbenw uaxkyr langg, iarr byy tingwhau sewqanlangg.
8 Jakob soxx cunx ee langg beh dirr jerje qog ee vecsnir diongx, cincniu ciurnaa lai vacsiur diongx ee sraix, iarr cincniu ser jiah iongw ee sraix dirr ngiuu-qrunn diongx; ix narr qingquer, dyrr beh tunxdac tiah lic, byy langg e qiur ix.
9 Guan Liw ee ciuw giac kiw dirr Liw ee duiwdik ee dingxbin, guan Liw ee duiwdik longxx siurr jenxduu.
10 Jehovah qongw: Qaur hitt zit, Guaw beh dui' liw diongqanx druu kir liw ee bew, huixhuai liw ee ciax.
11 Guaw beh huixbet liw ee derhngx jiaxee sniaa, ciax dyw liw itcer ee uersow.
12 Guaw iarr beh druu kir liw ciuw-diongx ee siasut, dirr liw hiax byy qycc u jiamvog :ee,
13 Guaw beh dui' liw diongqanx dubet diaukig ee gnoxsiong qapp tiaursiong, liw dyrr byy qycc quirvair qaqi ee ciuw soxx jy :ee.
14 Guaw beh dui' liw diongqanx vuic cud liw jiaxee catiau, qycc huixbet liw jiaxee sniaa.
15 Guaw beh huad cud dua siurkir, laii vywingr hiaxee byy sunrtanr ee qog.
6 Dnaxx diyhh tniax Jehovah soxx qongw :ee. Kiw .laii, liw diyhh dirr jiaxee snuax ee binrjingg venrlun, hro jiaxee snuaniaw tniax qnir liw ee sniax.
2 Jiaxee snuax qapp de qenqor ee qinqix ar, diyhh tniax Jehovah jingven ee ue; in'ui Jehovah beh qapp Ix ee vecsnir jingven, qycc beh qapp Islael vaii jingliw.
3 Guaw ee vecsnir ar, Guaw bad duiww liw juer simxmih? Guaw u simxmih hro liw uilann? Liw tangx duiww Guaw qiw cud.
4 Guaw bad cua liw cud Egipt-de, qiuwsiok liw tuatli juer lojaii ee cur; crex Moses, Aalon, Miliam dirr liw ee binrjingg.
5 Guaw ee vecsnir ar, linw diyhh qir did Moab Ongg Balak soxx qewboo :ee, qapp Beor ee qniaw Balaam rinr ix ee ue, dui' Sitim qaur Gilgal ee su, tangx hro linw jaix Jehovah soxx qniaa ee qonggi.
6 Guaw jiurqin Jehovah, quirvair jiww quann ee Siongrder, diyhh ing simxmih ar? Diyhh ing siyjer iacc si muaw nii ee guu-aw laii jiurqin Ix ar?
7 Jehovah hnuahiw cingcingx jiah ee qangx ngiuu mah? Iacc si banrban diauu kex ee iuu mah? Guaw diyhh uirr qaqi ee juerquar henr guaw ee dua-qniaw mah? Uirdiyhh guaw simlai ee juerog, henr guaw vunxsinx soxx snix ee mah?
8 Langg ar, Ix bad jixsi liw simxmih si hyw; Jehovah rair liw simxmih? Dogdok rair liw qniaa qonggi, simx jrunn linbinw, kiamvix qapp liw ee Siongrder snaqab qniaa.
9 Jehovah ee sniax dui' sniaa decc qiyr, diwhui :ee beh qingwuir Liw ee miaa, linw diyhh tniax qnuaiw-aw, iarr jirjui dniardiyc ix.
10 Pnaiw langg ee qrex iauxx u vutgi ee jnii mah? Iauxx u kyxngor ee ser efah mah?
11 Guaw narr ing byy qongdy ee tenvingg, dre-aw lai u qew ee cinwtuii, qamxx e sngr juer cingkir mah?
12 Hiaxee hyxgiahlangg muaw muaw qiongvy, kiarkiw ee vecsnir qongw vehcad'ue, inx ee cuiwjic kuixket.
13 Soxiw Guaw pah liw, hro liw siurr dangrsiongx, in'ui liw ee jue hro liw honghuer.
14 Liw beh jiac, jongwsirr jiac be vaw; liw ee kanghux beh dirr liw lairbin; liw beh vnuasuaw, jongwsirr be e anzenn duar mihqnia kir, liw soxx duar .kir .ee, Guaw longxx beh qaux hro dyqiamr.
15 Liw beh ia jxingw, iarr byy tangx siuquah; dac qnanaw iarr byy did diyc iuu tangx buah; dac pudyy iarr byy jiuw tangx limx.
16 In'ui liw siuw Omli ee ludhuad, qapp Ahab ee qrex itcer ee soxx qniaa, sunrtanr inx ee qewboo, drir qaur Guaw hro liw honghuer, hro kiarkiw dirr hiaxee ee vecsnir siurr langg tixciyr; linw iarr beh damdngx Guaw ee vecsnir ee lingziok.
7 Guaw u jaieh ar, guaw cincniu hertnix ee quexjiw siusingg liauw ee sii, qycc cincniu banw pudyy soxx cunx ee lansanx liap, byy qui' pax tangx jiac; guaw ee simx himbo kixtauu sik ee buhuaqyw.
2 Derjniu kensingg ee langg sixbyy, dirr langg ee diongqanx byy jingwdit :ee; inx longxx baihok beh taii siw langg, ing lybang dngx ix ee hniadi.
3 Inx ee ciuw juanjuanx juer pnaiw, siuxlingw qapp simxpnuaxsix tyw vowlo, dua qnua'uann tror cud ix simlai ee su'iok, snaqab joxjid pnaiw.
4 Inx diongqanx derr id hyw :ee, cincniu jidlee, derr id jingwdit :ee cincniu livax ee cixaw; liw ee siuxbang :ee soxx qongw ee zit, dyrr si liw siurr hinghuat ee zit, qin lar; inx ee beluan qaur lar.
5 Byc did uaxkyr dangpnua, byc did sinr cinbit ee ving'iuw; diyhh ioksog liw ee cuir, byc did duiww soxx tniar ee bow qongw kiw.
6 In'ui qniaw biauxsi laurve, jaboxqniaw gnoxgik laurbuw, simvu gnoxgik daqex; langg ee duiwdik, dyrr si ix qrex-lai ee langg.
7 Narr si guaw, guaw beh ngwbang Jehovah, iarr beh tingwhau qiur guaw ee Siongrder; guaw ee Siongrder beh tniax guaw.
8 Guaw ee duiwdik ar, byc did in'ui guaw laii hnuahiw; guaw suizenn vuahdyc, beh qycc kiw .laii; guaw jre dirr oamr, Jehovah juer guaw ee qngx.
9 Guaw beh zimxsiu Jehovah ee siurkir, in'ui guaw dikjue Ix; tingwhau Ix venrho guaw ee anr, qra guaw pnuawduanr; Ix beh cua guaw cud laii qaur dirr qngbingg, guaw iarr beh knuar qnir Ix ee qonggi.
10 Hitt sii guaw ee duiwdik, dyrr si bad duiww guaw qongw, Jehovah liw ee Siongrder dirr dyclyc :ee, ix jid'err knuar .qnir, dyrr dua dua qenwsiaur, guaw beh cinbak knuar qnir ix; ix beh siurr tunxdac, cincniu quelo ee tobee.
11 Kiw liw ee sniacniuu ee zit qaur lar, hitt zit liw ee derqair beh kuikuah.
12 Hitt zit inx beh dui' Assylia qaur Egipt jiaxee sniaa, dui' Egipt hitt xee haiw, dui' jitt xee snuax qaur hitt xee snuax, longxx beh qui'uaw.
13 Jongwsirr de beh in'ui kiarkiw ee vecsnir ee enqor laii pahngx, si inx qniajuer ee qetqyw.
14 Qriuu Liw ing Liw ee qnuaiw-aw cri Liw ee vecsnir, dyrr si Liw ee sanxgiap ee ngiuu-qrunn, dirr Karmel Snuax qaqi diamr dirr ciurnaa lai :ee, cri inx dirr Basan qapp Gilead, cincniu jaxsii jidngiu.
15 Guaw beh henxcud qrii su hro ix knuar, cincniu liw cud Egipt-de ee sii jidngiu.
16 Ledvangx knuar .qnir dyrr beh uirr qaqi ee sewlik qenwsiaur; inx beh ing ciuw ngx cuir; inx ee hnirkangx iarr beh cauwlangg.
17 Inx beh ji tohunw cincniu juaa; cincniu dirr tokax decc syy ee mic, gniauhgniauc cuah laii cud ix ee kangx; inx beh qniahniaa.
18 Siongrder ar, jirjui cincniu Liw, si siawbenw juerquar, kuansur Ix soxx cunx ee vecsnir ee quewsid :ee? Ix byy ingxingw kngr siurkir, in'ui Ix hnuahiw linwbinw.
19 Ix beh uat dngw linbinw lanw; Ix dac lanw ee juerog dirr kax-xe; Liw beh jiong' inx itcer ee juerog, hed dirr cimx haiw.
20 Liw beh jiauww qoxjaw soxx duiww guanw ee ledjow jiuwjua :ee, six singsit dirr Jakob, qniaa ju'air dirr Ablaham.