gersutsing'uac_2

gersut sing'uac -2

Bunchhai huan'ik

SIOGSER SING'UAC LIVING IN THE WORD

HUATHEN ZIRGUANN

Siongrder u jit jxy huehngg, su'iaur jit xee qor huehngg :ee, soxiw jy liauw ADAM, ix jit xee langg jin' byliauu, suibongw jin' jinwjid qra kangkuer jyr qaxx jin' hyw, mrqyxx jitt xee qangjog jit diamw aw dyrr byy simsig. Siongrder liauxqaiw qangjog ixgua rair u gulok, jy dongrbut laii hro ADAM hnuahiw. ADAM druu liauw qra dongrbut hyrmiaa ixgua, venr be cud qitnax vaxhir.

Siongrder qongw “guaw jixhyw anne jyr ar!” dng' ADAM kunr ee sii, ui' ADAM ee vinxaxqud tiux cud EVA --- cniurr J.JOYCE soxx qongw, ix si qoxjuix ee pnua. Mahuann dyrr anne kaisiw lor! Dnaxx lanw longxx dirr jitt dniuu iuhir-diongx.

Javox/ jabow, snewmia/ sixbongg,

sxen qapp og: duiwlip ee bunrdee.

Mahuann kaisiw zirguann duiwlip ee huathen, si zinlui ee duirlyc. Dirr jex jinwjingg zinlui vingrr byy jinjniar zinrdix diyc zirguann ee junjai. Duiwlip jnuaxngiu e dirr siongrder ee huehngg sanxsingx? Si hngg-lai ee nng jangg bersaih jiac ee quejixciu, “linw ersaih jiac qitnax ciurjangg ee quexjiw, dyrr si bersaih jiac jitt nng jangg :ee”, derr id jangg si senrokciu, si zirguann duiwlip ee ciu, derr zi jangg si ingxqiuw ensuar snewmia ee diwsikciu.

Juaa dairviauw EDEN Hngg siqanx lingxhik nirr imlingw iwsig qapp snewmia ee zirguann duiwlip, juaa knuar diyc EVA, zinruii EVA itding jin' byliauu, cniurr angsair qui' zit qangjog ee hiaxee kanciuw qang. Dng' jitt jiongw jinghongw huatsingx sii, jongw .si e u jit xee ving'iuw cuthen, dirr EDEN Hngg dyrr si juaa.

Juaa qra EVA qongw “ jitt jangg ciu jin' cuwbi, mair quanw siongrder hitt xee laurqodnuax anxjnuaw qongw --- damx .jit .xe, liw e jaix quaw dairjir.” EVA ciwdamx jit cuir, ADAM marr cir jit cuir au, EVA qongw, “liw knuar! Byy dairjir ar!”.

Dirr jit xee liangsongw ee zuac tnix amwmee, siongrder qniaa zip huehngg, knuar diyc inx nng langg iyx erbin uii diyc buhuaqyw ee ciurhiyc, qongw “jex si sniaw? Linw cing ciurhiyc !”

Jabow drang liauw javox,

Javox dyrr kaisiw hingdong,

Jabow diyh'air singdnax hiyrqyw.

Inx qra siongrder qongw si jnuaxngiu jit huesu, quewdingg dyrr cniurr itvnuax jinghongw qang : javox jikvi jabow, jabow quaiwjue juaa. Siongrder jxiur inx ee miarun, jit xee viw jit xee qyckacc giamdiong. Jabox ee huat jin' kinx, ui'id su'iaur jyr :ee, jixsirr lauqnua qangjog, jabow rair snex qniaw, juaa jitsiwlangg dirr tokax vee. Siongrder qycc qra inx danr cud EDEN Hngg, pair nng xui tensair qowmngg, dionghngx u jit qix dyc huew ee qiamr. Jex qaixsueh liauw zinlui uirhyy sing'uac dirr jitt xee cnilingw ee sewqair, m si dirr siyw huehngg ee guan'inx.

Qidokqaur qapp Iutaiwqaur

si qa'ngg duihongr ee jongqaur:

zinlui virr qnuaw cud siongrder ee huehngg.

Anne ee qaixsuad jitmaw lanw zinruii naxjunxx byy kyxlingg, mrqyxx itdit qaur iokk vnuar-sewqiw jingg, vauquad sinjid zinguann/ dethagqax/ jingwhuw qnuaguann ... dringw, soxu ee langg dy' siongsinr kaksit u jit hxang su. Dnaxx lanw jaix --- zircniaw jin' cingcyw jaix --- vingrr byy jit lui su; derqiuu-dingw byy EDEN Hngg, juaa si jurlaii berhiauw qongxue ee. Suxjingg Sidai ee zinlui byy “duirlyc”, byy langg virr qnuaw cud EDEN Hngg, byy sewqiw duarjuiw, marr byy NOAH Junn. Qenwlip dirr sehongx juxiaur jongqaur qicow-siong ee jingxqyy ligsuw, si soxu hiqew qowsu jibhabtew. Qyckacc u iwsur :ee, si luirsu jitt lui ee qew qowsu suacc marr poxpenr jniajyr qenwlip qitnax jongqaur tuanqii qxow. Luirsu ee qowsu siwqer cue e diyc, jixsirr jurlaii byy cuthen juaa/ ciu/ duarjuiw.

----- CAMPBELL <MYTHS TO LIVE BY>

juaa si huehngg siongrr kiauw ee dongrbut.

ADAM qapp EVA

virr danr zip siqanx ee lingxhik.

”... uxdiu jit kaisiw, jixu ixx javox hingsiong junjai ee SELF. Ix siwjiuuii knuar jit vxenr, duliauw jurqiw ixgua sniaw dyrr byy knuar diyc .... ”

”ix ee duarser, siongdongx jit xee javox/ jabow lamw jywhuew, qycc laii SELF jiong' jurqiw vunjyw nng vorhun; jitt xee dongrjog, u liauw javox/ jabow. Incuw cniurr YAJNAVALKYA (seguann jingg veh sewqiw ee Inwdorlangg, ix ee hagsuad virr zinruii dirr Vuddyy jingg, si Inwdo dairviauxsingr ee dethak lunrsuad) soxx qongw :ee, jitt xee sinkux cniurr daurgneh hunkuix au ee vnuawvingg. Marr si uirsniaxmic jitt xee kongqanx su'iaur lingrgua jit xee luxsingr laii vow --- lxamm/ luw sianglangg qethap, zinlui si anne laii :ee ... ...”

”ix jniajyr jit jiah gubuw, lingrgua jit xee si guqangw, inx qethap sanxsingx guqunn. Ix jniajir jit jiah buw :ee, ix si jingxbew; ix si buw ee luu-aw, lingrgua jit xee qangx :ee, inx qethap, snex liauw qui' qrunn u dree ee dongrbut. Ix si snua'ngiuu, ix si qangx :ee; ix si jit jiah mi'ngiuu, ix si qangx :ee, inx qethap snetnuar liauw jingxqyy ngiujok. --- jiauww anne, ix snex liauw soxu singsiang-singduir ee surbut, vauquad qauxhia jairlai.”

--- <UPANISHAD, BRIHADARANYAKA>

Hun'inx si dingsinx qenwqor

jit xee im'iongg diauhyy ee jingxtew.

Qaxsuw liw qandna' uirr aiwjingg laii qethunx,

hex be quxdngg.

Liw ee hun'inx dongsii rair qenwlip dirr lingrgua jit jancur-siong,

dingsinx diauhyy im'iongg,

congwjy uanbiw jingxtew ee lamsingr qapp luxsingr.

... ... lanw laii knuar PLATO <SYMPOSIUM>, ARISTOPHANES qongw ee gurgenn --- suibongw si iong ciywkuex kauxkir, kiokk sriok qang jit jiongw sinue hingtair; qra siongrr jaw ee zinlui qongxx si jit xee “ngii ee, u sir qix ciuw/ sir qix kax, kajiacpniax siy' qab venwjniaa jit xee ngii, nng xee bin ngr sionghuanw ee honghiongr, qang jit xee amrqunxkox, hingjong huisiongg luirsu; sir xee hni, qidiongx nng xee si amwbih ee, nng xee si puewhap sinkux.” qinqur PLATO juxgi duiww jitt xee uixdai sinue juxdee ee qongxhuad, jiaxee guansiw singbut u snax jiongw byy qang jiongxlui : lamsingr-lamsingr, lamsingr-luxsingr, luxsingr-luxsingr. Inx iongxiuw qik dua ee lat; in'ui jiongww sinn qniax inx ee lat, tenongg ZEUS quatding jiong' inx ced jyr nng vingg, cniurr sni lingo sii qra puawkuix qang ..., langg virr hunrjyr nng vorhun au, snacsimx lingrgua hitt vnuar ee muixx jit xee guansixlangg, dy' qniaa hiongr jurqiw lingrgua jit vnuar, iong ciuw muax duiwhongx, siy' lamw jywhuew, qib beh rngiuu jyr ittew; byy anne jyr, inx jiong' e genr .siw, in'ui inx byy guanrir qo' jit xee langg jyr zimrhyy dairjir ..., cimx daii dirr liw guaw simdiongx snacsimx lingrgua jit vnuar ee qitai, dingsinx qapp vunxsingr qethap, iu' zi hab'id ham' dirliauu zinlui jingsinn hunlec jongrtair ee iauqiuu, si jiacc nirr guansiw. Hunli cud laii ee qywtew vutqyr si jingxtew guanlaii ee huwvunw ziiw, dyrr cniurr qandna' iongxiuw jit vingg ee vnixhii, itdit jauxcue jurqiw lingrgua jit vnuar.

----- laijurr CAMPBELL <PRIMITIVE MYTHOLOGY>

Jauxcue pnua sii,

zuqyw liw ee didqag si sunjniar ee,

dyrr e cue diyc liw ee lingrgua jit vnuar; zuqyw byy sunjniar,

dyrr e itdit duw diyc m driyc ee langg.

ANIMA QAPP ANIMUS

Lamsingr duiww luxsingr luerjai guanhingg iwsiong, ixqip luxsingr duiww lamsingr luerjai guanhingg iwsiong.

Lanw beh zuhyy dramm angbow jiqanx si m si u miarun ee junjai? Guaw u qamxqag .diyc, danrsi guaw byy siongsinr. Ixx guaw ee jinghongw, dirr S. LAWRENCE Hagngi qar :ee dy' si jit qrunn siauwlenn suiw qoniuu, dirr mow quaw siongrkyr sii, jongxsi u jit qrow qongw be cud ee ciaucik, qingquer lak qywguec duiziog, jiacc cue cud qidiongx hro guaw jitt jiongw qamxqag ee qoniuu, dng' guaw huathen au, guaw dauhangg ar!

Derr id vaiw knaur diyc gunw kanciuw sii, qamxqag gunw si tnix juwdnia :ee, kiokk byy jin' cingcyw jaix. Hitt sii, ix siong guaw ee kxyr, dyrr e hro guaw ee simx luan caucaux --- dauwdew si'angg hro guaw anne? Juewau cue cud si ix, duiww ix aiwbo ee jingxqyy hogjap simlo quewdingg, itdit qaur guaw iong siongrr viwsur ee hongsid viauxdat cud sii, jiacc hro ix jaix; hitt sii ix jiong' beh lirkuix haghau, guaw sangr ix jit vunw ceh, si SPENGLER ee <DECLINE OF THE WEST>. Hex si jit hxang siyw lexmic, jing'ir kiokk cimdang.

Jex qamxjingg dausia ee vuerau si u itding dyrliw ee. Uirsniaxmic jitt xee dausia laijurr guaw, m si vadd langg? Hex si anqix dirr guaw cimjann snewmia texgiam-diongx, si miarun ee soxjai. Liw ee miarun si iu' liw jurqiw snewmia soxx qenwqor. In'ui u guaw ee snewmia, jiacc u jitt jiongw hongsid ee dausia --- simrjiww duiziog qaur jurr guaw ingzii siqii ee luxsingr qinggiam.

Jex dyrr si miarun: sunzenn si qywzinn jurgnow snewmia hertongw amwlik ee sidhen. Jiaxee lingliong e dyxhiongr digding ee honghiongr, si liw duiww zinsingx digding singlok ee laiguann.

[lamsingr] jingqamw dausia hingsingg ee insor si ANIMA, iacc si qongw ANIMA soxx dairviauw amwiwsig jongrtai. Bylun cuthen dirr bang-diongx/ simliw ngiaxsiong, iacc si huanwsiong, dy' e ixx zinqechuar ee hingsiong cuthen, jex suatbingg ix soxx rngiuu zip ee iauwsor kurvi soxu luxsingr jun'iuw ee binghenw digjid. M si laijurr iwsig ee jaibad, si amwiwsig ee tenzenn sanxbut/ m si tewdai buxcinx qaksig. jitt xee qiongdua ee sinvir digjid qik u kyxlingg laujurr vutduan dingsinx cuthen dirr muixx jit xee javox ginxaw srinx-siong ANIMA jibtew guanhingg, suacc uihiap diyc buxcinx jitt xee iwsiong.

----- C.G.JUNG

luxsingr ee sinkux

si sinsingzii jurdew ee sewqair.

Ui' hitt sii kiw

javox ginxaw ANIMA dausia

laijurr ix.

Knuar .kiw .laii maxmah si hingsingg qniaw dausia iauwsor ee derr id langg, vaxvah duiww jaboxqniaw, marr u luirsu ee hauringr. ... ... luxsingr siurr lamsingr iauwsor ee voxsiongw, dyrr si qongw ix ee amwiwsig qamm u lamsingr digdingx. Qetqyw hingsingg lamluw qranx siongdongx tingdo ee simliw cavet, incuw luxsingr luerjai dausia iauwsor, guaw qra hyrjyr ANIMUS, si simx iacc si simlingg ee iwsur ... dng' ANIMA/ ANIMUS sna' duw sii, ANIMUS e tiux cud ix ee qiamr, ANIMA marr e ia cud ix hihuanr snialangg ee dok, qetqyw vingrr m si itding huwbin ee, sianghongx qangrkuanw u kyxlingg duirzip jingbang (jex si itqenr-jiongjingg ee digle).

----- C.G.JUNG

duiww luxsingr (lamsingr) ee huanxngiar-diongx

erdangr caqag diyc jurqiw ee ANIMA (ANIMUS)

Qoxlyw ee BABYLONIAN sinue, u jit xee quanhe MARDUK Sinn ee qivunw iwsiong. MARDUK si uixdai taiwiongsinn, congwjy sewqair ee sinn, iong sniaw laii congwjyr? Ix ee a'maw TIAMAT ixx quaiwsiu hingtair cuthen, MARDUK qra puawjyr nng vingg.

TIAMAT vunxlaii dyrr e qra jurqiw puar vingg, kiokk niu hro MARDUK jyr, in'ui langg rair dirr hingdong-diongx henxhen jursinr, jiacc erdangr jingxqiur sewqair. Incuw TIAMT si jin' kongxkair ee luxsingr, hro MARDUK jitt xee sewhanr javox ginxaw zinruii ix uansingg liauw jitt xee qangjog.

Jex dyrr si ANIMUS ee digjid: luxsingr erdangr jyr kiokk hro lamsingr ter ix uansingg ee moxjiongw dausia. Suibongw ix ee cuthen iauxx byy cniurr ANIMUS vunxsinx hiacc u uahlat, danrsi lamsingr ee sinkux tensingx ee diauqnia, erdangr hro uansingg jitt xee su. Liauxqaiw diyc jitt xee lat laijurr liw luerjai si anne jit huesu, mrqyxx beh jaix jitt xee lat soxx unxhamm ee hingdong iu' lamsingr laii uansingg, viw luxsingrjurqiw uansingg qyckacc sikdongx, su'iauir texzin lamluw jiqanx ee quanhe.

Dng' luxsingr liauxqaiw diyc jitt xee lat laijurr luerjai, dyrr erdangr qra lamsingr dongwjyr doglip ee qywtew, vutjixsirr ix ganw-diongx su'iaur vanrtauu ziiw. Jiurr lamsingr vorhun, zuqyw javox qra luxsingr dongwjyr bincngg-dingw ee jingpnua, jixsirr buanxjiog ix jurqiw su'iaur ee budtew, m si doglip ee luxsingr. Jex cniurr bagjiux knuar jit jiah guu, simlai sniu ee kiokk si hangx gubah ziiw.

Duirzip jingbang si jurzenn digvet ee jokpinw

Ui' kip'inw irsingr kaisiw.

AIR SI UANBIW EE JUVIX

Zuqyw hex si jit liap unziuu ee simx, air laii cutsir lor!

Jitt jiongw jinghongw kaksit hro langg qniax, danrsi qaur bogjingg uijiw lanw ee sinhagqax iuguann decc damlun sinsingr ee AGAPE air qapp jing'iok EROS ee air, ixqip inx jiqanx ee qinvunw duiwlip, hyxcincniurr jitt nng jiongw si “air” ee juewqyx jixdy guanjig; AGAPE is “jusen”, cniurr sinn ee jingsinn lingxhik, si “siarkux ee zinsingr duiwtai”; EROS si “tamluann”, si jurzenn singliw “ciongdong/ iogbang/ singr ee tiongwlok”. Jurlaii m bad tniax quer zimrhyy sinjid zinguann qra siongrdingx qywzinn air ee EROS knuawjyr ixsiong soxx qongw jigua ee derr snax xee guanjig. EROS m si singhuaa ee jingsinn/ simx qapp zinlui ee siarqunn ... dringw, marr m si hamhoo jurzenn ee huanxingr, lxan qapp jix horsiong iuxquaiw ... dringw, si didjiab henr dirr muixx jit xee langg ee lo, dyrr dirr binrtaujingg, tuandat hro simx ee sinwsid.

Uixdai ee gimcniur sizinn GUIRAUT DE BORNEILH siaw ee jit siuw six, anne qaixsuad jitt xee quandiamw ... ...

air tauwquer bagjiux, dag diyc simx

bagjiux si simx ee quancatjiaw,

jin vunxhun siwqer srunn

hixlok ee simx

inx horsiong did diyc hyhaii

jixir qenquad sii

uanbuanw ee air dyrr dirr hiax

bagjiux knuar tangr simx

duer diyc iwjir,

knuar diyc :ee, sniu diyc :ee,

snex cud hixlok,

air cutsir ar, hibang an'uir diyc inx ee ving'iuw

inx si jinjniar ee aiwzinn

bagjiux vuh cud huemm, simx hro mm singsik

air si inx qed ee qryw.

Dng' air jingsinn ee hitt jit kig, u jit xee binghenw ui' gua laii ee kectew, “ ingxqiuw jinwzip (JOYCE ee qongxhuad) linghunn ... linghunn duer diyc jitt xee diaurhuanr tiaur .kiw .laii. Ix singjunn/ huan cyr/ duirlyc/ ngiaa diyc singwli, iacc si jurr snewmia-diongx dingsinx congwjy cud snewmia!”

-- CAMPBELL qaixsiaw jurr JOYCE <A PORTRAIT OF THE ARTIST AS A YOUNG MAN >

Aiwjingg vutjixsirr snewmia ee qinggiam,

marr si sinvir ee qinggiam.

Hongqiongx ee air, si hiacc kow,

byy kyxlingg buanxjiog,

snewmia ee vunxjid.

Dng' simx qencii ix ee miarun, qirjuat itvnuax potnaw sii, si jin' tongwkow/ qik huihiamw ee. Mrqyxx simx soxx sanxsingx ee dongrlik, m si qamxquanx anwsngr e diyc ee. Ui' sewqair qokk qaktauu sna' lensuar huatsingx ee surqnia, e jiamrr jurjip jywhuew, ciangrduxciang ee qijig jixjingr liauw miarun ee vitzenn.

--------- CAMPBELL <Cingbin Inghiongg>

liw ee snewmia u zuacc dngg,

air dyrr u hiax dngg,

air qapp snewmia qangrkuanw zun.

NIETZSCHE: AIR LIW EE UNRMI

huatsingx dirr liw srinx-siong :ee, byy jit hxang si huwbin :ee.

Sitkir aiwzinn ixqip quanhe pywlec soxx duar laii ee kow, si quewdo ee dausia, jex si sursit. Siauwlenn sii, zinruii “jex si itcer” ee bixbiau bangrsiongw/ si snewmia ee juanvo; ngua jit qxur qongw, jitt xee quanhe si aiwjingg huanwsiongw ee sidhen, liw byhuad siongxsiong, sing'uac narr byy jex e si jnuaxngiu. Zimrhyy lunrjingr dy' berdangr buacsiaux jitt jiongw jiong' itcer dausia dirr lingrgua jit xee langg srinx-siong ee qamxqag. Guaw iycsniu muixx jit xee langg dy' e huesiongw kiw jurqiw cingsiauwlenn ee mow jit dnxua luanrjingg, hex naxjunxx si itcer ee itcer, danrsi juewau kiokk moxjiongw enqor cruir .kir.

Dng' moxjiongw quanhe suah au, qywzinn su'iaur jit dnxua siqanx jiacc e hro simjingg huehok vingjing, qycc cue diyc sinx ee qiawbang. Dirr aiwjingg quanhe tingjiw au, narr byy cue diyc sinx ee duiwsiong, snewmia ee amwlik qycc virr vakduat, jitt sii simx qankow dyrr puu .cud .laii. Duiww mow quaw langg laii qongw, jex si huisiongg huihiamw ee siqii.

Liw ee simlingg jaix jnuaxngiu kir dri siongx, mrqyxx iuguann koxtangr. Ursii, liausiongx ee quewdingg viw vunxlaii ee sionghai kacc dua, zuqyw liw dnax .kiw .laii, jiong' e venr kacc qenqiongg, in'ui liw snewmia ee qicow kokdua ar. Muixx jit crur ee singlok dyrr si jit jiongw hanrjer, dng' ingwsingg sitvai au, diyh'air dingsinx cue diyc jit xee kacc dua ee sing'uac qicow, qycc rair u qraur lat kox diauu, jiacc e ing tihh.

NIETZSCHE dirr jitt diamw erdangr vangjan lanw. Dirr ix snewmia ee mow jit xee sikig, tudzenn hiauxgno diyc “air liw ee miarun” jitt xee quanliam. Bylun unrmia zuhyy, duw diyc zuarr camw ee dairjir, qra jurqiw qongw “jex si guaw su'iaur :ee.” knuar kiw laii kyxlingg hro liw cnicamw lenhuee, danrsi liw rair qra dongwjyr jit xee qihue qapp tiaujenr, iongxqamw binrduir. Qaxsuw liw dirr jitt sii quanwjur quan'air m si sitjir, liw e huathen lat dirr qidiongx. Liw dro quer vuthing ee jaieh, dyrr si dirr singwqeh/ jingsinn/ snewmia-siong ee jinwvo. Jex si snewmia ee vyxquir! Jitt sii marr duxx si liw jurhuad ee vunxsingr henxhen ee qihue.

Su au dng' liw hueqor jurqiw snewmia sii, e huathen hiaxee jyrsingg qik dua sitjir ee sikig, duxx si sokjy liw jitmaw soxx iongxiuw sing'uac ee surqnia, itcer jinsit byy hiqew, huatsingx dirr liw srinx-siong :ee, byy jit hxang si huwbin ee. Suibongw dairjir puu cud sii, knuar .kiw .laii qamxqag cniurr guiqix, sursit m si, guiqix qra liw danr duiww aurbin kir, dng' liw su'iaur denxhen ligliong sii, lat dyrr laii lor.

Linghunn ee oia

dirr kexsi jingg limqaur

dng' soxu itcer dy' sitkir lor

cincniurr oamr byy hibang sii

sinx snewmia laii cutsir

soxx su'iaur ee itcer marr dirr hiax

SNEWMIA EE QINGGIAM

Qamxqag diyc erdangr jniajyr “snewmia” ee sursit si bixbiau ee.

Guaw ham' JEAN ERDMAN qethunx sir-jap- lak dxangx, gunw horsiong u jit jiongw jingqamw qapp hagsut qauliuu, texgiam diyc “zi jniajyr id, id venr zi” ee qingxqair, byy su'iaur qra lixlunrhuar, in'ui gunw liauxqaiw jitt xee iwhamm, si GOETHE soxx qongw “ngqimx hunlew”, jex jniajyr “snewmia” ee sursit jinjniar bixbiau.

Sinue vangjan liw cue cud

ui' liw srinx-siong rig cud laii lingliong ee ywvir

liw, ingxuanw dirr qidiongx

Erdangr u jiokgiac ee sinue diwsig, liauxqaiw jiacc bixbiau ee qinggiam si jin' suiw ee dairjir. Jerje langg qangrkuanw e u jitt jiongw qinggiam, kiokk m jaix iongxiuw .quer. Dirr sinue iwsiong-diongx jiaxee qu dyrliw, qibiau ee soxjai si hro liw jaix, liw soxx qinggiam diyc :ee si sniaxmic.

Sinue si iwsiong ee johap

si mow sidai, mow bunhuar

qinggiam/ hingdong qapp zinlui simlingg buanxjiog

unxqamm ee viauxhen

Jit kaisiw ee aiwjingg quanhe-diongx, “ngqimx hunlew” ee bogviaux jaw dyrr qamm dirr qidiongx. Ginxaw cutsir sii, nilau marr junjai qidiongx, dyrr si qongw, ginxaw jiamrr duarhan qycc laursiamx, jaw dyrr danw dirr hiax lor. Qangrkuanw, nihuer zuxx je zuxx e texhue diyc jurqiw iuguann si haidongg, dongsii jaxnii ee qinggiam marr jiamrr kuidenw-diongx. Qivunw-siong longxx si qang jit xee snewmia hertongw.

Jitt xee si JOYCE <FINNEGANS WAKE> ee diongriaur juxdee ji' id. Qra lrauu quer DUBLIN ee LIFFEY Hyy vixping jyr Luxjuxqag ANNA LIVIA PLURABELLE ee iwsiong.

Cniurr jit xee jaboxginxaw ee LIFFEY, guantauu laijurr DUBLIN lamhongx ee siyw snualun, dirr jitt soxjai, soxu vuncelauu dirr jiax qaplauu, zen'au hiongr vag lrauu zip jit xui bixle ee qaugua, jiax cniurr LIFFEY ham' ix ee maxmah/ cur laii ee langg sing'uac ee qingxsiong, siongrdingx zinsingx ee dionglenn. Qycc laii dngw jit uanx, uad zip DUBLIN, nngr tangr jitt xee sniaci muixx jit xee soxjai, jniajyr jit diauu auwcaur ee lau hyy, qra doci soxu ee vunwsyr cua zip siongrdingx niuve ee haixngiuu. Qycc laii taiwiongg jiong' haixngiuu ee juixkir jinghuad jyr hunn, jitmaw LIFFEY venwsingg siongrdingx buxcinx juxqiongx ee tnidingw jit luiw jit luiw ee hunn, huncaiw piaux quer snualun, venwjniaa ho qangr lyc snuakux.

Zinsingx ee jingg jidvnuar

lanw hogbu siarkux --- dauzip;

Aurvnuawdnua ee zinsingx

jnuanxhiongr luerjai --- vnuar unxqux

Ix itdit si qang jit xee langg, qang jit diauu hyy. JOYCE jingcaiw ee susiongw hro lanw texhue diyc je huer ee luxsingr ham' jaboxginxaw qisit si ittew ee, sidjai qibiau! Dng' liw jiamrr lau au, qaxsuw iongrsimx juwir jurqiw luersimx texgiam, kaksit e u jitt jiongw qamxqag.

Langg ciangjai qongw laurlangg byy hxuad qir diauu ja'hngx huatsingx ee dairjir, kiokk cingcyw huesiongw vnuawsewqiw jingg ee ongxsu. Jex si jinjniar :ee. U huer au, jurr siwjiuuii ee zidsiongg sewsu qaixtuad cud laii, jimwdimm dirr jurqiw hue'ik hertongw, ongxsu si jin' uahtiaur :ee. Sewhanr sii ham' verbuw jywhuew qinglik ee guiqix, jaiww puu .cud .laii, jex si jiacc diongriaur, si jo liw liauxgno quewkir cinjingg quanhe ee quanqenr sikig.

Ursii huesiongw quewkir, guaw e sniu “ar! Cywsid itcer!” qiquair ee si, dirr mow qowding nihuer, guaw duiww jurqiw ee sing'uac hongsid soxx knaur diyc ee dy' si huwbin ee surbut: vixzu, dirr mow jit kig cywsid liauw mow su, iacc si lingrgua jit sii, guaw cniurr duargongrdaix ... dringw. Henrjai, guaw byy air qycc anne sniu ar, guaw beh kir tendongg, tniax qongxx hiax liw be qir .did jiaxee dairjir.

Nihuer je sii,

ixx qamxqig ee simjniaa

hueqor jurqiw itsingx

ixx beh dngw kir cur ee simjingg

qniaa hiongr sixbongg

DANTE qniaa cud lenrgak sii, limx liauw jiong' soxu guanjue ui' qiwik-diongx buacsiaux ee hyjuiw. Ix limx lyc derr id diauu hyy ee juiw, soxu guanjue did diyc liongrqaiw, anne iauxx byy qraur, ix diyh'air be qir .did, jiacc ersiah tihh.

AIR EE JONGQAUR

Dirr derr go qaidnua ee air, jing'air ixgua ee mic dy' trer cud, cunx :ee jixsirr juan'id ee jip'id.

Inwdorqaur VISHNU ee jongqaur dyrr si air ee jongqaur. Ixx VISHNU hongsid hunsig, air hunx go jancur, zircniaw muixx qaidnua qokk u dairviauw hongsid. Jauxcue vingrr drat qaur kexhuad ee jingxqyy hunwlen, erdangr ui' jitt xee lingliong jinwhingg.

Derr id jancur si lypok duiww juxlangg, “sinn ar, liw si juxlangg, guaw si liw ee lypok, qra guaw qongw, guaw e jiauww jyr.” jex si ludhuad jongqaur, qidiongx jerje bingrling --- jap qaiwling/ cingx qaiwling/ simrjiww jap-id-bxan qaiwling, jex si kiongxvor ee jongqaur, henxhen sinwdoo luerjai sinsingr iauxx bue qakcnew. Sinn dirr guarjai mow soxjai, liw langg dirr jiax. Jitt jiongw hongsid juxiaur hro hiaxee byy siqanx jyr jongqaur sukyw, iacc si air ee langg.

Dairviauw derr id qaidnua viaujunw hongsid si qauu-ongg HANUMAN --- RAMA ee lypok. Guaw byy cingcyw dirr Qidokqaur tuantongw, qamxx u sriok jitt qaidnua ee le? Mrqyxx duiww duardysowlangg laii qongw, Qidokqaur tuantongw marr byy sniaw qitnax mic; jiax rair siuw jap qaiwling, hiax marr si jap qaiwling.

Derr zi jancur si ving'iuw jiqanx, si duiww lanw soxx air surbut ee qakcnew. Jitt xee jancur ee langg viw derr id jingqingw :ee kacc e uirr langg' setsiongw. Viaujunw vanxvunw si suxdoo duiww Iasox ee air, iacc si zimrhyy jinjniar air su/ air langg ee air.

Dingw jit sewqiw uixdai Inwdo sniawded SRI RAMAKRISHNA bad mng quer jit xui jurzin byy air siongrder ee luxsu,

”dirr jitt xee sewsiong qamxx byy zimrhyy mic si liw soxx air :ee?

“air guaw ee sun'aw”

“hyw, anne dyrr si ix, ix si liw hogbu ee duiwsiong.”

Bylun hysii, dng' liw soxx qinggiam ee air si jit jiongw jurhuad hing'uii, m si junjiaur jixling sii, liw dyrr si ui' derr id qaidnua sringx qaur derr zi qxaix ar.

Jex daddid lanw cimsux. Zuarr je jongqaur drat qaur jitt jancur? Guaw qnaw qongw jin' jiyw. Danrsi jex jiacc si qaix qniaa ee honghiongr. Jongqaur qinggiam narr jixsirr uansingg ludhuad/ qaiwdiauu soxx quiding ee surhang, dyrr qra knuar vniw .kir .ar, liw vutqyr jixsirr jit xee guanrir, iacc si byy guanrir junsiuw bingrling ee langg ziiw. Dng' air ee quanhe si jurhuad hing'uii sii, dyrr jinwzip lingrgua jit xee lingxhik.

Derr snax jancur si verbuw duiww qniaxzii ee air. Jex viw ving'iuw air kacc cinbit qycc qionglet, jitt qaidnua ee air, dirr Qidokqaur hertongw viauxhen cud ee iwsiong, si singwdanwjed Iasox cutsir ee bexjyy. Jitt xee iwsiong, ingzii dairviaiuw lanw muixx jit xee langg simlingg-lai ee Iasox, siongrdingx qakcnew diyc sinsingr dirr liw simx-diongx, si jinjniar jongqaur sing'uac ee qngx/ decc iongxiok liw jursingr lingsingr ee haidongg. Inwdorqaur tuantongw dirr jitt qaidnua ee viaujunw hongsid si GOPIS duiww jenrtangg taux jiac baxdah ee javox ginxaw KRISHNA ee air.

Jit dnxua iuxquanx KRISHNA jin' simsig ee qowsu qongw, u langg qra KRISHNA ee maxmah qongw, ix ee javox ginxaw dirr guarkauw jiac tohunw, dyrr qniaa cud kir beh jiong' ginxaw cuir-lai ee too cringx cingkir, dng' ginxaw cuir jit veckuix, knuar diyc :ee si, hitt xee ginxaw luerjai soxu ee tendongg/ dergak/ jiongww sinn qapp jiongww xmoo, ngiuxbuw dongzenn hro jitt dniuu enxcud hecqniax diyc lor! Zuqyw maxmah iuguann qir diauu jitt cud qingxsiong, inx nng langg ee quanhe itding sriu siongdongx tingdo ee pywhai, incuw KRISHNA jin' jusen jiong' ngiuxbuw jitt dnxua qiwdii buah byy .kir. Lanw jnuaxngiu jaix jitt qnia su kaksit huatsingx .quer --- in'ui maxmah si ui'id qinggiam ee langg, mrqyxx ix be qir .did --- guaw m jaix. Jongqaur dyrr si anne.

Derr sir jann hucex air, si qangx :ee/ buw :ee qang jit xee sinkux ixqip zinrdongg lingrgua jit langg ee air. Liw ixqingx cue diyc jurqiw simdiongx ee sinn, jitmaw sinn cuthen dirr jitt xee siongrr cinbit/ quxdngg quanhe-diongx. Jex si uirsniaxmic dirr jiaxee tuantongw, hun'inx virr knuawjyr dnguanw ingxqiuw. Iongxiuw jitt lui qinggiam ee qihue, itsingx jixu jit vaiw. Siuluw qruar qethunx ciuxjiw/ inx si Iasox ee sinniuu/ Inx ham' jitt xee buhingg kanciuw si jingsinbin quanhe, jin' hyw ee dairjir.

Juewau, lanw drat qaur siongrr guann jancur ee air, derr go qaidnua, si qiongviksingr/ byy hxuad kongwjer/ tuatli quidy :ee, jixu air ee junjai, liw ham' siongrder ee quanhe, uanjuann sitkir jurgnow/ jixu air/ cijingg ee air (LE FOU).

Hongqiongx ee air

kixsiauw :ee si javox, m si jabow.

Dng' lamsingr jiacc qamxdong sii

ix erdangr singjiu uixdai ee qonglyy

mrqycc qandna' hanrjer dirr ec ee huanruii

dng' liw junjiaur liw ee zedjingg

siarhue byy qycc jicii .liw

Liw rair jamxzenn aw qinxsin

liw uanjuann kyr jurqiw.

Hun'inx quanhe-diongx, qywzinn iuguann ham' siarhue/ cur-vnix icii hyhaii quanhe, danrsi derr go qaidnua ee air, aiwjingg ixgua ee soxu surbut dy' tewbih .kir .lor, cunx :ee jixsirr juan'id ee jip'id. Soxu qitnax itcer dy' danr hetgqak, byy qycc u zimrhyy ee quansimx. Guaw kaksinr linw qidiongx u mow quaw langg e u jitt jiongw qinggiam. Zuqyw m bad qinggiam .quer, hex jinjniar si vuthing lor.

UNZIUSIMX

Zuqyw jikzimrqamw byy junjai, dyrr m si aiwjingg, si qitnax ee mic.

Dirr jitt xee Inwdorqaur qauwdoo, pingqer air ee tauu jit qxaix juxlangg-lypok quanhe, derr zi ving'iuw jiqanx, derr snax verbuw-qniaxzii, derr sir hucex air, qaur derr go jancur juanzenn ee air --- qywzinn ciangjai e quewdo knuawtai jinjniar duiww air texgiam ee huihiamw. Narr hongwha jitt xee air ee texgiam, e qamxqag sitlyc, mrqyxx diyh'air vangr driau, jinjniar rair liw kir jyr, kir cue cud kyxlingg ee quanhe si sniaw.

Qaxsuw liw ixqingx qethunx, jiacc huatsingx hixqongg qinggiam, hun'inx jiong' byy hxuad icii, in'ui liw rair qapp kanciuw u lingrgua jit jann quanhe. Vangr lyc sunzenn aiwjingg quanhe, erdangr hro liw dirr kurtew qenwlip ee quanhe-diongx did diyc moxjiongw cimkig ee cingsongw. Jinjniar ee hixqongg ham' sing'uac byy huatsingx quanhe, danrsi sing'uac-diongx ee quanhe iuguann “si” u qewdat ee. Zuqyw liw qing'ingg cud vinghuann sing'uac-diongx ee qewdat, anne jitt xee juanzenn ee hixqongg kyxiw virr hongwha kiokk be srid .kir, be vitzenn e srid .kir, jex si hun'inx sing'uac ee qxuad.

Hun'inx sing'uac u jerje hixlok qinggiam, qapp juanzenn hixqongg byy quanhe, danrsi jiaxee qinggiam kipsiux hex lingliong hertongw, hro dongsurzinn dirr hun'inx sing'uac-diongx anzenn jurjai, be zinruii hun'inx jixsirr dryr vunwsyr ziiw. Muixx jit xee langg qethunx au, dy' e duiww zidsiongg sing'uac ee suasab sik'ingr vutliongg, bylun lxamm-luw, diyh'air binrduir qabu bunrdee. Liw erdangr jurr jiaxee rair cuxliw ee tyxiar dabdih, congwjy jit quaw bixbiau ee gisid qinggiam, sing'uac dyrr e unn ~ aw jinwhingg jiaxee jabcuir dai. Guaw sniu qandna' zinrding nng langg druar dauwdin soxx duar laii d.-dabdih-d. e jyrsingg hun'inx pywlec si cywgo ee knuawhuad.

Hun'inx m si luan'air,

si tongwkow ee qinggiam.

si jongqaur ee ciwlen, si singwcanlew,

si cam'uw lingrgua jit jiongw sing'uac ee undenw.

Lingrgua hun'inx quanhe ee uaxqaiw, huatsingx dirr buexqii, suxx guaw kunwziauw : angbow dirr ginxaw duarhanr lirkui jitt xee qex suilangg doglip au suacc hunlec. Guaw qnir quer go~lak duir jurlaii byy sniu quer inx e huatsingx jitt jiongw jinghongw ee langg srinx-siong. Inx go-jap gua huer sii dy' hyw ~ ar, itdit sing'uac jywhuew, marr dauwdin qenwlip qadingg, juewau suacc uanjuann pywhai driau, quewkir ui'id kanlenn inx ee insor jixsirr ginxaw.

Jex guaw qra hyrjyr hun'inx lenrqimx sitvai. Inx jixu singliw hun'inx, duiww simlingg qauliuu/ sim'ir snaqab ee quanhe-diongx horsiong hagsip uanjuann byy liauxqaiw. Uanjuann byy qaiwliam hun'inx derr zi qaidnua kyxlingg kiw venwhuar, sidjai vutjiw aw qenwsiaur.

Zuqyw liw sniu beh iong jit tyr qewue laii quihuan hun'inx,

jiong' e huathen hex byy loriong.

Singqongx ee hun'inx

si qiongrdongg quer diyc sinx sing'uac,

simhing kaihongr, m si irsingx quiue.

Cniurr danr cud ee qiuu juriuu lag .lyc .laii : uanjuann knuar liw zuhyy cuxliw

en'lo cuthen muixx jit hxang sinx surbut laii dring

cniurr haiw-siong jit dih iuu

puu ~ dimm ~

unriong diwhui qapp juvix

suii pylong lrauu hiongr jingg

Guaw zinruii, hucex rair sniu cud nng langg qiongrdongg cam'uw/ u iwgi :ee laii jyr. Diongsewqiw “unziusimx” ee qaiwliam erdangr qongw si qidiongx jit vorhun. Zuqyw liw zinruii jing'iok si aiwjingg, hex jixsirr itvnuax jongrtair: jit xee e sixbongg ee jongrtair. Jinair be sixbongg.

Duiww ziu'nngw ee simx laii qongw

hun'inx rair dairsingx jingsinbin qauqnaa

zenau jiacc si singliw qethap

Beh damlun jitt xee binxqamw uerdee si byy iong'ir :ee, vutqyr jiurr guaw knuar .laii, “unziusimx” si liauxqaiw sniaw si air ee snuawsyh, kansiab diyc duiww duiwhongx ee jikzimrqamw, narr qongxx jikzim byy junjai, soxu :ee dyrr m si aiwjingg, si qitnax ee mic. Jing'iok be quxdngg, si in'ui byy kuriuw jikzim; hun'inx duer diyc ginxaw duarhanr li qex suacc pywlec, si verbuw duiww qniaxzii ee jikzimrqamw, m si angbow horsiong jikzim duiwtai, ginxaw jit lirkuix, icii inx ee jingqamw siaux byy .kir .ar. Zuqyw aiwjingg kaksit junjai, dyrr e dngquw.

Dirr u ginxaw jinwjingg/ simrjir qethunx au, quanqenwsingr bunrdee diyh'air zinrcingx : “jex si m si unziusimx?” si m si liw jauxcue qywzinn soxx erdangr iongxiuw ee duiwsiong? Iacc si duiww duxx decc qenwlip quanhe ee duiwsiong qamxqag u jikzimrqamw? Zuqyw byy, anne guaw zinruii liw jin' huihiamw lor.

Guaw beh qongw :ee, m si jikzimrqamw qowsingg air, danrsi byy jikzim ee air, m si jinjniar ee air, jixsirr jiamwiuw ziiw. Liw si sniu beh kir jiamwiuw mow qywzinn? Iacc si siongcuw dirr moxjiongw quanhe-diongx?

Qongw diyc jit xee langg itsingx soxx jyr ee dairjir, guaw be sniu diyc qethunx, duhuix guaw duiww qethunx u singlok, in'ui guaw liauxqaiw ciuw-diongx jiangxag liauw duiwhongx ee miarun. Guaw byy hxuad liauxqaiw jiamwiuw lingrgua jit xee langg si jnuaxngiu ee qamxqag. Iauqiuu liw duiww bogjingg jyr ee dairjir rair hurjig, si byy vangjan ee. Liw kyxiw iongxiuw aiwjingg qapp qidiongx ee bagsaiw ... dringw itcer texgiam, mrqycc ham' qethunx si dua byy qang.

Dairsingx, rair cingcyw jaix liw si decc jyr sniaw, guaw zinruii jerje langg vingrr m jaix jurqiw decc jyr sniaw, marr byy cingcyw jurqiw uirr duiwhongx jyr liauw sniaw. Zuqyw liw berdangr singsik kongwjer jurqiw qiongviksid ee zedjingg, dirr guaw knuar laii, liw naxjunxx byy kurvi qethunx ee juqeh. Guaw sniu, guaw ee jitt jiongw knuawhuad kyxlingg laijurr guaw Tenjuxqaur tuantongw vuewqingw, hun'inx si miarun ee suanxdik.

Druu jex ixgua, guaw ee hun'inx qycc cuthen quer jit xee caixtauu. Guaw dirr NEW YORK WOODSTOCK ee MAVERICK lo-siong jox jit qingx cur, jit nii joqimx zi-jap kox Bixqimx, sinhunx sii nng langg druar dirr jiax, dirr jiapqin MAVERICK sii, jit daii sangwjongr ciax jurr lorvnix cud laii sraiw qaur gunw taujingg. Jurlaii m bad dirr jitt soxjai knuar quer jongwciax, guaw qra jitt xee diaurtauu qaixtok jyr gunw nng langg e jywhuew qaur lau. Sursit si anne.

Incuw, guaw soxx liauxqaiw ee hun'inx, si jinjniar qra duiwhongx knuawjyr si liw ee jikzim/ liw soxx air ee langg. Jiong' jurqiw rinw hro langg'/ jurqiw ee miarun juanxhuar jyr nng langg ee miarun, si jidsiwlangg ee singlok. Zuqyw in'ui mow quaw snewmia-diongx cuthen ee surbut hro liw sniu diyc “beh ui' mow xee honghiongr jauxtuad, be qir .did ixqingx huwcud ee singlok.” suacc laii songwsid ixqingx huwcud singlok ee jikzimrqamw --- jex m si hun'inx. Duhuix liw qra ham' kanciuw ee quanhe, knuawjyr snewmia-diongx derr id iauwqinw ee kyxliong iauwsor, narr byy, guaw byy zinruii liw ixqingx qethunx. Jitt jann quanhe rair si hun'inx ee iusingx.

Ciongdong ee singwair e longr zip laii hun'inx-diongx. Qywzinn vingrr berdangr uanjuann kongwjer jurqiw. Guaw vingrr m si qongw hun'inx jigua ee zimrhyy quanhe dy' si iogbang ee, qangrkuanw ersaih si air. Dng' liw dngrjuat laijurr hun'inx ixgua ee air sii, liw ixqingx dirr hun'inx-diongx dngrjuat liauw vorhun ee jurqiw.

Mrqyxx liw e binrlimm zuhyy hu jikzim, dongsii qiamqor hun'inx gua ee qamxjingg quanhe qapp liw guanlaii hun'inx ee bunrdee, m si jit hxang iong'i jyr e qaur ee su. Liw diyh'air huatdenw cud jerje ham' byy qang duiwsiong qenwlip quanhe ee hongsid, vutjiw si jit jiongw hongsid ziiw. Ursii, quanhe ee vunxjid/ qewdat kuriuw kanlenn, anne dairjir dyrr qniaa e tongx; danrsi guaw ee liauxqaiw, bylun huatsingx sniaw jinghongw, hun'inx jongw .si rair huehok, si siongrr juxiaur, derr id sunrui :ee.

Zuqyw hun'inx duiww sianghongx iuxhai, liw diyh'air quatding si m si u juanxvenr jingser ee kyxlingg. Narr si kiuw e quer laii, qyckacc qanlann marr rair congwjy cud anne ee jingser. Liw kyxiw loxlik dauzip vit'iaur ee lingliong dirr duiwhongx srinx-siong, laii cioksingg jitt xee juanxhuar. Dyrr si qongw, liw ersaih qra dongwjyr jit jiongw qywzinn tuanwlen laii jingqax air/ sinwsimx/ habjog ee kiwhunx. Lingrgua jit bin, narr snewmia/ simrjir duiww snewmia ee air siurr uihiap, jingser kiuw be quer, iacc si liw byy zinruii guanlaii ee singlok daddid jaiww icii lyc kir, anne rair qetsog jitt jann quanhe lor.

Dongzenn, soxu ee jinghongw rair knuar qywanr/ qywzinn pnuawduan. Byy sui' erdangr unriong ee qivunw huatjig, in'ui qokk ciongtut ee jingser dirr qiongdo/ singwjid-siong dy' byy qang.

HUN'INX

Hun'inx si horsiong qniaa jnriu sibzirqer ee hisingx.

Dng' guaw dirr Dikqog tagceh sii, jit xui Dikqog lau qauwsiu bad qongw .quer, suanw bow ee honghuad si rair singx quancad birlaii ee dniurmw, zuqyw ix u hyw luxdig/ marr si liw lixsiongw-diongx ee luxsingr, anne liw dyrr ham' ix zimrhyy jit xee jaboxqniaw qethunx, ix jiong' e sokjy liw itsingx.

Hun'inx-diongx

luxsingr qniaa dairsingx

javox si sunrser duer

Bow si sokjy liw itsingx ee langg jitt ee qaiwliam, guaw itdit qir dirr simqnuadew, si jit xee be baiw ee sniurhuad. Luxsingr si snewmia ee lingliong, SAKTI (Inwdorqaur duiww luxsingr YONI [jix] ee jongvair). Guaw cimsinr lamsingr rair yc erhiauw sun hitt qrow lingliong, m si jurduanr kongwjer snewmia, si luxsingr lingliong ee qangqu. Zuqyw lamsingr berdangr qaixduu jurgnow, hun'inx dyrr byy junjai. Angbow nng langg kyxlingg sidjer-siong iacc si jing'iok ee insor druar jywhuew, danrsi hun'inx su'iaur siauqaiw driau lamsingr kia quann sewbin ee jinghongw.

Nng langg byy simliw ee inxcua

hun'inx si qniaa be tongx :ee

rair singx jurgnow siauqaiw

nng langg jiacc e hap jyr id

qethap ee quewdingg kansiap diyc

nng langg simlingg ee

kiw qnar, hunrhap

siauqaiw qapp huxnua

Ham' JEAN qethunx sii, qamxqag hex si virr dingr sibzirqer ee quewdingg. Sinlongg ixx qniaa hiongr sibzirqer ee simjingg qniaa hiongr sinniuu, sinniuu marr ixx qangrkuanw ee simjingg huwcud jurqiw. Hun'inx si horsiong qniaa jnriu sibzirqer ee hisingx.

Dirr hun'inx diongx

liw m si uirr duiwhongx

hisingx jurqiw

si uirr hun'inx quanhe

hisingx jurqiw

Jex si qethunx duar laii ee bunrdee. Liw rair mng jurqiw “guaw qamxx erdangr kaihongr jurqiw, duiww langg' juvix?” m si kaihongr hro jing'iok, si juvix. Guaw ee iwsur m si beh liw huwcud byy diauqnia ee air. Qra jurqiw byy diauqnia rinw moxlangg, ham' byy diauqnia air NEW YORK Ci soxu jurbinn si dua byy qang. Guaw m si DALAI LAMA, langg' qitai ix duiww juann sewqair muixx jit hxang surbut huwcud byy diauqnia ee air. Simrjir siongrder marr byy vanrhuad teqiongx byy diauqnia ee air, Ix e qra langg danr zip dergak neh! Guaw qywzinn marr byy zinruii byy diauqnia ee air si lixsiongw :ee. Lanw rair u hunvet ee linglik, qu'axqniaw dyrr si qu'axqniaw, hiaxee qaix bog :ee, dyrr qaix tuix/ qaix dngr. Sursit-siong, guaw u jit dniux jitt lui ee miadnuax, zuqyw e kamx did iong jamw tauu, guaw hnuahiw teqiongx cud laii.

Dng' guaw knuar diyc

duiwdik ee bin

guaw qamxqag qiaugno

Guaw zinruii byy diauqnia ee air si singwvuex (THE GRAIL), dirr siongrder/ xmoo jiqanx, ham' siongrder pnuawduan surbut hongsid byy qang., si ciauuat siongrder --- jex si qik hiongjongr kuikuah ee qingxsiong. Hun'inx-diongx byy diauqnia ee air si digding :ee/ u juanjur duiwsiong/ jiamduir moxlangg. Byy diauqnia ee air cngtangr soxu surbut, si jingsinn sing'uac ee jit hxang tudpuar/ benw kir guarkauw cue, ui'id cue e diyc ee soxjai si liw jurqiw simlai. Zuqyw si byy diauqnia ee air, anne bylun guarjai si sniaw longxx byy iauwqinw ar.

Tongx hiongr singwvuex ee quanqenr si juvix

ham' langg' jywhuew siurkow, qamxsiu tnazinn ee koxlan

hyxcincniu si liw jurqiw ee kow

huathen juvix lat ee langg

dyrr cue diyc singwvuex

Bunrdee si “guaw qamxx erdangr kaihongr jurqiw duiww tnazinn juvix?” duiww guaw laii qongw, juvix ee iwsur si “qiongrdongg siurkow”, liw sui' tiaur zip langg' ee koxlan-diongx, suacc uanjuann be qir .did jurqiw/ jursinx ee anguii, qycc jurhuatdig jyr liw qaix jyr ee dairjir.

Guaw zinruii jex ham' singwvuex iwsiong ee iwgi iuxquanx, in'ui dirliauu singwvuex ongg :ee, duxx si jurhuad mng bunrdee ee hing'uii, m si byy mng hitt xee bunrdee (jriw singwvuex tuanqii PERCEVAL soxx mng ee bunrdee). Tongsiongg langg e zinruii jitt jiongw jurhuatdig ee hing'uii e hro jurqiw cniurr jit xee duargongrdaix, byy guanrir jyr --- narr kir jyr, guaw e cniurr hauwdaix :ee. Hex dyrr si dirr singwvuex sniavyw sitvai ee le.

M si guaw jurqiw ee koxlan, marr m si guaw quansimx ee koxlan, kiokk cniurr guaw jurqiw ee koxlan hitt ngiu sui' ingxhiongw guaw, zircniaw lat qiongg qaxx hro guaw sui' u hingdong, jex jnuaxngiu kyxlingg?

------SCHOPENHAUER ----

Dirr <ULYSSES> derr snax jniux, JOYCE biysiaw STEPHEN qniaa dirr haixsuavox naxx mng jurqiw jitt xee vunxjitsingr ee bunrdee: guaw qamxx e be qir .did vyxho jurqiw, guanrir morhiamw siujuiw cud haiw, kir qiur jit xee uanjuann m bad ee langg? Dng' liw byy qor itcer kir qiur vuac lyc juiw ee langg sii, ingxuanw byy hxuad jaix si m si e hro ix tuax lyc juiw.

Jex jinjniar si sinvir ee su, si lixsingr byy hxuad qaixsueh ee dairjir, dirr henrsit qinggiam-diongx byy hxuad cue diyc zimrhyy qicow. Danrsi kiokk si siongrr suwsiongg ee su, muixx jit langg dy' u ee qinggiam, simrjir siongrr gne simdngg/ jursux-jurli ee langg, marr be uanjuann m jaix. Jitt lui sui' jywcud huanxingr ee le, dagg zit dy' cuthen dirr lanw binrjingg; moxlangg erdangr byy zimrhyy quawlu sui' crunx ciuw jo langg', simrjir duiww derr id crur duxbin ee langg erdangr byy qor jurqiw snewmia huihiamw, simx-diongx duliauw sniu diyc jitt xee langg su'iaur vangjan ixgua, byy zimrhyy qitnax sniurhuad.

---------SCHOPENHAUER ------

Quiw qywguec jingg, NEW YORK ee vywjuaw, vywdy jit xee javox ginxaw tiaur zip kir HUDSON Hyy qiur jit jiah qxauw, jurqiw cax jit sud aw rimx .siw, langg' mng ix uirsniaxmic tiaur lyc juiw, rinr qongw “hex si guaw ee qxauw ar.” lingrgua jit xee jabow ginxaw uirr qiur inx siyxmue/ siyxdi, nng vaiw jinwzip jit dongr dyc huew ee cur. Langg mng ix uirhyy anne jyr, ix rinr “guaw air inx”.

SCHOPENHAUER qongw, cniurr jitt ngiu byy qor jurqiw snewmia qiur langg ee hingdong, si dongsurjiaw vunxlingdig texzin diyc jurqiw ham' tnazinn si ittew ee jinliw, si lanw qiongriuw junjai ee qicow quann quer jinliw ee texgiam, byy qra jurqiw knuawjyr ham' langg' hunli ee cuwqib diwsig.

---------<Sing'uac Sinue>---------

Jex dyrr si lat, jiaxee langg m jaix inx si m si u qraur lat. Hex m si jikzim, byy qewsngr did-srid, si jit bak nih huatsingx :ee; si tudpuar junjai dirr lanw luersimx jinsit snewmia, hitt kig, liw iwsig diyc jurqiw ham' tnazinn sidjer-siong si ittew ee. Hex si qywzinn ee dua qakcnew.

Singjunn si snewmia cuwiaur huatjig

derr id huatjig si, lanw dy' si ittew :ee.

SINUE

sinue lenjiab lanw cingcnew ee iwsig qapp uxdiu ee ywvir.

Ingzii jaxqii huatdenw qaidnua, lanw erdangr quancad diyc mow quaw ciauuat siqanx venwcenx coqii “sinue” guanhingg jongrtair ee diaurtauu. Jex e dirr ingzii virr py li buxcinx sii cuthen, si iuwzii duiww sinkux huanwsiongw jysiu qongqig e u ee huanxngiar/ jurzenn hong'ue. “ingzii e sraiw singwde laii viauxdat, duer diyc ix simjniaa ee huanwsiongw, laijurr tiacpuar buxtew-lai ee mic ... ... ginxaw suar laii e qniax jiaxee ciongdong siurr vywhok, vixzu, ix tew-lai ee muixx jit hxang mic dy' e virr ow cud laii.” quawlu ix sinkux uanjingw ee jauluan/ dyr dngw kir buxtew ee huanwsiongw/ ingxsingx-vutbet cimdimm ee qiawbang/ duiwkongr lai-gua “siaog” lat, kaisiw inxcua ginxaw huatdenw-diongx ee simlingg; jiaxee lat e ensiok jniajyr aurlaii duarhanr zidsiongg sing'uac/ jingsinn uahdang/ jongqaur sinwgiongw qapp gisid siuhing ee sinqingx quanlingg huanxingr, simrjir jingwsiongg huanxngiar ee quatding iauwsor.

------<Cingbin Inghiongg>-----

sinue si jingxhap lanw luerjai lat ee snuawsyh.

Soxiw lanw binrlimm ee quanqenr bunrdee si ... ... zinlui zuhyy knuawtai sinue --- hex tuandat sinwsid ee huhy, duar u qamxjingg ee iwsiong, kaihongr qapp jixinw lingliong sinwhy ee jongxx jibhap --- dyrr si lanw ham' xe jit dai qautongx ee qangqu, tuansangr lanw sing'uac kuanqingw honghur qycc uac lingwlingr ee jixdyrsingr sinwsid; m si jiamduir zinlui ee quewkir/ mow quaw snacsimx ee birlaii, qyckacc m si jiamduir mow quaw vutbuanw/ dyvenr ee qauwpair/ duer liuhingg. Guaw e zinruii jitt xee bunrdee kuriuw quanqenwsingr, si in'ui zuqyw byy did diyc sikdongx ee qaixquad, qetqyw cniurr qywzinn qauwiok sitvai hitt ngiu --- ixx sinuerhak juan'iuw miasuu laii biysuad, soxui hngvox (WASTE LAND) ee jingqingw. Sewqair byy ham' ix quatongx, ix marr byy ham' sewqair qauliuu. Dng' jitt jiongw jinghongw huatsingx sii, naxx qiyy dng .kir ee henrsiong, qywzinn virr kiwsag, jingsinn uaxqin vangvnuaa, m si qnuaix dirr siyw cuwqingx ee jingsinhunledjiaw, dyrr si buhingg siauxvnerngi ee bongrsiongw penqiongg jxingr, hanxhuah ziiw.

--------<Sing'uac Sinue>-------

Sinue lenjiab lanw cingcnew iwsig ham' uxdiu ee ywvir, teqiongx lanw uxdiu ee derdoo/ dosiong, hro lanw erdangr ixx jurqiw ham' dairjurzenn jiqanx ee quanhe laii knuawtai jurqiw, cniurr lanw qongw diyc tnidingw ee ve/ dairde ji' buw, iuxhau jicii digding siarhue/ dyrdig dedsu. Siongrder dirr BERG SINAI sur MOSES jap qaiwling, si jitt lui ee le ji' id. Juewau sinue qycc jo lanw binrduir/ dro .quer, ui' cutsir qaur sixbongg ee byy qang zinsingx qaidnua.

Incuw qauwiok siauwlenn xe jit dai, zuqyw lanw hunwlen inx rair u puepnuar linglik, mair juanvnuaa jiapsiu quewkir qu mosid, diyh'air zinrbad qycc vue'iongw jurqiw congwjyrsingr amwlat, mair qandna' tingg dirr mow quaw jaxqii singbudhak/ siarhuerhak jingwbingg cud ee jancur, rair jniajyr birlaii jogqunn huatdenw honghiongr ee bohuan, anne lanw jiong' siongduir u linglik binrduir kacc hogjap ee bunrdee.

------<Sing'uac Sinue>------

Qivunw-siong muixx jit xee langg dy' su'iaur jit xee laurve, siaurqair siarhue quanhe hro qniaxzii, maxmah dairviauw dairjurzenn.

Jurr buxcinx hiax did diyc sinkux

Jurr laurve hiax did diyc

dirr siarhue-siong vnuaenw ee qaksig

Javox ginxaw rair vnuaenw luirsu vaxvah ee qaksig, jitt xee bohuan, ersaih si jniawbin :ee, marr u huwbin :ee. Liw kyxlingg iawsen laurve soxx quer ee sing'uac, mrqyxx liw binrduir :ee dyrr si jitt jiongw van, narr zinrdix hex si huwbin hongsid, liw itsingx e hiongr lingrgua jit bin huatdenw. Byy vaxvah jitt xee qaksig, cavutdyx byy kyxlingg iuxhau lenjiab jurqiw dirr qadingg-lai/ guarjai sewqair ee qaksig.

Duiww jabow qinxaw laii qongw, vaxvah si ix ham' lamsingr derr id crur ee cinbit quanhe. Narr kiamr liauw vaxvah, maxmah diyh'air vnuaenw siangdingg qaksig, guaw zinruii dirr ginxaw simqnuadew e uirr jurqiw byy vaxvah quaiwjue maxmah, si “ liw cniuxduat hitt xee juadduir e inxcua guaw/ qauwdy guaw ee langg” ee qamxqag.

QIMJNII

In'ui liw huwcud snewmia, snewmia dyrr ixx siongduir ee qimjnii huevyr liw.

Jnii si amwbih ee lingliong, tauxvangr cud jnii dyrr si tauxvangr snewmia ee kyxlingsingr. Liw liauxqaiw jitt xee qingjer juxdy ee siarhue, snewmia ee kyxlingsingr jinjniar si knuar liw iongxiuw zuarr je qimjnii.

Danrsi lingrgua jit bin, jnii duiww guaw ingxuanw byy kuriuw iwgi. 1929 nii WALL STREET dua vairci jingg snax lexvair, qetsog liauw Aujiux hagsingx sing'uac dngw laii qaur Bixqog, sinkux soxu ee jnii jixsirr dairhak sidai dirr haghau JAZZ gagtuann enxcud tanr laii ee quiw cingx kox Bixqimx --- dongsii sngr je lor --- itdit qaur jit vid jnii kaix uann jingg, guaw soxu :ee, jixu jiacc je. Go nii lai byy tanr jit sxenw zip laii. Huathen zuqyw byy jikzim gibu, e ing did byy jnii iuguann quer qaxx jin' u iwgi. Sursit-siong, guaw qamxqag uirr jnii qangjog si hauwdaix, bad jiuwjua quer byy uirr jnii buatuax. Danrsi vingrr m si viauxsi guaw ter langg qangjog, be iauqiuu duiwhongx hrur jnii, e tec guaw qaix tec ee jnigiac, vutqyr si jingxqyy quewdingg ee cuwiaur vorhun. Guaw ee sing'uac honghiongr juadduir m si knuawdiong qimjnii ee. Qetqyw guaw jyr liauw simlai sniu beh jyr ee dairjir, suacc dua tanr jnii. Zuqyw liw marr anne jyr, hex viauxsi liw soxx jyr ee dairjir e kib jnii, in'ui liw huwcud snewmia, snewmia ixx siongduir ee jnii huevyr liw.

Zuqyw liw junjiaur luersimx jinsit ee hixlok

liw jongxsi e did diyc hixlok

bylun si m si tanr jnii

zuqyw liw duiziog qimjnii

liw kyxlingg e sitkir jnii

juewau sniaxmic dyrr byy

Guaw quewkir ee vuerqingw, ixqibb cuwbi genxqiur ee lingxhik, jin' knuar kinx ziog jnii uac ee langg. Jitmaw, guaw tanr diyc jnii, dirr ham' jnii qauongw ee quewdingg-diongx, diyh'air ham' hiaxee jnii sna' jiyhox, qycc ham' itsingx dirr jniduix linr ee langg jicjiab, duw diyc jerje cuwbi qycc hro guaw qniaqii ee qinggiam, --- inx si jiacc iusiur ee langg.

Qra qimjnii knuar jyr sing'uac ee lingliong, sursut-siong si bingngiu ji' id, jiong' jnii lrauu cud kir, m si liuxjig kiw laii, si cam'uw tnazinn sing'uac ee mosid, jiong' jurqiw hongrhenr qimjnii sing'uac ee hongsid, qingwzenn erdangr singdiongw cud bixle ee surbut, jex hro guaw qamxqag iwgua.

Henrdai ee sing'uac, qimjnii si jit hxang belangg ee lingliong laiguann. Narr u iutangw hiacc dua kax jrngx buanw ~ ee jnii, dyrr ersaih jairr liw kir guanlaii berdangr kir ee soxjai.

Liw rair unriong liw jurqiw kaihuad cud laii ee iuser, zuqyw hongwkir iuser, birlaii jap dxangx liw jiong' binrduir huwbin ee hauringr. Guaw ee iwsur si, dng' liw qniaa quer jit xee qywzinn zinsingx dngxjuanxdiamw, tiaur quer muixx jit xee quankah, itding si qang jit xee liw, liw be ce qe lyc kir, e ui' jitmaw ee uirdi cuthuad, zen'au dyrr e u zuxx laii zuxx je ee singqyw ui' jiax kuix huex qed jiw. Ui' liw jursingr-diongx huatdenw cud laii ee amwlik, erdangr jinr jit vo unriong dirr xe jit huee ee morhiamw.

Ui' guaw qinglik quer ee NEW YORK gersut huatdenw laii knuar, daujux jnii itding e u qetqyw ee, u jnii e u snewmia ee juixlauu. PAUL MELLON congwvan BOLLINGEN FOUNDATION, guaw dirr jiax jyr dangxsu sii, ham' jitt xee u jnii langg qauongw si songxkuair :ee, inx angbow nng langg dy' bad dirr CARL JUNG hiax jyr quer simliw hunsig. Zi Crur Dairjenr voghuad sii, inx virr vig lirkuix SWISS, mng JUNG beh air sniaw lexmic, in'ui inx sniu beh viauxdat duiww JUNG uirr inx soxx jyr itcer. JUNG qenwgi inx singlip jit xee qaixsueh/ genxqiur siongrdingx ee qiqimhue. Aurlaii inx jinjniar singlip liauw qiqimhue, jex si jit dua vid qimjnii iong driyc soxjai ee le. Jitt xee qiqimhue ee BOLLINGEN jit herlet jongsu duiww Bixqog bunhak/ kyhak ee ingxhiongw qik cimx. Byy juqimx, jex itcer longxx benw qongw.

Vutjiw rair u lingliong, marr rair u liutongx ee linglik --- u jitt jiongw vanrhuad, snewmia jinjniar e kuix cud hueliuw/ qed jiw. Narr iong m driyc soxjai, hiyrqyw kyxlingg jin' giamdiong. Dirr qokqax/ sniaci ee qingjer, qimjnii lauhiongr si dua hagbun, lauhiongr narr he m driyc xui, liw e qra siarhue ui' ong venwjniaa qodax.

Guaw jongxsi zinruii langg ersaih qra guarjai siarhue qewdat juanxjyr luerjai simliw qewdat. Jex ham' lingliong ee hunpuer iuxquanx. Zuhyy unriong liw ee qimjnii? Liw iwsig-diongx si dyhh jit hxang insor jipuer liw kaix jnii? Kyxvixqongxx, guaw u jit vunw dingrqer cid-jap-go kox ee sinx ceh beh cutvanw, u quaw langg zinruii hex jin' quir, danrsi jiaxee langg kiokk guanrir ham' langg' jiac jit dxngr vng iong driau jit-vah go-jap kox. Liw ee jnii si beh sringx quann qaur liw simlingg? Iacc si qangr lyc qaur liw ee ui? Jiurr simlingg jitt hongbin, liw byy hxuad tewdai gauw jitt vunw ceh; uirdngg hongbin neh? Liw erdangr brew kacc siok qycc qangrkuanw u ing'iongw ee mic.

QNIAA DIRR JURQIW EE LO-SIONG

Zuqyw liw qniaa dirr jurqiw ee lo, dairjir dyrr e cniurr liw soxx qitai ee, in'ui hex si liw jurqiw ee lo.

Narr sniu beh tec diyc hag'ui laii vangvow jurqiw ee jurviqamw, guaw krngr liw hongwkir jitt xee jingqed, jex si langg sniu cud ee surbut.

Dng' liw beh tec hag'ui sii, byy hxuad jyr liw sniu beh jyr ee su. Rair liauxqaiw qycc jiauww jixdy qauwsiu beh liw jyr :ee kir jyr, jiacc tec e diyc hag'ui. Liw narr si uirr beh cruw diyc qar ceh juqeh, anne ixx siongrr qinw/ iong'i ee hongsid, tec diyc hag'ui au, liw jiacc erdangr kokdenw haksip lingxhik, jinjnair kaisiw sriu qauwiok.

Sincingw diyc kir Aujiux tagceh ee juangiac jiangxhagqimx au, suanxdik kir PARIS Dairhak. Genxqiur diongrdiamw si Diongsewqiw Huatqog bunhak/ danglamvo PROVENCE derkux gixgenn qapp gimcniur sizinn ee sujingsix. Langg jit qaur Aujiux, huathen liauw henrdai gersut ee lingxhik: JOYCE/ PICASSO/ MONDRIAN ...dringw jit dua pruex gersudqax. 1927~1928 nii PARIS uanjuann si lingrgua jit jiongw binrmau. Aurlaii juanw qaur Dikqog, kaisiw tak SANSKRIT, air diyc Inwdorqaur, Huathen CARL JUNG. Jit sidnua soxu ee surbut hro guaw bagjiux qngx .kiw .laii --- jitt xee/ hitt xee lingxhik ..., gnoxsig qongcaiw, hitt sii guaw ee bunrdee si : guaw qamxx beh dngw kir guanlaii ec ~ ee genxqiur huanruii? Duiww Diongsewqiw CELTIC kisu tuanqii ee hingwtauu ixqingx siaux byy .kir .ar.

Ham' haghau camsiongg, guaw byy air qycc jyr jitt hongbin ee genxqiur, haghunx ixqingx u qraur ar, cunx lunrbunn siaxjog ziiw. Haghau byy puejunw guaw qaixvenr genxqiur ee tegi, guaw qra qaqi qongw, jairr ix kir! Guaw beh kir ciurnaa-lai tak go dxangx ee ceh. Byy tec diyc poksu. Guaw beh yc byy uirr zimrhyy surbut uac, juriuu jurjai, jit diamw aw dyrr byy jikzim quawlu, jin' janw!

Liw su'iaur iongxkir

kir jyr jurqiw sniu beh jyr :ee

qitnax ee langg

uirr liw quiue jit dxuix qewue

byy langg e qoxbow liw

jyr liw sniu beh jyr :ee

inx beh liw qewsiok inx ee lo

danrsi liw erdangr jyr liw jurqiw sniu beh jyr :ee

guaw dyrr si anne

druar dirr ciurnaa

tak ceh go dxangx

1929~1934 nii jongxqiong go dxangx, unxqux dirr NEW YORK WOODSTOCK jit qingx puar cur, soxx jyr :ee qandna' si knuar ceh/ jyr vitqir. Hex si qingjer duarvangvai ee sidai, sinkux byy vnuaw sxenw, NEW YORK u jit qingx guaw sigsai ee cecsiongx STECHERT-HAFNER, dongsii FROBENIUS ee ceh jin' quir, inx qra ceh qiar hro guaw, byy sui' beh siux jnii, hitt siqii langg jyr dairjir ee hongsid, itdit danw qaur guaw cue diyc qangjog u siuzip au, jiacc hrur jnii hro inx. Hex jinjniar si qyquir ee hing'uii, guaw jinjnair qamxdong.

Tak quer JOYCE/ MANN/ SPENGLER ee jokpinw. SPENGLER qongw diyc NIETZSCHE, kir cue NIETZSCHE ee ceh knuar, qycc laii huathen diyh'air singx tak SCHOPENHAUER, suacc laii jiacc jaix rair singx bad KANT. Guaw ui' KANT kaisiw, jex m si iong'i ee quewdingg. Qycc laii si GOETHE.

Ho'ngg hnuahiw :ee si, jaix JOYCE jokpinw soxx cuxliw ee sowjaii si siyqang ee. Ix jurlaii m bad qongw diyc SCHOPENHAUER, mrqyxx guaw erdangr jingwbingg SCHOPENHAUER si JOYCE soxx qenwqor hertongw ee diongriaur qaksig. Aurlaii tak liauw JUNG, knuar cud ix susiongw qetqor qivun-siong ham' SPENGLER sna' qangg, guaw jiong' jiax soxu jailiau jibhap kiw laii ... .

M jaix jitt go nii si jnuaxngiu quer ee, danrsi cimsinr jurqiw u huatdo quer kacc dngg .quaw jitt jiongw ee zidjiw. E qir .did u jit vaiw dirr tuah-aw siongrr dingxbin he jit dniux jit kox ginpiywjuaw, guaw jaix jixiaur qycc u jit koginn dyrr be kiamr juguann. Hex jinjniar jin' kinsangx, uanjuann byy hurdamx, jit diamw aw dyrr byy. Hitt jiongw sing'uac suxx langg hixlok --- siaw zidqir, cir cue cud jurqiw air sniaw, qaur dnaxx iuguann vyxliuu hitt sii ee zidqir, qycc henkuix knuar sii, lenrr jurqiw dy' byy hxuad siongsinr.

Sursit-siong, bad cax jit sud aw --- cax jit diamw aw, anne sniu --- “tniqongveh :a, guaw hibang u langg qra guaw qongw, guaw rair jyr sniaw” jitt lui ee dairjir. Juriuu iwbi suanxdik, muixx jit xee quatdik dy' ham' miarun iuxquanx. Beh dirr guarjai sewqair cue diyc liw luerjai hertongw soxx snacsimx :ee sna' huhap, si jin' lann ee. Guaw jitmaw ee qamxsiu si, guaw u quer quer uanbiw ee sing'uac: su'iaur ee mic duxhyw dng' su'iaur sii cuthen. Hitt dongsii soxx su'iaur ee sing'uac dyrr si go dxangx byy qangjog ee zidjiw. Jex jin' diongriaur.

Cniurr SCHOPENHAUER soxx qongw, dng' liw hueqor jitsingx sii, naxjunxx si quiue .quer ee qiogvunw, danrsi srinx jairr qidiongx sii, kiokk si luan caucaux; jixsirr jit xee jriab jit xee ee iwgua. Huetauu qycc knuar, si hiacc uanbiw! Incuw, guaw ee lixlun si, zuqyw qniaa dirr jurqiw ee lo-siong, dairjir dyrr e cniurr liw soxx qitai :ee, in'ui hex si liw jurqiw ee lo, jurlaii byy langg qniaa .quer, byy jingg le hro liw jyr camkyw, soxiw huatsingx ee muixx jit hxang dairjir dy' si ho'ngg iwgua qycc hiacc sikdongx.

SPENGLER qapp JOHN STEINBECK

Hiax u jit dxuix jin' janw ee langg, dagg zit byy dairjir jyr, m jaix xe jit vo beh jyr sniaw ... ...

Dirr WOODSTOCK jit dnxua siqanx au, guaw quatding beh kir cue kangkuer, dongsii guaw u jit daii ser jiah FORD, dyrr jurqiw sraiw ciax ui' danghnua jam duiww sevingg .kir, itsingx dy' be be qir .did jitt jua lo. Jit lo knuar diyc jerje ciax qowjiongr tingg dirr lo-vnix, qui' qekauw dyrr anne virr kox dirr ciax-lai. Hex u qraur camw ee. Dnaxx lanw jin' lann liauxqaiw hitt sii ee jinghongw.

Ui' NEW YORK cuthuad, singx hiongr lamm qaur VIRGINIA, dirr jit jxy bixle/ tenzenn hingsingg ee qiyy-dingw tingg nng diamxjingx, simlai sniu diyc dong'nii WASHINGTON jongxtongw ixx cikliongg qisux laii qaur jiax ee jingqingw, ixqibb siongquanx surhang. M jaix jnuaxngiu, qamxqag narr u damrvyc hiauxgo diyc sniaw, qra dongwjyr jit xee diongriaur qinggiam, siaw dirr zidqir.

Qaur sehnua au, hiax marr byy qangjog. 1925 nii guaw ui' HAWAII dngw laii Bixqog vunxtow sii, dirr junn-dingw bad jit xui hitt sii druar dirr SAN JOSE ee jaboxginxaw. Gunw itdit u lenlok, byy dingrqii horsiong qiar bingsinwpnir ji' lui. Hitt dongsii guaw anwsngr ongw lamm kir Vag Qajiux CARMEL, simlai sniu “uad kir IDELL ham' ix pah jiyhox .jit .xe.” soxiw guaw dyrr kir cue ix. “liw beh kir CARMEL? Guaw marr beh kir, gunw jexjew druar dirr hiax, ix sniu beh ham' jit xui sniu beh jyr jokqax ee siauwlenlangg qethunx. Guaw siaurqair hro linw sigsai.”

Inx jexjew qethunx ee duiwsiong dyrr si JOHN STEINBECK, gunw dyrr anne sigsai ar. Guaw huathen hiax u jit dxuix jin' janw ee langg, dagg zit ingg ~ m jaix xe jit vo beh jyr sniaw, jitt dxuix langg u JOHN STEINBECK angbow, RICH LOVEJOY hucex, RICH ee bow TAI NATALYA si ter STEINBECK paczi, qycc u ED RICKETS si STEINBECK siyxsuad <CANNERY ROW> ee “DOC” jitt xee qaksig, RICH/TAI si jit duir angbow. Qycc qex qongw .jit .xe, hitt zit uirr guaw qixhingg ee hnuagingg PARTY, aurlaii STEINBECK marr qra guw siaw zip <CANNERY ROW>.

Hitt jun duliauw ED ixgua, byy langg u qangjog qapp siuzip, dag'ee dy' “byy zimrhyy siarhue quanhe”, qandna' siwqer sniu vanrhuad. STEINBECK itdit byy tingg siaw siyxsuad, duxx uansingg jit vunw <PASTURES OF HEAVEN>, kaisiw siaw <TO A GOD UNKNOWN>. Guaw jit qaur, dyrr qra guaw qongw, “laii, laii jiax, guaw liam derr id jniux hro liw tniax.” Dirr hitt sii guaw zi-jap-veh huer, STEINBECK iokk snax-jap-sir ~ go huer, ix ter guaw cue jit xui jiamrsii druar ee soxjai, derr sir qrex jit qingx hyrjyr CANARY COTTAGE ee siyxcur, qecviah si ED ee cur.

Langg narr besid, jinjniar si sitkir honghiongr. Guaw hitt sii byy zinsingx dethak. Jurr COLOMBIA Dairhak cutgiap au, sniaxmic dyrr byy --- kyxciyr :ee si, qycc tak quer M.DEWEY (1851-1931) ee sidjingwjuxgi. Dirr CARMEL ee dosuquanw, byiwdiongx jurr cecqer-dingw tec diyc nng vunw ceh, si SPENGLER ee <THE DECLINE OF THE WEST>, jitt vunw ceh hro guaw naxx virr luii kar .diyc, ceh nirr anne qongw “siauwlenlangg, zuqyw liw sniu beh dirr sewsiong u miaa, qra uervid ham' siaw six ee vid kngr dngw kir qxer-dingw, kir giac qihaii vanxaw iacc si huatlut ee ceh.” guaw qra STEINBECK qongw “ liw rair tak jitt vunw ceh.” guaw knuar uann derr id ceh au, dyrr qra ceh tec hro STEINBECK. Byy zuarr quw ix huedngw laii qra guaw qongw, “uaa! Guaw berdangr knuar jitt vunw ceh, jinsi jit vunw gersut qedjog. Ix virr junr dinxdong jiokjiog nng lexvair byy hxuad siaxjog.

U jit zit, ix ui' <THE DECLINE FO THE WEST > ee lueriongg cingcnew quer laii au, naxx qniaa naxx iong ciuw syx sinkux nng vingg qongw “guaw qamxqag jin' u congwjyrlat.” SPENGLER jongxsi laihuee qniaa sii, syx jurqiw sinkux ee ngg vingg. Aurlaii qycc u jit zit, ix laii guaw jiax qongw, “guaw ixqingx bre cud <PASTURES OF HEAVEN>, cutvanxsiongx dongsii brew guaw xe nng vunw ceh.” Guaw jitmaw jaix, cutvanxsiongx dirr brew derr id vunw ceh vanxkuann au, itding marr e brew liw xe nng vunw ceh, in'ui inx benw qycc jyr qongxqyr ar, qyckacc be qra jitt xee hyxkangx :ee vec ~ hro vadd langg tec kir. Hex jinjniar si bixhyw ee zidjiw, gunw kuix PARTY kingwjiog.

Tak SPENGLER ee ceh duiww guaw laii qongw, si jit xee jin' diongriaur ee qinggiam, ceh knuar uann au, guaw qra ED qongw, “liw jaix guaw itsingx dy' si hiyxding snewmia, jitmaw guaw siongrr hyw kaisiw kingxding snewmia.” “hyw ar! Kingxding snewmia ee hongsid dyrr si limx jit xe qaur gxiac, juir qaxx maxsex ~. Lanw laii jit xee siauxqongg ee PARTY! “ hitt sii m na qingjer duarvangvai, marr si qimr jiuw ee nidai. ED qongw, “guaw kir tec sidgiamrsig ee jiuxjingx, jaiww qazip qitnax mic.”

Tniqongveh :a, hex jinjniar si siauxqongg ee jit amr! Ix qra qyxjiab/ jiuxjingx lam dirr jit xee dua nguaw-lai, zen'au qycc he zip jit xee kacc dua ee nguaw, vnix :a kngr qanvingx vyxcii lingxdo. PARTY iokk ervox sir diamw kaisiw, qaur derr zi zit tauwjaw snax diamw sii, jit daii qingxciax tingg dirr mngkauw, nng xui qingxguann qniaa zip laii, qongw “linw jiax decc vnir sniaw qxuiw?” STEINBECK bad inx, qongw “gunw dngdecc kuix PARTY, laii, laii limx jit vxuex”, dirr jex jit diamxjingx jingg gunw dyrr byy qycc limx ar, duarnguaw-lai lenrr iamjuiw marr camx lyc, lairdew u jiuxjingx/ qyxjiab/ iamjuiw l.-lamrcamx-c., hitt nng xui qingxcad limx lyc m jaix sniaw ee imxliau au, bagjiux siongr gunw, naxx decc qongw “linw si limx sniaw nguaxqyx?” jex si qowsu ee juanvo.

VNGRSICINGR qapp NIAUXCI

STEINBECK qycc uirr jex siaw jit pnix qowsu ...

ED si hitt dongjun ui'id u qangjog :ee. Ix u jit qingx sidgiamrsig, trer hagsingx sojip haixsimx/ haixte (juixbuw) ... jitt lui ee mic. Ix hruat jit qrunn haixvnuaciax ee nxng, zen'au dirr inx byy qang singdiongw qaidnua ced pnir, siong singbut kxyr sii hro hagsingx knuar jingxqyy singdiongw quewdingg. Tewlauu sii, cniurr SANTA CRUZ kacc iong'i liac ee soxjai, gunw dy' e lyc haiw kir sojip jiaxee singbut hro ED.

Ix duiww dongrbut u jit tyr vanrhuad. Sidgiamrsig langw-lai u nng jiah vngrsicingr, u jit zit ix iaucniaw gunw juanvo kir camquanx ix iong vec niauxciuw cri juaa ee jinghingg. STEINBECK digvet uirr jex siaw jit pnix qowsu. Jitt jiah juaa ixqingx kunr quixarr lexvair --- juaa byy dairjir jyr dyrr si kunr. ED qra vec niauxciw kngr zip juaa langw, gunw dy' kia jit vnix knuar, m jaix jnuaxngiu, dag'ee dy' jurdong kia dirr niauxciw jitt vingg, niauxciw siwqer pnri ~ lehh, dirr juaa sinkux-dingw vreh jit diap aw quw, juewau jaix jiax m si hyw soxjai, dyrr dirr langw-qag anjing jre lyc laii. Vngrsicingr juwsinn knuar niauxciw, hiongr jingg suaw dinxdang, zen'au “cuc” jit sniax, niauxciw pnirtauu sui' cuthen nng diamw angg ~ ee, tauu giac quann sec nng linr, sec dngw laii guan'ui, siw .kir .ar, juaa jitt sii iauxx si uac ee, gunw qycc kia dirr juaa jitt vingg, niauxciw ee sinkux viw juasinx duiwdit kacc kuah.

ED qongw, “jitmaw juwir knuar juaa, ix e packuix erhaii.” juaa cuiwerdauw packuix kaisiw tunjiac, jitt sii liw erdangr knuar diyc juaa cuiwhingg ee venwhuar, in'ui cuiwnua u siauhuar qonglingg. Guaw erdangr qra liw qongw, liw e qamxqag hitt xee mic naxx dirr liw ee aukangx lehh. Siongrr quaiwqii ee qingxsiong cuthen dirr vngrsicingr jiac qaxx tiamw sii, niauxciw ee nng qix kax qapp buexliux iauxx dirr juaa ee cuir gua. Vutqyr aurlaii longxx jinwzip vxag-lai lor.

ANX DRUAR DIRR U QUISIOGQAMW EE SOXJAI

Jiapsiu jurzenn ee qetqyw, hiyckax dirr liw iwair ee soxjai.

Hitt quiw nii sing'uac ee d.-diamxdih-d. uac lingwlingr dirr guaw qiwig-lai. GOETHE nng vunw jin' janw ee ceh: <WILHELM MEISTER'S STUDENT YEARS> qapp <WILHELM MEISTER'S WANDER YEARS>, biysiaw jit xee langg dirr liulong sii duw .diyc ee qinggiam/ zinbut. Jinjniar ee, lanw kaksit ixx hitt jiongw hongsid texgiam snewmia. Byy sniaw si be venr ee/ byy sniaw si lixsow-dongzenn :ee. Muixx jit qnia surbut dy' u jurqiw ee digsig/ muixx jit hxang dairjir dy' u kyxlingg huatsingx; soxu ee surbut dy' si snuawsyh, soxu surbut dy' ham' liw qauliuu qiongrbingg, jinsi qibiau. Hyxcincniu liw u jit qxongw huisiongg bingw ee pni, e jiong' liw cua qaur qaix kir ee soxjai. Dng' liw ixx jitt jiongw hongsid luxhingg sii, dyrr e jinwzip hiaxee zinsingx bixbiau siqanx-lai --- vixzu, dirr CARMEL ee dosuquanw guaw crunx ciuw cue diyc jit vunw qaixvenr miarun ee ceh. Sursit kaksit si anne! Hitt vaiw ee liulong si guaw zinrbad surbut ee jit xee qihue, qamxqag diyc jit xee quisiok ee soxjai.

Cue jit xee qowding ee qangjog, jidsiwlangg jiongbuew quer diyc byqiok zidjiw ee langg si zuarr kyxlenn lehh ... ... jit xui ving'iuw hro guaw jit dniux cingdnuax, let cud jit quaw hro liw jaix jurqiw ixqingx lau ee su. U quaw jin' hyxciyr, uree jin' giamsiog. Qidiongx jit hxang si “ ... dng' liw qa diauu jit der u jriab ee gubah sii, liw ee cuiwkiw si ham dirr bah-lai.” lingrgua jit hxang si “ ... dng' liw qajiah sitkir jok'iong viw liw guarcud kacc je vaiw sii.” “ ... dng' liw knuar diyc jit xui suiw qoniuu, ciakor mng suacc sriu liw simjong diaujingxkir ee qanziauw laii packuix sii.” siongrr giamdiong :ee si “ ... dng' liw vreh jnriu lautuix siongrr quann buexliux sii jiacc huathen lautuix kyr m driyc vingg viah.” jerje langg dy' si anne. Jinjniar kyxpnar! Suar lyc laii, dairjir dua diauu lor! Rair lyc lautuix qycc ui' tauu kaisiw vreh ... ? Or! qra lautuix vangr be qir .did, huniuu siwqer texgiam dyrr hyw!

Hitt sii guaw ungyy veh qywguec. Yc liauw Huatbunn/ Dikbunn/ SPANISH au, sniu beh yc derr sir guargiw, dyrr suanw liauw RUSSIAN. Tak <Jenwjingx qapp Hyvingg> si RUSSIAN guanbunn. Jitmaw guaw qinvunw zin be cud nng zri ee RUSSIAN, mrqyxx hitt sii kiokk in'ui bad RUSSIAN, jiacc u qihue jinwzip L.A. ee RUSSIANS ibinn siarkux, hiax druar :ee dy' si RUSSIA qikbing au jiacc laii Bixqog ee. Hex jinjniar si bixbiau ee qinggiam. Byy zuarr quw au, guaw qycc sraiw hitt daii logkogbew, qewsiok kir qitnax soxjai.

Diamr Qajiux iokk jit dxangx au, dngw laii NEW YORK, cue diyc jit qingx irvirkyx javox haghau, jit dxangx sinsuiw qauw-vah kox ee qangjog, si qar Dikbunn/ Huatbunn/ qoxdai ligsuw qapp Ingbunn, dongsii marr rair jiauwqor inx jaixkiw kixcngg/ amwmee kir kunr, qar inx rair u quiqiw/ cua inx kir unrdongrdniaa jauw ~ tiaur ~ lehh. Qra linw qongw, hex uanjuann si lingrgua jit jiongw sing'uac, guaw byy hxuad zimxsiu. Qangjog kuanqingw iubiw, marr si jin' hyw ee qangjog, danrsi guaw jaix jex tuatli guaw guanlaii ee lo. Anne guaw sui' qycc dngw laii qaur qingjer dua vairci ee sing'uac hongsid.

Or! hiaxee dy' si uixdai ee qinggiam. Jixsirr siwqer cittyy, ui' qidiongx cue cud jurqiw sniu beh jyr :ee/ byy sniu beh jyr ee dairjir. Qandna' sniu jurqiw luersimx zinruii u iwgi ee su. Guaw byy hxuad siongxsiong u langg erdangr m si anne quer zidjiw. Byy dairjir jyr ee sii, byy viw knuar ceh qyckacc hyw :ee!

Dng' liw byy dairjir jyr, siwqer luarlua syy sii, soxx sniu :ee, jixsirr hitt zit jyr liauw sniaw, m si birlaii liw beh jyr sniaw. Dng' byy dnax zimrhyy jikzim sii, u nng hxang su liw juadduir benw quawlu: iaux vakdow qapp langg' e jnuaxngiu knuawtai liw. Liulong ee jniawbin iwgi si, byy kir sniu sinx ee surbut, mair kir sniu singjiu, byy zimrhyy jitt lui ee su, qandna' sniu “guaw dyhh qamxqag be baiw? Si sniaw hro guaw hixlok?”

Guaw si qongw jinx ee, jex si huisiongg qivunw ee. Qra jiaxee u aplik ee qaiwliam danr driau, zen'au liw jiacc e cniurr dngxvnuaa-dingw ee qiuu, jaix jurqiw jiong' beh tingkax dirr dyc'ui, dngxvnuaa-dingw ee qiuu be qongw, mr! Langg' zinruii guaw tingg dirr jiax viw hiax kacc hyw.” jiapsiu jurzenn ee qetqyw, tingg dirr liw qac'ir ee soxjai. Jinjniar iauwqinw :ee si, anduar dirr liw zinruii u quisiogqamw ee uirdir, langg' beh jnuaxngiu sniu si inx ee bunrdee.

”Inx e jnuaxngiu knuawtai guaw?”

----- jitt xee bunrdee rair danr jit vnix, uirr duix jurqiw ee hixlok.

Verbuw jurlaii be qiongvig guaw jyr jex/ hex. Jitt diamw si guaw hyxzirun. Siurr S.LAWRENCE hagngi iaucniaw jingg, dyrr quatding jurqiw byy su'iaur qangjog, marr byy sniu beh jyr dairjir. Qangjog joxgai guaw tagceh, mrqyxx jaix juann hrau longxx si jap-cid ~veh huer ee qoniuu au, guaw sniu “hyw or! Anne be baiw.” kakding u jitt xee qangjog qihue sii, guaw ixqingx snax-jap huer ar, vaxvah qongw “JOE, guaw byy zinruii liw e jniajyr jit xee u hagbun ee iubinn.” danrsi dirr guaw u qangjog jingg, ix jit qxur ue dyrr byy qex qongw, jinsi jit xee hyw laurve. Dng' <Cingbin Inghiongg> cutvanw sii, ix qongw “guaw zinruii jex e si jit vunw jin' janw ee ceh.” qongw jitt xee ue sii, ix iauxx be knuar quer neh! Mrqyxx ix dyrr si hiacc sinwzim ix ee qniaw!

Guaw liauxqaiw siwqer longrliuxlenx ee sing'uac hongsid duiww yc kyhak ee langg laii qongw, si jin' pnaiw jiapsiu :ee. Kyhak u teqiongx birlaii jenqingw ee kinghiongr, liulong soxx texgiam :ee si sinvir iuxqix quewdingg, cniurr jit jangg ciu ee singdiongw, m jaix jurqiw xe jit vo beh crunx duiww dyhh kir, ciurqix kyxlingg e ui' jiax snex cud laii, marr kyxlingg ui' hiax vuh cud laii, iacc si qycc lingrgua jit xee honghiongr. Zuqyw erdangr unxjunw ix juriuu singdiongw byy qax zimrhyy aplik, su au hueqor sii, liw e liauxqaiw jex si jit xee iuxqix huatdenw quewdingg. Jixiaur e qir .did PERCEVAL byy uansingg ix ee zimrbu, si in'ui ix junjiaur vadd langg qitai ix kir jyr ee enqor.

PIACBENW DUIRZIP HNGVODE

Liw erdangr ui' soxx jyr ee dairjir did diyc snewmia ee qamxqag, narr byy jitt jiongw qamxqag, anne liw dyrr si qinqir vadd langg soxx zinrding ee ingwqaizenn qaiwliam singjunn.

Singwvuex inghiongg --- digvet jriw “dua gongrdaix” PERCEVAL --- tanxvec/ sutdit/ dansunn/ byy sna' luan qab/ si qysiongw ee dairjurzenn qniaxzii: jit diamw aw dyrr byy qanjar qycc qionglet qitai jingrhuar jursinx. Sizinn WOLFRAM VON ESCHENBACH anne biyue singwvuex inghiongg druar dirr ciurnaa ee sewhanr siqii: “ ix m jaix visiongx, soxx tniax .diyc ee jixsirr jiauxjiah qamdnix ee quasniax, cngtangr quer ix simlingg, packuix ix ser ~ ee simhing: jurzenn tensingr qapp snacsimx ee sraiw drang.” PERCEVAL ham' ix qyquir ee maxmah nng langg unxqux dirr ciurnaa-drew, qapp ix dramm siongrder/ SATAN, ixx qongbingg/ oamr kuvet inx, mrqyxx PERCEVAL ee hing'uii kiokk camcab liauw qongbingg ham' oamr, ix m si tensair/ m si singwzinn, si jit xee uac lingwlingr duiqiuu hingdong ee langg, cutsir dyrr jah laii iongxkir/ juvi/ diongsingg ... bixdig, qending ee sinwliam --- m si ciaujurzenn undenw --- jiongbuew ngiaa diyc singwvuex.

------ ESCHENBACH <PERCEVAL>/ CAMPBELL <OCCIDENTAL MYTHOLOGY>

PERCEVAL bad jinwzip singwvuex sniavyw nng vaiw, derr id vaiw si sitvai ee, hitt sii singwvuex ongg dirr jenwdniuu siurr iamx driau, sewtauu byy .kir. PERCEVAL jin' jurzenn sniu beh mng ix “dyhh m driyc ngiu?” danrsi ix tniax qongxx kisu vutqaix suiven mng bunrdee, uirr icii jurqiw qyquir kisu hingsiong, ix apjer jurqiw juvi ee jurzenn vunxlingg, jauxcue singwvuex ee zimrbu incuw sitvai.

.... juewau, cniurr PERCEVAL ee jinghongw qangg, ui'id luerjai inxcua ix qyquir ee simx, si ui' hitt xee ham' uxdiu jingxtew quewdingg qang jid ee AMOR, dyrr si ix simdiongx vunxsingr siongrr cimkig ee jingxjiw-diongx qakcnew ee guarjai cuarniaw, suiw ee iwsiong/ sinsingr ee qonghuix ... dringw, “dyrr anne henxhen lor.” dirr jitt jua snewmia congwjy ee morhiamw luxdingg, singqongx ee iauwqnia ... u iongxkir hongwha quewkir, huequix jinliw/ bogviaux/ kuriuw “iwgi” ee sinwliam qapp tensingx amwlik : dirr sewqair siw .kir, ui' luerjai snex cud sinx snewmia.

------ Campbell <Congwjyrsingr Sinue>

jap-zi sewqiw si

duicue luerjai jinsit hixlok ee sewqiw

Singwvuex siongrdingx zinlui sing'uac siongrr quann ee jingsinn sidhingg. Muixx jit xee snewmia dy' u moxjiongw qyciaux ee sidjingr, muixx jit xee snewmia dy' qokk u inx laijurr singwvuex ee tensingr. Juvi jitt xee juxdee si zuhyy drat qaur jitt bogviaux ixqibb jitt bogviaux ee vorhun snuawsyh. Jex luirsu Vuddyy kikhok inxhik, hiaxee hro liw tuatli jniawlo/ duiww sing'uac sewjed ee jip'id.

Si sniaxmic hro liw tuatli jingsinn ee sidhingg? Dng' guaw snewmia sitkir diongrdiamw sii, guaw e jaix, jitt sii e qik zet mow quaw ham' guaw jinjniar quanqenr byy quanhe ee su; narr dngw laii jniawlo sii, guaw marr e jaix --- hitt sii, muixx hxang surbut dy' ham' guaw luerjai siongrr hyw ee vunxsingr, sna' kia dirr hyhaii quanhe-diongx.

Singwvuex tuanqii, hiaxee ixx qaix dongzenn tairdo sukyw hingdong ee langg, soxx druar ee soxjai dyrr si hngvode. Liw qamxx jaix liw ee hngde si sniaw? Guaw jin' cingcyw guaw ee hnghuiwde si : iong hagngirpair ee honghuad genxqiur guaw ee dejaii, ham' jit xui duiww guaw qywzinn/ guaw ee qangjog byy qaiwliam iacc si byy qamxqag ee langg qethunx. Ham' jitt jiongw langg dauwdin sing'uac, itding si hnghuir ee.

Guaw huathen uirr qimjnii qangjog si cauxaxbong --- jyr vadd langg air liw jyr ee su, m si uirr jurqiw xe jit vo huatdenw cud lat. Dngquw ixlaii, guaw itdit huanxqamw uihuanw guaw luerjai didqag ee zimrhyy hingdong, marr jiauww jitt xee qamxqag qniaa.

Iongxiuw qyquir simlingg ee langg

inx ee hingdong si jurzenn ee

qycc e jauwxiamw duirzip hngde

hex “liw ingwqaix” ee sewqair (jriw dyrdig sewqair)

Guaw be hogjiongg hiaxee byy qycc siongsinr ee surbut, bylun hex si guaw ee daux/ qowhiongx iacc si qauwhue ... guaw byy quawir huan liauw inx qongw ee sniaw cyr, diongrdua cywgno, simrjir soxui jiongsinx cyr iacc si ingxuanw ee cywgno.

---- Stephen Dedalus (JOYCE bunhak ee derr zi jurgonw)

Sing'uac quanqenr dirr liw erdangr ui' soxx jyr ee su did diyc snewmia ee qamxqag, zuqyw byy jitt jiongw qamxqag, liw dyrr si qinqir vadd langg ee qaizenn qaiwliam sing'uac.

Ham' jyr liw qaix jyr ee su sionghuanw :ee si juvi. Huathen singwvuex ee langg soxx siongrdingx ee si, drat qaur jitt qingxqair ee langg, ix ee snwmia ciongbuanw juvi. Huathen juvi jyr snewmia dongrlik ee langg, dyrr si huathen singwvuex ee langg, si jurzenn texzin diyc guaw qapp liw si qang :ee. Jex si singwvuex ee diongsimx.

Beh dadsingg --- JUNG soxx qongw --- qywtexhuar (INDIVIDUATED) si uac qaxx cniurr qaixtuad ee qywzinn, liw rair jaix zuhyy/ hysii, dir jnriu iacc si trngr lyc jerje sing'uac binrdar ... qywtexhuar ee bogviaux iauqiuu jit xee langg rair ow cud jurqiw sing'uac quanqenwdiamw, zen'au hagsip zuhyy jiauww jitt xee diongsimdiaw uac, jiangxag jurqiw ee hyw-baiw. Jex si byy hxuad kyr vnuaenw qowding qaksig, iacc si duiww hiqew guarviauw hueingr soxx drat e qaur ee.

PERCEVAL qaur liauw singwvuex sniavyw, si u singjiu ee sewsioglangg; GALAHAD did diyc singwvuex, si cutser/ singwqed ee kisu, qycc jiong' jurqiw uanjuann qecli sewsiok sing'uac. Inx si nng jiongw uanjuann byy qang ee singwvuex tuantongw.

GALAHAD kisu ee qowsu-diongx, jiongww ngidyh buxsu dong'ir cuthuad jauxcue singwvuex, kiokk zinruii dag'ee jywhuew hingdong si byy qong'ingg :ee, hunvet “iu' byy qang zibkauw jinwzip ciurnaa, dirr jiaxee inx zinruii ciurnaa siongrr ram ee soxjai, muixx jit xee langg dy' cue byy diyc jingwkag ee lorqingr.” huanrnarr u lorcauw ee soxjai, dy' si vadd langg ee lo. Muixx jit xui buxsu dy' iu' jurqiw zinruii siongrr sinvir ee zibkauw jinwzip ciurnaa, junjiaur jurqiw didqag qniaa. Muixx jit langg cue cud laii :ee, dy' si quewkir byy cuthen dirr jitt xee sewqair ee surbut; dyrr si sidhen jurqiw ham' langg' uanjuann byy qang ee dog'iuw amwlik. Liw dirr zinsingx lo-siong soxx did .diyc ee dy' si jiaxee inxcua liw ee siyw snuawsyh.

Dirr jitt bixbiau ee qowsu, dng' buxsu knuar diyc langg' qniaa .quer ee siyw lo sii, zuqyw zinruii vadd langg ixqingx qaur bogdikde, kaisiw jiauww jitt diauu lo qniaa, hex uanjuann liqingx lor.

Ixx duiziog qiuwqingr ee qakdo huntiah, muixx jit xee snewmia dy' si jingxtew iacc si jurgnow ee sidhen, in'ui jitt xee enqor, jitt xee sidhen ersaih hyrjyr “qywtexhuar”. Soxu ee snewmia dy' ham' sidhen ix qywzinn sna' kanlenn. Byy qywzinn, snewmia qinvunw byy hxuad siongxsiong. Mrqyxx muixx jit xee qywtew qokk u ix miarun/ bogdig, jixiaur sidhen jitt diamw, snewmia dyrr u iwgi.

------- JUNG --------

GERSUT EE SING'UAC HONGSID

Jinsit qycc u congwjy ee singjunn hongsid, si beh hro jitt xee kuanuix siarhue ee dedsu juanw hiongr.

Bylun sehongx/ danghongx, dirr soxu ee tuantongw siarhue, tuann lyc laii ee sinue hingtair dy' dirr gisid-diongx henxhen, qywzinn ixx singlok/ sinwgiongw ee texgiam jyr hueingr. Zuqyw byy hueingr beh jnuaxngiu vran? Banrid jingxqyy siarhue qewsingg ee sinue/ sinhak/ dethak ee tuantongw, dy' byy hxuad qiywcnew jitt lui qywzinn luerjai jinrjingg ee huanxingr? Anne qywzinn jiong' zuhyy dirr siarhue qniadac? Ciangjai knuar diyc jywqew, qamxqag jurqiw bulingg, qexsenx siongsinr/ iwdoo siongsinr, simrjir hongw langg' ee vanrhuad, quer byy jinsit ee sing'uac. Ham' jex sionghuanw :ee, jinsit qycc u congwjyrsingr ee sing'uac, guaw qra hyrjyr gersut sing'uac, si ham' jongqaur sing'uac byy qangg :ee, iwdoo juanxhiongr jitt xee kuan'uix ee dedsu.

Campbell juxvenx ee <MYTHOLOGICAL THEMES IN CREATIVE LITERATURE AND ART>

JOYCE/ MANN ee siyxsuad soxx henxsi, jinwvo ee quanqenr dirr qiongdiau luerjai simlingg ... JOYCE jokpinw ee inghiongg zinbut qongw “dng' qywzinn cutsir laii qaur jitt xee sewqair sii, dyrr u qokk ngiu ee bxang, joxjiw linghunn juriuu vuex, qokjik/ gixgenn/ jongqaur longxx si. Guaw iwdoo beh bickuix jiaxee bxang.”

“binrduir linghunn, qycc joxdongr linghunn juriuu vuex” ee bxang, duiww jit xee ixqingx huathen jurqiw diongrsimdiamw ee langg laii qongw, dendyww jiong' jniajyr ix qycc jinr jit vo tamwhiamw soxx juriuu qingxsuanw ee guarsnax

---- <A PORTRAIT OF THE ARTIST AS A YOUND MAN,1916 >---

Iongxiuw singwvuex qinggiam buanxjiokqamw ee langg, rair jnuaxngiu hingdong qapp sing'uac jiacc sikdongx neh? Liw beh jyr sniaw si byy sriu quihuan ioksog ee. Vuddyy jingwgno au, dngw laii siogser, qangxhuad go-jap dxangx. Beh huedab jitt xee bunrdee, diyh'air erdangr ircig jurqiw soxx beh quer sing'uac ee jiongxjiongw jingqingw.

Itdanr drat qaur hitt ngiu ee qinggiam, rair dirr xe jit kig ixqibb suar lyc laii ee muixx jit kig qewsiok qinggiam .diyc. Jitt xee qinggiam dadsingg quewdingg si jiong' sing'uac texgiam juanxhuar guarjai sinwgiongw ee banrlingdanx, Vixzu, huedab suasab qauwgi bunrdab dree “siongrder uirhyy jy liw?” ee vorhun dap'anr --- “qapp Ix dirr tendongg ingxuanw kuaiwlok jywhuew”, luirsu anne ee le. Duiww jitt xee bunrdee, guaw yc diyc viaujunw dab si “siongrder congwjy guaw laii zinrbad Ix, air Ix, dirr siogser-diongx hogsai Ix, qycc ham' Ix dirr tendongg jywhuew ingxuanw kuaiwlok.” Qra qaixngua jyr unxqamm ee qongxhuad si : tendongg si liw luerjai ingxquw snewmia ee siongrdingx, ingxuanw si liw jurqiw ee jit xee qivunw binrsiongr. Hex si bygnow hixqongg qamxqag. Dongsii iuxhan ee snewmia marr iauqiuu “zinrbad, snacsimx, qycc hogsai ... ... siongrder”, hex snewmia lingliong ee dongrlik junjai dirr liw qapp qitnax soxu surbut-diongx.

Guaw ee qinggiam si, dng' guaw ham' soxx air ee langg sing'uac jywhuew, jyr jurqiw air jyr ee dairjir, dyrr qamxqag jurqiw si dirr singwvuex sniavyw-lai, buanxjiog ee qamxqag. Danrsi jin' iong'i sitkir sniavyw, hex, jit xe quw dyrr byy .kir .ar. Sitkir singwvuex qinggiam ee hongsid ji' id si kir camqax PARTY, guaw uirhyy jurlaii byy kir hiax ee guan'inx.

Guaw ee sniurhuad si, langg rair vutduan loxlik, dadsingg hitt ngiu ee qingxqair. Jex rair u jit dnxua siqanx or! Dyrr sngr ixqingx drat qaur hitt qingxqair, marr jin' iong'i qycc virr danr cud laii, in'ui jitt xee sewqair u ix beh liw jyr ee su, mrqyxx liw ixqingx quatding byy qycc jyr jitt sewqair beh liw jyr ee su lor. Iauwqinw ee si, cue cud jit pxenr kyxiw hro liw did diyc luerjai buanxjiog ee uahdang kongqanx, anne liw jiacc beh ho'ngg danr cud laii.

... ... dyrr sngr henrjai, marr m si soxu ee langg beh langg' hro ix jit tyr sing'uac qewdat/ su'iaur sinjid zinguann/ iacc si dairjiongr muitew duiww inx qiywhuah. Dirr virr zinrkyw ee siarhue diongsimx qapp soxx lixqaiw kongwjer ee huanruii-lai, iuguann u jerje cimkig ee jingsinn tamwqiuu/ huathen dngdecc dirr jitt sewqair m jaix ee soxjai diamrjing jinwhingg :ee; higjiaw si siwsnuar ee siyw tuantew-diongx, qyckacc ciangjai qnir .diyc, kacc denxhingg (zimrhylangg jixiaur siwjiuuii knuar jit xee dyrr e huathen) ee le, si dan'id/ snax nng xee sxingg qrunn ee langg soxx jyr :ee, inx suanxdik jurqiw ee derdiamw jinwzip ciurnaa, qniaa zip inx zinruii siongrr oamr ee soxjai, hiax ee lo jurlaii byy langg qniaa .quer.

--------Campbell <THE FLIGHT OF THE WILD GANDER>------

SIMLINGG EE DIAUWHUANR

Qirjuat simlingg diauwhuanr, liw jixsirr lojaii.

Inghiongg morhiamw jongxsi ui' simlingg diauwhuanr kaisiw. Bylun ixx dyhh jiongw hingsid cuthen, jingsinn dyrsux itding e duiww ix qongw “her! Liw jitmaw kunr siw .kir, cingcnew .kiw .laii, beh kiw qniaa lor! Liw iauxx bue dag diyc iwsig/ jun'iuw hitt pxenr kongqanx. Liw qamxx duiww henrhongw iuzenn jurjai? Qandna' dirr jiax si byy qraur or!” anne morhiamw dyrr kaisiw lor.

Morhiamw jit kaisiw ... ... ongxongw si oamr/ suxx langg iawsen/ kyxpnar/ virr sewsiok zinrding siaog; zuqyw qewsiok qniaa lyc kir, naxx juvyw siamxsih ee zidciux ciy tangr quer amr xia dingdingg ziakamr, dyrlo denxkuix lor!

-------- <Cingbin Inghiongg>------

Jitt xee simlingg ee diauwhuanr si rair liw lirkuix digding ee siarhue jingqingw, jinwzip jurqiw qodnuax, cue cud naurcaw sewsiok byy kyxlingg cue e diyc luerjai juvyw, si liw snewmia diongsimx. Dng' liw u qamxqag diyc jurqiw si virr danwli diongsimx sii, dyrr si liw kaisiw morhiamw ee sii. Jex si inghiongg qamxqag naxx sitkir moxmic beh kir jauxcue ee en'iuu. Liw beh huac quer :ee si mairhiongr sinx ee mngding/ si huihiamw ee luxdingg, in'ui liw jiong' beh hna quer liw jurqiw/ soxu dangpnua sigsai ee lingxhik.

Derr id vo si damrvyc miali/ tewniu jursingw, qiongdiau ui' gua juanxzip lairjai, iu' quntew juanxhiongr qywtew ee dua venwqig/ jurr hngvode jurgnow kiwsag-diongx tetter, jinwzip luerjai ingxqiuw diamrjing-diongx. Danrsi lanw ui' simliw hunsig jaix, jitt xee lingxhik si ingziqii ee byiwsig jongrtair, si lanw kunwbinn sii zip kir ee huanrdiuu. Ingzisig soxu ginxaxqow ee quixquair/ viwbih qiuwuanrjiaw/ soxu haidongg siqii vutkyxsugi ee mohuad longxx dirr jiax, qyckacc diongriaur :ee, si soxu jurlaii byy hxuad hro singlenlangg hiauxgno ee snewmia amwlingg, si lingrgua jit vorhun ee jurgnow; in'ui jingxjiw-lai ee qonghuix canwlan ingxuanw be siw, ingxqiuw dirr lanw luerjai snewmia-lai.

--------<Cingbin Inghiongg>------

Jiar moxjiongw lixiuu m guan morhiamw/ qniahniaa sitkir anjuann, lauu dirr henrsit siarhue ee langg, qetqyw ham' junsunn simlingg diauwhuanr morhiamxjiaw ee jygu uanjuann byy qang. Zuqyw qirjuat morhiamw, liw jixsirr lojaii, e u qodax/ snewmia sitlyc qamxqag. Liw qui' sinkux ui' dingw qaur xe dy' cingcyw jurqiw qirjuat jit hxang vit'iaur ee tamwhiamw, e sanxsingx jauluan. Liw qirjuat jniawbin hongsid texgiam ee surbut, e hro liw ui' huwbin qiamxgiam .diyc.

Mrqyxx zuqyw liw soxx junsunn :ee, si jurqiw jinjniar ee tamwhiamw/ si lenqed liw cimdo jingsinn suqiuu/ ham' junxvi sna' qab ee surbut, anne sinqii ee inxcua e cuthen laii jo liw. Narr si liw qongw “dnaxx dag'ee dy' ongw jitt diauu lo qniaa, guaw marr beh kir.” hex inw lo :ee dyrr be cuthen. Liw ee hiamxlo rair didjiab laijurr luersimx jiacc e ing tihh. Zuqyw liw junxvi beh binrduir, guanvunw byy mng marr be uirr tnazinn kuix :ee, dy' e uirr liw laii kuix mngg/ kuix lo. Liw diyh'air u iongxkir jiacc driyc. Jex si morhiamw ee diauwhuanr, ngua jit qxur qongw, si byy anjuann vyxhiamw/ byy teqiongx quijig :ee.

Dng' liw hna quer hording, jinwzip ociurnaa, tiaur zip dua haiw, kaisiw iarhangg, jiong' tongquer jiyhdunw/ jiyhsnuar... dringw dairviauw si/ m si zirguann duiwlip ee cuxqingw, quewdingg ee mow jit kig, sewqair ee cniuviah naxjunxx longxx packuix ar; liw incuw jin' cingcyw knuar cud cutlo. Qinw tiaur! Qinw tiaur zip kir! Tongsiongg duarmngg jin' qinw dyrr e qnuaix .kiw .laii, jamw diyc liw ee buexliux, kyxlingg e qra liw tiacqaiw, hro liw sitkir soxu itcer, cniurr Qidog lirkuix singwbuw, gniajih tnive/ singwlingg ee jingqingw/ virr haixangx tunjiac ee JONAH; haixangx ee cuir siongrdingx zirguann duiwlip.

Dirr simlixhak soxx dairviauw :ee, si ui' iwsig/ lixsingr iwliam ee lingxhik, jinwzip sinkux lingliong ee luxdingg; sinkux ee lingliong laijurr lingrgua jit xee diongsimx: jit xee liw iwdoo jiapciog ee diongsimx.

Jitmaw liw jiamrr jiapqin jitt xee diongsimx sii, e u qyckacc je ee jorlat cuthen, dongsii vueduer diyc kacc kunwlann ee ciwtamr. Liw rair hongwkir qyckacc je liw soxx jip'id ee surbut/ rair jyr qaur juanzenn hongwha/ uanjuann ee tewniu. Jex ham' liw ee sing'uac qinggiam/ dirr haghau yc ee surbut uanjuann sionghuanw. Ui' simlixhak qakdo qongw, si juanxzip amwiwsig; jinwzip jit xee liw itbuu-soxdix ee hingdong huanruii, zimrhyy su dy' kyxlingg huatsingx, kyxlingg duiww liw hyw, marr kyxlingg duiww liw m hyw :ee.

Liw zuxx cimzip, zuxx jiapqin juewau ee qakgno, dexkongwlat zuxx qiongg, si liw ixjingg sriu apjer ee kuhik, jitt xee hertongw marr si liw rair kikhok :ee. Dongzenn, jiax si liw siongrr su'iaur sinqii jorlat ee soxjai. Inghiongg dirr jiax kyxlingg e derr id crur huathen, siwqer dy' u jicii ix tongquer jitt jua lo zinjuu ee lat.

Siongrr buew liw jiong' huathen jurqiw guanvunw kiamr ee surbut, qycc hro inx jniajyr liw snewmia ee jit vorhun. Jitt jiongw qinggiam, e ixx sir jiongw hongsid viauxhen.

Derr id jiongw si “sinsingr hun'inx (SACRED MARRIAGE)”, ham' duar hro liw jingsinn sing'uac ee aiwzinn sionghongg, m quanw liw si ixx dycc jiongw quanhe qapp ix kanlenn: lxamm-luw/ guaw-Liw/ hex-jex ee quanhe.

Derr zi jiongw si “hiongr Ve siogjue (ATONEMENT WITH THE FATHER)”. Qniaw itdit ham' Ve hunli, dyrr si qongw sing'uac itdit byy hxuad ham' ix jinjniar ee tuansingg sna' qab. Qniaw siurr siqanx binrsiongr ee hanrjer, Ve si qang jit xee jun'iuw ee ingxqiuw bin/ dairviauw liw srinx-siong byy qycc u ee jurzenn jongrtair. Liw iwdoo beh cue cud liw ui' Ve hiax qewsingg ee qywsingr. Siogjue si beh qra liw qywzinn/ jitmaw ee jongrtair, ham' sanxsingx liw snewmia dongrlat diauhyy itdir.

Xe jit jiongw viauxhen hongsid si “sinhuar (APOTHEOSIS)”, hiauxgno “guaw dyrr si qitnax soxu junjairbut”. Inghiongg jaix jurqiw dyrr si sinn/ si Vut, dyrr si hitt xee jaix jinsit ee langg. “tnive ee qog siwqer dyrr si, jixsirr zinlui knuar byy.” jex si duer diyc sinhuar laii ee kexhuad. Danrsi Qidokqaur tuantongw, jitt jiongw hiauxgno si byy sriu unxjunw ee, duliauw GNOSTICISM Qidokqaur. Liw berdangr qongw “Qidog dirr guaw simx-diongx”.

Juewau jit jiongw viauxhen hongsid si “banrlingdanx ee cat (ELIXIR THEFT)”. Si jit jiongw uanjuann byy qang ee gno. M guan ixx jingwdongx ee lat ban ~ qinglik qokk jiongw ywvir, dendyww ixx qiglet ee aplik gne tongquer iacc si cniuxduat --- taux huew ee PROMETHEUS/ lak-jap nidai jiac LSD behuniyc --- dypiah jit lo byy hxuad kikhok ee lat. Jex si jingsinn juanxhuar ee luxdingg, iongxiuw jitt jingsinn lat ee inghiongg qinw ~ qra ix texhue diyc ee qinggiam jah dngw laii jitt xee sewqair. Narr byy, dongsurjiaw e diyc diyc jingsinn hunlet, vangvnuaa dyrr ingxuanw huee be laii lor.

Sinn qapp langg jitt nng xee sewqair, qandna' erdangr virr biyue jyr horsiong uanjuann byy qang ee sewqair --- cniurr snewmia/ sixbongg, zidsii/ amwmee jitt ngiu. Inghiongg morhiamw lirkuix lanw sigsai ee lingxhik, jinwzip oamr; qniaa uann jingxqyy quewdingg, qongxx si ui' hng ~ hitt vingg huedngw laii henrsit sewqair, marr e hamrzip huihiamw, jaiww dxo ham' lanw sitkir lenhe; suibongw anne --- jex si liauxqaiw sinue/ siongrdingx ee diongriaur quanqenr --- sinbingg ee lingxhik si lanw sigsai sewqair virr be qir .did ee jit vorhun, inx sursit si qang jit xee sewqair.

-----<Cingbin Inghiongg>----

U jit xee inghiongg huedngw laii ee iwsiong hro guaw qamxqag cuwbi, si jit xui siauwlenlangg ui' WISCONSIN laii qaur NEW YORK hagsip gersut ee qowsu. Ix kir MANHATTAN erjann siarhue --- GREENWICH druar, u jerje bixluw vangjan ix, qycc ham' jit xui dairsux yc rue, hingsingg ix jurqiw ee gersut hongqeh, jah diyc ix ee rue kir qaur 57 qrex, did diyc :ee kiokk si gersut qingqixzinn lingxbin duiwtai.

Siongrr dua ee bunrdee si

qra snewmia jah dngw laii hngde

dirr hiax langg quer :ee si byy jinsit ee sing'uac

Jiong' liw ee texgiam jah dngw laii qycc rngiuu zip lixsingr sing'uac si jin' lann :ee. Jex simrjir viw jinwzip erjann siarhue kacc lann. Liw jah dngw laii :ee, rair si jitt xee sewqair soxx kiamr :ee --- jex si liw jauxcue ee dongrqix --- in'ui kiamr, sewqair vingrr m jaix jurqiw su'iaur. Incuw, dng' liw duar dngw laii ee hyxmic, kiokk byy langg gniajih liw, liw beh jnuaxngiu vran? Liw u snax jiongw kyxlingg ee huanxingr.

Jit jiongw si “ qycc dngw kir ciurnaa.” uirr jurqiw brew jit jiah qxauw/ hundauw, qycc laii lenrr mngkauw ee jabcauw byy air jingxliw, jairr inx huad, longxx m quanw. Liw jah dngw laii ee lexmic, byy langg cab liw, qycc qongw liw si “quaiwtaix”, liw qiux .dngw .kir. Jex si hiyxding huedngw laii siogser.

Derr zi hongsid si mng “inx beh air sniaw?” liw u liw ee diauqnia, kyxiw iong sionggiap ee hongsid teqiongx inx soxx su'iaur ee mic. Zen'au liw dirr sitkir jurqiw iuser/ soxu itcer jingg, dua jyr qongxqyr, qra liw eemic tuisiaux cud kir. Liw u liauw qongjiongr surgiap, hongwkir simlingg vyxvuer.

Derr snax jiongw, kyxlingg liw iwdoo dirr liw guanlaii ee lingxhik, cue cud inx erdangr jiapsiu ee mow quaw vorhun tuann hro inx, dyrr si qongw, liw qra huathen ee vyw, ixx jitt xee sewqair erdangr jiapsiu ee gixgenn/ tingdo tuandat cud kir. Cue cud mow jiongw honghuad, jex su'iaur jin' dua juvix/ nairsimx. Cue cud pang, tanr qihue tuann cud sinwsid, qycc qandna' teqiongx hro hiaxee junxvi hyw beh jiapsiu liw simlingg vyxvuer ee langg.

Zuqyw soxu qitnax honghuad dy' sitvai, liw kyxiw cue jit xee qawceh ee qangjog, jiong' sinwsid siaurqair hro duer liw tagceh ee langg. Narr erdangr ham' henrsit siarhue cruw diyc jit diamw aw quanlenn, liw dyrr sui' e huathen jurqiw kaksit u huatdo tuandat soxx beh tuann cud ee sinwsid. Gersudqax qar langg dyrr si jitt luirhingg ee dairviauw: inx suibongw jyr gersut qangjog, kiokk kyr mow quaw cuwiaur qangjog laii sing'uac. Inx u siongdongx ee siuzip, qycc jiamrr qenwlip jurqiw xe jit vo surgiap.

Duhuix liw jinjniar jaiww huedngw qaur jitt xee sewqair laii, narr byy, dyrr byy sngr uansingg morhiamw. U jinwzip ciurnaa-lai ee sii, u dngw laii henrsit sewqair ee sii, liw jaix dirsii qaix jyr sniaw. Liw qamxx u jiokgiac ee iongxkir? Bad unxqux dirr ciurnaa, si su'iaur jin' dua iongxkir jiacc e qycc dngw laii henrsit sewqair.

Ixsiong si hiauxgno :ee, byy qang viauxhen hongsid, juewau si ixx ingxuanw vingjing ee simjniaa kir zinrbad/ aiwho/ hongrhenr snewmia. Vingjing simjniaa rair dirr soxu snewmia jingqingw-diongx, suibongw liw jikqik jauxtiaur dirr guarjai sewqair, luersimx iuguann si uanjuann jairgnow vinghyy. Dng' sitkir vingjing sii, dyrr hamrzip qik tongwkow-diongx.

Dng' jitt xee sewqair

knuar laii si luan caucaux

rair qencii jurqiw luersimx jinsit ee hixlok si guanjig

jixu jitt xee jingsinn snewmia jiacc e uac

Dirr jitt xee hunlet ee sewqair beh juriuu laihuee cngx/ nngr ... ... si dairsux jiacc u ee tenhun. Uxdiu tiauwbuxjiaw --- F.NIETZSCHE suanqyr, mair dimm dirr jit xee qowding ee soxjai, rair kuaiwlok/ kinkuair ui' jitt xee uirdir, dngxsec/ liongr qaur lingrgua hitt soxjai kir.

------<Cingbin Inghiongg>-------

ZINSINGX GO QAIDNUA

Zidvunw cecqur: jap huer: dongrbut, zi-jap huer : sinqingvne, snax-jap huer: sitvairjiaw, sir-jap huer: penwjuw, go-jap huer: juerhuan.

E qir .did bad tniax qongw zinsingx singdiongw go qaidnua ee Zidvunw cecqur: “ jap huer si dongrbut; zi-jap huer si sinqingvne; snax-jap huer si sitvairjiaw; sir-jap huer e penr langg; go-jap huer si jit xee juerhuan.” qaur liauw lak-jap huer sii, guaw e voxciongx qongw (hitt xee langg ixqingx qingquer dingxbin soxx qongw ee quewdingg), inx kaisiw teqiongx qenwgi; cid-jap huer sii (liauxqaiw diyc soxx qongw ee muixx jit hxang dy' virr gorqaiw), vyxcii diamrjing jiacc virr zinruii si henzinn. “qaur liauw veh-jap huer,” Kongxjuw qongw “guaw jaix jurqiw snewmia ee qidew, jairunw be iydang.” (hanwbunn juwqaiw, Kongxjuw qandna' qongw qaur cid-jap huer)

------<Sing'uac Sinue>------

JUNG qongw itsingx hunrjyr nng qrii: derr id si qenwlip zinjer quanhe sii, derr zi si cue cud luerjai snewmia iwgi ee sihau. Cniurr Inwdorlangg soxx qongw “MARGA” --- dyrr si liw qaur bogjingg uijiw soxx iongxiuw zinsingx qinggiam ee hunziah/ kavo --- tonghiongr liw jurqiw luerjai snewmia. Zen'au uanjuann tuatli siogser. Byy jiaujyx/ byy qniahniaa tongquer jitt zinsingx juewau qaidnua.

Liw naxx cniur quax naxx qniaa hiongr jurqiw ee sixbongg.

Guaw siongsinr hex si qenrkongx ee ... ... dirr sixbongg-diongx ow cud jurqiw loxlik ee bogviaux; ui' sixbongg dywqiux, si byy qenrkongx/ byy jingwsiongg ee su/ si vakduat snewmia derr zi vorhun ee bogdig.

--------- JUNG -----------

Jaix jurqiw simlingg huatdenw ee tingdo, dyrr si jaix dirr jitt diauu lo-siong ee uirdir, si jin' diongriaur ee dairjir. Singlenlew ee qonglingg beh qra qywzinn jingxqyy simliw siongrr quann lingliong giuw cud laii, buanxjiog snewmia digding qaidnua ee iauqiuu. Diongrdua ee singlenlew huatsingx dirr liw rair vangr driau zidongqii ee simliw jongrtair: jitt sii i'uaw/ hogjiongg ee ingziqii jurgnow siw .kir, jit xui cam'uw siarhue ee doglip singlenn laii cutsir.

Zinsingx derr id qaidnua si hagsingx, juxiaur jingsinn si hogjiongg --- qinqir DANTE ee qongxhuad, jitt sii ee liw “guarviauw habgii, hing'uii dnibiw” --- jex viauxsi dairliok liw rair sunjiongg siarhue soxx iauqiuu ee mosid, duxx si NIETZSCHE soxx qongw logdyy qaidnua, in'ui logdyy e qui lyc laii iauqiuu langg jiong' dang dnar he dirr liw kajiah-dingw.

Derr zi qaidnua si qadingg sing'uac, liw ixqingx jinwzip singdamx jikzim ee singlenn sing'uac. Dirr Inwdo ee texhe, qywzinn jikzim si DHARMA, dyrr si siarhue dedsu huatjig ee quihuan. Dirr lanw siarhue, liw jurguan suanxdik liw ee jikzim, duxx si tauwquer damdnax jiaxee bylun sidjid si sniaw ee jikzim, liw jiacc e dirr sewsiong singjiu liw ee derui/ tauhamm/ bingbong. Beh jyr cud anne ee suanxdik kansiap diyc jurgnow qonglingg, dyrr si doglip pingqow qonglingg huatdenw bunrdee. Liw soxx singdamx ee zimrbu/ iongxiuw ee derui, ham' liw jurqiw qewdat quatduanr iuxquanx. Jitt xee qaidnua si kiongxliongg siqii, ix srinx-siong muixx jit pnir lrann dy' kig diyc “liw ingwqaix”.

Dionglenn si denxhingg qakcnew qaixdnua, m si singjiu; zircniaw si qaix buanxjiog ee qaidnua. NIETZSCHE soxx dingrgi ee zinsingx qaidnua, logdyy pnai dang mic au, sinkux kia dit qniaa zip suaboo venwjniaa sraix, sraix ee qangjog si taii driau hitt jiah hyrjyr “liw ingwqaix” ee kiongxliongg. Dng' kiongxliongg virr dairviauw “jurgnow huathen” ee sraix taii siw au, soxu vunxlaii qydnii dirr kiongxliongg-lai ee lingliong jitmaw dy' si liw ee .ar. Dionglenlangg zuqyw iuguann hibang jyr hyxdai did hyxvyr, iacc si okhingg sriu huat, anne zinsingx huatdenw dyrr lyc au lor! Jex si ingziqii ee jurgnow qaur dionglenn iauxx decc jok'iong, si byy sikdongx ee.

Dng' liw jinwzip JUNG ee derr zi qaidnua, snewmia ee derr zi qrii, liw ee zinsingx bogviaux ixx hiauxgno simx bingdiamw (CHAKRA) soxx huad cud OM ee iwhamm, laii jniajyr sokjy/ qenwqor liw snewmia ee lingliong, byy qycc quansimx singjiu, byy quanw miasniax.

KIWSAG

Kiwsag ee iwgi si sixbongg qapp qyc'uac.

Zimrhylangg dirr juanxngua qaidnua, cavutdyx dy' u trngr driau jit dingg laurpuee ee qinggiam. Qaxsed liw ixqingx tuad driau juapuee, qycc sniu beh lauu jit sud aw diaur dirr buexliux, jex si diongrdua bunrdee. Si ham' quewkir iuxquanx ee jit jiongw jiaujyx. Liw jurqiw rair u jiokgiac lixqaiw jiacc erdangr jamw dng. Liw qaix jaix diaur dirr hiax ee si sniaw : hex si jit dniux jit diamw jit dih jiamrr virr vrag ee laurpuee, dyrr cniurr ban ~ aw tiah driau ee iyhjuixvor, virbenw banw diyc koxmngg-aw.

Inwdo detzinn SRI. RAMAKRISHNA, qongw diyc kiwsag (RENUNCIATION) ee qicow qaidnua --- Inwdo siarhue “jinwzip ciurnaa” unxqux ee qaidnua --- sii, snax jiongw byy qang kiwsag ee lunrsuad .

Derr id jiongw si jiamwjinwsid. Liw jaix sihau qaur liauw, hiongr dyrsux/ bogsux/ qitnalangg cingxqaur, qra dairjir sniu cingcyw, uirr beh kir ee soxjai singx jyr anvaii. Liw narr si lamsingr, dyrr qra jikzim qaux hro qniaw. Ix si birlaii singdamx qadingg jikzim ee langg, liw ui' qidiongx qaixtuad cud laii. Qycc laii liw sniaw dy' m si, byy qycc kurvi guanlaii sinhun/ derui. Jex si jinjniar qaixduu jikzim.

Derr zi jiongw si hutzenn kiwsag. RAMAKRISHNA qongw diyc ee le, si moxlangg tauwjaw ham' kanciuw uanqex au, kir kex nirr sew sinkux ee qowsu. Jitt xui lamsingr duiww kanciuw qongw “ qra guaw diam .kir, mair qycc qex qongw jit qxur , narr byy, guaw beh kir ciurnaa-lai, jniajyr jit xee YOGI, liw ingxuanw dyrr be qycc qnir diyc guaw.”

“Oor! Liw juadduir byy kyxlingg anne jyr.” bow rinr.

”Guaw be? Liw cir knuar mai lehh!” qingqah qruar jit diauu vowqinx, li qrax qniaa zip ciurnaa. Jex si tudzenn kiwsag ee.

Derr snax jiongw si “ginxaxsngw ee kiwsag (MONKEY RENUNCIATION)”, dng' moxlangg li qahiongx, dirr ciurnaa-lai huathen jit xui bixhyw susongw ee siulen dniusow sii, siaw puex dngw kir qra cur-lai ee langg qongw jurqiw dirr siulen diongsimx, itcer jinwhingg jin' sunrli. Anne ee kiwsag, si sriok jitt lui.

Daddid tuijenr :ee, si jiamwjinr ee kiwsag. Si beh liw ixx vingsiongg simx/ iuxqix honsid dauc ~ hongwkir liw soxx iongxiuw ee itcer. Simrjir liw iuguann ersaih hu damrvyc jikzim, jixiaur simliw bingvik jex si siongrr buew quiw hxang ar --- liw byy qycc tnrix jikzim ar. Huanrnarr liw qax ee sinx jikzim, dy' si laijurr liw sinx cuxqingw, bylun hex si sniaw.

Jiurr guaw jinghongw qongw, guaw naxjunxx jah diyc beh uansingg ee snax vunw ceh jinwzip ciurnaa --- kir HAWAII, jex iuguann si kiwsag: guaw byy anvaii qangxenw, qui' zit ham' guaw ee ceh/ vitqir jyr dxuix/ qui' sinkux draii zip kir. Kiwsag ee iwgi si sixbongg qapp qyc'uac. Siaw puex hro jurqiw qac'ir ee langg/ iuxjir, suatbingg jurqiw byy qycc qewsiok siwqer luxhingg enxqangw, jex vingrr m si iong'i ee dairjir.

Guaw air HAWAII. Erdangr druar dirr jiongww langg dy' jin' hnuahiw ee kuanqingw, simsinn jin' cingsongw. Guaw druar ee soxjai vutjunw u ginxaw, siwjiuuii dy' si jit quaw niqiw be jiyw, iuguann icii hun'inx quanhe ee langg. Erdangr ham' qinglik je nii kiw ~ lyc ~ hun'inx , iuguann jywhuew ee langg dauwdin, qamxqag jin' songxkuair. Hex dyrr cniurr junn zip qangw, jitmaw jixsirr cing'ingg piaupuu dirr hiax, horsiong qaungua byy qang haiw-siong qowsu.

Guaw qangjog ee soxjai si HAWAII hyrjyr LANAI ee lordaii. Kajiah au si haixngiuu/ naurzet ee haixvox. Ciangjai knuar diyc l.-laiongw-o. cing BIKINI ee luxsingr, guaw narr binrduir hitt xee honghiongr, duliauw luxsinn ixgua, dairqair sniaw marr siaw be cud laii. Guaw draur ee soxjai si erdangr unxqux ee bixhyw ciurnaa.

GQIMX NIDAI

urhuer si jin' dnibiw :ee.

Dirr guansiw vorlok, lanw quancad diyc laurhuer :ee jongxsi sinvir gisid/ ludhuad ee siuxhorjiaw, vorlok ee bunhuar uisanw anne viauxhen.

--------- JUNG ----------

Langg narr urhuer, ham' sewqair ui'id ee quanhe si liw ee jiahvngrnguaw, jiurr sehongx bunhuar qongw, si liw ginhangg hortauu. Hex si liw itsingx soxx tanr, rair iong laii vruee liw quer zinsingx juewau byy-iux-byy-ciuu ee zidjiw. Guaw duxhyw si sriok jitt xee qaidnua, ersaih qra linw qongw, jex si snewmia siongrr hyw ee jit dnxua. Iong guaw e ue qongw, jin' sikhap qra hyrjyr “ngqimx nidai”, si qokk jiongw surbut gorcaiw henwhen ee qaidnua, huisiongg ~ qamdnix.

... ... jerje siarhue, dng' ginxaw ee verbuw hamrzip qangjog-diongx uirr sing'uac byingg jauxjongg sii, laurlangg kiokk iong siongrr je siqanx jiauwqor a'sunx/ ham' inx sngw; laurlangg m na huequix luerjai sewqair ee ingxqiuw lingxhik, dongsii marr viauxhen dirr guarjai henrsit-diongx. Guaw zinruii lanw marr ersaih jiapsiu ginxaw/ laurhuer jiqanx qiongdua kip'inxlat; hro inx ui' qiongrdongg ee sinvir diwsig-diongx, sanxsingx moxjiongw knuawhuad. Jinjniar quanced ingxqiuw snewmia/ kuriuw diwhue sijingg iuhir :ee, si lau :ee, m si byingg ciccah ee diongqanx dai.

----- <PRIMITIVE MYTHOLOGY>------

Nilau suevai ee hingsiong u damrvyc penr langg, suibongw liw ee lingliong byy qycc siauwlenn --- hex si liw qighuad jiongxjiongw ciongdong au soxx qitai ee singqyw --- jitmaw liw ixqingx drat qaur liw hibang ee qingxqair, jitt sii kaisiw kuix huex qed qryw / si bixbiau ee sijun/ hueluiw dng' suiw ee sikig/ qaix si liw duxx beh siusingg ee sihau ; m si iuxsow sitlyc ee jinghongw/ jnuaxngiu ersaih qra singqyw danr driau, qongxx si decc lyc qia neh! Sursit uanjuann m si anne!

Dng' liw venr qaxx hiziok --- bylun nilau/ vnertniar --- jit xee langg cniurr snuai/ buhueqyw, iacc si sngjniucauw, singsik au rair tuatli qiqud, jiong' jurqiw ui' hiaxee zinsingx sokvak-diongx qaixhongr cud laii; zen'au jaiww qinqir byy qang ee zibkauw/ snewmia guantauu, dingsinx qasok huedngw laii snewmia-diongx. Cniurr quiwjok/ qingxcad/ sraiw jenwciax :ee qapp cuandniuw junxvi hyw jiahmic/ imxliau/ druar ee soxjai, danxtai qok'ongg laii qangg, qycc dua sniax huah “ ix laii ar! Ix laii ar!” Soxiw, jyr hyw soxu ee su, zen'au danxtai diwhui limqaur, “henbingg ee ongg laii or! Ongg laii or!”

---- <BRIHADARANYAKE UPANISHAD> --------

GISID

Gisid ee qonglingg, si jiong' liw simliam jibdiongx dirr liw hiauxgno soxx juansimx mow hing'uii ee iwhamm-siong.

U langg mng guaw “ lanw erdangr jurr gisid did diyc sniaw?” liw rair singx mng jurqiw, uirsniaxmic su'iaur gisid? Liw qaix uirr jurqiw ee sing'uac congwjyr gisid jiacc driyc! Gisid ee qonglingg si jiong' liw simliam jibdiongx dirr liw hiauxgno soxx juansimx jyr mow hing'uii ee iwhamm-siong. Vixzu, qethunx gisid si hro liw bingngiu, jitmaw liw ixqingx hna cud jit vo beh kir hagsip jniajyr jingxtew ee jit vorhun, byy qycc si qo' jit langg ee qywtew. Gisid hro liw uansingg jitt xee juanxngua.

Gisid inxcua liw zinrbad

jitmaw huatsingx surbut ee iwgi

jiac vng jingg qamxunx qidyw

hro liw jaix liw decbecc jiac ee mic

jingg jit kig iauxx si uac lingwlingr ee snewmia

Jiac vng sii, liw rair liauxqaiw jurqiw decc jyr sniaw? Paclac binjok qamxsia dongrbut ee hongrhenr. Inx jinjniar muaxvag qamxqig. Singsik ee Bixjiux paclac vorlok ee juxiaur gisid, dy' si hongrhenr hro dongrbut ee. VakBiw sevag haixhnua, juxiaur gisid dy' si derr id pruex angquihii huee siuu zip luerhyy sii qixhingg. Jiar gisid qamxsia hii.

Texzim diyc jurqiw hing'uii au

liw soxx duadcuw dongrbut ee snewmia

qyc'uac ar

Incuw, liw jre lyc laii jiac vng sii, rair cingcyw texzim diyc liw soxx jyr :ee : liw dngdecc tunjiac jit xee hongrhenr hro liw, hro liw erdangr uac lyc kir ee snewmia.

... ... ham' qitnax dongrbut byy qang :ee si, zinlui satsingx sii m na jaix jurqiw decc taii dongrbut, marr jaix jurqiw jiongbuew e siw kir; ix ee laulenqii --- cniurr ix ee ingziqii qang --- vunxsinx dyrr si jit dnxua uanjingw ee snewmia, ham' jerje dongrbut ee snewmia qangrkuanw hiacc dngg.

-------- <THE FLIGHT OF WILD GANDER>--------

Dng' guaw genxqiur RAMAKRISHNA ee <Hokimsu> sii, ham' jerje cutqelangg jywhuew jiac vng ee qinggiam. Inx qidyw suu ee lueriongg si anne “ BRAHMA si busow-vutjai ee uxdiu, si snewmia iwsig ee lingliong, lanw si ui' ix huawsinx soxx snex. BRAHMA si hisingx, si lanw jiac ee mic, si hisingx ee hiangxsiurjiaw, si drew hisingx kir huexhuar ee hia'aw, si jewvair ee quewdingg. Liauxqaiw banrbut si BRAHMA ee langg, si ixqingx jiapqin jurqiw luerjai ee BRAHMA.”

Jitt dnxua qidyxbunn ee iwgi si qongw, qra jiahmic jiac qaur vakdow dyrr cniurr qra jewjuiw lramm lyc jewhuew qangrngiu : liw ee siauhuar kiwquanx dyrr cniurr huew hitt ngiu siauhuar driau jiac lyc kir ee mic, incuw jiac vng siongdongx hisingx jewsu.

Niaw singwcanx ee gisid si jiyh iong jitt xee qaiwliam, diongsimx juxdee si duer diyc longgiap bunbingg enxhuar henxhenr cud “zuqyw byy jingxjiw singx siw kir, dyrr be vuh gee jniajyr sidbut.” lanw si jingsinn/ budjid --- jitt nng jiongw uac tiaur ~ ee jitsor --- soxx qowsingg, soxiw lanw su'iaur nng jiongw jiahmic. Ju'iongw lanw bactew ee mic --- bylun si caiwsex, dongrbut ... dringw zimrhyy lanw jiac ee mic --- si budjid :ee, danrsi lanw qangrkuanw marr su'iaur jingsinn jiahniuu ju'iongw lanw simlingg vorhun. Jiac Qidog ee singwcanlew, si did diyc jingsinn iongxhun ee siongrdingx, marr si bingngiu jitt xee qaiwliam ee kurtew viauxhen. Mrqyxx jiac zimrhyy surbut jingg, rair singx satsingx, jex ham' hisingx ee qaiwliam iuxquanx lor.

Liw marr ingwqaix

guanrir virr jiac driau

liw si jit vnuaa jiahmic.

Zimrhyy gisid dy' kurvi jitt xee singwjid, dyrr si qra liw ee simx/ hing'uii jin' bardah kanlenn jywhuew. Lanw qaix texzin .diyc, jitt vaiw ee genxtyxhue, si dag'ee jurjip jywhuew horsiong vangjo hiauxgno ee uahdang, si jit hxang huisiongg suiw ee gisid.

Liw erdangr jiauww jitt jiongw hongsid qra jurqiw jingxqyy ee sing'uac gisithuar, hex si qik u vangjan ee su. Juvix ee jingxqyy jingsinn dirr qidiongx viauxhen cud laii, jo lanw qakcnew, qycc hro guaw sniu kiw Tenjuxqaur qauwgi ee jit siyw dnxua “kir liauxqaiw, aiwho qycc hogsai siongrder.” guaw vingrr byy zinruii siongrder qyqyx jairsiong, si jitt kig guaw soxx liauxqaiw/ aiwho/ hogsai ee muixx jit xee langg/ su/ but. “ ham' Ix dirr tendongg ingxuanw kuaiwlok sing'uac jywhuew” ee iwsur si, texzin liw jurqiw ee juvix qapp liw siwjiuuii ee langg/ but/ su si berdangr hunquah ee jingxtew. Hex naxjunxx si zinsingx luxdingg ee bogviaux!

QYC'UAC

Dairvorhun ee singlenlew dy' si sixbongg qapp qyc'uac ee qinggiam.

Cingcunqii ham' singlenlew ee dairvorhun gisid, sixbongg au qyc'uac si siongrr juxiaur ee jit jiongw, liw ee miaa marr duer diyc jitt xee gisid laii venwqingx. Quewkir ee liw duer qu ee miazi siw .kir, sinx ee liw qyc'uac lor.

Guaw knuar quer jit vxo iuxquanx jit qrunn siauwlenlangg jiurzim sinjid jniajyr sinhu ee ngiaxpnir. Inx juanvo quirvair dirr qauwdngg hangrlo, zen'au jit dua dniux criah sibzirqer ee pangvor kamr dirr inx srinx-siong, anne inx dyrr jniajyr sinhu ar.

Ywjiux/ NEW GUINEA javox ginxaw ee singlenlew si jit jiongw sixbongg qinggiam. Inx ee bagjiux ho'ngg vak diauu lehh, tniax .diyc ee si jiamrr vikqin ee quair sniax (BULLROARER, jongqaur gisid iongrpinw, vak syh dngxsec e cud sniax), vnix :a ee langg e qra inx qongw, quixquair beh cud laii jiac inx. Dng' quixquair laii qaur inx tauu-dingw, vak vor ee bagjiux virr henx kiw laii, knuar .diyc ee si ciuw tec BULLROARER ee a'jig, inx sui' did diyc kexbongg.

<ONA OF TIERRA DEL FUEGO> jitt vunw ceh marr biyue luirsu ee gisid. Javox ginxaw dirr jit dongr javolangg ee cur-lai, lairbin ciongbuanw ix zinruii si sinbingg/ u huat langg ligliong ee quixsinn, sidjer-siong jixsirr langg dir binrdar ziiw. Qidiongx jit xee qniaa uaw laii kywqin ix, javoginxaw rair ham' hitt xee viw lat, qapp ix snadaur, cavutdyx beh qra javoginxaw siag dyw sii, suacc niurter, jairr ginxaw qra pacvai, qycc qra binrdar kiuw lyc laii. Incuw, binrdar vutjixsirr qaxjongx ee qangqu, dongsii marr si virr jinghok/ virr jongvair ee duiwsiong, dairviauw siarhue ee qaiwhan/ sokvak. Javoginxaw jurqiw qra binrdar dir kiw kir au, dyrr venwjniaa hitt qrow lat. Vunxlaii hro ix qniax :ee kiokk juanxjyr jicii ee lat.

Guaw duiww Bixqog uerqax GEORGE CATLIN (1796-1872, Bixqog binjok hagqax qiamx gersudqax) ee jokpinw qik cuwbi, rue liauw sxor vah vxag ixx Bixqog INDIANS juxdee ee doo. 1832 nii ix luxhingg vaiwhongw MANDAN, rue jit herlet inx singlenlew ee jokpinw. Jit qix jiamdingx cngtangr javox ginxaw ee hingkamw, qycc ui' tenvongg diaur lyc laii, itdit dngxsec qaur javoginxaw siag lyc laii uijiw. Jit xee siauwlenlangg qra CATLIN qongw, “gunw ee luxsingr siurkow, gunw rair hagsip siurkow.”

Guaw zinruii jex si jin' u iwsur ee quandiamw, luxsingr jysiu koxlan, inx byy hxuad siamxpiah. Dng' jaboxginxaw derr id crur guehsinr laii sii, inx dyrr jniajyr luxzinn ar.

Lamsingr duiww qinghueh ee qniax cavutdyx si tensingx jurzenn, jex dirr guansiw bunhuar digvet binghenw, si ionghap liauw jingxtew ywvir qapp lat henrsiong ee jinjniar qniahniaa. Incuw hitt sii luxsingr ee singlenlew tongsiongg si jurqiw qo' langg jre dirr siyw cauxcur, hiauxgno jurqiw ixqingx jniajyr luxzinn. Dirr duardysor siarhue, inx xe jit hxang su dyrr si jyr maxmah.

Mow quaw luxsingr qra guaw qongw, derr id crur guehsinr laii si jit xee qniahniaa kiongxvor ee qinggiam, vig liw rair huac quer zinsingx quankah, liw byy su'iaur jyr zimrhyy ee qunxqaw, ui'id rair jyr :ee si bingvik ixqingx huatsingx ee su; liauxqaiw hex jurzenn huatsingx ee sneliw venwhuar soxx unxqamm ee iwgi. Tniax quer jerje luxsingr ee biysuad au, guaw liauxqaiw luxsingr qinggiam ee digsig si rair zimxsiu, qidiongx siongrr juxiaur ee iauwqnia si liongrjingg, si icii quxdngg nairsingr ee linglik.

Lingrgua jit bin, lamsingr rair guarcud cue bunrdee. Rair u qewue ui' luxsingr-diongx tiuter cud laii, kngr zip lamsingr sewqair, cue cud uahdang lingxhik. Lamsingr qandna' su'iaur zimxsiu sriu dew siqanx singlenlew qax dirr inx srinx-siong, kiokk m si snewmia vunxsinx ee koxcow/ qunxqaw qapp kunwlann. Javoginxaw rair kyr siarhue qijer ee “zinrkyw” jiacc jniajyr lamzinn; jaboxginxaw rair “texhue” jurqiw ixqingx si luxzinn. Snewmia uanjuann jiangxkongr dirr luxsingr.

Lamsingr jurlaii byy ngiaa e quer jitt jiongw ee qinggiam. Jex si lamsingr singlenlew gisid rair jiacc janvy ee guan'inx --- uirr hro lamsingr kaksit bingvik jurqiw byy qycc si ginxaw lor. Jex marr si uirsniaxmic javoginxaw rair cetdng ham' maxmah quanhe ee enqor. Dirr lanw bunhuar, u quaw bingvik qidiongx dyrliw ee maxmah dyrr e hiabjo ginxaw doglip. Maxmah narr quewdo jipquad, e si siauwlenn lamsingr snewmia-diongx dimdang ee hurdamx. Dirr guansiw bunhuar-diongx, maxmah/ javoginxaw juadduir rair hunkuix ee.

Guaw duxx tak diyc BANGLADESH jit hxang Inwdorqaur gisid, hiax ee luxsingr jongrhongw qik hongqenr. Dirr cur-lai rair tniax laurve ee ue; qethunx au sunrjiongg angsair; angx siw, zuqyw byy vruee angx huexjongr, cuxau rair tniax duarqniaw ee ue. Ix jurlaii m si jurqiw ee juxlangg. Qionglet qamxjingg ui'id ersaih he dirr juxluw srinx-siong, iuqii si qniaw srinx-siong.

Incuw u jit hxang digvet gisid si hro luxsingr erdangr hongwha ix ee qniaw. Inx ee qadingg bogsux, dyrr si Inwdorqaur ee dyrsux, e lensuar quixarr nii laii inx daux, qra tyw moxjiongw ix rair tec cud laii quiwdiong ee mic. Duxx kaisiw si tejauw mow quaw juvyw, zen'au ix rair hongwkir mow quaw ix iwair ee jiahmic. Luxsingr rair hagsip kiwsag jurqiw dinsiyh ee surbut, juewau dng' ix ee qniaw byy qycc si javoginxaw sii, ixqingx yc erhiauw zuhyy hro ix snewmia-diongx siongrr vyxquir ee mic lirkuix.

CID HXANG DINQUIR MIC

Hongwkir juewau ee vyxbut sii, did diyc “qaixtuad”.

Guaw qamxx bad qra linw qongw quer quanhe guaw dirr KENTUCKY jit xee gisid-diongx, rair hongwkir cid qnia surbut ee qowsu? Hex si guaw siongrr cuwbi ee jibtew qinggiam ji' id. Gunw si mow hiabhue uirr juanxhuar iwsig vran ee jit xee iokk sir-jap-qauw langg jurhue tuantew. Qidiongx laijurr VERMONT dairhak nng duir qauwsiu angbow anvaii jit xee gisid hro dag'ee qiongrdongg cam'uw. Gunw vunjyr cid xee cid langg siyxjox, qycc iong jit zit siqangx sukyw dycc cid qnia surbut si liw snewmia-diongx bersaih kiamr :ee “liw zinruii dycc cid hxang daddid liw uirr inx uac lyc kir?” zen'au rair cue duarser erdangr gim dirr ciuw nirr, dairviauw liw snewmia dinquir cid hxang surbut, qycc rair jaix dycc jit xee dairviauw sniaw.

Amwsii, dag'ee en' cavanglo, dirr oia qniaa zip jit xee snuadong zibkauw, si jit xee erdangr packuix ee ca'mngg, mngkauw u jit xui dir qxauw binrdar ee langg, dairviauw sinue siuxue imqanx duarmngg ee snax xee tauu/ juaa buexliux ee quaiwsiur CERBERUS, ix crunx ciuw qongw “hro guaw liw siongrr byy dinquir ee mic.” liw qra ciuw-lai ee jit hxang mic qaux hro ix au, ix dyrr qra mngg packuix hro liw zip .kir.

Liw qewsiok hiongr jingg qniaa tongquer hitt xee qik kuah ee dongrhet, jit lo qycc gim diyc liw cunx ee lak hxang mic. Aurlaii liw e dirr go xee derdiamw virr iauqiuu qaux cud jit hxang jit hxang liw siongrr byy vyxsiyh ee mic, itdit qaur ciuw-lai cunx jit qnia liw siongrr vyxquir ee mic uijiw. Siongsinr guaw, liw e cue cud liw siongrr vyxvuer :ee, jinjniar jyr e qaur. Hongwkir jiaxee liw dinair surbut ee sunrsi, si kuriuw kexsi iwgi ee; ngua jit qxur qongw, liw jinjniar jaix vyxvuer ee sunrsi. Juewau liw laii qaur cutkauw, hiax u nng xee qor mngg :ee, liw itding rair tongquer jitt xee mngg, danrsi dirr cutkauw jingg liw diyh'air hongwkir liw siongrr dinsiyh ee mic jiacc e ing tihh.

Jitt xee gisid kaksit u hau. Soxu cam'uxjiaw su au dy' qongw, dirr inx hongwkir juewau jit hxang vyxvuer sii, jinjniar did diyc “qaixtuad (MOSKA)”. Qidiongx u jit xee lergua, ix sniaw dyrr byy hongwkir. Liw knuar jiaxee cam'uxjiaw si zuarr zinrjinx lehh! Dng' virr iauqiuu kiwsag moxmic sii, jixsirr kuu lyc kir kiyh jit liap jiyhtauu cinxcaiw qaudai jit xe, si hiyxding simlingg diauwhuanr.

... ... zimrhyy sing'uac jingqingw cuxliw sitvai, jiongbuew si iwsig ee hanrjer. Jenwjingx/ kiw og dy' si budix jyrsingg; auwnauw si ban qaur ee hiauxgno.

-----<Cingbin Inghiongg>----

Suxx guaw hnuahiw ee jinsit texgiam, si hitt jiongw songxkuair cam'uw ee qamxqag. Knuar diyc jurqiw jaxjingg simlingg sokvak did diyc qaixtuad, jinjniar e qaixvenr liw duiww ixqingx hongwkir surbu ee qamxqag. Duiww inx ee air jingqax, kiokk byy jip'id. Jex hro guaw qniaqii.

SIXBONGG

Lanw qniaa zip sixbongg, uirr beh huanx jyr sinx :ee.

Bingngiu si cniurr sewqair buexzit ee jaieh, qra he dirr banrbut laii-kir busiongg henrsiong ji' id, qapp simliw lensiongw jywhuew, hro jurqiw vingjing jiapsiu jitt xee sursit.

Kexsi

Vingrr m si jriw iamrmew huew ee ARMAGEDDON si beh jiongqed lanw ee budix qapp jurbuanw.

Guaw itdit qamxqag, qniax kyxlingg decbeh huatsingx guanjuxdnuaa vogjar/ derqiuu huexbet soxx sanxsingx hiongdua jaujyx, si jit qrunn iauxx bue cue diyc ciauuat busiongg snewmia ee langg soxx dausia cud laii :ee. Zuqyw liw erdangr vingjing ham' ingxqiuw dongjai, dyrr erdangr uanjuann jiapsiu uxdiu ee bedbongg --- cniurr rair jiapsiu jurqiw ee sixbongg, si iuxqix quewdingg. Muixx hxang surbut dy' si laii .jit .xe ... qycc kir.

... ... narr si duiww sixbongg u zimrhyy qniahniaa, inghiongg dyrr byy jniaa inghiongg lor; siongrr diongriaur si jiapsiu sixbongg.

-----<Cingbin Inghiongg>-----

Druar dirr SEATTLE ee INDIANS taubak siaw jit pnix quanhe langg zuhyy ham' uxdiu tiauhyy ee iubiw bunjiux : “uirsniaxmic guaw beh uirr jogzinn ee huixbet laii siongvix? Soxu ee surbut dy' e jiongqed. Vehlangg jiongbuew marr e huathen jitt xee sursit.” jex si uxdiu ee jinliw, langg kyxiw vingjing jiapsiu jitt xee sursit. Danrsi vingrr byy viauxsi qywzinn vutqaix dauzip kuiwlat qaixvenr jingser, jixsirr qriuu venr quewdingg ee loxlik qicow rair si “vingjing :ee”. Ngiaa jit dniuu qxauw tuax suatkiaux ee vixsair jin' janw, narr sux marr byy sniaw neh!

Zinlui sing'uac ee sewqair jitmaw cuthen bunrdee. Jiauww tongxdirjiaw qongli ee jingwdi pnuawduanr/ sinjid zinguann ixx gnoxzenn kexsi soxx jyr ee jixsi, langg ee iwsig lingxhik venr qaxx zuxx sog zuxx ec, uixdai siquax suacc longxx siaux byy .kir, ganxqongx dew/ cenw, qandna' jaix siamxsih huad qngx, bongx e diyc ee junjai viauxbin, cimx-kuah ee siriaw ixqingx qnuaix .kiw .laii, zinlui siongrr u tongwkow iwgi ee mosid byy langg jaix lor! Siarhue hamrzip cywgo/ jaieh-diongx, vibii ee jurgnow cinjiamr jin'gnow jursingr pnuawduanr ee vyxjy.

-----<Cingbin Inghiongg>----

Siongxsiong jurqiw kia dirr enxqangxtniax jit xe quw ... ... knuar diyc tenvongg jerje denrhuew, muixx jit pax dyrr ham' qitanx ee hunkuix, lanw kyxlingg e qra inx sniu jyr si horsiong vunkuix ee.

... ... muixx jit pax denrhuew dy' si huad qngx ee qangqu, siongrr diongriaur :ee si huad qngx ee pinxjid; dirr denrhuew xe bin ee lanw, muixx jit xee dy' si iwsig ee qangqu, diongriaur :ee si iwsig pinxjid. Suibongw lanw muixx jit xee langg kinghiongr qra doplip ee sinkux/ sinkux dingw ee kiamwdiamw dongwjyr jurqiw, danrsi qra sinkux knuawjyr jixsirr iwsig qangqu, iwsig tongquer lanw juantew soxx denxhen cud ee jit jiongw junjai (PRESENCE), marr si u kyxlingg :ee.

------<Sing'uac Gersut >----

Narr qongw sinkux si denrhuew, siyx pnaiw .kir

qamxx qongw anne si byy den?

Lingliong laiguann iuguann junjai

lanw erdangr qra sinkux danr driau, qewsiok uac

lanw si lingliong ee guantauu

Uac :ee, siw si vitzenn :ee, duiww sixjiaw laii qongw, snex si vitzenn :ee. Liw vutqaix uirr hex berdangr virbenw ee su visiongx ... dirr soxu qywtew-lai hitt xee jiwqyx-busiong ee jin'gnow, si byy kyxlingg virr sathai ee ... buxkir berdangr jamxsiongx ix; huew siyx be pnaiw; juiw jimr be damm; hongx cue be dax. Ingxquw/ poxpenr/ be venr qycc vutdong, jin'gnow i.-ingxuanw-u. ... druar dirr qywtew-diongx, juadduir byy kyxlingg virr sathai. Liw vutqaix uirr singbut sngxsinn.

------<BHAGAVAD GITA>----

Banrbut did diyc uxdiu lingliong, jiamrr singdiongw, danrsi jiongbuew rair qruix huee inx ee qinx, inx qinvunw ee diamrjing, si snewmia qyc'uac ee dyrliw, marr si dairjurzenn vutvenr ee huatjig, bingliw ee langg liauxqaiw jitt xee dyrliw, m bad :ee jiacc e luan qongw hex si ziaw xeh diyc hriongx; zinrbad :ee, kuan'iongg itcer, qongvnee byy sxux duiwtai banrsu, huhap ongdy, si tenliw simx.

--------Lyxjuw <Dyrdikqingx>-------

Lanw qniaa hiongr sixbongg, si beh huanx sinx.

Byy zimrhyy surbut erdangr ingxqiuw vyxjunn inx ee hingtair; dairjurzenn hex uixdai ee jaiww snex lat, kiokk vutduan jywcud qokk jiongw byy qang hingtair, uirr beh hro uxdiu banrbut byy siaubet; ix jinjniar jyr u qaur, qandna' venwhuar/ huanx sinx ziiw.

----------OVID (ROMA sizinn, 43 B.C.-17?A.D.)------

AZTEC INDIANS siw jingg ee qidyxbunn anne qongw “ cin'air ee qniaxzii, liw ixqingx qinglik jitt sxer ee lykow, hro jruw hnuahiw lor, Ix jiong' beh cua liw lirkuix jitt sewqair. In'ui lanw bersaih ingxquiw druar dirr jiax, jixsirr dexjiamr hiyckax ziiw; lanw ee snewmia cniurr moxlangg srinx-siong dirr taiwiongg-ha did diyc damrvyc siyhyx hitt ngiu.

--------<Cingbin Inghiongg>-------

SNEWMIA

Jixu snewmia cutsir jiacc erdangr jinghok sixbongg.

Beh zuhyy jiapsiu siw au ee snewmia? jex si qywzinn ee bunrdee. Jerje bingngiu hunwlen erdangr packuix lanw sixbongg qinggiam/ jiaplap sixbongg. Jex juadduir si singlenlew poxpenr ee bunrdee. Huanrnarr sixbongg, duer laii :ee itding si snewmia.

Sixbongg qapp cutsir

dangjee laii qaur

Jixu sinx snewmia cutsir jiacc erdangr pacvaix sixbongg --- cutsir m si qu/ lau :ee qycc cuthen, si sinx surbut ee diongxsingg. Dirr linghunn cimdew, singkux huanruii-lai, itding e u --- zuqyw lanw uac u qraur quw --- lensuar ee “jaiww cutsir” (lunhuee), siauqaiw qewsiok vutduan ee sixbongg. In'ui si lanw jurqiw ee singwli/ si qaiw tauu ngua bin, NEMESIS (sinue vywingr/ hogsiuu luxsinn)ee qangjog jiacc erdangr uansingg: miarun si qongwpuar lanw pinxdig guarkag jiacc snex cud laii ee, hyvingg/ jenwjingx/ venwhuar/ ingxqiuw longxx si hamrjnew. Dng' sixsinn singwli ee zidjiw limqaur sii, sixbongg dyrr uaxqin lor; lanw duliauw jnriu sibzirqer jiacc qyc'uac ixgua, byy vadd diauu lo; dyrr si uanjuann qaixtiah au jaiww dingsinx snejniaa.

---------<Cingbin Inghiongg>-----

U sii, sixbongg naxjunxx si siarhue laii setding ee. Dirr guansiw siarhue ee cingcunqii gisid, ciangjai e qra sixbongg jyr moxjiongw sunrsi ee quihuan, iacc si siauwlenlangg e qamxqag jurqiw decbecc virr taii ar, zircniaw jinjniar qinggiam diyc jinwzip sixbongg ee quewdingg. Guaw jaix dongdai sing'uac jerje langg dirr moxjiongw hiphongx ee jingqingw sii, jinjniar texhue diyc sixbongg qinggiam.

Guaw soxx jaix jit xee le si jit xui dirr ciaeh-diongx nng daii dua kacciax siy' longr diongqanx giap jit xui luxsingr, hitt sii ix zinrding jurqiw itding siw, virr qiur cud laii au, quewkir ee soxu itcer, ham' ix byy qycc u zimrhyy kanlenn lor, ix did diyc jit xee juansinx ee snewmia. Incuw snewmia ui' sixbongg laii si jinsit ee simlixhak juxdee.

Guansiw paclac binjok, vutduan uivow sathai dongrbut, jex si inx juxiaur ee hisingx. Qivunw-siong inx si byy laii hisingx zinlui ee. Vutqyr jaxqii jingwjyh bunhuar, u jit jiongw zedqongg ee hisingx, si qra soxu ee singbut dy' tec laii dongwjyr hisingx; dirr jitt jiongw bunhuar nirr, u ixx zinlui jyr hisingx henrsiong.

Hisingx si dywdngw kir jurzenn ee jit diauu lo

”huanrnarr sitkir snewmia :ee jiong' e cue diyc snewmia.”

Itvnuax laii qongw, siongrr juxiaur ee hisingx si jiac siongrr je hitt jiongw dongrbut. Vixzu, DanglamAx si dix; Aujiux si guqangw. Jitt nng jiongw dongrbut dy' si guehniuu ee siongrdingx. Dix ee gee si guehbaii, dionghngx si dix osig ee bin; guqangw ee qag marr si qang iwsur. Guec siw au qyc'uac, jitjair sunkuann. Guqangw jiurr mow hongbin qongw, marr si dairviauw guehniuu ee sixbongg, zen'au ui' qidiongx qycc snex cud sinx snewmia.

Juaa qapp guec dy' e lau siw

tuad driau inx ee imngiaw jaiww snex.

JURSAD

Banxhuee miasniax ee hongsid.

Dirr ROMA, jursad si qysiongw hing'uii. Jit xee langg jiong' virr liac jingg, iwsig diyc jurqiw quer diyc pnaiw miasniax ee sing'uac sii, ixx jursad qetsog snewmia. CELTS marr liuhingg jitt jiongw hongsiok. Jit vxag GREECE doo rue :ee si jit xee CELTS dirr jiong' virr jangx sii, taii siw jurqiw/ kanciuw ee qingxsiong.

Zidvunw ced vxag (HARA-KIRI) si gisid jursad hing'uii siongrr hyw lerjingr. Hex si cuwbi qycc iugnaw ee gisid. Qra jikzim knuar viw qywzinn iwguan kacc dang ee langg, zuqyw viauxhen binghenw sitvai, dyrr ced vxag jursad, jex si ui'id kyxiw huehok byy bing'i hing'uii ee hongsid. Beh ced vxag ee langg dairsingx qui dirr tatami dionghngx, tntnmi sir xee qag iong byy qang ee mic viauxsi --- cniurr uii dirr Qidog ee Meteo/ Marko/ Luka/ Joan qangrkuanw, cniurr sir diamw uii jit xee diongsimx ee jongqaur juxdee. Qra siongrdingx jurqiw junquir/ bing'i ee qiamr cah zip jniawvingg hnuaii quer vakdow, qycc suaw duiww xe bin, dyw lyc sii bin rair hiongr jingg jiacc e ing tihh. Jitt jiongw jursad hongsid qik tongwkow. Kyxlingg jit dyx lyc kir dyrr byy quanw ar. Liw beh qinggiam jingxqyy quewdingg si diauqangx setding ee hing'uii, iuxquanx miasniax ee. Siongduir :ee, luxsingr jursad rair ced dng jurqiw amrqngw jingrmec --- dongrjog byy qang, iwgi siy' siangg.

Zin qiamr jyr jurqiw bing'i ee Inwdo quiwjok e jamw jurqiw ee tauu, jin' lann jyr qaur jitt xee gisid ee iauqiuu. Qinqir suatbingg, jinwhingg ee hongsid si singx auw jit jangg ser qix/ ziunngw ee ciu, vak syh qycc qra kox dirr jurqiw ee tauu, ciurqix huanxdnuaa dngw laii sii, tec qiamr qra jurqiw ee tauu jamw driau, ciu e qra tauu dnua hng .kir, dnua zuxx hng liw jitt xee hing'uii ee qongdig zuxx dua, e sui' juanxsnex qaur ham' liw qongdig siongdongx ee soxjai, zircniaw siwjiuuii ee ving'iuw marr bingvik si jnuaxngiu jit huesu. Jitt jiongw jursad, si jongqyx ee jungiamm, sriok tuantew gisid hing'uii.

UAC DIRR JITT SII JITT KIG

Muixx jit diap quw dy' si juadduir doglip, byy qycc cuthen dirr ingxqiuw-diongx.

Guaw zinruii siw au u snewmia m si hyw qaiwliam, e hro liw hunsimx/ be dinsiyh jitt sikig dog'iuw ee kyxquir. Zuqyw verbuw e dirr hiax danw liw, qycc ingxuanw ham' inx jywhuew, liw dyrr be dinsiyh ganw-jingg ham' verbuw hunhiongw ee diongriaur.

Muixx jit diap dy' si juadduir digvet ee, inx byy kyxlingg jaiww cuthen. Jitt xee sursit hro snewmia cimkig ee iwgi, hro liw e juanjur bak-jingg soxx qinglik ee itcer, muixx jit xee langg dy' kuaiwlok uac dirr tendongg jitt xee qaiwliam, e qra jitt xee iwgi venr vyc .kir. Liw siongrr hyw jitt sii jitt kig dyrr si kuaiwlok qycc qinglik diyc ingxuanw ... .. “ham' siongrder dirr tendongg kuaiwlok dauwdin” ee iwsur si, beh liw dirr sewqanx sii dyrr qaix kuaiwlok; si liw dirr jitmaw muixx jit kig dy' qaix qra snewmia qapp hitt xee sinsingr/ ingxuanw ee lat qethap jyr ittew. Zuqyw liw qra tendongg jitt xee siongrdingx knuawjyr kurtew sidjai ee soxjai, anne zinsingx ee jingqingw dyrr hunlec lor. Kyxvixqongw, liw e zinruii ingxuanw snewmia dirr hiax/ siongsinr siongrder jitt xee lingliong ee laiguann dirr hiax, liw kiokk dirr jiax. Ix kyxlingg e jinwzip liw snewmia, marr kyxlingg be. M si! M driyc --- ingxuanw lingliong ee laiguann dirr jiax, dirr liw srinx-siong, jitmaw dyrr junjai dirr jiax.

Jex si GNOSTICS sinviwjuxgi/ vudsingr ... dringw qaiwliam ee jingsinn. Dng' PAUL qongw, “jitmaw uac :ee m si guaw, si guaw luerjai ee Qidog” sii, dyrr jin' jiapqin jitt xee qaiwliam. Guaw bad jit vaiw qangxenw sii jyr pinggi, tniajiongr u jit xui bogsux dyrr qongw “ hex si setdok” --- jex si qauwhue byy guanrir singzin siongrdingx huhy kuriuw jitt jiongw iwgi ee sidle.

Ui' lingrgua jit xee qakdo knuar, tendongg jitt xee iwsiong ee qonglingg si hiabjo liw kinsangx jurjai binrduir sixbongg, jo liw sunrhok/ m si dexjer qirjuat jurzenn ee anvaii, guaw zinruii liw ersaih qra jit xee decbecc quewongw ee Qidokqaur ginxaw qongw, “liw beh kir tendongg”.

Qirjuat sixbongg

si liw m jaix

siw au e kir dyc'ui

U jit vxo Vudqingx, u langg mng Vuddyy, beh zuhyy vangjan langg' binrduir sixbongg. Vuddyy rinr “ qaxsed jit dongr huexsiyx cur, cur-lai u jit xui vaxvah, snax xee ginxaw, suibongw ginxaw jin' qniax huew, mrqyxx inx byy guanrir cud laii guarbin. Vaxvah qongw “ linw tniax jimjiog or, guarkauw u jit daii jin' qoxjuix ngiumex-aw ee tuaciax decc danw linw or! Kacc qinw kir, m tangx hro ngiumex-aw danw!” ngua jit qxur qongw, liw uirr hiaxee byy hxuad texgiam kacc quann jancur jinsit ee langg, tecud moxjiongw huexsiyx ixgua ee surbut, si qniaa e tongx qapp vit'iaur ee hongvenrhuad, narr byy, jiaxee langg si byy linglik uansingg ee.

Liw jicii jit xee jiong' beh quewongw ee langg sii, si hiabjo ix zinrdongg hitt xee beh ui' ix sinkux hunli ee iwsig. Jidsiwlangg lanw vutduan ui' jerje byy qang surbut hunli cud laii. Juewau, zinrdongg jurqiw ee iwsig, tuatli sinkux.

Vudqaur qauwgi

diongsimx susiongw si

byy duar jip'id ee juvix

Incuw, liw juvix ee duiwsiong itdanr sixbongg, vutqaix si tuabuaa, jipquat si jitt jann quanhe ee dexjiam janbin; liw ee juvix laijurr ingxuanw snewmia janbin, kyxliw sitkir itcer sii, zinrdongg hex byy sitkir ee surbut, laii syluac an'uir langg' ee sitlyc; dyrr si zinrdongg hro liw sinkux/ surbut junjai ee iwsig jongrtair. Jitt jiongw huehok qaur byy hunvet iwsig jongrtair ee hingdong, si huedngw jurzenn, qruix hiongr sunjinx, si langg sniu e diyc/ erdangr jaix ee qighan. Cunx ee qingxqair si ciauuat soxu iwsig ee diwsig ar.

huedngw tauu iac