Ledongg I

1 David Ongg huer je nilau, suizenn qra ix qah pue, iuguann be siyx.

2 Ix hiaxee lovok dyrr qra ix qongw, "Diyhh qra guaw ee jruw, guaw ee ongg cue jit xee jairsikluw, hro ix kia dirr ongg ee binrjingg laii hongrsingg liw; qycc kunr dirr liw ee hxingx-jingg, tangx hro guaw ee jruw, guaw ee ongg did diyc siyx."

3 Dyrr dirr Islael ee siwqingw cue suiw ee jaboxginxaw; cue diyc Sunem jit xee luxjw, miaa Abisag, duar qaur ongg hiax.

4 Jitt xee jaboxginxaw suiw qaur qik; ix hongrsingg ongg, suhau ix. Danrsi ongg byy cinqin ix.

5 Hitt sii Haggit ee qniaw Adonijah jurqyx, qongw, "Guaw beh juer ongg"; dyrr uirr qaqi virvan ciax, bexvingx, qycc go-jap langg jauw dirr ix ee taujingg.

6 Ix ee laurve vingsii m bad hro ix iubun, m bad duiww ix qongw, "Liw jnaixngiu anxnix juer?" Ix snix juer vutjiw hyw knuar. Ix cutsir dirr Absalom ee buexau.

7 Ix qapp Zeluiah ee qniaw Joab, qapp jewsix Abiatar camsiongg; inx dyrr duer Adonijah, laii vangjan ix.

8 Danrsi jewsix Zadok, qapp Jehoiada ee qniaw Benaiah, sendix Natan, qapp Simei, Rlei, qapp David ee iongxsu, longxx byy ui Adonijah.

9 Adonijah dirr qin Enlogel, Zohelet ee jiyhvnuaa vnix, taii ngiuu, guu, qapp vuii ee jingsnix, cniaw ix ee jiongww hniadi, dyrr si ongg ee qniaw, ixqip Judah soxu juer ongg ee zinsinn ee jingwlangg.

10 Dogdok sendix Natan, qapp Benaiah, ixqip iongxsu, qapp ix ee siyxdi Solomon, ix longxx byy cniaw inx.

11 Natan qra Solomon ee laurbuw Batseba qongw, "Haggit ee qniaw Adonijah juer ongg lar, liw byy tniax .qnir mah? Lanw ee jruw David iarr m jaix.

12 Dnaxx liw laii, guaw ter liw dnaxsngr, tangx vyxjuann liw ee sniwmia, qapp liw ee qniaw Solomon ee sniwmia.

13 Liw zip kir qnir David Ongg, qra ix qongw, 'Guaw ee jruw, guaw ee ongg ar, liw qamxx m bad duiww liw ee luxvi jiuwjua qongxx: Liw ee qniaw Solomon beh suawjiab guaw juer ongg, ix beh jre dirr guaw ee xui mah? Jnaixngiu Adonijah juer ongg ar?'

14 Liw dirr hiax qapp ongg qongxue ee sii, guaw iarr duer liw ee qajiah au zip .kir, laii qanjingr liw ee ue si sit."

15 Batseba zip kir vangg-lai qnir ongg, ongg jin' lau; Sunem ee jaboxginxaw Abisag decc suhau ongg.

16 Batseba qiokqiongx vair ongg; ongg qongw, "Liw beh simxmih?"

17 Ix qra ix qongw, "Guaw ee jruw ar, liw bad qiw Jehovah, liw ee Siongrder, laii duiww liw ee luxvi jiuwjua, qongw, 'Liw ee qniaw Solomon beh suawjiab guaw juer ongg, ix beh jre dirr guaw ee xui.'

18 Knuar ar, dnaxx Adonijah juer ongg, guaw ee jruw, guaw ee ongg liw iarr m jaix.

19 Ix u taii jerje guu, vuii ee jingsnix, qapp ngiuu, cniaw ongg ee jiongww qniaw, qapp jewsix Abiatar, qapp qundniuw Joab; dogdok liw ee lovok Solomon, ix byy cniaw.

20 Guaw ee jruw, guaw ee ongg ar, Islael jingwlangg ee bagjiux longxx decc knuar liw, tingwhau liw qra inx qongw, jirjui beh suawjiab guaw ee jruw, guaw ee ongg, laii jre ix ee xui.

21 Narr byy, qaur guaw ee jruw, guaw ee ongg qapp ledjow snaqab kunr liauxau, guaw qapp guaw ee qniaw Solomon beh sngr juer u jue ee langg."

23 Ix iauxx decc qapp ongg qongxue ee sii, sendix Natan iarr zip .laii. U langg qra ongg qongw, "Sendix Natan dirr jiax." Natan zip kir ongg ee binrjingg, pag dirr de nirr vair ongg.

24 Natan qongw, "Guaw ee jruw, guaw ee ongg, liw qamxx u qongw, 'Adonijah beh suawjiab guaw juer ongg, beh jre guaw ee xui' mah?

25 In'ui qinaxzit ix lyc .kir, taii jerje guu, qapp vuii ee jingsnix, qapp ngiuu, cniaw ongg ee jiongww qniaw, qapp jiaxee qundniuw, qapp jewsix Abiatar. Knuar ar, inx dirr ix ee binrjingg limjiac, dyrr qongw, 'Guan Adonijah Ongg banrsuer.'

26 Dogdok guaw, dyrr si liw ee lovok, qapp jewsix Zadok, qapp Jehoiada ee qniaw Benaiah, ixqip liw ee lovok Solomon, ix longxx byy cniaw.

27 Jex si guaw ee jruw, guaw ee ongg soxx juer mah? Iarr byy qra liw ee lovok qongw, jirjui beh suawjiab guaw ee jruw, guaw ee ongg jre ix ee xui."

28 David Ongg rinr qongxx, "Qra guaw qiyr Batseba laii." Ix dyrr zip laii ongg ee binrjingg, dirr ongg ee binrjingg kia lehh.

29 Ongg jiuwjua qongxx, "Guaw qiw qiur guaw ee sniwmia tuatli itcer ee huanrlan, ingxuac ee Jehovah laii qongw,

30 Guaw qiwzenn qiw Jehovah, Islael ee Siongrder duiww liw jiuwjua, qongw, liw ee qniaw Solomon beh suawjiab guaw juer ongg, ix beh jre guaw ee xui laii ter guaw, guaw qinaxzit beh jiauww anxnix qniaa."

31 Batseba dyrr qiokqiongx pag dirr de nirr, vair ongg, qongw, "Guan guaw ee jruw David Ongg banrbanrsuer."

32 David Ongg qycc qongw, "Qra guaw qiyr jewsix Zadok, sendix Natan, qapp Jehoiada ee qniaw Benaiah laii." Inx dyrr longxx laii ongg ee binrjingg.

33 Ongg qra inx qongw, "Diyhh cua linw ee jruw hiaxee lovok qapp linw kir, hro guaw ee qniaw Solomon kiaa guaw ee lyy, hro ix lyc kir qaur Gihon;

34 Dirr hiax jewsix Zadok, qapp sendix Natan, diyhh ing iuu buah ix juer Islael ee ongg. Linw iarr diyhh vunn sauwqag, qongw, 'Guan Solomon Ongg banrsuer.'

35 Zen'au duer ix jnriu .laii, ix beh laii jre guaw ee xui, suawjiab guaw juer ongg; in'ui guaw setlip ix juer Islael qapp Judah ee qun'ongg."

36 Jehoiada ee qniaw Benaiah rinr ongg qongxx, "Amen. Guan Jehovah, guaw ee jruw, guaw ee ongg ee Siongrder iarr anxnix qongw.

37 Jehovah jnaixngiu qapp guaw ee jruw, guaw ee ongg dilehh, guan Ix jiauww anxnix qapp Solomon dilehh, qycc hro ix ee qok'ui viw guaw ee jruw David Ongg ee qok'ui qyckacc dua."

38 Dui' anxnix jewsix Zadok, sendix Natan, Jehoiada ee qniaw Benaiah, qapp Keletlangg, Peletlangg, longxx lyc .kir, hro Solomon kiaa David Ongg ee lyy, sangr ix qaur Gihon.

39 Jewsix Zadok dyrr dui' Vowvnii lai tec drew iuu ee qag, ing iuu buah Solomon; langg dyrr vunn sauwqag, jiongww vecsnir longxx qongw, "Guan Solomon Ongg banrsuer."

40 Jiongww vecsnir duer ix jnriu .laii, qycc vunn dat'aw, dua dua hnuahiw, drir qaur de in'ui inx ee sniax qaur beh lic .kuix.

41 Adonijah ixqip qapp ix dilehh hiaxee langkeh duxaxx jiahdyh suah tniax .qnir. Joab tniax qnir sauwqag ee sniax, dyrr qongw, "Sniaa-lai jnaixngiu u huarhua hauw ee sniax ar?" Ix iauxx decc qongw ee sii, jewsix Abiatar ee qniaw Jonatan laii.

42 Adonijah qra ix qongw, "Zip .laii, liw si tywdongwlangg, vitdnia si vyr hyw siausid."

43 Jonatan rinr Adonijah qongxx, "Urngiaw lanw ee jruw David ongg ixqing' setlip Solomon juer ongg;

44 Ongg crex jewsix Zadok, sendix Natan, Jehoiada ee qniaw Benaiah, qapp Keletlangg, Peletlangg, qapp Solomon kir, inx hro ix kiaa ongg ee lyy.

45 Jewsix Zadok qapp sendix Natan, dirr Gihon ixqing' buah ix juer ongg; inx longxx dui' hiax jnriu .laii jin' hnuahiw, drir qaur sniaa rinr sniax;

46 Qycc Solomon ixqing' jre qok'ui.

47 Ongg ee zinsinn iarr laii qra lanw ee jruw David Ongg jiokhog, qongw, 'Guan liw ee Siongrder hro Solomon ee miaa, viw liw ee miaa, kacc ngiaa, hro ix ee qok'ui, viw liw ee qok'ui, kacc dua'; ongg dyrr ngar lyc kir vair.

48 Ongg iarr anxnix qongw, 'Jehovah, Islael ee Siongrder si ingqaix ylyw :ee, in'ui Ix sniuxsur guaw u jit langg qinaxzit jre guaw ee xui, guaw iarr cinbak knuar .qnir.'"

49 Hiaxee qapp Adonijah dilehh ee langkeh longxx qniahniaa kiw .laii, dagg langg qniaa inx ee lo.

50 Adonijah uirdiyhh Solomon dyrr qniax, kiw laii kir knii dnuaqag.

51 U langg qra Solomon qongw, "Knuar ar, Adonijah qniax Solomon Ongg, in'ui ix knii dnuaqag, qongw, 'Guan Solomon Ongg qinaxzit duiww guaw jiuwjua, dikkag byy ing dyx taii siw ix ee lovok.'"

52 Solomon qongw, "Ix narr beh juer hyw langg, jit qix taumngg iarr be qalauc dirr de nirr; narr knuar ix u pnaiw, dyrr dikkag diyhh siw."

53 Solomon Ongg dyrr crex langg kir, inx dyrr duar ix dui' dnxuaa nirr lyc .laii. Ix dyrr laii vair dirr Solomon Ongg ee binrjingg. Solomon qra ix qongw, "Liw dyr kir liw ee cur."

2 David beh siw ee qrii qin lar, dyrr huanhur ix ee qniaw Solomon qongxx,

2 "Guaw decbeh qniaa sewqanx jingwlangg soxx diyhh qniaa ee lo. Liw diyhh iongxqamw, juer dairdiongrhux,

3 Siuw Jehovah, liw ee Siongrder soxx qaudair liw siuw :ee, qniaa Ix ee dyrlo, siuw Ix ee ludle, Ix ee qaiwbing, Ix ee huatdo, Ix qanjingr ee ue, jiauww soxx siaw dirr Moses ludhuad ee ceh nirr :ee. Anxnix, liw bylun juer simxmih, bylun dui' dyclyc kir, longxx e hingtongx,

4 Iarr hro Jehovah ingwgiam Ix soxx ingwunw guaw ee ue, qongw, 'Liw ee qniaxsunx narr qinxsin ix ee lo, jinrsimx jinrir singsit qniaa dirr Guaw ee binrjingg, dyrr liw ee horer jre Islael ee qok'ui ingxx byy dng.'

5 Liw iarr jaix Zeluiah ee qniaw Joab duiww guaw soxx qniaa :ee, ix duiww Islael nng xee qundniuw soxx qniaa :ee, dyrr si Ner ee qniaw Abner, qapp Jeter ee qniaw Amasa, ix taii siw inx. Ix dirr taiwvingg ee sii lrauu inx ee huih, cincniu dirr qaujenr ee sii jidngiu, jiong' jitt xee qaujenr ee huih bag diyc ix ee iyx soxx haa ee duar, qapp ix ee kax soxx cing ee ree.

6 Soxiw liw diyhh jiauww liw ee diwhui laii qniaa; m tangx iong'unw ix vec taumngg anzenn lyc imqanx.

7 Liw diyhh hyw kuanxtai Gileadlangg Barzillai hiaxee qniaw, hro inx siongsiongg dirr liw ee dyh jiac; in'ui guaw siamxvi liw ee hniax Absalom ee sii, inx anxnix kuanxtai guaw.

8 Knuar ar, qapp liw dilehh :ee u Bahulim ee Benjaminlangg, Gela ee qniaw Simei. Guaw kir Mahanaim ee zit, ix ing dang ee jiuwjow jiuwjow guaw. Danrsi ix u lyc Jordan gniajih guaw, guaw dyrr qiw Jehovah duiww ix jiuwjua qongxx, 'Guaw byy beh ing dyx taii liw.'

9 Dnaxx liw byc did sngr ix byy jue, in'ui liw si cangmiaa ee langg, iarr e jaix diyhh jnaixngiu kuanxtai ix, diyhh hro ix vec taumngg lrauu huih lyc imqanx."

10 David qapp ix ee ledjow snaqab kunr, baijongr dirr David ee sniaa.

11 David juer Islael Ongg qiong sir-jap nii; dirr Heblon juer ongg cid nii, dirr Jelusalem juer ongg snax-jap nii.

12 Solomon jre ix ee laurve David ee xui; ix ee qog qenqor qaur qik.

13 Haggit ee qniaw, Adonijah, kir qnir Solomon ee laurbuw Batseba. Batseba mng ix qongxx, "Liw laii si ving'anx mah?" Rinr qongxx, "Ving'anx."

14 Qycc qongw, "Guaw u dairjir beh duiww liw qongw." Ix qongw, "Jueww liw qongw."

15 Adonijah qongw, "Liw jaix qog vunw si guaw ee, Islael jingwlangg iarr longxx iwhiongr guaw, rair guaw juer ongg; danrsi qog huanxdngw qruix guaw ee siyxdi, in'ui si dui' Jehovah hro ix.

16 Dnaxx guaw u jit qnia su qriuu liw, ngwbang liw byc did tesii guaw." Ix qongw, "Jueww liw qongw."

17 Ix qongw, "Qriuu liw duiww Solomon Ongg qongw, hro ix jiong' Sunem ee jaboxqniaw Abisag sniuxsur guaw juer bow, in'ui ongg dikkag byy tesii liw."

18 Batseba qongw, "Hyw, guaw ter liw qra ongg qongw."

19 Dui' anxnix Batseba kir qnir Solomon Ongg, beh uirdiyhh Adonijah qra ix qongw. Ongg kiw laii gniajih ix, duiww ix qiokqiongx, qycc jre ix ee xui, huanrhur langg uirr ongg ee laurbuw sed jyrui; ix dyrr jre dirr ongg ee jniar vingg.

20 Ix dyrr qongw, "Guaw u jit qnia siyxkuaw su qriuu liw, cniaw liw byc did tesii guaw." Ongg qra ix qongw, "Guaw ee laurbuw ar, jueww liw qongw; guaw byy beh tesii liw."

21 Ix qongw, "Guan ing Sunem ee jaboxginxaw, Abisag, hro liw ee hniax Adonijah juer bow."

22 Solomon Ongg rinr ix ee laurbuw qongxx, "Liw sniaw su uirdiyhh Adonijah qriuu Sunem ee jaboxginxaw, Abisag ar? Ix si guaw ee hniax. Liw quikir ter ix qriuu qog; dyrr si ui ix, qapp jewsix Abiatar, qapp Zeluiah ee qniaw Joab laii qriuu."

23 Solomon Ongg dyrr qiw Jehovah laii jiuwjua qongxx, "Adonijah qongw jex ue si hai qaqi ee sniwmia; narr byy, guan Siongrder qavue jikhuat guaw.

24 Jehovah qenqor guaw, hro guaw jre guaw ee ve David ee xui, jiauww Ix soxx ingwunw ee ue, qra guaw qenwlip qrex; guaw qiw Ix ee ingxuac laii jiuwjua, Adonijah qinaxzit dikkag siw."

25 Solomon Ongg dyrr crex Jehoiada ee qniaw Benaiah kir; ix dyrr pah ix, hro ix siw.

26 Ongg qra jewsix Abiatar qongw, "Liw diyhh dyr kir Anatot, liw ee canhngg hiax; liw ingqaix diyhh siw, danrsi qinaxzit guaw m hro liw siw, in'ui liw dirr guaw ee ve David ee binrjingg u qrngx Jruw Jehovah ee qxui; qycc guaw ee laurve soxx sriu itcer ee huanrlan, liw iarr qapp ix sriu huanrlan."

27 Solomon dyrr qikdiok Abiatar, m jrunw ix juer Jehovah ee jewsix; anxnix dyrr ingwgiam Jehovah dirr Siloh qapp Eli ee qrex soxx qongw ee ue.

28 Jitt xee siausid tuann qaur Joab, Joab dyrr jauw, zip Jehovah ee Vowvnii, knii dnuaqag; in'ui Joab suizenn byy duer Absalom, danrsi duer Adonijah.

29 U langg qra Solomon Ongg qongw, "Joab jauw qaur Jehovah ee Vowvnii, dnaxx dirr dnxuaa-vnix." Solomon dyrr crex Jehoiada ee qniaw Benaiah, qongw, "Liw kir pah ix."

30 Benaiah qaur Jehovah ee Vowvnii, qra Joab qongw, "Ongg qongw liw diyhh cud .laii." Ix rinr qongxx, "M ar, guaw beh siw dirr jiax." Benaiah kir huehog ongg qongxx, Joab anxnix qongw, anxnix rinr ix.

31 Ongg qra ix qongw, "Liw tangx jiauww ix ee ue qniaa, pah siw laii baijongr ix; tangx hro Joab byy indnuax lrauu langg ee huih hitt xee jue byy qruix dirr guaw, qapp guaw laurve ee qrex.

32 Jehovah beh ing ix ee huih qruix dirr ix qaqi ee taukag. Ix pah viw ix kacc gi, viw ix kacc hyw ee nng langg, ing dyx taii siw ix; dyrr si Islael ee qundniuw Ner ee qniaw Abner, qapp Judah ee qundniuw Jeter ee qniaw Amasa; iarr guaw ee laurve David m jaix.

33 Dui' anxnix inx ee huih beh qruix dirr Joab ee taukag, qapp ix ee horer ee taukag, qaur ingxuanw. Dogdok David qapp ix ee horer, ix ee qrex, ix ee xui, beh dui' Jehovah did diyc ving'anx, qaur ingxuanw."

34 Jehoiada ee qniaw Benaiah dyrr jnriu .kir, pah siw ix, dyrr baijongr ix dirr kongwiaw, dirr ix qaqi ee cur.

35 Ongg dyrr setlip Jehoiada ee qniaw Benaiah ter Joab juer qundniuw; qycc setlip jewsix Zadok, laii ter Abiatar.

36 Ongg crex langg qiyr Simei laii, dyrr qra ix qongw, "Liw diyhh uirr qaqi kiw cur dirr Jelusalem, kiarkiw dirr hiax, m tangx cud hiax kir vadd xui.

37 In'ui liw diyhh kaksit jaix, liw narr cud kir quer Kidlon Kex, hitt zit diyhh siw, liw ee huih beh qruix liw qaqi ee taukag."

38 Simei rinr ongg qongxx, "Jitt xee ue jin' hyw. Guaw ee jruw, guaw ee ongg soxx qongw :ee, liw ee lovok beh anxnix qniaa." Dui' anxnix Simei diamr dirr Jelusalem jerje zit.

39 Quer snax nii, Simei nng xee lovok jauw qaur Gat Ongg Maaka ee qniaw Aqis hiax. U langg qra Simei qongw, "Liw knuar, liw ee lovok dirr Gat."

40 Simei kiw .laii, virvan luu kir Gat, qaur Aqis Ongg hiax, cue ix ee lovok. Simei dyrr kir Gat duar ix ee lovok dyr .laii.

41 U langg qra Solomon qongw, "Simei cud Jelusalem, an' Gat dyr .laii."

42 Ongg dyrr crex langg qiyr Simei laii, duiww ix qongw, "Guaw qamxx m si qiyr liw qiw Jehovah jiuwjua, qycc qingxqair liw qongxx, 'Liw diyhh kaksit jaix liw cud kir guarbin, bylun kir dyclyc, hitt zit liw diyhh siw mah?' Liw rinr guaw qongxx, 'Guaw tniax jitt xee ue jin' hyw.'

43 Dnaxx liw sniaw su byy jipsiuw qiw Jehovah soxx jiuwjua :ee, qapp guaw soxx qingxqair liw ee bingrling ar?"

44 Ongg qycc qra Simei qongw, "Liw ee simx soxx jrunn ee pnaiw, dyrr si liw duiww guanw laurve David soxx qniaa :ee, liw qaqi longxx jaix; soxiw Jehovah beh jiong' liw ee pnaiw qruix liw qaqi ee taukag.

45 Solomon Ongg beh did diyc hokkir; qycc David ee qok'ui beh dirr Jehovah ee binrjingg qenqor, qaur ingxuanw."

46 Ongg dyrr bingrling Jehoiada ee qniaw Benaiah, ix dyrr cud .kir, pah hro ix siw. Dui' anxnix, qok'ui qenqor dirr Solomon ee ciuw.

3 Solomon qapp Egipt Ongg Falaoh qetcinx, crua Falaoh ee jaboxqniaw juer bow, duar ix zip David Sniaa, tingwhau ix kiw qaqi ee cur, qapp Jehovah ee dxen, ixqip Jelusalem siwuii ee sniacniuu uanqangx.

2 Dngsii iauxx bue u uirr Jehovah ee miaa kiw dxen; soxiw vecsnir iuguann dirr snuataudnuaa henwjer.

3 Solomon tniar Jehovah, qniaa ix ee laurve David ee huatlud; dogdok dirr snuataudnuaa henwjer siyx hniux.

4 Ongg kir Gibeon henwjer, in'ui dirr hiax u qik dua ee snuataudnuaa. Solomon dirr dnxuaa-dingw henr siyjer ee jingsnix jit-cingx jiah.

5 Dirr Gibeon, mii .sii dirr bang-diongx, Jehovah duiww Solomon cuthen. Siongrder qongw, "Liw rair Guaw sniuxsur liw simxmih? Tangx duiww Guaw qriuu."

6 Solomon qongw, "Liw bad six dua xunx hro Liw ee lovok, guaw ee ve David, jiauww ix ing singsit, qongi, jingwdit ee simx, qapp liw dilehh, qniaa dirr Liw ee binrjingg. Liw iarr qra ix lauu jitt xee dua undenw, dyrr si sniuxsur ix jit xee qniaw jre ix ee xui, cincniu qinaxzit anxnix.

7 Jehovah, guaw ee Siongrder ar, dnaxx Liw hro Liw ee lovok suawjiab guaw ee laurve David juer ongg. Jongwsirr guaw si ginxaw, m jaix diyhh jnaixngiu cutzip.

8 Liw ee lovok diamr dirr Liw soxx qingw ee vecsnir diongx, jiaxee vecsnir je qaur be sngr .did, iarr sngr be liauw.

9 Qriuu Liw sniuxsur Liw ee lovok diwhui ee simx, tangx pnauwduanr Liw ee vecsnir, laii hunvet hyxpnaiw; in'ui jirjui e pnuawduanr Liw jiacc je ee vecsnir ar?"

10 In'ui Solomon qriuu jex. Jruw hnuahiw ix ee ue.

11 Siongrder duiww ix qongw, "Liw qiwzenn qriuu jex, byy uirr qaqi qriuu huewsiu, byy uirr qaqi qriuu hyxgiac, iarr byy qriuu bedjuat liw ee duiwdik ee sniwmia, dnuadnuax uirr qaqi qriuu diwhui tangx hunvet simxpnuar ee lriw;

12 Knuar ar, Guaw jiauww liw ee ue laii juer. Guaw sniuxsur liw cangmiaa diwhui ee simx; drir qaur liw ixjingg byy langg cincniu liw, liw ixau iarr byy u langg kiw laii cincniu liw.

13 Liw soxx byy qriuu :ee, Guaw iarr hro liw; dyrr si hyxgiac, junquir, hro liw dirr sewqanx ee zitjiw, led'ongg byy jit xee e viw did liw.

14 Liw narr qniaa Guaw ee dyrlo, siuw Guaw ee ludle, qapp Guaw ee qaiwbing, yc liw ee laurve David soxx qniaa :ee, Guaw dyrr beh hro liw dngg huewsiu."

15 Solomon kunr cnew, jaix si binbang; dyrr kir Jelusalem kia dirr Jehovah ee iokqui jingg, henr siyjer, qapp siarunjer; qycc uirdiyhh ix hiaxee zinsinn vaised ensiac.

16 U jit zit, nng xee qirluw laii ongg hiax, kia dirr ongg ee binrjingg.

17 Jit xee hurzinlangg qongw, "Guaw ee jruw ar, guaw qapp jitt xee hurzinlangg snaqab druar jit qingx cur. Guaw qapp ix dirr cur-lai snix jit xee qniaw.

18 Guaw snix qniaw liauxau derr snax zit, jitt xee hurzinlangg iarr snix ginxaw, guanw snaqab kiarkiw, druu guanw nng langg ixgua, cur-lai byy vadd langg qapp guanw dilehh.

19 Mii .sii jitt xee hurzinlangg ee qniaw siw, in'ui ix kunr ee sii deh diyc ix.

20 Ix vnuawmii kiw .laii, tanr liw ee luxvi decc kunr, dui' guaw ee sinvnix py guaw ee ginxaw kir, he dirr ix ee hxingx-jingg, jiong' ix ee siw ginxaw he dirr guaw ee hxingx-jingg.

21 Tnix beh qngx ee sii, guaw kiw laii beh hro guaw ee ginxaw jiac linx; byy pacsngr, ginxaw ixqing' siw; quar tnix qngx, guaw siongser knuar, m si guaw soxx snix ee qniaw."

22 Hitt xee hurzinlangg qongw, "Byy, uac :ee si guaw ee qniaw, siw :ee si liw ee qniaw." Jitt xee hurzinlangg qongw, 'Byy, siw :ee si liw ee qniaw, uac :ee si guaw ee qniaw." Inx dirr ongg ee binrjingg anxnix sna' jner.

23 Ongg sniu qongxx, "Jitt xee hurzinlangg qongw, 'Uac ee qniaw si guaw ee, siw ee qniaw si liw ee'; hitt xee hurzinlangg qongw, 'Byy, siw ee qniaw si liw ee, uac ee qniaw si guaw ee.'"

24 Ongg qongw, "Qra guaw giac dyx laii"; dyrr giac dyx qaur ongg ee binrjingg.

25 Ongg qongw, "Jiong' uac ee ginxaw puar juer nng vingg, jit vingg hro hitt xee, jit vingg hro jitt xee."

26 Uac ee ginxaw ee laurbuw uirdiyhh qaqi ee qniaw, simx cincniu huew decc dyc, dyrr duiww ongg qongw, "Guaw ee jruw ar, jiong' uac ee qniaw hro hitt xee hurzinlangg, cenban m tangx hro ix siw." Hitt xee hurzinlangg qongw, "Jitt xee ginxaw byc did qruix liw, iarr byc did qruix guaw; puar ix, tangx."

27 Ongg rinr qongxx, "Jiong' uac ee ginxaw hro jitt xee hurzinlangg, cenban m tangx taii ix; in'ui ix sidjai si ix ee laurbuw."

28 Islael jingwlangg tniax qnir ongg soxx pnuawduanr ee anr, dyrr longxx qingwuir ix; in'ui knuar qnir ix ee simlai u Siongrder ee diwhui laii pnauwduanr.

4 Solomon Ongg juer Islael jingwlangg ee ongg.

2 Ix soxu ee zinsinn qir dirr erbin: Zadok ee qniaw Azaliah juer jewsix;

3 Sisa nng xee qniaw Eliholef qapp Ahijah juer viwsux; Ahijah ee qniaw Jehosafat juer suxqnuax;

4 Jehoiada ee qniaw Benaiah juer qundniuw; Zadok qapp Abiatar juer jewsix;

5 Natan ee qniaw Azaliah juer jiongww qnuadniuw; Natan ee qniaw Zabud juer jewsix, iarr juer ongg ee ving'iuw;

6 Ahisar juer quanxqex :ee; Abda ee qniaw Adonilam juer dokqangx :ee.

7 Solomon dirr Islael juann de setlip jap-zi xee qnua'uann, inx uirdiyhh ongg qapp ix ee qrex virvan jiahmic, muixx nii dagg langg jit guehzit virvan jiahmic.

8 Inx ee miaa qir dirr erdew; dirr Eflaim ee snuade, u Benhur;

9 Dirr Makaz, Saalbim, Bet Semes, Elon, qapp Bet Hanan, u Bendeker;

10 Dirr Alubbot, u Benhesed, ix iarr dirr Sokoh qapp Hefer juann de;

11 Dirr Dor ee juann snuade, u Benabinadab; ix crua Solomon ee jaboxqniaw Tafat juer bow;

12 Dirr Taanac, qapp Megiddo, qapp uaw qin Zaletan, Jezleel xe vingg ee Bet San juann de, dui' Bet San qaur Abel Meholah, qaur Jokmeam ee guarbin, u Ahilud ee qniaw Baana;

13 Dirr Gilead ee Rlamat, u Bengeber, ix iarr dirr Gilead ee Manasseh qniaxsunx Jair hiaxee sniaa, Basan ee Argob-de ee dua sniaa, lak-jap jxy sniaa, longxx u sniacniuu qapp dangg ee mngqongg;

14 Dirr Mahanaim u Iddo ee qniaw Ahinadab;

15 Dirr Naftali u Ahimaaz, ix iarr crua Solomon jit xee jaboxqniaw Basemat juer bow;

16 Dirr Aser qapp Bealot u Husai ee qniaw Baana;

17 Dirr Issaqar u Paluah ee qniaw Jehosafat;

18 Dirr Benjamin u Ela ee qniaw Simei;

19 Dirr Gilead-de, u Uli ee qniaw Geber; ix iarr dirr Amoli Ongg Sihon qapp Basan Ongg Og ee de, dogdok ix jit langg dirr hiax juer qnruax.

20 Judah qapp Islael jingwlangg jin' je, cincniu haiw-vnix ee suax hiacc je, iarr jiac, iarr limx, iarr jin' kuaiwlok.

21 Dui' Duarhyy qaur Filist-de, didqaur Egipt venqair hiaxee qog, Solomon longxx quanxhad inx. Solomon uac lehh ee zit, inx longxx jinwqongr hogsai ix.

22 Solomon dagg zit soxx ing laii jiac :ee, iur ee mirhunw snax-jap kor, cox ee mirhunw lak-jap kor,

23 Vuii ee guu jap jiah, cauxdniuu ee guu zi-jap jiah, ngiuu jit-vah jiah, iauxx u lok, ling'iongg, ciaclok, qapp vuii ee qxex.

24 In'ui ix quanxhad Duarhyy jitt vingg ee juann de, dui' Tifsah qaur Gaza, dyrr si hitt xee Hyy jitt vingg jiaxee ongg; qycc dirr ix siwuii ee siwhngx, longxx hiongxsiu taiwvingg.

25 Solomon uac lehh ee zit, dui' Dan qaur Beerseba ee Judahlangg qapp Islaellangg longxx anzenn kiarkiw,

26 Dagg langg dirr ix ee pudyciu kax, qapp buhuaqyxciu kax. Solomon u sir-bxan qingx tyr ciax ee bexvingx, u bexvingx jit-bxan nng-cingx,

27 Hiaxee qnua'uann, dagg xee jiauww ix ee guehhun, qra Solomon Ongg, qapp qniwnarr jre Solomon Ongg ee dyh :ee, virvan jiahmic, longxx byy kiamr jit hxang.

28 Qokk langg jin ix ee jithun, duar duarbec qapp cauxliau qaur inx ee soxjai.

29 Siongrder sniuxsur Solomon diwhui cangmiaa qik dua, simx iarr kuikuah, cincniu haiw-vnix ee suax.

30 Solomon ee diwhui vnuaa quer danghngx ee langg ee diwhui, qapp Egipt itcer ee langg ee diwhui.

31 Ix ee diwhui ngiaa quer banrlangg, ngiaa quer Ezlahlangg Etan, qapp Mahol ee qniaw Heman, Kalkol, Darda; ix ee miasniax vywiongg dirr siwuii ledqog.

32 Ix juer jimgenn snax-cingx qxur; siqaux jit-cingx lenn go siuw.

33 Ix qangxlun cauxbak, dui' Lebanon ee vikhniuciu qaur cniuu-dingw huad .kiw .laii ee giucikcauw; qycc qangxlun jauxsiur, vuejiauw, tangtua, juixjok.

34 U langg dui' ledvangx laii, tniax Solomon diwhui ee ue, tnie led'ongg tniax qnir Solomon ee diwhui, iarr u crex langg laii.

5 Tyle Ongg Hilam crex ix ee lovok kir qnir Solomon, in'ui tniax qnir langg ing iuu buah ix suawjiab ix ee laurve juer ongg; in'ui Hilam vingsor tniar David.

2 Solomon iarr crex langg kir qnir Hilam, qongw,

3 "Liw jaix guaw ee ve David, in'ui siwuii siwhngx ee qaujenr, be e in'ui Jehovah, ix ee Siongrder ee miaa kiw dxen, qaur Jehovah ing duiwdik he dirr ix ee kax-xe.

4 Dnaxx Jehovah, guaw ee Siongrder ixqing' sniuxsur guaw siwhngx ving'anx, drir qaur byy duiwdik, byy jaieh.

5 Guaw beh uirr Jehovah, guaw ee Siongrder ee miaa kiw dxen, si jiauww Jehovah ingwunw guaw ee ve David ee ue, qongw, 'Guaw beh hro liw ee qniaw suawjiab liw, jre liw ee xui; ix beh uirr Guaw ee miaa kiw dxen.'

6 Soxiw cniaw liw bingrling langg, dirr Lebanon qra guaw cyr vikhniucaa; guaw ee lovok beh qapp liw ee lovok snaqab juer; guaw iarr beh jiauww liw qniww soxx dniardiyc :ee, jiong' liw ee lovok ee qangjnii qaux liw; in'ui liw jaix, dirr guanw diongqanx byy langg cincniu Sidonlangg gauu cyr ciu."

7 Hilam tniax qnir Solomon ee ue, dyrr jin' hnuahiw, qongw, "Qinaxzit ingqaix ylyw Jehovah, in'ui Ix sniuxsur David jit xee u diwhui ee qniaw, dirliw jiacc je ee vecsnir."

8 Hilam crex langg kir qnir Solomon, qongw, "Liw crex langg soxx duiww guaw qongw ee su, guaw u tniax .qnir, lun qaur vikhniucaa, qapp siongciu ee caa, guaw beh jiauww liw ee simguan laii qniaa.

9 Guaw ee lovok beh dui' Lebanon un ix lyc haiw, guaw beh qaw qui' vaii puu dirr haiw nirr, qaur liw soxx qra guaw dniardiyc ee soxjai. Guaw beh dirr hiax tiah kuix, liw tangx jiapsiux. Liw ing jiahmic hro guaw ee qrex, jniaa guaw ee simguan."

10 Hilam dyrr ing vikhniucaa qapp siongciu ee caa hro Solomon jiauww ix itcer soxx rair :ee.

11 Solomon hro Hilam nng-bxan kor ee siyxbec; zi-jap kor ee cing'iuu, juer ix qrex-lai ee jiahmic. Solomon dagg nii jiauww anxnix hro Hilam.

12 Jehovah jiauww Ix soxx ingwunw :ee, sniuxsur diwhui hro Solomon. Hilam qapp Solomon ee diongqanx u hyvingg; inx nng langg snaqab lip iog.

13 Solomon Ongg dui' Islael jingwlangg ee diongqanx, pair langqangx; soxx pair ee langqangx qiong snax-bxan.

14 Dagg guehzit lunliuu pair jit-bxan langg qaur Lebanon; inx jit guehzit dirr Lebanon, nng guehzit dirr qrex-lai; Adonilam juer dokqangx :ee.

15 Solomon u tiauhux cid-bxan; veh-bxan langg dirr snuax nirr pah jiyc.

16 Jiaxee ixgua Solomon u ing dokqangx ee duarqnuax snax-cingx snax-vah langg; inx qamdog hiaxee juer qangx ee langg.

17 Ongg cud lring, inx dyrr un dua jiyc, vyxvuer ee jiyc, ing pah hyw ee jiyc laii he cur ee derqix.

18 Solomon ee saihu, qapp Hilam ee saihu, qapp Geballangg, longxx pah jiyc, virvan caliau qapp jiyc, laii kiw denrcur.

6 Islaellangg cud Egipt-de liauxau sir-vah veh-jap nii, Solomon juer Islael ee ongg, derr sir nii Ziv Guec, dyrr si zi-guec, dangrqangx kiw Jehovah ee dxen.

2 Solomon Ongg uirr Jehovah soxx kiw ee dxen, dngg lak-jap dxng, kuah zi-jap dxng, quann snax-jap dxng.

3 Hitt der cur dxen-jingg ee lrongg dngg zi-jap dxng, qapp ix ee cur ee kuah vnii; dirr cur ee taujingg, ix ee kuah jap dxng.

4 Qycc uirdiyhh cur juer txangx, u qnuaix siw ee tang'axjiw.

5 Uaw dirr cur ee cniuu, siwuii kiw lxauu, dyrr si uaw dirr cur ee cniuu ee siwuii, jingg dxen au dxen longxx si anxnix; kiw vnivangg dirr siwuii.

6 Lxauu ee xe jann kuah go dxng, diongx jann kauh lak dxng, derr snax jann kuah cid dxng; dirr cur ee guarbin juer vngcniuu dirr ix ee siwuii, hro ngii-aw byy cah zip dxen ee cniuu.

7 Dxen decc kiw ee sii, si ing snuax-diongx pah hyw ee jiyc. Kiw dxen ee sii, tuii, voxtauu, qapp vadd hy tickir ee snia'imx longxx byy tniax .qnir.

8 Vnix:a diongx vangg ee mngg, dyrr si dirr dxen ee jniar vingg, dui' qngxletuix jnriu diongx jann, dui' diongqanx jnriu qaur derr snax jann.

9 Dui' anxnix, kiw dxen qaur hyw, dyrr ing vikhniucaa ee ngii, vikhniucaa ee vxanw, ziakamr dxen.

10 Qycc uaw dirr qui' qingx ee dxen u kiw lxauu, qokk quann go dxng; jiaxee longxx ing vikhniucaa kuar dirr dxen nirr.

11 Jehovah ee ue limqaur Solomon, qongw,

12 "Lun qaur liw soxx kiw jitt qingx dxen, liw narr qniaa Guaw ee ludle, tranr Guaw ee huatdo, siuw Guaw itcer ee qaiwbing, jiauww anxnix qniaa, Guaw dyrr beh jiauww Guaw soxx ingwunw liw ee ve David ee ue, ingwgiam dirr liw.

13 Guaw beh diamr dirr Islaellangg ee diongqanx, iarr byy vangwsag Guaw ee vecsnir Islael."

14 Solomon kiw dxen ixqing' bingvik.

15 Ing vikhniucaa ee vxanw kiw juer dxen ee lairdingg ee cniuu; dui' dxen ee tokax qaur ngii-aw, longxx ing caa kamr ix ee lairdingg; qycc ing siongciurvanw pox dxen ee tokax.

16 Qycc dirr dxen ee aurbin, ing vikhniucavanw kiw zi-jap dxng, dui' tokax qaur ngii-aw, qra ix juer dirr lairbin, juer au dxen, dyrr si Jiww Sxingr Sow.

17 Au dxen jingg ee dxen cimx sir-jap dxng. Dxen-lai ee vikhniucaa longxx u kig vuu-aw qapp hueluiw;

18 Dxen-lai longxx si vikhniucaa, byy knuar qnir jit der jiyc.

19 Cur ee lairbin u virvan au dxen, beh dirr hiax andir Jehovah ee iokqui.

20 Au dxen ee lairbin dngg zi-jap dxng, kuah zi-jap dxng, quann zi-jap dxng, longxx ing hyw qimx anx ix; iarr ing vighniucaa kamr dnxuaa.

21 Cur-lai Solomon longxx ing hyw qimx anx ix, au dxen ee taujingg kanx qimlen-aw, iarr ing hyw qimx anx ix.

22 Juann dxen longxx anx qimx, qaur hitt qingx dxen longxx kiw hyw; uaw dirr au dxen ee dnxuaa, iarr longxx anx qimx.

23 Dirr au dxen ee lairbin, ix ing qnanaxcaa juer nng xee qilorvingx, dagg xee quann jap dxng.

24 Qilorvingx jitt vingg ee sxit go dxng, qilorvingx hitt vingg ee sxit go dxng; dui' jitt vingg ee sxit-buew qaur hitt vingg ee sxit-buew, qiong jap dxng.

25 Hitt xee qilorvingx iarr si jap dxng; nng xee qilorvingx ee cunwciyh, kuanxsid, longxx snadangg.

26 Jitt xee qilorvingx knuah jap dxng, hitt xee qilorvingx iarr si anxnix.

27 Jiong' qilorvingx he dirr au dxen ee lairbin; qilorvingx ee sxit tiw kuix, jitt xe qilorvingx jit xee sxit qaur jitt vingg ee cniuu, hitt xee qilorvingx jit xee sxit qaur hitt vingg ee cniuu; dirr dxen-lai inx nng xee sxit sna' jriab.

28 Ix qycc ing qimx anx hiaxee qilorvingx.

29 Hitt xee dxen siwuii ee cniuu, lairgua longxx u diaukig, dyrr si diaukig qilorvingx, jyxciu, qapp hueluiw ee kuanxsid.

30 Dxen ee dervanw, lairgua longxx anx qimx.

31 Qycc ing qnanaxcaa juer zip au dxen ee mngg; ix ee mngbaii, mngkia, dinr cniuu ee sir hxun jit.

32 Ing qnanaxcaa soxx jy nng xee mngsnir, dingxbin kig qilorvingx, jyxciu, qapp hueluiw ee kuanxsid, longxx anx qimx; qycc ing qimx snriux dirr diaukig ee qangx ee dingxbin.

33 Qycc ing qnanaxcaa juer zip dxen ee mngkia, dinr cniuu ee sir hxun jit.

34 Ing siongciurcaa, juer siangvingg ee mngsnir; jitt vingg mngg ee nng snir e auw .did, hitt vingg mngg ee nng snir iarr e auw .did;

35 Dingxbin kig qilorvingx jyxciu, qapp hueluiw ee kuanxsid, longxx anx qimx; qycc ing qimx snriux dirr diaukig ee qangx ee dingxbin.

36 Ix qycc ing pah hyw ee jiyc snax unn, laii kiw lairngi.

37 Derr sir nii, Ziv Guec, he Jehovah dxen ee derqix.

38 Qaur jab'id nii, Bul Guec, dyrr si Veh-guec, denrdngg soxu itcer jiauww ix ee kuanxsid jyrjniaa; ix kixjy qiong cid nii quw.

7 Solomon kiw qaqi ee cur, jap-snax nii quw, cur jiacc kiw hyw.

2 Qycc kiw Lebanon ciurnaa ee cur, dngg jit-vah dxng, kuah go-jap dxng, quann snax-jap dxng; u vikhniucaa ee tiau sir jua ee ngii.

3 Dingxbin ing vikhniucaa kamr ix, kamr dirr sir-jap-go qix tiau-dingw ee ngii; muixx jua jap-go qix tiau.

4 Qycc u tangmngg snax jua, txangx qapp txangx sna' duir; snax jua longxx si anxnix.

5 Jiaxee mngg qapp mngkia, si ing caa juer :ee, longxx si suwhongx; u tangmngg snax jua, txangx qapp txangx sna' duir; snax jua longxx si anxnix.

6 Qycc kiw u tiau ee lingxlongg, dngg go-jap dxng, kuah snax-jap dxng; dirr inx ee taujingg qycc u lingxlongg, dirr inx ee taujingg u tiau qapp hording.

7 Qycc kiw jyrui ee lrongg, dyrr si simxpnuar ee lrongg, tangx dirr hiax simxpnuar. Jitt xee lrongg dui' dervanw qaur tenlyvanw, ing vikhniucaa kamr.

8 Solomon qaqi soxx beh kia ee cur, lingrgua u jit qingx ngi dirr lrongg ee lairbin, kixjy ee hxuad snadangg; Solomon crua Falaoh ee jaboxqniaw, iarr qra ix kiw jit qingx cur, qapp jitt xee lrongg snadangg.

9 Kiw jiaxee lrongg si ing vyxvuer ee jiyc, jiauww cunwciyh laii pah hyw ee jiyc, lairgua ing quxaw qur :ee; dui' derqix qaur nijnii, dui' guarbin qaur duarngi, longxx si anxnix.

10 Derqix si quiwkir ee jiyc, si dua der jiyc; u jap dxng ee jiyc, u veh dxng ee jiyc.

11 Dingxbin u quiwkir ee jiyc, jiauww cunwciyh pah hyw ee jiyc, iarr u vikhniucaa.

12 Duarngi jiuuii u pah hyw ee jiyc snax unn, vikhniucaa jit unn; longxx cincniu Jehovah dxen ee lai ngi, qapp dxen ee lrongg.

13 Solomon Ongg crex langg dui' Tyle duar Hulam laii.

14 Ix si Naftali ee jipair diongx jit xee jiuxqnuaxlangg ee qniaw, ix ee laurve si Tylelangg, si pah dangg saihu. Hulam u diwhui, cangmiaa, vunxsu mauw muaw, gauu pah dagg hxang ee dangkir; ix laii Solomon Ongg hiax, juer ix itcer ee qangx.

15 Ix jewjy nng qix dangtiau, muixx qix quann jap-veh dxng, tiau ee jiuuii jap-zi dxng.

16 Qycc ing dangg laii jur nng xee tiaurdauw, he dirr tiau-dingw. Jitt xee tiaurdauw quann go dxng, hitt xee tiaurdauw quann iarr go dxng.

17 Tiau-dingw ee tiaurdauw u criah jit bak jit bak ee bxang-aw qapp jit kuann jit kuann ee len'aw; jitt xee tiaurdauw u cid xee, hitt xee tiaurdauw iarr u cid xee.

18 Ix jy tiau; dirr jit xee bxang-aw ee dingxbin ee siwuii, u siahliuu nng jua, ing ix laii ziakamr tiau-dingw ee tiaurdauw; hitt xee tiaurdauw iarr si anxnix.

19 Lrongg ee lairbin tiau-dingw ee tiaurdauw, u kig vikhabhuex sir dxng.

20 Nng qix tiau-dingw, qin bxang-aw vnix pongwngii ee soxjai, u tiaurdauw; qycc u siahliuu nng-vah liap dirr derr zi xee tiaurdauw; dagg jua uii ix.

21 Ix kia nng qix tiau dirr dxen ee lingxlongg; kia dirr jniar vingg :ee, miaa qiyr Jaqin, kia dirr dyr vingg :ee, miaa qiyr Boaz.

22 Dirr tiau-dingw kig vikhabhuex; anxnix jy tiau ee qangx dyrr bingvik.

23 Ix qycc jur jit xee danghaiw, kuanxsid si ngii :ee, quann go dxng, dui' jitt vingg qaur hitt vingg jap dxng, jiuuii snax-jap dxng.

24 Dirr ix ee qnii ee erbin, u vuu-aw ee kuanw uii ix, muixx dxng jap liap, laii uii hitt xee danghaiw; vuu-aw u nng jua, jur danghaiw ee sii suar jur :ee.

25 Danghaiw kuar dirr jap-zi jiah dangguu ee dingxbin; snax jiah ngr vag, snax jiah ngr saix, snax jiah ngr lamm, snax jiah ngr dangx; danghaiw he dirr guu ee dingxbin, gu-buew ngr lairbin.

26 Danghaiw qau jit vajniuw ee kuah; ix ee qnii cincniu vxuex ee qnii, cincniu vikhabhuex; tangx drew nng-cingx bat.

27 Ix ing dangg congr jap xee jxy; muixx jxy dngg sir dxng, kuah sir dxng, quann snax dxng.

28 Dagg xee jxy ee kuanxsid si anxnix; longxx u qikdow; ix ee dow dirr qag ee soxjai sna' jriab.

29 Dirr ix ee qag sna' jriab ee soxjai, dow ee dingxbin, sraix, qapp guu, qapp qilorvingx; dirr qag sna' jriab ee soxjai ee dingxbin, u siyw jxy; sraix qapp guu ee erbin, u suii qoxjnitangx ee ciux.

30 Dagg xee jxy u sir xee danglunn, qapp dangg ee digsimx; ix ee sir kax qokk u qxer; qxer jur dirr punn ee erbin; dagg xee vnix:a u qoxjnitangx ee ciux.

31 Ix ee cuir dirr dauw ee lairbin ngr dingw jit dxng; ix ee cuir si ngii :ee, cincniu siyw jxy ee kuanxsid, jit dxng vnuar; dirr ix ee cuir u diaukig; ix ee dow si suwhongx :ee, m si ngii :ee.

32 Sir xee lunn dirr dow ee erbin; lunn ee digsimx qapp jxy sna' lenn; dagg xee lunn quann jit dxng vnuar.

33 Lunn ee kuanw, cincniu cialunn ee kuanw; ix ee digsimx, ix ee guarkuann, ix ee jixsimx, ix ee lairkuann, longxx si jur :ee.

34 Jxy ee sir qag u sir xee qxer, qxer qapp jxy lenn juer jit xee.

35 Jxy ee dingxbin u ngii ee enr, quann vnuar dxng; jxy ee dingxbin u ix ee tuh, qapp ix ee dow, longxx qapp jxy lenn juer jit xee;

36 Ix ee tuh ee vxanw, qapp ix ee dow ee dingxbin, ix kig qilorvingx, qapp sraix, qapp jyrciu, jiauww ix ee kangwui; siwuii u qad qoxjnitangx ee ciux.

37 Ix jiauww anxnix congr jap xee jxy, inx ee juwhuad, cunwciyh, kuanxsid, longxx snadangg.

38 Qycc jy dangvunn jap xee, muixx punn tangx drew sir-jap bat; dagg xee punn didqingr sir dxng; jap xee jxy ee dingxbin, dagg xee jxy he jit xee punn.

39 Hiaxee jxy, go xee he dirr dxen ee jniar vingg, go xee he dirr dxen ee dyr vingg; qycc ing danghaiw he dirr dxen ee jnair vingg, dirr dangsir ee lamvingg.

40 Hulam qycc congr punn, tuh-aw, qapp vnuaa. Dui' anxnix, Hulam uirdiyhh Solomon Ongg juer uann Jehovah dxen itcer ee qangx;

41 Dyrr si nng qix tiau, qapp tiau-dingw ee tiaurdauw ee nng liap qiuu, ixqip kamr dirr tiau-dingw tiaurdauw ee qiuu nng xee bxang;

42 Uirdiyhh nng xee bxang juer sir-vah liap siahliuu; jit xee bxang u nng jua ee siahliuu, laii kamr tiau-dingw tiaurdauw ee nng liap qiuu;

43 Jap xee jxy, qapp jxy-dingw jap xee punn;

44 Danghaiw jit xee, qapp danghaiw ee erbin jap-zi jiah guu;

45 Punn, tuh-aw, vnuaa; jiaxee itcer longxx si Hulam uirr Solomon Ongg juer Jehovah dxen ee kiwqu, longxx ing qngbingg ee dangg laii juer :ee.

46 Ongg dirr Jordan ee vni'ngiuu, dirr Sukkot qapp Zaletan ee diongqanx, dirr liamtoo ee de juwjniaa :ee.

47 Jiaxee itcer ee kiwqu Solomon longxx byy quer cinr, in'ui qigqii je, dangg ee kindang iarr berdid tangx jaix.

48 Solomon iarr juer Jehovah dxen-lai itcer ee kiwqu, dyrr si qimdnuaa, qapp vailet vniaw ee dyh, ing qimx juer :ee;

49 Au dxen ee taujingg ee dingdaii, jniar vingg go xee, dyr vingg go xee, longxx ing hyw qimx juer :ee; ix ee huex, ix ee dingx, ix ee knii, ing qimx juer :ee;

50 Ix ee vxuex, ix ee jenxdyx, ix ee nguaw, ix ee dic, ix ee huexdniaw, si ing hyw qimx juer :ee; qycc u mngku, dyrr si au dxen, Jiww Sxingr Sow ee mngku, qapp hitt xee cur, jingg dxen ee mngku, longxx ing qimx juer :ee.

51 Anxnix, Solomon Ongg juer uann Jehovah dxen itcer ee qangx.

Solomon jiong' ix ee laurve David soxx henr ee mic duar .zip .kir, ginn, qimx, qapp kiwqu, he dirr Jehovah dxen ee huxkor.

8 Hitt sii Solomon jurjip Islael ee diongxlyw, qapp dagg jipair ee siuxlingw, ixqip Islaellangg hiaxee jogdniuw, qaur Jelusalem Solomon Ongg hiax, beh jiong' Jehovah ee iokqui, dui' David Sniaa, dyrr si Zion, un .jnriu .laii.

2 Etanim Guec, dyrr si Cid-guec, ee jecqii, Islaellangg longxx jurjip qaur Solomon Ongg hiax.

3 Islael ee diongxlyw laii, hiaxee jewsix qrngx iokqui.

4 Inx dyrr qrngx Jehovah ee qxui, qapp huerbo, ixqip Vowvnii lai itcer sxingr ee kiwqu jnriu .laii. Jewsix qapp Levilangg longxx qrngx ix jnriu .laii.

5 Solomon Ongg qapp jurjip qaur ix hiax ee Islael ee juann hue dirr iokqui jingg henr ngiuu, guu, juer jewsu, juer qaur be sngr .did, iarr sngr be liauw.

6 Jewsix qrngx Jehovah ee iokqui qaur ix ee soxjai, zip hitt qingx cur ee au dxen, qaur Jiww Sxingr Sow, he dirr qilorvingx ee sxit-xe.

7 In'ui qilorvingx tiw kuix inx ee sxit, dirr qxui ee soxjai ee dingxbin; qycc qilorvingx dirr hitt dingxbin ziakamr qxui, qapp ix ee qngr.

8 Hiaxee qngr jin' dngg, qngr-buew dirr au dxen jingg ee Sxingr Sow tangx knuar .qnir, dirr guarbin dyrr be knuar .qnir; qaur qinaxzit iauxx dirr hiax.

9 Qxui-lai jixu nng der jiyhvix, dyrr si Islaellangg cud Egipt-de, Jehovah qapp inx lip iog ee sii, Moses dirr Holeb Snuax soxx he :ee; jex ixgua byy vadd hxang mic.

10 Dng' jewsix dui' Sxingr Sow cud .laii ee sii, u hunn ciongmuaw Jehovah ee dxen;

11 Drir qaur jewsix uirdiyhh hunn ee enqor be e kia lecc hogsai; in'ui Jehovah ee ingqngx ciongmuaw Jehovah ee dxen.

12 Hitt sii Solomon qongw, "Jehovah bad qongw Ix beh diamr dirr o.-oamr-a. ee soxjai.

13 Guaw ixqing' kiw jitt qingx dxen hro Liw kiarkiw, juer Liw ingxuanw druar ee soxjai."

14 Ongg uat dngw ix ee bin jiokhog Islael huerjiongr; Islael huerjiongr longxx kia .kiw .laii.

15 Ix qongw, "Jehovah, Islael ee Siongrder si ingqaix ylyw :ee, in'ui Ix cincuir duiww guaw ee ve David soxx ingwunw :ee, iarr cinciuw ingwgiam ix, qongw,

16 'Dui' Guaw cua Guaw ee vecsnir Islael cud Egipt ixlaii, Guaw m bad dirr Islael jiongww jipair diongx qingw jit xee sniaa, kiw dxen hro Guaw ee miaa dirr hiax; dogdok qingw David dirliw Guaw ee vecsnir Islael.'

17 Guaw ee ve David simlai u iwsur, beh uirr Jehovah, Islael ee Siongrder ee miaa kiw dxen.

18 Danrsi Jehovah duiww guaw ee ve David qongw, 'Liw ee simx u iwsur beh uirr Guaw ee miaa kiw dxen, liw jitt xee iwsur jin' hyw;

19 Dogdok liw m tangx kiw dxen; liw cinsnix ee qniaw beh uirr Guaw ee miaa kiw dxen.'

20 Dnaxx Jehovah ingwgiam Ix soxx qongw ee ue; guaw jiauww Jehovah ee ue kiw, laii suawjiab guaw ee ve David, jre Islael ee qok'ui; qycc uirr Jehovah, Islael ee Siongrder ee miaa kiw dxen.

21 Guaw iarr dirr hiax uirr iokqui virvan jit soxjai, qxui-lai u Jehovah ee iog, dyrr si Ix cua lanw ee ledjow cud Egipt ee sii, qapp inx soxx lip ee iog."

22 Solomon dng' Islael huerjiongr ee binrjingg, kia dirr Jehovah ee dnxuaa-jingg, giac kiw ciuw ngr tnix, qongw,

23 "Jehovah, Islael ee Siongrder ar, dirr tnidingw, dirr dere, byy u siongrder cincniu Liw siuw iog qniaa zin'air dirr Liw hiaxee lovok, dyrr si jinrsimx qniaa dirr Liw ee binrjingg :ee.

24 Liw duiww Liw ee lovok, guaw ee ve David soxx ingwunw :ee, Liw u siuw ix; Liw cincuir qongw :ee, cinciuw ingwgiam ix, jiauww qinaxzit ee kuanw.

25 Jehovah, Islael ee Siongrder ar, Liw soxx ingwunw Liw ee lovok, guaw ee ve David qongxx, 'Liw ee qniaxsunx narr qinxsin inx ee soxx juer, qniaa dirr Guaw ee binrjingg, cincniu liw qniaa dirr Guaw ee binrjingg, dyrr sriok dirr liw :ee beh dirr Guaw ee binrjingg jre Islael ee qok'ui ingxx byy dng'; dnaxx qriuu Liw ingwgiam ix.

26 Islael ee Siongrder ar, Liw duiww Liw ee lovok, guaw ee ve David soxx qongw :ee, qriuu Liw hro ix jniaa juer sidsu.

27 Siongrder jinjniar beh kiarkiw derjniu mah? Knuar ar, tnix qapp jiaxee tnix ee tnix siongrcniaw byy qraur gxiac hro Liw kiarkiw, hyhongr guaw soxx kiw jitt qingx dxen ar?

28 Jehovah, guaw ee Siongrder ar, guan Liw ngar lyc, siauwliam Liw ee lovok ee qidyw kunxqiuu, laii tniax Liw ee lovok qinaxzit soxx qidyw dirr Liw ee bingjingg ee qiuqiyr, qidyw.

29 Guan Liw zidmii knuawqor jitt xee dxen, dyrr si Liw soxx qongw kiw :ee, 'Guaw ee miaa beh dirr hiax ee soxjai, laii tniax.'

30 Liw ee lovok soxx beh ngr jitt soxjai qidyw ee qidyw. Liw ee lovok qapp Liw ee vecsnir Islael ngr jitt soxjai qidyw ee sii, guan Liw tniax inx ee qiqiuu; guan Liw dirr tnix nirr, Liw kiarkiw ee soxjai, laii tniax inx. Liw tniax .qnir ee sii, dyrr siawbenw.

31 Langg narr dikjue ix ee cuwvnix, iarr u langg ing jit xee jiuwjua qiyr ix jiuwjua, ix narr laii jitt qingx dxen, dirr Liw ee dnxuaa-jingg jiuwjua,

32 Qriuu Liw dirr tnix nirr tniax laii vanrliw ix, simxpnuar Liw jiaxee lovok, dring pnaiw langg ee jue, jiauww ix soxx qniaa :ee, vywingr dirr ix ee taukag; dring girlangg juer gi, jiauww ix ee gi laii hro ix.

33 Setsuw Liw ee vecsnir Islael, in'ui dikjue Liw, jiacc taii sux dirr duiwdik ee binrjingg, inx narr qui'ngr Liw, zin Liw e miaa, qycc dirr jitt qingx dxen qidyw kunxqiuu Liw;

34 Qriuu Liw dirr tnix nirr tniax inx, laii siawbenw Liw ee vecsnir Islael ee jue, hro inx dyr laii Liw soxx sniuxsur inx ee ledjow ee de.

35 Setsuw inx dikjue Liw; drir qaur tnix qnuaibat, byy lyc ho, Liw hinghuat inx ee sii, inx narr ngr jitt soxjai qidyw, zin Liw ee miaa, lirkuix inx ee jue,

36 Qriuu Liw dirr tnix nirr tniax inx, siawbenw Liw ee lovok qapp Liw ee vecsnir Islael ee jue, dirr Liw qawsi inx soxx diyhh qniaa ee hyw lo ee sii, qycc lyc ho dirr Liw ee de, dyrr si Liw sniuxsur Liw ee vecsnir juer giap :ee.

37 Jitt xee de narr u qihngx, un'ik, qodaa, hiuxnua, cauxmeh, jentangg, iacc si inx ee duiwdik dirr inx hiaxee sniaa ee de uikunr inx, bylun u simxmih jaieh, simxmih puawvni;

38 Higsi jit langg, higsi Liw ee vecsnir Islael ee jingwlangg, dag'ee jaix qaqi simlai ee jaieh, ngr jitt qingx dxen giac kiw ciuw, bylun jnaixngiu kunxqiuu, jnaixngiu qidyw,

39 Guan Liw dirr tnix nirr, Liw soxx kiarkiw ee soxjai, laii tniax ix, laii siawbenw, laii sihingg. Liw jaix inx ee simx, jiauww inx dagg langg ee qniajuer laii kuanxtai inx, (in'ui sewqanx dagg langg ee simx, jixu Liw jaix);

40 Hro inx dirr Liw sniuxsur guanw ledjow ee de, jit siwlangg qingwuir Liw.

41 Lun qaur guarvanglangg, m si sriok Liw ee vecsnir Islael, ix uirdiyhh Liw ee miaa dui' hng hng ee soxjai laii :ee,

42 (In'ui inx tniax qnir Liw ee dua miaa, dua quanlingg ee ciuw, crunx cud ee ciuw;) narr laii ngr jitt xee dxen qidyw,

43 Guan Liw dir tnix nirr, Liw kiarkiw ee soxjai, laii tniax inx, jiauww guarvanglangg itcer soxx duiww Liw qriuu :ee laii qniaa; hro tnie banrvecsnir longxx bad Liw ee miaa, qingwuir Liw, cincniu Liw ee vecsnir Islael jidngiu; qycc hro inx jaix guaw soxx kiw jitt qingx dxen si ing Liw ee miaa laii cxingx :ee.

44 Liw ee vecsnir narr cud kir Liw soxx crex inx kir ee lo, qapp duiwdik qaujenr, iarr ngr Liw soxx qingw ee sniaa, qapp guaw uirdiyhh Liw ee miaa soxx kiw ee dxen, laii qidyw Jehovah,

45 Guan Liw dirr tnix nirr laii tniax inx ee qidyw kunxqiuu, laii qra inx pnuawduanr.

46 Liw ee vecsnir narr dikjue Liw, (in'ui byy u byy huanrjue ee langg,) Liw siurkir inx, jiong' inx qaux hro duiwdik, drir qaur duiwdik liac inx qaur duiwdik ee de, higsi hng, higsi qin,

47 Inx narr dirr soxx liac .kir ee de, simlai dywdngw sniu, laii huanxhuew; qycc dirr liac inx ee langg ee de, kunxqiuu Liw qongxx, 'Guanw u jue, guanw u vuergik, guanw u vuergik, guanw u juer pnaiw';

48 Inx narr dirr siurr liac .kir ee de, jinrsimx jinrsingr quihok Liw, qycc ngr vunxde, dyrr si Liw sniuxsur inx ledjow ee de, qapp Liw soxx qingw ee sniaa, ixqip guaw uirdiyhh Liw ee miaa soxx kiw ee dxen, laii qidyw Liw,

49 Guan Liw dirr tnix nirr, Liw soxx kiarkiw ee soxjai, tniax inx ee qidyw kunxqiuu, qra inx pnuawduanr;

50 Qycc siawbenw dikjue Liw ee vecsnir, ixqip inx itcer dikjue Liw ee juerquar, hro inx did diyc linbinw dirr liac inx ee langg ee binrjingg, drir qaur liac inx ee langg linbinw inx.

51 In'ui inx si Liw ee vecsnir, Liw ee sanxgiap, si Liw cua inx cud Egipt, dui' jur tih ee loo-diongx cud .laii .ee.

52 Guan Liw ee bagjiux kuix, knuawqor Liw ee lovok ee qidyw, qapp Liw ee vecsnir Islael ee qidyw, laii tniax inx itcer duiww Liw qriuu :ee.

53 Jruw Jehovah ar, in'ui Liw bad dui' derjniu jiongww vecsnir ee diongqanx hunvet inx, laii juer Liw ee sanwgiap, si jiauww Liw cua guanw ee ledjow cud Egipt ee sii, tog Liw ee lovok Moses soxx qongw :ee."

54 Solomon dirr Jehovah ee dnxuaa-jingg katauu qui lehh, ciuw crunx ngr tnix, soxx duiww Jehovah qidyw kunxqiuu :ee ixqing' qidyw bingvik, dyrr kiw .laii.

55 Ix dyrr kia lehh, dua sniax jiokhog Islael juann huerjiongr, qongw,

56 "Jehovah si ingqaix diyhh ylyw :ee, in'ui Ix itcer soxx ingwunw :ee, sniuxsur ving'anx hro Ix ee vecsnir Islael, qniwnarr tog Ix ee lovok Moses soxx ingwunw ee hyw ue, byy jit qxur logkongx.

57 Guan Jehovah, lanw ee Siongrder qapp lanw dilehh, cincniu Ix qapp lanw ee ledjow dilehh jidngiu. Guan Ix byy lirkuix lanw, byy vangwsag lanw;

58 Hro lanw ee simx qui'ngr Ix, laii qniaa Ix itcer ee dyrlo, siuw Ix soxx bingrling lanw ee ledjow ee qaiwbing, Ix ee ludle, Ix ee huatdo.

59 Guaw dnaxx dirr Jehovah ee binrjingg soxx qiqiuu jiaxee ue, guan jiaxee ue zidmii qin dirr lanw ee Siongrder Jehovah; qycc zidzit jiauww dairjir soxx habgii :ee uirr Ix ee lovok pnuawduanr, qapp Ix ee vecsnir Islael pnuawduanr.

60 Hro derjniu banrvecsnir jaix Jehovah si Siongrder, Ix ixgua byy vadd xee.

61 Soxiw linw ee simx diyhh sunjuann ngr Jehovah, lanw ee Siongrder, juntanr Ix ee ludle, siuw Ix ee qaiwbing, cincniu qinaxzit ee kuanw."

62 Ong qapp Islael jiongww vecsnir snaqab dirr Jehovah ee binrjingg henwjer.

63 Solomon henr siarunx ee jrer, dyrr si henr hro Jehovah :ee, guu nng-bxan nng-cingx jiah, ngiuu jap-zi-bxan jiah. Anxnix, ongg qapp Islael jiongww vecsnir, uirr Jehovah ee dxen qniaa henr dxen ee lew.

64 Dng' hitt zit, ongg hunvet Jehovah dxen-jingg ngi-diongx ee soxjai, dirr hiax henr siyjer, sowjer, qapp siarunjer ee iuu, in'ui Jehovah taujingg ee dangdnuaa sniu' ser, be iong'unw did hiaxee siyjer, sowjer, qapp siarunjer ee iuu.

65 Hitt sii Solomon qapp Islael jingwlangg, dyrr si dui' Hamat ee lorkauw qaur Egipt ee kex, longxx qapp ix jurjip juer duarhue, dirr Jehovah, lanw ee Siongrder ee binrjingg siuw jec'enn cid zit, qycc cid zit, qiong jap-sir zit.

66 Derr veh zit, ongg crex vecsnir kir; inx dyrr qra ongg jiokhog, in'ui Jehovah duiww Ix ee lovok David qapp Ix ee vecsnir Islael soxx six cud itcer ee unhui, dyrr hnuahiw, simlai kuaiwlok, dag'ee dyr kir inx ee vowvnii.

9 Solomon ixqing' kiw Jehovah ee dxen, qapp ongqiongx, qapp itcer soxx rair juer :ee longxx bingvik,

2 Jehovah derr zi vaiw duiww Solomon henxhen, cincniu jingg dirr Gibeon duiww ix henxhen jidngiu.

3 Jehovah duiww ix qongw, "Liw dirr Guaw ee binrjingg soxx qidyw kunxqiuu :ee, Guaw longxx u tniax .qnir. Guaw ixqing' jiong' Liw soxx kiw jitt qingx dxen hunvet juer sxingr, hro Guaw ee miaa ingxuanw dirr hiax. Guaw ee bagjiux, Guaw ee simx iarr beh siongsiongg dirr hiax.

4 Lun qaur liw, narr singsit simx, qycc jingwdit qniaa dirr Guaw ee binrjingg, cincniu liw ee ve David soxx qniaa :ee, juntanr Guaw itcer soxx bingrling liw :ee, jipsiuw Guaw ee ludle, Guaw ee huatdo,

5 Guaw dyrr beh qenqor liw ee qok'ui dirr Islael diongx, qaur ingxuanw; cincniu Guaw ingwunw liw ee ve David qongxx, 'Liw ee horer jre Islael ee qok'ui, ingxx byy dng.'

6 Setsuw linw, iacc si linw ee qniaxsunx, uat dngw byy duer Guaw, byy siuw Guaw sniuxsur linw ee qaiwbing ludle, kir hogsai vadd xee siongrder, laii qingwvair ix,

7 Guaw dyrr beh dui' Guaw inw ee de jenxduu Islael; qycc Guaw uirr qaqi ee miaa soxx hunvet juer sxingr jitt qingx dxen, iarr beh dui' Guaw ee binrjingg kiwsag ix, hro Islaellangg dirr banrqog diongx juer uervnir, siurr qicir.

8 Jitt qingx dxen suizenn jin' quann, jionglaii qingquer ee langg beh gonggniac tixciyr, qongw, 'Jehovah sniaw su anxnix kuanxtai jitt xee de, jitt qingx dxen ar?'

9 Dyrr beh rinr qongxx, 'Si in'ui inx kiwsag Jehovah, inx ee Siongrder, dyrr si cua inx ee ledjow cud Egipt-de :ee, kir qetlenn vadd xee siongrder, hogsai, qingwvair ix; soxiw Jehovah hro jex itcer ee jaieh limqaur inx.'"

10 Qaur zi-jap nii-buew, dyrr si Solomon kiw Jehovah ee dxen qapp ongqiongg jitt nng qingx cur uanqangx ee sii,

11 Solomon Ongg dyrr jiong' Galilee-de zi-jap xee sniaa hro Hilam. Tyle Ongg Hilam bad jiauww Solomon itcer soxx air :ee, ing vikhniucaa, siongcaa, qapp qimx hro ix.

12 Hilam dui' Tyle cud .laii, knuar Solomon soxx hro ix ee sniaa, knuar liauw byy qac'ir, dyrr qongw,

13 "Guaw ee hniax ar, liw soxx hro guaw hiaxee sniaa si simxmih?" Ix dyrr qiyr ix Kabul ee de, qaur qinaxzit.

14 Hilam u qiar qimx jit-vah zi-jap talent hro ongg.

15 Solomon Ongg pair langqangx ee indnuax, si beh kiw Jehovah ee dxen, qaqi ee ongqiongx, qapp Millo, Jelusalem ee sniacniuu, qapp Hazor, Megiddo, qapp Gezer.

16 Jingg Egipt Ongg Falaoh jnriu laii cruw Gezer, ing huew siyx ix, taii siw sniaa-lai kiarkiw ee Kanaanlangg, jiong' sniaa hro ix ee jaboxqniaw, Solomon ee bow, juer qewjngx.

17 Solomon kiw Gezer, qapp erbin ee Bet Holon;

18 Qapp Baalat, qapp qog-lai kongwiaw nirr ee Tamar;

19 Qapp Solomon soxu huxkor ee sniaa, qapp he ciax ee sniaa, qapp bexvingx ee sniaa, qapp Solomon dirr Jelusalem, dirr Lebanon, qapp dirr ix soxx dirliw ee juann de, uirr qaqi ee kuaiwlok soxx air soxx kiw :ee.

20 Lun qaur soxx cunx ee vecsnir, Amolilangg, Hitlangg, Pelizlangg, Hivilangg, Jebuslangg, m si sriok dirr Islael :ee;

21 Dyrr si dirr jitt derhngx inx soxx cunx ee horer, Islaellangg be e itjin bet :ee, Solomon pair inx juer koxqangx, qaur qinaxzit.

22 Danrsi Islaellangg, Solomon byy hro inx juer lovok; si juer ix ee jenwsu, zinsinn, siuxlingw, qundniuw, ciadniuw, bexvingdniuw.

23 Solomon dokqangx ee taulangg, qiong go-vah go-jap langg; inx quanxliw juewqangx ee vecsnir.

24 Falaoh ee jaboxqniaw dui' David ee sniaa jnriu kir Solomon soxx qra ix kiw ee cur. Hitt sii Solomon kiw Millo.

25 Solomon dagg nii snax vaiw dirr ix qra Jehovah soxx kiw ee dnxuaa henr siyjer, qapp siarunjer; qycc dirr Jehovah ee binrjingg siyx hniux dirr dnxuaa-dingw. Dui' anxnix ix kiw dxen ee qangx bingvik.

26 Solomon Ongg dirr Edom-de, Angg Haiw-vnix, uaw qin Elat ee Eziongeber jy jit din ee junjiah.

27 Hilam crex ix ee lovok, dyrr si jai'ngiaw quer haiw ee qniajunlang, qapp Solomon ee lovok siangg junn kir.

28 Inx qaur Ofir, dui' hiax did diyc sir-vah zi-jap talent ee qimx, un qaur Solomon Ongg hiax.

10 Seba ee luxongg tniax qnir Solomon ee miasniax, uirdiyhh Jehovah ee miaa soxx did .diyc .ee, dyrr laii beh ing yh did quexbingg ee su cir ix.

2 Ix qaur Jelusalem, duer ix ee langg jin' je; u logdyy jair hniuliau, qapp ngqimx jin' je; iarr u vyxjiyc. Ix qnir Solomon ee sii, dyrr jiong' simlai itcer soxx jrunn :ee, qapp ix qongw.

3 Solomon jiauww ix soxx mng :ee longxx rinr ix, byy jit hxang ongg berhiauw did tangx qra ix qongw.

4 Seba ee luxongg knuar qnir Solomon itcer ee diwhui, qapp ix soxx kiw ee cur;

5 Dyh-dingw ee jiahmic, zinsinn vailet decc jre, lovok qinsuii hogsai, ixqip inx ee ihok, qapp ix ee jiuxjingr, qycc knuar qnir ix jnriu Jehovah dxen ee qia-aw, dyrr jin' qniaqii.

6 Ix dyrr duiww ongg qongw, "Guaw dirr vunxqog tniax qnir liw ee dairjir, qapp liw ee diwhui, longxx si jinsit.

7 Danrsi guaw m sinr hiaxee ue, qaur guaw laii cinbak knuar .qnir, jiacc jaix langg soxx qra guaw qongw :ee, iauxx byy jidvnuar. Liw ee diwhui qapp liw ee hingtongx ngiaa quer guaw soxx tniax .qnir ee miasniax.

8 Hokkir ar, liw ee langg, hokkir ar, liw ee lovok, siongsiongg kia dirr liw ee binrjingg, tniax liw ee diwhui.

9 Jehovah, liw ee Siongrder si ingqaix ylyw :ee. Ix hnuahiw, hro liw jre Islael ee qok'ui; in'ui Jehovah ingxuanw tniar Islael, soxiw setlip liw juer ongg, hro liw vingxqongx qniagi."

10 Ix ing jit-vah talent ee qimx, qapp jerje ee hniuliau, qapp vyxjiyc, sangr ongg; ixau soxx laii ee hniuliau, m bad qycc cincniu Seba ee luxongg sangr Solomon Ongg ee hiacc je.

11 Hilam ee junjiah dui' Ofir duar qimx laii :ee, qycc dui' Ofir duar jerje dnuahniucaa, qapp vyxjiyc laii.

12 Ongg ing dnuahniucaa, uirr Jehovah ee dxen qapp ongqiongx, juer lanqanx; qycc uirr cniuwquax ee langg juer kimsig; ixau m bad qycc u hitt hy dnuahniucaa laii, iarr byy langg knuar .qnir, didqaur qinaxzit.

13 Solomon jiauww ongg ee lew, ing mic sangr Seba ee luxongg; ixgua qycc ing luxongg qniww soxx air, qniww soxx qriuu :ee, sangr ix. Dui' anxnix ix qapp ix ee zinsinn dywdngw kir ix vunxqog.

14 Solomon dagg nii soxx did .diyc ee qimx, qiong lak-vah lak-jap-lak talent.

15 Ixgua u iulik :ee, qapp ongxlaii ee singlixlangg, ixqip jrap jok jiaxee ongg, qapp qog-lai jiaxee siuxlingw soxx lap :ee.

16 Solomon Ongg ing quer pah ee qimx, juer duarvaii nng-vah bin; muixx bin duarvaii ee qimx lak-vah sekel;

17 Qycc ing quer pah ee qimx juer vinvaii snax-vah bin, muixx bin ing qimx snax mina; ongg he ix dirr Lebanon ciurnaa ee cur.

18 Ongg qycc ing cniurgee juer jit xee dua vyxjy, ing hyw qimx anx ix.

19 Vyxjy u lak jann ee kia-aw, jyruirtex ee dingxbin si ngii :ee; siangvingg u kywciuw, kywciuw vnix u nng jiah sraix kia lehh;

20 Qycc u jap-zi jiah sraix, kia dirr lak jann kia-aw ee jitt vingg qapp hitt vingg; vadd qog longxx byy jewjy cincniu anxnix.

21 Solomon Ongg itcer limx ee kiwqu longxx si qimx :ee; Lebanon ciurnaa ee cur itcer ee kiwqu iarr si hyw qimx :ee, longxx byy ginn :ee; Solomon ee niqanx, langg knuar ginn juer byy mic.

22 In'ui ongg u Tarsis ee junjiah jit din, qapp Hilam ee junjiah jit din, snaqab quer haiw; jiaxee Tarsis qui' din ee junn jair qimx, ginn, cniurgee, qauu, kongxciog, snax nii dyr laii jit vaiw.

23 Solomon Ongg ee hyxgiac qapp diwhui ngiaa quer tnie led'ongg.

24 Tnie ee langg longxx laii rair qnir Solomon ee bin, tniax ix ee diwhui, dyrr si Siongrder sniuxsur dirr ix ee simx :ee.

25 Inx dag'ee duar jinwqongr ee mic, dyrr si ginkir, qimkir, ihok, qunkir, hniuliau, bew, qapp lyy; dagg nii u dniardiyc ee le.

26 Solomon dyrr jurjip jenwciax, bexvingx; u jenwciax jit-cingx sir-vah dniux, bexvingx jit-bxan nng-cingx miaa; andir inx dirr hiaxee dunw ciax ee sniaa, iarr qapp ongg dirr Jelusalem.

27 Ongg dirr Jelusalem hro ginn cincniu jiyhtauu, hro vikhniucaa cincniu vni'ngiuu ee sngjaiciu, si in'ui jin' je.

28 Solomon ee bew dui' Egipt duar .laii .ee, si ongg ee singlixlangg, jit din jit din, jiauww qewjnii did .diyc .ee.

29 Dui' Egipt jnriu .laii ee ciax, muixx dniux qewginn lak-vah go-jap. Hitlangg jiaxee ongg, qapp Sylia jiaxee ongg, longxx dui' inx qingciuw, jiauww anxnix duar .cud .laii.

11 Solomon Ongg dirr Falaoh ee jaboxqniaw ixgua, qycc tniar jerje guarvangx ee jaboxginxaw, dyrr si Moab, Ammon, Edom, Sidon, qapp Hitlangg ee jaboxginxaw.

2 Lun qaur jiaxee ledqog, Jehovah bad huanhur Islaellangg qongxx, "Linw m tangx kir inx hiax, inx iarr m tangx laii linw jiax, in'ui inx e hro linw ee simx pen'uaix, hro linw kir duer inx ee siongrder." Danrsi Solomon luan'air hiaxee jaboxginxaw, qapp inx qetlenn.

3 Ix u horhuix cid-vah, longxx si quiwjok :ee; qycc u vinwhuix snax-vah; jiaxee luxjuw iuxhik ix ee simx.

4 In'ui Solomon nilau ee sii, ix hiaxee bow iuxhik ix ee simx, kir duer vadd xee siongrder. Ix ee simx byy sunjuann ngr Jehovah, ix ee Siongrder, cincniu ix ee ve David ee simx anxnix.

5 Solomon kir duer Sidonlangg ee luxsinn Astarte, qapp Ammonlangg kyxngor ee mic, Molec.

6 Solomon qniaa Jehovah soxx knuar juer pnaiw ee su, byy juansimx duer Jehovah, cincniu ix ee laurve David anxnix.

7 Hitt sii Solomon uirdiyhh Moab kyxngor ee mic Qemos, qapp Ammonlangg kyxngor ee mic Molec, dirr Jelusalem taujingg ee snuax kiw snuataudnuaa.

8 Hiaxee guarvangx ee bow longxx siyx hniux jewsu inx ee siongrder; ix iarr uirdiyhh inx jiauww anxnix juer.

9 Jehovah siurkir Solomon, in'ui ix ee simx lirkuix Jehovah, Islael ee Siongrder, dyrr si bad nng vaiw duiww ix cuthen :ee;

10 Qycc lun qaur jitt xee su bad bingrling ix, m tangx duer vadd xee siongrder. Danrsi ix byy siuw Jehovah soxx bingrling :ee.

11 Soxiw Jehovah duiww Solomon qongw, "In'ui liw ixqing' qniaa jitt xee su, byy siuw Guaw soxx bingrling liw siuw ee iog, qapp Guaw ee ludle, Guaw beh duiww liw laii tiah lic liw ee qog, sniuxsur liw ee lovok.

12 Danrsi in'ui liw ee laurve David ee enqor, Guaw byy dirr liw uac lehh ee zit qniaa jitt xee su; dogdok beh duiww liw ee qniaw ee ciuw tiah lic ix.

13 Guaw byy jiong' juann qog tiah lic, beh duar diyc Guaw ee lovok David, qapp Guaw soxx qingw ee Jelusalem, iauxx lauu jit jipair hro liw ee qniaw."

14 Jehovah hingx kiw jit xee duiwdik qongqig Solomon, dyrr si Edomlangg Hadad, ix si Edom Ongg ee horer.

15 Jingg David pah Edom, ix ee qundniuw Joab jnriu kir baijongr dinrbongg ee langg, jiong' Edom ee davodingx longxx taii siw.

16 Joab qapp Islael jingwlangg diamr hiax lak guehzit, didqaur jiong' Edom ee davodingx itjin jenxduu.

17 Hitt sii Hadad iauxx si sewhanr ee ginxaw. Hadad qapp ix ee laurve ee zinsinn diongx quixnarr xee Edomlangg jauw kir Egipt.

18 Inx dui' Midian kiw .laii, qaur Palan; dui' Palan duar quixnarr langg qapp inx kir Egipt, qaur Egipt Ongg Falaoh hiax. Falaoh dyrr ing cur hro inx, pair dniardiyc ee bixniuu, qycc ing cande hro inx.

19 Hadad dirr Falaoh ee binrjingg dua did diyc unhui; Falaoh suar ing ix ee bow ee siyxbe, dyrr si ongho Tahpenes ee siyxbe, hro ix juer bow.

20 Tahpenes ee siyxbe qra ix snix jit xee qniaw, miaa qiyr Genubat; Tahpenes qra ix dng linx dirr Falaoh ee ongqiongx. Genubat qapp Falaoh ee jiongww qniaw snaqab diamr dirr Falaoh ee ongqiongx.

21 Hadad dirr Egipt tniax qnir David qapp ix ee ledjow snaqab kunr, qundniuw Joab iarr ixqing' siw, Hadad dyrr duiww Falaoh qongw, "Iong'unw guaw kir, hro guawa dyr kir vunxqog."

22 Falaoh qra ix qongw, "Liw dirr guaw jiax u simxmih kiamwkueh, liw qingxzenn rair beh dyr kir vunxqog ar?" Ix rinr qongxx, "Guaw byy kiamwkueh simxmih; jongwsirr iong'unw guaw dyr .kir."

23 Siongrder qycc hingx kiw jit xee duiwdik qongqig Solomon, dyrr si Eliada ee qniaw Rlezon, si dui' ix ee jruw Zobah Ongg Hadadezer hiax dyjauw .laii .ee.

24 David taii Zobahlangg ee sii, Rlezon jiyjip langg uaw ix, juer hitt dongw ee tauu; kir Damaskus, diamr dirr hiax, dirr Damaskus juer ongg.

25 Solomon uac lehh ee sii, Hadad juer jaihai ixgua, Rlezon iarr juer Islael ee duiwdik; ix uanwhun Islael; iarr juer Sylialangg ee ongg.

26 Nebat ee qniaw Jeloboam si Eflaim-jok, Zeledahlangg, ix si Solomon ee lovok, iarr kixciuw qongqig ongg. Ix ee laurbuw si jiuxqnuaxlangg, miaa qiyr Zeluah.

27 Ix kixciuw qongqig ongg ee enqor jiauww erdew soxx qir :ee. Solomon kiw Millo, siuvow ix ee laurve David Sniaa ee puawkiah.

28 Jeloboam si dua iongxsu. Solomon knuar qnir jitt xee siauwlenlangg unkunn, dyrr pair ix quanxliw Josef ee qrex itcer ee qangx.

29 Hitt sii Jeloboam dui' Jelusalem cud .laii, Silohlangg sendix Ahijah dirr lo nirr duw diyc ix, hitt sii ix u cing jit niaw sinx snxax, inx nng langg dirr cann nirr, ixgua byy vadd langg.

30 Ahijah tec ix soxx cing ee sinx snxax, tiah juer jap-zi der; qra Jeloboam qongw,

31 "Liw tangx tec jap der, in'ui Jehovah, Islael ee Siongrder anxnix qongw, 'Knuar ar, Guaw beh duiww Solomon ee ciuw tiah lic ix ee qog, jiong' jap jipair hro liw.

32 (Dogdok in'ui Guaw ee lovok David ee enqor, qapp Guaw dirr Islael jiongww jipair diongx soxx qingw ee Jelusalem ee enqor, ix iauxx u jit jipair).

33 In'ui ix kiwsag Guaw, kir qingwvair Sidonlangg ee siongrder Astarte, Moab ee siongrder Qemos, qapp Ammonlangg ee siongrder Molec, byy qniaa Guaw ee dyrlo, juer Guaw knuar juer jingwdit ee su, siuw Guaw ee ludle huatdo, cincniu ix ee laurve David ee soxx juer.

34 Danrsi Guaw byy beh duiww ix ee ciuw cniuw ix ee juann qog, si beh hro ix jit siwlangg juer qun'ongg, si in'ui Guaw ee lovok David ee enqor, in'ui ix si Guaw soxx qingxsuanw :ee, u siuw Guaw ee ludle qapp huatdo.

35 Danrsi Guaw beh dui' ix ee qniaw ee ciuw cniuw ix ee qog, ing jap jipair hro liw;

36 Ing jap jipair hro ix ee qniaw, hro Guaw ee lovok David, dirr Guaw ee binrjingg, siongsiongg u jit pax dingx dirr Jelusalem, dyrr si Guaw soxx qingw, tangx dirr hiax andir Guaw ee miaa ee sniaa.

37 Guaw beh cruw liw, liw beh juer Islael ee ongg, jiauww liw ee simx itcer soxx rair :ee laii quanw liw.

38 Liw narr tniax Guaw itcer soxx bingrling liw :ee, qniaa Guaw ee dyrlo, juer Guaw knuar juer jingwdit ee su, siuw Guaw ee lovok David ee soxx juer, Guaw dyrr qapp liw dilehh, qra liw qenwlip qenqor ee qrex, cincniu Guaw qra David soxx qenwlip :ee jidngiu, qycc beh jiong' Islael qaux hro liw.

39 In'ui Guaw beh kunwkow David ee horer; jongwsirr byy qaur ingxuanw.'"

40 Uirdiyhh anxnix, Solomon rair beh taii Jeloboam; Jeloboam dyrr kiw laii dyjauw kir Egipt, qaur Egipt Ongg Sisak hiax; dyrr diamr dirr Egipt qaur Solomon siw.

41 Solomon qi'uu ee su, qniww ix soxx qniaa :ee, qapp ix ee diwhui, longxx qir dirr Solomon ee hingduan.

42 Solomon dirr Jelusalem juer Islael juann qog ee ongg, qiong sir-jap nii.

43 Solomon qapp ix ee ledjow snaqab kunr, baijongr dirr ix ee laurve David ee sniaa. Ix ee qniaw Rlehoboam suawjiab ix juer ongg.

12 Rlehoboam kir Seqem, in'ui Islael jingwlangg qaur Seqem, beh setlip ix juer ongg.

2 Jingg Nebat ee qniaw Jeloboam siamxvi Solomon Ongg ee bin, jauw kir Egipt diamr dirr hiax. Jeloboam iauxx dirr Egipt ee sii tniax qnir jitt xee su.

3 Inx crex langg kir qiyr ix laii; Jeloboam dyrr qapp Islael juann hue laii qnir Rlehoboam, qra ix qongw,

4 "Liw ee ve hro guanw vue qankow ee dnax; liw ee laurve soxx he dirr guanw ee koxqangx, qapp dang ee dnax, qriuu liw qiamxkinx, guanw dyrr hogsai liw."

5 Rlehoboam qra inx qongw, "Linw dyr .kir, qaur derr snax zit qycc laii qnir guaw"; vecsnir dyrr kir.

6 Rlehoboam ee laurve Solomon uac lehh ee sii, u qinsuii dirr ix ee binrjingg ee laurlangg. Rlehoboam Ongg qapp inx girlun, qongw, "Linw u simxmih qewcig, guaw tangx huehog jitt xee vecsnir?"

7 Inx rinr ix qongxx, "Qinaxzit liw narr guan juer jiaxee vecsnir ee lovok, laii hogsai inx, ing hyw ue laii rinr inx, inx dyrr ingxuanw juer liw ee lovok."

8 Danrsi is qirjuat laurlangg soxx hro ix ee qewcig, suacc qapp hiaxee kia dirr ix ee binrjingg, qapp ix vni'unn ee siauwlenlangg camsiongg, qra inx qongw,

9 "Jitt xee vecsnir u duiww guaw qongw, 'Liw ee laurve he dirr guanw ee dnax, qriuu liw hro guanw kacc kinx'; dnaxx linw u simxmih qewcig hro lanw tangx huehog inx?"

10 Hiaxee qapp ix vni'unn ee siauwlenlangg qongw, "Jitt xee vecsnir duiww liw qongw, 'Liw ee laurve hro guanw vue dang ee dnax, qriuu liw qra guanw qiamxkinx'; liw diyhh anxnix rinr inx qongxx, 'Guaw ee buew-jnaiw kacc dua guaw ee laurve ee iyx.

11 Guaw ee laurve hro linw vue dang ee dnax, guaw beh qetnix linw ee dnax; guaw ee laurve ing vnix qingxqair linw, guaw beh ing get'axtangg qingxqair linw.'"

12 Derr snax zit Jeloboam qapp jiongww vecsnir qaur Rlehoboam hiax, jiauww ongg soxx bingrling qongxx, "Derr snax zit qycc laii guaw jiax."

13 Ongg ing pnaiw sniasaur rinr vecsnir, vangwsag laurlangg soxx henr ee qewcig,

14 Jiauww siauwlenlangg ee qewcig duiww vecsnir qongw, "Guaw ee ve hro linw vue dang ee dnax, guaw beh qetnix linw ee dnax; guaw ee ve ing vnix qingxqair linw, guaw beh ing get'axtangg qingxqair linw."

15 Ongg byy tniatanr vecsnir; in'ui jitt xee dairjir si cud dirr Jehovah, si beh ingwgiam Jehovah tog Silohlangg Ahijah duiww Nebat ee qniaw Jeloboam soxx qongw ee ue.

16 Islael jiongww vecsnir knuar qnir ongg byy tniatanr inx, vecsnir dyrr duiww ongg qongw, "Guanw dirr David u simxmih hunrgiac ar? Guanw qapp Jesse ee qniaw byy qansiap. Islael ar, dyr kir linw ee vowvnii; David ar, diyhh qor liw qaqi ee cur." Dui' anxnix Islael dyr kir inx ee vowvnii.

17 Jongwsirr kiarkiw Judah jiaxee sniaa ee Islaellangg, Rlehoboam iuguann juer inx ee ongg.

18 Rlehoboam Ongg crex quanxliw juer koxqangx ee langg Adonilam kir; Islael jingwlangg dyrr ing jiyhtauu dimr siw ix. Rlehoboam Ongg dyrr qnuaxqinw jnriu ciax, beh jauw kir Jelusalem.

19 Dui' anxnix Islael huanxvuan David-qrex, qaur qinaxzit.

20 Islael jingwlangg tniax qnir Jeloboam dyr .laii, dyrr crex langg cniaw ix qaur huerjiongr ee binrjingg, setlip ix juer Islael jingwlangg ee ongg. Judah ee jipair ixgua, byy langg duer David ee qrex.

21 Rlehoboam qaur Jelusalem ee sii, dyrr jurjip Judah juann qrex, qapp Benjamin ee jipair ee langg, qiong jap-veh-bxan langg, longxx si quer qingw ee jenwsu, beh qapp Islael-qrex qaujenr, hro qok'ui qycc qruix dirr Solomon ee qniaw Rlehoboam.

22 Siongrder ee ue limqaur Siongrder ee lovok Semaiah, qongw,

23 "Liw kir qra Solomon ee qniaw, Judah Ongg Rlehoboam, qapp Judah Benjamin juann qrex, ixqip qi'uu ee vecsnir qongw, Jehovah anxnix qongw,

24 'Linw byc did jnriu .kir, byc did qapp linw ee hniadi Islaellangg qaujenr; dagg langg dyr kir ix ee qrex; in'ui jitt xee dairjir cud dirr Guaw.'" Inx tniax Jehovah ee ue, dyrr dywdngw .kir, jiauww Jehovah ee ue.

25 Jeloboam dirr Eflaim ee snuade kixjy Seqem, dyrr diamr dirr hitt diongqanx; qycc dui' hiax cud .kir, kiw Penuel. Jeloboam simlai qongw,

26 "Dnaxx jitt xee qog beh qruix David ee qrex; jitt xee vecsnir narr jnriu kir Jelusalem, dirr Jehovah ee dxen henwjer,

27 Jitt xee vecsnir ee simx beh qruix inx ee jruw Judah Ongg Rlehoboam. Inx beh taii siw guaw, iuguann qruix Judah Ongg Rlehoboam."

28 Ongg dyrr qewik, juwjy nng jiah qimx ee guu-aw, duiww jiongww vecsnir qongw, "Linw jnriu kir Jelusalem, sidjai uilann. Islael ar, knuar ar, jiaxee si linw ee Siongrder, cua linw dui' Egipt-de jnriu .laii .ee."

29 Ix he jit jiah dirr Betel, jit jiah dirr Dan.

30 Jitt xee dairjir jniaa juer jue, in'ui vecsnir kir Dan, dirr hitt jiah ee taujingg vair.

31 Ongg dirr snuatauu kiw biy; dui' vecsnir diongx byy sriok Levi-jok :ee, setlip ix juer jewsix.

32 Jeloboam dniardiyc Veh-guec, hitt guec ee jap-go, sed jecqii, cincniu Judah ee jecqii jidngiu; dirr dnxuaa-dingw henwjer; dirr Betel iarr si anxnix juer, henwjer dirr soxx jur ee guu-aw; qycc jiong' ix soxx kixjy snuataudnuaa ee jewsix, andir dirr Betel.

33 Ix dirr Veh-guec jap-go, dyrr si ix ee simx sukiax soxx dniardiyc ee guec, henwjer dirr ix dirr Betel soxx kiw ee dnxuaa; qra Islaellangg sed jecqii, henwjer dirr dnxuaa nirr, qycc siyx hniux.

13 Hitt sii u jit xee Siongrder ee lovok, tranr Jehovah ee ue, dui' Judah laii qaur Betel. Jeloboam duxaxx kia dirr dnxuaa-vnix, beh siyx hniux.

2 Ix tranr Jehovah ee ue, qongqig hitt xee dnxuaa, qiyr qongxx, "Dnxuaa ar, dnxuaa ar, Jehovah anxnix qongw: Knuar ar, beh u jit xee qniaw cutsir dirr David ee qrex, miaa qiyr Josiah, ix beh jiong' snuataudnuaa ee jewsix, dyrr si dirr liw ee dingxbin siyx hniux :ee, henr dirr liw ee dingxbin. Inx iarr beh jiong' langg ee quttauu siyx dirr liw ee dingxbin."

3 Siangg hitt zit ix iarr cud jit xee diaurtauu, qongw, "Knuar ar, jitt xee dnxuaa beh puawlic, dnxuaa-dingw ee huexhux beh vniar .lyc .kir; jitt xee dyrr si Jehovah soxx qongw ee diaurtauu."

4 Ongg tniax qnir Siongrder ee lovok qongqig Betel ee dnxuaa soxx qiyr ee ue, Jeloboam dyrr dui' dnxuaa-dingw crunx ciuw, qongw, "Diyhh liac ix." Ix soxx crunx beh liac ix ee ciuw dyrr qodaa, be e qiux dywdngw;

5 Dnxuaa dyrr puawlic, dnxuaa-dingw ee huexhux iarr vniar .lyc .laii, jiauww Siongrder ee lovok tranr Jehovah ee ue soxx cud ee diaurtauu.

6 Ongg rinr Siongrder ee lovok qongxx, "Cniaw liw qriuu Jehovah, liw ee Siongrder ee xunx, ter guaw qidyw, hro guaw ee ciuw hogguann." Dui' anxnix, Siongrder ee lovok qidyw Jehovah, ongg ee ciuw dyrr hogguann, jiauww kixtauu ee kuanw.

7 Ongg qra Siongrder ee lovok qongw, "Cniaw liw qapp guaw dyr kir guanw daux jiac diamxsimx; guaw iarr beh ing mic sangr liw."

8 Siongrder ee lovok qra ongg qongw, "Liw dyrr narr ing liw ongqiongx ee jidvnuar hro guaw, guaw iarr m qapp liw kir, iarr m dirr jitt soxjai jiac vniaw limx juiw.

9 In'ui Jehovah ee ue anxnix huanhur guaw qongxx, 'Liw m tangx jiac vniaw, m tangx limx juiw, iarr m tangx dui' liw ee guanlo dyr .laii.'"

10 Ix dyrr dui' vadd diauu lo kir, byy dui' laii Betel hitt diauu dyr .kir.

11 U jit xee lau sendix diamr dirr Betel, ix ee qniaw qaur, ing Siongrder ee lovok dngzit dirr Betel soxx qniaa :ee qra ix qongw, qapp duiww ongg soxx qongw itcer ee ue, longxx qra laurve qongw.

12 Laurve duiww inx qongw, "Ix dui' dyclyc jit diauu lo kir?" In'ui ix ee qniaw bad knuar qnir dui' Judah laii :ee, Siongrder ee lovok soxx kir ee lo.

13 Ix dyrr huanhur ix ee qniaw qongxx, "Linw qra guaw virvan luu." Inx virvan luu hyw, ix dyrr kiaa ix,

14 Kir zib Siongrder ee lovok, duw diyc ix jre dirr siongrciu kax; dyrr mng ix qongxx, "Liw si dui' Judah laii :ee, Siongrder ee lovok iacc m si?"

15 Ix qongw, "Guaw dyrr si." Ix dyrr qra ix qongw, "Cniaw liw qapp guaw dyr kir guanw daux jiac vniaw."

16 Ix dyrr qongw, "Guaw be e qapp liw dyr .kir, be e zip liw ee qrex, iarr be e dirr jitt soxjai qapp liw jiac vniaw limx juiw.

17 In'ui Jehovah ee ue anxnix qra guaw qongw, 'Liw dirr hiax m tangx jiac vniaw, m tngx limx juiw, iarr m tangx dui' liw kir ee lo dyr .laii.'"

18 Ix dyrr qra ix qongw, "Guaw iarr si sendix, qapp liw jidngiu; u tnisair ing Jehovah ee ue qra guaw qongw, 'Liw cua ix qapp liw dyr kir liw ee cur, hro ix jiac vniaw limx juiw.'" Jex longxx si decc penr ix.

19 Ix dyrr qapp ix dyr .kir, dirr ix ee qrex jiac vniaw limx juiw.

20 Nng langg jerdyh ee sii, Jehovah ee ue limqaur hitt xee cua ix dyr .laii ee sendix.

21 Ix dyrr qiyr hitt xee dui' Judah laii, Siongrder ee lovok qongw, "Jehovah anxnix qongw: In'ui liw uivue Jehovah ee ue, byy siuw Jehovah, liw ee Siongrder soxx bingrling liw ee bingrling,

22 Suacc dyr laii jiac vniaw limx juiw dirr Ix soxx huanhur liw qongxx, dirr hiax m tangx jiac vniaw m tangx limx juiw ee soxjai, soxiw liw ee sinsix be tangx zip liw ledjow ee bong."

23 Jiac vniaw limx jiuw liauxau, ix dyrr qra ix soxx duar .dyr .laii ee sendix virvan luu.

24 Ix kir liauw, dirr lo nirr u duw diyc jit jiah sraix, dyrr qa siw ix; sinsix vangr dirr lo nirr, luu kia dirr ix ee sinvnix, sraix iarr kia dirr ix ee sinsix ee sinvnix.

25 U langg dui' hiax qingquer, knuar qnir sinsix vangr dirr lo nirr, sraix iarr kia dirr sinsix ee vnitauu, dyrr laii lau sendix soxx diamr ee sniaa, qongw kiw jitt xee su.

26 Hitt xee cua ix dui' lo dyr .laii ee sendix tniax .qnir dyrr qongw, "Jex si hitt xee Siongrder ee lovok, uiqec Jehovah ee ue :ee, soxiw Jehovah jiong' ix qaux hro sraix; sraix vectiah ix, qa siw ix, si jiauww Jehovah duiww ix qongw ee ue."

27 Ix dyrr huanhur ix ee qniaw qongxx, "Linw qra guaw virvan luu." Inx dyrr virvan.

28 Ix kir, knuar qnir ix ee sinsix vangr dirr lo nirr, luu qapp sraix kia dirr sinsix ee vnix:a, sraix byy jiac sinsix, iarr byy vectiah luu.

29 Sendix dyrr cruw Siongrder ee lovok ee sinsix, he dirr luu ee dingxbin, jair .dyr .laii, qaur lau sendix ee sniaa, beh tikaur laii baijongr ix.

30 Dyrr jiong' ix ee sinsix laii jongr dirr qaqi ee bong, langg dyrr tikaur ix, qongw, "Aixar, guaw ee hniax ar!"

31 Baijongr liauxau, ix dyrr qra ix ee qniaw qongw, "Guaw siw liauxau, linw diyhh baijongr guaw dirr Siongrder ee lovok soxx baijongr ee bong-lai, hro guaw ee quttauu uaw ix ee quttauu.

32 In'ui ix ing Jehovah ee ue qongxx diyhh laii qongqig Betel ee dnxuaa, qongqig Samalia jiaxee sniaa soxu ee snuataubiy, ix ee ue dikkag ingwgiam."

33 Jitt xee dairjir liauxau, Jeloboam iuguann byy lirkuix ix ee pnaiw lo; qycc dui' jiongww vecsnir diongx setlip snuatauu ee jewsix; qniww air :ee, dyrr hunvet ix, hro ix juer snuatauu ee jewsix.

34 Jitt xee dairjir jniaa juer Jeloboam ee qrex ee jue, drir qaur beh dui' derjniu jenxduu ix, bet ix.

14 Hitt sii Jeloboam ee qniaw Abijah puawvni, Jeloboam duiww ix ee bow qongw,

2 "Liw kiw laii qaixjongx, hro langg m jaix liw si Jeloboam ee bow, kir Siloh, dirr hiax u sendix Ahijah, ix lun qaur guaw, qongxx guaw beh juer jitt xee vecsnir ee ongg.

3 Dnaxx liw ee ciuw diyhh duar jap der mirvaux, qapp quixnarr der pyr pyr ee vniaw, qapp jit qxanx bit, kir qnir ix, ix beh qra liw qongw qniaw e jnaixngiu."

4 Jeloboam ee bow dyrr jiauww anxnix qniaa, kiw laii kir Siloh, laii qaur Ahijah ee qrex; Ahijah in'ui nilau, bagjiux caa caa be knuar .qnir.

5 Jehovah qra Ahijah qongw, Jeloboam ee bow e laii, beh uirdiyhh ix ee qniaw laii mng ix, in'ui ix ee qniaw u puawvni; qycc qar Jeloboam diyhh anxnix anxnix qra ix qongw; ix zip .laii ee sii beh jrngx juer vadd xee hurzinlangg.

6 Ix duxaxx zip mngg, Ahijah tniax qnir ix ee kavo-sniax, dyrr qongw, "Jeloboam ee bow ar, zip .laii; liw sniaw su jrngx juer vadd xee hurzinlangg ar? Guaw hongrcex vyr liw pnaiw siausid.

7 Liw dyr kir qra Jeloboam qongw, Jehovah, Islael ee Siongrder anxnix qongw, 'Guaw dui' vecsnir diongx quxkiw liw, setlip liw juer Guaw ee vecsnir Islael ee qun'ongg,

8 Dui' David-qrex tiah lic qog, sniuxsur liw. Danrsi liw byy cincniu Guaw ee lovok David, junsiuw Guaw ee qaiwbing, jidsimx duer Guaw, juanbu Guaw knuar juer jingwdit ee su.

9 Liw qingwzenn qniaa pnaiw, ngiaa quer itcer dirr liw ixjingg :ee, in'ui liw uirr qaqi jy vadd xee siongrder, qapp jur gnoxsiong, qig Guaw ee siurkir, kiwsag Guaw dirr liw ee qajiac'au.

10 In'ui anxnix, Guaw beh hro jaieh limqaur Jeloboam ee qrex, Guaw beh jenxduu sriok Jeloboam ee davodingx, bylun siurr kusog :ee, iacc si juriuu :ee; dirr Islael iarr beh itjin druu Jeloboam ee qrex, cincniu langg druu vunwsyr, qaur itjin liauw.

11 Qniww sriok Jeloboam ee langg, siw dirr sniaa-lai :ee, qxauw beh jiac ix; siw dirr can'iaw :ee, kongdiongx ee jiauw beh jiac ix, in'ui Jehovah ixqing' qongw lar.'

12 Dnaxx liw kiw laii dyr kir liw ee qrex. Liw ee kax jid'err zip sniaa, qniaw dyrr siw.

13 Islael jingwlangg beh tikaur; baijongr ix, in'ui sriok Jeloboam ee langg, jixu ix did diyc zip bong; in'ui dirr Jeloboam ee qrex-diongx, jixu ix ngr Jehovah, Islael ee Siongrder, henxcud hyw su.

14 Jehovah beh uirr qaqi hingx kiw jit xee ongg, quanxliw Islael; dirr hitt zit Ix beh jenxduu Jeloboam ee qrex. Simxmih sii ar? Jitt diap dyrr si.

15 In'ui Jehovah beh pah Islaellangg, cincniu juiw-diongx ee louiw decc iyy jidngiu; qycc beh vuic cud Islael ee qinx dirr dirr Ix soxx sniuxsur inx ledjow ee hyw de, siwsnuar inx dirr Duarhyy hitt vingg, in'ui inx jy inx ee Aselah, qig Jehovah ee siurkir.

16 In'ui Jeloboam ee jue, dyrr si ix vunxsinx soxx huan ee jue, qycc hro Islaellangg huanrjue, soxiw Jehovah beh kiwsag Islael."

17 Jeloboam ee bow kixsinx dyr kir qaur Tirzah; duxaxx qaur cur ee hording, qniaw dyrr siw.

18 Islael jingwlangg baijongr ix, uirr ix tikaur, jiauww Jehovah tog Ix ee lovok sendix Ahijah soxx qongw ee ue.

19 Jeloboam qi'uu ee su, ix jnaixngiu qaujenr, jnaixngiu juer ongg, longxx siaw dirr Islael led'ongg ee qiwlok.

20 Jeloboam juer ongg, qiong zi-jap-zi nii, dyrr qapp ix ee ledjow snaqab kunr; ix ee qniaw Nadab suawjiab ix juer ongg.

21 Solomon ee qniaw Rlehoboam dirr Judah juer ongg. Rlehoboam jerui ee sii, sir-jap-id huer; dirr Jelusalem, dyrr si Jehovah dui' jiongww jipair diongx soxx qingw andir Ix ee miaa ee sniaa, juer ongg jap-cid nii. Ix ee laurbuw miaa qiyr Maamah; si Ammonlangg.

22 Judahqog qniaa Jehovah soxx knuar juer pnaiw ee su, dui' ix soxx qniaa ee jue qikdong Ix tongwhun, viw inx ledjow soxx juer qyckacc pnaiw.

23 In'ui inx dirr dagg xee quann snuax, dagg jangg cnicuir ee ciu-kax, kiw dnxuaa, congr tiaursiong qapp Aselah.

24 Qog-lai iarr u luandongg; Jehovah dirr Islaellangg ee binrjingg soxx qnuaw cud ee ledqog, inx dyrr yc hiaxee qog itcer kyxngor ee su laii qniaa.

25 Rlehoboam Ongg go nii, Egipt ee ongg Sisak jnriu laii qongqig Jelusalem;

26 Cniuw Jehovah dxen ee vyxmic qapp ongqiongx ee vyxmic; longxx duar .kir; qycc cniuw Solomon soxx juer hiaxee qimx ee vinvaii

27. Rlehoboam Ongg juer dangg ee vinvaii laii ter ix; qaux hro qowsiuw ongqiongx ee mngg ee siruerdniuw qowsiuw.

28 Ongg dagg vaiw zip Jehovah ee dxen, sirue dyrr duar jiaxee vinvaii, au .laii qycc duar dywdngw, laii he dirr sirue ee cur.

29 Rlehoboam qi'uu ee su, qniww ix soxx qniaa :ee, longxx qir dirr Judah led'ongg ee qiwlok.

30 Rlehoboam qapp Jeloboam siongsiongg qaujenr.

31 Rlehoboam qapp ix ee ledjow drangg kunr, qapp ix ee ledjow jongr dirr David ee sniaa. Ix ee laurbuw miaa qiyr Naamah, si Ammonlangg. Rlehoboam ee qniaw Abijah suawjiab ix juer ongg.

15 Nebat ee qniaw Jeloboam Ongg jap-veh nii, Abijah jerui juer Judah Ongg.

2 Dirr Jelusalem juer ongg snax nii; Ix ee laurbuw miaa qiyr Maakah, si Absalom ee jaboxqniaw.

3 Abijah qniaa ix ee laurve jiongjingg soxx qniaa itcer ee juerog; ix ee simx byy cincniu ix ee jow David ee simx, juan'id ngr Jehovah, ix ee Siongrder.

4 Jehovah, ix ee Siongrder, in'ui David ee enqor, hro ix dirr Jelusalem u jit pax dingx, hro ix ee qniaw suawjiab ix ee xui, qycc hro Jelusalem qenqor.

5 In'ui David, druu Hitlangg Uliah hitt qnia su ixgua, longxx si qniaa Jehovah soxx knuar juer hyw :ee, itsingx byy uivue soxx bingrling ix :ee.

6 Rlehoboam qapp Jeloboam itsingx siongsiongg qaujenr.

7 Abijah qi'uu ee su, qniww ix soxx qniaa :ee, longxx qir dirr Judah led'ongg ee qiwlok. Abijah iarr u qapp Jeloboam qaujenr.

8 Abijah qapp ix ee ledjow drangg kunr. Langg baijongr ix dirr David ee sniaa; ix ee qniaw Asa suawjiab ix juer ongg.

9 Islael Ongg Jeloboam zi-jap nii, Asa kixtauu dirr Judah juer ongg.

10 Dirr Jelusalem juer ongg sir-jap-id nii; ix ee maw miaa qiyr Maakah, si Absalom ee jaboxqniaw.

11 Asa qniaa Jehovah soxx knuar juer hyw :ee, cincniu ix ee jow David jidngiu;

12 Dui' qog-lai druu kir luandongg, qycc druu kir ix ee ledjow soxx juer itcer ee gnoxsiong;

13 Qycc venw ix ee maw Maakah Taiwho ee xui, in'ui ix uirr Aselah bad jrngx kyxngor ee sxiong. Asa cyr ix ee sxiong, dirr Kidlon Kex-vnix siyx ix.

14 Dogdok snuataudnuaa byy hruer .kir; jongwsirr Asa itsingx juan'id ee simx ngr Jehovah.

15 Ix jiong' ix ee laurve soxx hunvet juer sxingr, qapp ix vunxsinx soxx hunvet juer sxingr ee qimx, ginn, qapp kiwqu, longxx duar qaur Jehovah ee dxen.

16 Asa qapp Islael Ongg Baasa itsingx ee zit siongsiongg qaujenr.

17 Islael Ongg Baasa jnriu laii qongqig Judah, kiw Rlamah, beh joxdongr langg cutzip dirr Judah Ongg Asa hiax.

18 Asa dyrr jiong' Jehovah dxen ee huxkor, qapp ongqiongx ee huxkor, soxx cunx ee qimginn, longxx qaux ix ee lovok ee ciuw. Asa Ongg crex inx qaur kiarkiw dirr Damaskus ee Sylia Ongg, Hezion ee sunx, Tablimmon ee qniaw, Benhadad hiax, qongw,

19 "Guaw qapp liw u iog cincniu guaw ee laurve qapp liw ee laurve jidngiu. Dnaxx guaw ing qimginn juer lexmic sangr liw, cniaw liw kir huewbyy liw qapp Islael Ongg Baasa soxx lip ee iog, hro ix lirkuix guaw."

20 Benhadad tniatanr Asa Ongg ee ue, crex ix hiaxee qundniuw kir qongqig Islael ee sniaa. Ix dyrr qrongx puar Ijon, Dan, Abel Bet Maakah, Galilee juann de, Naftali juann de.

21 Baasa tniax .qnir, dyrr tingqangx, byy qycc kiw Rlamah; dyrr duar dirr Tirzah.

22 Dui' anxnix, Asa Ongg cud bingrling hro Judah jingwlangg, byy jit langg e trex .did. Inx dyrr vnuasuaw Baasa soxx ing laii kiw Rlamah ee jiyhtauu qapp caa; Asa Ongg ing ix laii kiw Benjamin ee Geba qapp Mizpah.

23 Asa qi'uu ee su, qapp ix ee linglik, ixqip ix itcer ee soxx juer, qapp ix soxx kiw ee sniaa, longxx qir dirr Judah led'ongg ee qiwlok. Asa nilau ee sii, ix ee kax u puawvni.

24 Asa qapp ix ee ledjow drangg kunr, qapp ix ee jow jongr dirr ix ee jow David ee sniaa; ix ee qniaw Jehosafat suawjiab ix juer ongg.

25 Judah Ongg Asa zi nii, Jeloboam ee qniaw Nadab kixtauu juer ongg dirr Islael. Ix dirr Islael juer ongg nng nii.

26 Nadab qniaa Jehovah soxx knuar juer pnaiw ee su, qniaa ix ee laurve ee lo, qapp ix ee laurve hro Islael huanrjue ee jue.

27 Issaqar-jok Ahijah ee qniaw Baasa vuervuan ix. Baasa pah siw ix dirr Filistlangg ee Gibbeton; hitt sii Nadab qapp Islael jingwlangg uikunr Gibbeton.

28 Judah Ongg Asa snax nii, Baasa pah siw ix, laii cuanr ix ee xui.

29 Ix jid'err juer ongg, dyrr pah siw Jeloboam juann qrex, qniww u cuanxkuir :ee, byy qra Jeloboam lauu jit xee, longxjongw bet ix; si jiauww Jehovah tog Ix ee lovok Silohlangg Ahijah soxx qongw ee ue.

30 Jex si in'ui Jeloboam soxx huan ee jue, qapp ix soxx hro Islaellangg huanrjue ee jue; in'ui ix soxx qikdong :ee, dyrr si qikdong Jehovah, Islael ee Siongrder ee siurkir.

31 Nadab qi'uu ee su, qniww ix soxx qniaa :ee, longxx qir dirr Islael led'ongg ee qiwlok.

32 Asa qapp Islael Ongg Baasa itsingx siongsiongg qaujenr.

33 Judah Ongg Asa snax nii, Ahijah ee qniaw Baasa dirr Tirzah jerui juer Islael jingwlangg ee ongg, qiong zi-jap-sir nii.

34 Ix qniaa Jehovah soxx knuar juer pnaiw ee su, qniaa Jeloboam ee lo, qapp ix hro Islaellangg huanrjue ee jue.

16 Jehovah ee ue limqaur Hanani ee qniaw Jehu, qongqig Baasa, qongw,

2 "Guaw ixqing' dui' din'aix ee diongqanx quxkiw liw, setlip liw juer Guaw ee vecsnir Islael ee zinqunx, liw qingxzenn qniaa Jeloboam ee le, hro Guaw ee vecsnir Islael huanrjue, dui' inx ee jue qig Guaw ee siurkir.

3 Knuar ar, Guaw beh itjin druu Baasa, qapp ix ee qrex; Guaw iarr beh hro liw ee qrex cincniu Nebat ee qniaw Jeloboam ee qrex jidngiu.

4 Huanrnarr sriok Baasa ee langg, siw dirr sniaa nirr :ee, qxauw beh jiac ix; siw dirr can'iaw :ee, kongdiongx ee jiauw beh jiac ix."

5 Baasa qi'uu ee su, qapp ix soxx qniaa :ee, ixqip ix ee linglik, longxx qir dirr Islael led'ongg ee qiwlok.

6 Baasa qapp ix ee ledjow drangg kunr, baijongr dirr Tirzah; ix ee qniaw Elah suawjiab ix juer ongg.

7 Qycc Jehovah ee ue limqaur Hanani ee qniaw, sendix Jehu, qongqig Baasa, iarr qongqig ix ee qrex; in'ui ix dirr Jehovah ee bagjiux jingg soxx qniaa itcer ee pnaiw, ing ix ee ciuw ee soxx juer laii qig Ix ee siurkir, cincniu Jeloboam ee qrex jidngiu; qycc in'ui ix pah siw ix ee juann qrex.

8 Judah Ongg Asa zi-jap-lak nii, Baasa ee qniaw Elah dirr Tirzah jerui juer Islael Ongg, qiong nng nii.

9 U quanxliw ix ee jenwciax ee jidvnuar ee zinsinn Zimli vuervuan ix. Dng' ix dirr Tirzah, dyrr si dirr Tirzah quanw Arza ee cur, jiac jiuxjuir ee sii,

10 Zimli dyrr zip kir pah siw ix, cuanr ix ee xui; jex si Judah Ongg Asa zi-jap-cid nii ee su.

11 Zimli kixtauu juer ongg, dng' jerui ee sii, dyrr taii Baasa juann qrex, bylun cinlangg ving'iuw, longxx byy qra ix lauu jit xee davodingx.

12 Cincniu anxnix, Zimli bet Baasa juann qrex, duxduxx jiauww Jehovah tog sendix Jehu soxx qongw qongqig Baasa ee ue.

13 Jex si in'ui Baasa itcer ee jue, qapp ix ee qniaw Elah ee jue, inx nng langg soxx huan .diyc .ee, iarr hro Islaellangg huan .diyc, ing huqew ee su laii qig Jehovah, Islael ee Siongrder ee siurkir.

14 Elah qi'uu ee su, qniww ix soxx qniaa :ee, longxx qir dirr Islael jiaxee ongg ee qiwlok.

15 Judah Ongg Asa zi-jap-cid nii, Zimli dirr Tirzah juer ongg cid zit; hitt sii vecsnir duxaxx jrad ngiaa uiqongx Filist ee Gibbeton.

16 Dirr ngiaa-diongx ee vecsnir tniax qnir qongxx, Zimli vuervuan, qycc taii siw ongg; soxiw Islael jingwlangg, dyrr hitt zit dirr ngiaa-diongx setlip qundniuw Omli juer Islael Ongg.

17 Omli qapp Islael jingwlangg, dui' Gibbeton jnriu .kir, uikunr Tirzah.

18 Zimli knuar qnir sniaa ixqing' puar, dyrr zip ongqiongx ee uersow, vangr huew siyx ongqiongx, qaqi siw dirr lairbin.

19 Jex si in'ui ix soxx huan ee jue, si qniaa Jehovah soxx knuar juer pnaiw :ee, qniaa Jeloboam ee lo; qniaa ix soxx huan ee jue, qycc hro Islaellangg huanrjue.

20 Zimli ee su, longxx qir dirr Islael jiaxee ongg ee qiwlok.

21 Hitt sii Islael ee vecsnir hunx juer nng vingg, vecsnir jidvnuar duer Ginat ee qniaw Tibni, beh setlip ix juer ongg, qycc jidvnuar duer Omli.

22 Duer Omli ee vecsnir ngiaa quer duer Ginat ee qniaw Tibni ee vecsnir. Tibni siw, Omli dyrr juer ongg.

23 Judah Ongg Asa snax-jap-id nii, Omli jerui juer Islael Ongg, qiong jap-zi nii; dirr Tirzah juer ongg lak nii.

24 Omli ing ginn nng talent dui' Semer brew Samalia Snuax, dirr snuax-dingw kixjy; dyrr jiauww hitt xee snuax ee guanjuw Semer ee miaa, qra soxx kiw ee sniaa hy miaa qiyr Samalia.

25 Omli qniaa Jehovah knuar juer pnaiw ee su, viw ix ixjingg itcer ee ongg qyckacc pnaiw.

26 In'ui ix qniaa Nebat ee qniaw Jeloboam ee lo, qapp ix hro Islaellangg huanrjue ee jue, ing huqew ee su laii qig Jehovah, Islael ee Siongrder ee siurkir.

27 Omli qi'uu soxx qniaa ee su, qapp ix soxx henxcud ee linglik, longxx qir dirr Islael jiaxee ongg ee qiwlok.

28 Omli qapp ix ee ledjow drangg kunr, baijongr dirr Samalia; ix ee qniaw Ahab suawjiab ix juer ongg.

29 Judah Ongg Asa snax-jap-veh nii, Omli ee qniaw Ahab jerui, juer Islael Ongg. Omli ee qniaw Ahab dirr Samalia juer Islael Ongg zi-jap-zi nii.

30 Omli ee qniaw Ahab qniaa Jehovah knuar juer pnaiw ee su, viw ix ixjingg itcer ee ongg qyckacc pnaiw.

31 Ix qniaa Nebat ee qniaw Jeloboam ee jue, iauxquxx liac juer siyxkuaw; qycc crua Sidon Ongg Etbaal ee jaboxqniaw Jezebel juer bow, kir hogsai Baal, laii vair ix.

32 Ix dirr Samalia soxx kiw Baal ee biy, dirr biy-lai qra Baal kiw dnxuaa.

33 Ahab qycc jy Aselah. Ahab soxx qniaa :ee qig Jehovah, Islael ee Siongrder ee siurkir, viw ix ixjingg ee Islael led'ongg qyckacc siongdiong.

34 Dng' ix jerui ee sii, u Betellangg Hiel kiw Jeliqo Sniaa. He derqix ee sii, siw dua-qniaw Abilam, he mngg ee sii, siw suacbuew qniaw Segub; duxx jiauww Jehovah tog Nun ee qniaw Josua qongw ee ue.

17 Sriok Gilead kiarkiw ee vecsnir, Tisbelangg Elijah, duiww Ahab qongw, "Guaw qiw ingxuac Jehovah, Islael ee Siongrder, dyrr si guaw kia dirr Ix ee binrjingg :ee, laii qongw, jitt quiw nii, guaw narr byy qongw, beh byy lorjuiw, byy ho."

2 Jehovah ee ue limqaur Elijah, qongw,

3 "Liw diyhh lirkuix jiax, uad duiww dangsir kir, bih dirr Jordan Hyy ee dangsir, Qelit Kex-vnix.

4 Liw beh limx hitt xee kex ee juiw. Guaw ixqing' bingrling oax dirr hiax qiongqib liw."

5 Ix dyrr kir, jiauww Jehovah ee ue laii qniaa; kir diamr dirr Jordan dangsir ee Qelit Kex.

6 Jaxkiw-sii oax qra ix duar vniaw qapp bah; ehngx-sii iarr duar vniaw qapp bah; ix limx kex nirr ee juiw.

7 Au .laii kejuiw dax; in'ui hitt xee derhngx byy horjuiw.

8 Jehovah ee ue limqaur ix, qongw,

9 "Liw kiw laii kir qaur Sidon ee Zalefat, kiarkiw dirr hiax. Guaw ixqing' bingrling hitt soxjai jit xee jiuxqnuaxlangg ngiuxci liw."

10 Ix dyrr kiw .laii, kir Zalefat; qaur sniamngg ee sii, duxdng u jit xee jiuxqnuaxlangg dirr hitt soxjai decc kiyh caa. Elijah dyrr qiyr ix, qongw, "Qriuu liw ing kiwqu ngiuw damrvyc juiw laii hro guaw limx."

11 Ix kir ngiuw ee sii, Elijah qycc qir ix, qongw, "Cniaw liw sunrciuw tec damrvyc vniaw laii hro guaw."

12 Hurzinlangg qongw, "Guaw qiw ingxuac ee Jehovah, liw ee Siongrder laii qongw, guaw byy jit xee vniaw, jixu jit vew aw mirhunw dirr tangw nirr, qapp damrvyc iuu dirr vann nirr. Guaw kiyh nng qix caa, beh dyr kir uirdiyhh guaw qapp guaw ee qniaw vig ix, guanw tangx jiac ix, jiacc siw."

13 Elijah qra ix qongw, "Benw qniax. Kir ar, jiauww liw soxx qongw :ee laii qniaa. Dairsingx qra guaw juer jit xee ser xee vniaw, duar laii hro guaw, zen'au uirdiyhh liw qapp liw ee qniaw juer ix.

14 In'ui Jehovah, Islael ee Siongrder anxnix qongw, "Tangw-lai ee mirhunw be qiamxjiyw, vann-lai ee iuu be liauw, qaur Jehovah lyc ho dirr derjniu ee zit."

15 Hurzinlangg dyrr kir, jiauww Elijah ee ue laii qniaa; hurzinlangg qapp ix ee qrex qapp Elijah jiac jerje zit.

16 Tangw-lai ee iuu byy liauw, duxx jiauww Jehovah tog Elijah soxx qongw ee ue.

17 Jiaxee dairjir liauxau, jitt xee hurzinlangg, dyrr si hitt qrex ee juxlangg, ix ee qniaw puawvni, vni jin' siongdiong, drir qaur ix byy jit diauu kuiwsix.

18 Hurzinlangg qra Elijah qongw, "Siongrder ee lovok ar, guaw qapp liw simxmih qansiap? Liw laii guaw jiax hro Siongrder qir did guaw ee jue, hro guaw ee qniaw siw ar."

19 Elijah qra ix qongw, "Jiong' liw ee qniaw qaux guaw." Elijah dyrr duiww hurzinlangg ee hxingx-jingg py .kir, duar qaur soxx diamr ee lxauu, he dirr qaqi ee cngg;

20 Dyrr qiuqiyr Jehovah qongxx, "Jehovah, guaw ee Siongrder ar, Liw qamxx qycc qangr jaieh dirr guaw soxx qapp ix duar ee jiuxqnuaxlangg, hai siw ix ee qniaw ar?"

21 Elijah pag dirr ginxaw ee sinkux snax vaiw, qriuu Jehovah qongxx, "Jehovah, guaw ee Siongrder ar, qriuu Liw hro jitt xee ginxaw huehunn."

22 Jehovah tniax Elijah ee sniax, ginxaw ee hxunn dyrr hogdyr, ix dyrr uac.

23 Elijah dyrr py hitt xee ginxaw dui' lxauu-dingw lyc .laii, zip cur qaux hro ix ee laurbuw. Elijah qongw, "Knuar ar, liw ee qniaw uac lar."

24 Hurzinlangg duiww Elijah qongw, "Dnaxx guaw jaix liw si Siongrder ee lovok, liw soxx qongw Jehovah ee ue si jinsit."

18 Quer jerje zit, dirr derr snax nii, Jehovah ee ue limqaur Elijah, qongw, "Liw kir, hro Ahab knuar qnir liw; Guaw beh lyc ho dirr derjniu."

2 Elijah dyrr kir, beh hro Ahab knuar .qnir; hitt sii Samalia qihngx jin' dua.

3 Ahab dyrr qiyr ix ee quanxqex Obadiah laii. (Obadiah vutjiw qingwuir Jehovah.

4 In'ui Jezebel bet Jehovah jiaxee sendix ee sii, Obadiah qra sendix jit-vah langg cangr dirr dong-lai, go-jap langg juer jit jxox, ing vniaw qapp juiw ngiuxci inx.)

5 Ahab qra Obadiah qongw, "Venww qniaa jitt xee de, qaur itcer ee juixjnuaa vnix, qapp itcer ee kex-vnix. Qiamxcaiw lanw e did diyc cnicauw, tangx hro bew, lyy uac lehh, benw did jingsnix itjin sitlyc."

6 Dui' anxnix inx vunx de beh venww qniaa. Ahab qaqi qniaa jit diauu lo, Obadiah iarr qaqi qniaa jit diauu lo.

7 Obadiah dirr lo nirr, Elijah duw diyc ix, Obadiah zin did ix, dyrr pag .lyc .kir, qongw, "Liw si guaw ee jruw Elijah mah?"

8 Rinr qongxx, "Si. Liw kir qra liw ee jruw qongw, Elijah dirr jiax."

9 Obadiah qongw, "Guaw u huan simxmih jue, liw qingxzenn beh jiong' liw ee lovok qaux dirr Ahab ee ciuw, laii hai siw guaw mah?

10 Guaw qiw ingxuac ee Jehovah, liw ee Siongrder laii qongw, byy jit jok, byy jit qog, guaw ee jruw byy crex langg qaur hiax cue liw. Inx narr qongw, Ix byy dirr jiax, dyrr qiyr hitt qog hitt jok ee langg jiuwjua qongxx, inx sidjai byy duw diyc liw.

11 Dnaxx liw qongw, kir qra liw ee jruw qongw, Elijah dirr jiax.

12 Guaw jid'err lirkuix liw, Jehovah ee Sinn beh duar liw qaur guaw soxx m jaix ee soxjai, guaw kir qra Ahab qongw, ix cue liw be diyc, dyrr beh taii siw guaw. Danrsi liw ee lovok dui' siauwlenn si qingwuir Jehovah.

13 Dng' Jezebel taii Jehovah jiongww sendix ee sii, guaw soxx juer qamxx byy langg qra guaw ee jruw qongw mah? Dyrr si guaw jiong' Jehovah ee sendix jit-vah langg juer jit jxox, ing vniaw qapp juiw ngiuxci inx.

14 Dnaxx liw qongw, kir qra liw ee jruw qongw, Elijah dirr jiax, ix dikkag e taii siw guaw."

15 Elijah qongw, "Guaw qiw ingxuac banrqunx ee Jehovah, dyrr si guaw kia dirr Ix ee binrjingg :ee, laii qongw, qinaxzit guaw dikkag beh hro Ahab knuar qnir guaw."

16 Obadiah dyrr kir qnir Ahab, qra ix qongw.

17 Ahab dyrr laii qnir Elijah. Ahab knuar qnir Elijah ee sii, Ahab dyrr qra ix qongw, "Liw jitt xee hamrhai Islael :ee ar!"

18 Elijah rinr qongxx, "Hamrhai Islael :ee m si guaw, si liw qapp liw ee laurve ee qrex; in'ui linw kiwsag Jehovah ee qaiwbing, kir duer hiaxee Baal.

19 Dnaxx liw diyhh crex langg, jurjip Islael jingwlangg, qapp Baal ee sendix sir-vah go-jap langg, ixqip Aselah ee sendix sir-vah langg. Dirr Jezebel ee dyh jiac :ee, longxx kir Karmel Snuax qaur guaw hiax."

20 Ahab dyrr crex langg kir Islael jingwlangg hiax, jiyjip jiaxee sendix qaur Karmel Snuax.

21 Elijah jiurqin jiongww vecsnir, qongw, "Linw jrunn nng ngiu simx byy quatduanr, beh qaur simxmih sii ar? Narr Jehovah si Siongrder, dyrr diyhh tranr Baal." Vecsnir byy rinr jit qxur ue.

22 Elijah qra vecsnir qongw, "Jehovah ee sendix, jixu cunx guaw jit langg, danrsi Baal ee sendix, u sir-vah go-jap langg.

23 Danxx diyhh ing nng jiah guqangw-aw hro guanw, Baal ee sendix tangx uirr qaqi qingw jit jiah guu-aw, ced qui' der, he dirr caa-dingw, erbin m tangx log huew. Guaw liaurliw hitt jiah guu-aw, he dirr caa-dingw, erbin iarr byy log huew.

24 Linw qiuqiyr Jehovah ee miaa; hitt xee ing huew henxingr ee Siongrder, dyrr si Siongrder." Jiongww vecsnir rinr qongxx, "Jitt xee de jin' hyw."

25 Elijah duiww Baal ee sendix qongw, "Linw uirr qaqi qingw jit jiah guqangw-aw, dairsingx liaurliw ix, in'ui linw langgiac kacc je, linw qiuqiyr linw ee siongrder ee miaa, dogdok m tangx log heuw dirr erbin."

26 Inx dyrr jiong' soxx hro inx ee guqangw-aw liaurliw; dui' jaxkiw qaur ziddaur qiuqiyr Baal ee miaa, qongw, "Baal ar, diyhh tniax guanw"; danrsi byy sniasueh, iarr byy inwdab. Inx dirr soww kiw ee dnxuaa ee jiuuii diytiaur.

27 Qaur diongdaur, Elijah qicir inx qongxx, "Dua sniax qiuqiyr lar; in'ui ix si siongrder, ix qiamxcaiw jing jing decc sniu, iacc si trer kir penpiah ee soxjai, iacc si qnialo, iacc si decc kunr, linw diyhh qiyr ix cnew."

28 Inx dua sniax qiuqiyr, jiauww inx ee le, ing dyx ing cniux quah qaqi, drir qaur inx ee sinkux lrauu huih.

29 Dui' zit quer daur qaur henr ehngjer ee sii, inx decc qongw inx ee sendi'ue. Danrsi byy sniasueh, byy inwdab, iarr byy cab inx :ee.

30 Elijah qra jiongww vecsnir qongw, "Linw laii qinruaw guaw." Jiongww vecsnir dyrr qinruaw ix. Ix dyrr qycc siuliw Jehovah dyxhuai ee dnxuaa.

31 Elijah cruw jap-zi der jiyc, jiauww Jakob ee qniaw ee jipair ee siauwgiac. Jitt xee Jakob dyrr si jingg Jehovah ee ue bad limqaur ix, qongw, "Islael beh juer liw ee miaa."

32 Elijah ing jiaxee jiyhtauu, hrong Jehovah ee miaa, kiw jit jy dnxuaa, dirr dnxuaa ee jiuuii kuix qxaux e drew did jingxjiw nng seah.

33 Qycc vailet caa, jiong' guu-aw ced qui' der, he dirr caa-dingw, qongw, 'Linw ing sir xee tangw drew juiw mauw muaw, vniar dirr siyjer qapp caa ee dingxbin." Qycc qongw, "Vniar derr zi vaiw"; inx dyrr vniar derr zi vaiw.

34 Qycc qongw, "Vniar derr snax viaw"; inx dyrr vniar derr sniax vaiw;

35 Juiw lrauu dirr dnxuaa ee siwuii, qxaux iarr u juiw muaw muaw.

36 Qaur henr ehngjer ee sii, sendix Elijah qinrjingg laii, qongw, "Ablaham, Isaac, qapp Islael ee Siongrder Jehovah ar, qriuu Liw qinaxzit hro langg jaix Liw dirr Islael juer Siongrder, iarr jaix guaw si Liw ee lovok, qycc si jiauww Liw ee ue laii qniaa jex itcer ee su.

37 Jehovah ar, diyhh tniax guaw; diyhh tniax guaw, hro jitt qog ee vecsnir jaix Liw Jehovah dyrr si Siongrder, Liw hro inx ee simx uat dywdngw."

38 Jehovah ee huew dyrr qangr lyc, itjin siyx ix ee siyjer, qapp caa, qapp jiyc, qapp too, qycc siyx dax qxaux-lai ee juiw.

39 Jiongww vecsnir knuar .qnir, dyrr pag dirr de nirr qongw, "Jehovah, Ix si Siongrder, Jehovah, Ix si Siongrder."

40 Elijah qra inx qongw, "Liac Baal ee sendix, byy iong'unw jit xee dyjauw." Inx dyrr liac inx; Elijah duar inx lyc kir qaur Kison Kex-vnix, dirr hiaxx taii inx.

41 Elijah qra Ahab qongw, "Liw dnaxx tangx jnriu kir limjiac; in'ui u dua ho ee sniax."

42 Ahab dyrr jnriu kir limjiac. Elijah jnriu kir Karmel Snuax-dingw, kud srinx dirr de nirr, bin pag dirr nng xee katauux ee diongqanx.

43 Duiww ix ee lovok qongw, "Liw jnriu .kir, ngr haiw knuar." Lovok dyrr jnriu kir knuar, qongw, "Longxx byy simxmih." Ix qongw, "Liw qycc kir, diyhh qaur cid vaiw."

44 Qaur derr cid vaiw, ix qongw, "Knuar qnir u hunn dui' haiw nirr kiw .laii, ser ser cincniu langg ee ciuw." Elijah qongw, "Liw jnriu .kir, qra Ahab qongw, 'Diyhh virvan ciax lyc .kir, benw did hro ho joxdongr.'"

45 Diap aw quw ee diongqanx venww tnix in'ui hongx qapp hunn oamr, lyc dua ho. Ahab dyrr jre ciax kir Jezleel.

46 Jehovah ee ciuw kuar dirr Elijah ee sinjniu, ix dyrr haa iyx, dirr Ahab ee taujingg jauw qaur Jezleel ee sniamngg.

19 Ahab jiong' Elijah itcer soxx qniaa :ee, qapp ix ing dyx taii jiongww sendix ee su, longxx qra Jezebel qongw.

2 Jezebel dyrr crex langg kir qnir Elijah, qra ix qongw, "Binaxzit iokliok jitt sii, guaw narr byy hro liw ee sniwmia cincniu inx diongqanx jit langg ee sniwmia jidngiu, guan hiaxee siongrder qavue jikhuat guaw."

3 Elijah knuar qnir anxnix, dyrr kiw laii jauw, laii dymia, qaur Judah ee Beerseba, jiong' lovok lauu dirr hiax.

4 Ix qaqi zip kir kongwiaw, qniaa jit zit ee lorjam, qaur jit jangg lodingciu kax, dyrr jre dirr hiax qriuu siw, qongw, "Dnaxx suah lar; Jehovah ar, qriuu Liw cruw guaw ee sniwmia, in'ui guaw byy viw guaw ee ledjow kacc ngiaa."

5 Dyrr dyw dirr lydingciu kax, kunr .kir. U tnisair laii dah ix, qongw, "Kiw laii jiac."

6 Ix knuar, dyrr knuar qnir u vniaw vig dirr huextnuar ee dingxbin, qycc u jit vann juiw dirr ix ee taukag vnix. Ix dyrr jiac, limx, liauxau qycc dyw .lyc .kir.

7 Jehovah ee tnisair derr zi vaiw qycc laii dah ix, qongw, "Kiw laii jiac ar, in'ui lo jin' hng; liw qniaa byy hxuad .did."

8 Ix dyrr kiw laii jiac, limx, uaxkyr jitt vaiw jiac ee lat, qniaa sir-jap zit, sir-jap mii, qaur Siongrder ee snuax, dyrr si Holeb Snuax.

9 Ix qaur hiax, zip jit xee dong, dyrr diamr hitt lairbin. Jehovah ee ue limqaur ix, qra ix qongw, "Elijah ar, liw dirr jiax congr simxmih?"

10 Ix rinr qongxx, "Guaw uirdiyhh Jehovah, banrqunx ee Siongrder dua zedsimx; in'ui Islaellangg kiwsag Liw ee iog, huixhuai Liw hiaxee dnxuaa, ing dyx taii Liw hiaxee sendix, jixu cunx guaw jit langg; inx iauxx siauwsniu guaw ee sniwmia, beh cruw ix."

11 Qongw, "Liw cud laii kia dirr snuax nirr, dirr Jehovah ee binrjingg." Knuar ar, Jehovah qingquer, u dua qycc taur ee hongx, puawlic jiaxee snuax, paccuir jiaxee jiyc dirr Jehovah ee binrjingg. Jehovah byy dirr hongx ee lairbin; hongx liauxau u dedang; Jehovah iarr byy dirr dedang ee diongqanx.

12 Dedang liauxau u huew; Jehovah iarr byy dirr huew-diongx. Huew liauxau, u ser qycc kinx ee sniax.

13 Elijah tniax .qnir, dyrr ing guarsnax dar bin, cud kir kia dirr dong-kauw. Knuar ar, u sniax limqaur ix, qongw, "Elijah ar, liw dirr jiax congr simxmih?"

14 Ix qongw, "Guaw uirdiyhh Jehovah, banrqunx ee Siongrder dua zedsimx; in'ui Islaellangg kiwsag Liw ee iog, huixhuai Liw hiaxee dnuxaa, ing dyx taii Liw hiaxee sendix; jixu cunx guaw jit langg, inx iauxx siauwsniu beh cruw guaw ee sniwmia."

15 Jehovah qra ix qongw, "Kir ar, liw dyr .kir, qaur Damaskus ee kongwiaw. Qaur liauxau, dyrr diyhh ing iuu buah Hazael juer Sylia ee ongg; qycc buah Nimsi ee sunx Jehu juer Islael Ongg;

16 Qycc buah Abel Meholahlangg Safat ee qniaw Elisa juer sendix suawjiab liw.

17 Au .laii tuatli Hazael ee dyx :ee, Jehu beh taii ix; tuatli Jehu ee dyx :ee, Elisa beh taii ix.

18 Guaw dirr Islael diongx lauu cid-cingx langg, ix ee katauux m bad qui Baal, ix ee cuir m bad jimx ix."

19 Elijah dyrr lirkuix hiax kir; duw diyc Safat ee qniaw Elisa, ix decc lee cann. Dirr ix ee taujingg u jap-zi duir guu, qaqi qnuaw derr jap-zi duir. Elijah qingquer ix hiax, jiong' qaqi ee snxax puac dirr ix ee sinjniu.

20 Elisa dyrr lirkuix hiaxee guu, jauw qaur Elijah ee aurbin, qongw, "Qriuu liw jrunw guaw dairsingx jimx guaw ee verbuw, zen'au guaw dyrr duer liw." Elijah qra ix qongw, "Liw dyr .kir. Guaw be duiww liw juer simxmih."

21 Elisa dyrr dui' ix hiax dyr .kir, taii jit duir guu, ing tyr guu ee kiwqu juw bah hro vecsnir; inx dyrr jiac ix. Ix dyrr kiw laii duer Elijah, laii hogsai ix.

20 Sylia Ongg Benhadad jurjip ix ee juann qunx, u snax-jap-zi xee ongg qapp ix kir, u bew, u ciax, jnriu kir uii Samalia, laii qrongx ix.

2 Qycc crex suwjiaw zip sniaa qnir Islael Ongg Ahab, qra ix qongw, "Benhadad anxnix qongw,

3 'Liw ee ginn, liw ee qimx, longxx si guaw ee, liw hiaxee bow, liw hiaxee qniaxzii, derr id suiw :ee, iarr si guaw ee.'"

4 Islael Ongg rinr qongxx, "Guaw ee jruw, guaw ee ongg ar, jiauww liw ee ue, guaw qapp guaw soxu :ee longxx si liw ee."

5 Suwjiaw qycc laii qongw, "Benhadad anxnix qongw, 'Guaw u crex langg kir qnir liw, rair liw jiong' liw ee ginn, qimx, bow, qniaxzii, longxx qaux hro guaw.

6 Binaxzit iokliok jitt sii, guaw beh crex guaw ee suwjiaw qaur liw hiax, ciaucue liw ee cur, qapp liw ee lovok ee cur, qniwnarr liw soxx knuar juer hyw :ee, inx beh cinciuw duar .kir.'"

7 Islael Ongg driaur qog-lai ee dniuxlyw longxx laii, qra inx qongw, "Linw knuar, jitt xee langg diaudii cue pang beh hai guaw. Ix bad crex langg laii guaw jiax, beh guaw ee bow, qniaxzii, qapp qimx, ginn, guaw byy tesii ix."

8 Dniuxlyw qapp jiongww vecsnir longxx qra ongg qongw, "M tangx tniax ix, iarr m tangx rinw ix."

9 Soxiw Ongg qra Benhadad ee suwjiaw qongw, "Linw qra guaw ee jruw, guaw ee ongg qongw, ix dairsingx crex langg duiww ix ee lovok soxx tyw :ee, guaw u rinw; danrsi jitt xee guaw be qniaa .did." Suwjiaw dyrr dyr kir huehog.

10 Benhadad qycc crex langg, qongw, "Samalia ee tohunw, narr u qraur gxiac hro duer guaw ee langg dagg langg mix jit vew, dyrr guan hiaxee siongrder qavue jikhuat guaw."

11 Islael Ongg rinr qongxx, "Liw qra ix qongw, 'Cing kueqah :ee, m tangx cincniu trngr kueqah :ee laii kuakauw.'"

12 Benhadad qapp hiaxee ongg dirr vowvnii lai limx jiuw, tniax qnir jiaxee ue, dyrr qra ix ee zinsinn qongw, "Tangx vaidin." Inx dyrr vaidin qrongx sniaa.

13 U jit xee sendix laii qnir Islael Ongg Ahab, qongw, "Jehovah anxnix qongw, 'Liw u knuar qnir jitt dua din ee langg .byy? Knuar ar, qinaxzit Guaw beh jiong' inx qaux dirr liw ee ciuw, liw dyrr jaix Guaw si Jehovah.'"

14 Ahab qongw, "Beh ing jirjui ar?" Ix rinr qongxx, "Jehovah anxnix qongw, 'Ing jiaxee singxdniuw ee siauwlenlangg.'" Ahab qongw, "Simxmih langg beh vaidin ar?" Ix rinr qongxx, "Dyrr si liw."

15 Ix dyrr sngr hiaxee singxdniuw ee siauwlenlangg, qiong u nng-vah snax-jap-zi miaa. Au .laii ix qycc sngr jiongww vecsnir, dyrr si Islaellangg, qiong cid-cingx miaa.

16 Ziddiongdaur ee sii, inx dyrr cud .kir. Benhadad qapp hiaxee ongg, dyrr si vangjan ix ee snax-jap-zi xee ongg, dirr vowvnii lai jiac jiuxjuir.

17 Hiaxee singxdniuw ee siauwlenlangg juer tauu cud .kir. Benhadad crex langg kir tamr bai, inx huehok qongxx, "U langg dui' Samalia cud .laii."

18 Ix qongw, "Inx narr uirdiyhh qangxhyy cud .laii, diyhh uac uac liac inx; narr uirdiyhh qaujenr cud .laii, iarr diyhh uac uac liac inx."

19 Hiaxee singxdniuw ee siauwlenlangg cud sniaa, qunvingx duer inx; dagg langg taii ix ee duiwdik.

20 Sylialangg dyjauw, Islaellangg zib inx. Sylia Ogg Benhadad kiaa bew, qapp hiaxee bexvingx dytuad.

21 Islael Ongg cud sniaa, pah hiaxee ciax, qapp bew, dua dua taii siw Sylialangg.

22 Hitt xee sendix laii qnir Islael Ongg, qra ix qongw, "Liw diyhh qaqi qiongjongr, qinxsin diyhh jnaixngiu juer; in'ui menii jitt sii, Sylia Ongg beh jnriu laii qongqig liw."

23 Sylia Ongg ee zinsinn qra ix qongw, "Islaellangg ee Siongrder si snuatauu ee Siongrder, soxiw inx kacc ngiaa lanw. Lanw narr dirr vni'ngiuu qapp inx qaujenr, dyrr e kacc ngiaa inx.

24 Diyhh anxnix qniaa; hiaxee ongg dagg xee diyhh benxjid, lip qundniuw laii ter inx.

25 Qycc jiybo jit dui qunvingx jiauww liw soxx sitlyc ee qunvingx, ing bew vow bew, ing ciax vow ciax; lanw dirr vni'ngiuu qapp inx qaujenr, unxdangr e ngiaa." Ongg dyrr tniax inx ee ue kir qniaa.

26 Qeh nii Benhadad diamxsngr Sylialangg, jnriu kir Afek, beh qapp Islaellangg qaujenr.

27 Islaellangg iarr diamxsngr inx ee siauwgiac, virvan qunniuu, cud kir dixdik ix, jrad ngiaa dirr inx ee duiwbin, cincniu nng siyw qrunn ee snua'ngiuu-aw, jongwsirr Sylialangg muaw derbin.

28 U Siongrder ee lovok laii qnir Islael Ongg, qongw, "Jehovah anxnix qongw, 'In'ui Sylialangg qongw, Jehovah si snuatauu ee Siongrder, m si snuaqog ee Siongrder, soxiw Guaw beh jiong' jitt dua din ee langg longxx qaux dirr liw ee ciuw; linw dyrr jaix Guaw si Jehovah.'"

29 Dyrr jrad ngiaa dairqex sna' duiwbin cid zit; qaur derr cid zit siangvingg qunvingx qaujenr; dirr jitt zit Islaellangg taii siw Sylialangg vorvingx jap-bxan.

30 Qi'uu :ee jauw zip Afek Sniaa, hitt xee sniacniuu dyw, deh siw soxx cunx ee nng-bxan cid-cingx langg. Benhadad jauw zip sniaa, bih dirr lairvangg.

31 Ix ee zinsinn qra ix qongw, "Knuar ar, guanw tniax qnir Islael-qrex ee led'ongg si zinjuu ee ongg. Qriuu liw jrunw guanw haa muavor dirr guanw ee iyx, taukag puac syh, cud kir dauhangg Islael Ongg; qiamxcaiw ix beh ziauu liw ee sniwmia."

32 Inx dyrr iyx haa mauvor, taukag puac syh, kir qnir Islael Ongg, qongw, "Liw ee lovok Benhadad qongw, 'Qriuu liw, ziauu guaw ee sniwmia.'" Ahab qongw, "Ix iauxx uac lehh mah? Ix si guaw ee hniadi."

33 Hiaxee langg jimjiog tniax ix kauxkir, liamvnix sun ix ee uerbuew, qongw, "Liw ee hniadi Benhadad." Ix qongw, "Linw kir cua ix laii." Benhadad cud laii qnir ongg, ongg dyrr hro ix jre ciax.

34 Benhadad qra ix qongw, "Guaw ee ve dui' liw ee ve soxx cniuw hiaxee sniaa, guaw beh hingg liw; qycc liw tangx dirr Damaskus sed queci, cincniu guaw ee ve dirr Samalia soxx sed :ee jidngiu." Ahab qongw, "Guaw jiauww jitt xee iog vangr liw dyr .kir"; dyrr qapp ix lip iog, vangr ix dyr .kir.

35 U sendix ee hagsingx ee jit langg, ing Jehovah ee ue qra ix ee dangpnua qongw, "Cniaw liw pah guaw." Hitt langg m kingw pah ix.

36 Ix dyrr qra ix qongw, "In'ui liw m tranr Jehovah ee ue, liw jid'err lirkuix guaw, beh u sraix qa siw liw." Ix jid'err lirkuix ix kir, qyxzenn u duw diyc sraix laii hro ix qa siw.

37 Ix qycc duw diyc jit langg, qra ix qongw, "Cniaw liw pah guaw." Ix dyrr pah ix, pah qaur diyhsiongx.

38 Sendix dyrr kir, dirr lo nirr tingwhau ongg, qaiw ix ee iongmau, ing vor dar bagjiux.

39 Ongg dui' hiax qingquer ee sii, ix qiyr ongg, qongw, "Liw ee lovok cutdin, u jit langg uad laii vnix:a, qycc cua jit langg laii qaux guaw, qongw, 'Liw qowsiuw jitt xee langg; narr ix sitlyc, liw ee sniwmia diyhh ter ix ee sniwmia; iacc si qaux cud jit talent ee ginn.'

40 Liw ee lovok qor jitt hxang hitt hxang ee sii, hitt langg suar byy .kir." Islael Ongg qra ix qongw, "Liw ee anwqnia anxnix, liw ixqing' qaqi pnuawduanr."

41 Ix qnuaxqinw druu kir dar bagjiux ee vor. Islael Ongg dyrr zin did ix si sendix ee jit xee.

42 Ix qra ongg qongw, "Jehovah anxnix qongw, 'In'ui liw jiong' Guaw soxx dniardiyc beh bet ee langg vangr hro ix kir, liw ee sniwmia, liw ee vecsnir dyrr diyhh ter ix ee vecsnir.'"

43 Islael Ongg dyrr utbun byy hnuahiw; qaur Samalia dyrr dyr kir ix ee cur.

21 Jiaxee dairjir liauxau, Jezleellangg Nabot u pudyhngg dirr Jezleel, qin Samalia Ongg Ahab ee ongqiongx.

2 Ahab qra Nabot qongw, "Liw qra liw ee pudyhngg hro guaw, guaw tangx juer caiwhngg; in'ui si qin dirr guaw ee ongqiongx; guaw beh ing qyckacc hyw ee hngg qapp liw ngua; iacc si liw rair ginn, guaw dyrr jiauww qewjnii hro liw."

3 Nabot qra Ahab qongw, "Ing guaw ee jow soxx lauu ee giap hro liw, jitt xee dairjir guan Jehovah qimwjiw guaw."

4 Ahab in'ui Jezleellangg Nabot soxx qongw ee ue, dyrr utjud byy hnuahiw, dyr kir ix ee cur; in'ui Nabot bad qongw, "Guaw m ing guaw ee joxgiap hro liw." Ahab dyrr dyw dirr bincngg, bin ngr lairbin, iarr m jiac.

5 Ongho Jezebel qaur ix hiax, mng ix qongxx, "Liw ee simlai iubun suacc m jiac, si sniaw enqor ar?"

6 Ix qra ix qongw, "In'ui guaw duiww Jezleellangg Nabot qongw, liw qra liw ee pudyhngg hro guaw, guaw ing ginn hro liw; iacc si liw narr rair, guaw dyrr ing lingrgua jit xee pudyhngg ngua liw ee." Ix qongw, "Guaw ee pudyhngg, guaw m hro liw."

7 Ongho Jezebel qra ix qongw, "Liw jitt jun si decc quanxliw Islaelqog iacc m si? Jueww liw kiw laii jiac, hro liw ee simx hnuahiw; guaw beh qra Jezleellangg Nabot ee pudyhngg hro liw."

8 Ix dyrr ing Ahab ee miaa siaw puex, ing ongg ee inr dngr, qra hiaxee puex qiar hro Nabot ee sniaa, hro qapp ix kiarkiw ee dniuxlyw quiwjok.

9 Puex nirr siaw qongxx, "Linw diyhh suanvor qimwjiac, hro Nabot jre dirr vecsnir qranx ee quann xui;

10 Qycc sed nng xee huixlui dirr ix ee binrjingg juer qanjingr qryr ix qongxx, 'Liw vongwdok Siongrder qapp ongg'; zen'au dyrr tuax ix cud .kir, ing jiyhtauu dimr siw ix."

11 Ix sniaa-lai ee langg, dyrr si kiarkiw hitt xee sniaa ee dniuxlyw, qapp quiwjok, dyrr jiauww Jezebel soxx qiar ee ue, dyrr si jiauww ix qiar hro inx ee puex soxx siaw :ee, laii qniaa.

12 Suanvor qimwjiac, hro Nabot jre dirr vecsnir qranx ee quann xui. Hitt nng xee huixlui zip .kir, jre dirr ix ee binrjingg;

13 Huixlui dng' vecsnir ee binrjingg juer qanjingr qryr Nabot qongxx, "Nabot vongwdok Siongrder qapp ongg; dyrr tuax ix cud sniaa-gua, ing jiyhtauu dimr siw ix."

14 Dyrr crex langg kir qra Jezebel qongw, "Nabot ixqing' hro jiyhtauu dimr siw lar."

15 Jezebel tniax qnir Nabot hro jiyhtauu dimr siw, Jezebel dyrr qra Ahab qongw, "Liw kiw laii jiangw Jezleellangg Nabot m kingw uirdiyhh qewjnii hro liw ee pudyhngg, in'ui Nabot ixqing' siw, byy mia lar."

16 Ahab tniax qnir Nabot ixqing' siw, Ahab dyrr kiw .laii, lyc kir Jezleellangg Nabot ee pudyhngg hiax, beh jiangw ix.

17 Jehovah ee ue limqaur Tisbelangg Elijah, qongw,

18 "Liw kiw .laii, kir qnir diamr dirr Samalia ee Islael Ongg Ahab. Ix lyc kir Nabot ee pudyhngg beh jiangw ix; jitt jun ix dirr hiax.

19 Liw diyhh qra ix qongw, Jehovah anxnix qongw, 'Liw u taii siw langg qycc jiangw ix ee giap mah?' Qycc diyhh qra ix qongw, Jehovah anxnix qongw, 'Qxauw dirr simxmih soxjai ji Nabot ee huih, qxauw iarr beh dirr hiax ji liw ee huih, dyrr si liw vunxsinx ee huih.'"

20 Ahab qra Elijah qongw, "Guaw ee duiwdik ar, liw cue guaw mah?" Ix rinr qongxx, "Guaw cue liw, in'ui liw bre qaqi, qniaa Jehovah knuar juer pnaiw ee su.

21 Jehovah qongw, 'Guaw beh qangr jaieh hro liw, beh itjin druu liw; qniww sriok Ahab ee davodingx, bylun siurr kusog :ee, iacc si juriuu :ee, longxx dirr Islael diongx jenxduu ix.

22 Guaw beh hro liw ee qrex cincniu Nebat ee qniaw Jeloboam ee qrex, qycc cincniu Ahijah ee qniaw Baasa ee qrex, in'ui liw soxx qanhuan qikdong Guaw siurkir ee su, qycc hro Islael huanrjue.'

23 Lun Jezebel, Jehovah iarr u qongw, 'Qxauw beh jiac Jezebel dirr Jezebel ee guarsniaa.

24 Sriok Ahab ee langg, siw dirr sniaa-lai :ee, qxauw beh jiac ix; siw dirr can'iaw :ee, kongdiongx ee jiauw beh jiac ix.'"

25 (Jongwsirr byy langg cincniu Ahab, in'ui bre qaqi, qniaa Jehovah knuar juer pnaiw ee su, si dui' ix ee ongho Jezebel qiauxsy ix.

26 Ix qniaa dua kyxngor ee su, in'ui ix duer hiaxee gnoxsiong longxx cincniu Amolilangg jidngiu, dyrr si Jehovah soxx qnuaw cud dirr Islaellangg ee binrjingg :ee.)

27 Ahab tniax qnir jiaxee ue, dyrr tiah lic snxax, sinkux cing cox muavor, qimwjiac, kunr iarr dyw dirr cox muavor, qycc unn unn aw qniaa.

28 Jehovah ee ue limqaur Tisbelangg Elijah, qongw,

29 "Ahab jnaixngiu qaqi kiamvix dirr Guaw ee binrjingg, liw u knuar qnir mah? In'ui ix qaqi kiamvix dirr Guaw ee binrjingg, soxiw Guaw byy beh dirr ix uac lehh ee zit qangr jitt xee jaieh; si dirr ix ee qniaw ee zit, qangr jitt xee jaieh dirr ix ee qrex."

22 Islael qapp Sylia snax nii quw byy qaujenr.

2 Quar derr snax nii Judah Ongg Jehosafat lyc kir Islael Ongg hiax.

3 Islael Ongg duiww ix ee lovok qongw, "Linw qamxx m jaix Gilead ee Rlamot si lanw ee? Lanw qingxzenn diam diam byy dui' Sylia Ongg ee ciuw cniuw .laii mah?"

4 Ahab qra Jehosafat qongw, "Liw beh qapp guaw kir Gilead ee Rlamot qaujenr mah?" Jehosafat qra Islael ongg qongw, "Guaw cincniu liw, guaw ee vecsnir cincniu liw ee vecsnir, guaw ee bew cincniu liw ee bew."

5 Jehosafat qra Islael Ongg qongw, "Cniaw liw qinaxzit mng Jehovah ee iwsur."

6 Islael Ongg dyrr jurjip sendix iokliok sir-vah langg, mng inx qongxx, "Guaw diyhh jnriu kir Gilead ee Rlamot laii qaujenr, iacc si diyhh suah ar?" Inx qongw, "Tangx jrniu .kir; in'ui Jruw beh jiong' ix qaux dirr ongg ee ciuw."

7 Jehosafat qongw, "Dirr jiax qamxx byy iauxx u Jehovah ee sendix, hro lanw tangx duiww ix laii mng mah?"

8 Islael Ongg qra Jehosafat qongw, "Iauxx u jit langg, si Imlah ee qniaw Mikaiah, lanw tangx duiww ix laii mng Jehovah; danrsi guaw uanwhun ix, in'ui ix soxx camwgiw guaw :ee, longxx byy hyw ue, jixu jaieh nardnia." Jehosafat qongw, "Cniaw ongg byc did anxnix qongw."

9 Islael Ongg dyrr driaur jit xee qnua'uann laii, qongw, "Liw kir qiyr Imlah ee qniaw Mikaiah qinw qinw laii."

10 Islael Ongg qapp Judah Ongg Jehosafat, dagg xee jre ix ee jyrui, cing lexhok, dirr Samalia sniamngkauw kuah ee soxjai. Jiongww sendix dagg xee dirr inx ee binrjingg camwgiw.

11 Qenaanah ee qniaw Zedekiah juer ticqag, qongw, "Jehovah anxnix qongw, 'Liw beh ing jiaxee dag Sylialangg, qaur inx bedbyy.'"

12 Jiongww sendix longxx anxnix camwgiw, qongw, "Tangx jnriu kir Gilead ee Rlamot, beh diksingr; in'ui Jehovah beh jiong' ix qaux dirr ongg ee ciuw."

13 Hitt xee kir qiyr Mikaiah ee suwjiaw qra ix qongw, "Knuar ar, jiongww sendix longxx qongw jit ngiu ue, duiww ongg qongw hyw su; qriuu liw soxx qongw :ee qapp inx snadangg, vnivnii qongw hyw ue."

14 Mikaiah qongw, "Guaw qiw ingxuac ee Jehovah laii qongw, Jehovah duiww guaw qongw simxmih, guaw beh qongw ix."

15 Mikaiah qaur ongg ee binrjingg, ongg mng ix qongxx, "Mikaiah ar, guanw tangx jnriu kir Gilead ee Rlamot laii qaujenr, iacc si diyhh suah ar?" Ix rinr qongxx, "Tangx jnriu .kir, beh diksingr; Jehovah beh jiong' ix qaux dirr ongg ee ciuw."

16 Ongg duiww ix qongw, "Guaw diyhh quiw vaiw qiyr liw jiuwjua, liw tog Jehovah ee miaa, diyhh ing jinsit qra guaw qongw?"

17 Mikaiah qongw, "Guaw knuar qnir Islael jiongww vecsnir siwsnuar dirr snuax nirr, cincniu byy bogjiaw ee ngiuu jidvnuax; Jehovah anxnix qongw, "Jiaxee byy juxlangg, inx dagg xee tangx ving'anx dyr kir inx ee qrex.'"

18 Islael Ongg qra Jehosafat qongw, "Guaw qamxx byy qra liw qongw, jitt langg soxx beh camwgiw guaw :ee, byy qongw hyw ue, jixu jaieh nardnia."

19 Mikaiah qongw, "Soxiw liw diyhh tniax Jehovah ee ue; guaw knuar qnir Jehovah jre dirr vyxjy, tnidingw ee banrqunx kia dirr Ix ee jyriu.

20 Jehovah qongw, 'Jirjui beh inxiuw Ahab, hro ix jnriu kir Gilead ee Rlamot, siw dirr hiax ar?' Jitt xee qongw anxnix, hitt xee qongw anxnix.

21 Au .laii u jit xee sinn cud .laii, kia dirr Jehovah ee binrjingg, qongw, 'Guaw beh inxiuw ix.'

22 Jehovah mng ix qongxx, 'Liw beh ing simxmih huatdo?' Ix qongw, 'Guaw beh cud .kir, juer vehcat ee sinn dirr ix jiongww sendix ee cuir.' Jehovah qongw, "Liw beh inxiuw ix, iarr beh jniaa ix; cud kir, laii juer anxnix.'

23 Dnaxx Jehovah ing vehcat ee sinn zip dirr liw jiaxee sendix ee cuir; Jehovah lun qaur liw, qongw liw u jaieh".

24 Qenaanah ee qniaw Zedekiah jinwjingg, senr Mikaiah ee cuiwpew, qongw, "Jehovah ee sinn dui' dyclyc jit diauu lo lirkuix guaw laii qapp liw qongw ar?"

25 Mikaiah qongw, "Knuar ar, liw zip lairvangg qaqi bih .kiw .laii, hitt zit dyrr beh knuar .qnir."

26 Islael Ongg qongw, "Diyhh duar Mikaiah kir qaux hro sniasiuw Amon, qapp ongg ee qniaw Joas, qongw, ongg anxnix qongw,

27 'Qra jitt langg qnuaix dirr qnax nirr, ing qankow ee vniaw, qankow ee juiw hro ix jiac, tingwhau guaw ving'anx dyr .laii."

28 Mikaiah qongw, "Liw narr jinjniar ving'anx dyr .laii, dyrr si Jehovah byy tog guaw qongw." Qycc qongw, "Jiaxee vecsnir ar, linw longxx diyhh tniax."

29 Islael Ongg qapp Judah Ongg Jehosafat jnriu kir Gilead ee Rlamot.

30 Islael Ongg qra Jehosafat qongw, "Guaw beh qaixjongx jniurdin; liw tangx cing onghok." Islael Ongg dyrr qaixjongx jniurdin.

31 Sylia Ongg u huanhur ix ee jenwciax ee qnuadniuw snax-jap-zi xee, qongw, "Bylun dua, ser m tangx qapp inx qaujenr, jixu qapp Islael Ongg qaujenr."

32 Jenwciax ee qnuadniuw knuar qnir Jehosafat, dyrr qongw, "Jex vitdnia si Islael Ongg"; dyrr uat dngw beh qapp ix qaujenr. Jehosafat dyrr hauxqiur.

33 Jenwciax ee qnuadniuw knuar qnir m si Islael Ongg, dyrr uat .dngw .kir byy duix ix.

34 U jit langg gnoxzenn kuix qringx, sria zip Islael Ongg ee jenwqah ee qapjua; ongg qra qnuaw ciax :ee qongw, "Liw uat dngw ciuw, duar guaw cutdin; in'ui guaw diyc dang siongx."

35 Hitt zit qaujenr ee sewbin naxx bingxlet; u langg qra ongg huu ongg zip ciax nirr, dixdngx Sylialangg; qaur zit amrr ongg dyrr siw, huih dui' diyhsiongx ee soxjai lrauu qaur cia-drew.

36 Zit beh lyc ee sii, u hyrling venww tuann dirr qunngiaa diongx, qongw, "Dagg langg dyr kir vunxsniaa, dagg langg dyr kir vunxde."

37 Ongg siw, duar ix qaur Samalia; inx baijongr ongg dirr Samalia.

38 U langg sew ix ee ciax dirr Samalia ee dii-vnix, qxauw laii ji ix ee huih, duxx jiauww Jehovah soxx qongw ee ue; ciongqix iarr dirr hiax sew sinkux.

39 Ahab qi'uu ee su, qniww ix soxx qniaa :ee, qapp ix soxx kiw cniurgee ee cur, ixqip soxx kiw longxjongw ee sniaa, longxx qir dirr Islael jiaxee ongg ee qiwlok.

40 Ahab qapp ix ee ledjow drangg kunr; ix ee qniaw Ahab suawjiab ix juer ongg.

41 Islael Ongg Ahab derr sir nii, Asa ee qniaw Jehosafat jerui juer Judah Ongg.

42 Jehosafat jerui ee sii, snax-jap-go huer; dirr Jelusalem juer ongg zi-jap-go nii. Ix ee laurbuw miaa qiyr Azubah, dyrr si Silhi ee jaboxqniaw.

43 Jehosafat qniaa ix ee laurve Asa hiaxee lo, byy uat dngw lirkuix ix, qniaa Jehovah knuar juer hyw ee su. Jongwsirr snuataudnuaa iauxx bue huewbyy, vecsnir iuguann henwjer siyhniux dirr snuataudnuaa.

44 Jehosafat qapp Islael Ongg lip iog hyhyw.

45 Jehosafat qi'uu ee su, qapp ix soxx henxcud ee linglik, qapp ix jnaixngiu qaujenr, longxx qir dirr Judah led'ongg ee qiwlok.

46 Ix ee laurve Asa ee sii, soxx lauu .lyc .laii ee luandongg, Jehosafat dui' qog-lai druu .kir.

47 Hitt sii Edom byy ongg, u uixuann quanxliw ix.

48 Jehosafat jy Tarsis ee junjiah, beh kir Ofir un qimx laii; jongwsirr byy kir, in'ui junn dirr Eziongeber pacpuar.

49 Ahab ee qniaw Ahaziah qra Jehosafat qongw, "Iong'unw guaw ee lovok qapp liw ee lovok jre junn snaqab kir." Danrsi Jehosafat m kingw.

50 Jehosafat qapp ledjow drangg kunr, qapp ix ee ledjow jongr dirr ix ee jow David ee sniaa; ix ee qniaw Jeholam suawjiab ix juer ongg.

51 Judah Ongg Jehosafat jap-cid nii, Ahab ee qniaw Ahaziah dirr Samalia jerui, juer Islael Ongg, juer ongg dirr Islael ligquer nng nii.

52 Ix qniaa Jehovah knuar juer pnaiw ee su, qniaa ix ee ve ee lo, qapp ix ee laurbuw ee lo, qapp hro Islael huanrjue ee Nebat ee qniaw Jeloboam ee lo.

53 Ix jiauww inx laurve itcer soxx qniaa :ee hogsai Baal laii qingwvair ix, qig Jehovah, Islael ee Siongrder ee siurkir.

huedngw tauu iac