Filemon
SXINGR PAUL SIAW HRO FILEMON EE PUEX
Juer Krist Jesus ee siuhuan Paul, qapp hniadi Timoti, siaw puex qiar hro guanw soxx tniar, dangjee diyhbuaa ee Filemon,
2 Qapp jixbe Apfia, ixqip qapp guanw dangjee drngx vxingx ee Arqippus, qapp jurjip dirr liw ee qrex ee qauwhue:
3 Guan linw dui' lanw ee Ve Siongrder qapp Jruw Jesus Krist did diyc undenw, ving'anx.
4 Guaw dirr qidyw ee diongqanx siauwliam liw, siongsiongg qamxsia guaw ee Siongrder;
5 In'ui u tniax qnir liw ee zin'air qapp liw soxu ee sinr, dyrr si ngr Jruw Jesus qapp henxcud dirr jiongww singwdoo :ee;
6 Guan liw ee sinr ee siongtongx u qonghau, tangx cimx jaix linw diongqanx banrhang ee hyw, laii qruix dirr Krist.
7 Hniadi ar, guaw uirdiyhh liw ee zin'air dua hnuahiw, dua an'uir; in'ui singwdoo ee simx dui' liw did diyc anhiyh.
8 Soxiw guaw suizenn dirr Krist, erdangr hyxdnaw jiong' soxx habgii qniaa :ee huanhur liw,
9 Dogdok in'ui sna' tniar ee enqor, lingkow qriuu liw. Guaw si nilau ee Paul, henrjai iarr uirdiyhh Krist Jesus laii siurr qnuaiqnax.
10 Guaw uirdiyhh guaw ee qniaw Onesimus, dyrr si gauw dirr qruar ticlen ee sii soxx snix :ee, laii qriuu liw;
11 Ix jingg byy lirig liw, henrjai duiww liw, guaw, longxx u lirig.
12 Guaw u cue ix qycc dyr kir liw hiax; jitt langg si guaw ee simvag.
13 Guaw vunw rair lauu ix qapp guaw druar, tangx dirr guaw uirdiyhh hok'imx qruar ticlen ee sii, ter liw hogsai guaw.
14 Danrsi m jaix liw ee iwsur, guaw dyrr m air juer simxmih; jex si beh hro liw ee hyw, m si cud dirr benxqiongw, si cud dirr qamguan.
15 In'ui ix jiamrsii lirkuix liw, qiamxcaiw si beh hro liw tangx ingxuanw did diyc ix;
16 M si iuguann juer lovok, si ngiaa quer lovok, dyrr si juer soxx tniar ee hniadi; guaw sidjai knuar ix juer anxnix, hyhongw ix si liw qrex-lai ee langg, qycc si sriok dirr Jruw :ee, qamxx byy qyckacc tniar ix mah?
17 Soxiw liw narr liac guaw juer dangpnua, diyhh jiaplap ix, cincniu jiaplap guaw.
18 Ix narr u kikkuix liw, iacc si kiamr liw simxmih, tangx sngr guaw ee siaur.
19 Guaw Paul cinciuw siaw, guaw beh jergiac. Benw guaw qra liw qongw, liw soxx kiamr guaw :ee, si liw vunxsinx ee sniwmia.
20 Si lar, hniadi ar, hro guaw dirr Jruw dui' liw did diyc hnuahiw; hro guaw ee simx dirr Krist did diyc anhiyh.
21 Guaw ixqing’ cimx sinr liw ee sunrtanr, dyrr siaw puex hro liw, in'ui jaix liw soxx beh qniaa :ee, e quewtauu dirr guaw soxx qongw :ee.
22 Qycc iarr diyhh virvan soxjai hro guaw druar, in'ui guaw ngwbang dui' linw ee qidyw, Siongrder beh jiong' guaw sniuxsur linw.
23 Epaflas, dyrr si dirr Krist Jesus qapp guaw juer dangjee qnuaiqnax :ee, cingxanx liw;
24 Qapp guaw snaqab diyhbuaa ee Marko, Alistarqus, Demas, qapp Luka iarr cingxanx liw.
25 Guan lanw ee Jruw Jesus Krist ee undenw qapp liw ee sinn snaqab dilehh. Amen.