QXUANR I

1 Byy qniaa pnaiw langg ee qewboo,

Byy kia juerzinn ee lo,

Byy jre buxban ee langg ee xui, jitt hy langg u hokkir.

2 Ix soxx hnuahiw :ee dyrr si Jehovah ee ludhuad;

Mizit samwsux :ee, iarr si Ix ee ludhuad.

3 Ix beh cincniu ciu jraix dirr kex-vnix,

Jiauww sii qed quexjiw,

Ix ee hiyc iarr be dax .kir:

Ix soxx juer :ee itjin hingtongx.

4 Pnaiw langg m si anxnix;

Si cincniu cokngx hro hongx cuex snruar.

5 Soxiw dirr simxpnuar, pnaiw langg kia be diauu;

Juerzinn dirr girlangg ee hue-diongx, iarr si anxnix.

6 In'ui Jehovah jaix girlangg ee lo,

Danrsi pnaiw langg ee lo e bedbyy.

2 Ledvangx sniaw su suanhuax,

Jiongww vecsnir sniaw su qewboo kangx kangx ee su?

2 Sewjniu ee qun'ongg kia .kiw .laii,

Jiangw quanvingr :ee snaqab girlun,

Beh dixdik Jehovah, iarr dixdik Ix ee siurr buah iuu :ee.

3 Qongw: Lanw diyhh cuah dng inx ee kunxvak,

Hetqag inx ee syh.

4 Jre dirr tnidingw :ee beh ciyr,

Jruw beh biauxsi inx.

5 Hitt sii Ix beh dirr Ix ee siurkir diongx laii duiww ix qongw,

Dirr Ix ee dua siurkir laii hro inx qniax.

6 Jruw qongw: Guaw ixqing' setlip Guaw ee ongg,

Dirr Zion, Guaw ee sxingr snuax.

7 Guaw beh tuann singwjiw,

Jehovah bad qra guaw qongw, Liw si Guaw ee qniaw,

Guaw qinaxzit snix liw.

8 Liw qriuu Guaw, Guaw dyrr jiong' ledvangx hro liw juer qigiap;

Jiong' de ee qiktauu hro liw juer sanxgiap.

9 Liw beh ing ticqnuaiw pacpuar inx;

Beh qongr cruir inx cincniu siyx-huii-langg ee huikir.

10 Dnaxx linw led'ongg diyhh u diwhui;

Linw sewjniu ee simxpnuawqnuax diyhh siurr qingxqair.

11 Diyhh ing qingwuir laii hogsai Jehovah,

Diyhh ing qniahniaa laii hnuahiw.

12 Diyhh ing cuir jimx Sxingr Qniaw, qniax Ix e siurkir, linw dyrr bedbyy dirr lo-diongx.

In'ui Ix ee siurkir beh qinw qinw huad cud.

Huanrnarr uaxkyr Ix :ee, longxx si u hokkir ee langg.

3 David siamxvi ix ee qniaw Absalom ee sii, laii juer ee six:

1 Jehovah ar, guaw ee duiwdik jiacnirr je!

2 Jerje langg kiw laii qongqig guaw.

Jerje langg girlun guaw qongxx,

Ix byy tangx did diyc Siongrder ee jinxqiur.

3 Danrsi, Jehovah, Liw si guaw siwuii ee dinvaii;

Si guaw ee ingqngx; qycc si hro guaw ee tauu giac quann :ee.

4 Guaw ing guaw ee sniax qiuqiyr Jehovah,

Ix dui' Ix ee singr snuax rinr guaw. [Selah]

5 Guaw dyw lehh, guaw kunr;

Guaw jingsinn, in'ui Jehovah longxx vyxho guaw.

6 Suizenn cingban langg kiw .laii, uilui qongqig guaw,

Guaw iarr byy qniax.

7 Jehovah ar, qriuu Liw kiw .laii;

Guaw ee Siongrder ar, qriuu liw jinxqiur guaw,

In'ui Liw senr guaw itcer duiwdik ee cuiwpew,

Pah jric pnaiw langg ee cuiwkiw.

8 Jinxqiur sriok dirr Jehovah;

Guan Liw suwhog Liw ee vecsnir. [Selah]

4 David ee six, qaux hro gagqnuax; ing sihenn ee gagkir.

1 Henxbingg guaw ee gi ee Siongrder ar, guaw qiuqiyr ee sii, qriuu Liw rinr guaw.

Guaw dirr kunwkow ee diongqanx, Liw bad hro guaw kuankuah.

Dnaxx qriuu Liw linbinw guaw, laii tniax guaw ee qidyw.

2 Linw jiaxee siongrdingw langg ar, jiong' guaw ee ingqngx venr juer lingziok, beh qaur dirsii?

Linw iwair kanghux, ciaucue byy ngiaxjiah, beh qaur dirsii? [Selah]

3 Linw diyhh jaix Jehovah ixqing' hunvet qingwkenn ee langg juer Ix qaqi ee.

Guaw qiuqiyr Jehovah, Ix beh tniax guaw.

4 Linw diyhh qniahniaa, m tangx huanrjue;

Dirr bincngg nirr, simx diyhh samwsux, iarr diyhh siokjing. [Selah]

5 Diyhh henr gi ee jrer,

Iarr diyhh uaxkyr Jehovah.

6 Jerje langg qongw: Jirjui e jixsi guanw simxmih hyxcur?

Jehovah ar, qriuu Liw ing Liw ee bin ee qngx laii jiyr guanw.

7 Liw hro guaw simlai u hnuahiw,

Ngiaa quer langg did diyc jerje gnoxqog qapp sinx jiuw ee sii.

8 Guaw beh anzenn dyw decc kunr,

In'ui jixu Jehovah Liw hro guaw an'unw kiarkiw.

5 David ee six, qaux hro gagqnuax, ingg vunn ee gagkir.

1 Jehovah ar, qriuu Liw ngar hnirkangx tniax guaw ee ue.

Qamwcad guaw ee simsux.

2 Guaw ee Ongg, guaw ee Siongrder ar,

Qriuu Liw ngar lyc tniax guaw qiuqiyr ee sniax:

Guaw ngr Liw qidyw.

3 Jehovah ar, jaxkiw-sii Liw e tniax guaw ee sniax;

Jaxkiw-sii guaw beh duiww Liw vailet guaw ee sim'ir, suar beh liaubang.

4 In'ui Liw m si hnuahiw juerog ee Siongrder;

Pnaiw :ee berdid tangx qapp Liw drangg kiarkiw.

5 Qiau'gno ee langg be e kia dirr Liw ee binrjingg;

Juer pnaiw ee langg longxx si Liw soxx uanwhun.

6 Qongw vehcat :ee, Liw beh bet inx;

Air taii langg qapp qanquiw :ee, longxx si Jehovah soxx iamwngor.

7 Lun qaur guaw, guaw beh vin' Liw hongsing ee ju'air zip Liw ee cur;

Guaw beh jrunn qingwuir Liw ee simx, ngr Liw ee sxingr dxen laii qingwvair.

8 Jehovah ar, qriuu Liw in'ui guaw ee duiwdik, vin' Liw ee qonggi cua guaw;

Hro Liw ee lo dirr guaw ee binrjingg jingwdit.

9 In'ui inx ee cuir byy lauxsit;

Inx ee simx okdok muaw muaw;

Inx ee naauu si kuix kuix ee bong;

Inx ing jic tiamxmi langg.

10 Siongrder ar, qriuu Liw dring inx ee jue;

Hro inx dui' qaqi ee qewboo vuahdyw.

Inx ee juerquar jin' je, guan Liw jiong' inx qnuaw cud;

In'ui inx vuervuan Liw.

11 Qniwnarr uaxkyr Liw :ee, guan inx hnuahiw;

Guan inx ingxingw hnuahiw cud sniax; in'ui Liw viwiu inx.

Qycc guan hiaxee tniawsiyh Liw ee miaa ee langg, longxx diamr dirr Liw laii hnuahiw.

12 In'ui Liw beh suwhog hro girlangg;

Jehovah ar, Liw beh ing unhui, cincniu dinvaii, sir bin uii ix.

6 David ee six, qaux hro gagqnuax, ing sihenn ee gagkir; diau, ing derr veh.

1 Jehovah ar, m tangx dirr Liw ee siurkir diongx jikvi guaw,

Iarr m tangx dirr Liw dua siurkir diongx kenwjig guaw.

2 Jehovah ar, qriuu Liw kyxlinn guaw, in'ui guaw suelamw;

Jehovah ar, qriuu Liw idi guaw, in'ui guaw ee quttauu gniahgniac cuah.

3 Guaw ee simx dua dua qniahniaa;

Jehovah ar, Liw beh qaur dirsii jiacc qiur guaw?

4 Jehovah ar, qriuu Liw uat dywdngw qiur guaw ee sniwmia;

Uirdiyhh Liw ee ju'air laii qiur guaw.

5 In'ui sixbyy ee diongqanx, byy qiwliam Liw;

Imhuw ee diongqanx, jirjui qamxsia Liw?

6 Guaw in'ui hnaihnaix canx laii iawsen;

Guaw dagg mii lrauu bagsaiw, rimx guaw ee bincngg,

Sib taur guaw ee ziog'aw.

7 Guaw in'ui iubun, bagjiux pah pnaiw;

Qycc in'ui guaw itcer ee duiwdik, laii bagjiux huex.

8 Linw itcer juer pnaiw ee langg, diyhh lirkuix guaw;

In'ui Jehovah tniax qnir guaw tikaur ee sniax.

9 Jehovah u tniax guaw ee kunxqiuu;

Jehovah beh jiaplap guaw ee qidyw.

10 Guaw ee duiwdik longxx beh qenwsiaur, dua dua qniahniaa;

Inx beh trer dywdngw, hutzenn qenwsiaur.

7 David qiw Benjaminlangg Kus ee ue, ngr Jehovah cniuwquax; diau, ing Siggaion.

1 Jehovah, guaw ee Siongrder ar, guaw uaxkyr Liw;

Qriuu Liw qiur guaw tuatli itcer duiqnuaw guaw ee langg, qiur guaw cud .laii.

2 Qniax ix e cincniu sraix, tiah lic guaw;

Tiah qaur cruir cruir, byy jinxqiur guaw :ee.

3 Jehovah guaw ee Siongrder ar, guaw narr qniaa jitt xee;

Narr u juerog dirr guaw ee ciuw;

4 Guaw narr ing pnaiw vyr hitt xee qapp guaw hyhyw ee langg;

(Qisit lenrr hitt xee byy enqor qapp guaw juer duiwdik ee langg, guaw iarr u qiur ix;)

5 Dyrr cutjai duiwdik duizip guaw, qaur zib .diyc;

Jiong' guaw ee sniwmia dac dirr tokax,

Jiong' guaw ee ingqngx he dirr tohunw.

6 Jehovah ar, qriuu Liw dirr Liw ee siurkir diongx kiw .laii,

Vreh kiw laii kia, dixdngx guaw ee duiwdik ee dua siurkir,

Qriuu Liw uirdiyhh guaw laii cnew, jiauww Liw soxx dniardiyc laii simxpnuar.

7 Guan ledvangx ee hue uii Liw;

Guan Liw dywdngw dirr quann xui dirr inx ee dingxbin.

8 Jehovah simxpnuar jiongww vecsnir;

Jehovah ar, qriuu Liw pnuawduanr guaw, jiauww guaw ee gi qapp guaw simlai ee jingwdit.

9 Guan pnaiw langg ee pnaiw qaur jiax suah, girlangg Liw hro ix kia jai;

In'ui qonggi ee Siongrder qamwcad langg ee simdngg.

10 Guaw ee dinvaii jairdirr Siongrder,

Ix jinxqiur simlai jingwdit ee langg.

11 Siongrder si qonggi ee simxpnuawsix;

Iarr si zidzit huad cud siurkir ee Siongrder.

12 Langg narr m huanxhuew, Ix beh buaa Ix ee dyx;

Ix u dniux Ix ee qringx, virvan ven ven.

13 Ix virvan e hro langg siw ee qesix,

Ix soxx sria ee jnxir si huexjnir.

14 Liw knuar, pnaiw langg doboo qan'og,

Huai'in doghai, snix cud huqew.

15 Ix kuix kud, qrut hro ix cimx;

Qingwzenn vuac lyc dirr ix soxx kuix ee hamrknix.

16 Ix ee doghai beh dywdngw qaur ix ee taukag;

Ix ee qiongvy beh lyc dirr ix ee taukag dingw.

17 Guaw beh jiauww Jehovah ee qonggi qamxsia Ix;

Qycc ylyw jiww quann Jehovah ee miaa.

8 David ee six, qaux hro gagqnuax, ing gittit ee gagkir.

1 Jehovah, guanw ee Jruw ar,

Liw ee miaa dirr juann de qaur jiacc quandua!

Liw jiong' Liw ee ingqngx vaised dirr tnix nirr.

2 Liw in'ui Liw ee duiwdik ee enqor, dui' ngex-aw qapp jiac lingx :ee ee cuir, qenwlip linglik;

Beh hro duiwdik qapp vywuanx :ee jing jing.

3 Guaw knuar Liw ee tnix, Liw ee ciuw soxx jy :ee,

Qapp Liw soxx vailet ee guec qapp cnxix;

4 Sewqanlangg si simxmih, Liw siauwliam ix?

Langg ee qniaw si simxmih, Liw quanwqor ix?

5 Liw hro ix viw tnisair lii aw kacc sux,

Qycc sniuxsur ix ingqngx junquir juer benxliuu.

6 Liw setlip ix quanxliw Liw ee ciuw soxx jy :ee,

He banrmic dirr ix ee kax-xe;

7 Dyrr si itcer ee ngiuu qapp guu,

Snua'iaw ee jauxsiur;

8 Tnidiongx ee jiauw, haiw-lai ee hii,

Qapp qniwnarr qingquer haiw nirr ee lo :ee, longxx he dirr ix ee kax-xe.

9 Jehovah, guanw ee Jruw ar,

Liw ee miaa dirr juann de qaur hiacc quandua!

9 David ee six, qaux hro gagqnuax, diau, ing Borlahven.

1 Guaw beh juansimx qamxsia Jehovah;

Guaw beh vywiongg Liw itcer qibiau ee soxx juer.

2 Guaw beh jairdirr Liw hnuahiw kuaiwlok;

Jiww quann :ee ar, guaw beh ylyw Liw ee miaa.

3 Guaw ee duiwdik uat dngw srinx trer .kir ee sii,

Dyrr dirr Liw ee binrjingg vuahdyw bedbyy.

4 Liw ixqing' ter guaw sin'uanx, ter guaw venrbingg;

Liw jre dirr vyxjy, jiauww qonggi simxpnuar.

5 Liw u jikvi ledvangx, Liw u bedbyy pnaiw langg,

Liw u catbet inx ee miaa qaur ingxuanw.

6 Duiwdik qaur qetqiok, siurr honghuer qaur ingxuanw.

Liw huixhuai inx ee sniaa;

Lenrr inx ee qiwliam iarr byy .kir.

7 Dogdok Jehovah jerui qaur ingxuanw;

Ix ixqing' uirr simxpnuar, andir Ix ee vyxjy.

8 Ix beh jiauww qonggi simxpnuar sewqair,

Jiauww jingwdit pnuawduanr jiongww vecsnir.

9 Jehovah qycc beh juer siurr apvig ee langg ee quann daii,

Dirr huanrlan ee sii ee quann daii,

10 Bad Liw ee miaa ee langg beh uaxkyr Liw;

In'ui, Jehovah, Liw m bad kiwsag cue Liw ee langg.

11 Diyhh ylyw kiarkiw Zion ee Jehovah,

Jiong' Ix soxx qniaa :ee vywiongg dirr jiongww vecsnir ee diongqanx.

12 In'ui hitt xee javan bingranr :ee u qir did inx;

Byy be qir did kunwkoxlangg ee aiqiuu.

13 Jehovah ar, qriuu Liw linbinw guaw;

Liw si dui' sixmngg qiur guaw kiw .laii .ee,

Diyhh qamwcad hiaxee uanwhun guaw ee langg soxx hro guaw duw .diyc ee koxlan.

14 Tangx hro guaw qongw kiw Liw itcer ee hyw miasniax;

Guaw beh dirr Zion Sniaa ee mngg,

Uirdiyhh Liw ee qiuwunx laii hnuahiw.

15 Ledvangx ham lyc dirr inx soxx kuix ee hamrknix;

Inx ee kax dnii dirr inx amwjni sed ee lybang.

16 Jehovah ixqing' henxbingg qaqi, Ix ixqing' qniaa simxpnuar;

Pnaiw langg hro qaqi ee ciuw soxx juer :ee dnii .diyc. [Higgaion. Selah]

17 Pnaiw langg beh qruix dirr imhuw,

Be qir did Siongrder ee ledvangx iarr beh anxnix.

18 In'ui songwhionglangg dikkag byy ingxuanw hro Siongrder be qir .did,

Kunwkow ee langg ee ngwbang, dikkag be ingxingw byy .kir.

19 Jehovah ar, qriuu Liw kiw .laii, m tangx iong'unw langg kacc ngiaa;

Guan ledvangx dirr Liw ee binrjingg siurr simxpnuar.

20 Jehovah ar, qriuu Liw hro inx qniahniaa;

Guan ledvangx jaix qaqi vutqyr si langg nardnia. [Selah]

10 Jehovah ar, Liw sniaw su hng hng decc kia?

Dirr huanrlan ee sii, Liw sniaw su diamwbat?

2 Pnaiw langg dirr qiau'gno ee diongqanx, duizip kunwkow ee langg jin' qinxqib,

Guan inx ham lyc dirr qaqi soxx sed ee qewboo.

3 Pnaiw langg kuakauw ix ee simx soxx air,

Tamsimx :ee kiwsag Jehovah, qycc buxban Ix.

4 Pnaiw langg bin dair qiau'gno, qongw: Ix byy beh qiuwkamr;

Ix soxx sniu :ee longxx liac juer byy Siongrder.

5 Qniawnarr ix soxx qniaa :ee siongsiongg unxdangr;

Liw ee simxpnuar vnuaa quer ix ee ganxqair;

Lun qaur ix itcer ee duiwdik, ix lonxx biauxsi inx.

6 Ix simlai qongw: Guaw dikkag be iycuah,

Dairdai be duw diyc jailan.

7 Ix ee cuir muaxmuaw jiuwme, qanjar, ki'ab;

Ix ee jic-xe okdok, huqew.

8 Ix dirr hniucngx baihok ee soxjai jre lehh;

Ix dirr unxbat ee soxjai hai siw byy jue ee langg,

Ix ee bagjiux amwjni diddit siongr byy i'uaw ee langg.

9 Ix baihok dirr amwjni ee soxjai, cincniu sraix bih dirr ix ee het;

Ix baihok beh liac songwhionglangg;

Ing bxang uii songwhionglangg, laii liac diyc ix.

10 Ix kud srinx pag lehh,

Byy i'uaw ee langg dyrr dyw dirr ix ziauxgee :ee ee erbin.

11 Ix simlai qongw: Siongrder be qir .did;

Ngx Ix ee bin; ingxuanw byy knuar .qnir.

12 Jehovah ar, qiurr Liw kiw .laii;

Siongrder ar, giac kiw Liw ee ciuw;

M tangx be qir did songwhionglangg.

13 Pnaiw langg sniaw su biauxsi Siongrder,

Simlai qongw: Liw byy beh qunqiur?

14 Liw ixqing' knuar .qnir; in'ui okdok uanwdor, Liw longxx qamwcad, beh ing Liw ee ciuw vywingr;

Byy i'uaw ee langg, jiong' vunxsinx qaudair Liw;

Liw si vangjan byy ve ee qniaw :ee.

15 Guan liw pah jic pnaiw langg ee ciuxqud;

Lun qaur og langg, guan Liw qunqiur ix ee pnaiw qaur tetdew.

16 Jehovah juer ongg, dui' ingxuanw qaur ingxuanw;

Ledvanglangg dui' Ix ee de longxx bedbyy.

17 Jehovah ar, kiamvix ee langg ee simguan, Liw ixqing' tniax .qnir;

Liw beh virvan inx ee simx, Liw beh ngar hnirkangx laii tniax.

18 Beh ter byy ve ee qniaw, ixqip siurr apvig ee langg sin'uanx.

Hro sewqanlangg byy qycc hangxhuah langg.

11 David ee six, qaux hro gagqnuax.

1 Guaw si uaxkyr Jehovah;

Linw sniaw su duiww guaw ee sinhunn qongw,

Liw diyhh cincniu jiauw, vuex kir linw ee snuax.

2 Knuar ar, pnaiw langg dniux qringx,

Anx inx ee jnxir dirr qinghenn,

Beh amwjni sria simlai jingwdit ee langg.

3 Derqix narr dyxhuai,

Girlangg iauxx e juer simxmih?

4 Jehovah dirr Ix ee sxingr dxen,

Jehovah ee vyxjy dirr tnix nirr:

Ix ee bagjiux decc knuar, Ix ee bagjiux qamwcad sewqanlangg.

5 Jehovah ciwgiam girlangg.

Dogdok pnaiw langg qapp air qiongvy :ee, Ix ee simx uanwhun ix.

6 Ix beh jiong' lybang prax dirr pnaiw langg ee sinjniu;

U huexiam, ziu'ngg, qapp zedzet ee hongx, juer inx vxuex-diongx ee hunrgiac.

7 In'ui Jehovah si qonggi; Ix hnuahiw qonggi.

Jingwdit ee langg beh qnir diyc Ix ee bin.

12 David ee six, qaux hro gagqnuax; diau, ing derr veh.

1 Jehovah ar, qriuu Liw jinxqiur;

In'ui kensingg ee langg bedjuat lar; sewqanlangg ee diongqanx, diongsinr ee langg byy lar.

2 Langlangg qapp cuwvnix qongw vehcat;

Ing tiamxmi ee cuiwdunn, qapp nng ngiu ee simx laii qongxue.

3 Jehovah beh quah dng tiamxmi ee cuiwdunn,

Ixqip qongw duarue ee jic.

4 Inx bad qongw: Guanw beh ing jic laii kacc ngiaa;

Guanw ee cuiwdunn si guanw ee; jirjui e juer guanw ee jruw ar?

5 Jehovah qongw: In'ui kunwkow ee langg ee uanongw, qapp songwhionglangg ee toxkuir,

Guaw dnaxx beh kiw .laii, andir ix dirr ix soxx cetced himbo unxdangr ee soxjai.

6 Jehovah ee ue si sunjuann cingkir ee ue;

Cincniu ginn dirr too ee loo tuanwlen,

Tuanr quer cid vaiw.

7 Jehovah ar, Liw beh vyxho inx,

Beh viwiu inx, ingxuanw tuatli jitt sewdai ee langg.

8 Vutdiongwiong ee langg qysingx dirr sewqanlangg ee diongqanx,

Dyrr pnaiw langg dirr dagg soxjai decc qnia'iuu.

13 David ee six, qaux hro gagqnuax.

1 Jehovah ar, Liw be qir did guaw, beh zuarr quw ar? Qaur ingxuanw mah?

Liw ngx bin m knuar guaw, beh zuarr quw ar?

2 Guaw ee simsinn sniu laii sniu kir, guaw ee simx tong' zit iukow, beh qaur zuarr quw ar?

Guaw ee duiwdik qysingx ngiaa quer guaw beh qaur zuarr quw ar?

3 Jehovah, guaw ee Siongrder ar, qriuu Liw knuawqor guaw, tniax guaw;

Hro guaw ee bagjiux qngbingg;

4 Qniax guaw ee duiwdik e qongw: Guaw kacc ngiaa ix;

Qniax guaw ee qiusiuu dirr guaw iycuah ee sii laii hnuahiw.

5 Guaw uaxkyr Liw ee ju'air;

Guaw ee simx in'ui Liw ee jinxqiur laii kuaiwlok.

6 Guaw beh cniuwquax ylyw Jehovah;

In'ui Ix ing dua xunx kuanxtai guaw.

14 David ee six, qaux hro gagqnuax.

1 Gong langg simlai qongw: Byy u Siongrder.

Inx tranr sia'og, qniaa kyxngor ee su;

Byy jit langg qniaa hyw.

2 Jehovah dui' tnix ngar lyc knuar sewqanlangg,

Beh knuar u bingliw :ee,

U cuerqiuu Siongrder :ee iacc byy.

3 Inx longxx uaicuah, itkair venr juer uwuer;

Byy langg qniaa hyw, lenrr jit xee iarr byy.

4 Juer pnaiw ee langg qamxx longxx be hiauxdid mah?

Inx tunjiac Guaw ee vecsnir cincniu jiac vniaw,

Iarr byy qiuqiyr Jehovah.

5 Inx dirr hiax dua dua qniahniaa;

In'ui Siongrder dirr girlangg ee joglui diongx.

6 Linw hro songwhionglangg ee qewboo vnir juer qenwsiaur,

Jehovah juer ix dysiamw ee soxjai.

7 Guan Islael ee jinxqiur dui' Zion cud!

Jehovah qiur Ix siurr liac ee vecsnir dywdngw .laii,

Hitt sii Islael qniaxsunx beh kuaiwlok, Islael ee horer beh hnuahiw.

15 David ee six.

Jehovah ar, jirjui e qiawkax dirr Liw ee vowvnii?

Jirjui e kiarkiw dirr Liw ee Sxingr Snuax?

2 Dyrr si soxx qniaa jingwdit, soxx juer qonggi,

Simlai qongw singsit ee langg.

3 Ix byy ing jic qabuu langg,

Byy pnaiw kuanxtai ving'iuw,

Langg huixvongr cuwvnix, ix byy siwqer iauu.

4 Ix ee bagjiux knuawkinx huixlui,

Jundiong qingwuir Jehovah ee langg.

Ix jiuwjua, suibongw qaqi kikkuix, iarr byy venwngua.

5 Ix ginn jiyh langg' byy uirdiyhh lirsig;

Byy siurr vowlo laii hai byy jue :ee;

Qniaa jitt hy su ee langg ingxingw byy iycuah.

16 David qimx ee six.

1 Siongrder ar, qriuu Liw vyxho guaw; in'ui guaw uaxkyr Liw.

2 Guaw ee linghunn ar, liw bad duiww Jehovah qongw: Liw si guaw ee Jruw,

Liw ixgua, guaw byy hokkir.

3 Lun qaur derjniu sxingr ee vecsnir,

Inx si qigqii hyw, si guaw soxx cimcimx hnuahiw :ee.

4 Ing vadd xee sinn tewngua Jehovah :ee, inx ee iukow beh naxx qetnix;

Inx henr denrhuih ee jrer, guaw byy beh henr;

Guaw ee cuiwdunn iarr m tee kiw inx ee miaa.

5 Jehovah si guaw ee sanxgiap, qapp guaw vxuex-diongx ee hunrgiac;

Guaw soxx ingwdid :ee, Liw qra guaw qowsiuw.

6 Soxx nriuu hro guaw ee de, si dirr jin' suiw ee soxjai;

Guaw ee sanxgiap sidjai jin' hyw.

7 Guaw beh ylyw hitt xee qawsi guaw ee Jehovah;

Mii .sii guaw ee simdngg iarr jixdiamw guaw.

8 Guaw siongsiongg qingwhong Jehovah dirr guaw ee binrjingg;

In'ui Ix dirr guaw ee jniar vingg, guaw dyrr byy iycuah.

9 In'ui anxnix, guaw ee simx hnuahiw, guaw ee sinn kuaiwlok;

Guaw ee ziogsinx iarr beh anzenn kiarkiw.

10 In'ui Liw byy jiong' guaw ee linghunn vangwhe dirr imqanx;

Iarr byy hro Liw ee sxingr :ee duw diyc hiuxnua.

11 Liw beh jiong' uahmia ee lo jixsi guaw;

Dirr Liw ee binrjingg u muaxjiog ee hnuahiw;

Dirr Liw ee jniar ciuw u ingxuanw ee kuaiwlok.

17 David ee qidyw.

1 Jehovah ar, qriuu Liw tniax qonggi, liusimx tniax guaw ee qiuqiyr;

Guaw ee qidyw m si dui' qanjar ee cuiwdunn cud; qriuu Liw ngar hnirkangx laii tniax.

2 Guan guaw ee pnuawsuu dui' Liw ee binrjingg huad cud,

Guan Liw ee bagjiux qamwcad jingwdit.

3 Liw ixqing' ciwgiam guaw ee simx, Liw dirr mii .sii qamwcad guaw;

Liw tuanwlen guaw, byy cue diyc simxmih;

Guaw libjir, hro guaw ee cuir byy u quewsid.

4 Lun qaur langg ee qniajuer, guaw tranr Liw soxx qongw ee ue,

Qaqi qinxsiuw, byy qniaa qiong'og ee langg ee lo.

5 Guaw ee kax dniardnia qniaa Liw ee lo,

Guaw ee kax m bad dahcu.

6 Siongrder ar, lun qaur guaw, guaw bad qiuqiyr Liw, in'ui Liw beh rinr guaw;

Qriuu Liw ngar hnirkangx tniax guaw ee ue.

7 Qriuu Liw henxbinn Liw qyc'ngiu ee zinjuu, Liw si ing jniar ciuw qiur uaxkyr Liw ee langg.

Tuatli hiaxee kiw laii qongqig inx :ee.

8 Qriuu Liw vyxho guaw cincniu vyxho bagjiuzinn,

Jiong' guaw kamr bat dirr Liw ee sxit-xe.

9 Hro guaw tuatli hiaxee cniuxqiab guaw ee pnaiw langg,

Dyrr si uikunr guaw, beh hai guaw sniwmia ee duiwdik.

10 Inx hro qaqi ee iuu vaux bat;

Inx ee cuir qongw qiaugno ee ue.

11 Inx henrjai uikunr guanw ee kavo;

Inx juwbak beh ciax dyw guanw dirr de nirr.

12 Inx cincniu sraix siauwsniu beh qa mic;

Qycc cincniu bingw ee sai'axtunn bih dirr amwbat ee soxjai.

13 Jehovah ar, qriuu Liw kiw .laii, dixdngx duiwdik;

Jiong' ix dnaxdyw;

Ing Liw ee dyx qiur guaw ee sniwmia tuatli pnaiw langg.

14 Jehovah ar, ing Liw ee ciuw qiur guaw tuatli sewqanlangg;

Tuatli hiaxee dirr qimsingx u hokhun ee sewqanlangg.

Liw jiong' Liw ee jaivyw ciongmuaw inx ee vakdow;

Inx u qniaxzii qaur simx muaw ir jiog;

Jiong' qi'uu ee jaibut lauu hro inx ee ngex-aw.

15 Lun qaur guaw, guaw beh dirr gi ee diongqanx knuar qnir Liw ee bin;

Guaw kunr cnew ee sii, knuar qnir Liw ee hing'iongg, dyrr simx muaw ir jiog.

18 Jehovah ee lovok David ee six, qaux hro gagqnuax. Dng' Jehovah qiur ix tuatli itcer duiwdik, qapp Saul ee ciuw ee zit, ix duiww Jehovah liam jitt xee six ee ue; qongw:

1 Jehovah, guaw ee kuiwlat ar, guaw tniar Liw.

2 Jehovah si guaw ee snuagiamm, guaw ee snuaje, guaw ee Qiuwjuw;

Guaw ee Siongrder, guaw ee jiyhvnuaa, guaw beh uaxkyr Ix;

Ix si guaw ee dinvaii, si qiur guaw ee qag, si guaw ee quann daii.

3 Guaw beh qiuqiyr ingqaix ylyw ee Jehovah;

Guaw dyrr did diyc qiur, tangx tuatli guaw ee duiwdik.

4 Sixbyy ee syh dnii guaw,

Huixlui ee duarjuiw hro guaw qniax.

5 Imqanx ee syh uikunr guaw,

Sixbyy ee lybang limqaur guaw.

6 Guaw dirr koxlan diongx qiqiuu Jehovah,

Duiww guaw ee Siongrder qiuqiyr;

Ix dui' Ix ee dxen-lai tniax guaw ee sniax,

Guaw dirr Ix ee binrjingg soxx qriuu :ee zip dirr Ix ee hnirkangx.

7 In'ui Ix siurkir, de dyrr iyy qycc cuah;

Snuax ee derqix iarr dinxdang iycuah.

8 Dui' Ix ee pnirkangx cringr cud enx,

Dui' Ix ee cuir-lai huad cud huew,

Totnuar dui' anxnix dyc.

9 Ix hro tnix suii .lyc, vunxsinx limqaur,

Ix ee kax-xe ox amr amr.

10 Ix kiaa qilorvingx decc vuex;

Ix ing hongx ee sxit qinw qinw vuex.

11 Ix ing oamr juer bicsinx ee soxjai, juer dniuwvangg laii uii Ix.

Dyrr si juiw ee oamr, kongdiongx ee bat hunn.

12 In'ui Ix taujingg ee qngx, dyrr Ix ee bat hunn qniaa .quer .kir,

U pauc qapp dyc ee totnuar.

13 Jehovah dirr tnix nirr kiw luii,

Jiww quann :ee cud Ix ee sniax;

U pauc qapp dyc ee totnuar.

14 Ix sria cud jerje sicnar, hro inx ziauxluan.

Huad cud jerje sicnar, hro inx ziauxluan.

15 Jehovah ar, Liw ee jikvi jid'err huad,

Liw ee pnirkangx ee kir jid'err cud,

Juiw-drew dyrr cuthen,

Duarde ee qunqix iarr lorhen.

16 Ix dui' dingxbin crunx ciuw kiuw guaw,

Kanw guaw cud duarjuiw ee diongqanx.

17 Ix qiur guaw tuatli guaw bingw ee duiwdik,

Ixqip hiaxee uanwhun guaw ee langg;

In'ui inx viw guaw kacc qiongg.

18 Guaw duw diyc jailan ee zit, inx laii qongqig guaw;

Jehovah si guaw soxx uaxkyr :ee.

19 Ix cua guaw qaur kuikuah ee soxjai,

Ix qiur guaw, in'ui Ix hnuahiw guaw.

20 Jehovah jiauww guaw ee gi vywdab guaw;

Jiauww guaw ee ciuw ee cingkir vywsniuw guaw.

21 In'ui guaw junsiuw Jehovah ee dyrlo,

M bad juer pnaiw, lirkuix guaw ee Siongrder.

22 Ix ee huatlut longxxx dirr guaw ee binrjingg;

Ix ee lexgii, guaw m bad kiwsag.

23 Guaw dirr Ix ee binrjingg juer uanjuann,

Guaw iarr vywsniuw qaqi, lirkuix guaw ee juerog.

24 Soxiw Jehovah vywsniuw guaw, si jiauww guaw ee gi;

Iarr si jiauww guaw dirr Ix ee bagjiux jingg, guaw ciuw ee cingkir.

25 Ju'air ee langg, Liw ing ju'air kuanxtai ix;

Uanjuann ee langg, Liw ing uanjuann kuanxtai ix;

26 Cingkir ee langg, Liw ing cingkir kuanxtai ix;

Quairpiah ee langg, Liw ing uankiaux kuanxtai ix.

27 In'ui kunwkow ee vecsnir, Liw beh qiur ix;

Jurqyx ee bagjiux, Liw beh hro ix hruee .lyc .kir.

28 In'ui Liw beh diamw dyc guaw ee dingx;

Jehovah guaw ee Siongrder beh jiyr qngx guaw ee amr.

29 In'ui guaw uaxkyr Liw, ciongx zip qundui,

Uaxkyr guaw ee Siongrder tiaur quer cniuu.

30 Lun qaur Siongrder, Ix ee lo si uanjuann;

Jehovah ee ue si quer tuanwlen :ee;

Qniwnarr uaxkyr Ix :ee, Ix dyrr juer inx ee dinvaii.

31 In'ui Jehovah ixgua, jirjui si Siongrder?

Guanw ee Siongrder ixgua, jirjui si jiyhvnuaa?

32 Dyrr si hitt xee ing kuiwlat haa guaw ee iyx,

Hro guaw ee lo uanjuann ee Siongrder.

33 Ix hro guaw ee kax cincniu logbuw ee kax,

Qycc andir guaw dirr quann ee soxjai.

34 Ix qawsi guaw ee ciuw gauu qaujenr,

Drir qaur guaw ee ciuxqud e kuix dangg ee qringx.

35 Liw ing Liw qiuwunx ee dinvaii hro guaw;

Liw ing jniar ciuw hucii guaw;

Liw ee unhyy hro guaw juer dua.

36 Liw hro guaw soxx dac ee de kuikuah;

Guaw ee kax m bad dahcu.

37 Guaw beh duix guaw ee duiwdik, iarr beh zib diyc inx;

Inx iauxx bue bedbyy ee dairsingx, guaw byy beh dywdngw.

38 Guaw beh pah inx tiamw tiamw, drir qaur inx be kiw .laii;

Inx beh dyw dirr guaw ee kax-xe.

39 In'ui Liw bad ing kuiwlat haa guaw ee iyx, hro guaw gauu qaujenr;

Liw hro hiaxee kiw laii qongqig guaw :ee, longxx hanghok dirr guaw ee erbin.

40 Liw iarr hro guaw ee duiwdik uat dngw srinx dyjauw;

Hro guaw e jaubet hiaxee uanwhun guaw ee langg.

41 Inx qiuqiyr, iarr byy langg qiur inx;

Dyrr qiuqiyr Jehovah, Ix iarr byy rinr.

42 Guaw duii inx qaur cruir cruir, cincniu hongx cuex ee tohunw;

Vniar cud inx, cincniu quelo ee tobee.

43 Liw qiur guaw tuatli vecsnir ee sna' jnex;

Liw setlip guaw juer ledvangx ee tauu;

Guaw vunxzenn m bad ee vecsnir beh hogsai guaw;

44 Inx jid'err tniax qnir guaw ee miaa dyrr beh sunrtanr guaw;

Ngirvangx ee langg beh dauhangg guaw.

45 Ngirvanglangg beh sueter,

Qniahniaa gniauhgniauc cuah laii cud inx ee ngiaje.

46 Jehovah si uac :ee, guan guaw ee jiyhvnuaa did diyc ylyw;

Guan qiur guaw ee Siongrder did diyc singquann.

47 Jitt xee Siongrder dyrr si hitt xee qra guaw sin'uanx,

Hro jiongww vecsnir hanghok dirr guaw ee erbin :ee.

48 Ix qiur guaw tuatli guaw ee duiwdik,

Liw jiong' guaw quxkiw kacc quann hiaxee kiw laii qongqig guaw :ee;

Liw qiur guaw tuatli qiongvy ee langg.

49 Jehovah ar, in'ui anxnix guaw beh dirr ledvangx diongx qamxsia Liw;

Cniuwquax ylyw Liw ee miaa.

50 Jehovah sniuxsur qik dua ee qiuwunx, hro Ix soxx setlip ee ongg;

Six cud ju'air hro Ix siurr buah iuu :ee,

Dyrr si hro David qapp ix ee horer, didqaur ingxuanw.

19 David ee six, qaux hro gagqnuax.

1 Jiaxee tnix qongw kiw Siongrder ee ingqngx,

Qiongcongx vywiongg Ix ee ciuw soxx juer :ee.

2 Jitt zit duiww hitt zit huad cud gengiw,

Jitt mii duiww hitt mii tuann cud jaibad.

3 Byy-genn-byy-giw;

Inx ee sniax byy tangx tniax .qnir.

4 Inx ee junxjinn venww tuann dirr tnie,

Inx ee gengiw qaur dirr derqik.

Siongrder dirr inx diongqanx uirdiyhh zidtauu andir dniuwvangg.

5 Zidtauu cincniu sinqniaxsair cud ix ee vangg,

Iarr cincniu bingxiongw ee langg hnuahiw jauw ix ee lo.

6 Ix dui' tnix ee jitt vingg cud,

Sec qaur tnix ee hitt vingg;

Byy jit hxang mic kngr bat, byy did diyc ix ee zedkir.

7 Jehovah ee ludhuad jiaujngg, e hro langg ee simsinn uac .kiw .laii;

Jehovah ee qanjingr kaksit, e hro gong langg u diwhui.

8 Jehovah ee qawsi jingwdit, e hro langg ee simx hnuahiw;

Jehovah ee bingrling cingqed, e hro langg ee bagjiux qngbingg.

9 Qingwuir Jehovah ee dyrliw si cingkir, ingxuanw junjai;

Jehovah ee pnuawduanr jinsit, itkair si qonggi.

10 Viw qimx, viw jerje hyw qimx, kacc tangx himbo;

Viw bit, viw pangvangg dih .lyc .laii ee bit kacc dnix.

11 Qycc Liw ee lovok dui' jiaxee siurr qingxqair;

Siuw jiaxee u dua sniuxsur.

12 Jirjui e jaix ix ee sitcyr ar?

Qriuu Liw druu kir guaw amwjni ee quewsid.

13 Qriuu Liw joxjiw Liw ee lovok, byy qowir huanrjue;

M jrunw hitt xee juerog quanxhad guaw;

Guaw dyrr uanjuann, benw huan dua jue.

14 Jehovah, guaw ee jiyhvnuaa, qiuwsiok guaw ee Jruw ar;

Guan guaw ee cuir soxx qongw :ee, simx soxx sniu :ee, dirr Liw ee binrjingg did diyc jiaplap.

20 David ee six, qaux hro gagqnuax.

1 Guan Jehovah dirr huanrlan ee zit tniax liw;

Guan Jakob ee Siongrder ee miaa andir liw dirr quann ee soxjai;

2 Dui' sxingr sow vangjan liw,

Dui' Zion hucii liw.

3 Qiwliam liw itcer soxx henr :ee,

Jiaplap liw ee siyjer. [Selah]

4 Jiauww liw ee simx soxx air :ee hro liw,

Jniaa liw itcer ee qewik.

5 Guanw beh in'ui Liw ee qiuwunx laii cniuwquax;

Guanw beh hrong guanw ee Siongrder ee miaa laii kia qii.

Guan Jehovah jniaa liw itcer soxx qriuu :ee.

6 Dnaxx guaw jaix Jehovah qiur Ix siurr buah iuu :ee,

Beh dui' Ix sxingr ee tnix tniax ix;

Ing ix jniar ciuw ee kuiwlat qiur ix.

7 U langg uaxkyr ciax, u langg uaxkyr bew;

Dogdok guanw beh qongw kiw Jehovah, guanw ee Siongrder ee miaa.

8 Inx pag lyc vuahdyw;

Guanw dyrr kiw laii kia jai jai.

9 Qriuu Jehovah jinxqiur;

Guanw qiuqiyr ee sii, guan Ongg tniax guanw.

21 David ee six, qaux hro gagqnuax.

1 Jehovah ar, ongg beh in'ui Liw ee kuiwlat laii hnuahiw.

In'ui Liw ee jinxqiur, ix ee kuaiwlok jnaixngiu dua!

2 Ix ee simx soxx air :ee, Liw ixqing' hro ix;

Ix ee cuir soxx qriuu :ee, Liw byy m rinw ix. [Selah]

3 In'ui Liw ing dua hokkir gniajih ix,

Ing hyw qimx ee benxliuu dir drr ix ee taukag.

4 Ix duiww Liww qriuu uahmia, Liw dyrr hro ix;

Dyrr si dngg huewsiu qaur dirr ingxuanw.

5 Ix in'ui Liw ee jinxqiur, u dua ingqngx;

Liw qycc jiong' junquir, uigiamm he dirr ix ee sinjniu.

6 Liw hro ix u dua hokkir, qaur dirr ingxuanw;

Qycc hro ix dirr Liw ee binrjingg hnuahiw kuaiwlok.

7 In'ui ongg uaxkyr Jehovah;

Dirr jiww quann :ee ee ju'air byy drir qaur iycuah.

8 Liw ee ciuw beh cue diyc Liw itcer ee duiwdik;

Liw ee jniar ciuw beh cue diyc hiaxee uanwhun Liw ee langg.

9 Liw siurkir ee sii, beh hro inx cincniu iamrzet ee huexloo;

Jehovah beh dirr Ix ee dua siurkir diongx tunx inx,

Huew beh qra inx siyliyx .kir.

10 Liw beh dui' sewjniu jaubet inx ee qniaxsunx;

Dui' langg ee diongqanx jaubet inx ee horer.

11 In'ui inx u iwsur beh hai Liw;

Inx sed qewboo, danrsi be jniaa.

12 Liw beh hro inx uat dngw srinx jauw,

Liw beh kuix qringx, sria inx ee bin.

13 Jehovah ar, guan Liw dui' Liw ee kuiwlat singquann;

Anxnix guanw beh gimm six ylyw Liw ee dua quanlingg.

22 David ee six, qaux hro gagqnuax; diau ing "Jaxkiw-sii ee logbuw."

1 Guaw ee Siongrder, guaw ee Siongrder, sniaw su vangwli guaw?

Sniaw su lirkuix hng hng, byy qiur guaw; m tniax guaw auqiyr ee ue?

2 Guaw ee Siongrder ar, guaw zit .sii qiuqiyr, Liw byy tniax guaw;

Mii .sii qiuqiyr, guaw iarr byy jing jing.

3 Liw si sxingr,

Liw si ing Islael ee ylyw juer jyrui :ee.

4 Guanw ee ledjow uaxkyr Liw,

Inx uaxkyr Liw, Liw dyrr jinxqiur inx.

5 Inx aiqiuu Liw, dyrr did diyc jinxqiur;

Inx uaxkyr Liw dyrr vutdir qenwsiaur.

6 Guaw si tangtua, m si langg;

Hro langg qicir, hro vecsnir knuawkinx.

7 Huanrnarr knuar qnir guaw :ee, longxx tixciyr guaw;

Inx gniauh cuir iyy tauu, qongw:

8 Diyhh jiong' vunxsinx qaudair Jehovah, Ix tangx qiur ix;

Jehovah qiwzenn hnuahiw ix, Ix tangx qiur ix.

9 Liw si hro guaw cud laurbuw ee txex :ee,

Guaw dirr laurbuw ee hxingx-jingg, Liw hro guaw uaxkyr Liw.

10 Guaw dui' txex nirr cud, dyrr qaudair Liw;

Dui' guaw cud laurbuw ee vakdow,

Liw si guaw ee Siongrder.

11 M tangx lirkuix guaw hng hng; in'ui huanrlan vikqin,

Byy u vangjan guaw :ee.

12 U jerje guqangw uiluii guaw;

Basan iongw ee guu siwbin uikunr guaw.

13 Inx ngr guaw kuix cuir,

Cincniu decc vectiah, decc dua sniax hauw ee sraix.

14 Guaw cincniu juiw vniar cud,

Guaw ee qud longxx tutlunn;

Guaw ee simx cincniu lac,

Siau'ngiuu dirr vaklai.

15 Guaw ee jinglik qodaa, cincniu haurpniaper;

Guaw ee jic liamm dirr guaw ee jniurqniux;

Liw he guaw dirr sixde ee tohunw.

16 Qxauw ee lui uii guaw;

Pnaiw dongw vau'uii guaw;

Inx cak guaw ee ciuw, guaw ee kax.

17 Guaw ee quttauu, guaw longxx e sngr .did;

Inx decc knuar guaw, decc siongr guaw.

18 Inx vunx guaw ee snxax,

Liamkaux guaw ee ihok.

19 Jehovah ar, qriuu Liw m tangx lirkuix guaw hng hng;

Guaw ee kuiwlat ar, qriuu Liw qinw qinw laii vangjan guaw.

20 Qriuu Liw qiur guaw ee sinhunn tuatli dyqiamr;

Qiur guaw ee sniwmia tuatli qxauw ee lui ee sewlik.

21 Qiur guaw tuatli sraix ee cuir;

Liw ixqing' tniax guaw, hro guaw tuatli iaw guu ee qag.

22 Guaw beh vywiongg Liw ee miaa dirr guaw ee hniadi;

Guaw beh ylyw Liw dirr hue-diongx.

23 Linw qnia'uir Jehovah :ee, diyhh ylyw Ix;

Jakob ee horer, longxx diyhh ingqngx Ix.

Islael ee horer, longxx diyhh qingwuir Ix.

24 In'ui Ix byy knuawkinx, iarr byy iamwjen kunwkoxlangg ee kunwkow;

Iarr byy duiww ix ngx bin;

Ix qiuqiyr Ix ee sii, Ix dyrr tniax ix.

25 Guaw dirr dua jurhue ee diongqanx soxx ylyw :ee, si dui' liw laii;

Guaw beh dirr qnia'uir Ix ee langg ee binrjingg, sria guaw ee guan.

26 Kiamvix ee langg beh did diyc jiac vaw;

Cue Jehovah ee langg beh ylyw Ix;

Guan linw ee simx uac qaur ingxuanw.

27 De ee qigtauu longxx beh siauwliam, laii quisun Jehovah;

Ledvangx ee banrjok longxx beh qingwvair dirr Liw ee binrjingg.

28 In'ui qog si Jehovah ee;

Ix si banrjok ee juxjnaiw.

29 Derjniu itcer hyxhanr ee langg beh limjiac laii qingwvair;

Qniwnarr quitow ee langg, be e vyxjuann sniwmia :ee, longxx beh pakvair dirr Ix ee binrjingg.

30 U horer beh hogsai Ix;

Jruw ee dairjir beh tuann dirr au dai.

31 Inx beh laii, iarr beh tuann Ix ee qonggi,

Hro decbeh cutsir ee vecsnir jaix jitt xee su si Ix juer :ee.

23 David ee six.

1 Jehovah si guaw ee bogjiaw, guaw byy kiamwkueh.

2 Ix hro guaw dyw dirr cnicuir ee cauxvox;

Cua guaw dirr anjing ee juiw-vnix.

3 Ix hro guaw ee linghunn jing'ingx;

Uirdiyhh Ix ee miaa, cua guaw qniaa gi ee lo.

4 Guaw suizenn qniaa quer siximr ee snuaqog,

Iarr m qniax jaihai; in'ui Liw qapp guaw dilehh;

Liw ee tuii, Liw ee qnuaiw, an'uir guaw.

5 Dirr guaw duiwdik ee binrjinngg, Liw qra guaw vaised ensiac;

Liw ing iuu buah guaw ee taukag; guaw ee vxuex muaw .cud .laii.

6 Undenw qapp juvix dikkag duer guaw qaur jit siwlangg;

Guaw beh ingxuanw kiarkiw dirr Jehovah ee cur.

24 David ee six.

1 De qapp qidiongx soxx ciongmuaw :ee,

Sewqair qapp diamr dirr ix diongqanx :ee, longxx sriok Jehovah.

2 Ix jiong' de qenwlip dirr haiw ee dingxbin,

Andir dirr duarjuiw ee dingxbin.

3 Jirjui e jnriu Jehovah ee snuax?

Jirjui e kia dirr Ix sxingr ee soxjai?

4 Dyrr si ciuw cingkir, simx cingqed;

Junsimx byy ngr huqew, jiuwjua byy kngr qanquiw ee langg.

5 Jitt hy langg beh did diyc Jehovah suwhog;

Qycc dui' qiur ix ee Siongrder did diyc gi.

6 Jiaxee si cue Jehovah ee joglui,

Jakob ee Siongrder ar, jex si rair qnir Liw ee bin ee langg. [Selah]

7 Sniamngg ar, giac kiw linw ee tauu;

Ingxuanw ee mngg ar, linw diyhh siurr quxkiw;

Ingqngx ee Ongg beh zip.

8 Hitt xee ingqngx ee Ongg si jirjui?

Dyrr si dua kuiwlat, dua quanlingg ee Jehovah,

Dirr qaujenr u dua quanlingg ee Jehovah.

9 Sniamngg ar, giac kiw linw ee tauu,

Ingxuanw ee mngg ar, linw iarr diyhh giac kiw;

Ingqngx ee Ongg beh zip.

10 Hitt xee ingqngx ee Ongg si jirjui?

Banrqunx ee Jehovah,

Ix si ingqngx ee Ongg. [Selah]

25 David ee six.

1 Jehovah ar, guaw ee simsinn giongxbong Liw.

2 Guaw ee Siongrder ar, guaw vingsor uaxkyr Liw, m tangx hro guaw qenwsiaur.

M tangx hro guaw ee duiwdik in'ui ngiaa guaw laii kuakauw.

3 Qniwnarr tingwhau Liw :ee, dikkag byy qenwsiaur;

Hiaxee byy enqor qniaa qanjar :ee, beh qenwsiaur.

4 Jehovah ar, qriuu Liw jiong' Liw ee dyrlo jixsi guaw,

Jiong' Liw ee lordoo qawsi guaw.

5 Qriuu Liw cua guaw dirr Liw ee jinliw, qycc qawsi guaw;

In'ui Liw si qiur guaw ee Siongrder.

Guaw tong' zit tingwhau Liw.

6 Jehovah ar, qriuu Liw qiwliam Liw ee linbinw qapp Liw ee ju'air;

In'ui jex si qoxjaw ixlaii siongsiongg u :ee.

7 Qriuu Liw m tangx qiwliam guaw siauwlenn ee juerquar, qapp guaw ee quewsid;

Jehovah ar, qriuu Liw jiauww Liw ee ju'air, in'ui Liw ee unhui qiwliam guaw.

8 Jehovah si hyw qycc jingwdit;

Soxiw Ix beh jixsi juerzinn qniaa jniar lo.

9 Ix beh ing qongvingg inxcua kiamsunr ee langg.

Ix beh ing Ix ee dyrlo qawsi kiamsunr ee langg.

10 Qniwnarr siuw Ix ee iog, qapp Ix ee qanjingr ee langg,

Jehovah kuanxtai inx longxx si ing ju'air singsit.

11 Jehovah ar, guaw ee jue jin' dang;

Qriuu Liw in'ui Liw ee miaa siawbenw guaw.

12 Simxmih langg qingwuir Jehovah?

Jehovah beh jixsi ix soxx diyhh qingw ee lo.

13 Ix ee simsinn beh did diyc anhiyh;

Ix ee horer beh singjiab toxde.

14 Jehovah qapp qingwuir Ix ee langg cinbit;

Qycc beh jiong' Ix ee iog jixsi inx.

15 Guaw ee bagjiux siongsiongg ngr Jehovah;

In'ui Ix beh hro guaw ee kax tuatli lybang.

16 Qriuu Liw uat dngw ngr guaw, kyxlinn guaw;

In'ui guaw si qodnuax qycc kunwkow.

17 Guaw ee simlai ee iukow jin' je,

Qriuu Liw qiur guaw tuatli dirr guaw longxjongw ee huanrlan.

18 Qriuu Liw knuar guaw ee qanlann qapp guaw ee lykow;

Siawbenw guaw itcer ee jue.

19 Qriuu Liw knuar guaw ee duiwdik, in'ui inx jin' je;

Inx uanwhun guaw, jin' okdok.

20 Qriuu Liw vyxho guaw ee sniwmia, jinxqiur guaw;

Hro guaw byy qenwsiaur, in'ui guaw uaxkyr Liw.

21 Guan sunjuann jingwdit vyxho guaw,

In'ui guaw tingwhau Liw.

22 Siongrder ar, qriuu Liw qiuwsiok Islael,

Tuatli ix itcer ee qankow.

26 David ee six.

1 Jehovah ar, qriuu Liw qra guaw pnuawduanr; in'ui guaw u jiauww guaw ee sunjuann laii qniaa;

Guaw uaxkyr Jehovah byy iycuah.

2 Jehovah ar, qriuu Liw qamwcad guaw, ciwgiam guaw;

Tuanwlen guaw ee simdngg.

3 In'ui Liw ee ju'air siongsiongg dirr guaw ee bagjiux jingg;

Guaw iarr u jiauww Liw ee jinliw qniaa.

4 Guaw m bad qapp honghamr ee langg snaqab jre;

Iarr byy qapp qexjuer ee langg juewdin.

5 Guaw uanwhun pnaiw langg ee hue;

Byy beh qapp okdok ee langg drangg jre.

6 Jehovah ar, guaw beh sew ciuw viauxbingg guaw ee byy jue,

Jiacc laii sec Liw ee jewdnuaa;

7 Tangx hro langg tniax qnir qamxsia ee sniax,

Qycc tangx qongw kiw Liw itcer qibiau ee soxx juer.

8 Jehovah ar, guaw tniawsiyh Liw soxx druar ee cur;

Ixqip Liw ingqngx soxx dilehh ee soxjai.

9 M tangx jiong' guaw ee linghunn qapp juerzinn juer jit xe siusip .kir;

M tangx jiong' guaw ee uahmia qapp taii langg :ee juer jit xe siusip .kir.

10 Inx ee ciuw-diongx u qan'og;

Inx ee jniar ciuw muaw muaw vowlo.

11 Lun qaur guaw, guaw beh jiauww guaw ee sunjuann laii qniaa;

Qriuu Liw qiuwsiok guaw, linbinw guaw.

12 Guaw ee kax kia dirr vnitnaw ee soxjai,

Dirr jiongww hue-diongx, guaw beh ylyw Jehovah.

27 David ee six.

1 Jehovah si guaw ee qngx, si guaw ee jinxqiur; guaw beh qniax jirjui?

Jehovah si guaw uahmia ee kuiwlat; guaw beh qniax jirjui?

2 Hiaxee juer pnaiw ee langg, dyrr si guaw ee qiusiuu, guaw ee duiwdik, laii qongqig guaw, beh jiac guaw ee bah,

Hitt sii inx dyrr diyhdag vuahdyw.

3 Suizenn u qunvingx jrad ngiaa, beh qongqig guaw,

Guaw ee simx iarr byy qniahniaa;

Suizenn hingx kiw qunvingx qongqig guaw,

Guaw iuguann jurjai.

4 U jit hxang su guaw bad duiww Jehovah qriuu, guaw iuguann diwir rair did .diyc;

Dyrr si jit siwlangg kiarkiw dirr Jehovah ee cur,

Knuar Ix ee ingqngx, siauwliam Ix ee dxen.

5 In'ui huanrlan ee zit, Ix beh amwjni vyxho guaw dirr Ix ee dniu'uii lai;

Jiong' guaw kngr dirr Ix vowvnii kamr bat ee soxjai;

Quxkiw guaw dirr jiyhvnuaa dingw.

6 Dnaxx guaw ee taukag did diyc giac kiw, kacc quann dirr guaw siwbin ee duiwdik;

Guaw beh dirr Ix ee vowvnii henr hnuahiw ee jrer;

Guanw beh gimm six, iarr beh cniuwquax ylyw Jehovah.

7 Jehovah ar, guaw cud sniax qiuqiyr ee sii, qriuu Liw tniax;

Qycc qriuu Liw linbinw guaw, rinr guaw.

8 Liw bad qongw: Linw diyhh himbo qnir Guaw ee bin; hitt sii guaw ee simx duiww Liw qongw,

Jehovah ar, guaw beh himbo qnir Liw ee bin.

9 M tangx duiww guaw ngx Liw ee bin;

M tangx siurkir laii qnuaw Liw ee lovok;

Liw vingsor si juer guaw ee vangjan;

Qiur guaw ee Siongrder ar, m tangx vangwsag guaw, iarr m tangx lirkuix guaw.

10 In'ui verbuw lirkuix guaw,

Jehovah beh siuliuu guaw.

11 Jehovah ar, qriuu Liw ing Liw ee dyrlo jixsi guaw;

In'ui guaw ee duiwdik ee enqor, cua guaw dirr vnitnaw ee lo.

12 M tangx jiong' guaw qaux hro duiwdik, jniaa inx ee simguan;

In'ui lamrsmaw qanjingr ee langg kiw laii qongqig guaw, inx iarr tor cud hiong'og ee ue.

13 Guaw narr m sinr dirr uahlangg ee de did diyc knuar qnir Jehovah ee unhui,

Dyrr dikkag juadbang.

14 Diyhh tingwhau Jehovah,

Diyhh iongxjongr, liw ee simx diyhh qenqor;

Sidjai diyhh tingwhau Jehovah.

28 David ee six.

1 Jehovah ar, guaw beh qiuqiyr Liw;

Guaw ee jiyhvnuaa ar, m tangx byy beh tniax guaw.

Narr Liw duiww guaw jing jing,

Guaw dyrr cincniu zip bong ee langg jidngiu.

2 Guaw qiuqiyr Liw, ngr Liw ee jiww sxingr sow giac ciuw ee sii, qriuu Liw tniax guaw kunxqiuu ee sniax.

3 M tangx jiong' guaw qapp pnaiw langg, ixqip jokget ee langg, juer jit xe druu .kir.

Inx qapp cuwvnix qongw hyvingg ee ue, jongxsi inx ee simx qanhiamw.

4 Guan Liw jiauww inx soxx juer :ee, iarr jiauww inx soxx qniaa ee pnaiw dai, kuanxtai inx;

Guan Liw jiauww inx ee ciuw soxx juer :ee kuanxtai inx;

Jiong' inx soxx ingqaix duw .diyc .ee vywingr inx.

5 Inx qiwzenn byy liusimx dirr Jehovah soxx qniaa :ee,

Ixqip Ix ee ciuw soxx juer :ee;

Ix dyrr beh huixhuai inx, byy beh qenwlip inx.

6 Jehovah si ingqaix ylyw :ee,

In'ui Ix tniax guaw kunxqiuu ee sniax.

7 Jehovah si guaw ee kuiwlat, iarr si guaw ee dinvaii.

Guaw ee simx uaxkyr Ix, guaw dyrr did diyc vangjan.

Soxiw guaw ee simx dua hnuahiw;

Guaw beh ing guaw ee siquax ylyw Ix.

8 Jehovah si Ix ee vecsnir ee kuiwlat;

Iarr si Ix siurr buah iuu :ee did qiur ee uersow.

9 Qriuu Liw jinxqiur Liw ee vecsnir, suwhog Liw ee sanxgiap,

Ngiuxci inx, hucii inx, qaur dirr ingxuanw.

29 David ee six.

1 Dua quanlingg :ee ee qniaw ar, linw diyhh jiong' ingqngx kuiwlat qruix hro Jehovah,

Qruix hro Jehovah.

2 Diyhh jiong' Jehovah ee miaa soxx ingqaix did .diyc ee ingqngx qruix hro Ix.

Ing singwqed ee jngtna qingwvair Jehovah.

3 Jehovah ee sniax dirr juixbin;

Ingqngx ee Siongrder kiw luii;

Jehovah dirr jerje juiw ee dingxbin.

4 Jehovah ee sniax u dua kuiwlat;

Jehovah ee sniax muaw muaw uigiamm.

5 Jehovah ee sniax pah jric vikhniuciu;

Jehovah paccuir Lebanon ee vikhniuciu.

6 Ix iarr hro ix diytiaur cincniu guu-aw;

Hro Lebanon qapp Silion diytiaur cincniu iaw guu ee qniaw.

7 Jehovah ee sniax hro huexiam vuncex.

8 Jehovah ee sniax dinxdang kongwiaw;

Jehovah dinxdang Kades ee kongwiaw.

9 Jehovah ee sniax hro logbuw qniax .diyc, laii snix qniaw;

Iarr hro ciurnaa ee ciurhiyc lag qngx qngx;

Qniwnarr dirr dxen-lai :ee longxx qongw: Ingqngx.

10 Duarjuiw huanwlam ee sii, Jehovah jre lecc juer ongg,

Jehovah jre lecc juer ongg, didqaur ingxuanw.

11 Jehovah beh sniuxsur kuiwlat hro Ix ee vecsnir;

Jehovah beh ing ving'anx suwhog Ix ee vecsnir.

30 Jitt xee six si henr hro qiongden ee quax; David juer :ee.

1 Jehovah ar, guaw beh jundiong Liw juer jiww quann, in'ui Liw bad tevuat guaw,

Byy hro guaw ee qiusiuu duiww guaw kuakauw.

2 Jehovah, guaw ee Siongrder ar,

Guaw bad qiuqiyr Liw, Liw dyrr rix hyw guaw.

3 Jehovah ar, Liw bad qiur guaw ee linghunn dui' imqanx kiw .laii.

Liw hro guaw uac lehh, benw drir zip bong.

4 Jehovah sxingr ee vecsnir ar, linw diyhh cniuwquax ylyw Ix,

Qiwliam Ix ee sxingr miaa laii qamxsia Ix.

5 In'ui Ix ee siurkir vutqyr bak nih quw;

Ix ee undenw si itsingx ee quw;

Qui' mii suizenn u tikaur,

Jaxkiw-sii dyrr u hnuahiw.

6 Lun qaur guaw, guaw dirr hingtongx ee sii dyrr qongw,

Guaw ingxx be iycuah.

7 Jehovah ar, Liw bad six xunx, hro guaw ee snuax kia jai qenqor,

Liw ngx Liw ee bin, guaw dyrr vecvag.

8 Jehovah ar, guaw qiuqiyr Liw;

Guaw duiww Jehovah qriuu xunx, qongw,

9 Guaw lrauu huih, guaw zip bong, u sniaw lirig?

Din'aix qamxx e ylyw Liw? Qamxx e vywiongg Liw ee jinsit mah?

10 Jehovah ar, qriuu Liw tniax guaw, linbinw guaw;

Jehovah ar, qriuu Liw vangjan guaw.

11 Liw ixqing' jiong' guaw ee tikaur venr juer tiauwbuw.

Liw jiong' guaw ee muasnax trngr .kir, ing hnuahiw qra guaw haa;

12 Tangx hro guaw ee simsinn cniuwquax, ylyw Liw, iarr byy jing jing.

Jehovah, guaw ee Siongrder ar, guaw beh qamxsia Liw, qaur ingxuanw.

31 David ee six, qaux hro gagqnuax.

1 Jehovah ar, guaw uaxkyr Liw, qriuu Liw hro guaw ingxingw byy qenwsiaur;

Jiauww Liw ee qonggi jinxqiur guaw.

2 Qriuu Liw ngar hnirkangx tniax guaw, qinw qinw laii qiur guaw;

Juer guaw qenqor ee jiyhvnuaa, juer jinxqiur guaw ee uersow.

3 In'ui Liw si guaw ee snuagiamm, guaw ee snuaje.

Soxiw qriuu Liw in'ui Liw ee miaa laii inxcua guaw, jixdiamw guaw.

4 Langg amwjni dniux lybang beh brang guaw, qriuu Liw qiur guaw tuatli;

In'ui Liw si guaw ee uersow.

5 Guaw jiong' guaw ee linghunn qaux dirr Liw ee ciuw;

Jehovah jinsit ee Siongrder ar, Liw u qiuwsiok guaw.

6 Guaw uanwhun hiaxee sinwhong huqew ee langg;

Dogdok guaw uaxkyr Jehovah.

7 Guaw in'ui Liw ee ju'air beh hnuahiw kuaiwlok;

In'ui Liw u knuar qnir guaw ee qankow,

Jaix guaw simsinn ee qanlann.

8 Liw m bad jiong' guaw qaux dirr duiwdik ee ciuw;

Liw hro guaw ee kax kia dirr kuikuah ee soxjai.

9 Jehovah ar, guaw dirr huanrlan diongx, qriuu Liw linbinw guaw;

Guaw ee bagjiux in'ui inbun pacpnaiw, guaw ee simsinn, guaw ee sintew, iarr si anxnix.

10 Guaw ee sniwmia in'ui iukow laii siaubyy.

Guaw ee nihuer uirdiyhh trow kuir iarr anxnix;

Guaw ee kuiwlat in'ui guaw ee juerog laii suelamw;

Guaw ee quttauu iarr qodaa.

11 Guaw in'ui guaw itcer ee duiwdik jniaa juer lingziok;

Dirr guaw ee cuwvnidaux qyckacc siongdiong; hiaxee bad guaw ee langg longxx qniax guaw;

Dirr guarbin knuar qnir guaw ee langg jauxsiamw lirkuix guaw.

12 Guaw cincniu sixlangg hro langg be qir .did, byy langg siauwliam;

Guaw cincniu puawcuir ee kiwqu.

13 In'ui guaw tniax qnir jerje langg ee huixvongr,

Siwuii longxx si qniahniaa;

Inx snaqab camsiongg qongqig guaw ee sii,

Dyrr qewboo beh hai guaw ee sniwmia.

14 Jehovah ar, guaw iuguann uaxkyr Liw;

Guaw qongw, Liw si guaw ee Siongrder.

15 Guaw ee jygu dirr Liw ee ciuw;

Qriuu Liw qiur guaw tuatli guaw ee duiwdik ee ciuw, ixqip kunxvig guaw ee langg.

16 Qriuu Liw hro Liw ee bin jiyr qngx Liw ee lovok;

Jiauww Liw ee ju'air jinxqiur guaw.

17 Jehovah ar, qriuu Liw hro guaw byy qenwsiaur; in'ui guaw u qiuqiyr Liw.

Qriuu Liw hro pnaiw langg qenwsiaur, hro inx dirr imqanx jing jaucjauh.

18 Guan Liw hro hiaxee vehcat ee cuir venr exqauw;

Dyrr si qiau'gno knuawkinx, lamrsamw buxban girlangg :ee.

19 Qingwuir Liw ee langg, Liw uirdiyhh inx soxx jikju ee unhui,

Uirdiyhh uaxkyr Liw ee langg, dirr sewqanlangg ee binrjingg, soxx sihingg ee unhui, jnaixngiu hiacc dua!

20 Liw beh jiong' inx kngr dirr Liw ee binrjingg unxbat ee soxjai; benw drir duw diyc langg ee qewboo;

Liw beh amwjni vyxsiuw inx dirr dniu'uii lai, benw siurr cuiwjic ee jingven.

21 Jehovah si ingqaix ylyw :ee,

In'ui Ix dirr qenqor ee sniaa duiww guaw six cud Ix qibiau ee ju'air.

22 Lun qaur guaw, guaw bad diyhqib qongxx: Dui' Liw ee bagjiux jingg, guaw siurr qecdng;

Danrsi guaw qiuqiyr Liw ee sii, Liw iuguann tniax guaw kunxqiuu ee sniax.

23 Jehovah sxingr ee vecsnir ar, linw longxx diyhh tniar Ix;

Jehovah vyxsiuw singsit ee langg,

Dang dang vywingr qniaa qiau'gno ee langg.

24 Qniwnarr ngwbang Jehovah ee langg,

Linw diyhh jongwdnaw, linw ee simx diyhh qenqor.

32 David ee qawsi ee six.

1 Quewsid did diyc siawbenw, juerquar did diyc ziakamr :ee, jitt langg u hokkir.

2 Jehovah byy sngr ix juer u jue,

Ix ee simx byy qanjar :ee, jitt langg u hokkir.

3 Guaw jing jing ee sii, guaw ee quttauu qodaa;

In'ui guaw tong' zit dua sniax hauw.

4 In'ui mizit Liw ee ciuw dang dang cic guaw;

Guaw ee jing'ik vnir cincniu zuahtnix ee dasyr. [Selah]

5 Guaw duiww Liw vailet guaw ee juerquar, byy unxmuaa guaw ee juerog;

Guaw qongw: Guaw beh duiww Jehovah singzin guaw ee quewsid;

Liw dyrr siawbenw guaw huanrhuad ee jue.

6 In'ui anxnix, qniwnarr kensingg ee langg, dirr tangx cue diyc Liw ee sii, diyhh qidyw Liw.

Duarjuiw huanwlam ee sii, dikkag be qaur ix hiax.

7 Liw si guaw siamxbih ee soxjai; Liw beh viwiu guaw tuatli qankow;

Liw beh ing did qiur ee quax siwbin uii guaw.

8 Guaw beh qawsi liw, jixsi liw ingqaix qniaa ee lo;

Guaw beh juwbak knuar liw, laii kuanwqair liw.

9 M tangx cincniu bew, lyy, inx byy diwsig;

Diyhh ing bexqarqniux bexligsyh ioksog inx,

Narr byy, inx dyrr m uaxkyr liw.

10 Pnaiw langg sriu jerje koxlan;

Dogdok uaxkyr Jehovah ee langg beh u ju'air siwbin uii ix.

11 Linw girlangg ar, diyhh in'ui Jehovah laii hnuahiw kuaiwlok;

Simx jingwdit ee langg ar, linw diyhh cud hnuahiw ee sniax.

33 Linw girlangg ar, diyhh in'ui Jehovah laii hnuahiw;

Jingwdit ee langg ee ylyw si habgii.

2 Linw diyhh dnuaa kimm qamxsia Jehovah;

Ing jap diau henn ee srig ylyw Ix.

3 Diyhh duiww Ix cniur sinx ee quax,

Dnuaa qaur jin' hyw, snia'imx hiangxliang.

4 In'ui Jehovah ee gengiw jingwdit;

Huanrr Ix soxx juer :ee, itjin si singsit.

5 Ix hnuahiw girliw qapp qongvingg;

Jehovah ee ju'air muaw muaw dirr derjniu.

6 Jiaxee tnix dui' Jehovah ee ue laii jy,

Tnix nirr ee banrlui dui' Ix ee cuir ee krir laii jniaa.

7 Ix jurjip haixjuiw cincniu qui' dxuix,

Siukngr cim'enx dirr kowvangg.

8 Juann de diyhh qingwuir Jehovah;

Huanrnarr kiarkiw dirr sewjniu :ee, longxx diyhh qniax Ix.

9 In'ui Ix qongw cud dyrr u;

Ix bingrling dyrr kia jai.

10 Jehovah hro ledvangx ee qewik qruix dirr kangx kangx;

Hro jiongww vecsnir soxx sniu :ee, byy qonghau.

11 Jehovah ee qewik ingxuanw kia jai,

Ix ee simx soxx sniu :ee qaur banrsewdai.

12 Zin Jehovah juer ix ee Siongrder :ee, hitt xee vecsnir u hokkir.

Ix qingxsuanw juer Ix ee sanxgiap :ee, hitt xee vecsnir u hokkir.

13 Jehovah dui' tnix decc knuar;

Ix qamwcad longxjongw ee sewqanlangg.

14 Ix dui' Ix kiarkiw ee soxjai ngr guarbin,

Knuar derjniu itcer kiarkiw ee vecsnir.

15 Ix si jyrjniaa inx jingwlangg ee simx :ee,

Liusimx dirr inx itcer ee soxx juer :ee.

16 Qun'ongg be e in'ui vxingx je did diyc qiur;

Bingw langg be e in'ui kuiwlat dua did diyc qiur cud.

17 Uaxkyr bew did diyc qiur, si bycaiw qangx;

Be e ing ix ee dua lat laii qiur langg.

18 Jehovah ee bagjiux knuar qingwuir Ix ee langg,

Knuar ngwbang Ix ee ju'air ee langg;

19 Beh qiur inx ee uahmia tuatli sixbyy,

Vyxjunn inx ee uahmia dirr qihngx ee sii.

20 Guanw ee simsinn vingsor tingwhau Jehovah;

Ix si juer guanw ee vangjan, juer guanw ee dinvaii.

21 Guanw ee simx beh uaxkyr Ix laii hnuahiw,

In'ui guanw vingsor uaxkyr Ix ee sxingr miaa.

22 Jehovah ar, guan Liw ee ju'air limqaur guanw,

Jiauww guanw soxx ngwbang Liw :ee.

34 David ee six; dyrr si ix dirr Abimelec ee binrjingg qew hongdenx, siurr qnuaw .cud .kir ee sii soxx juer :ee.

1 Guaw beh sisii ylyw Jehovah;

Ylyw Ix ee ue beh siongsiongg dirr guaw ee cuir.

2 Guaw ee simsinn beh in'ui Jehovah laii kuakauw;

Kiamvix ee langg tniax .qnir, iarr beh hnuahiw.

3 Linw qapp guaw diyhh ylyw Jehovah juer dua,

Snaqab jrunx Ix ee miaa juer quann.

4 Guaw bad qriuu Jehovah, Ix dyrr rinr guaw;

Qiur guaw tuatli guaw itcer tangx qniax ee su.

5 Inx giac tauu knuar Ix, dyrr did diyc qngbingg;

Inx ee bin ingxx be qenwsiaur.

6 Jitt xee kunwkow ee langg qiuqiyr, Jehovah tniax .qnir;

Qiur ix tuatli ix itcer ee hunarlan.

7 Jehovah ee suwjiaw dirr qingwuir Ix ee langg ee siwuii jrad ngiaa,

Laii jinxqiur inx.

8 Linw diyhh cir knuar, dyrr jaix Jehovah si hyw;

Uaxkyr Ix ee langg u hokkir.

9 Jehovah sxingr ee vecsnir ar, linw diyhh qingwuir Ix;

In'ui qingwuir Ix ee langg byy kiamwkueh jit hxang.

10 Sai'axtunn u kiamwkueh, u iaux;

Dogdok cue Jehovah ee langg byy kiamr simxmih hxang ee hyw.

11 Sewqniaw ar, linw diyhh laii tniax guaw,

Guaw beh jiong' qingwuir Jehovah ee dyrliw qawsi linw.

12 Simxmih langg air uahmia,

Himbo huewsiu, beh did diyc hokkir?

13 Dyrr diyhh qimr liw ee jic byy qongw pnaiw ue,

Liw ee cuiwdunn byy qongw qanjar ee ue.

14 Diyhh lirkuix pnaiw, qniaa hyw;

Cue hyvingg, laii duizib ix.

15 Jehovah ee bagjiux knuar girlangg;

Ix ee hnirkangx tniax inx ee qidyw.

16 Jehovah ee bin ngr qniaa pnaiw ee langg,

Beh dui' sewqanx dubet inx ee miazi.

17 Girlangg qiuqiyr, Jehovah tniax .qnir,

Dyrr qiur inx tuatli itcer ee huanrlan.

18 Jehovah uaw qin siongsimx ee langg,

Jinxqiur lingsingr tongwhuew ee langg.

19 Girlangg u jerje koxlan,

Jehovah qiur ix longxx tuatli.

20 Vyxjuann ix longxjongw ee qud;

Jit qix iarr byy pah jric.

21 Juerog beh hai siw pnaiw langg;

Uanwhun girlangg :ee beh siurr dring jue.

22 Jehovah qiuwsiok Ix ee lovok ee sinhunn;

Huanrnarr uaxkyr Ix :ee, byy jit xee siurr dring jue.

35 David ee six.

1 Jehovah ar, qapp guaw sna' jnex :ee, qriuu Liw qapp inx sna' jnex;

Qapp guaw qaujenr :ee, qriuu Liw qapp inx qaujenr.

2 Tec duarser ee dinvaii,

Kiw laii vangjan guaw.

3 Tiux cud cniux, joxjiw hiaxee duiqnuaw guaw :ee;

Duiww guaw ee sinhunn qongw: Guaw si jinxqiur liw :ee.

4 Guan hiaxee siauwsniu guaw ee sniwmia ee langg sriu qenwsiaur lingziok;

Guan hiaxee qewboo hai guaw ee langg uat dywdngw lauwkuir.

5 Guan inx cincniu hongx cuex ee cokngx;

U Jehovah ee suwjiaw decc qnuaw inx.

6 Guan inx ee lo amr qycc qut,

U Jehovah ee suwjiaw decc qnuaw inx.

7 In'ui inx byy indnuax uirr guaw amr sed lybang dirr knix-lai,

Byy indnuax qrut hamrknix beh hai guaw ee sniwmia.

8 Guan dirr ix byy pacsngr ee sii, jaieh qaur ix ee sinjniu;

Guan ix amr sed ee lybang dnii diyc ix qaqi;

Guan ix vuac lyc hitt lairbin, siurr hai.

9 Dyrr guaw ee simx beh dirr Jehovah laii kuaiwlok;

Dirr Ix ee qiuwunx laii hnuahiw.

10 Guaw ee quttauu longxx beh qongw:

Jehovah ar, jirjui e cincniu Liw?

Liw jinxqiur kunwkow ee langg, tuatli hiaxee viw ix kacc qiongg :ee;

Jinxqiur kunwkow qapp songwhiongx ee langg tuatli hiaxee cniuxduat ix :ee.

11 Hiong'og ee qanjingr :ee kiw .laii;

Guaw soxx m jaix ee su, inx camng guaw.

12 Inx duiwdirr guaw ing pnaiw vyr hyw,

Hro guaw ee sinhunn qodnuax.

13 Lun qaur guaw, dng' inx puawvni ee sii, guaw dyrr cing muasnax,

Ing qimwjiac kikkow guaw ee simsinn;

14 Guaw soxx qriuu :ee, longxx qruix dirr qaqi ee simhuaii.

Guaw anxnix qniaa, cincniu ix si guaw ee ving'iuw, guaw ee hniadi;

Guaw kud lyc sinkux vi'aix, cincniu langg uirdiyhh laurbuw aisiong.

15 Guaw duw diyc huanrlan, inx dyrr hnuahiw, snaqab jurjip;

Guaw soxx byy sna' bad ee hardingw langg jurjip qongqig guaw;

Inx kiuxlak guaw byy suah.

16 Inx cincniu hiwhiauh venw jiac ee byy herlyc ee langg,

Duiww guaw qa cuiwkixqinx.

17 Jruw ar, Liw dniardnia decc knuar, beh qaur zuarr quw?

Qriuu Liw qiur guaw ee sinhunn tuatli inx ee janhai,

Qiur guaw ee sniwmia tuatli bingw ee sai'axtunn.

18 Guaw dirr dua jurhue ee diongqanx beh qamxsia Liw;

Dirr jiongww vecsnir ee diongqanx beh ylyw Liw.

19 Qriuu Liw byc did iong'unw hiaxee byy lixiuu duiwdik guaw :ee, duiww guaw kuakauw;

Byc did iong'unw hiaxee byy indnuax uanwhun guaw :ee grinn guaw.

20 In'ui inx byy qongw hyvingg ee ue;

Dyrr si qewboo kuixked ee ue; hai derjniu anhun ee langg.

21 Inx dua dua kuix cuir qongqig guaw;

Qongw: Hohjai! Hohjai! Guanw ee bagjiux ixqing' knuar .qnir lar.

22 Jehovah ar, Liw ixqing' knuar .qnir; qriuu Liw m tangx jing jing;

Jruw ar, m tangx lirkuix guaw.

23 Guaw ee Siongrder, guaw ee Jruw ar, qriuu Liw jingsinn, kiw .laii;

Pnuawquad guaw ee su, vanrliw guaw ee anr.

24 Jehovah, guaw ee Siongrder ar, qriuu Liw jiauww Liw ee qonggi pnuawduanr guaw;

Byc did iong'unw inx duiww guaw kuakauw.

25 Byc did iong'unw inx simlai qongw,

Hohjai, jiauww guanw ee simguan lar;

Byc did iong'unw inx qongw: Guanw ixqing' qra ix tunx .lyc .kir lar.

26 Guan hiaxee hnuahiw guaw duw diyc huanrlan :ee, longxx qenwsiaur lauwkuir;

Guan hiaxee duiww guaw qaqi jundua :ee, siurr qenwsiaur laklenw.

27 Guan hiaxee rair guaw did diyc sin'uanx ee langg cud hnuahiw ee sniax kuaiwlok;

Guan inx siongsiongg qongw: Diyhh jrunx Jehovah juer dua.

In'ui Ix hnuahiw Ix ee lovok ving'anx.

28 Guaw ee jic beh qongw kiw Liw ee gi,

Tong' zit ylyw Liw.

36 Jehovah ee lovok David ee six, qaux hro gagqnuax.

1 Pnaiw langg ee juerquar, u dirr guaw ee simx qongw,

Ix ee bagjiux diongx byy qniax Siongrder.

2 In'ui dirr ix ee bagjiux lai ix qaqi tiamxmi,

Pacsngr ix ee juerog ingxx be lorhen, be siurr uanwhun.

3 Ix cuir-lai ee ue, longxx si juerog qapp qanjar;

Ix qapp diwhui hyw ee soxx qniaa ixqing' duanrjuat.

4 Ix dirr bincngg doboo juerog,

Ix dniardiyc iwsur kia dirr m hyw ee lo;

Ix byy uanwhun pnaiw dai.

5 Jehovah ar, Liw ee ju'air si dirr tnix nirr;

Liw ee sinwsit qaur dirr qiongcongx.

6 Liw ee gi cincniu qik quann ee snuax;

Liw ee pnuawduanr si cincniu cim'enx.

Jehovah ar, langg qapp jingsnix, Liw longxx vyxho inx.

7 Siongrder ar, Liw ee ju'air jnaixngiu hiacc vyxvuer ar!

Sewqanlangg bih dirr Liw sidqow ee diwimr xe.

8 Inx beh in'ui Liw ee cur ee hyw mic did diyc vaxjiog;

Liw iarr beh hro inx limx Liw kuaiwlok ee hyjuiw.

9 In'ui uahmia ee guantauu, jairdirr Liw hiax;

Dirr Liw ee qngx, guanw beh knuar qnir qngx.

10 Guan Liw siongsiongg six ju'air hro bad Liw ee langg;

Siongsiongg ing Liw ee qonggi six hro simlai jingwdit ee langg.

11 M tangx iong'unw qiau'gno ee langg ee kax tunxdac guaw,

M tangx iong'unw hiong'og ee langg ee ciuw qnuaxdiok guaw.

12 Dirr hiax juer pnaiw ee langg ixqing' dyw .lyc .kir;

Ix siurr ciax dyw, be e qycc kiw .laii.

37 David ee six.

1 M tangx in'ui juer pnaiw ee langg, simlai vutvingg;

Iarr m tangx uanwdor qniaa vutgi ee langg.

2 In'ui inx cincniu cauw kuair kuair quah;

Qycc cincniu cnicuir ee cair lauw .kir.

3 Diyhh uaxkyr Jehovah laii qniaa hyw,

Diamr dirr jitt xee toxde, ing singsit juer bixniuu.

4 Diyhh liac Jehovah juer hnuahiw,

Ix beh jiong' liw ee simx soxx qriuu :ee hro liw.

5 Diyhh jiong' liw ee dairjir qaudair Jehovah;

Qycc uaxkyr Ix, Ix beh hro ix jniaa.

6 Ix beh hro liw ee gi huad cud cincniu qngx;

Liw ee pnuawduanr, cincniu diongdaur ee qngx.

7 Diyhh jing jing dirr Jehovah ee binrjingg, kuansimx tingwhau Ix;

M tangx in'ui hitt hy sursu hingtongx :ee,

Qapp hitt hy pnaiw qewboo did diyc jniaa :ee, laii vutvingg.

8 Diyhh suah siurkir, lirkuix dua siurkir;

M tangx vutvingg, qniax e juer pnaiw.

9 In'ui qniaa pnaiw ee langg beh siurr jaubet;

Dogdok tingwhau Jehovah ee langg, inx beh singjiab toxde.

10 In'ui qycc diap aw quw, pnaiw langg beh byy .kir;

Liw narr siongser caa ix ee soxjai, ix iarr byy .kir;

11 Dogdok kiamvix ee langg beh singjiab toxde;

In'ui ving'anx hongsing duardimm hnuahiw.

12 Pnaiw langg sed qewboo beh hai girlangg,

Qycc ngr ix qa cuiwkixqinx.

13 Jruw beh ciyr ix,

In'ui knuar qnir ix ee zidjiw beh qaur.

14 Pnaiw langg vuic dyx kuix qringx, beh dnaxdyw kunwkow songwhiongx ee langg;

Beh taii siw qniajuer jingwdit ee langg.

15 Inx ee dyx beh cxir zip qaqi ee simx,

Inx ee qringx beh siurr ad jric.

16 Girlangg soxx u :ee jiyw jiyw,

Ngiaa quer jerje pnaiw langg ee vuwu.

17 In'ui pnaiw langg ee ciuw beh siurr ad jric;

Dogdok Jehovah hucii gi ee langg.

18 Jehovah jaix uanjuann ee langg ee sizit;

Inx ee sanxgiap beh ingxuanw dilehh.

19 Inx dirr huanrlan ee sii vutdir qenwsiaur;

Dirr qihngx ee zit beh did diyc vaxjiog.

20 Jongwsirr pnaiw langg beh bedbyy,

Jehovah ee duiwdik beh cincniu cauxvox ee borsing;

Inx beh siaubyy cincniu huexhunx ee siaubyy.

21 Pnaiw langg qra langg jiyh, iarr byy hingg;

Girlangg qniaa linbinw, siaxsir langg.

22 Jehovah suwhog ee langg, inx beh singjiab toxde;

Hro Ix jiuwjow ee langg beh siurr bedbyy.

23 Girlangg ee kavo si Jehovah soxx andir;

Qycc Ix hnuahiw ix ee lo.

24 Ix suibongw vuahdyw, iarr byy qaur qui' srinx siag .lyc .kir;

In'ui Jehovah ing Ix ee ciuw huu ix.

25 Guaw jingg siauwlenn, dnaxx nilau;

Jongwsirr m bad knuar qnir girlangg siurr vangwsag,

Iarr ix ee horer juer kitjiac.

26 Ix tong' zit linbinw langg, jiyh langg,

Ix ee horer did diyc hokkir.

27 Liw diyhh lirkuix pnaiw, qniaa hyw,

Jiacc tangx ingxuanw kiarkiw.

28 In'ui Jehovah hnuahiw qongvingg,

Byy vangwsag Ix sxingr ee vecsnir;

Inx ingxuanw siurr vyxho;

Dogdok pnaiw langg ee horer beh siurr jaubet.

29 Girlangg beh singjiab toxde,

Ingxuanw diamr dirr hiax.

30 Girlangg ee cuir qongw diwhui,

Ix ee jic damlun qongvingg.

31 Ix ee Siongrder ee ludhuad dirr ix ee simlai;

Ix ee kax longxx be dac tut.

32 Pnaiw langg taux knuar girlangg,

Siauwsniu taii ix.

33 Jehovah byy vangwsag ix dirr pnaiw langg ee ciuw;

Dng' simxpnuar ee sii, iarr byy dring ix ee jue.

34 Liw diyhh tingwhau Jehovah, junsiuw Ix ee dyrlo;

Ix dyrr qysingx liw, hro liw singjiab toxde;

Pnaiw langg siurr jaubet ee sii, liw beh knuar .qnir.

35 Guaw bad knuar qnir pnaiw langg u dua sewlik,

Qycc huatdat cincniu ram ee ciu dirr ix ee vunxtoxde.

36 U langg dui' hiax qingquer, knuar ar, ix byy .kir lar;

Guaw iarr cue ix, cue be diyc.

37 Liw diyhh siongser knuar hitt xee uanjuann ee langg, knuar hitt xee jingwdit ee langg,

In'ui hyvingg ee langg u hyw ee qetqiok.

38 Lun qaur huanrhuad ee langg, beh juer jit xe bedbyy;

Pnaiw langg ee qetqiok beh siurr jaubet.

39 Jongwsirr girlangg did diyc qiur, si dui' Jehovah;

Dng' huanrlan ee sii, Ix juer inx ee ngiaje.

40 Jehovah vangjan inx, jinxqiur inx;

Ix jinxqiur inx tuatli pnaiw langg, laii kanqiur inx;

In'ui inx uaxkyr Ix.

38 David ee qiwliamrsix.

1 Jehovah ar, qriuu Liw m tangx dirr siurkir diongx jikvi guaw;

M tangx dirr dua siurkir diongx qingxqair guaw.

2 In'ui Liw ee jnxir sria guaw ee sinkux,

Liw ee ciuw dang dang cic guaw.

3 In'ui Liw ee siurkir, guaw ee bah byy jit xui uanjuann;

In'ui guaw ee juerquar, guaw ee qud iarr byy ving'anx.

4 Guaw ee juerog vnuaa quer guaw ee taukag,

Cincniu dang dnar hro guaw dnax be kiw.

5 In'ui guaw ee gugong,

Guaw ee siongx nua, qycc caur.

6 Guaw tangwtniar qycc kiauqux,

Tong' zit aisiongx.

7 In'ui guaw muaw iyx si huew;

Guaw ee bah byy jit xui uanjuann.

8 Guaw siurr pacsiongx, jin' byy lat;

In'ui guaw ee simx vut'anx, dyrr dua aicanx.

9 Jruw ar, guaw ee simguan longxx dirr Liw ee binrjingg,

Guaw ee toxkuir byy duiww Liw unxmuaa.

10 Guaw ee simx pogpok cingw, guaw ee lat suebii;

Lenrr guaw bagjiux diongx ee qngx iarr lirkuix guaw.

11 Tniar guaw ee langg qapp guaw ee ving'iuw, in'ui guaw ee pnaiw jingwtauu, longxx siamw dirr vnix:a;

Guaw ee cincig iarr hng hng decc kia.

12 Hiaxee siauwsniu guaw ee sniwmia :ee sed lybang;

Sniu beh hai guaw :ee, qongw cud okdok ee ue;

Tong' zit sniu kuixked ee qewboo.

13 Guaw cincniu cauwhnirlangg :ee byy tniax .qnir,

Cincniu exqauw :ee, byy kuix cuir.

14 Guaw iarr cincniu byy tniax .qnir ee langg,

Cuir byy inwdab :ee.

15 Jehovah ar, guaw tingwhau Liw;

Jruw, Guaw ee Siongrder ar, Liw beh tniax guaw.

16 In'ui guaw bad qongw: Qniax inx duiww guaw kuakauw;

Guaw ee kax dac tut ee sii, inx duiww guaw qaqi jundua.

17 In'ui guaw hiamw hiamw vuahdyw,

Guaw ee inbun siongsiongg dirr guaw ee binrjingg.

18 In'ui guaw beh zin guaw ee juerog;

Qycc uirdiyhh guaw ee jue laii inbun.

19 Guaw ee duiwdik iarr uahdang, iarr iongxbingw;

Byy lixiuu uanwhun guaw :ee, qetnix naxx je.

20 Ing pnaiw vyr hyw :ee, qapp guaw juer duiwtauu;

In'ui guaw si duizib hyw.

21 Jehovah ar, m tangx vangwsag guaw;

Guaw ee Siongrder ar, m tangx lirkuix guaw hng hng.

22 Jruw ar, jinxqiur guaw :ee;

Qriuu Liw qinw qinw vangjan guaw.

39 David ee six, qaux hro gagqnuax, Jedutun.

1 Guaw bad qongw: Guaw beh qinxsin guaw ee lo,

Benw did ing guaw ee jic huanrjue;

Pnaiw langg dirr guaw ee binrjingg ee sii,

Guaw beh ioksog guaw ee cuir cincniu bexqarqniux.

2 Guaw jing jing byy sniax, lenrr hyw ue iarr byy qongw cud cuir;

Guaw ee iubun dyrr giaa .kiw .laii.

3 Guaw ee simx dirr guaw ee lairbin zet zet;

Guaw jing jing sniu ee sii, huew dyrr dyc .kiw .laii;

Guaw dyrr ing jic laii qongw:

4 Jehovah ar, qriuu Liw hro guaw jaix vunxsinx ee qetqiok,

Qapp guaw nihuer ee siauwgiac zuarr je;

Hro guaw jaix luanxziok qaur jnaixngiu.

5 Liw hro guaw ee zidjiw cincniu jit vajniuw,

Guaw itsingx ee nihuer, dirr Liw ee binrjingg cincniu byy;

Dagg langg kia jai ee sii, jinjniar longxx si kangx kangx. [Selah]

6 Sewqanlangg qniajuer sidjai cincniu ngiaw;

Inx byy ingg ciccih, jinjniar bycaiw qangx;

Ix soxx jikju :ee, m jaix jionglaii jirjui did .kir.

7 Jruw ar, guaw dnaxx tingwhau simxmih?

Guaw ee ngwbang jairdirr Liw.

8 Qriuu Liw qiur guaw tuatli guaw itcer ee quewsid;

M tangx hro guaw siurr gong langg ee lingziok.

9 Guaw jing jing byy kuix cuir;

In'ui si Liw juer :ee.

10 Liw soxx qangr ee jikhuat qriuu Liw qra guaw druu .kir;

In'ui Liw ee ciuw ee dokjik, guaw dyrr siaubet.

11 Liw in'ui langg ee juerog, qingxqair ix ee sii,

Hro ix soxx hnuahiw :ee siaubet, cincniu diyc jiuwtangg;

Sewqanlangg jinjniar si kangx kangx. [Selah]

12 Jehovah ar, qriuu Liw tniax guaw ee qidyw, ngar hnirkangx tniax guaw ee qiuqiyr,

Guaw lrauu bagsaiw, qriuu Liw m tangx byy cud sniax;

In'ui guaw dirr Liw ee binrjingg si cutguarlangg,

Si qiawkax :ee, cincniu guaw ee ledjow jitvnua'ngiu.

13 Qriuu Liw kuan'iongg guaw, hro guaw iauxx bue kiw laii qruix dirr byy ee dairsingx,

Tangx did diyc songxkuair.

40 David ee six, qaux hro gagqnuax.

1 Guaw bad tunlunw tingwhau Jehovah;

Ix ngar lyc ngr guaw, tniax guaw ee qiuqiyr.

2 Ix dui' tangx qniax ee hamrknix, dui' tobee diongx, kanx guaw kiw .laii;

Hro guaw ee kax kia dirr jiyhvnuaa dingw, hro guaw ee kavo jairunw.

3 Ix hro guaw ee cuir cniur sinx ee quax, dyrr si ylyw guanw ee Siongrder :ee;

Jerje langg beh knuar qnir laii qnia'uir,

Iarr beh uaxkyr Jehovah.

4 Dogdok uaxkyr Jehovah, byy cab hiaxee qiau'gno, ixqip pen'ngr huqew ee langg,

Jitt hy langg u hokkir.

5 Jehovah, guaw ee Siongrder ar, Liw soxx qniaa ee qrii su,

Ixqip Liw duiww guanw soxx jrunn ee liamrtauu jin' je;

Be e duiww Liw vailet;

Guaw narr beh tee kiw laii qongw,

Hitt xee siauwgiac sngr be liauw.

6 Jewsu qapp lexmic Liw byy hnuahiw;

Liw u kuix guaw ee hnirkangx;

Siyjer qapp siogjuerjer, Liw byy air dnic:

7 Hitt sii guaw qongw: Liw knuar, Guaw laii lar;

Guaw ee su ixqing' qir dirr ceh nirr.

8 Guaw ee Siongrder ar, Liw ee jixir guaw hnuahiw tranr;

Liw ee ludhuad dirr guaw ee simlai.

9 Guaw dirr dua jurhue ee diongqanx, suantuann qonggi ee hyw siausid;

Guaw byy beh tingjiw guaw ee cuiwdunn;

Jehovah ar, jex si Liw soxx jaix :ee.

10 Guaw m bad jiong' Liw ee qonggi kamr bat dirr guaw ee simlai;

Guaw ixqing' vailet Liw ee sinwsit, qapp Liw ee qiuwunx.

Guaw dirr dua jurhue m bad unxkngr Liw ee ju'air qapp singsit.

11 Jehovah ar, qriuu Liw m tangx duiww guaw tingjiw Liw ee juvix;

Guan Liw ee ju'air qapp singsit siongsiongg vyxho guaw.

12 In'ui u be sngr .did ee jaieh uikunr guaw;

Guaw ee juerog zib diyc guaw, hro guaw be e giahbak;

Jiaxee juerog viw guaw ee taumngg kacc je; guaw ee simx suar lirkuix guaw.

13 Jehovah ar, qriuu Liw hnuahiw jinxqiur guaw;

Jehovah ar, qriuu Liw qinw qinw vangjan guaw.

14 Guan hiaxee siauwsniu beh hai guaw sniwmia :ee juer jit xe qenwsiaur, lauwkuir;

Guan hiaxee hnuahiw guaw siurr hamrhai :ee, uat dywdngw siurr lingziok.

15 Guan hiaxee duiww guaw qongw: Hohjai, Hohjai :ee,

In'ui qenwsiaur laii vairbyy.

16 Guan itcer cue Liw :ee, in'ui Liw laii hnuahiw kuaiwlok;

Guan hiaxee himbo Liw qiuwunx :ee siongsiongg qongw:

Diyhh jrunx Jehovah juer dua.

17 Guaw si kunwkow songwhiongx :ee,

Jruw iauxquxx siauwliam guaw;

Liw si vangjan guaw :ee, jinxqiur guaw :ee;

Guaw ee Siongrder ar, qriuu Liw m tangx encenn.

41 David ee six, qaux hro gagqnuax.

1 Quanwqor songwhionglangg :ee, u hokkir;

Dng' huanrlan ee zit, Jehovah beh qiur ix.

2 Jehovah beh vyxjuann ix, hro ix uac lehh, ix beh dirr derjniu hiongxhog;

Qriuu Liw m tangx jiong' ix qaux hro duiwdik, laii jiauww inx soxx air.

3 Ix dyw jairr cngg, Jehovah beh hucii ix;

Ix puawvni ee sii, Liw beh liaurliw ix ee puerpox.

4 Guaw bad qongw: Jehovah ar, qriuu Liw linbinw guaw;

Rix hyw guaw ee simsinn, in'ui guaw u dikjue dirr Liw.

5 Guaw ee duiwdik ing pnaiw ue girlun guaw, qongw:

Ix dirsii e siw, ix ee miaa dirsii e bedbyy?

6 Ix narr laii knuar guaw, dyrr qongw byngiaw ee ue;

Ix ee simx jikju qan'og,

Cud kir guarkauw, dyrr siwqer qongw.

7 Itcer uanwhun guaw ee langg jibuw jirju girlun guaw;

Inx sed qewboo beh hai guaw.

8 Inx qongw: U quair vni diauu dirr ix ee sinkux;

Ix ixqing' dyw cngg, ingxx be qycc kiw .laii.

9 Lenrr guaw diqiw ee ving'iuw, guaw soxx uaxkyr, jiac guaw ee vniaw :ee,

Giac kiw ka'aurdnix tad guaw.

10 Jehovah ar, qriuu Liw linbinw guaw,

Hro guaw kiw laii tangx vywingr inx.

11 In'ui guaw ee duiwdik be did diyc duiww guaw kuakauw kacc ngiaa,

Guaw dui' anxnix dyrr jaix Liw hnuahiw guaw.

12 Lun qaur guaw, Liw in'ui guaw ee sunjuann dyrr hucii guaw,

Hro guaw ingxuanw kia dirr Liw ee binrjingg.

13 Diyhh ylyw Jehovah, Islael ee Siongrder,

Dui' ingxuanw qaur ingxuanw,

Amen, qycc Amen!

QXUANR II

42 Kolah ee horer qawsi ee six, qaux hro gagqnuax.

1 Siongrder ar, guaw ee simx cetced himbo Liw,

Cincniu lok cedcet himbo kejuiw.

2 Guaw ee simx cuiwdax, himbo Siongrder, dyrr si uac ee Siongrder;

Guaw sniaw sii e qaur Siongrder ee binrjingg, laii qnir Ix ar?

3 Guaw mizit ing guaw ee bagsaiw junw vng jiac,

Inx duiww guaw qongw byy suah, Liw ee Siongrder dirr dyclyc?

4 Guaw jaxjingg qapp jingwlangg juewdin kir, cua inx qaur Siongrder ee cur;

Ing hnuahiw ylyw ee sniax, dairqex siuw jeh;

Guaw duiliam jiaxee su, guaw ee simx qigqii visiongx.

5 Guaw ee simx ar, liw sniaw su utjud?

Sniaw su dirr guaw ee lairbin diyhqib?

Liw diyhh ngwbang Siongrder,

In'ui Ix ee bin ngr guaw, laii jinxqiur guaw; soxiw guaw iauxquxx beh ylyw Ix.

6 Guaw ee Siongrder ar, guaw ee simx dirr guaw ee lairbin utjud;

Soxiw guaw dui' Jordan ee de qapp Hermon,

Iarr dui' Mizar ee snuax qiwliam Liw.

7 Liw ee pogvor cud sniax, cim'enx qapp cim'enx sna' qiywinr;

Liw ee pylong, Liw ee dua ingw, longxx imbat guaw.

8 Jehovah zit .sii beh six cud Ix ee ju'air;

Mii .sii Ix hro guaw cniuwquax,

Laii qriuu sniuxsur guaw uahmia ee Siongrder.

9 Guaw beh duiww Siongrder, guaw ee jiyhvnuaa qongw: Liw sniaw su be qir did guaw?

Guaw sniaw su in'ui duiwdik ee apvig, iubun laii qniaa ar?

10 Guaw ee duiwdik qicir guaw, cincniu paccuir guaw ee quttauu;

Inx duiww guaw qongw byy suah, Liw ee Siongrder dirr dyclyc?

11 Guaw ee simx ar, liw sniaw su utjud?

Sniaw su dirr guaw ee lairbin diyhqib?

Liw diyhh ngwbang Siongrder; in'ui guaw iauxquxx beh ylyw Ix;

Ix si guaw ee bin ee ingqngx, iarr si guaw ee Siongrder.

43 Siongrder ar, qriuu Liw qra guaw pnuawduanr; duiww byy kensingg ee qog, venrbingg guaw ee anr.

Qriuu Liw qiur guaw tuatli qanjar vutgi ee langg.

2 In'ui Liw si hro guaw u kuiwlat ee Siongrder; sniaw su vangwsag guaw?

Guaw sniaw su in'ui duiwdik ee apvig, siongsiongg inbun laii qniaa ar?

3 Qriuu Liw huad cud Liw ee qngx qapp Liw ee jinsit, hro ix cua guaw;

Duar guaw qaur Liw ee sxingr snuax, qaur Liw ee huerbo.

4 Guaw dyrr beh qaur Siongrder ee jewdnuaa, qaur guaw qik hnuahiw ee Siongrder hiax;

Siongrder ar, guaw ee Siongrder ar, guaw beh dnuaa kimm laii ylyw Liw.

5 Guaw ee simx ar, liw sniaw su utjud?

Sniaw su dirr guaw ee lairbin diyhqib?

Liw diyhh ngwbang Siongrder;

In'ui guaw iauxquxx beh ylyw Ix;

Ix si guaw ee bin ee ingqngx, iarr si guaw ee Siongrder.

44 Kolah ee horer qawsi ee six, qaux hro gagqnuax.

1 Siongrder ar, Liw dirr qoxjaw, guanw ee ledjow ee sii, soxx qniaa ee su, guanw cinhni tniax .qnir,

Guanw ee ledjow iarr u duiww guanw qongw kiw.

2 Liw bad ing Liw ee ciuw qnuaw ledvangx, laii jaivuee guanw ee ledjow,

Liw koxcow hiaxee jok, laii hro inx huatdat.

3 In'ui inx m si dui' inx ee dyqiamr laii did diyc toxde;

Iarr m si inx ee ciuw qiur inx;

Si Liw ee jniar ciuw, Liw ee ciuxqud, Liw ee bin ee qngx qiur inx;

In'ui Liw hnuahiw inx.

4 Siongrder ar, Liw si guaw ee Ongg;

Qriuu Liw cud lring, jinxqiur Jakob.

5 Guanw uaxkyr Liw, beh ciax dyw guanw ee duiwdik;

Guanw uaxkyr Liw ee miaa, beh tunxdac hiaxee kiw laii qongqig guanw ee langg.

6 In'ui guaw byy beh uaxkyr guaw ee qringx,

Guaw ee dyx iarr be qiur guaw.

7 Dogdok Liw bad qiur guanw tuatli duiwdik,

Hro uanwhun guanw ee langg qenwsiaur.

8 Guanw tong' zit in'ui Siongrder laii kuakauw,

Guanw beh ylyw Liw ee miaa qaur ingxuanw. [Selah]

9 Henrjai Liw vangwsag guanw, hro guanw siurr lingziok;

Byy qapp guanw ee qunvingx snaqab cud .kir.

10 Liw hro guanw dirr duiwdik ee binrjingg uat dngw srinx jauw;

Hiaxee uanwhun guanw ee langg, cutjai inx laii cniuxtec.

11 Liw hro guanw cincniu ngiuu juer langg ee jiahmic;

Hro guanw siwsnuar dirr ledvangx diongx.

12 Liw bre Liw ee vecsnir, iarr byy tanwjnii,

Soxx did .diyc ee qewjnii, iarr byy qetnix Liw ee hyxgiac.

13 Liw hro guanw siurr qecviah qog ee lingziok;

Siurr siwuii ee langg tixciyr qicir.

14 Liw hro guanw dirr ledvangx diongx juer uervnir;

Hro jiongww vecsnir duiww guanw iyy tauu.

15 Guaw ee lingziok tong' zit dirr guaw ee taujingg;

Guaw ee bin ee qenwsiaur ziakamr guaw;

16 Si in'ui hitt xee luexme, huixvongr ee langg ee sniax,

Qycc in'ui duiwdik qapp vywuanx ee langg ee enqor.

17 Jiaxee longxx limqaur guanw, guanw byy be qir did Liw;

Iarr byy qexngiaw siuw Liw ee iog.

18 Guanw ee simx byy vue Liw;

Guanw ee kavo byy penli Liw ee lo.

19 Liw qingxzenn dirr snuaqauw ee soxjai decsiongx guanw,

Ing siw ee imwngw ziakamr guanw.

20 Setsuw guanw be qir did guanw ee Siongrder ee miaa,

Iacc si ngr vadd xee sinn giac kiw ciuw;

21 Siongrder qamxx byy qamwcad jitt xee su mah?

In'ui Ix jaix langg simlai ee unxbat.

22 Guanw in'ui Liw ee enqor, tong' zit siurr taii;

Knuar juer cincniu beh taii ee ngiuu.

23 Jruw ar, qriuu Liw jingsinn, sniaw su decc kunr?

Qriuu Liw kiw .laii, m tangx ingxuanw kiwsag guanw.

24 Liw sniaw su ngx Liw ee bin?

Sniaw su be qir did guanw soxx sriu ee koxlan qapp apjer?

25 In'ui guanw ee sniwmia pag dirr tohunw;

Gunaw ee vakdow liamm dirr derbin.

26 Qriuu Liw kiw laii vangjan guanw,

Daiwliam Liw ee ju'air qiuwsiok guanw.

45 Kolah ee horer qawsi ee six, qycc si aiwbo ee quax, qaux hro gagqnuax; diau, si ing "Vikhabhuex".

1 Guaw ee simx cringr cud hyw ee ue;

Guaw qongw kiw guaw uirdiyhh ongg soxx juer :ee;

Guaw ee jic si binxjet ee langg ee vid.

2 Liw viw sewqanlangg kacc hyw knuar.

Dirr liw ee cuir muaw muaw u unhui,

Soxiw Siongrder suwhog liw, didqaur ingxuanw.

3 Dua quanlingg :ee ar, liw diyhh vue qiamr dirr iyx nirr,

Henxcud liw ee ingqngx qapp uigiamm.

4 Qycc dirr uigiamm ee diongqanx, uirdiyhh jinliw, kiamvix, qonggi,

Liw jre ciax jinwjingg kir, byy m diksingr;

Liw ee jniar ciuw beh juer tangx qniax ee su, hro liw knuar.

5 Liw ee jniwbah jin' lrai,

Sria diyc ongg ee duiwdik ee simx,

Ledvangx dyw dirr liw ee erbin.

6 Siongrder ar, Liw ee vyxjy si i.-ingxuanw-u. :ee,

Liw ee qog ee quanvingr si jingwdit ee quanvingr.

7 Liw hnuahiw qonggi, uanwhun vuthuad,

Soxiw siongrder, liw ee Siongrder, ing hnuahiw ee iuu buah liw,

Ngiaa quer liw jiaxee dangpnua.

8 Liw ee ijniuu longxx u bud'iyc, dimhniux, ziogquir ee pangx;

Dui' cniurgee ee ongqiongx, u sihenn ee gagkir hro liw hnuahiw.

9 U ongg ee jaboxqniaw dirr liw junquir hurluw ee diongqanx;

Ongho ing Ofir ee qimx jngtna, kia dirr liw ee jniar vingg.

10 Jaboxginxaw ar, liw diyhh tniax, diyhh knuar, diyhh ngar hnirkangx;

M tangx qir did liw ee vecsnir, qapp liw ee laurve ee qrex;

11 Ongg dyrr beh himbo liw ee suiw;

Iu'ui ix si liw ee jruw, liw diyhh vair ix.

12 Tyle ee vecsnir beh laii sangr lexmic,

Vecsnir diongx ee hyxgiahlangg beh duiww liw qiu'unx.

13 Ongg ee jaboxqniaw dirr ongqiongx lai, qigqii inghuaa;

Ix ee ihok si ing qimsnuar siur :ee.

14 Ix beh cing siuwhuex ee ihok, siurr cua qaur ongg ee binrjingg;

Juer pnua qinsuii ix ee jairsikluw iarr beh siurr cua qaur liw ee binrjingg;

15 Inx beh hnuahiw kuaiwlok siurr inxcua;

Inx beh jinwzip ongqiongx.

16 Liw ee qniaxsunx beh suawjiab liw ee ledjow;

Liw beh setlip inx dirr juann de juer ongg.

17 Guaw beh hro liw ee miaa banrdai hro langg qiwliam;

Soxiw banrvecsnir beh i.-ingxuanw-u. qamxsia liw.

46 Kolah ee horer ee six, qaux hro gagqnuax; diau, si ing luximx.

1 Siongrder si guanw dysiamw ee soxjai qapp kuiwlat.

Iarr si huanrlan diongx qibsii ee vangjan.

2 Soxiw de suizenn venwcenx,

Snuax suizenn iydang qaur haiw-diongx,

3 Qidiongx ee juiw suizenn huarhua hauw giaa ingw,

Snuax suizenn in'ui haiw-diongx iycuah, guanw iarr byy qniax. [Selah]

4 U jit diauu hyy, ix ee kuicex hro Siongrder ee sniaa hnuahiw;

Dyrr si jiww quann :ee soxx kiarkiw, sxingr ee soxjai.

5 Siongrder dirr hitt diongqanx, sniaa dikkag be iydang;

Tnix puxqngx, Siongrder beh vangjan ix.

6 Ngirvangx huarhua hauw, ledqog iydang;

Siongrder cud Ix ee sniax, de dyrr siau'ngiuu.

7 Banrqunx ee Jehovah qapp guanw dilehh,

Jakob ee Siongrder juer guanw ee quann daii. [Selah]

8 Laii ar, laii knuar Jehovah ee soxx juer,

Knuar Ix hro de honghuer qaur jnaixngiu.

9 Ix hro qaujenr suah, qaur dirr derqik;

Ix ad jric qringx, jam dng cniux;

Jiong' jenwciax siyx dirr huew-diongx.

10 Linw diyhh dnia dnia, diyhh jaix Guaw si Siongrder;

Guaw beh dirr ledvangx diongx juer quandua, siurr jrunx juer dua.

11 Banrqunx ee Jehovah qapp guaw dilehh;

Jakob ee Siongrder juer guanw ee quann daii.

47 Kolah ee horer ee six, qaux hro gagqnuax.

1 Linw jiongww vecsnir ar, linw longxx diyhh dacciuw;

Diyhh ing diksingr ee sniax, dua sniax ylyw Siongrder.

2 In'ui Jehovah jiww quann :ee, tangx qniax :ee,

Ix si dua qun'ongg, quanxliw juann de.

3 Ix beh hro banrvecsnir hanghok dirr guanw ee erbin;

Iarr beh hro ledvangx dirr guanw ee kax-xe.

4 Ix qra guanw qingw guanw ee sanxgiap,

Dyrr si Ix soxx tniar ee Jakob ee ingqngx. [Selah]

5 Siongrder jnriu .kir, u huah ee sniax duer Ix,

Jehovah jnriu .kir, u hyrtauu ee sniax duer Ix.

6 Linw diyhh cniuwquax, ylyw Siongrder, diyhh cniuwquax ylyw;

Cniuwquax ylyw lanw ee Ongg, diyhh cniuwquax ylyw;

7 In'ui Siongrder si juann de ee Ongg,

Diyhh ing diwhui cniuwquax ylyw Ix.

8 Siongrder juer ongg dirliw banrqog;

Siongrder jre dirr Ix sxingr ee vyxjy.

9 Ledvangx ee quiwjok jurjip,

Beh juer Ablaham ee Siongrder ee vecsnir;

In'ui sewqair ee dinvaii si sriok dirr Siongrder;

Ix si qik quann.

48 Kolah ee horer ee siquax.

1 Jehovah jiww dua, ingqaix dua dua did diyc ylyw;

Dyrr si dirr lanw ee Siongrder ee sniaa, dirr Ix sxingr ee snuax.

2 Zion Snuax, dua qun'ongg ee sniaa, dirr vakbin,

Quandua qycc hyw knuar,

Hro juann de soxx hnuahiw.

3 Siongrder dirr ix ee qingden lai qaqi henxbingg juer quann daii.

4 Knuar ar, led'ongg jurjip,

Inx snaqab dui' jiax qingquer.

5 Inx knuar .qnir dyrr gonggniac;

Qniahniaa qinw qinw jauw.

6 Inx dirr hiax gniahgniac cuah,

Tangwtniar cincniu snix qniaw ee hurzinlangg.

7 Liw ing danghongx,

Pacpuar Tarsis ee junn.

8 Guanw dirr banrqunx ee Jehovah ee sniaa-diongx, dyrr si guanw ee Siongrder ee sniaa-diongx,

Soxx knuar .qnir .ee duxduxx jiauww guanw soxx tniax .qnir;

Siongrder beh hro jitt xee sniaa qenqor qaur ingxuanw. [Selah]

9 Siongrder ar, guanw dirr Liw ee dxen-lai,

Siauwliam Liw ee ju'air.

10 Siongrder ar, Liw soxx sriu ee ylyw,

Duxduxx qapp Liw ee miaa sna' hap, qaur dirr derqik.

Liw ee jniar ciuw muaw muaw qonggi.

11 In'ui Liw ee pnuawduanr,

Zion Snuax diyhh hnuahiw,

Judah ee sniaa diyhh kuaiwlok.

12 Linw diyhh sec Zion, siwuii qniaa ix,

Sngr ix ee snialauu,

13 Siongser knuar ix ee sniacniuu,

Singxcad ix ee ongqiongx,

Beh hro linw suantuann dirr au dai.

14 In'ui jitt xee Siongrder i.-ingxuanw-u. juer lanw ee Siongrder;

Ix beh cua lanw qaur dirr siw ee sii.

49 Kolah ee horer ee six, qaux hro gagqnuax.

1 Jiongww vecsnir ar, linw longxx diyhh tniax jitt xee,

Sewjniu longxjongw kiarkiw ee vecsnir, linw diyhh ngar hnirkangx;

2 Bylun hardingw, siongrdingw,

Hyxgiac, songwhiongx, longxx diyhh anxnix.

3 Guaw ee cuir beh qongw diwhui,

Guaw ee simx soxx sniu si tongdat.

4 Guaw beh ngar hnirkangx tniax piwzu,

Guaw beh ing kimm quewbingg guaw ee ywbiau.

5 Qan'og duer guaw ee ka'aurdnix siwbin uii guaw,

Dirr jitt hy huanrlan ee zit guaw micsaiw qniax?

6 Hiaxee uaxkyr inx ee sewlik,

Kuakauw inx ee vuwu ee langg,

7 Byy jit xee u huatdo tangx sioghuee qaqi ee hniadi,

Iarr be e ter ix jiong' sioghuee ee qewjnii hro Siongrder;

8 (In'ui sioghuee inx ee sniwmia ee qewjnii jin' quir,

Jixu ingxuanw vangwsuah;)

9 Hro ix dngg dngg uac lehh,

Byy knuar qnir hiuxhuai;

10 In'ui ix knuar qnir diwhui ee langg siw,

Gugong ee langg, qapp cincniu jingsnix hitt kuanw ee langg, iarr juer jit xe bedbyy;

Lauu inx ee jnijaii hro vadd langg.

11 Inx simlai sniu inx ee cur beh ingxingw dilehh,

Inx kiarkiw ee soxjai beh qaur banrdai;

Inx ing qaqi ee miaa laii miaa qaqi ee de.

12 Langg diamr dirr junquir ee diongqanx, be quxdngg;

Cincniu e siw ee jingsnix.

13 Inx qniaa jitt xee lo, si inx ee gong;

Inx ixau ee langg iauxquxx liac inx ee ue juer driyc. [Selah]

14 Inx cincniu ngiuu-qrunn, dniardiyc diyhh lyc imqanx;

Sixbyy beh juer inx ee bogjiaw;

Qaur jaxkiw-sii, jingwdit ee langg beh quanxhad inx;

Inx ee suiw beh hro imqanx bet .kir,

Drir qaur byy kiarkiw ee soxjai.

15 Dogdok Siongrder beh sioghuee guaw ee linghunn, tuatli imqanx ee quanvingr;

In'ui Ix beh jiaplap guaw. [Selah]

16 Langg huatjaii, qadingg qetnix ingqngx,

Liw mrbenw in'ui anxnix laii qniax;

17 In'ui ix siw, byy jit hxang e duar .kir,

Ix ee ingqngx be e duer ix kir.

18 Ix jairsnix suizenn qaqi kuakauw u hokkir,

(Liw narr gauu jiauwqor qaqi, langg beh ylyw liw),

19 Narr si beh qruix qaur ix ligdai ee joxqongx hiax,

Inx ingxuanw byy knuar qnir qngx.

20 Langg diamr dirr junquir ee diongqanx, iarr byy cnexgo,

Si cincniu e siw ee jingsnix.

50 Asaf ee six.

1 Juanlingg ee Siongrder Jehovah u qongw cud ue, laii driaur tnie;

Dui' zit cud qaur zid lyc ee soxjai.

2 Dui' jiaujngg suiw ee Zion,

Siongrder u huad cud qngx.

3 Guanw ee Siongrder beh laii, quatduanr byy jing jing;

U huew dirr ix ee binrjingg decc siyx,

U hongx dirr Ix ee siwuii jin' taur.

4 Ix beh qiyr dingxbin ee tnix qapp de;

Uirdiyhh beh simxpnuar Ix ee vecsnir;

5 Qongw: Diyhh jiyjip Guaw sxingr ee vecsnir laii Guaw jiax,

Dyrr si hiaxee ing jewsu qapp Guaw lip iog ee langg.

6 Jiaxee tnix beh henxbingg Ix ee qonggi;

In'ui Siongrder vunxsinx si juer simxpnuar :ee. [Selah]

7 Guaw ee vecsnir ar, linw diyhh tniax, Guaw beh qongw;

Islael ar, Guaw beh qingxqair liw;

Guaw si Siongrder, liw ee Siongrder.

8 Guaw byy in'ui liw ee jewsu jikvi liw;

Liw ee siyjer siongsiongg dirr Guaw ee binrjingg.

9 Guaw byy dui' liw ee cur cruw qangx ee guu,

Iarr byy dui' liw ee diauu cruw qangx ee snua'ngiuu.

10 In'ui ciurnaa lai ee vacsiur,

Cingsnuax ee jingsnix, longxx si Guaw ee.

11 Snuax-diongx ee vuejiauw, Guaw longxx jaix;

Kongwiaw ee jauxsiur iarr longxx sriok dirr Guaw.

12 Guaw narr iaux, byy beh qra liw qongw;

In'ui sewqair qapp qidiongx soxx ciongmuaw :ee, longxx si Guaw ee.

13 Guaw qamxx beh jiac guqangw ee bah,

Iacc si limx snua'ngiuqangw ee huih mah?

14 Liw diyhh ing qamxsia juer jrer, henr hro Siongrder;

Qycc diyhh duiww jiww quann :ee, sria liw ee guan;

15 Dirr huanrlan ee zit diyhh qiuqiyr Guaw;

Guaw beh qiur liw, liw iarr beh ingqngx Guaw.

16 Danrsi Siongrder duiww vecsnir qongw:

Liw taixtyw qnaw tuann Guaw ee ludle,

Cuir qongw kiw Guaw ee iog ar?

17 Qisit liw iamwjen qawsi,

Jiong' Guaw ee ue hed dirr liw ee qajiah au.

18 Liw knuar qnir cat, dyrr qapp ix dangsimx;

Qycc qapp qniaa qan'imm ee langg snaqab u hxun.

19 Liw hro liw ee cuir siongsiongg qongw pnaiw ue,

Liw ee jic juerog qanjar.

20 Liw jre lehh huixvongr liw ee hniadi;

Bulua liw ee dongvaux.

21 Liw qniaa jiaxee su, Guaw jing jing byy qongw;

Liw pacsngr Guaw duxduxx qapp liw jidngiu.

Qisit Guaw beh jikvi liw; jiong' jiaxee su vaii dirr liw ee bagjiux jingg.

22 Linw be qir did Siongrder ee langg, diyhh sniu jitt xee su,

Benw drir Guaw jiong' linw tiah cruir, byy langg jinxqiur.

23 Qniwnarr ing qamxsia henr juer jrer :ee, dyrr si ingqngx Guaw;

Qinxsin qniaa ee langg,

Guaw beh hro ix knuar qnir Siongrder ee qiuwunx.

51 David qapp Batseba drangg vangg ixau, sendix Natan laii qnir ix; ix juer jitt xee six, qaux hro gagqnuax.

1 Siongrder ar, jiauww Liw ee ju'air linbinw guaw;

Jiauww Liw hongsing ee juvix catsiaux guaw ee quewsid;

2 Jiong' guaw ee juerog itjin sexduu,

Iarr sew cringx guaw, qaur byy jue.

3 In'ui guaw qaqi jaix guaw ee quewsid;

Guaw ee jue siongsiongg dirr guaw ee binrjingg.

4 Guaw soxx huan .diyc .ee, dyrr si dikjue Liw nardnia,

Dirr Liw ee bagjiux jingg qniaa jitt hy pnaiw;

Drir qaur Liw qongxue ee sii, henxbingg juer gi;

Pnuawduanr ee sii, henxbingg qongdy.

5 Guaw si dirr juerog diongx snix :ee,

Dirr jue ee diongqanx, guaw ee laurbuw huai'in guaw.

6 Liw soxx air :ee si simlai singsit;

Dirr guaw ee vxag-lai, Liw beh hro guaw did diyc diwhui.

7 Qriuu Liw ing giucikcauw sew guaw, guaw dyrr cingkir;

Qriuu Liw sew guaw, guaw dyrr viw seh kacc vec.

8 Qriuu Liw hro guaw did diyc tniax qnir hnuahiw kuaiwlok ee sniax;

Hro Liw soxx atjic ee qud tangx hnuahiw.

9 Qriuu Liw ngx Liw ee bin, byy knuar guaw ee jue,

Catsiaux guaw itcer ee juerog.

10 Siongrder ar, qriuu Liw qra guaw congwjy cingkir ee simx,

Hro guaw ee lairbin u nguarsinx jingwdit ee sinn.

11 M tangx qnuaw guaw, hro guaw lirkuix Liw ee bin;

M tangx duiww guaw siuhue Liw sxingr ee sinn.

12 Qriuu Liw hro guaw iuguann did diyc Liw qiuwunx ee kuaiwlok;

Sniuxsur guaw u juriuu ee sinn, laii hucii guaw.

13 Guaw dyrr jiong' Liw ee dyrlo jixsi u quewsid ee langg;

U jue ee langg dyrr beh quisun Liw.

14 Siongrder ar, Liw si qiur guaw ee Siongrder,

Qriuu Liw qiur guaw tuatli taii langg ee jue;

Guaw ee jic beh dua sniax gimm six ylyw Liw ee gi.

15 Jruw ar, qriuu Liw kuix guaw ee cuiwdunn;

Guaw ee cuir dyrr beh vywiongg Liw ee hyw miasniax.

16 In'ui Liw byy air jewmic; narr air, guaw dyrr beh henr;

Siyjer, Liw iarr byy hnuahiw.

17 Siongrder soxx air ee jrer, dyrr si iusiongx ee sinn;

Siongrder ar, iusiongx tongwhuew ee simx, Liw byy beh knuawkinx ix.

18 Qriuu Liw jiauww Liw ee hyw iwsur, hyw kuanxtai Zion;

Kixjy Jelusalem ee sniacniuu.

19 Hitt sii Liw beh hnuahiw gi ee jrer, qapp siyjer, ixqip qa'nngg jiah jingsnix ee siyjer;

Hitt sii langg beh jiong' qangx ee guu henr dirr Liw ee dnxuaa.

52 Edomlangg Doeg laii vyr Saul qongxx, David qaur Ahimelec ee qrex. Hitt sii David juer jitt xee qawsi ee six, qaux hro gagqnuax.

1 Iongxbingw ee langg ar, liw sniaw su uirdiyhh juer pnaiw laii kuakauw?

Siongrder ee ju'air ingxuanw dilehh.

2 Liw ee jic doboo sia'og;

Cincniu lrai ee tiwtaudyx, qniaa qanjar.

3 Liw air pnaiw ngiaa quer air hyw;

Air vehcat ngiaa quer air qongw girliw. [Selah]

4 Kuixked ee jic ar,

Liw air qongw itcer tunjiac ee ue.

5 Siongrder iarr beh huixhuai liw, qaur ingxuanw,

Ix beh liac liw, dui' liw ee vowvnii diongx kiuw .cud .laii;

Dui' uac langg ee de, jiong' liw vuic .cud .laii. [Selah]

6 Girlangg beh knuar .qnir laii qniahniaa,

Iarr beh ciyr ix qongxx:

7 Knuar ar, jex dyrr si hitt hy byy liac Siongrder juer ix ee kuiwlat ee langg;

Si uaxkyr ix ee jnijaii ee jue,

Dirr sia'og qaqi kia jai.

8 Lun qaur guaw, guaw si cincniu Siongrder cur-lai cnicuir ee qnanaxciu;

Guaw i.-ingxuanw-u. uaxkyr Siongrder ee ju'air.

9 In'ui Liw qniaa jex, guaw beh qamxsia Liw qaur ingxuanw;

Guaw iarr beh dirr Liw sxingr ee vecsnir ee binrjingg ngwbang Liw ee miaa; in'ui ix ee miaa si hyw.

53 David qawsi ee six, qaux hro gagqnuax; diau, si ing Mahalat.

1 Gong langg simlai qongw: Byy u Siongrder.

Inx tranr sia'og, qniaa kyxngor ee jue;

Byy jit langg qniaa hyw.

2 Siongrder dui' tnix ngar lyc knuar sewqanlangg,

Beh knuar u bingliw ee langg,

U cuerqiuu Siongrder ee langg iacc byy.

3 Inx dagg langg longxx tewau, itkair venr juer uwuer;

Byy langg qniaa hyw, lenrr jit xee iarr byy.

4 Juer pnaiw ee langg qamxx be hiauxdid mah?

Inx tunjiac Guaw ee vecsnir cincniu jiac vniaw.

Iarr byy qiuqiyr Siongrder.

5 Inx dirr byy tangx qniahniaa ee soxjai, dyrr dua dua qniahniaa;

In'ui Siongrder jiong' hitt xee anx ngiaa qongqig liw ee langg ee quttauu pah snruar;

Liw hro inx qenwsiaur, in'ui Siongrder kiwsag inx.

6 Guan Islael ee jinxqiur dui' Zion cud;

Siongrder qiur Ix siurr liac ee vecsnir dywdngw .laii,

Hitt sii Jakob beh kuaiwlok, Islael beh hnuahiw.

54 Ziflangg laii duiww Saul qongw, David qamxx m si bih dirr guanw hiax mah? Hitt sii David juer jitt xee qawsi ee sii, qaux hro gagqnuax, ing sihenn ee gagkir.

1 Siongrder ar, qriuu Liw ing Liw ee miaa qiur guaw;

Ing Liw ee dua quanlingg ter guaw sin'uanx.

2 Siongrder ar, qriuu Liw tniax guaw ee qidyw;

Ngar hnirkangx tniax guaw ee cuir soxx qongw ee ue.

3 In'ui guarlangg kiw laii qongqig guaw,

Qiong'og ee langg siauwsniu guaw ee sniwmia;

Inx byy qingwhong Siongrder dirr inx ee binrjingg. [Selah]

4 Siongrder si vangjan guaw :ee,

Jruw si hucii guaw ee uahmia :ee.

5 Ix beh jiong' guaw ee duiwdik soxx qniaa ee pnaiw vywingr inx;

Qriuu Liw jiauww Liw ee singsit bedbyy inx.

6 Guaw beh jiong' qamsimx ee jewsu henr hro Liw;

Jehovah ar, guaw beh qamxsia ylyw Liw ee miaa; in'ui Liw ee miaa si hyw.

7 Ix qiur guaw cud itcer ee huanrlan;

Guaw cinbak knuar qnir guaw ee duiwdik duw diyc vywingr.

55 David qawsi ee six, qaux hro gagqnuax, ing sihenn ee gagkir.

1 Siongrder ar, qriuu Liw ngar hnirkangx tniax guaw ee qidyw;

M tangx diamwbat, m tniax guaw ee kunxqiuu.

2 Qriuu Liw ngar lyc tniax guaw, rinr guaw;

Guaw visiongx byy ving'anx, hnaihnaix canx;

3 Longxx si in'ui duiwdik ee sniax, pnaiw langg ee jewab;

In'ui inx jiong' juerquar ciax hro guaw, ing siurkir vig guaw.

4 Guaw ee simx dirr guaw lairbin jin' koxtangr;

Sixbyy ee qniahniaa qaur dirr guaw.

5 Qniahniaa gniahgniac cuah qaur dirr guaw,

Qniahniaa imbat guaw.

6 Guaw dyrr qongw: Guan guaw did diyc sxit, cincniu hunxjiauw,

Guaw dyrr vuex .kir, did diyc anzenn kiarkiw.

7 Guaw beh vuex kir hng hng,

Hiyh dirr kongwiaw. [Selah]

8 Guaw beh qinw qinw jauw qaur siamxvi ee soxjai,

Tuatli qonghongx vywtauu.

9 Jruw ar, qriuu Liw tunbet inx, vunx kuix inx ee jic;

In'ui guaw dirr sniaa-lai bad knuar qnir qiongvy qapp sna' jnex ee su.

10 Inx mizit qniasec dirr sniacniuu dingw;

Dirr sniaa-lai u huqew ee okdok.

11 Sia'og dirr hitt lairbin;

Apjer qanjar byy lirkuix ix ee quelo.

12 In'ui huixvongr guaw :ee, m si duiwdik;

Setsuw si, dyrr iauxx e lunw .did;

Jurqyx qongqig guaw :ee, m si uanwhun guaw ee langg;

Setsuw si, dyrr e bih laii siamw ix.

13 Byy pacsngr si liw, dyrr si guaw vingvuer ee langg,

Guaw ee dangpnua, guaw diqiw ee ving'iuw.

14 Lanw vingsor snaqab damlun jin' cinbit,

Lanw qapp jingwlangg snaqab qniaa dirr Siongrder ee cur.

15 Guan sixbyy hutzenn qaur dirr inx,

Hro inx uac uac lyc imqanx;

In'ui sia'og dirr inx kiarkiw ee soxjai, dirr inx ee diongqanx.

16 Lun qaur guaw, guaw beh qiuqiyr Siongrder;

Jehovah beh qiur guaw.

17 Ehngx, jaxkiw, ziddaur, guaw beh aisiongx toxkuir;

Ix iarr beh tniax guaw ee sniax.

18 Ix qiuwsiok guaw ee sniwmia, tuatli qongqig guaw ee langg, hro guaw did diyc ving'anx.

In'ui huanxduir guaw ee langg je.

19 Dui' qoxjaw siongsiongg dilehh ee Siongrder,

Beh tniax .qnir, iarr beh vywingr inx; [Selah]

Dyrr si hiaxee byy qaixvenr, byy qingwuir Siongrder ee langg.

20 Ix crunx ciuw qongqig qapp ix sna' hxyy ee langg;

Ix ixqing’ vue ix ee iog.

21 Ix ee cuir quddiac, cincniu lin'iuu;

Ix ee simx kngr qaujenr;

Ix ee ue ziuluanw, kacc ngiaa qyngiuu,

Qisit si cud sxiur ee dyx.

22 Diyhh jiong' liw ee dnar, siar hro Jehovah;

Ix beh hucii liw, Ix ingxingw byy hro girlangg iycuah.

23 Siongrder ar, Liw beh hro inx ham lyc dirr bedbyy ee knix;

Taii siw langg qniaa qanjar :ee, be uac qaur dionglenn;

Dogdok guaw beh uaxkyr Liw.

56 Filistlangg dirr Gat liac diyc David. Hitt sii ix juer jitt xee qimx ee six, qaux hro gagqnuax; diau, si ing "Hng hng byy sniax ee hunxjiauw".

1 Siongrder ar, qriuu Liw kyxlinn guaw, in'ui langg beh tunjiac guaw;

Tong' zit qongqig, apjer guaw.

2 Guaw ee duiwdik tong' zit beh tunjiac guaw,

In'ui kiw qiau'gno qongqig guaw ee langg jin' je.

3 Guaw dirr qniahniaa ee sii,

Guaw beh uaxkyr Liw.

4 Guaw kyr Siongrder, guaw beh ylyw Ix ee ue;

Guaw ixqing’ uaxkyr Siongrder, guaw dyrr byy qniax.

Sriok dirr hetkir :ee beh sniaw hxuad hro guaw da'uaa?

5 Inx tong' zit qewcuac guaw ee ue;

Inx duiww guaw soxx sniu :ee, longxx si beh hai guaw.

6 Inx jurjip, baihok, decc siongr guaw ee kavo,

Cincniu dngdanw beh hai guaw ee sniwmia.

7 Inx juer pnaiw qamxx e dytuad mah?

Siongrder ar, qriuu Liw dirr siurkir diongx, hro jiongww vecsnir duirlyc.

8 Guaw ee liulok, liw longxx qiwsiaur;

Qriuu Liw jiong' guaw ee bagsaiw siux dirr Liw ee puelongg;

Jex qamxx byy longxx qir dirr Liw ee ceh mah?

9 Guaw qiuqiyr ee zit, guaw ee duiwdik longxx beh uat dngw srinx trer .kir;

Siongrder rui guaw, jex si guaw soxx jaix.

10 Guaw kyr Siongrder, guaw beh ylyw Ix ee ue;

Guaw kyr Jehovah, guaw beh ylyw Ix ee ue.

11 Guaw ixqing’ uaxkyr Siongrder, guaw dyrr byy qniax;

Langg beh sniaw hxuad hro guaw da'uaa?

12 Siongrder ar, guaw duiww Liw soxx he ee guan dirr guaw ee sinjniu;

Guaw beh ing siarunx ee jrer henr hro Liw.

13 In'ui Liw qiur guaw ee uahmia tuatli sixbyy;

Liw qamxx m si vyxho guaw ee kax byy vuahdyw mah?

Hro guaw dirr Siongrder ee binrjingg, qniaa dirr uahmia ee qngx-diongx mah?

57 David siamxvi Saul, bih dirr dong-lai. Hitt sii ix juer jitt xee qimx ee six, qaux hro gagqnuax; diau, si ing "Byc did huixhuai".

1 Siongrder ar, qriuu Liw kyxlinn guaw, kyxlinn guaw;

Guaw ee srinx beh dauhiyh dirr Liw sidqow ee diwimr xe,

Tingwhau jiaxee jaieh qingquer.

2 Guaw beh qiuqiyr jiww quann ee Siongrder;

Dyrr si qra guaw cniadii dagg hxang su ee Siongrder.

3 Dng' hitt xee beh tunjiac guaw ee langg huixvongr guaw ee sii,

Siongrder beh six xunx, dui' tnix qiur guaw; [Selah]

Iarr beh huad cud Ix ee ju'air, qapp Ix ee singsit.

4 Guaw ee sniwmia dirr sraix ee diongqanx;

Guaw dyw dirr cincniu huew dyc ee sewqanlangg ee diongqanx;

Inx ee cuiwkiw si cniux, si jnxir,

Inx ee jic si lrai dyx.

5 Siongrder ar, guan Liw quandua vnuaa quer jiaxee tnix,

Guan Liw ee ingqngx vnuaa quer juann de.

6 Inx qra guaw ee kavo sed lybang,

Apjer guaw ee simsinn;

Inx dirr guaw ee binrjingg kuix hamrknix,

Qaqi huanxdngw vuac lyc hitt lairbin. [Selah]

7 Siongrder ar, guaw ee simx jurjai, guaw ee simx jurjai;

Guaw beh gimm six, guaw beh cniuwquax ylyw.

8 Guaw ee sinn ar, liw diyhh jingsinn .kiw .laii;

Kimm ar, srig ar, linw diyhh jingsinn .kiw .laii;

Guaw vunxsinx beh jin' jaw jingsinn .kiw .laii.

9 Jruw ar, Guaw beh dirr banrvecsnir ee diongqanx qamxsia Liw;

Dirr ledvangx ee diongqanx cniuwquax ylyw Liw.

10 In'ui Liw ee ju'air dua qaur duw tnix,

Liw ee singsit qaur qiongcongx.

11 Siongrder ar, guan Liw quandua vnuaa quer jiaxee tnix;

Guan Liw ee ingqngx vnuaa quer juann de.

58 David qimx ee six, qaux hro gagqnuax; diau, si ing "Byc did huixhuai".

1 Sewqanlangg ar, linw jing jing qamxx jinjniar qongw qonggi mah?

Linw qamxx jiauww singsit qniaa simxpnuar mah?

2 M si, linw si simlai juer pnaiw;

Linw dirr derjniu, ing linw ee ciuw soxx juer ee qiongvy, cinr hro langg.

3 Pnaiw langg jid'err cud buxtaix, dyrr qapp Siongrder cnisox;

Jid'err lirkuix laurbuw ee vakdow, dyrr qniaa calo, qongw vehcad'ue.

4 Inx ee dok cincniu juaa ee dok,

Inx cincniu cauwhnirlangg ee dogjuaa trad bat hnirkangx;

5 M tniax kux juaa ee langg ee sniax,

Suibongw gauu uec huu liamrjiur :ee, inx iarr m tniax.

6 Siongrder ar, qriuu Liw pah jric inx cuir-lai ee kxiw;

Jehovah ar, qriuu Liw pah jric sai'axtunn ee dua qix cuiwkiw.

7 Guan inx siaubet cincniu qinw qinw lrauu ee juiw;

Inx ee jnxir beh sria ee sii, guan inx ee jnxir cincniu beh pah jric.

8 Guan inx cincniu lolee, siau'ngiuu .kir;

Qycc cincniu hurzinlangg qalauc byy qnir diyc tnizit ee txex.

9 Linw ing cixaw hniaa huew, dniaw iauxx bue zet,

Ix beh ing qngxlehongx, jiong' cnix :ee qapp dyc :ee, juer jit xe saur .kir.

10 Girlangg knuar qnir vywingr ee su, dyrr hnuahiw;

Ix beh dirr pnaiw langg ee huih sew ix ee kax.

11 Langg dyrr beh qongw: Girlangg jinjniar u hyw vyr;

Dirr derbinrjniu qyxzenn u Siongrder decc pnuawduanr.

59 Saul crex langg kir baihok dirr David ee cur, beh taii ix. Hitt sii David juer jitt xee qimx ee six, qaux hro gagqnuax; diau, ing "Byc did huixhuai".

1 Guaw ee Siongrder ar, qriuu Liw qiur guaw tuatli guaw ee duiwdik;

Andir guaw dirr quann ee soxjai, did diyc tuatli hiaxee kiw laii qongqig guaw ee langg.

2 Qriuu Liw qiur guaw tuatli juer pnaiw ee langg,

Qycc qiur guaw tuatli rair taii siw langg ee langg.

3 In'ui inx baihok beh hai guaw ee sniwmia;

U bingw langg jurjip laii qongqig guaw;

Jehovah ar, jex m si in'ui guaw ee juerquar.

4 Guaw suizenn byy quewsid, inx jauw .laii, virvan beh hai guaw;

Qriuu Liw jingsinn kiw laii vangjan guaw, laii qamwcad.

5 Banrqunx ee Siongrder Jehovah, dyrr si Islael ee Singrder ar,

Qriuu Liw kiw .laii, vanrliw banrqog; m tangx linbinw qniwnarr qniaa qanjar ee pnaiw langg. [Selah]

6 Inx ehngx-sii dyr .laii, auqiyr cincniu qxauw;

Dirr sniaa nirr siwqer qniaa.

7 Inx ee cuir tror cud pnaiw ue,

Cuiwdunn u dyx.

In'ui inx qongw: Jirjui tniax .qnir?

8 Narr Liw Jehovah beh jiyx inx,

Liw beh cinwciyr ledvangx.

9 Guaw ee kuiwlat ar, guaw beh ngwbang Liw;

In'ui Siongrder si guaw ee quann daii.

10 Guaw ee Siongrder beh ing ju'air gniajih guaw;

Siongrder beh hro guaw knuar qnir guaw ee duiwdik siurr vywingr.

11 Byc did jaubet inx, qniax guaw ee vecsnir be qir .did;

Jruw ar, guanw ee dinvaii ar,

Qriuu Liw ing Liw ee kuiwlat, hro inx siwsnuar, qycc qangwqe.

12 In'ui inx cuir ee juerquar qapp cuiwdunn ee ue,

Ixqip inx soxx qongw ee jiuwme qapp vehcat,

Guan inx dirr qiau'gno ee diongqanx siurr liac .diyc.

13 Qriuu Liw siurkir jaubet inx, jaubet inx, qaur longxx byy .kir;

Hro inx jaix Siongrder dirr Jakob ee diongqanx jiangxquann,

Qaur dirr derqik.

14 Inx ehngx-sii dyr .laii, auqiyr cincniu qxauw;

Dirr sniaa nirr siwqer qniaa.

15 Inx beh jauw laii jauw kir cue jiahmic;

Narr byy did diyc vaw, dyrr tong' mii tingwhau.

16 Guaw beh cniuwquax ylyw Liw ee kuiwlat,

Jaxkiw-sii beh dua sniax ylyw Liw ee ju'air;

In'ui Liw bad juer guaw ee quann daii,

Dirr huanrlan ee zit, juer guaw dysiamw ee soxjai.

17 Guaw ee kuiwlat ar, guaw beh cniuwquax ylyw Liw;

In'ui Siongrder si guaw ee quann daii, si guaw ju'air ee Siongrder.

60 David dirr nng diauu kex ee Alam, ixqip Zobah ee Alam, qaujenr ee sii, Joab dyr laii dirr Iamm ee snuaqog, taii siw Edom laii :ee jit-bxan nng-cingx, hitt sii David juer jitt xee qimx ee six, hro langg hagsip, qaux hro gagqnuax; diau ing "Juer qanjingr ee vikhabhuex".

1 Siongrder ar, Liw bad kiwsag guanw, pywhuai guanw;

Liw bad siurkir guanw, qriuu Liw hro guanw qycc hingx kiw.

2 Liw hro de dinxdang, iarr hro ix vanglic;

Guan Liw rix hyw ix ee lihhunn; in'ui de iydang.

3 Liw hro Liw ee vecsnir duw diyc qanlann;

Liw hro guanw limx hitt xee hro langg denx dyw .kir ee jiuw.

4 Liw ing qii sniuxsur qingwuir Liw ee langg,

Tangx uirr jinliw giac kiw laii et. [Selah]

5 Qriuu Liw tniax guanw, ing jniar ciuw kanqiur guanw,

Tangx hro Liw soxx tniar ee langg did diyc qiur.

6 Siongrder ixqing’ qiw Ix ee singwqet laii qongw: Guaw beh dairet,

Guaw beh vunx kuix Seqem, nriuu Sukkot ee snuaqog.

7 Gilead si Guaw ee, Manasseh iarr si Guaw ee;

Eflaim si Guaw ee taukuex;

Judah si Guaw ee quanvingr.

8 Moab beh juer Guaw ee igpunn;

Guaw beh hed Guaw ee ree dirr Edom;

Filist-de ar, liw in'ui Guaw laii dua sniax huah.

9 Jirjui e cua guaw zip qenqor ee sniaa?

Jirjui cua guaw zip Edom ee de?

10 Siongrder ar, Liw qamxx m si kiwsag guanw mah?

Siongrder ar, Liw byy qapp guanw ee qunvingx snaqab cud .kir.

11 Qriuu Liw vangjan guanw qongqig duiwdik;

In'ui langg ee jinxqiur si kangx kangx.

12 Guanw uaxkyr Siongrder, juewjniaa dua dairjir;

In'ui tunxdac guanw ee duiwdik :ee, dyrr si Ix.

61 David ee six, qaux hro gagqnuax; ing sihenn ee gagkir.

1 Siongrder ar, qriuu Liw tniax guaw ee qiuqiyr;

Ngar lyc tniax guaw ee qidyw.

2 Guaw ee simx sitjir ee sii, dyrr beh dui' derqik qiuqiyr Liw;

Qriuu Liw cua guaw qaur hitt xee viw guaw kacc quann ee jiyhvnuaa.

3 In'ui Liw bad juer guaw dysiamw ee soxjai.

Juer guaw qenqor ee daii, laii tuatli duiwdik.

4 Guaw beh ingxuanw druar dirr Liw ee vowvnii;

Guaw beh bih dirr Liw sxit-xe unxbat ee soxjai. [Selah]

5 Siongrder ar, guaw soxx he ee guan, Liw u tniax .qnir;

Liw u jiong' sanxgiap sniuxsur qingwuir Liw ee miaa ee langg.

6 Liw beh qetnix ongg ee huewsiu;

Ix ee nihuer beh qaur dairdai.

7 Ix beh ingxuanw jerui dirr Siongrder ee binrjingg;

Guan Liw virvan ju'air qapp singsit laii vyxho ix.

8 Anxnix guaw beh cniuwquax ylyw Liw ee miaa, qaur inxuanw;

Tangx zidzit sria guaw ee guan.

62 David ee six, jiauww Jedutun ee juewhuad; qaux hro Gagqnuax.

1 Guaw ee simx jing jing, juanbu tingwhau Siongrder,

Guaw ee jinxqiur si dui' Ix laii.

2 Dogdok Ix si guaw ee jiyhvnuaa, jinxqiur guaw :ee;

Ix si guaw ee quann daii, guaw be dua iydang.

3 Linw dairqex qongqig langg,

Jiong' ix huixhuai,

Cincniu huixhuai kiciaa ee cniuu, beh dyw ee viah, beh qaur dirsii ar?

4 Inx snaqab qewboo, juanbu beh dui' ix junquir ee xui qra ix ciax .lyc .kir,

Inx hnuahiw vehcat;

Inx cuir jiokhok, simx jiuwjow. [Selah]

5 Guaw ee sinn ar, liw diyhh jing jing, juanbu tingwhau Siongrder;

In'ui guaw ee ngwbang si dui' Ix laii.

6 Dogdok Ix si guaw ee jiyhvnuaa, si jinxqiur guaw :ee;

Ix si guaw ee quann daii, guaw be iydang.

7 Guaw ee jinxqiur, guaw ee ingqngx, jairdirr Siongrder;

Guaw ee kuiwlat ee jiyhvnuaa, guaw ee siamxvi ee soxjai, iarr jairdirr Siongrder.

8 Linw jiongww vecsnir, diyhh sisii uaxkyr Ix;

Dirr Ix ee binrjingg vniar cud linw ee simx;

Siongrder si lanw dysiamw ee soxjai. [Selah]

9 Vibii ee langg jinjniar si kanghux, junquir ee langg iarr si huqew;

He dirr tenping'nguaw, dikkag puu .kiw .laii,

Inx itkair viw hokib ee krir kacc kinx,

10 M tangx uaxkyr vyrgiok,

M tangx in'ui cniuxtec laii qiau'gno;

Narr jaivyw qetnix, m tangx juwir dirr hiax.

11 Siongrder qongw jit vaiw,

Guaw u tniax qnir nng hxang;

Dyrr si quanlingg sriok dirr Siongrder,

12 Jruw ar, ju'air iarr si sriok dirr Liw;

In'ui Liw jiauww dagg langg ee soxx qniaa laii vywingr ix.

63 David dirr Judah ee kongwiaw ee sii juer jitt siuw six.

1 Siongrder ar, Liw si guaw ee Siongrder; guaw tanr jaw beh cue Liw.

Dirr kongwhan, kunwkow, byy juiw ee de,

Guaw ee simx cuiwdax siauwliam Liw, guaw ee ziogtew cetced himbo Liw.

2 Guaw bad anxnix dirr sxingr sow diauqnir Liw,

Uirdiyhh rair knuar Liw ee quanlingg qapp Liw ee ingqngx.

3 In'ui Liw ee ju'air viw sniwmia kacc hyw,

Guaw ee cuiwdunn beh ylyw Liw.

4 Guaw iauxx uac ee sii, beh anxnix ylyw Liw;

Guaw beh hrong Liw ee miaa, giac kiw guaw ee ciuw.

5 Guaw ee simsinn beh vaxjiog, cincniu jiac qutcew iuzi;

Guaw iarr beh ing hnuahiw ee cuiwdunn ylyw Liw;

6 Dyrr si guaw dyw dirr bincngg qiwliam Liw,

Dirr mii .sii dagg qnix siauwliam Liw ee sii.

7 In'ui Liw bad vangjan guaw,

Guaw diamr dirr Liw sidqow ee diwimr xe beh hnuahiw cud sniax.

8 Guaw ee simx duer Liw diauu diauu;

Liw ee jniar ciuw hucii guaw.

9 Dogdok hiaxee siauwsniu beh bet guaw ee sniwmia ee langg,

Ix beh ham lyc dirr dere cimx ee soxjai.

10 Inx beh hro dyqiamr taii;

Inx beh hro snuaqauw jiac.

11 Ongg beh in'ui Siongrder laii hnuahiw;

Huanrnarr qiw Ix laii jiuwjua :ee decbeh kuakauw;

In'ui vehcadlangg ee cuir beh siurr trad bat.

64 David ee six, qaux hro gagqnuax.

1 Siongrder ar, guaw aisiongx ee sii, qriuu Liw tniax guaw ee sniax;

Qriuu Liw vyxho guaw ee uahmia benw qniax duiwdik.

2 Qriuu Liw jiong' guaw kngr bat, hro guaw tuatli juer pnaiw ee langg amwjni ee qewboo;

Qapp qniaa vutgi ee langg ee ziauxluan.

3 Inx buaa inx ee jic cincniu dyx;

Inx vixjunw inx ee jnxir, dyrr si okdok ee ue.

4 Beh dirr anwjni ee soxjai sria uanjuann ee langg;

Inx hutzenn sria diyc ix, iarr m qniax.

5 Inx sna' benxle sed pnaiw ee qewboo;

Inx camsiongg amwjni dniux lybang;

Qongw: Jirjui e knuar qnir inx?

6 Inx doboo pnaiw dai, qongw: Guanw jinrlat doboo ixqing’ u duxhyw ee qewboo;

Inx dagg langg ee liamrtauu qapp simsux vutjiw cimx.

7 Siongrder beh ing jnxir sria inx;

Inx hutzenn diyhsiongx.

8 Inx beh diyhdag, inx ee jic e hai inx vunxsinx;

Huanrnarr knuar qnir inx :ee, longxx beh iytauu.

9 Jingwlangg longxx beh qniahniaa,

Beh vywiongg Siongrder soxx juer :ee,

Qycc Siongser sniu Ix ee soxx qniaa.

10 Girlangg beh in'ui Jehovah laii hnuahiw, iarr beh uaxkyr Ix;

Huanrnarr simx jingwdit ee langg, longxx beh kuakauw.

65 David ee siquax, qaux hro gagqnuax.

1 Siongrder ar, dirr Zion u langg ylyw decc tingwhau Liw;

Iarr beh duiww Liw sria soxx he ee guan.

2 Tniax langg qidyw ee Jruw ar,

Qniww u hetkir :ee longxx beh jiurqin Liw.

3 Juerog kacc ngiaa guaw;

Lun qaur guanw ee quewsid, Liw longxx beh siawbenw.

4 Liw soxx qingxsuanw, hro ix cinqin Liw,

Diamr dirr Liw ee ngi-lai :ee, jitt hy langg u hokkir;

Guanw beh in'ui Liw ee cur, Liw ee sxingr dxen ee hokkir,

Laii simx muaw ir jiog.

5 Qiur guanw ee Siongrder ar,

Liw beh ing uigiamm, qonggi laii rinr guanw;

Liw si derqik qapp haixbin hng hng ee langg,

Longxjongw soxx uaxkyr :ee.

6 Ix ixqing’ ing dua quanlingg haa iyx;

Dyrr ing Ix ee kuiwlat andnia jiaxee snuax.

7 Jiaxee haiw huarhua hauw, qapp qidiongx haixingw huarhua hauw,

Ixqip banrvecsnir ee suanhuax, Ix hro inx vingjing.

8 Kiarkiw derqik ee langg in'ui Liw ee sinziah laii qniahniaa;

Zit cud zit lyc ee soxjai, Liw hro inx longxx hnuahiw.

9 Liw quanwqor toxde, lyc ho quanwag ix, hro ix jin' vuii;

Siongrder ee hyy, ix ee juiw muaw muaw;

Liw anxnix virvan toxde, dyrr si ter langg virvan gnoxqog.

10 Liw quanwag canhngg, muaw ix ee qxaux, sriux vnii ix ee lringg;

Lyc hyw ee horjuiw, hro toxde nngw nngw;

Qidiongx soxx huatsnix :ee did diyc Liw suwhog.

11 Liw ing Liw ee undenw juer nidangx ee benxliuu,

Liw ee lorqingr longxx u iuu decc dih.

12 Dih dirr kongwiaw ee cauxvox;

Snuatauu ing hnuahiw juer duar laii haa.

13 Cauxvox ing ngiuu-qrunn juer snxax laii cing;

Snuaqog ing gnoxqog laii kamr;

Inx longxx hnuahiw cud sniax laii gimm six.

66 Jitt pnxix siquax qaux hro gagqnuax.

1 Juann de longxx diyhh duiww Siongrder laii cud hnuahiw ee sniax;

2 Cniuwquax ylyw Ix ee miaa ee ingqngx;

Ing ylyw ee ue laii henxbingg Ix ee ingqngx.

3 Diyhh duiww Siongrder qongw: Liw ee soxx juer qaur hiacc tangx qniax!

In'ui Liw ee dua quanlingg, Liw ee duiwdik beh hanghok Liw.

4 Juann de beh qingwvair Liw,

Gimm six ylyw Liw;

Beh gimm six ylyw Liw ee miaa. [Selah]

5 Linw diyhh laii, laii knuar Siongrdr soxx qniaa ee su.

Ix duiww sewqanlangg soxx juer :ee, vutjiw tangx qniax.

6 Ix jiong' haiw venr juer dax de;

Inx vorqniaa quer hyy;

Dirr hiax guanw in'ui Ix laii hnuahiw.

7 Ix ing Ix ee qxuann dirliw, didqaur ingxuanw;

Ix ee bagjiux qamwcad ledvangx;

Vuergik ee langg m tangx jurqyx. [Selah]

8 Banrvecsnir ar, linw diyhh ylyw guanw ee Siongrder;

Hro langg tniax qnir ylyw Ix ee sniax.

9 Ix hro guanw ee sniwmia uac lehh;

Iarr byy hro guanw ee kax iydang.

10 Siongrder ar, Liw bad ciwgiam guanw;

Tuanwlen guanw cincniu tuanwlen ginn jidngiu.

11 Liw hro guanw zip lybang;

Ing dang dnar he dirr guanw ee sinjniu.

12 Liw hro langg jre ciax, vnuaa quer guanw ee taukag;

Guanw qingquer juixhuew.

Liw hro guanw qaur vuwu ee soxjai.

13 Guaw beh ing siyjer jinwzip Liw ee cur;

Guaw beh duiww Liw sria guaw ee guan,

14 Dyrr si dirr guaw huanrlan ee sii, guaw ee cuiwdunn soxx qongw :ee,

Guaw ee cuir soxx he ee guan.

15 Guaw beh ing vuii ee jingsnix ee siyjer,

Qapp qangx ngiuu ee pangbi, henr hro Liw;

Qycc ing qangx ee guu, qangx ee snua'ngiuu, laii henr. [Selah]

16 Huanrnarr qingwuir Siongrder ee langg, linw longxx diyhh laii tniax;

Guaw beh qongw kiw Ix uirr guaw soxx qniaa ee su.

17 Guaw bad ing guaw ee cuir qiuqiyr Ix;

Ing guaw ee jic ylyw Ix juer quann.

18 Guaw narr simlai juwdiong juerog,

Jruw dikkag byy beh tniax;

19 Siongrder sidjai u tniax .qnir;

Ixqing’ ngar lyc tniax guaw qidyw ee sniax.

20 Siongrder si ingqaix ylyw :ee,

Ix m bad tesii guaw ee qidyw, iarr m bad hro Ix ee ju'air lirkuix guaw.

67 Jitt pnxix siquax, qaux hro gagqnuax; ing sihenn ee gagkir.

1 Guan Siongrder linbinw guanw, suwhok guanw;

Hro ix ee bin jiywqngx guanw; [Selah]

2 Tangx hro sewqair jaix Liw ee dyrlo,

Banrqog diongx jaix Liw ee qiuwunx.

3 Siongrder ar, guan ledvangx ylyw Liw;

Guan ledvangx longxx ylyw Liw.

4 Guan banrqog kuaiwlok, cud hnuahiw ee sniax;

In'ui Liw beh jiauww qongdy simxpnuar ledvangx;

Dirliw derjniu ee banrqog. [Selah]

5 Siongrder ar, guan ledvangx ylyw Liw;

Guan ledvangx longxx ylyw Liw.

6 De ixqing’ cud toxsanw,

Siongrder, dyrr si guanw ee Siongrder, beh suwhog guanw.

7 Siongrdr beh suwhog guanw;

De ee siwqik longxx beh qingwuir Ix.

68 David ee siquax, qaux hro gagqnuax.

1 Guan Siongrder kiw .laii, hro Ix ee duiwdik siwsnuar;

Hro uanwhun Ix ee langg, dui' Ix ee binrjingg dyjauw.

2 Liw qra inx qnuaw snruar, cincniu enx siurr cuex snruar;

Pnaiw langg qnir diyc Siongrder ee bin dyrr siaubet;

Cincniu lac qnir diyc huew dyrr rngiuu .kir.

3 Girlangg beh hnuahiw, inx dirr Siongrder ee binrjingg beh kuaiwlok;

Inx iarr beh h.-hnuahiw-h.

4 Linw diyhh duiww Siongrder gimm six, cniuwquax ylyw Ix ee miaa;

Uirdiyhh hitt xee jre ciax qingquer kongwiaw :ee, siujy duarlo;

Ix ee miaa si Jehovah.

Diyhh dirr Ix ee binrjingg kuaiwlok.

5 Siongrder dirr Ix sxingr ee soxjai, juer qozii ee ve;

Juer qnuaxhu ee sin'uanx :ee.

6 Siongrder hro qodnuax ee langg u qrex;

Hro siurr qnuaiqnax ee langg cud laii hiongxhog;

Dogdok vuergik ee langg diamr dirr dasyr ee de.

7 Siongrder ar, jaw Liw qniaa dirr vecsnir ee taujingg,

Qingquer kongwiaw; [Selah]

8 Hitt sii de qnir diyc Siongrder ee bin dyrr dinxdang,

Tnix iarr lyc ho;

Hitt xee Sinai iarr dinxdang si in'ui qnir diyc Siongrder, Islael ee Siongrder ee bin.

9 Siongrder ar, Liw lyc dua ho,

Liw ee sanxgiap Islael iawsen ee sii, Liw hro ix qenqor.

10 Liw ee huerjiongr diamr dirr hiax diongqanx;

Siongrder ar, Liw uirdiyhh songwhionglangg virvan unhui.

11 Jruw cud bingrling;

Tuann hyw siausid ee hurluw jnia' dua din.

12 Quanw vxingx ee ongg dyjauw lar, dyjauw lar,

Diamr dirr qrex-lai ee hurluw vunx diyc soxx cniuw ee mic.

13 Linw dyw dirr ngiuu-diauu lai ee sii,

Cincniu hunxjiauw ee sxit snriux vehginn;

Ix ee xmngg snriux ngqimx.

14 Juanlingg :ee dirr hitt lairbin qnuaw snruar ledvangx ee sii,

Sewbin cincniu dirr Zalmon Snuax lyc seh.

15 Basan Snuax si Siongrder ee snuax;

Basan Snuax si jerje snuajiamx ee snuax.

16 Linw jerje snuajiamx ee snuax ar,

Linw sniaw su grinn Siongrder soxx air kiarkiw ee snuax?

Jehovah beh diamr dirr hiax qaur ingxuanw.

17 Siongrder ee ciax c.-cingban-b.;

Jruw dirr hitt diongqanx, cincniu dirr Sinai, dirr sxingr ee soxjai.

18 Liw ixqing’ jnriu qaur quann ee soxjai, liac hiaxee siurr liac :ee;

Liw dirr langg ee diongqanx sriu inx soxx henr :ee, lenrr vuergik ee langg iarr henr;

Hro Jehovah Siongrder tangx kiarkiw dirr inx diongqanx.

19 Jruw si ingqaix ylyw :ee, Ix zidzit vue guanw ee dnar;

Dyrr si qiur guanw ee Siongrder. [Selah]

20 Siongrder si qra guanw qniaa dagg ngiu jinxqiur ee Siongrder;

E tuatli sixbyy, si jairdirr Jruw Jehovah.

21 Siongrder beh pacpuar Ix ee duiwdik ee taukag; Dyrr si hitt xee siongsiongg huanrjue ee langg ee taukag.

22 Jruw qongw: Guaw beh hro inx dui' Basan dywdngw .laii,

Dui' cim'enx hro inx dywdngw .laii;

23 Hro liw paccuir inx, liw ee kax dac dirr duiwdik ee huih;

Liw ee qxauw ee jic ji inx.

24 Siongrder ar, Liw si guaw ee Siongrder, guaw ee ongg;

Langg ixqing’ knuar qnir Liw decc qniaa, qniaa zip sxingr ee soxjai.

25 Cniuwquax :ee qniaa dirr taujingg, jokgak :ee duer dirr aurbin,

Iyy linlongqow ee jaboxginxaw dirr diongqanx.

26 Dui' Islael ee guantauu laii :ee,

Dirr dagg xee hue-diongx, diyhh ylyw Siongrder, dyrr si Jruw.

27 Dirr hiax u quanxhad inx ee siyw Benjamin,

U Judah ee jogdniuw qapp inx qui' qxunn ee jingwlangg;

U Zebulun ee jogdniuw, u Naftali ee jogdniuw.

28 Liw ee Siongrder dniardiyc liw ee kuiwlat;

Siongrder ar, qriuu Liw qenqor Liw qra guaw soxx jniaa ee su.

29 Uirdiyhh Liw Jelusalem ee dxen,

Led'ongg beh duar lexmic henr hro Liw.

30 Qriuu Liw jikvi lo'uiw diongx ee iaxsiur,

Qapp qui' qxunn ee guqangw, ixqip ledvangx diongx ee guu-aw,

Jiong' ginn dac dirr kax-xe;

Siongrder qnuaw snruar air qaujenr ee vecsnir.

31 Dua qnruax beh dui' Egipt laii;

Kus beh qnuaxqinw ngr Siongrder laii giac kiw ciuw.

32 Sewjniu ee ledqog ar, linw diyhh duiww Siongrder cniuwquax,

Guan linw gimm six ylyw Jruw. [Selah]

33 Dyrr si ylyw hitt xee jre dirr dui' qoxjaw dyrr u, qik quann ee tnix ee Jruw.

Ix huad cud Ix ee sniax, dyrr si qik dua ee sniax.

34 Linw diyhh jiong' quanlingg qruix hro Siongrder;

Ix ee uigiamm dirr Islael ee dingxbin,

Ix ee quanlingg si dirr qiongcongx.

35 Siongrder ar, Liw dui' Liw sxingr ee soxjai jinjniar tangx qniax;

Islael ee Siongrder si hitt xee jiong' kuiwlat, quanlingg sniuxsur Ix ee vecsnir :ee,

Siongrder si ingqaix ylyw :ee.

69 David ee six, qaux hro gagqnuax; diau si ing "Vikhabhuex".

1 Siongrder ar, qriuu Liw qiur guaw,

In'ui jiaxee juiw beh rimx guaw ee sniwmia.

2 Guaw ham lyc dirr cimx ee tobee lai, byy tangx kiarkax ee soxjai;

Guaw qaur cimx ee juiw-lai, dua juiw imbat guaw.

3 Guaw in'ui guaw ee auqiyr qaur iawsen, guaw ee na'auu dax .kir;

Guaw in'ui tingwhau guaw ee Siongrder, bagjiux huex.

4 Byy indnuax uanwhun guaw :ee kacc je guaw ee taumngg;

Lamrsamw juer guaw ee duiwdik, beh bedbyy guaw :ee, vutjiw qiongbingw;

Guaw soxx byy cniuw :ee, guaw iarr diyhh hingg.

5 Siongrder ar, guaw ee gugong Liw vunw jaix;

Guaw ee juerquar byy unxmuaa dirr Liw.

6 Banrqunx ee Jruw Jehovah ar, qriuu Liw m tangx hro hiaxee tingwhau Liw ee langg uirdiyhh guaw laii qenwsiaur;

Islael ee Siongrder ar, qriuu Liw m tangx hro hiaxee cue Liw ee langg uirdiyhh guaw laii siurr lingziok.

7 In'ui guaw uirdiyhh Liw ee enqor siurr luexme,

Guaw muaw bin qenwsiaur.

8 Guaw ee hniadi knuar guaw juer quewlo ee langg,

Guaw ee dongvaux knuar guaw juer guarvanglangg.

9 In'ui guaw uirdiyhh Liw ee cur simlai cincniu huew dyc;

Qycc luexme Liw ee langg ee luexme longxx qaur dirr guaw.

10 Guaw lrauu bagsaiw, ing qimwjiac kikkow guaw ee simx;

Jex huanxdngw juer guaw ee lingziok.

11 Guaw ing muavor juer ijniuu,

Langg dyrr ing guaw juer ciauwdamm.

12 Jre dirr sniamngg :ee damlun guaw;

Jiuxhanr ing guaw juer quakig.

13 Guaw dirr did diyc jiaplap ee sii, duiww Jehovah Liw qidyw;

Siongrder ar, qriuu Liw jiauww Liw ju'air ee hongsing,

Jiauww Liw jinxqiur ee jinsit laii rinr guaw.

14 Qriuu Liw qiur guaw cud tobee, hro guaw byy dimm .lyc .kir;

Qriuu Liw qiur guaw tuatli uanwhun guaw ee langg; hro guaw cud cimx ee juiw.

15 Qriuu Liw byc did iong'unw duarjuiw imbat guaw;

Byc did iong'unw cim'enx tunx guaw;

Byc did iong'unw hamrknix ham guaw.

16 Jehovah ar, qriuu Liw rinr guaw, in'ui Liw ee ju'air si hyw;

Qriuu Liw jiauww Liw juvix ee hongsing uat quer laii knuar guaw.

17 M tangx ngx bin m knuar Liw ee lovok;

In'ui guaw dirr huanrlan ee diongqanx, qriuu Liw qinw qinw laii rinr guaw.

18 Qriuu Liw cinqin guaw ee linghunn laii qiuwsiok ix;

Qriuu Liw in'ui guaw ee duiwdik laii sioghuee guaw.

19 Liw jaix guaw soxx sriu ee luexme, qenwsiaur, lingziok;

Guaw ee duiwdik longxx dirr Liw ee binrjingg.

20 Luexme ixqing’ tiah lic guaw ee simx, guaw ee iubun muaw muaw;

Guaw ngwbang langg kyxlinn, iarr byy jit xee,

Ngwbang langg an'uir, iarr cue byy jit xee.

21 Inx tec koxdnar hro guaw juer jiahmic,

Guaw cuiwdax, inx ing cor hro guaw limx.

22 Guan inx ee endyh dirr inx ee binrjingg vnir juer lybang,

Dirr inx ving'anx ee sii, vnir juer uahdauh.

23 Guan inx ee bagjiux oamr be knuar .qnir,

Guan Liw hro inx ee iyx siongsiongg girgi cuah.

24 Guan Liw ee tongwhun vniar dirr inx ee sinjniu;

Hro Liw zedzet ee siurkir zib diyc inx.

25 Guan inx kiarkiw ee soxjai vnir juer pahngx;

Guan inx ee vowvnii byy langg kiarkiw.

26 In'ui Liw soxx pah hitt xee langg, inx dyrr kunxvig ix;

Liw soxx pah siongx hiaxee langg, inx vnuadiac inx ee iukow.

27 Guan Liw dirr inx ee jue-siong qax jue;

Byc did iong'unw inx u hxun dirr Liw ee gi.

28 Guan inx dui' uahmia ee ceh siurr catbet,

Byy qir dirr girlangg ee diongqanx.

29 Guaw si kunwkow iusiongx ee langg;

Siongrder ar, guan Liw ee qiuwunx andir guaw dirr quann ee soxjai.

30 Guaw beh ing siquax ylyw Siongrder ee miaa:

Iarr beh ing qamxsia cxingx Ix juer dua.

31 Jex si hro Jehovah hnuahiw, ngiaa quer henr guu,

Iacc si henr u qag u dxee ee guqangw.

32 Kiamvix ee langg knuar .qnir dyrr hnuahiw;

Linw cue Siongrder ee langg, guan linw ee simx uac .kir .laii.

33 In'ui Jehovah tniax songwhiongx ee langg,

Byy knuawkinx uirdiyhh Ix siurr qnuaiqnax ee langg.

34 Guan tnix qapp de ylyw Ix;

Haiw qapp qidiongx itcer ee dongrbut iarr diyhh ylyw Ix.

35 In'ui Siongrder beh qiur Zion, kixjy Judah ee sniaa;

Inx beh kiarkiw dirr hiax, did diyc ix juer giap.

36 Ix ee lovok ee horer beh suawjiab ix,

Tniar Ix ee miaa ee langg beh diamr dirr hitt diongqanx.

70 David ee qiwliamrsix, qaux hro gagqnuax.

1 Siongrder ar, qriuu Liw qinw qinw jinxqiur guaw;

Jehovah ar, qriuu Liw qinw qinw vangjan guaw.

2 Guan hiaxee siauwsniu guaw ee sniwmia ee langg, qenwsiaur lauwkuir;

Guan hiaxee hnuahiw guaw siurr hamrhai :ee, uat dywdngw siurr lingziok.

3 Guan hiaxee qongw: Hocjai, Hocjai :ee,

In'ui qenwsiaur laii uat dywdngw.

4 Guan itcer cue Liw :ee in'ui Liw hnuahiw kuaiwlok;

Guan hiaxee himbo Liw qiuwunx :ee siongsiongg qongw:

Diyhh jrunx Siongrder juer dua.

5 Guaw si kunwkow songwhiongx :ee,

Siongrder ar, qriuu Liw qinw qinw qaur guaw jiax;

Liw si vangjan guaw :ee, jinxqiur guaw :ee,

Jehovah ar, qriuu Liw m tangx encenn.

71 Jehovah ar, guaw uaxkyr Liw.

Qriuu Liw ee qonggi jinxqiur guaw, hro guaw tuatli;

2 Jiauww Liw ee qonggi jinxqiur guaw, hro guaw tuatli;

Ngar hnirkangx tniax guaw, laii qiur guaw.

3 Qriuu Liw juer guaw tangx kiarkiw ee jiyhvnuaa, hro guaw siongsiongg kir diamr hiax;

Liw ixqing’ bingrling beh qiur guaw.

In'ui Liw si guaw ee snuagiamm, guaw ee snuaje.

4 Guaw ee Siongrder ar, qriuu Liw qiuw guaw tuatli pnaiw langg ee ciuw,

Tuatli vutgi qapp janzimw ee langg ee ciuxtauu.

5 In'ui Jruw Jehovah, Liw si guaw soxx ngwbang :ee;

Dui' guaw siauwlenn ee sii, Liw si guaw soxx uaxkyr :ee.

6 Guaw dui' txex nirr hro Liw hucii,

Hro guaw cud laurbuw ee vakdow :ee, si Liw;

Guaw beh siongsiongg ylyw Liw.

7 Jerje langg liac guaw juer qiquair;

Liw si guaw qenqor dysiamw ee soxjai.

8 Guaw muaw cuir beh ylyw Liw,

Tong' zit beh ingqngx Liw.

9 Guaw nilau ee sii, qriuu Liw m tangx vangwsag guaw;

Guaw kuiwlat suelamw ee sii, qriuu Liw m tangx lirkuix guaw.

10 In'ui guaw ee duiwdik girlun guaw;

Hiaxee dngdanw beh hai guaw ee sniwmia :ee snaqab camsiongg,

11 Qongw: Siongrder ixqing’ vangwsag ix;

Dnaxx diyhh duiqnuaw ix, liac ix; in'ui byy qiur ix :ee.

12 Siongrder ar, qriuu Liw m tangx lirkuix guaw hng hng;

Guaw ee Siongrder ar, qriuu Liw qinw qinw laii vangjan guaw.

13 Guan hiaxee juer guaw sniwmia ee duiwdik :ee, siurr qenwsiaur bedbyy;

Guan hiaxee qewboo hai guaw :ee, siurr lingziok lauwkuir.

14 Guaw beh siongsiongg ngwbang,

Guaw beh naxx quw naxx ylyw Liw,

15 Liw ee qonggi, ixqip Liw ee jinxqiur sngr be liauw,

Guaw ee cuir tong' zit beh qongw kiw.

16 Guaw beh laii qongw Jruw Jehovah dua quanlingg ee su;

Guaw dua dua beh qongw kiw Liw ee gi.

17 Siongrder ar, dui' guaw siauwlenn ee sii Liw u qawsi guaw;

Qaur henrjai guaw bad vywiongg Liw qibiau ee soxx juer.

18 Siongrder ar, guaw qaur nilau; taumngg vec ee sii, qriuu Liw m tangx vangwsag guaw;

Tingwhau guaw jiong' Liw ee kuiwlat jixsi xe dai,

Jiong' Liw ee dua quanlingg jixsi itcer jionglaii ee langg.

19 Siongrder ar, Liw ee gi jin' quann;

Siongrder ar, Liw bad qniaa dua ee su;

Jirjui e cincniu Liw?

20 Liw si hro guanw ligquer jerje dua huanrlan :ee;

Liw beh hro guanw qycjaiww uac;

Iarr beh qiur guanw dui' de ee cim'enx kiw .laii.

21 Qriuu Liw hro guaw naxx quandua,

Qycc dywdngw an'uir guaw.

22 Guaw ee Siongrder ar, guaw beh dnuaa srig ylyw Liw,

Ylyw Liw ee jinsit;

Islael ee Sxingr :ee ar,

23 Guaw beh dnuaa kimm ylyw Liw.

Guaw cniuwquax ylyw Liw ee sii,

Guaw ee cuiwdunn, ixqip Liw soxx qiuwsiok guaw ee linghunn, beh hnuahiw cud sniax.

24 Qycc guaw ee jic qui' zit beh qangxlun Liw ee gi,

In'ui hiaxee qewboo hai guaw ee langg ixqing’ qenwsiaur siurr lingziok.

72 Solomon ee six.

1 Siongrder ar, qriuu Liw jiong' Liw ee pnuawduanr sniuxsur ongg,

Jiong' Liw ee qonggi sniuxsur ongg ee qniaw.

2 Ix beh jiauww qonggi simxpnuar Liw ee vecsnir,

Jiauww qongvingg pnuawduanr Liw hiaxee kunwkow ee langg.

3 Dua snuax beh in'ui qonggi, hro vecsnir ving'anx,

Snuax-aw iarr beh anxnix.

4 Ix beh qra vecsnir diongx kunwkow ee langg pnuawduanr,

Ix beh qiur songwhiongx ee langg,

Ix beh deh cruir vyrgiok ee langg.

5 Langg beh qingwuir Liw zit quw guec dngg,

Didqaur banrsewdai.

6 Ix beh qangwlimm cincniu ho lyc dirr ixqing’ quah ee cauw,

Cincniu qibsii ee ho zunrdik toxde.

7 Dirr ix ee zidjiw, girlangg beh hing'ong;

Dua dua ving'anx qapp guec vnii quw.

8 Ix beh jiangxquann dui' jitt xee haiw qaur hitt xee haiw,

Dui' dua hyy qaur derqik.

9 Kiarkiw dirr kongwiaw :ee beh quirvair dirr ix ee binrjingg;

Ix ee duiwdik beh ji tohunw.

10 Tarsis qapp haixsu ee led'ongg beh jinwqongr;

Seba qapp Seba ee ongg beh henr lexmic.

11 Led'ongg longxx beh pag lyc vair ix,

Banrqog longxx beh hogsai ix.

12 In'ui songwhionglangg qiuqiyr ee sii, ix beh qiur ix;

Kunwkow byy i'uaw ee langg ix iarr beh qiur.

13 Ix beh linbinw cingdam songwhiongx ee langg,

Ix beh jinxqiur songwhionglangg ee sniwmia.

14 Ix beh qiuwsiok inx ee sniwmia tuatli apvig qapp vyrgiok;

Ix beh knuar inx ee huih juer vyxvuer.

15 Ix beh uac lehh; beh jiong' Seba ee qimx hro ix,

Beh siongsiongg uirr ix qidyw,

Tong' zit ylyw ix.

16 Dirr de nirr, dirr snuax-dingw, gnoxqog dikkag borsing,

Soxx qed ee gnoxqog beh iydang, cincniu Lebanon ee ciu;

Sniaa-lai ee langg beh hing'ong, cincniu derjniu ee cauw.

17 Ix ee miaa beh lauu qaur ingxuanw;

Ix ee miaa beh liutuann cincniu zit ee quw;

Langg beh in'ui ix laii did diyc hokkir;

Banrqog beh cinghox ix u hokkir.

18 Jehovah Siongrder, dyrr si Islael ee Siongrder,

Jixu Ix qniaa qi'ngi ee su, ingqaix ylyw Ix.

19 Guan Ix ingqngx ee miaa ingxuanw siurr ylyw;

Guan Ix ee ingqngx ciongmuaw juann de.

Amen, qycc Amen.

20 Jesse ee qniaw David ee qidyw bingvik.

QXUANR III

73 Asaf ee six.

1 Siongrder sidjai hyw kuanxtai Islael,

Hyw kuanxtai hiaxee simx cingkir ee langg.

2 Lun qaur guaw, guaw ee kax hiamw hiamw dac tut,

Guaw ee kax hiamw hiamw cu .lyc .kir.

3 In'ui guaw knuar qnir pnaiw langg qapp qiau'gno ee langg hing'ong,

Hitt sii guaw dyrr vutvingg.

4 In'ui inx siw ee sii byy tangwtniar,

Inx ee kuiwlat iarr iongxqnia.

5 Inx byy cincniu vadd langg lykow,

Iarr byy cincniu vadd langg sriu jaieh.

6 Soxiw ing qiau'gno juer lren-aw qruar dirr inx ee amrqunw,

Ing vyrgiok juer ijniuu ziax inx ee sinkux.

7 Inx in'ui sintew vuii, bagjiux dyrr pongr .cud;

Inx soxx did .diyc .ee, ngiaa quer simx soxx air :ee.

8 Inx qicir langg, jiauww pnaiw iwsur qongw jewab langg ee ue;

Inx qongw duarue.

9 Inx ee cuir setdok tnix,

Inx ee jic hohad juann de.

10 Soxiw ix ee vecsnir qui'uaw dirr jiax,

Muaw vxuex ee juiw inx limx qaur liauw.

11 Inx qongw: Siongrder taixtyw e jaix?

Jiww quann :ee qamxx e hiauxdid mah?

12 Knuar, jiaxee dyrr si pnaiw langg;

Inx siongsiongg an'et, jaivyw naxx qetnix.

13 Guaw cingkir guaw ee simx sidjai kangx kangx;

Guaw byy jue laii sew ciuw iarr si kangx kangx.

14 In'ui guaw tong' zit duw diyc jaieh,

Dagg jaxkiw siurr jikvi.

15 Guaw narr qongw: Guaw beh anxnix qongw,

Jex si ing qanjar kuanxtai Liw ee qniaxlui.

16 Guaw decc sniu rair bingvik jitt xee lriw,

Knuar liauw sidjai u uilann;

17 Qaur guaw zip Siongrder sxingr ee soxjai,

Siongser sniu inx ee qetqiok.

18 Liw sidjai jiong' inx he dirr qut qut ee de,

Hro inx vuac dirr dimlunn ee diongqanx.

19 Inx bak nih quw jniaa juer hiacnirr cnicinr;

Inx hro qniahniaa bet qaur liauw.

20 Langg kunr jingsinn jnaixngiu knuar ix ee bang,

Jruw ar, Liw jingsinn iarr beh anxnix knuawkinx inx ee ngiaxsiong.

21 In'ui guaw ee simx jin' sngx,

Guaw ee jongrhuw ciwcak.

22 Guaw jitt kuanw ee gugong, budix;

Dirr Liw ee binrjingg cincniu jingsnix jidvnuax.

23 Guaw siongsiongg qapp Liw dilehh,

Liw kanx guaw ee jniar ciuw.

24 Liw beh ing Liw ee qawsi inxcua guaw,

Au .laii beh jiaplap guaw zip dirr ingqngx.

25 Liw ixgua dirr tnix nirr guaw u jirjui?

Liw ixgua dirr de nirr guaw byy soxx himbo.

26 Guaw ee ziogtew, guaw ee simdngg, siaubyy,

Siongrder si guaw simqnuax ee kuiwlat, iarr si guaw ee qigiap didqaur ingxuanw.

27 Lirkuix Liw hng hng :ee dikkag sixbyy;

Huanrnarr vangwsag Liw qniaa qan'imm :ee, Liw longxx badbyy inx.

28 Guaw jiurqin Siongrder si juer guaw ee lirig;

Guaw ing Jruw Jehovah juer guaw siamxvi ee soxjai,

Tangx hro guaw qongw kiw Liw itcer ee soxx juer.

74 Asaf qawsi ee six.

1 Siongrder ar, Liw sniaw su ingxuanw vangwsag guanw?

Liw sniaw su siurkir Liw cauxdniuu ee ngiuu, cincniu cud huexenx?

2 Qriuu Liw qiwliam Liw jaxsii soxx did .diyc ee huerjiongr,

Dyrr si Liw soxx sioghuee juer Liw ee giap ee jipair :ee;

Iarr diyhh qiwliam Liw vingsii soxx kiarkiw ee Zion Snuax.

3 Qriuu Liw qniaa qaur hiaxee quw quw pahngx ee de,

Knuar duiwdik dirr sxingr sow itcer soxx huixhuai :ee.

4 Liw ee duiwdik dirr Liw ee hue-lai huahuax hauw;

Inx kia inx ee qii juer qiwhy.

5 Inx cincniu langg giac kiw voxtauu,

Laii cyr ciurnaa ee ciu.

6 Sxingr sow ee lairbin itcer diaukig :ee,

Inx henrjai ing voxtauu qapp tuii itjin pah pnaiw.

7 Inx vangr huew siyx Liw ee sxingr sow,

Pah lasamm Liw ee miaa soxx kiarkiw ee soxjai, jniaa juer vnii de.

8 Inx simlai qongw: Lanw diyhh itjin huixhuai inx;

Inx dirr venww de jiong' Siongrder ee huerdngg longxx siyliyx .kir.

9 Guanw byy knuar qnir guaw ee diaurtauu,

Byy qycc u sendix;

Guanw diongqanx iarr byy langg jaix beh qaur simxmih sii?

10 Siongrder ar, duiwdik qicir beh qaur simxmih sii?

Qiusiuu setdok Liw ee miaa beh qaur ingxuanw mah?

11 Liw uirhyy qiux Liw ee ciuw, dyrr si Liw ee jniar ciuw?

Qriuu Liw dui' Liw ee hxingx-jingg crunx .cud .laii, huixbet inx.

12 Siongrder dui' jaw ixlaii juer guaw ee ongg,

Dirr de nirr qniaa jinxqiur.

13 Liw bad ing Liw ee quanlingg jiong' haiw vunx kuix;

Pacpuar juiw-diongx dua dongrbut ee taukag.

14 Liw bad qongr cruir goghii ee taukag,

Jiong' ix hro kongwiaw ee iaxsiur juer jiahmic.

15 Liw bad vunx kuix juixguann qapp hyy;

Liw bad hro dnglauu ee qanghyy dax .kir.

16 Zit .sii sriok Liw, mii .sii iarr sriok Liw;

Qngx qapp zidtauu si Liw soxx virvan :ee.

17 Derjniu itcer ee qaiwhan si Liw soxx setlip;

Hartnix qapp dangtnix si Liw soxx dniardiyc.

18 Jehovah ar, qriuu Liw qir .did, duiwdik u huixvongr,

Gong ee vecsnir setdok Liw ee miaa.

19 Liw ee qajuix ee sniwmia, m tangx qaux hro iaxsiur;

Liw songwhionglangg ee uahmia m tangx ingxuanw be qir .did.

20 Qriuu Liw siauwliam soxx lip ee iog;

In'ui derjniu oamr ee soxjai muaw muaw si qiongvy ee jauhet.

21 Siurr apjer ee langg, m tangx hro inx qenwsiaur dyw .kir;

Kunwkow songwhiongx ee langg diyhh hro inx ylyw Liw ee miaa.

22 Siongrder ar, qriuu Liw kiw laii uirr qaqi hunsor;

Diyhh qir did gong langg tong' zit jnaixngiu decc huixvongr Liw.

23 M tangx be qir did Liw ee duiwdik ee sniax;

Hiaxee kiw laii qongqig Liw ee langg, inx ee hanxhua siongsiongg jnriu qaur dingxbin.

75 Asaf ee siquax, qaux hro gagqnuax; diau, si ing "Byc did huixhuai".

1 Siongrder ar, guanw qamxsia Liw,

Guanw qamxsia Liw, in'ui Liw ee miaa qin qin;

Langg vywiongg Liw qibiau ee soxx juer.

2 Guaw qaur dniardiyc ee zidqii,

Guaw beh jiauww jingwdit simxpnuar.

3 De qapp derjniu kiarkiw ee vecsnir longxx siau'ngiuu;

Guaw jimjiog kia jai dirr de ee tiau. [Selah]

4 Guaw duiww qiau'gno ee langg qongw: Byc did qiau'gno;

Duiww pnaiw langg qongw: Byc did giac kiw liw ee qag;

5 Byc did quann quann giac kiw liw ee qag;

Byc did gni liw ee amrqunw laii qongxue.

6 In'ui m si dui' dangx, m si dui' saix,

Iarr m si dui' lamm laii did diyc quxkiw;

7 Jixu Siongrder si pnuawduanr :ee,

Ix hro jitt xee qangwqe, hro hitt xee singquann.

8 Jehovah ciuw nirr u vxuex, qidiongx ee jiuw kiw puec;

Vxuex-lai u quewtauu ee jiuw muaw muaw, Ix vniar .cud .laii;

Derjniu ee pnaiw langg beh longxx limx jitt xee jiuw ee jedaiw, limx qaur liauw liauw.

9 Dogdok guaw beh vywiongg didqaur ingxuanw;

Guaw beh cniuwquax ylyw Jakob ee Siongrder.

10 Pnaiw langg itcer ee qag, Guaw beh jam dng;

Girlangg ee qag beh did diyc quxkiw.

76 Asaf ee siquax, qaux hro gagqnuax, ing sihenn ee gagkir.

1 Dirr Judah, Siongrder hro langg soxx hrad;

Dirr Islael, Ix ee miaa juer dua.

2 Dirr Jelusalem u Ix ee dniuwvangg.

Dirr Zion u Ix kiarkiw ee soxjai.

3 Ix dirr hiax atjic qringx ee jnxir,

Qapp dinvaii, dyqiamr, ixqip qaujenr ee qesix. [Selah]

4 Liw dui' cniuw mic ee snuaje lai, u ingqngx qapp uigiamm.

5 Simx iongxqamw ee langg longxx siurr cniuxqiab, inx ee kunr si dngg dngg kunr;

Inghiongg ee langg, byy jit xee e cud ciuw.

6 Jakob ee Siongrder ar, Liw ee jikvi jid'err huad cud,

Ciax, bew, longxx kunr dang binn.

7 Dogdok Liw si tangx qniax :ee;

Liw ee siukir jid'err huad cud, jirjui dirr Liw ee binrjingg kia e diauu ar?

8 Liw dui' tnix nirr hro langg tniax pnuawduanr;

De dyrr qniahniaa jing jing;

9 Dyrr si Siongrder kiw laii simxpnuar,

Beh qiur derjniu itcer kiamvix ee langg. [Selah]

10 Langg ee siurkir, dikkag hro Liw did diyc ylyw;

Qi'uu ee siurkir, Liw beh qimwjiw.

11 Linw diyhh duiww linw ee Siongrder Jehovah he guan qycc sria guan;

Siwuii ee langg diyhh duar lexmic qongwhenr dirr tangx qingwuir ee Jruw.

12 Ix beh atjiw quiwjok ee qiaukir,

Ix hro sewjniu ee led'ongg qnia'uir.

77 Asaf ee six, jiauww Jedutun ee juewhuad; qaux hro gagqnuax.

1 Guaw beh duiww Siongrder cud sniax qiuqiyr;

Guaw duiww Siongrder cud sniax, Ix beh ngar hnirkangx tniax guaw.

2 Dirr guaw huanrlan ee zit guaw cue Jruw;

Guaw dirr mii .sii giac kiw ciuw byy tingg,

Guaw ee simx m kingw siurr an'uir.

3 Guaw siauwliam Siongrder, dyrr vecvag;

Guaw jing jing sniu, simsinn hrun .kir. [Selah]

4 Liw hro guaw ee bagjiux jidsii kreh;

Guaw huanlyw qaur longxx be qongxue.

5 Guaw duiliam qoxjaw ee zit,

Dyrr si qik jaw ee nii.

6 Guaw sniu kiw guaw mii .sii ee siquax,

Guaw bongx simx qaqi mng,

Guaw ee simsinn iarr siongser singxcad.

7 Jruw qamxx beh ingxuanw vangwsag mah?

Byy qycc six xunx mah?

8 Ix ee ju'air qamxx ingxuanw qiongjin mah?

Ix ee ingwunw qamxx dairdai huewbyy mah?

9 Siongrder qamxx be qir did six xunx mah?

Qamxx in'ui siurkir trad bat Ix ee juvix mah? [Selah]

10 Guaw qongw: Jex dyrr si guaw ee luanxziok;

Jiww quann :ee crunx cud jniar ciuw ee nii, guaw beh siauwliam.

11 Guaw beh qongw kiw Jehovah ee soxx qniaa.

Siauwliam Ix jaxsii ee sinziah.

12 Guaw beh cunxdok Liw ee soxx qniaa,

Jing jing sniu Liw ee soxx juer.

13 Siongrder ar, Liw ee lo si sxingr :ee;

U simxmih sinbingg dua cincniu Siongrder?

14 Liw si qniaa qrii su ee Siongrder;

Liw bad dirr banrvecsnir ee diongqanx, henxbingg Liw ee quanlingg.

15 Liw bad ing Liw ee ciuw sioghuee Liw ee vecsnir,

Dyrr si Jakob qapp Josef ee qniaxsunx. [Selah]

16 Siongrder ar, jiaxee juiw qnir diyc Liw,

Jiaxee juiw qnir diyc Liw, longxx qniahniaa,

Cim'enx iarr gniauhgniauc cuah.

17 Bat hunn vniar cud juiw;

Qiongcongx cud sniax,

Liw ee jnxir siwqer sria.

18 Dirr qngxlehongx lai u Liw luii ee sniax;

Sicnar ee qngx sih qaur tong' sewqanx;

De gniauhgniauc cuah, qyc dinxdang.

19 Liw ee dyrlo dirr haiw-diongx,

Liw ee lorqingr dirr duarjuiw diongx,

Liw ee kaziah byy langg e jaix.

20 Jaw Liw ing Moses qapp Aalon ee ciuw,

Cua Liw ee vecsnir cincniu ngiuu-qrunn.

78 Asaf qawsi ee six.

1 Guaw ee vecsnir ar, linw diyhh tniax guaw ee qawsi,

Ngar hnirkangx tniax guaw ee cuir ee ue.

2 Guaw beh kuix cuir sed piwzu,

Guaw beh qongw cud qoxjaw unxbat ee ue,

3 Dyrr si guanw soxx tniax .qnir, soxx jaix :ee;

Iarr si guanw ee joxqongx tuann hro guanw :ee.

4 Guanw byy beh jiong' jiaxee su duiww inx ee qniaxsunx unxmuaa;

Beh jiong' Jehovah ee miasniax qapp Ix ee quanlingg, ixqip Ix soxx qniaa qibiau ee su,

Tuann hro au sewdai.

5 In'ui Ix dirr Jakob lip qanjingr ee ue, dirr Islael sed ludhuad;

Si Ix bingrling lanw ee joxqongx :ee, tangx tuann hro inx ee qniaxsunx.

6 Hro au dai, dyrr si decbeh cutsir ee qniaxsunx jaix;

Inx iarr beh kiw laii tuann hro inx ee qniaxsunx;

7 Hro inx ee ngwbang jairdirr Siongrder,

Byy be qir did Juanlingg :ee ee soxx juer,

Si beh junsiuw Ix ee qaiwbing.

8 Benw did cincniu inx ee joxqongx,

Si gnirsimx vuergik ee sewdai,

Si junsimx byy siwjniar ee sewdai,

Inx ngr Siongrder ee simx byy qenqor.

9 Eflaim ee qniaxsunx giac qesix qapp qingjnir,

Limdin ee zit, uat dngw srinx tewau.

10 Inx byy junsiuw Siongrder ee iog,

M kingw jiauww Ix ee ludhuad laii qniaa.

11 Qycc be qir did Ix soxx qniaa :ee,

Qapp Ix soxx hro inx knuar qibiau ee su.

12 Ix dirr Egipt-de, Zoan ee cann,

Dirr inx joxqongx ee bagjiux jingg, qniaa qi'ngi ee su.

13 Ix vunx kuix haiw, hro inx quer .kir;

Qycc hro juiw kia .kiw .laii, cincniu toduix.

14 Ix zit .sii ing hunn cua inx,

Tong' mii ing huew ee qngx cua inx.

15 Ix dirr kongwiaw hro jiyhvnuaa lic .kuix,

Hro inx jerje juiw tangx limx,

Cincniu dui' cim'enx cud.

16 Ix hro juiw dui' jiyhvnuaa cringr cud,

Hro juiw cincniu qanghyy lrauu .lyc.

17 Inx iuguann dauc dauc dikjue Ix;

Dirr dasyr ee de vuergik jiww quann :ee.

18 Inx simlai cir Siongrder,

Jiauww inx qaqi soxx air :ee qriuu jiahmic.

19 Inx lamrsamw girlun Siongrder, qongw,

Juanlingg ee Jruw dirr kongwiaw qamxx e vanrdyh mah?

20 Ix bad pah jiyhvnuaa hro juiw cringr cud,

Qanghyy muaw .cud .laii;

Ix iarr e sniuxsur bixniuu mah?

Ix iarr e qra Ix ee vecsnir virvan bah mah?

21 Soxiw Jehovah tniax .qnir dyrr siurkir,

Dyrr u iamrhuew siyx Jakob ee qrex,

Siurkir huatkiw dirr Islael-jok.

22 In'ui inx m sinwhok Siongrder,

M uaxkyr Ix ee qiuwunx.

23 Ix dyrr bingrling dirr dingxbin ee qiongcongx,

Qycc kuix tnix ee mngg;

24 Ix qangr lyc manna cincniu lyc ho, hro inx jiac;

Jiong' tnix ee bixniuu sniuxsur inx.

25 Langg jiac dua quanlingg :ee ee jiahmic;

Ix sniuxsur bixniuu hro inx vaxjiog.

26 Ix hro danghongx kiw dirr tnix nirr;

Ing Ix ee quanlingg cua lamhongx laii.

27 Ix qangr lyc bah dirr inx diongqanx, je cincniu tohunw,

Qycc vuejiauw je cincniu haixsuax.

28 Lyc dirr inx ee ngiaa-diongx,

Dirr inx kiarkiw ee soxjai ee siwuii.

29 Inx dyrr jiac qaur vaw vaw;

Ix jiauww inx soxx rair :ee hro inx.

30 Inx ee soxx rair, iauxx bue vaxiar,

Inx ee jiahmic iauxx dirr inx ee cuir-lai ee sii,

31 Siongrder dyrr duiww inx huad kiw siurkir,

Taii siw inx diongqanx ee hyw hanr,

Dnaxdyw Islael ee siauwlenlangg.

32 Suizenn anxnix, inx iuguann qycc huanrjue;

Byy in'ui Ix qiquair ee soxx juer laii sinr Ix.

33 Soxiw Ix hro inx kangx kangx quer zit;

Hro inx lignii qniahniaa.

34 Ix taii inx ee sii, inx jiacc laii qriuu Ix;

Dyrr uat dywdngw cetced qriuu Siongrder.

35 Inx iarr duiliam Siongrder si inx ee jiyhvnuaa,

Jiww quann ee Juanlingg :ee, si sioghuee inx :ee.

36 Inx ing cuir tiamxmi Ix,

Ing jic duiww Ix qongw vehcat.

37 In'ui inx byy qensimx iwhiongr Ix,

Byy jinrdiongx siuw Ix ee iog.

38 Danrsi Ix u linbinw, siawbenw inx ee juerog, byy bedbyy inx;

Qycc dauc dauc sriaux Ix ee siurkir,

Byy itjin huad cud Ix ee siurkir.

39 Ix sniu diyc inx vutqyr si hetkir,

Si cuex .quer .kir byy dywdngw ee hongx.

40 Inx dirr kongwiaw vuergik Ix,

Dirr pahngx ee soxjai, hro Ix iubun, qaur hiacc je vaiw ar!

41 Inx jaiwsnax cir Siongrder,

Duxdag Islael ee Sxingr :ee.

42 Inx be qir did Ix ee quanlingg,

Qapp sioghuee inx tuatli duiwdik ee zit;

43 Ix jnaixngiu dirr Egipt henxcud Ix ee sinziah;

Dirr Zoan ee cann, henxcud qrii su;

44 Jiong' inx ee qanghyy vnir juer huih,

Inx ee qangw iarr si anxnix, drir qaur longxx be limx .did.

45 Ix hro hosinn qui' din qaur inx diongqanx laii jamx inx;

Qycc hro canqab-aw laii hai inx.

46 Jiong' inx ee toxsanw, qaux hro tangtua;

Jiong' inx lykow laii did .diyc .ee qaux hro cauxmeh.

47 Ix lyc pauc, huixhuai inx ee pudyciu,

Lyc sxngx huixhuai inx ee sngjaiciu.

48 Qycc jiong' inx ee jingsnix qaux hro pauc,

Jiong' inx qui' qrunn ee jingsnix qaux hro sicnar.

49 Ix huad cud Ix ee dua siurkir,

Ixqip siurkir, tongwhun, koxlan,

Qui' din qangr jaieh ee suwjiaw longxx qaur dirr inx.

50 Ix uirdiyhh qaqi ee siurkir povnii Ix ee lo;

Hro inx ee sniwmia be benw did siw;

Jiong' inx ee uahmia qaux hro un'ik.

51 Dirr Egipt pah siw itcer ee dua-qniaw,

Dirr Ham ee vowvnii diongx pah siw inx ee taujniu qniaw.

52 Ix cua cud qaqi ee vecsnir, cincniu ngiuu;

Dirr kongwiaw cua inx cincniu ngiuu-qrunn.

53 Ix cua inx an'unw, hro inx byy qniahniaa;

Haiw dyrr rimx siw inx ee duiwdik.

54 Ix qycc cua inx qaur sxingr de ee qauqair;

Qaur Ix jniar ciuw soxx did .diyc jitt xee snuax.

55 Ix dirr inx ee binrjingg qnuaw cud ledvanglangg;

Ing syh-aw jiong' guarvanglangg ee de nriuu hro inx juer giap;

Hro Islael ee jipair kiarkiw inx ee vowvnii.

56 Inx iuguann cir jiww quann ee Siongrder, laii vuergik Ix;

Byy siuw Ix qangjingr ee ue.

57 Sitsinr vuergik, byy qyc'ngiu inx ee joxqongx;

Venwkuanw cincniu qringx vingw linr dngw.

58 In'ui inx ing inx snuatauu ee dnxuaa, ziaw diyc Ix ee siurkir;

Ing inx diaukig ee gnoxsiong, hro Ix tongwhun.

59 Siongrder tniax .qnir dyrr siurkir,

Dua iamwngor Islael.

60 Simjir kiwsag Siloh ee huerbo,

Dyrr si Ix dirr langg ee diongqanx soxx dah ee vowvnii.

61 Qycc jiong' Ix ee kuiwlat, qaux hro langg cniuw .kir;

Jiong' Ix ee ingqngx qaux dirr duiwdik ee ciuw.

62 Iarr jiong' Ix ee vecsnir qaux hro dyqiamr,

Laii siurkir Ix ee qegiap.

63 Inx ee siauwlenlangg hro huew siybet,

Inx ee jairsikluw byy did diyc langg ee hyrhiw.

64 Jewsix dyw dirr dyx-xe,

Jiuxqnuaxlangg iarr byy tikaur.

65 Hitt sii Jruw cincniu kunr ee langg jingsinn;

Cincniu iongxbingw ee langg, limx jiuw decc huah.

66 Ix pacter Ix ee duiwdik;

Hro inx ingxingw siurr lingziok.

67 Qycc Ix kiwsag Josef ee vowvnii,

Byy qingxsuanw Eflaim ee jipair;

68 Qingw Judah ee jipair;

Ix soxx iwair ee Zion Snuax.

69 Qycc kixjy Ix ee Sxingr Sow, quann cincniu tnix,

Qycc cincniu Ix qenwlip ingxingw dilehh ee de.

70 Qycc qingw Ix ee lovok David,

Cua ix dui' ngiuu-diauu laii.

71 Hro ix byy qycc duer hiaxee ngiubuw,

Beh hro ix ngiuxci Ix ee vecsnir Jakob, qapp Ix ee qegiap Islael,

72 Ix dyrr jiauww ix simlai ee jingwdit ngiuxci inx;

Qycc ing ix kiauxbiau ee ciuw inxcua inx.

79 Asaf ee six.

1 Siongrder ar, guarvanglangg jinwzip Liw ee sanxgiap,

Pah lasamm Liw ee sxingr dxen,

Hro Jelusalem vnir jniaa toduix.

2 Inx jiong' Liw ee lovok ee sinsix, qaux hro kongdiongx ee vuejiauw juer jiahmic;

Jiong' Liw sxingr ee vecsnir ee bah, qaux hro derjniu ee iaxsiur.

3 Dirr Jelusalem jiu'uii, lrauu inx ee huih cincniu juiw;

Iarr byy langg baijongr ix.

4 Guanw hro guanw qecviah qog soxx lingziok,

Hro guanw siwuii ee langg lingxciyr qicir.

5 Jehovah ar, Liw ee siurkir beh zuarr quw, qaur ingxuanw mah?

Liw ee siurkir beh cincniu huew dyc mah?

6 Guan Liw jiong' Liw ee siurkir vniar lyc dirr hiaxee m bad Liw ee guarvangx,

Ixqip hiaxee byy qiuqiyr Liw ee miaa ee ledqog.

7 In'ui inx tunjiac Jakob,

Hro ix kiarkiw ee soxjai pahngx.

8 Qriuu Liw m tangx qir did guanw ee joxqongx ee jue, laii duiww guanw tyw;

Guan Liw ee juvix qinw qinw limqaur guanw;

In'ui guanw lyc qaur qik vibii ee derui.

9 Qiur guanw ee Siongrder ar, qriuu Liw in'ui Liw ee miaa ee ingqngx vangjan guanw;

In'ui Liw ee miaa ee enqor qiur guanw, siawbenw guanw ee jue.

10 Sniaw su drir qaur guarvanglangg qongw: Inx ee Siongrder dirr dyclyc?

Guan Liw srinx Liw ee lovok lrauu huih ee ruanx, hro guarvanglangg jaix,

Hro guanw cinbak knuar .qnir.

11 Guan siuhuan ee toxkuir taur qaur Liw ee binrjingg;

Guan Liw, jiauww Liw ee dua quanlingg, vyxjunn hiaxee gixdnia diyhh siw ee langg.

12 Jruw ar, guan Liw jiong' guanw qecviah qog soxx lingziok Liw ee lingziok,

Qetnix cid vxue, qruix dirr inx ee sinjniu.

13 Anxnix guanw juer Liw ee vecsnir, Liw ee cauxdniuu ee ngiuu :ee,

Beh qamxsia Liw qaur ingxuanw;

Beh ylyw Liw ee miaa qaur banrsewdai.

80 Asaf ee six, qaux hro gagqnuax; diau, ing "Juer qanjingr ee vikhabhuex".

1 Islael ee bogjiaw ar, cua Josef cincniu ngiuu-qrunn :ee, qriuu Liw ngar hnirkangx tniax;

Jre dirr qilorvingx ee dingxbin :ee, qriuu Liw huad cud Liw ee qngx.

2 Dirr Eflaim, Benjamin, Manasseh ee binrjingg, denxcud Liw ee quanlingg,

Laii qiur guanw.

3 Siongrder ar, hro guanw dywdngw;

Hro Liw ee bin huad cud qngx, guanw dyrr did diyc qiur.

4 Banrqunx ee Siongrder Jehovah ar,

Liw ngr Liw ee vecsnir ee qidyw huad cud siurkir, beh zuarr quw ar?

5 Liw ing bagsaiw juer jiahmic, hro inx jiac;

Qycc nriuu jerje bagsaiw hro inx limx.

6 Liw hro qecviah qog in'ui guanw laii sna' jnex,

Guanw ee duiwdik snaqab decc ciyr.

7 Banrqunx ee Siongrder ar, hro guanw dywdngw,

Hro Liw ee bin huad cud qngx, guanw dyrr did diyc qiur.

8 Liw dui' Egipt suaw jit jangg pudyciu,

Qnuaw cud ledvangx, laii jraix ix.

9 Liw dirr ix ee taujingg vniar kangx toxde;

Ix ee qinx dingr cimx, dyrr snitnuar muaw de.

10 Ix ee ngiaw ziax bat jiaxee snuax,

Ix ee qix cincniu jin' hyw ee vikhniuciu.

11 Huad cud ix ee qix, crunx qaur duarhaiw.

Ix ee dinn tnuar qaur Duarhyy.

12 Liw sniaw su tiachuiw ix ee livax,

Cutjai itcer quer lo ee langg banw ix?

13 Ciurnaa lai cud .laii ee snuadix jautad ix,

Kongwiaw ee jauxsiur jiac ix.

14 Banrqunx ee Siongrder ar, qriuu Liw dywdngw;

Dui' tnix ngar lyc knuar, jiauwqor jitt jangg pudyciu,

15 Vyxho Liw jniar ciuw soxx jraix :ee,

Qapp Liw uirr qaqi soxx qenqor ee qix.

16 Ix ixqing’ siurr huew siyx, siurr dyx cyr;

Uirdiyhh Liw ee bin ee siurkir, inx dyrr bedbyy.

17 Guan Liw ee ciuw hnua dirr Liw jniar vingg ee langg,

Dyrr si Liw uirr qaqi soxx qenqor ee zinjuw.

18 Anxnix guanw dyrr byy dywter lirkuix Liw;

Qriuu Liw hro guanw did diyc uac, guanw dyrr beh qiuqiyr Liw ee miaa.

19 Banrqunx ee Siongrder Jehovah ar, hro guanw dywdngw;

Hro Liw ee bin huad cud qngx, guanw dyrr did diyc qiur.

81 Asaf ee six, qaux hro gagqnuax, ing Gat ee diau.

1 Siongrder si guanw ee kuiwlat, linw diyhh dua sniax ylyw Ix;

Diyhh cud hnuahiw ee sniax, ylyw Jakob ee Siongrder.

2 Diyhh cniur siquax, iyy linlongqow;

Dnuaa hyw tniax ee kimm qapp srig.

3 Diyhh dirr ceid jap-go,

Guanw jecqii ee zit, vunn sauwqag.

4 In'ui jex si qra Islael dniardiyc ee ludle,

Jakob ee Siongrder ee lexgii.

5 Ix kir qongqig Egipt-de ee sii,

Dirr Josef ee diongqanx, lip jitt xee juer qanjingr;

Dirr hiax guaw tniax qnir soxx be hiauxdid ee ue.

6 Siongrder qongw: Guaw hro ix ee qingtauu tuatli dang dnar,

Hro ix ee ciuw vangr lyc kingx-aw.

7 Liw dirr huanrlan diongx qiuqiyr, Guaw bad qiur liw;

Guaw dirr luii unxbat ee soxjai rinr liw;

Guaw dirr Melibah ee juiw-vnix cir liw. [Selah]

8 Guaw ee vecsnir ar, liw diyhh tniax; Guaw beh duiww liw juer qanjingr;

Islael ar, guan liw tniatanr Guaw.

9 Dirr liw ee diongqanx m tangx u vadd xee siongrder,

Guarvangx ee siongrder, liw iarr m tangx quirvair.

10 Guaw si Jehovah, liw ee Siongrder,

Bad cua liw dui' Egipt-de jnriu .laii;

Diyhh dua kuix liw ee cuir, Guaw dyrr ciongmuaw ix.

11 Danrsi Guaw ee vecsnir m tniax Guaw ee sniax;

Islael juanzenn m ciuwcaiw Guaw.

12 Guaw dyrr cutjai inx, jiauww inx ee simx ee qowjib;

Hro inx jiauww inx qaqi ee qewboo kir qniaa.

13 Guan Guaw ee vecsnir kingw tniax Guaw;

Islael kingw qniaa Guaw ee lo.

14 Guaw dyrr qinw qinw jewab inx ee qiusiuu;

Uat dngw Guaw ee ciuw, qongqig inx ee duiwdik.

15 Uanwhun Jehovah ee langg, beh laii dauhangg Ix,

Inx ee sidai beh quxdngg dilehh.

16 Ix iarr beh ing hyw ee bec hro inx jiac;

Guaw ing dui' jiyhvnuaa cud ee bit, hro inx jiac vaw.

82 Asaf ee six.

1 Siongrder kia dirr Siongrder ee hue-diongx,

Dirr jiaxee siongrder ee diongqanx decc simxpnuar.

2 Linw simxpnuar byy jiauww qonggi,

Sun pnaiw langg ee jingben, beh qaur dirsii ar? [Selah]

3 Linw diyhh qra songwhionglangg qapp byy ve ee qniaw sin'uanx;

Diyhh qra kunwkow qapp kiamwkueh ee langg qniaa qonggi.

4 Diyhh jinxqiur songwhiongx qapp kiamwkueh ee langg,

Hro inx tuatli pnaiw langg ee ciuw.

5 Inx m jaix, iarr byy bingliw;

Inx dirr oamr diongx qniaa laii qniaa kir;

De ee qinqix longxx iydang.

6 Guaw bad qongw: Linw si siongrder.

Linw longxx si jiww quann :ee ee qniaw;

7 Jongwsirr linw e siw, qapp sewqanlangg jidngiu;

Beh dyw .lyc .kir, cincniu quiwjok ee jit xee.

8 Siongrder ar, qriuu Liw kiw .laii, simxpnuar sewqair;

In'ui Liw beh did diyc banrqog juer qigiap.

83 Asaf ee siquax.

1 Siongrder ar, qriuu Liw m tangx jing jing;

Siongrder ar, qriuu Liw m tangx byy kuix cuir, iarr m tangx byy juer sniax;

2 In'ui Liw ee duiwdik huarhua ziongw;

Uanwhun Liw ee langg giac kiw tauu.

3 Inx ing qanjar ee qewboo beh hai Liw ee vecsnir;

Inx snaqab girlun beh hai Liw soxx kngr bat ee langg.

4 Inx qongw: Laii ar, lanw laii bedbyy inx, hro inx be jniaa qog,

Hro Islael ee miaa byy qycc hro langg qiwliam.

5 Inx dangsimx snaqab camsiongg,

Snaqab qet'iog beh dixdik Liw;

6 Dyrr si kiarkiw vowvnii ee Edom qapp Ismaellangg,

Moab qapp Haglangg,

7 Gebal, Ammon, qapp Amalek;

Filist, ixqip Tyle kiarkiw ee vecsnir;

8 Assylia iarr qapp inx lenhap,

Inx juer Lot ee qniaxsunx ee vangciuw. [Selah]

9 Qriuu Liw kuanxtai inx, cincniu jaw kuanxtai Midian;

Cincniu dirr Kison Hyy, kuanxtai Sisela qapp Jabin jidngiu.

10 Inx dirr Endor bedbyy,

Jniaa juer derjniu ee vunwtoo.

11 Qriuu Liw hro inx ee lingxsiur cincniu Oleb qapp Zeeb;

Hro inx ee qundniuw longxx cincniu Zebah qapp Zalmunna.

12 Inx qongw: Lanw diyhh jiong' Siongrder kiarkiw ee soxjai,

Jiamr laii juer qaqi ee.

13 Guaw ee Siongrder ar, qriuu Liw hro inx cincniu qngxlehongx ee din'aix,

Cincniu hongx-jingg ee diursab;

14 Cincniu huew siyx ciurnaa,

Cincniu huexiam siyx snuatauu.

15 Qriuu Liw iarr cincniu anxnix ing Liw ee qongg hongx duiqnuaw inx,

Ing Liw ee dua hongx hro inx qniahniaa.

16 Jehovah ar, qriuu Liw hro inx muaw bin qenwsiaur,

Tangx laii qiqiuu Liw ee miaa.

17 Hro inx ingxuanw qenwsiaur, qniahniaa;

Hro inx lauwkuir bedbyy.

18 Hro inx jaix jixu Liw, miaa juer Jehovah :ee,

Si juann derjniu jiww quann :ee.

84 Kolah ee horer ee six, qaux hro gagqnuax; ing Gat ee gagkir.

1 Banrqunx ee Jehovah ar,

Liw kiarkiw ee soxjai, jnaixngiu hiacc tangx iwair.

2 Guaw ee simsinn luanbo Jehovah ee denrngi qaur hrun .kir;

Guaw ee simdngg, guaw ee ziogtew, ngr uac ee Siongrder qiuqiyr.

3 Banrqunx ee Jehovah, guaw ee Ongg, guaw ee Siongrder ar,

Cikjiauw-aw uirdiyhh qaqi cue diyc jit xee cur,

Ngir-aw uirdiyhh qaqi cue diyc vu qniaw ee siu;

Dyrr si dirr Liw hiaxee jewdnuaa hiax.

4 Kiarkiw dirr Liw ee cur :ee, hitt hy langg u hokkir;

Inx beh diddit ylyw Liw. [Selah]

5 Ix ee lat jairdirr Liw,

Inx ee simx iwhiongr Zion ee duarlo :ee, hitt hy langg u hokkir.

6 Inx qingquer Lrauu Bagsaiw ee snuaqog, hro ix vnir juer juixjnuaa ee soxjai;

Qycc u ciutnix ee ho ee hokkir qra ix kamr muaw.

7 Inx naxx qniaa, kuiwlat naxx qetnix,

Dagg langg qaur Zion diauqnir Siongrder.

8 Banrqunx ee Siongrder Jehovah ar, qriuu Liw tniax guaw ee qidyw;

Jakob ee Siongrder ar, qriuu Liw ngar hnirkangx laii tniax. [Selah]

9 Juer guanw ee dinvaii ee Siongrder ar, Liw diyhh knuar;

Knuar Liw siurr buah iuu :ee ee bin.

10 Dirr Liw ee denrngi druar jit zit, kacc hyw jit-cingx zit;

Lingkow dirr guaw ee Siongrder ee cur qor mngg,

Kacc hyw diamr dirr pnaiw langg ee vowvnii,

11 In'ui Jehovah Siongrder si zidtauu, si dinvaii;

Jehovah sniuxsur unhui qapp ingqngx;

Ix m bad lauu jit hxang hyw mic,

Byy hro hiaxee qniaa jingwdit ee langg.

12 Banrqunx ee Jehovah ar,

Uaxkyr Liw ee langg u hokkir.

85 Kolah ee horer ee six, qaux hro gagqnuax.

1 Jehovah ar, Liw ixqing’ six xunx dirr Liw ee de,

Jakob siurr liac ee langg, Liw qiur ix dyr .laii.

2 Liw siawbenw Liw ee vecsnir ee juerog,

Liw ziakamr inx itcer ee juerquar. [Selah]

3 Liw siuhuee Liw itcer ee siurkir,

Suah Liw bingxlet ee siurkir.

4 Qiur guanw ee Siongrder ar, qriuu Liw hro guanw dywdngw,

Suah Liw ngr guanw ee siurkir.

5 Liw beh siurkir guanw qaur ingxuanw mah?

Liw beh jiong' Liw ee siurkir lauu qaur banrdai mah?

6 Liw qamxx m qycc jiong' guanw qiur uac,

Hro Liw ee vecsnir in'ui Liw laii hnuahiw mah?

7 Jehovah ar, qriuu Liw hro guanw knuar qnir Liw ee ju'air;

Qycc jiong' Liw ee qiuwunx sniuxsur guanw.

8 Guaw guan tniax Juanlingg ee Jehovah soxx beh qongw :ee;

In'ui Ix beh duiww Ix ee vecsnir, qapp Ix sxingr ee vecsnir, qongw ving'anx;

Inx m tangx qycc kir lamrsamw qniaa.

9 Ix ee qiuwunx sidjai qin dirr qnia'uir Ix ee langg;

Hro ingqngx diamr dirr lanw ee qingxlai.

10 Ju'air qapp jinsit sna' duw .diyc;

Qonggi qapp ving'anx sna' jimx cuir.

11 Jinsit dui' de nirr huatsnix,

Qonggi dui' tnix knuar .lyc .laii.

12 Jehovah beh sniuxsur hyw mic,

Lanw ee toxde beh cud ix ee toxsanw.

13 Qonggi beh qniaa dirr ix ee taujingg,

Hro Ix ee kaziah jniaa juer lo.

86 David ee qidyw.

1 Jehovah ar, qriuu Liw ngar hnirkangx tniax guaw;

In'ui guaw si kunwkow songwhiongx :ee.

2 Qriuu Liw vyxjunn guaw ee sniwmia, in'ui guaw si kenxsingg ee langg.

Guaw ee Siongrder ar, Liw ee lovok uaxkyr Liw; qriuu Liw jinxqiur ix.

3 Jruw ar, qriuu Liw linbinw guaw;

In'ui guaw tong' zit qiuqiyr Liw.

4 Jruw ar, qriuu Liw hro Liw ee lovok simx hnuahiw;

In'ui guaw ing guaw ee simx giongxbong Liw.

5 Jruw ar, in'ui Liw si hyw, hnuahiw siawbenw langg;

U hongsing ee ju'air, sniuxsur huanrnarr qiuqiyr Liw ee langg.

6 Jehovah ar, qriuu Liw ngar hnirkangx tniax guaw ee qidyw;

Ngar lyc tniax guaw kunxqiuu ee sniax.

7 Dirr guaw huanrlan ee zit, beh qiuqiyr Liw;

Liw beh rinr guaw.

8 Jruw ar, jiaxee siongrder ee diongqanx, byy jit xee e viw did Liw;

Liw ee soxx juer iarr byy tangx viping.

9 Jruw ar, Liw soxx jy ee banrvangx longxx beh laii pakvair dirr Liw ee binrjingg;

Inx iarr beh ingqngx Liw ee miaa.

10 In'ui Liw juer dua, qycc qniaa qibiau ee su;

Jixu Liw si Siongrder.

11 Jehovah ar, qriuu Liw jiong' Liw ee dyrlo jixsi guaw; guaw beh jiauww Liw ee jinliw laii qniaa;

Hro guaw juan'id ee simx qingwuir Liw ee miaa.

12 Jruw, guaw ee Siongrder ar, guaw beh juansimx ylyw Liw;

Guaw beh ingqngx Liw ee miaa qaur ingxuanw.

13 In'ui Liw duiww guaw huad cud dua ee ju'air,

Liw qiur guaw ee sniwmia benw lyc qik cimx ee imqanx.

14 Siongrder ar, qiau'gno ee langg kiw laii qongqig guaw;

Qycc u qiongvy ee dongw siauwsniu guaw ee sniwmia;

Inx byy qingwhong Liw dirr inx ee binrjingg.

15 Jruw ar, Liw si zinjuu undenw ee Siongrder;

Byy kuair kuair siurkir, qycc u hongsing ee ju'air qapp singsit.

16 Qriuu Liw uat quer laii knuar guaw, kyxlinn guaw;

Jiong' Liw ee kuiwlat sniuxsur Liw ee lovok,

Qiur Liw ee luxvi ee qniaw.

17 Qriuu Liw henxcud undenw guaw ee vinqir,

Hro uanwhun guaw ee langg knuar .qnir laii qenwsiaur;

In'ui Jehovah Liw vangjan guaw, an'uir guaw.

87 Kolah ee horer ee siquax.

1 Ix ee derqix jairdirr sxingr snuax.

2 Jehovah tniar Zion ee mngg,

Ngiaa quer Jakob longxjongw kiarkiw ee soxjai.

3 Siongrder ee sniaa ar,

U ingqngx ee su, si qiw liw laii qongw :ee. [Selah]

4 Guaw beh sngr Egipt qapp Babylon dirr vad Guaw :ee ee lairbin;

Knuar ar, Filist, Tyle, Kus.

Jitt xee cutsir dirr hiax.

5 Lun qaur Zion beh qongw: Jitt xee, hitt xee, cutsir dirr hitt diongqanx;

Qycc jiww quann :ee beh cinsinx qenqor ix.

6 Dng' Jehovah qir banrvecsnir siauwgiac ee sii,

Ix beh sngr jitt xee cutsir dirr hiax. [Selah]

7 Cniuwquax :ee, tiauwbuw :ee, longxx beh qongw,

Guaw ee juixguann longxx jairdirr Liw.

88 Kolah ee horer ee siquax, dyrr si Ezlalangg, Heman qawsi ee six, qaux hro gagqnuax; diau, ing Mohalat Leannot.

1 Jehovah, qiur guaw ee Siongrder ar,

Guaw zidmii dirr Liw ee binrjingg qiuqiyr.

2 Guan guaw ee qidyw qaur Liw ee binrjingg;

Qriuu Liw ngar hnirkangx tniax guaw ee qiqiuu.

3 In'ui guaw ee simx muaw muaw huanrlan,

Guaw ee sniwmia qin dirr imqanx.

4 Guaw sngr qapp lyc het ee langg danglet;

Iarr cincniu byy did diyc vangjan ee langg.

5 Guaw siurr hetqag dirr sixlangg diongx,

Cincniu siurr taii ee langg dyw dirr bong-lai;

Inx si Liw byy qycc qir .did .ee,

Dui' Liw ee ciuw qecdng.

6 Liw he guaw dirr qik cimx ee het;

Dirr oamr ee derhngx, dirr cim'enx.

7 Liw ee siurkir dang dang deh guaw;

Liw ing Liw itcer ee haixingw koxcow kunxvig guaw. [Selah]

8 Qapp guaw siy' bad ee langg, Liw hro inx lirkuix guaw hng hng,

Hro inx iamwngor guaw;

Guaw siurr qnuaiqimr, berdid cud .laii.

9 Guaw ee bagjiux in'ui kunwkow pah pnaiw;

Jehovah ar, guaw zidzit qiuqiyr Liw,

Guaw ngr Liw giac ciuw.

10 Liw qamxx beh qniaa qrii su hro sixlangg knuar mah?

Jongw byy imhunn iauxx e kiw laii ylyw Liw ar? [Selah]

11 Qamxx e dirr bong-lai qongw kiw Liw ee ju'air mah?

Qamxx e dirr bedbyy ee diongqanx qongw kiw Liw ee sinwsit mah?

12 Dirr oamr ee soxjai, qamxx e jaix Liw ee qrii su mah?

Dirr be qir did dairjir ee derhngx, qamxx e jaix Liw ee qonggi mah?

13 Jehovah ar, guaw u qiqiuu Liw;

Dirr jaxkiw-sii guaw ee qidyw beh taur qaur Liw ee binrjingg.

14 Jehovah ar, Liw sniaw su kiwsag guaw?

Sniaw su ngx Liw ee bin, m knuar guaw?

15 Guaw dui' siauwlenn siurkow, hiamw hiamw siw;

Guaw sriu diyc Liw ee qniahniaa, drir qaur simx hunluan.

16 Liw ee dua siurkir imbat guaw;

Liw ing qniahniaa dubet guaw.

17 Jiaxee tong' zit cincniu juiw uii guaw;

Jidjee laii uikunr guaw.

18 Liw jiong' guaw ee liongvingg bid'iuw qeh kuix hng hng;

Hro guaw soxx sna' bad ee langg zip dirr oamr ee soxjai.

89 Ezlalangg, Etan, qawsi ee six.

1 Guaw beh cniuwquax ylyw Jehovah ee ju'air qaur dirr ingxuanw.

Beh ing guaw ee cuir tuann Liw ee sinwsit qaur dairdai.

2 In'ui guaw bad qongw: Ju'air beh siurr qenwlip qaur ingxuanw;

Liw beh jiong' Liw ee sinwsit qenqor dirr tnix nirr.

3 Guaw qapp Guaw soxx qingw ee langg lip iog.

Duiww Guaw ee lovok David jiuwjua.

4 Guaw beh hro liw ee horer qenqor qaur ingxunaw,

Qycc hro liw ee vyxjy qenwlip qaur dairdai.

5 Jehovah ar, jiaxee tnix beh ylyw Liw ee qrii su;

Dirr sxingr :ee ee hue-diongx, beh ylyw Liw ee sinwsit.

6 Dirr kongdiongx jirjui e viw did Jehovah?

Dua quanlingg :ee ee jiongww qniaw diongx, jirjui e cincniu Jehovah?

7 Ix dirr sxingr :ee ee girhue diongx, si dua dua u uigiamm ee Siongrder;

Viw itcer dirr Ix siwuii :ee, qyckacc tangx qnia'uir.

8 Banrqunx ee Siongrder Jehovah ar,

Dyclyc jit xee dua quanlingg :ee, cincniu Liw Jehovah?

Liw ee sinwsit dirr Liw ee siwuii.

9 Haixjuiw diongwquann, Liw quanxhad ix;

Haixingw giaa .kiw .laii, Liw hro ix vnii.

10 Liw paccuir Rlahab, cincniu ixqing’ taii .siw ee langg;

Liw ing u kuiwlat ee ciuw pah snruar Liw ee duiwdik.

11 Tnix sriok Liw, de iarr sriok Liw;

Sewqair qapp qidiongx soxx ciongmuaw :ee, longxx si Liw soxx qenwlip.

12 Lamvag si Liw soxx congwjy;

Tabor qapp Hermon, in'ui Liw ee miaa laii hnuahiw.

13 Liw u dua quanlingg ee ciuw,

Liw ee ciuw u lat, Liw ee jniar ciuw giac quann quann.

14 Qongvingg qapp girliw si Liw ee vyxjy ee derqix;

Ju'air qapp singsit qniaa dirr Liw ee binrjingg.

15 E vad hnuahiw ee sniax :ee, hitt xee vecsnir u hokkir;

Jehovah ar, inx dirr Liw ee bin soxx huad .cud ee qngx decc qniaa.

16 Inx zidzit in'ui Liw ee miaa laii hnuahiw;

In'ui Liw ee qonggi did diyc singquann.

17 In'ui Liw si inx kuiwlat ee ingqngx;

Qycc in'ui Liw hnuahiw guanw, guanw ee qag beh did diyc giac quann.

18 Guanw ee dinvaii sriok dirr Jehovah;

Guanw ee ongg sriok dirr Islael ee Sxingr :ee.

19 Dngsii Liw dirr ngirsiong diongx huanhur Liw sxingr ee vecsnir qongxx,

Guaw ing vangjan ee lat, he dirr hitt xee u quanlingg :ee ee sinjniu.

Dui' vecsnir diongx qingw :ee, Guaw qysingx ix.

20 Guaw cue diyc Guaw ee lovok David;

Ing Guaw ee singwiuu buah ix.

21 Guaw ee ciuw beh siongsiongg qapp ix dilehh,

Guaw ee ciuxqud iarr beh qenqor ix.

22 Duiwdik be e ligsig ix;

Hiong'og ee langg be e koxcow ix.

23 Guaw beh dirr ix ee binrjingg paccuir ix ee duiwdik;

Qongqig hitt xee uanwhun ix ee langg.

24 Guaw ee sinwsit, qapp Guaw ee ju'air, beh qapp ix dilehh;

In'ui Guaw ee miaa, ix ee qag beh did diyc giac quann.

25 Guaw beh hro ix ee ciuw crunx qaur haiw;

Jniar ciuw crunx qaur jiaxee hyy.

26 Ix beh cinghox Guaw qongxx, Liw si guaw ee ve,

Si guaw ee Siongrder, si qiur guaw ee jiyhvnuaa.

27 Guaw iarr beh setlip ix juer dua-qniaw.

Juer sewjniu derr id quann ee qun'ongg.

28 Guaw beh uirdiyhh ix vyxjunn Guaw ee ju'air qaur ingxuanw;

Guaw qapp ix soxx lip ee iog, dikkag byy venwngua.

29 Guaw iarr beh vyxjunn ix ee horer qaur dairdai;

Hro ix ee vyxjy cincniu tnix ee quw.

30 Setsuw ix ee qniaxsunx vangwsag Guaw ee ludhuad;

Byy qniaa Guaw ee huatdo,

31 Vuerbiu Guaw ee ludle,

Byy siuw Guaw ee qaiwbing;

32 Guaw dyrr beh ing qnuaiw-aw jikhuad inx ee quewsid;

Ing vnxix jikhuat inx ee juerog.

33 Jongwsirr Guaw dikkag byy jiong' guaw ee ju'air itjin dui' ix siuhuee;

Iarr dikkag byy hro Guaw ee sinwsit huewbyy.

34 Guaw dikkag byy srid Guaw ee iog,

Iarr byy qexngua Guaw ee cuir soxx qongw :ee.

35 Guaw jit vaiw qiw qaqi ee singwqed laii jiuwjua,

Guaw quatduanr byy duiww David qongw vehcat;

36 Ix ee horer beh tuann qaur ingxuanw;

Ix ee vyxjy dirr Guaw ee binrjingg, cincniu zit ee quxdngg;

37 Iarr cincniu guec ee ingxuanw qenwlip;

Qycc cincniu tnidingw kaksit ee qanjingr. [Selah]

38 Danrsi Liw u siurkir Liw ee siurr buah iuu :ee,

Iamwjen kiwsag ix.

39 Liw ixqing’ iamwngor qapp Liw ee lovok soxx lip ee iog,

Jiong' ix ee benxliuu jautad dirr de nirr.

40 Liw ixqing’ tiah ix itcer ee livax;

Hro ix ee uersow vnir juer pahngx ee soxjai.

41 Quewlorlangg longxx cniuxtec ix;

Ix jniaa juer qecviah qog soxx lingziok :ee.

42 Liw hro ix ee duiwdik ee jniar ciuw giac quann;

Hro ix ee qiusiuu longxx hnuahiw.

43 Liw hro ix ee dyqiamr dyxmii,

Hro ix dirr qaujenr ee sii kia be diauu.

44 Liw hro ix ee inghenw byy .kir,

Jiong' ix ee vyxjy ciax dyw dirr de nirr.

45 Liw qiamxjiyw ix cinglenn ee zidjiw;

Qycc hro ix muaw muaw qenwsiaur. [Selah]

46 Jehovah ar, Liw beh zuarr quw qaqi kngr bat, qaur ingxunaw mah?

Liw ee siurkir cincniu huew dyc, beh zuarr quw ar?

47 Qriuu Liw qir did guaw ee siqanx, jnaixngiu hiacc dexjiyw;

Liw congwjy itcer ee sewqanlangg hro inx qaur hiacc kanghux ar!

48 Simxmih langg e dngg dngg uac, byy qnir diyc siw,

E qiur ix ee linghunn tuatli imqanx ee quanvinr ar? [Selah]

49 Jruw ar, Liw jingg vin' Liw ee sinwsit, duiww David jiuwjua :ee,

Hiaxee ju'air dnaxx dirr dyclyc?

50 Jruw ar, qriuu Liw qiwliam Liw ee lovok soxx sriu ee lingziok,

Qiwliam guaw jnaixngiu jiong' itcer qiongsing ee vecsnir ee lingziok jrunn dirr guaw ee simlai;

51 Jehovah ar, Liw ee duiwdik ing jitt xee lingziok,

Dyrr si lingziok Liw siurr buah iuu :ee ee jongjig.

52 Diyhh ylyw Jehovah qaur ingxunaw. Amen, qycc Amen.

QXUANR IV

90 Siongrder ee langg Moses ee qidyw.

1 Jruw ar, Liw dagg sewdai juer guanw kiarkiw ee soxjai.

2 Jiaxee snuax iauxx bue snix cud,

De qapp sewqair Liw iauxx bue jyrjniaa,

Dui' ingxuanw qaur ingxuanw Liw si Siongrder.

3 Liw hro langg qruix tow,

Qongw: Linw sewqanlangg, diyhh uat dywdngw.

4 In'ui jairr Liw knuar, jit-cingx nii cincniu ixqing’ quer .kir ee jazit;

Qycc cincniu mii .sii ee jit qnxix.

5 Liw cincniu ing duarjuiw qra inx lrauu .kir; inx cincniu kunr jit cnew;

Jaxkiw-sii inx cincniu huatsnix ee cauw.

6 Jaxkiw-sii huatsnix borsing;

Ehngx-sii siurr quah dyrr qodaa.

7 In'ui guanw dui' Liw ee siurkir dyrr siaubet,

Qycc guanw dui' Liw ee huatsingr laii qniahniaa.

8 Liw jiong' guanw ee juerog vaii dirr Liw ee binrjingg,

Jiong' guanw unxbat ee pnaiw vaii dirr Liw ee bin ee qngbingg diongx.

9 Guanw ee zidjiw longxx qingquer dirr Liw ee dua siurkir;

Guanw ee nihuer quer liauw, cincniu trow jit xee kuir.

10 Guanw itsingx ee nizit si cid-jap huer,

Narr si iongxjongr tangx qaur veh-jap huer,

Jongwsirr qidiongx soxx kuakauw :ee, vutqyr si lykow iuciuu;

Ix qinw qinw quer, guanw dyrr vuex .kir.

11 Jirjui jaix Liw siurkir ee quanser,

Iarr jiauww Liw ingqaix sriu ee qingwuir, jaix Liw ee siurkir ar?

12 Qriuu Liw qawsi guanw, jnaixngiu sngr qaqi ee zidjiw;

Hro guanw did diyc diwhui ee simx.

13 Jehovah ar, beh qaur dirsii niih? Qriuu Liw dywdngw;

Uirdiyhh Liw ee lovok laii huesimx.

14 Qriuu Liw jaxkiw-sii ing Liw ee ju'air hro guanw muaxjiog;

Hro guanw jit siwlangg hnuahiw kuaiwlok.

15 Qriuu Liw jiauww Liw koxcow guanw ee zit,

Jiauww guanw duw diyc huanrlan ee nii, hro guanw hnuahiw.

16 Guan Liw ee soxx juer duiww Liw ee lovok henxhen.

Liw ee ingqngx duiww inx ee qniaxsunx henxbingg.

17 Guan Jruw, guanw ee Siongder ee bixbiau diamr dirr guanw ee dingxbin;

Guan Liw qenqor guanw ee ciuw soxx juer ee qangx,

Guanw ee ciuw soxx juer ee qangx, guan Liw qenqor ix.

91 Diamr dirr jiww quann :ee unxbat ee soxjai :ee, hitt ee langg beh kiarkiw dirr Juanlingg :ee ee imwngw.

2 Lun qaur Jehovah, guaw beh qongw: Ix si guaw dysiamw ee soxjai, si guaw ee snuaje;

Si guaw ee Siongrder, guaw soxx uaxkyr :ee.

3 In'ui Ix beh qiur liw tuatli dngx jiauw-aw ee lybang,

Qapp doghai ee un'ik.

Ix beh ing Ix ee sidqow ngar liw,

4 Liw beh bih dirr Ix ee sxit-xe,

Ix ee singsit si duarser ee dinvaii.

5 Liw mrbenw qniax mii .sii ee qniahniaa,

Iacc si zit .sii decc vuex ee jnxir.

6 Iarr benw qniax oamr diongx liuhingg ee un'ik,

Iacc si ziddiongdaur bedbyy langg ee dogjingr.

7 U cingx langg lig .lyc .kir dirr liw ee sinvnix,

U bxan langg lig .lyc .kir dirr liw ee jniar vingg,

Jrex iarr be uaxkyr liw.

8 Vutqyr liw e cinbak knuar .qnir,

Iarr knuar qnir pnaiw langg sriu vywingr.

9 In'ui Jehovah Liw si guaw dysiamw ee soxjai;

Liw bad ing jiww quann :ee juer liw kiarkiw ee soxjai;

10 Dyrr jaihai be qaur dirr liw,

Un'ik iarr be uaw qin liw ee vowvnii.

11 In'ui Ix beh uirdiyhh liw huanhur Ix ee suwjiaw,

Dirr liw itcer ee lo vyxho liw.

12 Inx beh ing ciuw huu liw,

Benw did liw ee kax dag diyc jiyc.

13 Liw beh dac sraix qapp dogjuaa,

Lab sai'axtunn qapp dua buew juaa.

14 In'ui ix jin' tniar Guaw, Guaw dyrr beh qiur ix;

In'ui ix bad Guaw ee miaa, Guaw dyrr beh andir ix dirr quann ee soxjai.

15 Ix qiuqiyr Guaw, Guaw dyrr beh rinr ix;

Ix dirr guiqib ee sii, Guaw beh qapp ix dilehh;

16 Guaw beh qiur ix, hro ix junquir.

Guaw beh ing dngg huewsiu hro ix muaxjiog.

Hro ix knuar qnir Guaw ee qiuwunx.

92 Anhiyczit ee siquax.

1 Jin' hyw ar, qamxsia Jehovah,

Cniuwquax ylyw Liw jiww quann :ee ee miaa;

2 Jaxkiw-sii vywiongg Liw ee ju'air;

Ehngx-sii vywiongg Liw ee sinwsit.

3 Ing jap diauu henn ee gagkir qapp srig;

Ing kimm dnuaa jonggiamm ee snia'imx.

4 In'ui Jehovah Liw ing Liw ee soxx qniaa hro guaw hnuahiw;

Guaw beh in'ui Liw ee ciuw soxx juer :ee laii kuaiwlok.

5 Jehovah, Liw ee soxx juer jnaixngiu hiacc dua;

Liw ee simsux qigqii cimx.

6 Budix ee langg be hiauxdid,

Gucunw ee langg iarr be bingvik jitt xee.

7 Pnaiw langg huatsnix cincniu cauw,

Itcer juer pnaiw ee langg borsing ee sii,

Jniawsi inx beh bedbyy qaur ingxuanw;

8 Jongwsirr Jehovah Liw si jiww quann, didqaur ingxuanw.

9 Jehovah ar, Liw knuar, Liw ee duiwdik,

Liw knuar, Liw ee duiwdik dikkag bedbyy;

Itcer juer pnaiw ee langg iarr beh siwsnuar.

10 Danrsi Liw hro guaw ee qag giac quann, cincniu iaw guu ee qag;

Guaw si siurr sinx ee iuu buah :ee.

11 Guaw cinbak knuar qnir guaw ee duiwdik duw diyc vywingr;

Guaw cinhni tniax qnir hiaxee kiw laii qongqig guaw ee pnaiw langg siurr hinghuat.

12 Girlangg beh hing'ong cincniu jyxciu;

Beh diongxdua cincniu Lebanon ee vikhniuciu.

13 Qniwnarr jraix dirr Jehovah ee cur :ee,

Beh hing'ong dirr lanw ee Siongrder ee ngi-lai.

14 Inx nilau ee sii iuguann beh qed quexjiw;

Inx ee jiab muaw muaw, sig cnicuir;

15 Tangx henxbingg Jehovah si jingwdit :ee,

Ix si guaw ee jiyhvnuaa, Ix longxx byy vutgi.

93 Jehovah juer ongg, Ix ing uigiamm qaqi cing;

Jehovah ing kuiwlat qaqi cing, qaqi haa;

Sewqair dyrr qenqor be iydang.

2 Liw ee vyxjy dui' qoxjaw qenwlip,

Liw dui' ingxuanw dyrr u.

3 Jehovah ar, duarjuiw ixqing’ huad kiw,

Duarjuiw ixqing’ huad kiw ix ee sniax;

Duarjuiw huad kiw ix ee ingw.

4 Jehovah dirr quann xui u dua linglik,

Ngiaa quer jiaxee juiw ee sniax,

Ixqip haiw nirr ee dua ingw.

5 Jehovah ar, Liw ee qanjingr vutjiw kaksit;

Singwqed hap dirr Liw ee cur, qaur ingxuanw.

94 Jehovah sin'uanx ee Siongrder ar,

Sin'uanx ee Siongrder ar, qriuu Liw henxcud qngx.

2 Simxpnuar sewqair ee Jruw ar, qriuu Liw kiw .laii;

Hro qiau'gno ee langg sriu ingqaix sriu ee vywingr.

3 Jehovah ar, pnaiw langg beh zuarr quw ar?

Pnaiw langg diksingr dairet, beh zuarr quw ar?

4 Inx suiven qongw, qongw cud qiau'gno ee ue;

Itcer qniaa pnaiw ee langg longxx qaqi pinxpongw.

5 Jehovah ar, inx apjer Liw ee vecsnir;

Koxcow Liw ee sanxgiap.

6 Inx taii siw jiuxqnuaxlangg qapp cutguarlangg;

Qycc hai siw qozii.

7 Inx qongw: Jehovah dikkag byy decc knuar;

Jakob ee Siongrder dikkag byy diwir.

8 Linw vecsnir diongx jingsnix hitt kuanw ee langg diyhh sniu;

Gugong ee langg qaur dirsii jiacc u diwhui ar?

9 Andir hnirkangx :ee, jongw byy Ix byy tniax .qnir?

Congwjy bagjiux :ee, jongw byy Ix be knuar .qnir mah?

10 Qauwdog ledvangx :ee, dyrr si hro langg did diyc diwsig :ee,

Jongw byy Ix berhiauw vanrliw langg mah?

11 Jehovah jaix langg ee simsux,

Jaix inx si kangx kangx.

12 Jehovah ar, Liw soxx qauwdog qycc ing Liw ee ludhuad soxx qawsi :ee,

Hitt xee langg u hokkir.

13 Beh hro ix dirr huanrlan ee zit, did diyc ving'anx,

Qaur dirr uirdiyhh pnaiw langg kuix hamrknix ee sii.

14 In'ui Jehovah dikkag byy kiwsag Ix ee vecsnir;

Iarr byy vangwli Ix ee sanxgiap.

15 In'ui simxpnuar beh jiauww qonggi,

Simx jingwdit ee langg beh longxx duer Ix.

16 Jirjui beh uirr guaw kiw laii qongqig pnaiw langg?

Jirjui beh uirr guaw kia kiw laii qongqig qniaa juerog ee langg?

17 Narr m si Jehovah vangjan guaw,

Dyrr guaw ee sinhunn kuair kuair diamr dirr lingxjing ee diongqanx.

18 Guaw qongw: Guaw ee kax diyhdag;

Jehovah ar, hitt sii Liw ee ju'air hucii guaw.

19 Guaw ee simx jerje inbun kuawlu,

Liw ee an'uir dyrr hro guaw ee simsinn kuaiwlok.

20 Qan'og ee jyrui, qaxjiar ludle, qewboo jahai,

Qamxx e qapp Liw qautongx mah?

21 Inx dairqex jurjip, qongqig girlangg ee sniwmia;

Jiong' byy jue ee langg dring sixjue.

22 Jongwsirr Jehovah vingsii juer guaw ee quann daii;

Guaw ee Siongrder juer guaw dysiamw ee jiyhvnuaa.

Ix hro inx ee juerog qruix dirr inx ee sinjniu.

Inx dirr qniaa pnaiw ee sii, Ix beh jaubet inx;

Jehovah lanw ee Siongrder beh jaubet inx.

95 Laii ar, lanw diyhh ngr Jehovah cniuwquax;

Ngr qiur lanw ee jiyhvnuaa cud hnuahiw ee sniax.

2 Lanw diyhh qaur Ix ee binrjingg qamxsia Ix,

Ing siquax ngr Ix cud hnuahiw ee sniax.

3 In'ui Jehovah si dua ee Siongrder,

Si dua ee ongg, ngiaa quer longxjongw ee siongrder;

4 De cimx ee soxjai dirr Ix ee ciuw-diongx;

Snuax quann ee snuajiamx iarr sriok dirr Ix.

5 Ngiuhaiw sriok dirr Ix, si Ix congwjy :ee.

Dax de iarr si Ix ee ciuw jyrjniaa :ee.

6 Laii ar, lanw diyhh qiokqiongx qingwvair;

Qui lyc dirr congwjy lanw ee Jehovah ee binrjingg;

7 In'ui Ix si lanw ee Siongrder,

Lanw si Ix ngiuxci ee vecsnir, si Ix ciuw-xe ee ngiuu.

Qinaxzit, linw narr tniax Ix ee sniax,

8 Dyrr m tangx gni linw ee simx, cincniu dirr Melibah,

Cincniu dongzit dirr kongwiaw ee Massah;

9 Hitt sii linw ee joxqongx cir Guaw,

Giam Guaw, qycc knuar qnir Guaw ee soxx juer.

10 Sir-jap nii quw, Guaw iamwhun hitt sewdai ee langg,

Qongw: Jiaxee si simx beluan ee vecsnir,

M bad Guaw ee lo;

11 Soxiw Guaw dirr siurkir ee diongqanx jiuwjua qongxx,

Inx duanwduanr berdid tangx zip Guaw ee anhiyh.

96 Linw diyhh ngr Jehovah cniur sinx ee quax,

Juann de longxx diyhh ngr Jehovah cniuwquax.

2 Diyhh ngr Jehovah cniuwquax, jioksia Ix ee miaa;

Zidzit tuanvyr Ix ee qiuwunx.

3 Dirr ledvangx ee diongqanx qongw kiw Ix ee ingqngx;

Dirr banrvecsnir ee diongqanx qongw kiw Ix qibiau ee soxx juer.

4 In'ui Jehovah juer dua, ingqaix sriu qik dua ee ylyw;

Ix dirr jiongww sinbingg ee dingxbin ingqaix siurr qingwuir.

5 In'ui ledvangx ee siongrder longxx si huqew;

Dogdok Jehovah congwjy jiaxee tnix.

6 Dirr Ix ee binrjingg u junquir qapp uigiamm;

Dirr Ix ee sxingr sow u quanlingg qapp ingqngx.

7 Vecsnir diongx ee dagg jok ar, linw diyhh jiong' quanlingg, ingqngx,

Qruix hro Jehovah, qruix hro Jehovah.

8 Ing Ix ee miaa soxx ingqaix did .diyc ee ingqng, qruix hro Jehovah;

Duar lexmic laii zip Ix ee ngi.

9 Diyhh ing singwqed ee jngtna qingwvair Jehovah,

Juann de dirr Ix ee binrjingg gniauhgniauc cuah.

10 Dirr ledvangx diongx diyhh qongw: Jehovah juer ongg,

Sewqair qenqor, be iydang;

Ix beh jiauww qongvingg simpnuar banrvecsnir.

11 Guan tnix hnuahiw, de kuaiwlok;

Guan haiw qapp qidiongx soxx ciongmuaw :ee longxx cud dua sniax;

12 Guan canhngg qapp qidiongx soxu :ee longxx kuaiwlok;

Hitt sii ciurnaa lai ee ciurbak longxx beh dirr Jehovah ee binrjingg cud hnuahiw ee sniax;

13 In'ui Ix laii lar, Ix laii beh simxpnuar juann de;

Ix beh jiauww qonggi simxpnuar sewqair,

Jiauww Ix ee sinwsit simxpnuar banrvecsnir.

97 Jehovah juer ongg; de diyhh kuaiwlok;

Jiongww haixsu diyhh hnuahiw.

2 Bat hunn qapp oamr dirr Ix ee siwuii;

Girliw qapp qongvingg si Ix vyxjy ee derqix.

3 Huew qniaa dirr Ix ee binrjingg,

Siyx Ix siwuii ee duiwdik.

4 Ix ee sicnar jiywqngx sewqair;

De knuar .qnir, dyrr dinxdang.

5 Dirr Jehovah ee binrjingg, dyrr si juann de ee Jruw ee bingrjingg,

Jiaxee snuax siau'ngiuu cincniu lac.

6 Jiaxee tnix henxbingg Ix ee gi,

Ledvangx knuar qnir Ix ee ingqngx.

7 Huanrnarr hogsai diaukig ee gnoxsiong,

Ing huqew ee sinn jurkuax :ee, longxx diyhh sriu qenwsiaur;

Linw jiaxee sinn ar, longxx diyhh qingwvair Ix.

8 Jehovah ar, in'ui Liw ee pnuawduanr, Zion tniax .qnir dyrr hnuahiw,

Judah ee sniax iarr longxx kuaiwlok.

9 In'ui Jehovah, Liw si jiww quann vnuaa quer juann de;

Liw si jiwjunx, vnuaa quer jiongww sinbingg.

10 Tniar Jehovah ee langg, linw longxx diyhh uanwhun pnaiw;

Ix vyxho Ix sxingr ee vecsnir ee sniwmia;

Ix jinxqiur inx tuatli pnaiw langg ee ciuw.

11 Qngbingg si uirdiyhh girlangg laii virvan,

Hnuahiw si uirdiyhh simx jingwdit ee langg laii virvan.

12 Girlangg ar, linw diyhh in'ui Jehovah laii hnuahiw;

Qiwliam Ix ee sxingr miaa laii ylyw.

98 Jit pnxix six.

1 Linw diyhh ngr Jehovah cniur sinx ee quax;

In'ui Ix bad qniaa qibiau ee su;

Ix ee jniar ciuw, qapp Ix sxingr ee ciuxqud, ixqing’ uirr qaqi qniaa jinxqiur.

2 Jehovah hro langg jaix Ix ee jinxqiur;

Dirr ledvanglangg ee bagjiux jingg henbingg Ix ee qonggi.

3 Ix qiwliam Ix duiww Islael-qrex soxx huad cud ee ju'air qapp sinwsit;

De ee siwqag longxx knuar qnir lanw ee Siongrder ee jinxqiur.

4 Juann de longxx diyhh ngr Jehovah cud hnuahiw ee sniax;

Diyhh cud dua sniax hnuahiw cniuwquax ylyw Ix.

5 Diyhh dnuaa kimm cniuwquax ylyw Jehovah;

Diyhh dnuaa kimm hryy siquax ee sniax ylyw Ix.

6 Ing hyrtauu qapp sauwqag ee sniax,

Dirr Qun'ongg Jehovah ee binrjingg cud hnuahiw ee sniax.

7 Guan haiw qapp qidiongx soxx ciongmuaw :ee, longxx diyhh cud dua sniax;

Sewqair, qapp diamr dirr hitt diongqanx :ee, iarr diyhh cud sniax;

8 Guan dua juiw pah ciuxjniuw,

Guan jiaxee snuax dirr Jehovah ee binrjingg cud hnuahiw ee sniax.

9 In'ui Ix laii beh simxpnuar juann de;

Ix beh jiauww qonggi simxpnuar sewqair,

Jiauww Ix ee jingwdit simxpnuar ledvangx.

99 Jehovah juer ongg, ledvangx diyhh gniauhgniauc cuah;

Ix jre dirr qilorvingx, de dyrr iydang.

2 Jehovah dirr Zion juer dua;

Ix vnuaa quer dirr banrvecsnir ee dingxbin.

3 Inx diyhh ylyw Liw dua qycc tangx qnia'uir ee miaa;

Ix si jiww sxingr.

4 Ongg u kuiwlat, hnuahiw qongvingg;

Liw hro jingwdit qenqor.

Dirr Jakob diongx qniaa qongvingg qapp girliw.

5 Linw diyhh jundiong Jehovah, lanw ee Siongrder,

Dirr Ix kadah'iw ee taujingg quirvair;

Ix si jiww sxingr.

6 Dirr Ix ee jewsix diongx, u Moses qapp Aalon,

Dirr qiuqiyr Ix ee miaa ee langg ee diongqanx, u Samuel;

Inx qiuqiyr Jehovah, Ix dyrr tniax inx.

7 Ix dirr huntiau ee diongqanx duiww inx qongxue;

Inx junsiuw Ix qanjingr ee ue, qapp Ix soxx sniuxsur inx ee ludhuad.

8 Jehovah, guanw ee Siongrder ar, Liw u rinr inx;

Liw suizenn jiauww inx ee soxx qniaa vywingr inx,

Iauxquxx Liw si siawbenw inx ee Siongrder.

9 Linw diyhh jundiong Jehovah, lanw ee Siongrder,

Dirr Ix ee sxingr snuax quirvair;

In'ui lanw ee Siongrder Jehovah si jiww sxingr.

100 Qamxsia ee six.

1 Juann de diyhh ngr Jehovah cud hnuahiw ee sniax.

2 Linw diyhh ing hnuahiw ee simx hogsai Jehovah,

Cniuwquax laii qaur Ix ee binrjingg.

3 Linw diyhh jaix Jehovah si Siongrder;

Lanw si Ix congwjy :ee, lanw iarr si Ix ee;

Lanw si Ix ee vecsnir, iarr si Ix cauxdniuu ee ngiuu.

4 Diyhh ing qamxsia zip Ix ee mngg,

Ing ylyw zip Ix ee ngi;

Diyhh qamxsia Ix, ylyw Ix ee miaa.

5 In'ui Jehovah si hyw; Ix ee ju'air qaur ingxuanw;

Ix ee sinwsit qaur banrsewdai.

101 David ee six.

1 Guaw beh cniur ju'air qapp qongvingg ee quax;

Jehovah ar, guaw beh ngr Liw cniur ylyw ee quax.

2 Guaw beh ing diwhui qniaa dirr uanjuann ee lo,

Liw beh sniaw sii qaur guaw jiax?

Guaw beh ing uanjuann ee simx qniaa dirr guaw ee qrex-lai.

3 Siapiah ee su, guaw longxx m vaii dirr guaw ee bak-jingg;

Vuerdy ee langg soxx juer ee su, guaw jin' uanwhun;

M hro ix liamm diyc guaw.

4 Uankiaux ee simx dikkag hro ix lirkuix guaw;

Itcer ee pnaiw guaw m bad ix.

5 Amwdiongx huixvongr ix ee cuwvnix :ee, guaw beh bet ix;

Bagjiukox dua :ee, simx qiau'gno ee langg, guaw byy iong'unw ix.

6 Guaw ee bagjiux beh knuar qog-lai singsit ee langg, hro inx qapp guaw snaqab druar;

Qniaa dirr uanjuann ee lo :ee, ix beh hogsai guaw.

7 Qniaa kuixjar ee langg berdid tangx druar guaw ee qrex-lai;

Qongw vehcad'ue ee langg berdid tangx kia diauu dirr guaw ee bagjiux jingg.

8 Dagg jaxkiw guaw beh bedbyy qog-lai ee pnaiw langg;

Tangx jiong' itcer juer pnaiw ee langg, dui' Jehovah ee sniaa druu .kir.

102 Kunwkow ee langg, qik luanxziok ee sii, dirr Jehovah ee binrjingg tror cud koxjingg ee qidyw.

1 Jehovah ar, qriuu Liw tniax guaw ee qidyw,

Hro guaw qiuqiyr ee sniax taur qaur Liw ee binrjingg.

2 Guaw dirr guiqib ee zit, m tangx ngx Liw ee bin m knuar guaw; qriuu Liw ngar hnirkangx tniax guaw;

Guaw qiuqiyr ee zit, qriuu Liw qinw qinw rinr guaw.

3 In'ui guaw ee zidjiw cincniu huexhunx siausnuar,

Guaw ee qud siurr siyx, cincniu huew-diongx ee caa.

4 Guaw ee simx siursiongx, qodaa cincniu cauw;

Guaw longxx be qor did jiac.

5 In'ui guaw trow kuir ee sniax,

Guaw ee bah kec dirr qud nirr.

6 Guaw cincniu kongwiaw ee teojiauw,

Iarr cincniu pahngx ee soxjai ee amwqongjiauw.

7 Guaw qui' mii byy kunr;

Iarr cincniu cuwdingw qodnuax ee cikjiauw-aw.

8 Guaw ee duiwdik tong' zit setdok guaw;

Tongwhun guaw ee langg qiw guaw laii jiuwjow.

9 Guaw ing huexhux junw vng jiac;

Soxx limx :ee u camx bagsaiw.

10 Jex si in'ui Liw ee huatsingr dua siurkir;

In'ui Liw jiong' guaw quxkiw, qycc jiong' guaw hed lyc.

11 Guaw ee zidjiw cincniu zid'ngiaw ixqing’ ciaa,

Guaw iarr cincniu cauw qodaa.

12 Dogdok Liw Jehovah ingxuanw dilehh;

Liw hro langg qiwliam qaur banrdai.

13 Liw beh kiw laii linbinw Zion,

In'ui henrjai si kyxlinn ix ee sii; dniardiyc ee qrii ixqing’ qaur lar.

14 Liw ee lovok hnuahiw Zion ee jiyhtauu.

Kyxlinn ix ee tohunw.

15 Ledqog dyrr beh qingwuir Jehovah ee miaa;

Sewjniu jiaxee ongg longxx beh qingwuir Liw ee ingqngx.

16 In'ui Jehovah kixjy Zion,

Dirr Ix ingqngx diongx henxhen.

17 Ix ngar lyc tniax songwhionglangg ee qidyw,

Byy knuawkinx inx ee qidyw.

18 Jex beh uirr au dai ee langg qiwjair,

Jionglaii siurr jy ee vecsnir beh ylyw Jehovah.

19 In'ui Ix duiww Ix jiww quann ee sxingr sow knuar .lyc .laii,

Jehovah dui' tnix knuar lyc de;

20 Beh tniax siuhuan ee toxkuir;

Beh tauxvangr griw dniardiyc siw ee langg.

21 Hro langg dirr Zion tuanvyr Jehovah ee miaa;

Dirr Jelusalem tuanvyr ylyw Ix ee ue.

22 Dyrr si banrvecsnir qapp ledqog,

Jurjip hogsai Jehovah ee sii.

23 Ix hro guaw ee kuiwlat vnuawlo suelamw;

Hro guaw ee zidjiw dexjiyw.

24 Guaw qongw: Guaw ee Siongrder ar, m tangx dirr guaw dionglenn tyw guaw ee sniwmia;

Liw ee nihuer banrsewdai buqiongjin.

25 Liw kixtauu he de ee derqix;

Tnix iarr si Liw ee ciuw soxx jy :ee.

26 Inx beh bedbyy, dogdok Liw quxdngg dilehh;

Inx beh cincniu snxax jiamrjiam qu;

Liw beh jiong' inx qewngua cincniu qewngua snxax; inx dyrr venwngua,

27 Dogdok Liw byy venwngua,

Liw ee huewsiu byy qiongjin.

28 Liw ee lovok ee qniaxsunx beh dngg dngg dilehh;

Inx ee horer beh kia jai dirr Liw ee binrjingg.

103 David ee six.

1 Guaw ee simsinn ar, liw diyhh ylyw Jehovah;

Huanrnarr dirr guaw lairbin :ee, iarr diyhh ylyw Ix ee sxingr miaa.

2 Guaw ee simsinn ar, liw diyhh ylyw Jehovah;

M tangx be qir did ix itcer ee unhui;

3 Ix siawbenw liw longxjongw ee jue;

Rix hyw liw longxjongw ee vni;

4 Ix qiuwsiok liw ee sniwmia tuatli sixbyy;

Ing zin'air qapp ju'vix juer liw ee benxliuu;

5 Ing hyw mic jriog liw ee simguan;

Hro liw hogdyr siauwlenn cincniu ingjiauw.

6 Jehovah qniaa qonggi,

Uirdiyhh itcer siurr unkud ee langg sin'uanx.

7 Ing Ix ee dyrlo jixsi Moses,

Ing Ix ee qniajuer jixsi Islaellangg.

8 Jehovah u linbinw, u undenw;

Byy kuair kuair siurkir, qycc u hongsing ee ju'air.

9 Ix byy dngg dngg jikvi,

Iarr byy ingxuanw kngr siurkir.

10 Ix byy jiauww lanw ee juerquar kuanxtai lanw,

Iarr byy jiauww lanw ee juerog vywingr lanw.

11 In'ui tnix lirkuix de hiacnirr quann,

Ix ee ju'air duiww qingwuir Ix ee langg iarr si hiacnirr dua.

12 Dangx lirkuix saix u zuarr hng,

Ix hro lanw ee juerquar lirkuix lanw iarr si hiacc hng.

13 Laurve jnaixngiu linbinw ix ee qniaxzii,

Jehovah linbinw qingwuir Ix ee langg iarr si anxnix.

14 In'ui Ix jaix lanw ee texjid,

Siauwliam lanw si tohunw.

15 Lun qaur langg, ix ee zidjiw cincniu cauw,

Ix ee hing'ong cincniu snuax nirr ee huex.

16 Qingquer hongx jid'err cuex, dyrr byy .kir;

Ix ee guan'ui be qycc zin .did.

17 Jongwsirr Jehovah ee ju'air qruix dirr qingwuir Ix ee langg, dui' ingxuanw qaur ingxuanw;

Ix ee qonggi iarr qruix dirr qniaxqniaw sunsunx;

18 Dyrr si hiaxee junsiuw Ix ee iog,

Qiwliam Ix ee qawsi laii juntanr ee langg.

19 Jehovah dirr tnidingw setlip Ix ee vyxjy,

Ix ee qokquann quanxhad banrhang u.

20 Linw jiaxee u dua quanlingg ee tnisair ar,

Tniax Ix ee sniax, jniaa Ix ee bingrling :ee,

Longxx diyhh ylyw Jehovah.

21 Linw jiaxee juer Ix ee jiongww qunvingx, juer Ix ee cesair, qniaa Ix soxx hnuahiw :ee,

Longxx diyhh ylyw Jehovah.

22 Linw itcer siurr Ix congwjy :ee, dirr Ix soxx quanxliw ee dagg xui,

Longxx diyhh ylyw Jehovah.

Guaw ee simsinn ar, liw diyhh ylyw Jehovah.

104 Guaw ee simsinn ar, liw diyhh ylyw Jehovah.

Jehovah, guaw ee Siongrder ar, Liw si jiww dua;

Liw ing jun'ingg uigiamm juer snxax laii cing.

2 Liw cing qngbingg cincniu guarsnax;

Tiw kuix tnix cincniu dniuwvag.

3 Ix dirr juiw-diongx andir Ix lauqyh ee tong'ngii,

Ing hunn juer Ix ee ciax,

Ing hongx ee sxit laii qniaa;

4 Ing hongx juer Ix ee suwjiaw,

Ing iamrhuew juer Ix ee ce'ing;

5 Jiong' de he dirr ix ee derqix dingw,

Hro ix ingxingw byy iycuah.

6 Liw ing cim'enx cincniu ijniuu ziakamr derbin;

Jiaxee juiw rimx quer snuaniaw.

7 Liw jid'err huah, juiw dyrr qinw qinw jauw;

Liw ee luii jid'err dann, juiw dyrr qinw qinw lrauu;

8 Cringr qaur snuatauu, lyc qaur snuaqog,

Qruix dirr Liw qra inx dniardiyc ee soxjai.

9 Liw dniardiyc qaiwhan hro juiw be e vnuaa .quer,

Byy qycc dywdngw laii ziakamr derbin.

10 Hro juixjnuaa cringr cud dirr snuaqog,

Lrauu dirr snuax-diongx;

11 Hro snuax nirr ee jauxsiur longxx u tangx limx,

Iaw luu did diyc jriw cuiwdax.

12 Tnix-diongx ee vuejiauw hiyh dirr juiw-vnix,

Hauw dirr ciurqix dingw.

13 Ix dui' Ix ee lauqyh diongx quanwag snuaniaw,

Dui' Liw soxx juer ee haurqyw, de dyrr ciongjiog.

14 Ix hro cauw huatsnix, hro jingsnix tangx jiac,

Iarr u caiwsex, juer langg ee loring,

Hro jiahmic dui' de nirr cud.

15 Qycc u jiuw hro langg ee simx hnuahiw,

U iuu zunrdik langg ee bin,

U jiahmic voxiongw langg ee simlat.

16 Jehovah ee ciu longxx did diyc ciongjiog ee zunrdik;

Dyrr si Ix soxx jaix Lebanon ee vikhniuciu.

17 Vuejiauw jyh siu dirr hitt lairbin;

Hyc kiarkiw dirr siongciu ee diongqanx.

18 Quann snuax si hro iaw snua'ngiuu diamr,

Jiyhvnuaa si sahuanx siamxbih ee soxjai.

19 Ix ing guec laii dniardiyc sijeh;

Zidtauu iarr jaix tangx lyc.

20 Liw hro ix amr, dyrr juer mii .sii;

Hitt sii ciurnaa lai ee vacsiur dyrr longxx vuex .cud .laii.

21 Sai'axtunn hauw, beh ziaur mic jiac,

Duiww Siongrder tyw inx ee jiahmic.

22 Zidtauu jid'err cud, inx dyrr jauw kir bih,

Dyw dirr inx ee dong-lai.

23 Langg cud kir juewqangx,

Diyhbuaa qaur ehngx-sii.

24 Jehovah ar, Liw soxx jy :ee jnaixngiu hiacc je!

Longxx si Liw ing diwhui jyrjniaa :ee;

Venww de muaw muaw Liw ee vuwu.

25 Hiax u haiw, de qycc kuah,

Qidiongx u sngr be liauw ee dongrbut,

Duarser uahmic longxx u.

26 Dirr hiax u junn decc qniaa;

U Liw soxx congwjy ee dua hii iuu laii iuu kir.

27 Jiaxee longxx decc tingwhau Liw,

Tangx jiauww sii hro inx jiahmic.

28 Liw hro inx, inx dyrr kiyh .kiw .laii;

Liw tiw kuix Liw ee ciuw, inx did diyc hyw mic qaur vaw.

29 Liw ngx Liw ee bin, inx dyrr kuawlu;

Liw jiong' inx ee kuir siuhuee, inx dyrr sixbyy,

Laii qruix dirr tohunw.

30 Liw huad cud Liw ee sinn, inx dyrr siurr congwjy;

Liw hro derbin ngua juer sinx.

31 Guan Jehovah ee ingqngx ingxuanw dilehh;

Guan Jehovah uirdiyhh Ix soxx jy :ee laii hnuahiw.

32 Ix knuar de, de dyrr dinxdang;

Ix bongx snuax, snuax dyrr cud enx.

33 Guaw beh jit siwlangg ngr Jehovah gimm six;

Guaw iauxx uac ee sii beh ngr guaw ee Siongrder cniuwquax ylyw.

34 Guan Ix liac guaw ee jing jing sniu juer hah'ir;

Guaw beh in'ui Jehovah hnuahiw.

35 Guan juerzinn dui' sewjniu siaubet,

Guan pnaiw langg longxx byy .kir;

Guaw ee simsinn ar, diyhh ylyw Jehovah;

Linw diyhh ylyw Jehovah.

105 Linw diyhh qamxsia Jehovah, qiuqiyr Ix ee miaa;

Dirr banrvecsnir ee diongqanx vywiongg Ix ee soxx juer.

2 Diyhh ngr Ix gimm six, ngr Ix cniuwquax ylyw,

Damlun Ix itcer qibiau ee soxx qniaa.

3 Diyhh in'ui Ix ee sxingr miaa laii kuakauw;

Cue Jehovah ee langg, simlai diyhh hnuahiw.

4 Diyhh qriuu Jehovah qapp Ix ee quanlingg;

Siongsiongg cuerqnir Ix ee bin.

5 Ix ee lovok Ablaham ee horer,

6 Ix soxx qingw, Jakob ee qniaxsunx ar,

Linw diyhh siauwliam Ix soxx juer qibiau ee su,

Qapp Ix ee sinziah, qapp Ix ee cuir pnuawduanr ee ue.

7 Ix si Jehovah, lanw ee Siongrder;

Juann de longxx u Ix ee pnuawduanr.

8 Ix qiwliam Ix ee iog, didqaur ingxuanw;

Ix soxx huanhur ee ue, didqaur cingx dai;

9 Dyrr si qapp Ablaham soxx lip ee iog,

Duiww Isaac soxx jxiur ee jxua.

10 Ix qycc jiong' jitt xee iog duiww Jakob dniardiyc juer ludle;

Duiww Islael dniardiyc juer ingxuanw ee iog.

11 Qongw: Guaw beh jiong' Kanaan-de sniuxsur liw,

Juer liw sanxgiap ee hunrgiac.

12 Dngsii inx ee zindingx iuxhan;

Siauwgiac jiyw jiyw, qycc dirr hiax juer cutgua.

13 Inx dui' jitt jok qniaa qaur hitt jok,

Dui' jitt qog qaur vadd xee vecsnir.

14 Ix byy iong'unw simxmih langg kihu inx,

Uirdiyhh inx ee enqor kenwjig jiaxee qun'ongg;

15 Qongw: M tangx huan diyc Guaw ee siurr buah iuu :ee,

Iarr m tangx pnaiw kuanxtai Guaw ee sendix.

16 Ix bingrling qihngx qangr lyc dirr hitt xee toxde;

Jiong' soxx uaxkyr ee bixniuu, itkair duanrjuat.

17 Ix dirr inx ee taujingg crex jit langg kir;

Josef siurr bre juer lovok;

18 Langg ing kakaur siongx ix ee kax,

Ix siurr ticlen kunxvak;

19 Jehovah ee ue ciwlen ix,

Didqaur Ix soxx qongw :ee ingwgiam.

20 Ongg crex langg qra ix tauw kuix,

Dyrr si dirliw vecsnir :ee, qra ix tauxvangr;

21 Setlip ix juer ongqax ee jruw,

Quanxliw ix itcer soxu :ee,

22 Tangx sui'ir vak ix ee zinsinn,

Jiong' diwhui qawsi ix ee diongxlyw.

23 Islael iarr qaur Egipt,

Jakob cutgua dirr Ham ee de.

24 Jehovah hro ix ee vecsnir snitnuar jerje;

Hro inx viw duiwdik kacc qiongg.

25 Ix venwngua duiwdik ee simx, uanwhun Ix ee vecsnir.

Suar ing kuixked ee qewboo kuanxtai Ix ee lovok.

26 Ix crex Ix ee lovok Moses,

Qapp Ix soxx qingw ee Aalon.

27 Inx dirr duiwdik ee diongqanx qniaa Ix ee sinziah,

Dirr Ham ee de qniaa qrii su.

28 Ix bingrling oamr, dyrr u oamr;

Inx byy uiqec Ix ee ue.

29 Ix hro inx ee juiw venr huih,

Hro inx ee hii longxx siw.

30 Dirr inx ee toxde canqab-aw snix jerje,

Lenrr inx ee ongg ee badvangg iarr u.

31 Ix jid'err cud sniax, hosinn qui' din vuex .laii,

Qycc u satbuw dirr inx ee qingxlai muaw siwqer.

32 Ix lyc pauc hro inx juer ho,

Dirr inx ee toxde qangr lyc iamrhuew.

33 Ix iarr pah inx ee pudyciu qapp buhuaqyxciu,

Huixhuai inx qingxlai ee ciurbak.

34 Ix jid'err cud sniax, hongtiongg dyrr laii,

Cauxmeh be sngr .did.

35 Itjin jiac inx ee toxde ee caiwsex,

Qycc jiac inx canhngg soxx cud :ee.

36 Ix qycc pah siw inx qog-lai itcer ee dua-qniaw,

Dyrr si inx kuiwlat ee kixtauu.

37 Ix cua inx cud .laii, duar ginn duar qimx;

Ix ee jipair diongx, byy jit xee luanxziok ee langg.

38 Inx cud .laii ee sii, Egipt dyrr hnuahiw,

In'ui Egipt bad uirdiyhh inx laii qniax.

39 Ix kiw hunn juer vowpangg,

Mii .sii ing huew jiywqngx.

40 Inx jid'err qriuu, Ix dyrr hro encunx vuex .laii,

Qycc ing tnix ee vniaw hro inx vaxjiog.

41 Ix pah kuix jiyhvnuaa, juiw dyrr cringr cud;

Dirr dax de juiw lrauu cincniu hyy.

42 In'ui Ix qiwliam Ix sxingr ee ue,

Qapp Ix ee lovok Ablaham.

43 Ix cua Ix ee vecsnir dairet cud .laii,

Cua Ix qingw ee vecsnir cniur hnuahiw ee quax cud .laii.

44 Ix jiong' ledqog ee de sniuxsur inx,

Inx dyrr singjiab hiaxee vecsnir diyhbuaa soxx did .diyc .ee;

45 Beh hro inx tranr Ix ee ludle,

Siuw Ix ee huatdo.

Linw diyhh ylyw Jehovah.

106 Linw diyhh ylyw Jehovah.

Linw diyhh qamxsia Jehovah; in'ui Ix si hyw;

Ix ee ju'air ingxuanw dilehh.

2 Jirjui e qongw kiw Jehovah ee dua quanlingg?

Jirjui e viauxbingg Ix itcer ee miasniax?

3 Qniwnarr junsiuw qongvingg, siongsiongg qniaa qonggi :ee;

Jitt hy langg dyrr u hokkir.

4 Jehovah ar, Liw ing uihui kuanxtai Liw ee vecsnir, qriuu Liw ing jex qiwliam guaw;

Ing Liw ee qiuwunx limqaur guaw.

5 Hro guaw knuar qnir Liw qingw ee vecsnir ee hokkir,

Hnuahiw Liw ee qog ee kuaiwlok,

Qapp Liw ee sanxgiap snaqab ingqngx.

6 Guanw qapp guanw ee joxqongx vnivnii huanrjue.

Guanw jokget, qniaa pnaiw.

7 Guanw ee joxqongx dirr Egipt byy bingvik Liw ee qrii su;

Byy qiwliam Liw hongsing ee ju'air;

Huanxdngw dirr hitt xee haiw, dyrr si dirr Angg Haiw, qniaa vuergik.

8 Ix in'ui qaqi ee miaa jinxqiur inx,

Uirdiyhh beh henxbingg Ix ee dua quanlingg.

9 Qycc huah Angg Haiw, haiw dyrr dax;

Ix cua inx qingquer cimx ee soxjai, naxx cincniu qingquer kongwiaw.

10 Ix qriur inx tuatli uanwhun inx ee langg ee ciuw,

Dui' duiwdik ee ciuw-diongx qiuwsiok inx.

11 Juiw imbat inx ee duiwdik;

Inx dyrr byy lauu jit xee.

12 Hitt diap inx jiacc sinr Ix ee ue,

Cniuwquax ylyw Ix.

13 Inx kuair kuair be qir did Ix ee soxx juer;

Byy tingwhau Ix ee jixqaur;

14 Huanxdngw dirr kongwiaw dua kiw tamx jiac;

Dirr pahngx ee soxjai cir Siongrder.

15 Ix jiong' inx soxx qriuu :ee hro inx,

Danrsi hro inx ee sinhunn suelamw.

16 Inx qycc dirr ngiaa-diongx uanwdor Moses,

Qapp Jehovah ee sxingr ee Aalon.

17 De dyrr kuix, tunx Datan,

Iamxbat Abilam ee dongw.

18 U huew dirr inx ee dongw-diongx huatkiw,

U huexiam siybet hiaxee pnaiw langg.

19 Inx dirr Holeb jy guu-aw,

Pakvair soxx jur ee sxiong.

20 Anxnix jiong' inx ee ingqngx,

Ngua juer jiac cauw ee guu-aw ee sxiong.

21 Be qir did qiur inx ee Siongrder,

Bad qniaa dua ee dairjir dirr Egipt :ee;

22 Qniaa qrii su dirr Ham ee de,

Qniaa tangx qniax ee su dirr Angg Haiw.

23 Soxiw ix qongw beh bedbyy inx,

Narr m si u Ix soxx qingw ee Moses, dng' quatlet ee sii, kia dirr Ix ee binrjingg,

Banxhuee Ix ee siurkir, qniax Ix e bedbyy inx.

24 Inx qycc knuawkinx hitt xee hyw ee de,

M sinr Ix ee ue.

25 Dirr inx vowvnii lai huatcud uanwhun ee ue,

M tniax Jehovah ee sniax.

26 Soxiw Ix duiww inx giac kiw ciuw jiuwjua,

Beh hro inx siw dirr kongwiaw.

27 Hro inx ee horer siw dirr ledqog ee diongqanx,

Siwsnuar dirr dagg soxjai.

28 Inx qycc qapp Peor ee Baal lenhap,

Jiac jewhenr siw :ee ee mic.

29 Inx anxnix qniaa, ziaw Ix ee siurkir;

Dyrr u un'ik liuhingg dirr inx diongqanx.

30 Hitt sii Finehas kiw .laii, qniaa hinghuat;

Un'ik jiacc suah.

31 Jid'err dyrr qra ix sngr juer gi,

Sewser dairdai didqaur ingxuanw.

32 Inx dirr Melibah ee juiw, qycc hro Jehovah siurkir,

Simrjiww Moses uirdiyhh inx ee enqor iarr siurr kuisunw;

33 Si in'ui inx gnoxgik Ix ee sinn,

Drir qaur Moses qongw cud sywsingr ee ue.

34 Jehovah huanhur inx jaubet hiaxee vecsnir;

In byy tniatanr.

35 Huanxdngw qapp guarvanglangg hunrjap,

Yc inx ee soxx juer;

36 Hogsai inx ee gnoxsiong,

Jex si jniaa juer hai inx ee uahdauh.

37 Jiong' inx ee qniaw jaboxqniaw jewsu quixsinn,

38 Lauu byy jue ee langg ee huih, dyrr si inx ee qniaw jaboxqniaw ee huih,

Jiong' inx jewsu Kanaan ee gnoxsiong;

Hitt xee de dyrr hro huih pah lasamm.

39 Anxnix inx hro qaqi ee soxx juer pah lasamm.

Dirr inx ee soxx qniaa huan diyc imhing.

40 Soxiw Jehovah ee siurkir duiww Ix ee vecsnir huatcud,

Iamwngor Ix ee sanxgiap.

41 Jiong' in qaudair dirr guarvanglangg ee ciuw;

Uanwhun inx ee langg dyrr quanxhad inx.

42 Inx ee duiwdik iarr apjer inx,

Inx dyrr kuthok dirr duiwdik ee ciuw-xe.

43 Ix jerje vaiw jinxqiur inx;

Danrsi inx dirr inx ee qewboo diongx vuergik Ix;

In'ui qaqi ee juerog qangr juer vijen.

44 Iauxquxx ix tniax qnir inx aiqiyr ee sii,

Dyrr textiab inx ee guiqib;

45 Uirdiyhh inx laii qiwliam Ix ee iog,

Jiauww Ix hongsing ee ju'air huesimx dngxir.

46 Ia iarr hro inx dirr longxjongw liac inx ee langg ee binrjingg,

Did diyc linbinw.

47 Jehovah, guanw ee Siongrder ar, qriuu Liw jinxqiur guanw,

Dui' guarvangx diongx jurjip guanw;

Tangx hro guanw jioksia Liw ee sxingr miaa,

Liac Liw ee siurr ylyw juer dairet.

48 Diyhh ylyw Jehovah, Islael ee Siongrder,

Dui' ingxuanw qaur ingxuanw.

Guan jiongww vecsnir longxx qongw: Amen.

Linw diyhh ylyw Jehovah.

QXUANR V

107 Linw diyhh qamxsia Jehovah, in'ui Ix si hyw,

In'ui Ix ee ju'air ingxuanw dilehh.

2 Jehovah soxx qiuwsiok :ee diyhh qongw jex ue,

Dyrr si Ix dui' duiwdik ee ciuw-diongx soxx qiuwsiok :ee;

3 Dui' dagg qog, dui' dangx, dui' saix, dui' lamm, dui' vag,

Soxx jurjip :ee longxx diyhh anxnix qongw.

4 Inx dirr kongwiaw pahngx ee lo piauliuu,

Cue byy sniaa tangx kiarkiw.

5 Iarr iaux, iarr cuiwdax,

Inx ee simsinn hrun .kir.

6 Inx dyrr dirr koxlan diongx jinxqiur inx.

Ix dui' inx ee huanrlan diongx jinxqiur inx.

7 Qycc cua inx qniaa dit ee lo,

Hro inx kir qaur tangx kiarkiw ee sniaa.

8 Uirdiyhh Jehovah ee ju'air qapp Ix duiww sewqanlangg soxx qniaa ee qrii su,

Guan langg longxx ylyw Ix.

9 In'ui Ix hro vikced himbo ee simx did diyc dijiog;

Hro iaugy ee simx did diyc hyw mic qaur vaw.

10 Hiaxee jre dirr oamr siximr diongx ee langg,

Siurr kunwkow qapp ticlen vexvak ee langg;

11 Si in'ui inx vuergik Siongrder ee ue,

Knuawkinx jiww quann :ee ee jixir.

12 Soxiw Ix ing lykow qawquaix inx ee simx;

Inx vuehdyw, byy langg hujo.

13 Inx dyrr dirr koxlan diongx aiqiuu Jehovah,

Ix dui' inx ee huanrlan diongx kanqiur inx.

14 Ix dui' oamr siximr diongx cua inx cud .laii.

Cuah dng vak inx ee syh.

15 Uirdiyhh Jehovah ee ju'air qapp Ix duiww sewqanlangg soxx qniaa ee qrii su,

Guan langg longxx ylyw Ix.

16 In'ui Ix pacpuar dangg ee mngg,

Jam dng tih ee mngqongg.

17 Gong langg in'ui inx ee quewsid,

Qycc in'ui inx ee juerog, sriu koxcow.

18 Inx ee simx iamwngor dagg ngiu ee jiahmic,

Dyrr uaw qin siw ee mngg.

19 Inx dyrr dirr koxlan diongx aiqiuu Jehovah;

Ix dui' inx ee huanrlan diongx kanqiur inx.

20 Ix cud bingrling rix hyw inx,

Qiur inx tuatli sixbyy.

21 Uirdiyhh Jehovah ee ju'air qapp Ix duiww sewqanlangg soxx qniaa ee qrii su,

Guan langg longxx ylyw Ix.

22 Iarr guan inx henr qamxsia ee jrer,

Cud hnuahiw ee sniax qongw kiw Ix ee soxx juer.

23 Jre junn quer haiw,

Dirr duarjuiw diongx qing'ingg surgiap :ee,

24 Inx knuar qnir Jehovah ee soxx juer,

Qapp Ix dirr cim'enx soxx qniaa ee qrii su;

25 In'ui Ix jid'err bingrling, qongg hongx dyrr kiw;

Haiw-diongx ee ingw dyrr giaa .kiw .laii;

26 Inx jnriu qaur qiongcongx, lyc qaur haiw-drew;

Inx in'ui guihiamw, sinhunn dyrr siausnuar.

27 Inx d.-dendyw-d., dangx dyw saix uaix, cincniu jiuxjuir ee langg,

Inx ee diwhui buhuad kyxsix.

28 Inx dyrr dirr koxlan diongx aiqiuu Jehovah,

Ix dui' inx ee huanrlan diongx cua inx cud .laii.

29 Ix hro qongg hongx dnia,

Haixingw dyrr vingjing.

30 Hongx dnia, ingw jing, inx dyrr hnuahiw;

Ix dyrr cua inx qaur soxx rair kir ee haixkauw.

31 Uirdiyhh Jehovah ee ju'air qapp Ix duiww sewqanlangg soxx qniaa ee qrii su,

Guan langg longxx ylyw Ix.

32 Guan inx dirr vecsnir ee hue-diongx jrunx Ix juer quann.

Dirr diongxlyw ee jerui ylyw Ix.

33 Ix hro qanghyy vnir juer kongwiaw,

Hro juixjnuaa vnir juer dasyr ee de.

34 Ix hro vuii de vnir qiamm ee de,

Longxx si in'ui kiarkiw dirr hiax ee langg ee juerog.

35 Ix hro kongwiaw vnir juer tamkud,

Hro dax de vnir juer juixjnuaa.

36 Ix hro iaugy ee langg diamr dirr hiax,

Hro inx e kixjy tangx kiarkiw ee sniaa;

37 Qycc jingwjyh canhngg, jraix pudyy,

Did diyc soxx cud ee toxsanw.

38 Ix qycc sniuxsur hokkir hro inx, hro inx snitnuar jerje.

Iarr hro inx ee jingsnix byy qiamxjiyw.

39 Inx qycc in'ui vyrgiok, huanrlan, iukow,

Dyrr qiamxjiyw qycc viqe.

40 Ix hro quiwjok siurr knuawkinx,

Hro inx piauliuu dirr pahngx byy lo ee soxjai.

41 Jongwsirr Ix quxkiw songwhionglangg, hro inx tuatli koxlan,

Hro ix ee qajok hing'ong cincniu ngiuu-qrunn.

42 Jingwdit ee langg beh knuar .qnir laii hnuahiw;

Itcer pnaiw langg ee cuir beh tatbat.

43 Qniwnarr u diwhui ee langg beh quansimx jiaxee dairjir,

Iarr beh siauwliam Jehovah ee ju'air.

108 David ee siquax.

1 Siongrder ar, guaw ee simx jurjai;

Guaw beh gimm six, guaw ee simsinn beh cniuwquax ylyw.

2 Kimm ar, srig ar, linw diyhh jingsinn .kiw .laii;

Guaw vunxsinx beh jin' jaw jingsinn .kiw .laii.

3 Jehovah ar, guaw beh dirr banrvecsnir ee diongqanx qamxsia Liw;

Dirr ledvangx ee diongqanx cniuwquax ylyw Liw.

4 In'ui Liw ee ju'air kacc dua tnix,

Liw ee singsit qaur qiongcongx.

5 Siongrder ar, guan Liw quandua vnuaa quer jiaxee tnix;

Guan Liw ee ingqngx vnuaa quer juann de.

6 Qriuu Liw tniax guanw, ing jniar ciuw kanqiur guanw;

Tangx hro Liw soxx tniar ee langg did diyc qiur.

7 Siongrder ixqing’ qiw Ix ee singwqed laii qongw: Guaw beh dairet;

Guaw beh vunkuix Seqem, nriuu Sukkot ee snuaqog.

8 Gilead si Guaw ee; Manasseh iarr si Guaw ee;

Eflaim si Guaw ee taukuex;

Judah si Guaw ee quanvingr.

9 Moab beh juer Guaw ee igpunn;

Guaw beh hed Guaw ee ree dirr Edom;

Guaw beh in'ui kacc ngiaa Filist laii dua sniax huah.

10 Jirjui e cua guaw zip qenqor ee sniaa?

Jirjui cua guaw zip Edom ee de?

11 Siongrder ar, Liw qamxx m si kiwsag guanw mah?

Siongrder ar, Liw byy qapp guanw ee qunvingx snaqab kir.

12 Qriuu Liw vangjan guanw, qongqig duiwdik;

In'ui langg ee jinxqiur si kangx kangx.

13 Guanw uaxkyr Siongrder, juewjniaa dua dairjir;

In'ui tunxdac guanw ee duiwdik :ee, dyrr si Ix.

109 David ee six, qaux hro gagqnuax.

1 Guaw soxx ylyw ee Siongrder ar, qriuu Liw byc did jing jing;

2 In'ui pnaiw langg ee cuir, qapp qanjar ee cuir, inx ixqing’ tiw kuix qongqig guaw;

Inx ing vehcat ee jic duiww guaw qongxue.

3 Inx ing uanwhun ee ue vau'uii guaw;

Qycc byy indnuax laii qongqig guaw.

4 Guaw tniar inx, inx huanxdngw juer guaw ee duiwdik;

Dogdok guaw juanbu qidyw.

5 Inx duiww guaw ing pnaiw vyr hyw,

Ing uanwhun vyr zin'air.

6 Guan Liw pair jit xee pnaiw langg quanxhad ix,

Pair jit xee duiwdik kia dirr ix ee jniar vingg.

7 Ix siurr simxpnuar ee sii, guan ix cud laii siurr dring jue;

Guan ix ee qidyw vnir juer juerquar.

8 Guan ix ee zidjiw dexjiyw;

Guan vadd langg did diyc ix ee jithun.

9 Guan ix ee qniaxzii juer qozii,

Ix ee bow juer qnuaxhu.

10 Guan ix ee qniaxzii siwqer kir qiukid;

Dui' inx pahngx ee soxjai cud laii tyxjiac.

11 Guan jewjuw ing qewdir cruw ix itcer soxu :ee;

Guan snihunrlangg cniuw ix diyhbuaa soxx did .diyc .ee.

12 Guan byy langg jiapsiok six xunx hro ix;

Guan byy langg kyxlinn ix ee qozii.

13 Guan ix ee horer duanrjuat,

Inx ee miazi siurr catbet, byy tuann dirr xe dai.

14 Guan ix ee joxqongx ee juerog hro Jehovah qir .did;

Guan ix ee laurbuw ee juerquar byy did diyc catsiaux.

15 Guan hiaxee juerog siongsiongg dirr Jehovah ee binrjingg,

Drir qaur Ix bet inx ee miaa dirr sewqanx.

16 In'ui ix byy sniu diyc beh qniaa linbinw;

Huanxdngw kunxvig hitt xee songwhiongx kunwkow ee langg,

Beh hai siw hiaxee siongsimx ee langg.

17 Ix air jiuwjow, jiuwjow dyrr qaur dirr ix;

Ix m air jiokhog, jiokhog dyrr lirkuix ix hng hng.

18 Ix ing jiuwjow juer snxax laii cing;

Jiuwjow dyrr cincniu juiw zip ix ee vaklai,

Cincniu iuu zip ix ee qud.

19 Guan jitt xee jiuwjow juer ix cing dirr sinkux ee ihok,

Juer ix siongsiongg haa ee iyduar.

20 Jex dyrr si guaw ee duiwdik, qapp ing pnaiw ue qongqig guaw ee sinhunn ee langg,

Dui' Jehovah hiax soxx sriu ee vywingr.

21 Jruw Jehovah ar, qriuu Liw in'ui Liw ee miaa hyw kuanxtai guaw;

In'ui Liw ee ju'air jin' hyw, qriuu Liw kanqiur guaw.

22 In'ui guaw songwhiongx, kunwkow,

Guaw ee lairsimx siursiongx.

23 Guaw ee huewsiu cincniu zidngiaw jiamrjiam jniaa;

Guaw cincniu cauxmeh siurr qnuaw cud.

24 Guaw in'ui qimwjiac, katau'ux sngnngw;

Guaw ee bah siausanw, byy zunrdik.

25 Guaw siurr inx ee huixvongr;

Inx knuar qnir guaw, dyrr iyy tauu.

26 Jehovah, guaw ee Siongrder ar, qriuu Liw vangjan guaw;

Jiauww Liw ee ju'air jinxqiur guaw;

27 Hro inx jaix jex si cud dirr Liw ee ciuw;

Si Liw Jehovah soxx qniaa ee su.

28 Cutjai inx jiuwjow, qriuu Liw suwhog;

Inx kiw .laii ee sii, beh duw diyc qenwsiaur, Liw ee lovok beh hnuahiw.

29 Guan guaw ee duiwdik ing lingziok juer snxax cing;

Guan inx ing inx ee qenwsiaur juer pxaur, muax sinkux.

30 Guaw beh ing guaw ee cuir dua dua qamxsia Jehovah;

Guaw beh dirr jingwlangg ee diongqanx ylyw Ix.

31 In'ui Ix beh kia dirr songwhionglangg ee jniar vingg.

Beh qiur ix tuatli simxpnuar ix ee sniwmia ee langg.

110 David ee six.

1 Jehovah duiww guaw ee jruw qongw: Liw jre Guaw ee iu vingg,

Tingwhau Guaw hro liw ee duiwdik juer Liw ee kadac.

2 Jehovah beh dui' Zion crunx cud liw u linglik ee qnuaiw;

Liw diyhh dirr liw duiwdik ee diongqanx jiangxquann.

3 Liw cud qunx ee zit, liw ee vecsnir beh ing singwqed ee jngtna juer snxax, qamsimx henr qaqi;

Liw ee jongwdingx qui'uaw liw, cincniu jaxkiw-sii soxx qed ee lorjuiw.

4 Jehovah ixqing’ jiuwjua, dikkag byy tewhuew, qongw:

Liw ingxuanw juer jewsix,

Jiauww Melqizedek ee vanlet.

5 Dirr liw jniar vingg ee Jruw,

Dng' Ix siurkir ee zit, beh pacvai led'ongg.

6 Ix beh dirr ledvangx diongx laii simxpnuar,

Ix beh sinsix venwmuaw dagg soxjai;

Ix beh dirr jerje qog pacpuar duiwdik ee taukag.

7 Ix beh limx lo-vnix ee kejuiw;

In'ui anxnix, ix beh giac kiw tauu.

111 Linw diyhh ylyw Jehovah.

Dirr jingwdit ee langg ee hue-diongx, qapp qonghue diongx,

Guaw beh juansimx qamxsia Jehovah.

2 Jehovah ee soxx juer jin' dua,

Huanrnarr hnuahiw Ix soxx juer :ee, longxx beh cakyw ix.

3 Ix soxx qniaa :ee si junquir uigiamm,

Ix ee gi ingxingw dilehh.

4 Ix qniaa qrii su, hro langg qiwliam;

Jehovah u unhui, u linbinw.

5 Ix sniuxsur bixniuu hro qingwuir Ix ee langg;

Ix beh ingxuanw qiwliam Ix ee iog.

6 Ix jiong' Ix dua quanlingg ee soxx juer, henxbingg dirr Ix ee vecsnir;

Jiong' ledvangx ee giap sniursur inx.

7 Ix ee ciuw soxx juer si singsit qongvingg;

Ix ee qawsi longxx si kaksit.

8 Si ingxsewdai qenqor :ee,

Si jiauww singsit jingwdit setlip :ee,

9 Ix ngr Ix ee vecsnir sihingg qiuwsiok;

Ix dniardiyc Ix ee iog, didqaur ingxuanw;

Ix ee miaa si sxingr, tangx qnia'uir.

10 Qingwuir Jehovah si diwhui ee qunvunw;

Qniwnarr jiauww anxnix qniaa :ee, jiacc u cangmiaa;

Jehovah ee miasniax didqaur ingxuanw.

112 Linw diyhh ylyw Jehovah.

Qingwuir Jehovah, dua hnuahiw Ix ee bingrling :ee,

Jitt hy langg u hokkir.

2 Ix ee horer dirr sewqanx dikkag qiongsing;

Jingwdit ee langg ee au dai, dikkag beh did diyc hokkir.

3 Ix ee qrex-lai u huewmic, u jnijaii;

Ix ee qonggi jrunn qaur ingxuanw.

4 Jingwdit ee langg dirr oamr ee diongqanx, u qngx uirdiyhh ix huathen;

Ix u unhui, u linbinw, u qonggi.

5 Six xunx laii jiyh .langg .ee, u hokkir;

Ix siurr simxpnuar ee sii, beh sowbingg qaqi ee su.

6 Ix ingxingw byy iycuah;

Girlangg siurr qiwliam, didqaur ingxunaw.

7 Ix m qniax pnaiw siausid;

Ix ee simx qenqor uaxkyr Jehovah.

8 Ix ee simx jurjai, longxx byy qniahniaa,

Didqaur ix knuar qnir ix ee duiwdik siurr vywingr.

9 Ix dua siaxsir, ix jinxjer songwhionglangg;

Ix ee zin'gi jrunn qaur ingxuanw;

Ix ee qag did diyc quxkiw, u ingqngx.

10 Pnaiw langg knuar liauw be kad .did,

Dikkag qargee cetkiw laii siaubet;

Pnaiw langg ee simguan beh qruix dirr byy.

113 Linw diyhh ylyw Jehovah.

Jehovah ee lovok ar, linw diyhh ylyw,

Ylyw Jehovah ee miaa.

2 Guan Jehovah ee miaa siurr ylyw,

Dui' jitt sii qaur ingxuanw.

3 Dui' zit cud qaur zit lyc ee soxjai,

Jehovah ee miaa si ingqaix ylyw :ee.

4 Jehovah vnuaa quer longxjongw ee qog,

Ix ee ingqngx kacc quann dirr jiaxee tnix.

5 Jirjui cincniu Jehovah, lanw ee Siongrder ar?

Ix jre dirr jiww quann ee soxjai.

6 Ix qaqi kiamvix,

Quanknuar tnidingw dere ee dairjir.

7 Ix dui' din'aix quxkiw songwhionglangg,

Dui' vunwsywduix tevuat kiamwkueh ee langg;

8 Hro ix qapp quiwjok snaqab jre,

Dyrr si qapp vunxqog ee quiwjok snaqab jre.

9 Ix hro be sing'iog ee hurzinlangg liaurliw qrex;

Juer jerje qniaw ee laurbuw laii hnuahiw.

Linw diyhh ylyw Jehovah.

114 Islael cud Egipt.

Jakob-qrex lirkuix gengiw be siongtongx ee vecsnir;

2 Hitt sii Judah juer Ix ee sxingr sow,

Islael juer Ix ee vangqog.

3 Duarhaiw knuar .qnir dyrr dyjauw,

Jordan Hyy iarr lrauu dywdngw.

4 Dua snuax diytiaur cincniu ngiuqangw;

Ser snuax diytiaur cincniu ngiu'axqniaw.

5 Duarhaiw ar, liw uirr sniaw dairjir dyjauw?

Jordan ar, liw uirr sniaw dairjir lrauu dywdngw?

6 Dua snuax ar, liw jnaixngiu diytiaur cincniu ngiuqangw?

Sew snuax ar, liw jnaixngiu diytiaur cincniu ngiu'axqniaw?

7 De ar, liw qnir diyc Jruw ee bin,

Qnir diyc Jakob ee Siongrder ee bin, dyrr diyhh gniauhgniauc cuah.

8 Ix hro jiyhvnuaa vnir juer juixdii,

Hro ding jiyc vnir juer juixjnuaa.

115 Jehovah ar, ingqngx byc did qruix hro guanw, byc did qruix hro guanw,

Diyhh iu'ui Liw ee ju'air qapp singsit, qruix dirr Liw ee miaa.

2 Micsaiw diyhh hro guarvanglangg qongw:

Dnaxx, inx ee Siongrder dirr dyclyc?

3 Guanw ee Siongrder dirr tnidingw;

Longxx jiauww Ix soxx rair :ee qniaa dairjir.

4 Inx ee gnoxsiong si ginn :ee qimx :ee,

Si langg ee ciuw soxx jy :ee.

5 Inx u cuir, iarr be knuar;

U bagjiux, iarr be qongxue;

6 In u hnirkangx, iarr be tniax;

U pnirkangx, iarr be pni;

7 Inx u ciuw, iarr be tec;

U kax, iarr be qniaa;

Inx iarr byy ing inx ee na'auu cud sniax.

8 Jy inx :ee, kyr inx :ee,

Longxx be cincniu inx.

9 Islael ar, liw diyhh uaxkyr Jehovah;

Ix si inx ee vangjan, inx ee dinvaii.

10 Aalon ee qrex ar, linw diyhh uaxkyr Jehovah;

Ix si inx ee vangjan, inx ee dinvaii.

11 Linw qingwuir Jehovah :ee, diyhh uaxkyr Jehovah;

Ix si inx ee vangjan, inx ee dinvaii.

12 Jehovah vingsii siauwliam guanw, Ix beh sur hokkir;

Beh sur hokkir hro Islael ee qrex;

Beh sur hokir hro Aalon ee qrex.

13 Qniwnarr qingwuir Jehovah ee langg,

Bylun duarser, Ix beh sur hokir hro inx.

14 Guan Jehovah qetnix linw,

Qetnix linw qapp linw ee qniaxsunx.

15 Congwjy tnide ee Jehovah,

Sniuxsur hokkir hro linw.

16 Tnix si Jehovah ee tnix.

De si Ix hro sewqanlangg :ee.

17 Sixlangg be e ylyw Jehovah;

Lyc qaur jing jing ee soxjai :ee, iarr longxx be e.

18 Guanw beh ylyw Jehovah,

Dui' jitt sii qaur ingxuanw.

Linw diyhh ylyw Jehovah.

116 Guaw tnix Jehovah,

In'ui Ix tniax guaw ee sniax, guaw ee kunxqiuu.

2 Ix ixqing’ ngar hnikangx tniax guaw;

Soxiw guaw jit siwlangg beh qiuqiyr Ix.

3 Sixbyy ee syh dnii diyc guaw,

Imqanx ee tongwkow knii diyc guaw;

Guaw duw diyc huanrlan siurkow.

4 Guaw dyrr qiuqiyr Jehovah ee miaa, qongw,

Jehovah ar, dnaxx qriuu Liw qiur guaw ee sniwmia.

5 Jehovah u unhui, u qonggi;

Guanw ee Siongrder u juvix.

6 Jehovah vyxho gongrdit ee langg;

Guaw qaur dirr vibii ee derui, Ix dyrr qiur guaw.

7 Guaw ee sinhunn ar, diyhh qruix dirr liw anhiyh ee soxjai,

In'ui Jehovah ing dua xunx kuanxtai liw.

8 In'ui Liw qiur guaw ee sniwmia benw did sixbyy;

Qiur guaw ee bagjiux benw lrauu bagsaiw;

Qiur guaw ee kax benw vuahdyw.

9 Guaw beh dirr Jehovah ee binrjingg,

Qniaa dirr uahlangg ee de.

10 Guaw sinr, soxiw qongw;

Guaw siurr qik dua ee kunwkow;

11 Guaw bad diyhqib laii qongw,

Langg longxx si huqew.

12 Jehovah sniuxsur guaw itcder ee dua xunx,

Guaw beh ing simxmih vywdab Ix?

13 Guaw beh pangg kiw qiuwunx ee vxuex,

Qiuqiyr Jehovah ee miaa.

14 Guaw beh dirr Ix jiongww vecsnir ee binrjingg,

Duiww Jehovah sria guaw ee guan.

15 Jehovah knuar Ix sxingr ee vecsnir ee siw,

Juer jin' vyxvuer.

16 Jehovah ar, guaw sidjai si Liw ee lovok;

Guaw si Liw ee lovok, si Liw luxvi ee qniaw;

Liw ixqing’ tauw kuix kunxvak guaw ee syh.

17 Guaw beh ing qamxsia ee jrer henr hro Liw;

Qycc beh qiuqiyr Jehovah ee miaa.

18 Guaw beh dirr Ix jiongww vecsnir ee binrjingg,

Duiww Jehovah sria guaw ee guan.

19 Dirr Jehovah ee cur ee ngi-lai,

Dirr Jelusalem ee diongqanx;

Linw diyhh ylyw Jehovah.

117 Banrqog ar, linw diyhh ylyw Jehovah;

Banrvecsnir ar, linw diyhh cinghox Ix.

2 In'ui Ix duiww lanw dua six ju'air;

Jehovah ee singsit ingxuanw dilehh.

Linw diyhh ylyw Jehovah.

118 Linw diyhh qamxsia Jehovah, in'ui Ix si hyw;

In'ui Ix ee ju'air ingxuanw dilehh.

2 Guan Islael qongw,

Ix ee ju'air ingxuanw dilehh.

3 Guan Aalon ee qrex qongw,

Ix ee ju'air ingxuanw dilehh.

4 Guan qingwuir Jehovah ee langg qongw,

Ix ee ju'air ingxuanw dilehh.

5 Guaw dirr guiqib ee diongqanx qiuqiyr Jehovah;

Jehovah dyrr rinr guaw, jiong' guaw he dirr kuankuah ee soxjai.

6 U Jehovah qapp guaw dilehh, guaw dyrr byy qniax;

Langg beh sniaw hxuad did guaw da'uaa?

7 Dirr hiaxee vangjan guaw :ee ee diongqanx, u Jehovah qapp guaw dilehh;

Soxiw guaw beh knuar qnir hiaxee uanwhun guaw ee langg sriu vywingr.

8 Uaxkyr Jehovah,

Viw uaxkyr langg kacc hyw.

9 Uaxkyr Jehovah,

Viw uaxkyr ongcinx kacc hyw.

Uaxkyr Jehovah,

10 Banrvecsnir uiluii guaw;

Guaw uaxkyr Jehovah ee miaa, beh jaubet inx.

11 Inx uikunr guaw,

Guaw uaxkyr Jehovah ee miaa, beh caubet inx.

12 Inx cincniu pxangx uii guaw;

Cincniu siyx ciwper ee huew, siurr pachuax.

Guaw uaxkyr Jehovah ee miaa beh jaubet inx.

13 Liw cud lat ciax guaw, beh hro guaw dyw;

Jongwsirr Jehovah vangjan guaw.

14 Jehovah si guaw ee kuiwlat, si guaw ee siquax;

Ix iarr jniaa juer jinxqiur guaw :ee.

15 Dirr girlangg ee vowvnii lai u hnuahiw ee sniax, jinxqiur ee sniax;

Jehovah ee jniar ciuw six cud dua quanlingg.

16 Jehovah ee jniar ciuw giac quann;

Jehovah ee jniar ciuw six cud dua quanlingg.

17 Guaw be drir qaur siw, iauxx e uac lehh;

Suar beh vywiongg Jehovah ee soxx juer.

18 Jehovah bad giamgiamm qingxqair guaw;

Jongwsirr be u jiong' guaw qaux dirr sixbyy.

19 Diyhh qra guaw kuix gi ee mngg;

Guaw beh zip .kir, qamxsia Jehovah.

20 Jex si Jehovah ee mngg,

Gi ee langg beh zip .kir.

21 Guaw beh qamxsia Liw, in'ui Liw ixqing’ rinr guaw;

Qycc jniaa juer jinxqiur guaw :ee.

22 Saihu soxx kiwsag ee jiyc,

Ixqing’ jniaa juer cuwqaktauu ee jiyc.

23 Jex si Jehovah soxx juer :ee,

Lanw ee bagjiux knuar ix juer qiquair.

24 Jex si Jehovah soxx dniardiyc ee zit;

Lanw dirr jitt zit ee diongqanx beh hnuahiw kuaiwlok.

25 Jehovah ar, dnaxx qriuu Liw jinxqiur;

Jehovah ar, dnaxx qriuu Liw hro guanw huatdat.

26 Hrong Jehovah ee miaa laii :ee, ingqaix did diyc hokkir;

Guanw dui' Jehovah ee cur qra linw jiokhog.

27 Jehovah si Siongrder, Ix ee qngx jiyr guanw;

Diyhh ing syc vak jewsu ee jingsnix qaur dnxuaa-qag.

28 Liw si guaw ee Siongrder, guaw beh jrunx Liw juer quann.

Liw si guaw ee Siongrder, guaw beh jrunx Liw juer quann.

29 Linw diyhh qamxsia Jehovah, in'ui Ix si hyw;

In'ui Ix ee ju'air ingxuanw dilehh.

119 Soxx qniaa uanjuann, juntanr Jehovah ludhuad :ee,

Jitt hy langg u hokkir.

2 Junsiuw Ix qanjingr ee ue,

Juansimx cue Ix :ee, jitt hy langg u hokkir.

3 Inx byy juer vutgi ee su;

Inx juntanr Ix ee dyrlo.

4 Liw bad jiong' Liw qawsi ee ue huanhur guanw;

Si rair guanw unkunn junsiuw.

5 Guan guaw ee cuhiongr dniardiyc,

Laii siuw Liw ee ludle.

6 Guaw duiwdiong Liw itcer ee qaiwbing,

Dyrr vutdir qenwsiaur.

7 Guaw hagsip Liw qonggi ee pnuawduanr,

Dyrr beh ing jingwdit ee simx qamxsia Liw.

8 Guaw beh siuw Liw ee ludle;

Qriuu Liw m tangx itjin vangwsag guaw.

9 Siauwlenlangg diyhh ing simxmih laii cingkir ix ee soxx qniaa?

Si diyhh jiauww Liw ee ue laii sewzi qniaa.

10 Guaw juansimx cue Liw;

Qriuu Liw m tangx hro guaw belo lirkuix Liw ee qaiwbing.

11 Guaw jiong' Liw ee gengiw kngr dirr guaw ee simlai,

Benw did guaw dikjue Liw.

12 Jehovah ar, Liw si ingqaix siurr ylyw :ee;

Qriuu Liw jiong' Liw ee ludle qawsi guaw.

13 Liw soxx qongw itcer ee pnuawsuu,

Guaw ing cuiwdunn vywiongg ix.

14 Guaw hnuahiw Liw qanjingr ee lo,

Cincniu hnuahiw itcer ee jaibut.

15 Guaw beh jing jing sniu Liw qawsi ee ue,

Iarr beh juwdiong Liw ee dyrlo.

16 Guaw beh dirr Liw ee ludle diongx qaqi kuaiwlok,

Guaw byy be qir did Liw ee ue.

17 Qriuu Liw ing duarunx kuanxtai Liw ee lovok, hro guaw did diyc uac;

Guaw dyrr beh siuw Liw ee ue.

18 Qriuu Liw kuix guaw ee bagjiux,

Hro guaw knuar cud Liw ludhuad diongx ee qibiau.

19 Guaw dirr derjniu si juer qiawkax :ee;

Qriuu Liw m tangx duiww guaw unxbat Liw ee qaiwbing.

20 Guaw ee smix viag lic,

In'ui sisiongg cetced himbo Liw ee pnuawsuu.

21 Liw jikvi qiau'gno siurr jiuwjow ee langg,

Dyrr si belo lirkuix Liw ee qaiwbing ee langg.

22 Qriuu Liw qra guaw druu kir lingziok qapp knuawkinx,

In'ui guaw siuw Liw qanjingr ee ue.

23 Quiwjok jre lehh, lamrsamw girlun guaw;

Liw ee lovok jing jing sniu Liw ee ludle.

24 Liw qanjingr ee ue si guaw soxx hnuahiw :ee,

Si guaw ee bosu.

25 Guaw ee sniwmia kac diauu dirr tohunw,

Qriuu Liw, jiauww Liw ee ue, jinxqiur guaw uac.

26 Guaw qongw kiw guaw soxx qniaa ee lo, Liw rinr guaw;

Qriuu Liw jiong' Liw ee ludle qawsi guaw.

27 Qriuu Liw hro guaw bingvik Liw qawsi ee lo,

Guaw dyrr jing jing sniu Liw ee qrii su.

28 Guaw ee simsinn in'ui iukow laii siau'ngiuu;

Qriuu Liw, jiauww Liw ee ue, hro guaw iongxqnia.

29 Qriuu Liw hro guaw lirkuix qanjar ee lo,

Jiong' Liw ee ludhuad unsur guaw.

30 Guaw u qingw sinwsit ee lo,

Jiong' Liw ee pnuawsuu he dirr guaw ee binrjingg.

31 Guaw luanbo Liw qanjingr ee ue;

Jehovah ar, qriuu Liw m tangx hro guaw qenwsiaur.

32 Liw kuikuah guaw ee simx ee sii,

Guaw dyrr jauw dirr Liw qaiwbing ee lo.

33 Jehovah ar, qriuu Liw jiong' Liw ludle ee lo jixsi guaw;

Guaw beh tetdew junsiuw,

34 Qriuu Liw hro guaw diwhui, guaw dyrr siuw Liw ee ludhuad;

Qycc beh juansimx jipsiuw.

35 Qriuu Liw hro guaw qniaa Liw qaiwbing ee lo,

In'ui jitt ee lo si guaw soxx hnuahiw :ee.

36 Qriuu Liw hro guaw ee simx ngr Liw qanjingr ee ue,

Byy ngr vutgi ee jnijaii.

37 Qriuu Liw hro guaw ee bagjiux uadjauw, byy knuar huqew;

Qycc hro guaw dirr Liw ee lo-diongx laii uac.

38 Liw ee lovok qingwuir Liw,

Qriuu Liw uirr ix qenqor Liw ee ue.

39 Qriuu Liw hro guaw soxx qniax ee lingziok lirkuix guaw;

In'ui Liw ee pnuawsuu si hyw.

40 Guaw himbo Liw qawsi ee ue;

Qriuu Liw dirr Liw ee qonggi, hro guaw laii uac.

41 Jehovah ar, guan Liw jiauww Liw ee ue,

Hro Liw ee ju'air, dyrr si Liw ee qiuwunx, limqaur guaw.

42 Guaw dyrr u e tangx rinr hitt xee lingziok guaw :ee;

In'ui guaw uaxkyr Liw ee ue.

43 Qriuu Liw hro jinliw ee ue byy itjin lirkuix guaw ee cuir;

In'ui guaw ngwbang Liw e pnuawduanr.

44 Guaw beh siongsiongg siuw Liw ee ludhuad,

Didqaur ingxuanw.

45 Guaw beh qniaa dirr kuankuah ee soxjai,

In'ui guaw u qangxqiur Liw qawsi ee ue.

46 Guaw iarr beh dirr qun'ongg ee binrjingg qangxlun Liw qanjingr ee ue,

Iarr byy drir qaur qenwsiaur.

47 Guaw beh dirr Liw ee qaiwbing diongx qaqi kuaiwlok;

Jiaxee qaiwbing vingsor si guaw soxx tniawsiyh :ee.

48 Guaw tniawsiyh Liw ee qaiwbing, guaw beh duiww ix giac kiw ciuw;

Liw ee ludle guaw iarr beh jing jing sniu ix.

49 Qriuu Liw qir did duiww Liw ee lovok soxx ingwunw ee ue,

In'ui Liw bad hro guaw u ngwbang.

50 Liw ee ue jiong' guaw qiur uac,

Guaw dirr huanrlan diongx dui' jex did diyc an'uir.

51 Qiau'gno ee langg jinrjai buxban guaw;

Jongwsirr guaw m bad penli Liw ee ludhuad.

52 Jehovah ar, guaw qiwliam Liw dui' jaw ixlaii ee pnuawsuu,

Dyrr qaqi did diyc an'uir.

53 Guaw in'ui kiwsag Liw ee ludhuad ee pnaiw langg,

Dyrr dua siurkir, cincniu huew dyc.

54 Guaw dirr qiawkax ee cur,

Vingsii ing Liw ee ludle juer siquax.

55 Jehovah ar, guaw mii .sii qiwliam liw ee miaa,

Siuw Liw ee ludhuad.

56 Guaw did diyc anxnix,

Si in'ui guaw siuw Liw qawsi ee ue.

57 Jehovah si guaw ee qigiap,

Guaw bad qongw: Guaw beh siuw Liw ee ue,

58 Guaw bad juansimx qriuu Liw ee xunx.

Guan Liw jiauww Liw ee ue linbinw guaw.

59 Guaw cimx cimx sniu guaw soxx qniaa ee lo,

Dyrr uat dngw kax ngr Liw qanjingr ee ue.

60 Guaw siuw Liw ee qaiwbing,

Qnuaxqinw byy encenn.

61 Pnaiw langg ee syh vagdnii guaw;

Jongxsi guaw byy be qir did Liw ee ludhuad.

62 Guaw in'ui Liw qonggi ee pnuawduanr,

Vnuawmii beh kiw laii qamxsia Liw.

63 Qniwnarr qingwuir Liw, qapp siuw Liw ee qawsi ee langg,

Guaw qapp inx juer pnua.

64 Jehovah ar, Liw ju'air venwmuaw derbin;

Qriuu liw jiong' Liw ee ludle qawsi guaw.

65 Jehovah ar, Liw bad hyw kuanxtai Liw ee lovok,

Si jiauww Liw soxx qongw ee ue.

66 Qriuu Liw jiong' hyw ee cangmiaa qapp diwsig, qawsi guaw;

In'ui guaw sinr Liw ee qaiwbing.

67 Guaw bue siurkow ixjingg, u qniaa belo;

Jongwsirr guaw dnaxx siuw Liw ee ue.

68 Liw si hyw, soxx qniaa iarr si hyw;

Qriuu Liw jiong' Liw ee ludle qawsi guaw.

69 Qiau'gno ee langg jyrjog byngiaw ee ue, qongqig guaw;

Guaw beh juansimx siuw Liw ee qawsi.

70 Inx ee simx dun, cincniu iuu vaux bat;

Guaw hnuahiw Liw ee ludhuad.

71 Guaw u siurkow, si juer guaw ee lirig;

In'ui beh hro guaw hagsip Liw ee ludle.

72 Liw soxx qongw ee ludhuad si juer guaw ee lirig;

Ngiaa quer cingban ee qimginn.

73 Liw ee ciuw congwjy guaw, cniadii guaw;

Qriuu Liw hro guaw diwhui, tangx hagsip Liw ee qaiwbing.

74 Qingwuir Liw ee langg knuar qnir guaw dyrr beh hnuahiw;

In'ui dirr Liw ee ue, guaw u ngwbang.

75 Jehovah ar, guaw jaix Liw ee pnuawduanr si qonggi;

Liw hro guaw siurkir si duiwdirr sinwsit.

76 Qriuu Liw ing Liw ee ju'air an'uir guaw;

Jiauww Liw duiww Liw ee lovok soxx qongw ee ue.

77 Guan Liw ee juvix limqaur guaw, hro guaw uac;

In'ui Liw ee ludhuad si guaw soxx hnuahiw :ee.

78 Guan qiau'gno ee langg sriu qenwsiaur, in'ui inx byy lixiuu ongxkud guaw;

Guaw beh jing jing sniu Liw ee qawsi.

79 Guan qingwuir Liw ee langg qui'ngr guaw;

Inx dyrr jaix Liw qanjingr ee ue.

80 Guan guaw ee simx unajuann siuw Liw ee ludle,

Hro guaw vutdir qenwsiaur.

81 Guaw ee simsinn himbo Liw ee qiuwunx qaur hrun .kir;

Dirr Liw ee ue, guaw u ngwbang.

82 Guaw in'ui ngwbang Liw ee ue, bagjiux huex,

Qongw: Liw simxmih sii beh an'uir guaw?

83 In'ui guaw cincniu dirr huexhunx diongx ee puede;

Jongwsirr guaw byy be qir did Liw ee ludle.

84 Liw ee lovok ee zidjiw u zuarr je ar?

Liw beh dirsii simxpnuar kunxvig guaw ee langg.

85 Qiau'gno ee langg, dyrr si byy tranr Liw ee ludhuad :ee,

Qrut hamrknix, beh hai guaw.

86 Liw ee qaiwbing itjin singsit; inx byy indnuax kunxvig guaw;

Qriuu Liw vangjan guaw.

87 Inx hiamw hiamw bedbyy guaw dirr sewqanx;

Jongwsirr guaw byy vangwsag Liw ee qawsi.

88 Qriuu Liw jiauww Liw ee ju'air hro guaw uac;

Guaw dyrr beh siuw Liw ee cuir qanjingr ee ue.

89 Jehovah ar, Liw ee ue andnia dirr tnix nirr,

Didqaur ingxuanw.

90 Liw ee singsit jrunn qaur banrdai;

Liw qenwlip de, de dyrr dngg dngg dilehh.

91 Jiauww Liw ee dingrle, inx qaur dnaxx iauxx dilehh;

In'ui banrmic longxx si Liw ee ce'ing.

92 Guaw narr m si hnuahiw Liw ee ludhuad,

Dyrr jaw jaw dirr guaw ee koxlan diongx bedbyy lar.

93 Guaw ingxingw byy be qir did Liw ee qawsi;

In'ui Liw ing jex hro guaw uac.

94 Guaw si Liw ee, qriuu Liw qiur guaw;

In'ui guaw cue Liw ee qawsi.

95 Pnaiw langg dngdanw guaw, beh bedbyy guaw,

Jongwsirr guaw beh qangxqiur Liw qanjingr ee ue.

96 Guaw knuar soxu ee uanjuann, longxx si iuxhan;

Dogdok Liw ee bingrling qigqii kuikuah.

97 Guaw tniawsiyh Liw ee ludhuad qaur jnaixngiu ar!

Guaw tong' zit jing jing sniu.

98 Liw ee qaiwbing siongsiongg qapp guaw dilehh,

Hro guaw viw guaw ee duiwdik kacc u diwhui.

99 Guaw viw guaw longxjongw ee sensnix kacc tongdat;

In'ui guaw jing jing sniu Liw qanjingr ee ue.

100 Guaw viw laurlangg kacc bingvik,

In'ui guaw siuw Liw ee qawsi.

101 Guaw qimr guaw ee kax, itcer ee pnaiw lo byy qniaa;

Hro guaw tangx siuw Liw ee ue.

102 Guaw byy penli Liw ee pnuawduanr;

In'ui Liw u qawsi guaw.

103 Liw ee ue dirr guaw ee jniurqniux qaur zuarr dnix.

Dirr guaw ee cuir, viw bit kacc dnix.

104 Guaw dui' Liw ee qawsi did diyc bingvik;

Soxiw guaw uanwhun itcer ee sialo.

105 Liw ee ue juer guaw kax-jingg ee dingx,

Juer guaw lorjniu ee qngx.

106 Liw qonggi ee pnuawduanr, guaw bad jiuwjua beh junsiuw;

Guaw quatduanr anxnix qniaa.

107 Guaw siurkow qaur qik;

Jehovah ar, qriuu Liw jiauww Liw ee ue hro guaw uac.

108 Jehovah ar, qriuu Liw qamwlap guaw ee cuir soxx hnuahiw henr ee ylyw,

Qycc jiong' Liw ee pnuawsuu qawsi guaw.

109 Guaw ee sniwmia siongsiongg duw diyc guihiamw;

Iauxquxx guaw byy be qir did Liw ee ludhuad.

110 Pnaiw langg sed lybang beh hai guaw;

Jongwsirr guaw byy penli Liw ee qawsi.

111 Guaw jiong' Liw qanjingr ee ue, juer ingxuanw ee qigiap;

In'ui jex si guaw simlai soxx hnuahiw :ee.

112 Guaw hro guaw ee simx juanx ngr Liw ee ludle;

Ingxuanw juntanr, didqaur lorbuew.

113 Nng ngiu simx ee langg si guaw soxx tongwhun;

Dogdok Liw ee ludhuad si guaw soxx tniawsiyh.

114 Liw si guaw siamxbih ee soxjai, qycc si guaw ee dinvaii;

Guaw dirr Liw ee ue u ngwbang.

115 Juer pnaiw ee langg ar, linw diyhh lirkuix guaw;

Hro guaw tangx siuw guaw ee Siongrder ee qaiwbing.

116 Qriuu Liw jiauww Liw ee ue hucii guaw, hro guaw uac,

Iarr byy hro guaw in'ui soxx ngwbang :ee laii qenwsiaur.

117 Qriuu Liw hucii guaw, guaw dyrr did qiur;

Guaw beh siongsiongg duiwdiong Liw ee ludle.

118 Qniwnarr qniaa calo, lirkuix Liw ee ludle ee langg, Liw knuawkinx inx;

In'ui inx ee kuixjar si huqew.

119 Sewqanx ee pnaiw langg, Liw longxx qra inx druu .kir, cincniu jedaiw;

In'ui anxnix, guaw tniawsiyh Liw qanjingr ee ue.

120 Guaw in'ui qnia'uir Liw, guaw ee bah dyrr cuah;

Liw ee pnuawduanr iarr hro guaw qniahniaa.

121 Guaw vingxqongx qniagi;

Qriuu Liw m tangx jiong' guaw vangr hro apjer guaw ee langg.

122 Qriuu Liw vyxzin Liw ee lovok, tangx did diyc hyw qingxgu;

Byc did hro qiau'gno ee langg apjer guaw.

123 Guaw in'ui ngwbang Liw ee qiuwunx, qapp Liw qonggi ee ue,

Drir qaur bagjiux huex.

124 Qriuu Liw jiauww Liw ee ju'air kuanxtai Liw ee lovok;

Jiong' Liw ee ludle qawsi guaw.

125 Guaw si Liw ee lovok, qriuu Liw hro guaw diwhui;

Hro guaw e jaix Liw qanjingr ee ue.

126 Henrjai dng' si Jehovah qniaa dairjir ee sii;

In'ui langg huewbyy Liw ee ludhuad.

127 Soxiw guaw tniawsiyh Liw ee qaiwbing,

Ngiaa quer qimx, iarr ngiaa quer hyw qimx.

128 Soxiw Liw itcer ee qawsi, banrsu, guaw longx liac juer jingwdit;

Qycc guaw uanwhun itcer ee sialo.

129 Liw qanjingr ee ue si qibiau;

Soxiw guaw ee simx qinxsin jipsiuw.

130 Liw ee ue jid'err kuitiah, dyrr huad cud qngx,

Hro gong langg tongdat.

131 Guaw kuix cuir diddit cuanw;

In'ui guaw cetced himbo Liw ee qaiwbing.

132 Qriuu Liw uat dngw ngr guaw, linbinw guaw;

Cincniu Liw vingsiongg kuanxtai hiaxee qingwair Liw ee miaa ee langg.

133 Qriuu Liw ing Liw ee ue hro guaw ee kavo unxdangr;

Byc iong'unw simxmih juerog quanxhad guaw.

134 Qriuu Liw qiuwsiok guaw, tuatli langg ee apjer,

Guaw dyrr beh siuw Liw ee qawsi.

135 Guan Liw hro Liw ee bin ee qngx jiyr Liw ee lovok;

Qycc jiong' Liw ee ludle qawsi guaw.

136 Guaw ee bagsaiw cincniu kejuiw decc lrauu;

In'ui inx byy siuw Liw ee ludhuad.

137 Jehovah, Liw si qonggi :ee;

Liw ee pnuawduanr iarr si jingwdit :ee.

138 Liw soxx bingrling qanjingr ee ue, si jiauww qonggi,

Qigqii singsit.

139 Guaw ee simx zet, cincniu huew siybet guaw;

In'ui guaw ee duiwdik be qir did Liw ee ue.

140 Liw ee ue tuanwlen qaur jin' jing;

Soxiw Liw ee lovok jin' iwair.

141 Guaw vibii, hro langg knuawkinx.

Jongwsirr guaw byy be qir did Liw ee qawsi.

142 Liw ee qonggi si ingxuanw ee qonggi;

Liw ee ludhuad si jinsit.

143 Guaw duw diyc huanrlan iukow;

Jongwsirr Liw ee qaiwbing si guaw soxx hnuahiw :ee.

144 Liw qanjingr ee ue ingxuanw si qonggi;

Qriuu Liw hro guaw diwhui, guaw dyrr e uac.

145 Jehovah ar, guaw juansimx qiuqiyr Liw, qriuu Liw rinr guaw;

Guaw beh qinxsin siuw Liw ee ludle.

146 Guaw duiww Liw qiuqiyr, qriuu Liw qiur guaw;

Guaw dyrr beh siuw Liw qanjingr ee ue.

147 Guaw tanr tnix bue qngx qiuqiyr Liw;

Dirr Liw ee ue guaw u ngwbang.

148 Mii .sii, qnxix iauxx bue cimx, guaw ee bagjiux ixqing’ nih kuix;

In'ui beh jing jing sniu Liw ee ue.

149 Qriuu Liw jiauww Liw ee ju'air, tniax guaw ee sniax;

Jehovah ar, qriuu Liw jiong' Liw ee pnuawduanr, hro guaw e uac.

150 Quanwlen qniaa pnaiw ee langg vig uaw .laii;

Inx lirkuix Liw ee ludhuad hng hng.

151 Jehovah ar, Liw si qin qin;

Liw ee qaiwbing longxx si jinsit.

152 Guaw qangxqiur Liw qanjingr ee ue, jaw jaw ixqing’ jaix,

Si Liw libdnia qaur ingxuanw :ee.

153 Qriuu Liw knuawqor guaw ee koxlan, laii kanqiur guaw;

In'ui guaw byy be qir did Liw ee ludhuad.

154 Qriuu Liw qra guaw sin'uanx, qiuwsiok guaw;

Jiauww Liw ee ue hro guaw uac.

155 Qiuwunx lirkuix pnaiw langg hng hng;

In'ui inx byy cue Liw ee ludle.

156 Jehovah ar, Liw ee juvix si dua;

Qriuu Liw jiauww Liw ee pnuawduanr hro guaw uac.

157 Kunxvig guaw :ee, dixdik guaw :ee, jin' je,

Jongwsirr guaw byy penli Liw qanjingr ee ue.

158 Guaw knuar qnir qan'og ee langg, dyrr jin' iamwngor;

In'ui inx byy siuw Liw ee ue.

159 Liw knuar guaw jnaixngiu tniawsiyh Liw ee qawsi;

Jehovah ar, qriuu Liw jiauww Liw ee ju'air hro guaw uac.

160 Liw ee ue ee jongxqintauu si jinsit;

Liw itcer qonggi ee pnuawduanr si ingxuanw dilehh.

161 Quiwjok byy indnuax kunxvig guaw;

Jongwsirr guaw ee simx qnia'uir Liw ee ue.

162 Guaw hnuahiw Liw ee ue,

Cincniu langg did diyc jerje taii ngiaa ee mic.

163 Vehcad'ue si guaw soxx tongwhun, soxx iamwjen :ee;

Liw ee ludhuad si guaw soxx tniawsiyh :ee.

164 Guaw in'ui Liw qonggi ee pnuawduanr,

Dagg zit cid vaiw ylyw Liw.

165 Tniawsiyh Liw ee ludhuad ee langg u dua ving'anx,

Byy jit hxang e dnivnuar inx ee kax.

166 Jehovah ar, guaw u decc ngwbang Liw ee qiuwunx.

U qniaa Liw ee qaiwbing.

167 Guaw ee simx u siuw Liw qanjingr ee ue,

Jiaxee ue, guaw jinrjai iwair.

168 Guaw u siuw Liw ee qawsi, qapp Liw qanjingr ee ue;

In'ui guaw itcer soxx qniaa :ee, longxx dirr Liw ee binrjingg.

169 Jehovah ar, guan guaw qiuqiyr ee sniax taur qaur Liw ee binrjingg;

Qriuu Liw jiauww Liw ee ue, sniuxsur guaw diwhui.

170 Guan guaw kunxqiuu ee ue qaur Liw ee binrjingg;

Qriuu Liw jiauww Liw ee ue kanqiur guaw.

171 Guan guaw ee cuiwdunn huad cud ylyw ee ue,

In'ui Liw jiong' Liw ee ludle qawsi guaw.

172 Guan guaw ee jic cniuwquax ylyw Liw ee ue;

In'ui Liw itcer ee qaiwbing lonxx si qonggi.

173 Guan Liw crunx ciuw vangjan guaw;

In'ui guaw u qingw Liw ee qawsi.

174 Jehovah ar, guaw cetced himbo Liw ee qiuwunx;

Liw ee ludhuad iarr si guaw soxx hnuahiw :ee.

175 Guan guaw uac lehh, guaw ee sinhunn dyrr beh ylyw Liw;

Guan Liw ee pnuawduanr vangjan guaw.

176 Guaw belo cincniu pah m qnir ee ngiuu; qriuu Liw cue Liw ee lovok;

In'ui guaw byy be qir did Liw ee qaiwbing.

120 Jnriu qia-aw ee six.

1 Guaw dirr guiqib diongx qiuqiyr Jehovah,

Ix dyrr rinr guaw.

2 Jehovah ar, qriuu Liw qiur guaw tuatli vehcat ee cuiwdunn,

Qapp kuixjar ee jic.

3 Kuixjar ee jic ar, Jruw beh hro liw simxmih ar?

Beh ing simxmih qetnix hro liw ar?

4 Dyrr si iongxbingw ee langg ee lrai jnxir,

Qapp lytingcaa ee zet tnuar.

5 Guaw jin' camw ar, qiawkax dirr Mesec,

Kiarkiw dirr Kedar hiaxee vowvnii ee diongqanx.

6 Guaw qapp hiaxee uanwhun hyvingg ee langg,

Quw quw snaqab kiarkiw.

7 Guaw air hyvingg;

Jongwsirr guaw kuix cuir, inx dyrr beh jingjenr.

121 Jnriu qia-aw ee six.

1 Guaw beh giahbak ngr snuax;

2 Guaw ee vangjan dui' dyclyc laii?

Guaw ee vangjan dui' Jehovah laii;

Ix si congwjy tnide ee.

3 Ix byy beh hro liw ee kax iycuah;

Vyxsiuw liw :ee dikkag byy ducbinn.

4 Knuar ar, vyxsiuw Islael :ee,

Iarr byy ducbinn, iarr byy kunr .kir.

5 Vyxsiuw liw :ee si Jehovah;

Jehovah dirr liw ee jniar vingg juer liw ee imwngw.

6 Zit .sii taiwiongg byy siongx liw,

Mii .sii guec iarr be hai liw.

7 Jehovah beh vyxsiuw liw, benw sriu itcer ee jaihai;

Ix beh vyxsiuw liw ee sniwmia.

8 Liw cud, liw zip, Jehovah beh vyxsiuw liw,

Dui' jidsii didqaur ingxuanw.

122 Jnriu qia-aw ee six, David soxx juer :ee.

1 Langg duiww guaw qongw: Lanw laii kir Jehovah ee cur,

Guaw dyrr hnuahiw.

2 Jelusalem ar,

Guanw ee kax kia dirr liw ee mngg-lai.

3 Jelusalem siurr kixjy,

Cincniu lenlok jingxjee ee sniaa.

4 Jiaxee jipair, dyrr si Jehovah ee jipair,

Jiauww Islael dniardiyc ee le,

Jnriu kir hiax beh ylyw Jehovah ee miaa.

5 In'ui dirr hiax setlip simxpnuar ee vyxjy,

Dyrr si David-qrex ee vyxjy.

6 Diyhh trer Jelusalem qriuu ving'anx;

Qniwnarr tniar ix ee langg dikkag anlok.

7 Guan Liw sniaa-lai ving'anx.

Guan Liw ee qiongx-lai anlok.

8 In'ui guaw ee hniadi qapp dangpnua ee enqor,

Guaw beh qongw: Guan ving'anx dirr hitt lairbin.

9 In'ui Jehovah, lanw ee Siongrder ee cur ee enqor,

Guaw beh ter ix qriuu hokkir.

123 Jnriu qia-aw ee six.

1 Jre dirr tnidingw ee Jruw ar,

Guaw giahbak ngr Liw.

2 Knuar ar, juer lovok :ee ee bagjiux, jnaixngiu ngr juxlangg ee ciuw,

Juer luxvi :ee ee bagjiux, jnaixngiu ngr juxbuw ee ciuw,

Guanw ee bagjiux iarr jiauww anxnix ngr Jehovah, guanw ee Siongrder;

Diddit qaur Ix linbinw guanw.

3 Jehovah ar, kyxlinn guanw, kyxlinn guanw;

In'ui guanw hro langg knuawkinx, ixqing’ qaur qik.

4 Guanw ee simx hro hiaxee la'ingg ee langg lingxciyr,

Hro qiau'gno ee langg knuawkinx,

Ixqing’ qaur qik.

124 Jnriu qia-aw ee six, David soxx juer.

1 Islael dnaxx diyhh qongw,

Narr m si Jehovah jan guanw,

2 Narr m si Jehovah jan guanw,

Dirr langg kiw laii qongqig guanw,

3 Dirr inx duiww guanw huad siurkir ee sii,

Dyrr jiong' guanw uac uac tunx .lyc .kir;

4 Hitt sii jiaxee juiw dikkag vnuaa quer guanw,

Hyjuiw dikkag imbat guanw.

5 Hiongqongg ee juiw dikkag imbat guanw.

6 Guan Jehovah siurr ylyw.

In'ui Ix byy jiong' guanw juer jiahmic, qaux hro inx vorjiac.

7 Guanw ee sniwmia cincniu jiauw-aw, tuatli liac jiauw :ee ee lybang;

Lybang puar lic, guanw dyrr tuatli.

8 Guanw did diyc vangjan, si kyr Jehovah ee miaa,

Ix si congwjy tnide :ee.

125 Jnriu qia-aw ee six.

1 Uaxkyr Jehovah ee langg,

Cincniu ingxingw kia jai, be iycuah ee Zion Snuax.

2 Jiongww snuax vau'uii Jelusalem.

Jehovah iarr anxnix vau'uii Ix ee vecsnir;

Dui' jitt diap qaur ingxuanw.

3 Juerog ee quanvingr be dniardnia dirr girlangg ee hunrgiac;

Benw did girlangg crunx ciuw juer pnaiw.

4 Jehovah ar, qriuu Liw hyw kuanxtai hiaxee juer hyw :ee,

Ixqip simx jingwdit ee langg.

5 Lun qaur hiaxee uaicuac, qniaa ix uankiaux ee lo ee langg,

Jehovah dikkag hro inx qapp juer pnaiw ee langg drangg dringw.

Guan ving'anx qruix dirr Islael.

126 Jnriu qia-aw ee six.

1 Jehovah cua hiaxee siurr liac ee langg dywdngw laii Zion;

Hitt sii lanw cincniu binbang.

2 Hitt sii lanw ee cuir hachah ciyr.

Lanw ee jic cud dua hnuahiw ee sniax;

Guarvangx diongx dyrr u langg qongw,

Jehovah uirr inx qniaa dua su.

3 Jehovah u uirr lanw qniaa dua su,

Lanw dyrr hnuahiw.

4 Jehovah ar, qriuu Liw hro guanw siurr liac ee langg dywdngw,

Cincniu lamhngx ee kejuiw qycc lrauu.

5 Lrauu bagsaiw ia jingxjiw :ee,

Beh cud hnuahiw ee sniax siuquah.

6 Hitt xee lrauu bagsaiw duar jingxjiw cud .kir .ee,

Dikkag beh duar ix ee diurvew h.-hnuahiw-h. dyr .laii.

127 Jnriu qia-aw ee six, Solomon soxx juer :ee.

1 Cuwtec narr m si Jehovah kixjy,

Kixjy ix ee langg dyrr kangx kangx diyhbuaa;

Sniadii narr m si Jehovah qowsiuw,

Dyrr qowsiuw ee langg kangx kangx qingxsingw.

2 Linw jaw jaw kiw, nguar nguar kunr,

Jiac lylok soxx did .diyc ee vng, iarr si kangx kangx;

Jehovah soxx tniar ee langg, Ix beh hro ix hyw kunr.

3 Knuar ar, qniaxzii si Jehovah soxx sniuxsur ee sanxgiap;

Huai'in ee txex, si Ix soxx hro ix ee vywsniuw.

4 Siauwlenn ee sii soxx snix ee qniaw,

Cincniu iongxsu ciuw-diongx ee jnxir.

5 Ix ee jniwde ciongmuaw ee langg u hokkir;

Inx dirr sniamngkauw qapp duiwdik qongxue,

Dikkag vutdir qenwsiaur.

128 Jnriu qia-aw ee six.

1 Qniwnarr qingwuir Jehovah, qniaa dirr Ix ee lo :ee,

Hitt hy langg u hokkir.

2 Liw beh jiac liw ee ciuw diyhbuaa soxx did .diyc .ee.

Liw beh hiongxhog, sursu hingtongx.

3 Liw ee bow dirr liw ee cur ee vangg-lai cincniu qed jerje quexjiw ee pudyciu;

Liw ee qniaxzii uiluii liw ee dyh, cincniu qnanaxjaix.

4 Knuar ar, qingwuir Jehovah ee langg,

Dikkag beh anxnix did diyc hokkir.

5 Jehovah beh dui' Zion suwhog liw;

Liw itsingx beh knuar qnir Jelusalem ee hokkir.

6 Liw beh knuar qnir liw ee qniaw ee qniaw.

Guan ving'anx qruix dirr Islael.

129 Jnriu qia-aw ee six.

1 Islael diyhh qongw: Dui' guaw sewhanr ee sii,

Inx dauc dauc koxcow guaw.

2 Dui' guaw sewhanr ee sii inx dauc dauc kowcow guaw;

Jongwsirr inx m bad kacc ngiaa guaw.

3 Hnua lee ee langg lee guaw ee qajiacpniax,

Lee ee qauhunn tuax jin' dngg.

4 Jehovah si qonggi :ee;

Ix u jam dng pnaiw langg ee syh.

5 Qniwnarr uanwhun Zion :ee,

Guan inx duw diyc qenwsiaur tewau.

6 Guan inx cincniu cur-dingw ee jiauw,

Bue duarjangg dyrr qodaa;

7 Quah :ee quah byy muaw vew,

Haa :ee haa byy qui' lamw.

8 Quewlo ee langg iarr byy qongw,

Guan Jehovah sur linw hokkir;

Guanw hrong Jehovah ee miaa, qra linw jiokhog.

130 Jnriu qia-aw ee six.

1 Jehovah ar, guaw dui' cim'enx qiuqiyr Liw,

2 Jruw ar, qriuu Liw tniax guaw ee sniax;

Guan Liw ngar hnirkangx tniax guaw kunxqiuu ee sniax.

3 Jruw Jehovah ar, Liw narr qiuwkamr juerog,

Jirjui kia e diauu?

4 Liw u siawbenw ee xunx,

Beh hro langg qingwuir Liw.

5 Guaw tingwhau Jehovah, guaw ee simsinn decc tingwhau;

Dirr Ix ee ue guaw u ngwbang.

6 Guaw ee simsinn tingwhau Jruw,

Viw jiuxqnix ee langg tingwhau tnix qngx kacc vikced.

Viw jiuxqnix ee langg tingwhau tnix qngx kacc vikced.

7 Islael ar, liw diyhh ngwbang Jehovah;

In'ui dirr Jehovah u ju'air,

Dirr Ix u hongsing ee qiuwsiok.

8 Ix dikkag qiuwsiok Islael,

Tuatli ix itcer ee juerog.

131 Jnriu qia-aw ee six, David juer :ee.

1 Jehovah ar, guaw simx byy qiau'gno, guaw ee bagtauu byy quann;

Dua hxang ee su, qapp qibiau sniu be cud :ee,

Guaw m qnaw qniaa.

2 Guaw jinjniar hro guaw ee simx ving'unw anjing;

Cincniu dng linx ee ginxaw, uaw dirr ix ee laurbuw,

Guaw ee simx dirr guaw ee lairbin cincniu dng linx ee ginxaw.

3 Islael ar, liw diyhh ngwbang Jehovah,

Dui' jidsii qaur ingxuanw.

132 Jnriu qia-aw ee six.

1 Jehovah ar, David soxx sriu itcer ee koxlan,

Qriuu Liw qiwliam ix;

2 Ix jnaixngiu duiww Jehovah jiuwjua,

Duiww Jakob ee dua Quanlingg :ee he guan;

3 Qongw: Guaw dikkag byy zip guaw ee qrex ee vowvnii,

Iarr byy jnriu guaw ee bincngg;

4 Guaw byy iong'unw guaw ee bagjiux kunr .kir,

Iarr byy iong'unw guaw ee bagjiupuee hap uaw;

5 Tingwhau guaw uirdiyhh Jehovah cue diyc soxjai,

Uirr Jakob ee dua Quanlingg :ee cue diyc soxjai,

6 Knuar ar, guanw tniax qnir iokqui dirr Eflata;

Guanw dirr ciurnaa ee cann duw diyc ix.

7 Guanw beh zip Ix kiarkiw ee soxjai;

Guanw beh vair dirr Ix ee kadah'iw jingg.

8 Jehovah ar, qriuu Liw kiw .laii;

Liw qapp Liw ee kuiwlat ee iokqui snaqab zip Liw hiyckunr ee soxjai.

9 Guan Liw ee jewsix cing qonggi juer snxax;

Guan Liw sxingr ee vecsnir cud hnuahiw ee sniax.

10 Qriuu Liw in'ui Liw ee lovok David ee enqor,

Byc did kiwsag Liw ee siurr buah iuu :ee.

11 Jehovah ing singsit duiww David jiuwjua,

Dikkag byy huanxhog,

Qongw: Guaw beh hro liw soxx snix :ee jre dirr liw ee vyxjy.

12 Liw ee qniaw narr siuw Guaw ee iog,

Qapp Guaw soxx beh qawsi inx ee huatdo,

Inx ee qniaxsunx beh ingxuanw jre dirr liw ee vyxjy.

13 In'ui Jehovah u qingw Zion,

Rair ing ix juer vunxsinx kiarkiw ee soxjai;

14 Qongw: Jex si Guaw ingxuanw hiyckunr ee soxjai;

Guaw beh diamr dirr jiax,

In'ui si Guaw soxx iwair :ee.

15 Guaw beh hro ix ee bixniuu hongsing,

Guaw beh ing jiahmic hro ix ee songwhionglangg qraur gxiac.

16 Guaw beh hro ix ee jewsix cing qiuwunx juer snxax,

Ix sxingr ee vecsnir beh cud dua hnuahiw ee sniax.

17 Guaw beh hro David ee qag dirr hiax huatsnix;

Guaw uirdiyhh Guaw ee siurr buah iuu :ee virvan qngdingx.

18 Guaw beh hro ix ee duiwdik cing qenwsiaur juer snxax;

Jongwsirr ix ee benxliuu beh dirr ix ee taukag dingw huad cud qngx.

133 Jnriu qia-aw ee six, David soxx juer.

1 Knuar ar, hniadi hyw hyw snaqab kiarkiw,

Si hydingw ee hyw, hydingw ee anlok!

2 Jex tangx vixping hitt xee quiwkir ee iuu tinn dirr taukag dingw,

Lrauu qaur cuiwciux,

Dyrr si Aalon ee cuiwciux,

Qycc lrauu qaur ix ee sna'axqix.

3 Iarr tangx vixping Hermon ee lorjuiw,

Lyc dirr Zion jiaxee snuax;

In'ui dirr hiax Jehovah u dniardiyc suwhog;

Dyrr si ingxuanw ee uahmia.

134 Jnriu qia-aw ee six.

1 Knuar ar, Jehovah jiaxee lovok, mii .sii diamr Jehovah cur-lai :ee,

Linw longxx diyhh ylyw Jehovah.

2 Linw diyhh ngr sxingr sow giac kiw linw ee ciuw,

Ylyw Jehovah.

3 Guan congwjy tnide ee Jehovah,

Dui' Zion sur hokkir hro liw.

135 Linw diyhh ylyw Jehovah.

Linw diyhh ylyw Jehovah ee miaa;

Jehovah jiaxee lovok, diamr dirr Jehovah ee cur,

2 Diamr dirr lanw ee Siongrder ee cur ee ngi-lai :ee,

Linw diyhh ylyw Ix.

3 Linw diyhh ylyw Jehovah, in'ui Jehovah si hyw;

Diyhh cniuwquax ylyw Ix ee miaa, in'ui jex si jin' miau.

4 In'ui Jehovah qingw Jakob qruix Ix qaqi,

Qingw Islael juer qaqi digvet ee vecsnir.

5 Guaw jaix Jehovah juer dua.

Iarr jaix lanw ee Jruw vnuaa quer longxjongw ee sinbingg.

6 Jehovah dirr tnidingw, dirr itcer ee cim'enx,

Longxx cutjai Ix ee iwsur laii qniaa.

7 Ix hro hunbu dui' derqik cringr kiw;

Uirdiyhh ho congwjy sicnar,

Dui' Ix ee kowvangg diongx duar hongx .cud .laii.

8 Ix jiong' Egiptlangg qapp jingsnix taujniu :ee,

Longxx qra inx pah siw.

9 Egipt ar, Ix qniaa sinziah qrii su dirr liw ee diongqanx,

Dirr Falaoh qapp ix ee jiongww zinsinn.

10 Ix pah ngiaa jerje vangqog,

Qycc taii siw dua quanlingg ee ongg;

11 Dyrr si Amoli Ongg Sihon,

Qapp Basan Ongg Og,

Ixqip Qalamm dagg qog.

12 Jiong' inx ee de juer giap,

Dyrr si hro Ix ee vecsnir Islael juer giap.

13 Jehovah ar, Liw ee miaa lauu qaur ingxuanw;

Jehovah ar, Liw tangx qiwliam ee miaa lauu qaur banrdai.

14 In'ui Jehovah beh qra Ix ee vecsnir sin'uanx;

Uirdiyhh Ix jiaxee lovok huesimx dngxir.

15 Guarvangx ee gnoxsiong si ginn :ee qimx :ee,

Si langg ee ciuw soxx jy :ee.

16 Inx u cuir, iarr be qongxue;

U bagjiux, iarr be knuar;

17 Inx u hnirkangx, iarr be tniax;

Cuir-lai iarr byy cuanxkuir.

18 Jy inx :ee kyr inx :ee,

Longxx beh cincniu inx.

19 Islael-qex ar, linw diyhh ylyw Jehovah;

Aalon ee qrex ar, linw diyhh ylyw Jehovah;

20 Levi ee qrex ar, linw diyhh ylyw Jehovah;

Qingwuir Jehovah ee langg ar, linw diyhh ylyw Jehovah.

21 Jehovah kiarkiw dirr Jelusalem;

Guan Ix dui' Zion did diyc ylyw.

Linw diyhh ylyw Jehovah.

136 Linw diyhh qamxsia Jehovah, in'ui Ix si hyw;

In'ui Ix ee ju'air ingxuanw dilehh.

2 Linw diyhh qamxsia jiaxee siongrder ee Siongrder;

In'ui Ix ee ju'air ingxuanw dilehh.

3 Linw diyhh qamxsia bxan jruw ee Jruw;

In'ui Ix ee ju'air ingxuanw dilehh.

4 Qamxsia hitt xee qaqi qniaa dua qrii su :ee;

In'ui ix ee ju'air ingxuanw dilehh.

5 Qamxsia hitt xee ing diwhui congwjy tnix :ee;

In'ui ix ee ju'air ingxuanw dilehh.

6 Qamxsia hitt xee pox de dirr juiw ee dingxbin :ee;

In'ui Ix ee ju'air ingxuanw dilehh.

7 Qamxsia hitt xee congwjy dua ee qngtew :ee;

In'ui Ix ee ju'air ingxuanw dilehh.

8 Dyrr si zidtauu laii quanw zit .sii;

In'ui Ix ee ju'air ingxuanw dilehh.

9 Guec qapp cnxix quanw mii .sii;

In'ui Ix ee ju'air ingxuanw dilehh.

10 Qamxsia hitt xee pah siw Egiptlangg ee dua-qniaw :ee;

In'ui Ix ee ju'air ingxuanw dilehh.

11 Cua Islaellangg dui' inx diongqanx cud .laii .ee;

In'ui ix ee ju'air ingxuanw dilehh.

12 Ing dua quanlingg ee ciuw qapp crunx .cud .laii ee ciuxqud;

In'ui Ix ee ju'air ingxuanw dilehh.

13 Qamxsia hitt xee vunx kuix Angg Haiw :ee

In'ui Ix ee ju'air ingxuanw dilehh.

14 Iarr cua Islael dui' hitt xee diongqanx qingquer :ee;

In'ui Ix ee ju'air ingxuanw dilehh.

15 Jiong' Falaoh qapp ix ee qunvingx hed dirr Angg Haiw :ee;

In'ui ix ee ju'air ingxuanw dilehh.

16 Qamxsia hitt xee cua Ix ee vecsnir qniaa dirr kongwiaw :ee;

In'ui ix ee ju'air ingxuanw dilehh.

17 Qamxsia hitt xee pah siw dua qun'ongg :ee;

In'ui ix ee ju'air ingxuanw dilehh.

18 Taii siw u miasniax ee ongg :ee;

In'ui ix ee ju'air ingxuanw dilehh.

19 Taii siw Amoli Ongg Sihon;

In'ui Ix ee ju'air ingxuanw dilehh.

20 Qycc taii siw Basan Ongg Og;

In'ui Ix ee ju'air ingxuanw dilehh.

21 Jiong' inx ee dua sniuxsur juer giap;

In'ui Ix ee ju'air ingxunaw dilehh.

22 Dyrr si sniuxsur Ix ee lovok Islael juer giap;

In'ui Ix ee ju'air ingxuanw dilehh.

23 Ix siauwliam lanw dirr vibii ee xui;

In'ui Ix ee ju'air ingxuanw dilehh.

24 Jinxqiur lanw tuatli lanw ee duiwdik;

In'ui Ix ee ju'air ingxuanw dilehh.

25 Ix sniuxsur bixniuu hro qniww u hetkir :ee;

In'ui Ix ee ju'air ingxuanw dilehh.

26 Linw diyhh qamxsia tnidingw ee Siongrder;

In'ui Ix ee ju'air ingxuanw dilehh.

137 Guanw bad jre dirr Babylon ee hyy-vnix,

Jid'err sniu diyc Zion, bagsaiw dyrr lrauu.

2 Guanw jiong' guanw ee kimm,

Diaur dirr hitt xui ee liuxciu.

3 In'ui dirr hiax liac guanw :ee, rair guanw cniuwquax,

Cniuw guanw :ee, rair guanw kuaiwlok,

Qongw: Linw diyhh qra guanw cniur jit siuw Zion ee quax.

4 Guanw dirr guarvangx.

Taixtyw e cniur Jehovah ee quax?

5 Jelusalem ar, guaw narr be qir did liw,

Guan guaw ee jniar ciuw sitlyc ix ee vunxsu.

6 Guaw narr be qir did liw,

Narr byy knuar Jelusalem kacc quewtauu dirr guaw soxx derr id hnuahiw :ee,

Guan guaw ee jic liamm dirr guaw ee jniurqniux.

7 Jelusalem duw diyc huanrlan ee sii,

Edomlangg qongw: Tiachuiw ix, tiachuiw ix,

Diddit tiah qaur derqix;

Jehovah ar, qriuu Liw qir did hitt zit.

8 Decbeh siurr bet ee Babylon Sniaa ar,

Vywingr liw cincniu liw kuanxtai guanw :ee,

Hitt hy langg u hokkir.

9 Liac liw ee ngex-aw, siag dirr jiyhvnuaa :ee,

Hitt hy langg u hokkir.

138 David ee six.

1 Guaw beh juansimx qamxsia Liw,

Dirr jiaxee siongrder ee binrjingg beh cniuwquax ylyw Liw.

2 Guaw beh ngr Liw ee sxingr dxen quirvair,

In'ui Liw ee ju'air qapp singsit, ylyw Liw ee miaa;

In'ui Liw hro Liw ee ue juer dua, ngiaa quer Liw soxu ee miaa.

3 Guaw qiuqiyr hitt zit, Liw dyrr rinr guaw,

Qoxbuw guaw, hro guaw ee simx u kuiwlat.

4 Jehovah ar, sewjniu ee qun'ongg longxx beh qamxsia Liw,

In'ui inx u tniax qnir Liw ee cuir soxx qongw ee ue.

5 Inx beh cniuwquax ylyw Jehovah ee qniajuer,

In'ui Jehovah ee ingqngx jin' dua.

6 Jehovah suizenn jin' quann, iauxquxx knuawqor vibii ee langg;

Ix dui' hng hng knuar cud qiau'gno ee langg.

7 Guaw suizenn qniaa dirr huanrlan diongx, Liw beh hro guaw uac;

Guaw ee duiwdik siurkir, Liw beh crunx ciuw laii dixdngx ix,

Liw ee jniar ciuw iarr beh qiur guaw.

8 Quanhe guaw ee su, Jehovah beh jniaa ix;

Jehovah ar, Liw ee ju'air ingxuanw dilehh;

Qriuu Liw byc did vangwsag Liw ee ciuw soxx jy :ee.

139 David ee six, qaux hro gagqnuax.

1 Jehovah ar, Liw ixqing’ qamwcad guaw, bad guaw.

2 Guaw jre .lyc .kir, guaw vreh .kiw .laii, Liw longxx jaix;

Liw dui' hng hng jaix guaw ee liamrtauu.

3 Guaw qnialo, guaw dyw dirr bincngg, Liw longxx siongser jaix;

Guaw itcer soxx qniaa :ee, Liw iarr cimx jaix.

4 Jehovah ar, guaw ee cuir soxx qongw ee ue,

Liw byy jit qxur m jaix.

5 Liw dirr guaw ee jing'au uii guaw,

Hnua ciuw dirr guaw ee dingxbin.

6 Jitt kuanw ee jaibad qibiau, guaw be e cikdog;

Jin' quann, guaw be e qaur.

7 Guaw beh kir dyclyc, siamxvi Liw ee sinn?

Guaw beh jauw kir dyclyc, siamxvi Liw ee bin?

8 Guaw narr jnriu tnix, Liw dirr hiax;

Guaw narr kunr dirr imqanx, Liw iarr dirr hiax.

9 Guaw narr tiw kuix cingjaw ee sxit,

Vuex qaur haiw ee qigtauu laii kiarkiw;

10 Dyrr narr dirr hiax, Liw ee ciuw iarr beh inxcua guaw,

Liw ee jniar ciuw iarr beh kanx guaw.

11 Guaw narr qongw: Oamr beh ziakamr guaw,

Qycc siwuii ee qngx beh vnir juer amwmii;

12 Dyrr oamr iarr be e ziakamr guaw, hro Liw byy knuar .qnir;

Oamr mii cincniu zit .sii huad qngx.

Oamr qapp qngbingg, jairr Liw knuar longxx si jidngiu,

13 In'ui guaw ee jongrhuw, si Liw soxx congwjy :ee;

Guaw dirr laurbuw ee vakdow lai, Liw u viwiu guaw.

14 Guaw beh qamxsia Liw, in'ui guaw sriu qibiau tangx qniax :ee;

Liw ee soxx juer qibiau;

Jex si guaw ee simx cimx jaix :ee.

15 Guaw dirr amwdiongx siurr jy,

Dirr de ee jindew siurr lenlok,

Hitt sii guaw ee hingtew byy unxmuaa dirr Liw.

16 Guaw bue jniaa hxingg ee texjid,

Liw ee bagjiux ixqing’ knuar .qnir,

Soxx dniardiyc ee zit, iauxx bue u jit zit,

Longxx qir dirr Liw ee ceh.

17 Siongrder ar, Liw ee iwsur duiwdirr guaw, qaur jiacc vyxvuer!

Hitt xee siauwgiac, qaur jiacc je!

18 Guaw narr beh sngr ix, viw haixsuax kacc je;

Guaw kunr jingsinn ee sii, iuguann qapp Liw snaqab dilehh.

19 Siongrder ar, Liw dikkag beh jaubet pnaiw langg;

Soxiw linw jiaxee rair hro langg lrauu huih :ee, diyhh lirkuix guaw kir.

20 In'ui inx qongw pnaiw ue, duxdag Liw;

Liw ee duiwdik iarr lamrsamw cxingx Liw ee miaa.

21 Jehovah ar, uanwhun Liw :ee, guaw qamxx byy uanwhun inx mah?

Kiw laii qongqig Liw :ee, guaw qamxx byy iamwjen inx mah?

22 Guaw jinrjai uanwhun inx, liac inx juer guaw ee duiwdik.

23 Siongrder ar, qriuu Liw qamwcad guaw, jaix guaw ee simsux;

Ciwgiam guaw, jaix guaw ee iwsur.

24 Knuar guaw u simxmih pnaiw soxx qniaa .byy,

Cua guaw qniaa ingxuac ee lo.

140 David ee six, qaux hro gagqnuax.

1 Jehovah ar, qriuu Liw qiur guaw tuatli pnaiw langg;

Vyxho guaw tuatli qiong'og ee langg.

2 Inx ee simlai doboo qan'og,

Siongsiongg jurjip air qaujenr.

3 Inx hro inx ee jic lrai cincniu juaa;

Cuiwdunn xe u dogjuaa ee dok. [Selah]

4 Jehovah ar, qriuu Liw vyxsiuw guaw tuatli pnaiw langg ee ciuw;

Vyxho guaw tuatli qiong'og ee langg;

Inx sniu beh ciax hro guaw vuahdyw.

5 Qiau'gno ee langg uirr guaw amwjni dniux uahdauh qapp syh;

Inx dirr lo-vnix anx lybang,

Sed kuantyr, beh hai guaw. [Selah]

6 Guaw bad duiww Jehovah qongw: Liw si guaw ee Siongrder;

Jehovah ar, qriuu Liw ngar hnirkangx tniax guaw kunxqiuu ee sniax.

7 Jruw Jehovah, guaw qiuwunx ee lat ar,

Dirr qaujenr ee zit, Liw ziajac guaw ee taukag.

8 Jehovah ar, qriuu Liw m tangx jiauww pnaiw langg ee soxx air;

M tangx jniaa inx ee qewboo, qniax inx e jurqyx. [Selah]

9 Lun qaur hiaxee uikunr guaw ee langg ee tauu,

Guan inx cuiwdunn ee qang'og imbat inx qaqi;

10 Guan zedzet ee huextnuar lyc dirr inx ee sinjniu;

Guan inx siurr hed dirr huew nirr,

Hed dirr cimx knix-lai, be qycc kiw .laii.

11 Qongw pnaiw ue ee langg dirr derjniu dikkag kia be diauu;

Jaieh dikkag duizib qiongvy ee langg, jiong' inx dnaxdyw.

12 Guaw jaix Jehovah beh uirr kunwkow ee langg sin'uanx,

Beh uirr songwhionglangg venrbingg uankud.

13 Girlangg dikkag beh qamxsia Liw ee miaa;

Jingwdit ee langg beh kiarkiw dirr Liw ee binrjingg.

141 David ee six.

1 Jehovah ar, guaw bad qiuqiyr Liw;

Qriuu Liw qinw qinw limqaur guaw;

Guaw qiuqiyr Liw ee sii,

2 Guan Liw ngar hnirkangx tniax guaw ee sniax.

Guan guaw ee qidyw, cincniu hniux, vaii dirr Liw ee binrjingg;

Guan guaw ee giac kiw ciuw, cincniu ehngx-sii ee jewsu.

3 Jehovah ar, qriuu Liw qowsiuw guaw ee cuir;

Vexsiuw guaw cuiwdunn ee mngg.

4 Qriuu Liw byy hro guaw ee simx pen'ngr sia'og.

Drir qaur guaw qapp jokget ee langg drangg qniaa pnaiw dai;

Iarr byy hro guaw jiac inx ee hyw mic.

5 Girlangg pah guaw, guaw sngr juer zinjuu;

Ix jikvi guaw, guaw sngr juer taukag dingw buah iuu;

Guaw ee taukag byy beh uadsiamw;

Dng' inx qniaa pnaiw ee sii, guaw iuguann beh qidyw.

6 Inx ee simxpnuawqnuax siurr hed lyc snuakamr;

Inx beh tniax guaw ee ue, in'ui jex ue si dnix.

7 Guanw ee quttauu siwsnuar dirr bong-vnix;

Cincniu langg jyh cann, lee kuix hitt xee too.

8 Jruw Jehovah ar, guaw ee bagjiux ngr Liw;

Guaw uaxkyr Liw, qriuu Liw m tangx vangwsag guaw ee sinhunn byy i'uaw.

9 Qriuu Liw vyxho guaw tuatli inx uirdiyhh guaw dniux ee uahdauh,

Qapp qniaa pnaiw ee langg ee kuantyr.

10 Guan pnaiw langg ham lyc dirr inx ee lybang;

Danrsi guaw did diyc tuatli.

142 David dirr dong-lai ee sii juer jitt xee qawsi ee six; iarr si qidyw.

1 Guaw cud sniax auqiyr Jehovah,

Cud sniax kunxqiuu Jehovah.

2 Guaw dirr Ix ee binrjingg tror cud guaw ee koxjingg.

Guaw dirr Ix ee binrjingg vailet guaw ee huanrlan.

3 Guaw ee sinn dirr guaw ee lairbin hrun .kir ee sii, Liw jaix guaw ee lo;

Dirr guaw qniaa ee lo, inx uirdiyhh guaw amwjni dniux uahdauh.

4 Qriuu Liw ngr guaw ee jniar vingg laii knuar, in'ui byy langg bad guaw;

Guaw byy der tangx dysiamw, iarr byy langg knuawqor guaw.

5 Jehovah ar, guaw bad duiww Liw aiqiuu;

Guaw qongw: Liw si guaw dysiamw ee soxjai,

Dirr uahlangg ee de, Liw si guaw ee qigiap.

6 Qriuu Liw ngar hnirkangx tniax guaw ee qiuqiyr; in'ui guaw lyc qaur qik qe ee xui;

Qriuu Liw qiur guaw tuatli kunxvig guaw ee langg, in'ui inx viw guaw kacc qiongg.

7 Qriuu Liw cua guaw cud qnax, guaw dyrr tangx ylyw Liw ee miaa;

Girlangg beh uii guaw, in'ui Liw ing undenw kuanxtai guaw.

143 David ee six.

1 Jehovah ar, qriuu Liw tniax guaw ee qidyw, ngar hnirkangx tniax guaw ee kunxqiuu;

Jiauww Liw ee sinwsit, jiauww Liw ee qonggi, laii rinr guaw.

2 Qriuu Liw byc did simxmng Liw ee lovok,

In'ui dirr Liw ee binrjingg, uac lehh ee langg, byy jit xee cxingx juer gi.

3 Duiwdik kunxvig guaw,

Jiong' guaw ee sniwmia, pah dyw dirr de nirr;

Hro guaw diamr dirr oamr ee soxjai, cincniu siw quw quw ee langg jidngiu.

4 Soxiw guaw ee sinhunn dirr guaw ee lairbin hrun .kir;

Guaw ee simx dirr guaw ee lairbin cnicinr.

5 Guaw qir did qoxjaw ee zit;

Siauwliam Liw itcer ee soxx qniaa;

Jing jing sniu Liw ee ciuw ee soxx juer.

6 Guaw ngr Liw giac kiw ciuw,

Guaw ee simx himbo Liw, cincniu kongwhan ee de jidngiu. [Selah]

7 Jehovah ar, qriuu Liw qinw qinw rinr guaw;

Guaw ee simsinn hruir liauw liauw;

M tangx duiww guaw ngx bin;

Benw did guaw cincniu lyc bong ee langg.

8 Qriuu Liw hro guaw jaxkiw-sii tniax qnir Liw ju'air ee sniax,

In'ui guaw uaxkyr Liw;

Qriuu Liw hro guaw jaix ingxqaix qniaa ee lo.

In'ui guaw ee simx giongxbong Liw.

9 Jehovah ar, qriuu Liw qiur guaw tuatli guaw ee duiwdik;

Guaw jauw kir bih dirr Liw hiax.

10 Liw si guaw ee Siongrder, qriuu Liw qawsi guaw qniaa Liw ee jixir;

Liw ee sinn si hyw, qriuu Liw cua guaw dirr vnidit ee de.

11 Jehovah ar, qriuu Liw uirdiyhh Liw ee miaa hro guaw uac;

Jiauww Liw ee qonggi, cua guaw cud huanrlan diongx.

12 Jiauww Liw ee ju'air, druu kir guaw ee duiwdik,

Jaubet itcer koxcow guaw ee langg;

In'ui guaw si Liw ee lovok.

144 David ee six.

1 Jehovah, guaw ee jiyhvnuaa, si ingqaix ylyw :ee;

Ix qawsi guaw ee ciuw e jingjenr,

Qawsi guaw ee jngxtauu-aw e sna' taii.

2 Ix si guaw ee ju'air, guaw ee snuaje,

Guaw ee quann daii, guaw ee qiuwjuw;

Guaw ee dinvaii, si guaw soxx uaxkyr :ee;

Ix hro guaw ee vecsnir hanghok dirr guaw ee erbin.

3 Jehovah ar, langg si simxmih, Liw qingwzenn bad ix?

Langg ee qniaw si simxmih, Liw qingwzenn siauwliam ix?

4 Langg cincniu vunn jit xee kuir;

Ix ee zidjiw cincniu ngiaw quer .kir.

5 Jehovah ar, qriuu Liw hro tnix suii .lyc, cinsinx qangwlimm;

Bongx snuax, snuax dyrr cud enx.

6 Qriuu Liw huad cud sicnar, hro inx siwsnuar;

Sria cud Liw ee jnxir, hro inx ziauxluan.

7 Liw dui' dingxbin crunx ciuw qiur guaw;

Qiur guaw cud duarjuiw,

Qiur guaw tuatli guarvanglangg ee ciuw.

8 Inx ee cuir qongw vehcat,

Inx ee jniar ciuw si qanjar ee jniar ciuw.

9 Siongrder ar, guaw beh duiww Liw cniur sinx ee quax;

Ing jap diauu henn ee srig, cniuwquax ylyw Liw.

10 Liw si hitt xee jinxqiur led'ongg :ee.

Liw si hitt xee qiur lovok David tuatli hai mia ee dyx :ee.

11 Qriuu Liw jinxqiur guaw, qiur guaw tuatli guarvanglangg ee ciuw;

Inx ee cuir qongw vehcat,

Inx ee jniar ciuw si qanjar ee jniar ciuw.

12 Guanw ee davoqniaw dng' siauwlenn ee sii, cincniu ciu-aw duarjangg;

Guanw ee jaboxqniaw cincniu cuwqag ee jiyc, jiauww kiw qingx ee kuanxsid diaudog :ee.

13 Guanw ee cikcngx muaw muaw, e cud dagg ngiu ee bixniuu;

Guanw ee ngiuu dirr snua'iaw snitnuar, jniaa cingx jniaa bxan.

14 Guanw ee guu tuax mic muaxjai;

Byy u langg zip laii cimjiamr, iarr benw cud kir jingjenr;

Guanw ee queci, iarr byy u tikaur ee sniax.

15 Duw diyc jitt hy qingxhongw ee vecsnir, u hokkir;

U Jehovah juer inx ee Siongrder, jitt hy ee vecsnir u hokkir.

145 David ylyw ee six.

1 Guaw ee Siongrder, guaw ee Ongg ar,

Guaw beh jrunx Liw juer quann, guaw beh ingxuanw ylyw Liw ee miaa.

2 Guaw beh zidzit jioksia Liw;

Iarr beh ingxuanw ylyw Liw ee miaa.

3 Jehovah jiww dua, ingqaix sriu dua ee ylyw;

Ix ee dua qaur be cikdok .did.

4 Jitt dai beh duiww hitt dai ylyw Liw ee soxx juer;

Iarr beh vywiongg Liw dua quanlingg ee su.

5 Guaw beh jing jing sniu Liw junquir ingqngx ee uigiamm,

Qapp Liw qibiau ee soxx juer.

6 Langlangg beh qongw kiw Liw tangx qniax ee su ee dua quanlingg;

Guaw iarr beh vywiongg Liw ee jiww dua.

7 Inx beh vywiongg Liw dua xunx ee qiwliam,

Iarr beh cniuwquax ylyw Liw ee qonggi.

8 Jehovah u unhui, u linbinw;

Byy kuair kuair siurkir, dua dua u ju'air.

9 Jehovah hyw kunaxtai banrlui;

Ix ee linbinw diwimr Ix itcer soxx jy :ee.

10 Jehovah ar, Liw itcer soxx jy :ee beh qamxsia Liw;

Liw sxingr ee vecsnir iarr beh ylyw Liw.

11 Inx qongw kiw Liw ee qog ee ingqngx;

Damlun Liw ee dua quanlingg.

12 Tangx hro sewqanlangg jaix Liw dua quanlingg ee soxx juer,

Qapp Liw ee qog uigiamm ee ingqngx.

13 Liw ee qog si ingxuanw ee qog;

Liw jipjiangw ee quanvingw qaur banrdai.

14 Huanrnarr vuahdyw :ee, Jehovah hucii inx;

Huanrnarr siurr apjer :ee, huu inx kiw .laii.

15 Banrhang su longxx giahbak ngr Liw,

Liw jiauww sii hro inx jiahmic.

16 Liw kuix Liw ee ciuw,

Hro u uahkir :ee longxx jiauww soxx rair :ee vaxjiog.

17 Jehovah dirr Ix itcer soxx qniaa :ee, byy m qonggi,

Dirr Ix itcer soxx juer :ee, longxx u ju'air.

18 Huanrnarr qiuqiyr Jehovah :ee, Jehovah qapp inx cinqin,

Dyrr si cinqin hiaxee singsit qiuqiyr Ix :ee,

19 Qingwuir Ix :ee, Ix beh jniaa inx ee simx soxx air;

Iarr beh tniax inx ee qiuqiyr, laii jinxqiur inx.

20 Jehovah vyxho itcer tniar Ix ee langg;

Itcer juer pnaiw ee langg, Ix beh bedbyy inx.

21 Guaw ee cuir beh qongw cud ylyw Jehovah ee ue;

Guan qniww u hetkir :ee, longxx ingxuanw ylyw Ix ee sxingr miaa.

146 Linw diyhh ylyw Jehovah.

Guaw ee simx ar, liw diyhh ylyw Jehovah.

2 Guaw itsingx beh ylyw Jehovah;

Guaw iauxx uac ee sii, beh cniuwquax ylyw guaw ee Siongrder.

3 Linw byc did uaxkyr qun'ongg, byc did uaxkyr sewqanlangg;

Inx jit diamw aw be e vangjan.

4 Ix jid'err dng kuir, dyrr qruix tow;

Ix soxx qewik :ee, dirr hitt zit dyrr siaubet.

5 U Jakob ee Siongrder juer ix ee vangjan,

Ngwbang ix ee Siongrder Jehovah :ee, jitt hy langg u hokkir;

6 Ix si congwjy tnix, de, haiw, qapp qidiongx ee banrmic;

Ix vyxsiuw singsit qaur dirr ingxuanw;

7 Ix uirdiyhh siurr uankud ee langg sin'uanx;

Sniuxsur jiahmic hro iaugy :ee.

Jehovah tauxvangr siurr qnuaiqnax :ee;

8 Jehovah kuix cnimilangg ee bagjiux;

Jehovah huu kiw siurr apjer ee langg;

9 Jehovah tniawsiyh girlangg;

Jehovah vyxho cutguarlangg;

Hucii qozii qnuaxhu;

Dogdok pnaiw langg ee dyrlo, hro ix uankiaux.

10 Jehovah beh juer ongg qaur ingxuanw;

Zion ar, liw ee siongrder beh juer ongg qaur banrdai.

Linw diyhh ylyw Jehovah.

147 Linw diyhh ylyw Jehovah;

In'ui cniuwquax ylyw lanw ee Siongrder, si jin' hyw, jin' miau;

Ylyw si habgi.

2 Jehovah kixjy Jelusalem;

Jurjip Islael diongx siurr censuaw ee langg;

3 Ix rix hyw siongsimx ee langg;

Vaux inx ee siongx.

4 Ix sngr jnijaii ee siauwgiac;

Sui' liap qra ix hy miaa.

5 Lanw ee Jruw jiww dua, qik u kuiwlat;

Ix ee diwhui buqiongjin.

6 Jehovah hucii kiamvix ee langg;

Jiong' pnaiw langg qangwqe qaur tokax.

7 Linw diyhh ing qamxsia ngr Jehovah cniuwquax;

Dnuaa kimm cniuwquax, ylyw lanw ee Siongrder.

8 Ix kiw hunn ziax tnix,

Uirdiyhh de virvan ho,

Hro snuax huad cauw.

9 Ix sniuxsur jiahmic hro jauxsiur,

Qapp decc hauw ee oaqniaw.

10 Ix byy iwair bew ee lat dua,

Ix byy hnuahiw langg ee kax gauu jauw.

11 Jehovah si hnuahiw qingwuir Ix,

Qapp ngwbang Ix ju'air ee langg.

12 Jelusalem ar, liw diyhh cinghox Jehovah;

Zion ar, liw diyhh ylyw liw ee Siongrder.

13 In'ui Ix qenqor liw ee mngqongg;

Suwhog hro liw diongqanx ee qniaxzii.

14 Ix hro liw ee qingxlai taiwvingg;

Ing siongrr hyw ee bec hro liw jiac vaw.

15 Ix huad cud bingrling dirr de nirr,

Ix ee ue vanhingg jin' qinw.

16 Ix qangr lyc seh cincniu mihuex,

Iarr lyc sxngx cincniu huexhux.

17 Ix hed lyc pauc jit der jit der;

Ix huad cud qnuacinr, jirjui dongr e diauu?

18 Ix jid'err cud lring, jiaxee dyrr longxx rngiuu;

Ix hro hongx cuex, juiw dyrr lrauu.

19 Ix jiong' Ix ee ue jixsi Jakob,

Jiong' Ix ee ludle qapp pnuawduanr, jixsi Islael.

20 Ix m bad anxnix kuanxtai vadd qog;

Ix ee pnuawduanr, inx longxx m bad.

Linw diyhh ylyw Jehovah.

148 Linw diyhh ylyw Jehovah.

Dui' tnidingw ylyw Jehovah;

Dirr quann ee soxjai ylyw Ix.

2 Ix ee jiongww suxjiaw ar, linw diyhh ylyw Ix.

Ix ee jiongww tenqunx ar, linw diyhh ylyw Ix.

3 Zit qapp guec ar, linw diyhh ylyw Ix;

Huad qngx ee cnisinn ar, linw longxx diyhh ylyw Ix.

4 Tnidingw ee tnix, qapp tnix ixjniu ee juiw ar,

Linw longxx diyhh ylyw Ix.

5 Jiaxee longxx diyhh ylyw Jehovah ee miaa;

In'ui Ix jid'err bingrling, dyrr longxx siurr congwjy.

6 Ix jiong' jiaxee qenwlip, qaur i.-ingxuanw-u.;

Ix u dring le, be e huewbyy.

7 Dui' derjniu diyhh ylyw Jehovah,

Dyrr si dua hii qapp itcer ee cim'enx;

8 Huew qapp vingpauc, seh qapp hunbu;

Tranr Ix ee ue ee qongg hongx;

9 Dua snuax qapp itcer ee siyw snuax;

Qed quexjiw ee ciu, qapp itcer ee vikhniuciu;

10 Iaxsiur qapp itcer ee jingsnix;

Tangtua qapp vuejiauw;

11 Sewjniu ee qun'ongg qapp banrbinn;

Quiwjok qapp sewjniu itcer ee simxpnuawqnuax;

12 Siauwlenlangg qapp jairsikluw;

Laurlangg qapp ginxaw;

13 Jiaxee longxx diyhh ylyw Jehovah ee miaa;

In'ui jixu Ix ee miaa siurr jrunx juer quann;

Ix ee ingqngx vnuaa quer tnide.

14 Ix hingx kiw Ix ee vecsnir longxx ylyw Ix,

Dyrr si Islaellangg, cinqin Jruw hitt xee vecsnir.

Linw diyhh ylyw Jehovah.

149 Linw diyhh ylyw Jehovah.

Diyhh cniur sinx ee quax, ylyw Jehovah;

Dirr sxingr ee vecsnir ee hue-diongx ylyw Ix.

2 Guan Islael in'ui jy ix ee Jruw laii hnuahiw;

Guan Zion ee vecsnir in'ui inx ee Ongg laii kuaiwlok.

3 Guan inx tiauwbuw ylyw Ix ee miaa;

Pah qow dnuaa kimm, cniuwquax ylyw Ix.

4 In'ui Jehovah hnuahiw Ix ee vecsnir;

Ix beh ing qiuwunx juer kiamvix ee langg ee jngtna.

5 Guan sxingr ee vecsnir in'ui soxx did .diyc ee ingqngx laii hnuahiw;

Guan inx dirr bincngg nirr cud hnuahiw ee sniax.

6 Guan inx ee cuir ylyw Siongrder juer quann,

Ciuw giac siangbin lrai ee qiamr;

7 Tangx vywingr guarvangx,

Hinghuat ledqog;

8 Ing lren vak inx ee qun'ongg,

Ing tickaur laii syw inx ee zinsinn;

9 Beh dirr inx ee sinjniu qniaa soxx qiwjair ee pnuawduanr;

Ix sxingr ee vecsnir longxx u jitt hy ingqngx.

Linw diyhh ylyw Jehovah.

150 Linw diyhh ylyw Jehovah.

Diyhh dirr Siongrder ee sxingr sow ylyw Ix;

2 Diyhh in'ui Ix dua quanlingg ee qniajuer ylyw Ix;

Jiauww Ix bixbiau ee quandua, ylyw Ix.

3 Diyhh vunn sauwqag ylyw Ix;

Dnuaa srig dnuaa kimm ylyw Ix.

4 Pah qow tiauwbuw ylyw Ix:

Ing sihenn ee gagkir qapp vunn siaux ylyw Ix.

5 Ing sniax dua ee lavuac ylyw Ix;

Ing imx quann ee lavuac ylyw Ix.

6 Huanrnarr u cuanxkuir :ee, longxx diyhh ylyw Jehovah.

Linw diyhh ylyw Jehovah.

huedngw tauu iac