ciauuatii

ciauuat simlingg derdoo -2

Bunchhai huan'ik

DERR ZI PNIX CUXLIW HOGJAP EE SEWQANDAI

Derr sir jniux QYWZINN SNIWMIA EE SUANXDIK

Sniwmia ee hogjap dirr lanw dongsii qiam'iuw qywtew/ qadingg/ qangjog jojid/ siarhue singguann. Beh hunquah jiaxee hangrbok cavutdyx byy kyxlingg. Mrqycc diyh'air hunlui, jiacc erdangr siongser tyxlun. Guaw singx qra jingsinn he dirr qywtew, guaw zinruii qywtew simdiongx soxx jyr ee suanxdik si siongrr diongriaur ji' id.

Lanw qongw .quer, iwsig huatsingx dirr suanxdik jingg; byy iwsig, dyrr be u suanxdik. Lanw dirr sniwmia-diongx soxx erdangr jyr ee, siongrr diongriaur qywzinn quatding, si suanw ingxuanw byy tinghiyh ee iwsig. Iwsig byy hro quat'ir venr qaxx kacc qanxdanx. Dendyww iwsig jingqax liauw quatdik ee hogjabsingr.

Sniu knuar mai lehh, liw si zuhyy cuxliw hunwno? Siyxnauw u jit qrunn sinqingx diongcux jiangxag/ sanxsingx u lat ee simjniaa, qidiongx ji' id si hunwno ee diongxcux. Dirr "simlingg duiwue", guaw qongw zinlui hunwno diongcux ham' qitnax dongrbut qangkuanw, qivunw-siong, si jit jiongw lingxhigsingr ee qijer, dng' zimrhyy guarlaii singbut cimhuan lanw ee lingxhik sii, dyrr e dag diyc jit xee jokiong. Vixzuu, jit jiah qxauw qongqig lingrgua jit jiah cimzip ix dervnuaa ee qxauw, zinlui qisit ham' qxauw cax byy zuarr je, myqycc zinlui duiww dervnuaa ee dingrgi si hogjap dybin ee. zinlui m na iongxiuw derliw-siong ee derqair, dng' cnehun langg byy cniaw qaqi laii liw ee dniaa nirr banw hueluiw sii, liw e hunwno; zinlui marr u simliw-siong ee dertauu, langg' pruex liw ee sii, siurkir/ byy hnuahiw ; zinlui dongsii iauxx u iwsig hingtair ee lingxhik, dng' langg' diongwsiongx lanw ee sinwgiongw sii, m quanw puepnuawjiaw si m si siy' bad :ee, iacc si cingx lxiw gua tauwquer maiqur(uerdangg) :ee, lanw e huisiongg hunwno.

Lanw hunwno diongcux jongxsi decc huatjog, sisiongg siqandiamw m driyc --- u sii jixsi virr crig diyc ee qamxqag, m si sriu diyc jinjniar ee cimhuan --- lanw cuxliw simjniaa ee jinghongw diyh'air u cunqiusingr, dyrr si rair hagsip jit tyr hogjap ee hertongw laii cuxliw hunwno. U sii rair sniu "guaw narr siurkir sidjai u qraur gong/ byy singsik/ si guaw ee m driyc." U sii lanw qaix anne lyc qetlun "jitt xee langg kaksit cimhuan diyc guaw, jex si iwgua, byy vit'iaur siurkir." marr erdangr "mmr, ix jinjniar dac zip laii neh! mrqycc byy quanhe, byy daddid huad singwde." Jongw e u jit vaiw, qingquer quiw zit ee sukyw au, pnuawduan mow langg jinjniar giamdiong cimhuan guaw ee lingxhik, guaw diyhh duiww hitt xee langg qongw "liw jitt vaiw rair qra guaw tniax hro hyw, guaw duiww liw u jin' dua ee vutbuanw." U sii simrjiww diyh'air sui' viauxsi liw ee hunwno, dongdniuu hro duiwhongx jit xee qawsi.

Duw diyc hunwno sii, lanw jiwjiyw u go jiongw vanrhuad cuxliw. M na rair jaix honghuad, qyckacc diyhh yc sniaw dniuhap iong sniaw honghuad. Jex su'iaur duiww jurqiw luersimx/ guarjai kuanqingw longxx u tongtaur ee caqag jiacc ersaih tihh. Anne ee diauqnia, bogquair jixu jiyw sxor langg u hxuad cuxliw hyxser, marr ciangjai rair qaur sir ~ go-jap huer jiacc jyr kacc e qaur, jerje langg jidsiwlangg dy' jyr be qaur.

Sursit-siong, erdangr jniawbin jikqik cuxliw sniwmia-diongx itcer bunrdee/ tiaujenr, jitt jiongw linglik qaiwding liauw simlingg singdiongw. Siongduir :ee, qirjuat singdiongw :ee, jurgnow huixbet duer lecc laii.

YC JYR KIAUW LANGG

Beh singdiongw, diyh'air hagsip jurgnow huixbet/ jurgnow qenwsed. Guaw iauxx si simliw isux sii, ham' vnerlangg go vaiw ee huerjinw au, dyrr byy iong'unw inx qycc iong "byy sxux" jitt xee zri. Guaw qra inx qongw, guaw si jit xee tetdew jursux ee langg, jurlaii byy uirr qitnax ee langg jyr quer zimrhyy su. Ag huex sii, guaw qra huex qongw , si "guaw" air liw ee bixle, be qongw, "suiw huex ar, liw knuar, guaw decc uirr liw jyr dairjir, liw qaix qamxsia guaw." Qangrkuanw, cri qniaw si "guaw" sniu beh huhap jit xee lixsiongw vaxvah ee hingsiong, dongsii jyr jit xee singsit ee langg. Uirr beh hro jitt nng jiongw hingsiong uanjingw junjai, guaw diyh'air puewhap guarjai jinghongw, jyr guaw byy sniu beh jyr ee dairjir.

Sursit-siong, lanw soxx jyr ee zimrhyy su, qeqiamw longxx ham' jurqiw lirhai u quanhe, pixzuu, qruanx jnii hro jusen qiqor, si beh hro qaqi hyw miasniax, qniaa lo u hongx. U langg qongw, ix dairhak cutgiap au, "hisingx" liauw jit xee sinsuiw jin' quann ee qangjog, uirr beh jyr ludsux, "jyrhok siarhue", qycc zip kir huathagngi. Qisit si uirr jurqiw ee lirig. Jit xee hurluw "hisingx" jurqiw byy cutgua siongrvan, diamr dirr cur nirr qor qniaxzii, si guanrir uirr qadingg hongrhenr, mrqycc ix marr si uirr jitt xee quatding did diyc lxi.

Jursux m si dansunn ee dairjir. Guaw e iauqiuu guaw ee vnerlangg hunven kiauw :ee/ gong :ee jursux ; gong :ee si dypiah tongwkow, kiauw :ee si erhiauw hunx qenwsetsingr :ee/ simjniaa :ee/ huiqenwsetsingr :ee kow. Guaw qongw .quer jerje quanhe siurkow/ qilut ee dyrliw, kyxlingg jerje langg e zinruii guaw si siurkoxqongg, Guaw m si, guaw si hiongxlogqongg. Guaw knuar be cud huiqenwsetsingr ee kow u zimrhyy qewdat, duw diyc tauu-tniar, derr id hxang su si kir jiac nng liap jixtniar iyc, tauu-tniar byy sniaw hyxcur, guaw byy air sriu jitt xee byy qenwsetsingr ee kow. Lingrgua jit bin, sniwmia-diongx jerje kow erdangr hro lanw did diyc qenwsetsingr ee hagsip.

Gauw qycc air iong "junjairsingr" "jingsinn qnuanlingjingr" dairter qenwsetsingr/ huiqenwsetsingr. Junjairsingr ee kow si singjunn vunxlaii ee jidvorhun, byy hxuad piacbenw :ee ---singdiongw ee kow/ hagsip doglip ee kow/ jaiww crur yc horsiong hucii, siy' i'uaw ee kow/ quacli, songwsid ee kow/ nilau, sixbongg ee kow. Ui' jiaxee kow nirr, lanw yc qyckacc je. Jingsinn qnuanlingg ee kow si qongw simjniaa :ee, m si singjunn vunxlaii ee jit vorhun/ huiqenwsed :ee / byy vit'iaur :ee/ joxgai singjunn :ee, zuxx qinw qaixquad zuxx hyw. Cniurr pnai qauw-jap-veh qix GOLF qiuqnuaw kir pah qiuu, sidjer-siong, jap-id~zi qix dyrr u qraur ar. jex si zuarr dang ee quawlui neh!

Go-jap dxangx jingg, FREUD ee lixlun kaisiw taur zip diwsig hunrjuw, jerje kacc jenui ee verbuw jaix juerokqamw kyxlingg ham' jingsinn qnuanlingg u quanhe, quatding beh qra qniaw qar hro be u juerog ee qamxsiu. Duiww ginxaw laii qongw, jex si zuarr hiauhing :ee, qnax nirr ixqingx keh buanw kiamwkueh juerokqamw ee langg. Lanw su'iaur itding hunrliong ee juerokqamw jiacc erdangr singjunn dirr siarhue-diongx, guaw qra hyrjyr junjairsingr juerokqamw. Beh qiongdiau, quewdo ee juerokqamw m na byy vangjan singjunn, dendyww e honghai. Jingsinn qnuanlingsingr ee juerokqamw m na byy vit'iaur, marr vakduat singjunn ee cuwbi/ anlingg.

Lingrgua jit jiongw tongwkow ee qamxqag, jiaujyx. Muixx jit xee langg longxx u damrvyc jiausimx, jiacc erdangr u iuxhau ee sing'uac. Pixzuu, guaw beh kir NEW YORK enxqangw, kyxlingg e jiausimx zuhyy jiacc erdangr qaur hiax, dyrr e liongrjaw singx cue derdoo knuar. Zuqyw gauw byy jiaujyx, byy knuar derdoo, kyxlingg e qniaa m driyc lo, duiww CANADA kir, hro dirr NEW YORK cingx miaa danw beh tniax enxqangw :ee kangx danxtai. Lanw su'iaur jiyw jiyw ee jiausimx jiacc e uac kacc hyxser.

Ciauquer hanrdo ee jiaujyx si be jinqax lanw ee singjunn, dendyww u honghai. Duw diyc enxqangw sii, guaw kyxlingg anne sniu "narr si guaw ee cialenw puawkangx /iacc si huatsingx iwgua (NEW YORK ee langg ciax sraiw jin' qingw). Dyrr sngr guaw ixqingx qaur enxqangw ee soxjai, kyxlingg cue byy tingg ciax xui jyr lixiuu --- jin' sitlew, tniajiongr ar, jex si guaw byy hxuad qaixquad ee." jitt jiongw jiausimx duar laii ee qniahniaa m na byy jo guaw tesingx sing'uac pinxjid, qycc dngw laii huanxjer guaw, henxzenn si jingsinn qnualingjingr.

Zinlui si dypiah tongwkow ee singbut, jah jitt hxang laii cutsir :ee. huangingg itcer ee tongwkow/ dypiah soxu ee kow longxx si gugong :ee. sniwmia qivunw suanxdik si qniaa hiongr jursux ee kiauw, iacc si dypiah itcer landee hiongr gong ee jursux uaxqin? Diyh'air hagsip hunven jingsinn qnualingjingr (NEUROTIC, sinqingjid :ee) /junjairsingr(EXISTENTIAL) ee kow.

"simlingg derdoo" soxx qongw :ee, sniwmia si qanlann :ee, si sna' lensuar jit dua qnrua ee bunrdee, binrduir landee/ qaixqaud bunrdee ee quewdingg si jin' tuabuaa :ee, byy qang ee bunrdee cua cud jerje byy songxkuair ee qamxqag : likser/ iux/ vrix/ cneliangg/ hiyrhuew/ hunwno/ qniahniaa/ siaudimm/ juadbang…,jiaxee qamxqag naxx bactew sriu kokhingg lehh. Longxx si surqnia soxx inxkiw :ee, lanw qongw si bunrdee/ landee. Binrduir bunrdee/ qaixqaud landee ee quewdingg, cue diyc sniwmia ee iwgi, bunrdee qiywcniw iongxkir/ diwhui ; sursit-siong, landee congwjy iongxkir/ diwhui, quatding singqongx/ sitvai ee snua'nia, bunrdee hro simliw/ simlingg singdiongw.

Lingrgua jit bin, byy kir binrduir sniwmia ee bunrdee, ongxongw hro lanw sitkir qyckacc je, dysowlangg iwdoo cinwcaiw junw .quer, vrag e li dyrr hyw, byy air jniawbin gniajih, zimxsiu duanwlen. Kaksit, dypiah bunrdee / bunrdee cua cud ee koxlan, si soxu simliw vnerjingr ee juxiaur qinguann. Lanw dysowlangg q.-qeqiamw-q. longxx u jitt jiongw kinghiongr, dywsor langg kiamr uanjingw ee simliw qenrkongx. Kongqen ee langg yc erhiauw byy siamxpiah, si gniajih landee. Lanw muixx jit crur binrduir bundee sii, byy vyxjingr singqongx :ee, kiauw ee langg jaix, jixu tauwquer binrduir bunrdee/ qaixquad landee ee bualen, jiacc yc erhiauw duarhanr.

BINRDUIR JIKZIM

Laii cue simliw isux :ee, m si jingsinn qnualingjingr, dyrr si zinqeh sitdiauu :ee. cniurr "simlingg derdoo" soxx siaw ee, jiaxee vnerjingr ee qinguann si jikzim sitdiauu. sinqingjid ee jingsinn qnualingjingr si singdamx quewdo ee jikzim, qra jikzim quijue jurqiw, qongxue ciangjai si "guaw qaix" "guaw vut'ingwqaix"..., henxsi jurvix ee jurgnow hingsiong, qamxqag jurqiw jongxsi byy drat qaur viaujunw, jyr cywgno ee suanxdik ; zinqeh sitdiauu :ee, si singdamx sniu' jiyw ee jikzim, qra jikzim sag hor langg', gensuu ciongbuanw "guaw berdangr" "guaw byy huatdo" "guaw diyh'air"..., henxsi siongsinr jurqiw byy suanxdiglat ee jurgnow hingsiong, hinguii uanjuann si guarjai ligliong decc lang saitauu. Inx cuxliw sing'uac bunrdee si nng qigtauu, lenrr qongxue ee hongsid marr byy qang.

1950 nii jingg, "zinqeh sitdiauu" iauxx byy jniajyr jinxdng ee luirvet. Dysor zinqeh sitdiauu virr dongwjyr jingsinn qnualingjingr, qra qnualingjingr hunjyr nng lui : jurgnow sithyy(EGO ALIEN) --- si jit xee langg jurgnow duiwkongr ee jinghongw, dongsurjiaw byy sniu beh hro dairjir junjai, sethuad siauduu. Jurgnow siy' iong'unw (EGO-SYNTONIC) --- byy singzim u bunrdee, qyckacc benw qongw qaixqaud dairjir ar.

Jyr liogqunx simliw isux dirr OKINAWA sii, duw diyc nng xui luxsingr, inx huisiongg qniax juaa, giamdiong qaxx qanziaw diyc sing'uac.

OKINAWA dxyw-siong u jit jiogw digiuw ee jurzenn sanxbut HABU dogjuaa, duarser si dua buew vngrsicingr /ser buew bongxjuaa ji' qranx, zit sii kunr/ amr sii cud laii. Hitt sii, Bixqoklangg iokk jap-gua xee dirr OKINAWA, muixx nng nii u jit xee langg e hro HABU qa siw, vnuawsor si amwmee jauw kir ciurnaa, m si liogqunx soksiar-lai, dongsii marr u sikdongx ee suandy, Bixqoklangg longxx jaix jitt jiongw juaa. Soxu ee vnerngi marr u vit'iaur ee qaixiyc. Jongxqongw jit qxur, quixarr nii byy langg hro juaa qa siw ar.

Derr id xui cuthen ee luxjuw, iokk snax-jap huer, laii guaw ee vanrqongsig, qongw "guaw qniax juaa qniax qaxx jin' lipow, amwsii m qnaw cud mngg, m qnaw cua ginxaw kir knuar denrngiaw, m qnaw ham' angx kir kulogvo. Jex sidjai jin' gong, guaw jaix byy langg hro juaa qa siw." Ui' ix soxx qongw :ee, ix ee qniax si jit jiongw jurgnow sithyy :ee, byy huhap ix ee jurgnow hingsiong, si siy' dahtud :ee. dysor siqanx ix virr vak dirr cur lai, digvet qniax amwsii cutgua, ix sniu beh cue cud honghuad laii qiamxkinx qniahniaa, byy rair hro qniax honggai ix ee uahdang.

FREUD bad qongw .quer, qniahniaa vnerjingr tongsiongg si jinjniar qniax ee tewdairpinw. Gunw ui' dirliauu-diongx huathen, jitt xui luxsingr jurlaii byy jinjniar cuxliw quer binrduir sixbongg/ siaog ee qniahniaa, jitt xee si quanhe junjai ee dua kywdee. Itdanr ix kaisiw binrduir jiaxee kywdee, suibongw iuguann e qniasimx, kaisiw erdangr ham' qniaw/ angx dirr amwsii cutgua. Danw qaur inx junxvi beh likuix OKINAWA sii, ix ixqingx mairhiongr singdiongw ee lo ar.

Derr zi xui si guaw kir inx daux jiah amwdngr sii jiacc huathen ee. ix sir-jap-gua huer, angx si hingjingr juxquanw. Ui' qongxue-diongx jaix ix ee sing'uac ixqingx jiapqin inxdun, byy ham' langg' ongxlaii. Qongw diyc ix si zuarr qitai dngw kir Bixqog, hitt xee viauxjingg si huisiongg hnuahiw, dirr OKINAWA si cunr vo lann qniaa. "guaw qniax hiaxee juaa." Ix anne qongw. Ix jaix qitnax ee langg amwsii e cutmngg, "inx narr beh jyr hitt xee gong dairjir, hex si inx ee bunrdee." Qyckacc quewhun ee si, ix jikvi Bixqog jingwhuw/ OKINAWA jitt der dyxsu, "inx qaix kir duiwhur hiaxee juaa". Jex cniurr denxhingg ee jurgnow siy' iong'unw hxingg, byy qra jurqiw ee qniahniaa knuawjyr qaqi ee bunrdee. Jurlaii be kir sniu beh knuar isux, ix ee qniax jyrsingg ee honghai si jiacc dua! Ix inxjunw qniax honghai ix ee sing'uac, qirjuat zimrhyy likuix cur ee siarqaux jurhue --- hiaxee jurhue duiww angsair ee qangjog jin' diongriaur --- ix naxjunxx byy kyxlu diyc kyxlingg e ingxhiongw angx ee kangkuer.

Jitt nng xee le henxsi, sinqingjid jingsinn qnualingjingr, simliw dirliauu kacc qanxdanx qaixquad, huanrjiaw jiapsiu jikzim, jaix jurqiw ee bunrdee, zinqeh sitdiauu :ee kacc lann, si byy zinruii jurqiw si bunrdee ee qinguann ; byy singzim jurgnw simxjax ee vit'iaur, si langg' rair qaixvenr, m is ix vunxlangg.

Sniwmia- diongx junjai ee kow si rair vutduan hunven/ suanxdik, lanw diyhh hu snaw jikzim, byy vit'iaur damx sniaw jikzim, drat qaur qenrkongx ee vnevang. Zinqeh sitdiauu henxzenn si dypiah junjairsingr ee kow. Sinqingjid :ee marr e, jixsi kacc byy binghenw, inx qra itcer bunrdee dongwjyr jurqiw ee jikzim, suibongw byy su'iaur suanxdik, dypiah jinsiongr puu cud, kiokk singsiu qyckacc je ee jingsinn qnualingjingr ee kow, inx soxx dypiah junjairsingr ee kow, kyxlingg qandna' su'iaur duiww langg qongw "guaw byy air anne, qaur jiax uijiw."

Hunven sniaw si qaix hu ee jikzim, si zinlui qewsiok jiapsiu tiaujenr ji' id, ingxuanw byy hxuad did diyc tetdew ee qaixquad. Dirr sniwmia byy tingg venwhuar ee surqnia enxvenr-diongx, lanw diyh'air vutduan vingqow/ jaiww vingqow jurqiw ee jikzim. Byy qiwding ee qongsid, muixx jit xee jinghongw longxx si sinx :ee, muixx jit crur lanw diyh'air dingsinx kyxlu lanw ee jikzim. Jitt jiongw quatding e cuthen cingx-bxan vxenr, cavutdyx qaur lanw siw hitt zit iauxx be tingg.

SUNRJIONGG

Qiwlut si qaixquad sniwmia bunrdee ee honghuad, itcer qiwlut longxx si moxjiongw hingsid ee hogjiongg. Hunven jikzim ee qiwlut si siongrr diongriaur :ee, lanw diyhh singsiu quatding hogjiongg soxx duar laii ee junjairsingr tongwkow, quatding hogjiongg ee duiwsiong, m quanw si lanw ee jurgnow/ air/ siongrder simrjiww siaog ee ligliong.

Vixzuu, lanw sewhanr sii, jerjiyw diyhh hogjiongg verbuw, iacc si qitnax jiauwqor lanw ee langg, lanw singlenn au, ersaih quatding dangsii hogjiongg verbuw, dirsii byy air, iuqii si qewdadquanx. Byy itding soxu ee sunrjiongg longxx si hyw ee, singlenn au uanjuann sunrjiongg verbuw m si hyw henrsiong, sunrhok siaqaur marr m si hyw :ee. Diyh'air cingcyw lanw sunrhok siarhue rair qaur sniaw tingdo? Sniaw sijun lanw byy beh sunrhok siarhue? Cniurr lanw diyhh diaujingw qewdadquanx qangkuanw. Juewau, lanw rair suanxdik si m si sunrhok siongrder, suanx sniaw ngiu siongrder?

"kacc quann ee lat" jitt xee bingsuu si dirr qaixjiuw hiabhue(AA) ee derr jap-zi vorsor soxx tuann :ee. "jin jxingg qiongrsig" nirr, guaw qongw jitt xee suu iwbi diyc moxjiongw viw lanw qywzinn kacc "qydingw" ee surbut, daddid lanw sunrhok :ee, m quanw hitt xee surbut si air/ qongbingg/ jinliw/ siongrder. "junjiaur Ix ee jixir, m si guaw :ee", si hogjiongg ee ingiaur sirhuan, quanqenr zri "jixir (WILL)". Sunrhok si iuxhau qra zinlui ee iwjir kuthok dirr moxjiongw viw jurqiw kacc quann ee surbut. "siongrder si qngx, siongrder si air, siongrder si jinliw". Lanw byy su'iaur siongsinr siongrder, mrqycc narr si beh air qenrkongx, dyih'air qar qaqi sunrhok dirr siongrder jiaxee ee digdingx.

Air u jerje siy' dahtud, kyxgiam lanw bunhuar nirr ee sibquanr/ hongsiok/ dairjiongr susiongw. "simlingg derdoo" qongw diyc quanhe air sii, guaw singx suecbingg longrbanrair m si jinjniar ee air, laii duiwkongr lanw bunhuar-diongx qoxvanw inwsiong, tniax qongw, vowsix viw jiapsiu kacc u hog, guaw qamxqag qangkuanw u hokkir. Jerje jingsinn qnualingg huanrjiaw duiww jitt xee qu qongxhuad, simjniaa iukow, virr vig rair drat qaur bunhuar/ jongqaur ee juvix lixsiongw, kiokk jyrsingg qyckacc je ee uanwhin/ mocad, anne m si jinair.

Gunw byy air jiapsiu langg ee si'uw, qamxqag sriu langg' kongwjer, naxjunxx kiamr langg' jidsiwlangg. Ham' LILY qethunx au ee jingg quiw nii, gunw sed jit xee soxui ee juerog ginhangg, guaw narr ter LILY jyr quaw su, dyrr viauxsi guaw cunn jnii dirr juerog ginhangg, narr si LILY uirr guaw jyr dairjir, guaw ee cunkuanw (qewdat) dyrr e qiamxjiyw. Gunw cniurr jerje jywduix :ee siy' qang, quer quixarr nii au jiacc vuactuad jitt jiongw gong dairjir. U quaw langg ee qauwiongw/ bunhuar ingxhiongw, qirjuat jiapsiu zimrhyy vysniuw/ ylyw, jitt jiongw byy hxuad jiapsiu air :ee, cavutdyx cniurr byy huatdo qra air hro langg, jin' u pywhairsingr.

Lanw virr qauwdy "air si unziuu ee, air si zinjuu ee", u sii lanw marr diyhh viauxhen soxui "giamle ee air(TOUGH LOVE)". Air sisiongg si ox-vec lann hunx cringx :ee, u sii su'iaur unziuu, u sii diyhh giamle. Itdit uixkud jurqiw ginghap tnazinn m si jinjniar ee air. Sunrhok air m si jairr langg dac. Cniurr lanw itsingx diyhh suanw lanw ee jikzim qang, lanw marr rair suanw dangsii air langg, sniaxsii air jurqiw.

Gauw qamxqag air ee quanqenr dirr jurqiw ee diaujingw. lanw singx erdangr jinjniar air jurqiw, jiacc u linglik air vadd langg. Jerje zinjer quanhe-diongx, liw e knuawqnir jiyh air ee miaa iwdoo qaixjy duiwhongx; byy quanw lanw jnuaxngiu sniu, jitt jiongw qaixjy tongsingg si jursux ee/ kongwjer ee/ byy air ee. dirr guaw jurqiw je nii laii ee hun'inx-diongx, LILY ham' guaw he jerje siqanx jiacc siujingr sniu beh qaixjy duiwhongx ee qitai, drat qaur vau'iongg/ jiaplap/ liauxqaiw ee air.

Bunhuar ee qauwdy, hro jerje langg zinrding air /hinguii si duiwdingw quanhe, inx qamxqag diyhh jyr qaur sniaw dervo, jiacc huhap jurqiw ham' duiwhongx ee qitai, maudunw ee si jerje sihau sniaw longxx benw jyr, qandna' vyxcii jurzenn ee jurgnow, byy su'iaur suisii quawir qaix jyr snaiw, dyrr si air ee viauxhen. Vixzuu, guaw jin' air qongw sinhak, mrqycc in'ui air, guaw kongwjer jurqiw, m hyw ham' qniaw dramm sinhak, hex e si jit jiongw cimliogsingr ee tuanqaur. Guaw ee siyxsuad "iuxsen ee seh" nirr, siauwluw JANE mng ix ee laurve si m si siongsinr laiser. Vaxvah ee huedab si "u quaw diongriaur ee bunrdee, lanw rair qaqi kir cue dap'anr". Dirr jiax, vaxvah siuqiamw jurqiw ee iwqenr, jex si ix duiww jaboxqniaw huisiongg juair/ jundiong ee viauxhen.

Duiww jinliw ee sunrhok, huisiongg hogjap / vit'iaur ee kywdee, m na si jiapsiu kyhagsingr ee jingwbingg/ junsunn sidgiamrsig ee kyhak vorsor. Dirr "simlingg derdoo", guaw qra duiww sursit --- jinliw --- ee duiqiuu ledjyr sniwmia sir dua qivunw qiwlut ji' id, duiww jitt hxang qiwlut, gauw qongw u sii inxmuaa vorhun ee sursit kyxlingg si jit jiongw air ee viauxhen, jitt xee siyw ser ee "kipenr" longxx u kyxlingg u qik dua guihiamxsingr, qamxqag diyhh duiww jitt jiongw jiyw jiyw ee senrir vehcat qenwlip kacc giamqeh ee pnuawduan viaujunw. Muakamr quanqenr sursit byy sux hausiauu, si byy aiwir/ e sanxsingx uanwhin. Qandna' e qatiamx sewqair ee oamr/ gignaiw. Dendyww qongw lauxsit ue si air ee hingdong, digvet si mo diyc guihiamw soxx qongw :ee/ sidjai ue qiamxkinx liauw oamr/ cnegii, jingtiamx duiww sewqair qongbingg ee qiawbang.

Lanw narr si qongw hausiauu sii, ciangjai si dypiah jikzim ee hingdong / hingdong au duer laii tongwkow ee qetqyw. Guaw ingxuanw qamxsimx verbuw dirr guaw sewhanr sii, qauwdy guaw jit qxur siongrr qanxbingg u lat ee viauxdat "binrduir imgak (FACE THE MUSIC)", dyrr si "qnaw jyr qnaw damdngx", binrduir hiyrqyw, byy ziakamr/ byy vehcat/ qongkaix dirr zidtauu-ha. Jitt xee iwsur suibongw cingcyw bingliauu, mrqycc jitmaw guaw jiacc sniu diyc jitt qxur ue u damrvyc quaiwqii, uirsniaxmic si "imgak" neh? uirsniawmic jitt jiongw kyxlingg jin' kow dai :ee, qongxx si binrduir imgak? lanw itvnuax qamxqag imgak si songxkuair belangg :ee! guaw m jaix, m jaix jitt qxur ue laii jurr dyhh? Qamxx qongw zirganw ee suanxdik jin' cimx, u sinvir ee iwsur? Lanw sunrhok lauxsit sii, si ham' henrsit sniwmia drat qaur jit jiongw hyhaii, suibongw byy ingxuanw be tongwkow, mrqycc e zuxx laii zuxx hiabhyy/ sun hni.

Dirr jinliw ee suanxdik-siong, naxjunxx hausiauu qandna' si duiww vadd langg jyr ee hinguii. Qisit, lanw qyckacc e qra qaqi qongw vehcat. Jitt nng jiongw kanghuex lenciuw horsiong qaxjyr pnaiw dai/ qanjar, vutduan jyrsingg oksingr sunkuann. Suibongw lanw berdangr ingxuanw kipenr soxu ee langg, mrqycc langg jurkix-kizinn ee linglik cavutdyx be tingg, jixiaur lanw guanrir huwcud siaog/ siauxqongg ee daiwqer. Jurgnow kipenr m si duiww qaqi hyw; duxhyw dywvingw, cniurr penr langg' qangkuanw okjid, lixiuu marr qang : jingqax jurgnow ee oamr/ gignaiw, jit jann jit renn ee imngiaw hiongr gua kokdua. Soxiw suanxdik lauxsit duiww jurqiw, si suanw simlingg ee qenrkongx, duiww jurqiw siongrr u aiwir ee hingdong.

Dirr qywzinn sinwgiongw hongbin, lanw binrlimm jerje hogjap ee suanxdik, berdangr ilai kyhak ee kaksidsingr. Zuqyw lanw suanw siongsinr moxjiongw surbut, si m si viauxsi lanw soxx suanw ee surbut si jinliw? Zyqyw narr si anne, sunrhok jinliw jixvutqyr si sunrjiongg jurqiw ziiw. Siongrder dyrr si jinliw, soxiw suanw sunrhok siongrder, si suanw sunrhok jit xee viw lanw qyckacc quann ee jinliw. Dirr "siaog simlixhak", guaw qongw langg cutsir dyrr u juriuu suanxdik ee kuanli, lanw e sunrjiongg cywgo ee dairjir. Guaw marr suecbingg singjunn jixu nng jiongw jiongrtair : sunrhok siongrder ee liongsen, iacc si qirjuat sunrhok zimrhyy viw langg ee juriuu iwjir kacc quann ee surbut, jex jurdong hro langg jniajyr moquiw ee lole. Jiyh C.S. LEWIS ee ue "uxdiu byy dionglip ee xui, muixx jit cunr, muixx jit biyxjingx, narr m si sriok siongrder, dyrr si virr moquiw jiamwiuw." Kyxlingg lanw e qamxqag jurqiw ersaih kia dirr siongrder/ moquiw ji' qranx, byy sunrjiongg senrliongg/ siaog. "m suanw marr si jit jiongw suanw". Qniaa dirr cniuuii-dingw, si byy hxuad zimxsiu ee, byy sunrhok ee suanxdik siongrbuew dihyy sitvai.

SNIWMIA EE SUXBING

Duiww dysowlangg laii qongw, suxbing(VOCATION) ongxongw virr qaixsueh jyr tyxjiac ee qilingg / jitgiap, sewsiok duiww jitt xee zri ee dingrgi si tanr jnii ee uahdang. Suxbing ee guansiw iwsur si diauwhuanr, jit xee langg virr driaur kir jyr ee dairjir, kyxlingg ham' vunxlaii ee jitgiap dua byy qang, jex si jongqaur duiww suxbing ee dingrgi, iwsur kacc cimyr.

Dirr jitt jiongw jinghongw ha, suxbing iwbi diyc jit jiongw quanhe. Zuqyw jit xee langg sriu driaur, itding u moxjiongw surbut decc diauwhuanr ix. Guaw siongsinr si siongrder. Siongrder driaur zinlui --- m quanw huaigii/ siongsinr, m quanw si m si qidokdoo --- kir jinwhingg jit quaw digding ee uahdang. Qycc, siongrder ham' muixx jit xee langg jiaptauu si qywzinn :ee, suxbing ee diauwhuanr marr si qywzinn :ee. siongrder driaur guaw/ liw, si uanjuann byy qang :ee.

Jin' binghenw, u quaw langg ee diauwhuanr si jniajyr qadingg juxhu, u langg si ludsux/ kyhagqax/ qongxqyr qongsix ee qingliw… jitgiap ee diauwhuanr jerje jiongw ; jerje langg iauxx e u je vaiw ee diauwhuanr. Dionglenn sii, ciangjai e u jitgiap ee venwngua. Kacc byy binghenw :ee, si jitgiap-siong iuxquanx simlingg/ dyrdig ee kywdee. Jit xee kyhagqax, si m si qaix sriu diauwhuanr cam'uw buxkir ee genxhuad? Jyr jit xee ludsux, si m si qaix sriu driaur kir uirr jurqiw zinruii u jue ee langg jyr venrho? Narr si jit xee hursanxkyx isux, si m si qaix jingwhingg dnaxtaix?

U langg e huathen jurqiw ee jitgiap dirr mow hongbin byy sikhap jurqiw, u langg iong sxor nii --- simrjiww jidsiwlangg --- dypiah inx jinjniar ee suxbing. Jit xee sir-jap huer ee liogqunx suqnuadniuw laii cue guaw, nng lexvair au virr driaur kir Dikqog, ix qamxqag damrvyc siaudimm, viauxsi ix ham' cur nirr ee langg longxx jin' iawsen vnuasuaw. Cniurr ix anne qyqaix jiybo laii ee qunqnuax jin' jiyw e laii cue simliw isux, iuqii si jiacc kinx ee vnerjingr. Erdangr jniajyr suqnuadniuw, vitzenn si jin' kiauw/ e jyr dairjir :ee, ix kyxlingg u jin' digvet ee iudiamw, guarhingg bungnaw diamrjing, qongw ix jin' air uerdoo, guaw jit diamw aw dyrr byy iwgua, qamxqag ix qyckacc sxingg qersudqax. Dirr qunx-diongx zi-jap-zi dxangx ar.

"Qiwzenn hiacc byy air censuaw, uirjnuaxngiu byy air vran tewgnow?" guaw mng.

M jaix tewgnow au beh jyr sniaw? Ix rinr.

Liw ersaih uerdoo ar! guaw qenwgi.

Bersaih tihh, hex qandna' si cuwbi narnia, berdangr kyr doo jiac vng.

M jaix ix rue :ee, si hyw? si baiw? Byy hxuad huanxvog, dyrr iong qitnax honghuad tamr ix ee dexjewlat. "Liw ee qiwlok siongdongx iusiur, henxzenn jin' u jailingg, liw erdangr cue jin' je hyw kangkuer."

Guaw byy tak dairhak, byy sikhap jyr tuisiauguann. Anne huee.

Liw ersaih iong tewhiuqimx tak dairhak, guaw qenwgi.

Tak dairhak sniu' lau ar, ham' jit qrunn ginxaw dauwdin, be quanwsir.

Guaw beh ix jit lexvair au jah ix juewqin rue :ee laii. ix duar laii nng vxag, jit dniux iuue, lingrgua si juixcaiw :ee, nng dniux longxx jin' cutsig/ jin' henrdai/ ciongbuanw siongxsiong/ simrjiww u damrvyc pongwhongx, jyrhingg/sikcaiw ee unriong jin' digvet. Gauw qyckacc siongser mng, jit dxangx rue snax ~ sir vxag, jurlaii m bad sniu beh bre, qandna' jyr lexmic sangr vingiuw.

"Cniaw liw tniax jimjiok, liw jinjniar u tenhur, guaw jaix gersudqair jin' qingrjingx, jitt nng dniux itding u langg brew. Liw vut'ingwqaix qandna' qra dongwjyr cuwbi."

"tenhur si juxquanx ee vingpnuar." Ix qongw hro qaqi tniax.

Qandna' guaw jit xee langg qongw liw u jailingg ?

Vutjiw liw jit xee, mrqycc knuar hng byy qor qin, e siag dyw .kir.

Jitt sii guaw qra qongw, ix u dypiah singjiu ee bunrdee, kyxlingg si qniax sitvai/ qniax singqongx, iacc si nng jiongw longxx u. guaw tegi kuix iliauu jingwbingg , qongxx byy sikhap diauwzim, ix ersaih lauu dirr guanui, gunw erdangr qewsiok tamwtyw bunrdee ee qinguann, mrqycc ix qencii kir Dikqog si ix ee "jikzim". Jixhyw qenrgi ix dirr Dikqog cue simliw isux, huaigii ix e caixlap. Guaw qamxqag ix duiww jurqiw tenhur ee dexjer si jiacc qionglet, ingxuanw be duisuii jurqiw ee suxbing, m quanw hitt xee diauwhuanr si zuarr hiangxliang/ cingcyw.

Lanw u juriuu iwjir, ersaih suanw qirjuat siongrder ee diauwhuanr. Suibongw u tenhur, byy viauxsi e hyw hyw huatdenw. Siongduir ee, lanw kyxlingg qac'ir jyr mow qnia su, simrjiww u tenhur, byy viauxsi siongrder beh lanw kir jyr.

U langg tnaix diyc hun'inx/ qadingg sing'uac ee diauwhuanr ; u langg tniax diyc dogsinx/ simrjiww qimr iog ee diauwhuanr. M quanw lanw si m si siongsinr miarun, diauwhuanr laii sii, u sii aiwmai / bongg bu. U jit xee surgiap singqongx ee luxsingr, u nng xee dairhak hagui/ jerje jitgiap ee suanxdik, dng' ix snax-jap-snax huer sii, binrlimm beh jyr maxmah ee kyxlingsingr , qinglik jit dniuu huaigii /simx be dnia ee kow. "jurlaii dyrr byy hxuad siongxsiong jurqiw e virr mow langg soxx kandnii, m quanw si lamsingr/ ginxaw, guaw itdit decc huanxkongr uirr vadd langg hurjig ee quanliam, jipbee dirr busow singlok ee 'juriuu' -diongx, uaxkyr jurqiw ee congbingg/ iogbang quer sing'uac, byy air kyr zimrhyy langg, marr byy air zimrhyy langg kyr guaw."

Dng' ix tanxzenn quer liauw byy kakding/ huaigii au, ban ban sanxsingx duiww jurqiw juann sinx ee qamxqag. "huathen jurqiw virr vig 'hongwkir' juriuu ee sing'uac, kaisiw hagsip horsiong siy' i'uaw, iong'unw jingpnua/ ginxaw qazip. Jitmaw guaw byy hxuad siongxsiong byy qniaw ee jinghongw. byy huatdo cingcyw qongw cud si sniaw lat tuisag guaw jiapsiu jyr maxmah/ diongsingg jingpnua ee sinx jurgnow hingsiong, mrqycc guaw tingjiw dexjer sii, juanxvenr hro gauw qamxqag huisiongg jurjai."

Henxzenn suxbing ee dadsingg byy itding vyxjingr kuaiwlok --- cniurr gersudqax VINCENT VAN GOGH (1853-90) jysiu jetbuaa --- mrqycc anlingg ee simjingg si erdangr qitai ee qetqyw. Knuar diyc langg erdangr jin jailingg si jin' zukuair ee jit qnia su. Lanw jin' hnuahiw knuar diyc verbuw jinsimx hnuahiw jiauwqor juxluw, qidiongx ciongbuanw hyhaii. Siongduir :ee, dng' lanw knuar diyc soxx kia ee uirdir byy hac, jailingg byy viauxhen huatdenw sii, jongw e qamxqag vut'anx. Hex si hiacc kyxsiyh/ longrhuir. Guaw siongsinr siongrder duiww lanw muixx jit xee langg ee dig'iuw diauwhuanr, juewau e duar laii qywzinn ee singqongx, byy itding huhap jitt xee sewqair duiww singqongx ee qoxvanw dingrgi. Vixzuu, gauw qnir quer ham' dua hyxgiac :ee qethunx ee luxsingr, jerje jaihur juvyw, si langg' soxx himsen :ee, huhap soxui singqongx ee dingrgi, mrqycc suacc sing'uac dirr juadbang-diongx, in'ui ix jurlaii byy jinjniar did diyc hun'inx ee diauwhuanr.

QAMXUNX EE SIMX

Jap nii jingg, guaw dongsii siux diyc nng dniux ciuxhingg, jit dniux si enxqangw :ee, lingrgua si byy lixiuu :ee, beh hro "jin jxingg qiongrdongtew qiqimhue" ee quankuanw. Ithiongr zinruii "tenha byy vec jiac :ee", jitt sii sniaw longxx byy ee sii, jit ciuw tec ee si sinkow tanr laii :ee, lingrgua jit ciuw si suxx langg hixqongg ee janrjorqimx, liw qongw guaw duiww dycc jit xee kacc qamxqig?

Dirr sniwmia-diongx, jin' iong'i qra dairjir dongwjyr lixsow-dongzenn, vauquad hyxzirun/ iwgua ee jingrsangr. Qongw sit :ee, jitmaw jiacc sewsiok ee nidai, lanw virr qoxbuw qongxx unrkir si lenxvyw ziiw, siongxsiong itcer si gnoxzenn/ duxhyw duw diyc :ee, qaxsed hyw-baiw un si vingdingw ee, juewau itcer e juxdong drat qaur vnevang, jniajyr kangbuu. Jitt jiongw taiwdo jin' iong'i dyw hiongr juadbang ee dethak, soxui hibyy juxgi, jiauww jitt xee logical cuilun, siongrbuew itcer surbut dy' jniajyr byy qewdat.

Duiww hyw un/ iwgua jingrsangr, iauxx u lingrgua jit jiongw knuawhuad, si vuerau jit xee cniurr ciauzinn soxx sangr ee --- siongrder. Ix hnuahiw hro zinlui lexmic, Ix digvet tniawsiyh lanw. Jitt xee siongrder ham' lanw sing'uac-diongx ee jiongxjiongw kunwqingw si m si u quanhe, byy hxuad kakding. Mrqycc huesiongw .kiw .laii, hiaxee kunwqingw ongxongw si sniuxsur ee guirjongx. Binghenw ee jingrsangr, u langg erdangr huathen qamm diyc moxjiongw mosid, viw vuthing ee kunwqingw qyckacc jiap / uixdai, lanw qra hyrjyr sin'unx. Diyhh vniawmia jingcuw laii ee m si jinjniar ee sniuxsur, sin'unx m si jnex laii ee, si benxhuir ee. undenw (GRACE) / benxhuir (GRATIS) / qamxunx (GRATITUDE) snax zri horsiong qau'iongg. Liw narr jiapsiu sin'unx, jurzenn dyrr e qamxunx.

Jit xee u miaa ee tuanqauwsux qongw jit xee qowsu hro guaw tniax : jit xee siauwlenn ee vakhonglangg, jyr singliw cutdniux, rair sraiw ciax qingquer lamhongx, jitt vaiw si ix jidsiwlangg derr id vaiw laii lamhongx. Lensuar sraiw nng mee qnuaw lo. Qaur SOUTH CAROLINA sii, vakdow jin' iaux, dirr lorvnix dnar brew jennng/ lahciangg jyr jaxdngr. Sangr laii sii, vnuaa lai qycc u jit uann vehsig ee mic, ix qniax jit diyy .

Hex si sniaw? Ix mng.

"Sensew, si huanbec uann." Bre :ee luxjuw huedab, jin' dang ee lamhongx kauximx.

"guaw byy diamw ar!"

" benw juwbunn, dyrr u ar!"

Tuanqauwsux qongw, jex cniurr sin'unx. Liw benw diamw, dyrr u ar.

Dirr guaw ee qinggiam-diongx, erdangr qra qniax jit diyy dongwjyr songxkuair ee lexmic laii hiangxsiu, duiww simliw qenrkongx jin' u vangjan. Erdangr caqag diyc undenw ee langg, viw byy hxuad qamxqag diyc :ee qyckacc qamxunx, cua cud qyckacc je ee kuaiwlok.

Uirsniaxmic u langg jin' jurzenn e qamxunx? U langg be? Marr u langg si jitt nng jiongw ee diongqanx? Qamxunx/ uanwtanr qiamqor u? guaw m jaix. Lanw jin' iong'i siongsinr, laii jurr unluanw qadingg ee ginxaw duarhanr au, jurdong e jniajyr qamxunx ee langg, kiamwkueh qadingg jiauwqor :ee, vixqaur kacc e jniajyr vutbuanw hunjuw. Bunrdee si, byy jingwqir jicii jitt xee lunrdiamw, siwqer longxx u lergua. Guaw knuar quer jerje donglenn cutsinx sanwciah, virr apvig, simrjiww jankog ee qadingg, singlenn au, naxjunxx jin' jurzenn dyrr e jongvair siongrder, siongrjiyw junqingr sniwmia. Gauw marr qnir quer jit quaw laii jurr ciongbuanw air/ unluanw ee qadingg, kiokk si juanzenn m jaix qamxunx. Qamxunx ee simx jin' sinvir, kyxlingg si tensingx :ee.

Anne, "qamxunx" kyxlingg m si erdangr suanw :ee. kaksit, guaw siongsinr qamxunx ee simx vunxsinx dyrr si jit jiongw jingrsangr. Ngua jit qxur ue qongw, erdangr himsiongw jingrsangr ee linglik dyrr si jit hxang lexmic. Jex kyxlingg si duliauw qenqiongg ee iwjir gua, jit xee langg soxx erdangr did diyc siongrr hyw ee sniuxsur. Mrqycc anne m si viauxsi qamxunx ee simx byy hxuad qingguer suanxdik laii vue'iongw.

U jit vaiw, guaw cua jit xee simliw isux ee qangjog, ix ee vnerlangg si jit xui sir-jap-gua huer ee lamsingr, si banrsingr siaudimm laii cue isux ee. jiurr siaudimm qongw, sngr kinx :ee, kacc jingwkag ee qongxhuad, ingwqaix si siauhuar vutliongg. Naxjunxx qui' sewqair hro ix qamxqag be siauhuar, itdit dniuwkuir /paceh, qewsiok jin' quw longxx byy qaixsen. Qaur derr zi nibuew, isux qra guaw qongw, "dingw vaiw jinxliauu sii, guaw ee vnerlangg jin' hnuahiw qongw, ix sraiw ciax sii, knuar diyc zidtauu lyc snuax huisiongg suiw, dua sniax qra ylyw."

"Qionghiw liw", guaw qongw.

"Uirsniaw?" ix mng.

"Liw ee vnerlangg huac quer jit kxamw ar." guaw qongw "ix jin' qinw decc huehok-diongx. Jex si guaw derr id vaiw tniax diyc jitt xee langg himsiongw sniwmia, ix byy qycc jimwdimm dirr surbut hurbin/ juwsinn dirr jurqiw ee srinx-siong, jitmaw ix kaisiw huathen jiuuii ee bixle, viauxsi qamxdong, jex dairviauw qniax .langg ee juanxvenr." Aurlaii guaw jaix guaw ee pnuawduan si jingwkag ee. quiw qywguec au, ix naxjunxx jniajyr jit xee juann sinx ee langg, ix ee isux qra guaw qongw.

Jit xee langg binrduir kunwqingw. Hyw un/ pnaiw un, si pnuawduan jitt xee langg qamxunx linglik, siongrr hyw ee qinqir. Lanw ersaih qra mow quaw pnaiw un knuawjyr guirjongx ee sniuxsur, marr erdangr vyxcii kiamsun, byy qra hyw un knuawjyr lixsow-dongzenn. Lanw si m si ciangjai uanr tnikir baiw? iacc si himsiongw tnikir venwhuanr ee suiw, dongwjyr sniuxsur? Zyqyw lanw qnuaa .langg virr dongr dirr qautongx ciadin nirr, si m si jre dirr ciax lai iutauu- qatbin, sniu beh qra taujingg ee ciax huexbet driau? Iacc si sniu, dirr qionghongx hiongseh sii, lanw si jiacc hyw un bih dirr jit daii ciax lai? Lanw si m si quanwsir baiuanr kangkuer, byy kir sethuad jingqax jurqiw ee qilingg?

Sewhanr sii, guaw vingiuw ee vaxvah hro guaw jit tyr ixqingx juadvanw ee HORATIO ALGER zidongg morhiamw qowsurjip, guaw dimbee dirr qidiongx. Qowsu nirr ee inghiongg zinbut longxx jin' qamxunx inx ee cuwqingw, inx byy uanwceh kunwlann, dendyww dongwjyr jit jiongw qihue, m si jxiur. Guaw sniu, donglenn tak jiaxee ceh si duiww guaw qik dua ee ingxhiongw. Dnaxx siarhue hro guaw iusimx, jiaxee ceh m na juadvanw, qycc jerje langg qongw si cauwsng'ue.

JIAPSIU SIXBONGG EE JUNGIAMM

Lanw dirr sewqanx juewau jit xee suanxdik --- beh iong zuarr iugnaw ee hongdo likuix? jex m si siw/ m siw ee suanxdik, si beh anxjuanw qniaa zip kir qnuacaa lai. Muixx jit xee langg u jidsiwlangg ee siqanx laii junxvi, vuthing :ee si lanw bunhuar itdit iong hiyxzin ee qaiwliam, duiwtai nilau / sixbongg. Hiyxzin joxgai nilau siongrr uixdai ee hagsip qihue : zuhyy jiapsiu qighan? Hiyxding qighan, simrjiww zinruii ingwqaix byy zimrhyy qighan ee junjai. Dongzenn, jinsit ee sniwmia suisii decc tiaujenr jitt hxang quanliam. byy qighan ee sukyw hongsid si jerje denrsi qongxqyr ee diongrdiamw. U jit xee digvet hro guaw tyxiar ee qongxqyr si : jit xee lak-jap-gua huer ee luxsingr (knuar kiw laii cniurr sir-jap-gua huer) decc pah bangrqiuu, ix jiac liauw iyc-aw, hongsib tniar byy hxuad joxdangr ix unrdong, siongrbuew ee uerbin si u quaw langg hnuahiw qaxx tiaur kiw laii huah "sniwmia byy qighan!".

Henrsit si, lanw diyhh ham' qighan qiongrjunn, simrjiww siauwlenn ciongbuanw uahlat/ morhiamw jingsinn sii, marr si u sriu hanrjer, jiamrr nilau, binrduir zuxx laii zuxx je ee jewhan, rair jyr quaw suanxdik --- cniurr si m si beh qethunx/ qangjog/ tewhiux --- hongwkir qitnax ee kyxlingsingr. Zuqyw u langg vutditvud jre lun'iw, narr beh ix siongsinr ix iuguann ersaih tiaur kiw kir hueqix/ cniurr ixjaw qangrkuanw kir dramm singliw, jex si zuarr hamwqow lehh!

Huangingg nilau si byy jurzenn :ee. nilau/ binrduir zimrhyy qaixvenr, vitzenn e sanxsingx sitlyc ee ywlyc, jex si jurzenn :ee. mrqycc huangingg nilau ee byy jurzenn vingrr byy viauwsi lanw ersaih hiyxding nilau ee henrsit / virr vakduat ee tongwkow quewdingg. Nilau si dauc dauc virr duadjauw, vauquah lingbinw/ singr linglik/ bixle/ jingwdi kuanlat… siongrbuew si itcer virr vrag qaxx qngx qngx qngx. lanw ee suanxdik/ kyxlingsingr zuxx laii zuxx ec, virr vig rair hagsip ham' jiaxee hanrjer qiongrjunn.

Sixbongg si siongrbuew ee vakduat. Guaw ciangjai tniax langg' qongw, "zuqyw" diyh'air likuix sewqanx --- naxjunxx inx erdangr suanw lehh --- inx qamguan qinw qycc hiongg, jit xe quw dyrr siw .kir. Gamm/ HIV si jiacc kiongxvor, siw qaxx jin' ban, jiamrr vairsiw hro vnerlangg uanjuann sitkir kongwjer, sitkir jungiamm ee quewdingg, virr vrag/ virr duat ee kutziok/ buxlang si huisiongg jinsit :ee, mrqycc lanw rair hagsip hunven hiqew ee / jinjniar ee jungiamm. Sixbongg ee quewdingg, jurgnow ee/ linghunn ee huanxingr si tnix cax de : jurgnow byy hxuad zimxsiu bactew jiamrr lenx-dax ee qingxsiong, knuawjyr jungiamm ee songwsid. Jungiamm junjai dirr jurgnow nirr, byy dirr linghunn lai. Virr vig hongwkir kongwjer sii, jurgnow qionglet ee dexjer, m quanw bingjaix si jit dniuu be ngiaa ee jenwjingx. linghunn huangingg virr vrag, hongwkir kongwjer/ marr hongwkir hiqew ee jungiamm, simjingg kinsangx/ kavo unxding/ duar diyc jinjniar ee jungiamm qniaa hiongr sixbongg.

Iugnaw/ laurvordnia qniaa hiongr sixbongg m si hiyxding sixbongg, m si caixiong anlogsiw. Anlogsiw si sniu beh qra vunxjid jin' siab-kow ee quewdingg venr kinsangx. Ixx guaw ee iwqenr, jex si lanxsix/ taujiahvo :ee, dypiah sixbongg qaix sriu kow quewdingg, jauxpiah hagsip singdiongw ee qihue. U langg qirjuat siaw ciuxbuexzi/ mair qongw duiww sixbongg ee qamxqag/ kangsniu hng liuliux ee birlaii qewue, suibongw inx longxx jaix birlaii ee zidjiw byy je. Hiyxzin sixbongg kyxlingg ersaih qiamxjiyw tongwkow, kiokk joxgai u iwgi ee qautongx, dongr liauw sniwmia siongrbuew ee hagsip, langg dyrr virr vak diauu ar.

Guaw siongsinr erdangr kinsangx qniaa hiongr sixbongg :ee si qra sixbongg dongwjyr hagsip ee qihue, qra sniwmia virr vrag dongwjyr sew cingkir ee jingrhuar, hro linghunn jinjniar ee jungiamm henxhenr cud laii. dirr guaw ee siyxsuad "txangx-vnix ee bincngg", biyue ngiuxlyxngi jit quaw dicbecc siw .kir ee vnerlangg, inx naxjunxx u sinsingr ee qngx kuann, jex m si venx :ee. binrlimm sixbongg ee langg jinjniar qinglik siaudimm ee qaidnua, drat qaur jiapsiu sixbongg ee qingxqair sii, jinjniar e hro vnix :a ee langg qamxqag diyc "qonghuix". Jex si jerje langg cinsinx ee qinggiam.

Binrduir berdangr piacbenw ee nilau/ sixbongg quewdingg sii, jixiaur lanw guanrir, lanw erdangr dirr jingsinbin tesingx, m si uanwceh, si kiamsun. Kyxlingg lanw hagsip jiapsiu itcer jurzenn anvaii sii, jiacc e binrduir sixbongg byy qniahniaa ee suanxdik. M quanw si m si siongsinr laiser, kinsangx gniajih sixbongg, si maudunw ee byy kakding kiokk si duiww ingxuanw sniwmia sinwliam ee siongrr quann sunrhok, siongsinr itcer longxx u siongrbuew ee uanjingw. Qangrkuanw ee maudunw, "iugnaw ee siw" jitt xee siongrr diongriaur ee sniwmia suanxdik, si suanw hongwkir itcer, qra linghunn uanjuann qautog hro jinjniar ligliong ee ciuw lai.

M jaix

Sixbongg si siongrbuew ee kangbyy. Dyrr sngr lanw siongsinr u laiser, lanw iuguann qniax sixbongg ee hikangx, lanw m jaix lingrgua jitt vingg si beh duiww dyhh kir.

Je jiongw byy qang ee kangbyy, siongrr diongriaur (marr si siongrr qanxdanx qongw :ee) si qra kangbyy qaixsueh jyr kangsimx, soxui "budix ee kangsimx (EMPTINESS OF NOT KNOWING)". Suibongw lanw jitt xee siarhue teciongr "busow-vutdix" ee simtair, qra singzin budix ee langg dah qongw si bylingg ee qiwhy, lanw iuguann erdangr suanw singzin budix, byy su'iaur qamxqag bylingg/ juerog. Sursit, dirr lanw ee sniwmia-diongx jongw u sii, hongwkir busow-vutdix ee taiwdo m na jingwkag, iauxx duiww simliw qenrkongx u lxi.

Dirr guaw cingcunx siauwlenn sii, jit xui "budix kangsimx" ee singlenlangg hro guaw texgiam diyc jin' u loriong ee qinggiam, jniajyr guaw siongrr hyw ee hagsip denxhuan. "jin jxingg qiongrsig" ceh nirr, guaw jap-go huer tak qydiongx sii, quatding beh likuix EXETER dionghak, jitmaw huesiongw jitt xee sniwmia ee quanqenr sii, siongrder hro guaw jiacc dua ee iongxkir, guaw m na uivue verbuw ee iwguan, likuix jit qingx jin' u miaa ee haghau, marr hongwkir liauw jaw dyrr uirr guaw povaii ee zinsingx ngqimx dyrlo. Dirr hitt xee nihuer, guaw sidjai byy cingcyw dauwdew si decc jyr sniaw? Ixqingx huac cud jit dua vo, likuix guaw soxx sriok ee jingxqyy bunhuar. Jitt xee bunhuar soxx singjiu ee "siongrliukuanx", si soxu ee langg jne siw marr beh keh .zip .kir .ee, guaw qra dongwjyr puar ree danr driau. Guaw qaix kir dyhh? Binrduir uanjuann ee birdix, huisiongg qniahniaa, guaw sniu beh jyr jitt xee quatding jingg, ingwqaix singx tniax laursux ee qenwgi. Beh cue si'angg?

Vaii derr id xee, si guaw ee huxdy laursux. Gunw u nng nii vnuar byy qongw quer ue ar, ix si cutmiaa ee hyw langg. Derr zi xee si hitt xee singwde quaiwqii ee lau juxzim, jerje hag'iuw qingwair ix. "snax" si hyw sowzi, cue derr snax xee laursux u kacc lann, juewau sniu .diyc ee si sowhak laursux, suanw ix si dag'ee longxx qongw ix si tenjaii zinbut, bad camqax MANHATTAN PROJECT (Bixqog guanjuxdnuaa genxhuad qewue) ee qydingw sowhak unrsngr, guaw sniu ingwqaix cue jit xee tenjaii "dramm" guaw ee quatding, suibongw ix kacc jiyw huer, iauxx siauwlenn/ guaw ham' ix byy qaujingg/ guarviauw jit diamw aw dyrr byy cinced, simjiww qamxqag lingxbin /qoxvanw ee sowhak hauwdaix.

Singx kir cue huxdy laursux, ix tniax guaw qongw nng hunjingx, jin' unhyy pacdng guaw qongxue. "liw dirr jiax ee viauxhen kaksit byy hyw, SCOTT, iauxx byy qaur be cutgiap ee dervo, dirr EXETER jiacc iusiur ee haghau baiw hunx vitgaip, viw qitnax haghau ee quann hunx kacc u loriong. Hyhongw diongdoo juanxhau duiww liw ee qiwlok byy hyw. Qycc qongw, guaw siongsinr liw ee verbuw itding byy hnuahiw. Liw nacc m jiauww anne sun sun aw, jinrlat quer dyrr hyw?"

Qycc laii kir cue hitt xee qoxquair piah ee lau juxzim, ix qandna' hro guaw qongw snax-jap biyxjingx. "EXETER si juann sewqair siongrr hyw ee haghau." Ix dne pnikangx qycc qongw, " liw qongw :ee jin' gutunw, liw siongrr hyw qra guaw cingcniw kiw .laii, siauwlenn :ee!"

Guaw qamxqag zuxx laii zuxx camw, siongrbuew kir cue sowhak laursux. Ix hro guaw jit kauxkir qongw uann, iokk go hunjingx. Qongw ix iauxx byy jin' liauxqaiw, rair guaw qycc qongw quaw quanhe haghau/ qadingg/ siongrder (ix qingwzenn unxjunw guaw dramm siongrder!), qitnax guaw simlai sniu e diyc ee zimrhyy su. Guaw qewsiok qycc qongw jap hunjingx. Duiww jit xee berhiauw qongxue ee jap-go huer javox ginxaw, si jin' kunwlann :ee, danw guaw qongw uann, qycc mng si m si ersaih mng guaw jit quaw bunrdee. Sriu diyc duarlangg jiacc diwdang, gauw jin' hnuahiw dab "dongzenn ersaih" ix qycc mng guaw jerje bunrdee, iokk u vnuar diamxjingx.

Iong liauw sir-jap-go hunjingx, jitt xee virr qongzin byy tongx zinjingg ee laursux tex au, siangciuw hnua ixqnuaiw, bin qad qad qongw, " jin' sitlew, guaw byy hxuad jo liw, m jaix rair hro liw sniaw qenwgi."

"liw jaix" ix qewsiok qongw "beh jit xee langg uanjuann kia dirr liw ee libdniuu, uirr liw setsiongw, si byy kyxlingg ee dairjir, mrqycc jiurr guaw bogjingg duiww liw ee liauxqaiw, guaw narr si liw, guaw marr m jaix qaix anxjnuaw jyr. Qajair guaw m si liw. Liw erdangr liauxqaiw, guaw m jaix diyhh hro liw sniaw iwqenr. Jin' sitlew guaw byy hxuad vangjan liw."

Jitt xee langg cavutdyx qra guaw ee mia qiur dngw laii, sir-jap-go nii jingg ee hitt jaxkiw, dng' guaw qniaa zip kir tenjaii laursux ee vanrqongsig sii, guaw duxx uaw dirr jursad ee vnix vnix :a. likuix ee sii guaw qamxqag cingx qxinx dang dnar byy .kir ar. lenrr jit xee tenjaii longxx m jaix beh anxjnuaw vran ee bunrdee, guaw m jaix beh anxjnuaw jiacc hyw, dyrr byy sniaw iauwqinw ar, qycc qongw, zuqyw vadd langg longxx zinruii guaw ee quatding si siauwqongg :ee, jitt xee tenjaii kiokk byy hxuad bingkag dong'ir inx ee knuawhuad, anne kyxlingg hex si siongrder duiww guaw ee diauwhuanr.

Jitt xee tenjaii, byy teqiong zimrhyy dap'anr, m jaix guanw ingwqaix anxjnuaw jyr, ix suanw kiamhix, qetqyw hro guaw siongrr su'iaur ee vangjan, jitt xee langg guanrir tniax guaw ee simsniax, hro guaw iong ix ee siqanx, iwdoo sniu beh uirr guaw setsiongw, uirr guaw hisingx jurqiw ee siqanx. Ix soxx huwcud ee aiwsimx, iliauu guaw ee sionghunn.

Byy qanxdanx ee qongsid. Dirr sniwmia qinggiam-diongx, lanw diyhh zimxsiu moxjiongw tingdo ee kanghix, jiapsiu budix ee kow. "simlingg duiwue" qongw .quer, sniwmia-diongx jerje dairjir lanw quaiwjue langg', singdiongw si hagsip liongrqaiw, lanw dirr simlai jaiwsnax sukyw "guaw beh quijue? Iacc si liongrqaiw?" iacc si "guaw beh viauxhen aiwir? Iacc si jairr langg dac?" iacc si qanxdanx mng "qaix anxjnuaw jyr?" muixx jit vaiw binrduir sinx jongrhongw longxx diyhh jyr ee suanxdik.

Suibongw byy qowding ee qongsid, mrqycc u inxdy ee guanjig, jo lanw jyr suanxdik, jex si guaw dirr "byy qang ee qoxsniax" soxx tee kiw :ee. Amwiwsig jongw viw iwsig qinw jit vo. Bunrdee si lanw m jaix dycc jit vingg si jingwkag :ee? cywgo :ee qycc si dycc jit vingg? Guaw byy hxuad pnuawduan ciangjai tniax .diyc ee hitt xee ser sniaimx si singwlingg? Iacc si moquiw? Kyxlingg si lanw sinliw hunviwbut. Beh sui' jaix lanw si m si jingwkag, cavutdyx byy kyxlingg, "jaix" si iwsig ee huanruii lai.

Zuqyw liw ee vunxir si senrliongg :ee, dng' liongsen si byy hiacc cingcyw sii (guaw qamxqag vah hunx ji' qauw-jap-veh si anne), liw qamguan singdamx itcer ee kow, anne liw ee amwiwsig dyrr ingxuanw e hiongr jingwkag ee honghiongr, jaw liw ee iwsig jit vo. Ngua jit qxur ue qongw, liw ee hingdong ingxuanw si jingwkag :ee, dng' liw hingdong sii, liw byy liongrsiong ee siqanx jaix liw si jingwkag :ee. liw si jingwkag :ee, si in'ui liw guanrir hongwkir hitt jiongw qex cud ee siqanx. Zuqyw jitt xee guanjig naxjunxx jin' aiwmai, anne liw kyxlingg rair e qir did, sewsiong soxu ee siaog, cavutdyx si hiaxee "juadduir" siongsinr jurqiw/ jaix jurqiw decc jyr sniaw ee langg soxx jyr ee.

Derr go jniux TUANTEW JOJID EE SNIWMIA SUANXDIK

Lanw kyxlingg e zinruii qywzinn ee sniwmia suanxdik si qywtew soxx quatding :ee, naxjunxx lanw longxx si doglip junjai ee qywtew. Sursit, lanw m si doglip junjai :ee. zinlui si lyc quah ee dongrbut, soxu ee suanxdik cavutdyx qingguer lanw soxx sriok jojid ee moxjiongw ingxhiongw. Jitt xee jojid vutjiw si sionggiap jojid, qadingg marr si jojid, qadingg jerje qewdat guanjig sik'iong dirr dua hxingg jojid, dendyr qongw marr qangrkuanw. Kacc kuacbin qongw, jingxqyy siarhue si jit jiongw jojid ; ser huanruii knuar, qywtew dandok ee siarqaux quanhe marr si jit jiongw jojid. Jixiaur u nng xee langg (iacc si nng xee ixsiong) ee zinjer quanhe, dyrr sanxsingx moxjiongw jojid ee hingtair.

Qetqyw, jojithuar ee hinguii kywdee cavutdyx vauhamm soxu zinlui ee simliw janbin, soxu zinlui hinguii cavutdyx longxx huatsingx dirr moxjiongw jojid nirr. Jojithuar ee hinguii m na vauquad qywtew dirr jiamrsii ee tuantew-diongx ee hinguii, marr vauquah tuantew vunxsinx ee haurlingg. Huanruii jin' kuacdua, mrqycc guaw beh qra jiaudiamw jibdiongx dirr jojid ee suanxdik, lanw soxx jyr ee quatding/ hingdong zuhyy ingxhiongw vadd langg, lanw zuhyy duiwtai langg'/ jurqiw, m quanw hyw baiw. Narr qongxx lanw jyr ee quatding qandna' ingxhiongw jurqiw, anne lanw jurzenn ersaih anxjnuaw sniu anxjnuaw jyr, uirr jurqiw hurjig, dongsii singdamx hiyrqyw, itdanr kanlenn qitnax langg, lanw dyrr jinwzip liauw dyrdig/ lexsor ee huanruii.

LEXSOR

Dirr quewkir jap-go dxangx, guaw iong jin' je siqanx, iwdoo qra nng xee huisiongg diongriaur ee zri : tuanxtew / lexsor(COMMUNITY AND CIVILITY), ui' byy iwgi ee sixsingr nirr qaixqiur cud laii. dnaxx lanw qongw diyc tuantew sii, itvnuax zinrdix si zimrhyy hingsid ee jurjip. Kyxviw qongxx, lanw ersaih qra NEW JERSY ee MORRISTOWN dongwjyr jit xee tuantew, sursit-siong, MORRISTOWN jixvutqyr si jit xee derliw jurhap, qibinn u quaw siy' qang ee suewsiux viaujunw / siarhue qonglingg ziiw, byy qitnax ee surbut qra inx jinjniar cuanwlenn jywhuew. Lanw ersaih qra mow dinr ee dniuxlyw qauwhue dongwjyr jit xee tuantew, sursit hiaxee jit vaii jit vaii jre jywhuew ee qauwiuw byy hxuad qaudamm quanhe sniwmia diongriaur dairjir. Guaw qra jitt lui ee zinqunn jurjip knuawjyr hiqew ee tuantew.

Duiww guaw laii qongw, jinjniar tuantew si horsiong qau'ngua sniurhuad, singguann ingwqaix uicii qypinxjid ee qauliuu, dirr ceh "byy qang ee qoxsniax : tuantew ee qenwlip ham' hyvingg" , derr id vaiw dramm diyc tuantew qobuw bunqaur qiqimhue, si qinrnii laii, guaw juxiaur sniwmia jiaudiamw, ham' langg' habjog qenwlip huatdenw jitt xee qiqimhue, m si siaxjog. Zimrbu si qauwdy jin jxingg qiongrdongtew ee guanjig, dyrr si langg /tuantew horsiong ji' qranx qenrkongx jinsit ee qualiuu.

Dnaxx siarhue sunrsi vangvnuaa, duiwlip juxgi kia quann ee nidai, qiqimhue ee qangjog hro guaw sniu beh dingsinx qiywcniw jit xee ixqingx sitkir iwgi ee zri : lexsor. Jitmaw soxui ee "lexsor" si viauxbin ee keckir. Lanw jurqow ixlaii, itdit si jin' keckir ui' vuerau amwsngr langg'. OLIVER HEREFORD jitt xee Ingqoklangg qongw cud ee miaqur : "jinjniar ee sunsu juadduir be byiwdiongx cionghuan tnazinn." guaw duiww jitt qxur ue ee qaixsueh si, u sii kyxlingg u vit'iaur dag huan tnaxzinn, quanqenr dirr si m si kik'ir, dyrr si caqag jurqiw ee hinguii. Anne ee caqag su'iaur u iwsig ee quanjiaur. Dirr ceh "jin jxingg qiongrsig --- danxtai qycc uac ee sinx qihue", lexsor m na si viauxbin ee keckir, si "u iwsig ee jojithuar hinguii, hac dyrliw/ sunrhok kacc quann ee ligliong."

Lanw ersaih qaxsed, zimrhyy suanxdik duiqiuu qydingw iwsig ee langg , marr si u lexsor :ee. Mrqycc jiax u jit xee dua bunrdee : uirr lexsor, lanw m na rair caqag jurqiw ee hinguii dongrqix, marr diyhh qakcaa lanw soxx sriok jojid hertongw ee bogdig. Lexsor iauqiuu qywtew/ jojid ee iwsig caqag. Zuqyw lanw sniu beh air kacc quann ee lexsor, diyhh sukyw hertongw.

HERTONGW : jit liap lorsix

Dirr guaw jiapsiu ihagngi qauwiok ee sii, siongrr hnuahiw ee sijun si hamwqniar qaixpywhak ee kyr. Tauwquer hamwqniar quancad zintew kiwquanx ee cetpnir sii, qandna' erdangr knuar diyc jit quaw vehbu/ hunx be cud ee ciam'uii, narr qra jimwzip digding u sig ee juiw nirr niw quer, qycc laii knuar, hionghiongg liw naxjunxx jinwzip jit xee iulogdniuu, jit xee viw DISNEY loghngg qex jin' cuwbi ee huanloghngg. M quanw liw quiw huer/ derui/ qenrkongx jongrtair, dirr hamwqniar-ha lanw ee jojid cetpnir huisiongg bixle.

Guaw anne knuawtangr jit xee jriab jit xee suiw dangdangx ee sewvaux, jit pnir qycc jit pnir ee hamwqniar vylepnir, luixjig lyc laii, hro guaw u jin' diongriaur ee hiauxgno. Muixx jit xee sewvaux m na jursingg jit xee hertongw, marr si lingrgua jit jiongw kacc dua/ hogjap hertongw ee jit siyw vorhun. Jin' u kipsiulat ee iuwmngg sewvaux/ vnee vnee qudliux bah sewvaux/ lenjiab ee jojid sewvau, longxx si siyxdngg ee jojid singhun. Siyxdngg si siauhuar hertongw ee jit vorhun, siauhuar hertongw qycc ham' sintew qitnax hertongw puewhap. Jurlut sinqingx sewvaux ee ciam'uii ciwqig siauhuar baczinn vangwsangx/ sok'ann/ sinliw hunvir, jiaxee longxx si sinqingx hertongw ee jit vorhun, jaiww tauwquer liongqud lenjiab qaur nauw sewvaux. Muixx jit xee kiwquanx longxx u ser siyw ee dongrmec/ huecqinx sewvaux lenn qaur simjong, hingsingg hueh sunkuann hertongw, muixx jit diauu huecqngw u byy qang ee hueh sewvaux, longxx si ui' qutcuew jewjy cud laii ee, sriok jyrhueh hertongw ee jit vorhun.

Sursit, guaw jaw dyrr "jaix" zintew/ soxu ee singbudtew, vauquah dongrbut/ sidbut, longxx u jit jiongw hertongw. Jinwzip ihagngi jingg, guaw vingrr m jaix jitt jiongw hertongw jiacc hogjap/ bixle. Jitt sii guaw jiacc erdangr dirr iwsig-siong, duiww guaw qandna' guduu "jaix" ee surbut jinr jit vo liauxgno. Muixx jit xee sewvaux longxx si mow kiwquanx ee jit vorhun, muixx jit xee kiwquanx si mow xee sintew ee jit vorhun, muixx jit xee sintew hertongw si jingxqyy sintew ee jit vorhun, qamxx qongw lanw ee sintew kyxlingg marr si mow xee kacc dua hertongw ee jit vorhun? Ngua jit qxur ue qongw, guaw jitt xee doglip ee jurgnow, si m si mow xee dua singbudtew ee jit xee sewvaux? Dongzenn, jyr jit xee duxx cutgiap ee isux, didjiap/ qanwjiap, guaw ham' qitnax busowlangg ee quanhe si siy' kan'uaw :ee, hro guaw haghuir ee verbuw/ qauwdy guaw ee lau isux/ sidgiamsig ee qisut zinguann/ vnerngi ee hingjingr zinguann/ jewjy qikir hro guaw iong ee qanglangg/ suxiong qikir ee vnerlangg/ Qajiux jingr mihuejangg ee jyccanlangg/ NORTH CAROLINA ee sing'ix qanglangg/ KANSAS cri guu :ee/ NEW JERSEY jingwcaiw :ee…, qapp jiaxee itcer u quanhe ee kacciax suqix/ guaw ee cur tauqex/ qax taumox :ee… ersaih itdit qongw lyc kir.

Guaw jniajyr jit xee "hertongw lixlun" ee qending sinwgiongxjiaw, suibongw iauxx byy tniax langg qongw .quer jitt xee zirganw. Hertongw lixlun qisit m si lixlun, si sursit, qivunw qetqor si, itcer surbut longxx si jit xee hertongw. Ui' viw sewvaux kacc ser ee hamwqniar jancur qaur jit xee kiwquanx/ jit xee sintew hertongw/ jit xee langg/ juann zinlui siarhue josingg hunjuw. Lanw duxx kaisiw lingxgno, zinlui siarhue si ham' haixngiuu/ dairde/ ciurnaa/ duarkir siy' lenn :ee, soxui " singtair hertongw". Hertongw lixlunrqax ciangjai qra qui' xee derqiuu dongwjyr dan'id ee singbudtew. Derqiuu si taiwiongg hertongw ee jit vorhun, lanw kaisiw duiww taiwkongx jyr kacc cimzip ee tamwsyh sii, lanw kyxlingg e caqag diyc ginhyy/ uxdiu vunxsinx ee hertongw vunxjid.

Suibongw itcer junjai ee surbut longxx si moxjiongw hertongw ee jit vorhun, hertongw lixlun marr juxdniux, zuqyw hertongw ee jit xee josingg hunjuw huatsingx venwhuar, qitnax soxu vorhun marr vitzenn qaixvenr, itdit qaur juewqin quiw jap nii, lanw jiacc caqag jitt xee sursit. Lanw bingvik soxx jyr ee itcer cavutdyx duiww kuanqingw u ingxhiongw, hiaxee ingxhiongw ersaih ju'iongw lanw, marr kyxiw huixbet lanw.

Vixzuu, soxu ee ciajuw longxx u anne ee qinggiam, qra ciax sangr siuciadniuu vyxiongw/ uisiux, dngw laii ee vnuar lo, kiokk duw diyc ciax m dinxdang, jitt jiongw jinghongw huatsingx sii, lanw kyxlingg e jiuwcamr siuciax qanglangg diauqangx jyr amwvo. Qetqyw ongxongw m si anne, si sinx lingqnia hro engine /jingxqyy hertongw jyrsingg siyw ser ee qaixvenr, su'iaur diaujingw qitnax vorui, u sii qitnax ee qu lingqnia itding rair ngua driau, narr byy, dyrr byy hxuad diaujingw.

Zinjer quanhe marr si jit jiongw hertongw, digvet si hun'inx. Dirr gunw ixx angbow jyr duiwsiong jinwhingg simliw dirliauu-diongx, LILY sniu cud "cunqiux (TENUOUSNESS)" ee quanliam, ix ee iwsur si, hun'inx jywduix duiww horsiong ee qaiwding ingwqaix e cunx e qiux, naxx ciurlingx bersaih gnerhuar. Dirr dirliauu quewdingg, gunw itjair knuar diyc, dng' hun'inx ee jidhongx in'ui simliw dirliauu sanxsingx binghenw qaixvenr/ singdiongw sii, lingrgua hitt hrongx marr diyhh duer decc qaiw, narr byy, hun'inx ee hertongw dyrr e vxangx.

Guaw m si qongw simliw dirliauu si hun'inx ui'id ee venwsor, u qokk jiongw qokk ngiu ee insor e qaixvenr hun'inx ee vunxjid. Ginxaw cutsir au, guaw ham' LILY ee hun'inx vunxjid sanxsingx qaixvenr; ginxaw jinwzip cingcunx-qrii sii, qycc u qaixvenr; ginxaw duarhanr likuix qycc si jit jiongw qaixvenr; qingjer jinghongw venwhuar, jiapsiu qiuwjer qaur jiongqin zi-jap dxangx ee siujix benxqiongw duw .quer, qaur siongrbuew duiww jusen surgiap iuxsow qongwhenr, gunw ee hun'inx vunxjid duer decc qaixvenr; ui' dionglenn mairzip laurlenn, siongrbeuw tewhiux, hun'inx vunxjid marr qaixvenr.

Hertongw lixlun juxdniux quanhe diyhh suisii diaujingw, narr byy, hertongw e vairbew. Beh u hyw ee qaixvenr linglik, dyrr rair duiww soxx sriok ee hertongw u mexliac ee caqag, jex si kunwlann ee soxjai. Zinlui ee diqag u cimx-cenw cavet, muixx jit xee langg cavutdyx erdangr caqag diyc jurqiw siongrr qib ee su'iaur/ qitai, mrqycc duiww jurqiw ee siarhue dongrqix/ dongrqix vuerau ee oamwbin, kiokk kiamwkueh cingcniw ee caqag, dyrr si u siongdongx jinwhuar ee diqag cimdo, duardysor duiww soxx sriok ee siarhue hertongw iauxx si jin' hiyrdix-hiyrqag.

Jitt jiongw duiww jojid /siarhue srid qakcad, si jiacc hiwqioghuar ee henrsiong, gauw qra hyrjyr simdir ee kangkiah. Suibongw jitt jiongw lrau kangx ciangjai jin' cimx, u sii kacc sxingg jit pnir je kangx ee CHEESE. Vixzuu, jit xee kiwgiap juxquanw kyxlingg e caqag diyc ix ee qongsix si jit xee hogjap ee hertongw, mrqycc jurlaii dyrr byy qra ix ee qadingg dongwjyr jit jiongw hertongw laii sukyw ; u langg kyxlingg erdangr qra qadingg knuawsingg hertongw, kiokk duiww cniar ix ee jojid uanjuann vutdix-vutqag.

Jitt jiongw simdir ee lrau kangx, duiww jojid byy qamxqag, sisiongg si jurqiw ee jurluann soxx jyrsingg :ee. kyxviw qongxx, jit jxy dua qangdniuu, singsanxsnuar ee qanglangg kyxlingg e zinruii inx si qongsix ee hudsimx, dyrr be kir quansimx qitnax guanqangx/ qangjog, inx si jinjniar ee singsanxjiaw, qamxx m si ? tuisiauguann kyxlingg e zinruii jurqiw si qongsix ee hudsimx, qongsix tanr jnii si kyr inx tuisiaux sanxpinw, narr bre be cud kir, qongsix dyrr byy junjai. Mrqycc hingsiaux zinguann marr kyxlingg zinruii jurqiw jiacc si qongsix ee hudsimx, narr byy inx diaujax cirdniuu, tuisiauguann jnuaxngiu u jaidiau bre driau sanxpinw? Huerqer vormngg :ee kyxlingg zinrding inx jiacc si qongsix ee hudsimx, siaur jyr byy hyw, qongsix qamxx u huatdo unrjuanw? Qingliw qaiqib :ee zinruii inx jiacc si siongrr diongriaur :ee, qongsix ee jingwcig si inx qenwlip :ee, duiww qitnax byy qang hongwhenr ee dongsu knuar byy jnriu bak.

Lanw ee siarhue marr si anne, jingxjok qisi/ qaiqib singqenr rimx siwqer. M bad vadd langg ee qongwhenr, lexsor dimlunn, lanw ee ganxqongx knuar jurqiw dyrr be hur ar, qinvunw byy liongsiong ee siqanx/ jingsinn laii huatdenw jojid/ siarhue iwsig. Jingwkag ee jywhuad, lanw m na quansimx jurqiw, guanrir sukyw qui' xee hertongw, kokdenw lanw ee iwsig, voxtad simdir ee kangx, narr byy lanw byy kyxlingg jinwhuar jyr kacc bunbingg ee siarhue.

DYRDIG

Guaw u jit xee vingiuw, si Uadjenr sii siongrr jaw virr Uadqiongr liac kir ee Bixqog huihingguann ji' id. dirr ix ee hueiglok nirr, jin' cingcyw viauxsi, siuqimr cid nii ee jaxqii, inx si virr hertongxhuar ee jetbuaa. dighongx soxx jinwhingg :ee si huisiongg cingcniw ee jojithuar hinguii : liauxqaiw jurqiw ee iwdoo, audnaw/ jankog ee buatuah duiww uahliac :ee ingxhiongw, jaix dirr qauwgiac ee tongwkow-ha, zimrhyy langg longxx e vangvnuaa, lingdii erdangr ngua laii tanxvec, m quanw zuarr hiqew, duiww jojid ee suantuann si u qewdat :ee. Suibongw Bixqog dirr Uadjenr ee jywhuad ixqingx sngr jin' byy dyrliw / byy habliw, mrqycc duiww cam'uw Uadjenr, diyhqniax ee Bixqoklangg, marr byy zinruii inx ee kokhingg jetbuaa si jingwdongx bunbingg ee hinguii.

Lexsor m na si "cingcniw" ee jojithuar hinguii, iauxx diyh'air huhap dyrdig, jixu dyrdig dimlunn/ songwsit ee langg jiacc byy zinruii jetbuaa si uihuanw dyrdig. Guaw qongw jitt xee le si jin' binghenw, lanw m hyw hutliok, siarhue-siong jerje byy dyrdig si jin' amwbih :ee. Siongrr kixbew ee dyrdig rair u "zindy"/ jundiong tnazinn. E jundiong vadd langg :ee dyrr be kir lingdi langg'.

Qinrnii laii u quaw jongqaur iurpair tuantew qionglet puepingg soxui "sewsiok zindy juxgi (SECULAR HUMANISM)". Guaw qamxqag jiaxee puepingg vunxsinx qaix kacc zindy .quaw, suibongw qamxqag inx qongw :ee u dyrliw. Sewsioghuar ee zindy juxqi cniurr kiw dirr suade ee cur, jinghongw qanlann sii, kyxviw qongxx singliw baiw / dairjir qauliauu (qiuwhunx) sii, sewsioghuar ee zindy jin' iong'i huixhai. Dairjiongr tuanvyr surgiap qangjog ee langg tongsiongg qra jurqiw zinrding si zindy juxgirjiaw, marr zinruii jurqiw ee qangjog jin' diongriaur, hro dairjiongr did diyc jingwkag ee sinwsid, uicii siarhue ee bunbingg/ zindy. Jex kyxlingg byy m driyc, mrqycc guaw jaix taiww je le, qiwjiaw uirr beh cniuw sinbunn, qra zindy jingsinn danr kir jap-snax tnix gua.

Sewsiok zindy juxgi ee bunrdee dirr byy suecbingg zinlui uirsniaxmic si dinquir :ee? uirsniawmic diyhh jundiong langg? Byy zinrhyy lixlun ee qinqir, dyrr byy hxuad u qiongrdongg jiahkow ee henrsiong. Jex si uirsniaxmic guaw zinruii hap lexsor ee hinguii m na rair u "dyrdig", qycc erdangr "sunrhok kacc quann ee ligliong". Guaw qongw .quer, zuqyw siongrder si qngx/ jinliw/ air, lanw jinsimx sunrhok jiaxee surbut, anne lanw ee hinguii dyrr e u sinsingr, dyrr sngr byy sinwgiongw zinrhyy jongqaur marr byy quanhe.

Qongw diyc sunrhok, hro guaw qycc dywdngw kir hitt xee cniuw sinbunn ee qiwjiaw. Suibongw jiaxee qiwjiaw kyxlingg e jinrliong byy qongw haulak, si "qinqir sursit", mrqycc dirr ingwqaix vywdy sniaw sursit, qaix muakamr sniaw sursit ee quatding-siong, inx itding e qencii iongxiuw uanjingw ee kuanli. Anne, sursit dyrr cniurr tongxqer sowzi. Jerje jinghongw-ha, qiwjiaw ersaih jairr ix ee hnuahiw biysueh zimrhyy surbut, qongw si vec :ee, iacc si ovec hunwlam :ee, ix ee suanxdik, si jnuaxngiu jiacc si jit xee hyw qowsu. Duhuix jin' u liongsimx :ee, jiacc e suanw duiww jinliw ee sunrhok. Dyrr sngr jitt xui qiwjiaw diongsit vyrdy jinsiongr, dirr sinbunn ee qaixsueh, iuguann u qui' tyr jixhuix hertongw siy' kanlenn, qiwjiaw siaw hyw liauw sinbunqyw, byy camqax caixhongw ee venjib, hurjig lyc viaudee/ kongwjer bunzi ee jerjiyw/ vaikngr uirdir, lanbenw tniqex jurqiw ee quandiamw. Ixx guaw ee quandiamw, siongrr hyw ee sinbunn qaix si ox-vec diongqanx ee sikcaiw jiacc hyw, in'ui dairjir tongsiongg jin' hogjap. kyxsiyh, dairdysor ee qiwjiaw byy guanrir jiapsiu jitt jiongw hogjabsingr, in'ui anne byy hxuad sanxsingx kipinxlat ee viaudee. Inx jurqiw longxx singzin, inx e puewhap togjiaw ee uirkauw, henxzenn inx be qir did huhap togjiaw ee kauxbi / sursit jinsiongr ji' qranx ee cavet u zuarr dua.

Dirr cuxliw dyrliw ee hogjabsingr, guaw huathen liauxqaiw "qauwdiauu dyrdig (CODE ETHICS)" ham' "jinghongw dyrdig (SITUATION ETHICS)" ee vavet, duiww lanw jin' u vangjan, cavutdyx didjiap dag diyc bunrdee ee hudsimx.

"qauwdiauu dyrdig (CODE ETHICS)" --- si ligsuw-siong virr quiqechuar ee dyrdig viaujunw, siongrr jaw ee le si qoxjaw BABYLON ongdiauu ee ludhuad CODE OF HAMMURABI, siongrr u miaa :ee si Jap-qaiwling (THE COMMANDMENTS).

Anne ee qauwdiauu, jin' bingvet viauxsi moxjiongw hinguii si cywgno ee/ siaog ee, dirr zimrhyy jonghongw-ha, longxx vutjunw tihh. Jap-qaiwling ji' id ee "bersaih taii langg", byy qongw "bersaih taii langg, jenwjingx lergua", iacc si "bersaih taii langg, jurgnow hongui lergua"; qandna' quiding "bersaih taii langg", jit dyx ced lyc, jixu ox-vec, byy zuqyw/ mrqycc iacc si lergua.

Jinghongw dyrdig ee qivunw guanjig, soxu ee dyrdig pnuawduan longxx diyh'air kyxlu dongsii ee jinghongw, iong'unw jenwjingx/ hong'uirsingr ee taii langg, ham' jap-qaiwling byy qang.

Lanw ee siarhue ixqingx kaisiw ui' qanxdnax ee qauwdiauu dyrdig jinwhuar jyr jinghongw dyrdig. Bixqog ee suhuad hertongw binghenw henwcud. Liw narr kir ludsux eevanrqongsig, inx cecqer-dingw longxx si jin' qau/ jin' dua vunw ee ceh, hiaxee ceh longxx si jinghongxsingr ee huatlut anwle, soxx viauxdat cud ee si "bersaih huixiog, lergua ee si 'JOHN qryr SMITH' anwqnia, dirr mow jiongw guan'inx ee quanhe." Iacc si "bersaih huixiog, duliauw 'BROWN kongwqyr TALOR' ee jinghongw".

Beh caixiong jinghongw dyrdig, qywtew diyh'air u linglik jursinx damdngx jingxqyy suhuad hertongw ee jikzim. Lanw rair dirr jurqiw simdiongx, u jit xee u linglik ee venrho ludsux/ jit xee u qauwgiac jailingg singdamx jitbu ee qiamxcatqnuax / byy susimx ee huatqnuax, jiacc erdangr jniajyr qenrkongx/ uanjingw ee qywtew. Zinqeh sitdiauu ee huanrjiaw simdiongx, ciangjai u jit xee qionglet ee qiamxcatqnuax/ nngxjniaw ee ludsux, byy jaidiau uirr jurqiw ee kecho venrho. Juewau, u langg taukag nirr, u jamxzenn gauu ee venrho ludsux/ qiamxcatqnuax, mrqycc moxjiongw lixiuu, kiokk jin' gauu diuduu/ m qnaw lyc pnuawduan, si kiamr hyw ee huatqnuax.

Guaw juansim-juan'ir janwdongg siarhue/ qywtew qniaa hiongr jinghongw dyrdig ee honghiongr huatdenw. Jyr jit xee simliw isux, guaw huisiongg liauxqaiw narr cataukox ee qauwdiauu dyrdig ciangjai jyrsingg byy zindy ee hiyrqyw. Diyhh singx kyxlu nng qnia su : derr id, jinghongw dyrdig byy zimrhyy qowding qongsid, jixiaur jinghongw huatsingx zimrhyy siyw ser ee qaixvenr, qenrkongx ee qywtew dyrr u jikzim dingsinx kyxlu jurqiw ee hinguii. Dirr moxjiongw jinghongw kyxlingg ersaih quijue mow langg, dirr jit sud aw cavet ee jinghongw-ha, kyxlingg rair guanliong langg', lanw ingxuanw byy hxuad dongdniuu kakzin lanw soxx jyr ee si driyc :ee, diyh'air u "budix ee kiamvix".

Derr zi, qauwdiauu dyrdig m si byy loriong :ee. qinrnii laii jongqaur iurpair tuantew duiww jinghongw dyrdig ee puepnuar zuxx laii zuxx qionglet, suibongw guaw qamxqag inx ee jywhuad sniu' qigtauu, kyxlingg u quaw dyrliw. Qaur dnaxx zinlui jinwhuar ee qaidnua, lanw naxjunxx byy hxuad vaktuad jenwjingx, guaw siongsinr tenjuw qauwdingg qaix suxiong jinghongw dyrdig laii huatdenw "jingwdongx jenwjingx" ee qaiwliam. Narr m si u jit xee giamqeh ee qauwdiauu dyrdig qawsi "bersaih taii langg", lanw kiongxqniax qinvunw byy sniu beh hunven jingwdongx/ byy jingwdiongx ee jenwjingx.

DOGLIP QAPP HABJOG

Dirr "simlingg derdoo" , guaw qongw lanw longxx u ilairsingr ee su'iaur/ simjniaa, mrqycc jex vingrr byy qowsingg air, jiaxee su'iaur e hro lanw lyc zip ilai ee hamrjniw, hro doglip ee qywtew qamxqag jurqiw suisii su'iaur tnazinn quanjur, narr byy, dyrr qamxqag byy uanjingw/ byy kuaiwlok. Ilai jyrsingg jerje bunrdee, qidiongx ji' id si vnertair ee uanwdor. Lanw soxx qongw diyc ee uaxkyr, longxx si driyc :ee, mrqycc marr diyhh vinghingg duiww jikvi/ ylyw horsiong hucii siy' teuaw.

Siaw "simlingg derdoo" sii, guaw iuguann si lyxcyw qu sukyw ee qywzinn juxgi dyrdig quandiamw, siongsinr lanw dy' su'iar jniajyr doglip jurjuw, jurqiw ee siangkax kia hro jai, kyr jurqiw miarun ee juxjnaiw, jex byy sniaw m driyc, guaw siongsinr jinghongw unxjunw sii, lanw longxx qaix doglip jurjuw. Mrqycc hohamr ee qywzinn juxgi dyrdikquanx ee dua bunrdee, hutliok liauw henrsit ee lingrgua jit bin : lanw diyhh singzin jurqiw ee juerog, byy hxuad piacbenw kiamwsid/ bulingg / langg horsiong siy' uaxkyr. Qywzinn juxgi ee dyrdig jixsi jinliw vnuawtangxsaix, muakamr jurqiw ee ziogdiamw, duiww jurqiw ee kueckiamr qamxqag qenwsiaur, vig lanw diyc jniajyr ciauzinn, suisii su'iaur "jabjuann-jabbiw". Dyrr anne, dirr quawdngg jre qui' vaii ee sinwdoo kiokk m qnaw horsiong damlun simlai ee kow / sitjir/ sitbong, bih dirr qexjongx ee guarviauw aurbin, naxjunxx duiww jurqiw sniwmia u uanjuann ee kongwjer.

"simlingg derdoo" siaw uann cid nii au, dirr "byy qang ee qoxsniax" nirr, guaw huanxvog jitt jiongw qanxdanx, uanjuann jibbin, kiamwkueh maudunw, si hiqew ee dyrdikquanx, jiacc kaisiw dirr jin jxingg qiongrdongtew ee quanliam qiongdiau horsiong uaxkyr, siongrr henxbingg ee le, si laii jurr guaw vangjo qenwlip jin jxingg qiongrdongtew ee qangjog nirr. Guaw marr beh dramm horsiong i'uaw siongrr ser ee jojid "hun'inx" ee iwgi, digvet si guaw ham' LILY ee hun'inx. Dirr gunw ee hun'inx-diongx, LILY juxiaur ee qaksig si qadingg juxhu, guaw si tanwjnii :ee, quixarr nii gunw damsimx jiaxee qaksig si m si byy qang ee bunhuar/ singwvet soxx jyrsingg :ee? Jiamrr bingvik m si, sanxsingx iwqenr byy qang ee guanhiongx, si gunw vunxsinx huisiongg byy qang ee singwqeh. Cimxtauu jit kaisiw, guaw u juwir .diyc, LILY kiamr jojid, ix ciangjai dimbee dirr himsiongw hueluiw, suacc be qir did ham' langg' iokdnia / guanvunw pacsngr rair huepuex ee dairjir. Guaw neh? qongw kacc hyw tniax lehh, guaw jamxzenn jikqik pacvniar, qinvunw byy siqanx tingg lyx laii knuar huex, duhuix huex kuix ee siqanx ham' guaw ee qangjog dohap u hyxser, anne jiacc e anvaii dagg lexvaiwsir ervox nng diamw qaur nng diamw vnuar si himsiongw huix, lyc ho lergua. Qyckacc quewhun ee si guaw ciangjai jikvi LILY qongw hiaxee byy diongriaur gorsiwsnax :ee --- dyrr si gai diyc "jingxtew" ee sewjed --- LILY quanwsir byy diwdang bunbingg siongrr diongriaur :ee, sijingx jitt xee qangqu, ix jikvi guaw hiacc giamqeh junsiuw siqanx, jin' si byy cuwbi, qencii muixx jit qxur ue rair hunx derr id/ zi/ snax qycc laii qetlun… jit xee hongsid, hro ix suisii qiongbecc liahqongg. LILY zinrding ix ee jywhuad kacc qybingg, gauw qongw guaw :ee kacc dngg.

LILY hurdamx qniaxzii dairvorhun qauwiongw ee jikzim, guaw berdangr qongw si juair ee vaxvah, berhiauw ham' ginxaw sngw. Gauw diyh'air jiauww siqanviyw jyr dairjir, jnuaxngiu e u siqanx ham' ginxaw sngw?

Dyrr qongw guaw langg m si dirr qangjoksig, qui' taukag longxx decc sniu siaw ceh ee dairjir, sniaxmic qiywjyr hongwha? Mrqycc LILY jin' u nairsingr ham' ginxaw jywhuew cittyy, marr cam'uw guaw ee siaxjog, cniurr "simlingg derdoo" ee dahuertauu soxx qongw :ee, "ix si jiacc u tenhur, dauwdew si ix ee diwhui? Qamxx si guaw :ee? sidjai jin' pnaiw hunx…" mrqycc ix byy hyw hyw quiue jurqiw ee siqanx, jit zit quer jit zit, qycc quer jit qywguec…, jyr hitt xee byy jubi ee siaxjog.

Dauc dauc aw, gunw dong'ir qra quewkir knuawjyr kiamwdiamw :ee, jitmaw qra dongwjyr bixdig ; qra jxiur knuawsingg jiokhog; hurdamx dongwjyr jusanw. LILY jin' gauu jingr huex, guaw u jojid linglik. Jitt quiw nii laii, guaw yc erhiauw sunrqii-jurzenn, yc nairsimx/ juanjur dirr ginxaw sinsiong/ iongrsimx ham' langg' qauvuee. Qangrkuanw, LILY u quaw qaixjinr, ingxuanw yc berhiauw jojid qaiwliam. Gunw hagsip horsiong himsiongw duiwhongx byy qang ee hongqeh, si tnix ee sniuxsur, qra duiwhongx ee tenhur ham' jurqiw ee iudiamw hap jywhuew. LILY ham' guaw jiamrr venr qaxx kacc uanjingw. Mrqycc zuqyw lanw byy singx texzin jurqiw qywvet ee kiamwsid, liauxqaiw horsiong uaxkyr ee qewdat, jex itcer longxx byy kyxlingg huatsingx.

"horsiong uaxkyr" ui'id ee bunrdee si, u langg zinruii si "horsiong ilai", jex si qinrdai huisiongg liuhingg ee qongxhuad, dairviauw sianghongx horsiong jongwdua duiwhongx ee kuatdiamw, jitt jiongw jywhuad e sriu diyc jingwdongx ee kenxjig. Guaw sniu, lanw rair qyckacc qinxsin, dirr hun'inx ee hagsip-diongx, piackuix sianghongx ee kuatdiamw/ hanrjer si jin' diongriaur :ee. sniaw sii diyhh piackuix? Sniaw sii rair puepingg? Diyhh duiwkongr? Jitt jiongw tongwkow ee quatding jixu jiyh "kiamvix ee budix" jiacc jyr e qaur.

Suibongw guaw byy sniu beh hongwkir "horsiong uaxkyr", mrqycc qongw "habjog", jywhuew qiongrdongg loxlik kyxlingg qyckacc u vangjan. Dirr gunw ham' dua hxingg kiwgiap jojid ee qangjog-diongx, LILY ham' guaw huathen dua jojid tongsiongg duiww habjog si kiamwdiamw :ee, longxx rair qycc yc. Dng' lanw knuar jurqiw ee hun'inx jojid sii, dy' qamxqag lanw dirr qiongrdongg loxlik jyr byy qraur. Zuqyw jojid ee habjog jin' kueckiamr, qidiongx ee hertongw dyrr jin' pnaixknuawbin, narr qongw habjog hyw, m na jojid e haurlut hyw/ hertongw marr e jin' suiw, huad cud moxjiongw sinvir ee qonghuix.

JOJID EE QETQOR, JIKZIM EE SINGDAMX

Horsiong uaxkyr m si viauxsi habjog ee qywtew si qokk langg damzim byy qang ee qaksig, mrqycc jinghongw ongxongw si anne; cniurr guaw soxx biyue :ee, gunw snax-jap-cid dxangx ee hun'inx nirr, longxx dnax jamxzenn byy qang ee qaksig. Dng' jojid u byy qang ee qaksig sii, sui' dyrr sanxsingx nng jiongw diongriaur ee insor--- jikzim/ qetqor.

Guaw kyr LILY jyr qabu, ix m na guanrir jyr, qycc jyr qaxx jin' hyw. Ix marr ersaih kyr guaw tanr jnii. Gunw anhun vnuarenw qokk langg ee qaksig, qamxqag si gunw ee jikzim, horsiong hurjig. Jitt jiongw jinghongw ee kiamwdiamw si, jikzim viauxsi rair jiapsiu simxjax, iudiamw si jiapsiu jikzim ee langg marr sriu diyc sinwlai. Zuqyw LILY dirr qabu-siong giamdiong sitgo --- dyrr si byy hxuad qycc hurjig --- guaw dyrr jiapquanw kongwjer, be qycc sinwzim ix damzim qasu ee qaksig, zuqyw sitgo si jiamrsii ee vnerjingr, jitt jiongw jiapquanw dyrr dansunn jurzenn. Kyxviw qongxx, derr snax ee ginxaw cutsir au, LILY lingsnuar huat'iam, jiauwqor ngix-aw/ nng xee kacc duarhanr :ee si guaw ee jikzim. Zyqyw m si jiamrsii ee henrsiong, anne gunw ee hun'inx diyhh binrlimm diongrdua ee qaixvenr.

Byy qang ee qaksig/ jikzim iwbi diyc qetqor. Cniurr hun'inx jiacc ser ee jojid byy qaiww dansunn, qaksig/ qetqor kyxlingg byy jin' jingwsid. Jojid zuxx dua zuxx hogjap, jikzim qetqor diyh'air jingwsithuar. Qangjog quiue/ jikzim ee hunquah, si vit'iaur :ee, lanw jinwzip jingwsid jojid ee lingxhik.

Cavutdyx soxu sionghagngi longxx u luirsu "jojid lixlun" vitsiux kyrdingg. Qau qau ee qauwkyceh let cud jiongxjiongw kyxlingg ee jojid qetqor, teqiong hro kiwqiap juxquanw suanw. Suibongw knuar kiw laii huisiongg hogjap/ kuacbin, qisit dyrliw jin' dansunn, jixu jit xee juxiaur guanjig --- "suiqix ingwvenr lixlun (CONTINGENCY THEORY)", cniurr hertongw lixlun, si sursit, m si lixlun. Qanxdanx qongw, tenha byy dycc jiongw si siongrr hyw ee jojid hingsid. Duiww zimrhyy digding ee jojid laii qongw, siongrr hyw ee qetqor si rair knuar jingxqyy ee puewhap/ qitnax insor laii quatding.

Dirr qitnax insor-diongx, vauquad singguann ee singwjid. Qowbun singwjid ee jojid ham' itvnuax sanxgiap qongsix byy qang, cirdniuu diaujax :ee be jiykyw tuisiaux zinguann. hun'inx ee cavet qyckacc binghenw. Qinqir suiqix-ingwvenr lixlun, hun'inx byy siongrr hyw ee jojid qetqor. Suibongw LILY ham' guaw cniurr qowding ee qaksig anvaii, sursit si gunw byy qang singwqeh/ tenhur ee sanxbut, zircniaw gunw juadduir be dongwjyr gunw si jingwkag ee denxhuan. Liw byy hxuad qra liongsen siaxjyr qongsid. Guaw ersaih teqiong byy jingwkag hun'inx ee qoxvanw qongsid ; mrqycc guaw byy hxuad teqiong hyw hun'inx ee jojid qongsid. cam'uw ee langg u jin' dua ee cavet, jinghongw duer langg qaixvenr.

Ui' siongrr ser ee hun'inx jojid qaur kiwgiap, muixx hertongw u jikzim qetqor sii, dyrr u kuan'uix qetqor, jex m si viauxsi kuan'uix berdangr hunhiongw. LILY ham' guaw soxu ee jnii si gunw vingqunx hunhiongw :ee, quanhe ginxaw/ juxiaur daujux ee diongriaur quatding si jywhuew qewue :ee, mrqycc qywzinn hongbin, gunw duiww jurqiw ee lingxhik vyxcii u hanrdo ee kuan'uix.

U jit xee kiwgiap jongxcaii dirr tuantew qoxbuw bunqaur qiqimhue damzim dangxsu uixguann, ix qauwdy gunw jit xee quanliam "diwsig ee kuan'uix (THE AUTHORITY OF KNOWLEDGE )". LILY erdangr uansingg ix ee qabu qaksig, byy su'iaur guaw ee qamwdog, si ix u diwsig ee kuan'uix. Vixzuu, quiw lexvair jingg, guaw beh cud kir vran dairjir sii, rair guaw sunrlo brew jit quaw kincair. Dxiamr nirr ee cair longxx u damrvyc qodax, guaw iauxx si brew jit vew, narr beh brew sinsenw :ee rair jauw sir-jap lxiw lo gua jiacc u, guaw byy hiacc qutlat. Damrvyc pnaixser tec hro LILY, ix sui' qongw "byy quanhe, praur juiw dyrr hyw ar." jimr juiw quer ee kincair knuar kiw laii naxx duxx banw :ee hiacc cnrix. LILY jin' u jit tyr.

Gunw ee hun'inx uanjuann m si juanjer :ee, suibongw u jikzim hertongw, byy langg si tauqex. Mrqycc dua hxingg ee hertongw, kyxviw qongxx kiwgiap jojid, narr byy hunx qaiqib, dyrr byy kyxlingg qenwlip jikzim qetqor. Muixx xee kiwgiap longxx u byy qang ee qaiqib hingsid, ixx singwjid quatding, jikzim vitzenn iuxsow quisiok. Jerje langg duiww juanjer ee kuan'uix hertongw u byy songxkuair ee qinggiam, dyrr byy sinwzim itcer qetqor, diyhh kacc sewzi jitt jiongw simtair. Kyxlingg u byy hyw ee qetqor, byy kyxlingg soxu ee qetqor longxx si baiw :ee. jitt quiw nii laii, guaw liauxqaiw m na ginxaw su'iaur qetqor, singlenn :ee marr su'iaur.

Qongsix qowguann in'ui kiamr qetqor sriu kow. Guaw snax-jap-id huer sii, derr id vaiw bingliauu jitt xee dyrliw. Hitt sii guaw virr pair kir OKINAWA liogqunx ihak diongsimx, damzim simliw dirliauu vorbunn ee juxquanw, hurjig quanliw iokk sir-jap langg. Itdit m bad quanw quer langg, byy sriu .quer zimrhyy quanxliw hunwlen. Jit jniurzim dyrr jin' cingcyw beh caixiong sniaw quanxliw hongqeh, guaw beh ham' ixjingg soxu quanw quer guaw ee kuan'uix dniuxqnuax byy qang.

Hitt sii guaw m bad "qiongrsig (CONSENSUS)" ee iwgi, mrqycc guaw beh duiww jitt xee honghiongr loxlik, caixcuw qydo camsiongg tyxlun ee hingsid. Narr byy mng .quer iuxquanx ee langg, be ha hingjingr bingrling, jinrliong hro erkaciuw dirr kangkuer linglik huanruii lai iongxiuw quatdingrkuann. Jex si iliauu ee "juangiap" vorbunn, benw qongw qaiqib, benw qiyr guaw PECK siongrqaur. Byy zuarr quw, dag'ee longxx cinced qiyr "SCOTT", byy dniuxqnuax ee vawkir, kiwhunx hyhaii, ylyw guaw si zuarr hyw lehh, byy cniurr ixjingg hitt xee gong dionghau. Qangjog sunrli, surkir quann.

Iokk lak qywguec au, jinghongw kaisiw okhuar. Cavutdyx hro langg' byy qamxqag .diyc, hyhaii ee kongkir byy .kir, byy langg qongxx jex si qangjog ee hyw kuanqingw. guaw qra qaqi qongw, " bidguat qrii (bidguadqii) qetsog ar! Qycc erdangr anxjnuaw neh? jixvutqyr huehok guanngiu, byy sniaw dua dairjir." Derr qauw qywguec, jinghongw zuxx camw. Qangjog naxjunxx siy' qang, samvutsii u uanqex, guaw cue byy bunrdee dirr dyhh. Dongzenn m si guaw ee bunrdee. Guaw qamxx m si tensingx lingxsiur zinjaii? Jit nii au, henxzenn u quaw byy duiwdangg. Caxnau sniax zuxx laii zuxx je, kangkuer sriu ingxhiongw, jerje siyw dairjir longxx byy uansingg. Jitt sii miarun luxsinn cunx ciuw qiur guaw, jit jxy sinx ihak diongsimx uanqangx, vnerngi juxquanw qra guaw qongw, guaw jitt xee vorbunn ee mngjinw diyhh cen'ii quer hitt vingg, qu vanrqongsig kongqanx ser qycc lingw, jin' byy songxkuair; sinx vanrqongsig jin' henrdairqamw/ u pox dertanw/ jin' tanghongx, knuar cud txangx gua, Taiwvingngiuu naxx dirr ganxjingg. Sidjai jin' hnuahiw anne ee venwdong, itding erdangr tee quann surkir. Qetqyw m si, dendyww zuxx camw, zuxx jiapqin vnuasuaw ee zidjiw, vorsiok zuxx jausimx vutanx. Inx uirr vanrqongsig hunpuer ee bunrdee caw byy suah, dongxanr jrngx sniux ee jinwdo itdit lyh'au. Henxzenn, jitmaw si qaix damx kiw jikzim, caixcuw hingdong ee sii, mrqycc beh anxjnuaw jyr ? guaw suanvor, binaxjaiw dirr sinx huergirsig kuihue tyxlun, cuxau gunw dagg zit longxx rair kuix qangrkuanw ee huergi, itdit qaur cue cud qattauu. Zidsii ee kangkuer dyrr renn qaur amwsii.

Qycc laii nng zit ee huergi, muixx zit sir diamxjingx, si guaw qinggiam siongrr qiglet :ee. dag'ee horsiong jixjig, guaw marr jniajyr virr qongqig ee duiwsiong, muixx jit xee langg longxx jin' hunwno/ gniau gniau liam, soxx liam :ee longxx jin' cenw / nxng nirr cue quttauu, byy sniaw dyrliw/ itpenr hunwluan. Derr zi zit jaixkiw decbecc qetsog sii, "guaw qamxqag m jaix beh anxjnuaw jyr." jit xee siauwlenn ee survingx qongw. "Cniaw liw qongw kacc cingcyw lehh", guaw rinr. ix qongw be cud, dag'ee qewsiok siy' jnex-caw. Hitt xee siauwlenn ee ue itdit dirr guaw ee simlai vuew be jauw. qang zit kacc jaw, u langg qongw "jiax itcer jin' aiwmai hamhoo", jingg jit zit, marr u jit xee siauwlenn :ee liam qongxx "gunw cincniu puu dirr bongbongg dua haiw." Guaw suanvyr dag'ee dngw kir jyr kangkuer, ixau benw qycc kuihue ar. Guaw su'iaur siqanx sniu siongser.

Inx jauw liauw au, guaw jre dirr vanrqongsig, gang gang knuar tenvongg. Diongdauwdngr jiac be lyc. Qamxx qongxx gunw jitt xee vorbunn su'iaur kacc giamqeh ee qetqor? Jnuaxngiu ee qetqor? Kacc cingcyw ee qaiqib? Inx si air guaw anxjnuaw jyr? Hibang guaw qra inx dongwjyr ginxaw, qiyr inx jyr dangx jyr saix? Jitt jiongw hongsid uanjuann uihuanw guaw ee qywsingr. Inx dysor iauxx jiyw huer, kyxlingg inx hibang guaw vnuarenw verbuw ee qaksig? Narr juanjer bingrling inx, qamxx be uanwceh? Guaw sniu beh jyr soxui langg qongw :ee, jyr hyw langg. Jimjiog sukyw au, guaw ee kangkuer byy kyxlingg jniajyr sriu huangingg :ee, juxiaur ee qangjog si rair qra jitt xee vorbunn quanxliw hyxser, hro dag'ee u siongrr hyw ee viauxhen. Kyxlingg inx su'iaur qyckacc qionggne ee lingxdy hongsid.

Cue surqnuadniuw laii, qiyr ix qra sinx vanrqongsig ee nadoo sunrsuar jah .laii. doo tenxkuix dirr guaw ee dyh-dingw, "jitt qingx si guaw ee" jixhiongr vnix :a siongrr dua jit qingx, qycc laii guaw hro ix u siqanx qra guaw ee jixsi siaw lyc laii, ui' siongrr ser qingx :ee kaisiw qongw, "jitt qingx si ABEL siongruir, liw si jitt qingx, RAY surqnuax .. HERBERT dionguir.. CUTHBERT zirdingxvingx.. MICHAEL siongruir.. MAURICE surqnuax. WINDAUS zirdingxvingx.. qongw uann, jitmaw cniaw liw qra guaw ee anvaii juanqyr hro inx muixx jit xee."

Vorsiok qigjingg hunwno ee sniax naxjunxx qui' xee dxyw longxx tniax e diyc, qaur amr kacc diamrjing .quaw, kiwhunx u dngw hyw ee henrsiong, derr zi zit surkir binghenw quann kiw laii. jit lexvair quer, jingxqyy vorbunn cavutdyx huehok qaur siongrr hyw ee jongrtair. Inx iuguann qiyr guaw SCOTT, cuarniaw inx ee hongsid suibongw byy cniurr ixjingg hiacc diauqowir huanw kuan'uix, iauxx si jin' byy kusog, dirr guaw ee zimrqii lai, itdit uicii jin' quann ee qangjoklat.

Jitt xee ersaih qongxx si singqongx ee qowsu. Juewau guaw singzin cud bunrdee si guaw ee jikzim. Caixiong jingwkag ee vorsor jinxduan bunrdee, diaujingw guaw ee hinguii, laii huhap jojid ee su'iaur. Jitt xee le erdangr suecbingg, jixiaur qanxdanx ee jywhuad, dyrr erdangr singqongx qaixvenr jit xee hertongw. Marr kyxiw sngr si jit xee sitvai ee le, sursit-siong, berdangr byy singzin, jingxqyy vorbunn si guaw ee lingxdy byy hyw, jysiu lak qywguec ee jue, quatding hingdong jingg lak qywguec, gunw dyrr u jin' giamdiong ee surkir bunrdee, uirsniaxmic su'iaur jiacc quw ee siqanx jiacc huathen?

Guan'inx ji' id si guaw ee jurjunx, byy guanrir singzim jurqiw lingxdy linglik u dua bunrdee, jit quaw simliw su'iaur jongrdai guaw ee qiaugno : guaw su'iaur uirr jojid teqiong jit xee ciongbuanw aiwsimx/ byy kuan'uix ee quanxliw hongqeh, marr su'iaur vorsiok samvutsii hro guaw qamxjingg/ qingwair ee huevyr. Itdit qaur bersaih qycc tuax hitt zit, guaw jiacc kaisiw sukyw gauw ee su'iaur si m si huhap jojid ee su'iaur. Hionghiongg cniw quer laii, guaw dirr jojid nirr soxx damzim ee qaksig m si beh sriu langg huangingg :ee, si rair qra kangkuer jyr hyw.

Jurlaii byy sniu .diyc, quanxliw jojid u byy qang ee hongsid, m si qandna' jit jiongw si siongrr hyw :ee. Hitt sii guaw byy tniax quer "suiqix-ingwvenr lixlun". Guaw ee tuantew iwsig jiacc iuxhan, byy sniu diyc ciuxha ee vorsiok si jiacc jiyw huer, kyxlingg inx su'iaur byy qang ee lingxdy hongsid, byy cniurr itvnuax singsik singguann ee jojid. Gunw zimxsiu quixarr qywguec byy vit'iaur ee kow, guan'inx si kiamr qetqor.

Qetqor si u cunqiusingr :ee, tuantew qoxbuw bunqaur qiqimhue juxiaur ee qangjog ji' id, si qauwdy jojid zuhyy "dirr tuantew huathuix qonglingg". Kuan'uix/ lingxdy linglik diyhh hunhiongw, jiacc erdangr drat qaur siongrr dua ee qauliuu, gne viangwviangr ee kuan''uix qetqor si drat be sxingg :ee. jex m si viauxsi diyhh hongwkir kuan'uix qetqor, jojid dirr dysor siqanx lai qaix iong kuan'uix quanxliw, cuxliw zidsiongg ee unrjog, duw diyc mow quaw bunrdee sii, vixzuu iwqenr byy qang/ surkir byy hyw/ su'iaur juantew ee quatcig sii, ersaih juanxngua jyr tuantew mosid, huathuix tuantew ee qonglingg.

"simlingg derdoo" u qongw .diyc, qywtew simliw qenrkongx ee juxiaur digdingx si guaw soxui ee cunqiusingr ingwduir hertongw. Jex marr si jojid qenrkongx ee digdingx. Iongxiuw nng jiongw unrjog mosid ee jojid, erdangr knuar vanrser ingwvenr, henxzenn viw qandna' jit jiongw hongsid unrjog ee jojid kacc qenrkongx.

SUIUW KONGQANX

Itdanr qenwlip jikzim/ byy qang qaksig ee qetqor au, dyrr sanxsingx qaiwsnuar, jitt diauu snuar naxx cniurr jit dyx ee siangbin. Jidbin, jitt xee qaiwsnuar si vit'iaur :ee, narr qongxx sanxpinw tuisiaux :ee qamxqag inx jurqiw ersaih didjiap longr zip kir hingsiaux vorbunn, qra inx qongw anxjnuaw tuiqongw sanxpinw, qetqyw si itpenr hunwluan. Lingrgua jidbin, nng xee vorbunn ee qaiwsnuar sniu' giamqeh, dyrr byy zimrhyy qaungua iwqenr, gnerhuar/ sitkir haurlut si vitzenn ee qetqyw. Tuantew qoxbuw bunqaur qiqimhue dirr kiwgiap jojid ee qangjog, si nngxhuar sniu' gne ee vorbunn qaiwsnuar, hro inx erdangr qauliuu, huathuix horsiong uaxkyr ee qonglingg.

Dua hxingg kiwgiap juxquanw duiww jitt jiongw qaiwsnuar ee cuxliw, si quiw xee langg rair binrduir :ee, mrqycc soxu ee langg longxx diyhh binrduir jurqiw ee qaiwsnuar bunrdee, vauquah hun'inx/ qadingg/ cinjniaa/ vingiuw kox-aw lai ixqibb qangjog-siong ee quanhe. Lanw muixx jit xee langg dagg zit diyhh jywcud suanxdik, quatding lanw dirr zimrhyy jojid lai ee qaiwsnuar.

Jitt jiongw quatding kyxlingg jin' iong'i, jixsi dirr lanw zuhyy jundiong tnazinn ee qaiwsnuar. E qongw jitt xee si iong'i :ee, si zuqyw liw srid qakcad ham' tnazinn ee qaiwsnuar, jin' qingw liw dyrr jaix siw ar, jiwjiyw duiwhongx itding bagsig hro liw knuar. Jiaxee qaiwsnuar duir diyc byy qang ee langg/ bunhuar iuxsow hunvet. Kyxviw qongxx, simlixhagqax viauxsi, byy qang ee bunhuar, langg horsiong quanhe diyhh vyxcii sikdongx ee qirli, jiacc e qamxqag jurjai. Dirr Bixqog, jitt dnxua qirli jin' dua, lanw ham' cimxx siy' bad ee vingiuw qongxue sii, iokk snax ciyh ixsiong. Dirr Inwdo ee viaujunw qirli kyxlingg jixu jit ciyh. Jitt jiongw sintew qirli ee qaiwsnuar quanliam, bogjingg simlixhag qra qongw jyr "horsiong lauu kongqanx".

Dongzenn, kongqanx viw sidjer ee qirli kacc hogjap. Vixzuu, jap-zi nii jingg, LILY ee maxmah duxx kaisiw cuthen jingsinn laursuex ee dingdiau, inx jywhuew jre dorjunn, maxmah huathen LILY eee ox taumngg nirr u jit qix vehsig :ee, jit cunx ciuw dyrr qra cuah lyc laii, lenrr mng dyrr byy. LILY jurzenn qamxqag sriu cimhuan. Dongzenn jex byy cniurr virr qiongvo/ cniuxqiab/ mosad hiacc giamdiong, mrqycc henxsi lanw ciangjai byy dniudii dyrr dac zip tnazenn ee qaiwhan lai, hro langg' tyxiar.

U sii, dirr moxjiongw jinghongw ha, vitsu'iaur cimx zip kir, vutditvud cab qniaw/ verbuw/ vingiuw ee sing'uac. Jex kyxlingg si siongrr tongwkow ee quatding. Lanw jnuaxngiu jaix dangsii diyhh qansiap? Hysii diyhh sunrqii-jurzenn? Dirsii rair jitgii naxjunxx beh qniaa zip pnaiw lo ee qniaw? Dangsii rair vangjan nilau ee verbuw, inx si hiacc byy guanrir? Byy vanrhuad, jex byy qongsid/ byy viaujunw ee dap'anr. Soxu jiaxee quatding diyh'air ixx "tongwkow ee kiamvix" jyr qaxx qaur. Lanw jaiww binrlimm sniwmia-diongx ee maudunw, rair jundiong tnazinn ee qaiwsnuar, dirr mow quaw jinghingg, qycc diyh'air qansiap vadd langg ee sing'uac, m quanw inx zuarr gerlan lanw anne jyr.

Mrqycc, dirr guaw ee qinggiam, kacc dua ee bunrdee si tauwquer qenwlip jurqiw qaiwsnuar sii, iwdoo hagsip caqag tnazinn ee qaiwsnuar, bongx cud dirsii jundiong jiaxee qaiwsnuar. Dng' guaw iauxx si simliw isux sii, guaw ee vnerlangg nirr, qamxqag jiwjiyw u jit vnuar huanrjiaw u guaw soxui ee " singqangr-qiyy" vnerjingr. Guaw e duiww inx qongw "lanw juanvo sing'uac dirr jit jxy sniavyw nirr, siwvnix u jit diauu horsniaa-hyy, hyy dingw u jit jxy singqangr-qiyy, beh kuix/ beh qnuaix longxx jairr lanw." Vnerlangg ee bunrdee si, inx ee sringx-qangr jok'iong byy hyw, kyxlingg itdit kuix lehh, iong'unw langg' cimzip suzinn kongqanx, sui' langg' qniadac, jyrsingg sionghai; narr byy, dyrr si qnuaix diauu diauu, qiyy byy be vangr lyc laii, zimrhyy surbut byy kyxlingg jinwzip, suzinn kongqanx jixu virr qecli, dirr qodok-diongx. Jitt nng jiongw jinghongw longxx si m hyw ee. Jiaxee vnerlangg kiamr liauw juriuu/ byy cunqiusingr ee ingwvenr hertongw. Dirr "simlingg derdoo" diongx, guaw qongw .quer jit xee luxjuw, ix e ham' soxu iokhue ee javox huatsingx quanhe, qamxqag jin' jautad qaqi, suacc uanjuann tingjiw iokhue. Ix iong jin' je simhueh jiacc liauxqaiw, u quaw javox si bersaih hro dac zip vangqingx, qandna' ersaih qaur kectniax, ixjaw uanjuann byy sniu .diyc, duiww byy qang ee javox jiwjiyw u snax jiongw ingwduir hongsid, marr m jaix erdangr huathuix qaqi ee lat, jyr cud suanxdik, rue cud qaiwsnuar, vyxho jurqiw ee lingxhik.

Dangsii beh qra singqangr-qiyy vangr lyc laii? dirsii diyhh sringx kiw laii? jex si qywzinn ee suanxdik, suanw cua cud lingrgua jit xee hogjabsingr. Qiyy itdit kuix lehh, langg/ su cniurr haixingw, rig zip lanw ee sniwmia, jyrsingg simliw sionghai. Jerje langg duiww jitt jiongw kunwqingw ee cuxliw hongsid, si iong'unw sinliw singqangr-qiyy kaihongr, simliw ee qiyy kiokk qnuaix ann ann. Naxx cnirr kiwgiap juxquanw huangingg erkaciuw suisii jinwzip vanrqongsig, kiokk m tniax zimrhyy langg ee iwqenr. Sniwmia diyhh itdit binrduir ee bunrdee ji' id, si lanw rair ciangjai quatding simliw virr langg/su ingxhiongw ee tingdo. Jex si "jiapsiu sionghai" ee kunwqingw.

"jiapsiu sionghai (VULNERABLITY)" si qongxx iong'unw jurqiw sriu sionghai ee linglik. Dirr quatding lanw iong'unw sionghai ee tingdo lai, lanw singx hunven "tniar (HURT)"/ sionghai(DAMAGE). Guaw enxqangw sii, uirr beh suecbingg jitt nng jiongw ee byy qang, e cniaw tniajiongr si m si u langg jurguan jiapsiu tongwkow ee sidgiam. Jongxsi u iongxqamw :ee jiwguan jniurdaii. Guaw crann crann dnec ix ee ciuxkud jit xee, tewau jit vo mng qongxx " qamxx e tniar?" "jin' tniar", jiwguanrjiaw rinr. Liw qamxx u siursiongx? Guaw qycc mng. Tongsiongg e jin' m qamguan singzin, "jin' tniar, mrqycc byy sniaw ingxqiuxsingr ee siongx."

Dysor jinghongw-ha, diauqangx hro jurqiw sriu diyc ingxqiuxsingr ee siongx si huisiongg gong :ee. u hanrdo kaihongr jurqiw, iong'unw jiapsiu jit quaw simjniaa ee sionghai, kyxlingg si jin' kiauw ee jywhuad, vixzuu jingqamw-siong ee langrhiamw kyxlingg e duar laii unxding ee singlok. Dirr jiax diyhh jaiww crur hunven kiauw/ gong ee jursux. Gong :ee si dypiah soxu jingqamw/ junjairsingr ee kow, kiauw ee jursux si hunven jingsinn qnualingjingr, byy vit'iaur / liauxjin ee kow, jinr jit vo suanxdik sniwmia vunxsinx daddid hagsip soxx cua cud ee kow.

Uirr jursinx jingqamw singdiongw / hagsip, lanw diyhh kaihongr jurqiw, jiapsiu sionghai. Jex marr vangjan u iwgi ee qautongx/ jojithuar ee hinguii. Guaw dirr ceh "zuhyy huevyr?" soxx siaw ee : Dng' jit xee langg morhiamw qongw cud ixha ee ue sii, e u sniaw qetqyw? "guaw jin' gignaiw, m jaix hykir-hyjiongg? Qamxqag besid/ qodok, jin' tiamw qycc qniax, liw qamxx erdangr jo guaw?" Anne ee cuiwziok cavutdyx hro langg byy hxuad dexjer. "guaw marr jin' qodok." Tniax ee langg jin' iong'i anne huee, siangciuw tenw .jit .xe. Zuqyw lanw gne be uicii "lamjuxhanr" ee hingsiong, busow-vutlingg, kia quann bin, qra simliw hongui liac ann ann, e anxjnuaw neh? dyrr si qra qaqi hrongx kiw laii, lanw ee cuwvnix marr qangrkuanw hongui jurqiw, zinjer quanhe dyrr sitkir iwgi, cniurr nng xee kangx tictangw dirr amwmee siy' kok, jit diamw aw dyrr byy lueriongg.

Guaw byy qenwgi zimrhyy langg uanjuann iong'unw sionghai/ suisii jiapsiu sionghai. Mrqycc zuqyw sniu beh dirr jitt xee sewqair vnuarenw erdangr jo langg' ee qaksig, diyh'air suanw jiapsiu moxjiongw tiongdo sionghai ee linglik. HENRI NOUWEN soxx siaw ee "siursiongx ee iliaujiaw(THE WOUNDED HEALER)" cingcyw suecbingg zuqyw beh jniajyr iuxhau ee iliaujiaw, diyhh singx iong'unw jurqiw u hanrdo jiapsiu vutduan ee sionghai ; ui' jurqiw ee siongtniar-diongx, jiacc erdangr idi langg'/ jiapsiu iliauu.

Jaiww qiongdiau jit vaiw, si u hanrdo ee siursiongx. JOHN KILEY bad qra guaw qongw jit qxur jin' u sen'ir ee ue "iong jit luiw bagjiux hauw". M si qongw lyxcyw jiapsiu sionghai, si qongw byy air diyhsiongx. Dirr jiax rair hunven zibsinn (EMPATHY) / dongjingsimx (SYMPATHY). Zibsinn si erdangr texliong / moxjiongw tingdo singdamx tnazinn kow ee linglik, qivunw-siong si jit jiongw bixdig. Dongjingsimx si qiongrsnitew, uanjuann zinrdongg tnazinn. Guaw m si qongw dongjingg m hyw, zuqyw liw narr uanjuann jimr dirr tnazinn ee siaudimm-diongx, juewau lenrr liw jurqiw marr venr qaxx sitjir, jex m na si byy vit'iaur ee hurdamx, marr hro liw byy lat jo langg'. Jitt xee kuhunx duiww simliw isux laii qongw, si qik diongriaur, si juandiongw ji' id, dyrr si erdangr dongsii qaiwzip/ tewcud, si iong jit luiw bagjiux hauw ee jinjniar iwgi. Jitt jiongw linglik m si simliw isux ee juanli, zimrhyy sniu beh vangjo langg' :ee, longxx diyhh huatdenw jitt jiongw linglik.

LIGLIONG

Dirr "simlingg derdoo" nirr, guaw kuvet liauw simlingg ligliong/ jingwdirlat. Jingwdirlat si erdangr kuidenw ingxhiongxlat, tuisag hro jiongwzinn uansingg liw ee iwguan. Jex si jojid qetqor ee jit hxang qonglingg. Jingwdirlat vingrr byy junjai dirr qywzinn vunxsinx, si junjai dirr qaiqib texhe ee derui nirr/ jit xee langg soxx iongxiuw ee jaihur lai, hro erdangr congwjy jojid, uansingg iwguan, si jiamrsii :ee, kyxlingg erdangr iongxiuw jit dnxua siqanx, juewau jongw e virr duat, dyrr sngr m si virr tewngua/ qiongvig tewhiux, marr in'ui nilau, siongrbuew sixbongg.

Simlingg ligliong ham' jojid qetqor byy sniaw quanhe. Byy junjai dirr derui/ jaihur nirr, si junjai dirr jit xee langg ee luerjai. Duiww langg ee ingxhiongxlat si qenwlip dirr jitt xee langg ee junjai. U jingwdirlat ee langg tongsiongg byy sniaw simlingg ligliong, u simlingg ligliong ee langg sisiongg hamrzip sanwciah/ byy kxuann ee cuxkingw.

M si qongxx jingwdirlat/ simlingg ligliong, jit diamw aw dy' byy qauqnaa (kanlenn). Kiwgiap juxquanw ciangjai binrlimm cniurr Iasox dirr suaboo-diongx soxx sriu diyc ee quaixiuw, kiokk byy hxuad tongquer kyxgiam. LORD ACTON (1834-1902)u miaa ee juqur "lat duar laii huxvai, juadduir ee lat , juadduir ee huxvai." Suibongw anne qongw ciangjai si jingwkag :ee, guaw marr u bad quiw xee qig u lat ee langg, kiokk byy huxvai ; inx huanxsingw qiongg /quanhuaii tnazinn, qangjog-siong singsiu jamxzenn dua ee kow, jingqingw ee su'iaur, inx iong jit luiw bagjiux hauw, vyxcii jiapsiu sionghai ee linglik.

Dirr guaw ee sniwmia-diongx, siongrr qankow ee qinggiam si 1991 nii, siarhue qingjer baiw, tuantew qoxbuw bunqaur qiqimhue lensuar nng nii cuthen jaibu giamdiong vutjiog, diyhh caiguann qiamxsingw. Guaw si jojid ee juxquanw qaiqib, rair cam'uw tongwkow ee quatcig quewdingg, srii driau veh xui huisiongg hyw ee qowguann. Jitt jiongw kow hro dysor juxquanw venr qaxx gne simdngg, sitkir jiapsiu sionghai ee linglik. Erdangr singdamx sionghai ee langg, jiacc u kyxlingg singjiu uixdai ee cuartauu. " vingqow jit xee langg uixdai ee siongrr hyw honghuad, si knuar ix zimxsiu tongwkow ee linglik." Jaiww crur qiongdiau guaw dirr "simlingg derdoo" soxx qongw .quer :ee.

Jin' iong'i qra juxquanw ee jingwdirlat qrow quann. Qyqib juxquanw ee kuanlat tongsiongg iuxhan, mrqycc jingwdirlat/ simlingg ligliong ee ionghap byy sriu hanrjer. Qyqib juxquanw soxx iongxiuw siongrr dua ee lat, si quatding jojid ee jingsinn luerhamm. Hiongog :ee, juadduir ingxhiongw jingxqyy jojid. 1970~1972 nii NIXON sidai, guaw dirr lenvangx jingwhuw qangjog, dyrr qamxsiu .diyc. Dongsii "kihuad-sngxhuad" ee jokhongx siwqer longxx si. Siangduir :ee, dng' jit xee qyqib juxquanw jinjniar si jit xee singsit ee langg, kyxlingg e cuthen jit xee jin' byy qangrkuanw ee singsit jojid.

Jingwdirlat qandna' erdangr virr jiyw sxor langg did .diyc, dysowlangg kiokk kyxliw iongxiuw simlingg ligliong. Suibongw moxjiongw tingdo-siong, simlingg ligliong laii jurr siongrder ee jingrsangr/ linghunn congwjy ee qin'guann, langg erdangr suanw jaivuee/ hutliok linghunn. Narr suanw liauw iwsig ee jingjinr, hagsip singdiongw, marr si suanw liauw simlingg ligliong ee lo, junjai dirr luersimx, byy hunx derui ee quann-qe.

Sxor vah nii laii, sinhagqax sukyw diyc junjai (BEING)/jok'uii (DOING) nng hunx hxuad, qetqyw juadduir dysor zinrdongg junjai. Ngua jit qxur ue, si sniaxmic ngiu hro jit xee langg viw sidjer jok'uii kacc diongriaur? Dirr lanw ee bunhuar soxui hingdong derr id, jin' pnaiw liauxqaiw jitt jiongw quanliam. m jaix u zuarr je vaiw, guaw qetsog jit zit ee simliw dirliauu qangjog au, e qra LILY qongw "qin'axzit guaw ter TOM jyr liauw huisiongg diongriaur ee dairjir, iuxhau jixcud ix ee bunrdee, jywhuad jin' qydnua." Bunrdee si xe vaiw TOM laii, naxjunxx sniaw dairjir dy' byy huatsingx lehh. Mng ix dingw huee u sniaw qamxsiongw? TOM huanxmng guaw, "Dingw vaiw anxjnuaw?"

Tecniw ix dingw vaiw guaw soxx qongw ee dua dyrliw. TOM taukag bongx bongx lehh, qongw "guaw naxjunxx be qir did u anne ee dairjir."

Lingrgua jit jiongw jinghongw, kyxlingg si TOM laii jinxsow sii, dua sniax huah "siongrder ar, PECK isux, liw dingw lexvair qongw ee ue uanjuann qaixvenr guaw ee zinsingx!" narr si anne, ngua guaw bongx tauu, mng qaqi "guaw si qongw sniaw ue jiacc diongriaur?" TOM qongw "liw be qir did dingw lexvair decbecc qetsog sii, guaw duxx beh likuix, liw qongw liauw jex/ hex! Qamxsia liw, jin' loxlat." Be qir did guaw qongw liauw sniaw, hex m si guaw u iwsig ee jok'uii, si dui' guaw ee junjai-diongx jurzenn " liulo" cud laii ee.

Jyr simliw isux sii, guaw duiww Iasox "sinsog" dirliauu linglik qamxqag cuwbi (suibongw guaw ee lixsingr hibang erdangr jinr jit vo genxqiur jingwbingg), jex m si sriok simliw dirliauu lingxhik. Dirr guaw jingxqyy isux sing'uac nirr, jixu jit vaiw sinsog dirliauu ee qinggiam, huatsingx dirr tuantew jurhue. Hitt vaiw si jit qrii go zit qenwlip jin jxingg qiongrdongtew qangjokqingx, iokk sir-vah langg cam'uw, dirr NORTH CAROLINA jit xee bixle cingingg diongsimx qixvan, qaur derr snax zit beh qetsog sii, jingxqyy tuantew drat qaur "jin jxingg qiongrdongtew" ee qingxqair, iauxx u quiw xee duer byy diyc din, kyxlingg ingxuanw duer be diyc ar.

Derr sir zit tauwjaw, guaw pangg nng aux qavix ui' cantniax qniaa dngw laii guaw ee vangqingx, junxvi beh kir jyr guaw jit langg ee qidyw sii, guaw knuar diyc jit xui luxsu jre dirr lordaii, iong jit diauu binrqinx ngx bin, henxzenn jin' siaudimm. Guaw tingg lyc laii, m si sniu beh quanw ing'axsu ; dansunn si hnowhenn.

"jin' sitlew, liw knuar kiw laii jin' camw ee hxingg, sniaw dairjir?" Guaw qongw.

Ix qra binrqinx dne qyckacc ann, tongwkow qongw, "guaw vnuawvingg taukag tniar."

"hibang jin' qinw dyrr siaubyy kir." guaw qongw uann, qewsiok qniaa.

Dng' guaw jit likuix, dyrr tniax diyc, " guaw jin' siurkir, qiongbecc krir siw ar."

Guaw tingg lyc laii, m si sniu beh dirliauu ix, sunzenn hnowqii. "uirsniaw jiacc siurkir?"

"siurkir hiaxee qaix siw ee hiqew sinwdoo." "liw qamxx jaix, cniur ylyw (janwbiw) siquax sii, hiaxee siangciuw qiac quann quann naxx cniur naxx iyy ee langg, inx qexkangx qaxx jin' kensingg ee hxingg."

"guaw sniu liw qongw :ee, byy m driyc, jerje langg kyxlingg sniu beh knuar kiw laii jin' singsimx, guaw sniu marr u quaw langg jixsi sniu beh hyw sngw ziiw."

Ix hionghiongg bagjiux tenw qaxx dua dua luiw knuar guaw, "oor! Guaw jairlaii byy sniu beh sngxciyr." Ix qra qaqi qongw.

"Mr! guaw hibang u jit zit liw e sniu air simhuex kuix." Qongw uann, guaw tec qavix likuix, beh kir jyr guaw ee qidyw.

Hitt zit qetsog sii, u langg qra guaw qongw, hitt xui luxsu taukag ixqingx be tniar ar, ix marr drat qaur jin jxingg qiongrdongtew ee qingxqair. Qui' ervox ix itdit duiww qitnax singguann qongw " PECK isux dri hyw guaw ee tauu tniar, jurlaii guaw byy sniu e sngxciyr tihh, PECK isux rix hyw guaw." jex si guaw ui'id jit vaiw ee "sinsog" dirliauu. Huatsingx dirr guaw uanjuann byy sniu beh dirliauu ee sii, guaw siongsinr jitt jiongw henrsiong juadduir m si gnoxzenn ee.

Kaksit, jixiaur qencii lyc kir, iuliongg ee simliw isux juewau jongw e liauxqaiw, mair "iwdoo" beh dirliauu huanrjiaw, sidjer bogviaux qaix ham' vnerlangg qenwlip siongrr hyw ee zinjer quanhe, dyrr si jin jxingg qiongrdongtew ; dirr jitt jiongw quanhe-diongx, dirliauu jurzenn e huatsingx, byy su'iaur inx "jyr" zimrhyy su. Dirliauu ee lat laii jurr siongrder simlingg ligliong, si jit hxang lexmic, guaw siongsinr jingrsangwjiaw ee iwguan, si hyw hyw suxiong jitt hxang lexmic, juewau qra sangr hro vadd langg. Ngua jit qxur ue qongw, iongxiuw zimrhyy lat --- simlingg :ee/ budjid :ee --- siongrr hyw ee lixiuu, si hro langg' marr u lat.

BUNHUAR

Bunhuar erdangr virr dingrgi jyr : dirr jit xee jojid nirr, m quanw si amwbih / binghenw :ee, qokk jiongw qewdat /viaujunw soxx qowsingg ee horsiong quanlenn hertongw. Muixx jit xee jojid u jurqiw ee bunhuar, vauquah dan'id ee hun'inx soxui ee qadingg bunhuar. Iuxquanx sionggiap bunhuar jerje lunrsut hro lanw qongw be uann. Dongzenn, muixx jit xee siarhue marr u qaqi ee bunhuar, dyrr sngr byy quanwsir hertongw sukyw ee langg, marr jaix Bixqog / Huadqog si byy qang ee bunhuar, Huadqog / Zidvunw bunhuar qamxx u siangg ? Dikqog /Diongqog … longxx byy qang.

Zi-jap sewqiw siongrr u ingxhiongw lat ee duwjog ji' id, RUTH BENEDICT(1887-1948) siaw ee "bunhuar ee mosid (PATTERNS OF CULTURE)", jin' siongser biyue snax jiongw byy qang ee "guansiw" bunhuar. Qidiongx ji' id si singwvet qaksig, ham' lanw soxx liauxqaiw: ee uanjuann dywvingw, javox diyhh hurjig qabu/ iyci qniaxzii, luxsingr rair jyr singliw/ quatding soxu diongriaur ee jingwcig. Uirr beh sna' duiwviw, qycc jyr lingrgua jit jiongw guansiw bunhuar, si viw jap-veh sewqiw ee Bixqog qyckacc diwdang hurkuann.

Jitt vunw duwjog soxx tuandat ee sinwsid si, byy qang ee bunhuar byy quann-qe hyw-baiw ee cavet. Suibongw lanw narr jinwzip ham' lanw byy qang bunhuar sii, vitzenn e qamxqag gignaiw, mrqycc snax jiongw bunhuar naxjunxx dy' unrjog jin' hyxser. BENEDICT soxx siaw :ee, kuidy bunhuar siongduiwlun ee senhongx, juxiaur quanliam si, dirr moxjiongw bunhuar virr knuawjyr liongsen :ee, lingrgua jit jiongw bunhuar kyxlingg e virr dongwjyr siaog. Ngua jit qxur ue qongw, bunhuar dyrdig si siongduir :ee, luirsu jinghongw dyrdig/ bunhuar siongduiwlun juxdniux, lanw berdangr duiww zimrhyy bunhuar lyc pingduan, duhuix lanw si kia dirr hitt xee bunhuar nirr.

Bunhuar siongduiwlun ee quanliam, kokdenw liauw lanw ec ee simdir. Viwzuu, guaw qir qaxx jin' cingcyw, jap-qauw huer sii, ham' jit qrunn Bixqoklangg jre iulunn kir NAPLES ITALY. Amwmee jap-id diamw, gunw jap-id xee langg en' NAPLES qangxkauw ee qelo sanwvo, lo nirr marr u jerje NAPLES langg decc sehqex, u duarlangg py ngex-aw/ jerje ginxaw siwqer jauw siy' ziog. Gunw qangrpnua :ee duiww jit quaw nng ~ jap-zi huer ee ginxaw, jap-id diamw iauxx byy kunr si dua qniax siyw quair, " congr sniaw? qaix kunr ee siqanx qycc decc h.-hihua-h. m kunr!" " jiaxee ITALY langg si decc anxjnuaw? Jiacc amr ar, iauxx byy hro ginxaw kunr? Jex duiww qinxaw jin' baiw." Inx anne huah.

Guaw ee dangpnua soxx srid qakcad :ee si, dirr ITALY ee bunhuar, kunr diongdaur si huisiongg diongriaur ee sing'uac sibquanr, jiwjiyw dirr sir-jap nii jingg si anne, m quanw duarlangg/ ginxaw, soxu ee langg dirr ervox nng diamw qaur go diamw longxx e kir kunr. Diamwmngg cnuar kiw laii, itdit qaur go ~ lak diamw jiacc qycc kuix mngg, itvnuax amwmee qauw diamw jiac amwdngr, soxiw ginxaw be virr "vakduat kunwbinn" iacc si gigdai. Zuqyw guaw ee dangpnua liauxqaiw bunhuar siongduiwlun ee quanliam, dyrr byy jurdai ee vinglun, hex marr si qaur dnaxx jerje Bixqog iukeh ee tongvne.

Mrqycc u sii m lyc pingduan marr m driyc. 1969 nii gauw ham' LILY kir Inwdo cittyy. Bixqog langg kir Inwdo ee quanqongkeh u nng jiongw luirhingg, jit jiongw duiww Inwdo ee bixle ylyw qaxx e dakjic, lingrgua jit jiongw qamxqag qniasimx, gunw si sriok jitt lui :ee. Diyhqniax :ee m na si Inwdo ee sanwciah/ lacsab, inx jyr dairjir byy haurlut suxx langg qniax. Jap-id zit ee luxdingg, ciangjai knuar diyc jin' qanxdanx dyrr jyr e hyw ee dairjir, kiokk virr cinwcaiw hohamr lauwqaux .kir. Jitt sii gunw jiacc qamxqag, suibongw zimxnai si bixdig, marr e jniajyr quewdo ee tingxsing. Inwdo naxjunxx siwqer ciongbuanw tunlunw soxx duar laii ee juerog. Gunw knuar diyc inx bavir zimxsiu ee tingdo, gunw zinruii si dongr be diauu ee bulingg.

Jex itcer hro gunw qamxqag gignaiw, itdit qaur juewau derr zi zit, gunw duxx decc jiac jaxdngr, jit xee hogbursingx byy sewzi ciadyw jit xoo gulingx, m na byy cingliw, suacc byy knuawqnir langg, qitnax ee hogbursingx/ niaxvanx :ee/ simrjiw qingliw longxx knuar diyc tokax ee gulingx kiokk dongwjyr byy knuar diyc qra dac.quer, juewau qui' qingx cantniax longxx si gulingx ee ka'inr. Gunw knuar diyc Inwdo lacsab ee qinguann, uirjnuaxngiu e anne? Jitt sii gunw jiacc bingliauw, cingliw ee kangkuer byy sriok jairdniuu zimrhyy ee qangjokjiaw, hex si siongrr qerjann ee cingqed qanglangg , inx rair ervox jiacc e laii. Gunw ui' jitt hxang huesiongw quewkir ee qinggiam, huatqag soxx knuar diyc jiongxjiongw byy haurlut, cavutdyx si VARNA siarhue sir jann qaiqib soxx jyrsingg ee hiyrqyw, jitt xee jewdo ixqingx byy habhuad, mrqycc dingwqinx dirr Inwdo bunhuar ee qud lai, kongwjer soxu Inwdo langg ee sniwmia. Bunhuar siongduiwlun e qongw VARNA byy sniaw m driyc. Jex guaw byy dong'ir. Guaw zinruii si giamdiong ee bunhuar kiamwdiamw, m na qidiongx soxx amwkamr byy hac lexsor jingsinn, marr in'ui qigduanx byy haurlut, jyrsingg jingxqyy siarhue vairhai.

Bixqog bunhuar m si byy kiamwdiamw, suibongw byy VARNA hiacc giamdiong, guaw u huatdo let cud sxor jap diauu diongrdua bunhuar cauwkangx, mrqycc guaw zinruii dnaxx Bixqog siongrr dua bunrdee, m si bunhuar qywvet kuechat, si jingxqyy bunhuar decc vxangx. 1960 nidai kaisiw, lanw juxiaur ee bunhuar viaujunw dy' sriu diyc giamdiong ee jitgii, guaw qamxqag jex byy sniaw m driyc. Mrqycc cuxau neh? jerje langg kaisiw byy kakding jurqiw ee uirdir, m jaix beh anxjnuaw jyr jiacc hyw? Lanw vingxdyw jerje gnersiw ee qu bunhuar viaujunw, jitmaw iuguann decc tuisag, siongrr dua ee bunrdee, si m si erdangr huatdenw cud sinx :ee, kacc u hau ee bunhuar viaujunw? Guaw byy jitt xee bunrdee ee dap'anr. Lanw siarhue ee birlaii naxjunxx jin' aiwmai hohamr.

M quanw si qadingg/ kiwgiap, jojid u lat ee langg erdangr qenwlip / nguarter sinx viaujunw, marr erdangr uicii/ sakdyw. Guaw qongw .quer kiwgiap juxquanw soxx iongxiuw siongrr dua ee lat, si ixx inx ee jingsinn laii qenwlip jojid jingsinn. Luirsu ee dyrliw, inx marr kyxiw qenwlip jojid ee bunhuar. Suibongw jit xee sinx juxquanw beh qaixvenr qongsix bunhuar m si qanxdanx :ee, bunhuar ee qaixvenr rair ui' dingw kaisiw, siongrr quann ee kuan'uix duiww jojid bunhuar marr diyhh hu siongrr dua ee jikzim.

Mrqycc jitt jiongw jikzim ciangjai virr zinruii byy diongriaur, kngr jit vnix, m na kiwgiap lingxsiur, qadingg lingxdyrjiaw marr si anne. Dnaxx bunhuar dngdecc vangvnuaa, zuxx laii zuxx je verbuw m jaix beh anxjnuaw jyr verbuw, inx naxjunxx sisiongg ui' ginxaw srinx-siong suncue qadingg bunhuar, naxx cniu inx byy guanrir hingsuw vit'iaur ee kuan'uix, laii qenwlip cingcyw ee qadingg qewdat viaujunw. Verbuw vut'ingwqaix si dogcaijiaw, mrqycc ginxaw marr vut'ingwqaix dnax kiw qadingg bunhuar ee jikzim. Zuqyw beh ginxaw hu kiw jitt jiongw jikzim, inx m si huisiongg gignaiw, dyrr e hnuaivar doghingg. Congwjy jojid jingsinn ee lat / congwjy bunhuar ee linglik si hunx be kuix ee. siongrbuew, jojid jingsinn soxx viauxhen cud :ee, dyrr si jojid bunhuar.

QONGLINGG

Juewqin jin' liuhingg iong "qonglingg vutliongg" laii hingiongg jojid ee jinghongw, m quanw si kiwgiap/ qadingg. Cniurr tuantew/ lexsor jitt jiongw zirqanw, liuhingg ee henrsiong jin' qinw dyrr hro zri vunxsinx sitkir iwgi. guaw quewkir enxqangw sii, u sii e mng tniajiongr anne ee bunrdee "linw qamxx u langg laii jurr qonglingg vutliongg ee qadingg? Narr u, cniaw giac ciuw." Qetqyw byy langg giac ciuw. Ui' jiax jaix, soxu ee jojid, m quanw si kiwgiap/ qadingg, longxjongw si "qonglingg vutliongg". jixvutqyr vutliongg tingdo kinx dang ziiw.

Quiw nii jingg, guaw sriu iaucniaw uirr jit xee lenvangx jojid ee dua vorbunn jinwhingg jusiongx qowbun, hitt xee vorbunn henxzenn qonglingg vutliongg, bunrdee narr cauw siwqer huad. Guaw qandna' qra jitt xee vorbunn ee jojitviyw ganw jit bak, dyrr knuar diyc siongrr dua ee bunrdee. PETER si vorbunn juxquanw, jit xee jucimx surburqnuax (qingquer kyxcir habqeh ee qongbu zinguann). Ix nng xee hxur juxquanw si jingwburqnuax (jipjingwdongw jixpair ee hingjingr zinguann) sii, hro guaw qniax jit diyy. Qinqir guaw jurqiw dirr jingwhuw qangjog ee qinggiam, jurlaii byy tniax quer jingwburqnuax si surburqnuax ee vorsiok. Jingwburqnuax jongxsi damzim juxquanw ee jit'ui. PETER ham' nng xui huwciuw qra guaw qruar vyxjingr, jex byy sniaw m driyc, hertongw vunxsinx byy bunrdee. Mrqycc henxzenn u soxjai cud liauw cacyr, juewau guaw cue diyc lingrgua jit xee u qinggiam ee qyjann surburqnuax, guanrir tanxvec qongw cud "PETER hro langg tiux aurkax." Henxzenn jitt xee lenvangx jojid siongrr qyjann jingwburqnuax huisiongg byy sinwzim PETER, ancah nng xee cinsinr jyr qandiap, u qihue dyrr siacziok PETER ee kuan'uix.

Guaw berdangr bingvik inx uirsniaxmic byy sinwzim PETER. Ix siongdongx singsik lauxdauu, kyxlingg jex dyrr byy jingwsiongg. Mrqycc guaw huathen, jitt xee jojid ee bunhuar vunxsinx dyrr ciongbuanw byy sinwzim, qongw si bongrsiongxjingr bunhuar marr jin' sikhap. Jitt jiongw bunhuar laii jurr siongrr qyjann ee jingwburqnuax, guaw byy hxuad jriab .diyc, soxu ee qenwgi longxx byy sriu caixiong. Likuix sii, hitt xee jojid jit diamw aw dyrr byy qaixvenr, qonglingg vutliongg iuguann cai unw unw.

"Qonglingg vutliongg" "bongrsiongw bunhuar" longxx si tiusiong ee zirganw. Vixqaur kacc byy tiusiong ee sursit si, jit xee qyqib juxquanw virr kanjer qaur byy iongrbuw ji' de, nng xee huwciuw longrhuir siqanx qamwsi ix. Jex viauxsi labsuer vecsner ee jnii, cingx-bxan ixsiong ciongx zip kir venrsow. Qyckacc giamdiong ee, si jitt xee cingx langg ixsiong ee dua vorbunn itpenr hunwluan, viauxhen hanrhat byy lat/ byy qiok. Qandna' jitt xee vorbunn dyrr longrhuir jnriu vah-bxan ee labsuer jnii, qui' xee jojid soxx pacsngw :ee, jixu mng tnix lor!

Jitt xee qowsu u nng xee qauwhunr. Zuqyw suxiong ee lat siongrr hyw si iuxli tnazinn, jitt xee siongrr quann ee juxquanw m na lat byy hro langg', dendyww cniuxduat langg'. Derr id ee qawsi si, anne byy hac lexsor ee hing'uii m na kiamr haurlut, qycc huisiongg longrhuir/ quir somsomx. Derr zi si, beh qaixvenr bunhuar huisiongg kunwlann, m quanw jitt xee bunhuar zuarr byy habliw/ qonglingg vutliongg. Lanw ixqingx jaix hertongw lixlun si jit xee guanjig : dng' hertongw ee jit vorhun virr qaixvenr sii, qitnax vorbunn vitzenn duer decc qaixvenr. Jitmaw lanw erdangr knuar diyc lingrgua jit xee guanjig : hertongw vunxsinx dexjer qaixvenr, dexjer jiapsiu dirliauu. Dysor jojid byy quanw zuarr giamdiong ee qonglingg vutliongg, kiamr haurlut, marr qamguan uicii henrjong, byy guanrir singdiongw qaixvenr. Uirsniaxmic? Jiax lanw diyhh huee knuar lexsor ee hogjap dingrgi : "u iwsig ee jojithuar hing'uii, hac dyrdig, sunrhok kacc quann ee lat."

Lexsor su'iaur iwsig / hingdong cud lat, be jurzenn huatsingx. Vindnua ee tensingr, lanw zinlui jin' iong'i cuhiongr byy lexsor.

Suibongw naxjunxx jin' viquanx, lanw iauxx u logquanx ee hibang. Guaw qongw .quer, soxu ee jojid dy' sngr si qonglingg vutliongg. Jyr jit xee qadingg/ kiwgiap ee lingxdyrjiaw, diyhh jaix uanbiw byy kiamwdiamw si byy kyxlingg :ee. dairjir be ingxuanw cingkir damdamx, uanjingw narr sinx :ee, byy vit'iaur uirr vingsii ee sitvai, qamxqag siaudimm. Jex si verbuw/ juxquanw diyhh damzim ee hogjap jikzim. Sursit-siong, liw narr qitai jabjuann-jabbiw, kyxlingg hro dairjir qyckacc auwqow .kir. m quanw uanbiw si byy kyxlingg :ee, jixiaur jin siongrr dua ee linglik jyr, dyrr erdangr qamxqag jurqiw u qewdat. Dirr jitt xee hogjap /u apvig ee qaksig, jin kyxlingg u lexsor/ kiauw ee jursux/ su'iaur qik dua ee simlingg loxlik. Uirjnuaxngiu su'iaur jiacc liauw simsinn? Byy lew m si kacc qanxdanx? Cniurr guaw dirr "jin jxingg qiongrsig" soxx siaw :ee, suibongw byy lew kacc iong'i, dngquw lyc laii, u lexsor ee jojid/ bunhuar kacc singw siqanx/ singw lat/ dongsii amwcangr byy han ee uahmia qihue.

Derr lak jniux SIARHUE JAUXHIONGR

Dng' lanw vnuarenw byy qang qaksig, damx diyc qokk jiongw zimrbu/ jikzim/ tiaujenr, dirr qadingg lai, qangjog/ zinjer quanhe, diyhh binrduir jerje suanxdik. Lanw narr qra ganxqongx kngr kacc hng .quaw, ciauquer jurqiw zidsiongg jiapciog ee qadingg/ soxx sriok ee jojid au, lanw ee sniwmia dyrr venr qaxx kacc hogjap. M quanw si ginxaw/ verbuw/ hagsingx/ qowguann, jitt xee jojid longxx sriok dirr jit jiongw kacc dua ee jojid, lanw qra hyrjyr siarhue. Lanw ixx qrunn ee hongsid singjunn, jitt jiongw quntew ee huanruii ciauquer hiongx/ tinr/ siaci simrjiw kulik/ qokqax. Lanw longxx si sewqair qongbinn. Dirr jitt jiongw siarhue sunrsi ee jit hunrjuw, duiww qongbinn juqeh ee dingrgi, lanw binrlimm huisiongg diongrdua ee suanxdik.

Guaw jit xee simliw isux lau vingiuw, si siongrr jaw knuar quer "simlingg derdoo" ji' id, siaw puex qra guaw qongw, tak quer ee qamxsiongw si "tenha byy vehjiac ee dyrliw", Ix qongw :ee byy m driyc. Lanw ui' siarhue did diyc ee jicii/ ju'iongw m si benxhuir :ee. duliauw qriauw suer ji' gua, pnuarduer qongbinn hokli si su'iaur damhu moxjiongw tingdo ee jikzim. Jiamrsii lanw mair lun si m si sniu beh jyr jit xee hyw qongbinn. Zuqyw lanw u linglik marr u iwguan anne jyr, lanw dyrr binrlimm suanxdik: dauwdew si beh jyr zuarr hyw ee qongbinn? Lanw marr ersaih suanw vnuawlo hongwkir/ byy qycc quansimx. Dypiah itcer iuxquanx siarhue hokli ee jikzim, cniurr lanw dirr sniwmia-diongx soxx jyr ee itcer suanxdik, muixx jit diauu lo longxx u byy qang ee hiyrqyw.

Zuqyw lanw kacc siongser qiamxjax qongbinn juqeh ee hogjabsingr/ sidjer quancad siarhue, berdangr piacbenw e binrduir jerje maudunw. Liw narr jerje hongbin kyxlu henrsit jinghongw, byy lauwqaux sohud, liw kyxlingg dyrr e huathen siy' dahtud. Ngua jit qxur qongw, cavutdyx soxu ee jinliw longxx si maudunw ee, dirr lanw duiww siarhue ee suanxdik jitt diamw dyrr jin' binghenw.

KUAN'UIX EE SIAOG

Dirr suxdoo Vyxlyy ee jit dniux puex nirr, ix qongw zinlui siarhue si "uikuann qapp lat" soxx tongxdi ee, si ix ganw lai ee "moquiw". Lanw qra xmoo qaixsueh jyr guarlaii ee lat/ zinsingr/ guanjue, si jitt xee sewqair ee tongxdirjiaw. Anne ee quanliam u jerje jinsidsingr. Jenwjingx/ dosad/ sanwciah/ jaihur giamdiong byy vingqinx/ jingxjok qisi/ singwvet qisi/ siaudimm/ juadbang/ genr dogpinw/ vehdy huanrjue/ qetauu voglik/ qadingg gigtai… jiongxjiongw henrsiong henxsi diyc siaog naxjunxx juxjnaiw diyc lanw.

Dairjir kaksit henxcud auwcaur, siaog ee lat si jinsit/ dyngiu. U quaw jongqaur qongw, siaog qinguann laii jurr zinsingr ee jue. Simliw hagqax tongsiongg qra siaog quijue qywzinn/ tuantew kiamwkueh iwsig. Jerje siarhue vinglunrqax qra bunhuar ee hunwluan knuawjyr siaog ee juxiaur dongrlat, vauquah qadingg qewdat ee vangvnuaa, budjid juxgi ee jongwdai, byy siyh itcer daiwqer duiqiuu hiangxsiu… dringw henrsiong. Dairjiongr muitew niuxkiog ee ingxhiongxlat jin' sriu puepingg. Lanw jit hxang jit hxang laii qiamxcad jiaxee insor, uew cud sxen-og ee maudunw henrsit, duiww lanw dirr siarhue ee suanxdik huisiongg diongriaur.

"SATAN" jitt xee zri siongrr guanvunw ee iwgi si "duiwciuw". Dirr qidokqaur ee qauwgi, SATAN virr qongxjyr moquiw. Dng' lanw qongw "vnuerenw moquiw ee dairgenzinn" sii, dyrr si siy' huan ee iwsur. Dirr sinhak-siong, SATAN/ moquiw guanvunw si "hyw" tensair, si inx sniu' hnuaigik/ qiaugno, jiacc virr tad cud tenqog, jniajyr siaog huawsinx/ ham' zinlui duiwkongr mow quaw tingdo ee digduir, duiww lanw ee sukyw / singdiongw u hyxcur. Mrqycc narr jairr inx cangwciux lamrsamw, dyrr si siaog. Zimrhyy dngqii joxgai zinlui singdiongw ee digduir, longxx amwcangr siaog ee jingxjiw.

Siaog ee jingxjiw nirr, kyxlingg vauquah zinsingr vunxsinx. Guaw m jaix siaog dirr sewqanx vnuerenw sniaw qaksig, cniurr guaw dirr "siaog simlixhak" soxx siaw ee, kyxlu diyc guanjue ee dongrlat, dysor langg byy su'iaur siaog jiyx, jin' iong'i dyrr qaqi dar kiw kir. "simlingg derdoo" soxx qongw .diyc, vindnua kyxlingg si sinhagqax soxui ee guanjue hudsimx, si simliw / qamxjingg/ simlingg ee vindnua, m si sinkux ee vindnua. guanjue vauquah jurluann/ qniaxsimx/ qiautauu ee piah. Jongxqongw, zinlui ziogdiamw m na jo liauw siaog, marr joxgai zinlui singzin jurqiw ee imngiaw, sitkir duiww jurqiw juerog ee caqag. M quanw si diauqangx/ byy jurqag, byy hxuad kiamsun binrduir jurqiw ziogdiamw ee langg, ongxongw jyc'og jerje. Jenwjingx jongxsi ui' kiamwkueh jniawdit uanjingw iwsig ee qywzinn / tuantew soxx huatdong. "Siaog simlixhak" nirr, guaw inxiong Uadlamm Bixlaii cuanx ee le, suecbingg iwsig/ liongsimx hilamw sii, siaog zuhyy dirr jewdo/ tuantew huatsingx jokiong.

Dirr "simlingg derdoo" ham' "byy qang ee qoxsniax", guaw qongw diyc hunhuar(COMPARTMENTATIZATION) ee siaog, biyue liauw 1970~1972 sii, guaw dirr siuxdox WASHINGTON qangjog, ciangjai dirr Gorqag duarlauu ingkax qniaa, cue langg' dramm Uadjenr. Inx jongw e qongw "PECK isux, gunw jinjniar liauxqaiw liw ee quansimx, mrqycc gunw jiax jixsi jingwcig ee hunjix vorbunn, qandna' hurjig jiphingg Vehqiongx quatding ee jingwcig." qetqyw qui' jxy Gorqag duarlauu naxjunxx ham' Uadjern jit diamw dyrr byy quanhe ee mongiu.

Zimrhyy dua hxingg jojid longxx kyxlingg u qangrkuanw ee hunhuar henrsiong. M quanw siongqair/ jingwhuw vorbunn/ vnerngi/ dairhak/ simrjiww qauwhue longxx u kyxlingg, zimrhyy qiqor kokdua qaxx sniu' dua/ hunhuar qaxx sniu' iur au, qiqor ee liongsimx ongxongw marr virr hunquah qaxx cruir qeqee, vyc qaxx cavutdyx byy junjai, jojid marr cuthen liauw amwhok ee siaog.

"okmoo (DIABOLIC)" zirguann laii jurr GREEK ee DIABALLEIN, iwsur si vangvnuaa/ hunlec/ hunhuar. Dirr lanw jibtew iwsig hunhuar henrsiong, siongrr siaog :ee si, lanw duiww jitt jiongw hunhuar henrsiong si jiacc quanwsir,simrjiww jewdorhuar. jingxjok/ singwvet/ nihuer ee qisi, dongsingwluann ee siuhin....dringw, cuthen liauw apvig/ vakduat zinsingr ee siangdingg qijer. Dng' zinkauw-diongx mow quaw qaijann virr jewdorhuar, dongwjyr byy iauwqinw/ ersaih danr driau/ sriu kinsi, jingxqyy siarhue ee uanjingw dyrr vitzenn jysiu vow be uann ee pywhai.

Beh duiwkongr jewdorhuar ee siarhue siaog, lanw diyh'air e qir .did, soxui ee "sxen" itding si duiww dysowlangg u li :ee, berdangr qandna' "duiww guaw iuxli." jex dyrr si " beh langg' jnuaxngiu duiwtai liw, diyh'air anxjnuaw duiwtai langg" ee lingrgua jit jiongw qongxhuad. Zuqyw lanw duiww jurqiw ee cywgo caixcuw siangdingg viaujunw, giamqeh jixjig vadd langg qangrkuanw ee cywgo, jex dyrr u jin' dua amwdaii ee guiqix. Pixzuu, qinqir siuxdox WASHINGTON juann qog hringg qrii diaucad jojid ee tongxqer sowzi, druar dirr doci lyh'au derkux ee langg, dirr qangrkuanw kinx ser ee juerhingg, cniurr siyw liong dogpinw, ongxongw e virr pnuar kacc dngg ee hingqii. Druar dirr qaugua diongsanw qaiqib dogpinw suxiongrjiaw, cohuan :ee jin' jiyw e jre qnax, dysor pnuar qiawjue, qycc erdangr jiapsiu dirliauu.

Juerog ee lat ciangjai si iamxsinx je quer henxhen ee, okjid byy sux siaog, duiww siaog ee hiyxzin, cniurr m kingw binrduir henrsit/ jurkix-kizinn ee langg, hiyxzin jongwdai siaog ee junjai. Dirr "cue jiyhtauu", gauw biyue liauw jit qrunn u jnii langg bih dirr inx ciahuax tyxjer ee sing'uac-diongx, byy guanrir knuar siwjiux ee sanwciah langg, dypiah siangquanx ee jikzim. Inx dagg zit ui' qaukux jin' lewdauw ee cuwtec jre huexciax qaur NEWYORK cirlai siongrvanx, jongw si ngar tauu knuar vywjuaw, in'ui jixiaur jit giac tauu, dyrr e knuar diyc ox langg vinbinkux. Qra songwhiongx langg venwjyr jongqniawzinn, inx ee bunrdee naxjunxx dyrr siaubyy ar.

U langg mertnix-uanwde, zinruii siaog cangwbih dirr itcer surbut ee vuerau, dyrr si inx binrduir busiaa/ bixle ee surbut, inx ee quandiamw marr si simbun/ juadbang ee, qandna' knuar diyc dairjir ee oamwbin, sohud qongbingg/ sniwmia ee jit bin. Dng' hunwhin/ juadbang jniajyr okmoo au, lanw dyrr jo siaog jongwdai. Suibongw lanw byy hxuad vaixtuad jurqiw ee okmoo, erdangr suanw byy huangingg inx/ byy ham' inx lenciuw qankiauw jyc'og.

Diuww siarhue ee juadbang quandiamw, tuanvyr muitew ongxongw qyckacc si huew bin dryr iuu, inx qra jiaudiamw he dirr siaog ee hiwqiok haurqyw, jyrsingg byy vnevangx ee henrsit quandiamw. U langg ee sinwiongrkaw virr taux, sui' dyrr venwjyr tongxqer sowzi/ tauu diauu sinbunn, qiongdiau huanrjue vywdy. lanw jin' jiyw tniax diyc iuxquanx sinwiongrkaw prangw byy qycc cue diyc ee tongxqer sowzi (lak dirr quirdaii ee sinwiongrkaw, dairvorhun longxx e hingg dngw laii). Tuanvyr muitew vaited hyw siausid, hro dairjiongr zinruii siaog kaksit juxjnaiw henrjai ee siarhue. Zuqyw "byy siausid dyrr si hyw siausid", henxzenn "hyw siausid m si sinbunn". Lanw tniax be diyc/ tak be diyc dagg zit huatsingx ee hyw dairjir.

Qamxqag juadbang, qiac ciuw dauhangg, siongsinr sewqair si siaog ee, jyr sniaw dy' byy hxuad qaixvenr. Zuqyw lanw sidjer quancad siarhue, dyrr e huathen sxen/ og qangrkuanw quriuw qiongdua ee ingxhiongxlat. Sewqair m si jabjuann-jabbiw, marr m si uanjuann siaog. Lanw soxx binrduir siongrr dua ee tiaujenr, si kir huatdenw / uicii vnevangx ee quandiamw, qidiongx unwhamm logquan, m si juadbang.

Guaw quewsinx ee vaxvah ciangjai qongw jit xee qowsu, erdangr laii qaixsueh jitt xee dyrliw. 1950 nidai, u jit xui danghongx ee diwhuirjaiw jiapsiu qiwjiaw ee hongxmng. Qiwjiaw mng ix si logquanx iacc si viquanx :ee?

"Dongzenn guaw si logquanjiaw." diwhuirjiaw rinr.

Jitt xee sewqair huatsingx jiacc je bunrdee. Pixzuu, zinkauw sniu' je/ bunhuar vangvnuaa/ jenwjingx/ huanrjue/ huxvai, liw jnuaxngiu erdangr logquanx? " qiwjiaw mng.

"Oor, duiww jitt xee sewqiw guaw byy qamxqag logquanx, xe sewqiw guaw huisiongg logquanx." diwhuirjiaw anne qaixsueh.

Duiww sewqair ganxjingg ee jinghongw, guaw ee huanxingr ham' hitt xui diwhuirjiaw itmoo-itngiu,duiww zi-jap-id sewqiw huisiongg logquanx, zuqyw lanw erdangr singjunn qaur hitt jun.

Vyxcii vinghingg ee quandiamw jin' diongriaur. Dyrr cniurr lanw diyhh singx tesingx iwsig, jiacc erdangr caqag siaog ee sursit/ lanw jurqiw juerog ee kinghiongr/ uew cud zinsewqanx ee sxen-bixle. Zuqyw lanw qra sewqair ee vunxjid knuawjyr siaog, dyrr byy vit'iaur siongsinr e qaixsen. Narr qongxx lanw knuar diyc sewqanx sxen-og ee lat si qangrliong siy' pnua qniaa, birlaii dyrr ciongbuanw hibang.

Jerje hongbin, sewqair venr qaxx zuxx laii zuxx hyw. "simlingg derdoo" nirr guaw soxx siaw :ee, jit-vah nii jingg ee Bixqog, gigtai zidongg ee surqnia m na byy tingg, qinvunw byy sriu diongrsi. Hitt sii, verbuw ersaih suiven pah qniaw, byy sngr huanrjue ; nng-vah nii jingg, jerje zidongg virr vig quar muikongr jyr koxqangx, qidiongx u cid huer ginxaw ; iokk sir-vah nii jingg, itvnuax langg byy qra zidongg dongwjyr langg knuawtai, be jundiong zidongg ee su'iaur/kuanli. Zi-jap sewqiw zidongg vyxho setsix u jin' dua ee jinwvo. Lanw sed liauw quanhe zidongg vaksiah surqnia ee qinxqib zedsnuar; duiww gigtai zidongg surqnia u hiamgii :ee, marr u giamqeh ee diaurjax jewdo. Duhuix lanw ee ganxqongx naxx dau hiacc ser, narr byy, byy kyxlingg hiyxzin, siarhue dirr vyxho siongrr sewhanr/ siongrr dinquir ee singguann, kaksit u qik dua ee jinwvo.

Dirr sewqair ee jinwvo-siong, marr u jin' binghenw ee qaixjinr. Ixx zinkuann bunrdee jyr le, qokk qog jingwhuw longxx sriu dingrqii ee qamwsi, quancad inx duiwtai zinbinn ee hongsid, uree qokqax diongrdua uihuanw zinkuann, sriu diyc qingjer jewcaii, cniurr ixjaw Lamhuix ee jingxjok qecli jingwcig. Quewkir sxor sewqiw, qinvunw byy soxui "jenwjingx huanrjue" ee quanliam. Virr uac liac ee luxsingr/ ginxaw jongw si sriu diyc qiongvok / buatuax, lamsingr virr gisithuar ee taisad, jenwjingx/ jenwjingx huanrjue itdit byy tingg. Qinrnii laii lanw kaisiw jitmng, zinlui ersaih iong zimrhyy ciuxdnua horsiong jansad? Sursit lanw qandna' su'iaur iong jit diam siqanx, dyrr erdangr did diyc jamxzenn sidjer ee hyvingg. Lanw sed liauw qokjer huatdingg laii huat jenwhuan, kaisiw venrlun jenwjingx si m si u qongjniawsingr? Si m si vit'iaur? Erdangr tamwtyw jiaxee kywdee, henxsi lanw ee siarhue / jingxqyy sewqair longxx u jniawbin ee qaixvenr.

U langg e qongw, dnaxx siaog knuar kiw laii jiacc ciongqongg, si lanw dyrdig viaujunw tee quann ar. M quanw zuhyy, dngqii laii knuar, siarhue naxjunxx zuxx laii zuxx jinwvo, zuqyw siarhue uanjuann siaog, dyrr byy kyxlingg u jitt jiongw henrsiong. Sursit si, sxen-og ee lat dirr sewqair horsiong junjai ; itdit si anne, birlaii marr si anne. Jin' quw ixjingg, guaw dyrr bingvik jitt xee dyrliw, mrqycc guaw huathen, dirr sxen-og ee suecbingg-siong, zuqyw byy qongw diyc siongrder, beh cingbingg ee biyue siaog ee junjai/ laiguann, si viw qaixsueh liongsen iong'i jerje. SAINT PAUL soxui ee "byy jniar ee sinvir (THE MYSTERY OF INIQUITY )", viw zinlui liongsen ee sinvir sux tiamw tiamw.

Juxliuu qidokqaur ee knuawhuad si, jex si jit xee virr siaog u'ziamw ee senrliongg sewqair. Jyr jit xee diongdy ee qidokdoo, guaw kacc qac'ir ee knuawhuad si, jex si jit xee junjai ee siaog, virr senrliongg soxx ingxhiongw ee sewqair. Lanw himsiongw ginxaw ee tenjinx busiaa, sursit lanw si tensingx ee penwjuw /cat-aw, qongw vehcat / amwdok :ee. Soxiw lanw dysor duarhanr jniajyr lud-aw/ cat-aw, hoxsenx/ quaiw langg, jit diam aw dyrr byy qiquair. Vutkyxsugi ee, lanw jerje langg marr duarhanr, jniajyr singsit ee hyw langg, suibongw siaog ee lat qiongdua, dirr henrsit-diongx, zinlui jingxtew ee viauxhen viw irsenx qitai :ee kacc hyw.

Dirr guaw jongsu tuantew qoxbuw bunqaur qiqimhue ee qangjokqingx qinggiam-diongx, ciangjai virr guaw soxui "zinlui quanwle ee inghiongg viauxhen" soxx qamxdong. Dirr viqiok ee jinghongw , cniurr OKLAHOMA dua vogjar/ qitnax jailan, kia cud uirr jniawdit qongxue, sisiongg knuar e diyc. Dng' lanw tuanqed itdir sii, u byy sxor le jingwbingg zinlui jyr sxen ee linglik ciaucud siongxsiong. Mrqycc jerje langg byy qra liongsen dongwjyr jit huesu. Jit xui m jaix miaa ee zinsu soxx qongw ee juqur, jyr lanw ee qniar " itsingx inghuaa huwquir, kyxlingg byy cniurr lanw soxx sniu :ee hiacc bixhyw ; qandna' qinglik vnerkow, lanw jiacc erdangr himsiongw qenrkongx ; damx quer cniiaux, jiacc e dinsiyh jiahmic; jaix siaog, jiacc erdangr jo lanw texzin liongsen.

Zuqyw senrliongg/ siaog si dongsii junjai/ maudunw :ee, lanw diyhh ham' jitt jiongw maudunw siy' lamw, jiacc erdangr hagsip jniawdit ee sing'uac. Jniawdit iwgi si uanjingw. Singjiu uanjingw ee qywzinn, lanw ersaih vau'iongg " qaixqiur pair (LIBERATION THEOLOGY)" / "vysox pair(CELEBRATION THEOLOGY)" ee maudunw. Qaixqiur pair ee qauwgi juxdniux qidokdoo rair vnuarenw jikqik ee qaksig, ham' siarhue hertongw ee siaog jenwdaur; damhu jikzim qaixqiur jiongwzinn vinkow/ virr apvig. Vysox(Vysyx) pair ee qauwgi , qoxle sinwdoo himsiongw/ ​janwbiw sewqanx ee bixhyw.

TOM LANGFORD dirr ceh "uanjingw ee qidokdoo (CHRISTIAN WHOLENESS)", tamwtyw liauw qidokdoo uirr jniajyr sidjer/ uanjingw ee qywzinn, diyhh jiaplap jerje maudunw; qaixqiur pair/ vysox(vysyx) pair ee maudunw jixsi qidiongx ji' id. LANFRORD soxx jixcud ee, uanjuann jipbee dirr qaixqiur pair ee langg jin' iong'i venwjyr penqig / auwud, quewdo qiongdiau vysyx pair ee langg penrhiongr cenxsniu/ qi'kiauw. Lanw diyhh jingxhap, dirr duiqiuu uanjingw ee loxlik nirr, diyhh suisii qakcad siaog / ham' ix jenwdaur. Dongsii marr rair himsiongw / qamxqig liongsen ee lat.

Duiww sxen-og ee jenwdaur, lanw diyhh junxvi daujur itsingx ee siqanx. Suibongw u lixiuu qamxqag viquanx, marr u jabjiog ee lixiuu siongsinr, lanw muixx jit xee langg longxx erdangr duiww sewqair ee jinwhuar jyrsingg siyw ser ee ingxhiongw. Ingqog dethagqax EDMUND BURKE ee jit dnxua ue, teqiong lanw pnuawduan sxen-og ji' jenr siongrbuew ee qinqir "zuqyw siaog juewau e cruw diyc singwli, si hyw langg kia cimx juiw byy cab."

GUANJUE GUAN'UNX

Zinsingr vunxlaii dyrr qamm u sxen-og ee maudunw. Dramm quer "guanjue". Uirr beh drat qaur vinghingg, guaw su'iaur dramm MATTHEW FOX soxui ee "guansiw ee undenw (ORIGINAL BLESSING)", qanxdanx qongw, guan'unx dyrr si lanw qaixsen ee linglik. Zuqyw lanw tensingx si penwjuw/ cat-aw/ hoxsenx/ amwdok :ee, duarhanr singlenn au kiokk venr qaxx byy qang, jex naxjunxx uihuanw langg ee vunxsingr. Lanw longxx u linglik qaixvenr langg ee vunxsingr, jixiaur lanw guanrir anne jyr.

Narr u langg qnaw mng guaw "PECK isux, zinsingr si sniaw?" guaw e anne huedab "zinsingr dyrr si cing snxax/ dairven/ vangr ziy".

Qamxx qongw jex m si lanw muixx jit xee langg jit kaisiw decc jyr :ee? Jurzenn suisingr, sniaw sii sniu beh dyrr ersaih tihh. Danw qaur nng huer sii, verbuw e anne qongw " liw jin' quaix, guaw jin' air liw, mrqycc hibang liw kacc cingkir damrvyc ar." Iuwzii ganw lai, jitt xee iauqiuu jit diamw ar dyrr byy habliw. Ziy qinw dyrr qra vangr cud laii jiacc driyc, qycc qongw vangr ziy marr jin' cuwbi. Narr qongxx, ziy qinw diyhh qra duartuiw giap ann, qingw jauw kir venrsow, qycc knuar diyc hiax ee hyw sngw ee mic,hro juiw ciongx byy .kir, jinjniar jin' bogbingg-qibiau ee dairjir.

Zuqyw iuwzii ham' verbuw ji' qranx u hyw ee quanhe, verbuw u nairsingr, sniu beh kongwjer iuwzii (vuthing :ee, jitt jiongw lixsiongw jongrhongw byy je, simliw isux jiacc duiww iuwzii ee venrsow hunwlen digvet u hingwcur.), anne dyrr u jin' qi'biau ee su huatsingx. Ginxaw e qra qaqi qongw, "eer! Mami si be baiw :ee, ix juewqin duiww guaw jin' hyw. Guaw hibang erdangr u quaw huevyr, sangr mamir jit xee lexmic/ iacc si qitnax :ee. Mrqycc guaw qandna' nng huer, erdangr hro ix sniaw neh? Kyxlingg jixu puewhap mamir ee iauqiuu kir jre hitt xee bogbingg-qibiau ee bextangw."

Anne, jre bextangw si jit qnia air ee lexmic, sangr hro maxmah :ee; ginxaw kaisiw jyr huisiongg byy jurzenn ee kangkuer: katuiw giap hro ann, byy jre kiw kir jinwjingg bersaih vangwsangx. Qaur sir ~ go huer sii, kir venrsow jniajyr siongrr jurzenn :ee. U sii qinxdniux/ langg tiamw, byy sewzi huatsingx "iwgua", ginxaw e qamxqag jin' byy jurjai. Dirr dew dew nng ~ snax nii soxx huatsingx :ee, si in'ui air, ginxaw singqongx qaixvenr liauw jurqiw ee vunxsingr.

Lanw qaixvenr jurqiw, air ee sniurhuad jniajyr qysiong hinguii ee viauxhen, si jiacc byy vinghuann, si guansiw undenw ee ligliong. U sii vadd langg qycc mng guaw, "zinsingr si sniaw?" gauw e giyhciyr qongw " qinvunw byy zinsingr jitt huesu." lanw zinlui ham' qitnax dongrbut siongrr dua ee kuvet, m si lanw u erdangr tec mic ee duartaubuw/ m si lingkiauw qongxue ee snia'auu/ m si ciaudua ee nauw ; si lanw siongrr kiamwkueh ee didqag, lanw byy tensingx qiwsingg ee hing'uii mosid, byy cniurr qitnax dongrbut u sentenx qowding ee vunxsingr. Ngua jit qxur ue qongw, zinlui iongxiuw kacc je ee suanxdik --- siarhuersingr/ simlixsingr/ sinlixsingr ee suanxdik --- lanw u qauwgiac ciurlingrsingr e cunqiux tihh, laii ingwhur qokk jiongw byy qang ee jinghongw.

Guaw jidsiwlangg dairvorhun ee siqanx iong dirr duiqiuu hyvingg ee uahdang. Hiaxee byy zinruii sewqair u hyvingg kyxlingg ee langg, tongsiongg cauwpuir jurqiw si sidjer :ee, qongw guaw si lixsiongw juxgirjiaw/ si taukag kangx kangx ee lixsiongw. Gauw duiww lixsiongw juxgirjiaw ee dingrgi si: siongsinr zinsingr u kyxlingg tee quann qysiong zinqeh ee langg.Inx soxx qongw ee, lixsiongw juxgi si kangx :ee, byy m driy, mrqycc m si taukag kangx kangx. Guaw qongxx longrban juxgirjiaw ee dingrgi si: m na siongsinr zinsingr u singhuaa ee kyxlingg, marr siongsinr jex si jin' iong'i ee. Inx virr lyxcyw ee qongsid kip'inw .kir, qongxx 'air erdangr kikhok itcer'. Guaw m si longrban juxgirjiaw, dirr simliw dirliauu ee qinggiam-diongx, ban ban bingvik, dyrr sngr u juann sewqair ee air, jerje langg iuguann byy hxuad qaixvenr singdiongw. Zinsingr ee qaixvenr byy iong'i mrqycc m si byy kyxlingg.

Uirsniaxmic zinsingr ee qaixvenr byy iong'i? Qidiongx dyrliw cimyr. Lanw soxx qongw ee zinqeh, siongrr hyw ee dingrgi si, jit jiongw "uicii byy venr" ee simliw guansor jojid mosid, vauhamm sukyw/ hing'uii. Dirr jitt xee dingrgi nirr, "uicii byy venr (CONSISTENT)" si juxiaur quanqenr.

Qywtew ee zinqeh kinghiongr uicii byy venr, bunhuar/ qokqax ee "zinqeh" marr si anne, jitt jiongw buvenwsingr bingg-amr qiam'iuw, u hyw marr u baiw.

Guaw ee qinggiam, sinx vnerlangg derr id vaiw laii jinxsow sii, inx knuar guaw cing kinsangx hiu'ingg venrsnax/ unrdong snxax/ simrjiww cenxtuax. Derr zi vaiw guaw cing sejongx qad nekudai, junxvi beh cud mngg enxqangw, kyxlingg iaxx byy sniaw iauwqinw. Mrqycc zuqyw derr snax vaiw laii ee sii, knuar guaw cing nasig dngsnax, qruar puahlen/ ciuxjiw, suh dogpinw, inx kyxlingg dyrr byy qycc laii ar. Jerje langg guanrir jaiww laii cue guaw, si guaw jongxsi inx soxx sigsai ee lau SCOTT. Guaw ee zinqeh uicii byy venr, hro inx jaix zuhyy duiwtai jurqiw. Lanw ee zinqeh su'iaur digding tingdo ee buvenwsingr, jiacc erdangr jniajyr jit xui daddit sinwlai ee langg.

Jitt jiongw buvenwsingr ee oamwbin, dyrr si gunw isux soxui ee dexjer. M quanw si qywzinn/ qokqax ee zinqeh, longxx tensingx dexjer qaixvenr. Qaixvenr dyrr si uihiap, qaxsuw si hyw ee honghiongr marr qangrkuanw qamxqag uihiap. Dysowlangg laii jiapsiu simliw dirliauu si beh qaixvenr. Mrqycc dirliauu jit kaisiw inx viauxhen qaxx cniurr jit diamw aw dyrr byy sniu beh qaiw, inx e diaubann dexkongr qauwdew. Simliw dirliauu uirr beh duar laii qaixtuad, diyh'air bersaih hro jurgnow siamxpiah/ jauxbih/cunn aurvo. Sioggiw qongw, "jinliw e hro liw juriuu, mrqycc e singx qra liw kiwsiw." huanxngiar cud lanw zinsingr duiww qaixvenr ee dexjer. Beh qaixvenr dongzenn byy iong'i, myrqycc si jyr e qaur :ee, jex si zinlui ee ing'iau.

Guaw siongsinr, lanw ee lanxsix/ qniahniaa/ jurluann, tensingx dexjer qaixvenr, jex si soxui ee "guanjue". Dongsii, lanw zinlui siongrr binghenw ee digdingx, si lanw erdangr qaixvenr --- lanw ee "guan'unx". Juriuu iwjir hro lanw erdangr suanw si m si beh kuthok guanjue/ dexkongr qaixvenr/ tingkax m dinxdang/ simrjiww vairhai, iacc si siujingw jurqiw, simrjiww tuisag siarhue duar laii ee qaixvenr. Zuqyw langg byy hxuad qaixvenr, anne siarhue sakdang marr sitkir iwgi. Mrqycc langg marr u m qaixvenr ee juriuu. Duiww jitt jiongw m qaixvenr ee vindnuarsingr/ qaixvenr dongrlat ji' qranx ee ciongdut, qxow Aiqib qidokqaur sinhagqax ORIGEN u jin' hyw ee qetlun "singwlingg siongrdingx jinwvo, jiauww jitt xee tuilun, siaog dyrr si qirjuat jinwvo."

QAMXX U VEHJIAC :EE?

Guaw bad tamwtyw " huanrjuersingr sukyw" nirr soxui ee "vehjiac-vehtanr" ee simtair. Byy lun hyxgiac/ sanwciah, jerje langg dy' qamxqag jurqiw u kxuann iauqiuu byy cud kuiwlat beh u siusingg/ zinruii sewqair kiamr ix :ee. U quaw langg siongsinr jurqiw ee singqongx si lixsow-dongzenn, byy sihy tunxdac langg'/ jyr ix ee tiap kax, singjiu jurqiw, in'ui ix si viw langg kacc kia quann ee, byy quanw qongw cud ee dyrliw si gnerauw ee; u langg hro jurvix jingqad congwdi, qamxqag soxu ee jygu, uanjuann byy su'iaur damx jikzim.

Jitt jiongw jiamrr dah kiw laii be jiac m tanr ee simtair vuerau u jerje guaninx. "cue jiyhtauu" nirr, guaw jiyh iong "Bixqoksid" ee le, si ui' doglip suangenn u jit dnxua bunzi laii ee " lanw siongsinr jiaxee jurzenn hingsingg ee jinliw, jiongwlangg vingdingw laii cutsir, si jyrbudjiaw hro soxu ee langg berdangr virr vakduat ee kuanli, vauquad sniwmia/ juriuu /duiqiuu kuaiwlok." Jin' maudunw ee, guaw siongsinr jex kyxlingg si soxu bunzi siongrr cimyr, marr si siongrr gugong ee jit dnxua bunzi. Jitt dnxua qonghuix biyue cud ee sinsingr jingqingw, junxkag jiangxab zinlui cuxqingw ee jinghuaa, dongsii, jin' iong'i jyrsingg gorqaiw.

Dirr siongrder ee ganw lai, lanw longxx si vingdingw ee. Druu jit xee ixgua, lanw si huisiongg byy vingdingw. Qokk langg u byy qang ee tenhur/kiamwsid. Byy qang ee qi'inx/ byy qang ee gixgenn bunhuar/ byy qang ee qewdadquanx viaujunw, sukyw hongsid/ byy qang ee qywzinn ligsuw/ byy qang ee linglik...dringw. Qongw zinlui si byy vingdingw ee jingxjok, sidjai byy quewhun. Lanw ham' qitnax dongrbut siongrr dua byy qang, si lanw u qniax langg ee dyngiurhuar/ hing'uii ee dyvenr. Sniaw si vingdingw? Jiurr dyrdig laii qongw, lanw u okmoo ee siaog/ u tensair ee liongsen.

Hiqew ee vingdingw, hro lanw sanxsingx hiqew ee qiongrdongtew quanliam --- soxu ee langg longxx si qangrkuanw ee --- dng' jitt xee quanliam puar .kir sii (dirr cinbit jin jxingg quanhe-diongx vitzenn puawbet), lanw dyrr iong qiongvig ciuxdua drat qaur vingdingw : singx unhyy kuipuar, zuxx laii zuxx giamle, uanjuann gorqaiw lanw ee jikzim. Lanw ee siarhue jikzim m si qenwlip vingdingw, si huatdenw hertongw, laii huhap zinsingr, cuxliw lanw ee byy vingdingw. Dirr habliw ee hanrdo lai, jitt jiongw hertongw vysniuw/ qoxle dyngiurhuar.

Dirr jitt xee hertongw ee huatdenw-diongx, zinkuann ee quanliam si juxiaur ee hudsimx; guaw juansimx iongxho Bixqog henwhuad siujingwanr ee zinkuann diaule/ huatdingg duiww jiaxee diaule soxx teqiong ee qaixsueh. Mrqycc guaw kacc huaigii doglip suangenn nirr dua /byy tywdongr ee zinkuann : sniwmia/ juriuu/ duiqiuu kuaiwlok ee kuanli. Kyxviw qongxx, dng' guaw jiamrr nilau, kaisiw huaigii guaw dirr sniwmia ee mow quaw kuanli. Jyr jit xee jokqax/ laursux, guaw diyh'air jitgii, si m si u qongw vehcat ee juriuu, dyrr si qra sursit niuxkiog jit sud aw, qamxx ersaih? Jyr jit xee simliw isux/ sinhagqax, liauxqaiw kuaiwlok jixsi kacc quann duisunn soxx duar laii ee hur jokiong/ si jurgnow bongrsiongw ee sanxbut, guaw sidjai byy kakding duiqiuu kuaiwlok u sniaw qewdat? Kacc dua ee bunrdee si, soxu jiaxee sniwmia/ juriuu/ duiqiuu kuaiwlok ee kuanli longxx qax kiw laii au, tniax kiw laii naxjunxx lanw u kuanli iongxiuw hyvingg, naxjunxx hyvingg si benw cud lat dyrr u ee.

Jaiww jit crur, jex si jit jiongw maudunw, jidbin si, hyvingg si zinlui jingwdongx ee qiawbang. Mrqycc ciongdut u bexmia :ee/ byy diwmia ee hunvet. Lanw su'iaur byy diwmia ee ciongdut, zuqyw cuxliw hyxser, jex si ciokjinr zinlui ee jungiamm. Jenwjingx qaxnaxx ing'iau, kiokk e huixbet lanw ee jungiamm. Narr qongxx lanw qra hyvingg dingrgi jyr siauduu jenwjingx, jex si jingwdongx qyquir ee guanrbang, anne ee hibang vingrr byy quewhun. Lanw qaix qra hyvingg knuawjyr jit jiongw kuanli. Maudunw ee jidbin si, byy vniawmia jingcuw, dyrr byy juqeh hibang hyvingg. Guaw dirr jin jxingg qiongrdongtew soxx dramm ee itcer quanliam/ lanw duiww hyvingg ee liauxqaiw, itjair henxsi lanw jit diamw aw dyrr byy lixiuu siongsinr hyvingg erdangr benw cud lat dyrr did .diyc /qitai hisingx hongrhenr au, itdanr did diyc hyvingg, dyrr erdangr ingxuanw hyvingg, byy su'iaur qycc jaiww cud kuiwlat.

Kyxlingg siongrr guihiamw ee hamrjniw, si zinruii lanw u kuanli iongxiuw hyvingg. Jitt jiongw vehjiac ee quanliam e jiacc ciongqongg, si juadduir dysor ee Bixqoklangg siongsinr itcer ciongdut longxx erdangr hyvingg huawqaiw siaubyy. Jex si huisiongg iuwdir ee sniurhuad. Kyxlingg jerje langg py diyc dywhuanw ee sinwliam, itcer ciongdut diyhh tauwquer buxlik uihiap jiacc erdangr qaixquad. Jitt jiongw sniurhuad jin' qikdauw (penqig), e u simsniu-sursingg ee okqyw. Dnaxx zinlui dirr jinwhuar soxx binrlimm ee maudunw henrsit si, u quaw jenwjingx si byy hxuad piacbenw/ "jingwgi" ee, u quaw jenwjingx si vutgi ee/ byy vit'iaur ee/ diyhh huwcud huisiongg dua ee dairqer, jixvutqyr si zinsingr ee lanxsix/ gugong.

Suibongw guaw qongw ee si langg ham' langg ji' qranx ee hyvingg, qangrkuanw ee maudunw guanjig marr sik'iong dirr lanw snacsimx ee luersimx jongrtair, soxui ee luerjai vingjing. Suibongw lanw u kuanli jin' qitai, cniurr guarjai ee hyvingg, lanw byy kuanli byy cud lat dyrr u. dng' miarun pacdng liauw lanw knuawjyr lixsow-dongzenn ee kuaiwlok /vingjing sii, jerje langg e qionglet kongwgi. Uirr beh iongxiuw luerjai vingjing, lanw diyhh guanrir singx hongwkir. Jixu hiaxee erdangr suisii jurkix-kizinn, simqnuax marr be vut'anx ee langg, jiacc erdangr iongxiuw byy habqeh ee luersimx vingjing. Zuqyw lanw byy hibang jniajyr jitt kuanw ee nauxsiw, diyh'air e qir did, viw luerjai vingjing qyckacc diongriaur jerje ee, si jniawdit. Iongxiuw jniawdit, rair guanrir uirr jinliw singdamx tongwkow.

Guaw ciangjai sniu diyc Iasox, kyr ix ee vangjo guaw e qir did jitt xee dyrliw. Iasox jitt xee langg sisiongg qamxqag dakkap/ hunwno/ qniahniaa/ qodok/ viaix/ cinwsimx, jitt xee langg cimx cimx qitai sriu langg qingwair, qycc m guan cutbe jurqiw, hro lanw jaix sniwmia virr m si uirr sriu langg hixair: ham' itvnuax langg ee inwsiong dendyr, Iasox jitt xee langg naxjunxx byy sniaw luersimx "vingjing", qycc hro langg qongxx si "hyvingg ongjuw". Lanw diyhh liauxqaiw, lanw narr byy hxuad binrduir jurgnow , e sanxsingx hiqew ee luersimx vingjing. Jinjniar ee luerjai vingjing si erdangr bidced quanjiaur lanw luerjai muixx jit xee soxjai, m na diwdang kuanli, marr qiongdiau jikzim.

JIKZIM EE MAUDUNW

lanw jyr jit xee qongbinn, e sriu jerje byy qang kywdee ee ingxhiongw, ui' siongrr ser ee siarkux, dua qaur qokqax ee janbin. Qinqir jiaxee kywdee duiww lanw zidsiongg sing'uac ee ciongqig, lanw diyhh dnax kiw byy qang qaksig / jikzim. U quaw langg gniajih tiaujenr ee jywhuad si qutlat camqax dua-ser qokk jiongw ee daupiyr, qitai jyrsingg qaixvenr. Marr u quaw langg suanw cam'uw siarkux jojid ee uahdang, vangjo u su'iaur ee langg. Iauxx u langg qruanx jnii jicii inx soxx quansimx ee girdee. Mrqycc marr u jerje langg qirjuat jiapsiu zimrhyy jikzim. Inx kacc qac'ir vrih ciuxngw kia vnix:a knuar langg' qaixquad sewqair ee bunrdee. Jiaxee langg be juxdong jingcuw / uicii inx ee kuanli, byy jyr zimrhyy bingkag ee suanxdik laii tesingx inx ee qongbingg juixjunw. Inx kyxlingg e qongw inx byy hai siarhue,mrqycc sioggiw qongw liauw byy m driyc, "zyqyw liw m si qaixdab, liw dyrr si bunrdee ee jit vorhun.

Maudunw ee soxjai si, lanw rair uirr itcer hurjig, dongsii qycc byy kyxlingg uirr itcer hurjig. Jitt jiongw maudunw/ itcer maudunw ee qaixdab si, mair qandna' knuar tenvingg ee jit vingg, diyhh ham' jinliw ee nng bin siy' lamw. U miaa ee jokqax WILLIAM FAULKNER dirr ix ee jaboxqniaw qydiongx cutgiap denxlew diwsuu qongw "ingxuanw m hyw qniahniaa teqyx linw ee sniax, uirr singsit/ jinliw/ zedjingg venrho, duiwkongr vutqongx/ hausiauu/ amtamx. Zyqyw juann sewqair ee langg, dirr busor ee lexdngg lai, erdangr jee sniax hiangxingr, sewqair dyrr e qaixvenr."

1995 nii, dirr ALABAMA jit qingx vachuer qongsix jyr snxax ee luxqangx ROSA PARKS, janrlat qaixjy liauw Bixqog. Ix qirjuat hogjiongg hitt sii BUS dingw ee vehlangg iusenx jingwcig, byy niu xui hro vehlangg, kaisiw liauw snax-vah-veh-jap-id zit ee dexjer BUS unrdong. Ix ee siangkax qniaa qaxx huisiongg sngtniar, jungiamm vutduan sriu diyc dnaxqig, jitt xui sir-jap-zi huer ee olangg luxsing virr liac/ sitkir qangjog. Ix dansunn ee jywhuad/ jerje langg qewsiok ee hingdong, qig cud jit qrow ligliong, uirr Bixqog inxcua cud suhuad diongrdua qaixqig.

M si muixx jit xee langg erdangr jyrsingg cniurr ROSA PARKS ee ciongqig, mrqycc lanw ersaih caixcuw libdniuu duiwkongr sewqair-siong qokk jiongw siaog. Qongw jinx ee, ham' siaog ee kongwjingx,ui' qadingg kaisiw, binrduiw jurqiw/ cur nirr ee langg, beh duiqiuu kacc qenrkongx ee qautongx hongsid. "Bagjiux knuar tenha, diyhh duiww siongrr ser hxang ee jyr kiw." si jin' hyw ee hongjiamx.

Kyxlu itvnuax langg soxx binrduir ee derliw hanrjer/ qitnax jiongxjiongw ee kenjer, "ui' li jurqiw siongrr qin ee xui jyr kiw" si siongrr kyxlingg qniaa e dinxdang ee qaixqig hongsid, mrqycc lanw sukyw byy itding hanrdnia dirr lanw ee siarkux, ersaih sniu jerje kywdee. Kyxviw qongxx, guaw ersaih qandna' suanw quansimx Bixqog ee iliauu jewdo, in'ui jitt hxang ingxhiongw diyc gauw, guaw qycc si sewqair qongbingg, berdangr qra qitnax sewqair dongwjyr byy junjai, guaw u jikzim sniu jitmaw dirr Huijiux RWANDA/ Aujiux YUGOSIAVIA...dringw qitnax u luerjenr /jingxjok dosad ee derkux, duiww Uadjenr ee genxqiur, ciauquer qitnax vuthing soxjai jerje, guaw ee sniwmia ciongbuanw jerje kywdee, cavutdyx qaur byy hxuad ingwhur ee dervo, byy langg erdangr genxqiur itcer, uirr itcer hurjig, beh anne jyr ee hiyrqyw juewau ee hardniuu itding rair sangr jingsinn vnerngi.

Qandna' quansimx sinvnix u didjiab ingxhiongw ee dairjir si byy qraur ee. Duliauw qencii lanw jurqiw ee kuanli/ libdniuu ixgua, u sii diyhh guanrir uirr qitnax ee langg kia cud laii, suibongw anne jyr, naxjunxx byy didjiab ee hyxcur, u sii lanw rair guanrir langrhiamw, jitt xee suanxdik si muixx jit xee langg diyhh damhu ee jikzim, knuar qywzinn guanrir jyr zuarr dua ee hisingx.

U sii lanw sidjai byy hxuad bingkag hunquah jikzim ee qaiwsnuar, jixu jinrlat jyr qaur dew, cunx :ee dyrr knuar tniqongveh ee jiauwqor ar. Lanw ingxuanw byy huatdo jaix si m si qaix jyr qyckacc je? Dng' lanw tniax diyc jingxjok qisi ee gengiw sii, si m si qaix uirr jingwgi cud sniax? Tniax diyc qecviah dua sniax me ix ee bow sii, si m si rair cab? Binrduir hogjap /dua bongg bongg ee siarhue jikzim, lanw diyhh e qir .did, zuqyw hro jurqiw hamrzip juadbang / sitjir ee dervo, m na duiww jurqiw byy hyw, marr lenlui vadd langg.

Guaw sniu diyc dirr jit vaiw jinrjingg qingrdongtew qangjokqingx, u jit xui olangg luxsingr qongw kiw, ix diyhh tuiqongw jniawbin ee olangg jingxjok hingsiong, hro ix jin' tongwkow ee diongrdua jikzim, naxjunxx diyh'air dnax juann sewqair ee dang dnar. Jit xui vehlangg luxsingr tuann jit dniux zirdiauu hro ix, anne siaw:

"mair qamxqag rair dnax itcer jikzim, hex si guaw ee qangjog.

(lyc miaa) Siongrder"

ngua jit qxur ue qongw, dirr gunw ee sniwmia-diongx ee mow quaw sijun, siongrr hyw ee jywhuad kyxlingg si jiamrsii hongwha. Qexmiaa qaixjiuw hiabhue (AA) jit qxur miagenn " hongwha itcer, qaux hro siongrder. (LET GO NA D LET GOD)"

Suibongw lanw erdangr quatding jo lanw ee qadingg/ siarkux, mrqycc byy hxuad qra liw qongw qaix anxjnuaw jyr. Lanw byy hxuad qaixquad itcer bunrdee, diyhh suanw jurqiw ee honghiongr/ cingcyw jurqiw ee linglik. Siongrder driaur lanw muixx jit xee langg longxx byy qang. Guaw qamxqag vangjo sanwciah :ee si siongrr sinsingr ee qangjog, qingquer jerje nii ee texgiam, jin' cingcyw jaix, m quanw guaw zuarr hibang jniajyr sinsingr, naxjunxx byy didjiab jo songwhiongx langg ee tenhur.

Jap nii jingg, cimcimx texhue diyc jitt diamw. Hitt sii LILY ham' guaw sriu iaucniaw camqax siuxdyx WASHINGTON ee qiuwser qauwhue (CHURCH OF SAVIOR) girqangx uahdang, suantuann bogviaux jiamduir lenvangx jingwhuw qyjann zinsu. Dirr jitt xee uahdang ee jit lexvair lai, hibang u qihue ham' qauwhue ee congwvanrjiaw GORDON COSDY qniwbin. Ix ciongbuanw uahlat, jin juanlik dirr WASHINGDON vinbinkux jyr qauwhuar qangjog. Uahdang ee juewau jit zit, jawkiw cid diamw vnuar gunw qaur sewqair ginghangg camqax huergi, ham' jerje camgirguann /jiongwgirguann /jaxdngr qidyxhue ee jojid zinguann qniwbin, ervox qycc qnir liauw jerje qokhue zinsu. Ervox lak diamw, langg ixqingx tiamw siw ar, jiacc jaix erdangr ham' COSDY qniwbin, derdiamw dirr vinbinkux jit xee qiuwjer diongsimx. LILY ham' guaw jywhuew kir, u langg cua gunw kir derharsig. Jit zip kir, lairbin keh qaxx buanw buanw, u quixarr vah xee iubinn, inx ciuw tec vnuaa-aw beh jiac amwdngr, siongrr taujingg u jit xee ser buxdaii, u jit txuann ROCK & ROLL (ciangciangg qunw) gagtuann decc enxjaur, sniaimx caw qaxx cywlanghni. COSDY qenwgi gunw marr kir tec jit hxun mic, jre dirr ix ee vnix :a. Guaw mng qongw qamxx ersaih kir guarbin kacc jing ee soxjai. Ix dong'ir, qaur gunw cue diyc jit xee anjing ee soxjai jre lyc laii beh kaisiw qongxue sii, guaw langg qiongrbec vxangx .kir. " byy langg viw guaw kacc qingwpuer liw, COSDY, guaw byy jaidiau jyr jitt xee qangjog, jit diam aw dyrr byy linglik. Jin' hibang erdangr u liw jitt jiongw iwjir, mrqycc guaw jyr be qaur." guaw qongw.

Jex byy viauxsi guaw byy ter sanwciah langg/ iubinn jyr quer dairjir. Jinrjingg qiongrdongtew qiqimhue, uirr sanwciah bunrdee u jerje qongwhenr. Zi-jap dxangx laii guaw itdit huanxduir jingwhuw qiquanx qnuaix driau qonglip jingsinn vnerngi, qra giamdiong ee jingsinn huanrjiaw sag kir lo nirr liulong. Jitt jiongw jywhuad u hyxtniax ee genxgiw, cniurr jundiong jingsinn vnerlangg zinkuann/ ansiniyc ee hyxcur/ siarkux simliw qenrkongx-diongsimx ee sinue..., naxjunxx anne dyrr erdangr jiauwqor jiaxee huanrjiaw. Jit kaisiw guaw dyrr jaix jingwhuw vuerau ee juxiaur dongrqix si qingjer ee kyxliongg, byy cur ee iubinn bunrdee erdangr knuawjyr jitt jiongw lyxcyw qingjer kyxlu ha ee okjid hiyrqyw.

M quanw guaw zuhyy sinkow cutlat (jerje uahdang longxx si anne), itvnuax langg byy air tniax. Guaw ee loxlik naxjunxx vehliauxqangx. Jit xee vnerlangg qongw jit xee qowsu, jongxsi hro guaw quaw anuir : Ix bad camqax quer BERRIGAN BROTHERS (inx si dngquw ixlaii qiklet ee binkuann unrdongrjiaw, juxdniux dairliong caiqiamw qunzinn) ee jurhue, tniax quer qidiongx jit xui enxqangw. mng BERRIGAN sinhu, qongw "sxor-jap nii laii sinhu jyr ee qangjog naxjunxx byy sniaw binghenw ee qetqyw, liw si jnuaxngiu qencii lyc kir? " guaw qinvunw byy kyxlu qetqyw, narr qongw guaw si anne sniu, jixu siw lo jitt diauu, qetqyw m si guaw quansimx ee, jixsi jinrlat jyr gunw qamxqag jingwkag :ee, cunx :ee qaux hro siongrder." sinhu anne huee.

SIQIX, JNII EE MAUDUNW

Lanw m na rair quatding jyr qongbinn ee jikzim/ cam'uw ee tingdo, marr diyhh kyxlu diyc siqix ee bunrdee. Quatding dongsii qaiwzip si huisiongg diongriaur :ee, m quanw siqanx/ kuiwlat/ qimjnii, lanw ee juguann longxx iuxhan, si berdangr tingxsingr ee. U jit vaiw, guaw duw diyc jit xui sir-jap-go huer ee luxsingr, ix ee qniaw longxx singlenn ar, ix qycc huisiongg zedsimx binkuann kongwjingx uahdang, m na u siqanx/ jingsinn, marr u qenqiongg ee iwjir. Guaw siongsinr siongrder be driaur jit xee duxx jyr maxmah ee siauwlenn luxsingr/ su'iaur tanr jnii jiauwqor qadingg ee lamsingr, laii uirr bingkuann jre qnax.

Sioggiw qongw, siqix quatding itcer, u quaw langg ixqingx damx diyc ngiuxci qniaxzii ee diongrdua jikzim, u quaw langg jyr byy qang ee suanxdik. Guaw jaix u jerje binkuann unrdong zinsu jin' singqongx dnax kiw siarhue qaixqig ee sakdongrjiaw,kiokk si jin' sitvai ee verbuw. Inx qra siqanx iong dirr siarhue qaixqig, juxluw/ qadingg vunx be diyc ix ee siqanx. Jiaxee binkuann unrdong zinsu henxzenn sriu diyc diauwhuanr, inx kyxlingg e qamxqag duiww jurqiw qniaxzii pnaixser/ qenwsiaur, juxluw ee hisingx ngua diyc sewqair qyckacc suiw.

U guanjig ee qywzinn tauwquer huwcud siqanx/ jnii. Iong qitnax hongsid uirr siarhue huwcud diongrdua qongwhenr, jiaxee langg qra jurqiw ee qongbinn juqeh knuawjyr jit jiongw jikzim. Lanw iong "jiwguan hongwhenr" laii hingiongg jitt jiongw byy qewqaur qywzinn lirig ee sxen. Cutlat byy qriuu huevyr, dyrr si jiwguan :ee. Jusenrqax jurguan qruanx jnii, laursux qamguan duiww sanr ee hagsingx teqiong benxhuir kywau huxdy, hagsingx jiwguan hiabjo byy cur ee iubinn qaur siu'iongsow, qadingg juxhu jiwguan dagg lexvair kir ngiuxlyxngi vruee laurlangg.

Jurguan ee qangjog si jit jiongw diauwhuanr, cniurr suanw jitqiap qangrkuanw hogjap/ jingwsiongg. Guaw siongsinr soxu ee langg longxx qaix jurguan hongwhenr quaw siqanx/ jaiguann/ jingsinn, anne jyr duiww siarhue/ qywzinn sianghongx longxx iuxli. M quanw si siauwlenn/ dionglenn/ laurlenn sii hogbu langg', jiwguan hongwhenr dairviauw liauw singdiongw/ hagsip ee qihue. Siauwlenn ee zedjingg/ uahlat, laurlenn ee qinggiam/ dongjingsimx/ siqanx, longxx hro inx jniajyr jin' u amwcangr linglik ee jurguan girqangx.

Suanw jurguan hongwhenr :ee, diyhh kyxlu jerje insor, siqix si siongrr diongriaur ji' id. "quriog tuandyrsux" viauxdat qaxx qanxdanx bingliauu:

tnix ee banrvnuax longxx u ix ee qrii, banrhang su longxx u ix ee sii;

u cutsir ee sii, u siw ee sii; u jaijingr ee sii, u siusingg ee sii;

u taii siw ee sii, u dirliauu ee sii; u huixhai ee sii, u kixjy ee sii;

u kaur ee sii, u ciyr ee sii; u aisiongx ee sii, u tiauwbuw ee sii;

u hed jiyhtauu sii, u kiyh jiyhtauu ee sii; u siy' lamw ee sii, u qodnuax ee sii;

u cue .diyc ee sii, u sitlyc ee sii; u vyxsiuw ee sii, u vangwsag ee sii;

u tiacliah ee sii, u voxtnix ee sii; u diamrjing ee sii, u qongxue ee sii;

u tniawsiyh ee sii, u uanwhin ee sii; u qaujenr ee sii, u hyvingg ee sii.

Cniurr siqanx hiacc diongriaur, qitnax ee juguann marr ingxhiongw qywzinn hogbu siarhue ee linglik. Jerje langg gorqaiw siarhue unrdong, si rair quer sanwciah ee sing'uac, suacc vaitik. Uirr siarhue hokli byy su'iaur uanjuann hisingx qywzinn ee jingwsiongg singuac. Quiw nii jingg, guaw tak diyc NOVA SCOTIA, CANADA vran ee siarhue unrdong huergi, jit xui hongwhenr siarhue qaixqig unrdong sxor nii ee enxqangxjiaw qongw "lanw duiww sanwhiongx :ee soxx jyr siongrr dua ee qongwhenr, dyrr si jurqiw bersaih jniajyr jit xee sanwciaclangg." jitt dnxua ue tniax kiw laii vutjiww giamle, duiww guaw si jinliw ee huehiongw. Jinrjingg qiongrdongg qiqimhue erdangr juanlik qautongx hyvingg ee qangjog, si qingjer jurjuw ee hui'inglirsingr jojid.

Vinkunr m si sniaw bixdig, jaihur marr byy itding e jyrsingg amtamx. Diyhh knuar jnii anxjnuaw kaix. Soxui "jnii si banrog qinguann" m si byy dyrliw. Jnii marr ersaih jyr senrsu. U langg anne qongw, lanw ersaih qra jnii knuawjyr "qingjer sunkuann ee siongrder".

Dauwdew rair zuarr je jnii jiacc u qauwgiac? Sniu beh tanr jnii, lluixjig jaihur :ee kyxlingg e qongw "ingxuanw byy hiamm je" . Guaw ee knuawhuad si, jnii jixsi drat qaur bogdig ee ciuxdnua. Zuqyw hingsen, kyxlingg ingxuanw byy hiamm je, jtt xee bunrdee jin' jiyw langg e mng, duhuix "byy qraur iong", diyh'air sethuad qaixquad bunrdee.

Dag'ee naxjunxx longxx zinruii, jnii lojaii ciauquer juriuu jerje. Jnii si iuxquaiw langg ee huexqir. Dirr "cue jiyhtauu" nirr, guaw qongw, guaw narr u jnii, duiww jnii ee damiux ngiaa quer byy jnii ee sii jerje. U quaw iusimx si jingwsiongg :ee. Sioggiw anne qongw "gong :ee lauu be diauu jaihur". Guaw duiww jnii ee damsimx marr ciaucud vit'iaur ee tingdo, anne jin' iong'i venrjyr jipbee. Sngr jnii dongzenn erdangr huawqaiw duiww birlaii ee jiausimx, marr e jyrsingg hiqew ee qiaugno/ hongsinn, naxjunxx jnii dairviauw liauw qewdat.

Guaw kyxlingg digvet iong'i qamxziamw jitt jiongw jipbee. Cutsir dirr 1936 nii go-guec, hitt sii duxx qingjer dua baiw, sewhanr sii vaxvah ciangjai qawsi gunw hniadi " linw diyhh liauxqaiw jit kox ee qewdat." marr sisiongg qongw "lanw decbecc vnuax kir vinbinkux ar." guaw jaix jex qandna' si qunw sngxciyr, iuguann sriu ingxhiongw. Cingsiauwlenn sii, narr ham' jaboxginxaw jywhuew jiac vng, dyrr e amr amr aw damsimx inx si m si e diamw siongrr siok :ee. Jongxsi dro quer jitt xee qaidnua, itdit qaur qethunx, qniaxzii cutsir quixarr nii au, guaw iuguann e damsimx si m si e lunlyc qaur vinbinkux? Banrid diongwhongx, berdangr qangjog beh anxjnuaw? Banrid langg' qryr guaw? Banrid qoxpiyr cirdniuu vrangx? Banrid budqer pongwdiongr/ jnii vyc .kir? Banrid ? Banrid?...

dirr jerje langg simlai, jnii dingxii vyxjiongr. Mrqycc juadduir ee vyxjiongr si jit jiongw huanwsiong. Sniwmia vunxlaii dyrr si vut'anx :ee. Dirr sewhanr sii, guaw dyrr hyxzirun liauxqaiw diyc sniwmia ui'id jinjniar ee vyxjiongr si texzin sniwmia ee byy anjuann. Guaw itdit ciongwdy jitt xee quanliam, itdit qaur jitt sii, guaw iuguann su'iaur tecniw jurqiw dingsinx hagsip jitt xee dyrliw. Jnii si jit jiongw vyxjiongr, zuqyw lanw beh ziog ee, si juadduir vyxjiongr ee huanwsiong, jnii ingxuanw be jiokgiac.

Guaw jin' cingcyw, hiaxee u jnii langg, jit sxenw dyrr be jauw siamw :ee, dyrr si decc duiziog jitt xee huanwsiong. Vorhun ee guaw dyrr si anne, kyxlingg byy cniurr inx hiacc air jnii ziiw. Dirr guaw ee qidyw-diongx, siongrr qanziauw guaw ee dyrr si duiww siuzip/ daujux/ ceh siaulo ee iusimx. U quaw tamwtyw simlingg ee jokqax jinxduan zinlui si huan diyc "simliw kiamkueh jxingr"; inx qawsi lanw qaix duiqiuu "simliw hyxgiac" --- siongsinr siongrder e teqiong itcer soxx su'iaur :ee. Guaw siongsinr jitt jiongw qawsi. Jixsi cutsir dirr qingxkir baiw ee nidai, guaw jin' kunwlann jyr qaxx qaur, m quanw guaw jin' qutlat pacvniar.

Dauwdew si sniaw jiacc si jaihur? Sewsiok ee knuawhuad, iongxiuw qimjnii/ quiwdang budjid. Zuqyw lanw ixx qitnax hongsid laii qoxqer jaihur, jerje byy sniaw budjid :ee, simlingg-siong si hyxgiac langg, jerje u jnii langg, simlingg si jin' kangx :ee. Ixx simlingg ee quandiamw laii knuar, jinjniar hyxgiac :ee, itdit ham' siongrder vyxcii quanhe, liauxqaiw vowsix viw jiapsiu kacc u hogkir ee dyrliw.

M quanw lanw simlingg ee jusanw/ budjid ee jaihur, jiaxee ee jingsangr marr vauhamm liauw iauqiuu. Lanw jaix iongwiuw zuxx je tenhur/ qimjnii/ qitnax juguann ee langg, diyh'air huwcud zuxx je. Zimrhyy luixjig siongdongx jaihur ee langg, diyh'air binrduir siongrr dua ee landee, qaix qra zuarr je jaihur vunx hro langg', ham' langg' jywhuew hunhiongw ? U jnii langg dirsii qaix kaisiw qra jnijaii vunx cud kir? Dongzenn jex byy bingvik ee qongsid tyr iong. Guaw jin' cingcyw ee si, jnii naxx lat lehh, jinjniar ee iongrdoo si ham' langg' hunhiongw. Sniu' je jnii cniurr sniu je lat, duiww liac diauu diauu m vangr ee langg si jit jiongw vairhai ee guihiamw.

GUAW EE JONGRHONGW

LILY ham' guaw, dirr dionglenn sii jyr quer jerje girqangx uahdang, siqanx iokk ui' 1984 nii drew qaur 1995 nii drew. Gunw erdangr teqiong jiacc je ee siqanx/ juguann, si "simlingg derdoo" bre qaxx jin' singqongx. 1985 nii, vanxsuer ee siuzip ciauquer gunw soxx su'iaur :ee jerje, dyrr kaisiw cue jurguan hogbu ee lorqingr, qruanx jnii janrjo u iwgi ee kywdee. Dongsii siongrr kip'inw gunw ee si hyvingg jitt xee girdee, LILY qapp guaw kaisiw tyxlun singlip moxjiongw qiqimhue ee kyxlingg. Cimxtauu quiw qywguec, gunw sniu, si m si erdangr qenwlip moxjiongw jojid, qra iokk go-vah jiongw byy qang ee hyvingg jojid kanx jywhuew, zuxx sukyw zuxx qamxqag, juewau gunw qandna' e qenwlip derr 501 jiongw hyvingg jojid.

Gunw jiamrr bingvik, jinrjingg tuantew ee qenwlip viw hyvingg qyckacc si qicow --- sursit, singx u jinrjingg tuantew, jiacc e u hyvingg. Dyrr anne 1984 nii Jabzi-guec, ham' lingrgua qauw xui jywhuew qenwlip tuantew qoxbuw bunqaur qiqimhue. Jex si jit xee benw lap suer ee hui'inglirsingr dairjiongr qauwiok qiqimhue, bogviaux beh qauwdy jinrjingg qiongrdongtew ee quanliam, dyrr si tuantew horsiong ji' qranx qenrkongx qautongx ee guanjig. Congwqenr suangenn si anne:

jiongwzinn luersimx huisiongg qitai hyvingg, lanw ui' quewkir quanhe soxx sriu diyc ee congwsiongx/ vaitig, hro lanw diyhqniax morhiamw. Dirr qniahniaa nirr, lanw qra jinrjingg qiongrdongg ee bangrsiongw dongwjyr huanwsiong. Mrqycc jitmaw lanw u quijig junsunn, hro lanw erdangr huequix ittew, qu sionghunn did diyc lirlauu (hyxli). Tuantew qoxbuw bunqaur qiqimhue ee zimrbu, dyrr si kir qauwdy jiaxee quijig, hro hibang qycc jaiww sidhenr, hro jit xee cavutdyx be qir did ee sewqair jaiww denxhen zinsingr qongcaiw.

Dirr "byy qang qoxsniax --- tuantew qenwlip qapp hyvingg" nirr, guaw qra jinrjingg qiongrdongtew ee qenwlip knuawjyr hyvingg diongriaur ee qijiyc (jingdiau). Jinrjingg qiongrdongtew erdangr suaxjauw (kiwduu) qautongx ee jongwgai, pixzuu, jerje langg in'ui tauhamm/ siuzip/ hagui/ jongqaur/ bunhuar/ jingxjok sinhun soxx duar laii ee kiauwtauu ingingw (cingwkuir). Qingquer kiamsun ee hagsip, jiaxee jongwgai iduu au, lanw e texgiam diyc jiamrsii ee iwsig kaihongr, simlingg venr qaxx huisiongg lingbinw qingxcniw. Dirr jitt xee quewdingg, lanw kyxiw qitai huehok, simrjiww huatsingx qibiau ee dairjir. Jinrjingg qiongrdongtew erdangr knuar tangr zinsingr ee hiqew, dag diyc simlai ee busiaa. Qoxle lanw cimdimm ee qiamxsi jurqiw ee dongrqix/ qamxqag/ pnuawduan/ huanxingr, kokdenw jurgnow ee iwsig/ jiongwzinn ee iwsig.

Dirr hitt xee jap-id nii diongqanx, LILY ham' guaw jurguan hongwhenr gunw iokk snax hunx ji' id ee siuzip/ siqanx dirr qiqimhue, gunw qokk langg dagg lexvair rair dirr qiqimhue qangjog iokk zi-jap diamxjingx, jiauwqor qiqimhue naxx cniu cri qniaw lehh. Gunw byy sniu diyc e kaix hiacc je siqanx, marr byy liaursniu diyc u hiacc dua ee siusingg/ hagsip.

"Cue jiyhtauu" soxx siaw :ee, kixcox qiqimhue si jit qrunn sniu beh jyr hyxsu ee langg, uanjuann m jaix zuhyy ixx hui'ingli jojid laii jyr. Zuqyw dongsii u langg mng guaw, sniaw si cikliok qewue? Guaw kyxlingg e qongw hex cniurr qokhongvo ee qangjog. Gunw iuqii m jaix zuhyy quanxliw kiwgiap, dyrr sngr si hui'inglirsingr jojid, narr beh e singjunn, diyhh cniurr itvnuax ingli jojid qangrkuanw quanxliw jiacc ersaih tihh. Gunw naxx jyr naxx yc, m na diyhh hagsip cikliogsingr qewue, marr rair yc cirdniuu hingsiaux/ huergi hiabdiau/ jurguanrjiaw ee anvaii/ kokdua/ sokqiamw/ borkuanw/ huatdenw/ denrnauw hertongw/ qiawpuex miadnuax/ zimrbu/ congwqenr suangenn/ huerqer ciuxsiok ...dringw. Gunw iauxx diyhh yc qyckacc diongriaur :ee, cniurr jojid kacc dua byy itding kacc hyw/ hiabdiau zinlik/ dingcingx qaksig jikzim/ lat ee hunpuer.

Jitt quiw jap nii lai gunw soxx yc :ee itcer, longxx si ham' qiqimhue singguann qiongrdongg qangjog ee qetqyw, hagsip ee quewdingg ciangjai kow qaxx be qongw tihh. Gunw cavutdyx huan liauw qauwkysux soxx qongw :ee quanhe quanxliw ee cywgo. Bad qongw diyc jaibu siongrr tongwkow ee quatding longxx m si qywzinn :ee, si quanhe diyc jitt xee jusen jojid. 1990 ~ 1992 ee qingjer byy qingxkir, qiqimhue jysiu giamdiong ee dnaxqig, erdangr uac lyc laii, uanjuann si dirr lak qywguec lai, muixx dxangx cid-jap-go bxan Bixqimx ee irsngr sokqiamw jyr zi-jap-go bxan, qongw hyw tniax si qiamxjiyw, qisit dyrr si srii driau jamxzenn u jailingg ee qowguann.

Jyr jit xee sinx qauwdoo aurdai, jurr sewhanr dyrr virr quanxqar rair u jurjunx, byy qriuu langg', uirr liauw qiqimhue, binrduir siongrr kunwlann ee tiaujenr, si borkuanw, snax nii ee qinggiam, qra guaw ee kow/ samwdam siaw dirr jit siuw six nirr, si 1987 nii.

KITJIAC EE SING'UAC (jit xee borkuanxjiaw ee qywvec )

guaw beh tyw jiac

amwbih dirr lorvnix

qimx qimx siongr

Siongr inx ee snxax?

jitt xee sanr, hitt xee byy dingxjinx, ix poxpow ziiw

qycc laii jitt xee si kinx kinx

oor, hitt xee! hitt xee! hitt xee naxjunxx byy sna' qangg

u jnii :ee neh!

Jitt xee damrvyc u .quaw

qycc jitt xee, u ingxhiongxlat?

cud ciuw beh liac

sui' hro langg vuew kuix

itdit taux knuar, ui' tauwjaw qaur amr

dimm zip kitjiahliauu

cur suer jnii dirr dyhh?

Dangsii jiacc knuar inx ee bin?

M tangx knuar bin

snxax, snxax jiacc driyc

u langg qongw knuar bin?

Knuar diyc qenwsiaur simx,

dyrr liac diyc jnii.

Jitt xee cuttauu ?

Guaw ee dyrdig?

si'angw?

Si'angw si kitjiac?

vunx quaw, hro guaw !

Guaw ee vingiuw, jitt xee cnemee :ee

jre dirr hiax

diam diam, byy drang

vingw vehzinn

jnii dyrr laii, itdit laii, laii byy suah

guaw byy iongxkir

uew cud bagjiux

benw knuar bin

aiqiuu qycc qiqiuu

guaw m si kitjiac?

Jex si borkuanw ee qanlann, narr qongw byy iudiamw, guaw dyrr jyr be lyc. Jerje jongqaur, tyxjiac si jin' sriu jundiong :ee, soxx sriu ee kutziok, si simlingg ee duanwlen. Guaw qamxqag sidjai jin' hyxzirun, dirr guaw ersaih dyw lehh hiongxsiu qoxpiyr daujux sii, siongrder giuw guaw kia kiw laii, qiyr guaw kyr langg' cri/ qycc erdangr zinrbad sinx vingiuw. U langg guanrir iong jnii janwjo ix soxx siongsinr ee uahdang, anne ee langg beh byy qac'ir jin' lann, qiquair ee si, dagg vaiw narr duw diyc jin' vikced sii, dyrr e u dua vid quankuanw iwgua cuthen, naxjunxx sin'unx qangwlimm.

janwjo jnii, qongw qanxdanx marr kunwlann. JULIUS ROSENWALD si SEARS lensyw vachuer qongsix vuerau ee congwgiap tenjaii, marr si ROSENWALD qiqimhue ee huatkixzinn, bad qongw quer, "beh lauxsit tanr jit-vah-bxan jongw viw u diwhui iong driau jit-vah-bxan kacc iong'i."u quaw janwjo jinrjingg qiongrdongtew qiqimhue ee langg anne qongw "jex si guaw ee ciuxhingg. Linw knuar .laii naxjunxx jyr liauw be baiw, guaw guanrir jo linw." gunw huisiongg qamxqig qruanx dua vid jnii ee langg, u sii guaw e qamxqag inx u girbu jaix jnii ee unriong jongrhongw, Inx diyh'air vuah cud siqanx. Sangr jnii hro langg' iong viw tanr jnii kacc lann. Anne jyr marr kacc erdangr did diyc jingqamw ee huevyr, LILY ham' guaw dyrr si anne.

Jerje langg qruanx cud inx ee jnii, marr u jerje langg henwcud inx ee siqanx hro jinrjingg qiongrdongtew qiqimhue, jitt nng jiongw longxx qangrkuanw diongriaur. Bogjingg qiqimhue u sir xee juanjid qowguann, inx ee ingxhiongxlat viw ixongw kacc dua, in'ui jurguan girqangx u jnriu vah langg, quixarr nii laii, gunw ee jojid dyrr si did diyc inx cionghun ee habjog. Byy tec sinsuiw ee girqangx, jerje zinruii jairr inx ee hnuahiw, sniaw sii laii longxx ersaih, mrqycc jinjniar ee jurguan hogbu juaddiur m si jiacc qanxdanx. Kyr girqangx ee jojid e huathen, siongrr su'iaur jiangxab ee bunrdee si zuhyy did diyc girqangx ee singlok.

Dywdngw knuar quewkir, qamxqag qiqimhue erdangr singjunn, qaur dnaxx huatcud belangg ee qongcaiw, si hiaxee jurguan hongwhenr ee qirqangx/ jojid vunxsinx ee uanjingw. Suibongw gunw huan liauw qokk jiongw cywgo, jniawdit binrduir m driyc, dyrr benw hro qui' vnuaa o'iuw .kir. Jniawdit ee hingdong hro lanw diyhh ionghap kiwqiap / jinrjingg qiongrdongtew ee guanjig. Jex m si hohamr lyxcyw jyr e qaur ee, diyhh jinr jit vo hagsip quanhe quanxliw/ jojid bunhuar ee vunxjid/ qiongrdongg quatcig quewdingg, qyckacc cimzip hagsip jinrjingg qiongrdongtew vunxsinx. Gunw u jit xee huijingwsid ee kauxhy "FCE (tuantew qoxbuw bunqaur qiqimhue ee qanxsiaw) kacc cimzip!" dirr lanw jurqiw ee jojid nirr, kacc cimzip tamwtyw jinrjingg qiongrdongtew ee vunxjid, uew cud jurqiw tuantew qangjog soxx qiriuw ee hanrjer/ bixdig.

Gunw anne jyr si u vangjan :ee, congwvan qiqimhue sii, cirdniuu duiwsiong setding qywzinn singdiongw texgiam u cuwbi ee dairjiongr. Ban ban aw, je langg texhue diyc jinrjingg qiongrdongtew ee su'iauwsingr, qazip sniu beh suncue kacc u haurlut/ congwjyrlat ee kiwgiap jojid. Gunw jniawdit ingwhur cirdniuu jingqax ee su'iaur, liauxqaiw jinrjingg qiongrdongtew / kiwgiap jojid sna' ionghap ee hogjabsingr --- hex si gunw jurqiw qinglik quer ee qetlun.

Dirr guaw ui' qiqimhue soxx yc diyc jerje surbut, siongrr diongriaur :ee si guaw duiww langg ee cavet qyckacc u kuah/ cimx ee caqag, dongsii liauxqaiw lanw si jiacc su'iaur hunvet. Dirr "jinrjingg qiongrsig" ceh nirr, tee kiw je nii jingg, viw qiqimhue ee congwvan kacc jaw, jit xee qiamw guaw jap huer ee siauwlenn langg, derr id vaiw qauwdy guaw bingvik jitt xee dyrliw. PETER si jiapsiu jiybo laii ee survingx, dirr OKINAWA guaw ee vorbunn damzim "simliw dirliauu qisux", duxx jnriu zim sii, huathen kiamr jerje sriu quer hunwlen ee simliw dirliausux ; jap quiw xee zi-jap-gua huer ee qisux byy dairjir jyr, guaw rair inx kaisiw jyr simliw dirliauu, liriong qangjog sii qra inx hunwlen. Jin' qinw dyrr huathen, u vnuawsor byy huatdo jyr jitt hxang qangjog, diyhh juanxngua qitnax :ee, mrqycc u lak xee quriuw jin' hyw ee tenhur, PETER si qidiongx ji' id. Ix damzim dirliausux nng dxangx au, hogburqii qetsog junxvi dngw .kir. Laii ham' guaw siy' srii sii, mng ix u sniaw pacsngr? qongw ix beh jyr qingsiaux gulingx ee singliw." liw si jit xee jin' hyw simliw dirliausux, guaw erdagnr ter liw cringw jin' hyw ee genxqiuwsow, survingx hoklirhuad e hur liw ee haghuir." tniax ix beh bre gulingx, hro guaw jin' diyhqniax, dyrr qra anne qongw.

Guaw iauxx byy sixsimx, qewsiok qongw jyr simliw isux ee jerje hyxcur. Juewau, PETER iong liongrqaiw ee kauxkir anne qongw " SCOTT, liw qamxx m jaix, m si muixx jit xee langg longxx ham' liw siy' qang, m si muixx jit xee u qihue :ee longxx e sniu beh jyr simliw isux." tniax ix qongw jit dnxua ue, jiacc hro guaw diam .kir.

Jitt xee qowsu m na biyue cud guaw ee jurluann simtair, marr hro guaw jaix, jit xee langg ee tenhur byy itding dairviauw ix sriu diyc jitt hongbin ee "diauwhuanr". Itvnuax ee jitgiap huxdy zinrding, huhap jit xee langg ee singwqeh/ cuwbi ee qangjog si siongrr hyw ee kangkuer. Mrqycc siongrder duiww langg jin' kongxkair, hro langg dyngiu ee tenhur/ jailingg/ hingwcur. Muixx jit xee longxx byy qang, guaw u :ee, liw byy itding u/ liw ee tenhur gauw byy itding u. jex dyrr si uirsniaxmic lanw horsiong su'iaur, liac dngg vow dew.

Jurluann ciangjai hro lanw byy hxuad liauxqaiw vadd langg ee cavet, jex duiww qangjog soxx jyrsingg ee sionghai byy viw duiww qadingg/ qywzinn sing'uac ee sionghai kacc jiyw. Hro guaw qongw jit xee le laii suecbingg jitt jiongw vnertair ee zinjewlat dirr kacc dua jojid nirr ee jok'iong. Byy jundiong horsiong ji' qranx ee cavet, jyrsingg jingxqyy hanggiap sanxsingx liauw siuhun/ pywhairsingr ee hunlec. Byy zuarr quw jinwjingg, guaw sriu iaucniaw, uirr nng xee Bixqog ihak juangiap juxquanw qiqor jyr jusiongx qowbun, qaixquad nng xee ee ciongdut. Jit xee si Bixqog ihagngi (AMERICAN COLLEGE), dairviauw limcngg ee isux, lingrgua jit xee si Bixqog ihak genxqiuwngi (AMERICAN ACADEMY) dairviauw ihak genxqiur zinguann. Jitt nng xee tuantew ee singguann longxx sriu quer qydingw qauwiok, qaix si bunbingg iuxlew ee isux, mrqycc jitt nng xee "jixmue" jojid ee quanhe, dirr jap nii laii, ixqingx ban ban vairhai qaur huisiongg byy hap lexsor ee dervo.

Jin' qinw dyrr huathen, ihak jenui lingxhik m na si kyhak, qycc si gersut. Isux limcngg dri vne, ciangjai diyhh kyr didqag/ tuicig, jiaxee isux m na quanwsir hyw/ baiw dongsii junjai ee jinghongw, marr qamxqag hyw/baiw lam jywhuew jin' ciwqig. Genxqiur :ee huisiongg knuar dang jingkag/ cingbingg, juangiap iauqiuu dudpuar ee vunxjid, duiww junxkag ee iauqiuu viw qitnax lingxhik kacc giamqeh, genxqiuwngi ee singguann siongrr tyxiar naxx hyw naxx baiw hunx be cingx :ee, qra dongwjyr si digzinn.

kar nng tongx denrue au, dyrr jaix jitt nng xee jojid ee ciongdut guan'inx --- singguann ee zinqeh digjid cax taiww dua bxew, lenrr qauliuu ee hongsid dyrr byy qang, qaxsuw byy qurtew dig'ir, dyrr jin' iong'i ziaw duiwhongx siurkir. Inx byy hxuad caqag horsiong cavet ee zinqeh jongrtair, qyckacc benw qongw himsiongw/ su'iaur duiwhongx lor. Muixx jit vingg longxx zinruii duiwhongx ee dig'ir si iwdoo jyr og, jin' vuthing, sianghongx byy be niu vo/ byy sniu beh hyqaiw. Ciongdut itdanr amwbih dirr lairbin, jerje jojid ee langg, qamguan qewsiok okdaur, byy guan'ir qaixvenr libdniuu.

Qaxsuw jiaxee hunlec ee jojid guanrir qewsiok sunqiuu jusiongx, dyrr e huathen lanw u jit jiongw digvet ee qauwiok qisut, erdangr dri jitt jiongw byy vit'iaur ee jojid ciongdut. Lanw qra hyrjyr jinrjingg qiongrdongtew qenwlip qisut, si jit jiongw tuantew hagsip hertongw, erdangr cuanwtangr zidsiongg ee jurluann, hro langg m na knuawqnir horsiong ee cavet, marr erdangr jiapsiu jiaxee cavet. Jex si tongwkow ee hagsip quewdingg, jin' u hau. Tauwquer jit jiongw hagsip, lanw texgiam diyc langg horsiong uaxkyr duiwhongx ee jailingg, ui' luersimx liauxqaiw suxdoo PAUL soxui "sinlingg ee sintew" :

Unsur u jin' je kuanw, sniuxsur unsur ee singwlingg qang jit xui.... singwlingg sniuxsur jit xee langg qongw dyrliw jin' u diwhui, qang hit xui singwlingg sniuxsur lingrgua jit xee langg qauwhunr langg jin' u diwsig, qang jit xui singwlingg sniuxsur sinwsimx ho jit xee, qang hitt xui singwlingg sniuxsur ivne unsur hro hitt xee, sniuxsur jit xee henr sinjig, jit xee jyr siongrder ee dairgenzinn, jit xee erhiauw hunvet jinsinn qapp qexsinn, jit xee e zibsinn qongxcud qibiau e uergiw, jit xee erhiauw qaixsueh qibiau ee uergiw....cincniu singkux jiacc u jit xee narnia, mrqycc u jin' je vorhun, singkux soxu ee vorhun suizenn hiacc je, qisit si ittew... singkux m si qandna' jit xee vorhun narnia, u jin' je vorhun.

Qaxsuw kax narr qongw, "in'ui guaw m si ciuw, soxiw guaw byy sriok dirr singkux, uirdiyhh jitt xee lixiuu kax bersaih qongw byy sriok dirr singkux ; qaxsuw hni narr qongw, "in'ui guaw m si bagjiux, soxiw guaw byy sriok dirr singkux." uirdiyhh jitt xee lixiuu hni bersaih qongw byy sriok dirr singkux ; qaxsuw jingxqyy ee singkux narr si jit luiw bagjiux, anne beh ing sniaxmic laii tniax? Qaxsuw jingxqyy ee singkux narr si jit xee hni, anne beh ing sniaxmic laii pnri? Siongrder jiauww ix ee jixir jiong' qokk vorhun anne qra lanw anvaii dirr singkux-dingw ; qokk vorhun qaxsuw longxx si qang jit kuanw , anne qamxx u jniajyr jit xee singkux?... bagjiux be ing did duiww ciuw qongw, "guaw byy kiamwing liw" ; taukag iarr be ing did duiww kax qongw, "guaw byy kiamwing liw."... siongrder jiong' singkux ee qokk vorhun draur jywhuew, sniuxsur kacc dua ee qongingg hro kacc byy qongingg ee vorhun, tangx hro singkux be hunlec, hro qokk vorhun horsiong quanjiaur. Narr u jit vorhun qankow, qitnax ee vorhun dyrr longxx duer lecc qankow; narr u jit vorhun sriu ylyw, qitnax ee vorhun dyrr longxx jywhuew hnuahiw.

Qokk xui, sniu knuar mai lehh, siongrder congwjy muixx jit xee langg si jiacc byy qang, dag'ee soxx sriu ee diauwhuanr si jiacc dua ee cavet, qamxx qongw jex jixsi kaxhap? Iwgua? Narr m si, jnuaxngiu e sanxsingx siarhue? Kuntew ee zinlui jingxjok su'iaur isux / genxqiuwguann/ qingliw/ ludsux/ cirdniuu quanxliw/ hingsiaux zinguann/ jycsitlangg/ qngwtih qanglangg/ bogsux/ juixden qanglangg/ jokqax/ cutvanxsiongx/ unrdongrguann/ enxguann/ irgenqax/ jingwdirqax. Byy m driyc, jiaxee snuar e hogjap qaudnii jywhuew, jex si zuarr suiw ee jit der jitvor!

Jex si gunw ui' qiqimhue ee qangjog soxx yc .diyc :ee. LILY ham' guaw huwcud be jiyw, did .diyc :ee qyckacc je. Gunw ee vingiuw juanqiuu longxx u, duiww jurqiw/ tnazinn marr u juann sinx ee liauxqaiw. Zuqyw byy qiqimhue, dyrr cniurr gunw byy qniaxzii, guaw e jniajyr jit xee huisiongg gugong ee langg.

Jitmaw, gunw nng xee qniaa zip laurlenn, ixqingx tewcud qiqimhue dairvorhun ee qangjog/ qitnax quanwle ee siarhue hogbu uahdang. Mrqycc hagsip qewsiok jinwhingg --- vauquah yc zuhyy iugnaw tewhiux, sursit-siong, jit kaisiw gunw dyrr pacsngr beh hro qiqimhue erdangr doglip, byy uaxkyr gunw. Gunw jin' cingcyw jit xee jojid ee congwvanrjiaw tewcud au, tongsiongg e huatsingx quaw dairjir. U busor ee le, singqongx ee "tuandyrqax" congwvan dua hxingg qiqor, hionghiongg diongwhongx/ huan diyc sniaw cyr, qetqyw inx soxx congwvan ee qauwhue/ jojid sui' dyrr vangqaiw driau. Gunw ee bogviaux dyrr si beh piacbenw jitt jiongw jinghongw, guaw qaucud qingingkuann, qoxle langg doglip jurjuw, hro qitnax u jailingg ee langg u lat laii singdamx tuantew qoxbuw bunqaur qiqimhue ee zimrbu.

Guaw ee vaxvah itdit qaur veh-jap-gua huer jiacc virr vig tewhiux, guaw anne jyr sngr si pacpuar qadingg tuantongw, byy " laursiw dirr jenwbew -dingw". Mrqycc guaw jaix, caixcuw byy qang jywhuad byy sniaw m driyc. Qiqimhue nirr jit xee congwvan uixguann JANICE BARFIELD si guaw ee denxhuan. Ix qongw siongrder qiyr ix tewhiux, hogbu veh dxangx au, ix jin' piauped qaux cud kuanlat. Dirr ix ee cuartauu sirhuan ha, guaw marr dirr hogbu jap-id nii au tewhiux, jex si sriok qywzinn ee quatding, muixx jit xee langg diyhh junsunn jurqiw ee dyrlo.

Guaw siongsinr siongrder ixqingx unxjunw guaw benw kir singjiab zimrhyy diongrdua ee jikzim, duliauw guaw ee siaxjog qewue. Jidsiwlangg longxx si "jikzim jnriu piah" ee langg, anne jyr byy iong'i. Guaw diyhh hagsip qirjuat, qoxle vadd langg damhu guaw byy hxuad qycc singdamx ee jikzim. Jitmaw, cittyy si guaw sniwmia jiamr qyckacc diongriaur ee derui ar. Guaw qamxqag jinjniar sikhap, siongrder naxjunxx byy huanxduir, guaw qaix hiongxsiu tewhiux.

Dirr jitt xee ciongbuanw sniuxsur ee zinsingx nirr, LILY ham' guaw qamxqag tewhiux si lingrgua jit hxang undenw. Gunw ithiongr byy tingjiw hagsip. Iuguann qewsiok siaxjog, cur nirr ee langg/ vingiuw guanjai si gunw ee diongsimx, janrjo hiaxee duiww gunw u iwgi ee siarhue unrdong si sing'uac ee jit vorhun. Jerje siqanx pah GOLF, hiangxsiu jit hxang unrdong ee kinsangx, dongwjyr jit jiongw qibiau ee sinx hagsip qinggiam. Gunw ciangjai cud qog luxiuu, jex si lingrgua ee hagsip.

Byy zuarr quw jingg, guaw duiww LILY qongw " jin' si lanw ee ngqimx nidai."

"luan qongw, si lanw ee suanrjiyc lenhuaa!" ix anne huanxvog.

huedngw tauu iac