Peter 1
PETER EE TAUU JIT DNIUX PUEX
1 Jesus Krist ee suwdoo, Peter, siaw puex qiar hro siwsnuar kiarkiw dirr Pontus, Galatia, Kappadocia, Asia, qapp Bitynia siurr qingxsuanw ee cutguarlangg,
2 Dyrr si jiauww Ve Siongrder ee dairsingx jaix, jairdirr Sinn ee qamxhuar juer sxingr, qaur dirr sunrhok qycc did diyc Jesus Krist ee huih hiur :ee:
3 Guan undenw ving'anx qetnix jerje hro linw. Guan lanw ee Jruw Jesus Krist ee Siongrder, iarr si Ix ee Ve, did diyc ylyw; Ix jiauww Ix ee dua linbinw, ing Jesus Krist dui' sixlangg diongx qycc uac, bad dingjaiww snix lanw, laii did diyc uac ee ngwbang,
4 Iarr did diyc suawjiab be vairhuai, be lasamm, be sueter ee giap, uirdiyhh linw vyxsiuw dirr tnix nirr :ee.
5 Linw si dui' sinr hro Siongrder ee quanlingg vyxho, qaur did diyc jinxqiur, si ven ven dirr buadqii beh henxbingg :ee.
6 In'ui anxnix, linw jin' kuaiwlok, suizenn henrjai, narr ingqaix diyhh anxnix, dirr vacngiu ee ciwlen laii jiamrsii iubun,
7 Hro linw ee sinr ee qinggiam, viw hitt xee bad quer huew tuanwlen, iarr iuguann e vairhuai ee qimx, iauxx kacc vyxvuer, dirr Jesus Krist henxhen ee sii, did diyc ylyw, ingqngx, junquir.
8 Linw m bad knuar qnir Ix, kiokk tniar Ix; henrjai byy knuar .qnir, iauxquxx sinr Ix, dyrr dui' hitt xee qongw be cud muaw muaw ee ingqngx ee hnuahiw laii kuaiwlok;
9 Did diyc linw sinr ee qetqiok, dyrr si sinhunn ee did qiur.
10 Lun jitt xee qiur, dairsingx qangxlun beh qaur dirr linw ee xunx ee hiaxee sendix iarr u kunkunn cakyw qangxqiur;
11 Krist ee Sinn, diamr dirr inx :ee, dairsingx qanjingr Krist soxx duw .diyc ee qankow, qapp au .laii jiaxee ingqngx, inx cakyw Sinn soxx jixbingg :ee si simxmih qrii, iacc si simxmih kuanxsid ee qrii.
12 Inx did diyc jixsi, jaix m si uirdiyhh qaqi, si uirdiyhh linw jiaxee laii juer ce'ing. Hiaxee uaxkyr dui' tnix soxx crex ee Singwsinn laii tuann hok'imx hro linw ee langg henrjai u qra jiaxee dairjir qra linw qongw :ee; tnisair iarr diwir singxcad jiaxee su.
13 Soxiw linw ee simx diyhh haa iyx, diyhh cetjer, juansimx ngwbang dirr Jesus Krist henxhen ee sii soxx beh sniuxsur linw ee undenw;
14 Cincniu sunrtanr ee qniaw, byy tranr jaxjingg dirr linw m jai'ngiaw ee sii ee su'iok;
15 Si cincniu driaur linw :ee si sxingr, linw vunxsinx iarr diyhh juer sxingr dirr itcer ee qniajuer;
16 In'ui u qiwjair qongxx, "Linw diyhh juer sxingr, in'ui Guaw si sxingr."
17 Byy ing guarmau cruw langg, si jiauww dagg langg ee qniajuer laii simxpnuar, linw narr qiuqiyr Ix juer Ve, dyrr diyhh jrunn qnia'uir, laii qingquer linw qiawkax dirr sewqanx ee sijun;
18 In'ui linw jaix linw siurr siok tuatcud dui' joxqongx soxx liutuann kangx kangx ee qniajuer, m si ing e vairhuai ee mic, iacc si ginn, qimx,
19 Si ing vyxhuih, cincniu byy hacuu, byy uwuer ee ngiuu-aw :ee, dyrr si Krist ee huih.
20 Ix dirr bue congwjy sewqanx ee sii si soxx dairsingx jaix :ee, dyrr dirr jiaxee sii ee lorbuew uirdiyhh linw duwhen :ee;
21 Linw dui' Ix laii sinr Siongrder, dyrr si hro Ix dui' sixlangg diongx qycc uac :ee, iarr hro Ix ingqngx, drir qaur linw ee sinr qapp ngwbang ngr dirr Siongrder.
22 Linw dui' sunrtanr jinliw ixqing’ cingkir linw ee sinhunn, drir qaur tniar hniadi byy qew, dyrr diyhh dui' simx cetced sna' tniar.
23 Linw ixqing’ dingtauu snix, m si dui' e vairhuai ee jxingw, si dui' be vairhuai ee jxingw, dui' Siongrder ee dyrliw, si uac, si quxdngg dilehh :ee.
24 In'ui, "Ziogtew longxx cincniu cauw, ix ee ingqngx longxx cincniu cauw ee huex. Cauw dax, huex sria;
25 Dogdok Jruw ee ue ingxuanw dilehh." Jitt xee ue dyrr si soxx tuann hro linw ee hok'imx ee ue.
2 Soxiw linw druu kir longxjongw ee okdok, ixqip longxjongw ee kuixked, qapp qew hyw, qapp uanwdor, qapp longxjongw huixvongrr ee ue;
2 Dyrr diyhh cincniu duxaxx snix ee ngex-aw himbo sinlingg sunn ee linx, hro linw dui' diongxdua qaur did diyc qiur.
3 Linw narr cir .quer, jaix Jruw si jusen, dyrr diyhh anxnix.
4 Ix si uahjiyc, hro langg kiwsag, danrsi hro Siongrder qingxsuanw dindiong,
5 Linw jiurqin Ix, iarr cincniu uahjiyc kiw juer sinlingg ee cur, juer sxingr ee jewsivanx, laii henr sinlingg ee jrer, dui' Jesus Krist e hro Siongrder hnuahiw jiaplap :ee.
6 In'ui Singwqingx u qiwjair qongxx, "Knuar ar! Guaw ing soxx qingxsuanw, soxx dindiong ee cuwqaktauu iauwqinw ee jiyc, he dirr Zion Sniaa. Sinr Ix ee langg vutdir qenwsiaur."
7 Anxnix hitt xee vyxvuer si qruix dirr linw sinr ee langg; narr duiww hiaxee m sinr ee langg, dyrr, "Kiw cur ee saihu soxx kiwsag ee jiyc, jniaa juer cuwqag ee tauu der jiyc";
8 Iuqycc, "Juer vuac dyw langg ee jiyc, gai diyc langg ee jiyhvnuaa"; inx m sunrtanr dyrliw laii vuac dyw; e qaur anxnix, si vunw dyrr dniardiyc lehh.
9 Dogdok linw si qingxsuanw ee jok, si ongg iarr si jewsix, si sxingr ee vangqog, si Siongrder qaqi ee vecsnir; hro linw tuanvyr hitt xee driaur linw cud oamr, zip Ix bibiau ee qngx :ee ee bixdig.
10 Linw jingg m si vecsnir, dnaxx si Siongrder ee vecsnir; jingg byy siurr linbinw, dnaxx u siurr linbinw.
11 Soxx tniar ee hniadi ar, linw juer qiawkax cutgua ee langg, guaw krngr linw diyhh qimwqair ziogtew ee su'iok, dyrr si qongqig linghunn :ee;
12 Linw dirr guarvangx diongx qniajuer diyhh duanjniar, hro hitt quaw huixvongrr linw juer qniaa pnaiw ee su :ee, knuar qnir linw duanjniar ee pinxhing, tangx dirr qamwcad ee zit qruix ingqngx Siongrder.
13 Linw uirdiyhh Jruw, diyhh hanghok qniwnarr langg soxx sed :ee; bylun si siongrr dua ee ongg,
14 Iacc si ho'ngg crex laii hinghuat pnaiw langg, ylyw hyw langg ee qnuahuw.
15 In'ui Siongrder ee jixir si anxnix, dyrr si linw qniaa hyw, laii tatbat gong langg ee m jai'ngiaw.
16 Juer juriuu :ee, qycc m si ing juriuu juer okdok ee ziakamr, si juer Siongrder ee lovok.
17 Diyhh junqingr jiongww langg, tniar jiongww hniadi, qnia'uir Siongrder, junqingr qun'ongg.
18 Juer lovok :ee, huanrsu diyhh qniahniaa sunrhok juxlangg; m na duiww senrliongg unsunn :ee, lenrr duiww quaiwpiah :ee, iarr diyhh anxnix.
19 Langg narr uirdiyhh tenliongg ngr Siongrder, dyrr laii zimxsiu siurr uan'ongw ee koxcow, jex si tangx ylyw.
20 Linw narr huanrjue siurr pah laii zimxsiu, u simxmih kyxcuw? Linw narr qniaa hyw siurkow laii zimxsiu, jex dirr Siongrder ee binrjingg si tangx ylyw.
21 In'ui linw siurr driaur vunw si beh anxnix; in'ui Krist iarr ter linw siurkow, lauu bongiu hro linw, beh hro linw duer Ix ee kavo.
22 Ix byy huanrjue, cuir-lai byy kuixked;
23 Hro langg me, byy dyww me langg; siurkow, byy vangwdiaux; dogdok jiong' vunxsinx qautog hitt xee jiauww qonggi simxpnuar :ee.
24 Ix dirr caa nirr cinsinx damdngx lanw ee jue dirr Ix ee sinkux, hro lanw ngr jue hitt bin siw ee langg e ngr gi jitt bin laii uac; dui' Ix ee sionghunn linw did diyc rix hyw.
25 In'ui linw jingg cincniu ngiuu belo, danrsi dnaxx qruix dirr linw linghunn ee Bogjiaw, qycc iarr si Qamdog.
3 Linw juer hurzinlangg :ee, iarr diyhh anxnix sunrhok qaqi ee diongrhux; setsuw uree diongrhux byy tranr dyrliw, suizenn byy ing qongxue, iarr tangx ing hurzinlangg ee soxx qniaa did diyc inx laii tranr;
2 In'ui inx knuar qnir linw cingqed qnia'uir ee soxx qniaa.
3 Linw ee jngtna m tangx ing guarmau ee vxnix taumngg, qapp qruar qimkir, iacc si cing ihok juer jngtna;
4 Si ing simlai unxbat ee langg, cing unziuu tiamjing ee simsinn, juer be vairhuai ee ihok; jex dirr Siongrder ee binrjingg si jin' vyxvuer.
5 In'ui jairjaw sxingr ee hurzinlangg, dyrr si ngwbang Siongrder :ee, iarr si anxnix qaqi jngtna, sunrhok qaqi ee diongrhux;
6 Cincniu Salah sunrtanr Ablaham, cxingx ix juer jruw; linw narr qniaa hyw, byy in'ui dachniah laii qniahniaa, dyrr juer ix ee jaboxqniaw.
7 Linw juer diongrhux :ee iarr diyhh anxnix, jiauww diwsig qapp hurzinlangg snaqab druar, junqingr ix si kacc nngxjniaw ee kiwqu, iarr si snaqab singjiab uahmia ee xunx, hro linw ee qidyw byy duw diyc joxdongr.
8 Jongw qongw, dairqex diyhh dangsimx, sna' textiab, sna' tniar, cincniu hniadi, linbinw, kiamvix;
9 Byy ing pnaiw vyr pnaiw, iacc si luexme vyr luexme, huanxdngw diyhh jiokhog; in'ui linw siurr driaur si beh hro linw singjiab jiokhog.
10 In'ui, "Langg narr rair beh siyh uahmia, qycc qnir diyc hokkir ee zit, dyrr diyhh qimwjiw cuiwjic byy pnaiw, cuiwdunn byy qongw kuixked;
11 Diyhh lirkuix pnaiw laii qniaa hyw; cue hyvingg, qycc laii duizib.
12 In'ui Jruw ee bagjiux knuar girlangg, Ix ee hnirkangx tniax inx ee qidyw; danrsi Jruw ee bin qamwcad qniaa pnaiw ee langg."
13 Linw narr uirdiyhh hyw laii zedsimx, jirjui e hai linw?
14 Linw narr in'ui gi laii siurkow, dyrr u hokkir. Byc did qniax inx ee uihongx, iarr byc did vecvag.
15 Dogdok linw simlai diyhh liac Krist juer Jruw, jrunx Ix juer sxingr. Qniwnarr u langg mng linw soxx ngwbang ee in'iuu, dyrr diyhh vutsii ven ven ing unziuu qapp qnia'uir laii hunsor;
16 Diyhh jrunn byy tangx jikvi ee liongsimx, hro linw dirr daxlyc jit hxang su siurr huixvongrr, dyrr dirr hitt hxang su e hro hiaxee bulua linw diamr dirr Krist ee hyw pinxhing :ee, qaqi siurr qenwsiaur.
17 In'ui Siongrder ee jixir narr rair anxnix, dyrr linw qniaa hyw laii siurkow, viw qniaa pnaiw laii siurkow kacc hyw.
18 In'ui Krist iarr jit vaiw uirdiyhh jue siurkow, gi :ee ter vutgi :ee, si beh cua lanw qaur dirr Siongrder. Lun ziogtew, dyrr siurr siw, lun sinn, dyrr did uac;
19 Ix dirr hitt xee sinn iarr bad kir tuann dyrliw hro qnax-lai hiaxee sinn tniax,
20 Dyrr si jaw m sinwtanr :ee, dng' Siongrder tunlunw tingwhau, dirr Noah ee zit, decc virvan dua junn ee sii, zip hitt lairbin ee langg jiyw jiyw, jixu veh xee, dui' juiw did qiur.
21 Jitt xee soxx quanjiyr ee sexlew dnaxx iarr qiur linw, si dui' Jesus Krist ee qycc uac; jex m si beh druu kir ziogtew ee lasamm, si qriuu ngr Siongrder u byy tangx jikvi ee liongsimx.
22 Ix ixqing’ kir tnix nirr, dnaxx dirr Siongrder ee duarvingg; jiaxee tnisair, u quanvingr :ee, qapp u kuiwlat :ee, longxx hanghok Ix.
4 Dnaxx Krist qiwzenn dirr ziogtew siurkow, dyrr linw iarr diyhh ing jitt hy simjir juer jenwkir, in'ui ixqing’ dirr ziogtew siurkow :ee, u qapp jue suah,
2 Drir qaur linw jitt diap ixau, dirr ziogtew iauxx uac ee sizit, byy tranr langg ee su'iok, si tranr Siongrder ee jixir.
3 In'ui ixjingg ee zit, linw tranr guarvanglangg ee iwair, qniaa dirr sia'imm, su'iok, jiuxjuir, hongwciongr, enwlok, qapp jiaxee gighuad vair gnoxsiong ee su, sii ixqing’ qauwgiac lar.
4 Dnaxx linw m qapp inx jauw qaur dirr vnivnii hongwdong ee qigtauu, inx dyrr uirdiyhh anxnix qiquair laii huixvongr.
5 Inx beh duiww hitt xee beh simxpnuar uahlangg qapp sixlangg ee Jruw ee binrjingg laii lap siaur.
6 In'ui hok'imx iarr bad tuann hro sixlangg, si beh hro inx dirr ziogtew jiauww langg siurr simxpnuar, dirr sinn jiauww Siongrder laii uac.
7 Banrsu ee qetqiok qin lar; soxiw diyhh jurjai, jetjer laii qidyw.
8 Derr id iauwqinw, dairqex diyhh cetced sna' tniar; in'ui tniar e ziakamr jerje juerquar.
9 Dairqex sna' jiaptai, byc did gnauhgnauc liam.
10 Dagg langg jiauww soxx sriu ee unsur sna' hogsai, juer Siongrder vacvnuax undenw ee quanxqex.
11 Narr u suanqangw :ee, diyhh cincniu suanqangw Siongrder ee jiauwbing; u sna' hogsai :ee, diyhh ing Siongrdr soxx sniuxsur ee lat laii hogsai; hro Siongrder dui' Jesus Krist dirr banrsu e did diyc ingqngx; Ix u ingqngx, u quanlingg, qaur dairdai byy suah. Amen.
12 Soxx tniar ee hniadi ar, dirr linw diongqanx soxu cincniu huew ee ciwlen, m tangx qiquair ix, naxx cincniu duw diyc huisiongg ee su;
13 Dogdok diyhh in'ui u hxun dirr Krist ee qankow laii hnuahiw, hro linw iarr dirr Ix ingqngx henxhen ee sii hnuahiw kuaiwlok.
14 Linw uirdiyhh Krist ee miaa hro langg me, u hokkir; in'ui ingqngx ee Sinn, dyrr si Siongrder ee Sinn, anhiyh dirr linw.
15 Linw diongqanx m tangx u langg uirdiyhh juer hiongsiuw, juer cat, qniaa pnaiw, iacc si in'ui cab vadd langg ee su, laii siurkow.
16 Jongwsirr langg narr uirdiyhh si Krist ee sinwdoo laii siurkow, dyrr byc did qenwsiaur, diyhh dirr jitt xee miaa qruix ingqngx Siongrder.
17 In'ui sii qaur lar, simxpnuar si dui' Siongrder ee qrex dairsingx; narr si dui' lanw kixtauu, dyrr hiaxee m sinwtanr Siongrder hok'imx ee langg, inx ee qetqiok beh jnaixngiu ar!
18 Gi ee langg narr limw limw did qiur, byy qingwkenn :ee qapp u juer ee langg, beh kia dirr simxmih soxjai ar?
19 Soxiw jiauww Siongrder ee jixir siurkow :ee, diyhh ing hyw pinxhing, jiong' inx ee linghunn qaudair sinwsit jyrhuar ee Jruw.
5 Soxiw linw diongqanx ee dniuxlyw, guaw koxkngr inx, guaw iarr qangg juer dniuxlyw, iarr juer Krist siurkow ee qanjingr, iarr snaqab u hxun dirr decbeh henxhen ee ingqngx:
2 Linw diyhh jiauwqor dirr linw diongqanx Siongrder ee ngiuu-qrunn, jiauww Siongrder ee jixir laii qra qamdog; m si dui' benxqiongw, si qamsimx; m si uirdiyhh byy habgii ee jnii, si dui' hnuahiw ee iwsur;
3 Iarr m si juer soxx qaudair hro linw ee jruw, si juer ngiuu-qrunn ee bo'ngiu.
4 Dua Bogjiaw henxhen ee sii, linw beh did diyc be sueter ee ingqngx ee benxliuu.
5 Anxnix, linw siauwlenlangg diyhh hanghok dniuxlyw. Linw dairqex iarr longxx diyhh ing kiamsunr juer snxax, qra cing laii sna' hogsai; in'ui Siongrder dixdik qiau'gno :ee, si'unx hro kiamvix :ee.
6 Soxiw diyhh qaqi kiamvix dirr Siongrder dua kuiwlat ee ciuw-xe, hro Ix qaur sii qysingx linw.
7 Linw ing huanrr soxx kuawlu :ee qauhur Ix, in'ui Ix quansimx linw.
8 Diyhh jetjer, diyhh qingxsingw; linw ee duiwdik dyrr si moquiw, cincniu hauw ee sraix siwquer qniaa, decc cue soxx tangx tunjiac :ee.
9 Linw dui' sinr ee qenqor dixdng ix, jaix linw jiongww hniadi dirr sewqanx iarr qingquer jitt ngiu ee koxlan.
10 Qycc sniuxsur banrhang undenw ee Siongrder, dyrr si bad dirr Krist driaur linw did diyc Ix ingxuanw ee ingqngx :ee, dirr linw jiamrsii siurkow liauxau, qaqi beh hro linw jiaujngg, qenqor, iongxqnia.
11 Quanlingg qruix Ix qaur dairdai. Amen.
12 Guaw knuar Selvanus juer jinrdiongx ee hniadi, duiww ix siaw dew dew ee puex laii juanw hro linw, koxkngr linw; iarr qanjingr jitt xee si Siongrder jinx ee xunx; linw diyhh kia jai dirr jitt xee.
13 Diamr dirr Babylon snaqab siurr qingxsuanw :ee, ixqip guaw ee qniaw Marko, inx cingxanx linw.
14 Linw diyhh ing zin'air ee sna' jimx laii sna' cingxanx. Guan linw diamr dirr Krist ee langg longxx did diyc ving'anx.