Jonah
1 Jehovah ee ue limqaur Amittai ee qniaw Jonah, qongw,
2 "Liw kiw laii kir Nineveh hitt xee dua sniaa, cud sniax qingxqair inx; inx uirr inx ee juerog taur qaur Guaw ee binrjingg."
3 Danrsi Jonah kiw .laii, rair jauw kir Tarsis, siamxvi Jehovah. Ix lyc kir Joppa, duw diyc jit jiah junn beh kir Tarsis, dyrr hro ix junser, dah hitt jiah junn beh qapp inx kir Tarsis, siamxvi Jehovah.
4 Jehovah hro haiw kiw dua hongx, haiw-diongx hong'ingw jin' taur, drir qaur junn beh puar.
5 Juixsiuw jin' qniax, dagg langg aiqiuu ix ee siongrder; inx ing junn-lai ee huexmic hed lyc haiw, in'ui beh hro junn kacc kinx; dogdok Jonah ixqing’ lyc jundo drew, dyw lecc hyw kunr.
6 Dairqongx qaur ix hiax, duiww ix qongw, "Liw jitt xee hyw kunr ee langg ar, sniaw su anxnix? Kiw .laii, qiuqiyr liw ee siongrder; qiamxcaiw Siongrder knuawqor lanw, hro lanw benw bedbyy."
7 Inx sanqab qongw, "Laii ar, lanw laii liamx kaux, knuar lanw duw diyc jitt xee jaieh, si in'ui simxmih langg ee enqor."
8 Dui' anxnix inx liamx kaux, dyrr liamx diyc Jonah. Inx duiww ix qongw, "Cniaw liw qra guanw qongw, lanw duw diyc jitt xee jaieh, si in'ui simxmih surgiap? Liw dui' dyclyc laii? Liw ee vunxsoxjai dirr dyclyc? Liw sriok simxmih jok?"
9 Ix rinr qongxx, "Guaw si Heblalangg; guaw qingwuir tnidingw ee Siongrder Jehovah, congwjy duarhaiw qapp dax de :ee."
10 Hiaxee langg dyrr dua qniax, duiww ix qongw, "Liw soxx juer :ee si simxmih su ar?" Hiaxee langg jaix ix siamxvi Jehovah, in'ui ix ixqing’ qra inx qongw lar.
11 Inx qra ix qongw, "Guanw diyhh jnaixngiu kuanxtai liw, hro haiw vnidnia? In'ui haixingw naxx kiw naxx dua."
12 Ix qra inx qongw, "Linw liac guaw hed lyc haiw, haiw dyrr vnidnia; in'ui guaw jaix linw duw diyc jitt xee dua hongx si uirdiyhh guaw ee enqor."
13 Hiaxee langg jinrlat qyr jniuw, rair uaw qin snuax; jongwsirr be e; in'ui haixingw naxx kiw naxx dua.
14 Dui' anxnix inx qiuqiyr Jehovah qongxx, "Jehovah ar, guanw cetced qriuu Liw, byc did in'ui jitt langg ee sniwmia, hro guanw sixbyy; byc did ing byy jue ee huih qruix dirr guanw; in'ui Jehovah Liw si jiauww qaqi ee iwsur laii qniaa."
15 Inx dyrr liac Jonah hed lyc haiw; haiw ee dua ingw dyrr vingdnia.
16 Hiaxee langg dyrr dua dua qingwuir Jehovah, henwjer hro Jehovah, qycc he guan.
17 Jehovah virvan dua hii tunx Jonah; Jonah dirr hii vakdow lai snax zit snax mii.
2 Jonah dirr hitt ee vakdo lai qidyw ix ee Siongrder Jehovah, qongw:
2 Guaw duw diyc huanrlan qiuqiyr Jehovah;
Ix dyrr tniax guaw;
Guaw dui' imhuw ee vaklai auqiyr;
Liw dyrr tniax guaw ee sniax.
3 In'ui Liw bad hed guaw lyc cim'enx, dyrr si dirr haiw-dew;
Duarjuiw uii guaw;
Qongg pyx dua ingw longxx kamr bat guaw.
4 Guaw dyrr qongw: Guaw siurr qnuaxdiok, lirkuix Liw ee bagjingg;
Jongwsirr guaw iauxx decc ngr Liw ee sxingr dxen.
5 Jiaxee juiw uii guaw hiamw hiamw byy sniwmia;
Cim'enx uikunr guaw;
Haixcauw vaux guaw ee taukag.
6 Guaw lyc qaur snuax-drew;
De ee mngqongg ingxingw qra guaw qnuaix lehh;
Jehovah, guaw ee Siongrder ar, Liw u qiur guaw ee sniwmia tuatli sixbyy.
7 Guaw ee simsinn hrun .kir ee sii, guaw dyrr siauwliam Jehovah;
Guaw ee qidyw qaur Liw ee binrjingg, zip Liw ee sxingr dxen.
8 Qniwnarr duiwdiong huqew ee langg,
Kiwsag inx ju'air ee Jurw.
9 Guaw beh ing qamxunx ee sniax henwjer hro Liw,
Sria guaw soxx he ee guan;
Jinxqiur cud dirr Jehovah.
10 Jehovah bingrling hitt buew hii, ix dyrr tror cud Jonah dirr dax de.
3 Jehovah ee ue derr zi vaiw limqaur Jonah, qongw, "Liw kiw .laii, kir Nineveh hitt xee dua sniaa;
2 Guaw soxx bingrling liw tuann :ee, liw tuann hro ix."
3 Jonah dyrr jiauww Jehovah ee ue kiw .laii, kir Nineveh; Nineveh si qik dua ee sniaa, diyhh qniaa snax zit jiacc e tangr.
4 Jonah zip sniaa kixsinx qniaa jit zit ee lo, tuann qongxx, "Qycc sir-jap zit, Nineveh beh dyxhuai."
5 Ninevehlangg sinr Siongrder, dyrr suanvor qimwjiac, dui' dua qaur ser, longxx cing muasnax.
6 Jitt xee siausid tuann qaur hro Nineveh Ongg tniax .qnir; ix dyrr dui' ix ee jyrui kiw .laii, trngr ix ee lexhok, cing muaa, jre dirr huexhux.
7 Qycc cud qywsi, jiauww ongg qapp quiwjok ee bingrling tuann hro Nineveh tong' sniaa, qongw, "Langg qapp jingsnix, guu-qrunn, ngiuu-qrunn, longxx m tangx jiac, m tangx limx jiuw, lenrr cir knuar iarr m tangx.
8 Langg qapp jingsnix longxx diyhh cing muaa, dua sniax qiuqiyr Siongrder, dagg langg iarr diyhh lirkuix ix ee pnaiw lo, qapp ix ee ciuw soxx juer ee qiongvy.
9 Qiamxcaiw Siongrder huesimx-dngxir, banxhuee Ix ee dua siurkir, hro lanw byy bedbyy."
10 Dui' anxnix, Siongrder knuar inx ee qniajuer, u lirkuix inx ee pnaiw lo; Siongrder dyrr tewhuew Ix soxx qongw beh qangr hro inx ee jaieh, dyrr byy qangr lyc.
4 Jongwsirr jitt xee su Jonah jin' byy hnuahiw, dua dua siurkir; dyrr qidyw Jehovah qongxx,
2 "Jehovah ar, dnaxx qriuu Liw, guaw dirr vunxqog ee sii, qamxx m si anxnix qongw? Soxiw guaw qnuaxqinw jauw kir Tarsis, in'ui guaw jaix Liw si u undenw ee Siongrder, ciongmuaw linbinw, byy kuair siurkir, u hongsing ee ju'air, qycc tewhuew soxx qongw beh qangr lyc ee jaieh.
3 Jehovah ar, dnaxx qriuu Liw cruw guaw ee sniwmia; in'ui guaw siw viw uac kacc hyw."
4 Jehovah qongw, "Liw anxnix siurkir habliw mah?"
5 Dui' anxnix Jonah cud sniaa, jre dirr sniaa ee dangsir, dirr hiax uirr qaqi dah liau'aw, jre dirr imwngw xe, rair beh knuar hitt xee sniaa dauwdew jnaixngiu.
6 Jehovah Siongrder virvan jit jangg vimuaa, hro ix huatsnix kacc quann Jonah, juer imwngw ziax ix ee taukag, hro ix benw qankow; Jonah in'ui jitt jangg vimuaa, dua dua hnuahiw.
7 Qeh zit, tnix puxqngx, Siongrder virvan jit bew tangg, jiac jitt jangg vimuaa, drir qaur qodaa.
8 Zit cud ee sii, Siongrder virvan iamrzet ee danghongx, qycc zit pak Jonah ee taukag, hro ix hrun .kir; ix dyrr uirr qaqi qriuu siw, qongw, "Guaw siw viw uac kacc hyw."
9 Siongrder duiww Jonah qongw, "Liw in'ui jitt jangg vimuaa siurkir habliw mah?" Rinr qongxx, "Guaw siurkir qaur siw iarr habliw."
10 Jehovah qongw, "Jitt jangg vimuaa, liw byy uirr ix diyhbuaa, liw byy hro ix duarjangg, jit mii huatsnix, jit mii siw .kir, liw iauxquxx tniawsiyh;
11 Hyhongr Guaw, Guaw qamxx m diyhh tniawsiyh Nineveh jitt xee dua sniaa mah? Qidiongx be e hunvet jyxiu ciuw :ee, m na jap-zi-bxan, qycc u jerje jingsnix?"