gersutsing'uac
gersut sing'uac
Bunchhai huan'ik
DAHUERTAUU
Sinx budliw ee lingxhik, judniuu ham' budjid byy vnee jre kia ee kongqanx, in'ui judniuu si ui'id ee jinsit.
---------- Albert Einstein
Jiurr jitt xee quandiamw, danghongx sinviwjuxgi ham' sehongx kyhak sna' duxtauu lor. HRAHMA si jin'guaw (TAT TVAM SAI) iacc si “liw si hitt xee”, si J. CAMPBELL dethak ee dexsnuar. Budjid vingrr byy junjai, muixx jit hxang surbut si jit xee judniuu. Soxu ee hunvet/ hanrjer qandna' junjai dirr jurqiw simx-diongx.
Jiong' jurqiw iacc si ui' jurqiw ee jogqunn doplip cud laii --- vixzu qongw “or! Lanw si byy qang :ee” --- si qra jurqiw ham' jingxtew duiwlip kiw laii, kuhunx cud jingxtew-diongx ee jurqiw, dingxii si dng driau jurqiw suanxdik ee qihue, qycc kixjy jurgnow qimwqor ee sniacniuu. Itdanr dirr susiongw/ sing'uac-diongx jewjy zircuwguann, lanw dyrr si qenwlip liauw duiwlibsingr.
1983 nii dirr ESALEN Genxqiur Diongsimx vran jit dniuu jit qywguec jap-langg bidced hordong tyxlun kywdingg, J. CAMPBELL iong ix juangiap ee binxqamxdo hunsig muixx jit xee siyxjox singguann ee sing'uac. Gunw uanjuann jimwdimm dirr sinue sewqair soxx hingsingg qionglik jibtew kiwhunx-diongx; simrjiww genxqiur diongsimx juxzim iauqiuu hro ix vongtingr jit kxyr, JOSEPH jit diamw aw byy diuduu sui' huanxingr “ byy sikhap! ” genxsip kywdingg ixqingx congwjy cud jit xee sinsingr lingxhik, hro muixx jit xee langg ansimx liauxqaiw jurqiw simlingg cimdo, viauxdat qywzinn quawlu, marr qaungua sinqii/ hixqongg qowsu. JOSEPH viauxsi, jex si urenn ee jurhue, Ix belangg iugnaw ee sunzenn sinsingr, si lauu hro gunw siongr dua ee lexmic. Cniurr PARZIVAL soxx qongw :
Ix m si tensair, marr m si singwzinn, si jit xee duiqiuu uac lingwlingr hingdong ee langg, tensingx jurzenn kuriuw iongxkir/ juvix qapp diongsingg ee bixdig. In'ui duiww jiaxee luerjai digjid qending -vut'ii ee sinwliam --- m si ciaujurzenn ee undenw --- jiongbuew ngiaa diyc singwvuex.
Laijurr CAMPBELL <CREATIVE MYTHOLOGY>
derr sir vunw <THE MASKS OF GOD>
Venjip jitt vunw ceh ee lingqamw laijurr guaw ham' JOSEPH jywhuew ee sizit, dairvorhun ee lueriongg si jit qywguec ee genxsip kywdingg, vorhun si ix siongquanx ee jokpinw. Derr id pnix <dirr snewmia ee judniuu-diongx> qapp qitnax jerje juqur, qiwlok dirr guaw zidqir-lai jit quaw ix iwair ee viauxdat hongsid. Cxunx :ee erdangr hunrjyr snax vorhun, siongdongx iwsig snax xee janbin iacc si qongw qaidnua.
SIOGSER SING'UAC
Derr id, siogser sing'uac, juxiaur si ham' sinkux qutvnuaa lingliong diongsimx iuxquanx, si singjunn/ singwiok/ kuanlik. JOSEPH ham' dag'ee hunhiongw duiww qimjnii/ lxamm-luw/ laurhuar mosid/ sixbongg/ hun'inx/ jenwjingx/ snetnuar/ gisid ... dringw ee knuawhuad. Ix qongw, jyr langg' rair lanw jyr ee su, si jit jiongw lole dyrdig, zircniaw e ho'ngg puawvne, tonghiongr jingsinn/ sinkux hunli ee lo .kir; qenwgi lanw, dng' langg' qongxue sii, mair tniax ix qongw ee zirqur lueriongg, diyh'air knuar ix ixx “sniaw tairdo” decc qongxue --- ciangjai si gnorban/ ok'ir qapp kinsi. Vixzu, urlangg e qongw lanw jursux, hex si lanw byy jiauww “inx” ee iwsur jyr. Itdanr hanrjer jurqiw ee suanxdik, marr si jac liauw jurqiw ee sewqaiwquanx; narr si jitt xee jewhanr drat qaur siongdongx tingdo, dyrr e jniajyr vikced hongjiw vadd langg pacpuar jurqiw soxx sed qaiwsnuar ee “sewqair qingxcad”.
QAKCNIW
Derr zi vorhun <qakcniw>, kaihongr jurqiw luerjai ee jin'air qapp jinsit amwlik. Itdanr u huatdo air jurqiw, lanw dyrr mairhiongr jurqiw luerjai ee hixlok, jiauww J. CAMPBELL ee qongxhuad, hex si lanw siongrr quann ee zedjingg. “ENTHEOS” si “cionghunx sinsingr” ee iwsur, hiongr hitt xee hro lanw ciongbuanw sinsingr ee surbut/ siqanx byy junjai ee soxjai, duxx si lanw qaixvenr jiuuii sewqair soxx su'iaur ee itcer. Mrqyxx lanw si m si jinjniar sunzenn u air qitnalangg, qycc unxjunw inx ixx inx ee hongsid, ciauuat hiaxee ab dirr jurqiw srinx-siong ee hanrjer? Jitt xee bogviaux si rair tauwquer qra lanw hiongr gua dausia qaixjy sewqair ee lingliong, juanxhiongr luerjai singx qaixjingr jurqiw, hro jurzendig enxhuar qaur hitt ngiu ee jingqingw, dyrr si huedngw qaur jurqiw ee jniawlo, qycc jurjai vnevang iuiuu dirr qokk sewqair jiqanx .
SINSINGR SING'UAC
Jinwhuar qaur juewau jancur “sinsingr sing''uac” sii, lanw jiong' liauxqaiw diyc jurqiw u linglik liuwkuix ”huanwsiong (MAYA) ee oqunx”, henxhen tnive dirr lanw derbin-siong siwqer longxx u, in'ui lanw dy' si hiaxee jewjy huanwsiong ee langg. Dirr hitt sikig, uxdiu ee melodi cngtangr quer lanw ee cuanxkuir, inx ee jetjaur hab'id.
JOSEPH qauwdy lanw ciauuat siongrdingx, qamxsiu inx soxx dairviauw honghur ee iwhamm. Berdangr anne jyr ee langg, ix qongw “cniurr kir cantniax kiokk jiac juaw-siong ee caiwdnuax, m si jiac caiwdnuax-dingw soxx siaw ee hitt hxang cair.” Sewqair-siong jerje langg jiac caiwdnuax, qetqyw si jit dniuu kanghix, jinsinn sanwhiongx.
Dirr ix binrjingg, hro lanw liauxqaiw ix soxx juanjur ee muixx jit hxang surbut, bylun si vunxjid-siong/ duiwdamm-diongx, dy' si qycc jit vaiw diamxdyc ix vaxvag ee congwjyr simlingg, hex si rig cud laii honghur ee luerhamm/ ciongbuanw iongxhun ee jnuaguann, kailongw ee binriongg henxsi ix jurqiw si jiaxee sinqii/ ywvir siongrr dua ee juguann. Incuw, dyrr be qamxqag qiquair JOSEPH jnuaxngiu hiacc zed'air Bixqog INDIANS! Jiurr INDIANS laii qongw, dairjurzenn muixx jit vorhun dy' si sinsingr :ee.
Sing'uac dirr hitt jiongw hixqongg-diongx si qenrkongx ee. Junsunn liw luersimx jinsit ee hixlok, jiauww JOSEPH ee iwsur, vingrr m si jurgnow dimbee, si ciongbuanw uahlat :ee: liw jingxqyy ee singliw hertongw cingcyw jaix, jex si uac dirr jitt xee sewqair ee hongsid, marr si liw erdangr hro jitt xee sewqair siongrr hyw ee hongsid, muixx jit xee langg dy' u jit diauu danxtai ix zinsingx ee lo, itdanr qniaa jnriu quixdy, quewkir pah be kuix ee mngg jitt sii uirr liw jitt xee langg laii kuikuix, muixx jit hxang surbut dy' kaisiw ham' liw snaqab habjog, simrjiww lenrr dairde ji' buw marr jicii liw.
HIONGR JIONGWW SINN HUAC .CUD .KIR
Guaw huatqag, liw jinjniar qandna' su'iaur huac cud tongx hiongr jiongww sinn ee jit vo, jiongww sinn dyrr e qin uaw liw jap vo. Hitt vo si liw zinsingx quewdingg ee inghiongg-sid ee jit vo, ciaucud liw qaiwsnuar/ linglik ji' gua, tongsiongg rair dirr liw jaix u dnaxjah jingg diyh'air caixcuw hingdong jiacc e ing tihh. Inghiongg lo erdangr knuawjyr ingzii cutsir quewdingg: kaisiw si dirr jit xee unluanw susongw ee anjuann dniusow, qycc laii zuqyw qang jit xee sinwhy jiamrr qaqiongg, hex si qaix lirkuix ee sii ar, sihau qaur kiokk byy lirkuix, dyrr e kaisiw duirlyc/ nuaraur lor! Byy hueh/ bagsaiw/ tongwkow, dyrr byy qyc'uac.
SNEWMIA EE IWGI
Ciangjai u langg mng JOSEPH “ snewmia ee iwgi si sniaw?” ix ee dab “ snemia vunxsinx byy kuriuw iwgi, si zinlui hro ix ee iwgi.” ham' JUNG qangrkuanw, JOSEPH byy zinruii lau e qiamxsngw snewmia, dendyww e knuawjyr cniurr hueluiw dng' kuix ee singsik zinsingx. Zuqyw lanw zinsingx ee vueaux-aw ixqingx drew buanw ~, kipsiux liauw soxu ee surbut, laurlenn ee anjing si drat did huangingg ee. Narr qongw zinsingx iauxx u jerje m bad ciwdamx .quer, jiong' e duar diyc byy buanxjiog ee simjniaa, sisiongg huesiongw quewkir. JUNG anne qongw “byy hxuad jiapsiu snewmia e lau .kir, knuar kiw laii ham' byy linglik iongxiuw uahlik snewmia ee siauwlenlangg, qangrkuanw hiziok/ lamxsinx.”
<THE COLLECTED WORKS OF C.G.JUNG> derr veh ceh p.789-792
JOSEPH qauwdy lanw, erdangr suanxdik dirr hixqongg-diongx ee sing'uac, jitt jiongw qamxqag vingrr m si “kecquanx junjai (OUT THERE)” dirr qitnax soxjai/ qitnalangg srinx-siong, lanw byy su'iaur kir mow jit xee soxjai, did diyc moxjiongw surbut iacc si bad mow langg, jiacc erdangr u jitt jiongw qamxqag. “ix dyrr si dirr 'jiax, jitt xee soxjai, liw kia dac ee soxjai.'” soxx su'iaur :ee, si iwsig ee juanxvenr.
Linw narr byy qaixvenr, jniajyr cincniurr ginxaw hitt ngiu, juadduir berdangr jinwzip tenqog. -----<Meteo Hok'imx> 18:3
Haidongg siqii, lanw jaix hysii qaix anjing/ qingxqag, jiacc e kip'inw sikhap ee langg/ dongrbut laii qaur lanw binrjingg. Jex jin' qanxdanx jyr e qaur, sinqii molik siwqer dy' u, suibongw dirr jitt xee sewqair qexsenx qexdag jit dxuix, lanw songwsid jitt hxang ginxaw sii ee molat, danrsi jaxban lanw marr si rair huee dngw laii haidongg. “dairviauw jurgnow huathen ee sraix itding e taii siw srinx-siong muixx jit pnir lrann dy' siaw 'liw ingwqaix (THOU SHALT)' ee kiongxliongg.”
Ham' JOSEPH jywhuew qangjog au, guaw qingwair haidongg jursinx luerjai ee jingsinsingr/ congwjyrsingr. Singwdanwjed si jingrhuar ginxaw ee luersimx, qruar qaxx dindinx dongrdong ee singwdanwciu si buanw ~ ee hibangrciu/ sewqair ji' ciu/ si sewqair ee diongsimdiamw (AXIX MUNDI), quann qycc jiamx ee ciurqix itdit cunhiongr tnix, drat qaur tendongg .kir, guaw marr ixx kinsangx/ sinx ee simjingg kingwjiog qyc'uac jetzit --- dairde ji' buw beh kir qnir tnive, muixx jit liap gorcaiw nxng dy' si uxdiu-nxng, muixx jit jiah vu cud ee qeaxqniaw dy' siongrdingx sinlingg ee cutsir; muixx jit jiah tor-aw dy' si vutduan decc venwhuar kiokk ingxuanw ham' guehniuu cex-id jap-go vutduan sunkuann ee viauxdingx qang.
Jit xui lau APACHE qongw diyc INDIANS qowsu tehcnew lanw :
sidbut/ giamjiyc/ huew/ juiw, dy' si uac lingwlingr :ee. Inx decc knuar lanw, juwir diyc lanw ee suqiuu. Dng' lanw byy did diyc am'oo sii, inx knuar .diyc, dirr hitt sii, inx henrsinx ham' lanw qongxue.
Guaw sniu diyc JOSEPH jin' air inxiong GNOSTIC GOSPEL OF ST.THOMAS ee jit dnxua ue:
puawkuix jit der caa, guaw dirr hiax, kiyh jit liap jiyhtauu, liw e dirr hiax cue diyc guaw.
Uirhyy hiaxee guaw m bad qniaa .quer ee ciurjangg, dua qycc ciongbuanw melody ee susiongw kiokk qangwlimm dirr guaw srinx-siong?
Guaw sniu, inx bylun qnuaa/ zuac dy' qruar dirr ciu-dingw, jixu dng' lanw qniaa .quer sii, quejiw jiacc e lag lyc laii.
Bixqog sizinn W.WHITMAN
<LEAVES OF GRASS> [SONG OF THE OPEN ROAD]
FINDHORN ee jurbinn siongsinr ciu ee iwsig si “ciauuat qir-aw”, zircniaw caa e qamxqag diyc iong inx jyr jailiau kixjy ee cur, ixqib inx soxx virho ee langg ...
jitt qingx cur
jitt liauu iw
jitt dniux juaw
dirr jiax, dirr jitt xee xui, dirr liw jitt sii kia ee soxjai.
-----DIANE K.OSBON