Habakkuk
1 Sendix Habakkuk soxx did .diyc ee bigsi.
2 Jehovah ar, guaw auqiyr, Liw byy tniax, beh qaur dirsii ar? Guaw in'ui qiongvy qiyr kow, Liw iauxx byy jinxqiur.
3 Liw sniaw su hro guaw knuar qnir juerog? Hinggik ee su, Liw sniaw su dnia dnia knuar? Huixbet qapp qiongvy dirr guaw binrjingg, sna' jnex sna' pah longx huad kiw.
4 In'ui anxnix, ludhuad vangwsangx, byy qniaa qongvingg; pnaiw langg uikunr girlangg; soxiw simxpnaur byy jingwdit.
5 Linw diyhh dirr ledqog diongx knuar laii sniu ix; dua dua gonggniac, in'ui dng' linw ee zit, Guaw beh qniaa jit hxnag su, suizenn qra linw qongw, linw iarr m sinr.
6 Knuar ar, Guaw beh hingx kiw Qaldealangg, dyrr si janzimw sywvy ee vangqog, venww qniaa juann de, vawjiamr hiaxee m si sriok ix kiarkiw ee soxjai;
7 Ix ee uihongx tangx qniax, pnuawduanr qapp quanser, longxx cud dirr qaqi ee iwsur.
8 Inx ee bew viw var kacc qinw, viw ehngx-sii ee cailongg kacc bingw; bexvingx vailet kuikuah, bexvingx dui' hng hng laii; inx cincniu ringx qinw qinw vuex beh laii jiac.
9 Inx laii beh qniaa qiongvy; inx ee bin hiongg hiongg jinwjingg; jurjip soxx liac ee langg, cincniu suax hiacc je.
10 Ix biauxsi qun'ongg, qicir quiwjok; lingxciyr longxjongw ee uersow; kiw toduix laii qongcuw ix.
11 Dui' anxnix ix cincniu hongx saur .quer .kir, ix qingquer dyrr huanrjue; liac qaqi ee kuiwlat juer siongrder.
12 Jehovah, guaw ee Siongrder, guaw ee Sxingr :ee ar, Liw qamxx m si dui' ingxuanw dyrr u mah? Guanw be drir qaur siw, Jehovah ar, Liw uirdiyhh simxpnuar laii setlip ix, Jiyhvnuaa ar, Liw uirdiyhh kenxjig laii virvan ix.
13 Liw ee bagjiux cingkir byy beh knuar siaog, byy beh knuar hinggik qniaa kuixjar :ee, Liw sniaw su dnia dnia knuar inx ar? Pnaiw langg tunbet viw ix kacc qonggi :ee, Liw sniaw su jing jing ar?
14 Liw sniaw su hro langg cincniu haiw nirr ee hii, qycc cincniu decc syy ee tangg, byy taubak quanxliw ar?
15 Ix ing qaux itjin diyr inx, ix ing bxang-aw liac inx, ing dua bxang prax inx; uirdiyhh anxnix, ix hnuahiw kuaiwlok.
16 Dyrr henwjer hro ix ee bxang-aw, siyx hniux hro ix ee dua bxang; in'ui inx dui' jiaxee did diyc vuisuiw ee hunrgiac, qapp ciongjiog ee jiahmic.
17 Ix qamxx tangx vniar kangx ix ee bxang, siongsiongg taii siw ledqog ee langg, iarr byy vyxsiyh mah?
2 Guaw beh kia jiuxqnilauu, kia dirr ngiaje quanknuar, knuar Ix duiww guaw qongw simxmih ue, guaw tangx ing simxmih ue laii sowbingg.
2 Jehovah rinr guaw qongxx: Siaw jitt xee bigsi, bingg bingg kig dirr vanw nirr, hro tak ee langg iarr tangx jauw.
3 In'ui jitt xee bigsi iauxx u dniardiyc ee qrii, beh qinw qinw qetqiok, quatduanr byy vehcat; suizenn encenn, iauxquxx diyhh tingwhau; in'ui dikkag e qaur, byy qycc encenn.
4 Knua ar, ix ee simsinn jurqyx, dirr ix ee lairbin byy jingwdit; dogdok girlangg beh dui' ix ee sinn laii uac.
5 Dyrr si kipenr :ee, qiaugno ee langg byy diamr dirr qrex-lai; kuikuah ix ee simx soxx air :ee, cincniu imhuw, iarr cincniu siw be e muaxjiog, tongxid banrqog qruix ix, jurjip banrvecsnir qruix ix.
6 Jiaxee jingwlangg qamxx byy beh ing sioggiw laii puepingg ix, ing piwzu laii qicir ix, qongw: Jikju jerje byy sriok qaqi ee jaibut, beh zuarr quw? Tec jerje junxdngr ee mic, qaqi damhu, hitt hy langg u jaieh ar.
7 Qa liw :ee, qamxx byy hutzenn kiw .laii, qiauxziauw liw :ee, qamxx byy cnew .kiw .laii, liw dyrr beh juer inx soxx cniuw ee mic?
8 In'ui liw cniuxqiab jerje qog, ledqog diongx soxx cunx ee langg iarr beh cniuxqiab liw; si in'ui liw taii langg lrauu huih, duiww qingxlai qapp sniaci, qapp qidiongx kiarkiw ee langg, soxx qniaa qiongvy ee enqor.
9 Uirr qaqi ee qrex jikju vutgi ee jnii, beh jyh siu dirr quann ee soxjai, ngwbang tuatli hiong'og ee sewlik, hitt hy langg u jaieh ar.
10 Liw bet jerje vecsnir, soxx qewboo :ee, lingziok qaqi ee qrex, qycc huanrjue hai qaqi ee sniwmia.
11 Viah-diongx ee jiyc beh auqiyr, caliau diongx ee tongniuu beh rinr sniax.
12 Ing taii langg lrauu huih laii kiw sniaa, ing juerget setlip sniaci :ee, u jaieh ar.
13 Knuar ar, jiongww vecsnir soxx lylok :ee hro huew siyx .kir, ledqog diyhbuaa qaur iawsen :ee qruix dirr kangx kangx, qamxx m si longxx cud dirr banrqunx ee Jehovah mah?
14 In'ui Jehovah ee ingqngx beh hro juann de longxx bad, cincniu juiw ciongmuaw ngiuhaiw jidngiu.
15 Hro ix ee cuwvnix limx, qycc camx bingxlet ee jiuw hro ix limx qaur juir, tangx knuar qnir ix ee ertew, hitt hy langg u jaieh ar.
16 Liw soxx ciongmuaw :ee, si lingziok, m si ingqngx; liw iarr diyhh limx, henxcud si bue sriu qatlew :ee; Jehovah jniar ciuw ee vxuex beh uat dngw laii hro liw limx, liw ee lingziok beh kamr bat liw ee ingqngx.
17 Qycc liw duiww Lebanon soxx qniaa ee qiongvy, ixqip janhai iaxsiur hro ix qniahniaa ee su, longxx beh ziakamr liw; si in'ui liw taii langg, duiww qingxlai sniaci, qapp qidiongx kiarkiw ee langg, soxx qniaa qiongvy ee enqor.
18 Diaukig ee sxiong u simxmih lirig, jiacc hro jy ix ee langg diaukig ix ar? Jur ee gnoxsiong qapp qew ee sensnix, u simxmih lirgi, jiacc hro jy ix ee langg uaxkyr ix, laii jy exqauw ee gnoxsiong ar?
19 Duiww catauu qongw: Diyhh cnew; duiww exqauw ee jiyhtauu qongw: Kiw .laii; hitt hy langg u jaieh ar. Jitt xee qamxx e qawsi langg mah? Knuar ar, si ing qimx ing ginn vaux :ee, ix ee lairbin longxx byy uahkir. Dogdok Jehovah dirr Ix ee sxingr dxen, juann de dirr Ix ee binrjingg longxx diyhh jing jing.
3 Sendix Habakkuk ee qidyw, ing "Sigionot" diau.
2 Jehovah ar, guaw tniax qnir Liw ee siausid dyrr qniahniaa. Jehovah ar, qriuu Liw dirr jiaxee nii ee diongqanx, qycc hingx kiw Liw ee soxx juer;
Dirr jiaxee nii ee diongqanx henxhen;
Dirr siurkir ee sii qir did linbinw.
3 Siongrder dui' Teman laii,
Sxingr :ee dui' Palan Snuax qaur. [Selah]
Ix ee ingqngx ziakamr jiaxee tnix;
Ix ee miasniax ciongmuaw de.
4 Ix ee canwlan cincniu qngx;
Dui' Ix ee ciuw u cud qngsnuar.
Dirr hiax Ix ee linglik kngr lehh.
5 Dirr Ix ee taujingg u un'ik liuhingg,
Dirr Ix ee aurbin u zedjingr huad cud.
6 Ix kia lehh, dyrr nriuu duarde;
Ix quanknuar, qnuaw snruar ledvangx;
Ingxuanw dilehh ee snuax lic .kuix;
Quxdngg ee snuaniaw vangham;
Ix ee soxx qniaa, dui' jaw ixlaii si anxnix.
7 Guaw knuar qnir Kusan ee vowvnii duw diyc huanrlan;
Midian ee dniuwlii gihgic cuah.
8 Jehovah ar, Liw kiaa Liw ee bew,
Jre dirr Liw jinxqiur ee ciax,
Qamxx si byy hnuahiw jiaxee qangx,
Siurkir jiaxee hyy,
Tongwhun ngiuhaiw mah?
9 Liw ee qringx longxx lorcud;
Duiww jiaxee jipair soxx jiuwjua :ee, longxx si jinsit ee ue. [Selah]
Liw ing qanghyy vunx kuix duarde.
10 Snuaniaw knuar qnir Liw, dyrr qniahniaa;
Duarjuiw tauwhongx qingquer;
Cim'enx cud ix ee sniax;
Dua ingw cringr quann.
11 In'ui Liw ee jnxir sria cud qngx;
Liw ee cniux ee qngx iam iam sih;
Zit qapp guec tingjiw dirr ix ee uircur.
12 Liw siurkir laii venww qniaa derjniu.
Liw dua siurkir, pah ledqog cincni pah gnoxqog.
13 Liw cud laii beh qiur Liw ee vecsnir,
Jinxqiur Liw ee siurr buah iuu :ee;
Pnaiw langg qrex-diongx ee taubak, Liw paccuir ix,
Lorhen ix ee qinqix qaur jinrtauu. [Selah]
14 Liw ing ix qaqi ee cniux cak taur ix jenwsu ee tauu;
Inx laii cincniu qngxlehongx, beh qnuaw snruar guaw;
Inx soxx hnuahiw :ee, si amwjni tunjiac songhionglangg.
15 Liw kiaa bew dac dirr haiw nirr;
Dyrr si dac giaa ingw ee duarjuiw.
16 Guaw tniax .qnir, guaw ee simdngg qiauxqaw.
Uirdiyhh hitt xee sniax, guaw ee cuiwdunn kehkec diy;
Quthaii hiuxhuai, guaw dirr guaw ee soxjai gniauhgniauc cuah.
Guaw jixu diam diam tingwhau jailan ee zit qaur,
Cimhuan qingxlai ee vecsnir jnriu .laii.
17 Suizenn buhuaqyxciu byy huatngiu,
Pudyciu byy qed quexjiw,
Qnanaxciu iarr byy siusingg,
Canhngg byy cud gnoxqog,
Diauu-lai byy vnuar jiah ngiuu,
Gudiauu iarr byy guu,
18 Guaw iauxquxx beh in'ui Jehovah laii hnuahiw,
In'ui qiur guaw ee Siongrder laii kuaiwlok.
19 Jruw Jehovah si guaw ee kuiwlat;
Ix hro guaw ee kax cincniu logbuw;
Qycc hro guaw qniaa dirr guaw quann ee soxjai.
20 Jitt xee quax qaux hro gagqnuax, ing guaw sihenn ee gagkir laii cniur.