III. Setqaur go-jap nii, teciongr jurdi (1915-1934)
Qauwhue congwsed qaur 1915 si duxduxx go-jap nii. Jitt jam ee ligsuw vailet quiw hxang dirr erbin.
1. Teciongr jurdi
Quiw nii jingg dyrr u langg decc qongw kiw qauwhue jurdi ee su, 1915 nii kiw dyrr dua teciongr. Lun qauwhue jurqib ee bunrdee, itvnuax ee sinwdoo kacc byy decc sniu. Goo Hiingg Sensnix uirdiyhh jitt jann jin' zedsimx. Ix bad sijid kir qing'ingg quexjixtec, air tanr jnii tangx henwqimx, ngwbang qauwhue benw siurr voxjo. 1915 nii qycc hro Aqauu (Vindongx) Qauwhue cniaw jyr bogsux. Dui' jitt sii kiw qapp quixnarr xui dongjir, Liau Did, Qyx Doghingg, Limm Enwsinn, Dne Kepuanr jiaxee bogsux jinrlat qoxbuw qauwhue jurdi. Hitt sii ee piaugiw "Jurdi, Juriongw, Jurtuann," dairqex jin' sik. Au .laii sed 'Qyhiongg Jiux Qauwbu Qiok' laii cir qniaa.
2. Qaixjingr ee Sinx log cutvanw
Singwceh Qonghue cniaw Vax Bogsux dingg huan'ik Sinx Iog. Vax Bogsux did diyc snax xee Diongqog sensnix draur vangjan, dui' 1913 nii Sir-guec jap-id kiw qangx, qaur 1914 nii Jap-guec cezi huan'ik cingcyw. Au .laii qycc srunn qycc qaiw, jiacc kir inr; 1916 nii Go-guec zi-jap-veh huathingg. Ixau jap-go nii quw ee diongqanx, dirr Daiuann, Hokqenr, qapp Lam'ngiuu, longxjongw u sriaux lak-bxan vunw.
3. Davanii ee surqnia
Lanw qauwhue decc hnuahiw setqaur go-jap nii, soxiw Dionghue bingrling qokk qauwhue quxhingg qiwliam lexvair. Qycc virvan qiwliamrpinw sangr Maw Isingx jyr laii Daiuann go-jap nii ee qiwliam. Siang jitt nii u huatsingx Davanii vicamw ee surqnia. Jitt jann duiww tuandy siong u jin' dua ee joxgai. Uirdiyhh jitt xee surqnia, uree soxjai qui' jngtauu ee lamluw lyxiu longxjongw jauu. Uree soxjai qandna' lauu hurzinlangg qapp ginxaw, qi'uu juanvo vangr huew siyx siw. Jitt xee vicamw m si ing vitbak erdangr hing'iongg. Jitt xee jaiec, bylun sinwdoo qapp byy sinr ee langg longxx u duw .diyc, vutqyr duiww sinwdoo u jamxzenn kacc kuandai.
4. Diongyc ee sinx haursiar
Daiuann ee hueriuw qapp Ingqog Suandy Hue snaqab hiablik, 1916 nii qenwdiog jit qingx sinx haursiar dirr Dangmngg gua. Jitt qingx ee qenwdiokhuir sir-bxan go-cingx kox (Daiuann jitt vingg cud nng-bxan, Ingqog hitt vingg cud nng-bxan go-cingx). Jitt qingx Diongyc sinx zim ee haurdniuw si Ban Inghuaa Bogsux; ix dirr 1912 nii qaur Dailamm, liauxau kir Dangqniax yc Zidvunxue jiace dyr laii liaurliw haghau. Ban Bogsux laii Dailamm teqyx haghau ee tingdo; jex iarr si dua qongwhenr dirr qauwhue qapp siarhue.
5. Aujiux Dairjenr ee ingxhiongw
Aujiux Dairjenr, siarhue qapp qauwhue dua siurr ingxhiongw. Dailamm quixnarr xui suanqauwsux siurr driaur kir jenwde, drir qaur Dailamm ixgua ee iquanw qovutjiongx jiamrsii viwsyw. Dui' Aujiux jenwjingx soxx sriu diyc siongrr dua ee ingxhiongw si qingjer ee venwdong. Sing'uahhuir qex jin' siongdiong, vogqib ee tuandy qamxqag jin' kunwlann. Suisi guehqib qex nng kox (1918 nii), mrquxx iaxx si byy qraur. Tuandyrsux ee qankow naxx dua, qetqiok u qauw miaa sijid (diongqanx uree byy dikkag si uirdiyhh anxnix). Jongw .si taundy ee vogqib si sursit, in'ui qaur 1927 nii dogsinx ee tuandy coqib iarr iauxquxx si zi-jap-id kox.
6. Vax Bogsux ee qangjog qapp bing'u
Ixjingg u qongw kiw Vax Bogsux laii Daiuann soxx jyr qapp soxx duw .diyc ee su; dnaxx beh qycc qongw.
(1) Jyr poksu qapp girdniuw
In'ui Vax Bogsux huan'ik Sinx log ee Singwqingx, 1919 nii Lak-guec zi-jap-go, dui' ix ee byxhau Glasgow Dairhak did diyc sinhak poksu ee hag'ui. Qycc dirr 1921 nii, siurr qingw jyr Ingqog Dniuxlyw Qauwhue derr id huee Jongxhue ee girdniuw. Jex longxx si jin' dua ee ing'u.
(2) Vendur zirdenw qapp huan'ik Qu log
Do Qadig Bogsux soxx venx ee zirdenw, qingquer vnuar sewqiw, dnaxx ixqingx kacc byy hab'ing; in'ui u jerje sinx bingsuu dirr hitt vunw longxx byy. Vax Bogsux u qycc vendur laii jyr hitt vunw ee jingvow (Supplement to the Dictionary of the Amoy Vernacular). Vax Bogsux dece vendur inwsuad jitt vunw zirdenw ee sijun, u cniaw jit xui Daiuann cinglenn ee tuandyrsux kir druar Siongrhaiw qapp ix dauwkaciuw. Vax Bogsux u siauwliam ix. Jitt vunw si 1923 nii dui' Siongrhaiw cutvanw.
Vax Bogsux soxx huan'ik ee Sinx log jin' hah'ing, u dua lirig. Dirr 1925 nii, quatding diyhh qycc dingg huan'ik Qu log. Hitt sii, dairqex longxx qongw, beh jyr jitt xee qangx, byy jit xee viw Vax Bogsux kacc hap; hitt diap ix ixqingx cid-jap-veh huer. Cid-jap huer ix iauxx e pah dniaqiuu, veh-jap huer iauxx gauu qniaqii, qycc qaur ved-jap-sir huer ursii jit zit iauxx bad jyr qangx veh diamxjingx quw.
1925 nii, dirr Ermngg quatgi diyhh cniaw Vax Poksu qaiw ik Qu log. Ix in'ui nihuer je, m qnaw dac'ingr; sriu diyc Daiuann jiaxee suanqauwsux ee qoxbuw qapp Byxhue ee qikle, jiacc qnaw singlok. Vutqyr ix u singx dyr kir Ingqog hiyckunr, qaur 1927 nii cuntnix qycc laii, qaur Ermngg jiacc diogciuw huan'ik. Qajair, vutjiw sunrli jinwhingg, qaur 1930 nii Jabzi-guec snax-jap, dyrr huan'ik cingcyw. Au .laii dirr Siongrhaiw Siongbu Inwsuquanw inr. Byy pacsngr, 1932 nii Jnxiax-guec zi-jap-veh Siongrhaiw survenr, Siongbu Inwsuquanw duw diyc vogjar, soxx inr ee Qu log hro huew siyx liauw liauw, jit nii quw ee qangx qruix dirr oiuw. Hyw qajair, Vax Poksu lau qinjad, iauxx u guanqyw lauu dirr ix ee ciuw. Vax Poksu dyr laii Daiuann ixau, siongsiongg siaw puex tamwmng, 1932 nii Jap-guec, qycc quer kir Siongrhaiw sethuad, dagg hxang jin' sunrsu jinwhingg. 1933 nii Veh-guec cesir, inwsuad Qu log ee qangx bingvik cingcyw. Poksu muaxsimx hnuahiw, dyrr dyr laii Daiuann. Hitt nii ee Singwdanwzit, ix jriab diyc zi-jap vunw sinx diamxdiamw ee Qu Iog dui' Siongrhaiw laii. Vax Poksu ee hnuahiw kuaiwlok qongw be jin.
Anxnix dui' Qu log Congwser Qir qaur Sinx log Kexsirlok, juanvo si Vax Bogsux huan'ik jyr Romazi. Jitt xee qangjog sidjai jin' dua.
7. Cekenw bogsux kir Pneoo
Ixjingg longxx si pair tuandy kir Pneoo jyr qangx, 1916 nii cekenw Ngiuu Sewjur Bogsux kir Pneoo tuandy. Ix qapp Bogsuniuu druar dirr Maxqingx, tangx kir sunsi juann Pneoo ee qauwhue. Qycc jiax ee jixmue iarr cud jnii pair luxtuandy, quer kir Pneoo draur uanrjo qauwhue ee qangjog.
8. Qauwhue ee tuandyrzet
Goo Hiingg Bogsux jiurzim liauxau, qauwhue naxx jinwvo, dyrr qewik beh sinx kiw vaiwdngg. Qyxzenn diogciuw, suacc duw diyc qingjer venwdong. Hueriuw ee henwqimx qiamw jidvnuar, diongxjib qapp bogsux dua huanlyw. Goo Bogsux zedsimx qidyw, kikkow jyr hueriuw ee bo'ngiu; dairqex cud lat henr, hurzinlangg jerje henr inx ee jongsikpinw jyr kiw vaiwdngg ee loring. Duxduxx hitt sii (1921) Zidvunw tuandy dui qaur Daiuann jerje soxjai tuandy. Toksit (拓植) qapp Dysip (多辻 ) nng xui sensnix qaur Vindongx jyr qangx. Juann qauwhue dua zet, tong' mee qidyw iarr si byy hihanw, dairqex air tuandy. U langg qongw ix knuar qnir ngirsiong, e qongw iauxx bue laii ee dairjir; jitt sii qauwhue dua hunwluan. Qajair au .laii u anjing. Hueriuw narr byy jinsit ee sinwgiongw, jidsii ee qandna' zet, sidjai si jin' guihiamw.
Jitt quixnarr nii, itvnuax ee hueriuw jin' air vowdy. 1925 nii, Singwqed Qauwhue Diongdenn (中田) Qamdog laii Daiuann tuandy. Ixjingg iarr u cniaw Sidcuanx (植村), Sansig (山室), Hyrcuanx (賀川) qapp Qimsimx (金森) jiaxee sensnix laii tuandy. Daiuann qauwhue narr tniax diyc qongxx si Qidokqaur, bylun sniaw kuanw langg longxx huangingg. Jex si jin' hyw, mrquxx iarr jin' berhiauw sniu. Jitt nii Jinx Iasoqaur iarr tuann zip Daiuann; lanw qauwhue dongqiok u koxsimx, jongw .si byy zuarr dua ingxhiongw.
9. Suanqauwsux ee dongrjing
Jitt quiw nii diongx suanquawsux idong ee su, diah kacc iauwqinw :ee qir dirr erbin. Qoniuu (Miss A. D. Reive) laii Dailamm, jriab Loo Qoniuu jyr luxyc ee haurdniuw. Limm Qoniuu (Miss Ann A. Livingston) kir druar Jionghuar. Do Qoniuu (Miss Sabine E. Mackintosh) 1916 nii siurr pair laii Dailamm qar luxyc qapp tuann dyrliw.
1921 nii, Simw Gerdunx Sensnix (Mr. L. Singleton, B. Sc.), 1922 nii, Goo Ligjir Qoniuu (Miss Jessie W. Galt, B. A.), siurr pair qaur Dailamm. Inx nng xui longxx si u qinggiam ee sensnix, u yc Daiuan'ue qapp Zidvunxue, soxiw vutjiw gauu vangjan qauwhue, hro Diongyc qapp Luxyc ee tingdo kacc quann.
1926 nii, Lenn Gnaxle Qoniuu (Miss S. Gladys Cullen) qaur Dailamm. In'ui Kanada Lenhap Qauwhue singlip ee indnuax, vakvo ee suanqauwsux Lauu Diongqenx (Rev. Duncan Macleod), Maw Dairvit (Rev. D. F. Marshall) nng xui bogsux qapp Let Qoniuu (Miss Elliot), Anx Qoniuu (Miss Adair) longxx lyc laii druar lamvo jyr qangx. Goo Bogsuniuu (Mrs. Gauld) qapp Goo Qoniuu (Miss Gretta Gauld) 1931 nii iarr lyc laii Dailamm. Goo Qoniuu si lauxlen ee kanwhorhu, gauu vangjan Liw Isingx. Dui' Goo Bogsuniuu lyc laii liauw, lamvo ee qauwhue singwquax dui dua jinwvo. Liamm Diklet Bogsux dirr Daiuann jyr qangx snax-jap-snax nii quw, 1928 nii sijid. Ix dirr Sinhaghau, Diongyc, Cecvangg jyr qangx, qycc jin' air kir jngsia srunn qauwhue.
1930 nii, Hix Bogsux (Rev. F. G. Healey) qapp Bogsuniuu qaur Daiuann, au .laii quer kir druar Ingxcunx. Qaur 1934 nii jiacqycc laii Dailamm liaurliw Sinhaghau. Simw Gerdunx Sensnix jringw air jyr vowdy ee qangx, 1931 nii lirkuix Diongyc, 1933 nii Ue Sensnix (Mr. R. G. P. Weighton) laii tab ix ee kueh. Qycc Biw Qoniuu (Miss Margaret Beattie) iarr si 1933 nii laii Luxyc jyr sensnix.
Simw Sensnix lirkuix Diongyc liauxau, jurjai dirr Lagqah jyr diongsimx, siwqer tuann hok'imx. Ing huanwdingx qapp uahdang siaxjinx ee honghuad laii vowdy, vutjiw hyw qihue. Lauu Diongqenx Bogsux lyc laii lamvo, dirr jerje soxjai dairqiw tuandy. In'ui ix snialiong dua, u zedjingg, qycc Daiuan'ue marr jin' lauw, Soxiw qaur dagg xui, thiajiongr longxx jin' je, soxx qongw u qamxdongrlat. 1934 nii, Lauu Bogsux ee jaboxqniaw Lauu Lordig Qoniuu laii, druar dirr Jionghuar jyr vowdy ee qangx.
10. Juxzid'ye Qauwuann Qangxsibhue
1917 nii, Daiuann Dairhue jojid juxzid'yc vorhue ixlaii, juann Daiuann Juxzid'yc u dua jinwvo. (Vorhuerdniuw 1917-1922 nii Songr Diongqenx Bogsux, 1923-1928 Qyx Qimsingx Bogsux). Vorhue singlip liauw, dyrr dirr muixx guec ee Qauwhue Vyr cud 'Tongsinr Qauwsiu' laii vangjan qauwuann; iarr cud 'Juxzid'yc Sniax' laii vyr siausid sna' qikle. Au .laii u huathingg Qauwuann Kywvunw. 1924 nii Cid-guec, kuix derr id huee Juxzid'yc qauwuann qangxsibhue, 150 gua langg dui' sir-jap gua qingx qauwhue laii hur. Qiqanx jap zit quw; qangxsip ee kybok u Juxzit hagkyr qapp qauwsiurhuad. Dairqex siurr ciwqig, did diyc jin' dua ee lirig.
11. Qauwhue Sinx Vyr
Qyhiongg Jiux erbin ee qauwhue, in'ui jitt quiw nii qiglik qoxbuw jurdi, dairsingx 1921 nii ing tingsiaxvanw inr jap-zi-bxan laii cud "Qyhiongg Qidokqaur Vyr'. Bogdig si air qoxcuix dagg qauwhue ee sinwdoo quansimx dirr qauwhue jurdi ee su, dirr Vindongx kuix uahvanxsow qiyr jyr Singxser Sia, 1924 nii Id-guec huatkanx Qauwhue Sinx Vyr. Jitt xee qangx dua vorhun si Dne Kepuanr Bogsux damdngx, ixgua iarr u vadd langg draur vangjan. Jitt xee vyr qewsiok huatkanx quixnarr nii quw, u dadsingg soxx ngwbang ee bogdig. Zen'au Singxser Sia qapp Sinlauu Cecvangg dirr 1932 nii liongxvingg longxx jiong' soxu ee jaisanw henr hro Lamvo Dionghue, dui' anxnix dyrr lenhap.
12. Hunsed sir xee Dionghue
Aqauu Tnxiax ee qauwhue teciongr jurdi, liauxau cringw air hunsed Dionghue. Dingxbin ee qiquanx in'ui rair hro dairqex snaqab jinwhingg, suizenn byy suisii inxjunw, mrquxx u hro inx sed Qyhiongg Qauwbu Qiok singx cir qniaa. Derr id huee qauwbu qiogdniuw Limm Enwsinn Bogsux, 1921 nii Sir-guec qranx dirr Qi'au Vaiwdngg kuihue. 1926 nii Qauw-guec, derr go-jap-cid huee Dionghue girquad hunx jyr sir xee Kugirhue, dairqex siang vordiau laii cir vran, dyrr si Qyhiongg Kugirhue, Dailamm Kugirhue, Qagi Kugirhue qapp Daidiongx Kugirhue. Dagg xui ee kugirhue dairkair longxx jiauww Qyhiongg ee kuanw, sed dirr go vxo decc uahdang: u tuandy vxo, qauwiok vxo, surbu vxo, venjib vxo, jaibu vxo. Sir xee Kugirhue qniaa liauw u sunrsu, dyrr tee cud dirr 1930 nii Snax-guec ee derr lak-jap-zi huee Lamvo Dionghue sincingw rair hunsed jyr sir xee Dionghue. Suizenn si beh hunkuix jurdi, mrquxx u jap-id hxang ee qongqiong surgiap:
(1)Tuandy Qiok. (2)Juxzid'yc. (3)Tuanqauwsux Jongxhue. (4)Jusen Hue. (5)Voxjo Hue. (6)longxlyw Hue. (7)Suandy Hue. (8)Qenwdiog Vxo. (9)Ciwgiam Vxo. (10)Qauwiok Vxo. (11)Jaituann Huatzinn.
Hunsed Dionghue ee ciuxsiok sir kux longxx venx, lak-jap-zi huee ee Lamvo Dionghue dirr Snax-guec celak girquad tog girdniuw jinrlat dirr Dairhue. Qyxzenn dirr 1930 nii Snax-guec zi-jap-lak did diyc derr jap-go huee Daiuann Dairhue ee puejunw, hunsed jyr Qyhiongg, Dailamm, Qagi qapp Daidiongx sir xee Dionghue. Au .laii Lamvo Dionghue siongsed vxo girdnia qingw sir Dionghue derr id huee ee girdniuw: Qyhiongg Dne Kepuanr, Dailamm Ngg Surbing, Qagi Ongg Uaw, Daidiongx Ngiuu Sewjur.
Sir Dionghue tauu jit huee kuihue ee qizit qapp dniusow:
1) Qagi Dionghue ....1930.5.6 ....jurjip dirr Qagi
2) Qyhiongg Dionghue ....1930.5.21 ....jurjip dirr Qyhiongg Vak'iaxdingw
3) Daidiong Dionghue ....1930.5.27 ....jurjip dirr Daidiongx
4) Dailamm Dionghue ....1930.6.17 ....jurjip dirr Dailamm Dangmngg
In'ui tauu vaiw ee kuihue, soxiw qokk Dionghue longxx u pair huersair sna' cingxanx. Qauwsurhue iarr pair dairviauw qaur qokk Dionghue qongw jioksuu. Sidjai u hnuahiw.
Ixau Lamvo Dionghue dyrr singqeh iyr Lamvo Dairhue. Derr id huee Lamvo Dairhue 1931 nii Snax-guec cesnax jurjip dirr Dailamm Dangmngg. Girdniuw Lauu Diongqenx; jniar, hxur suqir, Dann King'iаuu, Oo Jaiwhingx. Jitt huee cutsik ee giruann: Bogsux zi-jap-qauw, qauwsux jit, dniuxlyw sir-jap-id, habqiong cid-jap-id miaa.
13. Jitt quiw nii ee qauwser
Jitt quiw nii diongx qauwhue ee jongrhongw, dirr jiax be tangx siongser vailet, jixu diah quixnarr nii ee gxiac qir dirr erbin:
1) 1924 nii ee qauwser viw jap nii jingg u kacc jinwvo damrvyc: Qauwhue-sxor dui' 100 jinr qaur 105, vuecanjiaw 4,000 jinr qaur 6,000, vunxde bogsux go miaa qetnix qaur jap-snax miaa. Henwqimx 27,000 kox jinwvo qaur 59,000 kox.
2) 1930 nii, Qauwhue-sxor 107, bogsux snax-jap, tuandyrsux go-jap-lak, vuecanjiaw 7,488, siauxzii hueruann 6,375. Henwqimx Y71,747.55. Juxzid'yc qauwuann 1,039, hagsingx 7,193 miaa.
3) 1934 nii, bogsux snax-jap-go, tuandyrsux lak-jap-snax, vuecanjiaw 8,325, siauxzii niaw sexlew :ee 7,679. Henwqimx jap-bxan nng-cingx gua kox. Juxzid'yc qauwuann 1,109, hagsingx 9,142 miaa.
Qitnax quixnarr hxang:
a. Vakvo setqaur lak-jap jiunii qiwliamrhue. 1932 nii Sir-guec celak, cecid, dirr Damrsuiw quxhingg. U qiwliam Lexvair, jiokhyrsig, iarr huangingg Jongxhue girdniuw. Amwsii u sinhagsingx jyr Tenlo Liddingg. Vax Kiklew Poksu qapp Lauu Diongqenx Poksu cutsik dairviauw Lamvo Dairhue qongw jioksuu.
b. Nairvni Oiuwdirhue: Daiuann Dairhue u jojid Nairvni Qiuwdirhue. Der Zinsiu Poksu (Dr. Gushue Taylor) jinrlat punjauw deenn, singjig jin' hyw. Dui' se'ngiuu borjip cid-bxan kox, Daiuann lamvag lak-bxan sir-cingx kox, laii qenwdiog taixqyx vnerngi dirr Damrsuiw ee Vatlixjngx. Suizenn sriu diyc jit vorhun ee langg dua huanxduir, kuix Damrsuiw Qebinn Dairhue, mrquxx Der Poksu iongxqamw kir hur, ing hagliw laii suatbingg. Hiax ee langg suizenn ing hangxhuah ee sniax, danrsi Der Poksu jurjai byy qniax. Qetqiok jitt xee taixqyx vnerngi qenwdiog uansingg. Dirr 1934 nii Snax-guec snax-jap quxhingg logsingsig. Jitt xee Nairvnirngi qiyr jyr "Gnaursan'uann" (樂山園).
c. Qidokqaur Cinglenhue: Doci ee qauwhue ixqingx u quixnarr xui sed Cinglenhue, qaur Daiuann Dairhue derr jap-lak huee (1932 nii) girding jrunw qokk qauwhue congwsed Y.M.C.A. Soxiw dui' jiax kiw, u jerje qauwhue congwsed Qidokqaur Cinglenhue. Dauxlak Y.M.C.A. dirr 1932 nii Lak-guec celak congwsed (hueruann snax-jap-zi miaa), Qi'au Y.M.C.A. dirr 1932 nii Snax-guec zi-jap-cid huathuersig (hueruann go-jap-sir miaa); simrjiww dirr lairsnuax ee Qaupniaa iarr congwsed (1932 nii Sir-guec jap-cid, hueruann snax-jap-zi miaa), anxnix jitt quiw nii u jin' je qauwhue snasuar congwsed Y.M.C.A. 1934 nii, Daiuann Dairhue pair langg genxqiur Y.M.C.A. hab'id qiquanx, rair hro jiaxee Cinglenhue dairqex u sna' lenlok. Zen'au u sed Y.M.C.A. Lenbingg, dyrr si jitt xee iwsur. Jitt xee Y.M.C.A. Lenbingg duiww Dairhue cringw pair nng miaa pinggiruann qapp inx habjog. Y.M.C.A. Lenbingg bad kuix quixnarr huee Cinglenn Harqii Haghau iacc si Siu'iongxhue dirr Damrsuiw, dirr Daidiongx. Derr lak huee (A.D. 1940) u kuix dirr Dailamm. A.D. 1939 Lamvo Dairhue Siong'uiw tog druar dirr Ingqog ee Ngg Jionghuix Qxunx jyr lanw ee dairviauw, Cid-guec kir Holland ee Amsterdam hur Sewqair Qidokqaur Cinglenn Dairhue.
14. Hueqor jitt sidai qauwhue ee dua su
Quewkir soxx qongw jitt jam suizenn si dew dew (1915-1934), mrquxx sidjai u jerje dua su. Qauwhue qenwsed vnuar sewqiw jiacc teciongr jurdi. Sniu' qinw iacc si sniu' ban kyxiw benw girlun, vutqyr si ingwdongx diyhh qniaa ee lo. Sinx log qapp Qu log ee qaiw ik longxx sriok dirr jitt jam ee su. Jex si Vax Poksu soxx lauu ee qongjig qapp uisanw, iarr si qauwhue jiongww sinwdoo ee hingrqog. Qaur jitt sii dagg xee sinwdoo ee qadingg jiwjiyw u jit vunw Sinx log, iarr u jit langg erhiauw tak. Diongyc ee sinx haursiar qenwdiog dirr jin' kuikuah ee soxjai, m na guarquanx hyw knuar, lairiongg naxx ciongsit. Jex si qauwhue qapp siarhue ee hokkir; in'ui dui' jitt qingx Diongyc u cud jerje iusiur ee zinbut dirr siarhue qapp qauwhue uahdang. Qauwhue Sinx Vyr ee huatkanx, sidjai u dua vangjan dirr jurdi ee qangjog. Ing langg didjiab kir qoxbuw qapp Sinx Vyr ee suantuann, vnevnee u dua qonghau. Dionglamvo jiaxee qauwhue iarr hunwkiw, rair snaqab cir qniaa. Qetqiok, hunsed Dionghue ee su qyxzenn sidhen. Jex m si hunli beh sui' langg qor qaqi, si rair vunxsinx cud lat, suar hro vadd langg lenrdat. Dirr Dionghue ee dingxbin iauxx u Dairhue qokk qiquanx tangx sna' lenlok. Jitt quiw nii diongqanx qauwhue u jinwvo, narr knuar tongxqer dyrr kyxiw bingvik. Suizenn u qetnix, mrquxx m tangx liac jyr buanxjiog, jixu diyhh "Qamxsia Siongrder, uirdiyhh Ix qongw be jin ee unsur." (Kolinto II 9:15)