Malaqi
1 Jehovah bigsi ee ue, tokdiong Malaqi tuann hro Islael :ee.
2 Jehovah qongw, "Guaw u tniar linw"; jongwsirr linw qongw, "Liw dirr simxmih su tniar guanw ar?" Jehovah qongw, "Esau qamxx m si Jakob ee hniax mah? Jongwsirr Guaw tniar Jakob;
3 Unawhun Esau, hro ix ee snuax honghuer, ing ix ee giap qaux hro kongwiaw ee snuaqauw."
4 Edom qongw, "Guanw henrjai suizenn huixhuai, iauxquxx beh qycc kiw honghuer ee soxjai"; banrqunx ee Jehovah anxnix qongw, "Inx beh kiw ix, Guaw beh huiw ix; langg beh cxingx ix juer 'Juerog ee qingxqair', juer 'Jehovah ingxuanw siurkir ee vecsnir.'"
5 Linw beh cinbak knuar .qnir, iarr beh qongw, "Dirr Islael qingxqair ee guarbin, Jehovah beh juer dua."
6 Knuawkinx Guaw ee miaa ee jewsix ar, banrqunx ee Jehovah duiww linw qongw: Qniaw junqingr ix ee laurve, lovok junqingr ix ee juxlangg; Guaw narr juer ve, Guaw did diyc junqingr dirr dyclyc? Guaw narr juer juxlangg, Guaw did diyc qingwuir dirr dyclyc? Linw dyrr qongw, 'Guanw dirr simxmih su knuawkinx Liw ee miaa ar?'
7 Linw ing byy cingkir ee vniaw henr dirr Guaw ee dnxuaa; iauxx qycc qongw, 'Guanw dirr simxmih su setdok Liw ar?' In'ui linw qongw, Jehovah ee dyh si tangx knuawkinx :ee.
8 Linw jiong' cnimii ee jingsnix henr juer jewmic, jex qamxx m si pnaiw mah? Jiong' vnaixkax iacc si u vni ee jingsnix laii henr, jex qamxx m si pnaiw mah? Linw cir henr hro linw ee jongxdog, knuar ix beh hnuahiw linw, jiaplap linw mah? Jex si banrqunx ee Jehovah qongw :ee.
9 Dnaxx krngr linw kunxqiuu Siongrder six xunx kuan'iongg lanw; jitt xee su si dui' linw ee ciuw jiacc u :ee; Ix qamxx beh jiaplap linw diongqanx jit langg mah? Jex si banrqunx ee Jehovah qongw :ee.
10 Guan linw diongqanx u langg qnuaix denrmngg, benw did linw kangx kangx dirr Guaw ee dnxuaa kiw huew. Banrqunx ee Jehovah qongw: Guaw byy hnuahiw linw, iarr byy beh dui' linw ee ciuw jiaplap lexmic.
11 Banrqunx ee Jehovah qongw: Dui' zit cud qaur zit lyc ee soxjai, Guaw ee miaa juer dua dirr ledvangx diongx; dagg soxjai hrong Guaw ee miaa siyx hniux, henr cingkir ee lexmic; in'ui Guaw ee miaa juer dua dirr ledvangx diongx.
12 Jongwsirr linw setdok ix, qongw, 'Jehovah ee dyh byy cingkir, ix ee dingxbin ee jiahmic si tangx knuawkinx :ee.'
13 Linw qycc qongw, 'Knuar ar, qaur hiax lysyx huiwkir'; iarr ngx pni iamwjen ix; jex si banrqunx ee Jehovah qongw :ee. Linw ing soxx cniuw :ee, vnaixkax :ee, puawsniur :ee, tec laii henr juer lexmic, Guaw qamxx beh dui' linw ee ciuw jiaplap mah? Jex si Jehovah qongw :ee.
14 Qew hyw ee langg, dirr qui' qrunn-diongx u kangx ee jingsnix, ix he guan dyrr ing u hacuu :ee henr hro Jruw, jitt hy ee langg tangx jiuwjow; in'ui Guaw si dua qun'ongg, Guaw ee miaa dirr ledqog diongx si tangx qnia'uir :ee; jex si banrqunx ee Jehovah qongw :ee.
2 Linw jiaxee jewsix ar, jitt xee bingrling si hro linw :ee.
2 Banrqunx ee Jehovah qongw: Linw narr m tniax, m he dirr simx nirr, laii qruix ingqngx dirr Guaw ee miaa, Guaw dyrr hro jiuwjow qaur dirr linw, hro linw ee hokkir venr juer jiuwjow, Guaw ixqing’ jiuwjow, in'ui linw byy jiong' bingrling he dirr simx nirr.
3 Knuar ar, Guaw beh uirdiyhh linw laii pah pnaiw jingxjiw, qycc ing vunr qoo linw ee bin, dyrr si linw ee singlew ee vunr; linw beh qapp ix vnivnii druu .kir.
4 Linw dyrr jaix Guaw ing jitt xee bingrling hro linw, tangx juer Guaw qapp Levi soxx lip ee iog; jex si banrqunx ee Jehovah qongw :ee.
5 Guaw qapp ix soxx lip :ee, si uahmia qapp ving'anx ee iog, Guaw jiong' jex hro ix, hro ix qnia'uir; ix dyrr qnia'uir Guaw, qingwuir Guaw ee miaa.
6 Jinliw ee ludhuad dirr ix ee cuir-lai; dirr ix ee cuiwdunn cue byy vutgi; ix ing ving'anx jingwdit qapp Guaw drangg qniaa, hro jerje langg uat dngw lirkuix pnaiw.
7 In'ui jewsix ee cuiwdunn diyhh jrunn diwsig, langg diyhh dui' ix ee cuir cingxqaur ludhuad, in'ui ix si banrqunx ee Jehovah ee suwjiaw.
8 Jongwsirr linw u lirkuix hitt diauu lo, hro jerje langg dirr ludhuad diyhdag; linw vairhuai Levi ee iog; jex si banrqunx ee Jehovah qongw :ee.
9 Soxiw Guaw hro linw siurr jingwlangg knuawkinx, knuar juer harjen; in'ui linw byy siuw Guaw ee dyrlo, dirr ludhuad ing pensux kuanxtai langg.
10 Lanw qamxx m si qangg jit xee ve mah? Qamxx m si jit xui Siongrder congwjy lanw mah? Lanw dagg langg sniaw su ing kuixjar kuanxtai hniadi, vairhuai ledjow ee iog ar?
11 Judah qniaa kuixjar, qycc dirr Islael qapp Jelusalem ee diongqanx qniaa kyxngor ee su; in'ui Judah setdok Jehovah soxx tniar ee sxingr sow; cua hogsai guarvangx ee siongrder ee jaboxqniaw juer bow.
12 Qniaa jitt hy su ee langg, guan Jehovah dui' Jakob ee vowvnii diongx, druu kir ix soxu ee langg, higsi cnew :ee, higsi rinr :ee, ixqip henr lexmic hro banrqunx ee Jehovah :ee.
13 Linw qycc anxnix juer, hro bagsaiw tikaur qapp toxkuir venwmuaw Jehovah ee dnxuaa, drir qaur Ix byy qycc knuawqor lexmic, iarr byy hnuahiw dui' linw ee ciuw jiaplap.
14 Linw iauxquxx qongw, "Jex si sniaw su?" In'ui Jehovah dirr liw qapp liw siauwlenn soxx crua ee bow ee diongqanx juer qanjingr; ix suizenn si liw ee pitpuer, qycc si liw bing'iog ee bow, liw iauxquxx ing kuixjar kuanxtai ix.
15 Ix ee sinn suizenn u cunx, qamxx m si jy jit xee mah? Sniaw su jixu jit xee? Dyrr si beh qriuu sxingr ee horer. Soxiw diyhh qinxsiuw linw ee simx, dagg langg m tangx ing kuixjar kuanxtai siauwlenn soxx crua ee bow.
16 Jehovah, Islael ee Siongrder qongw, "Lii bow ee su, qapp ing qiongvy kuanxtai bow ee langg, Guaw uanwhun ix; soxiw diyhh qinxsin siuw linw ee simx, m tangx qniaa kuixjar"; jex si banrqunx ee Jehovah qongw :ee.
17 Linw ing ue tiaulann Jehovah. Linw iauxquxx qongw, "Guanw ing simxmih tiaulann Ix ar?" In'ui linw qongw, "Huanrnarr juer pnaiw :ee, Jehovah knuar ix juer hyw, qycc hnuahiw ix"; iacc si "Qonggi ee Siongrder dirr dyclyc ar?"
3 Banrqunx ee Jehovah qongw, "Knuar ar, Guaw crex Guaw ee suwjiaw, ix beh dirr Guaw ee taujingg virvan lo; linw soxx cue ee Jruw, beh hutzenn qaur Ix ee dxen, bing'iog ee suwjiaw, dyrr si linw soxx himbo :ee, knuar ar, Ix laii lar."
2 Dogdok Ix laii ee zit, jirjui dngx e kiw; Ix henxhen ee sii, jirjui kia e diauu? In'ui Ix cincniu tuanwlen :ee ee huew, qycc cincniu piywvor ee qnix.
3 Ix beh jre lehh, cincniu tuanwlen ginn hro ix cingkir :ee, laii cingkir Levi ee qniaxsunx, tuanwlen inx cincniu qimginn; inx dyrr beh vin' qonggi henr lexmic hro Jehovah.
4 Hitt sii Judah qapp Jelusalem soxx henr ee lexmic, beh did diyc Jehovah hnuahiw, cincniu qursii ee zit, qoxjaw ee nii.
5 Banrqunx ee Jehovah qongw, "Guaw beh limqaur linw, laii simxpnuar; Guaw beh qinw qinw juer qanjingr laii jixbingg qniaa siasut :ee, qniaa qan'imm :ee, lamrsamw jiuwjua :ee, kuihu juewqanglangg ee qangjnii :ee, ki'ab qnuaxhu qozii :ee, uan'ongw cutguarlangg :ee, qapp byy qnia'uir Guaw :ee.
6 In'ui Guaw Jehovah byy qexngua; soxiw linw Jakob ee qniaw byy duw diyc bedbyy."
7 Banrqunx ee Jehovah qongw, "Dui' linw ledjow ee zit ixlaii, linw u uivue Guaw ee ludle, iarr byy siuw ix; dnaxx linw diyhh uat dngw cue Guaw, Guaw dyrr uat dngw cue linw; jongwsirr linw qongw, 'Guanw diyhh jnaixngiu uat dngw?'
8 Langg qamxx tangx tautec Siongrder ee mic mah? Linw qingwzenn tautec Guaw ee mic. Jongwsirr linw qongw, 'Guanw dirr simxmih su tautec Liw ee mic ar?' Dyrr si dirr ingqaix lap ee jap hxun jit qapp lexmic.
9 In'ui linw tong' qog ee langg longxx tautec Guaw ee mic; soxiw linw siurr dang ee jiuwjow.
10 Banrqunx ee Jehovah qongw: Linw diyhh ing jap hxun ee jit hxun, uanjuann sangr zip huxkor, hro Guaw ee cur u bixniuu; ing jitt xee laii cir Guaw, knuar Guaw qyxzenn qra linw kuix tnix ee txangx-aw, vniar hokkir hro linw, qaur byy der tangx he byy?
11 Banrqunx ee Jehovah qongw: Guaw beh uirr linw jikvi cauxmeh, byy iong'unw ix huixhuai toxsanw; linw cann nirr ee pudyciu, dirr bue sik ee dairsingx, iarr byy lag liap.
12 Banrqunx ee Jehovah qongw: Banrqog beh cxingx linw juer u hokkir :ee, in'ui linw beh juer tangx hnuahiw ee de."
13 Jehovah qongw, "Linw ing gni ee ue qig Guaw. Linw iauxquxx qongw, 'Guanw ing simxmih ue qig Liw ar?'
14 Linw bad qongw, 'Hogsai Siongrder si kangx kangx, guanw junsiuw Ix ee bingrling, dirr banrqunx ee Jehovah ee binrjingg kikkow laii qniaa, u simxmih lirig ar?
15 Dnaxx guanw cxingx qiaugno ee langg u hokkir; iarr qycc qniaa pnaiw ee langg did diyc qenwlip; inx cir Siongrder, iauxquxx did diyc qiur cud.'"
16 Hitt sii qingwuir Jehovah ee langg snaqab qongw; Jehovah ngar hnirkangx decc tniax; qycc u qiwliam ee ceh siaw dirr Ix ee binrjingg, si uirdiyhh qingwuir Jehovah, siauwliam Ix ee miaa ee langg.
17 Banrqunx ee Jehovah qongw, "Dirr Guaw soxx dniardiyc ee zit, inx beh qruix dirr Guaw, juer digvet ee vyxvuer; Guaw beh tniawsiyh inx, cincniu langg tniawsiyh hitt xee hogsai ix ee qniaxzii.
18 Hitt sii linw beh qycc e hiauxdid hyw langg qapp pnaiw langg ee hunvet, hogsai Siongrder ee langg qapp byy hogsai Siongrder ee langg ee hunvet."
4 Banrqunx ee Jehovah qongw, "Knuar ar, hitt zit beh qaur, cincniu huexloo decc dyc, qniwnarr qiaugno :ee qapp qniaa pnaiw :ee, beh cincniu cauxiur; hitt xee beh laii ee zit beh itjin siyx ix, qinx qapp qix longxx byy lauu lehh.
2 Dogdok linw qingwuir Guaw ee miaa ee langg, beh u qonggi ee zit kiw laii jiyr linw; ix ee sxit u idi ee qonghau; linw beh cud laii diytiaur, cincniu diauu-lai vuii ee guu-aw.
3 Dirr Guaw soxx dniardiyc ee zit, linw beh tunxdac pnaiw langg, in'ui inx beh juer huexhux dirr linw ee kax-xe. Jex si banrqunx ee Jehovah qongw :ee.
4 Linw diyhh qir did Guaw ee lovok Moses ee ludhuad, dyrr si Guaw dirr Holeb uirdiyhh Islael jingwlangg soxx huanhur ix :ee, dyrr si ludle qapp huatdo.
5 Knuar ar, Jehovah dua qycc tangx qniax ee zit bue qaur ee dairsingx, Guaw beh crex sendix Elijah qaur linw hiax;
6 Ix beh hro juer lauve :ee ee simx uat dngw ngr ix ee qniaw, juer qniaw :ee ee simx, uat dngw ngr ix ee laurve, benw did Guaw laii jiuwjow jitt xee de."