THE POWER OF MYTH -2
Bunchhai huan'ik
UI' JURQIW EE BANG HAGSIP DIYC JURQIW
B: lanw ui' jurqiw ee bang, erdangr yc diyc sniaw?
J: Erdangr yc diyc jurqiw.
B: lanw qaix jnuaxngiu juwir jurqiw ee bang?
J: liw dairsingx rair jyr ee si, qiwdiauu bang ee lueriongg, qycc siaw .lyc .laii. Zenau cruw diyc bangrqingw ee jit siyw penwduan, vixzu jit ~ nng xee iwsiong/ qaiwliam, cue cud inx ee quanlensingr. Jit vaiw qycc jit vaiw siaw lyc liw simdiongx ee iwsiong, dyrr e huathen bangrqingw ee qicow si jit dxuix zinsingx qinggiam/ dirr liw snewmia-diongx m na u moxjiongw tingdo ee diongriauwsingr, qycc e itdit ingxhiongw liw, jixsirr liw jurqiw m jaix ziiw. Jin' qinw liw e qycc jyr bang, e qyckacc cimzip huntiah bang.
B: guaw bad jit xee langg, itdit qaur tewhiux au, jiacc e qir .did jurqiw kunr ee sii, e jyr bang. Tewhiux au sintew ee lingliong byy der jauw, dyrr kaisiw jyr bang, liw dong'ir dirr dongdai siarhue-diongx, langg jin' qanxdanx dyrr qra bang ee diongriauwsingr buah byy .kir, qamxx u jitt jiongw qongxhuad?
J: jurr Freud ee “bang ee hunsig” cutvanw au, dag'ee dyrr singzin bang ee diongriauwsingr. Qisit, dirr jex jinwjingg ixqingx uansingg be jiyw hunsig bang ee genxqiur qangjog. Lanw duiww bang jixu jit quaw cocenw ee zinrbad, vixzu, “kyxlingg e huatsingx dairjir, in'ui guaw itdit bang diyc u dairjir beh huatsingx.”
SINUE SI QONGKAIX EE BANG, BANG SI SUZINN EE SINUE
B: uirsniaxmic sinue ham' bang byy qang?
J: bang si qywzinn duiww tnewdiauu lanw iwsig sing'uac hitt xee cimdimm/ unxvir amwiwsig qicow ee qinggiam. Sinue si siarhue jibtew ee bang/ qongkaix ee bang, bang si suzinn ee sinue. Zuqyw liw suzinn ee sinue/ dyrr si liw ee bang, duxhyw ham' siarhue ee bang qang, liw ham' liw sing'uac/ siarhue dyrr erdangr cruw diyc hyhaii, zuqyw nng xee byy qang, e cniurr jurqiw qodnuax dirr ociurnaa morhiamw hitt ngiu.
B: zuqyw guaw suzinn ee bang ham' qongqiong ee sinue cruw diyc hiabdiau, dirr jitt xee siarhue dyrr erdangr uac qaxx kacc qenrjuann; zyqyw qywzinn ee bang tuatli siarhue vordiau ...
J: ... dyrr e u mahuann ar, zuqyw virr vig itdit sing'uac dirr jitt jiongw jinghongw-ha, kyxlingg e jniajyr sinqingvne.
B: jerje bangrsiongxqax simrjiww lingxsiur/ inghiongg, qamxx m si jiapqin sinqingx vangvnuaa jongrtair?
J: byy cyr! Inx si jiapqin jitt jiongw jongrtair.
B: liw anxjnuaw qaixsueh?
J: jiaxee langg ixqingx tuatli guanvunw erdangr vyxho inx ee siarhue, jinwzip m bad qinglik quer, juansinx ee ociurnaa, guansiw qingqiam ee lenrhuew sewqair. Guansiw qinggiam si byy langg erdangr qaixtiah ee, diyhh kyr jurqiw jingxliw cud jangxtauu. Qandna' u erdangr/ berdangr singdamx jitt nng jiongw suanxdik. Jit xee langg tuatli ixqingx hunsig quer ee lorqingr byy zuarr quw au, dyrr e huathen jurqiw kud dirr kunwqingw-diongx. Binrduir jitt jiongw ciwlen ee iongxkir, uirr qitnalangg dirr ixqingx u ee qinggiam-diongx cua zip sinx ee kyxlingg texgiam iongxkir, si jit jiongw inghiongg hing'uii.
B: liw qongw diyc bang laijurr linghunn?
J: guaw m jaix iauxx qycc u qitnax kyxlingg ee laiguann. Bang laijurr huanwsiongw, qamxx m si? Qowsingg huanwsiongw ee qicow si sintew kiwquanx soxx sanxsingx ee lingliong, jex sik'iong dirr soxu zinlui ee srinx-siong. Huanwsiongw laijurr qangrkuanw ee singbut qicow/ siurhan digding ee juxdee. Bang dyrr si bang, bylun jyr bang :ee si si'angw, bang ee digsig si iuxhan ee.
B: guaw sniu qongxx bang si suzinn :ee, sinue si qongkaix :ee?
J: dirr mow quaw jancur-siong, suzinn ee bangrqingw/ jinjniar sinue ee dejaii vrong jywhuew, duhuix ui' sinue laii luirviw, iauxx byy hxuad qaixsueh neh! Jung tyxlun .quer, bang ee nng jiongxlui, jit jiongw si qywzinn ee bang, lingrgua si guanhingg ee bang/ dyrr si sinue jancur ee bang. Liw erdangr iong lensiongw honghuad laii qaixpuar jurqiw ee bang, cue cud bang dirr qywzinn sing'uac ee iwgi/ iacc si suzinn bunrdee ee quanhe. Danrsi, zinsingx ursii e cuthen sunzenn sinue ee bang, dyrr si qongw, jitt xee bang vauhamm sinue ee juxdee, iacc si qongw laijurr qywzinn luersimx ee Qidog.
B: laijurr lanw luerjai ee guanhinglangg, lanw guanhingg ee jurgnow?
JIT DNXUA BYY SIQANX JUNJAI EE SIQANX
J: si anne byy cyr! Jyr bang lingrgua jit jann kacc cimkig ee iwgi si, hex si jit dnxua byy siqanx junjai ee siqanx/ si jit jiongw ensiok ee junjai jongrtair. Qinqir Inwnii (Indonesia) jit xee sinue qowsu, qongw diyc sinue nidai/ jitt xee nidai ee jiongqed :
zinlui ee joxsenx siongrr kixtauu vingrr byy lxamm-luw kuvet/ hitt sii byy cutsir marr byy sixbongg.
Qycc laii, qixvan jit xee singwdai qongkaix tiauwbuw kingwjiog uahdang, dirr quewdingg-diongx u jit xee langg virr dac siw/ liah jyr cuiwpnir/ draii driau. Dirr beh sad siw hitt kig, hunx cud lxamm-luw singwvet, incuw sixbongg hro cutsir did diyc vnevang, cutsir marr hro sixbongg did diyc vinghingg, dongsii sitew draii lyc ee soxjai huad cud jiac ee sidbut. Siqanx in'ui uicii snewmia, ui' byy qaur u, sixbongg/ cutsir/ taii siw/ cauxbak cutsir marr duer lecc laii. Sinue sidai coqii ee jitt dnxua ciausiqanx ee siqanx ixqingx in'ui jibtew juerhingg/ qowsad iacc si junsimx hisingx, jiongqed ar.
Sinue cuxliw ee juxiaur bunrdee ji' id: si jiong' simx/ snewmia jankog ee senquad diauqnia --- taii siw/ jiahdiau snewmia, diauhyy itdir. Jiahcair :ee m si qandna' ham' jurqiw qunw sngxciyr, cauxbok marr si u snewmia. Snewmia ee jinliw si jiac driau snewmia/ snewmia iuaw snewmia singjunn. Sew cringx zinlui simlingg/ qiyr cnew duiww snewmia qivunw henrsit ee iwsig, duxx si mow quaw huisiongg jankog gisid ee diongriaur qonglingg ji' id.
Jitt lui gisid ee juxiaur vorhun dairsingx si satsingx --- ixx hongw ee hongsid laii viauxdat, ui' jitt jiongw guansiw juerhingg sanxsingx lanw muixx jit xee langg dy' cam'uw qidiongx ee sewsiok siarhue. Jiong' simlingg/ sing'uac diauqnia diauhyy itdir ee juxdee si, soxu congwser qowsu ee qicow. Dirr jitt xee janbin, byy qang bunhuar, kuix tende ee qowsu longxx luirsu.
B: Singwqingx Quriog congwsewqiw ee congwser qowsu jyr le, ham' qitnax congwser qowsu u sniaw siyqang soxjai?
J: anne, liw tak jit dnxua congwsewqiw, guaw tak jit dnxua qitnax bunhuar ee congwser qowsu, knuar u sniaw luirsu?
B: congwsewqiw derr id jniux : “kixcox, sinn congwjy tnide. De si kangx ~ hunrdun, cimenx oamr.”
J: jex si <Sewqair ji' Quax> Arizona lamvo Pima tuanqii “dirr siongrr kixtauu, sewqair siwqer si oia --- xia qapp juiw. Jit quaw soxjai ee xia venr qaxx hunrdun, jip jywhuew qycc vunkuix, jip jywhuew qycc vunkuix ...”
B: congwsewqiw derr id jniux “ sinn ee linghunn unrdong dirr juixbin, sinn qongw rair qngx, dyrr u qngx.”
J: jitt dnxua laijurr Inwdorqaur Upanishads, siqanx iokk seguann jingg veh sewqiw, “ kixtauu, jixu ixx langg ee hingtew huanxngiaw cud ee dairgnow, in'ui si huanxjiyr sanxsingx ee, duliauw jurgnow ixgua byy qitnax :ee, incuw derr id qxur ue si: jex dyrr si guaw.”
B: congwsewqiw derr id jniux “sinn dyrr anwjiaur jurqiw ee hingsiong jy langg, jiauww ix ee hingsiong jy lxamm jy luw. Sinn suwhog hro inx, qycc duiww inx qongw, rair snetnuar jerje, ciongbuanw derbin.”
J: jitt dnxua laijurr Sehuix Bassari tuanqii : Unumbotte jy liauw jit xee langg, miazi lamzinn, qycc jy jit jiah ling'iongg, miaa qiyr ling'iongg, qycc jy jit jiah hyrjyr juaa, Unumbotte mng inx, dairde iauxx bue jingcuir, linw rair jiong' linw jre ee derbin pah vnee.” Unumbotte hro inx qokk jiongw byy qang ee jingxjiw, “qra jiaxee jingxjiw jingr dirr too-lai”.
B: congwsewqiw derr zi jniux “ tnide banrbut dy' jy jiaujee ar, qaur derr cid zit, sinn jy but ee qangjog ixqingx uanvid ar ...”
J: jex qycc si Pima tuanqii “ guaw jy liauw sewqair, knuar mai lehh! Sewqair ixqingx jabjngg ar, guaw jy liauw sewqair, knuar ar! Sewqair jejngg ar!”
B: dngw laii congwsewqiw derr id jniux “ sinn knuar diyc itcer soxx jy :ee longxx jin' hyw.”
J: Upanishads anne siaw “ix jurqag diyc, guaw jinjniar si congwjy vunxsinx, si laijurr jurgnow ee luerjai. Incuw, ix venwsingg jitt xee congwjy vunxsinx. Sursit-siong, jaix congwjy venwhuar ee langg, vunxsinx dyrr si congwjyrjiaw.”
Hex si quanqenr soxjai. Zuqyw liw jaix jitt diamw, liw dyrr qra congwjy ee guanjig, knuawjyr sinn dirr jitt sewqair ee lat, junjai dirr liw simdiongx. Jex si jin' suiw ee.
B: congwsewqiw suar lyc qongw, “qnaxsi liw jiac liauw, guaw huanhur qongw bersaih jiac hitt jangg ciu ee quexjiw? Liw sur hro guaw, ham' guaw jywhuew hitt xee luxjuw, tec hitt jangg ciu-dingw ee quexjiw hro guaw, guaw dyrr jiac ar.
Iahyhuaa duiww luxjuw qongw, liw jyr liauw sniaw su neh?
“Juaa inxiuw guaw, guaw dyrr jiac.” luxjuw anne dab.
Liw qongw diyc tuisiah jikzim, hex jaw dyrr u ar.
J: byy cyr! Duiww juaa ee taiwdo ithiongr si jin' giamle ee. Bassari ee tuansuad marr u luirsu: u jit zit, juaa qongw, “lanw marr qaix jiac quexjiw, uirsniaxmic lanw air vakdow iaux neh?”
“Danrsi, lanw duiww jiaxee quexjiw longxx m bad.” ling'iongg qongw.
Lamzinn ham' ix ee kanciuw banw jit quaw quexjiw jiac, Unumbotte ui' tnidingw lyc laii, mng “si'angw jiac driau quexjiw?”
”gunw jiac :ee” inx jywhuew dab.
Unumbotte mng “si'angw qongw linw ersaih jiac tihh?”
”Juaa”, inx rinr.
Jex cavutdyx si qangrkuanw ee qowsu.
B: jitt nng xee qowsu juxiaur qaksig dy' jixjig vadd langg duirlyc ee guanhiongx, liw ui' jiax did diyc sniaw?
J: byy cyr! Duxhyw longxx si juaa. Dirr jitt nng xee qowsu, juaa siongrdingx danwsag quewkir ee snewmia, qycc qewsiok sing'uac lyc kir.
B: uirsniaxmic?
J: snewmia ee ligliong hro juaa tngwkag, cniurr guehniuu daulyc imngiaw. Juaa trngr driau guanlaii ee puee uirr beh qycc uac, cniurr guehniuu danr lyc laii imngiaw uirr jaiwsnex cud sinx guec. Inx si qangrkuanw siongrdingsingr huhy. U sii, juaa ee hingsiong si qa jurqiw ee buexliux, hingsingg jit xee ngi'koaw, jex si snewmia ee hingsiong. Snewmia dai dai jiapsuar, henwcud qngngiaw, uirr vutduan qycc cutsir.
Juaa dairviauw ingxuanw ee lingliong/ vutduan cuthen sixbongg qapp snewmia ee jitt xee sewqanx ee iwsig jongrtair. Zuqyw ixx jitt jiongw hongsid laii knuar snewmia, hex si qik kiongxvor :ee. Incuw, dirr juaa srinx-siong dongsii junjai snewmia ee belangg/ qniax langg nng jiongw iwbi.
Jinr jit vo laii knuar, juaa dairviauw snewmia ee juxiaur qonglingg/ jiahmic ee qonglingg. Snewmia vutduan jiahdiau qitnax snewmia soxx qowsingg. Dirr liw jyr liauw jit dxngr vng au, liw si be sniu zuarr je ee, mrqycc liw soxx jiac .lyc .kir :ee, si byy zuarr quw jingg, iauxx qycc si uac lingr lingr ee snewmia ar! Himsiongw dairjurzenn ee suiw sii, jiauxjiah vuex laii vuex kir, siwqer cue mic dog, inx jiac .lyc .kir :ee, si qitnax ee snewmia. Guu jiac cauw, marr si decc tunx snewmia. Juaa si jit diauu siwqer dinxdang ee siauhuawdy, hex dyrr si juaa/ hro langg' jit jiongw dua dinxdang ee qamxqag, henwcud snewmia guansiw digjid ee iwbi, liw byy su'iaur ham' ix sna' jneven.
Snewmia kyr satsingx/ jiac driaiu qitnax snewmia laii ensiok/ vaixtuad sixbongg qycc uac ee ensuar, cniurr guehniuu qang. Jex si jiaxee siongrdingsingr/ dywkaux ee hingtew, iwdoo beh henwcud zinsingx ywvir ji' id.
DAIRVORHUN EE SINUE, JUAA SI JNIAWBIN EE IWGI
Dairvorhun sinue, juaa dy' si jniawbin ee iwgi, dirr Inwdo, siongrr dok ee bagqniawjuaa marr si sinsingr ee dongrbut. Sinue ee juaa dairongg derui si derr zi kxamw, derr id si Vuddyy. Juaa dairviauw jitt sewqanx ee snewmiarlat/ sixbongg, kiokk qycc si ingxsingx be siw/ jitt xee sewqair jixsirr ix ee imngiaw --- trngr kag ee juapuee.
Juaa dirr Bixqog Indians ee tuantongw, marr si virr junqingr :ee/ inx zinruii juaa si zinlui qaix qetqaux ee diongriaur ligliong. Qongw jit xee le, liw erdangr kir Indians druar ee vorlok, camquanx Hopi (Bixqog Arizona dangvakvo ee Indians) tiaur juabuw, inx e jiong' juaa he dirr cuir-lai, viauxsi ham' juaa jyr ving'iuw ee iwsur, zenau qra juaa vangr dngw kir snuax nirr.
Jitt xee dongrjog ee iwgi, si beh hro juaa jiong' zinlui ee sinwsid duar dngw kir juaa ee sewqair, cniurr juaa jurr snuax qra sinwsid duar hro zinlui. Langg ham' dairjurzenn ee hordong quanhe, denxhenr dirr langg/ juaa ee quanhe. Juaa ee hingdong cniurr juiw ziu'nngw byy lat/ jic e vutduan tror cud huexcnix, juaa srinx-siong dongsii henwcud nng xee duiwlip.
B: dirr Qidokqaur ee qowsu, juaa si jit xee inxiuxjiaw.
J: jex dingxii qirjuat kingxding snewmia. Lanw jurr sewhanr qewsingg ee Qidokqaur tuantongw, snewmia si duirlyc :ee, muixx jit jiongw jurzenn ciongdong dy' si juerog, duhuix qingquer quawlew/ sexlew. Juaa si jiong' guanjue cua hro jitt xee sewqair ee guanhiongx/ luxzinn qra linwgo tec hro javox dairviauw guanjue, jiong' luxsingr ham' guanjue dongwjyr qang jit xee, juaa/ guanjue knuawjyr qangrkuanw, snewmia/ guanjue siyqang, si niuxkiog ee qaixsueh. Singwqingx sinue muixx jit xee qowsu, zinlui duirlyc ee qawsi, siwqer cue e diyc.
B: qra luxjuw knuawjyr guanjuerjiaw ee qaiwliam, marr cuthen dirr qitnax sinue?
J: byy, guaw byy dirr qitnax soxjai knuar .diyc. Ham' jitt xee qaiwliam siongrr jiapqin ee, kyxlingg si <Pandora ap-aw> ee Pandora. Mrqycc hex m si guanjue, jixsirr mahuann. Singwqingx tuantongw duirlyc ee qaiwliam zinruii, zinlui soxx bad ee dairjurzenn si duirlyc ee/ singr vunxsinx si duirlyc ee/ luxsingr si duirlyhjiaw/ si singr ee sokngiaw. Uirsniaxmic Edam/ Eva virr qimwjiw iongxiuw sxen-og ee diwsig? Byy senrog diwsig, zinlui iuguann si jit qrunn sing'uac dirr Eden Hngg budix siyw ingzii, byy vanrhuad cam'uw snewmia.
Luxzinn jiong' snewmia cua laii jitt sewqair, Eva si jitt xee iuxhan siogser buxcinx. Zinlui bad dirr Eden Hngg iongxiuw bangrqingw ee loghngg --- byy siqanx/ byy snex/ byy siw --- byy snewmia. Eden Hngg siw liauw qycc uac, trngr driau juapuee qycc jaiwsingx ee juaa, si jibhap siqanx/ ingxuanw diongsimx ee ciursinn, sursit-siong, juaa jiacc si Eden Hngg juxiaur ee sinn.
U jit zit, Iahyhuaa dirr cingliangg honghunamr laii qaur Eden Hngg/ vutqyr si jit xee vaiwtamwjiaw. Eden Hngg si juaa ee dervnuaa, jex si jit xee jin' lau jin' lau ee qowsu . Seguann jingg snax-cingx go-vah nii sii, Sumer ee hong'inr dyrr u kig juaa/ linwgo ciu/ luxsinn, luxsinn duxx qra snewmiarqyw tec hro javox langkeh, hex si iuxquanx luxsinn ee qoxlyw sinue. Je nii jingg, guaw knuar quer jit vxo qibiau ee denrngiaw, si Myanmar ee luxjewsix uirr ix ee juxbinn qriuu ho ee qowsu : ix qniaa jnriu snuax, hiamwhiux jit jiah bagqniawjuaa-ongg cud laii, qycc jimx juaa ee pni snax vaiw, bagqniawjuaa si snewmia ee sniuxsuwjiaw/ horjuiw ee suwhokjiaw/ si jit xee sinsingr, jniawbin ee qaksig, m si huwbin :ee.
B: liw zuhyy qaixsueh jitt xee juaa ham' congwsewqiw ee juaa, inx hingsiong jiqanx ee cavet?
J: Iutaiwlangg laii qaur Qalamde qycc jinghok Qalamlangg ee qowsu teqiongx ligsuw ee qaixsueh. Qalamlangg siongrr juxiaur ee sinbingg si luxsinn, juaa si ham' luxsinn jywhuew ee, jex si dairviauw snewmia ywvir ee siongrdingx. Ixx lamsingr ee sinn jyr jruw ee jongqaur tuantew, qirjuat jiapsiu jitt jiongw qaiwliam, ngua jit jiongw qongxhuad, dyrr si Eden Hngg ee qowsu, huanxjiyr amwsi vaitig luxsinn ee ligsuw vuewqingw.
LUXZINN DUAR HRO JITT SEWQAIR ZIRGUANN DUIWLIP EE TONGWKOW
B: Eden Hngg ee qowsu duiww luxsingr jinjniar si dua sionghai, qra Eva sokjy rair uirr zinlui duirlyc hurjig ee qaksig. Uirsniaxmic luxsingr diyh'air uirr zinlui ee duirlyc hurjig?
J: luxsingr dairviauw snewmia, byy qingquer luxsingr, javox byy hxuad did diyc snewmia, luxsingr dongsii marr duar hro jitt xee sewqair zirguann ee duiwlip qapp tongwkow.
B: quanhe zirguann duiwlip jitt diamw, Edam/ Eva ee sinue qowsu jixcud sniaw? Ix ee iwgi si sniaw?
J: qowsu rair ui' guanjue kaisiw qongw kiw --- ui' likuix tendongg loghngg hitt xee byy siqanx/ byy lamluw cavet ee sinue bangrqingw kaisiw qongw. Lamzinn/ luxsingr dy' qandna' si snewmia ziiw/ siongrder ham' langg cavutdyx si qangrkuanw. Dirr jit xee cingliangg ee honghunamr laii qaur lamzinn/ luxsingr druar ee loghngg-lai, qycc laii lxamm-luw jiac liauw linwgo, dairviauw duiwlip ee diwsig.
Huathen inx byy qang au, lxamm-luw ziakiamr inx sinkux byy qang ee vorhun. Liw knuar, inx dairsingx vingrr byy sniu diyc inx si duiwlip :ee/ inx jixsirr jit siangx duiwjiaur, lingrgua jit siangx duiwjiaur si langg ham' siongrder, sxen-og si derr snax siangx duiwjiaur, Eden Hngg siongrr juxiaur ee vixduir si singwvet. Ixqibb langg-siongrder, qycc laii sewqair jiacc cuthen sxen-og qaiwliam. Qandna' inx singzin liauw zirguansingr, Edam/ Eva dyrr virr danr cud ciauuat siqanx hyhaii ee loghngg. Beh uac, diyh'air jiauww duiwlip laii hingdong.
Inwdorqaur u jit xee iwsiong dairviauw luxsinn ee snax qag hxingg/ diongsimx jit diamw dairviauw jitt xee sewqair ee ciauuat lingliong, suar lyc laii, ui' dairviauw luxsinn ee snax qag hxingg juaw cud jit duir jit duir ee snax qag hxingg, hiongr siwbin-vathongx koksanr, id venr zi, dirr jitt xee sewqair soxu ee mic dy' si singsiangx ee duiwlip. Jex si jit jiongw iwsig jongrtair ee juanxii, ui' ittew ee iwsig jongrtair juanxii qaur zirguanlun. Suar laii, dyrr jinwzip sriu siqanx hanrjer ee jitt xee sewqair.
B: jitt xee qowsu jixcud, dirr Eden Hngg huatsingx jex itcer huixbet zinlui surqnia jingg, snewmia ee hyhaii bad junjai quer?
J: jex si iwsig jongrtair ee jancur bunrdee, ham' sidjer huatsingx sniaw byy quanx. Dirr jitt xee kongqanx-lai, liw iuguann erdangr ham' ciauuat duiwlip ee surbut zinrdongg.
B: hex si sniaw?
J: qongw be cud/ bersaih qongw/ ciauuat soxu qiyr e cud ee miaa, knuar e diyc ee hingjong.
B: qamxx si siongrder?
ZINLUI CIANGJAI IXX DUIWLIP EE QAIWLIAM SUKYW
J: sehongx ee gixgenn, “siongrder” si aiwmai ee zirganw, hyxcincniu amwsi ixqingx jaix ee surbut. Mrqyxx ciauuat :ee si byy hxuad jaix/ berdangr venrzin :ee, juewau siongrder si ciauuat zimrhyy mic, vauquad “siongrder” jitt xee miahy. Siongrder si ciauuat soxu ee zirhy/ hingtew. Meister Eckhart (1260-1327, Dikqog sinhagqax/ sinviwjuxgirjiaw) qongw, jiongqik/ siongrr quann ee ciauuat (Leave-Taking) dyrr si uirr liauw sinn laii kiwsag sinn, hniwsag guan'iuw duiww sinn ee qaiwliam, duicue jit jiongw ciauuat soxu qaiwliam ee qinggiam.
Snewmia ee sinvir si ciauuat soxu zinlui erdangr jiangxag ee qaiwliam, zinlui soxx jaix :ee, byy ciauquer junjai/ byy junjai, dysor/ dan'id, jinsit/ byy jinsit ee qaiwliam huanruii/ ciangjai ixx duiwlip qaiwliam sukyw. Mrqycc siongrder, jiongqik ee jinsit, si ciauquer zirguann duiwlip huanruii, soxu zirguann junjai dy' jixhiongr jiongqik ee jinsit.
B: uirsniaxmic lanw ixx duiwlip ee qaiwliam sukyw?
J: in'ui zinlui byy hxuad iong qitnax ee hongsid sukyw.
B: hex si zinlui sewqair ee jinsit vunxjid.
J: si zinlui soxu “qinggiam diyc” dairjir ee guanngiu.
B: lxamm-luw, snex-siw, hyw-baiw ... dringw.
J: liw-guaw, jitt xee-hitt xee, jinx-qew. Muixx jit xee dy' u lingrgua jit xee duiwlip junjai. Mrqyxx sinue qra lanw qongw, zirguann duiwlip ixgua iauxx u dan'id, duiwlip jixsirr jit xee byy jinsit ee ngiaw. Cniurr sizinn Blake qongw “ingxuanw air diyc siqanx ee sanxbut.”
B: ingxuanw air diyc siqanx ee sanxbut? Hex si sniaw iwsur?
SIOGSER SNEWMIA EE LAIGUANN SI INGXUANW
J: siogser snewmia ee laiguann si ingxuanw, ingxuanw huee qaur jitt xee iuxhan ee siogser, cniurr sinn henwsinx venwjyr jiongwsingx ji' id, qivunw-siong, si sinue ee qaiwliam. Dirr Inwdo, langg luerjai ee sinn hyrjyr sintew ee “jurbinn”. Zinrdongg jurqiw sinsingr/ be hiuxnua ee jidbin, dyrr si knuar jurqiw ham' sinsingr jyr ittew.
Ingxuanw ciauuat soxu sukyw ee huanrdiuu. Jex si soxu uixdai donghongx jongqaur jin' diongriaur ee quandiamw. Lanw kiokk beh sukyw siongrder. Siongrder si jit jiongw sukyw/ miazi/ qaiwliam, mrqyxx crunx hiongr buhan, ciauuat soxu sukyw ee surbut. Junjai ee jiongqik ywvir si ciauuat soxu sukyw ee huanrdiuu. Cniurr Kant qongw :ee, surbut vunxsinx vingrr m si mic/ ciauuat iuxhingg/ ciauquer zimrhyy sukyw e diyc :ee soxu surbut. Siongrr hyw :ee, si bersaih qongw :ee, in'ui hex ciauuat soxu sukyw, derr zi hyw ee surbut si virr gnorqaiw :ee, in'ui hex unxhamm berdangr virr sukyw ee surbut. Derr snax hyw :ee, si zinlui iong cuir damlun :ee. Sinue si jriw hiaxee juadduir ciauuat ee surbut.
B: dyrr si qongw, qandna' erdangr iong zinlui cenxvyc ee gixgenn, naxx guarsnax laii sna'ngaa hitt xee berdangr venrzin/ berdangr hyrmiaa ee ywvir.
SINN EE LAT DAIRSINGX SINGWVET EE HUNVET
J:dirr Ingbunn, hing'iongg ciauuat itcer ee jiongqik zirsuu si sinn. Mrqyxx anne suacc hanrjer dirr qaiwliam ko'aw, liw qamxx u knuar .diyc? Jiong' sinn dongwjyr hurcinx knuawtai. Dirr jit xee qra sinn/ jyrbudjiaw knuawjyr buxcinx ee jongqaur, jingxqyy sewqair dyrr si maxmah ee sinkux, byy qycc u qitnax sewqair. Lamsingr ee sinn kiokk ciangjai si lingrgua jit xee sewqair.
Qisit lamsingr/ luxsingr dy' si qang jit xee vunxguann ee nng xee binrsiongr. Jiong' snewmia jiauww singwvet kuhunx si jin' aurlaii ee dairjir ar, jiurr sinliw-siong, AMOEBA venwhingtangg vingrr byy lxamm-luw hunvet, jaxqii sewvaux dyrr si sewvaux ziiw/ inx si jiar busingr snetnuar, ui' jit venwjyr zi. Guaw byy cingcyw dirr dycc jit xee qaidnua cuthen singwvet, hex si jin' aurviah ee dairjir ar. Dyrr anne, bylun ixx lamsingr/ luxsingr jixzin siongrder si jin' lirqingx :ee. Sinn ee lat dairsingx singwvet kuhunx.
B: danrsi, jixu dirr gixgenn hunx cud siongrder si lxamm iacc si luw, zinlui jiacc erdangr bongcue cud sinn jitt xee dua qaiwlialm ee iwhamm, qamxx m si? Siongrder, tnive/ luxsinn ...
J: si anne byy cyr! Danrsir zuqyw qra siongrder sniu jyr tnive/ luxsinn, si byy hxuad jinjniar liauxqaiw sinn :ee/ qaiwliam si cuarniaw lanw jinwzip ciauuat itcer ee tiabkax, ciauuat itcer ee iwsur si kir ciauquer zirguanlun. Dirr siqanx/ kongqanx huanruii-lai zimrhyy surbut dy' si zirguann duiwlip :ee. Bacsinx m si ixx lamsingr dyrr si luxsingr hingtair cuthen, lanw muixx jit xee dy' si sinn ee bacsinx. Erdangr qongw, muixx jit xee langg jixsirr jinjniar ciaux-budjid zirguansingr ee qidiongx jit bin, cutsir dirr jitt xee budjid sewqair, jitt xee qaiwliam henwcud jongqaur ee ywvir. Jongqaur qinggiam jit xee langg qinglik sna' lensuar ee kexhuad, virr inxcua qaur cimzip jaiww cimzip ee jurgnow, drat qaur jit xee qaidnua au, dyrr erdangr liauxqaiw, zinlui si e siw, marr si ingxsingx :ee, zinlui si lxamm marr si luw.
B: Liw zinruii EDEN Hngg anne ee soxjai qamxx junjai?
J: dongzenn byy junjai. EDEN Hngg si jit jiongw m jaix siqanx/ m jaix duiwlip, budix jongrtair ee vixzu hongsid/ dongsii qycc si iwsig jongrtair, kaisiw caqag surbut venwhuar ee juxiaur diongsimx.
B: EDEN Hngg ee budix qaiwliam huatsingx sniaw venwhuar? Hex qamxx si qniax dinxdang, kongwjer iacc si uwziamw?
J: dyrr si anne, u jit xee quanhe jurgnow jitt xee sinbingg ee qowsu jin' u iwsur. Jurgnow qongw “guaw si”, itdanr qongw cud “guaw si” dyrr viauxsi ix qniax.
B: uirsniaxmic?
J: hex si siqanx-lai ee jit xee sidtew. Suar laii anne sniu “guaw u sniaw tangx qniax? Guaw si ui'id :ee.” anne qongw, dyrr qamxqag diyc qodok, hibang u lingrgua jit xee ix, u liauw iogbang, kaisiw pongwdiongr/ kaisiw hunlec jyr zi, lxamm-luw, zenau laii qaur jitt xee sewqair.
Juxqiongx-lai ee txex siongrr dairsingx qinglik .diyc :ee, si qniahniaa, jit xui druar dirr CALIFORNIA, hyrjyr STANISLAV GROF ee CZECH jingsinkyx isux, je nii laii itdit kuix LSD behuanwiyc ee iyhhngx hro vnerlangg/ huathen vorhun vnerlangg jaiww crur qinglik cutsir ee qinggiam. Dirr derr id qaidnua qinggiam, juxqiongx ee taizii vingrr byy zimrhyy “guaw” “junjai jongrtair” ee qamxqag/ cutsir jingg byy zuarr quw, duer diyc juxqiongx ee cuijun, kiongxvor ee qamxqag dyrr cuthen.
Jitt sii pnua kiongxvor laii ee, si “guaw”, dirr qik kiongxvor ee cutsir jitt xee qaidnua, cngx quer snedngg jitt xee qanlann lo au, dyrr si --- siongrder, qngx! Liw qamxx erdangr siongxsiong? Jex qamxx m si dinghok sinue jurgnow qongw “guaw si” au, sui' qamxqag diyc qniahniaa ee qowsu? Dng' jurgnow jaix jurqiw si dan'id :ee, dyrr snacsimx lingrgua jit xee/ iacc si vnewsingg nng xee ee iogbang. Jex dyrr si jiong' sewqair cua zip qngx/ ziguann duiwlip ee insor.
B: jiacnirr je byy qang qowsu, vauhamm jiac liauw linwgo/ luxzinn dringw luirsu ee digjid, si henxsi zinlui qiongrtongx, qamxx m si neh? Vixzu, dirr jiaxee tnide kuix ee sinue qowsu, dy' u jit xee “ liw vutqaix” ee qaiwliam. Lamzinn/ luxjuw in'ui vuervuan virr qimwjiw ee hing'uii, jiacc su'iaur vnuacud EDEN Hngg, je nii laii tak .quer jiaxee qowsu ixau, guaw iuguann byy hxuad siongxsiong jiacc je byy qang bunhuar ee qiongrdongdiamw.
SNEWMIA JINJNIAR EE KAISIW SI BYY HOGJIONGG
J: binqanx qowsu qiongrdongg ee dongrqix si virr qimwjiw.
Qamxx e qir .did <nraa hociux (BARBE-BLEUE, Huatqog sizinn CHARLES PERRAULT congrjyr ee gnixaw qxow)> ee qowsu! Ix qiyr ix ee kanciuw “bersaih packuix snaduu!” virr qimr :ee jongxsi byy guanrir hogjiongg bingrling. Dirr Quriog , siongrder jixcud zinlui berdangr jyr ee hitt hxang su/ siongrder dongzenn jaix zinlui e kir jiac linwgo/ in'ui zinlui byy hogjiongg siongrder ee qimwling, jiacc erdangr kaisiw jurqiw ee sinx snewmia. Snewmia ee guantauu si byy hogjiongg ee hing'uii.
B: liw zuhyy qaixsueh jiaxee luirsu soxjai?
J: u nng jiongw qaixsueh, derr id si juann sewqair zinlui ee simliw dy' si qang :ee, zinlui sintew ee qiongrdongg luerjai qinggiam si siyqang :ee. Soxu zinlui ee bactew si qang :ee, qangrkuanw ee kiwquanx/ vunxlingg/ ciongdong/ ciongtut/ qniahniaa. Dirr jitt xee qiongrdongg qicow-siong, henxhenr cud JUNG soxui ee guanhingg, dyrr si soxu sinue qiongrtongx ee siyqang qaiwliam.
B: sniaw si guanhingg?
J: guanhingg si siongrr qivunw qaiwliam, ersaih qongw si “dexjann (GROUND)” qaiwliam. JUNG zinruii jitt xee qaiwliam si amwiwsig jongrtair ee guanhingg/ si kacc sikhap ee suu/ ui' siongrr qivunw qaiwliam endngg, u taunauw lydong ee ham'ir. Amwiwsig jongrtair ee guanhingg viauxsi hex si laijurr iwsig ee dexjann. Ham' FREUD inx jiqanx ee cavet dirr :
FREUD ee amwiwsig jongrtair laijurr qywzinn itsingx-diongx soxu virr apjer siurhai qinggiam ee jibtew/ byy iwsig jongrtair/ si duanrqir sid :ee;
JUNG hagpair amwiwsig jongrtair ee guanhingg si singbudsingr :ee/ si sintew kiwquanx qapp lat ee tauxvangr henrsiong/ duanrqiwsid iwsig jongrtair si cuwiaur :ee;
Dirr byy qang siqanx/ kongqanx ee zinlui ligsuw, guanhingg/ siongrr qivunw ee qaiwliam, e cing byy qang hogjongx. Jex si byy qang kuanxqingw/ ligsuw jongrtair soxx jyrsingg ee qetqyw, marr si zinluirhagqax siongrr quansimx/ sniu beh jixzin/ vixqaur :ee.
Lingrgua, marr u jit jiongw hunsnuawlixlun (COUNTER THEORY OF DIFFUSION) laii suecbingg byy qang sinue ee luirsu. Vixzu, duer diyc pox jxngx (TILLING THE SOIL) gersut ui' huatguande hiongr gua huatdenw, ham' dairde ee imcann/ sidbut jingwjyh iuxquanx ee sinue marr cuthen. Luirsu jiaxee huatdenw mosid ee sinue, cniurr taii siw jit xee sinbingg/ qra dog jyr cuiwpnir/ draii lyc too jyr sidbut vuiliau ... dringw longxx si. Jitt jiongw hingtair ee sinue si vnuarduer longgiap/ jingwjyh tuantongw laii :ee, be cuthen dirr paclac bunhuar tuantongw, incuw tamwtyw sinue luirsursingr bunrdee sii, e cuthen ligsuw/ simliw nng janbin ee insor.
B: zinlui guanrir jiapsiu jitt jiongw congwser sinue qowsu, liw zinruii zinlui hibang did diyc sniaw?
J: guaw zinruii zinlui decc jauxcue texgiam jitt xee sewqair ee lo, jitt jiongw texgiam inxniaw zinlui/ kexhuad zinlui sing'uac ee ciauuat qingxqair. Jex dyrr si zinlui soxx beh air :ee, zinlui linghunn snacsimx :ee.
B: liw ee iwsur si zinlui decc jauxcue jit jiongw ham' ju'iongw banrbut ywvir cruw diyc hyhaii ee hongsid? Si liw soxui soxu zinlui qiongrdongg hiangxiuw ee qongxdua diamrjing qicow?
J: byy cyr! Vutjiw si ow cud ziiw, si beh dirr lanw henrjunn ee kuanqingw/ qimzit sewqair-siong, ixx jingwkag ee hongsid zinrdongg. Hro zinlui u linglik texgiam diyc sinsingr ee junjai.
B: vutjiw junjai dirr jitt xee sewqair, marr dirr lanw muixx jit xee srinx-siong.
SI'ANGW CONGWJY LIAUW SEWQAIR?
J: lanw qidyw sii siangciuw habjiangw, qamxx m si? Dirr Inwdo jitt jiongw juser si viauxsi liw luerjai sinbingg ham' lingrgua jit xee zintew ee luerjai sinn hap jyr ittew ee diwir hongsid. Inwdorlangg zinrbad diyc soxu surbut dy' u sinsingr junjai. Liw kir Indrdorlangg daux jyr kxeh sii, inx jiaptai liw dyrr cniurr jiaptai jit xui qangwlimm ee sinbingg.
B: jiaxee langg jiapsiu congwser qowsu, qra qowsu liutuann .lyc .kir, qycc ixx qowsu lueriongg jyr sing'uac huatjig, inx qamxx byy qyckacc qanxdanx ee gibun? Cniurr, si'angw congwjy sewqair? Uirsniaxmic congwjyr sewqair? Jiaxee bunrdee qamxx m si qowsu rair huedab?
J: m si anne, dendyww si tauwquer qowsu soxx teqiongx ee dab, langg liauxqaiw jyrbudjiaw busow-vutjai. Liw qamxx liauxqaiw guaw ee iwsur? Lanw duxx liam quer UPANISAD qowsu ee sinbingg qongw, “guaw jaix guaw dyrr si jitt xee uxdiu.”
Dng' liw liauxqaiw sinn dyrr si uxdiu, liw jurqiw si uxdiu-diongx ee singbut sii, dyrr iwsig .diyc sinn dirr liw tew-lai, marr dirr zidsiongg sing'uac-diongx ee l.-lamluw-l. srinx-siong, si duiww singwtew ittew liongxbin ee jurqag. Sinue ee qivunw dongrqix si, soxu singbut vunxlaii dyrr si ittew, qaur aurlaii jiacc u hunvet --- dyrr si tnix/ de/ lxamm/ luw ... dringw, zinlui si jnuaxngiu ham' jitt xee tiauhyy ee uxdiu sitkir lenhe? Qidiongx jit xee qaiwsueh si, jex si mow jit xee langg ee cyr --- urlangg jiac liauw vutqaix jiac ee quexjiw, urlangg duiww siongrder qongw liauw vutqaix qongw ee ue, diwsuw siongrder dua siurkir, qra zinlui danwdiau, byy air qycc jiauwqor inx ar. Incuw ingxuanw :ee, likuix zinlui hng ~ ~, zinlui jixhyw sniu vanrhuad qycc ham' ix lenjiab kiw laii.
Lingrgua jit jiongw sinue juxdee si, zinlui m si ui' tnidingw vuac lyc laii, si ui' dairde ji' buw ee juxqiongx .cud .laii. Dirr jitt jiongw qowsu, tongsiongg zinlui dy' hiongr quandingw vreh syh/ lautuix, siongrbuew vreh kiw laii :ee, si jit ~ nng xee duarkox/ duarvuii :ee, inx giuw syh vreh sii, syh jit xe dng .kir, zinlui dyrr ham' jurqiw ee guantauu hunkuix ar. Dirr moxjiongw iwgi-siong, jex si in'ui zinlui jurqiw ee simx dngrjuat .kir, lauu lyc laii :ee, si zuhyy qra liackuix ee hudsimx tnirqap jywhuew.
B: Ursii guaw e sniu, guansiw zinlui liutuann jiaxee qowsu ee bogdig si uirr gulok jurqiw?
J: m si, hex m si hro jurqiw hnuahiw ee qowsu, jixu dirr mow digvet jetbok/ dniuhap, jiacc e tec cud laii qongw ee qowsu.
Sinue u nng jiongw byy qang ee jiongxlui. Qidiongx jit jiongw si duarhingg sinue, cniurr Singwqingx ee biyrdngg sinue, uirr qaixsueh uixdai/ sinsingr ee gisid junjai :ee. Qinqir jiaxee gisid soxx quer ee sing'uac hongsid, hro zinlui erdangr ham' inx jurqiw/ qitnax langg/ dairjurzenn hyhaii dauwdin. Ixx gurgenn laii lixqaiw jiaxee sinue si jin' suwsiongg ee hongsid.
B: liw zinruii dairsingx liutuann congwser qowsu ee langg, iwsig diyc jiaxee qowsu ee gurgenn sikcaiw?
J: byy cyr! Inx liutuann ee honghuad si gurgenn qowsu ee hongqeh. Inx ee dairjir naxjunxx dyrr si anne ee hongsid laii qongw jiaxee qowsu. Urlangg jinjniar jy liauw sewqair jitt xee qaiwliam, si jit jiongw langg jyr ee susiongw (ARTIFICALISM). U jitt xee sewqair junjai, soxiw itding urlangg congwjy jitt xee sewqair.
Lingrgua jit jiongw sukyw hongsid si, m si ixx langg jyr vixping ee hongsid, laii knuawtai jurzenn venwhuar ee quewdingg. Sniax qasog kongkir hingsingg, suar lyc laii si huew/ juiw/ derqiuu ee hingsingg --- jywsingg jitt xee sewqair. Jingxqyy uxdiu vauhamm dirr guancox ee sniax/ pydong-diongx, zenau hro soxu ee surbut lag zip siqanx ee penwduan-diongx. Ui' jitt xee quandiamw laii knuar, vingrr byy guarbin mow langg qongw :ee, “hro huatsingx”.
Dairvorhun ee bunhuar dy' u nng ~ snax jiongw byy qang congwser qowsu, m si qandna' jit jiongw ziiw. Singwqingx u nng jiongw vanxvunw, suibongw dag'ee zinruii si siyqang ee.
E qir .did EDEN Hngg qowsu ee derr zi jniux? EDAM si siongrder congwjy cud laii jiauwqor EDEN Hngg ee hngdingx, siongrder sniu beh poo EDAM/ air ix jiapsiu jitt xee uandingx ee qangjog, jex si jin' qoxlyw ee qowsu ar, tywiong qoxdai SEMITE ee tuansuad. Jiongww sinn air urlangg jiauwqor inx ee huehngg/ jingwjyh sinn su'iaur ee sidbut, jiacc congwjy zinlui, jex dyrr si congwsewqiw derr zi/ snax jniux ee sinue vuerqingw.
Mrqyxx sinn ee hngdingx quer qaxx jin' byliauu, siongrder uirr ix huatbingg cittymic, congwjy liauw dongrbut, EDAM erdang gulok jurqiw :ee, jixsirr uirr dongrbut hyrmiaa, jex marr jin' byliauu. Siongrder jiacc ui' EDAM ee sinkux congwjy cud luxzinn linghunn ee uixdai qowsiongw --- jex ham' congwsewqiw derr id jniux, sinn jiauww jurqiw hingsiong congwjy lamzinn/ luxsingr ee qowsu u qigdua cavet.
Congwsewqiw derr id jniux ee qowsu --- siongrder vunxsinx dyrr si guansiw ee lxamm-luw qang jit tew, si seguann jingg sir sewqiw/ iacc si qyckacc aurlaii ee jit jiongw tuanqaur iong ee qingbunn. Derr zi jniux si laijurr seguann veh sewqiw kacc jaxqii ee qowsu. Jingg qongw .quer, Inwdorqaur jurgnow qamxqag qniahniaa/ iogbang hunlec jyr nng xee qowsu, si ham' congwsewqiw derr zi jniux duiwdingw :ee, dirr congwsewqiw-diongx hunlec jyr zi :ee si langg, m si sinn.
LIW EE DUIWDIK SI LIW EE JIT VORHUN
Dirr HELLENE tuansuad, ARISTOPHANES dirr PLATO <Duiwuerlok (SYMPOSIUM)> qongw diyc :ee, marr si luirsu ee qowsu. ARISTOPHANES qongw siongrr jaxqii ee singbut, si ui' bogjingg nng jiongw zinlui josingg ee. Jitt nng jiongw zinlui u snax jiongw byy qang johap hongsid : javox/ jabow, javox/ javox, jabow/ jabow, jiongww sinn qra inx longxx tiah jyr nng xee. Zinlui virr hunx jyr nng xee au, kiokk itdit sniu beh guanlaii hitt vnuar dngw laii guansiw dan'ui. Incuw lanw itsingx itdit jyr :ee, si jauxcue lingrgua jit vnuar, air beh lamw jywhuew.
B: liw qongw sinue si genxqiur soxu zinlui qiongrtongx ee qowsu si sniaw?
J: dyrr si qongw dag'ee dy' si cutjurr qang jit xee junjai qicow ee si'kongx sanxbut. Lanw soxjai ee sewqair cniurr ingxuanw lingxhik ee imngiaw derdai. Liw dyrr si dirr jitt xee imngiaw-lai uahdang, jin liw soxu ee lat viauxhen cud liw jitt xee vorhun ee qaksig. Liw jaix liw ee digzinn dyrr si liw ee jit vorhun, zuqyw liw erdangr ui' diongdy ee quandiamw laii knuar ee ue.
B: incuw, zinlui qiongrdongg ee qowsu, dyrr si dirr zinsingx buxdaii-dingw cue cud jurqiw ee uirdir?
J: qywzinn beh ham' sewqair jitt xee dua qauhiongw gagkig cruw diyc hyhaii, diyh'air ham' jitt xee gagkig suanlut tiauhyy itdir.
B: tak .quer jiaxee qowsu, bylun bunhuar vuewqingw/ guantauu dirr dyhh, guaw qamxqag zinlui uirr beh liauxqaiw jurqiw ee junjai, qycc beh dirr dew ~ ee zinsingx ligdingg cir ciaubudjid sewqair ee kyxlingsingr, soxx sanxsingx dua siongxsiongrlat jin' si vutkyxsugi. Jitt jiongw texgiam qamxx bad huatsingx dirr liw srinx-siong?
J: Guaw qra sinue knuawjyr qauw xee MUSE luxsinn (HELLENE sinue jiangxquanw six/ imgak/ qitnax gersut ee luxsinn) ee qowhiongx, inx erdangr qikhuad gersut/ six ee lingqamw, jiong' sinue dongwjyr jit siuw six, qywzinn si six ee jit xee qaksig, jex si sinue qar lanw :ee.
B: jit siuw six?
J: guaw ee iwsur m si ixx bunzi hingtair cuthen, si denxhen hingdong/ qinglik morhiaw hingtair ee six. Zri ee iwsur siangdongx moxjiongw ciauuat hingdong sii vunxsinx ee surbut. Zinlui incuw erdangr ingxuanw ham' uxdiu ee junjai vyxcii dauwdah.
B: dng' guaw tak sinue qowsu sii, jixsirr qamxsiu diyc qidiongx ywvir, qamxqag qingwuir. Lanw erdangr iycsniu, mrqycc ingxuanw byy hxuad cngtangr qidiongx ee ywvir.
J: hex dyrr si diongrdiamw. Jit xee langg zuqyw zinruii jurqiw erdangr cue diyc qiuwqingr ee jinliw, hex dyrr cyr lor! SANSKRIT u jit dnxua ciangjai virr inxiong ee bunzi, marr cuthen dirr Lyxjuw <Dyrdikqingx>, “jurqiw zinruii bad :ee, si m bad. Jaix jurqiw m bad :ee, si jinjnair bad. In'ui dirr jiax, jindix si budix, budix jiacc si jindix.”
B: tak liw iuxquanx sinue ee duwjog, vutdanr byy siausic guaw ee sinwgiongw, dendyww jiong' guaw hamrzip dirr bunhuar qnalyy ee sinwgiongw tauxvangr cud laii.
J: sinue qangrkuanw marr tauxvangr guaw ee susiongw, zimrhylangg jixiaur erdangr did diyc sinue tuansangr ee sinwsid, dy' erdangr qamxsiu sinue ee jok'iong.
B: u quaw sinue si m si jerjiyw viw qitnax sinue kacc jinsit .quaw?
J: dirr byy qang jancur, inx longxx si jinsit :ee. Jiamduir digding siqii ee digding bunhuar, muixx jit xee sinue qapp snewmia diwhui iuxquanx. Sinue hiabjo qywzinn/ siarhue tongxhap, siarhue/ dairjurzenn tongxhap. Sinue jiong' qywzinn ee vunxsingr/ dairjurzenn qethap jywhuew, si jit xee tiauhyy ee lat. Ixx lanw sehongx ee sinue jyr le, qivunw si zirguanlun qaiwliam ee sinue: sxen/og, tendongg/ dergak. Lanw ee jongqaur dyrr kacc u lunliw sikcaiw. Guanjue/ siogjue, driyc/ cyr.
B: jit jiongw duiwlip ee qinxdniulat: air/ hun, sixbongg/ snewmia.
ZUQYW LIW SOXX SNIU :EE DY' SI JURQWI EE GUANJUE, ANNE LIW DYRR JNIAJYR JUERZINN
J: RAMAKRISHNA bad qongw .quer, zuqyw liw qui' taukag soxx sniu :ee, dy' si jurqiw ee guanjue, anne liw dyrr e jniajyr jit xee juerzinn. Guaw tak qaur jiax ee sii, sniu diyc jurqiw sewhanr, muixx lexvaiwzit dy' e kir cue bogsux singzin jurqiw ee jue, bingngiu quewkir jit lexvair soxx huan ee muixx jit diauu jue. Guaw zinruii jit xee langg kir zinrjue sii, qaix qongw “tnive, jiokhok guaw, guaw itdit jyr be baiw, jiaxee si guaw quewkir jit lexvair jyr ee hyxdai.” langg zinrdongg jniawbin, m si huwbin ee surbut.
Jongqaur luirsu zinlui derr zi xee juxqiongx/ jok'iong si jiong' qik hogjap ee surbut --- cniurr zinlui, cuarniaw qaur jurhuad/ jurgnow hingdong ee singsik qaidnua; mrqyxx guanjue ee qaiwliam hro langg itsingx dirr byy jurjuxsingr ee jongrhongw.
B: mrqyxx hex vingrr m si Qidog congwjy/ duirlyc ee qaiwliam.
J: guaw bad tniax quer uixdai senn-dethagqax SUZUKI DAISETSU qangxenw. Ix kia lehh, siangciuw ban ~ syx sinkux ee nng vingg qongw “siongrder duiwkongr zinlui, zinlui duiwkongr jurzenn, jurzenn duiwkongr zinlui, jurzenn duiwkongr siongrder, siongrder duiwkongr jurzenn --- jinjniar cuwbi ee jongqaur!”
B: guaw ciangjai sniu, Vakbiw dua vnengiuu paclac vorlok ee INDIANS, zuqyw knuar diyc MICHELANGELO ee jokpinw sii, simlai e sniu diyc sniaw?
J: MICHELANGELO ee siongrder dongzenn m si qitnax tuantongw ee sinn. Dirr qitnax sinue, jit xee langg ee jurgnow si ham' jitt xee camjap liauw sxen/ og ee sewqair hiabdiau itdir ee. Qinrdangx ee jongqaur hertongw, zinrdongg sxen duiwkongr og. Iutaiwqaur/ Qidokqaur/ Hueqaur soxui ee Singwqingx tuantongw dy' si beh huixdiau soxui jurzenn jongqaur.
Sehongx tuantongw ixqingx ui' jurzenn jongqaur juanxvenr jyr siarhue jongqaur, hro lanw jin' lann qycc huetauu kir sowqiuu dairjurzenn. Mrqyxx zuqyw liw kingw ixx simlixhak/ dua uxdiurquanx ee qakdo, laii qaixtiah lanw bunhuar ee siongrdingx huhy, hex marr jin' sikhap ee.
Jongqaur jiurr mow qakdo laii knuar, longxx jinsit :ee, zuqyw liw erdangr liauxqaiw unxhamm iwgi, dyrr si jinsit :ee, zuqyw jongqaur dne siw dirr jurqiw ee iwhamm-lai, qycc qra vixzu qaixsueh jyr jinliw, zinlui dyrr e u mahuann lor.
B: sniaw si unxhamm?
J: dyrr si amwbih qitnax iwsur ee iwsiong. Vixzu, guaw me jit xee langg “ liw si sinqingvne (YOR ARE A NUT)”, guaw m si qongw jitt xee langg jinjniar si jit liap hudqyw/ jixsirr vixzu ziiw. Jongqaur tuantongw ee piac'ue si jxiw ciaubudjid, hex m si jinsid junjai. Zuqyw liw zinruii amwsi vunxsinx si soxx jriw ee surbut, dyrr hyxcincniu kir cantniax, tec diyc caiwdnuax, dyrr jiac dingxbin siaw ee “guvaii” hitt nng zri qang.
Qongw jit xee le, Singwqingx siaw qongw, Iasox sringx quann qaur tendongg. Hex amwbih ee iwsur cniurr mow xee langg singtenx ar/ uergiw-siong kaksit si anne qongw ee. Zuqyw jitt dnxua sinwsid ee iwsur jinjniar e anne, lanw tak qaur jiax sii, dyrr qaix tiaur quer kir mair cab jitt dnxua ue. In'ui vingrr byy tendongg jitt jiongw soxjai hro Iasox kir ar. Lanw jaix Iasox byy kyxlingg sringx kir qaur tendongg, uxdiu byy qurtew ee tendongg junjai. Dyrr sngr ixx qngsog lun, Iasox iauxx qycc dirr ginhyy-lai. Tenbunhagqax/ budlixhagqax dy' erdangr qanxdanx vaiduu driau qurtew tendongg junjai ee kyxlingsingr.
Narr qongxx liw iong amwbih ee iwsur tak “Iasox sringx tenx” jitt qxur, dyrr erdangr liauxqaiw Iasox si qniaa hiongr ix jurqiw ee luerjai/ qniaa zip soxu ee guantauu/ qniaa zip soxu surbut guancox ee iwsig jongrtair/ qniaa zip luerjai tendongg ee ongqog, m si jauw hiongr guartaiwkongx. Iwsiong si ongxgua kir, iwsiong ee huanxsia si hiongr lai ee. Diongrdiamw si lanw jiyh qniaa hiongr jurqiw ee luerjai, ham' Iasox jywhuew sringx qaur tendongg kir. Iasox sringx tenx si huedngw kixguann ee amwviw. Ui' tauu qaur buew dy' si jitt xee iwsur, amwsi danwsag sinkux ee penjib, jinwzip sinkux dongrlat ee guantauu.
B: liw anne qamxx m si siacziok Qidokqaur sinwgiongw siongrr uixdai ee tuantongw qauwdiauu ji' id, baijong Iasox au qycc uac, irqyr zinlui siw qycc jaiwsingx?
J: anne dyrr qra jitt xee siongrdingx tak cyr ar! ixx snuawbunn hongsid/ m si siquax laii tak jiaxee bunzi, jiauww viauxbin iwsur/ m si unxbih iwsur laii tak jiaxee iwhamm.
B: six erdangr qaucamx knuar be diyc ee jinsit?
J: hitt xee jinsit simrjiww si ciauuat jinsit jitt xee qaiwliam/ ciauuat soxu susiongw. Sinue jongxsi hro liw dirr anne ee jingqingw-diongx, zenau lenjiab naxx bxi ee luerjai jursingr snuawsyh.
SHAKESPEARE qonw gersut si huanxngiar jurzenn ee qniar, jex si ix ee vunxjid. Dairjurzenn si liw ee vunxjid, sinue jiaxee naxx six jiacc qibiau iwsiong, soxx jixzin ee duiwsiong si liw luersimx ee jinsit/ zuqyw virr hiaxee iwsiong vak diauu, byy hxuad huanxdngw laii liauxqaiw jurqiw, dyrr tak m driyc iwsiong lor!
Luerjai si liw ee su'qiuu/ lingliong/ qetqor/ kyxlingsingr, ham' guarjai sionghue ee sewqair. Guarjai sewqair si liw ee bacsinx sewqair/ liw ee soxjai/ liw rair nng vingg dauwdin jinwhingg. NOVALIS soxx qongw :ee “linghunn ee uirdir dirr lai-gua sewqair siy' qaujiab ee soxjai.”
B: soxiw Iasox sringx tenx ee qowsu, si haixsuaxvox-quanr ee sinwsid, dairviauw u langg bad laii quer jiax.
J: si ar! Iasox si anne. Qinqir Qidokqaur jniawtongw sukyxsid, zinlui berdangr ham' Iasox itdir, lanw rair hongw Iasox. Zuqyw lanw cniurr Iasox qongw “guaw ham' tnive si ittew.” hex si setdok. Mrqyxx iokk sir-jap dxangx jingg dirr EGYPT ow cud ee THOMAS hok'imx, Iasox qongw “huannarr duer guaw cuir limx :ee, jiong' venwjyr guaw, guaw dyrr si ix.” jex uanjuann si Vudqaur ee qongxhuad. Lanw dy' si vudsingr ee henxhen/ Qidog ee jingsinn, jixsirr zinlui jurqiw m jaix ziiw! “Vut” jitt zri ee iwsur si “qakcnexjiaw”. Lanw qniaa hiongr jitt xee honghiongr --- caqag jurqiw luerjai Qidog jingsinn/ vudsingr. Jex dirr jniawtongw Qidokqaur sukyw mosid si setdok, kiokk si Qidokqaur GNOSTICISM/ THOMAS hok'imx ee jingsinn.
B: lunhuee qamxx marr si unxhamm?
J: dongzenn si. Langg narr mng “liw qamxx siongsinr lunhuee?” guaw qandna' e qongw “lunhuee cinurr tendongg qang si piac'ue.” Qidokqaur tuantongw ham' lunhuee duiwingr :ee, si linghunn jingrhuar. Narr qongw jit xee langg siw ee sii, berdangr tuatli duiww huanqanx ee liuluann, linghunn dyrr be hiongr kuaiwlok ee sewqair kir, anne rair qinglik linghunn jingrhuar, rair sexcingx ix ee hanrjer --- guanjue, jex hanrjer liw iwsig, qra qowding dirr moxjiongw byy suwpuer diauqnia ee sokvak insor.
Donghongx ee piac'ue, narr qongw liw dirr moxjiongw jinghongw siw .kir, liw e qycc dngw laii jitt xee sewqair laii qinglik kacc je qinggiam, itdit qaur liw cingduu driau/ ui' jiaxee jibpiah qaixhongr cud laii. Jiaxee vutduan jaiwsingx ee dan'id tew, si danghongx sinue juxiaur inghiongg zinbut/ ersaih byy qang singwqeh, jit sxingx quer jit sxingx. Lunhuee ee qaiwliam, m si liw/ guaw henrjai singwqeh ee jaiwsingx/ singwqeh si jitt xee dan'id tew soxx pakir ee. Zenau jitt xee dan'id tew hu jnriu lingrgua jit xee sinkux, si lxamm/ si luw rair knuar siauduu jipbee soxx su'iaur ee qinggiam quatding.
B: lunhuee ee iwgi si sniaw?
L: iwgi dirr vutjiw si liw soxx siongxsiong ee liw. Liw ee junjai/ iwsig ee amwlat, mow quaw binrmiau vingrr byy hxuad vauquad dirr liw ee jurgnow qaiwliam-diongx. Liw ee snewmia viw liw dirr jiax erdangr siongxsiong :ee, cimxx quer jerje/ qongxkuah jerje. Liw jitmaw uac ee snewmia, vutqyr si liw luerjai jin'gnow hro liw snewmia kuacbin/ cimdo ee jit siyw pnir ziiw. Danrsi liw erdangr kyr jitt xee cimdo uac, dng' liw qinggiam diyc ix ee sii, dyrr e tudzenn qakcaa soxu ee jongqaur qongw :ee dy' si ix.
QRA SNEWMIA KNUAWJYR KOXLAN, TONGQUER KOXLAN, SNEWMIA UI' SOKVAK QAIXHONGR
B: jex qamxx m si jurr qxow ixlaii, soxu sinue qowsu ee juxiaur iwgi?
J: m si. Qra zinsingx knuawjyr koxlan, tongquer koxlan, ui' snewmia ee sokvak qaixhongr cud laii, si sriok kacc quann jancur ee jongqaur. Guaw byy zinruii dirr guansiw binjok ee sinue u luirsur ee iwhamm.
B: laijurr dyhh?
J: guaw m jaix, kyxlingg laijurr iongxiuw jingsinn lat/ kacc u cimdo ee langg. Inx dirr junjai snewmia texgiam .diyc, jingsinn janbin soxx kiamr :ee.
B: liw si qongw gauu langg congwjy sinue, si dangqix/ gersudqax ham' qitnax bad drat qaur birdix lingxhik, jaiww dngw laii ee langg, congwjy liauw sinue. Anne itvnuax vecsner neh? Inx qamxx m si congwjy liauw luirsu PAUL BUNYAN diausingr ee qowsu?
J: si ar, mrqyxx hex m si sinue. byy qraur sinue ee jancur. Sendix ixqibb Inwdo soxui ee RISHIS virr zinruii si “tniax” diyc sinn qywsi ee langg. Zimrhylangg dy' u hni, mrqyxx m si muixx jit xee langg jinjniar tniax e diyc singwqyr.
B: “si'angw tniax e diyc, dyrr hro tniax.”
J: rair qingquer hunwlen, jiacc tniax e diyc unxbih ee sniax, m si u hingsiong ee sniax. FREUD/ JUNG dy' qamxqag sinue si ixx amwiwsig jyr qicow.
Zimrhyy jongsu congwjy ee langg dyrr jaix, rair packuix jurqiw simhingx, huwcud jurqiw, liw ee jokpinw dyrr e ham' langg duiwue, qycc qenwqor jurqiw. Ui' moxjiongw tingdo qongw, liw venwsingg soxui MUSE luxsinn/ Singwqingx-lai ee “siongrder”, laii tuandat moxjiongw surbut, jex m si huanwsiongw, si sursit. In'ui lingqamw laijurr amwiwsig, zimrhyy siarhue-diongx, langg ee simdiongx amwiwsig u jerje siyqang soxjai, dangqix/ iacc si sendix soxx tecud ee, si qywzinn luersimx sniu beh viauxdat :ee.
Soxiw jit xee langg tniax sendix ee qowsu, e hue'ingr qongw “ar! Jex si guaw ee qowsu/ si guaw itdit sniu beh qongw, qongw be cud :ee.” irgenqax/ siarqunn jiqanx vitzenn e u duiwue/ hordong. Narr sendix singx knuar e diyc siarqunn-diongx, langg byy guanrir tniax .diyc ee su, dyrr be u haurqyw. Mow quaw sii, langg e qra anne ee sendix tag driau.
B: soxiw lanw tyxlun ee binsiok qowsu, m si sinue, si mow quaw erdangr gulok itvnuax vecsner, iacc si erdangr viauxdat viw duiqiuu uixdai jingsinn jancur kacc qe .quaw ee mow quaw junjai qaidnua ee qowsu.
BUNBINGG SI IXX SINUE JYR QICOW
J: si lar! Binsiok qowsu si uirr gulok. Sinue si uirr jixdy/ inxcua jingsinn. Quanhe binsiok/ qivunw qaiwliam jitt nng jiongw sinue jancur, dirr Inwdo u jin' hyw ee qongxhuad. Binsiok qowsu ee jancur hyrjyr DESI, iwsur si “derkusingr”, ham' liw ee siarhue iuxquanx/ si uirr siauwlenlangg sed :ee/ jiaxee binsiok qowsu inxcua siauwlenn :ee jinwzip siarhue, qauwdy inx zuhyy guarcud taii siw moquiw.
”hyw ar! Jiax u jit niaw qunhok, gunw ixqingw jixpair liw cud zimrbu” danrsi marr u qivunw qaiwliam ee jancur. SANSKRIT qongw si MARGA, iwsur si “dyrlo”, si huedngw laii liw jursingr ee lo. Sinue ui' siongxsiong laii :ee, qycc e inxdy liw dngw laii sinue jurqiw, siarhue qar liw sniaw si sinue, qycc jiong' liw qaixhongr, liw kyxiw dirr jingrjy bingngiu sii, junsunn liw luerjai ee dyrlo.
Bunbingg si ixx sinue jyr qicow. Diongqow sewqiw bunbingg ee sinue qicow si EDEN Hngg duirlyc/ sibzirqer qiuwsiok, ixqibb tauwquer singwlew jiong' undenw duar hro zinlui ... dringw.
Qauwdngg si singwlew diongsimx, sniavyw si vyxho qauwdngg diongsimx. Jex si nng xee hingsid ee jingwhuw. Jit xee si jingsinn :ee, lingrgua jit xee si budliw snewmia :ee. Nng xee longxx si ui'id snewmia guantauu, dyrr si dingr dirr sibzirqer ee undenw, hyhaii itdir.
B: mrqyxx lanw jin' jiyw dirr jitt nng xee huanrdiuu-lai damlun iaujniax/ ang'ii ee qowsu.
J: Diongqow sewqiw iokk u snax jiongw sinue/ binsiok qowsu congwjy diongsimx. Derr id si qauwdngg, soxu ee qowsu dy' si ham' siudyrngi/ unxqux sing'uac iuxquanx. Derr zi diongsimx si sniavyw. Derr snax si cuanjngx, vecsner soxx druar ee soxjai. Qauwdngg/ siavyw/ cuanjngx --- liw qaur zimrhyy jit xee qybunbingg derkux, dy' e knuar diyc qangrkuanw ee qingxdir, cniurr sirbiy/ ongqiongx/ sniadinr, byy qang ee congwjy diongsimx, jixiaur sriok qang jit xee bunbingg, dyrr dirr qang jit xee siongrdingx lingxhik unrjog.
B: qang jit xee siongrdingx lingxhik?
J: siongrdingx lingxhik ee qicow si digding siarqunn ee langg, dirr mow jit xee digding si'kongx soxu ee qinggiam. Sinue bidced siurjer bunhuar/ siqanx/ kongqanx, siongrdingx huhy/ piac'ue erdangr tauwquer gersut vutduan congwjy/ vyxjunn, narr byy, snewmia dyrr e ui' jiax liusid.
B: henrdai u si'angw iong amwsi laii viauxdat?
J: sizinn. Six si jit jiongw piac'ue.
B: amwhamm cangr u amwlat?
J: si ar! Dairviauw cangr dirr henrjunn sewqair vuerau ee jinsit. Unxbih si siongrder ee binrdar, tauwquer amwhamm, qinggiam diyc ingxuanw.
B: liw qongw diyc sizinn/ gersudqax, sinjid zinguann neh?
J: guaw zinruii lanw ee sinjid zinguann vingrr byy jin inx ee jikzim. Inx vingrr byy tamwqiur unxhamm vuerau ee iwgi, si virr senrog lunliw vak ann ar.
B: uirsniaxmic bogsux berdangr jniajyr Bixqog siarhue ee dangqix?
J: bogsux/ dangqix ee cavet dirr, bogsux si qonglingsingr qaksig, dangqix si texgiam ee langg. Dirr lanw ee tuantongw, siudyrsu si decc sunqiuu qinggiam, bogsux si hagsip hogbu siarkux ee langg.
Guaw u jit xee ving'iuw camqax dirr BANGKOK siusu qokjer huergi. Ix qra guaw qongw Tenjuxqaur siusu erdangr byy gibun, laii liauxqaiw Vudqaur ee cutqejiongr, dendyww si jitt nng xee jongqaur ee tuanqaur zinguann byy hxuad liauxqaiw duiwhongx.
Iongxiuw sinvir qinggiam ee langg e jaix, soxu duiww jiaxee qinggiam ee siongrdingsingr viauxdat hongsid si cywgo ee. Siongrdingx huhy berdangr qaiwsueh qinggiam, qandna' diamxduh jitt xee qinggiam. Narr qongw liw byy iongxiuw jitt xee qinggiam, jnuaxngiu kyxlingg jaix hex si sniaw? Duiww druar dirr zeddair, m bad qnir quer seh ee langg, qaixsueh cux seh ee cuwbi, qamxx u kyxlingg? Diyh'air singx u moxjiongw qinggiam jyr snuawsyh, jiacc erdangr liauxqaiw qidiongx ee sinwsid, narr byy, tniax byy jinjniar ee lueriongg.
KIAMR JONGQAUR HIXLOK EE QINGGIAM , HIYXDING CIAUUAT JINGSINN, HRO JERJE SIAUWLENLANGG JIAC BEIYC
B: iongxiuw texgiam ee langg, rair iong iwsiong, ixx siongrr hyw ee hongsid qra dausia cud laii. Lanw ee siarhue naxjunxx ixqingx sitkir iwsiong viauxdat susiongw ee gersut.
J: oor! Kaksit si anne. Lanw ee susiongw iokliok si lunrsueh/ bunzi/ didsnuawsid :ee. Iwsiong soxx qamm :ee ngiaa quer bunzi jerje.
B: liw qamxx bad sniu .quer, dyrr si lanw siarhue kiamr jongqaur hixlok qinggiam, hiyxding ciauuat jingsinn, jerje siauwlenn :ee suacc jiac iyc?
J: juadduir si anne. Jex si jit jiongw hongsid.
B: jit jiongw hongsid?
J: jinwzip qinggiam ee jit jiongw hongsid.
B: jongqaur byy hxuad uirr lanw jyr, gersut marr jyr be qaur?
J: quewkir ersaih tihh, mrqyxx jitmaw byy huathuix qonglingg ar. Bogjingg jongqaur dramm :ee, si siarhue bunrdee/ lunliw, m si sinvir qinggiam.
B: liw zinruii jongqaur siongrr dua ee kip'inxlat si qinggiam?
J: Tenjuxqaur u jit hxang qibiau ee gisid si niaw singwtew, dirr gisid-diongx, qra lanw qongw, jex si qiuwjuw ee sintew. Liw qra jiac .lyc, anne liw juanxhiongr luerjai, Qidog qapp liw dongjai. Jex si jit jiongw kexhuad luerjai lingsingr ee bingngiu hongsid. Liw erdangr knuar diyc cam'uw quer niaw singwtew gisid ee langg, e juanxhiongr sunqiuu luerjai simlingg, inx jinjniar si anne.
Dirr Inwdo, guaw bad knuar quer jit kax angg ciuxjiw qruar dirr jiyhtauu-dingw, jitt liap jiyhtauu venwjniaa sinvir ee huawsinx. Zinlui si ixx sidjer ee surbut/ sinvir ee qakdo, knuawtai zimrhyy surbut. Vixzu, jit liap viyw, dongsii marr si jit xee junjai ee surbut, liw qra he dirr jit xee soxjai, rue jit xee ngi'koaw kongx .kiw .laii, qycc ixx sinvir janbin knuawtai. Jex dyrr si soxui jingrhuar (CONSECRATION) ee iwgi.
B: jex si sniaw iwsur? qra viyw-aw knuawtai jyr sniaw iwgi? Henxhen cud jnuaxngiu ee sinvir?
J: viyw si jit hxang mic, qamxx m si?
B: si ar!
J: liw qamxx jinjniar jaix sniaw si mic? Si sniaw jicii liauw mic? Si moxjiongw si'kongx ee mic. Sniu knuar mai, muixx jit hxang mic dy' qaix si huisiongg sinvir ee. Viyw jniajyr bingngiu ee diongsimx/ erdangr venrzin junjai ywvir diongsimx, jitt lui mic si busow-vutjai. Jitmaw jitt xee viyw venwsingg uxdiu ee diongsimx/ sec dinxdang sewqair byy dinxdang ee diamw.
B: jitt jiongw bingngiu erdangr qra liw cua kir dyhh?
ITDANR CIAUUAT, LANGG E ANXJNUAW?
J : oor! Hex dyrr knuar liw u zuarr kiauw lor!
B: liw qongw diyc “ciauuat”. Ciauuat si sniaw? Itdanr ciauuat, langg e jnuaxngiu?
J: “ciauuat” si jit xee qisudsingr/ dethagsingr ee suu, erdangr iong nng jiongw hongsid laii qaiwsueh. Dirr Qidokqaur sinhak, jriw :ee si, ciauuat :ee/ dirr jurzenn lingxhik ji' gua ee siongrder. Jex si ixx budjid quandiamw laii dramm ciauuat ee hongsid, jiong' siongrder sniu jyr junjai dirr mow soxjai ee jingsinn sursit. HEGEL bad qongw, zinlui qra sinn huawjyr juriuu dirr kongkir-diongx liudang, u lingqud ee dongrbut, jerje Qidokdoo duiww siongrder ee qaiwliam si anne. Iacc si qra siongrder sniu jyr jit xee pnaiw singwde/ hociux ee laurlangg. Mrqyxx “ciauuat” jinjniar ee iwgi si jriw ciauuat itcer qaiwliam ee jinsit. KANT qra lanw qongw, lanw soxu ee qinggiam sriu si'kongx hanrjer, dirr kongqanx/ siqanx ee quixdy huatsingx.
Si'kongx hingsingg ee qamxqag hanrjer lanw ee qinggiam. Lanw ee diqag virr si'kongx ee huanrdiuu vaudiauu lehh, lanw ee simx virr susiongw qaiwliam hingsingg ee qetqor hanrjer. Lanw duiqiuu jiongqik jinsit (byy zimrhyy mic) kiokk byy sriu hanrjer. Dng' lanw iwdoo sniu sii, dyrr qra hanrjer ar.
Ciauuat ee surbut, si ciauuat soxu susiongw qaiwliam ee huanrdiuu. U/ byy si susiongw qaiwliam. “siongrder” jitt zri jinjniar ee iwgi si jriw ciauuat soxu ee sukyw, mrqyxx “siongrder” jitt xee zri vunxsinx si virr sukyw ee duiwsiong.
Liw erdangr jerje hongsid qra siongrder zinqechuar. Jixu jit xee sinn? Iauxx si jerje sinn? Jiaxee jixsirr susiongw ee hunlui. Liw soxx dramm :ee/ iwdoo sukyw :ee, ciauuat itcer.
Tuantongw Qidokqaur GNOSTICISM qingdenw damlun .diyc, Iahyhuaa ee bunrdee si be qir .did jurqiw si jit xee piac'ue/ zinruii jurqiw si jit xee sursit, dng' ix qongw “guaw si siongrder” sii, sui' u jit xee sniax qongw “liw cyr lor! SAMAEL.” SAMAEL ee iwsur si “cnemee-sinn”; dyrr si m jaix jurqiw jixsirr buhan uxdiu qngngiaw ee qiogvo ligsuw sanxbut. Jex si lanw soxui duiww Iahyhuaa ee setdok --- ix zinruii jurqiw si siongrder.
B: liw ee iwsur si, siongrder byy hro lanw jaix :ee.
J: guaw ee iwsur si, bylun jiongqik jinsit si sniaw, dy' si ciauuat u/ ciauuat byy jitt xee qaiwliam huanrdiuu. Dauwdew si “si?” iacc si “m si?” dyrr cinurr qiwjair-diongx Vuddyy qongw : si “si” marr si “m si”, m si “si” marr m si “m si”. Siongrder jywuii junjai ee jiongqik ywvir si ciauuat sukyw jancur :ee.
SEWQAIR CUTSIR
dirrrr UPANISAD u jit xee iuxquanx INDRA ee qibiau qowsu --- jit jiah dua quaiwsiur qra derqiuu soxu ee juiw longxx uii .kiw .laii, duar laii jit dniuu kyxpnar ee dua kongwngua, qui' xee sewqair hamrzip huisiongg camw ee jinghongw. INDRA sniu jin' quw, jiacc sniu diyc ix u jit xee luii-ap, jixiaur pah jit liap luii dirr hitt jiah quaiwsiur srinx-siong, dyrr erdangr qra jawcuir. INDRA singqongx ar, juiw qycc lrauu cud laii, sewqair did diyc ju'iongw. “guaw si zuarr uixdai ar!” INDRA anne qongw.
Jidbin sniu “guaw si jiacc uixdai!” INDRA qycc jidbin sringx qaur sewqair siongrr quann ee snuax buexliux, quatding dirr hiax kixjy jit jxy ham' ix ee uixdai u suwpuer ee dua qiongden. Bagsaix-sinn kaisiw qangjog, dirr jin' dew ee siqanx dyrr qra qiongdenrtah kiw qaxx jin' janw. Dagg vaiw INDRA cutsunn, duiww qiongden qaix kiw zuarr uixdai/ qimx ngiawngiar ee sniurhuad, zuxx laii zuxx pongwdua. Juewau bagsaix-sinn qongw “ lanw nng xee longxx si be hiuxnua ee sinbingg, liw ee iogbang ingxuanw byy tingjiw, guaw dyrr ingxuanw virr kud dirr jiax.” quatding kir cue congwjyrsinn --- BRAHMA hiax qryr. BRAHMA jre dirr siongrdingx sinlingg/ undenw ee lenhuex-dingw. Lenhuex si ui' bangrsiongw uxdiu ee kunr-sinn VISHNU ee dorjaii huad cud laii ee. Bagsaix-sinn qniaa qaur uxdiu ee dua lenhuex-dii vnix, qra jitt xee dairjir qongw hro BRAHMA tniax, rinr qongw, “liw dngw kir hnor, guaw e qra dairjir vran hyw.” BRAHMA ui' lenhuex-dingw kiw laii, ngar lyc qongw hro decc kunr ee VISHNU tniax, VISHNU kinx ~ dinxdang .jit .xe, qongw “ tniax .jit .xe, siyxqniaw, u dairjir beh huatsingx ar.”
Derr zi zit tauwjaw, dirr qenwjy qiongden duarmngg cuthen jit xee nraa-ox didjuarhuex ee suiw javox ginxaw, siwjiuuii uii jit lenr himsen ix ee ginxaw. Duarmngkauw ee qanglangg qnuaxqinw kir vywqyr INDRA. “qinw qiyr ix zip laii”; ginxaw cua zip laii au, jre dirr ongjy ee INDRA mng “siauwlenn :ee huangingg, liw uirhyy laii guaw ee ongqiongx?”
”mr! Guaw tniax qongw, liw dngdecc kiw jit jxy viw liw jinwjingg zimrhyy jit xui INDRA soxx kixjy qyckacc duarqingx ee qiongden.” jitt xee javox ginxaw jin' hiangxliang ee sniax qongw.
”guaw jinwjingg ee INDRA? Siauwlenn :ee liw decc qongw sniaw?”
”dirr liw jinwjingg u jerje INDRA, guaw knuar inx l-.laikir-k. l-.laikir-k., jitmaw dy' byy qycc knuar diyc ar. Liw sniu knuar mai, VISHNU kunr dirr uxdiu duarhaiw-diongx, uxdiu ee lenhuex ui' ix ee dorjaii snex cud laii. Lenhuex-dingw jre :ee, si congwjyrjiaw BRAHMA --- huewsiu sir-jap- snax bxan nng-cingx nii, bagjiux jit tiw kuix, sewqair dyrr cutsir, siw ee sii, lenhuex dyrr qiux dngw kir, lingrgua jit luiw lenhuex sui' hingsingg, lingrgua jit xui BRAHMA snex cud. Sniu hex bujin uxdiu ginhyy ji' gua ee ginhyhe, muixx jit luiw lenhuex u jit xee BRAHMA jre dirr hiax, tiw kuix bagjiux, qycc kreh kiw laii. INDRA neh? Dirr liw huehngg kyxlingg u diwhuirjiaw, qycc guanrir sngr uxdiu duarhaiw ee jiuxdih u zuarr je/ haixsuavox u zuarr je liap suax, mrqyxx byy langg e kir sngr u zuarr je xee BRAHMA, qyckacc benw qongw sngr INDRA ar! ”
javox ginxaw qongxue sii, u jit qrunn qauxhiax qniaa quer dervanw, knuar diyc jitt xee jingqingw dua sniax ciyr cud laii. INDRA ee taumox diongr dit, duiww javox ginxaw qongw “liw ciyr sniaw?”
”duhuix liw sniu beh virr sionghai, byy, mair mng.”
”guaw beh mng, cniaw jixqaur!” INDRA rinr.(danghongx jit jiongw bixdig, duhuix kuix cuir mng, narr byy, si byy air qar langg :ee, bersaih qiongvig langg nge tunx lyc liw qywzinn ee suxbingrqamw.)
javox ginxaw qiw hiaxee qauxhia qongw, “ixjingg soxu ee INDRA , qingquer je sxingx je qiab, ui' siongrr qe ee diauqnia vreh sringx qaur siongrr quann ee bingqag jongrtair. Inx duiww quaiwsiur danr jit liap luidnuaa au, jurzin “guaw si zuarr uixdai ar!” dyrr hardui, ui' tauu kaisiw.”
javox ginxaw qongxue sii, u jit xee qiquair ee lau YOGA siuhingrjiaw, tner jit qix qinjiyx-hiyc jyr horsnuar laii qaur qiongden/ iyx dnii jit diauu vor ixgua, juansinx ciactew, taumox dnii jyr jit liap siyw ngivnuaa dui dirr hingjingg, tauu-dingw dionghngx jidvnuar taumngg lag qaxx qngx ~ ~.
javox ginxaw huangingg ix, dirr INDRA iauxx bue cud sniax qongxue jingg, cniuw jingg mng “dingxvuer :ee, cniaw mng, liw ee miazi? Ui' dyhh laii? Druar dirr dyhh? Liw hingjingg hitt uann taumox, u sniaw iwgi?”
SNEWMIA JIACNIRR DEW
“oor!” laurhuexaw qongw: guaw ee miaa hyrjyr “je mox”, byy cur, snewmia jiacc dew, qamxx su'iaur u cur neh? Jixu jitt qix qinjiyhiyc liangsnuar/ byy qadingg/ bingngiu VISHNU ee kax, sukyw ingxuanw snewmia/ siqanx zuhyy lrauu .quer. Dagg vaiw INDRA siw .kir, jit xee sewqair dyrr siausid --- jiaxee dairjir siamw .jit .xe dyrr quewkir. Dagg vaiw INDRA siw .kir, jit qix taumox dyrr ui' guaw hingjingg ee ngikox lag lyc laii, jidvnuar taumox lag driau ar, jin' qinw dyrr lag qngx ar. Snewmia jiacc dew, uirsniaxmic rair kiw cur?
Qycc laii, javox ginxaw/ laurhuexaw siausid ar. Guanlaii javox ginxaw si vyxhorsinn VISHNU (Inwdo snax dua juxiau sinbingg ji' id, dairviauw dyjiongw qonglingg.), lau YOGA siuhingrjiaw si congwjy/ huixbet sewqair ee SHIVA. Inx laii jiax qauwdy INDRA, hro ix jaix INDRA jixvutqyr si jit xee ligsuw-siong ee sinn, kiokk jurzin si uxdiu ee juanvo.
INDRA jre dirr ix ee ongjy-siong, jingxqyy langg qakcnew .quer .laii, huisiongg qniahniaa/ qinw qiyr bagsaisinn laii, qongw “guaw byy air kiw qiongden, liw ersaih likuix ar.” bagsaix dadsingg guanrbang, benw qewsiok qangjog, byy su'iaur kiw cur ar.
INDRA quatding jyr jit xee YOGA siuhingrjiaw, bingngiu VISHNU ee lenhuekax. INDRA bixle onghiy INDRANI, tniax diyc INDRA ee qewue au, jauw kir qra sinn ee dairlixzinn qongw “INDRA sniu beh jyr jit xee YOGA siuhingrjiaw.”
Sinn dairlixzinn qongw, cinair :ee, hro lanw jre lyc laii, guaw e qra jitt hxang su vran hyxser.”
inx dirr ongjy jingg jre lyc laii. Sinn dairlixzinn qongw, “tniax hro hyw, jerje nii jingg guaw uirr liw siaw liauw jit vunw iuxquanx jingwdi gersut ee ceh. Liw jitmaw si jiongww sinn ji' ongg/ liw si BRAHMA ywvir ee siqanx lingxhik-lai ee henxhen. Jex si jin' quann ee ingiaur. Liw rair qamxqig/ jundiong snewmia, qycc air ixx jurqiw si BRAHMA jin'gnow ee taiwdo laii binrduir snewmia. Guaw jitmaw beh uirr liw siaw jit vunw iuxquanx air ee gersut ceh, hro liw/ linw kanciuw liauxqaiw, linw nng langg qibiau ee cavet, qisit si ittew ee, BRAHMA ee qonghuix dyrr si ganxjingg.”
qingquer jitt xee qauwdy, INDRA hongwkir jyr YOGA siuhingrjiaw ee liamrtauu, huathen jurqiw dirr sing'uac-diongx dyrr erdangr dairviauw ingxuanw. Ersaih qongw INDRA dyrr si BRAHAMA ee siongrdingx.
Dirr mow hongbin laii qongw, muixx jit xee langg dy' si INDRA ee itsingx. Liw erdangr jyr ee quatding, pakir soxu itcer kir ciurnaa siuhak YOGA/ iacc si lauu dirr jitt xee sewqair, vauquad liw qangjog ee sing'uac --- ham' liw ee kanciuw/ qadingg air ee sing'uac. Guaw zinruii jex si jit xee huisiongg hyw ee sinue.
B: jex qongw cud jerje henrdai kyhak huathen ee sursit, siqanx si bujin :ee ---
J: siqanx-lai bujin ee ginhyy/ virr lanw zinqechuar ee siongrder, ix ee qniaxzii, ix ee sinvir, jiaxee qandna' jiamrr qik dew ee siqanx.
B: bunhuar jongxsi inghiongw zinlui duiww jiongqik jinsit ee sniurhuad.
J: bunhuar ersaih qar lanw ciauuat vunxsinx ee qaiwliam --- lanw soxx jaix ee singlenlew. Jinjniar ee singlenlew huatsingx dirr jongqaur dyrsu qra liw qongw “sewqair byy singwdanr laurlangg” ee sii, singwdanr laurlangg si verbuw/ juxluw quanhe ee unxhamm viauxsi. Jitt jann quanhe kaksit junjai, soxiw erdangr virr texqiam, mrqyxx singwdanr laurlangg si byy junjai ee/ jixvutqyr si hro ginxaw dinsiyh jitt jann quanhe ee jit xee snuawsyh ziiw.
Snewmia ee vunxjid/ digsingr si jit xee kyxpnar ee sinvir --- singjunn rair kyr satsingx/ tunjiac laii icii. Zuqyw in'ui jiaxee kow, lanw duiww snewmia qongw “byy air”, iacc si zinruii jiaxee jinghingg vutqaix huatsingx, si jin' ginxaxsingr :ee.
B: ZORBA qongw, “kunwziauw? Snewmia si kunwziaw.”
DUIWW SEWQAIR QAMXX U LOGQUANX?
J: jixu sixbongg jiacc byy kunwziauw. Langg' mng qongw “duiww sewqair qamxx u logquanx?” “si lar! Jurzenn si uixdai, liw byy kyxlingg qaixvenr. Byy langg qra sewqair venr kacc hyw .quer, byy kyxlingg venr hyw ee. Jex dyrr si sewqair, beh air/ m air, jairr liw. Liw byy kyxlingg qaixvenr/ qaixjinr.”
B: anne binrduir siaog, qamxx m si sniu' virdong lor?
J: liw jurqiw si siaog jit vorhun, narr byy, liw dyrr byy junjai. Bylun liw jyr sniaw, duiww mow quaw langg jongxsi siaog ee. Jex si jingxqyy congwser kikvok ee kausiah ji' id.
B: hiaxee sinue sxen-og ee quanliam, qra snewmia knuawjyr si qongbingg/ oamr lat ciongtut ee quandiamw, qycc si anxjnuaw jit huesu?
J: hex si Vaiwhuexqaur ee quanliam, qangrkuanw ee quandiamw aurlaii marr jinwzip Iutaiwqaur/ Qidokqaur hertongw. Qitnax hertongw, sxen-og si siongduir libdniuu dring :ee. Duiww moxlangg si sxen :ee/ duiww qitnalangg e si og. Liw vnuaenw jurqiw ee qaksig, liauxqaiw hex si zuarr kyxpnar, marr byy tewqiux, qra knuawjyr sinvir ciauuat bixbiau hihanw sewqair ee jenjaur.
"snewmia itcer longxx si kow” si Vuddyy sir singwder ee dirr id diamw, snewmia dyrr si anne. Narr byy siqanx lrauu .quer, cua cud ee kow, dyrr byy snewmia. Rair kingxding snewmia, zinruii hex si uixdai :ee, jex si siongrder hibang ee hongsid.
B: liw qamxx jinjniar anne siongsinr?
LIGSUW SI GUAW IWDOO QAKCNEW EE OKBANG
J : sun jurzenn vunxsinx dyrr si hixlok ee. Guaw byy siongsinr u langg qamrguan anne, mrqyxx snewmia dyrr si anne. JOYCE u jit dnxua daddid amwliam ee ue “ligsuw si guaw iwdoo qakcnew ee okbang.” ui' okbang cnew .kiw .laii ee hongsid si mair qniahniaa, zinrbad soxu itcer jixsirr qniax congwjyrlat ee jurzenn viauxhen. Dairjir ee jiongqed jongxsi kow, jixiaur sewqair junjai, tongwkow dyrr si qidiongx jit vorhunx.
B: liw jiapsiu jiaxee dyrliw si jiongqik qetlun, dyrr be sniu beb setlip huatlut/ huatdong jenwjingx iacc ...
J : guaw byy anne qongw.
B: jex qamxx m si sun jurzenn vitzenn did diyc ee qetlun?
J : jex m si “vitzenn” qetlun. Iong kingxding hongsid qongw, “guaw jiong' cam'uw jidsiwlangg/ qundui, guaw beh jnriu jenwdniuu ....” jiauww jitt xee sniurhuad tuisag .lyc .kir.
B: Beh jin guaw soxu ee linglik.
J: “guaw jiong' beh cam'uw jitt dniuu iuhir, hex si jit cud hyw hxir, jixsirr e siursiongx ziiw.”
Kingxding si byy qanxdanx :ee. Lanw jongxsi u diauqnia ee kingxding. Dng' sewqair si singwdanr laurlangg qra guaw qongw honghiongrr ee sii, guaw jiacc kingxding jitt xee sewqair. Beh jinsit kingxding henrsit si kunwlann :ee, si jongqaur gisid soxx beh kikhog ee. Jongqaur gisid si tuantew ixx siongrr vutzimxsimx ee hongsid qiongrdongg cam'uw snewmia ee hongsid, snewmia vunxsinx si satsingx/ tunjiac qitnax snewmia ee hing'uii. Lanw si qiongrhuan, jex si snewmia ji' dy. Inghiongg ixx jurzenn hongsid, m si qywzinn siuhun/ sitbang/ vywhok hongsid, iongxqamw/ iugnaw cam'uw zinsingx ee langg.
JIAX U AIR, MARR U JENWJINGX
Inghiongg hingdong ee huanrdiuu m si ciausewsiok, si jitt sii jitt de ee siogser, dirr sxen-og zirguann duiwlip ee lingxhik. Itdanr likuix ciauuat ee lingxhik, dyrr jinwzip zirguann duiwlip ee sewqair. Langg ixqingx jiac liauw diwsig-ciu, hex m na si sxen/ og ee diwsig, qycc u lxamm-luw, driyc-cyr, jiax-hiax, qngx-amr ee diwsig. Junjai sriu siqanx hanrjer ee muixx jit qnia dairjir dy' si zirguann :ee; quewkir/ birlaii, sixbongg/ singjunn, u/ byy. Mrqyxx siongxsiong-diongx ee jiongqik zirguann duiwlip si lxamm/luw. Lamsingr kinghiongr cimliok/ luxsingr kacc e jiapsiu; javox si jenwsu/ luxsingr si jyr bang :ee. Jiax u air ee sewqair/ marr u jenwjingx, si FREUD soxx qongw :ee, EROS --- HELLENE sinue ee aiwsinn/ THANATOS --- gixlanghuar siongrdingx ee sixsinn.
HERACLITUS qongw, duiww siongrder laii qongw itcer dy' si sxen/ gi/ driyc. Duiww langg laii qongw, mow quaw si driyc, qitnax si cyr :ee. Narr si jit xee langg/ dyrr e sriu siqanx/ quatding hanrjer ee lingxhik. Zinsingx ee bunrdee ji' id si, diyh'air dongsii liauxqaiw nng jiongw qongxhuad jiacc erdangr singjunn : guaw jaix diongsimx junjai, jaix sxen/ og jixsirr siqanx lai ee pencax henrsiong, duiww siongrder laii qongw, nng xee si qang :ee.”
B: UPANISAD u jit xee qaiwliam “m si luxsingr/ m si lamsingr/ marr m si diongsingr. Bylun sintew ee singwvet si sniaw, dy' si tauwquer sintew henxhen.”
J: driyc! Iasox qongw “mair caipnuar liw berdangr caipnuar :ee.” ngua jit qxur qongw, qra jurqiw kngr dngw kir liw iauxx bue ixx senrog sukyw ee tendongg qaidnua. Jin' jiyw bogsux e anne qongw. Snewmia siongrr dua ee tiaujenr ji' id, si kingxding liw simlai siongrr tyxiar ee langg/ su/ jinghongw.
B: siongrr tywiar ee?
J: Dairjir u nng janbin, jit xee si, liw dirr hingdong lingxhik-lai ee pnuawduan, lingrgua jit xee si liw ixx ciaubudjid quancatjiaw ee qakdo pnuawduan. Liw berdangr qongw vutqaix u dogjuaa, hex si snewmia vunxlaii ee binrmau. Dirr hingdong ee lingxhik-diongx, liw narr knuar diyc jit jiah dogjuaa duxx beh qa moxlangg, liw e taii siw juaa. Hex vingrr m si hiyxding juaa, si duiww hitt xee jingqingw qongw “gunw byy air”. VEDA u jit dnxua bixbiau ee bunzi qongw “dirr ciu-dingw”--- hex si snewmiarciu/ liw ee snewmiarciu. U nng jiah jiauw, horsiong si diongsit ee hyw ving'iuw. Qidiongx jit jiah jiauw jiac ciu-dingw ee quexjiw, lingrgua jit jiah m jiac, qandna' knaur. Jiac quexjiw si jiac quexjiw ee snewmia, snewmia diyh'air kyr jiac qitnax snewmia jiacc erdangr icii, jex si snewmia vunxlaii binrmau. Inwdo quanhe uxdiu tiauwbuxsinn SHIVA ee siyw sinue. Ix ee kanciuw si snuaongg ee jaboxqniaw PARVATHI. Jit xee quaiwsiur qniaa quer laii qra qongw, “ guaw beh linw bow jyr guaw ee huexqir.” SHIVA dua siurkir, packuix derr snax luiw bagjiux, iong siamxdenrluii pah derqiuu, sanxsingx enbu/ huexqngx, enbu snuawkuix au, u jit jiah cniurr sraix hiacc dngg ee mngg/ sanw kogkok ee quaiwsiur, vuex hiongr siwbin. Sanw quaiwsiur dyrr beh siaubet derr id jiah quaiwsiur. Dirr jitt jiongw jinghongw-ha, liw e anxjnuaw jyr? Tuantongw ee qenwgi si, dauhangg qycc iauqiuu sinbingg juvix ee kuansur.
Soxiw, derr id jiah quaiwsiur qongw “SHIVA, kingxqiuu liw ee juvix.” jitt xee iuhir u jit diauu quijig, dng' duiwhongx qriuu guanliong sii, rair kuan'iongg duiwhongx.”
”guaw siawbenw liw, sanw quaiwsiur, mair jiac ix.” SHIVA qongw.
”guaw beh anxjnuaw? Guaw iaux ar, si liw hro guaw iaux, jiacc laii jiac jitt jiah quaiwsiur ee. ”
”anne, liw jiac jurqiw hyw lar!” SHIVA qongw.
DIYH'AIR KINGXDING SNEWMIA VUNXLAII EE QIJIG
Jitt jiah sanw quaiwsiur kaisiw ui' jurqiw ee kax jiac kiw, itdit qa kiw laii, jex si snewmia jiac snewmia ee siongrdingx iwsiong. Juewau, sanw quaiwsiur jiac qaxx cunx bin. SHIVA knuar diyc jitt xee bin qongw, “guaw jurlaii m bad qnir quer viw jitt xee qyckacc uixdai ee snewmia giamrjingr, guaw qiyr liw si KIRTIMUKHA --- qong'ingg ji' bin.”liw erdangr dirr SHIVA ee sinbiy/ vudsi ee jniar mngkauw, knuar diyc qong'ingbin ee binrdar. SHIVA duiww qong'ingbin qongw, “huanrnarr m hiongr liw qnialew diwqingr ee langg, byy daddid qnir guaw.” liw rair kingxding snewmia vunxlaii ee qijig, m si iauqiuu snewmia puewhap liw ee quijig/ diauqnia, narr byy, liw ingxuanw byy hxuad tongquer jitt jann ciaubudjid ee ciwlen.
Guaw dirr Inwdo sii, sniu quer beh cinjur camqnir jit xui juxiaur jongqaur lingxsiur/ dyrsux. Jongxsngr qnir diyc jit xui u miaa ee dyrsux SRI KRISHNA MENON, derr id qxur mng guaw “liw qamxx u bunrdee?”
Dirr Inwdo tuantongw, laursux jongxsi huedab bunrdee, be juxdong qra liw qongw liw byy mng :ee. Guaw qongw “si ar! Guaw u bunrdee, qiwzenn Inwdo tuantongw qra uxdiu ee muixx jit hxang su, dy' knuawjyr si sinlingg jursinx henxhen, duiww sewqair itcer zuhyy qongw m si neh? Zuhyy duiww janvog/ gugong/ cosiok/ lyxcyw qongw m si neh?
Duiww guaw laii qongw, longxx si “si.” dyrsux anne dab.
Qycc laii gunw duiww kingxding itcer jitt xee juxdee, u jit dnxua jingcaiw ee duiwdamm, kingxding guaw guan'iuw ee sniurhuad, lanw si sniaw langg? Anxjnuaw ersaih suiven simxpnuar vadd langg? Guaw zinruii jex marr si Iasox uixdai qawsi ji' id.
B: tuantongw Qidokqaur qauwgi, budjid sewqair si virr kinsi ee, snewmia dirr siw au ee tendongg jiacc erdangr did diyc qiuwsiok/ voxsiongw. Zuqyw liw kingxding lanw jurqiw sitjir ee dairjir, anne dyrr si kingxding ingxuanw sewqair dirr jitt kig ee henxhen.
INGXUANW HAM' SIQANX BYQUANX
J: si ar, hex si guaw soxx qongw :ee. Ingxuanw m si jionglaii, simrjiww m si jit dnxua endngg byy dng ee siqanx. Ingxuanw ham' siqanx byy quanx, ingxuanw ee binrsiongr si dudiau soxu qinqir siqanx qaiwliam sukyw ee hitt sikig. Liw narr berdangr dirr jitt xee sikig jiangxag ingxuanw, dyrr berdangr dirr vadd soxjai cue .diyc. Tendongg ee bunrdee si, langg dirr hiax sniu' kuaiwlok ar, simrjiww be sniu diyc ingxuanw, qandna' e dimbee dirr bujin siongrder hixlok-diongx. Jitt sii jitt de itcer surbut qinggiam .diyc ee ingxuanw, bylun sxen-og, longxx si snewmia ee denxhen.
B: jex dyrr si ingxuanw.
J: si ar, jex si ingxuanw.
DERR ID XEE QONGW QXOW EE LANGG
Ham' guansiw sidai byy qang, byhingg ligliong pair laii ee dongrbut suxjiaw, byy qycc qauwdy/ inxcua zinlui ar. Himm/ sraix/ cnxiu/ snuangiuu/ ling'iongg ..., longxx qnuaix dirr zinlui dongrbudhngg.
Zinlui ixqingx m si duxx laii qaur jitt pnir byy kaitog vnengiuu/ ciurnaa ee sinx laii :ee, jiuuii ee cur-vnix m si iaxsingx dongrbut, si zinlui jurqiw. Dag'ee uirr budjid iogbang/ singjunn kongqanx horsiong qingrjingx, derqiuu venwjyr jit liap iogbang huexsiyqiuu.
Bylun lanw sintew/ simlingg, zinlui byy kyxlingg qewsingg Qurjiyhkir Sidai paclac binjok ee sewqair. Zinlui m jaix jurqiw sintew guarhingg/ simlingg qetqor, dy' si ensiok paclac binjok ee snewmia/ sing'uac hongsid. Duiww dongrbut suxjiaw ee qiwdii itding kunr dimm dirr simqnuadew drew ~ , in'ui jiaxee dongrbut e dirr zinlui hiongr iaxgua tamwhiamw sii, jit sud dongrjing dyrr qniahniaa, suaw kax dinxdang .jit .xe, sicnar qniax cnew inx.
Lanw suiven qniaa zip jit xee u viac'ue ee dongrhet-lai, dy' e u dongrbut tauu dinxdang .jit .xe, jingsinn ee viauxjingg. Bylun luerjai ee oamr si zuarr cimx, dangqix e tranr dongrbut kunr qaxx jin' lyhbinn sii qangwlimm dongrhet, lanw marr itding u qangrkuanw ee jinghongw huatsingx, cim'ia dimbinn sii ee tamwhongw.
J. Campbell <dongrbut snewmiarlat ji' dy (THE WAY OF THE ANIMAL POWERS)>