KEXSIRLOK
1 Jesus Krist ee kexsi, dyrr si Siongrder soxx hro Ix laii jixsi Ix jiaxee lovok :ee, iarr dyrr si beh qinw qinw jniaa ee su. Ix dyrr tog Ix ee tnisair kir jixdiamw Ix ee lovok Johan.
2 Johan jiong' Siongrder ee dy qapp Jesus Krist ee qanjingr, qniwnarr ix soxx u knuar .qnir .ee laii juer qanjingr.
3 Huanrnarr tak qapp tniax hiaxee camwgiw, laii siuw qidiongx soxx qiwjair :ee, u hokkir; in'ui zidqii qin lar.
4 Johan qiar puex hro Asia cid xee qauwhue: Guan linw did diyc undenw ving'anx, dui' hitt xee henrjai dilehh, jaw dilehh, jionglaii iarr dilehh :ee, ixqip dui' Ix jyrui jingg cid xee Sinn;
5 Qycc dui' Jesus Krist, dyrr si diongsinr ee qanjingr, sixlangg diongx tauu jit xee uac :ee, derjniu jiax ee ongg ee Juxjnaiw. Ix tniar lanw, ing Ix ee huih tauxvangr lanw tuatli lanw ee jue,
6 Hro lanw juer qokbinn, juer Ix ee Ve Siongrder ee jewsix; guan ingqngx quanlingg qruix dirr Ix, itdit qaur dairdai. Amen.
7 Knuar ar! Ix jre hunn laii, jiongww bagjiux beh knuar qnir Ix, lenrr cak Ix ee langg iarr beh knuar qnir Ix; derjniu ee jok, longxx beh uirdiyhh Ix laii tikaur. Sidjai si anxnix. Amen.
8 Jruw Siongrder qongw, "Guaw si Alfa, qycc si Omega, henrjai dilehh, jaw dilehh, jionglaii dilehh :ee, si juanlingg :ee."
9 Guaw Johan, dyrr si linw ee hniadi, snaqab u hxun dirr Jesus ee huanrlan, qapp Ix ee qog, qapp Ix ee tunlunw :ee; uirdiyhh Siongrder ee dy, qapp Jesus ee qanjingr, bad diamr dirr jitt xee haixsu, miaa qiyr Patmos.
10 Dirr Jruw ee zit, guaw hro Sinn qamxdong, tniax qnir dirr guaw ee aurbin u dua sniax cincniu decc vunn hyrtauu, qongw,
11 "Liw soxx knuar .qnir .ee diyhh siaw dirr ceh nirr, qiar hro hitt cid xee qauwhue; dyrr si Efesus, Smyrna, Pergamos, Tyatila, Sardis, Filadelfia, qapp Laodicea."
12 Guaw dyrr uat dngw srinx, rair knuar qapp guaw qongxue ee sniax. Ixqing’ uat dngw, dyrr knuar qnir cid qix ee qimdingdaii.
13 Dingdaii diongx u jit xee cincniu Zinjuw :ee, sinkux cing dngg snxax, hingkamw haa qimx duar.
14 Ix ee taukag qapp taumngg longxx vec qaxx cincniu vec ee xmii, cincniu seh; Ix ee bagjiux cincniu huexiam.
15 Ix ee kax cincniu qngliang ee dangg, cincniu quer huexloo tuanwlen :ee; sniax cincniu jerje diauu juiw ee sniax.
16 Dirr Ix ee jniawciuw u cid liap cnxix; dui' Ix ee cuir tror cud siangbin lrai ee qiamr; Ix ee binrmau cincniu iam zit sria cud qngx.
17 Guaw knuar qnir Ix, dyrr pag dirr Ix ee kax-jingg, cincniu siw .kir qangrkuanw; Ix ing jniawciuw hnua guaw, qongw, "Byc did qniax, Guaw si kixtauu :ee, qapp suacbuew :ee,
18 Iarr si uac :ee; Guaw bad siw, dnaxx liw knuar, Guaw si uac qaur dairdai; qycc u sixbyy qapp imhuw ee syxsii.
19 Soxiw liw diyhh jiong' soxx knuar .qnir .ee, ixqip henrjai soxu :ee, qapp au .laii beh jniaa ee su, qra siaw .cud .laii.
20 Liw soxx knuar .qnir, dirr Guaw jniawciuw dingw cid liap cnxix qapp cid qix ee qimdingdaii ee ywbiau: cid liap cnxix, dyrr si cid xee qauwhue ee suwjiauw; cid qix dingdaii, dyrr si cid xee qauwhue.
2 Liw diyhh siaw puex hro dirr Efesus ee qauwhue ee suwjiaw, qongw, 'Jniawciuw tnaw cid liap cnxix, qniaa dirr cid qix qimdingdaii diongx :ee, Ix ee ue qongw:
2 Guaw jaix liw ee soxx qniaa, qapp liw ee diyhbuaa, tunlunw; hiaxee juer pnaiw ee langg, liw iarr be iong'unw ix. Hiaxee qaqi qongw si suwdoo, qisit m si :ee, liw bad ciwgiam inx, jaix inx si vehcat;
3 Liw iarr u tunlunw, bad uirdiyhh Guaw ee miaa zimxsiu byy iawsen.
4 Danrsi Guaw u soxx jikvi liw :ee, dyrr si liw ixqing’ lirkuix kixtauu ee tniar.
5 Soxiw diyhh qir did liw dui' daxlyc vuac .lyc .laii; diyhh huanxhuew, laii qniaa liw kixtauu ee soxx qniaa; narr byy anxnix, liw narr m huanxhuew, Guaw beh qaur liw hiax, qra liw ee dingdaii suaw lirkuix ix ee xui.
6 Danrsi liw iauxx u jit hxang kyxcuw, dyrr si Guaw soxx uanwhun Nikola Dongw ee soxx qniaa, liw iarr unawhun ix.
7 U hnirkangx :ee diyhh tniax Singwsinn qra jiaxee qauwhue soxx qongw :ee. Diksingr ee langg, Guaw beh jiong' Siongrder Loghngg diongx uahmiarciu ee quexjiw hro ix jiac.'
8 Liw diyhh siaw puex hro dirr Smyrna ee qauwhue ee suwjiaw, qongw, 'Juer kixtauu qapp lorbuew :ee, bad siw laii qycc uac :ee, Ix ee ue qongw:
9 Guaw jaix liw ee huanrlan qapp songwhiongx, sidjai liw si hyxgiac; hiaxee qaqi qongw si Judealangg, qisit m si :ee, dyrr si juer Satan ee hue, inx ee vongwdok Guaw iarr jaix.
10 Byc did qniax liw soxx beh sriu ee qankow. Liw knuar, moquiw beh jiong' linw diongqanx quixnarr langg hed lyc qnax, hro linw duw diyc cir, linw beh siurr huanrlan jap zit. Liw diyhh jinrdiongx qaur siw, Guaw dyrr beh ing uahmia ee benxliuu sniuxsur liw.
11 U hnirkangx :ee diyhh tniax Singwsinn qra jiaxee qauwhue soxx qongw :ee. Diksingr ee langg quatduan byy sriu diyc derr zi vaiw siw ee hai.'
12 Liw diyhh siaw puex hro dirr Pergamos ee qauwhue ee suwjiaw, qongw, 'Hitt xee u siangbin lrai ee qiamr :ee, Ix ee ue qongw:
13 Guaw jaix liw soxx druar ee xui, dyrr si Satan jyrui ee soxjai; liw cisiuw Guaw ee mia, iarr m bad dirr Antipas ee zit m zin liw ee sinr Guaw; ix dyrr si juer Guaw ee qanjingr, jinrdiongx dirr Guaw :ee, siurr taii dirr linw diongqanx, dyrr si dirr Satan soxx druar ee xui.
14 Danrsi Guaw u quixnarr hxang beh jikvi liw, in'ui dirr liw hiax u langg cisiuw Balaam ee qxaur; jaw Balaam bad qawsi Balak, jiong' tatgai ee mic hed dirr Islael qniaxsunx ee binrjingg, hro inx jiac jrer gnoxsiong ee mic, suar qniaa qan'imm.
15 Cincniu anxnix, liw hiax iarr iuguann u langg cisiuw Nikola Dongw ee qxaur.
16 Soxiw liw diyhh huanxhuew; narr byy anxnix, dyrr Guaw qinw qinw qaur liw hiax, beh ing Guaw ee cuir ee qiamr qapp inx qaujenr.
17 U hnirkangx :ee diyhh tniax Singwsinn qra jiaxee qauwhue soxx qongw :ee. Diksingr ee langg, Guaw beh ing soxx kngr bat ee manna hro ix, qycc ing vec ee jiyc hro ix, jiyc-dingw kig sinx ee miaa, sriu ee langg ixgua, byy langg bad ix.'
18 Liw diyhh siaw puex hro dirr Tyatila ee qauwhue ee suwjiaw, qongw, 'Siongrder ee Qniaw, bagjiux cincniu huexiam, kax cincniu qngliang ee dangg :ee, Ix ee ue qongw:
19 Guaw jaix liw ee soxx qniaa, liw ee tniar, qapp sinr, qapp hogsai, qapp tunlunw; qycc liw lorbuew ee soxx qniaa, viw kixtauu :ee kacc je.
20 Danrsi Guaw u soxx jikvi liw :ee, dyrr si liw iong'unw hitt xee hurzinlangg Jezebel, qaqi cxingx juer sendix :ee, ix qawsi qycc behik Guaw jiaxee lovok qniaa qan'imm, qapp jiac jrer gnoxsiong ee mic.
21 Guaw hro ix u sijun tangx huanxhuew, danrsi ix byy beh huanxhuew laii lirkuix ix ee imhing.
22 Guaw beh qra ix hed dirr binrcngg; hiaxee qapp ix qnia'imm :ee, narr byy huanxhuew laii lirkuix ix ee soxx juer, Guaw iarr beh qra inx hed dirr dua huanrlan.
23 Guaw beh ing siw bet ix ee qniaxzii; jiaxee qauwhue longxx beh jaix Guaw si qamwcad langg ee simdngg :ee, iarr beh jiauww linw dagg langg ee soxx qniaa laii vywingr linw.
24 Narr linw dirr Tyatila qi'uu ee langg, huanrnarr byy singsiu jitt hy qawsi, iarr m jaix inx soxx qongw Satan cim'yr ee su, Guaw qra linw qongw, Guaw byy ing vadd hy ee dnar hro linw dnax.
25 Dogdok linw soxx u :ee, diyhh qra cisiuw qaur Guaw laii.
26 Diksingr ee langg, qapp siuw Guaw ee qniajuer qaur lorbuew :ee, Guaw beh hro ix u qxuann, dirliw ledvangx;
27 Ix beh ing ticqnuaiw quanxhad inx, naxx cinciu jiong' huii ee kiwqu qra pah cruir, cincniu Guaw dui' Guaw ee Ve singsiu quanvingr jidngiu.
28 Guaw iarr beh ing kexbingcnix hro ix.
29 U hnirkangx :ee diyhh tniax Singwsinn qra jiaxee qauwhue soxx qongw :ee.'
3 Liw diyhh siaw puex hro dirr Sardis ee qauwhue ee suwjiaw, qongw, 'U Siongrder ee cid xee Sinn qapp cid liap cnxix :ee, Ix ee ue qongw: Guaw jaix liw ee soxx juer, liw miaa si uac, qisit si siw.
2 Liw diyhh qingxsingw, qenqor hiaxee qi'uu decbeh siw ee su; in'ui Guaw knuar qnir liw ee qniajuer, dirr Guaw Siongrder ee binrjingg byy jit hxang uanjuann.
3 Soxiw liw diyhh qir .did, liw u jnaixngiu sriu, jnaixngiu tniax; qycc diyhh jipsiuw, iarr diyhh huanxhuew. Setsuw m qingxsingw, Guaw beh cincniu cat laii, liw m jaix Guaw simxmih sii beh laii qaur liw hiax.
4 Danrsi dirr Sardis, liw iauxx u quixnarr xee miaa be bad pah lasamm inx ee snxax, inx beh cing vec snxax, qapp Guaw siwquer qniaa, in'ui inx si e kamx .did .ee.
5 Diksingr ee langg iarr beh anxnix cing vec snxax, ix ee miaa dirr uahmia ee ceh, Guaw quatduan byy qra cad .kiw .laii, si beh zin ix ee miaa dirr Guaw ee Ve ee binrjingg, ixqip Ix hiaxee tnisair ee binrjingg.
6 U hnirkangx :ee diyhh tniax Singwsinn qra jiaxee qauwhue soxx qongw :ee.'
7 Liw diyhh siaw puex hro dirr Filadelfia ee qauwhue ee suwjiaw, qongw, 'Si sxingr, si jinx, u David ee syxsii; kuix, dyrr byy langg e qnuaix, qnuaix, dyrr byy langg e kuix :ee, Ix ee ue qongw:
8 Guaw jaix liw ee soxx juer. Liw knaur, Guaw dirr liw ee binrjingg ixqing’ u qra liw kuix mngg, si byy langg e qnuaix :ee, in'ui liw u damrvyc kuiwlat, ixqing’ siuw Guaw ee dyrliw, m bad m zin Guaw ee miaa.
9 Satan ee hue, qaqi qongw si Judealangg, qisit m si, si qongw vehcat :ee; Guaw beh sniuxsur liw hro inx laii pag dirr liw ee kax-jingg, qycc hro inx jaix Guaw ixqing’ tniar liw.
10 In'ui liw ixqing’ siuw Guaw tunlunw ee dyrliw, Guaw iarr beh siuw hro liw tuatli hitt xee ciwlen ee sii; jitt xee sii beh qaur dirr tnie, laii ciwlen longxjongw kiarkiw dirr derjniu ee langg.
11 Guaw qinw qinw qaur; liw soxx u :ee diyhh qra cisiuw, benw did u langg cniuw liw ee benxliuu.
12 Diksingr ee langg, Guaw beh hro ix juer tiau dirr Guaw Siongrder ee dxen-lai, quatduan byy qycc cud kir guarbin. Guaw iarr beh jiong' Gauw Siongrder ee miaa, ixqip Guaw Siongrder ee sniaa, sinx ee Jelusalem, dui' tnix, dui' Guaw ee Siongrder qangr .lyc .ee ee miaa, qycc ing Guaw sinx ee miaa, longxx siaw dirr ix ee dingxbin.
13 U hnirkangx :ee, diyhh tniax Singwsinn qra jiaxee qauwhue soxx qongw :ee.'
14 Liw diyhh siaw puex hro dirr Laodicea ee qauwhue ee suwjiaw, qongw, 'Juer Amen, juer diongsinr jinsit ee qanjingr, juer Siongrder jyrhuar ee guantauu :ee, Ix ee ue qongw:
15 Guaw jaix liw ee soxx juer, liw si byy lingw byy zet; Guaw hibang liw lingw iacc si zet.
16 Liw qiwzenn si lalunn siyx, m jniaa zet, m jniaa lingw, Guaw beh tror liw cud Guaw ee cuir.
17 In'ui liw qaqi qongw: Guaw si hyxgiac, ixqing’ huatjaii, longxx byy kiamwkueh; iarr m jaix liw si kunwkow kyxlinn, songwhiongx, cnimii, tngwteh.
18 Guaw ter liw sniu, diyhh dui' Guaw brew quer huew tuanwlen ee qimx, tangx did diyc hyxgiac; qycc brew vec snxax tangx cing, hro liw byy lorhen tngwteh ee qenwsiaur; qycc brew iyhqyx, laii buah liw ee bagjiux, hro liw e knuar .qnir.
19 Qniwnarr Guaw soxx tniar ee langg, Guaw jikvi laii qra qingxqair; soxiw diyhh hunwjir laii huanxhuew.
20 Knuar ar! Guaw kia dirr mngg-gua pah mngg, tniax qnir Guaw ee sniax laii kuix ee langg, Guaw beh zip kir jiurqin ix, laii qapp ix jiac, ix iarr qapp Guaw jiac.
21 Diksingr ee langg, guaw beh hro ix qapp Guaw dangjee jre dirr Guaw ee jyrui, cincniu Guaw diksingr laii qapp Guaw ee Ve dangjee jre dirr Ix ee jyrui jidngiu.
22 U hnirkangx :ee diyhh tniax Singwsinn qra jiaxee qauwhue soxx qongw :ee.'"
4 Jiaxee dairjir ixau, guaw quanknuar, knuar qnir dirr tnix nirr u mngg kuix, qycc u guaw kixtauu soxx tniax .qnir ee sniax, cincniu hyrtauu qapp guaw qongxue :ee qongw, "Liw jnriu laii jiax, Guaw beh jiong' au .laii soxx dikkag jniaa ee su jixsi liw."
2 Guaw suisii siurr Sinn ee qamxdong, hutzenn knuar qnir u jyrui sed dirr tnix nirr, jyrui dingw u jit xee decc jre :ee.
3 Hitt xee decc jre :ee, Ix ee iongmau cincniu pikgik qapp bexlyw; Ix ee jyrui jiu'uii u king, knuar .kiw .laii cincniu conghinggik.
4 Jyrui ee jiu'uii, u zi-jap-sir xee jyrui, jre dirr hitt dingxbin :ee, u zi-jap-sir xee dniuxlyw, cing vec snxax, taukag dir qimx ee benxliuu.
5 Dui' hitt xee diong'ngx ee jyrui u huad cud sicnar, sniax, qapp luii. Iarr u cid qix dinghuew, diamw dirr jyrui jingg, dyrr si Siongrder ee cid xee Sinn.
6 Jyrui jingg u cincniu vylee ee haiw, hongxhud cincniu juixjnix; jyrui diongx qapp jyrui ee jiu'uii, u sir xee uahmic, jing'au u bagjiux muaw muaw.
7 Tauu jit xee uahmic cincniu sraix, derr zi xee uahmic cincniu guu-aw, derr snax xee uahmic u bin cincniu langg, derr sir xee uahmic cincniu decc vuex ee ringx.
8 Sir xee uahmic qycc u lak xee sxit, jiu'uii qapp lairbin venww srinx u bagjiux; mizit longxx byy hiyckunr, decc qongw, "Singwjair, Singwjair, Singwjair, Jruw Siongrder, Juanlingg :ee, jaw dilehh, henrjai dilehh, jionglaii iarr dilehh :ee."
9 Dagg vaiw uahmic jiong' ingqngx, junquir, qamxsia, qruix hro jre dirr jyrui, uac qaur dairdai byy jin :ee,
10 Zi-jap-sir xee dniuxlyw dyrr pag dirr hitt xee jre dirr jyrui :ee ee binrjingg, qingwvair hitt xee uac qaur dairdai byy jin :ee; qycc jiong' inx ee benxliuu hed dirr jyrui jingg, qongw,
11 "Guanw ee Jruw, guanw ee Siongrder, Liw kamx did siurr ingqngx, junquir, quanlingg; in'ui Liw bad congwjy banrmic; banrmic dilehh, banrmic siurr congwjy, longxx si dui' Liw ee jixir."
5 Guaw knuar qnir jre dirr jyrui :ee, jniawciuw tec jit qngw, lairgua longxx u bunzi, ing cid xee inr hrongx bat.
2 Qycc knuar qnir u quanlingg ee tnisair, dua sniax suantuann qongxx, "Jirjui e kamx did kuix hitt qngw, laii tiah kuix ix ee inr?"
3 Dirr tnix nirr, qapp de nirr, qapp de ee erbin, byy jit xee e kuix hitt qngw, iacc si knuar ix.
4 Qiwzenn cue byy jit xee e kamx did kuix hitt qngw, iacc si knuar ix :ee, guaw dyrr dua tikaur.
5 Hiaxee dniuxlyw ee jit xee qra guaw qogw, "Byc did tikaur; liw knuar, Judah jipair ee sraix, David ee qintauu, ixqing’ diksingr, tangx laii kuix jitt qngw, qapp hiaxee cid xee inr."
6 Guaw dyrr knuar qnir dirr jyrui qapp sir xui ee uahmic ee diongqanx, qapp dirr hiaxee dniuxlyw ee diongqanx, u Ngiuqyx kia lehh, cincniu bad siurr taii, u cid qix qag, cid luiw bagjiux, dyrr si Siongrder ee cid ee Sinn, hrong crex qaur poxtnie :ee.
7 Ix dyrr jinwjingg, dui' hitt xee jre dirr jyrui :ee ee jniawciuw tec hitt qngw.
8 Ix tec hitt qngw ee sii, dyrr sir xee uahmic qapp zi-jap-sir xee dniuxlyw longxx pag dirr Ngiuqyx ee binrjingg; dag'ee u kimm qapp qimloo, drew hniux muaw muaw, hniux dyrr si singwdoo ee qidyw.
9 Iarr gimm sinx ee six, qongw, "Liw kamx did tec hitt qngw, laii kuix ix ee inr; in'ui Liw siurr taii, bad ing Liw ee huih dui' dagg jok, dagg kniukauw, dagg hy vecsnir, dagg qog, brew langg laii qruix Siongrder,
10 Qycc hro inx juer qog, juer jewsix, laii hogsai Siongrder; inx iarr beh juer ongg dirr derjniu."
11 Guaw qycc knuar, dyrr tniax qnir jyrui, uahmic, qapp dniuxlyw ee jiu'uii u jerje tnisair ee sniax; inx ee giahsiaur cingcingx banrban,
12 Dua sniax qongw, "Siurr taii ee Ngiuqyx, habgii did diyc quanlingg, vuwu, diwhui, kuiwlat, junquir, ingqngx, ylyw."
13 Qycc tniax qnir dirr tnix, dirr de, qapp de ee erbin, qapp haixbin, itcer siurr jy ee mic, qapp qidiongx huanrr soxx u :ee, longxx qongw, "Ylyw, junquir, ingqngx, quanser, longxx qruix hro jre dirr jyrui :ee qapp Ngiuqyx, qaur dairdai byy jin."
14 Sir xee uahmic qongw, "Amen"; hiaxee dniuxlyw dyrr pag lecc vair.
6 Ngiuqyx kuix cid xee inr ee jit xee, hitt sii guaw decc knuar, dyrr tniax qnir sir xee uahmic ee jit xee, ix ee sniax cincniu luii, qongw, "Laii ar."
2 Guaw dyrr knuar, u vec bew; kiaa ix :ee u giac qringx, iarr u benxliuu sur hro ix; ix dyrr cud kir diksingr, qycc beh diksingr.
3 Kuix derr zi xee inr ee sii, guaw tniax qnir derr zi xee uahmic qongw, "Laii ar."
4 Qycc u jit jiah bew cud .laii, si ciah :ee; u quanvingr hro hitt xee kiaa bew :ee, duiww derjniu cniuxduat hyvingg, hro langg sna' taii; qycc u jiong' dua qix dyx sur hro ix.
5 Kuix derr snax xee inr ee sii, guaw tniax qnir derr snax ee uahmic qongw, "Laii ar." Guaw dyrr knuar, u ox bew; kiaa ix :ee, ciuw giac cinr.
6 Guaw tniax qnir sir xee uahmic ee diongqanx cincniu u sniax qongw, "Bec jit jinx jit xee ginn-aw, duarbec snax jinx iarr jit xee ginn-aw; iuu qapp jiuw m tangx pacpnaiw."
7 Kuix derr sir xee inr ee sii, guaw tniax qnir derr sir xee uahmic ee sniax qongw, "Laii ar."
8 Guaw dyrr knuar, u huexhusig ee bew; kiaa ix :ee, ix ee miaa qiyr juer Siw; Imhuw duer ix ee aurbin; u quanvingr hro inx, inx tangx dirliw derjniu ee sir hxun jit, ing dyqiamr, qihngx, un'ik, qapp derjniu ee iaxsiur laii bet langg.
9 Kuix derr go xee inr ee sii, guaw knuar qnir jewdnuaa xe, u uirdiyhh Siongrder ee dyrliw, qapp uirdiyhh inx soxx jipsiuw ee qanjingr, laii siurr taii ee langg ee linghunn;
10 Inx dua sniax auqiyr qongxx, "Sxingr, qycc jinx ee Juxjnaiw ar, Liw byy simxpnuar diamr dirr derjniu ee langg, laii srinx guanw lrauu huih ee ruanx, beh qaur simxmih sii ar?"
11 Dyrr u vec snxax hro inx dagg langg, qycc qra inx qongw, diyhh cniaw hiyh damrvyc quw, tingwhau qangg juer lovok :ee qapp hniadi, dyrr si beh cincniu inx siurr taii :ee, siauwgiac itjin muaw.
12 Guaw knuar Ix kuix derr lak xee inr ee sii, de dua dinxdang, zit vnir ox cincniu mo'ovor, guec qui' xee cincniu huih.
13 Tnicnix duirlyc de, cincniu buhuaqyxciu hro dua hongx soxx iyy, lag bue sik ee quexjiw jidngiu.
14 Tnix dyrr duw diyc censuaw, cincniu cag qngw .kiw .laii; snuax qapp haixsu longxx jauxcuac.
15 Derjniu jiaxee ongg, dairhux, cenjongw, vur langg, bingw langg, ixqip longxjongw juer lovok :ee, juriuu :ee, qaqi bih dirr snuadong snuagiamm,
16 Duiww snuax qapp giamm qongw, "Deh dirr guanw ee dingxbin, ziakamr guanw, tangx siamxvi hitt xee jre dirr jyrui :ee ee bin, qapp Ngiuqyx ee siurkir.
17 In'ui siurkir ee duarzit ixqing’ qaur lar, jirjui kia e diauu ar?"
7 Jiaxee dairjir liauxau, guaw knuar qnir sir xee tnisair kia dirr de ee sir qaktauu, jipjiangw de ee sir bin hongx, hro ix byy cuex dirr de, haiw, qapp itkair ee ciu.
2 Qycc knuar qnir vadd xee tnisair dui' zit cud ee soxjai jnriu .laii, tec jin'uac Siongrder ee inr. Ix duiww hiaxee did diyc qxuann, laii sionghai de, qapp haiw ee sir xee tnisair dua sniax qiyr qongxx,
3 "De qapp haiw qapp ciu, linw byc did sionghai, tingwhau guanw kamr inr dirr lanw ee Siongrder ee lovok ee tauhiac."
4 Guaw dyrr tniax qnir siurr kamr inr :ee ee siauwgiac; Islael ee qniaxsunx jiongww jipair ee diongqanx siurr kamr inr :ee, qiong u jap-sir-bxan sir-cingx.
5 Sriok Judah ee jipair, jit-bxan nng-cingx; sriok Rleuben ee jipair, jit-bxan nng-cingx; sriok Gad ee jipair, jit-bxan nng-cingx;
6 Sriok Asher ee jipair, jit-bxan nng-cingx; sriok Naftali ee jipair, jit-bxan nng-cingx; sriok Manasseh ee jipair, jit-bxan nng-cingx;
7 Sriok Simeon ee jipair, jit-bxan nng-cingx; sriok Levi ee jipair, jit-bxan nng-cingx; sriok Issaqar ee jipair, jit-bxan nng-cingx;
8 Sriok Zebulun ee jipair, jit-bxan nng-cingx; sriok Josef ee jipair, jit-bxan nng-cingx; sriok Benjamin ee jipair siurr kamr inr :ee, jit-bxan nng-cingx.
9 Jiaxee dairjir liauxau, guaw knuar qnir u qui' dua din ee langg, byy langg e sngr inx ee siauwgiac, cud dirr dagg qog, dagg jok, dagg hy vecsnir, dagg ngiu kniukauw :ee, kia dirr jyrui ee binrjingg, cing vec snxax, ciuw giac jangciurqix,
10 Dua sniax qiyr qongxx, "Guan jinxqiur qruix dirr lanw ee Siongrder, dyrr si jre jyrui :ee, qapp dirr Ngiuqyx."
11 Jiongww tnisair kia dirr jyrui qapp dniuxlyw qapp sir xee uahmic ee jiu'uii, bin pag dirr jyrui jingg, qingwvair Siongrder, qongw,
12 "Amen! Guan ylyw, ingqngx, diwhui, qamxsia, junquir, quanlingg, kuiwlat qruix dirr lanw ee Siongrder, qaur dairdai byy jin. Amen."
13 Dniuxlyw ee diongqanx u jit xee rinr guaw qongxx, "Jiaxee cing vec snxax :ee si jirjui? Dui' daxlyc laii ar?"
14 Guaw qra ix qongw, "Guaw ee Jruw. Liw jaix." Ix qra guaw qongw, "Jiaxee si dui' hitt xee dua ee huanrlan cud .laii .ee, bad dirr Ngiuqyx ee huih sew inx ee snxax qaur vec vec.
15 Soxiw inx dirr Siongrder ee jyrui jingg, qycc dirr Ix ee dxen mizit hogsai Ix; jre dirr jyrui :ee beh kiarkiw dirr inx ee diongqanx, laii diwimr inx.
16 Inx byy qycc iaux, iarr byy qycc cuiwdax; zit qapp itcer ee zet be vig diyc inx.
17 In'ui jyrui diongx ee Ngiuqyx beh juer inx ee bogjiaw, cua inx qaur uac ee juixjnuaa; qycc Siongrder beh dui' inx ee bagjiux crid kir inx longxjongw ee bagsaiw."
8 Kuix derr cid xee inr ee sii, tnix nirr jing jing, iokliok vnuar diamxjingx quw.
2 Guaw knuar qnir hiaxee kia dirr Siongrder ee binrjingg ee cid xee tnisair; qycc u cid qix hyrtauu hro inx.
3 Iarr u jit xee tnisair laii kia dirr jewdnuaa vnix, tec qimhniuloo; u jerje hniux hro ix, tangx camx dirr jiongww singwdoo ee qidyw, dirr jyrui jingg ee qimdnuaa dingw.
4 Hniu'enx qapp singwdoo ee qidyw dui' tnisair ee ciuw cringr qaur Siongrder ee binrjingg.
5 Tnisair tec hitt xee hniuloo, jiong' dnxuaa nirr ee huew drew qaur muaw, hed dirr de nirr; dyrr u luii dann, qapp jiaxee sniax, qapp sicnar, qapp dedang.
6 Giac cid qix hyrtauu ee cid xee tnisair dyrr virvan beh vunn.
7 Tauu jit xee tnisair vunn, dyrr u pauh qapp huew ing huih sna' camx hed dirr de nirr; de snax hxun ee jit hxun siyliyx kir, ciurbak snax hxun ee jit hxun siyliyx .kir, itcer ee cnicauw iarr siyliyx .kir.
8 Derr zi xee tnisair vunn, dyrr u cincniu huew decc siyx ee dua snuax hed lyc haiw; haiw snax hxun ee jit hxun dyrr vnir juer huih.
9 Haiw-lai soxu ee uahmic snax hxun siw jit hxun; junjiah iarr snax hxun puar jit hxun.
10 Derr snax xee tnisair vunn, u dua liap cnxix cincniu huexvew decc dyc, dui' tnix dui .lyc .laii; dyrr dui dirr qanghyy snax hxun ee jit hxun, ixqip dirr jiaxee juixjnuaa.
11 Cnxix ee miaa qiyr juer Indinn; juiw snax hxun ee jit hxun vnir juer indinn; langg jerje in'ui jiaxee juiw laii siw, in'ui si kow :ee.
12 Derr sir xee tnisair vunn, zit ee snax hxun jit, guec ee snax hxun jit, cnxix ee snax hxun jit, siurr qongqig, drir qaur inx snax hxun ee jit hxun vnir juer amr; zit .sii snax hxun ee jit hxun byy qngx; mii .sii iarr si anxnix.
13 Guaw qycc knuar, dyrr tniax qnir jit jiah ringx vuex dirr tnidiongx, dua sniax qongw, "In'ui qi'uu hyrtauu ee sniax, dyrr si snax xee tnisair soxx beh vunn :ee, kiarkiw derjniu ee langg u jaie, u jaie, u jaie."
9 Derr go xee tnisair vunn, guaw dyrr knuar qnir jit liap cnxix ixqing’ dui' tnix dui lyc de; u jiong' byy drew cimx knix ee syxsii hro ix.
2 Qaur ix kuix byy drew ee cimx knix, dyrr u enx dui' cimx knix cringr .kiw .laii, cincniu dua huexloo ee enx; zit qapp kongkir longxx in'ui cimx knix ee enx venr amr.
3 U cauxmeh dui' hitt xee enx cud laii dirr de nirr; u qxuann hro inx, cincniu de nirr ee get'axtangg u qxuann jidngiu.
4 Qycc u qra inx qongw, m tangx sionghai de ee cauw, qapp itcer cnix ee mic, qapp dagg ngiu ee ciurbak, dogdok sionghai hiaxee dirr tauhiac byy u Siongrder ee inr ee langg.
5 Qycc bingrling inx m tangx hai siw inx, jixu hro inx tangwtniar go guehzit quw; inx ee tangwtniar cincniu get'axtangg criyh langg ee tangwtniar jidngiu.
6 Dirr hiaxee zit, langg beh qriuu siw, iarr be did .diyc; rair beh siw, siw iarr siamxvi ix.
7 Cauxmeh ee kuanxsid cincniu virvan cutjenr ee bew; taukag dingw hongxhud u benxliuu, bin cincniu langg ee bin.
8 U taumngg cincniu hurzinlangg ee taumngg, gee cincniu sraix ee gee.
9 Qycc u horsimqniar cincniu tih ee horsimqniar; inx ee sxit ee sniax cincniu jerje ciabew jauw kir qaujenr ee sniax.
10 Inx u buew cincniu get'axtangg, dirr inx ee buew iarr u cxir, e sionghai langg go guehzit.
11 Juer inx ee ongg :ee dyrr si cimx knix ee cesair; Hebla ee imx, miaa qiyr Abaddon; Gleek ee imx, miaa qiyr Apollyon.
12 Tauu jit xee jaie ixqing’ quewsinx; hiaxee dairjir ixau, iauxx u nng hxang jaie beh qaur.
13 Derr lak xee tnisair vunn, guaw dyrr tniax qnir u jit xee sniax dui' Siongrder binrjingg ee qimdnuaa ee jiaxee qag cud .laii,
14 Qra hitt xee giac hyrtauu ee derr lak xee tnisair qongw, "Vak dirr Euflates dua hyy hitt sir xee tnisair, liw diyhh tauxvangr inx."
15 Hitt sir xee tnisair siurr tauxvangr, dyrr si soxx virvan qaur hitt xee sii, zit, guec, nii, beh hai siw langg snax hxun ee jit hxun :ee.
16 Bexvingx ee siauwgiac u nng-bxan bxan; inx ee siauwgiac guaw tniax .qnir lar.
17 Guaw dirr ngirsiong diongx knuar qnir bew qapp kiaa bew :ee; inx u horsimqniar cincniu huew, jxiw sig ee gik, qapp ziu'ngg; bew-tauu si cincniu sraix ee tauu; dui' inx ee cuir cud huew qapp enx qapp ziu'ngg.
18 Dui' inx ee cuir soxx cud .laii ee huew qapp enx qapp ziu'ngg, jitt snax hxang ee jaie, langg snax hxun ee jit hxun duw diyc hai siw.
19 Hiaxee bew ee qxuann jairdirr inx ee cuir, qycc jairdirr inx ee buew; in'ui inx ee buew si cincniu juaa, qycc u tauu; ing hiaxee sionghai langg.
20 Qi'uu ee langg, byy dui' jiaxee jaie siw :ee, iauxquxx byy huanxhuew, laii huexqaiw inx ee ciuw soxx juer, iuguann vair jiaxee qxuiw, qapp be e knuar, be e tniax, be e qniaa jitt quaw qimx, ginn, dangg, jiyc, caa ee gnoxsiong.
21 Qycc byy huanxhuew laii huexqaiw inx ee taii langg, siasut, imluan, tautec.
10 Guaw qycc knuar qnir vadd xee dua kuiwlat ee tnisair dui' tnix qangr lyc, cing hunn juer snxax, taukag dingw u king, ix ee bin cincniu zidtauu, kax cincniu huextiau.
2 Ciuw-diongx u ser ser qngw ee ceh, ixqing’ henx .kuix .ee, ix jniawkax dac dirr haiw nirr, dywkax dac dirr de nirr,
3 Dua sniax auqiyr, cincniu sraix decc hauw. Ix auqiyr ee sii, hitt cid xee luii dyrr cud inx ee sniax.
4 Cid xee luii ixqing’ cud sniax, guaw beh qra siaw .cud .laii, dyrr tniax qnir dui' tnix u sniax qongw, "Cid xee luii soxx qongw :ee, liw diyhh hrongx bat, byc did siaw ix."
5 Guaw soxx knuar qnir kia dirr haiw qapp de nirr ee tnisair,
6 Giac kiw ix ee jniawciuw ngr tnix, qiw congwjy tnix qapp tnix nirr ee mic, de qapp de nirr ee mic, haiw qapp haiw nirr ee mic, uac qaur dairdai byy qiongjin :ee, laii jiuwjua qongxx, "Ixau byy qycc u sizit."
7 Dogdok dirr derr cid xee tnisair cud sniax ee zit, dng' ix beh vunn hyrtauu ee sii, Siongrder ee ywbiau dyrr jniaa, jiauww Ix soxx tuann hro Ix ee lovok, hiaxee sendix ee hok'imx.
8 Guaw jingg soxx tniax qnir dui' tnix ee sniax, dnaxx qycc tniax qnir ix duiww guaw qongxue, qongw, "Hitt xee kia dirr haiw qapp de nirr ee tnisair, ciuw-diongx soxx tec hex henx .kuix ee ceh, liw diyhh kir tec."
9 Guaw suisii kir jiurqin hitt xee tnisair, qra ix qongw diyhh ing hitt qngw ser ser ee ceh hro guaw. Ix dyrr qra guaw qongw, "Liw qra tec kir jiac; ix beh hro liw ee vakdow kow, dirr liw ee cuir-lai beh dnix cincniu bit."
10 Guaw dyrr dui' hitt xee tnisair ee ciuw tec ser qngw ceh laii jiac; dirr guaw cuir-lai qyxzenn dnix cincniu bit; ixqing’ tunx .lyc .kir, guaw ee vakdow dyrr kow.
11 Inx qra guaw qongw, "Liw diyhh qycc camwgiw laii lun kiw jerje vecsnir, jerje vangqog, jerje kniukauw, jerje qun'ongg ee su."
11 U hro guaw jit qix lodig cincniu knuaiw-aw, qongw, "Liw kiw .laii, nriuu Siongrder ee dxen, qapp jewdnuaa, ixqip dirr hiax qingwvair ee langg.
2 Dxen-gua ee ngi vangwhe lehh, byc did nriuu ix, in'ui ixqing’ hro guarvanglangg; inx beh tunxdac singwsniaa, sir-jap-zi guehzit.
3 Guaw beh sniuxsur guaw nng xee qanjingr :ee, inx beh cing muavor tuann dyrliw, qiong cid-cingx nng-vah lak-jap zit."
4 Inx dyrr si hitt xee nng jangg qnanaxciu, qapp nng xee dingdaii, dyrr si kia dirr juann de ee Jruw ee binrjingg :ee.
5 Narr u langg rair hai inx, dyrr u huew dui' inx ee cuir cud .laii, bet inx ee duiwdik; huanrnarr rair beh hai inx :ee, dikkag cincniu anxnix siurr hai siw.
6 Jitt nng langg u qxuann e qnuaix bat tnix, dirr inx tuann dyrliw ee zit, hro ix byy lyc ho; iarr u qxuann dirliw jiaxee juiw, hro ix vnir juer huih; qycc jiauww inx soxx air, vutquanxsii, tangx ing dagg ngiu ee jaie qongqig de.
7 Qaur inx qanjingr bingvik ee sii, dui' cim'enx jnriu .laii ee sriur beh qapp inx qaujenr, qycc beh kacc ngiaa laii taii inx.
8 Inx ee sinsix dyw dirr dua sniaa ee quelo; jitt xee sniaa piwzu cxingx juer Sodom qapp Egipt, dyrr si inx ee Jruw dingr sibzirqer ee soxjai.
9 Qycc dui' jiaxee vecsnir, jiaxee jongjok, jiaxee kniukauw, jiaxee vangqog ee diongqanx u langg snax zit vnuar quw knuar inx ee sinsix, qycc m jrunw baijongr inx ee sinsix dirr bong nirr.
10 Kiarkiw derbinrjniu ee langg dyrr uirdiyhh inx hnuahiw kuaiwlok, ing mic sna' sangr; in'ui jitt nng xee sendix bad kunwkow kiarkiw derbinrjniu ee langg.
11 Quer hitt snax zit vnuar, u uac ee krir, dui' Siongrder cud :ee, laii zip dirr inx; inx dyrr vreh kiw laii kia; knuar qnir inx ee langg :ee dua qniax.
12 Inx dyrr tniax qnir dui' tnix u dua ee sniax qra inx qongw, "Jnriu laii jiax." Inx dyrr jre hunn jnriu tnix, inx ee duiwdik iarr knuar qnir inx.
13 Dng’ hitt sii, de u dua dinxdang, sniaa dyw jap hxun ee jit hxun; in'ui dedang laii siw ee langg, u cid-cingx miaa; qi'uu :ee longxx qniahniaa, laii qruix ingqngx hro tnix nirr ee Siongrder.
14 Derr zi xee jaie ixqing’ quer .kir; derr snax xee jaie qinw qinw qaur.
15 Derr cid xee tnisair vunn hyrtauu, dyrr dirr tnix nirr u jiaxee dua ee sniax decc qongw, "Sewqanx ee qog jniaa juer lanw ee Jruw qapp Ix ee Krist ee qog; Ix beh juer ongg qaur dairdai byy jin."
16 Dirr Siongrder ee binrjingg, jre dirr inx jyrui ee zi-jap-sir xee dniuxlyw, bin pag lyc laii vair Siongrder, qongw,
17 "Jruw Siongrder ar, si jaunlingg :ee, henrjai dilehh, jaw dilehh :ee; guanw qamxsia Liw, in'ui Liw ixqing’ jiangw Liw ee dua qxuann laii juer ongg.
18 Guarvangx huad cud siurkir, Liw ee siurkir iarr limqaur; siw ee langg siurr simxpnuar, qycc Liw ee lovok jiaxee sendix, qapp jiaxee sxingr :ee, qapp qingwuir Liw ee miaa :ee, bylun duarser, Liw ing vywsniuw hro inx; qycc vairhuai de :ee, Liw iarr vairhuai inx; hitt xee sii qaur lar."
19 Siongrder ee dxen, dirr tnix nirr :ee, dyrr kuix. Dirr Ix ee dxen-lai, Ix ee iokqui knuar hen hen. Dyrr u sicnar, qapp sniax, qapp luii dann, dedang, ixqip dua pauh.
12 Qycc u dua diaurtauu cuthen dirr tnix nirr: jit xee hurzinlangg sinkux cing zidtauu, ix ee kax-xe u guec, taukag dir jap-zi liap cnxix ee benxliuu.
2 Ix huai'in; in'ui beh snix qniaw ee qankow, tangwtniar, dyrr auqiyr.
3 Qycc u vadd xee diaurtauu cuthen dirr tnix nirr: u dua buew ciah sig ee lringg, cid xee tauu, jap qix qag, taukag dir cid dingw ongby.
4 Ix ee buew tuax tnidingw ee cnxix snax hxun ee jit hxun, dui lyc de. Lringg kia dirr beh snix qniaw ee hurzinlangg ee binrjingg, tingwhau ix snix liauw, dyrr beh tunx ix ee qniaw.
5 Hurzinlangg snix Davoqniaw, dyrr si beh ing ticqnuaiw dirliw banrvangx :ee. Ix ee Qniaw siurr duar qaur dirr Siongrder ixqip Ix ee jyrui.
6 Hurzinlangg dyrr jauw kir kongwiaw, dirr hiax u Siongrder soxx virvan ee soxjai, hro ix dirr hiax did diyc ngiuxci jit-cingx nng-vah lak-jap zit.
7 Dirr tnix nirr dyrr u qaujenr, Miqael cua ix ee cesair kir qapp lringg qaujenr; lringg iarr cua ix ee cesair kir qaujenr,
8 Be e ngiaa, dirr tnix nirr inx dyrr byy qycc u soxjai.
9 Hitt buew dua lringg dyrr si lau juaa, cxingx juer moquiw, iarr cxingx juer Satan, behik poxtnie :ee, ix siurr hed lyc dirr de nirr, ix ee cesair iarr qapp ix siurr hed lyc.
10 Guaw dyrr tniax qnir dirr tnix nirr u dua sniax, qongw, "Lanw ee Siongrder ee jinxqiur qapp quanlingg qapp qog, ixqip Ix ee Krist ee qxuann, dnaxx longxx qaur lar; in'ui kongwqyr lanw ee hniadi :ee, dyrr si mizit dirr lanw ee Siongrder ee binrjingg kongwqyr inx :ee, dnaxx ixqing’ siurr hed lyc lar.
11 Inx in'ui Ngiuqyx ee huih, qapp inx soxx qanjingr ee dyrliw, laii kacc ngiaa ix; suizenn qaur siw, iarr byy tniawsiyh inx ee sniwmia.
12 Soxiw jiaxee tnix qapp kiawkiw dirr hitt diongqanx :ee, linw diyhh hnuahiw. Danrsi de qapp haiw u jaie, in'ui moquiw ixqing’ lyc qaur linw hiax, u dua siurkir, in'ui jaix ix ee sii byy zuarr quw."
13 Lringg knuar qnir vunxsinx siurr hed dirr de nirr, dyrr kunxdiok hitt xee snix Davoqniaw ee hurzinlangg.
14 Dyrr u dua ringx ee nng qix sxit hro hurzinlangg, hro ix vuex kir kongwiaw, qaur ix ee soxjai, lirkuix juaa ee binrjingg; dirr hiax did diyc ngiuxci, jit qihau, qycc nng qihau, qycc vnuar qihau.
15 Juaa dirr hurzinlangg ee aurbin, dui' ix ee cuir tror cud juiw cincniu hyy, beh qra ix lrauu .kir.
16 De vangjan hurzinlangg; dyrr kuix cuir tunx lringg soxx tror cud ee hyjuiw.
17 Lringg siurkir hurzinlangg, dyrr kir qapp hurzinlangg qi'uu ee horer qaujenr, dyrr si siuw Siongrder ee qaiwbing, u Jesus ee qanjingr :ee. Hitt sii lringg dyrr kia dirr haiw-vnix ee suax-dingw.
13 Guaw qycc knuar qnir jit jiah sriur, dui' haiw nirr kiw .laii, u jap qix qag, cid xee tauu; hiaxee qag dir jap dingw ongby, taukag dingw u vongwdok ee miaa.
2 Guaw soxx knuar .qnir ee sriur cincniu var, ix ee kax cincniu himm ee kax, cuir cincniu sraix ee cuir. Lringg ing ix ee jailingg, ix ee jyrui, qapp dua qxuann hro ix.
3 Guaw iarr knuar qnir hiaxee taukag ee jit xee, cincniu siurr taii qaur siw, ix drir qaur siw ee siongx did diyc rix hyw. Tong' sewqair qiquair laii duer hitt jiah sriur.
4 Qycc vair lringg, in'ui ix bad ing qxuann hro sriur; iarr vair sriur, qongw, "Jirjui cincniu sriur ar? Qycc jirjui e qapp ix qaujenr ar?"
5 Qycc u jit xee cuir hro ix, decc qongw dua su qapp vongwdok ee ue; qycc u hro ix qxuann laii qniaa dairjir sir-jap-zi guehzit.
6 Ix dyrr kuix cuir, qongw cud vongwdok Siongrder ee ue, laii vongwdok Ix ee miaa, qapp Ix ee huerbo, qapp hiaxee diamr dirr tnix nirr :ee.
7 Qycc u hro ix qxuann, tangx qapp singwdoo qaujenr, laii kacc ngiaa inx; qycc u hro ix qxuann laii dirliw dagg jiongxjok, dagg hy vecsnir, dagg hy kniukauw, dagg vangqog.
8 Qniwnarr kiarkiw derbinrjniu ee langg, ix ee miaa byy qir dirr uahmiarceh :ee, longxx beh vair sriur; jitt xee ceh dyrr si dui' congwjy sewqanx ee sii siurr taii :ee ee Ngiuqyx ee.
9 Huanrnarr u hnirkangx :ee diyhh tniax.
10 Narr u liac langg :ee, iarr beh hro langg liac; ing dyx taii langg :ee, iarr beh siurr dyx taii. Singwdoo ee tunlunw qapp sinr jairdirr jitt xee.
11 Guaw qycc knuar qnir vadd jiah sriur dui' de nirr kiw .laii, u nng qix qag cincniu ngiuqyx, qongxue cincniu lringg.
12 Qycc jiong' tauu jit jiah sriur ee qxuann, longxx qniaa dirr ix ee binrjingg. Qycc hro de qapp kiarkiw derjniu ee langg vair tauu jit jiah sriur, dyrr si hitt jiah duw diyc rix hyw :ee.
13 Qycc qniaa dua sinziah, simrjiww dirr langg ee binrjingg hro huew qangr lyc de.
14 Qycc dui' ix soxx did diyc qniaa dirr sriur ee binrjingg jiaxee sinziah, laii behik kiarkiw derjniu ee langg, qra kiarkiw derjniu ee langg qongw, diyhh qra hitt jiah duw diyc dyx siongx iuguann uac lehh ee sriur juer sxiong.
15 Qycc u qxuann hro ix tangx ing uahkir zip dirr sriur ee sxiong, hro sriur ee sxiong e qongxue; iarr hro qniwnarr byy vair sriur ee sxiong :ee duw diyc taii.
16 Ix iarr hro jiongww langg, bylun dua, ser, hyxgiac songwhiongx, juriuu :ee, juer lovok :ee, longxx siurr kamr inr ee qiwhy, dirr jniawciuw, iacc si dirr tauhiac.
17 Langg narr byy hitt xee kamr inr ee qiwhy, dyrr si sriur ee miaa, iacc si ix ee miaa ee siauwgiac, dyrr berdid bexbe.
18 Diwsig jairdirr jex; cangmiaa :ee, diyhh e sngr sriur ee siauwgiac, in'ui jex si langg ee siauwgiac, ix ee siauwgiac dyrr si lak-vah lak-jap-lak.
14 Guaw qycc knuar, knuar qnir Ngiuqyx kia dirr Zion Snuax, qapp Ix dilehh :ee, u jap-sir-bxan sir-cingx langg; longxx u Ngiuqyx ixqip Ix ee Ve ee miaa siaw dirr inx ee tauhiac.
2 Guaw tniax qnir dui' tnix u sniax, cincniu jerje diauu juiw ee sniax, iarr cincniu luii dua dann ee sniax; qycc guaw soxx tniax ee sniax, u cincniu dnuaa kimm :ee decc dnuaa inx ee kimm.
3 Inx dirr jyrui jingg, iarr dirr sir xee uahmic qapp dniuxlyw ee binrjingg, soxx gimm :ee cincniu sinx ee six; hitt xee six byy langg e hagsip, dogdok dui' derjniu siurr brew cud ee jap-sir-bxan sir-cingx langg e nardnia.
4 Jiaxee langg si m bad bag diyc luxsik :ee, si jingqed ee langg. Jiaxee langg si duer Ngiuqyx, bylun Ix daxlyc kir. Jiaxee langg si dui' langg ee diongqanx siurr brew cud, juer kixtauu sik ee quexjiw, henr hro Siongrder qapp Ngiuqyx :ee.
5 Inx ee cuir byy vehcat, inx si byy hacuu :ee.
6 Guaw qycc knuar qnir vadd xee tnisair, vuex dirr tnidiongx, u ingxuanw ee hok'imx tangx tuann hro diamr dirr de nirr ee langg, iarr hro dagg vangqog, dagg jiongxjok, dagg hy kniukauw, dagg ngiu vecsnir.
7 Ix dua sniax qongw, "Diyhh qingwuir Siongrder, jiong' ingqngx qruix hro Ix, in'ui Ix simxpnuar ee sii qaur lar; iarr diyhh vair hitt xee congwjy tnix, de, haiw, ixqip jiaxee juixjnuaa :ee."
8 Qycc u vadd xee tnisair, si derr zi xee, duer dirr aurbin qongw, "Dyxhuai ar, dyxhuai ar, dua ee Babylon. Dyrr si hro banrvangx limx ix imluan ziaw diyc siurkir ee jiuw :ee."
9 Qycc u vadd xee tnisair, derr snax xee, duer inx, dua sniax qongw, "Narr u vair sriur qapp ix ee sxiong, ixqip siurr kamr inr ee qiwhy dirr tuahiac iacc si dirr ix ee ciuw nirr :ee,
10 Ix iarr beh limx Siongrder dua siurkir ee jiuw, dyrr si byy taur :ee, tinn dirr ix siurkir ee jiuxvuex; qycc beh dirr sxingr tnisair ee binrjingg qapp Ngiuqyx ee binrjingg sriu diyc huew qapp ziu'ngg ee koxcow.
11 Inx siurr koxcow ee enx cringr jnriu quann, dairdai byy suah. Qycc vair sriur qapp ix ee sxiong, ixqip siurr ix ee miaa kamr inr ee qiwhy :ee, zidmii byy tangx did diyc anhiyh."
12 Singwdoo ee tunlunw si jairdirr jitt xee; inx dyrr si siuw Siongrder ee qaiwbing qapp siuw Jesus ee sinr :ee.
13 Guaw tniax qnir dui' tnix u sniax qongw, "Liw diyhh qra siaw: Dnaxx ixau dirr Jruw laii siw ee sixlangg u hokkir." Singwsinn qongw, "Si lar, hro inx suah inx ee diyhbuaa laii anhiyh, inx soxx juer ee qangx iarr duer inx."
14 Guaw qycc knuar, knuar qnir u vec ee hunn, u cincniu Zinjuw :ee jre dirr hunn ee dingxbin, taukag dir qimx ee benxliuu, ciuw giac lrai ee qec'aw.
15 Qycc u vadd xee tnisair dui' dxen nirr cud .laii, duiww hitt xee jre dirr hunn ee dingxbin :ee dua sniax qiyr qongxx, "Diyhh crunx cud liw ee qec'aw laii quah; in'ui siuquar ee sii ixqing’ qaur; derjniu ee gnoxqog ixqing’ sik lar."
16 Jre dirr hunn nirr :ee dyrr hed Ix ee qec'aw dirr de nirr; derjniu ee gnoxqog dyrr siuquah.
17 Qycc u vadd xee tnisair dui' tnix nirr ee dxen cud .laii, ix iarr giac lrai ee qec'aw.
18 Qycc u vadd xee tnisair dui' jewdnuaa cud .laii, dyrr si u qxuann tangx dirliw huew :ee, dua sniax duiww giac lrai qec'aw :ee qiyr qongxx, "Crunx cud liw lrai ee qec'aw, siux derjniu qui' qiuu ee pudyy, in'ui pudyy qauwjuiw lar."
19 Tnisair dyrr hed ix ee qec'aw dirr de nirr, laii siux derjniu ee pudyy, hed lyc Siongrder dua siurkir ee jiuxkud.
20 Hitt xee jiuxkud dirr sniaa-gua siurr dac, dyrr u huih dui' jiuxkud cud, quann qaur duw diyc bexqarqniux, hng iokliok lak-vah lxiw.
15 Guaw qycc knuar qnir vadd xee diaurtauu dirr tnix nirr, dua qycc qiquair, dyrr si cid xee tnisair u jiangw cid xee lorbuew ee jaie, in'ui Siongrder ee dua siurkir dui' jiaxee laii jin.
2 Guaw qycc knuar qnir vylee qapp huew sna' camx ee haiw, qycc knuar qnir hiaxee diksingr laii tuatli sriur, qapp ix ee sxiong, ixqip ix ee miaa ee siauwgiac :ee, kia dirr vylehaiw, longxx tec Siongrder ee kimm.
3 Inx gimm Siongrder lovok Moses ee six, qapp Ngiuqyx ee six, qongw, "Jruw Siongrder, juanlingg :ee ar, Liw ee soxx juer dua qycc qiquair; ligdai ee Ongg ar, Liw ee dyrlo gi qycc jinsit.
4 Jruw ar, jirjui m qingwuir qruix ingqngx dirr Liw ee miaa ar? In'ui dogdok Liw si sxingr; ledvangx beh longxx laii qingwvair dirr Liw ee binrjingg, in'ui Liw qonggi ee soxx qniaa ixqing’ henxbingg."
5 Jiaxee dairjir liauxau, guaw knuar qnir dirr tnix nirr hitt xee juer jingwqir ee huerbo ee dxen ixqing’ kuix.
6 Hiaxee cid xee tnisair, u decc jiangw cid hxang jaie :ee, dui' dxen cud .laii, sinkux cing vyxjiyc, cingliang qycc qngbingg, hingkamw haa qimduar.
7 Sir xee uahmic ee jit xee jiong' cid ee qimnguaw hro hitt cid xee tnisair, lairbin drew muaw hitt xee uac qaur dairdai byy jin ee Siongrder ee dua siurkir.
8 Dui' Siongrder ee ingqngx qapp Ix ee quanlingg, dyrr dxen nirr u enx muaw muaw. Qycc byy langg e zip dxen, tingwhau qaur cid xee tnisair cid hxang ee jaie qniaa jin.
16 Guaw tniax qnir u dua sniax dui' dxen nirr cud, qra cid xee tnisair qongw, "Linw kir, jiong' hiaxee drew Siongrder dua siurkir ee cid xee nguaw, vniar dirr de nirr."
2 Tauu jit xee dyrr kir, jiong' ix ee nguaw vniar dirr de nirr; dyrr u okdok ee cngx snix dirr hiaxee u sriur ee qiwhy :ee, qapp vair ix ee sxiong :ee.
3 Derr zi xee jiong' ix ee nguaw vniar dirr haiw nirr; haiw dyrr vnir juer cincniu sixlangg ee huih, haiw-diongx ee uahmic itjin siw.
4 Derr snax xee jiong' ix ee nguaw vniar dirr qanghyy qapp jiaxee juixjnuaa; juiw dyrr vnir juer huih.
5 Guaw tniax qnir jiangw jiaxee juiw ee tnisair qongw, "Henrjai dilehh, jaw dilehh, Sxingr :ee ar, Liw si qonggi, in'ui Liw anxnix simxpnuar.
6 Inx bad lrauu singwdoo qapp sendix ee huih, dnaxx Liw ing huih hro inx limx, si inx soxx ingqaix :ee."
7 Guaw qycc tniax qnir dui' jewdnuaa u sniax decc qongw, "Jruw Siongrder, juanlingg :ee ar, si ar, Liw ee simxpnuar si jinsit qycc qonggi."
8 Derr sir xee jiong' ix ee nguaw vniar dirr zidtauu, dyrr hro zidtauu e ing huew vig langg.
9 Langg hro dua ee iamrzet soxx vig, dyrr vongwdok hitt xee u qxuann decc jiangxliw jiaxee jaie ee Siongrder ee miaa, qycc byy huanxhuew laii qruix ingqngx Ix.
10 Derr go xee jiong' ix ee nguaw vniar dirr sriur e jyrui, sriur ee qog suisii oamr. Langg in'ui qankow dyrr qa inx qaqi ee jic.
11 Qycc in'ui inx ee qankow qapp inx ee cngdok, dyrr vongwdok tnix nirr ee Siongrder, iarr byy huanxhuew inx ee soxx qniaa.
12 Derr lak xee jiong' ix ee nguaw vniar dirr Euflates dua hyy; ix ee juiw liamvnix dax .kir, beh uirdiyhh danghngx ee led'ongg laii virvan lo.
13 Guaw qycc knuar qnir u snax xee uwuer ee sinn, cincniu canqap'aw dui' lringg ee cuir, sriur ee cuir, qapp qew sendix ee cuir cud .laii.
14 Inx dyrr si jiaxee qxuiw ee sinn, e qniaa sinziah :ee, cud laii jiurqin poxtnie ee ongg, jiyjip inx dirr juanlingg Siongrder ee dua zidqii qaujenr.
15 (Liw knuar, guaw laii cincniu cat. Hex qingxsingw laii qowsiuw ix ee snxax, benw did tngwteh laii qniaa, hro langg knuar qnir ix ee qenwsiaur :ee, dyrr u hokkir.)
16 Hitt snax xee dyrr jiyjip led'ongg dirr jit xee soxjai, Hebla ee imx qiyr juer Armageddon.
17 Derr cid xee jiong' ix ee nguaw vniar dirr kongkir, dyrr u dua sniax dui' dxen-lai ee jyrui cud, qongw, "Jniaa lar."
18 Dyrr u sicnar, u sniax, u luii dann, de iarr dua dinxdang, dui' derjniu u langg, qaur dnaxx, bue u dedang cincniu anxnix ee dua.
19 Dua sniaa dyrr lic juer snax xee, ledvangx jiaxee sniaa iarr dyxhuai; Siongrder iarr qir did dua sniaa Babylon, dyrr jiong' vxuex drew Ix qik dua siurkir ee jiuw hro ix.
20 Dagg xee haixsu longxx dyjauw, jiaxee snuax longxx byy .kir.
21 Qycc u dua pauh dui' tnix qangr lyc dirr langg, dagg liap dang quixnarr jap qxinx; langg in'ui pauh ee jaie, dyrr vongwdok Siongrder, in'ui hitt xee jaie jin' dua.
17 Hiaxee tec cid der nguaw ee cid xee tnisair, qidiongx jit xee laii qapp guaw qongxue, qongw, "Laii, guaw beh jiong' hitt xee jre dirr jerje diauu juiw ee dua imhu soxx beh sriu ee simxpnuar hro liw knuar.
2 Derjniu jiaxee ongg bad qapp ix qnia'imm; kiarkiw derjniu ee langg ixqing’ dui' ix imluann ee juiw laii juir."
3 Guaw siurr Sinn ee qamxdong, hro tnisair cua guaw kir kongwiaw; guaw dyrr knuar qnir u hurzinlangg kia ju'angg sig ee sriur; hitt jiah sriur venww srinx u vongwdok ee miaa, u cid xee tauu, jap qix qag.
4 Hurzinlangg cing jxiw sig qapp ju'angg sig ee snxax, ing qimx, vyxjiyc, jinjux laii jngtna; ciuw nirr u qimx ee vxuex, drew jiaxee kyxngor ee mic, ixqip ix imluan ee uwuer muaw muaw.
5 U miaa siaw dirr ix tauhiac, qongw, "Ywbiau, dua ee Babylon, dyrr si derjniu jiaxee imhu qapp jiaxee kyxngor ee mic ee laurbuw."
6 Qycc knuar qnir jitt xee hurzinalngg limx singwdoo ee huih, ixqip qanjingr Jesus ee huih qaur juir. Guaw knuar .qnir, dyrr dua qiquair.
7 Tnisair qra guaw qongw, "Liw sniaw su qiquair? Guaw beh jiong' hurzinlangg qapp ix soxx kiaa cid xee taukag jap qix qag ee sriur ee ywbiau qra liw qongw.
8 Liw soxx knuar .qnir ee sriur, jaw u, dnaxx byy, au .laii beh dui' cim'enx kiw .laii, dyrr qruix dirr dimlunn. Kiarkiw dirr derjniu ee langg, inx ee miaa dui' congwjy sewqanx ee sii byy qir dirr uahmia ee ceh :ee, knuar qnir hitt jiah jaw u, dnaxx byy, ixau beh qycc dilehh ee sriur, dyrr beh qiquair.
9 U diwhui ee simx jairdirr jitt xee. Cid xee taukag si cid jxy snuax, dyrr si hurzinlangg soxx jre dirr hitt dingxbin :ee.
10 Qycc si cid xee ongg; go xee ixqing’ dyw, jit xee henrjai dilehh, jit xee iauxx bue qaur; ix narr qaur, dyrr dikkag jiamrsii dilehh.
11 Hitt xee jaw u, henrjai byy ee sriur dyrr si derr veh xee, ix iarr qapp hitt cid xee jairlai, iarr qruix dirr dimlunn.
12 Liw soxx knuar qnir jap qix qag dyrr si jap xee ongg, m bad did diyc qog :ee, dogdok beh qapp sriur snaqab did diyc qxuann cincniu ongg vnuar sii quw.
13 Inx longxx qangg iwsur, jiong' qaqi ee jailingg qapp quanvingr hro sriur.
14 Inx beh qapp Ngiuqyx qaujenr, Ngiuqyx beh kacc ngiaa inx, in'ui Ix si banrjuw ee Jruw, banrongg ee Ongg. Qapp Ix dilehh :ee iarr beh kacc ngiaa, in'ui inx si siurr driaur, siurr qingw qapp diongsinr ee langg."
15 Tnisair qycc qra guaw qongw, "Liw soxx knuar qnir longxjongw ee juiw, imhu soxx jre :ee, dyrr si jiaxee vecsnir, jiaxee jiongww langg, jiaxee vangqog, jiaxee kniukauw.
16 Qycc liw soxx knuar .qnir ee hitt jap qix qag ee sriur, ix beh uanwhun jitt xee imhu, iarr beh hro ix lingxjing tngwteh, qycc beh jiac ix ee bah, ing huew itjin qra siyx.
17 In'ui Siongrder bad hro inx u jitt hy simx laii jniaa Ix ee jixir, qycc dangsimx jiong' inx ee qog hro sriur, tingwhau Siongrder ee ue ingwgiam.
18 Liw soxx knuar .qnir ee hurzinlangg dyrr si hitt xee decc quanxliw derjniu led'ongg ee dua sniaa."
18 Jiaxee dairjir liauxau, guaw knuar qnir vadd xee tnisair dui' tnix lyc .laii. Ix u dua quanvingr; derjniu dui' ix ee ingqngx laii qngx.
2 Ix dua sniax qiyr qongxx, "Dua ee Babylon dyxhuai lar, dyxhuai lar; dnaxx jniaa juer qxuiw kiarkiw ee soxjai, qapp longxjongw uwuer ee sinn ee qnalyy, ixqip longxjongw byy cingkir, kyxngor ee jiauw ee jiauxlangw.
3 In'ui banrvangx dui' ix imluann ziaw diyc siurkir ee jiuw laii dyxhuai, derjniu jiaxee ongg bad qapp ix qniaa qan'imm, derjniu jiaxee singlixlangg ixqing’ dui' ix ee ciahuaa qaur qik drir qaur hyxgiac."
4 Guaw qycc tniax qnir dui' tnix u vadd xee sniax qongw, "Guaw ee vecsnir ar, diyhh dui' hiax cud .laii, benw did u hxun dirr ix ee jue, iarr benw did siurr ix ee jaie.
5 In'ui ix ee jue duw tnix, ix dagg hy ee vutgi Siongrder qir .did.
6 Diyhh jiauww ix kuanxtai langg :ee laii kuanxtai ix; jiauww ix ee soxx qniaa qavue vywingr ix; dirr ix soxx diauhyy ee vxuex, dnaxx iarr qavue diauhyy laii hro ix.
7 Ix bad jnaixngiu ingqngx qaqi laii ciahuaa, dnaxx hro ix qankow vi'aix iarr jiauww anxnix. In'ui ix simlai qongw, 'Guaw si jre lecc juer ongg, vingrr m si qnuaxhu, quatduan be duw diyc vi'aix.'
8 Soxiw jit zit ee diongqanx ix ee jaie longxx beh qaur, dyrr si sixbyy, vi'aix, qihngx. Ix iarr beh hro huew siyliyx .kir, in'ui simxpnuar ix ee Jruw Siongrder dyrr si dua kuiwlat :ee.
9 Derjniu jiaxee ongg vingsor qapp ix qniaa qan'imm laii ciahuaa :ee, knuar qnir siyx ix ee enx, dyrr uirdiyhh ix visiongx tikaur,
10 In'ui qniax ix ee qankow dyrr hng hng kia lecc qongw, "Camw ar, camw ar, dua sniaa Babylon, qenqor ee sniaa ar, in'ui itsiqanx liw ee simxpnuar qaur lar.
11 Derjniu jiaxee singlixlangg iarr uirdiyhh ix visiongx aicamw, in'ui byy langg qycc brew ix ee hxuer,
12 Dyrr si qimx, ginn, vyxjiyc, jinjux, iuwquah, jxiw ee sikliau, sidiuu, ju'angg, jiaxee hxuer; qapp dagg hy ee hniucaa, dagg hy cniurgee ee kiwqu, dagg hy quiwkir ee caa, dangtih vehjiyc ee kiwqu;
13 Iarr u ziogquir, dorkor, hniuliau, hniu'iuu, zuxhniux, jiuw, iuu, iuwmi, bec, guu, ngiuu, bew, ciax, lovok, ixqip langg ee linghunn.
14 Liw ee simx soxx iwair ee quexjiw ixqing’ lirkuix liw, liw ee hyw jiac qapp hyw knuar ee mic longxx byy .kir, quatduan byy qycc knuar .qnir.
15 Juer jiaxee mic ee singlixlangg, dui' ix did diyc hyxgiac :ee, in'ui qniax ix ee qankow, dyrr hng hng kia, visiongx aicamw qongw,
16 "Camw ar, camw ar, jitt xee dua sniaa, vingsor cing iuwquah, jxiw sig, ju'angg sig ee snxax, ing qimx, vyxjiyc, jinjux jngtna :ee,
17 In'ui itsiqanx hiacc dua ee hyxgiac vnir juer honghuer." Dagg xee dairqongx, qapp dah junn kir dagg soxjai :ee, qapp juixsiuw, lenrr dirr haiw nirr tanwjiac :ee, longxx hng hng decc kia,
18 Knuar qnir decc siyx ix ee enx, dyrr qiuqiyr, qongw, "Daxlyc jit xee sniaa cincniu jitt xee dua sniaa ar"
19 Qycc ing din'aix samw taukag, visiongx aicamw auqiyr qongxx, "Camw ar, camw ar, jitt xee dua sniaa. Huanrr u junn dirr haiw nirr :ee longxx dui' ix ee hongsing laii drir qaur hyxgiac, in'ui ix itsiqanx jniaa juer honghuer."
20 Tnix ar! Jiaxee singwdoo qapp sendix ar! Linw tangx in'ui ix laii hnuahiw; in'ui Siongrder jiong' linw soxx sriu ee simxpnuar laii simxpnuar ix.
21 U jit xee dua kuiwlat ee tnisair giaa jit der cincniu dua ee jiyhby ee jiyc, qra ix hed dirr haiw nirr, qongw, "Babylon dua sniaa iarr beh cincniu anxnix dua dimm siurr hed lyc, quatduan be qycc knuar .qnir.
22 Dnuaa kimm, jokgak, vunn siaux, vunn hyrtauu ee snia'imx quatduan byy qycc tniax qnir dirr liw ee diongqanx; dagg ngiu qangge ee saihu quatduan byy qycc knuar qnir dirr liw ee diongqanx, ex bry ee sniax quatduan byy qycc tniax qnir dirr liw ee diongqanx.
23 Dingx ee qngx quatduan byy qycc jiyr dirr liw ee diongqanx; sinqniaxsair qapp sinniuu ee sniax quatduan byy qycc tniax qnir dirr liw ee diongqanx. In'ui liw ee singlixlangg vingsor decc juer derjniu ee junquir :ee, banrqog iarr dui' liw ee siasut laii siurr behik.
24 Qycc sendix qapp singwdoo qapp derjniu itcer siurr taii ee langg ee huih longxx dirr jitt xee sniaa cue .diyc."
19 Jiaxee dairjir liauxau, guaw tniax qnir dirr tnix nirr u cincniu qui' dua din langg ee dua sniax qongw, "Alleluia! Jinxqiur, ingqngx, quanlingg, longxx si lanw ee Siongrder ee.
2 Ix ee simxpnuar jinsit qycc qonggi, in'ui Ix bad simxpnuar hitt xee dua imhu, dyrr si ing ix ee imluan vairhuai derjniu :ee, qycc duiww ix tyw lrauu Ix ee lovok ee huih ee jue, laii srinx inx ee ruanx."
3 Inx qycjaiww qongw, "Alleluia! Siyx ix ee enx cringr jnriu qnuaii, qaur dairdai byy jin."
4 Hitt zi-jap-sir xee dniuxlyw qapp sir xee uahmic pag lyc qingwvair jre dirr jyrui ee Siongrder, qongw, "Amen! Alleluia!"
5 U sniax dui' jyrui cud .laii, qongw, "Huanrnarr linw juer lanw ee Siongrder ee lovok laii qingwuir Ix :ee, bylun duarser longxx diyhh ylyw Ix."
6 Guaw tniax qnir u cincniu qui' dua din langg ee sniax, cincniu jerje diauu juiw ee sniax, cincniu luii dua dann ee sniax qongw, "Alleluia! In'ui Jruw, lanw ee Siongrder, juanlingg :ee juer ongg lar.
7 Lanw diyhh h.-hnuahiw-h., jiong' ingqngx qruix hro Ix; in'ui Ngiuqyx hun'inx ee qrii ixqing’ qaur, ix ee sinniuu ixqing’ qaqi virvan hyw lar."
8 Dyrr u hro ix cing qngbingg cingkir ee iuwquacvor, in'ui iuwquawvor si singwdoo soxx qniaa ee gi.
9 Ix qycc qra guaw qongw, "Liw diyhh qra siaw qongxx: Qniwnarr siurr driaur laii hur Ngiuqyx ee hun'enn :ee, u hokkir." Qycc qra guaw qongw, "Jiaxee si Siongrder jinsit ee ue."
10 Guaw dyrr pag dirr ix ee kax-jingg beh vair ix. Ix qra guaw qongw, "Cenban m tangx! Guaw qapp liw ixqip liw ee hniadi, dyrr si juer Jesus ee qanjingr :ee, vnivnii si juer lovok; liw diyhh vair Siongrder; in'ui Jesus ee qanjingr dyrr si sendix ee sinn."
11 Guaw qycc knuar qnir tnix kuix, dyrr knuar qnir u jit jiah vec bew. Kiaa ix :ee cxingx juer Diongsinr Jinsit, Ix ee simxpnuar qapp qaujenr byy byy qonggi.
12 Ix ee bagjiux naxx huexiam, taukag dingw dir jerje ongby; qycc u siaw miaa dilehh, druu kiw Ix vunxsinx ixgua, byy langg e bad.
13 Ix cing hiur huih ee snxax, ix ee miaa cxing juer Siongrder ee Dy.
14 Dirr tnix ee qunvingx kiaa vec bew laii duer Ix, longxx cing iuwquah, vec qycc cingkir.
15 Qycc u lrai qiamr dui' Ix ee cuir cud, tangx qra ing laii pah ledvangx. Ix beh ing ticqnuaiw dirliw inx. Qycc Ix iarr beh dac juanlingg ee Siongrder ee dua siurkir ee jiuxkud.
16 Dirr Ix ee snxax qapp katuiw u siaw jit xee miaa qongxx, "Banrongg ee Ongg, banrjuw ee Jruw."
17 Guaw qycc knuar qnir jit xee tnisair kia dirr zidtauu ee diong'ngx, dua sniax auqiyr, qra tnidiongx longxjongw ee vuejiauw qongw, "Laii jurjip hur Siongrder dua ensiac,
18 Tangx laii jiac jiaxee ongg ee bah, cenjongw ee bah, iongxsu ee bah, bew qapp kiaa bew ee langg ee bah, huanrnarr juriuu :ee, juer lovok :ee, sirser sirdua ee bah."
19 Guaw qycc knuar qnir hitt jiah sriur qapp derjniu jiaxee ongg qapp inx ee qunvingx longxx jurjip, beh qapp kiaa bew :ee ixqip Ix ee qunvingx qaujenr.
20 Sriur dyrr siurr liac, hitt xee qew ee sendix iarr qapp ix dangjee siurr liac, dyrr si jingg bad dirr sriur ee binrjingg qniaa sinziah, laii behik hiaxee sriu diyc sriur ee qiwhy, ixqip vair sriur ee sxiong :ee, jitt nng xee uac uac virr hed dirr ziu'ngg decc siyx ee huexoo.
21 Qi'uu :ee hro hitt xee kiaa bew :ee ee cuir-lai soxx cud ee qiamr taii .siw. Jiongww jiauw longxx jiac inx ee bah qaur vaw.
20 Guaw qycc knuar qnir tnisair dui' tnix lyc .laii, ciuw nirr u cim'enx ee syxsii, qapp dua diauu ticlen.
2 Ix dyrr liac hitt buew lringg, dyrr si lau juaa, iarr si moquiw qapp Satan, vak ix jit-cingx nii quw;
3 Qycc qra ix hed lyc cim'enx, qnuaix bat, ing inr hrongx dirr hitt dingxbin, hro ix byy tangx qycc behik ledvangx, tingwhau jit-cingx nii muaw. Muaw liauxau, dikkag diyhh jiamrsii qra tauxvangr.
4 Guaw qycc knuar qnir hiaxee jyrui, iarr u knuar qnir jre dirr hitt dingxbin :ee, qycc u simxpnuar ee qxuann hro inx. Qycc knuar qnir hiaxee uirdiyhh juer Jesus ee qanjingr qapp uirdiyhh Siongrder ee dy laii siurr taii tauu ee langg ee linghunn, ixqip m bad vair sriur qapp sriur ee sxiong, iarr byy sriu ix ee qiywhy dirr tauhiac iacc si dirr ciuw nirr :ee, jiaxee longxx did diyc uac, laii qapp Krist juer ongg jit-cingx nii. Qi'uu ee sixlangg byy uac, tingwhau hitt xee jit-cingx nii muaw.
5 Jex si tauu jit vaiw ee qycc uac.
6 U hxun dirr jitt xee tauu jit vaiw ee qycc uac :ee u hokkir ar, si sxingr ar; derr zi vaiw ee siw quanw inx be diyc. Inx beh juer Siongrder qapp Krist ee jewsix, iarr beh qapp Ix juer ongg jit-cingx nii.
7 Hitt xee jit-cingx nii muaw, Satan beh siurr tauxvangr cud ix ee qnax,
8 Dyrr cud laii behik derjniu siwhngx ee ledvangx, dyrr si Gog qapp Maqog, jurjip inx laii qaujenr; inx ee siauwgiac cincniu haixsuax.
9 Inx dyrr kiw laii venwmuaw juann de, suar uikunr singwdoo ee ngiaa, qapp did diyc tniar ee sniaa; dyrr u huew dui' tnix qangr lyc, laii bet inx.
10 Behik inx ee moquiw siurr hed lyc huew qapp ziu'ngg ee oo, dirr hiax iarr u sriur qapp qew ee sendix; inx beh mizit siurr koxcow, dairdai byy jin.
11 Guaw qycc knuar qnir jit xee vec sig dua ee jyrui qapp jre dirr hitt dingxbin :ee, de qapp tnix dui' Ix ee binrjingg dyjauw, byy qycc u inx ee uircur.
12 Guaw iarr knuar qnir sixlangg dua qapp ser longxx kia dirr jyrui jingg. Jiaxee ceh dyrr henx .kuix, qycc u vadd vunw ceh henx .kuix, dyrr si uahmiarceh; sixlangg dyrr jiauww inx ee soxx qniaa, vin' jiaxee ceh soxx qiwjair laii siurr simxpnuar.
13 Haiw dyrr qaux cud ix diongqanx ee sixlangg; siw qapp imhuw iarr qaux inx diongqanx ee sixlangg. Dagg langg dyrr jiauww inx ee soxx qniaa siurr simxpnuar.
14 Siw qapp imhuw iarr hed lyc huexoo. Jitt xee dyrr si derr zi vaiw ee siw, dyrr si huexoo.
15 Narr u langg miaa byy qir dirr uahmiaceh :ee, iarr virr hed lyc huexoo.
21 Guaw qycc knuar qnir u sinx ee tnix, sinx ee de, in'ui jingg ee tnix, jingg ee de ixqing’ quer .kir, haiw iarr byy qycc u.
2 Qycc knuar qnir singwsniaa, dyrr si sinx ee Jelusalem, cud dirr tnix, dui' Siongrder qangr lyc, ixqing’ virvan ven, cincniu sinniuu jngtna laii tingwhau ix ee diongrhux.
3 Qycc tniax qnir dua sniax dui' jyrui cud, qongw, "Siongrder ee huerbo dirr langg ee diongqanx, Siongrder beh qapp inx snaqab kiarkiw; inx beh juer Ix ee vecsnir, Siongrder vunxsinx beh qapp inx dilehh, laii juer inx ee Siongrder.
4 Qycc beh qra inx ee bagjiux crid kir longxjongw ee bagsaiw; byy beh qycc u sixsid, iarr byy beh qycc u aisiongx, auqiyr, tangwtniar; jingg ee dairjir ixqing’ quer .kir."
5 Jre dirr jyrui :ee qongw, "Guaw nguarsinx ee banrmic." Qycc qongw, "Liw diyhh siaw ix, in'ui jiaxee ue si tangx sinr, si jinsit."
6 Qycc qra guaw qongw, "Ixqing’ jniaa lar! Guaw dyrr si Alfa qapp Omega, si kixtauu :ee qapp lorbuew :ee. Guaw beh dui' uahmia ee juixjnuaa vehvec hro cuiwdax ee langg limx.
7 Diksingr ee langg beh singjiab jiaxee; Guaw beh juer ix ee Siongrder; ix beh juer Guaw ee qniaw.
8 Narr hiaxee siyxdnaw :ee, m sinr :ee, kyxngor :ee, taii langg :ee, imluan :ee, qapp longxjongw vehcat ee langg, inx ee hunrgiac si dirr hitt xee ing huew qapp ziu'ngg decc siyx ee oo; jitt xee dyrr si derr zi vaiw ee siw."
9 Hitt cid xee tnisair, dyrr si u cid der nguaw drew muaw lorbuew cid hxang dairjir :ee, qidiongx jit xee laii qapp guaw qongxue, qongw, "Laii, guaw beh vyr liw knuar sinniuu, dyrr si Ngiuqyx ee bow."
10 Guaw dyrr siurr Sinn ee qamxdong, hro ix cua kir jit jxy snuax, dua qycc quann, jiong' singwsniaa Jelusalem, cud dirr tnix nirr, dui' Siongrder qangr lyc :ee, vyr guaw knuar;
11 U Siongrder ee ingqngx. Ix ee qngx cincniu derr id vyxvuer ee jiyc, cincniu pikgik, qngliang cincniu juixjnix.
12 U cniuu dua qycc quann, u jap-zi xee mngg, dirr jiaxee mngg u jap-zi xee tnisair, iarr u miaa siaw dirr mngg nirr, dyrr si Islael qniaxsunx jap-zi xee jipair ee miaa.
13 Dangsir u snax xee mngg, vaksir u snax xee mngg, lamsir u snax xee mngg, saisir u snax xee mngg.
14 Sniacniuu u jap-zi xee derqix, derqix dingw u Ngiuqyx jap-zi suwdoo ee miaa jap-zi xee.
15 Qapp guaw qongw ee tnisair u qimx ee lodig juer qyciyh, beh nriuu hitt xee sniaa, ix ee mngg, qapp ix ee cniuu.
16 Sniaa si suwhongx, dngg kuah vnivnii. Ing lodig nriuu sniaa, did diyc jap-zi-cingx lxiw, dngg kuah quann longxx snadangg.
17 Tnisair nriuu sniacniuu, did diyc jit-vah sir-jap ciyh, jiauww langg ee cunwciyh, dyrr si tnisair ee cunwciyh.
18 Cniuu ing pikgik laii kiw, sniaa si hyw qimx :ee, cincniu cingliang ee vylee.
19 Sniacniuu ee derqix u anx dagg dringw hy ee vyxjiyc. Tauu jit xee derqix si pikgik; derr zi xee si lamgik; derr snax xee si conggik; derr sir xee si cnigik;
20 Derr go xee si anggik; derr lak xee si bexlyw; derr cid xee si nggik; derr veh xee xi liggik; derr qauw xee si kinxnggik; derr jap xee si huixcuiwgik; derr jap-id xee si jixsikgik; derr jap-zi xee si ciacgik.
21 Jap-zi xee mngg si jap-zi liap jinjux; jiaxee mngg dagg xee longxx si jit liap jux juer :ee. Sniaa ee quelo si hyw qimx :ee, cincniu tauwdew qngx ee vylee.
22 Guaw byy knuar qnir sniaa-lai u denrdngg; in'ui Jruw Siongrder, juanlingg :ee, qapp Ngiuqyx juer ix ee denrdngg.
23 Hex sniaa byy kiamwing zit iacc si guec laii jiyr ix, in'ui Siongrder ee ingqngx jiyr ix, Ngiuqyx juer ix ee dingx.
24 Ledvangx ee langg beh uaxkyr ix ee qngx laii qniaa; derjniu ee ongg beh jiong' inx ee ingqngx duar laii qruix dirr ix.
25 Sniamngg zit .sii longg byy qnuaix, (in'ui dirr hiax beh byy mii .sii).
26 Langg beh ing ledvangx ee ingqngx qapp junquir duar laii qruix dirr ix.
27 Huanrnarr byy cingkir ee mic, ixqip qniaa kyxngor qapp vehcat ee langg, quatduan berdid zip hiax; jixu qir dirr Ngiuqyx ee uahmiarceh :ee erdid zip.
22 Tnisair qycc vyr guaw knuar sniaa-lai quelo diongx u uahmiarjuiw ee hyy, cingliang cincniu juixjnix, dui' Siongrder qapp Ngiuqyx ee jyrui lrauu .cud.
2 Hyy ee siangvingg u uahmia ee ciu, qed jap-zi ngiu ee quexjiw, muixx guec qed ix ee quxjiw; ix ee ciurhiyc juer idi ledvangx ee loring.
3 Longxx byy qycc u jiuwjow; Siongrder qapp Ngiuqyx ee jyrui beh druar dirr hiax; Ix ee lovok beh hogsai Ix.
4 Inx iarr beh knuar qnir Ix ee bin; qycc Ix ee miaa dirr inx ee tauhiac.
5 Byy qycc u mii .sii; inx iarr byy kiamwing dingx ee qngx qapp zit ee qngx, in'ui Jruw Siongrder beh jiyr qngx inx; inx iarr beh juer ongg, qaur dairdai byy jin.
6 Ix qycc qra guaw qongw, "Jiaxee ue si tangx sinr, si jinsit. Jruw dyrr si sendilangg ee sinn ee Siongrder, u crex Ix ee tnisair jiong' qinw qinw dikkag beh jniaa ee su jixsi Ix ee lovok.
7 Knuar ar! Guaw qinw qinw qaur; siuw jitt vunw ceh camwgiw ee ue :ee u hokkir."
8 Guaw Johan dyrr si tniax qnir qycc knuar qnir hiaxee su :ee. Ixqing’ tniax .qnir qycc knuar .qnir, dyrr pag lyc dirr tnisair ee kax-jingg beh vair ix, hitt xee tnisair dyrr si jiong' jiaxee su jixsi guaw :ee.
9 Ix qra guaw qongw, "Cenban m tangx! Guaw qapp liw ixqip liw ee hniadi, dyrr si jiaxee sendix, qapp siuw jitt vunw ceh ee ue :ee, vnivnii si juer lovok; liw diyhh vair Siongrder."
10 Qycc qra guaw qongw, "Byc did hrongx jitt xee ceh soxu camwgiw ee ue, in'ui zidqii qin lar.
11 Vutgi :ee, hro ix iuguann vutgi; uwuer :ee, hro ix iuguann uwuer; gi :ee, hro ix iuguann qniaa gi; sxingr :ee, hro ix iuguann juer sxingr.
12 Guaw qinw qinw qaur. Vywingr jairdirr Guaw, beh jiauww dagg langg ee soxx juer laii vyr ix.
13 Guaw si Alfa qycc si Omega, si tauu jit xee, si lorbuew xee, si kixtauu, si suacbuew.
14 Sew cringx inx ee snxax ee langg u hokkir, beh hro inx u qxuann dirr uahmia ee ciu, qycc dui' jiaxee mngg zip sniaa.
15 Dirr guarbin dyrr u hiaxee qxauw, qniaa siasut :ee, qniaa imluan :ee, taii langg :ee, vair gnoxsiong :ee, qapp itcer hnor vehcat laii qniaa :ee.
16 Guaw, Jesus, ixqing’ crex Guaw ee tnisair uirdiyhh jiaxee qauwhue, duiww linw jingwbingg jiaxee su. Guaw si David ee qintauu, qycc si ix ee horer, si qngx qngx ee kexbingcnix."
17 Singwsinn qapp sinniuu longxx qongw, "Laii." Tniax .qnir ee langg diyhh qongw, "Laii." Cuiwdax ee langg diyhh laii. Iwair ee langg tangx vehvec did diyc uahmia ee juiw.
18 Guaw duiww huanrnarr tniax jitt vunw ceh camwgiw ee ue ee langg juer qanjingr, setsuw u langg qetnix ix, Siongrder beh jioing' jitt vunw ceh soxx qir ee jaie qetnix dirr ix;
19 Setsuw u langg sanduu jitt vunw camwgiw ee ceh ee ue, Siongrder iarr beh dui' jitt vunw ceh soxx qir uahmia ee ciu qapp singwsniaa, sanduu ix ee hunrgiac.
20 Qanjingr jiaxee su :ee qongw, "Driyc, Guaw qinw qinw qaur." Amen. Jruw Jesus ar, Liw diyhh laii.
21 Guan Jruw Jesus ee undenw qapp jiongww singwdoo snaqab dilehh. Amen.