Huirlingg
Derr Id Jniux
Gno Hxuad Tuanrix (Juwqaiw 1.)
Hitt sii, Dairsux qaur Vyxlimm Sxi, Siau Jiux cuwsuw(j.2) Uiw Cii qapp qnuaguann jnriu snuax. Cniaw suhu laii Dairhuan Sxi qangxdngg uirr dairjiongr kaienn( j.3) qongw “Maha-prajna-paramita ”.
Dairsux ixx lew jnriu qangxjy, vorsiok snax-jap gua xee, zurqax jongsux hagjiaw snax-jap gua xee, vixkiux, vixkiunii, siudyrlangg qapp jairqelangg jit cingx gua xee qangg sii quirvair, dingxlew, hibang erdangr tniax diyc Dairhuad ee diongrdiamw.
Dairsux qongw, “Senrdiwsig, jiongww dairdig, lanw jywhuew jingrsimx, liam, 'Maha-prajna-paramita' (Dua diwhui ee did dxo qanghux).” Quer jin' quw ar Dairsux jiacqycc qongw, “Senrdiwsig, potee jursingr, vunxlaii cingjing, dna' qorr jitt xee vunxsimx erdid sxingg Vut. Senrdiwsig, siyw tniax guaw Huirlingg qongw itsingx qriuu Dy did hxuad ee dairjir.
“Gunw laurve vunxjip Huanriongg, sriu qangwqib laii qaur Niaxlamm jyr Sinx Jiux ee vecsnir. Guaw cutsinx vuthing, sewhanr byy laurve, qapp laurbuw suaw laii Lamhaiw, qanxkow kuathat dirr cirdniuu bre caa quewzit.
“Hitt sii, u jit xee langkeh qra guaw brew caa, sangr kir ix ee dxiamr. Siux kir au, guaw did diyc jnii, duxx trer cud mngg ee sii, knuar jit xee langkeh lecc siongrqingx. Guaw jit tniax Qingx qongw 'Ingxx byy der kuar, narr snix hiaxee simx.' Guaw jiacc simx kuix ir qraiw laii dua qakgno. Dyrr mng langkeh liam siaxmih Qingx. Ix qongw, 'Qimqongx Qingx'. Guaw qycc mng ix si duiww dycc laii tangx tecniaw diyc jitt py qingdenw.
(juwjaiw 1.) Qiw tuann qasex jyr did hxuad zinrjingr ee sinwbut.
(j.2) Qiw juxqanw jiux, qnuan jincad ee jiudniuw, iacc qnuanrdniuw.
(j.3) Kaienn, jniajyr jit xee inenn kaisiw tangx henr puawqaiw jipbee ee qyxvyr.
“Ix qongw, 'Guaw dui' Ovag, Ngmuii Quan, Dongsiamrsi laii, hiax Gnow Jow Zimw Dairsux decc juxcii qauwhuar, mngg ha u cingx gua xee langg. Guaw qaur hiax dingxlew camvair tniax ix qrangw Qingx. Ix sisiongg krngr cutqex qapp jairqex dairdig, dna' niaxsiu jitt vunw Qimqongx Qingx dyrr tangx an' qnir jursingr itdit qaur sxingg Vut.'
“Guaw tniax qongxx u siokser inenn ee dairjir, jinjniar u langkeh tec jap niuw jnigunn, beh hro guaw ee laurbuw tangx jyr sna'cing qapp niursit, qar guaw jiacc kir Ngmuii vair Gnow Jow jyr suhu. Guaw dyrr anxnix andah tywdongr jiacc sirvet buxcingx. Byy quer 30 gua qangx guaw dyrr qaur Ngmuii camvair Gnow Jow.”
Ix mng .guaw, "Liw dyhh laii? Sniu beh qriuu siaxmih?" Guaw qongw, "Derjuw si Niaxlamm Sinjiux vecsnir, hng lo laii dingxlew suhu, dna' qriuu sxingg Vut, m qriuu vadd mic." Joxsux qongw, “liw si Niaxlamm ee langg, qycc si cniu huanaxjingw, anxjnuaw erdid jyr Vut?" Guaw qongw, "Langg u snix dirr lamm iacc vag, vudsingr byy hunx lamvag, huanjingw qapp Hysiong(4) srinx byy qangg, vudsingr qamxx u jingcax?" Joxsux sniu beh qycc qongw, knuar dode jingwlangg longxx dirr sinkux vnix, qniax inw langg' juwir, dyrr bingrling guaw duer jingwlangg kir jyh sxid.
Guaw qongw, "Huirlingg vinxqyr hysiong, derjuw jurr simx lai, sisiongg snex cud diwhui. Simx byy lii jursingr, si jit kux hokdenn, jniar si rair jyh ee sxid, m jaix hysiong qar guaw jyh siaxmih sxid?"
Joxsux qongw, “Jitt xee huanx-aw, vunxsingr diwhui taiww lirhai ar, liw mair qycc qongw, qinw dyrr kir aurbin jingbixdniuu!" Guaw trer lyc kir au ngi, u jit xee siuhingrlangg ceqar guaw kir puar caa, dac jingqu jringx biw. Anne qingqer veh guec gua zit.
U jit zit, Gnow Jow laii knuar .guaw, qongw, "Liw ee qenwqaiw si e iong :ee, guaw jaix.” “In'ui qniax liw hro uanwdor ee langg hamrhai jiacc m qycc qongw suar .lyc .kir,
liw jaix .bor?" Guaw rinr qongw, "Derjuw marr jaix Suhu sim'ir, dirr jiax jyh sxid, jiacc m qnaw qniaa kir taujingg tniadngg camvair, m hro langg' jaix."
(4) Hysiong, cinghox javox cutqelangg, narr jabow si jyr nisux, iarr hy jyr vixkiux, vixkiunii, hunved javox, jabow. Jitmaw toncingx si huatsux, taujingg tniqae huathy. Gnow jow dyrr jurcingx Zimw Hysiong.
U jit zit, Joxsux hiamr soxu mngha dode longxx laii. "Guaw qra linw qongw, sewqanlangg snisiw si dua su, snix snix siw siw, linw qui' qangx qo' qriuu jingr hog did hog ee zinsingx, m qriuu tuatlii snisiw lunhuee ee kow haiw. Jursingr narr jipbee, jingr hokdenn qamxx erdangr benw snisiw?
“Linw qokk langg dngw kir cue qnir qaqi diwhui, tec diyc vunxlaii cingjing simx ee Prajna jursingr, qokk langg jy jit siuw suqur laii hro guaw knuar. Narr erdid gno cud jingwhuad vunxir, guaw dyrr qra joxtuann i'huad qaux hro ix jyr derr lak dai joxsux. Qnuaxqinw kir, m tangx diuduu tingkunr, narr sniu laii sniu kir jy ee suqur dyrr byy loring ar, qnir-singr ee langg, guaw cuir qongw liauw ix dyrr erdangr qnir diyc vunxsingr ar, anxnex ee langg, dyrr si jniurdin dyqiamr siy' jenr ee sii marr erdid knuar qnir-singr ee qanghux." (Jex kxviw cuir dyx jic qiamr, dirr gengiw duiwdab jingluan ee duiwue.) Jingwlangg sittauu vunx hyw lyc .laii, dyrr horsiongx tuann qongxx, "Lanw dag'ee mrbenw didvet juansimx juwir jyr suqur beh henr hro Hysiong, hex qamxx u hau? ”
“Sinsiur duarsuhniax jitmaw si lanw ee Qauwsiursux, itding si ix did diyc. Lanw hagsingx mrbenw qew gauu decc jyr suqur, longxx si ongxhuir simhed." Dag'ee tniax diyc dyrr byy beh iongrsimx sniu, longxx qongw, "Lanw au vaiw dyrr kyr Sinsiur sxux, nacc diyhh mahuann jyr suqur?" Sinsiur sniu qongw, "Dag'ee longxx byy beh henr suqur, qnaxx si in'ui guaw jyr inx ee Qauwsiursux. Guaw itding rair jyr. Narr byy henr suqur, Hysiong nacc e jaix guaw ee qenwqaiw cimx cenw?” Guaw decc sniu narr uirr qriuu hxuad henr suqur dyrr hyw, narr beh qriuu joxsux mia'ui dyrr m hyw, hex qapp sewsiok simx sniu beh duat mia'ui u siaxmih hunvet? “Narr byy henr suqur, quibuew berdangr did hxuad laii inwjingr guaw ee qenwqaiw. Jin' lann, jin' lann."
Dirr Gnow Jow siamrdngg jingg, u snax diauu jauxlongg, vunxdew beh cniaw Loo dinx, Qionghongrqnuax laii caixue Lingqax Qingx Venwsiongr doo qapp Gnow Jow hetmec doo tangx liutuann aurser.
Sinsiur jyr hyw, quiw vaiw sniu beh tinghen, qniaa qaur siamrdngg jingg, simqnuax tauu jongw si b.-bebongg-b. qinxdniux qaxx qnua lrauu qaxx qui' sinkux, byy iongxkir tinghen. Anne jing'au sir qangx longxjongw diuduu jap-snax vaiw. Buew aw ix sniu, "Narr byy, dyrr siaw dirr viah-dingw hiongr jauxlongg, hro Hysiong ix knuar .qnir. narr qongw hyw, guaw jiacc cud laii dingxlew, qongw suqur si Sinsiur soxx jyr; narr qongw m hyw, dyrr ongxhuir guaw laii dirr snuax-lai quiw nii, qycc hro langg dingxlew jyr Qauwsiursux, beh qycc sriux siaxmih dy?"
Hitt amr snax qnxex, dyrr qaqi tec ding'axhuew, byy hro langg jaix, siaw suqur dirr lamvingg viah-dingw, tinghen ix simlai soxx zinrbad ee vunxsingr. Suqur siaw qongw,
Srinx si Potee ciu,
Simx cniu bingg qniawdaii,
sii sii kinn hutcid,
mair ho'ngg bag din'aix.
Sinsiur siaw liauw, dyrr trer dngw zip vangg, jingwlangg longxx m jaix. Ix qycc sniu, "Binaxjair Gnow Jow knuar .diyc narr hnuahiw, dyrr si guaw qapp hxuad u enn, narr qongw be kamx did iong, jniar si guaw simlai jipbee, siokser jyrgiap dingg ~ tac ~, qapp did Dy iaxx byy hac, joxsux dairhuad singwir jinjniar yh did jaix ar." Dirr ix vangg lai, dyrr anne jre :ee iarr sniu, dyw :ee iarr sniu qaur go qnxex tnix qngx berdangr hiyckunr.
Joxsux jaw ixqing' jaix Sinsiur dirr mng gua iaxx be did Dy, be zinrbad jursingr. Tnix qngx, Joxsux cniaw Loo Qionghongrqnuax laii beh qra lamvingg jauxlongg viah-dingw rue dosiong, suacc knuar diyc hiaxee suqur, dyrr vyr ix, qongw, "Qionghongrqnuax, suacc lyhuann liw hng lo laii, dnaxx mrbenw rue ar. Qingceh siaw qongxx, 'Huanrr soxx iuxsiongr venrr si hibongw.' Dna' lauu jiaxee suqur hro langg' tagliam siucii. Vin' jiaxee suqur siuci dyrr be dui lyc okdy. Vin' jiaxee suqur siucii dyrr u dua lirig." Dyrr bingrling mngha dorde laii siyx hniux dingxlew, "Juanrsimx siongrliam jiaxee suqur, dyrr e zinrbad jursingr." Mngha dode tagliam diyc suqur, longxx janwtanr qongw, "Jnia' hyw!"
Snax qnxex sii, Joxsux qiyr Sinsiur zip laii siamrdngg, mng qongxx, "Suqur liw jyr :ee?" Sinsiur qongw, "Kaksit si guaw jyr :ee. Guaw m qnaw beh qriuu did joxui.
Ngwbang Hysiong juvix, knuar derjuw u texhue jit quaw diwhui .byy?" Joxsux qongw, "Liw jitt dnxua suqur, iacc bue zinrbad vunxsingr, dna' qaur mngg-gua, iacc bue zip mngg. Qenwqaiw narr anne beh cue jiwqyx-busiong ee Potee diwhui (tetdew cingcniw qakgno ee jursingr.) si byy der cue.
Busiong Potee ee qakgno diyh'air guaw qongw cud laii jit qxur ue, liw rair erdangr zin cud qaqi ee vunxsimx bad diyc liw ee vunxsingr si byy snix, byy bet, jurjai byy venwhuar. Vutsamxsii zinrbad jursingr, duiww sewqanx huatqair venwhuar ee lixqaiw byy joxgai. Jit hxang su knuar e jinx, bxan hxang dairjir iarr knuar jinx, itcer qingxqair longxx u ix jurzenn ee dyrliw. Jitt hy jurjai cingjing simx dyrr si jinsit vunxsimx . Narr anxnex liw soxx zinrvad :ee jiacc si busiong Potee qakgno ee jursingr ar.
Liw qycc kir sniu jit~nng qangx, qycjaiww jyr jit siuw suqur laii hro guaw knuar. Liw ee suqur narr did hxuad zip mngg, guaw dyrr qauhur liw huat'ix . Sinsiur qnialew au dyrr cud .kir. Qycc qingquer quiw zit, suqur jyr be sxingg. Simlai hongxhud, simsinn be dnia, cancniu dirdecc binbang, jre jiax, qniaa hiax, simx dyrr bun bun be jurjai.
Qycc quer nng qangx, u jit xee ginxaw-suhu qingquer jingbiw ee carvangg, cuir naxx liam Sinsiur ee suqur. Guaw jit tniax, dyrr jaix jiaxee suqur bue bad vunxsingr, suizenn byy langg kuipuar tuanqar, guaw jaw qeqiamw zinrbad vunxsingr ar. Dyrr mng ginxaw qongw, "Liw liam :ee si siaxmih suqur?" Ginxaw qongw, "Liw jitt xee huanx-aw, m jaix dairsux qongxx sewqanlangg m qor snisiw dua su, ix beh cue langg tuanhur viauxsi did hxuad ee sinwbut, bingrling mngha dode jyr suqur hro ix knuar. Narr erdangr qakgno snisiw dua hxuad vunxir, jiacc tuanhur huat'ix hro ix jyr derr lak dai joxsux.
Sinsiur dua suhniax dirr lamvingg jauxlongg viah-dingw siaw busiong suqur. Dairsux qiyr langg longxx rair liam hitt siuw suqur, jiauww hiaxee suqur siuhing tangx benw dui lyc okdy. Huirlingg qongw, guaw marr beh laii liam, erdangr qed laisingx ee hud'enn, e tangx drangg snix dirr hudde. Siyw suhniax, guaw dirr jiax jringx biw veh guec gua zit aw, m bad qniaa qaur tniadngg-jingg, hibang suhniax cua guaw qaur suqur jingg dingxlew. Ginxaw dyrr cua guaw qaur suqur jingg quiwvair qnialew.
Huirlingg qongw, "Guaw m bad zri, cniaw suhniax ter guaw tak. Jitt sii u jit xee snir Dniux miaa Zid'iong ee Qangx Jiux suruirqnuax, dyrr dua sniax tak jit vaiw. Huirlingg tniax liauw, dyrr qongw guaw iarr u jit siuw suqur ngwbang suruirqnuax ter guaw siaw kiw .kir. Siruerqnuax qongw, "Huanx-aw, liw iarr e jyr suqur. Jitt hy dairjir jin' hihanw.”
Guaw dyrr qra suruirqnuax qongw, "Beh yc busiong Potee dairhuat, berdangr kinsi cohak ee langg. Siongrr erkaciuw langg bydnia u siongrr siongrdingw ee diwhui. Siongrr siongrdingw langg suacc byy jinsit ee diwhui. Narr kinsi langg', dyrr u buliong-buvnix ee juerqyr.” Suruirqnuax qongw, "Liw jyww liw liam, guaw e ter liw siaw dirr viah-dingw. Liw narr did diyc jintuann dairhuad, singx diyh'air laii dro .guaw, m tangx be qir .did.” Huirlingg ee suqur qongw,
"Potesimx vunxlaii m si ciu.
Bingg qniar marr m si qniawdaii.
Vunxlaii byy mic iarr byy ngiu,
beh dyc'ui bag din'aix?"
Siaw hyw suqur, jiongww dode longxx diyhqniax, byy langg m si qra gauw janwtanr vuerhok, dauwdin girlun qongxx, "Qiquair ar, sidjai berdangr iong guarmau kir pnuawduanr langg, nacc jaix jiacc quer zuarr quw dyrr hro ix siuhing qaur did Dy bacsinx posad ee tingdo?" Joxsux knuar dag'ee simliw longxx qniagii qapp qiquair, qniax u langg vuthok inxkiw sionghai ee dairjir, suacc tec ree qra suqur crid lag .kir, qongw, "marr si iacc bue qenr-singr." Jiongww langg ee giaugii jiacc diamrjing .lyc .laii.
Quer zit, joxsux amwdiongx qaur cavangg, knuar qnir guaw qra jiyhtauu vag decc kowtauu deh dang, dac jingqu decc jringx biw. Dyrr qongw, "Qriuu dy ee langg uirr dairhuad byy qor sinkux ee qankow qnaxx dyrr si cancniu anxnex hnoh?" Qycc mng qongxx, "Biw jringx hyw .be?" Guaw rinr qongxx, "Biw jaw jringx hyw ar, kiamr qycc traix .quer nia." Joxsux iong qnuaiw-aw kar jingqu snax xe liauw jiacc lirkuix. Guaw dyrr liauxqaiw joxsux ee iwsur.
Snax qniqow au, guaw zip kir joxsux siamrvangg lai, joxsux iong qasex zia'uii mngtangx byy beh hro langg knuar .qnir, uirr guaw qangxqaiw Qimqongx Qingx. Qongw qaur "Ingxx byy der kuar, narr snix hiaxee simx." Huirlingg tniax .diyc jiacc dua dua qakgno, sewqanx itcer quijig qapp venwhuar longxx cam' lanw ee jursingr berdangr vunx .kuix.
Dyrr hiongr joxsux qongw, "Nacc e sniu qaur jursingr vunxdew cingjing, nacc e sniu qaur jursingr vunxdew byy snisiw, nacc e sniu qaur jursingr vunxdew vauiongg itcer venwhuar, nacc e sniu qaur jursingr vunxdew bue siur qaixvenr, nacc e sniu qaur jursingr erdangr snix cud soxu quijig qapp venwhuar ee simhuad." Joxsux dyrr jaix guaw u qakgno diyc vunxsimx jursingr, erdangr qaur jniarjyr Diongrhux, Tenzinn ee Dyrsux, Vut.
Snax qnxix sii, Huirlingg jiapsiu dairhuad, jingwlangg longxx m jaix. Joxsux dyrr tuann hro guaw dunwgno simhuad qapp vud'ix sinwbut, qongw, liw laii jyr derr lak dai joxsux, rair horliam hudhuad, rair poxpenr kir dorhuar sewqanx jiongwsingx, hro dairhuad erdangr tuansingg dai dai au sxer, m tangx hro duanrjuat.
Tniax guaw ee suqur qongw,
"Ter iurjingg ee jiongwsingx laii ia hudjingw,
jingr hud'inx ee soxjai, dyrr e snix hudqyw,
Narr bujingg ee torjiyc byy der ia hudjingw,
Byy jursingr ee soxjai marr byy der snix hudqyw."
Joxsux qycc qongw, "Qoxjaw sii, Potedadmoo (Bodhidharma) Dairsux dongcox qaur jitt der toxde, hudhuad iaxx bue hro langg sinwzim, jiacc tuann jitt niaw qasex qapp vngrvuah jyr sinwbut, dai dai tuansingg. Dairhuad dy' ixx simx simx siy' tuann, longxx si qaqi simx kuix ir qxaiw, qaqi qakgno did .laii. Jurr qoxjaw dyrr si Vut qapp Vut qandna tuann sinwbut jyr qurtew inwjingr ee dairviauw, joxsux qapp joxsux dy' amwdiongx tuanqaux qenwsingr ee simx. Jitt hxang sinwbut e venwjyr hyrduanx, tuann qaur liw jiax, m tangx qycc tuann .lyc .kir ar. Narr qycc tuann jitt niaw huat'ix, liw ee sniwmia e cniu qruar decc ciu-aw ee di'dusix hiacc cuiwzok . Liw rair qinw likuix, narr byy, qniax langg e laii sionghai.
Guaw qongw, "Beh hiongr dycc xui kir?" Joxsux qongw, "Duw diyc miaa hy jyr 'huaii' dyrr tingrkunr, duw diyc 'hue' dyrr rair bih .kiw .laii." Huirlingg vnuawmii tec diyc jitt niaw huat'ix sinwbut qycc qongw, "Guaw vunxlaii si lamvingg ee langg, jurlaii m jaix jiaxee snualo, beh anxjnuaw qniaa cud kir qaur dorjuntauu?" Gnow Jow qongw, "Liw mrbenw huanlyw, guaw qaqi laii sangr .liw." Joxsux dyrr sangr guaw qaur Qiuxqangx. Iahkauw u jit jiah siyw junn aw. Joxsux qiyr guaw jnriu junn, qaqi giaa junlow beh iyy. Guaw qongw, "Cniaw Hysiong jre .lyc .laii, ingqaix derjuw laii iyy low. Gnow Jow qongw, "Dnaxx si guaw lecc dro .liw." Guaw qongw, "Jipbee sii hro sux dro, qakgno liauw qaqi dro. Dro .zri si qangg, iong ee soxjai byy qangg. (Derr 10 iac.)
Guaw snix dirr penpiah ee soxjai, uerimx dy' bue jniar, hro joxsux tuanhur dairhuad. Qaur danxx erdid qakcniw, ingqaix ixx qakgno jursingr siuiongw qaqi tangx did dro. Joxsux qongw, " 'Jniar si, jniar si.' Ixau hudhuad dui' liw ee dua dua hingsing. Snax nii au, guaw jiacc e vedser .dngw .kir. Liw jitmaw hyw hyw hiongr lamvingg kir, mair sniu beh qinw qra hudhuad tuanvyr hro langg, beh hro hudhuad siqniaa iaxx u kunwlann.” Guaw sivet liauw joxsux, dyrr pacvniar hiongr lamvingg qniaa, dairiog nng guehzit, qaur qaxx Dairuw nxiaw.
Gnow Jow dngw sxi lai, quixlyrr qangx byy jnriu duarden. Jingwlangg huairgii, dyrr kir siamrvangg cniaxmng qongxx, "Hysiong sintew iaxx jingsinn si u quaw m hyw si byyy?"
Rinr qongxx, "Dyrr byy m hyw ee soxjai, bydnia si in'ui huat'ix sinwbut byy dirr jiax, tec hiongr lamvingg kir ar." Mng qongxx si si'angw did .kir? Qongw, "U-jai.-u-lingg ee langg did .diyc .ar." Jingwlangg dyrr longxx jaix si Huirlingg ar.
Liauxau u quiw vah ee langg cud .laii, beh cniuxduat huat'ix. U jit xee cutqejingx, siogsnir Dann, miaa Huirbingg, bad jyr qaur sir-pinw jiongqunx, singwde congxvongr, jin' vniawser jauxcue, dyrr viw jingwlangg kacc qinw, singx cue diyc .guaw. Guaw jaix aurkax ix dyrr beh zib qaur ar, dyrr qra huat'ix danr kngr lecc jiyhtauu-dingw, bih duiww oamr ee cauw lai, qongw, "Jex qasex dairviauw dairhuad sinwbut, qriuu hxuad qamxx erdangr qiongg cniuw did .diyc?"
Huirbingg zib qaur, beh tec huat'ix suacc tec bue kiw .laii. Dyrr huah qongxx, "Siuhingrlangg, siuhingrlangg ar, guaw uirr qriuu hxuad zib .laii, m si uirr did huat'ix laii aw." Guaw jiacc cud .laii, jre diamr jiyhtauu-dingw. Huirbingg dyrr dingxlew qongw, "Ngwbang siuhingrlangg uirr guaw sueh hxuad."
Guaw qongw, “Liw qacc beh laii qriuu hxuad, dnaxx liw tangx hro simx jing .lyc .laii, m qycc snix liamrtauu, mair snix jit sud aw jabliam qapp bongrsiongw, guaw jiacc qra liw qongw.” Guer jin' quw ar, tanr ix simx diamrjingg, cingjing qaxx cniurr qniar, guaw jiacc qra ix qongw, "Simx byy sniu hyw, pnaiw, byy sniu sxen, og dairjir ee sii, hitt sijun ee Huirbingg suhniax, Liw vunxdew ee binrmau snisingg jyr sniaw langg?" Huirbingg jitt qxur ue tniax liauw dyrr dua dua qakgno.
Ix qycc mng, "Joxsux tuann laii jex amwgiw qapp viwbit ixgua, qycc u amwcangr ee iwsur .bor?" Guaw qongw, "Narr qycc qra liw qongw, dyrr m si amwgiw aw. Liw narr erdangr dywdngw laii knuar qnir qaqi vunxsimx, amwgiw dyrr dirr liw hiax.” Huirbingg qongw, "Guaw langg dirr Ngmuii, sidjai bue knuar jinx qaqi ee binrbok. Dnaxx singbong liw jixsi, jniasit cniu qokk langg limx juiw, siyx lingw qaqi jiax. Jitmaw siuhingrlangg liw dyrr si guaw ee suhu ar.
Guaw qongw, "Liw narr u qakgno, liw guaw dyrr longxx si Ngmuii Gnow Jow ee dode, si suhniadi, rair hyw hyw jiauwqor horcii jitt diamw aw qakgno ee simx.” Huirbingg qycc mng, "Guaw ixau beh duiww dycc xui kir? Guaw qongw, "Duw diyc 'uanw' (Uanw Jiux) dyrr hiyckunr, duw diyc 'bongg' (Bongg snxuax) dyrr druar .lyc .laii.” Huirbingg jiacc dingxlew siysii lirkuix. Dngw qaur Dairuw nxiaw erkax, qra jingwlangg qongw, "Guaw vreh quann duiww niaw-dingw kamrket ee soxjai, longxx byy ngiaxziah, qaidong dui' vadd diauu lo kir cue." Jingwlangg longxx dongir.
Guaw aurlaii qaur Jyrkex, qycc hro pnaixlangg duizog. Dyrr dirr Suwhue Quan jit dui paclahlangg diongqanx piaclan bih .lyc .laii. Anne qingquer 15 nii, u sii dng diyc qihue dyrr qapp paclahlangg qongw qaur hudhuad ee dyrliw. Paclahlangg sisiong qiyr guaw kir srunn knuar dngx iaxsnix ee bxang-aw. Narr knuar liac diyc uahmic, guaw dyrr longxx qra vangr .kir. Dagg vxenr juw vng ee sii, guaw qra caiwsex qiar decc juw bah ee dniaw-lai juw, narr langg' mng, dyrr qra qongw, "guaw qandna' jiac bah-vnix cair."
U jit zit, guaw sniu tuann dairhuad ee zidjiw qaur ar. Berdangr qui' siwlangg longxx bih .kir .laii, dyrr laii qaur Qongw Jiux sniaa ee Huatsingr Sxi. Duxx Inwjongx huatsux dirr hiax qangxenw Liapvann (Nirvana) Qingx. Hitt sii, duxx u hongx cuex, qipnuax dinxdang, jit xee cutqelangg qongw, “Si hongx decc dinxdang.” Qycc u jit xee qongw, “Si qipnuax decc dinxdang.” nng xee siyjnir, jinglun be suah. Guaw dyrr qra inx dac ue qongw, "M si hongx, marr m si qipnuax decc dinxdang, si linw nng xui ee simx decc dinxdang." Dag'ee tniax diyc anne qaixsueh simtauu longxx diyc qniax.
Inwjongx huatsux dyrr cniaw guaw jre kiw qangxdnuaa dingw ee dua xui, cniaw mng guaw dairhuad ywmiau ee jinliw. Ix tniax guaw Huirlingg ee qongxhuad qanxjet, sueh lriw unxdongr iarr be ham zip kir qingqur bunzi, qongw, "Siuhingrlangg, liw qnaw m si poxtonglangg! Guaw jaw dyrr tniax qongxx Ngmuii dairhuad ee sinwbut, huat'ix tuann laii lamvingg, bydnia qnaw si liw, si m? Guaw qongw, "M qnaw drngx." Ingwjongx dnaxx jiacc camvair ixx derjuw dingxlew. Dyrr cniaw guaw qra tuanrhur ee huat'ix sinwbut tec cud laii hro dairjiongr knuar mai.
Ix qycc mng, "Ngmuii tuanhur sinwbut, u anxjnuaw tuanrsiu qawsi .bor? Guaw qongw, "Marr byy tuanrsiu jixsi, qandna' qongw rair qenr-vunxsingr, byy qongw siamding dyrr tangx qaixtuad ee dairjir." Ix qongw, "Nacc e byy qongw siamding ee honghuad tangx qaixtuad?" Guaw qongw, "In'ui hex si duiwlip ee nng hxuad. Derr id, hxuad si erdid qriuu diyc siamding ee hudhuad, derr zi, hxaud si beh qakgno anxjnuaw qaixtuat ee hudhuad. Jex m si Hudhuad. Hudhuad si vutzi ji' hxuad.”
Ix qycc mng, “Zuhyy qongw hudhuad si vutzi ji' hxuad?"
Guaw qongw, "Huatsux qrangw Nirvana Qingx, ingqaix jaix zinrbad hudsingr (qenwsingr) jiacc si dog dog hudhuad u ee honghuad. Cniurr Nirvana Qingx qongw, Qyquiwdig Ongg Posad duiww Vut qongw, "Huan diyc si-dang-qimr jue, gnow-gik jue(5) qapp m sinr Vut ee itcer qawsi ee langg, rair dngrjuat ix ee senrqunx hudsingr acc mair?"
Vut qongw, "Senrqunx u nng jiongw, jit jiongw si senrliam vutsii longxx vyxcii, jit jiongw senrliam byy dniardnia vyxcii, hudsingr m si u sii u, iaxx m si u sii byy, m si sisiongg iacc busiongg. Ix dyrr m si erdangr dngrjuat ee mihqnia. Anne hy jyr vutzi. Iurqycc u senrliam, dyrr u vutsenrliam, nng xee longxx m si hudsingr, hudhuad marr si vutzi hxuad. Gnow-un qapp jap-veh qxair(6), poxtongx sewqanlangg knuar diyc si nng hxang byy qangg. U diwhui ee langg lixqaiw hex si jipbee simx hunvet .laii. Inx ee vunxjid iaxx si vutzi, vutzi ee vunxjid dyrr si hudsingr.
Inwjongx huatsux tniax liauw, hnuahiw hap jiangw qongw, "Guaw Inwjongx qrangw qingx, longxx si jit guaw byy loring ee uergiw cniurr puar hiarpnir, tniax daisux lun lriw, qxur qxur cancniu jinx qimx. Anne, ix dyrr jiacc ter guaw tir taumng henr jyr cutqelangg, qycc ngwbang hogsu guaw jyr suhu. Guaw jiacc dirr poteciu xe kuix Dongsanx huatmng.
Guaw dirr Dongsanx did hxuad qaur dnaxx, siur diyc jiong jiongw sinkow, sniwmia u sii guihiamw cniurr didusix hiacc cuiwzog, qinaxzit e did qapp Uiw cuwsuw qapp borsiok, cam' cutqelangg, siudyrlangg, siogqelangg juewdin jibhui, qamxx m si liuxjig sxer sxer did laii ee senrenn? Marr si dui' quewkiwsingx diongx, qiongriongw jiongwvud, juewdin jingr senrqunx, jiacc erdangr tniax diyc Huirlingg anxjnuaw dunwgno did hxuad ee inenn. Dunwgno huatmngg si ixjaw joxsux soxx tuann, m si guaw qaqi ee diwhui.
Narr beh tniax joxsux ee qauwhuad, qokk langg rair cinjing qaqi kixlyc bue dnia ee simx, tniax liauw qokk langg kiwduu simlai huaigii, dyrr anne qapp ixjaw singwzinn senjow qangg kuanw byy cavet. Joxsux qycc qra jingwlangg qongw, "Senrdiwsig, jiongww dairdig, poteprajna diwhue, sewqanlangg vunxdew dyrr iongxiuw, qandna' in'ui simx u jipbee, bedangr qaqi qakgno , rair jiyh dua siuhingrlangg, inxdy zinrbad vunxsingr.
(5) si-dang-qimr jue si “Satzinn, caddy, sia'damm, dua bongrgiw.”Gnow-gik jue. “Sad ve, sad buw, sad Arahat, pywhai jingtuann, pywhuai vut tuanhuad ee soxdai.”
(6) Gnow-unr, jap-veh qxair, longxx si lanw simx snix ee jipbee qapp huanwsiongw. Gnow-unr qycc miaa gnow-ximx, si laisimx kacc e snix huwbin vutjingr ee liamrtauu. Jap-veh qxair dyrr si dui' sinkux liok-qunx siy' jok'iong soxx snix ee huanlyw qingwqair.
Lanw rair jaix, dongwgong ee langg, congbingg ee langg, hudsingr vunxdew dyrr siy' qangg, jiww qanna' u jipbee qapp qakgno ee byy qangg, jiacc u dongwgong qapp congbingg.
Guaw dnaxx uirr linw qongw Maha-prajna-paramita (Dua-diw.-dua-hui ee did dro)hxuad, hro linw dag'ee qokk did miaudiwhui. Cniaw dag'ee juansimx jurwir tniax guaw laii uirr linw qangxsueh. Jiongww dairdig, sewqanlangg gui' zit cuir liam Prajna, m bad jursingr Prajna, cancniu cuir qongw, " u jiac, u jiac." narr byy sidjai jiacc mic marr be vaw. Cuir erhiauw qongw sewqangx bxan hxang qaur buew longxx si jit dniu kangx, qingquer vah cingx bxan sxer marr be did zinbad vunxsingr, quibew longxx byy loring.
Senrdiwsig, Maha-prajna-paramita si gualai huanrgiw, si qongw, ixx dua diwhui hxuad dro snisiwlauu quer hnua. Jex rair iong simx sidhingg, m si iong cuir qongw. Narr iong cuir liam narnia, simx m sidhing, dyrr cniurr binrbang, cniurr huanwqinw, cniurr lorjuiw, cniurr siamxden, anne liam .quer dyrr byy .kir ar. Narr cuir liam simx decc jiphingg, simx qapp cuir dyrr e duiwingr.
Vunxsingr dy' si Vut, lii lanw vunxsingr dyrr byy vadd xee Vut. Maha si siaxmih, maha iwsur si qongxdai, simliong qongxdai, dyrr cniurr uxdiuu kongqanx ee kangx byy vnix byy hnua, marr byy dua ser acc sir-qak iarr ngii vniqair ee guaruii, iarr m si cnix, ngg, angg, vec, iarr byy dingxe dngrdew, marr byy hunwnor byy hnuahiw, byy si, byy m si, byy sxen byy og, byy soxjai cue taubuew.
Jiongww Vut ee sewqair longxx cniurr hi'kongx hiacc dua. Sewqanlangg ee ywmiau jursingr vunxdew marr si kangx, nacc u siaxmih hxuad e did diyc tangx hro liw qycc did qitax siaxmih. Jursingr jinx kangx dyrr rair cniurr hi'kongx hiacc dua qangg kuanw ixqingx' vauiong bxan mic. Senrdiwsig, m tangx tniax guaw qongw kangx, sui' diyc jipdiok dirr kangx. Derr id, mair jipdiok kangx. Cniurr kangsimx jingrje, simlai byy-di.-byy-qak, dagg hxang longxx m jaix, gong gong jre, dyrr si jipdiok dirr buqir (7.) kangx.
Senrdiwsig, hikongx sewqair erdangr vauiong jiongw jiongw siksiong ee bxan mic. Zit, guec, cnisiur, sanhyy, dairde, juixjnua guanrtauu, kelau, ciurnaa, cauxjangg, senrlangg, oklangg, sren hxuad, og hxuad, tendngg, dergak, itcer dua haiw, sumi ( Mount Sumeru) snuamec, longxx diamr dirr hikangx diongqanx. Sewqanlangg vunxsingr si kangx, marr kyxviw hikongx uxdiuu ee kongqanx hiacc dua.
(7.) Buqir kangx. Dyrr si ixuirr dirr jingrje ee sii longxx m sniu vnuar hxang, dy' si likuix jipbee ee simx, qisit liw iacc si jipdiok dirr duiqiuu kangx siong.
Senrdiwsig, jursingr e vauiong bxan hxuad, vauhamm sewqanx bxan mic ee hyw paiw vewhuar, dyrr si dua. Bxan hxuad longxx dirr qokk langg ee jursingr diongqanx. Narr qnir sewqanlangg longxx byy sniu rair hiongr sren, ix marr bue kir hunvet siangw si hyw si pnaiw, simx iarr bue hro uziamw diyc, ingxhiongw diyc. Ix simx cniu hikongx hiacnirr dua, jiacc qiyr jyr Maha. Senrdiwsig, simx bee ee langg qandna' qorr cuir liam, miaurdiwhui simx :ee dyrr iong simx sidhingg. Qycc u simx bee ee langg, kangsimx jingrje, marr longxx be sniu vnuar hxang, qongw qaqi si dairsux, jitt guaw langg longxx si siaqenr, qenwqaiw byy jniar, qapp inx berdangr tyxlun. Senrdiwsig, simxliong narr erdangr kuikuah, qongxdai simx dyrr cancniu venww qui' huatqair.
Venrnarr simliam jit dang dyrr su su hunbingg, simliam narr unriong dyrr itcer b. -bingrvik.-v. Itcer venwhuar si dui' jit xee simx laii, jit xee simx marr vauhamm itcer bxan mic. Jitt xee simx beh unriong, laii kir juriuu, jursingr ee simx qapp vunxtew longxx byy quawgai. Jex jiacc si Prajna diwhui.
Senrdiwsig, itcer Prajna diwhui, longxx an' jursingr simx laii, m si dui' simx-gua did .laii. M tangx gorqaiw, sim'ir iong m driyc. Jex jiacc hy jyr jinjniar ee jursingr miauriong. Narr bad jit xee jursingr simx si jinx, dyrr bad itcer miauriong venwhuar iarr si jinx. Siuhingr si beh hro jursingr kaihuad simliong kuikuah jitt kuanw ee dua dairjir, m si qandna' beh yc kangsimx jingje. M tangx qui' qangx cuir qongw byy huanrlyw jipdiok, simx si kangx, simlai berdangr anne siuhingr. Dyrr cniurr poxtonglangg cuir qiyr qaqi si qok'ongg, qaur lorbuew marr m si, jex m si quaw ee derjuw.
Senrdiwsig, Prajna si siaxmih? Qoxjaw ue qongw jyr diwhui. Dirr itcer soxjai, bylun siaxmih siqanx, longxx byy cibee ee simx, longxx ixx diwhui simx laii cuxliw dairjir, jex jiacc si Prajna diwhui ee siuhing. Narr jit sii simliam cibee, Prajna diwhui dyrr dng, jit sii simliam u diwhui, Prajna dyrr snix. Sewqanlangg longxx huanrsiongw, m bad Prajna, cuir qongw siuhing beh did Prajna, simlai sirsiongg cibee. U dangsii aw qongw qaqi si siuhing Prajna, kuix cuir hap cuir qongw kangx, m bad jinjniar kangx ee iwsur. Prajna simx si byy hxingg, byy siongr, diwhui simx dyrr si Prajna.
Narr e anne lixqaiw, dyrr qiyr jyr Prajna diwhui. Siaxmih si paramita ? Jex si India huanrgiw, qoxjaw ue qongw jyr, "Dro quer hitt vingg hnua." Dyrr si tuatli snisiw koxhaiw jitt vingg ee iwsur. Liauxqaiw paramita ee iwsur, dyrr byy qycc u hro kuanrqingw ingxhiongw venwhuar ee snix-bet simx. Simx narr hro guarjai ee kuanrqingw venwhuar kip'inw, dyrr u sinx-bet ee henrsiong cuthen. Dyrr cancniu juiw byy vingrjing, dyrr snix juixingw polong, lanw jex simqingw venwhuar si hy jyr jitt vingg hnua.
Simx narr likuix guargingw, byy cibee jipdiok dyrr byy snisiw, snix-bet, cniu juiw vnii ~ sun ~ decc lrauu, jex jiacc qiyr jyr dro hitt vingg hnua, hy jyr paramita. Senrdiwsig, simx bee ee langg dna' qorr cuir liam, cuir naxx liam, simtauu iaxx u bongrsiongw, u sirhuix ee hunvet. Narr liam ee sii, simtauu jurjai byy jipdok, si kangx, miaa qiyr jinrsingr. Gno did jitt xe hxuad, si Prajna hxuad. Jitt kuanw ee siuhingrlangg, si sidhingg Prajna. M siuhing Prajna hxuad si huanrhux. Id liam suihing, liw jitt srinx dyrr qapp Vut qangg kuanw.
Senrdiwsig, huanhux marr si Vut, huanrlyw marr si Boti, jingg liam bee si huanhux, au liam gno dyrr si Vut. Jingg liam jipbee dirr guarqingw dyrr si huanrlyw, au liam tuatli guarqingw dyrr si Boti diwhui. Senrdiwsig, Maha-prajna-paramita , si siongrr vyxquir, siongrr qaiww hyw, jueww derr id ee jniawhuad m si diamr dirr dyhh, m si u kir iarr laii ee bundee. Snax sxer jiongwhvut longxx dui' jiax cutsir. Ingdongx iong dua diwhui pacpuar gnow-un, huanlyw, sinsimx iogbong ee lykow. Anenex siuhingr, itdin sxingg Vut Dy, erdangr venr snax-dok ( tamx, cimhun, gucix. Snax xee jipdiok simx soxx inw ee doghai.) jyr qair-din-hui snax-hak. (snax-hak si sila, samadi, Prajna .)
Senrdiwsig, guaw ee huatmng si an' jit xee Prajna snix veh-bxan-sir-cingx diwhui. Siaxmih enqor? In'ui beh dirliauu sewqanlangg sinsimx iogbong u veh-bxan-sir-cingx lykow. Narr byy sewqanx lykow jongwgai, diwhui simx dyrr sisiong cuthen, be likuix jursingr. Erdangr gno did, dyrr “byy-liam”---byy huanrlyw quewkir, byy jipdiok henrjingg, be snix gnoxban qongrbongw ee simliam. Erdangr iong jinzuu jursingr ee diwhui kir zinrbad quanjiaur sewsu, duiww itcer huatmng dyrr byy jipdiok marr byy qingxsuanw, byy vaitig, jiacc si qnir-singr sxingg Vut Dy. (
Senrdiwsig, narr beh siuhing zip siongrr qy'cimx ee daihuatqair, qapp singrjiu Prajna-samadi ee langg, rair siux Prajna-palamita, dyrr sisiongg liam Qimqongx Qingx, dyrr e did qenr-singr. Linw rair jaix jitt py Qingx u qongxdai ee qongdig, u buliong buvnix hiacc dua. Gingx lai hunbingg cingcyw ee ylyw qapp janwtanr, jiax jongw beh qongw marr be liauw. Jitt xee huatmngg si siongrr quann jann ee jueww siongrsingg hxuad, uirr dua diwhui ee langg qongw, uirr siongrr dua senrqunx ee langg qongw :ee.
Hro diwhui senrqunx siyw ee langg tniax liauw, e sanxsingx m siongsinr ee simliw. Si anxjnuaw qongw? Cancniu tenliongrsinn narr dua dua lyhho dirr lanw ee Jambudipa sewqair, e hro qui' xee cirdinr qapp jngtauu longxx lrauu .kir, naxx si ciurhiyc aw piaux lyc dirr dua juiw diongx anxnex. Iacc narr ho lyc dua haiw, dyrr qamxqag juiw byy siaxmih qeqiamw. Hex dyrr cancniu si dua senrqunx ee langg, narr si siongrr dua diwhue ee langg, jit tniax qangxsueh Qimqongx Qingx, dyrr simx qraiw ir gno erdangr bingvec jursingr. Soxir jiacc jaix vunxsingr lai u Prajna diwhui, erdangr qaqi iong hex siuiongw, sisiongg quanjiaur qaqi, mrbenw qingquer bunzi ee tuanqar.
Canciu horjuiw mrnarr si duiww tnix dingw .lyc .laii, vunxdew si Tenliongrsinn jiacc erdangr kiw hongx jyh ho, beh hro itcer jiongwsingx, itcer cauxbok, u jringg singbut, byy jringg tojiyc longg tangx qamm juiw. Hro dua kex siyw lrauu qui' buew longxx lrauu qaur dua haiw dauwdin jywhuew. Jiongwsingx vunxsingr ee Prajna diwhui marr iarr si anne.
Senrdiwsig, kacc byy jailingg iaxx si cenxqenr ee langg, tniax diyc jex dunwqno dairhuad, cancniu hiax:ee ser cauw ee iur ciurjangg longxx iuwsiur qycc qinx dew, narr hro dua ~ ~ ho lramm qapp puah jit .jun .aw, longxx jongw pag dyw .lyc .kiw, berdangr singdiongw.
Cenrqenr ec jailingg siyw ee langg, marr si anne. Vundew inx marr u Prajna diwhui, qapp dua diwhue ee langg si siy' qangg byy cax :ee. Uirhyy tniax diyc dairhuad, iarr si be qaqi kaigno, qetqyw in'ui inx si siaqenr jiacc jongwgai dingg ~, huanlyw qunsingr dirr simlai jin' cimx. Cancniu zidtauu hro qau hunn kamr diyc, narr byy hongx cuex .kuix, zidtauu qngx be did henr .cud .laii.
Prajna diwhue iacmarr byy hunx dua ser. In'ui itcer jiongwsingx simx jipbee qapp qakgno singr byy siy'qangg. Jipbee ee simx bee dirr guarjai quanjiaur, siuhing bedangr cue diyc Vut singr. Bue qno diyc cingsimx jursingr, dyrr si kacc byy jailingg siyw qinkir ee langg.
Narr tnix u dairhuad, e itsiqanx qakgno diyc Dunrqaur (Dunrgno ee dairhuad), be qycc jipdiok hiongr guarjai soxx qnir decc duiqiuu, dna dui’jursimx sisiong sringx kiw Jingwdiqenr, anne huanlyw sewsu hunx ~ ee huanrnauw simx marr bue qycc uziamw lanw e cingjing, jex jiacc si qnir-singr. Senrdiwsig, simx lai-gua longxx m diamr, laii kir juriuu, kiwduu jipbee ee simx, simx byy soxx kanquar, longxx byy soxx jongwgai, narr erdangr anne siuhing, qapp Prajna Qingx soxx qongw :ee vunxdew dyrr byy cavet.
Senrdiwsig, itcer Sutra qinglun qapp je je hiax bunzi, qapp daisiyw nng-singg, jap-zi py qingceh juann uirdiyc lanw langg laii setdi. In'ui u diwhuirsingr jiacc erdangr qenwlip. Narr byy sewqanlangg, itcer banbut vundew bue qadi snix .cud .laii. Durr anne jiacc jaix banrhuad vundew uirrr langg laii hingx. Itcer qingceh uirr diyc langg qonw“jun'iuw”ee dyliw qapp singwjid. In'ui qidiongx u langg kacc gong u langg kacc kiauw. Gong jiarr si simsingr siyxkir byy jailingg ee langg, kiauw jiarr si simsingr daurkir ee langg.
Gongrlangg mng kiauxlangg, kacc kiauw ee langg qongw diyc dunrqaur dairhuad, gong ee langg itsii simkaix ir qraiw, dyrr qapp kiauxlangg byy cavet. Senrdiwsig, bue lixqaiw, huanarr Vut marr si jiongwsingx. Narr itliam bingvec, jiongwsingx marr si Vut. Anne jaix bxan hxuad longxx dirr qadi simx lairdew, lanw nacc m dui’simlai jidsii qnir diyc sunjinx ee vunxsingr. Botisad qaiwqingx (Bodhisattva Sila Sutra ) decc qongw, lanw langg vunxsimx cingjing, narr bad jursimx ee cingjing singr ee langg longxx diyc e sxingg Vut.
Jingrmiaa Qxingx (Vimalakirti Nirdesha Sutra) qongxx, Jiksii cingcniw bingvik, huanxx did vunxsimx. Senrdiwsig, guaw dirr Zimw joxsu hysiong hiax, jit tniax dyic jit dxnuan ue qongw liauw dyrr bingvik dyrliw. Jitsii ehiauw zinbad lanw zujinx ee vunxsingr. Soxiw jiongg jit xee qauwhuad, tuann hro liuhingg, hro siudyrlangg jiksii kaixgno Potee diwhue, qokk langg quanw hyw jursimx, knuar hyw qaqi vunxsingr. Narr berdangr qaqi qaixgno, rair cue dua senrdiwsig liauxaiw siongrr quann janr hxuad didjiab jixsi jniawlo. Jitt xee senrdiwsig, narr cue, rair u dua inenn.
Nacc soxx gongw, inxdy qauwhuar hro langg erdangr qnir-singr. Itcer senrhuad si in'ui senrdiwsig erdangr huat'huix qauwhuar ee enqor. Snax sxer je je jiongw Vud ee jap-zi py qingdenw marr dirr lanw vunxsingr diongx dyrr junjai, be did qaqi qakgno, rair qriuu senrdiwsig jixsi jiacc e qnir jursingr. Narr jurgnorjiaw, menw dui' gua qriuu. Narr u langg itdid jitbee qongxx rair kyr vadd xee daidiwhui ee langg jiacc ngwbang erdid qaixtuad, byy der tangx cue inx.
Hymic enqor? Dui' simlai senrdiwsig jurqag liw dyrr hro qaqi bingvik, narr si kiw sialiam jitbee bongrsiongw dendyw qingxqair, simgua Senrdiwsig suizenn u tuanqar, marr qiur be did diyc. Narr si dui' Prajna diwhui jin'jnia laii zinrbad vunxsimx, lanw besimx cincniu qniar diongx ngiaw, jit bak nih siqanx dyrr bongrliam longxx jiauu bet. Narr anne bingvik qaqi sentenx ee vunjid, jidsii qakgno dyrr dad qaur Vut derui.
Senrdiwsig, diwhui simx e qnir laiqua itcer b.-bingvik-v., jiaxee ee zinrbad dui' vunxsimx jursingr laii. Narr bad jitt xe qunvunw simx, dyrr tetdew juriuu, qaixtuad huan'nauw sewqanx itcer. Narr erdid qaixtuad, jiacc si 'Prajna Samadi '. 'Prajna Samadi ' dyrr si byy-sniu. Siaxmah si byy-sniu? Narr qnir itcer hxuad, (lairgua simqingw venwhuar busiongg) simx byy hro ingxhiongw, jex simx dyrr si “buliam”. Jitt ee simx beh unriong dyrr sui' sii e jurzenn cuxliw dairjir, iacc simx marr be jipdiok, hro busiongg venwhuar ee lairgua sewqair kip'inw.
Venrnarr cingjing vuxsimx, hro liogsig likuix liogmngg (J. 8) diongx byy hro liogdinn (J. 9) huanrjap uwziamw, dyrr cingjing juriuu, laikir juriuu, unriong simhuat longxx byy joxgaii, dyrr si qaur ''Prajna samadi '' jurjai qaituat, hy jyr siuhingr buliam hxuad. Setsuw vah hxang mic m sniu , simlai dongr jyr si liamrtauu bedjuat, jex si hro hxuad sokvak , dyrr si vutjingr penqenr.
Senrdiwsig, gakgno buliam hxuad :ee, bxan hxuad tongdat lixqaiw. Gakgno buliam hxuad, zinrbad hiaxee Vut ee qingxqair. Gakgno buliam hxuad :ee, dadqaur Vut ee derui. Senrdiwsig, au dai did guaw ee buliam hxuad :ee, jiong' jitt xee dunrgno qauwmngg qapp qangg qenwqaiw qangg siuhing, huatguan jiapsiu, vyxho, jicii, camcniu decc hongrtai Vut, qui' siwlangg iarr be tewjuanw simx, itding edangr dah qaur Vut ee singwui.
Mrqycc rair tuansiu dui' joxsux ixlaii 'simx-tuann' huatmng ee huanhur. Berdangr amkamr jingwhuad. Narr byy qang qenwqaiw qang siuhing ee langg, acc si dirr vadd xee huatmng siuhing, berdangr qra tuansiur. Anne e pywhuai vadd langg jongmng ee qauwsi, longxx marr byy hyw. Kacc qniax byy diqenr ee langg byy liauxqaiw, laii huixvongr lanw jitt ee huatmng, suacc diwsuw cingx vah bxan nii cetdng inx sxingg Vut ee qunvunw simsingr.
(J. 8) liogsig likuix liogmngg, liok-sig si lak hxang qamxquanx diqag, si “bagsig, nixsing, pnirsig, jihsig, sinsig, iwsig (sinrsig)”. Liogmngg tongx jyr liogqinx, si “ganw, hni, pni, jic, srinx, ir (simsinn)”.
(J. 9) Liogdinn, si “sig, sniax, pangx, bi, qamxqag, kangsniu.”
Senrdiwsig, guaw u jit “Byy-siongr”siongr kiksuu. Qokk langg rair kiyc laii liamrsiong. Linw Jairqex iaxx cutqex langg, dna' lecc dui' jiax siuhing. Narr m qaqi qakgno siuhing, qorr qir guaw soxx qongw ee ue, iarr bue did hyw qetqyw. Tniax guaw liamrsiong qongw,
Jingtongx Vudhuad qycc simx cingjing tongdat , e cniu dirr hikongx diongx ee zidtauu hiacc cingcyw.
Qo' tuansiu lanw qnir-singr huatmngg, ertangx pywduu siaqenr qapp qauwdiauu.
Dua Hxuad byy tangx itsii iacc banrban qrairxqno, in'ui qokk langg jitbee tingdo cimcenw, simx ee qakgno u qinw ban.
Jiax:ee simxsir vunxsingr ee huantmngg, budix ee gongrlangg si be lixqaiw :ee.
Qongw laii jongw si je je diauu suecmingg, jingrliw jongw quibew si jit diauu.
Dirr huan'nauw o'amr ee simlai, sii sii rair cudhenr diwhue ee zidtauu qngx.
Sialiamrsimx snix huan'nauw, jingwliam qaur .laii dyrr duu.
Simx narr longxx byy jniar acc siaa, dyrr si juad'duiw cingjing juriuu ee simx.
Potee si lanw langg tensingx ee vunxsingr. Kiw simx dang liam dy' si bongrsiongw.
Cingjing simx e dirr bongrliam lai, u jingwliam dyrr byy samjongr. (J. 10)
Lanw langg narr erdangr siuhingr zip Dy, bxan su longxx sunrli byy hong'gai.
Sisiongg qaqi e diqag, knuawqnir qaqi ee qywcyr, qniaa jex dyrr sngr zip Dy.
Jiongwsingx vunxsinx qokk u Dy decc junhingg, be siy gai, huanrnauw.
M bad cingjing vunxsingr ee soxjai beh qycc cue Dy, jiongsinx be qnir Dy.
Siwquer vunxpyx quer itsingx, qaur lorbew laii iuqycc qaqi auwnauw.
Beh did qnir jinx Dy, cingjing simx jingwliam jinjniar qniaa, dyrr zip Dy.
Lanw narr byy Poti cingjing simx, jitbee bubingg ee dyrlo dyrr be qnir Dy.
Si jinx siudy langg, be juanx cue vadd langg vutsi.
Narr lanw langg longxx knuar langg' ee cywgno, anne qaqi marr m driyc.
Mair uanwtanr langg' ee quewsid, rair iong simx cue diyc qaqi ee cywgno.
Qorr dngrdu hunved jipdiok simx, huanrnauw sibsingr dyrr puar.
Menw qor langg' uanwdor iacc qac'ir, kax cng dngg dngg vangsangx kunr.
Qiokk narr beh inxdo langg' zip Dy, qaqi rair u qikiauw lirven ee honghuad.
Qaixduu inx ee huaigii simx, tangx e henr cud tensingx ee vunxsingr.
(J. 10) Samjongr, si qongw snax xee jongwgai hro langg bue gno zip Dy. Id si huanrnauxjongr, si Gnow-iok byy duu, zi, giabjiongr(karma), huan jue. snax, Vywjongr, lunhue Liogdy sriu vywingr.
Hudhuad cuthenn dirr sewqanx, beh qakgno marr bue likuix sewqanx.
Cutlii sewqanx beh cue cingjing Potee, suac cniu cue tor-aw cruw qag.
Jaix jingwqenr si ciaucud sewqanx, jitbee siaqenr si sewqanlangg.
Pah puar jitbee dirr sewsiok jingwsiaa hunvet, Potee jinsimx dyrr henr bingg.
Jiax siongrkig si jiksii kaigno ee dunrqaur hxuad, iarr miaa qiyr dua hxuat junn.
Bongrsiongw jitbee vah-cingx-bxan qiab, qakcniw dna' rair jit bak nih.
Dairsux qycjaiww qongw, “Qinaxzit dirr Dairhuan Sxi, qongw jiaxee dunwqaur simhuad, ngwbang dirdecc huatqair tniax e diyc ee jiongwsingx sui' e did qnir jimsimx tangx e qaur sxingg Vut.” Hitt jun, Uiw cuwsuw ham inx vorsiok qnua'guan, siudyrlangg qapp jairqelangg tniax Suhu soxx qongw, longxx juann cnixqag kaiqno.
Dyrr qangg sii quirvair qnialew, dag'ee ylyw qongw, “jinjiar hyw neh! Nacc jaix lanw niaxnamm dertauu u Vut cuthenr dirr sewqanx?”