DERR 11 JNIUX
KANWHO EE JID JONGXLUN
Kanwho 2 zri si simxmic qexsueh? “Kanr” jiurr si knuawqor, diyhh knuar iarr diyhh qor. “Ho” .zri si vyxho, vangjan; iwsu si hyw lang diyhh jiauwqor vnirlangg, iongxqnia ee langg diyhh vyxho u vni ee langg. U langg decc qongw kanwho ee jitbu si harjen ee qangx. Kixcox kixcox lanw diyhh jaix kanwho ee jid si junquir :ee, longxx si decc jiauwqor vnirlangg. Lanw diyhh e qir did lanw ee Qiuwjuw Qidog dirr sewqanx ee sijun, suibongxx juer Siongrder ee Sxingr :ee, iauxquxx hnuahiw sew hagsingx ee kax. Hiaxee hagsingx si harjen ee langg, tyxhii ee langg jiurr si. Dirr Sinx Iog Singwceh Iokhan Hok’imduan derr 13 jniux, 12 jad qaur 17 jad, u qiwjair qongxx, “Iasox ixqingx sew hagsingx ee kax, jiurr cing snxax, qycjaiww jre, qongw, Guaw juer anxisnix, linw jaix mah? Linw cinghox guaw juer sensnix juer Jruw, linw soxx qongw ee ue driyc; guaw jinjniar si. Guaw juer Jruw, juer sensnix, iauxquxx sew linw ee kax, linw iarr diyhh dairqex sew kax. In’ui guaw ing bo’ngiu hro linw knuar, hro linw cincniu guaw soxx qniaa, linw iarr diyhh qniaa. Guaw sidjai qra linw qongw, Lovok be kacc dua juxlangg; hro langg crex ee langg, byy kacc dua crex ix ee langg. Linw narr jaix anxnix laii juer, jiacc u hokkir.”
Iarr lanw narr qongw kanwho hro juer vnirlangg ee lovok, iarr e qongw .did; narr qongw m air juer langg’ ee lovok diyhh sniu Vyxlyy soxx qongw ee ue, qiwjair dirr Huilibvixlangg ee puex derr 2 jniux, derr 5 jad qaur derr 7 jad. “Linw diyhh u Qidog Iasox ee simx juer simx; Ix vunw u Siongrder ee hingjong, byy liac qapp Siongrder vnidingw, juer soxx diyhh jipsiuw :ee, huanxdngw vniar kangx qaqi, cruw lovok ee hingjong, jniajuer langg ee ngiursniur.”
Dirr Ingqog go-jap gua nii jingg, u jit xee cutmiaa ee kanwhorhu, miaa qiyr Nairdingqikniw Qoniuu. Ingqog jingwhuw duiwding ix ee qangx, sangr ix go-jap-bxan kox. Ix ing jitt jann jnii laii setlip kanwho ee haghau.
Qaur qinaxzit dirr Seqog juer kanwho ee langg, kacc je si u hagbun congbingg ee langg. Hongder ixqip qok’ongg ee cinlangg iarr bad juer kanwhorhu. Dagg langg iarr jai’ngiaw juewlangg, diyhh u zin’air, juvix, tniawtangr ee simx, jiacc u hy juer hyw dikhing ee langg. Dnaxx diyhh jaix juer kanwho :ee, qaiww u qihue tangx henxcud jitt hy hyw pinxhing.
Dnaxx beh qongw kiw kanwho soxx ingqaix tranr ee huatdo, soxx ingqaix diyhh duiwdiong ee pinxhing qapp qniadac.
Kanwho diyhh qaqi kunkunn tagceh. Qauwsux iacc si isingx byy ingg tangx benxqiongw ix. Langg narr air jinwvo diyhh vunxsinx cud lat laii yc. Jitt vunw ceh ee lairbin u virvan kanwho soxx diyhh jaix ee su, ngwbang dairqex laii yc.
Kanwho tauu jit xe zip ingi eee sijun, unxdangr jin’ je hxang iauxx bue jai’ngiaw. Narr m bad, air jaix, diyhh mng qauwsux dagg hxang ee lixkir, m tangx qongw m jaix jiurr suah .kir.
Dirr kanwhorsig-lai diyhh jinrsimx juer dairjir, itkair diyhh juntanr qauwsux ee jixsi; m jrunw lamrsamw qongw byy jingliw ee ue, ixqip uanqex, siurkir, jiac jiuw, jiac hrunx. Juer kanwho ee langg diyhh u dikhing gauu tniawtangr, kunkuair, qycc qinxsin. Diyhh qinxsin jin ix ee jid laii jiauwqor ix soxx quanw ee vnirlangg; iauwqinw diyhh hro ix cingkir, songxkuair, vnirtew kacc kuair hyw. Dirr ix soxx quanw vnirsig-lai ee mihqnia, longxx diyhh cingkir.
Kanwho ee langg, suizenn dirr vnirsig duw diyc byy dairjir ingg ee sii iarr m tangx vindnua, ingqaix diyhh cue u lirig ee dairjir laii vran. Dingxbin hiaxee, jiurr si kanwho ee langg ingqaix juer ee dairjir. Diyhh jin vunxhun laii qniaa, sisiongg junsiuw quijig, narr be e junsiuw, jiurr m tangx drngx kanwho ee jid.
Kacc jaw ee kanwho byy simxmic hagbun, iarr be hiauw did siaxzi tagceh. Quiw vah nii jingg, kanwho ee langg suizenn byy simxmic hagbun, mrquxx kanwho ee su kiokk si hyw. Jixu henrsii juer kanwho ee langg, jiurr m tangx byy hagbun. Juer kanwho :ee jit hxang diyhh e bingvik quijig ee lixkir, cincniu suhau vnirlangg, jingxdunr vangg-lai, hitt xee enqor jnaixngiu diyhh anxnix.
Yc isingx qapp yc kanwho byy sna’ drangg; ixsingx ee jithun jiurr si juanjuanx sniu idi vni ee huatdo; kanwho ee jid jiurr si tranr isingx ee bingrling, jiauww huatdo laii qniaa. Suibongw si anxnix, mrquxx kanwho ingqaix damrvyc bingvik iyc ee singr, cincniu simxmic iyc dri simxmic vni, diyhh ing zuarr dang; iarr narr vnirlangg, jiac sniu’ quewtauu, e henxcud simxmic jingwjong.
Narr dirr qex-lai hnuahiw juewqangx :ee, beh drngx kanwho ee jid dniardiyc kacc kuair; narr vindnua m air juer dairjir ee langg, dniardiyc be e juer kanwho .did. In’ui kanwho ee su, si jin’ dapdih ee qangx, langg narr kacc hyw qiwdii, sintew iongxjongr, cingkiwsniur, jejnaw, juer dairjir, e qinxsin, qycc gauu tniawtangr puawvni langg, e did anxnix, beh qar ix kanwho ee su, jiurr kacc kuair. Dui’ anxnix laii knuar, congbingg ee langg mrbenw itding dirr qauwdniuu jiacc tangx did diyc hagbun, jiurr qinduer qauwsux, iacc si qapp viw ix kacc gauu ee langg snaqab vran dairjir, soxx knuar qapp soxx juer iarr e did diyc jin’ je qenwsig.
Sinx zip laii yc ee hagsingx ix soxx sniu be qaur ee hagbun si jin’ je. Cenban m tangx henxcud m air qnir u vni ee kuanw, hro vnirlangg knuar liauw simlai utjud; iarr m tangx knuar qnir denqongg iacc si nauxvni ee langg, diyrr u qniahniaa ee kuanw; narr be quanw vadd langg, dogdok e ioksog qaqi; byy henxcud m air qnir vnirlangg ee kuanw, iarr byy qniax nauxvni ee langg jiacc hyw.
Jueww iauwqinw :ee, kanwho diyhh jin’ gauu zimxnai, jongw .si jitt xee dairjir, qongw si kacc kuair, beh juer, jin’ yh; in’ui jiauww knuar u vni ee ginxaw, dauc dauc u hitt hy zuxx hnaw ix zuxx gauu hauw :ee; iacc si kanwho narr dirr vnirsig-lai u huiwkir ee su, qaur jitt xee sijun iauwqinw diyhh e qir .did, simlai bylun jnaixngiu ee diyhqib, guarbin kiokk m tangx hro vnirlangg knuar qnir liw u cniqongg ee kuanw. Iarr diyhh juntanr isingx ee ue. Qycc jit hxang diyhh unkunn laii vran dairjir. Narr byy cincniu dingxbin hitt kuanw laii qniaa, jiurr byy sinr did ix si kanwho.
Isingx qapp vnirlangg siongsiongg tniax kanwho ee ue, soxiw juer kanwho ee langg diyhh sinwsit jueww iauwqinw.
Ingi hiaxee isingx, binghun kacc dua kanwho, narr duiww kanwho qongxue, kanwho diyh u qingwir, kia kiw laii tniax.
Vnirlangg ee cinjniaa ving’iuw laii ngi-lai sna’ tamr, narr cincniu m jaix vnirlangg diamr dyxlyc, kanwho ee langg diyhh unkunn laii inxcua; bylun songwhiongx iacc si hyxgiac, diyh siang jit kuanw ee kuanxtai; cenban m tangx kivinn-diongrhur. Kanwho jiauwqor vnirlangg diyhh jit ngiu simx, m tangx sniu ix si songwhiongx langg, lanw mrbenw jiabjiap kir jiauwqor ix, anxnix jiurr srid liauw ix ee vunxhun.
In’ui ingi-lai decc ivni :ee, kacc je si songwhiongx langg, m tangx sniu songwhionglangg jiurr byy duiwdiong cingkir, iacc si m air hro jiac, hyw knuar ee mic.
Narr u camquanx ee langg hitt sii narr byy langg jicjiab, kanwho iarr diyhh siongser qra inx qongw bingg, iacc si inxcua inx kir knuar.
Diyhh siongsiongg ing hyw lew, laii kuanxtai langg. Vixlun laii qongw byy hagbun ee kanwho narr hyw lew kuanxtai langg, vnirlangg unxdangr jin’ tniar ix; iarr suizenn langg ee (?) dyc’ui, mrquxx byy lew, vnirlangg dikkag m hnuahiw ix. Kanwho ee langg diyhh m tangx u iutauu koxbin, rair u (?).
Narr u sinx laii ee puawvni langg, kanwho diyhh qinw jinwjingg kir jiauwingr. Qra vnirlangg sexik, hro ix kacc knuawuac, cua vnirlangg :ee, jiacc e vangr simx, jongw .si diyhh u cuwsu, m tangx cniqongg hunluan, jiurr e henxcud liw u jaidiau decc vran dairjir, hro vnirlangg jaix ix e uaxkyr .did. Iauwqinw diyhh e qir .did, m tangx qongw vnirjingr guihiamw, hro vnirlangg qapp cua ix laii :ee tniax liauw huanlyw qniahniaa; jex si decc id iauwqinw, huanrnarr e hro vnirlangg simlai be ving’anx ee su longxx m tangx juer.
Kanwho dingw vanx xe vanx, diyhh u dniardiyc ee siqanx; dairsingx diyhh qauwsux sethuad. Narr beh quer xe vanx ee sii, ix soxx quanw ee vnirlangg u dikvet ee surqor, iacc si hogsai vnirlangg ee dairjir, iauxx bue cingcyw, jongw diyhh siongser qra jriab vanx ee kanwho qongw, hro ix suawjiab tangx kir vran; m tangx hed lehh, jueww ix kir.
Ursii isingx soxx qongw ee ue, iacc si soxx sed ee quiqiw, qapp kanwho ee simx byy sna’ hac, diyhh kngr dirr simlai, m tangx qongw .cud .laii. Ursii vnirlangg kuix cuir lamrsamw qongw, iarr diyh joxjiw ix, m jrunw inx huan diyc ngi-lai longxjongw ee quiqiw, in’ui byy lun simxmic langg, narr byy junsiuw quiqiw, jiurr be ing did diamr ngi-lai irvni .did.
Juer kanwho ee langg, m tangx duiww langg qongw i’ngi m hyw, iarr m tangx tniax vnirlangg qongw i’ngi m hyw ee ue. Iarr (?) qniadac, siongsiongg diyhh qinxsin, in’ui vnirlangg qaiww sinr ix ee ue, iarr siongsiongg knuar ix soxx juer ee dairjir; dauc dauc tniax qnir vnirlangg qongw kanwho decc qongw jitt hxang iacc si qongw hitt hxang, iarr qycc qongw kiw kanwho itkair ee quxdong.
Kanwho ee ihok, diyhh jiauww I’ngi ee jiongtingg, longxx diyhh cingkir, jejnaw; m tangx cing (?) ee ree, hro vnirlangg tniax liauw, simlai utjud.
Kanwho diyhh u hiyckunr ee sii, in’ui ix soxx juer ee dairjir sisiongg diyhh huadpuad. Soxiw ngua vanx hiyckunr be qongw did si vindnua. Hiyckunr ee huatdo tex, iacc si dyw, kacc hyw, in’ui be vueiongw jingsinn hro sintew kacc be iawlanw; dyw jap hunx quw, viw jre zi-jap hunjingx kacc u qonghau. Narr sisiongg ngua ree, iarr si vangjan katuiw ee hy huatdo.
Jiauwqor vingsiongg ee vnirlangg, qapp jiauwqor tuanziamxvni ee langg, longxx diyhh siyxsimx. Jiac vng ee dairsingx diyhh sew ciuw; narr dirr u tuanziamxvni ee langg hit sinvnix juer dairjir ee sii, m tangx suiww vnirlangg qongw sniu’ je ue, qniax liauw kipzip vnirlangg hox .cud .laii ee krir, iauwqinw cuir diyhh hap hap, in’ui qinruaw vnirlangg vutjiw qinx, diyhh qavue siyxsimx. Juew iauwqinw si hiwvni. Kanwho ee langg sintew narr m duxhyw, iacc si naauu tniar, diyhh suisii qra isingx iacc si qauwsux qongw. Narr decc kanwho sidhudiklia (實扶的裏亞, veh’aujingr) ee sii, dagg vaiw beh limx-jiac ee dairjir diyhh sruaw kauw, hro naauu cingkir, zen’au jiacc limx-jiac. Iarr bylun kanwho simxmic dingxhy ee vnirlangg, diyhh dagg zit cud guarbin, tangx kipzip sinx ee kongkir.
Narr linw ee ciuw, bin, u siyxkuaw qui’ kangx ee soxjai, jniawsi diyhh qavue ee siyxsimx, in’ui qniax liauw bisingbut (sewkunw) qaiww kuair dui’ jitt xee zip .kir. Liw ee ciuw, diyhh vutjiw sewzi vyxho; narr u cak .diyc, iacc si taii .diyc, qrax .diyc, diyhh liamvnix ing siyx juiw qapp sapbunn laii sew cingkir, hro qnialangg qapp bisingbut longxx sexduu .kir; jitt xee si vutjiw iauwqinw. Ciuw sew liauxau ing lotio (?) 1-60, laii sew, aurlaii ing cingkir ee vor qapp (?) laii vak. Diyhh siyxsimx sewzi; bad in’ui siyxkuaw ee siongcuir, duw diyc zip dok laii drir qaur byy sniwmia.
Kanwho ing vng diyhh u dniardiyc ee sii, iarr diyhh u dniardiyc ee quiqiw.
Vnirlangg diamr ee cur, qapp qaqi druar :ee, longxx diyhh hro kongkir e liutongx. Kunw ee sii m tangx qnuaix txangx-aw, narr anxnix langg ee jingsinn, e kacc u lirig.
Kanwho ee sintew, iauwqinw diyhh iongxqnia, narr sintew byy qnia, dagg hxang vni kacc kuair tuanziamw. Soxiw kanwho ee langg duw diyc u vni ee sii, m tangx itben hog’iok, itben qycc kir juer dairjir; diyhh liamvnix kir kanwho ee vnirsig; iacc si lirkix I’ngi, dngw kir cur nirr diauriongw; vni hyw jiacqycc laii. Narr kanwho ee langg be kanwho qaqi, beh anxjnaiw e kanwho vadd langg?