THE POWER OF MYTH -8
Bunchhai huan'ik
INGQUIW EE ANG'AXBIN
Sinue ee langg/ su/ but ee ngiaxsiong si lanw muixx jit xee simlingg amwlik ee huanxngiar, tauwquer jiaxee ngiaxsiong huedngw laii knuar lanw jurqiw, e hro lanw sing'uac denxhen cud inx ee ingxhiongxlat.
B: dirr liw tak quer qokk jiongw sewqaiwquanx/ byy qang bunhuar/ bunbingg/ jongqaur au, si m si huathen muixx jit xee bunhuar dy' u su'iaur congwjy cud moxjiongw hingsid siongrder?
U JIT XEE VIW ZINLUI QYCKACC UIXDAI EE SEWQAIR
J: zimrhylangg jixiaur u quer sinvir qinggiam dy' e jaix, uxdiu u mow-cuwguann si ciauuat zinlui qamxquanx soxx caqag e diyc :ee. Inwdorqaur UPANISHAD u jit dnxua jin' hac ing ee bunzi, erdangr iong laii suecbingg jitt xee jinghongw, “dng' liw juwsinn knuar zidtauu lyc snuax/ snuaviah sii, vutdix-vutqag huatcud janwtanr sniax 'ar' sii, liw dyrr iongzip sinsingr-lai.” dirr rngiuu zip ee jit bak nih quw, lanw liauxqaiw junjai ee qibiau/ uanbiw. Sing'uac dirr jurzenqair ee langg, dagg zit dy' e qinggiam diyc jitt xee jinsit, inx liauxqaiw u jit xee viw zinlui qyckacc uixdai ee sewqair junjai. Mrqyxx zinlui tensingr kiokk sniu beh qra jitt jiongw qinggiam zinqechuar/ ixx zinlui bunhuar ee qakdo laii qaixsuad jurzenn ee lat.
Sehonglangg sukyw hongsid si qra siongrder dongwjyr sinqii uxdiu lingliong ee jiongqik laiguann/ guan'inx. Danrsi dairvorhun ee danghongx susiongw/ guansiw vorlok ee sniurhuad, sinbingg si huizinqechuar lingliong ee huawsinx/ dairlixzinn, inx m si uxdiu ee jiongqik jinsit. Sinn si lingliong viauxhen ee qangku, muixx jit xee sinbingg soxx iongxiuw, dairviauw ee lingliong dua-ser/ pinxjid, quatding liauw jitt xee sinbingg ee digsingr/ qonglingg, u hiong'og/ juvix/ qethap ximx-xiongg liongxqair ee sinn, marr u jenwjingx-diongx jyr qok'ongg/ qokqax ee vyxhorsinn. Jiaxee longxx si zinqechuar uxdiu lingliong, jiongbuew laiguann si sinvir byy langg u hxuad jaix :ee.
B: jex qamxx m si hro miarun jniajyr byy jruw jongrtair, hingsingg byy qang sewlik vutduan jenwjingx?
J: byy cyr! Zinsingx vunxlaii marr si anne. lanw jurqiw binrduir suanxdik, luersimx marr e u jenwjingx. Vixzu, quatding zuhyy vyxcii ham' langg' ee quanhe sii, kyxlingg u sir ~ go jiongw kyxlingsingr. Dirr guaw simlai kiw quatding jok'iong ee sinbingg si ingxhiongw guaw quatding ee lat. Qaxsuw inxdy guaw ee sinbingg si iong cocann :ee, guaw ee quatding marr e si jankog :ee.
B: jex duiww sinwgiongw e u sniaw ingxhiongw? Langg si u sinwgiongw/ u lingsingr ee dongrbut, zircniaw ---
J: m si, guaw byy itding u sinwgiongw, guaw u texgiam.
B: dycc jiongw texgiam?
J: guaw u qibiau snewmia/ air ee texgiam, u hin/ u okdok liamrtauu, u sniu beh jringx langg erhaii ee ciongdong texgiam. Ui' siongrdingx iwsiong ee quandiamw, jiaxee dy' si guaw simlai unrjog qokk jiongw ee lat, lanw ersaih qra qibiau/ air/ hin knuawjyr sriu diyc byy qang sinbingg ingxhiongw ee qetqyw.
Guaw sewhanr ginxaw sii, dirr ROMA Tenjuxqaur qadingg, duarlangg qra guaw qongw, guaw ee jniawvingg u vyxho guaw ee tenjuw/ dywvingg u iuxquaiw guaw ee moquiw, zinsingx soxx jyr ee quatding, uanjuann knuar si tnisair/ okmoo, dyhh jit xee ingxhiongw guaw kacc dua. Ginxaw sii guaw jiong' jiaxee susiongw kurtew lyhdng dirr sing'uac-diongx, guaw sniu, gauw ee laursux marr si anne.
B: jiaxee lingliong laijurr dyhh?
J: laijurr uxdiu snewmia ee jiongqik lingliong, liw itding duimng “itding u mow xee jyrbudjuw congwjy jiaxee lingliong?” uirsniaxmic liw e anne mng neh? Uirsnixmic jiongqik ee ywvir berdangr ciauuat zinqechuar ee sinn jitt xee qaiwliam neh?
B: lamzinn/ luxzinn qamxx erdangr ixx huizinqechuar ee hongsid jywhuew?
J: ersaih tihh, zircniaw inx jurlaii si anne, jixiaur qniaa qaur SUEZ Unrhyy danghnua. Liw jaix dirr sehongx lanw kinghiongr qra sinbingg zinqechuar/ zinsingwhuar : vixzu, Iahyhuaa m s hunwno-sinn, dyrr si jingwgi/ dinghuat-sinn, iacc si cniurr Singwqingx Sipenx tak diyc :ee, Iahyhuaa si jicii snewmia ee iuxsen-sinn. Danghongx ee sinbingg kiokk dansunn je lor, byy hiacc zinsingwhuar, kacc jiapqin dairjurzenn ee lat.
B: dng' mow langg qongw “siongxsiong siongrder ee ngiu!” sehongx zidongg e qongw “siongrder si jit xee hociux, cing veh dngg snxax ee laurlangg.”
J: sehongx bunhuar kaksit si anne. Lanw quanwsir jiong' siongrder siongxsiong jyr lamsingr ee hingsiong. Danrsi qitnax jerje bunhuar tuantongw, qivunw-siong, sinbingg ee lat si virr siongxsiong jyr luxsingr ee hingsiong.
B: qinvunw ee bunrdee dirr, lanw byy hxuad siongxsiong m si zinqechuar ee surbut. Liw zinruii lanw qamxx u kyxlingg siongxsiong cud PlATO soxui “be hiuxnua qycc sinsingr ee susiongw”?
J: dongzenn, jex dyrr si soxui ee jing-srux, iwbi diyc vutduan quanjiaur qang jit xee juxdee, ersaih junjai dirr zimrhyy jancur. Guaw be dirr guaw sukyw-diongx qra budliw/ simlingg hunlec jyr nng xee uanjuann byy qang ee huanrdiuu. Vixzu, qimjnii si bingngiu juadduir hyw ee juxdee/ jiauwqor qadingg si lingrgua jit xee jin' diongriaur ee bingngiu juxdee, dng' liw qniaa zip qauwdngg sii, marr si jit jiongw qodok ee bingngiu.
QIDYW SI LENJIAB/ BINGNGIU UXDIU YWVIR EE SIUHING
B: anne qongw, qidyw sidjer-siong dyrr si jit jiongw bingngiu.
J: qidyw si lenjiab/ bingngiu uxdiu ywvir ee siuhing.
B: diauwhuanr luersimx ee ligliong.
J: ROMA Tenjuxqaur qar jit jiongw ixx liamrjux vutduan liam qang jit xee qidywsuu ee jing-srux hongsid. Jex si qra simx cua zip siuhing-diongx. SANSKRIT hyrjyr JAPA, iwsur si “dinghok singwmiaa”, erdangr qecdng qitnax liamrtauu, hro juanjur dirr jit hxang su, zenau qinqir qywzinn liamrlat, erdangr qinggiam diyc langg tamwcig be diyc ee uxdiu sinvir ee cimdo.
B: jnuaxngiu erdangr drat qaur hitt xee cimkig texgiam neh?
J: duiww uxdiu ywvir u cimkig texzin, dyrr dart e qaur.
B: qaxsuw siongrder jixsirr jit xee lanw liamrlik crunx e qaur ee sinbingg, lanw zuhyy laii qingwuir siongrder jyrbut ee sinsingr?
JONGQAUR SI UIRR DEXJER SIONGRDER EE QINGGIAM SED :EE
J: lanw qamxx e hro jit dniuu bang hnaxqniax .diyc? Liw rair pacpuar/ ciauuat liw duiww siongrder guan'iuw ee iwsiong, texzin diyc siongrder soxx unxqamm ee iwgi. Simlixhagqax JUNG duiww jex u siongquanx ee suecbingg “ jongqaur si uirr dexkongr siongrder qinggiam sed :ee.”
Uxdiu ee ywvir ixqingx virr qanxhuar jyr jit jxox qaiwliam/ sniurhuad, qiongdiaiu jiaxee soxx duar laii ee qetqyw, jin' u qraur lat cetdng lanw ham' jitt xee ciauuat iwhamm honghur qinggiam ee lenjiab. Lanw qaix qra duiww uxdiu ywvir ee juanjur texgiam knuawjyr jongqaur tetdew qinggiam.
B: jerje qidokdoo siongsinr, beh liauxqaiw Iasox, rair singx u qidokdoo sinwgiongw, siongsinr qauwgi/ qauwdngg ... dringw ---
J: liw rair ciauuat jurqiw soxx siongxsiong Iasox iwsiong ee jancur. Narr byy, jex iwsiongrhuar ee sinn suacc jniajyr lanw tonghiongr jiongqik (qauwqik) jinsit ee juewau joxgai. Liw qra jurqiw ee iwsig hingtair lamw ann ~ ~, qycc cenxvyc sukyw taiwdo, dng' jit xee duiww sinn kacc uixdai texgiam/ ciauquer guanvunw soxx junxvi jiapsiu ee qinggiam limqaur srinx-siong sii, e in'ui qowsiuw simdiongx iwsiong, sitkir texgiam qihue. Jex dyrr si lanw soxui qencii sinwgiongw.
Liw rair jaix, tauwquer qinggiam uxdiu amwiwsig byy qang ee hudsimx/ guanhingg qaidnua, simlingg si kyxiw jurgnow tesingx ee. singx kaisiw qingquer iaugy/ amtamx ... dringw siongrr qivunw ee dongrbut qinggiam, zenau si singr ciongdong, suar laii si texlingg-siong duiww mow quaw surbut quanwlen kongwjer.
Jiaxee si simlingg texgiam ee jendin, itdanr dag diyc simlingg hudsimx, duiww qitnax langg/ dongrbut ee juvisimx sui' qakcnew singx quann, dyrr e liauxqaiw dirr moxjiongw iwgi-siong, liw ham' tnazinn si qang jit xee snewmia-ha ee sanxbut, jit xee juansinx qaidnua singwlingg snewmia sui' denxkuix. Jitt xee simganw duiww gua kaihongr kixvong ee quewdingg, dyrr si sinue jairsikluw snex qniaw ee siongrdingx iwgi --- jingsinn sing'uac laiii cutsir ar, ui' guanvunw uirr buanxjiog sneliw qenrkongx, snetnuar aurdai/ kuanlik/ budjid tiongwlok ee qivunw zinlui dongrbudsingr-diongx tequann sing'uac jancur.
Lanw jitmaw jinwzup lingrgua jit qaidnua. Jixiaur qinglik jit crur jit jiongw duiww tnazinn ee juvix/ iwjir snahac/ hab'id, iacc si ciauuat jurluann/ jurli/ jippiah, ersaih qongw jingwsid kaisiw ingxuanw jongqaur sing'uac/ qinggiam. Jitt xee covo texgiam kyxlingg hro qywzinn kaisiw duiqiuu dairgnow snewmia jingxtexqamw ee ciongsit texgiam, dirr anne ee sewqair, soxu siqanx/ kongqanx jiamrsii junjai iongxiuw ee hingsid jixvutqyr si jitt xee jingxtew snewmia ee huanxngiar ziiw.
Soxu snewmia junjai ee jiongqik (tetdew) qicow erdangr ui' nng xee jancur laii texgiam, jit xee si iuxhingg :ee, lingrgua jit xee si byhingg/ ciauhingsiong :ee. Dng' liw ixx iuxhingg ee hongsid texgiam diyc liw ee sinbingg, hitt sii u jit xee liw quanjiaur ee simx, marr u jit xee sinbingg. Danrsi sinviwjuxgi ee qauwqik bogviaux, si ham' qywzinn sinbingg hab'id, drat qaur byy langg/ byy sinn/ byy liw. Siauwliam vutduan ee simx hro liw sitkir ham' liw junjai qicow hab'id ee qihue. Liw soxx qinggiam diyc sinn ee iwsiong, duxx si liw junjai jiongqik uxdiu sinvir soxx huad cud ee, marr si jitt xee sewqair junjai ee sinvir, jitt xee qinggiam dyrr si sinvir uxdiu.
B: dongzenn qidokdoo sinwgiongw ee diongsimx jongjiw, si siongsinr siongrder si dirr Iasox Qidog srinx-lai, liw soxx qongw ee jiaxee junjai dirr zinlui srinx-siong ee qivunw ligliong, duxx si jiong' zinlui rngiuu zip siongrder ee iauwsor.
SNEWMIA-DIONGX EE QIDOG JINGSINN
J: si lar, Qidokqaur GNOSTIC ham' Vudqaur ee qivunw qaiwliam, dy' siongsinr hex vutdan duiww liw si jinliw, duiww guaw marr si. Iasox si ligsuw-siong sidjer jingwgno diyc ix ham' ix soxx cinghox tnive si hab'id ee jinsit zinbut, ix jidsiwlangg dy' si ixx ix snewmia vunxsingr-diongx ee Qidog junjai.
Guaw e qir .did u jit vaiw guaw qangxenw qongw .diyc, beh qra amwcangr dirr lanw snewmia ee qidog jingsinn uac cud laii, tniajiongr u jit xui bogsux (surau guaw jiacc jaix) uat tauu kinx sniax qra ix srinx-vnix ee luxsu qongw “jex si setdok singwlingg ee genlun.”
B: liw qongw “snewmia-diongx ee qidog jingsinn” si sniw iwsur?
J: guaw ee iwsur si, liw berdangr ixx jurgnow iwsig ee sniurhuad/ jurqiw iogbang uac. Rair ixx liw snewmia-diongx soxui zinvunw jingsinn --- dyrr si Qidog ee jingsinn sing'uac. Inwdo u jit qxur ue “duliauw sinn ji' gua byy langg erdangr jongvair sinn.” zuqyw liw sniu beh jingwkag jongvair Ix, qycc hongrhingg qauwgi, diyh'air dirr moxjiongw tingdo-siong hro jurqiw zinrdongg liw ee sinn soxx dairviauw ee jingsinn guanjig, bylun lueriongg si sniaw.
B: dng' lanw damlun luerjai sinn/ luerjai Qidog/ ui' lai huatcud ee bingqag/ hiauxgno, si m si u venwsingg duiww jursinx beluann/ huanrsuah ee huihiamw, suacc uaicuac liauw jurgnow/ sewqaiwquanx?
J: dongzenn si u kyxlingg :ee. Hex si jit jiongw luirsu denrliuu jiapciog byy hyxser ee henrsiong, danrsi jingxtew ee bogviaux si ciauuat jurgnow/ ciauuat duiww jurgnow ee qaiwliam, ciauuat hitt xee jixvutqyr si jit xee byy uanbiw ee jurgnow henrsiong. Qongw jit xee le, dng' liw jingrjy bingngiu au, liw qaix hongwha soxu in'ui jingrjy kyxlingg did diyc ee lirig, laii juanxhiongr sewqair, dauzip jerje jiongwsingx-diongx, m si jurqiw py diauu jiaxee lirig m kingw vangr.
Duiww “guaw si siongrder” u nng jiongw sukyw hongsid. Qaxsuw liw zinruii “jitt sii ee bacsinx/ e siw .kir ee snewmia si siongrder” anne liw kixsiauw ar. Jex si “jiapciog byy hyxser” ee qinggiam. Liw si siongrder, m si dirr liw ee jurgnow, si liw siongrr cimx dexjann ee junjai-diongx, dirr hitt xee jancur liw ee snewmia si ham' ciauzircuwguann ee uxdiu sinvir hab'id.
B: liw bad qongw quer, lanw erdangr jniajyr qaixqiur ginxaw/ kanciuw/ aiwzinn/ cur-vnix ee langg, danrsi lanw ingxuanw byy kyxlingg jniajyr qiuwsewjuw, liw qongw lanw ersaih si verbuw, ingxuanw byy kyxlingg si tnive/ singwbuw, jex si m si jit jiongw duiww qywzinn qighan ee texzin.
J: si.
B: Liw duww qiuwsewjuw Iasox ee knuawhuad jnuaxngiu?
J: lanw liauxqaiw Iasox iuxhan. Soxx jaix :ee, jixsirr horsiong maudunw ee sir hok'imx, iwdoo beh qra lanw qongw, ix qongw liauw sniaw, jyr liauw sniaw.
B: sir hok'imx si Iasox siw au je nii jiacc uansingg :ee.
J: si, suibongw anne, guaw sniu, lanw iauxx si iokliok jaix Iasox qongw sniaw. Guaw sniu sir hok'imx qiwjair Iasox genlun, ham' Iasox jairser soxx qongw daiqair barsar, juxiaur qauwgi si “air liw ee digzinn”.
B: liw zuhyy air liw ee digzinn, bingbingg dyrr byy kuansiar inx ee jok'uii/ byy jiapsiu ok'ir ee qongqig?
J: guaw qra liw qongw anxjnuaw jyr e qaur. Mair kiaukix digzinn ganxdiongx ee ser liap suax (siyw kuatdiamw), banxdiau jurqiw ganxdiongx ee hnuaii nxiuu (dua kiamwsid). Byy langg u juqeh hiyxding digzinn ee sing'uac hongsid.
B: liw zinruii zuqyw Iasox junjai, ix qamxx e jniajyr jit xee qidokdoo?
J: m si lanw soxx jaix hitt jiongw qidokdoo. Kyxlingg mow quaw jinjniar jiapciog diyc qysiongw uixdai jingsinn sinvir ee sinjid zinguann, erdangr singjiu Iasox ee mow quaw pinxjid.
B: soxiw, Iasox be si hnowjenr :ee?
J: Iasox qinvunw byy hnowjenr. Guaw dirr sir hok'imx knuar be diyc zimrhyy iuxquanx hnowjenr ee biysiaw. PETER tiux cud qiamr qra inx lypok ee hni-aw quah driau, Iasox qongw “PETER, siuhuee qiamr!” danrsi PETER ixqingx tiux cud laii, qycc itdit decc iong qiamr.
Guaw cavutdyx uac quer jingxqyy zi-jap sewqiw, ginxaw sii, guaw jaix jit xee jurlaii juadduir m si lanw digzinn ee binjok, uirr beh qra inx venwsingg lanw ee digzinn, hablixhuar duiww inx ee qonggig, anne sui' denxkuix jit dniuu siuhun/ gorqaiw/ buac'ox ee jnedaur, qaur dnaxx uansiuhin itdit hnair be tingg.
NARR BYY JUVIX, LANW SNIAW DYRR BYY
B: lanw longxx jaix siongrder si air, liw bad inxiong Iasox ee ue “air liw ee digzinn, qycc uirr jiphingg liw sixhingg hiaxee langg qidyw, anne liw jiacc e jniajyr tnive ee juxbinn; in'ui Ix hro zidtauu sringx quann dirr sxen-og jiqanx, hro ho qangr dirr gi-vutgi diongqanx.” liw bad qra jitt qxur ue dongwjyr Qidokqaur siongrr qysiongw/ uixdai/ junquir/ u qenwsig ee qauwliw. Liw jitmaw qamxx iuguann anne zinrding?
J: guaw zinruii juvix si jongqaur qinggiam ee qicow, narr byy juvix, lanw itbuu-soxiuw.
B: qidokqaur Siniog siongrr kiuw guaw simx ee ue si “guaw guanrir siongsinr. Siongrder cniaw jo guaw kudii duiww liw ee byy sinwzim.” guaw siongsinr qauwqik jinsit, erdangr qamxsiu .diyc, marr kaksit u qamxsiu diyc ix ee junjai. Danrsi qamxx jinjniar u siongrder? Guaw siongsinr jitt xee bunrdee si junjai ee, guaw jurqiw duiww jitt xee bunrdee byy dab.
J: nng nii jingg, guaw u jit xee jin' simsig ee qinggiam, dirr NEW YORK unrdong qurlogvo ee iuingxdii vnix, dirr hiax u langg siaurqair jit xee dirr Tenjuxqaur dairhak damzim qauwsiu ee sinjid zinguann, siujuiw liauw, guaw tex dirr jit liauu dngg iw, hitt xui sinhu duxx jre dirr guaw srinx-vnix, ix mng guaw “Campbell sensnix, liw qamxx si sinjid zinguann?”
”m si, sinhu.”
”qamxx si tenjuxqauwdoo?”
”quewkir si, sinhu.” guaw dab.
“liw qamxx siongsinr u jit xee zinqechuar ee sinn?” ix iong ee suu jin' cuwbi.
”guaw byy siongsinr, sinhu.” guaw rinr.
”anne, guaw sniu lanw byy hxuad iong LOGIC laii jingwbingg zinqechuar sinn ee junjai.”
”qaxsuw u vanrhuad ee ue, anne sinwgiongw qycc u sniaw qewdat neh? ” guaw huee.
”Campbell sensnix, jin' hnuahiw qapp liw siybad.” jitt xui sinhu jin' qinw likuix. Qamxqag duxx ham' sinhu viw liauw ziudy hnair qingqah jitt jiaux .
LANGG BYY HXUAD QIQIUU TENQOG LIMQAUR
Jitt xee qinggiam hro guaw jin' dua ee kexhuad, sinhu mng qongw “liw qamxx siongsinr zimrhyy sinn ee junjai?” jitt xee sursit, guaw zinruii tauwlo cud ix marr texzin .diyc, huizinqechuar sinn junjai ee kyxlingsingr, dyrr si qongw jit xee ciauuat ee qicow/ lingliong, vudsingr ee qaiwliam si jit jiongw hro banrsu-banrbut uahlat ee luerjai bingqag amwlik. Lanw zinlui ee snewmia ixx jitt xee vudsingr iwsig/ amwlik ee jit siyw pnir uac kiokk byy qamxqag, jongqaur ee sing'uac hongsid, si iong qyckacc qongxdai iwsig sanxsingx ee cngtauwlat jyr qicow, m si iuxhan bacsinx jurli quandiamw cuthuad.
Juewqin huathen Qidokqaur GNOSTIC Hok'imsu, u jit dnxua qinqir ST. THOMAS lunrjingr, huisiongg diongriaur bunzi “dangsii tenqog e qangwlimm? Qidog ee mngdoo mng.” guaw sniu si dirr Marko Hok'imx derr jap-snax jniux qongw .diyc, sewqair buexzit dicbeh laii ar, dyrr si qongw, “sewqair buexzit” jitt xee kuriuw sinue iwliam ee iwsiong, virr knuawjyr sursit junjai ee ligsuw surqnia. Danrsi ST. THOMAS ee qongxhuad, Iasox huedab “tenqog be in'ui langg ee qiqiuu limqaur, tenqog busow-vutjai kiokk knuar be diyc.” jiurr moxjiongw iwgi, jitmaw guaw knuar liw ee jitt sii, singwlingg junjai ee qngngiaw tauwquer liw hro guaw qamxsiu .diyc.
B: tauwquer guaw?
J: dongzenn si liw lor. Dng' Iasox qongw “ ui' guaw cuir-lai limx juiw ee langg, jiong' jniajyr guaw, guaw marr jniajyr ix.” dyrr si qongw, ix si soxu junjairbut qiongrdongg junjai ee qicow. Lanw soxui Qidog jitt xee quandiamw cuthuad, zimrhylangg dy' uac dirr jitt dnxua ue ee sidjenr-diongx --- dingxii si Iasox, si jitt qxur ue jingsinn iwhamm.
B: jex si liw soxx qongw “ guaw qra siongrder ee qongcaiw jiyr hiongr liw” ee iwsur.
J: si lar! Liw si anne duiwtai guaw.
B: jitmaw liw qamxx marr qra qonghuix jiyr hiongr guaw?
J: guaw jitt xee ue si jin' zinrjinx ee.
B: guaw marr si jin' zinrjinx siongsinr jex si jinjniar :ee. Guaw kaksit erdangr qamxqag diyc singwlingg junjai dirr langg ee srinx-siong.
J: m na anne, liw dirr jitt crur duiwdamm soxx viauxdat :ee, ixqibb liw sniu beh viauxdat :ee, dyrr si rair liauxqaiw jiaxee lingsingr ee jinliw, liw si viauxdat ee qangku, si lingsingr ee zidciux.
B: jitt xee jinliw qamxx sik'iong muixx jit xee langg?
J: duiww hiaxee ixqingx dirr snewmia-diongx drat qaur singwlingg qaidnua ee muixx jit xee langg, dy' si jinliw.
B: liw qamxx jinjniar siongsinr jit xee linghunn sewqair ee junjai?
J: jex si vixzu ee qongxhuad, danrsi lanw erdangr qongw, u quaw langg si uac dirr singwiok jancur, hex si inx sing'uac ee juanvo, inx snewmia ee iwgi. FREUD ee hagsuad, qamxx m si anne? ADLER ee kuanlik dethak, zinruii lanw sing'uac qivunw-siong si kikhok je dingg jongrgai.
Dongzenn, anne ee sing'uac marr jin' hyw, danrsi sing'uac hingsid ersaih si jingsinn :ee. Langg e singx dirr dongrbut jancur sing'uac, zenau jinwzip jit xee ixx hisingx hogbu tnazinn jyr juxiaur hongsid, si packuix simhingx soxx siongrdingx ee iwgi.
B: jingsinn sing'uac ui' dyhh laii?
J: rair zinrbad diyc tnazinn ee junjai/ lanw ham' vadd langg si qiongrdongg ee snewmiartew --- Siongrder ee iwsiong. Lanw mng qaqi, jitt xee snewmia ui' dyhh laii ? Zinruii dagg hxang longxx u langg congwjy :ee, e sniu: “itding si siongrder congwjyr :ee.”soxiw siongrder si snewmia ee guantauu.
B: sniaw qycc si jongqaur neh?
J: jongqaur jitt xee zirguann, si “lenjiab .dngw .kir” ee iwsur. Qaxsuw lanw qongw lanw nng langg uirr jit xee qiongrdongg ee snewmiartew, anne guaw qywzinn doglip ee snewmia dyrr si ham' jitt xee qiongrdongg snewmiartew lenn jywhuew, jex ixqingx jniajyr jongqaur ee siongrdingx iwgi, dyrr si qongw jongqaur dairviauw hitt xee lenjiab .dngw .kir ee lren.
NGII SI ZINLUI SIONGRR UIXDAI EE QIVUNW IWSIONG
B: u miaa ee simliw hagqax JUNG bad qongw, siongrr kuriuw ingxhiongxlat ee jongqaur siongrdingx ji' id si ngii. Ngii si zinlui siongrr uixdai ee qivunw iwsiong, iong simsinn sniu ngii ee siongrdingx iwgi, lanw dyrr si decc hunsig jurgnow. Liw qamxx dong'ir?
J: jingxqyy sewqair dyrr si ngii, Soxu ngii ee iwsiong longxx huanxngiar cud lanw ee simlingg. Itcer qenwdiok setqer/ lanw jingsinn qonglingg ee sidjer qewqor jiqanx, vitzenn u mow quaw quanhe junjai.
Venr mosut :ee beh kaisiw venr ee sii, e singx he jit xee ngiko'aw qra jurqiw uii kiw laii, dirr jitt xee ngii ee qaiwhan-lai, jitt xee hrongx kiw laii ee kuhik, ko'aw gua sitkir ee lat erdangr virr inw .zip .laii, sanxsingx haurlik.
B: e qir .did tak quer INDIANA taubak qongw jit dnxua ue “gunw dah ngii vowpangg, barhiyc (ingjiauw) ee siu si ngii ee, hng ~ ee tenjewsnuar marr si ngii ee.” Ngii duiww INDIANS qamxx huisiongg diongriaur?
J: si ar, lanw qewsingg jerje SEMITIC sinue marr si anne. Lanw bunhuar soxu ee dingxbin/ erkax/ jniawvingg/ dywvingg sir qivunxdiamw ham' snax-vah lak-jap dxo ee ngii. SEMITIC ee qnuahongx vanw lahzit, jit nii snax-vah lak-jap zit, lingrgua byy qewsngr jairlai ee go xee singwqawzit. Byy sngr dirr siqanx lai ee jitt go zit, e qixhingg jewtnix denxlew. Henrdairlangg ixqingx sitkir jitt jiongw siqanx si ngii ee qamxqag, in'ui lanw iong sowzi qewsngr, tniax diyc dixdak sniax, qamxqag siqanx vutduan lrauu .quer, NEW YORK PENNSYLVANIA Ciajam ee sijingx, u jit diamxjingx/ hunjingx/ biyxjingx, qapp jap hxun ji' id biyxjingx/ vah hxun ji' id biyxjingx go jiongw qewsngr siqanx ee jixjiamx, liw juwir knuar vah hxun ji' id biyxjingx ee jiamx dinxdang, e hro liw qamxqag siqanx naxx decc vuex lehh.
Lingrgua jit bin, ngii dairviauw juantew. Ngii-lai ee muixx jit qnia surbut, qandna' si jit hxang su, dy' virr jitt xee ngii kox zip laii, jex si jiurr kongqanx quandiamw. Jiurr siqanx quandiamw, ngii iwbi diyc liw likuix, kir mow jit xee soxjai, jongxsi e qycc dngw laii. Siongrder si itcer, si snewmia ee qinguann/ si bogdig, ngii ee iwsiong siongrdingx uanbiw ee juantew, bylun dirr siqangx/ kongqanx longxx si anne.
B: byy kaisiw byy jiongbuew?
J: sunkuann, sunkuann, jaiww sunkuann. Jiurr jit dxangx ee siqanx jyr le, qaur jab'id-guec, lanw rair quer qamxunjed, jabzi-guec singwdanwjed laii lor. M na guehhun sunkuann, guehniuu/ zidjiw marr decc sunkuann. Lanw knuar ciuxviyw, marr e sniu diyc siqanx sunkuann byy tingg, suibongw siqanx qangrkuanw, kiokk si lingrgua jit zit ar.
B: Diongqog ithiongr jurcingx si diongsimx ee ongqog, MEXCIO guanjurbinn AZTEC duiww inx jurqiw ee bunhuar, marr u luirsu ee qongxhuad, guaw zinruii muixx jit xee bunhuar dy' ixx ngii jyr uxdiu ee dedsu, qra jurqiw he dirr hudsimx. Uirsniaxmic liw kiokk qra ngii qongw si poxpenwsingr ee siongrdingx iwgi?
J: in'ui ngii suisii kyxiw virr qinggiam .diyc, dirr mow jit zit, mow jit nii, cutgua paclac/ zimrhyy tamwhiamw uahdang/ dngw laii qaur cur au, dy' e qinggiam .diyc. Dongsii marr u jit jiongw kacc cimkig ee qinggiam, juxqiongx/ bong ee ywvir, langg siw virr draii au qyc'uac, jaiwsingx si lyhjongr ee kixguann, langg dngw kir qaur dairde buxcinx ee juxqiongx qycc jaiwsingx. Jaxqii luxsinn ee iwsiong, si virr knuawjyr jiapsiu linghunn dngw laii ee buxcinx.
B: guaw knaur liw siaw ee ceh, cniurr <Siongrder ee Ang'axbin> <Dongrbut Snewmiarlat> <Sinue ee Iwsiong> ... dringw, ciangjai e u ngii ee iwsiong, bylun dirr qoxdai/ henrdai ee mosut setqer iacc si qenwdiok; bylun si Inwdo biyrsi ngihingg tenvongg, RHODESIA Qurjiyhkir Sidai ee jiyhdiaux, AZTEC ee lahzidjiyc, Diongqog qoxdai cnedangg vinvaii, Quriog qongw diyc JEWISH sendix EZEKIEL ee tnikonglenw, longxx si ngii ee. Guaw itdit duw diyc jitt xee iwsiong. Gauw ee qethunx ciuxjiw marr si ngii ee, liw qongw siongrdingx sniaw?
J: hex rair knuar liw duiww hun'inx ee liauxqaiw laii quatding. “siongrdingx” jitt xee zri vunxsinx dairviauw nng xee zri hap jywhuew. Mow jit xee langg soxx iongxiuw :ee, jixsirr jidvnuar, lingrgua jit xee langg qycc u jidvnuar, zenau inx qethap jywhuew. Jitt xee zinrdix si ui' ciuxjiw uanbiw ee ngii, he jywhuew kaisiw ee. Jex si guaw ee hun'inx, si guaw jiong' qywzinn snewmia rngiuu zip nng langg snewmia ee kaisiw, dirr hun'inx-diongx nng langg jniajyr ittew. Qethunx ciuxjiw ee iwgi si nng langg dirr qang jit xee ngii-lai.
B: sinx qauwjong jingwsid dingqix sii, ix qruar kig liac hii do'ngiu ee ciuxjiw, marr si ngii ee.
J: hitt kax ciuxjiw siongrdingx Iasox decc qiyr liac hii ee suxdoo, qongw “guaw beh hro linw jniajyr liac hii :ee.” jex si viw Qidokqaur qyckacc jaw ee qurqauwpair. GREECE sinue dnuaa kiarkimm (HARP) ee ORPHEUS hyrjyr “liac hii :ee”, ix diyr ee duiwsiong si langg, ixx hii-srinx sing'uac dirr juiw-lai, zenau tiaur cud juixbin huawzip qngx-diongx. Hii dairviauw zinlui singwjingg siongrr cosiok ee dongrbut vunxsingr, jongqaur jinrlik qra lanw ui' dongrbudsingr qaixqiur cud laii, ui' hii venwjyr langg si qoxlyw ee sniurhuad.
B: Ingqog sinx ongg/ onghiy dingqix denxlew, e qruar ciuxjiw.
J: si lar, in'ui ciuxjiw qycc u ioksog jitt jann iwgi. Jit xee qok'ongg rair sriu guanjig ee ioksog, ixqingx dah-siong viautauu ar, berdangr jiauww jurqiw ee hongsid uac. Dng' lanw tongquer hisingx/ qoxcuex ee singzinlew quewdingg au, dyrr sriu tnazinn/ siarhue ee jewiog ar.
B: JUNG qra ngii qongxjyr si MANDALA.
QRA QYWZINN EE NGII LAP ZIP UXDIU NGII
J: MANDALA si SANSKRIT ee “ngii”. Jitt xee qingquer jonghap/ iong siongrdingx huhy setqer quer ee ngii, dairviauw uxdiu qetqor ee iwgi. Dng' iong simsux qowjy MANDALA sii, dyrr e cir sniu beh jiong' jurqiw ee ngii qruix zip uxdiu ee ngii. Jit xee u qraur iuwzi ee Vudqaur MANDALA, diong'iongx u jit xee siongrdingx uxdiu lingliong/ qongbinglat laiguann ee Vut vunxjunx, jiuuii qokk jiongw iwsiong dairviauw Vut vunxjunx sria cud ee zidciux iwsiong, iacc si byy qang janbin ee viauxhen.
Zuqyw si uirr liw jurqiw congwjy jit xee MANDALA, singx rue jit xee ngii, zenau cimsux liw snewmia-diongx qokk jiongw byy qang ee uahdang/ qewdat, jonghap cue cud diongsimdiamw. Congwjy jit xee MANDALA si qra liw soxu snewmia vunsnuar ee janbin jurjip jywhuew, cue cud diongsimx, qycc hro jurqiw quisiok dirr jitt xee diongsimx ee hunwlen, iwdoo hro jurqiw ee ngii ham' uxdiu ee ngii lenjiab kiw laii.
B: qra jurqiw he dirr diongsimdiamw?
J: si ar, dirr diongsimdiamw. Vixzu, Vakbiw sevo ee NAVAHO, simliw dirliauu denxlew-diongx, dirr suaduix uerdoo, dairvorhun dy' si rue dirr derbin ee MANDALA. Beh dirliauu ee huanrjiaw jinwzip MANDALA, dyrr si jinwzip sinue iwsiong ee sewqair, e virr jitt xee siongrdingx ee lat donghuar. Jitt jiongw ixx MANDALA rue dirr snuaduix, qra dongwjyr jingrjy bingngiu ee sniurhuad, TIBET marr u, LAMA dirr snuaduix lenrsip uerdoo, rue cud dairviauw inx snewmia jingsinlat ee uxdiu iwsiong.
B: jiaxee hing'uii henxzenn si jinrlik jiong' qywzinn snewmia ee diongsimx ham' uxdiu diongsimx sna' qethap.
J: si lar, inx ixx simdiongx ee sinue ngiaxsiong laii viauxdat, jo inx zinrdongg siongrdingx ee lat. Lanw jin' lann qitai qywzinn zinrdongg jit diamw aw dy' byy digsingr ee iwsiong surbut. Zuqyw hro kuriuw moxjiongw digjid ee iwgi, anne siuhing :ee dyrr iuxsow junhong.
B: u jit jiongw qongxhuad jriw cud, Iasox juewau amwdngr soxx iong ee singwvuex, dairviauw uanbiw hyhaii ee hudsimx/ duiww uanbiw jingxtew tongxid ee duiqiuu.
J: singwvuex ee laiguann u jerje qongxhuad. Qidiongx jit jiongw si, laijurr amwiwsig cimdimm duarhaiw, haiw sinn dua lxauu jit xee u jerje surbut ee duardniaw. Lanw snewmia ee lingliong dyrr si ui' amwiwsig puu cud, jitt xee duardniaw si soxu snewmia dongrlat, ingxquw be qodax ee jnuaguann/ diongsimx.
B: liw zinruii hex si amwiwsig?
J: m na si amwiwsig, dongsii marr si sewqair ee qicow, sinx surbut itdit dirr liw srinx-vnix cuthen, snewmiarlat vutduan quanr zip jitt xee sewqair, laijurr jit xee ingxuanw be dakok ee jnuaguann.
B: si'kongx hunqeh cud byy qang ee bunhuar, kiokk sanxsingx siyqang ee iwsiong, liw anxjnuaw qaixsueh?
J: jex decc qongw, zinlui simlingg u mow quaw lat si juantew qiongriuw ee, narr byy, byy kyxlingg e u jiacc bardah.
B: zuqyw lanw huathen, jerje byy qang bunhuar dramm diyc congwsewqiw/ jairsikluw snex qniaw/ qiuwsewjuw qangwlimm/ siw qyc'uac ee qowsu, viauxsi jiaxee qowsu tauwlo liauw lanw luersimx mow quaw sinwsid/ lanw sniu beh liauxqaiw ee su'iaur.
J: driyc lar, sinue ee iwsiong si lanw muixx jit xee langg lingsingr amwlik ee huanxngiar. Tauwquer bingngiu jiaxee iwsiong, lanw erdangr qikhuad cud inx ee lat.
B: dng' jongqaur singwdenw qongw “langg si ixx siongrder hingsiong virr congwjy”, si jriw zinlui soxx qiongriuw ee moxjiongw digjid, bylun jongqaur/ bunhuar/ derliw/ huec'enn ee cavet ixgua, qamxx si?
QAIWDUU QNIAHNIAA/ IOGBANG EE SOKVAK, JIACC CUE E DIYC SNEWMIA EE GUANTAUU
J: siongrder si zinlui jiongqik ee qivunw sinwliam.
B: siongrr guansiw ee suqiuu.
J: lanw longxx si ixx siongrder hingsiong virr congwjy, jex si zinlui qauwqik guanhingg.
B: T.S. ELIOT(1888-1965) bad qongw diyc dirr venwdong ee sewqair u jit xee byy dinxdang diamw ee qaiwliam, jitt sii drang-jing dongsii junjai; marr tekiw cialenxsimx, si liudong ee siqanx/ diamrjing ee ingxqiuw, hap jyr ittew ee soxjai.
J: jex si singwvuex soxx dairviauw hitt xee ingxuanw byy qodax ee uxdiu diongsimx. Snewmia cuthen sii, byy qniahniaa/ byy iauqiuu, jixsirr byy venr ee venwhuar, zenau jniajyr snewmia au, kaisiw qniax qycc air jex, beh hex. Dng' liw erdangr byy sriu qniax/ iokbang ee sokvak, huee dngw qaur liw snewmia duxx cuthen hitt xee jongrtair, dyrr cue diyc snewmia ee guantauu. GOETHE (1749-1832) qongw, sinlingg dirr uahlangg srinx-siong/ snex-siw venwhuar ee sewqair, m si dirr sixlangg/ venwhuar uansingg ee qowding sewqair-diongx jok'iong.
Qycc qongw, lixsingr quanhuaii ee si, zuhyy tauwquer snex-siw venwhuar laii uaxqin singwlingg, diwlik jixsirr liriong erdangr hro lanw jaix/ ixqingx qowding ee surbut, laii sokjy lanw ee zinsingx. Danrsi duiqiuu jurgnow liauxqaiw ee bogviaux, su'iaur snewmia-diongx hitt xee e dyc kiw laii ee kixdiamw, hitt xee decbeh snejniaa, ciauuat sewsiok sxen-og, byy qniahniaa/byy iogbang ee surbut-diongx, jiacc cue e diyc, si jenwsu dua iongxkir jnriu jenwdniuu soxx uaxkyr ee mic, si snewmia cuanxkuir ee vanxliauu (jetjaur), hex dyrr si jenwjingx ee ywvir/ cauxbok singdiongw ee jinghuaa.
Guaw jitmaw sniu diyc jit xee le, jit xee siaulenlangg muixx nng lexvair diyh'air iong quaccauxqix qra cauw lux kacc dew .quaw. Qaxsuw cauw-aw qongw, liw itdit iong jitt jiongw quachuad u sniaw loriong? Guaw iuguann itdit huad cud laii. Jex dyrr si lingliong hudsimx ee qaiwliam, si singwvuex ee iwsiong, ingxquw byy dakok ee juixdii/ snewmia jnuaguann ee iwsiong, byquanw congwjy sanxsingx ee snewmia, jixu hro u snewmia/ snewmia limqaur vunxsinx jiacc diongriaur, dyrr si liw jitt sii jitt kig snejniaa venwhuar ee snewmia diongsimx, marr si soxu sinue tuandat cud ee sinwsid.
Genxqiur vixqauwsinuerhak sii, jiyh vixqaur nng xee byy qang hertongw ee iwsiong, lanw dongsii liauxqaiw diyc qywvet ee iwgi, in'ui qidiongx jit vingg e tudhenw mow janbin ee iwgi/ iacc si kacc cingcyw ee qaixsueh, lingrgua jit vingg e henxcud lingrgau jit jann ee iwgi. Inx horsiong dingcingx qaiwliam. Guaw kaisiw qar sinuerhak sii, damsimx kyxlingg e huixdiau hagsingx ee sinwgiongw, qetqyw sionghuanw. Jongqaur tuantongw duiww inx ee iwgi byy dua, dng' guaw jiong' verbuw tuann hro inx ee jongqaur tuantongw, qapp qitnax tuantongw kacc luerjai/ jingsinsingr ee qaixsueh hongsid, laii vixqaur luirsu ee iwsiong sii, inx tudzenn did diyc jit jiongw sinx kexhuad.
Guaw ee hagsingx u qidokdoo/ iutaiwqauwdoo/ vudqauwdoo, iauxx u nng ~ snax xee vaiwhuexqauwdoo (ZOROASTRIANISM), inx dy' u qiongrdongg ee texgiam. Qaixsueh mow jit xee jongqaur siongrdingx huhy sii, qra knuawjyr si vixzu m si sursit, vingrr byy zimrhyy byy tyxdongr. Anne jyr ee bogdig si, e qra knuawjyr liw luerjai lingliong/ snewmia sinwsid, jongqaur tuantongw dyrr anne jniajyr qywzinn luerjai snewmia qinggiam.
B: jaix vadd langg ham' guaw qangrkuanw hiacc su'iaur, qycc jinrlat jauxcue luirsu iwsiong laii viauxdat ciauuat zinlui itvnuax gixgenn soxx erdangr viauxdat ee qinggiam sii, guaw qyckacc qending jurqiw ee jongqaur sinwgiongw.
J: jex dyrr si siyxtiuw-aw/ siyxtiuw jongqaur junjai ee loriong. GERMAN CELTIC sinue, ciongbuanw liauw siyxtiuw zinbut, sidjai si jin' quaiwqii ee sinbingg. Jitt jiongw digvet hingsid u inx junjai ee dyrliw, suatbingg siyxtiuw m si juewau iwsiong, jixsirr moxjiongw jinsit viauxhen. Lanw langg rair tauwquer ciywkuex ee guarhingg, jiacc knuar e diyc vuerau ee jinsit.
B: Huijiux mow quaw tuantongw u jit xee simsig ee qowsu. Jit xee sinn qniaa dirr lo-siong, tauu dir jit dingw vnuawvingg angg/ vnuawvingg naa ee by, honghunx sii jyccann :ee jinr zip cuancngx, mng qongw “linw qamxx u knuar diyc hitt xee dir nasig by ee sinn?” lingrgua jit xee sui' rinr qongw, “m si, m si, sinn dir angsig ee by.” inx kaisiw snajnir.
J: si ar, hex si NIGERIA jokget sinn EDSHU. Qyckacc camw :ee, ix suisii venwngua qniaa lo ee honghiongr, dngxsec ix ee by, hro langg qyckacc hunx be cringx. Dng' nng pair ee langg ruanx qaur qok'ongg hiax sii, jitt xee EDSHU cuthen ar, qongw si ix ee m driyc, si ix jyrsingg ee, zicniaw ix si diauqowir anne jyr, siwqer laqaux/ jewjy qiuwhunx si ix siongrr dua ee kuaiwlok.
B: jitt xee qowsu qamxx u dyrliw?
JINGDAUR SI SOXU UIXDAI SURBUT EE CONGWJYRJIAW
J: dongzenn u. Qoxdai GREECE dethagqax HERAKLITUS (c.535-c.475 B.C.) qongw, “jingdaur si soxu uixdai surbut ee congwjyrjiaw.” dirr jingg bunn soxx qongw jokget sinn EDSHU ee siongrdingx iwgi, jitt jann qycc byy qraur binghenw. Lanw ee tuantongw, EDEN Hngg ee juaa vnuaenw jitt xee qaksig, dng' itcer dy' uanbiw byy kiamwdiamw sii, juaa qra qimwqyw danr cud laii.
Bylun lanw ee susiongw texhe qyckacc uanbiw, dy' byy kyxlingg vauquad byhan ee snewmia. Dng' liw zinruii itcer vutqyr ziiw sii, jokget sinn dyrr cuthen, soxu itcer bedbyy au, liw jaiww dxo qaixven, dingsinx cutsir.
B: guaw juwir diyc liw decc qongw jiaxee qowsu sii, si duar diyc ciywkuex, naxjunxx itdit jimr dirr jitt xee kuaiwlok-diongx, suibongw qowsu lueriongg quaiwqii hamwqow, liw marr si anne.
J: sinuerhak ham' Iutair --- Qidog hertongw ee jongqaur siongrr juxiaur ee kuvet, sinuerhak iwsiong si ixx ciywkuex laii qaixsueh. Liw liauxqaiw diyc iwsiong siongrdingx mow xee surbut, liw ham' hitt xee si u qirlii ee. Danrsi lanw ee jongqaur huisiongg ~ giamsiog, dagg hxang su dy' si dan'id buliauu. Liw qamxx e duiww Iahyhuaa suiven luanrlaii?
B: liw anxjnuaw qaixsueh simlixhagqax MASLOW soxui “quann snuax buexliux qinggiam” ham' JOYCE soxui “sinsingr henxhen”?
J: jitt nng xee byy qaiww qang. Quann snuax qinggiam jriw snewmia-diongx mow jit xee sidjer ee si'kig, qinggiam diyc junjai ee hyhaii quanhe, guaw ee quann snuax qinggiam dy' dirr su au jiacc liauxqaiw, juann laijurr unrdong vixsair.
B: hitt xee si liw ee quann snuax qinggiam?
J: guaw dirr COLOMBIA dairhak jauxviyx vixsair sii, u quiw vaiw ee qinggiam sidjai taiww suiw lehh. Dirr derr zi crur vixsair sii, guaw jaix guaw e ngiaa, suibongw guaw byy lixiuu jaix, in'ui guaw si jiapsuar vixsair ee siongrr buew jit xee, dng' guaw jriab diyc qunr-aw sii, li hitt xee jauw siongrr qinw suanxciuw ixqingx snax-jap bxew ar, mrqycc guaw dyrr si jaix, guaw e ngiaa, jex si guaw ee quann snuax qinggiam, hitt zit byy langg erdangr pah vai guaw, hex si jit jiongw ixx qik quann jongrtair junjai qycc jinjnair bingvik itcer ee simjingg, guaw byy zinruii dirr guaw snewmia-diongx iauxx qycc u viw jitt nng vaiw vixsair viauxhen kacc hyw ee dairjir ar. Hex jiong' guaw ee linglik tuisag quar qik quann, uanbiw singjiu surbut ee qinggiam.
B: m si soxu quann snuax qinggiam dy' sriok sneliw ee.
J: m si, qycc u qitnax jiongxlui ee quann snuax qinggiam. Guaw qongw :ee, si iuxquanx guaw qywzinn ee le.
B: JOYCE ee “sinsingr henxhen” neh?
J: jex si byy qang ee surbut. JOYCE duiww bixqamw qinggiam dingrgi si, be hro liw sniu beh jiamwiuw ee surbut. Hro liw sniu beh jiamwiuw doo ee gersudpinw, si settaiw ee jokpinw; narr be hro liw puepingg/ iacc si qirjuat mow hxang surbut, jitt lui ee jokpinw ix qra hyjyr suatqaur/ iacc si siarhue puepnuar. Bixqamw qinggiam si jit jiongw dansunn duiww surbut himsiongw/ qamxdong ee simjingg, JOYCE qongw, kixtauu liw e ixx mow xee qewqor qra knuawjyr jit hxang surbut, qycc laii e caqag diyc vorhun/ vorhun jiqanx, vorhun/ juantew jiqanx, juantew/ vorhun jiqanx ee quanhe. Jex si siongrr qivunw ee bixqamw insor --- suanlut/ jetjaur, quanhe qranx ee hyhaii liudong. Dng' gersudqax hyxzirun kar dinxdang jit diauu sinqingx sii, ix e qinggiam diyc qonghuix, jimr dirr bixqamw-diongx. Jex dyrr si “sinsingr henxhen”. Iong jongqaur ee uergiw, soxui busow-vutjai Qidog jingsinn ee denxhen.
B: qamxx si singwdoo qamxunx siongrder ee jinbinrbak?
BIXQAMW QINGGIAM SI CIAUUAT LUNLIW SUATQAUR EE
J: si'angw vingrr byy diongriaur. Liw kyxiw qra dongwjyr si liw siongxsiong-diongx ee quaiwsiur. bixqamw qinggiam si ciauuat lunliw/ suatqaur ee.
B: jitt diamw guaw ham' liw iwqenr byy qang. Gauw qamxqag uirr beh qinggiam diyc sinsingr ee henxhen, hro liw jin' himsiongw kiokk byy guanrir jiamwiuw ee duiwsiong, rair dirr mow hongbin si suiw jiacc e ing tihh. Duxx aw liw qongw diyc vixsair jauw ee quann snuax qinggiam, qongw hex u qraur suiw, “suiw” si bixhak ee iongrgiw, si jit jiongw hyhaii.
J: si lar.
B: liw qongw ee suiw, JOYCE soxui “sinsingr henxhen”, ham' gersut/ bixhak iuxquanx?
J: si.
B: guaw qamxqag inx si siyqang :ee, qaxsuw inx dy' si suiw, liw jnuaxngiu kyxlingg himsiongw jit jiah quaiwsiur, sanxsingx “sinsingr henxhen” ee qamxqag?
J: lingrgua jit jiongw ham' gersut iuxquanx ee jingqed, m si ui' bixqamw, si singhuaa laii :ee. Lanw soxui “quaiwsiur” ersaih virr knuawjyr jit jiongw singhuaa qinggiam, soxx dairviauw qiongdua ee lat, ixx jingwsiongg ee sing'uac hongsid si byy hxuad vau'iongg ee. Kongqanx ee buhan kokdenw hyrjyr singhuaa. Vudqauwdoo jaix zuhyy qra inx ee sirbiy kiw dirr sikdongx ee derdiamw, tongsiongg dirr quann snuax-dingw, laii jyrsingg jitt jiongw haurqyw. Vixzu, mow quaw Zidvunw biyrsi dniaa, hro langg sui' e ham' huehngg setqer u jin' bardaur qinggiam. Jitt sii liw hyxviw decc vreh snuax, knuar snuax naxx binrsex, tudzenn tenjewsnuar dirr liw ganxjingg kuah ~ ~ denxkuix, jiyh jitt xee qamxqag qiamxkinx liw jurgnow jip'id, iwsig kokdua qaur singhuaa/ uixdai ee qinggiam.
Lingrgua jit jiongw singhuaa si jin' dua ee lingliong laii ee. Guaw zinrbad jerje qingquer zircur dairjenr qiqanx, Ingqog/ Bixqog (IngBiw) lenhap derjensid (dertanxsid) dua hongjar ee Aujiulangg, u quiw xee qra jitt jiongw huizindy ee qinggiam m na biyue qaxx jin' kiongvor, qycc u moxjiongw tingdo si singhuaa/ uixdai ee qinggiam.
B: guaw bad hongxmng quer jit xee zircur dairjenr laurvingx, qongw diyc ix dirr BULGE jenwjingx ee texgiam, hitt xee oqnuaa mee, Dikqunx qiongbeh singqongx hitt sii, guaw mng “liw jitmaw huetauu knuar hitt sii, hex si sniaxngiu ee texgiam?” “si jit jiongw singhuaa/ uixdai ee qinggiam.” laurvingx anne rinr.
J: soxiw quaiwsiur si ixx jit jiongw sinn ee hongsid cuthen.
B: liw qongw ee quaiwsiur si jriw sniaw?
DNG' SIXBONGG TNISAIR JIAPQIN SII, SI KIONGXVOR EE, QANGWLIMM QAUR LIW SRINX-SIONG JNIAJYR HIXLOK
Guaw qongw ee quaiwsiur si jriw cuthen kyxpnar ee iauquair/ mosin'aw, e pacpuar soxu liw duiww hyhaii/ dedsu/ lunliw dyrdig ee pnuawduan viaujunw. Vixzu, Inwdorqaur snuax dua sinn ji' id ee VISHNU, dirr sewqair buadzit (buexzit) ixx quaiwsiur ee jutair cuthen, laii huixbet uxdiu, singx iong huew siyx, zenau duarjuiw, qra huew/ qitnax itcer surbut pokbet, cunx huexhux ixgau, sniaw dyrr byy ar, soxu ee uxdiu/ snewmia uanjuann virr huiw driau. Jex si siongrder ixx huixbedjiaw ee jutair cuthen. Jitt lui qinggiam si ciauuat lunliw/ bixhak pnuawduan, lunluw byy qycc junjai. Lanw sehongx jongqaur ixx langg jyr diongsimx, qiongdiau lunliw jancur, siongrder virr zinrding si sxen :ee. M si! M si! Siongrder si kiongxvor :ee. Zimrhyy erdangr congwjy cud dergak ee sinn, juadduir byy kyxlingg si qiuwsewqunx ee zinsuanw. Sniu knuar mai, sewqair buexzit neh! Danrsi ISLAM u jit xee quanhe sixbongg tensair ee qongxhuad “dng' sixbongg tensair jiapqin sii, si kiongxvor :ee, qangwlimm laii qaur liw srinx-siong sii, jniajyr hixlok :ee.”
Vudqaur hertongw digvet si TIBET Vudqaur, jingrjy quansiongw Vut vunxjunx, e ixx nng jiongw byy qang ee binrmau cuthen, jit xee si jusen ciywbin, lingrgua jit xee si hnuaibaii kiarbak qimqongx. Qaxsuw liw liac diauu jurgnow iwsig m vangr, quawluann zinqanx koxlok/ cinlangg, kiarbak qimqongx Vut vunxjunx dyrr e henwhingg, jex naxjunxx jin' qniax langg, itdanr liw kiwduu jipquad, qangrkuanw jingrjy quansiongw Vut vunxjunx, dyrr e ixx vowsix hixlok ee hingtair cuthen.
B: Iasox bad qongw, ix e jah jit qix qiamr laii, guaw byy siongsinr ix si anne duiwtai ix ee juxbinn. Ix sniu beh jiyh qiamr packuix lanw ee jurgnow, iong qiamr jamxdng jurgnow hanrjer, hro lanw did diyc juriuu.
J: jex dirr SANSKRIT hyrjyr VIVEKA, “hunvet” ee iwsur. U jit xee jin' diongriaur ee Vut, giac jit qix dyc huew ee qiamr quer tauu hiacc quann. Jit qix qiamr beh jyr sniaw iong? Si hunvet qiamr, jiong' siogser ham' ingxqiuw vunkuix, qra siqanx vutduan lrauu quer kir ee huandinn, ham' guanvunw siylenn ee ingxuanw sewqair vunkuix.
Siqanx dixdah sniax hro lanw qnir be diyc ingxuanw, lanw sing'uac dirr anne ee si'kongx-lai, kiokk huanxngiar cud ingxuanw ee guanjig/ henrsiong.
B: ingxuanw ee qinggiam.
J: qinglik quer soxui “guaw” ee qinggiam.
B: si ar, danrsi vutquanw ingxuanw si sniaw, rair henrsii jitt jun jiacc si.
TEXGIAM DIYC KOXLAN, HRO LANW JINR JIT VO TEXGIAM DIYC INGXUANW EE JUNJAI
J: vadd xui byy de cue. Byy dirr zimrhyy vadd soxjai. Qaxsuw liw berdangr jitt sii sui' qinggiam diyc, marr byy kyxlingg dirr tendongg cue .diyc. Tendongg m si ingxuanw, jixsirr dngquw ensiok ziiw.
B: guaw byy bingvik jitt xee dyrliw.
J: tendongg/ dergak tongsiongg virr biysiaw jyr ingqiuw :ee. Tendongg si siqanx vutduan/ m si ingxqiuw/ ingxuanw si ciauuat siqanx :ee. Siqanx ee qaiwliam vunxsinx ham' ingxuanw byy siyhap. Jixu duiww ingxuanw cimkig texzin ee qicow-siong, jiacc u jiaxee l.-laikir-k. zinqanx koxlan, jixiaur u siqanx ee soxjai, dyrr u koxlan, texgiam kow, e hro liw jinr jit vo texgiam diyc ingxuanw ee junjai, hex si lanw jinjniar ee snewmia.
B: Inwdorqaur snax dua sinn ji' id SIVA ee iwsiong, si virr huexkox/ huexlen uii lehh.
J: hex si tiauwdong sinbingg ee qonghuix. SIVA tiauwbuw si uxdiu vunxsinx, taumox -diongx, u jit xee qolotauu/ jit xee guehbaii, snex-siw qang jit bak nih, dyrr si banrbut snejniaa ee hitt kig; ciuw tec jit xee siyw qoxtuii, huad cud dixdah sniax, hex si siqanx qow, siqanx dixdah hro lanw qnir be diyc ingxuanw, lanw kud dirr siqanx-lai; lingrgua jit qix ciuw tec huew, e qra siqanx crunx e qaur ee soxjai siyx driau, hro lanw ee simx kaihongr hro ingxuanw.
SIVA si huisiongg qoxlyw ee sinbingg, kyxlingg si siongrr jaxqii, qaur dnaxx iuguann virr jongvair :ee. Qiwguann jingg nng-cingx~ nng-cingx go-vah dxangx jingg lauu lyc laii ee sinsiong, qidiongx u deh inr ee zinbut henxzenn si SIVA.
SIVA ee mow quaw huawsinx huisiongg kiongxvor, dairviauw snewmia vunxjid jerje bixbiau ee binrsiongr. Ix si YOGA guanhingg, puawduu zinsingx huanwsiong, dongsii marr si snewmia ee congwjyrjiaw/ huatdongrjiaw/ qakgnorjiaw.
B: sinue cuxliw ciaubudjid dethak, jongqaur marr cuxliw lunlixhak/ sxen-og/ guaw-liw jiqanx quanhe, guaw qaix zuhyy duitai liw, ixqibb zuhyy duiwtai qang si siongrder juxbinn ee tnazinn. Sinuerhak ee lunlixhak jiamr jnuaxngiu ee derui/ qaksig?
J: lanw qongw diyc ciaubudjid qinggiam, si jriw liauxqaiw liw ham' qitnalangg si ittew ee, lunlixhak si qauwdy lanw, zuhyy jiong' tnazinn/ jurqiw ittew ee taiwdo, lyhsit dirr sing'uac-diongx, benw iongxiuw texgiam, jongqaur qauwgi soxx qar hing'uii mosid, ixqingx unxhamm duiww tnazinn juvix ee jingsinn, qra lanw qongw, jursux jurli si juerog :ee, qoxbuw lanw jyr hyw dai. Jex ham' lanw ee sinkux itdir.
B: cniurr tnive hitt ngiu air liw ee cuwvnix, inx dyrr si tnive vunxsinx.
J: jiauww qauwgi hongrhingg sii, dyrr e u anne ee texhue.
B: liw qamxqag uirjnuaxngiu hiacc je langg snackuir ingxsingx?
J: jitt diamw guaw byy liauxqaiw.
B: jex si m si laijurr duiww dergak ee qniahniaa/ juanw duiww qitnax bogviaux ee qiawbang?
J: hex si viaujunw ee Qidokqaur qauwgi, dyrr si qongw sewqair buexzit laii sii, e u jit dniuu juewau simxpnuar, sxen :ee e jnriu tendongg, siaog :ee e lyc dergak.
Jitt xee qaiwliam erdangr duiziog qaur qxow EGYPT. OSIRIS siw qyc'uac ee sinn, simxpnuar sixjiaw sii, e ix ingxsingx ji' srinx ee qaksig cuthen. MUMMY si junxvi uirr sixjiaw binrduir sinbingg simxpnuar, cuwbi ee si, sixjaiw hiongr sinn vywdyr, si kir texzin jurqiw ham' sinn si ittew ee. Dirr Qidokqaur tuantongw, jex si byy unxjunw :ee. Zuqyw qongw, qandna' tendongg/ dergak tangx suanw, anne, liw dyrr hro guaw ingxuanw ee tendongg! Danrsi, liw liauxqaiw tendongg jixsirr siongrder bixsen iwsiong ee jit jiongw viauxdingx. Hitt xee sud jit bak si byy sriok siqanx ee, siqanx virr ciongpuar, ingxuanw m si mow xee mic qewsiok vutduan, liw erdangr dirr sewqanx zinjer quanhe ee qinggiam-diongx, sui' texhue .diyc.
Guaw jerje hyw ving'iuw/ verbuw ixqingx quewongw, mrqyxx guaw u huisiongg bibiau ee texhue, guaw byy sitkir inx, itdit ham' inx jywhuew, qaur dnaxx iuguann uac dirr guaw simx-diongx. Inx hro guaw :ee, ham' guaw dongjai, si ham' jurqiw siongquanx ee ingxuanw, naxx decc cuanxkuir hiacc jurzenn.
U jit xee quanhe SAKYAMUNI ee qowsu qongw, dng' ix u jit vaiw duw diyc jit xui duxx sitkir qniaxzii, hamrzip visiongx ee luxsingr, qongw “guaw qenwgi liw kir cue, dirr jitt xee sewqair si m si u langg jurlaii m bad sitkir inx vyxvuer ee qniaw/ angsair/ cinjniaa/ iacc si ving'iuw.” beh liauxqaiw liw hiuxbaiw ee snewmia, ham' liw luerjai moxjiongw ciauuat hiuxnua ee jinsit, si jin' lann :ee.
BE HIUXNUA SI JITT KIG SNEWMIA EE INGXUANW
B: sinue ciongbuanw snackuir be hiuxnua ee le? qamxx m si?
J:si ar, danrsi be nua virr gnorqaiw si sinkux ingxuanw junjai, hex si siauxcud. Ui' lingrgua jit bin, dng' be nua virr knuawjyr si liw jitt sii jitt kig snewmia ee ingxuanw sii, hex qycc byy qang ar.
B: liw qongw .quer, snewmia jingxqyy bunrdee si dirr jun'iuw/ snex-siw venwhur duiwlip decc sec?
J: si lar, danrsi venwhuar si vorhun ziiw, jun'iuw jiacc si juanvo.
B: jex si sniaw iwsur?
J: qaxsed liw jiong' beh venwsingg jit xee uanjuann ee langg, dirr kixtauu quiw nii, liw si jit xee ginxaw, jixsirr langg ee jit vorhun, quer liauw quiw nii au cingcunqii sii, hex marr si langg ee jit vorhun, danw qaur singsik duarhanr, liw iuguann jixsirr vorhun, liw byy qycc si ginxaw, mrqyxx liw iauxx bue lau. UPANISHAD u jit xee quanhe coqii qydo lingliong jibdiongx ee iwsiong, dairviauw hro uxdiu huatsingx dua vogjar, jiong' soxu ee surbut hunpair qaur puawcuir siqanx ee qewqor-diongx. Erdangr ui' puawcuir siqanx, knuar diyc snewmia guantauu ee uanjingw ligliong, si gersut qonglingg.
B: suiw si singjunn hixlok ee jit jiongw viauxdat.
J: muixx jit bag nih dy' qaix anne.
B: ham' jitt xee qinggiam sna' vixping, bin'axjair e venwsingg sniaw dyrr byy diongriaur ar.
J: jex si uixdai ee sud jit bak, BILL! Lanw beh jyr qaur :ee, si tauwquer byy uanjuann ee viauxdat hongsid, laii jiangxag lanw juxtew junjai.
B: qaxsuw lanw berdangr biyue siongrder/ qaxsuw lanw gixgenn viauxdat be cud, uirsniaxmic lanw kixjy ee qenwdiogbut dy' erdangr singhuaa qaur uixdai ee qingxqair? Gersudqax si jnuaxngiu qra inx siongxsiong ee siongrder huanxngiar dirr inx ee jokpinw neh? Lanw zuhyy jyr qaur?
J: hex jixsirr gersut ee huanxngiar/ jixsirr gersudqax simx-diongx ee siongrder/ jixsirr langg duiww siongrder ee qinggiam. Danrsi jiongbuew byhingg-bysiong ee ywvir, si ciauuat zinlui qinggiam ee.
B: soxiw, bylun lanw qinggiam diyc sniaw, gixgenn viauxdat liauw sniaw, dy' byy hxuad dag diyc jitt xee ywvir.
J: byy cyr! Hex dyrr si six junjai ee qonglingg, six si jit jiongw rair texhue ee gixgenn, suanw digding gixsuu viauxdat, iwbi diyc ciauuat gixgenn bunzi vunxsinx, liw jiacc e qinggiam diyc qonghuix/ iacc si “sinsingr henxhen”--- junjai vunxjid ee denxhen.
B: duiww siongrder ee qinggiam si ciauuat bunzi soxx biysiaw e cud :ee, mrqycc lanw vutditvud rair u biysiaw ee qamxqag?
ZINSINGX SI QYWZINN LUERJAI IWJIR EE JOKPINW
J: si lar, SCHOPENHAUER u miaa ee bunjiux < Lun Qywzinn Miarun ee Iwjir > jriw cud, dng' liw uac qaur mow jit xee nihuer, uat tauu knuar jurqiw itsingx, naxjunxx si u dedsu/ u qewue :ee, si siyxsuatqax congwjyr cud laii :ee. Hiaxee dongsii knuar kiw laii jixsirr gnoxzenn huatsingx ee guan'inx/ qingquer, byy zuarr quw au, kiokk jniajyr liw jingxqyy zinsingx berdangr kiamr ee iauwsor. Si'angw congwjy jitt xee qiogjingg neh? SCHOPENHAUER zinruii, cniurr liw jyr ee bang, si ui' liw amwiwsig mow vorhun soxx congwjy :ee, liw ee zinsingx si liw luerjai iwjir ee jokpinw. Narr cniurr liw duw diyc jit xee byy anwsngr siyduw ee langg, aurlaii kiokk venwjniaa liw snewmia-diongx berdangr kiamr ee jidvorhun, marr vutdix-vutqag hro liw vnuaenw snewmia iwgi ee qaksig. Jex jingxqyy surqnia cniurr jit siuw dua qauhiongxkig, muixx jit jed dy' jin' jurzenn ham' qitnax siyxjed siy' lenn. SCHOPENHAUER ee qetlun si, guaw ee zinsingx hyxcincniu uxdiu-diongx jyr bang :ee ee bangrqingw hitt ngiu, byy qang ee langg jyr byy qang ee bang. Muixx jit hxang surbut dy' ham' qitnax surbut sna' hap, ui' uxdiu qriuu singjunn ee iwjir laii tuisag. Inwdo sinue u jit xee uixdai ee iwsiong --- INDRA ee tenbang (THE NET OF INDRA), si vyxjiyc josingg ee bangrlo, muixx jit diauu siziongg qaujiab soxjai ee vyxjiyc, dy' e huanxjiyr cud qitnax soxu vyxjiyc ee ngiaxsiong. Muixx jit hxang surbut dy' horsiong si duiwhongx ee en'iuu, byy juadduir ee cywgno. Jitt xee qingxsiong hro langg qamxqag vuerau naxjunxx u jit xee iwjir junjai, vutduan hro huatsingx ee henrsiong iwgi, kiokk byy langg liauxqaiw sniaw iwgi, marr m jaix jurqiw si m si jiauww jitt xee iwsiong junjai.
B: liw qamxx siongsinr, lanw muixx jit xee langg ee snewmia dy' u inx ee bogdig?
J: guaw byy siongsinr snewmia u bogdig. Snewmia jixsirr jit qrunn guanhingjid, qiawbang jaiwsingx/ vutduan junjai ziiw.
B: liw anne qongw m driyc! m driyc!
J: danw .jit .xe, sunzenn ee snewmia jongrtair, si berdangr virr qongxjyr u bogdig ee, liw jixiaur knuar byy qang soxjai ee snewmia, u qokk sid byy qang bogdig dyrr jaix ar, danrsi liw ersaih qongw, muixx jit xee snewmia qywtew iongxiuw snewmia ee amwlik, zinsingx ee zimrbu si decc huathuix amwlik, zuhyy jyr qaur? Guaw e dab si “Jiauww liw simlingg cimdew ee hixlok laii qniaa.” dirr liw luersimx siongrr xe jann u moxjiongw linglik e qra liw qongw, liw dirsii uac qaxx u diongrsimx, marr jaix liw si m si qniaa dirr jingwdongx ee quixdy-siong. Zuqyw liw vuac lyc kir, jimwdimm dirr budjid-diongx, liw ixqingx sitkir snewmia. Narr qongxx liw itdit u diongrsimx decc uac, suibongw byy tanr zimrhyy jnii, iuguann iongxiuw simlingg siongrr cimx hixlok-diongx.
QUEWDINGG JIACC DIONGRIAUR
B: guaw jin' qac'ir “bogdig byy diongriaur, quewdingg jiacc diongriaur” jitt xee quandiamw.
J: si lar, KARLFRIED GRAF DURCKHEIM(1896-1988) bad qongw “dirr liw luxiuu quewdingg, bogdig suacc zuxx laii zuxx hng .kir, hro liw liauxqaiw luwdingg jiacc si jinjniar ee bogdig.” INDIANS NAVAHO u jit jiongw jin' cuwbi ee iwsiong, hyrjyr huehunxdy. Huehunw si snewmia ee guantauu, tonghiongr snewmia ee hudsimx. NAVAHO qongw, “ar! Suiw dirr guaw ee taujingg/ aurviah/ jniawvingg/ dywvingg/ dingxbin/ erkax, guaw dirr huehunxdy-siong.”
B: EDEN Hngg quewkir m si, birlaii e si.
J: EDEN Hngg jitmaw dyrr si, “tenqog dirr muixx jit xee soxjai, langg knuar be diyc.”
B: EDEN Hngg dirr jitmaw jitt xee ciongbuanw koxlan/ sixbongg/ voglik ee sewqair?
J: hex jixsirr qamxsiu ee hongsid, danrsi dyrr si EDEN Hngg. Dng' liw knuar muaxsiwqer si tenqog, guanlaii ee sing'uac taiwdo dyrr byy qycc junjai, si sewqair buexzit, hex m si jit qnia jiong' beh huatsingx ee surqnia, si simliw ee juanxhuar, ganxqongx ee qaixvenr. Liw knuar diyc :ee, byy qycc si iu' qowding surbut josingg :ee, si qonghuix ee sewqair.
B: guaw qra “tnive ee jingsinn dirr bacsinx” jitt qxur sinvir/ qiongg qycc u lat ee ue, qaixsueh jyr ingxuanw ee guanjig. Dirr zinsingx lo-siong/ lanw ee qinggiam, qurtew henxcud.
J: liw marr erdangr jiong' tnive ee jingsinn dirr liw srinx-siong cue .diyc.
B: zuqyw byy dirr jurqiw srinx-siong cue .diyc, qycc u dyhh cue e diyc?
J: lanw ciangjai qongw “six si viauxdat ciauuat bunzi ee jingsinn”, GOETHE qongw “soxu ee surbut dy' si vixzu.” soxu venwhuar ee surbut, jixvutqyr si vixzu ziiw. Lanw longxx si.
B: uirhyy langg e jongvair vixzu, hiacc liuluann vixzu, qycc uirr vixzu hisingx snewmia?
J: hex si juann sewqair ee langg soxx jyr ee dairjir --- uirr vixzu hisingx. Liw narr liauxqaiw AUM ee iwgi, dyrr byy su'iaur guarcud/ uirr zimrhyy bogviaux siw. In'ui AUM ixqingx ham'iongg itcer, jixiaur anjing jre lyc laii, knuar diyc AUM, texgaim AUM, jaix hex dyrr si AUM. Jex si quann snuax qinggiam.
B: cniaw liw qaixsueh “AUM” sniax.
J: duiww lanw ee hni laii qongw, “AUM” sniax si soxu henrsiong surbut qicow ee uxdiu lingliong. Cuir-lai singx huad cud AHH, zenau cuir veckuix qaur siongrr dua ee Oo sniax, qycc laii si habcuir ee Mm sniax. Liw erdnagr jingwkag huad cud jitt snax ee imx sii, soxu buximx longxx vauquad jairlai ar. AUM! Juximx dirr jiax virr dongwjyr jixsirr pacdng qivunw buximx ee sniax. Soxu ee zirimx jixsirr “AUM” ee cuiwpenr ziiw, cniurr soxu ee iwsiong, jixsirr qauwqik iwsiong ee jit siyw pxenr qangrngiu. AUM sniax kuriuw siongrdingx iwgi, hro liw ham' hex qiongrbingg ee uxdiu jiapciog. Zuqyw liw bad tniax quer TIBET LAMA siongrqingx AUM ee log'imduar, dyrr e jaix jitt xee sniax ee iwgi, hex si uxdiu AUM sniax dirr sewqair ee junjai, ham' jitt xee sniax jiapciog/ qycc hiauxgno jinjniar ee iwgi, si siongrr quann snuax buexliux ee jinsit junjai qinggiam.
“A-U-M” si cutsir/ singdiongw/ sixbongg sunkuann snax vxo kxig. “AUM” virr cingjyr “sir qeh imjed”, duliauw A-U-M ixgua, derr sir qeh imx si sniaw? Si diamrjing byy sniax. AUM ui' diamrjing laii, marr qriux diamrjing, si AUM ee qicow. Guaw ee snewmia si A-U-M, qycc jit xee diamrjing jyr qicow, jex si lanw soxui be hiuxnua, snewmia e hiuxnua byy .kir; zuqyw byy be hux kir :ee, dyrr byy hiuxnua :ee. Langg ee junjai, vitzenn e kuvet snewmia ee nng-binrsiongr. Dirr guaw ham' ixqingx quewongw ee verbuw jywhuew ee qinggiam-diongx, hro guaw liauxqaiw siqanx sunrsi ee quanhe ixgua, qycc u kacc cimx jancur ee junjai. Dongzenn marr si in'ui siqanx sunrsi ee mow quaw quanqenr sikig, jiacc hro guaw cimkig liauxqaiw jitt xee kacc cimdimm iwgi ee quanhe, cingcyw e qir .did jiaxee sikig, inx si “sinsingr henxhen”/ tenkew/ qonghuix ee sikig.
B: henxzenn jitt jann iwgi byy hxuad iong gixgenn viauxdat.
J: si lar, gixgenn ingxuanw u moxjiongw digsingr, incuw si u hanrjer ee.
B: mrqycc lanw vibii ee langg, marr jixu kyxlenn ee gixgenn jiacc u kyxlingg lauu lyc laii, bylun hex u zuarr suiw, jongxsi byy hxuad viauxdat cud lanw sniu beh qongw :ee ---
J: si lar, jex marr si uirsniaxmic quann snuax qinggiam ciauuat itcer, ciauuat henrjai/ birlaii ee guan'inx.