JOHAN EE DERR ZI DNIUX PUEX
Juer dniuxlyw :ee, puex qiar hro siurr qingxsuanw, siurr junquir ee hurzinlangg qapp ix ee qniaxzii, dyrr si guaw dirr jinliw soxx tniar :ee; qycc m na guaw, qniwnarr bad jinliw :ee iarr longxx si anxnix.
2 Tniar linw si uirdiyhh jinliw, jitt xee jinliw dyrr si diamr dirr lanw :ee, iarr beh ingxuanw qapp lanw dilehh.
3 Undenw, linbinw, ving'anx, dui' Ve Siongrder, iarr dui' Ve ee Qniaw, Jesus Krist, dirr jinliw qapp tniawtangr, beh qapp lanw dilehh.
4 Guaw jin' hnuahiw, in'ui duw diyc liw ee qniaxzii u jiauww lanw dui' Ve niaxsiu ee bingrling dirr jinliw laii qniaa.
5 Junquir ee hurzinlangg ar, dnaxx guaw qriuu liw, m si siaw sinx ee bingrling hro liw, si lanw dui' kixtauu soxx u :ee, dyrr si dairqex diyhh sna' tniar.
6 Lanw jiauww Ix ee bingrling laii qniaa, jiauww linw dui' kixtauu soxx tniax .qnir .ee, jex dyrr si hitt xee bingrling.
7 In'ui u jerje behik langg :ee cud laii zip sewqanx, dyrr si m zin Jesus Krist dirr ziogtew laii :ee. Jitt xee dyrr si hitt xee behik langg :ee, iarr si duiwdik Krist :ee.
8 Linw diyhh qinxsin qaqi, benw did linw sitlyc lanw soxx diyhbuaa :ee, tangx did diyc muaxjiog ee vywsniuw.
9 Qniwnarr jinwjingg, qycc byy diamr dirr Krist ee qawsi :ee, byy u Siongrder; diamr dirr hitt xee qawsi :ee, dyrr u Ve qapp Qniaw.
10 Narr u langg qaur linw hiax, iarr byy tuann jitt xee qawsi, dyrr m tangx jiaplap ix zip cur, iarr m tangx qra ix cingxanx;
11 In'ui qra ix cingxanx :ee, u hxun dirr ix ee pnaiw ee soxx qniaa.
12 Guaw u jerje hxang beh siaw hro linw, m air ing juaw qapp bxak; si ngwbang qaur linw hiax, dngbin snaqab qongw, hro linw ee hnuahiw ciongmuaw.
13 Liw siurr qingw ee jixbe ee qniaxzii longxx qra liw cingxanx.