Kolinto 1
SXINGR PAUL SIAW HRO KOLINTOLANGG EE TAUU JIT DNIUX PUEX
1 Dui' Siongrder ee jixir siurr driaur juer Jesus Krist ee suwdoo Paul, qapp hniadi Sostenes,
2 Puex qiar hro Siongrder ee qauwhue dirr Kolinto :ee, dyrr si diamr dirr Krist Jesus jniaa sxingr, siurr driaur juer singwdoo, ixqip qniwnarr dagg soxjai qiuqiyr lanw ee Jruw Jesus Krist ee miaa :ee, Jruw si inx ee, iarr si lanw ee:
3 Guan linw dui' lanw ee Ve Siongrder qapp Jruw Jesus Krist did diyc undenw ving'anx.
4 Guaw siongsiongg ter linw qamxsia guaw ee Siongrder, si uirdiyhh Siongrder ee undenw dirr Jesus Krist bad sniuxsur linw :ee,
5 In'ui linw diamr dirr Ix dagg hxang dairjir huwjiog, kauxjaii diwsig byy m jiauvi,
6 Cincniu Krist ee qanjingr did diyc qenqor dirr linw ee diongqanx,
7 Drir qaur linw dirr jiaxee undenw byy jit hxang byy qauwgiac, laii tingwhau lanw ee Jruw Jesus Krist ee henxhen;
8 Ix iarr beh qenqor linw qaur lorbuew, dirr lanw ee Jruw Jesus Krist ee zit byy tangx hiamm.
9 Siongrder si sinwsit, linw dui' Ix siurr driaur laii qapp Ix ee Qniaw lanw ee Jruw Jesus Krist qetlenn.
10 Hniadi ar, dnaxx guaw dui' lanw ee Jruw Jesus Krist ee miaa krngr linw girlun longxx diyhh sna' qangg, linw diongqanx byc did u hunx dongw, dyrr si diyhh jit simx jit ir dairqex sna' kewhap.
11 Guaw ee hniadi ar, Qloe Sri qrex-lai ee langg bad qra guaw qongw, linw diongqanx u sna' jnex.
12 Guaw ee iwsur si qongxx linw dagg langg u decc qongw, "Guaw sriok Paul", "Guaw sriok Apollos", "Guaw sriok Cefas", "Guaw sriok Krist".
13 Krist qamxx u vunkuix mah? Paul qamxx ter linw ho'ngg dingr sibzirqer mah? Iacc si linw bad siurr sexlew qruix dirr Paul ee miaa mah?
14 Guaw qamxsia Siongrder, dirr Klispus qapp Gaius ixgua, guaw m bad qra linw jit langg qniaa sexlew,
15 Benw did langg qongw linw siurr sexlew qruix dirr guaw ee miaa.
16 Guaw iarr qra Stefan jit qrex ee langg qniaa sexlew, qi'uu u qra vadd langg qniaa sexlew iacc byy guaw kiokk be qir .did.
17 In'ui Krist crex guaw m si beh qniaa sexlew, si beh tuann hok'imx; vutjai gengiw ee diwhui, benw did Krist ee sibzirqer qruix dirr kangx kangx.
18 Sibzirqer ee dyrliw, hitt quaw dimlunn ee langg qra knuar juer gong, lanw did qiur ee langg knuar juer Siongrder ee quanlingg.
19 In'ui u qiwjair qongxx, "Guaw beh bedbyy diwhui ee langg ee diwhui, iarr beh kiwsag cangmiaa ee langg ee cangmiaa."
20 Diwhui ee langg dirr daxlyc? Qinghagsu dirr daxlyc? Jitt sewqanx hnor venrlun ee langg dirr daxlyc? Siongrder qamxx m si hro sewqanx ee diwhui venr jniaa gong?
21 In'ui sewqanx qiwzenn dui' inx ee diwhui m bad Siongrder, Siongrder dyrr hnuahiw dui' soxx suantuann ee gong laii qiur jiaxee sinr ee langg; jex longxx si Siongrder ee diwhui.
22 In'ui Judealangg qriuu sinziah, Gleeklangg cue diwhui.
23 Guanw tuann dingr sibzirqer ee Krist, duiww dirr Judealangg si tatgai, duiww dirr guarvanglangg si gugong;
24 Narr si duiww dirr siurr driaur :ee, bylun Judea iacc Gleek, Krist si juer Siongrder ee quanlingg, Siongrder ee diwhui.
25 In'ui Siongrder ee gugong viw langg kacc diwhui, Siongrder ee luanxziok viw langg kacc iongxjongr.
26 Hniadi ar, cir knuar linw ee siurr driaur, jiauww ziogtew u diwhui :ee byy zuarr je, u quanlik :ee byy zuarr je, u junquir :ee iarr byy zuarr je;
27 Danrsi Siongrder qingw sewqanx ee gong :ee, laii hro diwhui ee langg qenwsiaur; Siongrder iarr qingw sewqanx ee luanxziok :ee laii hro iongxjongr :ee qenwsiaur;
28 Siongrder iarr qingw sewqanx vijen :ee, langg knuar m jnriu bak :ee, ixqip hiaxee byy :ee, laii huewbyy hiaxee u :ee;
29 Hro qniwnarr u ziogtew :ee dirr Siongrder ee binrjingg byy tangx kuakauw.
30 Danrsi linw dui' Siongrder did diyc diamr dirr Krist Jesus, Ix dui' Siongrder ter lanw jniaa juer diwhui, qycc juer gi, jniaa sxingr, ixqip sioghuee,
31 Drir qaur jiauww soxx qiwjair qongxx, "Kuakauw ee langg diyhh ing Jruw laii kuakauw."
2 Hniadi ar, guaw jingg jiurqin linw, byy ing cimdimm ee gengiw, iacc si diwhui, laii duiww linw tuann Siongrder ee ywbiau.
2 In'ui guaw quatduan dirr linw diongqanx m jaix vadd hxang, jixu jaix Jesus Krist dingr sibzirqer :ee nardnia.
3 Qycc guaw qapp linw dilehh ee sii si luanxziok, qniahniaa, qycc girgi cuah.
4 Guaw soxx qongw soxx tuann :ee vutjai diwhui qapp hyw tniax ee ue, si jairdirr Singwsinn qapp quanlingg ee cenxbingg;
5 Beh hro linw ee sinr vutjai langg ee diwhui, si jairdirr Siongrder ee quanlingg.
6 Danrsi guanw dirr lenrdat ee langg ee diongqanx qongw diwhui; dogdok m si jitt sewqanx ee diwhui, iarr m si jitt sewqanx jiaxee beh huewbyy :ee, jiangxquann :ee ee diwhui,
7 Si qongw Siongrder ywbiau diongx ee diwhui, jingg soxx unxbat :ee, dyrr si Siongrder dirr banrsewdai ixjingg soxx dairsingx dniardiyc hro lanw did diyc ingqngx :ee.
8 Jitt xee diwhui, jitt sewqanx jiangxquann :ee byy jit xee jaix; narr jaix, dyrr byy jiong' ingqngx ee Jruw dingr dirr sibzirqer;
9 Jex si jiauww soxx qiwjair qongxx, "Siongrder uirdiyhh tniar Ix ee langg soxx virvan :ee, si bagjiux m bad knuar .qnir, hnirkangx m bad tniax .qnir, langg ee simx m bad sniu .diyc .ee."
10 Danrsi Siongrder u ing Singwsinn qra lanw henxbinn; in'ui Singwsinn tauwted banrsu ixqip Siongrder ee cim'yr.
11 Dnaxx langg ee su, narr m si ix qaqi ee sinn, vadd langg jirjui e jaix? Anxnix Siongrder ee su, narr m si Siongrder ee Sinn, iarr byy jit xee e jaix.
12 Lanw soxx did .diyc .ee m si sewqanx ee sinn, si dui' Siongrder laii ee Sinn, beh hro lanw jaix Siongrder soxx vehvec sniuxsur lanw :ee.
13 Qycc guanw qongw jiaxee su, m si ing langg ee diwhui soxx qawsi ee ue, si ing Singwsinn soxx qawsi :ee, jiong' sinlingg ee ue hyhap sinlingg ee su.
14 Danrsi sriok hetkir ee langg byy singsiu Siongrder ee Sinn ee su, ix dendyww qra knuar juer gong; ix iarr be e bad inx, in'ui diyhh dui' sinn jiacc e cunxdok.
15 Dogdok sriok sinn ee langg cunxdok banrhang su, qycc qaqi byy hro langg cunxdok.
16 In'ui jirjui jaix Jruw ee simx u kir qawsi Ix ar? Danrsi guanw u Krist ee simx.
3 Hniadi ar, guaw jingg qapp linw qongxue, be e liac linw juer sriok sinn ee langg, si juer sriok ziogtew ee langg, diamr dirr Krist si juer ngex-aw :ee.
2 Guaw bad ing linx cri linw, byy ing bixniuu; in'ui linw jingg be kamx .did, qaur dnaxx iauxx be e;
3 Si in'ui linw iauxx tranr ziogtew. Linw diongqanx qiwzenn u uanwdor sna' jnex, qamxx m si tranr ziogtew, jiauww langg ee kuanw laii qniaa mah?
4 Jitt xee qongw, "Guaw sriok Paul", hitt xee qongw, "Guaw sriok Apollos", anxnix linw qamxx m si tranr langg ee iwsur mah?
5 Apollos si simxmih? Paul si simxmih? Vutqyr si ce'ing, si jiauww Jruw soxx sniuxsur dagg langg :ee, linw soxx dui' inx laii sinr :ee.
6 Guaw jaijingr, Apollos ag juiw, dogdok Siongrder hro ix duarjangg.
7 Anxnisnix, duliauw hro ix duarjangg ee Siongrder, jaijingr :ee, ag juiw :ee, longxx be sngr did siaur.
8 Jaijingr :ee qapp ag juiw :ee si jidngiu; danrsi dagg langg jiauww qaqi ee diyhbuaa beh did diyc qaqi ee qangjnii.
9 In'ui guanw si qapp Siongrder dangjee diyhbuaa :ee; linw si Siongrder soxx jyh ee hngg, Siongrder soxx kiw ee cur.
10 Jiauww Siongrder soxx sniuxsur guanw ee xunx, guaw cincniu diwhui ee saihurtauu u he derqix, vadd langg kiw dirr hitt dingxbin. Jongwsirr dagg langg diyhh qinxsin jnaixngiu kiw ix.
11 In'ui soxx he ee derqix dyrr si Jesus Krist, ixgua byy langg e he vadd xee derqix.
12 Langg narr ing qimx, ginn, vyxjiyc, caa, diurqyw, kiw dirr jitt xee derqix dingw,
13 Dagg langg ee qangx decbeh lorhen, in'ui hitt zit dyrr beh qra henxbingg .cud .laii, si beh dui' huew laii henxhen; qycc huew beh ciwgiam dagg langg ee qangx si simxmih kuanw.
14 Langg soxx kixjy ee qangx narr iauxx lauu lehh, ix dyrr beh did diyc qangjnii;
15 Langg ee qangx narr siyliyx .kir, ix dyrr duw diyc sunxsit; dogdok vunxsinx beh did diyc qiur, mrquxx si cincniu dui' huew-diongx tuad cud.
16 Qamxx m jaix linw si Siongrder ee dxen, Siongrder ee Sinn diamr dirr linw lairbin mah?
17 Langg narr huixhuai Siongrder ee dxen, Siongrder beh huixhuai ix; in'ui Siongrder ee dxen si sxingr, dxen dyrr si linw jiaxee.
18 Langg m tangx qaqi penr qaqi. Linw diongqanx narr u langg liac qaqi dirr jitt sewqanx juer u diwhui, dyrr diyhh jniaa juer gong, tangx jniaa juer u diwhui.
19 In'ui jitt sewqanx ee diwhui jiauww Siongrder knuar si gong; in'ui u qiwjair qongxx, "Hro jiaxee diwhui ee langg driongr inx qaqi ee kuixked."
20 Qycc qongw, "Jruw jaix u diwhui ee langg ee liamrtauu si kangx kangx."
21 Soxiw m tangx jiong' langg laii kuakauw, in'ui banrmic si linw ee.
22 Bylun Paul, iacc Apollos, Cefas, sewqair, uac, siw, henrjai :ee, jionglaii :ee, longxx si linw ee.
23 Linw si Krist ee, Krist si Siongrder ee.
4 Langg diyhh liac guanw juer Krist ee ce'ing, juer Siongrder jiaxee ywbiau ee quanxqex.
2 Qycc soxx ngwbang dirr quanxqex :ee, si rair ix jinrdiongx.
3 Narr si guaw hro linw iacc si vadd langg puepingg, guaw liac juer qik siyxkuaw ee su; lenrr guaw iarr byy qaqi puepingg.
4 In'ui guaw m jaix qaqi u simxmih tangx jikvi, danrsi guaw iarr byy dui' jitt xee did diyc cxingx juer gi; dogdok puepingg guaw :ee dyrr si Jruw.
5 Soxiw sii bue qaur, linw byc did puepingg simxmih, tingwhau Jruw qaur, Ix beh ing qngx jiyr dirr oamr jiaxee unxbat ee su, henxbingg jiaxee simlai ee qewboo. Hitt sii, dagg langg beh dui' Siongrder did diyc ix ee ylyw.
6 Hniadi ar, guaw uirdiyhh linw jiaxee jiyh vunxsinx qapp Apollos laii qongw kiw jiaxee dairjir, si beh hro linw dirr kuanxtai guaw ee su laii hagsip jitt qxur, "Byc did quewtauu dirr soxx qiwjair"; benw did linw jurqyx, jundiong jitt xee, knuawkinx hitt xee.
7 Jirjui hro liw qycngiu dirr vadd langg ar? Liw soxx u :ee, daxlyc jit hxang m si dui' sriu :ee? Narr si dui' sriu :ee, jnaixngiu kuakauw, naxx cincniu m si dui' sriu :ee ar?
8 Linw ixqing’ vaxjiog, ixqing’ vuwu, linw ixqing’ juer ongg, guanw byy hxun; guaw jinjniar rair linw juer ongg, hro guanw iarr qapp linw snaqab juer ongg.
9 In'ui guaw decc sniu, Siongrder u andir guanw jiaxee suwdoo dirr buexliux, cincniu griw siw ee huanrlangg; in'ui guanw jniaa juer jit vnxii hxir, hro sewqanx, tnisair, qapp langg knuar.
10 Guanw uirdiyhh Krist juer gong, linw diamr dirr Krist juer diwhui; guanw luanxziok, linw iongxjongr; linw junquir, guanw vijen.
11 Qaur dirr jitt diap, guanw iaux, qycc cuiwdax, tngwvakteh, hro langg jringx, byy dniardiyc ee soxjai;
12 Qycc diyhh lykow juer qangx; siurr luexme, dyrr qra langg jiokhog; siurr kunxdiok, dyrr tunlunw;
13 Siurr huixvongr, dyrr qapp langg hyxcuir. Itdit qaur qinaxzit, guanw iauxx jniaa juer sewqanx ee vunwsyr, banrmic ee jedaiw.
14 Guaw siaw jiaxee m si beh hro linw qenwsiaur, si qingxqair linw, cincniu guaw soxx tniar ee qniaw.
15 In'ui linw diamr dirr Krist, sensnix suizenn qangxx bxan, danrsi laurve dyrr byy je xee; in'ui dirr Krist Jesus, guaw bad dui' hok'imx laii snix linw.
16 Soxiw guaw krngr linw diyhh yc guaw.
17 In'ui anxnix, guaw ixqing’ crex Timoti kir linw hiax, ix diamr dirr Jruw si guaw soxx tniar qycc jinrdiongx ee qniaw; ix beh hro linw qir did guaw diamr dirr Krist ee qniadac, dyrr si cincniu guaw dagg soxjai, dirr dagg xee qauwhue soxx qawsi :ee.
18 U langg jurqyx, liac juer guaw byy beh qaur linw hiax.
19 Jruw narr unxjunw, guaw beh qinw qinw kir jiurqin linw; qycc guaw soxx beh jaix :ee, m si hiaxee jurqyx ee langg ee ue, si inx ee quanlingg.
20 In'ui Siongrder ee qog vutjai qongxue, si jairdirr quanlingg.
21 Linw rair jnaixngiu? Guaw jiurqin linw diyhh giac cuee-aw kir? Iacc si ing zin'air qapp unziuu ee simsinn ar?
5 Kaksit tniax qnir linw diongqanx u imluan, qycc hitt hy imluan si guarvangx diongx soxx byy :ee, dyrr si u langg u ix ee laurve ee bow.
2 Linw iauxx decc jurqyx, qingwzenn byy aisiongx, jiong' qniaa jitt hy dairjir ee langg dui' linw diongqanx druu .kir.
3 Guaw sinkux sna' lirkuix linw, danrsi simsinn qapp linw sna' qin, cincniu cinsinx dilehh, u gixdnia qniaa jitt hy su ee langg.
4 Tog lanw ee Jruw Jesus ee miaa, linw jiaxee jurjip ee sii, guaw ee sinn iarr dilehh, qycc u lanw ee Jruw Jesus ee quanlingg,
5 Jiong' hitt hy langg qaux hro Satan, drir qaur vairhuai ix ee ziogtew, beh hro ix ee sinn dirr lanw ee Jruw Jesus ee zit did qiur.
6 Linw ee kuakauw m si hyw. Qamxx m jaix damrvyc qnar huad qui' sngg mah?
7 Qiwzenn linw si byy qnar :ee, diyhh qra qu ee qnar druu qaur cringx, hro linw jniaa juer sinx ee sngg. In'ui lanw Vnuaquewjeh ee ngiuqyx iarr ixqing’ taii, dyrr si Krist.
8 Soxiw lanw diyhh siuw jeh, byy ing qu ee qnar, iarr byy ing pnaiw simx okdok ee qnar, si ing sunjuann jinsit ee byy qnar vnaiw.
9 Jingg guaw siaw hitt dniux puex hro linw, qiyr linw m tangx qapp imluan ee langg camjap.
10 Jex m si huanwhuanr qiw jitt sewqanx imluan :ee, iacc si tamsimx :ee, ligsig :ee, vair gnoxsiong :ee; narr beh anxnix, diyhh lirkuix sewqanx jiacc e.
11 Dnaxx guaw siaw puex hro linw si qongxx, narr u langg cxingx juer hniadi :ee u qniaa imluan, iacc si tamsimx, vair gnoxsiong, luexme, hnor jiuw, ligsig :ee, byc did qapp ix camjap; jitt hy langg lenrr qapp ix jiac iarr m tangx.
12 In'ui pnuawduan guarbin ee langg qapp guaw u simxmih qansiap? Lairbin ee langg qamxx m si linw laii pnuawduan?
13 Guarbin ee langg dyrr Siongrder laii pnuawduan. Hitt xee pnaiw langg diyhh dui' linw diongqanx druu .kir.
6 Linw diongqanx u langg qapp langg' uanqex, qamxx qnaw dirr vutgi ee langg ee binrjingg qryr, byy dirr singwdoo ee binrjingg mah?
2 Iacc si linw m jaix singwdoo beh simxpnuar sewqanx? Sewqanx siongrcniaw hro linw simxpnuar, suacc be kamx did simxpnuar qik siyxkuaw ee su mah?
3 Qamxx m jaix lanw beh simxpnuar tnisair? Hyhongw qimser ee su mah?
4 Dnaxx linw narr u qimser ee su diyhh simxpnuar, linw qamxx si ing qauwhue diongx byy miazi :ee simxpnuar mah?
5 Guaw qongw anxnix si beh hro linw qenwsiaur. Linw diongqanx qamxx byy jit xee u diwsig ee langg, erdangr pnuawduan ix ee hniadi diongx ee su mah?
6 Qingwzenn si hniadi qryr hniadi, suar qycc qryr dirr m sinr ee langg ee binrjingg.
7 Dnaxx linw u sna' qryr ee su, ixqing’ longxx si linw ee dua sitcyr. Sniaw su m lingkow siurr uan'ongw? Sniaw su m lingkow siurr kikkuix ar?
8 Danrsi linw qingwzenn uan'ongw langg, kikkuix langg, hongwqiamx jiaxee langg si hniadi.
9 Qamxx m jaix vutgi ee langg be e singjiab Siongrder ee qog mah? Byc did cywgo; imluan :ee, vair gnoxsiong :ee, qniaa qan'imm :ee, juer luandongg :ee, hnor lamsig :ee,
10 Juer cat :ee, tamsimx :ee, hnor jiuw :ee, luexme langg :ee, ligsig langg :ee, longxx berdid singjiab Siongrder ee qog.
11 Linw diongqanx u langg jaw si anxnix; danrsi dirr Jruw Jesus Krist ee miaa, qapp lanw ee Siongrder ee Sinn, linw ixqing’ siurr sew cringx, ixqing’ did diyc jniaa sxingr, ixqing’ cxingx juer gi.
12 Huanrsu guaw longxx tangx, danrsi byy itjin u lirig. Huanrsu guaw longxx tangx, danrsi byy jit hxang guaw beh hro ix quanw.
13 Jiac si uirdiyhh vakdow, vakdow iarr si uirdiyhh jiac; danrsi jitt nng hxang Siongrder longxx beh qra hruer .kir. Dogdok sinkux m si uirdiyhh imluann, si uirdiyhh Jruw, Jruw iarr si uirdiyhh sinkux.
14 Siongrder bad hro Jruw qycc uac, iarr beh dui' Ix ee quanlingg hro lanw qycc uac.
15 Qamxx m jaix linw ee sinkux si Krist ee vactew? Guaw qamxx tangx jiong' Krist ee vactew juer ciongqix ee vactew mah? Duanrduan m tangx.
16 Iacc si linw m jaix qapp ciongqix lenhap :ee, si qapp ix juer jidtew? In'ui Ix qongw, "Nng xee beh jniaa juer jidtew."
17 Dogdok qapp Jruw lenhap :ee si jit xee sinn.
18 Diyhh siamxvi imhing. Langg soxx huan dagg hxang ee jue longxx si sinkux gua :ee; narr si qniaa qan'imm :ee, si huanrjue qaur dirr qaqi ee sinkux.
19 Iacc si linw m jaix linw ee sinkux dyrr si Singwsinn ee dxen; Singwsinn diamr dirr linw, dyrr si linw dui' Siongrder soxx u :ee?
20 Qycc linw m si qaqi :ee, si ing qewjnii brew :ee. Soxiw diyhh dirr linw ee sinkux ingqngx Siongrder.
7 Lun qaur linw soxx siaw ee su, guaw qongw, "Davolangg byy cinqin hurzinlangg si hyw."
2 Uirdiyhh qniax u imluan ee enqor, dagg langg diyhh u qaqi ee bow, hurzinlangg iarr dagg xee diyhh u qaqi ee diongrhux.
3 Diongrhux duiww hurzinlangg diyhh jiauww soxx habgii :ee kuanxtai ix, hurzinlangg duiww diongrhux iarr diyhh anxnix.
4 Hurzinlangg byy qxuann tangx juxir qaqi ee sinkux, si diongrhux juxir; diongrhux iarr byy qxuann tangx juxir qaqi ee sinkux, si hurzinlangg juxir.
5 Byc did sna' kuihu; dogdok narr dairqex dangsimx beh jiamrsii sna' li, tangx juanbu qidyw, au .laii iuguann snaqab druar, benw did Satan tanr linw ee jing'iok be qimr .did, laii cir linw.
6 Guaw qongw anxnix, si unxjunw, m si bingrling.
7 Guaw rair langg longxx cincniu guaw. Dogdok dagg langg dui' Siongrder uirr qaqi ee unsur, uree jitt kuanw, uree hitt kuanw.
8 Guaw duiww byy qewcua :ee qapp jiuxqnuaxlangg qongw, inx narr dngdngg cincniu guaw, jex si hyw.
9 Setsuw qaqi be qimr .did, dyrr diyhh qewcua; in'ui qewcua si kacc hyw dirr ioghuew decc dyc.
10 Guaw bingrling ixqing’ qewcua :ee, qisit m si guaw, si Jruw bingrling. Hurzinlangg byc did lirkuix diongrhux.
11 Narr si ixqing’ lirkuix, dyrr diyhh dngdngg byy qer, iacc si qapp diongrhux qycc hxyy; diongrhux iarr m tangx vangwsag hurzinlangg.
12 Duiww qi'uu :ee guaw qongw, m si Jruw qongw: Narr hniadi u hurzinlangg byy sinr Jruw, hurzinlangg hnuahiw snaqab druar, dyrr byc did vangwsag ix.
13 Hurzinlangg u diongrhux byy sinr Jruw, diongrhux hnuahiw snaqab druar, iarr byc did vangwsag ix ee diongrhux.
14 In'ui byy sinr Jruw ee diongrhux dui' hurzinlangg did diyc sxingr, byy sinr Jruw ee hurzinlangg dui' diongrhux did diyc sxingr; narr m si anxnix, linw ee qniaxzii dyrr byy cingkir; dnaxx inx si sxingr.
15 M sinr :ee narr lirkuix, dyrr quwjai ix lirkuix; hniadi iacc jixbe dirr jiaxee su byy siurr kusog. Siongrder driaur lanw si beh hyvingg.
16 Hurzinlangg ar, liw taixtyw jaix e qiur diongrhux iacc byy? Diongrhux ar, liw taixtyw jaix e qiur hurzinlangg iacc be?
17 Dogdok jiauww Jruw soxx sniuxsur dagg langg :ee, jiauww Siongrder soxx driaur dagg langg :ee, diyhh anxnix qniaa. Dirr dagg xee qauwhue guaw soxx huanhur iarr si anxnix.
18 U langg ixqing’ siurr qatlew laii did diyc driaur mah? Anxnix dyrr byc did huewbyy qatlew. U langg bue siurr qatlew laii did diyc driaur mah? Anxnix dyrr byc did siurr qatlew.
19 Siurr qatlew be sngr did siaur, byy siurr qatlew iarr be sngr did siaur; dogdok si diyhh siuw Siongrder ee qaiwbing nardnia.
20 Dagg langg dirr simxmih dingxde siurr driaur, diyhh iuguann diamr dirr hitt xee dingxde.
21 Liw juer lojaii laii siurr driaur mah? M tangx in'ui anxnix laii kuawlu. Narr erdid juriuu, si kacc hyw.
22 In'ui juer lojaii, dirr Jruw did diyc driaur :ee, si hro Jruw soxx tauxvangr; anxnix juer juriuu, laii did diyc driaur :ee, si juer Krist ee lovok.
23 Linw si ing qewjnii soxx brew :ee, m tangx jniaa juer langg ee lojaii.
24 Hniadi ar, dagg langg dirr simxmih dervo siurr driaur, ix diyhh dirr Siongrder ee binrjingg dngdngg druar dirr hitt xee dervo.
25 Lun qaur be qewcua :ee, guaw byy u Jruw ee bingrling; danrsi guaw ixqing’ did diyc Jruw ee linbinw laii juer jinrdiongx :ee, dyrr jiong' qaqi ee iwqenr qra linw qongw.
26 In'ui knuar henrjai ee qanlann, jiauww guaw pacsngr, langg narr jiauww ix vingsiongg ee kuanw si hyw.
27 Liw u hurzinlangg mah? Anxnix dyrr byc did qriuu tauxvangr. Liw byy hurzinlangg mah? Anxnix dyrr byc did qriuu beh crua.
28 Liw narr crua, m si huanrjue; jairsikluw narr qer, iarr m si huanrjue. Danrsi inx hitt hy langg beh dirr ziogtew duw diyc huanrlan; guaw si decc qor linw.
29 Hniadi ar, guaw qycc qongw, sizit crig dew lar, soxiw dui' dnaxx ixau, u bow :ee, diyhh cincniu byy bow;
30 Tikaur :ee, diyhh cincniu byy tikaur; hnuahiw :ee, diyhh cincniu byy hnuahiw; brew :ee, diyhh cincniu byy soxx did .diyc;
31 Ing sewqanx ee mic :ee, diyhh cincniu byy lamrsamw ing :ee, in'ui jitt sewqanx ee kuanw decc quer .kir lar.
32 Guaw rair linw byy soxx kuawlu. Byy bow :ee, kuawlu Jruw ee su, dyrr si jnaixngiu e hro Jruw hnuahiw;
33 Narr si u bow :ee, kuawlu sewqanx ee su, dyrr si jnaixngiu e hro bow hnuahiw.
34 Hurzinlangg qapp jairsikluw iarr u hunvet. Byy diongrhux :ee, kuawlu Jruw ee su, beh hro ix ee sinkux qapp sinhunn longxx sxingr. Narr si u diongrhux :ee, kuawlu sewqanx ee su, dyrr si jnaixngiu e hro diongrhux hnuahiw.
35 Guaw qongw jiaxee si uirdiyhh linw ee lirig, m si beh longxlok linw, si beh hro linw qniaa habsig ee su, kunkunn hogsai Jruw, byy soxx qiauxziauw.
36 Narr si u langg pacsngr kuanxtai ix ee jaboxqniaw u m habsig, setsuw nihuer quer sii, iarr surjingg vutdik'iw diyhh anxnix, dyrr tangx jiauww iwsur kir qniaa; ix byy huanrjue, diyhh hro inx habhunx.
37 Narr u langg qensimx, byy u vutdik'iw ee su, qycc u qxuann tangx qniaa qaqi ee iwsur, ix qaqi ee simx iarr ixqing’ quatdnia beh lauu ix ee jaboxqniaw, anxnix qniaa si hyw.
38 Cincniu anxnix, hro qaqi ee jaboxqniaw cutqer :ee si hyw, byy hro ix cutqer :ee qyckacc hyw.
39 Diongrhux dilehh ee sii, hurzinlangg siurr vexvak; diongrhux narr siw, hurzinlangg did diyc juriuu, qer ix soxx air :ee, dogdok diyhh qer sriok Jruw :ee jiacc tangx.
40 Jongwsirr jiauww guaw pacsngr, byy qer kacc u hokkir; qycc guaw sniu guaw iarr u Siongrder ee Sinn.
8 Lun qaur jrer gnoxsiong ee mic. Lanw jaix lanw longxx u diwsig. Diwsig e drir qaur jurqyx, danrsi zin'air e qenwlip dikhing.
2 Langg narr pacsngr ix u soxx jaix, dyrr jiauww soxx ingqaix jaix :ee, ix iauxx bue jaix.
3 Langg narr tniar Siongrder, jitt xee langg dyrr si hro Ix soxx bad.
4 Lun qaur jiac jrer gnoxsiong ee mic, lanw jaix gnoxsiong dirr sewqanx si byngiaw :ee, iarr jaix Siongrder dogdok jit xee, byy vadd xee.
5 In'ui suizenn u cxingx juer siongrder :ee, dirr tnix nirr iacc si dirr de nirr, cincniu u jerje siongrder, jerje jruw;
6 Danrsi lanw jixu jit xee Siongrder, dyrr si Ve, banrmic vunw dui' Ix, lanw iarr dui' Ix, lanw iarr qruix dirr Ix; qycc u jit xee Jruw Jesus Krist, banrmic dui' Ix, lanw iarr dui' Ix.
7 Danrsi langg byy longxx u jitt hy diwsig. Uree vair gnoxsiong quanwsir, qaur dnaxx iauxx liac hitt xee jewsu diongx juer jrer gnoxsiong ee mic laii jiac ix; inx ee liongsimx qiwzenn luanxziok, soxiw dyrr bag .diyc.
8 Jiahmic be hro Siongrder hnuahiw lanw; byy jiac, lanw byy kuisunw; jiac, lanw iarr byy lirig.
9 Dogdok diyhh qinxsin, qniax linw jitt xee qxuann e juer nngxjniaw ee langg ee tatgai.
10 In'ui narr u langg knuar qnir liw u diwsig :ee jerdyh dirr gnoxsiong ee biy, hitt xee luanxziok ee langg ee liongsimx qamxx byy dui' anxnix hongwdnaw, laii jiac jrer gnoxsiong ee mic mah?
11 Hitt xee luanxziok ee langg, dyrr si Krist ter ix siw :ee hitt xee hniadi, in'ui liw ee diwsig laii dimlunn.
12 Linw anxnix dikjue hniadi, siongx diyc inx luanxziok ee liongsimx, dyrr si dikjue Krist.
13 Soxiw jiahmic narr hro guaw ee hniadi vuac dyw, guaw dyrr ingxingw m jiac bah, benw did hro guaw ee hniadi vuac dyw.
9 Guaw qamxx byy juriuu mah? Guaw qamxx m si suwdoo mah? Guaw qamxx m bad knuar qnir lanw ee Jruw Jesus mah? Linw qamxx m si guaw diamr dirr Jruw juewjniaa ee qangx mah?
2 Setsuw duiww dirr vadd langg guaw m si suwdoo, duiww dirr linw guaw dyrr si; in'ui linw diamr dirr Jruw dyrr si guaw juer suwdoo ee inwjingr.
3 U camng guaw :ee, guaw dyrr ing jitt xee laii qaqi hunsor.
4 Guanw qamxx byy qxuann tangx limx, jiac mah?
5 Guanw qamxx byy qxuann tangx crua sinr Jruw ee jixbe juer bow laii qapp guanw snaqab qniaa, cincniu qi'uu ee suwdoo, Jruw ee hniadi, qapp Cefas mah?
6 Iacc si qandna' guaw qapp Barnabas byy qxuann tangx benw juer qangx mah?
7 Simxmih langg drngx vxingx, suacc jiac qaqi ee nriuu? Simxmih langg jraix pudyhngg, byy jiac ix ee quexjiw mah? Simxmih langg cri jingsnix, byy jiac hitt din ee linx?
8 Guaw qongw jiaxee qamxx si jiauww langg ee iwqenr mah?
9 In'ui dirr Moses ee ludhuad u qijair qongxx, "Bry gnoxqog ee guu, byc did langw ix ee cuir." Siongrder qamxx si diwir dirr guu mah?
10 Iacc si itkair uirdiyhh lanw jiacc laii qongw? Jinjniar si uirdiyhh lanw laii siaw; in'ui lee hngg :ee diyhh jrunn ngwbang laii lee; bry gnoxqog :ee diyhh ngwbang snaqab u hxun laii bry.
11 Guanw narr jiong' sriok dirr sinn ee mic ia dirr linw diongqanx, dyrr dui' linw siusingg sriok dirr ziogtew ee mic, jex qamxx si quewtauu mah?
12 Vadd langg duiww dirr linw siongrcniaw u hxun dirr jitt xee quanvingr, hyhongw guanw mah? Guaw m bad ing jitt xee qxuann, huanxdngw tunlunw dagg hxang ee su, benw did guanw u simxmih e joxdongr Krist ee hok'imx.
13 Qamxx m jaix diyhbuaa dirr sxingr ee su :ee, jiac dxen-lai ee mic? Qinsuii jewdnuaa :ee, qapp jewdnuaa snaqab vunx mic mah?
14 Cincniu anxnix, Jruw sethuad hro tuann hok'imx ee langg diyhh dui' hok'imx laii dro uac.
15 Danrsi jiaxee su guaw longxx m bad ing .quer. Qycc guaw siaw jiaxee m si rair langg anxnix kuanxtai guaw, in'ui guaw lingkow siw, vutdir langg hro guaw soxx kuakauw :ee qruix dirr kangx kangx.
16 Guaw tuann hok'imx m si tangx kuakauw ee su, si vutdik'iw nardnia; in'ui narr byy tuann hok'imx, guaw dyrr u jaiec.
17 Guaw narr qamsimx juer jitt xee su, dyrr u vywsniuw; narr m si qamsimx :ee, dyrr si u jitzim ixqing’ qaudair guaw lar.
18 Anxnix guaw ee vywsniuw si simxmih ar? Dyrr si guaw decc tuann hok'imx, hro langg benw soxhuir iarr e did diyc hok'imx; benw did guaw dirr hok'imx soxx u ee qxuann ing qaur jin.
19 Guaw duiww dirr jiongww langg suibongw si juriuu, iauxquxx jiong' qaqi juer jiongww langg ee lovok, uirdiyhh beh did diyc langg naxx je.
20 Ngr Judealangg, guaw dyrr cincniu Judealangg, beh did diyc Judealangg; ngr hxuad-xe ee langg, guaw suizenn vunxsinx byy sriok dirr hxuad-xe, dyrr cincniu hxuad-xe ee langg, beh did diyc hxuad-xe ee langg.
21 Ngr hxuad-gua ee langg, gauw dyrr cincniu hxuad-gua ee langg, beh did diyc hxuad-gua ee langg; qisit guaw m si dirr Siongrder ee hxuad-gua, si dirr Krist ee hxuad-lai.
22 Ngr luanxziok ee langg, guaw dyrr jniaa juer luanxziok, beh did diyc luanxziok ee langg. Ngr dagg hy langg, guaw jniaa juer dagg hy kuanw, itkair si beh qiur langg.
23 Dagg hxang su guaw in'ui hok'imx laii qniaa, si hro guaw tangx snaqab u hxun dirr hok'imx.
24 Qamxx m jaix vixsair jauw :ee dagg xee longxx jauw, danrsi did diyc vywsniuw :ee jixu jit xee; linw diyhh anxnix jauw jiacc tangx did .diyc.
25 Qniwnarr dauwlat :ee, dagg hxang su junxjad, inx si beh did diyc e vairhuai ee benxliuu, narr si lanw si beh did diyc be vairhuai :ee.
26 Soxiw guaw anxnix decc jauw, m si cincniu byy dniardiyc ee honghiongr; guaw pah qxunn, byy cincniu decc pah kongkir;
27 Guaw pah guaw ee sinkux qaur tiamw tiamw, hro ix hanghok; qniax guaw ixqing’ tuann hro vadd langg, vunxsinx dendyww duw diyc qirjuat.
10 Hniadi ar, guaw m rair linw m jaix lanw ee ledjow longxx dirr hunn-xe, iarr longxx dui' haiw-diongx qingquer,
2 Iarr longxx dirr hunn-diongx, haiw-diongx siurr sexlew qruix dirr Moses,
3 Iarr longxx jiac qangg jit ngiu lxingg ee mic,
4 Iarr longxx limx qangg jit ngiu lxingg ee juiw; in'ui inx soxx limx :ee si dui' lxingg ee jiyhvnuaa cud, hitt xee jiyhvnuaa dyrr si Krist.
5 Danrsi inx diongqanx kacc je langg hro Siongrder byy hnuahiw, soxiw inx ee sinsix hnuaiqec dirr kongwiaw.
6 Dnaxx jiaxee su si juer lanw ee qamwqair, hro lanw byc did air pnaiw, cincniu inx air pnaiw jidngiu.
7 Linw iarr byc did vair gnoxsiong, cincniu inx diongqanx u langg decc vair. Jiauww soxx qiwjair qongxx, "Vecsnir jre lecc limx qapp jiac, kiw laii tiauwbuw."
8 Lanw iarr byc did qniaa imm, cincniu inx diongqanx u langg qniaa imm, jit zit siw nng-bxan snax-cingx langg.
9 Lanw iarr byc did cir Jruw, cincniu inx diongqanx u langg cir Ix, dyrr hro juaa qa siw.
10 Linw iarr byc did gnauhgnauc liam, cincniu inx diongqanx u langg gnauhgnauc liam, dyrr hro jaubet :ee bet inx.
11 Dnaxx inx duw diyc jiaxee su si juer qamwqair, suar qiwjair laii qingxqair lanw, dyrr si jiaxee sewdai buew ee langg.
12 Soxiw qaqi liac juer kia jai :ee, diyhh qinxsin, qniax e vuac dyw.
13 Linw soxx duw .diyc ee cir byy m si langg e singsu :ee; Siongrder si sinwsit, byy beh hro linw duw diyc quewtauu dirr linw soxx e dngx ee cir; dyrr si dirr siurr cir ee sii, beh suar kuix tuad cud ee lo, hro linw dngx e kiw.
14 Soxiw, guaw soxx tniar ee hniadi ar, diyhh siamxvi vair gnoxsiong ee su.
15 Guaw soxx qongw si cincniu duiww u diwsig ee langg qongw; linw diyhh singxcad guaw ee ue.
16 Lanw soxx jioksia ee vxuex, qamxx m si snaqab u hxun dirr Krist ee huih mah? Lanw soxx vreh ee vniaw, qamxx m si snaqab u hxun dirr Krist ee sinkux mah?
17 Vniaw qiwzenn jit xee, lanw suizenn jerje langg, iarr si jidtew; in'ui longxx u hxun dirr jitt xee vniaw.
18 Cir knuar jiauww ziogtew ee Islaellangg, hiaxee jiac jewmic :ee qamxx m si snaqab u hxun dirr jewdnuaa mah?
19 Anxnix guaw si decc qongw simxmih? Qamxx si decc qongw jrer gnoxsiong ee mic si simxmih? Iacc si qongw gnoxsiong si simxmih?
20 Si decc qongw guarvanglangg soxx jrer :ee si jrer qxuiw, m si jrer Siongrder; guaw m rair linw u hxun dirr qxuiw.
21 Linw be e limx Jruw ee vxuex, qiamx limx qxuiw ee vxuex; be e u hxun dirr Jruw ee dyh, qiamx u hxun dirr qxuiw ee dyh.
22 Iacc si lanw decc qig hro Jruw siurkir mah? Lanw qamxx kacc iongxjongr Ix mah?
23 Huanrsu longxx tangx, danrsi byy longxx u lirig. Huanrsu longxx tangx, danrsi byy longxx qenwlip dikhing.
24 Byc did qriuu lirig qaqi, diyhh qriuu lirig vadd langg.
25 Qniwnarr queci soxx bre :ee, tangx jiac, byc did uirdiyhh liongsimx ee enqor laii camng;
26 In'ui de qapp tong' de nirr ee mic longxx si Jruw ee.
27 Narr u jit xee m sinr ee langg cniaw linw, linw iarr rair beh kir, qniwnarr vaii decc cniaw linw :ee, tangx qra jiac, byc did uirdiyhh liongsimx ee enqor laii camng.
28 Setsuw u langg qra linw qongw, "Jitt xee si jewmic," dyrr byc did jiac; jex si uirdiyhh hitt xee qra linw qongw ee langg, ixqip liongsimx ee enqor.
29 Guaw soxx qongw ee liongsimx m si qaqi ee, si hitt langg ee; in'ui guaw ee juriuu sniaw su hro vadd ee liongsimx gixgi ar?
30 Guaw narr qamxunx laii jiac, sniaw su uirdiyhh guaw soxx qamxsia :ee hro langg huixvongr ar?
31 Soxiw linw jiac, iacc si limx, bylun juer simxmih, longxx diyhh in'ui ingqngx Siongrder laii juer.
32 Bylun Judea, iacc si Gleek, iacc si Siongrder ee qauwhue, linw byc did juer inx ee tatgai.
33 Cincniu guaw huanrsu hro jiongww langg hnuahiw, byy qriuu qaqi ee lirig, si qriuu jiongww langg ee lirig, rair beh hro inx did diyc qiur.
11 Linw diyhh yc guaw, cincniu guaw yc Krist.
2 Guaw ylyw linw, in'ui linw huanrr dairjir qiwliam guaw, qycc jipsiuw jiaxee uituann, jiauww guaw soxx tuann hro linw :ee.
3 Jongwsirr guaw rair linw jaix Krist si juer davolangg ee tauu, davolangg juer hurzinlangg ee tauu, Siongrder juer Krist ee tauu.
4 Qniwnarr davolangg qidyw iacc si tuandy, narr dar taukag, dyrr si lingziok ix ee tauu.
5 Narr si hurzinlangg qidyw iacc si tuandy, byy dar taukag, dyrr si lingziok ix ee tauu, in'ui jex qapp tir taumngg byy qycngiu.
6 Hurzinlangg narr byy dar taukag, dyrr diyhh jenw taumngg; hurzinlangg jenw taumngg iacc tir taumngg narr si qenwsiaur, dyrr diyhh dar tauu kacc hyw.
7 Davolangg m ingqaix dar tauu, in'ui ix si Siongrder ee sxiong qapp ingqngx; hurzinlangg dyrr si davolangg ee ingqngx.
8 In'ui davolangg m si dui' hurzinlangg cud, dogdok hurzinlangg si dui' davolangg cud.
9 In'ui davolangg m si uirdiyhh hurzinlangg jiacc congwjy, si hurzinlangg uirdiyhh davolangg laii congwjy.
10 Uirdiyhh suwjiaw ee enqor, hurzinlangg diyhh u hanghok quanvingr ee qiwhy dirr ix ee taukag,.
11 Jongwsirr dirr Jruw narr byy davolangg, dyrr m jniaa hurzinlangg; byy hurzinlangg, dyrr m jniaa davolangg.
12 In'ui hurzinlangg dui' davolangg cud, davolangg iarr si dui' hurzinlangg jiacc u; dogdok banrhang si dui' Siongrder cud.
13 Linw simlai qaqi singxcad. Hurzinlangg byy dar taukag laii qidyw Siongrder, si habsig mah?
14 Dui' vunxsingr qamxx m jaix, davolangg u dngg ee taumngg si juer qenwsiaur mah?
15 Danrsi hurzinlangg u dngg ee taumngg, si juer ix ee ingqngx; in'ui ix ee taumngg si sniuxsur ix juer per.
16 Setsuw u sniu rair beh venrvog :ee, guanw byy jitt hy le, Siongrder jiaxee qauwhue iarr byy.
17 Dnaxx guaw jiong' jitt xee huanhur linw, m si ylyw linw, in'ui linw jurjip, byy drir qaur lirig, si drir qaur sunxhai.
18 Tauu jit hxang, guaw tniax qnir linw jurjip juer hue ee sii, linw dionganx u hunx dongw, guaw iarr dairliok sinr.
19 In'ui linw diongqanx be benw did u dongxpair, beh hro jinsit ee langg henxbingg dirr linw diongqanx.
20 Anxnix linw jurjip dirr jit soxjai, m si jiac Jruw ee buanxcanx.
21 In'ui jiac ee sii dagg langg jueww ix dairsingx jiac ix ee ehngdngr; u langg iaux, u langg juir.
22 Linw qamxx byy cur tangx limjiac mah? Iacc si linw knuawkinx Siongrder ee qauwhue, hro byy :ee qenwsiaur ar? Guaw beh duiww linw jnaixngiu qongw? Dirr jitt xee, guaw beh ylyw linw mah? Guaw byy ylyw.
23 In'ui guaw dui' Jruw sriu, iarr bad tuann hro linw :ee, dyrr si Jruw Jesus hro langg bre hitt mii, Ix u tec vniaw,
24 Jioksia liauw, laii qra vreh .kuix, qongw, "Jitt xee si Guaw ee sinkux, uirdiyhh linw pah puar :ee, linw diyhh qniaa anxnix laii qiwliam Guaw."
25 Jiac liauxau iarr anxnix pangg vxuex, qongw, "Jitt xee vxuex dyrr si sinx iog, dirr Guaw ee huih setlip :ee; qniwnarr limx ee sii, diyhh qniaa anxnix laii qiwliam Guaw."
26 In'ui linw dagg vaiw jiac jitt xee vniaw, limx jitt xee vxuex, si viauxbingg Jruw ee siw, itdit qaur Ix qycc laii.
27 Anxnix hunarnarr jiac Jruw ee vniaw, iacc si limx Jruw ee vxuex byy habgii :ee, si qohu Jruw ee sinkux qapp huih.
28 Langg diyhh qaqi singxcad, jiacc tangx jiac jitt xee vniaw, limw jitt xee vxuex.
29 Langg byy hunvet Jruw ee sinkux laii limjiac, dyrr si dui' limjiac laii qaqi cruw simxpnuar.
30 Soxiw linw diongqanx suelamw :ee, puawvni :ee jerje; siw :ee iarr be jiyw.
31 Lanw narr qaqi simxmng, dyrr byy siurr simxpnuar.
32 Lanw siurr simxpnuar, si hro Jruw soxx qingxqair, benw did qapp sewqanlangg qangg siurr dring jue.
33 Guaw ee hniadi ar, soxiw linw jurjip beh jiac ee sii, diyhh sna' tingwhau.
34 Narr u langg iaux, diyhh diamr inx cur singx jiac, benw did jurjip drir qaur siurr simxpnuar. Qi'uu :ee danw guaw laii, jiacc beh sethuad.
12 Hniadi ar, lun qaur Sinn ee sniuxsur, guaw m rair linw m jaix.
2 Linw decc juer guarvanglangg ee sii, siurr behik kir jiurqin be qongxue ee gnoxsiong, cutjai inx inxiuw.
3 Soxiw guaw hro linw jaix, hro Siongrder ee Sinn qamxdong laii qongw :ee, byy langg qongw Jesus si tangx jiuwjow; narr m si hro Sinwsinn qamxdong :ee, iarr byy langg e qongw Jesus si Jruw.
4 Dnaxx unsur u hunvet, danrsi Sinn dyrr siang jit xee.
5 Jithun u hunvet, danrsi Jruw dyrr siang jit xee.
6 Qong'iong u hunvet, danrsi Siongrder dyrr siang jit xee, si unrhingg banrsu dirr jiongww langg diongx :ee.
7 Singwsinn ee henxbingg si sniuxsur dagg langg, beh lirig jiongww langg.
8 In'ui uree dui' Sinn ing diwhui ee ue hro ix; uree jiauww jitt xee Sinn ing jaibad ee ue hro ix;
9 Qycc u langg dirr jitt xee Sinn ing sinr hro ix; uree dirr jitt xee Sinn ing ivni ee unsur hro ix;
10 Uree hro ix e qniaa qyc'ngiu ee quanlingg; uree hro ix juer sendix; uree hro ix e hunvet jiaxee sinn; qycc uree hro ix e qongw dagg ngiu ee imgiw; uree hro ix e huan'ik dagg ngiu ee imgiw.
11 Jiaxee longxx si siang jit xee Sinn soxx sihingg :ee, jiauww Ix soxx rair :ee, sui' ngiu vunx hro dagg langg.
12 Dyrr cincniu sinkux si jit xee, iarr u jerje tew, qycc sinkux ee tew suizenn je, longxx si jit xee sinkux; Krist iarr si anxnix.
13 In'ui lanw jiongww langg, bylun si Judea iacc si Gleek, juer lojaii :ee iacc si juriuu :ee, longxx bad siurr sexlew dirr jit xee Sinn, laii sriok dirr jit xee sinkux, iarr longxjongw bad limx jit xee Sinn.
14 In'ui sinkux m si jit xee tew, si jerje tew.
15 Setsuw kax narr qongw, "Guaw in'ui m si ciuw, guaw byy sriok sinkux." Ix be uirdiyhh anxnix dyrr byy sriok dirr sinkux.
16 Setsuw hni-aw narr qongw, "Guaw in'ui m si bagjiux, guaw byy sriok dirr sinkux." Ix be uirdiyhh anxnix dyrr byy sriok dirr sinkux.
17 Setsuw tong' sinkux si bagjiux, dui' daxlyc e tniax? Narr longxx si hni-aw, dui' daxlyc e pni?
18 Dnaxx jitmaw Siongrder jiauww Ix ee soxx air, jiong' jiaxee tew sui' xee anvaii dirr sinkux.
19 Narr vactew longxx siang jit kuanw, sinkux dirr daxlyc?
20 Jongwsirr tew si jerje, sinkux si jit xee.
21 Bagjiux be e duiww ciuw qongw, "Guaw byy kiamwing liw"; taukag iarr be e duiww kax qongw, "Guaw byy kiamwing linw".
22 M na anxnix, sinkux jiaxee ho'ngg knuar juer kacc nngxjniaw ee tew, qyckacc be byy .did.
23 Qycc lanw knuar juer sinkux kacc byy quiwkir ee tew, lanw dyrr jngtna hro inx kacc junquir; kacc byy bun'gnaw :ee, lanw hro inx qyckacc bun'gnaw.
24 In'ui lanw bun'gnaw ee tew byy soxx kiamwkueh. Dogdok Siongrder diauhyy sinkux, dirr u kiamwkueh :ee, ithuad hro ix junquir,
25 Benw did sinkux byy snahap, si beh hro vactew horsiong sna' quanwqor.
26 Narr jit xee tew siurkow, vactew qangg siurkow; jit xee tew siurr ingqngx, vactew qangg kuaiwlok.
27 Linw jiaxee si Krist ee sinkux, sui' xee si juer tew.
28 Siongrder soxx sed dirr qauwhue :ee, id si suwdoo, zi si sendix, snax si qauwsux, qycc u qniaa quanlingg :ee, qycc u ivni ee unsur, vangjan :ee, dirliw :ee, qongw dagg ngiu ee imgiw :ee.
29 Jiongww langg qamxx longxx si suwdoo mah? Longxx si sendix mah? Longxx si qauwsux mah? Longxx qniaa quanlingg mah?
30 Longxx u ivni ee unsur mah? Longxx e qongw dagg ngiu ee imgiw mah? Longxx e huan'ik mah?
31 Linw diyhh cetced himbo hiaxee kacc dua ee unsur. Guaw ing derr id hyw ee lo jixsi linw.
13 Guaw setsuw e qongw langg qapp tnisair ee imgiw, narr byy zin'air, guaw dyrr jniaa juer hiangw ee dangkir, dann ee lavuac.
2 Guaw setsuw juer sendix, bingvik longxjongw ee ywbiau qapp longxjongw ee jaibad; qycc setsuw u jiauvi ee sinr, qauwgiac laii rii snuax, narr byy zin'air, guaw dyrr be sngr juer si simxmih.
3 Guaw setsuw jin soxu :ee laii jinxjer, qycc henr guaw ee sinkux hro huew siyx, narr byy zin'air, dyrr guaw byy did diyc lirig.
4 Zin'air si gauu kuan'iongg, u juvix; zin'air si byy uanwdor; zin'air byy kuakauw, byy pinxpongw,
5 Byy qniaa qenwsiaur ee su, byy qriuu qaqi ee lirig, byy kuair siurkir, byy qir did langg' ee pnaiw;
6 Byy hnuahiw vutgi, si qapp jinliw snaqab hnuahiw;
7 Huanrsu zimxsiu, huanrsu siongsinr, huanrsu ngwbang, huanrsu tunlunw.
8 Zin'air ingxuanw be byy .kir. Sendix ee jitlingg beh huewbyy, hiaxee imgiw beh suah, jaibad beh huewbyy.
9 In'ui lanw soxx jaix :ee byy uanjuann, juer sendix iarr byy uanjuann;
10 Uanjuann narr qaur, byy uanjuann :ee dyrr huewbyy.
11 Guaw juer ginxaw ee sii, qongxue cincniu ginxaw, singwjingg cincniu ginxaw, qenr cincniu ginxaw; ixqing’ singzinn, dyrr huewbyy ginxaw ee su.
12 In'ui lanw dnaxx dui' qniar decc knuar, bu bu byy bingg; narr qaur hitt sii dyrr dng' tauu duiww bin. Guaw dnaxx soxx jaix byy uanjuann; qaur hitt sii dyrr jaix, cincniu guaw hro Jruw jaix jidngiu.
13 Henrjai soxx jrunn :ee, dyrr si sinr, ngwbang, zin'air; jitt snax hxang, qidiongx derr id dua :ee si zin'air.
14 Diyhh qriuu zin'air, iarr diyhh cetced himbo sriok dirr sinn ee unsur; kacc iauwqinw :ee si juer sendix laii tuandy.
2 Qongw qokk ngiu ee imgiw :ee m si qapp langg qongw, si qapp Siongrder qongw, in'ui byy langg erhiauw tniax; jongwsirr ix u decc qongw sriok sinn ee ywbiau.
3 Dogdok juer sendix laii tuandy :ee si qapp langg qongw, laii qenwlip, laii kuanwbenw, laii an'uir.
4 Qongw imgiw :ee si qenwlip qaqi, juer sendix tuandy :ee si qenwlip qauwhue.
5 Guaw rair linw longxx e qongw imgiw, dogdok qyckacc rair :ee si linw juer sendix laii tuandy. In'ui qongw imgiw :ee narr byy huan'ik, hro qauwhue did diyc qenwlip, juer sendix laii tuandy :ee dyrr viw ix kacc dua.
6 Dnaxx hniadi ar, guaw qaur linw hiax, narr qandna' qongw imgiw, iarr byy ing kexsi, iacc si jaibad, iacc si juer sendix laii tuandy, iacc si ing qawsi ee ue laii qra linw qongw, u simxmih lirig linw?
7 Hitt hy byy uahkir ee mic decc cud sniax, cincniu siaux, cincniu kimm, narr byy hunvet ix ee imx, tacc e jaix soxx vunn, soxx dnuaa :ee si simxmih ar?
8 Narr si sauwqag cud byy dniardiyc ee imx, jirjui e virvan qaujenr ar?
9 Linw iarr si anxnix, narr byy ing jic qongw kuair bingg ee ue, tacc e jaix soxx qongw :ee ar? Linw soxx qongw :ee hro hongx vuex .kir.
10 Sewjniu ee imgiw vutlun zuarr je ngiu, byy jit xee byy iwsur.
11 Guaw narr m bad hitt xee sniax ee iwgi, qongw ee langg dyrr beh liac guaw juer huanx, guaw iarr beh liac ix juer huanx.
12 Anxnix linw qiwzenn cetced himbo sriok dirr sinn ee unsur, diyhh qriuu hro linw ciongmuaw laii qenwlip qauwhue.
13 Soxiw qongw imgiw :ee diyhh qriuu e huan'ik.
14 Guaw narr ing imgiw qidyw, guaw ee sinn u decc qidyw, danrsi guaw ee simsux byy soxx lirig.
15 Anxnix si jnaixngiu? Guaw beh ing sinn qidyw, iarr beh ing simsux qidyw; guaw beh ing sinn gimm six, iarr beh ing simsux gimm six.
16 Narr byy, linw ing sinn jioksia, hitt hy vingsionglangg qiwzenn m jaix liw decc qongw simxmih, tacc e dng' liw qamxsia ee sii laii qongw Amen?
17 Liw ee qamxsia si hyw, danrsi vadd langg byy did diyc qenwlip.
18 Guaw qamxsia Siongrder, guaw qongw imgiw viw linw jiongww langg kacc je.
19 Danrsi dirr qauwhue diongx, guaw air ing simsux qongw go qxur tangx qawsi langg ee ue, ngiaa quer qongw bxan qxur ee imgiw.
20 Hniadi ar, lun diwhui byc did juer ginxaw; lun pnaiw diyhh juer gnex-aw, lun diwhui diyhh juer duarlangg.
21 Dirr ludhuad u qiwjair, "Jruw qongw, 'Guaw beh ing vadd ngiu imgiw ee langg, qapp vadd ngiu langg ee cuiwdunn, qra jitt qog ee vecsnir qongw; anxnix inx iuguann m tniax Guaw.'"
22 Soxiw imgiw juer diaurtauu, m si uirdiyhh sinr ee langg, si uirdiyhh m sinr ee langg; juer sendix laii tuandy, m si uirdiyhh m sinr ee langg, si uirdiyhh sinr ee langg.
23 Setsuw juann qauwhue jurjip dirr jit soxjai, narr longxx qongw imgiw, u vingsionglangg iacc si m sinr :ee zip .laii, qamxx byy beh qongw linw decc siauw mah?
24 Setsuw longxx juer sendix laii tuandy, u jit xee m sinr :ee iacc si vingsionglangg zip .laii, ix dyrr hro jiongww langg qiyr cnew, hro jiongww langg gixduan;
25 Ix simlai soxx unxbat :ee lorhen, dyrr pag lyc kir vair Siongrder, qongw siongrder jinjniar dirr linw diongqanx.
26 Hniadi ar, anxnix si jnaixngiu? Linw jurjip ee sii, dagg langg u siquax :ee, u qawsi :ee, u kexsi :ee, u imgiw :ee, u huan'ik :ee. Dagg hxang su diyhh qniaa laii drir qaur qenwlip.
27 Narr u qongw imgiw :ee, jriw kamx did nng xee, siongrr je snax xee, iarr diyhh jiauww cuwsu, qycc diyhh jit langg huan'ik.
28 Narr byy langg tangx huan'ik, dirr qauwhue diongx ix diyhh jing jing, dogdok duiww vunxsinx qapp duiww Siongrder qongw.
29 Juer sendix laii tuandy :ee, iarr jriw kamx nng xee iacc snax xee laii qongw, qi'uu :ee diyhh hunvet ix.
30 Narr vnix:a jre :ee u langg did diyc kexsi, hitt xee dairsingx qongw :ee diyhh jing jing.
31 In'ui linw jit langg jit langg longxx e tangx juer sendix laii tuandy, hro jiongww langg tangx hagsip, hro jiongww langg tangx siurr koxkngr.
32 Qycc sendix ee sinn si sunrhok dirr sendix.
33 In'ui Siongrdrr m si hunluan :ee, si hyvingg :ee; dirr longxjongw ee qauwhue ee singwdoo iarr si anxnix.
34 Hurzinlangg dirr qauwhue diongx diyhh jing jing, m jrunw inx qongw. Inx diyhh sunrhok, ludhuad iarr si anxnix qongw.
35 Inx narr rair hagsip simxmih, diyhh dirr qrex-lai mng qaqi ee diongrhux, in'ui hurzinlangg dirr qauwhue diongx laii qongw si qenwsiaur.
36 Siongrder ee dyrliw qamxx si dui' linw cud? Iacc si qandna' tuann hro linw ar?
37 Narr u langg qaqi liac juer sendix, iacc si juer sriok dirr sinn ee langg, dyrr diyhh jaix guaw soxx siaw hro linw :ee si Jruw ee bingrling.
38 Narr u langg m jaix, dyrr quwjai ix m jaix.
39 Soxiw, guaw ee hniadi ar, diyhh cetced himbo juer sendix laii tuandy, iarr byc did qimwjiw qongw imgiw.
40 Huanrsu diyhh bun'gnaw, iarr jiauww quiquw laii qniaa.
15 Hniade ar, guaw jingg soxx tuann hro linw ee hok'imx, linw soxx singsiu, soxx uaxkyr laii kia jai :ee, guaw qongw hro linw jaix.
2 Linw narr jipsiuw guaw soxx tuann hro linw ee hok'imx ee dyrliw, m si kangx kangx sinr, dyrr dui' jitt xee did qiur.
3 In'ui guaw soxx sriu laii tuann hro linw :ee, derr id dyrr si Krist uirdiyhh lanw ee jue siw, jiauww Singwqingx soxx qiwjair;
4 Qycc u baijongr, derr snax zit qycc uac, iarr jiauww Singwqingx soxx qiwjair;
5 Ix u cuthen hro Cefas knuar .qnir, qycc cuthen hro jap-zi xee suwdoo knuar .qnir,
6 Qycc jit vaiw cuthen hro go-vah gua xee hniadi qangg sijun knuar .qnir, qidiongx duarvnuar iauxx dilehh, danrsi uree ixqing’ kunr .kir.
7 Qycc jit vaiw cuthen hro James knuar .qnir, iuqycc jit vaiw cuthen hro longxjongw ee suwdoo knuar .qnir.
8 Siongrr lorbuew iarr cuthen hro guaw knuar .qnir, guaw si cincniu be qaur guec laii snix :ee.
9 Guaw si suwdoo ee jixbii ser :ee, be kamx did cxingx juer suwdoo, in'ui guaw bad kunxdiok Siongrder ee qauwhue.
10 Danrsi guaw dnaxx jniaa juer jitt dringw hy ee langg, si dui' Siongrder ee xunx jiacc u, qycc Ix soxx sniuxsur guaw ee xunx m si kangx kangx. Danrsi guaw viw inx jiongww langg kacc diyhbuaa; qisit m si guaw, si Siongrder ee xunx qapp guaw dilehh :ee.
11 Anxnix vutlun si guaw iacc si inx, guanw anxnix tuann, linw anxnix sinr.
12 Dnaxx narr tuann Krist dui' sixlangg diongx qycc uac, jnaixngiu linw diongqanx u langg qongw sixlangg byy qycc uac ar?
13 Sixlangg narr byy qycc uac, dyrr Krist m bad qycc uac;
14 Krist narr m bad qycc uac, dyrr guanw soxx tuann :ee si kangx kangx, linw ee sinr iarr si kangx kangx.
15 Sixlangg narr byy qycc uac, dyrr Siongrder m bad hro Krist qycc uac; mrquxx guanw qanjingr Ix bad hro Ix qycc uac, dyrr henxbingg guaw si juer Siongrder vehcat ee qanjingr.
16 In'ui sixlangg narr byy qycc uac, dyrr Krist m bad qycc uac.
17 Krist narr m bad qycc uac, linw ee sinr dyrr bycaiw qangx, linw iauxquxx dirr linw ee jue diongx.
18 Hiaxee diamr dirr Krist ixqing’ kunr :ee, iarr si dimlunn.
19 Lanw narr qandna' jairsnix u ngwbang dirr Krist, dyrr dirr jiongww langg diongx lanw si derr id kyxlinn :ee.
20 Dnaxx Krist ixqing’ dui' sixlangg diongx qycc uac, juer jiaxee decc kunr :ee tauu jit xee qycc uac :ee.
21 Siw qiwzenn dui' jit langg laii, iarr dui' jit langg jiacc u sixlangg ee qycc uac.
22 Dirr Adam, jiongww langg longxx siw; iarr cincniu anxnix, dirr Krist, jiongww langg beh did diyc qycc uac.
23 Danrsi dagg xee jiauww ix ee cuwsu, tauu jit xee si Krist, derr zi si hiaxee sriok Krist :ee, dirr ix limqaur ee sii.
24 Zen'au buadqii qaur, dyrr si Ix ixqing’ huewbyy longxjongw ee jingwdi, longxjongw ee quanvingr qapp jailingg, jiong' qog qaux hro Ve Siongrder ee sii.
25 Ix dikkag juer ongg, qaur he longxjongw ee duiwdik dirr Ix ee kax-xe.
26 Derr id lorbuew siurr huewbyy ee duiwdik, dyrr si Siw.
27 In'ui u qongw, "Ix hro banrhangru hanghok dirr Ix ee kax-xe." Ixqing’ qongw banrhangru hanghok Ix, jin' binghenw, hitt xee hro banrhangru hanghok Ix :ee byy jairlai.
28 Banhangru ixqing’ hanghok Ix, dyrr Qniaw iarr beh qaqi hanghok dirr hro banrhangru hanghok Ix :ee, hro Siongrder dirr banru diongx juer banru :ee.
29 Narr m si anxnix, uirdiyhh sixlangg siurr sexlew :ee, beh sniaw su? Sixlangg narr itkair byy qycc uac, uirdiyhh inx siurr sexlew simxmih enqor?
30 Qycc guanw sniaw su sisii morhiamw ar?
31 Hniadi ar, guaw dirr lanw ee Jruw Krist Jesus uirdiyhh linw soxu ee kuakauw, guaw qiw jex laii jiuwjua, guaw si zidzit morsiw.
32 Guaw narr jiauww langg ee kuanw, dirr Efesus qapp iaxsiur sna' pah, guaw u simxmih lirig? Sixlangg narr byy qycc uac, lanw dyrr jueww lanw limx, jueww lanw jiac, in'ui binxaxzit beh siw lar.
33 Byc did siurr behik; lamrsamw qauvuee si vairhuai hyw dikhing.
34 Diyhh cnixgo laii jiauww gi, byc did huanrjue; in'ui u langg m bad Siongrder. Guaw qongw anxnix, si beh hro linw qenwsiaur.
35 U langg beh qongw, "Sixlangg jnaixngiu qycc uac? Ing simxmih hy ee sintew laii ar?"
36 Gong langg ar, liw soxx ia :ee, byy dairsingx siw, dyrr be uac.
37 Qycc liw soxx ia :ee m si hitt xee jionglaii ee hingtew, vutqyr si jit liap jiw nardnia; si bec, iacc si vadd ngiu ee gnoxqog.
38 Siongrder jiauww Ix soxx dniardiyc :ee, ing hingtew hro ix, dirr dagg hy jingxjiw u ix qaqi ee hingtew.
39 Qniwnarr ziogtew dyrr m si qangg jit ngiu; langg :ee jit kuanw, sriur :ee jit kuanw, jiauw :ee jit kuanw.
40 U tnix nirr ee hingtew, iarr u de nirr ee hingtew; dirr tnix nirr :ee ee ingqngx qycngiu dirr de nirr :ee ee ingqngx.
41 Zit ee ingqngx si jit kuanw, jiaxee cnxix ee ingqngx qycc jit kuanw; jitt liap cnxix qapp hitt liap cnxix, ingqngx byy sna' qangg.
42 Sixlangg qycc uac iarr si anxnix. Soxx ia :ee si e hiuxnua, qycc uac :ee si be hiuxnua;
43 Soxx ia :ee si lingziok, qycc uac :ee si ingqngx; soxx ia :ee si nngxjniaw, qycc uac :ee si iongxqnia.
44 Soxx ia :ee si hetkir ee hingtew, qycc uac :ee si sinlingg ee hingtew; narr u hetkir ee hingtew, iarr u sinlingg ee hingtew.
45 Soxx qiwjair iarr si anxnix qongw, "Tauu jit xee langg, Adam, jniaa juer u hetkir ee uahlangg." Lorbuew ee Adam jniaa juer sniuxsur uac ee sinn.
46 Danrsi sinn :ee m si dairsingx, si hetkir :ee dairsingx, sinn :ee duewau.
47 Tauu jit xee langg cud dirr de nirr, sriok dirr too ee lui; derr zi xee langg cud dirr tnix nirr.
48 Hitt xee sriok dirr tolui :ee si jniaxngiu, qniwnarr sriok dirr tolui :ee iarr si anxnix; hitt xee sriok dirr tnix nirr :ee si jnaixngiu, qniwnarr sriok dirr tnix nirr :ee iarr si anxnix.
49 Lanw qiwzenn u sriok dirr too :ee ee hingjong, iarr beh u sriok dirr tnix :ee ee hingjong.
50 Hniadi ar, guaw qongw hetkir ee ziogtew be e singjiap Siongrder ee qog, e hiuxnua :ee be e singjiap be hiuxnua :ee.
51 Dnaxx guaw ing ywbiau qra linw qongw, lanw byy beh longxx kunr, si beh longxx venwhuar,
52 Jit sii aw quw, bak jit nih, buadqii sauwqag dann ee sii. In'ui sauwqag beh dann, sixlangg dyrr beh qycc uac, venr juer be hiuxnua :ee, lanw iarr beh venwhuar.
53 In'ui jitt xee e hiuxnua :ee dikkag diyhh venr juer be hiuxnua, jitt xee e siw :ee venr juer be siw.
54 Jitt xee e hiuxnua :ee ixqing’ venr juer be hiuxnua, jitt xee e siw :ee ixqing’ venr juer be siw :ee; soxx qiwjair qongxx, "U huewbyy siw laii kacc ngiaa ix", jitt xee ue, hitt sii beh ingwgiam.
55 Siw ar, liw ee kacc ngiaa dirr daxlyc? Siw ar, liw ee lirhai dirr daxlyc?
56 Siw ee lirhai dyrr si jue, jue ee quanser si ludhuad.
57 Qamxsia Siongrder. Ix hro lanw dui' lanw ee Jruw Jesus Krist did diyc kacc ngiaa.
58 Soxiw, guaw soxx tniar ee hniadi ar, linw diyhh qenqor, byy iycuah, siongsiongg jin lat dirr Jruw ee qangx; in'ui linw jaix linw diyhbuaa dirr Jruw :ee m si kangx kangx.
16 Lun qaur derginn vangjan singwdoo ee su, jiauww guaww soxx bad huanhur Galatia jiaxee qauwhue :ee, linw iarr diyhh anxnix qniaa.
2 Muixx cid zit ee tauu jit zit, linw dagg langg jiauww soxx did ee lxi, qaqi jxig he lehh, benw did guaw laii ee sii jiacc quanduee.
3 Guaw narr qaur, knuar linw ing puex quxjenr simxmih langg, guaw beh crex inx duar inx soxx sangr ee ginn qaur Jelusalem.
4 Narr ingqaix diyhh guaw kir, inx iarr tangx qapp guaw kir.
5 Guaw qingquer Macedonia liauxau, dyrr beh qaur linw hiax. In'ui guaw dui' Macedonia qingquer;
6 Qiamxcaiw beh qapp linw cniaw druar, simrjiww quer dangtnix, hro linw tangx sangr guaw, bylun guaw kir dyhh.
7 Guaw m rair jitt diap dirr lo nirr qnir diyc linw; danrsi Jruw narr jrunw, guaw ngwbang qapp linw druar kacc quw.
8 Jongwsirr guaw iauxx beh druar dirr Efesus, qaur Gorsunjeh.
9 In'ui Jruw u qra guaw kuix jit xee kuacdua qycc u qonghau ee mngg, dnarsi duiwdik iarr je.
10 Timoti narr qaur, linw diyhh liusimx hro ix dirr linw diongqanx byy qniahniaa; in'ui ix diyhbuaa dirr Jruw ee qangx, cincniu guaw jidngiu.
11 Soxiw m tangx u langg knuawkinx ix, diyhh sangr ix anzenn kixsinx jiurqin guaw, in'ui guaw decc tingwhau ix qapp jiaxee hniadi laii.
12 Lun qaur hniadi Apollos, guaw jaiwsnax krngr ix qapp jiaxee hniadi jiurqin linw. Danrsi ix henrjai longxx byy iwsur beh kir; narr u qihue, ix dyrr beh kir.
13 Linw diyhh qingxsingw, kia jai dirr sinr, juer dairdionghux, juer iongxqnia :ee.
14 Linw huanrsu diyhh dirr zin'air laii qniaa.
15 Hniadi ar, linw jaix Stefan ee qrex, si Aqaia taujuiw ee quexjiw, inx liac hogsai singwdoo juer qaqi ee jithun,
16 Guaw krngr linw hanghok jitt dringw hy ee langg, ixqip qniwnarr dangjee juer qangx laii diyhbuaa :ee.
17 Guaw hnuahiw Stefan, Fortunatus, qapp Aqaikus laii, in'ui inx vow linw ee byy qraur.
18 Inx u an'uir guaw qapp linw ee simsinn. Cincniu jitt hy ee langg, linw diyhh jaix tangx qingwdiong ix.
19 Asia jiaxee qauwhue cingxanx linw. Aquila, Pliscilla qapp jurjip dirr inx cur-lai ee qauwhue, diamr dirr Jruw cetced cingxanx linw.
20 Jiongww hniadi cingxanx linw. Linw diyhh ing sxingr ee sna' jimx laii sna' cingxanx.
21 Guaw Paul cinvid cingxanx linw.
22 Narr u byy tniar Jruw ee langg, ix diyhh siurr jiuwjow. Lanw ee Jruw laii ar.
23 Guan Jruw Jesus Krist ee xunx qapp linw dilehh.
24 Guaw ee tniar dirr Krist Jesus qapp linw jiongww langg dilehh. Amen.