QETBUEW

Ingqog Dniuxlyw Qauwhue, 1847 nii crex Vinx Uilimm (William Chalmers Burns, 18151868) kir Diongqog tuandy. Ix ee laurve si bogsux, ix ee laurbyw sinwgiongw jin' cimx, binrmau naxjunw tnisair, e huad cud qongcaiw. Vinx Uilimm dairsingx genxqiur huathak, mrquxx au .lali zip Glasgow Dairhak genxqiur Sinhak. 1847 nii, ix siurr pair kir Diongqog, qaur Hiongqangw, Qngxdangx, Ermngg, Siongrhaiw, Snuatauu, Vakqniax, ixqip jerje soxjai tuandy. Vinx Uilimm Bogsux ee sing'uac poksor qanxdanx, ciuw vutsii tec jit vunw Singwceh, siwqer qniaa tuann dyrliw. Jairr Diongqog jyr qangx jixu zi-jap-id nii, go-jap-snax huer siw dirr Giujongx.

Vinx Bogsux m na si Ingqog Dniuxlyw Qauwhue tauu jit xee suanqauwsux, dui' jin' je hongbin laii knuar, ix sidjai si jit xee jueww uixdai ee suanqauwsux. 1947 nii, dirr Inggog inx u kuix Haixgua Suandy jit-vah nii qiwliamrhue.

Lanw Daiuann iarr si Ingqog Dniuxlyw Qauwhue, 1865 nii crex Maw Isingx laii lamvo tuandy. Quewkir soxx siaw, suisi qanxdanx ee ligsuw, jongw .si hro lanw diyhh cimx cimx laii sniu. Dui' 1865 qaur 1953 u veh-jap-veh nii ee ligsuw. Dirr jitt veh-jap-veh nii quw ee diongqanx, Byxhue u pair cid-jap miaa lamxluw ee suanqauwsux laii lamvo suanqaur (qajok byy sngr jairlai). Huir liauw jingsinn byy hanrliong, kaix cud qimjnii buhanrsor, laii qenwsed qauwhue. Duiww soxx qongw quewkir ee ligsuw, u tangx dua dua qamxsia Siongrder. Jongw .si narr sniu diyc Vinx Bogsux qapp Maw Isingx ee tuandy jingsinn, sidjai tangx qikle lanw diyhh qyckacc hunwhuad. Ngwbang qauwhue m na zinsor qetnix, jueww iauwqinw si lueriongg ciongsit.