Liw Samniuu cnriu juiw quax
(id)
Qangsox singxbinn Lauu Diwuanw
Cijiux Puewquan(?) Suadyy(?) Cuanx
quax qapp jyr hxir byy qangrkuanw
qoxjux larbin tec laii huanx
Jrux si Hanwdiauu ee sidai
knuar siyxsuad-hxir longxx jiauu jaix
duiww jrux qaiw quax jiauww sit vaii
jiacc jaix cutsir jionghox(?) laii
Kacc jaw jumiaa Vec Tor Qir
vec tor ee jrux jin' hiqii
inx cur qecviah jit sner Liw
duarser dairjir hunx be li
Dairjir qap'uaw(?) beh cincniu
ngua qongw jitt xui Liw Samniuu
m jaix guanjaw anxjnuaxngiu
lrauu kir vadd jngx dnuasinniuu
Sewhanr Diwuanw byy laurve
verbuw dnuasnix(?) byy hniadi
qangg inx(?) buxcinx qycjaiww qer
piaudoximw(?)-jnii byy der tec
Langg qongw jiyw huer byy kaihuair
juanx sniu imxdow(?) qxiauw laii vruac
hro(?) ve cur suacc m hro druar
qaur buew jiac-druar be sing'uac
Hunquah qehuew jiac e jin
U Bexqongx Biy kir ansinx
siqii be qaur byy quiwzinn
qaur jiax qixbak iurr bucinx
Ciyh laii junw pue kunr diurqair
ngua laii druar Bexqongx Biy-lai
vakdow iaux qaxx byy langg jaix
ing'amr lyc sxngx jnuaw anvaii
Tniax diyc biyrjiog decc virvan
urngiaw dow iaux benw uilann
bingzit Bexqongx Ongg siurdanr
qiyr langg laii beh draur vangbangg
Diwuanw kow be tnix qngx qaur
qniwbin singlew beh qra taux
bih druar dyh-kax decc danxhau
ngua qongw Liw .Qrax jitt vingg daux
Snir Liw Suadyy decc kiarkiw(?)
snix u liongw lxamm id luxzii
diongxjuw(?) Jongsinr zi-qniaw siw
Samniuu snix suiw naxx Sesix
Samniuu inx syw gauu uanwdor
Secuanx(?) Dniucur(?) miaa Duarqox
jueww pnaiw dogsimx ee jabow
hro langg qiyr ix dua baiw loo
Samniuu hniaqyx cunx jit xee
inx daix miaa qiyr Liw Bunquir(?)
henrsii singlenn bue cutqer
duarqyx hniasyw siongg(?) uanwceh
Bunquir(?) qra inx kanciuw qongw
jamee jit bang jit kaxjongx
e did jit xee dua hing'ong
laii kir kauwsia Bexbingqongx
Dua singlew sia Bexbingg Ongg
uangue jidsii diyc qnuahongx(?)
qui' sinkux beh jiauu huathongg
bak knuar dyh-kax u hongqongx
Hongqongqyh ee vecdyh-dingw(?)
uangue knuar kir bingg ~ ~
dairiog Bexbingg Ongg henxsingr
henr cud gnoxziauw ee qimliongg
Duxhyw singlew he dirr dyh
uat tauu singlew suacc knuar byy
biyrjiog tniax diyc suacc kiw cyh
qnaw laii biy-diongx taux uaiqyx
Uangue qinw laii krngr siongser
siyxkuaw mihqnia byy quanhe
hyw zinjingg jyr hro uangue
narr byy pah siw byy bunrdee
Biyrjiog m tangx krir jitt kuanw
guaw laii qra ix mng jit huanx
gunw si Dangcuanx Lauu Diwuanw
dysia uangue liw jiujuann
Bunquir(?) jamee did jit bang
liongrvid ingr dirr jitt xee langg
aurzit derui dikkag dang
guaw diyhh qra ix draur vangbangg
Uangue cua dngw qnir anzinn
qongw ix verbuw jaw quewsinx
Goo .Sri jywlangg jin' senrzimw(?)
hucex m qnaw knuar ix kinx
Huzinn qaudair Lauu Diwuanw
gunw qniaw toxsingr byy juxquann
simvu langg iuqycc huanx huanx
hongwsimx benw qniax simxmih kuanw
Duxcenx snax-jig Liw Siongr Laii
uangue qywdix hende jaix
Diwuanw pangg dee laii anwnai
Liw Siongr ylyw siongwmaujaii(?)
Janwsingg cuxzinn u habsig(?)
duarqyx kiwun hyw ganxlik
ix si iauqnuaa laii soxx vig
dair diyc sidtauu(sittauu?) draur qewig
Bunquir(?) sangwvet inx samde(snax-de?--> byy zri)
Diwuanw jinjniar qor tauqex
sidtauu jyr uann cri vnuar bew(gubew?)
qaxnaxx cur-lai qaqi ee
Liw .Qrax angjangx bexsingr og(angjangbew singr og?)
quer hng ciuw jiax jiacc guan hok(?byy zri)
taukag lingrgua mngg jit cog
xe jua(erhingg?) juixbin siux gnoxdok
Jit zit Diwuanw jiac jiuxjuir
jauw laii bexvangg decc ansuii
pnirhongx tniax diyc qaxnaxx luii
zid'au dua dua ee hok'ui
Duiww inx huzinn qongw hro jaix
Goo .Sri tniax diyc iauxx kacc air
qelangg(?) kir cniaw snax-jig laii
draur(?) ix hro lanw jyr qniaxsair
Bunquir crex langg cniaw Liw Siongr
snax langg jre lyc decc camsiongg
hun'inx nng zri dua duiwdiong
Samniuu puer ix draur jinrliong
Liw Siongr jrunx inx asyxhniax
beh qongw Samniuu ee cinjniaa
langg knuar hingjongx dyrr jai'ngiaw
beh laii girlun diyhh ser sniax
how-vue himm-iyx jixsig bin
ingr qyx binbang u cincniu
didluw puer ix byy iauwqinw
kakk(?) u hingrhog dua quiwznn
Siyxjiaw qiyr liw draur juxdniux
jingcax iauxx bue mng Samniuu
guaw bad iong ue tamr knuar ngiu
iarr byy tesii mih in'iuu
Narr si anxnix benw qycc mng
gedjuw Jongsinr qik pnaiw mngc
tranr ix cutgua iaurr bue dngw
acc byy bingzit hro vaiwdngg
Qysyw simqnuax longxx qangrkuanw
Samniuu narr kingw dyrr anjuann
guaw bad iong ue mng Diwuanw
qongw qniax mngho byy vnii quann
Jaw siw verbuw byy hniadi
qniazit m rinw iurr biauxsi(?)
liongriog qra rinw hro junxvi
qongw knuar bingzit hyw zidjiw
Jit zit jit amr jin' kuair qaur
Liw Siongr laii dirr inx hniax daux
huadlyc siyx hniux qapp vangr paur
singx vair tnide jiacc tniatauu
Vighuad-qailyw dngg huewsiu
ingxqed-dongsimx puer cenciux
Liw Siongr danw beh jiac hixjiuw
hy(byy zri) linw hucex hyw buexliux
Qaiong diongxjuw qog dairsinn
linw ee verqniaw jin' byy cinx
byy qongw Samniuu jyr hiacc qinw
duiww lanw angbow naxx guarzinn
Danw liw dngw verqniaw girlun
be danw sxux qapp langg uanhunx
Jongsinr simqnuax jin' uanwhun
qehuew suacc diyhh qapp ix vunx
Boxloo krir qapp diyy qangrr tiaur
inx ve dongr ix qamxx e diauu
qingg qxuiw si zuarr hyw qiycsiaur
guec gua zit jingg iauxx decc iaux
Snax-jig sngr si derzirjiaw(?)
m driyc longxx si linw a'diax
hro ix qycc druar lanw jitt ziah
jaisanw ix suacc hxun jit gxiac
A'diax hro haur(?) byy loring
narr qongw jaisanw m liongrjingg
m qniax ix decc zuarr vunxdingw
hro guaw qniwbin dyrr qra jringx
Boxloo krir qaxx be qongxue
okhu(?) tniax diyc ciah vevee
Samniuu qra ix luan luan puer
puer jitt pnaiw hxuer taux liac qxex
Tiksnix qnaw duiww guaw vuthaur
langg' ix jiamrsii un bue qaur
simxmih qongw ix qra lanw taux
Samniuu puer ix e cuttauu
Qok'iong dairsinn qadiongxjuw
knuar liw laurlangg u pnisux
langg qongw verqniaw si girb
guaw dyrr m jrunw ix quju
Hyw dnaw kir qra qnuaw knuar mai
sniaw kuanw be cir iarr m jaix
verbuw siongrr air jitt qniaxsair
vutjunw liw qapp ix luanrlaii
Jinjinx beh laii krir siw guaw
laurlangg ter ix qongw jiacc kuax(?byy zri)
qan' qan' cur-lai m ix druar
kir Bexqongx Biy susing'uac(?)
Guaw si ter mue draur dongjingg
m si qapp diax linw dauwjingx
lanw si sniaw kuanw ee qadingg
jongw byc Samniuu puer qxuiw-qingg
Verbuw jywlangg rair qongdy
juann byy juncunn guaw baiw loo
linw qniaxsair si himm iacc how
iarr qnaw jyr hro gunw siyxqox
Sirdua juann byy dnax jikzim
bogquair linw qniaw decc giaa hniux
knuar ix zuarr hyw ee qodniu
gusaiw hyw huex cah Samniuu
Puathu liw qnaw luan luan vnuax
sueh cud okdok ee simqnuax
jit qrex hro liw long qaxx snruar
guaw narr siw jiacc qangg(?) linw knuar
Uangue krir qapp ue longrjed(?)
jenrvi qnaw qapp guaw kinvet(?)
krir qaxx jiksii cuir towhed
Liw .Qrax qaux jiax juwqaix bet
Hun dyw dersiong be dinxdang
baiw loo qinw laii tuax inx angx
laurqauu qinw siw lanw u brang
jaisanw jin' qruix lanw jitt vangg
Anzinn knuar qaxx jin' siurkir
u qniaw kacc sux byy haursnix
cniaw isingx laii decc knuawpni
jitt kuanw jingwtauu jin' dakdnii
Hro qniaw laii qaxx vni qex vig
verbuw nacc tangx qra gnoxgik
Diwuanw qinw kir qiyr snax-jig
vni dang jiac iyc byy haurlik
Liw Siongr jiksii laii qauwui
knuar inx qysyw jiacc lim'uii
krir qaxx ue m qongw cud cuir
narr siw Samniuu sriu kikkuix
A'jig liw knuaru janwzimw(?)
dianiuu qutziok siongrqaiww cinx
juann byy vywdab verbuw-xinx
qaxnaxx(?) qui' qrex naxx siuzinn
Hende diyhh hro guaw sinwiong
boxloo hucex jin' qanhiongg
hensair luxzii siongrr duiwdiong
beh qycc siy' qnir danw bang-diongx
Diwuanw Samniuu tog hende
ter guaw knuawqor inx hucex
qniax inx juewau iong dogqer
jaisanw qruix inx angbow ee
Hucex linw jig liw jiauwqor
beh qycc qniwbin diyhh Lamkyx(?)
jidsii simjong venr qankow
jit diauu sniwmia suacc ohox
Anzinn qiyr hux(angx?) cniaw siy' danw
ciuxkax qinqud longxx banw ann
samhunn-citpig jiauu siwsanr
hucex siy' cua kir imqanx
Bunquir angbow ixx quewsinx
Liw Siongr siyx hniux jiuw decc tinn
qnuaxqinw kir qiyr ix Jongsinr
Samniuu qor kaur inx siangcinx
Kaijuw byy buw qapp byy ve
nacc e jiacc jauw dyrr quisex
syw baiw a'hniax pnaiw singwde
qysyw vutsii sniu caxqex
Qehuew hniasyw sniu jurjog
byy langg simqnuax ix hiacc dok
hucex dikkag ix kusog
tangx var jaisanw kir kuaiwlok
Samniuu tikaur verbuxcinx
qyqyx linw jaix ix vutzinn
diyhh laii cua qniaw kir juewdin
qniaw byy landid tangx ansinx
duw diyc vuthenn(?) ee hniasyw
vutsii senwdong gunw hniaqyx
dnaxx byy verbuw linw tangx kyr
vangr gunw hucex beh zuhyy
(zi)
Verbuw linw diyhh u lingsniar
diyhh laii jixdiamw guaw a'hniax
jriw ix simqnuax rair vingjniar
dauw(?) inx bow-ue m tangx tniax
Diwuanw uaw kir krngr Samniuu
qinw qra gaghu inx liamhniux
iaxau narr qycc huad(?) jnuaxngiu
m si qurdaii(?) byy liam cinx
Samniuu qui decc kaur pnaiw mia
aurbin u langg decc cud sniax
Diwuanw vyr ix jiacc jai'ngiaw
snax-jig puathu(?) qapp inx hniax
Knuar diyc bagsaiw cabcap dinx
dag'ee ter ix jin' kyxlinn
qysyw linw byy dngw kacc qinw
ban dngw knuar byy lanw siangcinx
Okhu bagjiux qra taux qrangr
diamw snax qix hniux hro inx angx
jaw sniu jaisanw dnaxx u brang
qew kauw quiw sniax rmuaa jingwlangg
Laurqauu angbow dyrr iauxsiu
qinw siw gunw dyrr kacc juriuu
quanli narr qaur gunw ee ciuw
jit jnii mih langg iarr lann qriuu
Tniax diyc dag'ee vaklai jyx(?)
qew kaur bersux cniur sanqyx
Samniuu jniasit jin' huanlyw
kaur qaxx snia'imx qiongqiongg byy
Jingwlangg ter ix draur kyxlinn
uirr inx pnirnua cabcap dinx
huadlyc songsu kacc iauwqinw
tangx siubaii linw verbuxcinx
Tniax diyc qaloo qapp luxvi
duiww inx bersux naxx qniaxzii
uangue anzinn jiacc qinw siw
e'ee ter ix dyrr siongvix
Samniuu huanlyw inx laurbuw
Liw Siongr siurvanw brew nng ku
dyrsu qoxcuex gniaa laii cur
jenrhu qew kaur jin' qanghux
Nng langg iyy tauu qongw bycaiw
jniginn m tangx luan luan kaix
kacc too kacc vunr(?) jin' kuair hai
liongriog cinwcaiw qinw qra draii
Byy linw puah(?) langg ee quanhe
byy sniu linw buw qapp linw ve
jnii guaw dyrr benw qra linw tec
simxmih qnaw dongr guaw kaix qex
Sinr :a uaw laii kngr jikhu
ix dy' jai'ngiaw ix naxx guu
air kaix zuarr je lanw dy' u
nacc(?) u hro liw kaix vuthux(?)
Linw qongw songsu beh cinwcaiw
quer au (?) si byy guaw ee dai
baiw loo iauxx qycc kacc lirhai
sniu tunx Liw .Qrax ee qajaii
Jenrvi qew jyr jin' hyxlew
qniax linw vyr cuir(?) suacc uanqex
qaur jiax byy cinjniaa quanhe
vig Diwuanw siaw lirhunpuex
Muixx zit trex diyc sror je vaiw
Diwuanw trex dangx qapp trex saix
inx bow sniu jinx dua baixjaii
qnaxx(qnaw?) iong qewbiyy cniaw ix laii
Diwuanw sen' trex dy' byy lo
lirsux siaw hyw qaux baiw loo
knuar inx angbow gauu uanwdor
byy siaw e hun inx siyxqox
Hro vig Diwuanw jin' siurkir
sniu air guarui jiamrr kiarqix
tongdix Samniuu guaw bow liw
baiw loo vig guaw siaw lisix
Samniuu tniax diyc bin huanw sig
guaw qxunx hyvid hiacc jiwqig
byy liam hniamue cinquthed
guaw qinw laii kir dauu snax-jig
Inx jig laii decc me Jongsinr
muersair cequ si jin' cinx
hucex longsimx qauxhir bin
hro angbow snruar kuix(?) dogsimx
Liw Siongr hiusux knuar liauw au
qinw tak qinw ciyr qinw iyy tauu
dy' byy ciamx miaa nacc u hau
dnaxx linw angbow simxmih gauu
Bunsux narr qacc byy ciammiaa
m qniax qywsor jnriu qnuatniax
guanqyr huanw virr qryr hauxtniar
dingrjue sror nii m jaix qniax
Liw Siongr jinrliong decc qaixkngr
m tangx iong okdok simdngg
qaudair liauxau ix dyrr dngw
baiw loo iuqycc sniu kangmngg
Narr u qycc laii ee sijun
qew qongw jaisanw hro ix vunx
quehngg jiuuii jit vorhun
suwquir cutsanw qui' bxan qxinx
Jitt kuanw qewdir jin' lirhai
quehngg iaujniax siongsiongg laii
Diwuanw jiac siw marr m jaix
siyxmue qycc qer u jnijaii
Qew qongw a'vax laii tokbang
qongw jaisanw vunx jyr snax langg
quehngg sngr si kuah bongxbongw
u cat juadduir diyhh urhongg
Diwuanw jiac jiuw qongw jiuxue
u cat lua dua(?) byy bunrdee
jixu quehngg byy jnihang
iauxqycc horlingg jit qingx vangg
Samniuu tniax diyc jin' hnuahiw
hyw did gunw diax tokbang ix
linw angx siongdongx u buxge
m qniax iaujniax sixmmih xee
Qxunx liw tair kir kacc tywdongr
benw hro pnaiw langg knuar bongxdongw
muixx amr iaujniax dy' cud dong
si beh qahai liw Lauu Longg(?byy zri)
Jitt lo byy qniaa jin' qenwsiaur
horsinx lingqunr(liongqunr?) jib jit diauu
liw benw huanlyw ee vit'iaur
guaw beh quehngg tangx druu xiaux
Samniuu lingw vng pangg qauwui
knuar qnir hngmngg henr kuix kuix
siw liw m tniax guaw ee cuir
hro xiaux soxx jiac byy qaixuii
Cue byy naxx qiyr naxx decc hauw
jiong' vng jenwhenr tokadaux
qnualangg liw diyhh siy' tingwhau
qapp qxunx imsix druar qangg daux
Sniax sniax kaur qiyr guaw qxunx liw
qaur jiax be qor gunw jit srinx
dngw qex juadduir beh jurjin
qapp qxunx imsux jyr quixsinn
Diwuanw qnuaxqinw dyrr cud sniax
snax vo ving jyr jit vo qniaa
hencex sidsimx guaw jai'ngiaw
linw angx byy siw mrbenw qniax
Knuar diyc simx kuix byy huanlyw
qnualangg liw si jauw kir dyhh
knuar liw qui' srinx dy' hyw hyw
u siongx dyc'ui iacc si byy
Linw angx jang'ia(?) danw qui' mii
jit qnix(byy zri?) dyrr danw qaur snax qnix
qyxzenn ticbin hngquejnix
hro guaw sinqunr hiamw pah siw
Qiyr angx ziauu ix ee uahmia
ix jiacc taubuew sueh guaw tniax
inx cur laurbuw qapp boxqniaw
snax dxngr lann drao jitt lo qniaa
Guaw qongw juerog si jin' dang
ixau jitt kuanw dyrr m tangx
qnuaxqinw qaixquer juer vadd hxang
m tangx qew xiaux qniax siw langg
Byy siw hucex ciyr bibix
niuqniaw qnuaw kir ciu-kax bih
jamee hro guaw hai byy siw
dikkag guaw beh jewcaii ix
Laii knuar Diwuanw jiacc hyxser
m jaix iaujniax u quiw xee
qinw qnuaw gunw mue tangx qycc qer
guaw jiacc u jnii tangx qycc tec
Guaw iarr m guan cud ciuw pah
ciuw kir sen dyw(?) dirr tokax
angbow vunw si qangg(?) linw qar
daiwliam gaghu linw a'vax
Hniamue vunw si qutziogcinx
u sniaw uansiuu jiacc kiychin
angbow simqnuax jiokk janzimw
penr guaw xiaux jiac okdok simx
Angbow dogqer jin' qnaw ing
kacc sux tnidex m janwsingg
m qinw huexgo jyr siwjingr
pah siw juadduir m liongrjingg
Sinr :a qui decc hue m driyc
Liw Siongr duxx laii knuar hyw ciyr
juanx si baiw loo iong qewbiyy
diyhh qra pah siw byy kyxsiyh
Pnaiw bow jyr su lenlui angx
daiwliam snax-ig guaw jit langg
Diwuanw liongrjingg ciuw jiacc vangr
Jongsinr jauw qaxx naxx vuex pxangx
Samniuu uaw laii decc camvair
jikhu inhyy liw qamxx jaix
diyhh hro gunw angx druu knuar mai
narr byy jig laii mia dyrr qaix(?)
Lauu Longg(?) buxge u jitt kuanw
diyhh sniu dngquw kacc anjuann
jitt huee angbow dua m guan
Taiwguann dauqunx jiacc u brang
Didzii lorhuir u quanhe
cniaw liw hongwsimx byy bunrdee
laurhux jiacc dngw laii kir tec
dauqunx jnuaxngiu diyhh siaw puex
Snax-jig dngw kir cuann jnihang
jin' u knuawqor lanw nng langg
qxunx liw dauqunx diyhh vyxdang
erdid singqongx jiacc u brang
Guaw narr cud mngg byy dirr cur
sursu m tangx sniu' bongxhux
cex(byy zri? bow?) u snax-jig tangx juewjuw
baiw loo gunw qamxx qapp ix dux
Hucex dirdecc siy' qaixkngr
qadingx tec jnii qaur quehngg
dngw kir gunw jikhu narr mng
qongw suisii junxvi cud mngg
Snax-jig ginniuu sangr qauwui
hucex qnuaxqinw dyrr pah kuix
go-jap niuxginn guaw soxhuir
qaur jiax hucex beh lirkuix
Ginjnii juanvo duar sinjniu
qxunx liw diyhh kacc u juxdniux
iaxcauw inghuex m tangx sniu
vadd langg vutviw guaw Samniuu
Linw qxunx m si hitt kuanw langg
itsingx m tamx langg' huepangx
og huhu uihingg jin' dang
dnia(dniarr?) e quaiw liw qer hyw angg
Hencex u sniu qniaw beh qix(居?)
sinun lak guec iauxx urii(?)
narr snix jabow iujai liw
snix lxamm Lauu .Sner tuann aursii(?)
Qaudair linw cex(?) jiauu jai'ngiaw
snix lxamm snix luw tnix juwdnia
lorsiong jaw hiyh cniaw ban qniaa
linw bow dirr cur jiacc benw qniax
Diwuanw lirvet byy quiw qangx
baiw loo kyxviw saixhagtangg
inx angx m qnaw cab vnuar hxang
vig inx Samniuu qer vadd langg
Qaixqer m si guaw m kingw
aiqiuu syxsyw diyhh juewjingg
un si bue qaur byy itding
nacc tangx nng jnxir anx jit qringx
Qiyr jyr codang guaw marr beh
qycc qer lyc langg cuiwdunpuee
guaw laii sidgenn qra syw sueh
sinin guaw u veh qywguec
Syxsyw brang liw kacc jiauwqor
gunw angx marr jaix tniar siyxqox
ix narr erdid tangx jinwvo
juanvo si linw dua qonglyy
Diyhh sniu jurr kir puex byy qiar
byy siw marr diyhh juer kitjiac
narr m angbow qinw huntiah
jiongquw kitvyy liw jit gxiac
juadduir guaw byy sniu anx(?) juer
Lauu Longg(?) jingqin dyrr u puex
singx kow au qamx langg jin' je
syxsyw m tangx knuar langg suex
Sewqanx langg byy dniarr sit'un
m singg qycc qer sniu jauxsux(?)
narr qaxx guaw diyhh kitvyy-hxun
sii qaur ingqaix jiacc laii hunx
M tniax guaw krngr qinw kir qer
qaur sii m quanw liw si'angw cex(?)
narr qacc hro guaw kiw singwde
si beh junw guu qiyr liw lee
Narr m tniax cuir qycc qewangx
dongwkamr(?) e diauu liw jiacc tangx
laukax qra guaw kir byrvangg(?)
beh suar qra liw jenw tangjangx
Cengenn m dat itgenn iong
narr qongw qycc qer benw camsiongg
jetgi si langg ee quiwdiong
Samniuu simqnuax byy hiacc hiongg
Hro guaw hyw cuir krngr m tniax
narr air gnergee damx su'ngiaa
jenxhuad laukax qra guaw vniar
narr byy hinghuat dua m qniax
(snax)
Kacc qongw qycc qer linw benw sueh
langg siw lauu miaa how lauu puee
byy sniu qapp lanw vunx qehuew
guan dro snax dxngr cringx amxmuee
Narr qacc qongxue hiacnirr kyy(?)
junw jyr diqauw qangrr laurvyy
zidqanx dnax juw mii ex bxy
qankow jiacc jaix beh zuhyy
Banrgenn-cengiw m tniax cuir
tec liw junw jyr lau qanxtuii(?)
mii laii ngua bxy zit dnax juiw
go jiyc bec buaa(bxy?) jrunw liw suii(?睡)
Qosyw jinghun diyhh bongxx vangr
daiwliam gunw byy sirduarlangg
m tangx hro guaw jyr codang
aiqiuu a'syw sen' m tangx
Benw qongw hro guaw qex siurkir
dnax juiw ex bxy qamxx u qrii
ingqaix uac uac laii pah siw
knuar liw erdangr qaur dirsii
A'syw simqnuax benw hiacc gni
qosyw byy hro vadd langg pnix(pnex)
jxingg lauu erzit hyw siy' qnir
laukax danxhau guaw qniaw snix
Guaw qxunx dauqunx jaxban dngw
a'syw liw jin' cenw vakdngg
be danw qniaw snix jiacc pacsngr
nacc tangx qiongvig guaw cutmngg
Liw benw hibang linw qingg qxuiw
uersaiw benw qongw sniu' dua dxuix
qnuaxqinw liur kax kir dnax juiw
sniu' quer encenn dyrr kikkuix
Qamxx rair hro guaw laii dangrciuw
iacc si kax beh qaqi lriu
qosyw m tangx jyr ingxqiuw
m guan jiacc cue guaw vywsiuu
M iong angsair Lauu Diwuanw
nacc u linglik tangx vywuanx
liw guaw beh sniaw m qamguan
jongw qongw brang liw ciuw giac quann
Qadyx ven ven dirr jitt dah
benw guaw dangrciuw qaqi qa
narr m dyrr qinw e kamx pah(?)
jurr dnaxx ree trngr liur ciah kax(?)
Nacc tangx m hro guaw hunsor
liw guaw sngr hniasyw siyxqox
liur kax guaw naxx e qnialo
sidjai liw ee simqnuax cox
Benw qongw taujangx jenw qngx qngx
m jrunw lauu jnriu cunr vnuar dngg
juiw dnaxx byy qaur tangx sexdng
huad liw jit mii lip(kia?) qaxx qngx
Pnaiw mia bagsaiw lrauu byy hiyh
qiksimx sniu .diyc tauu naxx iyy
iarr qnaw cosimx byy dair .diyc
qnaw hai Samniuu iong qewbiyy
Liw si hyw angx laii lenlui
qaur jiax by langg ter qaixuii
diyh'air ex bxy qapp dnax juiw
m quanw vxag-lai zuarr dua lruii
Samniuu singx vair guaw siangcinx
diyhh laii cua qniaw kir quiimx
vair hyw cuann beh laii jurjin
sniu diyc caur bah qed(qad?) dirr srinx
Narr sniu jursad beh laii diaur
guaw siw jit xee mia nng diauu
kacc kow cniaw danw qniaw snix liauw
uansiuu jiacc dang lann did sriaux
Danw qniaw snix au jiacc laii siw
narr snix jabow byy air dic
snix lxamm Lauu .Qrax tuann hiyrsuu
jiacc qaux snax-jig kir cniadii
Simqnuax quatduanr anxnix hyw
ciuw giaa jit qix qajenxdyx
bycaiw taumngg ox dua py
langg dy' bue siw huad(byy zri, jangx?) singx byy
Baiw loo qniwbin ciah vevee
jit jiah bersux buxiarcex
jiong' jiax(?) taujangx sax jit vew
satsimx n quanw sniaw langg ee
Taujangx jenw qngx naxx huesniu
pnaiw mia jixu guaw Samniuu
uansiuu narr qycc qed cimx cimx
siw lyc simqnuax m guan dimm
Taujangx jenw qaxx qngx liuliux
snax cunr qimlenn dyrr suacc liur
qniaw bue cutsir kacc zimxsiuw(zimxsiu?)
u zit liw diyhh qra guaw qriuu
Snax-jig siujox bue dngw .laii
jenw huad(?) liur kax longxx m jaix
guaw laii singx yc qniaa knuar mai
kacc camw giaa dyx kaxx decc taii
Yc dac knuar mai kax jiacc tniar
narr beh dnax juiw zuhyy qniaa
byy langg cutsir guaw pnaiw mia
byy der tauxkuir qongw vnuar sniax
Byy langg ter guaw qongw cutkuir
iuqycc snax-jig bue huiquix
qaur jiax liur kax yc dnax juiw
iuqycc taukag naxx huetuii(?)
Jin' byy tenliongg ee hniasyw
sinsig juixtangw linlok(?) gryy
narr beh hiyckunr tangw e dyw
sniu diyc simqnuax jiokk jin' jyx
Vuthenn simqnuax jin' cocann
iong jitt hy tangw si tiauqangx
jit zit kangker qui' jap hxang
amwsii diyhh qycc ex byrvangg
Samniuu guann si cenqimqnaw
venr qaxx jit srinx cing puar snxax
nng ciyh juixtangw jiokk dua dnar
tnix bue qngx diyhh qinw kir dnax
Vakdow qiongqiongg dirdecc tniar
uanwhun byy jxingg ee a'hniax
uirr liw koxjingg m jai'ngiaw
byy qaxx jit sinr(? puex) laii tamwtniax
Byy langg simqnuax jiacnirr cox
longsimx-qauxhir Dniux baiw loo
jinjniar simqnuax gauu uanwdor
juanx decc koxdok inx siyxqox
Guarlangg laii knuar dyrr e krir
hro langg girlun m dat jnii
Samniuu jyr qaxx byy siaxsir
jingwlangg uaw laii beh ter ix
Samniuu tniax qaxx bagsaiw dih
qingtauu dnax qaxx angg qiqix
dnax quw dyrr iarr qiongg quanwsir
linw beh ter guaw byy liauw sii
Qongw diyc puathu simx jiokk caur
jingwlangg ter ix bagsaiw lrauu
kax jiamx ciur iur jyr be qaur
vinwdnax berhiauw tangx ngua thauu
Jingwlangg cud sniax qanr qapp qiau
jitt kuanw okdok byy cauwsiauu
dag'ee laii kir qra sngwsiaur
mng knuar juixtangw lip(?) e diauu
Krngr linw vecjig knuax aw si
beh mng m tangx juer jit sii
vnerlangg e siw juer be siw
og langg juer su lann dniudii
Jinjinx hendig hyw jabow
m air kingjinx ix baiw loo
a'jig cutgua byy huatdo
kiongxqniax ixau qycc surqor
Linw angx qamxx si Lauu Diwuanw
qiyr dngw benw decc hro longrquann
dag'ee decc qongw m qamguan
jingwlangg qongw ter liw vywuanx
Si guaw Samniuu ee mia baiw
linw benw krir qaxx simx be kaix
narr si beh qapp ix sniaw dai
cniaw linw danw gunw angx dngw .laii
Jaw si Liw .Qrax hyw mia qniaw
dnaxx venr cingx qapp copuar snxax
kyxngor baiw loo jiokk duardnaw
iong jitt hy tangw hro liw dnax
Dag'ee hyw simx jiamrcniaw snruar
narr beh jnuaxngiu danw kacc knuax
puathu narr jaix e kiyckuanw
linw marr jaix ix dok simqnuax
Jingwlangg tniax .diyc dy' hyw cuir
liw lanw dag'ee diyhh snruar kuix
knuar inx langg snruar kir dnax juiw
kiongxqniax uirr guaw dair surhuix
Uirdiyhh qankow naxx decc sniu
cuwvnix gauu tniar guaw Samniuu
narr beh ter guaw anxjnuaxngiu
diyhh danw Diwuanw huee qahniux
Bagjiux vreh qimx jyr kangkuer
juiw dnax qingtauu beh liuwpuee
byy-cinx-byy-cig ter guaw sueh
jit zit ngua jiac jit nguaw muee
Kadew qniaa qaxx jiauu pongwpa
vakdow iurr iaux cuir iurr dax
narr si junw qanw hro ceqah
marr u amxmuee jiac qaxx vaw
Byy langg viw guaw jiacc qankow
qaur jiax quer daur ervnuawvox
iauxx bue gnoxqog lyc vakdow
hniasyw iarr qnaw hai siyxqox
Baiw loo dogsimx sniu kangpang
tiauqangx juixqngx dryr kangx kangx
hai guaw qex dnax qui' jap tangw
jueww og dyrr si jitt hy langg
Toxdi laii decc qra vyxho
amwdiongx qamwsi ix baiw loo
rair jap-veh nii ee qankow
jiacc laii vangbangg Liw Samqox
Vunxqingw Toxdi draur vangbangg
jiacc e zimxnai jap-veh dxangx
vah hxang qankow zimw tangwtangr
m guan kacc sux javolangg
Pnaiw mia byy buw qangrr byy ve
zit laii dnax juiw mii ex bec
muixx zit iuqycc hro decser(?)
cuiwdax m qnaw qra tyw dee
Qimmii qnaxx e jiacc air kunr
byrvangg drew ser kax lann crunx(?)
Ehngx simqnuax qnaxx jiacc bun
sniu diyc Diwuanw guaw longqunx
Lirvet dauqunx hix sijed(?)
liw qongw qauwui beh qiar puex
qaudair Samniuu quiw qxur ue
jurr liw cutmngg byy jit huee
Qamxx si huatdat jiacc huejuan
m dyrr u jyr dua qnua'uann
guaw ee koxjingg jiokk m guan
zip mngg dyrr beh draur vywuanx
Guaw qxunx sitsinr juadduir be
dingrquix puathux amr guaw puex
Hunjiux(?) soxjai si jenwde
sniu diyc ciuw nngw bxy be ex
Sniu diyc bagsaiw lrauu byy hiyh
simqnuax cincniu huew decc siyx
jenwde si ji' byy qunxciyr
byy der tamwmng tniax be diyc
Sniu qir quehngg ee sijun
qapp guaw lirkuix kir dauqunx
guaw uirr qankow byy uanwhun
it'ia hucex viksewunx
Jurr kir byy puex laii hro gunw
binbang knuar diyc guaw huqunx
jingsinn knuar byy jiokk simx bun
bagsaiw lrauu lyc juer vng tunx
Binbang Lauu Longg(?) liw dngxhuee
mizit tairdanw longxx byy puex
byy sniu linw cex(?) huewtauu je
uirr qxunx dnax juiw bec diyhh ex
Lauu Longg(?) liw jin' byy simsinn
nacc tangx vangr guaw decc byy binn
sniu diyc byjingg Liw Jongsinr
dongvaux siyxmue knuar byy cinx
Snax dxngr jiac byy jit dxngr vaw
iuqycc byy dee cuir jin' dax
ex by siangx ciuw jiauu pongwpa
byy binn dnax juiw e denx kax
Guaw dnaxx diyhh qycc qinw pacvniar
okhu narr laii diyhh qycc qniax
qamxqag vakdow jinjniar tniar
iyqud sngnngw lann did qniaa
Uirr qxunx zimxnai sriu qanlann
bue suah guaw qapp liw singdanx(?)
Samniuu byrvangg(byrvangg?) beh singsanw
hyw un buxqniaw longxx ving'anx
Samniuu hokkir iauxx jin' dua
hyw miaa langg snix dyrr be uac(?)
cutsir iong cuir qa jaiduar
taubuew longxx u inr lyc quax
Jitt jam duxdecc beh hunbenw
jin' hyw kaciuw qycc benw cenn
byrvangg zimpunn(?) kacc vutven
dyrr si jethu qamxdong tenx(?)
Samniuu unx decc byrvangg lai
vakdow jin' tniar m qnaw aix
huanlyw beh snix qimbingjair(?)
duxdng inx syw puathu laii
Jenrhu liw benw jiac sniu' vaw
linw hniax qiyr guaw laii sunjax
bxy byy ex dyw dirr tokax
m qinw jyr guaw si qnaw pah
Syxsyw cniaw liw kacc dongjingg
qnaxx si ginxaw beh qangwsingx
vakdow tniar diyc longxx huanxvingw
iyqud sngx qaxx beh kuikingx
Qosyw jinghun diyhh bongxx juer
iyqud qiongrbeh dng juer quec
bingtenx guaw jiacc juer kacc je
ehngx dongjingg guaw benw ex
Linw maw dy' byy decc cnimii
air kunr penr qongxx decbeh snix
liw benw qew siw knuar qnir qnir
guaw vutviw liw naxx jingsnix
Syxsyw qaqi sngr knuar mai
urin zuarr quw linw marr jaix
hniasyw siyxqox kacc tairkair
qadyx giaa jiyh guaw dngw jxaii
A'qox liw beh jiyh qajenw
jitt quiw zit jingg suacc vutqenr
beh snix m snix knuar hen hen
guaw vyr linw hniax kacc anzenn
Syxsyw cniaw liw diyhh dongjingg
pnaiw mia jiacc diyhh druar jitt qingx
hyw simx katangw jiyh guaw ing
liam guaw byy langg ter jiapsingx
(sir)
Daiwliam byy buw qangrr byy ve
diyhh iongx qysyw linw hucex
byrvangg m si zuarr hyxser
diyhh jiyh singsanw mrbenw qex
Jitt xee mihqnia hyw dyrr hyw
qajenw katangw longxx marr byy
m tangx qenwquer(?) linw hniasyw
jiax iurr byy der qiyr sanxvyy
Uanwhun okhu be juewlangg
gunw hniax qamxx si liw ee angx
bingg jaix jit kax dua katangw
cuwvnix laii jiyh marr u tangx
Knuar liw kiauw kiauw gong jabow
liw si jniawjniar guaw siyxqox
katangw puar .kir byy huatdo
iuqycc byy der qiyr langg kox
Liw cuir be kuix knuar hen hen
nii-quw-guec-cimx sngr anzenn
m jiyh katangw qapp qejenw
hun guaw pnaiw mia bog'uanwtenx(?)
Beh ing guaw laii jiyh knuar mai
u-byy guaw si iarr m jaix
jiyh u guaw e liammix laii
tangx qinw guersingx ix dngw jxaii
Okhu qongw liauw jueww ix kir
en' lo qaxnaxx decc liamrzii
m quanw snix lxamm iacc snix luw
diyhh ing qewbiyy qra siuduu
Narr snix javox hro singx siw
dyrr(?) qra pyx danr lenhuedii
narr byy aurzit jin' huiwkir
jaisanw itding rair vunx ix
Bylun u snix dyrr u hxun
jiyx zip iuguann si duarsunx
diyhh hro ix siw kacc unxsun
mrbenw aurzit u hiyrqunx
Jueww dok iarr byy jitt kuanw langg
iarr qnaw dngw kir saixlang angx
Jongsinr simqnuax iauxx kacc crann
cud cuir jit sniax dyrr rinr tangx
Jongsinr iauxqycc kacc juadjingg
buxqu qnaw beh hai guersingx
vixqaur jitt kuanw byy loring
ngua qongw Samniuu inx jitt vingg
Pnaiw mia duw diyc og hniasyw
m jiyh katangw qapp jenxdyx
vakdow dua tniar dng' huatjyh
amwdiongx hyw did Toxdirvyy
Jongw qongw hyw did Toxdirmaw
jaw jaw dyrr laii danw qaur dnaxx
tingwhau Samniuu beh snix qnaw(?)
laii decc qra ix draur cing snxax
Jitt sii vakdow dua qankow
ginxaw qangwser dui lyc too
qamxx si sinhut laii hujo
sunrsu hro guaw snix javox
Hnuahiw guaw qniaw laii dautaix
syw jiyh katangw iauxx bue laii
dnaxx sngr Lauu .Qrax u au dai
byrvangg byy jenw tangx dngw jxaii
Jit diauu laii vak kacc ngiaa byy
iong cuir laii qa junw qadyx
erdid ving’anx siongrqaiww hyw
m quanw zitex e cauwcyx(?)
Jaiduar vak qaxx jinjniar dah(?)
pnaiw-mia-qniaw snix dirr tokax
vak hyw iong cuir lyc kir qa
kyxsiyh linw diax byy jairr qax
M quanw cauwcyx iacc uwuer
byy dyx iong cuir qa dng quec
byrvangg iarr byy juiw tangx sew
lir puar snakor crid taubuew
Sinkux ueuer crid liauxau
puar snxax tec laii qra qniaw vaux
simx dok qurqimx byy qniaa qaur
linw diax jiongqunx bue huetauu
Buxqniaw pnaiw mia byy der qongw
linw diax dauqunx dirr uanxhongx
qniaw liw Lauu .Sner ee hettongw
qra liw hy mii Qarjaii Longg(?)
Qniaw liw m jaix linw qurqim
uansiuu qapp lanw qed jin’ cimx
byy langg simqnuax hiacc janzimw
narr byy hro hrongg iong dogsimx(?)
Guaw qniax okhu iong dogqer
hro qniaw lirkuix druar jitt qex
liw tangx hng kir cue linw ve
u-byy iarr diyhh qinw siaw puex
Linw diax qaur dnaxx byy puesinr
jiacc diyhh hro qniaw cue hurcinx
qongw diyc bagsaiw lrauu be jin
naxx kaur naxx hro qniaw jiac linx
Liw Siongr huedngw mng qinw qinw
knuar diyc didluw jiacc kyxlinn
sniaw langg linw vran jitt hy ngiu(?)
liur kax taujangx jenw jin jin
Dyrr si guaw syw jiokk janzimw
beh qongw uersaiw qongw be jin
dnax juiw ex bxy pah qinw qinw
cuwvnix jiauu ter guaw kyxlinn
Sir vnix uaw byy jit pnir viah
sethuad hro qniaw kir cue diax
liw laii kir druar guaw hitt ziah
bixcair kuanw ven hro liw jiac
Guaw qycc zimxnai byy iauwqinw
rair hro verqniaw kir siy’ zin
cue byy langg hro lanw siongsinr
sangr qniaw kir hro inx vercinx
Jitt jann vadd langg byy huatdo
Dauwuann(?) si lanw qu qaloo
langg jiokk singsit qapp diongho
qongw ix langg lau diwsig dyx(? byy zri)
Snax-jig liw qongw iongx jitt xee
qniax ix m kingw hro lanw crex
narr beh juadduir jin’ hyxser
iuqycc si lanw qu quanxqex
Laurloo sintew iauxx iongxqnia
guaw qra qaudair dikkag tniax
m qinw lirkuix e byy mia
ginxaw qra hy simxmih miaa
Guaw u qra hy Qarjaii Longg
py laii vair linw snax-jikqongx
linw qinw lirkuix kacc tywdongr
dogsimx huhu yh irhongg
Bue qiyr laurloo qaqi laii
qinw jauw okhu jiacc m jaix
buxqniaw u ue qinw qaudair
jit-vah lorhuir hro linw kaix
Vuthenn a’qu qapp a’qim
buxqniaw lyc langg ciuw diongsimx
qniaw beh li buw buw vutzimw
qra qniaw cuiwvnix diddit jimx
Duiww buw bagjiux qimx qimx kuar
vangr be did li guaw simqnuax
snix qniaw snax qangx beh hunsnuar
qniaw kir cue ve buw beh jnuaw
Dauwuann(?) hiongr jingg rib jit lew
guaw beh qoniuu liw tangx crex
siyxjuw(siauxjuw?) guaw pu cue laurve
tangx qnuaxqinw qra linw vedqex(?)
Samniuu tniax qnir bagsaiw lrauu
qinw tec snxax qra qniaw quer vaux(?)
byy ling hro jiac jairdid(?) qaur
uirr buw quawliam dirr simtauu
Lingjuiw nacc diyhh liw huanlyw
hyw cuir qa’ngg qriuu qamxx qniax byy
guangue lorhuir cuann jiacc dyx(byy zi?)
laurloo erhiauw tangx huadlyc
tniax lauqalangg(?) qnuaw qinw qinw
py qniaw qycc jiac quiw cuir linx
buw beh lirkuix qniaxzii linw
bagsaiw lrauu lyc cabcap dinx
Sniu’ cenn puathu e jai’ngiaw
vaiwvet qoniuu dyrr kixqniaa
sinbingg qongmaw u lingsniar
jin’ quaix m qnaw hauw cud sniax
Beh qniaa Samniuu qycc qaudair
cue u py hro qinw dngw laii
sniu diyc m qramx lrauu bagsaiw
kaur siw qniaw liw marr m jaix
Laurloo singsit ee qazinn
en’ lo qiukid qa’ngg tyw linx
dyy kir Hunjiux derhngbin
tniax qongxx dorsaiw inx hurcinx
Diwuanw singqnuax jetdorsair
cniaw knuar xe jam dyrr e jaix
lairdiongx(luerdiongx?) iwsur dy’ be baiw
mrbenw pax dangx qapp pax saix
Jitt vingg huanlyw Liw Samniuu
tiacsnuar angx-qniaw naxx uan’ngiux
jit lo m jaix anxjnuaxngiu
laurloo jiacc quw be huehniux
Jap-veh nii au qaur jitt sii
Diwuanw unrmia dua hokkir
jriab diyc sender drir dang vni
Diwuanw jiap’inr suacc dingqix
Diwuanw dingqix taiwving’ui
verqniaw muixx zit decc jywduix
kyxsiyh Samniuu iauxx dnax juiw
berdid sna’ qnir siongrr kikkuix
Qingquer jap-veh nii zidqngx
Qarjaii jre dirr vangg bincngg
u langg beh qiyr jiac jaxvng
siangx kax qnuaxqinw qniaa cud mngg
Tauwjaw ee vng duxx jiac vaw
zip lai vinxqyr inx a’vax
zidtauu bue cud iauxx jin’ jaw
sniu beh jnriu snuax kir paclac
Beh kir paclac jnriu snuadingw
laii qra verongg sueh hunbingg
jyr qniaw m qnaw uii(? byy zri) bingrling
narr kingw suisii beh kixdingg
Diwuanw simlai amr hnuahiw
suisii cutling hro hongzii
jnriu snuax paclac diyhh sewzi
sursu lanw diyhh kacc dniudii
Uad zip vangg-lai ngua buxjongx
cing qaxx jit srinx qimx qongxqongw
cing qaxx u siur qimx linghong
jit srinx vran qaxx jin’ sikdongx
Sinkux vran qaxx jin’ jingxjee
jinjniar iong’iongw siauwlenqex
srinx kiaa vegsig ee junwbew
jnriu snuax paclac qodnuax xee
Vran liauw sidjai u qacpah
qodnuax jit langg kir paclac
jit jiah vec bew itdit var
pauw qaur jit jxy qxow snuakax
Dirr hiax suisii tiaur lyc bew
jauw zip snuax-lai siwqer cue
ciurnaa jiauxjiah si jin’ je
ixgua iarr byy simxmih xee
Bingxsiur longxjongw byy vnuar jiah
ongxhuir qimzit laii qaur jiax
snuadingw iuqycc longx si qia
qimzit jnriu snuax juanw byy jiac
Dirr hiax hiyckunr suacc sen sen
qimzit jnriu snuax simx jin’ qenx
snuadingw sewqer jauw jit venr
pah byy vnuar jiah jin’ ongxzenn
Qimzit jnriu snuax jin’ vutli
simqnuax zuxx sniu zuxx giaugii
dua jiah bingxsiur jauw kir bih
iarr byy ngiuu-aw iacc snuadix
Taiwvik laii qra diauqoxdongw
jaix inx buxqniaw beh sionghongg
unriong sensut qra joklong
jit jiah tor-w luan luan jongg
Jit jiah vec tor luan luan jngr
jauw zip ciurnaa ee diong’ngx
si beh laii cua Qarjaii dngw
laii qra cua kir Suadyjngx(?)
Samniuu jailan decbeh quer
vec tor beh qra cua ix huee
cuxkir buxqniaw beh sionghue
juanx si koxjingg byy ciywkuex
Qarjaii dirr hiax decc tiauwbang(?)
qimzit pah byy liauw jit qangx
knuar diyc ciurnaa decc dinxdang
jit jiah vec tor qniax siw langg
Jit jiah vec tor hiacc dua jiah
cuir duiww cauw-aw itdit giaa
qinw beh kuix jnxir qra ix sria
hnuahiw qimzit juanw u jiac
Vec tor diongr jnxir jid’err tniar
jit sii huatjog dua cniqniax
hiongr duirr saivingg itdit vniar
hutzenn jit jun ee hongx-sniax
Vec tor duiww saix itdit jauw
naxx jauw ix iurr naxx uat tauu
Qarjaii duix dirr ix buexau
duix qaxx sinkux qnua dit lrauu
Qarjaii iuqycc jin’ qnuaxqinw
vec tor jauw qaxx jin’ cutsinn
hongx-sniax jit din iurr jit din(jun?)
sinkux naxx jauw suacc naxx kinx
Sinkux cincniu hongx decc sangr
decc jauw bersux naxx vuex pxangx
langg hro tor-aw decc vniwlang
bingbingg si beh krir siw langg
Lortauu m jaix pauw zuarr hng
jauw qaxx kaqud qiongrbeh sngx
Qarjaii duix tor cniaw cetdng
qewsiok laii liam Suadyjngx(?)
Qarjaii liac tor banrcniaw cniur
qongw kir mia pnaiw Liw Samniuu
koxlinn cing qaxx m jniaa ngiu
cuanww cing puar snxax e ijniuu
Samniuu qnaxx e mia jiacc kow
qniaw siw lenlui Liw qaloo
qingquer jap-veh ee nido
binrpuee siausanw bah huanw ox
Huanlyw langg suacc jin’ sanxsyh
huanlyw angx-qniaw iurr longxx byy
byy angx byy qniaw tangx hyw kyr
jit srinx kyxviw kitjiahvyy
(go)
Pnaiw mia bagsaiw lrauu be jin
cnicamw berdid tangx cutsinx
qniaxzii jit kir byy imsinr
jniasit longxx byy hyw quiwzinn
Dogsimx a’syw jin’ kyxpar
jap-veh dxangx jingg camw qaur dnaxx
jaixkiw iuqycc hro ix ma
qnuaxqinw huadlyc tangx sew snxax
Ciuw qnrua snakor cud byrvangg
sniu qniaw lirkuix jap-veh dxangx
sniwmia qamxx e juann byy brang
pnaiw mia byy qniaw iarr byy angx
Samniuu jauw zip huehngg lai
suliam qimqniaw Lauu Qarjaii
qamxx si cutgua virr langg hai
iarr byy puesinr tangx dngw laii
Jap-veh nii quw byy siausid
byy sniu linw buw pnaiw quer zit
angx m jai’ngiaw qniaw jauxsid
iuqycc lenlui ix Liw Dit
Vangr lyc ijniuu qinw jnriu juiw
srux qniaw e mia vaux kikkuix
snakor naxx sew naxx toxkuir
bagsiaw vutsii siwlamm suii
Naxx kaur snakor diyhh naxx sew
derr id pnaiw mia guaw jit xee
mizit dy’ si decc uanwceh
sniu qniaw suar sniu siw uanqex
Hutzenn simqnuax pogpok tiaur
bagpuee cuah qaxx dongr be diauu
m jaix si u sniaw qetdiau
simqnuax naxx sniu naxx gesiauu
Simqnuax naxx sniu naxx giaugii
bagpuee cuah qaxx byy tingg sii
m jaix sniaxhuer decc qokvih
simx qniax ganw tiaur lann dniudii
Hutzenn hongx-sniax dirdecc kaur
Samniuu qnuaxqinw giaa kiw tauu
knuar diyc vec tor itdit jauw
jit xee simqnuax luan caucaux
Hro guaw simqnuax lann did caix
tor-aw jauw duiww qoxjniw laii
simqnuax decc sniu dnaxx dyrr hai
qniax qaxx moqngw pongr saisaix
Vec tor sinkux qycc diongr jnxir
laii qaur tiaur jnriu qoxjniw-qnii
Samniuu bagjiux jid’err nih
jnxir suacc qalauc dirr sinvnix
Jit sii simqnuax suacc bangg bangg
sniu beh qra kiyh iarr m tangx
tor-aw iarr suacc jauw kir cangr
buexau qycc duer jit xee langg
Jit xee siauwlenn qimx qimx knuar
bagjiux decc knuar qoxjnixvnuaa
sinkux lrauu qaxx juann si qnua
dy’ si jit xee siyw qunqnuax
Hix ee siyw jiongr iarr decc cuanw
bagjiux duiwknuar qra siongr quann(?)
Samniuu simqnuax qiongrbeh luan
m jaix beh kiw sniaw surduanx
Qarjaii duix laii qaur jitt ziah
knuar qnir tor-aw jauw duiww jiax
guaw hro tiksnix liw jin’ qniax
jit qix qingjnir vangr dirr hiax
Qarjaii jit sii suacc gang gang
jiycmngg jitt xui hurzinlangg
tor-aw si liw liac kir cangr
vaiwtog hingg guaw tangx m tangx
Tniax ix decc mng tauu quxkiw(?)
ciuw kiyh qingjnir giaa jit qix
tor-aw m jaix jauw dyhh kir
cniaw siyw jiongqunx benw hiaugii
Vaiwtog m tangx siy’ congwqingw
jauw laii dirr jiax bingg ~ ~
jit qix qingjnir tangx jywjingr
loxlat liw diyhh liac laii hingg
Samniuu tniax diyc simx jnia’ jyx
jiongqunx tniax guaw sueh herlyc
tor-aw m jaix jauw kir dyhh
guaw si knuar u liac dy’ byy
Guaw duix tor-aw dirr buexau
duix qaxx longxx byy qycc uat tauu
bingbingg dirr jiax duxx duix qaur
narr byy qingjnir dirr linw daux
Guaw u kiyh jnxir byy kiyh tor
vec vor m tangx niw qaxx ox
hun guaw qnaxx e mia jiacc kow
duw diyc jiongqunx jiacc hydoo(?)
Qarjaii knuar diyc Samniuu bin
knuar ix bak kaur suacc sinn sinn
muaxbin cincniu decc uanwhin
dauwdew m jaix sniaw guaninx
Qarjaii sniu qaxx qovutjiongx
knuar ix muaxbin dair ciu’iongg
ix cing puar snxax langg hoksiongr
bagganw snix kir jin’ jusiongg
Qarjaii jywlangg iarr jin’ kiauw
knuar diyc Samniuu u kikiaux
u sniaw koxjingg jyr be liauw
diyhh laii qra mng jiacc bingliauu
Liw si druar dyhh decc qiju
simxmih singxhun ee derkux
simlai u sniaw uanongxsu
sidjai laii qongw ben cesuu(tesuu?)
U sniaw dairjir jiauww sit qrangw
linw cur iauxx u simxmih langg
guaw jiacc qra liw dauwsnaqang
vutvingg guaw jiacc draur vangbangg
Samniuu tniax diyc lrauu bagsaiw
byy qongw jiongqunx liw m jaix
qniaa uaw qra ix vair jit vair
hiamw hiamw vair dyw Lauu Qarjaii
Hai ix suacc kia be diauu de
jit xee taukag bangg bangg sec
jin’ be kamx did rib jit lew
qinw kanx Samniuu jiacc qra huee
Banrlangg vair guaw byy iauwqinw
be kamx jit xui quiwhuzinn
Samniuu kia dirr ix duiwbin
jiongqunx tniax guaw sueh guaninx
Vinxqyr jiongqunx tniax sueh kiw
Suadyjngx lai gunw vunxqix
ciapsinx vunw si bingqaliw(miaqaliw?)
cutsir huwqalangg luxzii
Verbuw jaw jaw laii kiwser
jriw vangr hniamue gunw nng xee
jap-veh dxangx ingg diyhh jyckeh
jiyhux Diwuanw qangg jit qex
Puer ix Diwuanw jyr qeau
ix hro gunw jiyx druar gunw daux
pnaiw simx a’syw jiac guaw qaur
angx hiamw siw dirr ix ciuxtauu
Jiyx byy zuarr quw hiamw hai siw
jap-veh nii jingg dauqunx kir
lenrr guaw dy’ suacc sriu lingdi
guaw jiacc byrvangg snix haizii
Sner Liw Samniuu guaw ee miaa
Jongsinr dyrr si gunw a’hniax
Qarjaii si guaw cinsniqniaw
cutsir li guaw inx a’niaa
Virr syw koxdok jap-veh dxangx
qaur dnaxx bue qnir qniaw qapp angx
sidjai liw sueh byy vadd hxang
muixx amr cnicamw dirr byrvangg
Muixx zit virr syw ma qapp pah
hro jenw taumox suacc liur kax
kadew lrauu huih qangrr pongwpa
snix qniaw dngw jxaii iong cuir qa
Jaiduar iong cuir qa qaxx dng
dorjaii iurr qex(?) vak taumngg
cnicamw byy dyx iong cuir dngw
sniu beh hy miaa simx jiacc sngx
Hy juer Qarjaii si liahqingw(?)
qamxdong cnicamw ee jinghingg
laurloo py qniaw kir dysingx
qaur dnaxx snesiw iauxx vutbingg
Angqniaw lirkuix jap-veh nii
quewkir qankow zit duw mii
sniu diyc auqngw qiongrbeh dni
m jaix angqniaw u jairsnix
Pnaiw mia mizit lrauu bagsaiw
sniu diyc qimqniaw Lauu Qarjaii
juxpog jit kir bue huelaii
qaur dnaxx snisiw longxx m jaix
Qarjaii krir qaxx qa cuiwjic
duardnaw qongxue qnaxx siongkix
qongw gunw verqniaw ee miazi
qangg miaa qangg sner jiacc u qrii
Sner Lauu Diwuanw gunw laurve
Qarjaii dyrr si guaw jit xee
gunw diax henrqimx jyr hongder
luanrgenn liw e sriu cauqex
Ovec luan qongw si e hai
gigjiw liw diyhh liac kir taii
guwn druar kewceh(?) ee qoklai
liw naxx iaurr u Lauu Qarjaii
Jiongqunx m tangx laii siurkir
guaw qongw sursit m si hix
qangg miaa qangg sner muaw muaw si
vaiwtog simqnuax m tangx gii
Tniax liw decc qongw jitt hy ue
guaw byy siurkir ee bunrdee
liw soxu qongw ee qingquer
sidjai urngiaw jin’ lenhuee
Jin’ u ququair ee surqnia
siy’ qangg niqiw qangrr snewmiaa
dairjir kaksit dyrr urngiaw
guaw jiacc qra liw draur tamwtniax
Jyww liw simqnuax benw huanlyw
guaw jiacc qra liw draur huadlyc
dngw laii guaw jiacc cud qongxqyr
vaux u siausid benw qniax byy
Qamxsia jiongqunx u dorliong
anxnix guaw dyrr benw visiongx
diaujax narr si u kiwhiongr
qiar puex vyr guaw sueh qethiongx
Quatding e qra liw draur cue
cue diyc guaw jiacc qiyr ix huee
hro linw buxqniaw did sionghue
narr byy guaw iarr e tongx puex
Duiww siyw jiongqunx jin’ vutju
qycc laii lydong liw sinkux
banrhing cuxkir narr cue u
dyrr si jiongqunx ee zinjuu
Kaksit qra liw draur kaciuw
jyww liw ansimx benw iuciuu
jitt jann jikzim guaw inxsiu
sitlew guaw beh huee Hunjiux(?)
Duiww siyw jiongqunx jin’ qamxsia
u ingg diyhh qycc laii gunw jiax
diaujax narr si puex u qiar
sunrsuar vaiwtog inx a’diax
Sitlew guaw dnaxx beh siy’ srii
jyww liw ansimx benw siongvix
liw soxx qaudair guaw e qir
hongwsimx mrbenw laii quawgii
Vaiwtog e liauw dy’ be jin
jiongqunx si guaw ee unzinn
brang linw daircue diyhh iauwqinw
ioksog m tangx byy sinwvinn
Dairjir mrbenw qycc dinglingg
jyww liw simqnuax vangr hro cringx
banrsu longxjongw iurr tenbing
sitlew guaw qinw beh kixdingg
Jiongqunx berdangr sangr liw dngw
u ingg narr laii Suadyjngx(?)
cuxkir Hunjiux(?) lo jin’ hng
jit diauu siyw lo duiww dangx mngg
Qankow quer zit jin’ kuair snix
angqniaw lirkuix jap-veh nii
qidyw sinbingg qapp qriuu tnix
hibang hro guawn jaiww tuan’ngii
Qarjaii lirkuix dua vo jauw
Samniuu vutsii bagsaiw lrauu
knuar siyw jiongqunx kir liauxau
jit xee simqnuax luan caucaux
Qarjaii jauxlo benw qongw kiw
Samniuu simqnuax jin’ hiamgii
qangg sner qangg miaa qangg niqiw
binrmau cincniu guaw qniaxzii
Jre lyc snakor qnuaxqinw sew
byy angx byy qniaw qodnuax xee
sniu diyc sidjai jin’ uanwceh
derr id hiauhiongg si uanqex
Snakor sew liauw huee byrvangg
sniu siyw jiongqunx qniaw siy’ qangg
simqnuax uadd sniu uadd ngwbang
binrhingg qapp qniaw jnia’ siy’ qangg
Binrhingg qapp qniaw jin’ cincniu
jiacc u hitt kuanw ee binrcniux
qangg sniwmiaa qycc qangg snisniur
sniu diyc krir siw Liw Samniuu
Narr beh guaw qniaw virr langg kiyh
qimzit hro guaw knuar e diyc
byy mng jimjiog jin’ kyxsiyh
jit xee simqnuax qiongrbeh siyx
Simqnuax sniu diyc jnia’ qankow
be qir qra mng lau qaloo
ix dnaxx dngw kir byy huatdo
simqnuax naxx sniu naxx hydoo(?)
Juann brang sinbingg qapp anghut
erdangr vangbangg kir cue cud
Lauu .Qrax jiacc e be qokud
Qniaw narr cue u jiacc u jxingw
Diwuanw byy dngw jin’ vutbingg
tniqongx liw diyhh u qamxingr
vyxvir angqniaw huee qadingg
Dnaxx dyrr brangx tnix qapp brang de
vyxvir verqniaw qinw hueqex
amwdiongx duiww tnix decc dauhe
bagsaiw cincniu decc tinn dee
Qidyw derr id vyxvir qniaw
sinbingg anghut draur kancniaa
erdangr vyxho qniaw u mia
diyhh qinw dngw laii qnir linw niaa
Jai’ngiaw diyhh qinw dngw qnir byw
sniu’ ban kiongxqniax e cue byy
jiamrtingg quax jiacc be uaiqyx
ngua qongw Qarjaii e herlyc
(lak)
Qarjaii lirkuix Liw Samniuu
simlai dirdecc amr juxdniux
naxx qniaa simqnuax naxx decc sniu
kyxlinn samniuu e hardniuu
Guaw si jit xee jniar taiwjuw
viw ix Samniuu be kacc sux
hro ix vair diyc kia be ju
tauu hinn bak amr kaciuw puu
Simqnuax sniu qaxx zuu cangxcangw
m jaix ix si dydingw langg
uanxzenn jit dniuu ee ganxbang(?)
cud jngx diddit qniaa hiongr dangx
Uirdiyhh paclac jit jann dai
jiacc e jauw duiww jitt dah laii
hitt jiah vec tor laii soxx hai
bingbingg congwdi guaw Qarjaii
Hunjiux(?) m jaix iauxx zuarr hng
kaqud qaur jiax qiongrbeh sngx
simqnuax sniu beh qnuaxqinw dngw
tangx qra hurongg(verongg?) sueh jinrmngg(?)
Amwtauu qniaa qaur qxex vyr xinn
tnix qngx jauw qaxx zit lyc sxinx
sindiongx daniuu qiongg jiac jin
mizit byy kunr vnuar diamw binn
Quax si sunrsu jiauww tauu venx
qniaa kir sxor zit longxx siy’ lenn
langg si jauw qaxx jinjniar sen
sniu kiw Samniuu jin’ koxlenn
Beh laii anxjnuaw qnaxx hiacc qinw
beh dngw qniaa qaxx oamwhinn
lortauu m jaix hng iacc qin
lorcauw iuqycc zin be jinx
Cud laii qingquer byy quiw qangx
beh dngw anxjnuaw lo byy qangg
u sniaw quair mic decc vniwlang
beh laii jautad guaw jit langg
Hro guaw sen’ sniu dy’ be qaur
qniaa sxor quw be qaur gunw daux
lenn zit xia qnuaw itdit jauw
qamxx si jauw liauw cyr lortauu
Qnuaxqinw qniaa qapp cuanw duarkuir
berdangr jit sii qinw huequix
dauwdew(?) qaur jiax dycc jit xui
uirdiyhh paclac jiacc siurkuix
Qankow marr dy’ bongxx hro cuanw
dairiog liammix e zip quanx
m jaix lordoo jiacc iau’uanw
qniaa qaxx kadow qed qui’ uann
Qniaa qaxx berdid qinw qaur quanx
benw decc hro guaw dair cauhuann
berdid jaw qaur jiokk m guan
kiauw kiauw venr jyr naxx cnehuanx
Katkow(kakkow?) dy’ iarr e qauwui
knuar qnir sniamngg iauxx bue kuix
qniaa qzur sniakax cuanw duarkuir
ciuw duiww sniamngg itdit duii
Qarjaii dua sniax qiyr kuix sniaa
lairbin qunsu diyc jit qniax
tniax langg snia’imx m jai’ngiaw
qiyr kuix sniamngg simxmih miaa
Qarjaii tniax inx dirdecc mng
qycc laii dua sniax qiyr kuix mngg
linw jiax vngrtangw be pacsngr
qnuaix mngg lairgua si zuarr hng
Tniax diyc snia’imx u sigsai
jimjiog qra tniax jiacc e jaix
qunsu dec chuah dnaxx dyrr hai
dyrr si taiwjuw huedngw laii
Qunsu qniax qaxx cuanw duarkuir
sniamngg jit sii nng vingg kuix
Qarjaii siurkir sniaxx naxx luii
vew sniaa qunsu nng vingg suii
Qunsu gniajih zip lairdew
Qarjaii taukag bangg bangg sec
sniu beh qinw qnir inx laurve
tangx qiur samniuu inx niumue(?)
Jniawqunx(?) m qnaw qycjaiww mng
knuar ix jin’ hiongg cud au mngg
Qarjaii sniu beh qnuaxqinw dngw
quawsimx sniu kiw Suadyjngx(?)
Snax uad nng uad sui’ qaur der
siangx kax jinwzip iw-aw jre
bunbuw-qnuauann laii qingwlew
uree qnuaxqinw decc tinn dee
Taiwjuw jre lyc iauxx decc cuanw
simqnuax sniu xe qapp sniu quann
jingsinn qiongrqiong beh sanwluan
uirdiyhh Samniuu decc cauhuann
Uirdiyhh Samniuu jit jann dai
ter ix huanlyw byy langg jaix
qnuaxqinw vreh kiw qniaa zip lai
duw diyc Diwuanw qniaa cud laii
Diwuanw knuar diyc inx qniaw dngw
qycjaiww uat zip tnxiax diong’ngx
jre lyc iw-aw jiacc qra mng
qniaxzii liw si kir hyhng
Qniaxzii liw si jauw kir dyhh
hai guaw siwqer kir cue byy
simxmih dairjir decc huanlyw
anxjnuaw langg suacc qig syy syy
Qarjaii jre lyc jiacc kaikauw
simqnuax jit sii luan caucaux
verongg liw diyhh tniax guaw jraur
jiongrr tauu jiww buew sueh tauwlauu
In’ui paclac jnriu snuadingw
pah diyc vec tor bingg ~ ~
jit jiah tor-aw jnia’ ciuxcingr
vniar decc dit jauw duiww sevingg
Qniaw si duix dirr ix buexau
tor-aw naxx jauw naxx uat tauu
guaw si vniawmia itdit jauw
duix qaxx dua qnua sir bin lrauu
Bingbingg lirkuix byy zuarr hng
jid’err duix qaxx Suatyjngx(?)
tor-aw bingbingg qapp guaw sngw
jauw zip jit jxy ee huehngg
Jauw qaur jit xui vecqakjniw
kyxngor jit jiah siyw jingsnix
qaur hiaxx jriw vangr jit qix jnxir
jit xui hurzinn dirr jnew-qnii
Guaw si beh qra tyw vec tor
tniax ix qongxue jiokk hamhoo
hitt jun sniu qaxx byy huatdo
druar dirr jnew-vnix dnii qui’ vox
Hitt sii guaw hro rib jit lew
taukag jit sii bangg bangg sec
qui’ srinx suacc kia be diauu de
m jaix huan diyc simxmih xee
Knuar ix zinjaii jin’ hoksiongr
mrqycc muaxbinw dair ciu’iongg
sintew iuqycc byy zuarr iongw
knuar ix simlai jin’ visiongx
Guaw mng siongser jiacc qongw kiw
guanvunw bingqax(?) ee luxzii
Suadyjngx(?) lai vunxhiongliw
sner Liw Samniuu dyrr si ix
Jiongrr tauu jiww buew duiww guaw qongw
Sner Lauu Diwuanw ix ee angx
angqniaw longxx hro byy soxx brang
virr syw koxdok dirr byrvangg
Tniax qongxx jiongqunx kir huanqair
byrvangg snix qniaw miaa Qarjaii
qaur jiaxx jap-veh nii sidai
angqniaw sniwmia iarr m jaix
Gunw cur cud diyc pnaiw a’syw
hro ix hai qaxx mia hiamw byy
muixx zit dy’ si vnuar jiac gy
jit xee bersux kitjiahvyy
Zidqanx dnax juiw mii buaa bec
muixx zit diyh’air tnibuaqex(?)
ex hyw jiacc u jit nguaw muee
narr byy qongr qaxx jyr qxauw vee
Tniax ix decc qongw urngiaw camw
sinvnix byy qniaw qapp byy angx
siausid siwqer berdangr tamr
muixx zit bakkox dy’ damm damm
Inx qniaw jitt jun jap-veh huer
cutsir duxx dirr Jnxiax-guec cuex
vaiwtog qiyr guaw qra draur cue
cue u qiyr guaw qra siaw puex
Dairjir sidjai u kaxqii
snewmiaa qapp lanw byy jingcax
baiw loo sidjai u acvar
kihu qniaxzii qapp a’vax
Ix beh brang ve draur kaciuw
qiyr guaw qnuaxqinw huee Huniux(?)
dngw laii qiyr diax draur genxqiur
dauwdiw(?) Samniuu mih in’iuu
Diwuanw tniax diyc sriu ciwkig
dairjir itcer jiacc bingvik
gan’iongg jit sii jiauu venwsig
baiw loo liw qnaw jiacc hinggik
Qongw lanw sniwmiaa longxx siongdongg
sniu beh qra zin siar joxqongx
Samniuu cincuir duiww guaw qongw
cinsniqniaw miaa Qarjaii Longg(?)
Diwuanw naxx tniax auu naxx dni
jiacc duiww qniaxzii sueh jit pnix
jap-veh nii laii byy siy’ qnir
liw si Samniuu cinvag snix
Verongg nacc byy kacc jaw qongw
derr id vuthaur guaw Jaii Longg(?)
guaw buw siurkow jin’ uanongw
bycaiw dongsii bin sionghongg
Jaw narr beh qongw qniaw iuciuu
hro ix qankow jap-veh cxiux
linw buw uirr guaw jiacc zimxsiu
verqniaw qnuaw huee tangx vywsiuu
Qra qniaw qaudair benw cauhuann
vingsu hro liw kir diaucuann
hro liw qunvingx dair huejuanw
tangx ter linw buw vyr dua ruanx
Huah sniax Kaiguann Sxi danxhau
m qniax baiw loo zuarr sewtauu
ngua qongw Diwuanw junw jyr qaur
knuar qnir Samniuu dirr lairtauu
M dyrr linw hux(angx?) Lauu Diwuanw
sxor quw jiacc huee Suadycuanx(?)
ixjingg sinngiu byy qangrkuanw
qinw kuix mngg laii tangx tuan’uann
Knuar cex(?) liur kax tir qngtauu
hro guaw simqnuax qiongg qalauc
hucex qniwbin py decc kaur
jap-veh nii jingg dnaxx huetauu
Jap-veh nii laii qxunx hyw kuanw
qionghiw guaw qxunx derui quann
guaw qniaw byy qangrr liw huejuanw
iuqycc byy knuar lau Dauruann(?)
Qaloo qauwui langg suacc si
nauxqinx ciongx dng byy iyc rix
jnew dngw cue tor m bad liw(?)
dyrr si liw ee cinqniaxzii
Diwuanw liw si guaw cinangx
Samniuu beh qycc mng jit hxang
liw lanw lirkuix jap-veh dxangx
qaur jiax ceciab u quiw vangg
Samniuu benw mng jitt hy ue
dongcox dauqunx tauu jit huee
guansuer senhongx hro guaw juer
vutlun singwvai jin’ jaivuee
Hro guaw ditsingr jin’ hnuahiw
jauwqar(?) guaw puer inx luxzii
guaw sueh guanpuer dyrr si liw
ix qongw qamguan juer sewii
Gaghue vni dang li sewqair
suisii singwjiw qycc suacc laii
sair danw hurjid jetdorsair(?)
laii cua hencex duiww jiax laii
Cex(?) byy qenwquair jiacc si gauu
jiamrcniaw kir druar snax-jig daux
kir liac baiw loo suisii qaur
benw mng qniwbin dyrr taii tauu
Baiw loo huhu rah laii mng
jiong’ Kaiguann Sxi jyr qongdngg
Samniuu qinw qra inx angx krngr
jue juanx baiw loo jurhu drngx
Okhu qaur jiaxx byy kauxqingx
vutlun mih langg qriuu byy jxingg
lrauu ix sewqanx byy loring
rah kir sxi-gua dyrr denxhingg(?)
Puathu longxx byy sniu jionglaii
siw zit qaur jiax ix jiacc jaix
guaw cex(?) Samniuu gauu zimxnai
jniawqiongx honghiyx hab’ingqaix
Samniuu qnuaxqinw jraur banrsuer
Jongsinr qui qaxx kaxx jee jee
daiwliam guaw qyx siar byy jue
su juann okhu ix jit xee
Diwuanw tniax jraur iarr byy hin
Samniuu ter qra sria(?) singwinx
diyh’air siuxqiw qapp anhun
qamxsia iuxdy dairbingg qxunx
Gaghu si sinn qra jixdiamw
Diwuanw Samniuu jingg sxer enn
singx kow au qamx jyr be sen
qankow qaur jiax jap-veh lenn(nii?)
Uirr guaw qankow mia hiamw byy
hyw did bexongg(?) toxdirvyy
liongw sinn amwdiongx qra lanw vryw
sinx biy juer jxiyr kia dingqyx
Zinjingg jiacc qongw diyhh bongxx qor
juann si snax-jig dua qonglyy
huadlyc beh dngw kir jewjow
Liw Siongr qaur jiax suacc ohox
Snax-jig ixqing’ laii quewongw
quaxzinn qra hrongx Diongrgi Ongg
Dauwuann(?) zip biy hrongx taiwnow
qoktair-binanx uann dewdox
Samniuu siarunx zip hongqiongx
bunbuw-vacqnuax dua jundiong
dua siar tenha benw lap hxiongr
hongdiauu-uwsun qokqax qiongg
Jethu cud dirr Qangsox Singw
banrqow liutuann langg laubingg
sewsiong ee langg samvutdingw
uahquaw Samniuu derr id cringx
Quax si laii decc kngr sewzinn
jabow diyhh yc Liw Samniuu
poxtongx quaw-aw byy cincniu
venx zip samvatjed buxcinx
Guan siuw qankow qonglyy dua
Samniuu cnriu juiw vec tor quax
liam qaxx qaur jiax duxhyw suah
quwdau jriab kir qycc be tuax
Sner Liw Samniuuu quax lak vunw
hixnoailok tong’ u hunx
Diklimm inr quax u piaujunw
liam liauw cuwbi laii juwbunn