Isaiah

1 Dng' Uziah, Jotam, Ahaz, Hezekiah, juer Judah Ongg ee sii, Amoz ee qniaw, Isaiah soxx did .diyc lun Judah qapp Jelusalem ee bigsi.

2 Tnix ar, diyhh tniax, de ar, diyhh ngar hnirkangx, in'ui Jehovah u qongw: Guaw bad ngiuxci qniaxzii, vue'iongw inx duarhanr, inx qingxzenn vuergik Guaw.

3 Guu bad ix ee juxlangg, luu bad ix ee juxlangg ee jxyy; danrsi Islael m bad, Guaw ee vecsnir berhiauw sniu.

4 Hairar, huanrjue ee qog, vue jue ee vecsnir, qniaa pnaiw ee jingxlui, vairhuai ee qniaxzii; inx lirkuix Jehovah, knuawkinx Islael ee Sxingr :ee, qapp Ix cnisox, uat dywdngw .kir.

5 Linw dauc dauc vuergik, si rair qycc siurr pah mah? Muaw taukag ixqing’ tangwtniar, muaxsimx sueziok.

6 Dui' kajiyh drew qaur taukag dingw, byy jit der hyw bah; longxx si siongcuir, ocnijingw, qapp sinx pah ee siongx; longxx bue u siucuir, bue u vaux vat, iarr byy ing iuu zunrdik.

7 Linw ee ixqing’ pahngx; linw ee sniaa siurr huew siyhuiw; linw ee canhngg dirr linw ee binrjingg hro guarvanglangg soxx cimtunx; ixqing’ pahngx, cincniu hro guarvanglangg soxx vairhuai :ee.

8 Jixu lauu Zion Sniaa, cincniu pudyhngg ee cauxliauu, que'axcann ee cauxcur, siurr uikunr ee sniaa.

9 Narr m si banrqunx ee Jehovah qra lanw lauu damrvyc cunx ee vecsnir, lanw dyrr ixqing’ cincniu Sodom, cincniu Gomolah jidngiu.

10 Linw Sodom ee qnuadniuw ar, diyhh tniax Jehovah ee ue, linw Gomollah ee vecsnir ar, diyhh ngar hnirkangx tniax lanw ee Siongrder ee qawsi.

11 Jehovah qongw: Linw henr hiacc jewmic hro Guaw u simxmih lirig? Qangx ee mingiuu ee siyjer qapp vuii ee jingsnix ee iuu, Guaw ixqing’ vaxiar lar; guqangw ee huih, ngiuu-aw ee huih, snua'ngiuqangw ee huih, Guaw longxx byy hnuahiw.

12 Linw laii diauqnir Guaw, jirjui duiww linw tyw jitt xee, laii tunxdac Guaw ee ngi ar?

13 Byc did qycc henr kangx kangx ee lexmic; hniuliau si Guaw soxx iamwngor :ee. Guec ee ceid, Anhiyczit, diauwjip ee jurhue, si decc qniaa pnaiw; siuw giamsiokhue, Guaw lunw be diauu.

14 Linw dagg guec ee ceid qapp jecqii, Guaw ee simx uanwhun, knuar ix juer dang dnar, hro Guaw dnax be kiw.

15 Linw giac kiw ciuw, Guaw beh ngx bagjiux m knuar linw; linw jerje qidyw, Guaw iarr m tniax; linw ee ciuw muaw muaw taii langg ee huih.

16 Linw diyhh sew laii qaqi cingkir; dui' Guaw ee bagjiux jingg druu kir linw soxx qniaa ee pnaiw; suah linw ee juer pnaiw;

17 Hagsip qniaa hyw, cue qongvingg, jinxqiur siurr apjer :ee, qra byy ve ee qniaw sin'uanx, uirr jiuxqnuaxlangg venrho.

18 Jehovah qongw: Linw laii, lanw snaqab venrlun; linw ee jue suizenn cincniu ju'angg, beh venr vec cincniu seh; suizenn angg cincniu enjix, beh vec cincniu ngiumngg.

19 Linw narr qamsimx tniatanr, beh did diyc jiac derjniu ee hyw mic.

20 Narr m tniatanr, huanxdngw vuergik, beh siurr dyqiamr tunbet; in'ui Jehovah cincuir qongw ix.

21 Hairar, diongsinr ee sniaa vnir juer ciongqix; jiongjingg ciongmuaw qongvingg, qonggi diamr hitt lairbin; henrjai si hiongsiuw decc kiarkiw.

22 Liw ee ginn vnir juer jedaiw; liw ee jiuw taur juiw.

23 Liw ee qnuadniuw huanrhuad, qapp cat dauwpnua; dag'ee air siurr vowlo, siauwsniu siarlew; inx byy uirdiyhh byy ve ee qniaw sin'uanx, jiuxqnuaxlangg ee anwqnia be did diyc qaur ix ee binrjingg.

24 In'ui anxnix, Jruw, banrqunx ee Jehovah, Islael ee inghiongg :ee qongw: Hnoh, Guaw beh druu Guaw ee qiusiuu, hro qaqi kacc e anx .did; beh duiww Guaw ee duiwdik laii vywsiuu.

25 Guaw beh qycc he ciuw dirr liw ee sinjniu, itjin tuanwlen liw ee jedaiw, druu cringx liw ee jabjid.

26 Guaw beh qycc setlip liw ee simxpnuawqnuax cincniu kixtauu, setlip liw ee bosu cincniu jazit; zen'au liw beh cxingx juer qonggi ee sniaa, diongsinr ee sniaa.

27 Zion beh in'ui qongvingg did diyc qiuwsiok; inx dywdngw .laii ee langg beh in'ui qonggi did diyc qiuwsiok.

28 Vuergik :ee qapp huanrjue :ee beh juer jit xe vairhuai; vangwsag Jehovah :ee, dikkag siaubet.

29 Hiaxee langg beh in'ui linw soxx hnuahiw ee siongrciu laii lauwkuir; linw beh in'ui soxx qingw ee hngg laii qenwsiaur.

30 In'ui linw beh cincniu hiyc dax .kir ee siongrciu; beh cincniu byy juiw ee hngg.

31 U quanser :ee beh cincniu muasud, ix ee soxx juer cincniu huexcnix; longxx juer jit xe dyc, byy langg pah huax.

2 Amoz ee qniaw Isaiah soxx did diyc lun Judah qapp Jelusalem ee bigsi.

2 Qaur hiaxee zit ee liauxau, Jehovah ee dxen ee snuax beh qenwlip dirr jiaxee snuax ee dingxbin, vnuaa quer longxjongw ee snuaniaw; banrqog longxx beh laii qruix ix.

3 U jerje qog ee vecsnir beh kir, qongw: Laii ar, lanw jnriu Jehovah ee snuax, qaur Jakob ee Siongrder ee dxen. Ix beh ing Ix ee dyrlo qawsi lanw, lanw iarr beh qniaa Ix ee lo; in'ui ludhuad beh dui' Zion cud, Jehovah ee ue beh dui' Jelusalem tuanvyr.

4 Ix beh dirr ledqog diongx laii simxpnuar, uirdiyhh jerje vecsnir laii qaixquad. Inx beh jiong' inx ee dyx pah juer letauu, jiong' inx ee cniux pah juer liam'aw; jitt qog byy giac dyx qongqig hitt qog, inx iarr byy qycc hagsip qaujenr.

5 Jakob ee qrex ar, diyhh laii, lanw diyhh dirr Jehovah ee qngbingg diongx laii qniaa.

6 Jehovah, Liw u vangwsag Liw ee vecsnir, Jakob ee qrex, in'ui inx ciongmuaw danghngx ee hongsiok, qniaa siasut, cincniu Filistlangg; iarr qapp guarvanglangg qet'iok.

7 Ix ee de u qimginn muaw muaw, ix ee jaivyw be sngr .did; ix ee de u bew muaw muaw, ix ee ciax iarr be sngr .did.

8 Ix ee de u gnoxsiong muaw muaw, inx quirvair qaqi ciuw soxx jy :ee, dyrr si qaqi ee jngxtauu-aw soxx juer :ee.

9 Vijen :ee kud lyc, junquir :ee qangwqe; Liw byc did siawbenw ix.

10 Liw diyhh zip jiyhdong, bih dirr too nirr, siamxvi Jehovah ee henxhig qapp Ix uigiamm ee ingqngx.

11 Qaur hitt zit, bagtauu quann ee langg beh qangr juer qe, qiaugno ee langg beh siurr kutlyc, dogdok Jehovah jiwjunx buduir.

12 In'ui banrqunx ee Jehovah u jit zit beh qongqik itcer qiaugno jurqyx :ee, qycc qra itcer singquann :ee longxx qangr juer qe,

13 Qycc qongqig Lebanon itcer quandua ee vikhniuciu, qapp Basan itcer ee siongrciu;

14 Qycc qongqig itcer ee quann snuax, qapp itcer dua ee snuaniaw.

14 Qycc qongqig itcer ee quann daii, qapp itcer qenqor ee sniacniuu;

16 Qycc qongqig Tarsis itcer ee junjiah, qapp itcer tangx iwair suiw ee mic.

17 Qiaugno ee langg beh siurr kutlyc, jurqyx ee langg beh qangr juer qe; dirr hitt zit dogdok Jehovah jiwjunx buduir.

18 Gnoxsiong beh juer jit xe byy .kir.

19 Jehovah kiw .laii, hro de dua dinxdang ee sii, langg dyrr zip jiyhdang, zip tokangx, siamxvi Jehovah ee henxhig, qapp Ix uigiamm ee ingqngx.

20 Qaur hitt zit, langg beh jiong' soxx jy laii vair hitt quaw ginn ee gnoxsiong, qimx ee gnoxsiong, hed hro cancuw qapp bidvyy.

21 Qaur Jehovah kiw .laii, hro de dua dinxdang ee sii, langg beh zip jiyhvnuapang qapp snuadong, siamxvi Jehovah ee henxhig, qapp Ix uigiamm ee ingqngx.

22 Linw byc did uaxkyr sewqanlangg, inx vutqyr u jit diauu kxuir dirr pnirkangx; tangx sngr juer simxmih ar?

3 Knuar ar, in'ui Jruw, banrqunx ee Jehovah, dui' Jelusalem qapp Judah druu kir inx soxx uaxkyr :ee, soxx i'uaw :ee, dyrr si soxx uaxkyr ee bixniuu, soxx uaxkyr ee juiw;

2 Druu kir iongxsu, qapp jenwsu, simxpnuawqnuax qapp sendix, jiamvog :ee qapp dniuxlyw;

3 Gnoxsibhudiongw qapp junquir ee langg, bosu qapp kiauw ee saihu, ixqip gauu qniaa huatsut :ee.

4 Guaw beh hro ginxaw juer inx ee lingxsiur, hro ngex-aw quanxhad inx.

5 Vecsnir beh dairqex sna' apjer, dagg langg sriu cuwvnix ee apjer; siauwlenlangg beh buxban laurlangg, vijen ee langg beh buxban junquir ee langg.

6 Langg beh dirr ix ee laurve ee qrex, kiuw ix ee hniadi, qongw: Liw u ihok, diyhh juer guanw ee qnuadniuw; jitt xee dyxhuai ee qingxhongw, tangx qruix liw ee ciuw liaurliw.

7 Hitt si ix beh dua sniax qongw: Guaw byy beh juer idi linw :ee, in'ui guaw ee qrex byy bixniuu, iarr byy ihok; linw m tangx setlip guaw juer vecsnir ee qnuadniuw.

8 Jelusalem suevai, Judah dyxhuai; in'ui inx ee cuiwjic ixqip qniajuer qapp Jehovah huanxduir, ziaw diyc Ix ingqngx ee bagjiux.

9 Inx ee binrsig qanjingr qaqi ee byy jingwdit; inx qongw kiw qaqi ee juerog, vingrr byy unxmuaa, cincniu Sodom jidngiu. Inx u jaieh ar, in'ui inx qaqi cruw jaihai.

10 Lun girlangg, linw diyhh qongw: Ix u hokkir, in'ui beh jiac qaqi qniajuer soxx qed ee quexjiw.

11 Pnaiw langg u jaieh ar, ix beh duw diyc jailan; in'ui beh jiauww ix soxx qniaa :ee sriu vywingr.

12 Lun qaur Guaw ee vecsnir, ginxaw apjer inx, hurzinlangg quanxhad inx. Guaw ee vecsnir ar, inxcua liw :ee hro liw qniaa cacok, qycc huixhuai liw soxx qniaa ee dyrlo.

13 Jehovah kiw laii jingven, kia lecc simxpnuar hiaxee vecsnir.

14 Jehovah beh simxmng Ix vecsnir diongx ee dniuxlyw, qapp inx ee lingxsiur, qongw: Jiac liauw pudyhngg ee quexjiw :ee dyrr si linw; dui' songwhionglangg soxx cniuw :ee longxx dirr linw ee qrex.

15 Linw sniaw su apjer Guaw ee vecsnir, saur songwhionglangg ee binrpuee? Jex si Jruw, banrqunx ee Jehovah qongw :ee.

16 Jehovah qycc qongw: In'ui Zion hiaxee jaboxqniaw qiaugno, qnialo amrqunw crunx dngg dngg, knuar langg sraiw bagbuew, liamx kax qniaa, kakuann kinkiangx hauw;

17 Soxiw Jruw beh hro Zion hiaxee jaboxqniaw cauwtauu qenpiw; Jehovah qycc hro inx ciacsinx lortew.

18 Qaur hitt zit, Jruw beh druu kir inx suiw ee kakuann, taumngbang, guehjiamx;

19 Hnirkuann, ciuxsyc, dar bin ee puer;

20 Hueby, kalen, hueduar, hniu'ac, hude;

21 Ciuxjiw, pnirkuann;

22 Lexhok, guartyr, piqenx, hyvaux;

23 Ciuxqniar, iuwduersnax, vaux tauu ee qin'aw, ziax sinkux ee puer.

24 Beh u cauwkir laii ter pangbi; syh-aw laii ter iyduar; taukag qngx kyrky laii ter suiw ee taumngg; muavor haa iyx laii ter suiw ee ihok; ing huew ee quwsiongx laii ter ix suiw ee binrmau.

25 Liw ee davodingx beh dyw dirr dyx-xe; liw ee iongxsu beh siw dirr jenwdin.

26 Ix ee sniamngg beh visiongx aiqiyr; ix beh lingxjing jre dirr tokax.

4 Dirr hitt zit, cid xee hurzinlangg beh knii jit xee davolangg, qongw, "Guanw jiac qaqi ee bixniuu, cing qaqi ee ijniuu; dogdok qriuu liw jrunw guanw qruix dirr liw ee miaa, laii druu kir guanw ee qenwsiaur."

2 Qaur hitt zit, Jehovah soxx huatsnix ee ngiw beh suiw qycc ingqngx; toxde ee cutsanw beh juer Islael dytuad ee langg ee ingqngx texben.

3 Huanrnarr lauu dirr Zion, jrunn dirr Jelusalem, qiwjair dirr Jelusalem ingqaix did diyc uac ee langg longxx beh cxingx juer sxingr;

4 Dyrr si dirr Jruw ing simxpnuar ee sinn, siyhuiw ee sinn, sexduu Zion ee jaboxqniaw ee uwuer, cingkir Jelusalem diongx taii langg lrauu huih ee sii.

5 Jehovah beh dirr Zion Snuax venww de, qapp ix hiaxee hue ee dingxbin, zit .sii kiw hunn qapp enx, mii .sii u huexiam ee qngx; in'ui dirr longxjongw ingqngx ee dingxbin, dikkag u ziakamr.

6 Beh u ding'aw, zit .sii tangx juer imwngw laii siamxvi zuac, iarr tangx juer dysiamw tangx bih ee soxjai, siamxvi qongg hongx dua ho.

5 Guaw beh uirdiyhh guaw soxx cintniar :ee cniuwquax, si guaw soxx tniar :ee ee quax, lun ix ee pudyhngg. Guaw soxx cintniar :ee u pudyhngg;

2 Dirr jin' vuii ee snuatauu. Ix kaikunw hitt xee hngg, druu kir jiyhtauu, jraix siongrdingw ee pudyciu, dirr hngg-lai kiw jit jy lxauu, qycc dirr hiax qrut jiuxqud, ngwbang qed hyw ee pudyy, byy pacsngr, suacc qed iaw pudyy.

3 Linw kiarkiw Jelusalem :ee, qapp Judahlangg ar, dnaxx cniaw linw dirr guaw qapp guaw ee pudyhngg diongx pnuawduanr driyc m driyc.

4 Guaw uirr Guaw ee pudyhngg soxx juer :ee ixgua, iauxx u simxmih tangx juer ar? Guaw ngwbang qed hyw ee pudyy, jnaixngiu huanxdngw qed iaw pudyy ar?

5 Dnaxx Guaw qra linw qongw Guaw beh duiww Guaw ee pudyhngg jnaixngiu qniaa. Guaw beh tiah kir livax, hro ix siurr tunbet; tiachuiw uicniuu, hro ix siurr tunxdac.

6 Guaw beh hro ix honghuer, byy qycc siujingw, byy qycc tu'tnuaw; huanxdngw huad cixaw qapp jidlee, Guaw iarr beh bingrling hunn byy lyc ho dirr ix ee dingxbin.

7 In'ui banrqunx ee Jehovah ee pudyhngg dyrr si Islael-qrex; Ix soxx hnuahiw ee ciu dyrr si Judahlangg; Ix soxx ngwbang :ee si qongvingg, huanxdngw u vyrgiok; soxx ngwbang :ee si qonggi, huanxdngw u qiyr uan'ongw.

8 U jaieh ar, hiaxee ing cur jriab cur, ing cann jriab cann, drir qaur byy lauu kangx de :ee; cunx linw qaqi kia hitt xee qingxlai.

9 Guaw cinhni tniax qnir banrqunx ee Jehovah qongw: Dikkag u jerje dua qycc suiw ee cuwtec jniaa juer pahngx, byy langg kiarkiw.

10 Snax-jap brow ee pudyhngg jixu cud jit bat ee jiuw; jitt homer ee jingxjiw jixu siusingg jit efah ee bixniuu.

11 Jaieh ar, hiaxee tauwjaw kiw .laii, hongwciongr limx qau jiuw, diddit qaur mii cimx, simrjiww qaur in'ui jiuw huad qongg.

12 Inx dirr endyh dnuaa kimm dnuaa srig, pah qow, vunn dat'aw, limx jiuw, byy sniu diyc Jehovah ee soxx qniaa, iarr byy liusimx Ix ee ciuw soxx juer :ee.

13 Soxiw Guaw ee vecsnir in'ui budix siurr langg liac .kir; inx junquir ee langg jin' iaugy, qui' din ee vecsnir qigqii cuiwdax.

14 In'ui imqanx kuacdua ix ee soxx air, kuix ix byy hanrliong ee cuir; inx ee ingqngx, inx ee jingwlangg, inx ee ciahuaa, qapp inx diongqanx kuaiwlok ee langg, longxx lyc dirr hitt lairbin.

15 Vijen :ee kutlyc, junquir :ee qangwqe, bagtauu quann ee langg iarr qangwqe;

16 Jixu banrqunx ee Jehovah dui' simxpnuar laii jrunx juer quann, sxingr ee Siongrder dui' qonggi henxbingg juer sxingr.

17 Hitt sii ngiuu-aw beh laii jiac cauw cincniu dirr qaqi ee cauxdniuu; vur langg pahngx ee soxjai, cutguarlangg beh jiac ix.

18 U jaieh ar, ing huqew juer syh laii inw juerog, qycc cincniu ing tuaciax ee syh laii kiuw juerquar.

19 Inx qongw: Guan Ix qinw qinw qniaa, kuair kuair jniaa Ix ee soxx juer, hro guanw knuar .qnir; guan Islael ee Sxingr :ee soxx qewik :ee vig uaw .laii, hro guanw jaix.

20 U jaieh ar, hiaxee cxingx pnaiw juer hyw, cxingx hyw juer pnaiw, ing amr juer qngx, ing kow juer dnix, ing dnix juer kow :ee.

21 U jaieh ar, hiaxee qaqi knuar juer u diwhui, qaqi knuar juer tongdat :ee.

22 U jaieh ar, hiaxee iongxqamw dirr limx jiuw, ing linglik diauhyy qau jiuw :ee.

23 Inx in'ui siurr vowlo dyrr cxingx pnaiw langg juer gi, jiong' girlangg ee gi qra ix cniuw .kir.

24 Soxiw cincniu huexjic siyx diurqyw, dax cauw lyc dirr huexiam diongx, cincniu anxnix, inx ee qinx beh cincniu hiuxnua ee mic, inx ee huex beh cincniu din'aix vuex .kiw .laii; in'ui inx kiwsag banrqunx ee Jehovah ee qawsi, knuawkinx Islael ee Sxingr :ee ee ue.

25 Soxiw Jehovah ee siurkir duiww Ix ee vecsnir huatjyh, Ix ee ciuw crunx cud qongqig laii pah inx; jiaxee snuaniaw dyrr iycuah, inx ee sinsix dirr queci cincniu vunwtoo. Suizenn anxnix, Ix ee siurkir iauxx bue siaux, Ix ee ciuw iauxx crunx lehh.

26 Ix beh cud qihy, jiyx hng hng ee vecsnir, cud kauxhy qiyr inx dui' derqik laii; knuar ar, inx beh qinw qinw jauw .laii.

27 Qidiongx byy u iawsen :ee, byy u vuahdyw :ee, byy u ducbinn :ee, byy u kunr :ee, iyduar iarr byy vangwsangx, eduar iarr byy pacdng.

28 Inx ee jnxir jin' lrai, qringx iarr vnrix ann; bexdee cincniu ding ee jiyc, cialunn cincniu qngxlehongx.

29 Inx beh hauw cincniu buw ee sraix, iarr cincniu ser jiah sraix decc hauw; inx beh hmrhm hauw, laii lrak inx soxx qa ee mic, tuax qaur unxdangr ee soxjai, byy langg e qiur dywdngw.

30 Hitt zit inx beh duiww inx hmrhm hauw, cincniu haiw huarhua hauw; langg narr knuar lyc de, dyrr knuar qnir u oamr qankow, qngbingg dirr hunn-lai vnir juer oamr.

6 Dng' Uziah Ongg siw hitt nii, guaw knuar qnir Jruw jre dirr quann quann ee vyxjy, Ix ee ihok suii lyc muaw dxen.

2 Dirr Ix ee dingxbin u selaf-vxingx qinsuii decc kia; qokk u lak xee sxit, ing nng xee sxit ziax bin, nng xee sxit ziax kax, nng xee sxit decc vuex.

3 Jitt xee cniur, hitt xee cniuwhy, qongw: Singwjair, singwjair, singwjair, banrqunx ee Jehovah; Ix ee ingqngx ciongmuaw juann de.

4 Mngkingx in'ui cniuwhy ee sniax laii dinxdang; dxen dyrr u enhunn muaw muaw.

5 Hitt sii guaw qongw, "Guaw u jaieh ar, guaw bedbyy lar; in'ui guaw si cuiwdunn byy cingkir ee langg, qycc diamr dirr cuiwdunn byy cingkir ee vecsnir diongx; in'ui guaw bagjiux u knuar qnir Ongg, banrqunx ee Jehovah."

6 U jit xee selaf-vxingx vuex laii uaw guaw, ix ee ciuw tec zet zet ee tnuar, si ing huexknii dui' dnxuaa-dingw tec .laii .ee.

7 Jiong' tnuar he dirr guaw ee cuir, qongw, "Knuar ar, jitt xee he dirr liw ee cuiwdunn, liw ee juerquar dyrr druu .kir, liw ee juerog dyrr siawbenw."

8 Guaw qycc tniax qnir Jruw ee sniax qongw, "Guaw tangx crex jirjui ar? Jirjui beh uirr Guanw kir?" Guaw dyrr qongw, "Guaw dirr jiax, tangx crex guaw."

9 Ix qongw, "Liw kir qra jitt xee vecsnir qongw: Linw tniax si beh tniax, jongwsirr be bingvik; knuar si beh knuar, jongwsirr be hiauxdid.

10 Hro jitt xee vecsnir simx dun, hnirkangx dang, bagjiux kreh bat; benw did inx ing bagjiux knuar .qnir, ing hnirkangx tniax .qnir, simx hiauxgno, uat dywdngw laii did diyc rix hyw."

11 Guaw dyrr qongw, "Jruw ar, jex beh zuarr quw ar?" Ix qongw, "Qaur jiaxee sniaa pahngx, byy langg kiarkiw, cur-lai byy langg, toxde qigqii pahngx;

12 Qycc qaur Jehovah censuaw hiaxee langg qaur hng hng, jitt xee de jerje vangwhe lehh.

13 Dirr hitt diongqanx narr iauxx cunx jap hxun ee jit hxun, iarr beh siurr tunbet, cincniu likciu siongrciu, suizenn cyr .kiw .laii, jongwsirr ciurtauu iauxx lauu lehh; anxnix u jitt xee sxingr ee horer, dyrr si hitt xee ciurtauu."

7 Uziah ee sunx, Jotam ee qniaw, Judah Ongg Ahaz jerui ee sii, Sylia Ongg Rlemaliah ee qniaw Pekah, jnriu laii qongqig Jelusalem, jongwsirr qrongx be puar.

2 U langg qra David ee qrex qongw, "Sylia qapp Eflaim ixqing’ huerbingg; ongg ee simx qapp vecsnir ee simx longxx iydang, cincniu ciurnaa lai ee ciu hro hongx cuex dinxdang jidngiu."

3 Jehovah duiww Isaiah qongw, "Dnaxx liw qapp liw ee qniaw Sear Jasub cud kir qaur dingw ee dii ee juixqaux kauw, dirr piywvor saihu ee cann ee duarlo, gniajih Ahaz; duiww ix qongw,

4 'Liw diyhh qinxsin anjing; byc did in'ui jitt nng qix cud enx ee huexvextauu, dyrr si Sylia ee Rlezin qapp Rlemaliah ee qniaw zet ee siurkir laii qniahniaa sitdnaw.

5 In'ui Sylia qapp Eflaim qapp Rlemaliah ee qniaw sed pnaiw ee qewboo hai liw, qongw:

6 Lanw diyhh jnriu .laii .kir, qongqig Judah, ziauxluan ix, qongpuar ix, dirr ix ee diongqanx setlip Tabeel ee qniaw juer ongg.

7 Jruw Jehovah qongw: Jitt xee qewboo be qenwlip, iarr be sxingg.

8 In'ui Damaskus juer Sylia ee tauu, Rlezin juer Damaskus ee tauu; dirr lak-jap-go nii lai, Eflaim dikkag pywhuai, drir qaur be jniaa juer qog.

9 Qycc Samalia juer Eflaim ee tauu, Rlemaliah ee qniaw juer Samalia ee tauu; setsuw linw m sinr, dyrr dikkag be e kiarkiw.'"

10 Jehovah qycc huanhur Ahaz qongxx,

11 "Liw diyhh duiww Jehovah, liw ee Siongrder qriuu jit xee diaurtauu; dirr cim'enx iacc si qik quann ee tnix laii :ee."

12 Ahaz qongw, "Guaw m qriuu, iarr m cir Jehovah."

13 Isaiah qongw, "David ee qrex ar, linw diyhh tniax; linw hro langg uilann, qamxx sngr juer siyxkuaw su, iarr beh hro guaw ee Siongrder uilann mah?

14 In'ui anxnix, Jruw vunxsinx beh hro linw jit xee diaurtauu; knuar ar, u jairsikluw beh huai'in snix qniaw, qra ix hy miaa qiyr Immauel.

15 Qaur ix e hiauxdid vangwsag, qingw hyw ee sii, ix jiacc beh jiac lin'iuu qapp bit.

16 In'ui dirr jitt xee ginxaw iauxx bue hiauxdid vangwsag pnaiw qingw hyw ee dairsingx, liw soxx qniaa ee hitt nng xee ongg ee de beh duw diyc vangwsag.

17 Jehovah beh hro huanrlan ee zit limqaur liw qapp liw ee vecsnir, ixqip liw laurve ee qrex, dui' Eflaim lirkuix Judah ixlaii, m bad u jitt hy ee zit, dyrr si Assylia Ongg beh laii.

18 Hitt sii Jehovah beh cud kauxhy, jiyx Egipt qanghyy ee guantauu ee hosinn, ixqip Assylia-de ee pxangx,

19 Longxx beh vuex .laii, hiyh dirr pahngx ee snuaqog, jiyhpang, qapp itcer ee ciwper, qapp itcer ee cauxdniuu.

20 Hitt sii Jruw beh ing dui' Hyy-gua qowcniar ee tiwtaudyx, dyrr si Assylia Ongg, laii tir inx ee tauu, qapp kax ee xmngg; iarr beh itjin kunx inx ee cuiwciux.

21 Hitt sii jit langg beh cri jit jiah gubuw, nng jiah mingiubuw.

22 In'ui cud linx je, ix beh jiac lin'iuu; dirr qingxlai soxx cunx ee langg longxx beh jiac lin'iuu qapp bit.

23 Jingg huanrnarr jraix jit-cingx jangg ee pudyciu, dat jit-cingx ginn, qaur hitt sii beh snix ciwper qapp jidlee.

24 Langg jnriu kir hiax, diyhh duar qingjnir, in'ui venww de muaw muaw ciwper qapp jidlee.

25 Soxu ing ditauu qrut ee snuade, liw in'ui qniax ciwper qapp jidlee m qnaw jnriu kir hiax, vutqyr si juer vangr guu ee soxjai, juer ngiuu tunxdac ee xui."

8 Jehovah duiww guaw qongw, "Liw tec jit xee dua ee vaii, ing langg tonghingg ee zri laii siaw, lun kiw Mahersalalhasbaz.

2 Guaw beh qiyr singsit ee qanjingr, dyrr si jewsix Uliah, qapp Jebeleqiah ee qniaw Zeqaliah, laii juer qangjingr."

3 Guaw qapp sendiniuu dangvangg; ix huai'in snix qniaw. Jehovah dyrr duiww guaw qongw, "Qra ix hy miaa qiyr Mahersalalhasbaz.

4 In'ui jitt xee ngex-aw berhiauw qiyr avax, abuw ee dairsingx, Damaskus ee jaivyw qapp Samalia siurr cniuw ee mic longxx vnuax dirr Assylia Ongg ee binrjingg."

5 Jehovah qycc duiww guaw qongw,

6 "In'ui jitt xee vecsnir iamwjen Siloah ban ban lrauu ee juiw, hnuahiw Rlezin qapp Rlemaliah ee qniaw;

7 Soxiw Jruw beh hro hitt xee Hyy jin' dua jin' hiongg ee juiw lrauu laii rimx inx, dyrr si Assylia Ongg, qapp ix itcer ee ingqngx, beh vnuaa quer ix itcer ee juixqaux, diongwmuaw ix jiaxee hnua;

8 Beh ciongx zip Judah, diongwmuaw, siwqer rimx, quann qaur amrqunw; Immanuel ar, ix ee sxit tiw kuix, venww muaw liw ee de."

9 Ledqog ee vecsnir ar, cudjai linw suanhuax, qaur buew dikkag pywhuai; hng ee langg ar, diyhh ngar hnirkangx laii tniax; cudjai linw haa iyx, dikkag beh pywhuai, cutjai linw haa iyx, dikkag beh pywhuai.

10 Cudjai linw sed qewboo, dikkag qruix kangx knagx; cudjai linw girlun, dikkag be singlip; in'ui Siongrder qapp guanw dilehh.

11 Jehovah ing dua quanlingg ee ciuw jixsi guaw, ing ue qingxqair guaw, qongw, m tangx qniaa jitt xee vecsnir soxx qniaa ee lo, duiww guaw qongw,

12 "Jitt xee vecsnir soxx qongw qiyr juer qed dongw :ee, linw byc did qongw juer qed dongw; inx soxx qniax :ee, linw byc did qniax, iarr byc did lunw.

13 Dogdok diyhh jrunx banrqunx ee Jehovah juer sxingr; Ix si linw soxx diyhh qniax :ee, soxx diyhh lunw :ee.

14 Ix beh juer sxingr sow; iarr beh ngr Islael nng qrex juer vuahdyw langg ee jiyc, tatgai langg ee jiyhvnuaa; ngr Jelusalem kiarkiw ee vecsnir, juer uahdauh qapp lybang.

15 Jerje langg beh dirr hitt dingxbin diyhdag vuahdyw, vuac qaur cruir cruir, iarr hro ix brang .diyc liac .diyc."

16 Liw diyhh jiong' qanjingr ee ue qngw ann ann, hrongx bat, ludhuad dirr guaw hagsingx ee diongqanx.

17 Guaw beh tingwhau Jehovah, dyrr si qaqi ngx Ix ee bin dirr Jakob ee qrex :ee, guaw iarr beh ngwbang Ix.

18 Knuar ar, guaw qapp Jehovah soxx hro guaw ee qniaw, longxx si banrqunx ee Jehovah, diamr dirr Zion Snuax :ee, soxx ing juer diaurtauu qiwhy, dirr Islael diongx :ee.

19 Narr u langg duiww linw qongw, "Linw diyhh kir mng dangqix qapp qniaa siausut :ee, inx ee snia'imx qiqix qiuhqiuc, gengiw ser ser." Linw diyhh rinr qongxx, "Vecsnir qamxx m diyhh mng ix ee Siongrder mah? Qamxx tangx uirr uahlangg kir mng hiaxee siw :ee mah?"

20 Langg diyhh jiauww ludhuad qapp qanjingr ee ue; narr byy tranr jitt xee ue laii qongw, dyrr be did diyc knuar qnir jaxkiw-sii ee qngx.

21 Inx beh qingquer jitt xee de sriu qankow sriu iaugy; iaugy ee sii, simlai qaqi siurkir, jiuwjow inx ee ongg, qapp inx ee Siongrder, giac tauu knuar tnix, ngar lyc knuar de,

22 Byy pacsngr itjin si qankow oamr, qapp tongwkow ee oamr, siurr qnuaw dirr o.-oamr-a. ee lairbin.

9 Hitt xee bad sriu tongwkow ee de byy qycc diamr dirr oamr. Jingg Siongrder hro Zebulun qapp Naftali ee de siurr knuawkinx, au .laii dyrr hro enhaiw ee lo, Jordan ee hyy-gua, guarvangx ee Galilee, did diyc ingqngx.

2 Qniaa dirr oamr diongx ee vecsnir knuar qnir dua qngx; kiarkiw dirr siximr ee de :ee, u qngx jiyr inx.

3 Liw hro jitt xee qokbinn jerje, iarr qetnix inx ee hnuahiw; inx dirr Liw ee binrjingg hnuahiw, cincniu siuquah ee hnuahiw, cincniu langg vunx soxx cniuw ee mic, hitt hy ee kuaiwlok.

4 In'ui ix soxx vue dang ee dnax, qapp qingtauu dingw ee qnuaiw, ixqip apjer ix :ee ee tuii, Liw longxx qra ix atjic, cincniu dirr Midian ee zit jidngiu.

5 In'ui qaujenr diongx cing qxah ee langg ee qunjongx, qapp qy dirr huih-lai ee snxax longxx beh siurr siyx, juer hniaa huew ee caa.

6 In'ui u jit xee ngex-aw uirr lanw laii cutsir, u jit xee qniaw sniuxsur lanw; ix beh hurdamx qokjingr, ix ee miaa cxingx juer Qibiau, Bosu, Juanlingg ee Siongrder, Ingxuanw dilehh ee Ve, Hyvingg ee Zinqunx.

7 Ix ee qokjingr qapp ving'anx beh qetnix buqiongjin, dyrr si dirr David ee vyxjy qapp ix ee qog, beh ing simxpnuar qonggi laii qenwlip ix, vywho ix, dui' dnaxx qaur ingxuanw. Banrqunx ee Jehovah ee zedsimx beh jniaa jitt xee su.

8 Jruw huad cud jit qxur ue hro Jakob-qrex, hitt xee ue iarr limqaur Islael-jok.

9 Jitt xee jiongww vecsnir, dyrr si Eflaim qapp kiarkiw dirr Samalia :ee, longxx beh jaix; inx jiauww inx qiaugno jurdua ee simx qongw:

10 Jngpiac ixqing’ dyw, guanw beh pah jiyc laii kiw; sngjaiciu ixqing’ cyr, guanw beh ing vikhniuciu laii tewngua.

11 Soxiw Jehovah beh kiw Rlezin ee duiwdik laii qongqig ix, iarr beh qikdong ix ee duiwdik;

12 Dangx u Sylialangg, saix u Filistlangg; inx kuix cuir tunjiac Islael. Suizenn anxnix, Jehovah ee siurkir iauxx bue sriaux, Ix ee ciuw iauxquxx crunx lehh.

13 Jitt xee vecsnir iuguann byy qui'ngr pah inx ee Jruw, iarr byy cue banrqunx ee Jehovah.

14 Soxiw Jehovah dirr jit zit ee diongqanx beh duiww Islael jam dng tauu qapp buew, jangciurqix qapp louiw.

15 Laurdua qapp junquir ee langg dyrr si tauu, ing vehcad'ue qawsi langg ee sendix dyrr si buew.

16 In'ui inxcua jitt xee vecsnir :ee, hro inx qniaa calo; hro inx inxcua :ee longxx siurr tunbet.

17 Soxiw Jruw byy hnuahiw inx ee siauwlenlangg, iarr byy beh linbinw inx ee qozii qnuaxhu; in'ui dagg langg si setdok :ee, si qniaa pnaiw :ee, qycc dagg langg ee cuir longxx si qongw gong ue. Suizenn anxnix, Jehovah ee siurkir iauxx bue siaux, Ix ee ciuw iuguann crunx lehh.

18 In'ui sia'og cincniu huew dyc siybet ciwpuer qapp jidlee; qycc dyc dirr ram ram ee ciurnaa, jniaa juer entiau, dngxsec cringr jnriu quann.

19 In'ui banrqunx ee Jehovah ee dua siurkir, de venwvenr siurr siyx; vecsnir jniaa juer huew dyc ee caa; hniadi byy sna' kyxlinn.

20 Langg jniar vingg cniuxtec, iuguann si iaux; dyr vingg tunqa, iuguann be vaw; dagg langg qa ix qaqi ciuxqud ee bah.

21 Manasseh qrongx Eflaim, Eflaim qrongx Manasseh; nng jok hap qrongx Judah. Suizenn anxnix, Jehovah ee siurkir iauxx bue sriaux, Ix ee ciuw iauxquxx crunx lehh.

10 U jaieh ar, hiaxee setlip vutgi ee ludle :ee, qapp qiwjair qanjar ee pnuawsuu :ee;

2 Ongxkud songwhionglangg ee anwqnia, cniuxduat Guaw ee vecsnir diongx kunwkow ee langg ee jingliw, ing qnuaxhu junw juer soxx cniuw ee mic, ing qozii junw juer soxx qiab ee mic.

3 Dng' qangr hinghuat ee zit, u jaieh dui' hng hng limqaur, hitt sii linw beh jnaixngiu? Linw beh jauw kir qriuu simxmih langg qiur linw ar? Linw ee jaivyw beh lauu dirr simxmih soxjai?

4 Inx jixu kutsinx dirr siurr liac ee langg ee erbin, dyw dirr siurr taii ee langg ee erbin. Suizenn anxnix, Jehovah ee siurkir iauxx bue sriaux, Ix ee ciuw iuguann crunx lehh.

5 U jaieh ar, Assylia si Guaw siukir ee tuii, ciuw-diongx giac Guaw ee tongwhun juer qnuaiw.

6 Guaw beh crex ix qongqig sia'og ee vangqog, huanhur ix qongqig Guaw soxx siurkir ee vecsnir, cniuw ix soxx cniuw :ee, liac ix soxx liac :ee, jiong' inx tunxdac cincniu quelo ee tobee jidngiu.

7 Jongwsirr ix m si jitt xee dnaxsngr; ix ee simlai huanxdngw sniu huixbet, jaubet jerje qog.

8 In'ui ix qongw: Guaw ee zinsinn qamxx byy longxx si ongg mah?

9 Kalno qamxx m si cincniu Karqemis mah? Hamat qamxx m si cincniu Arpad mah? Samalia qamxx m si cincniu Damaskus mah?

10 Guaw ee ciuw ixqing’ qaur gnoxsiong ee qog, inx diaukig ee gnoxsiong ngiaa quer Jelusalem qapp Samalia ee gnoxsiong;

11 Guaw jnaixngiu kuanxtai Samalia qapp qidiongx ee gnoxsiong, qamxx be jiauww anxnix kuanxtai Jelusalem qapp qidiongx ee gnoxsiong mah?

12 Jruw dirr Zion Snuax qapp Jelusalem jniaa Ix itcer soxx juer :ee ee sii, qongw, "Guaw beh hinghuat Assylia Ongg simx qiaux ee qniajuer, qapp ix bagtauu quann ee ingqngx."

13 In'ui ix qongw, "Guaw soxx jniaa ee su, si ing guaw ee ciuw ee linglik, qapp guaw ee diwhui; guaw vunw u cangmiaa; guaw isuaw ledqog ee derqair, cniuw inx ee jaivyw, qycc guaw cincniu iongxsu hro jre quann xui :ee qangr juer qe.

14 Guaw ee ciuw tec diyc ledqog ee jaivyw, cincniu tec jiauxaxsiu; guaw did diyc juann de, cincniu kiyh diyc soxx vangwsag ee jiauxaxnng; byy u pedsit :ee, byy u kuix cuir :ee, byy u hauxqiyr :ee."

15 Dnaxx voxtauu qamxx e duiww ing ix laii cyr caa :ee qaqi kuakauw mah? Quxaw qamxx e duiww hitt xee tuax qur :ee qaqi pinxpongw mah? Jex si cincniu tuii-aw unrjuanw hitt xee giac ix :ee, cincniu qnuaiw-aw giac kiw hitt xee m si caa :ee.

16 In'ui anxnix, Jruw, banrqunx ee Jruw, beh hro ix vuii :ee vnir juer sanw; dirr ix ingqngx ee erbin beh u huew dyc .kiw .laii, cincniu huew siyx jidngiu.

17 Islael ee qngx beh juer huew, ix ee Sxingr :ee beh juer huexiam; dirr jit zit ee diongqanx, jiong' ix ee ciwper qapp jidlee siyx liauw liauw.

18 Qycc jiong' ix ee ciurnaa qapp vuii de ee ingqngx, dui' sinhunn qaur ziogtew, longxx siybet ix; sewbin cincniu puawvnirlangg jiamrjiam suevai.

19 Ix ee ciurnaa cunx ee ciu byy quiw jangg, ginxaw iarr e qir ix ee siauwgiac.

20 Qaur hitt zit Islael soxx cunx :ee, qapp Jakob-qrex soxx dytuad :ee, byy qycc uaxkyr hitt xee pah inx :ee; si beh singsit uaxkyr Jehovah, Islael ee Sxingr :ee.

21 Soxx cunx :ee beh dywdngw .laii, dyrr si Jakob-qrex soxx cunx :ee, qruix dirr juanlingg ee Siongrder.

22 Islael ar, liw ee vecsnir suizenn je cincniu haixsuax, jixu cunx :ee dywdngw .laii; suevai ee su ixqing’ dniardiyc, ing qonggi laii ciongmuaw.

23 In'ui Jruw, banrqunx ee Jehovah, dirr juann de diongx beh qniaa soxx dniardiyc ee bedbyy.

24 Soxiw Jruw, banrqunx ee Jehovah, anxnix qongw, "Giac kiw Zion, Guaw ee vecsnir ar, Assylia suizenn ing tuii pah linw, qycc cincniu Egipt ee kuanw, giac qnuaiw-aw qongqig liw, liw mrbenw qniax ix.

25 In'ui qycc diap aw quw siurkir dyrr beh bingvik, qycc Guaw ee siurkir beh dui' inx ee bedbyy laii suah.

26 Banrqunx ee Jehovah beh giac kiw vnxix laii pah ix, cincniu dirr Oleb ee jiyhvnuaa pah Midian; Ix ee qnuaiw-aw beh crunx dirr haiw-dingw, Ix beh giac kiw cinnciu dirr Egipt jidngiu.

27 Qaur hitt zit Assylia ee dang dnar beh lirkuix liw ee qingtauu, ix ee dnax beh lirkuix liw ee amrqunw, ix ee dnax iarr beh in'ui buah iuu ee enqor laii huixhuai."

28 Assylia qaur Ai, qingquer Miglon, vangr hingliw dirr Micmas; inx qingquer aiwkauw;

29 Dirr Geba hiycmii; Rlamahlangg qniahniaa; Saul ee Gibeahlangg dyjauw.

30 Gallim kiarkiw ee vecsnir ar, diyhh dua sniax auqiyr; Laisah ee langg ar, diyhh ngar hnirkangx; camw ar, kunwkow ee Anatot ar!

31 Madmenahlangg siamxvi; Gebim kiarkiw ee vecsnir dyjauw.

32 Hitt zit ix jatvingx dirr Nob; viw ciuw ngr Zion Sniaa ee snuax, dyrr si Jelusalem ee snuatauu.

33 Knuar ar, Jruw, Banrqunx ee Jehovah, ing hro langg qniax ee uigiamm laii cyr ciurqix; dngg :ee beh siurr cyr, quann :ee beh qangwqe;

34 Ram ee ciurnaa, Ix beh ing tickir cyr ix; qycc Lebanon beh dui' dua quanlingg :ee laii dyw .lyc .kir.

11 Dui' Isai ee ciurtauu beh huad jit qix ngiw, dui' ix ee qinx soxx snix ee qix beh qed quexjiw.

2 Jehovah ee sinn beh diamr dirr ix, dyrr si diwhui qapp cangmiaa ee sinn, qewik qapp linglik ee sinn, diwsig qapp qingwuir Jehovah ee sinn;

3 Ix beh liac qingwuir Jehovah juer hnuahiw; ix m si vin' bagjiux soxx knuar .qnir laii simxpnuar, iarr m si vin' hnirkangx soxx tniax .qnir laii gixduanr;

4 Ix beh ing qonggi simxpnuar songwhionglangg, ing jingwdit gixduanr sewjniu kiamvix ee langg; ing cuir-diongx ee qnuaiw pah sewqair, ing cuiwdunn ee krir taii siw pnaiw langg.

5 Qonggi beh juer ix ee iyduar, sinwsit beh juer ix ee sinkux ee duar.

6 Cailongg beh qapp mingiuu-aw snaqab druar, var qapp snua'ngiuqniaw snaqab dyw lehh; guu-aw qapp ser jiah sraix qapp vuii ee jingsnix, juer ser hanr ee ginxaw beh kanx inx.

7 Guu qapp himm beh snaqab jiac, inx ee qniaw beh snaqab dyw lehh; sraix beh jiac cauw cincniu guu.

8 Jiac linx ee ginxaw beh tittyy dirr okjuaa ee kangkauw; dng linx ee ginxaw beh he ciuw dirr dogjuaa ee het.

9 Dirr Guaw ee singwsnuax ee venww de, dikkag byy sunxsiongx byy hamrhai; in'ui zinrbad Jehovah ee jaibad beh ciongmuaw derjniu, cincniu juiw rimx muaw dirr ngiuhaiw.

10 Qaur hitt zit, Isai ee quntauu kia juer banrvecsnir ee dua qii, ledvangx beh qui'uaw Ix; Ix anhiyh ee soxjai u dua ingqngx.

11 Dng hitt zit, Jruw beh derr zi vaiw crunx ciuw qiuwsiok Ix ee vecsnir diongx soxx cunx :ee, dui' Assylia, Egipt, Patlos, Kus, Elam, Sinar, Hamat, qapp jiongww haixsu dyr .laii.

12 Ix beh ngr ledqog kia dua qii, jiyjip Islael siurr qnuaxsnuar ee langg, jurjip Judah siwsnuar ee langg, dui' de ee siwqik laii.

13 Eflaim ee uanwdor beh siaubyy, Judah ee duiwdik beh dubet; Eflaim byy beh uanwdor Judah, Judah byy beh duiwdik Eflaim.

14 Inx beh ngr saix vuex .kir, pah dirr Filistlangg ee qingtauu dingw, snaqab cniuw danghngx ee langg; crunx ciuw dirr Edom qapp Moab; Ammon-jok iarr beh sunrhok inx.

15 Jehovah beh hro Egipt haiw ee qangw dax .kir; ing dua hongx et Ix ee ciuw dirr Dua Hyy ee dingxbin, hro hyy vunx juer cid diauu, langg tuax ree erdid quer .kir.

16 Uirdiyhh Ix soxx cunx ee vecsnir, dyrr si dui' Assylia cunx .dyr .laii .ee, beh u jit diauu duarlo cincniu dongzit uirdiyhh Islael dui' Egipt-de jnriu .laii .ee jidngiu.

12 Qaur hitt zit, liw beh qongw: Jehovah ar, guaw beh qamxsia Liw, in'ui Liw suizenn bad siurkir guaw, dnaxx Liw ee siurkir ixqing’ suah, Liw iarr an'uir guaw.

2 Knuar ar, Siongrder si jinxqiur guaw :ee; guaw beh uaxkyr Ix, iarr byy qniax; in'ui Jruw Jehovah si guaw ee kuiwlat, si guaw ee siquax; Ix iarr jniaa juer qiur guaw :ee.

3 Linw beh dui' qiuwunx ee juixjnuaa hnuahiw laii cnriu juiw.

4 Dirr hitt zit linw beh qongw: Diyhh qamxsia Jehovah, qiuqiyr Ix ee miaa, jiong' Ix soxx qniaa :ee vywiongg dirr ledvangx diongx, qongw kiw Ix ee miaa ixqing’ siurr jrunx juer quann.

5 Linw diyhh cniuwquax ylyw Jehovah; in'ui Ix soxx qniaa :ee jin' henxhig; guan jitt xee dairjir venww tuann dirr tnie.

6 Zion kiarkiw ee vecsnir ar, linw diyhh cud dua hnuahiw ee sniax, in'ui Islael ee Sxingr :ee dirr linw ee diongqanx juer dua.

13 Amoz ee qniaw Isaiah soxx knuar qnir lun Babylon ee bigsi.

2 Linw diyhh dirr qngx kyrky ee snuax kia dua qii, duiww inx cud sniax et ciuw, hro inx zip quiwjok ee mngg.

3 Guaw huanhur Guaw soxx qingw .cud .laii ee langg, Guaw ixqing’ uirdiyhh Guaw ee siurkir, laii driaur Guaw ee iongxsu, dyrr si hiaxee pinxpongw jurqyx ee langg.

4 Snuax nirr u jerje langg ee sniax, cincniu dua din ee vecsnir, u jerje qog ee vecsnir jurjip huarhua hauw ee sniax; jex si banrqunx ee Jehovah diamxjee qundui beh qaujenr.

5 Inx dui' hng ee soxjai laii, dui' tnivnix laii, dyrr si Jehovah qapp qniaa Ix ee siukir ee qesix, beh huixbet jitt xee juann de.

6 Linw diyhh aikaur, in'ui Jehovah ee zidjiw qin lar, cincniu huixbet dui' Juanlingg :ee laii.

7 Soxiw longxjongw ee ciuw beh nngw .lyc .kir, jingwlangg ee simx beh siau'ngiuu.

8 Inx beh qniahniaa; tangwtniar qankow beh knii diyc inx. Inx qiauqaw cincniu beh snix qniaw ee hurzinlangg; dairqex gonggniac sna' knuar, bin cincniu huexiam ee bin.

9 Knuar ar, Jehovah ee zit limqaur, beh u janzimw, tongwhun, dua siurkir; hro jitt xee de pahngx, dui' hitt diongqnax dubet u jue ee langg.

10 Tnidingw ee jiongww cnxix ledsiur longxx byy huad cud qngx, zidtauu duxaxx cud dyrr venr oamr, guec iarr byy huad cud ix ee qngx.

11 Guaw beh in'ui sia'og hinghuat sewqair, in'ui juerget hinghuat pnaiw langg; hro qiaugno ee langg ee lamrsamw suah .kir, apjer qiongvy ee langg ee jurqyx.

12 Guaw beh hro langg viw hyw qimx kacc jiyw, hro langg viw Ofir ee qimx kacc jiyw.

13 Soxiw Guaw beh hro tnix dinxdang, hro de iycuah, lirkuix ix ee vunxui, dyrr si dirr banrqunx ee Jehovah ee tongwhun qapp Ix dua siurkir ee zit.

14 Inx beh cincniu siurr duiqnuaw ee lok, cincniu byy langg jurjip ee ngiuu; dagg langg dyr kir vunxjok, dagg langg dyjauw qaur vunxsoxjai.

15 Qniwnarr hro ix duw .diyc .ee beh siurr cagtangr, qniwnarr hro ix liac .diyc .ee beh hro dyx taii siw.

16 Inx ee ngex-aw beh dirr inx ee bak-jingg hro langg siag siw, inx ee cur beh hro langg cniuxduat, inx ee bow beh hro langg lingziok.

17 Guaw beh qikdong Medelangg laii qongqig inx, inx byy duiwdiong ginn, iarr byy air dnic qimx.

18 Inx ee qringx beh pah siw ix ee siauwlenlangg, byy linbinw hurzinlangg ee tai'in, inx ee bagjiux iarr byy kyxlinn ginxaw.

19 Babylon vingsor juer ledqog ee ingqngx, juer Qaldealangg qiaugno ee jngtna, beh cincniu Sodom Gomollah hro Siongrder soxx huixhuai.

20 Ix ee lairbin dikkag ingxingw byy langg druar, dairdai byy langg kiarkiw; Alablangg byy dirr hiax dah vowvnii; qor ngiuu ee langg iarr byy hro ngiuu-qrunn dyw dirr hiax.

21 Jixu kongwiaw ee jauxsiur dyw dirr hiax, hmrhm hauw ee sriur muaw cuwqingx; dyjiauw diamr dirr hiax, iaw snua'ngiuu dirr hiax tiauwbuw.

22 Cailongg beh dirr ix ee ngiavnuaa hauw, snuaqauw beh dirr ix enwlok ee qiongden hauw; ix ee sii qin lar, ix ee zidjiw byy quxdngg.

14 Jehovah beh linbinw Jakob, beh qycc qingw Islael, jiong' inx andir dirr vunxsoxjai, qiawkax :ee beh qui'uaw inx, qapp Jakob-qrex lenhap.

2 Ledvangx beh jiong' inx duar dyr laii vunxsoxjai; Islael-qrex beh dirr Jehovah ee de did diyc inx juer lovok luxvi, iarr beh cniuxliac jingg cniuxliac inx :ee, quanxhad jingg apjer inx :ee.

3 Dng' Jehovah hro liw tuatli qankow huanlyw, ixqip langg benxqiongw liw juer ee koxqangx, hro linw tangx did diyc ving'anx ee zit,

4 Liw beh juer jitt xee quax lun Babylon Ongg, qongw: Jewab langg :ee, jnaixngiu qingxzenn byy .kir! Ligsig langg :ee, jnaixngiu qingxzenn byy .kir!

5 Jehovah u atjic pnaiw langg ee qnuaiw, qapp quanxhad langg :ee ee quanvingr,

6 Dyrr si dirr siurkir diongx lenlenn pah jiaxee vecsnir :ee, dirr siurkir diongx quanxhad ledqog, qniaa kunxvig byy langg joxjiw :ee.

7 Dnaxx juann de did diyc anhiyh vingjing; langg longxx cud hnuahiw ee sniax.

8 Siongciu qapp Lebanon ee vikhniuciu, longxx in'ui liw hnuahiw, qongw: Dui' liw dyw .lyc .kir, byy langg qycc jnriu laii cyr guanw.

9 Liw lyc .kir ee sii, imqanx dyrr uirr liw dinxdang, laii gniajih liw; qycc in'ui liw qingdang hiaxee bad dirr sewqanx juer lingxsiur ee imhunn; iarr hro hiaxee bad juer ledqog ee qun'ongg :ee longxx dui' ix ee jyrui kia .kiw .laii.

10 Inx longxx beh rinr liw qongxx: Liw iarr vnir juer luanxziok cincniu guanw mah? Liw iarr qapp guanw sna' cincniu mah?

11 Liw ee uihongx qapp liw ee kimsig ee sniax, longxx lyc qaur imqanx; pox dirr liw ee erbin :ee si tangg, kamr dirr liw ee dingxbin :ee si jrux.

12 Tniqngjaw ee kexbingcnix ar, liw jnaixngiu dui' tnix dui .lyc! Liw jitt xee qongpuar ledqog :ee, jnaixngiu siurr kamxdyw dirr derjniu.

13 Liw ee simlai bad qongw: Guaw beh jnriu qaur tnidingw, guaw beh quxkiw guaw ee jyrui dirr Siongrder jiongww cnxix ee dingxbin; guaw beh jre dirr jurhue ee snuax, dirr vakhngx ee qigtauu.

14 Guaw beh jnriu qaur viw hunn kacc quann ee dingxbin; guaw beh qapp jiww qnuaa :ee vnidingw.

15 Danrsi liw beh duirlyc imqanx, qaur cimx knix ee qigtauu.

16 Huanrnarr knuar qnir liw :ee longxx beh juwbak knuar liw, liusimx sniu liw, qongw:

17 Hro duarde iycuah, hro ledqog dinxdang, hro sewqair pahngx, hro sniacniuu ciax dyw, byy tauxvangr siurr liac ee langg dyr kir inx daux, si jitt xee langg mah?

18 Ledqog ee qun'ongg longxx dag'ee u ingqngx, kunr dirr ix ee bong.

19 Dogdok liw siurr hetqag, be did diyc zip liw ee bong, cincniu tangx iamwjen ee qix, ing siurr taii ee langg juer snxax, dyrr si siurr dyx cak siw, dui lyc knix-diongx jiyhtauu hitt xui :ee; liw qycc cincniu siurr tunxdac ee sinsix.

20 Liw be did diyc qapp inx drangg baijongr, in'ui liw vairhuai liw ee qog, taii siw liw ee vecsnir; pnaiw langg ee horer dikkag ingxuanw byy miaa.

21 In'ui joxqongx ee jue, diyhh virvan taii siw inx ee qniaxsunx, benw did inx hingx kiw laii jiamr de, kiw sniaa venww sewqanx.

22 Banrqunx ee Jehovah qongw: Guaw beh kiw laii qongqig inx, beh dui' Babylon dubet ix ee miaa, qapp soxx cunx :ee, ixqip ix ee qniaw ix ee sunx; jex si Jehovah qongw :ee.

23 Guaw beh hro ix ee de juer hydix soxx diamr ee xui, qycc vnir juer juixdii; Guaw beh ing bedbyy ee sauwciuw sauwduu ix; jex si banrqunx ee Jehovah qongw :ee.

24 Banrqunx ee Jehovah u jiuwjua qongxx: Guaw soxx sniu :ee quatduanr beh jniaa; Guaw soxx dniardiyc :ee quatduanr qenwlip.

25 Guaw beh pacvai Assylialangg dirr Guaw ee de, tunxdac ix dirr Guaw ee snuax; ix ee dnax beh lirkuix Guaw ee vecsnir; ix ee dang dnar beh lirkuix Guaw ee vecsnir ee qingtauu.

26 Jex si ixqing’ dniardiyc beh qniaa dirr juann de ee jixir; jex si crunx dirr banrqog dingxbin ee ciuw.

27 Banrqunx ee Jehovah ixqing’ dniardiyc jixir, jirjui e huewbyy ix? Ix ee ciuw ixqing’ crunx cud, jirjui e hro ix qiux dywdngw?

28 Ahaz Ongg siw hitt nii, u jitt xee bigsi.

29 Filist ee juann de ar, byc did in'ui pah liw ee qnuaiw ixqing’ jric laii hnuahiw; in'ui dui' juann ee nxng beh snix cud dogjuaa, ix soxx snix :ee si vuex ee huexjuaa.

30 Songwhionglangg ee dua-qniaw beh did diyc jiac, kiamwkueh ee langg beh anzenn dyw lehh; Guaw beh ing qihngx gy siw liw ee jingxlui, ix beh taii siw liw soxx cunx :ee.

31 Mngg ar, diyhh tikaur; sniaa ar, diyhh auqiyr; Filist juann de ar, liw siaubyy lar; in'ui u enx dui' vaksir laii, ix ee vingdingx byy jit xee lauwdin.

32 Beh jnaixngiu rinr ledqog ee suwjiaw ar? Diyhh qongw: Jehovah qenwlip Zion, Ix ee vecsnir diongx kunwkow ee langg beh dauhiyh dirr hitt lairbin.

15 Lun Moab ee bigsi.

1 In'ui jit mii ee diongqanx Moab ee Ar vnir juer honghuer, byy .kir; in'ui jit mii ee diongqanx Moab ee Kir vnir juer honghuer, byy .kir.

2 Ix jnriu qaur Vaig, qycc kir Dibon, qaur quann ee soxjai tikaur; Moablangg in'ui Nebo qapp Medeba aikaur, dag'ee taukag qngx liuliux, cuiwciux tir liauw liauw.

3 Inx dirr queci nirr, iyx longxx haa muavor; dirr cur-dingw qapp hitt xee kuankuah ee soxjai, dagg langg longxx tikaur, bagsaiw diddit lrauu.

4 Hesbon qapp Elealeh, vi'aix ee sniax dirr Jahaz dyrr u tniax .qnir; soxiw Moab duar qunkir :ee dua sniax huachiamr; ix ee simx gniauhgniauc cuah.

5 Guaw ee simx uirdiyhh Moab vi'aix; ix ee quiwjok jauw qaur Zoar, qaur Eglat Selisia; inx jnriu Luhit ee lo, naxx qniaa naxx hauw; dirr Holonaim ee lo, in'ui huixbet, cud aikaur ee sniax.

6 In'ui Nimlim ee juiw beh dax .kir; in'ui cnicuir ee cauw qodaa; o'iur ee caiwsex bedbyy, cnicuir ee mic longxx byy .kir.

7 In'ui anxnix Moablangg soxx did .diyc ee jaibut qapp soxx jikju :ee, longxx beh duar quer Liuxciu Kex;

8 In'ui aicamw ee sniax venwmuaw Moab ee siwqingw, aikaur ee sniax tuann qaur Eglaim, aikaur ee sniax tuann qaur Beelelim.

9 In'ui Dibon ee juiw u huih muaw muaw; Guaw beh qetnix Dibon ee jailan, hro sraix laii duizib Moab dytuad ee vecsnir, qapp hitt soxjai soxx cunx ee langg.

16 Linw diyhh jiong' ngiuu-aw henr hro derhngx jiangxquann :ee, dui' Sela ngr kongwiaw, sangr qaur Zion Sniaa ee snuax.

2 Moab kiarkiw ee vecsnir dirr Arnon ee dortauu, cincniu siwqer vuex ee jiauw, cincniu tiah puar ee jiauxaxsiu.

3 Liw diyhh sed qewboo, qniaa qongvingg, hro liw ee ngiaw dirr diongdaur ee sii, cincniu oamr mii; siurr qnuaxdiok ee langg hro ix bih; dyjauw ee vecsnir m tangx qra ix lorcud.

4 Liw diyhh iong'unw Guaw jiaxee siurr qnuaxdiok ee langg qapp liw snaqab diamr. Lun qaur Moab, liw diyhh juer ix siamxbih ee soxjai, tuatli janhai :ee ee binrjingg; in'ui ligsig langg :ee qruix dirr byy, huixbet ee su suah .kir, tunxdac langg :ee dui' qog-diongx dubet.

5 Beh u vyxjy in'ui ju'air laii qenwsed, beh u singsit :ee jre dirr hitt dingxbin, dirr David ee vowvnii lai decc simxpnuar, qriuu qongvingg, qinw qinw qniaa qonggi.

6 Guanw tniax qnir Moablangg ee qiau'gno, ix ee dua siurkir; pinxpongw ee ue si kangx kangx.

7 Soxiw Moab beh uirdiyhh Moab tikaur; linw beh uirdiyhh Kir Heles ee pudyvniaw laii toxkuir, siurr pah jin' siongdiong.

8 In'ui Hesbon ee cann dax .kir; Sibmah ee pudyciu iarr si anxnix; ledqog ee jruw ad jric ix derr id hyw ee qix, jiaxee qix crunx qaur Jazer, tnuar qaur kongwiaw; ix ee qix crunx cud vnuaa quer haiw.

9 Soxiw guaw beh uirdiyhh Sibmah ee pudyciu aikaur, qapp Jazerlangg ee aikaur jidngiu. Hesbon, Elealeh ar, guaw beh ing bagsaiw quanwag liw, in'ui linw siusingg quexjiw qapp gnoxqog ee sii, huachiamr ee sniax hutzenn qaur.

10 Dui' vuii ee cann-diongx cniuw kir hnuahiw kuaiwlok, dirr pudyhngg dikkag byy cniuwquax, iarr byy hnuahiw ee sniax; dac jiuw :ee dirr jiuxkud lai byy dac cud jiuw; guaw hro ix hnuahiw ee sniax suah.

11 In'ui anxnix, guaw ee simvag uirdiyhh Moab cincniu kimm cud sniax, guaw ee simdngg uirdiyhh Kir Heles iarr si anxnix.

12 Moablangg diauqnir ee sii, dirr quann ee soxjai iawsen, qycc qaur ix ee sxingr sow qidyw, iarr be jniaa.

13 Jex si Jehovah jingg lun Moab soxx qongw ee ue.

14 Jongwsirr henrjai Jehovah ee ue qongw, "Snax nii lai, jiauww dngqangx ee nihan, Moab ee ingqngx qapp ix ee jingwlangg beh duw diyc lingziok; soxx cunx ee langg jin' jiyw, byy jniursngr."

17 Lun Damaskus ee bigsi.

1 Knuar ar, Damaskus ixqing’ siurr hruer .kir, byy qycc juer sniaa, dikkag vnir juer haurpniaper ee dxuix.

2 Aloer ee sniaa ixqing’ siurr vangwsag, dikkag jniaa juer cri ngiuu ee soxjai. Ngiuu dyw dirr hiax, byy langg pacqniax inx.

3 Eflaim ee snuaje, Damaskus ee qokquann, Sylia soxx cunx ee vecsnir, longxx beh cincniu Islael ee ingqngx byy .kir; jex si banrqunx ee Jehovah qongw :ee.

4 Qaur hitt zit, Jakob ee ingqngx beh suevyc, ix ee vuii ee sintew beh siausanw.

5 Dyrr beh cincniu siuquah ee langg siux gnoxqog, ing ciuw quah hiaxee sui; qycc cincniu langg dirr Rlefaim ee snuaqog kiyh behseh.

6 Inx diongqanx soxx cunx :ee byy zuarr je, cincniu langg qongr qnanaxciu, dirr derr id qnuaa ee qix-buew, jixu nng~snax liap, dirr quexjixciu crunx hng ee qix-buew, jixu sir~go liap. Jex si Jehovah, Islael ee Siongrder qongw :ee.

7 Dng' hitt zit, langg beh giongxbong jyrhuar ix ee Jruw, bagjiux beh quanknuar Islael ee Sxingr :ee.

8 Inx byy qycc giongxbong qaqi ee ciuw soxx kiw ee jewdnuaa, byy qycc quanknuar qaqi ee jngxtauu-aw soxx jy ee catiau, iacc si zit ee sxiong.

9 Dirr hitt zit inx qenqor ee sniaa beh cincniu ciurnaa lai qapp snuabuexliux soxx kiwsag ee soxjai, dyrr si inx jaxjingg dirr Islaellangg ee binrjingg soxx kiwsag :ee; anxnix de dyrr pahngx.

10 In'ui liw be qir did qiur liw ee Siongrder, byy qiwliam juer liw ee kuiwlat ee jiyhvnuaa; soxiw liw jraix jin' simsig ee ciu'axjaix, iarr jingr vadd ngiu ee jxingw.

11 Jaijingr ee zit liw qra ix uii livax; qaur jaxkiw-sii, hro liw soxx jingr :ee kuix huex. Jongwsirr dirr iukow juadbang tangwtniar ee zit, soxx siuquah :ee longx velex kir.

12 Tniax ar, u jerje vecsnir ee sniax, inx huarhua hauw cincniu haiw ee huarhua hauw; u ledqog ee jauxjongg, inx jauxjongg cincniu dua juiw ee jauxjongg.

13 Ledvangx jauxjongg, cincniu jerje juiw ee jauxjongg; jongwsirr Siongrder huah inx, inx dyrr jauw kir hng hng, qycc siurr duiqnuaw, cincniu snuax-dingw hongx-jingg ee cokngx, qycc cincniu dua hongx taujingg decc qngw ee mic.

14 Ehngx-sii u qniahniaa; tnix iauxx bue qngx, inx dyrr byy .kir; jex si cniuw guanw ee langg soxx did .diyc ee hxun, si qiab guanw ee langg ee vywingr.

18 Hairar, Kus jiaxee hyy-gua, ix ee sxit pedpet hauw ee de.

2 Ix crex suwjiaw quer haiw, jre louiw ee junn dirr juixbin, qongw: Linw jiaxee qinxkuair ee suwjiaw, diyhh qaur quandua qngqut ee vecsnir hiax, dui' kaiqog ixlaii, hiaxee vecsnir qigqii tangx qniax, si vunx derqair tunxdac langg :ee, inx ee de u qanghyy vunx kuix.

3 Sewjniu itcer kiarkiw ee vecsnir, qapp diamr dirr derjniu ee langg ar, snuax-dingw kia dua qii ee sii linw diyhh knuar, vunn sauwqag ee sii linw diyhh tniax.

4 In'ui Jehovah duiww guaw anxnix qongw: Dng' zit .sii u tnikir ee iamrzet, siuquah ee zuahtnix u lorjuiw ee hunbu ee sii, Guaw dirr Guaw kiarkiw ee soxjai beh jing jing jre decc knuar.

5 Siuquah ee dairsingx, huex ixqing’ kuix, sria, huex iarr qetjniaa beh sik ee pudyy, ix beh ing liam'aw quah kir nng xee qix, qycc beh jenxduu ram ram ee dinn.

6 Longxx beh hed hro snuaqanx ee ingjiauw, qapp derjniu ee iaxsiur; hertnix ee ingjiauw beh hiyh dirr hiax, dangtnix ee iaxsiur longxx beh dyw dirr hiax.

7 Quar hitt sii jitt xee quandua qngqut ee vecsnir, dyrr si dui' kaiqog ixlaii qigqii tangx qniax, vunx derqair tunxdac langg :ee, inx ee de u qanghyy vunx kuix, inx beh jiong' lexmic henr hro banrqunx ee Jehovah, dyrr si henr qaur Zion Snuax, Jehovah andir Ix ee miaa ee soxjai.

19 Lun Egipt ee bigsi.

1 Knuar ar, Jehovah jre qinw qinw ee hunn limqaur Egipt. Egipt ee gnoxsiong dirr Ix ee binrjingg gniauhgniauc cuah. Egiptlangg ee simx dirr lairbin siau'ngiuu.

2 "Guaw beh qikdong Egiptlangg qongqig Egiptlangg, hniadi qongqig hniadi, cuwvnix qongqig cuwvnix, sniaa qongqig sniaa, qog qongqig qog.

3 Egiptlangg ee simsinn beh dirr lairbin sitdnaw; Guaw beh vairhuai inx ee qewboo; inx beh qriuu gnoxsiong, liam jxiur :ee, juer dangqix :ee, qapp qniaa siasut :ee.

4 Guaw beh jiong' Egiptlangg qaux dirr janzimw ee jruw ee ciuw, qiongvy ee ongg beh quanxhad inx." Jex si Jruw, banrqunx ee Jehovah qongw :ee.

5 Haiw-diongx ee juiw beh juaddng, hyjuiw beh siaubyy dax .kir.

6 Qxangx, hyy beh vnir cauwbi, Egipt ee hyjuiw beh qiamxjiyw, dalax .kir; louiw qapp lodig longxx qodaa.

7 Hyy-vnix qapp hykauw ee cauxvo, ixqip Hyy-vnix soxx jaijingr :ee longxx qodaa, siurr sauwduu byy .kir.

8 Tyw hii :ee beh tikaur, vangwdiyr dirr Hyy nirr :ee beh visiongx; prax bxang dirr juiw nirr :ee beh suevai.

9 Jeh iuwdue :ee, qapp jrid vec vor :ee, longxx beh qenwsiaur.

10 Qokqax ee tiaurjiyc beh duw diyc paccuir, soxu ee cniawqanglangg simx beh huanlyw.

11 Zoan ee siuxlingw qigqii gugong. Falaoh dua diwhui ee bosu soxx qewik :ee jniaa juer gucunw. Linw taixtyw qnaw duiww Falaoh qongw: Guaw si diwhuirlangg ee qniaxsunx, guaw si sen'ongg ee qniaxsunx?

12 Liw ee diwhui ee langg dirr dyclyc? Banrqunx ee Jehovah lun Egipt soxx dniardiyc ee jixir, inx tangx laii jiax, tangx qra liw qongw lar.

13 Zoan ee siuxlingw longxx vnir juer gong, Menfis ee siuxlingw longxx siurr behik; Egipt ee jipair cuwqaktauu ee jiyc cua ix ee vecsnir dirr belo.

14 Jehovah ing quairbiu ee sinn camx zip dirr inx diongqanx, drir qaur inx cua Egipt itcer soxx qniaa :ee longxx cacog, cincniu jiahjiuxjuir ee langg auxtor ee sii, dangx-dyw-saix-uaix jidngiu.

15 Egipt ee diongqanx, bylun tauu qapp buew, jangqix qapp louiw soxx juer ee qangx, byy jit hxang e jniaa.

16 Qaur hitt zit, Egipt in'ui banrqunx ee Jehovah ee ciuw ee buxlang, dyrr si Ix dirr inx ee dingxbin soxx bulang :ee, beh cincniu hurzinlangg jidngiu, qycc beh qniahniaa gniauhgniauc cuah,

17 Judah-de beh juer Egipt soxx qniahniaa :ee; qniwnarr duiww ix qongw kiw Judah-de, ix dyrr qniahniaa; jex si banrqunx ee Jehovah duiwdirr Egipt soxx dniardiyc ee jixir.

18 Dng' hitt zit, Egipt-de beh u go xee sniaa qongw Kanaan ee kniukauw, qycc qiw banrqunx ee Jehovah laii jiuwjua; beh u jit xee cxingx juer bedbyy ee sniaa.

19 Dng' hitt zit dirr Egipt-de ee diongqanx, beh uirdiyhh Jehovah kiw jit jxy dnxuaa; dirr Egipt ee venqair, beh uirr Jehovah kia jit qix tiau.

20 Jex longxx beh dirr Egipt-de uirr banrqunx ee Jehovah juer qiwhy qapp jingwqir. Egiptlangg in'ui sriu langg ee jewab, aiqiuu Jehovah, Ix dyrr crex jit xui jinxqiur :ee, dyrr si u jailingw :ee laii jinqiur inx.

21 Jehovah beh hro Egiptlangg bad Ix. Dirr hitt zit, Egiptlangg dikkag bad Jehovah, iarr beh henr jewmic qapp lexmic qingwvair Ix; qycc duiww Jehovah he guan sria guan.

22 Jehovah beh pah Egipt, pah ix, iarr idi ix. Inx beh qui'ngr Jehovah. Ix beh tniax inx ee qidyw, laii idi inx.

23 Dng' hitt zit beh dirr duarlo dui' Egipt taur qaur Assylia; Assylialangg beh zip Egipt, Egiptlangg iarr beh zip Assylia; Egiptlangg beh qapp Assylialangg snaqab hogsai Jehovah.

24 Dng' hitt zit Islael beh qapp Egipt cam' Assylia, snax xee vnilet, hro derjniu ee langg did diyc hokkir.

25 In'ui banrqunx ee Jehovah suwhog inx, qongw, "Egipt, Guaw ee vecsnir, Assylia, Guaw ee ciuw soxx jy :ee, Islael, Guaw ee sanxgiap, longxx u hokkir."

20 Assylia Ongg Sargon crex *Taznixtamr qaur Asdod hitt nii, *Taznixtamr dyrr qongpuar Asdod laii cruw ix.

2 Hitt sii Jehovah tokdiong Amoz ee qniaw Isaiah qongxx, "Kir ar, liw diyhh tauw liw iyx nirr ee muavor, trngr liw kax nirr ee ree." Isaiah jiauww anxnix juer, tngwteh ciackax laii qniaa.

3 Jehovah qongw, "Guaw ee lovok Isaiah tngwteh ciackax laii qniaa snax nii quw, juer quanhe dirr Egipt qapp Kus ee diaurtauu qrii su;

4 Cincniu anxnix, Assylia Ongg beh jiong' Egipt ee siurr liac :ee, Kus ee siurr censuaw :ee cua .kir, bylun lyxiur, tngwteh ciackax, lorcud ertew, hro Egipt qenwsiaur.

5 Inx beh in'ui soxx ngwbang ee Kus, soxx kuakauw ee Egipt, laii qniahiaa qenwsiaur.

6 Hitt sii jiaxee enhaiw kiarkiw ee vecsnir beh qongw, 'Knuar ar, lanw jiaxee vingsor soxx ngwbang :ee, dyrr si lanw in'ui beh tuatli Assylia Ongg, jauw kir qriuu ix jinxqiur :ee qiwzenn si anxnix, lanw taixtyw e dytuad ar?'"

21 Lun haiw-vnix kongwiaw ee bigsi. U dui' kongwiaw dui' tangx qniax ee de laii :ee, cincniu lamhngx ee qongg hongx saur .quer .kir.

2 Hro langg qniax ee ngirsiong ixqing’ bigsi guaw; kuixjar :ee qniaa kuixjar, huixbet :ee qniaa huixbet. Elam ar, liw diyhh jnriu .kir, Media ar, liw diyhh uikunr ix; itcer ee toxkuir guaw hro ix suah.

3 Soxiw guaw muaw iyx tangwtniar; tongwkow jiong' guaw knii diauu, cincniu hurzinlangg snix qniaw ee tongwkow; guaw qiauqaw tniar qaur be e tniax; guaw qniahniaa qaur be knuar.

4 Guaw ee simx beluan, qniahniaa pacqniax guaw; guaw soxx enwlok ee ehngx venr juer guaw ee gniauhgniauc cuah.

5 Inx vaised enwsiac, pair langg siuxbang, iarr jiac, iarr limx. Siuxlingw ar, linw diyhh kiw laii ing iuu buah dinvaii.

6 Jruw duiww guaw qongw: Liw kir sethuad siuxbang :ee, hro ix jiong' soxx knuar .qnir .ee laii vywqyr.

7 Ix knuar qnir qundui, kiaa bew :ee, jit duir jit duir, qycc u luu-dui, logdyy-dui, longxx decc laii; dyrr beh ngar hnirkangx siongser tniax.

8 Ix cincniu sraix hauxqiyr, qongw: Jruw ar, guaw zit .sii dniardnia kia dirr bangrqylauu, qui' mii kia dirr guaw jiuxqnix ee soxjai.

9 Knuar ar, u jit dui ee bexvingx, jit duir jit duir decc laii. Ix qycc rinr qongxx: Babylon dyxhuai lar, dyxhuai lar; ix itcer sinbingg ee sxiong longxx paccuir dirr de nirr.

10 Guaw siurr lunw ee diurvew, guaw cikdniuu ee gnoxqog ar, guaw dui' banrqunx ee Jehovah, Islael ee Siongrder, soxx tniax .qnir .ee, longxx qra linw qongw lar.

11 Lun Edom ee bigsi.

U dui' Seir qiyr guaw qongxx: Siuxbang :ee ar, miqanx simxmih sii? Siuxbang :ee ar, miqanx simxmih sii?

12 Siuxbang :ee rinr qongxx: Jxkiw-sii beh qaur, oamwmii iarr laii; liw narr beh mng dyrr tangx mng; tangx huetauu, qycc laii.

13 Lun Alabia ee bigsi.

Dedan qui' din ee cutguarlangg ar, linw beh hiycmii dirr Alabia ee ciurnaa lai.

14 Tema kiarkiw ee vecsnir pangg juiw cud laii sangr hro cuiwdax :ee; tec vniaw laii gniajih dyjauw :ee.

15 In'ui inx siamxvi lrai qiamr, vuic cud ee dyx, vnrix ann ee qringx, qapp qaujenr ee bingxlet.

16 Jruw duiww guaw anxnix qongw: Jit nii ee lairbin, jiauww cniawqangx ee nihan, Kedar itcer ee ingqngx beh longxx byy .kir.

17 Hiaxee giac qingjnir ee Kedar ee iongxsu soxx cunx ee giahsiaur jiyw jiyw; in'ui jex si Jehovah, Islael ee Siongrder qongw :ee.

22 Lun ngirsiong ee snuaqog ee bigsi.

1 U simxmih dairjir, hro liw ee vecsnir longxx jnriu cur-dingw ar?

2 Liw muaxsiwqer huachiamr, dua dua suanhuax ee sniaa, hnuahiw ee sniaa ar, liw diongqanx siurr taii :ee m si hro dyx taii, iarr m si uirdiyhh qaujenr laii siw.

3 Liw soxu ee qnuadniuw juer jit xe dyjauw, longxx hro giac qringx ee langg soxx kunxvak; linw diongqanx itcer hro langg cue .diyc .ee, juer jit xe siurr kunxvak, inx vunw si jauw kir hng hng :ee.

4 Soxiw guaw qongw: Linw uadjauw byy knuar guaw, guaw beh tongwsimx tikaur; byc did in'ui guaw ee vecsnir siurr huixhuai, laii benxqiongw an'uir guaw.

5 In'ui Jruw, banrqunx ee Jehovah, hro ngirsiong ee snuaqog u qiauxziauw, tunxdac, beluan ee zit, sniaa duw diyc qongpuar, aiqiyr ee sniax taur qaur snuaqanx.

6 Elam duar jniwde, qycc u jair vxingx ee ciax qapp bexvingx; Kir tec cud dinvaii.

7 Liw suiw ee snuaqog, jenwciax muaw muaw, iarr u bexvingx dirr sniamngg jingg vailet.

8 Ix druu kir Judah ee ziajac; hitt zit liw dyrr caknuar qunjongqik ee qunkir;

9 Linw knuar qnir David ee sniaa ee puawkiah jin' je; dyrr jikju xe dii ee juiw.

10 Qycc sngr Jelusalem ee cuwtec, jiong' cur tiachuiw laii siuvow sniacniuu.

11 Qycc dirr nng xee cniuu ee diongqanx kuix jit xee txamm, laii drew qu dii ee juiw; jongwsirr linw byy giongxbong juer ix :ee, iarr byy sniu diyc dui' qoxjaw jniaa ix :ee.

12 Dng' hitt zit Jruw, banrqunx ee Jehovah qiyr langg tikaur, aisiongx tir taumngg, haa muavor;

13 Knuar ar, u hnuahiw kuaiwlok, taii guu dyw ngiuu, jiac bah limx jiuw, qongw: Jueww lanw jiac jueww lanw limx, in'ui binaxzit beh siw lar.

14 Banrqunx ee Jehovah duiww guaw ee hnirkangx jixsi guaw, qongw: Linw jitt xee jue quatduanr be siawbenw .did, didqaur linw siw; jex si Jruw, banrqunx ee Jehovah qongw :ee.

15 Jruw, banrqunx ee Jehovah anxnix qongw, "Kir ar, liw kir qnir jitt xee jiangw kowvangg :ee, dyrr si quanxqex ee Sebna, duiww ix qongw, 'Liw dirr jiax sniaw su?

16 Liw dirr jiax u simxmih langg, hro liw dirr jiax uirdiyhh qaqi pah hunbong? Ix dirr quann ee soxjai uirr qaqi pah hunbong, uirr qaqi dirr jiyhvnuaa jy jit xee kiarkiw ee soxjai.

17 Knuar ar, Jehovah beh cincniu dua lat ee langg jin lat qra liw hed .kir; iarr beh qra liw vaux bat bat; Ix beh jiong' liw qngw jniaa jit qngw, hed dirr kuikuah ee soxjai cincniu hed qiuu.

18 Liw juer juxlangg ee qrex ee lingziok :ee, beh siw dirr hiax; liw ingqngx ee ciax iarr beh dirr hiax.

19 Guaw beh qra liw qikjid, lud liw ee xui.'

20 Qaur hitt zit Guaw beh driaur Guaw ee lovok, Hilkiah ee qniaw Eliakim laii.

21 Guaw beh jiong' liw ee guarpaur hro ix cing, jiong' liw ee iyduar hro ix haa, jiong' liw ee jingwsu ee qxuann, qaux ix ee ciuw. Ix beh juer Jelusalem kiarkiw ee vecsnir qapp Judah ee qrex ee ve.

22 Guaw beh jiong' David ee qrex ee juanrsii he dirr ix ee qingtauu. Ix kuix, dyrr byy langg e qnuaix; ix qnuaix, dyrr byy langg e kuix.

23 Guaw beh qenwlip ix cincniu dxingx dingr dirr qenqor ee soxjai. Ix beh qra ix ee laurve ee qrex juer ingqngx ee jyrui.

24 Langg beh jiong' ix ee laurve ee qrex jiaxee ingqngx, qniaw qapp sunx, huanrnarr kiwqu ee ser :ee, dui' vnuaa qaur vann ee kiwqu, longxx diaur dirr ix ee dingxbin.

25 Banrqunx ee Jehovah qongw: Dng' hitt zit dingr dirr qenqor ee soxjai ee dxingx beh suee .lyc .kir; beh siurr cyr dng qalauc .lyc .kir, diaur dirr ix ee dingxbin ee mic beh byy .kir; in'ui jex si Jehovah qongw :ee."

23 Lun Trle ee bigsi.

1 Tarsis ee junn ar, linw diyhh aikaur, in'ui Tyle ixqing’ pahngx lar, simrjiww byy cuwtec, iarr byy decc cutzip. Dui' Kittim ee derhngx u vyr inx jitt xee siausid.

2 Haiw-qnii kiarkiw ee vecsnir ar, jaxsii Sidon ee singlixlangg quer haiw hro linw did diyc ciongsing, dnaxx linw diyhh jing jing byy ue.

3 Dirr dua juiw ee dingxbin, Sihor ee bixniuu, Nilo Hyy ee gnoxqog si Tyle soxx jinwzip :ee, ix juer ledqog ee votauu.

4 Sidon ar, liw diyhh qenwsiaur, in'ui duarhaiw qongw, dyrr si haiw-qnii ee uersow qongw: Guaw byy huai'in, iarr byy u snix qniaw, byy u ngiuxci davoqniaw iarr byy u buxiongw jairsikluw.

5 Jitt xee hongsniax tuann qaur Egipt, inx beh uirdiyhh Tyle ee hongsniax qigqii tangwtniar.

6 Linw diyhh quer kir Tarsis. Haiw-qnii kiarkiw ee vecsnir ar, linw diyhh aikaur.

7 Jex si linw kuaiwlok ee sniaa mah? Ix ee dingw sewdai dyrr si dui' qoxjaw ixlaii, ix ee kax bad suaw ix qaur hng hng kiarkiw.

8 Jirjui dniardiyc jitt xee iwsur qongqig Tyle ar? Ix vunw si huad cud benxliuu :ee, ix ee singlixlangg si ongcinx, ix ee bexbe :ee si sewjniu ee quiwjok.

9 Banrqunx ee Jehovah dniardiyc ix, beh lingziok itcer ingqngx ee qiaugno, hro sewjniu itcer ee quiwjok duw diyc knuawkinx.

10 Tarsis ee vecsnir ar, liw diyhh venww qniaa liw ee derhngx cincniu Nilo Hyy, byy qycc u kusog.

11 Ix ixqing’ crunx Ix ee ciuw dirr haiw nirr, hro ledqog dinxdang. Lun qaur Kanaan, Jehovah bad huanhur diyhh huixhuair ix ee uersow.

12 Ix qongw: Liw siurr lingziok ee jairsikluw, Sidon ee jaboxqniaw ar, liw dikkag byy qycc did diyc kuaiwlok lar; kiw laii quer kir Kittim, dyrr dirr hiax iarr byy did diyc anhiyh.

13 Knuar ar, Qaldealangg ee de, jitt xee vecsnir dnaxx byy lar; Assylialangg hro ix juer iaxsiur kiarkiw ee soxjai; inx kiw inx ee jiuxqnilauu huixhuai inx ee qingden, hro ix juer pahngx.

14 Tarsis ee junjiah ar, linw diyhh aikaur; in'ui linw ee uersow vnir juer pahngx ee soxjai.

15 Dng' hitt zit, Tyle beh hro langg be qir did ligquer cid-jap nii, jiauww jit xee ong ee zidjiw; cid-jap nii au Tyle ee qingxhongw beh cincniu qirluw soxx cniur ee quax.

16 Liw jitt xee hro langg be qir .did ee qirluw ar, tec kimm siwqer qniaa sniaa-lai; dnuaa hyw tniax, cniu jerje, hro langg qycc qir did liw.

17 Cid-jap nii au, Jehovah beh quanwqor Tyle. Ix dyrr beh qycc tanr jnii, qapp sewjniu ee banrqog qauquanx.

18 Ix ee huewmic qapp soxx tanr ee jnii beh juer sxingr, qruix hro Jehovah, byy beh kngr lehh, byy beh jikju; in'ui ix ee huewmic beh hro diamr dirr Jehovah binrjingg ee langg, hro inx jiac vaw, qycc cing dongr did quw quw ee snxax.

24 Knuar ar, Jehovah hro de kanghux, duarde huanx linr dngw, hro kiarkiw ee vecsnir siwsnuar.

2 Hitt sii vecsnir jnaixngiu, jewsix iarr si anxnix; lovok jnaixngiu, juxlangg iarr si anxnix; luxvi jnaixngiu, juxbuw iarr si anxnix; brew mic :ee jnaixngiu, bre mic :ee iarr si anxnix; vangwjer :ee jnaixngiu, jiycjer :ee iarr si anxnix; tec lirsig :ee jnaixngiu, cud lirsig :ee iarr si anxnix.

3 De beh juer jit xe kanghux, longxx duw diyc cniuxqiab; in'ui jitt xee ue si Jehovah qongw :ee.

4 Derjniu vi'aix sueter, sewqair huxvai sueter, derjniu diamr dirr quann xui ee langg iarr huxvai.

5 De hro kiarkiw hitt xee dingxbin ee vecsnir pah lasamm, in'ui inx huan diyc hiaxee ludhuad, huewbyy ludle, vuerbiu ingxuanw ee iog.

6 Soxiw de hro jiuwjow tunbet, kiarkiw dirr hitt dingxbin :ee siurr griw jue; derjniu kiarkiw ee vecsnir siurr siyx, soxx cunx ee langg jiyw jiyw.

7 Sinx ee jiuw vi'aix, pudyciu huixhuai; simlai kuaiwlok :ee longxjongw toxkuir.

8 Pah qow ee kuaiwlok jing jing, enwlok :ee ee snia'imx longxx suah; dnuaa kimm ee kuaiwlok iarr jing jing.

9 Inx be did diyc cniuwquax limx jiuw; qau jiuw duiwdirr limx ee langg beh jniaa juer kow.

10 Pahngx ee sniaa ixqing’ tiachuiw; dagg qingx cur longxx qnuaix mngg, langg longxx berdid zip.

11 Dirr quelo in'ui jiuw u vi'aix ee sniax; itcer ee hnuahiw vnir juer oamr, derjniu ee kuaiwlok longxx byy .kir.

12 Sniaa-lai ixqing’ pahngx, sniamngg longxx huixhuai.

13 In'ui dirr derjniu, banrvecsnir ee diongqanx, beh cincniu pah quer liauw ee qnanaxciu, qycc cincniu pudyy banw liauw iauxx cunx :ee jidngiu.

14 Jiaxee langg beh cud dua sniax, beh hnuahiw qiyr; inx uirdiyhh Jehovah ee uigiamm, dui' haiw nirr laii auqiyr.

15 In'ui anxnix linw diyhh dirr danghngx ingqngx Jehovah; dirr jiaxee haixsu ingqngx Jehovah, Islael ee Siongrder ee miaa.

16 Guanw tniax qnir dui' derqik u langg cniuwquax, qongw: Ingqngx qruix dirr gi ee langg. Danrsi guaw qongw: Guaw siaubet lar, guaw siaubet lar; guaw u jaieh ar, kuixjar :ee qniaa kuixjar, kuixjar :ee dua qniaa kuixjar.

17 Derjniu kiarkiw ee vecsnir ar, qniahniaa, hamrknix, uahdauh longxx limqaur liw.

18 Siamxvi qniahniaa ee sniax :ee, beh vuac lyc hamrknix; dui' hamrknix kiw .laii .ee, beh hro uahdauh dauh .diyc. In'ui tnix-dingw ee txangx-aw longxx kuix, de ee qinqix iarr dinxdang.

19 De juer jit xe pywhuai, de itjin vanglic, de dua dua iycuah.

20 De beh dendenx dyxdyw, cincniu jiuxjuir ee langg; qycc iyy laii iyy kir, cincniu diauwcngg. Juerquar dang dang deh inx, dikkag dyw .lyc .kir, be e qycc kiw .laii.

21 Qaur hitt zit, Jehovah dirr quann ee soxjai jikhuat quann ee soxjai ee jiongww qunvingx; dirr derjniu beh jikhuat derjniu ee led'ongg.

22 Inx beh siurr jurjip, cincniu huanrlangg siurr jurjip dirr hamrknix. Jerje zit liauxau, dyrr beh u limqaur inx :ee.

23 Hitt sii guec beh qenwsiaur, zit beh lauwkuir; in'ui banrqunx ee Jehovah beh dirr Zion Snuax, dirr Jelusalem juer ongg, dirr Ix ee diongxlyw ee binrjingg beh u ingqngx.

25 Jehovah ar, Liw si guaw ee Siongrder, guaw beh jrunx Liw juer quann, guaw beh ylyw Liw ee miaa. In'ui Liw ing diongsinr singsit qniaa qibiau ee su, dyrr si Liw dui' qoxjaw soxx gixdnia :ee.

2 In'ui Liw hro sniaa vnir juer toduix, hro qenqor ee sniaa vnir juer haurpniaper, hro guarvanglangg ee qingden byy qycc juer sniaa, ingxuanw byy qycc kixjy.

3 Soxiw iongxbingw ee vecsnir beh ingqngx Liw, qiongvy ee qog ee sniaa beh qnia'uir Liw.

4 In'ui dng' qiongvy ee langg cuivig langg ee sii, cincniu dua hongx diddit cuex cniuviah, Liw dyrr juer songwhionglangg ee uersow, juer kunwkoxlangg qiplan diongx ee uersow, juer siamxvi dua hongx ee soxjai, juer siamxvi iamrzet ee imwngw.

5 Liw beh joxjiw guarvanglangg ee suanhuax, cincniu dax de ee zedkir huee .lyc .kir; qimwjiw qiongvy ee langg cniur taii ngiaa ee quax, cincniu zedkir siurr hunn ee ngiaw siaubyy.

6 Dirr jitt xee snuax banrqunx ee Jehovah beh uirdiyhh banrvecsnir ing hyw mic vaised endyh, ing qu jiuw qapp qutcew mauw mauw ee hyw mic, ixqip jercingx ee qu jiuw, vaised endyh.

7 Qycc dirr jitt xee snuax, Ix beh druu kir dar banrvecsnir ee puer, qapp ziakamr banrqog ee vowpangg.

8 Ix u tunbet sixbyy qaur inxguanw. Jruw Jehovah beh crid kir jingwlangg bin nirr ee bagsaiw; qycc dui' vowvnii xe druu kir Ix ee vecsnir ee qenwsiaur; in'ui jex si Jehovah qongw :ee.

9 Qaur hitt zit langg beh qongw, "Knuar ar, jex si guanw ee Siongrder, guanw vingsor tingwhau Ix. Ix beh jinxqiur guanw. Jex si Jehovah. Guanw vingsor tingwhau Ix, guanw beh in'ui Ix ee qiuwunx laii hnuahiw kuaiwlok."

10 Jehovah ee ciuw beh hnua dirr jitt xee snuax. Moablangg dirr soxx kiarkiw ee de beh siurr tunxdac, cincniu dax cauw siurr tunxdac dirr vunwsywdii ee juiw-lai.

11 Ix beh dirr hitt diongqanx tiw kuix ciuw, cincniu siujuiw :ee tiw kuix ciuw decc siuu. Ix beh hro ix ee qiaugno qapp ix ee ciuw soxx qniaa ee kuixqer, juer jit xe vai .lyc .kir.

12 Liw sniacniuu qenqor ee quann daii, Ix beh ciax dyw ix, huixbet ix, tiah qaur vnide, qe qaur din'aix.

26 Dng' hitt zit dirr Judah-de, langg dikkag cniur jitt xee quax, qongw: Guanw u qenqor ee sniaa; Ix beh ing qiuwunx lip juer sniacniuu, juer guardingsniaa.

2 Diyhh kuix jiaxee mngg, hro siuw sinwsit, gi ee vecsnir did diyc jinwzip.

3 Qensimx uaxkyr Liw :ee, Liw beh vyxsiuw ix jabhunx ving'anx, in'ui ix uaxkyr Liw.

4 Linw diyhh uaxkyr Jehovah didqaur ingxuanw; in'ui Jruw Jehovah si ingxuanw ee jiyhvnuaa.

5 Ix hro diamr dirr quann ee soxjai :ee qapp quann ee sniaa juer jit xe vai .lyc .kir; Ix beh ciax dyw ix dirr de nirr, lyc qaur din'aix.

6 Kax beh tunxdac ix, dyrr si songwhionglangg ee kax, kunwkow ee langg ee kavo.

7 Girlangg ee lo si jingwdit; Liw jingwdit :ee ar, siuvnii girlangg ee lo.

8 Jehovah ar, guanw dirr Liw simxpnuar ee lo tingwhau Liw. Guanw ee simx soxx himbo :ee, si Liw ee miaa qapp qiwliam Liw.

9 Guaw ing guaw ee simx miqanx himbo Liw; iarr ing guaw ee sinn tniqngjaw cue Liw; in'ui Liw simxpnuar sewjniu ee sii, dyrr derjniu ee vecsnir beh hagsip gi.

10 Ing unhui kuanxtai pnaiw langg; ix iuguann m hagsip gi. Dirr jingwdit ee derhngx, ix beh qniaa vutgi, iarr byy juwir Jehovah ee uigiamm.

11 Jehovah ar, Liw ee ciuw giac quann, inx iuguann m knuar; inx beh knuar qnir Liw uirdiyhh vecsnir ee zedsimx laii qenwsiaur; qycc u huew siybet Liw ee duiwdik.

12 Jehovah ar, Liw beh juwdnia guanw did diyc ving'anx, in'ui guanw soxx juer itcer ee su, longxx si Liw qra guanw jniaa :ee.

13 Jehovah, guanw ee Siongrder ar, Liw ixgua bad u vadd xee jruw quanxhad guanw. Guanw beh juanjuanx uaxkyr Liw, qiwliam Liw ee miaa.

14 Inx siw liauw dikkag be e qycc uac; inx ee simhunn be qycc kiw .laii; in'ui Liw limqaur inx, jaubet inx, hro inx ee miaa longxx byy .kir.

15 Jehovah ar, Liw qetnix qokbinn, Liw qetnix qokbinn; Liw did diyc ingqngx; qycc kuikuah jitt xee de siwbin ee qingxqair.

16 Jehovah ar, inx dirr huanrlan diongx cue Liw; Liw ee qingxqair qaur inx sinjniu, inx dyrr vniawsimx qidyw Liw.

17 Cincniu hurzinlangg huai'in, beh snix ee sii, dyrr qiauqaw, dirr tongwkow ee sii auqiyr. Jehovah ar, guanw dirr Liw ee binrjingg iarr si anxnix.

18 Guanw iarr bad huai'in bad qiauqaw, soxx snix :ee qingxzenn cincniu hongx; guanw dirr de nirr m bad qniaa simxmih jinxqiur ee su; sewjniu kiarkiw ee vecsnir iarr byy vuac .lyc.

19 Liw ee sixlangg beh qycc uac; guaw jiaxee sinsix beh qycc kiw .laii. Dyw dirr din'aix :ee ar, linw diyhh jingsinn kiw laii cniuwquax; in'ui Liw ee lorjuiw cincniu cauxcair dingw ee lorjuiw, de iarr beh qaux cud imhunn.

20 Guaw ee vecsnir ar, linw diyhh zip bat vangg qnuaix liw ee mngg, bih diap aw quw, tingwhau siurkir quer .kir.

21 In'ui Jehovah dui' Ix ee soxjai cud .laii, beh hinghuat derjniu kiarkiw ee vecsnir ee juerog; de iarr beh lorcud ix soxu ee huih, byy qycc ziakamr siurr taii ee langg.

27 Qaur hitt zit, Jehovah beh ing Ix qonggni u lat ee dua qix dyx hinghuat goghii, dyrr si hitt hy gauu jauw ee juaa, hinghuat goghii, dyrr si hitt hy u.-uan'uad-u. ee juaa; iarr beh taii siw haiw-diongx ee lringg.

2 Dng' hitt zit u cud hyw jiuw ee pudyhngg, linw diyhh qiw jitt xee hngg cniuwquax, qongw:

3 Guaw Jehovah si qowsiuw pudyhngg :ee; Guaw sikig quanwag ix, mizit qowsiuw ix, benw did langg sunxhai ix.

4 Guaw byy jrunn siurkir; guan u ciwper jidlee qapp Guaw qaujenr, Guaw dyrr hyxdnaw jinwjingg kir cue ix, qra ix juer jit xe siyx .kir.

5 Narr byy anxnix, dyrr hro ix knii diyc Guaw ee linglik, laii qapp Guaw hyhyw; guan ix qapp Guaw hyhyw.

6 Jionglaii Jakob beh dingr ix ee qinx, Islael beh huad gee kuix huex; inx ee quexjiw beh ciongmuaw sewqair.

7 Jruw pah ix, qamxx cincniu pah hiaxee bad pah ix ee langg mah? Ix siurr taii, qamxx cincniu hiaxee taii ix :ee ee siurr taii mah?

8 Liw crex inx kir, si jiauww soxx habgii qapp inx sna' jnex; kiw danghongx ee zit, dyrr ing dua hongx qra inx qnuaw .kir.

9 Soxiw Jakob ee juerog beh anxnix did diyc sexduu, ix ee juerquar did diyc druu .kir ee haurqyw, jairdirr jitt xee; hitt sii ix hro jewdnuaa ee jiyhtauu vnir juer paccuir ee hejiyc; drir qaur catiau qapp zidsiong byy qycc kia .lehh.

10 In'ui qenqor ee sniaa vnir juer cnicinr, lorquex snuawtec cincniu kongwiaw; guu-aw beh jiac cauw dirr hiax, dyw dirr hiax, iarr beh jiac uann ix ee ciurqix.

11 Ix ee qix qodaa siurr ad jric, hurzinlangg beh laii qra ix siyliyx .kir; in'ui jiaxee vecsnir gong gong. Soxiw jyrhuar inx :ee, byy beh six xunx hro inx.

12 Qaur hitt zit Jehovah beh kar ix ee quexjiw, dui' Dua hyy qaur Egipt ee kex; linw Islaellangg jit xee jit xee hro Ix siukiyh.

13 Dng' hitt zit beh vunn dua ee hyrtauu; qniwnarr piauliuu dirr Assylia-de, qapp siurr qnuaw dirr Egipt-de :ee, longxx beh laii dirr sxingr snuax, dirr Jelusalem, qingwvair Jehovah.

28 Jaieh ar, Eflaim ee juiwhanr qiaugno ee benxliuu, qapp ix suiw ee jngtna decc sria ee huex, dyrr si dir dirr hiaxee hro jiuw soxx kunwkow :ee, inx ee vuii ee snuaqog ee tauu.

2 Knuar Jruw u jit xee dua quanlingg dua kuiwlat :ee, cincniu jit jun ee dua pauc, cincniu huixbet ee qongg hongx, cincniu hionglauu ee dua juiw, Ix beh ing dua lat hed ix dirr de nirr.

3 Eflaim ee juiwhanr qiaugno ee benxliuu beh siurr dac dirr kax-xe.

4 Ix suiw ee jngtna decc sria ee huex dyrr si dirr vuii ee snuaqog ee tauu, beh cincniu hertnix ixjingg, kixtauu sik ee buhuaqyw; qniwnarr knuar .qnir .ee dyrr juwir knuar, jid'err qaur ciuw dyrr tunx .lyc .kir.

5 Dng' hitt zit, banrqunx ee Jehovah beh juer Ix hiaxee soxx cunx ee vecsnir ingqngx ee by, suiw ee benxliuu.

6 Iarr juer jerui laii simxpnuar :ee qonggi ee sinn, iarr juer sniamngg pacter duiwdik :ee ee kuiwlat.

7 Dogdok jitt hy langg dui' jiuw laii cabiu, dui' qau jiuw laii belo, jewsix qapp sendix longxx dui' qau jiuw laii cabiu, hro jiuw soxx tunjiac, dui' qau jiuw laii belo, duiwdirr bigsi dyrr cacog, duiwdirr simxpnuar byy ving'unw.

8 In'ui dagg der dyh lasamm, tror qaur muaw muaw, byy jit xui cingkir.

9 Ix beh ing diwhui qawsi jirjui ar? Beh hro jirjui bingvik soxx tuann :ee ar?

10 Si hitt hy duxaxx dng linx lirkuix hxingx-jingg :ee mah? In'ui ix bingling qycc bingrling, bingrling qycc bingrling; ludle qycc ludle, ludle qycc ludle, jitt xui damrvyc, hitt xui damrvyc.

11 Be lar, Jruw beh ing vadd ngiu ee cuiwdunn qapp byy siangg lui ee jic, duiww jitt xee vecsnir qongxue.

12 Ix bad duiww inx qongw: Jitt xee dyrr si anhiyh, linw diyhh hro iawsen ee langg did diyc anhiyh; qycc qongw: Jitt xee dyrr si knuiwuac; danrsi inx m kingw tniax.

13 Soxiw Jehovah duiww inx qongw ee ue, si bingrling qycc bingrling, bingrling qycc bingrling; ludle qycc ludle, ludle qycc ludle; jitt xui damrvyc, hitt xui damrvyc; drir qaur inx kir, dyrr hniawau vuahdyw, qycc puar qaur cruir cruir, ham lyc lybang, siurr liac .diyc.

14 Soxiw linw jiaxee buxban ee langg, dyrr si quanxhad diamr dirr Jelusalem jiaxee vecsnir :ee, diyhh tniax Jehovah ee ue.

15 In'ui linw bad qongw: Guanw qapp sixbyy lip iog, qapp imhuw qetbingg, jaieh dua liuhingg ee sii dikkag byy qaur dirr guanw; in'ui guanw ing vehcat juer siamxvi ee soxjai, dirr huqew ee soxjai qaqi bih.

16 Soxiw Jruw Jehovah anxnix qongw: Knuar ar, Guaw dirr Zion he jit der jiyc juer derqix, si ixqing’ ciwgiam ee jiyc, qenqor ee derqix, vyxquir ee cuwqag; uaxkyr ix ee langg dikkag byy diyhqib.

17 Guaw beh ing qongvingg juer junxjinn, ing qonggi juer duirsnuar; vingpauc beh pah dyw huqew siamxvi ee soxjai, dua juiw beh imbat siamxbih ee soxjai.

18 Linw qapp sixbyy soxx lip ee iog dikkag huewbyy, qapp imhuw soxx qed ee bing'iog dikkag kia be diauu; jaieh dua liuhingg ee sii, linw beh siurr ix tunxdac.

19 Dagg vaiw qingquer, beh jiong' linw liac .kir; in'ui dagg jaxkiw ix beh qingquer, byy langr zidmii; bingvik soxx tuann :ee, qandna' qniahniaa.

20 Bincngg dew, hro langg be crunx dit; mipue ec, hro langg qah be bat.

21 In'ui Jehovah beh kiw .laii, cincniu dirr Pelazim Snuax, Ix beh siurkir cincniu dirr Gibeon ee snuaqog; tangx juer Ix ee qangx, dyrr si hranw did juer ee qangx, tangx jniaa Ix ee su, dyrr si qi'ngi ee su.

22 Dnaxx linw m tangx buxban, qniax vak linw ee syh kunn kacc ann; in'ui guaw dui' Jruw, banrqunx ee Jehovah tniax .qnir, ixqing’ quatduanr beh dirr juann derjniu qniaa soxx dniardiyc bedbyy ee su.

23 Linw diyhh ngar hnirkangx tniax guaw ee sniax, liusimx tniax guaw ee ue.

24 Hitt xee lee hngg beh ia jxingw :ee, qamxx si siongsiongg decc lee mah? Qamxx si siongsiongg decc qrut laii vue ix ee too mah?

25 Ix ixqing’ congr vnii tobin, qamxx byy ia vecqag, jraix maxkinn, jiauww jua jingr siyxbec, dirr dniardiyc ee soxjai jingr duarbec, dirr hngg-vnix jingr cobec mah?

26 In'ui ix ee Siongrder ing habgii ee huatdo jixdiamw ix, qycc qawsi ix.

27 Vecqag m si ing lrai ee kiwqu pah :ee, maxkinn m si ing cialunn lrunw :ee, si ing tuii-aw pah vecqag, ing qnuaiw-aw pah maxkinn.

28 Juer vniaw ee gnoxqog qamxx keh hro ix cruir mah? Byy lar, byy dngdngg pah ix; suizenn ing cialunn bexdee pacsnuar ix, iarr byy hro ix cruir .kir.

29 Jex iarr cud dirr banrqunx ee Jehovah; Ix ee qewik qibiau, Ix ee diwhui kuacdua.

29 Ai'ar, Aliel, Aliel, David anx ngiaa ee sniaa, linw jit nii quer jit nii, jecqii jiauwsiongg lunliuu.

2 Guaw beh hro Aliel kunwlann, ix beh u visiongx aikaur; jongwsirr Guaw beh knuar ix juer Aliel.

3 Guaw beh siwuii anx ngiaa qongqig liw, kiw toduix pah liw, kiw quann daii qongqig liw.

4 Liw beh qangwqe, dui' de-diongx qongxue, liw ee gengiw beh ser ser, dui' din'aix cud .laii; liw ee snia'imx, beh cincniu qxuiw jnriu srinx :ee ee snia'imx dui' de cud .laii, liw ee gengiw qiurqiu hauw dui' din'aix cud.

5 Liw ee duiwdik ee dua dui beh cincniu iur ee tohunw, qiongvy langg ee dua dui beh cincniu vuex ee cokngx. Jitt xee su beh diap aw quw ee diongqanx hutzenn limqaur.

6 Banrqunx ee Jehovah beh ing luii dann, dedang, dua sniax, qngxlehongx, dua hongx, qapp tunbet ee huexiam limqaur ix.

7 Hitt sii qongqig Aliel jiongww qog ee dua dui, dyrr si itcer qongqig ix qapp ix ee uersow, qapp koxcow ix :ee, beh cincniu bang qnir cincniu mii .sii ee ngirsiong.

8 Beh cincniu iaux ee langg bang qnir decc jiac, qaur jingsinn simx iuguann jaix kangx kangx; iacc si cincniu cuiwdax ee langg bang qnir decc limx, qaur jingsinn iuguann iawsen, sniu beh limx; jiongww qog ee dua dui qapp Zion Snuax qaujenr :ee, iarr beh cincniu anxnix.

9 Linw diyhh gonggniac qiquair, linw diyhh qaqi ziaver laii cnimii. Inx juir, m si in'ui jiuw, inx denx laii denx kir, m si in'ui qau jiuw.

10 In'ui Jehovah jiong' kunr dang binn ee sinn quanr dirr linw ee dingxbin, hrongx bat linw ee bagjiux, kamr bat linw ee taukag; linw ee bagjiux dyrr si sendix, linw ee taukag dyrr si senqenr :ee.

11 Soxu ee bigsi duiwdirr linw cincniu hrongx lehh ee zirngiu qaux hro vad zri ee langg, qongw, "Cniaw tak ix." Ix qongw, "Guaw be e, in'ui hrongx lehh."

12 Qycc jiong' jitt xee zirngiu qaux hro m bad zri ee langg, qongw, "Cniaw tak ix." Ix qongw, "Guaw m bad zri."

13 Jruw qongw: In'ui jitt xee vecsnir cinqin Guaw, ing cuir, ing cuiwdunn junqingr Guaw, simx dyrr lirkuix Guaw hng hng; inx ee junqingr Guaw, vutqyr si tranr langg soxx qawsi ee bingrling nardnia.

14 Soxiw Guaw beh qycc ing qibiau ee su kuanxtai jitt xee vecsnir, hitt xee su dyrr si qibiau qycc qi'ngi; inx diwhuirlangg ee diwhui beh siaubyy, inx congbinglangg ee congbingg beh kamr bat.

15 Jaieh ar, hiaxee ngr Jehovah cimx cimx kngr inx ee qewboo, qycc dirr amwdiongx qniaa dairjir :ee, qongw: Jirjui knuar qnir guanw? Jirjui jaix guanw ar?

16 Hairar, linw vuerbiu lar! Qamxx tangx knuar siyhuilangg cincniu too mah? Siurr jy ee mic qamxx tangx lun jy ix :ee, qongw: Ix byy jy guaw mah? Iacc si siurr juer ee mihqnia, qamxx tangx lun juer ix :ee, qongw: Ix byy cangmiaa mah?

17 Qamxx m si diap aw quw ee sii, Lebanon venr juer hyw ee cann, hyw ee cann knuar juer ciurnaa mah?

18 Hitt zit cauwhnirlangg :ee beh tniax qnir ceh-lai ee ue, cnimilangg ee bagjiux beh dui' bongbu oamr diongx did diyc knuar .qnir,

19 Kiamvix ee langg beh in'ui Jehovah laii qetnix inx ee hnuahiw; zinqanx ee songwhionglangg beh in'ui Islael ee Sxingr :ee laii kuaiwlok.

20 In'ui qiongvy langg :ee ixqing’ qruix dirr byy, buxban ee langg ixqing’ bedjuat; itcer cue qihue juer pnaiw ee langg longxx siurr jenxduu.

21 Inx uirdiyhh jit qxur ue laii jikjue langg, sed uahdauh laii hamrhai dirr sniamngg dokjig langg :ee, ing byngiaw ee su ongxkud girlangg.

22 Soxiw qiuwsiok Ablaham ee Jehovah lun Jakob ee qrex anxnix qongw: Jakob dnaxx dikkag byy qycc qenwsiaur, ix ee bin iarr byy venwsig.

23 Ix knuar qnir ix ee jiongww qniaw, dyrr si Guaw ee ciuw soxx juer :ee, dirr ix ee diongqanx, inx beh jrunx Guaw ee miaa juer sxingr, beh jrunx Jakob ee Sxingr :ee juer sxingr, beh qingwuir Islael ee Siongrder.

24 Simlai hodoo :ee beh did diyc bingvik, m qamguan :ee beh siurr qauwhunr.

30 Jehovah qongw: Jaieh ar, jiaxee vuergik ee qniaw, inx snaqab qewboo, byy dui' Guaw ee iwsur, inx qed bing'iog byy dui' Guaw ee sinn, drir qaur jue-siong qax jue.

2 Kixsinx lyc kir Egipt, vingrr byy cingxmng Guaw, beh uaxkyr Falaoh ee sewlik, qetnix qaqi ee sewlik, iarr siamxbih dirr Egipt ee diwimr xe.

3 Soxiw Falaoh ee sewlik beh juer linw ee qenwsiaur; siamxbih dirr Egipt ee diwimr xe beh juer linw ee lauwkuir.

4 Ix ee siuxlingw ixqing’ qaur Zoan, ix ee suwjiaw ixqing’ qaur Hanes.

5 Inx beh in'ui be lirig inx ee vecsnir laii qenwsiaur, hitt xee vecsnir m si juer vangjan, iarr m si juer lirig, dogdok si juer qenwsiaur, juer lingziok.

6 Lun lamhngx ee jingsnix ee bigsi. Inx jiong' jaibut kngr dirr luu-aw qajiah dingw; jiong' vyxmic jair dirr logdyy ee nxia, qingquer qanlann kunwkow ee de, dyrr si buw ee sraix, qangx ee sraix, dogjuaa qapp huexiam, vuex ee lringg ee de, kir hitt xee byy lirig inx ee vecsnir hiax.

7 Egipt ee vangjan si kangx kangx byy lirig; soxiw guaw cxingx ix juer jre lehh byy dinxdang ee Rlahab.

8 Dnaxx liw kir, dirr inx ee binrjingg, jiong' jitt xee ue siaw dirr vaii nirr, qir dirr ceh nirr, lauu qaur au dai, qaur ingxuanw.

9 In'ui inx si vuergik ee vecsnir, qongw vehcat ee qniaxzii, m kingw tniatanr Jehovah ee qawsi ee qniaxzii.

10 Inx duiww senqenr :ee qongw: Byc did duiww guanw qongw jingwdit ee ue, diyhh duiww guanw qongw ziuluanw ee ue, qongw huqew ee su;

11 Linw diyhh vangwsag jniar lo, lirkuix jingwdit ee lo, m tangx dirr guanw ee binrjingg qycc tee kiw Islael ee Sxingr :ee.

12 Soxiw Islael ee Sxingr :ee anxnix qongw: In'ui linw kiwsag jitt xee ue, vinsinr vyrgiok qapp quairpiah laii uaxkyr ix;

13 Soxiw jitt xee juerog dirr linw ee sinjniu, cincniu beh dyw ee lihhunn, pongr cud dirr quann cniuu :ee; diap aw quw ee diongqanx hutzenqanx dyxhuai.

14 Ix beh huixhuai ix, cincniu langg huixhuai siyhuilangg ee huikir, qongr cruir iarr byy vyxsiyh; drir qaur cuiwder ee diongqanx, cue byy jit pnir tangx dui' huexloo laii cruw huew, dui' dii-lai laii ngiuw juiw.

15 Jruw Jehovah, Islael ee Sxingr :ee bad anxnix qongw: Linw ee did diyc qiur jairdirr uat dywdngw qapp anhiyh; linw did diyc kuiwlat jairdirr vingjing qapp sinwkyr; jongwsirr linw byy beh.

16 Linw qongw: Byy ar, guanw beh kiaa bew laii jauw, soxiw linw decbeh jauw; qycc qongw: Guanw beh kiaa hitt xee jin' gauu jauw ee jingsnix, soxiw duiqnuaw linw :ee iarr beh jin' gauu jauw.

17 Jit langg hangxhuah, dyrr jit-cingx langg dyjauw; go langg hangxhuah, dyrr linw longxx beh dyjauw; drir qaur soxx cunx :ee cincniu snuax-dingw ee qiqnuax, snuatauu ee dua qii.

18 Jehovah in'ui anxnix beh tingwhau laii six unhui hro linw, qycc in'ui anxnix beh kiw laii linbinw linw; in'ui Jehovah si qongvingg ee Siongrder; huanrnarr tingwhau Ix :ee, longxx u hokkir.

19 Linw jiaxee kiarkiw dirr Zion, dirr Jelusalem ee vecsnir ar, liw dikkag byy qycc tikaur; Jruw beh in'ui liw aiqiuu ee sniax dua six xunx hro liw; Ix tniax qnir dyrr beh rinr liw.

20 Jruw beh hro linw dirr huanrlan diongx u vniaw, linw ee sensnix byy qycc siamxbih; liw beh cinbak knuar qnir liw ee sensnix.

21 Liw penx dirr jyw penx dirr iu ee sii, hnirkangx lai beh tniax qnir u sniax dirr liw ee aurbin qongw, "Jex dyrr si lo, liw diyhh qniaa ix."

22 Liw soxx diaukig ee gnoxsiong, ing ginn snriux :ee, soxx juwjy ee gnoxsiong ing qimx dro :ee, liw beh pah lasamm ix, beh kiwsag ix, cincniu uwuer ee mic; duiww ix qongw, "Kir ar."

23 Liw ia jingxjiw dirr de nirr, Ix beh qra ix lyc ho, iarr beh hro de soxx cud ee bixniuu jin' hyw, jin' hongsing; qaur hitt sii liw ee jingsnix beh dirr kuankuah ee cauxdniuu jiac cauw.

24 Lee hngg ee guu qapp lu'axqniaw beh jiac sruah iamm ee liau; jitt xee liau si ing hongqow qapp vuawqix quer cnriuu :ee.

25 Dirr dua taii langg, jiuxqnilauu dyxhuai ee zit, dagg xee quann snuax dua nxiaw beh u hyjuiw kelauu.

26 Dng' Jehovah vaux Ix ee vecsnir sunxsiongx ee soxjai, idi Ix ee vecsnir pacsiongx ee zit, guec ee qngx beh cincniu zit ee qngx, zit ee qngx beh qex cid vue, cincniu cid xee zit ee qngx jidngiu.

27 Knuar ar, Jehovah ee miaa dui' hng hng laii, siurkir dyc .kiw .laii, bat bat ee enx cringr quann; Ix ee cuiwdunn u siurkir muaw muaw; Ix ee jic cincniu tunbet ee huew.

28 Ix ee krir cincniu diongwmuaw ee hyjuiw, diongr qaur amrqunw; beh ing huixbet ee traix laii traix banrqog; qycc dirr jiongww vecsnir ee cuir-lai, beh u hro langg qniaa cywgo ee bexqarqniux.

29 Linw beh cniuwquax, cincniu siuw sxingr jeh ee mii; qycc simlai hnuahiw, cincniu langg vunn dat'aw jnriu Jehovah ee snuax, qaur Islael ee Jiyhvnuaa hiax.

30 Jehovah beh hro langg tniax Ix uigiamm ee sniax, qycc hro langg knuar qnir Ix ee ciuw pah .lyc .kir, qapp siurkir diongx ee siurkir, tunbet ee huexiam, cewluii, dua hongx, vingpauc.

31 Soxiw Assylialangg beh in'ui Jehovah ee sniax dua qniahniaa; Ix beh ing qnuaiw-aw laii pah ix.

32 Jehovah beh jiong' dniardiyc ee qnuaiw-aw, qaur dirr ix ee sinjniu; dagg vaiw pah .lyc .kir, dyrr tniax qnir dnuaa kimm pah qow ee sniax; qaujenr ee sii, Jehovah drang kiw Ix ee ciuw qapp ix qaujenr.

33 In'ui Tofet dui' jaw dyrr setlip; uirdiyhh ongg laii virvan, cimx qycc kuah; qidiongx qui' dxuix :ee, si huew qapp jerje caa; Jehovah ee krir, cincniu jit diauu ee ziu'nghuew, hro ix dyc .kiw .laii.

31 U jaieh ar, hiaxee lyc kir Egipt qriuu vangjan :ee, inx uaxkyr bew; iarr uaxkyr ciax, in'ui ix je; uaxkyr bexvingx, in'ui ix qiongg; jongwsirr byy iwhiongr Islael ee Sxingr :ee, iarr byy qriuu Jehovah.

2 Jehovah qisit u diwhui, Ix beh qangr jaieh, byy siux dywdngw Ix ee ue; beh kiw laii qongqig hiaxee pnaiw langg ee qrex, qycc qongqig hiaxee vangjan langg juer pnaiw :ee.

3 Egiptlangg vutqyr si langg, m si Siongrder; inx ee bew vutqyr si bah, m si sinn; Jehovah jid'err crunx ciuw, hitt xee vangjan langg :ee beh dag .diyc, hitt xee siurr vangjan :ee beh vuahdyw, longxx snaqab bedbyy.

4 In'ui Jehovah duiww guaw anxnix qongw: Cincniu sraix qapp ser jiah sraix qor ix soxx ziaur .diyc ee mic, dyrr hmrhm hauw, suizenn diauwjip jerje bogjiaw laii qongqig ix, ix longxx byy in'ui inx ee sniax laii qniahniaa, iarr byy in'ui inx ee suanhuax laii kuthok; cincniu anxnix, banrqunx ee Jehovah beh limqaur, qaujenr dirr Zion Snuax qapp ix ee snuaniaw.

5 Cincniu jiauw tiw kuix sxit, anxnix banrqunx ee Jehovah beh vyxho Jelusalem; qycc vyxho ix, qycc kanqiur ix, qycc vnuaa quer laii qiur ix.

6 Islael ee qniaxsunx ar, linw soxx cimx cimx vuergik :ee, dnaxx diyhh qui'ngr Ix.

7 In'ui qaur hitt zit, dagg langg beh jiong' ix ginn ee gnoxsiong, qimx ee gnoxsiong, dyrr si linw ee ciuw soxx jy, ham lyc linw dirr jue :ee, longxx vangwsag ix.

8 Assylialangg beh siw dirr dyx-xe, m si duiwdirr langg, iarr m si vingsionglangg ee dyx beh bet ix; ix beh dui' dyx ee binrjingg laii dysiamw, ix ee siauwlenlangg beh juer koxqangx.

9 Ix ee jiyhvnuaa beh in'ui qniahniaa laii byy .kir; ix ee siuxlingw beh in'ui dua qii laii qniahniaa; jex si hitt xee u huew dirr Zion, u loo dirr Jelusalem ee Jehovah qongw :ee.

32 Knuar ar, beh u jit xee ongg jiauww qonggi laii juer ongg, beh u siuxlingw jiauww qongvingg laii jiangxquann.

2 Beh u langg juer cincniu siamxvi hongx ee soxjai, juer bih dua ho ee xui; cincniu kelauu ee juiw dirr dax de, cincniu dua jiyc ee imwngw dirr iawsen ee soxjai.

3 Hitt xee e knuar .qnir ee langg, bagjiux byy qycc enng, e tniax ee langg, hnirkangx beh ngar lecc tniax;

4 Sywsingr langg ee simx beh bingvik diwsig; diyhjihqinx ee langg ee jic beh qongxue qinw qycc bingg.

5 Gong langg byy qycc cxingx juer qybingg, qenlin ee langg byy beh cxingx juer duarliong.

6 In'ui gong langg beh qongw gong ue, simx sniu juer pnaiw, quanwsir qniaa setdok ee su, qongw cabiu ee ue qongqig Jehovah, hro iaux ee langg byy mic tangx jiac, cuiwdax ee langg byy juiw tangx limx.

7 Qenlin ee langg soxx ing ee huatdo si pnaiw :ee, ix sed qewboo, ing vehcad'ue huixbet qankoxlangg; songwhiongx ee langg qangxlun qongliw ee sii, ix iarr iuguann qniaa huixbet;

8 Jongwsirr qybingg ee langg qewik qybingg ee su, iarr dngdngg diamr dirr qybingg.

9 Cing'ingg ee hurzinlangg ar, diyhh kiw laii tniax guaw ee sniax; byy kuawlu ee jaboxqniaw ar, diyhh ngar hniwkangx tniax guaw ee ue.

10 Byy kuawlu ee jaboxqniaw ar, qycc quer jit nii kacc qex, beh qniahniaa; in'ui byy pudyy tangx banw, byy quexjiw tangx siusingg.

11 Cing'ingg ee hurzinlangg ar, diyhh gniauhgniauc cuah; byy kuawlu ee jaboxqniaw ar, diyhh qniahniaa, trngr snxax ciacteh, iyx haa muavor.

12 Inx beh uirdiyhh hyw ee cande qapp borsing ee pudyciu duii hxingx.

13 Ciwper jidlee beh huatsnix dirr Guaw ee vecsnir ee de; iarr beh huatsnix dirr hnuahiw ee sniaa, kuaiwlok ee cur.

14 In'ui ongqiongx beh honghuer, laurzet ee sniaa beh lingxjing; snuatauu qapp jiuxqnilauu ingxuanw juer snuadong, juer iaw luu hnuahiw ee soxjai, juer qui' din jingsnix ee cauxdniuu.

15 Tingwhau sxingr sinn dui' dingxbin vniar lyc dirr lanw, kongwiaw venr juer vuii ee cann, vuii ee cann knuar juer cincniu ciurnaa.

16 Hitt sii qongvingg beh druar dirr kongwiaw, qonggi beh diamr dirr vuii ee cann.

17 Gi ee qonghau si ving'anx, gi ee haurgiam si vingjing an'unw, qaur dirr ingxuanw.

18 Guaw ee vecsnir beh diamr dirr ving'anx ee txec, an'unw ee cur, cingjing hiyckunr ee soxjai.

19 Dogdok ciurnaa dyw .lyc .kir ee sii beh lyc pauc; qycc hitt xee sniaa beh qangr lyc qaur jin' qe.

20 Linw jiaxee ia jxingw dirr dagg xee juiw-vnix :ee, vangr guu, luu dirr hiax ee, u hokkir.

33 Jaieh ar, liw jitt xee cniuxduat langg :ee, qaqi byy siurr cniuxduat; qniaa dairjir kuixjar :ee, langg byy ing kuixjar kuanxtai liw! Liw cniuxduat duxaxx suah, qaqi beh siurrr cniuxduat; liw qniaa kuixjar duxaxx suah, langg beh ing kuixjar kuanxtai liw.

2 Jehovah ar, qriuu Li six xunx hro guanw; guanw tingwhau Liw, qriuu Liw dagg jaxkiw juer guanw ee ciuw, duw diyc huanrlan ee sii, juer guanw ee jinxqiur.

3 Suanhuax ee sniax jid'err huad, jiongww vecsnir dyjauw. Liw jid'err kiw .laii, ledqog siwsnuar.

4 Linw soxx cniuw :ee beh hro langg siusip, cincniu jenxaxtangg ee siusip mic; langg jauw kir hiax, cincniu cauxmeh tiaur laii tiaur kir.

5 Jehovah siurr jrunx juer quann; in'ui Ix diamr dirr quann ee soxjai; Ix ing qongvingg qonggi ciongmuaw Zion.

6 Liw itsingx itsir beh did diyc an'unw, u hongsing ee qiuwunx qapp diwhui qapp jaibad; qingwuir Jehovah juer liw ee vyxvuer.

7 Knuar ar, inx ee hyqet dirr guarbin aisiongx; qiuhyy ee suwjiaw tongwsimx tikaur.

8 Duarlo pahngx, longxx byy langg quewlo; ix vue iog, knuawkinx jiaxee sniaa, byy iauwqinw vecsnir.

9 Derjniu vi'aix sueter; Lebanon qenwsiaur qodaa; Salon cincniu kongwiaw; Basan qapp Karmel ee ciurbak lag qngx qngx.

10 Jehovah qongw: Dnaxx Guaw beh kiw .laii; dnaxx Guaw beh hingx kiw; danxx Guaw beh qaqi quann.

11 Linw huai'in cokngx laii snix diurqyw; linw ee krir beh cincniu huew laii tunbet linw.

12 Ledvangx beh cincniu ixqing’ siyx ee jiyhhex; cincniu ixqing’ quah ee ciwper, siurr siyx dirr huew-dingw.

13 Linw hng ee langg, diyhh tniax Guaw soxx qniaa :ee, linw qin ee langg diyhh jaix Guaw dua quanlingg.

14 Zion diongx ee juerzinn longxx qniahniaa, byy qingwkenn ee langg beh diddit cuah. Lanw diongqanx jirjui e qapp tunbet ee huew snaqab druar? Lanw diongqanx jirjui e qapp ingxuanw ee siyhuiw snaqab druar ar?

15 Qniaa dairjir qonggi, qongxue jingwdit, uanwhun ligsig ee jaili, iyy ciuw byy siurr vowlo, trat bat hnirkangx byy tniax lrauu huih ee ue, kreh bagjiux byy knuar pnaiw dai :ee;

16 Ix beh diamr dirr quann ee soxjai; qenqor ee jiyhvnuaa juer ix ee uersow; beh u bixniuu qiongqib ix, ix ee juiw dikkag be juaddng.

17 Liw ee bagjiux beh knuar qnir ongg ee suiw, beh knuar qnir kuikuah ee de.

18 Liw ee simx beh siauwliam hitt xee qniahniaa ee su; quanw siaur :ee dirr dyclyc? Pingg qongwginn :ee dirr dyclyc?

19 Liw dikkag byy knuar qnir qiongbingw ee vecsnir, dyrr si qongxue yh tniax, liw be bingvik :ee; gengiw gixbuw gixgniauw, liw be hiauxdid :ee.

20 Liw diyhh knuar Zion, lanw siuw sxingr jeh ee sniaa; liw ee bagjiux beh knuar qnir Jelusalem juer anjing ee cuwtec, juer byy isuaw ee vowvnii, ix ee kit ingxx byy vuic cud, ix ee syh longxx byy dng.

21 Dirr hiax Jehovah beh henxbingg uigiamm qapp lanw snaqab dilehh, cincniu qanghyy kuikuah ee de; hitt diongqanx dikkag byy u qyr jniuw ee junn onglaii, iarr byy u uihongx ee junn qingquer.

22 In'ui Jehovah si lanw ee simxpnuawsix, Jehovah si qra lanw sed ludhuad :ee; Jehovah si lanw ee ongg; Ix beh jinxqiur lanw.

23 Liw ee pangsyh longxx lud .kir; jun'uii kia be jai; hongpangg ciax be kiw .laii; hitt sii jerje cniuw .laii ee mic hro langg vunx .kir; vaixkax :ee iarr cniuw diyc mic.

24 Kiarkiw ee vecsnir dikkag byy qongw: Guaw u puawvni. Qidiongx kiarkiw ee vecsnir, juerquar longxx siawbenw.

34 Ledqog ar, linw diyhh qinrjingg laii tniax; jiongww vecsnir ar, linw diyhh ngar hnirkangx laii tniax; de qapp ix soxx ciongmuaw :ee, sewqair qapp qniwnarr dui' ix laii cud :ee, longxx diyhh tniax.

2 In'ui Jehovah siurkir qaur ledqog, dua siurkir inx ee juann qunx; gixdnia longxx bet ix, jiong' inx qaur hro langg taii.

3 Inx siurr taii :ee dikkag hetqag, sinsix ee cauwbi cringr .kiw .laii, jiaxee snuax siurr inx ee huih ngiuhuar.

4 Tnix ee banrsiong beh siaubyy, tnix beh cincniu cak qngw .kiw .laii; ix ee banrsiong beh suevai, cincniu pudyciu ee hiyc suevai, qycc cincniu buhuaqyxciu ee suevai jidngiu.

5 In'ui Guaw ee dyx dirr tnix nirr ixqing’ limx qraur gxiac; knuar ar, jitt xee dyx beh qaur Edom, ixqip Guaw soxx gixdnia beh bedbyy ee vecsnir, laii simxpnuar ix.

6 Jehovah ee dyx u huih muaw muaw, bag diyc iuu qapp ngiu'axqniaw qapp snua'ngiuu ee huih, ixqip qangx ee mi'ngiuu iyjiw ee iuu; in'ui Jehovah dirr Bozlah u jewsu, dirr Edom-de u dua taii langg ee su.

7 Iaw guu beh qapp inx lyc .laii, guu-aw qapp qangx ee guu iarr si anxnix; inx ee de in'ui huih laii juir, inx ee tohunw in'ui iuu laii vuii.

8 In'ui Jehovah u vywsiuu ee zit, uirdiyhh Zion ee anwqnia, u vywingr ee nii.

9 Edom jiaxee kex beh vnir juer ligcnix, tohunw beh vnir juer ziungg, ix ee de jniaa juer ixqing’ dyc ee ligcnix,

10 Mizit longxx byy srid; ix ee enx ingxuanw cringr .kiw .laii, dairdai pahngx; ingxuanw byy langg qingquer.

11 Teoo hydix beh did diyc juer giap, niautau'ingx oax beh diamr dirr hitt diongqanx; Ix beh jiong' honghuer ee junxjinn, hunrdun ee duirsnuar, kanx dirr ix ee dingxbin.

12 Inx beh qiyr junquir ee langg laii dirliw qog, dirr hiax longxx byy jit xee, quiwjok iarr longxx byy.

13 Inx ee qingden beh huad ciwper, uersow beh huad jidlee qapp cauxcir; beh juer snuaqauw ee het, dyjiauw ee siu.

14 Iaxsiur qapp cailongg sna' duw .diyc; iaw snuangiuu beh qapp ix ee pnua duiww qiyr; mii .sii ee iauquair beh dirr hiax hiyh, qaqi cue anhiyh ee soxjai.

15 Jniwjuaa beh dirr hiax jyh siu, snix nxng, vu nxng, cud qniaw, qycc jurjip qniaw dirr ix ee vakdow xe; ingjiauw qui' duir jurjip dirr hiax.

16 Linw diyhh qangxqiur Jehovah ee ceh laii tak ix; qidiongx byy kiamr jit hxang byy jit jiah byy pitpuer; in'ui Guaw ee cuir ixqing’ cud bingrling, Ix ee sinn ixqing’ jurjip inx.

17 Ix iarr uirr inx liamx kaux, qycc cinciuw ing junxjinn qra inx vunx de; inx beh ingxuanw did diyc ix juer giap, dagg sewdai diamr dirr hiax.

35 Kongwiaw qapp dasyr ee de dikkag hnuahiw; suaboo iarr beh kuaiwlok, qycc cincniu muiquir kuix huex.

2 Ix beh kuix huex borsing, laii hnuahiw, beh u hnuahiw qapp cniuwquax. Lebanon ee ingqngx, Karmel qapp Salon ee suiw, beh qruix ix; inx beh knuar qnir Jehovah ee ingqngx, lanw ee Siongrder ee bixbiau.

3 Linw diyhh hro luanxziok ee ciuw iongxjongr, byy lat ee katauux jurjai.

4 Duiww siyxdnaw ee langg qongw: Linw diyhh qongqiongg, mrbenw qniax; knuar ar, linw ee Siongrder beh laii vywsiuu, beh laii qniaa qik dua ee vywingr; Ix beh laii jinxqiur linw.

5 Hitt sii cnimilangg ee bagjiux beh kuix, cauwhnirlangg ee hnirkangx beh lrai.

6 Hitt sii vaixkax :ee beh diytiaur cincniu lok, exqauw ee jic beh cniuwquax; in'ui juiw cringr cud dirr kongwiaw, kelauu cringr cud dirr suaboo.

7 Huad cud qngx ee suax, beh vnir juer juixdii, dasyr ee de beh vnir juer juixjnuaa; dirr snuaqauw dyw decc kunr ee soxjai beh u cnicauw louiw qapp vocauw.

8 Dirr hiax beh u jit diauu quann ee lo, jitt diauu lo beh cxingx juer Sxingr ee lo; uwuer ee langg berdid tangx qingquer; juanjuanx beh juer inx ee loring; qnialo ee langg, suizenn gugong, iarr be qniaa cyr.

9 Dirr hiax dikkag byy sraix, bingxsiur iarr byy jnriu jitt diauu lo; dirr hiax longxx byy duw diyc inx; dogdok did diyc sioghuee ee vecsnir dirr hiax qniaa.

10 Qycc Jehovah qiuwsiok ee vecsnir beh dywdngw .laii, beh cniuwquax laii qaur Zion; did diyc ingxuanw ee hnuahiw juer benxliuu; inx beh hnuahiw kuaiwlok, iubun toxkuir longxx beh jauw .kir.

36 Hezekiah Ongg jap-sir nii, Assylia Ongg Sennaqelib jnriu laii qongqig Judah itcer qenqor ee sniaa laii cruw ix.

2 Assylia Ongg dui' Laqis crex *Lahviksaqix cua dua dui vxingx kir Jelusalem, qaur Hezekiah Ongg hiax. Ix dyrr kia dirr dingw dii ee juixqaux vnix, dirr piywvor-saihu ee cann ee duarlo.

3 Hitt diap u quanxqex ee Hilkiah ee qniaw Eliakim, qapp suqir Sebna, qapp suxqnuax Asaf ee qniaw Joah, cud laii qnir ix.

4 *Lahviksaqix duiww inx qongw, "Linw kir qra Hezekiah qongw, Assylia Ongg dairongg anxnix qongw, 'Liw soxx uaxkyr :ee, si uaxkyr simxmih?

5 Liw qongw, u qewboo u kuiwlat tangx qaujenr; guaw qongw jex si kangx kangx ee ue nardnia; liw dauwdiw uaxkyr jirjui jiacc vuervuan guaw ar?

6 Knuar ar, liw soxx uaxkyr ee Egipt si hitt xee vitpuar ee lodikqnuaiw; langg narr uaw ix, dyrr e criah zip ix ee ciuw; Egipt Ongg Falaoh duiww itcer uaxkyr ix ee langg iarr si anxnix.

7 Liw narr qra guaw qongw: Guaw uaxkyr Jehovah, guanw ee Siongrder; jitt xee Jehovah qamxx m si Hezekiah bad hruer Ix ee snuataudnuaa qapp Ix ee jewdnuaa, iarr bad duiww Judah qapp Jelusalem ee langg qongw: Linw diyhh dirr jitt xee dnxuaa-jingg qingwvair :ee mah?

8 Dnaxx cniaw liw ing junxdngr hro guaw ee jruw Assylia Ongg, guaw hro liw nng cingx jiah bew, knuar liw hitt bin e virvan langg kiaa ix iacc be.

9 Narr be, taixtyw e pacter guaw ee jruw jiaxee derr id ser ee lovok diongx jit xee qundniuw, iarr qingxzenn uaxkyr Egipt, rair did diyc jenwciax qapp bexvingx ar?

10 Dnaxx guaw jnriu laii qongqig, huixbet jitt xee de, qamxx byy Jehovah ee iwsur mah? Jehovah huanhur guaw jnriu kir qongqig huixbet jitt xee de.'"

11 Eliakim, Sebna, Joah duiww *Lahviksaqix qongw, "Qriuu liw ing Sylia ee ue qapp liw ee lovok qongw; in'ui guanw erhiauw tniax; m tangx ing Judah ee ue qapp guanw qongw, hro sniaa-dingw ee vecsnir hnirkangx tniax .qnir."

12 *Lahviksaqix qongw, "Guaw ee jruw crex guaw laii, qamxx si duiww liw ee jruw qapp liw qongw jiaxee ue mah? Qamxx m si duiww jre dirr sniaa-dingw ee langg qongw, hro inx qapp linw vnivnii jiac qaqi ee vunr, limx qaqi ee ziy mah?"

13 *Lahviksaqix dyrr kia lehh, ing Judah ee ue dua sniax qiyr qongxx, "Linw diyhh tniax Assylia Dairongg ee ue.

14 Ongg anxnix qongw, 'Linw m tangx hro Hezekiah soxx penr; in'ui ix be e qiur linw;

15 Iarr byc did tniax Hezekiah qiyr linw uaxkyr Jehovah, qongw: Jehovah dikkag beh qiur lanw, jitt xee sniax dikkag byy qaux dirr Assylia Ongg ee ciuw.

16 Byc did tniax Hezekiah ee ue; in'ui Assylia Ongg anxnix qongw: Linw diyhh qapp guaw hyhyw, cud laii dauhangg guaw, dagg langg dyrr tangx jiac qaqi ee pudyciu qapp buhuaqyxciu ee quexjiw, limx qaqi ee jnixjuiw;

17 Tingwhau guaw cua linw qaur jit xee de qapp linw vunxde byy qycngiu, dyrr si u gnoxqog qapp sinx jiuw ee de, u bixniuu qapp pudyhngg ee de.

18 Linw diyhh qinxsin dihongg, qniax Hezekiah inxiuw linw qongw: Jehovah dikkag qiur lanw. Ledqog ee siongrder qamxx u jit xee bad qiur ix ee qog tuatli Assylia Ongg ee ciuw ar?

19 Hamat qapp Arpad ee siongrder dirr dyclyc ar? Sefarvaim ee siongrder dirr dyclyc ar? Inx qamxx bad qiur Samalia tuatli guaw ee ciuw mah?

20 Jiaxee qog ee siongrder u jirjui bad qiur qaqi ee qog tuatli guaw ee ciuw ar, byhqiyh Jehovah qamxx e qiur Jelusalem tuatli guaw ee ciuw mah?'"

21 Inx jing jing, iarr byy rinr jit qxur; in'ui ongg bad huanhur qongxx, "Byc did rinr ix."

22 Hitt sii Hilkiah ee qniaw, quanxqex ee Eliakim, qapp suqir Sebna, qapp suxqnuax Asaf ee qniaw Joah, longxx tiah lic snxax laii qaur Hezekiah hiax, jiong' *Lahviksaqix ee ue qra ix qongw.

37 Hezekiah Ongg tniax .qnir, dyrr tiah lic ix ee snxax, cing muavor, zip Jehovah ee dxen.

2 Crex quanxqex ee Eliakim, qapp suqir Sebna, qapp jewsix diongx ee lywvuer :ee, longxx cing muavor, kir qnir Amoz ee qniaw sendix Isaiah.

3 Duiww ix qongw, "Hezekiah anxnix qongw, 'Qinaxzit si huanrlan, jikhuat, lingziok ee zit, si cincniu qniaw beh cutsir, iarr byy lat tangx snix cud.

4 Qiamxcaiw Jehovah, liw ee Siongrder tniax qnir *Lahviksaqix ee ue, dyrr si ix ee jruw Assylia Ongg crex ix laii buxban ingxuac Siongrder ee ue, qiamxcaiw Jehovah, liw ee Siongrder, uirdiyhh tniax qnir jiaxee ue, dyrr beh jikvi ix; soxiw qriuu liw uirdiyhh iauxx cunx ee vecsnir cud sniax qidyw.'"

5 Hezekiah Ongg ee zinsinn dyrr kir qnir Isaiah.

6 Isaiah duiww inx qongw, "Diyhh anxnix duiww linw ee jruw qongw, Jehovah anxnix qongw, 'Liw tniax qnir Assylia Ongg ee lovok setdok Guaw ee ue, mrbenw qniax inx.

7 Knuar ar, Guaw beh ing jit xee sinn zip ix ee simx, ix beh tniax qnir hongsnix, dyrr dywdngw kir vunxsoxjai; Guaw beh hro ix dirr vunxsoxjai dyw dirr dyx-xe.'"

8 *Lahviksaqix dyr .kir, duw diyc Assylia Ongg decc pah Libnah; si in'ui ix u tniax qnir Assylia Ongg u ted ngiaa, lirkuix Laqis.

9 Ongg tniax .qnir, qongw, "Kus Ongg Tirhakah cud laii beh qapp liw qaujenr." Ix jid'err tniax .qnir dyrr crex suwjiaw kir qnir Hezekiah, huanhur inx, qongw,

10 "Diyhh qra Judah Ongg Hezekiah anxnix qongw, 'Liw soxx uaxkyr ee Siongrder qongw, Jelusalem dikkag byy qaux dirr Assylia Ongg ee ciuw, liw byc did hro Ix kipenr.

11 Knuar ar, liw jongw u tniax qnir Assylia jiaxee ongg duiww ledqog soxx qniaa :ee, si itjin bet inx; jongw byy liw iauxx e did diyc qiur mah?

12 Guaw ee ledjow soxx huixbet :ee, dyrr si Gozan, Halan, Rlezef, qapp sriok Telassar ee Betedenlangg; jiaxee qog ee siongrder qamxx bad qiur ix mah?

13 Hamat ee ongg, Arpad ee ongg, Sefarvaim Sniaa ee ongg, Hena qapp Ivah ee ongg, longxx dirr dyclyc?'"

14 Hezekiah dui' suwjiaw ee ciuw jrih diyc puex, tak ix; Hezekiah dyrr jnriu kir Jehovah ee dxen, jiong' puex vaii dirr Jehovah ee binrjingg.

15 Hezekiah duiww Jehovah qidyw qongxx,

16 "Jre dirr qilorvingx ee diongqanx, banrqunx ee Jehovah, Islael ee Siongrder ar, dogdok Liw juer tnie banrqog ee Siongrder; Liw bad congwjy tnide.

17 Jehovah ar, qriuu Liw ngar hnirkangx laii tniax, Jehovah ar, qriuu Liw kuix bagjiux laii knuar; diyhh tniax Sennaqelib itcer ee ue, si crex suwjiaw laii buxban ingxuac Siongrder :ee.

18 Jehovah ar, Assylia jiaxee ongg qyxzenn hro ledqog qapp ix ee de vnir juer pahngx, iarr jiong' inx ee siongrder hed dirr huew nirr;

19 In'ui inx m si Siongrder, si langg ee ciuw soxx jy :ee, si caa :ee, jiyc :ee; inx dyrr jaubet inx.

20 Jehovah, guanw ee Siongrdr ar, dnaxx qriuu Liw qiur guanw tuatli ix ee ciuw, hro tnie banrqog longxx jaix dogdok Liw si Jehovah."

21 Amoz ee qniaw Isaiah dyrr crex langg kir qnir Hezekiah, qongw, "Jehovah, Islael ee Siongrder jaix liw in'ui Assylia Ongg Sennaqelib ee enqor qiqiuu Ix. Dnaxx lun qaur ix, Jehovah u anxnix qongw:

22 Zion ee jairsikluw biauxsi liw, tixciyr liw; Jelusalem ee jaboxginxaw duiww liw iyy tauu.

23 Liw lingziok buxban jirjui? Cud dua sniax, bagjiux niah quann quann, qongqig jirjui ar? Dyrr si qongqig Islael ee Sxingr :ee.

24 Liw crex liw ee lovok buxban Jruw, qongw: Guaw cua jerje jenwciax jnriu qaur snuajiamx, qaur Lebanon qik cimx ee soxjai; guaw beh cyr hitt der quann de ee vikhniucaa, qapp siongrr hyw ee siongciu; guaw beh jnriu qik quann ee soxjai, qapp ix vuii de ee ciurnaa.

25 Guaw ixqing’ kuix jnew limx guarvangx ee juiw, guaw ing kajniuw dac Egipt itcer ee hyy, hro ix dax .kir.

26 Jehovah qongw: Liw qamxx m bad tniax qnir Guaw dirr guankixtauu soxx juer :ee, dirr qoxjaw soxx dniardiyc :ee mah? Dnaxx Guaw jniaa ix, si hro liw huixhuai qenqor ee sniaa, vnir juer haurpniaper.

27 Soxiw qidiongx kiarkiw ee vecsnir kuiwlat jin' jiyw, qniahniaa qenwsiaur; inx cincniu kongwiaw ee cauw, cnicuir ee cair, cincniu cur-dingw ee cauw, cincniu cann nirr be duarjangg ee diu-aw.

28 Liw jre .lyc .kir, liw cud .kir, liw zip .laii, liw ee dua siurkir Guaw, Guaw longxx jaix.

29 In'ui liw dua siurkir Guaw, qycc in'ui liw qiaugno ee ue tangr qaur Guaw ee hnirkangx, Guaw dyrr beh ing Guaw ee qaux qaux liw ee pni, ing Guaw ee bexqarqniux qruar dirr liw ee cuir, hro liw dui' guanlo dyr .kir.

30 Hezekiah ar, jitt xee hro liw juer diaurtauu; qinnii linw beh jiac qaqi huad ee mic, menii beh jiac dui' hitt xee soxx cud :ee; qaur derr snax nii, linw diyhh jingwjyh siuquah, jaijingr pudyhngg, laii jiac ix ee quexjiw.

31 Judah-qrex hiaxee tuatli huanrlan soxx cunx ee vecsnir beh iuguann erbin dingwqinx, dingxbin qed quexjiw.

32 In'ui beh u cunx ee vecsnir dui' Jelusalem cud .laii, beh u dyjauw ee langg dui' Zion Snuax laii; banrqunx ee Jehovah ee zedsimx beh jniaa jitt xee su.

33 Soxiw Jehovah lun Assylia Ongg, qongw: Ix dikkag be qaur jitt xee sniaa, iarr be dirr jiax sria jnxir, be e giaa dinvaii qaur sniaa-jingg, iarr be kiw toduix laii qongqig ix.

34 Ix dui' hitt diauu lo laii, beh dui' hitt diauu lo dyr .kir, be e laii qaur jitt xee sniaa; jex si Jehovah qongw :ee.

35 In'ui Guaw uirdiyhh qaqi ee enqor, qycc uirdiyhh Guaw ee lovok David ee enqor, beh vyxho jitt xee sniaa, laii jinxqiur ix.

36 Jehovah ee suwjiaw cud .kir, dirr Assylia ee ngiaa-diongx pah siw jap-veh-bxan go-cingx langg; qaur tniqngjaw kiw .laii ee sii, knuar ar, longxx si siw ee sinsix.

37 Assylia Ongg Sennaqelib dyrr lirkuix dyr .kir, diamr dirr Nineveh.

38 Dirr ix ee siongrder Nisloc ee biy quirvair ee sii, ix ee qniaw, Adlammelec qapp Salezer, ing dyx taii ix; inx dyrr jauw qaur Alalat ee de. Ix ee qniaw Esarhaddon suawjiab ix juer ongg.

38 Hiaxee zit ee diongqanx, Hezekiah puawvni decbeh siw. Amoz ee qniaw, sendix Isaiah kir qnir ix, duiww ix qongw, "Jehovah anxnix qongw: Liw diyhh sethuad liw ee qesu, in'ui liw decbeh siw, be uac."

2 Hezekiah dyrr uat dngw bin ngr viah, qidyw Jehovah, qongw,

3 "Jehovah ar, qriuu Liw qiwliam guaw dirr Liw ee binrjingg jnaixngiu jrunn uanjuann ee simx, jiauww singsit laii qniaa, qycc juer Liw soxx knuar juer hyw :ee." Hezekiah dyrr dua sniax tikaur.

4 Dui' anxnix Jehovah ee ue limqaur Isaiah, qongw,

5 "Liw kir qra Hezekiah qongw, liw ee jow David ee Siongrder Jehovah anxnix qongw: Guaw ixqing’ tniax qnir liw ee qidyw, knuar qnir liw ee bagsaiw. Knuar ar, Guaw beh qetnix liw ee huewsiu jap-go nii.

6 Qycc Guaw beh qiur liw qapp jitt xee sniaa tuatli Assylia Ongg ee ciuw; iarr beh vyxho jitt xee sniaa.

7 Jehovah beh jniaa Ix soxx qongw :ee, jex si Jehovah beh hro liw ee diaurtauu.

8 Knuar ar, Ahaz ee zidquix duer zit jinwjingg ee ngiaw, Guaw beh hro ix tewau jap dxo." Dui' anxnix, jinwjingg ee zidngiaw qyxzenn dirr zidquix ee dingxbin tewau jap dxo.

9 Judah Ongg Hezekiah puawvni ixqing’ hyw, dyrr juer six, qongw:

10 Guaw qongw, duxduxx dirr guaw dionglenn ee zit, beh zip imqanx ee mngg;

Berdid tangx hiongxsiu guaw iauxx cunx ee nii.

11 Guaw qongw: Guaw be qnir diyc Jehovah, dyrr si dirr uahlangg ee de, be qnir diyc Jehovah;

Guaw berdid tangx qapp diamr derjniu ee vecsnir snaqab knuar langg ee bin.

12 Guaw kiarkiw ee soxjai siurr censuaw lirkuix guaw, cincniu qor ngiuu ee langg ee vowvnii jidngiu.

Guaw jiong' sniwmia qngw .kiw .laii, cincniu jitvor ee langg qngw vor jidngiu; Ix beh jiong' guaw dui' vowquitauu jenw dng.

Dui' jaxkiw qaur ehngx, Liw beh hro guaw qetqiok.

13 Guaw hro qaqi anjing qaur tnix qngx; Ix cincniu sraix ad jric guaw itcer ee quttauu;

Dui' jaxkiw qaur ehngx, Liw beh hro guaw qetqiok.

14 Guaw cincniu ngir-aw, cincniu vehhyc, gixbuw gixgniauw; qycc cincniu qajuix aiqiyr;

Guaw in'ui giac tauu knuar, bagjiux enng.

Jehovah ar, guaw siurr apjer, qriuu Liw qra guaw vyxzin.

15 Guaw beh qongw simxmih ar? Ix qra guaw qongw :ee, iarr qra guaw jniaa lar;

Guaw in'ui simlai ee koxcow, dirr itsingx ee nizit, beh unn unn aw qniaa.

16 Jruw ar, langg did diyc uac si jairdirr jiaxee,

Guaw ee simsinn uac lehh, iarr longxx si dui' anxnix;

Soxiw qriuu Liw hro guaw qycc hyw, iuguann uac lehh.

17 Knuar ar, guaw sriu jin' dua ee qankow, si uirdiyhh beh hro guaw did diyc ving'anx;

Liw in'ui tniar guaw ee linghunn, dyrr qiur guaw tuatli bedbyy ee knix;

In'ui Liw jiong' guaw itcer ee jue, hed dirr Liw ee qajiah au.

18 In'ui imqanx be e qamxsia Liw, sixbyy be e ylyw Liw;

Lyc hunbong ee langg be e ngwbang Liw ee singsit.

19 Jixu uahlangg, uahlangg beh qamxsia Liw, cincniu guaw qinaxzit qamxsia Liw jidngiu;

Juer laurve beh hro qniaxzii jaix Liw ee singist.

20 Jehovah ven ven beh qiur guaw,

Soxiw guanw jairsnix ee zit beh dirr Jehovah ee cur,

Ing sihenn ee gagkir, cniur guaw ee siquax.

21 Isaiah bad qongw, "Diyhh tec jit der bubuaqyxvniaw laii dah dirr liab'aw. Ongg dyrr did diyc hyw."

22 Hezekiah iarr bad qongw, "Guaw e jnriu Jehovah ee cur, u simxmih diaurtauu?"

39 Dngsii Babylon Ongg, Baladan ee qniaw Melodac Baladan, tniax qnir Hezekiah bad puawvni, dyrr sangr puesinr qapp lexmic hro Hezekiah.

2 Hezekiah in'ui suwjiaw laii hnuahiw, dyrr jiong' ix kngr vyxmic ee cur, qimx, ginn, hniuliau, quiwkir ee iuu, qapp ix ee qunjongqik, qapp huxkor lai itcer soxu :ee, longxx hro inx knuar, ix ee qrex-diongx qapp juann qog ee lairbin, Hezekiah byy jit hxang byy hro inx knuar.

3 Dui' anxnix, sendix Isaiah laii qnir Hezekiah Ongg, mng ix qongxx, "Jiaxee langg qongw simxmih? Inx dui' dyclyc laii qnir liw?" Hezekiah qongw, "Inx dui' hng hng ee soxjai, dyrr si dui' Babylon laii qnir guaw."

4 Isaiah qongw, "Inx dirr liw ee qrex knuar qnir simxmih?" Hezekiah qongw, "Huanrnarr guaw qrex-diongx soxu :ee, inx longxx u knuar .qnir; guaw ee jaivyw ee diongqanx byy jit hxang byy hro inx knuar .qnir."

5 Isaiah duiww Hezekiah qongw, "Liw diyhh tniax banrqunx ee Jehovah ee ue.

6 Knuar ar, zidjiw beh qaur, huanrnarr liw qrex-lai soxu :ee, qapp liw ee ledjow jikju qaur henrjai :ee longxx beh siurr cniuw qaur Babylon, byy lauu jit hxang; jex si Jehovah qongw :ee.

7 Qycc duiww liw vunxsinx snix ee qniaxsunx, qidiongx uree beh siurr liac .kir, dirr Babylon ee ongqiongx drngx taiwqamr."

8 Hezekiah duiww Isaiah qongw, "Liw soxx tuann Jehovah ee ue si hyw." Qycc qongw, "In'ui dirr guaw nizit ee diongqanx beh u taiwvingg qapp qenqor."

40 Linw ee Siongrder qongw:

2 Linw diyhh an'uir, an'uir Guaw ee vecsnir. Diyhh duiww Jelusalem qongw hyw ue, qycc vyr ix jaix, ix ee qaujenr ixqing’ jin, ix ee juerquar ixqing’ siar; ix uirdiyhh ix itcer ee jue, dui' Jehovah ee ciuw qavue siurr hinghuat.

3 U sniax qiyr qongxx: Dirr kongwiaw virvan Jehovah ee lo, dirr suaboo ee de, siuvnii lanw ee Siongrder ee duarlo.

4 Jiaxee snuaqog longxx beh tun hro ix dni, duarser ee snuatauu longxx beh qrut hro ix qe; uan'uad :ee, beh qaiw hro ix dit, kamxket :ee, beh siux hro ix vnii.

5 Jehovah ee ingqngx dikkag henxhen, hanrnarr u hetkir :ee beh longxx knuar .qnir; in'ui jex si Jehovah cincuir qongw :ee.

6 U sniax qongw: Liw diyhh qiyr, ix qongw: Guaw diyhh qiyr simxmih? Qniwnarr u hetkir :ee longxx cincniu cauw, ix ee ingqngx longxx cincniu snuax nirr ee huex; cuaw e dax, huex e sria;

7 In'ui Jehovah ee krir cuex dirr ix ee dingxbin; vecsnir jinjniar si cauw.

8 Cauw e dax, huex e sria; dogdok lanw ee Siongrder ee ue dikkag ingxuanw dilehh.

9 Vyr hyw siausid hro Zion :ee ar, liw diyhh jnriu quann snuax; vyr hyw siausid hro Jelusalem :ee ar, liw diyhh jinrlat cud liw ee sniax; diyhh cud sniax, mrbenw qniax; duiww Judah ee sniaa qongw:

10 Knuar ar, linw ee Siongrder. Knuar ar, Jruw Jehovah beh cincniu dua quanlingg :ee limqaur, Ix ee ciuw dikkag uirr Ix jiangxquann; knuar ar, Ix ee sniuxsur dirr Ix hiax, Ix ee vywdab iarr dirr Ix ee binrjingg.

11 Ix beh cincniu bogjiaw qor Ix ee ngiuu-qrunn, Ix beh ing ciuw ngaa uaw ngiu'axqniaw, py ix dirr hxingx-jingg ban ban cua hiaxee hro ngiuu-aw suh linx :ee.

12 Jirjui bad ing ciuxsimx nriuu jiaxee juiw, ing ciuxhoxkauw nriuu qiongcongx, ing dauw drew dua dre ee tohunw, ing cinr cinr snuaniaw, ing tenpingg pingg snuatauu ar?

13 Jirjui bad cikdok Jehovah ee simx, iacc si juer Ix ee bosu laii jixqaur Ix ar?

14 Ix qapp jirjui siongliongg, jirjui qawsi Ix, jiong' qongvingg ee lo jixsi Ix, jiong' tongdat ee dyrlo jixqaur Ix ar?

15 Knuar ar, banrvecsnir longxx cincniu juixtangw ee jit dih juiw, qycc cincniu tenpingg dingw ee din'aix; Ix tec jiaxee haixsu kiw laii cincniu qik biser ee mic.

16 Lebanon byy qraur gxiac tangx juer huexcaa, qidiongx ee jauxsiur byy qraur gxiac juer siyjer.

17 Banrvecsnir dirr Ix ee binrjingg cincniu byy mic; hro Ix knuar qigqii byy, dyrr si kangx kangx.

18 Linw qiuwqingr beh jiong' jirjui vixping Siongrder? Ing simxmih hingsiong qapp Siongrder vixping ar?

19 Gnoxsiong si saihu juwjy, gincniu ing qimx anx ix, qra ix jur ginlen.

20 Songwhionglangg byy lat tangx henr jitt hy mic, dyrr qingw be e hiuxhuai ee caa, uirr ix cue qikiauw ee saihu, cai be e iydang ee gnoxsiong.

21 Linw qamxx be jaix mah? Linw qamxx be tniax .qnir mah? Dui' kixtauu qamxx byy qra linw qongw mah? Dui' setlip de ee qinqix, linw qamxx byy bingvik mah?

22 Jruw jre dirr de ee dua kuann, derjniu kiarkiw ee vecsnir cincniu cauxmeh; Ix denw kuix tnix cincniu dniuwvag, andir ix, cincniu tangx kiarkiw ee vowvnii.

23 Ix hro qun'ongg qruix dirr byy; hro derjniu ee simxpnuawqnuax jniaa juer kanghux.

24 Inx si duxaxx jraix, duxaxx jingr; ix ee jangg duxaxx dingwqinx dirr de nirr; Ix jid'err cuex dirr ix dingxbin, dyrr longxx qodaa, qngxlehongx jiong' ix cuex .kir, cincniu cauxiur jidngiu.

25 Jiww sxingr :ee qongw: Linw beh ing jirjui vixping Guaw, hro Guaw qapp ix vnii ar?

26 Linw giahbak knuar dingxbin, knuar jirjui congwjy jiaxee, jiauww siauwbak cua hiaxee banrqunx cud .laii. Ix jit xee jit xee cxingx inx ee miaa; in'ui Ix ee quanlingg, qycc in'ui Ix ee dua quanlingg, dua kuiwlat, lenrr jit xee iarr byy kiamr.

27 Jakob ar, liw sniaw su qongw, Islael ar, liw sniaw su qongw, Guaw ee dyrlo unxbat dirr Jehovah, guaw ee anwqnia byy did diyc Siongrder liaurliw.

28 Liw qamxx beh jaix mah? Liw qamxx be tniax .qnir mah? Ingxingw dilehh ee Siongrder Jehovah, congwjy derqik :ee, Ix byy iar, iarr byy sen; Ix ee diwhui byy tangx cikdok.

29 Iawsen :ee Ix hro ix linglik; nngxjniaw :ee, Ix qetnix ix ee kuiwlat.

30 Siauwlenlangg iarr e iar e sen, iongxjongr ee langg iarr e vuahdyw.

31 Dogdok uaxkyr Jehovah :ee beh did diyc sinx ee kuiwlat; inx beh cincniu ingjiauw tiw sxit vuex quann. Inx jauw, iarr byy iar; qniaa, iarr byy sen.

41 Jiongww haixsu ar, diyhh dirr Guaw ee binrjingg jing jing; jiongww vecsnir diyhh did diyc sinx ee kuiwlat; longxx diyhh qinrjingg laii, jiacc tangx laii qongxue; lanw tangx dairqex laii venrlun.

2 Jirjui dui' danghngx hingx kiw jit langg, ing qonggi driaur ix laii qaur Ix ee kax-jingg ar? Jiong' ledqog qaux hro ix, hro ix quanxhad qun'ongg; jiong' inx cincniu din'aix qaux hro ix ee dyx, cincniu hongcuex ee cauxaxiur qaux hro ix ee qringx.

3 Ix duiqnuaw inx, qniaa ix soxx m bad qniaa ee lo, anzenn quer .kir.

4 Jirjui juer jitt xee laii jniaa ix, dui' kixtauu driaur ligdai ar? Guaw Jehovah, si kixtauu :ee, iarr si lorbuew :ee, Guaw dyrr si Ix.

5 Haixsu knuar qnir dyrr qniahniaa; derqik iarr gniauhgniauc cuah, dyrr qinruaw .laii.

6 Inx dagg langg sna' vangjan; duiww hniadi qongw: Diyhh jongwdnaw.

7 Bagcniu benxle gincniu; ing tuii pah qngx :ee benxle pah diamx :ee. Lun hnua iyc ee qanghux, qongw, hnua liauw hyw; qycc ing dxingx dingr diauu, hro ix byy iydang.

8 Dogdok liw, Islael, si Guaw ee lovok; Jakob si Guaw soxx qingxsuanw :ee, Guaw ee ving'iuw Ablaham ee horer;

9 Liw si Guaw dui' derqik soxx duar .laii .ee; dui' de ee qaktauu soxx driaur .laii .ee, qycc duiww liw qongw: Liw si Guaw ee lovok, Guaw qingxsuanw liw, iarr byy kiwjuat liw.

10 Liw byc did qniahniaa, in'ui Guaw qapp liw snaqab dilehh; byc did lunxneh, in'ui Guaw si liw ee Siongrder; Guaw dikkag qenqor liw, Guaw dikkag vangjan liw, Guaw dikkag ing Guaw qonggi ee jniar ciuw hucii liw.

11 Knuar ar, huanrnarr dua siurkir liw :ee dikkag longxx lauwkuir qenwsiaur; qapp liw sna' jnex :ee, dikkag cincniu byy, iarr beh bedbyy.

12 Qapp liw sna' jnex :ee, liw beh cue inx, iarr cue byy; qapp liw jingjenr :ee, beh cincniu byy mic, jniaa juer kanghux.

13 In'ui Guaw Jehovah, liw ee Siongrder, beh kanx liw ee jniar ciuw, qra liw qongw: Mrbenw qniax, Guaw beh vangjan liw.

14 Cincniu dorunw ee Jakob, qapp linw Islaellangg, mrbenw qniax; Jehovah qongw: Guaw beh vangjan liw, qiuwsiok liw :ee dyrr si Islael ee Sxingr :ee.

15 Knuar ar, Guaw beh hro liw juer pah gnoxqog sinx ee kiwqu, lrai qycc u kxiw; liw beh jiong' snuaniaw pah qaur cruir cruir, hro snuatauu cincniu cokngx.

16 Liw beh vuar inx, hongx beh qra inx cuex .kir, qngxlehongx beh qra inx saur .kir; jongwsirr liw beh in'ui Jehovah laii hnuahiw, in'ui Islael ee Sxingr :ee laii kuakauw.

17 Songwhiongx kunwkow ee langg cue juiw, iarr cue byy; inx in'ui cuir kuah, jic dax; Guaw Jehovah beh rinr inx, Guaw Islael ee Siongrder dikkag byy vangwsag inx.

18 Guaw beh dirr byy cauw ee snuax kuix qanghyy, dirr snuaqog diongx kuix juixjnuaa; Guaw beh hro suaboo vnir juer juixdii, hro dax de vnir juer juixjnuaa.

19 Guaw beh dirr kongwiaw jraix vikhniuciu, jyrqiapciu, qongliamciu, qapp iaw qanaxciu; Guaw dirr suaboo beh jiong' siongciu, samciu, qapp ng'iongciu juer jit xe jraix;

20 Tangx hro langg laii knuar, laii jaix laii sniu, snaqab bingvik; jex si Jehovah ee ciuw soxx juer :ee, si Islael ee Sxingr :ee soxx congwjy :ee.

21 Jehovah qongw: Linw diyhh tee kiw linw ee anwqnia. Jakob ee Zinqunx qongw: Linw diyhh vailet linw u jingwqir ee lixiuu.

22 Inx diyhh vailet ix, diyhh hro guanw jaix jionglaii beh jnaixngiu; hro guanw jaix ixjingg ee su si simxmih, hro guanw tangx qangxqiur, did diyc jaix su ee qetqiok; iacc si jiong' beh laii ee su qongw hro guanw tniax.

23 Diyhh hro guanw jaix jionglaii ee su, tangx hro guanw jaix linw si siongrder; higsi hyw, higsi pnaiw, linw diyhh qniaa ix, hro guanw gonggniac laii snaqab knuar.

24 Knuar ar, linw sriok dirr byy, linw ee soxx juer sriok dirr kanghux; hitt xee qingxsuanw linw :ee si kyxngor.

25 Guaw dui' vakhngx hingx kiw jit langg, ix dyrr laii; ix dui' zit cud ee soxjai qiuqiyr Guaw ee miaa; ix beh dac jiangxquann :ee cincniu hetoo, cincniu siyhuii-saihu dac too jidngiu.

26 Jirjui dui' kixtauu qongw bingg jitt xee su, hro guanw jaix, jirjui dui' kixtauu qongw bingg, hro guanw qongw: Ix byy cyr ar? Jongwsirr byy u qongw bingg, byy u vailet, byy u tniax qnir linw ee ue :ee.

27 Guaw dairsingx duiww Zion qongw: Knuar ar, knuar ar; Guaw beh jiong' jit xui vyr hyw siausid :ee sniuxsur Jelusalem.

28 Guaw knuar ix, byy jit langg; inx diongqanx iarr byy bosu, dirr Guaw mng ee sii, tangx rinr jit qxur.

29 Knuar ar, inx longxx si kanghux, inx ee soxx juer si byy mic; inx soxx jur ee gnoxsiong longxx si hongx, longxx si kanghux :ee.

42 Knuar ar, Guaw ee lovok, Guaw soxx hucii :ee, Guaw soxx qingxsuanw :ee, Guaw ee simx soxx hnuahiw :ee, Guaw u jiong' Guaw ee sinn hro ix, ix beh jiong' qongliw tuann hro guarvangx.

2 Ix byy suanhuax, byy cud sniax, iarr byy hro quelo nirr :ee tniax qnir ix ee sniax.

3 Siursiongx ee louiw, ix byy ad jric; beh huax ee dinghuew, ix byy pah srid. Ix jiauww jinsit, jiong' qongliw tuanvyr.

4 Ix byy cinwsimx, iarr byy sitdnaw, didqaur ix dirr derjniu setlip qongliw; haixsu longxx tingwhau ix ee qawsi.

5 Jehovah Siongrder, congwjy jiaxee tnix laii tiw kuix ix, kuikuah de qapp ix soxx cud :ee, ing uahkir hro derjniu ee jiongww vecsnir, ing sinhunn hro qniaa dirr hitt dingxbin ee langg :ee, qongw:

6 Guaw Jehovah ing qonggi driaur liw, beh kanx liw ee ciuw, vyxsiuw liw, hro liw juer vecsnir ee iog ee diongvyw, juer guarvanglangg ee qngx;

7 Laii kuix cnimii ee bagjiux, cua siurr qnuaix :ee cud qnax; hro diamr dirr oamr :ee cud qnalyy.

8 Guaw si Jehovah, jex si Guaw ee miaa, Guaw byy jiong' Guaw ee ingqngx qruix hro vadd xee sinn, iarr byy jiong' Guaw ee miasniax qruix hro diaukig ee gnoxsiong.

9 Knuar ar, jingg ee su ixqing’ jniaa, dnaxx Guaw iarr beh jiong' sinx ee su qongw bingg; jiaxee su bue huad kiw ixjingg, Guaw dyrr qongw hro linw tniax.

10 Quer haiw :ee, qapp haiw-lai soxu :ee, haixsu qapp qidiongx kiarkiw ee vecsnir, longxx diyhh ngr Jehovah cniur sinx ee quax, dui' derqik ylyw Ix.

11 Kongwiaw qapp qidiongx ee sniaa, qapp Kedarlangg kiarkiw ee hniusia, longxx diyhh cud sniax; Sela kiarkiw ee vecsnir diyhh cniuwquax, dirr snuax-dingw :ee diyhh cud dua sniax.

12 Inx diyhh jiong' ingqngx qruix hro Jehovah, dirr haixsu diongx vywiongg Ix ee miasniax.

13 Jehovah beh cincniu iongxbingw ee langg cud .kir; beh cincniu qaujenr ee langg qikdong zedsimx; beh auqiyr, dua sniax huah, beh ing dua kuiwlat qongqig Ix ee duiwdik.

14 Guaw quw quw byy kuix cuir, jing jing qaqi atjiw; dnaxx Guaw beh auqiyr, cincniu beh snix ee hurzinlangg; Guaw beh harha cuanw be jickuir.

15 Guaw beh hro dua snuax siyw snuax vnir juer pahngx, hro hitt dingxbin ee huecauw longxx qodaa; Guaw beh hro qanghyy vnir juer jiusu, hro juixdii longxx dax .kir.

16 Guaw beh cua cnimii :ee qniaa inx m bad ee dyrlo; cua inx qniaa m bad ee lorqingw; dirr inx ee binrjingg hro oamr vnir juer qngbingg, hro uankiaux vnir juer vnidit. Jiaxee su Guaw longxx beh qniaa, iarr byy vangwsag inx.

17 Uaxkyr diaukig ee gnoxsiong, duiww juwjy ee gnoxsiong qongw: Liw si guanw ee Siongrder, jitt hy langg siurr qnuaw cud, dua qenwsiaur.

18 Linw cauwhnirlangg :ee diyhh tniax; linw cnimii :ee diyhh knuar, hro linw e knuar .qnir.

19 Guaw ee lovok ixgua, jirjui cnimii ar? Jirjui cauwhnirlangg cincniu Guaw soxx crex ee suwjiaw ar? Jirjui cnimii cincniu hitt xee qapp Guaw hyhyw :ee, iacc si cnimii cincniu Jehovah ee lovok ar?

20 Liw knuar qnir jerje dairjir, iarr byy juwir; kuix hnirkangx, iarr byy tniax .qnir.

21 Jehovah in'ui qaqi ee qonggi, hnuahiw hro ludhuad juer dua juer junquir.

22 Jitt xee vecsnir si siurr cniuxduat :ee; dirr snuahet siurr dngx .diyc, qnuaix bat dirr qnax nirr; inx hro langg liac .diyc, byy langg jinxqiur; hro langg cniuxliac .kir, byy langg qongw: Vangr ix dyr .kir.

23 Linw diongqanx jirjui kingw ngar hnirkangx tniax jex? Jirjui kingw liusimx, au .laii tniatanr ix ar?

24 Jirjui qaux Jakob hro langg cniuw, jiong' Islael qaux hro cat ar? Qamxx m si Jehovah, lanw soxx dikjue :ee mah? Inx m kingw qniaa Ix ee dyrlo, iarr m kingw tniatanr Ix ee ludhuad.

25 Soxiw Ix jiong' bingxlet ee siurkir, qapp jingjenr ee hiongbingw, vniar dirr ix ee sinjniu; dirr ix ee siwuii cincniu huew dyc, ix iauxx m jaix; huew siyx diyc ix, ix iarr byy kuawir.

43 Jakob ar, congwjy liw ee Jehovah, Islael ar, hitt xee jyrjniaa liw :ee anxnix qongw: Liw mrsaiw qniax, in'ui Guaw qiuwsiok liw. Guaw bad qiyr liw ee miaa, driaur liw; liw si Guaw ee.

2 Liw dui' juiw-diongx qingquer, Guaw dikkag qapp liw snaqab dilehh; liw qingquer qanghyy, juiw dikkag byy imbat liw; liw dui' huew-diongx qniaa .quer .kir, dikkag byy siurr siyx, huexiam iarr byy dyc dirr liw ee sinjniu.

3 In'ui Guaw si Jehovah, liw ee Siongrder, si Islael ee Sxingr :ee, liw ee qiuwjuw; Guaw ixqing’ hro Egipt juer liw sioghuee ee qewjnii, hro Kus qapp Seba juer liw ee tewsinx.

4 In'ui Guaw knuar liw juer vyxvuer, juer junquir, qycc in'ui Guaw tniar liw, soxiw Guaw hro langg ter liw, hro ledqog ee langg ter liw ee sniwmia.

5 Byc did qniax, in'ui Guaw qapp liw snaqab dilehh; Guaw beh cua liw ee horer dui' danghngx laii, qycc dui' saihngx jiyjip liw.

6 Guaw beh duiww vakhngx qongw: Vangr .cud .laii; duiww lamhngx qongw: Byc did kuliuu; jiong' Guaw ee jiongww qniaw dui' hng hng cua .laii, jiong' Guaw ee jiongww jaboxqniaw dui' derqik cua .dyw .laii.

7 Qniwnarr ing Guaw ee miaa laii cxingx :ee si Guaw uirdiyhh qaqi ee ingqngx congwjy :ee; si Guaw soxx juewjniaa, soxx congwjy :ee.

8 Liw diyhh jiong' u bagjiux iarr cnimii, u hnirkangx iarr cauwhnirlangg ee vecsnir, longxjongw qra cua .cud .laii.

9 Banrqog diyhh jurjip, jiongww vecsnir diyhh jurhue; qidiongx jirjui e jiong' jitt xee qongw bingg ar, iarr jiong' jingg ee su qongw hro guanw tniax ar? Inx tangx cua qanjingr laii, qaqi henxbingg inx juer driyc, iacc si inx tniax .qnir dyrr qongw: Jex si jinsit.

10 Jehovah qongw: Linw si Guaw ee qanjingr :ee, si Guaw soxx qingw ee lovok; hro linw jaix laii sinr Guaw, qycc bingvik Guaw dyrr si Jehovah; dirr Guaw ee dairsingx byy u siurr jy ee Siongrder, dirr Guaw ee ixau iarr byy.

11 Jixu Guaw, Guaw si Jehovah; druu Guaw ixgua byy u qiujuw.

12 Guaw bad jixsi, Guaw bad jinxqiur, Guaw bad qongw bingg, qycc dirr linw diongqanx byy u vadd ngiu ee Siongrder; soxiw Jehovah qongw: Linw si Guaw ee qanjingr, Guaw dyrr si Siongrder.

13 Dui' u zidjiw ixlaii, Guaw dyrr si Jehovah; byy jit xee e qiur langg tuatli Guaw ee ciuw; Guaw beh qniaa dairjir, jirjui e joxjiw ar?

14 Qiuwsiok linw ee Jruw Jehovah, Islael ee Sxingr :ee anxnix qongw: In'ui linw ee enqor, Guaw ixqing’ crex langg qaur Babylon, qycc Guaw beh hro Qaldealangg vairlyc, cincniu dyjauw ee vecsnir, longxx cue inx huarhua hauw ee junn.

15 Guaw si Jehovah, linw ee Sxingr :ee, si congwjy Islael :ee, si linw ee Qun'ongg.

16 Jehovah dirr duarhaiw diongx kuix lo, dirr duarjuiw diongx kuix lo;

17 Hro ciax, bew, vingdingx, iongxbingw ee langg longxx cud .laii. (Inx juer jit xe dyw .lyc .kir, be qycc kiw .laii; inx bedbyy cincniu srid .kir ee huew.)

18 Jehovah anxnix qongw: Linw m tangx qiwliam jingg ee su, iarr m tangx sniu jaxsii ee dairjir.

19 Knuar ar, Guaw beh juer jit hxang sinx ee su, dnaxx decc huathen, linw qamxx m jaix mah? Guaw beh dirr kongwiaw kuix dyrlo, dirr suaboo kuix qanghyy.

20 Snuax nirr ee jauxsiur beh jundiong Guaw, snuaqauw qapp dyjiauw iarr beh anxnix; in'ui Guaw hro kongwiaw u juiw, hro suaboo u hyy, tangx hro Guaw ee vecsnir, Guaw soxx qingw :ee limx.

21 Jitt xee vecsnir si Guaw uirdiyhh qaqi soxx jy :ee, beh vywiongg Guaw ee miasniax.

22 Jakob ar, liw byy u qiuqiyr Guaw; Islael ar, liw huanxdngw iamwhuann Guaw.

23 Liw byy duar liw ee ngiuu juer siyjer laii hro Guaw; iarr byy u ing jewmic junqingr Guaw. Guaw byy in'ui soxx henr ee mic hro liw diyhbuaa, iarr byy in'ui zuxhniux hro liw iawsen.

24 Liw byy ing ginn uirr Guaw brew ciongvoo, iarr byy ing jewmic ee iuu hro Guaw vaxjiog; huanxdngw hro Guaw in'ui liw ee juerog diyhbuaa, hro Guaw in'ui liw ee juerquar iawsen.

25 Jixu Guaw in'ui qaqi ee enqor, catbet liw jiaxee quewsid; Guaw iarr byy qiwliam liw jiaxee juerog.

26 Liw diyhh diamxcnew Guaw; liw Guaw tangx snaqab venrlun; liw tangx vailet liw ee jingliw, tangx did diyc cxingx juer gi.

27 Liw kaiqix ee jow huanrjue, liw ee diongvyw vuergik Guaw.

28 Soxiw Guaw beh lingziok sxingr sow ee siuxlingw, hro Jakob siurr jiuwjow, hro Islael siurr luexme.

44 Guaw ee lovok Jakob, Guaw soxx qingw ee Islael ar, dnaxx liw diyhh tniax.

2 Jyrjniaa liw, qycc dui' txex nirr jyrjiu liw, iarr beh vangjan liw ee Jehovah anxnix qongw: Guaw ee lovok Jakob, Guaw soxx qingw ee Jesulun ar, mrbenw qniax.

3 In'ui Guaw beh jiong' juiw vniar hro cuiwdax ee langg, jiong' hyjuiw quanwag dax de; Guaw beh jiong' Guaw ee sinn qangr lyc dirr liw ee horer, jiong' Guaw ee hokkir qangwlyc dirr liw ee qniaxsunx.

4 Inx beh huatsnix dirr cauw-diongx, cincniu kex-vnix ee liuxciu.

5 Jitt xee beh qongw: Guaw si sriok Jehovah :ee; hitt xee beh ing Jakob ee miaa qaqi cxingx; qycc jitt xee beh cinciuw siaw, qruix dirr Jehovah :ee; iarr beh ing Islael ee miaa qaqi cxingx.

6 Jehovah, Islael ee ongg, qiuwsiok ee Jruw, banrqunx ee Jehovah anxnix qongw: Guaw si kixtauu :ee, Guaw si lorbuew :ee; Guaw ixgua byy u Siongrder.

7 Dui' Guaw setlip qoxjaw ee vecsnir ee sii, jirjui e cincniu Guaw qiyr ix, qongw bingg ix, tangx qra Guaw vailet ar? Hro inx jiong' bue laii ee su qapp beh jniaa ee dairjir qongw bingg.

8 Linw mrbenw lunw, iarr mrbenw qniax; Guaw qamxx m si dui' qoxjaw dyrr qongw bingg, jixsi liw mah? Qycc linw si Guaw ee qanjingr, Guaw ixgua qamxx u Siongrder mah? Sidjai byy u Jiyhvnuaa; Guaw m bad u vadd xee.

9 Jewjy diaukig ee gnoxsiong :ee itjin kanghux; inx soxx hnuahiw :ee longxx byy lirig; inx ee qanjingr byy knuar .qnir iarr m jaix, drir qaur inx qenwsiaur.

10 Jirjui jewjy sinvut, juwjy byy lirig ee gnoxsiong?

11 Knuar ar, ix ee dangpnua longxx beh qenwsiaur; qangcniu vutqyr si langg; cudjai inx jurhue, cudjai inx kia lehh; longxx beh qniahniaa, snaqab qenwsiaur.

12 Ticcniu jy voxtauu, ing huextnuar tuanwlen, ing tuii pah ix, ing ix u lat ee ciuw laii duii ix, drir qaur iaux byy lat; byy limx jiuw laii iawsen.

13 Bagcniu kanx jinsnuar; ing vid rue ix, ing lrai dyx kig ix, ing ngii jiyc rue boo, hongw langg ee hxingg, juer cincniu langg ee suiw, diamr dirr cur-lai.

14 Ix cyr vikhniuciu, qycc cruw likciu, qapp siongrciu; dirr ciurnaa lai qingw dniardiyc jit jangg; ix jaijingr cingciu, did diyc ho ag dua jangg.

15 Jitt hy ciu langg ing laii hniaa huew; ing ix laii hangx siyx; qycc siyx ix laii vig vniaw; iarr qycc jrngx sinvut laii quirvair; kig gnoxsiong laii kap tauu vair.

16 Ing jit hxun siyx dirr huew nirr; ing jit hxun juw bah laii jiac; vig bah laii jiac vaw; qaqi hangx siyx, qongw, "Aha, guaw hangx siyx lar, guaw qnir diyc huew lar."

17 Ix ing cunx :ee jrngx jit senx sinvut, dyrr si diaukig ee gnoxsiong; ix pag lyc vair ix, qidyw ix, qongw, "Qriuu liw qiur guaw, in'ui liw si guaw ee siongrder."

18 Inx m jaix, iarr be sniu, in'ui Ix qoo inx ee bagjiux, hro inx be knuar .qnir, trat bat inx ee simx, hro inx be bingvik.

19 Byy langg hiauxgno, byy diwsig, byy cangmiaa, erhiauw qongw, "Guaw bad tec jit hxun dirr huew nirr siyx, dirr ix huextnuar dingw vig vniaw, siyx bah laii jiac; jitt xee cunx :ee, guaw qamxx tangx juer kyxngor ee mic mah? Guaw qamxx tangx duiww catauu kapvair mah?"

20 Ix ing huexhux juer jiahmic; ix ee simx hunbee, hro ix cabiu, ix be e qaqi qiur, iarr be e qongw, "Guaw ee jniar ciuw lai qamxx m si u vehcat mah?"

21 Jakob ar, Islael ar, in'ui liw si Guaw ee lovok, diyhh qir did jiaxee su. Islael ar, liw si Guaw ee lovok, Guaw jyrjiu liw, dikkag byy be qir did liw. Guaw catbet liw ee quewsid, cincniu bat hunn siausnuar;

22 Guaw catbet liw ee quewsid, cincniu bat hunn byy .kir; liw diyhh qui'ngr Guaw; in'ui Guaw qiuwsiok liw.

23 Jiaxee tnix ar, ingqaix diyhh cniuwquax, in'ui Jehovah ixqing’ juewjniaa ix; de ee cimx ee soxjai ar, ingqaix cud hnuahiw ee sniax; jiaxee snuax ingqaix cud sniax cniuwquax; ciurnaa qapp qidiongx soxu ee ciu longxx diyhh anxnix; in'ui Jehovah u qiuwsiok Jakob, iarr beh dirr Islael did diyc ingqngx.

24 Dui' txex nirr jyrjiu liw :ee, qiuwsiok liw ee Jehovah anxnix qongw: Guaw Jehovah si jyrjniaa banrmic :ee, si qaqi denw kuix jiaxee tnix, kuikuah duarde :ee;

25 (Jirjui qapp Guaw dilehh ar?) hro qongw qew ue ee diaurtauu byy qonghau, hro jiamvog ee langg denqongg; hro diwhui ee langg tewau, hro ix ee diwsig vnir juer gugong;

26 Hro Guaw ee lovok ee ue ingwgiam, Guaw ee suwjiaw ee qewik did diyc jniaa. Lun qaur Jelusalem, qongw: Dikkag u langg kiarkiw. Lun qaur Judah ee sniaa, qongw: Dikkag siurr kixjy; ix pahngx ee soxjai, Guaw beh hro ix hingx kiw.

27 Duiww cim'enx qongw: Liw diyhh dax .kir, Guaw iarr beh hro liw ee qanghyy dalax .kir.

28 Lun Kylus, qongw: Ix si Guaw soxx ing ee bogjiaw, beh jniaa Guaw soxx hnuahiw :ee. Lun Jelusalem, dyrr qongw: Ix beh siurr kixjy, denrdngg ee derqix iarr beh qenwlip.

45 Guaw Jehovah soxx buah iuu ee Kylus, Guaw kanx ix ee jniar ciuw, hro ledqog hanghok dirr ix ee binrjingg, Guaw iarr beh tauw led'ongg ee iyduar; hro sniamngg kuix dirr ix ee binrjingg, qycc jiaxee mngg dikkag byy qnuaix;

2 Guaw duiww ix anxnix qongw: Guaw beh qniaa dirr liw ee binrjingg, sriux vnii kamket ee de; Guaw beh pacpuar dangg ee mngg, jam dng tih ee cnuar.

3 Guaw beh jiong' amwdiongx ee vyxmic, qapp unxbat ee jaivyw sniuxsur liw, hro liw jaix qiyr miaa driaur liw :ee dyrr si Guaw, Jehovah, Islael ee Siongrder.

4 In'ui Guaw ee lovok Jakob, Guaw soxx qingw ee Islael ee enqor, Guaw dyrr qiyr miaa driaur liw; liw suizenn m bad Guaw, Guaw u cxingx liw ee miaa.

5 Guaw si Jehovah, Guaw ixgua byy u vadd xee, druu Guaw ixgua byy u Siongrder. Liw suizenn m bad Guaw, Guaw beh qra liw haa iyx;

6 Dui' zit cud iarr dui' zit lyc ee soxjai, hro langg longxx jaix, druu Guaw ixgua byy u vadd xee. Guaw si Jehovah, dirr Guaw ixgua byy u vadd xee.

7 Guaw jy qngx, iarr congwjy amr; Guaw jy ving'anx, iarr congwjy jaieh. Jiaxee longxx si Guaw Jehovah soxx juer :ee.

8 Jiaxee tnix ar, dui' dingxbin laii dih, qiongcongx qangr lyc qonggi; derbin lic kuix, snix cud qiuwunx, hro qonggi juer jit xe huatsnix; Guaw Jehovah bad congwjy ix.

9 Jaieh ar, hitt xee qapp jy ix ee Jruw qewqaur :ee, ix vutqyr si derjniu hiarpnir diongx ee jit der hiarpnir; too qamxx tangx duiww criaux ix :ee qongw: Liw juer simxmih? Iacc si liw soxx juer ee mic qamxx tangx qongw: Ix byy ciuw mah?

10 Jaieh ar, hitt xee duiww laurve qongw: Liw soxx snix :ee si simxmih ar? Iacc si duiww laurbuw qongw: Liw soxx riyx :ee si simxmih ar?

11 Islael ee Sxingr :ee, dyrr si jy ix ee Jehovah anxnix qongw: Jionglaii ee su linw tangx mng Guaw. Lun qaur Guaw jiaxee qniaw, ixqip Guaw ee ciuw soxx juer :ee, linw tangx qaudair Guaw.

12 Guaw jy de, iarr congwjy langg dirr derjniu; guaw cinciuw denw kuix jiaxee tnix, tnix-dingw ee banrsiong iarr si Guaw soxx bingrling :ee.

13 Guaw jiauww qonggi hingx kiw Kylus, qycc beh sriux dit ix itcer ee lo; ix beh kixjy Guaw ee sniaa, tauxvangr Guw siurr liac ee vecsnir, m si uirdiyhh qewjnii, iarr m si uirdiyhh vywsniuw; jex si banrqunx ee Jehovah qongw :ee.

14 Jehovah anxnix qongw: Egipt diyhbuaa did .diyc .ee, Kus ee jaili, qapp Seba ee duarhanwlangg, longxx beh qruix liw, sriok liw, duer liw; inx beh qruar ticlen laii qruix liw, pakvair dirr liw ee binrjingg, qriuu linw, qongw: Siongrder jinjniar dirr linw ee diongqanx; jitt xee ixgua byy vadd xee, qycc byy vadd xee Siongrder.

15 Qiuwjuw, Islael ee Siongrder ar, Liw sidjai si qaqi unxbat ee Siongrder.

16 Hiaxee jrngx gnoxsiong :ee longxx beh lauwkuir qenwsiaur, longxx juer jit xe qenwsiaur.

17 Jongwsirr Islael beh did diyc Jehovah ing ingxuanw ee qiuwunx laii qiur inx; linw dikkag byy qenwsiaur, iarr byy lauwkuir, qaur ingxx sewdai byy suah.

18 In'ui Jehovah congwjy jiaxee tnix :ee, Ix jniawsi Siongrder; Ix jy de laii juewjniaa ix; qycc qenqor ix, m si kangx kangx jy, si congwjy ix hro langg kiarkiw. Ix anxnix qongw: Guaw si Jehovah, ixgua byy vadd xee.

19 Guaw byy dirr unxbat iacc si dirr oamr de ee xui laii qongw; Guaw m bad duiww Jakob ee horer qongw: Linw diyhh kangx kangx cue Guaw; Guaw Jehovah soxx qongw :ee si qonggi, soxx tuann :ee si jingwdit.

20 Linw dui' ledqog dytuad ee langg, linw diyhh juewdin laii, snaqab uaw .laii; hiaxee qrngx diaukig gnoxsiong ee caa, qidyw be e qiur langg ee sinbingg :ee, longxx byy diwsig.

21 Linw diyhh suantuann, hro ix jinwjingg laii, hro inx dairqex camsiongg. Jirjui dui' qoxjaw jixbingg jitt xee? Jirjui dui' jaxsii suantuann jitt xee? Qamxx m si Guaw Jehovah mah?

22 Guaw ixgua byy qycc u Siongrder; Guaw si qonggi ee Siongrder, qycc si Qiuwjuw; Guaw ixgua byy vadd xee. Derqik ee langg, longxx diyhh giongxbong Guw laii did diyc qiur; in'ui Guaw si Siongrder, byy qycc u vadd xee.

23 Guaw qiw qaqi laii jiuwjua, Guw ee cuir jiauww qonggi qongw cud jitt xee ue, quatduanr byy siux dywdngw, banrkatau'ux beh ngr Guaw laii quirvair, banrcuir beh qiw Guaw laii jiuwjua.

24 U girlun Guaw qongxx: Qonggi linglik dogdok jairdirr Jehovah, langg longxx beh qui'uaw Ix; huanrnarr siurkir Ix :ee, dikkag qenwsiaur.

25 Islael ee horer longxx beh in'ui Jehovah did diyc cxingx juer gi, iarr beh kuakauw.

46 Bel kud .lyc .kir. Inx ee gnoxsiong dyw dirr sriur qapp jingsnix ee dingxbin. Linw vingsor soxx qrngx :ee, dnaxx jniaa juer dang dnar, hro iawsen ee jingsnix jair.

2 Inx longxx juer jit xe pag .lyc .kir, kud .lyc .kir; be e qor inx ee dang dnar, vunxsinx iarr hro langg liac .kir.

3 Jakob-qrex, Islael-qrex itcer iauxx cunx :ee, diyhh tniax Guaw ee ue, linw dui' cutsir dyrr hro Guaw riang linw, dui' cuttaix dyrr hro Guaw quipy.

4 Qaur linw nilau, Guaw iuguann si anxnix, qaur linw taumngg vec, Guaw iuguann quipy linw. Guaw ixqing’ jy linw, iarr beh riang linw; Guaw beh quipy linw, iarr beh qiur linw.

5 Liw beh jiong' jirjui qapp Guaw sna' viw, qapp Guaw dangdingw, tangx qapp Guaw vixping, hro guanw snadangg ar?

6 Dui' dre-aw lai vniar cud qimx, ing tenpingg pingg ginn ee langg, cniar gincniu jewjy sinvut, inx iarr pag .lyc, iarr quirvair.

7 Inx dyrr qrngx ix dirr qingtauu dingw, duar kir cai dirr ix ee soxjai, ix dyrr dnia dnia kia lehh, byy lirkuix ix ee vunxui; langg qiuqiyr ix, ix be e rinr, iarr be qiur langg tuatli huanrlan.

8 Linw diyhh siauwliam jitt xee su, qaqi juer dairdiongrhux; vuergik ee langg ar, diyhh ing simx laii sniu.

9 Linw diyhh duiliam derr id qoxjaw ee su; in'ui Guaw si Siongrder, ixgua byy vadd xee. Guaw si Siongrder, qycc byy vadd xee e viw did Guaw.

10 Guaw dui' kixtauu jixbingg lorbuew ee su, dui' qoxjaw jixbingg iauxx bue jniaa ee su, qongw: Guaw ee qewik dikkag kia jai, qniwnarr Guaw soxx hnuahiw :ee, Guaw beh jniaa ix.

11 Guaw driaur ingjiauw dui' danghnx laii, driaur hitt xee jniaa Guaw ee qewik ee langg dui' hng hng ee soxjai laii, Guaw ixqing’ qongw cud dikkag jniaa ix; Guaw ixqing’ dniardiyc, iarr dikkag juer hro ix jniaa.

12 Linw jiaxee gnirsimx, lirkuix qonggi :ee, diyhh tniax Guaw ee ue.

13 Guaw hro Guaw ee qonggi qinruaw, dikkag byy lirkuix hng hng. Guaw ee qiuwunx dikkag byy encenn; Guaw beh six qiuwunx dirr Zion, qapp six Guaw ee ingqngx dirr Islael.

47 Babylon ee jairsikluw ar, lyc laii jre dirr din'aix; Qaldea ee jaboxginxaw ar, byy jyrui, diyhh jre dirr tokax; in'ui liw byy qycc cxingx juer nngxjniaw iuwsiur :ee.

2 Diyhh ing jiyhby bry bec; druu kir liw ee puer, trngr liw ee dngg snxax, lorhen liw ee katuiw, lriauu quer kex.

3 Liw ee ertew beh lorhen, liw ee qenwsiaur beh hro langg knuar .qnir. Guaw beh vywsiuu, byy kuan'iongg jit langg.

4 Qiuwsiok guanw ee Jruw, Ix ee miaa si banrqunx ee Jehovah, si Islael ee Sxingr :ee.

5 Qaldea ee jaboxginxaw ar, liw diyhh jing jing jre, zip dirr amwdiongx; in'ui liw byy qycc cxingr juer ledqog ee juxbuw.

6 Guaw siurkir Guaw ee vecsnir, Guaw hro Guaw ee sanxgiap siurr lingziok, jiong' inx qaux dirr liw ee ciuw; liw longxx byy linbinw inx, jiong' liw qik dang ee dnax qruar dirr laurlangg ee sinjniu.

7 Liw qaqi qongw: Guaw beh ingxingw juer juxbuw; soxiw liw byy jiong' jiaxee su kuar dirr simx nirr, iarr byy sniu ix ee qetqiok.

8 Liw jitt xee enwlok, anzenn jre :ee, dnaxx diyhh tniax jitt xee ue. Liw simlai qongw: Jixu guaw, guaw ixgua byy vadd xee; guaw dikkag byy drir qaur jiuxqnuaw, iarr byy duw diyc siw qniaw ee su.

9 Jongwsirr siw qniaw jiuxqnuaw jitt nng qnia su, dirr jit zit bak nih quw ee diongqanx beh limqaur liw; dirr liw qniaa jerje siasut, dua dua rue huu liam jxiur ee sii, jitt nng hxang su beh juanzenn limqaur liw.

10 Liw vingsor uaxkyr liw ee pnaiw, qongw: Byy langg knuar qnir guaw; liw ee diwhui cangmiaa behik liw; qycc liw simlai qongw: Jixu guaw, guaw ixgua byy vadd xee.

11 In'ui anxnix, jaieh beh limqaur liw; liw m jaix dui' dyclyc laii; jaihai qaur dirr liw, liw iarr be e druu .kir. Soxiw m jaix ee huixbet iarr beh hutzenn limqaur liw.

12 Diyhh kiw laii kia, ing liw ee siasut qapp liw jerje ee hujiur, dyrr si dui' liw siauwlenn soxx diyhbuaa hagsip :ee, qiamxcaiw e did diyc lirig, iacc si did diyc kacc ngiaa.

13 Liw ee qewik taiww je, drir qaur iawsen; dnaxx hro hiaxee quanx tnisiong :ee, knuar cnisinn :ee, dirr guehcex qongw camwgiw :ee, longxx kiw .laii, qiur liw tuatli soxx beh limqaur liw ee su.

14 Knuar ar, inx beh cincniu cauw-aw siurr huew siyx; be e qiur qaqi tuatli huexiam ee lat; iarr byy huextnuar tangx hangx siyx, iarr byy huew tangx jre dirr ix ee binrjingg.

15 Liw soxx diyhbuaa hagsip ee su duiwdirr liw longxx beh cincniu anxnix; dui' liw siauwlenn ee sii qapp liw juer singliw :ee iarr dagg langg dyr kir ix ee vunxsoxjai, byy langg qiur liw.

48 Jakob ee qrex, ing Islael ee miaa laii cinghox :ee, dui' Judah ee juixguann cud .laii .ee, linw diyhh tniax ar; linw qiw Jehovah ee miaa laii jiuwjua, cinghox Islael ee Siongrder, jongwsirr byy ing singsit, byy ing qonggi.

2 In'ui inx qaqi cxingx juer sxingr sniaa ee vecsnir, uaxkyr Islael ee Siongrder; miaa juer banrqunx ee Jehovah.

3 Ixjingg ee su, Guaw dui' qoxjaw qongw bingg; ixqing’ cud Guaw ee cuir, iarr si Guaw soxx jixsi :ee; Guaw hutzenqanx juer, dairjir dyrr jniaa.

4 In'ui Guaw vingsor jaix liw si gnirsimx :ee, liw ee amrqunw si tih :ee, liw ee tauhiac si dangg :ee.

5 Soxiw Guaw dui' qoxjaw qra liw qongw bingg; dirr iauxx bue jniaa ee dairsingx jixsi liw; benw did liw qongw: Jiaxee su si guaw ee gnoxsiong soxx qniaa :ee, si guaw diaukig ee gnoxsiong, qapp guaw juwjy ee gnoxsiong soxx bingrling :ee.

6 Liw ixqing’ tniax .qnir; dnaxx diyhh longxjongw knuar ix; linw qamxx m diyhh vywiongg mah? Dui' dnaxx ixau, Guaw jiong' inx ee su, dyrr si liw soxx bue jaix unxbat ee su, jixsi liw.

7 Jiaxee su si henrjai congwjy :ee, m si dui' jaw dyrr u; dirr qinaxzit ixjingg, liw iarr m bad tniax .qnir, benw did liw qongw: Jiaxee su guaw ixqing’ jaix lar.

8 Liw sidjai m bad tniax .qnir, liw sidjai m jaix; liw ee hnirkangx dui' kixtauu sidjai byy kuix; Guaw vunw jaix liw qniaa dairjir qigqii kuixjar, liw dui' cuttaix ixlaii, dyrr cxingx juer vuergik :ee.

9 Guaw uirdiyhh Guaw ee miaa encenn Guaw ee siurkir; uirdiyhh Guaw ee miasniax kuan'iongg liw, byy qra liw jenxduu.

10 Knuar ar, Guaw tuanwlen liw iarr m si cincniu ginn; liw dirr koxlan ee huexloo diongx Guaw qingw liw.

11 Guaw uirdiyhh qaqi ee enqor, uirdiyhh qaqi ee enqor, beh jniaa jitt xee dairjir; Guaw qamxx tangx hro Guaw ee miaa siurr lingziok? Guaw byy beh jiong' Guaw ee ingqngx qruix hro vadd xee.

12 Jakob, Guaw soxx driaur ee Islael ar, diyhh tniax Guaw. Guaw si kixtauu :ee, iarr si lorbuew :ee.

13 Guaw ee ciuw qenwlip de ee derqix, Guaw ee jniar ciuw denw kuix jiaxee tnix; Guaw jid'err qiyr, dyrr longxx kiw laii kia.

14 Linw longxx diyhh jurjip laii tniax; inx diongqanx jirjui bad qongw jiaxee su? Jehovah soxx tniar :ee beh dirr Babylon qniaa Ix soxx hnuahiw :ee, Ix ee ciuw beh qaur dirr Qaldealangg.

15 Dogdok Guaw, Guaw ixqing’ qongw: Guaw iarr qingxdiaur ix, cua ix laii, ix ee lo beh hingtongx.

16 Linw diyhh jiurqin Guaw laii tniax jex; Guaw dui' kixtauu m bad dirr unxbat ee soxjai laii qongw; dui' u jitt xee su, Guaw dyrr dirr hiax. Dnaxx Jruw Jehovah crex guaw qapp Ix ee sinn laii.

17 Qiuwsiok liw ee Jruw Jehovah, Islael ee Sxingr :ee anxnix qongw: Guaw si Jehovah, liw ee Siongrder; Guaw qawsi liw, hro liw did diyc lirig, cua liw qniaa dirr ingqaix ee lo.

18 Hairar, liw m bad tniax Guaw ee bingrling; narr tniax, dyrr liw ee ving'anx cincniu hyjuiw, liw ee qonggi cincniu haixingw;

19 Liw ee horer je cincniu suax, liw ee vakdow lai soxx snix :ee iarr je, cincniu sualiap; ix ee miaa dirr Guaw ee binrjingg dikkag byy jenxduu, iarr byy bedjuat.

20 Linw diyhh dui' Babylon cud .laii, dui' Qaldealangg ee diongqanx jauw .cud; ing hnuahiw dua sniax tuanvyr hro langg tniax, qongw: Jehovah qiuwsiok Ix ee lovok Jakob; linw diyhh jiong' jitt xee vywiongg qaur derqik.

21 Ix inxcua inx qingquer suaboo, inx iarr byy cuiwdax; Ix uirdiyhh inx hro juiw dui' jiyhvnuaa lrauu .cud; jiyhvnuaa lic kuix, juiw dyrr cringr cud. Jehovah qongw: Pnaiw langg dikkag be ving'anx.

49 Jiaxee haixsu ar, diyhh tniax Guaw ee ue; jiaxee vecsnir ar, diyhh liusimx dui' hng hng laii tniax. Dui' guaw dirr txex nirr, Jehovah dyrr qingxdiaur guaw; dui' guaw dirr laurbuw ee vakdow, Ix dyrr qiyr guaw ee miaa.

2 Ix hro guaw ee cuir cincniu lrai dyx, jiong' guaw kngr dirr Ix ee ciuw ee diwimr xe; qycc hro guaw jniaa juer buaa qngx ee jnxir, jiong' guaw kngr dirr Ix ee jniwde, duiww guaw qongw:

3 Liw si Guaw ee lovok Islael, Guaw beh in'ui liw did diyc ingqngx.

4 Guaw dyrr qongw: Guaw diyhbuaa si kangx kangx, guaw jinrlat si byy lirig iarr bycaixqangx; guaw ee pnuawduanr jairdirr Jehovah, guaw ee vywsniuw jairdirr guaw ee Siongrder.

5 Jehovah dui' txex nirr jyrjiu guaw juer Ix ee lovok, beh hro Jakob quingr Ix, hro Islael jurjip dirr Ix hiax; (in'ui Jehovah knuar guaw juer junquir, guaw ee Siongrder iarr jniaa juer guaw ee kuiwlat.)

6 Ix u qongw: Liw juer Guaw ee lovok jinxhingx Jakob ee jipair, hro Islael diongx did diyc vyxjuann :ee dywdngw .laii, jex iauxx si siyxkuaw su; Guaw beh setlip liw juer ledvangx ee qngx, juer Guaw ee jinxqiur :ee, qaur dirr derqik.

7 Qiuwsiok Islael ee singwjuw Jehovah, duiww hitt xee hro langg soxx knuawkinx, vecsnir soxx iamwngor, qnuadniuw soxx apjer :ee anxnix qongw: Qun'ongg beh knuar qnir liw, dyrr kiw laii kia, siuxlingw iarr beh quirvair; jex longxx si uirdiyhh Jehovah si jinsit :ee, dyrr si Islael ee Sxingr :ee u qingw liw.

8 Jehovah anxnix qongw: Dirr did diyc jiaplap ee sii, Guaw u tniax liw; dirr jinxqiur ee zit, Guaw u vangjan liw. Guaw beh vyxho liw, hro liw juer vecsnir ee iog ee diongvyw, qycc hingx kiw toxde, hro langg singjiab pahngx ee de juer giap;

9 Iarr duiww siurr kunxvak ee langg qongw: Linw diyhh cud .laii; duiww hiaxee diamr dirr oamr ee langg qongw: Linw diyhh henxhen. Inx beh dirr lo nirr did diyc jiac, dirr itcer byy cauw ee snuax did diyc niucauw.

10 Inx byy iaux byy cuiwdax; zedkir qapp iamrzit byy beh sionghai inx; in'ui linbinw inx :ee beh cua inx, kanx inx qaur juixjnuaa vnix.

11 Guaw beh hro Guaw ee jiongww snuax jniaa juer lo, Guaw ee duarlo iarr beh tun quann.

12 Knuar ar, jiaxee langg beh dui' hng hng laii; knuar ar, jiaxee langg beh dui' vakhngx saihngx laii; iarr jiaxee langg beh dui' Sinimqog laii.

13 Jiaxee tnix ar, ingqaix cud hnuahiw ee sniax; de ar, ingqaix kuaiwlok; jiongww snuax ingqaix cud sniax cniuwquax; in'ui Jehovah u an'uir Ix ee vecsnir, iarr beh linbinw Ix hiaxee kunwkow :ee.

14 Zion qongw: Jehovah u kiwsag guaw, Jruw ixqing’ be qir did guaw.

15 Hurzinlangg qamxx e be qir did ix jiac linx ee ngex-aw, byy linbinw ix soxx snix ee qniaw? Inx qiamxcaiw u be qir .did .ee, jongwsirr Guaw byy be qir did liw.

16 Knuar ar, Guaw jiong' liw kig dirr Guaw ee ciuxjniuw, liw ee sniacniuu siongsiongg dirr Guaw ee bagjiux jingg.

17 Liw ee qniaxzii beh qinw qinw dyr .laii; huixhuai liw :ee qapp hro liw pahngx :ee, beh lirkuix liw cud .kir.

18 Liw diyhh giahbak siwqer knuar; inx jingwlangg longxx jurjip laii qui'uaw liw. Jehovah qongw: Guaw qiw Guw ee uahmia laii qongw, liw beh ing inx itcer juer jngtna laii cing ix, qycc ing inx juer duar laii haa iyx, cincniu sinniuu jidvnua'ngiu.

19 Lun qaur liw pahngx lingxjing ee soxjai qapp liw siurr huixhuai ee de, dnaxx vecsnir je, kiarkiw sniu' ec; tunbet liw :ee beh lirkuix liw hng hng.

20 Liw sitlyc qniaw ixau soxx snix hiaxee qniaw beh duiww liw qongw. Jitt xee soxjai guaw kiarkiw sniu' ec; qriuu liw hro guaw u soxjai tangx kiarkiw.

21 Hitt sii liw simlai beh qongw: Guaw ixqing’ sitlyc qniaw, qaqi kiarkiw, si siurr liac :ee, piauliuu dirr guarbin, jirjui qra guaw snix jiaxee? Jirjui jiong' jiaxee ngiuxci qaur duarhanr? Knuar ar, guaw qodnuax ee sii, jiaxee dirr dyclyc?

22 Jruw Jehovah qongw: Knuar ar, Guaw beh ngr ledqog giac ciuw, ngr banrvecsnir kia dua qii; inx beh jiong' liw ee jiongww qniaw py .laii, jiong' liw ee jiongww jaboxqniaw riang .laii.

23 Led'ongg beh juer liw ee ngiuxve, ongho beh juer liw ee linbuw; inx beh jiong' bin ngar lyc de, ngr liw quirvair, qycc liw ee kax ee tohunw; liw dyrr jaix Guaw si Jehovah; huanrnarr ngwbang Guaw :ee dikkag byy qenwsiaur.

24 Bingw langg cniuw .kir .ee, qamxx e cniuw dywdngw? Qiongg ee langg soxx cniuxliac :ee, qamxx e qiur ix mah?

25 Jongwsirr Jehovah anxnix qongw: Bingw langg soxx cniuxliac :ee beh cniuw dywdngw, qiongg ee langg soxx cniuw :ee beh did diyc qiur; qapp liw sna' jnex :ee Guaw beh qapp ix sna' jnex, Guaw iarr beh qiur liw ee qniaxzii.

26 Qycc Guaw beh hro hiaxee apjer liw :ee jiac qaqi ee bah; inx iarr beh limx qaqi ee huih qaur juir, cincniu limx dnix jiuw jidngiu; qniwnarr u hetkir :ee, beh longxx jaix Guaw Jehovah si liw ee qiuwjuw, si qiuwsiok liw ee Jruw, si Jakob ee dua quanlingg :ee.

50 Jehovah anxnix qongw: Guaw lii cud linw ee laurbuw, lisux dirr dyclyc ar? Guaw jiong' linw bre hro Guaw dyclyc jit xee jewjuw ar? Knuar ar, linw siurr bre si in'ui linw ee juerquar, linw ee laurbuw siurr lii cud, si in'ui linw ee quewsid.

2 Guaw laii ee sii, byy langg dilehh si jnaixngiu? Guaw ee ciuw qamxx si dew, be e qiuwsiok mah? Guaw qamxx byy jinxqiur ee lat mah? Knuar ar, Guaw jid'err huah, haiw dyrr dax .kir; Guaw hro qanghyy vnir juer suaboo, qidiongx ee hii, in'ui byy juiw, cauwnua, cuiwdax dyrr siw.

3 Guaw hro jiaxee tnix ing oamr juer ihok, ing muavor juer ziakamr.

4 Jruw Jehovah sniuxsur guaw siurr qawsi :ee ee jic, hro guaw jaix jnaixngiu ing gengiw hujo iawsen ee langg. Jruw dagg jaxkiw qiyr cnew, qiyr cnew guaw ee hnirkangx, hro guaw e tniax, cincniu siurr qawsi ee langg jidngiu.

5 Jruw Jehovah kaitongx guaw ee hnirkangx, guaw vingrr byy uiqec, iarr byy tewau.

6 Langg pah guaw ee qajiacpniax, guaw cutjai ix pah; langg cuah guaw cuiwpew ee cuiwciux, guaw cudjai ix cuah; langg lingziok guaw, qra guaw pruir nxua, guaw iarr byy ngx bin.

7 In'ui Jruw Jehovah dikkag vangjan guaw, soxiw guaw byy qenwsiaur; uirdiyhh anxnix, guaw hro guaw ee bin gni cincniu ding jiyc; guaw iarr jaix guaw dikkag byy drir qaur lauwkuir.

8 Cxingx guaw juer gi :ee qin lar; jirjui qapp guaw sna' jnex? Ix tangx qapp guaw snaqab kia; jirjui juer guaw ee duiwdik? Ix tangx jiurqin guaw.

9 Knuar ar, Jruw Jehovah beh vangjan guaw, jirjui e dring guaw u jue ar? Knuar ar, inx longxx cincniu snxax jiamrjiam qu, hro jiuwtangg soxx jiac.

10 Linw diongqanx, jirjui qingwuir Jehovah, tniatanr Ix ee lovok ee ue ar? Qniaa dirr oamr byy u qngbingg :ee, diyhh uaxkyr Jehovah ee miaa, uaxkyr ix ee Siongrder.

11 Knuar ar, huanrnarr linw diamw huew, ing huexvew uii qaqi :ee, tangx laii qniaa dirr linw ee huexiam lai, qapp linw soxx diamr ee huexvew diongx. Jex si Guaw ee ciuw soxx dniardiyc :ee; linw beh dyw dirr qankow ee diongqanx.

51 Linw jiaxee duizib qonggi, cue Jehovah :ee, diyhh tniax guaw; linw diyhh sniu knuar linw dui' hiax pah .cud .laii ee jiyhvnuaa, dui' hiax qrut .cud .laii ee tokangx.

2 Diyhh sniu knuar linw ee joxqongx Ablaham, qapp snix linw ee Salah, in'ui ix qodnuax jit langg ee sii, Guaw qingxdiaur ix, suwhog ix, hro ix qetnix jerje.

3 In'ui Jehovah ixqing’ an'uir Zion, iarr an'uir ix itcer pahngx ee soxjai; hro ix ee kongwiaw cincniu Eden, hro suaboo cincniu Jehovah ee hngg; dirr inx diongqanx beh u hnuahiw kuaiwlok, qamxsia qapp cniuwquax ee sniax.

4 Guaw ee vecsnir ar, diyhh juwir tniax Guaw; Guaw ee qokbinn ar, diyhh ngar hnirkangx tniax Guaw; in'ui huatlut beh dui' Guaw cud, Guaw beh lip Guaw ee qongliw, laii juer ledvangx ee qngx.

5 Guaw ee qonggi qin lar, Guaw ee qiuwunx huad cud; Guaw ee ciuw beh pnuawduanr ledvangx; haixsu longxx beh tingwhau Guaw, qycc beh uaxkyr Guaw ee ciuw.

6 Linw diyhh giagbak ngr tnix, ngar tauu knuar de; in'ui jiaxee tnix beh cincniu enhunn siausnuar, de beh cincniu snxax jiamrjiam qu, ix ee kiarkiw ee vecsnir iarr beh cincniu anxnix sixbyy; jixu Guaw ee qiuwunx ingxuanw dilehh. Guaw ee qonggi iarr byy huewbyy.

7 Jaibad qonggi, jrunn Guaw ee qawsi dirr simlai ee vecsnir, diyhh tniax Guaw ee ue; byc did qniax langg ee qicir, iarr byc did in'ui langg ee huixvongr laii qniahniaa.

8 In'ui jiuwtangg beh jiac inx, cincniu jiac ijniuu; jenxtangg beh jiac inx, cincniu jiac ngiu'mngg; jixu Guaw ee qonggi ingxuanw dilehh, Guaw ee qiuwunx didqaur banrdai.

9 Jehovah ee ciuw ar, kiw .laii, kiw .laii, six cud dua kuiwlat; kiw .laii, cincniu jaxsii ee nizit, qoxjaw ee sewdai jidngiu. Jiongjenn paccuir Rlahab, cak taur lringg :ee, qamxx m si Liw mah?

10 Hro haiw qapp cim'enx ee juiw dax .kir, hro haiw cimx ee soxjai vnir juer lo, hro siurr sriok ee vecsnir qingquer :ee, qamxx m si Liw mah?

11 Jehovah qiuwsiok ee vecsnir beh dywdngw .laii, beh cniuwquax laii qaur Zion, did diyc ingxuanw ee hnuahiw juer benxliuu; inx beh hnuahiw kuaiwlok, iubun toxkuir longxx beh jauw .kir.

12 Guaw, Guaw si an'uir linw :ee. Liw si simxmih langg, qingxzenn qniax hitt xee beh siw ee langg, qniax hitt xee beh vnir juer cincniu cauw ee sewqanlangg?

13 Iarr be qir did tiw kuix jiaxee tnix, andnia de ee derqix, congwjy liw ee Jehovah, tong' zit in'ui vyrgiok :ee ee dua siurkir laii qniahniaa, jiauww ix doboo beh huixbet ee jinghingg? Qisit hitt xee vyrgiok :ee ee dua siurkir dirr dyclyc ar?

14 Siurr apvig :ee beh qinw qinw did diyc tauxvangr; dikkag byy siw laii lyc het, ix ee bixniuu iarr byy juat.

15 Guaw si Jehovah, liw ee Siongrder, iydang duarhaiw, hro ix ee ingw huarhua hauw; banrqunx ee Jehovah si Ix ee miaa.

16 Guaw jiong' Guaw ee ue he dirr liw ee cuir, ing Guaw ee ciuw ee ngiaw ziakamr liw, uirdiyhh beh kaitenx vidde, qycc duiww Zion qongw: Liw si Guaw ee vecsnir.

17 Jelusalem ar, kiw .laii, kiw .laii, kia lehh, liw dui' Jehovah ee ciuw-diongx limx Ix dua siurkir ee vxuex; limx hitt xee hro langg dendenx dyxdyw ee vuejnuaw, limx qaur dax dax.

18 Ix soxx snix jiaxee qniaw ee diongqanx, byy jit xee inxcua ix; ix soxx ngiuxci duarhanr jiaxee qniaw ee diongqanx, byy jit xee kanx ix ee ciuw.

19 Jitt nng hxang limqaur liw; jirjui e ter liw aisiongx ar? Dyrr si u suevai qapp bedbyy, qihngx qapp qiamr; Guaw beh jnaixngiu an'uir liw?

20 Liw jiaxee qniaw hrun .kir, dyw dirr dagg xee quelo kauw, cincniu lok dirr lybang ee diongqanx; sriu Jehovah muaw muaw ee siurkir, sriu liw ee Siongrder ee jikvi.

21 Soxiw liw jitt xee kunwkow qycc juir :ee, kiokk m si in'ui jiuw laii juir, liw diyhh tniax.

22 Liw ee Jruw Jehovah, dyrr si uirdiyhh Ix ee vecsnir sin'uanx ee Siongrder, anxnix qongw: Knuar ar, Guaw ixqing’ jiong' hitt xee hro langg dendenx dyxdyw ee vxuex, dyrr si Guaw dua siurkir ee vuejnuaw, dui' liw ee ciuw tec .cud .laii, liw dikkag mrbenw qycc limx.

23 Guaw beh jiong' jitt xee vxuex he dirr pnaiw kuanxtai liw ee langg ee ciuw-diongx; inx bad duiww liw qongw: Liw diyhh ngar .lyc .kir, cutjai guanw dac .quer .kir; liw dyrr qra qajiacpniax juer cincniu de, cincniu quelo, cutjai langg qingquer.

52 Zion ar, kiw .laii, kiw .laii, cing liw ee dua kuiwlat. Sxingr sniaa Jelusalem ar, cing liw suiw ee ihok; in'ui dui' dnaxx ixau, byy sriu qatlew, byy cingkir :ee, dikkag byy qycc zip liw ee diongqanx.

2 Jelusalem ar, diyhh vnua kir din'aix; kiw laii jre; Zion siurr liac ee vecsnir ar, diyhh tauw kuix liw amrqunw ee syxlen.

3 Jehovah anxnix qongw: Linw siurr bre byy tec langg jnii, did diyc sioghuee iarr byy ing ginn.

4 Jruw Jehovah anxnix qongw: Kixtauu Guaw ee vecsnir lyc kir Egipt, dirr hiax qiawkax; qycc u Assylialangg byy enqor apjer inx.

5 Jehovah qongw: Guaw ee vecsnir qiwzenn byy indnuax hro langg liac .kir, dnaxx Guaw dirr jiax juer simxmih ar? Jehovah qongw: Quanxhad inx ee langg huarhua hauw decc qiyr, Guaw ee miaa tong' zit siurr setdok.

6 Soxiw Guaw ee vecsnir beh jaix Guaw ee miaa; qaur hitt zit inx beh jaix decc qongw :ee dyrr si Guaw. Knuar ar, si Guaw.

7 Vyr hyw siausid, tuann hyvingg, vyr hokkir ee hyw siausid, tuann qiuwunx :ee duiww Zion qongw: Liw ee Siongrder juer ongg lar, jitt langg ee kax jnriu snuax-dingw, qaur jiacc suiw!

8 Tniax ar, liw siuxbang ee langg ee sniax! Inx cud dua sniax, snaqab cniuwquax; in'ui Jehovah dyr laii Zion ee sii, inx beh dngtauu duiwbin knuar .qnir.

9 Jelusalem pahngx ee soxjai ar, diyhh cud hnuahiw ee sniax, snaqab cniuwquax; in'ui Jehovah an'uir Ix ee vecsnir, qiuwsiok Jelusalem.

10 Jehovah dirr banrqog ee bagjiux jingg lut Ix ee sringr ciuw; derqik ee langg longxx knuar qnir lanw ee Siongrder ee jinxqiur.

11 Linw diyhh lirkuix ix, lirkuix ix, dui' hiax cud .laii, byc did bongx byy cingkir ee mic; dui' inx diongqanx cud .laii; linw qrngx Jehovah kiwqu ee langg ar, diyhh qaqi cingkir.

12 Linw cud laii mrbenw diyhqib, iarr mrbenw dyjauw; in'ui Jehovah dikkag dirr linw ee taujingg qniaa, Islael ee Siongrder dikkag juer linw aurbin ee vyxho.

13 Knuar ar, Guaw ee lovok beh ing diwhui qniaa dairjir, beh siurr quxkiw singquann, qycc beh jniaa juer jin' quann.

14 Jerje langg uirr liw gonggniac, (ix ee binrmau viw vadd langg kacc u sunxsiongx, ix ee hingjong viw sewqanlangg kacc u sunxhai.)

15 Cincniu anxnix, ix iarr beh qikdong jerje qog ee vecsnir; led'ongg beh dui' ix laii ngx inx ee cuir. In'ui soxx m bad duiww inx qongw :ee, inx beh knuar .qnir; m bad tniax .qnir .ee, inx beh bingvik.

53 Lanw soxx tniax .qnir .ee, u jirjui sinr ar? Jehovah ee ciuw ngr jirjui henxbingg ar?

2 In'ui ix dirr Ix ee binrjingg singdiongw cincniu jniw jniw ee ngiw, iarr cincniu qinx huad dirr dax de. Ix byy hyw hingjong, byy uigii. Lanw knuar qnir ix iarr byy hyw hing'iongg, tangx hro lanw himbo ix.

3 Ix siurr knuawkinx, hro langg vangwsag, sriu jerje koxtangr, siongsiongg duw diyc inbun. Ix siurr knuawkinx, cincniu hro langg ngx bin m knuar :ee jidngiu; lanw iarr byy jundiong ix.

4 Ix sidjai damdngx lanw ee iubun, vue lanw ee koxtangr. Lanw liac juer ix sriu jikhuat, hro Siongrder pah, qycc sriu koxcow.

5 Ix uirdiyhh lanw ee quewsid siursiongx, uirdiyhh lanw ee juerquar siurr hai; ix damdngx hinghuat, lanw did diyc ving'anx; ix siurr vnipah, lanw did diyc rix hyw.

6 Lanw longxx cincniu ngiuu belo; dagg langg qniaa qaqi ee penlo. Jehovah hro lanw jingwlangg ee jue longxx qruix dirr ix sinjniu.

7 Ix siurr apvig duw diyc qankow, iauxquxx byy kuix cuir; ix cincniu ngiuu-aw kanx qaur siurr taii ee de; qycc cincniu ngiuu dirr jenw xmngg ee langg ee binrjingg byy cud sniax, ix iarr anxnix byy kuix cuir.

8 Ix dui' apvig qapp simxpnuar siurr cruw .kir; dirr ix ee sewdai, jirjui sniu diyc ix dui' uahlangg ee de siurr jenxduu? Iacc si in'ui Guaw ee vecsnir ee juerquar siurr pah ar?

9 Ix suizenn byy qniaa qiongvy, cuir iarr byy u kuixjar, ix siw, iauxquxx qapp pnaiw langg drangg bong, iarr qapp vuwlangg snaqab.

10 Jehovah hnuahiw sunxhai ix, hro ix siurr koxtangr; ix ee uahmia juer siogjue ee jrer, hitt sii ix beh knuar qnir horer, qycc qetnix huewsiu, Jehovah soxx hnuahiw ee su beh dirr ix ee ciuw-diongx hingtongx.

11 Ix beh knuar qnir vunxsinx lykow ee haurqyw, dyrr simx muaw ir jiog. Guaw gi ee lovok beh ing ix ee jaibad hro jerje langg did diyc cxingx juer gi; iarr ix beh damdngx inx ee juerquar.

12 Soxiw Guaw beh hro ix qapp jre quann xui :ee vunx hunrgiac, qapp qiongbingw :ee vunx soxx cniuw ee mic; in'ui ix vangwsag sniwmia qaur siw, ix iarr let dirr juerhuan ee diongqanx. Ix damdngx jerje langg ee jue, qycc ter juerhuan qidyw.

54 Liw byy huai'in byy snix qniaw :ee, diyhh cniuwquax; liw m bad qingquer snix qniaw qankow :ee, diyhh cud sniax cniuwquax, cud hnuahiw ee sniax; in'ui qaqi diamr ee hurzinlangg viw u diongrhux :ee snix qniaw kacc je; jex si Jehovah qongw :ee.

2 Diyhh kuikuah liw vowvnii ee de, vangwdua liw kiarkiw ee dniuwvag; m tangx hanrdnia; diyhh kanx dngg liw ee syh, qenqor liw ee kit'aw.

3 In'ui liw beh ngr jyw ngr iu laii kuikuah; liw ee horer dikkag did diyc ledqog juer giap; qycc hro pahngx ee sniaa u langg kiarkiw.

4 Byc did qniahniaa; in'ui liw dikkag byy drir qaur qenwsiaur; iarr byc did uir siauxzinn; in'ui liw byy drir qaur siurr lingziok. Liw dikkag be qir did siauwlenn ee sii ee qenwsiaur; byy qycc qiwliam liw jiuxqnuaw ee sii ee lingziok.

5 In'ui congwjy liw :ee si liw ee diongrhux. Banrqunx ee Jehovah si Ix ee miaa; qiuwsiok liw :ee, si Islael ee Sxingr :ee. Ix dikkag cxingr juer juann de ee Siongrder.

6 Jehovah driaur liw, cincniu driaur siurr kiwsag, simlai iusiongx ee bow, dyrr si siauwlenn ee sii soxx crua, siurr kiwsag ee bow, jex si liw ee Siongrder soxx qongw :ee.

7 Guaw vangwli liw vutqyr diap aw quw, jongwsirr beh ing dua juvix siux liw dywdngw.

8 Guaw huad cud siurkir, jiamrsii duiww liw ngx bin; jongwsirr beh ing ingxuanw ee ju'air linbinw liw; jex si Jehovah, qiuwsiok liw ee Jruw qongw :ee.

9 In'ui jex jairr Guaw knuar cincniu Noah ee dua juiw; Guaw jnaixngiu jiuwjua byy qycc hro Noah ee dua juiw huanwlam venww de, Guaw iarr jiauww anxnix jiuwjua, byy qycc siurkir liw, jikvi liw.

10 Dua snuax e suaw kuix, siyw snuax e isuaw, dogdok Guaw ee ju'air dikkag byy lirkuix liw, Guaw ving'anx ee iog iarr byy isuaw; jex si linbinw liw ee Jehovah qongw :ee.

11 Liw jitt xee sriu kunwkow, hro dua hongx iydang be did diyc an'uir ee langg ar, Guaw beh ing caixsig andir liw ee jiyhtauu, ing lamsig ee vyxjiyc he liw ee derqix.

12 Qycc ing angg vycjiyc jy liw ee sniadyxjiw, ing angg gik jy liw ee sniamngg, ing vyxjiyc jy liw siwuii ee venqair.

13 Liw ee qniaxzii longxx beh hro Jehovah qawsi; liw ee qniaxzii beh did diyc dua ving'anx.

14 Liw beh in'ui qonggi did diyc kia jai, beh lirkuix jewab hng hng, byy drir qaur qniahniaa; liw beh lirkuix jaieh hng hng, in'ui ix dikkag byy qinruaw liw.

15 Dyrr qiamxcaiw u langg jurjip, jongwsirr m si dui' Guaw. Qniwnarr jurjip qongqig liw :ee, beh in'ui liw laii vuahdyw.

16 Ticcniu vunn huextnuar, jewjy hab'ing ee kiwhaii :ee, si Guaw soxx congwjy; Guaw iarr congwjy hamrhai langg :ee, hro ix qniaa jaubet.

17 Qniwnarr uirdiyhh qongqig liw laii jy ee kiwhaii dikkag byy jniaa loring; qniwnarr dirr simxpnuar ee sii kiw laii qongqig liw ee jic, liw beh dring ix ee jue; jex si Jehovah ee lovok ee sanxgiap, iarr si inx dui' Guaw soxx did .diyc ee gi; jex si Jehovah qongw :ee.

55 Err, qniwnarr linw cuiwdax :ee diyhh laii jiurqin juiw, byy jnii :ee, linw diyhh laii; laii brew laii jiac. Laii ar, mrbenw ginn, mrbenw qewjnii, laii brew jiuw qapp linx.

2 Linw sniaw su kaihuir jnii, brew hitt xee be jiac .did ee mic? Sniaw su diyhbuaa, dirr hitt xee be hro langg jiac vaw :ee ar? Linw diyhh liusimx tniax Guaw, dyrr e jiac hitt xee hyw mic, did diyc hiongxsiu iuzi, hro simx hnuahiw.

3 Linw diyhh ngar hnirkangx jiurqin Guaw. Diyhh tniax, dyrr linw ee simsinn e uac. Guaw beh qapp linw lip ingxuanw ee iog, dyrr si soxx ingwunw David qenqor ee unhui.

4 Knuar ar, Guaw ixqing’ setlip ix juer ledvangx ee qanjingr, juer ledvangx ee qun'ongg qapp siuxlingw.

5 Knuar ar, liw vingsor m bad ee vecsnir, liw beh qiyr ix laii; vingsor m bad liw ee vecsnir iarr beh jauw laii uaw liw; longxx si uirdiyhh Jehovah, liw ee Siongrder, Islael ee Sxingr :ee; in'ui Ix ixqing’ ingqngx liw.

6 Diyhh tanr Jehovah tangx cue .diyc ee sii, laii cue Ix, dirr Ix sna' qin ee sii qiuqiyr Ix.

7 Pnaiw langg diyhh qexngua ix ee liamrtauu; qui'ngr lanw ee Siongrder, in'ui Ix ben venww qniaa siawbenw.

8 Jehovah qongw: Guaw ee liamrtauu m si linw ee liamrtauu, linw ee lo m si Guaw ee lo.

9 In'ui tnix jnaixngiu kacc quann de, anxnix Guaw ee lo kacc quann linw ee liamrtauu.

10 In'ui cincniu ho qapp seh dui' tnix qangr .lyc, iarr byy qycc dywdngw, dyrr si zunrdik toxde, hro derjniu vuh gee qetsit, hro ia jxingw :ee u jingxjiw, hro jiac :ee u bixniuu;

11 Guaw ee cuir soxx qongw cud ee ue iarr beh anxnix; quatduanr byy kangx kangx dywdngw laii Guaw jiax, si beh jniaa Guaw soxx hnuahiw :ee, beh hro Guaw soxx crex ix juer ee su did diyc hingtongx.

12 Linw cud kir beh h.-hnuahiw-h., did diyc inxcua v.-ving'anx-a.: dua snuax siyw snuax beh dirr linw ee bingrjingg cud sniax cniuwquax, den'iaw ee ciurbak longxx beh dah ciuw.

13 Cingveh huatsnix laii ter cauxcir, qongliamciu huatsnix laii ter jidlee; jex si beh juer Jehovah ee miaa ee qiwliam, juer ingxuanw ee jingwqir, be e jenxduu.

56 Jehovah anxnix qongw: Linw diyhh siuw qongvingg, qniaa qonggi; in'ui Guaw ee qiuwunx ixqing’ qin, Guaw ee qonggi beh henxbingg.

2 Langg anxnix qniaa, sewqanlangg anxnix cisiuw ix, ix siuw Anhiyczit byy qanhuan .diyc, qimwjiw qaqi ee ciuw byy juer pnaiw; hitt hy langg u hokkir.

3 Qapp Jehovah lenhap ee guarvanglnagg byc did qongw: Jehovah dikkag jiong' guaw qapp Ix ee vecsnir vunli. Taiwqamr iarr byc did qongw: Knuar ar, guaw si qodaa ee ciu.

4 In'ui lun qaur qniwnarr siuw Guaw jiaxee Anhiyczit, qingw Guaw soxx hnuahiw ee su, qapp cisiuw Guaw ee iog ee taiwqamr, Jehovah anxnix qongw:

5 Jiaxee langg, Guaw beh hro inx dirr Guaw ee cur, dirr Guaw ee cniu'uii lai, u qiwhy u miazi, viw u qniaw jaboxqniaw kacc hyw. Guaw beh hro ix ingxuanw ee miaa be e jenxduu.

6 Iauxx u hiaxee qapp Jehovah lenhap ee guarvanglangg, beh hogsai Ix, juer Ix ee lovok, qniwnarr siuw Anhiyczit byy qanhuan, qycc cisiuw Guaw ee iog ee langg,

7 Guaw beh cua inx qaur Guaw ee sxingr snuax, hro inx dirr qidyw Guaw ee cur laii hnuahiw; inx ee siyjer qapp lexmic, dirr Guaw ee dnxuaa-dingw, dikkag did diyc jiaplap; in'ui Guaw ee cur beh cxingx juer banrvecsnir qidyw ee cur.

8 Jruw Jehovah, dyrr si jiyjip Islael siurr qnuaxsnuar :ee, qongw: Hiaxee siurr jiyjip ee langg ixgua, Guaw iauxx beh jiyjip vadd langg laii qui'uaw ix.

9 Snua'iaw jiaxee sriur longxx diyhh laii tunjiac, ciurnaa lai jiaxee sriur, iarr diyhh anxnix.

10 Ix ee siuxbang :ee si cnimii, longxx byy diwsig, longxx si exqauw, be vui ee qxauw, dogdok binbang, dyw lehh, air kunr.

11 Jiaxee qxauw tamx jiac, m jaix vaw; jiaxee bogjiaw be e bingvik, dagg langg qniaa qaqi ee penlo, dag'ee dui' qokk hongben qriuu qaqi ee lirig.

12 Inx qongw: Laii lar, guaw kir pangg jiuw, lanw limx qau jiuw qaur vaw; binaxzit beh cincniu qinaxzit, qik dua byy viw.

57 Girlangg sixbyy, byy langg kuar dirr simtauu; kensingg ee langg quewsir, byy langg sniu qaur jitt xee girlangg quewsir si tuatli jionglaii ee jaieh.

2 Qniaa dirr jingwdit ee langg, ix beh jinwzip ving'anx ee soxjai, anzenn hiyh dirr ix ee cngg.

3 Linw jiaxee ang'ii ee qniaw, qanhux qapp qirluw ee jingxlui, longxx diyhh jinwjingg laii.

4 Linw duiww jirjui hiwlang, duiww jirjui kuix cuir tror jic ar? Linw qamxx m si vuergik ee qniaxzii, vehcat ee jingxlui mah?

5 Linw dirr siongrciu ee diongqanx, dirr dagg jangg cnicuir ee ciu-kax, ioghuew qrongx simx, dirr snuaqog nirr, dirr jiyhkangx lai taii ginxaw.

6 Dirr snuaqog lai, qngqut ee jiyhtauu diongx, u liw ee hunrgiac; jiaxee dyrr si liw soxx did .diyc ee giap; liw iarr duiww ix quanwden, henr lexmic. In'ui jiaxee, Guaw qamxx e ansimx mah?

7 Liw dirr quann quann ee snuax-dingw, ansed bincngg, iarr jnriu kir henwjer.

8 Liw dirr mngg-au, mngkia au, kia liw ee qiwliam; duiww vadd langg lorhen sintew laii jnriu .kir; kuikuah liw ee bincngg, qapp inx lip iog. Liw dirr hiax knuar qnir inx ee bingcngg, dyrr jin' iwair.

9 Liw jiong' iuu duar qaur ongg hiax, qycc qetnix liw ee hniuliau, crex suwjiaw kir hng hng ee soxjai, qaqi vijen, didqaur imqanx.

10 Liw in'ui lo hng iawsen, jongwsirr byy qongw: Jex si kangx kangx. Liw u qycc did diyc kuiwlat, soxiw m jaix luanxziok.

11 Liw in'ui jirjui laii lunxneh qniahniaa, drir qaur qongw vehcat, byy qiwliam Guaw, iarr byy kuar dirr liw ee simtauu? Guaw qamxx m si dui' qoxjaw jing jing, liw jiacc byy qniax Guaw mah?

12 Guaw beh jixbingg liw ee qonggi; lun qaur liw ee soxx qniaa, longxx be lirig liw.

13 Liw auqiyr ee sii, tangx hro liw soxx jurjip :ee qiur liw; hongx beh qra inx cuex snruar; krir beh qra inx vunn .kir. Hitt xee uaxkyr Guaw :ee beh did diyc toxde, beh singsiu Guaw ee sxingr snuax juer giap.

14 U sniax qongw: Tun quann, tun quann, virvan lo, dui' Guaw ee vecsnir ee lo-diongx druu kir tatgai.

15 In'ui hitt xee jiww quann jiww jrunx, ingxuanw dilehh, miaa qiyr juer Sxingr :ee, anxnix qongw: Guaw kiarkiw dirr jiww quann jiww sxingr ee soxjai, iarr qapp simsinn tongwhuew kiamvix ee langg snaqab kiarkiw, beh hro kiamvix ee langg ee simsinn qycc uac, iarr hro tongwhuew ee langg ee simx qycc uac.

16 Guaw dikkag byy ingxuanw jingven, iarr byy quxdngg siurkir; qniax Guaw soxx congwjy ee langg, inx ee simx qapp linghunn dirr Guaw ee binrjingg suelamw.

17 In'ui ix tamsimx ee juerquar, Guaw dyrr siurkir pah ix, Guaw ngx bin siurkir; ix iuguann vuergik, jiauww ix ee sim'ir kir qniaa.

18 Guaw knuar ix soxx qniaa ee lo, iarr beh rix hyw ix; qycc beh cua ix, hro ix qapp hiaxee snaqab siongsimx ee langg, qycc did diyc an'uir.

19 Guaw jy beh hro inx ee cuir qongw cud ylyw ee ue: Ving'anx, ving'anx qruix hro hng qapp qin ee langg; qycc Guaw beh rix hyw ix; jex si Jehovah qongw :ee.

20 Dogdok pnaiw langg cincniu giaa ingw ee haiw, be e vingjing, ix ee juiw cringr cud uwuer qapp tobee. Guaw ee Siongrder qongw: Pnaiw langg dikkag be ving'anx.

58 Liw diyhh dua sniax auqiyr, m tangx hanrjiw, cud dua sniax cincniu vunn sauwqag, duiww Guaw ee vecsnir qongw bingg inx ee quewsid, duiww Jakob ee qrex qongw bingg inx ee juerog.

2 Inx zidzit cue Guaw, hnuahiw jaix Guaw ee dyrlo, cincniu qniaa gi ee vecsnir, byy lirkuix inx ee Siongrder ee huatlut; inx qriuu Guaw jiauww qonggi ee simxpnuar, hnuahiw cinqin Siongrder.

3 Inx qongw: Guanw qimwjiac, Liw sniaw su byy knuar .qnir? Guanw kikkow guanw ee simx, Liw sniaw su m jaix ar?

4 Knuar ar, linw qimwjiac ee zit, iauxquxx qaqi anlok, qiongvig langg qra linw juer koxqangx. Knuar ar, linw qimwjiac si beh sna' jnex, sna' uanqex, ing hiong'og ee quntaubuw pah langg. Linw qinaxzit qimwjiac, be e hro liw ee sniax heo dingxbin tniax .qnir.

5 Jitt kuanw ee qimwjiac, qamxx si Guaw soxx qingw, hro langg kikkow ix ee simx ee zit mah? Qamxx si hro langg ngar tauu cincniu lodig, ing muavor qapp huexhux pox dirr ix ee sinkux xe mah? Jex qamxx tangx cxingx juer qimwjiac hro Jehovah soxx hnuahiw ee zit mah?

6 Guaw soxx qingw ee qimwjiac, qamxx m si tauw kuix hiong'og ee syh, hro siurr jewab :ee did diyc juriuu, qongwjic itcer ee dnax mah?

7 Qamxx m si jiong' liw ee bixniuu vunx hro iaugy ee langg, jiong' siwqer piauliuu ee songwhionglangg jiaplap dirr liw ee qrex? Knuar qnir tngwvakteh ee langg dyrr hro ix cing, duiww qaqi ee qutziok, iarr byy siamw kir bih mah?

8 Anxnix, liw ee qngx beh huad cud cincniu tniqngjaw ee qngx, liw ee siongx beh qinw qinw did diyc hyw; liw ee qonggi beh qniaa dirr liw ee taujingg; Jehovah ee ingqngx beh juer liw aurbin ee vyxho.

9 Hitt sii liw qiuqiyr, Jehovah beh tniax liw; liw kunxqiuu, Ix beh qongw: Guaw dirr jiax. Liw narr dui' liw diongqanx druu kir dang ee dnax, qapp qixdyhlangg ee jngxtauu-aw, ixqip lamrsamw qongw ee ue;

10 Liw ee simx narr linbinw iaugy ee langg, hro kunwkow ee langg did diyc muaxjiog, liw ee qngx dyrr beh dirr oamr diongx huathen, liw ee oamr beh vnir cincniu ziddiongdaur.

11 Jehovah iarr beh siongsiongg inxcua liw, dirr kongwhan ee de, hro liw simx muaw ir jiog, quttauu iongxjongr; liw beh cincniu quanwag ee hngg, qycc cincniu lrauu be dax ee juixjnuaa.

12 Hiaxee dui' liw cud ee langg, beh kixjy quw quw ixqing’ honghuer ee soxjai; liw beh qenwlip ligdai huixhuai ee derqix; liw beh cxingx juer Vow puawqiah :ee, qapp Qycc siuliw lo, hro langg kiarkiw :ee.

13 Liw narr dui' Anhiyczit qimwjiw liw ee kax, dirr Guaw ee sxingr zit byy juer qaqi soxx hnuahiw :ee, cxingx Anhiyczit juer tangx hnuahiw :ee, cxingx Jehovah ee sxingr zit juer tangx jundiong :ee; iarr qycc junqingr ix, byy vran qaqi ee susu, byy tranr qaqi ee su'ir, byy qongw sukia'ue;

14 Liw dyrr beh in'ui Jehovah laii hnuahiw; Guaw beh hro liw jnriu qaur derjniu quann ee soxjai; qycc ing liw ee jow Jakob ee sanxgiap ngiuxci liw; jex si Jehovah cincuir qongw :ee.

59 Knuar ar, Jehovah ee ciuw m si dew, be e jinxqiur; hnirkangx m si dang, be e tniax.

2 Si linw ee juerquar hro linw qapp Siongrder qecdng, linw ee juerog hro Ix duiww linw ngx bin, byy tniax.

3 In'ui linw ee ciuw bag diyc huih, linw ee jngxtauu-aw bag diyc juerog, linw ee cuiwdunn qongw vehcat, linw ee jic qongw cud pnaiw ue.

4 Byy langg ing qonggi laii vinxbingg, byy langg jiauww singsit laii venrho; longxx si uaxkyr huqew, qongw vehcat; soxx huai'in :ee si janhai, soxx snix :ee si siapiah.

5 Inx vu dogjuaa ee nxng, qnrix didubang, langg jiac ix ee nxng dikkag siw, jitt xee nxng narr dac puar dikkag cud okjuaa.

6 Inx soxx qnrix ee bxang be e jniaa juer ihok, inx soxx juer :ee be e qaqi ziakamr; inx soxx qniaa :ee longxx si juerog, inx ee ciuw soxx juer :ee longxx si qiongvy.

7 Inx ee kax jauw laii qniaa pnaiw, inx qinw qinw beh lrauu byy jue ee langg ee huih, inx ee liamrtauu longxx si siapiah ee liamrtauu; soxx qingquer ee duarlo longxx si pahngx huixbet.

8 Ving'anx ee lo inx m jaix, soxx qniaa ee lorqingr byy u qongvingg; inx uirdiyhh vunxsinx jy uankiaux ee lo, qniwnarr qniaa ix :ee, longxx be hiauxdid ving'anx.

9 In'ui anxnix, qongvingg lirkuix guanw hng hng, qonggi duix guanw be diyc; guanw ngwbang qngliang, huanxdngw si oamr; ngwbang qngbingg, huanxdngw qniaa dirr amwdiong.

10 Guanw bongx cniuu, uaw viah, cincniu cnimilangg; guanw siwqer bongx, cincniu byy bagjiux ee langg; guanw ziddiongdaur dendenx dyxdyw, cincniu honghunx ee sii jidngiu; guanw dirr iongxjongr ee langg ee diongqanx, cincniu sixlangg jidngiu.

11 Guanw hauw cincniu himm, ai'aix canx cincniu qajuix; ngwbang qongvingg, jongwsirr longxx byy; ngwbang qiuwunx, jongwsirr lirkuix guanw hng hng.

12 Guanw ee quewsid dirr Liw ee binrjingg qetnix jerje, juerog juer qanjingr qyr guanw; juerquar qapp guanw snaqab dilehh. Lun qaur guanw ee juerquar, guanw longxx jaix;

13 Dyrr si vuergik m zin Jehovah, uad dywdngw m duer guanw ee Siongrder, qongw cud jewab qapp vuergik ee ue, simx sniu vehcad'ue, dyrr suar qongw cud.

14 Qycc qongvingg juanxdngw tewau, qonggi kia dirr hng hng; singsit vuahdyw dirr quelo, jingwdit iarr be jinwzip.

15 Singsit jiyw jiyw; lirkuix pnaiw :ee huanxdngw jniaa juer siurr cniuw ee mic. Hitt sii Jehovah knuar .qnir, in'ui byy qonggi, dyrr vutjiw byy hnuahiw.

16 Ix knuar byy langg jinxqiur, byy langg tewqiuu, vutjiw gonggniac; dyrr ing qaqi ee ciuw laii qiur qaqi; ing Ix ee qonggi hucii vunxsinx.

17 Ix ing qonggi juer kueqah laii cing, ing jinxqiur juer taukuex laii dir; ing vyr qiusiuu juer ihok laii cing; ing zedsimx juer guarpaur laii muax.

18 Ix beh jiauww inx ee qniajuer laii vywingr, siurkir Ix ee duiwdik, vywingr Ix ee qiusiuu; duiww jiongww haixsu qniaa vywingr.

19 Anxnix langg dui' zit lyc ee soxjai beh qingwuir Jehovah ee miaa; dui' zit cud ee derhngx, iarr beh qingwuir Ix ee ingqngx. In'ui Ix beh laii, cincniu qinw lrauu ee hyjuiw, si Jehovah ee krir soxx cuivig :ee.

20 Beh u jit xui qiuwsiok ee jruw laii qaur Zion, iarr qaur Jakob ee jok-diongx lirkuix quewsid ee langg hiax; jex si Jehovah qongw :ee.

21 Jehovah qongw: Lun qaur Guaw, Guaw qapp inx soxx lip ee iog dyrr si anxnix. Guaw ee Sinn dirr liw ee dingxbin :ee, Guaw ee ue, Guaw soxx he dirr liw ee cuir :ee, byy beh lirkuix liw ee cuir, byy lirkuix liw ee qniaxsunx ee cuir, iarr byy lirkuix liw ee qniaxqniaw sunsunx ee cuir, dui' dnaxx qaur ingxuanw. Jex si Jehovah qongw :ee.

60 Kiw .laii ar, huad cud qngx; in'ui liw ee qngx ixqing’ qaur, Jehovah ee ingqngx huathen jiyr dirr liw ee dingxbin.

2 Knuar ar, oamr beh kamr juann de, o.-oamr-a. ziakamr ledqog. Jehovah beh huathen jiyr liw, Ix ee ingqngx beh cuthen dirr liw ee sinjniu.

3 Ledqog beh laii jiurqin liw ee qngx, qun'ongg beh laii jiurqin liw huathen ee dua qngx.

4 Liw giahbak knuar siwhngx, inx longxx jurjip laii liw jiax; liw ee jiongww qniaw dui' hng hng laii liw jiax; liw ee jiongww jaboxqniaw iarr beh hro langg py .laii.

5 Hitt sii liw knuar .qnir dyrr u ingqngx, liw ee simx dua gonggniac, dua kuikuah; in'ui dua haiw hongsing ee jaibut beh juanxdngw laii qruix liw, ledqog ee jaivyw iarr beh laii qruix liw.

6 Qui' din ee logdyy, qapp Midian ixqip Efah dnuax nxia ee logdyy, beh venwmuaw liw ee qingxlai. Seba ee jingwlangg longxx beh qaur; beh duar ngqimx zuxhniux laii, iarr beh vywtuann Jehovah ee miasniax.

7 Kedar ee ngiuu-qrunn longxx beh jurjip qaur liw jiax, Nebaiot qangx ee mi'ngiuu beh juer liw ee loring, dirr Guaw ee dnxuaa-dingw beh did diyc jiaplap; Guaw ingqngx ee cur, Guaw beh ingqngx ix.

8 Hiaxee vuex laii cincniu hunn, qucc cincniu hunxjiauw vuex .laii ix ee siu :ee, si tingwhau jirjui ar?

9 Jiaxee haixsu beh tingwhau Guaw; Tarsis ee junjiah beh juer tauu, jiong' liw ee jiongww qniaw, lenrr inx ee qimginn, dui' hng hng juer jit xe duar .laii, longxx uirdiyhh Jehovah, liw ee Siongrder ee miaa, qycc uirdiyhh Islael ee Sxingr :ee, in'ui Ix ixqing’ ingqngx liw.

10 Guarvanglangg beh kiw liw ee sniacniuu, inx ee ongg beh hogsai liw; Guaw beh siurkir pah liw, dnaxx beh six xunx linbinw liw.

11 Liw ee sniamngg bad siongsiongg kuix, zidmii byy qnuaix, hro langg jiong' ledqog ee jaivyw duar laii qruix liw, iarr jiong' inx ee qun'ongg kanx .laii.

12 In'ui qniwnarr vecsnir qapp qog m hogsai liw :ee beh bedbyy; hiaxee vecsnir beh juanzenn honghuer.

13 Lebanon ee ingqngx, dyrr si cingciu, samciu, ng'iongciu, longxx beh snaqab qruix liw, uirdiyhh beh jngtna Guaw ee sxingr sow; Guaw iarr beh hro Guaw kax dac ee soxjai did diyc ingqngx.

14 Vingsor koxcow liw :ee, inx ee qniaxsunx longxx beh qaur liw ee binrjingg ngar iyx; knuawkinx liw :ee longxx beh dirr liw ee kax-xe quirvair; inx beh cxingx liw juer Jehovah ee sniaa, juer Islael ee Sxingr :ee ee Zion.

15 Liw jingg siurr vangwsag, siurr iamwngor, simrjiww byy langg qingquer, dnaxx Guaw beh hro liw vnir juer ingxuanw ee inghuaa, jniaa juer ligdai ee hixlok.

16 Liw beh jiac banrqog ee linx, qycc suh jiaxee qun'ongg ee lintauu; dyrr jaix Guaw Jehovah si liw ee Qiuwjuw, si qiuwsiok liw ee Jruw, Jakob ee dua quanlingg :ee.

17 Guaw beh duar qimx laii ter dangg, duar ginn laii ter tih, dangg laii ter caa, tih laii ter jiyc; iarr beh ing hyvingg juer liw ee qnuadniuw, ing qonggi juer liw ee qamdog.

18 Liw ee derhngx byy qycc tniax qnir qiongvy, qingxlai byy qycc tniax qnir pahngx huixbet ee su; liw beh cxingx liw ee cniuu juer Jinxqiur, cxingx liw ee mngg juer Ylyw.

19 Zidtauu byy qycc juer liw zit .sii ee qngx, guec iarr byy qycc huad qngx jiyr liw; in'ui Jehovah beh juer liw ingxuanw ee qngx, liw ee Siongrder beh juer liw ee ing'iau.

20 Liw ee zidtauu byy qycc lyc, liw ee guec iarr byy qiubyy .kir; in'ui Jehovah beh juer liw ingxuanw ee qngx, liw vi'aix ee zit iarr bingvik lar.

21 Liw ee vecsnir longxx jniaa juer girlangg, ingxuanw did diyc de juer giap; si Guaw soxx jingr ee ciurjaix, Guaw ee ciuw soxx juer :ee, hro Guaw did diyc ingqngx.

22 Jiww ser :ee beh jniaa juer jit-cingx, qik vibii :ee beh jniaa juer qiongg ee qog; Guaw Jehovah beh jiauww dniardiyc ee qrii, qinw qinw jniaa ix.

61 Jruw Jehovah ee Sinn limqaur guaw; in'ui Jehovah ing iuu buah guaw, hro guaw tuann hok'imx hro songwhiongx ee langg; crex guaw rix hyw siongsimx ee langg, vywqyr siurr liac :ee did diyc tauxvangr, siurr qnuaix :ee cud qnalyy;

2 Vywqyr Jehovah hnuahiw ee nii, qapp lanw ee Siongrder vywsiuu ee zit; an'uir itcer ee vi'aix ee langg;

3 Dirr Zion vi'aix ee langg ing hueby sniuxsur ix, laii ter huexhux, hnuahiw ee iuu laii ter vi'aix, ylyw ee snxax laii ter iuciuu ee simx, hro inx cxingx juer qonggi ee ciu, dyrr si Jehovah soxx jraix :ee, laii henxbingg qaqi ee ingqngx.

4 Inx beh kixjy qoxjaw pahngx ee soxjai, qenwlip jaxjingg lingxjing ee uircur, iarr beh siuliw pahngx ee sniaa, dyrr si dairdai lingxjing ee uircur.

5 Guarbinrlangg beh kiw laii qor linw ee ngiuu-qrunn, guarvanglangg beh qra linw jyh cann, jiauwqor linw ee pudyhngg.

6 Linw beh cxingx juer Jehovah ee jewsix; langg beh cxingx linw juer lanw ee Siongrder ee ce'ing; linw beh jiah'ing ledqog ee jaibut, did diyc inx ee ingqngx laii kuakauw.

7 Linw beh did diyc qavue ee hokkir laii ter soxx sriu ee qenwsiaur; inx beh hnuahiw dirr inx soxx did .diyc ee hunrgiac, laii ter soxx sriu ee lingziok; soxiw dirr qingxlai beh did diyc qavue ee sanxgiap, ingxuanw ee kuaiwlok beh qruix hro inx.

8 In'ui Guaw Jehovah air qongvingg, uanwhun vutgi ee cniuxqiab; Guaw beh jiauww singsit vywingr inx, iarr beh qapp inx lip ingxuanw ee iog.

9 Inx ee horer beh dirr ledqog diongx hro langg bad ix, inx ee qniaxsunx dirr jiongww vecsnir diongx iarr si anxnix; qniwnarr knuar qnir inx :ee beh zin inx si Jehovah suwhog ee horer.

10 Guaw in'ui Jehovah dua dua hnuahiw, guaw ee simsinn in'ui guaw ee Siongrder dyrr kuaiwlok; in'ui Ix ing jinxqiur juer snxax qra guaw cing, ing qonggi juer pxaur qra guaw muax, cincniu sinqniaxsair dir suiw ee by, qycc cincniu sinniuu jngtna vyxmic.

11 In'ui toxde jnaixngiu hro vachang ee gnoxqog vuh gee, hngg jnaixngiu hro soxx jingr :ee huatsnix, Jruw Jehovah iarr beh anxnix hro qonggi qapp ylyw huatsnix dirr banrqog ee binrjingg.

62 Guaw in'ui Zion ee enqor dikkag byy jing jing, in'ui Jelusalem ee enqor dikkag byy hiyckunr, didqaur ix ee qonggi cincniu qngx decc huad cud, ix ee jinxqiur cincniu dingx decc dyc.

2 Ledqog beh knuar liw ee qonggi, led'ongg beh knuar liw ee ingqngx; liw beh did diyc cinghox sinx ee miaa, dyrr si Jehovah cincuir soxx cinghox :ee.

3 Liw beh dirr Jehovah ee ciuw-diongx juer suiw ee ongby, dirr liw ee Siongrder ee ciuxjniuw juer benxliuu.

4 Liw byy qycc cxingx juer Siurr kiwsag :ee, liw ee de iarr byy qycc cxingx juer Pahngx :ee; liw beh cxingx juer Guaw soxx hnuahiw :ee, liw ee de iarr beh cxingx juer U diongrhux :ee; in'ui Jehovah hnuahiw liw, liw ee de iarr beh juer u diongrhux :ee.

5 In'ui cincniu siauwlenlangg crua jairsikluw, liw ee vecsnir iarr beh anxnix crua liw; cincniu sinqniaxsair hnuahiw sinniuu, liw ee Siongrder iarr beh anxnix hnuahiw liw.

6 Jelusalem ar, Guaw dirr liw ee sniaa-dingw setlip siuxbang :ee, inx tong' zit tong' mii byy jing jing;

7 Kunxqiuu Jehovah :ee, linw m tangx hiyckunr, iarr m tangx hro Ix hiyckunr, didqaur Ix qenwlip Jelusalem, hro Jelusalem dirr derjniu jniaa juer tangx ylyw :ee.

8 Jehovah qiw qaqi ee jniar ciuw qapp dua quanlingg ee ciuxqud jiuwjua qongxx: Guaw dikkag byy qycc jiong' liw ee gnoxqog hro liw ee duiwdik juer jiahmic; guarvanglangg iarr byy qycc limx liw soxx diyhbuaa laii did .diyc ee sinx jiuw;

9 Dogdok hiaxee siuquah :ee beh jiac ix, laii ylyw Jehovah; hiaxee siukiyh :ee beh dirr Guaw sxingr sow ee ngi-lai limx ix.

10 Linw diyhh dui' snia'mngg qingquer, virvan vecsnir ee lo; tun quann tun quann duarlo, druu kir jiyhtauu; uirdiyhh ledqog kia dua qii.

11 Knuar ar, Jehovah bad tuanvyr qaur derqik, linw diyhh qra Zion ee vecsnir qongw: Knuar ar, liw ee jinxqiur laii lar; knuar ar, Ix ee sniuxsur dirr Ix hiax, Ix ee vywdab dirr Ix ee binrjingg.

12 Langg beh cxingx inx juer Sxingr ee vecsnir, Jehovah soxx sioghuee :ee; liw iarr beh cxingx juer Cue .diyc .ee, Byy siurr vangwsag ee sniaa.

63 Jitt xee dui' Edom laii, dui' Bozlah qaur, cing angg snxax, ijniuu hanggnow, u dua kuiwlat dua vo decc qniaa :ee si jirjui ar? Dyrr si Guaw, si jiauww qonggi qongxue, u dua kuiwlat e qniaa jinxqiur :ee.

2 Liw ee ijniuu jnaixngiu u angg sig, Liw ee ihok jnaixngiu cincniu dac jiuxkud :ee ar?

3 Guaw qaqi jit xee dac jiuxkud; jiongww vecsnir ee diongqanx byy jit langg qapp Guaw dilehh. Guaw siurkir dac inx, dua siurkir tunxdac inx; inx ee huih jnua dirr Guaw ee snxax, qycc bag lasamm Guaw itcer ee ijniuu.

4 In'ui vywsiuu ee zit dirr Guaw ee simlai, Guaw qiuwsiok Guaw ee vecsnir ee nii ixqing’ qaur.

5 Guaw knuar, iarr byy vangjan :ee, Guaw gonggniac in'ui byy u hucii :ee; soxiw Guaw qaqi ee ciuw qra Guaw qniaa jinxqiur; Guaw ee dua siurkir qra Guaw hucii.

6 Guaw siurkir dac ledvangx, dua siurkir hro inx cruir cruir; hro inx ee huih lrauu dirr de nirr.

7 Guaw beh jiauww Jehovah itcer soxx sniuxsur lanw :ee, qongw kiw Jehovah ee ju'air qapp Jehovah ee miasniax, qapp Ix ngr Islael-qrex soxx six ee dua xunx, dyrr si jiauww Ix ee linbinw qapp hongsing ee ju'air sniuxsur inx :ee.

8 In'ui Ix qongw: Inx jinjniar si Guaw ee vecsnir, byy qniaa huqew ee qniaxzii; anxnix Ix dyrr juer inx ee Qiuwjuw.

9 Dirr inx itcer ee koxlan diongx, Ix iarr drangg sriu koxlan, qycc Ix binrjingg ee suwjiaw jinxqiur inx; Ix ing ju'air qapp linbinw qiuwsiok inx; dirr qoxjaw ee zit siongsiongg py inx, quii inx.

10 Danrsi inx vuergik, hro Ix ee Sxingr Sinn iubun; Ix dyrr huanxdngw juer inx ee duiwdik, vunxsinx laii qongqig inx.

11 Vecsnir dyrr qir did qoxjaw Moses ee zit, qongw: Cua inx qapp Ix juann qrunn ee bogjiaw dui' haiw nirr cud .laii .ee, dirr dyclyc ar? Jiong' Ix sxingr ee Sinn he dirr inx diongqanx :ee, dirr dyclyc ar?

12 Hro Ix ingqngx ee ciuw dirr Moses ee jniar ciuw qniadang; dirr inx ee binrjingg jiong' juiw vunx kuix, beh uirdiyhh qaqi lip ingxuanw ee miaa;

13 Cua inx qingquer haiw-diongx cincniu bew qniaa dirr kongwiaw, hro inx byy diyhdag :ee, dirr dyclyc ar?

14 Jehovah ee Sinn hro inx did diyc anhiyh, cincniu jingsnix lyc qaur snuax-kax; anxnix Liw iarr cua Liw ee vecsnir, uirdiyhh qaqi qenwlip ingqngx ee miaa.

15 Qriuu Liw dui' tnix ngar lyc knuar, dui' Liw singwqed ingqngx ee soxjai knuar. Liw ee zedsimx qapp Liw dua quanlingg ee soxx juer dirr dyclyc ar? Liw tniawtangr ee simdngg qapp linbinw, duiww guaw tingjiw.

16 Ablaham suizenn m bad guanw, Islael m zin guanw, jongwxsirr Liw si guanw ee ve. Jehovah ar, Liw si guanw ee ve, dui' banrqow ixlaii, Liw ee miaa cxingx juer qiuwsiok guanw ee Jruw.

17 Jehovah ar, Liw sniaw su hro guanw qniaa cyr, lirkuix Liw ee lo, hro guanw ee simx gni, byy qingwuir Liw ar? Qriuu Liw uirdiyhh Liw ee lovok, uirr Liw ee sanxgiap jipair ee enqor, dywdngw .laii.

18 Liw sxingr ee vecsnir vutqyr jiamrsii did diyc jitt xee sanxgiap; guanw ee duiwdik ixqing’ tunxdac Liw ee sxingr sow.

19 Guanw cincniu dui' qoxjaw m bad hro Liw dirliw ee langg, cincniu m bad ing Liw ee miaa laii cinghox :ee.

64 Guan Liw lic kuix tnix laii qangwlimm, hro jiaxee snuax dinxdang dirr Liw ee binrjingg,

2 (Cincniu huew siyx dax caa, cincniu huew hro juiw qunw), hro Liw ee duiwdik jaix Liw ee miaa, hro ledqog dirr Liw ee binrjingg gniauhgniauc cuah.

3 Liw bad qniaa tangx qniax ee su, guanw soxx byy pacsngr, hitt sii Liw qangwlimm, jiaxee snuax dinxdang dirr Liw ee bingrjingg.

4 Dui' qoxjaw ixlaii langg m bad tniax .qnir, hnirkangx m bad tniax .qnir, bagjiux m bad knuar .qnir, dirr Liw ixgua u simxmih Siongrder, uirdiyhh tingwhau ix ee langg qniaa dairjir.

5 Liw gniajih hitt xee hnuahiw qniaa gi, qapp qiwliam Liw ee dyrlo ee langg. Knuar ar, Liw bad siurkir, guanw bad huanrjue, cincniu anxnix ixqing’ quw, guanw iauxx e did diyc qiur mah?

6 Guanw longxx cincniu byy cingkir ee langg, soxu ee gi longxx cincniu uwuer ee snxax; guanw longxx cincniu ciurhiyc jiamrjiam dax .kir; guanw ee juerquar cincniu hongx qra guanw cuex .kir.

7 Qycc byy langg qiuqiyr Liw ee miaa, byy langg cud lat knii diauu Liw; in'ui Liw ngx bin m knuar guanw, hro guanw in'ui guanw ee juerquar drir qaur siaubyy.

8 Jehovah ar, dnaxx Liw iuguann si guanw ee ve; guanw si too, Liw si siyhuii-saihu, guanw longxx si Liw ee ciuw soxx jy :ee.

9 Jehovah ar, Liw m tangx dua siurkir, iarr m tangx ingxuanw qiwliam juerquar; qriuu Liw ngar lyc laii knuar, guanw longxx si Liw ee vecsnir.

10 Liw jiaxee sxingr sniaa vnir juer kongwiaw, Zion vnir juer kongwiaw; Jelusalem jniaa juer pahngx.

11 Guanw sxingr qycc suiw ee cur, dyrr si guanw ee ledjow ylyw Liw ee soxjai, hro huew siyliyx .kir; guanw soxx himbo :ee longxx honghuer.

12 Jehovah ar, u jiaxee su, Liw iauxx zimw e diauu mah? Liw iauxx jing jing, hro guanw cimx cimx sriu koxlan mah?

65 Vingsor m bad mng Guaw :ee, dnaxx Guaw hro inx mng; bue u cue Guaw :ee, dnaxx Guaw hro inx duw .diyc; bue u qiuqiyr Guaw ee miaa :ee, Guaw duiww inx qongw: Guaw dirr jiax, Guaw dirr jiax.

2 Guaw tong' zit crunx ciuw ngr hiaxee vuergik ee vecsnir; inx cutjai qaqi ee iwsur, qniaa m hyw ee lo.

3 Jiaxee vecsnir siongsiongg dng' bin ziaw diyc Guaw ee siurkir; dirr hngg-diongx henwjer, dirr jnghia dingw siyx hniux,

4 Kiarkiw dirr bong-lai, hiyh dirr unxbat ee soxjai, jiac dibah, inx ee kiwqu lai u kyxngor ee mic juer tngx; qycc duiww langg qongw:

5 Liw diyhh kia kuix, m tangx uaw qin guaw, in'ui guaw viw liw kacc sxingr; jiaxee langg si Guaw pnirkangx diongx ee huexhunx, si tong' zit decc dyc ee huew.

6 Knuar ar, jex longxx siaw dirr Guaw ee binrjingg; Guaw byy beh jing jing, dikkag beh qniaa vywingr, vywingr dirr inx ee hxingx-jingg.

7 Jehovah qongw: In'ui linw ee juerog, qapp linw ee ledjow ee juerog, dirr snuax nirr siyx hniux, dirr nxiaw-dingw setdok Guaw. Soxiw Guaw beh jiauww inx vingsor soxx qniaa :ee, vywingr dirr inx ee hxingx-jingg.

8 Jehovah anxnix qongw: Cincniu dirr pudypax lai duw diyc u sinx jiuw. U langg qongw: M tangx huixhuai, in'ui u hokkir dirr hitt lairbin, Guaw in'ui Guaw jiaxee lovok ee enqor, iarr beh jiauww anxnix laii qniaa, byy beh itjin bet inx.

9 Guaw beh dui' Jakob ee diongqanx cua cud horer, dui' Judah ee diongqanx cua cud singjiab Guaw ee jiongww snuax :ee; Guaw qingw ee vecsnir beh singjiab Ix, Guaw jiaxee lovok beh dirr hiax kiarkiw.

10 Salon beh jniaa juer cri ngiuu ee soxjai, Akor ee snuaqog beh jniaa juer guu-qrunn dyw decc kunr ee soxjai; longxx si beh hro cue Guaw ee vecsnir soxx did .diyc.

11 Linw jiaxee vangwsag Jehovah, be qir did Guaw ee sxingr snuax, qra Gad vran dyh, qra Meni quanwden diauhyy ee jiuw :ee;

12 Guaw beh juwdnia linw qruix dirr dyx-xe; longxx beh kutsinx siurr taii; in'ui Guaw qiyr, linw byy rinr, Guaw qongxue, linw byy tniatanr, huanxdngw qniaa Guaw bagjiux diongx knuar juer pnaiw :ee, qingw Guaw soxx byy hnuahiw :ee.

13 Soxiw Jruw Jehovah anxnix qongw: Knuar ar, Guaw ee lovok beh jiac, linw beh iaux; knuar ar, Guaw ee lovok beh limx, linw beh cuiwdax; knuar ar, Guaw ee lovok beh hnuahiw, linw beh qenwsiaur.

14 Knuar ar, Guaw ee lovok, in'ui simx kuaiwlok, cud hnuahiw ee sniax, linw beh in'ui simx iuciuu aikaur, qycc in'ui simsinn iusiongx aihauw.

15 Linw beh lauu linw ee miaa, hro Guaw qingw ee vecsnir qiw ix laii jiuwjow. Jruw Jehovah beh taii linw; lingrgua ing sinx ee miaa cxingx Ix ee lovok.

16 Anxnix dirr derjniu uirr qaqi qriuu hokkir :ee, beh ngr jinsit ee Siongrder qriuu hokkir; dirr derjniu laii jiuwjua :ee, beh qiw jinsit ee Siongrder laii jiuwjua; in'ui jaxjingg ee huanrlan ixqing’ be qir .did, iarr dui' Guaw ee bagjiux jingg kngr bat.

17 Knuar ar, Guaw congwjy sinx tnix sinx de, ixjingg ee su byy qycc qiwliam, iarr byy qycc duisniu.

18 Linw diyhh in'ui Guaw soxx congwjy :ee laii ingxuanw hnuahiw kuaiwlok; in'ui Guaw congwjy Jelusalem juer hnuahiw :ee, congwjy ix ee vecsnir juer kuaiwlok :ee.

19 Guaw beh in'ui Jelusalem laii hnuahiw, in'ui Guaw ee vecsnir laii kuaiwlok; qidiongx dikkag byy qycc tniax qnir tikaur ee sniax, qapp aihauw ee sniax.

20 Qidiongx dikkag byy u quiw zit aw siw .kir ee ngex-aw, iarr byy u huewsiu byy muaxjiog ee laurlangg; in'ui jit-vah huer siw :ee, iauxx sngr si ginxaw, jit-vah huer siw ee juerzinn, iauxquxx si siurr jiuwjow :ee.

21 Inx beh kiw cur, qaqi kiarkiw; jaijingr pudyhngg laii jiac ix ee quexjiw.

22 Inx byy beh kixjy, hro vadd langg kia ix; inx byy beh jaijingr, hro vadd langg jiac ix; in'ui Guaw ee vecsnir ee zidjiw beh cincniu ciu ee zidjiw; Guaw qingw ee vecsnir cinciuw diyhbuaa did .diyc .ee beh quxdngg hiongxsiu ix.

23 Inx dikkag byy kangx kangx diyhbuaa, soxx snix :ee iarr byy duw diyc jaihai; in'ui inx longxx si did diyc Jehovah suwhog ee horer, inx ee qniaxsunx iarr beh qapp ix u hxun.

24 Inx iauxx bue qiuqiyr, Guaw dyrr rinr ix, duxduxx decc qongw ee sii, Guaw dyrr tniax ix.

25 Cailongg beh qapp ngiuqyx snaqab jiac, sraix beh jiac cauw cincniu guu; tohunw beh juer juaa ee jiahmic. Dirr Guaw ee sxingr snuax, venww de longxx byy sunxsiongx, byy janhai; jex si Jehovah qongw :ee.

66 Jehovah anxnix qongw: Tnix si Guaw ee jyrui, de si Guaw ee kadah'iw; linw beh qra Guaw kiw simxmih hy ee cur? Simxmih hy ee soxjai, si juer Guaw anhiyh ee derhngx ar?

2 Jehovah qongw: Jiaxee longxx si Guaw ee ciuw soxx congwjy :ee, soxiw jiaxee dyrr longxx u; jongwsirr Guaw soxx knuar .qnir .ee, dyrr si kiamhix simx tongwhuew, in'ui Guaw ee ue laii gniauhgniauc cuah ee langg.

3 Taii guu byy qycngiu taii langg; henr ngiuu byy qycngiu qongwjic qxauw ee amrqunw; henr lexmic byy qycngiu henr dihuih; siyx zuxhniux byy qycngiu ylyw gnoxsiong; inx qingw qaqi ee dyrlo, simx hnuahiw inx kyxngor ee su.

4 Guaw iarr qingw behik inx ee su, hro inx soxx qniahniaa :ee limqaur inx; in'ui Guaw qiyr, byy langg rinr; Guaw qongxue, inx byy tniatanr; huanxdngw qniaa Guaw bagjiux diongx knuar juer pnaiw :ee, qingw Guaw soxx byy hnuahiw :ee.

5 Linw in'ui Jehovah ee ue laii gniauhgniauc cuah ee langg, diyhh tniax Ix ee ue. Linw ee hniadi uanwhun linw, in'ui Guaw ee miaa qikdiok linw :ee, bad qongw: Guan Jehovah did diyc ingqngx, hro guanw did diyc knuar qnir linw ee hnuahiw; jongwsirr inx beh duw diyc qenwsiaur.

6 U suanhuax ee sniax dui' sniaa-lai cud, u sniax dui' dxen-lai cud, dyrr si Jehovah vywingr Ix ee duiwdik ee sniax.

7 Zion iauxx bue duw diyc snix qniaw ee qankow, dyrr singsanw; iauxx bue jaix tangwtniar, dyrr snix davoqniaw.

8 Cincniu jitt hy su, jirjui bad tniax .qnir? Jiaxee su jirjui bad knuar .qnir ar? Qog qamxx e jit zit laii snix? Vecsnir qamxx e diap aw quw laii cutsir? In'ui Zion jid'err duw diyc snix qniaw ee qankow, dyrr snix qniaxzii.

9 Jehovah qongw: Guaw ixqing’ hro ix limpunn, qamxx byy hro ix snix cud mah? Liw ee Siongrder qongw: Guaw hro langg snix qniaw, qamxx qnuaix bat ix ee txex mah?

10 Linw jiaxee tniar Jelusalem :ee, diyhh qapp ix drangg kuaiwlok, uirr ix hnuahiw. Linw uirdiyhh ix vi'aix :ee, danxx diyhh qapp ix hnuahiw kuaiwlok.

11 Drir qaur linw tangx suh ix ee an'uir ee lintauu laii did diyc vaw; hro linw did diyc ix hongsing ee ingqngx, cincniu cue diyc linw, muaxsimx hnuahiw.

12 Jehovah anxnix qongw: Knuar ar, Guaw beh hro ving'anx kuikuah qaur dirr ix, cincniu qanghyy; hro ledqog ee ingqngx qaur dirr ix, cincniu diongwmuaw ee hyy; linw beh hiongxsiu ix, linw beh did diyc py dirr sinvnix, iyy dirr katau'ux dingw.

13 Cincniu langg did diyc ix ee laurbuw an'uir ix, Guaw iarr beh anxnix an'uir linw; linw iarr beh dirr Jelusalem did diyc an'uir.

14 Linw knuar .qnir, simx dyrr kuaiwlok; linw ee qud beh did diyc zunrdik, cincniu nngw nngw ee cauw jidngiu. Qycc Jehovah ee ciuw beh henxhen dirr Ix ee lovok; Ix iarr beh siurkir Ix ee duiwdik.

15 Knuar ar, Jehovah beh dirr huew-diongx qangwlimm, Ix ee ciax cincniu qngxlehongx, ing dua siurkir qniaa vywingr, ing huexiam qniaa jikhuat.

16 In'ui Jehovah beh ing huew ing dyx qapp itcer u hetkir ee langg jingjenr, hro Jehovah soxx taii .siw .ee jerje.

17 Hiaxee hunvet juer sxingr, cingkir qaqi :ee, jinwzip dirr hngg-lai, qunduer hitt diongqanx jit xee langg ee aurbin, jiac dibah qapp kyxngor ee mic qapp niauxciw; inx beh juer jit xe bedbyy. Jex si Jehovah qongw :ee.

18 In'ui Guaw jaix inx ee qniajuer qapp inx ee liamrtauu; sii qaur Guaw beh jurjip banrvecsnir banrqog; inx beh laii, beh knuar Guaw ee ingqngx.

19 Guaw beh sed qiwhy dirr inx diongqanx; dyjauw :ee, Guaw beh crex inx qaur ledqog, dyrr si qaur Tarsis, Pul, kuix qringx ee Lydia, qapp Tubal, Gleek, qapp vingsor bue u tniax qnir Guaw ee miasniax, bue u knuar qnir Guaw ee ingqngx, hng hng ee haixsu; inx beh jiong' Guaw ee ingqngx tuanvyr dirr ledqog diongx.

20 Inx beh sangr linw ee jiongww hniadi dui' ledqog diongx dyr .laii, hro inx uree kiaa bew, uree jre ciax, jre qiy, kiaa lyy, kiaa logdyy, qaur Guaw ee sxingr snuax Jelusalem, juer lexmic henr hro Jehovah, cincniu Islaellangg ing cingkir ee kiwqu drew lexmic henr dirr Jehovah ee cur. Jex si Jehovah qongw :ee.

21 Jehovah qongw: Guaw beh dui' inx diongqanx, cruw langg juer jewsix, juer Levilangg.

22 Jehovah qongw: In'ui Guaw soxx jy ee sinx tnix sinx de, dirr Guaw ee binrjingg dngdngg dilehh; cincniu anxnix, linw ee horer qapp linw ee miazi, iarr beh dngdngg dilehh.

23 Dagg vaiw duw diyc guec ee ceid, dagg vaiw duw diyc Anhiyczit, qniwnarr u hetkir :ee, beh qaur Guaw ee binrjingg quirvair. Jex si Jehovah qongw :ee.

24 Inx beh cud kir knuar hiaxee vuergik Guaw ee langg ee sinsix; in'ui inx ee tangg be siw, inx ee huew be huax; qniww u hetkir :ee longxx beh iamwngor inx.

huedngw tauu iac