Mateo Hok'imx

1 Ablaham ee horer, David ee horer, Jesus Krist ee qapow.

2 Ablaham snix Isaac; Isaac snix Jakob; Jakob snix Judah qapp ix ee hniadi;

3 Judah dui' Tamar sri snix Pelez qapp Zelah; Pelez snix Hezlon; Hezlon snix Alam;

4 Alam snix Amminadab; Amminadab snix Nahson; Nahson snix Salmon;

5 Salmon dui' Lahab sri snix Boaz; Boaz dui' Lut sri snix Obed; Obed snix Jesse;

6 Jesse snix David Ongg. David dui' Uliah ee bow snix Solomon;

7 Solomon snix Loboam; Loboam snix Abijah; Abijah snix Asa;

8 Asa snix Josafat; Josafat snix Jolam; Jolam snix Uzziah;

9 Uzziah snix Jotam; Jotam snix Ahaz; Ahaz snix Hezekiah;

10 Hezekiah snix Manasseh; Manasseh snix Amon; Amon snix Josiah.

11 Vecsnir siurr censuaw, qaur Babylon ee sii, Josiah snix Jekoniah qapp ix ee hniadi.

12 Censuaw qaur Babylon liauxau, Jokoniah snix Sealtiel; Sealtiel snix Zelubbabel,

13 Zelubabbel snix Abiud; Abiud snix Eliakim; Eliakim snix Azor;

14 Azor snix Zadok; Zadok snix Aqim; Aqim snix Eliud;

15 Eliud snix Eleazar; Eleazar snix Mattan; Mattan snix Jakob;

16 Jakob snix Josef, dyrr si Malia ee angsair. Cxingx juer Jesus Krist :ee, dyrr si dui' jitt xee Malia snix :ee.

17 Anxnix, dui' Ablaham qaur David, qiong jap-sir dai; dui' David qaur censuaw kir Babylon ee sii, iarr si jap-sir dai; dui' censuaw kir Babylon ee sii qaur Krist, qycc jap-sir dai.

18 Jesus Krist ee cutsir qir dirr erdew: Ix ee laurbuw Malia ixqing' juer hro Josef, iauxx bue ho'ngg crua quer mngg, dyrr dui' Singwsinn hiax u sin'in.

19 Ix ee angsair Josef si u gi ee langg, byy rair sniu' henxbingg laii vran ix, anwsngr beh amwjni laii huexcinx.

20 Dngdecc sniu ee sii, u Jruw ee tnisair dirr ix ee binbang diongx cuthen, qongw, "David ee horer, Josef ar, mrbenw qniax, diyhh crua liw ee bow Malia quer mngg; in'ui ix si dui' Singwsinn hiax laii huai'in :ee.

21 Ix beh snix Qniaw, liw diyhh qra Ix ee miaa hy juer Jesus; in'ui Ix beh qiur Ix ee vecsnir tuad cud inx ee juerog."

22 Jitt xee su longxx u jniaa. Jex si beh ingwgiam Jruw tog sendix soxx qongw :ee, qongw,

23 "Knuar ar, jairsikluw beh u sin'in, snix Qniaw, langg beh qiyr Ix ee miaa juer Immanuel," qra huan'ik .cud .laii, dyrr si "Siongrder qapp lanw dilehh" ee iwsur.

24 Josef kunr cnew .kiw .laii, jiauww Jruw ee tnisair soxx bingrling :ee kir qniaa. Ix qra bow crua quer mngg;

25 Byy qapp ix dangvangg, itdit qaur ix snix Qniaw uijiw. Ix dyrr qra Ix ee miaa hy juer Jesus.

2 Dng' Helod Ongg ee sii, Jesus ixqing' dirr Judea ee Betlehem cutsir. U quixnarr xee poksu dui' danghngx laii qaur Jelusalem, qongw,

2 "Cutsir beh laii juer Judealangg ee Ongg :ee dirr daxlyc? Guanw dirr danghngx u knuar qnir Ix ee cnxix, juanqangx laii beh vair Ix."

3 Helod Ongg tniax .qnir dyrr vecvag, tong' Jelusalem ee langg iarr si anxnix.

4 Ix dyrr jurjip jiongww jewsitauu, qapp binqanx ee qinghagsu, mng inx "Krist ingqaix e dirr simxmih soxjai cutsir?"

5 Inx qra ix qongw, "Dirr Judea ee Betlehem; in'ui sendix u qiwjair qongxx,

6 'Judah-de ee Betlehem ar, dirr Judah jiaxee toxde diongx, liw m si derr id ser :ee; in'ui beh u jit xee Zinqunx dui' liw hiax cud, laii jiauwqor Guaw ee Islael vecsnir.'"

7 Dui' anxnix, Helod amwjni driaur poksu laii, an' inx hiax beh siongser craa cud hitt xee cnxix cuthen ee sii.

8 Ix dyrr crex inx kir Betlehem, qongw, "Linw kir siongser tamwtniax hitt xee Ngex-aw ee su, cue .diyc, dyrr laii qra guaw qongw, hro guaw iarr tangx kir vair Ix."

9 Inx tniax ongg ee ue liauxau dyrr kir. Hutzenqanx, jit liap inx dirr danghngx soxx knuar .qnir ee cnxix juer tauu decc cua inx, itdit qaur Ngex-aw ee soxjai, dyrr hiyh dirr hitt dingxbin.

10 Inx knuar qnir hitt xee cnxix, hnuahiw qaur be qor .did.

11 Inx zip kir cur nirr, knuar qnir Ngex-aw qapp Ix ee laurbuw Malia, dyrr pag lyc kir vair Ngex-aw. Inx qra inx ee vyxac kuix .kuix, henr lexmic hro Ix, u ngqimx, zuxhniux, bud'iyc.

12 Inx qycc dirr binbang diongx did diyc jixdiamw, qar inx qongxx m tangx dywdngw kir jiurqin Helod. Inx dyrr dui' vadd diauu lo dyr kir vunxsoxjai.

13 Inx dyr .kir liauxau, jit xee Jruw ee tnisair dirr Josef ee binbang diongx cuthen, qongw, "Kiw .laii, cua Ngex-aw qapp Ix ee laurbuw jauw kir Egipt, druar hiax itdit qaur guaw qra liw huanhur; in'ui Helod cue Ngex-aw si beh bet Ix."

14 Ix dyrr kiw .laii, tauwmee cua Ngex-aw qapp Ix ee laurbuw kir Egipt,

15 Druar dirr hiax itdit qaur Helod siw. Jex si beh ingwgiam Jruw tog sendix soxx qongw :ee, "Guaw bad driaur Guaw ee Qniaw cud Egipt."

16 Hitt sii, Helod hro poksu sed .kir, ix dyrr dua siurkir. Jiauww ix dui' poksu hiax siongser craa .diyc ee sisinn, ix dyrr crex langg jiong' Betlehem qapp jiu'uii huanrnarr nng huer ixha soxu ee javodingx itjin qra taii .siw.

17 Anxnix, dyrr ingwgiam jaxjingg tog sendix Jelemiah soxx qongw :ee, qongw,

18 "Dirr Lamah, u tniax qnir sniax, tikaur qycc dua siongvix ee sniax. Hex si Laqel decc kaur ix ee qniaxzii. Ix m guan siurr langg' ee an'uir, in'ui inx byy .kir .ar."

19 Helod siw liauxau, dirr Egipt, Jruw ee tnisair dirr Josef binbang diongx cuthen, qongw,

20 "Kiw .laii, cua Ngex-aw qapp Ix ee laurbuw kir Islael-de; in'ui hitt quaw beh hai Ngex-aw ee sniwmia :ee ixqing' siw lar."

21 Ix dyrr kiw .laii, cua Ngex-aw qapp Ix ee laurbuw qaur Islael-de.

22 Danrsi Josef jid'err tniax qnir qongxx Arqelaus suawjiab ix ee laurve Helod dirr Judea juer ongg, dyrr m qnaw kir hiax. Ix qycc dirr binbang diongx did diyc jixdiamw, dyrr trer kir Galilee ee qingxlai,

23 Qaur jit xee sniaa, miaa Nazalet, diamr hiax kiarkiw. Jex si beh ingwgiam jaxjingg tog jiaxee sendix soxx qongw :ee, qongw, "Ix beh qiyr juer Nazaletlangg."

3 Dng' hitt sii, qniaa sexlew ee Johan laii dirr Judea ee kongwiaw suantuann qongxx,

2 "Linw diyhh huanxhuew; in'ui tenqog qin lar."

3 Jitt xee langg dyrr si Jruw tog sendix Isaiah soxx qiw :ee, qongw, "U langg dirr kongwiaw decc qiyr, hitt xee sniax si decc qiyr qongxx, 'Virvan Jruw ee dua lo, sriux dit Ix ee siyw lo.'"

4 Jitt xee Johan cing logdymngg ee snxax, iyx haa pueduar; ix soxx jiac :ee si cauxmeh qapp snua'iaw ee bit.

5 Hitt sii Jelusalem qapp tong' Judea-de, ixqip Jordan siwhngx ee jiongww langg cud laii jiurqin ix;

6 Dirr Jordan Hyy dui' ix siurr sexlew, qycc zin inx ee jue.

7 Johan knuar qnir Falise qapp Sadduce ee langg, jerje laii jiurqin ix ee sexlew, dyrr qra inx qongw, "Dogjuaa ee jingxlui ar, jirjui jixsi linw laii siamxvi jionglaii ee siurkir ar?

8 Soxiw linw diyhh qed hitt hy huanxhuew ee quexjiw.

9 M tangx qaqi pacsngr qongxx, 'U Ablaham juer guanw ee ve.' Guaw qra linw qongw, Siongrder e dui' jiaxee jiyhtauu cud qniaxsunx laii hro Ablaham.

10 Dnaxx voxtauu ixqing' he dirr ciurtauu; qniwnarr ciu byy qed hyw quexjiw :ee, dyrr beh qra cyr, qycc beh qra hed lyc huew.

11 Guaw ing juiw qra linw qniaa sexlew, beh hro linw huanxhuew. Danrsi hitt xee duewbuew guaw laii :ee, e viw guaw kacc u quanlingg, Ix ee ree, guaw dy' byy qraur qeh qra tec; Ix beh ing Singwsinn qapp huew qra linw sew.

12 Ix ee ciuw tec vuawqix, beh jiong' Ix hitt xee dniuu itjin vniar hro cingkir, qra Ix ee bec siux zip kir cngkor; narr behhniu, dyrr beh ing be huax ee huew qra siyx."

13 Hitt sii, Jesus dui' Galilee qaur Jordan, jiurqin Johan, beh dui' ix siurr sexlew.

14 Danrsi Johan joxjiw Ix, qongw, "Guaw habqaix dui' Liw siurr sexlew jiacc driyc. Liw suacc huanxdngw laii jiurqin guaw mah?"

15 Jesus rinr ix qongxx, "Dnaxx cniaw liw rinw Guaw, in'ui lanw habgii diyhh anxnix laii jin longxjongw ee gi." Johan dyrr rinw Ix.

16 Jesus ixqing' siurr sexlew, liamvnix dyrr dui' juiw nirr kiw .laii. Tnix hutzenqanx uirdiyhh Ix kuix. Ix dyrr knuar qnir Siongrder ee Sinn, cincniu jnixaw qangwlimm dirr Ix ee dingxbin.

17 Qycc dui' tnix hiax u snia'imx, qongw, "Jitt xee si Guaw ee Aiwjuw, si Guaw soxx hnuahiw :ee."

4 Hitt sii Jesus hro Singwsinn cua qaur kongwiaw, beh siurr moquiw ciwtamr.

2 Ix ixqing' qimwjiac sir-jap mizit, au .laii dyrr iaux :ar.

3 Cir :ee uaw laii qra Ix qongw, "Liw narr si Siongrder ee Qniaw, dyrr qra jiaxee jiyc venr juer vniaw."

4 Danrsi Ix rinr qongxx, "U qiwjair qongxx, 'Langg ee uac, m na uaxkyr vniaw, si uaxkyr dui' Siongrder ee cuir soxx cud :ee longxjongw ee ue.'"

5 Moquiw dyrr cua Ix qaur singwsniaa, hro Ix kia dirr dxen ee buexliux,

6 Qra ix qongw, "Liw narr si Siongrder ee Qniaw, diyhh qaqi tiaur .lyc .kir; in'ui u qiwjair qongxx, 'Ix beh uirdiyhh liw laii bingrling Ix ee tnisair. Inx beh ing ciuw huu liw, benw did liw ee kax dag diyc jiyc.'"

7 Jesus qra ix qongw, "Qycc u qiwjair qongxx, 'M tangx cir Jruw, liw ee Siongrder.'"

8 Moquiw qycc cua Ix jnriu qik quann ee snuax, ing tnikae banrqog qapp inx ee ingqngx hro Ix knuar;

9 Qra Ix qongw, "Liw narr pag lyc kir vair guaw, jiaxee guaw longxx hro liw."

10 Jesus dyrr qra ix qongw, "Satan, trer kir; in'ui u qiwjair qongxx, 'Diyhh vair Jruw, liw ee Siongrder; dogdok hogsai Ix nardnia.'"

11 Dui' anxnix, moquiw lirkuix Ix. U tnisair qaur, beh laii suhau Ix.

12 Jesus tniax qnir Johan qnuaiqnax, dyrr trer kir qaur Galilee;

13 Lirkuix Nazalet, kir Kapernaum kiarkiw. Jitt xee soxjai dirr haiw-vnix, si dirr Zebulun qapp Naftali ee qauqair.

14 Jex si beh ingwgiam jaxjingg tog sendix Isaiah soxx qongw :ee, qongw,

15 "Zebulun ee de, Naftali ee de, en' haiw-qnii ee lo, Jordan Hyy gua, guarvangx ee Galilee;

16 Jre dirr oamr diongx ee vecsnir, bad knuar qnir dua qngx; jre dirr siximr ee de :ee, u qngx kiw laii jiyr inx."

17 Dui' hitt sii, Jesus kixtauu suantuann qongxx, "Linw diyhh huanxhuew, in'ui tenqog qin lar."

18 Jesus qniaa dirr Galilee ee haiw-qnii, knuar qnir nng xee hniadi-aw, dyrr si Simon, qiyr juer Peter, qapp ix ee hniadi Andlew, dirr haiw nirr prax bxang, in'ui inx si tyxhaixlangg.

19 Ix dyrr qra qongw, "Laii duer Guaw, Guaw beh hro linw did diyc langg cincniu did diyc hii."

20 Inx sui' qra bxang vangr .lyc .laii, laii duer Ix.

21 Dui' jiax qycc kir, qycc knuar qnir nng xee hniadi-aw, dyrr si Zebedee ee qniaw James qapp ix ee hniadi Johan. Inx qapp inx laurve Zebedee dirr junn nirr decc vow bxang. Jesus jiyx inx.

22 Inx sui' lirkuix junn, vaiwvet inx ee luarve, laii duer Ix.

23 Jesus venww qniaa Galilee, dirr inx ee huerdngg qawsi, suantuann tenqog ee hok'imx, rix hyw vecsnir qranx dagg ngiu jingwtauu qapp vnirtniar.

24 Ix ee miasniax vywiongg qaur tong' Sylia; huanrnarr u drir vni :ee, duw diyc jerje ngiu ee jingwtauu qapp tangwtniar :ee, huan diyc qxuiw :ee, ngiuhinn :ee, venwsui :ee, narr cua inx laii jiurqin Ix, Ix dyrr rix hyw inx.

25 Hitt sii, dui' Galilee, Dekapolis, Jelusalem, Judea, qapp Jordan Hyy gua, u jerje din ee langg laii duer Ix.

5 Jesus knuar qnir hiaxee qui' din ee langg, dyrr vreh jnriu snuax. Ix jre .lyc .laii ixau, Ix ee hagsingx jiurqin Ix.

2 Ix kuix cuir qawsi inx qongxx,

3 "Simlai songwhiongx ee langg u hokkir, in'ui tenqog si inx ee.

4 Iubun ee langg u hokkir, in'ui inx beh siurr an'uir.

5 Unziuu ee langg u hokkir, in'ui inx beh singjiab toxde.

6 Himbo girlangg :ee u hokkir, in'ui inx beh did diyc vaw.

7 Linbinw langg' ee langg u hokkir, in'ui inx beh did diyc linbinw.

8 Simqnuax cingkir ee langg u hokkir, in'ui inx beh knuar qnir Siongrder.

9 Hro langg' hyvingg ee langg u hokkir, in'ui inx beh cxingx juer Siongrder ee qniaw.

10 Uirdiyhh gi bad siurr kunxdiok ee langg u hokkir, in'ui tenqog si inx ee.

11 Uirdiyhh Guaw, langg' jiacc luexme linw, kunxdiok linw, huixvongr linw banrhang ee pnaiw, linw dyrr u hokkir.

12 Diyhh hnuahiw kuaiwlok, in'ui linw dirr tnix nirr ee vywsniuw si dua; in'ui linw ixjingg ee sendilangg, langg' iarr anxnix kunxdiok inx.

13 Linw si derjniu ee iamm, narr srid bi, beh anxjnuaw hro ix qycc qiamm? Venr juer byy loring ee mihqnia liauxau, dyrr ho'ngg hed dirr guarbin, hro langg' tunxdac nardnia.

14 Linw si sewqanx ee qngx; sniaa kiw dirr snuax-dingw, si byy huatdo qra cangr .kiw .laii.

15 Byy langg e qra dinghuew he dirr dauw-xe, rair he dirr dingdaii dingw, anxnix dyrr erdangr jiyr cur-lai ee langg.

16 Linw ee qngx iarr diyhh jiyr dirr langg ee binrjingg, hro inx knuar qnir linw soxx qniaa ee hyw, laii qruix ingqngx hro linw dirr tnix nirr ee Ve.

17 M tangx pacsngr qongxx Guaw laii si beh huewbyy ludhuad iacc si sendix; Guaw laii m si beh huewbyy, si beh ingwgiam.

18 Guaw sidjai qra linw qongw, dyrr si qaur tnide huewbyy, ludhuad ee jit diamw jit uic iarr quatduan be huewbyy, itdit qaur longxjongw jniaa uijiw.

19 Soxiw qniwnarr huixhuai jiaxee qaiwbing jixbii ser ee jit diauu, suacc qawsi langg anxnix juer :ee, dirr tenqog beh cxingx ix juer jixbii ser; dogdok qniwnarr u qniaa, qycc u qawsi langg' :ee, dirr tenqog beh cxingx ix juer dua.

20 In'ui Guaw qra linw qongw, setsuw linw ee gi byy ngiaa quer qinghagsu qapp Faliselangg ee gi, linw quatduan berdid zip tenqog.

21 Linw bad tniax qnir u duiww qoxjaxlangg qongw ee ue, 'M tangx hai siw langg; hai siw langg diyhh siurr simxpnuar.'

22 Danrsi Guaw qra linw qongw, qniwnarr duiww ix ee hniadi siurkir :ee, diyhh siurr simxpnuar; qniwnarr duiww ix ee hniadi qongw 'Rlaka (huiwbut)' :ee, diyhh siurr qonghue vran; qniwnarr qongw 'Moli (gong)' :ee, diyhh siurr dergak ee huew.

23 Soxiw liw narr dirr jewdnuaa jingg decc henr liw ee lexmic, narr dirr hiax sniu diyc liw ee hniadi duiww liw u simxmih vutbuanw,

24 Diyhh qra liw ee lexmic vangr dirr dnxuaa-jingg, dairsingx kir qapp liw ee hniadi hyhyw, zen'au jiacc laii henr liw ee lexmic.

25 Liw qapp liw ee duiwdik narr iauxx dirr lo nirr, diyhh qinw qinw qapp ix hxyy, benw did duiwdik qra liw qaux hro simxpnuawqnuax, simxpnuawqnuax qra liw qaux hro ge'iac, liw dyrr e siurr qnuaix lyc qnax.

26 Guaw sidjai qra liw qongw, jit sxix jit lii bue hingg jinwjingg, liw quatduan byy huatdo an' hiax cud .laii.

27 Linw bad tniax qnir u anxnix qongw, 'M tangx qniaa qan'imm.'

28 Danrsi Guaw qra linw qongw, qniwnarr knuar qnir hurluw laii kiw iogliam :ee, simlai ixqing' imm ix.

29 Setsuw liw ee jniawbak drir qaur liw huanrjue, diyhh qra iah hetqag; lingkow vactew songwsid jit tew, benw did liw juann srinx hed lyc dergak.

30 Setsuw liw ee jniawciuw drir qaur liw huanrjue, diyhh qra jam hetqag; lingkow vactew songwsid jit tew, benw did liw juann srinx kir dergak.

31 Qycc u ue anxnix qongw, 'Langg narr beh lii ix ee bow, diyhh ing lisux hro ix.'

32 Danrsi Guaw qra linw qongw, qniwnarr m si uirdiyhh qan'imm ee enqor laii lii ix ee bow, dyrr si beh qiyr ix juer im'hing ee dairjir; qniwnarr crua soxx lii :ee, iarr si qniaa qan'imm.

33 Qycc linw bad tniax qnir u duiww qoxjaxlangg qongw, 'M tangx uivue jiuwjua, liw soxx jxiur ee jxua, diyhh hingg hro Jruw.'

34 Danrsi Guaw qra linw qongw, itkair m tangx jiuwjua; m tangx qiw tnix, in'ui tnix si Siongrder ee jyrui;

35 M tangx qiw de, in'ui de si Ix ee kadac; m tangx qiw Jelusalem, in'ui hex si dua Zinqunx ee sniaa.

36 Iarr m tangx qiw liw ee taukag laii jiuwjua, in'ui liw byy jaidiau hro jit qix taumngg venr ox venr vec.

37 Si, linw dyrr qongw 'Si'; m si, dyrr qongw 'M si'; jiaxee ixgua longxx si dui' pnaiw :ee cud :ee.

38 Linw bad tniax qnir u anxnix qongw, 'Bagjiux vuee bagjiux, cuiwkiw vuee cuiwkiw.'

39 Danrsi Guaw qra linw qongw, m tangx qapp pnaiw :ee dixdik; narr u langg senr liw jniawvingg ee cuiwpuew, dywvingg :ee iarr uat hro ix senr.

40 U langg rair beh qryr liw, qycc beh tec liw ee lairsnax, liw ee guarsnax iarr suacc vangr hro ix.

41 U langg benxqiongw liw qniaa jit lxiw, dyrr qapp ix qniaa nng lxiw.

42 Duiww liw qriuu :ee, dyrr hro ix; beh qra liw jiyh :ee, m tangx tesii.

43 Linw bad tniax qnir u anxnix qongw, 'Diyhh tniar liw ee cuwvnix, uanwhun liw ee duiwdik.'

44 Danrsi Guaw qra linw qongw, qapp linw duiwdik :ee, diyhh tniar inx; kunxdiok linw :ee, diyhh ter inx qidyw;

45 Anxnix jiacc hro linw jniaa juer linw dirr tnix nirr ee Ve ee qniaw; in'ui Ix hro Ix ee zidtauu jiyr pnaiw langg qapp hyw langg, iarr ing ho ag gi qapp vitgi ee langg.

46 Linw narr tniar tniar linw :ee, u simxmih vywsniuw? Hiaxee tiux hxiongr :ee qamxx byy anxnix qniaa mah?

47 Linw qandna' cingxanx linw ee hniadi, u simxmih kacc ngiaa langg'? Guarvanglangg qamxx byy anxnix qniaa mah?

48 Soxiw linw diyhh sunjuann, cincniu linw ee Tnive ee sunjuann.

6 Diyhh qinxsin, m tangx dirr langg ee binrjingg qniaa linw ee gi, qowir hro inx knuar .qnir; narr anxnix, dyrr byy huatdo dui' linw tnix nirr ee Ve hiax did diyc vywsniuw.

2 Soxiw liw jinxjer ee sii, m tangx dirr liw ee binrjingg vunn hyrtauu, cincniu qew hyw ee langg dirr huerdngg qapp quelo soxx juer :ee anxnix, rair langg ingqngx inx. Guaw sidjai qra linw qongw, inx ixqing' sriu diyc inx ee vywsniuw lar.

3 Dogdok liw jinxjer ee sii, m tangx hro liw ee dywciuw jaix liw ee jniawciuw soxx juer :ee;

4 Diyhh amwdiongx jinxjer; liw ee Ve e dirr amwdiongx qamwcad, Ix unw beh vywdab liw.

5 Linw qidyw ee sii, m tangx cincniu qew hyw ee langg; in'ui inx air kia dirr huerdngg qapp dua quebin ee uadqag qidyw, beh hro langg knuar .qnir. Guaw sidjai qra linw qongw, inx ixqing' sriu diyc inx ee vywsniuw lar.

6 Dogdok liw qidyw ee sii, diyhh zip kir vangg-lai, qra mngg qnuaix .kiw .laii, qriuu liw dirr amwdiongx ee Ve; liw ee Ve, e dirr amwdiongx qamwcad, Ix unw beh vywdab liw.

7 Qycc linw qidyw ee sii, ue m tangx cincniu guarvanglangg anxnix dauhdauc dingg, inx qiycsirr qongxx jerje ue dyrr e did diyc tniax .qnir.

8 Soxiw linw m tangx yc inx; in'ui linw bue qriuu Ix ee dairsingx, linw ee Ve ixqing' jaix linw soxx kiamwing :ee.

9 Soxiw linw diyhh anxnix qidyw: Guanw dirr tnix nirr ee Ve, guan Liw ee miaa sxingr.

10 Liw ee qog limqaur. Liw ee jixir ditjniaa, dirr de nirr cincniu dirr tnix nirr.

11 Guanw ee zidsit, qinaxzit hro guanw.

12 Siawbenw guanw ee jxer, cincniu guanw iarr u siawbenw vadd langg kiamr guanw ee jxer.

13 M tangx cua guanw kir gu diyc ciwtamr, diyhh qiur guanw tuatli hitt xee pnaiw :ee. In'ui qog, quanlingg, ingqngx, longxx si Liw soxx u, dairdai byy jin. Amen.

14 In'ui linw narr siawbenw langg ee quewsid, linw ee Tnive iarr beh siawbenw linw.

15 Linw narr byy siawbenw langg ee quewsid, linw ee Ve iarr byy beh siawbenw linw ee quewsid.

16 Qycc linw qimwjiac ee sii, m tangx cincniu qew hyw ee langg anxnix dair iu'iongg; in'ui inx jiong' inx ee bin vnir pnaiw knuar, si beh hro langg knuar qnir inx decc qimwjiac. Guaw sidjai qra linw qongw, inx ixqing' sriu diyc inx ee vywsniuw lar.

17 Dogdok liw qimwjiac ee sii, diyhh buah liw ee tauu, sew liw ee bin;

18 Byy hro langg knuar qnir liw decc qimwjiac, qandna' beh hro liw dirr amwdiong ee Ve knuar .qnir; liw ee Ve, e dirr amwdiongx qamwcad, Ix unw beh vywdab liw.

19 M tangx uirdiyhh qaqi dirr zinsewqanx jikju jaivyw. Jitt xee soxjai u tangg qapp sxenx laii qra pacpnaiw, iarr u cat iah kangx laii qra tautec .kir.

20 Dogdok diyhh uirdiyhh qaqi dirr tnix nirr jikju jaivyw. Hitt xee soxjai, byy tangg qapp sxenx laii qra pacpnaiw, iarr byy cat iah kangx laii qra tautec .kir.

21 In'ui linw ee jaivyw dirr hiax, linw ee simx iarr beh dirr hiax.

22 Sinkux ee dingx dyrr si bagjiux; liw ee bagjiux narr qimx, tong' sinkux dyrr qngx.

23 Liw ee bagjiux narr huex, tong' sinkux dyrr amr. Liw lairbin ee qngx narr amr, hitt xee amr e zuarr dua ar!

24 Byy langg e hogsai nng xee juxlangg; in'ui ix e uanwhun jitt xee, tniar hitt xee; iacc si e duiwdiong jitt xee, knuawkinx hitt xee; linw berdangr hogsai Siongrder suacc qycc hogsai jnijaii.

25 Soxiw Guaw qra linw qongw, m tangx kuawlu linw ee sing'uac beh jiac simxmih, beh limx simxmih, iacc si linw ee sinkux beh cing simxmih. Linw ee sniwmia qamxx byy kacc dua quer bixniuu, acc linw ee sinkux qamxx byy kacc dua quer ijniuu mah?

26 Linw knuar tnix-dingw ee vuejiauw, byy jingwjyh, byy siusingg, byy u jikju ee cikcngx, linw ee Tnive iarr decc cri inx. Linw qamxx byy viw hiaxee kacc quiwkir mah?

27 Linw simxmih langg e in'ui kuawlu, laii hro sniwmia kacc dngg jit kig quw?

28 Sniaw su uirdiyhh ijniuu decc kuawlu ar? Linw sniu knuar mai, snuax nirr ee vikhabhuex, inx byy diyhbuaa, byy pangxjeh, jnaixngiu e duarjangg :ee.

29 Danrsi Guaw qra linw qongw, dng' Solomon qik inghuaa ee sii, ix soxx cing :ee m dat did jitt hy huex ee jit luiw.

30 Dnaxx snuax nirr ee cauw, qinaxzit dilehh, binaxzit dyrr hed dirr huexloo. Siongrder hro ix cing qaur anxnix, hyhongw linw, siyxsinr ee langg ar?

31 Soxiw m tangx kuawlu, qongw: Guanw beh jiac simxmih? Beh cing simxmih?

32 In'ui jiaxee longxx si guarvanglangg soxx qriuu :ee; linw ee Tnive iarr jaix jiaxee longxx si linw kiamwing :ee.

33 Dogdok diyhh dairsingx qriuu Ix ee qog qapp Ix ee gi, jiaxee mic longxx e sunrsuaw hro linw.

34 Soxiw m tangx uirdiyhh binaxzit kuawlu; in'ui hitt xee binaxzit, ix beh qaqi kuawlu. Jit zit ee qankow dirr jit zit qauwgiac.

7 M tangx puepingg langg', jiacc benw duw diyc puepingg.

2 In'ui linw ing simxmih kuanw puepingg laii puepingg langg', iarr beh anxnix siurr puepingg; linw ing simxmih kuanw niukir laii nriuu, iarr beh ing hitt kuanw nriuu hro linw.

3 Qycc liw jnaixngiu knuar qnir hniadi bagjiux lai ee cauxaxiur, iarr byy sniu liw bagjiux lai ee ngi'axcaa ar?

4 Liw ee bagjiux lai u ngi'axcaa, beh jnaixngiu qra linw ee hniadi qongw, 'Liw bagjiux lai u cauxaxiur, guaw qra liw tec driau.'

5 Qew hyw ee langg ar, dairsingx qra liw ee bagjiux lai ee ngi'axcaa tec driau, jiacc erdangr knuar cingcyw hniadi bagjiux lai ee cauxaxiur, zen'au jiacc qra tec driau.

6 M tangx qra sxingr ee mic hro qxauw, iarr m tangx qra linw ee jinjux hed dirr dix ee taujingg; qniax inx e ing kax dac ix ; uat linr dngw qycc laii qa linw.

7 Qriuu, dyrr beh hro linw; cue, dyrr e duw .diyc; longr mngg, dyrr qra ix kuix.

8 In'ui qniwnarr qriuu :ee dyrr did .diyc; cue :ee dyrr duw .diyc; pah mngg :ee, dyrr qra ix kuix.

9 Linw jitt lairdew u simxmih langg, ix ee qniaw qra ix tyw vniaw, suacc hro ix jiyhtauu?

10 Iacc si beh dnic hii, suacc hro ix juaa?

11 Linw jiaxee suizenn pnaiw, iauxquxx erhiauw did ing hyw mic hro linw ee qniaxzii, hyhongw linw dirr tnix nirr ee Ve, Ix qamxx be ing hyw mic hro qriuu Ix ee langg mah?

12 Soxiw linw qniwnarr rair langg anxjnuaw kuanxtai linw :ee, linw iarr diyhh anxnix kuanxtai langg'; in'ui jex si ludhuad qapp sendix ee dyrliw.

13 Linw diyhh dui' hitt xee ec mngg zip .kir; in'ui taur qaur bedbyy :ee, hitt xee mngg kuah, hitt xee lo dua diauu, dui' hiax zip .kir ee langg je.

14 Taur qaur uac :ee, hitt xee mngg ec, hitt xee lo ser diauu, cue .diyc ee langg jiyw.

15 Diyhh qinxsin dihongg qew ee sendix, inx jiurqin linw, guarbin si ngiuqyx, lairbin si hiong'og ee jailongg.

16 Linw beh dui' inx ee quexjiw laii bad ix. Qamxx beh dui' ciwpuer banw pudyy, dui' jidlee banw buhuaqyw mah?

17 Qniwnarr hyw ciu qed hyw quexjiw; pnaiw ciu qed pnaiw quexjiw.

18 Hyw ciu be qed pnaiw quexjiw, pnaiw ciu be qed hyw quexjiw.

19 Qniwnarr ciu byy qed hyw quexjiw :ee, dyrr qra cyr driau, suar qra hed lyc huew.

20 Soxiw linw beh dui' inx ee quexjiw laii bad ix.

21 Qniwnarr cinghox Guaw qongw, 'Jruw ar, Jruw ar' :ee, byy itjin e zip tenqog; dogdok qniaa Guaw dirr tnix nirr ee Ve ee jixir :ee, jiacc erdangr.

22 Dng' hitt zit, jerje langg beh qra Guaw qongw, 'Jruw ar, Jeuw ar, guaw qamxx m si ing Liw ee miaa tuanqaur, ing Liw ee miaa qnuaw qxuiw, ing Liw ee miaa qniaa jerje quanlingg mah?'

23 Hitt sii, Guaw beh duiww inx sniabingg, qongw, 'Guaw longxx m bad linw, juer vuthuad :ee, diyhh lirkuix Guaw kir.'

24 Soxiw qniwnarr tniax Guaw jiaxee ue laii qniaa :ee, beh vixping juer u diwsig ee langg, ix kiw ix ee cur dirr jiyhvnuaa dingw;

25 Ho lyc, duarjuiw qaur, hongx cuex, ciongx diyc hitt qingx cur, cur iarr byy dyw; in'ui derqix si kiw dirr jiyhvnuaa dingw.

26 Qniwnarr tniax Guaw jiaxee ue byy qniaa :ee, beh vixping juer gong langg, ix kiw ix ee cur dirr suax-dingw;

27 Ho lyc, duarjuiw qaur, hongx cuex, ciongx diyc hitt qingx cur, cur dyrr dyw, qycc dyw qaxx jin' siongdiong."

28 Jesus jiaxee ue qongw suah, jiongww langg duiww Ix ee qawsi qamxqag qiquair.

29 In'ui Ix decc qawsi langg, cincniu jit xee u quanlingg :ee, byy cincniu inx hitt quaw qinghagsu.

8 Jesus ixqing' lyc snuax. Qui' dua din ee langg duer Ix.

2 Duxdng u jit xee taixqyx :ee jiurqin laii vair Ix, qongw, "Jruw ar, Liw narr kingw, dyrr e hro guaw cingkir."

3 Ix dyrr crunx ciuw bongx ix, qongw, "Guaw kingw. Liw tangx cingkir." Ix ee taixqyx liamvnix cingkir.

4 Jesus qycc qra ix qongw, "Diyhh qinxsin, m tangx qra langg qongw; dogdok jiong' sintew kir hro jewsix giam, iarr diyhh henr Moses soxx huanhur ee lexmic laii juer jingwqir hro dag'ee knuar."

5 Jesus zip Kapernaum liauxau, u jit xee vexjongw jiurqin Ix, laii qriuu Ix, qongw,

6 "Jruw ar, guaw ee lovok venwsui, dyw dirr cur-lai, qankow qaur qik."

7 Ix dyrr qra ix qongw, "Guaw laii kir rix ix."

8 Vexjongw rinr qongxx, "Jruw ar, Liw qaur guanw daux, guaw dngx be kiw. Liw qandna' qongw jit qxur ue, guaw ee lovok dyrr e hyw.

9 In'ui guaw si hro langg' quanw, iarr u vxingx hro guaw quanw; qra jitt xee qongw, 'Kir', ix dyrr kir; qra hitt xee qongw, 'Laii', ix dyrr laii; qra guaw ee lovok qongw, 'Juer jitt hxang', ix dyrr juer jitt hxang."

10 Jesus tniax liauw qamxqag qiquair, dyrr qra duer Ix ee langg qongw, "Cincniu jitt hy ee cimx sinr, lenrr dirr Islael lairdew, Guaw dy' m bad duw .diyc.

11 Guaw qycc qra linw qongw, dui' dangx, dui' saix, u jerje langg beh qaur, dirr tenqog beh qapp Ablaham, Isaac, Jakob dangjee jerdyh;

12 Danrsi qog ee juxbinn e ho'ngg qnuaw cud kir oamr ee guarbin; dirr hiax beh u tikaur qapp qargee cetkiw."

13 Jesus dyrr qra vexjongw qongw, "Liw dngw .kir, jiauww liw ee sinr beh qra liw jniaa." Duxduxx hitt sii, ix ee lovok dyrr hyw :ar.

14 Jesus zip Peter ee qrex, knuar qnir ix ee dniurmw huan diyc zedvni dyw lehh.

15 Ix dyrr bongx ix ee ciuw, zet dyrr trer; hurzinlangg dyrr kiw laii suhau Ix.

16 Qaur honghun'amr, u langg cua jerje huan diyc qxuiw :ee jiurqin Ix; Ix ing jit qxur ue qnuaw cud hiaxee qxuiw, qycc rix hyw itcer u vni ee langg.

17 Jex si beh ingwgiam sendix Isaiah soxx qongw :ee, qongw, "Ix ing ix vunxsinx laii sriu lanw ee luanxziok, damdngx lanw ee vnirjingr."

18 Jesus knuar qnir qui' dua din ee langg beh laii uii Ix, dyrr huanhur qongxx beh quer kir hitt vingg hnua.

19 U jit xee qinghagsu laii qra Ix qongw, "Sensnix ar, Liw bylun kir dyhh, guaw longxx beh duer Liw."

20 Jesus dyrr qra ix qongw, "Holii u kangx, tnidingw ee vuejiauw u siu; dogdok Zinjuw byy kuar taukag ee soxjai."

21 Qycc jit xee hagsingx qra Ix qongw, "Jruw ar, hro guaw singx dyr kir baijongr guaw ee laurve."

22 Dogdok Jesus qra ix qongw, "Liw diyhh duer Guaw, cutjai sixlangg kir baijongr inx ee sixlangg."

23 Jnriu junn liauxau, Ix ee hagsingx duer Ix.

24 Hutzenqanx, haiw nirr kiw dua hong'ingw, drir qaur junn hro ingw kamr .quer; danrsi Jesus decc kunr.

25 Hagsingx jiurqin laii qiyr Ix kiw .laii, qongw, "Jruw ar, qiur guanw or, beh byy mia lar!"

26 Ix dyrr qra inx qongw, "Siyxsinr ee langg ar, jnaixngiu hiacc byy dnaw?" Ix dyrr kiw .laii, jikvi hongx qapp haiw, hong'ingw dyrr vnidnia .lyc .laii.

27 Hiaxee langg qamxqag qiquair, qongw, "Jitt xee si simxmih hy langg, hongx qapp haiw iarr sun Ix?"

28 Ixqing' quer kir hitt vingg hnua, qaur Gadalalangg ee de. U nng xee huan diyc qxuiw :ee dui' tiongxbong cud .laii, duw diyc Ix, bin hiongg qaiwqair, drir qaur byy langg qnaw dui' hitt diauu lo quer.

29 Inx hutzenqanx auqiyr qongxx, "Siongrder ee Qniaw ar, guanw qapp Liw u simxmih qansiap? Sii bue qaur, liw laii jiax si beh koxcow guanw mah?"

30 Li inx hng hng u jit dua qrunn ee dix decc tyxjiac.

31 Hiaxee qxuiw qriuu Ix qongxx, "Liw narr qnuaw guanw, dyrr crex guanw zip dix-qrunn."

32 Ix dyrr qra inx qongw, "Kir ar." Qxuiw dyrr cud .laii, zip kir dix-qrunn lairdew. Hutzenqanx, juanvo ee dix jongg lyc kir snuakamr, jurr anxnix siw dirr haiw nirr.

33 Qor dix :ee jauw zip sniaa, jiong' jiaxee su, ixqip huan diyc qxuiw ee langg soxx duw .diyc .ee, longxx qra langg' qongw.

34 Tong' sniaa ee langg longxx cud kir cue Jesus, qnir diyc Ix liauxau, dyrr qriuu Ix lirkuix inx ee derqair.

9 Jesus lyc junn quer haiw, kir qaur Ix ee vunxsniaa.

2 Duxdng u jit xee dyw dirr pox-aw nirr ee venwsui :ee, langg' qra qrngx laii jiurqin Ix. Jesus knuar qnir inx ee sinr, dyrr qra venwsui :ee qongw, "Qniaw ar, jueww liw ansimx, liw ee jue siar lar."

3 U quixnarr xee qinghagsu simlai decc qongw, "Jitt xee langg ciamwquann lamrsamw qongw."

4 Jesus jaix inx ee sim'ir, dyrr qongw, "Linw uirr sniaw su simlai kngr pnaiw iwsur ar?

5 Qongw 'Liw ee jue siar', iacc si qongw 'Kiw laii qniaa', dycc jit hxang kacc kuair?

6 Jongwsirr beh hro linw jaix, Zinjuw dirr de nirr u qxuann tangx siar jue." Dyrr qra venwsui :ee qongw, "Kiw .laii, giaa liw ee pox-aw, dyr kir liw ee cur."

7 Venwsui :ee dyrr kiw .laii, dyr kir ix ee cur.

8 Jiongww langg knuar .qnir dyrr qamxqag qniaqii. Inx qruix ingqngx hro Siongrder, in'ui Ix qra jitt hy qxuann hro langg.

9 Jesus dui' hiax qingquer, knuar qnir jit xee qiyr Mateo :ee jre dirr hiongwquanx, dyrr qra ix qongw, "Duer Guaw"; ix dyrr kiw laii duer Ix.

10 Jesus kir ix ee cur nirr jre, u jerje tiux hxiongr :ee qapp pnaiw langg laii dirr hiax, qapp Jesus cam' Ix ee hagsingx dauwdin jre.

11 Faliselangg knuar .qnir, qra Ix ee hagsingx qongw, "Linw sensnix sniaw su qapp tiux hxiongr :ee ixqip pnaiw langg snaqab jiac?"

12 Jesus tniax .qnir dyrr qongw, "Iongxqnia ee langg byy kiamwing isingx, dogdok puawvni :ee jiacc diyhh.

13 'Guaw air linbinw, m air jewsu', jitt qxur simxmih iwgi, linw diyhh kir yc. Guaw laii m si beh jiyx u gi ee langg, si beh jiyx pnaiw langg."

14 Hitt sii Johan ee hagsingx jiurqin Ix, qongw, "Guanw qapp Faliselangg dniardnia qimwjiac, danrsi Liw ee hagsingx suacc byy qimwjiac. Jex si uirr jnaixngiu?"

15 Jesus qra inx qongw, "Sinqniaxsair qapp hyrcua ee langg snaqab dilehh, hyrcua ee langg qamxx e aisiongx mah? Dogdok sizit beh qaur, sinqniaxsair e dui' inx diongqanx byy .kir, hitt sii inx dyrr beh qimwjiac.

16 Byy langg ing sinx vor vow qu snxax; in'ui soxx vow :ee hitt der, e qriur lic hitt niaw snxax, puawkangx e qyckacc dua.

17 Langg iarr byy ing sinx jiuw drew dirr qu puelongg; narr si u, lrongg dyrr e lic .kir, jiuw lrau, lrongg iarr suar pnaiw; dogdok ing sinx jiuw drew dirr sinx puelongg, dyrr nng hxang longxx vyxjuann."

18 Ix decc qongw jiaxee ue ee sii, duxdng u jit xee qnruax laii vair Ix, qongw, "Guaw ee jaboxqniaw duxjiacc siw. Liw narr ing ciuw kir bongx ix, ix dyrr e uac."

19 Jesus kiw laii duer ix kir, Ix ee hagsingx iarr kir.

20 Duxdng u jit xee hurzinlangg, hetlau jap-zi nii, qniaa uaw Ix ee kajiac'au, bongx Ix ee sna'axqix ee ciux.

21 In'ui ix simlai pacsngr qongxx, "Guaw qandna' bongx Ix ee snxax dyrr e uac."

22 Jesus uat dngw srinx, dyrr qra ix qongw, "Hurzinlangg ar, jueww liw ansimx, liw ee sinr hro liw hyw lar." Hitt sii, hurzinlangg dyrr hyw :ar.

23 Jesus qaur hitt xee qnruax ee cur, knuar qnir vunn dad'aw :ee, iarr u knuar qnir jit din langg decc kaur,

24 Dyrr qongw, "Trer .kir, jitt xee jaboxginxaw m si siw .kir, ix si decc kunr." Inx dyrr lingxciyr Ix.

25 Jiongww langg ho'ngg qnuaw .cud .kir liauxau, Ix dyrr zip kir kanx jaboxginxaw ee ciuw; jaboxginxaw dyrr kiw .laii.

26 Jitt xee hongsniax dirr hitt xee derhngx siwquer longxx decc liutuann.

27 Jesus dui' hiax qingquer ee sii, u nng xee cnimilangg duer Ix, qiyr qongxx, "David ee Horer, linbinw guanw."

28 Jesus zip kir cur nirr liauxau, cnimilangg dyrr jiurqin Ix. Jesus qra inx qongw, "Linw sinr Guaw e juer jitt xee su mah?" Rinr qongxx, "Jruw ar, u."

29 Ix dyrr bongx inx ee bagjiux, qongw, "Jiauww linw ee sinr, qra linw juewjniaa."

30 Inx ee bagjiux dyrr kuix. Jesus itjair huanhur inx qongxx, "Diyhh qinxsin, m tangx hro langg' jaix."

31 Danrsi inx jid'err cud .kir, dyrr qra Ix ee miaa dirr hitt derhngx vywiongg.

32 Inx cud .kir ee sii, duxdng u langg cua jit xee huan diyc qxuiw ee exqauw :ee laii jiurqin Jesus.

33 Qxuiw ixqing' qnuaw cud, exqauw :ee dyrr e qongxue :ar. Hiaxee langg longxx qamxqag qiquair, qongw, "Islael diongx m bad knuar qnir anxnix."

34 Danrsi Faliselangg qongw, "Ix uaxkyr quixongg laii qnuaw qxuiw."

35 Jesus venww qniaa jiax ee sniaa, jiax ee hniusia, dirr inx ee huerdngg qawsi langg, tuann tenqog ee hok'imx, rix hyw dagg ngiu ee jingwtauu, dagg ngiu ee vnirtniar.

36 Ix knuar qnir hiaxee langg, dyrr kyxlinn inx; in'ui inx kunwkow siwsnuar, cincniu ngiuu byy bogjiaw.

37 Dui' anxnix, Ix qra Ix ee hagsingx qongw, "Beh siusingg :ee je, juewqangx :ee jiyw;

38 Soxiw linw diyhh qriuu hngjuw vig qangx tangx kir qra Ix siusingg."

10 Jesus dyrr qra Ix ee jap-zi xee hagsingx qiyr .laii, hro inx u jewab siasinn ee qxuann, laii qnuaxdiok inx, iarr suar rix hyw dagg ngiu ee jingwtauu, dagg ngiu ee vnirtniar.

2 Jap-zi xee suwdoo ee miaa dyrr si jitt quaw: tauu jit xee Simon qiyr juer Peter, qapp ix ee hniadi Andlew; Zebedee ee qniaw James, qapp ix ee hniadi Johan;

3 Filip, qapp Bartolomew; Tomas, qapp tiux hxiongr ee Mateo; Alfaeus ee qniaw James, qapp Taddaeus;

4 Kanaanite ee Simon, qapp Iskaliot Judas, dyrr si bre Jesus hitt xee.

5 Jesus crex jitt jap-zi xee langg kir, huanhur inx qongxx, "Guarvangx ee lo m tangx qniaa, Samalilangg ee sniaa m tangx zip .kir.

6 Kacc hyw si kir jiurqin Islael ee qrex soxx sitlyc ee ngiuu.

7 Linw naxx qniaa, diyhh naxx tuann, qongw, 'Tenqog qin lar.'

8 Rix hyw u vni :ee; hro siw :ee qycc uac, hro taixqyx :ee cingkir; qnuaw qxuiw. Linw vehvec did .diyc, diyhh vehvec hro langg'.

9 Linw ee iydow lai, longxx m tangx u qimx, ginn, dangg;

10 Lo nirr iarr m tangx u daclenn, m tangx u nng niaw snxax, m tangx u ree, m tangx u qnuaiw-aw; in'ui juewqanglangg u juqeh did diyc ix ee limjiac.

11 Linw soxx zip .kir .ee, bylun simxmih sniaa, simxmih hniuliw, diyhh tamwtniax qongxx qidiongx sniaw langg u qraur qeh, dyrr diamr dirr hiax, itdit qaur lirkuix ee sii.

12 Zip kir ix ee cur, diyhh qra ix cingxanx.

13 Hitt xee cur ee langg narr u qraur qeh, linw soxx qriuu ee ving'anx dyrr limqaur dirr inx; narr byy qraur qeh, ving'anx dyrr guanjai qruix dngw dirr linw.

14 Qniwnarr m jiaplap linw, m tniax linw ee ue :ee, dng' linw qniaa cud hitt xee cur, hitt xee sniaa ee sii, diyhh vnua kir linw kax nirr ee tohunw.

15 Guaw sidjai qra linw qongw, dirr simxpnuar hitt zit, Sodom qapp Gomollah, jitt nng xee derhngx soxx singsiu :ee, e viw hitt xee sniaa iauxx kacc kuair damdngx.

16 Dnaxx Guaw crex linw kir, dyrr cincniu ngiuu zip cailongg inx lairdew; soxiw linw ee diwsig diyhh cincniu juaa, sunrliongg diyhh cincniu jnixaw.

17 Danrsi diyhh dihongg langg; in'ui inx beh jiong' linw qaux hro qonghue, iarr beh dirr inx ee huerdngg vnipah linw.

18 Qycc linw iarr beh uirdiyhh Guaw ee enqor, siurr tuax qaur jongxdog qapp qun'ongg ee binrjingg, hiongr inx qapp guarvanglangg laii juer qanjingr.

19 Danrsi linw beh ho'ngg sangwqaux ee sii, m tangx kuawlu beh jnaixngiu qongw, iacc si kuawlu qongxx beh qongw simxmih ue;

20 In'ui linw soxx diyhh qongw :ee, hitt sii e sniuxsur linw. In'ui m si linw qaqi decc qongw, si linw ee Ve ee Sinn diamr dirr linw lairdew decc qongw.

21 Hniadi beh jiong' hniadi sangwqaux kir siw, Ve kuanxtai qniaw iarr anxnix; qniaxzii beh kiw laii qongqig verbuw, hro inx siw.

22 Acc linw e in'ui Guaw ee miaa beh hro jiongww langg uanwhun, dogdok tunlunw qaur lorbuew :ee, ix beh did diyc qiur.

23 Dirr jitt sniaa siurr kunxdiok, linw diyhh jauw qaur hitt sniaa. Guaw sidjai qra linw qongw, Islael jiaxee sniaa, linw qniaa iauxx bue tangr, Zinjuw dyrr beh qaur.

24 Hagsingx be vnuaa quer sensnix, lovok be vnuaa quer juxlangg.

25 Hagsingx cincniu sensnix, lovok cincniu juxlangg, dyrr qauwgiac :ar. Langg qiwzenn e qiyr qejuw juer Beelzebub (quixongg), qiyr ix qrex-lai ee langg m qyckacc baiw.

26 Soxiw m tangx qniax inx; in'ui byy hitt hy amkamr ee dairjir au .laii byy lorcud :ee; iarr byy hitt hyw cangr .kiw .laii .ee au .laii byy hro langg jaix :ee.

27 Guaw amwdiongx qra linw qongw :ee, linw diyhh dirr qngbingg ee soxjai qongw cud; ngar dirr hnirkangx qra linw qongw :ee, linw diyhh dirr cur-dingw qra tuann .cud .kir.

28 Hiaxee hai siw sinkux, be hai siw linghunn :ee, m tangx qniax inx; dogdok hitt xee e qra linghunn qapp sinkux dirr dergak bet .kir .ee kacc diyhh qniax.

29 Nng jiah cikjiauw-aw qamxx m si bre jit hunx ginn mah? Narr m si linw ee Ve u jrunw, jit jiah iarr bersaih qalauc dirr tokax.

30 Dyrr lenrr linw ee taumngg iarr longxx qewsngr .quer .ar.

31 Soxiw linw m tangx qniax; linw viw jerje cikjiauw-aw kacc quiwkir.

32 Qniwnarr dirr langg ee binrjingg zin Guaw :ee, dirr Guaw dirr tnix nirr ee Ve ee binrjingg, Guaw iarr beh zin ix.

33 Qniwnarr dirr langg ee binrjingg m zin Guaw :ee, dirr Guaw dirr tnix nirr ee Ve ee binrjingg, Guaw iarr beh m zin ix.

34 M tangx pacsngr qongxx Guaw laii si beh hro derjniu hyvingg; Guaw laii m si beh hro ix hyvingg, si beh qra hed lyc dyqiamr.

35 In'ui Guaw laii, si hro qniaw qapp ix ee laurve juadjingg; jaboxqniaw qapp ix ee laurbuw, simvu qapp ix ee daqex, iarr beh anxnix.

36 Qycc langg ee duiwdik dyrr si ix qaqi qrex-lai ee langg.

37 Tniar verbuw viw tniar Guaw kacc quewtauu :ee, byy juqeh juer Guaw ee mngdoo; tniar qniaw, jaboxqniaw viw tniar Guaw kacc quewtauu :ee, byy juqeh juer Guaw ee mngdoo.

38 M pnai qaqi ee sibzirqer laii duer dirr Guaw ee aurbin :ee, iarr byy juqeh juer Guaw ee mngdoo.

39 Did diyc sniwmia :ee, jiong' e sitlyc sniwmia; uirdiyhh Guaw laii sitlyc ix ee sniwmia :ee, jiong' e did diyc sniwmia.

40 Jiaplap linw :ee, dyrr si jiaplap Guaw; jiaplap Guaw :ee, dyrr si jiaplap crex Guaw :ee.

41 Uirdiyhh sendix ee miaa laii jiaplap sendix :ee, beh did diyc sendix ee sniuw; uirdiyhh girlangg ee miaa laii jiaplap girlangg :ee, beh did diyc girlangg ee sniuw.

42 Qniwnarr uirdiyhh hagsingx ee miaa, qandna' ing jit vxuex lingw juiw hro jiaxee sewqniaw lairdew ee jit xee limx :ee, Guaw sidjai qra linw qongw, ix quatduan be sitlyc ix ee sniuw."

11 Jesus huanhur Ix jap-zi xee hagsingx bingvik liauxau, dyrr lirkuix hiax, beh dirr hitt quaw sniaa qawsi langg qapp tuandy.

2 Johan dirr qnax nirr tniax qnir Krist soxx qniaa ee su, dyrr crex hagsingx kir mng Ix qongxx,

3 "Soxx beh laii :ee si Liw mah? Iacc si guanw diyhh ngwbang vadd langg ar?"

4 Jesus rinr qongxx, "Linw diyhh jiong' linw soxx tniax .qnir, soxx knuar .qnir .ee qra Johan qongw,

5 Dyrr si cnimii :ee e knuar, vnaixkax :ee e qniaa, taixqyx :ee cingkir, cauwhnirlangg e tniax, siw ee langg qycc uac, songwhionglangg did diyc tniax hok'imx.

6 Qniwnarr byy in'ui Guaw laii diyhdag :ee, u hokkir."

7 Inx kir liauxau, Jesus jiacc tee kiw Johan, qra jiongww langg qongw, "Linw jingg:a cud kir kongwiaw, beh knuar simxmih? Si beh knuar lordig hro hongx cuex dinxdang mah?

8 Linw cud kir rair knuar simxmih? Rair knuar langg cing iuwnngw ee ijniuu mah? Linw knuar, cing iuwnngw :ee si dirr ongqiongx.

9 Linw cud kir si uirr sniaw su? Si beh knuar sendix mah? Si lar. Guaw qra linw qongw, ix si iauxx kacc ngiaa quer sendix.

10 Jitt xee langg dyrr si qingx nirr soxx qiw :ee, qongw, 'Guaw crex Guaw ee suwjiaw dirr Liw ee binrjingg; ix beh dirr Liw ee taujingg virvan Liw ee lo.'

11 Guaw sidjai qra linw qongw, hurzinlangg soxx snix :ee, be qycc u kacc dua quer qniaa sexlew ee Johan; mrquxx dirr tenqog siongrr biser :ee, iauxx kacc dua quer ix.

12 Dui' qniaa sexlew ee Johan ee sizit qaur dnaxx, tenqog hro langg qiongg cruw, qiongg ee langg ing lat cruw .diyc.

13 In'ui jiongww sendix qapp ludhuad ee camwgiw si qaur Johan ee sii uijiw.

14 Linw narr qamguan singsiu, jitt xee langg dyrr si decbeh laii ee Elijah.

15 U hnirkangx tangx tniax :ee diyhh tniax.

16 Jitt sewdai, Guaw beh ing simxmih laii vixping ix? Si cincniu ginxaw jre dirr queci nirr decc qiyr inx ee dangpnua, qongw,

17 'Guanw duiww linw vunn dad'aw, linw byy tiauwbuw; guanw decc uirr linw vi'aix, linw byy duii hxingx.'

18 Johan laii, ix byy jiac byy limx; langg dyrr qongw, 'Ix huan diyc qxuiw.'

19 Zinjuw laii, iarr jiac iarr limx, langg dyrr qongw, 'Ix si tamx jiac hnor jiuw ee langg, tiux hxiongr qapp pnaiw langg ee ving'iuw.' Danrsi diwhui dui' ix soxx qniaa :ee henxbingg Ix si driyc :ee."

20 Jesus bad dirr hiaxee sniaa qniaa jerje quanlingg. In'ui inx longxx byy huanxhuew, hitt sii Ix jiacc jikvi inx qongxx,

21 "Qolazin ar, liw u jaiec! Betsaida ar, liw u jaiec! In'ui dirr linw diongqanx soxx qniaa :ee jiaxee quanlingg, narr u qniaa dirr Tyle qapp Sidon, inx jaw jaw dyrr cing muasnax samw huexhux laii huanxhuew :ar.

22 Danrsi Guaw qra linw qongw, dng' simxpnuar hitt zit, Tyle qapp Sidon soxx sriu :ee, e viw linw soxx sriu :ee iauxx kacc kuair damdngx.

23 Kapernaum ar, liw qamxx e did diyc quw kiw qaur tnix mah? Liw e duirlyc imhuw, in'ui dirr liw hiax soxx qniaa :ee jiaxee quanlingg, narr u qniaa dirr Sodom, ix qaur qinaxzit iauxx e dilehh.

24 Danrsi Guaw qra linw qongw, dng' simxpnuar hitt zit, Sodom hiax ee derhngx soxx sriu :ee, e viw liw kacc kuair damdngx."

25 Dng' hitt sii, Jesus qongw, "Ve ar, tnide ee Jruw, Guaw ylyw Liw, in'ui Liw jiong' jiaxee su duiww u diwhui, congbingg :ee cangr .kiw .laii, duiww sewqniaw dyrr qra henxbingg.

26 Ve ar, si lar; in'ui Liw qra jitt jiongw knuar juer hnuahiw.

27 Banrhang longxx si Guaw ee Ve qauhur Guaw, Ve ixgua byy jit xee bad Qniaw. Duliauw Qniaw qapp Qniaw soxx rair beh jixsi :ee ixgua, byy jit xee bad Ve.

28 Linw qniwnarr diyhbuaa dnax dang dnar :ee, diyhh jiurqin Guaw; Guaw beh hro linw anhiyh.

29 Guaw simlai unziuu kiamsunr; linw pnai Guaw ee dnax, laii hiongr Guaw yc, linw ee simsinn dyrr e did diyc anhiyh.

30 In'ui Guaw ee dnax si kuair, Guaw ee dnar si kinx."

12 Hitt sii, Jesus dirr Anhiyczit dui' behhngg qingquer. Ix ee hagsingx iaux, dyrr diah behsui laii jiac.

2 Faliselangg knuar .qnir dyrr qra Ix qongw, "Liw knuar, Liw ee hagsingx qniaa Anhiyczit soxx byy ingqaix qniaa ee su."

3 Jesus dyrr qra inx qongw, "David qapp qinduer ee langg iaux ee sii soxx qniaa :ee, linw byy tak .diyc mah?

4 Ix zip Siongrder ee cur, jiac vailet ee vniaw; jex m si ix qapp qinduer ee langg soxx tangx jiac :ee, dogdok jewsix tangx nardnia.

5 Acc linw iarr m bad tak ludhuad soxx qiwjair :ee, dng' Anhiyczit, jewsix dirr dxen nirr huan diyc anhiyh iarr si byy jue mah?

6 Dogdok Guaw qra linw qongw, dirr jiax u viw dxen kacc dua :ee.

7 Linw narr jaix 'Guaw air linbinw, byy air jewsu' jitt qxur ee iwgi, dyrr byy jikjue byy jue ee langg.

8 In'ui Zinjuw si Anhiyczit ee Jruw."

9 Jesus lirkuix hiax, zip kir inx ee huerdngg.

10 Duxdng u langg jit ciuw qodaa. Langg mng Ix qongw, "Anhiyczit hing'ix, tangx mah?" Iwsur si rair beh qyr Ix.

11 Ix dyrr qra inx qongw, "Linw simxmih langg ee jit jiah ngiuu narr dirr Anhiyczit vuac lyc knix, linw qamxx byy qra ix liac kiw laii mah?

12 Hyhongw langg viw ngiuu qex zuarr quiwkir ar! Soxiw Anhiyczit qniaa hyw su si erdangr."

13 Dyrr qra hitt xee langg qongw, "Crunx liw ee ciuw." Ix ciuw dyrr crunx .cud .kir, sui' dyrr hyw hyw, cincniu lingrgua hitt qix ciuw.

14 Faliselangg cud .kir, snaqab qewboo beh qongqig Jesus, knuar tangx jnaixngiu bet Ix.

15 Jesus jaingiaw liauxau, dyrr trer .kir, lirkuix hiax. U jerjer langg duer Ix, Ix dyrr longxx qra inx rix.

16 Ix iarr qingwqair inx m tangx jiong' Ix vywiongg.

17 Jex si beh ingwgiam tog sendix Isaiah soxx qongw :ee, qongw,

18 "Liw knuar, Guaw ee Lovok, Guaw soxx qingw :ee; Guaw soxx tniar :ee, Guaw ee simx soxx hnuahiw :ee; Guaw beh jiong' Guaw ee sinn sur hro Ix. Ix beh jiong' qonggi tongdix guarvangx.

19 Ix byy beh sna' jnex, byy beh suanziongw. Dirr queci byy langg tniax qnir Ix ee sniax.

20 Siursiongx ee lodig, Ix byy beh atjic. Beh huax ee huexcnix, Ix byy qra pah hro srid, itdit qaur hro qonggi diksingr.

21 Guarvangx iarr beh kyr Ix ee miaa laii ngwbang."

22 Hitt sii, u langg cua jit xee huan diyc qxuiw, cnimii quaww exqauw :ee laii cinqin Ix. Ix dyrr rix hyw ix, hro exqauw :ee e qongxue, qycc e knuar .qnir.

23 Jiongww langg longxx gonggniac, qongw, "Jitt xee jongw byy si David ee Horer or?"

24 Danrsi Faliselangg tniax .qnir dyrr qongw, "Jitt xee qnuaw qxuiw :ee byy m si kyr quixongg Beelzebub."

25 Jesus jaix inx ee iwsur, dyrr qra inx qongw, "Qniwnarr qog qaqi decc jingvniar, e drir qaur pahngx; qniwnarr sniaa iacc si qrex qaqi decc jingvniar, dikkag kia be diauu.

26 Narr Satan qnuaw Satan, hex si qaqi decc jingvniar, ix ee qog taixtyw kia e diauu?

27 Setsuw Guaw kyr Beelzebub qnuaw qxuiw, linw ee juxde beh uaxkyr jirjui ar? Anxnix, inx e gixduan linw.

28 Dogdok Guaw narr kyr Siongrder ee Sinn qnuaw qxuiw, Siongrder ee qog ixqing' qaur dirr linw lar.

29 Langg jnaixngiu erdangr zip bingw langg ee cur, qiab ix ee qehuew? Qamxx m diyhh dairsingx vak bingw langg, zen'au jiacc qiab ix ee cur mah?

30 Qapp Guaw byy qangg :ee, dyrr si beh qapp Guaw duiwdik, byy qapp Guaw siukiyh :ee, dyrr si decc pacsnuar.

31 Soxiw Guaw qra linw qongw, qniwnarr juerog vongwdok, longxx beh siawbenw ix; dogdok vongwdok Singwsinn :ee, byy beh siawbenw ix.

32 Qniwnarr qongxue qongqig Zinjuw :ee, beh siawbenw ix; dogdok qniwnarr qongxue qongqig Singwsinn :ee, vutlun qimser laiser, byy beh siawbenw ix.

33 Linw liac hitt xee ciu juer hyw, ix ee quexjiw iarr juer hyw; liac hitt xee ciu juer pnaiw, ix ee quexjiw iarr juer pnaiw; in'ui dui' quexjiw dyrr jaingiaw ciu.

34 Dogjuaa ee lui ar, linw vunxdew dyrr si pnaiw, tacc e qongw hyw ue? In'ui simx soxx ciongmuaw :ee, dyrr ing cuir qongw cud.

35 Hyw langg soxx jikju ee hyw, dyrr e huad cud jiaxee hyw; pnaiw langg soxx jikju ee pnaiw, dyrr e huad cud jiaxee pnaiw.

36 Guaw qra linw qongw, qniwnarr langg soxx qongw ee ing'axue, inx dirr simxpnuawzit, dagg qxur diyhh sowbingg.

37 In'ui dui' liw ee ue beh cxingx liw juer gi; iarr dui' liw ee ue beh griw liw u jue."

38 Hitt sii u qinghagsu qapp Falise quixnarr langg rinr Ix qongxx, "Sensnix ar, guanw rair dui' Liw knuar jit xee sinziah."

39 Danrsi Ix rinr qongxx, "Okdok qan'imm ee sewdai qriuu sinziah, duliauw sendix Jonah ee sinziah ixgua, byy beh sinziah hro inx.

40 In'ui cincniu Jonah snax zit snax mii dirr dua hii ee vakdow lai, Zinjuw iarr beh anxnix snax zit snax mii dirr de-lai.

41 Ninevehlangg dirr simxpnuar ee sii, beh qapp jitt sewdai ee langg snaqab kiw laii griw inx ee jue; in'ui inx tniax Jonah soxx tuann :ee laii huanxhuew; hyhongw dirr jiax u viw Jonah kacc dua :ee.

42 Lamhngx ee luxongg, dirr simxpnuar ee sii, beh qapp jitt sewdai ee langg snaqab kiw laii griw inx ee jue; in'ui ix dui' de ee qigtauu laii, beh tniax Solomon u diwsig ee ue, hyhongw dirr jiax u viw Solomon kacc dua :ee.

43 Siasinn ixqing' lirkuix langg, qingquer byy juiw ee de, qriuu anhiyh iarr byy did diyc.

44 Ix dyrr qongw, 'Guaw beh dyr kir guaw an' hiax cud .laii ee cur'; qaur der, dyrr knuar qnir lairdew kangx kangx, vniawsaur, siujingw cingkir.

45 Ix dyrr kir duar cid xee viw qaqi kacc pnaiw ee qxuiw zip kir kiarkiw. Hitt xee langg lorbuew ee qingxhongw, viw kixtauu :ee kacc camw. Jitt xee pnaiw ee sewdai iarr beh cincniu anxnix."

46 Ix iauxx decc duiww jiongww langg qongxue ee sii, duxdng Ix ee laurbuw qapp hniadi kia dirr guarbin, rair beh qapp Ix qongxue.

47 U langg qra Ix qongw, "Liw knuar, Liw ee laurbuw qapp Liw ee hniadi kia dirr guarbin, rair beh qapp Liw qongxue."

48 Ix dyrr rinr hitt xee qra Ix qongw :ee, qongw, "Simxmih langg si Guaw ee laurbuw? Simxmih langg si Guaw ee hniadi ar?"

49 Ix dyrr crunx ciuw qiw Ix ee hagsingx qongw, "Liw knuar, Guaw ee laurbuw qapp Guaw ee hniadi dyrr dirr jiax.

50 In'ui qniwnarr qniaa Guaw dirr tnix nirr ee Ve ee jixir :ee dyrr si Guaw ee hniadi, jixbe, qapp laurbuw."

13 Dng' hitt zit, Jesus dui' cur-lai cud .kir, jre dirr haiw-vnix.

2 U jerje din ee langg jurjip jiurqin Ix, drir qaur Ix jixhyw jrniu junn laii jre. Qui' din ee langg longxx kia dirr hnua-vnix.

3 Ix dyrr ing jerje hxang piwzu qra inw qongw, "U jit xee ia jxingw :ee cud kir ia jxingw.

4 Ia ee sii, uree qalauc dirr lo-vnix, vuejiauw qaur, itjin qra jiac .kir.

5 Uree qalauc dirr jiyhqeh ee de, in'ui too byy cimx, dyrr huad jin' qinw.

6 Danrsi zidtauu jid'err qra pak, in'ui byy qinx, dyrr qodaa .kir.

7 Iarr uree qalauc dirr cixaw lai, cixaw huad .kiw .laii dyrr qra kamwbat .siw.

8 Uree qalauc dirr hyw ee de, dyrr qetsit, uree jit-vah vxue, uree lak-jap vxue, uree snax-jap vxue.

9 U hnirkangx :ee diyhh tniax."

10 Hagsingx jiurqin Ix qongw, "Liw ing piwzu qra inx qongw, si uirr jnaixngiu?"

11 Ix rinr qongxx, "Tenqog ee ywbiau hro linw jaix, byy hro inx jaix.

12 In'ui qniwnarr u :ee, beh qycc hro ix, hro ix u cunx; byy :ee, lenrr ix soxx u :ee iarr beh qra cniuw.

13 Soxiw Guaw ing piwzi qra inx qongw, si in'ui inx knuar, iarr knuar byy, tniax, iarr tniax byy, iarr be hiauxgno.

14 Isaiah soxx camwgiw :ee, jniawjniar ingwgiam dirr inx, qongw, 'Linw tniax si u tniax, danrsi quatduan byy hiauxgno. Linw knuar si u knuar, danrsi quatduan knuar byy.

15 In'ui jiaxee vecsnir ee simx dun, hnirkangx dang, inx ee bagjiux vangr hro kreh; kiongxqniax inx e ing bagjiux knuar .qnir, ing hnirkangx tniax .qnir, ing simx hiauxgno, suacc laii uat linr dngw, Guaw dyrr laii rix hyw inx.'

16 Danrsi linw hokkir, in'ui bagjiux u knuar .qnir; linw u hokkir, in'ui hnirkangx u tniax .qnir.

17 Guaw sidjai qra linw qongw, jingg:a u jerje sendix qapp girlangg, rair knuar linw soxx knuar .qnir .ee, danrsi byy knuar .qnir; rair tniax linw soxx tniax .qnir .ee, danrsi byy tniax .qnir.

18 Dnaxx jitt xee ia jingxjiw :ee ee piwzu, linw diyhh tniax.

19 Qniwnarr tniax tenqog ee dyrliw byy hiauxgno :ee, hitt xee pniaw :ee dyrr qaur, e jiong' soxx ia dirr ix ee simx :ee cniuw .kir; jex si ia dirr lo-vnix :ee.

20 Ia dirr jiyhqeh ee de :ee, jex si langg tniax dyrliw, liamvnix hnuahiw singsiu ix;

21 Danrsi lairbin byy qinx, vutqyr si jiamrsii nardnia; qaur uirdiyhh dyrliw duw diyc u huanrlan kunxdiok, liamvnix diyhdag.

22 Ia dirr cixaw lai :ee, jex si langg tniax dyrliw, au .laii in’ui sewqanx ee kuawlu, jnijaii ee behig, ziakamr hitt xee dyrliw, suacc byy qetsit.

23 Ia dirr hyw toxde :ee, jex si langg tniax dyrliw laii hiauxgno, e sidjai qetsit; soxx qed :ee, uree jit-vah vxue, uree lak-jap vxue, uree snax-jap vxue."

24 Ix qycc sed piwzu duiww inx qongw, "Tenqog cincniu langg dirr ix ee hngg nirr ia hyw jingxjiw.

25 Dng’ ix decc kunr ee sii, ix ee qiusiuu laii, qra pe ia dirr bec-diongx.

26 Qaur bec huad .kiw .laii qed sui ee sii, pe iarr cuthen.

27 Qejuw ee lovok laii qra ix qongw, 'Tauqex ar, liw qamxx m si ia hyw jingxjiw dirr liw ee hngg mah? Tacc e u pe?'

28 Ix qra rinr qongxx, 'Jex si qiusiuu juer :ee.' Lovok qra ix qongw, 'Liw rair guanw kir qra kaux .kiw .laii mah?'

29 Ix dyrr qongw, 'Byy, qniax linw decc kaux pe, lenrr bec iarr suar vuec .kiw .laii.

30 Iong'unw nng hxang vnivnii duarjangg, tingwhau siuquah ee sii, guaw beh qra quah :ee qongw, dairsingx kiyh hiaxee pe, haa qui' vew tangx qra siyx; dogdok bec diyhh siux zip guaw ee cikcngx.'"

31 Ix qycc sed piwzu duiww inx qongw, "Tenqog cincniu jit liap quawcaiwjiw, langg tec kir ia dirr ix ee hngg;

32 Jitt xee si vah hxang jingxjiw lairdew derr id ser :ee; qaur ix duarjangg ee sii, e kacc dua quer longxjongw ee caiwsex, suar jniaa juer ciu. Kongdiongx ee jiauw e laii hiyh dirr ix ee qix."

33 Ix qycc ing piwzu qra inx qongw, "Tenqog cincniu qnar, hurzinlangg tec kir kngr dirr snax dauw mirhunw ee lairbin, qaur longxx huad qnar."

34 Jiaxee longxx si Jesus ing piwzu qra jiongww langg qongw :ee. Narr m si ing piwzu, dyrr byy soxx qra inx qongw :ee.

35 Jex si beh ingwgiam jaxjingg tog sendix soxx qongw :ee, qongw, "Guaw beh kuix cuir sed piwzu, cenxbingg congwjy sewqanx ixlaii soxx unxbat :ee."

36 Hitt sii, Jesus qra jiongww langg snuar .kir jiacc zip cur. Ix ee hagsingx jiurqin Ix qongw, "Qra guanw quexbingg hngg ee pe-aw ee piwzu."

37 Ix rinr qongxx, "Ia hyw jingxjiw :ee si Zinjuw;

38 Hngg dyrr si sewqanx. Hyw jingxjiw :ee dyrr si tenqog ee qniaw; pe, dyrr si pnaiw :ee ee qniaw;

39 Ia pe ee qiusiuu, dyrr si moquiw; siuquah ee sii, si sewqair ee lorbuew; quah :ee, dyrr si tnisair.

40 Soxiw kiyh pe-aw laii ing huew siyx, dyrr cincniu sewqair ee lorbuew iarr beh anxnix.

41 Zinjuw beh crex Ix ee tnisair dui' Ix ee qog-lai siusip qniwnarr hro langg diyhdag :ee, qapp juer vuthuad :ee,

42 Qra inx hed dirr huexloo. Dirr hiax beh u tikaur qapp qargee cetkiw.

43 Hitt sii girlangg beh dirr inx ee Ve ee qog huad cud cincniu zidtauu ee qngx. U hnirkangx :ee diyhh tniax.

44 Tenqog cincniu cangr dirr hngg nirr ee vyxvuer; langg cue .diyc dyrr qra cangr .kiw .laii. Ix jin' hnuahiw qra ix itcer soxx u :ee bre driau, laii brew hitt kux hngg.

45 Qycc tenqog cincniu singlixlangg decc cue hyw ee jux;

46 Dng' ix cue diyc jit liap vutjiw dadjnii :ee, dyrr qra ix itcer soxx u :ee bre driau laii brew jitt liap.

47 Qycc tenqog cincniu bxang pax dirr haiw nirr, jurjip dagg lui ee juixjok.

48 Muaw liauxau, inx dyrr qra tuax jnriu hnua. Inx jre lehh, qra hyw :ee kiyh zip kiwqu, byy hyw :ee qra hetqag dirr guarbin.

49 Sewqair ee lorbuew iarr beh anxnix. Jiaxee tnisair beh cud .laii, dui' girlangg ee diongqanx laii hunvet pnaiw langg,

50 Qra inx hed zip kir huexloo. Dirr hiax, beh u tikaur qapp qargee cetkiw.

51 Jiaxee linw longxx u hiauxdid bor?" Inx qongw, "U."

52 Ix qra inx qongw, "Soxiw qniwnarr qinghagsu siurr qar juer tenqog ee hagsingx :ee, si cincniu qejuw dui' ix ee kowvangg qra sinx-qu ee mic tec .cud .laii."

53 Jesus ixqing' qongw jiaxee piwzu bingvik, dyrr lirkuix hiax.

54 Qaur Ix ee vunxhniux, dirr inx ee huerdngg qawsi inx; drir qaur inx gonggniac, qongw, "Jitt langg dui' daxlyc did diyc jitt xee diwhui, qapp jiaxee quanlingg ar?

55 Jitt xee qamxx m si bagcniu ee qniaw mah? Ix ee laurbuw qamxx m si qiyr juer Malia, Ix ee hniadi qamxx m si qiyr James, Joses, Simon, qapp Judah mah?

56 Ix ee jixbe qamxx byy longxx qapp lanw dirr jiax mah? Anxnix, jitt langg dui' daxlyc did diyc jiaxee itcer ar?"

57 Inx dyrr iamwjen Ix. Danrsi Jesus qra inx qongw, "Sendilangg dirr vunxhniux vunxqex ixgua, byy be did diyc junqingr."

58 Jesus dirr hiax byy qniaa jerje quanlingg, in'ui inx byy sinr Ix.

14 Dng' hitt sii, hunhongx ee zinqunx Helod tniax qnir Jesus ee miasniax,

2 Dyrr qra ix ee ceing qongw, "Jitt xee dyrr si qniaa sexlew ee Johan, ix dui' sixlangg diongx qycc uac, soxiw u jiaxee quanlingg dui' ix henxcud."

3 Jingg:a Helod uirdiyhh ix ee hniadi Filip ee bow Helodias ee enqor, u liac Johan, qycc qra vak kiw laii, suar qnuaix lyc qnax.

4 In'ui Johan bad qra ix qongw, "Liw jiaplap jitt xee hurzinlangg si vuthuad :ee."

5 Helod rair beh taii ix, dogdok qniax vecsnir, in'ui inx liac Johan juer sendix.

6 Duw diyc Helod juer snizit, Helodias ee jaboxqniaw dirr jiongww langg ee binrtaujingg tiauwbuw laii hro Helod hnuahiw.

7 Dui' anxnix, Helod dyrr jiuwjua, rinw beh jiauww ix soxx qriuu :ee longxx hro ix.

8 Ix siurr inx laurbuw ee saixsy, dyrr qongw, "Jiong' qniaa sexlew ee Johan ee taukag drew dirr vnuaa nirr, jiurr jitt xee hro guaw."

9 Ongg jin' iubun; danrsi uirdiyhh soxx jxiur ee jxua, qycc u qangg dyh ee langg dilehh, dyrr bingrling qongxx beh hro ix.

10 Ix dyrr crex langg kir qnax nirr taii Johan.

11 Johan ee taukag virr drew dirr vnuaa nirr tec laii hro jaboxginxaw. Jaboxqniaw dyrr pangg kir hro ix ee laurbuw.

12 Johan ee hagsingx laii siux ix ee sinsix kir baijongr liauxau, dyrr kir qra Jesus qongw.

13 Jesus tniax .qnir dyrr jnriu junn, dui' hiax trer kir kongwiaw qaqi druar. Jiongww langg tniax .qnir, dyrr dui' jiaxee sniaa vorqniaa duer Ix.

14 Ix cud .kir, knuar qnir qui' dua din ee langg, dyrr linbinw inx, rix hyw inx diongqanx u vni :ee.

15 Tnix beh amr ee sii, hagsingx jiurqin Ix qongw, "Jiax si kongwiaw, qycc sii ixqing' quer, diyhh hro jiongww langg siwsnuar, tangx kir hniusia brew jiac."

16 Jesus qra inx qongw, "Inx mrbenw kir. Linw hro inx mihqnia jiac."

17 Inx qra Ix qongw, "Guanw dirr jiax jixu go xee vniaw, nng buew hii."

18 Ix qongw, "Tec laii hro Guaw."

19 Jesus huanhur jiongww langg dirr cauxvox jre, dyrr tec hitt go xee vniaw, nng buew hii, ngr tnix laii jioksia. Ix qra vniaw vreh hro hagsingx, hagsingx jiacqycc hro jiongww langg.

20 Inx longxx jiac qaur vaw, soxx cunx ee sud aw kiyh muaw jap-zi kingx.

21 Jiac ee langg, hurzinlangg qapp ginxaw ixgua, iokliok go-cingx.

22 Jusus sui' vig hagsingx jnriu junn dairsingx quer kir hitt vingg, tingwhau Ix siwsnuar jiongww langg.

23 Siwsnuar jiongww langg liauxau, dyrr qaqi jnriu snuax qidyw. Ixqing' amr ar, jixu Ix qaqi dirr hiax.

24 Hitt sii in'ui si duiwtauhongx, junn dirr haiw-diongx hro ingw iyjuah.

25 Amwmii sir qnxix, Jesus dui' haiw-bin qniaa kir jiurqin inx.

26 Hagsingx knuar qnir Ix qniaa dirr haiw-bin, dyrr cniqniax, qongw, "Si quaiwmic". Inx in'ui qniax, dyrr auqiyr.

27 Jesus liamvnix kir qapp inx qongxue, qongw, "Anx linw ee simx, si Guaw, mrbenw qniax."

28 Peter rinr qongxx, "Jruw ar, qyxzenn si Liw, cniaw ha bingrling hro guaw qniaa juiw-bin tangx jiurqin Liw."

29 Ix qongw, "Laii". Peter dyrr dui' junn nirr lyc .kir, qniaa dirr juiw-bin, beh jiurqin Jesus.

30 Danrsi ix knuar qnir hongx dyrr qniax, decbeh dimm .lyc .kir, dyrr auqiyr qongxx, "Jruw ar, qiur guaw."

31 Jesus sui' crunx ciuw kanx ix, qongw, "Siyxsinr ee langg, sniaw su giaugii?"

32 Inx jid'err jnriu junn, hongx dyrr dnia.

33 Junn nirr ee langg vair Ix, qongw, "Liw jinjniar si Siongrder ee Qniaw."

34 Quer haiw liauxau, dyrr qaur Gennesalet hitt xee soxjai.

35 Hitt xui ee langg bad Ix, dyrr crex langg kir siwhngx, qra soxu u vni :ee cua laii jiurqin Ix,

36 Qriuu Ix qongxx qandna' hro inx bongx Ix ee sna'axqix ee ciux, inx dyrr e hyw. Qniwnarr bongx .diyc ee langg, vni jiaujngg hyw.

15 Hitt sii u Faliselangg qapp qinghagsu dui' Jelusalem laii jiurqin Jesus, qongw,

2 "Liw ee hagsingx sniaw su uivue qoxjaxlangg ee tuantongw? Inx jiac ee sii longxx byy sew ciuw."

3 Ix dyrr rinr qongxx, "Linw sniaw su uirdiyhh linw ee tuantongw laii uivue Siongrder ee bingrling ar?

4 Siongrder qongw, 'Diyhh qingr linw ee ve, linw ee buw'; qycc u qongw, 'Me ve iacc si me buw :ee, dikkag diyhh hro ix siw.'

5 Danrsi linw qongw, 'Qniwnarr langg duiww ve iacc si buw qongw: Liw vunxlaii soxx e tangx dui' guaw did .diyc ee lirig, guaw ixqing' qra henr hro Siongrder;

6 Hitt langg dyrr mrbenw qingr ix ee ve :ar.' Linw dyrr dui' linw ee tuantongw hruer Siongrder ee dyrliw.

7 Qew hyw ee langg ar, Isaiah qiw linw laii camwgiw :ee jinjniar driyc. Ix qongw,

8 'Jitt quaw vecsnir ing cuiwdunn junqingr Guaw, danrsi inx ee simx lirkuix Guaw hng hng.

9 Inx qingwvair Guaw si kangx :ee, in'ui inx ing langg soxx bingrling :ee juer qawsi laii qawsi langg.''

10 Ix dyrr qra jiongww langg qiyr .laii, qra inx qongw, "Linw diyhh tniax laii hiauxgno.

11 Dui' cuir zip ee ue be hro langg uwuer; dui' cuir cud :ee jiacc hro langg uwuer."

12 Hitt sii hagsingx jiurqin laii qra Ix qongw, "Faliselangg tniax qnir jitt xee ue, jin' m guan. Liw jaix mah?"

13 Ix rinr qongxx, "Qniwnarr jaijingr ee mic m si Guaw ee Tnive soxx jaijingr :ee, beh vuic ix ee qinx.

14 Cutjai inx. Inx si cnimii decc cuarlo. Cnimii qra cnimii :ee cuarlo, nng xee decbeh vuac zip kir hamrknix."

15 Peter rinr Ix qongxx, "Jitt xee piwzu, cniaw qra guanw quexbingg,"

16 Ix dyrr qongw, "Linw iauxquxx be hiauxgno mah?

17 Qamxx iauxx m jaingiaw, qniwnarr dui' cuir zip :ee, beh lyc dirr vakdow, suar qycc vangr dirr cewdii ar?

18 Danrsi dui' cuir cud :ee, si dui' simlai huad cud, jiaxee jiacc e hro langg uwuer.

19 In'ui dui' simx huad cud pnaiw liamrtauu, hinghiongx, qan'imm, sutongx, tautec, lamrsamw qanjingr, vongwdok;

20 Jiaxee e hro langg uwuer. Danrsi byy sew ciuw laii jiac, be hro langg uwuer."

21 Jesus dui' hiax cud kir trer kir qaur Tyle, Sidon ee qingxqair.

22 Duxdng u jit xee Kanaan ee hurzinlangg an' qauqair cud .laii, ix auqiyr qongxx, "Jruw ar, David ee Horer, linbinw guaw; guaw ee jaboxqniaw huan diyc qxuiw, jin' qankow."

23 Jesus byy rinr ix jit qxur. Ix ee hagsingx laii qriuu Ix qongxx, "Diyhh qra ix qiur, ix dirr lanw ee aurbin decc auqiyr."

24 Ix dyrr rinr qongxx, "Guaw hrong crex, jriw jiurqin Islael ee qrex soxx sitlyc ee ngiuu nardnia."

25 Hurzinlangg laii vair ix, qongw, "Jruw ar, vangjan guaw."

26 Danrsi Ix qongw, "Tec qniaxzii ee vniaw hed hro qxauw-aw, jex si byy habgii."

27 Hurzinlangg qongw, "Jruw ar, driyc. Mrquxx lenrr qxauw-aw iarr erdid jiac inx ee juxlangg dyh-kax qalauc ee vniaxiur."

28 Dui' anxnix Jesus rinr qongxx, "Hurzinlangg ar, liw ee sinr dua lar; jiauww liw soxx rair :ee, qra liw juewjniaa." Dui' hitt sii, ix ee jaboxqniaw dyrr hyw :ar.

29 Jesus lirkuix hiax, qaur Galilee ee haiw-vnix, qycc vreh jnriu snuax decc jre.

30 U jerje din ee langg jiurqin Ix, suar duar vaixkax :ee, cnimii :ee, exqauw :ee, puawsniur :ee, qapp jerje vadd kuanw :ee laii, he dirr Ix ee kax-jingg. Ix dyrr rix hyw inx.

31 Jex drir qaur jiongww langg gonggniac, in'ui knuar qnir exqauw :ee qongxue, puawsniur :ee longxx hyw, vaixkax :ee e qniaa, cnimii :ee knuar .qnir; dyrr qra ingqngx qruix hro Islael ee Siongrder.

32 Jesus qiyr Ix ee hagsingx laii, qongw, "Guaw linbinw jiaxee langg, in'ui inx ixqing' qapp Guaw druar snax zit, iarr byy mic tangx jiac. Guaw m qramx hro inx iaux dngw kir, qniax inx dirr lo nirr e iawsen."

33 Hagsingx qra Ix qongw, "Jitmaw si dirr kongwiaw, guanw dui' daxlyc u hiacc je vniaw tangx hro jiacc je langg jiac vaw?"

34 Jesus qra inx qongw, "Linw u zuarr je vniaw?" Rinr qongxx, "Cid xee. Qycc u damrvyc ser buew hii."

35 Jesus dyrr huanhur jiongww langg jre dirr de nirr.

36 Ix tec hitt cid xee vniaw qapp hii decc jioksia, liauxau dyrr qra vreh .kuix, qaux hro hagsingx. Hagsingx qycc qaux hro jiongww langg.

37 Inx longxx jiac qaur u vaw. Qra cunx ee sud aw kiyh .kiw .laii, drew muaw cid naa.

38 Jiac ee langg, hurzinlangg qapp ginxaw ixgua, qiong sir-cingx langg.

39 Ix hro jiongww langg siwsnuar .kir liauxau, Ix dyrr jnriu junn, qaur Magdala ee qauqair.

16 Falise qapp Sadducelangg laii beh cir Jesus, cniaw Ix ing dui' tnix ee sinziah hro inx knuar.

2 Danrsi Ix rinr qongxx, "Ehngx-sii tnisig angg, linw qongw, 'E hyw tnix lar';

3 Jaixkiw-sii tnisig oauw, linw qongw, 'Qinaxzit u hongho.' Linw erhiauw hunvet tnisig, suacc be hunvet jitt xee sii ee sinziah.

4 Okdok qan'imm ee sewdai qriuu sinziah, duliauw Jonah ee sinziah ixgua, byy beh sinziah hro ix." Dyrr lirkuix inx kir.

5 Hagsingx quer kir hitt vingg, be qir did duar vniaw.

6 Jesus qra inx qongw, "Diyhh qinxsin dihongg Falise qapp Sadducelangg ee qnar."

7 Hagsingx snaqab girlun qongxx, "Si lanw byy duar vniaw."

8 Jesus jaingiaw, dyrr qongw, "Siyxsinr ee langg ar, sniaw su uirdiyhh byy vniaw decc snaqab girlun ar?

9 Linw iauxquxx be hiauxdid, iacc si be qir did go-cingx langg jiac go xee vniaw, linw kiyh quiw kingx ar?

10 Acc sir-cingx langg jiac cid xee vniaw, linw kiyh quiw naa ar?

11 Linw jnaixngiu be hiauxdid Guaw soxx qra linw qongw :ee, m si qiw vniaw, dogdok diyhh dihongg Falise qapp Sadducelangg ee qnar."

12 Inx jiacc e hiauxdid Ix soxx qongw :ee m si dihongg vniaw ee qnar, si dihongg Falise qapp Sadducelangg ee qxaur.

13 Jesus ixqing' qaur Kaesalea Filippi ee qingxqair, mng Ix ee hagsingx qongxx, "Langg decc qongw Zinjuw si jirjui?"

14 Inx qongw, "Uree qongw si qniaa sexlew ee Johan; uree qongw si Elijah; qycc uree qongw si Jelemiah iacc si sendilangg diongx ee jit xee."

15 Ix dyrr qra inx qongw, "Danrsi linw qongw Guaw si jirjui?"

16 Simon Peter rinr qongxx, "Liw si Krist, jin'uac Siongrder ee Qniaw."

17 Jesus rinr inx qongxx, "Simon Bar-Jonah, liw u hokkir ar, in'ui m si ziogtew :ee hiongr liw jixsi jex, si Guaw dirr tnix nirr ee Ve jixsi liw :ee.

18 Guaw qycc qra liw qongw, liw dyrr si Peter. Dirr jitt xee jiyhvnuaa dingw, Guaw beh kixjy Guaw ee qauwhue. Imhuw ee quanser iarr be ngiaa quer ix.

19 Guaw beh qra tenqog ee syxsii hro liw; qniwnarr liw dirr de nirr vak :ee, dirr tnix nirr iarr beh vak ix; qniwnarr liw dirr de nirr vangr :ee, dirr tnix nirr iarr beh vangr ix."

20 Hitt sii dyrr qimwqair hagsingx, m tangx qra langg qongw Ix si Krist.

21 Dui' hitt diap kiw, Jesus jiacc jixsi Ix ee hagsingx qongxx Ix diyhh kir Jelusalem, dui' jiaxee dniuxlyw, jewsitauu, qinghagsu sriu diyc jerje ee koxcow; qycc siurr hai siw, derr snax zit qycc uac.

22 Peter qra Ix kanx lehh, krngr Ix qongxx, "Jruw ar, cenban m tangx, jitt xee su quatduan byy beh qaur dirr Liw."

23 Jesus uat dngw srinx qra Peter qongw, "Satan, trer kir Guaw ee aurbin, liw si Guaw ee tatgai; in'ui liw soxx sniu :ee m si Siongrder ee su, si langg ee su."

24 Hitt sii Jesus qra Ix ee hagsingx qongw, "Langg narr beh duer Guaw, diyhh hnoxzin qaqi, giaa ix ee sibzirqer laii duer Guaw.

25 In'ui qniwnarr rair qiur ix ee sniwmia :ee, beh sitlyc sniwmia; qniwnarr uirdiyhh Guaw laii sitlyc ix ee sniwmia :ee, beh did diyc sniwmia.

26 Langg narr did diyc juann sewqair, suacc laii songwsid ix ee linghunn, u simxmih lirig? Iacc si qongxx langg erdangr cud simxmih laii duiwngua ix ee linghunn?

27 In'ui Zinjuw ing Ix ee Ve ee ingqngx, beh qapp Ix ee tnisair dauwdin laii. Hitt sii, Ix beh jiauww dagg langg soxx qniaa :ee laii vywingr.

28 Guaw sidjai qra linw qongw, kia dirr jiax :ee, u langg iauxx bue siw, e knuar qnir Zinjuw dirr Ix ee qog-lai."

17 Quer lak zit, Jesus lingrgua duar Peter, James, qapp James ee hniadi Johan, cua inx vreh jnriu quann snuax,

2 Dng' inx ee binrjingg hingjong venwngua. Ix ee bin qngx ngiawngiar, cincniu zit; Ix ee snxax vec siaksiag, cincniu qngx.

3 Hutzenqanx, Moses qapp Elijah duiww inx henxhen, qapp Ix qongxue.

4 Peter rinr Jesus qongxx, "Jruw ar, lanw dirr jiax jin' hyw. Liw narr rair, guaw beh dirr jiax dah snax qingx lxiauu-aw, jit qingx hro Liw, jit qingx hro Moses, jit qingx hro Elijah."

5 Ix iauxx decc qongxue ee sii, hutzenqanx u qngx qngx ee hunn dar dirr inx dingxquann, qycc u sniax dui' hunn nirr cud .laii, qongw, "Jitt xee si Guaw tniar ee Qniaw, Guaw soxx hnuahiw :ee; linw diyhh tniax Ix."

6 Hagsingx tniax .qnir, dyrr pag .lyc .kir, jinrjai qniax.

7 Jesus jinwjingg bongx inx, qongw, "Kiw .laii, m tangx qniax."

8 Inx giahbak, byy knuar qnir jit langg, jixu Jesus nardnia.

9 Lyc snuax ee sii, Jesus bingrling inx qongxx, "Zinjuw iauxx bue dui' sixlangg diongx qycc uac, m tangx qra soxx knuar .qnir .ee qra langg qongw."

10 Ix ee hagsingx mng Ix qongxx, "Si jnaixngiu qinghagsu qongw Elijah diyhh singx laii?"

11 Ix rinr qongxx, "Elijah dikkag diyhh singx laii, ix beh hingx kiw banrhang su.

12 Danrsi Guaw qra linw qongw, Elijah ixqing' laii :ar, acc inx m bad ix, suacc jiauww inx soxx rair :ee laii kuanxtai ix. Zinjuw iarr beh cincniu anxnix siurr inx ee hamrhai."

13 Hagsingx jitt sii jiacc hiauxdid Ix soxx qra inx qongw :ee, si qiw qniaa sexlew ee Johan.

14 Qaur jiongww langg hiax liauxau, u jit xee langg jiurqin Ix, duiww Ix qui .lyc .kir, qongw,

15 "Jruw ar, linbinw guaw ee qniaw, ix huan ngiuhinn jin' qankow, dniardnia vuac lyc huew, qycc dniardnia vuac lyc juiw.

16 Guaw cua ix jiurqin Liw ee hagsingx, inx byy huatdo rix hyw ix."

17 Jesus rinr qongxx, "Hnairah! M sinr qycc vuergik ee sewdai ar, Guaw beh qapp linw druar zuarr quw? Guaw beh tunlunw linw zuarr quw? Duar ix laii jiax jiurqin Guaw."

18 Jesus jikvi qxuiw, qxuiw dyrr dui' ginxaw hiax cud .laii. Dui' hitt jit sii, ginxaw dyrr hyw.

19 Hitt sii hagsingx amwjni jiurqin Jesus, qongw, "Guanw jnaixngiu byy huatdo qnuaw qxuiw lehh?"

20 Ix qra inx qongw, "In'ui linw siyxsinr. Guaw sidjai qra linw qongw, linw narr u sinr, cincniu jit liap quawcaiwjiw, linw qra jit xee snuax qongw, 'Dui' jiax suaw kir hiax', snuax iarr beh suaw .kir; qycc byy jit hxang linw be e.

21 Jongwsirr jitt lui, narr m si ing qidyw, qimwjiac, ix dyrr byy cud .kir."

22 Inx iauxx druar Galilee ee sii, Jesus qra hagsingx qongw, "Zinjuw beh siurr sangwqaux dirr langg ee ciuw.

23 Inx beh taii Ix. Derr snax zit Ix e qycc uac." Hagsingx jin' iubun.

24 Qaur Kapernaum ee sii, u siux dingsuer :ee jiurqin Peter, qongw, "Linw sensnix qamxx m lap dingsuer mah?"

25 Ix qongw, "Beh". Zip kir cur liauxau, Jesus dairsingx qra ix qongw, "Simon ar, liw pacsngr jnaixngiu? Sewjniu jiaxee ongg, duiww jirjui siux hxiongr qapp tiux dingsuer? Si duiww qaqi ee qniaxzii, iacc si duiww guarbin langg ar?"

26 Ix jid'err qongw, "Duiww guarbin ee langg." Jesus dyrr qra ix qongw, "Narr anxnix, qniaxzii dyrr tangx mrbenw lap.

27 Danrsi kiongxqniax lanw e tathai diyc inx. Liw kir haiw nirr vangwdiyr, qra dairsingx jniurdiyr ee hitt buew hii liac .laii, qra ix ee cuir kuix .kuix, e did diyc ginn jit xee. Liw qra tec kir lap hro inx, dyrr junw juer Guaw qapp liw ee suewginn."

18 Dng' hitt sii, hagsingx jiurqin Jesus qongw, "Dirr tenqog, simxmih langg siongrr dua?"

2 Jesus dyrr qiyr jit xee sewhanr ginxaw laii kia dirr in diongqanx, qongw,

3 "Guaw sidjai qra linw qongw, linw narr byy uat dywdngw laii jniaa juer cincniu sewhanr ginxaw :ee, quatduan be zip tenqog.

4 Soxiw qniwnarr qaqi kiamvix cincniu jitt xee sewhanr ginxaw :ee, ix dirr tenqog dyrr si siongrr dua.

5 Qniwnarr dirr Guaw ee miaa jiaplap jitt hy sewhanr ginxaw ee jit xee, dyrr si jiaplap Guaw.

6 Qniwnarr hro jiaxee sinr Guaw :ee ee biser ee jit xee siurr tatgai, hitt xee langg lingkow u dua jiyhbyy diaur ix ee amrqunw, tiam dirr cimx haiw.

7 Jitt sewqanx u jaiec ar, in'ui u tatgai langg ee su; qycc in'ui tatgai ee su be benw did u, tatgai ee su dui' jirjui laii, hitt xee langg u jiae.

8 Setsuw liw ee jit ciuw jit kax tatgai liw, diyhh qra jam hetqag; liw did diyc uac ee sii si puawsniur iacc si vaixkax, kacc hyw did nng ciuw nng kax hed lyc ingxuanw ee huew.

9 Setsuw liw ee jit bak tatgai liw, diyhh qra iah hetqag; liw did diyc uac ee sii qandna' jit bak, kacc hyw did nng bak hed lyc dergak ee huew.

10 Linw diyhh qinxsin, m tangx knuawkinx jiaxee biser diongx ee jit xee, in'ui Guaw qra linw qongw, inx dirr tnix nirr ee tnisair, siongsiongg qnir diyc Guaw dirr tnix nirr ee Ve ee bin.

11 Zinjuw laii, si beh qiur sitlyc ee langg.

12 Linw pacsngr jnaixngiu? Langg narr u jit-vah jiah ngiuu, qidiongx jit jiah pacmrqnir, qamxx byy jiamrcniaw vangwhe hitt qauw-jap-qauw jiah, kir snuax nirr cue hitt jiah pacmrqnir :ee mah?

13 Narr qyxzenn cue .diyc, Guaw sidjai qra linw qongw, ix uirdiyhh hitt jiah decc hnuahiw, kacc ngiaa quer hitt qauw-jap-qauw jiah byy pacmrqnir :ee.

14 Cincniu anxnix, jiaxee biser diongx ee jit xee dimlunn, dyrr m si linw dirr tnix nirr ee Ve ee jixir.

15 Setsuw liw ee hniadi dikjue liw, qandna' liw qapp ix dilehh ee sii, liw diyhh kir jixbingg ix ee m driyc.

16 Ix narr m tniax liw, diyhh cua jit~nng langg snaqab kir, ing nng~snax langg ee cuir juer qanjingr, dagg qxur ue tangx juer vinjunw.

17 Narr m kingw tniax inx, dyrr qra qauwhue qongw. Narr qycc m kingw tniax qauwhue, liw diyhh qnuaw ix cincniu duiwtai guarvanglangg qapp tiux hxiongr :ee jidngiu.

18 Guaw sidjai qra linw qongw, huanrnarr linw dirr de nirr vak :ee, dirr tnix nirr iarr beh vak inx; huanrnarr linw dirr de nirr tauw :ee, dirr tnix nirr iarr beh tauw inx.

19 Guaw qycc qra linw qongw, setsuw linw diongqanx nng langg dirr de nirr bylun qriuu simxmih, narr dangsimx, Guaw dirr tnix nirr ee Ve dyrr beh qra inx juewjniaa.

20 In'ui vutlun dirr simxmih soxjai, narr u nng~snax xee langg hrong Guaw ee miaa decc jurjip, Guaw iarr e dirr inx diongqanx."

21 Hitt sii Peter uaw laii qra Ix qongw, "Jruw ar, guaw ee hniadi dikjue guaw, guaw diyhh siawbenw ix quiw vaiw? Diyhh cid vaiw mah?"

22 Jesus qra ix qongw, "Guaw byy qra liw qongw cid vaiw, si qaur cid-jap xee cid vaiw.

23 Soxiw tenqog erdangr vixping qongxx zinqunx rair beh qapp ix ee lovok sngwsiaur.

24 Kixtauu decc sngr ee sii, u langg cua jit xee kiamr ix cingban ginn :ee laii.

25 In'ui ix byy jaidiau hingg, ix ee juxlangg dyrr bingrling ix diyhh bre ix vunxsinx, ix ee boxqniaw, qapp ix itcer soxx u :ee laii hingg.

26 Hitt xee lovok dyrr pag lehh, vair ix, qongw, 'Juxlangg ar, diyhh kuan'iongg guaw, jionglaii guaw e longxjongw hingg liw.'

27 Lovok ee juxlangg in'ui linbinw laii vangr ix, qycc siawbenw ix ee jxer.

28 Hitt xee lovok cud .kir, duw diyc ix jit xee qangg decc juer lovok :ee, kiamr ix jit-vah ginn, dyrr liac ix, qra ix ee amrqunw cxex lehh, qongw, 'Liw soxx kiamr :ee diyhh hingg guaw.'

29 Qangg decc juer lovok :ee pag lehh, qriuu ix qongxx, 'Diyhh kuan'iongg guaw, guaw e hingg liw.'

30 Danrsi ix m kingw, dyrr qra ix qnuaix lyc qnax laii tingwhau ix hingg soxx kiamr :ee.

31 Jiaxee qangg decc juer lovok :ee knuar qnir jitt xee dairjir, jin' iubun, jiong' longxjongw ee su duiww juxlangg qongw.

32 Dui' anxnix, ix ee juxlangg driaur ix laii, qra ix qongw, 'Pnaiw ee lovok ar, in'ui liw qriuu guaw, guaw dyrr jiong' liw soxx kiamr :ee longxx siawbenw.

33 Liw qamxx m diyhh linbinw liw ee qangg juer lovok :ee, cincniu guaw linbinw liw?'

34 Ix ee juxlangg siurkir, jiong' ix qaudair hingdiong, tingwhau ix itjin hingg soxx kiamr :ee.

35 Anxnix linw dagg langg narr byy ingrsimx siawbenw linw ee hniadi, Guaw ee Tnive iarr beh anxnix kuanxtai linw."

19 Jesus qongw jiaxee ue suah, dyrr lirkuix Galilee, qaur Judea ee qingxlai, Jordan Hyy gua.

2 U qui' dua din ee langg duer Ix. Ix dyrr dirr hiax rix hyw inx.

3 U Faliselangg laii beh cir Ix, qongw, "Langg vutlun simxmih enqor longxx tangx lii ix ee bow mah?"

4 Ix dyrr rinr qongxx, "Linw qamxx byy tak diyc congwjy ee Jruw guankixtauu congwjy inx u lxamm u luw?

5 Qycc qongw, 'In'ui anxnix langg beh lirkuix verbuw, qetlenn ix ee bow, nng xee beh jniaa juer ittew.'

6 Cincniu anxnix byy qycc juer nng xee, si juer ittew. Soxiw Siongrder soxx puewhap :ee, langg m tangx vunkuix ix."

7 Inx qra Ix qongw, "Narr anxnix, Moses jnaixngiu huanhur ing lisux laii lii bow ar?"

8 Ix qra inx qongw, "Moses in'ui linw ee simx gni, jiacc jrunw linw lii bow; danrsi dui' kixtauu m si anxnix.

9 Qycc Guaw qra linw qongw, qniwnarr m si uirdiyhh qan'imm ee enqor laii lii ix ee bow, suar crua vadd xee, jex dyrr si qniaa imm; crua langg' soxx lii .cud .ee, iarr si qniaa imm."

10 Hagsingx qra Ix qongw, "Langg qapp ix ee bow ee su qiwzenn si anxnix, lingkow byy crua."

11 Ix dyrr qra inx qongw, "Jitt hy ue m si jiongww langg soxx e singsiu :ee; jixu did diyc sniuxsur :ee jiacc e.

12 In'ui u langg dui' buxtaix cutsir dyrr si iamx :ee; iarr u hro langg' iamx :ee; iarr u uirdiyhh tenqog qaqi iamx :ee. E singsiu :ee diyhh singsiu ix."

13 Hitt sii u langg cua sewqniaw jiurqin Ix, rair Ix ing ciuw hnua inx laii qidyw. Hagsingx jikvi inx.

14 Danrsi Jesus qongw, "Iong'unw sewqniaw jiurqin Guaw, m tangx qimr ix, in'ui tenqog si sriok dirr jitt hy :ee."

15 Ix dyrr ing ciuw hnua inx, liauxau lirkuix hiax kir.

16 Duxdng u jit xee langg jiurqin Ix, qongw, "Sensnix, guaw diyhh qniaa simxmih hyw tangx did diyc ingxuac?"

17 Ix qra ix qongw, "Liw jnaixngiu tee kiw hyw hiongr Guaw decc mng? Hyw :ee qandna' jit xee, hex dyrr si Siongrder. Liw narr rair zip ingxuac, diyhh siuw jiaxee qaiwbing."

18 Ix qra Ix qongw, "Si simxmih?" Jesus qongw, "M tangx taii siw langg, m tangx qniaa imm, m tangx tautec, m tangx lamrsamw juer qanjingr,

19 Qingr liw ee verbuw, diyhh tniar liw ee cuwvnix cincniu qaqi."

20 Siauwlenlangg qra Ix qongw, "Jiaxee guaw longxx u siuw ix; iauxquxx kiamr simxmih?"

21 Jesus qra ix qongw, "Liw narr rair juer uanjuann, diyhh qra liw soxu :ee bre driau laii hro songwhionglangg, anxnix dirr tnix nirr liw dyrr u jaivyw; iauxqycc, diyhh duer Guaw."

22 Siauwlenlangg tniax qnir jiaxee ue, dyrr jin' iubun laii jauw .kir, in'ui ix ee sanxgiap jin' je.

23 Jesus dyrr qra Ix ee hagsingx qongw, "Guaw sidjai qra linw qongw, vur langg zip tenqog yh ar!

24 Guaw qycc qra linw qongw, logdyy cngx quer jiampni, viw vur langg zip Siongrder ee qog kacc kuair."

25 Hagsingx tniax .qnir dyrr dua gonggniac, qongw, "Narr anxnix, jirjui e did diyc qiur ar?"

26 Jesus knuar inx, qongw, "Jairdirr langg si be e, jairdirr Siongrder, bangrsu longxx e."

27 Hitt sii Peter rinr Ix qongxx, "Guanw bad vangwsag itcer laii duer Liw, guanw beh did diyc simxmih ar?"

28 Jesus qra inx qongw,"Guaw sidjai qra linw qongw, linw jiaxee duer Guaw, qaur qycc hingx kiw ee sii, Zinjuw jre dirr Ix ingqngx ee jyrui, linw iarr beh jre jap-zi xee jyrui, laii simxpnuar Islael jap-zi xee jipair.

29 Qniwnarr uirdiyhh Guaw ee miaa vangwsag cuwtec, iacc si hniadi, jixbe, laurve, laurbuw, qniaxzii, iacc si canhngg, beh did diyc vah vxue, laii singjiab ingxuac.

30 Danrsi jerje dairsingx :ee beh juer lorbuew, lorbuew :ee beh juer dairsingx.

20 In'ui tenqog dyrr cincniu qejuw tauwjaw cud kir cniar langg zip ix ee pudyhngg juer qangx.

2 Ix qapp juewqangx ee langg iog jit zit jit jnii ginn, dyrr crex inx zip ix ee hngg.

3 Qauw diamw ee sii cud .kir, qycc knuar qnir u langg ingg ingg kia dirr queci nirr,

4 Dyrr qra inx qongw, 'Linw iarr kir pudyhngg, guaw beh jiauww qongdy hro linw'; inx dyrr kir.

5 Jap-zi diamw qapp snax diamw ee sii qycc cud .kir, iarr anxnix juer.

6 Go diamw ee sii cud .kir, qycc duw diyc u langg kia lehh, dyrr qra inx qongw, 'Linw sniaw su tong' zit ingg ingg kia dirr jiax ar?'

7 Inx qra ix qongw, 'In'ui byy langg cniar guanw.' Ix qra inx qongw, 'Linw iarr kir pudyhngg.'

8 Qaur zit amr, hngjuw qra ix ee quanxqex qongw, 'Qiyr juewqangx :ee, hro inx qangjnii, dui' lorbuew laii :ee kiw, qaur dairsingx laii :ee uijiw.'

9 Hiaxee dirr go diamw soxx cniar :ee qaur, dagg xee niaw jit jnii ginn.

10 Dairsingx cniar :ee qaur, inx pacsngr beh niaw kacc je; mrquxx inx iarr dagg xee niaw jit jnii ginn.

11 Niaw liauw, dyrr duiww qejuw gnauhgnauc liam qongxx,

12 'Guanw tong' jit zit tuabuaa siurr zuac; hiaxee lorbuew cniar :ee, juewqangx jit diamxjingx quw, qingwzenn hro ix qapp guanw vnii jnii.'

13 Ix dyrr duiww inx jit langg rinr qongxx, 'Ving'iuw ar, guaw m si byy qongdy kuanxtai liw. Liw qamxx m si qapp guaw iog jit jnii ginn mah?

14 Liw ee, liw tec liauw jueww liw kir. Guaw beh hro jitt xee lorbuew :ee qapp liw vnii je jnii. Ing guaw ee mic, qniaa guaw soxx air, qamxx be juer .did?

15 Iacc si in'ui guaw juer hyw, liw decc bagciah mah?'

16 Cincniu anxnix, lorbuew :ee beh juer dairsingx, dairsingx :ee beh juer lorbuew."

17 Jesus jnriu Jelusalem ee sii, dirr lo nirr qra jap-zi xee hagsingx cua qaur vnix:a, qra inx qongw,

18 "Dnaxx lanw jnriu Jelusalem, Zinjuw beh siurr qewsangr hro jiaxee jewsitauu qapp qinghagsu, inx beh griw Ix sixjue,

19 Iarr beh suar qra qewsangr hro guarvanglangg. Inx beh hiwlang Ix, vnipah Ix, qra Ix dingr dirr sibzirqer; derr snax zit Ix beh qycc uac."

20 Hitt sii Zebedee ee qniaw ee laurbuw qapp ix nng xee qniaw jiurqin laii vair Ix, qriuu jit hxang su.

21 Ix qongw, "Liw rair simxmih?" Rinr qongxx, "Guan Liw cud bingrling, hro guaw jitt nng xee qniaw dirr liw ee qog, jit xee jre dirr Liw ee jniawvingg, jit xee jre dirr Liw ee dywvingg."

22 Jesus rinr qongxx, "Linw soxx qriuu :ee, linw m jaix. Guaw soxx beh limx ee vxuex, linw e limx mah?" Rinr qongxx, "E".

23 Ix qra inx qongw, "Guaw ee vxuex linw dikkag beh limx. Danrsi beh jre dirr Guaw ee jniawvingg, m si Guaw e tangx hro langg, dogdok si Guaw ee Ve beh uirdiyhh simxmih langg virvan :ee, dyrr beh hro inx."

24 Jap xee hagsingx tniax .qnir, dyrr siurkir hitt nng xee hniadi.

25 Jesus qiyr inx laii, qongw, "Linw jaix dirr guarvangx u zinqunx juer Jruw laii dirliw inx, u dairzinn quanxhad inx.

26 Dogdok linw diongqanx m si anxnix. Linw diongqanx rair juer dua :ee, beh juer linw ee ce'ing;

27 Rair juer tauu :ee, beh juer linw ee lovok.

28 Cincniu Zinjuw laii, m si beh ce'ing langg, si beh hro langg ce'ing; qycc henr Ix ee sniwmia, laii sioghuee jerje langg."

29 Inx cud Jeliqo ee sii, qui' dua din ee langg duer Ix.

30 Duxdng u nng xee cnimii :ee jre dirr lo-vnix, tniax qnir Jesus dui' hiax quer, dyrr huah qongxx, "Jruw, David ee Horer ar, linbinw guanw."

31 Jiongww langg hiamm inx, qiyr inx jing jing; danrsi inx qyckacc dua sniax qiyr qongxx, "Jruw, David ee Horer ar, linbinw guanw."

32 Jesus tingkax, qiyr inx laii, qongw, "Rair Guaw qra linw juer simxmih?"

33 Inx qra Ix qongw, "Jruw ar, guanw rair bagjiux e knuar .qnir."

34 Jesus kyxlinn inx, dyrr bongx inx ee bagjiux. Inx liamvnix knuar .qnir, dyrr duer Ix.

21 Inx qniaa qin Jelusalem, qaur Betfage, dirr Qnanaw Snuax ee sii,

2 Jesus crex nng xee hagsingx, qra inx qongw, "Lanw kir duiwbin ee hniusia, liamvnix e duw diyc jit jiah luu ho'ngg vak lehh, qycc u jit jiah luu-aw qapp ix dilehh. Qra ix tauw kuix, kanx ix laii Guaw jiax.

3 Narr u langg qra linw qongw simxmih, linw dyrr qongw, 'Jruw kiamwing ix.' Ix e sui' qra sangr .laii."

4 Jitt xee su jniaa. Jex si beh ingwgiam jaxjingg tog sendix soxx qongw :ee, qongw,

5 "Diyhh qra Zion ee jaboxqniaw qongw, 'Liw ee Ongg laii jiurqin liw, unziuu, kiaa jit jiah luu, kiaa luu soxx snix ee luu-aw.'"

6 Hagsingx dyrr kir, jiauww Jesus soxx huanhur inx :ee kir qniaa.

7 Inx qra luu qapp luu-aw kanx .laii, jiong' qaqi ee snxax cux dirr inx dingxbin, Jesus dyrr jnriu .kir.

8 Jiongww langg diongx kacc je si jiong' qaqi ee snxax pox dirr lo nirr; uree cyr ciurqix pox dirr lo nirr.

9 Jingg qniaa au duer ee jiongww langg huah qongxx, "David ee Horer, Hosanna, hrong Jruw ee miaa laii :ee did diyc ylyw, dirr jiww quann :ee ee Hosanna."

10 Ix zip Jelusalem, tong' sniaa iyjuah, qongw, "Jitt xee si jirjui?"

11 Jiongww langg qongw, "Jitt xee si sendix Jesus, dui' Galilee ee Nazalet laii :ee."

12 Jesus zip Siongrder ee dxen, qra dxen-lai itcer bexbe ee langg qnuaw .cud .kir, ciax dyw ngua jnii ee langg ee dyh, qapp bre jnixaw ee langg ee iw.

13 Ix qra inw qongw, "U qiwjair qongxx, 'Guaw ee cur beh cxingx juer qidyw ee cur', danrsi linw jiaxee hro ix juer cadsiu."

14 Cnimii :ee, vaixkax :ee, dirr dxen nirr jiurqin Jesus, Ix dyrr rix hyw inx.

15 Dogdok jiaxee jewsitauu qapp qinghagsu knuar qnir Ix soxx qniaa ee qrii su, qycc knuar qnir ginxaw dirr dxen nirr huah qongxx, "David ee Horer, Hosanna." dyrr siurkir,

16 Qra Ix qongw, "Inx decc qongw :ee, Liw tniax .qnir bor?" Jesus qra inx qongw, "U. Linw qamxx m bad tak diyc hitt qxur, qongw, 'Dui' ginxaw qapp jiac linx :ee ee cuir, linw hro ylyw ee ue jiauvi' mah?'"

17 Dyrr lirkuix inx, cud sniaa qaur Betani, dirr hiax hiycmii.

18 Qeh jaixkiw, dyr laii sniaa nirr ee sii, Jesus iaux,

19 Knuar qnir lo-vnix u jit jangg buhuaqyxciu, dyrr uaw qin .kir, mrquxx banw longxx byy, jixu hiyc nardnia. Ix dyrr qra ciu qongw, "Dnaxx liauxau, liw ingxingw byy qycc qed quexjiw". Hitt jangg buhauqyxciu liamvnix qodaa .kir.

20 Hagsingx knuar .qnir, dyrr qiquair, qongw, "Buhuaqyxciu jnaixngiu liamvnix qodaa?"

21 Jesus rinr qongxx, "Guaw sidjai qra linw qongw, linw narr u sinr byy giaugii, m na jitt hy qniaa dirr buhuaqyxciu ee su linw e qniaa, dyrr narr duiww jitt xee snuax qongw, 'Diyhh suaw kir hed lyc haiw', iarr beh qniaa.

22 Qycc qidyw ee sii, qniwnarr linw soxx qriuu :ee, narr sinr, dyrr did .diyc."

23 Jesus zip dxen, qawsi langg ee sii, jiaxee jewsitauu qapp vecsnir ee dniuxlyw laii jiurqin Ix qongw, "Liw ing simxmih qxuann qniaa jiaxee su? Qycc jirjui hro Liw jitt xee qxuann?"

24 Jesus rinr qongxx, "Guaw iarr u jit qxur ue beh mng linw, linw narr qra Guaw qongw, Guaw jiacc beh qra linw qongw Guaw ing simxmih qxuann qniaa jiaxee su.

25 Johan ee sewlew si dui' daxlyc laii? Si dui' tnix, iacc si dui' langg?" Inx sukiax girlun qongxx, "Narr qongw, 'Dui' tnix', Ix beh qra lanw qongw, 'Anxnix linw sniaw su m sinr ix?'

26 Narr qongw, 'Dui' langg', lanw iurr qniax vecsnir; in'ui inx longxx liac Johan juer sendix."

27 Dyrr rinr Jesus qongxx, "Guanw m jaix." Ix dyrr qra inx qongw, "Guaw iarr byy beh qra linw qongw, Guaw si ing simxmih qxuann qniaa jiaxee su.

28 Danrsi linw pacsngr jnaixngiu? U jit xee langg ix u nng xee qniaw. Ix jiurqin hitt xee tauu jit xee, qongw, 'Qniaw ar, qinaxzit kir pudyhngg juewqangx.'

29 Rinr qongxx, 'Guaw m'; au .laii ix huanxhuew, dyrr kir.

30 Qycc jiurqin derr zi xee, iarr anxnix qongw. Rinr qongxx, 'Laurve ar, guaw beh'; danrsi ix byy kir.

31 Jitt nng xee daxlyc jit xee qniaa laurve ee iwsu ar?" Inx qongw, "Tauu jit xee." Jesus qra inx qongw, "Guaw sidjai qra linw qongw, jiaxee tiux hxiongr :ee qapp ciongqix beh dairsingx linw zip Siongrder ee qog.

32 In'ui Johan dirr gi ee lo jiurqin linw, linw byy sinr ix; tiux hxiongr :ee qapp ciongqix sinr ix. Qycc linw knuar liauw, au .laii iarr byy huanxhuew kir sinr ix.

33 Linw qycc tniax jit xee piwzu. U jit xee qejuw, jraix jit hngg pudyy, ix ing livax qra uii .kiw .laii, dirr lairbin kuix jiuxkud, kiw jit xee jiuxqnilauu jox hro denrho, dyrr kir vadd xee soxjai.

34 Siux quexjiw ee sii beh qaur, ix dyrr crex ix ee lovok jiurqin denrho, beh siux ix ee quexjiw.

35 Denrho liac ix crex .laii ee lovok, jit xee ho'ngg pah, jit xee ho'ngg taii, jit xee ho'ngg ing jiyhtauu dimr.

36 Ix qycc crex vadd xee lovok, viw jingg:a kacc je. Inx iuguann anxnix kuanxtai inx.

37 Au .laii ix crex ix ee qniaw jiurqin inx, sniu qongxx, 'Inx e junqingr guaw ee qniaw.'

38 Danrsi denrho knuar qnir hitt xee qniaw, dyrr snaqab qongw, 'Jitt xee si ix ee horsuu. Laii, qra ix taii .siw, tangx did ix ee giap.'

39 Inx dyrr liac ix, qra ix ciax cud hngg-gua hai siw ix.

40 Dnaxx hngjuw narr qaur, beh jnaixngiu laii vran jiaxee denrho?"

41 Inx qra Ix qongw, "Ix beh ing og vo laii bet jiaxee og langg; jiong' pudyhngg jox vadd xee denrho, dyrr si u jiauw sii lap quexjiw :ee."

42 Jesus duiww inx qongw, "Qingx nirr soxx qiwjair, 'Saihu soxx kiwsag ee jiyc, jniaa juer cuwqaktauu ee jiyc. Jex si Jruw soxx jniaa :ee. Lanw ee bagjiux knuar juer qiquair.' Linw qamxx byy tak mah?

43 Soxiw Guaw qra linw qongw, Siongrder ee qog beh dui' linw hiax cniuw .kir, laii sniuxsur e qed quexjiw ee vecsnir.

44 Qycc vuac dyw dirr jitt der jiyc-dingw :ee decbeh puar qoqoo; jitt der jiyc deh dirr si'angw dingxbin :ee, hitt xee beh iur buahbuac."

45 Jiaxee jewsitauu qapp Faliselangg tniax qnir Ix ee piwzu, jaix Ix soxx qongw :ee si qiw inx.

46 Dyrr rair beh liac Ix, danrsi qniax jiongww langg; in'ui jiongww langg liac Ix juer sendix.

22 Jesus rinr ix, qycc ing piwzu qra inx qongw,

2 "Tenqog vixping zinqunx decc qra ix ee qniaw virvan hun'inx ee ensiac.

3 Ix crex ix ee lovok qiyr hitt quaw siurr iaucniaw :ee laii hur ensiac; danrsi inx m laii.

4 Qycc crex vadd xee lovok, qongw, 'Kir qra siurr cniaw :ee qongw, guaw ee dyh ixqing' virvan ven, guaw ee guu qapp vuii ee jingsnix ixqing' taii, vachang mic longxx ven, diyhh laii hur ensiac.'

5 Inx knuar juer byy iauwqinw, jueww inx kir, jit xee kir ix ee canhngg, jit xee kir ix ee singlixdniuu.

6 Qi'uu :ee liac ix ee lovok, lingziok inx, taii inx.

7 Zinqunx siurkir, crex ix ee qunvingx jaubet hiaxee hionghuan, suar siyx inx ee sniaa.

8 Dyrr qra ix ee lovok qongw, 'Hun'inx ee ensiac ixqing' ven, danrsi siurr cniaw :ee byy qraur qeh.

9 Linw kir duarlortauu, qniwnarr duw .diyc .ee longxx cniaw ix laii hur ensiac.'

10 Hiaxee lovok cud kir lo nirr, bylun hyw, pnaiw, huanrr duw .diyc .ee, longxx qra jurjip. Hun'inx ee kectniax langkeh muaw muaw.

11 Zinqunx zip kir knuar langkeh, knuar qnir dirr hiax u jit xee langg byy cing lexhok,

12 Dyrr qra ix qongw, 'Ving'iuw ar, liw byy cing hun'inx ee lexhok, jnaixngiu zip laii jiax?' Hitt xee langg jing jing.

13 Hitt sii zinqunx qra jiaxee ce'ing qongw, 'Qra ix ee kaciuw vak .kiw .laii, jiong' ix hed dirr guarbin oamr ee soxjai; dirr hiax beh u tikaur qapp qargee cetkiw.'

14 In'ui siurr driaur :ee je, danrsi siurr qingw :ee jiyw."

15 Hitt sii Faliselangg decc camsiongg, knuar tangx jnaixngiu dui' Ix ee ue laii dauh Ix.

16 Dyrr crex inx ee hagsingx qapp Helod Dongw :ee jiurqin Ix qongw, "Sensnix ar, guanw jaix Liw si jinsit, qycc ing jinsit jiong' Siongrder ee lo qawsi langg. Liw iarr byy liac simxmih langg juer iauwqinw, in'ui Liw byy knuar langg ee guarmau.

17 Lap suer hro Kaesar habgii iacc byy? Liw pacsngr jnaixngiu? Cniaw qra guanw qongw."

18 Jesus jaix inx ee pnaiw, dyrr qongw, "Qew hyw ee langg ar, sniaw su decc cir Guaw.

19 Ing lap suer ee ginn-aw hro Guaw knuar." Ix dyrr tec jit xee ginn-aw hro Ix.

20 Jesus qra inx qongw, "Jitt xee siong qapp hy si jirjui?"

21 Inx qra Ix qongw, "Kaesar." Ix dyrr qra inx qongw, "Anxnix linw diyhh jiong' Kaesar ee mic lap hro Kaesar, jiong' Siongrder ee mic lap hro Siongrder."

22 Inx tniax liauw qamxqag qiquair, dyrr lirkuix Ix kir.

23 Hitt zit u Sadducelangg, dyrr si qongw langg byy u qycc uac :ee, jiurqin Ix,

24 Mng qongxx, "Sensnix ar, Moses qongw, 'Langg siw ee sii byy qniaw, ix ee siyxdi diyhh crua ix ee bow, snix qniaw laii suawjiab ix ee hniax.

25 Dnaxx guanw diongqanx u hniadi cid langg; dua :ee crua liauxau dyrr siw .kir, byy qniaw, qra ix ee bow lauu hro ix ee siyxdi.

26 Derr zi xee, derr snax xee, qaur derr cid xee iarr longxx si anxnix.

27 Qaur buew, hitt xee hurzinlangg iarr siw.

28 Anxnix dirr qycc uac ee sii, cid langg diongx, hurzinlangg beh juer jirjui ee bow? In'ui inx longxx u crua ix."

29 Jesus rinr inx qongxx, "Linw cyr lar, in'ui linw m bad Singwqingx qapp Siongrder ee quanlingg.

30 In'ui qycc uac ee sii, byy qewcua ee dairjir, inx si cincniu tnix nirr ee tnisair.

31 Lun qaur sixlangg qycc uac, qamxx byy tak diyc Siongrder soxx qra linw qongw :ee, qongw,

32 'Guaw dyrr si Ablaham ee Siongrder. Isaac ee Siongrder, Jakob ee Siongrder?' Ix m si sixlangg ee Siongrder, si uahlangg ee Siongrder."

33 Jiongww langg tniax .qnir, qiquair Ix ee qawsi.

34 Faliselangg tniax qnir Ix ixqing' trad bat Sadducelangg ee cuir, dyrr snaqab jurjip.

35 Qidiongx jit langg juer qauwhuatsux :ee laii cir Ix, mng qongxx,

36 "Sensnix ar, ludhuad diongx, simxmih qaiwbing siongrr dua?"

37 Ix qra ix qongw, "Liw diyhh jin simx, jinr ingr, jin ir tniar Jruw, liw ee Siongrder.

38 Jitt xee qaiwbing si dua :ee, iarr si tauu jit xee.

39 Derr zi xee iarr sna' cincniu, si qongw, 'Liw diyhh tniar cuwvnix cincniu qaqi'.

40 Jitt nng diauu qaiwbing si juann ludhuad qapp sendix ee jongxquntauu."

41 Faliselangg jurjip ee sii, Jesus mng inx qongxx,

42 "Lun Krist, linw pacsngr jnaixngiu? Ix si jirjui ee Horer?" Inx qra Ix qongw, "Si David :ee."

43 Ix qra inx qongw, "Narr anxnix, David hro Singwsinn qamxdong, jnaixngiu cxingx Ix juer Jruw, qongw,

44 'Jruw qra guaw ee Jruw qongw: Jre dirr Guaw ee duarvingg, tingwhau Guaw jiong' Liw jiaxee duiwdik he dirr Liw ee kax-xe?'

45 David qiwzenn jiong' Ix juer Jruw, dyrr Krist jnaixngiu juer Ix ee Horer ar?"

46 Byy langg e rinr Ix jit qxur. Dui' hitt zit kiw, byy langg qnaw qycc mng Ix.

23 Hitt sii Jesus qra jiongww langg qapp Ix ee hagsingx qongw,

2 "Qinghagsu qapp Faliselangg jre Moses ee xui.

3 Soxiw qniwnarr inx soxx qra linw qongw :ee, linw longxx diyhh qniaa qapp siuw ix, danrsi m tangx jiauww inx ee soxx juer laii qniaa, in'ui inx e qongw, mrquxx byy qniaa.

4 Inx ing dang qycc yh dnax ee dnar laii vak dirr langg ee qingtauu dingw, danrsi inx qaqi m kingw ing jit qix jngxtauu-aw kir qra dinxdang.

5 Inx itcer ee soxx juer, longxx si beh hro langg knuar jiacc kir juer. Inx qra vuerqingx juer kacc kuah, sna'axqix ee ciux juer kacc dngg.

6 Air dirr endyh nirr jre duarui, huerdngg lai jre quan'ui,

7 Iarr rair dirr queci nirr hro langg cingxanx, hro langg cinghox ix Rlabbi (sensnix).

8 Danrsi linw m tangx hro langg cxingx juer Rlabbi, in'ui linw ee sensnix qandna' jit xee, linw longxx si hniadi.

9 Dirr de nirr iarr m tangx cxingx langg juer ve, in'ui linw ee Ve qandna' jit xee, dyrr si dirr tnix nirr :ee.

10 Iarr m tangx hro langg cxingx juer sensnix; in'ui linw ee Sensnix qandna' jit xee, dyrr si Krist.

11 Danrsi linw diongqanx siongrr dua :ee, beh juer linw ee ce'ing.

12 Huanrnarr jurqyx :ee, beh hro ix vibii; qaqi vibii :ee, beh qysingx ix.

13 Linw jitt quaw qew hyw ee qinghagsu qapp Faliselangg, u jaiec ar! In'ui linw dirr langg ee binrjingg qra tenqog qnuaibat, linw qaqi m zip, decbeh zip ee langg, linw iarr m jrunw inx zip.

14 Linw jitt quaw qew hyw ee qinghagsu qapp Faliselangg, u jaiec ar! In'ui linw hiautunx jiuxqnuaxlangg ee qehuew, qexir dngdngg qidyw; inx beh siurr jue qyckacc dang.

15 Linw jitt quaw qew hyw ee qinghagsu qapp Faliselangg, u jaiec ar! In'ui linw venww qniaa juixlo lioglo, hro jit xee langg zip qxaur. Ix zip qxaur liauxau, suacc hro ix viw linw kacc qavue juer dergak ee qniaw.

16 Linw jitt quaw cnimii :ee juer cuartauu :ee, u jaiec ar! Linw qongw, 'Qniwnarr qiw dxen laii jiuwjua :ee, byy su; dogdok qniwnarr qiw dxen nirr ee qimx laii jiuwjua :ee, diyhh siuw ix.'

17 Linw gong qycc cnimii. Dycc jit hxang kacc dua? Si qimx, iacc si hro qimx jniaa sxingr ee dxen ar?

18 Linw qycc qongw, 'Qniwnarr qiw dnxuaa laii jiuwjua :ee, byy su; dogdok qniwnarr qiw dnxuaa-dingw ee lexmic laii jiujua :ee, diyhh siuw ix.'

19 Linw jitt quaw cnimii :ee ar, dycc jit hxang kacc dua? Si lexmic, iacc si hro lexmic jniaa sxingr ee dnxuaa?

20 Soxiw langg qiw dnxuaa laii jiuwjua, si qiw dnxuaa qapp qniwnarr dirr ix dingxbin :ee laii jiuwjua.

21 Langg qiw dxen laii jiuwjua, si qiw dxen qapp diamr dirr hitt lairbin :ee laii jiuwjua,

22 Si qiw Siongrder ee jyrui qapp jre dirr hitt dingxbin :ee laii jiuwjua.

23 Linw jitt quaw qew hyw ee qinghagsu qapp Faliselangg, u jaiec ar! In'ui linw jiong' voghyy, vecqag, maxkinn, jap hxun henr jit hxun; danrsi ludhuad kacc duiwdiong :ee, dyrr si qonggi, linbinw, qapp sinwsit, linw suacc vangwsag. Jiaxee si ingqaix diyhh qniaa :ee, hiaxee iarr m tangx vangwsag.

24 Linw cnimii :ee juer cuartauu :ee, linw qra bangw-aw li .kiw .laii, suacc qra logdyy tunx .lyc .kir.

25 Linw jitt quaw qew hyw ee qinghagsu qapp Faliselangg, u jaiec ar! In'ui linw cingkir vuevnuaa ee guarbin, danrsi hitt lairbin drew muaw ligsig qapp hongwdong.

26 Liw jitt xee cnimii ee Faliselangg ar, dairsingx cingkir vuevnuaa ee lairbin, ix ee guarbin iarr e cingkir.

27 Linw jitt quaw qew hyw ee qinghagsu qapp Faliselangg, u jaiec ar! In'ui linw cincniu hunxvec ee bong, guarbin knuar si suiw, danrsi lairbin drew muaw sixlangg ee quttauu qapp dagg hxang ee uwuer.

28 Anxnix, linw guarbin hro langg knuar si gi, danrsi lairbin si qew hyw qapp vuthuad muaw muaw.

29 Linw jitt quaw qew hyw ee qinghagsu qapp Faliselangg, u jaiec ar! In'ui linw congr sendilangg ee bong, siujingw girlangg ee hunbong, qycc qongw,

30 'Setsuw guanw narr dirr guanw jow ee sii, dikkag byy qapp inx qangrkuanw hro sendilangg lrauu huih.'

31 Anxnix, linw qaqi qanjingr, qongxx si taii sendilangg :ee ee horer.

32 Jueww linw kir muaw linw jow ee og. Juaa ar!

33 Dogtangg ee lui ar! Linw tacc e dysiamw dergak ee hinghuat?

34 Soxiw Guaw crex sendix, u diwsig ee langg, qapp qinghagsu jiurqin linw. Uree linw beh taii ix, beh qra ix dingr dirr sibzirqer; iarr uree linw beh dirr huerdngg ing vnxix pah inx, dui' jitt xee sniaa qnuaxdiok inx qaur hitt xee sniaa.

35 Drir qaur derjniu ee girlangg soxx lrauu ee huih, longxx qruix dirr linw, dyrr si dui' girlangg Abel ee huih qaur Beleqiah ee qniaw Zeqaliah ee huih. Inx si linw dirr dxen qapp dnxuaa hiax soxx taii :ee.

36 Guaw sidjai qra linw qongw, jiaxee su longxx beh qruix dirr jitt dai.

37 Jelusalem ar! Jelusalem ar! Dyrr si taii siw sendilangg, ing jiyhtauu dimr hrong crex qaur dirr ix hiax ee. Guaw zuarr je vaiw rair beh jurjip liw ee qniaxzii, cincniu qebuw qra qxex-aw jurjip dirr ix ee sxit-xe; danrsi linw m rair.

38 Knuar ar! Beh lauu pahngx ee cur hro linw.

39 Guaw qra linw qongw, dnaxx liauxau, linw be qycc knuar qnir Guaw, tingwhau linw qongw, 'Hrong Jruw ee miaa laii :ee, did diyc hokkir.'"

24 Jesus cud dxen, duxdecc qniaa, Ix ee hagsingx jiurqin Ix, qra denrdngg hiaxee cur vyr Ix knuar.

2 Jesus rinr qongxx, "Linw u knuar qnir jiaxee, driyc mah? Guaw sidjai qra linw qongw, lauu dirr jiyhtauu dingw :ee byy jit der jiyc byy ho'ngg ciax .lyc .kir."

3 Jesus dirr Qnanaw Snuax decc jre ee sii, hagsingx sukiax jiurqin Ix, qongw, "Cniaw qra guanw qongw, dirsii u jiaxee dairjir? Acc Liw ee qycc laii qapp sewqair ee qetqiok u simxmih diaurtauu?"

4 Jesus rinr qongxx, "Diyhh qinxsin, m tangx hro langg behik.

5 In'ui beh u jerje langg mo Guaw ee miaa laii, qongw, 'Guaw si Krist', laii behik jerje langg.

6 Linw beh tniax qnir qaujenr qapp qaujenr ee hongsniax. Qinxsin, m tangx qniax, in'ui jiaxee dikkag u, danrsi buadqii iauxx bue qaur.

7 Vecsnir vreh kiw laii qongqig qog, jerje soxjai beh u qihngx, dedang.

8 Jiaxee longxx si koxtangr ee kixtauu.

9 Hitt sii langg beh qauhur linw dirr huanrlan, taii siw linw. Linw in'ui Guaw ee miaa beh hro banrvangx uanwhun.

10 Acc hitt sii, jerje langg beh siurr tatgai, sna' qewsangr, sna' uanwhun.

11 Qycc u jerje qew sendix beh kiw laii behik jerje langg.

12 In'ui vuthuad dua dua qetnix, jerje langg ee tniar jiamrjiam lingxdam.

13 Dogdok tunlunw qaur lorbuew :ee, ix e did diyc qiur.

14 Jitt xee tenqog ee hok'imx beh tuann qaur tong' tnie, duiww banrvangx juer qanjingr. Hitt sii, buadqii dyrr qaur.

15 Soxiw linw knuar qnir jaxjingg tog sendix Daniel soxx qongw, 'hitt xee qniaa janhai kyxngor :ee' kia dirr sxingr ee soxjai, (tak ee langg diyhh hiauxgno),

16 Hitt sii dirr Judea :ee diyhh jauw kir snuax nirr;

17 Dirr cur-dingw :ee m tangx lyc laii tec ix qrex-lai ee mic;

18 Dirr hngg nirr :ee m tangx dyr kir hniah ix ee snxax.

19 Dng' hiaxee zit, u sin'in qapp hro ngex-aw jiac linx ee hurzinlangg u jaiec ar!

20 Linw diyhh qidyw, benw did linw ee dyjauw si dirr dangtnix-sii, iacc si Anhiyczit.

21 In'ui hitt sii beh u dua huanrlan, dui' sewqanx ee kixtauu qaur dnaxx m bad u :ee, au .laii iarr quatduan byy.

22 Narr byy qiamxjiyw hiaxee zit, huanrnarr u ziogtew :ee, byy jit xee did qiur, dogdok uirdiyhh soxx qingw ee vecsnir, hiaxee zit beh qiamxjiyw.

23 Hitt sii narr u langg qra linw qongw, 'Linw knuar, Krist dirr jiax', iacc si qongw, 'Dirr hiax', linw m tangx sinr.

24 In'ui beh u qew Krist, qew sendix kiw laii qniaa dua ee sinziah qapp diaurtauu. Narr si e, lenrr soxx qingw ee vecsnir iarr e ho'ngg behik.

25 Knuar ar! Guaw ixqing' dairsingx qra linw qongw.

26 Soxiw langg narr qra linw qongw, 'Liw knuar, Ix dirr kongwiaw', linw m tangx cud .kir; iacc si qongw, 'Liw knuar, Ix dirr cur-lai', linw m tangx sinr.

27 In'ui dyrr cincniu sicnar dui' dangsir decc sih, itdit nar qaur saisir, Zinjuw ee qycc laii iarr beh anxnix.

28 Sinsix narr dirr hiax, ingjiauw iarr e dirr hiax jurjip.

29 Duxduxx jiaxee zit ee huanrlan liauxau, zit beh oamr, guec byy cud qngx, cnxix dui' tnix qalauc, tnisiong dinxdang.

30 Hitt sii Zinjuw ee diaurtauu beh cuthen dirr tnix nirr; de nirr jiaxee joglui longxx beh tikaur, iarr beh knuar qnir Zinjuw ing quanlingg qapp dua ingqngx jre tnix ee hunn limqaur.

31 Ix beh crex Ix ee tnisair, ing hyrtauu hiangxliang ee sniax, qra Ix soxx qingw ee vecsnir, dui' siwhngx jitt vingg ee tnivnix qaur hitt vingg ee tnivnix, longxx jurjip .laii.

32 Linw diyhh dui' buhuaqyxciu cruw piwzu: Dng' ix ee qix qapp nngw hiyc huad ee sii, dyrr jaix hartnix qin lar.

33 Anxnix, linw knuar longxjongw jiaxee su, dyrr jaix ixqing' qin ar, qaur mngkauw lar.

34 Guaw sidjai qra linw qongw, jitt sewdai iauxx bue quer .kir, jiaxee dairjir longxx beh jniaa.

35 Tnix qapp de beh huewbyy, Guaw ee ue be huewbyy.

36 Danrsi narr lun hitt zit hitt sii, langg m jaix, tnisair iarr m jaix, Qniaw iarr m jaix, dogdok Ve jaix nardnia.

37 Qycc cincniu Noah ee sizit, Zinjuw ee qycc laii iarr beh anxnix.

38 Dua juiw laii jinwjingg, langg limjiac, qewcua. Noah zip dua junn hitt zit, inx longxx m jaix.

39 Dua juiw qaur, itjin qra inx bet .kir. Zinjuw ee qycc laii iarr beh anxnix.

40 Hitt sii dirr hngg nirr beh u nng xee langg, cruw jit xee, vangr jit xee.

41 Nng xee hurzinlangg ex bry, cruw jit xee, vangr jit xee.

42 Soxiw diyhh dniudii, in'ui linw m jaix linw ee Jruw simxmih zit beh laii.

43 Qejuw narr jaix cat simxmih qnxix beh qaur, ix dyrr e dniudii, byy iong'unw langg qra ix ee cur iah kangx, jex si linw soxx jaix :ee.

44 Soxiw linw iarr diyhh virvan ven, in'ui linw byy pacsngr ee sii, Zinjuw dyrr laii lar.

45 Jirjui si jinrdiongx, u diwhui ee lovok? Ix si juxlangg soxx setlip beh laii quanw qrex-lai ee langg, tangx jiauww sii vunx bixniuu hro inx.

46 Juxlangg laii ee sii, duw diyc ix u anxnix qniaa, hitt xee lovok dyrr u hokkir.

47 Guaw sidjai qra linw qongw, juxlangg beh setlip ix laii quanw ix itcer soxu :ee.

48 Dogdok hitt xee pnaiw ee lovok narr simlai qongw, 'Guaw ee juxlangg e encenn',

49 Dyrr pah hiaxee qapp ix qangg juer lovok :ee, qycc qapp juiwhanr snaqab limjiac,

50 Dirr byy pacsngr ee zit, m jaix ee sii, hitt xee lovok ee juxlangg beh qaur.

51 Juxlangg beh dang dang hinghuat ix, qapp cuxdi qew hyw ee langg vnidingw. Dirr hiax, beh u tikaur qapp qargee cetkiw.

25 Hitt sii, tenqog beh vixping jap xee jairsikluw, inx giac dingx cud kir gniajih sinqniaxsair.

2 Qidiongx go xee gong :ee, go xee u diwsig :ee.

3 Gong :ee giac dingx, byy lingrgua duar iuu.

4 Dogdok u diwsig :ee giac dingx lingrgua qra iuu duar dirr inx ee kiwqu lai.

5 Sinqnixsair encenn, inx dyrr longxx ducqaje decc kunr.

6 Vnuawmii, u langg dua sniax qiyr qongxx, 'Sinqnixsair laii lar. Linw cud laii jrih ix.'

7 Hitt sii, jiaxee jairsikluw longxx kiw laii siujingw inx ee dingx.

8 Gong :ee qra u diwsig :ee qongw, 'Cniaw jiong' linw ee iuu vunx guanw, in'ui guanw ee dingx beh huax lar.'

9 U diwsig :ee rinr qongxx, 'Qniax byy qraur linw qapp guanw ing. Kacc hyw si linw kir bre :ee ee langg hiax qaqi brew.'

10 Inx kir brew ee sii, sinqniaxsair qaur, hiaxee ven :ee qapp ix zip hun'inx ee endyh; mngg dyrr qnuaix .kiw .laii.

11 Zen'au qi'uu ee jairsikluw iarr laii, qongw, 'Jruw ar, Jruw ar, qra guanw kuix mngg.'

12 Danrsi ix rinr qongxx, "Guaw sidjai qra linw qongw, guaw m bad linw.'

13 Soxiw diyhh dniudii, in'ui linw m jaix hit xee zit, hit xee sii.

14 Tenqog qycc cincniu jit xee langg beh kir guarqog, qra ix ee lovok driaur .laii, jiong' soxu :ee qaudair inx.

15 Jiauww inx ee jaidiau, hro jit xee ginn go-cingx, hro jit xee nng-cingx, hro jit xee jit-cingx, dyrr kir guarqog.

16 Niaw go-cingx :ee, suisii kir juer singliw, qycc tanr go-cingx.

17 Niaw nng-cingx :ee iarr si anxnix, qycc tanr nng-cingx.

18 Dogdok hitt xee niaw jit-cingx :ee kir, dyrr qrut de, laii cangr ix ee juxlangg hro ix ee ginn.

19 Quer quw quw, jiaxee lovok ee juxlangg qaur, qapp inx sngwsiaur.

20 Niaw go-cingx :ee laii, qycc duar go-cingx, qongw, 'Jruw ar, liw qaudair guaw go-cingx; liw knuar, guaw u qycc tanr go-cingx.'

21 Ix ee juxlangg qra ix qongw, 'Jin' hyw. Hyw qycc jinrdiongx ee lovok, liw dirr jiyw :ee u jinrdiongx, guaw beh setlip liw laii quanw je :ee, tangx zip liw ee juxlangg ee kuaiwlok.'

22 Niaw nng-cingx :ee iarr laii, qongw, 'Jruw ar, liw qaudair guaw nng-cingx. Liw knuar, guaw u qycc tanr nng-cingx.'

23 Ix ee juxlangg qra ix qongw, 'Jin' hyw. Hyw qycc jinrdiongx ee lovok, liw dirr jiyw :ee u jinrdiongx, guaw beh setlip liw laii quanw je :ee, tangx zip liw ee juxlangg ee kuaiwlok.'

24 Niaw jit-cingx :ee iarr laii, qongw, 'Jruw ar, guaw jaix liw si giamhat ee langg. Byy ia ee soxjai, liw beh siuquah; byy hunsnuar ee soxjai, liw beh kiyh juer duix.

25 Soxiw guaw qniax, dyrr jiong' liw jit-cingx ginn kir draii dirr de nirr. Dnaxx liw ee guanmic hingg liw.'

26 Ix ee juxlangg dyrr rinr ix qongxx, 'Pnaiw qycc vinrdnua ee lovok ar, liw qiwzenn jaix guaw dirr byy ia ee soxjai beh siuquah, dirr byy hunsnuar ee soxjai beh kiyh juer duix,

27 Diyhh jiong' guaw ee ginn he dirr jnii-dxiamr, guaw laii ee sii tangx did diyc vunxginn qapp lirsig.

28 Soxiw dyrr dui' ix hiax qra hitt jit-cingx tec hro hitt xee u jit-bxan :ee.

29 In'ui qniwnarr u :ee, beh hro ix, hro ix u cunx; byy :ee, lenrr ix soxx u :ee, iarr beh tec .kir.

30 Hitt xee byy lirig ee lovok, beh qra ix qnuaw kir guarbin oamr ee soxjai. Dirr hiax, beh u tikaur, qapp qargee cetkiw.'

31 Dng' Zinjuw dirr Ix ee ingqngx nirr, longxjongw ee tnisair qapp Ix laii ee sii, Ix beh jre dirr Ix ingqngx ee jyrui,

32 Banrvangx jurjip dirr Ix ee binrjingg; Ix beh hunvet inx, cincniu bogjiaw hunvet mi'ngiuu qapp snua'ngiuu.

33 Jiong' mi'ngiuu he dirr Ix ee jniawvingg, snua'ngiuu he dirr Ix ee dywvingg.

34 Hitt sii Ongg beh qra jniawvingg :ee qongw, 'Linw dui' Guaw ee Ve did diyc undenw :ee, jinwjingg laii singjiab hitt xee dui' congwjy sewqanx ixlaii dyrr qra linw virvan ee qog.

35 Guaw iaux, linw bad hro Guaw jiac; Guaw cuiwdax, linw hro Guaw limx; Guaw cutgua, linw hro Guaw druar;

36 Guaw tngwvakteh, linw hro Guaw cing; Guaw puawvni, linw knuawqor Guaw; Guaw dirr qnax nirr, linw laii cue Guaw.'

37 Hitt sii, girlangg beh rinr Ix qongxx, 'Jruw ar, guanw simxmih sii knuar qnir Liw iaux, laii hro Liw jiac? Knuar qnir Liw cuir dax, laii hro Liw limx?

38 Simxmih sii knuar qnir Liw cutgua, laii hro Liw druar? Knuar qnir Liw tngwvakteh, laii hro Liw cing?

39 Simxmih sii knuar qnir Liw puawvni, iacc si dirr qnax nirr, laii cue Liw?'

40 Ongg beh rinr inx qongxx, 'Guaw sidjai qra linw qongw, linw narr qniaa jitt hy dirr Guaw ee hniadi jixbii ser :ee ee jit xee, dyrr si qniaa jitt hy dirr Guaw.'

41 Qycc beh qra dywvingg :ee qongw, 'Linw siurr jiuwjow :ee, diyhh lirkuix Guaw, zip ingxuanw ee huew, hex dyrr si uirdiyhh moquiw qapp ix jiaxee suwjiaw soxx virvan :ee.

42 In'ui Guaw iaux, linw m bad hro Guaw jiac; Guaw cuir dax, linw m bad hro Guaw limx;

43 Guaw cutgua, linw m bad hro Guaw druar; Guaw tngwvakteh, linw m bad hro Guaw cing; Guaw puawvni qapp dirr qnax nirr, linw m bad knuawqor Guaw.'

44 Inx iarr beh rinr qongxx, 'Jruw ar, guanw simxmih sii knuar qnir Liw iaux, iacc si cuir dax, iacc si cutgua, iacc si tngwvakteh, iacc si puawvni, iacc si dirr qnax nirr, byy laii hogsai Liw ar?'

45 Ix dyrr beh rinr qongxx, 'Guaw sidjai qra linw qongw, linw narr byy qniaa jitt hy dirr jiaxee jixbii ser :ee ee jit xee, dyrr si byy qniaa jitt hy dirr Guaw.'

46 Jiaxee langg beh kir zip ingxuanw ee hinghuat; danrsi girlangg beh zip ingxuanw ee uac."

26 Jesus qongw jiaxee ue suah, dyrr qra Ix ee hagsingx qongw,

2 "Linw jaix qycc quer nng zit Vnuaquewjeh dyrr qaur, Zinjuw beh ho'ngg quewsangr kir dingr dirr sibzirqer."

3 Hitt sii, hiaxee jewsitauu qapp vecsnir ee dniuxlyw jurjip dirr jewsitauu, miaa Kaiafas ee ngi,

4 Snaqab camsiongg ing kuixked ee qrer liac Jesus laii taii Ix.

5 Danrsi inx qongw, "Dng' jecqii, m tangx, qniax dirr vecsnir ee diongqanx u ziauxluan."

6 Jesus dirr Betani, taixqyx Simon ee cur,

7 U hurzinlangg duar gigvann, hitt lairbin drew qik quiwkir ee hniu'iuu, laii jiurqin Ix, dng' Ix jerdyh ee sii, vniar dirr Ix ee taukag dingw.

8 Hagsingx knuar .qnir dyrr siurkir, qongw, "Anxnix puawhuir u sniaw loring?

9 Jitt xee iuu e bre did jerje ginn, laii hro songwhionglangg."

10 Jesus jaix, dyrr qra inx qongw, "Linw sniaw su tiaulann jitt xee hurzinlangg ar? Ix kuanxtai Guaw soxx qniaa :ee si hyw su.

11 In'ui siongsiongg u songwhionglangg qapp linw dilehh, danrsi Guaw siongsiongg byy qapp linw dilehh.

12 In'ui ix qra jitt xee iuu dryr dirr Guaw ee sinkux, si decc virvan baijongr Guaw laii qniaa :ee.

13 Guaw sidjai qra linw qongw, poxtnie, bylun simxmih soxjai tuann jitt xee hok'imx, iarr beh qongw kiw jitt xee hurzinlangg soxx qniaa, laii qiwliam ix."

14 Hitt sii jap-zi xee hagsingx ee jit xee, qiyr juer Iskaliotlangg ee Judas, kir qnir hiaxee jewsitauu, qongw,

15 "Guaw narr jiong' Ix qaux hro linw, linw beh hro guaw zuarr je?" Inx dyrr qapp ix iog, qongxx beh hro ix ginn snax-jap.

16 Dui' hitt sii, ix dyrr cue qihue beh jiong' Jesus qaux hro inx.

17 Duqnawjeh ee tauu jit zit, hagsingx jiurqin Jesus qongw, "Rair guanw dirr simxmih soxjai qra Liw virvan jiac Vnuaquewjeh?"

18 Ix qongw, "Linw zip sniaa kir cue boxlangg, qra ix qongw, 'Sensnix qongw: Guaw ee sii qin lar; Guaw qapp Guaw ee hagsingx beh dirr linw daux siuw Vnuaquewjeh.'"

19 Hagsingx jiauww Jesus soxx huanhur :ee kir qniaa, dyrr kir virvan Vnuaquewjeh.

20 Qaur zit amr, Jesus qapp jap-zi ee hagsingx jerdyh.

21 Jiac ee sii, Jesus qongw, "Guaw sidjai qra linw qongw, linw diongqanx u jit xee langg beh bre Guaw."

22 Jiongww langg jin' iubun, jit xee jit xee qra Ix qongx, "Jruw ar, jongw byy si guaw oox?"

23 Ix rinr qongxx, "Qapp Guaw qra ciuw crunx dirr vnuaa nirr :ee, hitt xee beh bre Guaw.

24 Zinjuw beh dyr .kir, jiauww soxx qiwjair :ee decc qiw Ix ee ue. Danrsi bre Zinjuw :ee u jaiec ar! Hitt xee langg byy cutsir kacc hyw."

25 Bre Ix ee Judas qongw, "Rlabbi, jongw byy si guaw oox?" Jesus qra ix qongw, "Liw ixqing' qongw lar."

26 Inx decc jiac ee sii, Jesus tec vniaw, jioksia, vreh puar, vunx hro hagsingx, qongw, "Tec kir jiac. Jitt xee si Guaw ee sinkux."

27 Qycc pangg vxuex jioksia liauw, hro inx, qongw, "Linw longxx diyhh limx.

28 Jitt xee si Guaw ee huih, dyrr si bing'iog ee huih, uirdiyhh jerje langg laii lrauu .cud .ee, drir qaur jue did diyc siawbenw.

29 Danrsi Guaw qra linw qongw, dnaxx liauxau, Guaw byy qycc limx jitt xee pudyy ee jiab, tingwhau hitt zit dirr Guaw ee Ve ee qog, Guaw qapp linw limx hitt xee sinx :ee"

30 Inx gimm six liauw dyrr cud .laii, kir Qnanaw Snuax.

31 Hitt sii Jesus qra inx qongw, "Qimmii linw longxx beh uirdiyhh Guaw laii siurr tatgai, in'ui u qiwjair qongxx, 'Guaw beh pah bogjiaw, ngiuu-qrunn dyrr siwsnuar.'

32 Danrsi Guaw qycc uac liauxau beh dairsingx linw kir Galilee."

33 Peter rinr Ix qongxx, "Jiongww langg suizenn uirdiyhh Liw laii siurr tatgai, guaw ingxingw byy siurr tatgai."

34 Jesus qra ix qongw, "Guaw sidjai qra liw qongw, qimmii qxex iauxx bue tii, liw beh snax vaiw m zin Guaw."

35 Peter qra Ix qongw, "Guaw dyrr si diyhh qapp Liw siw, iarr quatduan byy m zin Liw." Jiongww hagsingx iarr longxx si anxnix qongw.

36 Jesus qapp inx qaur jit xee soxjai, miaa Getsemane. Ix qra Ix ee hagsingx qongw, "Linw jre jiax, tingwhau Guaw kir hiax qidyw."

37 Ix cua Peter qapp Zebedee ee nng xee qniaw snaqab kir. Ix kaisiw iubun, camxcueh.

38 Ix qra inx qongw, "Guaw ee simx iubun qaur beh siw. Linw druar jiax qapp Guaw qingxsingw."

39 Ix liyc liyc aw jinwjingg, bin pag dirr de nirr qidyw, qongw, "Guaw ee Ve ar, narr e juer did, diyhh hro jitt xee vxuex lirkuix Guaw. Danrsi m si jiauww Guaw soxx rair, si jiauww Liw soxx rair."

40 Ix dyrr laii hagsingx hiax, knuar qnir inx decc kunr, qra Peter qongw, "Anxjnaixngiu, linw be e qapp Guaw qingxsingw vnuar sii quw mah?

41 Diyhh qingxsingw, diyhh qidyw, benw did zip dirr behik. Linw ee simsinn qamguan, danrsi ziogtew nngxjniaw."

42 Derr zi vaiw qycc kir qidyw, qongw, "Guaw ee Ve ar, jitt xee vxuex narr berdid lirkuix Guaw, dikkag Guaw diyhh limx ix, dyrr guan Liw ee jixir ditjniaa."

43 Ix qycjaiww laii, knuar qnir inx iudecc kunr; in'ui inx ee bagjiux siab.

44 Ix lirkuix inx qycc kir, derr snax vaiw qidyw, iarr si qongw hiaxee ue.

45 Hitt diap qycc jiurqin hagsingx, qra inx qongw, "Dnaxx linw qycc decc kunr qapp anhiyh? Zinjuw siurr bre dirr juerzinn ee ciuw.

46 Kiw laii snaqab qniaa. Bre Guaw ee langg qin lar."

47 Iauxdecc qongw ee sii, hutzenqanx, jap-zi xee hagsingx diongx ee jit xee, Judas, laii, iarr u qui' din langg giac dyx qapp tuii-aw, dui' jiaxee jewsitauu qapp vecsnir ee dniuxlyw hiax snaqab laii.

48 Bre Ix :ee bad qapp inx tyr amwhy, qongw, "Guaw qra jimx :ee, hitt xee dyrr si, linw tangx kir liac Ix."

49 Ix jiksii jiurqin Jesus, qongw, "Rlabbi, ving'anx"; dyrr diddit qra Ix jimx.

50 Jesus qra ix qongw, "Ving'iuw ar, liw beh laii juer :ee, dyrr juer." Hiaxee langg dyrr jinwjingg, kiw ciuw liac Jesus.

51 Hutzenqanx, u jit xee qapp Jesus dilehh :ee crunx ciuw vuic dyx, taii jewsitauu ee lovok, siah kir ix ee hni-aw.

52 Jesus dyrr qra ix qongw, "Siux liw ee dyx zip guan'ui, in'ui huanrnarr giac dyx :ee beh dui' dyx siw.

53 Iacc si liw pacsngr Guaw be e qriuu Guaw ee Ve, qriuu Ix dirr jitt diap qra Guaw crex jap-zi ngiaa kacc qex ee tnisair mah?

54 Narr anxnix, Singwqingx soxx qongw jitt xee dairjir dikkag u :ee, jnaixngiu e ingwgiam ar?"

55 Hitt sii Jesus qra inx hiaxee langg qongw, "Linw giac dyx qapp tuii-aw cud laii liac Guaw, cincniu beh liac cat mah? Guaw zidzit jre dirr dxen-lai qawsi langg, linw byy kir liac Guaw.

56 Danrsi jitt xee su longxx jniaa. Jex si beh ingwgiam sendix soxx qiwjair :ee." Hitt sii hagsingx longxx lirkuix Ix jauw .kir.

57 Liac Jesus :ee duar Ix qaur jewsitauu Kaiafas ee soxjai. Hiaxee qinghagsu qapp dniuxlyw ixqing' jurjip dirr hiax.

58 Peter hng hng duer Ix qaur jewsitauu ee ngi, zip kir lairbin qapp hiaxee ce'iac snaqab jre, beh knuar hitt xee qetqiok.

59 Jiaxee jewsitauu qapp juann qonghue cue lamrsamw ee qanjingr qongqig Jesus, rair hro Ix siw.

60 Suizenn u jerje lamrsamw qanjingr :ee laii, danrsi jit xee jingwqir dy' byy cue .diyc. Au .laii u nng xee qaur, qongw,

61 "Jitt xee langg bad qongw, 'Guaw e huixhuai Siongrder ee dxen, snax zit qycc kiw ix.'"

62 Jewsitauu kiw laii qra Ix qongw, "Liw longxx byy rinr mah? Jiaxee langg soxx qanjingr :ee si simxmih?"

63 Danrsi Jesus jing jing. Jewsitauu qra Ix qongw, "Dng' jitt xee jin'uac Siongrder, guaw bingrling Liw jiuwjua laii qra guaw qongw, Liw qyxzenn si Siongrder ee Qniaw, Krist, iacc m si."

64 Jesus qra ix qongw, "Liw ixqing' qongw lar. Danrsi Guaw qra linw qongw, dui' jitt diap liauxau, linw beh knuar qnir Zinjuw jre dirr u quanlingg :ee ee duarvingg, jre tnix ee hunn laii."

65 Dui' anxnix jewsitauu tiah lic qaqi ee snxax, qongw, "Ix qongw cud ciamwquann setdok ee ue. Lanw iauxqycc kiamr simxmih qanjingr ar? Dnaxx linw ixqing' tniax qnir Ix ee ciamwquann setdok lar.

66 Linw pacsngr jnaixngiu?" Rinr qongxx, "Ix qaix siw."

67 Dyrr pruir nxua dirr ix ee bin, ing quntaubuw jringx Ix; qycc uree ing ciuw senr Ix, qongw,

68 "Krist ar, Liw si sendix, diyhh qra guanw qongw, pah Liw :ee si jirjui."

69 Peter jre dirr guarngi. U jit xee luxvi qinruaw ix, qongw, "Liw iarr bad qapp Galileelangg Jesus juewdin."

70 Peter dng' jiongww langg ee binrjingg m zin, qongw, "Guaw m jaix liw decc qongw simxmih."

71 Cud kir qaur ngirmngg, qycc u jit xee luxvi knuar .qnir, qra dirr hiax ee langg qongw, "Jitt xee iarr bad qapp Nazaletlangg Jesus juewdin."

72 Peter qycc m zin, suar jiuwjua qongxx, "Guaw m bad hitt xee Langg."

73 U hiacc quw, vnix:a decc kia ee langg qinruaw qra Peter qongw, "Liw sidjai iarr si inx ee dongw, in'ui u dui' liw ee kniukauw lorcud."

74 Ix dyrr jiuwme qycc jiuwjua, qongw, "Guaw m bad hitt xee Langg." Jitt sii, qxex dyrr tii.

75 Peter dyrr qir did Jesus ee ue qongxx, "Qxex iauxx bue tii, liw beh snax vaiw m zin Guaw." Ix dyrr cud kir guarbin dua tikaur.

27 Qaur tnixqngx ee sii, jiongww jewsitauu qapp vecsnir ee dniuxlyw snaqab qewboo beh qongqig Jesus, rair beh hro Ix siw.

2 Inx qra vak .kiw .laii liauxau, dyrr qra duar kir qaux hro jongxdog Pilate.

3 Hitt sii bre Ix ee Judas knuar qnir Jesus siurr dring jue, ix dyrr tewhuew, jiong' hiaxee snax-jap ginn hingg jiaxee jewsitauu qapp dniuxlyw, qongw,

4 "Guaw cutbe byy jue :ee ee huih, guaw u jue lar." Inx qongw, "Hex qapp guanw u sniaw qansiap? Liw qaqi dnaxsngr."

5 Judas qra hiaxee ginn hed dirr dxen nirr, qaqi cud kir diaur siw.

6 Hiaxee jewsitauu qra hitt quaw ginn kiyh .kiw .laii, qongw, "Jex si huih ee dairqer, m tangx qra log dirr kowvangg."

7 Inx dyrr camsiongg, jiong' hitt xee ginn kir brew siyx huii ee langg ee hngg, tangx baijongr cutguarlangg.

8 Soxiw hitt kux hngg qaur dnaxx iauxx cxingx juer Huih-hngg.

9 Jex dyrr ingwgiam jaxjingg tog sendix Jelemiah soxx qongw :ee, qongw, "Inx tec siurkow :ee ee qewginn snax-jap, hex si Islael ee qniaxsunx lairdew ee langg soxx qrow :ee;

10 Ing ix laii brew siyx huii :ee ee hngg. Jex si jiauww Jruw soxx bingrling guaw :ee."

11 Jesus kia dirr jongxdog ee binrjingg. Jongxdog mng Ix qongxx, "Liw si Judealangg ee ongg mah?" Jesus qra ix qongw, "Liw qongw, dyrr si."

12 Hiaxee jewsitauu qapp dniuxlyw qra qryr ee sii, Ix longxx byy rinr.

13 Hitt sii, Pilate qra Ix qongw, "Hiaxee langg juer qanjingr qryr Liw hiacc je hxang dairjir, Liw qamxx byy tniax .qnir mah?"

14 Jesus jit qxur ue dy' byy rinr ix. Jongxdog dua qiquair.

15 Jecqii qaur, jongxdog jiauww le diyhh vangr jit xee jiongww langg soxx rair ee huanrlangg hro inx.

16 Hitt sii u jit xee cutmiaa ee huanrlangg, miaa qiyr Balabbas.

17 Dng' jiongww langg jurjip ee sii, Pilate dyrr qra inx qongw, "Linw rair guaw vangr jirjui hro linw? Si Balabbas, iacc si cxingx juer Krist ee Jesus?"

18 Jongxdog jaingiaw inx si uirdiyhh uanwdor jiacc qra Jesus qewsangr .laii.

19 Ix jerdngg ee sii, ix ee bow crex langg qra ix qongw, "Jitt xee girlangg liw m tangx qansiap .diyc, in'ui guaw qinaxzit dirr binbang diongx uirdiyhh Ix siurr jerje ee qankow."

20 Jiaxee jewsitauu qapp dniuxlyw qiausyx jiongww langg, iauqiuu diyhh vangr Balabbas, bet Jesus.

21 Jongxdog rinr qongxx, "Jitt nng xee langg linw rair guaw vangr dycc jit xee hro linw?" Inx qongw, "Balabbas".

22 Pilate qra inx qongw, "Anxnix, cxingx juer Krist ee Jesus, guaw diyhh jnaixngiu vran Ix?" Inx longxx qongw, "Qra Ix dingr sibzirqer."

23 Jongxdog qongw, "Uirr jnaixngiu lehh? Ix u qniaa simxmih pnaiw mah?" Inx dua sniax huah qongxx, "Qra Ix dingr sibzirqer."

24 Pilate knuar qongxx ix qyckacc qongw marr bycaiw qangx, huanxdngw e u ziauxluan, dyrr pangg juiw laii, dirr jiongww langg ee binrjingg sew ciuw, qongw, "Lrauu jitt xee girlangg ee huih, guaw byy jue, linw qaqi dnaxsngr."

25 Vecsnir longxx rinr ix qongxx, "Ix ee huih qruix dirr guanw qapp guanw ee qniaxsunx."

26 Ix dyrr vangr Balabbas hro inx. Ix vnipah Jesus liauxau, dyrr qra huatqaux kir dingr sibzirqer."

27 Hitt sii jongxdog ee vxingx druar Jesus zip qongdngg, jurjip tong' ngiaa laii dirr Ix hiax.

28 Inx trngr Ix ee snxax, qra Ix cing jit niaw angg pxaur.

29 Inx ing cixaw vnrix benxliuu dir dirr Ix ee taukag, tec jit qix lordig he dirr Ix ee jniawciuw, qycc qui dirr Ix ee binrjingg hiwlang Ix, qongw, "Judealangg ee ongg, ving'anx."

30 Dyrr qra Ix pruir nxua, giac hitt qix lodig sud Ix ee taukag.

31 Hiwlang suah, dyrr qra Ix hitt niaw pxaur trngr .kiw .laii, jiong' Ix qaqi ee snxax qra Ix cing, dyrr qra duar kir dingr sibzirqer.

32 In cud .laii ee sii, duw diyc jit xee Kylenelangg, miaa Simon, dyrr benxqiongw ix snaqab kir, qiyr ix giaa Jesus ee sibzirqer.

33 Qaur jit xee soxjai, miaa qiyr juer Golgota, ix ee iwsur dyrr si taukak'nguaw ee soxjai,

34 Inx dyrr ing kow dnaw soxx diauhyy ee jiuw hro Ix limx. Ix cir knuar liauxau, dyrr m kingw limx.

35 Ixqing' qra Ix dingr dirr sibzirqer ixau, inx dyrr juer kaux beh vunx Ix ee ihok,

36 Qycc jre dirr hiax qowsiuw Ix.

37 Inx dirr Ix ee taukag he jit xee jamxdiauu, dingxbin siaw qongxx, "JITT XEE SI JUDEALANGG EE ONGG, JESUS."

38 Hitt sii, u nng xee cat qapp Ix qangg dingr dirr sibzirqer, jit xee dirr jniawvingg, jit xee dirr dywvingg.

39 Qingquer ee langg qicir Ix, iyy tauu qongw,

40 "Liw jitt xee huixhuai dxen, snax zit qycc kiw :ee, diyhh qiur qaqi. Liw narr si Siongrder ee Qniaw, diyhh dui' sibzirqer dingw lyc .laii."

41 Hiaxee jewsitauu qapp qinghagsu ixqip dniuxlyw iarr si anxnix hiwlang Ix, qongw,

42 "Ix bad qiur vadd langg, suacc be e qiur qaqi. Ix narr si Islael ee Ongg, dnaxx diyhh dui' sibzirqer dingw lyc .laii, anxnix guanw dyrr beh sinr Ix.

43 Ix uaxkyr Siongrder, Siongrder narr hnuahiw, dnaxx diyhh qiur Ix; in'ui Ix bad qongw, 'Guaw dyrr si Siongrder ee Qniaw.'"

44 Qapp Ix qangg ho'ngg dingr :ee hitt nng xee cat iarr si anxnix me Ix.

45 Dui' ziddiongdaur qaur snax diamw, venww de oamr.

46 Cavutdyx snax diamw ee sii, Jesus dua sniax auqiyr qongxx, "Eli, Eli, lama sabactani?", dyrr si qongxx, "Guaw ee Siongrder, Guaw ee Siongrder, Liw sniaw su vangwli Guaw?"

47 Dirr vnix:a kia :ee u langg tniax .qnir, dyrr qongw, "Ix decc qiyr Elijah."

48 Inx lairdew u jit xee langg jiksii jauw .kir, tec haixziongg jimr cor haa dirr lodig-aw buew hro Ix suh.

49 Qi'uu :ee qongw, "Cniaw ban, knuar Elijah e laii qiur Ix iacc be."

50 Jesus qycc dua sniax auqiyr, liauxau dyrr dngrkuir.

51 Hutzenqanx, dxen-lai ee dniuwlii, dui' dingw qaur xe lic juer nng vingg; de drang, jiyhvnuaa lic,

52 Bong kuix; qycc ixqing' decc kunr ee sinwdoo, jerje xee ee sinkux longxx kiw .laii.

53 Qaur Jesus qycc uac liauxau, inx an' inx ee bong nirr cud .laii, zip singwsniaa, hiongr jerje langg henxhen.

54 Vexjongw qapp dauwdin qowsiuw Jesus :ee knuar qnir de drang, qapp soxx qingquer ee su, inx vutjiw aw qniax, qongw, "Jitt xee qyxzenn si Siongrder ee Qniaw."

55 U jerje hurzinlangg, dui' Galilee qinduer Jesus laii hogsai Ix :ee, dirr hiax hng hng decc knuar.

56 Inx lairdew u Magdalene ee Malia. James Joses ee laurbuw Malia, qapp Zebedee ee qniaw ee laurbuw.

57 Amr ar ee sii, u jit xee hyxgiahlangg, miaa qiyr juer Josef :ee an' Alimatea laii. Ix iarr si Jesus ee hagsingx.

58 Hitt xee langg kir qnir Pilate, iauqiuu beh siux Jesus ee sinsix. Pilate huanhur qongxx sinsix beh qaux hro ix.

59 Josef siux diyc sinsix liauxau, dyrr ing cingkir ee iur muavor qra vaux hyxser, liauxau,

60 Dyrr qra he dirr ix qaqi ee sinx bong, jitt xee bong si pah dirr jiyhvnuaa lai :ee. Ix qycc qy jit der dua jiyc laii dirr bongrmngg, liauxau, ix jiacc kir.

61 Magdalene ee Malia, qapp lingrgua jit xee Malia inx u dirr hiax, inx dyrr jre dirr bong ee duiwbin.

62 Qeh zit, dyrr si Virvanrjeh au ee hitt zit, hiaxee jewsitauu qapp Faliselangg jurjip laii decc qnir Pilate, qongw,

63 "Dairzinn ar, guanw e qir did hitt xee behik langg :ee uac lehh ee sii bad qongw, 'Snax zit au, Guaw beh qycc uac.'

64 Soxiw cniaw liw bingrling qowsiuw hitt xee bong qaur derr snax zit; byy, qniax Ix ee hagsingx e laii qra taux .kir, qycc qra vecsnir qongw, 'Ix dui' sixlangg diongx qycc uac'; narr anxnix, au .laii ee cabiu e viw dairsingx kacc lirhai."

65 Pilate qra inx qongw, "Linw niaw vxingx kir, jin linw soxx erdangr :ee kir qowsiuw."

66 Inx dyrr kir, qra jiyhtauu hrongx .kiw .laii, qycc dirr hiax sed vxingx, tangx qowsiuw hitt xee bong.

28 Anhiyczit au, cid zit ee tauu jit zit, tnix puxqngx ee sii, Magdalene ee Malia qapp lingrgua jitt xee Malia laii beh knuar hitt xee bong.

2 Hutzenqanx, de dua dinxdang, in'ui u Jruw ee tnisair dui' tnix lyc .laii. Ix qra hitt der jiyc qy .kuix, qycc jre dirr dingxbin.

3 Ix ee binrmau cincniu sicnar, snxax vec qaxx cincniu seh.

4 Qowsiuw ee langg in'ui e qniax, dyrr gniauhgniauc cuah, qycc venr qaxx cincniu sixlangg.

5 Tnisair duiww hiaxee hurzinlangg qongw, "Linw mrbenw qniax. Guaw jaix linw si decc cue ho'ngg dingr sibzirqer ee Jesus.

6 Ix byy dirr jiax, Ix ixqing' jiauww Ix soxx qongw :ee qycc uac. Linw laii, laii knuar Jruw soxx dyw ee soxjai.

7 Linw iarr diyhh qinw qinw kir qra Ix ee hagsingx qongw, qongxx Ix dui' sixlangg diongx qycc uac, qycc beh viw linw kacc dairsingx kir Galilee. Dirr hiax, linw beh knuar qnir Ix. Guaw ixqing' qra linw qongw lar."

8 Inx qinw qinw lirkuix bong kir, iarr qniax iarr dua hnuahiw, qycc qinw jauw kir vyr Ix ee hagsingx.

9 Hutzenqanx, Jesus duw diyc inx, qongw, "Ving'anx." Inx qniaa jinwjingg, py Ix ee kax qra vair.

10 Jesus dyrr qra inx qongw, "Mrbenw qniax, kir vyr Guaw ee hniadi, qiyr inx kir Galilee, dirr hiax inx beh knuar qnir Guaw."

11 Hurzinlangg kir ee sii, qowsiuw ee vxingx uree dyrr zip sniaa, qra soxx qingquer ee su itjin vyr hro hiaxee jewsitauu jaix.

12 Inx dyrr qapp dniuxlyw jurjip, snaqab camsiongg. Inx hro vxingx jerje ginn, qongw,

13 "Linw diyhh qongw, 'Guanw decc kunr ee sii, Ix ee hagsingx dirr amwmii laii qra taux .kir.'

14 Setsuw jitt xee dairjir hro jongxdog tniax .qnir, guanw e krngr ix, hro linw byy su."

15 Inx qra hiaxee ginn tec .kir, jiauww langg soxx qar inx :ee kir juer. Jitt xee ue dyrr dirr Judealangg diongx poxpenr decc liutuann, itdit qaur qinaxzit iaxx si anxnix.

16 Jap-id xee hagsingx dyrr kir Galilee, qaur Jesus soxx bad qra inx jixding ee snuax.

17 Inx knuar diyc Ix, dyrr qra vair, danrsi uree u decc giaugii.

18 Jesus dyrr qinruaw laii duiww inx qongxue, qongw, "Tnidingw dere soxu ee qxuann ixqing' longxjongw hro Guaw.

19 Soxiw linw diyhh kir jiyx banrvecsnir laii juer hagsingx, qra inx qniaa sexlew, hro inx qruix dirr Ve, Qniaw, Singwsinn ee miaa.

20 Qniwnarr Guaw soxx u bingrling linw :ee, diyhh qawsi inx siuw; qycc Guaw zidzit qapp linw dilehh, itdit qaur sewqanx ee lorbuew."

huedngw tauu iac