Cud Egipt Qir

1 Islael ee jiongww qniaw dagg xee duar ix ee qequanr qapp Jakob qaur Egipt, inx ee miaa qir dirr erdew.

2 Rleuben, Simeon, Levi, Judah;

3 Issaqar, Zebulun, Benjamin;

4 Dan, Naftali, Qad, qapp Aser.

5 Dui' Jakob soxx snix :ee, qiong u cid-jap langg. Josef ixqing’ dirr Egipt.

6 Josef qapp ix ee hniadi qapp hitt dai ee langg longxx siw.

7 Islaellangg gauu snix, gauu tuann, qetnix jerje, qycc hing'ong, qigqii qiongsing, ciongmuaw hitt xee de.

8 Egipt u sinx ee ongg hingx kiw, m bad Josef :ee.

9 Ix duiww ix ee vecsnir qongw, "Knuar ar, jitt xee vecsnir, Islaellangg, viw lanw kacc je, kacc qiongg.

10 Laii ar, lanw diyhh ing qewcig laii kuanxtai inx, qniax inx qetnix jin' je. Au .laii narr duw diyc qaujenr ee su, inx qapp lanw ee duiwdik lenhap, laii qongqig lanw, qycc dui' jitt xee de jnriu .kir."

11 Dui' anxnix setlip dokqangx :ee quanxhad inx, ing dang dnar koxcow inx; inx dyrr qra Falaoh kiw Pitom qapp Rlameses nng xee sniaa juer huxkor.

12 Danrsi naxx koxcow inx, inx naxx je naxx kuikuah. Dui' anxnix dyrr uirdiyhh Islaellangg kuawlu.

13 Egiptlangg dyrr dokjig Islaellangg juer koxqangx,

14 Hro inx juer qangx diyhbuaa, singhuat inx, qiyr inx ciauu too juer jxngx, qapp jyh cann nirr hiaxee qangx; dirr itcer soxx juer ee qangx longxx hro inx jin' qankow.

15 U Hebla ee kiycjiaxbuw, jit xee miaa Siflah, jit xee miaa Puah.

16 Egipt Ongg duiww inx qongw, "Linw qra hurzinlangg kiyh qniaw, knuar inx limvunn ee sii, narr si davoginxaw, diyhh hro ix siw; narr si jaboxginxaw, tangx hro ix uac."

17 Danrsi kiycjiaxbuw qingwuir Siongrder, byy jiauww Egipt Ongg ee bingrling laii qniaa, qingwzenn lauu davoginxaw ee uahmia.

18 Egipt Ongg dyrr qiyr kiycjiaxbuw laii, duiww inx qongw, "Linw sniaw su anxnix juer, lauu davoginxaw ee uahmia?"

19 Kiycjiaxbuw duiww Falaoh qongw, "Hebla ee hurzinlangg qapp Egipt ee hurzinlangg byy qangg; inx kacc kuaiwven, kiycjiaxbuw iauxx bue qaur, inx ixqing’ snix liauw."

20 Siongrder hyw kuanxtai kiycjiaxbuw; vecsnir qetnix jin' je, qikqii qiongsing.

21 Kiycjiaxbuw in'ui qingwuir Siongrder, Siongrder dyrr hro inx jniaa qrex.

22 Falaoh huanhur ix ee jiongww vecsnir qongxx, "Huanrr soxx snix ee davoqniaw linw diyhh qra ix hed lyc hyy; itcer ee jaboxginxaw, linw diyhh lauu ix ee sniwmia."

2 U jit xee Levi-jok ee langg, kir crua jit xee Levi-jok ee jaboxginxaw.

2 Hitt xee hurzinlangg huaiin, snix jit xee qniaw, knuar qnir ix si cingsiur ee ginxaw, dyrr qra kngr snax guehzit quw.

3 Au .laii knuar be qycc kngr .did, dyrr uirdiyhh ix cruw lodig-aw ee sniux, ing jiyh'iuu qapp ligcnix qra qoo, jiong' ginxaw he dirr hitt lairbin, log dirr hyy-vnix, louiw ee diongqanx.

4 Ix ee duarjiw hng hng kia lehh, rair jaix ix e duw diyc jnaixngiu.

5 Falaoh ee jaboxqniaw lyc laii hyy nirr beh sexik. Ix hiaxee luxvi qnia'iuu dirr hyy-vnix. Ix knuar qnir louiw ee diongqanx u jit xee sniux-aw, dyrr crex jit xee luxvi qra giaa .laii.

6 Ix henx kuix knuar qnir ginxaw; ginxaw decc hauw. Ix dyrr linbinw ix, qongw, "Jex si Heblalangg ee ginxaw."

7 Ix ee duarjiw qra Falaoh ee jaboxqniaw qongw, "Guaw kir Hebla hurzinlangg ee diongqanx qiyr jit xee linbuw qra liw riyx jitt xee ginxaw, hyw mah?"

8 Falaoh ee jaboxqniaw qra ix qongw, "Liw tangx kir." Jaboxqniaw dyrr kir, qiyr ginxaw ee laurbuw.

9 Falaoh ee jaboxqniaw qra ix qongw, "Py jitt xee ginxaw kir, qra guaw riyx ix, guaw beh hro liw qangjnii." Hurzinlangg dyrr py ginxaw kir riyx.

10 Ginxaw jiamrjiam dua, hurzinlangg dyrr duar ix qaur Falaoh ee jaboxqniaw hiax, juer ix ee qniaw. Ix qra ix hy miaa qiyr Moses, qongw, "In'ui guaw dui' juiw nirr qiur ix cud .laii."

11 Moses ixqing’ diongxsingg, ix cud kir qaur ix ee hniadi hiax, knuar qnir inx decc dnadeh.

12 Ix knuar qnir jit xee Egiptlangg pah jit xee Heblalangg, hitt xee Heblalangg dyrr si ix ee hniadi. Ix knuar jyxiu, knuar byy langg dirr hiax, dyrr pah siw Egiptlangg, iamw dirr snuax nirr.

13 Qeh zit qycc cud .kir, knuar qnir u nng xee Hebla ee langg sna' pah, dyrr duiww hitt xee m driyc :ee qongw, "Liw sniaw su pah liw ee dangpnua?"

14 Hitt xee langg qongw, "Jirjui setlip liw juer siuxlingw qapp simxpnuawqnuax laii quanw guanw? Liw sniu beh pah siw guaw, cincniu pah siw hitt xee Egiptlangg mah?" Moses qniax qongxx, "Jitt xee dairjir jinjniar lorcud."

15 Falaoh tniax qnir jitt xee dairjir, dyrr sniu beh taii Moses. Moses siamxvi Falaoh, jauw kir Midian kiarkiw. U jit qangx, ix jre dirr jnew-vnix.

16 Midian ee jewsix u cid xee jaboxqniaw. Inx laii cnriu juiw qaur muaw jxyy, hro laurve ee ngiuu-qrunn limx.

17 Hiax ee qor ngiuu :ee qaur, beh qnuaw inx. Moses dyrr kiw laii vangjan inx, hro inx ee ngiuu-qrunn limx.

18 Inx laii qaur laurve hiax. Ix qongw, "Qinaxzit linw jnaixngiu hiacc qinw dyr .laii?"

19 Inx qongw, "U jit xee Egiptlangg qiur guanw tuatli qor ngiuu ee langg ee ciuw, qycc ter guanw cud lat cnriu juiw, hro ngiuu-qrunn limx."

20 Ix duiww ix hiaxee jaboxqniaw qongw, "Hitt xee langg dirr daclyc?" Linw sniaw su vangr ix dirr hiax? Diyhh cniaw ix laii jiac."

21 Moses guan qapp hitt langg diamr; ix dyrr jiong' ix ee jaboxqniaw Zippolah, qer hro Moses.

22 Zippolah snix jit xee qniaw. Moses qra ix hy miaa qiyr Gersom; in'ui qongw, "Guaw qiawkax dirr guarvangx."

23 Ligquer jerje nii, Egipt Ongg siw. Islaellangg, in'ui juer koxqangx, dyrr trow kuir auqiyr. Inx juer koxqangx auqiyr ee sniax hro Siongrder tniax .qnir.

24 Siongrder tniax qnir inx ee hnihnix canx. Siongrder dyrr qir did Ix qapp Ablaham, Isaac, Jakob soxx lip ee iog.

25 Siongrder knuawqor Islaellangg, Siongrder iarr jaix inx ee dairjir.

3 Moses qor ix ee dniurlangg, Midian ee jewsix, Jetlo, ee ngiuu-qrunn, qnuaw ngiuu kir kongwiaw ee aurbin, qaur Siongrder ee snuax, dyrr si Holeb Snuax.

2 Jehovah ee suwjiaw dirr ciwper lai, huexiam diongx duiww ix cuthen. Ix knuar qnir ciwper hro huew siyx, ciwper iarr byy dyc .kir.

3 Moses qongw, "Guaw dnaxx beh uat .quer .kir, knuar jitt xee dua ee qingxsiong, jitt xee ciwper jnaixngiu byy dyc .kir."

4 Jehovah knuar qnir ix uat kir beh knuar Siongrder, dyrr dui' ciwper lai duiww ix qongw, "Moses, Moses." Ix dyrr qongw, "Guaw dirr jiax."

5 Ix dyrr qongw, "Liw byc did qinruaw .laii. Diyhh trngr liw kax nirr ee ree, in'ui liw kia ee soxjai si sxingr de."

6 Qycc qongw, "Guaw si liw ee joxqongx ee Siongrder, Ablaham ee Siongrdr, Isaac ee Siongrder, Jakob ee Siongrder." Moses ziax ix ee bin, m qnaw knuar Siongrder.

7 Jehovah qongw, "Guaw ee vecsnir kiarkiw dirr Egipt :ee, inx ee kunwkow Guaw sidjai ixqing’ knuar .qnir .lar. Inx in'ui dokqangx :ee laii auqiyr, Guaw ixqing’ tniax .qnir .lar. Guaw vunw jaix inx ee tongwkow.

8 Dnaxx guaw lyc laii beh qiur inx tuatli Egiptlangg ee ciuw, cua inx cud hitt xee de, qaur vuisuiw kuikuah ee de, qaur lrauu linx qapp bit ee de, dyrr si Kanaan, Hit, Amoli, Peliz, Hivi, qapp Jebus hiaxee jok ee soxjai.

9 Dnaxx Islaellangg auqiyr ee sniax hro Guaw tniax .qnir. Guaw iarr knuar qnir Egiptlangg koxcow inx ee qankow.

10 Dnaxx liw laii. Guaw beh crex liw kir qnir Falaoh, cua Guaw ee vecsnir Islaellangg cud Egipt."

11 Moses duiww Siongrder qongw, "Guaw si simxmih langg, iarr tangx kir qnir Falaoh, cua Islaellangg cud Egipt ar?"

12 Ix qongw, "Guaw sidjai beh qapp liw dilehh. Liw cua vecsnir cud Egipt liauxau, linw beh dirr jitt xee snuax hogsai Siongrder. Jex beh juer Guaw crex liw ee jingwqir."

13 Moses duiww Siongrder qongw, "Guaw qaur Islaellangg hiax, duiww inx qongw, 'Linw joxqongx ee Siongrder crex guaw laii linw jiax.' Inx narr mng guaw qongxx, 'Ix qiyr simxmih miaa?' Guaw beh qra inx qongw simxmih ar?"

14 Siongrder duiww Moses qongw, "Guaw si Jurzenn Zizenn :ee"; qycc qongw, "Liw diyhh qra Islaellangg anxnix qongw, 'Jurzenn :ee crex guaw qaur linw jiax.'"

15 Siongrder qycc duiww Moses qongw, "Liw diyhh duiww Islaellangg anxnix qongw, 'Crex guaw qaur linw jiax :ee, dyrr si Jehovah, linw joxqongx ee Siongrder, Ablaham ee Siongrder, Isaac ee Siongrder, qapp Jakob ee Siongrder.' Jex si Guaw ingxuanw ee miaa, jex si qiwliam Guaw qaur banrdai :ee.

16 Liw kir jiyjip Islael ee dniuxlyw, qra inx qongw, 'Jehovah, linw joxqongx ee Siongrder, dyrr si Ablaham, Isaac, Jakob ee Siongrder duiww guaw cuthen, qongw, 'Guaw sidjai quanwqor linw. Langg' dirr Egipt soxx kuanxtai linw :ee, Guaw iarr u knuar .qnir.'

17 Guaw iarr bad qongw, 'Guaw beh cua linw cud Egipt ee qankow, qaur Kanaan, Hit, Amoli, Peliz, Hivi, qapp Jebus hiaxee jok ee de, qaur lrauu linx qapp bit ee de.'

18 Inx beh tniax liw ee ue. Liw qapp Islael ee dniuxlyw diyhh kir qnir Egipt Ongg, qra ix qongw, 'Heblalangg ee Siongrder Jehovah ixqing’ duw diyc guanw. Dnaxx qriuu liw iong'unw guanw kir kongwiaw, qniaa snax zit ee lorjam, beh jewsu Jehovah, guanw ee Siongrder.'

19 Guaw jaix suizenn ing dua quanlingg ee ciuw, Egipt Ongg iarr m hro linw kir.

20 Guaw beh crunx Guaw ee ciuw, ing Guaw dirr Egipt diongx soxx beh qniaa itcer ee qrii su laii pah ix; zen'au ix jiacc jrunw linw kir.

21 Guaw beh hro jitt xee vecsnir did diyc undenw dirr Egiptlangg ee binrjingg, hro linw cud .kir ee sii byy kangx ciuw kir.

22 Jiax ee hurzinlangg dagg xee beh dui' ix ee cuwvnix qapp druar dirr ix ee qrex-lai ee hurzinlangg tyw ginkir, qimkir, qapp ihok, tangx hro liw ee qniaw jaboxqniaw ing. Anxnix linw beh cniuw Egiptlangg."

4 Moses rinr qongxx, "Knuar ar, inx beh m sinr guaw, iarr m tniax guaw ee ue; in'ui inx beh qongw, 'Jehovah m bad duiww liw cuthen.'"

2 Jehovah duiww ix qongw, "Dirr liw ciuw nirr si simxmih?" Ix qongw, "Si qnuaiw-aw." Qongw, "Hed dirr de nirr."

3 Ix jid'err hed dirr de nirr, dyrr vnir juer juaa; Moses dyrr jauxsiamw ix.

4 Jehovah duiww Moses qongw, "Crunx liw ee ciuw liac ix ee buew; (Moses dyrr crunx ciuw liac ix, dirr ciuw-diongx iuguann vnir juer qnuaiw-aw.)

5 Anxnix tangx hro inx sinr Jehovah, inx ee joxqongx ee Siongrder, Ablaham ee Siongrder, Isaac ee Siongrder, Jakob ee Siongrder, u duiww liw cuthen."

6 Jehovah qycc duiww ix qongw, "He liw ee ciuw dirr liw ee hxingx-jingg." Ix dyrr he ciuw dirr hxingx-jingg; tiux .cud .laii ee sii, ciuw ixqing’ taixqyx, vec cincniu seh.

7 Qycc qongw, "Qycc he liw ee ciuw dirr liw ee hxingx-jingg." (Ix dyrr he dirr ix ee hxingx-jingg; tiux .cud .laii ee sii, ixqing’ jiauwguann, qapp tong' sinkux ee bah byy qyc'ngiu.)

8 Qycc qongw, "Setsuw inx byy beh sinr liw, iarr byy beh tniax tauu jit xee sinziah, dyrr beh sinr derr zi xee sinziah.

9 Hitt nng xee sinziah inx narr longxx m sinr, iarr m tniax liw ee ue, liw diyhh dui' hyy nirr ngiuw juiw, dryr dirr dax de. Liw dui' hyy nirr soxx ngiuw ee juiw beh dirr dax de vnir juer huih."

10 Moses duiww Jehovah qongw, "Jruw ar, guaw vingsor m si e qongxue ee langg. Liw qra Liw ee lovok qongxue liauxau iarr si anxnix; guaw si cuiwjic dunx ee langg."

11 Jehovah duiww ix qongw, "Congwjy langg ee cuir si jirjui ar? Hro langg exqauw, cauwhnirlangg, bagjiux qimx, cnimii :ee, si jirjui ar? Qamxx m si Guaw Jehovah mah?

12 Dnaxx liw kir ar, Guaw beh sniuxsur liw kauxjaii, qawsi liw soxx ingqaix qongw :ee."

13 Ix qongw, "Jruw ar, Liw hab'ir crex jirjui, dyrr crex ix kir."

14 Jehovah duiww Moses huad cud siurkir, qongw, "Liw qamxx m si u jit xee hniax, Levilangg, Aalon mah? Guaw jaix ix si e qongxue ee langg. Qycc ix dnaxx cud laii gniajih liw. Ix jid'err knuar qnir liw, simlai dyrr hnuahiw.

15 Liw diyhh duiww ix qongw, ing soxx ingqai qongw ee ue tuann hro ix. Guaw iarr beh sniuxsur liw qapp ix u kauxjaii, qycc beh qawsi linw soxx ingqaix qniaa ee su.

16 Ix beh ter liw duiww vecsnir qongxue; ix beh juer liw ee cuir, ix beh liac liw juer Siongrder.

17 Liw ee ciuw diyhh giac jitt qix qnuaiw-aw, ing ix laii qniaa sinziah."

18 Dui' anxnix Moses dyrr kir, dyr kir ix ee dniurlangg Jetlo hiax, qra ix qongw, "Qriuu liw iong'unw guaw dyr .kir, knuar guaw dirr Egipt ee hniadi, knuar inx iauxx dilehh iacc byy." Jetlo qra Moses qongw, "Liw tangx anzenn kir lar."

19 Jehovah dirr Midian duiww Moses qongw, "Liw kir, dyr kir Egipt, in'ui rair hai liw ee sniwmia ee langg longxx siw lar."

20 Moses duar ix ee bow qapp nng xee qniaw, hro inx kiaa luu, dyr kir Egipt-de. Moses ciuw nirr giac Siongrder ee qnuaiw-aw.

21 Jehovah duiww Moses qongw, "Liw dyr kir Egipt ee sii, diyhh juwir jiong' Guaw soxx qaux dirr liw ee ciuw itcer ee qrii su qniaa dirr Falaoh ee binrjingg. Danrsi Guaw beh hro ix ee simx gni; ix iarr byy beh vangr jitt xee vecsnir kir.

22 Liw diyhh qra Falaoh qongw, Jehovah anxnix qongw, 'Islael si Guaw ee qniaw, dyrr si Guaw ee dua-qniaw.'

23 Guaw bad duiww liw qongw, 'Diyhh tauxvangr Guaw ee qniaw kir, tangx hogsai Guaw. Liw iarr m jrunw ix kir, knuar ar, Guaw beh taii siw liw ee qniaw.'"

24 Moses dirr lo nirr, dirr kecdiamr, Jehovah duw diyc ix, beh hro ix siw.

25 Zippolah dyrr tec jit der lrai jiyc, quah ix ee qniaw iongbut ee puee, hed dirr ix ee kax-jingg, qongw, "Liw si guaw huih ee diongrhux."

26 Jehovah dyrr vangr ix suah. Hurzinlangg qongw, "In'ui qatlew ee enqor, liw si huih ee diongrhux."

27 Jehovah qra Aalon qongw, "Liw kir kongwiaw, gniajih Moses." Ix dyrr kir, dirr Siongrder ee snuax duw diyc ix, dyrr qra ix jimx.

28 Moses jiong' Jehovah crex ix qongw ee ue, qapp huanhur ix qniaa ee sinziah, longxx qra Aalon qongw.

29 Moses qapp Aalon dyrr kir jiyjip Islaellangg jiongww dniuxlyw.

30 Aalon jiong' Jehovah duiww Moses soxx qongw ee ue longxx qongw .cud .laii, qycc dirr vecsnir ee binrjingg qniaa hiaxee sinziah.

31 Vecsnir dyrr sinr; inx tniax qnir Jehovah u quanwqor Islaellangg, qycc u knuar qnir inx ee qankow, dyrr ngar tauu qingwvair.

5 Au .laii Moses Aalon zip .kir, qra Falaoh qongw, "Islael ee Siongrder Jehovah anxnix qongw, 'Jrunw Guaw ee vecsnir kir, inx tangx dirr kongwiaw uirr Guaw siuw jeh.'"

2 Falaoh qongw, "Jehovah si jirjui, qiyr guaw diyhh tniax Ix ee ue, jrunw Islaellangg kir ar? Guaw m bad Jehovah, iarr m jrunw Islaellangg kir."

3 Inx qongw, "Heblalangg ee Siongrder duw diyc guanw. Qriuu liw jrunw guanw kir kongwiaw qniaa snax zit ee lo, jewsu Jehovah guanw ee Siongrder. Byy, qniax Ix ing un'ik qapp dyqiamr limqaur guanw."

4 Egipt Ongg duiww inx qongw, "Moses, Aalon, linw sniaw su hro vecsnir honghuer inx ee qangx ar? Linw kir dnax linw ee dnar lar."

5 Falaoh qongw, "Knuar ar, jitt soxjai ee vecsnir henrjai jin' je, linw qingwzenn hro inx suah inx ee dnax dnar."

6 Dng' hitt zit, Falaoh huanhur vecsnir ee dokqangx :ee qapp inx ee taubak, qongw,

7 "Linw m tangx jiauwqu ing cauw hro jitt xee vecsnir juer jxngx, diyhh hro inx kir qaqi kiyh cauw.

8 Inx jingg juer jxngx ee siauwgiac, linw iuguann hro inx anxnix juer, m tangx siyxkuaw qiamxjiyw. Inx in'ui vinrdnua, soxiw auqiyr qongxx, 'Jrunw guanw kir jewsu guanw ee Siongrder.'

9 Linw diyhh ing kacc dang ee qangx hro inx juer, hro inx diyhbuaa, byy kir tniax byngiaw ee ue."

10 Vecsnir ee dokqangx :ee qapp inx ee taubak cud kir qra vecsnir qongw, "Falaoh anxnix qongw, 'Guaw m ing cauw hro linw.'

11 Linw knuar daclyc u cauw, dyrr qaqi kir hiax kiyh; danrsi linw ee qangx longxx be jiyw .did."

12 Dui' anxnix vecsnir siwsnuar venww Egipt, kiyh cauxaxiur laii juer cauw.

13 Dokqangx :ee vig inx qongxx, "Linw zidzit diyhh juer uann linw ee qangx, qapp ixjingg u cauw byy qyc'ngiu."

14 Falaoh dokqangx :ee pah ix soxx pair quanxliw Islaellangg ee taubak, qongw, "Linw jazit qinaxzit jnaixngiu byy juer uann linw ee qangx, jiauww jiongjingg ee siauwgiac juer jxngx ar?"

15 Islaellangg ee taubak laii duiww Falaoh qiuqiyr, qongw, "Sniaw su anxnix kuanxtai liw ee lovok?

16 Byy ing cauw hro liw ee lovok, qycc qra guanw qongw diyhh juer jxngx. Knuar ar, liw ee lovok siurr pah, sidjai si liw ee vecsnir ee quewsid."

17 Ix qongw, "Linw vinrdnua, linw vinrdnua, soxiw linw qongw, 'Jrunw guanw kir jewsu Jehovah.'

18 Dnaxx linw kir juer qangx, cauw m hro linw, danrsi jxngx diyhh jiauww gxiac laii qaux."

19 Islaellangg ee taubak tniax qnir qongxx, zidzit juer jxngx ee gxiac berdangr qiamxjiyw, dyrr jaix hai lar.

20 Inx lirkuix Falaoh cud .laii, duw diyc Moses qapp Aalon kia dirr inx ee taujingg, dyrr duiww inx qongw,

21 "Guan Jehovah qamwcad linw, simxpnuar linw; in'ui linw hro guanw dirr Falaoh ee binrjingg qapp ix ee zinsinn ee binjingg u caur miaa, ing dyx he dirr inx ee ciuw laii taii guanw."

22 Moses dywdngw kir Jehovah hiax, qongw, "Jruw ar, Liw sniaw su pnaiw kuanxtai jitt xee vecsnir? Sniaw su crex guaw?

23 In'ui dui' guaw qnir Falaoh, tog Liw ee miaa laii qongw ee sii, ix dyrr pnaiw kuanxtai jitt xee vecsnir; Liw iarr longxx byy qiur Liw ee vecsnir."

6 Jehovah duiww Moses qongw, "Guaw soxx beh qniaa dirr Falaoh :ee, dnaxx liw beh knuar .qnir. In'ui ing quanlingg ee ciuw, ix beh jrunw inx kir; qycc ing quanlingg ee ciuw, ix beh qnuaw inx cud ix ee de."

2 Siongrder qycc duiww Moses qongw,

3 "Guaw dyrr si Jehovah. Guaw ee miaa juer juanlingg ee Siongrder u cuthen dirr Ablaham, Isaac, qapp Jakob ee binrjngg. Danrsi Guaw m bad hro inx jaix Guaw ee miaa juer Jehovah.

4 Guaw qycc qapp inx lip Guaw qenqor ee iog, beh jiong' inx soxx cutgua ee Kanaan-de sniuxsur inx, dyrr si inx qiawkax ee de.

5 Guaw iarr tniax qnir Islaellangg hnihnix canx, dyrr si Egiptlangg vig inx juer koxqangx. Guaw iarr qir did Guaw ee iog.

6 Soxiw liw diyhh qra Islaellangg qongw, Guaw si Jehovah. Guaw beh dui' Egiptlangg soxx hro linw dnax ee dang dnar cua linw cud .laii, qycc beh qiur linw tuatli inx soxx hro linw juer ee koxqangx.

7 Guaw iarr beh ing crunx cud ee ciuw qapp dua ee simxpnuar qiuwsiok linw. Guaw iarr beh liac linw juer Guaw ee vecsnir, Guaw iarr beh juer linw ee Siongrder. Linw beh jaix Guaw si Jehovah, linw ee Siongrder, dyrr si dui' Egiptlangg soxx hro linw dnax ee dang dnar cua linw cud .laii .ee.

8 Guaw jiuwjua ingwunw beh hro Ablaham, Isaac, qapp Jakob hitt xee de, Guaw beh cua linw zip kir hiax, jiong' hitt xee de sniuxsur linw juer giap. Guaw si Jehovah."

9 Moses jiong' jitt xee qra Islaellangg qongw. Danrsi inx simlai iubun, qycc itdit decc juer koxqangx, dyrr m kingw tniax Moses.

10 Jehovah huanhur Moses qongxx,

11 "Liw zip kir qra Egipt Ongg Falaoh qongw, diyhh jrunw Islaellangg cud ix ee de."

12 Moses dirr Jehovah ee binrjingg qongw, "Knuar ar, Islaellangg siongrcniaw m tniax guaw, Falaoh taixtyw beh tniax guaw jitt xee cuiwjic dunx ee langg ar?"

13 Jehovah huanhur Moses qapp Aalon, diyhh tuanbing hro Islaellangg qapp Egipt Ongg Falaoh, tangx cua Islaellangg cud Egipt-de.

14 Islael jiaxee vangdniuw ee miaa qir dirr erdew. Islael dua-qniaw Rleuben ee qniaw si Hanoc, Pallu, Hezlon, qapp Karmi, jiaxee si Rleuben hiaxee qrex.

15 Simeon ee qniaw si Jemuel, Jamin, Ohad, Jaqin, Zohar, ixqip Kanaan-de ee jaboxqniaw soxx snix ee Saul, jiaxee si Simeon hiaxee qrex.

16 Levi jiaxee qniaw ee miaa jiauww inx ee sewhe qir dirr erdew. Gerson, Kohat, qapp Melali. Levi hiongxsiu jit-vah snax-jap-cid huer.

17 Gerson u nng xee qniaw, Libni qapp Simei.

18 Kohat ee qniaw si Amlam, Izhar, Heblon, qapp Uziel. Kohat hiongxsiu cid-vah snax-jap-snax huer.

19 Melali u nng xee qniaw, Mahli qapp Musi. Jiaxee si Levi hiaxee qrex, jiauww inx ee sewhe.

20 Amlam crua ix ee qox, Joqebed, juer bow; ix qra ix snix Aalon qapp Moses. Amlam hiongxsiu jit-vah snax-jap-cid huer.

21 Izhar ee qniaw si Kolah, Nefeg, qapp Zicli.

22 Uziel ee qniaw si Misael, Elzafan, qapp Sitli.

23 Aalon crua Amminadab ee jaboxqniaw, Nahson ee siyxbe, Eliseba juer bow; ix qra ix snix Nadab, Abihu, Eleazar, qapp Ithamar.

24 Kolah ee qniaw si Assir, Elkanah, qapp Abiasaf, jiaxee si Kolah hiaxee qrex.

25 Aalon ee qniaw Eleazar crua Putiel jit xee jaboxqniaw juer bow; ix qra ix snix Finehas. Jiaxee si Levilangg ee vangdniuw, jiauww inx ee qajok vailet.

26 Jitt xee Aalon, Moses dyrr si Jehovah duiww inx qongw, diyhh cua Islaellangg jiauww inx ee qundui cud Egipt-de :ee.

27 Duiww Egipt Ongg Falaoh qongw beh cua Islaellangg cud Egipt :ee, dyrr si jitt xee Moses, Aalon.

28 Dng' Jehovah dirr Egipt-de duiww Moses qongxue ee zit,

29 Jehovah duiww Moses qongw, "Guaw dyrr si Jehovah. Guaw duiww liw soxx qongw itcer ee ue, liw longxx diyhh qra Egipt Ongg Falaoh qongw."

30 Moses dirr Jehovah ee binrjingg qongw, "Knuar ar, guaw si cuiwjic dunx ee langg, Falaoh taixtyw beh tniax guaw ar?"

7 Jehovah duiww Moses qongw, "Knuar ar, Guaw hro liw duiwdirr Falaoh juer siongrder; liw ee hniax Aalon beh juer liw ee sendix.

2 Qniwnarr Guaw soxx huanhur liw :ee, liw longxx diyhh qongw; liw ee hniax Aalon diyhh duiww Falaoh qongw, hro ix jrunw Islaellangg cud ix ee de.

3 Guaw beh hro Falaoh ee simx gni, iarr beh dirr Egipt-de qniaa Guaw jerje ee sinziah qrii su.

4 Danrsi Falaoh byy beh tniax linw. Guaw beh crunx Guaw ee ciuw dirr Egipt, ing dua ee simxpnuar cua Guaw ee qundui, Guaw ee vecsnir Islaellangg, cud Egipt-de.

5 Guaw crunx Guaw ee ciuw dirr Egipt, cua Islaellangg dui' inx diongqanx cud .laii ee sii, Egiptlangg dyrr jaix Guaw si Jehovah."

6 Moses qapp Aalon dyrr jiauww anxnix qniaa.

7 Inx qapp Falaoh qongxue ee si, Moses veh-jap huer, Aalon veh-jap-snax huer.

8 Jehovah duiww Moses qapp Aalon qongw,

9 "Falaoh narr duiww linw qongw, 'Linw diyhh qniaa jit qnia qrii su laii knuar mai.' Liw diyhh duiww Aalon qongw, 'Giac liw ee qnuaiw-aw laii hed dirr Falaoh ee binrjingg, hro ix vnir juer juaa.'"

10 Moses qapp Aalon zip kir qnir Falaoh, dyrr anxnix qniaa, jiauww Jehovah soxx huanhur :ee. Aalon jiong' ix ee qnuaiw-aw hed dirr Falaoh qapp ix ee zinsinn ee binrjingg, qnuaiw-aw dyrr vnir juer juaa.

11 Falaoh iarr driaur diwhui ee langg qapp saiqongx laii, inx si Egipt ee poksu, iarr ing inx ee siasut jiauww anxnix qniaa.

12 Inx dagg langg hed inx ee qnuaiw-aw, longxx vnir juer juaa. Danrsi Aalon ee qnuaiw-aw tunx inx ee qnuaiw-aw.

13 Falaoh ee simx gni, byy beh tniax inx, duxduxx jiauww Jehovah soxx qongw :ee.

14 Jehovah duiww Moses qongw, "Falaoh ee simx qowjib, ix m jrunw vecsnir kir.

15 Tniqngjaw liw kir qnir Falaoh. Knuar ar, ix cud kir juiw-vnix; liw diyhh kia dirr hyy-vnix danxjih ix. Liw ee ciuw diyhh giac hitt qix vnir juaa ee qnuaiw-aw, duiww ix qongw,

16 'Jehovah, Heblalangg ee Siongrder, crex guaw laii qnir liw. Diyhh jrunw Ix ee vecsnir kir, tangx dirr kongwiaw hogsai Ix. Knuar ar, qaur dnaxx liw iauxx m tniax.

17 Jehovah anxnix qongw: Liw beh dui' jitt jit qnia jaix Guaw si Jehovah. Knuar ar, guaw beh ing guaw ciuw nirr ee qnuaiw-aw pah hyy-diongx ee juiw, juiw dyrr vnir juer huih.

18 Hyy nirr ee hii beh siw, hyy iarr beh venr caur; Egiptlangg iamwjen, m air limx hyy ee juiw.'"

19 Jehovah duiww Moses qongw, "Liw diyhh qra Aalon qongw, 'Giac liw ee qnuaiw-aw, crunx liw ee ciuw dirr Egipt jiax ee juiw ee dingxbin, dyrr si dirr inx ee qxangx, hyy, dii, qapp itcer ee juixkud ee dingxbin, hro inx longxx vnir juer huih. Dirr Egipt venww de, bylun caa ee kiwqu, jiyc ee kiwqu, longxx beh u huih."

20 Moses qapp Aalon dyrr anxnix qniaa, jiauww Jehovah soxx huanhur, dirr Falaoh qapp ix ee zinsinn ee binrjingg giac kiw qnuaiw-aw, pah hyy nirr ee juiw. Hyy nirr ee juiw longxx vnir juer huih.

21 Hyy nirr ee hii longxx siw; hyy iarr venr caur. Egiptlangg be e limx hyy nirr ee juiw; Egipt venww de longxx u huih.

22 Egipt ee poksu iarr ing inx ee siasut jiauww anxnix qniaa. Falaoh ee simx gni, m tniax inx; duxduxx jiauww Jehovah soxx qongw :ee.

23 Falaoh dyr kir ix ee qiongx-lai; jitt xee su ix iarr kuawsimx.

24 Egiptlangg dirr hyy ee siangvingg qrut de, rair did diyc juiw tangx limx; in'ui hyy ee juiw inx be limx .did.

25 Jehovah pah hyy liauxau, ligquer cid zit.

8 Jehovah qra Moses qongw, "Liw zip kir qnir Falaoh, qra ix qongw, Jehovah anxnix qongw, 'Jrunw Guaw ee vecsnir kir, tangx hogsai Guaw.

2 Liw narr m jrunw inx kir, knuar ar, Guaw beh hro canqap'aw pah pnaiw liw ee qingxlai.

3 Hyy beh snitnuar canqap'aw, inx beh jnriu .laii, zip liw ee qiongden, liw ee kunwvangg, jnriu liw ee bincngg, zip liw ee zinsinn ee cur, jnriu liw ee vecsnir ee sinkux, zip liw ee jauwkangx, qapp liw ciaux mi ee kiwqu.

4 Qycc beh jnriu liw, qapp liw ee vecsnir, ixqip liw jiongww zinsinn ee sinkux.'"

5 Jehovah duiww Moses qongw, "Liw qra Aalon qongw, 'Liw ee ciuw giac qnuaiw-aw, crunx dirr qxangx, hyy, dii ee dingxbin, hro canqap'aw jnriu laii Egipt-de.'"

6 Aalon dyrr crunx ix ee ciuw dirr Egipt jiax ee juiw ee dingxbin; canqap'aw dyrr jnriu laii ziakamr tong' Egipt-de.

7 Poksu ing inx ee siasut iarr anxnix qniaa, hro cnaqap'aw jnriu laii Egipt-de.

8 Falaoh qiyr Moses qapp Aalon, qongw, "Cniaw linw qriuu Jehovah hro jiaxee canqap'aw lirkuix guaw qapp guaw ee vecsnir; guaw dyrr jrunw jitt xee vecsnir kir tangx jewsu Jehovah."

9 Moses duiww Falaoh qongw, "Guaw juncunn liw ee iwsur. Guaw diyhh uirr liw, qapp liw ee zinsinn, ixqip liw ee vecsnir, qiqiuu dirr simxmih sii tangx dubet canqap'aw lirkuix liw, qapp liw hiaxee cur, jixu qra lauu dirr hyy nirr ar?"

10 Ix qongw, "Binaxjair." Qongw, "Tangx jiauww liw ee ue, hro liw jaix guanw ee Siongrder Jehovah byy jit xee e tangx vixping .did.

11 Canqap'aw beh lirkuix liw qapp liw hiaxee cur, qapp liw ee zinsinn, ixqip liw ee vecsnir, jixu qra lauu dirr hyy nirr."

12 Moses qapp Aalon lirkuix Falaoh cud .kir. Moses uirdiyhh Ix soxx crex laii hai Falaoh ee canqap'aw qiuqiyr Jehovah.

13 Jehovah dyrr jiauww Moses ee ue laii qniaa; qniwnarr dirr cur-lai, ngi-diongx, cann nirr ee canqap'aw longxx siw.

14 Langg qra inx kiyh qui' duix, venww de longxx caur bi.

15 Falaoh knuar qnir dairjir u kacc kuanx, dyrr gni ix ee simx, m tniax inx; duxduxx jiauww Jehovah soxx qongw :ee.

16 Jehovah duiww Moses qongw, "Liw qra Aalon qongw, 'Crunx cud liw ee qnuaiw-aw pah de nirr ee tohunw, hro ix dirr Egipt venww de venr juer satbuw.'"

17 Inx dyrr anxnix qniaa. Aalon giac qnuaiw-aw, crunx ciuw pah de nirr ee tohunw; dirr langg qapp jingsnix ee sinkux dyrr longxx u satbuw; de nirr ee tohunw dirr Egipt venww de longxx venr juer satbuw.

18 Poksu iarr ing inx ee siasut jiauww anxnix juer, rair snix cud satbuw; danrsi be e. Anxnix dirr langg qapp jingsnix ee sinkux longxx u satbuw.

19 Poksu duiww Falaoh qongw, "Jex si Siongrder ee ciuxdnua." Falaoh ee simx gni, m tniax inx; duxduxx jiauww Jehovah soxx qongw :ee.

20 Jehovah qra Moses qongw, "Liw cingjaw kiw .laii, knuar ar, Falaoh beh qaur juiw-vnix. Liw kia dirr ix ee binrtaujingg, qra ix qongw Jehovah anxnix qongw, 'Jrunw Guaw ee vecsnir kir, tangx hogsai Guaw.

21 Liw narr m jrunw Guaw ee vecsnir kir, Guaw beh crex qui' din ee hosinn qaur dirr liw, liw ee zinsinn, ixqip liw ee vecsnir; qycc iarr beh zip liw hiaxee cur. Qycc Egiptlangg ee cur, qapp inx soxx kiarkiw ee soxjai, longxx beh u qui' din ee hosinn muaw muaw.

22 Dng' hitt zit, Guaw beh hunvet Guaw ee vecsnir soxx kiarkiw ee Gosen-de, dirr hiax byy beh u qui' din ee hosinn. Anxnix, tangx hro liw jaix, Guaw dirr tnie diongx juer Jehovah.

23 Guaw beh hunvet Guaw ee vecsnir qapp liw ee vecsnir. Binaxjair beh u jitt xee sinziah.'"

24 Jehovah anxnix qniaa, dyrr u hosinn qui' dua din laii zip Falaoh ee qiongden qapp ix ee zinsinn ee cur, qapp Egipt juann de. De in'ui jitt xee qui' din ee hosinn siurr vairhuai.

25 Falaoh qiyr Moses Aalon laii, qongw, "Linw kir, dirr jitt xee de jewsu linw ee Siongrder."

26 Moses qongw, "Anxnix qniaa byy habgii; in'ui guanw beh ing Egiptlangg soxx iamwngor ee mic jewsu Jehovah, guanw ee Siongrder. Guanw narr dirr Egiptlangg ee bagjiux jingg, ing inx soxx iamwngor ee mic laii henwjer, inx qamxx byy beh ing jiyhtauu dimr guanw mah?

27 Guanw beh kir kongwiaw, qniaa snax zit ee lorjam, jewsu guanw ee Siongrder Jehovah, jiauww Ix soxx beh huanhur guanw :ee."

28 Falaoh qongw, "Guaw beh jrunw linw kir, dirr kongwiaw jewsu Jehovah, linw ee Siongrder; dogdok m tangx kir hng. Linw diyhh ter guaw qidyw."

29 Moses qongw, "Guaw beh dui' liw jiax cud .kir, iarr beh qriuu Jehovah hro qui' din ee hosinn binaxzit lirkuix Falaoh, qapp ix ee zinsinn, ixqip ix ee vecsnir. Danrsi Falaoh m tangx qycc kuixjar, m jrunw vecsnir kir jewsu Jehovah."

30 Moses dyrr dui' Falaoh hiax cud .kir, qidyw Jehovah.

31 Jehovah dyrr jiauww Moses ee ue qniaa, hro qui' din ee hosinn lirkuix Falaoh, qapp ix ee zinsinn, ixqip ix ee vecsnir, byy lauu jit jiah.

32 Jitt vaiw Falaoh qycc gni ix ee simx, m jrunw vecsnir kir.

9 Jehovah duiww Moses qongw, "Liw zip kir qnir Falaoh, qra ix qongw, Jehovah, Heblalangg ee Siongrder, anxnix qongw, 'Diyhh jrunw Guaw ee vecsnir kir, tangx hogsai Guaw.

2 Liw narr m kingw hro inx kir, iuguann benxqiongw lauu inx,

3 Knuar ar, Jehovah ee ciuw beh crunx dirr liw cann nirr ee jingsnix, bew, luu, logdyy, guu-qrunn, ngiuu-qrunn; beh u dang ee un'ik.

4 Jehovah beh hunvet Islael ee jingsnix qapp Egipt ee jingsnix; huanrnarr sriok Islaellangg :ee, byy siw jit jiah.'

5 Jehovah dyrr dniardiyc siqii, qongw, "'Binaxzit Jehovah beh dirr jitt xee de qniaa jitt xee su.'"

6 Qeh zit Johavah dyrr qniaa jitt xee su. Egipt ee jingsnix longxjongw siw; danrsi Islaellangg ee jingsnix longxx byy siw jit jiah.

7 Falaoh crex langg kir, knuar ar, Islaellangg ee jingsnix, lenrr jit jiah iarr byy siw. Danrsi Falaoh ee simx qowjib, m jrunw vecsnir kir.

8 Jehovah duiww Moses qapp Aalon qongw, "Linw diyhh vud quixnarr pongw loo nirr ee huexhux. Moses diyhh dirr Falaoh ee binrjingg ngr tnix ia .kir;

9 Beh dirr Egipt juann de vnir juer din'aix. Dirr Egipt juann de, dirr langg qapp jingsnix ee sinkux, longxx snix liab'aw, jniaa juer cngx."

10 Inx dyrr vud loo nirr ee huexhux, kia dirr Falaoh ee binrjingg. Moses ngr tnix ia .kir, dirr langg qapp jingsnix ee sinkux dyrr snix liab'aw, jniaa juer cngx.

11 Poksu in'ui liab'aw, dirr Moses ee binrjingg kia be diauu; in'ui poksu qapp itcer Egiptlangg ee sinkux longxx u hitt hy liab'aw.

12 Jehovah hro Falaoh ee simx gni, drir qaur m tniax inx; duxduxx jiauww Jehovah duiww Moses soxx qongw :ee.

13 Jehovah duiww Moses qongw, "Liw cingcaw kiw .laii, kia dirr Falaoh ee binrjingg qra ix qongw, Jehovah, Heblalangg ee Siongrder, anxnix qongw, 'Diyhh jrunw Guaw ee vecsnir kir, hro inx tangx hogsai Guaw.

14 In'ui jitt jit vaiw Guaw beh hro Guaw itcer ee jaieh qaur dirr liw ee simx, qapp liw ee zinsinn, ixqip liw ee vecsnir, hro liw jaix dirr poxtnie byy jit xee e vixping Guaw.

15 Guaw narr crunx ciuw, ing un'ik qongqig liw qapp liw ee vecsnir, liw dyrr ixqing’ dirr derjniu bet .kir.

16 Danrsi Guaw hro liw kia jai, si diauqowir beh ing liw henxbingg Guaw ee dua quanlingg, hro Guaw ee miaa vywiongg dirr venww derjniu.

17 Liw iauxquxx duiww Guaw ee vecsnir jurqyx, m jrunw inx kir mah?

18 Knuar ar, binaxzit jiongqin jitt sii, Guaw beh lyc dua pauc, dui' Egipt kaiqog ixlaii m bad u anxnix.

19 Dnaxx liw diyhh crex langg, jiong' liw ee jingsnix qapp liw cann nirr itcer soxu :ee, vig inx zip .laii; huanrnarr dirr cann nirr, byy siux dyr laii qrex nirr :ee, bylun langg qapp jingsnix, pauc lyc dirr inx ee sinjniu, inx dyrr beh siw.'

20 Falaoh zinsinn ee diongqanx, qnia'uir Jehovah ee ue :ee, dyrr hro ix ee lovok qapp jingsnix jauw zip cur-lai.

21 Danrsi hitt xee byy liac Jehovah ee ue juer iauwqinw :ee, dyrr jiong' ix ee lovok qapp jingsnix lauu dirr cann nirr."

22 Jehovah duiww Moses qongw, "Liw ngr tnix crunx ciuw, hro pauc lyc dirr Egipt ee venww de, pah langg qapp jingsnix, ixqip cann nirr ee caiwsex, tong' Egipt-de longxx anxnix."

23 Moses ngr tnix crunx cud ix ee qnuaiw-aw; Jehovah dyrr kiw luii lyc pauc, u huew qniaa dirr derbinrjniu; Jehovah lyc pauc dirr Egipt-de.

24 Dui' anxnix u pauc, iarr u huew camx dirr pauc ee lairbin, jin' lirhai; dui' Egipt kaiqog ixlaii venww de m bad u anxnix.

25 Dirr Egipt venww de, qniwnarr dirr cann nirr :ee, bylun langg iacc si jingsnix, longxx hro pauc pah; pauc iarr pah cann nirr itcer ee caiwsex, qycc pah jric cann nirr itcer ee ciurbak.

26 Dogdok dirr Islaellangg soxx diamr ee Gosen-de byy lyc pauc.

27 Falaoh crex langg qiyr Moses qapp Aalon laii, qra inx qongw, "Jitt jit vaiw guaw u huanrjue; Jehovah si qonggi; guaw qapp guaw ee vecsnir si pnaiw.

28 Dnaxx jiaxee cewluii qapp pauc ixqing’ qaur gxiac lar, qriuu linw qidyw Jehovah, guaw dyrr jrunw linw kir, mrbenw qycc diamr jiax."

29 Moses qra ix qongw, "Guaw jid'err cud sniax dyrr beh ngr Jehovah giac kiw guaw siangqix ciuw; luii beh suah, pauc iarr byy qycc lyc, hro liw jaix juann de longxx sriok dirr Jehovah.

30 Danrsi lun qaur liw qapp liw ee zinsinn, guaw jaix linw iauxx si byy qnia'uir Jehovah Siongrder."

31 Hitt sii muaa qapp duarbec siurr pah pnaiw; in'ui duarbec ixqing’ cud sui, muaa iarr kuix huex.

32 Dogdok siyxbec qapp cobec byy siurr pah pnaiw; in'ui iauxx bue duarjangg.

33 Moses lirkuix Falaoh cud sniaa, giac kiw siangciuw ngr Jehovah, luii qapp pauc dyrr suah, ho iarr byy qycc vniar lyc de.

34 Falaoh knuar qnir ho, pauc, qapp luii longxx suah, dyrr ithuad huanrjue. Ix qapp ix ee zinsinn longxx gni simx.

35 Falaoh simx gni, m jrunw Islaellangg kir, duxduxx jiauww Jehovah tog Moses soxx qongw :ee.

10 Jehovah duiww Moses qongw, "Liw zip kir qnir Falaoh; in'ui Guaw ixqing’ hro ix ee simx, qapp ix ee zinsinn ee simx qong'gni, tangx hro Guaw henxbingg Guaw jiaxee sinziah dirr inx diongqanx;

2 Iarr beh hro liw jiong' Guaw soxx juer dirr Egipt ee su, qapp Guaw dirr inx diongqanx soxx qniaa jiaxee sinziah, tuann hro liw ee qniaw qapp liw ee sunx tniax, tangx hro linw jaix Guaw si Jehovah."

3 Moses qapp Aalon dyrr kir qnir Falaoh, qra ix qongw, "Jehovah, Heblalangg ee Siongrder, anxnix qongw, 'Liw dirr Guaw ee binrjingg m kingw qaqi kiamvix, beh qaur simxmih sii ar? Diyhh jrunw Guaw ee vecsnir kir, hro inx hogsai Guaw.

4 Liw narr m kingw hro Guaw ee vecsnir kir, knuar ar, binaxzit Guaw beh hro cauxmeh zip liw ee qingxlai.

5 Inx beh ziakamr derbin, drir qaur be knuar qnir too; qycc beh jiac hitt xee dui' jaieh soxx cunx :ee, dyrr si pauc soxx pah byy liauw :ee; iarr beh jiac cann nirr uirr linw soxx huad itcer ee ciurbak.

6 Cauxmah beh ciongmuaw dirr liw ee cur, qapp liw ee jiongww zinsinn ee cur, ixqip itcer Egiptlangg ee cur, dui' liw ee laurve qapp liw ee joxqongx cutsir qaur dnaxx, m bad knuar qnir anxnix." Moses dyrr uat dngw srinx, lirkuix Falaoh cud .kir.

7 Falaoh ee zinsinn duiww ix qongw, "Jitt langg juer lanw ee lybang, beh qaur simxmih sii ar? Diyhh jrunw jiaxee langg kir hogsai Jehovah, inx ee Siongrder; Egipt ixqing’ vairhuai, liw qamxx m jaix mah?"

8 Dui' anxnix, Moses qapp Aalon siurr driaur dywdngw laii qnir Falaoh. Falaoh qra inx qongw, "Linw kir hogsai Jehovah linw ee Siongrder; dogdok hiaxee beh kir :ee, si simxmih hy langg ar?"

9 Moses qongw, "Guanw beh qapp guanw ee siauwlenlangg qapp laurlangg kir, iarr beh duar guanw ee qniaw, jaboxqniaw, qapp guanw ee ngiuu-qrunn guu-qrunn juer jit xe kir; in'ui guanw diyhh siuw Jehovah ee jeh."

10 Falaoh duiww inx qongw, "Hyw lar, guaw jrunw linw qapp linw ee ginxaw kir lar. Guan Jehovah qapp linw dilehh. Linw diyhh qinxsin, jaieh dirr linw bagjiux jingg lar, anxnix be juer .did.

11 Linw jiaxee duarlangg tangx kir hogsai Jehovah, in'ui jex si liw soxx qriuu :ee." Dyrr dui' Falaoh ee binrjingg qnuaw inx cud .kir.

12 Jehovah qra Moses qongw, "Liw crunx ciuw qiw Egipt-de, hro cauxmeh jnriu laii Egipt-de, jiac de nirr itcer ee caiwsex, dyrr si pauc pah byy liauw :ee."

13 Moses dyrr crunx ix ee qnuaiw-aw, qiw Egipt-de. Jehovah dyrr hro danghongx tong' zit tong' mii cuex dirr de nirr; qaur binaxjaxkiw, danghongx dyrr jiong' cauxmeh cuex .laii.

14 Cauxmeh jnriu laii Egipt venww de, hiyh dirr Egipt siwqingw, lirhai qaur qik. Jiongjingg byy u anxnix ee cauxmeh, ixau iarr byy beh anxnix,

15 In'ui inx ziakamr juann de, drir qaur de longxx oamr; qycc jiac derjniu itcer ee caiwsex, qapp ciu nirr ee quexjiw, pauc soxx pah byy liauw :ee. Egipt venww de, bylun ciurbak, iacc si cann nirr ee caiwsex, byy lauu jit hxang cnicuir ee mic."

16 Dui' anxnix, Falaoh qnuaxqinw qiyr Moses qapp Aalon laii, qongw, "Guaw dikjue linw ee Siongrder Jehovah, iarr dikjue linw.

17 Dnaxx qriuu liw, qandna' jitt jit vaiw siawbenw guaw ee jue, qriuu linw ee Siongrder Jehovah, hro guaw tuatli jitt jit vaiw ee sixbyy."

18 Moses dyrr lirkuix Falaoh, kir qriuu Jehovah.

19 Jehovah dyrr dngw jin' taur ee saihongx jiong' cauxmeh cuex .kiw .laii, qnuaw zip Angg Haiw; dirr Egipt ee siwqingw byy lauu jit jiah cauxmeh.

20 Danrsi Jehovah hro Falaoh ee simx gni, m jrunw Islaellangg kir.

21 Jehovah qra Moses qongw, "Liw crunx ciuw ngr tnix, hro Egipt-de oamr, jitt xee oamr qaur e bongx .did."

22 Moses dyrr crunx ciuw ngr tnix, Egipt venww de dyrr snax zit quw o.-oamr-a.;

23 Snax zit quw langg be knuar qnir langg, iarr byy langg tangx kiw laii lirkuix ix ee soxjai; dogdok Islaellangg ee cur longxx u qngx.

24 Falaoh dyrr qiyr Moses laii, qongw, "Linw kir hogsai Jehovah, dogdok si linw ee ngiuu-qrunn, guu-qrunn diyhh lauu lehh, linw ee ginxaw dyrr tangx qapp linw snaqab kir."

25 Moses qongw, "Liw iarr diyhh jiong' singlew qapp siyjer ee mic qaux guanw ee ciuw, hro guanw tangx jewsu Jehovah, guanw ee Siongrder.

26 Guanw ee jingsnix iarr diyhh qapp guanw kir, lenrr jit jiah iarr m lauu lehh; in'ui guanw diyhh duiww hitt diongqanx cruw ix, laii hogsai Jehovah, guanw ee Siongrder. Guanw iauxx bue qaur hiax, m jaix diyhh ing simxmih hogsai Jehovah."

27 Danrsi Jehovah hro Falaoh ee simx gni, m kingw hro inx kir.

28 Falaoh qra Moses qongw, "Liw diyhh lirkuix guaw kir. Liw diyhh qinxsin qaqi, m tangx qycc qnir guaw ee bin; in'ui liw qnir guaw ee bin hitt zit, liw e siw."

29 Moses qongw, "Liw anxnix qongw, hyw; guaw byy beh qycc qnir liw ee bin lar."

11 Jehovah qra Moses qongw, "Guaw beh qycc hro jit hxang jaieh qaur dirr Falaoh qapp Egipt, zen'au ix beh jrunw linw lirkuix jiax. Ix jrunw linw kir ee sii, beh qnuaw linw longxx dui' jiax cud .kir.

2 Liw diyhh tuann hro vecsnir tniax, hro inx lamluw dagg langg dui' inx ee cuwvnix tyw qimkir, ginkir."

3 Jehovah hro vecsnir did diyc undenw dirr Egiptlangg ee binrjingg; qycc Moses jit langg dirr Egipt-de, dirr Falaoh zinsinn ee bagjiux diongx, qapp vecsnir ee bagjiux diongx knuar juer jundua.

4 Moses qongw, "Jehovah anxnix qongw, 'Iokliok vnuawmii, Guaw beh cud kir venww qniaa Egipt.

5 Qniwnarr dirr Egipt-de ee dua-qniaw, dui' jerui ee Falaoh ee dua-qniaw, qaur dirr ex bry ee luxvi ee dua-qniaw, qapp itcer ee jingsnix taujuiw snix :ee, longxx beh siw.

6 Egipt venww de beh u dua tikaur ee sniax, jiongjingg m bad u anxnix, ixau iarr byy qycc anxnix.

7 Lun qaur Islael diongx, bylun si langg iacc jingsnix, lenrr qxauw iarr m qnaw vui inx; tangx hro linw jaix Jehovah dirr Egiptlangg qapp Islaellangg ee diongqanx u hunvet inx.'

8 Liw hiaxee zinsinn, longxx beh lyc laii qnir guaw, pag dirr guaw ee binrjingg, qongw, 'Qriuu liw qapp qinduer liw ee vecsnir longxx cud .kir'; zen'au guaw jiacc beh cud .kir." Dui' anxnix Moses dua siurkir, lirkuix Falaoh cud .kir.

9 Jehovah qra Moses qongw, "Falaoh byy beh tniax linw, hro Guaw ee qrii su dirr Egipt-de qetnix naxx je."

10 Moses qapp Aalon dirr Falaoh ee binrjingg qniaa jex itcer ee qrii su; danrsi Jehovah hro Falaoh ee simx gni, m jrunw Islaellangg lirkuix ix ee de.

12 Jehovah dirr Egipt-de duiww Moses Aalon qongw,

2 "Jitt guec diyhh juer linw ee Jniax-guec, juer jit nii ee tauu jit guec.

3 Linw diyhh duiww Islael ee juann hue qongw, vunw guec cejap, dagg langg diyhh jiauww laurve ee qrex, cruw ngiuu-aw, jit qrex jit jiah.

4 Narr si jit qrex ee langg sniu' jiyw, jit jiah ngiuu-aw jiac be liauw, ix diyhh qapp qecviah ee cuwvnix, jiauww langgiac, snaqab cruw jit jiah. Linw virvan ngiuu-aw, diyhh anwsngr dagg langg soxx e jiac ee liong.

5 Linw ee ngiuu-aw diyhh byy hacuu :ee, bue muaw nii ee ngiuqangw-aw; linw dui' mi'ngiuu diongx iacc si snua'ngiuu diongx cruw :ee, iarr longxx tangx.

6 Linw diyhh lauu qaur vunw guec jap-sir honghunx ee sii, Islael juann hue ee jingwlangg diyhh taii ngiuu-aw.

7 Inx diyhh cruw damrvyc huih, buah dirr jiac ngiuu-aw hitt qingx cur, siangvingg ee mngkia qapp mngbaii.

8 Hitt mii diyhh jiac ngiuu-aw-bah, ing huew qra vig, qapp byy-qnar-vniaw, kow cair camx decc jiac.

9 M tangx cnrex cnrex jiac, quatduanr m tangx ing juiw juw, diyhh ing huew vig; tauu, kax, qapp gnoxjong longxx diyhh jiac.

10 Longxx m tangx lauu qaur jaxkiw. Narr lauu qaur quer jaxkiw, diyhh ing huew siyx.

11 Linw diyhh iyx haa duar, kax cing ree, ciuw giac qnuaiw-aw anxnix jiac; qycc iarr diyhh qnuaxqinw jiac. Jex si Jehovah ee Vnuaquewjeh.

12 In'ui hitt mii Guaw beh venww qniaa Egipt-de, pah siw Egipt-de itcer taujniu snix :ee, bylun langg qapp jingsnix; qycc beh simxpnuar Egipt itcer ee siongrder. Guaw dyrr si Jehovah.

13 Jitt xee huih dirr linw soxx kiarkiw ee cur, beh juer linw ee qiwhy. Guaw jid'err knuar qnir jitt xee huih, dyrr duiww linw vnuaa .quer .kir; Guaw pah Egipt-de ee sii, jaieh byy qaur dirr linw, laii bet linw.

14 Linw diyhh ing jitt zit juer qiwliam, siuw ix juer Jehovah ee jeh; linw diyhh dairdai siuw jitt xee jeh, juer ingxuanw ee le.

15 Linw diyhh jiac byy-qnar-vniaw cid zit quw. Tauu jit zit diyhh dui' linw dagg qingx cur druu kir qnar, in'ui dui' tauu jit zit qaur derr cid zit, huanrnarr jiac u qnar :ee, beh dui' Islael diongx druu kir.

16 Tauu jit zit linw diyhh u singwhue, cid zit iarr diyhh u singwhue; jitt nng zit, druu kir virvan dagg langg soxx diyhh jiac :ee ixgua, bylun simxmih qangx longxx m tangx juer.

17 Linw diyhh siuw Byqnawjeh, in'ui Guaw duxduxx dirr hitt zit cua linw ee qundui dui' Egipt-de cud .laii; soxiw linw diyhh siuw jitt zit, dagg sewdai juer ingxuanw ee le.

18 Dui' Jniax-guec jap-sir ehngx qaur zi-id ehngx, linw diyhh jiac byy-qnar-vniaw.

19 Dirr linw dagg qingx cur, cid zit lai m tangx u qnar; in'ui qniwnarr jiac u qnar ee mic, bylun si qiawkax :ee, iacc si vunxde :ee, hitt langg diyhh dui' Islael hue-diongx druu .kir.

20 U qnar ee mic, linw longxx m tangx jiac; dirr linw itcer kiarkiw ee soxjai, diyhh jiac byy-qnar-vniaw."

21 Moses dyrr qiyr Islael jiongww dniuxlyw laii, qra inx qongw, "Linw dagg langg diyhh jiauww qekauw cruw ngiuu-aw, taii ix juer Vnuaquewjeh.

22 Linw diyhh tec jit vew ee gucikcauw, unr punn-lai ee huih, ing punn-lai ee huih buah mngbaii, qapp siangvingg ee mngkia. Linw bylun simxmih langg m tangx dui' ix ee cur cud mngg, didqaur binaxjaxkiw.

23 In'ui Jehovah beh venww qniaa, pah siw Egiptlangg. Ix knuar qnir huih dirr mngbaii, qapp siangvingg ee mngkia, Jehovah dyrr beh vnuaa quer hitt xee mngg, m jrunw bet sniwmia :ee zip linw ee cur, laii pah siw linw.

24 Jitt xee su, linw diyhh siuw ix, juer linw qapp linw ee qniaxsunx ingxuanw ee le.

25 Au .laii linw qaur Jehovah jiauww Ix soxx ingwunw sniuxsur linw hitt xee de, dyrr diyhh siuw jitt xee lew.

26 Linw ee qniaxzii narr mng linw, 'Uirr sniaw su qniaa jitt xee lew?'

27 Linw dyrr diyhh qongw, 'Jex si Jehovah Vnuaquewjeh ee jrer; dng' Islaellangg dirr Egipt ee sii, Ix pah siw Egiptlangg, vnuaa quer Islaellangg ee cur, qiur lanw dagg qrex.'" Dui' anxnix vecsnir ngar tauu qingwvair.

28 Islaellangg dyrr kir anxnix qniaa. Jehovah soxx huanhur Moses qapp Aalon :ee, inx jiauww anxnix qniaa.

29 Qaur vnuawmii Jehovah jiong' Egipt-de soxu ee dua-qniaw, dyrr si dui' jerui ee Falaoh ee dua-qniaw qaur qnahuan ee dua-qniaw, ixqip taujniu snix ee jingsnix, itjin taii siw.

30 Falaoh qapp itcer ee zinsinn, qapp Egipt ee jingwlangg, mii .sii longxx kiw .laii. Dirr Egipt u dua tikaur ee sniax, in'ui byy jit qrex byy sixlangg.

31 Falaoh tauwmii driaur Moses qapp Aalon, qongw, "Kiw .laii. Linw qapp Islaellangg diyhh dui' guaw ee vecsnir diongqanx cud .kir, jiauww linw soxx qongw :ee, kir hogsai Jehovah;

32 Iarr jiauww linw soxx qongw :ee, lenrr ngiuu-qrunn guu-qrunn duar duar .kir; iarr diyhh qra guaw jiokhog."

33 Egiptlangg vig vecsnir, qiyr inx qinw qinw cud inx ee de, qongw, "Guanw longxx beh siw lar."

34 Vecsnir dyrr tec byy qnar ee cnrex mi, jiong' ciaux mi ee kiwqu vaux dirr snxax-lai, kngr dirr qingtauu dingw.

35 Islaellangg jiauww Moses ee ue qniaa, duiww Egipt tyw ginkir, qimkir, qapp ijniuu.

36 Jehovah hro vecsnir did diyc undenw dirr Egiptlangg ee binrjingg, jiauww inx soxx tyw :ee hro inx; dui' anxnix inx cniuw Egiptlangg.

37 Islaellangg dui' Rlameses kir Sukkot, druu kir ginxaw ixgua, vorqniaa ee duarlangg iokk u lak-jap-bxan.

38 Qycc u jerje jap jok ee langg, iarr u ngiuu-qrunn guu-qrunn jerje jingsnix qapp inx jnriu .kir.

39 Inx ing Egipt duar .cud .laii ee cnrex mi vig juer byy-qnar-vniaw; byy huad qnar, si in'ui inx siurr vig cud Egipt, be e encenn .did, iarr byy uirr qaqi virvan simxmih jiahmic.

40 Islaellangg cutgua dirr Egipt sir-vah snax-jap nii;

41 Qaur sir-vah snax-jap nii muaw, duxduxx hitt zit, Jehovah ee qundui longxx dui' Egipt-de cud .laii. In'ui Jehovah cua inx cud Egipt-de,

42 Jitt mii, Islael jingwlangg uirr Jehovah, dairdai longxx diyhh siuw :ee.

43 Jehovah duiww Moses qapp Aalon qongw, "Vnuaquewjeh ee le si anxnix:

44 Guarvanglangg longxx m tangx jiac; dogdok dagg langg ing ginn brew ee lovok, ixqing’ qra ix qniaa qatlew, dyrr tangx jiac.

45 Qiawkax :ee qapp cniawqanglangg longxx m tangx jiac.

46 Diyhh dirr jit qingx cur-lai jiac, jit der bah iarr m tangx duar cud kir guarkauw; ix ee qud jit qix iarr m tangx pah jic.

47 Islael juann hue longxx diyhh siuw ix.

48 Narr u guarjoglangg cutgua dirr linw diongqanx, rair siuw Vnuawquewjeh laii hogsai Jehovah, ix soxu ee davolangg diyhh sriu qatlew, zen'au ix tangx laii siuw, anxnix dyrr qapp vunxjok ee langg byy qyc'ngiu. Danrsi byy sriu qatlew ee langg, longxx m tangx jiac.

49 Vunxjok ee langg qapp guarjok ee langg cutgua dirr linw diongqanx, longxx qangg jit ngiu ee le."

50 Islael jingwlangg dyrr anxnix qniaa, jiauww Jehovah soxx huanhur Moses qapp Aalon :ee kir juer.

51 Dng' hitt zit Jehovah cua Islaellangg, jiauww inx ee qundui, cud Egipt-de.

13 Jehovah huanhur Moses qongxx,

2 "Islael diongx, bylun langg qapp jingsnix, qniwnarr taujniu ee dua-qniaw, longxx diyhh hunvet juer sxingr, qruix dirr Guaw; in'ui inx vunw dyrr si Guaw ee."

3 Moses qra vecsnir qongw, "Linw diyhh qiwliam jitt zit, dyrr si linw dui' Egipt-de, dui' juer lojaii ee qrex cud .laii, in'ui Jehovah ing dua quanlingg ee ciuw cua linw dui' jiax cud; u qnar ee vniaw longxx m tangx jiac.

4 Dirr Abib Guec-qranx, jitt zit si linw cud .laii ee zit.

5 Jionglaii Jehovah cua linw zip Kanaan, Hit, Amoli, Hivi, qapp Jebus hiaxee jok ee de, dyrr si duiww liw ee joxqongx jiuwjua ingwunw hro linw :ee, hitt xee lrauu linx qapp bit ee de, hitt sii linw diyhh dirr jitt guec-qranx siuw jitt xee lew.

6 Linw diyhh jiac byy-qnar-vniaw cid zit; qaur derr cid zit, dyrr si Jehovah ee jeh.

7 Jitt cid zit quw diyhh jiac byy-qnar-vniaw. Dirr linw ee siwqingw lai, m tangx knuar qnir linw u he qnar ee vniaw, iarr m tangx knuar qnir linw u qnawbuw.

8 Dng' hitt zit, linw diyhh qra linw ee qniaw qongw, 'Jex si in'ui Jehovah, dirr guaw cud Egipt ee sii, soxx qra guaw qniaa ee su.'

9 Jex beh qra linw juer qiwhy dirr liw ee ciuw, juer qiwliam dirr liw ee tauhiac, hro Jehovah ee ludhuad siongsiongg dirr liw ee cuir; in'ui Jehovah bad ing dua quanlingg ee ciuw cua linw cud Egipt.

10 Soxiw dagg nii qaur qrii linw diyhh siuw jitt xee le.

11 Jionglaii Jehovah beh jiauww Ix duiww linw qapp linw ee joxqongx soxx jiuwjua :ee, cua linw zip Kanaanlangg ee de, jiong' jitt xee de sniuxsur linw.

12 Hitt sii linw diyhh jiong' itcer tauu txex ee davoqniaw qapp soxu taujuiw qangx ee jingsnix, qruix hro Jehovah;

13 Jiaxee longxx sriok Jehovah. Qniwnarr taujuiw snix ee luu, diyhh ing ngiuu-aw tewsiok, narr byy, dyrr diyhh qongr jic ix ee amrqunw. Qniwnarr linw taujniu ee davoqniaw longxx diyhh tewsiok.

14 Zid'au linw ee qniaw mng linw qongxx, 'Jex si simxmih enqor?' Linw diyhh duiww inx qongw, 'Jehovah ing dua quanlingg ee ciuw, cua guanw dui' Egipt, dui' juer lojaii ee qrex, cud .laii.

15 Hitt sii Falaoh qowjib m jrunw guanw kir, Jehovah dyrr jiong' Egipt-de soxu tauu txex :ee, bylun si langg ee dua-qniaw, iacc si jingsnix ee taujuiw :ee, longxx hai siw. In'ui anxnix, guaw jiong' taujuiw ee qangx :ee henr hro Jehovah juer jrer; dogdok guaw ee dua-qniaw longxx ing tewsiok.

16 Jex beh juer qiwhy dirr linw ee tauhiac, in'ui Jehovah ing dua quanlingg ee ciuw, cua guanw dui' Egipt cud .laii.'"

17 Falaoh jrunw vecsnir kir ee sii, Filist-de ee lo suizenn kacc qin, danrsi Siongrder byy cua inx dui' hiax kir; in'ui Siongrer qongw, "Qniax vecsnir duw diyc qaujenr, dyrr tewhuew, qycc beh dywdngw kir Egipt."

18 Soxiw Siongrder cua vecsnir uanx duiww Angg Haiw kongwiaw hitt diauu lo kir. Islaellangg longxx vaii duirgnow dui' Egipt-de cud .kir.

19 Moses duar Josef ee quttauu qapp ix kir, in'ui Josef bad cetced qiyr Islaellangg jiuwjua, duiww inx qongw, "Siongrder dikkag quanwqor linw. Linw diyhh duar guaw ee quttauu dui' jiax snaqab kir."

20 Inx dui' Sukkot kixsinx, jrad ngiaa qin kongwiaw ee Etam.

21 Jehovah qniaa dirr inx ee taujingg, zit .sii dirr huntiau diongx qra inx cuarlo, mii .sii u huextiau jiyr inx; hro inx zidmii longxx tangx qniaa.

22 Zit .sii ee huntiau, mii .sii ee huextiau, longxx byy lirkuix vecsnir ee taujingg.

14 Jehovah qra Moses qongw,

2 "Liw huanhur Islaellangg uat dywdngw, jrad ngiaa dirr Pi Hahilot ee taujingg, dirr Migdol qapp haiw ee diongqanx, dirr Baal Zefon ee taujingg, dirr hitt duiwbin jrad ngiaa dirr haiw-vnix.

3 Falaoh beh girlun Islaellangg qongxx, 'Inx dirr derdiongx sec byy lo, kongwiaw qra inx uikunr lehh.'

4 Guaw beh hro Falaoh ee simx gni, ix beh duizib inx. Guaw dyrr dirr Falaoh qapp ix ee juann qunx laii did diyc ingqngx; Egiptlangg dyrr jaix Guaw si Jehovah."

5 Inx dyrr anxnix qniaa. U langg vyr Egipt Ongg qongxx, "Hitt xee vecsnir jauw .kir .lar." Falaoh qapp ix ee zinsinn duiwtai hitt xee vecsnir ee simx dyrr venwngua, qongw, "Lanw jrunw Islaellangg kir, byy qycc hogsai lanw, jex si simxmih enqor ar?"

6 Falaoh dyrr virvan ix ee ciax, duar ix ee vecsnir snaqab kir.

7 Iarr duar lak-vah dniux digvet ciax, qapp Egipt soxu ee ciax, dagg dniux ciax longxx u vingtauu decc quanw.

8 Jehovah hro Egipt Ongg Falaoh ee simx gni; ix dyrr duizib Islaellangg. Islaellangg kyr dua quanlingg ee ciuw cud .kir.

9 Egiptlangg duizib inx, Falaoh itcer ee bew, ciax, qapp ix ee bexvingx, qapp ix ee qundui, dirr haiw-vnix uaw qin Pi Hahiliot, dirr Baal Zefon ee duiwbin, dirr inx anx ngiaa ee soxjai, zib diyc inx.

10 Falaoh qinruaw ee sii, Islaellangg giahbak knuar qnir Egiptlangg zib uaw .laii, dyrr jin' qniax, auqiyr Jehovah.

11 Inx duiww Moses qongw, "Qamxx si Egipt byy tiongxde, liw jiacc cua guanw cud laii siw dirr kongwiaw mah? Liw sniaw su anxnix kuanxtai guanw, cua guanw cud Egipt ar?

12 Guanw dirr Egipt qamxx byy duiww liw qongw byc did cab guanw, cutjai guanw hogsai Egiptlangg mah? In'ui hogsai Egiptlangg, kacc hyw siw dirr kongwiaw."

13 Moses duiww vecsnir qongw, "Mrbenw qniax, jueww linw kia lehh, knuar Jehovah qinaxzit uirdiyhh linw soxx beh qniaa ee jinxqiur. In'ui linw qinaxzit soxx knuar .qnir ee Egiptlangg, dikkag ingxuanw byy qycc knuar .qnir.

14 Jehovah beh uirr linw qaujenr, jueww linw diam diam, byc juer sniax."

15 Jehovah duiww Moses qongw, "Liw sniaw su auqiyr Guaw ar? Liw diyhh qiyr Islaellangg jinwjingg .kir.

16 Liw giac qnuaiw-aw crunx ciuw qiw haiw laii vunkuix ix. Islaellangg beh dirr haiw-diongx qniaa dax de;

17 Dogdok Guaw, Guaw beh hro Egiptlangg ee simx gni, inx beh duer .lyc .kir. Guaw beh dirr Falaoh qapp ix ee bexvingx laii did diyc ingqngx.

18 Guaw dirr Falaoh qapp ix ee ciax, ix ee bexvingx, did diyc ingqngx ee sii, Egiptlangg dyrr jaix Guaw si Jehovah."

19 Siongrder ee suwjiaw, vunw qniaa dirr Islael ee ngiaa-jingg :ee, suaw laii qniaa dirr inx ee aurbin; huntiau iarr dui' inx ee taujingg, suaw laii kia dirr inx ee aurbin,

20 Dirr Egipt ee ngiaa qapp Islael ee ngiaa ee diongqanx. Hitt vingg u hunn u oamr, jitt vingg mii .sii huad cud qngx; tong' mii nng vingg be sna' qin.

21 Moses dyrr crunx ciuw qiw haiw. Jehovah tong' mii hro danghongx dua kiw, hro haiw trer .kir, juiw dyrr vunkuix, haiw dyrr jniaa juer dax de.

22 Islaellangg lyc haiw-diongx qniaa dax de, juiw dirr inx ee siangvingg jniaa juer cniuviah.

23 Egiptlangg duizib inx. Falaoh itcer ee bew, ciax, qapp bexvingx, longxx duer inx qaur haiw-diongx.

24 Qaur tnix beh qngx ee sii, Jehovah dui' hunn qapp huew ee tiau-diongx ngar .lyc, knuar Egipt ee qundui, pah luan inx ee duirgnow;

25 Qycc hro inx ee cialunn lag .lyc, yh did qniaa, drir qaur Egiptlangg qongw, "Lanw diyhh dui' Islaellangg ee binrjingg dyjauw, in'ui Jehovah uirdiyhh inx qapp Egiptlangg qaujenr."

26 Jehovah qra Moses qongw, "Liw crunx ciuw qiw haiw, hro juiw dywdngw laii rimx Egiptlangg, qapp inx ee ciax, inx ee bexvingx."

27 Moses dyrr crunx ciuw qiw haiw. Qaur tnix jid'err qngx, haixjuiw qycc jiauwqu. Egiptlangg dyjauw, juiw jac dirr inx ee taujingg. Jehovah dyrr jiong' Egiptlangg ciax dyw dirr haiw-diongx.

28 Juiw dyrr huanx lrauu, imbat hiaxee ciax qapp bexvingx. Falaoh ee juann qunx duer Islaellangg lyc haiw :ee, lenrr jit xee iarr byy lar.

29 Islaellangg dirr haiw-diongx qniaa dax de, juiw dirr inx ee siangvingg jniaa juer inx ee cniuviah.

30 Hitt zit Jehovah anxnix qiur Islaellangg tuatli Egiptlangg ee ciuw. Islaellangg knuar qnir Egiptlangg ee sinsix dirr haiw-vnix.

31 Islaellangg knuar qnir Jehovah duiww Egiptlangg soxx qniaa ee dua su, dyrr qingwuir Jehovah, qycc sinwhok Jehovah qapp Ix ee lovok Moses.

15 Hitt sii Moses qapp Islaellangg cniur jit xee quax ylyw Jehovah, qongw:

Guaw beh cniuwquax ylyw Jehovah, in'ui Ix jiww quann jiww dua,

Jiong' bew qapp kiaa bew :ee hed dirr haiw-diongx.

2 Jehovah si guaw ee kuiwlat, si guaw ee siqyx,

Iarr si juer guaw jinxqiur ee Jruw.

Ix si guaw ee Siongrder, guaw beh ylyw Ix,

Si guaw ee ve ee Siongrder, guaw beh jrunx Ix juer dua.

3 Jehovah si jenwsu;

Ix ee miaa si Jehovah.

4 Falaoh ee ciax, qapp ix ee qunvingx, Jehovah qra hed dirr haiw-diongx;

Ix digvet qingw ee qundniuw, longxx dimm dirr Angg Haiw.

5 Cim'enx kamr inx.

Inx cincniu jiyhtauu, dui qaur cimx ee soxjai.

6 Jehovah ar, Liw ee jniar ciuw denw cud linglik, did diyc ingqngx;

Jehovah ar, Liw ee jniar iuw pah cruir duiwdik.

7 Liw huad cud dua uigiamm, ciax dyw hiaxee kiw laii qongqig Liw :ee;

Liw huad cud dua siurkir, siyhuiw inx cincniu siyx cauw.

8 Liw huad cud pni-diongx ee krir, juiw dyrr naxx cringr naxx quann,

Dua juiw kia .kiw .laii cincniu qui' dxuix;

Haiw-diongx ee cimx juiw qending.

9 Duiwdik qongw,

Guaw beh duix inx, guaw beh zib diyc inx, guaw beh vunx soxx cniuw ee mic;

Guaw beh dirr inx laii jiog guaw ee simguan;

Guaw beh vuic dyx, guaw ee ciuw beh bet inx.

10 Liw jid'err vunn hongx, haiw dyrr kamr bat inx;

Inx cincniu xenn, dimm dirr dua juiw diongx.

11 Jehovah ar, jiaxee siongrder ee diongqanx, jirjui e cincniu Liw?

Jirjui cincniu Liw, jiww sxingr tangx ingqngx,

Uigiamm tangx ylyw, qniaa cud qrii su?

12 Liw crunx cud jniar ciuw,

De dyrr tunbet inx.

13 Liw ing Liw ee ju'air, cua Liw soxx qiuwsiok ee vecsnir;

Liw ing Liw ee quanlingg, cua inx zip Liw sxingr ee soxjai.

14 Ledvangx tniax qnir dyrr gniauhgniauc cuah;

Kiarkiw dirr Filist-de :ee, duw diyc tongwkow.

15 Hitt sii Edom ee jogdniuw gonggniac,

Moab inghiongg ee langg drir qaur gniauhgniauc cuah,

Kanaan-de kiarkiw ee vecsnir, simx longxx siau'ngiuu.

16 Gonggniac qniahniaa qaur dirr inx.

Jehovah ar, in'ui Liw ee ciuw ee dua quanlingg, inx dniardnia cincniu jiyhtauu,

Tingwhau Liw ee vecsnir qingquer,

Tingwhau Liw soxx did .diyc ee vecsnir quer .kir.

17 Liw beh cua inx zip .kir, jaivuee inx dirr Liw ee sanxgiap ee snuax,

Jehovah ar, dyrr si Liw uirr qaqi soxx virvan kiarkiw ee soxjai,

Jruw ar, dyrr si Liw ee ciuw soxx qenwlip ee sxingr sow.

18 Jehovah beh juer ongg, didqaur ingxuanw.

19 In'ui Falaoh ee bew, qapp ix ee ciax, ix ee bexvingx, qaur dirr haiw-diongx, Jehovah hro haixjuiw huanx lrauu imbat inx; dogdok Islaellangg dirr haiw-diongx qniaa dax de.

20 Aalon ee duarjiw luxsendix Miliam, ciuw nirr giac linglongqow, jiongww hurluw iarr duer ix cud .kir, giac linglongqow tiauwbuw.

21 Miliam cniur qongxx,

Linw diyhh cniuwquax ylyw Jehovah, in'ui Ix jiww quann jiww dua;

Jiong' bew qapp kiaa bew :ee, hed dirr haiw-diongx.

22 Moses cua Islaellangg dui' Angg Haiw jinwjingg qniaa. Inx cud .kir, qaur Sur ee kongwiaw; dirr Kongwiaw qniaa snax zit, cue byy juiw.

23 Qaur Malah ee sii, Malah ee juiw be limx .did, in'ui juiw kow; soxiw miaa hitt xee de qiyr Malah.

24 Vecsnir dyrr duiww Moses ai'uanr qongxx, "Guaw beh limx simxmih ar?"

25 Moses qiuqiyr Jehovah. Jehovah jixsi ix jit jangg ciu, qra hed dirr juiw nirr, juiw dyrr venr qamx. Ix dirr hiax, uirr inx dring ludle huatdo, dirr hiax ciwgiam inx.

26 Qycc qongw, "Liw narr diwir tniax Jehovah, liw ee Siongrder ee sniax, qycc qniaa Ix soxx knuar juer habgii ee su, liusimx tniax Ix ee qaiwbing, siuw Ix itcer ee ludle, dyrr Guaw hro Egiptlangg soxx duw .diyc ee puawvni, dikkag byy hro liw duw .diyc; in'ui Guaw Jehovah si idi liw :ee."

27 Inx qaur Elim, dirr hiax u jap-zi xee juixjnuaa, cid-jap jangg ee jyxciu. Inx dyrr dirr hiax ee juiw-vnix jrad ngiaa.

16 Inx dui' Elim kixsinx, dirr cud Egipt-de ixau, derr zi guec ee jap-go, Islaellangg juann hue qaur Elim qapp Sinai ee diongqanx, Sin ee kongwiaw.

2 Islaellangg juann hue dirr kongwiaw ai'uanr Moses qapp Aalon.

3 Islaellangg duiww inx qongw, "M dat diyc guanw dirr Egipt-de siw dirr Jehovah ee ciuw. Hitt sii guanw u bah muaw dniaw, u vniaw tangx jiac qaur vaw. Linw cua guanw cud laii qaur jitt xee kongwiaw, si beh hro jitt xee juann hue longxx gy siw."

4 Jehovah duiww Moses qongw, "Knuar ar, Guaw beh duiww tnix lyc bixniuu hro linw. Vecsnir diyhh cud .kir, dagg zit kiyh dagg zit ee gxiac; Guaw tangx ciwgiam inx, knuar inx beh tranr Guaw ee huatdo iacc m.

5 Qaur derr lak zit, inx dyrr jiong' soxx kiyh .zip .laii .ee, virvan hyxser, viw dagg zit soxx kiyh :ee, dingvue je."

6 Moses qapp Aalon duiww Islael jingwlangg qongw, "Qaur ehngx linw beh jaix, cua linw cud Egipt-de :ee si Jehovah.

7 Binaxjaxkiw linw beh knuar qnir Jehovah ee ingqngx; in'ui Jehovah tniax qnir linw ai'uanr Ix. Guanw sngr simxmih. Linw qingwzenn ai'uanr guanw?"

8 Moses qycc qongw, "Jehovah ehngx-sii beh hro linw jiac bah, jaxkiw-sii beh hro linw jiac vniaw qaur vaw; in'ui linw ai'uanr Jehovah, Ix longxx tniax .qnir. Guanw sngr simxmih? Linw m si ai'uanr guanw, si ai'uanr Jehovah."

9 Moses duiww Aalon qongw, "Liw diyhh qra Islaellangg juann hue qongw, 'Linw diyhh jiurqin Jehovah ee binrjingg, in'ui Ix ixqing’ tniax qnir linw ee ai'uanr lar.'"

10 Aalon duxduxx duiww Islaellangg juann hue qongxue ee sii, inx ngr kongwiaw decc knuar, knuar ar, Jehovah ee ingqngx dirr hunn-diongx henxhen.

11 Jehovah duiww Moses qongw,

12 "Guaw ixqing’ tniax qnir Islaellangg ee ai'uanr. Liw diyhh qra inx qongw, qaur honghunx ee sii, linw beh jiac bah, jaxkiw beh u vniaw tangx jiac vaw. Anxnix linw dyrr jaix Guaw si Jehovah, linw ee Siongrder."

13 Qaur ehngx u encunx vuex .laii, ziakamr ngiavnuaa. Tniqngjaw, dirr ngiavnuaa siwuii ee derbin, u jit dingg ee lorjuiw.

14 Lorjuiw dax ee sii, knuar ar, kongwiaw ee derbin u ser ser, ngii ngii ee mic, ser qaur cincniu sxngx.

15 Islaellangg knuar .qnir, m jaix si simxmih, dairqex snaqab qongw, "Jex si simxmih ar?" Moses qra inx qongw, "Jex dyrr si Jehovah hro linw jiac ee vniaw.

16 Jehovah soxx huanhur qongxx, linw diyhh jiauww dagg langg soxx e jiac ee liong laii kiyh, dagg langg uirr ix vowvnii lai ee langg, jiauww ix ee langgiac laii kiyh, jit langg jit gomer."

17 Islaellangg jiauww anxnix qniaa, uree kiyh je, uree kiyh jiyw.

18 Qaur decc nriuu ee sii, kiyh je :ee byy cunx, kiyh jiyw :ee iarr byy kiamr; dagg langg jiauww inx e jiac ee liong laii kiyh.

19 Moses qra inx qongw, "Langg m tangx jiong' soxx cunx :ee lauu qaur quer jaxkiw."

20 Danrsi inx byy tniax Moses ee ue, u langg lauu qaur quer jaxkiw, dyrr snix tangg u caur bi. Moses siurkir inx.

21 Inx dagg jaxkiw, jiauww dagg langg e jiac ee liong kiyh ix; zidtauu jid'err pak, dyrr rngiuu .kir.

22 Qaur derr lak zit, inx kiyh dingvue ee gxiac, dagg langg jit gomer. Juann hue hiaxee taulangg laii qra Moses qongw.

23 Moses qra inx qongw, "Jehovah anxnix qongw, binaxzit si diongriaur ee anhiyh, dyrr si hogsai Jehovah sxingr ee Anhiyczit. Linw rair vig :ee dyrr qra vig, rair juw :ee dyrr qra juw; soxx cunx :ee, diyhh qaqi siux lehh, lauu qaur quer jaxkiw."

24 Inx dyrr jiauww Moses soxx huanhur qra siux lehh, lauu qaur quer jaxkiw, iarr byy caur bi, lairbin iarr byy tangg.

25 Moses qongw, "Linw qinaxzit jiac jitt xee, in'ui qinaxzit si hogsai Jehovah ee Anhiyczit; linw dirr can'iaw, qinaxzit dikkag cue byy.

26 Lak zit qranx tangx kiyh, derr cid zit si Anhiyczit, hitt zit dyrr e cue byy jiac :ee."

27 Derr cid zit vecsnir u langg cud kir kiyh, iarr cue byy.

28 Jehovah duiww Moses qongw, "Linw m kingw siuw Guaw ee bingrling, Guaw ee ludhuad, beh qaur dirsii ar?

29 Linw diyhh knuar, Jehovah ixqing’ jiong' Anhiyczit sniuxsur linw, soxiw derr lak zit Ix hro linw nng zit ee bixniuu, derr cid zit dagg langg diyhh diamr qaqi ee soxjai, longxx m tangx cud .kir."

30 Dui' anxnix, vecsnir dyrr dirr derr cid zit anhiyh.

31 Jitt xee mic, Islael-qrex qiyr ix juer manna; kuanxsid cincniu uansuizinn, sikdir si vec :ee, jubi cincniu camx bit ee vniaw.

32 Moses qongw, "Jehovah anxnix huanhur, 'Diyhh jiong' jit gomer dni dni ee manna, lauu qaur linw ee au dai, hro inx knuar Guaw dngzit cua linw cud Egipt-de, dirr kongwiaw soxx hro linw jiac ee vniaw.'"

33 Moses qra Aalon qongw, "Liw tec jit xee kiwqu, drew jit gomer dni dni ee manna, kngr dirr Jehovah ee binrjingg, lauu qaur linw ee au dai."

34 Aalon jiauww Jehovah soxx huanhur Moses :ee, jiong' manna he dirr qanjingr ee iokqui jingg lauu lehh.

35 Islaellangg jiac manna qiong sir-jap nii quw, didqaur inx qaur dirr u langg kiarkiw ee de. Inx jiac manna, didqaur inx qaur Kanaan ee qingxqair.

36 Jit gomer dyrr si efah ee jap hxun jit.

17 Islaellangg juann hue tranr Jehovah ee bingrling, jiauww lorjam, dui' Sin ee kongwiaw jinwjingg qniaa, dirr Rlefidim jrad ngiaa, vecsnir byy juiw tangx limx.

2 Vecsnir dyrr qapp Moses qewqaur qongxx, "Hro guanw u juiw tangx limx." Moses qra inx qongw, "Linw sniaw su qapp guaw qewqaur, sniaw su cir Jehovah ar?"

3 Vecsnir dirr hiax jin' cuiwdax, rair limx juiw, dyrr ai'uanr Moses qongxx, "Liw sniaw su cua guanw dui' Egipt jnriu .laii, hro guanw qapp guanw ee qniaxzii, guanw ee jingsnix, longxx cuiwdax laii siw ar?"

4 Moses dyrr qiuqiyr Jehovah, qongw, "Guaw duiww jitt xee vecsnir beh jnaixngiu juer ar? Inx cavutdyx beh ing jiyhtauu dimr guaw."

5 Jehovah qra Moses qongw, "Liw juer vecsnir ee taujingg qniaa, cua Islael ee dniuxlyw quixnarr langg qapp liw kir; liw ee ciuw diyhh giac jingzit pah hyjuiw ee qnuaiw-aw.

6 Knuar ar, Guaw beh kia dirr liw ee binrjingg, dirr Holeb ee jiyhvnuaa dingw. Liw pah hitt xee jiyhvnuaa, beh u juiw dui' hiax lrauu cud laii hro vecsnir limx." Moses dyrr dirr Islael dniuxlyw ee binrjingg anxnix qniaa.

7 Ix miaa hitt xee soxjai qiyr Massah, qycc qiyr juer Melibah; in'ui Islaellangg qewqaur, qongw, "Jehovah u dirr guanw ee diongqanx iacc byy?"

8 Hitt sii Amaleklangg laii qaur Rlefidim, qapp Islaellangg qaujenr.

9 Moses qra Josua qongw, "Liw ter lanw qingw langg cud kir qapp Amaleklangg qaujenr. Binaxzit guaw ciuw nirr beh giac Siongrder ee qnuaiw-aw, kia dirr snuax-dingw."

10 Dui' hitt diap Josua jiauww Moses soxx qra ix qongw :ee qniaa, qapp Amaleklangg qaujenr; Moses, Aalon, qapp Hur longxx jnriu snuax-dingw.

11 Moses ciuw giac .kiw .laii ee sii, Islaellangg dyrr kacc ngiaa; ciuw suii .lyc .kir ee sii, Amaleklangg dyrr kacc ngiaa.

12 Moses ciuw sngx. Inx dyrr suaw jiyc, laii he dirr ix ee erbin. Moses jre dirr jiyc-dingw, Aalon qapp Hur huu ix ee ciuw, jit xee dirr jitt vingg, jit xee dirr hitt vingg; ix ee ciuw dyrr jurjai, diddit qaur zit lyc.

13 Josua ing dyx taii Amalek ee ongg qapp ix ee vecsnir.

14 Jehovah qra Moses qongw, "Guaw beh jiong' Amalek ee miazi dui' tnie uanjuann qra catbet .kir. Liw diyhh qra jitt xee siaw dirr ceh nirr juer qiwliam, qycc qongw hro Josua tniax."

15 Moses kiw jit jxy dnxuaa, hro ix ee miaa qiyr "Siongrder si guaw ee qii-aw";

16 Qycc qongw, "Jehovah ixqing’ jiuwjua, Jehovah beh dairdai qapp Amaleklangg qaujenr."

18 Moses ee dniurlangg, Midian ee jewsix Jetlo, tniax qnir Siongrder uirr Moses qapp Ix ee vecsnir Islael soxx qniaa itcer ee su, dyrr si Jehovah cua Islael cud Egipt ee su.

2 Moses ee dniurlangg Jetlo duar Moses ee hurzinlangg Zippolah laii, dyrr si Moses jingg crex ix dyr .kir .ee;

3 Qycc duar ix nng xee qniaw, jit xee miaa qiyr Gersom, in'ui Moses qongw, "Guaw qiawkax dirr guarvangx";

4 Jit xee miaa qiyr Eliezer, in'ui ix qongw, "Guaw ee ve ee Siongrder vangjan guaw, qiur guaw tuatli Falaoh ee dyx."

5 Moses ee dniurlangg, Jetlo, duar Moses nng xee qniaw qapp ix ee hurzinlangg laii qaur Siongrder ee snuax, dyrr si Moses dirr kongwiaw jrad ngiaa ee soxjai, siaw puex qra Moses qongw,

6 "Guaw si liw ee dniurlangg Jetlo, duar liw ee hurzinlangg qapp ix nng xee qniaw laii."

7 Moses cud kir gniajih ix ee dniurlangg, duiww ix qiokqiongx, qapp ix jimx cuir, snaqab mng ving'anx, dyrr zip vowvnii.

8 Moses jiong' Jehovah uirr Islael ee enqor duiww Falaoh qapp Egiptlangg soxx qniaa itcer ee su, ixqip lo nirr soxx duw .diyc itcer ee uilann, qapp Jehovah jnaixngiu jinxqiur inx, longxx vailet hro ix ee dniurlangg tniax.

9 Jetlo in'ui Jehovah kuanxtai Islaellangg itcer ee hyw su, qiur inx tuatli Egiptlangg ee ciuw, dyrr jin' hnuahiw.

10 Jetlo qongw, "Jehovah si ingqaix ylyw :ee. Ix qiur linw tuatli Egiptlangg ee ciuw, iarr tuatli Falaoh ee ciuw, qiur jitt xee vecsnir cud Egiptlangg ee ciuw-xe.

11 Dnaxx guaw jaix Jehovah viw jiaxee siongrder kacc dua, in'ui Ix juewjniaa hiaxee Egiptlangg qiau'gno kuanxtai jitt xee vecsnir ee su."

12 Moses ee dniurlangg Jetlo jiong' siyjer qapp vadd hy ee jrer, henr hro Siongrder. Aalon qapp Islael ee dniuxlyw longxx laii, qapp Moses ee dniurlangg snaqab dirr Siongrder ee binrjingg jiac.

13 Qeh zit Moses jre lecc simxpnuar vecsnir. Vecsnir dui' jaxkiw qaur ehngx, longxx kia uaw dirr Moses ee sinvnix.

14 Moses ee dniurlangg knuar qnir ix duiww vecsnir soxx juer ee itcer ee su, dyrr qongw, "Liw duiww vecsnir juer :ee si simxmih su ar? Liw sniaw su qaqi jre lehh, jiongww vecsnir dui' jaxkiw qaur ehngx longxx kia dirr liw ee sinvnix ar?"

15 Moses rinr ix ee dniurlangg qongxx, "Jex si in'ui vecsnir qaur guaw jiax, laii mng Siongrder.

16 Inx u dairjir ee sii, dyrr laii hro guaw jiax; guaw dyrr dirr inx siangvingg ee diongqanx qra inx pnuawduanr, hro inx jaix Siongrder ee ludle qapp huatdo."

17 Moses ee dniurlangg duiww ix qongw, "Liw anxnix juer m hyw.

18 Liw qapp liw jiaxee vecsnir e jin' srngw srinx; in'ui jitt xee su hro liw sniu' dang, liw qaqi jit langg juer be laii.

19 Dnaxx liw diyhh tniax guaw ee ue, guaw ter liw pacsngr, guan Siongrder qapp liw dilehh. Liw diyhh ter vecsnir qaur Siongrder binrjingg, jiong' anwqnia cingxmng Siongrder;

20 Qycc diyhh jiong' ludle qapp huatdo qawsi inx, jixsi inx soxx diyhh qniaa ee lo, soxx diyhh juer ee su.

21 Iarr diyhh dui' vecsnir ee diongqanx, qingw u jailingg ee langg, dyrr si qingwuir Siongrder, singsit byy lamrsamw, uanwhun vutgi ee jnii, hitt hy langg, setlip inx juer vecsnir ee sirdua, uree quanw jit-vah langg, uree quanw go-jap langg, uree quanw jap langg,

22 Hro inx jiauww sii simxpnuar vecsnir. Dua su diyhh qiyr inx hro liw jiax, siyw su inx tangx qaqi simxpnuar. Anxnix liw dyrr kacc qiamxkinx, inx iarr tangx qapp liw snaqab damgdngx.

23 Liw narr anxnix qniaa, Siongrder iarr anxnix huanhur liw, liw dyrr jicjair e diauu, jiaxee vecsnir iarr tangx anzenn qaur ix ee soxjai."

24 Dui' anxnix Moses tniatanr ix ee dniurlangg ee ue, longxx jiauww ix soxx qongw :ee kir qniaa.

25 Moses dui' Islaellangg diongqanx qingw u jailingg ee langg, setlip inx juer vecsnir ee sirdua, uree quanw jit-cingx langg, uree quanw jit-vah langg, uree quanw go-jap langg, uree quanw jap langg,

26 Inx jiauww sii simxpnuar vecsnir, u yh did vran ee anwqnia, dyrr qaux qaur Moses hiax; narr si siyw su, inx dyrr qaqi simxpnuar.

27 Au .laii Moses sangr ix ee dniurlangg kixsinx, ix dyrr dyr kir vunxsoxjai.

19 Islaellangg cud Egipt-de liauxau ee derr snax guec, duxduxx hitt zit, inx dyrr lirkuix Rlefidim, laii qaur Sinai ee kongwiaw,

2 Islaellangg dyrr dirr hitt xee snuax ee taujingg jrad ngiaa.

3 Moses jnriu qaur Siongrder hiax. Jehovah dui' snuax nirr qiyr ix qongxx, "Liw diyhh anxnix qra Jakob-qrex qongw, tongdix Islaellangg jaix.

4 Guaw duiww Egiptlangg soxx qniaa ee su, linw longxx knuar .qnir; qycc knuar qnir Guaw jnaixngiu cincniu ingjiauw ee sxit ngai linw, duar linw laii qruix dirr Guaw.

5 Dnaxx linw narr sidjai tniatanr Guaw ee ue, junsiuw Guaw ee iog, dyrr dirr ledqog diongx, linw beh juer Guaw qaqi ee vyxvuer. Juann de longxx si Guaw ee;

6 Linw beh qruix dirr Guaw, juer jewsix ee qog, juer singwqed ee vecsnir. Jiaxee ue si liw soxx diyhh qra Islaellangg qongw :ee."

7 Moses laii jiyjip vecsnir diongqanx ee dniuxlyw, jiong' Jehovah soxx huanhur ix ee ue, longxx vailet dirr inx ee binrjingg;

8 Vecsnir longxx drangg sniax rinr qongxx, "Qniwnarr Jehovah soxx qongw :ee, guanw longxx beh juntanr." Moses dyrr jiong' vecsnir ee ue huehog Jehovah.

9 Jehovah qra Moses qongw, "Knuar ar, Guaw beh dirr bat hunn ee dionganx limqaur liw, hro vecsnir tniax qnir Guaw qapp liw decc qongw, tangx ingxuanw sinr liw." Moses dyrr jiong' vecsnir ee ue qra Jehovah qongw.

10 Jehovah qycc qra Moses qongw, "Liw kir vecsnir hiax, qinaxzit binaxzit qra inx hunvet juer sxingr, inx iarr diyhh sew snxax.

11 Diyhh virvan ven hur derr snax zit; in'ui derr snax zit, Jehovah beh dirr jiongww vecsnir ee binrjingg, qangwlimm dirr Sinai Snuax.

12 Liw diyhh dirr snuax ee siwuii qra vecsnir sed qaiwhan, qongw, 'Linw diyhh qinxsin, m tangx jnriu snuax, iarr m tangx bongx ix ee qauqair; qniwnarr bongx jitt xee snuax :ee, dikkag diyhh hro ix siw;

13 M tangx ing ciuw bongx ix, diyhh ing jiyhtauu dimr ix, iacc si ing jnxir sria ix; bylun si langg iacc si jingsnix, longxx be uac. Qaur sauwqag ee sniax tuax dngg ee sii, inx diyhh laii snuax-kax."

14 Moses lyc snuax qaur vecsnir hiax, qra inx hunvet juer sxingr. Inx dyrr qaqi sew snxax.

15 Ix duiww vecsnir qongw, "Diyhh virvan ven hur derr snax zit, m tangx cinqin hurzinlangg."

16 Qaur derr snax zit tniqngjaw, dirr snuax-dingw u luii dann, sicnar qapp bat hunn, qycc sauwqag ee sniax jin' dua. Ngiaa-lai ee vecsnir longxx gniahgniac cuah.

17 Moses cua vecsnir cud ngiavnuaa gniajih Siongrder; inx longxx kia dirr snuax-kax.

18 Tong' Sinai Snuax longxx si huexenx, in'ui Jehovah dirr huew-diongx qangwlimm dirr snuax-dingw. Snuax ee huexenx cringr quann, cincniu hui'iyy ee enx, venww snuax dua dinxdang.

19 Sauwqag ee sniax naxx dann naxx dua, Moses qongxue, Siongrder cud sniax rinr ix,

20 Jehovah qangwlimm dirr Sinai Snuax, dirr snuax buexliux. Jehovah driaur Moses jnriu snuax buexliux; Moses dyrr jnriu .kir.

21 Jehovah duiww Moses qongw, "Liw lyc kir qimwqair vecsnir, qniax inx cuanr quer qaiwhan, qaur Jehovah jiax laii knuar, drir qaur inx jerje langg siw.

22 Lenrr cinqin Jehovah ee jewsix, iarr diyhh qaqi hunvet juer sxingr, qniax Jehovah beh hutzenn cud laii pah inx."

23 Moses duiww Jehovah qongw, "Vecsnir be e jnriu Sinai Snuax, in'ui Liw ixqing’ qimwqair guanw qongw, 'Diyhh dirr snuax ee siwuii sed qaiwhan, hunvet inx juer sxingr.'"

24 Jehovah qra ix qongw, "Kir ar, lyc .kir; liw diyhh qapp Aalon jnriu .laii. Dogdok jewsix qapp vecsnir m tangx cuanr quer qaiwhan jnriu qaur Jehovah ee binrjingg, qniax Ix beh hutzenn cud laii pah inx."

25 Moses dyrr lyc .kir, qaur vecsnir hiax qra inx anxnix qongw.

20 Siongrder huanhur jiaxee itcer ee ue, qongw,

2 "Guaw si Jehovah, liw ee Siongrder, bad cua liw dui' Egipt-de, dui' juer lojaii ee qrex cud .laii .ee.

3 Guaw ixgua, liw m tangx u vadd xee Siongrder.

4 M tangx uirdiyhh qaqi diaukig gnoxsiong, vutlun tnidingw, derjniu, qapp de-xe juiw-lai soxu ee mic, longxx m tangx juer inx ee sxiong.

5 M tangx qingwvair inx, iarr m tangx hogsai inx; in'ui Guaw Jehovah, liw ee Siongrder, duanwduanr m iong'unw ing vadd xee siongrder pitpuer Guaw. Uanwhun Guaw :ee. Guaw quiqiu ix ee jue, dui' ve qaur qniaw qaur snax~sir dai.

6 Tniar Guaw, siuw Guaw qaiwbing :ee, Guaw six xunx hro ix, didqaur cingx dai.

7 M tangx lamrsamw cxingx Jehovah, liw ee Siongrder ee miaa; in'ui lamrsamw cxingx Ix ee miaa ee langg, Jehovah dikkag byy liac ix juer byy jue.

8 Diyhh qir did Anhiyczit, siuw ix juer sxingr;

9 Lak zit lai ingqaix diyhbuaa, juer liw itcer ee qangx;

10 Dogdok derr cid zit, dyrr si ngr Jehovah liw ee Siongrder laii siuw ee anhiyh. Jitt zit liw qapp liw ee qniaw jaboxqniaw, lovok, luxvi, jingsnix, ixqip diamr dirr liw diongqanx ee cutguarlangg, itcer ee qangx, longxx m tangx juer;

11 In'ui lak zit lai, Jehovah congwjy tnix, de, haiw, qapp hitt diongqanx banrmic, derr cid zit dyrr hiyckunr. Soxiw Jehovah suwhog dirr Anhiyczit, setlip ix juer sxingr.

12 Diyhh hauwqingr liw ee laurve, liw ee laurbuw, hro liw ee zidjiw dirr Jehovah liw ee Siongrder soxx sniuxsur liw ee de, did diyc quxdngg.

13 M tangx hai siw langg.

14 M tangx qniaa qan'imm.

15 M tangx tautec.

16 M tangx juer qew ee qanjingr, hamrhai liw ee cuwvnix.

17 M tangx tamx liw ee cuwvnix ee cur, iarr m tangx tamx liw ee cuwvnix ee bow, lovok, luxvi, guu, luu, ixqip liw ee cuwvnix itcer soxu :ee."

18 Jiongww vecsnir knuar qnir luii dann, sicnar, sauwqag ee sniax, qycc snuax-dingw cud enx, vecsnir jid'err knuar .qnir, dyrr gniauhgniauc cuah, hng hng kia lehh, duiww Moses qongw,

19 "Qriuu liw qapp guanw qongw, guanw beh tniax; m tangx hro Siongrder qapp guanw qongw, qniax guanw e siw."

20 Moses duiww vecsnir qongw, "Mrbenw qniax. Siongrder qangwlimm si beh ciwgiam linw, qycc hro linw sisiongg qingwuir Ix, benw did linw huanrjue."

21 Dui' anxnix vecsnir hng hng kia lehh. Moses dyrr qniaa qin bat hunn, qaur Siongrder ee soxjai.

22 Jehovah duiww Moses qongw, "Liw diyhh anxnix duiww Islaellangg qongw, 'Linw ixqing’ qaqi knuar qnir Guaw dui' tnidingw qapp linw qongxue.

23 Linw m tangx juer vadd xee siongrder pitpuer Guaw; m tangx uirr qaqi juer ginn ee siongrder, qimx ee siongrder.

24 Linw diyhh qra Guaw kiw todnuaa, dirr hitt dingxbin henr linw ee siyjer, qapp ving'anjer, qapp linw ee guu, linw ee ngiuu. Qniwnarr Guaw hro langg qiwliam Guaw ee miaa ee soxjai, Guaw beh qaur linw hiax suwhog linw.

25 Linw narr ing jiyhtauu qra Guaw kiw dnxuaa, m tangx ing quer pah ee jiyc laii kiw; in'ui narr dirr hitt dingxbin drang linw ee qesix, dyrr pah lasamm ix.

26 Iarr m tangx ing qiaaxjanr jnriu Guaw ee dnxuaa, benw did lorhen linw ee ertew.'

21 Liw dirr vecsnir ee binrjingg soxx diyhh lip ee huatdo si anxnix:

2 Liw narr brew Heblalangg juer lovok, ix beh hogsai liw lak nii quw, derr cid nii ix tangx juriuu vehvec cud .kir.

3 Ix narr dnuasinx laii, dyrr dnuasinx kir; ix narr u bow, ix ee bow dyrr qapp ix cud .kir.

4 Ix ee juxlangg narr qra ix cuarbow, bow qra ix snix qniaw iacc si jaboxqniaw, bow qapp qniaxzii diyhh qruix juxlangg, ix diyhh dnuasinx cud .kir.

5 Setsuw lovok qongw, 'Guaw tniar guaw ee juxlangg qapp guaw ee bow, guaw ee qniaxzii, m rair cud kir juriuu';

6 Ix ee juxlangg dyrr diyhh duar ix qaur qnuahuw hiax, qycc diyhh cua ix uaw qin mngg, iacc si mngkia, juxlangg diyhh ing jngxaw jngr ix ee hni-aw; ix dyrr ingxuanw hogsai ix.

7 Langg narr bre jaboxqniaw juer luxvi, ix byy tangx cincniu lovok anxnix cud .kir. Juxlangg narr dniardiyc siux ix, au .laii knuar byy dingwir, dyrr diyhh jrunw ix siogsinx.

8 Juxlangg narr ixqing’ penr ix, dyrr byy qxuann tangx bre ix hro guarvanglangg.

9 Juxlangg narr dniardiyc ix hro qaqi ee qniaw, dyrr diyhh kuanxtai ix cincniu jaboxqniaw.

10 Narr u qycc crua jit xee, dyrr ix ee jiac, cing, qapp puewhap ee su, iuguann m tangx qiamxjiyw.

11 Narr byy duiww ix qniaa jitt snax hxang, ix dyrr tangx vehvec cud .kir, benw ing ginn siok.

12 Pah siw langg :ee dikkag diyhh hro ix siw.

13 Langg narr m si baihok decc taii langg, dyrr si Siongrder qaux dirr ix ee ciuw, Guaw dyrr qra liw sed jit xee soxjai, ix tangx jauw kir hiax.

14 Langg narr jurjuanx qongqig ix ee cuwvnix, ing kuixked ee qewboo, dyrr narr dirr Guaw ee dnxuaa, iarr diyhh liac kir hro ix siw.

15 Pah laurve iacc si laurbuw :ee, dikkag diyhh hro ix siw.

16 Quaiw langg kir bre :ee, iacc si iauxx dirr ix ee ciuw, dikkag diyhh hro ix siw.

17 Jiuwjow laurve iacc si laurbuw :ee, dikkag diyhh hro ix siw.

18 Langg narr uanqex, jitt xee ing jiyhtauu iacc si quntaubuw pah hitt xee, iauxx byy drir qaur siw, vutqyr dyw dirr binrjingg;

19 Narr e qycc kiw .laii, uaw qnuaiw-aw cud .kir, hitt xee pah ix :ee, tangx sngr byy jue; dogdok diyhh vuee ix be juer qangx ee jnii, iarr diyhh qra ix rix qaur longxx hyw.

20 Langg narr ing tuii-aw pah ix ee lovok, iacc si ix ee luxvi, drir qaur liamvnix siw, ix dikkag diyhh siurr hinghuat;

21 Narr quer jit~nng zit jiacc siw, dyrr tangx benw siurr hinghuat, in'ui si ix ee ginn brew :ee.

22 Langg narr sna' pah, sionghai u sin'in ee hurzinlangg, drir qaur qalauhsinx, au .laii byy vadd hxang ee hai, hitt langg diyhh huat ginn, jiauww hurzinlangg ee diongrhux soxx dring :ee, dirr qnuahuw ee binrjingg hro ix.

23 Narr u vadd hxang ee sionghai, dyrr diyhh ing mia vuee mia,

24 Bagjiux vuee bagjiux, cuiwkiw vuee cuiwkiw, ciuw vuee ciuw,

25 Kax vuee kax, siyx vuee siyx, siongx vuee siongx, pah vuee pah.

26 Langg narr pah pnaiw ix ee lovok, iacc si ix ee luxvi ee jit luiw bagjiux, dyrr diyhh in'ui ix ee bagjiux vangr ix kir juriuu.

27 Narr pah lag ix ee lovok, iacc si ix ee luxvi ee jit qix cuiwkiw, dyrr diyhh in'ui ix ee cuiwkiw vangr ix kir juriuu.

28 Guu narr dag siw jit xee davolangg, iacc si jit xee hurzinlangg, diyhh ing jiyhtauu dimr siw hitt jiah guu, danrsi m tangx jiac ix ee bah; guu ee juxlangg sngr byy jue.

29 Setsuw hitt jiah guu vingsor e dag langg, u langg vyr ix ee juxlangg jaix, ix qingwzenn byy jiong' guu qnuaix lehh, drir qaur dag siw davolangg iacc si hurzinlangg, dyrr diyhh ing jiyhtauu dimr siw hitt jiah guu, guu ee juxlangg iarr diyhh siw.

30 Narr si gixdnia ing ginn siok sniwmia, dyrr diyhh jiauww soxx gixdnia :ee, laii siok ix ee sniwmia.

31 Guu bylun dag diyc langg ee qniaw iacc si jaboxqniaw, diyhh jiauww jitt xee le vran ix.

32 Guu narr dag diyc lovok iacc si luxvi, diyhh ing ginn snax-jap hro inx ee juxlangg; iarr diyh ing jiyhtauu dimr siw guu.

33 Langg narr henx kuix jnew, iacc si qrut jnew, byy kamr quar, u guu iacc si luu vuac dirr hitt lairbin,

34 Jnew ee juxlangg diyhh vuee, iarr diyhh tec guu hro ix ee jruw; siw ee jingsnix qruix qaqi.

35 Jitt langg ee guu narr dag diyc hitt langg ee guu, drir qaur siw, inx diyhh bre uac ee guu, qewjnii vnii vunx.

36 Langg narr jaix jitt jiah guu vingsor e dag langg, juxlangg qingwzenn byy jiong' guu qnuaix lehh, ix dyrr diyhh ing guu vuee guu, siw ee guu qruix qaqi.

22 Langg narr taux kanx guu, iacc si ngiuu, bylun taii iacc si bre, jit jiah guu diyhh vuee ix go jiah, jit jiah ngiuu diyhh vuee sir jiah.

2 Cat narr iah kangx, hro langg duw .diyc, qra ix pah siw, pah siw ix :ee byy sngr u jue.

3 Narr dirr zit .sii, dyrr pah siw ix :ee sngr u jue. Cat dikkag diyhh vuee; narr byy tangx vuee, cat diyhh bersinx, laii diw ix soxx taux :ee.

4 Ix soxx taux :ee, qiamxcaiw guu, iacc si luu, ngiuu, narr iauxx uac dirr ix ee ciuw, dyrr diyhh vuee dingvue.

5 Langg narr dirr cann nirr iacc si pudyhngg, vangr jingsnix cutjai ix jiac vadd langg ee cann, dyrr diyhh ing qaqi ee cann nirr siongrr hyw :ee, qapp pudyhngg siongrr hyw :ee laii vuee ix.

6 Narr huew siyx ciwper, suar siyx diyc diurduix, iacc si iauxx bue quah ee diu, iacc si canhngg, kiw huew ee langg dyrr dikkag diyhh vuee.

7 Langg narr jiong' ginn iacc si mihqnia qaudair cuwvnix qowsiuw, jiaxee mic, narr dui' hitt langg ee qrex diyhcadtaux, cat narr liac .diyc, cat diyhh vuee dingvue;

8 Cat narr liac byy diyc, hitt xee qejuw diyhh qaur qnuahuw binrjingg, knuar ix u tec cuwvnix ee mihqnia iacc byy.

9 Qniwnarr u quewsid, qiamxcaiw si uirdiyhh guu, luu, ngiuu, iacc si uirdiyhh ijniuu iacc si simxmih sitlyc ee mic, u langg zin did si ix ee, siangvingg ee anwqnia diyhh qaur qnuahuw ee binrjingg; qnuahuw narr duanwdng simxmih langg u jue, hitt langg diyhh vuee ix ee cuwvnix dingvue.

10 Langg narr u jiong' luu, iacc si guu, iacc si ngiuu, iacc si vadd hy jingsnix, qaudair cuwvnix qowsiuw, jingsnix qiamxcaiw siw, iacc si siursiongx, iacc si hro langg kanx .kir, byy langg knuar .qnir,

11 Nng langg ee diongqanx, diyhh qiw Jehovah jiuwjua, m bad tec cuwvnix ee mic, guanjuw dyrr diyhh suah, qowsiuw ee langg mrbenw vuee.

12 Jingsnix narr dui' qowsiuw ee langg hiax hro langg taux .kir, ix dyrr diyhh vuee guanjuw.

13 Narr siurr iaxsiur tiacuir, qowsiuw ee langg diyhh duar ix laii juer jingwqir; soxx tiacuir :ee dyrr mrbenw vuee.

14 Langg narr dui' cuwvnix jiyh simxmih mic, soxx jiyh :ee qiamxcaiw siursiongx iacc si siw, guanjuw byy snaqab dilehh, ix dikkag diyhh vuee.

15 Narr guanjuw snaqab dilehh, ix dyrr mrbenw vuee; narr si jox :ee, iarr mrbenw vuee, in'ui vunw u jojnii.

16 Langg narr inxiuw bue siurr pingr ee jaboxginxaw qapp ix dangvangg, ix diyhh pingr ix juer bow.

17 Narr ix ee laurve quatduanr m kingw jiong' jaboxqniaw puer ix, ix dyrr diyhh jiauww jairsikluw ee pingwlew hro ix ginn.

18 Juer ang'ii :ee, diyhh hro ix siw.

19 Qniwnarr qapp sriur imm :ee, dikkag diyhh hro ix siw.

20 Byy juann juann jewsu Jehovah, u jewsu vadd xee siongrder :ee, diyhh bet ix.

21 M tangx kihu cutguarlangg, iarr m tangx apjer ix; in'ui linw dirr Egipt-de iarr bad juer cutguarlangg.

22 M tangx pnaiw kuanxtai qnuaxhu qapp qozii.

23 Narr siyxkuaw pnaiw kuanxtai inx, inx qiuqiyr Guaw, Guaw dikkag beh tniax inx ee qiuqiyr,

24 Iarr beh dua siurkir, ing dyx taii linw, hro linw ee bow juer qnuaxhu, linw ee qniaw juer qozii.

25 Guaw ee vecsnir diongx u songwhionglangg qapp linw kiarkiw, linw narr jiyh ix ginn, liw m tangx cincniu jewjuw kuanxtai ix, iarr m tangx tec ix ee lirsig.

26 Liw narr tec cuwvnix ee ijniuu juer junxdngr, zit lyc dyrr diyhh hingg ix;

27 In'ui ix jixu jitt qnia tangx qah, si ix ziax sinkux ee snxax; narr byy, ix beh jnaixngiu kunr? Ix qriuu Guaw, Guaw beh tniax, in'ui Guaw si juvix :ee.

28 M tangx huixvongr qnuahuw, iarr m tangx me liw ee vecsnir ee sirdua.

29 Liw diyhh dui' soxu siusingg ee gnoxqog, qapp jiuxkud lai soxx lrauu cud ee jiuw, tec laii henr, m tangx encenn.

30 Liw diyhh jiong' taujniu ee qniaw qruix dirr Guaw; liw ee guu, liw ee ngiuu, iarr diyhh anxnix. Cid zit tangx duer ix ee buw, derr veh zit diyhh qruix dirr Guaw.

31 Linw diyhh uirdiyhh Guaw juer sxingr ee vecsnir; soxiw cann nirr iaxsiur soxx tiah lic ee bah, linw m tangx jiac, diyhh hed hro qxauw.

23 M tangx vywiongg iaugenn; m tangx qapp pnaiw langg lenhap juer lamrsamw ee qanjingr.

2 M tangx duer jingwlangg qniaa pnaiw. Dirr sna' qryr ee su, m tangx penx uaw dua vingg, qongw ix ee ue, laii uan'ongw jingwdit.

3 M tangx dirr sna' qryr ee su, tanxho songwhionglangg.

4 Narr duw diyc liw ee duiwdik ee guu, iacc si luu, sitbee lo, dikkag diyhh kanx dyr laii qaux ix.

5 Narr knuar qnir uanwhun liw ee langg ee luu vuerjair decc dyw, m tangx qniaa kuix, diyhh qapp ix snaqab vangr luu soxx jair :ee.

6 Songwhionglangg u sna' qryr, liw m tangx penduanr.

7 Diyhh lirkuix huqew ee su hng hng. M tangx taii byy jue qapp gi ee langg, in'ui pnaiw langg, Guaw dikkag byy sngr ix juer gi.

8 M tangx siurr vowlo, in'ui vowlo e hro bagjiux qimx ee langg venr cnimii, qycc e jiong' girlangg e ue vingw dywdngw.

9 M tangx apjer cutguarlangg, in'ui linw bad cutgua dirr Egipt-de, jaix cutguarlangg ee simx.

10 Lak nii lai liw diyhh jingwjyh liw ee canhngg, siusingg toxsanw.

11 Dogdok derr cid nii, diyhh hro toxsanw hiyckunr byy jingwjyh, hro liw ee vecsnir diongx ee songwhionglangg u tangx jiac; soxx cunx :ee tangx hro iaxsiur jiac. Liw ee pudyhngg qapp qnanaxhngg, iarr diyhh anxnix.

12 Lak zit lai liw diyhh juer liw ee qangx, derr cid zit diyhh anhiyh, hro guu qapp luu tangx hiyckunr, iarr hro luxvi ee qniaw qapp cutguarlangg longxx tangx iongw jinglik.

13 Qniwnarr Guaw duiww linw qongw ee ue, linw diyhh qinxsin siuw. Vadd xee siongrder ee miaa, liw m tangx tee kiw, iarr m tangx qongw hro langg tniax.

14 Jit nii snax vaiw liw diyhh siuw jeh hogsai Guaw.

15 Abib Guec, liw cud Egipt dniardiyc ee qrii, diyhh siuw duqnawjeh; cid zit quw jiac byy-qnar-vniaw, jiauww Guaw soxx huanhur :ee. Diauqnir Guaw ee langg m tangx kangx ciuw.

16 Qycc u siuquah ee jeh, dyrr si liw dirr cann nirr jaijingr, dui' diyhbuaa did diyc kixtauu sik ee toxsanw. Qycc u siukngr ee jeh, dyrr si nii-buew, linw siukngr dui' cann nirr diyhbuaa soxx did .diyc .ee.

17 Jit nii snax vaiw, liw itcer ee davodingx diyhh qaur Jruw Jehovah ee binrjingg.

18 Jewsu Guaw ee singlew, ix ee huih m tangx camx u qnar ee mic laii henr; iarr m tangx jiong' singlew ee iuu lauu qaur quer jaxkiw.

19 De nirr derr id kixtauu sik ee mic, diyhh sangr qaur Jehovah, liw Siongrder ee ciuw. Juw snua'ngiuu-aw m tangx ing ix ee buw ee linx.

20 Knuar ar, Guaw crex Guaw ee suwjiaw dirr liw ee taujingg, dirr lo nirr voxho liw, cua liw qaur Guaw soxx virvan ee de.

21 Linw dirr ix ee binrjingg diyhh qinxsin, tniatanr ix ee ue, m tangx uiqec ix. Ix byy beh siawbenw linw ee quewsit, in'ui ix hrong Guaw ee miaa.

22 Liw narr sidjai tniatanr ix ee ue, jiauww Guaw itcer soxx qongw :ee kir qniaa, Guaw dyrr juer liw ee qiusiuu ee qiusiuu, liw ee duiwdik ee duiwdik.

23 Guaw ee suwjiaw beh qniaa dirr liw ee taujingg, cua liw qaur Amoli, Hit, Peliz, Kanaan, Hivi, Jebus hiaxee jok ee de, Guaw beh jenxduu inx.

24 Inx ee siongrder liw m tangx quirvair, iarr m tangx hogsai. M tangx yc inx ee soxx juer, diyhh itjin huixbet inx, pah cruir inx diaukig ee tiau.

25 Linw diyhh hogsai Jehovah, liw ee Siongrder; Ix dikkag suwhog dirr liw ee bixniuu qapp liw ee juiw. Qycc Guaw beh druu kir linw diongqanx ee puawvni,

26 Iarr beh hro liw ee qingxlai, byy u qalauhtex :ee, byy u be snix :ee. Guaw beh hro liw ee huewsiu muaxjiog.

27 Guaw beh juer liw ee taujingg, laii siruix. Liw soxx qaur ee soxjai, hiaxee vecsnir, Guaw beh hro inx sixbyy; qycc beh hro liw itcer ee duiwdik uat dngw srinx dyjauw.

28 Guaw beh crex dua jiah pxangx dirr liw ee taujingg, qnuaw cud Hivilangg, Kanaanlangg, qapp Hitlangg.

29 Dirr jit nii lai Guaw byy beh dui' liw ee taujingg itjin qnuaw inx cud, qniax toxde e pahngx, iaxsiur qetnix jerje laii hai linw.

30 Guaw beh jiamrjiam dui' linw ee taujingg qra inx qnuaw cud, tingwhau linw langgiac qetnix jerje, laii singsiu hitt xee de juer giap.

31 Guaw beh dniardiyc liw ee qingxqair, dui' Angg Haiw qaur Filist ee haiw, qycc dui' kongwiaw qaur Duarhyy. In'ui Guaw beh jiong' hitt soxjai kiarkiw ee vecsnir qaux dirr liw ee ciuw, hro liw jiong' inx dui' liw ee binrjingg qnuaw cud.

32 M tangx qapp inx, ixqip inx ee siongrder, lip iog.

33 M tangx hro inx kiarkiw dirr liw ee toxde, qniax inx hro liw dikjue Guaw. Liw narr hogsai inx ee siongrder, jex beh juer liw ee lybang."

24 Jehovah qra Moses qongw, "Liw qapp Aalon, Nadab, Abihu, qapp Islael dniuxlyw diongx cid-jap langg, longxx diyhh jnriu laii qaur Jehovah jiax, hng hng pag lyc kir vair.

2 Dogdok Moses tangx cinqin Jehovah, qi'uu m tangx cinqin; vecsnir iarr m tangx qapp ix jnriu .laii."

3 Moses qaur, jiong' Jehovah itcer ee ue, itcer ee huatdo, qongw hro vecsnir tniax. Jiongww vecsnir drangg sniax rinr qongxx, "Jehovah soxx qongw ee ue, guanw beh longxx juntanr."

4 Moses jiong' Jehovah ee ue, longxx siaw .kiw .laii; tauwjaw kiw .laii, dirr snuax-xe kiw jit jxy dnxuaa, jiauww Islael jap-zi jipair, kia jap-zi qix tiau.

5 Qycc crex Islael diongx ee siauwlenlangg kir henr siyjer. Iarr ing guu juer ving'anjer, henr hro Jehovah.

6 Moses jiong' huih ee jidvnuar drew dirr punn nirr, jidvnuar hiur dirr dnxuaa nirr.

7 Qycc tec iog ee ceh, tak hro vecsnir tniax; inx qongw, "Jehovah soxx qongw :ee, guanw beh longxx juntanr laii qniaa."

8 Moses jiong' huih hiur vecsnir, qongw, "Knuar ar, jex si lip iog ee huih, si Jehovah jiauww jex itcer ee ue qapp linw soxx lip :ee."

9 Moses, Aalon, Nadab, Abihu, qapp Islael dniuxlyw diongx cid-jap langg, longxx jnriu .kir.

10 Inx knuar qnir Islael ee Siongrder. Ix ee kax-xe u cincniu vnipox ee lamvyxjiyc, cincniu tnix guanjid ee qngliang.

11 Ix byy cud ciuw hai Islael junquir ee langg, inx knuar qnir Siongrder, iarr jiac iarr limx.

12 Jehovah qra Moses qongw, "Liw jnriu snuax jiurqin Guaw, diamr dirr jiax, Guaw beh jiong' jiyhvix qapp ludhuad, ixqip qaiwbing, Guaw soxx siaw :ee, sniuxsur liw, tangx qawsi inx."

13 Moses qapp qinsuii ix ee Josua kiw .laii. Moses jnriu Siongrder ee snuax, qra dniuxlyw qongw,

14 "Linw diamr jiax danw guanw, tingwhau guanw dywdngw laii linw jiax. Knuar ar, Aalon qapp Hur qapp linw dilehh; langg narr u dairjir, tangx laii cue inx."

15 Moses jnriu snuax, snuax u hunn ziakamr.

16 Jehovah ee ingqngx tingg dirr Sinai Snuax, hunn ziax ix lak zit quw; derr cid zit Ix dui' hunn-diongx qiyr Moses.

17 Jehovah ingqngx ee kuanxsid, cincniu huew siyx dirr snuax-dingw; Islaellangg cinbak knuar .qnir.

18 Moses zip hunn-diongx jnriu snuax. Moses dirr snuax-dingw sir-jap zit sir-jap mii.

25 Jehovah qra Moses qongw,

2 "Liw qra Islaellangg qongw, diyhh henr lexmic hro Guaw. Qniwnarr simx soxx qamguan :ee, linw tangx qra ix siux .laii, juer lexmic hro Guaw.

3 Soxx diyhh siux ee lexmic, dyrr si qimx, ginn, dangg;

4 Nraa sig, jxiw sig, ju'angg sig ee liau, iuwdue; snua'ngiumngg;

5 Niw angg ee qang'ngiupuee; haixqauxpuee; jyrqiapcaa;

6 Diamw dingx ee iuu; pangx pangx ee pinxliau, tangx juer qy'iuu laii buah, iarr juer panghniux;

7 Angg bexlyw, qapp vadd ngiu ee vyxjiyc, tangx siux efod qapp voxquar.

8 Inx diyhh qra Guaw kiw sxingr ee soxjai, hro Guaw tangx diamr dirr inx diongqanx.

9 Jiauww Guaw itcer soxx jixsi liw :ee, dyrr si huerbo ee kuanxsid, qapp lairdiongx kiwqu ee kuanxsid, linw diyhh jiauww anxnix laii jy.

10 Inx diyhh ing jyrqiapcaa juer jit xee qxui, dngg nng dxng vnuar, kuah dxng vnuar, quann dxng vnuar.

11 Liw diyhh ing hyw qimx vaux, lairgua longxx diyhh vaux; siwuii diyhh kiw qimsnuar.

12 Liw diyhh qra ix jur sir xee qimkuann, anx dirr ix ee sir kax, jitt vingg nng kuann, hitt vingg nng kuann.

13 Diyhh ing jyrqiapcaa juer nng qix qxngr, ing qimx qra vaux.

14 Diyhh jiong' qxngr cngx dirr qxui-vnix ee kuann-lai, tangx ing laii qrngx qxui.

15 Jiaxee qxngr diyhh siongsiongg dirr qxui ee kuann-lai, m tangx tiux .cud .laii.

16 Diyhh ing Guaw soxx beh sniuxsur liw ee ludhuad he dirr qxui-lai.

17 Diyhh ing hyw qimx juer six xunx sow, dngg nng dxng vnuar, kuah dxng vnuar.

18 Diyhh ing qimx juer nng xee qilorvingx, dirr six xunx sow ee siangtauu.

19 Jitt tauu juer jit xee qilorvingx, hitt tauu juer jit xee qilorvingx; siangtauu ee qilorvingx, qapp six xunx sow, diyhh qui' der, juer sna' lenn.

20 Nng xee qilorvingx diyhh quann quann tiw kuix sxit, ing inx ee sxit ziax six xunx sow, inx ee bin diyhh snaduir; qilorvingx ee bin diyhh ngar six xunx sow.

21 Diyhh jiong' six xunx sow anx dirr qxui-dingw, qycc jiong' Guaw soxx beh sniuxsur liw ee ludhuad he dirr qxui-lai.

22 Guaw beh dirr hiax qapp liw jurhue, qycc beh dui' six xunx sow dingw, dyrr si dui' huatqui dingw, nng xee qilorvingx ee diongqanx, qapp liw qongw Guaw soxx beh huanhur liw tuann hro Islaellangg itcer ee su.

23 Liw diyhh ing jyrqiapcaa juer jit der dyh, dngg nng dxng, kuah jit dxng, quann dxng vnuar.

24 Diyhh ing hyw qimx vaux, siwuii kiw qimsnuar.

25 Dyh ee siwuii, qokk juer jit vajniuw kuah ee hnuai'niuu, hnuai'niuu dingw siwuii kiw qimsnuar.

26 Liw diyhh juer sir xee qimkuann, anx dirr ix ee sir kax ee sir qag.

27 Anx kuann ee soxjai diyhh uaw qin hnuai'niuu, tangx cngx qxngr laii qrngx dyh.

28 Diyhh ing jyrqiapcaa juer nng qix qxngr, ing qimx vaux ix, tangx ing laii qrngx dyh.

29 Diyhh juer vnuaa, nguaw, vxuex, vann, tangx laii quanwden, longxx diyhh ing hyw qimx juer.

30 Dyh-dingw siongsiongg he vailet ee vniaw dirr Guaw ee binrjingg.

31 Liw diyhh ing hyw qimx juer jit xee dingdaii. Dingdaii ee jxy, qapp diongtiau, ix ee vxuex, ix ee bak, ix ee huex, longxx qra pah juer qui' jxy.

32 Dirr ix ee vnix:a diyhh vunx cud lak qix; dingdaii ee jitt vingg diyhh u snax qix, dingdaii ee hitt vingg diyhh u snax qix.

33 Jitt vingg muixx qix u snax xee vxuex, kuanxsid cincniu hingrhuex, u bak u huex; hitt vingg muixx qix iarr u snax xee vxuex, kuanxsid cincniu hingrhuex, u bak u huex; dui' dingdaii vunx cud ee lak qix longxx si anxnix.

34 Dingdaitiau u sir xee vxuex, kuanxsid cincniu hingrhuex, u ix ee bak qapp ix ee huex.

35 Nng qix ee erbin u jit bak qapp ix sna' lenn, qycc nng qix ee erbin u jit bak qapp ix sna' lenn; dingdaii soxx cud ee lak qix longxx si anxnix.

36 Hiaxee bak qapp hiaxee qix, longxx qapp ix lenn juer jit xee, longxx ing hyw qimx laii pah.

37 Diyhh qra ix juer cid xee dingjnuaw, diyhh diamw hiaxee dingx, hro ix jiyr qngx dirr duiwbin.

38 Dingdaii ee jenw qapp ix ee vnuaa, longxx diyhh ing hyw qimx laii juer.

39 Juer dingdaii qapp jex itcer ee kiwqu, ing hyw qimx jit talent.

40 Liw diyhh qinxsin juer jiaxee mihqnia, longxx diyhh jiauww dirr snuax-dingw jixsi liw ee kuanxsid.

26 Liw juer huerbo diyhh ing jap vxag ee tent; jiaxee tent si ing quer pangw ee iuwdue, qapp nraa sig, jxiw sig, ju'angg sig ee liau, iarr ing qikiauw ee qangx jrid jniaa qilorvingx, laii juer :ee.

2 Muixx vxag tent diyhh dngg zi-jap-veh dxng, kuah sir dxng; tent longxx diyhh jidngiu ee cunwciyh.

3 Jitt go vxag tent iarr diyhh dagg vxag sna' lenn, hitt go vxag tent iarr diyhh dagg vxag sna' lenn.

4 Dirr jitt xee sna' lenn ee tent, lorbuew vxag ee vnix:a, diyhh juer nraa sig ee liuxpanr; dirr hitt xee sna' lenn ee tent, lorbuew vxag ee vnix:a, iarr diyhh anxnix juer.

5 Liw dirr jitt niaw tent juer go-jap xee liuxpanr, qycc dirr derr zi niaw tent, sna' lenn ee vnix:a, iarr juer go-jap xee liuxpanr; liuxpanr longxx diyhh nng xee nng xee snaduir.

6 Qycc diyhh juer go-jap xee qimqaux laii qaux, hro tent sna' lenn, dyrr jniaa juer jit xee huerbo.

7 Liw diyhh ing snua'ngiumngg jrid jap-id vxag ee tent, juer huerbo dingw ee vowvnii.

8 Muixx vxag tent diyhh dngg snax-jap dxng, kuah sir dxng; jap-id vxag dniuwlii longxx diyhh jidngiu ee cunwciyh.

9 Diyhh jiong' go vxag tent lenn juer jit vxag, qycc jiong' lak vxag tent lenn juer jit vxag, hitt xee derr lak vxag ee jidvnar, hro ix suii lyc dirr vowvnii ee taujingg.

10 Dirr jitt xee sna' lenn ee tent, lorbuew vxag ee vnix:a, diyhh juer go-jap xee liuxpanr, dirr hitt xee sna' lenn, lorbuew vxag ee vnix:a, iarr juer go-jap xee liuxpanr.

11 Qycc diyhh juer go-jap xee dangqaux, qaux dirr liuxpanr, hro vowvnii lenn juer jit xee.

12 Vowvnii ee tent soxx cunx suii .lyc .laii, dyrr si soxx cunx hitt xee vnuar vxag tent, diyhh suii dirr huerbo au.

13 Vowvnii ee tent soxx cunx ee dngg, jitt vingg jit dxng, hitt vingg jit dxng, diyhh suii dirr huerbo ee siangvingg laii qra ziax.

14 Qycc diyhh ing niw angg :ee, qangx ee ngiupuee, juer vowvnii ee quar; qycc ing haixqauxpuee juer quar dirr dingxbin.

15 Liw diyhh ing jyrqiapcaa juer huerbo kia ee vxanw.

16 Kia ee vxanw dngg jap dxng, kuah jit dxng vnuar.

17 Dagg der vxanw diyhh u nng xee sunw sna' vaii; huerbo itcer ee vxanw longxx diyhh jiauww anxnix juer.

18 Diyhh juer huerbo ee vxanw, lamvingg ee lamsir zi-jap der vxanw.

19 Dirr jiaxee zi-jap der vxanw ee erbin, diyhh juer sir-jap xee ginku. Jit der vxanw ee erbin u nng xee ku laii cing ix nng qix sunw, qycc jitt der vxanw ee erbin iarr u nng xee ku laii cing ix nng qix sunw.

20 Huerbo derr zi bin, dyrr si vag bin, iarr diyhh juer vxanw zi-jap der,

21 Qapp inx ee ginku sir-jap xee. Jitt xee vxanw ee erbin u nng xee ku, hitt xee vxanw ee erbin iarr u nng xee ku.

22 Huerbo ee aurbin, dyrr si saix bin, diyhh juer lak der vxanw.

23 Huerbo aurbin ee nng xee qaktauu, diyhh juer nng der vxanw.

24 Vxanw ee erdngg, nng xee snadangg, didqaur dingxbin derr id ee kuann, longxx si qanng :ee; nng der longxx si anxnix, beh juer qaktauu ee loring.

25 Diyhh u veh xee vxanw, qapp jap-lak xee ginku, hitt xee vxanw ee erbin iarr u nng xee ku.

26 Liw diyhh ing jyrqiapcaa juer hnuaii qxongg; uirdiyhh huerbo jitt vingg ee vxanw juer go qix,

27 Uirdiyhh huerbo hitt vingg ee vxanw juer go qix, qycc uirr huerbo au ee saix bin juer go qix.

28 Vxanw ee duiwdiongx hitt qix hnuaii qxongg, diyhh dui' jitt tauu taur qaur hitt tauu.

29 Vxanw diyhh ing qimx vaux, qycc diyhh juer vxanw ee qimkuann laii tyr qxongg. Qxongg iarr diyhh ing qimx vaux.

30 Diyhh jiauww dirr snuax-dingw jixsi liw ee kuanxsid kiw huerbo.

31 Liw diyhh ing nraa sig, jxiw sig, ju'angg sig ee liau, qapp quer pangw ee iuwdue, jrid dniuwlii; jrid ee dniuwlii ing qikiauw ee qangx, jrid jniaa qilorvingx, laii juer :ee.

32 Liw diyhh ing jyrqiapcaa juer sir qix tiau, ing qimx qra vaux, laii diaur dniuwlii. Tiau ee qaux diyhh qimx :ee, tiau dirr sir xee ginku dingw.

33 Liw diaur dniuwlii diyhh dirr qaux ee erdew ee soxjai, jiong' huatqui qrngx zip dniuwlii lai, jrid ee dniuwlii si qra linw qeh kuix sxingr sow qapp jiww sxingr sow.

34 Qycc diyhh jiong' six xunx sow anx dirr jiww sxingr sow lai ee huatqui dingw.

35 Liw diyhh ing dyh he dirr dniuwlii gua, iarr ing dingdaii he dirr huerbo ee lamsir, qapp dyh snaduir; hitt xee dyh diyhh he dirr vaksir.

36 Liw diyhh ing nraa sig, jxiw sig, ju'angg sig ee liau qapp quer pangw ee iuwdue, ing siuwhuex ee qangx, juer vowvnimngg ee mnglii.

37 Diyhh ing jyrqiapcaa qra mnglii juer go qix tiau, ing qimx qra vaux, tiau ee qaux diyhh ing qimx :ee. Qycc diyhh qra tiau jur go xee dangku.

27 Liw diyhh ing jyrqiapcaa juer dnxuaa, dngg go dxng, kuah go dxng; jitt xee dnxuaa si suwhongx :ee, quann snax dxng.

2 Diyhh dirr dnxuaa ee siwqaktauu juer sir qix qag, qapp dnxuaa sna' lenn juer jit xee, ing dangg qra vaux.

3 Diyhh juer punn, laii siux ix ee hux, qycc juer ix ee tuc'aw, ix ee vnuaa, ix ee cxex, ix ee huexdniaw; ix itcer ee kiwqu, longxx ing dangg juer.

4 Diyhh ing dangg qra ix juer jit xee bxang, dirr bxang ee sir qag juer sir xee dangkuann.

5 Ing bxang he dirr dnxuaa sir bin uiiyvanw ee erbin, hro bxang taur qaur dnxuaa ee vnuawiyx.

6 Diyhh ing jyrqiapcaa qra dnxuaa juer qxngr, ing dangg qra vaux.

7 Hiaxee qxngr diyhh cngx dirr kuann-lai, qxngr diyhh dirr dnxuaa ee siangvingg, laii qrngx ix.

8 Diyhh ing vxanw juer dnxuaa, diong'ngx kangkag; longxx diyhh jiauww snuax-dingw jixsi liw ee kuanxsid laii juer.

9 Liw diyhh juer huerbo ee dniuu. Duu ee lamm bin ee lamsir, diyhh ing quer pangw ee iuwdue juer uii dirr jit vingg, dngg jit-vah dxng.

10 Ix ee tiau zi-jap qix, dangku zi-jap xee. Tiau ee qaux qapp hnuaiqnuaix, longxx diyhh ing ginn juer.

11 Vag bin iarr diyhh u uii, dngg jit-vah dxng. Ix ee tiau zi-jap qix, dangku zi-jap xee; tiau ee qaux qapp hnuaiqnuaix, longxx diyhh ing ginn juer.

12 Dniuu ee saix bin diyhh u uii, kuah go-jap dxng; uii ee tiau jap qix, ku jap xee.

13 Dniuu ee dangx bin ee dangsir kuah go-jap dxng.

14 Mngg jitt vingg ee uii diyhh jap-go dxng, uii ee tiau snax qix, ku snax xee.

15 Mngg hitt vingg ee uii iarr diyhh jap-go dxng, uii ee tiau snax qix, ku snax xee.

16 Dniuu ee mngg diyhh u mnglii, kuah zi-jap dxng, diyhh ing nraa sig, jxiw sig, ju'angg sig ee liau, qapp quer pangw ee iuwdue, ing siuwhuex ee qangx juer; tiau sir qix, ku sir xee.

17 Dniuu siwuii itcer ee tiau, longxx diyhh u ginn ee hnuaiqnuaix, ginn ee qaux, dangg ee ku.

18 Dniuu ee dngg jit-vah dxng, kuah dagg bin go-jap dxng, quann go dxng. Uii diyhh ing quer pangw ee iuwdue juer, ix ee ku longxx ing dangg juer.

19 Huerbo soxx ing dagg hxang ee kiwqu, qapp soxx dingr ee dxingx, ixqip dniuu-lai soxx dingr ee dingx, longxx diyhh ing dangg juer.

20 Liw diyhh huanhur Islaellangg, jiong' hitt xee uirdiyhh beh jiywqngx soxx keh cringx ee qnanaxiuu, tec laii hro liw, hro dingx siongsiongg diamw lehh.

21 Dirr huerbo diongx, huatqui jingg ee dniuwlii gua, Aalon qapp ix ee qniaw, dui' ehngx qaur tnix qngx diyhh dirr Jehovah binrjingg laii liaurliw; anxnix si juer Islaellangg dairdai ingxuanw ee le.

28 Liw diyh dui' Islaellangg ee diongqanx, hro liw ee hniax Aalon qapp ix hiaxee qniaw, dyrr si Nadab, Abihu, Eleazar, qapp Itamar, laii liw jiax, tangx juer jewsix, hogsai Guaw.

2 Liw diyhh qra liw ee hniax Aalon juer sxingr ee snxax, hro ix ingqngx qycc suiw.

3 Qycc diyhh huanhur itcer u diwhui :ee, dyrr si Guaw ing diwhui ee sinn soxx ciongmuaw ee langg, qra Aalon juer snxax, hunvet ix juer sxingr, tangx juer jewsix hogsai Guaw.

4 Inx soxx diyhh juer ee snxax, dyrr si voxquar, efod, guarpaur, u huex ee lairsnax, by, iyduar. Inx diyhh qra liw ee hniax Aalon qapp ix ee qniaw juer sxingr ee snxax, hro ix juer jewsix laii hogsai Guaw.

5 Inx diyhh ing qimx, qapp nraa sig, jxiw sig, ju'angg sig ee liau, qapp iuwdue juer.

6 Inx diyhh ing qimx, qapp jxiw sig, ju'angg sig ee liau, qapp quer pangw ee iuwdue, ing qikiauw ee qangx juer efod.

7 Diyhh u piqenx nng der, lenn dirr siangvingg, hro ix sna' lenn.

8 Efod dingxbin qikiauw ee qangx soxx jrid ee duar, diyhh qapp ix qangg jit ngiu ee juewhuad, hro ix sna' lenn juer jit xee; ing qimx, qapp nraa sig, jxiw sig, ju'angg sig ee liau, ixqip quer pangw ee iuwdue juer :ee.

9 Diyhh tec nng der angg bexlyw, dirr dingxbin kig Islael jiaxee qniaw ee miaa;

10 Lak xee miaa dirr jitt der vyxjiyc, qi'uu lak xee miaa dirr hitt der vyxjiyc, longxx jiauww inx cutsir ee cuwsu.

11 Diyhh ing kig vyxjiyc ee ciuxqangx, cincniu kig inr, jiauww Islael jiaxee qniaw ee miaa, kig jitt nng der vyxjiyc, zip dirr qimjy nirr.

12 Diyhh jiong' jitt nng der vyxjiyc, anx dirr efod ee piqenx dingw, uirr Islaellangg juer qiwliamrjiyc. Aalon diyhh dirr ngg xee qingtauu kngr inx ee miaa, dirr Jehovah ee binrjingg juer qiwliam.

13 Diyhh ing qimx juer nng der jxyy.

14 Qycc ing hyw qimx, cincniu pah syh-aw, laii juer nng diauu lren-aw, jiong' jiaxee pah jniaa ee lren-aw, anx dirr hiaxee jxyy nirr.

15 Liw diyhh ing qikiauw ee qangx, juer jit xee pnuawduanr ee voxquar; diyhh qapp efod qangg jit ngiu ee juewhuad, ing qimx, qapp nraa sig, jxiw sig, ju'angg sig ee liau, ixqip quer pangw ee iuwdue laii juer.

16 Voxquar diyhh si suwhongx :ee, auw siangx dingg; dngg jit liac, kuah jit liac.

17 Liw diyhh zip jiaxee vyxjiyc dirr ix ee dingxbin, u vyxjiyc sir jua. Jit jua si angg vyxjiyc, ngg gxik, ciah gxik, jex si derr id jua.

18 Derr zi jua si lxik vyxjiyc, nraa gxik, qimqongjiyc.

19 Derr snax jua si jxiw sig ee bexlyw, vec bexlyw, jxiw sig juixjnix.

20 Derr sir jua si cnix gxik, angg bexlyw, pikgik, jex lonxx diyhh zip dirr qimjy lai.

21 Jiaxee vyxjiyc jiauww Islael ee qniaw ee miaa, qiong jap-zi der, cincniu kig inr, muixx der kig jit xee miaa, uirdiyhh jap-zi jipair laii juer :ee.

22 Diyhh ing hyw qimx pah lren-aw, cincniu syh-aw, anx dirr voxquar.

23 Dirr voxquar diyhh juer nng xee qimkuann, jiong' jitt nng xee kuann anx dirr vowquar ee siangtauu.

24 Diyhh jiong' soxx pah hitt nng diauu qimlen-aw, lenn dirr voxquar siangtauu nng xee kuann.

25 Ing soxx pah nng diauu lren-aw ee siangtauu, lenn dirr nng xee jxyy, anx dirr efod piqenx ee taujingg.

26 Liw diyhh juer nng xee qimkuann, he dirr voxquar siangtauu ee qnii, qin efod ngr lai jitt vingg.

27 Qycc diyhh juer nng xee qimkuann, anx dirr efod piqenx erbin ee taujingg, uaw qin sna' lenn ee soxjai, dirr efod qikiauw ee qangx soxx jrid ee duar ee dingxbin.

28 Inx diyhh ing nraa sig ee iur duar, jiong' voxquar ee kuann qapp efod ee kuann vak snax lenn, hro ix liamm dirr efod qikiauw ee qangx soxx jrid ee duar, hro voxquar qapp efod byy lirpang.

29 Aalon zip sxingr sow ee sii, diyhh jiong' pnuawduanr ee voxquar soxx kig Islael ee qniaw ee miaa, duar dirr ix ee hxingx-jingg, dirr Jehovah ee binrjingg, siongsiongg juer qiwliam.

30 Liw diyhh jiong' Ulim qapp Tummim he dirr pnuawduanr ee voxquar lai; Aalon qaur Jehovah binrjingg ee sii, hiaxee diyhh dirr ix ee hxingx-jingg. Aalon diyhh dirr Jehovah ee binrjingg siongsiongg jiong' Islael ee pnuawduanr quar dirr hxingx-jingg.

31 Liw diyhh juer efod lairbin ee guarpaur, qui' niaw si nraa sig :ee.

32 Pxaur dingxbin ee duiwdiongx, diyhh uirdiyhh taukag lauu jit xee niaxkangx. Kangx ee jiuuii jitt niaxenn, cincniu jenwqah ee niaxkangx, benw did puar lic.

33 Pxaur jiuuii ee erkavoo, diyhh ing nraa sig, jxiw sig, ju'angg sig ee liau, juer siahliuu. Dirr pxaur jiuuii, siahliuu ee diongqanx, diyhh u qimhamlingg.

34 Jit liap qimhamlingg, jit liap siahliuu, dirr pxaur jiuuii ee erkavoo.

35 Aalon hogsai ee sii, diyhh cing jex. Ix zip sxingr sow qaur Jehovah binrjingg, ixqip cud .laii ee sii, u sniax tangx hro Guaw tniax .qnir, hro ix benw siw.

36 Diyhh ing hyw qimx juer jit xee vxaii, jiauww kig inr ee huatdo, kig dirr ix ee dingxbin, qongw, 'Juer sxingr qruix Jehovah.'

37 Dihh ing jit diauu nraa sig ee iur duar, jiong' ix vak dirr by-dingw, dyrr si dirr bo ee taujingg.

38 Jitt xee vxaii diyhh dirr Aalon ee tauhiac, hro Aalon damdngx singwmic ee jue, dyrr si Islaellangg, dirr itcer sxingr ee lexmic, soxx hunvet juer sxingr :ee; jitt xee vxaii diyhh siongsiongg dirr ix ee tauhiac, hro inx dirr Jehovah binrjingg did diyc jiaplap.

39 Diyhh ing iuwdue jrid u jua ee lairsnax; diyhh ing iuwduervor juer by; qycc ing siuwhuex ee qangx juer iyduar.

40 Liw diyhh qra Aalon jiaxee qniaw juer lairsnax, juer iyduar, juer vaux taukag ee qin'aw, hro inx ingqngx qycc suiw.

41 Diyhh jiong' jiaxee qra liw ee hniax Aalon qapp ix ee qniaw cing, qycc ing iuu buah inx, qniaa setlip ee lew, hunvet inx juer sxingr, hro inx juer jewsix laii hogsai Guaw.

42 Diyhh qra inx juer iuwduervor ee kor, ziax inx ee ertew; kor diyhh dui' iyx qaur duartuiw.

43 Aalon qapp ix ee qniaw zip huerbo, iacc si jiurqin dnxuaa, beh dirr sxingr sow hogsai ee sii, diyhh cing ix, benw did inx damdngx jue laii siw. Jex si beh qra Aalon qapp ix ee horer juer ingxuanw ee le.

29 Liw hunvet inx juer sxingr, juer jewsix hogsai Guaw, diyhh anxnix qniaa. Cruw jit jiah qangx :ee ee guu-aw, nng jiah byy hacuu qangx :ee ee mi'ngiuu,

2 Qycc byy-qnar-vniaw, qapp qiauw iuu ee byy-qnar-vniaw, qapp buah iuu byy qnar ee vyc vniaw, longxx diyhh ing hyw ee mirhunw juer :ee.

3 Jiaxee vniaw diyhh he dirr jit kax kingx, drew dirr kingx nirr duar .laii, qycc kanx hitt jiah qangx :ee ee guu qapp nng jiah qangx :ee ee mi'ngiuu laii.

4 Diyhh hro Aalon qapp ix hiaxee qniaw qaur huerbo ee mngkauw ing juiw qra inx sew.

5 Diyhh tec hiaxee ihok laii, jiong' lairsnax, qapp efod lairbin ee guarpaur, qapp efod, lenn voxquar hro Aalon cing; iarr ing qikaw ee qangx soxx jrid efod ee duar qra ix haa;

6 Ing by dir dirr ix ee taukag, jiong' sxingr ee benxliuu tac dirr by ee dingxbin.

7 Diyhh ing buah ee iuu dryr dirr ix ee taukag laii buah ix.

8 Diyhh hro ix ee qniaw laii, qra inx cing lairsnax.

9 Qycc ing duar haa Aalon qapp ix hiaxee qniaw, ing qin'aw qra inx vaux taukag. Inx jiauww ingxuanw ee le did diyc jewsix ee jithun; qycc diyhh qra Aalon qapp ix hiaxee qniaw qniaa setlip ee lew.

10 Liw diyhh kanx hitt jiah qangx ee guu qaur huerbo jingg; Aalon qapp ix hiaxee qniaw diyhh hnua ciuw dirr guu ee taukag dingw.

11 Liw diyhh dirr Jehovah ee binrjingg, dirr huerbo ee mngkauw, taii hitt jiah guu;

12 Cruw ix ee huih damrvyc, ing jngxtauu-aw buah dirr dnxuaa ee siwqag; jiong' huih longxx vniar dirr dnxuaa-kax nirr.

13 Diyhh jiong' itcer gnoxjong ee iuu, qapp qnuax-dingw ee bangrsex, qapp nng liap iyjiw, ixqip iyjiw ee iuu, longxx siyx dirr dnxuaa-dingw.

14 Dogdok guu ee bah, qapp ix ee puee, ix ee vunr, longxx diyhh ing huew siyx dirr ngiaa-gua. Jex si juer siogjuerjer.

15 Liw diyhh kanx jit jiah qangx :ee ee mi'ngiuu laii. Aalon qapp ix hiaxee qniaw diyhh hnua ciuw dirr hitt jiah ngiuu ee taukag dingw.

16 Diyhh taii hitt jiah ngiuu, jiong' ix ee huih hiur dirr dnxuaa ee siwuii.

17 Diyhh jiong' ngiuu ced jit der jit der, sew gnoxjong qapp tuiw, log dirr ced qui' der ee bah qapp tauu ee dingxbin.

18 Diyhh jiong' qui' jiah ngiuu siyx dirr dnxuaa-dingw. Jex si henr hro Jehovah ee siyjer, si pangx pangx ee, ing huew siyx hro Jehovah ee jrer.

19 Liw diyhh jiong' derr zi jiah qangx :ee ee mi'ngiuu kanx .laii. Aalon qapp ix hiaxee qniaw diyhh hnua ciuw dirr ngiuu ee taukag dingw.

20 Liw diyhh taii hitt jiah ngiuu, cruw ix ee huih damrvyc, buah dirr Aalon jniar vingg ee hni'axsuii, qapp ix jiaxee qniaw, jniar vingg ee hni'axsuii, qycc buah dirr inx jniar ciuw ee duarvorbuw, qapp jniar kax ee duarvorbuw; qycc jiong' huih hiur dirr dnxuaa ee siwuii.

21 Liw diyhh cruw dnxuaa-dingw ee huih damrvyc qapp buah ee iuu, hiur dirr Aalon qapp ix ee snxax, qycc hiur dirr ix ee qniaw qapp ix ee qniaw ee snxax; ix qapp ix ee snxax, ix ee qniaw qapp ix ee qniaw ee snxax, longxx hunvet juer sxingr.

22 Qycc diyhh cruw hitt jiah ngiuu ee iuu, qapp ix ee vuii ee buew, qapp kamr gnoxjong ee iuu, qapp qnuax-dingw ee bangrsex, nng liap iyjiw, ixqip iyjiw ee iuu, qapp jniar vingg ee tuiw (jex si jniaa setlip ee lew ee ngiuu);

23 Qycc dui' hitt kax he dirr Jehovah ee binrjingg drew byy-qnar-vniaw ee kingx-aw lai, tec jit der vniaw, jit der qiauw iuu ee vniaw, qapp jit der vec vniaw;

24 Longxx he dirr Aalon ee ciuw qapp ix ee qniaw ee ciuw, iyy dirr Jehovah ee binrjingg juer iyjer.

25 Liw diyhh dui' inx ee ciuw jrih .laii, siyx dirr dnxuaa-dingw siyjer ee dingxbin, juer pangx pangx dirr Jehovah ee binrjingg; jex si ing huew siyx hro Jehovah ee jrer.

26 Aalon siurr setlip ee lew soxx henr ee qangx :ee ee ngiuu, liw diyhh cruw ix ee hxingx, iyy dirr Jehovah ee binrjingg juer iyjer; jex si liw ee hunrgiac.

27 Qniaa setlip ee lew soxx henr ee qangx :ee ee ngiuu, hitt xee iyjer ee hxingx qapp quxjer ee tuiw, dyrr si soxx iyy :ee, soxx quxkiw :ee, liw diyhh hunvet ix juer sxingr, dyrr si sriok dirr Aalon qapp ix hiaxee qniaw :ee.

28 Jex diyhh juer Aalon qapp ix ee qniaxsunx dui' Islaellangg soxx did .diyc ingxuanw ee hunrgiac. In'ui si quxjer, diyhh dui' Islaellangg ving'anjer ee diongqanx juer quxjer, dyrr si inx henr hro Jehovah ee quxjer.

29 Aalon ee sxingr snxax diyhh lauu hro ix au dai ee qniaxsunx, tangx cing ix laii siurr buah iuu, iarr cing ix laii setlip.

30 Ix ee qniaw, hitt xee suawjiab ix drngx jewsix :ee, dagg vaiw zip huerbo, dirr sxingr sow hogsai ee sii, diyhh cing cid zit quw.

31 Qniaa setlip ee lew soxx henr :ee qangx :ee ee ngiuu ee bah, liw diyhh dirr sxingr ee soxjai juw ix.

32 Aalon qapp ix ee qniaw diyhh dirr huerbo ee mngkauw jiac jitt jiah ngiuu ee bah qapp kingx-aw lai ee vniaw.

33 Inx diyhh jiac soxx ing laii siogjue ee mic, hro inx damdngx jitbu, iarr hunvet inx juer sxingr; dogdok guarlangg m tangx jiac, iu'ui jex si sxingr mic.

34 Hitt xee qniaa setlip ee lew soxx henr :ee ee bah iacc si vniaw, narr u lauu qaur qeh jaxkiw :ee, liw diyhh jiong' soxx lauu :ee ing huew qra siyx, m tangx jiac, iu'ui si sxingr mic.

35 Liw diyhh jiauww Guaw itcer soxx huanhur :ee qniaa dirr Aalon qapp ix ee qniaw. Qniaa setlip ee lew diyhh cid zit quw.

36 Dagg zit diyhh henr qangx :ee ee guu jit jiah juer siogjuerjer; liw uirr dnxuaa siogjue ee sii dyrr hro ix cingkir, iarr diyhh qra ix buah iuu, hunvet ix juer sxingr.

37 Liw diyhh uirr dnxuaa siogjue cid zit quw, hro ix jniaa sxingr. Dnxuaa jniaa juer jiww sxingr, qniwnarr bongx diyc ix :ee longxx hunvet juer sxingr.

38 Liw soxx diyhh henr dirr dnxuaa nirr :ee si jiax :ee, dyrr si bue muaw nii ee ngiuu-aw nng jiah, dagg zit diyhh henr;

39 Jaxkiw-sii diyhh henr jit jiah, honghunx ee sii diyhh henr jit jiah.

40 Liw diyhh ing iur ee mihunw jit efah ee jap hxun jit, ing keh hyw ee iuu jit sringx, sir hxun jit juer quanwden.

41 Iauxqycc, hitt jiah ee ngiuu-aw diyhh dirr honghunx ee sii laii henr, diyhh jiauww jaxkiw-sii ee sowjer qapp quanwden ee lew laii qra liaurliw, juer pangx pangx, ing huew siyx, laii henr hro Jehovah ee jrer.

42 Jex beh dirr Jehovah ee binrjingg, dirr huerbo ee mngkauw, juer linw dagg sewdai siongsiongg henr ee siyjer. Guaw beh dirr hiax qapp linw sionghue, qapp liw qongxue.

43 Guaw beh dirr hiax qapp Islaellangg sionghue, huerbo dyrr beh in'ui Guaw ee ingqngx jniaa juer sxingr.

44 Guaw beh hro huerbo qapp dnxuaa juer sxingr, iarr beh hro Aalon qapp ix hiaxee qniaw juer sxingr, juer jewsix laii hogsai Guaw.

45 Guaw beh diamr dirr Islaellangg ee diongqanx, juer inx ee Siongrder.

46 Inx beh jaix Guaw si Jehovah, inx ee Siongrder, si cua inx cud Egipt-de, tangx hro Guaw diamr dirr inx diongqanx. Guaw si Jehovah, inx ee Siongrder.

30 Liw diyhh juer jit jxy dnxuaa, tangx siyx hniux; ing jyrqiapcaa qra juer,

2 Dngg jit dxng, kuah jit dxng, kuanxsid si suwhongx :ee, quann nng dxng; ix hiaxee qag diyhh qapp dnxuaa lenn juer jit der.

3 Dnxuaa qapp ix ee dingxbin, qapp ix ee siwuii, qapp ix hiaxee qag, longxx ing hyw qimx qra vaux; iarr diyhh dirr ix ee siwuii kiw qimsnuar.

4 Liw diyhh juer nng xee qimkuann anx dirr kiw snuar ee erbin, diyhh juer dirr dnxuaa ee siangvingg nng qix hnuaiqnuaix ee dingxbin, jiaxee kuann diyhh juer cngx qxngr ee loring, tangx qrngx dnxuaa.

5 Diyhh ing jyrqiapcaa juer qxngr, ing qimx qra qaux.

6 Liw diyhh ing dnxuaa he dirr uaw qin huatqui ee dniuwlii jingg, dirr huatqui dingw six xunx sow ee taujingg, dyrr si Guaw beh qapp liw sionghue ee soxjai.

7 Aalon dirr dnxuaa-dingw diyhh siyx pangliau soxx juer ee hniux, dagg jaxkiw jingxdunr dingx ee sii diyhh siyx ix.

8 Qaur honghunx Aalon diamw dingx ee sii, iarr diyhh siyx ix; jex si juer linw dagg sewdai dirr Jehovah ee binrjingg siongsiongg siyx ee hniux.

9 Dirr jitt xee dnxuaa-dingw m tangx henr vadd hy ee hniux, iarr m tangx henr siyjer qapp sowjer, iarr m tangx quanwden dirr ix ee dingxbin.

10 Aalon diyhh jit nii jit vaiw dirr dnxuaa-dingw ee qag siogjue. Ix jit nii jit vaiw diyhh ing siogjuerjer ee huih dirr dnxuaa-dingw siogjue, dagg sewdai diyhh anxnix. Jitt xee dnxuaa dirr Jehovah ee binrjingg juer jiww sxingr."

11 Jehovah huanhur Moses qongxx,

12 "Liw sngr Islaellangg ee langgiac, jiauww inx diongqanx soxx jnriu sngr :ee, liw sngr inx ee sii, inx dagg langg diyhh uirdiyhh qaqi ee sniwmia ing siogjue ee qewjnii henr hro Jehovah, benw did liw sngr inx ee sii, dirr inx diongqanx u jaieh.

13 Qniwnarr quer .kir, qruix dirr hiaxee jnirsngr :ee, dagg langg diyhh jiauww sxingr sow ee pingjunw tec cud go ginn.

14 Qniwnarr quer kir qruix dirr hiaxee jnriu sngr :ee, dui' zi-jap huer ixsiong :ee, diyhh jiong' jitt xee henr hro Jehovah.

15 Uirdiyhh sioghuee linw ee sniwmia, jiong' jitt xee henr hro Jehovah ee sii, hyxgiahlangg m tangx cud kacc je, songwhionglangg iarr m tangx cud kacc jiyw; dagg langg junw junw cud go ginn.

16 Liw diyhh dui' Islaellangg siux jitt xee sioghuee ee ginn, juer huerbo ee loring, tangx dirr Jehovah ee binrjingg, uirr Islaellangg juer qiwliam, laii sioghuee linw ee sniwmia."

17 Jehovah huanhur Moses qongxx,

18 "Liw diyhh ing dangg juer sexdng ee punn, ix ee jxy iarr diyhh ing dangg juer, tangx ing ix sexdng. Diyhh qra he dirr huerbo qapp dnxuaa ee diongqanx, lairbin diyhh drew juiw.

19 Aalon qapp ix ee qniaw beh dirr hiax sew inx ee ciuw, inx ee kax.

20 Inx zip huerbo, iacc si jiurqin dnxuaa-jingg hogsai, ing huexsiyjer hogsai Jehovah ee sii, diyhh ing juiw sew, benw did sixbyy.

21 Inx diyhh anxnix sew ciuw sew kax, benw did sixbyy; jex si juer inx dniardiyc ee le, dyrr si juer ix qapp ix ee horer dagg sewdai ingxuanw ee le."

22 Jehovah qycc huanhur Moses qongxx,

23 "Liw diyhh cruw siongrpinw ee hniuliau, dyrr si juanx ee bud'iyc, go-vah sekel, pangx ee ziogquir jidvnuar, dyrr si nng-vah go-jap, pangx ee ciongvoo nng-vah-go-jap,

24 Dimhniux go-vah, longxx jiauww sxingr sow ee pingjunw, qapp qnanaxiuu jit hin.

25 Liw diyhh ing ix juer tangx buah ee sxingr iuu, dyrr si jiauww juer pangbi ee hxuad diauhyy ix; si beh juer tangx buah ee sxingr iuu.

26 Diyhh ing jitt xee iuu buah huerbo qapp huatqui,

27 Dyh qapp dyh-dingw itcer ee kiwqu, dingdaii qapp dingdaii ee kiwqu, ixqip hniudnuaa,

28 Siyjer ee dnxuaa qapp ix itcer ee kiwqu, sexdng ee punn qapp ix ee jxy.

29 Liw diyhh hro inx juer sxingr, hro inx jniaa juer jiww sxingr; qniwnarr bongx diyc ix :ee longxx hunvet juer sxingr.

30 Liw diyhh ing iuu buah Aalon qapp ix hiaxee qniaw, hro inx juer sxingr, tangx juer jewsix laii hogsai Guaw.

31 Liw diyhh qra Islaellangg qongw, jitt xee iuu beh juer Guaw ee sxingr iuu, juer buah ee loring, qaur linw dagg sewdai.

32 M tangx dryr dirr langg ee sinkux, iarr m tangx jiauww jitt xee diauhyy ee hxuad juer qapp jitt xee sna' cincniu :ee. Jitt xee iuu si sxingr, linw iarr diyhh liac ix juer sxingr.

33 Qniwnarr diauhyy qapp jitt xee sna' cincniu, iacc si ing ix buah dirr guarlangg ee sinkux :ee, beh dui' ix ee vecsnir ee diongqanx siurr jenxduu."

34 Jehovah duiww Moses qongw, "Liw diyhh cruw pangx ee hniuliau dyrr si *naxdat, *dixhelik, *higvinaw. Jiaxee pangx pangx ee hniuliau, qapp cringx ee zuxhniux, dagg ngiu cinr vnii dang;

35 Liw diyhh ing jiaxee juer hniux, jiauww juer pangbi ee hxuad laii juer pangliau, ing iamm diauhyy, hro ix cingkir qycc sxingr.

36 Jitt xee hniux liw diyhh tec damrvyc, jringx hro ix iur, he dirr huerbo lai huatqui jingg. Guaw beh dirr hiax qapp liw sionghue; linw diyhh liac ix juer jiww sxingr.

37 Linw soxx juer ee hniux m tangx jiauww jitt xee diauhyy ee hxuad, uirdiyhh qaqi laii juer; linw diyhh liac ix juer sxingr, qruix dirr Jehovah.

38 Qniwnarr juer cincniu jitt kuanw ee hniux, rair beh pni pangx :ee, beh dui' ix ee vecsnir diongx siurr jenxduu."

31 Jehovah duiww Moses qongw,

2 "Knuar ar, Judah jipair, Hur ee sunx, Uli ee qniaw, Bezalel, Guaw ixqing’ jixmiaa laii diaur ix.

3 Guaw ing Siongrder ee sinn ciongmuaw ix, hro ix u diwhui, u cangmiaa, u jaibad, e juer dagg ngiu ee qangx,

4 E sniu cud qikiauw ee qangx, laii juer qimx, ginn, dangg, hiaxee mic; iarr e kig vyxjiyc zip dirr hitt lairdew;

5 Iarr e kig caa, e juer dagg ngiu qikiauw ee qangx.

6 Guaw iarr pair Dan ee jipair, Ahisamac ee qniaw, Oholiab, qapp ix snaqab juer; qniwnarr simlai u diwhui :ee, Guaw qycc sniuxsur diwhui dirr inx ee simx, hro inx e juer Guaw itcer soxx huanhur liw :ee,

7 Dyrr si huerbo, huatqui, qapp hitt dingxbin ee six xunx sow, ixqip vowvnii itcer ee kiwqu,

8 Dyh qapp dyh-dingw ee kiwqu, hyw qimx ee dingdaii qapp ix itcer ee kiwqu, ixqip hniudnuaa,

9 Siyjer ee dnxuaa qapp ix itcer ee kiwqu, ixqip sexdng ee punn qapp ix ee jxy;

10 Jingqongx ee ihok, jewsix Aalon ee sxingr snxax qapp ix ee qniaw ee snxax, hro inx juer jewsix laii hogsai;

11 Tangx buah ee iuu, ixqip sxingr sow soxx ing pangliau ee hniux; jiauww Guaw itcer soxx bingrling liw :ee, inx diyhh juer."

12 Jehovah huanhur Moses qongxx,

13 "Liw diyhh huanhur Islaellangg qongxx, linw dikkag diyhh siuw Guaw hiaxee Anhiyczit; in'ui jex si Guaw qapp linw ee diongqanx ee jingwqir, qaur dirr linw dagg sewdai, hro linw jiax Guaw dyrr si Jehovah, hro linw jniaa sxingr :ee.

14 Soxiw linw diyhh siuw Anhiyczit, in'ui si linw ee sxingr zit, qniwnarr huan diyc jitt zit :ee, diyhh hro ix siw; huanrnarr dirr jitt zit juer qangx :ee, diyhh dui' ix ee vecsnir diongx siurr jenxduu.

15 Lak zit diyhh juer qangx, dogdok derr cid zit si anhiyh ee dua zit, si Jehovah ee sxingr zit; huanrnarr dirr Anhiyczit juer qangx :ee, dikkag diyhh hro ix siw.

16 Soxiw Islaellangg diyhh siuw Anhiyczit, dairdai qinxsin jitt xee Anhiyczit, juer ingxuanw ee iog.

17 Jex si Guaw qapp Islaellangg diongqanx ingxuanw ee jingwqir; in'ui lak zit lai Jehovah congwjy tnide, derr cid zit dyrr hiyckunr laii cing'ingg."

18 Jehovah dirr Sinai Snuax qapp Moses qongxue bingvik, dyrr jiong' nng der iokvix hro ix, si Siongrder ing jngxtauu-aw siaw ee jiyhvix.

32 Vecsnir knuar qnir Moses encenn byy lyc snuax, vecsnir dyrr jurjip qaur Aalon hiax, duiww ix qongw, "Kiw .laii, qra guanw jrngx siongrder, tangx qniaa dirr guanw ee taujingg; in'ui hitt xee Moses, dyrr si cua guanw dui' Egipt-de cud .laii hitt xee langg, guanw m jaix ix duw diyc simxmih."

2 Aalon duiww inx qongw, "Linw ee bow, liw ee qniaw, jaboxqniaw, inx ee hni-aw soxx qruar ee qimkuann tangx qra vrag lyc laii tec laii hro guaw."

3 Vecsnir dyrr longxx vrag inx hni-aw nirr ee qimkuann, tec laii hro Aalon.

4 Aalon dui' inx ee ciuw jrih .laii, jur jit jiah guu-aw, ing ciamwdyx-aw diaukig ix. Inx dyrr qongw, "Islael ar, jex si liw ee siongrder, cua liw cud Egipt-de :ee."

5 Aalon knuar liauw, dyrr dirr guu-aw ee binrjingg kiw dnxuaa. Aalon qycc suanvor qongxx, "Binaxzit diyhh siuw jeh hogsai Jehovah."

6 Qeh zit cingjaw, inx kiw .laii, henr siyjer qapp ving'anjer; vecsnir dyrr jre lecc limjiac, kiw laii qunxciyr.

7 Jehovah duiww Moses qongw, "Kir ar, liw lyc .kir, in'ui liw ee vecsnir, dyrr si dui' Egipt-de cua .cud .laii .ee, ixqing’ vairhuai qaqi.

8 Inx qinw qinw lirkuix Guaw soxx huanhur inx ee lo, uirr qaqi jur jniaa jit jiah guu-aw, quirvair ix, henwjer hro ix, qongw, 'Islael ar, jex dyrr si cua liw cud Egipt-de ee siongrder.'

9 Guaw knuar jitt xee vecsnir, si amrqunw gni ee vecsnir.

10 Liw dnaxx cutjai Guaw, Guaw beh dua siurkir inx, bedbyy inx, ing liw jniaa juer dua qog."

11 Moses dyrr duiww ix ee Siongrder Jehovah qiujingg qongxx, "Jehovah ar, Liw sniaw su dua siurkir Liw ee vecsnir ar? Liw ee vecsnir, si Liw ing dua kuiwlat dua quanlingg ee ciuw, dui' Egipt-de cua .cud .laii .ee?

12 Sniaw su hro Egiptlangg u ue qongw, 'Ix cua inx cud .kir, si beh hai inx, qra inx hai siw dirr snuax-dingw, dui' derjniu dubet inx.' Qriuu liw huesimx dngxir, suah Liw ee dua siurkir, byy qangr jaieh hro Liw ee vecsnir.

13 Qiwliam Liw ee lovok Ablaham, Isaac, Islael, Liw bad qiw qaqi duiww inx jiuwjua qongxx, 'Guaw beh hro linw ee horer cincniu tnidingw ee cnxix hiacc je; qycc Guaw soxx qongw jitt xee juann de, Guaw beh sniuxsur inx ee horer, beh juer inx ingxuanw ee giap.'"

14 Dui' anxnix Jehovah tewhuew, byy qangr lyc Ix jingg soxx qongw ee jaieh hro Ix ee vecsnir.

15 Moses uat dngw srinx lyc snuax, ciuw tec nng der iokvix, jiaxee vxix nng bin longxx u siaxzi.

16 Vxix si Siongrder juer :ee, zri si Siongrder siaw :ee, kig dirr vxix nirr.

17 Josua jid'err tniax qnir vecsnir hanxhua ee sniax, dyrr duiww Moses qongw, "Dirr ngiaa-diongx u qaujenr ee sniax."

18 Ix qongw, "Guaw soxx tniax .qnir m si taii ngiaa diksingr ee sniax, iarr m si taii sux auqiyr ee sniax, si cniuwquax ee sniax."

19 Qniaa qin ngiavnuaa, knuar qnir guu-aw, qycc knuar qnir langg decc tiauwbuw, Moses dyrr dua siurkir, dui' ix ee ciuw hed nng der jiyhvix; jiyhvix jicdng dirr snuax-kax.

20 Qycc jiong' inx soxx jur ee guu-aw, ing huew siyx, gingw juer hunw, ia dirr juixbin, hro Islaellangg limx.

21 Moses duiww Aalon qongw, "Jitt xee vecsnir duiww liw juer simxmih, liw jiacc hro inx ham lyc dang jue?"

22 Aalon qongw, "Guaw ee jruw byc did dua siurkir, jiaxee vecsnir quat'ir juer pnaiw, si liw soxx jaix :ee.

23 Inx duiww guaw qongw, 'Liw qra guanw jrngx siongrder, tangx qniaa dirr guanw ee taujingg, in'ui hitt xee Moses, dyrr si cua guanw dui' Egipt-de cud .laii hitt xee langg, guanw m jaix ix duw diyc simxmih.'

24 Guaw duiww inx qongw, 'Qniwnarr qimx :ee, longxx qra vrag .kiw .laii.' Inx jiong' qimx hro guaw, guaw hed ix dirr huew nirr, jitt jiah guu-aw dyrr cud .laii."

25 Moses knuar qnir vecsnir hongwciongr, in'ui Aalon vangr cutjai inx, hro inx dirr duiwdik ee diongqanx siurr qicir,

26 Moses kia dirr ngiavnuaa ee mngg, qongw, "Jirjui uaw Jehovah :ee, tangx laii guaw jiax." Levilangg dyrr longxx jurjip dirr ix hiax.

27 Ix duiww inx qongw, "Jehovah, Islael ee Siongrder anxnix qongw, 'Linw dagg langg diyhh cah dyx dirr duartuiw nirr, ongxlaii dirr ngiaa-diongx, dui' jitt xee mngg qaur hitt xee mngg, dagg langg taii siw ix ee hniadi, qapp ix ee dangpnua, ixqip ix ee cuwvnix.'"

28 Levilangg jiauww Moses ee ue qniaa; hitt zit vecsnir diongx siw :ee iokliok snax-cingx langg.

29 Moses qongw, "Linw henr qaqi hro Jehovah, dagg langg qongqig ix ee qniaw, ix ee hniadi, qinaxzit did diyc Ix suwhog linw."

30 Quer zit Moses duiww vecsnir qongw, "Linw u huan dang jue. Guaw dnaxx beh jnriu kir Jehovah hiax, qiamxcaiw tangx qra linw siogjue."

31 Moses dyr dngw qaur Jehovah hiax, qongw, "Ai'ar, jitt xee vecsnir huan dang jue, uirr qaqi juer qimx ee siongrder.

32 Dnaxx cniaw Liw siawbenw inx ee jue; narr m, qriuu Liw dui' Liw soxx siaw ee ceh, cad kir guaw ee miaa."

33 Jehovah duiww Moses qongw, "Simxmih langg dikjue Guaw dyrr dui' Guaw ee ceh cad ix ee miaa.

34 Dnaxx liw kir cua jitt xee vecsnir kir Guaw soxx qra liw qongw ee soxjai. Knuar ar, Guaw ee suwjiaw beh qniaa dirr liw ee taujingg; dogdok qaur Guaw vanrjue ee zit, Guaw beh vran inx ee jue."

35 Jehovah qangr jaieh hro vecsnir, in'ui inx jy guu-aw, dyrr si Aalon soxx jy :ee.

33 Jehovah duiww Moses qongw, "Guaw bad jiuwjua ingwunw Ablaham, Isaac, qapp Jakob, qongw, 'Beh jiong' toxde sniuxsur liw ee horer.' Dnaxx liw kir ar, liw qapp liw dui' Egipt-de soxx cua .cud .laii ee vecsnir, diyhh dui' jiax jnriu kir hitt xee de.

2 Guaw beh crex suwjiaw dirr liw ee taujingg. Guaw beh qnuaw cud Kanaan, Amoli, Hit, Peliz, Hivi,

3 Jebus hiaxee jok, cua liw qaur lrauu linx qapp bit ee de. Guaw m qapp linw jnriu .kir, in'ui linw si amrqunw gni ee vecsnir; Guaw qniax e dirr lo nirr bedbyy liw."

4 Vecsnir tniax qnir jitt xee pnaiw siausid, dyrr inbun, byy langg jngtna.

5 Jehovah duiww Moses qongw, "Liw diyhh qra Islaellangg qongw, linw si amrqunw gni ee vecsnir, Guaw narr qaur linw diongqanx, jit bak nih quw, Guaw dikkag jaubet linw. Dnaxx diyhh jiong' linw sinkux ee jngtna vrag .kiw .laii, Guaw dyrr jaix Guaw beh jnaixngiu kuanxtai linw."

6 Islaellangg dui' dirr Holeb Snuax ixau, dyrr jiong' sinkux ee jngtna trngr .kiw .laii.

7 Moses jiong' vowvnii dah dirr ngiaa-gua, lirkuix ngiaa u hiacc hng. Ix cxingx jitt xee vowvnii juer huerbo, huanrnarr cuerqiuu Jehovah ee langg, dyrr qaur ngiaa-gua ee huerbo hiax.

8 Dng' Moses cud kir qaur vowvnii ee sii, jiongww vecsnir dyrr longxx kiw .laii, dagg langg kia dirr inx ee vowvnii kauw decc knuar Moses, qaur ix zip vowvnii.

9 Moses zip vowvnii ee sii, huntiau dyrr lyc .laii, kia dirr vowvnii ee mngg-jingg. Jehovah dyrr qapp Moses qongxue.

10 Jiongww vecsnir knuar qnir huntiau kia dirr vowvnii ee mngg-jingg, vecsnir dyrr longxx kiw .laii, dagg langg dirr inx ee vowvnii mngkauw quirvair.

11 Jehovah qapp Moses bin duiww bin qongxue, cincniu langg qapp ving'iuw qongxue jidvnua'ngiu. Moses dywdngw laii ngiaa-lai; dogdok qinsuii ix ee siauwlenlangg, Nun ee qniaw, Josua lirkuix vowvnii.

12 Moses duiww Jehovah qongw, "Knuar ar, Liw duiww guaw qongw, 'Jiong' jitt xee vecsnir cua .cud .kir', danrsi byy hro guaw jaix Liw beh crex jirjui qapp guaw snaqab kir. Jixu qongw, 'Guaw ing miaa qingxdiaur liw, liw dirr Guaw ee binrjingg iarr did diyc undenw.'

13 Guaw dnaxx narr dirr Liw ee binrjingg did diyc undenw, qriuu Liw jiong' Liw ee lo jixsi guaw, hro guaw bad Liw, tangx dirr Liw ee binrjingg did diyc undenw. Liw diyhh siauwliam jitt jok si Liw ee vecsnir."

14 Jehovah qongw, "Guaw beh cinsinx qapp liw kir, hro liw ving'anx."

15 Moses duiww Ix qongw, "Liw narr byy cinsinx qapp guaw kir, dyrr m tangx cua guanw dui' jiax jnriu .kir.

16 Dui' jnaixngiu e jaix, guaw qapp Liw ee vecsnir dirr Liw ee binrjingg did diyc undenw ? Qamxx m si dui' Liw qapp guanw snaqab kir, hro guaw qapp Liw ee vecsnir dirr derjniu banrvecsnir u hunvet mah?"

17 Jehovah duiww Moses qongw, "Liw soxx qongw jitt xee su, Guaw iarr beh juer ix; in'ui liw dirr Guaw ee binrjingg did diyc undenw, qycc Guaw ing miaa qingxdiaur liw."

18 Moses qongw, "Qriuu Liw hro guaw knuar qnir Liw ee ingqngx."

19 Ix qongw, "Guaw beh hro Guaw itcer ee unhui qingquer liw ee binrjingg, iarr suanvor Jehovah ee miaa dirr liw ee binrjingg. Guaw beh six xunx dirr Guaw soxx six xunx :ee, Guaw beh linbinw dirr Guaw soxx linbinw :ee."

20 Qycc qongw, "Liw be e knuar Guaw ee bin, in'ui byy langg e knuar qnir Guaw iauxx e uac."

21 Jehovah qongw, "Knuar ar, qin Guaw jiax u soxjai; liw diyhh kia dirr jiyhvnuaa dingw.

22 Dng' Guaw ee ingqngx qingquer ee sii, Guaw beh qra liw he dirr jiyhvnuaa pang-lai, ing Guaw ee ciuw ziax liw, tingwhau Guaw quer .kir.

23 Zen'au Guaw beh qiux Guaw ee ciuw dywdngw, liw dyrr e knuar qnir Guaw ee qajiac'au, danrsi berdid tangx knuar qnir Guaw ee bin."

34 Jehovah duiww Moses qongw, "Liw pah nng der jiyhvix, qapp ixjingg aw snadangg. Liw jingg soxx pah puar hiaxee vxix, hitt dingxbin ee zri, Guaw beh siw dirr jiaxee vxix.

2 Binaxjaxkiw liw diyhh virvan ven, tauwjaw liw diyhh jnriu Sinai Snuax, dirr hiax, dirr snuax buexliux, kia dirr Guaw ee binrjingg,

3 M tangx u langg qapp liw jnriu .laii. Venww snuax longxx m tangx knuar qnir u langg, dirr snuax-kax iarr m tangx hro guu-qrunn ngiuu-qrunn jiac cauw."

4 Ix dyrr pah nng der jiyhvix, qapp ixjingg aw snadangg. Moses tauwjaw kiw .laii, jiauww Jehovah soxx huanhur ix :ee, dyrr kir Sinai Snuax, ciuw nirr tec nng der jiyhvix.

5 Jehovah jre hunn limqaur, qapp ix kia dirr hiax, suanvor Jehovah ee miaa.

6 Jehovah dui' ix ee binrjingg qingquer, suanvor qongxx, "Jehovah, Jehovah si u linbinw, u undenw ee Siongrder, byy kuair siurkir, qycc u hongsing ee ju'air qapp singsit;

7 Uirr cingban ee langg jrunn ju'air, siawbenw juerquar, quewsit qapp juerog; quatduanr byy liac u jue :ee juer byy jue; beh quiqiu ix ee jue, dui' ve qaur qniaw, qaur sunx, qaur snax~sir dai."

8 Moses qinw qinw ngar lyc de qingwvair, qongw,

9 "Jruw ar, guaw narr did diyc undenw dirr Liw ee binrjingg, qriuu Jruw dirr guanw diongqanx snaqab qniaa; in'ui jex si amrqunw gni ee vecsnir; qycc qriuu Liw siawbenw guanw ee juerquar, qapp guanw ee juerog, liac guaw juer Liw ee sanxgiap."

10 Jehovah qongw, "Knuar ar, Guaw beh lip iog, beh dirr liw jiongww vecsnir ee binrjingg qniaa qibiau ee su, si tnie banrqog diongx soxx m bad qniaa .quer .ee. Dirr liw siwuii ee jiongww vecsnir, dyrr beh knuar qnir Jehovah ee soxx juer, in'ui Guaw duiww liw soxx qniaa :ee, si tangx qniax ee su.

11 Guaw qinaxzit soxx huanhur liw :ee, liw diyhh jipsiuw. Knuar ar, Guaw beh dui' liw ee binrjingg qnuaw cud Amoli, Kanaan, Hit, Peliz, Hivi, qapp Jebus hiaxee jok.

12 Liw qaqi qinxsin, m tangx qapp liw soxx kir hitt soxjai kiarkiw ee vecsnir lip iog, qniax e jniaa juer linw diongqanx ee lybang.

13 Diyhh tiah inx ee jewdnuaa, pah cruir inx diaukig ee tiau, cyr inx ee luxsinn Aselah.

14 M tangx qingwvair vadd xee Siongrder, in'ui Jehovah ee miaa cxingx juer dogjunx, Ix si dogjunx ee Siongrder.

15 Qniax liw qapp hitt soxjai kiarkiw ee vecsnir lip iog, inx duer inx ee siongrder qniaa sia'imm, jewsu inx ee siongrder, u langg qiyr liw, liw dyrr jiac ix ee jewmic,

16 Qycc qniax liw qra liw ee qniaw crua inx ee jaboxqniaw juer bow, inx ee jaboxqniaw duer inx ee siongrder qniaa sia'imm, hro liw ee qniaw iarr duer inx ee siongrder qniaa sia'imm.

17 Liw m tangx uirr qaqi juwjy jiaxee siongrder.

18 Liw diyhh siuw Duqnawjeh. Jiauww Guaw soxx huanhur liw :ee, dirr Abib Guec lai soxx dniardiyc ee zidqii, jiac byy-qnar-vniaw cid zit, in'ui liw dirr Abib Guec lai cud Egipt.

19 Qniwnarr tauu txex :ee, longxx si Guaw ee, itcer ee jingsnix taujuiw :ee, bylun si guu, si ngiuu, narr qangx :ee longxx si Guaw ee.

20 Taujuiw ee luu diyhh ing ngiuu-aw tewsiok; narr byy tewsiok, dyrr diyhh qongwjic ix ee amrqunw. Qniwnarr liw taujuiw ee qniaw, longxx diyhh sioghuee. Langg laii qnir Guaw, m tangx kangx ciuw.

21 Liw lak zit diyhh juer qangx, derr cid zit diyhh anhiyh; dirr jaijingr siuquah ee sii iarr diyhh anhiyh.

22 Bec kixtauu sik, siuquah ee sii, diyhh siuw Citcitjeh. Qycc dirr nii-buew, diyhh siuw siukngr ee jeh.

23 Liw itcer ee davodingx, diyhh jit nii snax vaiw laii qnir Jruw Jehovah, Islael ee Siongrder.

24 Guaw beh dui' liw ee binrjingg qnuaw cud guarvanglangg, kuikuah liw ee qingxqair. Liw jit nii snax vaiw jnriu kir qnir Jehovah, liw ee Siongrder ee sii, dikkag byy langg tamx liw ee toxde.

25 Liw m tangx jiong' Guaw ee singlew ee huih, camx u qnar ee mic laii henr; Vnuaquewjeh ee jewmic iarr m tangx lauu qaur quer jaxkiw.

26 De nirr derr id kixtauu sik ee mic, diyhh sangr qaur Jehovah, liw ee Siongrder ee cur. Juw snua'ngiuu-aw m tangx ing ix ee buw ee linx."

27 Jehovah duiww Moses qongw, "Liw diyhh siaw jiaxee ue. In'ui Guaw si jiauww jiaxee ue qapp liw ixqip Islael lip iog."

28 Moses qapp Jehovah dirr hiax sir-jap zit sir-jap mii, byy jiac vniaw byy limx juiw. Ix jiong' jitt xee iog ee ue, dyrr si jap diauu qaiwbing, siaw dirr nng der vxix.

29 Moses lyc Sinai Snuax ee sii, ix ee ciuw tec nng der iokvix. Ix lyc snuax ee sii, ix ee bin, in'ui Jehovah qapp ix qongxue, dyrr sria cud qngx; Moses qaqi m jaix.

30 Aalon qapp Islael jingwlangg knuar qnir Moses ee sii, knuar qnir ix ee bin sria cud qngx. Inx qniax, m qnaw uaw qin ix.

31 Moses qiyr inx laii, Aalon qapp hue-diongx jiaxee taulangg dyrr longxx dywdngw qaur ix hiax. Moses dyrr qapp inx qongxue.

32 Zen'au Islael jingwlangg longxx jinwjingg laii. Ix dyrr jiong' Jehovah dirr Sinai Snuax qapp ix soxx qongw itcer ee ue, longxx huanhur inx.

33 Moses qapp inx qongxue bingvik, dyrr ing vowpuer dah bin.

34 Danrsi Moses zip kir Jehovah binrjingg qapp Ix qongxue, vowpuer dyrr henx .kiw .laii, qaur ix cud .laii. Ix cud .laii ee sii, dyrr jiong' Jehovah soxx huanhur :ee qra Islaellangg qongw.

35 Islaellangg knuar qnir Moses ee bin sria cud qngx. Moses qycc ing vowpuer dah bin, tingwhau qaur ix zip kir qapp Jehovah qongxue, vowpuer dyrr henx .kiw .laii.

35 Moses jiyjip Islaellangg juann hue, duiww inx qongw, "Jehovah soxx huanhur ee ue, qiyr linw diyhh qniaa :ee, dyrr si jiaxee.

2 Lak zit diyhh juer qangx, derr cid zit si linw ee sxingr zit, si dua ee Anhiyczit, laii hogsai Jehovah. Huanrnarr dirr jitt zit juer qangx :ee, diyhh hro ix siw.

3 Dng' Anhiyczit, dirr linw dagg qingx cur-lai m tangx kiw huew."

4 Moses duiww juann hue qongw, "Jehovah soxx huanhur ee ue, si anxnix qongw,

5 'Linw diongqanx diyhh tec lexmic henr hro Jehovah; qniwnarr simx guan :ee. tangx tec ix laii, juer henr hro Jehovah ee lexmic;

6 Dyrr si qimx, ginn, dangg, nraa sig, jxiw sig, ju'angg sig ee liau, iuwdue,

7 Snua'ngiumngg, niw angg ee ngiuqangxpuee, haixqauxpuee,

8 Jyrqiapcaa, diamw dingx ee iuu, pangx ee liau, tangx juer buah ee iuu qapp panghniux,

9 Angg bexlyw qapp vadd ngiu ee vyxjiyc, tangx snriux dirr efod qapp voxquar.

10 Linw diongqanx qniwnarr simx u diwhui :ee, longxx diyhh laii juer Jehovah itcer soxx huanhur :ee,

11 Dyrr si huerbo, ix ee vowvnii, qapp ix ee quar, ix ee qaux, ix ee vxanw, ix ee hnuaii qxongg, ix ee tiau, ix ee ku;

12 Qxui, qapp ix ee qxngr, six xunx sow, qapp ziajac ee dniuwlii;

13 Dyh qapp ix ee qxngr, qapp ix ee kiwqu, qapp vailet ee vniaw;

14 Diamw qngx ee dingdaii qapp ix ee kiwqu, dingjnuaw qapp diamw qngx ee iuu;

15 Hniudnuaa qapp ix ee qxngr, buah ee iuu, qapp panghniux, ixqip huerbo ee mngg ee mnglii;

16 Siyjer ee dnxuaa qapp ix dangg ee bxang, qapp ix ee qxngr, ixqip ix itcer ee kiwqu, sexdng ee punn qapp ix ee jxy;

17 Dniuu ee dniuwuii, qapp ix ee tiau, inx ee ku, qapp dniumngg ee mnglii;

18 Huerbo soxx dingr ee dingx, qapp dniuu soxx dingr ee dingx, qapp ix ee syh;

19 Jingqongx ee ihok, dirr sxingr sow cing laii hogsai :ee, dyrr si jewsix Aalon ee sxingr snxax qapp ix ee qniaw ee snxax, cing laii damdngx jewsix ee jitbu."

20 Islaellangg juann hue dui' Moses ee binrjingg cud .kir.

21 Qniwnarr siurr qamxdong, dui' simx hnuahiw :ee, longxjongw laii, tec lexmic henr hro Jehovah, ing laii juer huerbo ee qangx, qapp itcer ee loring, iarr ing laii juer sxingr snxax.

22 Qniwnarr cud dirr simx hnuahiw :ee, davox, hurzinn longxx laii, dag'ee jiong' qimkir, dyrr si hxing-jingg ee vinxjiamx, hnirqaux, pah inr ee ciuxjiw, qapp ciuxkuann, henr hro Jehovah juer lexmic.

23 Qniwnarr langg u nraa sig, jxiw sig, ju'angg sig ee liau, iuwdue, snua'ngiumngg, niw angg ee ngiuqangxpuee, haixqauxpuee, longxx tec .kir.

24 Qniwnarr henr ginn qapp dangg juer lexmic :ee, longxx tec laii henr hro Jehovah; qniwnarr u jyrqiapcaa tangx juer simxmih loring :ee, iarr tec .laii.

25 Qniwnarr simlai u diwhui ee hurluw, cinciuw pangw snuar, jiong' soxx pangw ee nraa sig, jxiw sig, ju'angg sig ee liau, qapp iuwdue longxx tec .laii.

26 Qniww u diwhui ee simx siurr qamxdong ee hurluw, dyrr pangw snua'ngiumngg.

27 Jiaxee taulangg jiong' angg bexlyw qapp vadd ngiu ee vyxjiyc, tangx snriux dirr efod qapp voxquar :ee, longxx tec .laii.

28 Qycc tec hniuliau qapp iuu, tangx ing ix laii diamw dingx, juer buah ee iuu, juer pangx ee hniux.

29 Islaellangg, bylun lamluw, qniwnarr simx hnuahiw henr lexmic hro Jehovah :ee, longxx hnuahiw tec lexmic laii, juer Jehovah tokdiong Moses soxx huanhur inx juer itcer ee qangx.

30 Moses duiww Islaellangg qongw, "Linw knuar, Judah ee jipair Hur ee sunx, Uli ee qniaw Bezalel, Jehovah ixqing’ jixmiaa driaur ix.

31 Qycc ing Siongrder ee sinn ciongmuaw ix, hro ix u diwhui, u cangmiaa, u jaibad, e juer dagg ngiu ee qangx;

32 Qycc e sniu cud qikiauw ee qangx, laii juer qimx, ginn, dangg hiaxee mic,

33 Iarr e kig vyxjiyc laii zip dirr hitt lairdew; iarr e kig caa, e juer dagg ngiu qikiauw ee qangx.

34 Qycc hro ix qapp Dan ee jipair, Ahisamac ee qniaw Oholiab ee simx u lingkiaur, e qawsi langg.

35 Jiaxee langg, Ix ing diwhui ciongmuaw inx ee simx, hro inx e juer dagg ngiu ee qangx, bylun diaukig ee qangx, qikiauw ee qangx, ing nraa sig, jxiw sig, ju'angg sig ee liau, qapp iuwdue, siuwhuex :ee, jitvor :ee, dagg ngiu ee qangx longxx e juer, iarr e sniu cud qikiauw ee qangx.

36 Bezalel qapp Oholiab, qapp longxjongw simx u diwhui ee langg, dyrr si did diyc Jehovah sniuxsur diwhui cangmiaa hro inx jaix juer sxingr sow dagg ngiu loring ee qangx :ee, longxx diyhh jiauww Jehovah soxx huanhur :ee juer qangx."

2 Moses driaur Bezalel, Oholiab, qapp qniwnarr simx u diwhui ee langg laii, dyrr si Jehovah ing diwhui sniuxsur inx ee simx, inx ee simx siurr qamxdong laii juer qangx :ee.

3 Inx dui' Moses tec itcer ee lexmic, dyrr si Islaellangg uirdiyhh juer sxingr sow qapp lairbin soxx ing ee mic tec .laii .ee. Vecsnir dagg jaxkiw iuguann ing qamsimx henr ee lexmic tec laii hro ix.

4 Qniwnarr juer sxingr sow ee qangx jiaxee u diwhui ee langg, longxx jiamrtingg inx soxx juer ee qangx, laii duiww Moses qongw,

5 "Vecsnir soxx tec .laii .ee, viw Jehovah bingrling juer ee qangx soxx diyhh ing ee liau, quer gxiac u cunx."

6 Moses cutbing, inx dyrr dirr juann ngiaa suanvor, qongw, "Bylun lamluw, byc did qycc juer simxmih laii henr hro sxingr sow." Dui' anxnix joxjiw vecsnir byy qycc tec .laii.

7 In'ui inx soxu ee jailiau, qraur qxiac tangx juer itcer soxx diyhh juer ee qangx, suar u cunx.

8 Inx diongqanx qniwnarr simx u diwhui juer qangx :ee, ing jap vxag ee tent juer huerbo. Jiaxee tent si ing quer pangw ee iuwdue, qapp nraa sig, jxiw sig, ju'angg sig ee liau; iarr ing qikiauw ee qangx jrid jniaa qilorvingx.

9 Muixx vxag tent dngg zi-jap-veh dxng, kuah sir dxng; tent longxx si jidngiu ee cunwciyh.

10 Jitt go vxag tent, ix congr hro inx dagg vxag sna' lenn; hitt go vxag tent iarr dagg vxag sna' lenn.

11 Dirr jitt xee sna' lenn ee tent, lorbuew vxag ee vnix:a juer nraa sig ee liuxpanr; dirr hitt xee sna' lenn ee tent, lorbuew vxag vnix:a iarr anxnix juer.

12 Ix dirr jitt niaw tent juer go-jap xee liuxpanr, qycc dirr derr zi niaw tent sna' lenn ee vnix:a, iarr juer go-jap xee liuxpanr; liuxpanr longxx nng xee nng xee snaduir.

13 Qycc juer go-jap xee qimqaux, ing ix laii qra tent qaux sna' lenn; anxnix dyrr jniaa juer jit xee huerbo.

14 Ix qycc ing snua'ngiumngg jrid jap-id vxag ee tent, juer huerbo dingw ee vowvnii,

15 Muixx vxag tent dngg snax-jap dxng, kuah sir dxng; jap-id vxag tent longxx jidngiu ee cunwciyh.

16 Jiong' go vxag tent lenn juer jit vxag, qycc jiong' lak vxag tent lenn juer jit vxag.

17 Dirr jitt xee sna' lenn ee tent lorbuew vxag ee vnix:a, ix juer go-jap xee liuxpanr; dirr hitt xee sna' lenn lorbuew vxag ee vnix:a iarr juer go-jap xee liuxpanr.

18 Ix qycc juer go-jap xee dangqaux, hro vowvnii lenn juer jit xee.

19 Qycc ing niw angg ee ngiupuee juer vowvnii ee quar; qycc ing haixqauxpuee qruar dirr dingxbin.

20 Ix ing jyrqiapcaa juer huerbo kia ee vxanw.

21 Kia ee vxanw dngg jap dxng, kuah jit dxng vnuar.

22 Dagg der vxanw u nng xee sunw sna' vaii; huerbo itcer ee vxanw longxx jiauww anxnix juer.

23 Ix juer huerbo ee vxanw, lamvingg ee lamsir zi-jap der vxanw.

24 Dirr jiaxee zi-jap der vxanw ee erbin juer sir-jap xee ginku; jitt der vxanw ee erbin u nng xee ku laii cing ix nng qix sunw.

25 Huerbo derr zi bin, dyrr si vakbin, iarr juer vxanw zi-jap der, qapp inx ee ginku sir-jap xee.

26 Jitt xee vxanw ee erbin u nng xee ku, hitt xee vxanw ee erbin iarr u nng xee ku.

27 Huerbo ee aurbin, dyrr si saibin, iarr juer lak der vxanw.

28 Huerbo aurbin ee nng xee qaktauu, juer nng der vxanw.

29 Vxanw ee erdngg, nng xee snadangg, didqaur dingxbin derr id xee kuann longxx si qanngg :ee; nng xee qaktauu ee vxanw longxx si anxnix juer.

30 U veh xee vxanw, qapp jap-lak xee ginku; dagg der vxanw ee erbin u nng xee ku.

31 Ix ing jyrqiapcaa juer hnuaii qxongg; uirdiyhh huerbo jitt vingg ee vxanw juer go qix,

32 Uirdiyhh huerbo hitt vingg ee vxanw juer go qix, qycc uirdiyhh huerbo au saibin ee vxanw juer go qix.

33 Vxanw ee duiwdiongx hitt qix hnuaii qxongg, hro ix dui' jitt tauu qaur hitt tauu.

34 Vxanw ing qimx vaux, qycc juer vxanw ee qimkuann laii tyr qxongg; qxongg iarr ing qimx vaux.

35 Qycc ing nraa sig, jxiw sig, ju'angg sig ee liau, qapp quer pangw ee iuwdue jrid dniuwlii; jrid ee dniuwlii ing qikiauw ee qangx jrid jniaa qilorvingx laii juer :ee.

36 Qycc ing jyrqiapcaa uirdiyhh ix juer sir qix tiau, ing qimx qra ix vaux; inx ee qaux si qimx :ee; qycc uirdiyhh inx jur sir xee ginku.

37 Ing nraa sig, jxiw sig, ju'angg sig ee liau, qapp quer pangw ee iuwdue, ing siuwhuex ee qangx juer vowvnimngg ee mnglii,

38 Qapp ix go qix tiau, qapp inx ee qaux; inx ee tiaurdauw qapp hnuaiqnuaix ing qimx qra vaux; hitt go xee ku si dangg :ee.

37 Bezalel ing jyrqiapcaa juer qxui, dngg nng dxng vnuar, kuah dxng vnuar, quann dxng vnuar;

2 Lairgua ing hyw qimx qra vaux, siwuii kiw qimsnuar.

3 Dirr ix ee sir kax qra ix jur sir xee qimkuann, jitt vingg nng kuann, hitt vingg nng kuann.

4 Ing jyrqiapcaa juer nng qix qxngr, ing qimx qra vaux.

5 Jiong' qxngr cngx dirr qxui-vnix ee kuann-lai, tangx qrngx qxui.

6 Ing hyw qimx juer six xunx sow, dngg nng dxng vnuar, kuah dxng vnuar.

7 Ing qimx juer nng xee qilorvingx, ing ciax :ee ee hxuad juer, dirr six xunx sow ee siangtauu;

8 Jitt tauu jit xee qilorvingx, hitt tauu jit xee qilorvingx, nng xee qilorvingx dirr six xunx sow ee siangtauu qapp ix lenn juer jit der.

9 Nng xee qilorvingx quann quann tiw kuix sxit, ing inx ee sxit ziax six xunx sow, inx ee bin snaduir; qilorvingx ee bin ngar six xunx sow.

10 Ix ing jyrqiapcaa juer dyh, dngg nng dxng, kuah jit dxng, quann dxng vnuar;

11 Ing hyw qimx qra vaux, siwuii qra ix kiw qimsnuar.

12 Dyh ee siwuii qokk juer jit vajniuw kuah ee hnuaii nxiuu; hnuaii nxiuu dingw siwuii kiw qimsnuar.

13 Qra ix jur sir xee qimkuann, anx dirr ix ee sir kax ee sir qag.

14 Anx kuann ee soxjai uaw qin hnuaii nxiuu, tangx cngx qxngr laii qrngx dyh.

15 Ing jyrqiapcaa juer nng qix qxngr, ing qimx qra vaux, tangx qrngx dyh.

16 Iarr juer dyh-dingw ee kiwqu, ix ee vnuaa, nguaw, vann, vxuex, tangx laii quanwden, longxx ing hyw qimx juer.

17 Ix ing hyw qimx juer dingdaii; dingdaii ee jxy qapp diongtiau, ixqip ix ee vxuex, ix ee bak, ix ee huex, longxx ing pah :ee ee hxuad juer qui' jxy.

18 Ix ee vnix:a vunx cud lak qix; dingdaii ee jitt vingg u snax qix, dingdaii ee hitt vingg u snax qix.

19 Jitt vingg muixx qix u snax ee vxuex, kuanxsid cincniu hingrhuex, u bak u huex; hitt vingg muixx qix iarr u snax xee vuex, kuanxsid cincniu hingrhuex, u bak u huex; dui' dingdaii vunx cud ee lak qix longxx si anxnix.

20 Dingdaii ee tiau u sir xee vxuex, kuanxsid cincniu hingrhuex, u ix ee bak, qapp ix ee huex.

21 Nng qix ee erbin u jit bak qapp ix sna' lenn, qycc nng qix ee erbin u jit bak qapp ix sna' lenn, qycc nng qix ee erbin u jit bak qapp ix sna' lenn; dingdaii soxx cud ee lak qix longxx si anxnix.

22 Hiaxee bak qapp hiaxee qix longxx qapp ix lenn juer jit xee; longxx ing hyw qimx, jiauww pah ee hxuad juer.

23 Iarr qra ix juer cid xee dingjnuaw, longxx ing hyw qimx juer :ee.

24 Juer dingdaii qapp itcer ee kiwqu ing hyw qimx jit talent.

25 Ix ing jyrqiapcaa juer hniudnuaa, dngg jit dxng, kuah jit dxng, kuanxsid suwhongx :ee; quann nng dxng; ix hiaxee qag qapp dnxuaa lenn juer jit der.

26 Dnxuaa qapp ix ee dingxbin, qapp ix ee siwuii, qapp ix hiaxee qag, longxx ing hyw qimx qra vaux, iarr dirr ix ee siwuii kiw qimsnuar.

27 Qycc qra ix juer nng xee qimkuann, anx dirr kiw snuar ee erbin, dirr dnxuaa ee siangvingg nng qix hnuaiqnuaix ee dingxbin; jiaxee kuann si juer cngx qxngr ee loring, tangx qrngx dnxuaa.

28 Ing jyrqiapcaa juer qxngr, ing qimx qra vaux.

29 Qycc jiauww juer pangbi ee hxuad juer tangx buah ee sxingr iuu, qapp pangliau cingqed ee hniux.

38 Ix ing jyrqiapcaa juer siyjer ee dnxuaa, dngg go dxng, kuah go dxng, jitt xee dnxuaa si suwhongx :ee, quann snax dxng.

2 Dirr dnxuaa ee sir qaktauu juer sir qix qag, qapp dnxuaa sna' lenn juer jit xee, ing dangg qra vaux.

3 Qycc juer dnxuaa itcer ee kiwqu, ix ee punn, tuc'aw, vnuaa, cxex, huexdniaw; itcer ee kiwqu longxx ing dangg juer.

4 Qycc uirdiyhh dnxuaa ing dangbang juer jit xee jann, anx dirr dnxuaa sir bin uiiyvanw ee erbin, hro ix taur qaur dnxuaa ee vnuar iyx.

5 Uirdiyhh dangg ee jann ee sir qag jur sir xee kuann, juer cngx qxngr ee loring.

6 Ing jyrqiapcaa juer qxngr, ing dangg qra vaux.

7 Jiong' qxngr cngx dirr dnxuaa siangvingg ee kuann-lai, ing ix laii qrngx dnxuaa, iarr ing vxanw juer dnxuaa, dnxuaa si kangkag.

8 Ix ing dangg juer sexdng ee punn, qapp dangjy, si ing huerbo mngg-jingg juer qangx ee hurzinlangg ee dangqniar juer :ee.

9 Ix juer huerbo ee dniuu. Hitt xee dniuu ee lamsir, ing quer pangw ee iuwdue juer uii, jit-vah dxng.

10 Uii ee tiau zi-jap qix, dangg juer ee ku zi-jap xee. Tiau ee qaux qapp hnuaiqnuaix si ing ginn juer :ee.

11 Vag bin iarr jit-vah dxng, uii ee tiau zi-jap qix, dangg juer ee ku zi-jap xee; tiau ee qaux qapp hnuaiqnuaix si ing ginn juer :ee.

12 Saix bin u uii go-jap dxng, uii ee tiau jap qix, ku jap xee; tiau ee qaux qapp hnuaiqnuaix si ing ginn juer :ee.

13 Dangbin ee dangsir go-jap dxng.

14 Mngg jitt vingg ee uii jap-go dxng, uii ee tiau snax qix, u ku snax xee.

15 Hitt vingg iarr si anxnix; dniumngg ee jyxiu, qokk u uii jap-go dxng; uii ee tiau snax qix, ku snax xee.

16 Dniuu sir bin ee dniuwuii longxx si ing quer pangw ee iuwdue juer :ee.

17 Tiau ee ku si dangg :ee, tiau ee qaux qapp hnuaiqnuaix si ginn :ee; dniuu longxjongw ee tiau si ing ginn ee hnuaiqnuaix cing sna' lenn :ee.

18 Dniumngg ee mnglii si ing siuwhuex ee qangx, ing nraa sig, jxiw sig, ju'angg sig ee liau qapp quer pangw ee iuwdue juer :ee; dngg zi-jap dxng, quann go dxng, qapp dniuu ee uii sna' puer.

19 Inx ee tiau sir qix, dangg ee ku sir xee, tiau ee qaux si ginn :ee, tiaurdauw si ginn vaux :ee, hnuaiqnuaix si ginn :ee.

20 Huerbo ixqip dniuu-lai siwuii soxx dingr ee dingx, longxx si dangg :ee.

21 Jitt xee huerbo si jingwqir ee huerbo. Hitt diongqanx Levilangg soxx beh ing mihqnia ee jongxgiac, si jiauww Moses soxx huanhur, qingquer jewsix Aalon ee qniaw, Itamar ee ciuw soxx sngr :ee.

22 Qniwnarr Jehovah soxx huanhur Moses :ee, Judah ee jipair, Uli ee qniaw, Bezalel longxx qra juer.

23 Qapp ix snaqab juer :ee, u Dan ee jipair, Ahisamac ee qniaw, Oholiab, ix si gauu diaukig, qycc qikiauw ee saihu, qycc e ing nraa sig, jxiw sig, ju'angg sig ee liau qapp iuwdue laii siuwhuex.

24 Juer sxingr sow itcer ee qangx soxx ing ee qimx, dyrr si langg soxx henr ee qimx, jiauww sxingr sow ee pingjunw, u zi-jap-qauw talent, qycc cid-vah snax-jap sekel.

25 Hue-diongx siurr sngr ee langg soxx cud ee ginn, jiauww sxingr sow ee pingjunw, u jit-vah talent, qycc jit-cingx cid-vah cid-jap-go sekel.

26 Qniwnarr quer kir qruix dirr hiaxee quer sngr :ee, dui' zi-jap huer ixsiong, u lak-jap-bxan lenn snax-cingx go-vah go-jap langg, jiauww sxingr sow ee pingjunw, dagg langg cud ginn vnuar sekel, dyrr si jit beka.

27 Ing hitt xee jit-vah talent ee ginn, jur sxingr sow ee ku, qapp dniuwlitiau ee ku; jit-vah talent juer jit-vah xee ku, jit xee ku ing jit talent.

28 Ing hitt xee jit-cingx cid-vah cid-jap-go sekel ee ginn, juer tiau ee qaux, iarr vaux tiaurdauw, iarr juer ix ee hnuaiqnuaix.

29 Soxx henr ee dangg, u cid-jap talent, qycc nng-cingx sir-vah sekel.

30 Ing jitt xee dangg juer huerbo ee mngg ee ku, qapp dangdnuaa, qapp ix ee dangbang ee jann, qapp dnxuaa longxjongw ee kiwqu,

31 Ixqip dniuu siwuii ee ku, qapp dniumngg ee ku, qapp huerbo longxjongw soxx dingr ee dingx, qapp dniuu siwuii soxx dingr ee dingx.

39 Inx ing nraa sig, jxiw sig, ju'angg sig ee liau juer jingqongx ee ihok, dirr sxingr sow decc cing laii hogsai, qycc qra Aalon juer sxingr snxax, si jiauww Jehovah soxx huanhur Moses :ee.

2 Ix ing qimx qapp nraa sig, jxiw sig, ju'angg sig ee liau, qapp quer pangw ee iuwdue, juer efod.

3 Inx jiong' qimx duii juer vyc pnir, jenw juer snuar, camx dirr nraa sig, jxiw sig, ju'angg sig ee liau, ham' iuwdue, ing qikiauw ee qangx laii juer.

4 Qycc qra ix juer piqenx laii lenn, hro ix siangvingg sna' lenn.

5 Hitt dingxbin qikiauw ee qangx ee jitt xee duar, soxx ing laii haa :ee, qapp efod qangg jit ngiu ee juewhuad, qapp ix lenn juer jit der, ing qimx qapp nraa sig, jxiw sig, ju'angg sig ee liau, qapp quer pangw ee iuwdue laii juer; jiauww Jehovah soxx huanhur Moses :ee.

6 Qycc diaudog angg bexlyw zip dirr qimjy nirr, jiauww kig inr ee hxuad, kig Islael hiaxee qniaw ee miaa dirr hitt dingxbin;

7 Anx dirr efod ee piqenx, uirr Islaellangg juer qiwliam ee jiyc; jiauww Jehovah soxx huanhur Moses :ee.

8 Ix ing qikiauw ee saihu ee ciuxqangx juer voxquar, qapp efod qangg jit ngiu ee juewhuad; ing qimx, qapp nraa sig, jxiw sig, ju'angg sig ee liau, qapp quer pangw ee iuwdue juer :ee.

9 Voxquar si suwhongx :ee, auw juer siangdingg; dngg jit liac, kuah jit liac, si siangdingg :ee.

10 Dingxbin zip vyxjiyc sir jua, jit jua si angg vyxjiyc, ngg gxik, angg gxik; jex si derr id jua.

11 Derr zi jua si lik vyxjiyc, nraa vyxjiyc, qimqongjiyc.

12 Derr snax jua si jxiw sig ee bexlyw, vec sig ee bexlyw, jxiw sig ee juixjnix.

13 Derr sir jua si lxik gxik, angg bexlyw, pikgik; jiaxee longxx zip dirr qimjy lai.

14 Jiaxee vyxjiyc jiauww Islael ee qniaw ee miaa, qiong jap-zi der, cincniu kig inr, muixx der kig jit xee miaa, uirdiyhh jap-zi jipair laii juer :ee.

15 Inx ing hyw qimx pah lren-aw, cincniu syh-aw, anx dirr voxquar.

16 Inx qycc juer nng xee qimjy qapp nng xee qimkuann, jiong' jitt nng xee kuann anx dirr voxquar ee siangtauu.

17 Jiong' soxx pah hitt nng diauu qimlen-aw, lenn dirr siangtauu nng xee kuann.

18 Ing soxx pah nng diauu lren-aw ee siangtauu, lenn dirr nng xee jxy, anx dirr efod ngr lai hitt vingg.

19 Qycc juer nng xee qimkuann, he dirr voxquar siangtauu ee qnii, qin efod ngr laii hitt vingg.

20 Qycc juer nng xee qimkuann, anx dirr efod piqenx erbin ee taujingg, uaw qin sna' lenn ee soxjai, dirr efod qikiauw ee qangx soxx jrid ee duar ee dingxbin.

21 Inx ing nraa sig ee iur duar, jiong' voxquar ee kuann qapp efod ee kuann vak sna' lenn, hro ix liamm dirr efod qikiauw ee qangx soxx jrid ee duar, hro voxquar qapp efod byy lirpang; si jiauww Jehovah soxx huanhur Moses :ee.

22 Ix ing jitvor ee qangx juer efod lairbin ee guarpaur, qui' niaw si nraa sig.

23 Pxaur ee duiwdiongx juer jit xee niaxkangx; kangx ee jiuuii jrid niaxenn, cincniu jenwqah ee niaxkangx, benw did puar lic.

24 Pxaur ee erkavoo, ing nraa sig, jxiw sig, ju'angg sig ee liau, qapp quer pangw ee iuwdue, juer siahliuu.

25 Qycc ing hyw qimx juer hamlingg, ing hamlingg qnaa siahliuu, he dirr pxaur siwuii ee erkavoo, siahliuu ee diongqanx;

26 Jit liap hamlingg jit liap siahliuu, jit liap hamlingg, jit liap siahliuu, dirr pxaur siwuii ee erkavoo, tangx cing laii hogsai; si jiauww Jehovah soxx huanhur Moses :ee.

27 Inx ing jrid jniaa ee iuwduervor, qra Aalon qapp ix hiaxee qniaw juer lairsnax.

28 Iarr juer iuwduervor ee by, qapp iuwduervor suiw suiw vaux taukag ee qin'aw, ing quer pangw ee iuwduervor juer kor.

29 Qycc ing quer pangw ee iuwdue qapp nraa sig, jxiw sig, ju'angg sig ee liau, ing siuwhuex ee ciuxqangx, juer iyduar; si jiauww Jehovah soxx huanhur Moses :ee.

30 Inx ing hyw qimx juer sxingr ee benxliuu ee vaii, jiauww kig inr ee hxuad, kig zri dirr hitt dingxbin, qongw, "JUER SXINGR QRUIX JEHOVAH".

31 Qycc ing nraa sig ee duar, jiong' vaii vak dirr by-dingw; si jiauww Jehovah soxx huanhur Moses :ee.

32 Dui' anxnix jurjip ee huerbo itcer ee qangx longxx juer bingvik, huanrnarr Jehovah soxx huanhur Moses :ee, Islaellangg jiauww anxnix juer.

33 Inx sangr qaur Moses hiax :ee, dyrr si huerbo, vowvnii, qapp longxjongw ee kiwqu, ix ee qaux, vxanw, qxongg, tiau, ku;

34 Niw angg ee ngiuqangxpuee ee quar, haixqauxpuee ee quar,

35 Qapp ziajac ee dniuwlii, huatqui qapp ix ee qxngr, qapp six xunx sow;

36 Dyh qapp ix longxjongw ee kiwqu, qapp vailet ee vniaw;

37 Hyw qimx ee dingdaii, qapp ix ee dingjnuaw, dyrr si vailet ee dingjnuaw, qapp ix longxjongw ee kiwqu, qapp diamw qngx ee iuu;

38 Qimdnuaa, buah ee iuu, pangx ee hniuliau, vowvnimngg ee mnglii;

39 Dangdnuaa, qapp ix longxjongw ee kiwqu, sexdng ee punn qapp ix ee jxy,

40 Dniuu ee dniuwuii qapp ix ee tiau, ix ee ku, dniumngg ee mnglii, ing ee syh, dingr ee dingx, qapp vowvnii, qapp huerbo lai itkair juer loring ee kiwqu;

41 Jingqongx ee ihok, dirr sxingr sow decc cing laii hogsai :ee, qapp jewsix Aalon ee sxingr snxax, ixqip ix ee qniaw, juer jewsix laii hogsai :ee ee snxax.

42 Islaellangg jiauww Jehovah soxx huanhur Moses itcer ee ue, juer itcer ee qangx.

43 Moses knuar qnir itcer ee qangx. Knuar ar, inx ixqing’ juewjniaa, jiauww Jehovah huanhur :ee anxnix juer. Moses dyrr qra inx jiokhog.

40 Jehovah huanhur Moses qongxx,

2 "Jniax-guec ceid, liw diyhh kiw jurjip ee huerbo.

3 Liw diyhh he huatqui dirr hitt lairbin, ing dniuwlii qra ziajac.

4 Qrngx dyh zip .kir, vaised dingxbin ee mic; qrngx dingdaii zip .kir, diamw ix ee dingx.

5 Qrngx siyhniux ee qimdnuaa, he dirr huatqui dingw, qruar huerbo ee mngg ee mnglii.

6 Jiong' siyjer ee dnxuaa, he dirr jurjip ee huerbo ee mngg-jingg.

7 Jiong' sexdng ee punn, he dirr huerbo qapp dnxuaa ee diongqanx, drew juiw dirr punn-lai.

8 Qycc dirr siwuii kia dniuwuii, qruar dniumngg ee mnglii.

9 Ing buah ee iuu buah huerbo, qapp qidiongx huanrr soxx u :ee, hunvet ix qapp lonxjongw ee kiwqu juer sxingr; ix dyrr juer sxingr.

10 Qycc buah siyjer ee dnxuaa, qapp ix longxjongw ee kiwqu, hunvet dnxuaa juer sxingr; dnxuaa dyrr juer jiww sxingr.

11 Iarr diyhh buah sexdng ee punn, hunvet ix juer sxingr.

12 Qycc diyhh cua Aalon qapp ix hiaxee qniaw, qaur huerbo ee mngg-jingg, ing juiw qra inx sew.

13 Iarr qra Aalon cing sxingr snxax, qycc ing iuu qra buah, hunvet ix juer sxingr, hro ix juer jewsix laii hogsai Guaw.

14 Qycc cua ix hiaxee qniaw laii, qra inx cing lairpaur.

15 Diyhh qra inx buah iuu, cincniu buah inx laurve jidngiu, hro inx juer jewsix laii hogsai Guaw; inx siurr buah iuu beh ingxuanw juer jewsix, qaur dagg sewdai."

16 Moses anxnix qniaa, longxx si jiauww Jehovah soxx huanhur ix :ee laii qniaa.

17 Derr zi nii Jniax-guec ceid, huerbo dyrr kia .kiw .laii.

18 Moses kia huerbo, he hiaxee ku, kia hiaxee vxanw, cngx hiaxee hnuaii qxongg, kia hiaxee tiau.

19 Dirr huerbo dingw dah vowvnii, jiong' vowvnii ee quar, kamr dirr ix ee dingxbin, si jiauww Jehovah soxx huanhur Moses :ee.

20 Qycc ing ludhuad he dirr qxui-lai, ing qxngr cngx dirr qxui nirr, he six xunx sow dirr qxui-dingw.

21 Qrngx qxui zip huerbo, quar ziajac ee dniuwlii, ziajac huatqui, si jiauww Jehovah soxx huanhur Moses :ee.

22 Qycc jiong' dyh he dirr huerbo lai, dirr huerbo ee vaksir, dirr dniuwlii gua;

23 Hitt dingxbin ing vniaw vaii dirr Jehovah ee binrjingg; si jiauww Jehovah soxx huanhur Moses :ee.

24 Qycc he dingdaii dirr huerbo lai, qapp dyh sna' duir, dirr huerbo ee lamvingg.

25 Dirr Jehovah ee binrjingg diamw dingx; si jiauww Jehovah soxx huanhur Moses :ee.

26 Qycc he qimx dnxuaa dirr huerbo lai ee dniuwlii jingg;

27 Dirr hitt dingxbin siyx pangliau ee hniux; si jiauww Jehovah soxx huanhur Moses :ee.

28 Qycc qruar huerbo mngg ee mnglii.

29 Dirr jurjip ee huerbo mngg-jingg, he siyjer ee dnxuaa, jiong' siyjer qapp sowjer henr dirr hitt dingxbin; si jiauww Jehovah soxx huanhur Moses :ee.

30 He sexdng ee punn dirr huerbo qapp dnxuaa ee diongqanx, punn-lai drew juiw, tangx sexdng.

31 Moses qapp Aalon qapp ix hiaxee qniaw, dirr hiax sew ciuw sew kax.

32 Inx zip huerbo ee sii, iacc si jiurqin dnxuaa ee sii, diyhh sew; si jiauww Jehovah soxx huanhur Moses :ee.

33 Dirr huerbo qapp dnxuaa ee siwuii, kia dniuwuii, iarr qruar dniuwuimngg ee mnglii; anxnix Moses dyrr uanqangx.

34 Hitt sii hunn ziakamr huerbo, Jehovah ee ingqngx ciongmuaw huerbo.

35 Moses be e zip huerbo, in'ui hunn tingg dirr hitt dingxbin; qycc Jehovah ee ingqngx ciongmuaw dirr huerbo.

36 Hunn dui' huerbo siux .jnriu .kir ee sii, Islaellangg dyrr kixsinx qniaa inx ee lorjam.

37 Hunn narr byy siux .jnriu .kir, inx dyrr byy kixsinx qniaa, diddit qaur hunn siux .jnriu .kir.

38 Zit .sii Jehovah ee hunn dirr huerbo dingw, mii .sii hitt diongqanx u huew, dirr Islael juann qrex ee bagjiux jingg; dirr inx soxx qniaa ee lorjam longxx si anxnix.

huedngw tauu iac