JINGVOW
ZINQONGX HOKIB
Jiong’ langg ee lat vangjan vnirlangg hokib, henrqimx kacc siongg si jiauww Schafer .sri ee huatdo. Ixee hxuad cincniu erbin soxx qiwjair.
Qiur sriu diyc imjuiw ee langg, cud juiw liauxau, diyhh liamvnix jiong’ ix ee singkux hro pag dirr de nirr, qajiah ngr dirr dingxbin, ciuw crunx kuix, taukag dryr damr, bin jidvnuar ing vnirlangg ee ciuw hro taukag kuer lehh, hro cuir li too. Snxax, qapp iyduar diyhh vangr ling. Zen’au puac dirr ix ee singkux, qui dirr de nirr, acc si qui dirr vnix:a; bin ngr vnirlangg ee taukag. Ing siangx ciuw hnua dirr vnirlangg hxingx-au cavutdyx dirr derr 10-12 qix ee hiabqud ee soxjai. Anxnix jiong’ ciuw crunx dit, singkux pag lehh, hro singkux ee dangrliong lyc lecc dirr vnirlangg qajiah ee harvo, cincniu derr 489 doo. Jitt xee huatdo e hro vnirlangg hox cud, narr kiwqngw-lai u juiw iarr e vangjan ix hox cud.
Decc deh ee sii, ban ban sngr 1, 2, 3; sngr liauw suisii jiurr jiong’ singkux unn unn aw trer kacc aurbin, mrbenw cic dirr ix ee singkux; jongw .si nn gqix ciuw; iuguann lauu hnua dirr hxingx-au ee vnix:a, cincniu derr 503 doo. Anxnix qiuwqipjiaw narr tewau, kongkir e zip dirr vnirlangg ee hir-lai; qycc unn unn aw sngr 1, 2; sngr liauw, qycjaiww jiauww jingg ee hxuad ee cuwsu.
Muixx hunjingx jiong’ jitt xee hxuad, iokk uaw 15 vaiw, narr qaur vnirlangg qaqi hokib huad kiw, cetced byc did tingjiw, tingwhau ix huatsnix ee liauxau, u jiauww cursu, hitt sii jiacc tangx tingjiw jitt xee hxuad. Diyhh sewzi jiauwqor, setsuw hokib siyxkuaw qycc tingjiw, iuguann diyhh jiauww jingg ee hxuad qycjaiww juer, jiaxx e ing .did.
Qniwnarr juer zinqongx hokib ee huatdo, bylun vnirlangg si imjuiw, acc si diongwdok, dikkag diyhh liamvnix jiong’ jitt xee huatdo laii juer, m tangx encenn. Cetced byc did dairsingx ngua ix ee ijniuu, laii drir qaur gro liauw quewsii. Vnirlangg u hokib liauxau, jiacc tangx suisir hro ix dyw lecc kunr, zen’au jiacc ing huatdo hro ix ee singkux e siyxly, qapp vangjan ix ee huicsunkuann.
Narr qanda’ qaqi jit langg, byy jorciuw jiurr juanbu congr ho ix hokib, hro vnirlangg hokib huatsingx, jurzenn jueww derr id iauwqinw. Narr u jorciuw jiurr duartuiw ee diongqanx, nng vingg qyc’e, qapp kax dingxbin jiaxee soxjai, vnivnii longxx tangx ing siyx ee mic, cincniu siyx ee hipvor, acc si siyjuixquanr jiaxee. Jongw .si m tangx tingjiw zinqongx hokib ee huatdo. Tingwhau ixqingx u hokib liauxau, jiacc tangx jiong’ damm snxax ngua .kiw .laii. Narr u jorciuw jiurr diyhh qiyr ix liamvnix qra vnirlangg ngua snxax, jiong’ siyx ee tanxax qah lehh.
Vnirlangg diyhh siongser kanwho, jing jing dyw jit diamxjingx quw, narr byy sriu isingx unxjunw, m tangx cutjai ix ee iwsur lirkuix .kir. Qycc decc juer zinqongx hokib ee sii, m tangx juer quiw hunjingx quw, in’ui vnirlangg hokib vutsingx, jiurr pacsngr bycaiw qangx, drir qaur sitqiur; m tangx juadbang, diyhh jiapsuar laii juer, siongrr jiyw diyhh u jit diamxjingx quw.
Qipsiur ee sii, u quixnarr hxang diyhh diwir:
1. Laii juer jiaxee qipqiur ee hxuad, m tangx encenn
2. Diyhh iauwqinw liamvnix juer zinqongx hokib.
3. M tangx hro vnix:a ee langg uii lehh, drir qaur hro vnirlangg be sriu diyc qauwgiac kongwkir.
4. M tangx qra vniralngg qrngx laii qrngx kir, acc si qra ix dinxdang laii qiauxziauw ix.
5. Vnirlangg iauxx bue e tunx jiahmic, m tangx ing qiongsimxjex hro ix jiac, qniax liauw iyc zip kiwqngw-lai.
6. Juer zinqongx hokib ee sii, m tangx sniu’ qongg, iarr byc did byy cuwsu; qycc m tangx juer sniu’ qinw, diyhh jiauww quiqiw.
7. Vnirlangg narr jingsinn, m tangx hro ix druar dirr sniu’ zuac ee vangqingx-lai.
8. Isingx narr byy dilehh, m tangx hro vnirlangg zip igtangw, sew siyjuixik.
9. M tangx sniu’ qingw sitbang, drir qaur gro qiur.
Langg ing syh-aw diaur am decbeh laii jurjin, hitt xee qipqiur ee hxuad, si jiauww erbin:
Diyhh liamvnix jiong’ syh-aw quah hro ix dng, acc si qra ix vangr lyhqe; beh quah dng syh-aw, diyhh m tangx hro ix siag lyc tokax, diyhh unn unn aw huu .lyc .laii. Narr singkux nirr u vak ann :ee, cincniu snxax, acc si iyduar, acc si diaur am ee syh-aw, diyhh vangr ling; narr beh kacc qinw, diyhh ing qadyx qrax dng. Diyhh m tangx hro vnix:a ee langg uii lehh, drir qaur byy qauwgiac kongkir tangx kib zip. Diyhh hro hongx cuex diyc ix ee bin. Diyhh jiong’ lingw juiw puah ix ee bin qapp hingkamw, iarr juer zinqongx hokib, qaur hokib u jiauww cuwsu jiacc suah.
JUXQIONGX GAMJINGW
Lun gamjingw narr kixtauu liamvnix jiurqin isingx idi, jiong’ jitt xee cetduu, qiamxcaiw e hyw, jongw .si narr encenn qaur sniu’ quw, jiurr be dnaxdiap .did. Soxiw dirr erbin u huan’ik Ingqog jit xee Pok’ihue soxx qir jitt xee juxqiongx-vni kixtauu ee jingwjong, hro vingsiongg langg jaix tangx qnuaxqinw dirliauu.
Jitt hy vni jiurr si hurzinlangg jueww tangx qniax ee jxingr.
Narr byy qnuaxqinw jiong’ jitt xee gamjingw cetduu .kir, siongsiongg in’ui anxnix laii drir qaur sitlyc sniwmia.
Jitt xee jxingr kixtauu kiw ee sii, qanda’ henxcud dirr jit qiogvorui, be tnuar qaur tong’ singkux.
Narr e tangx kacc jaw cetduu, kacc siongg kacc kuair idi.
Dagg zit, dagg hunjingx longxx si iauwqinw, m tangx encenn pacsngw siqanx.
Jitt hy jxingr kixtauu henxcud ee kuanxsid, dairkair indy u angg ee vaisemic (angliujid, 紅流質); jitt xee vaisetmic m si cincniu guehqingx dagg guec decc laii. Jitt hy angg ee vaisetmic, qiamxcaiw iarr jiyw jiyw.
Juxqiongx narr kap .diyc, jiurr lrauu huih, dairkair si gamjingw.
Jitt hy imdy ee vaisetmic, dairkair vingsiongg byy pnaiw bi, kixtauu kiw ee sii iarr be tniar.
Narr duw diyc u pnaiw b ee vaisetmic, diyhh liamvnix cniaw isingx laii idi.
Huanrnar hurzinlangg guehqingx tingg quixnarr guehzit quw, narr imdy u vaisetmic, bylun ix ee sig u angg acc byy, acc si u pnaiw bi acc byy, diyhh liamvnix cniaw isingx idi.
Narr ixqingx 40 gua huer ee hurzinlangg, guehqingx decbeh suah ee sii, narr u langg qongw hitt sijun hurzinlangg juxqiong vutsii cud huih, acc si vaisetmic, si jurzenn ee su, -- jitt hy ue si byngiaw, m tangx sinr ix.
Dauc dauc u jitt hy hurzinlangg, guehqingx beh suah ee sii, ursii cud huih, acc si cud huih byy jiauww sijun, acc si u digvet ee vaisetmic, u ving’iuw qra ix qongw jitt hy byy iauwqinw, si qanda’ guehqingx beh suah ee su, byy simxmic quanhe. Soxiw byy cniaw isingx laii idi, suar drir qaur naxx quw naxx siongdiong. Qaur hitt sijun, isingx suizenn u jingxjingw ee ciuxsut, iarr be cetduu .did, dui’ anxnix gro liauw sniwmia.
Huarnarr hurzinlangg u cud huih, acc si cud huih byy jiauww sijun, acc si imdy u digvet ee vaisetmic, bylun u pnaiw bi acc by, diyhh liamvnix cniaw qybingg ee ciuxsut isingx, siongser jinxcad. Narr hurzinlangg longxx jiauww anxnix laii qniaa, jiurr kacc je langg mrbenw in’ui gamjingw, laii sitlyc sniwmia.
Huanrnarr hurzinlangg, bylun juer kanwhorhu, acc si jorsanxhu, acc si vadd xee hurzinlangg, narr u langg cingxqaur jitt hy vni ee dirliauhuad, m tangx lamrsamw jurjuanx qongw, diyhh jixsi ix qinw qinw cniaw qybingg ee ciuxsut isingx laii jimjiog jinxcad.
Juxqiongx in’ui gamjingw cud huih, ursii si u sinin ee sii, acc si singsanw liauxau byy zuarr quw. Hitt sijun narr byy qingquer isingx jinxcad kuair kuair hro langg gorqaiw, liac juer si liusanw (qalauc srinx), acc si sanxho juxqiongx ee vutjuann tewsiog (產後子宮不全退縮, subinvolution of the uterus), jiurr si juxqiongx singsanw liauxau byy jiauwguann siusog.
Lingvongg vamgjingw (乳房癌腫, Cancer of the Breast):
Langg narr snix lingvongg gamjingw ee sii, iuguann diyhh qnuaxqinw jiurqin isingx, hro ix cetduu, narr encenn, iuguannbe ciuxsut .did.
Jitt hy vni ee kixtauu, ursii lingvongg-lai, u qui’ liap ding ding ee siyxqetjad (小結節, small nodule). Jitt hy qui’ liap be tniar. Hurzinlangg sew singkux ee sii, cauwduxkamw kap .diyc, jiacc jaix u qui’ liap. Ursii dui’ lingtauu e cud angg ee vaisetmic cincniu huicjuiw. Narr anxnisnix diyhh liamvnix jiurqin isingx idi.
Dui’ gamjingw, gamjingw sewvaux e qniaa dui’ limvaqangw qaur hitt vorui ee limvajnuaa; iarr jiaxee limvajnuaa e jingw, naxx quw naxx dua liap. Soxiw ciuxsut diyhh kacc dua, iarr si kacc uilann jiauvi cetduu.
Bylun dyc’ui u snix jingxiongg (liab’aw), diyhh liamvnix jiurqin isingx tangx jinxcad, benw did sniu’ ban drir qaur be rix .did.
Dirr erbin soxx qir ee viyw jiurr si huatlunn hanluanxqer (Fahrenheit’s thermometer) qapp vah dxo hanluanxqer (Centigrade thermometer) ee duiwjiyr. Narr beh jiong’ F. dxo laii duiwjiyr C. dxo, diyhh jiong’ F. dxo qiamw 32, jiacc qycc sringg 5, jiacc ing 9 laii vunx; hitt xee digsiaur (quotient) jiurr si C. dxo sringg 9, ing 5 laii vunx, qex 32; hitt xee giahsor si F. dxo.
Vingdiamw 32∘F.; 0∘C. Qunxcingwdiam 212∘F.; 100∘C.