cionghunx huathuix ee amwiwsig -1
--- JUNG (Bunchhai huan'ik)
CIONGHUNX HUATHUIX EE AMWIWSIG
Guaw ee itsingx si jit xee amwiwsig jurgnow cionghunx huathuix ee qowsu. Amwiwsig ixx jiongxjiongw hongsid jinrlik viauxhen cud laii, zinqeh marr qionglet iauqiuu jiamrr ui' amwiwsig jongrtair-diongx singdiongw, ixx jit xee jingxtew laii qiamxgiam jursinx. Guaw byy hxuad iong kyhak ee gixgenn laii huesiongw jurqiw singdiongw quewdingg, si guaw byy hxuad qra jurqiw dongwjyr kyhak bunrdee laii texgiam.
Duiww lanw luerjai ee siongxsiongrlik/ lanw si sniaxmic ngiu/ langg ui' ingxuanw sniwmia hongbin laii knuar, qycc si anxjnuaw ... qandna' kyxlingg tauwquer sinue viauxdat. Sinue qamm diyc qywzinn dogdigsingr, viw kyhak kacc erdangr jingwkag viauxhen sing'uac. Kyhak ixx vingqinx qaiwliam laii jinwhingg qangjog, anne ee qaiwliam sniu' quer poxpenr, byy hxuad qongjniar quatduan qywzinn sing'uac juxquanx ee dyvenwsingr.
Guaw veh-jap-zi huer sii, kaisiw kauxqangw guaw qywzinn sinue ee jikzim, qandna' erdangr didjiap "qongw qowsu" laii viauxdat. Jiaxee qowsu si "jinjniar" iacc si qew :ee, m si bunrdee ee qad, si guaw soxx qongw :ee, si m si "guaw ee" gurgenn/ "guaw ee" sinue.
Siaw jurduan sidjai jin' lann, byy sniaw viaujunw, berdangr qinqir kecquanx qicow jyr pnuawduan/ vixqaur. Guaw jaix, jerje dairjir guaw si ham' qitnax :ee byy qang, mrqycc guaw m jaix jurqiw dauwdew si si'angw. Langg berdangr ham' vadd jiongw singbut jyr vixqaur, langg m si qauu/ m si guu/ m si ciu-aw. Guaw si jit xee langg, langg qycc si jnuaxngiu jit huesu neh? Cniurr muixx jit jiongw singbut hitt ngiu, guaw si busor sinsingr ee cuiwpnir ji' id, mrqycc berdangr qra jurqiw ham' zimrhyy dongrbut/ sidbut/ jiyhtauu jyr vixping. Sinue ee junjai viw langg iongxiuw qyckacc dua ee uahdang huanruii. Anne, jit xee langg zuhyy hingsingg zimrhyy iuxquanx ix vunxlangg kaksit knuawhuad neh?
Lanw si jit jiongw byy hxuad kongwjer/ jixu vorhun ee linglik, inxcua ee jingsinn quewdingg? Lanw byy hxuad duiww jurqiw/ sniwmia, u zimrhyy jiongbuew pnuawduan. Narr si u, dyrr e si busow-vutdix --- jex jixvutqyr si qaqi jurzin driyc ee jiawkauw. Dirr simqnuadew, lanw juadduir m jaix, jex itcer dauwdew si jnuaxngiu jit huesu, jit xee langg ee sniwmia qowsu kaisiw dirr mow jit soxjai/ dirr duxhyw e qir .did ee digding jit diamw; simrjiww dirr hitt sii, ixqingx qydo hogjap ar, m jaix sniwmia ee qetqyw e si sniaw, jitt xee qowsu byy kixtauu, qetqiok marr si hamhoo jit diamw ee amwsi ziiw.
Zinsingx si jit dniuu hro langg huaigii ee sidgiam, dirr sowzi-siong, si jit xee byy qetbuew ee henrsiong. Jiurr guaw qywzinn laii qongw, sniwmia jit nih bak dyrr quer, si jiacc vutjiog, qycc erdangr junjai/ huatdenw, sidjai si qijig. jitt xee sursit, dirr guaw si ikyx hagsingx sii, dyrr lauu lyc cimkig inwsiong, qycc dyy quer jaw siw jitt quanx, sidjai vutkyxsugi.
Guaw ithiongr qamxqag, sniwmia dyrr cniurr cauxbok, jinjniar ee sniwmia knuar be diyc, si ixx qinx laii ensiok/ cimcangr dirr qinx. Henwcud derbin ee vorhun sniwmia qandna' ensiok jit xee zuac .langg, dyrr qodax .kir ar --- jniawqangw dexmia. Dng' lanw sniu diyc sniwmia/ bunbingg, ingxuanw singdiongw/ suevai sii, zinsingx jinjniar si jit dniuu bang. Mrqyxx guaw jurlaii kiokk byy sitkir moxjiongw mic ee iwsig, ix itdit endngg/ dirr ingxuanw sniwmia lrauu dinxdang singjunn lehh. huex, kuix qycc lenx .kir, qinx/ qiqud iauxx dilehh.
Juewau, dirr guaw itsingx ui'id daddid qongw ee surqnia, si hiaxee ingxuanw be huixbet ee sewqair, jongg zip laii jitt xee venwhuar sewqair ee surqnia, si guaw beh dramm luersimx texgiam ee guan'inx, qidiongx vauquad guaw qokk jiongw bang/ huanwqag, si jiaxee mic qowsingg guaw genxqiur kyhak ee juxiaur jailiau, cniurr huexangg ee jiyhgiamm-jniux, danw beh qaqangx ee jiyhtauu, dirr jniux-nirr jyr cud beh air ee hxingg.
Ham' jiaxee luersimx surqnia sna' viw, soxu qitnax ee huesiongw, cniurr luxiuu/ duw .quer ee langg/ gauw sing'uac ee kuanqingw, dyrr trer qaxx byy sig ar. Jerje langg cam'uw jitt xee sidai ee qowsu/ marr ciangjai e qongw .diyc, togjiaw narr beh jaix jitt hongbin ee dairjir, qaqi cue ceh knuar/ tniax langg' qongw dyrr ersaih tihh. Guaw itsingx guarjai surqnia ee qiwdii, dairvorhun longxx byy cingcyw, simrjiww jauw byy ngiaxziah .kir .ar. Mrqyxx soxx duw diyc "lingrgua jit jiongw" ee henrsit, guaw ham' amwiwsig sna' viw quanqe, kiokk si kig dirr guaw ee simqnuadew, berdangr buaa byy .kir. Dirr jitt xee ongqog, liabjig liauw hongsingr ee vyxvuer, ham' jex jit vixping, qitnax itcer dyrr longxx byy diongriaur ar.
Qangrkuanw, jixu jit kaisiw dyrr siaw zip jurduan-diongx ee langmiaa, jiacc be cnehun lauu dirr guaw ee qiwsinn nirr, duw diyc inx ee dongsii, marr dingxii si jit jiongw huesiongw.
Luersimx texgiam dirr guaw soxx duw diyc guarjai surqnia-diongx dngr diyc inwqir, ingxhiongw guaw cinglenn sidai/ ixau ee suewguat. guaw jin' jaw dyrr u anne ee dunwgno: sing'uac qokk jiongw bunrdee/ hogjabsingr, narr si byy huatdo ui' luersimx did diyc dap'anr, jiongbuew ee iwgi jin' ser, guarjai surqnia qinvunw byy hxuad tewdai luersimx texgiam. Guaw itsingx guarjai surqnia huisiongg kiamwkueh, inx hro guaw qamxqag hikongx byliau/ byy kurtew, byy sniaw ue qongw. Qandna' erdangr qinqir luersimx huatsingx ee dairjir laii lixqaiw jurqiw. Si jiaxee surqnia, hingsingg guaw dogid-buzi ee itsingx, guaw jitt vunw soxx siaw :ee, dyrr si jiaxee.
DAHUERTAUU
Iong diauwqniar quancad jurqiw ee simlingg,
jit uann luan caucaux.
qongw, knuar diyc jit xee bixle ee uxdiu;
iwsig ee uxdiu
uxdiu-lai byy langg jaix ee uxdiu.
Samuel Taylor Coleridge (1772-1834) "Notebooks"
1956 nii zuac .langg dirr Ascona, Switzerland qixhingg Eranos huergi qiqanx, cutvanxsiongx Kurt Wolff ham' jit xui laii jurr Zurich ee ving'iuw kaiqangw sii, qongw ix sniu beh hro NewYork cutvanxsia Pantheon Books cud jit vunw Jung ee duanrqir. Dr.Jolande Jacobi --- Jung ee huwciuw ji' id, qenwgi hro guaw laii siaw.
Gunw simlai jin' cingcyw, jitt xee qangjog m si hiacc qanxdanx. Jung tyxiar qra sxux sing'uac qongkaix hro jiongww langg jaix, qingquer dngg siqanx ee huaigii/ diuduu au, jiacc dimwtauu dap'ingr. Itdanr quatding, Jung dagg lexvair ciauu cud jit ervox ham' guaw jywhuew qangjog. Kyxlu ix jingwsiongg kangkuer anvaii jin' bat, ix nihuer je (ciauquer veh-jap) ar, jin' qinw dyrr tiamw, qui' ervox ixqingx u qraur je lor!
1957 nii cuntnix kaisiw, jiauww guanlaii ee qowsiongw, jitt vunw ceh m si "duanrqir", si caixiong "jurduan" ee hingsid, Jung ixx qongxsuecjiaw sinhun cuthen. Jitt xee qewue quatding jit vunw ceh ee jauxhiongr, jit kaisiw guaw ee qangjog jixsirr mng bunrdee/ qiwlok Jung ee huedab. Cimxtauu, Jung u damrvyc qowlu, jin' qinw, dyrr duiww jitt xee qangjog zet kiw laii. Zuxx laii zuxx iwsinn qongw jurqiw/ ix ee singdiongw/ bang/ susiongw.
1957 nibuew, Jung duiww gunw habjog ee taiwdo mairhiongr quatdingrsingr ee jit vo. luersimx qingquer jit dnxua siqanx dingsinx jingxliw au, draii dirr simlai donglenn qokk jiongw hingngiaw jiamrr puu cud laii, caqag diyc ham' ix soxx siaw qokk jiongw susiongw u bidced ee quanhe, mrqycc iauxx byy jin' cingcyw jiangxag .diyc. U jit zit jaiw, tongdix guaw ix sniu beh qra donglenn sidai ee huesiongw didjiap siaw lyc laii. Jitt sii, ixqingx qongw liauw jerje donglenn ee dairjir, mrqycc qui' xee qowsu byy lenjiab.
Jitt xee sinx quatding hro guaw iwgua/ qycc jin' hnuahiw, guaw jaix, siaxjog duiww Jung laii qongw si zuarr jiahlat lehh. Nihuer je ar, duhuix ix qamxqag jex si luersimx qax dirr ix srinx-siong ee "jikzim", narr byy, ix si juadduir be jyr ee; jex viauxsi, jitt vunw "jurduan" siaw :ee, kaksinr si Jung vunxlangg ee luersimx sewqair.
Byy zuarr quw au, guaw siaw lyc laii Jung ee jit quaw ue: "guaw ee muixx jit vunw ceh longxx si guaw sniwmia-diongx juwdnia rair jyr :ee. Dirr siaxjog quewdingg, jongxsi u pnaiw anwsngr :ee, guaw marr byy hxuad uirr jurqiw dring cud kakding ee jinwdo. Jitt vunw "jurduan" jitmaw ham' guaw soxx qniaa ee honghiongr/ guaw kaisiw soxx setsiongw :ee, jin' dua byy qang, siaw ha jaxnii ee hueig duiww guaw laii qongw ixqingx vit'iaur. Jit zit byy anne jyr, qui' singkux dyrr qamxqag byy songxkuair; jixiaur herciuw siaw, jiongxjiongw byy songxkuair longxx siaubyy .kir .ar, taukag marr qamxqag huisiongg cingcyw."
1958 nii sir-guec, Jung siaw uann iuxquanx "donglenn suewguat" "dionghak sing'uac" "dairhak sidai" snax jniux. Derr snax jniux vunxlaii ee miaa si " guaw itsingx jaxnii ee surqnia", dirr Jung 1900 nii uansingg ikyx haggiap, derr id qaidnua qetsog.
Jex vingrr m si Jung jitt vunw ceh ui'id ee qongwhenr. 1959 nii id-guec, ix druar dirr Bollingen jngkax, dagg jaiw longxx rair tak jit quaw, jitt sii, ceh ixqingx siaw vutjiw je ar. Ix qra " lun sixau ee sing'uac" jitt jniux hingg guaw sii, duiww guaw qongw, "jex dag diyc guaw luersimx moxjiongw mic ar, guaw simlai iuxsor, itding beh siaw cud laii." anne, "aurqii susiongw" jitt jniux, ix viauxbingg liauw siongrr cimced/ kyxlingg si siongrr cimuanw ee jiongxjiongw sniurhuad.
1959 nii zuac .langg, Jung dirr Bollingen siaw liauw Kenya/ Uganda luxiuu jitt jniux. Iuxquanx "City --- Building Pueblos" jitt vorhun, si laii jurr jit hxun biruansingg/ byy huatviauw ee ciuxqyw, lunrsut guansixzinn simliw ee itvnuax bunrdee.
Uirr beh siaw "guaw ham' Freud" "binrduir amwiwsig" jitt nng jniux, siuzip Jung dirr 1925 nii jingg soxx jyr vywqyr ee vorhun juliau, hex si derr id vaiw dramm diyc luersimx huatdenw ee jinghingg.
"jingsinn ihak" jitt jniux si qinqir Jung dirr 1956 nii, ham' Zurich Burgholzi jingsinn vnerngi ee quiw xui siauwlenn jorliw isux ee damue qiwlok, Jung ee sunx-aw si dongde jingsinn isux, derdiamw dirr Jung Kusnacht ee cur.
Tak quer jitt vunw ceh ee ciuxqyw au, Jung viauxsi janwdongg. U quaw vorhun, Jung jyr quaw siuqaiw/ voxciongx sinx jailiau, guaw liriong gunw damue ee logimx qycc jyr quaw voxciongx, u quaw byy qraur sunrliuu/ siongser ee soxjai siuqaiw, sanduu dionghok :ee, zuxx aurpiah, gunw ee habjog zuxx ba.
Dirr moxjiongw tingdo-siong, jitt vunw ceh ee guantauu quatding liauw lueriongg. Duiwdamm/ jurzenn ee kauxsut berdangr piacbenw jniajyr jitt vunw "jurduan" ee digsig ji' id; ceh nirr qokk jniux cniurr sauwsia .quer ee qngngiaw, qngx jid'err quer, jiyr qngx Jung sing'uac/ qangjog ee jit quaw guarjai surqnia, naxjunxx jit jiongw voxsiongw jok'iong, jiaxee surqnia ciy cud ix lixdir sewqair, duiww ix laii qongw, jingsinn (Psyche) si jit jiongw cimkig/ sidjai:ee texgiam. Guaw ciangjai iauqiuu Jung jiurr mow quaw guarjai surqnia teqiongx digding ee juliau, ongxongw qex liauxqangx/ byy qonghau. Qandna' ix sing'uac texgiam sinlingg (Spiritual) vunxjid jiacc vyxliuu dirr ix ee qiwig nirr, qandna' jitt vorhun, guaw dyrr rair sniu jerje honghuad hro qongw cud laii.
Viw luerbunn jojid/ hingsid kunwlann qyckacc diongriaur :ee si, jit quaw kacc dua/ qywzinsingr ee mahuann. Jitt hongbin, Jung hagsingx ee jit xui ving'iuw, 1957 nii aurvnuar nii iaucniaw Jung siaw cinglenn sidai hue'ig, ix ee huepuex anne siaw:
... liw qongw liauw jin' driyc, langg lau ar, dyrr e hueqor, ui' lai qaur gua, l.-laihuee-h. Huesiongw siauwlenn. u jit vaiw, dairiog snax-jap nii jingg lor! Guaw ee hagsingx beh guaw qangxsut zuhyy hingsingg amwiwsig ee quanliam. Jiamduir jitt xee cingxqiuu, juanbunn vran liauw jit vaiw qangxjy. Juewau jitt quiw nii, qokk de longxx u langg qra guaw qenwgi, qongw guaw ingqaix siaw quaw jurduan ee mic. Guaw kiokk byy hxuad suechok jurqiw, knuar quer langg' ee jurduan taiww je ar, m si jurkix-kizinn, dyrr si vehjuaw ozi siaw vehcat; duiww guaw laii qongw, beh jurgnow biyue si byy kyxlingg :ee, guaw byy sniu beh morhiamw.
Juewqin, liw beh guaw teqiongx jit quaw jurduan jailiau, dirr guaw huedab jiaxee bunrdee qiqanx, guaw huathen cangr dirr simqnuadew ee jit quaw kecquanx bunrdee, naxjunxx diyh'air qyckacc siongser ee puawqaiw. Incuw, gauw vingqow .jit .xe, did diyc anne ee qetlun : guaw ingqaix ciauu cud jit dnxua siqanx, piackuix qitnax rair jyr :ee, huesiongw guaw itsingx kixtauu ee dairjir, kecquanx/ zinrjinx sukyw. Aurlaii jiacc jaix jex si huisiongg lann/ gnerdauw :ee, uirr beh jinwhingg lyc kir, jixhyw dap'ingr jurqiw, siaw lyc laii :ee, jixiaur guaw uac lehh dyrr be qongkaix huatviauw. Uirr beh hro jurqiw hongwsimx/ luersimx vyxcii vingjing, anne ee singlok duiww guaw laii qongw si vit'iaur :ee. Dairjir venr qaxx bingvik, dirr taukag lai iuguann uac lingwlingr ee itcer qiwdii, longxx ham' hiaxee dirr guaw simlingg (Mind)-diongx inxkiw vut'anx/ virr qig kiw ee jingqamw texgiam iuxquanx --- jex cavutdyx si kecquanx qongxsut siongrr hyw ee diauqnia! liw ee puex dyrr dirr guaw ixqingx quatsimx jit tauu jraix zip kir ee sii, "jurzenn" laii qaur guaw ee ciuw-lai.
Mia-diongx juwdnia guaw itsingx-diongx soxu "guarjai", longxx si gnoxzenn :ee, jixu "luerjai" jiongbuew jiacc jingwbingg kuriuw sidjer/ quatding ee qewdat. Guarjai surqnia ee itcer qiwig jiamrr draii byy .kir, kyxlingg jiaxee "guarjai" ee texgiam qinvunw byy hiaxee vunxjid; narr jinjniar u, marr jixsirr in'ui ham' guaw luersimx huatdenw ee mow quaw qaidnua duw .diyc. Guaw itsingx dairvorhun ee "guarjai" surqnia ixqingx ui' guaw ee taukag siausid --- dirr guaw knuar .laii, hiaxee si in'ui guaw cud juanvo jinglik laii duiwhur inx. Erbin jiaxee dairjir jiacc si siaw jyr jit vunw hyw duanrqir ee jailiau, cniurr jit xee langg duw .diyc ee qokk jiongw langg/ luxiuu/ morhiamw/ idnii/ miarun jiongxjiongw vuthing ... dringw. Duliauw quiw xee lergua ji' gua, soxu jiaxee dairjir duiww guaw laii qongw longxx vniwjniaa huanwsiong, guaw cavutdyx byy hxuad huesiongw .kiw .laii, marr byy dingsinx duisiongw ee guanrbang, inx ixqingx byy hxuad qig guaw huee dngw kir siongxsiong ar.
Lingrgua jit bin, guaw duiww "luersimx" texgiam ee huesiongw kiokk zuxx laii zuxx uahtiaur/ honghur/ gnoxcaiw, jex qycc hro guaw u damrvyc dnax be kiw ee qamxqag, jiwjiyw bogjingg si anne. U jiaxee guan'inx, jin' sitlew, guaw byy hxuad buanxjiog liw ee iauqiuu, marr duiww jurqiw ee byy lat jin' pnaixser ...
Jitt dniux puex qongw liauw Jung ee taiwdo. Suibongw ix ixqingx quatsimx "jraix zip kir", puex siongrbuew kiokk si qirjuat ee. Itdit qaur Jung likuix sewqanx, dong'ir/ qirjuat ee ciongdut iuguann byy tingg, ix vyxliuu jit sxix aw ee huaigii, sniu beh bickuix birlaii ee togjiaw. Vingrr byy zinruii jitt jiongw hue'ig si kyhak ee qangjog, simrjiww zinruii jex m si ix vunxlangg soxx siaw ee ceh; sionghuanw ee, ix decc kauxsut/ siaw lyc laii ee sii, jongxsi qongw jex si "Aiela Jaffe ee qangdingg", ix jixsirr u quaw qongwhenr ziiw. Dirr ix digvet iauqiuu ha, jitt vunw ceh byy let zip ix ee duwjog juanjip.
Dirr ix qongw diyc ix soxx duw .diyc ee langg , cniurr dimiaa zinsu/ cinbit ving'iuw/ cinjniaa sii, Jung jongxsi ue byy je.
"Guaw bad ham' guaw qang sidai ee jerje langg qaudamm, longxx si kyhagqair/ jingwqair ee dua zinbut, iauxx u tamwhiamw :ee/ gersudqax/ jokqax/ ongqongx quiwjok/ qim'iongg juvunxqax; qongw liongsimue, jixu quiw vaiw huerbin duiww guaw laii qongw si u iwgi ee. Gunw sna' duxbin cniurr qonghaiw-siong ee junjiah siy' siamxsinx, horsiong et qii viauxsi diwqingr. Tongsiongg longxx si inx u quaw dairjir beh cue guaw, kiokk si guaw byy kuanli laursiap :ee, guaw kinx kinx aw qra vangr be qir .did, bylun jiaxee langg dirr sewzinn simbak-diongx si zuarr diongriaur. Gunw sna' duxbin byy sniaw iwgi, marr byy sniaw liauxvutkiw ee qetqyw. Jiaxee quanhe duiww guaw laii qongw si huisiongg diongriaur, marr cniurr banrdairnii ee qiwig qangrkuanw lauu dirr guaw simtauu, mrqycc guaw qycc byy hxuad qongw, inx m na si sriok guaw siongrr cimjann ee sing'uac, marr iauxx sriok vadd langg, guaw byy kxuann sakkuix hitt xee sryw .diyc ee mngg."
Guarjai surqnia ee vutjiog, kiokk ui' Jung siongser qongw ix luersimx texgiam/ honghur ee susiongw, did diyc jin' hyw ee voxqiur; cniurr ix vunxlangg soxx qongw ee, jex itcer longxx si ix duanrqir soxx berdangr kiamr ee singhun. Jiurr Jung duiww jongqaur ee knuawhuad laii qongw, jex kaksit si siongrr diongriaur ee, jitt vunw ceh vauhamm liauw Jung duiww jongqaur ee lunrsut.
Jung si tauwquer quixarr diauu byy qang ee lorqingr laii binrduir jongqaur bunrdee, qidiongx u ix donglenn ee qokk jiongw huanwngiaw, hro ix vutditvud binrduir jongqaur texgiam ee henrsidsingr, qycc jidsiwlangg vyxliuu jiaxee huanwngiaw. Jixiaur si ham' jingsinn/ jingsinn qokk jiongw viauxhen nng hongbin iuxquanx ee lueriongg, ix longxx py diyc byy hxuad ab lyc laii ee hnowhenn --- duiqiuu liauxqaiw iogbang. Druu jitt xee ixgua, Jung zinruii jurqiw si isux/ jingsinkyx isux, ix jin' jaix vnerlangg ee jongqaur taiwdo dirr jingsinn dirliauu-diongx u quanqenr jok'iong. Jitt xee quancad qetqyw ham' ix huathen jingsinn jurhuatsingr duar u jongqaur jiongxjiongw hingsiong --- ham' "vunxjid-siong si jongqaur" duiwdangg. Qycc dongwcad .diyc, dysor ee jingsinn qnualingjingr laii jurr duiww jingsinn jitt xee qinvunw digdingx byy sinwdauw, iuqii dirr jit xee langg ee au vnuawsiwlangg qyckacc binghenw.
Jung dirr iuxquanx jongqaur jerje quanliam/ tuantongw qidokqaur, iuxsow byy qang, digvet si dirr ix huedab iuxquanx dinghuat bunrdee/ siongrder quanliam-siong, vingrr byy zinruii siongrder si jiwsen/ zinjuu :ee. Ui' hogjiongg qauwdiauu juxgi ee qidokqaur quandiamw laii knuar, Jung henxzenn si "byy sriu huangingg :ee ", suibongw ix miasniax tongtauw, jitt lui jixjig vutduan laijurr huanxduir ix duwjog hiaxee langg qongw cud. Jex hro ix qamxqag simx tniar, dirr ceh nirr, ix viauxdat cud duiww jit xee simxjajiaw ee sitbang. U langg qamxqag, Jung byy hyw hyw liauxqaiw jongqaur qokk jiongw quanliam. Jung vutjiw jit vaiw qongw "narr si dirr diongx-sewqiw, inx itding qra guaw dongwjyr irqauwdoo, qra gauw siyx siw!" ix quewsinx au, zuxx laii zuxx je ee sinhagqax jiacc kaisiw qongw "dirr jongqauwsuw hongbin, Jung si lanw jitt xee sewqiw cutsig zinbut si benw huaigii ee."
Jung bad bingkag suanvyr ix diongsimx qidokqaur, siongrr diongriaur ee duwjog si tamwtyw qidokdoo ee jongqaur. Ix ui' simlixhak quandiamw laii quancad jiaxee bunrdee, hibang ham' sinhak quandiamw ji' qranx qenwlip qauqnaa. Ix qiongdiau :ee si, lixqaiw/ huanxsingw/ sukyw ee vit'iaur, jex ham' qidokqaur soxx iauqiuu, bongbok sinwgiongw duxx qniaa dywvingw lo. Ix zinruii jitt jiongw vit'iauwsingr si lixsow-dongzenn, si sing'uac qinvunw digdingx ji' id. "guaw huatqag, guaw soxu ee susiongw longxx cniurr qauw dua hingsingx ixx taiwiongg jyr diongsimx sec, siongrder si guaw ee diongsimx/ sriu Ix ee kip'inw/ sec byy tingg/ bersaih dexjer Ix/ narr si huanxkongr jitt ee lat/ e qamxqag jex jiong' si guaw siongrr giamdiong ee jue." Jung dirr 1952 nii siaw puex hro jit xui siauwlenn qauwsu anne qongw.
Dirr Jung dairliong ee duwjog, jitt vunw ceh si ui'id qiwlok Jung dramm diyc siongrder/ qywzinn texgiam siongrder ee jit vunw ceh. Ix siaw qaur jurqiw siauwlenn sii, huanxduir qauwhue ee dairjir, "hitt sii, guaw zinrbad .diyc, siongrder si jit jiongw siongrr didjiap ee texgiam --- jiwjiyw duiww guaw laii qongw si anne." ix qongw. Dirr kyhak siaxjog, Jung jin' jiyw qongw diyc siongrder, ix jabhunx tongwkow iong "zinlui jingsinn ee siongrder hingsiong" jitt xee sudgiw. Jex qisit byy siy' dahtud, dirr moxjiongw jinghongw-ha, ix ee gixgenn si juxquanx/ luersimx texgiam :ee, si ixx qywzinn sinhun qongxue/ susiongw sriu qig, u lat ee qamxjingg/ didqag/ dngqii/ digvet ee honghur sing'uac texgiam soxx ingxhiongw ; lingrgua kiokk si kyhak genxqiur ee kecquanx gixgenn, Jung ixx kyhagqax ee sinhun, iuxir qra jurqiw hanrjer dirr erdangr tauwquer lerjingr, did diyc jingwsit/ jicii ee lingxhik. Jung si kyhak qinggiamrjuxgirjiaw. Dirr jitt vunw ceh dramm .diyc ix ee jongqaur texgiam sii, qaxsed ix ee togjiaw guanrir cimzip ix ee quandiamw, hiaxee juxquanx lunrsut qandna' virr u luirsu texgiam ee langg jiapsiu, duiww hiaxee langg laii qongw, siongrder ee hingsiong u qangrkuanw/ luirsu ee digdingx.
Suibongw Jung siaw jitt vunw jurduan sii, taiwdo jikqik/ kingxding, mrqycc jin' dngg jit dnxua siqanx, ix duiww jitt vunw ceh cutvanw, kiokk itdit py diyc qionglet ee puepingg/ hiyxding, jex si erdangr lixqaiw ee, ix jin' qniax dairjiongr ee huanxingr, ix diaudit tauwlo ix ee jongqaur texgiam/ guandiamw si guan'inx ji' id, derr zi si, "dab Job ee puex" jitt pnix bunn soxx inxkiw duiwdik, iuguann hro ix inwsiong cimkig, itvnualangg byy lixqaiw/ gorhue, sidjai hro langg taiww tongwkow lehh. " guaw jidsiwlangg siuxho jiaxee jailiau, byy sniu beh qongkaix; itdanr sriu diyc qongqig, viw qitnax ceh, guaw soxx sriu .diyc ee ingxhiongw kacc je. Guaw m jaix si m si erdangr li jitt xee sewqair hng hng, hro hiaxee puepingg ee jnxir be sria dirr guaw ee srinx-siong, hro jurqiw dongr e diauu duiwdik qongqik. Jit xee langg qongw liauw langg' m bad ee dairjir, byy ho'ngg lixqaiw/ jysiu qolip, guaw sidjai virr jetbuaa qaxx u qraur camw! Narr si qycc cniurr "dab Job ee puex" duw .diyc ee jinghingg, anne jitt vunw "hueiglok" itding e u qyckacc dua vuthing ee miarun. Jitt vunw "jurduan" si guaw itsingx ee qiwjair, si ui' guaw kyhak genxqiur did .diyc ee diwsig, quancad sidjer siaw lyc laii :ee. Jitt nng xee si jit huesu, jitt vunw ceh duiww hiaxee m bad/ byy lixqaiw guaw kyhak quandiamw ee langg, tecud liauw jin' quann ee iauqiuu. Moxjiongw iwgi-siong, guaw ee itsingx si guaw soxx siaw itcer ee qetjnix, guaw ee junjai/ siaxjog ee hongsid, si jit xee jingxtew. Soxu quanliam/ noxlik si guaw vunxlangg ee uersiong/ itcer ee biyue. "jurduan" jixsirr "guaw" jitt zri ee jit "diamw"."
Dirr jitt vunw ceh jiamrr hingsingg ee hitt quiw nii, Jung srinx-siong marr duxx qinglik kecquanx venwhuar ee quewdingg. Jit jniux jit jniux uansingg, ix li jurqiw zuxx hng, siongrbuew, ix naxx dewsnajiaw quancad jurqiw qangjog ee iwgi. " narr mng guaw itsingx ee qewdat dirr dyhh, guaw qandna' e qra jurqiw tec laii ham' quewkir ee sewqiw jinwhingg cikliongg, zenau guaw itding e qongw, driyc! Hex si u moxjiongw iwgi ee. Mrqycc iong qin'axzit ee quanliam kir cikliongg, kiokk sniaw iwgi marr byy." zuxx qaur aurbuew, togjiaw jiong' e qyckacc qionglet qamxsiu diyc jiaxee ue soxx viauxdat cud ee huizinqeh/ ligsuw ee lensuawsingr.
"Genxqiur ham' duwjog" jitt jniux, qanxdanx qongw liauw Jung siongrr diongriaur ee duwjog sanxsingx quewdingg, henxzenn u damrvyc camjap, ix juanvo ee duwjog u zi-jap-gua qngw! Lingrgua, Jung jurlaii byy qamxqag u vit'iaur teqiongx jit hxun quandiamw ee qaiwliam, bylun si qongxue/ siaxjog-diongx. Narr vaiwtog ix anne jyr, e jin' giamle huedab " jitt jiongw mic uanjuann m si guaw ee linglik jyr e qaur ee. Huatviauw jit hxun guaw ee lunrbunn qaiwiaur u sniaw iwgi? Dirr jitt hxun qaiwiaur-lai, guaw jin' pnaiw siongser tyxlun bunrdee, rair singxdiau soxu ee jingwqir, hunx lui suecbingg, jex juadduir be hro guaw ee qetqyw kacc iong'i lixqaiw. Kadee dongrbut dig'iuw ee huanxcauw jiacc hac guaw ee cuiwdauw, jex viauxsi ixqingx vro quer :ee, qycc jaiww vro jit vaiw ..."
Togjiaw qaix qra jitt jniux knuawjyr jit jiongw hueqor, si uirr beh inwtin moxjiongw digvet jinghingg, m hyw qitai vauquad soxu :ee.
Siongrbuew ee sudgiw qaixsueh si uirr cutvanxjiaw ee iauqiuu jyr ee, guaw hibang byy sigsai Jung duwjog/ juan'iong zirsuu ee togjiaw iuxsow vangjan. Qidiongx jiyxliong ee dingrgi laii jurr "simlixhak sudenw"; qitnax jinrliong ui' Jung ee duwjog inxiong guanbunn laii suecbingg Jung simlixhak ee qokk jiongw qaiwliam, marr iong qangrkuanw ee hongsid voxciongx sudenw dingrgi vutjiog ee soxjai. Jitt jiongw inxbunn qandna' erdangr jyr iauwdiamw iong. Jung vutduan ixx sinx/ byy qang ee hongsid laii dingrgi ix ee qaiwliam, jiongbuew ee dingrgi si byy kyxlingg ee. Ix zinruii kiauw ee jywhuad si, hro hiaxee jingsinn henrsit nirr byy hxuad qaixsueh ee iauwsor guanngiu vyxliuu cniurr bee siongrr hyw.
Dirr jitt xee hro guaw jin' qac'ir kiokk qycc kunwlann dingg dingg ee qangjog-diongx, gauw did diyc jerje langg ee vangjan, jitt vunw ceh ban ban jinwdenw qiqanx, inx ee zedjingg itdit byy qiamw, teqiongx qoxle ee qenwgi/ puepingg, qasog jitt vunw ceh ee jinwdo. Duiww jiaxee langg, guaw singsimx qamxsia : Helen/ Kurt Wolff si inx tegi siaw jitt vunw ceh, qycc hro jitt xee sniurhuad sidhen; Marianne & Walther Niehus Jung, inx dirr siaxjog qiqanx hro guaw ee janrjo; R.F.C.Hull ixx qik dua ee nairsimx hro guaw qenwgi/ vangjan.
Aiela Jaffe Dec.1961
DERR ID JNIUX
DONGLENN SUEWGUAT
imdiongx ee viwbit
ham' guaw ee singwqeh sna' uaw qniaa
itdit si guaw donglenn suewguat vunxjid digdingx
dimbih dirr jurqiw ee viwbit nirr
quat'ir jauxcue ix ee iwgi, kiokk
m jaix jurqiw beh viauxdat sniaw?
Guaw lak qywguec ee sii, verbuw ui' Lake Constance ee Kesswil isuaw qaur Rhine juixciangg ee Laufen sniavyw, druar zip kir bogsux kiartec. Hex si 1875 nii.
Qiwig kaisiw dirr nng ~ snax huer, damrvyc e qir did druar ee soxjai/ huehngg/ sexsnaqingx/ qauwdngg/ sniavyw/ juixcniuu, Worth siyw sniavyw/ qauwdngg jewsix ee longdniuu. Jiaxee qiwig cniurr duarhaiw-diongx piauliuu ee siyw dxyw, jit xee jit xee qodnuax puu-puu-iyy-iyy.
Uree jingqingw kyxlingg si guaw sing'uac-diongx siongrr jaw ee qiwdii, kiokk si bu bu ee inwsiong. Guaw dyw dirr ciu-kax ingziciax-lai, hex si jit xee bingqngx unluanw ee zuac .langg, nraa nraa ee tnix, qimsig ee zidtauu jiyr tauwquer ligsig ee ciurhiyh, guaw duxx kunwcnew, knuar diyc qonghuix canwlan ee bixqingw, u jit jiongw byy hxuad hing'iongg ee songxkuair. Zidtauu qngngiaw ciy quer ciurhiyc/ huejangg s.-siamxsih-s., itcer si hiacc sinqii/ gnoxcaiw/ bixle.
E qir .did lingrgua jit xee qxingw si : dirr cur saivingg cantniax, guaw qux dirr jit liauu quann ~ iw-aw dingw, iong ser qix tngsii-aw kad siyx gulingx limx, gulingx nirr u pxangw ciuwpnir, kiwbi jin' janw/ jin' digvet. Hex si guaw derr id vaiw pnri diyc gulingbi, ersaih qongw, hitt sii guaw u pnri ee iwsig. Jitt xee qiwig qangrkuanw huisiongg iauuanw.
Lingrgua e qir .did jit xee bixle zuac .langg beh amr aw, a'ii qongw "guaw hro liw knuar jit hxang mic." zenau, gunw qniaa hiongr ongw Dachsen ee duarlo. Hng hng, Alps snualingg jimr dirr itpenr anghee nirr. Hitt zit honghunx Alps digvet cingcyw. " knuar hiax" guaw tniax diyc a'ii iong Swiss honggenn duiww guaw qongw " snuax juann angg ar." hex si derr id vaiw, gauw jaix gauw knuar diyc Alps. Derr zi zit, tniax qongw gunw jitt xee jngtauu tagceh ee ginxaw beh kir qauiuu, vreh Zurich huwqin ee Uetliberg, guaw marr sniu beh kir, inx qongw guaw sniu' sewhanr, bersaih tihh, guaw jin' siongsimx. Ui' hitt sii kiw, kamr dirr vehseh erkax/ siamxqngx ee Uetliberg/ Zurich, dyrr jniajyr guaw bang-diongx iauuanw ee soxjai.
Quer jit dnxua sihau, e qir .did maxmah cua guaw kir Thurgau cue quaw ving'iuw, inx dirr Constance oo vinx :a u jit jxy sniavyw. Dng' haixingw ciongx laii hnua-vnix, guaw hro juiw bee .kir .ar, zidtauqngx jiyr dirr haixbin siamxsih, haixingw qra juiw-xe ee suax ciongx qaxx jit ling jit ling siyw hnua. Obin buhan cunkuix kir, dirr guaw knuar laii, hex si buhan ee hixlok/ byy der viw ee jongwdua bixle. Dyrr dirr hitt sii, jit xee sniurhuad dirr guaw ee taukag-lai snex qinx: guaw jidsiwlangg beh sing'uac dirr oo-vnix. Guaw qamxqad, byy juiw, langg uac be lyc .kir.
Qycc sniu kiw lingrgau jit dniuu qxingw : jerje cnehunrlangg, luan caucaux, jaxbow suxiongrlangg jin' qinw jauw quer laii, huah " hibinn huathen jit xee sitew, ui' juixciangg ciongx lyc laii, inx beh qra ix qrngx kir sexsnaqingx." vaxvah rinr "jaingiaw ar!" guaw sniu beh uaw kir knuar hitt xee sitew, maxmah qra guaw qiuw dngw laii, giamle qimwjiw guaw kir huehngg. Danw soxu ee langg jauw liauw au, guaw taux taux aw suanx .zip .kir, qniaa qaur sexsnavangg, mrqycc mngg sryw .diyc. Ui' sexsnaqingx seh jit linr, huathen aurviah u jit xee vaijuixqaux, itdit tongx qaur cuqia erbin, jxyy nirr lrauu diyc sxix sxix aw ee huecjuiw. Guaw qamxqag jitt xee su digvet u iwsur, hitt sii guaw iauxx bue sir huer.
Iauxx e qir .did, guaw hauxnau/ huatsiyx/ kunr be kir. Vaxvah py guaw, dirr cur-lai qniaa laii qniaa kir, cniur ix hagsingx sidai ee lau quax. Siongrr qac'ir ee jit siuw, "siwqer diamrjing, dag'ee langg longxx decc kunr ... " hro guaw jing lyc laii, qaur dnaxx guaw iauxx e qir .did vaxvah ee sniax, dirr diamrjing ee amwmee vruee guaw kunr.
Aurlaii maxmah qra guaw qongw, hitt sii guaw diyc diyc sipjinw. Dongsii, guaw simtauu u jiongw bongbu ee amwsi, verbuw ee hun'inx si byy sun ee. 1878 nii, guaw duarvne jit dniuu, itding ham' verbuw jiamrsii hunkuix u quanhe. Maxmah aurlaii dirr Basel ee vnerngi druar quiw qywquec, dairkair si hun'inx ee bunrdee. Ix jauw liauxau, si jit xui a'ii jiauwqor guaw, a'ii byy qethunx, dua maxmah iokk zi-jap huer. Maxmah likuix hro guaw qamxqag jin' qankow. Ui' hitt sii kiw, qongw diyc "air" , guaw dyrr u byy sinwzimrqamw, jit dnxua vutjiw dngg ee siqanx, "luxsingr" jongw hro guaw sanxsingx vutkyxkyr ee qamxqag, "vaxvah" iwbi diyc erdangr uaxkyr/ byy kuanli. Guaw dyrr duar diyc anne ee jingsinn congwsiongx kaisiw zinsingx lordoo. Aurlaii, jiaxee jaxqii inwsiong iuxsow qaixvenr : guaw sinwzim lamsingr/ inx hro guaw sitbang; huaigii luxsingr/ inx m bad hro guaw sitbang .quer.
Maxmah likuix au, u jit xui jabow suxiongrlangg jiauwqor guaw. Itdit qaur jitmaw guaw iuguann e qir .did, ix py guaw, qra gauw ee tauu hnua kir kyr ix ee qingqah, ix otaumox/ amwsig ee puebah, ham' maxmah uanjuann byy qang, dyrr si jitmaw, guaw naxjunxx iauxx knuar diyc ix ee taumohingg/ binrboo/ amrqunw/ cimsig ee puebah/ hni-aw, ix ee itcer dirr guaw knuar laii hiacc qiquair/ digvet, marr jin' sigsai, hyxcincniu ix m si sriok gunw daux/ si sriok guaw jit xee langg/ si ham' jit quaw guaw iauxx berdangr lixqaiw ee sinvir surbut kanlenn jywhuew. Ix ee hingsiong aurlaii jniajyr guaw Anima ee singhun, ix soxx tuandat ee hitt jiongw naxx cnesox/ qycc ho'ngg zinrbad ee qamxqag, si aurlaii guaw simx-diongx siongrdingx luxsingr vunxjid hingsiong ee jit jiongw digdingx.
Verbuw vunkuix druar au, guaw qiwig-diongx iauxx u lingrgau jit xee hingsiong : jit xee huisiongg siauwlenn/ suiw/ belangg ee qoniuu, nasig ee bagjiux, bixle ee taumox. Si ix cua guaw dirr nasig ee ciutnix, dirr pogvor (juixcniuu) erbin ee Worth sniavyw, en' Rhine hyy, qniaa dirr qimsig vngciu-kax/ ladjixciu-kax. Zidtauu qngngiaw ciy quer i.-iyvaiw-v. ee ciurqix, ngsig ee ciurhiyc lag lyc laii. Jitt xui qoniuu aurlaii jniajyr gauw ee aurbuw, ix jongvair guaw ee vaxvah. Guaw zi-jap-id huer sii, jaiww crur knuar diyc ix.
SIONGRR JAW BANG EE QIWIG
Dingxbin soxx qongw :ee, si jit quaw cingcyw ee qiwdii. Erbin beh qongw :ee, si lingrgua jit quaw ligliong kacc dua/ ingxhiongw kacc cimx ee inwsiong, qidiongx jit vorhun jixu bu bu ee qiwsiongw. Kyxviw qongxx, u jit vaiw siag lyc laukax, qycc jit crur siag qaxx longr diyc huexloqer/ e qir .did hex tniar ee qamxqag/ lauu hueh/ isux tni taukag siongkauw ee jinghingg --- itdit qaur dairhak ikyx juewau jit nii, taudingw hitt der sionghunn iauxx cingcyw knuar cud laii. Maxmah qongw, u jit vaiw kir Neuhausen qingquer Rhine juixciangg, guaw cax jit diamw aw dyrr lag lyc kir, qajair suxiongrzinn sui' qra guaw liac diauu lehh --- jit qix kax ixqingx jauw cud kir lanqanx gua. Jiaxee dairjir jixbingg guaw amwiwsig (Unconscious) u jursad ciongdong, iacc si qongw, guaw duiww dirr jitt xee sewqair-siong sing'uac ee jit jiongw diwmia ee dexjer/ joxdongr (Resistance).
Hitt sii, venrnarr qaur amwmee sii, jongw u jit jiongw qongw be cud ee qniahniaa, ciangjai tniax .diyc u sniaxmic decc qniaa dinxdang; tniax .diyc Rhine juixkamw iubun koxcow ee hauxsniax, dyrr e qamxqag siwjiuuii longxx si huihiamw de : jongxsi u langg rimx siw, sitew ui' gamjiyc-dingw ciongx lyc laii/ hurqin ee bongrde, qauwdngg jewsix uew cud jit dxuix jit dxuix jangsuisig ee too/ simsinn giamsiog ee lamsingr cing dngg osig lexhok, dir digvet quann ee by-aw, oqimx ree , qrngx jit xee osig caa ap-aw; jitt sii, vaxvah cing bogsux ee dngsnax, qongxue sniax hiangxliang, luxsingr longxx decc hauw. Tniax qongxx, u langg virr draii .zip .kir dong-lai. U langg jinwjingg iauxx dilehh, jitmaw hionghiongg byy knuar .qnir .ar, qycc tniax qongxx si virr draii dirr tokax, siongrder driaur inx kir siongrder hiax.
Maxmah qar guaw dagg mee longxx rair qidyw, guaw jin' qac'ir, hro guaw dirr cimdimm vut'anx ee amwmee, u jit jiongw songxkuair ee qamxqag :
Jusiongg ee Iasox, cniaw tenxkuix liw ee sxit,
qra liw ee qxex-aw qniaw, liw ee qniaxzii tunx lyc kir.
"Narr qongw moquiw beh jiac ix
marr be siongx diyc ix"
tensair anne cniur !
Iasox e andah langg, Ix si senrliongg zinjuu ee sinsnex, cniurr sniavyw-lai ee Herr Wegenstein sinsnex, u jnii/ uigiamm/ dairduan, digvet quansimx ginxaw. Uirsniaxmic Iasox u cniurr jiauxjiah ee sidqow? si bee, guaw marr byy duiqiur. Qamxqag kacc u iwsur/ cuwbi :ee si, qongw ginxaw si qxex-aw qniaw, Iasox henxzenn byy air jiac/ cniurr jiac koxiyc qra "jiac" lyc kir. Jex byy iong'i lixqaiw, aurlaii tniax qongw, moquiw marr air jiac qxex-aw qniaw, uirr piacbenw qxex-aw hro qxuiw jiac driau, Iasox jiacc anne jyr, guaw hionghiongg qakgno .diyc, suibongw Iasox byy qac'ir hitt xee bi, byy air moquiw liac diyc inx, jiacc qra ginxaw tunx lyc vxag, Sniu diyc anne, simlai qamxqag jin' hongwsimx; mrqycc jitmaw qycc tniax qongw Iasox iauxx si beh "jiac" langg, jex "jiac" qangrkuanw si qra langg draii dirr dong-lai.
Jitt jiongw pnaiw qetdiau ee luirviw, sanxsingx vuthing ee hiyrqyw, guaw kaisiw huaigii siongrder; Ix sitkir hro langg simanx/ jusiongg ee dua jiah jiauw ee digdingx, kiokk ham' hiaxee cing lexhok/ oqimx ree/ dir quann by/ qrngx ox ap-aw/ baijong sixlangg/ ut'amr ee osnax-langg lensiongw jywhuew.
Jiaxee sniurhuad jyrsingg guaw iwsig derr id vaiw congwsiongx. Jit xee iamrzuac ee zuac .langg, guaw cniurr vingsii qang, jre dirr cur mngg-jingg ee duarlo sngw suax. Lo ui' gunw daux vakdow vnix:a quer, tonghiongr snualun, duiww snuapyx hitt vingg ciurnaa-lai itdit kir. Ui' cuwvnix erdangr knuar diyc jit diauu jin' dngg ee lo itdit hng byy .kir. Dng' guaw giac tauu knuar sii, knuar diyc jit xui cing osig dngsnax/ tauu dir jit dingw by digvet kuah/ ui' ciurnaa-lai qniaa cud laii, hyxcincniu si cing luxjongx ee javolangg. Hitt xee langg ban ban qniaa qin .laii, guaw cingcyw knuawcud, si jit xee cing osig dngsnax ee lamsingr. Jex hro guaw qamxqag qniax, jit jiongw kongwjer byy diauu ee qniahniaa jin' qinw tuann qaxx qui' singkux. cneqniax ee liamrtauu siamw quer taukag", jex si jit xee Iasohue huersu." jingg byy zuarr quw, gauw taux taux tniax vaxv ah ham' jit xui laii gunw daux ee dongsu, qongw diyc Iasohue huersu imhiamw ee uahdang. Ui' vaxvah auwnauw/ hin/ qycc qniahniaa ee kauxkir nirr, guaw iycsniu, hiaxee "Iasohue huersu" digvet huihiamw, simrjiww duiww vaxvah jyrsingg uihiap. Sursit-siong, guaw vingrr byy bingvik Iasohue huersu dauwdew si sniaxngiu, mrqycc guaw sigsai qidyxsuu "Iasox".
Guaw sniu, ui' snuadingw lyc .laii hitt xee langg, itding u huawjong, narr m si, uirsniaw ix cing jabow ee snxax? Kyxlingg ix u berdangr ho'ngg jaix ee iwdoo. Guaw jin' diyhqniax, hiongqongg jauw zip kir cur-lai, ciongx duiww lautuix, bih dirr vnuawlauu-dingw siongrr amr ee jit qix tiau-kax. M jaix dirr hiax bih zuarr quw, mrqycc siqanx itding jin' dngg, dng' guaw jongwdnaw lyc lautuix, jin' sewzi/ taux taux aw tamwtauu cud kir knuar sii, hitt xee osnalangg lenrr ngiaw dyrr knuar byy ar. Cuxau, quixarr zit, qniahniaa itdit pnuarduer, m qnaw qniaa cud kir cur-gua, dyrr si aurlaii kir duarlo sngw, hitt xee oamr ciurnaa ee snuapyx itdit hro guaw vut'anx/ tequann qingxqag. Dongzenn, quer liauw jin' quw jiacc jaix, hitt xee osnalangg si be hai langg ee tenjuxqaur sinhu.
Iokk qang siqanx, guaw qir be cingcyw, kyxlingg kacc jaw quaw, guaw u siongrr jaw bang ee qiwdii. Jitt xee bang aurlaii itdit lauu dirr simqnuadew. Guaw iokk snax~ sir huer.
Gunw daux qodnuax kia dirr Laufen sniavyw hurqin, qauwdngg jewsix longdniuu ee aurbin u jit dua pxenr cauxvox. Bang-diongx ee guaw kia dirr cauxvox, hionghiongg huathen jit xee osig/ dngliauhingg/ jiyhtauu tiap kiw laii ee dong, quewkir m bad knuar .quer. Jin' hnowhenn qniaa uaw .kir, knuar duiww lairbin, u jit vaii jiyhkxamw itdit endngg quewkir, dniuduu vnuawvox, iauxx si jywdnaw simqniax qniaa lyc kir. Qniaa byy zuarr hng, u jit xee uanqongmngg, mngg-dingw qruar jit der dua qycc dang ligsig mnglii, cniurr qaqangx quer/ jin' suiw ee diuduan, jin' u paiwtauu. Sidjai jin' hnowhenn, sniu beh knuar mnglii au si sniaw, henkuix knuar, amwdam qngsnuar u jit xee iokk snax-jap ingciyh dnghingg cur, cuwdingw si uanqonghingg, si jiyhtauu qaqang quer tiap kiw laii ee, dervanw pox dua jiyhvanw, dionghngx ju jit diauu angsig dertanw, ui' mngkauw itdit tongx qaur jit xee qe qe ee vingdaii, vingdaii dingw kngr jit xee qimsig vyxjy, jxy-dingw u jit der angsig ju-aw, hex sidjai u qraur lewdauw cniurr qokongg ee vyxjy. Vyxjy-dingw cai jit xee mic, kixtauu sniu qongxx si cakic, iokk jap-zi ~ jap-go ingciyh quann/ ciyy vnuar ~ nng ingciyh qau, huisiongg quann, decbecc longr diyc cuwdingw. Aurlaii jiacc huathen, m si caa, si puee/ bah josingg ee, siongrr dingxbin u jit liap ngii ngii cniurr langtauu/ byy bin/ bagjiux snix dirr siongrr dingxquann, itdit siongr cuwdingw knuar.
Cur-lai jin' qngx, byy txangx/ byy qitnax qngguann/ taudingw qimx ngiawngiar/ itpenr canwlan. Jxy-dingw hitt xee mic suibongw itdit byy dinxdang, guaw jongxsi qamxqag ix suisii e cniurr tangg hitt ngiu vee quer laii. Guaw qniax qaxx qui' singkux gne .kir, jitt sii tniax diyc guarbin maxmah decc qiyr guaw " knuar kacc siongser lehh, hex si jiac langg e quaiwbut!"
Maxmah hionghiongg huacsniax, hro guaw qniax qaxx cud cinwqnua, jingsinn au, iauxx qniax qaxx qiongbecc siw. Cuxau, jerje amr guaw m qnaw kunr, qniax qycc jyr jitt jiongw bang.
Jitt xee bang idnii guaw jerje nii. Itdit quar jin' quw au, guaw jiacc iwsig .diyc, gauw knuar .diyc ee hitt xee mic si lamsingr singr kiwquanx (Phallus). Quiw jap nii au, guaw jiacc bad hex si qoxlyw jewgii-diong virr langg jongvair :ee. Itdit byy liauxqaiw maxmah qongw :ee si sniaw iwsur, hitt xee mic si jiac langg ee quaiwbut? Iauxx si hitt xee mic si jiac langg ee quaiwbut? Zuqyw si derr id jiongw, iwsur si jiac ginxaw :ee m si Iasox/ Iasohue huersu, si javox singwkiwquanx; narr si derr zi jiongw, jiac langg ee quaiwbut si ixx javox singwkiwquanx jyr siongrdingx, anne imdimm ee Iasox/ Iasohue huersu/ javox singwkiwquanx si qang jit jiongw mic lor.
Jitt xee singwkiwquanx ee tiusiong iwgi taur quer anne ee sursit henr cud laii, si ixx jurjunx jyr ongg, "kia dit dit" cai dirr hiax. Cauxvox ee dong kyxlingg dairviauw jit jxy bong, bong erkax si sinbiy, ligsig mnglii siongrdingx cauxvox/ kyxlingg siongrdingx de-siong ligsig cauxbok ee sinvir. Huec'angsig dertanw. Uanqongmngg si sniaw iwsur? Kyxlingg guaw ixqingx kir quer Munot/ knuar quer Schaffhausen ngihingg sniavyw? Jex si byy kyxlingg :ee, si'angw e cua jit xee snax huer ginxaw kir hiax? Byy kyxlingg ui' qiwig suncue diyc snuawsyh; qangrkuanw guaw marr m jaix hitt xee qaixpywhak uanbiw ee singwkiwquanx si ui' dyhh laii? Vangr ziy ee cutkauw qaiwsueh jyr bagjiux, dingxbin qycc e huad qngx, jixbingg "singwkiwquanx" jitt xee laiguann (Hellene guanbunn ee iwsur si "huad qngx" "bingqngx").
M quanw jnuaxngiu qongw, bang nirr ee javox singwkiwquanx dyrr si derha jit senx "qongw be cud miaa" ee sinn, itdit tingg dirr guaw ee qiwig nirr, itdit qaur cingcunqii, jixiaur u langg quewdo qiongdiau qongw diyc Iasox, ix dyrr cuthen dirr guaw taukag-lai. Iasox duiww guaw laii qongw, byy jinsit junjai .quer/ jurlaii dy' byy jiapsiu .quer/ byy hro guaw qamxqag cinced, guaw jongxsi jit vaiw qycc jit vaiw sniu diyc ix dirr derha hitt xee duiwdingxmic. Jitt xee simqniax ee kexsi qangwlimm qaur guaw srinx-siong, mrqycc guaw byy cue ix ar! Hitt xee Iasohue huersu ee "qaxjongx", dirr langg' qar guaw qidokqaur qauwgi ziax diyc imngiaw, qamxqag hex cniurr jit dniuu giamsiog ee huawjongx buxhue/ cniurr jit dniuu songlew, sangr :ee binriongg imdimm visiongx, quer .jit .xe kiokk taux taux ciyr, jit diamw aw dy' byy siongsimx. Iasox dirr guaw ee ganw-lai, naxjunxx si jit senx sixsinn, qandna' dirr qnuaxjauw amwmee ee qniahniaa sii, jiacc duiww guaw iuxsow vangjan, mrqycc ix si dingr dirr sibziqer-dingw/ quair bo'ngiu/ lauhueh-laudih ee sitew. Tniax langg qongw diyc ix ee zinjuu/ hysen, simlai kiokk amr amr aw huaigii, juxiaur guan'inx si hiaxee qongw diyc "cinair ee Iasox" siongrr u jingsinn :ee, longxx cing ox snxax/ ox ree, jongxsi hro guaw sniu diyc draii sixlangg ee dniubin, inx si vaxvah/ veh xee a'jig (juanvo longxx si bogsux) ee dongsu. Je nii laii, inx dirr guaw simlai kiw qniahniaa, u sii duw .diyc ee sinhu qyckacc si anne, inx hro guaw sniu kiw hitt xee diyhqniax ee Iasohue huersu, jiaxee huersu bad ziaw quer vaxvah, hro vaxvah u qingxqag simx. Itdit qaur qniaa qensinwlew sii, guaw iauxx itdit sethuad benxqiongw jurqiw duiww qidok caixcuw langg' soxui jingwkag taiwdo, mrqycc jyr be qaur/ jnuaxngiu marr kikhok be driau simx-diongx hnuaw hnuaw byy sinwzimrqamw.
Duiww "osnalangg" ee qniasimx si muixx jit xee ginxaw longxx u ee, hex m si guaw ginxaw qinggiam ee quanqenr, si anne jit jiongw zinrbad "hex dyrr si Iasox." cimx cimx kig dirr guaw ee taukag-lai. Anne qongw .laii, diongriaur ee dendyww si hitt vaiw bang nirr, u siongrdingx iwgi ee dniubin/ suxx langg qniagii ee qaixsueh "hitt xee si jiac langg ee quaiwbut" , lauu lyc cimkig inwsiong m si hnaxqniax ginxaw ee jiac langg quaiwbut, si --- jex dyrr si jiac langg ee quaiwbut, ix kia quann dirr derharsig qimsig vyxjy-dingw. Dirr guaw iuwdir siongxsiong-diongx, jixu qokongg jiacc erdangr jre qimsig vyxjy; qycc laii, siongrder/ Iasox dir qimx by/ cing vec dngsnax jre dirr iauuanw natnix, hitt xee kacc suiw/ kacc quann/ qimqngx siamxsih ee vyxjy-dingw; lingrgua "Iasohue huersu" hingsiong si jitt xui guaw soxx knuar diyc dir kuacdua ee oby/ cing osig luxjongx/ ui' ciurnaa snuavox qniaa laii :ee, ciangjai hiongr snuavox hitt vingg knuar, hongjiw huihiamw uaxqin guaw. Dirr bong nirr, guaw qniaa zip kir derha jit xee dong-lai, huathen vyxjy-dingw ee mic ham' guaw siongxsiong :ee uanjuann byy qang, hex si jit jiongw byy cniu langg/ imqanx ee mic, bagjiux byy dinxdang siongr dingxbin knuar/ jiac langg bah. Itdit qaur go-jap nii au, jit pnix genxqiur misa (Mass) siongrdingx ee jongqaur lunrbunn ee jit dnxua bunzi inxkiw guaw ee juwir, qongw qoxlyw sidai ee langg, u jiac langg bah ee sibsingr. Hitt sii jiacc bingvik, ginxaw hitt nng vaiw qinggiam siamw quer iwsig ee susiongw m si iuwdir/ dendyww siongdongx hogjap/ quewdo hogjap. Guaw simlai dauwdew si'angw decc qongxue? Si'angw ee iwsig congwjy liauw hiaxee qingxsiong? Dauwdew si sniaxmic ciauqib diwlik decc huatsingx jok'iong? Guaw jaix soxu ee hauwdaix longxx e qongw be tingg "osnalangg" "jiac langg ee quaiwbut", marr e qongw diyc "kaxhap" "surau qaixsueh", juxiaur si beh qnuaxjauw hiaxee kyxlingg uziamw ginxaw ee sunjinx. Or! Jex si zuarr hyxsimx/ qangxqiur sidhau/ taukag qenrjuann ee langg ar! Inx jongxsi hro guaw sniu kiw hiaxee dirr horjuiw jxig kiw laii ee juixkud nirr ee holiux pak zidtauu, inx keh dirr kyxjuiw nirr, tauu/ buew dinxdang byy tingg, jin' hnuahiw, qinvunw byy sniu diyc derr zi zit tauwjaw juiw dax .kir, singkux byy de bih.
Anne, si sniaw qra guaw qongw quer jiaxee dairjir? Si'angw dramm quer jiaxee guaw uanjuann m jaix ee bunrdee? Si'angw qra tnidingw/ derha dongsii qethap dirr guaw ee simx-lai, jyrsingg guaw au vnuawsiwlangg ciangciangg qunw ee sing'uac qijiyc? Duliauw hitt xee laii jurr tniqongx/ qycc laii jurr derha ee cnehun langkeh ixgua, iauxx e si si'angw?
Tauwquer jitt xee ginxaw sii ee bang, guaw kaisiw cam'uw dairde ee viwbit, soxu huatsingx ee dairjir virr draii dirr derha, quer liauw jerje nii guaw jiacc ui' qidiongx qaixtuad. Qin'axzit guaw jiacc bingvik, hex si uirr qra siongrr dua ee qngguann inxjinr oamr-diongx, si jinr zip oamr ongqog ee kaisiw. Guaw ee lixdir si ixx amwiwsig kuitauu- kixvo.
LAK HUER EE QIWIG CUIWPNIR
1867 nii, gunw daux vnuax kir Basel hurqin ee Klein-Huningen. Jitt xee dairjir guaw be qir .did, si quiw dxangx au dirr jiax huatsingx ee su. jit zit amwmee, vaxvah qra guaw ui' bincngg py kiw laii, qniaa qaur hiongr saix ee ding'aw kax, qiw hro guaw knuar, honghunx ee tnix hionghiongg siyx kiw laii, itpenr cagbak ee ligsid qngngiaw. Hex si 1883 nii Krakatoa huexsnuax voghuad au.
Iauxx u jit vaiw, vaxvah cua guaw kir knuar dangvingg dervingsnuar jit liap dua huircnex.
Aurlaii, dongde huatsingx jit vaiw duarjuixjaix, Wiese hyy huanwlam, ciongsngw duarjuixvar/ jit jxy qiyy, imsiw jap-sir xee langg, sitew virr lyy dakdag ee ngjuiw ciongx .zip .kir Rhine hyy. Duarjuiw trer liauw, u quaw sitew draii zip suax nirr, jid'err tniax jitt hxang su, guaw byy qor itcer jongg kir knuar, knuar diyc jit xee dionglenn lamjuw, cing osig lexhok, ix itding duxx ui' qauwdngg cud laii, singkux jidvnuar draii dirr suax nirr, ciuxqud ziax dirr bagjiux. Guaw iauxx knuar .quer taii dix juanvo quewdingg, knuar qaxx jin' hnuahiw juansinn quanwjur. Jex qra maxmah hnaxqniax lor, ix qamxqag taiww qnialangg lehh, taii dix/ sixlangg duiww guaw kiokk u qongw be cud ee kip'inxlik.
Siongrr jaw ee gersut qiwdii diyhh dirr Klein-Huningen hitt quiw nii qongw kiw. Dongsii verbuw druar ee si jap-veh sewqiw kixjy ee bogsux cuwtec, lairbin u jit qingx jin' amr ee ser cur. Cur-lai ee qaku pinxjid jin' qangxqiur, viah-dingw qruar jin' je qoxdoo, qir siongrr cingcyw :ee, si jit vxag "David and Goliath" Italy jokpinw, ui' Guido Reni (1575-1642) ee uersig copy quer laii ee, guanjog vyxjunn dirr Louvre, Paris. Doo si anxjnuaw laii ee, gauw m jaix. Iauxx u lingrgua jit vxag, jitmaw qruar dirr gunw qniaw ee cur-lai, si jap-veh sewqiw jaxqii Basil ee hongqingw. Guaw ciangjai liux zip kir hitt qingx ohnuaw/ ham' qitnax vangqingx qecli ee cur, dirr hiaxee doo taujingg, jid'err jre quixarr diamxjingx, inx ee suiw hro guaw sinn .kir, hex si guaw dongsii ui'id bad suiw ee mic.
Iokk dirr hitt sii, jit xui a'ii cua guaw --- iauxx bue lak huer ee ginxaw kir Basil, camquanx pokbudquanw, hiaxee si iong diurcauw jnrix kiw laii ee dongrbut. Gunw dirr hiax tingliuu jin' quw, jin' sniu beh siongser knuar muixx jit qnia denxlamxpinw. Ervox sir diamw, pogbudquanw beh qnuaix mngg ar, a'ii itdit ser ser liam, guaw kia dirr qenwvunxduu jingg m li kax, jitt sii denxlamxsig ee mng ixqingx syw .kiw .laii ar, gunw jixhyw ui' lingrgua jit diauu lo qniaa quer qoxdai uerlongg, qniaa qaur lautuikauw, knuar .diyc jit quaw uersiong, hionghiongg guaw ee sinhunn vuex byy .kir, bagjiux tenw qaxx jin' duarluiw, itdit knuar, byy air likuix, oox! Hiacc suiw ee mic, jurlaii byy qnir .quer! A'ii gne kiuw guaw ee ciuw, tuax guaw cud kir, jin' m jingguan jiacc likuix. Ix naxx qniaa naxx huah " liw jit xee ginxaw jin' qor langg uanr, qra bagjiux kreh kiw laii, jin' tyxiar, bagjiux kreh kiw laii!" krir pudput, naxx ho'ngg tuax quer qiluxho lehh. Hex si guaw derr id vaiw knuar diyc byy cing snxax/ ziax quiw pnir hiyc-aw ee langsiong. Jex si derr id vaiw ham' bixsut qauongw.
Lak huer sii, verbuw cua gauw kir Arlesheim luxiuu. Maxmah hitt vaiw cing ee snxax , guaw jidsiwlangg qir diauu diauu (marr si guaw ui'id ee qiwig), osig ee vor, dingxbin inr ligsig ee guehbaii, maxmah guanlaii si siauwlenn/ sanw/ lyr, cing jitt jiongw snxax naxx oniaux, si aurlaii venr qaxx duarkox/ laursiamx.
Gunw laii qaur jit jxy qauwdngg jingg, maxmah qongw "jex si tenjuxqauwdngg" guaw si hnowhenn qycc qniax, taux taux ui' maxmah srinx-vnix liukuix, knuar duiww lairbin, jewdnuaa-dingw diamw jit qix dua lahjig, hitt jun si Iasox qycc uac qiqanx (Easter). Jitt sii guaw hionghiongg ui' kxamw-aw siag jit dyw, erhaii longr diyc ticpnir, verbuw py guaw kiw laii sii, hueh lrauu byy tingg. Dongsii guaw ee simjniaa digvet u iwsur, jit bin qamxqag pnaiwser, guaw qiyr ee sniax dua qycc jiamx, inxkiw qauwdngg-lai ee langg juwbak; lingrgua qycc qamxqag jurqiw jyr liauw uiqimr ee dairjir. "Iasox --- ligsig ee mnglii --- jiac langg quaiwbut ee viwbit ... jex dyrr si ham' hiaxee Iasox qauwhue huersu iuxquanx ee tenjuxqauwdngg. Gauw vuahdyw, tniar qaxx dua sniax huachiux, juann si inx ee cyr."
Aurlaii, guaw itdit m guanrir qniaa zip kir tenjuxqauwdngg, jit zip kir qniax vuahdyw/ lrauu hueh/ qniax hiaxee huersu. Vuahdyw/ lauu hueh naxjunxx si tenjuxqauwdngg ee kiwhunx, jitt jiongw qycc e kip'inw guaw. Narr qongxx jit xee tenjuxqaur sinhu itding beh kywqin guaw, anne e hro guaw jin' vut'anx, itdit qaur snax-jap-gua huer, jiacc kikhok jitt jiongw aplik ee qamxqag, derdiamw si St.Stephen's Cathedral.
Jit quer lak huer, vaxvah kaisiw hro guaw tak Ladin bunn, guaw marr zip yc ar, m qniax tagceh, ixqingx yc erhaiw knuar ceh ar, dirr haghau singjig longxx dirr taujingg, qamxqag kinsangx. E qir .did u jit vaiw tak m bad, dyrr dnii maxmah liam hro gauw tniax, hex si jit vunw jerje cacdoo ee zidongg cecvunw, lairbin qongw be jiyw guarqog jongqaur, digvet si Inwdorqaur, u Brahma/ Vishun/ Shiva ... dringw do'pnir, guaw qamxqag jin' cuwbi. Maxmah aurlaii qongw, guaw itdit henknuar jiaxee doo. Dagg vaiw knuar jiaxee cacdoo sii, jongw u jit jiongw bu bu ee qamxqag, qamxqag inx ham' guaw "guansiw ee kexsi" u moxjiongw cinced/ jiapqin, jurlaii byy duiww langg' tee kiw, pacsngr ingxuanw byy be qongw puar jitt xee viwbit. Maxmah qanwjiab jingwbing liauw guaw ee qamxqag, guaw juwir diyc maxmah qongw "irqauwdoo" sii, ix kauxkir hex jit sxix aw vyc vyc ee pixsniur/ knuawkinx. Guaw jaix, zuqyw guaw tauwlo gauw ee "kexsi", ix itding huisiongg qniasimx, dua sniax me guaw. Guaw dongzenn be kacngx jniu/ cue jurqiw ee mahuann.
Jitt xee m si qaiww iuwdir ee hing'uii, jit bin qionglet ee binxqamw/ iong'i sriu sionghai ee luersimx iuxquanx, lingrgau jit bin si guaw jaxnii ee qodnuax (mexmeh dirr guaw qauw huer ixau cutsir) --- guaw qandna' jit xee langg sngw, jiauww guaw jurqiw ee hongsid sngw. Uiham si qir be cringx sngw sniaw, jixsirr sngw ee sii byy guanrir langg' caw. Juansimx sngw, byy air langg knuar/ byy guanrir langg qixqiw-ducduh. iokk cid ~ veh huer sii cingcyw e qir .did decc sngw sniaw, digvet qac'ir jng'axqag, iong jxngx tiap tah kiw laii, qycc iong dedang qra huixbet driau, jitt xee quewdingg hro guaw simx-juir-sinn-bee. Cid ~ veh huer ji' qranx jongxsi itdit rue siytaii/ vauuii/ hongjar/ haixjenr, zenau qui' vunw vitqiwpo rue qaxx longxx si bagziah, qycc jin' cuwbi duiww jiaxee doo jyr qiquair ee qaixsueh. Guaw air kir haghau tagceh, si guaw cue diyc cittypnua.
GUAW EE EXLANGG HAM' IX EE OX JIYHTAUU
Beh qongw haghau dairjir jingg, guaw sniu singx qongw amwmee ee su. Zidtauu jiamrr lyc snuax, qngsnuar dauc duac amr lyc laii, mee ee kiwhunx zuxx laii zuxx qau, jerje dairjir longxx dirr mee laii huatsingx, jin' yh lixqaiw/ suxx langg cnegii. Guaw kunr dirr vaxvah ee vangqingx (ix ham' maxmah byy qang qingx), maxmah hitt vingg tuann laii qnialangg ee sniax. Mee jid'err qaur, maxmah venr qaxx qoxquair/ sinvir.
U jit amr, guaw knuar .diyc bohoo ee ngiaw ui' ix ee vangqingx cud laii, ngiaw ee tauu likuix amrqunw, dirr amrqunw jingg puu iyy, cniurr jit xee siyw guehniuu, tudzenn, cuthen lingrgua jit liap tauu, hitt liap qycc likuix amrqunw. Jitt xee jinghingg dingrhok lak ~ cid vaiw. Guaw ciangjai e jyr hro langg' quawsimx/ iubun/ qniahniaa ee bang, bang-diongx ee surbut u sii dua/ u sii ser, vixzuu, guaw knuar diyc hng hng u jit liap siyw qiuu, jiamrr lenr ui' guaw jiax laii, zuxx laii zuxx dua, juewau venwjniaa jit xee qnialangg/ ho'ngg jadkuir ee mic. U jit vaiw, bang diyc denrsnuar, dingxbin hiyh jerje jiauxjiah, hionghiongg denrsnuar venr qaxx jin' cox, zuxx laii zuxx cox, cox qaxx guaw virr qniax cnew.
Jiaxee bang, irqyr guaw sinliw venwhuar ee taucud, suecbingg moxjiongw huatiok ixqingx kaisiw, hitt sii guaw iokk cid huer, diyc diyc qexsingr hequx (Pesudo-Croup), jadkuir jit jun jit jun pnuarduer. U jit amr guaw kia dirr cngg-kax, hionghiongg huatvne, tauu uaikyr bincngg, vaxvah uaw quer laii py guaw, guaw tauu-dingw u nasig qngkox, cniurr jap-go mee ee guechniuu hiacc dua, lairbin jerje qimsig siyw langg l.-laikir-k., guaw sniu inx qnaxx si tensair? Qokk jiongw huanwsiong vutduan cuthen, jiamrr qiamxkinx guaw duiww diamrkuir qniasimx. Mrqycc jit jyr jiaujyx ee bang, e qycc diamrkuir. Guaw qamxqag si luerjai simliw insor vnir qxuiw : vangqingx-lai ee kongkir kaisiw hro langg byy hxuad cuanxkuir.
Iamwsen kir qauwdngg, qandna' qac'ir singwdanwjed, siongrr air jit siuw singwdanwquax " siongrder congwjy liauw jitt jit zit", dongzenn singwdanwciu ho'ngg qyckacc hnuahiw. Jixu singwdanr erdangr hro guaw zedlet kingwjiog, qitnax ee jetzit guaw henxzenn jin' lingxdam; quewnii mee u damrvyc singwdanwbi, kiwhunx byy qang; qidog qangwlimzit u quaw digsig, ham' singwdanr be vixping tihh, jongxsi ham' xia/ qionghongx/ seh/ amr amr ee vangqingx liamm siy' uaw, hitt sii jongw e u sewbii qiqix-quwqur sniax, quaiwqii dairjir huatsingx.
Jitmaw erdangr qongw ham' hiaxee jngkax dongyc ee dairjir, guaw huathen inx hro guaw souanw guaw jurqiw. Qapp inx jywhuew c.-caxnau-n, qokk jiongw jokget/ ciuxcingr/ sniu e qaur :ee/ dagg hxang sngw qaxx jin' jiauunn, jex dirr cur nirr si ingxuanw be huatsingx :ee. Dongzenn, guaw simlai bingliauu, jiaxee cuttauu guaw qaqi dyrr sniu e cud laii :ee. Guaw qamxqag , guaw jursinx ee venwhuar juxiaur laijurr dongyc ingxhiongw, itding ee tingdo inx inxcua guaw, qiongvig guaw ham' jurqiw hunlii. Jitt xee byy verbuw, kiokk vauhamm vadd langg kacc qongxkuah ee sewqair, duiww guaw soxx sanxsingx ee ingxhiongw, zuqyw m si uanjuann kyxgii :ee/ hnuaw hnuaw duiwdik :ee/ jiwjiyw marr si hamhoo/ byy cringx :ee. Suibongw guaw zuxx laii zuxx qamxqag zidsii sewqair ee suiw/ hex "qimsig ee zidqngx jiyr tangwquer ligsig ee ciurhiyh"/ marr qamxqag byy hxuad dypiah imngiaw (Shadow) sewqair/ hiax siwqer longxx si hro langg pipii cuah/ byy qaixdab/ kiuw diyc guaw simlai bunrdee. Dongzenn, amwmee qidyw hro guaw gisid-siong ee vyxho/ jin' sikdongx qetsog liauw zidsii/ duxhyw inxzip ox xia amwmee/ vingjing kunr .kir, tnix narr qngx qycc baihok sinx ee huihiamw. Naxjunxx qamxqag jurqiw hunlet, jex hro guaw qniax, luersimx anjuann sriu uihiap.
E qir .did cid ~ qauw huer jitt dnxua qiqanx, jin' air sngw huew. Gunw daux huehngg nirr u jit dow dua liap jiyhtauu tiap kiw laii ee lau cniuu, jiyhtauu pang hingsingg jit kangx jit kangx, jex duxhyw hro guaw kiw huew, qiyr vadd xee ginxaw siwqew cue caa, diyhh itdit qax caa lyc kir, huew jiacc be srid .kir. Jitt dxuix huew si guaw jit xee langg qor ee, vadd xee ginxaw ersaih kir cue vadd xee kangx, mrqycc inx ee huew byy singwqed, ham' guaw byy quanhe. Guaw ee huew siyx qaxx jin' ong, dingxbin u jit lenr singqed ee qngkuann.
Jitt dow cniuu jingg u jit ee qiarpyx, pyx-dingw u jit der quann cud laii ee jiyhtauu, hex si guaw ee jiyhtauu. Jit xee langg ee sii, ciangjai jre dirr dingxbin, ovec sniu "guaw jitmaw jre dirr jiyhtauu-dingw, jiyhtauu dirr guaw ee erkax." jiyhtauu marr e sniu " guaw dyw dirr jitt xee cuqia-dingw, ix jre dirr guaw ee dingxbin." bunrdee laii ar, " guaw si hitt xee jre dirr jiyhtauu-dingw ee guaw neh? Iauxx si dingxbin jre dirr ix ee jiyhtauu neh?" jitt xee bunrdee hro guaw bangg .kir, guaw kia kiw laii, m jaix si'angw si sniaw. Jitt xee bunrdee ee dap'anr itdit congr be cringx, jit jiongw sinqii/ digvet u iwsur ee oamr pnuarduer gauw ee gignaiw. U jit diamw benw huaigii :ee, jitt der jiyhtauu ham' guaw u moxjiongw sinvir ee quanhe, guaw erdangr dirr dingxbin jid'err jre quixarr diamxjingx, ix tee cud naxx bee ee bunrdee hro guaw gongrhun .kir.
Snax-jap dxangx au, guaw qycc kia dirr hitt xee cuqia lorbin/ ixqingx qethunx/ u qniaw/ u cur/ derui, marr u jit xee ciongbuanw qokk jiongw susiongw/ qewue ee taukag. Hionghiongg, guaw qycc vnewjniaa hitt xee bad kiw dyc jit dxuix sinvir iwgi ee huew, jre dirr jiyhtauu-dingw bingngiu, qiuwqingr jiyhtauu si guaw? Iauxx si guaw si jiyhtauu ee ginxaw? Sui' sniu diyc jurqiw dirr Zurich ee sing'uac, dirr hiax ee suewguat naxjunxx si cnehun :ee, cniurr iauuanw ee kongqanx/ siqanx tuann laii ee siausid. Jex hro guaw qamxqag simqniax-damxhann, gauw duxx jimwdimm dirr donglenn ingxuanw sniwmia ee sewqair, ixqingx virr qionglik giuw cud, dui lyc zip kir vutduan lenr hiongr jingg ee siqanx-diongx, zuxx qniaa zuxx hng, hitt xee sewqair ee lat si hiacc qiongdua, qandna' cocann qra qaqi tuax lecc jauw, piacbenw sitkir duiww birlaii ee kongwjer.
Ingxuanw e qir .did hitt kig, cniurr siamw jit xe dyrr quewkir ee denrqngx jiywqngx guaw ingxuanw ee donglenn. Jitt xee ham'ir dirr guaw jap huer hitt dxangx henkuix. Guaw jursinx ee hunlec/ duiww sewqair jin' pnaiw jiangxag, suacc jyr cud lenrr guaw jurqiw marr byy hxuad lixqaiw ee hing'uii. Hitt sii siyxhagsingx longxx u jit xee cad ngsig ee envid ap-aw/ jit xee ser sryw/ jit qix poxtongx ciyh. Ciyh jit vingg, guaw kig jit senx exlangg, iokk nng ingcunr quann/ cing lexhok/ dir quann by/ kax cing jit siangx oqimx ee ree, iong bagjuiw niw ox, qycc ui' ciyh-dingw qur lyc laii, he dirr envid ap-aw lai, ap-aw lai jyr jit dingw ser cngg, iong jit diamw aw ngiumngg jyr jit niaw duarix. Guaw ui' Rhine hyy-vnix cue jit der qudliux/ dnghigg ee ox jiyhtauu, qra vunjyr dingw/ xe ngg vingg, iong juixcaiw cad sig, he dirr lakdew-aw sngw jit dnxua jin' dngg ee siqanx, juewau qra he dirr envid ap-aw, hex si ix ee jiyhtauu. Jex itcer jyr qaxx jin' amwmuaa. Guaw taux taux qra envid ap-aw he kiw kir cur-dingw hitt xee qimwjiw langg kir ee vnuawlauu (lauvanw ixqingx aur ar), cangr dirr jit qix duarniuu-dingw, si'angw longxx benw sniu beh knuar diyc. gauw qamxqag jin' dua ee buanxjiog/ an'uir/ kuaiwlok, byy zimrhyy langg erdangr huathen/ huixbet jitt xee viwbit; guaw jin' hongwsimx, luersimx maudunw/ sanxsingx ee koxnauw juann byy .kir. Dagg vaiw narr jyr m driyc dairjir/ qamjingg sriu sionghai/ vaxvah kiw dua singwde/ maxmah ee vne dang, hro gauw qamxqag ab .diyc/ simjniaa kee .diyc ee sii, dyrr e sniu kiw hitt xee hro guaw sewzi vaux kiw laii/ siujongg ee exlangg/ sniu diyc qudliux/ niw qaxx jin' suiw ee jiyhtauu. Guaw ciangjai qeh quiw xee lexvair, bih kuix duarlangg ee juwbak, liux kiw kir vnuawlauu-dingw, vreh kiw kir duarniuu, packuix envid ap-aw, knuar guaw ee exlangg/ ix ee jiyhtauu, dagg vaiw gauw e dirr ap-aw lai he jit dniux juaxqngw, dingxbin siaw :ee si qandna' guaw jurqiw bingvik ee gixgenn. Qax jit dniux juaxqngw naxjunxx iwbi diyc moxjiongw giamsiog gisid, uiham ee si, guaw sniu be kiw laii jurqiw duiww exlangg qongw sniaw. Qandna' jaix guaw ee "puex" jniajyr exlangg ee dosurquanw, guaw iycsniu, jiaxee puex itding u hro guaw jin' hnuahiw ee ue.
AMWIWSIG-LAI CUANXKUIR EE SNIWMIA
Duiww jiaxee hing'uii ee iwgi/ qiuwqingr qaix jnuaxngiu laii qaixsueh, guaw jit diamw aw dyrr byy he dirr simlai. Buanxjiog jit jiongw did .diyc ee anjuanqamw/ jiamwiuw moxjiongw vadd langg m jaix, byy hxuad did .diyc ee mic, jex si jit jiongw ingxuanw vutjunw vuervuan ee viwbit, guaw sniwmia ee anjuann ui' ix laii jiangxquanw. Uirsniaw anne, guaw byy mng quer jurqiw. Dairjir dyrr si anne.
Simlai cangr viwbit duiww guaw ee singwqeh hingsingg ingxhiongw jin' dua, guaw zinruii jex si guaw donglenn suewguat ee vunxjid digdingx. Qangrkuanw, guaw byy hiongr zimrhyy langg qongw diyc hitt xee quanhe lamsingr singr kiwquanx ee bang, Iasohue huersu ee dairjir marr sriok qandna' guaw jurqiw jaix ee sinvir ongqog. Exlangg/ ix ee jiyhtauu si guaw iwdoo hro viwbit jit xee guarjai hingsid ee derr id vaiw ciwgiam, m quanw jitt xee ciwgiam si amwiwsig/ iuwdir :ee. Guaw jimwdimm dirr jurqiw ee viwbit-diongx, jongw qamxqag qaix tamwcue ix ee iwgi, kiokk m jaix guaw sniu beh viauxdat ee si sniaw. Guaw hibang erdangr cue diyc jit quaw mic, kyxlingg dirr dairjurzenn-diongx, teqiongx gauw jit quaw snuawsyh, hro guaw bingvik hitt xee viwbit si sniaw/ dirr dyhh. Dirr jitt jiongw jinghongw-ha, guaw duiww cauxbok/ dongrbut/ jiyhtauu ee cuwbi jingqax ar, ciangjai qingxqaksingr jauxcue mow quaw sinvir ee mic, jurzin u moxjiongw qidokqaur ee iwsig, suibongw damrvyc vyxliuu "dairjir qinvunw byy hiacc kakding!" "derha ee hitt xee mic si sniaw iwsur?" Dng' guaw jiapsiu itvnuax jongqaur qauwgi sii, langg e qongw "driyc lar! Mrqycc iauxx u vadd xee, jit quaw lanw m bad, huisiongg sinvir ee mic."
Caa jyr ee exlangg hro guaw donglenn laii qaur siongrr quann diamw, marr si jiongqed. Jitt hxang su dairiok dirr guaw simlai vaihuee jit dxangx, aurlaii juanzenn be qir .did, itdit qaur snax-jap-go huer, sewhanr hitt dnxua qiwdii jiacc qycc ui' bongbu-diongx dingsinx puu cud laii, cniurr donglenn sii hiacc cingcyw/ poksor. Hitt sii guaw dng' juansimx cuansiaw "singr vunxlingg ee venwhuar ham' siongrdingx", tak liauw Arlesheim hurqin linghunjiyc/ ham' Australia ee sinjiyc (Churingas), guaw hionghiongg huathen jurqiw simdiongx u anne jit der jinjniar ee jiyhtauu hingsiong, suibongw guaw vingrr byy knuar .quer qangrngiu ee hogjewpinw, dngliauhingg/ damrvyc ox/ iong catliau cad jyr dingw-xe nng vingg, jitt hingsiong qycc camzip envid ap-aw/ exlangg hingsiong. Exlangg si qoxdai pix jit niaw qingqacmuax ee sinn, naxx kia dirr Asklepios vxix-dingw ee Telesporos, tak jit qngw cag hro liw tniax. Duer diyc jitt xee huesiongw, guaw derr id vaiw sanxsingx liauw anne ee sinwliam : qoxdai jingsinn insor e dirr byy zimrhyy didjiap ee tuansingg quanhe-ha jinwzip qywzinn ee jingsinn. Aurlaii guaw kir vaxvah ee dosursig ca'uat, byy huathen ham' jitt hongbin siongquanx ee ceh, vaxvah duiww jex marr itbuu-soxdix.
1920 nii, guaw dirr Ingqog sii, iong caa kig liauw nng senx zinsiong, ham' sewhanr kig :ee hitt xee exlangg luirsu, mrqycc dongsii guaw qinvunw be qir .did sewhanr ee qinggiam. Aurlaii qycc jiauww qidiongx jit xee jiyhtauu kig liauw kacc dua ee hogjewpinw, jitmaw he dirr Krsnacht ee huehngg nirr. Guaw decc kig jitt xee jokpinw sii, amwiwsig teqiongx jit xee miaa --- Atmavictu, iwbi diyc sniwmia decc cuanxkuir (Breathe of Life), duxx si guaw sewhanr bang-diongx hitt jangg hro guaw simqniax ee ciu aurlaii ee huatdenw, u congwjyrlik ee ensiok. Hitt xee exlangg siongrr buew jniajyr jit hxang sinbut, vaux dirr ser lexhok nirr, cangr dirr ap-aw lai, dngqyhingg ee ox jiyhtauu teqiongx ix sniwmia ee ligliong. Aurlaii guaw jiacc bingvik jiaxee kanlenn. Guaw iauxx si ginxaw sii, knuar jurqiw jyr quaw jewsu gisid, cniurr Huijiux qi'binn jyr ee dairjir. Inx caixcuw hingdong, kiokk m jaix jurqiw jyr sniaw, itdit qaur je nii au jiacc bingliauu.