derr jap-lak jniux
DERR 16 JNIUX
LUN SEXIK, POXTONGX QAPP DIGVET EE HXUAD
I’ngi ee vnirlangg, kacc je liac juer u vni laii sewik, si byy habgii, iarr qongw vnirlangg m tangx qnir diyc hongx. Narr kanwho decc quanw inx, hro inx qaqi suiven, dairkair vnirlangg vutqyr sew ciuw sew bin nardnia; vnirlangg kacc jiyw qaqi trngr snaaxkor lyc kir sexik.
Vni dang ee langg narr m si hitt hy vutsingxzinsu, ix dniardiyc byy hnuahiw langg’ qah ix sexik, ix ee iwsur si m air langg kiauxziauw inx. Hitt sii, kanwho diyhh ing inx ee qenwsig, hro langg e hnuahiw sexik.
Sexik ee sii diyhh jiong’ uivinn jac hro hyxser, byc did e quer hongx; ingqaix qnuaix ee txangx-aw diyhh qnuaix. Jitt kuanw ee jinghingg jiurr e hro vnirlangg kacc vangwsimx. Zen’au urvi siyx juiw hyxser, hro ix sew; ix narr jit vaiw sew liauw knuawuac, jiurr e siongsiongg ngwbang langg qycc congr hro ix sew.
Vnirlangg e did tangx qaqi juer ee su, cincniu binw cuiwkiw, sew ciuw, hitt hy dairjir, kanwho diyhh hro inx qaqi unn unn aw kir juer, byc did cuivig ix; jiaxee cingqed ee dairjir, hro langg jitd’err knuar jiurr jaix. Narr si hitt hy m air limx-jiac ee vnirlangg, setsuw ix ee singkux, siujingw cingcow, qycc ing mic hro ix jiac, ix dniardiyc kacc hnuahiw jiac.
Sinx laii zip ngi ee vnirlangg diyhh knuar ix e did diamr igqingx sexik iacc be. Narr si guarsiongx iacc si jniaa kangx hitt hy ee vni, isingx narr byy huanhur, dniardiyc be tangx diamr igqingx sexik. Hokib byy lat :ee, qyzet huanrjiaw, iacc si puebah jniaa kangx, vutsii cud huih :ee, jitt kuanw ee vnirlangg, longxx be did diamr igqingx sexik .did.
U simjongrvni ee langg, kanwho diyhh mng isingx knuar tangx hro ix sexik iacc m tangx; isingx narr qongw tangx, kanwho diyhh virvan hro ix duxhyw siyee juiw, m tangx quer 100 dxo F . (37.8∘C.)
Narr u tuanziamxvni ee langg, iacc si singkux u satbuw :ee, inx narr sexik liauw, kanwho diyhh ing siaudogiyhjuiw jiong’ igtangw sew hro cingkir.
Diyhh virvan hanluanxqer, juer sexik ee loring (derr 133 doo). Dairkair vingsiongg ee puawvnirlangg, sexik ee juiw vutqyr si 98 dxo F . (36.7∘C.); narr qra ginxaw sexik, juir m tangx sniu’ siyx, in’ui ginxaw ee puehux si kacc iur. Ginxaw dui’ cutsir qaur 6 guehzit, ix sexik juiw ee undo, m tangx kacc qnuaii 100 dxo F. (37.8∘C.); 6 guehzit-au, 96 dxo F (35.6∘C.) jiurr hyw
Vnirlangg, igqingx ee mngg m tangx cnuar, in’ui vnirlangg ee kuiwlat kacc lamw, ursii taukag oamr hinn, nauxvinhed, iacc si kiw qingluann (痙攣, convulsions); jitt sijun ix be did tangx qra liw kuix mngg, kanwho jnaxngiu e did zip kir jiauwqor ix lehh?
Sew lingw juixik si dirr huatzet ee vni, cincniu siyxdngzet vni (enteric fever) iacc si hiwiam, hiaxee jxingr. Vnirlangg sew lingw juixik, si in’ui hitt xee jxingr ee zet jin’ dang, rair hro ix lyhqe. Isingx jitt sii iarr diyhh snaqb draur jiauwqor, qniax liauw sew ee sii, vnirlangg e venwkuanw. Sew lingw juixik m tangx liamvnix jiong’ vnirlangg he dirr 60 dxo F (15.6∘C.) lingw juiw-lai; dairsingx diyhh ing siyx juiw, cincniu dui’ 90 dxo F (35.∘C.), jiamrjiam hro lingw qaur 65 dxo (18.3∘C.). Kanwho iarr diyhh jaix vnirlangg narrr cinciu zet qaur 105 dxo F (40.6.∘C.), ix ee singkux ee zet e dor cud dirr juiw nirr hro kacc siyx, soxiw diyhh siongsiongg tnrix lingw juiw qapp vingder. Narr vnirlangg kiw qnuaa huatdiy, jiurr jiong’ ix qrngx qaur bincngg-dingw crid hro dax, m tangx qra ix qah sniu’ je, ing jit niaw puerdnax iacc si ser niaw tanxaw qra ix qah jiurr hyw. Ing siyjuixquanr ur kax. Sexik liauxau diyhh dirr qongbunn-lai qiamxunx, iarr qycc 45 hunx diyhh qycc qiamw(?), suar qir. Vnirlangg sexik liauxau, narr damrvyc kiw qnuaa huatdiy, kacc byy iauwqinw. Diyhh urvi brandy jiuw dirr vylevuex-lai, qapp virvan juwsiarkir (注射器, hypodermic syringe), qycc diyhh knuar vnirlangg ee mehpog anxjnaixngiu. Idi siyxdngzet jitt xee lingw juixik si jueww iauwqinw ee huatdo. Mrquxx langg ee vakdoxmoc narr huat’iam (peritonitis), dxngg cud huih (haemorrhage), huicqngw huat’iam (phlebitis), vakdow jin’ tniar, jiurr m tangx hro vnirlangg lyc kir lingw juiw-lai.
Jitt xee lingw juixik ee lirig vaii dirr erdew:
1. Zet ee huatqongg kacc kinx, kacc jiyw, bah kacc be cuah; hitt xee dokkir dui’ sinrjong vaicud dirr ziy kacc je.
2. Texun e kacc qe.
3. Simx pokdong kacc ban, iarr kacc e jiauww cuwsu (derr 476 doo).
4. Vnirlangg kacc be ziamw diyc hiwiam.
5. Vnirlangg kacc be drir qaur huad ziogsiongx (bincngg ee siongx).
1. Vnirlangg sixsor kacc jiyw.
Bincngg nirr ing iuvor ee jxyy, sexik ee huxad. Vnirlangg narr be did lyc bincngg sexik, ursii ing jitt xee hxuad dyrr si hyw (derr 134 doo).
Ing jit niaw iuvor viw ziok’aw liongx nng ciyh kacc dngg, jit ciyh kacc kuah. Diyhh ing jit diauu hangx siyx ee binrqinx cux nivor-dingw, vnirlangg beh dyw ee soxjai, in’ui hitt niaw iuvor e lingw. Jiacc ing iuvor he vnirlangg singkux-xe. Iuvor siwqaktauu u jiong’ jit xee kuann tno diauu, siwqaktauu longxx si anxnix. Jitt xee si beh ing vor vak dirr bincngg ee sir qix qnuaix. Dirr vnix:a ing qngw ee tanxaw, iacc si jimxtauu he lehh, hro cingrlingjyy kacc e diauu. Dirr iuvor-xe u jit xee jimxtauu, hro vnirlangg ee taukag kacc knuawuac. Bincngg tih jyr ee ziok’aw-xe, ing nng~snax xee vangx, hro ix be duirlyc quewtauu. Ing tanxaw qah vnirlangg jiacc trngr ix ee kunwsnax, iarr ing binrqinx kamr ersinx, ing vinxjiamw qra ix vinw. Dnaxx jiauww isingx soxx huanhur ee juiw vniar dirr jxyy-lai.
Narr sew liauw beh jiong’ juiw vniar cud, jiong’ iuvor uaw kax hitt vingg, kacc qe damrvyc, hro juiw lrauu lyc dirr juixtangx. Jitt diap bincngg ee kax, uaw taukag hitt tauu, diyhh kuer qnuaii, hro juiw kacc kuair lrauu lyc.
Juiw longxx vniar cud liauw, ing puerdnuax vaux vnirlangg, jiacc jiong’ iuvor tec kiw laii. Crid singkux hro ix dax.
Huepunr sexik hxuad: Iuvor diyhh viw ziok’aw kacc dngg, iarr nng vingg vnix hiautanx ee kuanw, cincniu jxyy. Uaw taukag ee bincngg-kax, diyhh kuer jit ciyh qnuaii, hro juiw tangx lrauu lyc kax-buew, srinn dirr juixtangw. Taukag ur vingx. Virvan vnirlangg jiauww dingxbin ee kuanxsid. Ing huepunr drew jiauww ixsingx soxx huanhur ee undo ee juiw, unn unn aw ag dirr singkux. Kacc siongg 3 jiww 5 hunjingx, jiurr qauwgiac (derr 135 doo).
Ing lingw juiw crid singkux. Jitt xee huatdo si beh idi zet ee loring (derr 136 doo).
Diyhh urvi jiaxee mic:
(a) Nng xee sexciuxpunn, jit xee diyhh drew lingw juiw, jiauww isingx qaudai ee ue. Isingx narr byy qongw zuarr lingw, juiw diyhh 65∘F. (18.3∘C). Qycc jit xee drew vingx tangx hro hitt xee sexik ee juiw sisiongg lingw.
(a) Juixtangw jit kax, qapp iuvor, iujuaw iacc si sinbunjuaw.
(b) Citvor, sir der, kacc nngw :ee cincniu qu binrqinx, iacc si juixnivor. Dagg der ee dua, cavutdyx 12 cunr suwhongx.
(c) Siyjuixquanr, dihongg qniax liauw vnirlangg ee kax e lingw.
(d) Sexik ee hanluanqer.
(e) Hangx siyx ee tanaw qapp kunwsnax.
(2) Diyhh qiamxunx, sngr mehpog, hokiab, iarr suar qir.
(3) Ing iuvor, iujuaw, iacc si nng~snax dniux sinbunjuaw ziakamr laii vyxho bincngg. Jiong’ jit niaw tanxaw cux singkux-xe, qycc jit niaw qra ix qah; iarr ix ee snaaxkor iacc si kunwsnax, trngr .kiw .laii; byc did hro ix cuex diyc hongx.
Ing jit der citvor jimr hro damm, jiacc siyxkuaw jun, hro juiw mrbenw dih dirr bincngg nirr; crid bin qapp amrqunw. Crid liauw, jitt xee citvor ee juiw, jun hro kiw .laii, hro ix dih dirr lingrgua jit kax juixtangw-lai, in’ui jitt hy juiw e kacc siyx. Ing citvor qycc jimr dirr lingw juiw nirr; jun, iarr he tauhiac, hro ix kacc liangg. Jitt der narr kacc siyx diyhh qycc ngua.
5. Jiong’ lingrgua jit der citvor jimr dirr lingw juiw nirr, jun, cridjit qix ciuw. Crid liauw, diyhh ing citvor jun hro hitt hy siyx juiw kiw laii dih dirr juixtangw. Citvor qycc jimr hro lingw, jun he qyc’erkangx. Ing jit diauu binrqinx jecdax, hh jiacc he ciuw dirr tanxaw-xe.
6. Vad qix ciuw diyhh crid siangrkuanw. Dirr qyc’erkangx ee citvor diyhh jiap jiap ngua hro lingw.
7. Anxnix jiauww cuwsu crid hingjingg, vakdow. Diyhh sewzi m tangx hro lingw .diyc.
8. Jit qix kax diyhh jiauww dingxbin crid, aurlaii qycc jit qix. Kax ciuw narr crid, diyhh jaix si dui’ jngxtau’aw crid qaur singkux. Crid singkux ee sii, ing lat diyhh vnii vnii, m tangx hutzenn kinx, iacc si hutzenn dang, ursii dua lat, ursii ser lat.
9. Vangjan vnirlangg dyw tanxkisinx, laii crid ix ee qajiac’au.
10. Cit’ik ee siqanx si 10 jiww 20 huningx quw. Decc crid ee sii diyhh qiamxunx jit vaiw; ix ee texunx narr hutzenn lyhqer qaur 99∘F. (20∘C.), mrbenw qycc crid.
11. Crid liauxau jiurr qnuaxqinw ing dax ee binrqinx crid hro dax.
12. Damxx ee tanxaw (qapp citvor), diyhh tec kiw laii, ing dax ee tanxaw qra ix qah, suar ngua dax ee snxax. Knuar ix ee kax e lingw iacc be, narr e, diyhh jiong’ siyjuixquanr qra ur.
13. Qycc vnuar diamxjingx quw diyhh qiamxunx, sngr mehpog, jiacc qir lehh.
14. Vnirlangg narr kacc luanxziok, hiaxee damxx ee citvor mrbenw he qyc’erkangx; narr knuar ix huatdiy, kanwho jiurr mrbenw qra ix crid, iarr diyhh ing siyjuixquanr ur kax.
Lingw sib vor vauhuad (Cold pack derr 137, 138 doo): Jiauww dingxbin diyhh zikamr laii vyxho bincngg, ing iuvor, tanxaw cux bincngg-dingw. Ing jit niaw puerdnuax jimr dirr lingw juiw (65∘F., 18.3∘C.), jun hro ix kacc dax damrvyc, cux dirr tanxaw-dingw. Vnirlangg ee snxax trngr liauw diyhh hro ix dyw dirr jit xee damm puerdnuax-dingw; ing jitt xee damm ee puednuax qra ix vaux singkux dagg xui, taukag ixgua longxx diyhh vaux. Taumngg diyhh ing lingrgua jit diauu lingw qycc damm ee binrqinx qra ix vaux. Vaux hyser, diyhh ing jit niaw tanxaw vaux dirr hitt niaw damm puerdnuax-dingw. Anxnix diyhh hro vnirlangg dy 10 jiww 15 hunjingx quw. Ing jitt xee huatdo, vnirlangg ee texunx e kacc qe, iarr ix kacc e kunr .did. Congr liauw diyhh ngua puerdnuax, tanxaw hiaxee mic, crid hro ix dax, iarr ing dax ee puednuax qra ix qah.
Sew siyx juixik iarr jin’ je lirig ee soxjai: e ing laii jixtniar; iacc si ziyrdok jxingr (ziyrdok zip huih ee vni), ing jitt xee huatdo e vangjan vnirlangg lrauu qnua; e idid denqongg, ngiuhinn ee jxingr, tangx hro vnirlangg kacc hyw kunr; tangx siongsiongg ing jitt xee huatdo laii dri siauxven vuttong ee vni, iarr e dri siauxziqingluann (convulsions).
Siyx juixik qapp zedkiwik, si beh hro vnirlangg lrauu qnua loring. Sinrjong narr byy jiauww ix ee jok’iong decc qniaa, iarr singkux byy loring ee mic, dui’ sinrjong vaicud kacc jiywjuixik, hitt xee sijun ing siyx juixik si jin’ hyw. Hitt diap siyx juiw e hro singkux puee-xe ee huicqngw kokdiong, iarr hro vnirlangg lrauu qnua; dui’ anxnix singkux e vaii cud byy loring ee mic. Anxnix jiurr si vangjan sinrjong.
Narr si isingx bingrling hro vnirlangg sew siyx juixik, kanwho diyhh urvi u 100∘F. (37.8∘C.) siyx ee juiw; narr si vnirlangg qamguan beh ing kacc siyx :ee, jiurr qycc hro ix kacc siyx damrvyc iarr tangx.
Narr si vnirlangg e tangx kir igqingx, anxnix kacc lirven. Hitt xee igtangw diyhh vniar juiw dirr lairbin, cavutdyx veh cunr cimx jiurr hyw. Diyhh nng xee kanwho qrngx vnirlangg, iarr diyhh huu ix lyc juiw nirr. Dirr igtangw-lai 15 hunjingx quw liauxau, diyhh huu ix kiw .laii; ing siyx ee tanxaw qra vaux, he bincngg nirr, crid dax. Narr iauxquxx decc lrauu qnua, diyhh tranr hitt xee zedkiwik liauw ee huatdo, jiauww qir dirr erbin.
Narr si hro sinrjongriam vni ee langg sexik, setsuw isingx qah kanwho urvi 100 dxo F. (37.8∘C.) ee siyx juiw, kanwho diyhh jaix jitt kuanw vni ee langg sexik ee juiw, dui’ kixtauu qaur sew liauw, longxx diyhh siang jit ngiu, vnivnii hiacc siyx, m tangx hutzenn lingw, hutzenn siyx. Jueww hyw ee huatdo, ing jit niaw dua niaw ee tanxaw laii kamr hitt xee igtangw, dukiw vnirlangg ee taukag ixgua, lenrr vnirlangg ee singkux qapp igtangw, longxx kamr hro ba; kanwho diyhh qycc liogsiok tnrix siyx juiw, iarr siongg laii qiamxunx.
Narr vni dang ee langg, qaqi byy lat tangx sexik, kanwho diyhh ciongx igtangw (igpunn) he ix ee bincngg-vnix, qra vnirlangg qah jit niaw puerdnuax, ing qycc jit niaw puednuax dirr singkux-xe; qrngx qaur igtangw-lai, iarr soxx muax ee puednuax dirr igtangw-lai, iuguann diyhh kamr vnirlangg hyxser (derr 139 doo).
Sexik ee sijun, kanwho diyhh knuar vnirlangg ee mec jnaixngiu, suar knuar hitt xee hanluanqer ee undo qnuaiqe. Iarr diyhh u lingrgua jit xee kanwho tangx qnuaxqinw urvi bincngg. Bincngg-dingw diyhh cux jit niaw iuvor, diyhh qapp bincngg vnii dua niaw; dirr iuvor-dingw, diyhh cux jit niaw qu ee tanxaw. Lingrgua, qra inx jiong’ jit niaw tanxaw hangx hro siyx tangx ing.
Narr zib’ik-au dirr 20 hunjingwx-lai, vnirlangg qyxzenn byy simxmic venwkuanw, jiurr byy iauwqinw; narr si iauxx bue qaur 20 hunjingx, vnirlangg ee mec e tiaur, iacc si byy jiauww cuwsu, iacc si taukag oamr, si m hyw. Hitt sii kanwho diyhh qnuaxqinw py ix kiw .laii, ing ix guanvunw hitt niaw singkux-xe ee puerdnuax (cuqinx) qapp ix soxx qah hitt niaw puerdnuax, qrngx ix jnriu kir hitt dniux cux iuvor qapp qu ee tanxaw binrcngg-dingw; hro ix singkux siyxkuaw tanxkisinx, jiong’ hitt niaw damm ee puerdnuax, tec .lyc .laii; jiurr ing siyx ee binrqinx qra ix crid hro dax, jiacc qra ix cing jit niaw kacc siyx ee nisnax. Qaur jitt diap jiacc qycc qah ix tanxkisinx, jiong’ iuvor qapp iuvo-dingw ee tanxaw sun hitt xee srer, qngw qaur vnirlangg ee singkux-xe; qah vnirlangg huansinx dui’ qngw iuvor hitt vingg quer .kir; jiacc jiong’ iuvor qapp qu ee tanxaw tec .kiw .laii; zen’au jiong’ pue qra ix qah hro hyw.
Narr si air hro vnirlangg lrauu qnua, isingx qah ix qra vnirlangg sew siyx juixik ixau, kanwho diyhh jaix vangjan vnirlangg lrauu qnua ee huatdo: cincniu qycc hro vnirlangg jiac damrvyc siyx ee mic, iacc si ing siyjuixquanr laii hro ix siyx, iacc si qra inx qah kacc je niaw pue.
Sexik ee quiqiw:
1. Vnirlangg diyhh sexik iacc m tangx, si isingx decc juxir.
2. Iauxx bue qiyr vnirlangg se, diyhh dagg hxang urvi.
3. Diyhh sisiongg ing hanluanxqer qiamxjax juiw undo.
4. Virvan idjuiw ee sii, diyhh dairsingx vniar lingw juiw dirr tangw-lai, zen’au vniar siyx juiw. Jitt xee si dihongg tngr diyc vnirlangg; qniax liauw narr dairsingx vniar siyxjuiw, hutzenn u dairjir, vniar lingw juiw air be qir .did, anxnix hai vnirlangg.
5. Vnirlangg sexik ee sii, diyhh u langg jiauwqor ix.
6. Vnirlangg jiac vaw, diyhh tingwhau nng diamxjingx quw, jiacc qra ix sexik.
7. Vnirlangg sexik liauw ee sii, tangx jnriu kir bincngg dyw, diyhh qinw qinw crid hro dax, iarr qah hyser; kanwho diyhh jimjiog knuar ix ee kax u siyx iacc byy; narr si byy siyx, diyhh ing siyx juiw quanr laii qra uar, iacc si ing hangx siyx ee tanxaw laii qah ix ee kax.
2. Igqingx-mngg, m tangx hro vnirlangg sryw.
Bincngg nirr sexik: Ursii vnirlangg be lyc igtangw nirr sexik, diyhh diamr dirr bincngg nirr sew. Vnirsig diyh qauwgiac siyx, iarr m tangx hro ix cuex diyc hongx. Diyhh jiong’ kacc ser kax igtangw, iacc si dua ee binrtangw, he dirr ix ee bincngg-vnix; iarr diyhh urvi nng niaw sexik ee tanxaw, nng diauu binqinx sew singkux ee citvo, satbunn. Binrtangw nirr ee juiw diyhh 110∘F. (43.3∘C.) siyx; iarr diyhh urvi lingrgua jit juixvann ee siyjuiw tangx tnrix. Vnirlangg diyhh dirr bincngg-vnix. Bincngg ee mipue iacc si tanxaw tec kiw laii ee sii, diyhh ing jit niaw sexik ee tanxaw qra ix qah; derr zi niaw diyhh cux singkux-xe; iarr kunwsnax, diyhh trngw kiw laii. Diyhh qra ix sew.
Sew ee sii mrbenw henx kacc je, qniax liauw qamw .diyc. Diyhh jiauww jitt xee cuwsu qra sew: bin, hni-aw, amrqunw, ciuw, hingkamw, vakdow, qajiah, kax. Jit xui diyhh singx sew, crid dax, jiacc qycc sew vadd xui (derr 140 doo).
Damm ee tanxaw diyhh tec kiw, ing puerdnuax jiong’ bincngg cux hyxser, iarr ing cingkir qycc siyx ee kunwsnax qra ix cing.
Siyx sib vor vauhuad, qapp sew siyx juixik ee lixkir si siysiang; narr duw diyc hitt hy vutsingxzinsu ee vnirlangg, ing jitt xee hxuad viw sew siyx juixik kacc lirven.
1. Dairsingx virvan jit dniux bincngg, dingxbin cux jit niaw dua niaw iuqvor; iuvor dingxbin, cux jit niaw hangx siyx ee tanxaw; qycc trngr vnirlangg ee snxax, iarr jiamrsii jiong’ jit niaw hangx siyx ee tanxaw qra ix qah.
2. Tec jit niaw dua niaw puerdnuax (cuqinx), sun hitt xee srer, qngw .kiw .laii, jih juer snax jih; qycc ing jit niaw puerdnuax, jiong’ hitt niaw jih hyw :ee, vaux .kiw .laii; ing nng langg, dui’ guarbin ee siangx tauu buew, kiuw hro diauu.
3. Jiong’ puerdnuax diong’ngx, jimr he qunxjuiw nirr, tingwhau qaur zet longxx jiauu taur, jiacc qiyr hitt nng langg dui’ siangx tauu buew kiuw .kiw .laii, jun hro dax, tauw kuix jidvnuar.
4. Vnirlangg narr e (narr be e diyhh jan ix), diyhh kia tanxkisinx. Cir hitt xee zeddo, m tangx hro ix siyx diyc vnirlangg; zen’au jiong’ vnirlangg vingw .quer .laii, cincniu qra ix ngua puerdnuax ee hxuad; jiong’ puednuax ee liongw vingg laii vaux dirr vnirlangg ee singkux, cincniu lingw sib vor vauhuad jidvnuangiu.
5. Jiacc qycc jiong’ hitt niaw hangx siyx ee tanxaw suar vaux .kiw .laii; zen’au jiong’ iuvor kamr lehh, jiacc qycc qra ix qah snax~sir niaw tanxaw.
6. Ing jitt xee huatdo diyhh e qinxjiabkuair, in’ui hitt xee siyx ee puerdnuax, si jin’ kuair lingw. Narr air hro vnirlangg lrauu qnua, jiurr diyhh hro ix limx siyx iacc si lingw juiw, dee, hiaxx. Hitt diap m tangx jiong’ gulingx hro ix, in’ui byy air hro ix ing siauhuar lat. Tnikir narr si kacc liangg iarr diyhh qnuaix txangx-aw, iacc si jiong’ uivinn laii jac; qycc ing quixnarr xee siyjuixoo, laii he uaw dirr vnirlangg ee singkux-vnix, hro ix kacc siyx.
7. Quer 20 hunjingx liauxau, diyhh ing hangx siy ee nitanw, jiong’ damm ee puerdnuax qapp damm ee tanxaw nguaw .kiw .laii. Narr byy qycc lrauu qnua, diyhh ing siyx ee binrqinx qra ix crid dax jiacc qra ix cing snxax.
Ing jitt xee huatdo liauxau, ursii vnirlangg qiamxcaiw e anbinn .did, soxiw jiac ehngdngr liauxau, laii ing jitt xee huatdo, jiacc kacc habgii.
Lingrgua u pilorqavenrnaw juwsia (pilocarpine hypodermic) ee hxuad, iarr si e ing laii hro vnirlangg lrauu qnua. Virvan bincngg ee huatdo qapp jingg :ee siysiang, jongw .si mrbenw ing damm ee puerdnuax. Jitt xee huatdo ursii vnirlangg e hun .kir; diyhh virvan brandy hro ven.
Si vutjiw iauwqinw, m tangx hro vnirlangg qaqi druar dirr jitt hy siyx juixik nirr.
Jingkiwik (蒸氣浴, Vapour bath; derr 141 – 142 doo):
Diyhh u digvet ee qesix, qapp digvet ee honghuad. Diyhh urvi brandy ee jiuw, strychnine, qapp juwsiarkir.
1. Vnirlangg ee ihog trngr liauw, ing jit niaw hangx siyx ee dua niaw tanxaw, qah vnirlangg qui’ singkux ee dingxbin.
2. Singkux-xe cux jit niaw iuvor, iacc si iujuaw, dirr iuvor ee dingxbin diyhh cux jit niaw tanxaw.
3. Vnirlangg ee kunwsnax, diyhh trngw .kiw .laii.
4. Jiong’ jitt xee dinqer kuar he bincngg-dingw.
5. Ing jit niaw dua niaw tanxaw, kamr hitt qxer-aw-dingw.
6. Jitt niaw tanxaw-dingw, diyhh kamr jit niaw iuvor.
7. Iuvor-dingw, jiacc qycc kamr nng~snax dingg ee tanxaw. Siwvnix longxx diyhh sreh hro ann, m tangx hro ix tauw kuix. Jixu vnirlangg ee tauu, bin, hro crunx .cud .laii jiurr hyw (derr 142 doo).
8. He jit qix hanluanxqer dirr bincngg-lai ee vnix:a kacc kuair knuar .diyc ee soxjai.
9. Dui’ vnirlangg ee kax hitt tauu, jiong’ hitt niaw decc qah singkux ee tanxaw tiux .cud .laii, hro ix tngwvakteh.
10. Dirr bincngg-kax hitt tauu, diyhh he jit qix huexjiuxdingx iacc si huexloo; huew jiacc hunx juer quixnarr pax laii diamw; dingxbin he jit xee qunxjuixquanr. Draur jit qix endangg; qycc draur jit qix qngwtih ee kiwqngw, ciauu hro ix ciaa ciaa; hitt xee kiwqngw he dirr vnirlangg kuar kax hitt tauu bincngg ee soxjai; jiacc cngx zip hitt qxer-aw-lai, uaw bincngg vnix:a; m tangx hro zedkir tngr diyc vnirlangg ee kax. Tanxaw diyhh sreh hro ann. M tangx hro kiwqngw, iacc si dui’ kiwqngw dih ee juiw, tngr diyc vnirlangg ee kax, iacc si singkux vadd soxjai. Jitt kuanw ee huatdo si decc idi hitt jxingw sinrjongriam ee vni; jitt kuanw ee vnirlangg ee puehux kacc iuwjniw, narr tngr .diyc jiurr kacc yh hyw.
11. Jingkiwik ee undo kacc siongg si 115∘F.-- 125∘F (46∘-- 52∘C.); jitt xee si isingx beh juwir.
12. Jingkiwik ee sijun, vnirlangg hro jiac siyx, iacc si lingw qunxjuiw; iarr ing lingw juiw, congr hro ix ee taukag damm, iacc si ing lingw damvor, he dirr ix ee tauhiac, jiurr hyw.
13. Isingx narr byy qongw beh an zuarr quw, kanwho diyhh jaix vutqyr 20 hunjingx quw; mrquxx jitt xee, si isingx decc juxir. Narr si decc ing ee sii, vnirlangg cincniu beh hun .kir ee kuanw, kiwik diyhh suah.
14. Tec .kiw .laii ee huatdo: Jiuxdingx iacc si huexlodingx diyhh singx tec .kiw .laii; jiacc jiong’ kiwqngw tec .cud .laii, jiacc tec hanluanxqer kiw .laii; jiong’ hangx siyx ee nitanw-aw, dui’ bincngg-tauu ee qxer-aw-xe, qra vnirlangg ee siongrvnuawsinx qah hro hyw; jiacc kir dui’ kax hitt tauu, crunx ciuw jiong’ harvnuawsinx qah hro hyw. Jiong’ dinqer qapp dingxbin ee iuvor tiah .kiw .laii, jiauwqu qra vnirlangg qah hro hyw. Vnirlangg narr qycc lrauu qnua, tanxaw diyhh qycc ngua dax :ee.
Qnua lrauu liauxau, jiong’ siyx juiw qra sew, jiacc crid hro dax, iarr diyhh ngua dax ee snaaxkor. Diyhh siyxsimx m tangx hro ix qamw .diyc.
15. Jingkiwik ee dairsingx diyhh dirr cuir-lai qiamxunx. Qycc jap hunx diyhh qycc qiamw(?). Kiwik liauw diyhh qycc qiamxunx.
16. Jingkiwik ee sijun, kanwho m tangx lirkuix vnirlangg ee sinvnix.
Ursii beh ing dax ee zedkiwik, tangx ing jit liap denrdingx ee pok’aw, diaur dirr qxer-aw-dingw, uaw dirr bincngg-diongx. Denlat diyhh cavutdyx 20 jiww 30 jiksor.
U quixnarr hxang diyhh juwir :ee:
1. Pok’aw siyx ee sii, narr hiur diyc damm, e puaw .kir, drir qaur tngr diyc vnirlangg.
2. Denrsnuar narr damm, denrlat be quer (short circuit).
3. Pok’aw narr kuer diyc tanxaw, iacc si pue, e siyx .diyc, soxiw iauwqinw diycc ing kacc nngw ee enn laii vaux pok’aw qapp denrsnuar, benw drir qauwsiyx diyc vnirlangg (derr 143 doo).
Diyhh virvan vnirlangg, cincniu dingxbin siysiang. Beh hro vnirlangg lrauu qnua, soxx ing ee tanxaw diyhh congr qu :ee, m tangx ing sinx :ee.
Siykaik: Jitt xee si ing siyx juiw sew ix ee kax, iarr jimr kax. Narr anxnix, ingqaix diyhh liogsiok tnrix siyx juiw. Iarr diyhh ing iuvor, iacc si sinbunjuaw ziakamr, laii vyxho bincngg qapp vnirlangg ee snaaxkor; iarr ing snxax, iacc si tanxaw qah hro ix ee duartuiw be lingw. Jimr liauw diyhh liamvnix crid dax.
Digvet sexik ee hxuad:
Jyrik (坐浴, Sitz bath): Jiauww jitt xee huatdo, sexik diyhh u digvet ee igtangw (derr 144 doo). Juiw diyhh cavutdyx 110∘F. (43.3∘C.) siyx. Vnirlangg diyhh jre dirr juiw nirr hiax jimr. Soxx jimr ee soxjai, si dui’ iyx qaur duarjuiw(duartuiw?). Diyhh ing tanxaw vauuii vnirlangg ee singkux, iarr qycc jit niaw vaux ix ee kax.
Alkaline sexik: Ing sodii bicarbonas 150.3 grms., iacc si potassii bicarbonas 150.0 grms. Vniar dirr vingsiongg ee sexigtangw-lai. Vniar siyx juiw 8,000 c.c.c (jiurr si vingsiongg jiyh’iutangw ee sir vxue).
Ziuhong’ik (Sulphur bath): Ing potassa sulphurata 60.0 grms., siyx juiw 6,000.0 c.c. (jiurr si vingsiongg jiyh’iutangw ee snax vxue). Hro vnirlangg jimr 30 hunjingx quw.
Suixgun’ik (Mercurial bath): Jitt xee huatdo air ing juixgunn lxui ee iyc qra vnirlangg sexik. Digvet ing jit pax huexjiuxdingx, ing 1.0 grm. calomel iyhhunw vniar dirr sengiutih ee dic-aw dingxbin. Jing’ dic-aw, he dirr huexjiuxdingx ee dingxbin. Jiacc kuar he dirr vnirlangg bincngg-vnix ee qxer-aw-lai, qi’uu ee mic longxx jiauww dingxbin soxx qir ee zedkiwsexik ee huatdo (derr 145 doo). Jiauww jitt xee huatdo vnirlangg narr jre din’iw-dingw, iarr tangx; he dingx qapp iyc dirr erdew, iarr jiong’ tanxaw, dui’ amrqunw qaur dervanw, kamr hro bat. Vnirlangg dirr lairbin tngwvakteh. Iokliok 15 hunjingx quw, iyc jiurr e snruar kir huar vniwjniaa krir. Jueww iauwqinw :ee, kanwho diyhh siongsiongg juwir hitt xee huexjiuxdingx, in’ui jitt xee huatdo si ing hue dirr bincngg-lai, iacc si iw-xe, siyxkuanw byy qinxsin jiurr jin’ kuair huad huew. Iyc huar liauxau jiurr diyhh jiong’ dingx tec .cud .laii, iarr suar cing ihok. M tangx crid vnirlangg ee singkux, in’ui rair hro jitt xee iyc zip dirr singkux-lai.
Kanwho diyhh jaix suixgunn si u dok ee mic, soxiw ing suixgunn jitt lxui laii sexik, iarr ehro langg diongwdok. Narr si vnirlangg ee cuiwkixhnua tniar, iacc si cuir-lai u pnaiw kauxkir, iacc si harli, jex si in’ui diongwdok. Kanwho diyhh qnuaxqinw qra isingx qongw.
Lysol sexik hxuad: Ing lysol (cox carbolic 20.0 c.c., siyx juiw 6,000.0 c.c. Hro vnirlangg jimr 30 hunjingx quw.
Amw sexik hxuad: Dua qingx ee vnirngi, dagg zit juw vng hro vnirlangg jiac, hitt xee vngramw sisiongg u cunx, tangx jiong’ soxx cunx ee amw, ciongx juiw duiwvnuar, anxnix laii sexik, tangx idi puehux jit kuanw ee vni.
Qycc jit xee huatdo, si jiong’ nng qxinx biw, gingw jniaa iur iur juer bixhux; jiacc qiauw damrvyc lingw juiw la hro jiauu, jiacc lyc kir juw 15 hunjingx quw; zen’au pangg kiw laii taur 3,000.0 c.c. ee juiw laii sexik.
Hunxjniux sexik hxuad: Jiong’ vnuar qinx hunxjniux qiauw damrvyc lingw juiw la hro snruar; jiong’ qunxjuiw ciongx .lyc .kir, suar la hro qaur jiauu sik, cincniu beh jnriux snaaxkor ee kuanw; jiacc vniar zip dirr 6,000.0 c.c. juiw ee igtangw nirr, laii sexik, iuguann tangx idi puehux jit kuanw ee vni.