duiwue_3

simlingg duiwue -3

Bunchhai huan'ik

DERR SNAX VXO SUNCUE SINWGIONGW

DERR QAUW JNIUX JONGQAUR DIWHUI

U jit vunw ceh "tenzinn hab'id : soxu jongqaur ee qiongrdongg qauwgi (ONENESS : GREAT PRINCIPLES SHARED BY ALL RELIGIONS)", cecpuee hongbin inr DALAI LAMA ee jit dnxua ue :

Juann sewqair soxu ee dua jongqaur longxx py diyc qangrkuanw ee aiwsimx quanliam, kiwdoo tauwquer lingsingr siu'iongw uiho juann zinlui ee hingrhog, qycc beh hro sinwdoo jniajyr kacc senrsimx ee langg.

Ui' ceh nirr erdangr huathen, juann sewqair soxu dua jongqaur ee congwlibjiaw, cniurr JESUS, Vut, Dua jurjairtenx, Kongxjuw, MAHOMET, longxx si suaniongg air langg cniurr air jurqiw ee quanliam. bylun liw suanw qidokqaur, iutaiwqaur, inwdorqaur, dyrqaur, vudqaur, iacc si hueqaur, longxx diyhh jiapsiu quiw xee qivunw ee jinliw, dirr liw ee simlingg luxiuu-diongx, su'iaur jiaxee jinliw jyr jixviaux. Guaw berdangr qra liw qongw dycc jit xee jongqaur kacc hyw, jex si jairr langg ee.

LIW EE SUXBING, GUAW EE SUXBING

Langg ham' langg ji' qranx ee cavet si zuarr nirr dua, muixx jit xee langg longxx u byy qang ee tensingx jailingg. M jaix si m si dirr muixx jit xee langg cutsir jingg, dog'iuw ee qywsingr dyrr ixqingx diaukig dirr qywvet ee linghunn-dingw, iacc dig'iuxsingr si uituann qiinx ee jit vorhun? Guaw qandna' jaix jex si cutsir duar laii ee digjid.

Guaw u nng xee jaboxqniaw, ui' cutsir ee ingi cua dngw laii, inx ee viauxhen dyrr binghenw byy qang. Narr qongxx si jit xee jabow, jit xee javox, lanw kyxlingg e qongw "inx si lamm/luw ee cavet", mrqycc qiwzenn longxx si jabow-ngix, lanw dyrr cingcyw qamxqag diyc, jitt nng xee ginxaw jinjniar snix laii dyrr uanjuann byy qangg.

Langg cutsir dyrr byy qangrkuanw, muixx jit xee langg diyhh qaixquad ee bunrdee, arr dy' vauquad zuhyy binrduir jurqiw ham' langg byy qang ee, ixqip zuhyy ham' qitnax ee langg jywhuew kiokk byy srngw jurqiw ee digjid. Byy qang ee langg u byy qangg ee singjunn suxbing, muixx jit xee langg ee suxbing longxx jin' digvet, qokk langg iongxiuw jit hxun sinvir ee juriuu iwjir, dirr mow quaw singliw hanrjer ham' qywzinn tenhur ee huanruii-lai unrjog. Guaw siaw "simlingg derdoo" ee jit dua uiham, si qra zinsingx lordoo biysiaw qaxx hyxcincniurr viw sidjer dansunn. Dingg tak jitt vunw ceh, guaw duiww bingbingg-diongx henx cud beh hro guaw jaix, qingquer guaw suan'iongg jinliw ee cimdo, iuguann hro guaw vutjiw aw iwgua, marr u uiham, dongsii guaw byy qra sewqair junjai jerje jiongw kyxlingsingr, longxx dirr jitt vunw nirr let .cud .laii.

Jerngiursingr ee hyxcur jerje, singguann ee jerngiursingr si josingg qiongrdongtew ee iauwsor, in'ui je jiongw, jiacc e uanjingw. Lanw erdangr cir qniaa ee lo dyrr e je qakdo, muixx jit xee langg si dog'id byy zi, soxiw muixx jit xee langg dy' jurqiw suanxquad. Jixiaur lanw jaiwsnax suncue ham' mng jurqiw, dap'anr jongw u jit zit e cuthen, lanw dyrr erdangr cue diyc jingwkag ee lo.

Gandhi(1869-1948) bad qongw " byy qang jongqaur ongxongw si byy qang ee lo qniaa hiongr qangrkuanw ee bogviaux. Jixiaur lanw si qniaa qaur qang soxjai, qniaa byy qang ee lo qycc u sniaw quanhe?" muixx jit xee langg longxx qniaa dirr quansnuax giamde, ciwvox ee lo nirr, suncue qywzinn ee sinwgiongw.

Jinjniar ee siongrder ham' zimrhyy jongqaur jojid byy qang, IX byy kuvet simx. Jixiaur liw pacvniar cue, IX dyrr e qnuaw quer jit dua dnxua ee lo qapp liw laii huerhap. Beh qaur siongrder hiax ee lo sxor diauu, u langg jiuxqongg cue .diyc ; u langg cniurr guaw qingquer senn-siux ; marr u langg qingquer ho'ngg qongxx si irduanx-siasueh ee qidokqaur "sinx sidai" unrdong, guaw iauxx jaix u langg knuar ceh cue diyc. Muixx jit xee langg qingquer byy qangg ee junxvi qaidnua, itdanr inx junxvi hyxser, dyrr ersaih ui' zimrhyy su did diyc kexhuad.

U jit xui qidokqaur ee bogsux, lexvair qetsog au, duxx decc ham' huerjiongr atciuw, siongrbuew jit xee si samvutgorsii jiacc laii jit vaiw ee lamsingr, jitt xee langg qniaa quer laii qongw "bogsux, bogsux, liw qinaxzit ee qangxdy u jit qxur ue hro guaw jin' dua ee kexsi. Jin' qamxsia .liw ! jex duiww guaw taiww diongriau lehh! liw ee ue hro guaw ee sing'uac tetdew qaixvenr, dysia! dysia! "

Bogsux iwqua ee hnuahiw qycc vutanx qongw "jin' hnuahiw guaw u huatdo qra liw dauwsnaqang, guaw jin' hnowhenn, liw qongw ee si dycc jit qxur neh?"

Jitt xee langg anne huee "liw dairkair iauxx e qir did, dirr qangxdy jit kaisiw qongw, qinaxzit beh qra gunw dramm nng qnia su, aurlaii qongw qaur diongdoo, liw qycc qongw, 'guaw beh qongw ee derr id vorhun dyrr dirr jiax qetsog, xe bin jriab qongw derr zi vorhun.' Dirr hitt sii, guaw hionghiongg qakgno, guaw zinsingx ee derr id vorhun ixqingx qetsog, jitmaw duxx si guaw kaisiw derr zi vorhun ee hyw siqix. Dysia .liw, bogsux, dysia .liw, jinjniar qamxqik vutjin."

GUAW EE JAUXCUE

Gauw tauwquer Vudqaur senjongx siulen cue diyc siongrder, jex si lordingg ee derr id vorhun. Jimwdimm dirr senjongx zi-jap dxangx au, kiokk suanw qniaa qidokqaur ee lo, guaw siongsinr senjongx hro guaw jyr cud anne ee suanxdik. Quizip qidokqaur ee langg diyh'air jiapsiu maudunw ee simliw junxvi, senjongx --- jerje langg byy zinruii si jongqaur, si jit jiongw dethak --- hunwlen maudunw sukyw ee lixsiongw haghau. Narr byy jitt hongbin ee hunwlen, guaw sniu guaw juadduir byy hxuad jiapsiu qidokqaur sinuix maudunw ee qauwgi.

"simlingg derdoo" cutvanw au, qeh liauw quiw nii, jiacc jniajyr qidokdoo (hitt vunw ceh ee derr id qxur ue "zinsingx jerje landee" vunxlaii dyrr si vudqaur ee jinliw.). vutqyr amwiwsig-diongx, guaw ixqingx qniaa hiongr hitt xee honghiongr u jit dnxua siqanx ar. jit xui diongriaur zinbut duiww guaw qongw, "liw dirr <Simlingg Derdoo> nirr, qra liw ee qidokqaur sinwgiongw guirjongx qaxx jin' hyw, jex si hiongr togjiaw tuanvyr qidokqaur sinwsid ee hyw vanrhuad." Guaw laursit qra huedab "guaw qinvunw byy sniu diyc beh qew vaujongx guaw ee qidokqaur sinwgiongw, hitt sii guaw m si qidokdoo."

"simlingg derdoo" ersaih suecbingg guaw dongsii dirr luxdingg-diongx soxx kia ee uirdir. Dirr simlingg ee lordingg-siong, ui' hitt sii kiw, guaw qycc qniaa hiongr jingg jit dnxua lo ar, mrqycc marr ersaih qongw gauw cavutdyx byy sniaw dinxdang .diyc. Ceh cutvanw au, guaw jyr ee dairvorhun si jinr jit vo qyckacc cingcyw suecbingg ceh nirr tee cud ee quanliam.

Iokk snax-jap huer sii, guaw tak C.S.LEWIS (1898-1963) siaw ee "losidiauu puesinr (THE SCREWTAPE LETTERS), hro guaw ee simlo luxiuu huatsingx diongrdua venwhuar. Jex si jit vunw siyxsuad, jit xee miaa qiyr Losidiauu ee lau moquiw siaw hro ix ee sunx, miaa qiyr Jiur-catauu (WORMWOOD), Jiur-catauu hrong lring laii qaur zinqanx, amwdiongx pywhai jit xee siauwlenn ee lingsingr siu'iongw. Losidiauu ham' Jiur-catauu itjair cud cacyr suacc hro jitt xee sauwlenn .ee kaisiw sinr qidokqaur, Losidiauu qingxqyr Jiur-catauu, rair sethuad hro siauwlenn .ee "qra ix ee siqanx dongwjyr jurqiw ee siqanx". Guaw knuar byy jitt qxur ue, tak snax vxenr, simrjiww huaigii vaivanw cywgo. Jit xee langg narr m qra qaqi ee siqanx dongwjur jurqiw ee siqanx, iauxx erdangr anxjnuaw sniu?

Aurlaii guaw hionghiongg sniu tongx ar, gauw ee siqanx kyxlingg sriok jit xee viw guaw qyckacc quann ee kuanlik. U jit dnxua vutjiw dngg ee sijun, jitt xee quanliam hro guaw jin' byy songxkuair, itdit qaur qinaxzit guaw iauxx decc yc zuhyy qra siqanx qaux hro siongrder jipuer. Hiongr siongrr quann ee jixir kuthok, ingxuanw u tingdo byy qang ee hunvet. Jex si jit hxang erdangr kyr hagsip qaixsen ee dairjir, dyrr cniurr guaw bad hiongr LEWIS hagsip siy' qang. Itdit qaur jap-gua dxangx au, guaw jiacc jinjniar kuthok, sexlew jniajyr qidokdoo.

JUE EE VUNXJID

Guaw e zuxx laii zuxx sriu qidokqaur ee kipinw, qidiongx jit xee juxiaur ee quan'inx si guaw dauc dauc siongsinr qidokqaur ee qauwgi duiww jue ee vunxjid u siongrr jingwkag ee lixqaiw, hex si jit jiongw ciongbuaw maudunw, je jancur ee lixqaiw. Maudunw ee derr id bin dyrr si qidokqaur zinruii muixx jit xee langg longxx si juerzinn, lanw byy kyxlingg byy huanrjue. Jue u jerje kyxlingg ee dingrgi, mrqycc ciangjai qnir .diyc ee dingrgi qinvunw penlii liauw jniawdee. Sursit-siong, lanw byy kyxlingg dagg vaiw longxx viauxhen qaxx duxx duxx aw hiacc hyxser, u sii jit byy sewzi, bylun zuarr senrliongg ee langg, lanbenw sniu' tiamw, quewtauu jursinr, ho'ngg qamxqag byy qraur pacvniar. Lanw byy kyxlingg dagg vaiw dy' jyr qaxx jabjuann-jabbiw.

Qidokqaur vyxliuu liauw anne ee kongqanx. Sursit-siong, qazip qidog qauwhue ee senquad tiauqnia, si liw diyh'air si jit xee juerzinn, zuqyw liw byy zin jue, dyrr byy juqeh jinwzip qauwhue; maudunw ee si lingrgua jit bin, qidokqaur zinruii jixiaur liw zinrjue, camwhuew, anne soxx u ee jue dyrr sew qaxx cingkir damdamx. "camwhuew" si quanqenr zirqanw, ui'id su'iaur ee si jurqiw soxjyr-soxuii, qamxqag qankow, pnaixquer. Jixiaur singzin jurqiw u jue, zenau camwhuew, liw ee qiwlok dyrr qycc huehok cingvec, naxjunxx jurlaii dyrr m bad junjai .quer. liw dagg vaiw longxx ersaih vec siaksiag ui' tauu qycc kaisiw.

Jitt xee quanliam, u jit xee qoxjuix ee qowsu. U jit xee PHILIPPINES ee jaboxginxaw qongw ix ham' JESUS dramm quer ue, juann jngx ee langg longxx jin' tiongr. Siausid tuann qaur hurqin quiw xee cuanx, qyckqcc je langg qamxqag hinghunr. Juewau lenn MANILA ee juxqaur marr tniax .diyc ar, juxqaur kaisiw huanlyw, in'ui byy qingquer qauwdingg zinrkyw ee singwzinn si bersaih suiven dirr tenjuw qauwdngg nirr cuthen ee, dyrr pair jit xee qyqib sinjid zinguann diaurjax.

Jaboxginxaw ho'ngg cua zip kir juxqaur qongsu, qingquer jit qnrua simliw sinhak ee mngrue, qycc jinxduan. Juewau juxcii diaurjax ee sinjid zinguann siangciuw tenxkuix hnaiwtauu qongw, "guaw m jaix, guaw m jaix duiww jex itcer qaix zuhyy qaixsueh. Guaw m jaix liw qongw ee, si jinx ee? iacc si qew ee? mrqycc u jit xee siongrr hyw ee kyxgiam vanrhuad, xe huee liw ham' JESUS qongxue sii, guaw rair liw mng ix, guaw jingg jit vaiw camwhuew sii, qongw liauw sniaw. Liw qamxx guanrir? " jaboxginxaw ingwsingg ar. Xe jit xee lexvair, ix qycc laii jiapsiu sunmng. Sinjid zinguann cavutdyx amwkamr byy diauu ix zedlet qidai ee qiawbang, mng qongw, "quaix ginxaw, liw jitt lexvair iuqycc ham' JUSUS qongxue hnor? "

Si ar, sinhu.

Jitt vaiw liw ham' JESUS qongxue sii, e qir did mng ix, guaw dingw vaiw camwhue qongw sniaw ?

Mng ar, sinhu.

Anne, JESUS tniax liauw liw ee bunrdee, anxjnuaw huedab?

JESUS qongw, guaw be qir did ar.

U nng jiongw honghuad qaixsueh jitt xee qowsu. Jit xee kyxlingg si jitt xee jiacc kiauw ee jaboxginxaw simliw sitsiongg, qyckacc kyxlingg ee qaixsueh si ix jinjniar ham' JESUS qongw quer ue, ix ee huedab jniawqangw dairviauw denxhingg , suncuir ee qidokqaur qauwgi. Jixiaur lanw zinrjue ham' camwhuew, jue dyrr virr be qir did; dirr siongrder simx-lai siausid byy ngiaxziah ar.

JINSIT EE JESUS

Langg' mng guaw jniajyr qidokdoo au, si m si u "dingg-cutsir" ee qamxqag, "kyxlingg si, cutsir jingg ee cuijun quewdingg sniu' quw, suacc u lansanw ee qamxqag." Jitt jua luxiuu u quixarr xee lorjam, siongrr diongriaur ee si guaw sir-jap huer derr id vaiw tak hok'imsux. Hitt sii guaw ixqingx uansingg "simlingg derdoo" ee coqyw. Gauw si hitt jiongw singx qra bunjiux siaw uann, qycc jyr genxqiur kyxjingr ee langg, suibongw inxiong quixarr dnxua JESUS ee ue, kiokk iauxx bue caduir guanbunn.

Tak sinx iog sir hok'imx hro guaw qionglet qamxsiu diyc sinunx. Narr si jap-gua dxangx jingg, liw mng guaw JESUS si jinx iacc si qew, guaw e qra liw qongw, dairliong jingwqur henxsi ligsuw-siong jinjniar u JESUS jitt xee langg, ix henxzenn si jamxzenn u diwhui, mrqycc sniu' qau ue, virr dongqiok jiauww hitt sii nitauu quanwiong ee hongsid dring sixjue qruar dirr sibzirqer-dingw, aurlaii m jaix sniaw guan'inx, u langg ixx ix jyr diongsimx kiw liauw jit jiongw jongqaur. Gauw e anne huedab, si qra jiax dongwjyr juanvo ee jinsiongr. Guaw iauxx jaix sir hok'imx ee jokjiaw m si JESUS qang sidai ee langg, JESUS quewsinx au ciauquer snax-jap dxangx, inx jiacc kaisiw siaw .lyc .laii, derr zi ciuw, derr snax ciuw, simrjiww derr sir ciuw ee qiwlok. Cniurr guaw anne jit xee juwdiong lixsingr ee henrdai diwsig hunrjuw, qandna' erdangr qaxsed inx qongquanx hyw, gauu suantuann, iacc si gauu siaw cutsig ee qowsu.

Danw guaw jinjniar kaisiw tak hok'imsux ee sii, ixqingx u jap-quiw nii jyr langg ee dyrsux ham' dirliaujiaw ee qinggiam, duiww qauwdy ham' dirliauu u damrvyc liauxqaiw, marr jaix vnuaenw jitt jiongw qaksig si jnuaxngiu jit huesu. Qinqur guaw jursinx ee qinggiam, hok'imsux qra JESUS siaw qaxx uac lingwlingr, hro guaw huisiongg ee qamxdang. Guaw huathen JESUS cavutdyx suisii dyrr jin' cinwsimx, muixx jit iac longxx ciongbuanw jitt jiongw kiwhunx : "guaw beh anxjnuaw qra linw qongw? Guaw diyhh qongw zuarr je vxenr? Dauwdew beh guaw anxjnuaw qongw linw jiacc beh tniax?" gauw knuar diyc jit xee qingsiongg huaipy visiongx, sitbang, samwdam qycc qniahniaa ee langg, ix sriu penqenr kunwziauw, qra penqenr huawjyr air iliauu lanw ee simx, ix huisiongg jigbok, qycc vikced qib beh jit xee langg dyrr hyw. guaw dirr JESUS ee srinx-siong knuar diyc jinsit, juadduir byy langg u hxuad jyr qew.

Narr qongxx hok'imsux ee jokjiaw jinjniar cniurr guaw quewkir soxx sniu si gauu jrngx ee ue, inx ingwqaix congwjy cud jit xee qaur dnaxx iauxx u sir hxun ji' snax ee qidokdoo simlai lixsiongw ee JESUS --- ingxuanw dnibit ee ciywiongg, siwqer vaiwhongw sunknuar, ginxaw ee taukag bongx bongx lehh, ixx jit jiongw snuax vxangx de lic, iuguann u bibix ciyr ee dinwding qniaa liauw juann sewqanx, simjniaa ingxuanw si vingjing ee. Singwqingx nirr soxx siaw ee JESUS narr jiauww itvnuax sewsiok ee viaujunw knuar, simjingg jurlaii byy vingjing .quer, lanw narr duisuii ix ee kavo, kiongxqniax marr lann vingjing. Soxiw vingjing m si diongrdiamw.

Ui' hitt sii kaisiw huaigii, sir hok'imx ee jokjiaw m si qongquanx juanqax, si huisiongg kaksit ee vywdyrjiaw, inx byy siyh mahuann, jin kyxlingg qra jit xee inx suibongw byy itding jin' liauxqaiw, mrqycc jaix tnide dirr ix ee srinx-siong e hab'id ee langg, jingwkag qiwlok ix ee genhingg. jurr hitt sii kaisiw, guaw air diyc JESUS.

Dysor qidokdoo naxjunxx byy tak quer hok'imsux, dysor qidokqaur ee sinjid qangjokjiaw marr byy suanqangw hok'imsux ee jinsiongr, narr si u, huerjiongr jin' kyxlingg e jongg be hur cud mngg.

Guaw m si qongw hok'imsux ee qiwjair juanvo jingwkag byy gro, u quaw vorhun binghenw knuar cud si aurlaii vow ee, qycc kiamwlau JESUS ee ciywkuebin, ix ee singr-sing'uac. Gauw qamxqag JESUS duiww singr ee taiwdo jin' aiwmai , ix naxjunxx jin' qac'ir MARY MAGDALENE, MARY jin' u kyxlingg si qiluw, guaw sniu si diauqangx laurqaux byy siaw ee. JESUS ham' suwdoo JOHN jin' cinbit, ceh nirr anne siaw JOHN si " JESUS soxx air ee". guaw siongsinr JESUS virr kik'ue sxingg jit xee lamm/ luw liongxsingr qiamqor ee zinbut ; ngua jit qxur ue qongw, m si byy singr, m si dnuax singr, si kuriuw juanvo ee singwvet. Myqycc ui' henriuw ee qiwjair nirr, lanw erdangr cionghun knuar diyc ix jinsit ee zinsingr ham' ciauuat sewsiok, uaxqin singwzinn ee tenjaii.

QRA LIW JURQIW QAUX .CUD .LAII

Gauw ham' kanciuw LILY guanvunw si MAINE haixqnii jit qingx hiongcuanx kulogvo ee huerguann, dagg dxangx zuac .langg longxx e kir hiax druar quiw zit. "simlingg derdoo" cutvanw sii, gunw duxhyw dirr hiax, jurluann ee simtair, hro gunw qaur hiax ee jit zit lai, dyrr jin soxu kyxlingg ee honghuad hro kulogvo nirr ee muixx jit xee langg jaix guaw cud jitt vunw ceh, guaw m na si simliw isux, qycc keh zip kir jokqax ee hanglet nirr. Byy zuarr quw, guaw kaisiw hiyrhuew jurqiw si hiacc jurluann. Druar dirr hiax ee derr zi mee, laivinx u jit xui ixx ter langg cuxliw binsu sowsiong qnuasix cutmiaa ee ludsux, tranr jiuxhue sii laii cue guaw jiyccuir qongw "tniax qongxx liw siaw jit vunw ceh, si dycc hongbin :ee?

"mr! si quanhe simlixhak ham' jongqaur ee jingxhap." Guaw rinr.

"jin' hyw! Jin' hyw! Liw siaw sniaw?" Ix iong jit jiongw jitqiabhuar vig langg' ee kauxkir qewsiok mng. Guaw u damrvyc m jaix beh anxjnuaw huee kacc hyw, qongw "siaw jerje mic, guaw m jaix liw si m si guanrir kaix jit diamxjingx guaw qongw hro liw tniax."

"liw qongw qaxx jin' driyc, mrqycc guaw byy pacsngw jyr jitt jiongw dairjir, qandna' hibang liw iong jit ~ nng qxur ue qanxdanx diongrdiamw qra guaw qongw, ceh nirr si siaw sniaw?"

"Guaw narr jyr e qaur, dyrr benw siaw qui' vunw ceh ar." guaw qongw.

Ix qencii anne qongw "Ovec qongw, lanw jyr huatlut qangjog ee langg ciangjai qongw, zimrhyy daddid qongw ee dairjir, longxx erdangr iong jit ~ nng xee qanxbingg ee uerqur qongw cingcyw.".

Guaw ui'id erdangr jyr ee huanxingr dyrr si qongw "anne kiongxqniax liw byy zinruii guaw siaw ee jitt vunw ceh ee lueriongg daddid tniax." Tauu lelee qniaa kuix.

JESUS binrduir jitt jiongw jinghingg sii, ingwduir ee hongsid viw guaw iugnaw byy sxor vxue, ix sidjai si tenjaii. Dongnii, ui' zinqunn qniaa cud laii ee, hiacc duxhyw marr si jit xee ludsux, jitt xee langg duiww ix qongw "suah suah .kir ! JESUS , liw dauwdew beh qongw sniaw? Guaw byy sniu beh tniax sniaxmic vecsnuax (jnriu snuax) vyxhunr hitt jiongw dngg lywlyr ee hingsid, iong jit ~ nng xee qanxiaur ee zirqur, qra liw beh qongw ee dyrliw qongw .cud .laii. liw dauwdew si beh qongw sniaw?" JESUS ingr ix ee iauqiuu, qongw liauw nng qxur huisiong qanxdanx ee ue, qanxdanx qaur ersaih hap jyr jit qxur --- " iong juanvo ee linghunn ham' juanvo ee ligliong. Juansimx-juan'ir air liw ee sinn. Air liw ee cuwvnix cniurr air liw jurqiw." JESUS anne qongw.

Jex si qidokqaur ee vunxjid. Vuthing ee, dysowlangg vingrr byy liauxqaiw jitt quiw qxur ue vuerau ee zedjingg. Iong juanvo ee simx, linghunn, ligliong air sinn, dyrr si qra jurqiw juanvo qaux hro ix. Qra qaqi qaux hro siongrder ee quewdingg si dngg ~ ~ qycc qankow :ee, guaw ixqingx jniajyr qidokdoo jerje nii ar, kiokk iauxx byy uanjuann jyr qaur jitt diamw.

UANSENBANG

Tak liauw hok'imsux, "simlingg derdoo" marr decbeh cutvanw, gauw quatding beh hro qaqi jit xee qxaw. Byy sniu beh ham' cur nirr ee langg kir luxhingg, byy air jit xee langg qodnuax jre dirr haixsuavox jyr genwtauu :ee, guaw u jit xee kixqongg ee liamrtauu, beh kir camqax virjing, cir jit hxang uanjuann byy qang ee dairjir! Kir jit qingx siudyrngi druar nng lexvair.

Duiww jitt vaiw ee virjing u jerje jurgnow qitai, qidiongx jit hxang qaixhunx, qandna' dirr hitt dnxua siqanx lai jyr u qaur. Mrqycc siongrr diongriaur ee si beh quatding, banrid "simlingg derdoo" hro guaw jit mee miasniax tongtauw kiw laii, jriab lyc laii qaix anxjniuaw vran? si m si rair hongwkir unxsuquann, siwqer sunhuee enxqangw, iacc si cniurr jokqax J.D,SALINGER(1919 - ) bih dirr cimsnuax lai unxqix, ngua jit xee byy beh qongkaix ee sinx denrue hhyrbew, M jaix beh anxjnuaw jyr quatding, m jaix siongrder hibang guaw qniaa dycc jit diauu lo? Dirr guaw beh jyr ee dirr id hxang su, jiyh virjing ee anlingg qycc sinsingr kiwhunx kuanqingw-diongx, sunqiuu siongrder ee kexsi, vuackuix jyxiu-uilann ee kunwqingw.

Guaw zinruii juwir jurqiw ee bang e u vangjan, siongsinr bang si jiapsiu kexsi ee hyw qangqu, dyrr kaisiw qiwlok muixx jit xee bang, mrqycc bang-diongx iokliok si qiyy/ mngg… qanxdanx ee iwsiong, jaw guaw dyrr jaix jitt xee iwgi, dyrr si qongw guaw ee zinsingx duxx binrlimm dngxjuanw.

U jit xee kacc hogjap ee bang, bang-diongx guaw decc quancad jit xee diongsanw qaiqib ee qadingg. Jitt kauxjaur u jitt xee jap-cid huer ee qniaw, ix si zimrhyy verbuw siongrr air ee hitt jiongw ginxaw : qysnax vitgiap lenhue ee juxsik, cutgiap denxlew ee sii beh kiw kir diwsuu, qycc si kaqiudui duirdniuw, langg endauu, harkyr au qycc u qiamx jit xee kangkuer, naxjunxx soxu ee iudiamw iauxx byy qraur, qycc qaux diyc jit xee diam diam suiw suiw ee jabow vingiuw.

Qyckacc hihanw ee si jitt xee javox ginxaw u qawjiaur, ix soxx viauxhen cud laii ee hurjig ham' singsik si jiyw langg u ee. mrqycc laurve vutjunw ix sraiw ciax, qencii bylun beh kir dyhh, len kaqiuu, qangjog, iokhue, vitgiap amwhue, longxx si vaxvah cinsinx jiapsangr. Duliauw jiaxee byy dyrliw ee sethan gua, qycc iauqiuu qniaw dagg vaiw diyh'air qra qankow tanr diyc ee jnii hrur go kox hro ix jyr jiapsangr ee huiwiong. Ui' bang-diongx cingcniw .kiw .laii sii, qamxqag qui' vxag huew, jnuaxngiu u jitt jiongw jiacc juanjer qycc vipiw ee laurve.

M jaix beh anxjnuaw qaixsueh jitt xee bang, naxjunxx byy sniaw iwgi. guaw qandna' qra siaw .lyc .laii, snax zit au, jiacc huathen "Ve" jitt zri, qingwzenn longxx si iong duarsiaw zirbyw, mng qaqi " liw si m si qra jitt xee Ve dongwjyr tenhu siongrder? Narr si anne, liw si m si u kyxlingg si hitt xee jap-cid huer ee javox ginxaw?" guaw huathen, gauw did diyc kexsi, siongrder anne duiww guaw qongw " eer! Liw qra ciahui hrur.cud .laii, sraiw ciax ee dairjir qaux hro guaw!"

Hyxciyr ee si, guaw itdit qra siongrder dongwjyr hyw langg, bang nirr, ix si jit xee juanjer, kongwjer-iok quewdo qionglet ee pnaixlangg, siongrr jiyw, guaw duiww jitt jiongw hinguii ee hunwno hamm dig'ir. Bunrdee si anne ee kexsi m si guaw beh air ee, m si guaw sniu beh tniax ee. guaw si beh air siongrder hro guaw jit xee qenwgi, naxx cniurr dingsunn daujux qowbun iacc si huerqewsux qangrkuanw, hnuahiw jiapsiu/ qirjuat longxx jairr guaw. Guaw byy air sniaxmic liauxvutkiw ee kexsi, digvet byy air tniax siongrder qongw "sraiw ciax ee dairjir guaw laii jyr."

Jap-lak nii au, guaw iauxx decc loxlik hogjiongg jitt xee kexsi, hagsip qra jurqiw qaux hro siongrder, simqamx-jingguan hro ix ter guaw sraiw jitt daii bue tuatlii cingcunx-qrii ee zinsingx.

VENWNGUA QUTPEE

Hitt nng lexvair ee virjing siqanx, iauxx huatsingx jit qnia dua su, guaw kaisiw kyxlu quisinr qidokqaur. Jitt xee liamrtauu m si hiacc songxkuair, guaw qamxqag beh jyr qaur jitt diamw, e jyrsingg quixarr xee jancur ee sixbongg, kyxviw qongxx, guaw ithiongr quanwsir qaqi caukongr siqanx. Guaw u urqamw, itdanr jniajyr qidokdoo, guaw ee siqanx dyrr byy qycc sriok guaw :ee, si qidog, siongrder ixqib sinvir ee "qidog singwtew" ee siqanx. Guaw duiww jurqiw siqanx ee jiangxquanw dyrr brongg .ar, qamxqag guaw naxjunxx siw .kir.

Byy langg air siw, soxiw guaw jin itcer sniu e cud ee jiyckauw/ vanrhuad tuaenn siqanx, huepiah sexlew. Siongrr hyw ee lixiuu si guaw berdangr kakding dauwdew si beh sriu Dangjinwqaur(EASTERN TRTHODOXY), ROMA tenjuxqaur, Singwqonghue, Dniuxlyxhue, Lordikhue, THE METHODIST EPISCOPAL CHURCH iacc si Jimwsinwhue(BAPTIST CHURCHES) ee sexlew. jitt xee hogjap qycc u hagbun ee paiwhe bunrdee, jiwjiyw diyhh kaix snax-jap dxangx ee genxqiur jiacc erdangr qaixquad. Guaw asaxlih qra sexlew ee dairjir kngr jit vnix. Mrqycc suacc hionghiongg qakgno .diyc, qinvunw dyrr byy su'iaur suanw qauwpair, sexlew si jit jiongw ciauuat soxu qauwpair ee gisid.

1980 nii snax-guec ceqauw, guaw siursew, juxcii sexlew ee si jit xui laii jurr NORTH CAROLINA, THE METHODIST EPISCOPAL CHURCH ee bogsux, derdiamw si NEW YORK ee singwqonghue jit jxy siudyrngi nirr ee ser qauwdngg. Jitt dniuu gisid kik'ir tudpuar qauwpair ee qioghan, cuxau, guaw marr jinrlik uiho byy penuaw zimrhyy qauwpair ee libdniuu. Anne jyr ee jit dua hyxcur si byy su'iaur damsimx qauwpair ee byy qang, ham' langg' duiwdik, siongrr juxiaur ee si, guaw byy siongsinr jongpair ee kuhunx. Qandna' siongsinr byy qang vuerqingw cutsinx ee langg u byy qang hongsid jongvair, narr qongxx jit jiongw jongpair hiyxding qitnax jongpair soxx qixvan ee singwcanlew, simrjiww hiyxding jongpair ixgua ee langg niaw singwcanx ee juqeh, dirr guaw knuar laii longxx si huisiongg kyxog ee. guaw siongsinr gauw erdangr suisii qniaa zip zimrhyy qidog qauwpair ee qauwdngg, hiax dyrr si guaw quisiok ee soxjai.

QAUWHUE EE JUE

Guaw e jniajyr qidog qauwdoo, si guaw dirr disingr Jancur zinrding, qidokqaur ee qauwgi duiww siongrder ham' banrsu-banrbut ee zinrbad, viw qitnax uixdai jongqaur qyckacc jiapqin jinsit. Jex m si dairviauw qitnax jongqaur byy daddid yc, erdangr yc ee mic jerje, muixx jit xee langg longxx qaix jin kyxlingg ui' qitnax jongqaur tuantongw-diongx kipsiux diwhui.

Kyxlingg qidokqaur siongrr dua ee jue, dyrr si iong jit jiongw dogdig ee gnorban, iacc si jurluann ee simtair, hro jerje qidokdoo jurzin ersaih nriuu inx ee srinx jewjy jit xee hasux ee siongrder. Jurzin ixqingx jiongxag byy camx jabjid ee uanjingw jinliw, zinruii soxu byy qang sinwgiongw :ee dy' banrqiab be uac ee langg, dirr guaw knuar .laii, inx sinwgiongw ee qisit si huisiongg ser ee siongrder. Inx jurlaii dyrr be kir sniu, siongrder viw inx ee sinhak lixlun m jaix kuacbin zuarr je vxue. Cniurr guaw qongw .quer .ee, inx byy jaidiau iongxiuw siongrder, siongrder iongxiuw lanw. Ec bicbih ee jurluanqongg duiww qidokqaur jyrsingg ee pywhai siongrr qiongglet.

Jurzin si jit xee qidokdoo dyrr si rair qra qidog qauwhue ee jerje juerqyr qrngx dirr qingqah, gnorban jixvutqyr si qidiongx jit xee ziiw. Lingrgua jit hxang dimdang ee hurdamx dyrr si qeqiamw vow qauwhue je nii laii sanwvor huanw iutaiwlangg jingqed, ixqib derr zi cur sewqair dairjenr qiqanx duiww NAZI jansad iutaiwzinn ee okhingg diam diam byy cud sniax. Guaw cimsinr dongsii qidog qauwhue narr qniaa soxx qaix qniaa :ee, kia cud laii suanvyr NAZI ee jokuii uihuanw qidog qauwgi, huanxvog inx si irduanx-siasueh, vingrr uihiap inx hiaxee langg, ligsuw ee lorhunn itding byy qang.

Iauxx u jit hxang ee hurdamx si sriu langg gorqaiw. Dagg vaiw guaw qongw diyc JESUS iacc si qidokqaur, dyrr e sriu diyc sinr byy qang jongqaur ee langg, iacc si bad jiapciog .quer qauwhue qew senrir langg ee qongqig. Gunw kanciuw dyrr si qidiongx ji' id, ix si jit xee vyxsiuw ee Diongqog jimwsinwhue bogsux ee jaboxqniaw, singdiongw dirr jit xee suanqangw sinwsimx/ aiwsimx, zidsiongg sing'uac kiokk uanjuann sriu qniahniaa jnaixjer ee qadingg. Guaw narr uirr qokk jiongw hro guaw qaixsueh jyr jniawbin iwgi ee "sinx" quanliam dng' hnuahiw ee dongsii, Lily qandna' knuar diyc qew hyxsimx ee jit bin. Jex duiww gunw sianghongx longxx si jin' tongwkow ee jit dnxua qinggiam, itdit qaur guaw yc erhiauw mair jit kuicuir dyrr "tuanqaur", ix marr jaix qidokqaur iacc si zimrhyy jongqaur longxx u byy qang ee jancur, guaw ham' ix ee verbuw sriok byy qang janbin ee langg, berdangr he jywhuew vixping tihh.

Guaw sexlew jingg dyrr jaix, guaw narr qongkaix damlun guaw ee sinwgiongw, dyrr e sriu jerje langg ee tyxiar, inx m si byy vingrqur ee penqenr vaitig guaw. Mrqycc JESUS qawsi lanw, uac dirr sewqanx m si uirr jit dniuu qingwsuanw siongrr sriu langg huangingg ee zinbut. Uirr qongkaix guaw ee qidog sinwgiongw laii singdamx jitt xee pengenr, marr hro sexlew jniajyr jitt xee sixbongg qinggiam.

U jit vunw guanmiaa hyrjyr THE WITTENBERG DOOR, aurlaii qaixmiaa "mngg (DOOR)" ee jabjir, si jit qrunn tongwhin niuxkiog hok'imx duiww qauwhue ee jue, qauwhue nirr jin' iong'i setdok ee hok'impair zinsu congwvan. Jitt xee jabjir juanbunn tamwtyw jitt hongbin ee bunrdee, marr e qra giyhciyr. Muixx jit qrii vanhuad "lxik encenn jxiongw" hro jit xee genhingg siongrr cosiok ee qidokdoo, u jit qywguec ee jxiongw si "singwqingx iyduar" --- juapuee jyr ee iyduar, qah jit vunw criaux ser hxingg ee singwqingx. Jitt jiongw qidokdoo ee ciywkuex, hro guaw damrvyc anuir.

Jerje kia dirr derr id qaidnua ee qidokdoo vaitig guaw, inx dirr guaw enxqangw huerdniuu gua siruix, qongw guaw "huanw qidog"; jit vorhun camqax sinx sidai unrdong ee zinsu marr huanxduir guaw, qongw guaw sniu' vyxsiuw. Gauw jurlaii dyrr byy zinruii jurqiw dirr zimrhyy hongbin erdangr virr knuawjyr diongqanx uirdir, suacc u langg qongw guaw junsiuw diongdy ee qidokdoo. Diongdy si vudqaur ee diongriaur qauwgi, marr si dongsii vauiongg nng jiongw qigtauu ee quanliam. Vuddyy jurqiw qniaa quer nng diauu jinrqag ee dyrlo, jit diauu si jingjinr, jit diauu si qimr singr au, suanw liauw diongdy. Ix qimwjiac qaur qiongbecc gyrsiw au, jre dirr ciu-kax hiauxgno .diyc. Diongqoklangg air qra rue jyr duarkox ee hxingg, vuii dirr Diongqog bunhuar dairviauw ong. U sii liw e knuar diyc sanw sanw odaa ee Vuddyy, dairvorhun ix virr kik'ue jyr diongx diongx aw byy vuii byy sanw, huhap diongdy.

QUEWSINX AU EE SNIWMIA

Suibongw guaw qewsiok suxiong guaw ui' vudqaur yc .diyc ee quanliam, guaw duiww vudqaur lunhuee ee quanliam, m si byy sinr, marr berdangr qongw siongsinr, jixsi guaw m jaix.

Simliw isux IAN STEVENSON liriong ingg ee siqanx genxqiur lunhuee henrsiong jerje nii. Iokk jap dxangx jingg, guaw bad tniax ix qongw jitt hongbin ee qangjog singjig, ix uanjuann hiyxding behunhuad (cuibinn) suncue jingser ee kyxlingsingr, mrqycc ix huathen cid xee diyhh iong lunhuee qaixsueh ee anwle. Narr qongxx cniurr STEVENSON isux jiacc qangxqiur kyhak sidjingr ee langg longxx siongsinr lunhuee, anne guaw marr vutqaix byy diwdang jitt jiongw dairjir. Lingrgua jit bin, guaw duiww huanrnarr qongxx erdangr qaixsueh soxu surbut ee quanliam, dy' caixcuw vyxliuu ee libdniuu. Lunhuee dyrr si jit jiongw erdangr iong laii (u sii si goriong) "qaixsueh itcer surbut ee quanliam.

WILLIAN JAMES dirr "dyngiu jongqaur qinggiam (VARIETIES OF RELIGIOUS EXPERIENCE)" ceh nirr, tee cud " lau linghunn", guaw zinruii u dyrliw. Ix qongw u quaw langg tensingx dyrr jin' bad zinsingx ee dyrliw, naxjunxx inx bad uac .quer. Guaw marr zinrbad jit quaw ginxaw e hionghiongg qongw cud huisiongg u diwhui ee ue, guaw siaw ginxaw ceh " iuxsen ee seh (THE FRIENDLY SNOWFLAKE), marr si uirr "lau linghunn ee siauwlenlangg ham' siauwlenn linghunn ee laurlangg".

Suibongw guaw byy hiyxzin lunhuee ee kyxlingg, duiww ix ee hingwtauu marr byy hiacc qau, in'ui u qyckacc hyw ee venwtongx vanrhuad, tuantongw qidokqaur quewsinx au sniwmia ee quanliam, tendongg/ dergak/ lenrgak si siongrr kipinw guaw :ee. simliw isux ee vuerqingw hro guaw digvet qanxdanx jiapsiu. Dirr guaw ee siongxsiong-diongx, lenrgak si huisiongg qyqib, setvi uansen ee jingsinn liau'iongxngi, u qokk jiongw henrdairhuar ee jingbit qisut, dirr sinn ee qamwdog-ha, hro hagsip jniajyr jit jiongw unhyy byy tongwkow ee quewdingg.

LAIKIR TENDONGG

Lingrgua jit hongbin, guaw jin' iawsen qidokqaur tuantongw quanliam soxx juxdniux, siw au bacsinx qycc uac ee quanliam. guaw zinruii sintew jixsi jit jiongw hanrjer, qamguan vaituad ix, kacc guanrir siongsinr linghunn erdangr byy kyr bactew junjai, byy su'iaur bactew dyrr erdangr jinwvo, soxu biysiaw decbecc siw jongrhongw ee bunhenr longxx jicii jitt xee quandiamw.

Gauw duiww dergak ee quanliam marr ham' qidokqaur ee tuantongw byy qaiww huhap, guaw ee sniurhuad juxiaur laii jurr qidokqaur jokqax C.S.LEWIS ee kexhuad. Ix ee siyxsuad "dua lienn (THE GREAT DIVORCE)", qongw jit qrunn laii jurr dergak ee langg sethuad jre kiw kir jit daii sraiw hiongr tendongg ee BUS. Tendongg si jit xee huisiongg qngx qycc songxkuair ee soxjai, inx dirr tendongg sriu diyc cin'iuw zedlet ee huangingg ham' jiautai, mrqycc derr id zit qetsog, soxu ee langg longxx huedngw kir BUS, qandna' jit xee langg lergua, ix iauxx u damrvyc diuduu. Duliauw jitt xee langg, soxu :ee longxx quatding dngw kir dergak.

Uirsniaxmic? LEWIS qongw jerje le. Gauw qanxdanx jiyc'iong quiw xee le, dongwjyr inx juantew soxx knuar soxx tniax ee dairviauw. Qaxsed BUS-dingw u jit xee javox, ix ee sun'aw laii huangingg ix, qamxqag jin' iwgua, in'ui ix itdit zinruii jitt xee siyxqniaw dirr derbin sii, m jniaa langg, sun'aw huisiongg zedjingg, tendongg qngx qycc songxkuair, jitt xee langg qongw, "jitt xee soxjai naxjunxx be baiw, guaw kyxlingg guanrir lauu .lyc .laii, mrqycc liw rair jaix, guaw guanlaii si COLUMBIA dairhak ee ligsuw qauwsiu, linw jiax qamxx u dairhak?"

U ar, dongzenn lor!

Gauw sniu gauw erdangr tec diyc jiongsinx pingwiog hnor?

Liw dongzenn erdangr tec.diyc, tendongg nirr muixx jit xee langg longxx u.

A'jig qniax jit diyy "jnuaxngiu kyxlingg muixx jit xee langg longxx u jiongsiniog? Linw qamxx byy hunx u linglik, byy linglik ee langg?"

Dirr jiax muixx jit xee langg longxx u linglik ee.

A'jig tniax diyc jitt jiongw qongxhuad byy sniaw buanxir, qewsiok duimng "liw jaix guaw vunxlaii si herjuxzim, guaw dirr jiax qamxx erdangr jyr herjuxzim?"

Jin' sitlew, gunw byy herjuxzim, gunw iong byy qang ee honghuad, muixx jit xee langg longxx hu jikzim, gunw kyr qiongrsig vanrsu, juxzin hiaxee sniawmic naxjunxx byy vit'iaur.

A'jig dongr be diauu me qongw "linw narr si sniu qongxx guaw e qazip jitt jiongw snax-kax-niaux ee qiqor, lenn u jailingg diwhui :ee ham' auwqiycsiaur longxx byy hunx, liw dyrr hud m driyc ar." ix jre BUS dngw kir dergak.

Guaw duiww dergak ee quanliam ham' LEWIS jin' uaxqin, dergak ee duarmngg vutquanxsii longxx kuix kuix, zimrhyy langg suisii ersaih qniaa.cud.kir, dirr hiax ee langg si inx suanw byy be likuix. Guaw jaix jex ham' tuantongw qidokqaur ee qauwgi si byy huhap ee, mrqycc guaw dyrr si berdangr jiapsiu dergak si siongrder huat langg, vakduat langg ee hibang, bedbongg langg ee linghunn, byy beh hro jit diamw aw qiuwsiok qihue ee soxjai. IX liauw hiacc je mahuann congwjy hogjap ee linghunn, byy kyxlingg qandna' uirr beh qra langg sangr zip dergak hangx sik hnor!

SIONGRDER EE HAURLUT

Ciangjai u langg beh guaw siaurqair duiww guaw siongrr u ingxhiongxlat ee ceh, guaw jin' hibang erdangr tec cud PLATO, ARISTOTLE, THOMAS AQUINAS (1225-1274) ee jokpinw. Sursit-siong, si guaw iokk jap huer tak .diyc ee FRANK GILBRETH (1868-1924) siaw ee ceh "CHEAPER BY THE DOZEN (1948)", jex si jinsit ee qowsu, qongw jit duir angbow u jap-zi xee juxluw, inx longxx si haurlut juanqax, qra jitt xee dua qadingg quanxliw qaxx huisiongg u haurlut. Jex si guaw tauu jit huee jiapciog haurlut juanqax ee quanliam, guaw sniu "uaa! Gauw duarhanr erdangr jyr jit xee haurlut juanqax si zuarr hyw neh!" dirr moxjiongw tingdo, hnuahiw siongsinr jurqiw ixqingx jyr qaur jit diamw --- simliw dirliauu ee zimrbu dyrr si jo langg' quer qyckacc u haurlut ee sing'uac, m quanw si enxqangw, siaxjog ixqib qiqimhue ee qangjog longxx si.

Jursinr si haurlut juanqax, guaw duiww soxu haurlut hyw ee langg longxx huisiongg puewhok, iuqii qingwuir siongrder ee haurlut. Qongw jit xee le, 1982 nii SALT LAKE CITY, UTAH qixvan jit xee MORMON qauwhue enxqangw ham' juxcii qangjokqingx, gauw qamxqag jex si jit xee zinrbad MORMON qxaur ee hyw qihue. Guaw marr iaucniaw jaboxqniaw dauwdin kir SALT LAKE CITY, qetqyw jingwbingg jitt vaiw duiww gunw verqniaw horsiong ee quanhe jin' dua ee vangjan. Gunw dirr hiax qaux quixarr xee hyw vingiuw, marr cniurr guaw soxx anwsngr ee, duiww MORMON qxaur u qyckacc je ee liauxqaiw, enwqangw ham' qangjokqingx ee dairjir longxx huisiongg singqongx.

Dngw laii CONNETICUT ee cur iokk snax zit au, u jitt xui luxsingr kar denrue laii jinxsow iog siqanx, guaw huathen ix si MORMON qauwdoo. Ix qra guaw qongw, MORMON qauwhue dirr mow quaw hongbin duiww ix huisiongg jiauwqor, mrqycc qitnax hongbin qycc duiww ix qik apvig, suacc hro ix ee simjniaa jin' maudunw. Narr m si duxx camqax hitt dniuu huergi, guaw juadduir byy kyxlingg hiacc cimkig liauxqaiw ix, qyckacc byy hxuad texhue ix ee kunwqingw. Jex si guaw kaigiap jap dxangx laii derr id xee MORMON qauwdoo ee vnerlangg, guaw mng "siongrder ar! qamxx qongw liw pair guaw kir SALT LAKE CITY, dyrr si uirr liauw vue'iongw guaw, junxvi rix jitt xee vnerlangg?" sniu diyc guaw jitt jua luxhingg did diyc ee jiongw jiongw hyxcur, vutdikvud puewhok siongrder ee haurlut. Zimrhyy jit vo hingdong longxx byy longrhuir.

Qongw quer dergak/ lenrgak, tendongg qycc si sniaw?

Juewqin u langg qongw guaw si "giabgua sinhagqax" guaw iyh inx ee iwsur si qongxx guaw ciangjai qongw diyc siongrder, qycc byy tak jitt hongbin juanbun ee ceh. Juann sewqair jinjniar ee sinhagqax itdir dong'ir siongrder hnuahiw dyngiurhuar, IX ui' jiax did diyc jerje cuwbi. Qingw jit xee u ingg ee ervox sii, jre dirr cauxvox knuar hongqingw, liw erdangr knuar diyc quiw jap jiongw byy qang ee cauxbok, sxor vah jiongw ee tangtua dirr kongdiongx hmrhm qiyr, narr qongxx liw ee bagjiux cniurr hamwqniar hiacc jingbit, iauxx qycc erdangr knuar diyc too nirr vnerguantew(VIRUS) ham' sewkunw jorsingg ee uanjingw siarkunn. Jitt xee sewqair ee dyngiu suxx langg ylyw!

Jitt quiw nii laii, guaw duiww zinsingr ee jerngiu venwhuar zuxx laii zuxx qamxqag vutkyxsugi, zirciaw sniwmia si kyr jiaxee venwhuar ensiok. zinlui jitt hxang, dyrr erdangr hunx javox/ jabow, irsingwluann/dongsingwluann. Vehjiongxlangg, ngjiongxlangg, angjiongw, ojiongw, lau :ee/siauwlenn, iutair qauwdoo, qidog qauwdoo, hueqauwdoo, inwdorqaur …, narr qongxx muixx jit xee langg longxx sinr qang jit jiongw jongqaur, hex si zuarr byy cuwbi neh.

LIAHSIONGW EE TENDONGG

Siongrder qiwzenn jiacc air dyngiursingr, guaw duiww tendongg jiwjiyw erdangr kakding jit qnia su, dyrr si hiax be huhap itvnualangg quanliam ee viaujunw mosid, jit qrunn snix jyr itmoo-itngiu ee siyw tensair, tauu-dingw dir qangrkuanw e huad qngx ee ngikoxaw, jre dirr nngw pangxpangw ee hunn-dingw dnuaa kiarkimm. Songlew siongrr air iong ee jit qxur ue "tnive hiax u jerje dongr bixle ee cur." Ui' dyngiursingr laii qongw, guaw iyh lanw kir tendongg e knuar diyc jerje byy qang ee dua qingx cur : kyxlingg si sidbinn siqii ee kuanxsid, u longjngx hxingg ee, u cad niauciw-aw sig ee toviah, u bogjy ee, u juixkud, u kiw dirr quansnuax-dingw, u dirr snuaqog-lai.., tnive ee cur jin' lewdauw.

Soxu iuxquanx tendongg, dergak, lenrgak ee lunrdiau, longxx quilui jyr "juexcig sinhak", lanw qigqex erdangr liahsiongw ziiw. Dirr sixbongg qra linghunn qaixhongr jingg, itcer longxx si birdix.

Qongw diyc jaix /m jaix jitt xee bunrdee, guaw uanjuann zinrdongg kyhak, hro jongqaur sinwgiongw trer qaur derr zi xui. Itvnuax qra kyhak qangjog ee langg hyrjyr sidjingr juxgirjiaw, inx duiqiuu diwsig siongrr hyw ee honghuad si tauwquer qinggiam. Kyhagqax itding jyr sidgiam (kongwjer-ha ee qinggiam), dirr sidgiam quewdingg hagsip, siongrbew did diyc qetlun. Guaw duiww siongrder iuxhan ee zinrbad dy' tauwquer jitt siwlangg sriu sinunx ee qinggiam.

Guaw jitt hongbin ee texgno ham' JUNG jin' jiapqin, ix si jit xee kyhagqax. JUNG buanxlenn u jit vaiw jiapsiu logngiaw hongxbun sii, hongxbunrjiaw tecud jerje d.-dabdih-d. ee bunrdee au, siongbew mng " DR.JUNG, liw jerje duwjog longxx qamm u jongqaur iwbi, liw qamxx u siongsinr siongrder?"

Lau JUNG vog quiw cuir hrunx au, naxx decc sniu qongw, "siongsinr siongrder? Anne qongw, iong 'siongsinr' ee zirganw , dairviauw lanw zinruii moxiongw mic si jinx ee, mrqycc iauxx byy jinjniar ee jingwqir. M si, guaw m si siongsinr siongrder, guaw jaix jinjniar u siongrder.".

DERR JAP JNIUX UIBUT / UISIMX GIUW DUARSYH

"Qinrlaii u jit jiongw qib ee air ee qiawbang, hex si laii jurr budjid juxgi ham' kyhak huatdenw laii ee, qib beh air si simlai ee vut'anx, m jaix kiamr sniaw ee qamxqag, luerjai sniwmia ee qiawbang …, zuxx laii zuxx je langg beh cue jit xee ui' simlingg ham' jingsinn jancur cuthuad ee dap'anr."

Jitt xee qongxhuad m si laii jurr qoxbuw zinsingx ee liuhingg ceh, si 1992 nii Jabzi-guec cecid ee "Bixqog Sinbunn qapp Sewqair Vywdy" jabjir. Jitt vunw jabjir iong go iac laii qaixsueh uirsniaxmic JUNG quewsinx snax-jap dxangx au, hionghiongg venr qaxx jin' sriu huangingg, qetlun jixcud, JUNG ee singqongx iauwsor si qethap simlixhak ham' lingsingr siu'iongw, uansingg jongqaur /kyhak ee jingxhap.

U langg bad qongw "simlingg derdoo" si "JUNG ee dairjiongr vanw", henxzenn si cutvanw siqix duxhyw dirr dagg xee kaisiw cuthen "vut'anx ee kueckiamwqamw" ee sii. Sriu langg huangingg ee tingdo si guaw iwgua ee, aurlaii huathen, ceh nirr ee quanliam si quewkir dag'ee byy iongrsimx tniax, jitmaw guanrir juwsinn tniax qycc sukyw, knuawceh :ee simtair venr ar.

Ceh duxx cud ee sii, "simlingg derdoo" naxjunxx duiww singwqingkux (BIBLE BELT, Bixqog diongx/ lamm vxo qokk jiux, kuriuw qionglet cingqauwdoo, qidokqaur qivunw qauwgirpair sikcaiw) ee qibinn digvet u kip'inxlat, cimxtauu iaucniaw enxqangw ee dairvorhun si laii jurr jiax ee derkux, jex si guaw liaursiongw gua ee. Guaw m si qivunw qauwgirpair ee qidokdoo. Aurlaii sniu tongx ar, guanrir tniax enxqangw :ee, suibongw druar dirr singwqingkux, byy itding si qivunw qauwgirpair ee simtair. Jerje langg duiww siongrder vyxcii kansingg, byy hongwkir qywzinn lingsingr siu'iongw, mrqycc duiww huanrnarr qra dairjir qanxhuar jyr m si o :ee dyrr si vec, jurzin iongxiuw itcer qaixdab, kiokk duiww jongqaur ee sinvir m tniax m mng, bongbok sinwgiongw ee langg, u qraur siurkir, byy air qycc zimw ar. inx beh air sinx ee kongkir, su'iaur dirr suncuir budjid juxgi ee kyhak ham' giamqeh ee qauwdiausid sinhak diongx kixjy jit jxy qiyy.

LIW EE KYHAK, GUAW EE JONGQAUR

Beh liauxqaiw uirsniaxmic jongqaur / kyhak ji' qranx cuthen jiacc dua ee cavet, qaix huee dngw kir iauxx byy simlixhak jitt xee kybak ee sidai, qiamxtyw ligsuw, duicue cud jongqaur ham' kyhak quanhe ee qinguann.

Iokk nng-cingx-go-vah nii jingg, jongqaur/kyhak cruw diyc jit xee siongrr jaw ee jingxhap quanhe, lanw qra hyrjyr dethak. Jaxqii ee dethagqax cniurr PLATO(429-347 B.C.), ARISTOTLE(384-322B.C.), ixqip aurlaii ee THOMAS AQUINAS (1225-1274)…, duiww kyhak qeqiamw u genxqiur. Inx ee sukyw diong jingwqir, jitgii "jendee ee qaxsed" mrqycc be kir huaigii sinn ee jinsit junjai.

Jap-lak sewqiw hingser huatsingx vutli ee venwhuar, 1633 nii GALILEO GALILEI (1564-1642) jysiu jongqaur caipnuar, qra kyhak pah zip sixkud nirr. Hitt vaiw surqnia jyrsingg huisiongg byy songxkuair ee hiyrqyw, duiww GALILEI vunxlangg si jit dniuu viqiok, virr vig tethuee duiww COPERNICUS (1473-1543) lixlun ee sinwliam, jidsiwlangg longxx virr nngxqimr, berdangr li qamngg jit vo ; qauwhue jin' qinw marr qaqi hai diyc jurqiw.

Hro guaw qaxsed jit quaw jongrhongw, suecbingg qycc laii huatsingx sniaw dairjir. Qongxx lanw 1705 nii dirr LONDON, guaw u digkuann kir henrdniuu knuar jit xee viwbit huergi. ANNE luxongg dirr suzinn vanrqongsig qixhingg jit xee huergi, qauwjongx LORENZO CORSINI jap-id sxer digvet qaixjong, amr amr aw ui' ROMA qnuaw quer laii. jairdniuu iauxx u hongqax hiabhue jurzenn diwsig sidgiamsig ee NEWTON(1642-1729) sriu luxongg ee iaucniaw.

Luxongg dirr kuidniuu qongw "qokk xui jaix, siongrder hro guaw uicii jingwdi didsu qapp anding ee jikzim. Guaw jin' qamxsia qauwjongx hro guaw ee puex, qenwgi guaw caixcuw jitt hxang jo guaw jiphingg tetdew ee hingdong. Qauwjongx sensnix, qiwzenn jitt vaiw ee huergi si liw ee juxdniux, kyxlingg liw guanrir hiongr NEWTON sensnix siaurqair liw peux nirr soxx qongw ee iauwdiamw.

Dysia liw, luxong. NEWTON sensnix liw jaix, je nii laii qauwhue itdit duiww GALILEI surqnia huisiongg be quewsimx. Guaw jixvutqyr hiongr luxongg qenwgi, jitmaw si kyhak ham' jongqaur hyqaiw siongrr hyw ee siqix, siaubyy quewkir ee byy songxkuair.

Jex dongzenn si huhap qokqax siongrr quann lirig. Luxongg qongw.

NEWTON sui' huee qongw, "Quewkir jit sewqiw ixlaii, kyhak ee ciuxdnua ham' bogviaux ixqingx ham' jongqaur u jin' dua huncex. Dethagqax jre dirr anlog'iw ee sidai ixqingx qetsog ar, guaw knuar be cud siqanx e dyw lrauu dngw kir ee zimrhyy kyxlingr, marr byy qamxqag u vit'iaur anne jyr."

Ar! guaw jin' dong'ir liw ee knuawhuad. Beh jongqaur ham' kyhak jinjnir qethap henxzenn byy kyxlingg, mrqycc jiwjiyw kyhagqair ham' jongqauwqair ersaih jyr qaur moxjiongw tingdo ee hyqaiw, qra quewkir damrvyc dig'ir huawqaiw driau? Qauwjongx qongw.

Anne liw hibang guaw jyr sniaw? NEWTON mng.

Hiabgi, si dadsingg hiabgi ee sihau ar. luxongg huee rinr.

Gunw beh air ee si hiabgi, NEWTON sensnix, jyr qauwdingg ee dairviauw, guaw u kxuann ciamsuw hiabgi, qauwhue dong'ir byy qycc pywhai jinjniar ee kyhagqax, dongsii kyhagqax marr diyh'air dong'ir, byy cab jongqaur ee kywdee jyr qaungua ee diauqnia. Qauwjongx qongw.

NEWTON sensnix, gunw qenwgi horsiong jundiong duiwhongx ee lingxhik, qenwlip hyhaii ee habjog quanhe, duiww qiwiuw ee qiangqair qenwlip qiongrsig. Liw ee haghue (guaw digvet tecniw liw, si guaw ee janrjo ham' vyxho ji' ha, zuxx laii zuxx ong) qaix jinjniar duiqiuu jurzenn diwsig jyr bogviaux. Jurzenn ham' criaux-jurzenn ee diwsig uanjuann byy qang. Jex qinvunw benw qongw ee, guaw marr siongsinr liw itding e dong'ir, criaux-jurzenn si sriok qauwhue kuanhat ee huanruii. Luxongg anne qongw.

Dyrr cniurr jingwdi si sriok jingdirqax ee huanruii, kyhak duiqiuu jurzenn diwsig, byy iong'unw cosiok jingwdi ee bongrsiongw uwziamw. Kyhak ingwqaix ciauuat jingwdi, marr byy qangai jongqaur surbut. Guaw simrjiww knuar e diyc jingwhuw tauwquer voxtiab dairhak ee kyhagqax, ixqib janrjo kyhak diaurcax soxx su'iaur zuxx laii zuxx hogjap ee setvi…dringw hingsid, jniajyr kyhak ee jicijiaw. Qauwjongx qongw.

Kaksit u kyxlingg, jixiaur liw guanrir jicii gunw tecud ee suncuir kyhak qaiwsnuar, anne qauwhue dyrr guanrir qra suncuir kyhagqax sokjy sxingg qongjiongr inghiongg. Luxongg qongw.

Anne, iong qongjiongr lap ee suewqimx, jujo qioghan dirr jurzenn henrsiong ee kyhak genxqiur, dyrr lixsow-dongzenn lor. Qauwjongx qongw.

NEWTON dngg siqanx jre dirr hiax byy cud sniax, henxzenn decc sniu sniaw ee kuanw. Anne ee anvaii hyxcur jerje, kaksit jin' kip'inw langg. NEWTON rinr.

Luxongg ciyr bibix qongw, liw si hongqax haghue ee juxsik, si qui'ee qidokqaur sewqair siongrr u ingxhiongxlat ee kyhagqax, jixiaur liw jicii gunw soxx tecud suncuir kyhak ee lixsiongw, guaw siongsinr birlaii sxor vah nii ee qidokqaur bunbingg, dyrr hiongr unxding huac cud jit dua vo, mrqycc jitt jiongw dairjir dongzenn besaih qongw cud kir, jitt qnia su jin' bibiau, quanhe diyc birlaii huatdenw ee linglik. Guaw sniu jitt vaiw huergi ee jinghingg byy vit'iaur qra langg qongw, mair jyr zimrhyy suantuann. Guaw siongsinr erdangr sinwlai liw jitt hongbin ee puewhap.

Guaw e jinrliong. NEWTON qongw.

Dysia liw ar, sunrsuar qra liw qongw, guaw jaix liw si jit xee e vyxbit ee langg, guaw sniu, jitmaw dyrr qra liw qongw, guaw duxx decc sinrdiong kyxlu qinnii lai hrongx liw quiwjok ee miahy, byy sniaw baiw or! Luxongg qongw.

Guaw ee huanwsiongw dirr jiax qetsog. Quewkir dongzenn m bad jinjniar u jitt xee huergi, mrqycc dyrr si u jitt jiongw siarhue kewiog, dirr jap-cid sewqiw buew ham' jap-veh sewqiw coqii, qra jingwhuw, kyhak, jongqaur ee lingxhik, hunx qra itcingx-zicyw, m si u iwsig ee huatdenw, cavutdyx si hitt xee sidai suqiuu ee amwiwsig huanxingr. ui' hitt sii kiw, jitt xee byy siaw lyc laii ee siarhue kewiog duiww kyhak/ jongqaur ee vunxjid, sanxsingx jiokk dua ee ingxhiongw.

Sursit-siong, hunquah kyhak ee lingxhik ersaih knuawjyr zinlui diwhuirsuw siongrr diongriaur ee surqnia. jitt xee lauu lyc laii jerje hyxcur : jongqaur huatdingg kuanlat siauqiamw, byy qycc siysiw angii, quiw vah nii laii ee sinwdoo hongrhenr hro qauwhue ee jaiguann vaw vaw, huewduu lole jewdo, qowsingg binjuw jingwtew, byy dyxinw duiww byy-jingwhuw jongrtair. Kyhak kyxlingg hanrjer dirr jurzenn henrsiong, jursinx jin' huadpuad huatdenw, cua dinxdang sanxgiap qikbing, si lanw siongxsiong byy qaur ee, simrjiww marr uirr sewsiok bunhuar ee huatdenw polo.

Bunrdee si jitt hxun siarhue kewiog ixqingx byy hac iong ar. dirr jitt xee sidai, suacc jniajyr jit jiongw qniax langg ee hunlec qangqu, qra lanw ee siarhue tiah qaxx sir-hunx-go-lic.

HUNQANGX, HUNX QAXX CRUIR .KIR !

1970~1971 nii, guaw dirr qunx-diongx hogbu sii, ciangjai dirr Gorqak duarlauu nirr ingingg sec, cue langg qongw VIETNAM ee jenwjingx, guaw e anne jyr, si guaw cing qunhok; dagg vaiw mng langg' iuxquanx jenwjingsu, inx dyrr qongw, "mr! PECK isux, gunw liauxqaiw liw ee quansimx, mrqycc liw qamxx jaix, guaw vutqyr si vingqangx ee hunjix qiqor, qandna' hurjig qamwdog cingwjiw ee singsanw, diyh'air junxsii sangr qaur VIETNAM, ham' jenwjingx byy zimrhyy didjiap quanhe, hex si jingwcig vormng ee dairjir, liw kir jauxlongg hitt tauu mng jingwcig zinguann."

Qniaa quer jauxlongg, mng jingxcig :ee, inx qongw "driyc lar! PECK isux, gunw jaix liw ee quanjur, mrqycc jiax vutqyr si jingwcig ee jihue, qandna' quanw jiphingg jingwcig, jingwcig setding ham' gunw byy dirdai, hex si Vehqiongx dring ee." qetqyw, qokhongg ee Goqak duarlauu qui' dongr ham' jenwjingx longxx byy quanhe ee ngiu.

Zimrhyy dua qiqor longxx kyxlingg qangrkuanw qra qangjog vunx qaxx jin' iur, byy quanw singlixqair, jingwhuw vormngg, vnerngi, dairhak, simrjiww qauwhue longxx u kyxlingg. Mrqycc zimrhyy qiqor dirr hunqangx sniu' iur, qetqor suacc venr qaxx jin' hogjap/ jin' dua ee sii, qiqor ee liongsimx ongxongw marr duer decc cruir.kir, jit der jit der ee cuiwpnir, qra liongsimx ced qaxx iur sapsab, simrjiww byy .kir, jojid ee vunxjid suacc jniajyr siaog.

Qangrkuanw ee hunhuar henrsiong marr kyxlingg cuthen dirr qywzinn srinx-siong. Langg u jiongw qibiau ee vunxsu, ersaih qra horsiong quanlenn ee surbut tiackuix, hunvet hongjngx jyr jit vaux jit vaux, byy tauxkuir, horsiong be mocad, kiokk jyrsingg tongwkow. U hitt jiongw dagg lexvair jaiw kir qauwhue, jurzin air siongrder, air siongrder congwjy ee banrbut / juann zinlui, vaiwid kir qongsix siongrvan, qra hamm dok ee vunwsyr dryr zip kir hurqin ee kelauu nirr, kiokk be qamxqag vut'anx, byy tywdongr, qongxx si decc jiphingg qongsix jingwcig. Ix e anne jyr, in'ui ix ee simlai, jongqaur jiamr jit qag-aw, qongsix qycc si lingrgua jit qag, ix dyrr si soxui "lexvair jaiw ee qauwdoo". Jex si jit jiongw jin' susongw ee unrjog hongsid, mrqycc byy jniawdit.

Ingbunn ee INTEGRITY, dongsii u jniawdit ham' uanjingw nng jiongw iwsur, uanjingw / jniawdit si jingxhap ciuxsiok soxx dadsingg ee, qapp qingquer hunhuar duxhyw dywvingw. hunhuar hro dairjir qanxdanx, mrqycc byy qingquer jingxhap, ingxuanw siwsnuar puawcuir. Jingxhap e duar laii tongwkow, jitt xee quewdingg su'iaur lanw tanxvec binrduir qokk jiongw horsiong ciongdut ee ligliong, quanliam ixqib sing'uac ee aplik.

JINGXHAP CIONGDUT

Dnaxtaix bunrdee erdangr knuawjyr jingxhap ciongdut ee sidle. Beh anxjnuaw ui' uanjingw qycc jniawdit ee qakdo kyxlu, itdit hro guaw jin' kiaukow (uilann). Dirr guaw knuar .laii, bylun zinrding sniwmai ui' dangsii sngr kiw, si ursinx. Snax qywguec? Buanw lak qywguec jiacc sngwsiaur? Longxx si dypiah bunrdee ziiw. Sniwmia dongzenn si ui' siurin kaisiw junjai, joxdongr sniwmia huat'iok dongzenn si satzinn ; guaw marr siongsinr, sniu' qanxdanx ee dnaxtaix jingwcig, duiww ALBERT SCHWEITZER(1875-1965) soxx tecud ee "jundiong sniwmia" si jit jiongw pixsniur.

Maxmah ee sniwmia rair kyxlu jairlai, vaxvah qapp siarhue ee knuawhuad marr rair jundiong. Jerje hurluw narr qra ginxaw snix lyc laii, zinsingx sriu diyc zuarr giamdiong ee sionghai, dyrr si qewue qra ginxaw sangr langg ngiuxci (byy itding muixx jit xee ginxaw longxx sikhap vunx langg' )marr qangrkuanw ; narr ursinx qra ginxaw snix lyc laii ee maxmah, byy sikhap cirqniaw kiokk qaqi laii jyr jitt xee kangkuer, dongsii sionghai :ee vutjiw jit xee narnia. Guaw duiww dnaxtaix byy qiwding ee dap'anr, qandna' erdangr qongw, zimrhyy qo' jit xee qakdo, quewhun qanxhuar ee dap'anr, "bersaih dnaxtaix" jit qxur ue si byy qraur ee.

Qinqur guaw ee qinggiam, dagg vaiw binrduir jit xee hyrjyr siarhue bunrdee ee honganr, itding rair mng "kiamr sniaw?" zuqyw qongw "bersaih dnaxtaix" anne ee qaiwlut, lanw beh mng "kaimr sniaw?" "jikzim" si dap'anr. Jitt xee qaiwlut , qanxdanx qra inx qongw "linw itding rair qra ginxaw snix lyc laii." mrqycc jikzim qaux hro si'angw? " dap'anr si "qaux hro byy langg.". inx hro ginxaw laii cutsir, si jitt xee qaiwlut, dongsurjiaw vunxsinx dongzenn byy air hu jikzim, qanxhuar ee qaiwlut naxjunxx qra bue cutsir ginxaw ee maxmah iacc si vaxvah ee jikzim qaixduu, kiokk byy langg dnax cutsir ngixaw ee ciriongw jikzim, anne "bersaih dnaxtaix" ee qaiwlut, si byy hurjig ee, kiamr juvisimx, marr byy jniawdit.

Gauw qitai u jit zit, lanw erdangr muaxvag ee juvix ham' jniawdit qongw cud "bersaih dnaxtaix", jex su'iaur siarkux juanlik habjog jiacc jyr e qaur ee dairjir. Erdangr iacc si bersaih dnaxtaix, ingwqaix iu' jingxqyy siarkux laii quatding. Zuqyw byy air qra ginxaw snix lyc laii, anne siarkux rair dnax jit vorhun quatcig sanxsingx ee jue ; narr qongw beh hro ginxaw cutsir, siarkux marr diyh'air dirr jaibu/ simliw hongbin, teqiong ginxaw ham' verbuw siongdong tingdo ee jiauwqor. Jixsi qaur dnaxx lenn Bixqog iauxx kiamr u qraur linglik dnax kiw jitt xee dnar ee siarkux. Dirr siqix iauxx bue singsik jingg, huanw-dnaxtaix jingwcig jixsi huee dngw laii guansiw jongrtair, huehok sir-jap dxangx jingg sanwciah langg cue bidngi, hyxgiac :ee cud qog qaixquad ee lau bunrdee narnia.

LIW SI KIAMR SNIAW?

Zuqyw liw duiqiuu uanjingw qapp jniawdit, guanrir singsiu duer laii ee qankow, diyh'air e qir did mng "kiamr sniaw?" liw e qamxqag byy qaiww hyxser, in'ui jaxban liw e huathen, dirr moxjiongw jancur-siong, muixx jit xee langg diyh'air uirr soxu ee dairjir hu jikzim.

Derr id vaiw yc erhiauw ui' "kiamr sniaw" laii quancad, si dirr Lamm/ Vag Hann jenwjingx qiqanx. Hitt sii guaw jap-sir huer, jin' air dagg zit tauwjaw jauw cud kir brew NEWYORK sivyr, jingg jit zit guaw tak diyc snax-jap-cid daii MIG jenwdauwqix virr sria lyc laii, Bixqog kongqunx dua ngiaa, byy siongbongg, byy sngxsid; derr zi zit jin' hnuahiw tak diyc sir-jap-id daii MIG siag lyc laii, Bixqog :ee longxx anjuann vuex dngw laii qide; qycc laii sir-jap-snax daii MIG, Bixqog sngxsid jit daii ; qycc laii snax-jap-qauw daii MIG, Bixqog si anjuann ee; qycc laii sir-jap-snax daii MIG, Bixqog qandna' jit daii sriu kinsiongx. Suibongw sngxsit ee huiqix iacc si sraiw huiqix :ee sixbongg iauxx e hro guaw qankow, mrqycc jiaxee tongxqer sowzi hro guaw jin' tiongr, NEWYORK sivyr qongw, Bixqog ee huiqix jewjy jingliongg, RUSSIA :ee pinxjid baiw, qycc qongw, Bixqog sraiw huiqix :ee hunwlen hyw, huanxsia dongwjog qinw, ngiaa quer hiaxee gy qaxx qiongbecc siw ee Diongqog / Hanqog langg.

NEW YORK sivyr qra Diongqog/Hanqog qongxx jyr qingjer lauwdin, mrqycc jit nii quer jit nii, qangrkuanw ee tongxqer sowzi itjair dionghok, guaw kaisiw huaigii, qingjer lauwdin ee qokqax jnuaxngiu erdangr singsanw hiacc je huiqix? Qingquer jit dnxua siqanx, guaw sniu tongx jitt lairdew dauwdew si kiamr sniaxmic, ui' hitt sii kiw, NEWYORK sivyr knuar :ee, dyrr byy hxuad juanvo hro guaw siongsinr ar.

Tak ihagngi sii qycc u qihue hogsip jitt kyr. LILY ham' guaw tak liauw AYN RAND (1905-1982) siaw ee ceh "tnide iydang (ATLAS SHRUGGED)", iong suxx langg simx dinxdang ee ciuxhuad, tecud jit tyr qigtauu ee qywzinn juxgi, qra suzinn lirig he dirr derr id iusenx ee dethak, hro guaw cavutdyx sui' sniu beh qazip qiongrhydongw ee vyxsiuw dinrngiaa; mrqycc naxjunxx u sniaw ngiaxngiaw hro guaw vut'anx, itdit qaur tak liauw jitt dua vunw jiokk jiokk cingx-zi iac ee ceh jap zit au, guaw jiacc sniu .diyc, jiacc dngg ee bunn nirr, lenn jit vaiw dy' byy qongw diyc ginxaw, ar! kiamr ee si ginxaw. Duw diyc ginxaw ixqip siarhue -siong qitnax su'iaur hucii ee langg, RAND vnuaenw ee jit cud itdingxid ee qywzinn juxgi / lirqiw juxgi ee hxir, benw qongw si vnua be lyc kir.

Jiaxee qinggiam dirr guaw simliw iliauu hunwlen ee vuerqingw ha, did diyc ee qawsi, sog jyr jit qxur ue "vnerlangg byy qongw ee ue , viw qongw cud :ee diongriaur jerje." Zuqyw vnerlangg itdit qongw be suar ix ee henrjuxsii ham' birlaii, kiokk quewkir jit qxur dyrr byy, qnaw qra liw vyxjingr, itding u sniaw byy hxuad binrduir ee quewkir ; iacc si vniawmia hapsenx quewkir qapp birlaii, kiamr jitmaw ee d.-diamxdih-d., kyxlingg jitt sii cud liauw bunrdee; narr guanrir dramm quewkir/ jitmaw, birlaii suacc byy sniax byy sueh, liw marr ersaih kakding bunrdee ham' birlaii iuxquanx, kyxlingg kansiap diyc hibang/ sinwsimx.

JIAPSIU CAIPNUAR

Vnerlangg ee bunrdee qapp hibang/sinwsimx iuxquanx sii (qisit jerje qitnax jongrhongw marr si anne), narr qongxx qandna' qra bunrdee hunhuar byy jingxhap, iacc si m qiamxtyw qewdadquanx ee bunrdee, simliw dirliauu dyrr byy hau. Mrqycc dirr guaw jiapsiu simliw iliauu hunwlen sii, simliw ihak iauxx jiauww suncuir kyhak mosid, qiongdiau jinrliong piacbenw qewdat pnuawduan, isux diyh'air huepiah soxu kangai qewdadquanx ee bunrdee, bersaih iauqiuu vnerlangg jiapsiu isux ee qewdadquanx, narr byy, dyrr huan diyc huanw-ijuanw (COUNTERTRANSFERENCE) ee dua qimwqi, hro iliauu quewdingg songwsid sunjing ee vunxjid.

Hagsingx sidai, guanw hitt xui simlixkyx jurngi juxzim qingxqair gunw, jit xee hyw isux ingwqaix dirr derr zi/derr snax vaiw ham' vnerlangg damue sii, dyrr viauxbingg libdniuu "guaw dirr jiax juadduir byy u caipnuar liw ee iwsur." Guaw qra jitt xee ue qir dirr simqnuadew, danw guaw kaisiw jriab mngjinw vnerlangg jyr dngqii dirliauu sii, dyrr ham' jingg jap-gua xee vnerlangg qongw jitt ee ue "guaw uanjuann byy caipnuar ee iwsur". Qisit jitt jiongw ue jit diamw aw dyrr byy iwgi, vnerlangg e laii jiapsiu simliw dirlauu, si huisiongg iongxqamw ee hinguii, inx jaix diyh'air jin' qamguan jiapsiu caipnuar jiacc erdangr tuatli kunwqingw.

Sursit-siong, soxui byy qamm qewdat pnuawduan ee simliw dirliauu qinvunw byy junjai. Simliw isux amwiwsig-diongx juriuw jit tyr inx soxx sinwhok ee qewdat hertongw, siongrr juxiaur ee jingsinn hyrjyr sewsiok zindy juxgi, qiongdiau sidjer bunrdee, qra jitt siwlangg soxu byy quanx ee dairjir longxx vaiduu driau. Jitt tyr hertongw u jerje hongbin ee iudiamw, narr si qongxx beh puepingg, vutzuu hiongr hiaxee sewsiok zindy juxgirjiaw qex yc quaw kacc sidjai.

Qongw qui' xee iuxquanx sewsiok zindy juxgi ee le. Byy sinlun FREUD iong "air" "qangjog" qaiwding simliw qenrkongx, zinrbad air ham' qangjog u singsanxlat, dyrr si sewsiok zindy juxgi ee qewdat viaujunw ; qycc qongxx jap-go dxangx jingg, guaw u jit xee huisiongg sitjir ee luxsingr vnerlangg, ham' ix qongxue cniurr gnec cuiwkiw hiacc qankow, derr id nii dirliauu sii, ix longxx jiauww iog ee siqanx laii, mrqycc ongxongw jit zip mngg dyrr qongw

"aixiyr! Jitt lexvair ee simjniaa viw jingg lexvair qyckacc baiw."

Or! Liw sniu si sniaw guan'inx? Guaw mng.

Guaw m jaix ar! ix sui' hueinr.

U sii e qongw "jitt xee lexvair u kacc hyw .quaw."

Liw sniu si urisniaxmic neh?

Ix iauxx si sui' qongw "guaw m jaix".

Juewau guaw qongw " cniaw liw tniax jimjiog, guaw rair liw sniu jit hxang dairjir, liw kiokk dirr vah-bxan ji' id biyxjingx lai huedab 'guaw m jaix', guaw duiww liw ee iauqiuu --- sniu .jit .xe, liw qinvunw jyr be qaur. Lanw narr beh qewsiok dirliauu, liw singx rair yc erhiauw sukyw." Sukyw dyrr si sewsiok zindy juxgi ee jit jiongw qewdat pnuawduan.

Sewsiok zindy juxgi ee qewdat hertongw ixqingx dirliauu 60% ee simliw vnerlangg, cunx :ee 40% kiokk iauxx hiamm byy qraur iong, dyrr anne, qexmiaa qaixjiuw hiabhue (AA) dirr dirliauu jiuxqongg hongbin, viw simliw dirliauu kacc u singjig, limx hiongjiuw ee langg dysor sriok aurbin 40% lai :ee. taujingg lanw qongw .quer, AA hiabhue erdangr didjiap jiamduir jiaxee langg simlingg-siong ee suqiuu, duiww jxingr lyc iyc, jiauww sewsiok zindy juxgi ee tuantongw simliw dirliauu si jyr be qaur ee.

QNIASIMX ZINGEH

Simlingg ham' jongqaur ee quanliam duiww jerje langg longxx u loriong, m si qandna' duiww jiuxjingx iacc si iyhbut jniurpiah ee langg u hau, qniasimjingr ee langg ongxongw marr u hau. Dirr guaw mngjinw ee qinggiam, duiww mow diauu qrex, dyrlo, niaux, huiqix digvet qniax, laii cue guaw ee langg, danw guaw ham' inx kacc sigsai au marr huathen, jiaxee langg duiww qysog qonglo, qxauw, huexciax, qangrkuanw byy hyxqamw, juewau guaw e huathen, inx juxiaur si qniax sing'uac, jit jiongw guaw soxui "qniahniaa zinqeh".

Je nii laii, guaw ham' jitt lui vnerlangg ee jiapciog qinggiam, cue cud jit xee qniax langg ee sursit, inx ee sewqaiwquanx u nng dua qiongrtongdiamw : derr id, inx qra knuar jitt xee sewqairjyr si huisiongg guihiamw ee soxjai; derr zi, inx qamxqag dirr jitt xee guihiamw ee sewqair nirr huisiongg qodnuax, qandna' erdangr kyr jurqiw vniawmia jiacc uac e lyc laii. dirr jitt xee qamxqag-ha, inx jiyh qniahniaa hanrjer jurqiw ee uahdang huanruii, qra sewqair sog ser qaur inx erdangr uanjuann kongwjer ee siyw kongqanx, anne jiacc qamxqag anjuann.

Iokk jap-go dxangx jingg, guaw u jit xee luxsingr huanrjiaw, diyc diyc ee si dyjiongw qniahniajingr, ix qniax juiw, m qnaw siujuiw. U nng xee ginxaw, jit xee go huer, jit xee cid huer, duxx si siongrr air sngxjuiw ee nihuer, jitt hongbin ee qniahniaa hro ix digvet kunwziaw, ix m qnaw ham' qniaw jywhuew sngxjuiw. Jinwhingg dirliauu iokk jit dxangx sii, u jit zit ix qra guaw qongw, vaiwlak kir camqax jit see iuingxdii vnix ee jurhue, ham' ginxaw dirr dii-lai siuu laii siuu kir, sngw qaxx jin' songxkuair.

Jiurr guaw soxx jaix, ix srinx/ simx hongbin longxx byy huatsingx diongrdua venwhuar, guaw damrvyc huaigii mng qongw

"guaw sniu qongxx liw qniax siujuiw."

"Si ar, mrqycc guaw m qniax iuingxdii." Ix rinr.

Jex hro guaw gignaiw, mng "iuingxdii u sniaw byy qang?"

"or! Iuingxdii ee juiw jin' cringx."

Guaw jiacc jaix ix qniax ee m si iuingw, si oo, kelauu, haixngiuu, ix qandna' qnaw hro juiw jimr qaur kabak qigqex katau'ux, juadduir bersaih knuar byy diyc jurqiw ee kajingxtau aw, narr byy, ix m jaix kajnaiw e huatsingx sniaw dairjir!

Qingquer jit dnxua siqanx, guaw huathen, qar jitt jiongw langg kacc logquanx ee sewqaiwquanx, si ui'id ee dirliauu vanrhuad, hro inx jaix jitt xee sewqair m si inx soxx sniu ee hiacc guihiamw, iacc si inx byy qodnuax, jiwjiyw siongrder ee undenw erdangr teqiong moxjiongw tingdo ee vyxho.

Guaw siongsinr qinxsin unriong jongqauwquanx, duiww jerje iong qitnax tuantongw simliw iliauu ciuxhuad dri hyw ee jingsinn vnerle, marr u qaqiongg jokiong, qasog hyxli ee haurqyw. Jitt jiongw quanliam erdangr jyr jit jiongw tiaujenr, marr ersaih si anuir. Vixzuu, guaw krngr .langg m hyw hnaicanx jurlenn ee sii, e tecniw inx, JESUS qongw, lanw pnai sibzirqer rair huaipy hixlok simx. Narr duiww liongdix digvet qionglet ee langg, kyxlingg ersaih iong'unw inx jurlenn .jit .xe, duw diyc jitt jiongw langg, gauw e qongw, suibongw JESUS qawsi langg iong hixlok ee simx qrngx dangrdnar, mrqycc ix byy qiyr lanw jit zit zi-jap-sir diamxjingx longxx rair qrngx, simjniaa qycc rair jin' hixlok. Taukag pnaiw .kir ee langg jiacc jyr e qaur. linw sniu mai lehh, "JESUS pnai snax-vah vong ee sibzirqer vreh jnriu qokk de ee snuax sii, si sniaxmic simjniaa?"si jurlenn ee simjingg. Linw u juqeh dagg zit nng vaiw, jit vaiw go hunjingx jurlenn .jit .xe. guaw e qra jitt jiongw vnerlangg anne qongw.

AUWUTJINGR

SAINT THERESE OF LISIEUX bad qongw "zuqyw liw simqamx-jingguan diam diam singsiu hin jurqiw ee kyxgiam, dyrr e jniajyr JESUS qac'ir druar ee xui." Guaw dirliauu quer sidjer huanrjue, liongsimx vut'anx (VIETNAM jenwjingx taii quer buqox zidongg ee tewgnow qunzinn.) ee vnerlangg sii, e qra inx qongw, "lanw ingwqaix hnuahiw qajair liw u juerokqamw, qycc jinsimx hin qaqi, jitmaw liw ixqingx jniajyr JESUS qac'ir druar ee xui." Jex si guaw anuir inx ee honghuad.

Guaw zinruii jitt qxur ue digvet u lat liauxqaiw auxutjingr ee huanrjiaw. Inx e qongw "PECK isux, guaw sidjai si jit xee byy loriong ee langg, jitt siwlangg byy jyr quer jit hxang u qewdat ee dairjir, dirr vordui nirr jyr qaur snax cnxix siongrjiongr, hex uanjuann si hyxun. Guaw m jaix liw uirsniaw e guanrir knuar guaw jitt jiongw vnerlangg. Guaw duiww kanciuw byy vangjan, duiww qniaw byy jorlat, duiww zimrhyy langg longxx byy loriong. Dagg lexvair liw ham' guaw jitt xee huiwbut ongxlaii, liw itding jin' uilann hnor?"

Zi-jap-sir huer dyrr quewsinx ee LISIEUX, si jit xee jin' kiauw ee luxsingr, qingxzi iongrsuu huisiongg sinrdiong. Ix qongw ee "zuqyw liw qamguan diam diam singsiu hin jurqiw ee kyxgiam…"auxutjingr huanrjiaw ee bunrdee si inx byy air "diam diam" singsiu. Quixarr vah nii jingg, tenjuw qauwhue e qra jitt jiongw duii simqnuax, qniax tenha byy langg jaix ee suanvor, qongxx si huan diyc "quewhun qiujuann" ee jue, qycc jingwkag ee jinxduan cud, jex si cid dua jue ji' id, qiaugno ee venwtair viauxhen. Jitt jiongw langg jinjniar beh qongw ee si, "guaw jaix siongrder e guanliong guaw, mrqycc guaw beh jurqiw jyr caipnuar." Zuqyw liw narr siongser qiamxgiam inx guirjongx ee kiamsun, dyrr e huathen vaux dirr hudsimx :ee, si gnorban ham' jurluann.

Juewqin juangiap qikanx huatviauw jerje iuxquanx auwutjingr huanrjiaw zinrdix lixlun ee bunjniux. Jitmaw simliw isux jaix auwuthingg zinqeh duiww surbut ee zinrdix, ham' hxuix-auwuthingg zinqeh byy qang, inx suxiong "zinrdix" sii, m na duiww surbut ee sniurhuad ziiw, marr vauquad soxu jinwzip susiongw ee mic, si qamxqag e diyc, jaix ee surbut, qongw qyckacc cingcyw lehh, auwuthingg zinqeh huanrjiaw si suanxdigsingr ee qamxqag, jaix banrsu-baurbut siauqik ee jit bin, ingxuanw kuanr be diyc jikqik ee hitt bin.

Je nii laii, LILY itdit vniawmia ham' auwutjingr jingdor, jin' byy qanxdan ix ngiaa quer auwud. Dirr jex jinwjingg, gunw narr si Go-guec tauwjaw jywhuew kir cuwau qniaa jit cua, guaw e siwqer knuar .jit .xe, sniu "cuntnix laii ar, jiacc hyw.diyc, cauw cnicuir, ciurqix vog sinx ngiw, lanw druar dirr jitt dongr sidbinn siqii ee cur si zuarr hyxun lehh! suibongw lanw iauxx su'iaur qruar quiw vxag doo, menii jitt ee dairjir dyrr erdangr jyr hyxser, qamxsia tnive, lanw byy kiamr jnii." Mrqycc LILY kiokk dirr vnix :a qongw "dangsii Pnee :ee beh laii jenw cauw? Liw knuar, u langg qra qadyx danr dirr guarkauw, qui' mee longxx byy siux. Liw knuar lanw jitt dongr cur luan caucaux. Nng xee langg li byy nng vo lo, knuar diyc ee sewqair kiokk uanjuann byy qang.

Jitmaw simliw isux jaix, beh dirliauu auwud ee vnerlangg, diyh'air singx qar inx ui' byy qang ee qakdo zinrbad surbut, beh hro jiaxee langg byy qycc juanbunn jaix surbut ee siauqigbin, diyhh singx qar inx zuhyy zinrbad jikqigbin. Mrqycc jitmaw jiacc kaisiw liauxqaiw jitt diamw ee simliw isux, kyxlingg e qamxqag damrvyc pnaixser, inx soxx huatbingg ee "zinrdix dirliauu", qisit ham' quiw jap nii jingg NORMAN VINCENT PEALE (1898-1993) soxx teciongr ee "jikqik zinsingquanx (THE POWER OF POSITIVE THINKING)" si qang :ee. sursit-siong, quanhe ywlyc siongrr qanxdanx bingliauu ee miagenn, jaw dirr jap-zi sewqiw jit xui hueqaur sinvir juxgirjiaw JALALU-DIN RUMI, jit qxur ue dyrr qongxpuar "auwud laii jurr bylew ham' m kingw yly vadd langg." Ix qongw ee bylew, dyrr si auwud eehiongciuw ---jurluann/ venwtair ee qiaugno simtair.

LYHLAN SIONGRJIONGR

Qniax langg ee si derr zi nii ixau, verbuw kaisiw qongw "bersaih, JONI, liw bersaih anne jyr, vutjunw, hitt xee vutjunw dinxdang. M hyw or! Hex berdangr hro liw bongx oor. Bersaih! m hyw! Vutjunw! Gunw jin' air liw, JONI, liw jin' diongriaur, si gunw ee vyxvuer, mrqycc jitt xee bersaih, hitt xee vutjunw, liw m si laurvanw." Dyrr anne, jit dxangx lai, ginxaw ui' simliw-siong ee sir-liap-cnxix siongrjiongr qangr lyc laii zi-dringw vxingx. Bogquair langg qongw nng huer ginxaw siongrr gauu dnii, ix kaksit u juqeh qamxqag byy songxkuair duarser sniax.

Zuqyw verbuw erdangr teqiong unhyy ee duiwtai, jinrliong hro ix jicii, jo ix dro quer jitt xee pnaiw sikingr ee qaidnua. Jit dxangx au, ginxaw dyrr erdangr jiamrr tuatli jurluann, huac cud jit dua vo. Vuthing ee si, dairjir ee huatdenw byy itding anne, u sii verbuw byy qraur unhyy, dirr ginxaw qamxqag virr jautad sii, byy hro anui, dendyww qacimx soxx sriu ee sionghai.

Jingg pnix hitt xui sniu qongxx simliw dirliauu jit qetsog, dyrr erdangr qra soxu ee ciauhuann danr driau ee luxsingr, si singdiongw dirr jit xee quanxqar huisiongg giamqeh ee qadingg. Suibongw ix ixqingx be qir did nng huer sii ee dairjir, snax ~ sir huer ee su iauxx qir qaxx c.-cingcyw-c. : dagg vaiw ix narr jyr m driyc, longxx diyc qingquer jit tyr digsuu ee gisid. Qruar dirr viah-dingw jit qix cuee-aw, duarlangg qiyr ix tee lyc laii, qaux hro vaxvah, zenau qaqi rair qra kor trngr driau, qunn henx kiw laii, ngar iyx kia lehh, jairr vaxvah pah, itdit qaur ix hauw qaxx u qraur dua sniax, u qraur quw, vaxvah jiacc e tingg ciuw. Ix rair qra kor cing kiw laii, ui' vaxvah ee ciuw nirr qra cuee-aw tec dngw laii, qycc he kiw kir guanui, jiacc ersaih kir cue maxmah anuir, danw maxmah anuir qraur ar, byy hauw ar, maxmah e qongw " jitmaw qui lyc laii, dua sniax hiongr siongrder qidyw, qriuu siongrder siawbenw." Ix dyrr air qui lyc laii, qriuu siawbenw, maxmah zinruii qidyw ee siqanx u qraur dngg ar, qongw "jitmaw liw ersaih kiw laii, kir cue linw vaxvah qriuu vaxvah siawbenw liw." Suar lyc laii kir cue vaxvah, aiqiuu vaxvah guanliong, vaxvah zinruii ix qriuu qaxx u qraur quw, gisid jiacc sngr qetsog. Itdit qaur xe huee huan cyr sii.

Ginxaw anxjnuaw dongr quer jitt jiongw duiwtai? M si hongwkir iuwdir-qrii hitt jiongw busow-vutlingg ee jursinr/ jurluann, dendyww si kyr jursinr/ jurluann ee simtair qencii uac lyc laii. jitt tyr qijer ee unrjog hongsid huisiongg digvet, simliw hagqair qra hyrjyr "qadingsid longrban (FAMILY ROMANCE)". Jiaxee ginxaw qra qaqi qongw, "jitt nng xee qongxx si guaw verbuw ee langg, qinvunw m si guaw cinsnix verbuw, guaw si qokongg /onghiy ee jaboxqniaw, guaw u hongqax ee hettongw, si qongjuw, u jit zit inx e jaix guaw si si'angw, guaw dyrr huehok jinjniar ee sinhun."

Jex si anuiwlat huisiongg dua ee huanwsiongw, hro ginxaw erdangr singsiu diongrdua ee kutziok, ui'id ee bunrdee si e ensiok qaur singlenn (huanwsiongw jinwzip amwiwsig jancur), byy digsair cua inx kir qnir qokongg/ onghiy, byy langg sinzin inx simlai uirr jurqiw setding ee derui, anne simjniaa auwud ar! Auwutjingr huanrjiaw ee zinrdix binrlimm qinvunw ee kunwlann si, inx simlai huanwsiongw, soxu ee pnaixsu longxx vutqaix dirr inx ee srinx-siong huatsingx, jurqiw soxx jyr ee soxu pnaixsu longxx erdangr benw jiahjue. Dirr inx ee simqnuadew jikqigbin si cutsir dyrr sriok inx hiangxsiu ee kuanli, bogquair inx ee zinrdix qandna' suanw siauqigbin.

ZINSINGX HIWCUD

U jit xui BRAZIL simliw isux NORBERTO KEPPE, ix qongw cud zinlui siongrr jiap knuar .diyc ee simliw vnerjingr, ix soxui ee " sinbingg bongrsiongw (THEOMANIZ)" : huanwsiongw zinlui erdangr jniajyr siongrder. Sinbingg bongrsiongw ham' ongjuw / qongjuw jingqed vutjiw luirsu, cuthen ee qilut qyckacc quann. U jit xee huisiongg kensingg ee qidogdoo, zi-jap-gua huer sii, bad dirr qidokqaur cinglenn siartuann jyr juanjid, dionglenn au, qaixdoo jyr singliw, guaw qiyr ix jyr JOE hyw lar. JOE laii cue guaw ee sii, ham' nng xee byy liamtiw ee langg habqow, JOE ee singliw si kyr inx jitt nng langg ee daujux, singsiu jin' dua ee aplik, vutditvud cutbe zinqeh, iong jawkix ee ciuxdnua, kyxviw qongxx, ix jah jit qnia sanxpinw camqax gnoxqimx siongdenw, uirr beh tuisiaux , bingg dyrr byy tec diyc juanli, marr qnaw suantuann u juanlirkuann. Guaw narr si ix, daikair benw vutliauw sisiongg qamxqag jiaujyx, in'ui jitt xee langg ee simjniaa itdit berdangr vingjing, qniahniaa ee jongrtair. U jit zit, guaw sniu beh anuir ix qongw "JOE, liw jixiaur jin liw ee lat dyrr hyw ar!" ix huanxvog qongw " jinrlat si byy qraur ee."

Jitt ee ue tniax kiw laii, u damrvyc qiquair, jex si snaiw iwsur? Guaw mng.

"Guaw m na diyh'air jinrlat, guaw ee qongsix vutjunw sitvai tihh." Ix rinr.

U jit zit, liw ee qongsix dyxdnar, duiww liw si siongrr hyw ee. lanw jaix, siongrder marr hibang jitt qingx qongsix dyw. Liw sniu knuar mai lehh, lanw longxx si tnide qranx jit cud qiogjingg qibiau hogjap hyxhir ee enxguann, lanw ee simguan jixvutqyr si beh knuar .jit .xe qiogjingg ee juann binrmau, qycc jinrlat qra jurqiw ee qaksig enw hyw. Mrqycc guaw duxx tniax liw qongw ee iwsur, liw m na diyh'air jinrlat jyr hiwcud siongrr hyw ee enxguann, iauxx sniu beh siaw qiogvunw?" guaw qongw.

JOE si muixx jit xee langg ee huawsinx. Lanw longxx huan diyc sinbingg bongrsiongw jingwtauu, jurzin erdangr jurdong vensiaw zinsingx jitt cud hxir ee kavunw, zuqyw dairjir byy jiauww lanw ee kavunw huatdenw, m tniax lanw ee vaiviw, lanw e siurkir, cinwsimx, qniahniaa. Zinsingx jixvutqyr si jit dniuu qywzinn viauxenw ziiw, mrqycc jerje langg itdit byy sikingr jitt xee sursit, bunrdee si, berdangr sikingr, dyrr byy hagsip. Uirr duiqiuu jinjniar ee hagsip qapp singdiongw, lanw diyhh binrduir sursit, jit qxur jingcaiw ee miagenn anne qongw "zinsingx dyrr si dirr liw juriqw dring hyw qewue ji' gua soxx huatsingx ee dairjir."

DERR JAP-ID JNIUX TIAUJENR SINX SIDAI

M quanw si vnuaquer zinsingx suaboo ee lo-diongx, iacc si cue byy lorvaii ee cniqniax, jerje langg su'iaur jongqaur, kiokk qycc byy hxuad jiapsiu jongqaur jojid (cniurr qauwhue, sirbiy), jiap qycc je ee uahdang/ qaiwlut, suacc hro qokk jiongw juxdniux qywzinn siuhingg ee viwbit qauwpair liuhingg. Digvet si danghongx jongqaur sriu langg hah'ir, THE TAO OF POOH, THE TE OF PIGLET, THE TIBETAN BOOK OF THE DEAD,simrjiww AM I A HINDU? jitt lui ee ceh siaulo jin' ong, dyrr si siongrr hyw ee jingwbingg.

Sehongx sewqair qamxqag danghongx jongqaur ee cuwbirsingr, u jit dnxua siqanx ar, mrqycc juewqin henx kiw laii ee sinx unrdong qycc cua dinxdang sinx jit pyx ee zedci. Jerje langg duiww sinx sidai unrdong gignaiw, ciangjai u langg mng guaw, jit qrow lat si hyw iacc si baiw, beh huedab jitt xee bunrdee jingg, singx hro guaw tee cud lingrgua jit xee bunrdee : sinx sidai unrdong si jingxhap iacc si hunlet ee lat?

Guaw u nng jiongw cuwbi, jit xee si juanbunn siujip langg' jit kuix cuir qongw "m driyc" ee jinsimx ue, lingrgua si denrqiuu-aw ciywue. Siongrr qac'ir ee nng xee ciywkuex, ham' jongqaur u quanhe. Derr id xee si :"ngua jit liap denrqiuu su'iaur quiw xee singwqonghue qauwiuw? Dap'anr si nng xee, jit xee hurjig diaupuer MARTINI quejixjiuw (siongrr qanxdanx dongsii qycc si songrr iong'i hud m driyc), lingrgua jit xee kar denrue qiyr juixdenr qanglangg". Derr zi xee si : "ngua jit liap denrqiuu rair quiw xee senjongx vudqauwdoo? Dap'anr marr si nng xee, jit xee ngua denrqiuu-aw, jit xee byy ngua denrqiuu-aw."

Tniax .kiw .laii u damrvyc vutkyxsugi, derr zi xee ciywkuex sursit-siong si jit xee jingxhap suangenn, si huisiongg qanxdanx bingliauu ee honghuad duiww maudunw lyc ee dingrgi. Dirr jitt hongbin, senjongx si guaw siongrr hyw ee dyrsux, guaw cud dua lat siaurqair senjongx ee sukyw hongsid, jiapsiu zinsingx jit renn qycc jit jann ee maudunw, si simliw qenrkongx berdangr kiamr ee iauwsor.

Siydahtud ee sukyw duiww guaw ee diongriauwsingr jin' lann jit qxur ue qongw cingcyw. Guanw jin' himsiongw jit xui dethak qauwsiu, u jit xee hagsingx mng ix "laursux, tniax qongxx liw siongsinr soxu jinliw ee hudsimx longxx si maudunw ee, qamxx si jinx ee? laursux huee qongw "ersiah qongw si, marr erdangr qongw m si." Beh huedab sinx sidai unrdong inxcua cud ee, dauwdew si jingxhap? Iacc si hunlet? Gauw ee dap'anr: "si jingxhahp, marr si hunlet."

TAIWKONGX SIDAI

Jerje langg jitgii, sinx sidai unrdong si m si jinjniar junjai? Kyxlingg u damrvyc qiawsnix ee kinghiongr, in'ui camqax sinx sidai unrdong ee langg siongsinr, iacc si qamxqag cuwbi ee mic, ui' puanqow ixlaii dyrr u ar, mrqycc guaw kakzin u jit jiongw sinx sidai unrdong dng' hingx, quewkir snax-jap dxangx laii, duiqiuu jiaxee sinwliam ham' u cuwbi ee langg zuxx laii zuxx je, jiamr juann zinkauw vutjiw quann ee vixle.

Suibongw guaw qra hyrjyr unrdong, m si viauxsi u jojid :ee. jerje qivunw qauwgirpair ee qidokdoo qongxx sinx sidai si moquiw ee imboo kiwdoo amwdiongx siausic qidokqaur ee qauwgi, dyrr si anne, MARILYN FERGUSON (1938- )qra ix huationgg sinx sidai unrdong ee qingdenw jokpinw hyrmiaa "taiwkongx sidai ee qiongrboo (THE AQUARIAN CONSPIRACY,1980)", jex dongzenn si qunxciyr. Ix huisiongg cingcyw suecbingg, imboo qinvunw byy junjai, itvnualangg byy kyxlingg dauwdin sed anne ee imboo. Sinx sidai unrdong ham' dysor diongriaur ee diwsig hunrjuw unrdong qang, ix ee hingsingg si qokk jiongw zidsiongg sing'uac ee qinggiam, aplik, tauwquer hordong sanxsingx dysor langg su'iaur ee qiongsig, knuar jyr jinwhuar ee lat, vutzuu qongxx si qikbingrsingr ee unrdong.

Cniurr dysor ee qikbing unrdong qang, sinx sidai marr si dingxjann diongsanw qaiqib juxdy, sanwciah iacc si qanglangg byy sriu diongrsi; jex marr si jit jiongw qokjewsingr unrdong, m si qiokhan dirr Bixqog iacc si Vakbixjiux, Dikqog, Ingqog longxx jin' u uahdongrlik.

Sinx sidai unrdong si duiww sehongx bunbingg jiongw jiongw jewdorhuar ee juerog soxx jyr ee huanxdong. Jiaxee jue ongxongw horsiong qaudnii, cing qang diauu kor, jre qang jiah junn hiacc bidcet ee quanhe. M si soxu jewdorhuar ee juerog longxx junjai dirr sehongx bunbingg, jewdorhuar ee singwvet qisi dirr danghongx dingwqinx qyckacc cimx. Singwvet qisi si sinx sidai unrdong huanxdong ee diongrdiamw, huanxduir soxu ee kiwgiabqair, qauwhue, jingwhuw qiquanx ee singwvet qisi, marr sngr si jit xee luxsingr juxgi ee unrdong.

Qidog qauwhue ee linghunn kanghix, gnorban, jurluann, setdok… dringw, si "sehongx" u ee juerog, sinx sidai ee unrdong kiwdoo liongwkuix sehongx jongqaur, cinqin vudqaur, senjongx, dyrqaur, inwdorqaur…dringw danghongx jongqaur, iacc si Bixjiux guanjurbinn ee jongqaur, luxsingr juxgi sikcaiw ee buxsinn (MOTHER GODDESS), WICCA…dringw. Jongqaur jojid jurlaii byy kuaniongg ham' inx byy qang qxaur :ee, sinx sidai unrdong diauqangx jongwhap qokk sid qokk ngiu ee quanliam, ui' cnisinn, lingtew dausia simrjiww linghunn henxhenr, soxu qiquair ee busow-vutvaux.

JAUXCUE ZINSINGR

Sinx sidai unrdong marr huanxduir kyhak ee juerog, jiwjiyw huanxduir ingwiong qanggiap qisut ee kyqix, jitt hongbin ee jueog jinsit kurtew. Henrdai kyhak jyrsingg quewdo hunqangx, kyqix dendyww buacsiaux zinsingr, soxu duawngi ee vnerlangg, jiapsiu siongrr sinx ee iliauu kyqix jiauwqor ee langg, longxx qeqiamw jiapciog diyc kanho, dirliauu quewdingg hxuix-zinsingr ee jit bin, hro sinx sidai huanxduir se'iyc, kinghiongr danghongx i'iyc, cagjiamx, Bixjiux guanjurbinn ee dirliauu gisid, jywkiyr…dringw ee guan'inx, vuackuix sehongx ihak ham' kyqix sniu' iur ee vunqangx au, iuliongg ee jingxtew liauhuad ham' qoxbuw unrdong ee honghuad hro sintew iongxqnia jiamrr sriu diwdang, cauxiyc qycc packuix jit xee sinx mngtangx, vnerlangg druar cur liau'iongw ee quanliam, liau'iongw luxsia (HOSPICE) ee sinx hanggiap, erdangr knuawjyr sinx sidai unrdong inxcua cud ee singliw.

Huanxduir juvunw juxgi, dewqog juxgi, ixqib soxu vaksiah kuanqingw / zinlui ee juerog ; huanxduir soxu jinsit qycc qniax langg ee juerhingg, huanw vaksiah, jicii hyvingg juxgi, vau'iongg dyngiursingr, juxdniux kuanvyw iwsig, uicii jurzenn vnevang.

Siongrr dua ee digsig, si duiww sinx quanliam, sinx honghuad caixiong uanjuann kaihongr ee taiwdo, jex dongzenn jin' hyw. Dirr guaw knuar laii, ui'id ee bunrdee si sniu' dua, simliw hagqax soxui ee quewdo huanxingr (REACTION FORMATION). Vuthing ee si huanxduir juerog ee sii, ongxongw e hiongr qigtauu huatdenw, siongrbuew ziaw cud ee bunrdee kyxlingg ham' guanlaii :ee, vnee giamdiong. uaicuah :ee beh vranx jniar, narr si sniu' quewtauu, dyrr cniurr ui' iudniaw tiaur zip kir huexduix, iacc si cniurr qra ngix-aw ham' sexsinkux juiw jyrhuew dyw driau qang iwsur.

Qongw jit xee guaw cinsinx ee le laii suecbingg huanxingr quewdo si jnuaxngiu jit huesu. Guaw vaxvah si huatqnuax, iongxsingg me langg' be suah ee quanwsir, bogbingqimiau me vanrqongx zinguann, iacc si pnaixun ee hogbursingx. Iauxx e qir did jap-id huer sii, dirr jit qingx cantniax, hogbursingx jid'err byy sewji cud jit sud aw m driyc, qra langg' me qaxx jiokjiog zi-jap hunjingx, hro langg' pnaixser qaxx tauu lee lee. Guaw amwamr aw jiuwcua, u jit zit duarhanr, juadduir byy beh cniurr vaxvah anne dirr qongqiong dniusow tutcuee.

Duarhanr au, guaw jinjniar m bad dirr qongqiong dniusow me langg', suacc qyhuec'ab, vingiuw pruex guaw jin' lingw, so'uanw, hiauvaix, byy qamxjingg. Itdit qaur guaw jiapsiu simliw dirliauu au, jiacc huathen jex si jit jiongw qiuwjingr liauw quewtauu ee henrsiong, tyxiar vaxvah qongzenn luan huad pikir, suacc uanjuann qimwjiw jurqiw dirr qongkaix dniuhap siurkir. sursit-siong, guaw su'iaur hrongg ee si luan huad singwde, m si bylun zuhyy bersaih kixsingr. U sii qongkaix cutkuir, viauxsi hunwno, si sikdongx qycc u vit'iaur ee, gauw qniaa ee kiokk si lingrgua jit vingg ee jinrqag. Kaix jerje siqanx dingsinx yc siurkir. vingiuw kaisiw qamxqag guaw kacc hysen, cinqin langg, huec'ab marr qangr .lyc .laii.

Jin' uiham, sinx sidai unrdong qangrkuanw huan diyc qigduanx ee cywgo. Huanw lamsingr ee singwvet qisi, congwjy cud qigduanx ee luxsingr juxgi, ho'ngg qamxqag byy songxkuair/ vut'anx, ongxongw qycc viauxhen colow bylew, simrjiww gugong. Gauw bad duiww qigduanx luxsingr juxgirjiaw enxqangw, m quanw guaw he zuarr je qangx suanw byy qamm singwvet sikcaiw ee zirganw, duarlat pruex singwvet qisi, iuguann qamxqag viauxdat qaxx vutdab-vutcid.

SIMLINGG CIAUCI

Sinx sidai unrdong marr huanxduir iutair / qidokqaur tuantongw, jyrsingg simlingg hunrluan. Bixqog muixx jit xee dua sniaci jiwjiyw u jit xee qongxx si "simlingg ciauci" ee jojid, inx teqiong SUFI buxdy, igqingx, jrer jiuxsinn … dringw q.-qiquair-q. ee kywdingg, dirr hiax sniaw longxx knuar e diyc, duliauw iutaiwqaur/ qidokqaur. U langg duiww jitt jiongw jabcaiwsid qamxqag jin' gignaiw, marr u langg jiycmiaa laii dypiah jikzim.

"simlingg derdoo" cutvanw sxor nii au, jit xee sir-jap-gua huer ee hippi (HIPPIE) laii cue guaw, lauu cuiwciux dngg taumox, pnai jit xee vecsnuavaux, jit lo jre sunrlo ciax laii qaur gunw daux, qongxx ix su'iaur jingsinn ee inxcua, ix ee zinsingx bongbiauw byy jangw, m jaix beh jyr sniaw. Dng' decc kyxlu kir MONTANA jit qingx sensi, lingrgua OREGON jit xee sinx sidai siarkux marr jin' kip'inw ix. Qycc u jit xee sniax " liw ingwqaix si qidokdoo." Jurr jap-lak huer sidqow gne au, likuix verbuw soxx sriok ee tenjuw qauwhue, dyrr byy qycc kyxlu jyr qidokdoo. Jongw qongw jit qxur, guaw zinruii ix diyh'air anxjnuaw vran?

"Liw rair qycc qongw kacc je liw ee dairjir, guaw jiacc u hxuad teqiong qenwgi." Quaw qongw. Qewsiok ix ee qowsu, qethunx nng vaiw, derr id vaiw u nng xee qniaw, ixqingx jap-gua dxangx m bad qniwbin ar, derr zi vaiw jit xee qniaw, marr uaw lak dxangx byy knuar diyc ar.

Si sniaw guan'inx ? guaw mng.

Lienn sii, sianghongx longxx jin' byy songxkuair, guaw sniu zuqyw dongwjyr qinvunw byy guaw junjai, duiww ginxaw kacc hyw. Ue qongw dywdngw laii, liw knaur guaw simlingg duisunn qaix zuhyy suanw?

Guaw qra qongw, "simlingg derdoo" siaw uann au, guaw jniajyr jit xee qidokdoo, e anne jyr, vorhun guan'inx si guaw jiamrr siongsinr qidokqaur qauwgi u cimuanw ee iwgi, qaixsueh hro tniax, qidokqaur qauwgi ee hudsimx u jin' qiquair ee hisingquanx, byy iauqiuu lanw u qihue dyrr cniurr virr-gigtai hisingx jurqiw hitt jiongw hxingg, suibongw guaw iauxx byy liauxqaiw jyr jit xee qidokdoo ee iwgi, jiwjiyw guaw jaix, jitt jiongw quanliam zinruii bylun lanw zuhyy suanxdik, qitnax ee suanxhang berdangr virr hisingx, virr hongwkir.

Tniax guaw qongw uann, ix qui' sinkux cuah cuah junr, cax jit diamw aw guaw sniu qongxx si ix ngiuhinn dicbecc huatjog, mng ix si sniaw dai, ix qongw "liw duxx aw qra guaw ee simlingg jyr jit xee dua ciuxsut."

Ix qongw jex duiww ix jin' u vangjan, beh qycc laii cue guaw, iog hyw xe huee beh laii ee siqanx. Nng zit au kar denrue laii cuxsiaux, guaw iyh ix juewau quatding byy air kir ham' qniaxzii dingsinx qenwlip quanhe, si kir OREGON sinx sidai siarkux.

QONGDY/ ZINDY/ JURIUU

Guaw qamxqag sinx sidai unrdong hud m driyc duiwsiong, qidokqaur ee jue m si qauwgi, si sidjenr, hinguii ham' sinhak byy jingxhap. G.K.CHESTERTON (1874-1936) qongw ee, qidokqaur siongrr dua ee bunrdee m si dirr qingquer kyxgiam au huathen kiamwdiamw, si qinvunw byy sriu kyxgiam.

Mrqycc sinx sidai unrdong m na huanxduir qidokqaur ee hinguii, marr huanxduir sinhak lixlun. Anne jyr u huanw qaxx sniu' quewtauu ee hiamgii. Dongzenn, inx byy itding juanvo huanw qidokqaur. U quaw langg marr si sinr qidokqaur, inx sniu beh qra qidokqaur ham' danghongx jongqaur qethap ee dongsii, inx sunrcuir qongw ee qidokqaur juliau, ongxongw si pinxjid byy hyw ee luan lam ziiw.

Sinx sidai zinsu kiwsag iutaiwqaur/ qidokqaur, laii jiurr danghongx jongqaur, jin' qac'ir dua sniax suaniongg danghongx jongqaur qyckacc u ciokjinr lingsingr ee siu'iongw. Qokk jiongw jongqaur dirr derr zi qaidnua ee langg longxx e qongw inx siongsinr ee si ui'id jinsit ee sinwgiongw, sursit-siong, dirr lanw ee qiongrdongtew qangjokqingx nirr, sinx sidai qivunw qauwgirpair duar laii qionglet ee guihai, byy sux qursid jongqaur. Suibongw jingxtew laii knuar, inx duiww sinx quanliam huisiongg kaihongr, mrqycc jerje cam'uw sinx sidai unrdong ee langg, longxx si jippiah ee qivunw qauwgirpair iacc si qingdenw pair, byy itding viw inx sinr qidokqaur ee viauw-hniajew kacc jinwhuar. Iauxx u jit jiongw guaw qra hyrjyr "cauxiyc qivunw qauwgirpair" ee langg, inx qencii kir qaur dyhh, itding rair u cauxiyhdee, qycc vig qangjokqingx ee langg itding rair limx. Jitt jiongw hinguii berdangr qongw si kuan'iongg.

Lingrgua jit bin, sinx sidai unrdong marr u langg kuan'iongg quewtauu, jyrsingg jit jiongw vutdongx ee qywzinn juxgi. U jit vaiw dirr qiongrdongtew qangjokqingx, gunw duxx decc simxjax jit xui qangjokqingx lingxsiur haursuanxzinn ee juqeh, ix qongw, "dirr qiongrdongtew nirr jyr zimrhyy dairjir longxx ersaih tihh." Lanw diyhh qauwdy ix, dirr qiongrdongtew nirr byy itding jyr zimrhyy su longxx sikhap, byy qra suiven pah langg, me langg dongwjyr jit huesu, iacc si amwdiongx lingrgua iuxsow kiwdoo ee langg, qiongrdongtew byy iong'unw inx ee junjai.

"juriupair" zinsu habjog sii soxx viauxhen ee bulingg, marr si quewdo kuan'iongg ee sidle. Guaw dongcox singlip " qoxbuw tuantew bunqaur qiqimhue (FOUNDATION FOR COMMUNITY ENCOURAGEMENT)", guanvunw si sniu beh jiyh jitt xee tongxid juann Bixqog qokk de iokk go-vah xee horsiong byy qauliuu ee hyvingg jojid, mrqycc qingguer siongser sukyw, dyrr huathen bylun uirr jitt xee bogdig singlip dyhh jiongw qiqimhue, jiongquibuew marr si jniajyr derr go-vah kxongr jit xee luirsu ee jojid ziiw, dyrr si hyvingg jojid, dirr habjog hongbin rair qycc hagsip, juewau gunw quatding, vutzuu singx qra siqanx/ jnii dauju dirr singlip qiongrdongtew.

LIW QAMXX E QNIAX MOSINN-AW?

"siaog ee bunrdee" erdangr qongw si qidokqaur sinhak ham' sinx sidai unrdong siongrr dua ee hunce'diamw. Qidokqaur qauwgi zinruii siaog si jit jiongw jinsit junjai. Danghongx jongqaur byy singzin siaog ee junjai, inx qra siaog dongwjyr huanwngiuaw iacc si qew diwsig hyrjyr "hihuanr (MAYA)".

Guaw byy hiyxding inx soxx qaixsueh ee dyrliw. Mrqycc guaw siongsinr, simdiongx ee sialiam dyrr erdangr congwjy siaog, narr qongxx qra soxu jurqiw byy dong'ir ee dairjir, knuawjyr siaog ee iwhamm (jerje dirr derr zi qaidnua jongqaur sinwgiongw ee langg longxx u jitt jiongw kinghiongr), anne m na byy u dirliauu ee ingwhau, dendyww inxcua hunlec qapp dig'ir. Sinx sidai unrdong tuansangr quewdo qanxhuar ee quanliam, sniu qongxx jixiaur lanw qaixvenr sniurhuad dyrr e huathen sewqanx qinvunw byy soxui siaog, e jurdong siausnuar, byy ngiaxziah. Mrqycc henrsit sing'uac, kiokk jinjniar u langg qac'ir sionghai langg', lingdii langg', jautad langg'; u langg air jenwjingx, jenwjingx erdangr hro inx tanr jnii, liw narr zinruii inx m si jinsimx anne, liw dyrr e u mahuann ar, jaxban liw itding e jiapciog diyc jinjniar ee siaog. Ham' siaog qauongw, si byy cniurr u quaw sinx sidai lunrsueh soxx qongw ee hiacc qanxdanx.

Ho'ngg siongrr juwbak, siongrr je langg mng guaw iwqenr ee jit vunw sinx sidai duwjog "sinqii ee jit kxyr (A COURSE IN MIRACLES)". Jex si jit vunw hyw ceh, simliw ihak jerje jin' u dyrliw ee miagenn. Mrqycc ceh nirr hiyxding siaog ee junjai, qongw siaog m si jinsit ee, si siongxsiong ee sanxbut, siaog kaksit ham' hiqew u jin' bidced quanhe, jitt jiongw qongxhuad u damrvyc si huhap jinsiongr. Sursit-siong, guaw dirr "vehcat langg (PEOPLE OF THE LIE)" jitt vunw ceh nirr, dyrr qra okmoo qaiwding jyr "hiqew ee kurtew mosinn-aw", erdangr qongw siaog ham' byy jinsit iuxquanx, jin' dua ee kipenr / jyr qew ee singhun, mrqycc byy dairviauw byy junjai.

"sinqii ee jit kxyr" qongw si ham' qidokqaur kia dirr qang dinrsnuar, kiokk uaicuac qidokqaur ee qauwgi. Siaog u je dingg binrsiongr ee maudunw, m si cniurr ceh nirr soxx qongw .diyc ee jit bin ziiw, jidvnuar sursit, ceh nirr byy cuxliw siaog ee bunrdee.

Hiyxding siaog si sinx sidai unrdong denxhingg ee kuatsid, jit xui sinx sidai unrdong ee luxsingr qongw jit xee ciywkuex, ix qongw "u snax xee tuanqauwsu jre dirr dergak nirr, jit xee si tenjuxqaur sinhu, jit xee iutaiwqaur RABBI, lingrgua jit xee si sinx sidai ee bogsux. Inx decc hue lyc dergak ee guan'inx, sinhu qongw, 'guaw dirr dersiong, langg qiyr guaw si WHISKEY sinhu, guaw jin' air limx, dyrr ho'ngg pah zip dergak. RABBI, liw neh? si sniaw lixiuu liw dirr jiax?'

RABBI vutditvud singzin, gauw siongrr air jiac HAM SANDWICH, byy jiac e siw.' Qycc laii, inx jitt nng xee dongsii juanxhiongr bogsux mng, 'liw neh? liw sniaw guan'inx lyc dergak?'

'Jiax m si tergak, guaw jit diamw aw dyrr byy qamxqag zuac.' Bogsux anne rinr.

JINGBIT EE SUSIONGW QINXSIN EE HINGDONG

Sinx sidai duiww kyqix ee huanxdong marr u luirsu ee bunrdee, vaitig kyhak ee jingbit. Guaw bad qaixsueh quer, kyhak honghuad si qniaa quer sxor vah nii, uirr kikhok zinlui jurkix ee kinghiongr huatdenw cud laii ee jit tyr dingsuu / tuantongw, si duiqiuu moxjiongw viw lanw did diyc disingr/ simjniaa anuir qyckacc diongriaur ee mic, qangxqiur guanjig, qiwlut giamgeh ee hinguii mosid, dairviauw duiww jinliw qysiongw uixdai ee duiqiuu

Mrqycc sinx sidai unrdong dirr huanxduir sehongx bunbingg ee juerog sii, ongxongw qra kyhak honghuad longxjongw danr driau. Kyqix ee juerog m si kyhak honghuad, si qanggiabqair /jingwhuw unriong kyqix ee hongsid, sinx sidai quewdo huanxingr, henxsi inx dir qisut / kyhak honghuad kiamwkuad "kyhak" venrzin linglik. Jit xee vingiuw qra sinx sidai unrdong huatguande Qajiux giyc qongw si MARS'HILL, si qinqur SAINT PAUL dirr ATHENS duiww HELLENE tuanqaur sii qongw ee jit dnxua ue, ix dirr huexcnix snualun-dingw qangxdy, jit kaisiw qongw "qamxqag ATHENS ee langg lingsingr siu'iongw jin' quann, jniursnuax enlo knuawqnir jnriu cingx jxy byy qang ee tnix/ de sinn ee diausiong, qandna' jin' diwdang lingsingr siu'iongw ee langg, jiacc e sinr cingx jxy ixsiong byy qang ee sinn."

Sinx sidai unrdong ee sinwdoo ham' ATHENS langg qangkuanw kiamr hunven linglik, sinwgiongw qicow ongxongw marr jin' ziok / vyc. Qajiux ee sinx sidai sinwdoo digvet su'iaur jur jit qix huaigii juxgi ee qiongsimsia. Zimrhyy borhiamw jingg, diyhh jaix beh anxjnuaw venrzin duiww qenrkongx hyw iacc si baiw ee surbut, simlingg luxiuu byy lergua.

Pah GOLF si jit xee jin' hyw ee sidle. Muixx jit qiok longxx si jit dniuu borhiamw, jitt diamw marr si cuwbi ee soxjai. Borhiamw / cir sinx surbut erdangr jingqax hingwtauu, mrqycc u limqaiwdiamw, borhiamw ciauquer moxjiongw hanrdo au, pah qiuu ee qikiauw dyrr byy hxuad huathuix, u sii lanw iauxx si rair jit vo jit vo qniaa, jai jai aw qniaa.

Kyxviw qongxx, qiukangx ongxongw si hro pah qiuu ee langg siongrr tautniar ee bogviaux, jit vingg si kiarviah, taujingg u snuaknex, aurbin kyxlingg iauxx u jit pxenr kamwkax, jitt jiongw qylando ee qiukangx, jitgiap suanxciuw kyxlingg jit vaiw dyrr pah zip kir, inx si bxan-diongx suanw cud ee qyciuw. Guaw zinruii pah GOLF ee guanjig, m hyw ixx jit qnuaw zip bogviaux, rair hunsig qiudy qetqor, dirr jurqiw ee linglik qighan lai jyr. Jex si jingwsiongg ee quihuan, mrqycc kyxlingg e u jin' byy qanxdanx ee jit vaiw, qamxqag erdangr tutpuar vingsii ee qioghan, didqag qoxbuw liw hiongr jingg qniaa, liw ersaih iong hingdong hueingr, iongxqamw kir borhiamw.

Simlingg sing'uac marr si anne. Mrqycc sinx sidai unrdong jongxsi qoxle dagg xee duiqiuu jit qnuaw singqongx ee qijig, byy singx venrzin borhiamw ee giamdiongrsingr, jerje langg suacc ziaw jit srinx ee kunwjiaw. SHIRLEY MACLAINE hitt vunw ciongbuanw sinx sidai jingsinn ee jurduan " byy lo tangx trer (OUT ON A LIMB)", jit qxue dyrr cutpuar, henwcud sinx sidai ee jinbinrbok.

Itdit qaur iokk jap-go dxangx jingg, guaw soxui ee irduanx-siasueh, juann si ham' diongx-sewqiw jongqaur caipnuar qangkuanw quewsii ee lau-qoxdongw, ham' henrdai sewqair byy quanhe. Aurlaii, guaw dirr vnerngi, dirliauu jit xui cam'uw qokk sid qokk ngiu q.-qiquair-q. ee viwbit qauwpair, jysiu giamdiong kunwziauw ee "sinx sidai" hurluw, vnerlangg ee jinghongw digvet, jongqaur si vnerjingg ee hudsimx, uirr beh liauxqaiw ix simlingg-siong ee bundee, u jit zit guaw qongw "qongw quaw liw duiww JESUS ee knuawhuad."

Ix dirr juaw-dingw rue jit xee dua sibzi, sir xee qeh-aw lai qokk rue jit xee ngii, qongw "sibzirqer dingxbin uaw jiax, u snax xee JESUS, erbin jiax marr u snax xee, jitt kux u snax xee, iauxx u snax xee dirr jitt kux."

Simliw isux u sii berdangr hro vnerlangg sniu' suiven, guaw qongw,"mair qiauxcaw, liw qongw, JESUS si anxjnuaw siw ee?"

Ix ho'ngg dingr siw dirr sibzirqer. Ix rinr.

Kyxlingg ix quewkir jinrlat dypiah tongwkow ee viauxhen, guaw sui' mng "anne qamxx be tniar?"

Or! Be tniar! Ix anne qongw.

Liw sniawmic iwsur qongw ix be tniar? Nacc u kyxlingg be tniar? Guaw duimng.

Ix kinsangx huedab " oor! Qidog ee iwsig linglik huisiongg qyqiongg, ix erdangr qra jurgnow dausia qaur tnidingw ee lingtew, duiww langg sewqanx ee tongwkow byy qamxqag.

Guaw m bad tniax quer jitt jiongw lunrdiau, qandna' tniax laii qamxqag hyw ciyr, hitt jit mee guaw cingxqaur jit xui bogsux, jiacc kacc u qaiwliam. Ix jid'err tniax qongw " ar! jex si huanwngiaxlun (DOCETISM)."

Ix qaixsueh hro guaw tniax "jex si jin' quw ixjingg, dyrr hro qauwhue caiding jyr irduanx-siasueh. Jaxqii qidokdoo nirr u jit pruex huanwngiaxlun ee sinwdoo, inx zinruii JESUS si sinn, ix ee langhingg suncuir si huanwngiaw."

IRDUANX-SIASUAD

Ui' hitt sii kiw, guaw huathen, qoxlyw ee qidokqaur irduanx-siasuad, dysor qaur dnaxx iauxx decc tonghingg, dirr jerje derkux iauxx jin' uah'ingw (huadpuad). Vixzuu:

luerjai qowiuw lun(IMMANENCE) --- qiongdiau zinsingr kuriuw ee sinsingr, soxui luerjai ji' qngx (THE INNER LIGHT).

ciauzinn junjai lun(TRANSCENDENCE) --- diwdang zinsingr texgiam ee sinsingr, tecud tnive, kuah bongxbongw ee tnibang…dringw quanliam.

jitt nng xee lixlun si sinhak lixlun ee nng dua paiwhe. Qisit jitt nng hongbin si horsiong siy' vow ee, qandna' zinrbad qidiongx ee jidbin ongxongw iong'i cud bunrdee.

Zuqyw lanw siongsinr siongrder uanjuann junjai dirr lanw simlai, anne lanw ersaih ui' zimrhyy langg ee susiongw ham' qamxqag, did diyc kexsi. Sinx sidai unrdong u jit xee jipair "sinx sudiauu", ixqingx binrlimm jitt jiongw bunrdee. Narr qongxx lanw siongsinr uanjuann dywvingw ee lunrdiau, zinruii siongrder ciauuat huanrqanx (huandinn), poxtongx langg dag be diyc, anne lanw dyrr qandna' tauwquer MOSES iacc si JESUS dringw ee sendix ham' siongrder qauliuu, diyh'air tauwquer qauwjuw suecbingg jiacc tniax u Ix ee ue. jitt jiongw hongsid e sanxsingx guaw qongw ee "tuantongw vyxsiuw ee irduanx-siasuad" ee bunrdee, vixzuu, lanw ersaih qongw jongqaur huatdingg ee jongqaur caipnuawqnuax, ix irduanx-siasuad ee tingdo si viw virr ix pnuar irduanx-siasuad ee jue, jiphingg kokhingg/huexingg ee zimrhyy huanrlangg, ngiaa quer jerje. Siongrr kixbew ix jansad jiaxee siurhairjiaw luerjai sinsingr, dyrr jiokk m driyc ar. dairliok qongw, tuantongw ee vyxsiuxpair sinwdoo, jin' iong'i ham zip quewhun juanjur dirr ciauuadlun ee irduanx-siasuad.

Siongrbuew lanw iauxx si rair binrduir jit xee maudunw : siongrder jidbin si lanw simlai jit xee ser ser ee sniaimx, dongsii marr junjai dirr lanw guarbin, huisiongg quandua, uixdai, ngiaa lanw jerje.

Siy' dahtud dongsii junjai ee susiongw hongsid, dnaxx marr jin' poxpenr. Iokk jit-cingx-go-vah nii jingg, u jit xui qangjokqongg ee IRLAND huesniu PELAGIUS, qra duisuii ee langg qongw ---jixu jyr jerje hyw su jiacc erdangr did diyc qiuwsiok. Jitt xee lunrdiau aurlaii qongxx si "PELAGIUS ee irduanx-siasuad", jex hro lanw ham zip kunwqingw, m na qra langg soksingg qangjokqongg, marr hro langg zinruii iong moxjiongw dairqer ngua diyc qiuwsiok, byy su'iaur siongrder ee undenw, jex e qoxle byy qinqur ee jurdai simliw, "jurqiw jnex(kangr) laii ee " jiamwdua, dongwjyr qongingg ee dairjir.

Iokk nng-vah nii jingg, Aujiux u jit qrunn qidokdoo ee sinwliam ham' PELAGIUS uanjuann dywvingw --- qiuwsiok uanjuann laii jurr undenw. Jitt pruex langg virr hyrjyr "diamrjing juxgirjiaw (QUIETIST)", inx jixsi jing jing jre lehh, danxhau undenw qangwlimm, jitt jiongw qauwgi hro langg' duiww JESUS qoxle ee qokk jiongw siarhue unrdong huisingg lingxdam, marr hro langg knuawjyr irduanx-siasuad. Qiuwsiok erdangr qongw si jit jiongw maudunw ee hunwhap, qidiongx u undenw, marr u loxlik, nng xee vixle ingxuanw byy kyxlingg iong sowzi hunsig.

SIMWLIAM EE BONGBU

Qitnax ee jongqaur marr u irduanx-siasuad, ham' qidokqaur si kxig byy qang, dnuaa qang diau. Kyxviw qongxx, undenw /qongdig ee maudunw duar hro hueqauwdoo ee kunwziauw, byy sux qidokdoo. Sursit-siong, iuxquanx jitt xee debak, guaw tniax quer siongrr hyw ee koxkngr laii jurr MOHAMMED " siongsinr jinjuw, diyh'air qra logdyy vak hro hyw".

Iauxx u jit jiongw sewsiok ee irduanx-siasuad, iongxhanr ee qywzinn juxgi si siongrr hyw sidle. Jitt jiongw qywzinn juxgi zinruii, qywzinn si ingr kuanqingw iauqiuu cuthen, jitt xee quanliam u vorhun sursit. JUNG bad qongw, simliw ham' simlingg ee singdiongw longxx ixx qywzinn doglip jyr bogviaux, muixx jit xee langg su'iaur qenwlip tuatli verbuw sing'uac, doglip sukyw ee linglik. Doglip qra lanw et ciuw, qiyr lanw diyhh iong jurqiw ee nng qix kax kia kiw laii, rair lanw jurqiw laii hnuarvnuaa, kiokk berdangr uanjuann ciaukongr qaqi ee miarun, lanw kaksit ho'ngg driaur laii jitt xee sewqanx jyr dairjir. Mrqycc iongxhanr qywzinn juxgi hiyxding JUNG tecud ee lingrgua jidbin : lanw marr rair ham' jurqiw ee qighan, cuiwpuar ee jurqiw, ixqib zinjer quanhe berdangr piacbenw ee horsiong siy' i'uaw ee quanhe tywhiap ; jitt xee iongxhanr ham' qitnax ee irduanx-siasuad qang, srid juxir maudunw ee bin.

Jex e duar laii qiklet ee qankow, jre qang vaii iw-aw ee langg, vingjing ee binrdar horsiong amkamr byy vingjing ee luerjair, dongwjyr itcer byy bunrdee, langg qongw gunw vutqaix u bunrdee. Mrqycc sursit-siong, uanjuann byy bunrdee ee langg dirr jitt xee sewqair byy junjai, iongxhanr qywzinn juxgi byy hxuad horsiong tyxlun duiww jurqiw siongrr diongrsi ee dairjir, langg langg cniurr bih dirr jit qingx bidvir ee siyw cngvangg nirr, juanzenn ee qolip.

Byy air si irduanx-siasuad, diyh'air jiapsiu maudunw, doglip sukyw dyrr si maudunw sukyw. Lanw m na sukyw air doglip, hingdong marr air doglip. Doglip ee hinguii hongsid, dyrr si sidjer hingdong (PRAXIS), jitt xee quanliam siongrr jaw si MARX juxgirjiaw teciongr, aurlaii virr qaixhongr sinhagqax caixiong. Ix ee iwsur si hingdiong/sinwgiongw nng texhe jingxhap. Cniurr GANDHI qongw ee "sinwsimx narr berdangr huawjyr hingdong, iauxx u sniaw qewdat?" henxzenn lanw qaix jingxhap hingdong qapp sinhak quanliam, jiacc erdangr jniajyr jit xee uanjingw /jniawdit ee langg. Bylun sinr dyhh jiongw jongqaur ee langg, longxx jin' kunwlann jyr qaur jit diamw.

HUNVEN VIWBIT QAUWPAIR

Qidokdoo ham' sinx sidai unrdong ee sinwdoo longxx e binrlimm jerje hamrjnew, qidiongx u jit jiongw si inx nng xee longxx duw e diyc :ee, si viwbit qauwpair. Guaw byy huanxduir jojid hibang qiongrdongtew, qiongrdongg sing'uac ee langg, jex si jit jiongw sinsingr ee tenhur suxmia. Qiongrdongtew ham' viwbit qauwpair u jin' dua byy qang, qiongrdongtew jiyh luervo iuwsiur sewzi ee lenlok kip'inw langg laii camqax, byy air ho'ngg aplik, vig langg lauu lyc laii, vau'iongg caixlap qokk singguann ee cavet, si jitt xee tuantew ee jingsinn. Siongduir ee, viwbit qauwpair ee digdingx si qra langg sexnauw, qiongdua ee aplik, qazip au m qnaw tewcud. Ix ee singguann longxx u mow quaw qiongrdongg digdingx.

Erbin guaw tecud viwbit qauwpair ee jap dua digdingx, hro qyckacc cingcyw hunvet :

1. Lingxdyrjiaw qoxle gnoxsiong jongvair.

Tongxitqaur sinwdoo qongw in ee qauwjuw Mun Seon-myeong (Sun Myung Moon) si "qiuwjuw limqangr", si qik binghenw ee le. Juxdy JONES dinr jibtew jursad ee JIM JONES, DAVIE qauwpair jibtew jurhunn ee DAVID KORESH, longxx jin' u lingxsiur kipinxlat, duisuijiaw kiokk did diyc jailan /sixbongg. Jerje "dairsux (GURU)" hxingg zinbut qoxle mngdoo qra inx qywzinn dongwjyr gnoxsiong jongvair.

2. U jit xee kuanlik hudsimx, qongxx si derui quann qycc qysiongw.

Siongrr u iaxsimx, u kip'inxlat ee lingxsiur, vin' jit xee langg ee lat quanliw jojid, quimoo marr iuxhan, diyh'air u kyxkyr ee mngdoo dauwsnaqangx. Iokliok qongw, soxu duarhingg qauwpair longxx u jit xee lairuii hudsimx, jinwzip jitt xee hudsimx ee langg, dirr qauwpair-diongx sriu hueriuw ee jundiong, byy sux lingxsiur. Dag'ee duiww ix qniax qycc qingr, benw vutliauw bagkangx ciah, vuerau qongw ing'axue. lairuii hudsimx byy itding si viwbit qauwpair dog'iuw ee digdingx, jitt jiongw henrsiong marr junjai dirr soxu ee duarhingg jojid, jingwhuw qiquanx, kiwgiap jibtuann, dairhak, qauwhue, cavet jixsi qingwuir ee tingdo, ixqib lamriong kuanlat ee qihue.

3. Hingjingr osniux jokgiap.

Lairuii hudsimx unrjog uanjuann vyxbit si viwbit qauwpair ee digdingx. Dongzenn, jitt jiongw vyxbit henrsiong dirr jerje ham' jongqaur byy quanhe ee jojid marr knuar e diyc. Jingwhuw hingjingr vormng marr u jit dxuix viwbit bunqnia, zinsu vyxanx hunlui, qangsiongqair u soxui kiwgiap viwbit, hrunx/ enx bu sawsar ee dangxsurhue, viauxbin iugnaw cingingg ee jaxdngr camhue, qisit si jinjniar ee quatcig dniuhap. Viwbit qauwpair lingxsiur siongrr dua byy qang dirr inx byy sethuad amkamr viwbit hing'uii.

4. Muakamr jaibu

Sxor dxangx jingg, u jit xee qihue camqax jit xee sinx sidai unrdong hyvingg jojid ee qyqib lingxdy huergi. Qui' vnuar zit lai, jerje ho'ngg byy songxkuair ee hunziah hro gunw zinrding jex si viwbit qauwpair jojid, guan'inx ji' id si hurjikzinn byy beh qongw jaibu bunrdee. Uirsniaxmic vyxvit? Hro gunw jin' be liauxqaiw, qongw inx m si beh tanr jnii ee jojid, soxu jaibu jongrhongw diyh'air qongkaix qiwlok, zimrhyy byy hiamm huiwkir ee langg longxx erdangr suisii caknuar. Guaw qandna' erdangr qaxsed, qauwpair lingxsiur vyxbit ixqingx quanwsir, qra jitt jiongw byy vit'iaur ee uwziamw duar zip qongqiong lingxhik. Jitt xee jojid ziakamr ee uahdang vutjiw jitt hxang, vutqyr jitt hxang suxx langg siongrr vutkyxsugi. jongw qongw jit qxur, bylun si sniaw dongqix, muakamr jaibu kaksit si jerje viwbit qauwpair qiongrdongg ee digdingx.

5. Qoxle uaxkyr simliw

Viwbit qauwpair siongrr hro langg qniax ee, kuanuix lingxdy jyrsingg sinwdoo ee ilai simliw. Viwbit qauwpair m na byy qoxle sinwdoo cam'uw lingxdy, qycc iong jin jiongxjiongw honghuad dnaxab inx doglip sukyw ee linglik. Quewkir tenjuw qauwhue marr u jitt hongbin ee bunrdee, jitmaw dag'ee siy' jnex hiongr danghongx jongqaur sunqiuu simlingg qaixdab, marr kyxlingg duw diyc luirsu ee bunrdee, kyxviw qongxx inwdorqaur tuantongw, GULU dairsux qar mngdoo qra inx dongwjyr sinn hogsai.

6. Itdiwsingr

Guaw zinruii jex si viwbit qauwpair siongrr viaix ee digdingx. Jingg qongw diyc hitt xee hyvingg jojid, suxx guaw lanbong ee si, soxu singguann hro langg itmoo-itngiu ee inwsiong. Inx ee nihuer ui' snax-jap qaur cid-jap, u lamm u luw, u langg cing qaxx jin' jingwsid, marr u langg cing qaxx jin' cinwcaiw, mrqycc hiaxee zinsu soxx viauxhen qigduanx sriu ab ee itdiwsingr, guaw dirr qundiongx, jingwqair, iacc si zimrhyy qitnax huerdniuu iauxx m bad knuar.quer.

7. Digsuu gixgenn

Jit qrunn bidced habjog ee langg e huatdenw cud jit jiongw qandna' kox-aw lai ee langg jiacc tniax u ee digsuu gixgenn, inx ee qaudamm ciangjai qamm diyc digvet iwhamm, jojid gua ee langg tniax byy, jex vunxlaii si jin' jurzenn ee dairjir. Jojid ee singwjid zuxx jiapqin viwbit qauwpair, gixgenn digsuhuar ee tingdo zuxx quann, juewau venwjniaa jit jiongw qandna' zip hue ee langg jiacc bad ee viwbit gixgenn, zircniaw byy hxuad huanik. Vixzuu, u quixarr xee sinx sidai jojid qiar puex hro guaw, hibang guaw qazip, mrqycc guaw sidjai knuar m bad "vutduan hueingr ee hudsimx tuantew" "dingsinx jinwhuar" anne ee zirganw, jitt jiongw tuantew jimwdimm dirr digvet gixgenn lai, ixqingx songwsid ham' guarqair cionghunx qautongx ee linglik.

8. Buxduanr ee qauwgi

U jit xee viwbit qauwpair jin' air qongw inx dng' decc "huatdenw" sinhak lixlun, su'iaur cniurr guaw anne ee kox-aw gua ee langg jo inx. Gauw qamxqag jitt jiongw ue juann si qexvauu ee. jiurr guaw ee quancad, inx ee sinhak lixlun jaw dyrr huatdenw jejngg, dairvorhun qauwgi marr jaw dyrr jniajyr qauwdiauu ar.

9. Irduanx-siasuad

Soxu jojid ee junjai, bylun guanrir iacc si byy air, dirr iwsig iacc si amwiwsig ee jancur, ham' siongrder u moxjiongw quanhe. Kiwgiap jojid ham' siongrder ji' qranx, erdangr knuawjyr jit jiongw siauqik ee dexkongr, sinr SATAN (moquiw) ee viwbit qauwpair si jit jiongw jikqik qycc qionglet ee duiwkongr, inx ham' siongrder ee quanhe cavutdyx ingxuanw byy jingwsiongg, si jit jiongw irduanx-siasuad.

10. Jurzin jiangxag siongrder

Viwbit qauwpair duiww siongrder uaikiog quanliam, qycc penair buxduanr qauwdiauu, sisiongg jurzin erdangr longxduan siongrder, qra dne dirr ciuxjiangw-diongx ; sursit-siong, byy langg u juqeh iongxiuw siongrder, siongrder iongxiuw lanw, muixx jit xee langg, muixx jit xee tuantew longxx sriok Ix.

Narr qongxx liw beh iong jitt jap diamw vingqow zimrhyy jit xee digding tuantew, guaw beh qiongdiau, byy su'iaur jap diamw dongsii kurvi, jiacc sngr si viwbit qauwpair, jixiaur snax ~ sir diamw huhap, dyrr ixqingx jin' kyxgii ar, qyckacc m tangx be qir.did, viwbit qauwpair je qaxx sngr be uann, jerje kiwgiap jojid marr si viwbit qauwpair, duiww guanqangx siqax qiongdua aplik, vig inx cing qangrkuanw ee snxax, tongxid inx ee guarviauw ham' hinguii mosid.

U langg qra guaw qongw, tenjuw qauwhue marr huhap dingxbin qongw ee je hxang viaujunw, guaw byy zinruii Bixqog tenjuw qauwhue si viwbit qauwpair, 1960 nidai, qixvan ee VATICAN derr zi crur huergi, ixqingx tetdew qaixqik ar. viwbit qauwpair-diongx, sinwdoo qandna' erdangr hogjiongg kuanuix hertongw, vutjunw tiaujenr ; Bixqog tenjuw qauwhue ee kuanuix hertongw jitmaw dagg zit sriu tiaujenr, inx ee hurluw unrdong jin' uah'ingw, suibongw u damrvyc hunwluan, bogjingg qywvet qauwdngg unxjunw caixiong je jiongw byy qang ee jongvair gisid, uree huisiongg vyxsiuw, marr u jin' juriuu ee.

SUH SINX KONGKIR

Tenjuw qauwhue qinrnii laii ee dua juanxvenr, qauwjongx JOHN XXIII qonglyy siongrr dua, ix ee dongwsuanw, jixsi quewdo siqii virr tuisag cud ee lingxsiur, juxqaur inx sidjai cue be cud sikhap ee zinsuanw, qingquer tywhiap quatding suanw cud jit xui nihuer siongrr je, siongrr be ziaw langg huanxqamw :ee damzim qauwjongx. JOHNXXIII hitt nii ixqingx cid-jap-gua huer, kuanr laii vuii vuii , jin' u lang'enn ee laurhue-aw, dag'ee longxx sniu qongxx ix uac byy zuarr quw, marr jyr byy sniaw dairjir. Byy sniu qongxx dongwsuanw derr id nii, dyrr harling diauwkuix derr zi crur VATICAN huergi, langg mng ix kuix jitt jiongw hue be congr sniaw? Ix jid'err sakkuix mngtangx, dua sniax huah qongxx "cingkir kongkir! Cingkir kongkir!"

Sinx sidai unrdong siongrr dua ee hongrhenr, marr si beh air cingkir kongkir zip laii. qaur bogjingg uijiw, guaw itdit qiongdiau ix ee hunlehbin, guaw siongsinr sinx sidai unrdong huanxduir ee juerog longxx kaksit junjai, su'iaur cingduu, jixiaur erdangr piacbenw quewdo huanxingr, iudiamw si sngr be liauw. Jiurr jingxhabbin qongw, ix marr u jin' dua ee singjiu : jingxhap iliauu qethap byy qang jiongxlui, byy qang hongbin ee iliauu, siaubyy quewdo ee hunhuar ; singtair vyxiok unrdong jingxhap singbut tuantew ee soxu singbut ; juanqiuu quandiamw ee sukyw hongsid, marr qaixvenr liauw quriuw ee simtair.

Sxor nii jingg, BERLIN cniuuii iauxx bue tiacduu, guaw jin' hyxun ham' nng xee Solenn qongbinn jin' cinqin jywhuew snax zit, qidiongx jit xui dirr Solenn qiongrsanxdongw diongiongx uixguanhue u jin' quann ee derui, ix laii Bixqog, si kiwdoo suechok Bixqoklangg siongsinr, GORBACHEV (1931-)kaihongr si jit qnia dua dairji. Dongsii dysor Bixqoklangg longxx qra kaihongr jingwcig dongwjyr suantuann ciuxdnua ziiw, mrqycc guaw ham' inx jywhuew au, dyrr kaisiw siongsinr si jinjniar ee.

Byy zuarr quw, guaw dirr jit dniuu tyxlunrhue nirr, tniax JACK ANDERSON (1922-2005) enxqangw. ANDERSON itsingx uirr jingwgi cud sniax, jyr quer jerje hyw dai, mrqycc iauxx si qu simtair. Henrdniuu u langg mng diyc kaihongr, ix iong jin' liauxqaiw luerbo ee juser viauxsi, jitt crur Solenn si laii jniawqangw ee, marr qongw cud Solenn qoklai u jerje huanxduir ee jabsniax, qnualiauu texjer ee duiwkongr jin' dua. Siongrbuew ix qongw "qamxsia siongrder, Solenn ee qnualiauu texjer viw gunw baiw jerje !"

Jex dyrr si guaw soxx qongw ee qursid simtair, vadd langg sux lanw, laii qamxsia siongrder? Gauw qamxqag jinjniar qaix qamxsia siongrder ee si, jitt jiongw qu qingrjingx simtair ixqingx kaisiw qaixvenr. Bixgoq qamxx byy su'iaur tuisag kaihongr? Lanw ingwqaix vaituad qingrjingx ham' hunhuar, juansimx duiqiuu siarhue sing'uac / lingsingr sing'uac qokk hongbin ee jingxhap.

QAIXQIG VIW QIKBING LANN

"Sinx sidai si jit jiongw jingxhap iacc si hunlec ee unrdong?" guaw ee dap'anr si kingxding, marr si hiyxding, mrqycc birlaii ee huatdenw iuguann birdix. Ix e cua laii qikbing, iacc si qaixqig? Narr si kinghiongr qikbing, guaw zinruii e sitvai, jyrsingg guiqix ; narr qongxx qencii qaixqig ee lorsnuar, guaw siongsinr e drat qaur sinsingr ee bogviaux, in'ui lanw jin' su'iaur qaixqig.

Qaixqig viw qikbing kacc lann. Jyr jit hxang uanjuann byy qang ee dairjir, viw qencii dirr qu lorsnuar qewue qaixqig qanxdanx jerje, sinx sidai unrdong packuix jiongxjiongw qu sidai juerog, longxx jin' pnaiw qaiw. Ixx ihak jyr le, guaw jin' siongsinr jingxtew iliauu, jitt jiongw iliauu byy siok, sursit-siong, uanvi ee jingxtew iliauu viw cniurr singsanxsnuar hunkyx iliauu quir jerje, hyhongw qycc kansiap jerje sinx sidai ee liuhingg, iauxx u qang'oo lut'aw sed jingxtew iliauu ee penwqiok, kijar dua vid qimjnii.

U sii guaw qamxqag, 1984 nii guaw singlip ee "qoxbuw tuantew bunqaur qiqimhue (FOUNDATION FOR COMMUNITY ENCOURAGEMENT)", marr si sinx sidai unrdong ee jojid, dirr mow quaw hongbin kaksit si anne. Vauquad gunw soxx diwdang ee qewdadquanx " duiww sinx quanliam kaihongr", dyrr jamxzenn huhap sinx sidai jingsinn, qang jit try qewdadquanx marr qiongdiau "kyxkyr ee sowqur", jex sunzenn si tuantongw kyhak/ kiwgiap qing'ingg ee viaujunw guanjig. Lanw diyh'air dirr jitt dniuu maudunw ee jenwjingx-diongx qencii qauwdew, jiacc erdangr uiho juann tyr qewdadquanx ee uanjingw.

Jingxhap m na byy qanxdanx, ongxongw marr jin' qanlann. Ixx jingxhap quer ee guanjig jyr dairjir, kunwlando qex jiokk quann, benw vutliauw ee tongwkow, qaixqig viw qikbing lann quer jerje. Sinx sidai unrdong cua cud ee si qiuwsiok iacc si tnix ee kenxjig? Diyh'air knuar hiongr qikbing qniaa? iacc si qaixqig huatdenw? tecud ee sinx quanliam si m si teqiong liauw qauwgiac ee kuipuar kexhuad, hro langg guanrir qniaa uann tongwkow ee likdingg, sidjenr giamqeh ee jurlut? be qra ngix-aw ham' sexsinkujuiw jywhuew dyw driau, si qra sinx :ee siongrr hyw :ee ham' qu :ee siongr hyw :ee jinghap jywhuew!!

QIMWIOK , SIUW JINGJED

"Singr" duiww muixx jit xee langg longxx u bunrdee. Ginxaw u, singlenn :ee u, m quanw si duxx singlenn, dionglenn iacc si laurhuer-aw longxx qokk u jurqiw ee singr bunrdee ; dogsinx juxgirjiaw , qethunx :ee, dnuasinx :ee, irsingwluann /dongsingwluann :ee, longxx u singr bunrdee ; jyr jxngx-aw, juixden :ee, kixkyx isux, ludsux, guarkyx isux, simliw isux marr longxx u singr bunrdee, guaw dongzenn byy lergua.

Jitt xee sewqair si jit xee siongrder setqer ee moquiw hunwlenrngiaa, Ix setha qokk jiongw hiamxog ee jiongwgai, jyr bualen lanw ee qauwcaii, qidiongx siongrr lann ciauuat ee jit hxang si singr. Siongrder hro lanw juann zinlui cutsir dyrr jah laii ee cywqag, jurzin u vunxsu kikhok singr bunrdee ee jiongwgai, iongxiuw ingxuanw singr ee buanxjiog. Dongzenn kyxlingg dirr dew siqanx simrjiww jit ~ nng dxangx lai, lanw e qamxqag singr bunrdee jinjniar qaixquad. Mrqycc lanw e venr, jingpnua e venr, iuhir hongsid marr e venr, qetqyw lanw qycc dyrr ui' tauu sethuad ciauuat sinx jiongwgai, suibongw lanw iauxx u hitt jiongw jurzin erdangr kikhok ee cywqag, sursit m si anne. Mrqycc, dirr cir ee quewdingg, lanw yc erhiauw jerje iuxquanx cuiwziok, cinbit, air, ixqibb zuhyy vaixtuad jurluann jingqed ee diwsig.

Guaw dirr simliw dirliauu-diongx, qingsiongg e qenwgi singr-hing'uii ixqingx ham zip hingsid ee angbow, cir siuw jingjed jit dnxua siqanx. Jiwjiyw duiww vorhun ee langg qimwiok/ siuw jingjed si nng diauu e tongx ee lo. Qaxsuw qandna' ui' simliw isux ee libdniuu, guaw marr ixx qywzinn ee qinggiam tecud anne ee qenwgi.

Jin' quw ixjingg, guaw u jit xee siauwlenn luxsingr huanrjiaw, ix u itliuu dairhak poksu hag'ui, vnerjingr si jin' jurdong, vutduan cue langg huatsingx jurqiw byy qac'ir , byy qamxqag songwkuair ee singr hing'uii, gunw jiauwle iong FREUD jingsinn dongrlighak (PSYCHODYNAMICS) ee ciuxhuad, kiwdoo ow cud jit xee vnerjingr ee guan'inx, kiokk byy zimrhyy huathen. Juewau u jit zit, guaw mng ix "qamxx u kyxlingg liw siongsinr uah'ngiaw ee singr sing'uac si simliw qenrkongx ee iauwsor? " "dongzenn lor! Qamxx m si?" ix sui' rinr.

Jitt xee kyxlenn ee luxsingr, diyhh vig jurqiw ham' lamsingr huatsingx vunxlaii byy sniu beh air, marr byy qamxqag hnuahiw ee singr quanhe, jiacc erdangr uicii simliw qenrkongx ee hingsiong. Dirr ix qimwiok snax lexvair au, guaw huad jit dniux jingwbingg ix simliw qenrkongx ee jingwsux, ix jiacc cuanw jit kauw kuir.

Kacc je huer ee angbow marr u jitt jiongw henrsiong. Jap-gua nii laii, u jerje simliw ihak ee genxqiur lunrbunn ham' simliw hagjiaw jixcud, laurlenlangg u singr hing'uii jin' jingwsiongg. Guaw itdit damsimx jitt ee lunrdiamw e sanxsingx uaikig ee qaixsueh, juanqax unxjunw laurhuer-aw erdangr u singr hing'uii ee dongsii, si m si e qiongvig inx bylun air/ byy air, longxx diyhh u singr hing'uii, jiacc erdangr vyxcii simliw ee siauwlenn, u kip'inxlat.

Dirr guaw simliw isux juangiap nirr, bad duw .quer nng duir lau angbow, inx horsiong quanair jin' cimx, mrqycc sianghongx sudexha qra guaw qongw, inx songwsid ham' kanciuw u "singr" quanhe ee cuwbi, sursit duiww zimrhyy langg longxx byy qycc u singr cuwbi, myqycc inx qewsiok huatsingx singr hing'uii, inx zinruii duiwhongx su'iaur. Guaw dyrr qra inx jywhuew cue laii, qongkaix tyxlun jitt ee bunrdee, qenwgi inx "qiwzenn linw longxx byy sniu beh air, dyrr mair ar, qamxx m hyw?" inx naxx cniurr did diyc jit xee liauxvutkiw ee viwbit, inx m bad sniu .quer byy singr hing'uii byy iauwqinw.

Guaw sniu diyc tuandyrsux kixtauu jit dnxua u miaa ee ue "dagg hxang su longxx u dingrqii, tenha banrbut u dingrsii, … u py ee sii, u m tangx py ee sii." Jex si huisiongg cimkig ee sewsiok diwhui, marr si simlingg diwhui. Singr si siongrtenx sur lanw ee hyw lexmic, jex m si dairviauw dirr soxu ee jetquir soxu ee sihau longxx sikhhap soxu ee langg.

Zimrhyy iuxquanx singr ee tyxlun-diongx, nng xee langg ham' siongrder ee singr quanhe jitt jiongw quanliam kyxlingg siongrr hro sewsiok qniax ee. suibongw lanw siongsinr cavutdyx soxu ee langg longxx e dong'ir, lanw ham' siongrder siongrr zedlet ee quanhe ingwqaix si sriok longrban aiwjingg, kyxlingg ee jitgii, jitt jiongw quanhe si m si jinjniar kansiap diyc singr, singr kip'inxlat. Jerje langg qencii, bylun singwqingx ee jingsix , SAINT JOHN siaw ee jingsix, qigjingg jixvutqyr si jit jiongw six ee iwsiong. Inx qigqex dong'ir ALSN JONES ee ue, singwair si qau qau qau ee aiwjingg siongrdingx. Guaw sniu jitt xee ue u dyrliw, m si juanvo ee jinsiongr.

DERR JAP-ZI JNIUX BACTEW IOGBONG QAPP SINGWLINGG

Linghunn/ bactew ji' qranx ee quanhe, jerje langg longxx m qongw. Erdangr kir knuar singwqingx "gnaxqyx" jitt qngw qingbunn, kixtauu anne qongw " guan ix iong ix ee cuir laii jimx guaw …" sursit dyrr si jit siuw siongrder ham' sinwdoo ji' qranx duiwue ee jingquax, iuwsiur sewji ciongbuanw jingiok hilang. Jongqaur u jit pair, juanbunn qra singr ham' singwiok uerquix moquiw qaiwquanw, zinruii moquiw iong sik'iok ham' juerog ee bactew inxbee lanw. Dirr jitt jiongw jendee-ha, linghunn/ bactew ui'id kyxlingg ee quanhe dyrr si duiwdik jingjenr, itding u jidhongx ngiaa, jidvingg lyhvai ; mrqycc guaw zinruii linghunn / bactew ji' qranx ee ciongdut, qyckacc cniurr aiwzinn-aw doxkir, iacc si hniadix jixmuai siy' jnicaw, e duer diyc singdiongw dauc dauc qiamwjiyw siaubyy .kir.

Zi-jap sewqiw buew, zinlui u linglik iong kyqix qra qaqi jenr qaxx venr ingiax, mrqycc narr mng singwiok si sniaw, kyhak sui' tad diyc ticvangx ; ui' kyhak qakdo suecbingg, qaixpuar, quancad liongxsingr, si byy dap'anr ee. jiurr singwiok ee vunxjid, kiongxqniax sinue erdangr qar lanw ee diwsig viw kyhak ngiaa quer jerje.

Sinue ee jit xee qivunw juxdee si sinbingg qniax zinlui ciuxduat inx ee derui, sinue-diongx singwvet ee qowsu si jitt xee juxdee ee venwjaur. Sinue qra lanw qongw, puanqow nidai zinlui si lamm/ luw habsinx, inx ee sewlat huatdenw jin' qinw, suacc kiwdoo cinhuan sinn ee lingxhik, sinn dyrr qra langg puawjyr nng vingg, lamm/ luw puawkuix, cunx jit vnuar ee zinlui dyrr byy linglik ham' sinn qingwjingx ar. byy uanjingw ee langg, huisiongg qib beh huehok quewkir ee uanjingw, jixhyw ingxuanw sunqiuu jurqiw ee lingrgua jit vingg, hibang ui' singr ee qethap, jaiww texgiam ham' tensinn luirsu ee hitt jiongw uanbiw hingrhog.

Qinqur sinue ee qongxhuad, singwiok guanjurr byy uanjingw, viauxhen dirr duiqiuu qywtew uanjingw ham' sinsingr. Qangrkuanw ee dingrgi qamxx sikiong dirr singwlingg? Lanw ee sinsingr qamxx m si laii jurr byy uanjingw ee kiamwkueh, viauxhen dirr duiqiuu uanjingw ham' sinqeh?

Dongzenn, bactew iogbong ham' singwlingg byy qang, inx suibongw m si itmoo-itngiu ee siangsnix, kiokk u huec'enn ee viauxcinx, qang jit penr toziangw vue'iongw snitnuar, jex m si sinue, si cingjinbanrdnia ee sursit.

Sursit-siong, duiww jerje langg laii qongw, lxamm-luw qauhap si inx jidsiwlangg siongrr cimkig ee singwlingg texgiam. Singwhing'uii si jit jiongw singwlingg qinggiam, jiacc e jerje langg itdit hiongr jingg snaixmic longxx m qniax, hongwdong hiauhuax duiziog singr ee buanxjiog. M quanw si u iwsig, iacc si byy diwqag, inx jinjniar duiqiuu :ee, qisit si siongrder.

JINGSIX

U jit zit, simlixhak dairsux ABRAHAM MASLOW (1908-1970), simqnuax liac dnia, qongxx ix byy air genxqiur huanrjiaw, beh genxqiur digvet qenrkongx ee langg, arr dyrr si jit-bxan langg jiacc u jit xee, duiww zinsingx sinwsimx jabjiog, cionghunx huathuix amwlinglik, huatdenw jniajyr siongrr uanjingw ee langg. Ix qra jitt jiongw langg hyrjyr "jurgnow sidhen" ee langg, guaw qongxx si "qiongrdongg sidhen". MASLOW genxqiur jitt lui ee langg u jap-snax xee qiongrdongdiamw, qidiongx ji' id si inx longxx qra singr-qydiauu dongwjyr sinvir ee singwlingg qinggiam.

Sinvir dirr jiax m si qandna' jyr hing'iongsuu ziiw, cingx-vah nii laii, sinvir juxgirjiaw ciangjai qongw, jurgnow sixbongg si sinvir singwlingg luxiuu itding diyhh qingguer ee vorsor, simrjiww si jingxqyy luxiuu ee bogviaux. Huatqoklangg qyckacc quanwsir qra singr-qydiauu qongxx si "siyw siw (LA PETITE MORT)".

Singr-qydiauu ee juxquanx pinxjid dongzenn quatding sianghongx ee qamxjingg, zuqyw liw duiqiuu siongrr quann ee pinxjid, siongrr hyw ee honghuad dyrr si cue liw siongrr air ee langg. Tauwquer siongair ee quanhe, drat qaur singr-qydiauu sinvir hitt xee niaxtauu ee jit bak nih, siyw siw naxx sicnar ee siamxsih, lanw juanzenn be qir did jurqiw si sniaw, m jaix dirr dyhh, qyckacc benw qongw sinvnix u langg. Guaw siongsinr jitt kuir-aw, si tuatli sewqanx, lingtew jinwzip siongrder ee qog.

ANANDA COOMARASWAMI (1877-1947) qongw qaxx jin' hyw "qiongrdongg jinwzip qydiauu sii, duiww qywtew horsiong laii qongw, dyrr cniurr jinwzip tenqog qra tenqog ee mngg danr byy.kir qangrkuanw." CABPBELL (1904-1987) si anne qongw "jimwdimm dirr aiwjingg hixqongg ee sianghongx, cniurr qniaa hiongr jewdnuaa ee biyrmngg, soxu qitnax itcer ixqingx longxx byy diongriaur ar."

Singr hing'uii qivunw-siong naxx cniurr jongqaur qinggiam. Mrqycc jongqaur qinggiam qamxx u singr ee singhunx? jurr qxow jerje jingsix hyw jokpinw si cutqelangg siaw :ee, guaw zinruii byy uanjuann si kaxhap. Jap-lak sewqiw SPAIN qidokqaur ywvir sinhagqax SAINT JOHN OF THE CROSS(1542-91), soxx siaw u miaa ee six "amwmee (DARK NIGHT)" :

Jit xee amwmee,

jingair diamw dyc zedluann,

--- Ar! uanjuann ee undenw ! ----

Liamx kax qniaa,

Siwvnix diam cnicnix.

oamr ee vyxho,

Kia dirr lautuix vnix, guijongx.

--- Ar! uanjuann ee undenw !---

bih dirr oamr lai,

byy jit sxix aw kuiwsniax.

Huanlok ee viwbit amwmee,

Byy langg knuawqnir guaw,

sniaw dyrr byy air knuar,

amr amr amr,

simlai hitt pax huew,

ee inxcua,

Viw diongdaur ee zidtauu qyckacc iam,

ix decc danw guaw,

--- hiacc nirr sigsai ee soxjai ---

byy langg e kir hiax.

(juwir xe jed six byy qang singwvet ee qethap : )

Ar! amwmee!

Viw puxqngx sii qyckacc snriaa langg!

Ar! inx qethap ar!

Ham' ix soxx air ee langg,

aiwlangg :ee dirr langg air:ee lairbin.

ar!guaw ee hingkamw, dng' kuix ee hueluiw,

uanjuann uirr ix vyxliuu,

hro ix tex, hro ix unw unw aw kunr

Kinx kinx aw siyh

hongsix-aw cuex quer hniuveh (ciu).

Qaklauu-dingw hongx bibii

Vuew .jit .xe ix ee taumngg,

Jit sxix-aw jit sxix, qaudnii duiww guaw ee amrqunw laii ziu'nngw

Kinx kinx aw diyh diyc guaw soxu ee sinqingx

jurgnow danr quann quann, dimr hng hng,

Ham' dacsimx :ee siy' dah ;

Itcer diamrjing, byy guaw,

iuciuu

kunr dirr vachap nirr

Guaw siongsinr jitt siuw six juewau biysiaw ee si sinvir qethap, kylingg si langg ham' siongrder ji' qranx, marr si bunhak duiww singr-qydiauu siongrr iubiw ee biysueh : "danr driau jurgnow, byy u qiwdir…itcer diamjing…guaw m si jurqiw ar…"

Qinqur guaw ham' huesniu, siuluw ee jiapciog soxx liauxqaiw, siongrr hyw ee huesniu, siuluw longxx si jin' zet air siongrder ee langg, u zidjingg, u singwiok jiacc erdangr zedlet air siongrder, anne ee langg uirjnuaxngiu suanw jiongsinx qimwiok siuw jingjed?

U nng xee guan'inx, derr id, singr duiww qamxjingg quanhe si pywhai ee lat. Itdanr qra aiwluann ee duiwhongx dongwjyr singr-duiwsiong, dyrr e sanxsingx liriong ee qiongdua kinghiongr. Suibongw lxamm-luw liriong langg' ee ciuxhuad byy qang, bingg :ee, iacc si amr :ee, bogdig m si diyh qalew dyrr si jurli.

Guaw dirr "simlingg derdoo" nirr, bad duiww jinair (quanhuaii tnazinn ee simlingg singdiongw) ham' longrbanrair (jurluann ee jit jiongw hingsid) jyr giamgeh ee kuhunx. Longrbanrair ee huanwsiongw jongw sniu qongxx si jysiu aurbuw koxdok ee pnaixmia qoniuu duer diyc ix ee ongjuw, nng xee siy' cua kiaa vec bew, jauw duiww zidtauu lyc snuax anghee muaw tnix ee hng hng hitt vingg kir, cuxau inx hiongxsiu byy langg viw e quer hingrhog ee singr-qydiauu, jex juann si huanwsiongw. Juriuu luanair viw muilangg vyy ee hun'inx, dongzenn horsiong qyckacc u hyw qamw. Zimrhyy sniu qongxx liongxsingr quanhe erdangr qenwlip ingxuanw longrban ee langg, juwdnia sitbong. Sursit-siong, sewqanx ee longrban aiwjingg cue byy ingxqiuw ee sinwgiongw, si jerje bunhuar binrlimm ee landee.

Itvnualangg ongxongw qra kanciuw / jingpnua kuanwjyr siongrder. Iauqiuu duiwhongx buanxjiog lanw itcer ee suqiuu, sur lanw huanrqanx ingxuanw ee tendongg ; jitt jiongw dairjir qinvunw byy kyxlingg sidhen, guan'inx jerje, qidiongx ji' id dyrr si lanw jurqag iacc si byy jurqag huan diyc jap-qaiwling ee derr id qair--- anne qongw "guaw si linw ee siongrder, bersaih junhong zimrhyy qitnax ee sinn ciauquer guaw."

Ui' zinsingr ee qakdo kyxliong, muixx jit xee langg longxx hibang iongxiuw sidjer hingtew ee siongrder, hro lanw m na knuar e diyc, bongx e diyc ix, siongrr hyw erdangr qra lamw, qra syx, uanjuann jiamwiuw. Lanw e qamxjingg ciongdong, byy hxuad kongwjer dyrr qra kanciuw/ jingpnua dongwjyr siongrder, kiokk dirr jitt xee dongsii, be qir did jinjniar ee siongrder.

Jex si sinwhong jongqaur qik kensingg ee langg quatsimx siuw jingjed ee derr zi guan'inx, inx beh itsimx-it'ir air siongrder, byy air zimrhyy su hunsinn. Inx byy guan hro longrban aiwjingg vak diauu, jniajyr gnoxsiong jongvair simtair ee huanrlangg. SAINT AUGUSTINE(354-430) anne qongw "cinair ee jruw, Liw uirr jurqiw congwjy gunw, qandna' ui' Liw hiax, gunw jiacc erdangr cue diyc jinjniar ee anhiyh." Dng' jit xee langg, dagg hxang dairjir longxx zinrjyr ham' sinn jywhuew si siongrr diongriaur ee sii, dyrr byy su'iaur vadd jiongw zinjer quanhe ar.

Guaw byy qoxle dag'ee jiyh siuw jingjed drat qaur simlingg singdiongw. Duxx dywvingw, guaw qoxle singwiok, marr qoxle singr-hing'uii, guaw qaqi qac'ir, marr hnuahiw vadd langg hiangxsiu singr ee kuaiwlok.

Jap-gua nii jingg, guaw uirr jit xee snax-jap-gua huer, lingxqamxjingr ee luxsingr jyr quixarr qywguec ee dirliauu, ix hionghiongg sinr qidokqaur, jniajyr jit xee kensingg ee qauwdoo, guaw u qihue cinbak knuar ix diongrdua ee qaixvenr. Sinr qxaur snax lexvair au, ix derr id vaiw qinggiam diyc singr-qydiauu. si m si kaxhap? Guaw byy anne sniu. Guaw u jit xui vingiuw bad qongw "lanw zinqeh jiangxquanw singr ham' simlingg nng vorhun, inx jre siy' uaw, jit xee air hilang, lingrgua jit xee vitzenn byy kyxlingg simx be gniaux." Guaw siongsinr jitt xee hurluw erdangr juansimx-juan'ir qra jurqiw qaux hro siongrder au, jin' qinw marr erdangr qra jurqiw uanjuann quax hro lingrgua jit xee langg.

Guaw iauxx u jit xee damzim sinjid zinguann ee vingiuw, ix qinvunw dyrr si iong jitt hxang su laii knuar sinr qxaur ee tingdo. Ix qra guaw qongw, jit xee vunxlaii u singr-apjer kinghiongr ee langg, itdanr sinr qxaur au, zuqyw byy siongdong tingdo ee singr-qakcniw iacc si singr qaixhongr jiapsuar huatsingx, ix dyrr u cionghun lixiuu huaigii jitt xee langg sinwgiongw ee cimdo.

Tagjiaw kyxlingg tniax quer bogsux ham' luw sinwdoo luan'air ee qowsu. Sinjid zinguann dirr qigjingg laii ee sii, ongxongw kiamr hongvirlat. Guaw marr diyhh singzin, simliw dirliauu sii, jixiaur huathen ham' guaw sriok qang jit xee simlingg pydong ee luxsingr huanrjiaw, duiwhongx qycc m si lau /baiw, guaw ee sinqingx snuar dyrr air giuw kacc ann lehh.

SNRIAA LANW EE SIONGRDER

Suibongw jin' ho'ngg qniahniaa, gauw zinruii langg ham' siongrder ee quanhe, hamm u jinsit ee singr singhunx. Anne qongw byy dairviauw zinlui tensingx tamx bixsig, si qra siongrder dongwjyr u singr ee junjai, jex ham' guaw quewkir ee sniurhuad u jin' dua ee cavet. Dairhak sidai, guaw siongrr air iong

VOLTAIRE (1694-1778) ee ue "zuqyw siongrder jinjniar jiauww Ix jurqiw ee hingsiong jy langg, lanw duiww Ix ee guarviauw marr jin' u qaur himsiongw ar." dirr guaw sniu .laii, iong sinn/ langg qang hxingg ee quanliam biyue siongrder, qongxx Ix si vec hociux ee laurhuer-aw iacc si Ix si iuxsingr snetnuar ee singbut, hex si siongrr hamr ee, gauw ee siongxsiong, siongrder itding ham' lanw soxx erdangr sniu diyc ee, uanjuann byy qang, qyckacc uixdai. Ix vunxlaii dyrr si hiacc uixdai.

Dairhak cutgiap jiacc je nii laii, guaw huathen liauxqaiw siongrder vunxjid siongrr u iwgi ee hongsid, dyrr si qra zinsingr siongrr hyw ee hitt bin dausia dirr Ix ee srinx-siong, anne henxhen cud ee siongrder, siongrr diongriaur ee digjid si zinsingr. Ix dairviauw siongrr bixhyw ee zinsingr, soxui siongrder jiauww Ix ee hingsiong jy langg, ersaih ui' jitt xee qakdo qaixsueh.

Gauw siongsinr siongrder m na jit kaisiw dyrr jiauww Ix ee hingsiong congwjy lanw, jitmaw iuguann qewsiok anne jyr. Singwqonghue sinhagqax qiamx jogqax ROBERT CAPON (1925- ) jixdiamw jit xee binghenw ee lojib (LOGIC, binghak), siongrder qiwzenn si jiauww Ix ee hingsiong congwjy lanw, lanw si iuxsingr ee singbut, jiyh jitt xee tuilun, siongrder marr si iuxsingr ee singbut.

Guaw dong'ir jitt tyr snax dnxua lunrhuad, duliauw habliw gua, iauxx u jit xee guan'inx, qinqur guaw cinsinx qinggiam gno .diyc, siongrder si iinxiuxjiaw. Ersaih iong "jingzinn" "duiqiujiaw" cuxdai "inxiuxjiaw", liw dyrr e jaix, siongrder singqongx snriaa guaw, guaw bad si jit xee qniahniaa qycc m qamguan ee jairsikluw, itjair kiwdoo tuatdyy. CAPON qycc qongw, jitt xee u kip'inxlat ee siongrder duiww zinlui ee air, ciongbuanw iuxsniaa --- "Ix si siwqer jywjingg (liujingg) ee siongrder".

Siongrder ersaih hro singr henxhen cud cniurr cuanxkuir / jiahvng hiacc sewsiok. M na anne, qycc qra singwlingg buah kiw kir, gauw siongsinr, Ix diauqangx jiyh jitt xee hro lanw damx diyc Ix ee jubi, Ix siongrr juxiaur ee bogdig si beh qra lanw snriaa qaur Ix ee sinvnix. zinrding siongrder si u singwvet ee, lanw dongr be diauu Ix ee kip'inxlat, qisit jin' huhap tuantongw lamsingr ee hingsiong. M quanw anxjnuaw, naxx cniurr FRANCIS THOMPSON (1859-1907) ee six "tenqog lahqauw (THE HOUND OF HEAVEN)" ee qongxhuad, Ix iong siongrr dua ee jingsinn duiqnuaw lanw, lanw marr iong siongrr dua ee kuiwlat vniawmia dyy. Juewau lanw hro liac .diyc, virr vig qaixvenr singwgiongw ee hitt sii, byy itding e hnuahiw qaxx dua sniax huah hixlok, byy itding qycc qamxqag jin' suex, lanw virr liac jingg, sriu Ix ee vauuii, jauw byy lo, bih byy xui, hro Ix liac kiw laii, jit diamw aw dyrr byy qihue tuatsinx ar.

Siongrder m si javox ee, marr m si jabow ee, singwvet duiww Ix laii qongw sniu ec lor, Ix itdit ziog lanw, Ix beh air lanw, Ix duiww lanw ee air kuah qycc cimx, ciauquer lanw ee siongxsiong, bylun lanw jau zuarr qinw, zuarr hng, Ix dyrr si beh did diyc lanw. M quanw lanw u zuarr je, jex qycc hex ee jiyckauw, py diyc naxx jurluann byy sniax ee dexkongr, qywzii ee qunwqiong jaxban longxx e qetsog, lanw jiongbuew diyh'air simx-qramx-jxingg-guan qaixhongr jurqiw, dirr Ix ee binrjinn ngar tauu dauhangg. Jex si guaw simlingg singdiongw ee jongqaur ham' singwlingg ee texgno.

QETBUEW

QAQI LYC VUII HRO JURQIW

Muixx jit xee langg longxx si ligsuw ee diongqanlangg, dirr ligsuw ee dua hyy-diongx vnuaenw qokk jiongw qaksig, u langg vniawmia duisuii ligsuw ee diauliuu qriuu sinx, qriuu venr, marr u langg duer be diyc sidai ee kavo. Qaur dnaxx, be jiyw langg zinruii Bixqog ee simliw ihak u vit'iaur qaixvenr. Quewkir zi-jap-go dxangx laii, Bixqog simliw iliauu cuthen jit jiongw qyckacc cingcyw ee "mosid", dyrr si itdit qiongdiau jingsinn vnerjingr ee limcngg anwle ham' singbut insor, qitnax ee insor suacc byy beh cab.

Guaw duiww quewkir sir-jap dxangx laii singbut huawhak qniax langg ee jinwvo, ixqibb dirr dirliauu, liauxqaiw simliw vnerjingr hongbin, cimuanw hongrhenr, jit sud aw dyrr byy jecdi ee iwsur, qyckacc m qnaw hiyxding jitt xee lingxhik birlaii kyxlingg ee huatdenw. Mrqycc simliw isux ham' singbut huawhak qniaa liauw sniu' qin, hro jerje langg iusimx vutanx, lanw quawlu ee si, simliw iliauu dirr bogjenn ee cuxqingw-ha, m na berdangr dirr simlixhak ham' zinjer quanhe… dringw hongbin u zimrhyy denxbong, dendyww binrlimm songwsid qiwiuw diwhui ee diongrdua guiqix

KNUAR BE DIYC :EE

Guaw qensinr dirr budjid ee viauxbin ha, kaksit junjai knuar be diyc ee surbut sunrsi, m na zinsingr jurzenn qiawbang ham' jitt xee sunrsi dadsingg hyhaii, qisit jitt xee knuar be diyc :ee, marr juxdong decc cue lanw. Jitt jiongw sinwliam jyrsingg ee qetqyw, dyrr si guaw siongsinr muixx jit xee langg longxx u lingsingr sing'uac, cniurr muixx jit xee langg longxx u amwiwsig, bylun u qac'ir iacc si byy iwair. Suibongw jerje langg byy diwdang, hiyxding, dypiah jitt xee knuar be diyc ee sunrsi, jex byy dairviauw inx byy lingsingr; jixvutqyr inx decc siamxtuad henrsit. Marr kyxlingg u langg qongxx jurqiw si bysinlun, hiyxding siongrder ee junjai, dongsii qycc zedlet siongsinr jinliw, bixle, siarhue jingwgi, jiaxee mic benw qongw marr jaix si knuar be diyc sunrsi ee jidvorhun, inx uirr jitt xee sunrsi henwsinx ee zedjingg, simrjiww ciauquer qowding kir qauwhue, jurhuersow, cingjinsi(MOSQUE), biysi ee langg. Anne lanw erdangr qongw, langg si lingsingr dongrbut ; gauw zinruii byy beh qra langg dongwjyr lingsingr dongrbut ee simliw ihak, juwdnia diyhh sitvai.

Simliw isux narr m jaix beh anxjnuaw jo jingsinn hunlec jitt jiongw banrsingr simliw huanrjiaw, ongxongw zinrding inx si byy iyc rix ar. lanw marr e iong jitt jiongw taiwdo duiwtai diwlingg jiongwgai :ee, laurhuer-aw cigaii :ee. mrqycc guaw kaksit bad knuar quer virr jinxduan laurtue ee huanrjiaw kakding au, simlingg ee singdiongw iuguann jin' dua.

Dysor simliw isux byy linglik hunven simlingg si m si qenrkongx, dyrr berhiauw teqiong zimrhyy jicii / vyxcii/ qaixsen qenrkongx simlingg. Mrqycc qinrnii laii simliw iliauu ee juangiap kanbut, dingx cud quiw pnix dirliausux siaw ee lunrbunn, inxcua jit sxix aw qngx, inx dirr limcngg qinggiam huathen, qoxle vnerlangg camqax qenrkongx ee jongqaur, lingsiux uahdang, erdangr binghenw tee quann ingwhau.

Jap-go nii jingg, guaw ham' kanciuw LILY u jit xee qihue, dirr jit qingx siudyngi damzim simliw camsiongg qowbun. Jerje siuluw huisiongg binghenw dair diyc simsinx sitdiauu, qauwhue m jaix beh anxjuanw cuxliw. Guw jit vxenr qycc jit vxenr qra jurjip dirr ngidniuw vanrqongsid qra zi-jap-gua xee siuluw qongw "cniaw linw tniax cingcyw, linw longxx sriu quer qydingw qauwiok, qidiongx jerje langg qycc u poksu hagui, qaix si erhiauw qar langg air, simliw dirliauu ee juanqax jiacc driyc. Linw si siongrr u juqeh horsiong qaixquad jitt hongbin bunrdee ee tuantew." Inx m siongsinr. Itjair huanxvog :"guanw m si juangiap zinjaii, gunw sriu quer ee hunwlen m bad qar gunw zuhyy hunvet bactew/ simliw/ simlingg ee cavet." Gunw iong zi-jap-sir diamxjingx ee damue, iauxx si byy jit diamw aw jinwdenw, juewau jit xui qenwsip siuluw qongw "narr qongw guaw byy tniax m driyc, linw ee iwsur si, simliw isux ham' ter langg jyr simliw dirliauu :ee, qivunw-siong dyrr si jit jiongw qywzinn ee jinwsiux." Gunw sui' hnuahiw qaxx dua sniax qongw " liw tniax u ar !" qetqyw jitt vaiw qowbun ee kangkuer jin' singqongx.

Guaw beh qiongdiau, soxui simliw isux ee jinwvo, qivunw-siong dyrr si jurgnow jinwsiux ee linglik, narr byy singzin jurqiw dirdecc qniaa jit dnxua simlingg luxdingg, jinwsiux dyrr e quewdo disingr, qosyr bybi. Lingrgua jidbin, narr erdangr zinrdix jurqiw kaksit decc qniaa jit dnxua simlingg luxiuu, anne jurgnow jinwsiux dyrr e u dua siusingg, m na duiww jurqiw hyw, vnerlangg marr erdangr did diyc lxi. Jitt xee diongqanx ee huatdenw u jerje qakdo/ jancur ee kyxlingsingr. Isux kyxlingg viw vnerlangg jinwvo kacc qinw, ix simrjiww kyxlingg tuatli simliw iliauu, juanxhiongr cnesox ee sinx lingxhik. Mrqycc duiww isux, vnerlangg jingxtew haurqyw longxx qyckacc hyw. Siongduir ee, hiyxzin simlingg sing'uac ee isux, qaqi ham' vnerlangg ee jinwvo longxx jin' ec qycc sriu jewhan.

SIMLINGG LIGSUW

Diwdang simlingg ligsuw, guaw bad hiongr jit xui itliuu dairhak ihak diongsimx ee simliw ihak herjuxzim tecud jitt hxang qenwgi, ix ixqingx kaisiw juwir diyc simlingg bunrdee. Ix mng guaw, "sniaw si simlingg ligsuw?" guaw qaixsueh qongw, hex si lanw decc mng huanrjiaw jit herlet qanxdanx bingvik ee bunrdee :

liw jurr sewhanr dirr sniaxmihngiu ee jongqaur kuanqingw duarhanr?

Jitmaw liw si sinr qang jit xee jongqaur?

Narr m si, liw sinwgiongw dyhh jiongw jongqaur?

Jitt jiongw juanxvenr si jnuaxngiu huatsingx ?

Liw qamxx si bysinlunrjiaw?

Liw qamxx si byy siongsinr u sinn ee m jaix lunrjiaw?

Liw narr u sinr qxaur, liw duiww sinn ee quanliam si sniaw?

Liw si qamxqag sinn jin' tiusiong, li liw jin' hng?

Qamxx si li liw jin' qin, jin' cinced?

Jiaxee quanliam juewqin qamxx u qaixvenr?

Liw qamxx e qidyw? Jinwhingg liauw zuhyy?

Liw qamxx u simlingg ee qinggiam? Duiww liw u sniaw ingxhiongw?

….. dingxdingw ee bunrdee.

Lak lexvair au, jitt xui herjuxzim siaw puex hro guaw, "jingg quiw zit, guaw derr id vaiw qiwlok jit xee vnerlangg ee simlingg ligsuw, ix hencud ee lueriongg jin' si suxx langg m qnaw siongsinr."

Kyxlingg dag'ee qamxqag jin' hnowhenn, jiacc qanxdanx bingvik ee honghuad, gunw uirsniaw jaw byy be caixiong? Siongrr dua ee bunrdee guaw zinruii si simliw ihak qionglet dexjer zimrhyy ham' simlingg u quanhe :ee, inx qongxx si kantuax. Jitt xee bunrdee si m si sniu' kansiap diyc suzinn byy air ho'ngg jaix ee dairjir? Simliw isux si m si qamxqag duiww vnerlangg qowsingg sniu' dua ee uihiap? Sursit-siong, venrlangg jit diamw aw byy qamxqag jiaxee bunrdee e uihiap diyc inx. Inx jin' hnuahiw u langg mng, hnuahiw huedab ; gauw zinruii jinjniar qamxqag sriu diyc uihiap ee si simliw isux. Cniurr jitt jiongw qowding sunmng simlingg ligsuw qanxdanx ee iliauu, m na qaixsen simliw vne ee jinxduan, dirliauu, marr kyxlingg e hro simliw isux qingxqag diyc jurqiw simlingg sing'uac.

Guaw si jit xee simliw isux, jaix iliauu mosid jin' u qewdat, dirr simliw dirliauu lingxhik nirr, guaw marr naxx cnemee :ee bongcue, vniawmai huwcud simlik, did diyc diongrdua ee dudpuar, hibang kox-aw lai qangdoo :ee longxx erdangr tetdew juanxvenr taiwdo. Hibang inx erdangr cimzip tamwtyw qywzinn ee linghunn /simlingg, qingquer suanxdik au, cir lecc qaixvenr, mair qycc uirr qywzinn ee lingsingr bunrdee, qamxqag kunwlann, vutanx, jinjniar binrduir zinlui ee lingsingr, singzin simliw iliauu m na teqiong singhuar hongbin ee dirliauu, marr erdangr qiongqib simlingg ee iongxhun.

huedngw tauu iac