DERR 27 JNIUX
QUTJIC
Derr id ser lansanx hitt hy qutjic ee jxingr, kanwho mrbenw longxx jaix. Narr jaix qutjic ee enqor, qapp quixnarr kuanw qutjic ee iauwqinw jxingr, ixqip kacc siongg decc ing ee dirliauu, jiurr hyw.
Derr id iauwqinw diyhh jaix, jiurr si qiurhwo siursiongx ee langg, mrbenw drir qaur hro ix kacc siongdiong; cincniu siursiongx ee langg, qud duxaxx jric ee sii, ixqingx vutjiw tniar, jin’ qankow, narr byy langg laii jiauwqor, hitt xee koxtangr e qyckacc dang. Kanwho iarr diyhh jaix simxmic kuanw ee qutjic, ingqaix diyhh ing simxmic kuanw ee dirliauu.
Qutjic ee sowinx (素因, Predispoing causes):
1. Siauwlenlangg, qud iauxx bue jniaa ding.
2. Laurlangg, qud kacc cer.
3. Juewqangx, unrdong ee quewtauu; langg dirr dua qikir ee diongqanx juewqangx.
4. Qud u vni :ee, kacc kuair jric.
5. Langg u sinqingvnix, ix ee qud e kacc kuair jric.
Qutjic ee guaninx (原因, Etiology):
1. Si uirdiyhh vuac .diyc, drong .diyc, hitt xee siursiongx ee soxjai qud dng .kir. Iarr u hitt hy siursiongx qapp qutjic ee soxjai byy siang xui, in’ui langg singkux byy lat ee qud kacc kuair jric.
2. Qinbah hutzenn qiux ann, e hro qud siursiong. Cincniu langg beh vuahdyw ee sii, duartuiw jingbin ee qinbah qiux ann, cud lat air benw did vuahdyw, jiurr drir qaur hro cikqaiwqud suar jric .kir.
3. Si cud dirr jurzenn laii :ee, cincniu vnirlangg uree in’ui iamrjingr, hitt xee qud byy lat, acc si in’ui u sinqingvni, iacc si qud snix jingxiongg, e hro qud qaqi dng .kir.
Qutjic ee hingjong:
1. Qanda’ qutjic, dirr puehux longxx byy sunxsiongx, qiyr juer dansunsingr qutjic (單純性骨折, simple fracture).
2. Siursiongx ee soxjai, qutjic, puebah u congwsiongx, qiyr juer hogjabsingr qutjic (複雜性骨折, compound fracture; derr 212 doo).
Qutjic ee kinx-dang hunx snax dringw:
1. Qutjic dng qaur li, qiyr juer uanjuann qutjic (完全骨折, complete fracture; derr 219 doo).
2. Qutjic iauxx bue dng .kir, qiyr juer vut’uanjuann qutjic (不完全骨折, incomplete fracture derr 213 doo). Jex kacc siongg si sewhanr ginxaw jiacc u jitt hyw.
3. Qud ixqingx longxx puawcuir, qiyr juer hunxcuir qutjic (粉碎骨折, comminuted fracture derr 214 doo).
4. Qutjic ee kuanxsid qapp vorui, hnuaii, kia, siaa, S zri, T zri, Y zri.
Qutjic-buew ee luxhap qaur hyw ee sunrsu, dairkair si jiauww erdew: Qutjic liauxau dirr nng vingg jihqud ee diong’ngx, narr sna’ uaw hyxser, dui’ qutbuew soxx lrauu .cud .laii ee huih e qending, juer qiyy, hro siangvingg ee qutsinsnix sewvaux laii juer bacgee jojid, laii sna’ lenn. Jiaxee sinx snix qud ee sewvaux dairvorhun, si dui’ qutmoc laii snix; siyxvorhun si dui’ qud, qapp qetdewjid laii snix. Jitt xee sinx snix qud si nngw, diyhh qingquer kacc quw jiacc e vniwjniaa ding qud. Soxiw kanwho ee langg dirr jitt xee diongqanx, beh hro vnirlangg ee singkux dinxdang, diyhh siyxsimx jiauwqor. Qud luxhap ee kuanxsid, knuar derr 215 –217, 218 doo jiurr liyc aw e jaix.
Qud luxhap ee sizit ee jerjiyw, jiurr diyhh knuar hitt xee qud duarser ee jingcax laii hunved; cincniu ciuxjingxtau’aw ee qud, dairkair diyhh snax lexvair quw, jiacc e tangx jriab qaur guanjuann; narr duartuixqud, diyhh jap lexvair, acc si kacc quw, jiacc e did tangx jriab qaur jiaujngg. Iarr diyhh hunved siauwlenlangg qapp lau :ee, in’ui laurlangg ee qud, kacc yh sna’ lenn. Dirr jiax soxx qongw ing snax lexvair, acc si jap lexvair, vutqyr qanda’ e jiong’ qud jriab hro ix snajiahcing, narr air did hro ix qapp hyw qud siang jit ngiu, diyhh quer lak guehzit quw.
Qutjic ee soxjai, ursii puee nirr suizenn be dua huai .kir, jongw .si qin hitt qix qud ee qinbah, qetdewjid, dikkag longxx siursiongx. Uree dui’ guarbin knuar, puee nirr longxx byy siyxkuaw u sunxhuai, mrquxx lairbin ee qud ixqingx dng, hitt xee qinbah, qetdewjid, tangx jaix iuguann u siursiongx. Jitt xee enqor, ursii hro hitt xee jric ee qud ee xmii (derr 219 doo) dirr lairbin laii ler laii ler kir, m danna siongx diyc qinbah, qetdewjid, lenrr huicqngw, sinqingx, qapp jongrkir; jitt xee lixkir quanhe dirr dirliauu ee huatdo, si vutjiw iauwqinw, m tangx m jaix.
Jingwjong: 1. Siongx.
2. Qud kacc kuair dinxdang.
3. Narr bongx diyc dirr qutbuew u cud sna’ buaa ee sniax.
4. Vutjingr ee uirdir (不正位置, deformity).
5. Tniar, qapp quanlingg joxgai (官能阻碍, loss of function).
6. Ing X qngsnuax jiyr, jiurr e jaix jric ee soxjai (derr 220 doo).
Jit soxjai venr ix ee hingjong, cincniu u jit soxjai in’ui huih siap .cud .laii, acc si huat’iam ee enqor, acc si siongx ee qud jriab liauw be vnijniar, hitt xee hingjong quexvnir ee kuanw. Ursii knuar liauw kacc dew, cincniu jitt kax viw hitt kax kacc dew, acc si jit qix u uankiaux.
Unrdong ee kuanxsid qapp vingsiongsii u qyc’ngiu, cincniu ciuw be qiac .kiw .laii, acc si be qnialo. Anxnix jaix vnirlangg ee qud u jric acc byy, isingx ursii ing ciuw laii bongx ix siursiongx ee soxjai, hro ix dinxdang, anxnix laii cir ix ee qud u sunxhuai acc byy; bongx knuar hitt xee siursiongx ee soxjai, narr liyc aw u sna’ buaa ee qamxqag, jiurr tangx jaix hitt xee qud dniardiyc ixqingx dng .kir. Jongw .si kanwho ee langg narr duw diyc jitt kuanw ee vni, diyhh hro siursiongx ee soxjai anjing, m tangx hro ix dinxdang, qaur isingx laii knuar.
Ursii siursiongx ee qud, jriab liauw byy dit, hitt xee enqor; in’ui byy duxhyw hap dirr hitt xee huatdo; ursii longxx jriab byy hap (derr 217 doo); ursii jric ee qud hitt nng tauu, si ing qetdewjid lenhap lehh. Ursii jriab liauw m hyw, qutjix ee soxjai cincniu quanjad, qiyr juer qew quanjad.
Dirliauu qapp kanwqor ee hxuad:
Dirr jiax beh qongw kiw: 1. Qiuwqiphuad, hro duxaxx qutjic ee vnirlangg, mrbenw hro ix qex sunxsiongx.
2. Qrngx vnirlangg ee huatdo.
3. Virvan vnirlangg beh dyw ee bincngg, qapp andir vnirlangg ee hxuad.
4. Dirliauhuad, jiaphap jihqud, qapp diyhh ing simxmic kuanw ee huwbok ee hxuad.
Narr kanx acc si cah vnirlangg, byy jamxzenn siyxsimx, diyhsiongx hitt soxjai lairbin ee qinbah qapp guarbin ee puee longxx e hro hitt qix jric ee qud ee miqag ler pnaiw .kir; qycc narr byy siyxsimx laii qrngx, e hai diyc huicqngw qapp sinqingx, longxx e in’ui anxnix sunxhuai.
Narr hro vnirlangg dinxdang, dikkag diyhh u jit langg juanjuanx laii jiauwqor hitt xee diyhsiongx ee soxjai. Suizenn si siyxkuaw, longxx m tangx liyc aw cywgo, laii drang .diyc. Narr si kaqud siursiongx, jiurr byc did hro ix nng qix kax dui .lyc .laii. Huatdo si ing nng qix ciuw cud lat, lrak dnia jihqud ee siangvingg, jit ciuw jit vingg. Dirr qiuwqib ee sii, narr byy duxhyw habsig ee huwbok, ingqaix diyhh jiong’ vadd mic laii ter. Cincniu sampuee, caqunr, horsnuar, ceh, sauwciuw, qau juaw, qapp itkair soxx u kacc gnirjid ee mic, longxx tangx ing. Narr byy pingdu
R, jiurr ing ciuxqinx, iarr mrbenw kudiyc ing simxmic kuanw ee pingduar; dagg hxang tangx jiamrr tewing (derr 221 doo).
Narr si jit kax qutjic, hitt xee siursiongx ee soxjai ing mic vaux hyw, iarr tangx ing hitt qix hyw ee kax laii juer huwbok, jiong’ nng qix kax juer jit xe kunw .kiw .laii (derr 222 doo).
Vnirlangg ee ijniuu, dirr qiuwqib ee sii, mrbenw qra ix ngua, qaur i’ngi liauxau, jiacc siyxsimx qra ix trngr .kiw .laii, m tangx kap diyc siursiongx ee soxjai.
Narr si langg ee ciuxqud jric .kir, kiokk tangx qra ix cah lehh, hro ix qaqi qniaa. Narr si kaqud jric .kir, diyhh sethuad laii ing qrngx :ee (derr 224 -- 225 doo). Vnirlangg singkux-xe diyhh qruew hro ix vnii, hro ix jai, m tangx ing e dinxdang vangx, acc si be jurjai ee mic; iarr diyhh hro vnirlangg dyw hro vnii jiacc tywdongr. Diyhh qra siursiongx ee langg qah hro siyx, byc did hro lingw .diyc.
Diyhh congr bincngg hro vnitnaw, m tangx hro e dinxdang. Hitt xee qin dirr kax ee soxjai, ingqaix diyhh viw qin taukag ee soxjai liyc aw kacc qnuaii. Dirr ziok’aw-xe diyhh he vangx hro ix jurjai.
Qra vnirlangg trngr snxax, dirr ix soxx dyw ee vangx, acc si dirr vnircngg longxx e ing .did. Diyhh dairsingx dui’ hitt xee byy siursiongx ee ciuw acc si kax laii trngw .kir .laii, trngr liauw diyhh sewzi ban ban qra he bincngg. Diyhh urvi jimxtauu, suadeaw qapp huwbok.
Jingxdunr ee huatdo, ingqaix diyhh jiong’ siursiongx ee qud, jiauwqu duir hro hap hap, ing huwbok laii kunw hro hyw, hro ix longxx be siyxkuaw dinxdang suaw kuix, hitt xee qud qaqi jiurr e singdiongw laii luxhap. Idi qutjic ee sii, isingx ursii hro langg pnri bajuiwiyc, anxnix kacc kuair ciauu.
Huwbok u nng kuanw, jit kuanw si gni :ee, jit kuanw si nnngw :ee. Gni ee huwbok si ding ee mic juer :ee, tih qapp caa ee lui, ing habcuiwqyliamvor, qapp pingduar, vak dirr vnirlangg siursiongx ee soxjai. Nngw huwbok si jit kuanw, e jiauww sintew ee hingjong, hitt hy huwbok. Piwlun qutjic ee soxjai guanvunw si byy vni, narr ing gne ee huwbok dniardiyc si byy habsig. Hitt xee qutjic ee soxjai, ciauu hyxser liauxau, ing nng xee huwbok, qnuaxqinw jiong’ siursiongx ee soxjai kunxvak hro hyxser, hro hitt xee byy vni diyhsiongx ee soxjai e hap juer duir, tingwhau ix dax ee sii, qaqi jiurr e qengni .laii. Jitt kuanw ee huatdo, narr ing dirr singkux byy vni ee soxjai, jiurr si cincniu ing ciuw qra ix gnec uaw .laii ee kuanw.
Gooch .sri ee huwbok si vyc qycc ec ee vangx, liamm dirr vor nirr, lirven tangx hab auw acc si tangx qrax, jiauww singkux ee jiuuii (derr 226 doo).
Bylun ing simxmic kuanw ee huwbok, diyhh dairsingx ing mihuex qapp vor, jiong’ siursiongx ee soxjai vaux hro hyw, jiacc ing huwbok laii kunw hro ann.
Caa juer ee huwbok urvirhuad:
1. Jiauww isingx soxx huanhur ee hingjong juer jit pnir vangx tangx juer huwbok ee loring.
2. Jiong’ vangx sew cingkir, pak hro dax.
3. Diyhh tec jit diauu nng qycc iongw ee vehvor. Jitt xee vor diyhh viw soxx beh ing ee vangx qec kuah snax vxue. Jiong’ mihuex pox vnii dirr vor ee dingxbin; lairbin vaux damrvyc comii e qyckacc singw. Jiacc jiong’ vor ud uaw laii vaux mihuex. Mihuex diyhh duxhyw, m tangx qetnix, acc si qiamxjiyw. Jiacc jiong’ vor ee siyqapcuir vrangg bat, siangvingvnix diyhh viw vangx kacc kuah damrvyc tangx ud uaw. Tni hyw, jiacc vingw vingg jiong’ qapjua deh dirr vangx ee diongqanx. Aurlaii ing soxx cunx ud .quer .laii ee vor, vrangg diauu dirr vangx ee aurbin. Qycc siangx tauu buew diyhh liong viw vangx kacc dngg damrvyc tangx ud zip. Virvan hyxser mihuex m tangx sniu’ ding, acc si sniu’ nngw. Kanwho diyhh dairsingx lenrsip, qaur beh ing ee sii jiacc e jiujir.
Nngw huwbok si ing puee :ee, iacc si ing jnix juer :ee, acc si ing jiyhqypingduar (石膏) jiurr si plaster of Paris.
Jiauwqor qutjic ee vnirlangg, siongsiongg diyhh siyxsimx jimjiog knuar diyc tauw kuix .kiw .laii, acc mrbenw, diyhh singx qongw, jiacc tangx. Narr si vnirlangg qongw tniar, acc si in’ui vak liauw sniu’ ann, diyhh qra isingx qongw. Narr vak sniu’ ann huicqngw be liutongx, acc si jingw .kiw .laii, ixqip dngw cnisig acc si deh diyc sinqingx hro ix bavir; narr jaix jitt hy ee dairjir, diyhh qnuaxqinw qra isingx qongw. Narr byy sewzi e snix siongx, cincniu ziogsiongx ee kuanw. Jitt hy diyhh sisiongg dihongg.
Iauxx bue ing huwbok qah dirr vnirlangg, narr e ing .did, diyhh singx ing satbun qapp siyx juiw sew kax acc si ciuw, crid hro ix dax, jiacc ing zinci oxidum hunw qapp acidum boricum hunw syx. Narr beh ing habcuiwqyvor, diyhh sing tir kaciuw ee xmngg. Narr u puawpuee, diyhh jiauww isingx soxx huanhur ee iyc, cincniu unguentum zinci oxidi iuu qra ix qoo.
Beh congr huwbok hro ix diauu, ursii ing kacc iongw ee pingduar, se’ngiuvor, acc si habcuiwqyvor. Ursii ing jit qix huwbok, ursii ing nng~snax qix, jiauww qir dirr erdew.
Huwbok ee quiquw: 1. Hitt xee quanjad dirr siursiongx ee dingbin vingg, qapp erbin vingg diyhh diamrjai.
2. Ciuw qapp kajngxtau’aw m tangx kamr bat; dui’ ix ee sikdi, qapp siyly, e tangx jaix huicsunkuann ee kuanxsid. Jngxtau’aw narr cnilamsig, acc si lingw, pingduar diyhh tauw kiw laii knuar.
3. Narr e benw .did, m tangx jiong’ pingduar dnii dirr huwbok qapp suwjix ee diong’ngx.
4. Vutdongranvyxhuad (不動安保法, Immobilisation): Narr beh hro suwjix diamrjai, ursii ing suadeaw he vnix:a, acc si ing jit xee dnii dirr huwbok. Narr si kax, ursii ing jit xee digvet ee qxer, qra ix diaur puu (derr 227 doo). Narr si ciuw laii vak dirr jimxtauu iarr hyw.
5. Diyhh sisiongg caknuar huwbok u duxhyw acc byy.
Kacc siongg ing ee huwbok si dit dit :ee, aurbin :ee, lairbin u qag :ee, guarbin u qag :ee.
Dit dit ee huwbok (Straight splint, derr 228 doo): Uree kacc dngg, uree kacc dew, ix ee qau si 1/4 jiww 1/2 cunr, kuah 1 cunr jiww 6 cunr. Ix ee jok’iong si quixnarr kuanw. Narr kacc ec kacc dew :ee, tangx ing laii qah jngxtau’aw. Iarr kacc dua :ee, ing laii hro quanjad diamrjai, cincniu diuxquanjad, ziau’nguaxquanjad, cikquanjad. Narr beh ing, kacc siongg si qah dirr kutqinx jitt bin (屈筋, flexor surface). Jitt hy dit dit huwbok ursii jingpog qutjic decc ing, jit qix dirr jingbin, jit qix dirr aurbin. Jiaxee huwbok ee dngg, si dui’ diuxquanjad ee dingbin vingg kiw, jiww jngxtau’aw ee tauu jad uijiw.
Ursii harjix diyhh hro qui’ qix diamrjai, cincniu duartuiw qutjic; narr anxnix, ursii isingx ing dit dir huwbok dui’ qyc’erkangx kiw, qaur kax qycc liong si go cunr uijiw. Jitt kuanw kacc siongg qiyr juer dngg huwbok. Dnii jitt hy dngg huwbok ee huatdo, diyhh ing kacc kuah ee duar, dnii dirr singkux nirr, iarr jiong’ 8 zri hxingg ee dnihuad, dui’ kaaurdnii qaur duartuiw. Diyhh dnii qaur siursiongx ee erbin. Siursiongx ee soxjai, m tangx dnii bat. Ursii ing huwbok, iarr suar ing kan’inxhuad.
Aurbin huwbok (Back splint): Si ing jit pnir dit dit ee sxamx, kabuew diyhh congr jit der kia dit, tangx kuer kajniuxdew. Ix ee jok’iong si beh idi kax qutjic, acc si vadd mic kax ee vni. Narr qingrqud, acc si huiqud u jic, huwbok diyhh qauwgiac dngg quer cikquanjad hro ix diamrjai. Dirr kabuew ee sxamx, u ow jit kangx, tangx hro kaaurdnix benw kuer diyc sxamx. Dirr kaaurdnix dingxbin hitt diauu dua diauu qinx (Tendo Achilis) diyhh ing mihuex ju lehh, hro kaaurdnix be kuer diyc sxamx. Dnii pingduar ee sii, kaaurdnix m tangx kamr bat, in’ui diyhh sisiongg sunn, qniax liauw snix ziogsiongx.
Ursii kax ee siangvingvnix, iarr ing nng pnri dit dit huwbok hro ix kacc jai (derr 229 doo); ursii ing digvet ee kiwqu laii diaur kax hro ix lirpuu (derr 227 doo).
U qag ee huwbok, si ing dirr siongrjiqud, air hro diuxquanjad qiux .kiw .laii, qycc e diamrjai (derr 230-231 doo).
U quixnarr kuanw digvet ee huwbok, dirr jiax be benw did diyhh qanxsingw qongw.
Carr .sri ee huwbok: Jitt xee si beh qah jingpog qutjic kuanw jric ee dirliauhuad, (derr 232 doo).
Kanxinxhuad (牽引法, Extension):
Ursii idi banrsingr quanjat’iam (慢性關節炎), qutjic, quanjad tuatku (關節脫臼, dislocation of joint), isingx diyhh ing jitt hy kaninxhuad. Jitt hy kaninxhuad ee lixkir, si beh hro u vni ee soxjai, siyxkuaw sna’ li, kacc be siy’ buaa, kacc e diam diam jai jai.
1. Diyhh isingx jixding dui’ dyc’ui qaur dyc’ui ing habcuiwqyvor (合口膏, liamvor, adhesive strapping).
2. Diyhh urvi jit pnir sxamx vnuar cunr qau, hitt xee kuah diyhh liong viw vnirlangg ee kacniuw qex jit cunr kuah. Diong’ngx diyhh jngr jit xee ngikangx. Jitt pnir sxamx qiyr juer dahdingr (踏鐙, stirrup); in’ui viw kax kacc kuah, soxiw hitt xee vor kacc be deh diyc lairkuar qapp guarkuar.
3. Diyhh nriuu dui’ dingxbin habcuiwqyvor beh liamm ee soxjai kiw, qaur kajniuw erbin liong sir cunr uijiw.
4. Habcuiwqyvor diyhh qrax jit diauu viw duxaw soxx nriuu :ee dingvue dngg, qycc diyhh liong damrvyc, tangx dnii quer hitt der dahdingr; jitt diauu vor diyhh viw dahdingr kacc kuah uaw jit cunr.
5. Jitt diauu vor diyhh cux dirr dyh-dingw, liamm ee qoiyc hitt bin diyhh ngr jnriu dingxbin. Hitt der dahdingr, diyhh duxduxx he dirr vor ee diong’ngx. Qycc ing damrvyc lingrgua jit der ee habcuiwqyvor, jiong’ dahdingr qapp hitt diauu vor dairsingx liamm diauu.
6. Diyhh qycc qrax habcuiwqyvor quixnarr diauu, nng cunr kuah, iarr qauwgiac dngg tangx dnii quer kax; cunx sir cunr dngg tangx vnruar(?) laii sna’ tac.
7. Kax dairsingx diyhh sew, crid hro ix dax. Narr u kamngg diyhh tir .kiw .laii.
8. Hitt diauu dngg ee habcuiwqyvor diyhh hangx hro ix siyx, (diyhh sewzi m tangx tngr diyc vnirlangg), laii liamm dirr kax ee liongxvingg. Diyhh ing mihuex ju dirr ciokquanjad ee siangvingg. Habcuiwqyvor diyhh liamm hro dit, m tangx uaicuac. Dacdingr diyhh li kajniuw sir cunr hng.
9. Hiaxee kacc dew ee habcuiwqyvor, diyhh liamm dirr guarbin, hro dngg ee vor e diauu. Jiacc ing pingduar dnii kax, dui’ kavnuaa qaur kax jiauu kamr bat; kaaurdnix m tangx kamr bat. Hitt diauu dngg ee habcuiwqyvor ee dingxbin hitt diauu, diyhh crunx .cud .laii, liong nng cunr dngg tangx auw quer laii vor ee guarbin vingg; iarr qycc ing jit diauu pingduar, dirr jiax dnii nng~snax linr, hitt xee liamvor kacc be lud .lyc .kir (derr 233 doo). Narr anxnix juer, decc qrax dngg ee habcuiwqyvor ee sii, diyhh liong kacc dngg nng~snax cunr.
10. Diyhh jiong’ kax he duxduxx hap ee vorui, narr ing jimxtauu acc si suadeaw he kax-xe, acc si kax-vnix iarr hyw,
11. Jiong’ jit diauu iongw ee syh-aw cngx quer dahdingr nirr ee kangx, iarr pah jit xe qad hro ix diauu.
12. Jiong’ hitt xee qudciax (滑車, pulley) qapp hro diauu ee mic he bincngg-buew hitt vingg.
13. Bincngg ee kax uaw kax hitt vingg, diyhh kuer qnuaii, hro vnirlangg be lu(lux?) .lyc .laii.
14. Jiong’ dahdingr ee syh-aw he qudciax-dingw, iarr jiauww isingx soxx huanhur ee dangrliong ee dui’aw, congr hro ix kaninw (derr 234, 235 doo). Isingx narr byy huanhur, jitt xee dui’aw, m tangx tec .kiw .laii.
15. Jiong’ jit xee lirpuerqer he kax ee dingxbin, hro pue be deh diyc kax.
Juwir: Juer kaninxhuad ee sii, u sir hxang iauwqinw diyhh sewzi, jiurr si:
I. Hitt xee dui’aw kaninw ee lat, diyhh qapp kax siwjniaa dit dit.
II. Hitt xee dui’aw, m tangx kap diyc mic, acc si duw dirr tokax.
III. Vnirlangg ee kax, m tangx kap diyc dahdingr, acc si bincngg-buew.
IV, Vnirlangg ee kax, m tangx hro ix jingw; acc si hiaxee habcuiwqyvor, m tangx hro deh diyc jiokquanjad liongxvingg ee lairkuar qap guarkaur.